محتوى القصة
دخلات للدار من بعد ماحلات ليها الخدامة.. كانت فايتة المغرب.. ماسخات لا بشيماء لا بنتها.. وكأنها كانت محتاجة غي تشوفها باش تفاجا.. حتى من ملامحها وتعابير وجهها تبدلو وبانت عليهوم الراحة.. كلسات قبالة التلفزة كترتاح .. ضربات يديها للصاك جبدات باكية دكاميل .. خرجات سيجارة وشعلاتها.. حتى وقفات عليها الخدامة..
-نجيبلك شي حاجة اختي سعاد؟
ساطت الدخان فالسما.. وصغرات عينيها.. كتسكاني فالخدامة.. يالله تحلو ليها العينين وبدات تبرگگ.. كانت بنت باقا صغيرة تعطيها داك عشرين.. عامرة وبيوبضة.. مكحلة عينيها ودايرة الماكياج.. خدات وقتها الكافي فقياسها ونطقات..
سعاد: سميتك؟
جاوباتها باابتسامة عريضة..
-ماريا..
سعاد: جابك الرايس ولا شي واحد من معارفو؟؟
ماريا: جابني السي نوردين..
سعاد: مزوجة؟
ماريا: هادي عام باش طلقت!
سعاد: (علات حاجب وهبطات لاخور بتشكيك) فين كتعرفي نوردين؟
ماريا: كنت خدامة عندو فقهوة دالشيشة ومن بعد جابني لهنا..
سعاد: (جمعات الوقفة) اممم.. غاتمشي تسخري ليا..
ماريا: (كدور فعينيها) ماكاين تا حانوت هنا..
سعاد: (ضربات يديها للصاك) غاتهبطي للمدينة مع الشيفور.. غادوزي عند العشاب.. جيبيلي شي سخرة..
ماريا: (شدات الفلوس) وخ ختي سعاد..
سعاد: قيدي فتيليفونك اش خاص..
ماريا: (جبداتو من جيب بيجامتها.. كان تيليفون ايفون دوز..) وخ شنو نجيب؟
سعاد: (كتفتي عليها وطلع وتهبط) تلاتة البواكي كبار ديال الشمع الابيض.. تفوسيخة ديال لالة عيشة.. شوية ديال الجاوي وصالبان.. سرغينة معطرة بالعود والزهر.. مبيخرة صغيرة ديال الجمر.. مجمر صغير ديال الفخار.. جوج قراعي كبار دالزهر.. ولا جيبي ربعة يبقالي السطوك.. الحنة مدكوكة والحنة وراق.. شي ربعة الطروفة دالعود.. قولو يعطيك الفغي.. الشبة والحرمل جيبي رابعة.. قولو يعطيك الغاسول مخلط مع الغبرة دالعكر الفاسي ومسقي بالعود والزهر والياسمين.. والتخليطة ديال صابون البلدي مخلط مع الحنة والزهر.. وخمسة البواكي دالجمر.. الحليب كاين؟
ماريا: (هزات راسها بأه وباقا كتقيد)
سعاد: صافي خليلي نمرتك ندخل ندوش ولا تفكرت شي حاجة نعيطليك..
ماريا: وخ ختي سعاد قيدي .. 06
لالة زينة وزادها نور الحمام.. خارجة كتجذب وبروايحها كتعجب.. بالزهر والعود المسكي.. ريحتها فايحة كتسلب القلوب.. تذهب العقول.. وتزعزع سلطان الملوك.. بحال الزهر فالمريشة.. تشبه لوريقة الحنة.. لي شافها مايتهنا.. شعرها كي مشموم النوار.. الريحة تفوح من وريقاتو.. السنين مستفين كيف خيط من الجوهر ولدو مع الزمان حجيراتو.. شمنك يا نخوة وشمنك يا تاويل.. تقول للكمرة نزلي براكة غي ضوي لي منور المكان نزيدو ضو ضو فين غايهرب ابليس والشيطان؟ العيون كيف الحربة.. والخدود تقول ورد مفتح .. شفايف نيران شاعلة تلهب لي زهواني.. وخلواني.. وبعشق الزين كايعاني.. أندلسية الزين يا لالة.. خطوتها خطوة نمر سايح.. والقد فيه عقل سارح عالم بيه العالم نارو تگدي.. دخل البيت شم غي ريحتها.. كان الضو طافي والشمع فالارض مشعول.. ها لي قربات طفا ها لي بقات غي بلاصتها ها لي مزالة ماضربات نصها.. حط سوارتو وتيليفونو ومابغاش يشعل الضو احتراما لطقوسها خاف يخصرليها الحفلة.. حتى دخلات من البالكون.. باقا فيها شوية من ريحة الكارو مخلط مع بارفان بالعنبر والعود الملكي الفخم.. ضرباتو ريحتها وآآه من ريحتها.. كتخليه مزال صابر للكية ويشعلو نيرانو والوحش يبليه..
نوردين: رجعتي البيت زاوية شمهروش الدياماندا؟
خاصك غي شي يزار اخضر وقبة ونجيو نزوروك ونديو براكتك…
سعاد: (مشات طل على شمعها نطقات عاطياه بالظهر) الشمع ديالي.. البخور ديالي.. وداكشي ديالي مع جنوني خرج سوقو وماعندك غراض فيه… (ضارت عندو بتحذير) ايلا بغيتينا نبقاو مزيانين!!
عقدات حجبانها فاش شافتو جاي قاصدها.. مع الظلام كان كيبانلها غي خيالو وكتافو العراض جاي كيميل.. حتى قرب شوية وضرب فيه الضو عاد قدرات تفرز ابتسامته الجانبية.. وقف حداها مباشرة.. كيطلعها ويهبطها.. زادت توسعات ابتسامته وهو كيشوف داك نظرة التحدي رجعات ليها من جديد.. ولي بالنسبة ليه ماكاينش شي مخلوق على هاد الارض كيتقنها من غيرها.. والبقية فاش داروها كانو كيلقاو راسهوم يا ميتين يا فسبيطارات ملاوحين.. هز يديه لمس شعرها حتى رجعات مفزوعة خطوة الى الوراء.. مخنزرة فيه..
نوردين: وخ الالة شي اوامر اخرى؟
ماكرهاتش مزال تزيد تبعد.. كتحس بداك الهالة ديال السخونية لي كدور بيها فاش كيقرب مزالة كتحرقها بلهيبها.. لاكن لازادت خطوة الى الوراء غاطفي الشميعات لي شعلاتهوم بالخاطر ونية يتفاجا الحال.. بللات شفايفها بتوتر ونطقات..
سعاد: ماتقيصني ماتقرب ليا..
نوردين: (زادت توسعات ابتسامته وعينيه على عينيها لي كيبريو.. زاد خطوة لعندها ملاحض توترها الواضح وخ الظلام..هز يديه حطها على عنقها متعمد انه يلامس رقبتها ويخلي صبعانو يتجرأو يذاعبو خصلات شعرها بكل اريحية.. همس بصوت خشن) وشنو أخور الكاوياني؟
بلعات ريقها باغا تخفي ارتباكها.. زفرات انفاس حارة ونطقات بدون تفكير..
سعاد: الخدامة ماعجباتنيش جري عليها..عينيها غي كيدورو..
نوردين: (بابتسامة جانبية.. هابط بظهر يديه كيلامس رقبتها .. نطق بصوت متحشرج) خفتيها تسرقك؟
سعاد: (بعفوية) الفلوس منضنش..
نوردين: (زادت توسعات ابتسامته حتى بانو صف سنانو لي قليل فاش كتشوفهوم..نطق بخفوت) وشنو خفتيها تسرقلك ؟
سعاد: (قربات عندو حتى ضربو انفاسها الحارة فوجههو وهمسات بتهكم) التلفازة.. الثلاجة.. (حطات يديها على صدره وكملات باستفزاز) ماكينة الصابون..ولا..
ماخلاهاش تكمل حكم يديها بقبضة عنيفة زير بيها على صدره .. بلع ريقه كيبلل بيه حلقو لي نشف وشحف وعطش بالعافية لي شاعلة لداخل.. تحركات تفاحة آدم فحلقو وهمس بوله..
نوردين: غرتي أكبيدة؟
بابتسامة ساخرة جاوباتو .. صوتها هادئ كيتسرسب بحال النسمة دالهوا الخفيفة لقلبو..
سعاد: نغير؟ (علات عينيها فيه وجهها مزين بابتسامة جانبية وكملات كلامها) مشاااو ياماتك الرايس! اااخر حاجة نقدر نفكر فيها دبا هي انت وشكون داير بيك!
طلق من يديها وهز يديه كيداعب خصلات شعرها.. بهدوء مصطنع جاوبها..
نوردين: وعلاش بغيتيها تمشي؟
سعاد: مابقيتش باغا نشوف المنكر ونسكت عليه.. (باستفزاز) براكة عليا غي كالسة معاك فدار وحدة وشاركين الفراش وحنا مكتجمعنا حتى ورقة..
نوردين: (بسخرية) الحبس رباك الدياماندا؟
سعاد: ماشي هادشي لي كنتي باغي؟
سكت لثواني كيبلع احساس الاشتياق داخله.. كيحس بجمرات فحلقه.. كتمزق حباله الصوتية.. نطق بصوت مبحوح.. خارج من القلب وقاصد الطرف الثاني منه..
نوردين: كنت باغيك نتي ومزال.. باغيك…
قلبها كان كيتعصر من الالم.. ماكرهاتش كون تقيا قلبها..حتى رجعات تكرهو فاش كيحن ويبغي يميل.. كتكرهو وتكره راسها.. قلبها الغبي لي طعمو الالم وسقاه الحزن مزال كتخونو النبضات المضطربة ومزال كيلين.. بلعات ريقها وجمعات شتات نفسها رجعات اكتست وشاح الصخرة الصماء ونطقات بهدوء..
سعاد: وست سنين لي ضاعت من عمري شكون خرج الخاسر فيها؟ أنا..
نوردين: والرايس حيت خسرك..
سعاد: ها انت قولتيها خسرتيني …
بعد عليها شوية وابتسم بخبث..
نوردين: الوقت مزال قدامنا وغانعاود نربحك.. من غير لا داتني الموت.. (عطاها بالظهر وتم غادي) المسامحة داك الساعات..
سعاد: (بتمني) عالله تهنيني منك..
يالله غاتخرج من البيت شافت ضو تيليفونها شعل.. كانت حاطاه على وضع الصامت.. مشات كتجري هزاتو.. غي شافت النمرة مشات تأكدات من باب البيت واش مسدود.. ورجعات كلسات على النموسية كتهضر بشوية وبحذر..
سعاد: صافا؟؟ صونيت عليك قبيلة مالك ماجاوبتي؟
- كنت خارج ..
سعاد: نتلاقاو غدا ضروري بغيتك.. فشي بلاصة مايشوفناش الرايس.. تحل شي كوان جديد فهاد طنجة دالزمر؟؟
-البلاصة الوحيدة لي مأمنة هاد الساعة هي داري الزين..
سعاد: (عينيها على الباب) صافي نجي عندك للدار.. سيفطلي العنوان..
-قطعي غايوصلك..
سعاد: وخ وماتعاودش تعيطلي حتى نصوني أنا..
-سير عالله..
من بعد عراك طويل مع الحزن.. الوجع.. الخذلان وبزاف من اللكمات لي وجهاتهوم ليها الحياة.. قدرات تصنع الفرحة اخيرا..خبات حزن عينيها بكحل ساحر.. رسمات شفايفها باللون الاحمر.. لون الحياة .. لون الحب.. لون الدم لي كيسري فعروقها.. وهبطات مع الدروج كتنفس بهدوء بلا ماتبين ان النيران شاعلة فداخلها.. كم هي مخادعة.. كتعرف كيفاش تنطق بكلمة لا بأس وهي غارقة فاليأس حد الهلاك..
سارات عينيها فالدار مابانتش ليها الخدامة.. ابتسمت بخبث وخرجات للجردة.. قصدات الشيفور ابتسمت بهدوء ونطقات من بعد ماقالتليه صباح الخير..
سعاد: عطيني الساروت بغيت نمشي لواحد الغرض وغانسوك راسي..
ش: (بامتناع) السي نوردين قالي نوصلك فين مابغيتي أ مدام..
سعاد: (بهدوء كطلع فيه وتهبط) شفتي الخدامة لي كانت هنا مابانتلكش هاد الصباح ياك؟
هز راسو بنفي..
سعاد: ايوا لا ماطلقتيش داك الساروت غاتبات ماتصبح تانتا.. مكنبغيش نقطع رزق عباد الله ولكن كاين شي بنادم يستاهل.. (مدات يديها) طلق داك الساروت لهنا وباش تحيد اللومة عليك فاش نخرج عيطليه وقولو شنقات عليا وداتو..
حدر راسو واستسلم ليها بسهولة.. ضرب يدو لجيب وجبد لاكاغط مدهاليها..
خداتها من عندو وركبات فالطوموبيل حاضياه من الزاجة هاز التيليفون مدوز الخط بينما هي كتقاد الكرسي على قياسها.. وكتفكر منين غاتبدا هاد الصوگان وهي ست سنين ماجا فيديها الفولون.. توكلات عالله ودارت السمطة.. من حسن حضها اللوطو اوطوماتيك تعفيها من لومبرياج وتبدال السرعة.. كسيرات وخرجات من الفيلا غادية بشوية فالاول حتى تشد الميزان وتعود على الطريق من جديد.. حتى صونا تيليفونها وكيما توقعات كان الرايس.. جاوبات بهوط باغلوغ حاطاه فحجرها.. ابتسمت مباشرة فاش سمعات حلقو خارج صاعر من التيليفون..
نوردين: فيييييييين غادية؟؟؟
سعاد: (ببرود) غادا نتحوااا
نوردين: (كشاكشو خارجين) واش ماغاديريش عقلك اديك بنت القحبة؟؟ باغااااااني نقتلك؟ راه نجيب طبونمك فين ماكنتي.. (عاود سؤاله بغضب) فييييين غادااا؟؟
سعاد: (بطنز) غادا للحمام نكمد عظماني…
نوردين: (كيستغفر الله بهمس من فرط الاعصاب) رجعي للدااار دبااا هانا جاي..
سعاد: (ببرود) مزيان سير وجدليا شي كاس داتاي بالشيبة على مانجي من الحمام..
ماخلاتش ليه الفرصة فين يجاوب قطعات التيلي وتمتمات بسخط..
سعاد:سير غاتقود..
رجعات مركزة مع الطريق حتى فاتت المنطقة الخالية لي ساكنة فيها وبدات دخل فالمدينة.. باركات اللوطو فباركينغ عمومي ونزلات منها هازة فقط صاكها.. عينيها كيدورو مع جنابها .. وقفات جنب الطريق شيرات لطاكسي كان خاوي حلات الباب وركبات.. نعتاات ليه البلاصة ووصاتو فاش يقرب تعطيه اللوكاليزاسيون يكمل هو بمعرفته.. والرايس طول هاد الوقت وهو كيصوني ويعاود ويسيفط فليميساج ماكاتقراهومش..
حتى وصلات فين بغات.. خلصات الطاكسي ونزلات كي الشفار كدور يمين شمال.. وخ تعمدات تحط الطوموبيل وتكمل فطاكسي خافت لاتكون اللوطو فيها GPS طلعات فالعمارة لي جاية ليها .. صونات فلاباغطومون وبقات شحال كتسنا حتى عاودات صونات مرة اخرى عاد تحلات الباب …
سعاد: (كطلع فيه وتهبط يالله فايق من النعاس) سيمانة باش تحل أ مراد؟
دازت فيه ودخلات بلا ماتسناه يجاوب.. حك عينيه باش يتوگض وسد موراها الباب..
مراد: جاية على الصباح اصاحبتي واش بايتة تحلمي بيا؟؟ (كلس قبالتها كيتجبد)
سعاد: (جبدات باكيتها دالكارو .. شعلات واحد) ياودي يا السي الطبيب ياود؟ ياكما كانت عندك شي اوبيغاسيون ديال استأصال شي بزولة باش بايت سهران؟ (غمزاتو كضحك)
مراد: (جر باكيتها دالكارو وشعل واحد تاهو على الريق) هادشي متيقاه غي داك المكلخة ديال فدوى..
سعاد: (تكات على الفوطوي كضحك) ماللخر دبا هادشي ديالك طول..
مراد: (ساط الدخان فالسما) الدخلة ديالك للحبس هي السباب (بغيض) بقيت مرهون معاها ست سنين ازبي..
سعاد: (كتغزز سنانها بحقد) كون ماهي شراتها ليا فالكحل كاع مانوصل لهادشي.. نسات مسكينة معامن دارتها.. وحتى انت عرفتي تسلك راسك هاد السنين نتفتي منها فليسات؟؟؟
مراد: (تكا باريحية على الفوطوي) القحبة طالقة يدها .. كل مرة جايب ليها سبة .. ها الكلينيك طالع عليه كريدي.. هادي ضريبة.. هادو وراق.. كل مرة نزرفها فملايين..
سعاد: الصراحة براڤو نهار ختارتك شيماء عرفات اش تختار.. كيفاش لحد الساعة ماعاقتش بيك بلي ماعندك لا كلينيك لا والو..
مراد: (ضحك تا سالو دموعو) نهار تعرفني غي فرملي حقير فداك الكلينيك يشدها الشلل..
سعاد: (بتوعد) الشلل غايشدها من جهة اخرى.. (تقادات فالكلسة طفات كارو ونطقات بجدية) شوف ا مراد الاتفاق ديالنا كان واضح.. انك دور بيها وطيحها فالشبكة ونشروهالها مع الرايس ونخرجو عليها.. انت تخرج المغرب كيما كنتي كتحلم وانا نتشفا.. ماكنتش ضاربة الحساب انني غاندوز الحبس ونتعطلو هادشي كولو.. انت طلعتي راجل معايا فاش قدرتي تجيري هاد ست سنين.. مي مانكدبش عليك خديتي من عندي فلوس كثيرة واكثر من داكشي لي كنت غانعطيك وباش طلع وراق برا وتمشي.. دبا انا مزالة عند وعدي فلوسك حسبهوم فجيبك.. والخطة خاصها تنفذ فهاد الايام.. مابقيتش قادرة نزيد نطول..
مراد: (بتشكيك) عنداك يقتلها امسخوطة..
سعاد: ياكما بغيتيها بصح؟ داكشي لي باغا انا نهنيها من هاد الدنيا .. تخلالي الساحة يبقاو غي ولادها هادوك حلهوم ساهل..
مراد: (تنهد) انا بعدا كتخلعيني الساطة..
سعاد: (هزات صاكها وبدات تجمع كاروها) دوماج غاتكون هاجرتي المغرب اما نوريك الرعب ديال بصح (جمعات الوقفة) وراقك قربو يوجدو .. والبوسط ديالك فالمانية كيتسناك .. باقي الدور عليك..
مراد: (ناض كيطلع سروالو) كوني هانية العايلة..
سعاد: (يالله جات خارجة ضارت عندو جنب وصغرات عينيها) الدراري ماشي ولادك ياك؟؟
مراد: (ابتسم كيطمنها) ماشي دري صغير لي نغلط حتى لهاد الدرجة.. ماتنسايش راه تابعني مستقبل..
سعاد: (ابتسمت برضى) ماعندي مانتسالك.. يالله تشاااو.. وايلا ماعيطتش انا انت واياك تعيط…
مراد: (حا يسد موراها الباب) تهلاي…
فاش دخلات للدار كانت فايتة المغرب.. الجو على برا كان بارد بزااف.. فباب الدار حيدات مونطوها وسباط لي كانت لابسة.. كانت لاوية شال على راسها بحالا محجبة.. ولكن مابايناش فيها كانت فالحمام.. حطات صاكها فالدخلة دالباب ولاحت الساروت فوق واحد الكونطوار.. لبسات بنطوفة كانت ملاوحة تما .. خدات شهيق وطلقات النفس ببرود.. كتستاعد للمواجهة.. كانت عارفة ماغايقدرش يضربها.. وخ كان معصب فالتيلي مي من نهار خرجات من الحبس رجعات على يقين انه ماعمرو غايقدر يهز عليها يدو .. هكا كان احساسها واحاسيسها مع الرايس عمرها تخيب.. حسات بيه مزيان فاش كان كيكرهها من قلبو.. وجامعو بيها غي الانتقام.. حسات بيه نهار رجعات تعجبو وشاف فيها مرا عامرة أنوثة يتمناها اي راجل ففراشو.. وحسات بيه نهار بدا يغير عليها ويميل جيهتها.. حسات بيه نهار تبدلات الشوفة دعينيه ليها.. نهار قالها الدياماندا كان كيعنيها بالفعل.. جوهرة غالية وبدات تاخد بلاصة فقلبو.. حسات بيه فاش حس برجولتو تقاصت فاش غدراتو.. نعم كانت جريئة بما فيه الكفاية باش طيح كواريه للارض.. تبين ليه بلي ماشي بوحدو لي راجل فوق الارض.. لعبات فتيرانو وبدون جمهور.. راوغاتو وسجلات هاتريك فمرماه.. الاولى قالت فيها انا ماشي بحال لي قبلي وفاتو.. والتانية سمعاتو بصوت عالي انها وخ تمشي غاتخلي فقلبو جرح غارق عمرو يقدر يضمض.. والتالتة كانت تابتة.. قدرات تسوسو بحالا عمرو كان..
قبل ماتوصل لوسط الدار ضرباتها ريحة اتاي مشحر خارج من الكوزينة.. علات حاجب مستغربة انه يكون هو لي للداخل .. حتى دخلات وبانت ليها مرا عاطياها بالضهر غي حسات بخطواتها ضارت.. كانت مرا كبيرة شوية عاقدة زيف حياتي ومدورة نصها بفواطة جبلية.. ابتسمت فاش عرفاتو بدل الخدامة وجاب وحدة كبيرة فالعمر .. قالت السلام وتقدمات عندها..
سعاد: انا سعاد.. مولات الدار..
جاوباتها السيدة ببشاشة دايرة بالها مع البراد لا يفيض..
-مرحبا بنتي .. انا الشافية..
سعاد: كتصوبي اتاي لنوردين؟
الشافية: (ضارت طفات عليه) نعام.. يالله طلبو ليا نصوبو..
سعاد: نتي ماشي طنجاوية؟
الشافية: (كتحط اتاي فالصينية) لا فاسية ابنتي..
سعاد: (شافت الساعة) غاتكوني تعطلتي على الدار؟
الشافية: كنت كنتسناك غي تجي ابنتي..
سعاد: سيري دبا فالصباح نزيدو نتعارفو.. (مشات هزات الصينية) خلي هدا انا نديه.. فين كالس؟
الشافية: راه فبيت الكلاس.. تحتاجي شي حاجة؟ نطيبلكم العشا شي حاجة خفيفة قبل مانمشي؟
سعاد: لا باقي الحال على العشا .. ايلا بغا شي حاجة دبا نطيبها..
الشافية: (مشات هزات جلابتها) ايوا نتيسر انا على بركة الله..
سعاد: قولي لشيفور يوصلك .. ماتخرجيش فهاد الخلا بوحدك..
الشافية: كيدوز الطوبيس ابنتي فالشارع اللور..
سعاد : (تمات خارجة) ايوا لي بغيتي.. تصبحي على خير..
الشافية: تلقاي الخير..
مشات هازة الصينية حتى لبيت الكلاس .. دخلات لقاتو كيفتخ جوان مكونصونطري معاه.. حاط على الطبلة جوج قراعي دالويسكي ووحدة دالروج.. وشي عشرة للبيرات مستفهوم بحال ولادو..سمع خطاها علا راسو بشوفة خاطفة ورجع كيفرك الحشيش مع الكارو بتركيز.. ميل شفايفو مع ابتسامة جانبية بالكاد قشعاتها ونطق ببرود:
نوردين: بصحة الحمام.. غسلتي الذنوب؟
حطات الصينية على الطبلة وشافت فيه .. نطقات بطنز..
سعاد: الله يعطيك الصحة.. (شافت فطبلة الحرام لي حداها) عقبالك تغسلهوم تا انت..
نوردين: (كيلصق الجوان بلسانو) غا بصحة مابغيتش نتلاقاك فالجنة..
سعاد: (حيدات الشال على راسها وتكات كضحك) هي ضامن راسك داخل للنار..
نوردين: (شعل الجوان مغمض عين وحال عين) فين مامشيت نجر طبونمك معايا..
سعاد: (تماطات البراد كتكب اتاي) مكانتخايلش راسي تبليت بيك فالدنيا وزدت حتى الاخرة.. (شافت فيه وهي كتمدليه الكاس) شمن ذنب درت فحياتي حتى نتبلا هاد البلا كولو..
نوردين: (تكا منشوي مع الجوان) كبيلي الويسكي الدياماندا .. اتاي شربيه نتي..
سعاد: (بلا عكز عليها رجعات الكاس للبراد ونطقات) حتى انا حلقي شاحت على الشراب.. فتح شي بيرا..
ماكانش من العاگزين قاد الجلسة هز بيرا كانت باقا باردة حلها ببريكة وكبهالها فالكاس.. غمزها وقال..
نوردين: وطبونك ماشاحتش اكبيدة؟
سعاد: (هزات الكاس جغمات منو وضارت تشوف فالتلفزة باغا تكونيكطي يوتوب) غي بلا ماتحاول الرايس..
نوردين: (نتر من جوانو وطلق الدخان فالسما.. كيشوفيها منشوي) كنموت على مك..
حل قرعة دالويسكي وكب كاسو السيك.. جغم منو جغمة ورجع شافيها منخلاه..
نوردين: نوضي قاديلنا شي قطعة باش تحلا الكلسة أ مو طرمة..
حطات كاسها وناضت دماغها كيدور.. وجملة وحدة فراسها .. "هي ليلة مش فايتة انا عارفة"
تكا براحة كيكمي ويبخ .. كاسو بين يديه كيجغم بين الفينة والاخرى .. ساهي وعقلو سارح.. كيشوف راسو فين وصل معاها.. يتعصب ويتجنن من فعايلها ومايقدش يغبنها او يهز عليها يديه.. تستافزو ويخاف على مشاعرها ومايقدش يهضر.. طلق عليه السخون وخاصو يحاول يبقا بارد.. ديرها قد راسها ويدير عينين ميكة.. يقول هبيلة ومانديش عليها.. قلبها ابيض ومافيه دغينة.. هي فنظره نسخة وحدة تصنعات من كاع النسا.. نسخة مطورة.. تصنعات بدقة باش تناسب كاع الايام.. هادئة بحال شي طفلة لا ضحكات كتملا القلوب فرحة وشغف.. حنينة في بعض الاحيان ودافئة تقدر تلقا فيها اختك.. مك.. بنتك.. مرتك وصاحبتك.. وقاسية قادرة تقطع قلبك لأشلاء بوحشية ايلا جرحتيها او غضبات.. باردة بحال الثلج نهار تحقد وتسد قلبها عليك.. قوية وناجحة تقدر تجابه الاقوى من الرجال.. تمرمدو وتخرج منها باش ماعطا الله.. أنثى كلاس نهار تبغي تعيش الارستقراطية.. تكلس نيفها للسما فافخم الاماكن وأرقاها.. كتلعب بالبريستيج كيفما بغات .. حالمة رومانسية نهار تفتحلك قلبها كتآمن بالعشق العذري وانها تكون أنثى لرجل واحد.. وفنفس الوقت هي ديك الوقحة الفاجرة..كتسكع فالقهاوي .. تصيد علية الرجال.. وتردعهوم بحال كيف كتردع دخان سيجارتها الحقيرة.. فيها من كل النساء.. لي تلاقيتيهوم ولي مزال ماحصلك الشرف تعرفهوم.. هكا هي بالنسبة ليه.. كتبدل جلدها حسب مزاجها.. ونهارها كيطالع..
تسالا الجوان وفاق من سهوتو باش يبرم واحد اخر.. حتى تمات داخلة هازة بلاطو عامر طباسل.. وبدات تحط فوق الطبلة.. من مملحات.. ومكسرات.. والحلويات.. والسقاطة لي لقاتها عندو فالكوزينة..
على نغمات موسيقى bulent çakmak - darkness كلسات كتفرج الفيديو كليب وهزات كاسها نازلة عليه بسرعة قبل مايسخن.. منخلاه بحالا ماكاينش.. مرة مرة كتشوفيه غي جنب خايد كيبرم جوان مورا خوه.. سالات كاسها وقبل ماتشوفيه كان حليها بيرا وحدة اخرى وكبهالها.. كتحرك راسها مع الموسيقى غير بشوية.. فلحظة غمضات عينيها وتكات على الحيط.. حسات بالدنيا كدور بيها.. والتبوريشة بدات طلع معاها من أطرافها.. بحال شي قطعة من الثلج باردة كتزلق مع رجليها.. حلات عينيها على هاد الشعور.. جات عينيها نيشان فالتلفزة.. بدا الضو كيديرونجيها .. دقات قلبها كيتسارعو شوية بشوية.. سنانها تزيرو وفكها كذالك .. تقادات فجلستها كتحاول تفهم مالها.. مصارنها بداو يتلواو .. والترويعة طلعات معاها.. فمها عمر بالما وفكها مزال مزير كتحس بسنانها غايتهرسو لا زادت بركات عليهوم.. شافت فكاسها ورجعات شافت فالرايس كيكمي وعينو عليها.. حطات الكاس من يديها ونطقات بصوت خافت..
سعاد: شنو درتيلي فالكاس؟؟
تقاد فجلستو كيضحك ببرود.. كيدوز للبريكة مع جناب الكارو.. ونطق بهدوء
نوردين: القاعدة الاولى فالشراب السكايرية عمرك تنوضي وتخلي كاسك عامر..
تحنات على الطواليط كتقيا وترد مصارنها.. الدنيا كادور بيها .. كتجيف وسط القادوس.. وبحال الفراشات كيرفرفو فكرشها.. فاش علات راسها لقاتو واقف متكي على حرف الباب مربع يدو كيشوفيها غالباه الضحكة.. طلقات لاشاص ومشات لافابو تحنات كتغسل فمها.. الما السخون لي كانت كتهزو بيديها جابليها التبوريشة.. غمضات عينيها قبالة المراية .. مستحلية داك الاحساس دالسعادة لي غمرها.. حلات عينيها وشافت فيه من انعكاس صورته مع المراية.. ابتسمت بهدوء ونطقات بخفوت..
سعاد: ليكسطا؟
قرب عندها كيضحك.. حضنها ماللور وزيرها لصدرو.. خشا راسو طبع قبلة دافئة على رقبتها ونطق بخفوت فودنيها..
نوردين: توحشت نشوفك فرحانة..
سعاد: (ابتسمت بشغف.. خدودها حمارو بقوة السخانة لي شداتها..) كان عليك تعلمني..
نوردين: شي مادرناه داك الساعات..
دوز يديه مع يديها لقاهوم مثلجين.. ايلا زادت دقيقة فالحمام يقدر يطير المفعول ديالها.. جرها من يديها مدخلها لبيت فين كانو.. سد الباب طفا الضو وطلق الشوفاج باش مايضربهاش البرد..
ليكسطازي.. او ما يطلق عليه بحبوب السعادة.. حبة وحدة منو كتعيشك احساس السعادة لمدة طويلة.. بحال. الاحساس دالنشوة فاش كتجيب البليزير ديالك غي هو مطول.. خاصك توفرليه ظروف ملائمة باش تقدر طلعلك التنغيمة.. موسيقى هاوس .. بزاف ديال الاضواء.. ودرجة حرارة مرتفعة.. ومعدة فارغة.. حيت فاش كيدخل الدوا اول مرة للجسم كيبغي يتخلص منو سوا بالردان او كيجري الكرش.. كيخليك عايش سعادة مدتها خمسة ولا ست ساعات حسب الجرعة.. السعادة ولا شيئ غير السعادة.. كتفكر غي الناس لي عزاز عليك .. ولي دارو فيك العيب عقلك كيمسحهوم من ذاكرتك مؤقتا.. كيفكرك غي فالحاجة الزوينة ولي تقدر تفرحك.. كيخليك تنطق بكاع داكشي لي فقلبك.. تفرش اسرارك وتستفهوم حدا بعضياتهوم.. ايلا ضاراك شي حاجة من جهة شي انسان تقدر تهز تيليفون وتعيطليه وتقولهالو عادي ماتحسب حساب لحتى حاجة.. كتبغي غير تفرح وتشارك داك الاحساس دالسعادة مع لي معاك.. كتولي حنين وماكرهتيش العالم يشوفك فرحان.. مكتبغيش تفيق من داك الشعور.. الاضواء لي كيتراقصو فالتلفزة كانت كتشوفيهوم قصة.. قصة كترسمها فخيالها وكتخايل شي حوايج كتشوفهوم غير هي.. الضو ديال البريكة فاش كان كيشعل الكارو كان كيتهيأ ليها بحال شي خيال كيتخبا ويرجع يطل عليها.. قربات لعندو وحيداتليه البريكة من يديه بقات كطفي وتشعل فيها كتقربها حتى لعينيها وترجع تبعدها وهو حابس الضحكة مستمتع على الاخر..
نوردين: (هز يديه مرر انامله مع شعرها) شنو كاديري احبيبة؟
سعاد: (بصوت هادئ.. كتشعل وطفي فداك للبريكة فمها عامر بالما كتزير على سنانها بزاف وطلق منشوية اكتر من القياس) العافية لونها زوين…
نوردين: (جرها لعندو تكاها على صدرو كيلعبليها فشعرها مدلها باكية ديال المسكة وعطاها تمضغ باش ماتزيرش على سنانها اكثر من القياس يمشيو يتهرسو.. باسها على راسها ونطق بخفوت) مضغي المسكة وغمضي عينيك باش ماتجيكش الدوخة..
سعاد: (خشات المسكة فمها كتمضغ غمضات عينيها ونطقات بصوت طفولي) فاش كنغمض عاد كتجيني الدوخة..
نوردين: (كيحكليها فشعرها) ديري لي يريحك احبي.. فرحانة؟
سعاد: hyper
نوردين: حتى انا هادشي لي بغيت..
سعاد: (علات راسها شافت فيه.. عينيها كيلمعو) بصح كتبغيني نكون فرحانة؟؟
نوردين: (باسها من جبهتها ونطق بصوت اجش.. عينيه كيبرقو معاها) قوتلك قبيلة توحشت نشوفك فرحانة..
سعاد: (تغرغرو عينيها بالدموع ونطقات بصوت مقصح) كون ما داك 6 سنين دالحبس كنت غانبقا ديما فرحانة.. (رجعات تكات على صدرو) الدخلة للحبس هرساتني..
نوردين: (هز يديه كيدوز صباعو على وجهها .. تنهد ونطق بوجوم) غايجي شي نهار وتسمحيلي الدياماندا؟؟
سعاد: انا بلاصتك كاع مانقدر نسول هاد السؤال لوحدة يالله خرجات من الحبس هادي جوج سيمانات بسبابك..
نوردين: (شعل كارو كيسوط) هو الوحيد لي قدر يهدك..
سعاد: (تنهدات بحرقة) عدوك ماتبغيهالوش.. دوزت نصو غي ناعسة بالدوايات.. والنص لاخر مدابزة مع البنات.. عرفتي شنو هي ست سنين وانت بين نفس الحيوط ماكاتخرج ماكادخل.. صعيب على وحدة مولفة الحرية والزناقي تصبر لداكشي..
نوردين: (نفخ الدخان فالسما باش مايسوطش عليها ونطق بهدوء) كان كايوصلني كولشي عليك.. المدابزات كانو كاملين سبابهوم نتي المصعورة..
سعاد: (خنزرات فيه) فالاول ماكان عندي جهد وكانو كايجبدوني فاش تواكضت ليهوم عطيتهوم علاياش كيقلبو..
نوردين: علاش ماكنتيش كتبغي تشوفيني فالاول؟
تقادات فالكلسة باش تشعل كارو شهاها بريحتو.. شافت فيه ونطقات..
سعاد: قبل مادخلني للحبس ..
نوردين: (قاطعها) ماتبقايش تقولي هاد الهضرة.. الحبس دخلوك ليه فعايلك اسعاد..
سعاد: (حدرات عينيها كتسوط الدخان فحجرها وقالت بخفوت) كنت بديت كنحس بشي حاجة من جيهتك.. تخايل؟ نسيت كاع داكشي لي دوزتي عليا ودوزو عليا عائلتك وبديت كنحن.. كنت باغا الصراحة نشد معاك الطريق.. كنعتارف انني بنت القحبة وترابي الويل ومريضة فكري.. مي هاد الطبع كنت كنرتاح فيه وهو لي كان كيفكني مع ولاد القحاب ولي باغين يركبو على ظهري.. انا فاش كبرت وسط بابا ويما الله يرحمهوم ماكانوش شي آباء واعيين لي يفهموني الصح من الغلط.. كانو ناس دالجبل راك عارف القراية وماقاريينش.. وخ هكاك كنت كنتعنا ب با زعما هو شيخ دالقبيلة وانا نعمل لي بغيت.. كبرت على داك الطبع دأغنان.. وعيني كانت كبيرة من صغري نبغي نلبس مزيان .. ناكل مزيان.. كولشي نكون انا لي متميزة بيه.. فهمتيني ياك؟
كان متكي كيتصنت لحديتها بتركيز.. عارف بلي مفعول ليكسطا هو لي خدام مخليها تخوي ما فقلبها.. جاتها على التعاويد والهضرة.. جغم من كاسو وحرك ليها راسو بالايجاب..
سعاد: كبرت ووصلت لمرادي .. هو نجي نقرا فالمدينة.. (تنهدات معلية راسها للسما) مابغيتشي نتفكر داك الشي لي طرا هنايا.. (رجعت شافت فيه بنظرة بريئة وقالت بنبرة صوت صادقة خارجة من القلب) بلحق راجل ختي والله ما انا لي جبدتو.. وماكنتشي باغيا نوصل لداكشي.. وندمت من بعدها وخ ماكنتش كنبغي نبين بلي نادمة.. ماعمري كنت كنبغي نكون فبلاصة الضعيف كان كيخصني ديما نبان انا هي لي قوية هوما يدمرو وانا نبقا كنضحك.. ولكن فاش كنكلس مع راسي كنكون عارفة الغلط ديالي وان داكشي لي درت ماخاصوش يدار.. بيني وبين راسي كانعتارف مي بيني وبين الناس عمري نبين بلي انا غالطة وعمري نطلب السماحة من شي واحد وخ لافوط مني.. كان عندي واحد الإيگو مقود.. ومزال لدبا.. نقدر نكون كنبغيك ونرتاح ليك مي غير دير فيا شي عيب قلبي كيحقد عليك.. نقدر نوكلك السم وانا ضاحكة..
نوردين: (بابتسامة جانبية) هي نهار وكلتيني العقارب كنتي ضاحكة؟
سعاد: (ابتسمت بلطف) كنت خايفة اكثر.. كنفكر واش غانقد نهرب .. همي الوحيد كيفاش ندير نخرج من ديك الدار.. يعني لاسين ديال السم كانت عندي كولها بحال شي مسرحية خاصني لعبها ونمشي بحالي قبل حتى مايصفق الجمهور.. (طافات الكارو ورجعاتو لفمها.. جرات النفس بنشوة وطلقات الدخان بهدوء.. كملات كلامها بخفوت) فيلم عشت داك الليلة.. داك الطيحة دالواد زادت هلكاتني فصحتي..
نوردين: (بتهكم) سبع رواح .. شحال نفذتي من الموت على يدي..
سعاد: ربي كان..مقدرلي نزيد نعيش ونشوف الدوبل ديال داكشي لي دوزت.. (حدرات راسها ونطقات بصوت حنين) واش أنا خايبة بزاف؟
نوردين: (كيكب كاس اخر.. شرب جغمة منغم وشافيها) قلبك كبير وخ هكاك..
سعاد: (علات عينيها فيه ويديها كيطفيو الكارو) وعلاش حتى وحدة من خواتاتي ماجات تشوفني فالحبس؟؟ نجاة قاتلي علمات نسيمة اذن حتى نجوى كانت عارفة..
نوردين: (ببرود) خواتاتك كيغيرو منك.. ماتحمقيش كرك بهادشي.. لي بغاك مرحبا لي مابغاكش يتلاح يقود.. انا دبا يجيو يبغيو يشوفوك نجري على طبونمهم..
سعاد: انت براسك خاص لي يحيدك من حياتي..حتى انت بحالهوم ومافارق عليهوم بوالو.. حبستيني بين جوج حيوط ومشيتي عشتي حياتك مع السي كرك.. مع مرتك ومع القحاب ديالك..
نوردين: (بطنز) شنو كنتي باغا ندير لزبي بوز على ماتخرجي؟ (هز كارو شعلو ولاح بريكة على الطبلة) درت وليدات يترحمو عليا فاش نموت.. غلطت؟
سعاد: (هزات مسكة اخرى كتمضغها.. رجعات تكات عليه دايخة) لا انا لي
غلطت..مي انت ولد القحبة وخاين ..غي جار زنطيطك وتابع القحاب
نوردين: (ببرود) مكنخونكش بالاحساس وهذا هو المهم..
(طل عليها لقاها معمضة عينيها) ماتغمضيش عينك غادوخي…
سعاد: (كضحك) خليني عافاك بادي واحد الفيلم زوين..
نوردين: (كيضحك بينو وبين راسو) حزقلها صافي…
فاقت من نوم عميق كانت فايتة الضهر بشحال.. على ألم شقيقة عجيب.. دورات عينيها فالبيت لقات راسها فناموسيتها.. دغيا داز معاها السيناريو ديال الليلة.. عينيها خرجو وناضت طافجة من فراشها شادة فشعرها.. لبسات بنطوفة غي فرجل ونسات لوخرا كتمشي وتجي كتقلب على التيليفون.. مالقاتوش كاتحاول تفكر غي كيفاش وصلات لفراشها .. ماعقلات على والو.. خرجات من البيت وهبطات فالدروج كتجري.. شعرها طالع فالسما تلاقات مع الشافية قالت ليها صباح الخير مادراتش عليها مشات كتجري للبيت فين كانو قصارين.. تبعاتها الشافية..
سعاد: (كدور فبلاصتها بتوتر) فين تيليفوني؟تيليفوني فينو؟
شافية: (مستغربة من حالتها.. مشات هزات تيليفون كان قدامها ومداتو ليها) هاهو ابنتي بسم الله عليك.. ياك لباس؟
شداتو من عندها وخرجات كتجري طلعات البيت سدات عليها.. مدوزة الخط لشيماء.. صونا مرة وجوج وتلاتة عاد جاوبات..
سعاد: (بارتباك يديها كيترعدو) عتقي اشيماء قودتها.. قودتها .. قودتها..
شيماء: (بخوف) اويلي مالك؟؟
سعاد: فينك؟
شيماء: (باستغراب) انا مخرجة دراري لجردة..
سعاد: (شدات فراسها كترجف) الرايس وكلني البارح ليكسطا وعاودتلو على سوسن…
بقات مدة عاد وصلها صوت شيماء مصدومة..
شيماء: القوادة.. شنو ندير دبا؟؟ فينهوااا؟ واش جاي؟؟ واش كايعرف داري؟؟ (ضربات فشواطها) اويلي وحدي..
سعاد: (مغمضة
عينيها كتنذب) قودتها.. هو ماكاينش فالدار.. ولكن متأكدة بقا معايا حتى لصباح.. (كتحاول تذكر بدون جدوى) مابقيتش عاقلة اصاحبتي .. شدني الحنان .. بقا فيا وعاودتلو ..
شيماء: (بغضب) كنتي مبوقة قالا شدك الحنان…
سعاد: لا لا.. كنت عارفة راسي اش كنقول.. ورجعتها من فمي شحال من مرة .. مي فاش جبدنا الهضرة على ولادو گريت ليه.. بقا فيا.. (تخربقات) مهم راك عارفة ليكسطا .. كتخلي كولشي يبانلك حنين.. (دوزات يديها على وجهها) اربي شنو غاندير دبا..
شيماء: (كتعيط لداراي يجيو عندها من الالعاب) انا راجعة للدار دبا.. تكالماي وحاولي تعرفيه فين هو.. وباش ماكان ردي عليا الليحفضك راه بردلي الما فالركابي..
سعاد: ماتحلي لحتى واحد .. ماتعرفي يكون دبا كيقلب عليك..
شيماء: وخ (قطعات)
لاحت التيلي على النموسية وشدات فشعرها كتويل..
سعاد: القوادة القوادة.. اش ندير دبا؟؟؟ فين غايكون مشا؟؟ (كتحاول تفكر كيفاش كانت ردة فعلو مامفهوماش وشحال بقا كالس كيشوفيها مشلوط..) بفففف… غايقتلني.. (رجعات حلات عينيها) لا مايديرهاش.. كون كان يقتلني كون صفاهالي هاد الليلة لاش يخليني حية ويخرج .. طفجتو بالصدمة.. (ناضت كتجر فرجليها داخلة للدوش باش توگض .. كتبرد على راسها) اصلا كان غايعرف.. ولكن ماشي دبا اسعاد (كضرب فراسها) ماشي دبا البوهالية… ماشي دبا..
جنب البحر كان كولشي ساهت .. الا عينيه شاعلة فيهوم النار.. بحالا شدو موس ماضي وكلسو يقطعو فلحمك وانت حي.. كتشوف.. كتحس.. كتسمع ولكن من شدة الالم ماقادر دير والو.. من ديما كان قلبو قاصح.. كيتاجر فالحرام ببرود.. كيقتل فالنفوس بسهولة.. القلب ميت والاحساس ماكاينش.. ولكن هاد الضربة لي عطاتو سعاد ماقدرش يتجاوزها.. كالس فالارض متكي على البارشوك ديال طوموبيلتو.. البونتات دالكارو كثار مزلعين حداه.. قراعي دالشراب خاويين شي كان كيهرسهوم فاش كيسالي ولوخرين كان كايكتافي برميهوم قدامو .. عينيه تحتهوم زرق مايل للكحولية.. سهر الليل كولو فهاد البلاصة.. ما حس ببرد ماحس بسمرة.. ما حس بقطرات المطر لي كانو كيطيحو بين الفينة والاخرى.. الجثة فقط لي حاضرة فهاد المكان.. اما العقل طاير لبعيد.. حفا بالتفكير.. كيفاش وفوقاش قدرات تخبي عليه هاد السر الكبير.. كان قاصد يديرلها ليكسطا باش تعاودليه فين كانت وشنو دارت.. ديما داك الجانب دالشك والغيرة من انها تكون تلاقات شي حد او هضرات مع شي حد ملازمو وماقادرش ينساه.. ولكن هي صدماتو فاش گرات ليه بسر فاق كاع توقعاتو.. عندو بنت بالقليلة عمرها ست سنوات.. طفلة صغيرة من صلبه.. لطالما كانت عندو هاد الامنية.. يكون عندو ولاد معاها وبالضبط كان باغيها تكون بنت.. ماعرفش علاش كان باغي نسخة تانية من سعاد.. يمكن كان متأكد ان حتى وحدة ماغاتقدر تنافسها من غير وحدة من دمها كتشبهها فكولشي.. نسخة مصغرة من سعاد.. هكا كان كيتخايلهوم بجوج.. ولكن كان باغي يحضر على ولادتها.. طفولتها.. اول كلام غاتنطق.. السنينات الاوالى لي غاتخرج.. كان باغي يحضر كاع هاد ليديطاي.. ولكن هي بكل حقد حرماتو من هادشي.. واش هدا خلاصو؟؟ هكا انتاقمات منو على سنين الحبس لي دوزات؟ غمض عينيه كيعصر فدماغو وموجة الافكار لي كتساقط على راسو.. اول مرة كيحس براسو مكتف.. ماقادرش حتى يوقف على رجليه.. فاشل من كل النواحي.. والاغرب انه ماقادرش يلومها.. وخ الخبر طاح عليه بحال شي صاعقة عطاتو نيشان للقلب.. ماقدرش يآذيها..
من بعد ساعتاين وهي فالحمام.. مستحلية الما لي غارقة فيه فداك البانيو.. حتى كايديها النعاس وترجع توگض .. مفعول ليكسطا مزال شاد فيها شوية.. ماقادراش تفكر فشنو غايطرا ولا شنو يقدر يديرلها فاش يجي.. ماباغاش تحمق راسها بردة فعلو.. لي متأكدة منو انه ماغايقتلهاش.. على الاقل ماشي اليوم غي حتى تلاقيه ببنتو.. خرجات من البانيو طافجة على صوت باب بيت النعاس فاش تزدح.. عرفاتو غايكون هو رجع.. ناضت بشوية من الما.. عريانة كتقطر.. ودنيها كيتصنتو ويحاولو يلتاقطو شي صوت.. ويديها ممدودين تهز بينوار.. حطات رجليها فالارض الما كيقطر عليها.. لبسات بينوارها.. وهزات فوطة جمعات بيها شعرها الفوق.. ومشات على طرف صبعانها تكات بودنيها على الباب.. ماسمعات حتى صوت..
سعاد: (بهمس) جا ومشا؟؟
رجعات هزات راسها فاش سمعات صوت شي كاس كيتحط فوق الطبلة ودخلات معاها ريحة الكارو عرفاتو كالس كيكمي فالبيت.. تنفسات بعمق وحلات الباب باش تواجه قدرها..
خرجات كتمشا بالحفا.. كان كالس على النموسية عاطيها بالظهر .. فنجان قهوة فايحة ريحتو كان محطوط حداه وسيجارة بين صباعو كتحرق.. بلعات ريقها مامطمناش لهاد الهدوء لي دخل بيه.. تكون زعما ماگرات بوالو غي تهيئات ديال ليكسطا؟ فكرة دازت بزربة فدماغها وخلاتها ترتاح مبدئيا وتشجع تمشي توقف قدامو.. بمجرد ماوقفات قبالتو.. هز عينيه شافيها.. طلعات النفس ورجعات هبطاتها بعمق.. عينيها مقابلين عينيه الناعسة المخلطة بالحدة.. بحال شي جوج بيار غارقين .. شوفاتو سلبوها ثباتها.. سرعان ما عضت على شفتاها بارتباك.. وخلات دقات قلبها تضطرب.. طلعها وهبطها بهدوء.. ماقادرش يفهم عقلها وكيفاش كتفكر.. دايراها قد راسها وخارجة من الدوش مرتاحة بحالا ماخاصها تا خير.. خدا اخر نفس من سيجارتو وطفاها فواحد الطفاية كانت جنبو .. كيضغط عليها بغضب.. حتى خرجليها داك التخت لي لداخل ونطق بلا مايشوفيها..
نوردين: لبسي حوايجك وسيري جيبيلي بنتي..
قبل ماتهضر علا راسو شافيها بنظرة كانت كافية تفهم انها خاصها طير من حداه ودبا قبل مايقبرها فبلاصتها.. عطاتو بالظهر وهي ساكتة.. قلبها من داخل غايخرج من بين ضلوعها.. حلات الماريو كتجبد ماتلبس وصوت انفاسه وزفيرو كتسمعو من بعيد.. هزات دغيا حوايجها وطارت للحمام ماسدات حتى الماريو من شدة الخوف.. يفوت فيها شي دقة وهو ماحاسش .. سدات باب الحمام بالساروت.. وتكات عليه كتسترجع انفاسها..
سعاد: ياربي دوز هاد النهار على خير..
كلسات كتسنا شيماء تلبسها حوايجها وهي غاطير بالفرحة من دخلات وقالت ليها اليوم باباك جا من السفر وغانديك تشوفيه وهي كتنقز وضحك.. اول مرة كتحضر على فرحتها بهاد القدر.. ماتنكرش انه حمل ثقيل ونزاح على قلبها.. وهذا كان مرادها من شحال هادي.. وتسنات هاد النهار بفارغ الصبر.. النهار لي تعطيه ضربة موجعة للقلب وتوريه بنتو وتحضر على ضعفو وانهيارو.. سهات كتفكر كيفاش غايكون اللقاء بيناتهوم.. كيما بغا يكون خاصو يوجد راسو للضربات لي باقيين جايينو.. فيقاتها بنتها من سهوتها بصوتها الطفولي الفرحان..
سوسن: ماميييييي ساليت يالله مشيو عند بابا..
شافت فشيماء لي واقفة عند راسهوم الدم هارب من وجهها.. عينيها باين فيهوم الخوف.. ناضت وقفات شادة فيد سوسن وزادت عند شيماء نطقات بخفوت..
سعاد: دعي مع ختك دعي..
شيماء: باش ماكان ردي عليا .. قلبي مش مطمن.. متأكدة ما غوت ماهرس حيوط ماوالو..؟
سعاد: (جارة بنتها غاديين جهة الباب) راه قوتلك خصر عليا جوج كلمات.. لبسي حوايجك وسيري جيبيلي بنتي.
شيماء: (كتحل ليهوم الباب وسوسن كتنقز حداهوم) ياربي يسالي هاد الفيلم على خير..
سعاد: ياربي.. اجي امتا غاتوصل نجاة؟
شيماء: دبا حنا فنجاة؟ قاتلك طيارتها حتى الليل..
سعاد: بحال والو يجري عليا داك وجه الزب ونجي نبات عندك ..
شيماء: حمدي الله لا ماقتلكش اما لا جات فالجري اجي اختي مرحبا بيك..
سعاد: (جارة بنتها كتنهد) تهلاي..
مشاو على عينين شيماء لي خايفة يكون هدا هو اخر لقاء بيناتهوم.. حتى غابو عن نظرها عاد سدات الباب كتنهد ودعي فسرها يدوز كولشي بيخير.. الرايس ماعندو قلب وهادشي عارفاه مزيان..
فالجانب الاخر كان غادي جاي فالبيت.. من حالتو كيبان دوش وبدل.. مابغاش بنتو تشم فيه ريحة الشراب وحالتو حالة..
توقف عن الحركة فاش سمع صوت طفولي من على برا كاينادي بابا بابا.. وصوت سعاد كنتادي موراها .. بشوية عنداك طيحي..وصوت خطوات جاي عندو كيجريو.. ابتسامة حزينة بانت على وجههو قبل مايتحل الباب بالجهد وبانت طفلته الصغيرة.. كطعة من السكر متجهة ناحيتو.. شعرها الاسود الطويل كيتحرك ورا ضهرها بهدوء.. كانت فالاول جاية مندفعة لعندو لكن سرعان ما ابطأت خطاها فاش شافتو واقف مصدوم فيها .. كأن الزمن توقف للحظة.. ولاول مرة بغاه يبقا موقف.. حتى يشبع من شوفتها ويتأمل ملامحها البريئة ووجهها الملائكي.. كتسمعو بالحب من اول نظرة؟ هدا عشقها من اول خطوة خطات جيهتو.. عشق ابوي خالص وصافي ونقي.. العشق لي دخل لقلبو وزلزل كيانو كرجل.. خلاتو يبان ضعيف حداها.. ماحسش براسو امتا طاح على ركابيه للارض حتى يقدر يوصل لمستواها.. وطلق دراعو فالهواء باش يستقبل اول عناق ليها.. كانت جاية حشمانة فالاول فاش شافتو نزل باش يعنقها اندفعت بقوة لناحيتو وترمات فحضنو بفرح نطقات الكلمة لي كان مشتاق انه يسمعها.. بابا..
كلمة روات عطشه ليها..غمض عينيه ودفن راسو فشعرها كيشم ريحتها الطفولية .. ونطق بصوت مدعدع..
نوردين: العمر دباباها..
زاد خشاها فحضنو بقوة حتى حس بيها تقصحات عاد رخف شوية من قبضته.. كان باغي يخشيها بين ضلوعو ويسد عليها.. لكن خاصو بعدا يشبع من شوفتها ويحفض ملامحها .. هز راسو وهو باقي حاضنها كيشوف فوجهها البريئ.. عيونها كبار مشفرين.. خليفات الشعر فجبهتها ..رموشها طوال..شفايفها صغيورين وخدودها مزنگين.. كولشي فيها صغير.. بحال شي قطعة صغيورة من الديامون.. تفكر الكلمة لي كان كيتزلل بيها على مها ونطق بهمس وهو غارق فتفاصيلها الصغيرة..
نوردين: الدياماندا
الصغيورة..
ماتنكرش ان المشهد كان درامي بامتياز.. كون كانت سعاد ديال شحال هادي يقدر يحن قلبها وتهبط دميعات من شدة التأثر.. لاكن القلب مزالين فيه طعنات.. وسنين الحبس لي دوزات مزال مثقلة على روحها بحال شي خنازير سمينة عامرة بالغيس والاوراق تحت منها موسخين كتفوح منهوم ريحة الوحل.. شحال صعيبة قلبك يبرد حتى على الحوايج لي انت مفتاقدهوم.. فرحات لبنتها حيت ذاقت حضن باها وحنانه ولكن ماقدراتش تأثر وهي فاقدة لشتى انواع الحنان.. يتيمة الاب والام والعائلة وحتى القلب.. فاقت من سهوتها على يد سوسن كتجرها تهبط معاها لتحت..
سوسن: مامي يالله وريني بيسين فين كاينة شطيطة…
نوردين: (تقدم ناحيتهوم كيشوف فسعاد) غي هبطي ابنتي هاهي غاتجي ماماك..
دارت شافت فيه عينيها عامرين سعادة وخرجات كتجري خلاتهوم لتحت..
قادات وقفتها من بعد ماكانت متكية على حرف الباب فاش شافتو حاشي يديه فجيابو وكيتقدم ناحيتها بخطوات ثابتة عرفاتو صدر بنتو باش يبدا معاها الاستنطاق.. وكان اول سؤال خرج من فمو ..
نوردين: شكون رباها؟؟
سعاد: بارتباك) شيماء.. فاش دارت عام عطيتها لشيماء كانت مزال ماتزوجات هي لي رباتها..
نوردين: (كيغزز سنانو) شحال عندها دبا؟
سعاد: (فنفسها) سؤال غبي ماقاريش الماط.. (بصوت شبه مسموع) خمس سنين دبا..وشي شوية..
نوردين: (وصل لعندها كيشوفيها شوفات الموت) كتقرا؟
سعاد: (بلعات ريقها) عاد عوالة ندخلها هاد العام.. (سكتات شوية ونطقات بخفوت) كنوجدليها وراقها..
نوردين: مقيدة على سميتك؟؟
هنا بداو الالوان يتخلطو فوجهها.. الافكار ترونو فراسها والحروف وحلو فحلقها.. شبكات يديها مع بعضهم بارتباك والخوف بدا يتسلل لقلبها.. فاش شافها تعطلات فالجواب.. حيد يدو من الجيب وزير على دراعها تكاها على حرف الباب.. وعاود سؤالو بحدة..
نوردين: بسمية من مقيداها راه غانقتلك..
علات عينيها شافت فيه بذعر.. حتى كتحل فمها باش تهضر وكيبان حداها القبر.. وترجع تسدو.. عاودات هاد الحركة بزاف دالمرات حتى غوت فوجهها بحدة بانو فيها حلاقمو..
نوردين: دويييييييي ابنت القحبة دوي..
سعاد: (غمضات عينيها وطلقات الهضرة بمشقة) بسمية حميد..
طلق من دراعها مصدوم.. العروق برزو فحبهته من شدة الاعصاب.. عرق باردة هبطات مع ظهرو.. شللاتو للمرة الثانية ماقدرش يدير شي ردة فعل.. من غير انه دوز على وجهه بتعب.. وتمتم بنفاذ صبر..
نوردين: أعوذ بالله من …الشيطان الرجيم.. استغفر الله .. استغفر الله..
كان كيشوفها كثلة سوداء قدامو.. طلعات الضبابة على عينيه غاشاتهوم.. هي حسات بيه كيمتالك اعصابو بصعوبة.. الشي لي خلاها تراجع خطوتين للوراء ونطقات بصوت مضطرب..
سعاد: شووووف ماتعصبش.. ماشي على شي حاجة .. راك عارف حميد عاوني بزاف باش نخرج من القضية ولكن انت يدك كانت واصلة عليه.. فاش ولدت ماكانش عندي شي حل اخر من غيرو هو.. وهادشي لمصلحة سوسن.. واش كنتي باغيني نخليها بلا سمية؟
سكتات شوية كتقلب على جمل مناسبة للموقف.. حتى فجعها بصرخة زعزعات طبال ودنيها وتكلمو معاها الجذران والبيبان والسراجم..
نوردين: خرجيييييييييييييييييي!!! خرجيي مانعاودش نشوفك خرجييييي…
كانت بحالا سمعات شي كلمة غزل من عندو.. طارت من حداه مكتشوفش موراها.. كتجري وتقول ماجريت.. حتى لقات راسها فالشانطي كتشير لطاكسي.. قلبها كيضرب فالتسعين.. مامتيقاش انها خرجات من عندو حية ترزق.
حلات فمها بدهشة..
شيماء: اويلي حي هربتي وخليتي البنت؟
سعاد: (هازة كارو كتشعل فيه) زعما خليتها للغول.. راه باها.. تايبرد ودبا يجي..
شيماء: (كلسات حداها بخوف) كيعرف داري؟
سعاد: (خدات نفس عميق من سيجارتها وساطتو للسما) مالك اصاحبتي كترعدي.. اصلا تلقايه تشلل وطاحو عليه اليدين والرجلين من بعد هاد الصدمات( بطنز) المهم خليتو يستغفر ويذكر مولاه.. (ببرود) دبا خاصني نسيه فهادشي..
شيماء: شنو غاديري؟
سعاد: (هزات تيليفونها دوزات نمرة) الو مراد.. وراقك وجدو.. فين داكشي لي تافقنا عليه؟
مراد: قولي غا السلام ..
سعاد: السلام اولد القحبة وفاتخني فطبون دالفلوس.. الفيديو واجد اه لا؟؟
مراد: غاتقطعي تلقايه عندك! قطعتيلي الطيارة؟
سعاد: يوصل الفيديو توصلك التيكي.. بدا تجمع شطايطك..
مراد: تهلاي.. وكيما تافقنا ماتفركعيش الرمانة حتى نوصل لبلاد الغربة..
سعاد: بطبيعة الحال وخ هكاك مانسخاش بيك يقتلك معاها..تهلا (قطعات)
شيماء: (بحسرة) ماتنعليش الشيطان زعما .. تيتمي دوك الوليدات؟
سعاد: (طفات كاروها وتكات على الكرسي.. نطقات بهدوء) انا حتى حد ما حن فيا اشيماء.. نوضي قاديلنا شي طاجين للعشا وفيقي داك ولدك نلعبو معاه شوية جاني الملل..
شيماء: (ناضت كتجمه العاب ولدها من الارض) خليه اختي ساقر شوية كينوض يرونلي غي الدار..
سعاد: عندك الفودكا؟
شيماء: (باستغراب) اويلي باغا تشربي؟
سعاد: ماواتااتني غا السكرة دبا.. راه راسي باقي غايتشق بداك ليكسطا لي عطاني مسخوط الوالدين.. بغيتها لواحد الغرض لا عندك اريها..
شيماء: نوضي لبيت النعاس راها فوق الماريو..
ناضت كطير لبيت.. هزات كرسي وجبدات واحد الكرطونة كانت فوق البلاكار.. جبدات القرعة ومشات لكوزينة.. هزات بانيو صغير وجوج بيضات.. فگساتهوم تماك.. خلطاتهوم بشوية ديال الفودكا .. مشات هزات صاكها جبدات منو واحد مكيكة صغيرة فيها شوية دصالابان.. خلطاتهوم مع داك الخليط.. خرجات عند شيماء..
سعاد: ودنات العشا؟
شيماء: (كتشوف فيديها داك البانيو) التسليم الله راه يالله تكلمات..
سعاد: (تمات غادية لطواليط) الطواليط لي على برا ماتحليهاش هاد الليلة استعملي دبيتك..ماخصش يتكب فيها الما..
شيماء: فاش تسالي اختي راه الساروت تماك سديها لا يدخل البرهوش الصغير..
مشات هازة داك البانيو كباتو فالقادوس وخرجات سدات الباب بالساروت.. مشات لصاكها هزات ميتين درهم وحطاتها تحت خديتها فين غاتنعس بنية لا تحقق داكشي لي فبالها تزيد عليها ودير الصواب ايلا تطلب منها.. سدات الباب وخرجات عند شيماء تعاونها فالعشا..
حتى وصلها فيديو من عند مراد المدة ديالو 5 دقايق.. تيليشارجاتو بنفاذ صبر وكلسات على صالامونجي كتفرج وضحك..
سعاد: شيماء.. اجي تشوفي الذكتورة راكبة على العود..
شيماء: (جاية بلهفة كتمسح يديها فمنديل) حلفي باين وجهها؟
سعاد: (كتوريها) شوفي شوفي مايا خليفة صافي.. ناري كنتخايل الرايس وهو كيتفرج لهادشي.. (شاف فشيماء) طيحلو اليد مع الرجل ولا لا؟
شيماء: (بخوف) انا الما طاحلي فالركابي اختي.. هادشي بزاف.. الرواح لي غاطيح..
سعاد: (كتعاود الفيديو) قصحي قلبك.. راه الحياة هي هادي باش مادرتي أ يدي تودي..
سيري سيري البصلة تشحرات..
كالس فالجردة كيكمي ويبخ الفقصة سوسن كتلعب قبالتو وهو تيليفون ورا التاني مخدم كاع معارفو باش يعرف الاجراءات لي خاصها دار باش يقلب بنتو فسميتو.. عاد يرتاح..
قطع اخر مكالمة وتكا براسو على الكرسي كيتفرج فديك الفراشة قبالتو كتجري وتنقز.. حتى تمات جاية عندو كتنهج..
نوردين: عييتي ؟ندخلو..
سوسن: (كترد النفس وتحيد شعرها على عينيها) بابا ماتكميش .. كيقتل..
نوردين: (مبعد الدخان لتيساع) شكون قالك كيقتل ابنتي؟
سوسن: مامي..
نوردين: (فنفسو) مك كتعلفو ابنتي (طفاه فطفاية وشافيها كيضحك) يالله اجي عندي..
ناضت تلاحت فحضنو كضحك..
نوردين: (كيدوز على شعرها بحنان) تبغي تشوفي خوتك؟
سوسن: (شافت فيه باستغراب) شكون؟
نوردين: هيثم.. كريم.. ويحيى خوك الكبير..
سوسن: (بفضول) امتا ماما ولداتهوم؟
نوردين: (كيبوس فيديها الصغار) هادو ماشي مع ماماك خوتك من مرا اخرى..
سوسن: دبا انت ا بابا شحال عندك دالمراوات؟
نوردين: (جابت ليه الضحكة) جوج ابنتي.. كاينة خالتك فدوى وماماك..
سوسن: وشكون الزوينة فيهوم؟
نوردين: ماماك..
سوسن: وعلاش عندك لوخرا خايبة؟
نوردين: (فنفسو) وخ ماكايناش مخلية لي يقوم بالواجب بلاصتها.. (بصوت مسموع) نوضو نمشيو تشوفي خوتك؟
سوسن: (نقزات من فوق رجلو بحماس) اه.. اه.. نمشيو..
فالبيت كانت غادية جاية .. هيثم كتبدليه المربية كيبكي ويتنخصص صدعها فراسها.. التيليفون بين يديها كتصوني وتعاود .. كيطلع ليها خارج التغطية..
فدوى: (كتسوط بتذمر) فييينك ا مراد.. فينك؟؟
ضارت شافت فالمربية..
فدوى: مالو فارع الدنيا بالغوات؟
م: ديما هكا فاش كيكون كيبدل (سالات وهزاتو)
فدوى: اريه ليا..
شداتو من عندها كتسكت فيه.. حتى تكا عليها كيتنخصص ويحك نيفو فصدرها بحالا فيه النعاس.. عاودات هزات التيلي كتحاول توصل لمراد لي طفا تيليفونو فالعشية ماعاودش بان.. جربات جوج مرات وتلاتة والو.. لاحتو بغضب فوق النموسية وتمتمات بسخط..
فدوى: يكون زعما فالبلوك عندو شي اوبيغاسيون،؟ مولف كيعلمني..
خرجها من تفكيرها صوت الدراري لتحت كيضحكو ويغوتو بابا بابا..
قلبات عينيها الفوق ماحاملاش تشوفو.. حطات ولدها لي نعس على صدرها.. غطاتو وهبطات تشوف سبب هاد الفرحة ديال الدراري..
مع الدروج بانو ليها مجمعين وسط الدار .. وسطهوم بنيتة صغيرة عاطياها بالظهر شعرها كحل مسبسب على كتافها.. تقدمات عندو باستغراب شافت فيه..
فدوى: شكون هادي؟؟
نوردين: (ببرود) بنتي..
فدوى: (مصدومة بعض الشيء) مافهمتش!!
نوردين: بنت سعاد..
فدوى: ولداتها فال…
نوردين: (قاطعها باش ماتهضرش حدا الدرية) شتتت.. كاين شي عشا؟
فدوى: (كتشوف فالبنية الخلق الناطق ديال سعاد) موجود.. سيرو تجمعو غانمشي نقول لحليمة تحط..
نوردين: (هز سوسن بين يديه وجر كريم اما حتى يحيى كبير تبعو ماللور فرحان بختو ودغيا تقبلوها بجوج) جيبيلي هيثم..
فدوى: ناعس.. (تمات غادية لكوزينة) هادشي لي كان خاصني هاد الليلة.. بنت سعاد قالك.. يعطيها الغرق.. غي كتبان كيتبعوها المصايب.. تفووو..
كالسين فالكوزينة كيستفو الشباكية فالسطولة .. وهي واقفة حدا الشرجم كتكمي كارو وتشوف فنجاة..
سعاد: جاية مخطوفة اصاحبتي كون غي بقيتي دوزي رمضان هنا..
شيماء: (عاقدة زيف حياتي .. شي كاتاكلو شي كتحطو فالسطل) جابتها غي الشباكية وسلو ولفات عيشة هولاندا..
نجاة: (كضحك) والله ياختي ماكرهت نجي ندوز معاكوم رمضان ولكن اش غاندير خاصني نتبع راجلي فين مامشا..
سعاد: (عوجات سيفتها) ترجلو رجلة..
نجاة: واراه تهد مابقاش كيكان..
سعاد: لي كان معاشر الرايس غايتهد.. الرجال ولاد القحاب مكيتهدوش كيهدونا ويسيفطونا للقبر ويكلسو هوما يزهاو.. (طفات الكارو وشعلات اخور)
شيماء: براكة عليك من داك الكارو .. صدرك دعدعتيه..
سعاد: (بلا مبالاة) الصدر لي مايعلقش الميداليات عطي لمو الدخان..
نجاة: (كتسرح ضهرها من العيا.. يديها كتلصق بالعسل) الله اختي مالك حاقدة..
شيماء: (غمزات نجاة ..) لا تديش عليها.. راه حبيب القلب جوج سيمانات وهو غابر.. لا حس لا خبر.. وشاد ليها البنت رهينة..
سعاد: (خنزرات فيها) حبيب القلب؟ هانا غانجي نضرب مك..
نجاة: واصافي قلنالك دبا يتفش..
سعاد: (كتغبن) توحشت سوسن..
شيماء: وا نتي ناعسة .. نوضي سيري ليه براكة واه ..
سعاد: (كدور فعينيها بكل ثقة فالنفس) غايتنازل وغايجي هو وزنافرو الارض..
نجاة: (زادت عند شيماء وهمسات بشوية) هادي راه ولات تخلعني..
شيماء: كون شفتي انا منوضة فيا الرعب هاد جوج سيمانات لي كلسات معايا.. حتى كنلقاها كدوي بوحدها.. كي شي مسطية..
سعاد: (طفات اخر كارو وسدات الشرجم) اختي برد الحال..
شيماء: وا شهر جوج هدا ..
سعاد: (رجعات كلسات حداهوم تستف الشباكية) دبا رمضان باقيليه شهراين هاد الشباكية تصبر ليك ماضيعش؟
نجاة: اش عرفك اختي فشي كوزينة ستفي دغيا وخليوني نمشي مي راه توحشاتني..
سعاد: (شافت فشيماء) شتي ها لي قلت ليك.. والله ماجابتها عندنا غي الشباكية..
نجاة: (ضرباتها لكتفها بمزاح) حشومة عليك اصاحبتي.. انا كنت نتسناك تخرجي من العمرة على الجمر.. الشباكية غا سبة باش يطلقني نجي حكيم..
سعاد: (بتهكم) قاتلك تبدل ومابقاش كيكان.. ايوا اختي سيري قوليليه ايلا كدخل عليها القفة كل صباح قطعها.. وايلا غايبقا رافدو من جيهتي حياتو كاملة يدو فيه..
نجاة: (حدرات راسها كتسد السطل.. نخلاتها) انا والله مانجاوبك..
غي سكتو من النكير تسمع صوت الصوني فالباب.. قفزات شيماء واقفة..
شيماء: نقسم ليك بالله ايلا هو..
سعاد: (بتشكيك) زعما؟
شيماء: (بخوف)ماكاينش لي يجي عندي.. ولدي ناعس وراجلي فاسبانيا..
سعاد: (طلعاتها وهبطاتها بتخنزيرة) وطبونك معاك؟ (ضرباتها لكتفها) تواكضي معانا اصاحبتي مالو بوعو..
نفضات يديها ومشات تحل من بعد ماعاود تدق الباب.. غي حلات تلاحت عليها سوسن كضحك وتبوس فيها..
سوسن: مامي الزوينة توحشتك..
سعاد: (عنقاتها كتبوس فيها وتزير) الكبيدة وحتى انا .. (بعداتها عليها شوية كاشوف جهة الكولوار ماكاين حد..نطقات باستغراب) فاين باك العايلة؟
سوسن: (فيديها شوكولا كتاكل فيها فمها كاع مطلي) راهوا لتحت فطوطوبيل..
سعاد: (بابتسامة) سميتها طوموبيل ابنتي..
سوسن: (ابتسمت ببراءة) راهوا فيها وقالك هبطي عندو ودبا..
سعاد: (قلبات عينيها بملل) سيري دخلي تشوفي طاطاك نجاة.. انا غانهبط عندو..
مشات سوسن كتجري عند البنات وهي سدات الباب وهبطات فلاسانسور كتقاد حالتها فمراية.. وصلات لتحت القت التحية على العساس وتوجهات لطوموبيل.. بانليها لابس نظاظر كوحل .. يد على الفولون ويد كيحك بيها ذقنو .. حلات الباب وطلعات كلسات حداه بدون سلام او كلام.. نطق هو بلا مايشوفيها وبنبرة حادة زعزعاتها..
نوردين: عيطي لداك القواد يبعت عندي فينما كان..
سعاد: (شافت فيه) حميد؟
نوردين: (كيغزز سنانو من ذكرها لاسمه.. هز تيليفونو لاحو ليها ونطق بغضب) عيطيليه يجي نفاريها معاه..
سعاد: (كتلذذ من داخل فاش شافتو باقي معصب.. هزات تيليفونها ونطقات ببرود) غايجاوبني دغيا ايلا عيطت من نمرتي..
لحسن الحظ كان داير نظاظر ومكتشوفش نظرات عينيه القاسية.. اما كون لبدات بلاصتها وهربات عليها هاد الجرأة والثقة فالنفس وتخراج العينين.. قرر انه يتمالك اعصابو حتى يوصل لداكشي لي باغي.. وخلاها دوزات الخط وبالفعل جاوبها فالبلاصة.. غي بدات تحلون فالهضرة والصوابات الزايدة وكضحك معاه بحالا ماخاصها تا خير بدا الدم يتدفق فعروقو بسرعة ولون وجهو كيتبدل.. وعروق يديه كيبرزو..غي قطعات ماحسش براسو حتى شدها من شعرها وخبطليها جبهتها مع الطابلو ديال الطوموبيل .. حتى سمعات الطنين فراسها.. لدرجة فاش علا ليها راسها شافت صورتو حداها مضببة والدوخة شداتها.. ماقدرات حتى تهضر.. ولا دير شي ردة فعل من غير صوتو لي دخل فرعليها طبال ودنيها.. فاش غوت..
نوردين: انا مونيكوس ابنت القحبة هنايا؟؟ كتحلوني حدايا فالتيليفون؟ باغاني نقتلك؟
سدات عينيها وعاودات حلاتها .. كتحاول غي تشوف صورتو بوضوح.. فعلا ضبب ليها الرؤية وداخت بداك الزدحة.. هزات يديها بصعوبة دارتها فوق يدو لي باقا شادة على شعرها كتجبدهالو باش تخفف من وجع قبضته.. ونطقات بصوت خافت..شادة باليد لوخرا فراسها..
سعاد: راسي..راسي..
كان بحالا مغاشيين ليه العينين.. فجأة تواگض لشنو دار وشاف الدم هابط مع جبهتها.. حيد نظاظر وحيد السمطة لي كان باقي داير وزاد قرب لعندها علا ليها راسها ونطق بخوف وهو كيحيد الشعر على جبهتها يشوف اش دار بالضبط..
نوردين: مالك.. دايخة؟
سعاد: (شافت فيه مخنزرة يالله بدا يبان ليها مزيان ووضاحت صورتو..وبان الخوف فعينيه.. حيداتليه يديه من على وجهها ونطقات بغضب) وااااش جهلتي؟؟؟
نوردين: (جبد كلينكس كيمسح ليها وجهها.. لقا ضريبة صغيرة فجبهتها عاد رتاح) فعايلك كيخرجو المومن من الاسلام..
سعاد: (ترخات على الكرسي كترد النفس) سير غاتقود الله يرحم جدك..
نوردين: (رجع نظاظرو ونطق بامر) ديري السمطة ..
سعاد: (باستغراب) فين غادي بيا؟
نوردين: (ديمارا اللوطو) لدار..
سعاد: (تواكضات ليه) لا هاد المرة الرايس غانمشي لداك الدار بعزي..
نوردين: (شافيها مخنزر) كيفاش؟
سعاد: (تقادات فكلستها) انا اخويا مابقيتش باغا نعيش فالحرام.. بنتك انا المسؤولة عليها.. وايلا بغيتي تعيش معاك ومعايا راك عارفني فين كاينة دبا (شيرات ليه براسها للعمارة) ودارك غاندخل ليها بالوثيقة هاد المرة.. بغيتي مرحبا مابغيتيش بنتك تشوفها فاوقات فراغي اولد المختار..
ماخلاتلوش فين يهضر حلات الباب وخلاتو حال فمو لحظة يستوعب..
ركبات فلاسانسور قلبها كيضرب فالتسعين.. مخلطة خلعة مع دهشة مع شوية دالحماس.. قد ماكانت شجاعة كيبقا هاد الطلب صعيب على اي مرا طلبو .. خصوصا فهاد الوضع ومع واحد بحال الرايس.. تقدر تعرض للقمع فاي لحظة وخ ماخلاتلوش الفرصة فين يدير شي ردة فعل.. غي خرجات من لاسنسور وصلاتها بواط فوكال ديالو .. عينيها خرجو مع الميساج .. زيرات على التيليفون فيديها بتوتر حتى شافت نمرتو لي مزال ماكتاب تقيد عليها سمية مضوية الشاشة.. جاوبات فالكولوار وهي غدا لاباغطومون.. مع قالت الو مع غمضات عينيها كتسنا شي قمعة .. حتى نطق بصوت مبحوح..
نوردين: هبطيلي لاكارط أ حبي..
سعاد: (هبطات عليها البرودة مع طرافها) ما حبكش..
نوردين: وا هبطي لاكارط ابنت القح.. بة.. (زاد فنبرة صوته) هبطي لاكارط الط... بون دمك.. هكا مزيان؟
سعاد: (عوجات فمها) علاش كتخسر معايا الهضرة..
نوردين : (بنبرة صوت منخفضة)وا هبطيلي لاكارط أ بب ..
سعاد: انا غانسيفطهالك مع سوسن ..
قطعات قبل ماتسنا الرد ديالو خدات نفس عميق وحلات الباب دخلات لاباغطومون.. تلاقاتها سوسن بالاحضان..
سوسن: (هازة فيديها شباكية) ماما .. زوينة ديريلنا بحالها..
سعاد: (جراتها معاها البيت جبدات لاكارط من صاكها وعطاتهالها) غتهبطي هادي لباباك راه لتحت وخ اكبيدة؟ (حيداتلها الشباكية من يديها) سيري حتى طلعي ونعطيهالك..
حركات راسها باه ومشات كتجري تحل الباب لحقاتها سعاد خرجات معاها لاسنسور هبطاتو ليها ورجعات لدار.. نيشان لكوزينة حطات داك طرف الشباكية وخنزرات فيهوم..
سعاد: سربيو جمعو عليا هاد القجاوط ماتعاودوش تعطيوها شباكية راه فيها الحنوشة كدوزها عليا بالليل نبدا نخورليها فسوتها.. طلعوليا البنت زا... م. ل؟
شيماء : (جابتلها الضحكة) مالك اختي داخلة سخونة؟ (غمزاتها) ياكما ضربلك شي واحد خفيف الرايس؟
سعاد: (ماداتهاش فهضرتها .. طلعات فوق بوطاجي شعلات كارو كتلعب برجليها فالهوا) باغية نمشي نزور.. توحشت الزيارة..
نجاة: (كتجمع فالسطولة.. واحد فوق واحد) كاع السادات دالمغرب طفتي بيهوم اش غاتزوري تاني..
سعاد: (بطنز) باقيلي سيدي بومدين ديال الجزائر .. (نترات من الكارو وساطت جهة السرجم) واش الزيارة كتسالا؟؟ انا دبا يقولولي الزيارة فبانكوك نمشي ..
شيماء: فين سيفطتي بنتك؟
سعاد: دات لاكارط ديالي لباها..
شيماء: (بدهشة) لعار ماتقوليهاش!!
سعاد: (ببرود) داكشي لي فبالك.. غايعقد عليا تاني..
شيماء : مافهمتش..
سعاد: اش مافهمتيش؟ غانتزوجو از... بي..
نجاة: واعرفناك غاتزوجي لي مافهمناش هو كيفاش غاتزوجي بالرايس؟ اش كتحططي عاود..
سعاد: (طفات الكارو) ربي بوحدو لي عارف اش كنخطط..
ناعسة فوق النموسية عينيها على السرجم .. كتراقب الكمرة العالية لي مضوية السما.. والنجوم ضايرين بيها كيشرقو.. هوا خفيف وبارد داخل مع الشقة دالسرجم كيلفح فوجهها..منعسة سوسن على حجرها كتشخر بشوية حيت معدبة فوق رجليها.. حتى ڤيبرا تيليفونها تحتها بنمرة غريبة.. علات حاجب وخلات لاخور وجاوبات بخفوت..
سعاد: وي..
جاها صوت غريق أنثوي ..نطق بتردد..
ألو سعاد ختي..
سعاد: (تكات براسها على حرف السرير ونطقات بتهكم فاش عرفات الصوت) ماعندي خواتات أ نسيمة..
نسيمة: (بوجوم) الله يجعل القلب سميح اختي..
سعاد: سمعي نگولك جوج كلمات ابنت السعدية..مك وباك لي كانو شاركين بيناتنا الله يرحمهوم.. ماتعوديش تعيطيلي اختي .. حيت انا ماعندي تا حبيب فالدنيا هاد الساعة..
نسيمة: (بصوت باكي) أنا طلقت اختي.. راجل مازدقش ليا.. لقيتو كيخوني..
سعاد: شاكيرا وتخانت.. نتي غا نسيمة بنت الدوار بغيتي ماتخانيش؟
نسيمة: اختي راه ضربوني الحيوط وضارت بيا الدنيا..
سعاد: وا خرجي تق.. حبي .. راه الزلالة عطاهوم الله.. (بطنز) فوتي غي راجلي.. القح. وب راه فيه الفلوس.. تصوفي راسك ولا عندك شي وليدات..
نسيمة: (كتبكي وتشهق) خلالي جوج دراري..
سعاد: (قاطعاتها) سعاي بيهوم فالسطوبات.. خاصني نقطع .. ماتعوديش تعيطيلي..
قطعات الخط وبلوكات النمرة موراها كتمتم بسخط..
سعاد: ست سنين وانا فالحبس عمر شي قح.. بة فيهوم جات تزورني ودبا فاش خورها الراجل جاية عندي.. تفو على الط.. بون لي شركني معاكوم ابنات القح.. اب..
قطعات وناضت تقاد لبنتها البلاصة فين تنعس.. حتى وصلها ميساج من عند الرايس..
"فين احبي"
طلعات ليه ڤي ولاحت التيلي..كملات التفريشة لبنتها .. غطاتها مزيان وتكات حداها.. حتى عاود وصلها ميساج من عندو وهاد المرة اوديو..
شعلاتو ودارتو فودنيها..
نوردين: منخلاني الطب.. ون دمك عاطياني النخال.. فيييينك؟
سعاد: (طفات التيلي فمرة وتكات على جنب الراحة كتمتم) سكران ولد القح.. بة..
كالس فواحد البار .. قبالتو مغنية بقوة ما قصيرة كاتبانليه بحال شي قزم لابس طالون.. مرة مرة كيدخل لواتساب يشوف واش تجاوب.. لقاها تاني مخلية ليه ڤي.. دوز ابيل لنمرتها عطاه طافي.. لاح التيلي على الكونطوار .. مع سكران ماقادرش حتى يسب فخاطرو.. حتى وقفات عليه وحدة من صحاب الحال.. معاودة كولها.. نافخة الصدر والكر.. والشنايف.. ابتسم بسخط ونطق..
نوردين: مانسيتي تا بلاصة مانفختيهاش ابنت القح.. بة..
كلسات حداه على الكونطوار حطات كاسها كضحك وتشوفيه..نطقات بدلع..
-انا سوسن..
نوردين: مابانتلك غا سمية بنتي ابنت القح.. بة.. دبا كيغاندير نح... ويك؟
سوسن: (ضحكات تا بنات الهوليود سمايل مستفة كي الكراسة فالبرلمان) فاش كيدوخ الدماغ احبي كيبغي يحوي حتى الحجر..
نوردين: (جغم من قرعة البيرة لي محطوطة قدامو) بشحال كتمشي؟
سوسن: (شعلات كارو) 2000 درهم ل passe
نوردين: (بطنز) معاودة كرك بالطريطات؟ (كيعوجها بصوت التو.. امل) اااالو تورركيااا..
سوسن: (كضحك بقهقهة) وليني راك نمرة…
نوردين: (ضرب يديه لجيب جبد غي الزرقة حطها فوق الكونطوار وناض) نوضي نضربو دويرة ..
ناضت تبعاتو كتعتر فطالونها.. خرجو على برا .. ركبات معاه فاللوطو .. كان صايگ ضاسيا ماقنعهاش..
سوسن: فاش خدام؟
نوردين: (دوز على راسو) طالب معاشو..
سوسن: (عوجات سيفتها) وتقد على 2000 درهم؟
نوردين: (شافيها كيضحك) بشحال تفاكتيري عليا يوماين؟
سوسن: (حلات فمها بدهشة) ندوز معاك يومين زعما؟
نوردين: (طلق موسيقى وزاد فيها) على مانوصلو لدار تكوني حسبتي شحال..
سوسن: عندك البيضة .. نحل عيني ودماغي؟
نوردين: (هز تيلي مدوز نمرة البزناز) كولشي يحضر الزين..
بقات كطلع وتهبط فيه وفحركاتو وكيفاش كيهضر مع البزناز.. الساعة لي لابس.. الحوايج لي ضارب.. الريحة لي راش.. الخاتم لي فيديه.. قالت هادي هي الهمزة والليلة ماطلعاتش فالصو.. ويوماين غاتحلبو مزيان..
دازت يوماين وهو لا حس لا خبر .. ماعيط ماسيفط ميساج.. مرة مرة كدخل لواتساب تشوف واش مكونيكطي كتلقا اخر ضهور ليه داك الليلة لي طلعاتليه vu لاحت التيلي وناضت تغسل وجهها .. وتقلب على سوسن لي فاقت قبل منها باش تفطرها..
كالسين كيفطرو مجموعين فكوزينة وشيماء كتغسل الماعن..
سوسن: (كتشرب الحليب) مامي.. بغيت بابا..
سعاد: فطري .. راه مسافر..فاش يجي غايجي يشوفك..
سوسن: مامي ديني للالعاب..
سعاد: (مقطوعة باغا غاتوض تكمي) وا كملي فطورك ونمشيو..
سوسن: مامي شريلي طخوتينيت..
سعاد: يجي باك يشريهالك..
سوسن: فوقاش غايجي؟
سعاد: (خنزرات فيها) كولي وهنينا..
سوسن: (رخات شنايفها بغضب) بغيت بابا..
سعاد: (ناضت شانتة) لا نتي لا زدت معاك دقيقة غانولي نضرب بالحجر..
دخلات البيت سدات عليها .. هزات كاروها وبريكي وخرجات لبالكون تحل الدماغ.. مع النترة الاولى سمعات تيليفونها كيصوني.. دخلات هزاتو لقات الرايس..
سعاد: (جاوبات وهي راجعة لبالكون كتسوط الدخان) نعام..
نوردين: صباح النور حبيبة ديالي..
سعاد: (ببرود) صباح الخير..
نورردين: نص ساعة ونكون تحت العمارة.. لبسي جلابتك وهبطي..
سعاد: لاش الجلابة بالضبط؟
نوردين: وشكون عرف.. كاع العرايس كنشوفهوم ضاربين جلابة عند العدول.. اه وديري شي شال على راسك.. عالله يطيح عليك السر احبي..
سعاد: (بتهكم) السر خليناه لسنان الحليب.. لي تزوجو بعزهوم.. صغارات ومزال ماضربو الكيلومترات.. اما انا وياك غاديين نضربو غا بريكول ونرجعو..
نوردين: كون غي ربي نقصلك من لسانك وزادولك فط.. بونك كون راني بيخير..
سعاد: تفو على مستوى..
نوردين: (كيضحك) توحشتو أ بب..
سعاد: (قلبها كيضرب من الخلعة والتوتر) شنوهوا؟
نوردين: ط.. بونك ابب..
سعاد: الصمت
نوردين: ولكن راه عمري شفت شي واحد بحالو.. اححح عليك الدياماندا..
سعاد: دبا هادي هي الرومنسية عندك؟
نوردين: اه هي هادي.. نزلي..
سعاد: ايوا لي بغا نينو يسهر الليل كولو.. تسنا..
قطعات الخط وبقات حتى كملات كاروها وزادت واحد اخر.. وكتفكر.. موجة تديها وموجة تجيبها.. كتحسب وترد الصرف غي فدماغها.. فاش لقات بلي كولشي غادي كيما بغات وماعندها لاش دهش دخلات تلبس حوايجها..
من بعد ساعة وهو منشور فالطوموبيل .. اخيرا بانت ليه خرجات.. ضاربة سروال جينز مقطع.. وكبوط فالابيض.. سبرديلة بيضة وجاكيط كوير كحلة.. نظاظر كوحل وحتى نقطة دالماكياج.. حلات الباب وكلسات حداه.. كان جاي عندها بفياط 500 فالاصفر.. ماشافتش فيه دارت السمطة وهبطات المراية كتقاد شعرها.. هضرات بطنز..
سعاد: كتبان فهاد الطوموبيل بحال نزهة القو.. ادة..
ماجاوبهاش .. ديمارا وزاد قبل مايخلي دار عشتها..
سعاد: (شافت فيه مركز مع الطريق.. تحت عينيه كحل باينة فيه ماناعسش.. مدات يديها شعلات الموسيقى ونطقات بلا ماتشوفيه) فين كانو بيك هاد اليوماين؟
نوردين: كانو عندي ظروف قاهرة..
سعاد: ظروف قاهرة مع شي عا.. هرة؟
نوردين: (شافيها بابتسامة جانبية) غرتي اكبيدة؟
سعاد: (بتهكم)من حدنا مزال ماسنيناش الورقة انت ديالنا كاملين..
نوردين: (حط يديه بين فخاضها كيتلمس) ونتي ديالي بوحدي.. عارفاها ياك؟
سعاد: (خنزرات فيه) حيد يدك..
نوردين: (زاد خشا يديه) احح تشهيت شي مصيصة احبي..
سعاد: (حيداتهاليه) رصا الزمر..
نوردين: (دوز على شعرو كيبرد على راسو) الله يرحم ضعفنا.. ويجعل القلب حنين..
سعاد: (شافت فيه مخنزرة) لي سمعك يقول هدا من نهار خرج منو ماشافو.. انت يا ولد القح.. بة عينيك كيدورو باينة فيك اللخر يالله جبتيه هاد الصباح..
نوردين: (حط يديه على صدرو) كضلميني أ كبيدة.. راه غي نتي لي كاينة احبي.. كولهوم غا بنات الق.. حاب..
سعاد: (حطات راسها على الكرسي بنفاذ صبر) قطعتيني..
نوردين: (حمر فيها عينيه )تشعلي شي كارو نشعل فط... بونمك العافية.. بقا غا دخليني عند العدول بريحة الدخان..
مانطقاتش غمضات عينيها ودورات وجهها وسكتات كتسنا غي امتا يوصلو وتفاري هاد المنامة معاه قبل مايكملوها واحد فالقبر ولاخور فالحبس هاد النهار..
يتبع...
التعليقات
لا توجد تعليقات بعد، كن أول من يعلق.