محتوى القصة
جالسا على راكبيها كتبكي بندم وحاطا إيدها على خدها وتسرفيقة لي عطاتها فريدة ما مشات من بالها ...مها طول حياتها ما عمرها ما هزات عليها الأيد كانت ديما كتحميها من خوتها لا باغاو يعاقبوها فاش كتغلط..واليوم هيا بنفسها دربتها ...
قفزها صوت تيليفون تيرن هزاتوا بيدين كيترعدوا لقاتها مكالمة من عند مراد بصعبية جوباتو بسرعة...
نرجس بصوت مكسور :علاااش امرااد علااااش حرام عليك شنوا درت ليك باش دير فيا هاد لحالة
مراد طلقها بضحكة سمكات ليها لودنين: كون سمعتي ليا من لول أو جيتي لعندي ما غيوقع ليك والواا
نرجس دموعها تينزلوا شلال:حشومة عليك طلعتي شماتة مكتسواش الله ياخد فيك الحق بغيت ربي عمروا يسمح ليك
مراد جمع حجبانوا ما عاجبوا حال وطلقها بضحكة :ههههه باركا الق***** من زبل ديالك جمعي فمك ولا غتندمي وقولي ليا كيف جاتك لمفاجئة عيد ميلادك بقا ليه غير 15 يوم وانا سبقت ليك لهدية هههه
نرجس بتسأل نطقات : منين جبتي نوامر عائلتي كيفاش عرفتيهم الحيوان
مراد تبسم جنب :هههههه مراد وأجرك على الله اول نهار تلقينا فيه في ريسطوا ملي مشيتي لحمام خديت تيلفونك وخا فيه لكود متنسايش انني هاكرز وهاد شي ديال تيلفونات كيمشي ليا في دم يعني بسهولة قدرت ناخد لي بغيت "جمع ضحكة وبجدية نطق"دابا نبغيك تسمعيني مزيان عندك من هنا لعشرة بليل الى ما جيتيش لعندي في نفس لبلاصة لي قلت ليك غنشوهك وهاد لمرة تصاورك غنشرهم في لعالم الكامل وكلشي غيشوفك
نرجس بتوسل :لا لا عفاك مديرهاش لااااا
° °••غير دخلات لرياض طلعات نيشان هيا ونساء العائلة لغرفة نرجس بعدما دخل لحاج لبيتوا وباقي راجال خرجوا...
فتحات لالة فريدة بساروت وغير شافت نرجس في يديها تيليفون طارت لعندها خداتوا من وسط يديها وبغضب نطقات: مزال كتهضري معاه ياك، و هضرتنا حنا زيدا ناقصة وخا شوهك
نجلاء دخلات :تهدني أخالتي لبنت مزال صغيرة ما عارفا والوا
نرجس هزات عينيها مخنزرا في نجلاء حلات فمها غتهضر وهيا تلاح عليها نجلاء معنقها كرزات عليها كطبطب على ضهرها وبخفوت نطقات:
_سدي فمك حسن ليك ولا غنوري تصاورك لخوك هوا يتفاهم معاك،ما تجبديش سميتي على فمك إلى بغيتي تبقاي بيخير وزيدن نتي لي ما عرفيش تختاري فا تحملي مسؤولية أغلاطك
بعدات منها ومسحات ليها دموعها بشفقة قالت:
_اوو نرجس حبيبة متبكيش عفاك كلشي غنحلوه بالعقل باركا من دموع
نرجس دفعات نجلاء بعصبية، وقفات وغوتات بحر جهدها:بعدي مني نتي أخر مرة تقربي جيتي ماسوقشك مشكيلتي هادي خرجي بارااا
مروى وإسلام شافوا في نجلاء بشك
فريدة سرفقات نرجس بقوة:باقي عندك لفم لي تحليه بعد ديك لفضيحة لي درتي خاصك دفني راصك تحت تراب
نرجس شدات من حنكها ودموعها بادوو تينزلوا شلال رفعات صبعها لجهة نجلاء لي وقفا مورا فريدة فتحات شفايفها ونطقات بصوت ضعيف:
_قولي ليها تخرج عفاك ما بغيتهاش هئ هئ هئ
الحاجة خديجة ساطت بجهد ودارت لعند نجلاء: سيري لبيتك أبنتي نتي حاملاا خاصك تبقاي بعيدة من لمشاكيل
نجلاء دبلات عينيها وحركات راصها بإجاب بعدما قالت:أنا بغيت غير نعونكم وإلى بغيتوني نمشي وخا أنا غاديا
فور ما خرجات نجلاء،إسلام دارت لعند نرجس و بتسأل نطقات: واش عود عيط ليك وشنوا قال
نرجس بصوت باكي نطقات بشفايف كيترعدوا :اه هوا لي عيط أختي قال ليا نمشي عندوا ليوم ولا غينشر تصاوري
الحاجة خديجة حطات إيديها على راصها وجلسات في الأرض وفريدة بدات تدعي عليه...
إسلام ساطت بجهد كتفكر بغات تاصل بكريم يعونها مي خافت لا يشوف تصاور وهوا بعيد من لعائلة وسط تفكيرها طويل طاح في بالها خوها عمر بسرعة جبدات تيلفونها من جيبها وتاصلات بيه....
مروى بتسأل نطقات:شنوا كديري
إسلام رمشات بعينيها وقالت :لقيت لحل عمر لي غيدير شي حاجة
جالس متأنق في كافي راقي مع عميدة شرطة معروفة في رباط جالسا كتشرح ليه وتفهموا لمجال ديال خدمتوا لي نتمى ليه مأخرآ لابسا جاكيط كوير في الأسود مع سروال جينز ورافعا شعرها على شكل ديل حصان ...
عمر بإصغاء تام نطق :عندك الحق أشاف
سلمى تبسمات جنب ونطقات:عمر كنعتابرك بحال خويا صغير قول ليا غير ختي غيكون حسن حنا دابا ماشي في لخدمة
عمر رتاح من تواضعها معاه، ببتسامة مزينة ملامحوا رد عليها:شكرا بزاف أختي
سمع تيلفونوا تيرن هزوا بفضول وفور ما قرا الإسم تبسم بفرحة..هز راصوا ونطق بعدما وقف:
_هادي ختي إسلام ، سمحي ليا غنمشي نهضر معاها
سلمى بعينين تيلمعوا: معليش خود راحتك
عمر خرج برا الكافي وببتسامة قال: لخوادرية توحشتك بزاااف
إسلام بنبرة صوت حزينة :حتى انا اخويا نتا لباس امورك مزيان
عمر كمش حجبانوا بخوف :مالك واقعا شي حاجة؟ صوتك ما عجبنيش
إسلام بدات كتحكي ليه وهوا كيستامع ليها وملامحوا كيتحولوا لغضب غير نهات كلامها زير على يديه حتى عروقوا برزوا من تحت سنانوا نطق معصب:
_هاد شي كلوا دارتوا نرجس؟!!
إسلام بصوت هادئ :ولبنت مزال صغيرة وغلطات هانتا شوف كيف دير هانا غنصيفط ليك نمرتوا ولبلاصة لي قال ليها تلاقا بيه ليوم ودير شي حاجة قول لبوليس يشدوه ولكن تصور نرجس خاصهم يتمسحوا من عندوا وسي عدنان وخوتها ما خاصهم يعرفوا والواا
عمر جمد وتكوانسا في بلاصتوا ما عمروا ما توقع أن نرجس ممكن دير بحال هاد لفعلى
إسلام بقات كتغوت في تيلي:عمر واااعمر خويا فين مشيتي مالك سكتي
عمر بلع ريقوا زير على فكوا ونطق :والوا أختي
إسلام شكات من طريقة كلاموا :ختي !! فين مشات لخوادرية دغيا تقلبات هضرتك مالك واش نتا كتحس بشي حاجة من جهة نرجس؟
عمر رجع شعروا لور حتى عروق جبهتوا ضهروا تصدم من سؤال ختوا وبتلعثم نطق:
_لا ما كين والوا غير بقات فيا وزيدن نرجس كنعتابرها بحال ختي صغيرة متنسايش انها من لعائلة يالله بسلامة عندي لخدمة
قطع معاها وزير على سنانوا ، مغدد كون كان قداموا مراد كان غيقتولوا ليوم مافيهاش.. خبط حجرة برجلوا بقوة وزفر بجهد ..خشا إيدوا في جيبوا ورجع لقهوة جر لكرسي جلس فيه ورجليه ماهداوش من الإهتزاز .. جامع يديه وحجبانوا معقودين تيخمم
سلمى بعدم فهم قالت: مالك واش واقعا شي حاجة لختك ؟
عمر هز راصوا وبغيض نطق:أخت راجل ختي وقعات ليها واحد لمشكلة..وإسلام بغات تعونها بلا ما يعرف راجلها
سلمي رتاشفت من كاس قهوة وجمعات يديها عندها : عود ليا ممكن نفيدك
عمر بعصبية نطق كاره :واحد لكلب في جديدة كانت مصاحبا معاه كيبتزها بشي تصاور وقال ليها لا ما جاتش عندوا هاد ليلة غيفضحها بيهم وهوا ديجا رسل هاد تصاور لعائلتها يعني راه ممكن يديرها
سلمى قشرات فمها من لداخل ونطقات ببرود: هادا حالوا ساهل عندك شي خبار عليه ؟ لعنوان ديالوا وسميتوا...
عمر حرك راصوا بإجاب وبصوت رجولي خشن نطق:اه سميتوا مراد**** "جبد تيلفونوا" هادا هوا لعنوان لي قال ليها تجي عندوا وهادوا نوامر لي كيتاصل بيها فيهم
سلمى حركات راصها بطمئنان :هادا حالوا ساهل من هنا ساعتين الى تعطلوا يشدوه اما هما دغيا يزربوا عليه بحال هاد لميكروب تايتقاواو غير على لبنات ..انا غنعيط لواحد لكوميسر في جديدة غيتكلف بيه
عمر بتراجي نطق:عفاك الى ممكن بغيت تصاور لبنت يمسحوهم ديك ساع ولاحبدا شي بوليسية لي تكلف "حرك راصوا "ما بغيت يشوفهم حد و ما تدكرش إسم لبنت حنت عائلتها معروفة غيلقاو مشكل مع صحافة وسمعتهم غتشوه
سلمى تبسمات جنب وقالت :كون هاني حتى واحد ما غيعرف وعائلة لبنت غتبقى بعيدة غير تهنى بزاف ديال لبنت كيطيحوا في بحال هاد لمشكل يعني ماشي هيا لولة ولا لخرة وللأسف هاد دئاب بسرعة تيلعبوا بعقولهم....
عمر حرك راصوا ومتصرطاتش ليه هاد لفعلة لي دارت نرجس..
هزات تيلفونها بسرعة تاصلات بكوميسر معروف حكات ليه لوضع ورسلات ليه لمعلومات وهوا ديك ساع صيفط لعناصر ديولوا يتكلفوا بالموضوع
جالسا في سجادة ديالها كتصلي
ونسمات هواء دافئ داخلا من نافدة وكتحرك في البرادي "الخاميات" غرفتها كبيرة وفراشها راقي طاغي عليها لون الوردي لي كتحماق عليه
وعينيها مدمعين ندمانة أشد ندم كرهات راصها ما بغاتش تطيح من عين جداتها و مها لي كانت ديراها صحبتها...هزات يديها كدعي من قلبها ربي يسمح ليها على فعلتها..بغات غير قلبها يرتاح وتقاد نبضاتوا لي خالعينها من لمستقبل...
حسات برحمة الله كدور بيها من كل جيه
وهوا يدربها نسيم هواء قوي طير ليها شال من فوق راصها ونزل شعرها ناعم طويل غطا ليها وجها بعداتوا بإيدها وشدات من طرف ديالوا وتبسمات مني تفكرات فريدة لي كانت كتمنعها باش متقطعوش حنت شعرها زوين مني تزادت...مسحات دموعها بطرف كفها وهيا تسمع صوت لباب كيتفتح بساروت لتفتات بفضول تشوف شكون جالعندها...فور ما تحل لباب دخلوا لعندها هزاين في يديهم لفشار" لكلية"
مروى ببتسامة بدات تنقز وتهضر خوات لكلية كلها في الأرض:صافي تشد تشد تفكينا منوا لحمار لأخر
إسلام نفخات بجهد :أويلي امروى كلشي كبيتيه في الأرض ونزلي جمعيه
نرجس وقفات من الأرض برجلين تيرجفوا ما متيقاش شنوا كتسمع ،بعينين مدمعين نطقات بصوت ضعيف:واش كتهضري بصح مراد شدوه
إسلام بعينين تيلمعوا من سعادة نطقات: صافي الأمور رجعات بيخير الحمد لله شدوه في لحبس قال ليا عمر بلي غيغبروا لبوه شقف ما غيخرجش حتى يتربا
نرجس :وتصاور واش مسحوهم ما شافهم حتى واحد.
مروى جالسا على ركابيها كتجمع في حبات ذرة "لكلية من الأرض"تبسمات: غير رتاحي كلشي مسحوه
نرجس تنهدات براحة وتلاحت على إسلام عنقاتها مزيرا عليها:شكرأ بزاااف أختي هاد شي لي درتي معايا ما عمرني ما غنساه نتي أحسن إنسانة شفت وخا نبقا نهضر عليك حتى لصباح ما غنوافيكش حقك نتي ما كينش بحالك الله يعطيك ما نويتي في خاطرك
إسلام بعدات منها فراحانة حطات يديها بزوج على حناك نرجس مسحات ليها دموع وخا يديها ديرا فيهم لفاصمة وقالت:
_باركا هادا واجب نتي ختي ومن حقي نحميك، غير هوا أخر مرة ديري بحال هاد تصرف، نتي مزال صغيرة والحياة مزال قدامك ،دابا ركزي في قرياتك وزواج ولحب كيجيوا من بعد ملي تكبري وتشربي عقلك ، غتولي تميزي لمزيان من لخيب وربي راه كاتب ليك شي ولد ناس من نصيبك ونهار لي لقدر غيبغي يجمعك بيه حتى واحد ما غايفرقكم..اما تصاحيب ودوك لعلاقات" تفكرات سفيان و تنهدات من أعماقها"معندهم لاش صالحين غير كيشوهوا بسمعة لبنت وكلشي كيولي ينعث فيك ملي كتكوني غاديا معاه في طريق،تيخرجوا على حياة لبنت سواء لكانوا ماضي تيرجعوا يضهروا ولا حاضر كتبقا تعدب ..عيشي حياتك قراي راه دراستك هيا لي غتنفعك
نرجس حركات راصها بإجاب وقالت بصوت أنثوي رقيق:
_عندك الحق أختي غندير بهاد شي كولوا ولقراية هيا كلشي هضرتك بحال خويا أركان حسيت براصي بحلا كنهضر معاه
إسلام خفق قلبها بشكل غريب وتوردوا حنيكاتها مني سمعات سميتوا..رسمات إبتسامة على محياها كتحاول تمحي بيها لخجل لي كسا ملامحها..
مروى جمعات لوقفة وفي يديها علبات خاصين بالكلية عامرين بيها: واش غتبقاو تهضروا ما كتساليوش زيدوا راه لكلية غتبرد
إسلام حيدات بيناورها بقات غير بي بيجامة عبارة على شورط وسليب سمطة وقالت:
_ نرجس سدي لباب حنا ليلة ناوين نباتوا معاك غنحتافلوا بدخول داك وجه موكة لحبس وشعلي تلفازا نشوفوا شي فيلم
مروى تحنات حدا لبلازما خدات ريموت وقالت:غندير ليكم واحد لفيلم فرنسي واعر شفتوا مأخرا فاش كنت في باريس مزال جديد يالله تعرض في قاعات سينما ونقلوه لتلفازا
نرجس سدات لباب وجلسات حداهم مربعة رجليها فوق لفوتاي :خدمي لويفي بعدا عاد قلبي على لفيلم..مرحبا بيكم فرحتوني
إسلام دورات راصها:حكَا ما قلتش ليك داك مراد طلع كَاعما ساهل راه ماشي غير بوحدك لي تيهدك ..لقاو عندو لبوليس عرام ديال تصاور ديال لبنات كيبتزهم وبزاف منهم مني شافوه تشد مشاو ديكلاراوا بيهم وشهدوا فيه..سيد متعود لبنت لي عجباتوا كيتفلى عليها"بتنهيدة طويلة"اودي هوا تشد ولكن أمثالوا كتار و مزالين عيشين معانا أوسطنا الله يلكِيها ليهم
نرجس عينيها وساعوا من صدمة:ما توقعتهاش فيه كان كيبان مزيان في لول ومن بعد ولا شيطان
مروى عينيها في تيفي شادا ريموت كتقلب ومن تحت سنانها نطقات بعصبية : ولد لحرام هداك بغاني أنا،كون غير طلقوه ليا غنعري بووه ونعلقوا وسط ساحة جامع لفنا في مراكش نخليه عبرة لي بحالوا
إسلام دورات راصها:ما شفتيهش الى شافوه سياح الأجانب يسحابوه شي لوحة فنية ولا ثمتال ويبداو يصوروا فيه وغيتشهر ولد لحرام
نرجس تفرشخات بضحك:ناري تخيلتوا معلق عريان ويلي حي ههههه
إسلام هزاتك كميشة بيديها تعت لكلية حطاتها في فمها بدات تمضغ وقالت: مروى لعار لما هبطي لكوزينة جيبي شوية لملح جاتني مسوسة
مروى خدات لفلم او وقفاتوا عاد وقفات: وخا انا نيت بغيت شي عاصير نبرد بيه لحال سخون "بتسأل رفعات حاجبها"تبغيوا نجيب ليكم شي حاجة
نرجس ببتسامة بريئة:لا اميروا شكرا ليل هادا
مروى شافت فيهم مبتاسمة وقالت مع نفسها بعدما خرجات من لغرفة:
_والله وتشوفني نجلاء كنتسخر عليكم حتى تاكلني بلا ملحة...لله يحفضني منها
جلسات حدا إسلام بعدما حيدات لباس المخصص للصلاة بقات غير بسليب سمطة بيض وشورط قصير أسود وشعرها مطلوق جنب رجعات شعرها مورا ودنيها متوترة تبسمات جنب ونطقات بتردد:
_إسلام
إسلام بحماس قالت:شوفي هانتي لفيلم بدا كيبان زوين شفتي هاد راجل لي كيبان مهموم وغامض هوا لي كدور عليه قصة لفيلم ما فيهاش
نرجس بلعات ريقها بصعوبة نطقات: ختي إسلام ممكن تعطيني تيليفونك بغيت نشكر عمر على هاد شي لي دار معايا،شفتي ماما خدات ليا تيلفون ولبيسي ما عنديش كيفاش ندير باش نهضر معاه
إسلام عينيها في تلفاز مدات تيلي وقالت: اه خوديه سيري هضري على خاطر
نرجس بعينين تيلمعوا خدات تيلي وخرجات للبالكون بعدما قالت:
_شكرا بزاف
دخلات لرقم عمر بيدين كيترعدوا حتى بغات تاصل وترجعات عضات شفاه ديالها من جناب و قالت :
_شنوا فيها انرجس هانتي شكريه دغيا وطفي "كمشات حجبانها بخوف" ولا عيرني "هزات إيدها كتهدن في راصها"لا إنشاء الله ما غيوقع والوا عمر ضريف
خدات شهيق وزفير وضغطات على زر الإتصال تم حطات تيليفون على ودنيها كتنتاضر الإجابة وقلبها بدا يضرب بقوة غيخرج من بلاصتوا
•• داخل شقة صغيرة في مدينة الرباط مكونة من غرفة نوم فيها بالكون كيطل على لبحر و لحمام على برا، صالون كبير مع مطبخ و ومراح صغير مفرش وفيه تلفاز...
خرج من دوش لاوي فوطة على نصوا سدروا عامر ومع تدربيات شرطة لي خدا زاد عضلاتوا برزوا كتر .... جلس مفرق رجليه ما عاجبوا حال، فكل مرة كيدكر شنوا دارت نرجس كيزيد يتعصب زير على فكوا ويديه، ساط بجهد...سمع رنة تيلفونوا هزوا بفضول وفور ما قرا الإسم جاوب ...
عمر بنبرة صوت هادئة :الوا إسلام صافا ؟
نرجس بتردد:ألوا عمر هادي أنا
عمر فور ما سمع صوتها وقف معصب وعينيه تحولوا للون الأحمر بغيض نطق مخنزر: شنوا بغيتي ؟
نرجس تبسمات جنب:بغيت نشكرك
عمر قاطعها مفقوص كمش حجبانوا:مزيان ألالة نرجس وليتي كتصيفطي تصاورك عريانا لمن والااا بالحق أش غنتوقع من وحدة بحالك باست ولد في شارع ما كتعرفوش قدام ناس أما موراهم علم الله أشنوا ممكن دير...
نرجس تصدمات، بلعات ريقها بصعوبة وبصوت باكي نطقات:
_لا أنا انا ماشي هكاك ،ما تفهمنيش غلاط اعفاك أنا نرجس صديقتك نتا أكتر واحد خاصك تكون كتعرفني مزيان
عمر خبط يدوا مع لحيط، بنبرة صوت حادة : أييه طلعت كنعرفك أو مزيان "غوت بحر جهدوا" كيفما بستيني أنا غتكوني "سحق سنانوا بغيض و نطق كاره" غتكوني نعستي معاه ياك إيوا بصحتك "بتحدير قال"أخر مرة تعيطي عليا سالينا وحتى صدقتنا سالات هنا الله يعونك "قطع عليها مزير على تيلي بين يدوا حط جبهتوا على لحيط وبدا يضرب في يديه مع لحيط ما راضيش:
_علااااش أنرجس علاااااش علاااش
نرجس تصدمات من ردة فعلوا ... حسات بسطل ديال لماء بارد تكب فوق راصها من كلاموا ، زيرات على يديها ما متيقاش شنوا كتسمع بقات واقفا كتبكي وتشهق بصمت حتى سمعات مروى كتنادي عليها دخل عاد مسحات دموعها ودخلات لعندهم بملامح ممحية جلسات حداهم...
بدا لفيلم جالسين متبعين معاه كان فيلم رائع قصتوا كتهضر على أب لي غيدير لمستحيل باش يقدم لبنتوا أحسن حياة ويقريها في أحسن لمدارس غايضحي و يبيع كليتوا باش يحقق لبنتوا أحلامها ولكلية الأخر لي بقات عندوا ضعيفة في مشاهد الأخيرة مؤثر بلا قياس بدموع كيفاش الأب كيتمنى لبنتوا الأفضل وهوا على فراش لموت على قبل أحلامها ضحى بنفسوا ...
إسلام ملي بدا لفيلم وكلما شافت شي لحضة مؤثرة بين الأب وبنتوا كدور عند مروى كتلقاها كتبكي بصمت وتمسح دموعها بالخف ،قشرات فمها من لداخل وبتسأل نطقات:
_ مروى مالك علاش كتبكي
مروى مسحات دموعها: والوا غير بقا فيا باها مسكين
إسلام بشك: كلنا بقا فينا وتأثرنا ولكن نتي "تقادات في لجلسة" واش توحشتي باباك ، من نهار جيت لهنا ما عمروا ما هضر مع نجلاء واش مخاصم معاها
مروى تنهدات من الأعماق وبغصة خانقاها قالت : ملي ماتت ماما كان في عمري 15 عام ماداز حتى شهرين على موتها وناض بابا تزوج بواحد لبنت قد نجلاء في لعمر،من تما ما بقاش كيهتم بينا كانت مرتوا كتحرشوا علينا و كان تيمنع علينا لمالكة ولخروج تبدات معاملتوا معانا ولا هاملنا بزاف وخا هوا لباس عليه ولكن ما بقاش كيهتم بينا نهائيا في الأخير ولا كيصيفط لينا فلوس لمصروف بلا ما يشوف وجهنا
إسلام ساطت بجهد ما عاجبها حال :الله ياخد فيها لحق دابا ولادها يديروا ليه كيف درات ليكم بنادم ما كيخافش الله
مروى زفرات بجهد مكملا كلامها: داك شي علاش انا طريت نخدم خدمت في شريكة سكرتيرة عند يوسف ومن بعد خدمت عند أركان ونجلاء كانت مستغلة الإسم ديال بابا وداك شي علاش كانت كتبان في لمجلات صفحة الأولى بيه باش كتحصل على لفلوس بالإشهارات ديال لمكياج لي كدير وبابا ملي سمع ختي غتزوج بيوسف فرح حنت تهنى من وحدة فينا وفي نفس لوقت كانت فرصة ليه باش يعقد صفاقات مع شريكات كبيرة بفضل إسم" راضي" لي تناسب معاه حنت معروف في سوق وعندوا حترام كبير
نرجس نسات همها:هاد شي كلوا وعلاش نجلاء ما عمرها ما هضرات عليه و نتي كيفاش حتى مشيتي لفرانسا؟
مروى طوات يديها:خدمت وتكرفست باش جمعت شويا ديال لفلوس لقيت فرصة في شركة في فرانسا كانوا باغين موضفين جداد سيفطت ليهم سيفي ومشيت درت مقابلة ومزال ما عيطوا ليا ؟ ولباقي ديال لفلوس خديت بيه طموبيل ديالي..الحمد لله ما تخلياتش على قرايتي
إسلام بتنهدية قصيرة ،حطات إيديها على ركبة مروى: الله يصوب ليك كتستاهلي كل خير ما تبقش تبكي نتي كاستاهلي تعيشي فرحانة عتابريني ختك أنا تمنيت كون شفت بابا وعنقني نشم غير ريحتوا وليني الآجال سبق، مات وخلاني مزال صغيرة
مروى بحزن :الله يرحمو أختي
إسلام عنقات مروى :ما تلوميش باباك دابا معميين ليه لعينين بساب ديك مرتوا الله ياخد فيها لحق، إنشاء الله ولا بدا غيجي واحد نهار لي يحس بغلاطوا وغيطلب منكم سماحة غير صبر
متكيا في سريرها كتخمم ومرة مرة كتنهد وتسوط من الأعماق داك شي لي درات بنتها ما تسرطش ليها...
جالس حدها سي عدنان حاط نضارات طبية على عينيه و شاد تيليفون داخل تيقرا فيه الأخبار ديال العالم حيد نضرات من على عينيه و ببتسامة مزينة ملامحوا قال:
_فريدة،نرجس عيد ميلادها قرب هيا عزيز عليها حفلات عيد لميلاد من صغرها بغيت ندير ليها شي حفلة تكون زوينة ما تنساهاش، تعرض فيها على لبنات لي كيقراو معاها وتنشط شويا
فريدة طاحت دمعة جنب عينيها حرقاتها مسحتها بطرف كفها وجلسات متكيا على كادر ناموسية بغصة في حلقها نطقات: عدنان لبنت عندها لمتحان بلاش حسن ما نديروا والوا حتى تسالي على خاطرها
سي عدنان طفا تيلفون حطوا جنبوا :غير نهار ما غيخدش ليها من قريتها بزاف و منها نيت ترتاح شويا من دراسة نهار كلوا وهيا شادا لكتوبا خاصها تفرح وتبدل لجوا
فريدة بتنهيدة طويلة رجعات تكات في بلاصتها : لي بان ليك ديروا،تصبح على خير
سي عدنان قرب منها شد إيدها وسط يديه ،بتاسم بحنية ونطق بتسأل:
_فريدة مالك ؟! كتباني ليا ما مرتاحاش
فريدة شافت فيه حابسا لبكية حاسا بدنب حنت مخبيا عليه ،رمشات عينيها بطمئنان:
_ ماكين والوا أسيدي عدنان غير رتاح
سي عدنان حيد نضارت من عينيه و جرها من دراعها خشاها في حضنوا بقا كيدوز بحنية على ضهرها ،بجدية هضر: 39 عام وحنا مزوجين أفريدة وليت حافضك مزيان كتباني ليا ماشي حتى لتم مالك عودي ليا ما ربما لقا لحل
فريدة زادت تمخشات في حضنوا بدات تبكي بجهد وتشهق وكتهضر داخلها: اش غنقول ليك أعدنان راه بنت ولات كتصور عريانا وتصيفط تصاورها لرجال اش غنقول راه بنت لوحيدة شرف ديال لعائلة لي كتيق فيها وما مخلي ما درتي عليها ،ضربات ليك تربيتك كلها في لحيط ، ما هتمات لا بالعائلة ولا بيك أش كنقول ليك لهضرة كتيرة وسكات حسن..
" كمدتها في قلبها وطلقات لعنان لدموعها"
سي عدنان تخلع هز ليها راصها بيديه وقال بتسأل:
_ واش كتبكي على أركان حنت سافر
فريدة لقاتها من لجنة وناس زادت في وتيرة لبكاء وحركات راصها بإجاب باش تخفي سبب لحقيقي
سي عدنان مسح ليها دموعها وطبع قبلة حنينة في جبهتها بعدما مد ليها كاس ديال لماء:
_هههه قلب الأم ،غير صبري راني فاهمك ولكن لولد دابا كيبني في مستقبلوا وشفتي تبارك الله جميع لجرائد والقناوات تيهضروا عليه هاد شي خاصك تفتاخري بيه "حرك راصوا"هاكي شربي لماء "تبسم جنب" فكرتيني غير فاش كانوا لولاد مزل صغار ملي كنا نديوهم لطبيب على ود لقاح "جْلْبا"كنتي غير تشوفي لبرا كتباقي تبكي عليهم ههه كنولي ما حيالتي ليهم ما حيلتي ليك نتي ودابا جا ما يسكتك
فريدة رتشفات من كاس لماء وببتسامة قالت:
_ لكبدة صعيبة أعدنان
عدنان بعينين تيلمعوا:راه نتي لي قلبك هشيش وهاد شي لي كيخليني نبغيك
لالة فريدة حناكها توردوا :ويلي حشمتيني
سي عدنان عنقها ونطق بفتخار:مزال نتي هيا نتي ما تبدل فيك والوا طول هاد سنين، الله يخليك لينا
فريدة مبدلاه العناق :الله يخليك تاج فور راصنا ولهلا يحرمنا منك
• بعد مرور 15 يوم •
في لباب رئيسي لرياض مزين بالورد و البالونات "نفاخات" بلونين الوردي والأبيض طول طريق دخلة حتى لنافورة...مثناترين في الأرجاء..عاطين جمال خاص للمكان
ولبركة المائية "شكلها بحال لبيسين كتكون وسط رياض" كلها مزينة بشميعات صغار ملونين شاعلين ولورد متناتر في جناب...
كتوسطها طابلة كبيرة مغطية بغطاء طويل في لوردي كتوسطها كاطوا على تلاتة طبقات مزين بشميعات وكتوسطوا باربي شعرها أصفر كتكال لابسا لبيسة سبيدرمان في الأزرق والأحمر...
وقدامها بلازمة كبيرة مشغلين فيها موسيقى راقية جالس حدها شخص مسؤول على لموسيقى ديدجي...
واقفا لالة فريدة لابسا قفطان خفيف في الأزرق وحدها نجلاء لابسا كسوة في الأسود لاصقا عليها مبينا كرشها لي بدات كتضهر وجامعا شعرها جنب...حاطا مكياج تقيل وراسمة إبتسامة تكبر على محياها..واقفين كيستقبلوا في ضياف لي غير ناس لمعروفين.
في بحال هاد لحفالات وخا كيكونوا غير ديال عيد لميلاد كيتعقدوا فيهم صفاقات عمل وزواج كبيرة ومهمة...
دخلات لالة رحمة متقدما برجلها ليمنة سمات الله عاد حطات رجلها لابسا جلابة راقية مخيطا براندة ولعقيق مناسبة سنها وجنبها توبة لابسا كسوة طويلة في الأحمر مستورة طالقا شعرها وحاطا حلقات ديال دهب في ودنيها ، هازا هدية مغلفا بين يدها وقابطا في يد ولدها أمير لي لابس سروال جينز جديد مع تيشرت جابوا ليه أركان ولابس كات في رجليه وشعروا مرجعاه ليه موا لور ديرا ليه تشويكا كيبان بحال شي رويجل صغيور
نجلاء غير شافتهم ساطت بجهد وتمات غاديا كتمايل بسباط طالون خلاتهم واقفين لقاو عليها تحية ماتسوقاتش ليهم ومشات ترحب بضيوف لي موراهم..
توبة زيرات على يد ولدها بعصبية حتى غوت: سمح ليا أحبيبي ما درتهاش عن قصد "بخفوت نطقات"شوفي هاد لفعى ما كتبدلش غير دور وطلق في سمها
رحمة حمرات فيها: سكتينا كيفما كان لحال كتبقى مرت لوس ختك
لالة فريدة فور ما شافتهم هزات قفطانها من جناب وتمشات ناحيتهم بسرعة راسمة إبتسامة على محياها حلات يديها على طولتهم وقالت:
_مرحبا وألف مرحبا
رحمة بادلتها لعناق وتسالموا سلام حار بالوجه:ترحب بيك الجنة كيف ديرين لباس عليكم كلشي مزيان
فريدة ببتسامة عريضة:لباس الحمد لله يسول فيك لخير"سلمات على توبة' كيف ديرا أبنتي لباس عليك"تحنات لعند أمير باستوا" مشاء الله كتحمق أولدي
أمير عجبوا لحال هوا أصلا تيحماق على شي واحد يمدحوا شاف في راصوا بفتخار وقال: شكرا حتى نتي جيتي زوينة
رحمة مدات صاشية كبيرة لالة فريدة وقالت: هادي شوية لحلوى حاطيها لضياف
فريدة كمشات حجبانها و حركات راصها بخجل طفيف :علاش معدبا راصك
رحمة ببتسامة:ما كين لا عداب ولا والوا، نتوما مالين لخير
فريدة بعدات ليهم وقالت:تفضلوا مرحبا بيكم
توبة حطات لهدية فوق طبلة محطوط فيها لهدايا لي كيجيبوا ناس ودخلات كتقلب على ختها حتى لمحتها واقفا كتحط في لكيسان ديال لعصير فوق طبلة... لابسا كسوة في لغوز بارد طويلة وكتافها طيحين جنب وشعرها مطلوق على ضهرها مع مكياج خفيف ،جات فنة كتبان بحال شي عروسة كتسنا في عريسها يجي ياخدها...
توبة وقفات مورا إسلام لي مداتهاش فيها مشغولة وقالت:تبارك الله عليك ملي شفت هاد ترتيبات ديال لحفلة عرفتك نتي لي قاديتيها ماعندي ما نتسالك موهبتك زوينة بحالك
إسلام حطات اخر كاس مبهوضة حنت جاها صوت ما غربيش عليها فور ما عرفتها ختها عينيها لمعوا بالفرحة لتفتات بسرعة معنقا ختها كارزا عليها:
_توحشتك بزاف أتوبة
توبة عينيها دمعوا بالفرحة:وأنا كتر أحبيبتي ختي صغيرة كبرات ولات مسؤولة تبارك الله
إسلام بعدات منها:فين هوا أمير
توبة غتلقاه تينقز فشي قنت راك عرفاه عزازين عليه لحافالات حركات راصها بتسأل:
_ أمدرا واش أركان مزال ما جا
إسلام تبسمات بخجل وبنبرة صوت حزينة نطقات: مزال اختي عندوا لخدمة وشركة لي في أمريكا مزال ما وقفات على رجليها
توبة:الله يعونوا مسكين خليه مزيان هاد شي غير على قبلك وعلى قبل مستقبل ولادك إنشاء الله يعيشوا مرتاحين دعي معاه ديما وتهلاي فيه ،"شدات من دراع ختها"أركان وخا تقلبي حتى تعياي ما عمرك ما غتلقاي بحالوا "شافت يدين إسلام لي حيدات ليهم لبنصمون ،شهقات بجهد"اش هاد شي إسلام
إسلام عضات فمها من لداخل وكمشات يديها: والوا غير حرقني لفران ملي كنت كنطيب
توبة بعصبية:إيوا بقاي ترضي بالك واصلا أش قربك لشي فران ولا زبل
دوروا راصهم على تسفيقات من طرف ضياف ونزول صاحبة عيد الميلاد من دروج "نرجس" لابسا كسوة في الوردي"غوز بارد" مع تاج ديال لورد فوق راصها وشعرها مطلوق على راحتوا، ومروى جنبها لابسا كسيوة قصيرة في الأزرق..فور مانزلوا الأعين ما تحيدوش عليهم وبلخصوص نرجس
تقدمات إمرأة في سن لخمسينات لعند لالة فريدة ...حاطا كمية كبيرة من دهب لابسا فستان طويل راقي وتمنوا باهض.... واقف حادها ولدها هاز كاس عصير وسيجار بين صباعوا مرتادي طقم رسمي كيبان صارم وملي هبطات نرجس ما حيد عليها لعين تيشوف فيها بنضرات شهوانية....
لالة عايدة ببتسامة:قريب ديري نسيب ألالة فريدة ،بنتك تبارك الله كبرات على أخر مرة شفتها
فريدة تبسمات جنب وبجدية نطقات :أيوا راها ليوم كملات 17 عام وغتبدا في18 ولا لقينا شي نسيب لي يكون قد مقامنا نزوجوها ليه علاش لا
لالة عايدة بعينين تيلمعوا:إيوا في صراحة ما كرهتهاش لولدي فهد اش بان ليك
فريدة شافت في فهد: في صراحة ولدك كبر من بنتي وليني لكلام لول والأخير لباها إنشاء غير تسالي لحفلة نهضر معاه في لموضوع
لالة عايدة رفعات حاجبها ما عاجبها حال وساطت بجهد من ديك كلمة ولدك كبير
ناس كلهم تقدموا بالواحد لواحد باركوا لنرجس عيد لميلاد من بعدها أمرها سي عدنان باش تقطع لكاطوا"لحلوة" وداك شي لي دارت نيت شعلوا شميعات وطفاواو ضوء وكل ضيوف منهم صديقاتها في لمدرسة بداو تيقولوا بفرحة
_سنة حلوة يا جميل ,Happy Birthday Beautiful
فور ما نتهاوا نفخات على شميعات وترما فوق منها لورد من لفوق شعل ضوء وقطعات لكاطوا ضاقت منوا وقطعات لباها طرف هوا لول خداتوا ليه وهوا عنقها مفتاخر بيها
سي عدنان بفرحة:الله يرضي عليك أبنتي "رفع حاجبوا بتسأل" فرحانة؟
نرجس عنقاتوا:كتر ما تصور أبابا شكرا بزاف كنبغيك
سي عدنان بادلها لعناق بسعادة: داك شي لي بغيت
كين لي حسدها من لعلاقة لقوية لي بينها وبين باها ولحسد خيب والعين حق..
الحاجة خديجة ببتسامة مزينة ملامحها قالت بصوت هادئ بحال شي واحد غريب: عيد ميلاد سعيد
نرجس كمداتها في قلبها بلعات ريقها بغصة خانقاها نطقات:
_شكرا أجدة
في زاوية إسلام مجلسا أمير فوق كرسي وجالسا كتوكل فيه من لكيك:كيف جاك الغزال ديالي
امير لقلوبة تيخرجوا من عينيه : امم لديد بزاف وكليني اخالتي بغيت بزاف
وقفا في جنب حسداهم على فرحتهم وأصلا هيا ما كتبغي تشوف حد فرحان من غير راصها مسدات بيدها على عنقها ودارت إشارة لديدجي هوا غير شافها حرك راصوا بإجاب وهز لميكروا بيدوا تم قال:
_سيداتي سادتي عيروني نتباهكم إلى سمحتوا"شاف كلشي دار لعندوا" دابا غادين نعرضوا شريط صور لالة نرجس من طفولة مع عائلتها كاملا باش نسترجعوا ذكريات جميع
ضهرات الفرحة على وجوه الجميع وتسفيقات لحارة من طرف لكل ونرجس غطير بالفرحة
فور مابداو كيتعرضوا صور طفولتها هيا وخوتها .... خوها يوسف قرب حدها فرحان بدا تيفكرها في دكريات لماضية وكل صورة تيعلقوا عليها فرحانين...
نجلاء بتسمات بشر وقالت داخلها بعدما أومئت براصها لديدجي:ودابا غنشوفواك واش غتبقاي فرحانة ألالة نرجس راضي ههههه
راسمة إبتسامة كبيرة على محياها وعينيها كيلمعوا بالفرحة بحال حبات لؤلئ فور ما ضهرات أول صورة ليها عريانة في شاشة ختافات بتسامتها والأرض مشات وجات بيها ما كرهاتش تشق ودخل وسط منها ولا هاد لفضيحة ...
الأنضار كلهم داروا عندها مصدومين...
وعم صمت للحضات طويلة كيحاولوا يستوعبوا داك شي لي كيشوفوا
الحاجة خديجة ملقات في تخبي وجها غواتات بحر جهدها:وقف هاد شي دغيااااا
الحضور كلهم ولاوا تيهضروا عليهم بالعطال وخاصك غير ديرها زوينة وما تسلمش من كلام ناس الجارح...
لالة عايدة تبسمات جنب بسخرية ، وقربات من فريدة بدات كتصفق وتهضر بستفزاز: ياك ألالة فريدة قلتي ولدي كبير على بنتك وحتى تشوفي مع باها عاد تقبلوا بينا هههه ايوا ألالة حنا لي ماقابلينش او ما رادينش ببنتك بينا من داك نوع لي كيبيع تصاوروا لسواعدة مقابل لفلوس
مروى شافت في إسلام ما متيقاش....داك شي لي تعبوا وهوما كيخبيوا فيه تفضح في تانية ،قربات من عايدة مقاطعاها:اش هاد لهضرة حتارمي راصك
عايدة ما سكتاتش بقات مكملة كلامها : غير هوا لي تارني أنكم لباس عليكم علاش نرجس غدير هاد شي ولا غتكونوا جيعانين داك شي علاااش "شافت في ولدها"فهد يالله نخرجوا من هنا
إسلام طاحت دمعة جنب عينيها مسحتها بالخف وقالت :ما تبقيش تهضري من راصك أخالتي هاد تصاور مفبركة ماشي حقيقة وأنا كنتيق في نرجس مستحيل دير هاد شي
لحاج دور وجهوا من تلفاز بلا حولة ولاقوة الى بالله..حط يدوا على قلبوا ولا كيتنفس غير بزز من لهضرة لي سمع..مالقا فين يخبي وجهوا من لفضيحة..
سي عدنان وجهوا ولا حمر بلا قياس بقات هضرة عايدة وتصاور بنتوا كيضهروا قدام عينيه ما رداش هز يدوا حتى لفوق ونزل على بنتوا بطرشة لحنك داز فمها بدم من جناب دموعها بداوو تينزلوا شلال..
فريدة بغصة خانقاها قالت:سالات الحفلة هادي مشكلة عائلة وغنحلوها بيناتنا،الله يخليكم سمحوا لينا يمكن ليكم تفضلوا
لالة رحمة حطات إيدها على فمها وساطت بجهد عاد هضرات: نرجس بنت مربية وانا كنشهد عليها أنها مستحيل دير شي حاجة خيبا باين بلي شي واحد باغي يشوه سمعة ديالها
توبة درات كتشوف في ناس وكتاكد ليهم: اه بزاف ديال لبنات كيشوهوا ليهم سمعتهم بتصاور حنا كاملين مع نرجس وهاد شي عادي ميوقع غدا ولا بعدوا تقدر توقع ليا ولا "شارت للحضور" ولا ليك نتي ولا نتي مثلاا هاد شي ديما كيوقع وهاد لي دار هاد لفعلة خاصوا يتعاقب
نجلاء عينيها وساعوا من صدمة زيرات على يديها ما متيقلش كتشوف في الناس لي بداو كيأيدوا في كلام توبة كلشي حركوا راصهم متافقين مع توبة
تكلمات بنت كتقرا مع نرجس: بصح اختي عندك لحق لعام لي فات وقع لواحد لبنت هاكدا نيت وشوهوها في لمدرسة حنا مع نرجس وهادا لي دار هاد شي خاصوا يتعاقب
يوسف عروق يديه برزوا تلاح على ديدجي شدوا من كول قاميجتوا ونزل عليه بي لكمة قوية لوجه..من تحت سنانوا نطق ساعر:
_شكون لي مسيفطك هضر شكوون أولد ل***
ديدجي ولا كيترعد شاف في نجلاء وهيا دوز بي إبهامها على عنقها" بمعنى الى هضرتي وجبدتيني على فمك ندبحك" خاف وسكت
يوسف لعرق ولا نازل بارد مع داتوا حيد تجاكيطتوا لاحها في الأرض ونزل على ديدجي لاحوا في الأرض وبدا عليه بضرب لوجه حتى خمجوا ليه كلوا:
_ما باغيش تهضر ياك ما باغيش دوييي الحيواان هضاااااار ولا غنصفيها ليك ليوووم
إسلام ومروى تلاحوا على يوسف شدواه من دراعوا :لا عفااك ايوسف غتقتلوا لاااا
إسلام جرت يوسف: غير خليه أنعيط دابا لبوليس هما لي غيتفاهموا معاه
ديدجي فور ما سمع لبوليس خاف كتر من لقياس بدمووع قال: لا أسيدي لااا عفاك غتخرج ليا على خدمتي إلى مشيت لحبس أو ولادي غيتشردوا هاكا ما كينش لي كيصرف عليهم من غيري
نجلاء سمعات كلاموا ولا قلبها يضرب بجهد من لخلعة ..كدعي داخلها ..باقا ليها شويا وطلقها في سروالها
يوسف وقف شاد منوا قاجوا حلف لا طلقوا:
_ قوول شكون قوووول هضاااااار از،*****
ديدجي مسح دم من فموا لي ما حبسش وشار بصبعوا لنجلاء وبشفايف كيترعدوا قال: مراتك أسيدي هيا لي صيفطات ليا تصاور باش نعرضهم في لحفل
الأنضار كلهم توجهوا لنجلاء لي بحلا تكب عليها سطل ديال لماء طايب بدات كتعرق في حويجها وعينيها كيدوروا في كل جوايه، كيف الحاصل
يوسف ما تيقش او بالأحرى قلبوا لي متقبلش أن مرتوا تشوه ليه ختوا، هز يدوا حتى لفوق وجمعها بلكمة مع ديدجي وغوت بحر جهدوا:
_علااش كتكدب هضااار علاااااش
ديدجي كيترعد وسط يدوا:كنقسم ليك برب الكعبة حتى هيا لي سيفطات ليا تصاور وإلى ما تيقتينيش هانتا" جبد تيليفونوا شعلوا وعطاه ليوسف"هاهيا خود تأكد بنفسك هادا لمساجات لي دازوا بيناتنا كلهم
*الرسائل*
ديدجي:ولكن علاش غنشوه لبنت مسكينة في نهار عيد ميلادها
نجلاء:نتا ما سوقش دير ليك قلت ليك عليه وعرض هاد صور في لحفلة بغيتها تشوووه بغيت عائلة راضي ما يهزوش راصهم وسط ناس بغيتهم يدلواا
مروى شافت لقاضية كحالت بسرعة بدات كطلب سماحة من لمعروضين وتخرجهم...
بقات غير عائلة إسلام خلاتها ،ومشات لعند أمير طلعاتوا لجناح إسلام لفوق ، وهيا حشمات او وجها مالقات فين تخبيه بعملة ختها
يوسف تسمر في بلاصتوا ،راصوا تنفخ عليه جن جنونووو قشر فموا من لداخل تيفكر ،بقا كيشوف في نجلاء شوفات ديال لقتيلة وسدروا ولا يطلع ونزل بالعصاب قبل ما يقرب منها نطقات ختوا موقفاه زادت عليه بصدمة اخرى
نرجس نزلات راصها الأرض بخجل وبصوت ضعيف نطقات خلات لكل يحطوا يديهم على فمهم ما متيقينش:
_ نجلاء هيا لي قالت ليا نصيفط تصاوري لمراد أنا كنت كنتشاور معاها في أي حاجة درت قالت ليا بلي عادي داك شي البنات كلهم كيرسلوا تصاورهم لولاد
لحاج راضي تصدم خدا كاس ديال لماء بيدين كيترعدوا مداتوا ليه فريدة شرب منوا و سي عدنان ما تسرطاتش ليه حيد نضراتوا وجلس فوق كرسي بصوت ضعيف محروق نطق موجه صبعوا لنفسوا :
_هادا هوا جزائي أ نرجس ياك،"غوت بجهد " هوا هادا عمرك طلبتي شي حاجة وما جبتهاش ليك.... ياك لحاجة لمخيرة ديالك،مخليك عايشة حرة كديري لي بغيتي قلت مع راصي هادي بنتي وتربية يدي "غوت بحر جهدوا وكشاكشوا خارجين" هاد شي لي كنستاهل منك ياااك هاد شي لي كنستاهل تطعنيني في ضهري وتخلي لي يسوا ولي ما يسواش يهضر فينا "بالفقصة وقف ساخط" كون سديت عليك كيف كيديروا رجال و دخلت بساروت وخرجت بيه وحيدت ليك تيليفون ما غنوصلوش لهاد شي ليوم " بدا يضرب في سدروا بقوة" كلشييييي مني أنا سبااااااب أنااااااا
نرجس طاحت على ركابيها شادا في رجلين باها كتبكي وكلاموا هرسها بلا قياس، كرهات راصها حنت تبعات طريق لحب لي اول مرة تشوفوا ونسات باها لي طول عمرها خدم عليها حتى كبرها..خلات أعضم حب في لكون وتبعاات حب زائف...تمنات تموت في هاديك لحضة لي فكرت تصورا فيها بدات كطلب سماحة وودموعها شلال كتشهق بجهد:
_سمح ليا أبابا عفاك سمح ليا،نجلاء لي كلات ليا عقلي بالهضرة و قالت ليا هاد شي عادي لبنات كلهم كيديروا هاد شي هئ هئ هئ أنا كنت كنتشاور معها في أي حاجة درتها أبابا
الكل شافوا في نجلاء بكره ،سي عدنان بالغديد وشمتة لي حس بيها تحنى لعند بنتوا عطاها بطرشة لوجه وشدها من شعرها كارز عليها وكلامها خلا الغضب يعمي ليه لعينين مابقا كيشوف حتى حاجة قداموا من غير لكرامة ديالوا لي تهانت ، سحق سنانوا بغيض ومن تحت سنانوا نطق ساعر :
_ولا قالت ليك لوحي راصك في لواد غتلاحي نتي المسؤولة الوحيدة على هاد شي أ نرجس نتي لي مشيتي تصاحبي مع شمكار وتصورتي "بالفقصة ضحك" داك شي لي كان ناقصك ياك" سكت لحضة تيشوف في بنتوا لي كتبكي وتنخصص "حك لحيتوا من لتحت كيفكر ،زفر بجهد كأنه خدا قرار نهائي ما فيهش رجعة "أول واحد يجي يدق باب رياض طالب يدك غنزوجك بيه ..بقاو ليك غير الإمتحانات يوسف غيديك بيديه لمدرسة دوزيهم و تجي تجلسي في داركم
دفعاها حتى طاحت على وجها و في ديك لحضة وهيا كتبكي وتوسل جات صورتها قداموا وهيا طفلة يما كان كيلعب معها وتلصق ليه في رجليه باش يهزها الأنها بنتوا الوحيدة كان مدللها بلا قياس
نرجس تصدمات من ردة فعلوا وقفات وقربات منوا ودموعها نازلين من عينيها شلال بشهقة قالت :بابا لا عفاك ما بغيتش نتزوج لا أنا باغا نكمل قرايتي عفااااك لااااا
سي عدنان شاف فيها نضرات مضلمين ما كيحملوا حتى شفقة من جيهاتها :راجلك لي غيقرر واش غتكملي قرايتك او لا لا
فريدة بغصة خانقاها:لبنت مزال صغيرة على زواج اسي عدنان
سي عدنان خنزر فيها وقال" لي عندوا قلتوا" وجه كاموا ليوسف: مراتك لقا معها شي حل ما بغيتش ندخل في هاد شي "دار لعند نرجس"شنوا سميت داك لكلب خاصني نمشي نتفاهم معاه ،هضري
نرجس قفزات بشفايف كيترعدوا نطقات:
_ مراد أباباااا
إسلام حطات عينيها في الأرض وقالت بصوت باكي :صافي أعمي راه مشا لحبس غير تهنى تفيكينا منوا،عمر دخل
سي عدنان شاف في إسلام بغضب هيا و فريدة والحاجة لي ضهر ليه من وجوهم انهم عارفين ضحك بفقصة الأنه اخر واحد يعلم بلا ما يكلهم طلع لبيتوا سد عليه مكشكش..
الحاج راضي طاحت دمعة من عينوا مسحها بزربة وقال بصوت ضعيف:طول حياتي ما عمر شي واحد ما نعت فينا الى بالخير، عائلتنا عائلة محافضة وكنت كنتمنى انها تبقى هكا حتى نموت،كنت مفتاخر عندي حفيدة واليوم كرهتيني في لبنات هاد شي لي درتي ما عمري ما غنسمح ليك عليه
وقف محطم تمشى ناحية غرفة صلاة بكتاف طيحين وعكازوا بين يدوا قربات منوا إسلام تشد منوا هز يدوا موقفها بمعنى خليني بحدي...
الخادمة شعيبية لقاتها فرصة باش تقول لحقيقة هزات يدها ونطقات وهيا حانية راص :سي يوسف نهار لي تحرقات فيه مرت خوك من يديها نفسوا داك نهار سيفطاتني نجلاء لدار قالت ليا الى سولوك قولي ولدك مريض وهداتني الى ما مشيتش غتطردني من لخدمة
توبة ولالة رحمة شافوا في إسلام بعدم فهم وحطوا يديهم على فمهم مصدومين
يوسف بلع ريقوا بصعوبة حتى تفاحات أدم تحركات في حلقوا حس بالعرق نازل ما داتوا ما عمروا ما توقع ان مراتوا غتحط ليه ختوا في بحال هاد لموقف وتشوهم قدام ناس، تمشا ناحيتها بخطوات بطيئة وقف قدامها سحق سنانوا بغيض وبتسأل نطق:
_علااااش علااااش أنجلاء قصرنا معاك فشي حاجة
نجلاء نزلوا دموعها على طول خدها بدات كترعد :
_ما تيقش فيه أيوسف هوا غير كيكدب عليك متيقش فيه هداك غير كداب كلهم كيكدبوا عليا انا ما درت والوا
يوسف هز يدوا حتى لفوق وجمعها معها بطرشة عوجات ليها لحنك :
_باركا من لكدوووب الق**** باركااااا
نجلاء عينيها بسرعة ولاوا حمرين ما رداتش حطات إيدها على خدها وقالت:
_علاااش ضربتيني علااش ما عندكش لحق ترفع عليا يدك..وأصلا أنا ما درت والوا غير كضلموني
الحاجة خديجة هزات تكشيطتها من جناب وجات عند نجلاء هزات يديها حتى لفوق وعطاتها بطرشة لحنك لاخر:
_من أول ما حطيتي رجلك عروسة في هاد دار ما حملتك ما قبلتك كنت حاسا بيك لفعى مخبية في حويجك الله ياخد فيك الحق
نجلاء عرفات راصها تفضحات وما بقا عندها ما تخبي ،خنزرات في لحاجة وعينيها ولاوا حمرين بدات تضحك وتبكي وقالت:
_أنا ما كنحملكمش كتسمعي ما كنبغي حد حتى راصي مكنحملوش ههههه كيفاش بغيتوني نبغيكم نتوما هاه أنا ما كنحمل نشوف حتى واحد فرحان " هزات صبعها شارت بيه لنرجس" علااااش هيا باها يدير ليها حفل عيد ميلاد فرحان بيها وأنا بابا ما عمروا ما سول فيا علاااش هاه فهموني علاش نتوما عيشين بيخير، عائلة مثالية وحنا لااااا
فريدة دفلات على وجه نجلاء: محسادة وحقودة ما عمرك ما غاطفريه ،حمقة ومريضة نفسانية
نجلاء مسحات دفلة من وجها وبدات كضحك ما مسوقاش: اوو حماتي لمثالية نتي لي كتهضري هههههه
يوسف تلاح في نجلاء رماها في الأرض وبدا كينزل عليها بالكامات وورجليه كيعطيها لجناب وهيا كتغوت ربي لي خلقها..بقا كيضرب بيدوا ورجلوا وكلام ختوا هوا و شوهتها هيا لي كدور في راصوا ..نزل كيعطيها بالبونيات لعينين حتى زرقهم ليها وفمها بدا كيدوز بدم ..فريدة وإسلام شافوه غيقتلها وهوما يدفعوه مصدومين ...
فريدة خرجات عينيها في ولدها:اويلي واش باغي تقتلها شوف كيف ولات راها حاملة واش نسيتي
يوسف وجهوا حمار رجع نفس ونطق مغدد:سرهااا غير لموت خاصها تموت باش نتهناو من كمارتها ومخطاطتها... بركا كتلعب وتخطط مورا ضهري وأنا حمار تيق فيها
إسلام بدات تهدن في لوضع أما لحاجة ولباقين بغاوها فيها:ماشي هكا يوسف تفاهم معاها بالهضرة خاصكم تلقاو حل
يوسف شاف في نجلاء ساخط وشار لإسلام: حرقتي ليها يديها ومع دالك كدافع عليه شفتيهااا كيفااش ديرااا علاااش نتي متكونيش بحالهااا علااااش باغا تشوفي بنادم كيتعدب عاد ترتاحي الق*****
نجلاء شدات من كرشها باش تحمي نفسها وبقات كتبكي هيا بنفسها ما عرفاتش راصها كيفاش تفضحات
يوسف ساط بجهد دوز بيديه على وجهوا ونطق من تحت سنانوا : غتبقاي في هاد دار حتى تولدي مورها غناخد ولدي نديروا في سميتي وغنطلقك ما عمرك ما غتحلمي تشوفيه."رفع صبعوا" ومزال غنتفاهموا انتسناك غير حتى تولدي وغنعاقبك على فعلتك ...حمدي الله ولدك لي حماك هاد لمرة..
دور وجهوا عند مروى رمقها بنضرات كلهم غضب وقال:
_طلعي ختك لبيت سدي عليها ما بقيتش حامل نشوف وجهااا
مروى حركات راصها بإجاب ودموعها نازلين شدات من دراع ختها وقفاتها وطلعات هيا وياها لغرفة..نجلاء فور ما دخلات هزات يديها سرفقات ختها ما رادياش :
_نتي سبااااب نتي كون عونتيني في لول كنت غنوصل لداك شي لي بغييت نتي " شارت لبطنها" هاد لولد ما عمروا ما غيحلم بيه هادا هوا ورقتي رابحة كتسمعي ورقتي رابحة
مروى كتحاول تفك راصها:أنا ما درت ليك والوا طلقي مني افعالك الشيطانية لي خرجوا عليك
دخل عليهم يوسف شاف مروى بين يدين نجلاء فكها من وسط يديها وعطا طرشة أخرى لنجلاء بعدما صيفط مروى لتحت:
_كرهت نهار لي بغيت فيه واحدة بحالك
مسحات دم من جنب فمها وقالت: اصلا انا ما عمري ما بغيتك مروى لي كانت كتبغيك وانا خطفت من بين يديها على قبل لفلوس ولمكانة ديالك
يوسف تسمكوا ليه لودنين كل مرة كيسمع حقيقة جديدة ما بقاش مستحملها ...سدروا ولا يطلع وينزل بالعصاب زير على يديه متحكم في راصوا الاقصى حد ما بغاش يصدق قاتلها ..دفعها حتى طاحت في الأرض..
_من ليوم غتعيشي هنا حتى تولدي ما تحلميش تشوفي شمس
و هز لكنطاك ديال لوطوا ،خرج وسد لباب عليها...
خرج من غرفتوا مصدوم ومقهور ما رضاش قدام واليديه ان لبنت لي ختار وباغاها قلبوا تصغر بيه قدامهم وتشوه ليه ختوا قدام لي يسوا ولي ما يسواش..
توجه نيشان لسيارتوا ركب فيها وهيا تشوفوا مروى تبعاتوا تجري خلاها كتنادي عليه بإسموا ومشا ما تسوق ليها هيا خافت عليه ودخلات تجري هزات كونطاك ديال طموبيلتها وتبعاتوا....
بقا غادي سيق بجهالة مورك على لكسيرتوا وغادي وكيضرب في لفولون بجنوون دار حتى عيااا ودار دوميتور و توجه نيشان لبار "ديسكوا" أول مرة يحط رجلوا في بحال هاد لبلاصة بغا غير ينسا ويمسح كلشي من بالوا ...
فور ما دخل خدا قرعة ويسكي وجلس كيشوف فيها هوا ديما تيقول بلي شراب حرام عقل تيقول ليه شرب وعقل أخر تيقوليه لا بقا مدارب مع عقلوا وفور ما جات في بالوا نجلاء ولمصيبة لي دارت حل لقرعة ونزل عليها بدا يشرب فيها رغم انه مار ما حسش بمرارتوا قدما حاس بحرقة في قلبوا ...
مروى ركنات سيارتها في جنب ودخلات وقفات بعيدة كتشوف فيه وكتبكي بصمت بقا فيها بزاف ما عمرها ما توقعات أنها غتشوف يوسف في هاد لحالة،بقات مراقباه وهوا كيشرب ووجهوا حمر بلا قياس بقا وقت طويل حتى بداو ناس تيخرجوا هوا ما بقاش قادر يوقف حتى كيبغي يوقف ويرجع يجلس بدوخة وخا شرب بزاف إلى ان لبنية الجسمانية ديالوا قوية قدر يوقف بزز منوا وعينيه كيتسدوا ويحلهم ...لاح لفلوس على وجه ساقي ...وتما غادي بتتقال رجع دار هز قرعة بغا يشربها وهوا تكب ليه على حويجواا رمها في الأرض كاره ...
مروى غير شافتوا دايخ مشات تجري لعندوا دورات يدها على خصورا ودراعوا حطاتها فوق كتفوا وخرجاتوا غاديا مداربا معاه ...
يوسف عينيه كيسدوا وتيعود يحلهم:شوهات ليا ختي هيا ما كتبغينيش كانت غير كتكدب عليا شنوا دارت ليها نرجس ...
خالاتوا كيهضرب وجلساتوا في سيارتها دارت ليه سمطة وسدات طموبيلتوا وخدات لكونطاك معاها ركبات حداه وكسيرات بغات تمشي لرياض وهيا تفكر لمشاكل لي وقعاوا ليوم ،ولا العائلة شافوا يوسف بهاد لحالة غيزيدوا يمرضوا كتر ،فكرات حتى عيات ومن بعد مشات نيشان الأقرب أوطيل...
خدات غرفة و طلعات ليها يوسف بزز منها غاديا مكاليا مع لحيط حتى وصلاتوا وسدات لباب دخلاتوا كتنهج و جسموا ضخم كامل متقل عليهااا....ما حطاتوا فوق سرير حتى روحها كانت غتخرج...
حيدات ليه سباطوا وتقاشر وجلسات حداه فوق سرير بدات تحيد ليه قاميجتوا لي فزكات هوا بلا ما يحس عنقها بدا كيبكي بحال شي دري صغير ما عاقلش على راصوا ...
مروى بدات كدوز بيدها على ضهروا بحنان:
_شش كلشي غيرجع مزيان غير تهدن ...
يوسف حس بدفئ ديالها وحل عينيه غير بزز باغي ينسا كلشي هيا معنقاه كارزا عليه وكتبكي معاه عنكشوا شعرها بعدوا لجهة الأخرى و فور ما شاف عنقها لبيض لي تعرا قداموا بدا كيقبلها في عنقها...
مروى غير حسات بي شفايفوا فوق عنقها تبورشات وبدات كتبعد فيه مصدومة ما بغاتش تخون ختها :
_لا لا يوسف شنوا كدير يوسف وقف عفاك
يوسف زاد كرز عليها عقلوا غيب بدا تيقبل فيها كتر هبط ليها لكسوة من سماطي ودورها بدا تيقبل في عنقها وهيا كتبعد فيه وتقول :
_لا يوسف عفاك وقف هاد شي حرام لاااا
يوسف شدها من خصرها كارز عليها حطها فوق سرير وطلع فوقها،نزل على عنقها كيقبلها قبل متفرقة وهيا مداربة كدفع فيه وهوا عقلوا غايب نزل لشفيفها كيلتاهم فيهم بعنف ويديه كيتساراوا على داتها كلها...
لمساتوا على جسمها خلات دقات قلبها تسارع بشكل قوي وجسمها سخن بطريقة غريبة بقات كتسمع غير صوت تنفسوا في ودنيها وما عمر هاد الأحاسيس ما شعرات بيهم ...
يوسف بدا كيقبل فيها بجنون ويديها مداربين يطلعوا ليها في لكسوة..مروى بلعات ريقها ونطقات بعدم رضا:
_يوسف لاااا
يوسف قاطعها طلع لودنها عضها فيها بشوي حتى رجفات وسط يديه و بصوت مبحوح نطق:
_شششش ...
مروى الأنها كتبغيه ما قدراتش تقاوموا...ولا تفلتوا من بين يديها كانت فينما كتبغي تقرب منوا تيبعدها عليه باني حاجز بينوا وبينها وليوم بسباب شراب قرب منها وهوا عقلوا غيب مرفوع لعالم الشهوة...
غمضات عينيها ببطئ مستمتعة بلامساتوا على جسمها ترخات ليه دورات يديها على ضهروا جراتوا لعندها كتر بقات كتؤه وتخبط تحت منوا مستاجبة معاه...لي تغوص بي دالك في عالم الخطيئة ...
والأنها بين يدين راجل لي كتبغيه ستسلمات ليه ساخيا بشرافها..لي حافضت عليه من زمان ...
على إثر خيوط أشعة شمس لي تسلات من نافدة سينات في وجهوا حل عينيه بإزعاج ،حس براصوا عاطيه لحريق..شد منوا وجلس ضغط على راصوا بيديه كيحاول يهدئوا حط رجليه في الأرض غيوقف وهوا يلقا راصوا عريان كيف ولاداتوا موو تصدم وبدا يدور راصوا في لغرفة لي جاتوا غريبة على بيتوا تحنى هز حويجوا من الأرض لبسهم بزربة..وفور ما لقا كسوتها وملابسها داخلية مرمية في الأرض ،عينيه خرجوا بصدمة..
هز عينيه لسرير كتبان ليه ناعسا عريانة..
حط إيدوا على خصروا والأيد الاخر على راصوا كيحاول يفكر فشنوا وقع ليلة أمس..رجع جلس في بلاصتوا كيحقق في مروى لي ناعسا عيانة ما جايبا لدنيا خبار ..هز ليزار غيغطيها وهوا يلمح نقيطات ديول دم فوق لفراش،عينيه وسااعوا بصدمة ما صدقش أشنوا وقع ...زير على يديه ساخط مني بداو تيرجعوا ليه بعض لقاطات من ليلة أمس تفكر جسديهم وهوما ملتاحمين مع بعض كراه راصواا وندم أشد ندم ...حنت ضيعها في شرفها...
وقف قدام نافدة تالف ما عرف ما يدير
مروى حلات عينيها بشوي غير تفكرات ليلتهم لحميمة و شنوا وقع تبسمات فرحانة تميلات في بلاصتها بدات تشبر وهوا يضربها ضوء..عضات شفاه سفلية ديالها مكمشا حجبانها من الألم طفيف لي كتحس بيه تحتها...وقفات بزز منها هزات حويجها لبساتهم..وتمشات ناحية يوسف راسمة بتسامة كبيرة على محياها عنقاتوا من ضهروا ونطقات:
_يوسف صباح الخير
يوسف دفعها ساخط ما عاجبوا حال: اخر مرة تقربي جيهتي أمروى"شاف فيها مطول" خاصنا نهضروا
مروى بعينين تيبريوا بدموع:أنا كنسمع
يوسف حك لحيتوا من لتحت كيفكر :أنا غلطت لبارح ما كانش خاصي نقرب ليك ونتي بالنسبة ليا بحال نرجس كنعتابرك ختي
"مروى فور ما سمعاتوا قال بحال ختي بحال تكب عليها لماء بارد على داتها تكونسات"
يوسف شدها من دراعها معصب: أنا ما كنتش في لوعي ديالي ولكن نتي كنتي بوعيك فيقاااا علاااش ما وقفتينيش هضري علاااااش
مروى دموعها بداو تينزلوا شلال من عينيها:انا سلمتك راصي بأرادتي كنت معاك بخاطري عرفتي علاااش آسي يوسف راضي "بحرقة نطقات " حنت كنبغيك كتفهم هاد لكلمة شنوا معنيتها ولالا أنا كنت كنبغيك من نهار لول لي درت لمقابلة في شركة عندكم من اول ما شفتك وأنا كنبغيك ونجلاء خداتك مني أنا كنت كنتيق فيها وديتها معايا لحفل باش تعرف عليك وتشوفك واش لايق ليا ساعا هيت غتانمات لفرصة وخداتك ليا
يوسف بلفقصة نطق ساعر:أنا ماشي لعبة بين يدك نتي وختك كتسمعي وهاد شي لي وقع غنلقا ليه شي حل "حك لحيتوا من لتحت كيفكر زفر بجهد ونطق" ملي غنطلق نجلاء غنتزوج بيك مدة قصيرة ونطلقك على قبل شرف ديالك لي ضاع بسبابي
مروى مسحات دموعها وبلامح ممحية نطقات ببرود: غير شكرا آسي راضي ونتا ما مضطرش ضحي، عتابر حتى حاجة ما وقعات بيناتنا لبارح نساااا و بدا حياتك من جديد و سر ديال ليلة لبارح غيبقا هنا ، غيدفن في هاد لبيت ومريضنا ما عندوا باس
يوسف شدها من كتافها كارز عليها خرج عينيه تيشوف في عينيها لي عامرين بدموع من تحت سنانوا نطق:شنوا زعما بغيتي تبيني راصك مزيانة وأنا لي غالط ياك بغيتي ترضي لومة عليا تخلي ضميري يأنبني طواال حياتي ألالة مروى
مروى كمشات حجبانها بالم و هزات عينيها كتشوف فيه بشفايف كيرعدوا قالت : إلى سولتيني واش ندمت حنت نعست معاك غنقول ليك بفتخار لا ولا تكرر غنعود نفس لخطاء..عرفتي علاش اسي يوسف حنت كنبغيك مستحيل نبغي شي واحد من بعدك..عارفا داك شي لي وقع بيناتنا حرام وربي غيعاقبني عليه شي نهار وخا هكاك ما ندمتش"بتنهدة طويلة" غنتسنى غير تولد ختي ...ديك ساع خود ولدك.. وانا غناخد نجلاء معايا لفرانسا نديها عند شي طبيب نفساني باش تعالج... كيفما كان لحال كتبقى ختي..كنوعدك بلي ما عمرك ما غتبقا تشوف وجهي غير تولد ختي وغنغبروا بزوج غير تهنى
نترات يديها من وسط يدوا بعصبية وتحنات هزات لكنطاك ديال سيارتوا مداتوا ليه ...
مروى بغصة خانقاها:غتلقا لوطوا في نفس لمكان لي كنتي كتشرب فيه لبارح راه وصيت دراري ديال سيكريتي عليها.
تمشات قداموا حتى لباب وهوا بقا كيشوف فيها مصدوم، كره راصوا وكره داك لويل لي حطوا في فموا حتى وصلوا لهاد لحالة.. دارت لعندوا ونطقات ببتسامة على شفيفها:
_الله يعونك، غنكمل حياتي على ذكرياتنا لقليلة.
•بعد مرور تلاتة أيام•
واقفا في لكوزينة لابسا بيجامة بسروال في لغوز ومعكفا راصها بزيف حياتي، وجها حمر بسبب حرارة لمطبخ، شدا سكين بين يديها كتنقي في أخر بطاطة بقات ليها..غير سالتها جمعات لقشور رماتهم في زبل وستفات لبطاطس في طاجين لي ديرا فيه دجاج وزيتون ونقصات عليه لبوطة خلاتوا يطيب على نار مهيلة...وتوجهات نيشان للخبز لي عطات ريحتوا من داخل الفران...جبداتوا بسهولة حطاتوا في طبق ورمات باقي لخبزات داخل لفرن يطيبوا..نقات لبوطاجي ومسحاتوا..ديما معروف عليها حادكة و متولة ،شغلها خفيف...غير زهر لي ما عندهاش طاحت في راجل ما كيسواش كان ديما تيضربها ويعنفها قدام ولدوا وملي طلقات ما عمروا ما سول في فلدة كبيدوا ..
سمعات دقان في لباب مسحات يديها في زيف لي ملصقاه في طابلية شقااا من جناب وتوجهات لباب فتحاتوا راسمة إبتسامة على محياها كيف ديما...فور ما شافتوا قدامها واقف هاز سكادوا فوق كتافوا ملامحوا صرمة وجسدوا متصلب كأنه ماشي هوا نفسوا لي مشا تغير بزاف ...
توبة تلاحت في عنقوا كارزها عليه: توحشتك أخويا كيفاش حتى جيتي بهاد سرعة ونتا يالله باش بديتي لخدمة
عمر تبسم جنب مبعد منها، بصوت رجولي خشن نطق : خديت إدن عندي شي شغل مهم جيت نقديه هنا"دور راصوا في دار"ما كيناش الواليدة
توبة بعدات ليه يدخل وبقات كتشوف فيه كيفاش متغير:لقيتيها يالله خرجات تمشى بغات تحرق سكااار ومنها نيت قالت ليا غدوز تجيب أمير من لمدرسة
عمر حك لحيتوا من لتحت وقال: مزيان أنا غنمشي نطلع لبيتي نبدل عليا بينما جات وعيطي ليا باغي نهضر معاها في واحد لموضوع مهم
توبة دربات إيد على إيد :وخا ،كون غير علمتيني بلي غتجي نصوب طاجين باللحم عواض دجاج كيف كتبغيه
عمر تما غادي عاطيها بضهروا :ماشي مشكل لي كين ناكلوا
توبة كمشات حجبانها: خويا مالك بنتي ليا تبدلتي بزاف واقعا شي حاجة ولا ضومين ديال لخدمة لي بدالك
عمر شاف فيها بنضرات حادة، قرب منها: بغيتي نتعاير معاك كيف ديما باش تعرفيني بلي باقي كيف ما كنت غير لقيتيني عيان اما نتفاهم معاك أبنت أمي
توبة قلبات عينيها :بديتي عوتاني الله يستر غير لي بغا يهضر معاك "شافتوا غادي طالع في دروج ،صغرات عينيها بشك"آجي يكما جراو عليك من لخدمة ؟!
عمر دار لعندها ما عاجبوا حال :ما حنا على فالك حتى نكون مصبح على وجهك أموكة عاد يمكن ليهم يجريوا عليا
توبة خرجات عينيها مفقوصة: موكة بغيتها تشتف عليك تفوو ياخ زوت على بشار كيف داير غير لي بغا يهضر معاك
عمر بدا يضحك عليها وببرود نطق: كون كنتي كتفكري غير شويا المكلخة غنبان ليك ما جايب حتى شانطة يعني حويجي خليتيهم في دار
توبة عوجات فمها :لكلاخ تعلمتوا منك
عمر بجدية:عرفي اش كتخرجي من فمك "كمش حجبانوا"ما تنسايش أنني رجل قانون في أي وقت نقدر نحطك في لحبس
توبة رفعات حاجبها: واسير اوليدي تسحاب راصك غتخلعني"هزات يديها لفوق كتشالي بيهم"لحبس كيدخلوا ليه غير رجالاا
عمر بلا مبالاة:شميت شي حاجة كتحرق سيري قابلي طيابك حسن ليك
توبة غير شمات ريحت لخبز كيتحرق طارت لكوزينة كتلعن في حضها وتعير في خوها
عمر طلع لبيتوا حط سكادوا فوق سرير وجلس تيحل في سيور سبادرية ديالوا.. فور ما حلهم حيد تقاشر أو تمدد فوق سرير كيرتاح ..غير جات في بالوا خشا يديه تحت عنقوا بقا كيشوف في سقف و تيفكر مكمش حجبانوا...
"فلاش باك"
واقف بملامح ممحية تيلبس في حويجيوا عبارة عند بدالة شرطة زرقاء جاتوا مكروزة على داتوا مبينا عضلاتوا البارزة..رش من لبرفان ديالوا وفور ما سمع صوت لهاتف ديالوا كيرن هزوا وجاوب على لمكالمة
عمر:الواا صافا أ توبة
توبة جالسا كتحيد في سباط لي مشات بيه لحفل عيد ميلاد نرجس: لباس الحمد لله ياك العفريت وليتي كتخبي عليا
عمر طلع حاجب وهبط لاخر ونطق:شنوا خبيت عليك
توبة بتنهيدة طويلة ردات :مسألة نرجس عرفتي شنوا وقع في عيد ميلادها مسكينة
عمر عينيه وساعوا بصدمة، بعدم فهم قال:كيفاش عرفتوا ؟!! واش نرجس صافا
توبة بدات كتهضر وعمر ملامحوا كيتحولوا لصدمة وخوف بقا كيتردد في عقلوا غير"اول واحد غيدق لباب غيزوجها ليه باها"عقلواا حبس عند هاد لجملة لي خلات قلبوا يضرب بعنفوان داخل صدروا..زير على يديه ما عاجبوا حال
مشاا لخدمتوا مامركزش طواال هاد تلاتة أيام وهوا كيفكر خاف عليها لا سي عدنان يدير داك شي لي قال ويزوجها الاول واحد يدق لباب... وطيح فشي واحد يتكرفس عليها وهيا مزالة صغيرة..ما حس براصوا حتى طلب أسبوع كاعطلة من شاف ديالوا في لخدمة بعدما طلب من كريم عونوا حنت هوا ماشي بزاف باش لتاحق بخدمتوا..ما فاق من سهوتوا حتى شد طريق لجديدة...
"الحاضر"
وقف ما عاجبوا حال زفر بجهد وتوجه لحمام نيشان..ياخد دوش باش يفكر مزيان في لقرار لي خدا
واقف قدام ثانوية بسيارتوا السوداء حاط نضارات شمسية على عينيه وكيدور راصوا في كل جويه كيبحث على ختوا فور ما بانت ليها خارجة سخفانة كتلهت أو وجها حمر غيطرطق بسخونة ...دور لكونطاك ديال لوطوا شغلها...غير شافتوا تبسمات ليه وهوا تجاهلها من نهار حفل عيد ميلادها ولا باني حدود معها ما بقاش كيتعامل معاها كيف قبل ...
تنهدات من الأعماق ما عاجبها حال فتحات لباب وجلسات حداه بعدما قالت:
_سلام ...
يوسف بملامح ممحية نطق:ديري سمطا
نرجس تهرسات من معاملت خوها لباردة معاها وكأي راجل ملي غيعرف ختوا لعبات مورا ضهروا ما دارت عتبار ليه ما غيتقبلش لموضوع...قدات سمطة وشافت في خوها لتواني تشجعات وبغصة خانقاها نطقات:
_سمح ليا أخويا أنا فعلا غلطت وغلطي كبير
يوسف حك لحيتوا من لتحت وزفر بجهد مركز مع سوقان ما دهاش فيها :
_لغلط لي درتي نتي"سحق سنانو بغيض"دفعنا ثمنوا كاملين بسبابوا درت شي حويج ما خاصهمش يداروا ...
نرجس كمشات حجبانها وبعدم فهم ردات:ما فهمتكش أخويا وضح علاش كتهضر بغموض
يوسف شاف فيها مطول جات في بالو مروى دور راصوا معصب:نسااااي
نرجس زيرات على يديها ما حاملاش راصها :بغيت نطلبك عفاك ما تقول لخويا أركان والوا ...
يوسف ساط بجهد :ما غنقول والوا حنت ما بغيتش خويا يوقع ليه لي وقع ليا ملي عرفت "بتسأل"لمهم نتي كيف دوزتي لمتحان ؟
نرجس:الحمد لله كان كلشي مزيان وخا بعض الأسئلة كانوا صعاب حاولت نحلهم "شافت فيه راسمة بتسامة أمل على محياها" يوسف أنا ساليت لمتحان..فين غنمشيوا ندوزوا لعطلة هاد لعام ...
يوسف من تحت سنانها نطق :على ديك لفعلة لي درتي ما غنمشيوا فين غتبقاي في دار وراك سمعتي قرار الواليد ما فيهش رجعة..
°••جالسين وسط لمراح مجموعين على كاس ديال أتاي ولفاكية...
لالة رحمة مربعة رجليها محنكا بشال ما قادها فرحة حنت ولدها جا توحشاتوا بلا قياس، كمشات حجبانها وقالت:
_كون غير خليتي أبنتي خوك يعونك في لمصروف ...
توبة بتسمات جنب :خويا يالله خدم وغدا ولابعدوا غيبغي حتى هوا يتزوج ويدير وليدات، خاليه يهز غير راصوا ومرتوا أ ماما أنا قادا بشغالي غنصوب راندة لعيالات ونعجن لحلوة نعيشوا منهم ...
لالة رحمة كمشات حجبانها :وليني أبنتي نتي بوحدك صعيب عليك شغل خليني نعونك
توبة حطات إيديها على ركبة مها:
_ انا كنفيق قبل لفجر أمي و ..كيقدني لوقت غير رتاحي متشطنيش راصك أنا قادا نهز مسؤولية دار ونصرف على ولدي وعليك الله يخليك لينا
لالة رحمة بتنهدة طويلة :الله يجيب ليك شي ولد ناس لي يسترك وتعيشي معاه مرتاحة ...
توبة بحلا تحطت جمرة على قلبها، بغصة خانقاها نطقات :زواج امي كحال في عيني ما بقيتش حاملة نعود ولا نعيش نفس تجريبة ...
رحمة حركات راصها:الله يصوب ليك أبنتي راه ماشي كلشي بحال بحال هانتي غير راجل ختك تبارك الله راجل وسيد رجال ما مخلي ختك مخصوصة من والوا وحتى من خدمتها عونها فيها و شرا ليها صالة الأعراس قدها قد لخلااا تبارك الله ...
نزل لعندهم شعروا مخربق وعينيه منفوخين بنعاس لابس سروال توب ديال دار وتيشرت أزرق لاصق على صدروا..توجه لعند رحمة تحنى قبل يديها بزوج وعنقها...
عمر: توحشتك اوليدة لباس عليك كتاخدي دواك في وقتوا وهاد جنية مهلية فيك
توبة خنزرات فيه بغيض نطقات:بغيتها ضربك هاد جنية إنشاء الله
رحمة فرحانة ضحكات :
_مهلية فيا مسيكينة الله يحفضها"وجهات كلامها لتوبة"كبي كاس ديال أتاي لخوك أبنتي
عمر جلس حدها مفرق رجليه ومسرح دراعوا على طول لمخاد لي واقفين والإيد الأخرى فوق فخضوا...
رحمة بتسأل نطقات:قول ليا اولدي أش درتي في سكنا ؟
عمر ببتسامة جانبية نطق :لقيت واحد لبرطمة صغيرة بثمن مناسب كريتها "حك لحيتوا من لتحت وخدا كاس ديال اتاي رتاشف منوا، حتى كيحل فموا يبغي يهضر ويعود يسدوا ما مستعدش
لالة رحمة شافت فيه مطولا:قول اش عندك اولدي مني جلستي ونتا دور في عينيك في كل جويه راك ولدي وتربية يدي عجناك وعرفاك مزيان غير هضر
عمر بلع ريقوا حتى تفاحة أدم تحركات في حلقوا وبخجل طفيف نطق:دابا أنا خدمت وتقادت أموري في صراحة الواليدة بغيت نتزوج
لالة رحمة بالفرحة بدات تزغرت:لولو لو احسن ما درتي اولدي ولي هرب لزواج هرب لطاعة..اش بان ليك نعيط لختي كريمة وخا مخاصمة معها على ودك نتصالح معاها
عمر رفع حاجبوا وبعدم فهم نطق:علاااش
لالة رحمة كمشات حجبانها :كيفاش علاش ؟ ياك باغي تزوج إيوا نمشيوا نخطبوا ليك بنتها أحلام
عمر حرك راصوا بنفي وبصوت رجولي خشن نطق، بعدما نحنح بشوي:أنا عيني على واحد لبنت وعليها كنهضر
توبة رتشفات من كاس اتاي وقاطعاتوا كضحك بتسأل:شكون هاد تعيسة لحض
عمر شاف فيها مخنزر او وجه كلاموا لرحمة:
_ انا بغيتك تخطبي ليا نرجس الواليدة
رحمة و توبة شافوا في بعضياتهم مبهوضين
بصدمة توبة شتات أتاي كلوا من فمها خرجات عينيها فيه :واش نرجس خت سي أركان راجل ختك
عمر حرك راصوا بإجاب
لالة رحمة حطات يديها على فمها : واش كتهضر اولدي بصح بغيتي نرجس
عمر حرك راصوا:اه الواليدة بغيتك تخطبي ليا نرجس راه عيطت لخالي لمختار لبارح، راه شاد طريق ما بقا ليهم والوا ويوصل
لالة رحمة ما عجبها حال :اولدي ملي تافقتي مع خالك علاش جاي تسولني أنا وليت غير زايدة ناقصة عندكم
عمر وقف قبل راصها كيراضيها: لواه الواليدة نتي هيا كلشي الله يخليك لينا "كمش حجبانوا "وحتى دابا باقي لوقت الى ما كنتيش راضية على هاد زواج ما عندي ما ندير بيه
لالة رحمة دورات راصها: بلا ما دير ليا دوك لحراكات راك عارفني العفيريت علاه انا نبغي نخصر ليك الله يكمل عليكم بالخير "تنهدات من الأعماق " وخا هيا ما دارت فيها ما يصلاح
عمر تيلطف الجوو:ولبنت مزال صغيرة عادي تغلط
توبة دورات راصها:هاي هاي شوفي أماما كيفاش ولا كيدافع عليها "هزات تيليفونها"هادي خبار سخونة انعيط ل أمينة نقولها ليها دابا نيت
عمر حك ليحتوا من لتحت:خالي راه قالها لحاج راضي وتافق معاه ليوم غنمشيوا نهضروا معاهم
لالة رحمة ضربات إيد على إيد :اش هاد زربة كلها اولدي مزال ما وجدنا حتى حاجة ما شي معقول ندخلوا بيدينا خاوين عند ناس
عمر جمع لوقفة:حتى دابا مزال لحال سيري خرجي نتي وهاد طوبة جيبوا لي خاص وانا غنبقا مع أمير هنا حتى يجي خالي
توبة دوزات لخط حاطا تيلي على ودنها شافت في عمر مخنزرا : طوبة بغيتها تاكل ليك الودنين إنشاء الله
أمينة قبلات لخط في ديك لحضة:اختي الله يحفضني منها ما أنا على فالك علاش سيرا دعي عليا بانت ليك غير طوبة في لبلان يااع
توبة بحرج :ماشي عليك أمينة راه كنت كندعي على عمر جنني ديما كيتقصد يفقصني لباس عليك اش كتعودي مع لحمل
أمينة بتنهدة طويلة:لباس اختي ها حنا جارين ،نتي معصبك عمر وأنا كريم غيخرج ليا مرارتي ما بغاش يخليني نمشي لحمام قال ليا تبقاي تعومي في دار حتى تولدي
توبة تقادات في لجلسة :وعلاااش مالوا تسطا
أمينة :وهوا في صراحة حبسني حنت هرست طيابة أنا ما جبدتهاش،
توبة حطات إيديها على فمها وقالت:اويلي المسخوطة أش دارت ليك لمرا
أمينة ببرائة نطقات: والله ما كنت ناوية نضارب ديك نهار هيا لي جبداتني مني قلت ليها حكي ليا ضهري بدات كتمرضن عليا ودير ليا الأعدار وملي جات تحك ليا فقصاتني بدات تحرك يديها بشوي وتحتت باحلا سيرا كدير ليا في صابون وانا نتلاح فيها ما شعرتش حتى سمعت طرق ديال تهريسة عاد جمعت حويجي وزدت خلفة مع طريق
توبة تفرشخات بضحك:ايوا بسيف يحبسك اختي ونتي شوية ما تصفيها لمرا هادي غير حاملة هههه
أمينة سحقات سنانها بغيض: انا كنعود ليك باش توقفي في صفي ماشي ضحكي عليا
توبة :لمهم ماشي هادا هوا موضوعنا عرفتي علاش عيطت ليك
أمينة كمشات حجبانها بتسأل: علااش واش يوسف جرا على ديك لفعى
توبة: لا راه عودت ليك قال ليها غير تولدي ناخد ولدي ونطلقك..عرفتي شنوا طلع عمر كيحب..وبغانا نخطبوا ليه
أمينة:هاي هاي لخوادري كبر و باغا يتزوج شكون هاد لبنت ؟
توبة ببتسامة:نرجس
أمينة بحماس: اوواه لعار لما دوزيه ليا
توبة وقفات بزربة خدات تيلي لعمر: هاك أمينة بغات تهضر معاك
عمر خدا من عندها لهاتف حطوا على ودنوا:
_ لخوادرية صافا؟
أمينة بعينين تيلمعوا: قول ليا هيا قرارتي دخل حتى نتا لقفص الدهبي غير هوا بقات فيا غير ديك شنيولة لي خليتي على قبل نرجس
عمر تفكر نهار باستوا نرجس وملي رجع لدار شافوا لعكر في خدوا وقال ليهم شنيولة نحنح بشوي، و رد الخجل:
_ هاد شي علاش بغيتيني؟
أمينة: لا راه بغيت نبارك ليك اه انا غنجمع حويجي دابا وغدا في صباح بكري نشد طريق ياخويا توحشت لعرسات وشطيح والله ما نفلت شي حاجة
عمر ببتسامة:مرحبا بيك
أمينة بعينين تيلمعوا :وخا مترحبش بيا انا جايا عطي تيليفون لتوبة
عمر مد تيلي لختوا:هاكي كملي معاها لهضرة ما كتقاداوش
توبة خنزرات فيه وخدات تيلي حطاتوا على ودنها :وي أمونة
أمينة بتسأل نطقات :يمتا لخطبة
توبة تبسمات:أختي سيد مزرب ليوم بليل غنمشيوا نهضروا مع ناس
أمينة:غدا غنكون عندكم توحشتكم بزاف وتوحشت إسلام ومدينتي لحبيبة جديدة
يتبع...
التعليقات
لا توجد تعليقات بعد، كن أول من يعلق.