زواج مبارك الجزء 20

••أمام غرفة الإنعاش ••

واقف حاط جبهتوا على زاج حاضيها كيفاش كتنفس داخل قناع الأكسجين،مرقبها بدون ملل ،خايف لا غفل عليها تانية واحدة يحاولوا يقتلوها من جديد ،ويحرموه منها ...

خلوه في لكلينك هوا وتوبة على قبل لمعرفة لقديمة لي كتربط سي عدنان آل راضي بمدير لمستشفى ،وعاد زيد عليها أركان مستحيل يخرج من تماك حتى يدي إسلام معاه وتولي بخير وخصوصا هاد شي لي وقع ليها دابا خلاه مستحيل يتفرق عليها تانية وحدة ...

•• خرجوا زوج طبيبات متدربات من غرفة لي جنب غرفة الإنعاش بعدما بدلوا حويجهم او سالاوا دوامهم في لمستشفى ،وحدة منهم شعرها قصير في البني غليضة وقصيرة والتانية شعرها واصل حد كتافها ديرا ليه ضفيرا في جنب طويلة ورقيقة ...

مولا شعر قصير غير شافت أركان تسمرات في بلاصتها وبعينين تيلمعوا نطقات بصوت خافت: سوزان شوفي زين اوتبوكيصا وطولة والعضلات احح قلبي دااب أختي ...

سوزان شافت فين قالت ليها صحبتها وبتنهيدة طالعا من اعماقها نطقات:كيحمق وليني خسارة مزوج ...

نوال خسرات ملامحها: وباش عرفتيه ؟!!

سوزان ردات بقلة حيلة :ديك لي في غرفة الإنعاش مراتوا ابب ...

نوال بغمزة قالت بخفوت:اجي نقتلوها باش نلقاوا فرصة ونتقربوا منوا ...

سوزان دارت عندها :ياك ادكتورة باش نمشيوا لحبس ومستقبلنا كامل يضيع لا اختي وشتي وخا تموت مراتو لا تزوج عليها ولا داها في وحدات فحالنا ،وزيدن حنا مهمتنا نقدوا حياة ناس ماشي نقتلوهم ...

نوال خنزرات فيها :غير كنضحك مالك درتي ليا محاضرة "حطات إيديها على قلبها"احح سعداتها تمنيت كون كنت في بلاصتها باين فيه كيبغيها بزاف ...

سوزان بتنهيدة طويلة نطقات :وياه ياختي كون تشوفي شنوا دار عليها من غرجوها من غرفة العمليات حتى من لبكا بكا عليها بدموع ،سعداتها بيه ...

نوال شدات في ايد صحبتها:زيدي اختي نمشيوا في حالنا ونكمدوها في قلوبنا وليني صراحة راه زوين بزاااف كيحمق بحال شي ممثل سعداتها بيه ...

سوزان عينيها على أركان دارت ليه سكانير ،سكتات مدة قصيرة ونطقات : بقات فيا الله يشافيها مسكينة ...

نوال خنزرات فيها: ما حشمتيش سيرا على كدعي مع ضرتي ...

سوزان ساطت بجهد:ايوا أختي انا بقا فيا غير تيتيز ما قدرت نشوفوا كيتعدب ...

نوال دورات راصها :زيدي زيدي لاه يعطينا غير وجهك هههههه ...

أركان ساهي حاضي إسلام حتى حس بإيد تحطات على كتفواا ...

يوسف بصوت حزين:خويا كيف بقيتي ؟!! "شاف خوه ما جوبوش وهوا يقول " من لبارح ما كلتي شي حاجة اجي معايا لمطعم لي حدا لكلينيك كيصوب ماكلا زوينة بزاف غتعحبك ...

أركان بدون ما يدور تكلم بصوت حاد متألم :

_ما بغيت والوا أ يوسف، من الأحسن ترجع لرياض ...

مروى شافت في يوسف وبتنهيدة نطقات: خويا أركان ،إسلام ما غاتبغيش تشوفك بهاد لحالة،الحمد لله لعائلة كلهم مشاوو لدار يكالوا باش يقدروا يوقفوا على رجليهم ،حتى لنتا لي بقيتي بلاش ...

أركان دار عندها وبصوت حاد نطق: فين خليتي جنات، نتي عارفا بلي إسلام ما كتبغيهاش تبقا بوحدها ...

مروى بلعات ريقها:ءء راه بقات مع خالتي فريدة ما خليتهاش بوحدها ...

أركان بأمر نطق: سيري رجعي لدار ...

مروى كمشات حجبانها:ما نقدرش أنا جيت باش نشوف إسلام" رمشات بعينيها ليوسف" غنمشي نشوف فين كيعطيوا داك لبس طبي باش نلبسوا وندخل ...

يوسف حرك ليها راصوا بإجاب و بقا كيشوف في خوه لي الحزن و الألم باين او واضحين في تعابير وجهوا ...

وقف عليهم عمر كيمسد في عنقوا من تعب ..

أركان غير شافوا نطق بصوتوا رجولي لخشن:

_ عرفتوا شي حاجة؟!!

عمر حرك راصوا بنفي:لا مزال كيبحتوا، ولكن داوود غيغرق في لحباسات ...

اركان قشر فموا من لداخل بعصبية غوت في وجهوا :بربي وما تعرفوا شكوون حتى نحرق طواسل مكم كاملين ...

عمر بلع ريقوا حتى تفاحة أدم تحركات في حلقوا وبجدية نطق :تهدن انسيبي وما تنساش هاديك لي لداخل ختي و راه عالم بيا غير الاه من جيهتها ...

أركان قلبواا كيشواا ولعصبية لي فيه كتعمي ليه لعينين حتى ما كيبقا يشوف حتى حد قداموا ،زير على يديه وتنفس من نيفواا كيحاول يبان عادي وهوا من لداخل بركان كيغلي ...

عمر بطمئنان نطق: افضل لمحقيقين في هاد لبلاد واقفين على القضية بنفسهم غير تهنى مول لفعلة غنجبدووه وخا يكوون تحت الأرض أنسيبي ...

يوسف شاف في عمر ورجع شاف في خوه: ها عمر جا خليه هنا ونتا اجي معايا تمشي تاكل شي حاجة ...

أركان حلف لا حط شي حاجة في فموا حتى تفيق بنت قلبوا، ساط بجهد وعطاه بضهر رجع تقابل مع إسلام وبأمر نطق:

_سير بحالك ايوسف ما خاصنيييش ...

غاديا كدور تالفا حتى كيبانوا ليها غاديين في لكلوار مرتدين لباس طبي، أمينة جالسا في كرسي متحرك وتوبة دافعاها ...

مروى بحزن نطقات:سلام لبنات ...

توبة سلمات عليها بالوجه:وعليكم السلام ورحمة الله وبركاته ...

مروى نزلات عينيها ل امينة وقالت: مبروك زيادة ...

أمينة تنهدات بضيق:لاه يبارك فيك أمروى

مروى ساطت بجهد :هاد شي لي وقع ل إسلام ماشي ساهل لاه يشافيها "حركات راصها بتسأل "منين جبتوا هاد لباس ؟!!

توبة شارت ليها بصبعها: سيري لغرفة ديك لممرضة وقولي ليها راه نتي من عائلة آل راضي وغتعطيك ...

مروى بعينين دامعين نطقات:وخا شكرا بلا ما نعطلكم نخليكم تمشيوا ...

توبة بصوت مبحوح بالبكاء:جيتي تشوفي إسلام ...

مروى حركات راصها بإجاب وطبطبات بإيدها على كتف توبة ومشات بصمت ...

كل من توبة وأمينة توجهواا لغرفة الإنعاش لقاوو أركان واقف بحال شي صخرة ما تزحزحش من قدام لغرفة وعينيه على محبوبتوا ...

دفعواا لباب ودخلواا ،توبة غير شافت شكل ختها دورات وجها للجهة الأخرا كتبكي بصمت ما قدرات تشوف حالتها صعيبة، أما أمينة نزلوا دموعها بالخف عمروا وجها،قربات من صحبتها قبطات في إيدها ،وبصوتها لي كيتسمع صداه في كل لغرفة تكلمات ببرود ومن لداخل كتحرق على إسلام :

_عجبتك غرفة الإنعاش كيبان ليا ما بغيتيش تخرجي منها ياك "دورات راصها للجهة الأخرا عضا شفيفها من لداخل كاتما شهقاتها" بااغا تخلينا بوحدنا وتمشي"بشفايف كيرجفواا" نتي عرفا أ إسلام ،أمينة بلا بيك ما كتسوا والوا أختي فيقي على قبلي عفاك ...

"زادت في وتيرة بكاها حتى شهقاتها كيحبسوا ليها لهضرة" أمينة وإسلام وجهتين لعملة واحدة من صغر وحنا صحابات كنعتابرك ختي ماشي غير صحبتي"حركات راصها" بسبابك عشت وعرفت لمعنى الحقيقى للصداقة المبنية على لحب ولوفاء وصدق و بعيدة كل لبعد على الأنانية والمصلحة الشخصية، واش في خبارك بلي بلا بيك هاد دنيا ما ساوية والو ..."تبسمات فوق حزنها" وليت كنعرف نهضر بحال ناس هههه ...

دورات وجها عند توبة وبغصة خانقاها نطقات :شوفي توبة مسكينة غتموت إلى وقعات ليك شي حاجة وأركان حتى هوا ما صابرش ...

دخلات لعندهم مروى حتى هيا مرتدية لباس طبي ولكمامة فوق نيفها،وقفات على راص إسلام وبصوت باكي نطقات بحرقة :

_إسلام بفضلك عرفت لمعني الحقيقي للأخوة وفهمت كيفاش كيكونوا لخوتات يبغيوا بعضياتهم ويخافوا على بعض ويضحكوا بزوج ويفرحوا بزوج بفضلك نتي لقيت طريقي لي كنت مضيعاه من زمان، و تجمعت براجل لي كنبغي هاد شي كامل حنت نتي كنتي معايا أختي هئ هئ هئ ...

حطات إيدها على دراع إسلام :ما عمري شفتك بحال هاد لحالة اختي إلى ما بغيتيش تفيقي على قبلنا حنا على الأقل فيقي غير على أركان لي حالتوا حالة أختي مابقا كيكال ولا يشرب غيمرض إلى بقا هكا فيقي على قبلوا عفاك ...

توبة شافت في مروى وأمينة ومشات كتجري ترمات في حضن مروى عنقتها وبقات كتبكي

أمينة ملي شافت إسلام ما دارت حتى ردة فعل ،بعصبية غوتات:كنقسم في مي بالاه إلى ما فقتيش بنتي غنفرها ما غنربيهاش وماغنعطيهاش لحنان لي خاصها وما غنرضعهاش حنت هيا سباب "شارت لنفسها " وأنا سباب كون ما ولدتش ليوم ما كنتيش غتخرجي وغيوقع ليك هاد شي كامل ...

"عضات خدها من لداخل بألم أو وقفات بزز منها ؛حطات إيدها على كتاف إسلام وبدات تحركها وتقول: كلشي وقع بسبابي أنا "سرفقات راصها"أنا هيا أسوء صديقة عرفتي خرجت ليك على حياتك انا ما كنستاهلش نكون صحبت إنسانة عضمية بحالك ...لا ما كنستاهلش ...

توبة بصوت باكي قالت :اش كتقولي أمينة تهدني عفاك نتي ما درتي والوا كلشي كان مكتاب من عند الله،علاش وقفتي ونتي يلاه فاتحة غتمرضي ...

أمينة بدات كتهضر بيديها وتغوت :خليني نمرض ولا نموت كاع ما كيهمنيش "شارت لنفسها بصبعها وبدات كضرب في سدرها" هيا خسرات ولدها بسبابي أنا المسؤولة على هاد شي كامل لي وقع هئ هئ أنا هئ هئ هئ أنا هئ هئ سباب أنا هئ هئ ...

إسلام فور ما سمعات كلام أمينة ما تحملاتش والجسم ديالها عطا ردة فعل قوية بدا سدارها كيطلع حتى لفوق ويرجع يتخبط بقوة وشاشة تخطيط القلب بدات كتصفر حتى تقاد فيها الخط ...

أراكي تصارعين الموت يا حبيبتي ...

لكنني أقف عاجز غير قادر على الحراك ...

إذا أصابك مكروها اليوم... أعدك بأن أحرق العالم بآسره.... وأنتقم أشد نتقام... من تسبب في قتلك.... وبعدها سوف أقتل نفسي واذهب إليك لكي نعيش سويا ...

"بقلمي"

غير شافها أركان بدا كيخبط في زاجة على جهدواا وكيغوت :

__لا لا لا ما تموتيش لا ...

مشا كيجري كيف لحمق كينادي على الأطباء لي غير سمعوا صوتوا لعالي جاوو بجري دخلوا لغرفتها وخرجوا كلشي ...

بدا واحد منهم كيضغط على قلبها بيديه بزوج وتاني وجد آلالة ركبها في ضوء وعطاها لطبيب...

بدا كيحطها فوق قلبها حتى كيتهز سدرها لفوق ويرجع يتخبط ...

أمينة بدات تسرفق في راصها وحاضية صاحبتها من زاجة وتغووت:

_أنا سباب أنا شنووو درت لااااا ما يمكنش لاااا ياربي يرجع قلبها ينبض ياربي كون معانا ...

عمر خبط جبهوا مع لحيط حتى دازت بدم وطاح في الأرض كيبكي ويغوت وتوبة معنقاه:

_ ختي إسلام لا ما يمكنش لاااا ،كنواعدك أختي غنتاقم ليك من هادوك لي وصلوك لهاد لحالة كنوعدك ...

اركان بصوت مجروح متألم نطق وهوا كارز على يديه بصوت هامس:

_كنقسم ليك بالاه أ إسلام إلى ما فقتيش غمووووت غنقتتتتتل راصيييي حلي عينيك أحياتي ...

••داخل إحدى صالونات في رياض ••

مني دقات إبرة الأنسولين وبزوا عليها باش تاكل وغفات غير بزز ، متكياحتى كتفق قافزة من بلاصتها ،جلسات بزربة وبدات تبكي وتردد:

_بنتي بنتي هئ هئ هئ ...

فريدة جالسا حداها :بسم لاه عليك اختي رحمة تهدني ما كين والوا...

رحمة حطات إيديها قلبها:بنتي واقعا ليها شي حاجة أفريدة قلبي مزير عليا ...

نرجس مدات ليها كاس لماء وقالت: تهدني أخالتي إسلام غتبرا غير تهدني أنا غنعيط لعمر يطمنا عليها وخا ...

مي رحمة دفعات كاس لماء :اه عيطي لولدي ولا خليني نوض نمشي لعندها حسن ...

فريدة تنهدات بضيق: نعلي شيطان اختي خودي شربي شوية لماء دابا إسلام توقف على رجليها وتجي حتى لعندنا إنشاء الله...

••داخل غرفة الإنعاش ••

طبيب جبهتوا عرقات هز راصوا في الاطباء بأسف ورجع تاني حط ألالة فوق قلبها و زادوا في سرعتها ...

حتى رجع قلبها كينبض من جديد عاد رتاحوا ودقوا ليها إبرة وخرجوا مبتسمين حنت رجعوها للحياة ...

مروى هزات راصها للسماء وبصوت باكي نطقات:الحمد لله الحمد لله آربي ...

توبة مسحات لخوها دموعوا وببتسامة مخلطة بحزن نطقات بفرحة:إسلام رجعات ختنا رجعات لينا أعمر ما تخلاتش علينا الحمد لله...

عمر قفزوا تيليفونوا كيصوني جبدواا في جيوا يشوف لقاها نرجس وقف على رجليه وفتح لخط يجوبها ...

أركان داخل لعند إسلام بجري وطلع فوق سرير حدها ودفن راصوا في عنقها ستنشق ريحتها من الأعماق وبصوت مبحوح نطق بتوسل: كلشي كيتعدب حنت نتي في هاد لحالة حلي عينيك وريحينا من هاد لعداب أحياتي حلي عينيك ...

لابسا فستان أبيض طويل بلكميم سامبل مجرور في الأرض ومغطي بسحاب، وسط دخان وضباب كثيف غاديا كتمشى تائهة ما عارفاش راصها فين هيا، بانت ليها مرا لابسا جلابة بيضة طويلة ما كيبانوش رجليها من لتحت وديرا فولار على راصها، واقفة عاطيها بضهر، تمشات ناحيتها بخطوات بطيئة والخوف متسلل لقلبها هزات إيدها بشوي وبغات تحطها فوق كتاف لمرا وترجعات بخوف ،رجعات تشجعات وحطات إيدها على كتاف لمرا وبتسأل نطقات:

_سلام خالتي عفاك ممكن تقولي ليا فين أنا ؟!!

دارت لعندها لمرا راسمة إبتسامة على محياها او وجها كيشع منوا نور قوي لدرجة مقدرتش طول فيها شوفة ،بصوت هادئ ردات:

_نتي دابا في بلاصة لي غترتاحي فيها ما عمرك ما غتواجهي حتى مشكل ونتي هنا أبنتي "بصوت حنين" صافي كلشي سالااا إسلاااااام ...

إسلام بعدم فهم نطقات:كك كيفاش عرفتي سميتي ؟!!

المرا تبسمات ليها:ما عرفتينيش شكون "شارت لنفسها" أنا مرت خالك لمختار ...

إسلام تصدمت والخوف زاد تمكن منها :مرت خالي !!

لمرا حركات راصها بإجاب وقالت: اه، يلاه معايا أبنتي شدي في يدي نتي غتعيشي معايا هنا ،هنا فين كينا راحة والهدوء ...

إسلام ما فهمات والوا من كلام لمرا يلاه بغات تزيد خطوة وتمشي معاها وهيا تسمع صوت رجولي من مورها تكلم بحدة وقفها:

_وياك وياك ابنتي تمشي معاها مزال ما جا وقتك ابنتي سيري رجعي ،رجعي منين جيتي رجعيي ...

إسلام دارت مصدومة ومبهوضة من شكل راجل ونور لي كيضرب في وجهوا او لحيتوا البيضاء :ءء شكوون نتا ؟!!

سي محمد شاف فيها مطول وبملامح ممحية نطق:أنا باباك أبنتي محمد ...

إسلام بعينين تيلمعوا مشات كتجري ناحيتوا بغات تعنقواا :بابا ...

سي محمد هز إيدوا موقفتها بمعنى سطوب وبتأكيد نطق:سيري رجعي منين جيتي هوما محتاجينك كتر مني أبنتي ...

إسلام بعينين تيبريوا بدموع: ولكن ابابا أنا توحشتك بزاف خليني معاك عفاك علاش كتجري عليا ...

سي محمد دوز بيدوا على شعرها بحنان وقال : ما كنجريش عليك أبنتي ،ولكن رحمة غتعدب إلى بقيتي معايا أنا ما بغيتهاش تعاني سيري لعندها لاه يرضي عليك ...

دارت بيها مرات خالها كتجرها من جيها باغا تديها معاها او باها سي محمد من جيها باغيهاا ترجع ...

لمرا بقات كتردد وتقووول:صافي كلشي سالا اجي معايا ...

وسي محمد بقا كيغوت ويقول:لا سيري رجعي بحالك أبنتي سيري رجعي مزال ما وصل وقتك ...

إسلام بقات واقفا وسط منهم تالفا وما عرفاش علاش واحد كيجرها تمشي معاه وتاني كيجري عليها ترجع،سمعات صوت بكاء وتوسل من مورها :

_هئ هئ هئ إسلام ما سدقتيش تابعاني حتى لهنا حرام عليك ...

دارت كتبان ليها واقفا كتبكي لبسا لبيض وهازا تريبية وسط يدها مغطياها بسحابة بيضاء شافت في إسلام بغضب وبعصبية نطقات بتوسل :

_سيري رجعي لعندهم بنتي محتاجة ليك علاش خليتيها وجيتي ،لوعد لي واعدتيني بيه ،علاش ما وفيتيش بيه علااااش ...

إسلام حطات إيديها على فمها مبهوضة وما مسدقاش :

_نجلااااء ...

نجلاء حركات راصها بإجاب وقالت: شوفي هادا ولدك غيعيش معايا هنا بيخير ولكن بنتي بقات بوحدها في دنيا لقاسية خليتيها تحارب بوحدها وجيتي سيري عندها عفاك رجعي لعندها ...

إسلام نزلات راصها لبطنها وحطات ايدها عليه :ولدي هاهوا في كرشي علاش سيرا تكدبي عليا ؟سيري رجعي دري لموو ...

نجلاء نزلات راصها لتريبية وعود هزاتوا، بصوت حاد نطقات : حنا هنا ما كنكدبوش وهادا ولدك إسلام للأسف هوا ماشي ولد دنيا، هوا "ولد هنا" الأخرة ...

سي محمد حرك راصوا وقال :مزال عليك الحال أبنتي سيري مزال ما جا وقتك رجعي عند رحمة ...

زوجة لمختار بترجي نطقات :تعدبتي بزاف إسلام دابا جا لوقت باش ترتاحي أجي معايا شدي في يدي ...

نجلاء بعصبية نطقات:خليتي بنتي تما وجيتي حتى واحد ما غيقدر يعتاني فيها بحالك أ إسلام سيري عندها هيا محتاجة ليك ...

سي محمد بتوسل نطق :سيري أبنتي سيري لاه يرضي عليك ..

بداوو كلهم كيهضروا دقة وحدة حتى حطات يديها على ودنيها وغوتات على حر جهدها :

_صاافي باركااا سكتواااا باركاااا...

مشات كتجري وسط ضباب غادا مبعدا منهم وباها فرح هوا ونجلاء أما مرت خالها خنزرات و ما عجبها حال ...

بقات كتجري وتبحث وبحر جهدها غوتات بكل قوتها :

_أركـــــــــــــــــااان ...

لغوتة لي سمكات ليه لودنين وخلات قلبوا ينبض بسعادة ،حس برجفة جسدها بين يديه...هز فيها عينوا لقاها سادا عينيها ومكمشا حجبانها...عاد حس بدم جرا في كل شرايين قلبوا ،ركز شوفها في ملامح وجها لي بداوو كيتحركوا ولفاصمة لي في جبهتها،طول فيها شوفة وبصوت رجولي مبحوح نطق حدا شفيفها بهمس:

_رووح أركــــــــــان ...

إسلام غرسات ضفارها في عنقواا مني حسات بالألم قوي أسفل بطنها او في راصها من ضربة لقوبة لي جاتها ،حلات عينيها غير بزز وحيدات قناع الأكسجين من على فمها وبصوت طفولي نطقات :

_هنن أركان ضارني راصي بزااف ...

مشتاق إليك سيدتي ...

ولغة الشوق تجتاح ترانيمي ...

واحرف الهوى تغازل الكلمات في مخيلتي ...

فلن ترى بعد اليوم في عيوني...

لغة الصمت أو الهروب ...

سأرقص بكلماتي هذه...

على خريطة عاطفتك...

واعزف بألحان الحب ...

على جيتار قلبك...

اشتاق إليك حبيبتي...

أشتاق لسماع صوتك ...

اشتاق لمدفأة قلبك...

الأذيب عليها كياني المتجمد...

يا حبيبتي ونبض قلبي ...

هز عينوا فيها لي كيلمعوا بالحب كبير ،حيد ليها إيدها من عنقواو جابها لفموا طبع قبلة طويلة فوق منها ؛وجلس حداها ، تحنى قبل جبهتها بشوي وطبع قبلة فوق عينيها بزوج وبصوتوا رجولي المميز نطق:

_الحمد لله ملي رجعتي ليا ...

إسلام خسرات ملامحها وكمشات فمها:هنن تيضرتي راصي بزااف ...

أركان حرك راصوا وقال:معلوم يضرك أحبيبة راك رجعتي من لموت ...

إسلام دورات راصها وبتسأل نطقات:فين أنا؟

أركان تنهد بضيق: نتي في كلينيك...

إسلام دورات راصها في لغرفة وحولات تجلس: لكلينيك !!

أركان وقفها:خليك مرتاحة متنوضيش ،صبري نعيط لطبيب يطمني على حالتك ...

•• بسرعة نادا على الأطباء لي مشرفين على حالتها ،دخلوا زوج فحصوها وطمنوه على صحتها لي غاديا للأحسن وخرجوا بعدما قال واحد منهم :

__غنحولوها لغرفة عادية باش تقدر تبقا معها أسيدي،لاه يجيب شيفاء ...

•• فور ما حولوا إسلام لغرفة عادية دخل لعندها أركان بعدما علم توبة ومروى لي كانوا في غرفة أمينة ...

إسلام بدات كتفكر لحادثة لي دخلات على إثرها للمشفى وهيا تكمش حجبانها بخوف، بدات كترعد وحطات إيدها على فمها وبشفايف كيرجفواا نطقات بخووف:

_بغا يقتلني هئ هئ كان باغي يقتلني هربت منوا بزاف وبقا تابعني هئ هئ هئ ...

أركان ضمها لسدروا لعريض :شششش تهدني أحبيبة صافي كلشي سالااا تهدني أنا معاك ...

إسلام حطات إيديها على بطنها وبخووف نطقات بتسأل:

_ولدنا كيف بقا "بعينين تيبيروا بدموع"ولدي بيخير ياك ما خداتوش ليا نجلاء يااااك ...

أركان شاف فيها مطول وما قدرش يكدب عليها، بلع ريقوا حتى تفاحة أدم تحركات في حلوا و بأسف نطق:

_ بغاه لاه وداه أحبيبة ماشي ولد دنيا ...

إسلام غواتات على جهدها بحرقة خلات كل لي خراج لغرفة دخلواا لعندها: لاااا ما يمكنش لااا ولدي بغيييت ولدي لااااا هئ هئ هئ "بدات كضرب في راصها وأركان شد ليها يديها" علاااش قتلوا ليا ولدي علااااش هئ هئ هئ ...

توبة حطات إيديها على فمها مبهوضة: ختي الحمد لله ياربي ،لمهم رجعتي لينا نتي، دابا يعوضكم لاه إسلام ما تشديش في خاطرك "حطات إيدها على فمها" ما سدقتش ملي قال ليا أركان راك فقتي ...

أمينة جالسا في كرسي متحرك ،ببتسامة نطقات: جنات كتسنا فيك في دار الخوادرية تهدني عفااك ...

إسلام بصوت باكي: أنا ماشي أم مزيانة ما قدرتش نحافض على ولدنا ما قدرتش سمح ليااا ،كلشي مني أنا سباب أنا هئ هئ هئ ..

أركان مسح ليها دموعها وبصوت رجولي خشن نطق :ششش يلاه فقتي تهدني وكلشي غيتعوض أحياتي"قشر فموا من لداخل وبألم نطق" نتي ما درتي والوا كلشي مقدر ...

إسلام زيرات ليه على خصرواا ودموعها نازلين شلال من عينيها :لاااا سمح ليااا أنا حرمتك من ولدك"بشهقة طالعا من اعماقها" أنا ما كنستحقش نكون أم هئ هئ هئ "تفكرات لحلم لي فيقها" كان خاصني نمشي مع مرت خالي ولكن نجلاء وقفتني حنت جنات بقات بوحدها هئ هئ هئ ...

أركان شاف في إسلام بعدم فهم وعلامات الإستفهام ضهروا في ملامح وجهوا وحتى توبة وأمينة شافوا في بعضياتهم ما فاهمين والوا و

قربوا منها مبتاسمين ...

أمينة قبطات في إيد إسلام: مالك سيرا كتجبدي في لموتا الخوادرية،حجارهم يشدوهم ...

توبة بقات فيها ختها ولي جرا لجنين مع داك مسحات دموعها وحاولت ما تبينش:

_إسلام حبيبة واش في خبارك راه أمينة ولدات تزادت عندها بنيتة فنا وحالفات لا ترضعها ولا تهتم بيها حتى تفيقي ...

إسلام شافت في أمينة مصدومة وبصوت مبحوح بالبكا نطقات بعصبية:

_حشومة عليك أمينة هاد شي لي درتي ما كيبغيه لا ربي ولا عبدواا ...

أمينة خسرات ملامحها وبحرقة نطقات: واش نتي بين لحياة ولمووت وانا نقابل بنتي، وزيدن "شارات لنفسها "أنا سباب كون ما ولدتش ما كنتيش غتخرجي وتخسري ولدك لي وقع ليك كامل بسبابي ...

إسلام مسحات دموعها وبتنهيدة طويلة نطقات:والوا ونموت انا كاع ما كيهمش لمهم لبنت ترضع، داك شي كلوا لي وقع ليا مقدر أمينةو نتي ما عندك حتى دخل فيه، بنتك غير ملائكة "حركات راصها "سيري رضعيها وهتمي بيها وإنشاء الله سبوع على حسابي ...

دخل عمر مقاطهم وببتسامة جانبية نطق:هادي هيا ختي لي كنعرف هههه ...

تحنى عنقها كارز عليها:متت بالخلعة عليك الخوادرية، واعديني بلي أخر مرة تنعسي فيها بزاف هاكا ...

إسلام دورات إيديها عليه عنقاتوا:أخر مرة ولكن ما نقدرش نواعدك أخويا ...

مروى بعينين تيلمعوا نطقات بفرحة:على سلامتك أختي "جبدات تيلي "غنعيط لمي رحمة نفرحها ...

شرقات شميسة دافئة معلنة عن بداية يوم جديدة ...

ناعس حداها معنقها وفي جنبها طوول الليل مخلاهاش بوحدها بقا كيهدئ فيها ويصبر فيها بطريقتوا على ولدهم لي خسروه قبل لا يتزاد ...

على داك شي لي وقع ليها حلف باش ما يبقاش يخليها بوحدها ويزيد يرض ليها لبال كتر ...

هز عينوا فيها وبقا كيتأمل فيها مطول وهيا ناعسا ،غير تفكر أشنوا وقع ليها زير على يديه حتى عرقوا برزوا وبعصبية نطق داخلوااا:

_كنواعدك أحياتي نتاقم ليك من لي حاول يقتلك ويحرمني من شوفتك كنواعدك ...

هز خصلة من شعرها ناعم طويل ولواها على صبعوا وجابها لنفيواا ستنشقها من الأعماق وطبع قبلة فوق منها ...

فتحات عينيها بشوي وكمشات فمها بحال شي طفلة صغيرة ،وجها صفر ومع ذالك كتبان طبيبعة و زوينة فوق لقياس، تبسمات ليه فوق حزنها وبصوت أنثوي رقيق نطقات :

_صباح لخير حبيبي ...

أركان ببتسامة مزينة ملامحوا رد عليها:

_ صباح نوررر أقلبي الااااااااه على ضحيكة ما تخيليش شحال توحشت صوتك لحنين أنبض قلبي ...

إسلام كمشات حجبانها مستغربة : نبض قلبي ؟!!

أركان حرك راصوا بإجاب و بعينين تيلمعوا نطق:اه نتي نبض قلبي وروحي في خبارك قلبي كان غيوقف كون وقعات ليك شي حاجة أنبض قلبي ...

إسلام وجها إحمر خجلاا ،هزات راصها بشوي وقبلتوا في جنب فموا :

_كنبغيك بزاااف ...

أركان قرب منها حتى ختالطت أنفاسهم مع بعض وبصوت مبحوح نطق :

_نتي ناوية تسكتي ليا لقلب على صباح بهاد لكلام زوين أحياتي ...

إسلام خسرات ملامحها وكمشات فمها:برا ولباس عليك أحبيبي علاش كتفايل على راصك هنن ...

أركان حط شفايفوا على شفايفها مدة طويلة بدون حراك وعينوا في عينيها،عاد بدا كيلتاهن فيهم بشوي عاطي لكل شفة حقها ...

إسلام وجها ولا كيف لمطيشة ،بعدات منوا كتنهج قطع فيها نفس مسكينة وبخجل واضح من تعابيرها نطقات:

_ حشومة غيشوفنا شي حد ...

أركان تبسم ليها من خلال شوفاتوا باين او واضح من عينيه مقدار لحب لي بلا حد ، ولي كيكنوا ليها :

__كنحماق عليك الحشومية ديالي ...

جلس جنبها وقاد ليها مخدات مورا ضهرها ، جلسها بشوي وشابك إيدوا مع إيدها وبصوتوا رجولي نطق :

_ توحشتك ...

إسلام حطات راصها فوق قلبوا وخشات يديها تحت ضهروا ،ضماتوا ليها كتر وبحزن نطقات بأسف:

_سمح ليا أركان حرمتك من ولدك ...

أركان دوز على شعرها بيديه بحنان وبتنهدة طويلة قال:

_نتي ما درتي والوا انبض قلبي صافي نساي ...

إسلام بعدات منوا مبتاسمة يلاه غتفتح شفيفها وتهضر وهيا تقاطعها لممرضة بدخلوها لعندهم ...

الممرضة حلات فمها كتهضر و عينيها على اركان : صباح نور مدام آل راضي كيف صبحتي شويا ؟!! جيت نبدل ليك لفاصمة ...

إسلام شافتها فين كتشوف خسرات ملامحها وقالت: لباس الحمد لله ...

الممرضة بدات كتحيد ليها في لفاصمة لي في راصها وعينيها على أركان ...

إسلام ساطت بجهد:وااا شريفة ها راصي فين ركزي في خدمتك ما تبقيش حاضيا جويه اخرا ...

الممرضة بلعات ريقها و بتلعتم قالت : ءء هانا اختي ...

إسلام تعصبات،قبطات في إيد أركان لي جالس جنبها وقالت :

_قولي ليا مدام إسلام ختك هيا لي معاك في لحالة المدنية ...

أركان عاق بيها غارت وعجبوا لحال ،حبس ضحكة بين سنانوا اوجه كلاموا لممرضة:

_نعونك فشي حاجة ؟!!

الممرضة فرحات مع فتحات شفايفها غتهضر وهيا تقاطعها إسلام لي قالت ل أركان :

_برك الأرض فاش غتعونها، هادي هيا خدمتها وراها كدير فيها، نتا مالك ؟!! اش دخلك؟!!

الممرضة ما رضاتش وما عاجبها حال دوات ليها وبدلات لبونص موا بزربة ، وتمات غاديا خارجا وهوا يوقفها كلام إسلام الموجه ليها:

_هاد لمرة أختي من الأحسن بلاش ما تجي نتي صيفطي ليا شي ممرض حسن ليا ...

أركان رفع حاجبوا مخنزر: ممرض !!

إسلام حركات راصها بإجاب:اه ممرض فرملي اش فيها ...

أركان زير على سنانوا وقال :باركا غير دوك الأطباء لي كل ساعة ضايرين بيك مصبراني غير حالتك أما كون خرجت فيهم ...

الممرضة تنهدات من الأعماق بحلا هازا جبل فوق كتافها وبخفوت نطقات داخلها بعدما خرجات :

_سعداتك بيه يغير عليك شكون بحالك ...

إسلام دلات شفتها لتحتانية بحال شي بنت صغيرة وبصوت طفولي نطقات:

_هنن اش فيها إلى دار ليا دواء فرملي عادي ...

أركان جمع لوقفة وهوا يحس بالأرض كدور بيه زير على يده باش يبان عادي قدامها وكمش حجبانوا بإزعاج : إسلام بدينا تاني ...

إسلام شافتوا ماشي بيخير بخوف نطقات: مالك يكما طلح ليك طونسيوا ..

أركان جلس حدها وقال:والوا إسلام ما كين والوا ...

إسلام صغرات عينيها وقالت:فين مشات نبض قلبي دغيا رجعت إسلام حرفية ...

أركان تنهد تنهيدة طويلة وقبلها في راصها ونطق: حبيبتي وروحي ونبض قلبي، غنمشي نجيب ليك شي حاجة تاكليها ونجي ...

لالة فريدة ببتسامة مزينة ملامحها قاطعتهم بقولها:لا أولدي ما عندك فين تخرج هاهوا لفطور جبناه ليكم حتى لهنا ...

أركان غير شاف مي رحمة ولالة فريدة جمع نوضة او وقف حدا نافدة مبعد ليهم ...

مي رحمة عنقات بنتها بالهفة وبدات كتهضر و دموعها نازلين :

_على سلامتك أكبيدتي على سلامتك لاه يابنيتي طيحتي مني نص لاه ...

إسلام هزات عينيها في مها:ما تبكيش أماما أنا وليت بيخير ...

مي رحمة بصوت باكي متألم نطقات: وعلاه أنا لخاطري أكبيدتي راه ما صبرتش نشوفك بهاد لحالة ما صبرتش ...

لالة فريدة تنهدات بضيق وقالت:على سلامتك أبنتي ...

إسلام تبسمات ليها: لاه يسلمك أخالتي "جرات رجليها لعندها وقالت"جلسوا ما تبقاوش واقفين ...

فريدة حركات راصها:لا ابنتي حنا غنمشيوا عند أمينة نشوفوها ونتوما خودوا باش تعتقوا روحكم شويا كولوا ...

إسلام بصوت هادئ نطقات:وخا لي بغيتواا ...

مي رحمة قربات من أركان حطات إيديها على كتفوا وقالت:

_الله يصبرك اولدي، تهلى في راصك ورد لبال لراصك ما تبقاش مقابل غير بنتي وتهمل نفسك ...

أركان تبسم ليها وبصوت رجولي خشن نطق : غير تهناي أ مي رحمة أنا بيخير ...

الحاجة خديجة دوزات بيديها على شعر إسلام برقة وقالت: ليل كامل ولحاج ما نعس أبنتي ،بايت مشطون عليك مسكين وخايف متصوريش شحال وليتي عزيزة عليه كتر من ولادوا ...

إسلام كمشات حجبانها بأسف:هوا مريض وما نعسش لا خاصوا يرتاح ويرض لبال لراصوا كثر "بتسأل"لحاج شرب دواه لبارح ...

الحاجة خديجة حركات راصها بإجاب :شربوا أبنتي غير تهناي جابتوا ليه لمروى حتى لعندواا، دابا بغيناك غير ترضي لبال لراصك وترجعي صحتك باش توقفي على شغلك بيدك ...

إسلام كمشات حجبانها : إينا شغل ؟!!

الحاجة خديجة ببتسامة مزينة ملامحها ردات: زواج مبارك نسيتيها دغيا ...

إسلام بعينين تيلمعوا نطقات : لا مستحيل كين شي واحد كينسا أحلامواا ...

الحاجة خديجة تبسمات جنب: ايوا هاكا نبغيك أبنتي دابا ربي يعوضك وأصلا نتي مزال صغيرة باقي لحال على لولاد، خرجي تي وراجلك سافروا او دوروا وتمتعوا ماحدكم مزال صغار وما عندكمش لولاد لي يبرزطوكم ...

إسلام بلعات ريقها بصعوبة وتبسمات بزز منها ...

لالة فريدة بصوت هادئ نطقات : ربي كبير أبنتي هاحنا غنمشيوا نشوفوا أمينة وراه خلينا الحاج وعدنان مورانا شادين طريق لهنا جايين يشوفوك ...

إسلام تبسمات جنب : الاه يجيبهم على خير ...

فور ما خرجوا جلس حداها أركان وجبد تيرموص ديال لقهوة وقرعا زاج ديال عصير ليمون ولبتيبن ولكيك ولخبز ولملوي حطهم في طبيلة وجرها قدامها ...

أركان : هاد لفطور كيشهي "بتسأل" امم نكب ليك عصير ...

إسلام حركات راصها بنفي: لا ما بغيت والوا ...

أركان رفع حاجبوا وبصوت حاد نطق: علاش بسلامة ؟!!

إسلام وخا كضحك وتهضر معاهم عالم بيها غير لاه من جيهة لجنين لي خسرات ، تبسمات ليه وقالت :

_مسدودة ليا شهية وما فيا لي ياكل ...

أركان حمر فيها: والوا تكون مسدودة غتاكلي

إسلام طاحت دمعة حارة من عينيها،عيات ما تحبس راصها وما قدات،بصوت مخنوف بالبكاء نطقات بحرقة :تمنيت كون كانت هاد زيارة بمناسبة زيادة ديال ولدنا وما تكونش على قبلي هئ هئ هئ ...

أركان حط إيدوا تحت ودنها وبإبهاموا مسح ليها دموعها بشوي:

_ششش غادي يعوضنا لاه أنبض قلبي غيعوضنا ...

هز كاس عصير جابوا لفمها وهيا دور وجها لجهة الأخرا ...

أركان بترجي نطق: شربي غير شويا على قبلي ...

إسلام بعينين تيبريوا بدموع :مبغيتش غير سمح ليا ما عندوا منين يدوز ...

أركان ساط بجهد:اوك إدن حتى أنا ما غنفطرش ليووم ...

كانت جايا تشوف ختها وهيا تسمع كل كلامهم تنهدات بضيق وقالت:

_إسلام واش في خبارك بلي أركان ملي وقعات ليك لحادتة ما حط لا ماء ولا نعمة في فموا ...

إسلام دورات راصها عند ختها مصدومة: أشنوا "خاطبت أركان "توبة كتهضر بصح ما كلتي والوا وديك دوخة لي جاتك قبيلة من لماكلة ياك واش باغي تموووت ...

توبة حركات راصها وقالت ليهم :لي عندوا قلتوا نخليكم حتى تساليوا ونجي نشوفك أختي ...

أركان بلع ريقوا حتى تفاحة أدم تحركات في حلقواو بجدية نطق :على قبلك مستاعد نموت ألف مرة إلى قتادا الأمر لمهم عندي نشوفك مرتاحة هاديك هيا دنيا وما فيها ...

إسلام شافت فيه مطولا بعينين تيلمعوا نطقات بصوت باكي :ماعرفتش شنوا هيا لحاجة زوينة لي درت في حياتي باش ربي جزاني براجل بحالك أحبيبي ...

أركان رفع حاجبوا:وعلاش دابا كتبكي ؟!!

إسلام :غير دموع لفرحة هادوا"قطعات طريف صغير ديال لكيك جابتوا لعند فموا وقالت" حل فمك أقلبي ...

أركان قطع حتى هوا طرف ديال لكيك جابوا لفمها وقال : كولي نتي لولة أنبض قلبي ...

فتحواا فامهم بزوج او كالوا من عند بعض دقة وحدة مبتاسين فطروا في صمت فقط نضراتهم هيا التي تتحدت ومبينا كمية العشق لي كيكنوه لبعض ...

سمعواا داقان في لباب داروا جيهتوا دقة حدة ...

كريم تبسم وقال:صباح لخير ختي إسلام كيف بقيتي ؟!!

إسلام بصوت هادئ نطقات :لباس الحمد لله أكريم مبروك زيادة تكبر في عزكم إنشاء الله ...

كريم دار إشارة ل أركان يخرج عندوا وقال : شكرا ختي إسلام ربي يخليك ...

أركان ستأدن من إسلام وخرج لعند كريم وعمر ....

أركان حك لحيتوا وبتسأل نطق :أمدرا أ كريم كين شي جديد ؟!!

كريم حرك راصوا بإجاب :الحمد لله بفضل لكاميرات لقينا شيفور ديال لكاميوا ودابا غيبداو معاه تحقيق واكيد غنعرفوا شكون مسيفطواا غير تهنى ...

أركان:كنتمنى"زير على يديه ومن تحت سنانوا نطق ساعر"إلى مبغاش يعتارف خلوني مني ليه، غنخليه يعتارف بطريقتي ...

كريم بلع ريقوا حتى تفاحة أدم تحركات في حلقوا وبخوف نطق :لا غيعتارف إنشاء لاه، غير رتاح حنا ديرين خدمتنا ...

عمر حك ضقنوا وقال :شويا غيجي لمحقق لمكلف بالقضية باش ياخد الأقوال ديال إسلام قوليها توجد راصها...

أركان خشا يدوا في جيبوا وبصوت رجولي خشن نطق :

_ اوك

ناعس في بيتوا مرتاح حتى كيدخل عليه بحال لعجاجة بدون ستأدان كلوا كينهج ومخلووع عالجهد ...

أمين بخووف نطق :سميييير نوض اصاحبي فيييق دغيااا ...

سمير بصوت مبحوح بنعاس جوبوا مغمض عينيه : اش كين على صباح الساط خليني ناعس ...

أمين توجه لبلاكار ديال لحويج جبد من فوق منوا باليزا وبدا كيخرج في حويح صاحبوا كيحطهم فيها ويقول :

_قفارت لبوليس شدوو شيفور ديال لكاميوا يعني غادين يوصلوا لينا حتى حنا خاصنا نهربوا دغيا من هنا ...

سمير حل عينوا ورجع سدها :اش كتغوور خليني ناعس يكما فوتي في شرااب حتى بديتي كتخرج ودخل في لهضرة ...

أمين بعصبية غوت:وتااا نوض راه كنهضر بصح نووض الق**** نوووض ...

سمير دور وجهوا للجهة الأخرا ما مسوقش :

_ سير خلينيييي نااعس ...

أمين حرك صاحبوا :ماشي وقت نعااس دابا نووض دغيا "حط ايدوا على جنب جبهتوا" ماعرفتش كيفاش لقووه وحنا كنا راضيين لبال مزيان نووض،"بلع ريقوا وبشفايف تيرجفوا بالخوف نطق" بحال والوا يجيوا يقرقبوا علينا حتى حنا هادي راه جريمة قتل أسمير غنمشيوا فيها ...

سمير كمش حجبانوا كيفكر عاد سرات معاه لهضرة دور وجهوا وقال :فااك ولد لق***** كَلنا ليه يرض لبال ...

أمين جر كرسي متحرك جنب سرير صاحبوا وقال:

_دابا ماشي وقت تفكير لمهم نخرجوا من لبلاد دابا نيت قبل ما يوصلوا لينا ...

سمير جلس في لكرسي لمتحرك ديالوا ،بلباس نوم بمساعدة صاحبواا وشار بصبعوا الإحدى رفوف لي في خزانتوا:

_شوف تما غتلقا لبسبور ديالي أو شي فلوس أراهم حتى هما ما ربما ينفعونا في لخاريج "رفع حاجبوا بتسأل "فين غنمشيوا؟!!

أمين هز لبسبور بين يدهم خشاه في جيب لباليزا وقال:ما عرفتش لمهم نهربوا من هنا...

بسرعة هزوا حويجهم او ركبوا في سيارتهم السوداء توجهوا لمطار نيشان ...

•• جالسا داخل غرفتها في لكلينك مبتاسمة وهوما ضيرين بيها فرحانين شي جالس وشي واقف ...

أمينة هزا بنتها بين يديها مقابلها:وينواا على لحيمتي وشحيمتي أنا شحال كتحمق ...

مي رحمة بتسأل نطقات:امدرا نعلتي شيطان ورضعتي لبنت ...

أمينة حركات راصها بإجاب: رضعتها أمي رحمة عا هوا ما فياش لحليب قليل بزااف ...

مي رحمة حطات ايد على ايد:كولي لمسمن ولحليب وخبز شعير وغيولي فيك لحليب كتير، وعونيها حتى برضاعة وخا حليب الأم ما كينش بحالواا ...

لالة فريدة بتسأل نطقات:كيف بقيتي من لفتحة مزال كضرك ؟!

أمينة حركات راصها بإجاب:اه مزال كضرني حنت فورصيت عليها ،ولكن دابا تبراا بزز من بوها ...

دخلات عليهم لالة سعاد لابسا جلابة ديال لموبرا في الأزرق مع شال من نفس لون ،تبسمات ليهم وقالت :

_سلام عليكم كيف ديرين الجماعة ...

الحاجة خديجة شافت فيها وقالت : لباس الحمد لله ...

لالة سعاد حركات راصها وبتسال نطقات:كيف بقيتي أختي رحمة ؟!!

مي رحمة بصوت ضاهر فيه تعب ردات :شويا الحمد لله ...

لالة سعاد دارت عند أمينة: فطرتي أبنتي ولا مزال راه باك جاب لك لفطور صباح بكري...

أمينة حركات راصها بإجاب:فطرت الوليدة غير تهناي ...

الحاجة خديجة جبدات بواطة في لغوز ملفوفة بشريط أبيض مدتها ل أمينة:

_هاكي أبنتي وقبلي عليا خديتها ليك مزروبة كنتمنى تعجبك و مبروك زيادة ...

أمينة خدات من عندها لبواطة فتحتها لقات داخلها سنسلة ديال دهب كتبري حلات فمها من جماليتها: اويلي هادي كاملا وكتقولي ليا قبلي عليا وعلاه لي ما غتقوليش ليا قبلي عليها كيفاش غتكون ههههههه ...

لالة سعاد كمشات حجبانها :غالية بزاف الحاجة علاش معدبة راصك ...

الحاجة خديجة تبسمات جنب : ماشي شي حاجة كتيرا لمهم غير نفرحوا لبنت ...

لالة فريدة فتحات صاكها جبدات منوا ألف درهم دوراتها على راص لبنت وعطاتها ل أمينة لي شداتها من عندها دغيا كضحك قالت:

_بسم لاه، كون كنت عارفا غيجيني هاد لخير كامل كون ولدت شحااال هادي ،شكرااان اخالتي فريدة يتوب عليك ...

لالة فريدة ضحكتها هضرات أمينة: تستاهلي أبنتي ...

لالة سعاد حشمات هيا نهار تزادت جنات عطات ل إسلام 200 درهم وهوما ما كين غير دهب و لفلوس كتيرة ما عرفات ما تقول تربط ليها لسان ...

دخلات لعندهم لالة عائشة "أم كريم " فرحانة بحفيدتها ،بعدما سلمات عليهم بالوجه مدات يديها وقالت:

_اري ليا بنت ولدي نهزها أري ...

أمينة مدات ليها ملاك وهيا تهزها بين يديها وبدات تلعب بيها وتزغرات :

_لولولولولواى تبارك الله تبارك الله ...

امينة خرجات فيها عينيها وقالت : الاه يا عدوزتي لاه ،تي تكيسي على بنتي راه بقا لحيمة فتية و عندها لملغيغة رطبة واش باغا تصفيها ليها وتصيفطيها لروضة قبل لوقت أواا ...

لالة عائشة قوسات حجبانها : و ما حشمتيش سيرا تقولي ليا عدوزتي قولي ليا خالتي يعطيك لخلااا ...

امينة مدات يديها:أراي ليا بنتي لاه يرحم باك اري ...

لالة عائشة عطاتها لبنت وجبدات جوج بيضات من ساكها دورااتهم على راص ملاك ...

أمينة رفعات حاجبها :اش هاد لعجب ناس كيضوروا لفلوس "بغمزة "ونتي اخويلتي زعما زقرامة ،جايبا لبيض وااكون جبتي بعدا غير بلاطوا كامل نقبلوا منك جيبا زوج بيضات خيبة حتى لتعاويدة ههههه

سعاد حمرات فيها باش تسكت:ما تديش عليها أختي ...

لالة عائشة ساطت بجهد :عارفا أمينة خضرا وما عمري ديت على كلامها "خاطبت أمينة "هاد لبيض دوزتوا على راص لبنت على ود لعين أبنتي...

أمينة زيرات على سنانها ونطقات داخلها: خضراا ايوا نوضي طيبيني حسن وزينة هادي "شافت فيها مطولاا" اودي الى ما خفت من عينك نتي ما كين مناش نخاف ...

لالة عائشة رفعات حاجبها:شنوو قلتي أمينة؟!!

أمينة بلعات ريقها وقالت: ءء قلت ليك الاه يحازيك بالخير ...

لالة عائشة شافت في لبنت وقالت : هاد لغزالة نسميوها مليكة على سميت لمرحومة لاه يرحمها ...

أمينة خصرات ملامحها وخرجات عينيها : لواه زميطة كلاك، بنتي غنسميها ملاك بغيتي ولا كرهتي"دورات راصها "واحدة تولد وتوحم ودووخ او وحدا خرا تجي هانيا مع مخها تسمي كيف بغات وتمشي فحالها "رفعات حاجبها" فين هوا لوجيك فين ؟!!

لالة عائشة بتحدي نطقات:ودابا نشوفوا حتى يجي ولدي كريم وغنشوفوا شكون غتسميها فينا ...

أمينة بإصرار نطقات:وراه سميتها ملاك ألالة قنطيشة ...

لالة عائشة خرجات عينيها بصدمة: هااااه ...

أمينة بلعات ريقها وتبسمات جنب: ءء قصدت خالتي عيشة

"بخفوت كملات كلامها " بغيتها ضربك إنشاء لاه ...

صديقات لي علاقتهم بدات من صغر،إسلام وأمينة وجهتين لعملة واحدة، وحدة منهم قوية ما كتسمحش في حقها وما كتسكت لحد وتانية حنينة وقلبها كبير كتسمح في حقها وما عمرها خرجات من فمها كلمة لعيب ...

شخصياتهم منتاقضين ومختالفين ولكن كيجمعهم لحب .... حب صادق وقوي .... و صداقة حقيقة ما كينش ليها مثيل ...

ليووم وبعد تلاتة أيام غيخرجوا من لمستشفى، وحدة منهم غتخرج وهيا حاملة بنتها بين يديها وتانية خسرات ولدها غتخرج خالية لوفاض ...

أمينة ركبات في سيارة راجلها هيا ومها وبنتها ونطلقواا لدار باها ...

أما إسلام غير شافت لوطوا تفكرات لحادثة وبدات تبكي حلفات لا ركبات فيها ...

مروى بترجي قالت:غير ركبي معانا ما تخافي من والوا إسلام ...

إسلام حركات راصها بنفي وبشفايف تيرجفوا نطقات بخووف : لا لا لا ما نقدرش غنمووت لا هئ هئ هئ ...

أركان تنهد بضيق وهوا كيشوف في حالتها ما عجبوا حال دار إشارة لمروى باش هيا لي تسوق وهوا هزا إسلام بين يدوا ركبها في لوطوا بزز منها وجلس حداها ...

إسلام عنقاتواا مزيرة عليه :لااا غنموت لا هئ هئ كنكره طموبيلات كنكرهم هئ هئ هئ ...

أركان دوز بيدوا على شعرها بحنان او وجه كلاموا لمروى :

_نتحركواا ...

مروى شافت في إسلام من زاجة بأسف وحركات راصها بإجاب ،دورات لكونطاك ونطالقت للرياض ...

إسلام غير سمعات صوت لوطوا وهيا تدفن راصها في سدروا وزيرات ليه على حويجواا كترعد ومشاهد لحادتة كلهم غادين وكيضهروا أمام عينيها بتفاصيل ...

أركان بقا معنقها ويهدن فيها حتى وصلواا ...

•• عند لباب ستقبلاتهم لالة فريدة بي بلاطوا فيه تمر و لحليب ؛إسلام تخطاتوا وبدون ما تنطق بكلمة مشات نيشان لعند نرجس لي واقفا هازا جنات بين يديها ،خداتها من عندها وطلعات لجناح ديالهم نيشان ...

لالة فريدة رفعات حاجبها:مالها اولدي ؟!!

أركان ساط بجهد وبصوت رجولي خشن نطق:

_ولات عندها فوبيا من طموبيل غير كتركب فيها كتفكر لحادثة كلها ...

لالة فريدة تنهدات بضيق: لاه يشافيها وينسيها لي داز عليها ماشي ساهل ...

أركان حرك راصوا بإجاب وخشا يدوا في جيبوا وتوجه لجناح ديالوا نيشان ...

•• داخل لجناح ••

حطات جنات فوق سرير وتكات حدها حضناها بيديها ،قبلتها في راصها بصوت باكي نطقات بحرقة:

__خوك مات أبنتي ولدي ماات هئ هئ هئ علاااااش أنا بضبط مكتابش ليا نفرح فحال ناس علاااااش، من صغري كانت أي حاجة درت فيها يدي كتخسر، فرحتي ديما ما كتكملش،"شافت في جنات" نتي ما غتخلايش عليا ياك أحبيبتي جنات غتباقي معايا ديما...

جنات تبسمات إبتسامة بريئة على محياها

إسلام حركات راصها وقالت: هاد ضحكية نعتبرها جواب ياك ...

أركان حيد سباطوا و لافيست وساعتوا من يدوا وتكا حدا إسلام حوطها من ضهرها ، قبلها في كتفها وبصوت هامس نطق حدا ودنها :

_قريب غتنساي كلشي أنبض قلبي ...

إسلام غمضات عينيها مرتاحة في حضنوا، بصوت ضعيف ردات بأمل:

_كنتمنى أحبيبي ...

•• داخل مركز الشرطة ••

كريم واقف حدا نافدة في مكتب صاحبوا لمحقق لي مكلف بقضية إسلام،جبد تيلي من جيبوا وتاصل بعمر لي جوبوا في لحال بقوله:

_ألوا كريم ...

كريم خشا إيدوا في جيبوا وقال :صافا عمر ؟!!

عمر بصوت رجولي خشن قال: الحمد لله الشاف "بتسأل" إيوا كين شي جديد ؟!!

كريم تبسم جنب ونطق :مول لكاميوا عتارف بشكون حاول يقتل إسلام وراه صيفطنا بعض لعناصر باش يليقواا لقبض عليهم ...

عمر بعصبية نطق:وشكوووون هوما هاد ل***** شكوووووون ...

كريم مسح على شعروا وقال :هوما جوج دراري من عائلات غنية أمين الوردي وسمير بن شرقي ...

عمر ساط بجهد: فاااك ولاد ل***** "بتسأل" عرفتوا علاش بغااو يقتلوا إسلام بضبط ؟!!

كريم بتنهيدة طويلة نطق: مزال حنت مول لكاميوا ما عارف والوا بالحق غير نشدوهم بين يدينا غيعتارفوا ...

عمر زير على يديه وقال:وخا ملي تشدوهم عيطوا ليا بغيت نكون معاكم في تحقيق ...

كريم: اوك "رفع حاجبوا بتحدير" ولكن ما تقول لنسيبك والوا لا يجي يقتلهم، هاداك إيدوا سابقا فمواا ...

عمر تبسم جنب : هههه وخا غير تهنى ما غنقول ل أركان والوا

متكيا فوق سريرها كتشوف في سقف مدة طويلة وهيا كتفكر في لحادثة لي بسبابها خسرات ولدها وكتحلل في لحلم لي راودها وهيا في لمستشفى صح أن ربي خدا منها ولدها ولكن عوضها ببنت نجلاء...أو كون ولدها كتاب ليه يتزاد وجنات باقا صغيرة بزاف فأكيد غتقدر تهمل واحد منهم في تربية حنت ما غتقدرش تاقبلهم بزوج عاد خدمتها في زواج مبارك لي مقبلها ليها حاليا غير مروى ...

دوزات بيديها على وجها وحمدات لاه وشكرتوا على كل حال ،حنت ربي سبحانه وتعالى هوا لي عارف مصلحتنا فين ودائما كيقرب لينا الأفضل ...

جمعات نوضة و مع بغات توقف حسات بدوخة من دقة لقوية لي جاتها في راص ، شدات من لبلاكار ديالها لا طيح في الأرض وهوا يختل توازن ديالها ،غمضات عينيها وكمشات حجبانها كتسنا ضربة لقاصحة ديال الأرض، معا ستنشقات ريحتوا لقوية وهيا تحل عينيها لقات راصها بين يدين حبيبها وزوجها أركان لي لحقها في لوقت لمناسب ...

بقا كيشوف فيها مدة طويلة مطلع حاجبوا عاد نطق بعصبية :

_علاش نايضة من لفراش ديجا قلت ليك اي حاجة بغيتيها قوليها ليا نجيبها ليك ...

إسلام بلعات ريقها وقالت : بغيت نجبد غير شي بيجامة نلبسها لحويج لي لابسا فيهم ريحة لكلينيك خنقوني ...

أركان زير على سنانوا ونطق مغدد : ديك سااع قوليهاااا ليااا أبنت الناس وعيب عليا لا ما جبتهمش ليك ...

إسلام حركات راصها وبثلعتم نطقات : ءء وراه غير نسيت وصافي مرة اخرا نقولها ليك، كنت باغا ندوش ولكن حتى لغدا أنا مدكدكة بزاااف ليووم ...

أركان بصوت حاد نطق :خليني ندوش ليك ...

إسلام حركات راصها بنفي : لا بلاش باغا غير نعس دابا عيانة بلا قياس ...

أركان ساط بجهد و حطها فوق سريرها وتوجه لبلاكار ديالها جبد ليها بيجامة في الأزرق عبارة عن سروال فضفاض مع سليب سمطة و لبيناور ديالها قصير من لفوق ...

إسلام حطات راصها على جنب لكادر ديال سريرها وغمضات عينيها من دوخة لي كتحس بيها ...

أركان جلس حداها بدون ما ينطق بكلمة جرها لعندوا حط راصها على كتفوا وبدا كيحل ليها في تلاتة صدايف لي في قاميجتها لفوق ...

إسلام هزات راصها فيه وبصوت ضعيف نطقات بتعب:

_شنوا كدير ؟!!

أركان شاف فيها رافع حاجبوا :كَلتي باغا تبدلي حويجك هانا سير كنبدل ليك ...

إسلام بلعات ريقها وبتوتر نطقات : بلاش ما نعدبك غير خليني نبدل بوحدي ...

أركان كيشوف فيها مريضة ماقدرا تهز لا إيد و لا تحرك رجل وزيدها بالهضرة، هز ليها لقميجة من لتحت حيدها ليها هيا وسليب سمطة بقات لابسا غير لي ستيان امام انضاره بقا كيتفحص في كل انش من جسدها ناصع لبياض بعيون تلمع ،عض خدوا من لداخل وبلع ريقوا حتى تفاحة أدم تحركات في حلقوا نزل عينوا و لبسها سليب سمطة ديال بيجامة ...

وصل لسروال حط يدوا عليه وهيا توقفوا بصوت تقيل :

_لا حشومة خليني نبدلوا راصي ...

أركان ساط بجهد وبصوت رجولي خشن نطق :الله يصبرني معاك ،مزال ما هداك الله تحيدي منك هاد لحشمة ...

إسلام دغيا تزنكات ما بقاات عرفا راصها فين تخبي وجها بالحشمة بقات كدور في عينيها وقالت:

_بغيت جنات تنعس جنبي ليوم ارها ليا من لكونة ...

أركان جر ليها سروال حيدواا بالخف او لبسها سروال ديال لبيجامة او وقف مشا لطبلة نيشان عمر ليها كاس ديال لماء وعطاها لفيتامينات تشربهم على ود صحتها لي تراجعت بسبب لحادث ...

وتحنى طبع قبلة طويلة في جبينها وغطاها بعدما مد ليها جنات وبصوتوا رجولي المميز نطق :

_تصبحي على خير يا نبض قلبي وأحلام سعيدة ...

إسلام تبسمات ليه وبتسأل نطقات:اجي حدنا فين غادي ...

أركان حك لحيتوا من لتحت وقال: غير رتاحي بقاي خاصني نراقب خدمتي ونصلي عاد نجي نعس ...

إسلام جرات جنات لي ناعسا لحضنها ونطقات مغمضة عينيها:بتوفيق حبيبي الغالي ...

أركان تحنى خطف قبلة خفيفة من شفيفها وتوجه لبلاكار ديالوا خدا منوا فوطة...

•• دخل لحمام خدا دوش خفيف يهدئ بيه أعصابواا وعقلواا وتفكرواا كلواا في شخص لمجهول بالنبسة ليه لي حاول يقتل إسلام ...

فور ما خرج من دوش ، لبس حويجوا ومسح شعروا لي كيقطر بالماء بفوطة وخدا صلاية سرحها في الأرض وصلى صلاة العشاء بتخشع كيف عادتواا ...

غير نتهى من صلاة خدا لمصحف الكريم رتل منه بعض الآيات البينات من ذكر الحكيم وختم القرائة بدعاء ...

شاف في إسلام مطول لي غارقة في سبع نومة هيا وجنات قاد ليهم لغطاء وتوجه لطبلة لي كلها زاج جلس قدامها فوق لفوتاي وفتح لبيسي ديالوا لي فوقها،وركب سماعة لبلوتوث في ودنيه تم ربط الأتصال بي سكيرتيرتوا شخصية لبنى يعرف منها أحوال شريكة ولمصانع ديوال سيارت ولعدد ديال صادرات هاد شهر ...

••في دار نسابواا••

داخل غرفة زوجتوا ناعس مرتاحة جنبها ما جيب لدنيا خبار حتى كيسمع في صوت بكاء ضعيف زعجواا ...

ملاك كتفركل بيديها وسط ضلام وتبكي: وينغ وينغ وينغ ...

كريم بصوت مبحوح بنعاس نطق: أمينة واااا أمينة نوضي لبنتك ...

أمينة قفزها ناضت مقلوبة: هاا تاا شكووون بنتي ؟!! تا إينا بنت أناري ؟!!

كريم دار لجهة الأخرا وقال : ملاك أ أمينة نوضي بدالي ليها ولا رضعيها لمهم تسكت ...

أمينة ساطت بجهد: ونوض ليها نتا نيت ياك باها مالي أخويا بنت ليك ولداها بوحدي ما حشمتيش نتا تبقا ناعس وأنا نوض نقابلها ...

كريم كمش حجبانوا بإزعاج وقال : لبنت خاصها مها وزيدن أنا ما سوقيش فيك ضبري منك ليها نوضي ليها ولا خليها أنا عياان ...

"خشا راصوا تحت لمخدة وخلا أمينة تغدد غير بوحدها "

أمينة شعلات لفيوز لي حدها وناضت ساخطة طلات على بنتها في لكونة وقالت : وهالي ما بغيناهاش مالك سيرا تزوكي عليا في هاد ليل ياك مبدالة وراضعة مالنا ما نخافوش اوو ...

ملاك ما سكتاتش من لبكاء: وينغ وينغ وينغ...

أمينة تحنات لعندها قلبات ليها لحفاضة لقاتها مزال ناشفة ونقية ما فيها والوا ،كمشات حجبانها وقالت:

_هانتي نقية علاااش سيرا تغوتي"بدات كتقلد فيها" وينغ وينغ مالنا ما نخافوش راه حتى أنا كنعرف نبكي بصوت عالي غير ما كنبغي نبرزط حد حنت حشومة ،ونتي ما كتحشميش ياربي سلامة، لا نتي لا باك حتى حد فيكم ما كيسواا وأنا وحلت بيناتكم ...

"هزاتها بين يديها كتراري بيها وهيا حلفات لا تسكت "

أمينة تنهدات بضيق وهزات راصها لسما وقالت : يا سيدي ربي شنوا درت في حياتي بغيت غير نعس شي ساعة مرتاحة بلا ما تفيقني هاد جنية بحال ناس او والواا اووف "شافت في ملاك" وصافي أبنتي سكتي لاه يعطيك ما ناوية في خاطرك سكتي عفاك"بتسأل " هانتي نعطيك ربعمية وسكتي ولا ستمية لمهم سكتي اوووف قسمتي ليا راصي على جوج واااه ...

دورات راصها عند كريم شافت فيه مطولا ونطقات داخلها:نتا لي طلعات ليك ناعس ليا مرتاح ولا على بالك وأنا لي فاتحة واقفا هازا لبنت إيوا ولاه لا كانت ليك ...

امينة تقابلت معاه وخرجات عينيها وقالت : بيما أنك ما بغايش تهتم ببنتك اولد عيشة فامن الأحسن غدا نمشيوا لدار لقاضي نطلقواا وكلا يشد فينا طريق ...

كريم غير سمع هضرتها ناض جلس عارفها إلى قالت شي حاجة ديرها،كمش حجبانوا وقال:

_أش كتخربقي اش دانا لشي طلاق ...

أمينة رفعات حاجبها وبتأكيد نطقات حابسا ضحكة: إيوا إلى ما بغيتينيش نرفع عليك دعوة طلاق نوض شد بنتك راري بيها أنا راه مسخسة وباغا غير نعس عاد ساعة ...

كريم ساط بجهد وناض ساخط شد بنتوا بين يدوا :

_ششش ملاكي نعسي أبنتي خلي باباك ينعس ليوما نهار كلوا وحنا نجريوا بزز باش شدينا لي حاولوا يقتلوا خالتك إسلام الحمد لله لحقناهم في لوقت قبل ما يهربوا خارج لبلاد ...

ملاك :وينغ وينغ وينغ ...

كريم ملي ما بغاتش تسكت ليه شاف حتى عيا مسكين وبدا كيغني ليا من نيتواا :

_هاصرصور _هاصرصور راح لي نملة شواا مقهور قالها دخلك يا جارا يا سلطانة ها لحارة ...

امينة حطات إيدها على ودنيها ونطقات مقطعاه : الله يا سيدي ربي لعاار لما سكت ونتا صوتك يطيح زرزور من فوق صور شتي صوت رعد كنفضلواا على صوتك "ساطت بجهد" أرا ليا لمصيبة نرضعها ما ربما تسكت يخزوت جات طير من لمقلة ما عرفتها لمن خرجات ...

داخل غرفتوا مستلقي فوق سريروا، وهيا متكية على صدروا مخشية في حضنوا، وهوا كيلعب ليها في شعرها لحرير كيف بغا عاجبوا لحال ...

نرجس هزات راصها فيه وبتسأل نطقات: عمر علاش ما كتربيش لحية وطراسيها بحال لولاد لي في سنك ...

عمر نزل عينوا فيها وقال:كنبغي نكون مختالف ما بغيتش ندير بحالهم "كمش حجبانوا "علاش سولتي واش كنبان خيب ؟!!

نرجس ببتسامة جانبيبة نطقات:لا بالعكس كتحمق ...

عمر رفع حاجبوا: زعما ؟!! غير شوفي وكان

نرجس تمخشات في حضنوا أكتر وقالت: كتحمق وزوين بزاف عليها كنبغيك "بتنهيدة طويلة " اجي أشنوا درتوا واش شديتوا داك لي حاول يقتل إسلام ...

عمر زفر بجهد وبصوت رجولي خشن نطق : هما جوج ماشي واحد، شدوهم لبوليس حصلواا في لمطار ،وغدا غيبداو يحقوا معاهم و غنعرفوا علاش حاولوا يقتلوا إسلام ...

نرجس خسرات ملامحها: ولاد لحرام الله ياخد فيهم لحق "بتسأل"إيوا ما قلتيش ليا، قبلوا ليك طلب الإنتقال لجديدة ولا مزال ؟!

عمر ساط بجهد وتبسم جنب:هاد ساعة مزال ما ردوا جاوب كنتمنى يكون خير، على الله يوافقوا ونجيوا نسكنوا مع لواليدة ونبقاو حداها حسن ...

نرجس ببتسامة قالت: إنشاء الله يقبلوا باش نبقاوو حدا لعائلة "رجعات هزات عينها فيه، وبتسأل نطقات بتردد"عمر شكون هيا سلمى ؟!!

عمر رفع حاجبوا مستغرب : علاش كتسولي ؟!!

نرجس بلعات ريقها وقالت :والوا غير حنت سمعتك كنتي كتهضر معاها في تيليفون عليها سولتك ...

عمر شاف فيها مطول حتى رتبكات وقال: فضولية مع راصك "نزل لمستوها وهمس في ودنها" كتغيري عليا ...

نرجس وجها ولا حمر بالحشمة ما رداتش سرطات ريقها و بتلعثم نطقات: لااا ما كنغيرش علاش غنغير غير سولت وصافي ...

عمر صغر عينيه : حلفي بلي راك ما غرتيش عليا ...

نرجس ناضت جلسات وهزات كتفها بلا مبالاة :ماغرتش "ساطت بجهد" وقول ليا شكون هيا ؟!!

عمر خشا يديه تحت مأخرة عنقواا وسرح نضروا في سقف وبتنهيدة طويلة نطق: اش غنقول ليك على سلمى حتى نقول ليك سلمى أنرجس هيا صديقة طفولتي كنت كنبغيها من صغر تخيلي إلى داز نهار او ما هضرتش معاها كنحس براصي ماشي بيخير "حط إيدوا على قلبوا " سلمى هيا حب حياتي لي ما نقدرش نعيش بلا بيها ...

نرجس وجها ولاا حمر ،تعصبات بلا قياس زيرات على يديها وبشفايف تيرجفوا نطقات بألم ضاهر في صوتها :

_وأنا أشنوااااا هاه"شارت لنفسها" أنا أشنواااااا ...

عمر شاف فيها حابس ضحكة:نتي مراتي على سنة الله ورسوله ...

نرجس بعينين تيبريوا بدموع: ياااك وهيا حبيب.."عضات لسانها ما قدراتش تكمل لكلمة ،تلاحت ليه على عنقواا عضاتواا بجهد كتبرد على حرقة قلبها وتبكي "

عمر كمش حجبانوا:ايي اش كديري أشنيولة ...

نرجس بدات كضرب ليه في سدروا وتبكي بهستيرية: كتخوني أعمر هئ هئ هئ كتخوني ليوم نقتلك ...

عمر كيحاول يحمي راصوا من ضرباتها المتتاليات لي كتعطيه فينما ولاها، وهوا كيضحك : بركااا غير كنت كنكدب عليك هاد شي ما منوا والوا كنقسم ليك أشنيولة ...

نرجس كتضرب فيه على حر جهدها ما ردياش ودموعها نازلين شلاااال ...

عمر قلبها تحت منوا وشد ليها يديها لفوق متحكم فيه وهيا كتفركل تحت منوا مجننة ...

عمر ببتسامة جانبية نطق:غير كنضحك معاك تهدني ندمتيني كاع حتى ضحكت معاك ...

نرجس تلاحت على عنقواا رجعات عضاتواا بجهدد:كتخووني أعمر ياااك علاااش تزوجتي بيا علااش ملي ما كتبغينيش هئ هئ هئ...

عمر بعصبية نطق: شنيولة وليتي كلبة راصي لمك شوفي عنقي كلواا كلتيه بالعضان ولقميش مالك جهلتي غير كنضحك معاك ...

نرجس دلات شفتها لتحتانية وقالت: نتا ما كتبغينيش هئ هئ هئ تفوو عليك ...

عمر مسح ليها دموعها بإبهامواا وقرب منها حتى ختالطت أنفاسهم مع بعض :حيدي من فمك هاد تفواا أنا كنبغيييك أشنيولة لبواسة لبكاية المغيارة "رفع حاجبوا "نسيت شي لقب أحبي ؟!!

نرجس حركات راصها بنفي وبصوت طفولي نطقات :لا كينين غير هااادواا ...

عمر ساط بجهد :غير ضحكت معاك مالك ندمتيني إيوا أحبي سلمى هيا نائبة كبيرة في رباط "رفع حاجبوا"يعني مديرتي في لخدمة وسيدة كبر مني فسن، كباااار من ختي توبة حتى تعياااا غير خووي بالك من دااك شي "حط إيدوا على عنقوا" احح شوفي عنقي كيف ولااا ...

نرجس بدات كضحك عاجبها لحال:سرك نيت باش تعلم تضحك معايا هاد ضحك لباسل ديالك هههه ...

عمر على غفلة نزل لمستاوها عضها في شفيفها حتى داز دم جنب فمها وبنتصار نطق:

_ دابا تعادلنا أشنيولة ...

نرجس تصدمات و ما رداتش رجعات حطات شفاه ديالها على شفايفوا باغا ترجع ليه لعضة وهوا يستغل لفرصة وبدا كيلتاهم في شفايفها بعنف كيرجع ليها صرف وحتى هيا ماشي من لعاكَزين بدات كتحاول تقلدواا باش تنتاقم منوا وكمية كبيرة من لحرارة وتبوريشا سرات في كل جسدها من لمساتواا لبساط ...

دورات يديها على عنقوا نزلاتوا لتحت وطلعات فوق منوا

بالفقصة باغا تاكلواا ،و شفيفها داخل فموا ما معاتقش معاها ...

بداوو كيدورو ببعضيتهم وكل مرة واحد كيطلع فوق الأخر وكأنهم في معركة وخاص واحد يربح ...

ما حسواا بنفسهم حتى لقاوو راصهم مجردين من تيابهم دخلين وسط علاقة كاملة ...

على طبلة لفطور مجموعين والإبتسامة ضاهرا على وجوه لكل جالسين كيفطرواا بهدوء ...

إسلام حركات راصها وبتسأل نطقات: لحاج كيف بقيتي؟!! شويا ...

الحاج راضي تبسم جنب وبصوت ضاهر فيه تعب نطق: هههه راه أنا لي خاصني نسولك كيف بقيتي أبنتي ماشي نتي ...

إسلام كمشات حجبانها وقالت: ولاا أجدي نتا لي أهم، قول ليا كيف بقيتي ودواك واش كتشربواا في لوقت ...

الحاج راضي رتاشف من كاس أتاي وقال :ما تشطنيش بالك أبنتي إسلام، مروى قيما بالواجب ،كتجيب ليا دواء في لوقت غير تهناي أنا لباس ...

إسلام تنهدات براحة:إيوا الحمد لله إلى كنتي نتا لباس فحتى أنا غنكون لباس الحمد لله ...

الحاج راضي برضا نطق :الله يرضي عليك أبنتي ...

الحاجة خديجة حركات راصها وقالت:

_فين هيا جنات؟!!

إسلام عضات من طريف لمسمن وقالت: ناعساا الحاجة ...

الحاجة كمشات حجبانها: كون راها محالش خلاتك تنعسي بليل أبنتي ...

إسلام بلعاات دغمتها وقالت: لا بالعكس مسيكينة غير كنبدل ليها ونعطيها رضاعة كتنعس ، هادئة الله يحفضها ...

لالة فريدة بعينين تيلمعوا نطقات:ما شاء الله عليها جات ليوسف حتى هوا كان هادئ في صغروا...

أركان حك لحيتوا وبتسأل نطق:إسلام أش بان ليك نمشيوا لندن تبدلي لجوو وتنساي شويا هاد شي لي عشتي ...

إسلام هزات راصها ومعالم دهشة وصدمة ضهروا في وجها:

_لندن !!

مروى بعينين تيلمعواا نطقات بفرحة : لندن مدينة زوينة بزااف غير سيري إسلام غيعجبك لحال تما ...

إسلام صغرات عينيها وبأسف نطقات:ما كرهتش نمشي لندن ولكن دابا خاصني نمشي لقاعة الأعراس "زواج مبارك" هملت خدمتي بزااف ...

أركان رتاشف من قهوتوا وببتسامة مزينة ملامحوا رد عليها:

_وخا لي بغيتي ...

إسلام تبسمات ليه بحب: إنشاء الله غير نقاد اموري نمشيوا او نيت بينما جنات كبرات شويا نديوها معانا ...

فريدة هزات راصها موجها كلامها ل إسلام : شفتك سيرا غير كتنقبي ،كولي مزيان أبنتي باش ترجعي صحتك ...

إسلام حركات راصها بإجاب وقالت :ءء وخا أخالتي هانا كناكل ...

•• داخل لبيت لي في سطح جالسا على ركابيها قدام قصعة كتعجن فيها الحلوى لسبوع بنت أمينة "ملاك"لابسا بيجامة طويلة ومعكفا راصها بزيف حياتي وجبهتها فازكا بالعرق...

طلعواا لعندها غادين وكيضاربواا كيكملواا على ما طرا لبارح ما معاتقينش لقاوو لحلاوة في لمخاصمة وشد ليا نقطع ليك ...

نرجس تبسمات جنب: صباح لخير ختي توبة ...

توبة هزات راصها من لعجينة وقالت: صباح نور عروستنا كيف صبحتي نعستي مزيان ؟!!

نرجس شافت في عمر لي مطلع حاجبوا كيتسناها تجوب ونطقات داخلها بخفوت: شكون خلاك تنعسي على راحتك وزيدها كيشوف فيااا تفووو ...

عمر رفع حاجبوا:وراها هضرات معااااك جوبيها "من تحت سنانوا همس لنرجس"ولا نجوبها أنا نيت ونقول ليها شنوا درتي لبارح ...

نرجس وجها ولا حمر بالحشمة زيرات على يديها وقالت:

_الحمد لله أختي نعست مزيان ...

توبة تنهدات براحة :ايوا مزيان داك شي لي بغينا حتى حنا ...

نرجس بتسأل نطقات: توبة شنواا كديري ؟!!

عمر كمش حجبانوا وقال: اش بان ليك كتصنع في لحشيش "شار بيديه لقصعة"راها سيراا كتعجن، أسئلتك غبية أشنيولة ...

نرجس طوات يديها عندها وخنزرات فيه : نتا من الأحسن انك ما تبقاش تهضر معايا اوك ...

عمر بدا كيقلدها:نتا من الأحسن ما تهضرش معايا اوك هههه

توبة مسحات إيدها في زيف حداها وشيرات عليه بصندالتها وقالت:

_وما حشمتيش، تا سوقك"شارت لنفسها" يااك سولتني أنا نتا اش دخل شطاطتك هاه ،سير تفطر ولا نقولها لماما تفرجنا فيك ...

نرجس بدات كضحك عليه فرحانة :سرك نيت تستاهل ...

عمر خنز في نرجس: كضحكي عاجبك لحال إيوا خلي حتى ليل ونتفاهمواا أشنيولة "وجه كلاموا لتوبة معصب"ما تبقيش ضربيني قدام البراني ...

توبة دورات راصها ونطقات رافعا حاجبها: او مالك كبرتي عليها مسيكين بقيتي فيا بوبواا عليك، أواا سير لا نوض نفرج فيك جيران حتى همااا يوليوا يقولوا بوليسي كضربواا ختواا على ود مرتوا ...

عمر بصوت رجولي خشن نطق: وخا الطوبة نهبط نفطر وغتكون هضرة أخرى ...

توبة زيرات على سنانها وبعصبية نطقات:طوبة بغيتها تاكل ليك لودنين إنشاء الله...

فور ما هبط عمر ما راديش بداوو كل من توبة ونرجس كيضحكواا عليه من نيتهم عاجبهم لحال ...

نرجس قربات من توبة وقالت:هادي شي كوموند كتصوبي فيها على صباح ...

توبة حركات راصها بنفي:لااا هاد لحلوة تنصوبها على قبل سبوع بنت أمينة...

نرجس حركات راصها ببتسامة:هكاك إيوا خليني نعونك ...

توبة تبسمات جنب: لا أحبيبتي غير سيري تفطري ...

نرجس بأصرار نطقات: نوو ما غنمشيش خليني نعونك فشي حاجة...

توبة بتنهيدة طويلة ردات :هاد شي غنصوبوا بوحدي مولفا عليه و لخير لي غديري فيا نتي سيري فيقي معاك أمير وعطيه يفطر وقولي لعمر يلبسوا ويديه لمدرسة ...

نرجس حركات راصها بإجاب: وخا أختي، إيوا نخليك الله يعونك ...

توبة ببتسامة جانبية نطقات : أمين ختيتوا ...

••غير خرجات نرجس وقفات توبة غسلات يديها ومسحاتهم ،دهنات لاطات بزيت وبدات كتصوب في كويرات صغار بالعجينة و تستفهم في لاطا ...

كتقاد في شغلها ودندن بأغنية بصوت ضعيف حتى سمعات صوت تيلي ديالها كيصوني مسحات يديها وتمطات ليه ...

شافت في شاشة ضهر ليها رقم غريب عليها كمشات حجبانها كتسأل مع راصها في شكون غيكون مول رقم؟ ترددات في لول باش تجاوب وفي الأخير ملي ما سكتش من صونيت دارتها في يد الله وقبلات لخط ...

_ألواا شكوون معايا ؟!!

المتصل بنبرة صوت هادئة نطق :معاك لالة لباتول ...

توبة كمشات حجبانها وقالت:لالة لباتول !! شكون ؟!! في صراحة ما عرفتكش ...

لالة لباتول تبسمات جنب وقالت:ياك هادا هوا رقم ديال لالة رحمة وبنتها لي كيصوبوا لحلوة ؟!!

توبة بتأكيد ردات:إيه هوا هادا ألالة أش حب لخاطر ...

لالة لباتول: سمعت من شي ناس بلي كتصوبوا حلوة زوينة تقدري تجبي ليا الأنواع لي كتصوبي ندوق منهم حنت الأسبوع الماجي غيجيوا عندي ناس مهمين وإلى عجباتني لحلوة ديالكم نكموندي ...

توبة فرحت من قلبها: اه وخا ألالة نجيب ليك دوقي على راص ولعين "بتسأل"نتي ساكنا في جديدة ياك ؟!!

لالة لباتول بنفي نطقات:لا أنا ساكنا في مدينة أزمور تقدري تجي لعندي "بتسأل "أجي بعدا شكون معايا لالة رحمة هادي ؟!!

توبة تبسمات جنب : لا أنا بنتها و سميتي توبة ...

لالة لباتول بصوت هادئ : متشرفين ياك تقدري تجي لعندي ...

توبة بعينين تيلمعوا نطقات بفرحة :أيه ألالة نجي حنا ما بعادش بزاف ...

لالة لباتول:شكرا بزاف إدن غنصيفط ليك لعنوان ديال لفيلا ديالي في لوتساب، همم إيمتا غتجي عندي ؟!! في صراحة مكرهتش تدوزي عندي ليوم ...

توبة حركات راصها: وخا لي بغيتي في لعشية مورا لعاصر بينما ساليت شغالي و نكون عندك ألالة الباتول ...

الالة لباتول تبسمات جنب:غنكون في نتضارك ...

غير قطعات تيلي حطاتوا جنبها وبغات تطير من لفرحة وأخيراا غتصوب لحلوة لمالين لفيلات وناس لي لاباس عليهم ولاوا يخليوا على لمحلات لفخمة ويطلبوا من عندهم ...

حطات إيدها تحت دقنها وبدات تخمم وتقول: شكون لي غيكون عطا رقم ديالي ألالة لباتول وقال ليها راه كنصوبوا حلوة زوينة "كمشات حجبانها كتسائل" شكون غيكون ما نعرف لمهم لي عطاها رقم بغيت ربي يسهل عليه فتح ليا باب على الله تعجبها لحلوة وتكموندي ليها وصحباتها لي لاباس عليهم حتى هما تعجبهم ونزيد نتشهر كتر ...

تحنات على ركابيها وبدات تكمل في شغلها لي بدات،وهيا توقف عليها كتنهج، عيانا من دروج لي طلعت ...

مي رحمة جلسات حداها سخفانة: الله يا ربي هاد دروج كيهلكوني وركبيا ضروني ،مابقات فيا صحة ...

توبة تنهدات بضيق: الله يا ميمتي ونتي شنواا ما طلعك لهنا ديك ساع عيطي ليا ولا بغيتي أي حاجة نزل لعندك ونعطيها ليك ...

مي رحمة حطات إيديها على ركبتها:أبنيتي أنا جيت باش نشوف لا خاصك شي حاجة نمدها ليك ومورها غنلبس جلابتي ونمشي عند سعاد لدار نعاونها ...

توبة قوسات حجبانها وقالت:أميمتي نتي ما بقا فيك ما تعوني غير سيري ترتاحي ولا شدي شي ركنة جلسي فيها بحالك بحال ناس ...

مي رحمة حركات راصها بنفي: لاواه أبنتي نمشي ندير لواجب أمينة يلاه فاتحة وسعاد ما غتقدرش تبقا واقفا بوحدها وناس كتار غيجيوا يباركوا ليها حشومة ...

توبة بجدية نطقات معصبة: لا والله لا حطيتي يدك فشي حاجة انا دغيا غندخل هاد لحلوة لفران ونعجن واحد زوج كيلوا اخرا نطيبهم ونديهم لخالتي سعاد ونعونها، أوفاش يقرب لعاصر نمشي نشد طوبيس لمدينة ازمور ...

مي رحمة بعدم فهم نطقات :مدينة أزمور !!

توبة حركات راصها بإجاب: اه واحد سيدة سميتها لباتول ساكنا تما عيطات ليا بغات تشوف الأنواع ديال لحلوة ديالنا وإلى عجباتها غتختار منها و تكموندي ...

مي رحمة تبسمات جنب: مزيان أبنتي شحال وأنا باغا نزور ديك لمدينة ونمشي نسرح رجيلاتي في لواد وما لقيت لوقت ...

توبة بعينين تيلمعوا نطقات : يلاه معاياومنها نيت تونسيني ...

مي رحمة جمعات نوضة :لا أبنتي حشومة نخلي أمينة نافسا جالسا بوحدها مرة اخرا إنشاء الله ونمشيوا كاملين ...

توبة هزات راصها : وخا على خاطرك أميمتي ...

مي رحمة قادت شالها وقالت: أنخليك أبنتي أنا غنمشي نسبقك لدار سعاد بسلامة الله يعونك ...

توبة تبسمات ليها أو وقفات على طولتها فتحات لفران شعلاتوا أوسداتوا يسخن عاد ترمي لاطات ديال لحلوة داخلواا ...

يتبع...