العشق لمن يجرؤ الجزء 13

ناضت طافجة كتغوت ربي لي خلقها..عينيها على البالكون .. صدرها كيطلع ويهبط مشات كتجري لبالكون كطل لتحت .. كتنهج والنفس محقونة فيها.. حتى دخل كيجري فاش سمع غواتها.. مابانتش ليه فوق النموسية .. دور عينيه فالبيت بانتليه واقفة فالبالكون كطل لتحت.. مشا كيجري لعندها.. جرها ماللور.. نزلات لعندو..

نوردين: (غوت حتى بانو حلاقمو) اش كديري الحمقة؟

شافت فيه عينيها كيتررعدو.. داتها كترجف.. البرودة طالعة مع رجليها.. تمتمات بهمس .. صوتها بالكاد تسمعليه.. كتشيرليه بيدها لتحت..

سعاد: ك..كنت كنطل على راسي وانا ميتة لتحت..!

تنهد كيغزز سنانو.. كون تعطل غي شوية كان غايجي يلقاها لايحة راسها.. وصلات لدرجة خايبة ديال الهلوسة.. لدرجة تقدر تأدي راسها بلا ماتحس.. جرهأ لعندو عنقها مزير عليها.. ماكرهش كون كانت فعقلها يملخها عصا ومايبردش.. على هاد الرعب ليمدوزة عليه هاد الليلة..

نوردين: شتتت مازال عمرك طويل غي كتحلمي..

سعاد: (كتحك مع كبوطو كتبكي) خصني نمشي مع دوك العيالات نشعل معاهوم الشمع حتى أنا..

نوردين: (بعدها عليه شوية وتحنا هزها داخل بيها لداخل) حتى للصباح ونديك عندهوم..

ماجاوباتوش غي كتبكي وتنخصص.. حطها على الفراش تكمشات بلاصتها.. غطاها ووقف عند راسها كيسوط بغضب..

نوردين: خاصني نبات عساس على دينمك هاد الليلة.. الحمقة لي ولداتك..

سعاد: (كتشوف فالفراغ .. تمتمات بخفوت) يدك فيهوم الدم..

نوردين: (غوت عليها صاعر) يدي فيهوم القلاوي نعسي ولا غانجي نواكضك بشي قتلة دالكلاب نتي وجنونك..

غمضات عينيها ونعسات مرة مرة كتشهق بصوت عالي وهو غادي جاي فوق راسها .. جبد كارو يكميه..

نوردين: (كيشوفيها ويبركم) التريكة تفوو..

حلات عينيها على شعاع الشمس .. كتحس براسها عاطيها الحريق.. ناضت بتثاقل حتى عظم مافيها صحيح.. شافت فحوايجها مبدلين.. مشات للحمام حلات الما بارد ورشاتو على وجهها.. أحداث داك الليلة كتوافد لذاكرتها وحدة تابعة لوخرا.. لحمها تبورشات عليها.. علات راسها كتشوف فوجهها صفر .. نقطة الدم مافيهاش.. شنايفها بويض.. وتحت عينيها كحل.. خرجات لبرا كتنشف وجهها.. مع الخرجة شافتو عاطيها بالظهر.. تراجعات خطوتين الى الوراء.. دار لعندها طلعها وهبطها.. مخنزر..

نوردين: فقتي أهويعة؟

لصقات فالحيط كتشوفيه .. لسانها تسرط.. خشا يديه فجيبو وتم جاي لعندها عاقد حجبانه.. حتى وصل عندها .. ومابقات كتفصل بينو وبينها الا بضع سنتيمترات.. هز يديه مررها على وجهها حتى شهقات بخفوت وزادت لصقات فالحيط..

نوردين: 3 يام ونتي مغيبة.. ضاربة الماريوانا؟

سعاد: (ارتجفو شفايفها وتمتمات بخفوت) ضاربيني الجنون!

نوردين: فين كانو بيك داك الليلة؟

سعاد: (معدتها تقلبات بالخلعة) ك..كنت مع صاحبتي..

نوردين: فين خرجتو وماشافكش العساس؟

سعاد: (بهمس) م..مشينا تعشينا وزيرني الحال تماك..

نوردين: (دوز بيديه على عنقها كتخايل غير موس وهازو عليها..حتى جفلات بلاصتها..) شنو قوتلك اخر مرة؟؟

سعاد: (قلبها كيضرب فودنيها.. والنمل طلع كيدغدغها من صبع رجليها الصغير..فغرت شفايفها ونطقات بخفوت) مانخرجش بلا شوارك!

كانت هادئة ونظرات الخوف فعينيها.. مولف يشوفها كتجابه معاه.. ومخرجة فيه عينيها.. هدوءها خلاه يستغرب.. باغيها تغوت باش يقتلها عصا .. مغزف عليها من داك الليلة.. لاكن بهدوءها هدا ماغايعطيهش خاطرو حتى يقيص فيها ..زاد لصق بصدره عليها .. ضغط عليها حتى شهقات..وحس بارتجافة جسدها بين ضلوعه.. كيراقب ارتجافة شفايفها.. بلع ريقه حتى تحركات تفاحة أدم فحلقه ونطق بهمس..

نوردين: ونتي اش درتي؟

انفاسه السخونة كانت كضرب مباشرة فوجهها.. نظرات عينيه القاسية.. ملامحه الحادة.. محاصرينها وكيفكروها غير فداك الليلة..

حدرات عينيها هاربة من شوفاته.. حتى جاها صوته العميق عصف بكيانها بحال شي ريشة فمهب الريح..

نوردين: سرطتي لسانك؟ فين داك تخراج العينين؟

سعاد: (علات عينيها فيه كتشوفيه ببراءة قطة مشاكسة فزكات بالما.. نطقات بخفوت كتمسكن عالله يبعد منها) كنقنط بوحدي.. وانت حابسني..

نوردين: (ابتسم بهدوء.. ميل راسو باسها من خدها قبلة دافئة .. وقال بخفوت) لي شافك هكا يتغشم فيك ابنت الشيخ.. كتغبني بحالا أنا لي ضالمك..

سعاد: الصمت..غي كتسبل فعينيها..

نوردين: (تراجع للوراء مخليها ترد النفس) لبسي حوايجك غانخرجو..

سعاد: (تزاد معاها الزايد نطقات بزربة) لا بلاش غي خليني! سير انت..

نوردين: (دور راسو شافيها مخنزر) كتقحبني عليا على الصباح؟ عاد دبا كتقولي حابسك ..لبسي دغيا سربيني..

شافتو محمر فيها تململات من بلاصتها قليها كيزدح.. باغاه غير يخرج يبعد منها يخليلها المجال فين تسترجع نفسها..عطاتو بالظهر كتجبد حوايجها من الماريو..حتى وصلها صوته الخشن كيدوي بأمر..

نوردين: لبسي حوايج مستورين وبلا ماكياج..

لاحها هاد جوج كلمات وخرج.. خلاها شادة على قلبها .. عينيها كيدورو بلاصتهوم..

خرجات من البيت لابسة سروال وكبوط دالصوف مع صبادريل.. ومونطو طويل ساتر نصها.. مادارت حتى نقطة دالماكياج .. صفرا مقتلة بحال الاستدعا.. ماكان فيها لي يوقف حدا المراية وماعندها خاطر دور بالحالة.. طلعها وهبطها كيعبرها ماللور ومن القدام.. حتى شيرليها بعينيه من بعد ماوافق على شكلها.. شافت فيه ورجعات شافت فنجاة لي واقفة مكوانسية فواحد القنت.. دواو غير بعينيهوم وحدة كتقول لوحدة الله يخرج العاقيبة على خير..غي حل الباب تبعاتو ماللور.. مداتليها نجاة صاكها فيه كلشي سدات الباب وخرجو..

غاديين فصمت بحالا غاديين لمحكمة يداعاو ركبو فالطوموبيل .. ديمارا كيقاد الصمطة.. مد يديه شعل الراديو ..شافيها..

نوردين: فين باغا تفطري؟

سعاد: (مكتشوفش فيه) لي بغيتي..

ماعاودش هضر معاها حتى وقف الطوموبيل قدام واحد الريسطو فخم.. كان الجو شوية مغيم والشتا بحالا غاتبدا طيح..نزل من الطوموبيل ونزلات موراه.. كتشوف فين جابها.. شافيها كيخشي تيليفونو فجيبو وشيرليها براسو..

نوردين: دخلي.. ولا خاصك العراضة؟

عوجات سيفتها ماعاجبها حال.. تبعاتو فاش شافتو داخل.. كان مطعم فخم من الدخلة واقفين جوج ديال ليكارد فالباب.. استقبلوه بحفاوة.. كيسلمو عليه باحترام.. كأنه هو صاحب المحل.. وقفات كتسناه يسالي سلامو.. كتشوفيه بملل حتى غمزها بعينيه دخل.. تقدمات بخطوات لداخل تابعاه.. كتساري عينيها فالارجاء.. عجبها الديزاين ديالو .. كيبان راقي من الدخلة.. موسيقى هادئة والجو شاعري.. لمحات بنات من بعيد عينيهوم على الرايس حاضينو من الدخلة.. مدات يديها شدات فيدو بدون شعور.. حتى ضار شافيها وفصبعان يديها لي دخلو مع صبعانو.. ضهر شبح ابتسامة هادئة على وجهه.. زير عليها بدوره وجرها معاه لواحد الكوان جاي على البحر.. كلسها وكلس قبالتها.. حط تيليفونو وكونطاكط طوموبيل حداه وشافيها..

نوردين: شنو تاكلي؟

سعاد: (بعفوية) ماعرفت.. بغيت شي حاجة حلوة..

هز يديه شير لسيرفور جا عندو كيجري .. هز الموني كيشرحليه اش يجيب..وهي حاضياه فكل إلتفاتة وفكل حركة.. مستحيل تصدق أن هاد المخلوق لي كيهضر بهاد التباتة والرزانة.. كيقتل بدم بارد وبداك الطريقة الشنيعة كيصفيها لأعداءه.. ارتجف قلبها لهاد الذكرى.. زاحت عينيها من عليه كتشتت نظرها لبعيد وياريتها ماعلات عينيها.. الصهدة طلعات معاها فاش شافتو قبالتها مراقبها بدوره وكيبان مصدوم من شوفتها.. رجعات شافت فالرايس لقاتو كيسد الموني .. انسحب السيرفور وشافيها الدم تخطف فوجهها..رجعات علات عينيها للمرة الثانية كطلب الله تكون غي كتحلم.. لاكن خاب ضنها فاش شافتو جاي لعندها ناوي على خزيت.. حدها تمتمات بخفوت..

سعاد: م..مؤيد..!

وقف عليهوم كي عاصي ربو.. علا عينيه نوردين كيشوفيه باستغراب.. شافيها رموش عينيها كيترعدو.. رجع شافيه.. يالله غادي يتلاح عليها جرو من يدو .. زدحليه راسو مع الطبلة قبل مايوصل ليها وكالاه بدراعو مزيرليه على عنقه..

نوردين: شكادير اولد القحبة؟

دفعات الكرسي وناضت لصقات مع الحيط يديها على فمها ورجليها رجعو مثل العجين تحت منها.. كتشوف فالطيحة لي مطيحو.. قلبها غايسكت..

مؤيد: (بصعوبة باش كيدوي) الفاسيقة هادي نصبت عليا.. حرامية خادتلي رزقي..

نوردين: (عرق فجبهته نافر زاد زير عليه حتى كيبغي يقجو) مرتي هادي الكلب لي ولدك تهز عليها يدك وانا حاضر؟

مؤيد: (عينيه تقلبو كيحس بالروح غاتخرج منو) خ.. خاليني نشرحلك.. هادي نصابة.. وتحب تنصب عليك حتى انت.. دير بالك منها..

نوردين: (شافيها مكونة قبالته وضاربة الطم كدور فعينيها عرفها دايرة شي فضيحة.. رجع قرب من لاخور .. رخف عليه قبضة يدو غي شي شوية باش يعرف يهضر معاه ونطق والتشاش خارج من فمو غايبخ الدم) شنو دارتلك؟

جاو ليكارد لي كانو فالباب باغيين يخرجوه برا.. والدراري لي كانو مع مؤيد باغيين يفكو.. صعر على كولشي كيغوت..

نوردين: تا قواد مايقرب.. (تكاليه على راسو حتى رجع احمر ولسانو خرج) نطق ازبي شنو دارتلك؟

مؤيد: (صوته خارج مقطع كينهج) بغيتها للحلال ومشيت قصدت دارهوم.. عطيتها صداقها وشريتلها الذهب وكل ماتشهات خاطرها.. مثلات عليا العفة وبنت دارهوم.. ويوم العقد.. جبت يوما واهلي وهي هربات.. حتى اكتشفت بلي نصبات عليا..

شافيها راسو كيغلي.. تسناها تهضر او تنفي اش سمع.. لاكن مانطقات ماتكلمات.. عارفها لفعة دير ماكتر.. رخف قبضته من عليه ونوضو شادو من كول قميجتو.. قال بحدة وبنبرة فيها التهديد..

نوردين: غاتنساها وتنسا هادشي لي عاودتي هنا.. ولا بربي حتى غايقلبو عليك السفارة يلقاو يديهوم والبرد.. فهمتيني ياكا؟ (طبطبليه على عنقه)

دفعو لبعيد وشير لواحد من ليكارد..

نوردين: عدنان.. تبعو حتى يركب فطوموبيلتو..(غمزو)

ماتحركش من بلاصتو بقا شاد على عنقه كيطلع ويهبط فسعاد بنظرات حاقدة.. حتى ما حس غير ببونية جاتو للنيف .. راسو ضار وودنيه صفرو.. قبل مايتلاح عليه بحال شي ثور هايج كيدخليه فالبوني للراس وهي وفين جات..

نوردين: ياولد القحبة قلنا نعطيوك فرصة تهرب بعظامك صحاح.. سخن عليك كرررك باغي تبع القذافي.. بررب تا قلبتي عليها..

فاش شافت داك المنظر قبالتها .. رجعات جوج خطواي اللور وتسلتات بشوية جهة الباب.. غادية كتسلت .. بنادم تجوق وكولشي كيفرق.. لقاتها فرصة فين تهرب.. وعطات رجليها للريح.. كتجري ومكدورش وراها.. خرجات شيرات لطاكسي لقاتو عامر ببلاصة.. ركبات كتنهج..

سعاد: غي سير اخاي وصل السيد هانا معاك.. بعد غي من هنا..

ضربات فشواطها كتويل .. وتشوفيها غادية جاية حداها..

نجاة: اويلي وحدي وعلاش راجعة للدار الزغبية؟

سعاد: (كدور فعينيها كتغزز ضفارها) سلخة سلخة مالله وما فالدار اختي..

نجاة: (يديها فوق راسها) اربي سيدي ومشا يقتلك أمسخوطة..

سعاد: (مشات هزات كارو شعلاتو وكلسات فالارض كتكمي وتبخ) لا .. لا شي حد من جوادي غاضب عليا.. اويلي اشهاد الزهر المكوز.. (شافت فيها) نشعل شميعات؟

نجاة: الصمت..

سعاد: لا لا خاصني نحرك المجامر.. الزيارة وزرتها.. الليلات ودرتهوم.. مكيجي يوقف عليا حد.. ومال زهري مقيم عليا هاد الايام؟

نجاة: (كتمتم فنفسها وتسوط الدخان بيديها) لا صافي البنت تخوطرت..

سعاد: (ناضت غادية جاية ماقادها حتى قنت) لا لا شي واحد دعا فيا مايمكنش!

سمعو الباب كتحل.. لاحت الكارو من يديها شاعل جا على الزربية زطمات عليه غي نجاة وشافت فيها مرعودة..

نجاة: جاا ..جاا..

سعاد: (كتفرك فصبعان يديها) شوفي لا مت عيطي للسعدية عطيتك نمرتها ياك؟

داخل للدار صاعر كايقلب عليها .. الفتحة اللي فتح الباب زدحو مع الحيط بحر جهده يديه مزيير عليهم مكورهم على شكل جوج بونيات و بقوة التزييرة اللي دايرلهم بياضو عليه .. دور عينيه يمين و شمال كاينهج فحال شي ثور شايف اللون الاحمر قبالت عينيه .. قلب عليها الصالون و داز ديريكت لبيت النعاس دفعو داخل مدرم تا بانتليه واقفة قبالته ونجاة كالسة فوق الفراش..

كانت واقفة كاترعد كامل مبيضة عينيها و انفاسها مسلوبين بالخلعة، وجهها صفر و باينة فيها الخلعة، عارفاه يقدر يقتلها بدم بارد و حد مايسيقلها الخبار خصوصا بعد اللي سمعو و اللي شافتو عليه تا هو، لحد الآن منظره كايدوز على رشيد كايتعاود فكوابيسها .. بغا ينقز عليها يشدها و هي توقف نجاة مغطياها بدورها كاترعد مخلوعة و دفعات الجبهة مسكينة عزات عليها بنت الشيخ

نجاة: عفاك اسي نور الدين راها مزال عيانة مسكينة..

حدو علا فيها عينيه بنظرة كااتخلع، ماقالش الحرف حدرات راسها و بعدات عاطياه المجال فين يتقابل معاها مزيان .. خرجات لبرا كاتويل و تخبط فشواطها مخلوعة كتمتم بينها و بين نفسها

نجاة: سمحييلي اختي سعاد نااري اليوم طيح الروح، نااري شوفتو كاتخلع نااري الزغبية من مرضة لمرضة مايتهدو هاد الزوج تا يقتلها

بقات كاتمشي و تجي عند الباب مخلوعة كتاكل فضفار يديها و كل شوية تطلق وذنيها تصنط لشنو جاري عندهم

غير خرجات نجاة و بشراسة تلاح عليها غارس صباعه وسط خصلات شعرها .. جر جذوورها بطريقة كتوجع تا غوتات سعاد كتلهث و شداتليه فيدو حالة فيه عينيها مخلوعة

سعاد: اععععع.. قاصتك الصعرة عاااود..

الرايس: (مزير عليها كايديها و يجيبها بين يديه حاسة بشعرها كايتقلع وسط يديه) عااارفة رااااسك دااايراها دالقتييلة ابنت القحـ ـبة .. مكاتهديييش؟ الشيييطان منك كياخذ الدروووس .. باااغا تحمقيييني الدين ديماااك (زدحها بالضهر د يدو بتصرفيقة خلاتها تشهق كاتغوت، عاودها الثانية تا صمكااتلها واحد الوذن .. حساتها كاتزنزن عليها و راسها كايدور .. عاود جرها حاكم ذقنها بين يديه و عينيه خارجين فيها بنظرة فحالا كايقوليها بيها اليوم غاتموتي) شحاال من واحد مزال غايطلاقاك معايا فالزنقة و يبغي يتلااح عليك؟ لاعبااها راك شدييدة و قادة التقحبيين ديالك مكايتحدش هاااا؟؟ كنتي معرية على هاد الزك وفين ماضرتي يطيح الريال ياااك؟ تابعة الماطريال ابنت القحبة.. (عطاها طرشة حتى حوليها الوجه) دوي.. شكون اخر فتختي؟؟؟

غوت تا طفجات بين يديه ملاقياش اللسان باش تدوي و تخرج كلمات تواجهه بيهم، الجهد مقاضيلها و خايفة غير لا يدوز عليها بشي ذبحة تا نطق بكلمات زاادو فشلوها و طيحولها الما فالركاابي

الرايس: لاماذبحتكش شي نهار مغانبردش .. بانليا نديرها داابا و نتهنى من صدااعك باغا طرطقي فيا شي عرق (عاودها بتصرفيقة اخر تا طاحت لاارض كاتنهج و تنفس بصعوبة .. حسات بشي حاجة سخونة نازلة مع نيفها، تحسساتها بصباعها و قابلاتهم مع عينيها لقاته الدم)

الريق شحف فحلقها و بلا ماتشوف فيه بغات تمشي للباب كايبانلها غير تهرب .. رجليها مابغاوش يهزوها .. بدات كاتحبو على يديها و رجليها بلا ماتشوف وراها و صوت انفاسها العاليين كايتسمعو فأرجاء الغرفة .. شافها كي غادة جيهت الباب بديك الطريقة .. عاود تحدر عليها و هزها من شعرها تا غوتاات بالجهد كاتدافع معاه باغا تحيدو منها .. حلات عينيها فيه عامرين دموع و تا هو ماباردش عليها، غير حلاتهم فيه خشالها بونية للعين و لاحها لفوق الناموسية و تحدر كايخبط فيها فينما جات و هي غير كاتغوت و تفركل فحال شي حوتة عاد مخرجينها من البحر...

سعاد: (كضرب فيه بيديها ورجليها) طلاااااااق مني .. طلاااق.. ال*امل .. القوااد... اععععععع..

زاد حكمها مزيان عطاها الدق تا حس بالعيا و يديه ضروه .. العرق نازل مع ضهره مفزگو و العروق فجبهته نافرين، عينيه مشعشعين بالحمورية باغي يزيدها و كاينعل الشيطان..

نوردين: (شد٧ا من ذقنها مزير عليها) دوي لربك دوي! شحال من واحد فتختي من غيرو..

سعاد: (كتنين بحال شي قطة) أنننن.. ماشي بزااف..

نوردين: (ضحك بالفقصة) لا غي لا بغاو يكونو بزاف.. نطقي اش درتي؟؟

سعاد: هنننن.. واحد الخليجي ديناه لكازا انا وصاحبتي سرقناه.. خليناه مربوط ورجعنا لطنجة..

نوردين: تباركالله على كاسا ديبابل.. مروناها قواادة؟ موحشة الحبس باغا تجربي حيوطو؟ هااااا..

سعاد: (مسهوتة كتحلف فيه مابقالها جهد ولي فيها ماهناها) بربي الرايس حتى غاتفكني معاك غي شميعة.. هادشي كامل لي درتي فيا يرجعلك مضوبل.. مجامري غانحرقهوم عليك..عقل..

نوردين: (هزها من شعرها مومو عينيه كيغلي عليها من فرط الاعصاب) الشمع هو لي غانطلعولك مع زكك أبنت الكلب..والله حتى نقادك نتي وجنونك.. بربي يا انا يانتي.. يا الزاهكة مو ديوور..

..

كل عقل اش كايقوليه و هي مهدودة فوق داك الفراش، سخفانة من القتلة لي عطاها .. غمضات عينيها كتنهج .. غطاتهوم بيديها كتهرنن .. وعطاتها للغوات .. ناض من فوق منها واحد اليد طايحة عليه.. كترعد غي بوحدها .. زير على دراعو حجبانه مشروكين طلعها وهبطها بغضب وخرج من البيت صاعر..حلات عينيها فاش سمعات صوت الباب ترضخ، صقلات من الغوات .. هبطات صباعها بشوية كاتدور فعينيها فأرجاء البيت، لقاته خاوي خلا غير ريحتو مسارية فجوانبها و عالقة فجيوبها الانفية، ريحة الدم و الموت اللي كاتشمها فذاته .. شدات على صدرها كاتلتقط انفاسها، حتى تحل الباب دالبيت، قفزات مخلوعة و هي تسمع صوت نجاة داخلة عندها كتبكي و تويل

نجاة: غير انا هادي، غير انا ماتخلعيش .. الله ياربي سلخك و زرقليك لحمك

سعاد: (علات فيها عينيها كاتصرط فريقها بصعوبة) مشاا؟

نجاة: زدااح وراه الباب و مشا

تحدرات عندها كاتشوف فيها مخسرة سيفتها من الكدمات اللي باينين على جلدها و وجهها و سعاد عاد قدرات تنفس الصعداء و السخانة دالخلعة اللي كانت شاداها رجعات عليها بالبرودة حتى ترخات فبلاصتها مخلية نجاة كاتنادي عليها بصوت مخلوع، قرب يسكتلها القلب معاهم..

نجاة: عاود غابت..

كالس فوق النموسية بصدره عريان.. حداه فدوى عاطيها دراعه كتمسدها ليه بشي بومادا.. وهو عقله غايب مع هاديك لي ملخها عصا ومابردش..

فدوى: خاصك تشوف الطبيب.. يديك كترعد بزاف..

نوردين: مسدي وهنيني..

فدوى: (كتشوفيه باستغراب) تعصبتي مع الخدمة؟

نوردين: (شافيها صاعر دوا من تحت سنانو) قلبي عليا هاد الساعة أفدوى..نوضي شوفيلي شي دوا دالراس..

ناضت من حداه كتنهد.. مشات لواحد الشانطة عندها.. جبدات منها دوا .. كباتليه كاس دالما وعطاتو يشرب..

فدوى: هدا مزيان يخفاف عليك راسك..نجيبلك تعشا؟

نوردين: (شرب داك الدوا.. وتمدد فوق الفراش قال بفتور) طفي الضو خليني نعس.!

دارت اش قاليها وهبطات لتحت كتجر فرجليها.. لقات خديجة كالسة فالصالون معاها خدامة كتقطعليها ضفرانها.. كلسات حداها معبسة.. قالبة سيفتها..

خديجة: مالاك قالبة وجاك أبنتي؟

فدوى: (كتنهد) اش غايكون أخالتي.. لي ميل حالي راك عارفاه..

خديجة: (بحسرة) ايما الحبيبة وعلى بني.. الزوغبي طاح فديك اللفعة مادجمعلو المطاوي..

فدوى: شنو ندير اخالتي حرت..

خديجة: (مغزفة) مانكرهش نقتلا..ونبرد..

فدوى: كون تشوفي أنا..

خديجة: بلحق دبا يمل الحبيبة دقلبي.. ومرجوعو للدار ديالو.. عند مولات العقل.. ومت ولادو.. القاحيبات دغيا أيتسالاو..

فدوى: (بالغدايد) وراها مراتو أخالتي..

خديجة: وخ مراتو فاسيقة.. اخرتا يقتلا ويدفنا .. دوريني فبني؟

جرات خدية حطاتها على حجرها وكلسات مهمومة .. ضاربة الطم..

**

كانت كالسة كتفرج فالتلفزة.. مسلسلها المفضل.. كتنقب من طبسيل ديال اللوز فحجرها.. ترد شوية من الطاقة لي مشاتليها اليوم بالخلعة على سعاد..حتى شافت شي حاجة دازت طايرة من قدامها بحال نسمة الهوا.. جاتها بحال سعاد.. ولكن عارفاها ناعسة منين كلات قتلة دالعصا.. رجعات ركزات مع التلفزة حتى عاود بانتليها راجعة.. بمجمر فيديها.. تقادات فجلستها كتشوفيها باستغراب ماعرفاتها منين بعتات..

نجاة: سملحمرحيم..

سعاد: (حانية على المجمر كتشعل جمرة جاوباتها بلا متشوف فيها) يطير ويجي فعنقك..

نجاة: (حطات الطبسيل فوق الفراش وناضت لعندها وقفات حداها كتشوفيها بترقب حانية شعرها على المجمر) نعاونك فشي حاجة اختي سعاد؟

سعاد: (علات راسها شافت فيها.. مخرجة عينيها) فيك شي جنون؟؟

نجاة: (تراجعت للوراء مخلوعة يديها على فمها) حجارهوم يشدوهوم اختي..

سعاد: (هزات واحد القريعة صغيرة دايرة فيها البخور.. لاحتو على المجمر تا طلع الدخان.. هزات شميعة شعلاتها كتغدد) ولد العرجة.. مابغاش يتهدن؟ دايرلي فيها صعصع؟ عاين القوااد.. والله تا نقادك.. (شافت فنجاة) جيبي الزهر..

مشات كتجري جابتو ليها.. كتهضر فنفسها..

نجاة: مشيرة وغاتشيرني..

سعاد: (كتشعل الشمع وتشوف فنجاة كتهضر مغددة) دبحت العتارس وماكروش فيه القواد.. والله حتى نردو يمشي على البيض ومايهرسوش..

نجاة: (شادالها الخاطر) وخ اختي سعاد وخ.. يستاهل..

سعاد: جواااادي وجنوني يخرجو فيه.. (كتمشي وتجي بلاصتها معصبة) هايهايهاي مابغا لا يتهد..

نجاة: (كتشوف فداك الشمع والبخور طالع شاداها التبوريشة) اجي تكلسي اختي سعاد..اجي..

جراتها معاها لصالون.. كلساتها ومشات جابت ليها كارو وعطاتها بريكة حاضية معاها..

نجاة: هاكي .. كمي.. غاتكوني غا تقطعتي..

سعاد: (خداتو من عندها شعلاتو) نشدو نغززو هاااكا(عضات يديها)

نجاة: (بقات شحال ساكتة عاد نطقات) دبا اختي سعاد علاش ماتشديش معاه الخاطر؟ تاكليه بحوايجو..

سعاد: كتسوط الدخان فالسما ماجاوباتهاش..

نجاة: (حطات يديها على دراعها كطبطب عليها) ولا جيبيليه شي بيبي.. وغاتشدو الارض بجوح انشاءالله..

سعاد: (شافت فيها مخنزرة) ولادو نقتلهوم قبل مايجيو لهاد الدنيا..

نجاة: استغفرالله.. ماتقوليش هكا.. الوليدات زوينين .. كيونسو.. انا دبا كون ماكانتش بنتي كون يعلم الله اش طرا فيا.. هي لي مصبراني على هاد العيشة..

سعاد: (شافت فيها كضحك ..كطافي الكارو) مانمشي حتى نزوجك أنجاة.. وتزويجة دالفريع.. عقلي فين قلتهالك!

تعسعس الليل وهي ناعسة.. الحرب دازت عليها هاد الايام.. كانت بين اليقضة والنوم.. سمعات الباب تحل..وخطوات قادمة ناحيتها.. ريحته سبقاتو وملآت جيوبها الانفية..حلات عينيها وبقات على وضعيتها.. هادئة.. ساكنة..! ومرخية من التعب..

حسات بالنصف الاخر من السرير هبط وجسده الضخم حاوطها ماللور.. طل عليها لقاها فايقة.. دوز بيديه على شعرها ونطق بصوت مبحوح..

نوردين: بردو عليك عظامك شوية؟

سعاد: (هزات راسها بصمت) اش جابك لعندي الرايس؟

نوردين: (تكا بجنبو على النموسية ودورها لعندو كيشوفيها قال بتهكم) رجعت نتشفا..

سعاد: (كدقق فتقاسيم وجهه ..الوسيمة والخشنة..همسات بخفوت) ربي ماغايسمحلكش.. كضلمني..

نوردين: (تحنا بوجهه لعندها..كيحاصرها بااسواد المتكوم تحت جفونه.. هز يديه كيدوز تحت خدودها بلطف..نطق بصوت أجش) لي سمعك غايتيقك.. ونتي لفعة من تحت التبن..

سعاد: (هزات يديها حطاتهوم تحت ذقنه.. كتلعب بلحيته.. لهيب عيونه كانت بمثابة نار وكتحرقها..نظرته العميقة ليها عصفات بكيانها من داخل.. الكلمات خرجو ثقال من جوفها) فاش كنحقق فيك مزيان كتبان بوكوص..

نوردين: (زاد قرب أكثر.. حتى حسات بانفاسه كلها عند وجهها.. هز حجبانه بابتسامة دافئة.. عرفها مهلوسة..خرج صوته متذبذب) شحال شربتي من حبة؟

سعاد: (هزات جوج صبعانها قدام عينيه.. خرج صوتها مرخي) غي جوج..

عيونه كانت كتغلفهم الشهوة.. الرغبة والشغف! بانتلو فيها .. همس بحشرجة..

نوردين: الحوا ونتي مهلوسة كيغايجي فنظرك؟

سعاد: (ابتسمت بدفئ.. حيدات يديها من على ذقنه ونطقات بخفوت) سخوووون!

ابتسم باستمتاع.. يديه كيهبطوليها ثوب الشوميز لي لابسة غي بشوية.. بانوليه ضرابي زورق فدرعانها.. تحنا بجسده عليها وهبط كيطبع قبلات هادئة على طول درعها..طالع هابط حتى استقر عند الشقة دصدرها..طلع معاها بعضة حتى تواكضات.. السخانة بدات طلع معاها.. ومفعول الدوا بدا يخدم فيها.. علا عينيه شافيها عاضة على شفايفها كضحك..

نوردين: (خطف قبلة من فمها كيمرر يديه على فخدها العريان.. ابتسم بدوره وهمس) مالك؟

سعاد: (دوزات لسانها على شفايفها فحركة مغرية عصفات برجولته) كتهرني..!

يديه تسللات بين فخادها حتى وصلات لسليب.. خشا يديه لداخل كيقرص فيها.. حتى شهقات مرجعة راسها اللور.. الريق كيتبلع فحلقها.. همسات بنشوة.. قلبها كتحسو غايخرج من قفصها الصدري..

سعاد: القنفود..

نوردين: (خشا راسو فعنقها كيبوسها بلهفة .. يديه كتلعب فيها لتحت ..مصلها شحيمة ودنيها ونطق بصوت عميق) مالو؟

سعاد: (كتعصر وتوحوح بصوت خافت) هاااح كياكلني!

رفعاتو بصوتها وحركاتها .. كانو دمار.. بنزين من الانوثة تزادت على النيران الملتهبة تحتو.. خرج يديه من تحتها .. وطلع فوق منها كيحيد كبوطو.. كيتوعدها بليلة ساخنة وهي مهلوسة تحت منو.. تحت شعار سدي فمك وعطيني همك!

🛑مقطع+18🛑

طلعات البيت كتقلب عليه من بعد ماتعشاو وبقات كالسة شحال مع السعدية.. مالقاتوش.. قلبات عليه فالحمام مكاينش.. فالبالكون والو.. هبطات لتحت كتسول الخدامات.. تا حد ماشافو.. خرجات لبرا عيطات للعساس هو لي قال ليها راه خرج.. تمات راجعة كتمتم باستغراب

فدوى: فين غايكون مشا؟

رجعات لبيتها هزات تيليفونها كتصوني عليه.. لقاتو طافيه.. كلسات على النموسية كتغزز ضفرانها وغير زارتها الفكرة ديال انه يكون مشا لعندها السخانة طلعات معاها..لاكن سرعان مانفاتها بينها وبين دماغها..

فدوى: لا لا مايمكنش.. الخدمة بوحدها لي كتنوضو على المرض.. غاتكون شي حاجة ضرورية علاش مشا..

-سسس.. ففف.. غي بشوية.. أححح..

نوردين: (واقف فالارض وهي فوق النموسبة جارها لعندو خاشيه كولو حتى ماشاط والو..شحطها لطرمتها واصل لسما السابعة) منين كتجيبي هاد الضيق.. اممم..

سعاد: (حتى كتبغي تغيب من تاثير الدوا وكترجع توكضها السخونية لي طالعة معاها لراس) كنبخرو بالحرمل..

نوردين: (زاد عطاها شحطة .. كتعجبو طرمتها فاش كتكلم كي الطبل) الجنون عاود؟ (مقاتل مع رجليها لي كتنسا وترخيهوم) علي رجلك مزيان..

سعاد: (هزات يديها)

نوردين: (جابتليه الضحكة) وارجلك ماشي يدك..واش غانحويو ولا نكفتو..

سعاد: (كتنين بخفوت طيبها من تحت) أنننن.. راهوم معليين..

نوردين: (تحنا جهتها شوية كيلعب فصدرها بيديه) فوق كتافي أ بطيبيطة..

سعاد: (بابتسامة مغرية عاضة على شنايفها) امممم.. تشهيت البطبوط..

نوردين: (مال على وجهها وطار عليها بمصة لشنافة التحتية حتى غوتات وسط فمو وعلا راسو كيتلدد) تووتة يا جدك..

هلكها مسكينة كتر ماهي مهلوكة.. كتخلطليها النشوة مع الهلوسة مع النعاس وتأثير الدوا.. غي لي جا لفمها كتقولو وهو شادليها الخاطر وحابس الضحكة.. حتى سالا وخرجو من بعد ماكبو فيها لداخل.. ماخلاهاش ترتاح وطلع فوق منها عطاهليها..

نوردين: هاكي ضربي الحديد ماحدو سخون..

سعاد: (كيبانو ليها جوج كيتحركو) اينا واحد فيهوم..؟

نوردين: (علا راسو كيموت بالضحك.. كون كانت صاحية كون خداتليه تذكار لداك الضحكة) ههه.. نتي غي حلي فمك فاش تحسي بالرطوبينة مصي..

حلات فمها سادة عينيها..عطاهليها بالهلوسة لي شاداها يسحابليها بطبوط.. مرة تعضو مرة تمصو مرة تزير عليه بيديها.. وهو طاير.. صعراتو حد الجنون!

حتى جابو ليها فمها.. خنقها وبدات تكح..

سعاد: عنننن.. شنو هادا..

نوردين: (ميت بالضحك) العسل أحبي..

رجعات تردخات على النموسية .. تحنا كيمسح ليها بكلينيكس مستمتع على الاخر.. هي كيجيها ثقيل بحال شي جبل..

سعاد: (بصوت مرخي) النموسية هابطة بينا..

ناض من عليها وعطاها يدو..

نوردين: نوضي ركبك على العود..

سعاد: (مادة يديها) نوضني انت..

جرها من دراعها تقلب هو لتحت وجابها فوقو..

نوردين: (مزير على طرمتها بحال شي جوج بونجات قاصحين) كلسي عليه..

سعاد: (كلسات على كرشو)

نوردين: (شحطها تاغوتات) واماشي تما لتحت..

سعاد: (مدات يديها كتقلب حتى لقاتو.. تحركات ببطئ فوق منو وجات كالسة عليه بالحق مادخلاتوش)

نوردين: (عاض على شنايفو هاز تقلها كامل) خشييه..

سعاد: (يديها ولا رجليها ماساعفوهاش.. تزدخات عليه بحال شي خنشة تخشات فعنقه وتمتمات حدا ودنيه) خشيه انت..

نوردين: (دار اللازم مغمض عينيه منشوي) تقاليتي المصيبة..

سعاد: (كتنين) انننن.. ضربت الشوكة دالولاد.. قاتلي طبيبة غاتغلضك..

توقف لدقيقة كيستوعب كلامها.. دور هضرتها فدماغو.. لقاها على صواب.. كمل على خدمتو محاوطها بيديه.. كيزفر انفاس سخونة فودنيها..

نوردين: ردي بالك تقدر ماتشدش ليك..

سعاد: (بصوت رقيق محلون نطقات حروف اسمه) نووردين!

نوردين: (جاوبها بنفس نبرتها..) أيماااا على نوردين.. (خشا راسو فعنقها كيبوس ويمص جاعر عليها..) شنو الهالكاني؟

سعاد: (تحاكات معاه خاشية وجهها فعنقو صوتها مغنغن) بغيت نزوج نجاة..

ناضت من عز نومها على أصوات جاية من برا..لاحت الغطا من عليها وناضت كضهسس فالظلام.. شعلات الضو وخرجات طافجة.. غادية لعندها البيت.. هي كتقرب والصوت كيوضاح ليها أكثر.. كان صوت سعاد كتوحوح والرايس معاها كيضحك.. وقفات حدا باب البيت دايرة يديها على فمها كتصنت..

نجاة: هيييييه.. اويلي على الصكعة ياكما مدخلة شي واحد؟

حطات ودنيها كتصنت مزيان.. صوت روسولات النموسية كيتقرقبو.. وسعاد كضحك وتنادي باسمه..

نجاة: (حابسة الضحكة) الحمدالله .. مع راجلها..! (تكات على الباب السخونية طلعات معاها) اححح سعداتها.. (هزات كفوفها للسما) ياربي لي بال عليها يرش عليا..

تحركات من بلاصتها كتنهد.. مشات لبيتها سدات عليها.. ورجعات تنعس.. دايرة على ودنيها خدية باش ماتسمعش.. قبل ماتقلبها تكفات فنص الليل..

ناعسة عليه خاشية راسها فعنقو كيرتاحو.. دوز بيديه على ظهرها.. حتى هزات راسها دايخة.. كيبانو ليها ملامحه كتشطح.. هزات صبعها غادية بيه لعينو.. حتى بعد راسو..قبل لا تعميه..

سعاد: عندك ربعة دالعينين..

نوردين: (شدليها فيديها حطهوم على شفايفه كيتحسسهوم) اممم وجوج زبوبة..

سعاد: (رجعات تكات عليه كتمخشش فعنقه) اممم نوردين!

نوردين: (يديه كيتساراو على طرمتها) شنو؟

سعاد: أنا ناعسة؟

نوردين: (ضحك بصوت مبحوح) لا كتحواي..

سعاد: (كتحرك فوق منو ماقاداها تا بلاصة.. غي جيب أفم وكول) شعلتلك (هزات يديها بتراخي) جوووووج شمعات..! ومجمر..

قلبها وجا فوق منها معليلها يديها الفوق.. تحنا عليها كيبوس شفايفها بنهم.. كل ماكيبغي يبعد بحال شي مغناطيس كيجرو.. علا راسو كيزفر انفاس حارة فوق وجهها.. ونطق بصوت أجش..

نوردين: تبقاي ديما تشعليهوم..

سعاد: (غمضات عينيها حركات غير راسها)

نوردين: (دوز بيديه على خدها) نعستي؟

ماجاوباتوش.. عرفها صافي نعسات.. ناض من عليها.. هز فوطة نيشان للدوش يدوش..

ضرباتها الطفجة لقاات راسها عريانة .. راسها كيدور وداتها سخونة.. صوت الما كيتسمع فالدوش.. جاها بالها بحالا كالسة فالطبيعة حدا شي شلال..ناضت كتميل .. لبسات غي بينوار.. دوزات فلباسو سيمانة..حلات الباب كضهسس ومشات شادة فالحيط كتزطم بحالا كدخل فالارض..حلات الباب على نجاة ودخلات كضرب رجليها مع لي جا قدامها.. حتى وصلاات عند راسها كتفيقها بيديها..

سعاد: نجاة.. نجاة.. نوضي نوضي لقيتلك عريس..

حلات عينيها طافجة شعلات الضو لي حداها.. لقاتها عند راسها مشعككة.. ومزنكة..

نجاة: الله أختي سعاد خلعتيني..

سعاد: (جراتها من يديها كتمايل) نوضي نوضي دغيا لقيتلك عريس!

ناضت مسكينة كتعكز تابعاها.. كتسايس معاها عرفاتها مدوخة..

نجاة: اختي سعاد خلي حتى للصباح.. سيري تنعسي راك مريضة..

سعاد: (خارجة كضرب رجل مع رجل تا كتقرب طيح) لا فيا الجوع..

نجاة: نطيبلك شي حاجة تاكليها اختي؟

سعاد: (تعكلات فالزربية وجات طايحة) اححح ايما راسي..

نجاة: (نزلات عندها كتنوض فيها وهي ثقيلة) اربي الحبيب.. نوضي اختي نوضي.. دخلي لبيتك..

سعاد: (طلقات منها وتجبدات فالارض) غانعس هنا..

نجاة: (دارت يديها على نصها كتنهد وتشوف فجنابها) يا لطيف.. ليلة كحلة..

يالله غاتحنا تهزها وهو يوقف عليها لابس سروال كيطمة وصدره عريان .. شعره كايقطر..

نوردين: مالها؟

نجاة: (حدرات راسها بحياء) داك الدوا مدوخها السي نوردين ..

نوردين: (شافيها مشبحة فالارض ورجع شاف فنجاة) رجعي تنعسي..

انسحبت من قدامه.. بينما هو تحنا هزها من الارض.. شعرها مدلي ويديها مرخيين .. كترمش بعينيها بعياء.. دخل البيت ودخلها نيشان للدوش.. وقفها تحت الرشاشة كيحيدلها البينوار..

سعاد: (كتحقق فيه والدوخة شاداها) شكوون انت؟

نوردين: (عاقد حجبانه) انا لي غانحويك لا ماتواكضتيش هاد الليلة!

كالسة على طبلة الفطور كاس القهوة بين يديها مرة مرة تشهق غي بوحدها فاش كتفكر شي فلاش من ديال البارح.. نخسات نجاة مخرجة عينيها..

نجاة: اش تفكرتي عاود؟

سعاد: ويلي ويلي راه نعس معايا حتى فالدوش.. القواااد..

نجاة: (كتمضغ الماكلة غادية معاها فالخط) اممم.. زيدي زيدي تفكري..

سعاد: (كتغزز ضفرانها عينيها كيدورو وسط وجهها.. رجعات شافت فيها بعتاب) علاش خليتيني نشربو علاش؟

نجاة: واختي راه خبعتو ليك ونتي نضتي كتقلبي عليه كي الحمقة.. ولي جاك جاك على باغية تزوجيني..

سعاد: (سمعات صوت خطواته من بعيد) صاف سكتي هاهوا جاي..

نجاة: (ناضت طافجة تا تزعزع الكرسي) نمشي لكوزينتي اختي..

طارت من حداها قبل ماتهضر.. هزات كاسها دالقهوة شربات منو.. حتى وقف عليها..عاقد حجبانه نطق بحدة..

نوردين: كبي ليا كاس دالقهوة كحلة..

سعاد: (عوجات سيفتها نطقات بصوت عالي) نجااااااااة.. اجي كبيليه قهوة..

نوردين: (شدها من شعرها حتى غوتات) يا بنت القحبة انا مزوج نجاة؟

سعاد: (مخرجة فيه عينيها كتنتر منو) واااش تراااسة عند بوك انا؟

نوردين: (خشاليها وجهها وسط طبسيل دالكوفيتير مغزف) واش دينمك كتقلبي عليا على الصباح؟؟ (هزليها راسها) شي نهار غانفوت فيك شي دقة أزبي!

سعاد: (كتغوت) اععععع.. وااابعاااد مني .. يعطيك مصيبة..!

نوردين: (طلق منها صاعر القرودة كيشطحو ليه عند راسو .. هز كارو شعلو كيكميه بالغدايد) صباحاتو الله..

سعاد: (كتمسح وجهها من كوفيتير كتبركم) يعطيك ألم فالمفاصل الحمار المشلول..!

سالا كاروه وشافيها بنص عين رجعات تاكل ببرود.. جر كرسي وكلس كيكب كاس دالقهوة لراسو.. نطق ببرود..

نوردين: غانغبر شي يامات مسافر.. نسيقلك الخبار درتي هاك ولا هاك نفرع قحبيماك..

سعاد: (فنفسها) الله على راحة..

نوردين: غانخليك مقابلة الخدمة هنا.. تخرجي بالقياس ودخلي بالقياس.. (هز صبعه فوجهها بتحذير) بالرررب.. ويوصلني خبارك قودتي السوايع مورايا عروق سوتك نفكسهوم ليك..

سعاد: (بفتور) وخ..

كملو فطورهوم فصمت.. ناضت هي الاولى.. دخلات عند نجاة الكوزينة.. حتى تم تابعها غادي للتلاجة..حلها كيقلب على الما..لقا قراعي دالبيرا مستفين فباب التلاجة..

نوردين: (ضار عندها صاعر) دار الزوفري هادي القحبة؟؟

نخلاتو كتشوف فنجاة لي حانية على الماعن غارقة فحوايجها.. حتى زعزعها بصوته جاعر..

نوردين: نجاااااة.. لوحي عليا هاد الزبل.. نلقاه هنا نقودها عليكم بجوج..

نجاة: (كتمسح يديها ففواطة) وخ السي نوردين..

سعاد: (شافتو هز الما وزدح باب الثلاجة حتى تململات من بلاصتها وخرج) الجهل.. المصعور..(شافت فنجاة) تلوحيهوم نتبعك وراهوم.. (خرجات كتجر فبنطوفتها)

نجاة: (تنهدات) لا لا هادو ماصافيينش بجوج..

دخلات للدار مسخسخة من بعد نهار دوزاتو مقابلة خدمة الرايس.. كلسات وسط الدار كتحيد صباطها حتى تمات خارجة نجاة عندها..

نجاة: على السلامة اختي.. نحطلك تغداي؟

سعاد: لا كليت انا وشيماء على برا..

نجاة: هيييه وماخفتيش من راجلك..

سعاد: (بزقات فحوايجها) تف تف دكرنا السمن والعسل حجارو يشدوه تهنيت منو هاد السيمانة.. زايدون مشينا غا تغدينا ماشي تحوينا..

نجاة: (هزاتليها السباط مشات حطاتو بلاصتو) واماعرفتي يسلاط عليكم شي حد ويوصلوها ليه..

سعاد: (تجبدات فوق الفراش) بفففف عييت اختي.. (شافت فيها بنص عين) بغيت نفوج..

نجاة: (ضربات فشواطها) العاااااار ديري عقلك اختي راك غاتجيبيها فعضامك..

سعاد: (سمعات تيليفونها كيصوني .. لقات نمرة سميرة.. تقادات فالجلسة جاوباتو) اهلا الزين.. غبورات هادو..

سمير: هانا ياختي غا مع الخدمة..

سعاد: دخلتي من قطر؟

سمير: يالله وصلت البارح الساطة..

سعاد: وايلي وااادوز دووز.. حركليا داك كارطة..

سمير: لا مانصيبش.. داير مع واحد الصديق نسكرو اليوم..

سعاد: هايهاي على سميرة تصاحبات.. شي بوكوص هدا ياك؟

سمير: احححح مانعاودش ليك..

سعاد: واعرفتي اش غادير.. جيبو معاك واجي نديرو شي قصارة غي فالدار.. لقيتيني تا انا قنطانة وباغا نفوج..

سمير: هي الاولى.. نجيب الشراب ديالي وهانا معاك..

سعاد: بلاش اجي غي انت.. كولشي كاين.. نعيطو حتى لشيماء..

قطعات عليه من بعد مارصات البلان .. لاحت التيلي وشافت فنجاة فرحانة..

سعاد: اححح.. عرفتي فاش كيسكر هاد ال*امل؟ كيطلعو فيه جوادو.. وكارطة كطلعليه مقودة..

نجاة: (من قوة الفشلة بالخلعة كلسات فواحد الكرسي كدور فعينيها) واش غايجيو للدار؟

سعاد: اه.. (ناضت كتحيد فجاكيطتها) وا الخروج لا وحتى الدخول لا؟؟

نجاة: ويلا جا على غفلة؟

سعاد: ماغايجيشاي.. راه فماربيا هو والكاميو ديالو..

هزات تيليفونها مدوزة نمرة شيماء ودخلات البيت تحيد حوايجها..

نجاة: (حطات يديها على خدها) ياربي تخرج العاقيبة على خير..

تنهدات كتسوط بضيق..ونتضت غرقات فكوزينتها لساعات.. حتى لقات راسها بالليل وسط جلسة ضايرة بكؤوس الفرحة.. وهي غادية جاية لكوزينة تشخدليهوم الجمر للشيشة ولا تجيبلهوم القراعي لي كيبردو فالثلاجة..

صوت ضحكاتهزم واصل حتى لين ولين.. سميرة وصاحبو ال**امل خالقين جو بيناتهوم.. سعاد وشيماء جاوهوم على الكانة.. كيتشتتو بالضحك وسطهوم.. كانت معاهوم ضيفة اخرى جابها معاه سمير.. مرا كبيرة فالسن مزالة مهلية فراسها.. باينة فيها شي قوادة.. صوتها مخرشش بالشراب.. الموسيقى مطلوقة على الجهد والليل تعسعس..

سعاد: (طفات الكارو وناضت جابت كارطة من البيت حطاتها حدا سمير) هاك اخويتي بيني ليا..

سميرة: (شاد جوان كيتنشوا بيه كحز داك كارطة بيديه ونطق) بلااش.. كلسي غي قدامي نقراك غي من عينيك..

سعاد: (كلسات) هاااح هانا دوي..

يالله غايدوي نطق صاحبو فاش شداتو ال*ملة عليه..

-سمير نوض نمشيو..

سميرة: بلاتي ا لؤي الليل مزال طويل..

لؤي: (خشا يديه تحتو كيخورو) نوض اصاحبي راه علاين الفجر..

سعاد: (عنقشات فيه.. طلعات ليها قنديشة) الله اخاي.. تسناه غير يقضيبي غرض.. غاتهربلو جنونو..

لؤي: (تعصب وناض مكسمش) مادرتيش معايا هكا اسمير.. قلنا غانجيو نقصرو سويعة ونقودو...

سعاد: (ناضت تاهي كتغاوت معاه) اشوف اداك ال*امل.. جاتك الدودة خرج برا..

عينيه حمارو ومع السكرة طالغة ليه.. تم غادي ليها محيح.. حتى ناضت شيماء والمرا لي معاهوم كيشدوه وسميرة فالوسط كينقز ماعرف باش تبلا..

سعاد: (شاداها نجاة) والله يا ولد القحبة تانوريك.. انا تهدد عليا؟ (كدفع فنجاة) طلقي.. طلقي انجاااة.. طلقي...

تغلغلو بجوج بيهوم والسكرة كتزيد تشخدهوم.. الصداع ناض وكبر على والو.. فعوط مايبردو ناضو يتغاوتو .. هو كيتخلف عليها باغي يضربها وهي كتهد عليه ايلا طلقوها تغززو بسنانها.. غواتهوم كان كيتسمع مجهد.. صوت الموسيقى حتى هو.. شيماء ونجاة رجعو يقلبو غير كيفاش يبردو السوق قبل مايسمعو الجيران ولا تقلب مقاتلة هنايا.. وبين أخد ورد سمعو الزديح فباب الدار.. سقلو كاملين شي كيشوف فشي..

نجاة: (رجليها بردو عليها بالخلعة) اويلي السي نوردين واقيلة..

سعاد: (كتنهج بالاعصاب) نوردين عندو الساروت غايكونو الجيران..

شيماء: (نقصات الموسيقى وكدفع فنجاة) سيري وطلي غي من الشقة.. عنداك تحلي..

مشات كتجر فرجليها مخلوعة والباب كتخبط عليهوم.. غي قربات حداها سمعات العياط من برا..

-حلي الالة البوليس..

فمكتب المحقق كانت كالسة كتفرك فيديها بتوتر.. الحاجة الوحيدة لي كتكرها وكتخاف منها هي المخزن والحبس.. قبالتها كان الشرطي لي كيحقق معاها.. كيمضغ مسكة ويقرا فواحد الملف.. علا عينو فيها كيسكانيها .. ونطق بحدة.. ملامحه مخززة

ش: السكرة.. ازعاج الجيران حتى الفجر.. الفساد.. الحشيش.. الشعودة.. والشذوذ الجنسي.. هايهاي.. معركاها قوادة ..

سعاد: الصمت.. حادرة عينيها..

ش: الدار بسمية من؟

سعاد: (بخفوت) دار راجلي..

ش: اهاااه (كيكتب) نزيدو حتى الخيانة فالضوسيي..

سعاد: (علات عينيها) لا ماخنتوش هادوك ماشي رجال..

ش: (بصوت رخيم) عندهوم الزب..

سعاد: (حدرات راسها بارتباك..كتحك فرقبتها)

ش: عطينا نمرة راجلك نعيطو ليه..

سعاد: (نقزات من بلاصتها طافجة) لا عافاااك ماتعيطوش ليه..

ش: (حمر فيها) شدي لرض..

سعاد: (كلسات كتويل) ياربي هادي والتوبة..

ش: سميت راجلك؟

سعاد: نوردين..

ش: (غوت صاعر) السمية كولها..القحبة.. ماغانتقهواش معاك هنا..

سعاد: (كتحاول تذكر) ماعرفتش..

ش: (ضرب بيديه على المكتب) واش كتقحبني عليا دينمك؟؟ سميت راجلك!

سعاد: (كتفرك فيديها بتوتر.. كتحاول تذكر.. هي فعلا عمرها سولات على كنيتو.. راسها داخ عليها وتمتمات بخفوت) ماعرفتش ماعرفتش..

ش: (نادا بصوت عالي على واحد من برا دخل فالحين) اجيي هبطليا هاد القحبة تبررد لتحت .. تهلاو فيها مزيان حتى تعقل على سمية راجلها وجيبوها..

فالسيلون كانت شيماء ونجاة وداك القوادة لي كانت معاهوم.. كالسين على الشوك.. الدموع فعينيهوم ..كيتسناو سعاد تجي..

نجاة: (كضرب فشواطها وتنوح) ايما الحبيبة اخرتي نرشا فالحباسات ونخلي بنتي للضيعة..

شيماء: (يديها على حنكها كتبكي) اميمتي والزغبية دسعاد كي غادي يكون ليها مع داك القواد دراجلها..

نجاة: اختي غي خلي داك الجمل راكد.. كنتفكرو قلبي كيتنفض.. الصكعة هي لي غاتاكل الدقة..

شيماء: (وقفات كتمشي وتجي) تعطلات.. يعلم الله اش دارو معاها..

نجاة: غانباتو هنا؟

شيماء: اه من زهرنا المكوز جينا مع السبت والاحد... مانتقدمو حتى الاتنين..

دخلات سعاد حنوكها حمرين مزنكين.. البكية شاداها.. ماحاملاش راسها..

نجاة: (ناضت كتجري لعندها) اويلي ضربوك؟

سعاد: (حابسة البكية.. مارضاتش.. مرمدو بيها الارض) اش داني..ندمت.. ودبا غايعيطو ليه..

شيماء: (الخلعة راكباها) وا دبا بلا مايعيطو غايجي.. غايكونو وصلوها ليه.. فاش كنا خارجين للسطافيط راه شافنا العساس ديالو وجا كيسول من بعد ماطلعنا..

نجاة: تفوو على نحس.. من زهرك اختي مسكنك فعمارة كاملة مخزن..قرقبو علينا بلا موجب شرع..

سعاد: (كلسات فالارض شادة فراسها) مصاب يجي يخرجني من هنا ولا هاد المباتة فهاد البلاصة كتخنقني..

شيماء: يجي باش يصفيهالك؟

سعاد: مالله وما العصا ولا نبقا هنا.. انا اصلا عييت وماكرهتش نموت ونتهنا..

مرو يومين عليهوم فالسيلون.. قاصحة وصعيبة ومايصبر للحبس غير سيدي ومولاي.. خصوصا سعاد.. اللون فوجهها تخطف.. لحمها كاملة كتاكلها... قلبها مزير وداتها كتنفض عليها.. الحرية عندها شي حاجة مقدسة.. وباش تحبس ويتكسرليها الجناح هاد الامر كيطبق على انفاسها..بحال شي جاثوم ..

دخل واحد الشرطي كينادي باسمها على الصباح.. حكات عينيها وناضت كتجر فرجليها.. البنات كانو ناعسات فاقو طافجين من الطريقة باش فيقها..

سعاد: (مضهشرة) شنو واقع؟

ش: تحركي قدامي.. جا راجلك!

غي سمعات سميتو زغب راسها وقف.. شافت فنجاة وشيماء لي دخلو فبعضياتهوم بالخلعة وتمشات ناحية الشرطي فاش غوت عليها للمرة التانية باش تزيد.. شد فيديها طلعها الفوق.. دق فالبيرو جوج دقات كيستأذن وحل الباب.. غمضات عينيها كتنفس بضيق.. تابعة الشرطي لي مدخلها.. فاش رجعات حلاتهوم.. انتفض جسدها بأكمله على صورته وهو كالس قبالتها.. مكانش كيشوفيها الشي لي خلاها تحدر عينيها حتى هي ومشات كلسات قبالته.. ماقادراش تشوفيه وعارفاه مزال مادورش وجهه لعندها يمكن ماباغيش يشوف فوجهها وهادشي لي زاد من خوفها وارتباكها.. ارتجفو شفايفها وضفرانها دخلو فثوب بيجامتها.. قبل ماتسمع صوته كينطق بهدوء..

نوردين: ايلا تسالاو الاجراءات نقدرو نمشيو؟

ش: معلوم السي نوردين.. المدام هاهي حداك تقدر تاخدها..

نفس الشخص لي كان كيهضر بوقاحة هادي يومين كيهضر دبا باحترام ..

نوردين: (ناض وقف مكيشوفش جهتها .. نطق بحدة) نوضي تكعدي..

كانت باغا تسول على صحاباتها.. ولكن الحروف تبعترو فحلقها.. ماقدراتش تهضر ولا تنطق.. تبعاتو فخطواته.. حتى الباب.. خرجو من البيرو.. حتى وصلو النص دالطريق.. وتم راجع.. بقات واقفة بلاصتها قلبها كيزدح.. كانت ناوية تبعو ولكن فاش شافتو داخل لمكتب المحقق من جديد.. بقات واقفة بلاصتها كتسناه..حتى حسات بشي واحد وقف عند راسها.. فاش تلفتات خرجو عينيها وتراجعات شوية الى الوراء.. كتحقق الشوفة مزيان فين شافتها.. ماجات تفكر حتى كانت شنقات عليها معصبة..

هدى: يا القوحبة ديك النهايراتي فلت.. دبا جاية ن بين يدي..كان خاصاك داكول قتلة دالكلاب قبل مادخروج..

سعاد: (تنترات منها بالجهد كتشوف من وراها لايكون جاي.. خرجات فيها عينيها كتهضر كارزة على سنانها) برب ومابعدتي من طريقي هاد النهار يا حتى نقتلك..

اندفعت ناحيتها مكشكشة.. باغا طير عليها.. حتى كان جاي واحد البوليسي كيجري فرقهوم

ش: باغيين ترجعو لسيلون؟ تحركو عليا لبرا..

هدى: (هزات صبعها كتحلف عليها) جيتني فهاد البلاصة اما نوريك شوغلاك.. الايام باقا بايناتنا..عقال على هاد الكارا..

خنزرات فيها ومشات لمكتب المحقق نيت.. مع كانت غادق.. تحل الباب وخرج الرايس..مخنزر.. داز فيها حتى مشات وجات بلاصتها.. عقدات حجبانها بحدة.. حتى وقف على سعاد لي كانت باقا مصدومة كتحس بالخطر قريب منها وماقادرة دير والو..جرها من يديها مخرجها ..حضاتهوم حتى مشاو .. دقات ودخلات عند المحقق.. لي استقبلها بحفاوة كانه كيعرفها..

هدى: (كلسات حاطة صاكها فالطبلة) سماحلي السي العلوي.. برزطتاك هاد الايامات واش كاين شي جديد على الراجل ديالي؟

م: مع الاسف الا هدى.. مزال مالقينا والو..

داخل بيها للدار شادها من ذراعها بعنف حاكم بصباعه على لحمها .. حارقها بالشدة اللي دايرة و لكن مصبرة راسها ماتغوتش حيت عارفة راسها دايراها قد طرمتها و عندها الزهر اللي مابيتهاش فالكوميسارية.. الهدوء ديالو باش خرجها من تما .. وكيفاش ركبها فالطوموبيل وجاي بيها بلا ماينطق حتى حرف.. خلاوها تعرف حجم غضبه هاد المرة..

طلق منها ملاوحها لوسط الدار ومشا زدح الباب بعنف حتى تهزو الجدران وتهز معاهوم قلبها.. شافت يمين شمال وموراها كانت الطبلة مزالة محطوطة كيف خلاتها.. ريحة الكارو والشراب مزالين عالقين فالجذران..كتشهد على داك الليلة الحقيرة.. لي وصلاتها تبرد فالحبس.. تراجعات جوج خطوات الى الوراء.. وهو جاي كيغزز سنانو عليها كيتوعد ليها فسلخة مابحالها سلخة..

وصل عندها مكيقشعش.. جرها لعندو من داك السالف، لوا خصلاته على قبضة يده تا غوتات من حر ديك النتفة و شداتليه فيدو بضفارها غارساهم فيه

تور الدين: (مغلغل مشعشع قريب يطرطق عليها كايديها و يجيبها من شعرها عينيه مفرگعين فيها) مكاتقاااضايش اسعاد مكاتقااضااايش ابنت القحـ ـبة؟ اااخر يامي نتبعك لكوميساريات.. (هز صبعه حدا وجهها الكشاكش خارجين من فمو) سنيييين..سنييييييين وانا خدام فالحشيش والغبرة والقوادة الكحلة ومكندخلش ليها..جااااية نتي مدخلاتي ليه..

سعاد: (غارسة ضفارها فيديه) طلق طلق طلق دوختيييني مادرت واالو طلااق ارااايس..

عطااها تصرفيقة نزلات الضبابة على عينيها

نور الدين: غاترفگعيلي المرااارة معااك؟ نحسبهومليك هاد الخطرة ولا لا عاارفاهم؟ قلتليكك ماتخرجييش مدخلاهم عندك؟ جووج زو••••ل؟ مقصرين ليا هنااا و منوضيين الرييگاطة؟ نايضة دابزي يا جدك (زاادها تصرفيقة اخرى) دويييي للقواااد اللي حطك باغا تجهلييييني (زادها تصرفيقة ثالثة تا اختل توازنها و طاحت من الدوخة) سااامح فشغالي وفخدمتي باش يقولولي اجي مرتك راها مشدودة مع رباعة القحاب وال*وامل؟؟؟

شدات راسها كاتماصيه بيديها حاسة بأنفاسها مقطوعين و اللي فيها مامهنيها

سعاد: بغييتلك المووت تديك .. دابا نجمعليك دوك الرجلين و اليدين عليا.. الحكاااااااار...

عطااها ركلة لكرشها بالفقصة تا شهقات، حسات بقلبها كايطلع عليها و الوجع ضربها فجنابها، زادها ركلة اخرى و زطم على فخضها كايدوي بصوت عاالي مسموع فزعها

نور الدين: غادية و تزيدي فالسطاجات، تا كانقول صافي تقاضاولها كاتخرجيليا ببلان مقود عل اللي سبقو (عاود ركلها تا تزواات) ولكن انا غانقااادك مزياان، لا كان غير على الفعاايل انا مولاهم القحبة.. راسك القاصح انا غانهرسو ليك..

تحدر عليها هزها من جديد من ذراعها و هي حاسة بكرشها زاوياها مزيان، كاتنفس بالجهد و بسرعة و مع الفقصة ديالو تهزات بضفاارها مهبطاليه وجهه بحر جهدها، كاتغوت و دفع فيه

سعاد: الزاااااا••••ل الق•••ااااااااااااد .. غانقتلاااااك (بغات تعاود تهبطليه عنقو و هو يزدحها مع حيط بحر جهده، عطاها جوج تصرفيقات قطعو فيها النفس و جرها من شعرها من جديد مقطع البعض من خصلاته من جذورهم)

نور الدين: كايتزادو فيك عشرة مللي كانخليك عايشة كاتنفسي بخير وعلى خير يااك؟ هضرتي عندك زايدة ناقصة طول ما انا ماعطبتكش من شي قنت غاتبقاي هكا ياااك؟

العرق بدا ينزل مع عنقه من الفقصة، جرها بالجهد من شعرها و عاود دفعها، كانت مرخية و دايخة رجليها مهازينهاش .. غير دفعها تخبطات مع الحيط جنبها تا تضربات براسها معاه، زادت داخت و رجليها مابقاوش هازينها فخطرة طاحت للارض .. تحدر عليها كايخسر فالهضرة و يتفكر الشكاوي اللي تسجلو فحقها، شد فوجهها و بقا كايخبط فيه، دقة و جوج و ثلاثة، ماكرهش يخسرولها باش ماتبقاش گاع تجرأ لا تخرج ولا تجيب اي واحد لعندها و لا تلاقى بشي حد فالزنقة و يعقل عليها، ماكرهش يبدلها الكارا د وجهها .. كايعطيها و يزيد يعطيها تا طوش نيفها بالدم و شفايفها تدمغو .. ترخات عينيها مقلوبين

جرها من شعرها و عاود دفعها بالجهد حتى تخبطات براسها مع واحد الديكور زجاجي، الضربة جاتها فالمقتل منها ديريكت سخفات مزادتش تحركات ولا تململات..

شافها صقلات مزادتش تحركات عرف راسو فوت فيها شي دقة، خلاها فبلاصتها مزدوحة مع الارض و مشا لقنت بعيد عليها، عطاها بالضهر باش مايشوفش فيها و يرجعلها يعطيها ثاني خبطة يكمل عليها.. جبد گارو و بدا كايكمي، سف اللول و زاد الثاني و هو غير مزايد يتعصب، عمر بنت المرا ماعصباتو للدرجة اللي كاتعصبو هي، كاتخرجو على الطوع ديالو كاتخليه مشهي يقتلها النيت و فنفس الوقت الموت غايكون رحيم عليها .. كمل الگارو الرابع اللي كماه و دار شاف ناحيتها عاقد حواجبه، كانت مزالة على نفس الحال، قربلها بشوية عليه كايجر فرجليه .. تحدر عندها و شافها واش عايشة بعدا..

كانت مزال كاتنفس و دقات قلبها بطيئة .. جبد تليفونو و هو مخسر سيفتو .. دفل جنبها مخزز و ناض مدوز الاتصال لحكيم باش يسيفطليه شي طبيب..

................

داز الوقت عاد خرج الطبيب من عندها، بانليه نور الدين جالس كايكمي و يمضي فسنانه مع بعضهم، وقف عليه كايدوي بجدية

-حالتها شوية صعيبة خاصها الراحة، احسن ليها تدوزها للسبيطار تدوز لا تكون اصابتها خايبة، حيت الراس صعيب.. خاصها سكانير باش تأكد واش ماكاينش شي نزيف لداخل..

نور الدين: (بنبرة مبحوحة) لا ساليتي دوز مع الباب (شاف فحكيم) وصلو معاك لبرا

ناض وقف كايحك فعنقه و هو ينطق الطبيب من جديد مادليه ورقة

-هذا الدوا تشربو حيت فاش تفيق تقدر تجيها الدوخة و شوية د حريق الراس .. و يهمدو عليها الحريق شوية ونتوما تعرفو فمسألة السكانير..

قال كلامه و انصرف مع حكيم بينما هو كمش الورقة اللي عطاه بين يديه و تقدم جيهة البيت .. دخل عليها كانت نااعسة و راسها ضاير بضمادة، وجهها كامل منفوخ و زرق زينها مابقاش كايبان فالسلخة اللي كلات، تكا جنبها مخسر سيفتو داير يديه تحت راسو و تمتم بحدة و بحة خشنة مسموعة

نور الدين: ماتهناي تانقتلك (خنزر فيها) بنت القحـ ـبة..

غمض عينيه بتعب.. وسرعان ماترخى غالبو النعاس.. الليل كولو وهو شاد الطريق.. راجع بالكاميو محلف عليها..مانعس ماشافو ديريكت لكوميسارية.. من نهار ساق الخبار وهو كياكل جنابو.. تعمد يخليها يوماين مشدودة باش تجرب الحبس..وناوي يرجع يبرد فيها فقصتو والشوهة لي دارتليه.. استسلم للنعاس على حريق فراسو.. كيغلي ويتنفض بالاعصاب.. وهي ناعسة حداه شبه ميتة..!

حل عينيه كيرمش بتعب.. كيسمع صوت بكاء خافت وتنخصيص فودنيه.. ميل راسه جهتها مالقاهاش بلاصتها لاح عليه الغطا وناض تابع مصدر الصوت منين جاي.. حل باب البالكون وخرج.. ضربه هواء بارد دخليه مع العظام.. شافيها كانت كالسة فالارض ضامة رجليها لعندها.. شعرها مطلوق وراسها ملوي فبانضة مزيرة عليها مزيان.. صوت شهقاتها غادي وكيعلا شوية بشوية.. قلبها غايفلت من بلاصته.. تنفسها بدا كيقلال.. وصوت البكاء كيخرج بصعوبة مرخي .. كيدل على انها مدة طويلة وهي كتبكي حتى عيات.. طلق من الباب ومشا وقف عند راسها.. جسمها كيتهز ويتحط بلاصتو مزيرة على رجليها بيديها.. منظرها كان كيقطع القلب.. ماينكرش انها بقات فيه.. كتبقا ولية وخ دفع الجبهة لا حول لها ولا قوة.. تعيا تخرج فعينيها الا وغاضعف وتهد.. تحنا جلس القرفصاء حداها.. حط يديه على شعرها عاقد حجبانه..نطق بصوت مبحوح وعيان..

نوردين: مالك؟

كانها كان خاصها تسمع غير صوته باش تزيد فوتيرة البكاء..جاتها غبيينة وحرقة فقلبها.. طاح عليها الضيم وتغير حالها.. حجرة كتحس بها فحلقها متقلة عليها كتنفس بصعوبة..ماعلاتش فيه راسها زادت خشاتو بين ركبتها وخرج صوتها مغنغن مصحوب بشهقات عنيفة كيتهز معاهوم صدرها ويتحط..

سعاد: مضيومة.. مضيومة وربي عالم بيا تقهرت وماعرف هاد الدنيا فين غادا بيا ماعرفت حالي مالو.. توحشت حبابي.. بغيت نرجع لدوارنا.. هء.. هء.. الشيخ وخ كان صعيب عمرو قهرني..انت عارفني بوحدي وماعندي لا تالي لا والي هداك علاش كتحكر عليا..

نوردين: (كيغزز سنانو معصب وماعارفش مناش) دبا كترجعيني انا لي حكار.. انا لي مكنسواش؟؟ كتنساي راسك اش كديري..عجبك الحال دبا نجي نجمعك من الكوميساريات؟

سعاد: (علات راسها دموعها شلال بكات ديالها ودحبابها.. خرج صوتها مقطع وسط شهقاتها المتتالية) مادرت والو.. قنطت وانت قلتيلي ماتخرجيش.. ماخرجتش!

نوردين: (بحدة) ماخرجتيش ولكن جبتيهوم لعندك..

سعاد: (كتنخصص) هء.. هء.. براكة عليا غي داك اليومين لي دوزت فالحبس.. والعصا لي عطاوني.. هء هء.. شبعو فيا سبان وتخصار الهضرة..

نوردين: (زير قبضة يديه على راسها مغلغل) نورمال.. حيت كتباني ليهوم موسخة..

سعاد: (رجعات خشات راسها بين رجليها كتبكي بصوت عالي .. أنينها كيختارق ودنيه بعنف.. وصوتها كيخرج تعبان) رجعني لدارنا.. مابغيتش نبقا معاك.. بغيت نرجع لعند السعدية..

تنهد كيمسح على وجهه بتعب.. عرفها جاتها الحالة على الدوار..وهكا غاتبقا تغبن الليل كولو..وقف وهزها بين يديه..مدخلها لبيت .. حطها فوق الفراش وكلس حداها.. مابغاتش تسكت من البكا فمها غير رجعني لدوار..

نوردين: (هز يديها كيطبطب عليهوم) صافي غي نعسي تالغدا ونديك لداركوم..

سعاد: (تقلبات على جنبها لعندو مغمضة عينيها كتعصر الدموع وتبكي بحرقة) اننن وبغيت نجاة.. علاش خليتيها تماك؟ هء.. هء..

نوردين: (بهدوء) غدا الصباح غاتجي عندك..

سكتات كتنخصص وجسدها كيتهز ويتحط فوق النموسية وداك الغبينة والا بغاات تفاجا..حتى بقات فيه.. ورجع باغيها غي تسكوت وتنعس.. طلع حداها وجرها لعندو معنقها.. دوز على شعرها بهدوء..

نوردين: صافي سكتي..

سعاد: ر.. راسي.. كيحرقني..

نوردين: (علا راسو كيقلب فراسها بقلق) نديك لطبيب؟

سعاد: هء هء اننن.. الله ياخد فيك الحق.. حكرتي عليا.. عارفني ماعندي لي يدافع عليا..

نوردين: (كيتصنت ليها ساكت)

سعاد: با لاحني ليكم درتو فيا مابغيتو.. انا اشنو ذنبي؟

نوردين: (تعصب) نعسي ا سعاد..

سعاد: (كتجبد المواجيع) كيفاش غانعس مرتاحة وانت محررلي عيشتي..الطلاق مابغيتيش طلقني..وكتكرفس عليا.. حتى خاي لي نحط عليه الراس قتلتيه.. عندمن غانمشي أنا؟ شكون غاياخدلي حقي منكوم..؟ ضيعتيلي مستقبلي.. وقرايتي.. كنت عايشة حياتي طول وعرض مكنفكر فزواج مكنفكر فدار ودراري.. تسلطتي عليا الله ياخد فيك الحق..

نوردين: (كيلعب فشعرها بهدوء) ونتي درتي قليل؟ غانعاودو نفس الديسك؟كديريها قد راسك وباغاني نتاقا فيك الله!

سعاد: (بدات تعيا من البكا رجعو كيخرجو تنهيدات فقط ..ونفسها السخون كيضرب فعنقه) علاش باقي شادني معاك؟ منين انت كتكرهني هكا.. و.. (شهقات كترتاح) ومكتحملنيش.. صافي براكة راك انتقمتي..

نوردين: (علا راسو كيطل عليها.. وجهها فازك بالدموع ورموشها حتى هوما.. هز يديه كيمسح على خدودها ونطق بخفوت) شكون قالك ساليت منك؟

سعاد: (تنهدات بوجع) غي قتلني وخلينا نرتاحو بجوج.. عييت منك!

كان اول مرة كيشوف علامات الانكسار فعينيها.. كتبان بصح عياات ماشي غير منو حتى من الدنيا.. انسان فقد الامل فكولشي.. وعلى بعد خطوة وحدة من الانتحار.. لحظات ضعف كانت كفيلة باش تبين ليه أن من خلف عنادها ومشاكستها كتبقا داخلها طفلة بريئة كون ما الظروف المقودة كاع ماتكشر على نيابها.. تحنا طبع قبلة على جبهتها ونطق بصوت اجش كيمسح تحت عينيها الذابلين..

نوردين: نعسي الله يرضي عليك..

سعاد: (بصوت مرخي) بغيت الدوا ديالي..

نوردين: (رجع خشاها فيه وطلع عليهوم الغطا) ماكاين دوا هداك خاصو يتقطع..

سعاد: (قلبها ضياق وجاتها داك الغبينة دالبكا.. زيرات على التريكو لي لابس كتشهق) ما.. غايبغيش يجيني النعااس..

نوردين: (دخل صبعان يديه مع شعرها كيحك ليها) نديرلك هكا وغايجيك النعاس..

سعاد: (شاداها السخفة.. والجهد مابقاش همسات بتعب) ف.. فيا .. الجوع!

نوردين: (شافيها) تكلسي بعقلك نمشي نجيبلك تاكلي؟

حركات غي راسها بالايجاب الصوت باش تجاوب مشا.. ناض خلاها ناعسة مرخية فوق النموسية .. اول حاجة دارها هي سيفط العساس يجيب الدوا.. عاد دخل لكوزينة.. حل الثلاجة داير عينين ميكة على القراعي لي تماك.. بقا شحال واقف كيخمم شنو يطيب ليها.. زمان يا رحمان ما دخل الكوزينة ولا جابتو المجيبة ليها.. وكون ماكانتش مريضة كان غايخسر عليها ماكلة من برا ويتهنا..!

من بعد ساعة تقريبا كان هاز بلاطو وغادي عندها لبيت.. دخل شعل الضو المجهد ومشا لعندها.. كانت سادة عينيها ناعسة.. شاف حداها لقا باكية ديال الدوا محلولة.. غفلاتو ومشات شرباتو.. مابغاش يفيقها لي عطا الله عطاه.. حطليها البلاطو حداها من بعد ماغطاه.. وخرج لبالكون جبد كارو يكميه.. وهضرتها كدور فراسو بعنف!

عندها الحق فكل كلمة قالتها ولكن ماقادرش يحررها..ضد فيه وفيها.. هي بالنسبة ليه بمثابة رهان وخاصو يكسبو فالنهاية.. حاجة وحدة لي عارفها.. ماخاصهاش تخرج من المعركة وهي رابحة.. من بعد كل مادارت فيه والعناد لي عانداتو.. وقفات فوجهه بكل عنفوان.. وواجهاتو بكل شجاعة.. خاصو يهرسليها الراس على هادشي.. وماغايبرد حتى يديرها..

ناضت من نعاسها راسها عاطيها الحريق.. شافت جنبها لقات مكانه خالي.. لاحت عليها الغطا ووقفات.. كان على جنبها من الجهة الاخرى بلاطو دالماكلة وحداه ميكة ديال الدوا.. وفلوس .. تحنات هزاتها ورجعات كلسات كتحسبهوم.. لقاتها 10000 درهم.. زرقة تنطح ختها..رجعات حطاتهوم بلاصتهوم ودخلات للدوش.. حيدات البانضة من راسها وشعلات الرشاشة.. زولات حوايجها ودخلات تحتها.. كتحس براسها ثقيل.. الاعصاب مع داك الضربة دايرة ليها حريق الراس.. سالات دغيا وخرجات.. لاوية عليها بينوار .. كتنشف شعرها.. لبسات بيجامة سخونة وخرجات على برا.. لقات الدنيا مجموعة وريحة النقا كتعطعط.. سراجم الدار محلولين ..باش تنشف الدنيا.. ضهرات على وجهها ابتسامة واسعة.. عرفاتها نجاة.. هي لي كترعهوم فاش كتسيق.. قلبات الدورة ومشات كتجري للكوزينة.. لقاتها عاطياها بالظهر كتمسح البوطة.. غوتات حتى طفجاتها..

سعاد: نجاااااااااااة.. جيتييييي..

ضارت عندها مخلوعة.. تاجات نقزات عليها معنقاها..

سعاد: اوووف كنت خايفة يخليكوم تما.. خرجات حتى شيماء ياك؟

نجاة: اه.. خرجنا بجوج.. نتي كيبقيتي؟ جيت طليت عليك الصباح فالبيت.. كانت على راسك شي بانضة..

سعاد: (كلسات على صالامونجي كتنهد) القواد عطاني ضربة دالعاداو للراس..

نجاة: (جات كلسات حداها كتحصر) يعطيه الكرض.. الزغبية شي نهار يقتلك.. ولكن اختي سعاد نقولهالك ومايبقاش فيك الحال؟

سعاد: اشنو..

نجاة: اختي نتي عارفاه ملقط.. علاش كديري علاش يضربك.. راه حتى راجل مايصبر فبلاصتو لهادشي لي كديري..

سعاد: انا غي يطلقني ماباغاهش.. يخليني نعيش حياتي.. نتقحبن ولا نضبر لكري.. هو رابطني معاه بالزز..

نجاة: دبا انت علاش ماباغاش تقبليه؟ وهو شوفي شنو كيدير معاك.. مامخليك مخصوصة من والو..لي بغيتيها كتجيك.. ها الدار على مزيناتها.. طوموبيل ديال لفريع.. الفلوس كيميزي عليك.. شنو خاصك عاد؟ (شدات فيديها كطبطب عليهوم) شوفي اختي سعاد.. انا كبر منك ودوزت المرار.. الزنقة ماعندها ماتعطيك.. غير غاتاخد منك.. مكاين ماحسن من السترة.. ونتي ماشي صغيرة باش ديري هكا.. هدا هو لاج لي ديري فيه دارك وتكابلي راجلك وديري وليدات وتربيهوم.. سنة الحياة اختي واش كتهربي من المعقول؟

سعاد: (تنهدات حادرة راسها) كنت نقدر ندير هادشي مع واحد من غيرو.. الرايس لا.. (علات عينيها فيها وكملات بانكسار) داك السيد ما صرف فيا غي العيب ومادار فيا غي الشر.. قلبي كحل من جيهتو كيغاندير نتعايش معاه؟ انا ماشي شي وحدة لي دغيا كتنسا ماداز عليها.. كنكرهو اكثر مكتصوري.. وكون نقدر نقتلو بلا مانتحبس نديرها وبدم بارد.. وكتقوليلي ديري معاه دراري؟ يطلقني حتى يجي رزقي .. نختارو انا .. ونبغي نربي معاه وليداتي..

نجاة: قلبك كحل اختي.. ربي كيسامح علاش حنا لي مانسامحوش؟

سعاد: نتي تسامحي واحد وصلك الموت شحال من مرة.. وقتلك خوك حداك؟

نجاة: رديتي دقتك؟

سعاد: ومابردتش..

نجاة: وعلاش كتشركي معاه الفراش؟

سعاد: كنعسو غي باش نبردو بعضياتنا وحتى هو كنحس بيه نفس الشي.. يعني نساي داك النعاس دحبيبة كبيدة.. داكشي دالرومانسية والبوسة خارجة من القلب والكلام الحلو.. ماكاينش.. كنطفيو داك الشهوة فبعضياتنا والسلام عليكم..

نجاة: )تنهدات وناضت واقفة) ايوا نوض نحطلك تفطري.. باينة ماكليتيش من بارح..

سعاد: جيبيلي تيليفوني نعيط ليما..

نجاة: حتى تفطري .. وهضري فخاطرك..

سعاد: (تكات بيديها على حنكها) راسي ضارني..جيبيلي الدوا من البيت واقيلة داك القواد شراه بالليل..

نجاة: ههه واهانتي كيجرح ويداوي وكتقولي الرايس خايب..

سعاد: (معوجة سيفتها) اممم يعطيه مصيبة ..

حل عينيه على تقرقيب فالغرفة.. شاف قبالته كانت فدوى عاطياه بالضهر قبالت المراية كتقاد راسها باش تمشي لخدمتها.. طلعها وهبطها..لاح عليه الغطا وناض كيحك فشعره.. مشا لعندها حاوطها ماللور باسها فخدها.. نطق بصوت مبحبح بالنعاس..

نوردين: ربيتي الطرف الحب! اممم..

فدوى: (بابتسامة واسعة) الوحم ومادار فيا..

نوردين: (هبط بيديه كيتحسس كرشها كيطبع قبلات هادئة على كتفها وفرقبتها) امممم غاتعطلي اليوم على الخدمة..

فدوى: (ترخات سادة عينيها) توحشتك حتى انا ..

طلق منها وهزها بين يديه غادي بيها للنموسية..حطها وجا فوق منها كيقبلها بهدوء.. هي دغيا بدات تحل وترخات تحت منو عاجبها الحال..كيعريها باغي يطفي النار لي شاعلة فيه من البارح بسبابها!

سالات فطورها كتهضر مع نجاة.. شربات دواها ونطقات..

سعاد: نجاة اختي جيبيلي تيليفوني من البيت.. نعيط للسعدية..

مسحات يديها ففواطتها ومشات جابتو ليها.. دوزات نمرة مها صونا شحال من مرة حتى سكت وعاودات.. مرة وجوج وتلاتة حتى تشد الخط..

سعاد: يماا..؟

كانت كتسمع صوت الصداع والهضرة بزااف.. حتى جاها صوت مها مغنغن..

السعدية: أسعااااد وفاينك الطليبة وفاااينك؟ باباك مات ودفنتو البارح...الحبيبة ونتي ماكايناشي ..

طلعات معاها الصهدة وكرمات فوق الكرسي.. النفس ديالها ضياقت.. كتسمع صوت الصفير فودنيها.. دوزات بضفارها على الطبلة حتى تسمع صوت التكرزيز.. ضارت نجاة شافتها لون وجهها زراق.. شفايفها كيترعدو غي بوحدهم بحالا لسعاتها شي عقرب او صعقها شي تيار كهربائي.. مشات عندها كتجري حيداتلها التيليفون من يديها لدرجة بقات يديها مكنززة حدا ودنيها بحالا باقا شاداه..

حركاتها بيديها كتكلملها وهي مثل الجماد مكتحركش..

نجاة: اويلي اختي مالك.. سعاد(كضرب فوجهها) أ سعاااد..

مادوات ماتكلمات حدها ناضت طافجة النفس مقطوعة فيها.. كدور بجنابها بحال الحمقة .. كتقلب على شي حاجة ماعارفاهاش.. كدوي بهستيرية..

سعاد: با .. مااات.. الشيخ مات.. مات وماشفتوش..

شدات على قلبها وطاحت الارض كتغوت مهبطة وجهها كولو بضفارها.. نجاة كانت واقفة مصدومة مشات عندها كتجري كتحيدلها يدها من شعرها لي نتفاتو ووجها لي قمشاتو.. كتغوت ربي لي خلقها وتقطع فحوايجها باغا تحيدهوم من الصهدة لي طلعات معاها..

نجاة: (كالسة فالارض شادالها فيديها) نعلي الشيطان اسعاد.. نعلي الشيطان اختي.. الموت علينا حق.. استغفري الله..

سعاد: (كتشهق وعينيها كيتقلبو الفوق) ااااربيييي.. واااااماااات .. ماااات وماشفتوش...

بلعات ريقها مرات متعددة كتحاول تنفس.. ناضت فداك الحالة دافعة نجاة.. وتمات غادية لباب.. لابسة غي فردة وحدة ديال البنطوفة والاخرى طاحتليها فاش كانت كتندب فالارض.. تبعاتها نجاة بغات تشدها ساعة لقاتها مشات.. هزات فردة الاخرى ديال البنطوفة.. سوارت الدار وتيليفونها .. زدحات الباب وخرجات تابعاها.. لقاتها هبطات فالدروج.. نسات واش كاينة شي حاجة سميتها سانسور.. عيطات ليه هي وركبات فيه باش تلقا ليها لتحت.. وداكشي لي كان وصلو قد قد.. خرجات كتعتر فرجليها .. وتغوت وضرب فوجهها.. وقفات فباب الموبل الدنيا كدور بيها.. ماعرفت مادير .. كيف غاتمشي وشكون يديها.. حتى لمحات هداك العساس لي مخليه الرايس حاضيها.. مشات عندو كتجري كضربليه فالطوموبيل..

سعاد: ديني.. ديني.. ديني لدارنااااا...

نجاة: (شدات فيها معنقاها وكتهضر معاه بزربة) خويا نوصلوها لدوارهوم راه باها مات..

نزل من الطوموبيل شادها معاها ونطق...

-نعيط للرايس؟

نجاة: (حلات باب الطوموبيل بسرعة) عيطليه فالطريق..اخااي سربي دغيا.. واش مكتشوفش حالتها؟

عاونها وطلعها لطوموبيل..ركبها اللور ومعاها نجاة.. ديمارا بزربة وفنفس الوقت هز تيليفونو كيعيط لرايس.. مرات عديدة وماكايجاوبش!

يتبع..