محتوى القصة
ريحة لعود وند وريحة لبسطيلة كتفوح في كل رياض...
جالسا قدام لمراية بملامح ممحية لابسا فستان طويل أحمر مع حلاقات مرصعين بالألماس بزز باش لبسات لكسوة بطليب ورغيب عياو معها تلبس قفطان وفي الأخير ردات بكسوة...جالسا على نار كتنفخ وتسوط ولبنات ضايرين بيها...
نرجس بغصة خانقاها نطقات بترجي :عفاك إسلام سيري طلبي بابا قولي ليه انا مبغاش نتزوج هوا كيسمع ليك ...
إسلام لابسا قفطان خفيف في الأزرق واقفا على راص نرجس حابسا ضحكة حنت عارفا بلي خوها هوا لي جاي يطلب إيد نرجس وهيا كانت شاكة من لول أنه كينا شي حاجة بيناتهم...
مروى وقفا كتصوب في لمكياج لنرجس بتسأل نطقات موجها كلامها ل إسلام: شنوا كين علاش كضحكي ...
إسلام حركات راصها بنفي :لا والوا غير ملي كنكون معصبة كتشدني ضحكة هادا ما كان"وجهات كلمه لنرجس"اختي غير صبري ما تعرفي لعريس يعجبك وزيدن عمي قال كلمتوا
نرجس دموعها لي عيات ما تحبسهم بداو تينزلوا شلال من عينيها: لا مبغيتوش كيفما بغا يكون أنا مبغاش نتزوج ...
مروى تنهدات من الأعماق وبعصبية نطقات: اوف أنرجس ما تبقيش تبكي كتخصري ليا كلشي شحال قدي نبقا نصوب ليك ...
إسلام حركات راصها :واه حتى نتي مكبرة لموضوع إنشاء الله غادي يعجبك الحال غير صبري ...
مروى رمقات إسلام بنضرات شك:عارفا شكوم لعريس ...
إسلام بلعات ريقها بصعوبة:لا أختي أنا ما عارفا والوا غير سمعاتهم كيهضروا عليه قالوا بلي باقي صغير وزوين ...
خدات تيلي ديالها دوزات أبيل ل أركان ولكن ما جوبهاش تعصبات بلا قياس ملي مشا ما هضر معها توحشاتوا وبغات غير تسمع صوتوا...
°•• جالسين في صالة لكبيرة فراشها عصري مجموعين على كاس ديال اتاي ولقهوة ولكيك ، كيتناقشوا فيما بينهم ...
لحاج راضي نحنح بصوتوا ونطق:نهار كبير هادا لي تجمعنا فيه ليوم ...
سي لمختار رتاشف من فنجان قهوة وقال:
_ إيوا الحاج ديما تنقول ليك جي عندي لفيرمة نتا والعائلة تبدلوا لجوا ونتا راصك قاصح ...
الحاج راضي: غير مع لولاد مشغولين في لخدمة وانا شويا صحتي على قد لحال خاص لي يمشي معايا عاد نجي لعندك ...
الحاجة خديجة ببتسامة مزينة ملامحها : إنشاء الله شي نهار نتجمعوا ونمشيوا جميع عندك اسي لمختار ياك لالة رحمة ...
لالة رحمة تبسمات جنب: اييه خاص غير لولاد يكونوا مجموعين ...
لالة فريدة ما عاجبها حال ما بغاتش بنتها تزوج صغيرة بتسأل نطقات:
_إيوا اولدي فين ناوي تسكن بنتي بعد زواج وخدمتك كيف غادا ...
عمر لابس كوستيم في البني جاه غزال حرك راصوا وقال بصوت رجولي خشن:كريت برطمة في رباط فيها فين ساكن او بالنبسة لخدمة خدام بوليسي حاليا ومزال تنقرا باش من بعد ندوز إمتحان و نولي كوميسر انشاء الله "تبسم جنب"غادي درجة بدرجة إلى قبلتوا عليا
فريدة رفعات حجبانها :او بنتي غادي تخليها تقرا مورا زواج ...
سي عدنان خنزر في مرتوا وقال: انا باها هنا وانا لي كنقرر جيتي من لباب أولدي وما غنرضكش خائب بغيتي تخليها تكمل لقريا داك شي لي بغينا ما بغيتيش ما عنبزوش عليك ...
عمر بتنهدة طويلة قال: ماشي معقول لبنت تقرا من صغرها بانية أحلام كبيرة من قريتها ونجي انا نمنعها لا آسي عدنان نرجس غتبقا تقرا مورا زواج ...
إسلام دخلات عندهم لصالون سلمات عليهم كاملين وجلسات حدا ختها لي مبركا ولدها أمير قدامها ...
سي لمختار نحنح بصوتوا :بلا شك عرفتونا علاش تجمعنا ليوم ديك نهار الحاج جيتوا طلبتوا إيد بنتي إسلام واليوم حنا لي جينا طالبين إيد بنتكم نرجس لزواج إلا قبلتوا غنوليوا نساب للمرة تانية ...
الحاج راضي:معلوم قابلين ولا لا أعدنان
سي عدنان بفتخار وجه كلاموا لعمر :سمعت بداك شي لي درتي على قبلنا نتا حافضتي على سمعت نرجس ونقضتي كرامة هاد لعائلة من الأهانة لدالك نتا اولى بنرجس لزواج، الله يكمل عليكم بالخير أولدي "وجه كلاموا لفريدة"
_عيطي لبنتك تنزل ...
نزلات في دروج لبسا كعب عالي و حانية راصها الأرض ،دمعة على طرف عينيها حابساها،
وخدودها مزنكين بالحشمة قابطا في يديها مروى لي لابسا قفطان طويل في الأسود وشعرها مطلوق على راحتوا مع حلاقات صغار في ودنيها...
هز يوسف راصوا وجاوا عينيه مباشرة في عيون مروى لي تبسمات ليه بحب، حس بالعرق بارد نازل مع داتوا زير على يديه ونزل راصوا بخجل حشمان منها...
حطات رجلها ليمنى في باب صالون شافت جوج كاروطونات ديال سكار محطوطين عند لباب مع بوكي كبير ديال لورد أو شي تواب جداد في جناب....
هزات راصها بزز منها طالع ليها دم وهوما يجيوا عينيها في عمر لي جالس واخد راحتوا هوا غير شاف فيها دق قلبوا بعنف، تبسم جنب بحلاا ما واقع والوا ..
لالة رحمة تبسمات بفرحة :تبارك الله جيتي غزالة أبنتي كتحمقي الله يحجبك من لعين
توبة بدات صلاة والسلام وزغرتات، ببتسامة نطقات: مرت خويا زوينة ماشاء الله
نرجس غير سمعات كلامهم تصدمات بقات واقفة والأرض كدور بيها ما متيقاش
فريدة شدات من بنتها جلساتها حدا عمر
سي لمختار: سيادنا هيا نقراو لفاتحة..
الكل هزوا يديهم تيقروا في لفاتحة ونرجس هزات يديها لي كيترعدوا وعينيها مدوراهم عند عمر ممسدقاش
عمر نحنح بشوي حتى دار عندوا الكل وقال: الى ممكن بغيت نديروا لخطبة ولعقد بعد غدا وبغيت ندي معايا نرجس ما نقدرش نبقا هنا بزاف عندي لخدمة
فريدة وسعات عينيها :كيفاش غنوجدوا هاد شي بزربة ماشي معقول اولدي مالك على هاد زربة كلها "وجهات كلامها لسي عدنان" لبنت مزال صغيرة مفهمتكمش علاش مزروبين
نرجس بحلا تكب عليها سطل ديال لماء طايب عينيها غرغروا بدموع من كلام باها لي تجاهل هضرة مها وقال:
_ما كين حتى مشكل أولدي نيت خوها أركان مسافر دابا بينما جا عاد نديروا لعرس، و حتى نتا باش تقاد أمورك على راحتك
بينما باقي لعائلة كيهضروا على تجهيزات ويتافقوا هضرات نرجس بشوي في ادن عمر:
_ علاش جيتي ياك ما بقيتيش باغي تشوف وجهي شنوا بغيتي عندي
عمر بخفوت تكلم:بلا شك غتكوني سمعتي بلي نتاقلت لدار جديدة في رباط "حك لحيتوا "بغيت نديرك ديكور في داري عندك شي مانع
نرجس بعصبية نطقات :واش نتا حمق تسطيتي ديك نهار قلتي صادقتنا سالات واليوم جاي تخطبني
عمر حرك راصوا بتاسم لسي عدنان لي جات عينيه في عينوا و ببرود رد عليها: وإلى صداقتنا سالات أنسيبتي ما عنديش لحق نتزوج بيك
نرجس بحرقة نطقات:ياك قلتي عليا بلي أنا بنت ما كنسواش و نعست مع مراد "زيرات على سنانها" عندي الحق أنسيبي ولا لا؟
عمر دور دراعوا على خسرها وقرصها من جنابها حتى عينيها غرغروا بدموع ونطق من تحت سنانوا معصب:
_أخر مرة تجبدي سميت داك ز****على فمك مزال غنتفاهم معاك على دوك تصاور لي مصيفطا ليه
نرجس بصوت باكي: هننن ما تبقاش تخسر لهضرة
عمر قلب عينيه :على فعيلك زينة، خاصك تولفي
عمر شافها كتبكي وتمسح دموعها بقا فيه لحال قبط يدها وسط يديوا وبقا كيحرك إبهاموا على راحة إيدها بحنان حتى إقشعر بدنها من لمستوا لي اول مرة كتشعر بيها...
هزات عينيها لي كيلمعوا كتشوف فيه بتراجي باش يتراجع على فكرة زواج ويديها وسط يديه رمقها بنضرات غير مفهومين ما فهمات والوا سهاوو تيشوفوا في بعضياتهم حتى فيقهم من سهوتهم صوت إسلام:
_عمر !! نرجس!! نوضوا تعشاوو
لو أن الأرض تدرك حقيقة رغبتي لرؤيتك، وتأملك لعدة ساعات بدلًا من سقفي الباهت...
لانشقّت الأرض، وابتلعت كل المسافات..
وأتت بك إليّ!
واقف قدام نافدة داخل غرفة ديالوا في فيلا راقية في أمريكا خاشي يديه في جيبوا وحجبانوا معقودين لوسط ستنشق لهواء حتى وصل لريتوا...
لهاتف ديالوا محطوط موراه فوق لكوافوزا ما هداش من صونيت...زير على يديه هوا حابس راصوا باش ما يجوبهاش..ما بغاش يزيد يتعلق بيها كثر وهوا عارف أنا قلبها مع واحد أخرى،خاف لا تسالي لمدة ديال زواجهم ومن بعد تمشي عند سفيان وتخليه....
باغي ينساها ولكنها مهيمنا على قلبوا وعقلوا وعلى تفكيروا كامل ...
وقت لفراغ ديالوا ولا كيقديه كامل في غرفة الرياضة كيفرغ لعصابية ديالوا كاملة في كيس الملاكمة...
فور ما سمع تيلفونوا صمت تمشى نحيتوا بملامح ممحية هزوا بين يديه وجلس فوق لفوتاي مفرق رجليه وحاط ضهروا على لحيط..دخل لنمرة ديال جداتوا تاصل بيها وحط تيلي على ودنوا كيتسنى الرد..
الحاجة خديجة ببتسامة: الوا ،ولدي لغزال توحشتك ...لباس عليك؟
أركان ببتسامة مزينة ملامحوا رد عليها:لباس الحمد لله الحاجة نتوما لباس ؟
الحاجة خديجة حركات راصها ونطقات :حنا الحمد لله كلشي لباس وليني فاش غتجي عاد غنوليوا بيخير
أركان نحنح بشوي ونطق بتردد:إسلام لباس عليها؟! يديها كيف بقاوو
الحاجة خديجة ببتسامة جانبية :لباس عليها اولدي تحمد ربي وتشكروا
أركان حرك راصوا وقال بصوت رجولي خشن:
مزيان ،إسلام كتاصل بيا هاد الأيام بزاف وانا عندي إجتماعات ما كنلقاش لوقت باش نعيط ليها قولي ليها ما تشطنش عليا ،ملي غيكون عندي لوقت غنتاصل عليها
الحاجة خديجة ساطت بجهد:اودي يا أركان خاصك تصوب ل إسلام اوراق وتديها معاك ماشي معقول تبقا هيا في بلاد ونتا في بلاد يمتا غنشوف ولادكم "بفرحة"ما قلتش ليك اولدي ختك غتزوج
أركان كمش حجبانوا:كضحكي معايا الحاجة "حك لحيتوا وبتسأل قال " واش كتهضري على نرجس ؟
الحاجة خديجة بتأكيد قالت :إييه اولدي ختك نرجس جاوو فيها لخطاب لبارح وغدا غندير لعقد ولعرس أجلناه حتى تجي بسلامة إنشاء الله
أركان عينيه وساعوا، بصدمة وقف :اش كتخربقوا لبنت مزال صغيرة وخاصها تقراا
الحاجة خديجة :إنشاء الله غادي تكمل قرياتها مورا زواج وزيدون لبنات في عمر ختك راهم مزوجين او ولادين
أركان تعصب زير على يديه حتى عروقوا برزوا ومن تحت سنانوا نطق ساعر: نرجس مزال صغيرة مالكم في عصر الجاهلية حتى تزوجوها دابا..شكون هاد لحمار لي بغا يغصب ختي..حتى ليوم عاد جايا تقوليها ليا
الحاجة خديجة بلعات ريقها:تهدن اولدي الله يرضي عليك،عمر خوا إسلام هوا لي طلب إيد ختك والحاج او ولدي عدنان قابلين عطاو كلمتهم لناس
أركان زير على فكوا ما ممتيقش ونطق بتسأل:او نرجس واش قابلة باغا تزوج بيه كينا شي حاجة واقعا ما فهمتكمش علاش مزروبين
الحاجة خديجة حاولات تضحك بزز منها خافيا سبب لحقيقي:اولدي غير خوي بالك ما كينا ختى حاجة غير لولاد كيبغيوا بعضياتهم وقلنا نزوجهم وزيدن هما ما داروا حتى حاجة غالطة ، ولي هرب لزواج هرب لطاعة
أركان ساط بجهد وقال بصوت رجولي خشن:
_ دوزي ليا نرجس بغيت نهضر معاها
الحاجة خديجة برتباك نطقات :واخا اولدي
خدات تيليفون لغرفة نرجس دقات عليها لقاتها جالسا كتبكي رفعات حاجبها وبخفوت نطقات:
_مسحي دموعك أركان بغا يهضر معاك
نرجس بالفرحة وقفات مسحات دموعها بطرف كفها وخدات تيلي وهيا تجروا ليها لحاجة وضغطات على مكبر الصوت..
نرجس:الوا خويا توحشتك بزاف
أركان زفر بجهد:بصح هاد شي لي سمعت غادا تزوجي.
نرجس شافت في لحاجة بحزن وردات بخجل:اه اخويا غنتزوج
أركان رغم الإحترام لكبير لي بينوا وبين ختوا ما قدرش ما يطرحش عليها سؤال..نحنح بشوي وقال:
_ونتي راضية على زواجك بي عمر واش كتبغيوا بعضياتكم كيف سمعت
نرجس تصدمات هزات راصها مخرجا عينيها في جداتها لي عملات ليها إشارة باش تقول
" اه "
أركان مدخلاتش ليه هاد لقضية لراصوا، رفع حاجبوا :نرجس هضري راه سولتك الى كانوا جابرينك على هاد زواج قوليها ليا نجي نوقف كلشي .
نرجس بلعات ريقها بصعوبة وبغصة خانقاها نطقات حابسا دموعها :لا اخويا حتى واحد ما جبرني أنا كنبغي عمر وباغا نتزوج بيه
أركان ملي سمع عتراف ختوا رتاح، كمش حجبانوا ونطق :مالك واقعا شي حاجة صوتك ما عجبنيش
نرجس حبسات دموعها وزيرات على يديها:
_ والوا أخويا ما كين والوا
أركان تبسم جنب وقال:الله يكمل بالخير
نرجس بتنهيدة طويلة ردات عليه :شكرا ، ونتا ما غتحضرش؟!!
أركان تنهد براحة : عندي لخدمة كتيرة ،الله يعون
الحاجة خديجة خطفات ليها تيلي من يديها وقالت :
_مزيان ملي ما طيحتيش كلمة باك الأرض أو وافقيتي على هاد زواج كون قلتي شي حاجة لخوك ليوم حتى واحد ما غيسامحك خليه يركز في خدمتوا حسن ليه
••حيدات تيلي من ودنيها معصبة ما عاجبها حال وبتنهيدة طويلة نطقات:
_من قبيلا وانا كنصوني عليه ما جوبنيش ودابا تيليفونوا مشغول علم الله معا من كيهضر
مروى تبسمات جنب وقالت : حتى نتي إسلام غيكون غير خدام خليه حتى يسالي ودابا يتاصل بيك بوحدوا
إسلام بخوف نطقات:معرفتش مالوا ملي مشا ما هضر معايا خايفا لا تكون واقعا ليه شي حاجة الله يحفض
مروى حطات يديها على كتاف إسلام وقالت : ما تشطنيش بالك غادي يكون بيخير إنشاء الله ودابا وجدي راصك دغيا "كمشات حجبانها بتسأل" يمتا غنمشيوا لصالة الأعراس خاصني نتعلم لخدمة وخا ما غنبقاش فيها بزاف
إسلام تبسمات جنب:شكرا حنت قبلتي تخدمي معايا في مشروع تنضيم الأعراس "زواج مبارك " وخا نتي ماعارفا عليه والوا غنعلمك كلشي
مروى بعينين تيلمعوا:بالعكس كل شكر ليك نتي أنا أصلا محتاجة نخدم وبالفرحات عليا لا عونتك
إسلام بنبرة صوت حزينة نطقات :كون غير بقيتي معانا ولفتك بزاف
مروى زفرات بجهد:ما نقدرش، على ديك لفعلة لي دارت نجلاء ،غنتسناها غير تولد وغانخدها معايا لفرنسا خاصني نمشي و أصلا أنا مابقا عندي ما ندير هنا"تبسمات بتسأل"شنوا غنديروا ليوم؟
إسلام فتحات لبلاكار كتجبد ما تلبس قالت :
ليوم غنمشيوا نشوفوا سيد لي رسل لينا كريم نضموا ليه عرس ختوا ومن بعدها غنرجعوا ناخدوا نرجس ونجمعوا حويجنا، ونمشيوا لدار عند ماما نديوا معانا توبة وأمينة ونمشيوا مجموعين للحمام على قبل لعروسة
مروى عينيها لمعواا،بفرحة نطقات : الله شحاال هادي ما مشيت لحمام صراحة توحشتوا، غنخليك نمشي نجمع حويجي ونهبط نتسناك في طموبيل..
إسلام خدات سروال جينز مع لافيست في الأزرق لبساتهم وجمعات شعرها عبارة عن كعكة مهملة او حطات حلقات دائرية صغار مع ميكاب خفيف بزاف ....
وقفات سيارة مروى قدام دار لالة رحمة نزلات منها إسلام ونرجس...
إسلام رفعات حاجب ونزلات لا خر:مروى ما غتنزليش معانا اجي دخلي
مروى هازا تيليفونها ملهية معاه تبسمات جنب وقالت :غير دخلوا أنا غنتسناكم هنا حتى تجيوا
إسلام حركات راصها :وخا لي بان ليك
دقات في لباب بعض لحضات تفتح،غير شافتهم بدات تزغرات
توبة فرحانة :لو لوا لوا عروستنا !! مرحبا بيك دخلوا
نرجس حركات راصها بخجل وإسلام تبسمات جنب وقالت:شوهتينا
توبة ساطت بجهد ونطقات :مالكم كتبيعوا في لكوكايين غنشوهكم غير شفت مرت خويا وفرحت حتى انا إنشاء الله ملي يتزوجوا غنولي عمة
نرجس جلسات فوق سداري في لمراح او وجها تسحق منوا دم بالحشمة...
إسلام دخلات لداخل كدور عينيها في كل جويه حتى سمعات صوتهم جاي من لمطبخ دخلات لعندهم لقات أمينة جالسا فوق كرسي صغير ورحمة واقفة كدير ليها دواء لشعرها
أمينة هزات راصها:وكتري ليا امي رحمة الله يحفضك بغيت ريحة لقرنفل تبقا في شعري
لالة رحمة كتشقق ليها في راصها ،بتنهيدة طويلة:هانا كانكتر ليك دواء غير سكتينا يابنتي شحال فيك ديال لهضرة أخرى مرة نصوب ليك شي حاجة
إسلام ربعات يديها عندها وقالت:إيوا نتي لي جات معاك الالة جالسا كديري في لعشوب ومخلياني انا بلاش
لالة رحمة ببتسامة نطقات:حتى نتي صوبت ليك ابنتي راه درتوا ليكم في ديك لبواطة ديري منوا نتي ونرجس وكين معاه حتى شي عشوب لجسم كيخليه يولي يشعل ديروا منوا
إسلام عنقات مها من ضهرها:لهلا يخطيك علينا
أمينة حزمات راصها بزيف حياتي وغطاتوا بشال ،بعينين تيلمعوا قالت:توحشتك بزاف الخوادرية
إسلام بفرحة تشع من عينيها ردات:كون تشوفي أنا كتر منك ونوضي دغيا لبنت كتسنى فينا
°••نرجس جالسا حانية راصها كتلعب بيديها وكتفكر في هاد لحياة جديدة لي مقبلة عليها بينما هيا ساهية وقف عند راصها كيصفر ويلعب بكورة بين يدوا، حتى هزات راصها وجات عينيها في عينوا ...
عمر بغمزة نطق:نسيبتي لباس عليك
نرجس حركات راصها بإجاب
عمر تبسم جنب: مابقا والوا ونتجمعوا تحت سقف واحد
نرجس بغصة خانقاها نطقات:كنتمنى توقع شي معجزة لي توقف هاد زواج باش نتهنى منك
عمر قرب منها وبصوت رجولي خشن قال: دخلتي حتى رحبة فليوا وبغيتي تعطسي، يوقع لي وقع ما غتفكيش مني وداك ز**** ديال مراد راه مشيت خْلِيْتْ عشتوا في لحبس ولا يطلب ويبوس في رجلين "كمش حجبانوا وحك ضقنوا من لتحت متسأل" معرفتش شنوا عجبك في داك لموتشوا طلع ختيارك تحت صفر
نرجس عينيها خرجوا من صدمة ملي سمعاتوا ضرب مراد بلعات ريقها وقالت براحة داخلها: غزيتي فيه يستاهل
نزلات توبة هازا حويجها ولابسا جلابة:اولدي مزال ما تزوجتوا ما عندكش لحق تهضر مع لبنت حتى ديروا لعقد
عمر حرك راصوا ومشا كيضحك بعدما قال: لقيتيني ساليت هضرتي
خرجوا من دار لالة رحمة هازين سطولة لحمام بين يديهم ولحويج ..أمينة لمحات مروى وقفا حدا طموبيل طلعتها ونزلتها وشارت ليها
أمينة رفعات حجبانها:هادي خت لفعى لمسمومة
إسلام حمرات فيها بعينيها وبخفوت نطقات: حشومة
مروى سمعاتهم تبسمات وقالت بخجل : غير خليها،خودي راحتك هاديك ختي وتنعرفها حتى واحد ما تيقولها فيها زوينة أنا ختها وشهماتني
أمينة مخرجا عينيها بصوت عالي نطقات : إيوا الله يجيب من يقول لحق وما يعطينا والوا
هزات راصها كتقاد في شالها وهيا تلمح هناء كتطل عليهم،تقادت معها وبدات تقول :
_بقاي حاضيانا صبحنا على الله وملائكة الرحمان "هزات يديها كتشالي بيهم"عوعوا بقاي تشوفي فينا راه حنا كنصنعوا صوارخ سيري دخلي تعجني ولا عندك شي شغل سيري تقضيه
هناء شافتهم فرحانين بحلا ما واقعا حتى حاجة ما عجبها حال ردخات باب شرجهم حتى كان غيطير من بلاصتوا ودخلات كتفور..حنت شافت إسلام بيخير...
إسلام بتنهدة طويلة قالت:أمينة زيدي وخليها حتى نتي مديريش راصك فيها
أمينة بعصبية نطقات :ياختي هاد لكراطة ما كرهتش نكرط بيها درب كامل ولا جديدة كلها وما غنبردش شحال فضولية وفيها لحضية
جالسا في بيتها لابسا فستان أبيض طويل وشعرها مطلوق مورا ضهرها ،دموعها على خدها نازلين من عينيها شلال كتشوف في نعكاس صورتها في المرآة وكتبكي على الحياة جديدة المقبلة عليها...كانت كل أحلامها أنها تفوق في دراستها وتجيب أحسن معدل تفرح بيه عائلتها وليوم بسباب شوهة لي سبات لنفسها ولعائلتها غتزوج بزز منها..
دخلات لعندها لالة فريدة لابسا قفطان موبرا بالعقيق والجوهر وحطا حلاقات، وكولي ديال الألماس في عنقها وشعرها جمعاه لفوق قربات منها ودمعا حبسها داخلها طولات شوفة في بنتها بفستان زفاف حتى دمعوا عينيها، ياما كانت كتمنى تشوف بنتها عروسة ودير ليها عرس كبير يفرحوا معاها فيه العائلة ولحباب وليوم غتفارق بنتها لي رباتها وكبراتها على يديها بحفلة بسيطة ...
نرجس هزات عينيها لي كيبريوا بدموع في مها وقالت بصوت مخنوق:عفاك أماما ديري شي حاجة أنا ما بغيتش نتزوج
فريدة بلعات ريقها بصعوبة وبغصة خانقاها نطقات:رضاي أبنتي بالمكتوب باك عطا كلمتوا لناس "بتنهيدة طويلة"وزيدون عمر وخا عارف ديك لمصيبة لي درتي ما تخلاش عليك، داك لولد أبنتي ما غتلقيش بحالوا غير صبري كلشي غيفوت وانشاء الله غترتاحي معاه
نرجس بحرقة نطقات :ياريت كون كنت لابسا كفن في عود هاد لكسوة لي كتبان ليا كحلة ما حملاهاش
فريدة حطات إيدها على فم بنتها ما نعها من دكر لموت :قولي أعود بالله من شيطان رجيم أبنتي طوال زمان ولا قصار غتزوجي
نرجس حركات راصها ودموع تيطيحوا من عينيها :انا ما بغيتش نتزوج باغا نكمل قرايتي
لالة فريدة تبسمات فوق خاطرها:هاد شي علاش مقلقة وكتبكي عمر غيخليك تكملي قرايتك غير تهناي
نرجس شافت في مها بتوسل ونطقات دخلها بحرقة:حتى واحد ما باغي يفهمني صعيب نبعد عليكم أماما ما بغيتش نعيش في مدينة غريبة عليا وانا ولفت نعيش وسط منكم وحداكم.
.
لالة فريدة تبسمات جنب وهزات منديل بدات تمسح بيه وجه بنتها من دموع:اش هاد لحالة ديرا في وجهك كون غير خليتي نكافة تقاد ليك حسن؛ كينا شي عروسة في دنيا كتبكي نهار عرسها ماشي معقول
نرجس فتحات شفايفها ونطقات بعدم رضا : بغيت نبقا هاكا طبيعية ما بغيت نحط في وجهي والوا...ما بغيتش نتزوج علاش بابا باغي يضلمني
فريدة بعصبية نطقات:نتي لي جبتيها لراصك كون تبتي كيف لبنات وبقيتي متبعة قرايتك ما غتحطيش في هاد لموقف لي نتي فيه ليوم "زفرات بجهد"قلة عقلك لي دراتها ليك
هزات فريدة عكر احمر وحطاتوا لبنتها فوق شفاه ديالها ونطقات بتنهيدة طويلة: دابا سمعيني مزيان أشنوا غنقول ليك راجلك تعاملي معاه مزيان كوني رزينة وسمعي لهضرتوا وبالنبسة ليلة دخلة
نرجس بدات تصفار وتحمار ما كانتش ديرا لموضوع في بالها زيرات على يديها كتسمع لكلام مها وملامحها كيتلونوا بالخجل...
فريدة بجدية نطقات : ملي يبغي يدخل بيك راجلك أبنتي ترخاي باش ما تقصحيش وماتخافيش وكلشي إنشاء الله غيدوز مزيان "رفعات حجبها مع إبتسامة كتحاول تهدئ فيها بنتها "عادي هاد شي أبنتي حتى أنا دزت منوا
دخلات لعندهم مروى لابسا قفطان بلا كمايم في لموف ورافعا شعرها لفوق قاطعتهم بقولها :هاي هاي على لالة لعروسة جيتي فنا خاصنا نزلوا لعريس وصل وحتى لعدول جاو كيتسناو
فريدة تنهدات بقلة حيلة:هانتي ابنتي اجي تشوفي هاد لحالة لي ديرا في وجها بزز باش حطيت ليها شوية لعكر.
مروى هزات قفطانها من جناب وقربات منهم :غير حيدي من تما أخالتي انا غنقاد ليها مكياج بزربة ونغطي ليها وجها بشبكة ونزلها معايا
فريدة عنقات نرجس لي ما كرهاتش لو انها ترجع جنين وتخبا في بطن أمها باش ترجع تزاد من جديد وتغير بزاف ديال لحويج في حياتها
فريدة :الله يكمل بالخير أبنتي أنا راضية عليك دنيا واخرة
جالس في صالون لابس كوستيم في الأسود مع قميجة في الأبيض وكرفاطا في الأسود ومرجع شعروا لور كيبان كلاص..
على يامينوا جالسين لعدول وحد منهم لابس جلباب في الأزرق مع طربوش أحمر والأخر مرتدي جلباب في البني مع طربوش في الأزرق
في لغرفة الأخرى جالسين لجروب لي جابهم عمر تحت طلب أمينة وتوبة لي باغين يفرحوا ويغنيوا حنت هادي ليلة خوهم و وخاصهم ينشطوا فيها...
أمينة لابسا قفطان في الأخضر همست في ادن توبة لي جالسا حداها وقالت:يمتا غيزربوا هادوا واه باغا نشطح ما غنقدرش نبقا باركا هاكا
توبة بخفوت ردات: صبري شويا مبقاش بزاف وزيدن حنا عاد جينا
واحد من لعدول نحنح بشوي ونطق:الى سمحتوا ممكن تنادوا على العروس ما بقاش عندنا لوقت بزاف وتابعينا بزاف ديال لمناسبات.
إسلام جمعات لوقفة لابسا قفطان في الابيض مخيط بالأصفر وفيه الأحجار بالأصفر مع مضمة ديال الألماس ،بفرحة نطقات:
_ وخا انا غاديا نجيبها دابا
تمشات بخطوات بطيئة بسبب سباط طالون لعالي لي لابسا وهيا تلقا نرجس نازلا في دروج وجها مغطي بشبكة قابطا في إيد مروى بدات تصلي على النبي هيا ولبنات فرحانين...
عمر هز راصوا فيها بانت ليه داخلا لصالون منزلا راصها لمغطي بشبكة في الأرض بزغاريت جلسوها حداه ...
واحد من لعدول حرك راصوا وبتسأل نطق ببتسامة عريضة :عمر بن محمد واش نتا قابل تزوج بالأنسة نرجس راضي على سنة الله ورسوله
عمر ببتسامة مزينة ملامحوا رد عليه:اه اسيدي قابل نتزوج
لعدول كرر سؤال مع نرجس لي هزات عينيها جاو في عيون باها مباشرة ماقدرتش تنزل كلمتوا الأرض وبغصة خانقاها حركات راصها بإجاب
العدول حط لكتاب قدامهم وقال:سنيوا هانا اولدي
فور ما سناوو لعرسان على لعقد حطوا لخواتم قدامهم ركبوهم لبعضياتهم ببرود...
لعدول مدوا ليهم لعقد وقفوا سلموا عليهم: حسب صلاحية لي تعطاتنا من مجلس البلدية كنعلنوكم زوج وزوجة الله يكمل بالخير
باقي العائلة كلهم باركوا لنرجس وعمر زواج بفرحة غامراهم...
عمر بقا فيه لحال حنت قدم ليها في صداق 4 لمليون عونوا فيها خالوا لمختار وختوا لي بزات عليه 2مليون كاهدية لعرسوا ....عكس أركان لي عطا لختوا 70 مليون في صداق
الحاجة خديجة ببتسامة نطقات:عري ليها وجها أولدي وشربها لحليب الله يكمل بالخير
عمر حرك راصوا وحمل شبكة من لتحت كشف ليها على وجها لقاها منزلا راصها الأرض او وجها حمر بالبكاء قرب منها طبع قبلة دافئة على جبينها بهدوء وحمل تمرة وكلها منها و زلافة ديال لحليب شربها ليها..وحتى هيا كدالك دارت داك شي لي قالوا ليها متفادية نضر لعينيه...
دخل لمصور جلس كيلتاقط ليهم بعض صور باش تبقى كاتذكار.....
أمينة وقفات شادا من كرشها خسرات سيفتها ونطقات:اش هاد تصاور نتي في شمال وهوا في لجنوب قربوا من بعضياتكم باش تجي تصويرا زوينة
عمر دور ديوا على نرجس لي لخجل كسا ملامحها حشمات من قربوا ليها قدام وليديها جرها لعندوا وحط يدوا على إيدها كارز عليها رماوو عليهم لبنات لورد ...
سي عدنان بتنهدة نطق :تبسمي شويا أبنتي هاد صور غيبقاو عندك تدكار ملي تكبري خاصك توريهم لولادك
نرجس تبسمات فور ما سمعت كلام باها وهوا ياخد ليهم لمصور ديك صورة بسرعة
حضر لعقد لقران غير عائلة أمينة من مها سعاد وباها لعربي لي عزيز عندهم عمر او عائلة العروسين وبعض لمقربين لقراب ليهم
بدات لموسيقى الشعبية المغربية كتعزف بطريقة تخلي لمريض يصح وينوض يشطح
هز لمغني لميكروا وبدا يغني مع لحن...
_لعروسة جات أيما وزينة لبنات.. هاهيا جات عروسة جات... أيما ولالة لبنات
أمينة بدات كتفيبري غير بوحدها بلعات ريقها ومشات كتجري لعند لمغني لبيت لاخر جراتوا من لفيستا صدماتوا واشافت فيه وريوكها سايلين، بتراجي نطقات:
_رحم ميمتك غني ليا اغنية عايشة بغيت نتحير ونجدب
المغني شاف فيها بستغراب بعد لميكروا ونطق :عايشة ماشي ديال هاد لمناسبة أختي سيري خليني نغني على لعرسان
أمينة لاحت ليه لميكروا بعيد وهزات طالونها وشداتوا من كول قاميجتوا شانقا عليه من تحت سنانها نطقات بعصبية :بربي وما تغني على عايشة مولات لواد حتى غتشوف مني لويل هاد ليلة ،غنوكل مك طرحة ديال لعصا ونسيفطك لحبس فين تربا
المغني شاف فيها مطول وقال:طلقي مني ألالة "بتسأل رفع حاجبوا"الأخت واش نتي مسكونة ؟
أمينة جن جنونوها سحقات سنانها بغيض ونزلات عليه لراص بطالونها بدات تخبط وتقول: اه مسكونة وجنوني غيقتلوك ليوم ما بغيتيش تغني عايشة ياك اوجه نحس....غني عايشة يعطيك غبينة
دراري لي تيعزفوا على الألات لمسيقية ناضوا يفكوا مصدومين...
واحد منهم نطق بتسأل:ختي شنوا دار ليك؟
أمينة مزيرا عليه كتنزل عليه لراص وخا دراري كيجاروا ما مفكاش خرجات عينيها ونطقات بحرقة:
_قلت ليه يغني على عايشة مولات لمرجة ما بغاش
مول لكمان وجه كلاموا لمغني :وا صحبي حنا جينا نترزقوا الله قالت ليك غني عايشة غنيها ليها وهنينا
لمغني مقجوج تيهضر بزز منوا:ولعشير راه عايشة ماشي ديال لعرسات ولا جاوو سولوني مالين لعرس شنوا نقول ليهم
مول لبيانوا نطق:قول ليهم هيا لي طلبات منك تغني على عايشة وخرج من باب واسع
مول لكمان كيحاول يلطف لجوا:عفاك اختي لما طلقيه غنغنيوا ليك لي بغيتي غير طلقيه
أمينة مخرجا عينيها كتنهج : بغيتكم تغنيوا ليا غير على عايشة صافي لا ما بغياتوش بربي حتى ترجعوا لديوركم بلا ريال بلا جوج راه امينة مرت لكوميسير كريم هادي واجرك على الله
طلقات منوا لاحتوا قدامها تيرجع نفس قاد حويجوا وخدا لميكروا وهوا حاضيها كيفاش مخرجا عينها فيه ناوية على خزيت
فور ما باداو تيغنيوا على عايشة مشات أمينة لبيت لاخر تجري خدات لمها زيف من راصها بزز وتحزمات بيه خلاتهم غير يشوفوا مبهوضين...
لاحت طالونها وسارت تلوز وتحير عاجبها لحال وتغني مع الأغنية...
_وعايشاااا "تتلوز وتقول "واعايشاااا مولات لمرجة"بدات تحير"واعايشااااا
إسلام شافتها غادردك وهيا تمشي تجري وقفتها غوتات في ودنها بجهد بسبب صوت لموسيقى العالي:
_أمينة واش تسطيتي راك حاملة وخاصك راحة
أمينة عرقانا كتجدب بتنهيدة قالت :خليني أختي باغا نشطح ونتحير"مدات يديها"شوفي يدي كيترعدوا غنموت الى ما شطحتش بعدي مني بعدي ولا أجي تونسيني
"إسلام سمعات لحاجة كتنادي عليها خرجات لعندها "
سعاد ما رداتش قدام ناس بنتها تشطح قفدات درعيها وناضت ليها:
_اتي دوزي تبركي اديك لمسخوطة ناس يتزوجوا ويديروا عقلهم ونتي حاملا ومزال ما درتي عقلك في راصك واحلا فيا يعطيك مصيبة
أمينة ما مسوقاش واقفا كتشطح ومها شداتها من دراعها جارها وهيا سايرا عليها:
_وااااا عايشاااا وووااااا عايشااااااا
سعاد خرجات عينيها قالت:غتقتلي ولدك اديك لكريثة دوزي تكلسي
أمينة نترات يديها وبلعات ريقها وبتوسل نطقات:لعار أ مي هاد الأغنية هيا لي كتشطحني غير شوية عايشة ونجلس
توبة سمعاتهم اوقفات شادا من جناب قفطانها :بغيتي شويا ههههه نجيب ليك مطيشة لحك لعيشة ههههه دوزي تبركي حسن ليك"او رجعات لعند ولدها "
سعاد شافت حتى عيات دورات راصها بين لحضور شافتهم تيهضروا مع بعضياتهم ما مدينهاش فيها وهيا تشد أمينة من جناب فخضها و دورتها ليها بقرصة خلاتها تحارق حابسا لبكية، ومن تحت سنانها نطقات مغدة:
_ياك قلت ليك دوزي تكلسي راه غتقتلي ولدك
أمينة بعينين تيبروا بدموع نطقات بصوت باكي: اي حرام عليك هئ هئ هئ وعيتني
سعاد شدتها من درعها جراتها منوا ولكاكش خارجين من فمها:ولي ما كيسمعش سر جد بوه كتر من هك
أمينة جلسات حدا مها معوجا سيفتها: غير لي بغا يجي معك لشي عرس او أصلا نتي مالك ياك هادا ولدي نقتلوا كاع اش مشا ليك كيما حملت بيه نعود نحمل بغيروا ساهلااا لمهم نبرد غدايدي في شطيح
سعاد زيرات على دراع بنتها :غنصبر على والديك غير تولدي ولا ما عودتش ليك تربية من جديد أبنتي امينة راه مي يطوا ما ولدات فيا غير لخلا، باش نعلمك تبقاي تجاوبي معايا في لهضرة
أمينة كمشات حجبانها بألم: أي درتيني امي غطبعي ليا لحمي كامل، حتى راجل ما غيبقاش قابل عليا
سعاد :لا إله إلا الله، على أساس داك راجل ديرا ليه عتبار تلقيه مسكين ندم على نهار لي تزوج بيك فيه
أمينة قلبات عينيها:كيبغيني وقابل ليا على هبالي الحمد لله
سعاد خرجات عينيها:غنجمعها مع جدك بشي بطرشة لحنك
أمينة عوجات فمها :سيري حفري قبر جدي و الى لقيتيه مزال عندوا شي حنك عطيه حتى عشرين طرشة على حسابي أصلا أنا ما كانش عندي معاه حنت كان زقرام عشرة دريال كايكبرها فيا
سعاد ساطت بجهد:اويلي اديك لمسخوطة إدكروا أمواتكم بخير
امينة هزات كتفها: إيوا نتي لي جبدتيه ولا باك وحنت عزيز عليك باركا تجي عليه
سي لعربي نحنح بشوي ونطق بعصبية:اديك لمرا جمعوا فمكم راه ناس تيسمعوا فيكم
سعاد جرات زيفها من خسر بنتها نتراتوا بجهد حزمات بيه راصها لي عطاها لحريق بكلام بنتها لي ما كتساليش ،دارت لعند راجلها وقالت :
_بنتك العربي ياغتقتلني يا غتصفيها لولدها
العربي شاف في أمينة وهيا تبدا دور عويناتها شافت حتى عيات ونطقات بصوت هادئ:
_با شد عليا مرتك حسن ليها ولا ما غيعجبها لحال "بدات تبكي بسبب الحمل وهرمونات مخربقين" بغيت نشطح على عايشة وما خلاتنيش حرام عليها هنن هئ هئ هئ "جمعات لوقفة ناضت تقلب على إسلام وخلاتهم"
لعربي قرب من سعاد وتكلم بخفوت:رخفي على لبنت أسعاد خليها على راحتها راها ما عرفاش راصها اش كتقول
سعاد بفقصة نطقات:ولات تجاوب معايا لكلبة لاخرا دابا نعود ليها تربيا "شارت لنفسها" انا سعاد بنت لهاشمي تجي برهوشة تعت بنتي غير ديك نهار كانت كتبول في حويجها ونبدل ليها تجاوب معايا ولا قد لقب قد سطل مزيان تبارك الله
في منتصف الليل وقفات سيارة سي لمختار قدام عمارة راقية في رباط ...
نزل منها عمر لي كان جالس حدا خالوا مسح على شعروا من لعيا ديال طريق وتوجه لكوفر نيشان بدا يجبد في لي فاليز ديول نرجس وباقي الأغراض ديولهم...طلعهم نيشان لبرطمة لي جات في طابق العاشر فوق منها سطح...
ونزل عند نرجس فتح لباب كتبان ليه ناعسا ورموشها فازكين بدموع ما سخاتش بعائلها بزز باش قدرات تودعهم أما باها ما شافتوش ما قدرش يودع بنتوا صغيرة ويبكي قدامها وصا عليها غير عمر ومشا...
سي لمختار نحنح بشوي وقال:الحمد لله وصلنا على خير ،ختي رحمة مسكينة كانت باغاك تبقا حتى لصباح
عمر حرك راصوا ونطق بصوت هادئ:خاصني نقاد بزاف ديال الأمور هنا ؛عاد تابعاني لخدمة داك شي علاش شدينا طريق في هاد ليل
سي لمختار برضا نطق: على سلمتكم اولدي الله يكمل كلشي بيخير فرحت ليك حنت تزوجتي فيق مراتك غير بشويا وسيروا ترتاحوا أنا خاصني نشد طريق دابا نرجع لجديدة
عمر ما عجبوا حال، بعدم رضا قال:من نيتك أخالي باغي تمشي دابا، لا ما غنخليكش 3 ديال دليل ما بقا والوا ويطلع نهار طلع دوش وترتاح ليك من طريق وخلي حتى لصباح فطر معانا وخرج دور ليك شويا في رباط بدل لجوو عاد يمكن ليك ترجع
سي لمختار تبسم جنب:لا اولدي ما نصيبش عندي شلا شغل كيتسناني في لفيرما مرة أخرى ونجي عندك..
عمر بتراجي نطق :على الاقل بات معانا حتى لصباح وسير
بعد الإصرار لكبير من عمر واقف سي لمختار يبات معاهم..طلع لدار سبق عمر لي نعت ليه مكان لبرطما وعطاه ساروات وهوا دار لعند نرجس قرب منها كانت ناعسا بهدوء مكمشا فوق لكوسان مد يدوا حركها بشوي و قال :
_نرجس فيقي راه وصلنا
نرجس تقلبات لجيهة الأخرى شويا ما كانت غاطيح كون ما شدهاش عمر وقالت بصوت تقيل غالب عليه نعاس:
_هنن خليني ناعسا بعد مني
عمر زفر بجهد وقال :نوضي تكعدي ابنتي طلعي لبيتك وكملي نعاسك
نرجس بقات مخشية في راصها ناعسا فقصاتوا وهيا يخشي إيد تحت رجليها والإخرا مورا ضهرها وهزها بين يديه دفع باب سيارة سدوا وضغط على زر لكونطاك سد لوطوا
دفع باب لعمارة برجليه وتما غادي جيهة المصعد وهيا تفيق حلات عينيها مصدومة بقات كترمش وكتفركل برجليها حتى نزلها...
نرجس مني تزوج بيها عمر تغيرات نضرتها ليه كا صديق لي كانت ما كتحشمش قداموا وكتهضر معاه مرتاحة دابا ملي ولا راجلها ولات ما كتقدرش حتى تشوف ليه في عينيه بسرعة كترتابك من نضراتوا ولا قربوا ليها بعصبية نطقات:
_اش داك تهزني بعد مني
عمر ضغط على زر المصعد للصعود:بقيتي ناعسا و طريت نهزك بزز مني "حك ضقنوا"هانيتيني في صراحة ملي فاقتي انا اصلا عيان مع طريق ونتي تقيلة وزنك فات خنشة سيما
نرجس زيرات على يديها معصبة بصوت مبحوح نطقات:انا ما غليضاش واش كتسمع "خرجات لسانها بتأكيد نطقات" نتا لي راشي ما كتاكل زرع
عمر ببرود رد عليها :وهانتي بديتي تعصبيني اشنيولة خليني معاك مزيان هاد ساعا حسن ما نخسر لهضرة ونوريك راشي شنوا كيدير
نرجس خرجات عينيها فيه:عندي سميتي أخر مرة تقول ليا شنيولة
عمر خرج من لمصعد غادي سابقها:نورتي دارك البرهوشة زيدي قدامي
نرجس زيرات على يديها تبعاتوا مجننة:انا ماشي برهوشة
عمر تبسم جنب:إيوا غير ختاري برهوشة ولا شنيولة اما سميتك ما عمرك ما تحلمي براصك غنعيط ليك بيها أخنشة سيما"دفع لباب وبعد ليها دخل"تفضلي
نرجس خنزرات فيه ودخلات كتكتاشف لمكان..وكدور عينيها في كل جويه..عجبها شكل لبرطمة وخا صغيرة مصممة بطريقة راقية فيها غرفة نوم وحدة بالكون كبير وحمام واحد برا الغرفة وصالة كبيرة ولمراح فيه لي لفوتاي ولبلازما...عاد لمطبخ
عمر جرها من يدها دخلها لبيتوا نيشان او وقف تيحيد في لافيست لي لابس ..
نرجس رفعات حاجبها : بغيت نعس فين هوا بيتي ؟
عمر صغررعينيه وقرب منها حابس ضحكة:عودي شنوا قلتي
نرجس قلبات عينيها:قلت ليك فين هوا بيتي باغا نعس ونرتاح
عمر جلس على طرف سرير و تحنى كيحيط في سباطوا :هادا هوا بيتك و غتنعسي حدا راجلك "هز راصوا شار لنفسوا"يعني حدايا
نرجس عوجات فمها :غير كتحلم اولدي والله لا نعست حداك
عمر بتأكيد نطق :ما تبقيش تحلفي بالله حنت في الأخير غتنعسي حدايا وغتسدقي محنتا وصيما تلاتة أيام
نرجس هزات باليزتها وتمات غاديا خارجة:لي عندي قلتوا
عمر بعصبية نطق ساعر جمد ليها الماء في ركابي:ما تجعريش دين مي في هاد ليل "شار الباب"سيري دخلي للحمام دوشي واجي لهنا بدلي حويجتك وتخشاي في بلاصتك
نرجس لخوف قالتها وخرجات عينيها :قلت ليك ما غنعسش هنا هيا ما غنباتش هنا وخا تقتلني
عمر من تحت سنانوا نطق معصب :بربي ونشدك اشنيولة حتى نعود ليك تربية من جديد دابا غتهزي بيجامتك وتخرجي من لبيت تمشي لدوش وملي تسالي أجي تنعسي هنا بلاشوهة راه خالي لمختار ناعس في صالون بلا ما تبرزطيه
نرجس بلعات ريقها ونطقات بجدية: غنعس هنا بشرط
عمر طوا يديه عندوا ورفع حاجبوا :شنوا هوا هاد شرط ألالة؟
نرجس بجدية قالت:ما تقربش جيهتي وما تمسنيش
عمر تفرشخ بضحك:مسكينة من نيتك داوية على أساس أنا غير قاتل راصي باش نقرب ليك
توجه لبلاكار خدا من فوقوا مانطة جديدة هازها بين يدوا و قال:
_غندي هادي لخالي وملي نجي بغيت نلقاك ناعسا ما نسمعش حسك
هزات باليزتها حطاتها فوق سرير او حلاتها جبدات منها بيجامة باردة عبارة عن شورط قصير ديال توب مع سليب سمطة في لغوز هيا مالفا من صغرها ما عزيش عليها تلبس لحويج بزاف كتبغي تنعس مرتاحة...
وقفات حدا المرآة حيدات المجوهرات وبقات واحلة مع سنسلة ديال لكسوة لغوز لي بدلات في دراهم ملي حيدت كسوة لعرس...
ضاربت معاها وما بغات تحل ليها فقصاتها بان ليها عمر دخل لغرفة هز حويجوا بدلهم قدامها ما مسوقش ليها هيا غير شافتوا غمضات عينيها حتى سالا..لبس شورط في الأبيض مع تيشرت سمطة في الأسود وتكا في بلاصتوا...
بقات كدور دراعها باغا تحلها وتفقصات شافت في عمر لي مغمض عينيه ما مديهاش فيها زفرات بجهد وقالت:
_عمر حل ليا سنسلة
عمر تبسم جنب بقا مغمض عينيه وقال بصوت رجولي خشن:طلبيها مني بأداب وغنشوف ديك ساع واش نعونك ولا لا
نرجس فقصها زيرات على سنانها معصبة ساطت بجهد وقالت بهدوء مسطنع:
_عفاك ممكن تحل ليا سنسلة بغيت نبدل حويجي
عمر جمع لوقفة مبتاسم قال:وخا أشنيولة هيا لولة
وقف مورها، ماقابلين مع المرآة دور ليها شعرها لعندها وحط يدوا على ضهرها والإيد الأخرى شد بيها سنسلة لي لقاها عاصيا بقا بشويا حتى حلها غير نزلها لتحت بان ضهرها لبيض عريان قداموا..بلع ريقوا حتى تفاحة أدم تحركات في حلقوا نزل راصوا غيرجع لبلاصتوا هوا يوقف وطاحت عليه فكرة عض خدوا من لداخل ودور يدوا على خسرها ودفن راصوا في عنقها ستنشق ريحتها من الأعماق حتى تخدر...
نرجس حسات بأنفسوا في عنقها قلبها بدا يضرب بجهد...بتلعثم نطقات بخوف:
_ياك قلتي ما غتقربش ليا بببب بااابعد مني
عمر بصوت مبحوح نطق:ماشي معقول نضرب هاد لمسافة كلها حتى لجديدة ونخلي خدمتي لي عاد بديت وفي الأخير ما نربح والوا" بغمزة قال"خلينا نتمتعوا شويا" غمض عينيه وحط نيفوا فوق عنقها من لور"
نرجس تبورشات من لمستوا وقربوا ليها كمشات حجباتها بخوف بقات كتعض في شفاه ديالها مصدومة
حل عينيه شاف نعكاس صورتها في مرآة بانت ليه ولات حمرة وكدير شي تعابير جابت ليه ضحكة هزها بالخف وحطها فوق سرير وجا هوا فوق منها..بقا كيتأمل ملامح وجها وعينيه في عينيها عض خدوا من لداخل وبدا كيتقرب منها بشوي وهيا قلبها غيسكت من لخلعة حط نيفوا فوق ديالها حتى تخلطات أنفاسهم مع بعض ...حس بإحساس غريب كيتملكوا جيهتها...
نرجس بدات كضرب ليه في درعواا بشافيف تيرجفوا بنطقات بخوف: بعد بعددد منييييي
عمر جمع ليها يديها لفوق و بعينين معسلين قال:بغيت ناخد حقي أمرتي
نرجس بدات تفركل وتبكي:بعد مني الحيوان بعععععد حراااام عليك هننن هئ هئ هئ
عمر قرب حدا ودنها ونطق بصوت هادئ: ششش تهدني "حط صبعوا على فمها سكتها وقرب خدوا حطوا على خدها لامسوا بشوي بدا تيقرب منها حتى غمضات عينيها كتسناه يبوسها وهوا يتفرشخ عليها بضحك وهيا تحل عينيها مصدومة "صغر عينيه وقال بنتصار " للإسف نتي ماشي نوعي المفضل
عمر جمع لوقفة كيقاد في حويحوا :شوفي غير شكلك كيف ديرا كديري تقيا
نرجس وجها ولا حمر ما رداتش جلسات مزيرا على سنانها ونطقات بعصبية:والله حتى نرجعها ليك هئ هئ هئ غنرجعها ليك في ساعة لخير غير تسنا
عمر شد من كرشوا كيضحك :شوفي وجهك كيف ولاا ههههه صراحة بقيتي فيا "حك ضقنوا و قال بجدية "نوضي تكَعدي ليا من بلاصتي باغي نعس...
وقفات كاتشتف هزات بيجامتها وخرجات من لبيت غطرطق مفقوصة مشات لحمام خدات دوش خفيف وبدلات حويجها عاد رجعات لغرفة كتسلت لاقتوا ناعس تخشات في جهة الأخرى من سرير بقات كتفكر كيفاش ترجع ليه الأهانة حتى غفات....
فاقت صباح بسبب لمسات يديه على جسمها حلات عينيها مبهوضة..هوا فاق ناشط راشقة ليه ولا كيعجبوا لحال ملي كيعصبها
نرجس زيرات على سنانها:شنوا كدير
عمر بصوت مبحوح:كندير لي خاصوا يدار
نرجس ضرباتوا لدراعوا:بعد مني ما عندكش لحق تقيسني أنا ما كنبغيكش
عمر تبسم جنب وقال بصوت رجولي خشن: شعور متبادل أبريهيشتي
نرجس خنزرات فيه بعصبية:عندي سميتي أزمر
عمر توجه لبلاكار خدا منوا حويج ولفوطة وقف قدام لباب وقال :
_ توكضي نوضي لكوزينة صوبي شي فطور زوين راه خالي بايت معانا..انا غندخل ندوش مني نخرج نبغي لقا فطوي واجد أمارتي لبرهوشة
نرجس حركات راصها بإجاب ومن تحت سنانها نطقات: لبرهوش هوا نتا
عمر دار لعندها مطلع حاجبوا:شنوا قلتي ؟
نرجس ببتسامة مسطنعة:قلت ليك وخا ألي شارب عقلوا "زيرات على يديها ونطقات داخلها"غنكرهك في نهار لي فكرتي فيه تزوج بيا غير تسنا الأيام بيناتنا
جالس سي لمختار على طبلة لفطور وعمر ونرجس واقفين فوق راصوا غير ويحطوا في الأطباق قداموا فرحانيين بيه كل واحد باغي يبان على الأخر أنه كيحسن ضيافة كتر من الأخر ...
عمر كب كاس ديال اتاي لسي لمختار وقال:
_ دوق ليا هاد لكاس راه عمرتوا بيدي
نرجس خنزارات في عمر مقطعاه:لا أخالي شرب هاد لفنجان ديال لقهوة أنا لي صوبتها ليك خصيصا وقول ليا كيف جاك ومرحبا بيك
سي لمختار ببتسامة عريضة نطق: الله يرضي عليكم اوليداتي أنا غنشربهم بزوج غير جلسوا تفطروا
عمر جر كرسي وجلس حدا سي لمختار رفع حاجبوا وقال:كبي ليا كاس ديال اتاي ومدي ليا لبتيبان
نرجس جلسات فوق كرسي حداه مخنزرا فيه ومن تحت سنانوا نطقات، راسمة إبتسامة صفراء على محاياها:ياك عندك يدك وكب لراصك
عمر زير على إيدها من تحت طبلة وقال:بربي وما تكبي كاس"شاف سي لمختار شاف فيه هوا يبتاسم" كبي ليا كاس اتاي الى سمحتي
نرجس ساطت بجهد وهزات لبراد بدات تكب ليه أتاي وتجر في إيدها من تحت طبلة باغا تفك راصها منوا
سي لمختار دور راصوا تيشوف في دار:تبارك الله شقة ديالك زوينة اولدي
عمر حس بضفرها خشاتوا ليه في صبعوا جر يديه مخنزر فيها تبسم لخالوا وقال:اه زوينة
سي لمختار جمع نوضة : الله يكمل ليكم بالخير اوليداتي خاصني نشد طريق
نرجس بحزن نطقات:كون غير بقيتي معانا شويا ما سخيناش بيك
سي لمختار عنقها :عندي شلا شغل كيتسنا فيا أبنتي حتى انا ما سخيتش بيكم "حرك راصوا"تهلاوا في راصكم اوليداتي
نرجس بتنهيدة طويلة :وخا اخالي الله يعونك سلم على بابا وماما والحاج و العائلة كلها
سي لمختار هز لكونطاك وقال:كوني هانيا ابنتي بسلامة
عمر هز تجاكيطتوا لبسها ونطق:غنهبط معاك لباب
سي لمختار حبسوا:لا اولدي غير خليك
عمر حرك راصوا:غير خليني أنا أصلا غادي خارج "دار عند نرجس "الى بغيتي شي حاجة تاصلي بيا في تيليفون نجيبها ليك بسلامة
فور ما خرج سي لمختار هوا وعمر، نرجس دارت في دار شافتها مزيان وهزات لماعن غسلاتهم ودخلات رتبات حويجها في لبلاكار..
جلسات على طرف سريرها كترتاح وهيا تسمع رنة موبايل هزاتوا وغير قرات الإسم جوبات بسرعة:
_الواا ماما
لالة فريدة تبسمات جنب:كيف ديرا ابنتي لباس عليك ؟ توحشتك
نرجس بحزن:لباس؟ أماما حتى انا توحشتك
لالة فريدة بتسأل نطقات:امدرا ابنتي كلشي داز مزيان كيف صبحتي
نرجس بخجل ردات:لباس أماما اه كلشي بيخير الحمد لله
لالة فريدة بخوف قالت :كيف بقيتي شويا الى كنتي كتحسي بالحريق شوفي طبيب أبنتي
نرجس سرطات ريقها بصعوبة :أنا لباس اماما ما تختفيش
لالة فريدة بنبرة صوت حزينة:كنت باغا نجي عندك أبنتي وباك ما خلانيش
نرجس بغصة خانقاها ردات : ماعليش لمهم بابا يبقا على راحتوا و يسمح ليا
فريدة مسحات دمعة من عينيها:دابا يسمح ليك اكبيدتي تهلاي في راصك
نرجس حطات إيدها على فمها حابسا لبكية:سلمي عليهم أماما وتهلاي في راصك سمحي ليا بزاف
لالة فريدة بصوت باكي نطقات :أبنتي انا بغيت غير نشوفك بيخير وعلى خير المسامح كريم أحبيبتي بسلامة تهلاي في راجلك
نرجس فور ما قطعات مع مها جلسات كتبكي بهستيرية ما عاجبها حال حنت بعدات عليهم
جالس في ريسطوا راقي قريب لعمارة لي ساكن فيها هاز تيلي بين يدوا وجرا إتصال فور ما جوباتوا نطق:
_لبسي حويجك واجي عندي انا في لمطعم لي حدا دار
نرجس ساطت بجهد:علاش أش بغيتيني ؟!
عمر بغيض نطق :بغيتك تجي تغسلي لماعن عندك شي مانع"غوت عليها بجهد" واش نتي صافا أجي لا باغا تغداي ما غنتسناكش
نرجس لاحت ليه لهضرة وقطعات:وخا هانا جايا اووف
لبسات كلاكيط في رجليها و هزات بوليروا لبساتوا فوق لكسيوة قصيرة لي لابسا ديال دار وخرجات بعدما سدات لباب بساروات تمات غاديا كتمشا ولكسوة كطلع ليها بالبرد
غير وصلات للمطعم شافت في عمر لي فور ما هز راصوا وشاف لبسها جنوون طلعوا ليه فوق راصوا زير على يديه معصب وعينيه ولاوا حمرين من جناب ...
نرجس غير شافتوا كيف ولا ونزلات عينيها لكسوتها ،فهمات وهيا تمشي تجري سلتات للحمام نساء دخلات ليه بغات تسد لباب وهيا تحس بيد تحطات فوق يديها ما نعاها
عمر دفعها لداخل وسد لباب شدها من دراعها كارز عليها:اش هاد تبرهيش لابسا حويج ديال دراري صغار البرهوشة ما كتحشميش
نرجس كمشات حجبانها بألم:بعد مني ما عندكش لحق تدخل فيا ما سوقكش
عمر هز يدوا حتى لفوق غيعطيها بطرشة لحنك وهيا تغمض عينيها وسبقاتوا حطات شفاه ديالها على شفايفوا باش تهدنوا حنت ولا كيخلعها وهوا يلقاها فرصة دور يديه على راصها جرها عندوا كتر وقبلها بعنف ما بعد منها حتى خلاها كتنهج، بغمزة نطق:
_هادي باش تعلمي تستري شويا
رجع تيقرب منها وهيا مصدومة ودقات قلبها تسارعات بشكل كبير دور يديه على خسرها ودفعها على لحيط وبدا كيلتاهم في شفايفها بعصبية وهيا كدفع فيه مجنننة وهوا عاد ما زاد جعر عليها
.
نرجس طاحت دمعة سخونة جنب عينيها بعدات منوا بزز وبصوت باكي نطقات: هننن بعد مني عفاك
عمر زفر بجهد وحط جبهتوا على جبهاتها ويدوا مورا مأخرة عنقها وبإبهموا بدا يمسح ليها دموعها بشوي ...
نرجس هزات عينيها كتشوف فيه بتراجي، سهاوو تيشوفوا في عينين بعضياتهم بداو كيتقربوا من بعض بشوي وصوت تنفسهم حاد
عمر رجع حط شفاه ديالوا على شفيفها بدا تيمص فكل شفة بحنان....وبدا كيلامس في كل انش من جسدها بتملك خلاها تدوب من لمساتوا ناسيا راصها...
نرجس شعور جديد تملكها في هاد اللحضة لي بين يديه...دورات يديها على عنقوا مقرباه منها كتر و غمضات عينيها بشوي ...حسات بشي حاجة كتلعب في معدتها...
عمر شاف فيها لقاها مغمضة عينيها تبسم وسط فمها ونزل راصوا لعنقها بدا كيوزع قبل ساخنة خلاها تأوه بجهد...
خشا يديه تحت كسوتها بدا يطلع فيها بشوي وهيا سدرها ولا كيطلع وينزل بسرعة كبيرة..
تسمع دقان مجهد في لباب فيقهم من عالمهم لخاص ...
نرجس دفعاتوا كتنهج ودم تسحق من وجها بالخجل كون صابت الأرض تشق وتبلعها
عمر بعينين معسلين نطق بصوت مبحوح:
_ طلعتي بنينة أشنيولة
نزل ليها كسوتها وقاد حويجوا شد ليها من يديها غيفتح لباب وهيا توقفوا: ويلي ويلي
مصيبة هادي
عمر تبسم جنب :ما وقع والوا أبريهيشتي "بغمزة نطق" اشنوا ما نتمتعوش سوق شي حد
باسها بخفة ما ساخيش بطعم شفايفها عاد فتح لباب وهيا تدخل سيدة شافت فيهم وحبسات ضحكة عمر ما تسوقش ليها خنزر في لمرا وجر نرجس لي بغات تبكي بالحشمة خرجوا من تم نيشان طلب لغدا باش يديه معاه لدار وخلص وخرجوا من تما بهدوء..
حل لباب بساروت دخلوا لدار حط لماكلة فوق طبلة ودخل غسل يديه عاد جلس كياكل
عمر مضغ دغمة و قال:اجي تغداي
نرجس ساطت بجهد:ما بغيتش
عمر سرط دغمة وقال: بلا ما تجعريني واجي تغداي مزال غنتفاهم معاك على لبس ديال لبنات صغار لي لابسا
نرجس قلبات عينيها بعدم هتمام: ديجا قلت ليك ما سوقكش فيا وما عندكش لحق تدخل فيا
عمر بالفقصة وقف:اخر مرة تناقشي معايا وهاد لحويج ما غتبقايش تلبسيهم
نرجس بتأكيد نطقات :هادوا حويجي كيعجبوني وغبقا لبسهم بزز منك
عمر من تحت سنانوا نطق ساعر:تستري شفتيني مخليك على حريتك بغيتي ديري ما بغيتي في لبس حشمي ولا نغلف مك
نرجس رفعات حاجبها :مالي انا بنت ليك كتاب ولا كادوا باش تغلفني مزيان تبارك الله
عمر خرج عينيه:وليتي كتجوبي معايا ما بقيتيش كتحشمي البرهوشة
نرجس قلبات عينيها:ملي أنا برهوشة علاش مزوج بيها ألي شارب عقلوا
عمربالفقصة ضحك:كون كان عند ديلمك لعقل ما غتصوريش عريانا ولي بان ليك تبوسيه
نرجس قلبات عينيها كتقلي ليه سم:ياك فمي هادا ندير فيه ما بغيت نبوس بيه لحيوط ونبوس بيه لحماق لي في طريق وشجر والحجر وتلاجة ونتا شنوا مشا ليك
عمر دور يدوا على راصها جرها لعندوا او دوز بإبهاموا على شفيفها جر ليها فمها حتى كان غيطيروا ليها: هادا ملكي أنا بوحدي ما عندكش لحق تبوسي بيه حتى حاجا من غيري
نرجس طوات يديها ما مسوقاش:على زينوا فم عندك ما فيه ما يتباس غير ديال تهراس
عمر خنزر فيها : كون كان ما كيعجبكش كاعما مني كديرها قد راصك كتجي تبوسيه كيف لقردة باش ما نضربكش حمدي الله راه هوا لي كينقدك
نرجس عوجات فمها : هنننن آهئ بزاف عليك نكون قردة
عمر عض خدوا من لداخل ونطق بستفزاز :قردة وشنيولة ودبانة من لفوق
نرجس ما رداتش حطات يديها على ودنيها وغوتات :سكوووت صدعتيني سكووت عصبتيتي
عمر زفر بجهد زير على يديه وقال بتنهيدة طويلة : عيتي ولا مزال أنا بعدا عيييت من صداعك
نرجس خرجات عينيها وطوات يديها عندها : مزال العاطي يعطي فرجني ونفرجك أضعاف أنسيبي
عمر رفع سبعوا وزير على يدوا حابس راصوا باش ما يحطش عليها يدوا من تحت سنانوا نطق :نسيبتي لكاريتة ومراتي لمصيبة تربيا غنعودها ليك من لول حتى تقادي معايا وتمشي في لخط
.
نرجس قلبات عينيها بغيض:أنا غير شبه منحرف أخويا ماشي مستقيم
عمر زفر بجهد وقال بصوت رجولي خشن: يخوي ليك دراس أبنت لعبد
نرجس بستفزاز:تخوي ليا دراس واش نتا طبيب سنان
عمر خرج عينيه:انا قابط عمرك
نرجس بستهزاء :الى قدرتي تشد في يدك 18 عام غير قبطها"بدات تغوت وتخبط في برجليها في الأرض"علااش تزوجتي بيااااا
عمر نطق ببرود:رشقات ليا وبغيت نبدل روتين عندك شي مشكلة
نرجس غوتات بحر جهدها:قلت ليك علاااااش تزوجتي بيا
عمر قشر فموا من لداخل ،صابر ليها :زيدي غوتي غوتي مزيان وغنلوح مك من لفوق
نرجس كمشات حجبانها بتسأل:واش غانتوعت
عمر طلعها ونزلها ببرود نطق:غير شويا ومن بعدها غتمشي عند لي خلقك مباشرة، تبغي تجربي
نرجس رجعات بالور وهوا غادي تابعها حتى لقات طبلة موراها حبستها غمضات عينيها مني شافتوا قرب وقالت:
_لااااا بسع مني واااعععع بعد مني ما بغييتش نموت
عمرخدا تفاحة من طبلة موراها عض منها بلا مبالاة قال:مزال عندي طموح ما غنضيعش مستقبالي وندخل لحبس على قبل وحدة بواسة بحالك
نرجس كمشات جبانها و دلات شفتها لتحتانية وقالت بخجل:انا ما بُواساش
عمر عض من تفاحة كيمضغ وقال:بواااسة وكبيرتهم
نرجس دلات شفتها لتحتانية :ما بواساش هيا ما بواساش واش كتسمع
عمر ضحك عليها و دخل لبيتوا وهيا تبعاه وتردد:قلت ليك ما بوساش
عمر دار لعندها خرج عينيه و قرب منها حتى ما بقا كيفصلهم والوا وقال: بواسة
نرجس بالعصبية زادت قربات منوا حتى خبطات فمها على فموا وعينيها خرجوا بصدمة هوا جاتوا فرصة جمع ليها فمها كامل مصوا وطلقها كتنهج،ومشا كيضحك بعدما قال:
_شفتي شنوا قلت ليك بواسة
نرجس بقات كترمش ما مسدقاش شنوا وقع حطات إيدها على شفيفها كتمسحهم وجها ولاا حمر بالخجل
طاحت دمعة جنب عينها مسحتها ونطقات بصوت ضعيف :زواج راه مبني على لحترام ما كيكونش هاكا
عمر دار لعندها:إييييه في خبارك زواج مبني على الإحترام وما في خباركش بلي لبوسان تيجي مورا زواج ماشي قبل
نرجس بصوت باكي نطقات: وصااافي
عمر صغر عينيه وقال بصوت رجولي خشن : ياك نتي لي سيرا عليا مزال العاطي يعطي ولا تسلاواا ليك
نرجس بتنهيدة طويلة ردات عليه :هوووف وصافي "رفعات صبعها في وجهوا بتحدير "اخر مرة تبوسني
عمر جلس فوق سرير مفرق رجليه حك ضقنوا من لتحت وبجدية نطق:
_ما بقا والوا وغنرجع لخدمة غنخرج مع ستة ديال صباح وما نجي حتى 11 غتكوني نعستي ما غنبقاش نتلقا معاك بزاف غير رتاحي غير هوا ديك دسارة حيديها منك ودك شراوط الى بقيتي لبستيهم غنقطعهم فوق منك..
نرجس حلات فمها نص حلة وعود سداتوا مبهوضة....
عمر:مزال كتشوفيني صابر معاك ومبرد ما تخلينيش نوريك لوجه لاخر وحتى ديك سباغة لي كديري في وجهك اخر مرة تزوقي بيها سيري لوحيها
نرجس بعصبية نطقات ما عاجبها حال :اشنوا !! إيوا لحبس هادا بغيتي نبقا ندور حداك هكا بلا مكياج مستحيييل
عمر تبسم جنب:كتعجبيني تبقاي طبيعية الالة غير بعدي من زواق ولا نزوق لبريهيشتي لعوينات
نرجس بصوت مكسور قالت:اووف غنبقا بوحدي
عمر توجه لبلاكار خدا منوا حويج و الفوطة للدوش ودار لعندها: خاصني نمشي لخدمة أشنيولة غير حاولي تولفي
نرجس هبطات عينيها بحزن مهرباهم من نضراتوا لي كيتفحصوا فيها...
عمر تبسم جنب : غدا ولا بعدوا غنشوف فين نسجلك باش لعام جاي تبداي لقرية شنوا لمجال لي كتبغي
نرجس بتنهيدة طويلة:خليني حتى نفكر ونرد عليك
داخل قاعة الأعراس "زواج مبارك " واقفا لابسا سروال جينز مع قميجة في الأبيض خاشيا جزء الأمامي منها في سروال من لقدام ولور مطلوقة مغطياها ومسرحا شعرها على ضهرها راسمة إبتسامة باهتة على شفتيها أو واقفا كتزين في لقاعة بيديها لحلم ديالها بدا كيتحقق بشويا بشويا وليني الشخص لي وقف معها ودعمها في تحقيق حلمها ليوم ما كاينش معاها كتحس بالفراغ داخلها رغم انها معمرة وقتها كلوا... تمنات غير تسمع صوتوا شتاقت ليه بلا قياس...
مروى قربات منها هازا بين يديها جوج فناجين ديال لقهوة مدات لإسلام واحد و قالت ببتسامة: تفضلي بصحتك...
إسلام بنبرة صوت حزينة نطقات: الله يعطيك صحة شكرا...
مروى رتشفات من فنجانها وقالت: إسلام مالك ؟" شافت فيها مطولا" كتباني ليا ساهية عندك شي مشكل...
إسلام سرطات ريقها وتنهدات بشوي:والوا أحبيبتي غير مع لخدمة كترات علينا هاد الأيام وضغط...
مروى بعدم تصديق حركات راصها وبتسأل نطقات:تقدري تشاركيني مشاكلك الى عندك شي حاجة مخبياها قوليها ما ربما نعونك...
إسلام عضات شفاه سفلية ما بغات تقول والوا واصلا اشنوا غتقول راه راجلها ملي مشا ما تاصل بيها ما جوبها ولا غتقول ليها على لعلاقة ديالها بسفيان لي مربحات منها والوا غير لمشاكل ...طبطبات بيديها على كتف مروى وقالت: ما كين والوا اختي"ركزات بعينيها في مروى بشك" نتي لي كيبان ليا في عينيك انك مخبية شي حاجة...
مروى بلعات ريقها بصعوبة ما بغاتش تفصح على اشنوا وقع بينها وبين يوسف تبسمات حنب وقالت: حتى حاجة ،ما عندي ما غنخبي "شافت في إسلام وتبسمات بزز" امم خلينا نخدموا اشنوا باقي خاص مزال...
إسلام حطات لفنجان فوق طبلة حدها وتمات غاديا عاطيا بضهرها لمروى شارت بصبعها لزينة لي معلقا في لحيط قدامها وقالت: مزال خاصنا لورد في هاد جيهة ما كافيش هاد شي لي هنا اممم لقاعة كبيرة وخاصنا شي ولاد يعونونا ما غنقدروش نديروا هاد شي كلوا بوحدنا حطي طلب عمل في الأنترنيت ما بقاش بزاف لعرس...
مروى حطات هيا الأخرى لفنجان من يديها وتبعاتها هازا بين يديها طابليت وكتكتب لي خاص:وخا غنعلمهم يجيبوه وبالنسبة لولاد راه حطيت طلب لبارح...
إسلام حركات راصها:مزيان أحسن ما درتي
سمعات تيليفونها كيصوني في جيبها جبداتوا شافت رقم لي ضاهر ليها في شاشة لهاتف ديال لخاريج كمشات حجبانها وجوبات بفضول متمنية داخلها أنه يكون أركان ...
_ألوا شكون معايا؟
سمعات صوت تنفس حاد من طرف لمتصل خلا داتها كلها تقشعر وكانه حداها ودقات قلبها تسارعات بشكل غير عادي فتحات شفايفها ونطقات بصوت هادئ:
_أركان
المتصل نحنح بشوي وبتردد نطق:لباس عليك
إسلام نزلوا دموعها بسرعة حطات إيديها على فمها كاتمة شهقاتها :لباس الحمد لله ونتا صافا؟
أركان بصوت خشن :لباس تهلاي في راصك
إسلام دلات شفتها لتحتانية و بعصبية نطقات :علاش ما كنتيش كتجوبني حشومة عليك عيطت ليك بزاف ديال لمرات ونتا...
قبل ما تكمل جملتها قطع لهاتف عليها صدمها
حطاتوا على قلبها وجلسات مكسورة فوق كرسي حداها طالقا لعنان لدموعها لي كينزلوا بغزارة كيبردوا على حرقة قلبها...
مروى تخلعات مدات كاس ديال الماء وقالت:شكون تاصل بيك؟ مالك واش واقعا شي حاجة ؟علاش كتبكي؟
إسلام بغصة خانقاها ردات بصوت ضعيف:ما كين والوا غير خليتي بوحدي عفاك...
مروى كمشات حجبانها بخوف :مايمكنش نخليك ونتي كتبكي..
إسلام هزات عينيها لي ممتلئين بدموع وبتوسل نطقات:
_خليتي بوحدي أمروى بغيت نبقا بوحدي الى سمحتى ما ديرهاش مني قلة صواب اختي
مروى حركات راصها بحزن: وخا لي بغيتي سمحي ليا
غابت شميسة وطاح ضلام دخل لكوزينة واقفا كتصوب سباكيتي بالصوص طوماط
ولفرماج لحمر...
لابسا بيجامة ديال دار في الأبيض وفيها وريدات بالأحمر وجامعا شعرها على شكل كعكة مهملة وبعض لخصالات نازلين على جبهتها مبينيها صغر من سنها... وعمر جالس فوق لبوطاجي حدها لابس سروال توب ديال دار مع تيشرات في الأبيض...
عمر رتاشف من كاس مونادا و قال:سربينا أشنيولة سربي راه باغي نتعشى
نرجس ساطت بجهد :اووف اش بغيتي ندير تسناها طيب من صباح ونتا جالس فوق راصي وتغوت كيف دري صغير
عمر خنزر فيها :ما كتعرفي ديري حتى حاجة من قبيلا ونتي في لكوزينة ومزال هاد لعشا عندك ما بغا يوجد شربت قرعة ديال لمونادا كاملا غير باش نعمر معدتي ونسكتها من جوع...
نرجس بنفاد صبر:ياكما جايبني خدامة عندك اخويا مزال ما طاب لعشا واش نحطوا ليك خضر إيوا صبر لا باغي تاكل
عمر بتنهيدة طويلة نطق:إييه الواليدة مسكينة ما كتخلينيش جيعان هيا ولا توبة "هز يديه لفوق "عاد عرفت بقيمتك أختي
نرجس ما رداتش :إيوا سير عندهم هوما يوكلوك أش داك تزوج بيا اصلا أنا ما قدرا لا على زواج لا على مسؤولياتوا
عمر ما عجبوا حال نزل من فوق لبوطاجي بالفقصة غوت في وجها:قادرا غير على تصاور البرهوشة ياك داك شي كيعجبك كنتي فرحانة باغا تزوجي بداك ز****ديال مراد
نرجس زيرات على يديها ما رادياش :اه داك شي علاش قادرا انا كنبغيه غير هوا صافي "بستفزاز"وزيدن نتا ما سوقكش فيا
عمر عينيه حماروا هز يدوا حتى لفوق وعطاها بطرشة لحنك :كيعجبك لحال ملي كتعري وتصوري ليه البرهوشة ياك
نرجس حطات إيدها على خدها ما مسدقاش ودموعها بداو تينزلوا شلال من عينيها بشفايف تيرجفوا نطقات :على الأقل كيبقا هوا حسن منك ما عمروا ما هز عليا يدوا هئ هئ هئ علاش ضربتيتي
عمر بقا فيه لحال حنت ضربها قرب منها مسح ليها دموعها بشوي وحط جبهتوا على جبهتها حتى تخلطات أنفاسهم مع بعض وبصوت مكسور نطق بتوسل:سمحي ليا اخر مرة نهز عليك يدي ولكن حتى نتي خرجتيني على طوعي ما كتحشميش
نرجس شافت فيه وجها ولا حمر بصوت طفولي قالت:هننن آهئ آهئ آهئ هنننن ما كنحملكش
عمر دور يدوا حيد ليها لمقبط حتى نزل شعرها كلوا مورا ضهرها.. نزل راصوا حدا شفيفها ونطق بصوت مبحوح:شششش صافي ما تبكيش
دور دراعوا على خصرها وهز ليها راصها حتى لتقاوو نضراتهم مع بعض بلع ريقوا حتى تفاحة أدم تحركات في حلقوا ونزل لشفايفها بدا كيمص فكل شفة بوحدها ويدوا تانية بدا كيلامس في جسدها كامل...
نرجس بكترة الأحاسيس لي تخلطوا عليها دفعاتوا بكل قوتها ونطقات بعصبية ما فاهما والوا:
_أخر مرة تقيسني بعددد مني أنا ما كنبغيكش واش كتفهم هئ هئ هئ ما فهمتش علااااش تزوجتي بيا أصلااا
عمر تزوج بيها غير باش يحميها وخاف عليها لا باها يزوجها بشي واحد يتكرفس عليها وهيا مزال صغيرة داك شي علاش بغا يتحمل
مسؤوليتها حنت كيبغيها وباغاها من اول لقاء في لحضة لي شفايفها لمسوا حنكوا ويديها تحطوا على عنقوا وعينيها جاوو في عينيه حس بيها دخلات لقلبوا وسكنات فيه...
مسح على شعروا بيدوا رجعوا لور وبتنهيدة طويلة قال:وخا لي بغيتي
نرجس دخلات نيشان لغرفة نوم هزات مخدة وليزار وتوجهات لصالون مشات تنعس فيه...
عمر خلاها تنعس فين بغات ما حاولش يمنعها بغا يخليها على راحتها حتى تقبل مسألة زواجهم بوحديتها..
توجه لمطبخ طفا على لسباكيتي وغطاها وطفا ضوء وخرج ما بقات عندوا شهية الأكل مشا لبيتوا يرتاح ويفكر في أمور حياتوا...
خرجات من قاعة الأعراس لابسا فستان طويل في الأسود وجامعا شعرها لفوق على شكل ديال حصان مع حلاقات دائرية... وجها حمر كيف لماطيشة مع كترة لخدمة وصداع ديال لعرس لي ليل كلوا وهوا خدام، وقفات عليه بيديها كيف باقي الأعراس لي نضمات مأخرا، داخل قاعة زواج مبارك لي كانت عندها فضل كبير في نجاح مشروعها...
فور ما خرجات هزات راصها كتئاب بنعاس ضربات فيها شميسة في عينيها لبنيتين لي بداو كيلمعوا بسبب الأشعة ... تنهدات براحة و تمشات بخطوات بطيئة منهكة بالعيا حطات إيديها على باب سيارة وهوا يوقفها صوت أنثوي غريب عليها:
_مدام راضي
إسلام لتفتات بفضول لقاتها فتاة في مقتبل العمر مرتدية سروال مع جاكيد جينز راسمة إبتسامة بشوشة على محياها مدات إيديها وقالت:
_سلام أنا سارة يوتوبرز معروفة في مواقع التواصل الإجتماعي
إسلام صافحت لبنت ببتسامة جانبية و نطقات:
_متشرفين أختي
سارة كمشات حجباتها بتسأل :الى سمحتي ممكن تعطيني من وقتك شويا
مروى لتاحقت بي إسلام وتدخلات..قاطعتهم بقولها:سمحي لينا اختي لقيتينا عيانين ليل كلوا وحنا خدامين نعس ما شفناهش
سارة وجهات كلامها ل إسلام و بتوسل نطقات:
_ عفاك عطيني غير خمسة دقائق من وقتك ما غنطولش عليك
إسلام شافت في مروى لي بغات تهضر وقالت:
_ تفضلي
سارة بتردد نطقات:في صراحة بغيت نصور معاك شي فيديوا صغير باش نزلوا في ليوتيب عفاك وافقي الى سمحتي نتي غتكوني قدوة لفتيات لي عندهم أحلام وما قادرينش يحقوها
إسلام بعدم فهم نطقات:كيفاش ما فهمتش علاش باغا تصوري فيديوا معايا أنا بدات
سارة بترجي :انا كندير مقابلات مع نساء لي قدروا يوصلوا بجهدهم حقوا احلامهم ونتي وحدة منهم ،هانتي انا غنطرح عليك بعض أسئلة ونتي جاوبي ما غنطولش عليك غير قبلي بليز
إسلام شافت في مروى وبتنهيدة طويلة نطقات:اوك
سارة بسرعة لتفتات لشاب لي كان جالس فوق سكوتر في زاوية شارت ليه باش يجي عندها هوا غير فهمها جبد لكاميرا وميكروا صغير وقرب منهم...
سارة خدات لميكروا بين يديها وتقابلت مع لكميرا بعدما قادت شعرها: مشاهيدينا الكرام ليوم معانا منضمة أعراس موهوبة ومزال شابة صغيرة ،قدرات أنها تنضم أعرس كبيرة بطريقة مميزة وحديثة وهاد شي ما خلاهاش تخلى على لعادات ديالنا بالعكس حافضت على جميع تقاليد والعادات المغربية في الأعراس لي نضمت مأخرا...
وجهات لميكروا لإسلام بعدما قالت:مدام راضي تقدري تقولي لينا سبب نجاح أعراس "زواج مبارك" وشكون لي دعمك حتى قدرتي تنضمتي خمس أعراس،زوج منهم لشخصيات مهمة ومعروفة في لمجتمع من بينهم سياسي معروف **** في ضرف اقل من ستة شهر...
إسلام بتوتر ردات :في صراحة لفضل كلوا كيرجع لزوج ديالي أركان هوا لي عوني ودعمني حتى وصلت لهاد شي والأنسة مروى لي طول هاد لمدة خدمات من قلبها معايا و صحبتي أمينة وبزاف ديول لناس لي ما خلاونيش بوحدي ...
سارة : كيفما كنعرفوا نتي إمرأة متزوجة و عائلة زوج ديالك عائلة معروفة ومحافظة "بتسأل نطقات" ما كانش عندهم حتى مشكل انك تخدمي بعد زواج ما حاولوش يمنعوك
إسلام حركات راصها بنفي: لا بالعكس هما كلهم دعموني وعونوني وكان ليهم فضل كبير باش زواج مبارك ما بقاتش مجرد حلم وخرجات للواقع الحمد لله ربي ورضاة الواليدين وتشجيع زوجي أركان وقفوا معايا
سارة بفرحة :في صراحة نتي قدوة لعديد من نساء والشابات في سنك شنوا تقدري تقولي لبنات لي عندهم احلام كبيرة ولكن ما جاتهمش لفرصة باش يحقوها
إسلام بعينين تيلمعوا قالت:لحلم ديالنا خاصنا نتشبوتوا بيه وخا يوقع لي وقع ما تخلاوش على أحلامكم صبروا وكافحوا باش توصلوا لداك شي لي بغيتوا ما تراجعوش نهائيا دائما غتلقاو عقابات ومطبات في طريقكم هاد شي ما خاصوش يأتر عليكم وكلما زدتوا خطوة للأمام غتقربوا من أحلامكم أكتر...
سارة:شكرا مدام إسلام على لوقت لي عطيتينا كنتمناو ليا مسيرة موفقة في حياتك المهنية
مروى عنقات إسلام:الله بدينا كنتشهروا أختي ههه فرحت ليك
إسلام ببتسامة نطقات:شكرا حبيبتي يالله نمشيوا
° °••جالس في لمكتب ديالوا مرتدي طقم رسمي في الأسود ملامحوا صارمة و لحيتوا زادت كبرات او ولا عندوا لمسطاج وعضلاتوا وكتافوا زادوا عمروا كتر من قبل سبب رياضة لي كيمارس...
فتح لبسي قداموا كيقرا في لي دوسي مقابل خدمتوا حتى وصلوا فيديوا من عند جداه في لهاتف ديالوا بفضول فتحوا...
فور ما ضهرات صورتها قلبوا خفق بشكل غريب عض خدوا من لداخل وكمش حجبانوا كيستامع لكلامها عينيه بداو يلمعوا في كلمة وجهاتها ليه ..فتاخر بيها من قلبوا وفرح لداك شي لي وصلات ليه ...
يتبع...
التعليقات
لا توجد تعليقات بعد، كن أول من يعلق.