زواج مبارك الجزء 17

واقفا تحت رشاشة والماء نازل مع ذاتها شعرها طويل فايت خصرها ولحمها كلوا فيه أتار ضرب لي ما قدراتش تخلص منهم لي يومنا هادا،طلقات او بقات لبصمة ديال راجلها الشماتة عالقا في كل إنش من جسدها ...

حطات شامبوا في شعرها وغسلاتوا مزيان تم دوزات بصابون على لحمها وتشلات دورات على داتها فوطة وتقابلات مع لمراية لي ضبات بدخان ...

مسحتها بإيدها وبقات واقفا كتشوف في نعكاس صورتها، كتشوف في حياتها لي ضاعت بسباب راجل ما كيستاهلهاش بغاتوا من قلبها وحترماتوا كانت كدير أي حاجة باش ترضيه وفي الأخير طلع شماتة تخلى عليها هيا ولدها مشا بلا ما يلتافت موراه مخليها منها لنضرة لمجتمع لي ما كيرحمش، كيشوفوا لمطلقة كأنها ديرا جريمة وخاصها تعاقب عليها ،كتولي عبارة عن وصمة عار خاصهم غير يهينوا كرامتها وينقصوا منها ويجرحوها في أي فرصة جاتهم غير مهتمين بمشاعرها ...

كتبقا مسكينة عرضة لجميع دئاب البشرية في شاريع و لي كلمة إنسان بزاف عليهم ما يوصلوهاش ...

بملامح ممحية مسحات على شعرها وغير جا في بالها كلام يوسف بلا ما تحس ترسمات بتسامة جميلة على شفايفها ...

هوا خسر مراتوا لي كان كيبغي وفي أسوء يوم ليه ...

لي خاصوا يبقا يفكر غير بمشاكلوا ويهتم ببنتوا لي بقات يتيمة وسط دوك الأحزان ورياض لي كان عامر بناس حس بيها وبألمها لي كتحاول تخبيهم على لجميع وكتبقا تبان مبتاسمة وسعيدة باش ما تقلق حد كتكتم أحزانها داخل قلبها ...

عقل تيقول ليها عودي ليه مشاكلك باش ترتاحي هوا لوحيد لي حس بيك ربما حتى هوا عندوا شي حاجة مخبيها داك شي علاش فهمك وعقل اخر كيرفض بقات مضاربة وسط أفكارها وفي الأخير حسمات قررها ...

توبة زيرات على يديها وخدات شهيق وزفير تم تكلمات دخلها بتنهيدة: صافي نسا ما عندي ما غنعود ليه ومن الأحسن نخلي داك شي عندي نصلي جوج ركعات ونعود كلشي لربي ونرتاح ...

لبسات دوبياس في الأزرق ونشفات شعرها بفوطة وغطاتوا بزيف حياتي تم دورات عليها لفوطة وجمعات لحمام عاد خرجات بلا ما دير لحس توجهات لغرفتها خدات بيجامة دافية من بلاكار لبساتها...

وتخشات حدا ولدها جراتوا لعندها عنقاتوا وبقات كتخمم حتى داتها عينها ...

°•داخل رياض •°

•• دخلات لجناح ديالهم كتائب بنعاس توجهات لبلاكارها نيشان جبدات منوا بيناور بشوميز لتحاتني ديالوا لبساتهم ورشات من لبرفان ديالها تم جلسات في سريرها وحطات راصها على لكادر ديال ناموسية مغمضة عينيها ...

مع سمعات صوت باب لحمام كيتفتح حلات عينيها بشوي كيبان ليها جاي خارج لابس شورط او تيشرت في الأسود مكروزين على عضلاتوا او شعروا نازل على عينيه كيقطر بالماء ،شاد فوطة صغيرة كينشف بيها شعروا ...

أركان تبسم جنب وبصوت رجولي خشن قال: فين تعطلتي؟!!

إسلام حركات راصها بشوي وبهدوء نطقات: بقيت مع لحاج حتى عطيتوا دواه لا ينساه، بان ليا مقلق شويا طالع ليه دم ما ملفاش ليه يكون هاكا ...

أركان زفر بجهد، حك لحيتوا كيفكر ما عاجبوا حال،حط لفوطة على جنب وبتسأل نطق:بدلتي لبنصمون لرجليك ولا مزال ؟!!

إسلام شافتوا كيفاش معلي حواجبوا فيها بلعات ريقها وبتوتر نطقات :ءء نسيت صافي خليها حتى لصباح ...

أركان خنزر فيها وقال:ما فهمتش علاش ما كديهاش في راصك "خدا علبة الإسعافات الأولية من لمجر وتحنى لعند رجليها بدا كيداوي فيهم ...

إسلام حطات إيديها على فمها كتائب وبصوت أنثوي رقيق نطقات: عييت بزاف هاد نهار كان طويل ...

أركان فور ما كمل جمع كلشي وتخشا حداها تبسم ليها وقال بعدما طرطق عنقوا من لجهتين بسباب لعيا:وي حبيبة عندك لحق ...

إسلام جمعات لوقفة توجهات لفوق كوافوز خدات مرهم خاص بالمساج جابتوا ليه وقالت :حيد تيشرت خليني ندير ليك مساج..

أركان رفع حاجبوا:ياك قلتي عيانة سيري ترتاحي ...

إسلام تبسمات جنب:لا انا بيخير غير خليني ندير ليك مساج نهار كلوا ونتا تجري، وحيد تيشرت دغيا ...

أركان حيد تيشرات بقا عاري من لفوق قدامها وهيا غير شافت عضلاتوا ضخمين قدامها بلعات ريقها وجات من موراه جلسات على ركابيها وحطات شوية من لمرهم في يديها وبدات كدلك ليه في عنقوا وكتافوا بيديها ناعمين ...

أركان غمض عينيه بدا كيترخا عاجبوا لحال: الله يخليك ليا العمر يديك كيجيبوا راحة ...

إسلام كمشات حجبانها وبتسأل نطقات:أركان كتعرف شي واحد سميتوا سي داوود ؟!!

أركان غير سمع الإسم حل عينيه،زير على يديه وبعصبية نطق ساعر :علاش كتسولي ياكماااا جا هضر معاك ؟!!

إسلام دورات راصها لعندوا و قالت:لا ما كنعرفوش غير هوا ملي جيتوا من لمقبارة سمعت بابا عدنان والحاج كيهضروا عليه وكانوا معصبين ما فهمت والوا ...

أركان سحق سنانوا بغيض وبصوت حاد نطق: داوود هوا بات نجلاء الله يرحمها، ليوم جا لمقبارة على ود سمعة ديالوا باش ما يتشوهش قدام صحافة والإعلام لي كانوا تم، تخيلي حتى دمعة ما نزلات من عينوا بحلا ما شي بنتوا من لحموا ودموا ...

إسلام تنهدات بضيق وقالت:ايه طلع داك شي كلوا لي قالت ليا مروى عليه صحيح ،هوا شخص اناني كيبغي غير نفسوا ...

أركان كمش حجبانوا بإزعاج ، وبالفقصة ضحك :و زوينة هيا ملي جا لعندي بوجهوا حمر طلب مني باش نخليك ديري صفقة معاه، وتقولي ان جميع الأعراس لي نضمتي في "زواج مبارك" نجحوا بفضل اتاي ديالوا ...

إسلام بقات كترمش وبصدمة قالت:وليني حمق هادا ...

أركان حرك راصوا وبنبرة صوت غريبة نطق:لا ماشي حمق هاداك راه كيقلب على مصلاحتوا فينما كانت وعارف اش كيدير "ساط بجهد " كون ما كااانش في عمر لوليد نحفر ليه قبروااااا بيدي حدا بنتوا وليني خسارة ...

إسلام مسحات يديها بي بابي حداها وحطات راصها فوق سدروا لمنفوخ بقات كتسنط لدقات قلبوا وبتنهيدة قالت :دابا تجيه من عند ربي غير خليه، بحال هدوك تيطلقهم الله باش يشوف واش غيتوبوا وملي ما كيحشموش كيعاقبهم أشد عقاب ...

أركان تبسم جنب وقبلها في جبهتها:عندك لحق أحبيبة كلامك كلوا على صواب ...

إسلام حطات إيديها على عضلاتوا بدات كتحسس فيهم وببتسامة قالت:عارفا أحبيبي في خبارك بنت نجلاء طلبت من يوسف يسميها جنات ...

أركان بصوت رجولي مبحوح نطق:عارف راه كنت معاك فاش قلتيها ليه ...

إسلام بصوت طفولي:امم نسيت لبنيتة صغيورة بزااف وزوينة ماشاء الله ...

أركان جر ليها رجليها خشاهم وسط رجليه ودور درعوا على خصرها جرها لعندوا كتر تم نزل عينوا شاف فيها وبدا يقرب بعدما ستنشق ريحتها من الأعماق وبتأكيد قال:

_امم حتى نتي زوينة وبزاف ..

إسلام خشات راصها في سدروا حشمانة: تصبح على خير

أركان كمش حجبانوا بإزعاج:حتى بغيت أنا نبوسك عاد بانت ليك تصبح على خير ..

إسلام نفخات شفيفها وقالت : ياك كتسالني بوسة إيوا حتى لصباح وتاخدها دابا نعس ...

أركان بعينين معسلين قال:لا بغيتها دابا ..

إسلام بخجل ردات: أنا خفت غير لا من بوسة هنن تمشي لحاجة أخرى صافي نعس حتى لصباح أحبيبي انا عياناا دابا ...

أركان هز ليها إيدها جابها لفموا وقبلها في راحة إيديها من لداخل حتى تبورشات وببتسامة مزينة ملامحوا قال: هاهوا ناعس ...

إسلام علات راصها قبلاتوا في خدوا بخفة وبصوت هادئ نطقات: إيوا هاكا نبغيك أحبيبي ...

• بعد مرور شهر ونصف •

جالسة داخل لوطوا في لمقعد لخلفي وحداها جالسا توبة وأمير، سايق بيهم يوسف وحداه جالس عمر ...

كتشوف في طريق ولخضورة ديال سيدي ربي وشميسة لي طلعات مزينة سما لعالية ...

حلات زاج وغمضات عينيها بشوي مستمتعة بالجوو تبسمات من قلبها وهيا كتفكر في ...

#فلاش_باك

غير فاقت صباح لقات توبة موجدة ليها لحمام خدات دووش خفيف أو لبسات سروال جينز مع تيشرت سمطة قصير في الأسود او قميجة مخلطة بالكحل ولحمر مع سندالة طالون عالية في لغوز بارد ...

فطرات هيا وعمر بالمهل او فور ما سالاوا توجهوا نيشان لرياض ،نرجس خلات عمر كيهضر مع إسلام ودخلات كتجري لعند باها لي لقاتوا جالس في لمكتب ديال خوها كيرتاشف من قهوتوا صباحية ...

زيرات على يديها وبتردد نطقات:بابا بغيت نهضر معاك ...

سي عدنان حيد نضرات طبية من على عينيه او وقف خاشي يديه في جيبوا شاف فيها مطول وبصوتوا رجولي لغليض تكلم بحدة:

_ هضري أنا كنتسمع ...

نرجس نزلات راصها الأرض بخجل أو قربات منوا، وقفات قداموا بلعات ريقها وبتوتر نطقات بنبرة صوت حزينة: بابا عفاك سمح ليا على داك شي لي درت أنا غلطت وكنعتارف أنا ندمت حنت تصورت او ...

سي عدنان قاطعها معلي حواجبوا بجوج قال: سدي عليا لموضوع ...

نرجس تحجرات ليها دمعة جنب عينيها وبتوسل قالت: علاش ابابا بغيتيني نسدوا ؟!! أنا بغيتك غير تسمح ليا عفاك ...

سي عدنان طلق خوباشتوا وببتسامة جانبية نطق :حنت انا سمحت ليك شحال هادي أبنتي علاه أنا شحال عندي من نرجس وزيدن ما نقدرش نبقا صابر وما نهضرش معاك ...

نرجس بالفرحة ترمات في حضنوا عنقاتوا بيديها بزوج كارزا عليه ملي قطع معاها لكلام كانت حاسا براصها مخنوقة بلا ماتكلم معاه وهيا اكتر وحدة قريبة ليه حنت هيا صغيرة والمدللة في خوتها ...

سي عدنان بدلها لعناق بشوق وحنان وبحزن قال :داك شي لي وقع لنجلاء الله يرحمها علمني درس وبالنسبة لناس لي كنبغيوهم ما خصناش نطولوا معاهم لخصام حنت من هنا لغدا ولا بعدوا نقدروا ما نلقوهمش حدانا وديك ساع ما عند ندم ما ينفع أبنتي ...

نرجس هزات راصها فيه وبفرحة قالت:ياه ما تخيلش شحال توحشت نسمع من فمك كلمة بنتي "بغصة خانقاها "توحشتك بزاف أبابا

سي عدنان :حتى أنا أبنتي "رفع حاجبوا " عمر مهلي فيك ؟!! ولا لا ؟!! إلى كنتي ما مرتحاش معاه قوليها ليا أنرجس ...

نرجس شافت فيه مطولا و حركات راصها بنفي :عمر مهلي فيا أو بزاف ...

سي عدنان برضا نطق محرك راصوا: داك شي لي بغيت مزيان أبنتي الله يرضي عليكم ويكمل بالخير ...

نرجس بعينين تيلمعوا قالت :غنبقا معاكم هاد الاسبوع كامل حتى يرجع عمر لخدموا وانا لقراية ونمشي لرباط كنتمنى ياربي يقبلوا لعمر نتقال ديالوا لجديدة باش نبقا ديما نشوفك ...

سي عدنان نحنح بشوي وبفتخار نطق :إن شاء الله يقبلوه هنا عمر تبارك الله شاب متبت ورزين وعزيزة عليه خدمتوا وداخل سوق راصوا ما عمرك ما تخلاي عليه حنت لولاد بحالوا ليوم ما بقايتيش تليقهم أبنتي ...

#الحاضر ...

خرجات إيدها من شرجم ديال لوطوا وببتسامة خاطبت خوها:

_يوسف شحال باقي ديال لوقت او نوصلوا لمزراعة خالي لمختار ...

يوسف شاف فيها من لمراية لي قداموا وقال: ربوع ساعة ونكونوا تما، علاش كتسولي ؟!!

نرجس تنهدات براحة :وغير بغيت نسول اش فيها مابقا حد يسول زعما ...

عمر رفع حاجبوا ونطق بحدة:حتارمي خوك اديك شنيولة ...

يوسف تفرشخ بضحك على شكل وجه نرجس لي تسحق منوا دم مارداتش قدامهم يعيط ليها شنيولة ،حبس ضحكة غير بزز وقال :ولهيلا نتا لي كتعبر عليها جبتيها لاصقا شنيولة إسم على مسمى هههههه ...

توبة ساطت بجهد وبعصبية نطقات:ولاه، لا بقات فيك أ عمر حتى نقولها لماما مالكم شتكم باغين تحاماو على مرت خويا ما حشمتوش تقولوا ليها شنيولة وهيا مسيكينة ديرا بحال نحلة هههههه

أمير هز راصوا فيهم وبصوت طفولي قال :لا أماما خالتي نرجس ماشي نحلة هيا كتشبه لدُبابة هههههه

نرجس نفخات شفيفها بحال شي بنت صغيرة وحنات راصها ما ردياش :هنن حشومة عليكم

عمر شافها من لمراية كمش حجبانوا : باركا من ضحك و بعدوا ليا من مراتي "وجه كلاموا ليوسف" نسيبي جمع راصك شوية ...

يوسف تبسم بخفة : وصاحبي كون كان عندي شي شعر كون جمعتوا ما غنتسناكش تقولها ليا ههههه

توبة دورات راصها:هاي هاي شكون بحالك اختي هاهوا راجلك ولا كيجي عليك ايوا بصحتك ...

نرجس شافت في عمر في لمراية ودورات راصها لزاجة بخجل طفيف ...

توبة هزات تيليفونها دخلات لرقم إسلام دوزات الخط وحطات تيلي على ودنها وقالت ليهم :إسلام وأركان صبقونا غنشوفهم واش وصلوا ولا مزال ...

فور ما تقبل لخط قالت:

_ألوا حبيبتي لباس عليك، أمدرا فين وصلتوا؟

إسلام بصوت أنثوي رقيق ردات: مزال اختي راه جنات وسخات حويجها صدقنا واقفين في جنب طريق عاد بدلت ليها ليكوش ودابا شادين طريق، لحاج وباقي لعائلة معاكم ؟

توبة ببتسامة جانبية قالت : ملي خرجنا حنا خليناهم عاد غيلحقوا علينا في طموبيلات لي باقين ...

إسلام :وخا الله يجيبهم على خير نتلاقاو في لمزراعة عند خالي بسلامة ...

وقفات سيارة من أحدث لماركات لعالمية ولي من تصميم أركان راضي أمام مزرعة سي لمختار ...

نزلات منها إسلام بزربة ،فتحات لباب لخلفي وحلات لحزام لكرسي صغير ديال طفلة غطاتها مزيان وهزاتها بين يديها تم حركات راصها وقالت :

_انا غندخل ما بقيتش قادرا نزيد نصبر خاصني ندخل لحمام دغيا ...

أركان ببتسامة مزينة ملامحوا رد عليها:اوك حبيبة انا غنجيب لحويج ونتبعك ...

إسلام حركات راصها ليه ودخلات بعدما سمات الله لقات سي لمختار جاي قاصدها والإبتسامة مرسومة على شفايفوا ...

سي لمختار بوجه بشوش نطق:بنتي إسلام اش هاد لغبور توحشتك "شاف في جنات" تبارك الله وماشاء الله حفيدة عائلة راضي نورتنا ..

إسلام عضات خدها من لداخل، حابسا راصها بزز لا ديرها في حويجها تبسمات ليه و قالت: حتى أنا توحشتك بزاف أخالي امم ممكن تشد عندك جنات ؟!! شويا وغنجي عندكم...

سي لمختار برضا نطق :معلوم ابنتي خودي راحتك واري ليا لملاك صغير "مد إيدوا خدها من عندها وقال" بسم الله، بسم الله، تبارك الله ،زرتنا لبراكة ...

إسلام غير عطاتوا جنات مشات تجري لحمام دخلات بزربة وغير شافت لمراية وهيا تفكر لكتابة لي لقات فيها ملي كانت كدوش ...

شدات في قلبها وخرجات بزربة قدام لباب غمضات عينيها وبقات تقرا في لقرأن داخلها عضات شفيفها كتحاول تصبر وهيا حاسة براصها غتفرقع ...

أركان وصل عليها لقاها واقفة مكمشا حجبانها وكتشوف في لحمام من برا ... راص كيقول ليها دخلي و راص أخر كيرفض ...

رفع حاجبوا وبتسأل نطق:مالك وقفتي "حرك راصوا "ياك ملي شدينا طريق ونتي مصدعاني باغا دخلي لحمام ودخلي دابا ...

إسلام زيرات على يديها وبخفوت نطقات بشفايف كيتارعدوا من لخوف :لفيرما مسكونة وبالأخص هاد لبلاصة " هزات إيدها لي كترجف وشارت بصبعها لي لحمام"...

أركان بعدم فهم نطق بصوت رجولي خشن : كيفاش ؟

إسلام دارت لعندوا: اويلي على كيفاش تا راه فيها هادوك لي ما كيدكروش"بدات كتشوف في جنابها بخوف "فيها بسم الله الرحمان الرحيم "بصوت خافت " قصدت جنون نتا ما تقولها لحتى واحد باش ما تخلعهمش ...

أركان رفع حاجبوا: وباش عرفتيها ؟!!

إسلام عضات شفاه سفلية ودورات راصها وبصوت خافت نطقات : حنت خرجوا ليا واحد لمرة ...

أركان تصدم وبصوت رجولي مبحوح قال : شفتيهم نيت "رفع حاجبوا " كيفاش دايرين"حك لحيتوا" قصدت شكلهم واش بحالنا ؟!!

إسلام نفخات شفيفها وساطت بجهد :ما نعرف لبوهم كيف ديرين ،لمهم خرجوا ليا ...

أركان بدا يضحك عليها :و زوينة هادي يمكن ضرباتك شمس ديال طريق وبديتي كتخيلي ما عمرني ما شفت هاد لقاضية خرجوا ليك جنون وما شفتيهمش"حط إيدوا على جبهتها" يكما طلعات ليك سخانة ...

إسلام خصرات ملامحها وبتأكيد ردات : كنقسم ليك حتى خرجوا ليا وكانت معايا أمينة وباليمارا بقيت ليل كلواوانا طالقا سورة البقرة ومعنقا القرأن بالخوف "بلعات ريقها بصعوبة "دابا هما ما شي شفتهم وجها لي وجه ولكن جاوو ليا ...

أركان كمش حجبانوا:ما فهمتكش وضحي ؟!!

إسلام شافت في جنابها وبخوف نطقات: واحد نهار دخلت ندوش او ملي خرجت لقيتهم كاتبين ليا في لمراية إلى بقيتي كتغني في لحمام غتشوفي شي حويج ما غادينش يعجبوك ...

أركان تبهض ومعالم دهشة وصدمة كلهم ضهروا في ملامح وجهوا،حك لحيتوا وبدا كيتذكر نهار لي سمع فيه صوتها ...

شاف فيها مطول مامسدقش بلع ريقوا حتى تفاحة أدم تحركات في حلقوا و بإصرار نطق :حلفي !!

إسلام كمشات حجبانها بإزعاج :كيفاش حلفي ؟!! راه كنهضر معاك بصح ...

أركان حبس راصوا حتى عيا وتفرشخ عليها بضحك ،ببتسامة مزينة تغروا نطق:إيوا غادي تكوني زعجتيهم مساكن عليها نبهوك ...

إسلام بعصبية نطقات:كيفاش زعجتهم واش نتا معايا ولا معاهم هنن كنت مولفة نغني في لحمام ومن نهار لقيت ديك لكتابة ما بقيت نطقت حرف داخلوا ...

أركان رجع شاف فيها مبهوض وقال: إيوا شوفي لقدر سبحان الله ملي كيبغي يجمع شي حد ...

إسلام رفعات حاجبها، ما عاجبها حال :مالك كضحك وسير تهضر على لقدر وحنا في جنون "صغرات عينيها ونطقات بخوف "واش كتهضر عليا قصدك لقدر بغا يجمعني مع هادوك لي ما كيدكروش ...

أركان تقابل معاها وشد ليها من كتافها وبصوت هادئ نطق حابس ضحكة : حبيبة بغيت نعتارف ليك بواحد لحاجة "هز إيدوا كيهضر بيها " وليني حاولي تبقاي ترونكيل وما تعصبيش ...

إسلام قلبها بدا يضرب من لخوف وعينيها لمعوا بدموع خافتوا لا يكون باغي يهضر على شي حاجة كتخص علاقتهم ؛فتحات شفايفها وبصوت ضعيف ردات: وخا قول ...

أركان :واحد نهار كان لحاج عند سي لمختار وانا جيت باش نرجعوا لدار إيوا ألالة "كمل هضرتوا وهوا حاضي ملامحها "دخلت لحمام نغسل يدي فاجئتا سمعت صوت بنت حنين جاي من دوش كانت كتغني أغنية لغرام لمستحيل "شاف فيها بعينين معسلين تيلمعوا بحب" ما نكدبش عليك صوتها دخل لقلبي بلا ما نشوفها بغيتها من أعماق قلبي وحنت خفت عليها من لخبث والخبائث الأنهم مدكورين في لقرأن لقيت واحد لعكر وكتبت ليها ديك لجملة لي لقيتي ...

إسلام بصدمة حلات عينيها حتى لبؤبئ لدخلاني وساع وملي ستوعبات الموضوع طارت عليه بدات كدرب ليه في سدروا باغا تبرد غديدها: هنن حرام عليك ولله حتى حرام أنا من ديك نهار وأنا ميتة بالخلعة ونتا عاجبك لحال ،شوف غير دابا على شوية ما كنت غنطلقها في سروالي ...

أركان بحركاتها لي كتعمل بوجها خلاتوا يضحك عليها من قلبوا :ايوا باش عرفت بلي غتكوني نتي؟

إسلام كمشات فمها كيف لقطة و بتسأل نطقات: نتا دابا"حركات راصها " باقي كتبغي ديك لبنت لي غنات في دوش ولي هيا انا ياك ...

أركان حرك راصوا بإجاب وقال:معلوم كنبغيك ونحماق عليك ...

إسلام شارت لنفسها:إدن ما كتبغينيش أنا لي هيا مراتك"بعينين تيلمعوا بدموع "نتا خنتيني هئ هئ في قلبك وحدة اخرى غيري ومزوج بيا أنا ما سدقتيش أ أركان ...

أركان تصدم مسكين ما عرف باش تبلا شافها عطاتوا بضهرها غاديا لحمام بصوت عالي قال: اش كتخربقي راهم بجوج نتي وقفي نهضروا ...

إسلام دارت لعندوا مخنزرا وبصوت باكي نطقات :كادب عليا وكتخوني ، سير بسع مني و ما تبقاش تقرب جيهتي "حركات راصها "سير عندها هيا تغني ليك الغرام المستحيل أما أنا غير مرتك ديك لمسكينة لي كتخونها من ورا ضهرها و ما جيبا لدنيا خبار ...

أركان رجع شعروا لور وزفر بجهد :لا نتي تسطيتي ما فيهاش ...

إسلام مزيرا باغا غير ايمتا دخل لحمام وليني على داك رعب لي عاشتوا بغات تخرجوا منوا كملات طريقها لحمام خلاتوا واقف مصدوم بعدما قالت ليه:

_ خنتيني و رجعتيني أنا لي مسطيا و إيوا سير اسيدي الله يخلصك ...

مجموعين في صالون كبير مفرش بطريقة بلدية وداخل فيها شوية لعصري من خلال ديكورات أو طبالي ،ملمط بالموف فاتح ومغلوق ،جالسين كيرتاحوا من طريق وحداهم في لباب محطوط مجموعة من لي فاليز ديالهم ...

سي لمختار جالس جنب لحاج والإبتسامة ما مفارقاش شفايفوا،بفرحة نطق :مرحبا بيكم ونهار كبير هادا ...

الحاجة خديجة حطات تسبيح حدها وببتسامة جانبية نطقات :ترحب بيك جنة ونعايمها اسي لمختار ...

سي لمختار حرك راصوا وبتنهيدة طويلة نطق :كون ما سبوع "لعقيقة"ديال جنات ما تجيوا عندي ...

الحاج راضي نحنح بشوي وبصوت ضعيف غالب عليه تعب قال:أنا مالف نزورك بزاف راه غير مع صحة عيانا ما بقيتش كنجي وليني حتى نتا كدير لفالطا وما كدوز عندنا لرياض...

سي لمختار حط إيدوا على ركبة لحاج لي لابس جلابة بيضاء وقال :اودي راك عارف مع لخدمة ولخيل وقرب موسم تبوريدة كنجري هنا ولهيه باش ندرك لوقت ،بزز باش لقيت لوقت ومشيت عزيتكم في نجلاء الله يجدد عليها راحمات ...

الحاج راضي تنهد بضيق :ربي عوين حتى حد ما لقاها كيف بغاها هادي هيا دنيا ،ايوا كيف ما واعدتك وفيت أو كون ما ماتت نجلاء ما كناش غنأجلوا سبوع لهاد لوقت كنا غنجيوا قبل "حرك راصوا "تمشي غير فين مشاك الله ...

سي لمختار دور راصوا وملي ما بانتش ليه، بتسأل نطق:فين هيا ختي رحمة ؟!! لولاد كلهم هنا وهيا غبارة ما جاتش ...

إسلام هازا بين يديها جنات حاطا ليها رضاعة في فمها :راك عارف ختك أخالي ما غتجي لهنا حتى تجيب لك معاها حلوة لكوك لي كتبغي "حركات راصها مبتاسمة وغير دورتوا عند أركان لي تبسم ليها بحب وهيا تخنزر فيه وكملات هضرتها " تعطلات ليها ريشبوند في لفران خليناها غتقادها فشي بواطة وتجي هيا و مروى ...

سي لمختار بفتخار قال :ختي هيا ختي ما تبدلش، ما عرفتهاش علاش محنة راصها تجي غير هيا فضل ...

دخلات عليهم توبة مقاطعاهم هازا بلاطوا ديال أتاي بين يديها حطاتوا فوق طابلة وجراتها قدام لحاجة وقالت :علاه نتا ما عرفهاش أخالي هههه راها صيفطاتنا كاملين ما خلاتنيش حتى نعونها قالت لك لحلوة كيبغيها خويا مصوبة من تحت يدي ...

سي لمختار هز يديه لسما : الله يجازيها ويعطيها ما نوات في خاطرها ...

لالة فريدة بتأييد ردات: اللهم امين،رحمة إنسانة طيبة من لداخل ولوجه لبشوش، كلام الله ما كيخطاش فمها ...

الحاجة خديجة:فعلا ابنتي باش مرا مات ليها راجلها في هاد زمان لي وعار وخلا ليها جوج بنات او ولد وتربية صعيبة على لمرا بوحدها ولكن هيا قراتهم ورباتهم أحسن تربية الله يخليهم ليها ...

توبة جلسات بيناتهم حدا ولدها أمير لي ملي دخل وهوا حاضي إسلام مخنزرفيها ،تبسمات بخجل وقالت:ربي يخليكم شكرا على لجاملة ...

سي عدنان بصوتوا لغليض تكلم:ما قالوا غير صراحة أبنتي والعربون واضح وبين منكم ومن نسيبي عمر لي نقد سمعة لعائلة ...

عمر هز راصوا فيه وقال :أنا ما درت غير واجبي أعمي ...

الحاج راضي : كبي لينا شي كاس ديال أتاي بفليوا الحاجة ...

الحاجة هزات لبراد بدات تكب في لكيسان وبتسأل نطقات :باش عرفتيه مصوب بفليوا....

الحاج راضي حرك راصوا بشوي وضحك : ريحتوا تبارك واصلا لعندي ...

سمعوا صوت روايد سيارة تحكوا مع الأرض بقوة ...

إسلام بعينين تيلمعوا نطقات :هادا ما يكون غير لبيكوب ديال عمي لعربي هوا لي كيدير هاد صوت ...

عمر بصوت رجولي خشن قال:داك شي لي بان ليا ...

دخلات عليهم لابسا جلابة واسعة عليها وكرشها واصلا لفمها ،بنبرة صوتها لمجهدة ردات :جبيتها لاصقة "هزات ايدها كتلقي تحية "سلام عليكم الجماعة ما فيا لي يدور يسلم غير سمحوا ليا ...

إسلام بعنين تيلمعوا قالت بفرحة غامرها: أمينة ....

الحاجة خديجة بتنهدة قالت:عاضرينك ابنتي اجي جلسي حدايا ...

أمينة جلسات بشوي مفرقا رجليها ،جبدات ل أمير حنكوا وقالت :لبوكوص درتي عقلك ولا باقي باغي تزوج بخالتك ...

توبة حشمت من كلام امينة ولباقين بقاو كيدروا في عينيهم حابسن ضحكة ،قربات جنبها وهمسات في دنها بشوي :احم احم حنا وسط لعائلة ردي بالك لهضرتك لا تمشي تخرجي من فمك شي كلمة ماشي حتى لتم كوني تحشمي راك جالسا مقابلة مع لحاج ...

أمير بعد ليها إيدها وساط بجهد حنيكاتوا حمرين باغي يطرطق بوحدوا ...

أمينة رفعات حجبانها :مالك طالعا ليك قنديشة "خبطات فخضها " الله اربي كون كنتي ولدي نعلقك في ثرية باش تعلم تبقا تسوط عليا ...

إسلام غوبشات فيها :بعدي ليا من لحبيب ديالي ولا نعلقك نتي نيت، "بتسأل" أمير مالك مقلق ؟

أمير غوت في وجها ما عاجبوا حال :بعدي مني ماااااا تهضريش معايااااا نتي ...

قاطعتهم بدخولها لابسا جلابة في الأسود وحاطا شال على راصها جارا بين يديها باليزتها حطاتها عند لباب وحيدات شربيلها ودخلات مبتاسمة لعندهم ...

لالة سعاد تحنات كتسلم على إسلام من لوجه وباست جنات وقالت :سلام عليكم ،لباس عليك أبنتي ،ماشاء الله غزالة "حلات بزطامها جبدات منوا 200 درهم دوراتها على راص جنات ومداتها ل إسلام "الله يحفضها من لعين ...

إسلام هزات راصها فيها وكمشات حجبانها بعدم رضا :لا أخالتي ما كينش لاش غير لمجية ديالك لعندنا فيها كل خير ...

لالة سعاد خشات ليها لفلوس في لكماط وقالت :ولوا، أنا كنعتابرها بنتك دابا ،شدي من عندي ومبروك زيادة تكبر في عزكم إنشاء الله ...

دارت سعاد كتسلم على الكل وكتطمن على أحوالهم ،وهوا يدخل مورها سي لعربي لابس جلابة بيضاء وجديدة كتشعل بالبيوضة وفوقها حاط طربوش حمر ألقى عليهم تحية وجلس ...

نرجس بقات غير كتشوف وترمش بانت ليها أمينة لابسا جلابة في لول ومن بعد دخلات مها حتى هيا لابسا جلابة وفي الاخير باها، بلا ما تحس نطقات بعفويةكضحك :فكرتوني غير في نهار لعيد "هزات إيدها ميتة بضحك" كلكم لابسين جلالب هههههههه واعرا هادي ههههههه ...

لالة فريدة خنزرات في بنتها ومن تحت سنانها نطقات مفقوصة :هادا راه نهار كبير لي تجمعنا فيه على ود جنات حتى هوا عتابريه عيد ...

نرجس ميتة بضحك ردات نفس بزز وقالت : ولكن أماما جلالب ههههه

فريدة ما صابت الأرض تشق وتبلعها بالإحراج لي سباتوا ليها نرجس عن غير قصد ...

أمينة ما رداتش قوسات حجبانها ما عاجبها حال ،دورات راصها عند نرجس وجدية نطقات : ومالهم جلالب كيف جاوك أختي ؟!!

نرجس مسحات عينيها لي عمروا دموع بضحك وحركات راصها

ببتسامة قالت: ما مالهمش زوينين ههههههه ...

أمينة قلبات عينيها وبعصبية ردات :ايوا لا كانوا زوينين جمعي فمك ...

عمر بصوات حاد نطق :غير كضحك معاك أمينة ما تاخديش لموضوع بحساسية ...

نرجس شافت فيهم جديين في هضرتهم جمعات فمها وقالت : سمحي ليا انا كنت غير كنضحك معاكم ما قصدت فيها والوا ...

أمينة طلقات خوباشتها وبتسمات :هانيا غير فوتي ليا جلابتي يالاه خيطتها ما كنبغي حد يعيرها ...

سي لعربي حرك راصوا :وليني يا بنتي أمينة حتى نتي عقلك صغير خلي لبنت تضحك اش فيها هههههه ...

توبة دورات عينيها وبتسأل نطقات:فين هوا خويا كريم شتوا ما جاش معاكم ؟!!

أمينة حطات إيديها على بطنها وكمشات حجبانها من تقل لي كتحس بيه:عندوا لخدمة حتى لنهار دبيحة ويجي ...

توبة :الله يجيبوا على خير

الحاج راضي شاف في ساعتوا قال :قريب يأدن ضهر خاصني نمشي باغي نصلي واحد ربعة ركعات اجر قبل الأدان ...

سي لمختار :كين واحد جامع يالاه تبنا غير قريب جوج خطوات هاحنا فيه ،باقين ما كيجيوش ليه ناس بزاف "تنهد براحة" وليني اش غنكون ليك الحاج جامع مخير من داك شي رفيع ...

الحاج راضي جمع لوقفة:هيا لا ديتني ليه دابا نيت ...

سي لمختار:هيا لولة الحاج "وجه كلاموا لباقين"دراري تمشيوا معانا ...

عمر شاف في يوسف وقال:معلوم باغين نمشيوا ...

أركان جمع لوقفة خاشي يديه في جيبوا وبصوتوا رجولي نطق : انا غير نبدل ونلحق عليكم اسي لمختار ...

سي لمختار كيلبس في رجليه: وخا اولدي تسالي قول لمعاد يجيبك راه عارف طريق ...

"معاد لولد لي خدام عند سي لمختار"

•• بعدما خرجوا رجال كاملين ناضت توبة او لالة سعاد لكوزينة يوجدوا شي حاجة لغدا، بينما أركان جر باليزتوا او توجه لغرفة لي وراه لمختار يبدل فيها ...

أمينة شافت في إسلام وبتنهيدة قالت : سعداتك اختي جابلك الله بنية فنة بلا محنة بلا تمارة ما قول ولد وما قول زحم ...

إسلام حيدات لجنات رضاعة من فمها بشوي حطاتها جنبها وهزات إيدها خمسات بيها :خمسة وخميس بديتي عوتاني ...

الحاجة خديجة وجهات كلامها ل إسلام:اري ليا جنات لهنا وسيري عند راجلك شوفيه لا خصاه شي حاجة ...

إسلام جمعات لوقفة وبخفوت ردات:غنمشي نحطها في لبيت نعسات غير رتاحي ...

الحاجة خديجة :وخا ابنتي سيري الله يرضي عليك "وجهات كلامها لنرجس"سيري أبنتي بدلي حويجك وعونيهم في لكوزينة ...

لالة فريدة قاطعتهم:غير خليها لقتيني انا نيت غنوض نبدل عليا ونمشي نعاونهم غير خلي حداك نرجس باش إلى حتاجيتي شي حاجة تمدها ليك ...

وقفات سيارة مروى قدام لفيرما غير لمحها معاد جا تيجري لعندهم فتح ليهم لباب رئيسي باش يدخلوا ...

مروى تبسمات ليه وقالت:شكرااا

معاد بعينين تيلمعوا ، تقدم لعندها حاني راص :هادا واجب ألالة ...

مروى بفرحة نطقات:امم ريحة طبيعة غزالة امي رحمة وحتى لفيرما كتبان زوينة ما شاء الله ...

مي رحمة حركات راصها وبصوت هادئ ردات :معلوم أبنتي انا هادي هيا اكتر بلاصة كنرتاح فيها ،لا انا لا ولادي كاملين

"ببتسامة "مزال غتشوفي الإسطبل والعود ديال إسلام وجنانات غيعجبك لحال تولي ديما تجي هنا..

مروى سكتات سيارتها وقالت :واااو حمستيني أمي رحمة ...

نزلوا بزوجات من لوطوا كيضحكوا بيناتهم رحمة اول مرة تشوف مروى كضحك من بعد ما توفات ختها ،واخيرا رجعات الإبتسامة مزينة ملامحها ...

مروى هزات سطل ديال لحلوة بين يديها مداتوا لمي رحمة لي طولات شوفة فيها وسهات ،رفعات حاجبها وبتسأل نطقات :

_مي رحمة فين مشيتي ؟!!

مي رحمة حطات إيديها على خد مروى وبعينين تيلمعوا بدموع لفرح نطقات : الله يخليك ديما ضاحكة أبنتي "شدات لحلوة وزادت قدامها "

مروى بقات واقفا جامدة هزات إيدها بشوي حطاتها على خدها ما مسدقاش أنها فعلا رجعات كضحك كيف قبل ...

وقف عليها معاد حاني راصوا قال:لالة نعونك فشي حاجة ...

مروى تبسمات ليه وقالت:من الأفضل تبقا تعيط ليا غير مروى، غيكون حسن "مدات إيدها" أنا سميتي مروى ونتا ؟!!

معاد مسح إيدوا في حويجوا عاد مدها ليها هز عينوا بشوي فيها وبعينين تيلمعوا قال :وخا ألالة "شافها جمعات حجبانها مخنزرا فيه " قصدت مروى "حرك راصوا حشمان وجهوا ولا حمر ملي نطق إسمها وعلامات الإعجاب و لخجل والإرتباك ضهروا في ملامحوا " بتوتر نطق :ءء أنا سميتي معاد ...

مروى حطات إيدها على كتفوا:متشرفين اسي معاد سميتك زوينة"كمشات حجبانها " امم ممكن تعوني وتجبد لكونة لي في لكوفر تقيلة شويا هيا ولكروصة جبتهم لجنات وسمح ليا غنعدبك معايا ...

معاد :عدابك راحة الالة ءء مروى

مروى :شكرا

•• تمشات بشوي بلا ما دير لحس باش ما تفيقش لبنت ،دخلات عليه لبيت لاقاتوا واقف عريان من لفوق غير شافتوا بلعات ريقها وحطات جنات فوق سرير ،غطاتها او دورات بيها لمخاد من كل جويه ...

أركان لبس كاندورة في الأسود جاتوا واعرا شاف في إسلام مخسرا سيفتها،تبسم ليها و بتسأل نطق:

_صافا ؟!!

إسلام ساطت بجهد وقربات لعندوا بدات تقاد ليه في لكول :لباس الحمد لله ...

أركان رفع حاجبوا :بقا مقلقة ؟!!

إسلام زفرات بجهد وبعصبية نطقات :عارف راصك اش داير ياك كتعتارف"صغرات عينيها " زعما ما خليتي ليا ما نقول ...

أركان ببتسامة مزينة ملامحوا رد عليها:علاه مالي اش درت ياك قلت ليك كنبغي لبنت لي كانت كتغني وطلعتي نتي نيت دابا علاش مكبرا لموضوع ؟!! ...

إسلام بعصبية نطقات: نقولوا انا "هزات يديها بزوج " وخا ندوزوها بجغمة لماء "حركات راصها مجننة" وخا هيا ما غدوزش "قوسات حجبانها " ايوا كون ما كنتش انا لي لقيتي في لحمام كون راك مزوج بيا وكتبغيها هيا ياااك اسي أركان راضي ...

أركان دور يديه على خسرها جرها لعندوا حتى تخبطات مع سدروا ،وبعينين معسلين نطق :ما بقيتش حبيبك وليتي تقولي أركان حرفية ...

إسلام بدات كتسد ليه في جوج سداف لفوقانين وقالت :وراه قلت ليك سي وخا ما كتستاهلهاش على فعلتك ...

أركان نزل راصوا لمستاوها ،حط نيفوا على عنقها وهيا تبورش ،ستنشق ريحتها من الأعماق شي لي خلا قلبها يضرب ،غمض عينيه وبدا كيقرب منها، حتى ما بقا والوا ويلتاحموا شفايفهم مع بعض وهيا دفعواا بقوة صدماتوا وهزات صبعها في وجهوا و قالت :مزال ما دوزت ليك ،خيانتك ليا داك شي علاش غير نسا حنت ما نخليكش تقرب ليا "صغرات عينيها "سير تصلي "هزات كفوفها لسما" ودعي الله باش نسمح ليك ، اوك "حركات جوج صباع في لهواء "باي ...

لاحت شعرها مورا ضهرها وتمات غاديا كتمشا بي أنوثة وتميل قدام عينيه جابت ليه تمام ...

أركان زير على سنانوا وبعصبية نطق :إسلااام إسلااااام اش هاد تبرهيش ...

إسلام درات لعندوا مبتاسمة وبخفوت ردات : ششش غتفيق جنات ...

مشات وخلاتوا واقف مبهوض ،كمل لباسوا او هز تيلفونوا حطوا يتشارجا وتحنى لعند جنات قبلها بشوي في جبهتها وقاد ليها لغطا وخرج بعدما رد عليها لباب ...

تما غادي موجه لباب هوا يسمع لغزل من صوت لي حافضوا من صغر ...

نرجس ببتسامة بريئة:هاي هاي على خويا عريس صافي امم جات معاك لكاندورة زوينة بزاااااف ...

أركان دار لعندها وبصوت رجولي خشن قال: كيف ديرا ؟!!

نرجس قربات منوا :أنا لباس أخويا توحشتك

أركان ببتسامة مزينة ملامحوا رد عليها: خلي حتى لعشية مورا لغدا ونهضروا على إنفراض

نرجس:همم وخا اخويا لحبيب ...

••داخل لغرفة ناعسا بحال لملائكة طفلة صغيرة ما كتعرف في دنيا والوا تحرمات من حنان وحليب مها طبيعي ، فور ما جات هيا لحياة مشات مها الأخرة وبقات يتيمة رغم ناس لي ديرين بيها الى ان الإنسان كيحتاج لأم ديالوا في اي لاحضة من فترات حياتوا ...

دخل للبيت كيتسلت ،عويناتوا كيدروا في كل جويه لا يحصل قرب من الطفلة خلسة شاف فيها بكل حقد وكره وهز ليها لغطا من فوقها رماه في الأرض بكل بروود ...

طلع فوق سرير او وقف على ركابيه هز بين يدوا مخدة كبيرة على يديه وبدا كيقربها من وجها ولحسد وكمية كبيرة من لغيرة عمات ليه لعينين ...

•• داخل صالون ••

جالسين كيضحوا ويهضروا مستمتعين بالجواا ...

الحاجة خديجة:كيفما قلت ليك أبنتي رحمة خديت واحد سواك او لكحل او لعكر لفاسي من داك شي رفيع على ود سبوع ...

أمينة خسرات ملامحها :شهيتوني في سواك انا فينما كنشريه كنتقولب فيه ما كنلقاهش حار ...

الحاجة خديجة بتأكيد نطقات:هادا لي كنشري أنا كنوصي عليه، واحد لمرا كتجيبوا ليا حتى لرياض ...

إسلام متكية فوق سداري ،دورات راصها لعندهم وقالت:اه بصح داك لي جبتي الحاجة زوين كيشوط لفم ...

أمينة بتوسل نطقات وريوكها سيلين: عطيني منوا شويا الحاجة شهيتيني ...

الحاجة خديجة ببتسامة مزينة ملامحها ردات: عطيتوا ل إسلام هيا لي خباتوا"بتسأل " يكما نسيتيه أبنتي ؟!!

إسلام هزات تيلي فتحات الإنستغرام وقالت :لا جبتوا الحاجة ...

الحاجة خديجة بأمر :نوضي عطي منوا لصحبتك وجيبي لرحمة حتى هيا تجربوا...

إسلام خنزرات في أمينة وجمعات لوقفة بدات تقاد في حويجها وقالت ليها :باغا غير تنوضيني الله يستر ...

•• توجهات لغرفة يلاه بغات تحط إيدها على لبواني غتفتح لباب وهيا توقفها توبة محرجة جراتها على جنب ...

توبة بتوتر وخجل نطقات بخوف لا يسمعها شي حد:إسلام ما نلقاش عندك شي فوطة صحية جاتني ديك لكاريتة ونسيت نجيب معايا "عضات خدها بفقصة " ليوما نتشوه ودار عامرة ...

إسلام حطات إيديها على دارع ختها شداتها منوا جرتها وبخفوت ردات:عندي جوج باكيات دخلي نعطيك وحدة من لباليزا ...

توبة خرجات عينيها بصدمة :جوج باكيات ومالك على حالتك ...

إسلام تبسمات جنب: ايوا لحتياط واجب بغيتيتي نتقولب بحالك ...

دفعات إسلام لباب وهوما يتصدموا لقاو أمير حاط لمخدة فوق وجه جنات ضاغط عليها وهيا كتململ تحت منوا مخنوفة ...

إسلام الأرض مشات وجات بيها حسات براصها ما وفاتش بالوعد لي عطات لنجلاء باش تعتاني ببنتها وتحميها من كل شر حلات فمها كتنادي أمير وصوتها ما مسموعش ما بغاش حتى يخرج من حلقها ...

أما توبة بدات كتندب في حناكها :اويلي أمير اش كتدير الحرامي من فعلك "ضربت فخاضها" اويلي قتلتي لبنت أميمتي اش غندير ...

إسلام دخلات بجري لاحتوا من فوق منها وهزات لبنت حيدات ليها لكماط وحطات راصها على قلبها لقاتوا كينبض تنهدات براحة ملي سمعات صوت بكأها وهزاتها خشاتها في احضانها بدات تبكي وتوسل وتبوس في راصها :

_سمحي ليا أحبيبة سمحي ليا اكبيدتي هئ هئ هئ سمحي ليا أبنتي ما رديتش ليك لبال أنا أم غير مسؤولة سمحي ليا هئ هئ ...

أمير بقا كيرمش ما فاهم والوا اما توبة تلاحت عليه بدات كضرب فيه بصندالتها وهوت كيبكي،من تحت سنانها نطقات بعصبية : خرجتي لباك يا لمجريم خسارة تربيتي فيك طلعت فالصوا البرهوش ...

إسلام غير تهدنات وسكتات ليها لبنت وهيا تنتابه ل أمير لي كيبكي او توبة لي كضرب فيه ،حطات جنات او تلاحت على ختها فكاتوا من بين يديها بزز وبعصبية قالت:

_اش كديري حتى نتي برهوشة ما ضربيهش دري مزال صغير على ضرب عيب عليك ...

توبة بدات ترجع نفس وسدرها كيطلع وينزل بالعصاب:ما دصريهش خليني نضربوا ونربيه "خبطات سدرها بصبعها" اخر يماتي غنولي ندور في لحباسات بسبابوا ...

إسلام مسحات دموعها وجراتوا لعندها مسحات ليه دموعوا وبتوسل نطقات:

_ششش ما تبكيش أحبيبي وقول ليا علاش بغيتي دير هاد شي جنات ما دارت ليك والوا ؟

أمير بصوت باكي غوت في وجها :هى هئ ملي جات ونتي كتلعبي معاها غير هيا"وجه صبعوا لجنات "وتهزيها غير هيا وأنا لاااا هئ هئ هئ بعدي مني أنا حتى واحد ما كيبغيني هئ هئ ....

إسلام جرتوا خشاتوا في احضانها وبترجي ردات :سمح ليا أنا لي غلطت ما كانش خاصني نهملك لحق كلوا عليا أنا،اما هيا ما دارت والوا غير ملائكة وصغيرة بزاف ...

أمير نزل راصوا الأرض كيبكي ويشهق ...

إسلام بتوسل :ششش ما تبكيش وشوف فيا هيا صغيرة دبا ومحتاجة ليا كتر وحتى كاس ديال لماء ما تقدرش تجيبوا لراصها اما نتا كبرتي ما شاء الله وتقدر تعتامد على راصك ...

أمير حلف لا هز راصوا :هئ هئ هئ حتى واحد ما كيبغيني أنا هئ ...

إسلام تنهدات بضيق:هز راصك شوف فيا ما بغيتيش"هزات ليه راصوا او مسحات ليه دموعوا وقالت " ما تبكيش الأبطال ما كيبكيوش حنا كاملين كنبغيوك بزاف "شارات لجنات" أممم عرفتي شكون هادي ...

أمير هز راصوا فيها وبصوت طفولي نطق :

_شكون ؟!!

إسلام شافت في ختها ودارت لعندوا راسمة إبتسامة مسطنعة :هادي هيا مراتك "توبة تصدمات " ياك نتا قلتي ليا ولدي ليا مرتي ايوا هادي بنتي يعني مراتك ملي تكبر غتزوج بيها داك شي علاش نتا خاصك تحميها ...

أمير شاف في جنات بعوينات كيلمعوا وبدات الإبتسامة تدريجا كترسم على شفايفوا ...

إسلام بصوت هادئ قالت ليه :قرب منها قيسها ...

أمير حط إيدوا على خدها وهيا تبتاسم شاف في خالتوا وقال : زوينة وكضحك ههه ...

إسلام تبسمات :شفتيها كيفاش كضحك ليك "باست طفلة" يضحك ليك الخير أحبيبة ...

أمير تحنى على ركابيه جنب سرير وقبط ليها في إيدها وبصوت طفولي قال : صغيورة بزااااف ...

إسلام حركات راصها :ايه صغيرة وغتكبر وغتكون ليك بوحدك إلى كتاب وبغا الله ...

أمير بتسأل نطق :غتلعب معايا ياك ؟!!

إسلام تبسمات جنب :اه احبيبي ملي تكبر غتلعب معاك "وجهات كلامها لختها" حالي ديك لباليزا لي حدا شرجم وخودي لي خاصك

توبة دارت داك شي لي قالت ليها ختها وخرجات مصدومة اول مرة تشوف ولدها غيرتاكب خطأ كبير بحال يوم فعلا ما كدبوش ملي قالوا لغيرة كتعمي لعينين ...

إسلام شدات ل أمير من يديه وبجدية نطقات: سمعني اولدي اي حاجة ضراتك جي قولها ليا ماديرش بحال ليوم حنت غيعدبك الله الى قتلتي "ساطت بجهد " كون قلتي ليا اجي لعبي معايا أخالتي غنلوح هاد جنات لي خيبة ياك ونجي لعب معاك بوحدك ...

أمير خسر ملامح وجهوا وغوت بجهد:لا زوينة ما تلوحياش غتلعب معايا ونتزوج بيها ونديروا عرس بحالي لي درتي نتي وعمي أركان ولا بغا يضربها شي واحد من دراري لي كيقراو معايا غنقتلوا ...

إسلام تبسمات جنب:كنتخيلك ونتا كبير محالش واش غتعقل على هاد لهضرة لي كتقول دابا ...

أمير ما فهم والوا :اشنوا ؟!!

إسلام حركات راصها بنفي :لا والوا

أمير هز عينوا :خالتي تخليني نبوسها ؟!!

إسلام تخلطوا عليها جميع الاحاسيس لخوف ولفرحة وكلشي في آن واحد ،تفرشخات بضحك وقالت بدموع :

_وخا بوسها اسيدي "دوات بيدها" بوس خرجتيها مني خلعة ...

•• في المساء ••

كانت ردة فعلها صادمة ملي عرفاتوا عرف ما كانتش متوقعة أن خوها لي كتبغيه يعرف بفعلتها ويوجهاها بيها ،خرجات كتجري وتبكي حتى وصلات وسط شجر ،لمحها عمر خارجا هوا يتبعها بجري ...

عمر وقف عليها كينهج مصدوم،كمش حجبانوا وقال :ما كنتش عارفك كتجري بزربة لهاد دراجة "شاف دموعها وبخوف نطق بتسأل"شنوا واقع ؟!!

نرجس بغصة خانقاها ردات بصوت باكي: خويا عرف بكلشي هئ هئ هئ نتا لي قلتيها ليه ياك ،حرام ليك ...

عمر جرها لعندوا حتى تخبطات على سدروا ضمها ليه وبصوتوا رجولي نطق حدا فمها حتى تخلطات أنفاسهم مع بعض:شش تهدني وعودي ليا ما فهمت والوا من كلامك "رفع حاجبوا "على إينا خو كتهضري أركان ولا يوسف ؟ وشنوا هاد شي لي عرف ؟!!

نرجس دفعاتوا وعود جرها لعندوا حاكمها دور ليها يديها عند خصرها او ضهرها تلاصق مع سدروا ،بعد رضا قالت: أركان عرف بتصاور وكيفاش حتى تزوجنا ونتا لي قلتيها ليه ياك "بصوت باكي "الله ياخد فيك الحق ...

عمر بلع ريقوا حتى تفاحة أدم تحركات في حلقوا وبجدية نطق حدا ودنها :كنحلف ليك بالله ماشي انا لي قلتها ليه "بتسأل"أركان ملي عرف شنوا قال ليك ؟!! "رفع حاجبوا " واش لامك ؟!!

نرجس بصوت ضعيف نطقات: لا ما قال ليا والوا "حركات راصها بحزن "هوا تفهمني ولكن أنا، أكيد طحت من عينوا ومابقيتش في ديك لمرتابة لي كان حاطني فيها قبل هئ هئ هئ "حولات تفك من وسط يديه لقوية " بعد منيييي ...

عمر دورها لعندوا حاكمها : نتي غير مضخمة الموضوع أنرجس "حط جبهتوا على جبهتها وتنفس من أنفاسها وبصوت مبحوح نطق " شششش باركا من لبكا ،كلشي غيتصلح وغترجع علاقتكم حسن من قبل ...

نرجس هزات عينيها فيه وشفارها كلهم مبلولين بدموع :أنا طحت من عينهم بزاف ياريت كون بقيت ديك نرجس لي ماكتعرف لا تلبس ولا دير ميكاب نرجس لي مقابلا غير قريتها صافي ماكتهمها حتى حاجة من غيرهم ...

عمر مسح ليها دموعها وبصوت رجولي خشن قال :ولكن نتي ما درتي والوا وعلى ما عودتي ليا نجلاء هيا لي كلات ليك عقلك بالهضرة وستهزأت بلباسك يعني هيا لي دفعاتك لهاد شي نتي ما درتي والوا

نرجس بعدات منوا او هزات يديها بدات تهضر بيهم بعصبية وتبكي : اه هيا ولكن أنا حمارة اكبر مكلخة على وجه الأرض كنت نية ولي قالتها ليا كنديرها بلا ما نفكر "حركات راصها"ولكن هيا ما جبراتني على الوا درت كلشي بإرادتي"هزات صبعها شارت لسماء" وربي شاهد ، هيا دابا في دار لحق وحنا في لباطل ....

عمر شدها من دراعها :صافي نساي وبداي من جديد

نرجس: وخا نسا هوما ما غينساوش أنا طحت من عينهم بزاف حتى واحد ما بقا كيبغيني كيف قبل هئ هئ هئ حتى واحد ما بقا يبغيني انا حمارة ...

عمر لصقها مع شجرا وجرها من خصرها لصقها معاه ،حط إيدوا تحت ودنها ومسح ليها دموعها بإبهاموا وبنبرة صوت حادة نطق بتأكيد : ولكن أنا كنبغيك ...

نرجس خفق قلبها بشدة وتسرعات نبضاتوا هزات راصها شافت في عينيه ما مسدقاش ...

عمر حرك راصوا بإجاب وبعينين تيلمعوا نطق بهمس حدا فمها :اه كنبغيك ونتي ما شي حمارة نتي شنيولة ديالي لي كنحماق عليها...

نرجس نزلات راصها الأرض وبقلة حيلة ردات: اش كتخربق من الأحسن بلا ما تبقا تشفق عليا ...

عمر هزا ليها راصها وقرب منها كتر حتى ختلطات أنفاسهم مع بعض وبهمس نطق حدت فمها بصوت مبحوح بورشها:من اول مرة تلاقينا وانا كنبغيك حاولت نخرجك من بالي وما قدرتش ...

حط شفايفوا على شفايفها وبدا كيدوز بالسانوا على فمها بشوي خلا ألاف لفرشات يلعبوا في كرشها ...

نرجس دورات راصها للجهة الأخرا حشمانة و قلبها كيدرب بجهد ...

عمر دور ليها راصها بشوي لعندوا ورجع حط شفاه ديالوا على شفيفها بدا كيلتاهم فيهم بحب وحنية حتى غمضات عينيها وبلا ما تحس بدات كتستاجب معاه وكتحاول دير بحالوا ولكنه كان هوا لمسيطر حل عينيه و فصل لقبلة وخيط ريقهم متاصل مع بعض شاف فيها بثمالة وبتسأل نطق :

_ونتي ؟!!

نرجس بعدم فهم ردات بصوت انثوي رقيق:

_ مالي أنا ؟!!

عمر بعينين معسلين شاف فيها :

_كتبغيني ؟!!

نرجس تبسمات ليه وحطات إيدها ناعمين على خدودوا من جناب وجراتوا لعندها قبلاتوا برقة أكبر ،ما جوباتوش بالأقول وإنما بالأفعال ...

عمر تبسم وسط فمها ورجع هوا لي مسيطر على لقبلة بدا كيلتاهم في شافيفها بعنف وحب و اصبح صوت تنهيدتهم مسموع و حويجوا كيتعنكشوا مع حويجها دايبين في بعض ...

•• خرجات تمشى باش تسهال عليها عملية لولادة كيف قالوا ليها ...

غاديا وكتسيلفا وسط لخضورة عاجبها راصها حتى كتسمع فشي أصواث ماشي حتى لتم دورات راصها في كل جويه كتقلب على مصدر صوت ،وهيا تصدم من منضرهم كيبوسوا في بعض ، حطات إيديها على فمها مامسدقاش ما عرفات تضحك ولا تبكي اول مرة تشوف عمر ونرجس بهاد شكل دورات راصها للجهة الأخرا وبدات كتردد ...

_سترا زينة والحاج جاي سترا زينة والحاج جاي ...

نرجس حلات عينيها مصدومة ما صابت الأرض تشق وتبلعها دفعات عمر وبدات تقاد في حويجها ...

أما عمر قاد شعروا رجعوا لور ودار لعندها معلي حواجبوا :

_أمينة !! كين ما نقديوا ؟!!

أمينة دارت لعندوا حابسا ضحكة اما نرجس تخبات مورا عمر حشمانة ،تبسمات ليهم وقالت:

_ما تخافيش ما شفت الوا غير خفت لا يجي لحاج ويلقاكم حشومة ...

عمر بتسأل نطق:لخوادرية اش جيتي ديري هنا ؟!

أمينة ببتسامة جانبية نطقات :جيت نسرح رجيلاتي ونسقي عويناتي "قالت دخلها " صدقت شايفا لعجب استغفر الله ...

عمر كمش حجبانوا بإزعاج:ما ليقيتي غير هاد لقنت تجي ليه ...

أمينة خرجات عينيها:وزوينة هادي دير خير ما يطرا باس "بدات كتبوحط" كان لحاج جاي لهنا وانا لي منعتوا "شارات لنفسها"هادا هوا خيري ياك ...

عمر حرك راصوا :يتوب عليك"حك ضقنوا" وخا ما كانش خاصك تجي ...

مجموعين في صالون كيتناولوا في ديسير بعدما تعشاوو ...

الحاج راضي نحنح بشوي وبصوت ضعيف غالب عليه تعب قال : الله يخلف ويقوي الخير غادين تسمحوا ليا حنت خاصني نوض نقرا لحزب ونعس ...

سي لمختار ببتسامة جانبية نطق :بصحتك الحاج خود راحتك ...

إسلام مضغات لعنب لي داخل فمها وقالت: أنا غنوض نديك لبيتك الحاج ونجيب ليك دواك

الحاج بعدم رضا نطق:غير خليك أبنتي حتى تسالي ما كلتك على خاطرك ونوضي ...

إسلام مدات جنات لختها وقالت :نصبقك نتا هوا لول وزيدن أنا ساليت ...

أركان بعينين تيلمعوا بقا متبعها بعينيه حتى ختافات من أمام أنضاره ،من نهار تزوجوا وبغاها من قلبوا وهيا غاديا وكتكبر في عينيه وكيزيد يفتخار فيها كتر وكتر ...

مي رحمة مسحات يديها وهزات راصها شافت في بنتها وقالت :أري ليا أبنتي جنات لهناء وسيري قادي لبيت لي حدا بيت خالك لولدي يوسف أو لبيت لي حدا لحاج لعمر "حطات ايدها تحت ضقنها "واسي عدنان وسي لعربي "شافت فيهم" تقدروا تنعسوا في صالون صغير ولا عرفتوا شنوا خلوا دراري ينعسوا في صالون ونتوما خودوا لبيوت ...

سي عدنان قاطعها : غير خليني انا وسي لعربي نباتوا في صالون مزال ما فينا نعاس باغين نهضروا في شلا حويج قاطعتونا عليهم ملي حطيتوا لعشاء ...

سي لعربي بتأييد:ايه اختي رحمة غير خلينا بزوج ولا رشقات لينا نخرجوا نسرحوا رجلينا ونهبطوا لعشاء ...

مي رحمة تبسمات ليهم وقالت:وخا لي بغيتوا وحنا لعيالات عنباتوا في هاد صالون لكبير مونسات او ولدي اركان غتنعس في لبيت لي بدلتي فيه قبيلا ...

أركان حرك راصوا بإجاب مبتاسم ليها :لي درتيه أخالتي رحمة حنا معاك ما كين حتى مشكل ...

مي رحمة شدات جنات عندها وقالت ليه :الله يرضي عليك اولدي"وجهات كلامها لتوبة" فيقي أمير يتعشا وليدي مسيكين نعس بلا عشا ...

توبة :لا غير خليه راه معركَها شكلاك من لي جاب ليه عموا أركان وزيدن راه من صباح وهوا يلعب عيا ما غيقدرش يفيق ...

لالة فريدة شافت في أمير وقالت :غطيه مسيكين ما تخليهش منوا لبرد ...

توبة حركات راصها بإجاب :وخا أخالتي انا غنمشي نجيب ليه غطاه دابا نيت ...

•• جمعوا طبلة بالخف او ناض كل واحد لبلاصتوا بقاو غير لبنات في صالون شي فرش في الأرض وشي نعس فوق سدادر ...

نرجس هزات محفضة صغيرة بين يديها وتمات غاديا ...

لالة فريدة وقفاتها وبتسأل نطقات:بنتي فين غادا في هاد ليل ؟!!

نرجس تبسمات بخفة :غنمشي عند عمر نراجع دروس حنت عندي لمتحانات قراب ...

أمينة وتوبة شافوا في بعضياتهم حابسين ضحكة ...

لالة فريدة بعدم رضا نطقات :خلي حتى لصباح ليل هادا ...

نرجس حركات راصها :مالفا كنراجع بليل حسن غير خليني ...

لالة فريدة ببتسامة جانبية:وخا سيري ابنتي

•• فور ما سالات وعطات لحاج دواه وقادت ليه بلاصتوا كيف كيبغي توجهات لبيت أركان بعدما طلات على لبنات في صالون ...

دفعات لباب ودخلات لعندوا لقاتوا واقف حدا نافدة لابس تيشرت في الأبيض مع سروال ثوب أبيض كدالك خاشي يديه في جيبوا ومقابل لقمر لي طالع مزين سما لعالية ...

قربات منوا وتكلمات بحدة:خاصك شي حاجة ؟!!

أركان دار لعندها مطلع حاجبوا :ما فهمتش ؟!

إسلام ساطت بجهد:قلت ليك واش خاصك شي حاجة سربيني دغيا راه باغا نمشي نعس ...

أركان قرب منها كتر وبصوتوا رجولي قال :

_ فين غتنعسي ؟!!

إسلام قلبات عينيها بعدم هتمام: غنعس في صالون حدا لبنات والحاجة ...

أركان طوا يديه عندوا حتى ضهروا عضلات درعوا بشكل ملفت وبصرامة نطق:عودي شنوا قلتي ؟!!

إسلام زفرات بجهد :واش ما كتفهمش راه قلت ليك باغا نمشي نعس واااه ما كتفهمش بالهضرة ...

أركان دور دراعوا على خصرها وقرب منها بغا يخطف قبلة من شفايفها وهيا دور وجها لجهة الأخرا وبعدات ليه درعوا من خصرها...

إسلام بوجه معبس :ما نسيتش بلي نتا كتبغي مولات صوت أو كتخوني اوك ادن دابا بعد مني ...

أركان شدها من دراعها كارز عليها ، سحق سنانوا بغيض وبصوت رجولي خشن نطق بعصبية :علاش كبرتي لموضوع وما كيستاهلش ما ملفاش تاخدي موقف من حاجة تافهة شنوا واقع ليك ...

إسلام نترات ضرعها من وسط ايدوا لقوية وبصوت غالب عليه لبكا ردات : ما عرفتش أنا براصي ما عرفتش علااااش تصور ما بقيتش حاملة نشوفك قدامي "هزات يديها بزوج "داك شي علاش من الأحسن تخلي مسافة بيني وبينك حاول لبلاصة لي أنا عمرتها نتا تخويها "تمات غاديا بالاريان وعينيها في عينيه،بغصة خانقاها نطقات "أنا ماشي لخاطري كنبعدك عليا "بصوت باكي "خليني على راحتي عفاك ...

أركان زير على يديه ما عاجبوا حاول ونطق بصوت هادئ عكس دخلوا:واش واقعة شي حاجة مخبيها عليا الى كان شي مشكل خلينا نحلوه بالعقل ...

إسلام شاف فيه بعينين تيبريوا بدموع وبعصبية لاحت ليه لهضرة وخرجات:

_ مشكيلتي دابا هوا نتا وقدما كنتي بعيد عليا غيكون حسن ...

أركان مسح على شعروا رجعوا لور ما بقا فاهم فيها والوا مرة كتهضر معاه عادي وضحك وشوية كتولي حساسة وتبكي بوحدها وليووم كملاتها ملي قالت ليه خليك بعيد كون ما دار عامرا يشدها بزز حتى يعرف منها كلشي ويتهنى ...

توجه لبسي ديالوا فتحوا يقابل خدمتوا وينسي بيه لي طرا ...

أما إسلام غير خرجات من غرفتوا بدا تيجيها تأنيب ضمير هيا أصلا ما بقاتش فاهمة راصها هاد الأيام وخصوصا أركان ولات كتغلط معاه بزاف وهوا غير حنت كيبغيها صابر على هبالها ...

مسحات دموعها وتوجهات لصالون وفي طريقها لقاتوا واقف كيتسناها وفي فموا شي كلام ...

إسلام كمشات حجبانها وبتسأل نطقات:خويا خاصك شي حاجة نجيبها ليك ؟!!

يوسف قرب منها وبتوسل نطق:إسلام ختي ممكن تخليلي جنات تنعس حدايا ليوم ...

إسلام حركات راصها وقالت:خليها حتى تكبر وتنعس حداك راه كتبقا تفيق بليل بزاف تنصوب ليها رضاعة ونبدل ليها لحفاضات غتبرزطك وتخليك بلا نعاس ...

يوسف بترجي :ماعليش غير خليها وبلا ما تهزي ليها لهم انا غنرد ليها لبال بحلا بيتا حداك نتي ...

إسلام بقلة حيلة ردات مبتسامة :وخا لي بغيتي انا غندخل نجيبها ليك دابا ...

دفعات لباب ودخلات عليه كيف لعجاجة لقاتوا مسرح في سريرا وخاشي ايد تحت عنقوا والأيد الأخرا شاد بيها تيلي شافتوا ما دهاش فيها بلعاني ردخلات لباب سداتوا موراها ...

عمر كان ملهي مع تيليفونوا ساهي حتى ناض قافز مني سمع لباب تردخ :بسم الله الرحمان راحيم أ مالك داخلا بعجاجتك ...

نرجس شارت لنفسها مجننة: دابا انا رجعتيني جنية كنت عرفاك ابوا لبنات غنلقاك شاد تيليفون كتكنيطا مع شي مشوطة راص ...

عمر هز صبعوا وبنفي قال :أبدا واش تكون مشوطة راص وهيا تبارك الله شعرها حرير ورطب ما شاء ...

نرجس طوات يديها عندها مطلعا حاحبها: على إنا وحدة فيهم كتهضر سلمى ولا أحلام ؟

عمر بصوت رجولي خشن قال :عليك نتي نيت كندوي علاه انا شحال عندي من شنيولة ...

نرجس بتسأل نطقات :كترطب فيا زعما ؟!!

عمر ببتسامة جانبية نطق :نرطبك نتي هيا لحمص سيري ابنت لعبد تنعسي راه ما ناويش نصوب لحريرة غدا ...

نرجس كمشات حجبانها وقالت داخلها: نخليك بوحدك باش تبقا شاد ليا لحتيت مع مشوطات راص ولاه لا كانت ليك "بعينين تيلمعوا قربات منوا "بغيت نراجع لمتحانات قربوا وملي غيسالي سبوع و نرجعوا لرباط غيبداوو على لبدية ...

عمر جلس في بلاصتوا ساخط وبحدة نطق :اري داك لكتاب نشوف اش فيه ...

نرجس كمشات حجبانها:مالك دير ليا فيها أستاد غير بشويا ما شي هكا تيشرحوا ناس قول ليا بأدب عطيني نشوف دفتارك ...

حطات محفضة من ضهرها وجبدات منها كتاب او وقلم حطاتهم قداموا وجلسات حداه فوق سرير...

عمر بلا مبالاة نطق:هزي قلمك وزيدي تخطي" دار لعندها " إلى باغا تعلمي ؟!!

نرجس ساطت بجهد:نخطط بنت ليك انا فيقه "رفعات حاجبها "ولا يكما خصرت ليك سهرة ديالك همم ...

عمر جر ليها أيدها لي شادا بيها لقلم قربوا لجهة لكتاب وبصوت رجولي خشن نطق: نتابهي ...

دارت لعندوا بجهالة وهوا يلامس رئس انفها انفه سهاوو كيشوفوا في بعضياتهم للحضات طويلة ...

عمر زاد قرب منها حتى مابقا كيفصلهم والوا خشا إيدوا من تحت بيجامتها لغوز بدا كيلامس في خصرها بشوي حتى بورشها ما ستحملتش لامستوا وتلاحت على عنقوا كرزا عليه وسدرها بدا يطلع وينزل ...

دور ليها شعرها لجهة وحدة وحط شفيفوا على عنقها بدا كيفرق قبلات دافئة وحنينة فيه خلاها بدون وعي منها تؤوه بجهد ودور رجليها على خصروا ...

عمر دورها لعندوا بشوي لقا وجها احمر حشمانة وفرحانة وهيا بين يديه في ان واحد نزل بشوي سرحها فوق سرير وحيد تيشرت ديالوا ...

حط شفايفوا على شفايفها منغامسين في قبلة عميقة وعنيفة في نفس لوقت بدا كيحيد ليها في حويجها وحويجوا مع بعض ...

نرجس دورات يديها على عنقوا وغمضات عينيها مستسلمة ليه كليا ...

•• داخل صالون ••

وسط ضلام ناضت كتسلت ودور في راصها في كل جويه ما بغاتش تشعل لبيل باش ما تفيق حد ، خشات رجلها في بانطوفتها وهيا تسمع صوت قفزها وخلا قلبها يضرب بجهد ...

أمينة بتسأل نطقات بصوت غالب عليه نعاس: فين غادا إسلام؟!!

أسلام حلات عينيها حتى لبؤبئ لدخلاني وساع بصدمة وبعصبية ردات :شفتي وسط هاد ضلام لعجب لبوة وما ديرهاش ...

أمينة بإصرار:قلت ليك فين غادا ؟!!

إسلام بلعات ريقها وبتلعتم ردات :ءء انا غاديا غير هنا ونجي قصدت غادا نشرب ءء غادا لحمام واقيلا ما عقلتش فين غادا تلفتيني ...

أمينة ضارت لجهة الأخرا وجرات عليها لمانطة :سيري فين ما بغيتي أنا مالي ...

إسلام تنهدات براحة :قوليها من لول تفوو على كنس ...

•• توجهات نيشان لغرفتوا دقات بشوي ما سمعات حتى رد ودخلات كتسلت لقاتوا ناعس ومشات تخشات حداه وهوا يزرب عليها دورها تحت منوا وبصوت رجولي لمبحوح نطق بحدة :

_اش جايا ديري هنا همم ؟!!

إسلام بصوت طفولي :هنن سمح ليا بزاف أحبيبي وما ديش عليا وديرني قليلة عقل وخودني على قد عقلي ...

أركان تبهض وببتسامة مزينة ملامحوا رد عليها:وا زوينة هادي ياك غا دبا شويا كنتي كترطاي وقلتي باغا مسافة الأمان إلى اخره "رفع حاجبوا "اش صرا ؟

إسلام ببتسامة :اه قبيلا قلتها وكنعتارف ولكن دابا انا بغيتك تكون قريب مني حنت كنبغيك بزاف ...

أركان كمش حجبانوا :اش هاد لعبث ،لعب ديال دراري صغار ما عنديش معاه ...

إسلام صغرات عينيها وببرائة نطقات: وغانعطيك ديك لبوسة لي ما خلتكش تاخدها قبيلا غير خليني قريبة ليك ما نقدرش نعس بعيدة منك ...

أركان رفع حاجبوا:كتحاولي ترشيني؟!!

إسلام حركات راصها بنفي :لا رشوة حرام

أركان بعدم منها ورجع لبلاصتوا عاطيها بضهروا :

_بوستك خليها عندك ما بقيتش باغيها كاع

_

إسلام شداتوا من درعوا كتحاول دوروا عندها وهوا حالف لا تزحزح:ودور دور عندي هنن ونتا دور ودور عفاك ...

أركان تكلم حابس ضحكة بين سنانوا: خلي مسافة الأمان بينك وبيني ...

إسلام حولات حتى عيات وملي ما قدات عليه عنقاتوا من ضهروا او نعسات ...

أركان ملي ما بقا سمع حسها دار لعندها لقا ضوء ديال لقمر داخل من شرجم مسيني فيها ،بقا مقابل وجها لمنور ولي غادي وكيزيد يشع نور بقا حاضي تفاصيوا حط ايدوا فوق عينيها بدا كيلامس فيهم بشوي ونزل لخدودها كدالك حتى وصل لفمها الأحمر بدا كيداعب في شفيفها المغريتين بشوي ،بلع ريقوا حتى تفاحة أدم تحركات في حلقوا وحط شفايفوا حتى شفايفها بدون حراك لمدة طويلة عاد بدا كيلتاهم فيهم بشوي عاطي لكل شفة حقها حتى حس بالإستجابة من طرفها او هوا يحل عينيه مبهوض ...

إسلام بعدات منوا بشوي وخيط ريقهم متاصل مع بعض بصوت مبحوح ورقيق نطقات :

_ما تخاف ما دهش أنا مزال فيقا وهادي غير بوستك عطياها ليك دابا ما غيبقاش فيا لحال وما بقيتي تسالي ما نتسالك ...

...

اركان بصوت رجولي مبحوح نطق حدا فمها:دخول لحمام ماشي بحال خروجوا أحبيبة "بغمزة "دابا غتخلصي أضعاف...

•• داخل غرفتوا ••

بعرضوا وطولوا ناعس في جنب ومخلي ليها لبلاصة لكبيرة لا طيح ليه خيف عليها وفي نفس لوقت فرحان وهيا في جنبوا ...

حلات عويناها صغار وسط ضلام وحلات فيمها صغير وبدات كتبكي وتفركل باغا تحاول تخرج يددياتها من لكماط ...

ناعس في سابع نومة حتى كيسمع صوت بكأها لي مزال ضعيف لي صغر سنها وأكيد مع لوقت غيتجهد كتر ...

حل عينيه ومسح على شعروا عند بالوا كيحلم باقي ما تعودش على لموضوع فور ما عرف بلي جنات حداه ناض قافز خيف عليها شعل ضوء حداه وحيد ليها لكماط بدا كيقلب فيها ويردد:

_كتكوتي شنوا ضارك ؟واش مريضة نديك عند طبيب ولا حلمتي شي حلمة خيبة هضري ...

جنات كتبكي بدون توقف ...

يوسف بخوف :جوبيني أحبيبة باش نعرف مالك ما تشطنيش باباك عليك ...

توتر ما فهم والوا اول تجربة ليه مع الأطفال صغار ملي شافها كتبكي ترفع ما بقا كيفكر بالعقل ولا كيمشي ويجي في لبيت ويطلبها تسكت باش تجوبوا ...

يوسف تكلم مع نفسوا :واقيلا غيكون فيها جووع ايوسف "قرب منها ونزل لمستوها وقال "شنوا نجيب ليك طاكوس ولا بيتزا بغيتي سباكيتي لا "هز يدوا وضرب راصوا على لغباء لي جاه "لا لا دراري صغار كيبغيوا لحليب حل عقلك اش هاد لكلاخ لي نزل عليا في ليل ...

توجه لرضاعة ديالها قاد ليها فيها لحليب او جابها لفها وهيا والوا ما بغااتش تشدها من عندوا وكتفركل برجيلاتها صغيورين ...

تنهد بقلة حيلة وهز تيلي ديالوا بغا يتاصل ب إسلام وحشم فكر حتى عيا ودوز لخط لمروى ...

مروى بصوت مبحوح بنعاس ردات :الوا

يوسف بتوسل نطق :اجي شوفي جنات ما عرفتش مالها واقيلا مريضة ما بغات تهضر معايا ...

مروى غير سمعات جنات مريضة جمعات لوقفة ولبسات في رجليها وبالخف جات لعندهم ...

مروى بتسأل نطقات : مالها علاش كتبكي ياك عندها لحليب ...

يوسف بصوتوا رجولي جوبها مخلوع: ما عرفتش مالها من قبيلا وانا كنسول فيها ما بغاتش تجوبني وحتى لحليب ما بغات تشربوا ...

مروى رفعات حاجبها حابسا ضحكة :من نيتك بغايها تهضر ...

قربات منها بدات تقلب فيها لقاتها معمرا حفاضتها بتسمات وقالت:حبيبة خالتها مخنزة ليكوش ومصدعانا حنا"وجهات كلامها ليوسف" مد ليا شي كوشا من تم ...

يوسف مد ليها لبغات ،غيرات ليها حفاضتها ونضفتها وحطات ليها رضاعة في فمها بدات كتمص فيها وتضحك ...

مروى ببتسامة بريئة مزيناها نطقات : وينواا على مشيشتي أنا كتضحك ليا، يضحك ليها لخير ورباح أحبيبة ...

يوسف بقا غير مقابلهم وكيشوف من بعيد مبهوض ...

مروى هزات فيه راصها : دراري صغار ما كيهضروش اسي يوسف حاول تكون منطقي

يوسف بلع ريقوا حتى تفاحة أدم تحركات في حلقوا وبجدية نطق :مشات من بالي عندك لحق وسمحي ليا على الإزعاج فيقتك من نعاسك "دار للجهة الأخرا " ونتي ما حملاش تشوفي وجهي وطريتي تجي حتى لعندي ...

مروى حطات جنات في بلاصتها وبخفوت ردات باش ما تفيقهاش :

يوسف نسا صح انني قلت ليك تبعد مني ولكن راه ماشي لخاطري"شارت لنفسها "كنت منهارة وممسدقاش بلي ختي ماتت يعني في لحضة غضب قلت داك لكلام ما ديش عليا راه ما كانش خارج من قلبي ...

يوسف دار لعندها ما مسدقش :يعني نتي ما مقلقاش مني ...

مروى بتتأب ردات :لا غير تهني ونعس على جنب راحة "شارت لجنات"مرة اخرى خلي جنات تنعس حدايا ولا حدا إسلام غيكون حسن "تمات غاديا حتى وصلات لباب ودارت لعندوا "اه وقبل ما نسا دراري صغار لي في سن جنات ما كيهضروش قيد هاد لمعلومة في راصك ...

يوسف ضحك على راصوا:وخا أستادة تصبحي على خير ...

مروى ببتسامة جانبية :و انتا من اهلوا الى بكات جنات مرة اخرا تاصل بيا ..."

.

•• مخشية في حضنوا عارية،حاطا راصها على سدروا و كتحسس بيديها عضلات معدتوا عاجبها لحال وهيا معاه وبين يديه كتحس براحة معندها مثيل، وكأنها ملكات دنيا ولي فيها ...

إسلام حكات راصها على سدروا باغا تاخد راحتها في تكية وبتسأل نطقات :باقي من داك شكلاط لي جبتي ل أمير ...

أركان حرك راصوا وقال:ما كنضنش حنت داك شي لي جبتوا عطيتوا كامل ل أمير "رفع حاجبوا " علاش كتسولي ...

إسلام خصرات ملامحها وبلعات ريقها وريوكها سيلين :هنن تشهيتوا وبغيتوا دابا علاش ما خليتيش ليا منوا حرام عليك ...

أركان نزل عينوا ليا و بصوت رجولي خشن نطق : سمحي ليا أحبيبة ما كنتش عارفك باغا منوا صبري عليا نوض ندوش ونصلي لفجر ونمشي نجيبوا ليك ...

إسلام هزات راصها فيه وعود هبطاتوا :ولكن ليوم دبيحا مورا لفجر ناووين يدبحوا وخاصك تكون "دلات شفتها لتحتانية و بحزن نطقات " هنن بقيت بلا شكلاط ...

أركان شابك ايدوا مع إيدها وجابها لفموا طبع قبلة طويلة على ايدها من لفوق وبصوت هادئ نطق:بلا ما تقلقي تفيق مروى نسيفطها تجيبوا ليك ...

إسلام غير سمعات إسم مروى تنهدات بضيق وقالت:غتبقا فيا مروى ملي غتمشي "رجعات هزات عينيها فيه" كون غير كانت شي طريقة لي تخليها تبقى معنا هنا "بغصة خانقاها" بزز باش بقات معانا هاد شهر ونص لي دازوا غير بطليب ودابا ملي غيدوز سبوع غادا تمشي ...

أركان حك لحيتوا من لتحت كيفكر ما عاجبوا حال ،زفر بجهد وبتنهيدة نطق : يوسف خاصوا يتزوج بمروى ويصلح لغلط لي دار ...

إسلام تصدمات جرات ليزار دورتوا عليها وتقادت في لجلسة مقابلا معاه ،بعدم فهم نطقات : كيفاش يوسف يتزوج بمروى وإينا غلط وقع ...

أركان قاد جلستوا هوا الأخر وشابك يديه مع بعض ،شاف فيها مطول وفتح شفايفوا وبدا كيعاود ليها اي حاجة حكا ليه يوسف قال ليها كلشي بلا زيادة بلا نقصان ...

إسلام حطات ايدها على فمها ما مسدقاش بدات كتدكر يوم ولادة نجلاء وبشهقة نطقات : دابا عاد فهمت علاش نجلاء ملي كانت كتموت قالت ليهم يتزوجوا ياربي سلامة سحابيت راصي غير بوحدي ما كتبغينيش صدقات حتى ختها ما حنات فيها ودات ليها لولد لي كتبغي "حطات صبعها تحت ضقنها" همم حول مروى كانت مقربة من يوسف بزاف وكتقول ليه يويوا ،وطلعت ما سهلاش مع راصها خبات لموضوع او ما قالت والوا ماشي بحالي انا لي عندي كنقولوا حتى مكنخبيها عندي ما كين غير سرسب في لكلام ...

أركان بقا مقابلها كيفاش كتهضر وتفكر وتحلل بوحدها سالات معاه وخصوصا بمنضرها ايد شادة بيها ليزار والأيد الأخرا كتهضر بيها وتناقش ...

إسلام هزات عينيها فيه وخبطاتوا بإيدها لسدروا و بعصبية نطقات: ونتا ما حشمتيش هادي هيا وعديني ما نخبيوا على بعضياتنا والوا وكدا ونتا جامع وطاوي ...

أركان ببتسامة مزينة ملامحوا رد عليها:كنت باغي نقول ليك كلشي غير ما لقيش لوقت لمناسب ...

إسلام رجعات خبطاتوا لسدروا :ايمتا كنتي ناوي تهضر حتى تسافر مروى وتمشي عاد غتلقا لوقت لمناسب ديك ساع و تقولها ليا ...

أركان بصوتوا رجولي لمبحوح نطق :لا انا اصلا ما غنخليهاش تسافر باغي غير نلقا لوقت لمناسب ونهضر مع يوسف عاد نمشيوا عند لواليد نقولوها ليه باش يديروا خطبة رسمية ...

إسلام فرحات من قلبها و تلاحت عليه عنقاتوا حتى طاح ليها لزار وببتسامة نطقات: احسن حاجة ممكن توقع مروى ضريفة وكتستاهل ولغلط خاصوا يتصلح ...

بعدات منوا وغطات راصها وبعينين تيلمعوا نطقات: هاد شي علاش أنا كنبغيك بزاف "حطات إيديها على فمها ما متيقاش" غيجيوا مع بعضياتهم كيحمقوا ...

أركان تبسم ليها او خطف قبلة طويلة وعميقة من شفايفها عاد وقف مالابس حتى حاجة من غير لبكسور ...

هز حويجوا من الأرض ساسهم ورجع لبسهم وقال :غنمشي لحمام ندوش ونتي نعسي ما بقا والوا ويأدن لفجر ...

إسلام حركات راصها بإجاب وتخشات في بلاصتها تنعس شويا تابعها نهار طويل وأركان ليل كلوا وهوا مسهرها ...

يتبع...