روبي ڤيريدجو الجزء 17

- مسيرة [ببرود نفس برودو ] :

أشمن تحدي ؟

- جلال [بنظرة إستفزاز وإبتسامة شيطانية ] :

انا وانت .. فشارع واحد ، انا بطوموبيل وانت بالعود ، الى سبقتيني وماطحتيش مازلقتيش .. طلبي مني لي بغيتي ..

- مسيرة [غوبشات ] :

والى ريحتي انت ؟

- جلال [بإبتسامة إنتصار ] :

ادوزي معايا نهار واحد انا وانت ، تفطري معايا فيه وتغداي معايا وتعشاي معايا ..

- جواد [بصرامة] :

جلال ، واش نسيتي راسك ..

- مسيرة [ضارت عند جواد ] :

غير خليه أعمي .. حتى انا تلاقى معايا مسالية راسي وماعندي مايدار ، [شافت فيه ] قابلة التحدي .. نجرب ركوب الخيل .. واحد 3 دورات وانا معاك .. [شافت فجواد ] عمي انت باين حرايفي فركوب الخيل تعلمني ؟

- جواد [بإبتسامة جدابة ] :

مرحبا ابنتي ، أش لدري لي كانت بيدو .. جا عندو نطق بصوت رجولي ، خرج ليا أصيل ونيڤان .. شاف فمسيرة ونطق :

نيڤان من سلالة ديال نيڤان الأب ، مابغيتش سميتو تنسى داكشي باش سميتو عليه ..

- جلال [بإستغراب ] :

غادي تخليها تركب على نيڤان ؟!!

- جواد [شاف فيه ببرود ] :

اه علاش ؟؟

- جلال [بإستفهام وعلامات الاستغراب باينة على وجهو ] :

عمرك ماخليتي شي حد يقرب منو .. هو أحسن واحد واحد عندك كيفاش البلان ؟

- جواد [بإستفزاز ] :

بغيت ، هاد المرة غير .. مافيها باس يكون إختلاف مرة مرة ، ولا نݣولو باغيها تربح عليك أولدي ..

- كانت واقفة بيناتهم ، بين زوج ديال النسخ .. واحد كيشبه لثاني نفس الشموخ ونفس الرجولة .. نفس الكراكطير والحدة .. نفس عزة النفس ونفس الاستفزاز والبرود ، كان نسخة طبق الاصل من باه ، من الداخل كانت فرحانة من تصرف باه معاها ..

- رجع دري وفيديه جوج ديال العودان ، واحد فالقهوي داكن وتاني فالكحل .. دخل جواد قرب من الكحل طبطب ليه على ظهرو باسو ، قرب من ودنو وهمس ليه بكلام مافهماتوش او بالأحرى ماسمعاتوش .. شاف فيها وأشر ليها باش تقدم ..

- كانت جامعة شعرها على شكل ديل حصان ، لابسة ترسكو كحل طالع بالكول ديال القطن سخون مع سروال كحل بحال كولون ، وبوتيو فنفس اللون پلا بلا طالون ..

- تحت أنظار جلال لي مختارقينها ، مقابلها ومقابل تصرفات باه .. نظراتو كانو باردين .. مكانش كيبان ليه باه لي مقرب منها .. كان كيبان ليه إنسان غريب ، عظمت فكو كتنبض ، واخا كان الجو بارد ولكن الداخل ديالو كان سخون ..

- جواد : طبطبي على ظهرو ، وهضري معاه عرفيه على راسك بحال الى كدوي مع إنسان ، الخيل كيفهمونا وكيميزو لي كيبغيهم من الانسان لي مكايبغيهمش ..

- مسيرة دارت داكشي لي قاليها بضبط ، طبطبات على ظهرو او وجهو .. همسات بسميتها حدا ودنو ، حرك راسو وشعرو .. إستجابة ليها .. بقات هكاك حتى عطاتو الخاطر ، وبدورو مستاجب ليها خاشي وجهو فنعقها كيشمشم فيها ..

- جلال [بهسهسة وبصوت شبه مسموع ] :

حتى العود خليتيه يبغيك الواشمة ..

- جواد شد بيديها ، وبشوية وبسلاسة طلعات فوق ظهرو .. بدا كيتحرك شوية بشوية وجلال لي شاد بيه ، كيدور بيها بشوية بشوية .. وهي بدورها شادة لجامو .. كانت غادية معاه بكل سلاسة والإبتسامة مشعة طايرة من وجها ..

- شوية بشوية بشوية حتى ولات متمكنة من ركوب العود .. ولات كتعرف ايمتا تخليه يجري ويمتا يوقف ويمتى يمشي بشوية .. حبساتو ونزلات بكل سلاسة من فوق ظهرو شافت فجلال ونطقات بتحدي :

أنا واجدة ..

- فالشارع لي فاصل بين الفيرما والفيرمات لاخرين .. هو راكب فطوموبيلتو رونج فالكحل .. أما هي كانت واقفة قبالت العود لي اتركب عليه ، خرج هلال وسراج والبنات .. فنفس الوقت لي وصلات فيه طوموبيلت توفيق ، نزل مزول نظاظرو كيشوف فالمشهد لي قدامو .. وقف حدا هلال وسراج بتساؤل :

أش واقع ؟

- سراج [هزهز بكتافو ] :

علمي علمك ، مزال مافهمنا اش كيخطط ولد عمك ..

- جواد [قرب من مسيرة وهمس بصوت تقيل او وقور ] :

واجدة ؟

- مسيرة : اه واجدة ..

- جواد : حمري ليا وجهي ، وريه البنات الحرات اش كيسواو وبلي ماشي غير رجال لي كيعرفو لركوب الخيل ..

- مسيرة [ ضحكات تحت أنظار جلال لي مترقبهم بعينيه ] :

كون هاني أعمي .. طلعات فوق العود بالمساعدة ديال جواد .. تقادات مزيان شادة اللجام .. وقبل متحرك طبطبات على ظهرو وباستو .. تهزهيزات راسو كانت ذليل بلي هاد العود ايكون مطيع للسيدة لي مݣيداه ..

- ضربات برجلها وتحرك العود وجلال وراها .. كانت غادية بالمحل حتى وساعت الطريق ، عاد زادت من السرعة ديال العود .. جلال كان مكسيري وراها ، كان معول على الرباح .. ضارت وراها بان ليها تابعها .. زادت ضربات برجلها على العود ..

- يلاه يلاه يلاه .. زيد أحبيبي زيد يلاه ..

- كيسمع ليها بحال الى مربياه سينين هادي ، زاد فسرعة ديالو ولا كيسابق الريح .. كانت فكل مرة كدور كتلقى جلال مكسيري كتزيد تكسيري حتى هي وتغوت بأعلى صوتها .. كانت واخداه تحدي بين عينيها ، حالة مايربحها حالة مايطيح بيها الارض ، حالفة بحلوفها حتى توريه بلي الى كان قاد يتحكم فناس ويهددهم هي غير ..

- ضارت لقاتو قريب ليها .. زادت ضربات على العود وزاد فسرعة ديالو ... فلحظة ماحساتش براسها حتى تهزات من على العود بقات شادة غير فاللجام ومعنقاه ..

- كانت قريبة من نقطة النهائية ومامستاعداش للخسارة ياربحة يا دبحة .. زادت كسيرات ولات بحال الفراشة فوق من العود .. تحل شعرها ولا كيصارع الريح .. شعر برتقالي مع شعر أسود للنيڤان خليط خطير بينهم ..

- كيبان ليها جواد واقف والبقية واقفين .. ضارت لقات جلال قريب ليها ، زادت خبطات على ظهر نيڤان لي زاد كسيرا ، حتى قربات للجواد وخففات السرعة ، بدا كيتقل كيتقل حتى وقف عند رجلين جواد .. او وقف جلال وراها ، نزلات بمساعدة جواد ، ونظرات الإنتصار على وجها ضحكات ونطقات :

كيف جيتك درتها ولا مدرتهاش ؟

- جواد [خبط يدو مع يدها وباس ليها راسها ] :

الله يرضي عليك .. نزل جلال وقف ببرود الداخل ديالو كان شاعل ، جاتو عيب حيت باه لي واقف كون شي حد كون نسفو .. شافت فيه مطلعاه ومنزلاه ، نطقات بصوت أنثوي رقيق :

عمرك دخل فتحدي ، مع شي وحدة مكايهمهاش الربح ولا الخسارة .. مكتفكرش زوج ديال المرات باش دير الحاجة .. قلتي نطلب منك شيحاجة ، لي غانطلب منك هو تخطي ساحتي حيت والله منصلاح ليك ..

- جلال [شاف فسما وتبسم بإستهزاء ، تمشى بخطوات واثق من راسو قرب لعندها ونزل براسو مهسهس بصوتو الرجولي] :

نهار تݣدي توصلي لودنك وتعضيها ، غانفرقك .. نعاودها ليك الواشمة ، يا أنا ياروضة .. تخطاها ودخل تحت نظرات البقية ..

نحن لا نتغير.. مشاعرنا تبقى ثابتة ..

ما يتغير مع الوقت هو طاقة التحمل لدينا ..

القدرة على المحاولة .. على الاستمرار .. على الكلام .. و حتى على الصمت ..

و هكذا تدور العلاقات الإنسانية وتتبدل ..

لتهدأ و تجد مكان استقرارها فتتوقف حيث وجدت فيه الأمان .. الأمان قبل أي شي ...

_____________________

- فالليل مجموعين فجردة ديال الڤيلا ، ݣالسات ݣاع البنات وهي معاهم ، دايرة رجل على رجل كتاكل فكاوكاو معسل بزنجلان ، حسات بشيحاجة تحطات حداها بجهد ضارت لقات عصام ..

- مسيرة [كتشوف فيه بإستفهام ] :.

مالك أخويا كطيح بحال الرعدة ياك لاباس ؟ كتشوفنا بنات ݣالسين وانت جاي مخشي حدانا أش بلانك ؟

- عصام [عينيه على عفاف لي مجمعة مع سناء والبنات] :

خوك انا ياك ؟

- مسيرة [صغرات عينيها كتشوفيه بشك ] :

اااامممممم ، خوك انا ... شوف جيني نيشان وخرج من روندتك أش تم ، هاد تحلحيل ديالك ماهواش ، شيحاجة تم غير جي نيشان ..

- عصام [أشر لعفاف بحجبانو ] :

شوفي ليا مع عفاف ..

- مسيرة [عقدات غوباشتها ] :

كيفاش شوفيليا مع عفاف .. كيفاش هادشي تاني ؟

- عصام [ضربها على جبهتها ] :

مايكونش عقلك موسخ .. باغيها لزواج ..

- مسيرة [هزات حاجب ونزلات الثاني ] :

بيه فيه ، اداك نهار كتحل ففمك ، ودابا شوفيليا مع عفاف ..

- عصام : ومسيرة يهديك الله صافي ، مديريش لينا العصا فرويضة ، ݣلتها زمان ماشي دابا ، البنت عاجباني ومعششة فمخي ، وعلى ماعودتي ليها بنت الناس .. وانا صافي مابقى عندي فين نزيد ، بغيت ندير ولادي نكدب عليك ..

- مسيرة [دورات عينيها حاكة راسها ] :

طلبني ورغبني وحزرني ..

- عصام : وصافي اصاحبتي [جر ليها راسها باسو ] يلاه الالة والله يري عليك .. ضحكات ولكن سرعان ماجمعات ضحكتها منين تسمع صوت شيحاجة تهرسات ..

- ضارو كاملين ، كان واقف هاز كاس ديال اللويزة فيدو ، اليد لي ولات كلها دم .. بفعل الكاس لي تهرس فيدو ، مكانش مهتم لدمايات لي كانت نازلة ولا لويزة سخونة لي حرقاتو فيدو ، ماشي بحال الحرقة لي شاعلة ليه فقلبو ..

- كيفاش يتجرأ يقرب ليها .. كيفاش تجرأ يبوسها ولا يݣلس حداها ، هي ديالو هو ... هو لي حاصو يقرب منها ويبوسها ويعنقها هي ديالو هو مخلوقة ليه .. مخاصش شي حد يقرب ليها من غيرو ..

- سراج [وقف شاد ليه فيدو بعصبية ] :

واش انت مريض شوف على حالة درتي .. جرو من يدو وهو عينو مزال عليهم ، كان بحال شي واحد خارج ليه العقل ، ولا عقلو غايب على الوعي .. كونماشي سراج لي جرو دخلو للكوزينة يغسل ليه يدو كان ايبقى تم ، خدا علبة الاسعافات .. دوا ليه الجرح ودار ليه الفاصمة ..

- سراج [بجدية ] :

جلال وليتي خالعني أصاحبي أش كاين ؟

- عصام [بإستفهام ] :

مالو ؟

- مسيرة [تفكرات الكلام لي قالت ليه ، تبسمات وشافت فعصام ] :

مديرش فبالك ، باين الكاس كان فازݣ ، ودار فيه شيحاجة سخونة وطرطقات ليه فيدو .. المهم خلينا فالموضوع ديالنا ، واش باغي البنت بصح ولا ؟

- عصام : كتسوليني بحال الى معارفانيش .

- مسيرة [ضحكات بإنتصار حيت لي خططات ليه وصلات ليه ] :

صافي ضربها على حسابي ، يسالي غير العرس ديال كريم وانا معاك تهنى .. اجي والكادو ديالي ؟؟

- عصام : الالة سفر ديالك للإيطاليا ألي وروتور على حسابي وفپروميير كلاص اش بغيتي مزال ..

- مسيرة [بغنج] :

ولوطيل ؟

- عصام : ميكروبة صافي ، واخا الالة حتى لوطيل على حسابي تهناي ..

- مسيرة [دارت رجل على رجل ] :

اوكي مشات ..

_______________________

- فبيتها .. مقابلة مع المرايا ، دايرة رولوات للشعرها ، هزات الغاسول باش كتغسل وجها دخلات للحمام غسلات وجها ونشفاتو ، رجعات للبلاصتها ݣلسات مقابلة مع الماريا .. خدات واحد البواطة ، فتحاتها فيها كريم فزرق .. كان عبارة على ماسك دارتو ، وقفات كتجر رجليها للحمام غسلات يديها ..

- هزات التيليفون ديالها تشوف شحال الساعة ، كان فيها الجوع .. مشات لجهة الباب فتحاتو .. كان سقيل فدار ، مشات لجهة الكوزينة .. كان ضو جاي منها ، ستغربات يكونو نساو الضو ولا يكون شي حد فايق .. دخلات كيبان ليها شخص عاطي بظهر ..

- مع وقفات مع ضار ، هز حاجبو .. بإستغراب :

اش هاد الحالة ؟

- صفاء : مالها الحالة كيف جاتك .. اش كدير انت هنا بعدا ياك كتباتو فالفيلا لوخرا ؟

- توفيق [هاز حاجب ومنزل الثاني ] :

وقيلة هادي دار الإبراهيمي وانا كنيتي الإبراهيمي ..

- صفاء [مشات لجهة الثلاجة فتحاتها ] :

ومن بعد ، حنا ضياف ديال عمي جواد مول الدار ، حتى نهار نكونو جايين عندك وديك ساعة هضر ..

- توفيق [ببرودة ] :

لسانك مضى تبقاي دوري بيا نخلي دار عشتك انص بلاصة ..

- صفاء [ضارت عندو بالعرض البطيء ، جبداتو جوج خصلات من نواضرها خصل من ناضر الأيمن او تاني من ليسر ] :

حربابوش ، والما وبابوش .. والقرع وزغب لي ماعندوش ومايكسابوش ، نتف عليك نواضري شتيهم [ضربات خصلات نواضرها ] الى كانت ماماك مزغرتة عليك او والداك فخرقة بيضة ، قرب ليا ، الى مانفصل ليك الراس على الݣنازة ماسماونيش عاشورا ..

- توفيق [غوبش بإستفسار ، وعلى ملامح وجهو إبتسامة طنز ] :

عاشورا ، مسمينك عاشورا العار [طرطق بضحك ] العياقة كاملة وتبوزيق الخاوي وعاشورا ..

- صفاء [ماحرك فيها شعرة وحدة ] :

ومن بعد .. اللهم تكون سميتي عاشورا ، ولا نكون منفوخة على الخاوي .. ويكون ضاير بيا الذبان بحال طارو دزبل ..

-توفيق [جمع الضحكة وقرب منها بشكل خطير ، علامات البرود على ملامح وجهو ] :

أش ݣلتي ؟

- ݣالس هو وياه فواحد الكوخ ديال الخشب ، الكوخ لي شاهد على حب مو وباه .. باقي كيما هو هدا شحال ، حاطين قراعي ديال المشروب والكيسان ، هاز كاز بيدو لي مجروحة .. ملامحو جامدين ساهي ، حاس براسو باغي يغوت .. العافية شاعلة ليه فقلبو ، مكرهش ينوض يحيح يهرس لي جا قدامو ..

- سراج [كيشوف فيه ] :

شوف بغيني ولا كرهني ، عارف بلي حنا ولاد الإبراهيمي دمنا مق**د ، وهادشي وارتينو ابا عن جد .. دمنا سخون وكيفور ومكنعرفوش ندويو ، ولكن اصاحبي مادرتي فيها مايصلاح ..

- الدرية هادي عام كنتو بحال ليصانص مع العافية ، واخا وقع بيناتكم دوك جوج ستونات ، ولكن عمرك بينتي ليها ولا هي بينات ليك ، ورا عام تزيرها وتفرض عليها راسك لا ..

- جلال [جغم من كاسو الجغمة لاخرة ، هز القرعة وكب لي بقا منها ، فتح لوخرا وزاد فكاسو .. جغم النص فالكاس ودوا بصوت تقيل ] :

وليتي تفهم اولد العميم ..

- سراج : كندوي معاك ، انت ومسيرة بحال بحال .. العافية مع العافية مكايتلاقاوش .. ونوع ديال مسيرة متجيهش بتهديد .. نوعها تجيها بالهداوة ، راسها قاصح وانت راسك قاصح .. الى انت راكبك 100 جن ، هي راه راكبينها ولاد سيدي حمر ..

- جاي تهدد فسيدة وبغيتيها تݣولك مرحبا واش انت ڤيو وعا شوية اساط ، برب وتبقى على هاد الحال لا قفلتي معاها .. رطاب وتواطى شوية ولا غاتجيبها فعظامك ، ونقص من سخونية الراس ..

- جلال مجاوبوش ، مابغاش ينسى داك المنظر ديال عصام فاش باسها فراسها العافية شاعلة ليه فقلبو كيحس براسو مرض .. داك الكاس لي فيدو ماقنعوش ، هز القرعة على قدها كيشرب منها .. لݣاها لفمو دقة وحدة بحال الى ملݣي قرعة ديال الما ..

- حط القرعة خاوية ، عينيه تعسلو وتعلكو .. حمارو وجهو تزنݣ ، وقف مزول تجاكيط لايحها كيحس براسو سخن ، ولا كيفور زاد زوج خطوات ، كان غايطيح كونما شد فالحيط ، وقف سراج باغي يشد فيه وهو يحبسو .. بصوتو الثقيل :

- ݣلس لأرض ..

- تراجع سراج .. أنا هو حل الباب وخرج ، كان فتجاه الڤيلا لي ݣالسين فيها البنات ، رجل تديه ورجل كتجيبو حتى وصل ، حل الباب .. وطلع مع دروج مكايشوفش قدامو حتى وقف عند بيتها .. دق زوج دقات ، بقا شحال واقف ، حتى تحل الباب كتشوف فيه بإستغراب .. خسرات سيفتها فاش شمات ريحت الشراب كتعطي منو ..

- جلال [تبسم عينيه معسلين ، بصوت غالبة عليه السكرة وبحة صوتو الحرشة ] :

الواشمة دقلبي .. ياك ݣلت ليك انا هو الحبس لي غايسكنك .. تلاح بتقلو عليها دافن راسو وسط عنقها حتى تراجعات زوج خطوات اللور مكاليها الكوافوز ..

- صفاء [كانت واقفة ليه حسكة ماتحركات فيها حتى شعرة نهائيا ] :

- راه سمعتيني شنو قلت ، يحسابليك انرجع على هضرتي حيت زعمة غادي نخاف منك .. قلت ليك الصح ماكدبتش عليك فشيحاجة ..

- توفيق : شكون هاد طارو دزبل ..؟

- صفاء : الله اعلم شوف انت ، عرفتي شنو هي مشكلتك اتوفيق ، ونصحك نصيحة لوجه الله .. الإشكال ديالك هو عمر شي وحدة رضاتها فوجهك .. اي وحدة تعرفتي عليها كتعجبها ..

- كتجيك فشكل شي وحدة ترفضك .. انت كيخصك اي بلاصة دخلتي ليها تلفت الانتباه ، حيت زعمة انت ولد عائلة كبيرة ، ولاعب معروف .. بغيت نقوليك بلي هادشيلي انت فيه راه ماشي هو محول العالم ، نقص شوية من راسك .. تواضع شوية ..

- خود شوية من وقتك ، ونزل للبلايص الشعبية ، شوف الناس كيف عايشين مساكن .. شوف الناس الدراوش كيفاش عايشين ، واخا ماعندهمش حامدين الله وشاكرينو ..

- حاول تبدل من راسك الطريق لي انت غادي فيها مامسلكاش ، دنيا راه ماشي غير فلوس ولعب وتفلية وبنات .. الدنيا فيها كثر من هكا ، سير لدار العجزة وشوف الناس .. سير للمؤسسات ديال الوليدات لي متخليين عليهم والديهم ، شوف الحباسات .. شوف سبيطارات ، زور مرضى السرطان ومرضى القصور الكلوي .. باش نحس بناس وتعرف بلي دنيا مافيهاش غير لالة ومالي وتقرقيب السطالي ، متكونش عامر من برا وخاوي من الداخل .. خليك عامر من زوج جوايه ، [هزات الخبز ديالها وشافت فيه بنظرة اخيرة ] تصبح على خير ..

- عطاتو بظهر وخرجات من الكوزينة خلاتو متبع ليها الشوفة بنظرات باردة وغريبة ..

____________________

- بعداتو عليها دفعاتو حتى تراجع بخطوات اللور ݣالس فوق النموسية .. كيشوف فيها بعينيه معسلين ، نطق بصوت باح رجولي غالبة عليه بحة السكرة :

الكاس لي جرح هاد ليد ، هاد المرة غيفنِّي لي يقرب ليك الواشمة .. زغبة وحدة فيك ، [سكت ورجع دوا ] ديالي ، دخليها لراسك .. هضرتي مكتعاودش جوج دالمرات ، كتݣال مرة وحدة ..

- متخليش الوجه لي قت/لتو شحال هذا يبان .. مباغيتش نخلعك ، حتى ليك انت مابغيتش نخلعك .. تخلع مني دنيا كاملة ، يݣلسو على اكبر قرعة .. ولكن انت لا ، انت [هز يدو بثقالة واشر لجهة قلبو ] انت الواشمة دݣلبي .. ݣلبي [ رجع براسو اللور وتلاح على النموسية .. بقات واقفة كتشوف فيه ] مارجعش ݣعد راسو ..

- قربات منو بشوية كطلع عليه .. قربات ليه واقف على راسو بصوت شبه مسموع كتعيط :

جلال جلال ، فيق وجلال .. زادت قربات منو ، حطات يدها على صدرو كتحرك فيه وتعيط ، تجرات يدها وهي معاها وجات ناعسة على صدرو ، خرجات عينيها بصدمة .. قلبها كيضرب ، يد خشاها تحت عنقها خاشيها فيه ويد معنقها حابسها بين يديه وفحضنو ، مكان عندها هروب منو ..

- ماعرفات مدير بلعات ريقها مخلوعة .. :

جلال ، جلال .. وا جلال فيق سير لبيتك .. ولا من مجيب ، صدرو كيطلع وكينزل دليل على انو نعس ، كانت عارفة ومتأكدة واخا تبقى ليل كامل كتفيق فيه مغايفيقش ، مدات يدها لتيليفون لي كان قريب ليه .. هزاتو وطفات الپيل ديالو ، بقاو عينيها كيدوىو فظلام .. إحساس غريب بزاف ..

- إحساس عجيب انها تكون معاه فبيت واحد ، ناعسة معاه فوق نموسية وحدة .. موسدة صدرو القاصح العريض ، كتستنشق ريحة عطرو الرجولي لي ممزوج مع ريحة المشروب عاطي واحد تشكيلة خطيرة .. يدها مكانت عارفة تبقى منزلاها .. ولا تحطها على صدرو ولا كرشو ولا شنو دير ..

- تململ فبلاصتو بالع ريقو ، طبع بوسة على شعرها وجر يدها لفوق كرشو حابسها فوسط يدو الكبيرة .. ونتاظمو انفاسو ..

- تهندات تنهيدة طويلة ومكان عليها غير حتى هي تنعس واخا نعسة معنكشة .. بقات شحال على داك الحال ماحساتش إيمتا نعسات .. فوقيتة من الليل حسات براسها مهزوزة ومقادة فنموسية ، وبشي حاجة رطبة لمسات شفايفها .. وشي حد غطاها ، تمخشات ومافتحاتش عينيها جهد باش تفتحهم وتاكد واش كتحلم ولالا مكانش عندها .. يكفي انها حاسة براحة كبيرة هدا الأهم بنسبة ليها ..

- من نهار السكرة لي دار مابقاتش شافتو نهائيا .. لا هو لا رجال العائلة .. حتى من الشتا دارت معاهم المزيان فهاد الأيام .. كانت الشميسة واخا كاين البرد ، هادشي لي خلاهم يديرو قاعة كبيرة على برا .. والداخل ايكون للعائلة لي مكتقدش على صداع ديال الموسيقى ..

- جا نهار ديال الحنة .. فاقو بكري ، البنات مشاو مع امينة للحمام عصري فإفران ، دوموندات قبل ، دخلوها البنات بزغاريت .. وصلاة على النبي ، كان طايح عليها السر بحال البيضة المنقية .. ݣاع البنات كانو فرحانين ليها ..

- سلات الحمام ديالها ، ورجعات مع البنات للدار ، تلقاو ليها بزغاريت وتمر والحليب .. مغطيين ليها راسها بتوب بيض فيه الصقلي .. داوها للصالون فين موجدين ليها الجليسة ديالها ، وفين كانت كتسناها الحناية .. ݣلسات وكولشي ضاير بيها كيصلي على النبي ، طلعو البنات الفوق ، بدلو عليهم .. بدون إستثناء كانو بلا مكياج .. طلقين شعرهم على راحتو .. كل وحدة لابسة فيهم قفيطين خفيف ، مسيرة كانت لابسة فالپيستاج بارد .. أما صفاء فتيركواز ، عفاف فالخزي .. سندس فالݣري ، أما سكينة كانت لابسة جلابة فالوردي جاتها مع شعرها ولون بشرتها وعينيها ..

- النهار ديال الحنة كانو منشطينو العونيات .. عائلة جواد البعيدة كانت حاضرة ، أم ماريا حورية ومليكة مرات باها حتى هوما كانو حاضرين ، ياسين ربيب حورية ومراتو او ولدو وبنتو حتى هوما كاينين ... الدار كانت كلها عامرة ، عباس وادريس كانو مع الرجال فالڤيلا الاخرى .. لي كان كيتسمع منها صوت الامداح النبوي وريحة العود كتعطي منها ..

- الأجواء كانو عائليين ، سلات النقش ودازت لبنات دارت ليهم الفال .. وصل الليل ، وختاتمو نهار الحنة بوليمة .. بالدجاج المحمر واللحم بالبرقوق ، مع ديسير طارط ݣلاص والحلوة ..

- ماسلاش الإحتفال حتى للنصاصات الليل .. حيدات العروسة الحنة ، وطلعات لبيتها ، ماختالطاتش بالعريس ، وهادو كانو تقاليد عاىلة العروسة .. نهار الحنة مايشوفها مايراها .. اما بالنسبة للبنات فكل وحدة تلاحت دودة مهدودة فبيتها ..

- النهار لي كتسناه اي بنت .. الليلة لي كيضربو بيها المثلة وكيقولو عليها زواج ليلة تدبيرو عام .. الليلة لي كتبداي فيها حياة جديدة ، مع عائلة جديدة ومع زوج ، كتطرقو عليكم الباب ومكايسمع حد عياطكم ، كتحملي فيها المسؤولية ومكتبقايش ديك البنت الدلوعة ديال والديها ..

______________________

- مشات معاها هي وليليا او وديان للعند الكوفورة .. خلطاتهم عليهم حتى النݣافة باش تلبسها اول لبسة عندها .. من ورا ما سلات ليها الكوافورة شعرها ، طلقات. ليها سامبل مع بروص مرصع بالحجيرات ، الݣصة دارتها ليها على جنب .. برزات ليها عينيها مع عكر فالحمر فونصي .. اما تكشيطة ختارتها تحتاني فالأصفر والفوقاني ديال التليحة فيه تيركواز والموڤ والأزرق والغوز ..

- لأول مرة غادي تلبس سوتيانات ديال الپونج وقفو ليها صدرو وعطاوه حجم .. عطا للتكشيطة جمالية ، دارت ݣورميط لاصق مع العنق منبت بالحجر .. نفسو نفس المضمة ونفس الشمار ديكور واحد .. ظفارها دار لوجيل مصبوغ بدهبي والكحل ، مع صندالة عالية فذهبي وساك ديال الحظور فنفس اللون .. كانت قنب//لة موقوتة بمعنى الكلمة ..

- وديان وراها كتحقق فيها بإبتسامة [لابسة تكشيطة فالكحل وذهبي ] :

ماشاء الله جيتي كتحمقي ، جاتكش تكشيطة كتهبل ..

- مسيرة [ضارت عندها بإبتسامة ] :

انت لي فنة ، لهلا يخطيك ..

- ليليا [لي ختارت تكشيطة فالبلو غوا لون واحد ] :

هاد الليلة اتخطفي قلب شي واحد من ولاد العائلة مافيهاش ..

- وديان ضحكات وغمزاتها :

انا ماكرهتش تخطفي قلب ولد عمي الوسطاني لي داير كيف الحجرة ..

- مسيرة [ضحكات وقلبات ليها الهضرة ] :

وراه عندك زوج عمام شكون فيهم ؟

- وديان : ايوا توفيق صغير .. وسراج هو الكبير وانا قلت الوسطاني ، وعمي جواد هلال هو الكبير وجلال هو الوسطاني ..

- مسيرة [قلبات الهضرة ] :

واش أمينة مزال مسالات ، الضياف غادي يكونو وصلو ..

- وديان [شافت فليليا وغمزاتها ، كانو حاسين بيها مابغات تدوي عليه ، عايقين بيها وعايقين بيه من نظراتو ليها فهاد الايام كلها لي كيكونو مجموعين ] ..

- تسمعو زغاريت وصلات على نبي وصوت الطالون نازل من الفوق ، عرفو بلي العروسة كملات او واجدة باش تمشي للقاعة ..

- هبطات بصلاة على النبي ، البنات كيصوروها بتيليفوناتهم والكاميرا مان حتى هو كيصورها .. لابسة تكشيطة فالباج كلها منبتة ، مع صباط عالي ، مشيطة ديال شعر عالية مع خصلات خفاف نازلين .. تاج مرصع مع الحنينة فيديها .. كانت بحال الأميرات طايح عليها السر ونور على وجها ..

- خرجوها بزغاريت ، ركبات مع ليليا فطوموبيلتها ، وديان فطوموبيلتها ومسيرة حتى هي فطوموبيلتها معاها الكاميرا مان .. متبع جميع الخطوات .. الطريق كلها والموسيقى طالقينها مجهدة والكلاكصون ديال الطوموبيلات ..

_______________________

- فالڤيلا .. الإستعدادات ديال الموسيقى بداو ، القاعة عمران بالحضور طابلة ديال العائلة لي قريبة للعروسة هي لي خاوية .. وطبلة اخرى فيها سندس لابسة تكشيطة فالأحمر ديال الثليجة ، صفاء لابساها فالكحل او وريدات فالغوز والتيركواز .. أما عفاف كانت لابسة تكشيطة فالموڤ والبيج طالقة شعرها الكحل .. أما سناء ختارت تكشيطة تحتي ديالها فالموڤ داكن والفوق ديال الموبرة فيه وريدات بين الموڤ والخضر والݣرونة .. مع سمطة دهبية وفولارا فالموڤ ..

- سعاد لابسة تكشيكة فالغوز بارد .. معزوزة قفطان فالبيج ، أما ماريا ..كانت لابسة ثليجة فالكاشيري ، وبحال تكشيطها فالخزي لابساها وردة ، سومية لابسة قفطان فالكاشيري منبت ..

- دنيا لي ختارت تلبس تكشيكة فالخضيضر بارد طالقة شعرها مع مكياج خفيف ..

- اما الشباب فكانو نجوم الليلة ، وأول هلال بطقم فزرق داكن .. توفيق شوميز محلول جهة الصدر مع سروال توب فالكحل كوير ..وݣاط ، هارون لي لتاحق بيهم فصباح ، لابس شوميز وسروال توب كحل مع صباط فنفس اللون .. أما سفيان وعصام مكانوش اقل وسامة من البقية فطقم للعصام فالكحل وسفيان فالݣري ..

- لتاحق بيهم وهو فكامل أناقتو ورجولة كتهز منو .. طقم فالكحل إيطالي الصنع ، مع سباط من نفس لامارك فالكحل .. الشعر ممشوط اللور ، ساعة رجالية فالنقري .. جاي كان كيدوي فتيليفون مع سالة خشاه فجيبو لي كان حتى هو بحال نفس اللبسة لي لابس فالكحل ..

- تسمع صوت للكلاكسون ، الكل خرج من القاعة .. بلاصات مسيرة هي لولة ترجل الكاميرا مان من طوموبيل باش يصور اللقطات .. خرج المصور لي خاص بأهل العريس كيصور ، العائلة كلها خرجات .. وتحت انغام هاحنا جينا بصوت رشيد المريني ستقبلو العروسة ..

- حلات الباب ونزلات تحت نظراتو لي ختارقوها لا بل عراوها ... قلبو تهز من بلاصتو ، السخونية طلعات معاه ، تعماو ليه عينيه من هاد الكتلة الأنثوية لي شاعلة قدامو ، هزها من رجليها مرورا بالجسد ديالها الفتحة ديال تكشيكة لي مبينة سيݣانها البويض ، طالع مع كرشها لي لاصقة مرورً بصدرها لي واقف وشوية من فتحتو لي باينة ، قادات شهرها وهزات كول التكشيطة شوية .. ولكن مع ذلك ماتضرقاتش الشانة لي عندها بين عضمة عنقها وصدرها ..

- الشامة لي من نهار شافها فيها أول مرة توشمات بسميتها " الواشمة " شفايفها لي كانو عبارة على جوهرة حمراء تحط فمتحف .. جوج كرزات لي يتدوقهم ويرتاشف من الرحيق ديالهم ..

- بلع ريقو محرك تفاحة أدم ... حركات كلو على البركان الهايج ، واش هاد الناس كاملين ايبقاو يشوفو فيها هاد الليلة ، ساݣها لي ايشوفو الكبير وصغير ، صدرها لي ايتشهاوه الرجال .. لي حاضرين ، شفايفها لي ايتمناهم أي واحد ..

- قدرت التحمل عندو كانت قليلة ، مكانش باغي يخسر ليلة ختو وبأشمن صفة قدام الناس باش يدوي ولا يݣوليها تبدل هاد اللبسة ، كون لبسات اي حاجة اتجيها زوينة لاش هاد الزواق وهي كتفتن بلا بيه .. صراعات واسئلة وأجوبة كانو كيدورو ليه فراسو ، وعينيها كانو عليها هي وبس بلاما يرف جفن ويخاول يشوف ختو لي نزلات من طوموبيل ولا عريسها لي ستقبلها .. عينيه كانو عليها هي بوحدها .. واشمة قلبو لا غير ..

- تمو مدخلينها بصلاة على النبي للقاعة .. باها ومها فجنبها ، عريسها حداها حداه مو وباه وختو .. تمات داخلة مع القاعة كولشي وقف كيصور ، الحشمة غالبة عليها .. من وراها مسيرة او وديان وليليا .. سراج هاز عين ومنزل عين بنظرة لاعوب كيشوف فسكينة ، غير شافت فيه غمزها .. غوبشات فيه ودورات وجها مخلياه كيضحك على تصرفاتها والحشمة ديالها لي كيموت عليها ..

- ݣلساتهم النݣافة فالبلاصة المخصصة ليهم .. كولشي كبصورهم مسيرة كتميل بيديها وكتصور ..

- البنات ديال العائلة ناضو كيشطحو .. اما العزاب كان كل واحد عينو على وحدة ، سراج لي عينيه متحركوش من على سكينة ، هلال لي عينيه ماقدش يزغزعهم علي سندس لي كانت كتحمق فالأحمر ، اما توفيق لي عينيه كانو بحال عينين القرش لي كايكون مترصد بالفريسة ديالو ، عينيه مازولهمش على صفاء نهائيا .. كان كيشوفيها شيحاجة غير .. مغيرة بزاف على ݣاع البنات لي عرف طول حياتو ..

- تنهد هارون تنهيدة كويلة ونطق بصوتو الرجولي المرح :

وكايبان ليا ولاد الإبراهيمي ضربهم الخلا .. بقينا أحنا لي هزنا الما وضربنا تريسينتي ..

- هلال [بلاما يحرك جفن واحد ] :

شكون منعك ولا شدك ، حرك يدك المخيرة نزوجوها ليك ..

- هارون : وعلى هادشي لي كنشوف أخويا ، خاص نبطر براسي .. لا نلقاه فدار العجزة ..

- كانو ݣالسين بزوج فطبلة لي ݣالس فيها جلال وسراج وهلال وهارون وتوفيق ، ضار لعند صاحبو يهمس ليه ، ولكن لقاه ساهي مكاينش فهاد العالم نهائيا .. دور وجهو بالعرض البطيء ، لقاه حاضي بلاصة وحدة وبنت وحدة ، لي لابسة تكشيكة فالموف والخضر .. ضحك وحرك راسو بإستسلام مفكر كلامها ليه ..

- مسيرة : ومتعرف نقدر نزوج حتى سفيان ..

- لحق على كلامها ، وهاهو صاحبو لأول مرة يشوفو ساهي وفيمن فسناء ، البنت لي شافها مع مسيرة ، ولي حلفات حتى تعاونها .. كيتسائل واش هادشي شي لعنة جايا من عندها مسيرة ، خلاتو يتعجب بعفاف ويبغيها ، وهاهو صاحبو لي عمرو شاف فبنت المرا حتى هو ولا كيسهى .. ضحك لراسو ورجع عينيه جيهة الاجواء الإحتفالية لهاد الليلة ..

- كان باغي غير يغوت ، ينوض يݣلسها للارض وهي كتمايل ومرة مرة تهز تكشيطها تعري على رجلها ، سراج لي كان حاضيه ، كيشوف عظمة فكو كطلع وتنزل ، قرب ليه بصوتو الرجولي الغارق :

كبر عقلك العود ، عرس ختك هدا دير الما منين يدوز ..

- جلال [شاف فيه ببرود ، ورجع كيشوف فيها بلاما يجاوبو ] ..

- أما هي مكانش على بالها ، فرحتها اليوم ماعندهاش ثمن .. كتشوف فكريم عشرة عمرها خوها لي ماولداتوش ليها مها ، السند من بعد باها .. الروح ديالها ، وفاش كتقوليه ولد قلبي فراه فعلا ولد قلبها ..

- عمرو عݣرها واخا وقع بيناتهم سوء تفاهم ، ولكن عمرو مانفرحها ولا خطاها فينما كانت كطيح كتلقاه حداها ومعاها .. يطلب روحها تعطيها ليه .. حسات بحاقها ضربها ، وبلاما تحس نزلو دموعها .. خسر سيفتو هو وعروستو فاش شافوها قبالتهم كتبكي وكتنش على راسها .. أشرات ليه أمينة باش ينوض لعندها .. ناض نازل بزوج خطوات ، وقف قبالتها ماسح ليها دموعها .. عنقها وباس ليها راسها ..

- حركة لي كانت بسيطة وعادية ، ولكن بنسبة ليه لا .. فتح عقدة الكراڤاط .. حرك عنقو مطرطقو .. هز كاس ديال الما نزل عليه دقة وحدة مبرد الحر ديالو ، رجلو كترعد ، بقا ليه شوية وغاينوض ليها يعلقها فترية ديال القاعة يخليها مقلزة تم مايقرب ليها حد ومتقرب لحد .. مسح على وجهو وشعرو كيحاول يكالمي راسو .. بانت ليه تبسمات لكريم ، حدرات راسها هازة على تكشيطها منساحبة وخارجة من القاعة فتجاه الڤيلا .. جمع الوقفة وخرج تابعها ..

- مشات نيشان للحمام سدات عليها .. كتنش على وجها هزات كلينيكس نشفات وجها .. مسحات تحت عينيها ، قدات مكياجها كيف كان .. دوزات على شفايفها بالعكر لي كانت دايرة ، قدات شعرها ورشات من ريحتها .. خدات نفس طويل ، هزات ساكها يلاه حطات يدها على الپوانيي حلات الباب ، مع الحلة مع دفعة ورجع سد الباب .. عينيه حمرين حال الكول ديال القميجة .. منزل الݣراڤاط عينيه حمرين وجهو مزنݣ ، كيشوف فيها بحال شي وحش .. كيترصد للفريسة ديالو .. بحال شي غول كيتربص بالهدف ديالو .. كيسكانيها من رجليها لمنحنيات الجسد ديالها طلوعا مع صدرها وعنقها وجها شفايفها ، خطوط حمرة رقيقة كيبانو فعينيه .. كانو عبارة عن لون أحمر كرزي بحال المشروب ..

- مسيرة [كتشوف فيه بقلق وشك ] :

ياك لاباس مالك ؟

- جلال [تبسم بإستهزاء ، زاد ضحك معلي صوت ضحكتو بحال شي حمق ، ضحكة كتعبر على داكشي لي حاس بيه من الداخل , بصوتو الرجولي الحرش الباح الغليض ] :

عاجبك الحال بزاف .. لحمك عريان مبيناه لي يسوى ولي مايسواش ، وداك الفم [لاح يدو جرها من فمها ماسحو بيدو حتى ديع ليها العكر ، خرجات فيه عينيها مصدومة من تصرف ديالو ] .. هاد الكارناڤال لي دايرة ليا لمن دايراه أم ، ولا مزال عينيك فيه ..

- مسيرة [ببرود عكسو هو ، هزات يدها كتأشر ليه بصباعها ] :

كيبان ليك شي خاتم ديال الزواج هنا ؟ لا مكاين حتى خاتم ديال زواج .. انت كنيتك الإبراهيمي ، وانت كنيتي فريدي .. انت ما خويا ما ولد عمي ماخاطبني ماضربيا الكاغط أولد الناس ..

- هاد الهزان والحطان ديالك ديرو مع ديك لي اتكون مراتك اما انا راه مانصلاحش ليك نقولها ليك ونعاودها ..

- جلال [قرب منها كيدور عنقو ببرود ، يدو لي خاشيها فالجيب كيورك بيها على كرة البيلياردو مبرد فيه الحر ديالو ، شافليها نيشان فعينيها بواحد البرود قات/ل صعيب تفهميه .. كيبان بحال شي شخص مريض بحال شي إنسان عندو إنفصام فشخصية ، واحد الجانب جديد بان فشخصيتو ، جانب كيشبه لعدائية السالڤادور .. عكس هدوء موريتوس لي كان عليك ..

[حنحن وتبسم ببرود ] :

خاتمي غايتطبع فصبعك بحال الوشام الواشمة .. ونهار غانركبو ليك ايخصك تقط/عيه باش تحيديه .. قريب الواشمة ، سميتك اتطبع هدا سميتي .. الموت بوحدها لي تفرقنا بجوج .. وتالديك الوقت عيني عليك ، مسيرة متجبديش الجن الكحل لي ساكني ، متخرجيش شيحاجة لي مابغيتهاش تخرج ..

- مسيرة [لأول مرة ايعيط ليها بسميتها .. تبسمات وقربات منو دافعاه ] :

بقا تحلم ، حيت راه والله مغانديك لا انت لا غيرك ، وهالعار هالعار ماعطيني شبر ديال التيساع .. دفعاتو وخرجات كتجري هاربة مانو ..

- رجعات للعرس بنخوة .. دخلات وخدات بلاصتها حدا خواتاتها .. هزات عينيها لجهة باب القاعة بان لي دخل ، جر الكرسي وݣلس ملامحو باردين وجامدين .. دورات راسها رامية شعرها ورا ظهرها راسمة ضحكة على وجها ..

- بدا الطرح ديال الموسيقى كيسخن وكيعلى ، بداو البنات كينوضو وحدة تابعة الثانية كيشطحو ، ناضت صفاء جارة عفاف وسناء .. لي كانو حشمانات ، تبعاتهم سندس ، توسطة القاعة من الوسط ، من الحركات ديالهم كانو محتارفات ..

- ناضت سكينة جرات مسيرة ، وبداو كيشطحو ، تقدم منهم المريني كيغني وسطهم وهوما كيشطحو .. حيدات الصندالة ديالها بقات حفيانة ، داروها الوسط كتشطح وتقول ماشطحات .. كلها كتمايل واي حاجة فيها كتحرك ... منحناياتها الجسمانية كانو متناسقين ، الوزن لي كتاسباتو جا معاها وبان عليها ..

- الضحكة مالية وجها ، تصرفاتها وشطيحها كان فيه نوع من الفرحة ونوع من الإستفزاز والإنتقام ، مرة مرة عينها كتجي عليه كيبان ليها كيخنزر فيها ، عينيه كتاسحهم الظلام ..

- سلات الموسيقى وهنا النطق المريني بصوتو الباح :

مايمكنش يدوز فرحنا بلاما نسمعو صوت لالة مسيرة .. متافقين معايا ولالا ؟

- الكل [كيصفق وكيغوت بكلمة ويييي ] .. خدات من عندو الميكرو بإبتسامة ، لبسات صباطها ... قربات من الاوركسترا همسات ليهم ورجعات لبلاصتها فين كانت واقفة ..

- وداك الوليد زوين الى بغيتيه ديه ..

- وداك الوليد زوين الى بغيتيه ديه

- وداك كريم زين الى بغيتيه خوديه ..

- داك الوليد زوين الى بغيتيه ديه

- وحبابك هوما حبابي ودفع شبابك غالي والى بغيتيه خوديه ..

- داك الوليد زوين الى بغيتيه ديه ..

- كانت كتغني وتشطح ، رجعو البنات كيشطحو حداها .. كانت كتغني وكتشطح وتمايل ، مرة مرة كتلوي المؤخرة ديالها ، مشات جهة كريم وامينة نوضاتهم .. مشادين كيشطحو ، رجعات بخطوات انثوية غادة لجهة طبلة الرجال ماكة يدها لعصام ، عطاها يدو وجراتو تحت انظارو ، سراج كانو عينيه عليه .

- كان خايفو ينوض يدير شي فضيحة ، وجهو كان كيبين شنو كيحس من الداخل ، فكل دقيقة كيمسح على وجهو وعلى راسو ..

- الكل كان ناشط وكانو فرحانين مع بعضياتهم .. سلات من الغنا ورجعات بلاصتها ، جات النݣافة خدات العروسة تبدل .. تفرق العصير والحلوة ، كانت مامسوقاش بالعكس حاسة بالفرحة من قلبها ..

- دخلات أمينة بالبسة الثانية فالموڤ بارد ، كدور عليهم كترحب بيهم ، ݣلسات فطبلة ديال العائلة ..

- من وراها بشوية بداو السرباية كيدخلو .. كيقادو الطبالي ، تحطات المونادا وتحط الخبز .. شوية جاو الطباسل ديال الدجاج .. الماكلة لي مكايتعاتقش فيها حتى واحد ..

- كان فيها جوع كبير ، مابقا لا پروتوكال لا نخوة .. الكمايم كيتهزو وتغماس ، الطياب كان بنين بزاف .. كلاو حتى شبعو ، من وراها تحطو الحوالة مشويين مع صلاد ، والملح والكامون ..

- كلاو الناس حتى شبعو ، وأخر طبق هو الديسير مع طارط ݣلاص ..

- ناضت العروسة باش تلبس اللبسة الأخرانية ، مكانتش باغة تكتر فلباسي .. ناضت مسيرة وليليا او وديان باغيين يبدلو عليهم ، مشاو للبيت لي كانو حاطين فيه الحوايج ..

- لبسات قفطان بحال كسوة سوارية ، معرية من الكتاف يديها واسعين فلون الموف ، عندها سميطة من توب من الوسط بروش بنقري منبت بالحجر لاصقة عليها .. جاياها مع لون شعرها ، رجعات هي او وديان وليليا للعرس ، مع دخلة مع هز فيها عينو ، كيحس براسو غاينفاجر باغي يشد شي حد يقسمو على جوج ..

- باغي يبرد الحر ديالو .. مابقاش قاد ولا عندو ݣرام ديال الصبر ، كون كان كيكمي كان ايكمي ويتكالما ، واخا الݣارو ديال دنيا ومخدرات الدنيا كلها مايمكنش يكالميوه هاد الساعة ..

- مشيتها كانت كلها انثوية ، أنوثة طاغية ، جا الةقت لي ياخدو تصاور مع العرسان ، العاىلة كلها ناضت بدور كتصور كل مرة توبت شي واحد .. جات نوبتها ناضت غادية ، ݣلسات حدا كريم ، هزات راسها كيبان ليها جاي قاصدهم ... ݣلس حد ختو صورهم المصور ، والصورة الثانية بدلو البلايص ، هو حدا كريم وهي حدا امينة ..

- سلاو من التصاور ورجعات لبلاصتها .. هازة تيليفونها وكتسيلفا مع البنات وكتسيلفا بوحدها .. حاضياه بجنب عينيها عينيه ماحيدوش من عليها نهائيا ..

- شخدات الوقت من جديد وبدات الموسيقى ، ناضت كتشطح مع البنات وهاد المرة شطيحها كان باين كتر من الأول ... كاتبان بحال شي أميرة .. مرة تغني هي مرة يغني المريني ، فالاخير خدات هي الميكرو وبدات كتغني ..

- الله عليك يازين والله عليك يازين أنا مزاوݣ ايا زين الليلة نباتو زاهيين .. [ كتغني وتشطح وتلوي نصها التحتاني ] ..

- هداك الزين منفرقو ولاو نموت بالحديد وتكون سلسلة عليا ويكون مسمرها حديد .. [كلما كتزيد الموسيقى كتشطح بنصها التحتاني وهو مراقبها ومراقب تصرفاتها .. وقفو دراري ديال العائلة كيشطحو ضارو بيها كولشي دار بيها ، زهات العرس كولشي ناض كيشطح ] خصرها كيميل يمين وشكال. كتافها معاه ..

- عفارك لا دوزني فعارك لا دوزني ديرني وريدة فجيبك فينما مشيتي هزني ..

- حبيبي ياربيع قلبي فعارك لا دوزني ديرني وريدة فجيبك فينما مشيتي هزني .. [هزات جلايلها كدردك ، كيبانو رجليها بويض ..

- هداك الزين المخنطر هادي مدة ماظهر عطاوني خبارو في كازا مقصر بليل ونهار ..

- طلعات فوق القعدة كدردك ، وكريم وعصام كيعلقو ليها ، وهي غير مزايدة كتشطح .. منظر لي زاد جهلو وشعل فيه العافية ، مابقاش كيشوف قدامو نهائيا .. وقف ، ظار شافيه سراج عرفها صافي قفارت وغادي ترون .. شافو متاجه للجهتها .. ماعرف يتبعو ماعرف شنو يدير بقا واقف مبلوكي فبلاصتو ..

- كانت ناشطة كتغني ، حتى حسات براسها تجرات من فوق القعدة على شوية ماطيح .. حيد ليها الميكرو لاحو ، جارها بحال البطانة تحت أنظار الكل الموسيقى حبسات ، كولشي كيشوف والديها خواتاتها جداها لي كانت كتبسم بحال الى المشهد عاجبها خالها ، إبتسام كتشوف مصدومة كولشي مصدوم ..

- تعطرات فجلايلها على شوية وطيح .. طار ليها صباطها من رجليها ، وقف جواد مغوبش معاجبوش الحال .. توجه جيهتو حابسو .. بصرامة وجدية وصوت وقور رجولي :

جلال ، واش جهلتي ولا مالك طلق البنت ..

- جلال [من تحت سنانو مغزف ] :

بيني وبينها ..

- جواد : كيفاش بينك وبينها ، واش شايف على حالة درتي .. اش بينك وبينها باش دير هاد الحالة واش هكا كيتصرفو ولاد الإبراهيمي ..

- جلال [زمجر بحال شي وحش ] :

ماتخلينيش نغلط .. ونسى بلي با لي واݣف ݣدامي ، خليني ندوز .. فهاد الاثناء كانت كتنطر من يديه ولكن يدو كانت بحال شي مينوط على يديها ..

- جواد : باغي تخسر عرس ختك ، هاد الهبال مديروش هنا طلق البنت والديها جايين .. وقف عباس ، تابعاه سعاد ومعزوزة ..

- عباس [بإستفهام ] :

أش واقع هنا ، ياك لاباس اش هاد الجرة واش هاد الحماق اولدي ..

- جلال [شافيه معمي ، ببرودة نطق ] :

سي عباس ماشي وقت الهضرة هدا ..

- عباس : وايمتا طلق البنت اولدي ، ماشتيش راسك اش درتي ، اش بينك وبينها؟

- جلال [بتأكيد وبرودة قات/لة ] :

غيكون غيكون اسي عباس ، انا وانت عندنا ݣلسة ، ولكن ماشي دروك ..

- جواد [بصرامة ] :

وطلق البنت ..

- معزوزة [قاطعاتو ] :

خليه ، ديها اوليدي ديها راه عين بنادم خايبة نيت سير ديها الله يرضي عليك انا مفرشاك برضى ومغطياك بيه ..

- جرجرها دافع باه ، ماهمو لا دارهم لا ناس لا عرس ختو لا حتى واحد ، خرجها من العرس تحت نظرات الكل وهميات الضيوف وتوشويشهم ..

- وصل حتى لبرا .. ورجع بخطوات سريعة وقف قدام معزوزة ، باس ليها راسها ورجع خرج .. ضار عباس عند معزوزة من ملامح وجهو كان معاجبوش الحال نهائيا ، مراضيش على هادشي لي واقع ولي طرا لبنتو وقدام عينيه ومو مأيدة هادشي ..

- الواليدة واش عاجبك الحال ، مافهمتش انا هادشي لي كديري فيه راه بالله ماهواش .. كتݣولي ليها ديها اش كيجيها باش يديها ولا تديه ..

- سندس : مي واش انت معانا ولا معاه ، واش شفتي الحالة لي دار ولالا ..

- معزوزة [خنزرات فعباس بصوتها الباح الوقور ] :

كون كنتي حاكمها ݣاعما يوقع هادشي ، لابسة ليا ديك التكشيطة الزينة معرية ليا على سيݣانها تا فين حنا عمرنا عرينا على سيݣانا ، بوك الله يرحمو عمر لحمي شافو .. مادة لي داك الصدر مبندراه كون كان اديال صح .. علم الله باش معمراه ..

- جواد لي كان معصب من تصرف ولدو ماقدش يشد راسو تكرشخ بضحك على هضرة معزوزة ، مكتعرفش تخبي ولا تزوق الهضرة نهائيا .. :

الحاجة سي عباس عندو الصح ، جلال ماشي شغلو فالبنت دير لي بغات هي حرة ..

- معزوزة [بنفي ] :

لا اوليدي ماحوراش ، الى مناضش باها حبسها خلي وليدي جلال يديرها ، شيخة تسونامي ولات عندنا هنا ، هكاوا هاك هاك ، وصلات حتى لقعدة وتعلاق ولاواه ، كنا نغنيو فدار نبسطو مع بعضياتنا ، مدارتها حتى فاش كانت كتغني مع وسيم ..

- صفاء : نسيم امي ..

- معزوزة [خنزرات فيها ] :

ݣابليني ، فمي هذا ونݣول بيه مابغيت ، وزدتو فيه زغتو ولات فيكم الدودة .. اوليتو ساكنين بوحدكم خرجو رجليكم الشواري [شافت فالحاج ] الحاج خاصنا نحولو السكنة لهنا ، هادشي مابقاش عاجبني ، مغانحيد رجل من هن حتى كل وحدة فيكم ابنات عباس تمشي لدار راجلها [شافت فسكينة ] وحتى انت اعينين المشة بقاي تشوفي فيا تم ..

- سير ياوليدي يا جلال انا مفرشاك بالرضى ومغطياك بيه قدما صبات وسحات ..

- تبدل الجو تم تم ، وسما لي كان غيامها خفيف ، رجعات داكنة ، واحد البرد تحرك كيح/رق العظام .. شوية بدا الثلج كيطيح ، من شوية لمتوسط لمجهد ، كان العرس خاصو يسالي ، واصلا ديجا سالة بالفعلة لي دار جلال ..

_______________________

- بعدها على الڤيلا باش يدوي هو وياها ، كان ضروري خاصهم يدويو .. صبرو تقادا صافي مابقاش قاد مزال يصبر ، مكانش باغي يدير فيها شرع يدو .. مابغاش يوصلو هو وياها لشي ماصل خايبين لي يقد يندم عليهم من بعد ..

- كانت ساقلة فطوموبيل مادواتش معاه نهائيا .. صواريها فراسها حافظاهم .. الثلج ماخلاهش مزال يزيد ، رمى الطوموبيل على جنب تحت واحد الشجرة فواحد التيرا صغيرة ، طفا طوموبيل .. مع طفاها مع حلات طوموبيل ونزلات كتجري هاربة منو ، ورك على محارج عينيه بعصبية ، خبط الڤولون بيدو ونزل تابعها ..

- البرد هو والثلج كانو كيضربو فالوجه ، حاتية على قفطانها ، كلها فزݣات ، شعرها ولا حالتو مكياجها ولا حالتو .. غادية وكتجري مكتشوفش وراها فين الله اعلم .. ضارت كيبان ليها وراها تابعها وكيعيط ليها باش توقف ..

- جلال [بصوتو الرجولي ] :

توقفي ولا انقسم مك على جوج ..

- مسيرة [وقفات وشافت فيه بإنفعال ] :

وعطيني بتيساع واش مافيكش نفس وعطيني بتيساع .. ضارت كتجري ، بطالون .. الثلج ها مزاد تجهد ، ماحسات براسها حتى تهزات من بلاصتها وطاحت على عظيم الطيو .. غوتات لربي لي خلقها ، كانت مفقوصة وربي عالم بحالتها تعصبات او وصلات بيها لحد .. كتخبط بيديها ، بانو ليها رجليه واقفين حداها .. هزات فيه عينيها :

شوف فيا تفرج مزيان .. عاجبك الحال دابا ، عاجباك هاد الحالة ..

- جلال [مجاوبهاش ، مد ليها يديه باش توقف ، بقات كتشوف فيه مدة كتخنزر فيه ]

- أتبقاي مكسلة تما بزاف ؟

- مدات ليه يدها الجرة لي غايجرها طاح حداها مجبد .. طلقات حلقها على جهدو كضحك ، ميتة عليه بضحك من المنظر ديالو وتشبيها لي داير ، جمع راسو وݣلس ، هو كان حالتو وهي كانت حلتها ، شافيها ملامح وجهو جامدة وباردة .. بفعايلها زادت على مابيه :

الله ينعل جدك وجد لي بغا يعاونك ..

- مسيرة [جمعات الوقفة كتسوس فحوايجها لي كلهم ولاو غيس .. ] :

تكبر وتنساها .. هزات جلايلها وعظاتو بظهر مكملة طريقها .. كتحاول ما أمكن ماتفقدش توازن ديالها وترجع مشبحة ..

- العائلة لي جاو كلهم تحولو للڤيلا لوخرا ، بقاو غير غير لوخرين لي تجمعو فالڤيلا لي كانت مخصصة للعيالات .. عباس حاط يديه على عكازو ساهي ، كل مرة كيشوف فساعتو .. البنات ݣالسين وساهيين كيتسناو ايمتا تدهل عليهم .. كريم مفاهم والو ، عرسو لي كان فرحان بيه تحول لكارنڤال .. حداه أمينة لي بدلات عليها كانت كتسنى خوها يرجع ويرجع بشي شرح لهادشي لي واقع ..

- أمين وذياب لي ݣالسين ومترقبين هادشي لي كيوقع .. جواد غادي جاي ، عاݣد غوباشتو ومعصب ، نطق بحدة فصوتو الرجولي :

هاد دري مافهمتوش لمن طلع ، هاد الاستهتار وقاة المسؤولية ، هادي ساعة ومزال مجاش ، بحال الى ماعندو والدين ماعندو عائلة ماشي عرس ختو هذا ..

- شافيه ذياب وأمين بإستهزاء ..

- ذياب [بصوتو الغارق ] :

بحال الى أنت ماشي باه ..

- أمين : عقتلي على الحالة لي درتي لماريا نهار ليالي الأنس ، اولدك خرجها للثلج وانت وماريا هزاتكم السطافيط دالبوليس ..

- جواد [وقف شاف فيهم مخنزر ] :

بغيتو تݣولو بلي كايشبه ليا ؟

- ماريا [حابسة الضحكة ] :

مالهم كذبو عليك ، غير كبرتي دابا ونسيتي يامك ، بلاما نفكرك انت او ولدك فولة وتقسمات على زوج ..

- حورية : واخا هكاك ولدي جواد رزين ، مايديرش شيحاجة خايبة ، شوية ويدخل ونعرفو شنو كاين .. تسمع الغوات على برا .. وشيحاجة تهرسات .. ناضو نوضة وحدة كيجريو حلو الباب يشوفو شنو واقع ، كيبان ليهم زاج طوموبيلتو كلو مهرس ، صدرو كيطلع وكينزل ..

- جلال [صعر كيغوت .. شخشخ زاج طوموبيلتو كلها تشخشخ ، شاف فيها مجنن ] :

واش متلقيتي لي يحكم جدك .. [طار عليها زادها مع الطوموييل قاجها ] :

ݣلت لطواسل مك الكلب متجبديش الجن الكحل لي ساكني ، ݣلت لمك تاقاي شري ..

- مسيرة [كتفركل بين يديه .. طارت ليه على يدو عظاتها ليه حتى نطر منها ، حيدات صندالتها رماتها وطارت عليه قجاتو .. ] :

ياك كنقوليك دخل سوق راسك ، ياك كنقوليك عطيني بتيساع وانت مابغيتيش ، بغيتي دخل لي بين جلدة والعظم مكتحشمش ، [طارت ليه على عنقو عظاتو حتى غوت ، ولات لاصقة فيه بحال شي عنكبوت .. ] .. الكل كان كيتفرج وشاد على فمو من هول الصدمة ، بزوجهم كانت حالتهم حالة ، كلهم غيوسات وساردين ..

- كان كيحاول ما امكن ينزلها من فوق ظهرو ماقدش ، لاصقة فيه لصقة وحدة .. رجع بلور زادها مع الطوموبيل ، زلقات رجليها طاحت .. طلع فوق منها ، باغي يربط ليها يديها .. حتات على شعرو نتفاتو .. كتنتف وتغوت ، ولات فحالة صرع ، كتنتف وتغوت على حر جهدها مبردة فيه الحر ديال فعايلو وتمرميدة لي دار ليها ..

- مسيرة [كتغوت وتدوي ] :

ومكنحملكش ، وعطيني بتيساع وماولدنيش وحكمك راسك اعباد الله راه انغوت ويك وييييييييييييك ك اعباد الله عطيني بتيساع ..

- جلال [زول ليها يديها جمعهم ، هز يدو حتى لسما طرشها ، جمع ليها وجها بيد وحدة ] :

تيساع هوما لي عمر جدك تحلمي بيه ، اخرتك معايا .. نقت//ل جدك ندفن مك ونحفر قبر حدا قبرك .. كنݣول لعدو جدك تركني مكتسمعيش كنݣول لعدو جدك نقصي من تقزقيز ومن طيران مكتسمعيش ، مكتسنطيش كديري لي ݣالها ليك راسك .. ظلي طيري وانا مكالمي مخليك على هواك .. متاقي شري فيك ولكن انت ضاسرة ضسرتي أنص ميترو .. ياك غاروضة نمشيو ليها بجوج ..

- هلال [بإنفعال] :

واش هدا مريض .. خرج كيجري تابعو سراج وهارون وكريم ، جروه وكريم جرها .. كريم خنزر فيه شنق عليه :

حاݣر على بنت انت راجل انت ، بأشمن حق تحط عليها يدك ..

- جلال [تملص منهم ، هز يدو حتى لسما نزل على كريم للفك طيحو ، كان كيتنفس بصعوبة .. بصوتو البارد ] :

دخل سوق ك .... ، واخر مرة دخل فشيحاجة ماليكش ، جا عباس كيعكز على عكازو ، جرها دارها وراه ، كانت فحالة صدمة من الطرشة لي عطاها قدام كولشي ، خرجو خواتاتها عنقوها ..

- عباس [شاف فيه بنظرة باردة ] :

تهز يدك على بنتي بأشمن حق ؟

- جلال [صافي تعمى مابقاش كيشوف قدامو .. وصلات بيه للحد مابقاش عاقل على راسو ، ولا حاير فحتى واحد .. علاش غادي يحير ، واش كاين شي حد كيحس بيه حتى واحد محاس بالعافية لي شاعلة ليه فقلبو ، حتى واحد محاسش بداكشي لي كيدوز منو .. حتى واحد فيهم معارفش داكشي لي كيجاهد عليه نفسو ، معارفينش شحال صبر وشحال ضغط على راسو .. عينيه مابقاوش كيشوفو نهائيا ، درجات الاعصاب وصلو فيه لفين بغاو .. تنطر من خوه او ولد عمو وغوت بأعلى صوتو :

كنبغييييييييها .. بأشمن حق كنبغييييييييييييها ..

- كولشي شاف لجيهتو ، ضار مدوز يدو فشعرو صدرو كيطلع وكينزل ، كلو كيترعد .. كيحاول يكالمي راسو .. ضار لعندو بلع ريقو كيحاول بكل قوتو يكالمي راسو , بدبدبة صوتية وبحة رجولية :

ݣلتها ليها مكتسنطش .. ݣلت ليها باغيك تقاي شري مكاتسمعش ، كدير لي ݣالها ليها راسها .. بلعاني كتشد الضدد كدير لي بغات لوقت لي بغات ، مهامها حد ..

- عباس [ببرود ] :

هكا الناس كيديرو اولدي ؟ ولاد الناس مكايديروش هادشي ..

- جلال : مدرتش شيحاجة نحشم عليها ، كنبغيها .. كنبغيها وباغيها تكون مراتي ، وݣدام كولشي ، باغيها ليا ديالي ..

- عباس : واش الناس كيدويو فزنقة ؟

- جلال : هي لي خلاتنا ندويو فزنقة ، كون دارت عقلها .. كان كولشي غايمشي على حقو وطريقو ..

- معزوزة [تدخلات] :

دخلو لداخل ودويو راه كززني البرد ، نعلو شيطان .. البنات دخلو مسيرة ، الداخل كان شوفاج خدام .. بدا الدفا كيدخل لعظامها .. كولشي دخل ، خوه ݣلسو بزز منو ݣلس عباس والبقية شي كيشوف فشي ..

- عباس : على وجه الخير لي درتي فينا اولدي هذا شحال مابغيتش ندير فيك شرع يدي ، داير بوجه كاين فداركم وداير بوجه والديك ، لي يحط يدو على بنتي .. نݣطعها ليه كيفما بغا يكون ..

- جلال [بنفس الحدة ] :

ولي يشوفيها نحيد لي العين ، ونخليه زحاف موسد الركنة .. موت وحدة هي لي كاينة ، وبارد النفس موتو حسن من حياتو .. لي مايغيرش على عراضو ماعندو عيشة اسي عباس ..

- عباس [كان عاجبو كلامو ولكن ماعجباتوش الطريقة لي دار مع بنتو ، دمو حامي وفكرو فراسو فياماتو .. زمان هذا ] :

عندك الصح اوليدي ، مانتسالكش شاي ، ولكن هاد الفعايل مكايداروش ..

- معزوزة : وهو مدار والو .. اشنو دار انت عاجبك بنتك تحزم ورزم وتشطح ، معرية رجليها وكتافها ، فين عمر بناتك تعراو ولا بينو لحمحم ولا دردكو على القعدة ݣوليا ، ولدي راجل .. نفسو هنا [أشرات لنيفها ] هدا هو راجل لي خاصك تعطيه بنتك وتأمن عليها وترتاح من جيهتها ..

- ماريا [همسات لوردة ] :

بعد المرات كنشك واش هاد معزوزة هي جداه ..

- وردة : انا مابقيت فاهمة والو !!

- جلال [بجدية وصرامة وصوت قوي مهيب غالبة عليه بحة الرجولة والحروشية ] :

سي عباس ، انت راجل وانا راجل .. وراجل الحر نفسو حارة ، والى بغا وحط لعين على شي وحدة .. الدبانة مايبغيهاش تزنزن عليها ، يديرها فعينيه ويسد عليها ، يتعمى وماتقاسش هي ، مسيرة باغيها مراتي .. وݣدامهم كاملين كنݣولها لك ، وطالبها منك ..

- معزوزة [فرحانة ] :

وحنا اوليدي مانلݣاوش ما حسن منك ، الله يرضي عليك هداك هو نهار الزين عندي .. وحتى ولدي عباس مايلقاش ماحسن منك لي يامن بنتو معاك ياك اوليدي ..

- مسيرة [حنا وقفات من صباح وهي ساكتة ساهية وحاطة يدها على وجها مازال مابلعات الصدمة ديال الضربة لي عطاها ، وقفات كتشوف فيهم كيدويو بحال الى هي مكايناش وأولهم جداها ] :

كتدوي علي أمي بحال الى انا مكايناش ..

- معزوزة [خنزرات فيها ] :

انت غير سكتي ، اتعرفي حسن منا ، اتلقاي حسن منو السيد باغيك وشاريك وكيبغيك ، ايديرك فعينيه ولد الناس .. ومزال كدوي راني رخيت ليك ..

- مسيرة [بإنفعال ] :

فعمري 29 عام .. مابقيتش صغيرة باش يݣوليا شي حد شنو ندير وسنو منديرش ، وانا مابغيتش نتزوج وخصوصا منو هو .. واخا تبقى غير انت فهاد الكون مغانتزوجش بيك .. ݣلتها المرة اللولة وغانعاودها ، مغانتزوجش بواحد حط يدو عليا وضربني فهمتي ..

- جواد [تقدم منها حط يدو على ظهرها مكالميها ] :

صافي أبنتي غير تكالماي ، حتى حاجة مابزز ..

- مسيرة [شافت فيه بإنفعال ] :

لا اعمي ، باغي يفرݣع الرمانة نفرݣعوها ونتهناو [شافت فجلال ] كولشي عندك بزز .. الزواج بزز فارض راسك بزز واش فخبارك بهاد التصرفات ديالك كتخلعني ، الوحدة فينا كتقلب على الأمان والحماية مع راجل لي غايكون شريك حياتها ماشي مع غول .. دكتاتوري عندو كولشي بتهديد والازامر والاعصاب ..

- باشمن حق تدخل فيا ، لي من حقو يدهل فيا هو با لي والدني ، لا غير شي واحد اخور ماشغلوش ، كريم عمرو مكان معايا هكا .. الناس لي كانعرف وعمرهم كانو معايا هكا .. واش عمرك شتي شي واحد كيبغي شي وحدة كيهددها بتش تقبل بيه ، واش هكا داير الزواج ودايرين العلاقات ..

- انت مريض وخاصك تعالج ، خاصك تعالج من هاد الغيرة المرضية لي فيك وهاد الانانية وهاد حب التملك ، دير فبالك تصرفات ديالي جايين بضدد لتصرفاتك معايا ، نهار سراج بغا سكينة مدارش بحالك دار بحال ولاد الناس .. [ذياب وتوفيق والكل شافو فسراج بصدمة ] نهار كريم بغى امينة ختك .. مدارش بحالك ، حيت كيتفاهمو بالعقل ..

- انا وياك هدا عام كنا كيف المش مع الفار ، جاي من ورا عام بين ليلة ونهار كتهدد وتفرض راسك عليا ، دير فبالك اجلال راه واها نكون كنبغيك بصح واخا نكون كنموت عليك ، بهاد تصرفات لي كدير غادي تخليني غير نفر منك ... ودابا قدام كولشي كنقوليك انا مابغياش نتزوج لا بيك لا بغيرك ، خليوني هانية مع راسي هالعار ، عطيني تيساع هالعار قدام كولشي مابغيتكش وحتى ديك لافاك انخليها ليك وعمري نحط فيها الرجل ..

- شافت فباها : :

بابا نوضو جمعو حوايجكم غادي نرجعو لكازا ..

- جواد : لا ابنتي ، لا ماشي هكا ، الجو خايب ماعندكم فين تمشيو ..

- معزوزة : انا مغادة فين ..

- مسيرة [شافت فيها ببرود ] :

خليك امي ، خليك انت اصلا ختاريتي من شحال هادي ، [شافت فجواد ] عمي الله يجازيك بيخير والله يكثر خير ، سمحوليا على هادشي ، فتحتو لينا بابكم انتوما وخالتي ماريا [شافت فأمينة ] سمحيليا اختي ماكنتش بغيت هادشي يوقع ، سمحوليا كاملين .. ولكن بغيت نبات هاد الليلة فداري ، لي جيت عليه راه داز ، لي بغا يبقى يبقى لي باغي يمشي يلاه .. طلعات وخلاتهم ، عباس شاف حتى عيا وحط يدو على رجل سعاد :

نوضي جمعي حوايجنا ، نوضو البنات عاونو ختكم .. طلعو البنات كيجمعو فحوايجهم ، سناء وعفاف حتى هوما .. دخلات لبيت ضبابة مغشية عينيها .. مابغاتش تبكي دابا ، قلبها كيحرقها .. كتبغيه اه ولكن خايفة منو ، كراكطيرها مغايجيش مع كراكطيرو .. هي من نوع لي عفوي ، لي كدير الحاجة بلا ماتفكر ، ماتقدش ترتابط بواحد لي خاصها تبقى عاسة على شنو كدير وشنو كتقول ، زولات داك القفطان لي ولا حالتو ، حطاتو تم .. غسلات يديها ورجليها او وجها ، جمعات شعرها دارت عليه طݣية ، لبسات كيطمة ودارت عليها مونطو ..

- لبسات سبرديلة ، هزات ساكها تيليفونها سوارت طوموبيلتها ، فتحات لباب لقات كريم واقف عند الباب .. جرها وعنقها .. مع عنقها مع سالو دموعها سخان ، عنقاتو كتبكي .. خلاها مدواهاش حتى فرغات قلبها .. بعدها عليه بشوية كيشوفليها فوجها ، نطق بحنية :

كتبغيه ياك ؟

- مسيرة [مسحات دموعها ] :

ومن بعد ، انت عارفني كيفاش دايرة .. انا وياه مغانتجايوش ..

- كريم : هو صراحة ، زدتي فيه شوية اليوم ، مكانش خاصك ديري هكاك انت ماشي هكاك ، داكشي باش عرفتك فعلا كتبغيه ، حيت مدام درتي هكاك غيربغيتي تفقصيه وتعصبيه .. وتبيني ليه بلي ماشي شغلو .. ياك ولالا ؟

- مسيرة [هزهزات براسها ] :

يقدر ، كريم ندويو من بعد ، صافي حتى ترجع من شهر العسل ، تهلا فراسك واخا .. انا نيت هاد سيمانة طالعة لإيطاليا عندي خدمة تما ، بغيت نيت نرتاح .. سمحليا على هادشي وعلى هاد الضربة ..

- كريم [طبطبط على حنكها ] :

التيليفون بيناتنا ، نرجع وندويو واخا ..

- مسيرة : واخا .. جرات باليزتها .. زولها ليها ونزلها لتحت ، كانو خواتاتها والبنات واقفين ، حتى معزوزة هي والحاج كانو واقفين ..

- جواد : ماشي فعايل هادو ..

- عباس : سمحوولينا اسي جواد على هادشي ، مبارك ومسعود مدارت البنية .. والله يخلف ..

- ماريا : ماعرفت منقول وحق الله العظيم ..

- مسيرة : ماعندك متقولي اخالتي ، سمحولينا ، [عنقاتها او وقفات عند جواد ] شكرا اعمي على كولشي ..

- جواد [عنقها ] :

تهلاي فراسك ابنتي ، ماشي مشيتك هادي .. انت لي سمحيلينا على هادشي لي وقع ..

- مسيرة [بإبتسامة باهثة ] :

سلم ليا على نيڤان ههههه ، بسلامة عليكم .. جات ضايرة .. خارحة مع عائلتها .. تم جاي العساس كيجري على شوية مايطيح كلو فازݣ بثلج .. ، صدرو كيطلع وكينزل .. والخوف باين على وجهو .. كلو كيتفتف وقف قدام جواد كيسترجع انفاسو نطق بتلعثم :

سي سي جلال دار كسيدة ..

بحثنا عن الحبّ، ومشينا وراءه، أنسانا أنفسنا وعالمنا، ورسمنا طريقنا بالخيال والأساطير، لم نعلم أنّه مؤلم، ولم نتصوّر مقدار العذاب الذي قد يسبّبه، فعشنا لحظة فرح يملؤها العشق، لكنّنا وجدنا عذاباً وألماً لم يكن في الحسبان، فألمُ الحبّ يمزّق الجسد، وعذابه يدمّر القلب: أعطيتها قلبي وحبّي وعطفي، لكنّها أضاعت كلّ شيء، فسألت نفسي أين ذلك الحبّ؟ فأجابتني بأنّه في عالم الضّياع. صعب أن يجافيك الحبيب لأسباب غير واضحة، والأصعب ألّا يبرّر لك غيابه رغم سؤالك الدّائم عنه. عندما تنتظر شخصاً ما لدرجه الجنون، فإنّك حتماً ستفقد حلاوة لقائهِ بسبب إهماله. من الصّعب الاختيار بين الحبّ والكرامة، والأصعب أن تكون مجبراً على التّنازل عن أحدهم. شكراً لأنّك جرحتني بكلماتك قبل رحيلك، لأننّي حين أحنّ إليك أتذكّر كلماتك فيزول حبي لك. ما أصعب أن تعيش داخل نفسك وحيداً بلا صديق، بلا رفيق، بلا حبيب، فتشعر أنّ الفرح بعيد، وتعاني من جرح لا يطيب، جرح عميق، جرح عنيد، جرح لا يداويه طبيب. صعب هو الوداع في الحبّ، والأصعب أن ينتهي الحبّ دون كلمة وداع. ما أصعب أن تفقد شخصاً كان هو كلّ أحلامك. بقي لغياب الشّمس لحظات، لحظات وياًتي المساء، وفي المساء يأتي الوداع، وفي الوداع تبكي العيون، ومن تلك الدّموع تنطفئ كلّ الشّموع، إلّا شمعة أوقدها دمعي كي لا ينسى أنّ الوداع كان من أشدّ الآلام الخيانة الوداع الضياع غير ممكن. مِن المؤلم أن تتظاهر بما ليس في داخلك كي تحافظ على بقاء صورتك جميلةً، وأن تصافح بحرارة يداً تدرك تماماً مدى تلوّثها، وأن تنحني لذلّ العاصفة كي لا تقتلعك من مكانك الذي تحرص على بقائك فيه، وأن تبتسم في وجه إنسان تتمنّى أن تدير وجهك عنه وتمضي. صعب أن تقتل الحبّ من قلبك، والأصعب أن يحاول الآخرون قتل هذا الحبّ. ما أصعب أن تبكي بلا دموع، وما أصعب أن تذهب بلا رجوع، وما أصعب أن تشعر بالضّيق وكأنّ المكان من حولك يضيق. مِن المؤلم أن تشعر بأنكَ خسرت أشياء كثيرة لم يعد عمرك يسمح باسترجاعها، وأن تلتقي شخصاً شاطرك نفسك يوماً، فتكتشف أنّ مشاغل الحياة قد غيّبتك من ذاكرته تماماً، ومن المؤلم أن تصل يوماً إلى قناعة أنّ كلّ من مرّ بك أخذ جزءاً منك ومضى.

- الحياة غدارة .. كنكونو غاديين معاها ماضاربين الحساب لحتى حاجة عايشين كل نهار بنهارو .. مدايرينش حساب لزمان وشنو مخبي لينا .. بعد المرات كنتصرفو بأنانية وبدون وعي منا ، او بمعنى أصح مكنحسوش بالحاجة حتى كنفقدوها .. بعد المرات الدنيا كتقولينا غادي نعطيكم هاد الهدية ، قبلوها وحتافظو بيها ولكن حنا كنتعماو .. أي حاجة كنحلوها بعصبية ... مكنشوفوش الامور بروية ، وعصبيتنا كتخرج علينا بزااف ديال المرات ..

- فلحظة ودنيها تسمكو كتسمع غير صوت الضجيج .. بحال الى كاينة وسط شي راديو خاسر ... قلبها تنفظ من بلاصتو ، ماحساتش على راسها إيمتا تهزات وركبات فطوموبيلتها سابقة الكل ، غادية بلاما تشوف قدامها .. الجو كان زاد تبدل كثر وكثر ودنيا بدات كتبياض ، خاصك تكون مركز مزيان باش يبان ليك لي قدامك .. كيبانو ليها الضواو قدامها وناس نازلين من طوموبيلاتهم .. حبسات طوموبيلتها ونزلات كتجري ..

- كيبان ليها كاميو داخل فطوموبيل ، كانت طوموبيلتو هو ... ولاو فيها 10 طارت من بلاصتها .. باب طوموبيلتو محلول .. لومبيلونص مزال ماوصلات .. دفعات الناس لي كاينين تم ، القميجة لي كان لابسها فالبيض ، رجعات كلها حمرة ... وجهو لي كان كلو رجولة او وسامة كان كلو دمايات .. تحنات على ركابيها كتقلب فيه ، دموعها خرجو بحال شي شلال محبوس ، كتدوي بلا عقل :

دابا واش انا يديو عليا الناس ، انا غير حمقة ياك انت كتقولي بلي انا هبيلة وماعندي عقل ، انا بغيتك غير تعالج وتحيد العصبية لي فيك ، ونبداو بزوج ... واش تيقتي بلي انا مكنبغيكش ، انا اصلا ماعرفتش الحب حتى عرفتك .. مكنتش عارفة يكون حدايا راجل حتى عرفتك .. واش واش عقلتي نهار عتقتيني من الضبع عقلتي ..

- واخا البوليس انت عتقتيني .. جلال نوض نوض براكة من الضحك الباسل .. [كتبكي وكتغوت لربي لي خلقها ] وعيطووووووو لومبيلونص اعباد الله راه ايموت .. وعيطو لومبيلونص العاااار راه ايضيع مني ..

- وصل سراج وهلال وجواد معاهم ماريا ، خرجو كيجريو .. حدها شافتو غوتات لربي لي خلقها فاقدة الوعي بين يدين جواد ... كان بين نارين معارف واش يكون معاها ولا مع ولدو ..

- مسيرة [علات عينيها فسراج وهلال لي وقفو مصدومين .. معارفين باش تبلاو كيحسو بضياع .. الحالة ديال وديال طوموبيل مستحيل يبقى هاد السيد حي ولا يكون حي .. ] :

وعيطو لومبيلونص اعباد الله ، هلال سراج ديرو شيحاجة ايضيع مني هالعااار انمووووووت .. [رجعات شافت عندو يديها كلهم دم .. كتجس نبض ديالو ، شافت فيهم كارعد وكضحك بهيستيرية ] :

مزال عايش عايش .. فديك اللحظة وصلات لومبيلونص .. نزلو هازين البياص ، جروها بعدوها .. تشبحات ليهم فالأرض .. كتشوف فيهم بحال شي حمقة ، نعسوه على البياص قادو ليه السماطي وهزوه .. اما لي كان فالكاميو مكانش عندو شي ضرر كبير جرح بسيط .. حتى هو داوه .. اما ماريا هزها جواد وخلط عليهم ، سراج عاون مسيرة داها معاه ومع هلال لاحقين بلومبيلونص ..

____________________

- كتشوف فنقطة وحدة مصدومة .. الكيطمة ديالها كلها عمرات بدم .. ماحساتش بالمسافة لي قطعو للكلينيك ديال فاس ، العائلة كلها لتاحقات بيهم .. ، كتحس براسها ضايعة .. كتحس بلي هي السباب فهادشي ، واخا هو لي منو الغلط .. ولكن كتحمل لراسها اللومة ، كانت عارفة طينتو وعارفاه كيفاش كيفكر وعارفة بلي نفسو حارة .. وهي بهدلات بكرامتو قدام الكل .. واخا هو لي هز عليها يدو ، لي دارتو مجرد رد فعل لداكشي لي دار هو ..

- ولكن باش يوصلو لهادسي مكانتش باغياه .. خايفاه يموت ، كتبغيه كتبغيه من كل قلبها ، ولكن متقدش تكون معاه ، متقدش تكون مع إنسان مسيطر ومريض ، شخصياتهم مغايجيوش مع بعضياتهم .. تنهدات تنهيدة كويلة ، حداها خواتاتها مساندينها وصحاباتها .. عائلتو كل وحدة كتبكي فجيه وخصوصا امينة .. اما ماريا ، فكانت جثة بدون روح وبدون وعي .. هزات راسها فيها كتخنزر فيها بكره وغل .. وقفات تحت انظار الكل وتوجهات لعندها .. كتدوي ببرود وكتبكي بحرقة :

تهنيني رتاحيتي برد ليك القلب ياك ؟

- هزات عينيها فيه ببطئ شديد .. كتشوف فيها بلا روح بلا حياة .. تقدم منها هلال شدها باغي يرجعها لبلاصتو تملصات منو ..

- ماريا [كتبكي بهيستيرية ، راسها كيترعد وكلها كترعد ] :

اشنو دار ، هو غير بغاك .. هو عمر بغا شي وحدة فحياتو ، هو تحرم من حنان والديه وعائلتو ، انا يلاه فرحت حيت ولدي فتح قلبو وبغا .. عارفة مامنحقوش يهز يدو عليك ، عارفاه غلط .. ولكن علاش ديري معاه هكاك ، ههههه [ضحكات بحال الحمقة ] هكا مالفة ياك .. تزوجتي الاول طلقتي منو ، تزوجتي الثاني طلقتي منو .. زوج طلق هادشي لي كتعرفي ديري ، مكتعرفيش تبغي ..

- انانية وكتبغي غير راسك ، نهار شفتك فرحت ݣلت هادي هي لي ولدي ايكمل معاها حياتو ، ولكن انت عاجبك راسك .. عاجبك ضوري الرجال حداك .. من راجل لراجل هكا كديري ياك ..

- تدخلات سعاد :

حدك تمما وعرفي شنو كتݣولي ، عادرينك حيت ولدك الداخل ، ولكن هادشي مايعطيكش الحق تغلطي فبنتي ، بنتي مربية احسن تربية .. الى كان شيحد غالط هو ولد ، ولدك لي شوه البنت وخسر عرس ختو .. ولدك لي ضربها بلا موجب شرع ، مكايجيها مخاطبها مامزوج بيها باش يعطيه الحق يهز يدو عليها لي باها ومدارهاش ..

- الى بغيتي تحاسبي شي حد حاسبيه هو ، اما بنتي مدارت والو خليني محتارماك ومقدرة ظروفك .. ماتخلينيش نغلط معاك ..

- مسيرة [بصوت عيان ] :

ماما صافي عفاك ..

- سعاد : مصافيش ، الحماق هذا وخرجان العقل .. ضربني وبكا سبقني وشكا .. جرجرك ضربك ومع ذلك سكتنا ومادويناش درنا بوجه الملح وطعام لي شاركنا ولكن باش بنادم يعاير فيك عيني عينك حتى لهنا ولا ..

- هلال [جر ماريا ] :

الواليدة صافي ، ماشي وقت هاد الهضرة هادي ..

- ماريا [كتبكي ] :

قوليهم يمشيو ، ماعندها مدير هنا .. لي بغاتو راه وصلات ليه ، بغيت اولدي اعباد الله ... هالعار بغيت نشوف ولدي مابغيت والو فهاد الدنيا ، ولدي راه حنين والله حتى حنين مخايبش .. بغيت ولدي اعبد الله جواد [شدات ليه فكول المونطو ديالو] بغيت ولدي جيب ليا ولدي ... واش انا ترزيت فيه 18 عام نزيد نترزا فيه ..

- جواد [جرها خشاها فحظنو كيصبرها ] :

شششش ما وقع والو ، ومغايوقع والو .. صاف ششش .

- خرج الطبيب عندهم ، كولشي جمع وقفة وحدة وتجمعو عليه .. جواد :

امضرا ادكتور كيف بقا ..

- الدكتور : عندو كسر على مستوى اليد .. شاكين فنزيف على مستوى القفص الصدري ، خاصنا نتأكدو منو .. حنا درنا لي علينا الراديو غادي يبين كولشي .. فهاد الحالة خاص المريض يستاجب ..

- ماريا [كتشوف فيهم ] :

كيفاش يستاجب كيفاش نزيف ، علاش مال ولدي .. علاش مغايستاجب [كتدوي بهيستيرية ] واش مفاقش وراه خاصو يفيق .. الطبيب اشر للفرملية تديها تدݣ ليها مهدئ ..

- وفين غاديين بيا وانا مابغيتش نعس ، وبغيت ولدي اعباد الله بغيت نكون معاه .. نزوجو لالات البنات غير يفيق ، جواد جواد قوليهم يطلقوني جواد ..[دخلوها للشومبر ..] اما جواد تراجع زوج خطوات وݣلس ، وردة كتبكي سومية ، ذياب وامين لي كانو اواقفين وكيشوفو مصدومين ..

- وديان وليليا لي ݣالسين بجنب امينة كيطبطبو عليها وكيبكيو ، كريم لي حاطة عليه راسها وعنقها وساهي .. حالة خايبة بزاف ماتبغيهاش لعدوك .. هازة يديها لعندها وكتشوفيهم حمرين ، تجاكيط ديالها حمرة .. قرب منها باها وعنقها كيدوز على ظهرها مصبرها .. حاس بيها وعارفها كترجع اللومة لراسها .. واخا هي مدارت والو او بالاحرى دارو بزوج ..

__________________

‏كل مُتوقع آتٍ فتوقع ما تتمنى .. ‏واحرص على حفظ القلوب من الأذى .. فإن رجوعها بعد التنافر يصعُب.. ولا تكن صَلبًا فتُكسر .. أو ليّنا فتُعسر .. ولا ترغب فيمن زهدَ فيك .. واطلب الحوائج بعزّة نفس .. فإن الأمور تجري بمقادير الله .. "لا تفتحُ بَابًا يُؤذِيگ ... حتىٰ ولو گان الطَّارِق شخصًا تُحِبُّه".

إنَّ

مُستوىٰ العَلاقات

بينَنا وبينَ الآخرِين مُتفاوِت بِلا شگ..؛

فَـ أکثرُهم قُربًا هو أکثرُهم فهمًا أو تَفهمًا..؛

ذلِگ

أنَّ أقوىٰ عاطفَة

علىٰ الأرضِ لا يُمکن أن تَصمُد طويلًا

وسطَ نيرانٌ الشَّگ وکلَّما گثُرَت الأمُور التي نَدفِنُها في أنفُسِنا

تِجاه شخصٍ مَا کلَّما تَضاعفَت المسَافة الرُّوحيَّة بيننَا وبينَه..؛

حتىٰ ولو گانت المسَافة المگانيَّة شِبر من الأرض ..

- حالتو كانت كتستدعي ينقلوه لكازا ... وداكشي لي كان ، من خلال صور الاشعة الزهر جا من جيهتو ومكانش عندو نزيف فالقفص الصدري ، ولكن كان عندو ظرر فالمنطقة ديال ضلوعو ... حيت مكانش لابس السمطة .. داكشي باش تضرر ، عفاف رجعات للخدمة .. خلاتها هي وحياة يتكلفو وعصام .. أما سناء فكانت فأخر اللمسات للتصميم .. من غيرها هي ، لي كانت كظل ساكنة فالكلينيك ... واخا معاني ماريا ونظراتها لي كلهم كره ليها .. مكانتش مسوقة كانت باغية اتعرفو كيف ولا او واش فاق ولالا ..

- كتحس بيه باغي ينتاقم منها ، كانت كتسائل علاش مزال مابغاش يفيق ، الطبيب وضح ليهم بلي المريض ختصو يستاجب للعلاج .. وجلال مكانش كيستاجب للعلاج نهائيا ..

______________________ فجهة أخرى ..

فالفيلا ديال جلال .. لي كانو مستقرين فيها العائلة .. غادية جايا مامتيقاش هادشي لي كيݣول ولدها عقلها باغي يطج من بلاصتو ..

- سومية [شافت فذياب ] :

واش كتسمع هادشي لي كيقول ولدك ولالا ، الاولى واخدها هبيلة ، خرجات ليه العقل .. حمدنا الله لي بعدها ربي من الطريقو ... ودابا جايب ليا وحدة ، ماعرفنا اصلها وفصلها منين وزايداها داخلة الحبس ، وراه خرجان العقل هذا ..

- ذياب [ببرود ، وصوت رجولي تقيل ] :

وعلاش انت ديتيني كنت مريض .. ياك كنت على شوية غاندخل للحبس نهار لي خطفت ماريا ، ولا نسيتي ؟

- سومية : كنتي مريض ، وتعالجتي .. انت حاجة وهادبك حاجة أخرى ..

- ذياب : حتى البنت مادخلاتش على الحشيش ، ولا حيت دارت شيحاجة خايبة ... وماعندهاش ذنب الى والديها ماتو وماعندها عائلة ، فين عمر حنا كيهمنا هادشي ..

- سومية : ذياب ماتحمقمنيش الله يرحم بيها الوالدين ... واش منين نعرضو على الناس ، يقولو ولد الإبراهيمي واخدها حباسة لي خلاه ولد عمو يكملو هو ..

- انا مافهمتش منين تسلطات علينا هاد العاىلة ، وهاد الناس منين عرفهم كريم وعرفنا عليهم ، وحدة طيحات ولدي وثانية طيحات ولد ختي ، هاهي سيفطاتو لسبيطار مزال ماعرفنا حالو واش اينوض ولالا .. مالنا على هاد القرع نمشطو ليه راسو حنا ..

- كان ساكت كيسمع ليهم مجاوبهاش حتى سالات هضرتها وقف وشاف فيها ببرود ، ناطق بصوتو المميز الرجولي :

بليزير من عندي نعلمكم .. مكنتسناش منك توافقي وتخطبي ليا ، قاد براسي كيما درتها المرة اللولة نديرها المرة التانية وهانية ماعنديش ݣرام ديال المشكيل .. والى كان جلال غبر 18 عام على عائلتو .. انا نغبر مرة وحدة وعمرك تشوفي هاد الكمارة حياتك كلها ..

- حيت عارف راسي مدايرش شيحاجة خايبة لي تسخطي عليا ولا شي لعبة ... بغيت واحد والبنت وباغيها على سنة الله ورسوله ، سوا بغيتي سوا لا شغلك هداك ... نهار تزوجتي الواليد تزوجتيه بإرادتك حد مازوجو ليك ، ولا ݣاليك متديهش ، ديتيه حيت انت بغيتي .. راه ماشي غاولدتونا تزوجونا على هواكم ..

- العيب والعار الى ظرت حاحة خايبة والى جايب ليكم بنت الزنقة ... جايب ليكم بنت الناس ، كون كنتي كتفهميني اتفرحيليا حيت ولدك لقا بنت الناس لي يبغيها ويلقا معاها راحتو .. ونزيدك اباش نكونو مفاهمين ، شتي ديك البنت لي كتݣولي وصلات ولد ختك للموت .. راه هي لي عتقاتو نهار الاول من الموت .. السلام عليكم ..

- خلاهم واقفين واحد كيشوف فثاني ، وقف توفيق ، هز تيليفونو وسوارت طوموبيلتو ونطق ببرود :

عمري كنت عارفكم دايرين هك ، انا بعدا نهار نبغي شي وحدة .. اندوزها للعدول نيشان عاد تشوفوها ، خليت ليكم الراحة .. خلاهم مبهوضين وخرج ..

- جامعة شعرها سفنجة .. وجها خالي من اي مسحوق تجميلي ، لابسة مونطو فالكحل .. مع سروال ديال الدجين وسبرديلة .. حاطة يديها فجيب المونطو مقابلة معاه من الزاجة مقابلة معاه ، سيناريو ديال تعارفهم كلو داز من قدام عينيها ، من نهار تعرفو اللحظات لي بيناتهم ، نهار دار ليها الفلفلة ... فاش خدم ليها خالها وباها ، نهار عتقها هي وخواتاتها من السواعدة والضبع ..

- نهار مشات معاه للدار العجزة ، وفاش خدا ليها دوا وداها للسندباد .. رجولتو قوتو هيبتو ، هاهو دابا مغط تحت عينيه زرق مدوزين عليه الفاصمة على وجهو ، صدرو عريان .. ويد مسرحة ويد لوخرا متنية وحطوطة على كرشو .. نزلات دمعة سخونة من عينيها مسحات بزربة ... ستنشقات ريحة القهوة .. ضورات راسها بشوية لقاتو ماد ليها كاس دالقهوة شداتو من عندو بلا حول ولا قوة ... وقف حداها كيشوف فخوه ، نطق بصوت هادئ ومرزن رجولي غالبة عليه بحة الاتزان :

لاش هاد شد ليا نقطع عليك ، مدام انت كتبغيه وهو كيبغيك ... أش وصلكم لهادشي كامل ؟

- مسيرة [رشفات من قهوتها ونطقات بهدوء ] :

جلال متملك اهلال ، جلال خاصو يتعالج من هادشي ، انا منقدش نعيش مع شي واحد بحالو ... غانتخنق منقدش نكمل فأول فرصة غادي نهرب ... جلال انسان مكايعرفش يتحاور كولشي عندو بتهديد ..

- هلال هو مجاش عندي وݣاليا انا باغيك وراه كنحس من جيهتك بشيحاجة .. هو حرق المراحل هو فرض راسو عليا ، بتهديد وعمر الحب مكان اهلال بتهديد ..

- هلال [هزهز براسو ] :

انا متافق معاك .. وحاس بيك ، فعلا عندك الصح لي خاصك تعرفي ..هو جلال مكايعرفش يتعامل مع العيالات ، ماعمرو كانت عندو علاقة ... مغاديش نحشم منك حيت حنا الرجال عيبنا واحد ، جلال العلاقة الوحيدة لي كتربطو بالعيالات هي الفراش ، وماتنسايش بلي سينين وهو بوحدو قصحاتو الوقت ..

- وحاجة خرى انت لي معارفاهاش ، هو جلال كان كيتعالج عند طبيب نفساني ... ماعرفتش داكشي لي وقع واش فخبارك ولالا ..

- مسيرة [هزهزات راسها ] :

فخباري داكشي دصاحبو ، عاودات ليا امينة داك نهار ، ولكن مع ذلك اهلال ، انا نهار نفكر نكمل حياتي مع شي واحد خاص نكون كنحي بالامان معاه ، مانقابلش فمي وشنو كيقول وندير حساب شنو كنخرج من فمي .. انا سپونطاني مكنبقاش نفكر ... مع جلال انخاف ، انخاف ندير حاجة بدون قصد وترجع عليا ..

- جلال الى شاف اشي حد غالط باغي يسولني على شي زنقة يفرشخو .. هلال ضحك .. [كملات هضرتها ] وحق الله العظيم كون جلال كانت متفهم ، وعندو غيرة محدودة مخارجاش على الحد مغانقولش ليه لا نهائيا ولكن منقدش اهلال ، نهار جلال يصلح من راسو .. ديك ساع عاد انوهب ليه قللي بلاما نفكر ..

- هلال [هزهز براسو ] :

فهمتك .. قاطعهم صوت تيليفون ديال مسيرة ، هزات لقات نمرة عصام [شافت فهلال ] سمحليا انا جايا .. خلاتو وجاوبات على تيليفون :

ألو فينك ، واخا انا خارجة عندك .. رجعات تيليفونها لجيبها .. لاحت الكاس فالطارو دزبل .. دخلات لسانسور ، شافت فساعتها تنهدات تنهيدة طويلة ، هرجات على برا بان ليها واقف مشات عندو سلمات عليه ..

- عصام : كي بقا ؟

- مسيرة [حركات راسها ] :

مزال هو هو ، المهم شنو درتي فداكشي لي طلبتك عليه ..

- عصام : لي طلبتيه مني درتو ، [مد ليها سوارت ] هادو سوارت الدار معاهم سوارت طوموبيل .. نهار توصلي اتلݣاي واحد السيد كيتسناك ، هو غايتكلف ..

- مسيرة [شداتهم من عندو ] : شكرا بزاف ..

- عصام [بجدية ] :

واش متأكدة من هادشي لي بغيتي ديري ؟

- مسيرة [شافت فسما ورجعات شافت فيه ] :

اه متأكدة ، خاصو غير يفيق ... هادشي حسن لينا كاملين ..

- عصام جر ليها يدها وݣلسها على الدروج الكلينيك ݣالس حداها .. بجدية وصوتو الرجولي المتوازن :

واش امسيرة الهروب هو الحل ؟

- مسيرة [ بإنكسار كتشوف فنقطة وحدة ] :

انا مهارباش اعصام .. انا محتاجة نبعد خاصني نخوي ، نفسيتي عيات بزاف .. لي داز صعيب عليا ، داك المنظر مابغاش يتحيد ليا من عينيا .. واش شفتي أشنو دارت معايا مي يا حسرة ، صبناتني انا لي بنت ولدها تسيفات عليا ماعرفتهاش ... وانا لي كنت نظل نضرب تمارة والقهرة كيفاش دارت معايا ..

- عصام : مديش عليها ، واش غادي على حداك مرة كبيرة ، فيها طونسيو وسكر ... دابا هي غير بغات تفرح بيك وبغات ليك جلال ..

- مسيرة : سمحليا أعصام ، ماشي بديك الطريقة قدام الناس ، شنو غايقولو عائلتو دابا أممم .. ايقولو بصح انا سايبة وديال راسي ، ايقولو والديا مامربينيش ، منين شهدات بيها مي يا حسرة اش بقا ، منين شافتني زدت فيه تنوض تدوي معايا ، ماشي تضحك وتبورد قدام الناس ..

- سمحليا الواحد هو لي يكبر بولادو ، واخا يكونو ولادك خارحين الطريق قدام البراني نهز بيهم ، جرحاتني ومي عزيزة عليا ، كون جات من شي حد خور والله مانضر ، ولكن منها هي تضريت .. ماما سعاد لي ماولداتنيش من كرشها ، ودمي مهازاهش وشتيها اش دارت عليا ..

- وشفتي كلام مو رضات ليا اللومة انا ، بحال الى ولدها ماصرفقنيش .. وماشي هو لي جرجرني من وسط العرس ..

- عصام [بتساؤل] :

تخلي داركم وتخلي المݣازة ديالك ؟

- مسيرة [بإبتسامة باهتة] :

خواتاتي راه الحمد لله بخداميهم مخاصهم خير ، معاهم نجاة ومعاهم حتى بابا وماما سعاد ... سكينة راها بخدمتها ومعاهم ، ومعاها سراج لي كيبغيها ، واخا دارهم باين العربون بلي مغايبغيوهاش ، ولكن مانخافش عليها معاه .. سراج راجل مايخليش شي حد يتحكم فيه ..

- [شافت فيه ] وانت راه مع عفاف ... غادي ديرها فعينيك والى بغيتيها قصد الباب انا الليلة اندوي معاها عليك ، رض البال غير لسناء عفاك أمانة عندك .. شفت التصميم ديالها عجبني بزاف ، بقا غير سفيان يسني عليه ..

- عصام [ضحك] :

سفيان كيبان ليا ماشي غير التصميم لي ايسني عليه ، ولا باغي يسني حتى على العقد عند العدول ..

- مسيرة [ضحكات] :

وايلي شوف سبحان الله ، انا دايرة بحال ديك الخاطبة اي واحد حطيتو فراسي مكنمشي حتى نزوجو [جمعات ضحكتها وتنهدات تنهيدة طويلة بالعة الغصة لي حسات بيها فحلقها ] كنلقى الحلول للناس كنجي حتى لراسي وكنوحل ... سبحان الله انا الوحيدة لي مكايلقاوش ليا الناس حل لمشاكيلي .. [مكانتش قادة تخبي نزلات دمعة سخونة من عينيها ] نهار نخطاكم اتلفو ..

- عصام [تنهد جرها معنقها مطبطب عليها ] :

متݣوليش هكاك ، عارفة مزيان الى عولتي عليا تلݣايني ، لي بغيتيها تحضر مدوزناش قليل ، لقيت فيك عائلتي من ورا سفيان ، وانت سباب حتى تعرفت على عفاف ... دابا انت اتمشي ومتحضريش لعرسي مجاتش ..

- مسيرة [بعدات عليه ماسحة دموعها ] :

هالعار أخويا ماتبقاش دكر ليا كلمة عرس ، وليت كنتشائم منها الى جيتي عليا مدير بو عرس دير العقد نيشان وجيب الطلبة يقراو القرآن ونوض مع طريق ، العرس فيه المشاكل داك الغنا وركيز كيتلا بشي مدابزة بين العائلة ولا شي مصيبة كحلة كيف وقع فعرس أمينة ، ومزال الناس مايقولوهاش فيك زينة .. واخا تحط ليهم الذهب ..

- عصام [كيضحك ] :

ضحكتيني صݣعة انت ..

- مسيرة : كندوي معاك وحق الله .. انا بعدا من عندي لي بغا يتزوج يدير طلبة ينوض نايض ، ومابغيت مزال شي حد يعرضني براكة عليا تݣهمت ..

- عصام [بجدية] :

ايمتا غادي تقطعي ؟

- مسيرة : غير نعرف بلي فاق وغادي نقطع ، عندي يوماين فروما ، عاد ديك ساعات أنشد الطيارة ليونان ..

- عصام : المهم انا وصيت عليك أورانوس ، هو لي غايوريك الخدمة كيغادية .. وغايوريك البيرو ديالك ، وغيوريك ليكيپ لي غايخدم معاك .. أي حاجة وحلتي فيها هو لي غايعاونك فيها ..

- مسيرة : واش هو لي مسؤول على الشركة ولا غير المدير التنفيدي ؟

- عصام : هو المسؤول فاش مكنكونش تم .. يعني هو لي مكلف بالفرع ديالنا فاليونان فهمتيني .. انا كنت غادي نأجل روبي ڤيريدجو تحل فرع فاليونان حتى تطرقي أمورك ..

- مسيرة : اي حاجة كتوقع كتكون من الخير ، جات وقتها دابا ..

- عصام : المهم لي وحلتي فيه راه هو تم ، ولا تاصلي بيا .. سوارت الدار عندك وسوارت الطوموبيل ، غير تقربي تمشي ݣوليها ليا ، نوصي السيدة تقاد ليك الدار وتعمر ليك الثلاجة ، أورانوس راه كيدوي بالونݣلي ، مغاتلقايش مشكل حتى ليكيب ديال الشركة كيدويو بيها ..

- غادي تعجبك اليونان بزاف وغادي ترتاحي فيها ..

- مسيرة [هزهزات براسها ] :

كنت كنتمنى نمشي ليها ، ودابا جا الوقت .. المهم شكرا بزااف اعصام ، وعفاك الله يرحم ليك والديك مابغيت حد يعرفني فين غادية ، انا ݣلت ليهم انمشي غير لإيطاليا صافي ، مافخبارهمش بلي غانستاقر فسانتوريني ..

- عصام : مجاكش بزاف تبقاي غادة جايا ..

- مسيرة [هزهزات براسها ] :

بالعكس ، كيعجبني نبقى غادية وسط المناظر لي كتريح النفس والروح انت ماتهزش الهم .. [وقفات] انا خاصني نرجع للداخل .. تيليفون بيناتنا .

- عصام [وقف بدورو طبطي ليها على ظهرها ] :

تهلاي فراسك وعلميني بالجديد ..

- مسيرة : واخا ..

- ركب فطوموبيلتو ومشا وهي رجعات للكلينيك ، مكان حتى جديد حدها شافت والديه جايين حدرات راسها وحيدات من تم ، نزلات للتحت لاكاڤ .. ركبات فطوموبيلتها ورجعات بحالها لدار ..

______________________

- فبيتها .. حالة البالز ديالها وكتستف فحوايجها الروايح بوحدهم البرودويات بوحدهم كل حاجة بوحدها ، تدق الباب وتحل ، دخلو خواتاتها سكينة وعفاف ، ݣلسو على طرف النموسية كيشوفو فيها .. باينة فيهم حابسين البكية غير بزز ..

- سكينة [بتساؤل] :

واش ضروري تمشي أصاحبتي ؟

- مسيرة [كتخرج من الماريو وتستف ] :

غادي نبقاو نعاودو الهضرة بزاف أصاحبتي ... علاش كونما كانش ضروري كنتي غادي تشوفيني كنجمع حوايجي .. لي كاين راه قلتو ليكم ..

- سندس [بترجي ] :

وتخليني اختي ، ماحشوماش عليك ..

- مسيرة [بجدية ] :

سندس ، واش انا غاندوم ليكم اختي ، راه مغاندومش ليكم الحمد لله راكم بخداميكم .. بداركم اللهم لك الحمد ، هاد الفيلا غدا انا وبابا انمشيو عند العدول غانكتبها ليه بسميتو .. اتكونو فداركم ماشي عند شيحد ، غايجي نهار وكل وحدة فيكم اتزوج ودير دارها .. مابقيتوش محتاجين ليا .. انا معاكم وتيليفون بيناتنا ، والى ضراتكم شيحاجة انا معاكم .. ولكن خاصني نخوي والله العظيم محتاجاها ..

- انا مهارباش وعمري هربت وماقررت نخوي غير حيت انا باغة ومحتاجة نخوي ..

- عفاف : اختي غانتوحشوك وحق الله العظيم ..

- مسيرة [ضحكات فوجها ] :

انت بعدا راك قريبة تمشي لعند راجلك ... عصام راه باغيك لزواج ..

- عفاف [ضربات فخاضها ] :

اويلي اختي مسيرة ، اش كتݣولي كيفاش سي عصام باغيني لزواج وهو كان راجلك ..

- مسيرة : انا وعصام راه كنا مزوجين غير على الوراق ، تزوجت بيه غير حيتاش كان باغي يعاوني فهمتي .. حنا بحال الخوت .. من نهار شافك بغاك ومنين عاودت ليه عليك زاد بغاك .. عصام مانحتاجش نشمرو ليك ، ولد الناس وبخيرو ويديرك فعينيه وراكي شايفة كولشي بعينيك .. اش باليك ؟

- عفاف شافت فالبنات ورجعات شافت فمسيرة :

اختي ماعرفتش وحق الله العظيم .. جاتني فشكل والله اختي ..

- صفاء : جاتك فشكل مالو والد معاها دراري ، راه داكشي لي قالت ليك هو لي كاين ، راه مكان بيناتهم والو زواج فالواراق صافي ، وكل واحد فبيت وكنا فداك الوقت معاها ماشي حتى بوحدهم .. توكلي على الله راه عمرك تلقاي بحالو ..

- عفاف [تنهدات تنهيدة طويلة] :

لي درتوها اختي انا معاكم فيها ..

- مسيرة : صافي مزيان ، الله يكمل عليكم بالخير ، غادي نعلمو ونعطيه نمرتك باش تهضرو .. وهضري مع نجية باش يمشي يخطبك من عندها الله يسر ليكم ..

- صفاء : واش متأكدة غادية غير لإيطاليا ؟

- مسيرة : انا مكنخبي عليكم والو وعمري خبيت عليكم ، انا غادية ليونان ... ولكن مابغيت حتى واحد يعرف ، قسما بالله وتخرج من فم وحدة فيكم ... ايكون اخر مرة تسمع صوتي وتشوفيها وجهي ، انا علمتكم .. مابغيتش حتى واحد كيفما بغا يكون نوعو ..

- سندس : تهناي من عندنا حنا ، راكي عارفانا اي حاجة كتبقى بيناتنا ..

- مسيرة : بغيت نعرف غير ك [قاطعها صوت التيليفون ، هزات تيليفونها طلعات ليها نمرة كريم ، فتحات الخط بزربة ] :

وي كريم أمضرا ؟

- كريم [بصوت تابت ومرزن وغالبة عليه نبرة الفرحة ] :

جلال راه فاق الحمد لله ... الطبيب عاد خرج من عندو ، والديه كاينين لداخل معاه ..

- مسيرة [حسات بسطل ديال الما بارد تكب عليها ، خلاها تݣلس للأرض ] :

الحمد لله ياربي ، أمضرا أشنو قاليكم ؟

- كريم : منع عليه الهضرة بزااف .. راكي عارفة شحال وهو فغيبوبة ... الحمد لله الامور مزيانة ، مخاصوش الضغط خصوصا فهاد الفترة .. مغاتجيش تشوفيه ؟

- مسيرة [بلعات ريقها ] :

لا اكريم مغانجيش ، الحمد لله منين ولا بيخير ، براكة غير دارهم كاينين معاه ، المهم انا مشيت وشكرا حيت سونيتي ليا ..

- كريم [بشك ] :

واش مخبية عليا شيحاجة ؟ شفتك ماشي حتى لتما ياك لاباس ؟

- مسيرة [بنفي] :

راك عارف غير مع العيا وهادشي لي داز داكشي باش ، مديرش فبالك رتاح حتى انت ، وسلم على أمينة يلاه تصبح على خير .. قطعات عليه التيليفون ، لاحت لي فيديها وخرجات للبالكو ... طالقة العنان لدموعها ، كتبكي بحرقة .. هازة راسها لسما كتشوف فنجوم والقمرة .. ودموعها هابطين سخان ، ماحسات بيدين خواتاتها وصحاباتها حتى عنقوها مطبطبين عليها ... بتصرفهم كيقولو ليها حنى معاك وعمرنا مغادي نخليوك ..

- أحسن حاجة يكون معاك لي يساندك ويحسسك بلي انت ماشي بوحدك ، وبلي ديما كاين وراك لي يساندك ، تنهدات تنهيدة طويلة .. بعدات ورجعات للداخل ، علماتهم بلي جلال فاق ..

- كيما فرحات هي فرحو هوما ... كملات جميع ديال حوايجها كاملين ، قداتهم وسلاتهم ، هزات تيليفونها باش تقطع البيي ديال الطيارة ... مع قطعات مع سيفطات ميساج للعصام علماتو ..

- كانت عندها الطيارة الغد مع 6 ديال العشية عندها الزهر لقات بلاصة اما كان خاصها تسنى يوماين ..

- عيطات عليهم نجاة يتعشاو ، هبطو مجموعين تجمعو على الطبلة .. هزات راسها فياها ونطقات :

غدا عندي الطيارة مع 6 إن شاء الله ، خاصنا نوضو بكري ابابا نمشيو لعند العدول بتش نكتب ليك الدار فسميتك ..

- شاف فسعاد وفمو ورجع شاف فبنتو :

ابنتي هادي دارك ، خليها بسميتك .. انا ماعرفتش علاش هاد المشية هادي ..

- مسيرة : بابا [دوات ببرود ] هكا حسن ، وداري هي دارك ، غدا انكتبها فسميتك ، المݣازة راه غاتكلف بيها صفاء دويت معاها ، فاش ايكون عندها التصوير راه البنات تم ، وفاش مسكونش عندها راه غاتكلف بيه إن شاء الله .. ومعاها عفاف ..

- سعاد : صافي ابنيتي سخيتي ؟

- مسيرة : حتى واحد مكايسخى بوالديه ودارهم ، ولكن خاصني نبعد نبدا فقنت أخور ..

- معزوزة [بعدم رضى] :

مابقيتي ديري بحساب حد ، وليتي لي يݣولها ليك راسك ديريها ..

- مسيرة [ضحكات] :

انت بعدا امي لي درتها مابقات تعجبك ، انت براكة يعجبك غير جلال وفعايلو ، كيجيوك على ݣانتك .. وحتى انا غانريحك مني ومن صداعي ، عمري فحياتي ماشت لي كيطيح بولادو قدام الناس ، ويرفع بولاد البراني .. ولكن ماشي مشكيل ، لي بقا فيا جات منك انت ولكن لي خرجات منك الميمة مقبولة .. [وقفات دافعة الكرسي ديالها اللور ] بصحتكم تصبحو على خير .. خلاتهم وطلعات لبيتها سادة عليها ..

_____________________

- فبيت فالكلينيك .. واقفين عند راسو ، مو وباه وجهو كلو مضروب ، ضور راسو بشوية شاف فكريم بتساؤل وصوت ضعيف كيطلع النفس غير بزز :

فين هي ؟

يتبع...