محتوى القصة
حيد لفرشيط من يدوا وهز طريفات ديال لحم مشوي وكلها بيديه حتى صبعوا كيلامس لسانها و كيفزاج بريقها ...
دارت عندوا ببطئ شافت فيه كيبان حرش أو وسيم وعندوا واحد الجادبية طاغية وغير شوفا في عينيه تيدوبها هربات عينيها لناحية الأخرى وقالت:
_كول حتى نتا واش غتبقى توكلني غير بوحدي
أركان بعينين معسلين قال :وكليني نتي أحبيبة
إسلام هزات طريف ديال لحم بين يدها غير بزز جايبه لفموا وصلت لعندوا وغير شافت في عينيه او عضلاتوا لبارزة حسات بحناكها غيطرطقوا بسخونية...
أركان بتاسم جنب ومسك إيدها بين يدوا و جاب دغمة لفموا حطها ولحس صبيعاتها بحب خلا داتها كلها ترجف....
مني سالاوا لماكلة خدا لبابي من فوق طبلة مسح بيه يديه وعطاها حتى هيا مسحات إيديها و بتسأل نطق:
_هضري ليا على راصك بغيت نتعرف عليك كتر وحتى انا الى بغيتي تسولي على أي حاجة كتخصني أنا كتاب مفتوح قدامك...
إسلام مسحات إيدها وبتسأل قالت: بحال اشنوا باغي تعرف؟
أركان حرك راصوا :بغيت نعرف كلشي شنوا كتبغي شنوا كتكرهي علاقتك مع عائلتك مثلااا و أي حاجة ...
إسلام غير جبد ليها حس عائلتها بتسمات من قلبها وعينيها لمعوا بالفرحة عند بالها جالسا فوق لفوتاي بدات تحرك فوق حجروا بغا تاخد راحتها في لكلاس ناسيا راصها...
أركان مني حس بتحركاتها بحالا ضربوا ضوء تئوه بجهد وعض فموا من لداخل زير على سنانوا باش يبان عادي قدامها هيا سمعاتوا ومدتهاش فيه
إسلام دلات شفتها لتحتانية و وبدات تحكي ليه على عائلتها:
_عائلتي كبيرة كينا فيها ماما لحنينة ديال دار الى دراتني أي حاجة تنعودها ليها ما تنخبي عليها والوا وهيا لي خدمات علينا وكبراتنا بالحلال حتى وليت قد هك ومن بعدها كيجي خالي لمختار لعزيز ديما مفششني ولي بغيتها كيجيبها ليا ديك ساع وعاد لحبيبة ديالي ختي توبة هيا لي هازا لحمل ديال دار من بعد ماما تزوجات صغيرة غير باش تنقص علينا شويا وتخفف على ماما لحمل ساعا طاحت في واحد لحمار كان تيضربها صباح وعشية حتى كرها في زواج وما يجي منوا هيا مسكينة دابا لي ماقبلا شغل لكوزينة كامل أما أنا ما تنعرف ندير والوا وحتى كيكة هيا لخرة ما تتسدقش ليا...ملي تنخرجها من لفران تتسخف تقول شافت جنية
أركان متبع ليها لعين والأول مرة كيشوفها كتبتاسم من نيتها وهيا معاه، جابت ليه ضحكة مني هضرات على كيكة و زاد إعجابوا بيها حركتها طفولية كيطيروا ليه لعقل و شكلها الأنثوي المغري و فخاضها لعريانين قداموا لي تيتحركوا مع تحركاتها ما كرهش يكتاشفهم و يحس بلمساتهم ...
إسلام مكملا هضرتها ما سكتاتش: أو ما نساش ليك راجل ديال دار خويا عمر كنبغيه بزاف ماعمروا ما خصر ليا كيتعامل معايا بحال ختوا صغيرة وخا أنا كبر منوا وكين ولدي وحبيبي أمير لملاك ديال دار وعاد كينا توؤم تاني ديالي صحيبتي أمينة لي ضحات بعرسها باش تحقق ليا حلمي عزيزة عليا بزاف .....
وليديها سي لعربي وخالتي سعاد وخا هما جيرانا ولكن كنعتابرهم من لعائلة هما و نورالدين صعصع ديال درب كيخاف منوا صغير ولكبير حتى واحد ما كيقد ينفنف قداموا...
أركان طلع حاجبوا ما عاجبوا حال وبصوت مبحوح سولها:شكون هاد نورالدين؟
أركان طلع حاجبوا ما عاجبوا حال وبصوت مبحوح سولها:شكون هاد نورالدين؟
إسلام تحركات يمين ويسار وتهزات بضحك مني شافت ملامحوا لمغوبشين بعينين تيبريوا جوباتوا بالخف:
_عبيقا ديب رجولة فينما بغيتوا كيوقف معايا بالمزيان حتى في نهار لعقد ديالنا شغل كامل وقف عليه بيديه إنشاء الله مني نرجعوا نعرفك بيه غيدخل لخاطرك بيني وبينوا غير عام ولكن تيبان كبير قد لفيل تبارك الله
أركان صبر حتى عيا على تحركاتها ومن ما هداتش و بدون شعور نطق بجهد:
_رصاي ينعل ****عض لسانوا من لداخل ما بغاش يعيرها .....هوا حابس راصوا عليها غير بزز بغاها حتى تولفوا وتعرف عليه مزيان عاد يدخلوا لمعقول ....
وليني هيا بتحركاتها جابت ليهم تمام أو وجهوا ولا حمر بلا قياس صبر حتى عيا ومني شاف شويا ديال لمايونيز حاصل لاصق جنب فمها ستاغل لفرصة و دوز عليه بلسانوا خلاها مبلوكيا بدون شعور يديه مشاو نيشان تيلامسوا فخاضها لبويض لعريانين بدفئ دور إيدوا على خصرها وجرها لعندوا كتر شاف فيها بكل حب وهيا مصدومة ستنشق ريحتها ديال لفاني و حط شفاه ديالوا فوق شفيفها كيلتاهم فيهم بكل حنية
إسلام حسات بتبوريشا سرات فكل أنحاء جسمها تخربقات وما عرفات شنوا لي تيوقع ليها مني كتكون بين يديه بعدات فمها بشوي كترد نفس وخيط ريقهم مزال متاصل تنهدات من الأعماق ورددات بصوت هامس:
_أركاااان
أركان غير سمعها نطقات إسموا بديك طريقة دور يديه على خصرها وهزها بالخف حطها فوق لفوطاي وجا هوا فوق منها...
خشا راصوا في عنقها وصوت تنفسوا حاد وصدروا ولا كيطلع وينزل..ستنشق ريحتها بلدة ورجع حط شفايفوا على شفايفها قبل ما يغوص في قبلة عميقة نطق حدا شفايفها بكل تملك:
_حبيبة نتي دياااااالي
شابط إيدوا مع إيديها وبقا تيحرك إبهاموا على راحة إيديها من لداخل..
.
نزل كيتدوق ريقها بإستمتاع إسلام تسارعات دقات قلبها وما بقات عارفة كيفاش طرجم الأحاسيس لي تملكوها... ترخات وهوا عرف كيفاش يخليها تستمتع معاه....أول مرة حس بإستجابة من طرفها تبسم وسط فمها عاجبوا لحال ...ونزل لعنقها كيقبلها قبل متفرقة خشا إيدوا تحت بيجامتها كيطلعها بشويا تبورشات من ملامستوا وتئوهات بجهد حسات بشي حاجة كتلعب في معدتها والسخونية سرات في كل أنحاء جسدها ولات حمراء بلاقياس ما عرفات شنوا داك شي لي حسات بيه ودموعها داروا خط على حناكها قفزات بجهد مني مبعدا منوا وبعدات منوا كتبكي
إسلام بخوف غوتات: ههنن هئ هئ هئ بعد مني بعد
أركان عينيه خرجوا بصدمة بدا تيقلب فيها بخوف سولها بصوت مبحوج غالبا عليه شهوة :
_إسلام مالك؟
إسلام دموعها شلال نطقات بصوت باكي :هئ هئ هنننن درتي ليا صهد حسيت براصي شاعلا فيا لعافيا ديال جهنام هننن هئ هئ هئ شنوا كدير ليا شنوا ؟
أركان حبس ضحكة بين سنانوا جابت ليه تمام ببتسامة مزينة ملامحوا رد عليها:عادي داك شي احبيبة ديما غتحسي هكاك مني نقرب منك غير ولفي مع لوقت غيولي يعجبك الحال
رجع تيقرب منها وهيا دفعوا وبعدات شعلاتوا وهربات لبيت لي حداها دخلات وسدات عليها كتنهج خلاتوا مزير ساط بجهد وجمع يديه على شكل قبضة بالعصاب حتى عروق يديه برزوا كتر ما عرفش علاش فينما تيقرب منها تيشوف الخوف في عينيها من جيهتوا مسد بإيدوا على راصوا وقال بتنهيدة طويلة :
_ باين ليا غتعدبيني معاك أ إسلام
تم ناض زاعف توجه لدوش يخوي عليه لماء يبرد راصوا...
إسلام جلسات على طرف ديال ناموسية حاطا إيديها على قلبها لي تيضرب بجهد وخدودها موردي تنفسات بجهد وهضرات مع راصها :
_شنوا تيوقع ليا مني كنكون معاه هادشي ما عمري ما حسيتوا مع سفيان ناري واش هادي لموت ولا كيفاش كلشي تيخربق ما تنبقاش تنعرف راصي "واقفا وهزات إيديها لفوق " إسلام خودي شهيق وزفير تحكمي في راصك قداموا الحمقة تي مني تتشوفيه بحالا عمرك شتي رجال اووف ولاكن هوا زوين وكيتعامل معاين مزيان "حسات بغصة خانقاهاوطاحوا دموعها بسرعة"
هوا ما كيستاهلنيش انا قلبي بقاي لحد ليوم مرتابط بسفيان هاكا كنخونوا....
أعلنت الشمس غروبها فى بهاءٍ ساحرٍ يسحر العقل وياثر القلب ...
واقفا في بيتها لي كلوا مفرش بالغوز تايها وسط حويجها لكتار كتجبد لكساوي وتلوح فوق ناموسية ما عرفات ما تلبس...
لكسوة لي جبداتها كتحطها على داتها وتقابل مع لمراية تشوفها ومن بعد تعاود ترميها حداها ما عاجبها حتى دخلات لعندها نجلاء لابسا كسوا طويلة وحطا حلاقات بدهبي في ودنيها شعرها جمعاه لفوق ومكياج خفيف كتبان كلاص قربات من نرجس وهضرات ببتسامة
نجلاء:نرجس حبيبة مالكي؟
نرجس ساطت بجهد:جابك الله اختي عافاك عونيني بغيت نلبس شي كسوة تكون زوينة وتبيني كبر من سني
نجلاء حطات إيديها على بطنها وتبسمات جنب: هيا لقادية فيها شي موعد غرامي وأخيرااا درتي عقلك
نرجس حناكها توردوا بالخجل :انقول ليك مي متقوليهاش لماما
نجلاء قلبات عينيها:كتشكي فيا غير هاضري أنا بير أسرارك لمدفون'شدات من إيد نرجس' وأصلا هاد شي عادي لبنات كلهم تيجي وقت لي يعيشوا فيه هاد شي سمعيني أحبيبتي عيشي حياتك وما تديها في حد أصلا هما كلهم عيشين حياتهم وحتى حد ما مديها فيك نتي كلهم أنانيين حتى حد ما قال نرجس اشنوا خاصها كلهم بغاوك تبقاي دافنا راصك وسط لكتوبا وصوتك ما يسمعوهش
نرجس تأترات بكلام نرجس بتنهيدة طويلة نطقات:عندك الحق أختي نتي بوحدك لي كتهتمي بيا كون ما كنتيش في حياتي كون ضعت
نجلاء ببتسامة:خالينا من هاد شي وعودي ليا
نرجس حركات راصها وبفرحة غمراها بدات تهدر: مني كنت كنقرا في لكدريام كان واحد لولد سميتوا مراد زوين بزاف لبنات كلهم كانوا كيحماقوا عليه وأنا معا كنت صغيرة ما عمروا داها فيا فاش كنا تنخرجوا الإستراحة كنت كتبقا حدياه وحتى هوا رد لبال كان كيتبسم ليا ووكيدوز من قدامي عادي مني سالا لعام ونجح تحولوا من لمدينة بقا فيا لحال بزاف ومع لوقت نسيتوا حتى لبارح رسل ليا مساج في الإنستغرام قالي بلي تيبغيني وبغا يشوفني
نجلاء حبسات ضحكة ونطقات :واوا قصة حب زوينة هادي بصحتك أحبيبة وزيدي نشوف ليك شي كسيوة تكون واعرا وأنا لي غنصوب ليك لمكياج مني غيشوفك غيندم علش خالك هاد لوقت كامل
نرجس بسعادة تشع من عينيها: بصح
نجلاء: معلوم أحبيبتي "تمشات ناحيت لكساوي كتهز فيهم تحطهم على جسم نرجس حتى عجباتها وحدة في لبني سميطات ضهرها عريان وقصيرة عطاتها تلبسها من بعد حطات ليها ميكاب ركزات ليها فيه على لعينين ولاوا يبانوا كبار أو شعر سرحاتوا ليها تجبد وزاد طوال كتر...
نرجس تلاحت على نجلاء عنقاتها فرحانة وقالت:
شكرا بزاف بزاف
نجلاء مبدلاها العناق كدوز بإيدها على ضهر نرجس بتسمات بمكر ونطقت :سيري دغيا ما تعطليش من أول موعد...
نرجس هزات بوشيط بين يديها في نفس لون فستانها وخرجات ركبات حدا شيفور وعطاتوا لعنوان خداها لريسطوا راقية
دخلات غاديا كتمشى بتأني كيف علماتها نجلاء وريحتها عاطيا من بعيد لي شافها تيحل فموا من جمالها...
قربات ناحية طابلة قلبها بدا يضرب بجهد مني شافت شخص لي جالس حاط رجل على رجل وهز تيليفونوا كيهضر فيه وسامتوا وجمالوا عاطي لعين لابس تجاكيط ديال لكوير كحلا أو سروال جينز مقطع كامل وسنسلة في جناب سرول هابطة وقفات مبلوكية تصدمت حتى لمحها او وقف لعندها مد إيدوا لعندها
ببتسامة:سلام جيتي زوينة بزاف
نرجس حلات فمها وعود سداتوا ما مسدقاش قالت:شكرا
مراد باسها في خدها وهمس حدا ودنها:ما بغيتيش تسلمي عليا
نرجس فاقت من سهوتها :لا بغيت
مراد جر ليها كرسي تجلس: تفضلي
نرجس جلسات ببتسامة :مغسي
مراد حرك راصوا ونطق :شنوا تشربي
نرجس كتلعب بيديها:اممم بغيت عاصير
مراد طلب من سيرفور جاب ليه هوا كاس فودكا وهيا خدا ليها كاس عصير
مراد عض فموا من جناب بتسأل قال :صافا
نرجس : لباس الحمد لله
مراد صغر عينيه: أكيد غتكوني كتسائلي كيفاش حتى جيت وعتارفت ليك بمشاعري صدفة
نرجس حركات راصها بإجاب وردات ب اه
مراد خد إيدها بزوج شدهم وسط يديه: بغيتك من قلبي وما خليت فين قلبت عليك غنجيك من لخر واش تقبلي تزوجي بيا نرجس
نرجس تصدمات بقات غير كدور في عينيها تالفة سرطات ريقها وقالت:ما كرهتش ولكن انا مزال قاصر يالله عندي 17 عام
مراد ببتسامة : غنتسناك حتى ديري 18 ونجي نطلب إيدك من عند واليديك أش قلتي
نرجس شافت في ساعة وكمشات حجبانها: خاصني نمشي تعطل لوقت
مراد هز حاجبوا:كنفهم من كلامك انك موافقة
نرجس حركات راصها بإجاب فرحانة
مراد تنهد براحة: مزال ما تعشينا ومزروبة
نرجس ببرائة:ما قلتها لحتى واحد في دار هاكدا غيتشوشوا عليا خاصني نمشي
مراد :وخا لي بان ليك قبل لا تمشي عطيني نمرتك باش نبقاو على تواصل
طاح ضلام عاد رجع لفيلا بعدما مشا يتمشى حتى نسى ما دارت فيه دخل لجناح ديالوا وهوا حاط يديه في جيبوا بانت ليه واقفا كتجبد في حويجها بعدما تاصل بيها وخبرها توجد راصها حنت غيتعشاو برا...
قرب منها هاز حاجب ومنزل لا خر قالب وجهوا حنحن بشوي وقال:كيف بقيتي شويا؟
إسلام بخجل ردات عليه:لباس الحمد لله
فين مشيتي؟
أركان توجه لبلاكار ديال لحوايج خد منوا طقم في الأزرق تكلم وهوا عاطيها بضهروا : كنت في لبحر انمشي نبدل ونخرج طموبيل بينما ساليتي وخرجي غتلقايني كنتسناك برا
مشا لبيت لاخر يبدل خلاها كتشوف فيه
إسلام لبسات سروال بيض لاصق عليها مع قاميجا بيضا شعرها مشطاتوا ورداتوا لور خلاتوا مطلوق ورشات من لبرفان ديالها ما حطات والوا في وجها من غير كلوص في لغوز...
ركبات حداه بسكات تما غادي سايق وهوا مخرج إيدوا من شرجم وإيد الأخرى سايق بيها تانيها وعضلاتها بارزة خارجين...
وصلوا قدام مطعم راقي ما لقاش فين يسطاسيوني سيارتوا زفر بجهد وطلب من إسلام تمشي لطابلة لي حاجز تطلب لعشاء على دوقها بينما لقا بلاصة للسيارة دارت داك شي لي قال ليها ودخلات لمطعم
لمحوا لعساس جايجري عندوا راسم إبتسامة على محياه عزيز عندوا أركان عارفوا من لكليان لمزيانين تيدخل بسكات يتعشا ويمشي بحالوا طبعوا هادئ ولايني الى مشا حتى ناض لشي واحد ما كيبقا يعرفوا حد
العساس: سلام عليكم سي أركان اجي تبعني لهيه كينا بلاصة زوينة
أركان حرك راصوا رد عليه تاحية ودور لوطوا تبعواا
إسلام دخلت سولات على طالبة مشات ليها نيشان عجبها شكل لمطعم وناس لي فيه باين فيهم لباس عليهم غير جلسات جا عندها سيرفور عطاها لموني ومشا...
ببتسامة حلاتوا كتكتاشف انواع الأطعمة لي فيه غافلا على جوج شباب لي جالسين قبالتها ومني دخلات ما حيدوا عليها لعين وقف واحد رجع شعروا لور وجا لعندها
الشاب ببتسامة:زين أجي ونسينا ماشي معقول تجلسي بوحدك
إسلام دورات راصها لجيها لخرا والخوف تسلل لقلبها مني شافتوا بقا واقف عند راصها جوباتوا بزز منها:
_لا أخويا أنا ما كيناش بوحدي معايا راجلي
الشاب بتاسم بشر وحك لحيتوا من لتحت وعيط على صاحبوا يجي لعندوا بعدما قال:
_ديري لينا بلاصة معاه ولا حنا ما نستهلوش
إسلام شخصيتها هادئة ومسالمة ما كتبغي مشاكل ما كتجبد صداع داخلا صوق راصها وكتبغي الخير للجميع ....قلبها بدا يضرب بجهد من لخوف ما عمرها تعرضت لبحال هاد لموقف....
جا شاب الأخرى حتى هوا وقف عند راصها
دوز بإبهاموا على شفايفوا جرهم وبغمزة قال:
_أحححح كلك زبدة و منين نبدا
صاحبوا قاطعوا بمياعة :أمين قول كلك زبدة ومنين نبداو"وجه كلاموا ل إسلام "لبوكوصة ما تعطيناش شي بوسة راه حنا محتاجين
إسلام بعدات راصها منهم لناحية الأخرى
بشفايفها كيترعدوا نطقات: بعدوو مني واش ماكتحشموش
أمين بتاسم بستهزاء:غنوري لعمر دابا لحشمة كيف كتكون "غمض عينيه وتما غادي ناحية وجها باغي يبوسها وصاحبوا كيفرنس عاجبوا لحال ....
أركان كان داخل لريسطوا خاشي يديه في جيبوا حتى كيتهز قلبوا مني شاف دوك زوج دايرين بمرتوا بدون شعور طار عليهم مخنزر هزوا لول من كول قاميجتوا ولا يبان كيف لفار قدام جسد أركان المتصلب داربوا بدماغ دوخوا ما خلاهش يهضر ونزل عليه هزو بين يديه وعينيه حمرين كيف جمر وعروقوا خارجين نزل عليه بجوج كروشيات لاحوا في وسط طبلة ديال زاج حتى تشتات قداموا خلاه مابقا يهز لا رجل ولا إيد ودمياتوا دايزا
كارز على سنانوا و جملة وحدة لي كيردد في فموا "مرتي خط حمر الحيوان" من غيرها ما تيقول ولوا وسدروا تيطلع وينزل بالعصاب ...
ومشا لصاحبوا شاب حتى هوا ما خلاهش يدافع على راصوا نزل عليه كروشيات ولا تيبان بحال لوحش كيضرب فيهم بلا ما يحن ناس كلهم خرجوا من لمطعم خيفين....
رجع لتاني لي قرب ل إسلام يبوسها خبطوا مع عطاه بي بونيا لنيف وضربوا مع حيط حتى سنسول ديال ضهروا تهرس ولا يبان بحال ثور ما كيشوف حتى حاجة قداموا من غيرهم لمطعم كلواا شتوااا هرس كلشي...
إسلام كلها كترعد من شكل أركان خلعها أول مرة تشوفوا بهاد شكل ولفاتوا ديما تيكون حنين معها قربات منوا برجلين تيرجفوا عنقاتوا من ضهروا كتبكي والخوف متملكها كتبكي وتغوت "لااا لاااا باركا غتقتلهم باركا عفاك هئ هئ هئ باركا"
لمسات إيديها لي تحطوا فوق قلبوا بردواه من لداخل بحالا كبات سطل ديال لماء بارد على جمرة الغضب لي شعلات في قلبوا زفر بجهد و نصل لفيستا حيدها من لحرارة لي شعلات في داتول دار لعند إسلام خشاها في حضنوا تيهدن فيها...
بعدما جبد دفتر شيكات حط فيه مبلغ كتعويض للخسائر لي تسبب فيها للمول لمطعم حطوا تما وخرج هوا وياها خلا دوك جوج غارقين في دمياتهم ......
ركبها في طموبيل ودار ليها سمطة وهيا غير كتشوف وقلبها غيسكت بالخوف جلس في بلاصتوا ساق نيشان لفيلا قبل لا يوصلوا وقف حدا مطعم في طريق خدا منوا لي سوندويتش ليهم وكمل طريقوا لفيلا ويدوا تيحك بيها ضقنوا وحجبانوا مجموعين لوسط مزال دوك جوج شباب فاش شافهم قراب ل إسلام بين عينيه ما كرهش يرجع يصفيها ليهم باش يرتاح...
غير وصلوا دخلوا لفيلا حط ليها تاكل ودخل هوا نيشان لدوش...
إسلام خلات داك شي تما وتوجهات لجناح بدلات حويجها وتخشات في بلاصتها و دموعها تيطيحوا شلال من عينيها....
خرج أركان لابس غير شورط زرق وفوطة صغيرة حاطها على عنقوا نشف بيها راصوا و تنهد بجهد تكى حدها جرها تكاها على سدروا خشاها فيه ومسح ليها دموعها ونطق بصوت هامس:
_هششش ما كينش لاش تبكي أحبيبة نعسي رتاحي
إسلام كترعد و تنخصيصة كتحبس ليها لهضرة: هئ هئ هئ دم دم ضربتيهم بزااف خلعتيني هئ هئ
أركان حط إيدوا تيدوز بيها على شعرها : سمحي ليا ولكن راهم كيستاهلواا نساي تهدني كون ما لقنتهمش هاد درس غدا غيتجرؤوا ويتحرشوا بي بنات اخرين ما خصناش نسكتوا على ضلم ..
نزل باسها في راصها وبين عينيها بحب وخشاها فيه بكل قوتوا ...
بقا تيلعب في شعرها وتيقرا عليها لقرأن حتى رتاحت بين يديه بقا هكاك حتى نعسات جر ليزار تغطوا بيه بزوج ونعسوا في أمان الله...
داخل بيتها جالسا فوق رجليه عريانا مدورا عليها غير فوطة وشعرها سارد وهوا هاز مرهم بين يديه وكيدهن ليها ركبتها...
أمينة مكمشا حجبانها نطقات بعصبية: بقاو حاضيني حتى كلتها في رجليا الله يلكِها ليهم
كريم كيستامع ليها بإصغاء حرك راصوا وبقا ساكت هوا أكتر واحد عارفها ما كترضش لبال لراصها وديما كتجيه مدروبا من شي بلاصة وهوا لي كيداويها
أمينة دورات إيديها على عنقوا ونطقات : ما عرفتش علاش أنا هاد بنادم غير حاضيني خاص جد بوهم شي دقة فين يتلهاو وينساوني
كريم هز عينوا فيها بمعني من نيتك حبس
ضحكة وهضر: أمونتي هادي غير خفة رجلك لي دارتها ليك ، كون كنتي تردي لبال لراصك وتمشي بشويا ما غيوقعش ليك هاد شي
أمينة كمشا ت حجبانها بعصبية نطقات:ياك دابا أنا لي ولا فيا لافوت إيوا مزيان أكويريم أولد لخالة عبرتي عليا فلوقت لي خاصك نتا لي تجي من جيهتي وقفتي مع عدياني
كريم سد لمرهم ومسح إيدا في كلينيكس ونطق : حياتي انا ما جيت في صف حد، علاه نسيتي ليلة عرسلنا تحت عينيك جيتي زرقة ليل وكلوا وهيا كتحرقك وانا دايع في زنقة نقلب ليك على فرمسيان لي حالا جبت ليك منها دواء
أمينة حطات سبعها تحت ضقتها ودورات راصها: ايي فكرتيني الله يفكرك في الشهادة هاديك لكلبة تعت فاطنة سبابي، داربت معها في لحمام قسما بالله حتى نرجع دقتي الله يلعن جد بوها مسمار لهند حتى هيا كتسحاب راصها همة وشان غير بلاتي ما غنرجع لكازا حتى نرجع دقتي وقول أمينة قالت
كريم تفركع بضحك حتى عينيه دمعوا : الله يا سيدي ربي ما كنتش عارف راصي مزوج بأخطر لمجرمات "جرها من نيفها" هاد شي لي قلتي كيعتابر تهديد وكيعاقب عليه لقانون تبغي تمشي لحبس العمر وتخليني بوحدي
أمينة دلات شفتها لتحتانية بصوت رقيق ردات :وراه هيا لي جبداتني مالي أنا أشنوا درت بغيت غير نرجع دقتي وصافي ما غنمشي حتى نعميها "كمشات حجبانها بألم" بغيت ليها دران ركبتي
كريم بتاسم جنب وقال بصوت مبحوح: توحشتك
أمينة حلات فمها غتهضر وهوا يقاطعها ببوسة تلاح على شفيفها كيمس ويتلدد فيهم وهيا متجوبة معاه عاجبها لحال خشا يديه في شعرها وجرها لعندوا كتر دخل معها في قبلة عميقة ما بعد منها حتى خلا فمها يوزوز ركز نضرو في عينيها وتكلم حدا فمها...
كريم قال بصوت تقيل غالب عليه الشهوة : حبي بغيت شي ولد ولا بنت منك يكون رمز حبنا بزوج
أمينة سدرها تيطلع وينزل ردات نفس وجوبات:مزال الحال أحياتي حنا باقين صغار
خالينا نعيشوا حياتنا كيف بغينا هوا لول عاد نشوفوا
كريم تقلق بعد منها ونطق بتأكيد:بالعكس أمونتي هاكدا غيكبر معنا هادا هوا لوقت لمناسب لولاد
أمينة جمعات حجبانها لفوق ونطقات بتنهيدة طويلة :وخا لي بان ليك لمهم ما تقلقش مني
كريم فرح من قلبوا قرب منها حيد ليها لفوطة كلها حتى بان جسدها الأنثوي قداموا عض فموا من لداخل و خشا راصوا في عنقها تيقبلها قبل متفرقة...
أمينة وجها ولا حمر بتسأل نطقات :أشنوا كدير
كريم هز راصوا بعينين معسلين جوبها بصوت مبحوح: كنخدم على ولادي الحب
أمينة خشات إيديها تتحلل ليه صدايف قاميجتوا حيدتها وعينيها كيتسراو في عضلاتوا دورات إيديها على عنقوا جراتوا لعندها كتر غمضات عينيها مستمتعة وصوت انفاسهم عالية عيشين لحضة حتى فيقهم من سهوتهم صوت دقان مجهد في لباب
أمينة كمشات حجبانها بإزعاج و قالت بتسأل :شكووون؟
سعاد من مورا لباب واقفا هازا بيجامها طويلة خاشياها من جنب معصبة وباغا غير فين تشد بغضب نطقات:
_اهاديك لمسخوطة داك صالون شكون غيجمعوا عمرتي كرشك وخليتيه هكاك
أمينة نفخات بجهد:ليل هادا الواليدة صباح ونجمعوا غير تهناي
سعاد خبطات بيديها بزوج في لباب و غوتات بجهد : والله ما تخرجي اديك شطابة حتى ندخل ليك لتما نشطب بيك الأرض
عائشة جات تجري قاطعها:اويلي اختي ليل هادا لبنت مع راجلها ونتي سيرا دقدقي عليهم حشومة
سعاد قلبات عينيها:حشومة هيا مرت شيطان هيا طالعا تحاب ليا مع راجل وأنا مخليا ليا صالون مرون ولماعن بلا غسيل كتسحابني خدامة عندها انا مقفاني غير نفس اما صحتي راها مشات في تربيتها وسهيري عليها
عائشة "أم كريم "حطات إيديها على سبعها و قالت: صافي أختي سيري تنعسي وأنا غنمشي نجمع صالون بعدي من لبنت
سعاد بتأكيد:والله لا حطيتي يديك فشي حاجة حتى تخرج هاد لمتعوسة مالها سيرا تحني
كريم جمع نوضة من تحت سانوا قال :خالتي غير تهدني أنا عنجي نجمع ليك هاد صالون وخلي عليك أمينة مريضة ما تقدرش توقف
أمينة شارت ليه بمعني اسير تقول
كريم هز يديه بزوج لفوق بمعنى هاد شي لي عطا الله اش غنديروا مع مك
سعاد حشمات :لا وليدي حشومة نتا يالله باش وصلتي غير رتاح ليك اوليدي رتاح صافي حتى لصباح و نجمعوا
كريم وقف تيلبس في حويجوا وتيهضر: أمينة نوضي لبسي حويجك
أمينة بعدم فهم قالت:علاش فين غيمشيوا؟!!
كريم قلب وجهوا:نمشيوا لشي أوطيل ناخدوا راحتنا كتر حسن ما تخرج لينا خالتي سعاد بشي حاجة خرا
أمينة ضحكات من نيتها وحلات إيديها:صافي غير اجي راها مشات
كريم هز ساروت سيارتوا:لا غير نوضي شويا غترجع تفكر شي مانطة بقا بلا صابون تجي تقول ليك صبنيها خالتي وكنعرفها مزيان...
إستيقضت من نومها بسبب أشعة الشمس لي مسينيا في وجها كمشات حجبانها بإزعاج و دورات عينيها لقات راصها مخشيا في أحضان أركان كارز عليها وإيدها محطوطة على سدروا و نيشان فوق قلبوا بعوينات كبيروا بقات كتأمل في ملامحوا فموا غوز ولحيتوا لمطراسية وبعض لخصالات نازلين على عينيه تيبان حرش وزوين بزاف هزات إيدها بشوي بغا تحسس لحيتوا...
وهيا تفكرا لبارح شكلوا كيفاش كان تيضرب بحال لوحش تحول لواحد أخرى تخلعات وسرطات ريقها بصعوبة بدات كتجر راصها بغا تبعد منوا وهوا زاد كرز عليها قلبها تحتوا وجا فوق منها
عض فموا من لداخل ونطق بصوت مبحوح بنعاس
أركان:فين باغا تهربي
إسلام قلبها تيضرب بجهد بقات كترمش وبشفايف كيترعدوا نطقات:
_ و الله ما كنت بغا نهرب غير بغيت نمشي لحمام
أركان ببتسامة مزينة ملامحوا رد عليها: ما قلتيش ليا صباح الخير
إسلام كدفع فيه من فوقها:صباح الخير هاهيا قلتها وبعد مني
أركان بعينين معسلين:ماشي هاكا تيقولوا صباح لخير
إسلام كمشات حجبانها بعدم فهم:كيفاش بغيتيني نقولها واش بالفرونسي
أركان شد يديها بزوج بين يديه طلعهم لفوق وقرب خطف بوسة من شفايفها خلاها مصدومة وحرك راصوا نطق:هاكا تيقولوا صباح لخير أحبيبة
إسلام دورات راصها:صافي هانتا خديتيها وخليني نمشي بحالي
أركان ستنشق ريحتها بحب وقال بصوت رجولي خشن: بوسيني نتي
إسلام بدات دور في عويناتها كمشات حجبانها وبخفوت نطقات: بغيت نمشي لحمام حشومة عليك واش بغيتيني نديرها في حويجي بعد مني
أركان ضحك عليها من نيتوا اوقف مابغاش يزيد يحرجها كتر لبس كلاكيطا ديال صبع في رجليه وقال :
_غنمشي نصوب لفطور جمعي حويجك باش مني نساليوا نشدوا طريق لجديدة...
إسلام ناضت بزربة لحمام قدات حاجتها وغسلات سنيناتهاو وجها وبدلات حويجها لبسات كسوة طويلة وفوقها جاكيط جينز قصيرة وشعرها جمعاتوا جنب وهزات حويجها وشغلها كامل من دوش قداتوا في لباليزة وسداتها ونزلات عندوا لكوزينة كان واقف عاطيها بضهروا كيقاد لفطور وعضلاتوا بارزة....
قربات منوا بشوي ونطقات وهيا كتفرك
في يديها بتوتو:نعونك؟؟
أركان بتاسم جنب هز طبسيل ديال بيض ونطق:غسلي إيديك وجلسي تفطري وقبلي على ما وجد "طلعها من لتحت وقال بهدوء" جيتي زوينة
إسلام جرات كرسي جلسات فيه تبسمات بخجل و قالت:شكرا، هاد لخير كامل وكتقولي قبلي على ما وجد "حطات إيديها على دقنها "نتا راجل وكتطيب مزيان أما أنا كاس ديال أتاي ما تنعرفش نصوبوا
أركان ببتسامة مزينة ملامحوا نطق:مع لوقت غتعلمي كلشي خاص تكون عندك غير رغبة
إسلام بتسأل قالت:كيفاش تعلمتي طياب واش مني كنتي صغير كان عزيز عندك طبخ
أركان صب لقهوة في طاس وحرك راصوا بنفي بعدما قال : لا غير حنت عشت بوحدي بفعل لخدمة كان خاصني نسافر بزاف تعلمت باش نديباني راصي
إسلام هزات كاس عصير شربت منوا ونطقات "مزيان "سكات للحضات تم قالت: بغيت نجمع ليك حويجك وما عرفتش فين هيا لباليزة ديالك
أركان رمقها بنضرات كلهم حب وقال:ما تعدبيش راصك أحبيبة، لحويج كلهم تنخليهم هنا حنت أغلبية لوقت تنقديه في لفيلا
إسلام بعدم فهم:هيا غتوصلني وترجع هنا؟!! وفي رياض ما عندكش حويج تما
أركان رتاشف من كاس لقهوة وقال: لا ما غنرجعش عندي شي وراق في شاريكة ملي نشدوا طريق غندخل نسنيهم ونمشيوا وبالنسبة لحويج عندي ما نلبس في بلاكار لي في رياض و حتى نتي غنشري ليك حويج جداد تحطيهم هنا وكلشي لي غيخصك باش ملي نوليوا نجيوا هنا ما تجيبي معاك والوا
إسلام حركات راصها بإجاب ونطقات بخفوت : اهاه تبارك الله...
سالاوا فطورهم في هدوء وسدوا لفيلا وشدوا طريق وقف لوطوا قدام شاريكة AR للسيارات الحذيثة هزات إسلام راصها كتفحص في شكل شاركة كتبان بناية كبيرة كلها زاج وعاليا بزاف...
جا يجري عندوا واحد من لي كارد حاني راص فتح ليه لباب
أركان دور راصوا ناحية إسلام وقال بتأكيد: نزلي غدخلي معايا لشاريكة
نزلوا بزوج شابك إيدوا مع إيدها ودخلوا لشاريكة لتحت ديالها عامرة سيارات حديثة تيبريوا محطوطين مقادين ولفوق لمكتاب
لموضافين كلهم وقفوا مني شافوا أركان داخل لشايكة لي مر من حداه تيقول ليه صباح لخير أسيدي وأركان تيحرك راصوا كارد للتحية لموضفين متحتارمينوا واخدينوا قدوتهم حنت هوا شاب مزال صغير ووصل وبنا بزاف ديال شركات بالجهد ديالوا ودابا تيوسع في خدمتوا براا لبلاد...
طلعوا في سانسور كلوا زاج والأرض كلها ديال شاركة كتلمع وصلوا لفوق جات تجري لعندوا سكرتيرة لبنى لابسا كسوة قصيرة في لحمر وشعراها صفر قصير لوياه من لتحت كتبان زوينة ...
لبنى ببتسامة مدات ليه ميلف:موسيوا أركان هادوا هما لوراق لي خاصك تسني أو مدير شركة Sk الأمريكية بغا يشوفك في عشاء خاص الشهر الجاي
أركان خدا لوراق بين يديه تيقرا فيهم وكيستامع لكلام لبنى أما إسلام جالسا وتقارن راصها مع لبنى
لبنى بتسأل نطقات:موسيوا راضي واش هادي لمدام؟
أركان هز راصوا من لوراق وقال: وي إسلام هادي لبني سكرتيرة لخاصة ديالي لبني هادي إسلام مدام أركان راضي
إسلام مدات إيديها بزز منها ونطقات: متشرفين
لبنى بدلتها لمصافحة بالإيد وببتسامة قالت: شرف ليا أمدام إسلام"وجهات كلامها ل أركان" تبارك الله زوينة بزاف
أركان سينا لوراق مدهم ليها وقال:ميغسي لبنى وقعات أي حاجة داخل شاريكة تاصلي بيا
لبنى حركات راصها:اوك موسيوا كون هاني
دار عاطيها بضهرو هوا وإسلام دخلوا لمصعد باش ينزلوا لتحت
إسلام هزات راصها بشوي ما عجبها حال ونطقات بتسأل:لبني مزوجة؟
أركان شد تيليفونوا بين يديه مقابل خدمتوا حرك راصوا بنفي
إسلام عضات فمها من لداخل بالعصاب :وعلاش ما كتعيطش ليها الأنسة لبنى وكتقول ليها لبنى حرفية
أركان حس بيها غارت بتاسم جنب ورد عليها :عادي اصلا لبنى صديقة قديمة ليا داك شي علاش مالف نعيط ليها بسميتها
إسلام دمعة في طرف عينيها قشرات فمها من لداخل وردات: ايوا باين ليا صديقاتك كلهم بحالها انا بعدا ما حملتهاش شوف غير لباسها كيف دير ما كتحشمش
أركان حابس ضحكة بين سنانوا وهضر عادي :تنعرفها غير هيا بالعكس لبساها هوا هداك وزيدن كل واحد حر في حويجوا
إسلام خرجات من لمصعد قداموا كتخبط في رجليها بالغضب مارداتش فاش شافت اركان تيدافع على لبنى ماعجبها حال خرجات من شاريكة و مشات نيشان لطموبيل ركبات فيها ونار لغيرة كتاكل فيها من لداخل...
حبس لفران قدام دار رحمة دور عينيه ناحية إسلام بانت ليه ناعسا تحنى لمستوها قبلها قبلة حنينة في فمها إسلام عوجات فمها بإزعاج كمشات حجبانها قالت:
_خليني ناعسا بعد مني
أركان حيد حزام السلامة ديال طموبيل وقرب ل إسلام كتر بتاسم جنب وهوا كيشوف في ملامحها وجها البريئة ستنشق ريحتها وقبلها فوق عينيها او في فمها لغوز ونطق بصوت رجولي خشن :
_حبيبة نوضي ولا غنهزك بين يدي وندخلك لدار..
إسلام غير سمعات كلاموا حلات عينيها قافزا قدات جلستها ونطقات:
_بعد مني أنا أصلا مقلقة
أركان حرك راصوا و ببتسامة مزينة ملامحوا قال:
_وعلاش شكون قلق ليا لحب ديالي ندفنوا حي ما نحنش فيه
إسلام صغرات عينيها ودلات شفتها التحتانية ببرائة نطقات:
_ منيتك كتسول ،إيوا دفن راصك نيت
أركان عض فموا من لداخل ونطق بعدم فهم:
_ مالي أنا أشنوا درت ليك؟
إسلام معروف عليها من صغرها حتى حاجة ما كتقدر تخبيها وأحاسيسها كلهم من الغضب والفرحة والحزن تيبانوا في وجها وداك شي لي قراه أركان من عينيها وزاد بغاها كتر من لول...
إسلام جمعات حجبانها بغضب بدات دير حركات بوجها وبصوت حنين غنات :
نتايا لي تختار بغيتي الجنة بغيتي نار بغيتي المحبة هاني وفالعداوا تلقاني....
انايا مخاسرا والو من غدا باي باي وديك ساعة سير عند ديك لبنى ديالك لي من صباح ونتا سير تشكر فيها...
أركان عرفها بدات تبغيه وتأكد من الأغنية لي غنات وملي شدوا طريق ما هضرات معاه نفاجر بضحك عليها حتى وجها ولا حمر كيف لماطيشة ما رداتش خطف إيديها بزوج شدهم بين يديه و بعينين تيلمعوا قال:
_إسلام ما كيناش شي وحدة في قلبي من غيرك غير رتاحي لبنى مجرد صديقة لا غير
إسلام قطعاتوا جرات إيديها من وسط يديه رمات شعرها لور و ردات بنفخة:
_ علاش سير كضحك عليا مالي بنت ليك أنا كلون قدامك
أركان حرك راصوا ونطق : سمحي ليا صافي تهنيتي "شافها حلات لباب وقفها وقال" ما تودعينيش بشي بوسة غتمشي وتخليني هاكا
إسلام نفخات شفيفها وردات بعصبية: سير عندها هيا تبوسك حسن ليك
خبطات لباب بجهد ولاحت شعرها مورا ضهرها ومشات دق في باب دارهم نزل أركان من لوطوا واعين جيران كلها عليه جبد ليها لباليزا ديالها او بعض الأغراض شراوهم من طريق كهداية لعائلتها خرجات لعندوا راحمة بوجه بشوش ستقبلاتوا:
رحمة :مرحبا بيك اولدي والف مرحبا تفضل دخل
أركان حط الأغراض من يديه قدام لباب وتحنى قبل إيديها بحترام وببتسامة قال:
_ترحب بيك الجنة ألالة رحمة
رحمة ببتسامة قالت:اجي دخل اولدي ما تبقاش في لباب
أركان ببتسامة مزينة ملامحوا رد عليها: مرة ا أخرى إنشاء الله سلمي على عمر وباقي العائلة
رحمة حركات راصها وقالت: مبلغ،الله يوصلك على خير اولدي ما بغيتي دخل تشرب حتى كاس ديال أتاي وسلم معاك على الحاجة
أركان ركب في لوطوا بعدما قال: الله يعونك نعوضوها..مبلغ
دخلات لدار وهوا يجري يجري لعندها عنقها بيديه بزوج كارز عليها فرحان من قلبوا بجيتها...
أمير حنيكتوا منفوخين تيبان فنيون ضحك حتى بان صف ديال سنيناتا صغار بيضين وقال:
_توحشتك بزاف أخالتي
إسلام مبدلاه العناق بفرحة قالت: حتى انا توحشتك بزااف الحبيب ديالي
أمير بعد منها دور عينيه وببرائة قال: فين هيا مراتي؟
إسلام جبدات ليه حنيكاتوا و بعدم فهم قالت بتسأل:مراتك !! علاه نتا تزوجتي ملي ما كنتش ولا كيفاش
أمير كمش حجبانوا بزوج ورد عليها: بنتك فين هيا لي قلتي غتزوجيني بيها ولا هداك سي أركان غير كداب "غوت بجهد "علاش كدبتوا عليا علااااش
إسلام دم تسحق من وجها بالخجل تحنات لمستواه و قالت :جبت ليك واحد لعبة واعرااا
عبارة عن بلاي و ديال لكورة من لفوق..
أمير بعينين تيلمعوا قال:فين هيا؟
جالسا فوق سريرها الدائرية بالباس نوم فاضح كتدهن في لكريمات لحمها و عقلها غارق وسط دوامة من الأفكار كتحلل وتناقش غير بوحدها حتى دخل لعندها قبلها في كتفها بحب وحيد لافيست لي لابس تم توجه لبلاكار تيجبد حويج نعاس وملابس دوش...
يوسف بتاسم جنب وقال بتسأل:نجلاء عمري صافا ؟
نجلاء تنهدات من الأعماق بحال الى هازا جبل فوق كتافها وردات عليه:لباس أحبيبي غير خليني ساكتة من الأحسن ما تعرف والوا
يوسف بهتمام جمع حجبانوا بزوج ونطق: شنوا واقع قولي ليا واش مريضة؟
نجلاء بتسمات بستهزاء ونفجرات بالهضرة بحالا كانت غير كتسناه يسولها رفعات حجبانها ونطقات بعدم رضا:
_مصاب كون غير كنت مريضة نقدر نشرب دواء ونتعالج وليني لي فاقصني أنا غدا لعرس ديال خوك شوف غير لقاعة كيف ديرا لي غيديروا فيها لعرس ختاروا أحسن قاعة في جديدة وخوك وباك ما رجعوش إيديهم لجيبهم غير يجبدوا في لفلوس ويحطوا على العرس تقول مزوج بأميرة وأنا نجلاء لي سميتي معروفة وصورتي ديما كتكون في أول صفحة في مجلات لموضة بنت مليردير وبابا لباس عليه درت عرس عادي وريخيس أو في جردة ديال لفيلا ديالنا
يوسف بتاسم جنب ورد عليها:حنا درانا عرسنا بسرعة وكلشي جا بزربة وكنا تنعرفوا بعضيتنا كان همنا غير نتزوجوا ونعيشوا تحت سقف واحد أما خويا ومرتوا حاجة أخرى أ نجلاء
نجلاء شيرات بالكريم من يديها و بعصبية غوتات في وجهوا:
_متقولش ليا أنا هاد لهضرة إيوا غدا ملي غيكبر ولدنا مني يسولني على تصاور لعرس لمبهدل ويشوف تصاور عرس أركان ويقارن غيتصدم مسكين ويسحاب موا هيا لفقيرة ماشي هاديك إسلام
يوسف مسح بإيدوا على وجهوا وقرب منها عارفها حاملا وهوا مشتاق باش يشد ولدوا بين يديه مابغاش يتزايد معها في لهضرة زفر بجهد وقال:
_نجلاء صافي هاد شي لي مقلقك إيوا مني تولدي نعودوا لعرس ونديروا ليك في أحسن قاعة ماشي غير في جديدة في لمغرب كامل ندير لحبيبتي عرس أسطوري يهضر عليه صغير ولكبير
نجلاء عينيها لمعوا بالفرحة نقزات لعندوا عنقاتوا بيديها بزوج :شكرا بزااف أعمري"بعدات منوا وبجدية قالت " ياك ما كتكدبش عليا
يوسف جمع حجبانوا بغضب :عمري كدبت عليك فشي حاجة
نجلاء دورات يديها على عنقوا وتلاحت على شفايفوا كتلتاهم فيهم بحب ،فراحنة وعاجبها لحال...
بعدات منوا وبعينين معسلين قالت: توحشتك بزااف
يوسف فهمها تبسم جنب ورد عليها :نمشي نصلي"غمزها"ونجي لعندك
نجلاء دلات شفتها لتحتانية وبعدم رضا ردات :لا بغيتك دابا أجي عندي من بعد وصلي "جراتوا من إيدوا دفعاتوا فوق سرير وجات فوقوا وبصوت رقيق قالت"
_ما غتفلتش من بين يدي ليوم ديما كاتحجج بالخدمة ودابا مكين غير نجلاء وبس ...
خشات راصها في عنقوا فرحانة ويديها كيتسراوا تتحل سدايف لقاميجة تم طفات ضوء...
متكيا وسط لمراح حاطا شال غليض على راصها وحناكها حمرين غيطرطقوا بسخونية خدات من عند أمير كاس لماء لي جاب ليها شرباتوا دفعة واحدة بعدما تقدات في جلستها وبتنهيدة طويلة قالت:
_شكرا لحبيب ديالي "مدات ليه لكاس"هاك دي هاذا لكوزينة
أمينة حيدات شال غليض من فوق راصها وقالت:لحمام سخون بزاف ليوم معرت مالهم على حالتهم مسخنينوا بزاف ما رعاوا لينا الله يعطيهم دقة
إسلام وجهات كلامها لتوبة وأمينة :
قتلتوني بالحكان ليوم نتوما غير لي بغا يمشي معاكم أويلي لي لقات شي عشبة جات طلاتها ليا لحمي ها لحناء هالورد وزيد وزيد
توبة قصحات شوفة وقالت: غدا عرسك خاصك تباني كتشعلي البكَرة راك عروسة زعما
إسلام ما عجبها حال خرجات عينيها و قالت:
تشتف عليك البكَرة إنشاء الله
أمينة كمشات حجبانها ونطقات: بغات ليك غير لخير مالكي مسخوطة
دخلات رحمة مقطعاهم هازا بين يديها قصرية تعت رفيسة بدجاج لبلدي حنت ما داروش لغداء ناضت تشمرات ودرت لعشاء حطاتوا بينهم فوق طبلة وجلسات مربعة شافت فيهم وبتسأل نطقات:
_مالكم تعطالتوا شوفوا ساعة شحال ليل هادا عاد جايين
توبة ببتسامة جوبات: مشينا درنا لاصير ولمصاج داك شي علاش تعطلنا
أمينة سرطات ريقها و بفرحة قالت: الله أمي رحمة، الله يعطيك الخير فرحتيني عرفتي شحال ما كلت رفيسة
توبة صغرات عينيها وقالت:على الله أماما متكونيش درتي فيها لحلبة ما كنحملهاش
رحمة قفدات كميمها وردات:لا طيبتها بحدها و لحلبة راها حطيتها في واحد زلافة سيري جيبها ليا
أمينة كمشات حجبانها وقالت:غدا لعرس ما تاكلوش لحلبة غتولي فينا ريحة خيبة
رحمة حطات إيد على إيد ونطقات:على قلة لماء كولوا حتى تشبعوا وصباح دوشوا مالكم على حالكم
إسلام قالت بسم الله وبدات تاكل ما مصوقاش لهضرتهم حتى سمعات تيليفونها كيسوني هزاتوا وغير قرات لإسم وحلات ليها دغمة تلاحت عليها أمينة كتخبط ليها في ضهرها قالت:
_حلالي حلالي تشرك لعمتك خت بوك
إسلام رجعات نفس وردات :ما عنديش عمتي
توبة هضرت بجهد:وتي جوبي في تيليفون شوفي شكون كيصوني؟
إسلام حركات راصها وردات:أركان
رحمة هزات سبعها وقالت:جوبي راجل حرام تخليه يصوني
إسلام قلبها ولا تيضرب حطات تيلفون على ودنها بعدما قبلات الأتصال وقالت:
_ألواا
أركان :خرجي لعندي أنا كنتسناك برا
إسلام شهقات بجهد:أشنواا ،"شافتهم كيشوفوا فيها بتسائل سدات عينيها وعود حلاتهم و قالت "وخا أنا جايا دابا
قطعات عليه أو وقفات كتلبس في رجليها
أمينة كمشات حجبانها ونطقات بتسأل: فين غادا؟
إسلام بخجل ردات:انخرج نشوف أركان ما عرفتوش أش بغاني
أمينة دورات راصها: هاي هاي على الحب
إسلام خلاتها كتهضر وخرجات مكمدة وشال فوق راصها على لبرد لمحات طموبيلتوا كيشعل فيها ضوء ويطفا تمشات ناحيتوا ببطئ و قالت:
_سلام
أركان شافها ديرا شال فرح من قلبوا وحنيكاتها مزنكين عجباتوا بزاف ببتسامة مزينة ملامحوا رد عليها:
_وعليكم سلام طلعي
إسلام حركات راصها بإجاب وطلعات حداه شغل لوطوا ورجع مارشاليال خرج من درب خلاها تفجئات و بتسأل قالت:
_فين غنمشيوا؟!
أركان دار لعندها مبتاسم : حبيبة جاك لحجاب زوين بصحتك
إسلام نزلات راصها بخجل بقات تلعب بيديها
بعد مدة وجيزة وقف لوطوا قدام لبحر نزل هوا وياها تقابلوا مع لبحر ، خشا أركان يدوا في جيبوا وجبد بوات حمراء على شكل قلب جبد منها كرميط صغيرة ديال الإيد مكتوب فيها إسلام مصوبا من دهب خطف إيدها ليمنى ودور عليها لكرميط وسدها وباس إيديها من لفوق وبصوت حنين قال بتأكيد:
_ما عمرك ما تحيديها من إيديك خليها ديما تفكرك بيا مني ما نكونش حداك
دور إيدوا عليها وخشاها في حضنوا كيستنشق ريحتها بشتياق هضر وهوا معنقها:
_إسلام سمحي ليا ما سولتكش واش نتي موافقة تزوجي بيا؟
إسلام حركات راصها بإيجاب و عينيها دمعواا وخا هوا مزال ما عتارف بمشاعروا ليها ولكن كلشي واضح وباين من عينيه ومن تعاملوا زوين معاها حسات براصها كتخونوا و كتكدب عليه بغات تقول ليه لحقيقة وتصارحوا بعلاقتها لقديمة مع سفيان بعدات منوا وبتأكيد قالت:
_أركان بغيت نقول ليك شي حاجة مهمة
أركان ببتسامة مزينة ملامحوا رد عليها:تفضلي ألالة أنا كلي أذان صاغية
إسلام عرقات في حويجها وحناكها توردوا من توتر حلات شفايفها باش تنطق وهوا يقاطعها صوت تيليفونها كيصوني قبلات الإتصال و جوبات :
_الوا نعام أمينة
أمينة مكمشا حجبانها وكتهضر بجهد بحال
باغا تخرج من تيليفون:
_فينك أصحبتي اويلي غبرتوا من درب لوقت تعطل بزاف وغدا لغرس خاصك تنعسي مزيان باش وجهك يصبح منور بغيتي غدا تحضري لعرس وعينيك عامرين هالات سوداء تحت منهم زرق ورجعي دابا
على إيقاع أغاني دكالة شعبية واقفين المعازيم تيشطحوا فرحانين لموسيقى مجهدا والقاعة مزينة بأحلى زينة راقية وكبيرة ...
غير إسلام وأمينة لي عائلاتهم عاديين أما الباقين ما كين غير شكون وشكون ناس مهمين ومعروفين تيجيوا عائلة راضي...
دخلات لعروسة مشابكا إيديها مع إيد عريسها ونكافات مورها تيصليوا على النبي ، الكميرا تبعاهم كتصور والمغني المغربي لمشهور عبد الرحيم الصويري تيغني عليهم....
إسلام لابسا قفطان أحمر بتوب ساري مشدود من جهة لخصر ومضمة ديال دهب مزيناه ومن لتحت مطلوق شعرها الأسود كيبري مموج وهابط تحت الشبكة طويل مغطين ليها وجها ومزينيوا بمكياج ومجوهرات هندية وأركان لابس لباس بلدي عبارة على جبادور دو طابع مغربي وهندي تيبان بحال لبسة ديال لهنود لي تيلبسوا رجال في لعرس وفنس لوقت مغربي من ناحية توب من تصميم أشهر مصمم عالمي و شعروا مرجعوا لور وريحتوا سبقاه تيبان حرش و ملامحوا وحرفوا رجولية عطياه واحد الجمال رائع...
جلسوا في المكان لمخصص ليهم ونكَافات قادوا ليها لبسة من جناب وطلبوا من أركان يحيد ليها لخمار من وجها...
هز أركان لخمار حيدوا من فوق وجها وكلشي عينيهم عليهم والكاميرا كتصور فيهم جات عينوا في عينيها تبسم بفرحة وقرب ليها بشوي باسها في راصها وبين عينيها وقرب حدا ودنها همس بشوي
_جيتي زوينة بزااف أحبيبة
إسلام بسرعة تصبغ وجها بالون الأحمر حشمات قدام الحضور لي تيشوفوا فيها ونزلات عينيها الأرض بخجل ما بقات بغات تطلعهم..
في زاوية وقفا مرا تكون في سن لخمسينات كتبان كلاص و لباس عليها من خلال لباسها وكمية دهب لي حاطا تمشات بتئني حتى وصلات لعند لحاجة خديجة باركات ليها وتبسمات بفرحة :
لالة لباتول: تبارك مشاء الله لعروسة غزالة عرفتي أش تختاري الحاجة
الحاجة خديجة ببتسامة مزينة ملامحها ردات:الله يبارك فيك لالة لباتول
لالة الباتول شارت بصبعها و بتسأل نطقات: شكون ديك لبنت لي لابسا لقفطان في زرق أول مرة نشوفها
الحاجة خديجة شافت فين شارت ليها و قالت:هاديك توبة أخت عروسة ولدي أركان ..
جات نرجس لابسا قفطان بلا كمايم في لغوز بارد قربات من لحاجة وببتسامة بريئة قالت:
_جدة تكلمي لماما بغاتك
الحاجة ستئدنات من لالة لباتول وتبعات نرجس...أما لباتول ما حيداتش عينيها على توبة لي كانت واقفا حدا أمينة حاضيين عباد الله وتيديوا ويجيبوا في لهضرة فيما بينهم
أما نجلاء وقفا في جنب بين عائلتها لابسا قفطان في الأسواد وحاطا ميكاب تقيل صارخ باين من بعيد باش تجدب إنتباه لحضور..
بالبسة تانية الخضراء جلسوا إسلام فوق لعمارية دوروها ولاحواا عليها لورد على إيقاع أغنية {ألف هنية وهنية ويالالة عروسة في لعمارية ويالالة ..الخ ستك ستك ستك} وإسلام قلبها غيسكت خايفا لاطيح..
لعرس تيبان الأسطوري، العروسة كتبان بحال الأميرة بطلاتها الجدابة عاطيا لقاعة بريق خاص...
من بعد ما تعشاوو الحضور عياو لعرسان بكترة تبدال أما أمينة ونرجس ما خلاوا حتى أغنية ما شطحوا عليها فرحانين ، عيا كريم ما ينغز ويتحلف على أمينة وليني لي في راصها دارتوا وما جلساتش...
في لبسة الأخيرة دخلات إسلام لابسا لاغوب بيضا طويلة ومشبكة من جهة ضهر وأركان لابس طقم أزرق عطيه جمال خاص...
تصوروا وقطعوا طورطة لكبيرة لي فيها تصويرتهم بزوج...
ناضوا عائلتها كاملين كيشطحوا معاها هيا وعريسها وعينيهم تيلمعوا بدموع خصوصا ملي تفكروا أنها ما غترجعش معاهم لدار وغتمشي لدار راجلها تعيش مع عائلتها جديدة وتخليهم بوحدهم كل واحد مسك إيديها ورقص معها لا من خوها عمر ولا الباقين تيفكروا لاحضاتهم معها وطيبتها وحنيتها عليهم ما عمرهم ما سمعوا من فمها كلمة لعيب وخا يكون لحق منهم كانت من صغرها كتحني راص وتسكت حتى من قرايتها ضحات بيها باش خوها يكمل قرايتوا مني شافت مها ما عندها فلوس باش تقريهم بزوج ترجعات هيا وصبرات وليني ربي جازاها براجل تحلم بيه أي بنت...
دخلات رحمة كتشطح معها وكترضي عليها إسلام فاش شافت عيون رحمة مابقات قادرة تصبر راصها ودموعها باداوو تينزلوا شلال من عينيها كيف حبات لؤلؤ شفيفها رجفوا مني نطقات كلمة "ماما" تخشات في حضن مها كارزة عليها وكتبكي بحرقة...
بعدما تودعات مع العائلة بدموع نزلوها لتحت بزز منها ركبوها في طموبيل مزينة بالورد وهيا كتشوف فيهم بتراجي باش تبقى نضراتها الحزينة خلات كلشي يبكي معها و أولهم خوها عمر لي ما صبرش على فراقها وهيا عزيزة عندوا هرب من قدامها و تبعاتوا نرجس...
تحركات سيارة العرسان بعدما ركب أركان لور حدا عروستوا وشيفور سايق بيهم...
قرب من إسلام مسح ليها دموعها بيديه وخشاها في سدروا لداخل كارز عليها وهيا كتبكي حتى كتسمع تنخصيصة....
وقفات لوطوا قدام رياض هبط عينوا ناحية إسلام و عض فموا من لداخل ،تنهد من الأعماق بقات فيه بزاف كمش حجبانوا بغضب ساخط ما كيبغيش يشوف حبيبتوا بهاد شكل...
كانت مخشية في سدروا وعينيها فازكِين بدموع بقات كتبكي حتى غفات، دور إيد تحت عنقها والأخرى تحت رجليها و هزها كيف ريشة بين يديه وراصها محطوط على سدروا جهة قلبوا نيشان وهيا مكمشة لداخل حسات بدفئ ورتاحت ...
دور راصوا ناحية السائق وطلب منوا يجبد لي فاليز ديول إسلام من لوطوا وتمشا هوا حتى وصل قدام لباب لقا لالة فريدة واقفا بتكشيطتها وهازا بين يديها بلاطوا فيه لحليب وتمر واقفا تسنا فيهم باغا ترحب بعروستها جات قبل منهم باش تستقبل مرات ولدها...
فريدة بوجه بشوش تكلمات من بعد ما صلاة على نبي وزغرتات: مرحبا بيكم أولدي
إسلام غير سمعات لهضرة حداها حركات رموشها لفازكين بدموع وحلات عينيها بشوي ،غير شافت لالة فريدة تصدمات أو وجها تسحق منوا دم وكمية كبيرة من الخجل كسات ملامحها بغات تنزل ولكن لقات أركان حاكمها بين يديه....
فريدة وقفاتها وقالت ببتسامة:لا بنتي غير خليك "مدات ليها تمرة وكلاتها منها أو وكلات ولدها حتى هوا وعطاتهم لحليب شربوه وبعادات ليهم يدخلوا بعدما قالت:
_كنتمنى ليكم السعادة في حياتكم أوليداتي "وجهات كلامها ل ولدها" دي مراتك لبيت ترتاح
أركان حرك راصوا ودخل إسلام لبيتوا لي فراشوا كلوا جديد حتى حاجة ما قديمة فيه حطاها فوق سرير وقف غيمشي يبعد منها وهيا تلاح على عنقوا كرزات عليه ودموعها تيطيحوا شلال حتى كيضبوا ليها رئيا أركان دور إيدوا على ضهرها وبقا تيمررها فوق ولتحت بشوي وقال بصوت رجولي خشن :
_ششششش تهدني غدا نديك عندهم
إسلام حلات شفافيها بغات تهضر وليني تنخصيصة كتحبس ليها لهضرة وتنفسها كيتقطع سكتات وخلات دموعها ديزين نطقات جملة وحدا بزز منها خرجاتها من قلبها حنت كانت محتاجة لي يكون جنبها:
بصوت باكي قالت :بقا معايا
أركان مسح ليها دموعها تبسم بسرعة و خشاها فيه معنقها تيهدن فيها حتى غفات بين يديه حيد ليها سندالة طالون من رجليها و قادها في بلاصتها ...
زفر بجهد دوز بي إيدوا على شعروا رجعوا لور حس بقلبوا مزير مني شافها كتبكي....
تحنى قبلها في جبهاتها و توجه لبلاكار ديالوا خدا منوا فوطة ولحويج دخل دوش وخرج صلاة صلاتوا مني سالا قرب جهة إسلام حيد ليها لمجوهرات لي لبسا وهزها بشوي تكاها على سدروا وهيا كتحل عين وتسد عين عيانا حل ليها لخيط ديال لكسوة من ضهر ها ونزلها من لكتاف حتى تعرا قداموا عنقها و وضهرها لي بيضين تيشعلوا بدون شعور حط شفايفوا على عنقها رطب قبلها قبلة دافئة تبورشات من ملامستوا ودقات قلبها تسارعات ،حلات عينيها بسرعة حولات تبعد و لكن جسمها ما معونهاش داتها كلها كتحس بيها مدكدكة وفاشلة...
حس بيها أركان مرخية وتعب ضاهر على ملامح وجها نزل ليها لكسوة كاملة لي ما كانت ما لابسا تحتها والوا من غير دوبياس عض فموا من لداخل مني شاف جسمها ناصع لبياض قداموا تيشعل وحتى زغبة ما فيه حط لكسوة فوق لفوتاي...
أو وقف حيد لباس صلاة بقا غير بشورط حنت الحال سخون ...
تكا حدا إسلام بانت ليه ناعسا وبعض دميعات نازلين في حنيكاتها جرها لعندوا مسح ليها دموعها وحط راصها على درعوا ودخل رجليها بين رجليه مرر بإبهاموا على وجها وقبلها قبلة حنينة فوق شفيفها ستنشق ريحتها من الأعماق ...
و تنهد بشوي ،حس بواحد لهدوء و راحة زوينة تيحس بيها غير ملي كتكون بين يديه ومعاه..بقا كيتأمل ملامحها البريئة، فرحان بيها و تيشكر في لي خلقوا حنت ربي حقق ليه مبتغاه بقا هكاك حتى داتو عينوا ونعس معنقها...
فاقت من نعاسها وتنهدات براحة شافت بلاصة أركان بانت ليها خاوية حيدات عليها لغطاء وغير شافت راصها ما لابسا والوا من غير دوبياس جاوو في بالها شي حويج فشكل عضات فمها من لداخل او وجها تسبغ بالحمر ديك ساع...
وقفات ودورات عويناتها في لجناح بان ليها باب عرفاتوا لحمام هزات فوطتها أو قفطان سامبل براندة ودوبيس وبيرميدا وسليب سمطة دخلاتهم معاها لدوش، بعد لاحضات قلقية خرجات من دوش بشعر فازك وحنيكات موردين ولقفطان لي لبسات عطاها واحد لجمال خاص نشفات شعرها بالخف وخلاتوا مطلوق هزات تيليفونها بين يديها بعدما سمعات صوت رنة مساج كمشات حجبانها بتسأل وفتحاتوا بزربة كتقرا فيهم وعينيها تيلمعوا بالفرحة من كل كلمة قراتها..
لمساج "توبة":ختي لحبيبة كيف صبحتي لباس حنا دابا شدينا طريق جايبين ليك لفطور...
جلسات في طرف ديال نموسيتها فرحانة حتى سمعات دقان في باب لغرفة فتحات لباب وببتسامة قالت:
_صباح الخير دخلي
نجلاء هازا بين يديها كاس ديال لحليب رسمات إبتسامة على محياها ومن فوق خاطرها قالت: صباح نور كيف صبحي لباس
إسلام حركات راصها بإجاب وبخجل ردات:
لباس أختي شكرا
نجلاء بتسمات بشر و قالت:مليون مرة قلت ليك متقوليش ليا ختي عيطي ليا غير نجلاء "زفرات بجهد وقالت بهدوء بعدما مدات كاس لحليب ل إسلام " خودي شربي هاد لكاس غينفعك صيفطاتوا ليك خالتي فريدة
إسلام كمشات حجبانها بزوج مني شافت لحليب وهيا ما كتحملش تشربوا من صغرها متا حطاتوا في فمها
نجلاء بقات مادا ليها لكاس ومن تحت سنانها نطقات :هاد غير حليب بالعسل ماشي سم خودي شربيه راه حتى أنا مني جيت عروسة جديدة،جابوا ليا بحالوا شربتوا"هزات إيديها شارت بيها لجسدها" وها أنا قدامك واقعا ليا شي حاجة ؟
إسلام خدات من عندها لكاس وقالت:شكرا
نجلاء ربعات يديها عندها وبإصرار قالت: وشربيه ولا ما غنتحركش من هنا
إسلام عينيها خرجوا بصدمة سرطات ريقها بصعوبة قربات لكاس من شفيفها وشربتوا دفعة وحدة بزز منها كارها
نجلاء رسمات إبتسامة ماكرة على وجها وحطات إيديها على كتف إسلام والإيد الأخرى خطفات ليها لكاس من بين يديها ونطقات:
_برافوا عليك خليك ديما هكا"غمزتها"كوني تسمعي لهضرة
تمشات بخطوات بطيئة كتمايل عاطيا بضهرها ل إسلام وقفات ورجعات شعرها لور بطريقة كلاص ولاحت لهضرة وخرجات:
_نتلاقاو في طبلة لفطور لتحت اوك باي
إسلام جلسات فوق لفوطاي ومداق لحليب في فمها جاب ليها تقية غمضات عينيها وعود حلاتهم و خدات نفس طويل وقفات وهيا تحس بدوخة والأرض كتدور بيها شدات راصها بين يديها وتمشات بزز منها ناحية باليزتها خدات منها شربيل لبساتوا وقفات كتقاد في حوايجها...
ودقات قلبها غاديا وكتزيد ولات كتسمع غير تصفير في ودنيها تقريبا حوالي عشرة دقائق وهيا على نفس لوضع مغمضة عينيها وضاغطا على راصها من جناب فجئت تلاشا داك صوت من مسامعها ورجعات لحالتها الطبيعية ولكن عينيها ولاوا حمرين كيف دم بلا إرادة ضحكات بجهد بحال لحمقة
بقات كضحك بحال لحمقة حتى سمعات دقان في لباب دورات وجها وهيا تلمح نرجس واقفا لبسا كسوا في الأسود قصيرة وخفيفة تبسمات بفرحة
وتمشات ناحيتها غاديا وكتمايل قالت بصوت مرتفع عكس كيفاش كتهضر بالعادة...
إسلام عينيها مقلوبين بلسان تقيل قالت :
_ ههههههه نرجس جاتك فنة هاد لكسوة منين شريتيها باينا فيها غالية كيف هاد رياض تبارك الله غير هاد لبيت يدير من حومتنا جوج
نرجس ستغربات و ببتسامة حركات راصها مصدومة اول مرة تشوف إسلام بهاد شكل لغريب
إسلام قربات من نرجس دربتها لكتفها بجهد وقالت: بلا شك نتي جيتي باش تهبطيني نفطر معاكم ياك شفتي شحال أنا خطيرة و دغيا عرفت
نرجس شدات من إسلام وقالت :اه راه جات لعندك خالتي رحمة وصحبتك و العائلة يالله نزلوا
إسلام نزلات معها غاديا وتسول وضحك تمشات ناحية طبلة لفطور فين مجموعة لعائلة كلها هما غير شافوها بداو كيزغرتوا ويصليوا على نبي قربات منهم كتمايل بحال سكرانة طلقتها بضحكة خلات كلشي يهز راصوا مبهوض جات تجري لعندها أمينة عنقاتها وهيا فرحانة كضحك دفعات أمينة وقالت :
_شتي صحيبتك فين ولات عيشة أنا هيا لملكة هههههههههههه سيري قوليها لهناء خليها تربح بيه
أمينة همسات بشوي في ودنها:هاويلي سكتي غتفضحينا..
بعدات من أمينة وجلسات فوق كرسي مربعة رجليها بدات كضرب في طبلة وتغني :
_زواجي ليلة وليلة طويلة خلوني نشطح حتى واحد ما يحسبني ....الخ
الحاج حنحن بصوتوا وقال ببتسامة:بنات ليوم ما كيقدروش يخبيوا فرحتهم نشطي أبنتي ما حدك مزال صغيرة
نرجس دربات في طبلة وقالت :ياس وأخيرا جا شي واحد نشيط لهاد لعائلة
الحاجة حطات سبعها على دقنها وبقات كتشوف ونجلاء كتضحك حتى كتبان ليها درسة لعقل...
إسلام ما بقا قادها لغناء شدات من طبلة وطلعات فوق لكرسي وبدات تشطح وتحير وعلامات دهشة وصدمة ضهرات في وجوه لكل....
رحمة وتوبة ما لقاو فين يخبيوا وجوهم بهاد شوهة لي دارت إسلام وخصوصا أنه اول نهار ليها في دار راجلها وأمينة كتجر فيها او والوا بحالا هزيتي وحدة وحطيتي وحدة أخرى....
أركان كان داخل لرياض كيهضر في تيليفوتوا حتى تهز قلبوا من لمنضر لي قداموا سدروا ولا يطلع وينزل بالعصاب عائلتوا دائما واخدين عليه صورة مزيانة وبيتوا بينهم حترام كبير تصدم مني شاف مراتوا كتصغر بيه قدامهم ما ديراش عتبار ليه زفر بجهد و صاح بصوت كسهام :
_إسلااااااام
أركان يقدر يغمض عينوا على أي حاجة حتى لحتراموا وسمعتوا ما كيحملش لي ينقص منوا ويهينواا..
تمشى ناحيتها بزربة ولقرودا تيشطحوا فوق راصوا هبطها من فوق لكرسي و نضراتوا مضلمة ما كيبشروش بالخير وهيا بحال لهبيلة كتنقز وتشطح ما مسوقاش جرها من دراعها تحت نضرات للكل وطلعها لفوق داخلها لجناح ديالهم وسدوا برجلوا...
دار ناحيتها بانت ليه كضحك بصوت عالي كيف لحمقة... ساط بجهد ونطق من تحت سنانوا معصب:
أركان:أش هاد لفعايل ديال لبراهش أ إسلام بغيتي تشطحي سدي عليك بيتك وشطحي مع راصك حتى واحد ما غادي يحاسبك...
إسلام كدور عليه بحال سكرانة وتغني
{ عرسي ليلة إيوا يوا ليلة طويلة إيوا يوا كلشي لي يشطح الى لي حاسدنا.....الخ}
شافها ما تسوقاتش لكلاموا خبط إيدوا بجهد مع الحيط ، عروق جبهتوا تنفخوا ونضراتوا ما بقاوش كيبشروا بالخير جرها من يديها دفعها على الحيط وغرس صباعوا بقوة في دراعها حتى غوتات من الألم...
زاد ضغط على دراعها كتر وبعصبية قال :داير ليك لخاطر وصابر عليك فوق لقياس ، كلشي نسمح فيه حتى لأنكي تنوضي تشطحي كيف ل**** قدام خويا لكبير والحاج ما درتي عتبار لحتى واحد تبرهيشك فات لحدود أبنت ناس
إسلام منزلا راصها الأرض مكمشا حجبانها بالألم وباركا كتحسب في فردة شربيلها وسباط أركان
أركان دور وجهوا لجهة الأخرى كيتنفس من نيفوا ،تنهد من الأعماق وقال بصوت بارد :شوفي فيا"شافها ما تسوقاتش ليه غوت بحر جهدوا "فاش نكون نهضر معاك شوفي فيا
رعدة طلعات معها بالخوف رفعات راصها ومع تأتير لمهلوس لي حطات ليها نجلاء في لحليب خلاها في عالم أخرى بدات تضحك بجهد هزات صبعها فيه ودلات شفتها لتحتانية و قالت :
_وعتيني بزاف وخلعتيني وأنا عرسي ليلة خليني نشطح...
أركان تكوانسا في بلاصتوا مني شاف عينيها حمرين كيف دم وصوتها تقيل طلق منها بشوي وهيا غير حسات بدراعها تفكوا من قابدتوا دفعاتوا و مشات تجري طلعات فوق سريرها وبدات تشطح وتحير حتى كطيح في ناموسية وتشقلب كيف شي بنت صغيرة و قفطانها معنكشها وتعود تنوض ....
قرب ناحيتها نزلها من سرير دور إيدوا على خاصرها حاكمها وهز ليها شعرها لي تقلب كامل على وجها مني طاحت حيدوا وقال بتسأل:
_إسلام أشنوا كلتي ليوم هضري شربتي شي حاجة هاد صباح؟
إسلام عينيها كيتسدوا وتحلهم بزز في عالم أخرى عوجات فمها وقالت:
_ بوسني !!
أركان بالفقصة ضحك عليها من نيتوا صغر عينيه وقال: ياك مني تنقرب منك كتشعل فيك لعافية ديال جهنم ولا دابا حنت مقرقبا بنت ليك في لبلان
نفخات شفيفها وقربات منوا بعدما غمضات عينيها وبإصرار قالت:
_بوسني عفاك بوسني
أركان ساط بجهد و بالخف هز ليها لقفطان من لتحت حيدوا وجرها من يديها دخلها لحمام طلق عليها رشاشة ديال لماء باش تفيق...
إسلام فور ما حسات بالماء نازل على داتها جرات أركان من يدوا جابتوا تحت لماء و دورات يديها على عنقوا دلات شفتها لتحتانية ودارت حركات طفولية براصها ونطقات بجدية:
_نقول ليك واحد سر ؟
أركان حرك راصوا مسايس معها بينما فاقت من تاتير لمهلوس وبتنهيدة طويلة قال:
_هضري !!
إسلام حلات شفيفها لي كيبريوا بالماء وقالت بتأكيد:كيعجبوني عينيك او حتى نيفك وجك كامل تنحماق عليه ومني كتمسني كيعجبني لحال وخا تنخاف "هزات إيديها خشاتها من تحت قاميجتوا وتمات منزلاها مع داتوا وقالت" تنحماق على هاد العضلات عندك زوينين بزاف باين درتي رياضة باش ولاوا هاكا "دلات شفتها لتحتانية وقالت:
_بوسني
أركان بقا ساهي في ملامحها وشفارها تيبانوا فازكِين بالماء وهيا لابسا غير دوني قصير لصق مع على فخاضها ومبين مفاتنها عض فموا من لداخل وبصوت مبحوح قال:
_الى مشيت حتى قربت منك ما غنقدرش نبعد..قولي ليا شكون
إسلام بدات تنقز شويا ما طاحت كون ما شدهاش أركان وبإصرار كتغوت :
_بوسني الزوين بوسني هئ هئ هئ
أركان خطف بوسة خفيفة من شفايفها وقال:
_هانا بستك صافي وقولي ليا شنوا شربتي ليوم
إسلام وقفات على صباع رجليها ودورات إيدها مورا عنقوا نزلاتوا لمستواها و حطات فمها على شفايفوا بدات تلتاهم فيهم بحب تبسم هوا وسط فمها وجرها لعندوا كتر منساجم هوا وياها في قبلة عميقة ناسي راصوا حركاتها وهيا بين يديه فازكا جابوا ليه تمام...
بعدات منوا وخيط ريقهم متاصل ببتسامة وعينين مقلوبين قالت جملة لي خلات جسدوا كامل يتصلب:
_لحليب لي عطاتني نجلاء تيفرح زوين بزاف هههههه
ودنيه تسمكوا مني سمع الإسم لي نطقات خالها تما وخرج من دوش عينيه بسرعة تحولوا للون الأحمر بدل حويجوا بالخف وقال من تحت سنانوا نطق كاره:
_نجلاء كيفاش ما فكرتش فيها
وإسلام جلسات تحت لماء كتضحك وتقول: اجي مزال ما عودت ليك سر تاني تاع سفيان
ما سمعش لكلامها خرج من لبيت عاقد حجبانوا لوسط وعينيه حاملين نضرة مضلمة ما مفهوماش مخنزر أو وجامع يديه على شكل قبضة سد لباب موراه ونزل بسرعة تيقلب عليها...
جالسين في صالون والجوا مكهرب بيناتهم تيهضروا على شوهة لي دارت إسلام كانوا غير لعيالات ومعاهم عائلة إسلام أما رجال كلهم خرجوا يقديوا شغلهم....
لالة فريدة دورات راصها بحسرة : لفقيه لي كنتسناو براكتوا مشينا لجامع لقيناه تيصلى بي بليغتوا اودي على لبنت لي زوجت لولدي لعرس لمخير لي كتحلم بيه أي وحدة درتوا ليها وهيا اش دارت وقفات فوق لكرسي وقدام رجال بدات تشطح وتغني بلا حشمة بلا حياء...
نجلاء حبسات ضحكة وقالت :ديجا قلتها ليك أخالتي كون زوجتيه لختى كا عما غيطرا هاد شي كامل
الحاجة خديجة جمعات حجبانها بغضب وقالت: سدي فمك أ نجلاء حنا ماشي في هاد لهضرة
فريدة جهلات او خرجات لعيب من فمها بدات تهضر بلا ما دير لهضرتها حساب:
_صحباتي كلهم كانوا ناوين يجيوا ليوم يتعرفوا على كنة عائلة راضي ياحسرى جاب الله قلت ليهم حتى لغدا ودابا اش غيجيوا يشوفوا خطية طماعة لمرة لولة عطاتنا لوجه لباريئ بانت درويشة قدامنا وديما حانية راص وحشمانة وليوم بانت على حقيقتها غير داخلا لعائلة على قبل لفلوس
رحمة دمعة تحجرات في عينيها ديما كانت كتسمع لهضرة زوينة على بنتها وكلشي كيشكرها هزات عينيها بتراجي وقالت:
_بنتي والله ما دخلا على طمع غير نية مسكينة وزيدن أنا لي بززت عليها تزوج كون كانت بغا لفلوس كيف قلتي الالة فريدة غتقبل من لول
أمينة جمعات واقفا ونطقات بعدم رضا:لبنت كانت صحا سلام غير جات لهاد رياض تقلبات "شافت في نجلاء"بينا سحروا ليها حتى ولات بهاد الحالة ما عاقلا حتى على راصها
فريدة وقفات مخنزرا في أمينة طلعات حاجبها وقالت:
_مزيان تبارك الله وسط داري سيرا كتاهميني بسحور ،بزاف عليكم عائلة راضي بالحق سرنا نيت رضينا بالهم ما رضا بينا باين لعربون من هاد زواج ديال لويل، من لول بديتوا تخرجوا نيابكم غدا ولا بعدوا تيجوا تقولوا حاولنا نقتلوها
توبة حركات راصها وقالت:أش جابنا لهاد لهضرة أخالتي فريدة امينة ما قالت كلمة لعيب ختي إسلام تنعرفها مزيان ما عمرها ما وقع ليها هاد شي كتبان بحالا شاربا شي حاجة وحتى عينيها حمرين ماشي على طبيعتها
فريدة درات إيد على إيد وضحكات بستهزاء :يكما شفتينا فاتحين بار ديال شراب وسط دار باش غنشربوها لا نتوما زدتوا فيه ولدي تصيد مسكين رجال كيتزوجوا بعيالات لي يهزوا بمقامهم قدام ناس وهوا تزوج بكريثة شوهاتوا قدام باه
رحمة طاحت دمعة بزربة مسحتها وقفات بتنهيدة طويلة: ما عمر لعين ما تعلى على لحاجب ،بنتي غنديها معايا ونتلاقاوا في دار لقاضي تلاقينا خوت نتفارقوا خوت لمهم هيا لعلاقة بين لعائلات تبقا مزيانة
الحاجة خديجة كانت جالسا كتستامع ليهم حاطا سبعها على دقنها كتفكر قصحات شوفة في فريدة باش تجلس ودورات راصها ناحية رحمة نطقات بتأكيد:
_ما عندنا ما نديروا بهاد لهضرة ألالة رحمة وزيدن هاد شي بين راجل ومرتوا حنا جمعناهم ولي علينا درناه يبقاو مع بعضياتهم ولا يتفارقوا شغلهم هادك وهما راهم بعقلهم ماشي صغار باش تدخلوا في حياتهم "هزات جليلها من جناب وحركات راصها لتواني عاد قالت بتأكيد أكبر وهيا موجها كلامها لتوبة وأمينة" الى كانت إسلام وكلا شي حاجة كيف قلتوا مول لفعلة غنعرفوا ما غيفلتش من بين يديا..
نجلاء سرطات ريقها بصعوبة وبقات كدور في راصها بينهم....
دخل أركان لصالون كيف ثور طار على نجلاء جرها من بين يديها خلاهم مصدومين تيهضروا موراه....
توبة بقلق قالت:كيف بقات إسلام؟
أركان كارز على إيد نجلاء جوبها بزربة :
_طلعي عندها لبيت راها محتاجاك
نجلاء بصدمة كمشات حجبانها بألم :اي قصحتيني مالك تسطيتي..طلق مني
اركن ما تسوقش ليها داها معاه لمكتب وسدوا بجهد دفعاها لداخل وسد لباب زفر بجهد متحكم في اعصابوا الأقصى درجة ما بغاش يضربها ويتقاوا على مرا ...
من تحت سنانوا قال بتسأل:
_مزال فعيالك هما فعيلك ما تبدلوا شنوا شربتي إسلام؟
نجلاء سرطات ريقها بصعوبة : اشنوا أش كتخربق أنا ما درت ليها والوا
أركان بعينين حمرين سرط ريقوا حتى تفاحة أدم تحركات في حلقوا عض فموا من لداخل وقال:
_ قولي اش شربتيها ما تخالينيش نرفع يدي
عليك
نجلاء بتسمات بستهزاء:ما يبقاش فيك لحل نتا لي رفضتي ختي لي هما وشان وجاب ليك ربي سكيرية حتى لعندك تزوجتي بيها شوهاتك قدام العائلة كلها إيوا بصحتك اسي أركان...
أركان نزل عليها بتسرفيقا عوج ليها لحنك حتى تجرحات جنب فمها وغرس صباعوا في دراعها حتى غوتات من الأعماق ودموعها بداو تينزلوا مسحات فمها من جناب ما حشماتش وبدات كتهدد:
_ختي مسكينة كتبغيك وباش تقرب منك طرات باش تخدم عندك في شاريكة وتبقا قريبة منك ونتا أشنوا درتي هنتيها وطردتيها برا قدام لي سوا لي ما يسواش "بتسمات بشر" الحرب عاد بدات اسي أركان قول لمرتك توجد راصها وهادي غير لبداية
أركان بدون شعور مني سمع هضرتها على إسلام وكيفاش حاطا عليها لعين بغا تنتاقم منها شياطين ولاوا تيلعبوا فوق راصوا غرس صبعانوا في شعرها والإيد الأخرى قجها بيها حتى خرجوا عينيها ولات وسطوا كترعد والبولة أطلقهامن لخوف اول مرة تشوفوا بهاد شكل لمفزع...
أركان :مرتي خط حمر ال**** حمدي الله جيتيني مرت خويا وحاملا من لفوق أما بربي حتى نقطع ليك نفس "دفعها بكره ونطق من تحت سنانوا "أخرى مرة دوري بساحتي أنا وإسلام ولا بربي حتى نهارك ما غاطلع فيه شمس ومن ليوم الى وقعات أي حاجة ل إسلام لا من قريب ولا بعيد نتي لمسؤولة عليها....
خبط عليها لباب وخرج وقفات حاطا إيديها على عنقها كتحكب بجهد و ترجع نفس مسحات دم من جنب فمها لي تينزل بسرعة وضغطات على سنانها كارها نطقات بغضب ودموعها تينزلوا شلال:
ديك لق**** لي مسميها مرتك بزربة حطات ليك كلشي قدامك بنت لحرام ما طلعاتش ساهلا "غوتات بجهد" غنقتلك اللفعة ....
يتبع...
التعليقات
لا توجد تعليقات بعد، كن أول من يعلق.