زواج مبارك الجزء الرابع

بصوتها شجي لحنين طربات الحضور بكاتهم أو ضحكاتهم خلات كلشي متأتر ملي سمعوا كلمات ولحن الأغنية لي جَرَاتْهَا لعندها وغناتها بطريقة خلات كلشي مبهور مستمتعين بخامة صوتها الرقيق

دموعها هيا وأمينة ما حبسوش ملي بدات تغني والمحبة والكمياء لي بيناتهم ضاهرة للناس خلات بنات خالت أمينة يموتوا في سمهم مفقوصين من علاقتهم الصادقة المبنية على الوفاء والإخلاص من الصغر...

في نغمة صوتها سحر بحال الدم جرا في عروق وشرايين أركان وحياه من لداخل ولون روحوا بلون الحب الأحمر...

بقا متبع ليها العين و في كل حركة كتديرها قلبوا كيتهز معاها مسمتع بصوتها ونار الغيرة تتاكل فيه من لداخل ملي كيشوف راجل في لعرس كلهم حاطين العين عليها...

جالس في كرسي ورجليه ما هداوش من لهتزاز بالعصاب جامع يديه على شكل قبضة وعروق يديه غيطرطقوا ما كرهش ينوض و يعمي أي واحد كيشوف فيها ويبقا هوا بوحدوا مستمتع للنضر ليها زفر بجهد ولعن الشيطان ملي شاف تيلفونوا تيفيبري في جيبوا جبدوا وبعدما قرا الإسم خرج يجاوب

رحمة صبرات حتى عيات وناضت معصبة ما عاجبها حال حيدات ليها الميكروا من يديها وجراتها من وسط الحضور لي ضيرين بيها ملي بدات تغني.... خرجاتها لبرا مصدومة

إسلام بتسأل:مامااا أشنوا كين ؟!واقعا شي حاجة

رحمة من تحت سنانها معصبة هضرات: ما حشمتيش سيرا تغني قدام لي سوا ولي ما يسواش وسيقانك عريانين يطلعوا وينزلوا فيك بحال الكلبة وسطهم ونتي عاجبك الحال

إسلام بصوت باكي :حشومة عليك أنا غنيت غير على قبل أمينة

رحمة عاقدات حجبانها و ضحكات بستهزاء مفقوصة : حشومة عليا ههههه" خرجات عينيها في إسلام"حشومة عليك نتي نيت من جهة الله ! رافعة صوتك قدام رجال تتغني داك شي راه حرام ! بغيتي تعدبي أبنتي في نار و راسول صلى الله عليه وسلم نهى المرأة باش مترفعش صوتها وسط مجمع وفيه رجال...

إسلام نزلات راصها الأرض بخجل :عليه الصلاة والسلام

رحمة قدات زيفها من جناب وهزات صبعها بتحدير في وجه إسلام :أخر مرة نبهك أبنتي لغناا ممنوع حتى تكوني في دار تتغسلي في لماعن وما فيها باس دندني مع راصك حتى تعياي

إسلام بترجي:سمحي ليا أخر مرة نغني

رحمة :يالله زيدي قدامي رجلي على رجلك غتجلسي حدايا !وطلقي داك القفطان من جنب خليه يسترك.....

داز كلشي على مسامع أركان لي كان واقف قريب ليهم تيهضر في تيلفون معا ضلام مشافوهش زفر براحة وبتاسم من نيتوا فرحان عاجبوا الحال داك شي لي كان ناوي يديروا سبقاتوا ليه رحمة...

وتمشا ببطئ لعند سيارتوا باش يرجع لرياض خاشي يديوا في جيبوا والإبتسامة ما فرقاتش وجهوا...

رجعات للعرس وبتبات جلسات بين ختها ومها أو وجها حمر ما رداتش مها تجرها بديك الطريقة قدام بنات خالت أمينة لي باغين فيها الخدمة ....

تتشوف في ناس تيشطحوا فرحانين وهيا تسفاق هوا لخر منعتها رحمة منوا...

هازواا أمينة فوق العمارية وضاروا بيها...

وشطحات حتى بردات وخا عيات سعاد ما تنغز فيها ما تصوقاتش فرحات براصها وبحب قلبها باش تزوجات جرات صحبتها باش تشطح معها وليني إسلام دارت السبة بجرحة رجلها وعتاذرات...

العائلة ومنهم إسلام خدااو صور تذكارية مع العروسين فرحانين...

دازواا ساعات وأمرت دراري باش يقدموا لعشاء للحضور ولي عبارة عن لحم بالبرقوق أو بسطيلة بدجاج وسفة وديسير عاد الموناضة...

كالوا ناس وشبعواا ورجعوا شطحوا حتى بردواا قلوبهم..

بالفستان الأبيض دخلات أمينة بصلاة والسلام قطعات لكاطوا هيا وكريم لمكون من تلاتة طبقات فيه صورتهم بزوج لفوق و مكتوب تحتها زواج مبارك ...

رمات لبوكي ديال لورد في الهواء خلات بنات خالتها يتناقزوا باغين يشدوه وهوا ما جا طايح غير بين رجلين توبة وإسلام ...

ترمات لعندوا وحدة من بنات خالتها هزاتوا تتنقز وتزغرت فرحانة دارت في راصها الشوهة..

العرس سالااا حتى لستة ديال صباح بعدما فطروا ناس بالحريرة والشباكية وتمر...

كل واحد شد طريق راجع لدارواا والكاميوا ديال سي لمختار تكلف بالناس لي ما عندهمش فاش يرجعواا...

وصلات لوقيتة لي ما كتحملها حتى بنت وقت الوداع فاش كتخلي واليديك لي تعدبوا في تربيتك وقراوك وضربوا تمارة على قبلك باش تيعيشي مزيان وكتخلي دار لي تزاديتي وكبرتي فيها وكتمشي لدار رجالك ...

عائلة جديدة حياة جديدة مسؤوليات كتيرة كتولي على عاتقك ما كنتيش كتخمي فيهم...

سي لعربي سلم بنتوا بفتخار لراجلها وشاد راصوا بزز باش ما يبكيش قدامها...

رضا عليها من قلبوا عنقها أو وصا عليها كريم وخرج مبغاش يضعف قدامها وهوا حال قلبوا ربي لي عالم بيه

وسعاد وخا كانت ديما قاصحة مع بنتها وكتعيرها بزاف على وديت مصلاحتها ومكتبينش محبتها ليها ليووم نهارت بالبكاء

ما سكتاتش شادات لكريم من يديوا تبكي من قلبها بحرقة وتوصي وتعاود على بنتها :

_هادي هيا بنيتي الوحيدة ولعوينا لي كنشوف بيها تهلا فيها أولدي إلى غلطات سمح ليها ومديش عليها رها مزال صغيرة

كريم شاف أمينة كتبكي عنقها بيدوا وقال لسعاد :كوني هانيا أخالتي أمينة غنديرها في عينيا غير تهناي عليها ما تهزيش الهم

ليس هناك أصعب من وداع أشخاص اعتبرناهم جزءاً لا يتجزأ من حياتنا، لا نتخيّل أيامنا بدونهم، فهم النور الذي ينير دروبنا، هم المعنى الحقيقي للصداقة، لهم مكانة محفورة بالقلب، وبدونهم نشعر بالغربة والوحدة...

وسط هاد الكمية من الحزن والفراق ودموع

إسلام ما صبراتش وفكرة أنا صحبتها الوحيدة غتولي بعيدة عليها ما دخلاتش لراصها تسلات من وسط منهم أومشات نيشان الإسطبل عنقات سيراج بيديها بزوج كتبكي بحرقة مضاربا مع عقلها لي رافض الموضوع...

في وسط حزنها ودموعهاوشهقاتها لي ولاوا مسموعين سمعات الحس موراها و زاد طاب ليها لقلب من لداخل ملي سمعت سميتها بصوت

صحبتها وعشيرتها من صغر لي ديما كانت كتقول ليها أنا وياك فولة وتقسمت على جوج ها هيا اليوم هاذ الفولة غتفرق وتبعد عليها...

أمينة شادا كسوتها البيضاء من الجناب وعينيها حمرين طيبين بالبكاء بغصة خانقها قالت :إسلام ما غتودعينيش !!

إسلام حبسات نفس وحطات إيديها على نيفها وفمها كتبكي لداخل حابسا شهقاتها باش ما يتسمعوش بصوت باكي ردات ببرود _قلت ليك بسلامة قبيلا ! علاش جيتي؟!

أمينة زادت خطوة أو وقفات ودموعها ديرين خط على حناكها:دوري عندي عافاك علاش ما بغيتيش تشوفي في وجهي "دلات شفتها

التحتانية وقالت" بلعاني جيتي هنا عرفاني ما كنحملش الحيوانات شوفي كيف دير كحل بحال الضلام ياربي السلامة أش عجبك فيه

إسلام وسط دموعها ضحكات على كلام أمينة وضارت لعندها وجها حمار بالبكاء تلاحت على عنقها دافنا راصها فيه وتنخسيسة كتحبس ليها لهضرة بتراجي قالت:ما تمشيش عفاك بقاي معامن غنشارك فرحتي وشكون لي غيواسيني في حزني وغيخفف همي إلا مشيتي...

أمينة حتى هيا كتر منها كرزات عليها تتبكي ولاو شهقاتهم بجوح مسموعين

أمينة:ما بغيتش نمشي هوما لي بغاوا يدوني هئ هئ هئ

حتى من سيراج عينيه دمعوا باش تعرف بلي الحيوانات حتى هما كيحسواا

إسلام بعدات منها بعينين غارقين دموع حركات راصها ونطقات من فوق خاطرها: غاتنسيني ! حنت تزوجتي ! وملي غتولدي ما غتبقايش تفكريني ؟!

أمينة طاحت في الأرض كتبكي غوتات بنفي: لااااااااا ما بغيتهمش هئ هئ هئ ما بغيتش لولاد وما بغيتش هاد الزواج لي غيفرقني على حبابي وعائلتي هئ هئ علاش حنا لبنات لي خاصنا دائما نضحيوا هئ

إسلام طاحت حتى هيا في الأرض كتبكي بحرقة شدات من إيد أمينة تتصبر فيها "بعدما كانت هيا براصها ما متقبلاش الموضوع"

بَاراكا شوفي فيا ! شحال كَاعْ ديال لوقت بين كازا وجديدة غير تلاتة سويع في لوطوروت وها نتي هنا بينا وزيدن أنا ما غنخليكش توحشيني ديما غنمشي عندك نبرزطك

أمينة هزات عينيها لي تيبريوا بدموع ومدات

إيدها تانية ل إسلام:واعديني بلي ديما غتجي لعندي وملي نحتاجك نلقاك حدايا كيف ديما

إسلام حركات راصها ودموعها تيطيحوا كيف الشتا:تنواعدك ما عمري نتخلى عليك نبقاوو ديما مع بعضياتنا وهاد المسافات إنشاء الله غتزيد تقوي رابط الصداقة والمحبة لي بيناتنا

أمينة حلات يديها بزوج وقالت:عنقيني أختي بلييز

إسلام بزز باش شادا راصها قدام أمينة عنقاتها بدمووع نطقات بزز: نبقاوو كل نهار نهضروا أبيل فيديوا صافي

امينة حركات راصها ب أه

وقفوا لبنات من الأرض متفادين النضر في عينين بعضياتهم حنت غير ما تيزيدوا يضعفوا كتر مسحوا دموعهم و تمشاوا شادين يدين بعضياتهم بحال شي بنيتات صغار...

وقفوا حدا سيارة كريم لمزينا بالورد ...

إسلام بغصة في حلقها نطقات :طلقني مني

_أمينة ساهيا حركات راصها بعدم فهم

إسلام شارت براصها ل إيديهم...

أمينة بداوو دموعها يطيحوا شلال حركات شفايفها ونطقات بزز منها: نتي لي طلقي مني ؟!

إسلام حركات راصها بتراجي بغاتها هيا لي تطلق منها حنت هيا ما قدراتش

كل وحدة أعناد من تانية ما سخياش بصحبتها

هاد النهار ديال لفراق لي ولا بدا منوا حتى وحدا فيهم ما فكرت فيهم ولا دربات ليه حساب حتى نزل عليهم بحال صاعقة صدمهم بزوج ...

بقاوو واقفين مشادين حتى تدخلات رحمة وسعاد لي جروا ليهم يديهم من بعضياتهم بزز

بدموع ركبوا أمينة حدا كريم لي كسيرا ديك ساع وخوات سعاد كاس ديال الماء مورا طوموبيل وهيا غادا

أمينة كتطل في زاج حاضيا صحبتها بحالااا أخر مرة غتشوفها

وإسلام طاحت كتبكي وتغوت في حضن رحمة ...

ربما لا نستطيع البقاء مع من نُحب

و لكننا لن نتوقف عن حُبهم ابدًا

أرواحُهم بأرواحنا قد إمتزجت

إقتربوا أم إبتعدوا دائمًا هم بالقلب يسكنون..

الأصدقاء الحقيقيون هم من يبذلون المستحيل لإسعادك و إنتشالك من ألمك و حزنك و أوجاعك هم من يفاجئونك بأمور لا تتوقعها ربما كُنت تحلم يوما أن تراها على أرض الواقع...

هؤلاء يستحقون أن تضعهم تاجا على رأسك..

متكيا فوق سداري داخل بيت في الفيرما ودموعها نازلين من جناب عينيها مفزكين لمخدة تتشوف في السقف ساهيا كتفكر...

وفي كل دكرى تتجي في بالها ملامحها كيتغيروا مرة لحزن ومرة لفرح تتبقا تضحك من نيتها ملي كتفكر كلام أمينة المضحك وغير كتجي في بالها لحضة فراقهم كترجع تبكي حتى كيتحبس ليها النفس ...

بتنهيدة طويلة جلسات تتمسح دموعها شافت في أمير لي ناعس بحال الملاك في سداري لي حداها ناضت تمشات لعندوا بخطوات تقال وبجسد منهك بالعيا تحنات لعندوا بشفايف كيترعدوا باستوا في حنكوا وقدات ليه لغطاا...

رجعات جلسات في بلاصتها تتحرك عينيها لمنفوخين غير بزز وقلبها طيب من لداخل

مدات يديها باش تجر لغطاء على ذاتها وهيا تشوف لكرفاطا في رجلها...حطات إيدها قاستها وبتسمات جنب بلا ما تحس ملي تفكرات المساعدة لي قدم ليها أركان"شخص لي بالنسبة ليها غريب"وكيفاش هزها بين يديه بزز منها وحيد ليا زاجا من رجلها وجاب ليها فردة شربيلها لي خلاتها طيحا جنب طريق...

أركان بقا تابعها تيقلب عليها بحال الأمير لي تيبحث على سندريلا باش يرجع ليها فردة الشربيل...

حيدات لكْرفاطا من رجلها وكشفات على الجرح لقاتوا نشف هزاتها دوراتها على إيديها

وتعهدات مع نفسها باش تصبنها وترجعها ليه إلى تلقات معاه ...

إسلام عند بالها أن أركان تبعها ما عرفاش أنه جا لعند خالها وملي شاف لعرس عرف أنها غتكون فيه حنت طريق الغابة لي سلكات كتدي للفيرما نيشان وعليها خدا لفردة بين يدوا وملي بانت ليه تبعها باش يعطيها ليها...

زفرات بجهد و خبات لكرفاطا في صاكها... تمدات في بلاصتها معنقا المانطة كتبكي بصمت غمضات عينيها بزز شحال وهيا كتبكي حتى نعسات ...

دخلات توبة بحزن تكشف على ولدها لي كان خيف كلوا كيترعد قربات منوا شافتوا ناعس طمنات عليه و يالله غتخرج من البيت جا على مسامعها صوت تنخصيص وتنهيدات إسلام لمتكررة، قربات منها بقلق لقات جسدها كلوا كيتهز مع كل تنخصيصة كتخرجها من الأعماق..

حطات إيدها اليمنى على راصها وفرقات شفايفها تتقرا على ختها ما تيسر من القرآن الكريم...

جالسين تيفطروا في جليسة لي تحت الشجرة وتيهضروا على العرس كيف داز حتى خرجات لعندهم توبة جلسات بينهم معصبة ما عاجبها حال...

رحمة كبات ليا كاس ديال القهوة مداتوا ليها وبتسأل نطقات:مالكي علاش قالبا وجهك ؟!

توبة بحسرة نطقات :بقات فيا إسلام بزااف فكراتني في نهار عرسي فاش تزوجت ما خلاتنيش نمشي وعقلها بغا يخرج ديك النهار سيمانة وهيا سادة على راصها في البيت

سي لمختار حرك راصوا وقال :بنتي إسلام حنينة وقلبها كبير تهلاوا فيها الله يرضي عليكم

رحمة مسحات دموعها بطرف شالها وبصوت باكي

نطقات:بقات فيا بنتي أمينة حسبها وحدة من بناتي مقامها من مقامهم أنا راضيا عليها دنيا وأخرة مدارت غير صلاح وزواج راه سترة الله يكمل ليها بالخير

توبة رتشفات من كاس القهوة وقالت:أيييه أماما أمينة عزيزة وغاليا الله يكمل ليها بالخير وتيسير

سي لمختار:ديك البنت درويشا تستاهل كل خير ولفناها كاملين والفراق صعيب على إسلام وليني مع الوقت غتولف

قاطع كلامهم صوت الكاميوا ديال سي لمختار وقف حداهم نزل منوا عمر بجسد منهك قرب منهم وتلاح نيشان في سداري موسد رجلين رحمة ...

عمر بتعب نطق:وصلنا لكراسا وطبالي لماليهم او لجروب أو دراري خلصتهم تهنيت... بحال شي حمل تقيل كان نفوق كتافي تمارة ! والله إلى عييت الوليدة

توبة هزات حجبانها بزوج ونطقات:أودي على راجل أخر زمان دغيا عييتي مسكيين بقيتي فيا

عمر هز راصوا فيها ولعصبية وجه كلاموا لرحمة: شهدي فيها الواليدة ديما كتجبدني "وجه كلاموا لتوبة" كون عطيناك نتي غير كرسي واحد طلعيه في لكاميوا كوراك سخفتي لينا تما

رحمة هزات يديها فوق راصها:بغيت غير نعرف يمتا غتكبروا ! ونتوما دايرين كيف المش والفار "بتسمات جنب مكملا كلامها" الله يرضي عليكم كاملين فرحتوني ملي كلكم تعونتوا مع ختكم أو وقفتوا جنبها في أول مشروع ليها..بغيتكم تبقاوا ديما هاكا وتكونوا حنان في بعضياتكم الى طاح واحد تهزوه والله يجعل لمحبة بيناتكم ديما وتبقاوو يد وحدة ما تفرقكم غير الموت ! والخاوة أوليداتي حدها الدنيا...

سي لمختار بعينيه تيبريوا بدموع دار عند ختوا رحمة و قال: الله يخليهم ليك اختي ربيتي وعرفتي أش تربي تبارك الله عليك هاذا هوا المضمون فيك..

عمر جر إيد رحمة قبلها بحب:أمين الوليدة الله يخليك لينا

توبة وقفات عنقات رحمة من ضهرها حطا راصها على عنقها:الله يطول في عمرك ألحبيبةوتبقاي تاج فوق راصنا ديما وما تهزيش الهم عمر خويا عزيز عندي غير تهناي هما خوتي صغار ديما غانتهلى فيهم

عمر بتاسم جنب: كتهلاي فينا بسبان "بدا تيقلدها"حط صباطك عند الباب _طفي ضواء علاش خليتيه شاعل"بعد المرات الخوادرية تنحسك تتلعبي الدور ديال الواليد الله يرحموا

توبة بعصبية قربات منوا حاطا يديها على جناب خصرها

_عود أش قلتي ؟!

عمر شد من كرشوا تيضحك من نيتوا عليها حتى عصبها بالمزيان وخلا كلشي تيضحك عليها مأيدينوا عاد وقف عنقها بإيد وقال:غير تنضحك معاك كنبغيك بزاف الخوادرية

توبة بخفوت قالت ليه في ودنوا:إلى بقيتي تصرف معايا بهاد الطريقة غنقول لماما على لبوسة لي جيتي معلم بيها في حنكك !

عمر عينيه خرجوا سرط ريقوا وقال :شناهواا

توبة :كيفما سمعتي يكما تسحابني في دار غفلون "غمزاتوا" قشاعتك الخوادري

عمر من تحت سنانوا نطق:زمي داك الفم حسن من هرسوا لختي "غمزها"وديك لبوسة من بعد ونشرح ليك"شاف ملامح توبة جديين وغتحل فمها تفضحوا وهوا يقول بتراجي "

ستري ما ستر الله !من بعد ونعود ليك ماشي وقتوا

رحمة بتسائل:أش سايرين توشوشوا بيناتكم تم ؟اش كين؟!

توبة ببتسامة حاضيا عمر و مشات جلسات:والوا أماما ما كين والوا

جبد فلوس من جيبوا حطهم حداه فوق الطبلة ورجع تكا ما عاجبوا حال..

رحمة بتسائل:ديول أش دوك لفلوس أولدي؟!

عمر :ديال نورالدين حلف لا شد ريال وفلوس لكراء ديال لماعن خلصهم من جيبوا قالك بغا يتعاون مع الخوادرية

توبة حطات سبع على حنكهابتنهيدة طويلة قالت:ويلي حشومة هوا محتاج كيصرف على باه لمريض وخوتوا علاش خليتيه يخلص ؟!

عمر:اش بغيتيني ندير ليه فاش تفيق إسلام بينها وبينوا أنا مالي..

رحمة حركات راصها:الله يرضي عليه داك الولد من خير البشر غير ما عندوا زهر في هاد الدنيا مسكين الله يفتح ليه بيبان الخير

سي لمختار شاف في تيليفونوا ومن بعد نطق:أمين "سكت لتواني وقال بجدية" ملي مجموعين كلكم هنا عندي ليكم شي هضرة مهمة على إسلام

راحمة ضارت عند خوها بتسأل نطقات: يسمعنا خير ؟!

لمختار حط كاس أتاي من يدوا وقال:مزال عاقلا على الحاج الراضي

رحمة ببتسامة حركات راصها بإجاب:معلوم الله ياودي سيد معروف في لبلاد وسمعتوا مزيانة لا هوا لا عائلتوا الله يعمر ليهم دار

لمختار ببتسامة قال:عرفتي حفيدوا يوسف تزوج ب نجلاء بنت سي داوود مول شركة أتاي*******

رحمة فرحات من قلبها : تزوج الله يكمل ليه بالخير "حركات راصها وقالت "أييه فاش فكرتيتي كنا كندوزوا العطلة كاملين عندك هنا ملي كانوا دراري مزالين صغار وتوبة ويوسف ديما كانوا مضاربين تيخلقوا لينا المشاكل أنا ولالة فريدة مرت سي عدنان ومن بعد يتصالحوا ويخليونا حنا مخاصمين..

توبة بعدم فهم:إيمتا كنت كنضارب أناري؟!

عمر ببتسامة جانبية نطق:قبيحة من صغرك تتديري المشاكل و تتجبدي الصداع!!

توبة عوجات فمها: مادوياش معاك دخل سوق راصك حسن ليك "موجها كلامها لرحمة بجدية "شكون هاذ يوسف أماما ؟

رحمة :يوسف راضي أبنتي هوا حفيد سي لحاج راضي عندهم أكبر شركات ديول تصدير لحوت في لبلاد والخاريج

توبة عينيها وساعوا بصدمة :هاداك كلوا كنت كنضارب معاه"حركات راصها ما مسدقاش" وليني خاصني لعصا نيت...

رحمة دورات راصها :فكرتيني في الحاجة خديجة مرا غا نيشان ما عدهاش مع كترة الزواق في الهضرة هيا نيت ملي كنتو كتضاروا تتنوض تضربكم بزوج حتى كتشدواا الأرض هههههه

لمختار قاطعهم بحسرة نطق:لحاج راضي مسكين مريض وجا لعندي قال ليا.....

"فلاش باك"

جاي داير يديه مورا ضهروا دخل لفيرما حيد ليبوط ديال لبلاستيك عند الباب ودخل نيشان لصالون فرحان تيسلم على الحاج

سي لمختار:مرحبا والف مرحبا أخويا زارتنا البراكة كيف درتي حتى تفكرتيني؟!

لحاج راضي حرك راصوا بتعب:ترحب بيك الجنة اسي المختار

سي لمختار جلس حدا لحاج وبقلق قال:يكما كين باس الحاج كتبان ليا عيان

الحاج راضي بتنهيدة طويلة مد وراقا التحاليل لمختار لي بدوروا خداهم وبتسأل نطق:

_شنوا هاذ الشي؟!

الحاج راضي حرك راصوا ببطئ وقال:هاد لوراق كيكشفوا بلي عندي تقب كبير في القلب وحتى إلى طولت في هاد الدنيا عندي عام

لمختار طاحوا ليه لوراق من بين يدوا ما مصدقش ان صاحبوا غيموت بعنين حمرين ووجه صفر نطق:الله يطول في عمرك أش جابنا لهاد الهضرة أسيدي أشمن عام ولا شهر ما تبقاش طنز عليا الحاج الله يرضي عليك

لحاج ضحك من نيتوا وحط إيدوا على ركبة صاحبوا:هاذا هوا حال الدنيا يمكن ساعتي قربات وأصلاا كلنا ليها أنا ما خالعانيش الموت

لمختار : أودي خداتنا الهضرة وماسولتكش أش تشرب "حرك راصوا" بغيتي أتاي بشيبة كيف ديما

لحاج راضي حنحن بصوت هادئ وسرط ريقوا

بجدية كبيرة نطق :الكاس ديال أتاي بغيت نشربوا من إيد بنتي إسلام أنا ونتا والعائلة في دار عند ختك لالة رحمة

لمختار بعد فهم حرك راصوا مبتاسم وبتسائل نطق:كيفاش الحاج ما فهمتش

الحاج راضي بتأكيد شابك يديه مع بعضياتهم فوق الطبلة ونطق:أنا بغيت نطلب إيد بنت ختك إسلام لحفيدي أركان وكنتمنى أنك ما ترفضش وتعتبرها أمنية واحد غيموت"سرح بي نضروا لبعيد وقال "منكدبش عليك أصاحبي أنا بغيت نشوف ولاد حفايدي قبل لا نموت

لمختار سرط ريقوا وبتردد قال: وهواا أنا ما كرهتش نتناسب معاك الحاج وليني راك عارف ولاد ليوم أكيد أركان غتلقاه حاط العين على شي بنت وهوا تبارك الله شارب عقلوا ما غايبغيكمش تختاروا ليه...

الحاج راضي زفر بجهد ما عاجبوا حال وقف على طولتوا وهز لوراق بين يديه ونطق:

_أناغنسولوا وباشما كان غنرد عليك إلى قبل غنرسل ليك ميساج قلها لالة رحمة سبت جاي هاحنا عندكم وفي حالة ما مبغاش غنقولها ليك ونسدوا على الموضوع

لمختار حرك راصوا بإجاب:وخا أسيدي كلامك هوا لكبير ...

"الحاضر"

حنحن بهدوء ونطق:سي راضي باغي يزوج حفيدوا أركان ل إسلام أو ولدوا أركان قبل بالبنت وخا ما تيعرفهاش ! أش قلتي أختي؟!

_هزوا كاملين راصهم مبهوضين من كلام سي لمختار

عمر نسا لعيا و ناض بزربة جلس بصدمة بتاسم جنب ما تيقش وقال:وااييلي سي أركان لي تيصنع داك لحديد الواعر " أحدث السيارت " تنشوفهم غير في تلفازا غيجي كامل عندنا لدار يخطب الخوادرية

توبة حاطا يديها على فمهاوقالبها كيتهز بالفرحة في كل كلمة كتنطق:وااااوااا واش انا تنحلم فيقوني الحاج راضي كامل غيتناسب معانا..

.

أما رحمة ما دخلاتش ليها القاضية لراصها بعدم رضا حركات راصها بنفي:لا لا مايمكنش هاد الناس غير يجيوا ويبغيوا يخطبوا إسلام "هزات صبعها تتطوي فيهم" ماهيا بنت وزير ولا باها هما وشان في المغرب بنتي يتيما وباها الله يرحموا ماعندوا شركات كيف مرات ولدهم نجلاء

هما ناس مزيانين وكلمة الحق تقال وليني تيبان ليا هاد ولدهم دير شي مصيبة كحلة وبغاو يلصقوه في بنتي...

لا أخويا أنا ما قابلاش غير قولها ليهم يعطيونا شبر ديال تساع...بنتي نعطيها لمول نعناع ومنتناسبش مع ناس لباس عليهم باركا عليا غير ديك مت لأستاد زين لي كانت بغا تلصق ولدها لمجرم في بنتي جاب الله ربي جا من جيهتنا وكانت بنتي أمينة فضحاتوا الحمد لله..

توبة وعمر تصدموا بقاو تيشوفوا في بعضياتهم ولمختار ما عجبواش الحال أن ختوا ما تيقش في ختياروا...

توبة حطات إيديها على فمها و قالت :أويلي أمي مشيتي بعيد ! غير دابا كنتي كتشكري فيهم وقلتي راهم عائلة الله يعمرها دار

رحمة هزات كاس ديال أتاي رتشفات منوا وحطات إيدها الاخرى تحت دراعها وقالت:لعندي قلتوا هاديك راها بنتي وكبدتي مانيش لاقياها طيحا في الزنقة باش نعطيها لمن ولااااا على ود لفلوس

لمختار حمر فيها وساط من لداخل معصب: رحمة أش هاذ الكلام لي كنسمع !! واش انا عمري بغيت لبنتي إسلام شي حاجة خيبة؟!

رحمة دارت عندوا :حاشا أخويا راه غير خفت هواما ناس لباس عليهم ويدهم واصلا الى غدا ولا بعدوا وقعات شي مشكلة وتطلقات البنت غياخدوا ليها ولادها ويرميوها ليا دوك ناس ما نقدوش عليهم

لختار بتأكيد هز يدوا وقال:أش سيرا تخرفي أختي أركان ما عمروا ما غادي يتخلى على البنت الولد تبارك الله، متاقي الله، كيصالي الصلاة في وقتها، ودين شادوا بالمزيان حافض ستين حزب مأدب وداخل صوق راصوا ،ونزيدك شي دوك الشركات ديولوا تبارك الله كلهم أسسهم بنفسوا بلا ما يعتامد على فلوس باه لولد مرضي وإلى تزوجات بيه البنت غتعيش بيخير وعلى خير وهوا قابل بيها وباقي صغير يالله عندوا 30عام عودي فكري أختي نهار سبت باغيين يجيوا عندك اش بغيتيني نقول لحاج راضي مسكين وهوا مريض ؟!!

رحمة حطات الكاس ديال أتاي من يدها بنفخة وجمعات يديها بزوج حطاتهم فوق ركابيها تتشوف فيهم وتفكر..

عمر جمع حجبانوا بزوج و رد عليها:الواليدة كيبان ليا كلام خالي معقول على حق وسيد كيبان رجال ونص

توبة بإلحاح قالت :وتي غير جربي أماما نشوفوهم نهار سبت الى جاك سيد مزيان توكلي على الله وزوجيه ختي"بتراجي نطقات" وأصلا إسلام ما غتلقاش حسن منوا وماما ماشي ناس كلهم بحال داك الأستاد..

رحمة وقفات بتنهيدة طويلة نطقات:نوضوا جمعوا لحويج وفيقي ختك نرجعوا لدار

توبة بحزن:ماما حشومة عليك والله رزق ختي جا حتى لبين يدك وبغيتي ضيعيه

رحمة ضحكات من نيتها لاحت ليهم لهضرة وتمشات بزربة قدامهم:نوضوا تْكَعدوا خاصنا نمشيوا دغيا باش نجمعوا دار ونصبنوا طلامط بقا غير يومين لسبت بغيتي ناس يضحكوا عليا و يقولوا معفونين

توبة وعمر ضحكوا من نيتهم هما وسي لمختار لي قال:هادي هيا ختي رحمة لي كنعرف الله يسهل الأمور

عمر خاطب لمختار:كب ليا كاس ديال القهوة دابا عاد غنفطر بشاهية الله على خبار يتووب عليك الواليدة

توبة ناضت تتجري تبعات مها فرحانة:الله يخليك لينا العزيزة تنبغيك بزاااف تسناي نعونك

واقفين تيجمعوا في لحويج والإبتسامة ما فرقاتش وجوهم..

رحمة تتطوي في لقفاطن جلسات في جنب السداري وبعينين تيبريوا بدموع نطقات:بنتي صغيرة كبارات وغنشوفها عروسة "هزات راصها لفوق"الحمد لله لي حياني حتى شفت هاد النهار ، و في خطبة بنتي غنحضر

توبة عنقاتها:الله يطول لينا في عمرك أماما وتشوفي ولاد ولادها إنشاء الله"هزات يديها لسماء"ياربي يكون الخير في هاد ولد الناس وتعيش معاه بيخير "بتسأل نطقات"ماما كيفاش غنقولوها ل إسلام وهيا مزال تتبغي سفيان ؟!

رحمة مسحات دموعها أو وقفات تتسد سنسلة ديال الساك:الى كان هاد ولد الناس كيفما ما بغيت وتمنيت غنزوجها ليه بزز منها"بأمر قالت"وسيري فيقيها ومتقولي ليها والوا

توبة تمشات تتفكر و"نطقات ب وخا" و خرجات من البيت...مشات فيقات إسلام وأولدها وجمعوا لحويج بزربة وشدوا طريق لمدينة راجعين...

جالسا رحمة مكفضا كمايمها وسيرا تعجن في الحلوة أو توبة جالسا على ركابيها في الأرض تتحك في زربية في السطح او حدها لمعان حكاهم بجكيس تيشعلوا موقفاهم ينشفوا في الشمس أو سعاد"أم أمينة" حازما بيجامتها الطويلة من جناب وسيرا تعون فيهم كيفما عونوها او سيرا تسوس في الصالون من نيتها جهدها كلوا ديراه بحالا واقفا في دارها..

إسلام لبسا بيجامة في الأزرق بسروالها و بكَاعَ جَهْد لي فيها هزا سداري بزز وتدور وتسول ما فاهما والوا !!

سعاد كلها نشاط هازا جنب سداري تتحيد طلامط أو عرقانا وجها حمر بالفقصة من تحت سنانها نطقات :إسلام هزي سداري مزيان لي شافك يكول ما كتكاليش الزرع

إسلام سخفانة نطقات:وهانا أخالتي هازا عييت والله اوووف واش غدا العيد ؟! مالنا على هاد تمارة كلها

سعاد بعصبية هزات يديها عند خصرها وطلقات سداري : مانخملوش ألالة إسلام ؟! غير لا كان العيد، بغيتي نخليوا دار تغمل ؟!مزيان تبارك الله ،يا غتقادي معايا ولا غانعطيك شي طرح ديال لعصا نخليك شادا من جنابك

إسلام بخوف حركات راصها:وااعييت حشومة عليك

سعاد خرجات عينيها:واش بغيتي عدوزتك تضحك علينا !! ونتي مساليا قبك ما عندك دراع ! شتي أمينة كانت كتر منك أو ما مشات حتى علمتها كلشي عاد صيفطتها عند راجلها..

إسلام بتسأل: أشمن عدوزة سيرا تهضري عليها ؟!

سعاد بدات ترمش بزربة من لفرشة:قصدت أبنتي ملي غتزوجي بغيتي حماتك تضحك عليك

إسلام قلبات عينيها و بتأكيد قالت :ما عندي ما ندير لا بزواج ولا بعدوزة مالي حمقة أختي "هزات كتفها" أصلا أنا ما كنعرف ندير والوا ،وداك شي ديال لكوزينة ما كنحملوش

سعاد جمعات حجبانها :مزيان ولا قد القب قد السطل وليت ختك دابا ؟!

إسلام بخجل :ما قصدتش أخالتي

سعاد حطات يديها على كتاف إسلام وقالت بجدية: حتى الأشنوا غتبقاي لاصقا في رحمة ولا بدا ما غتزوجي وداك النهار راه قريب أبنتي و لمرأة لحرة هيا لحادكة لي تعرف تسير راصها وتحك ركاني وقنات دارها وتهلاي في راصك متبقيش تلبسي هاد لحويج طوال بزاف لبسي على قدك غيواتيك

إسلام تتشوف في حويجها دلات شفتها لتحتانية وقالت:كنرتاح هاكا أخالتي لحويج ضيقين تيخنقوني

سعاد بعدات من إسلام وراجعات لسداري: تعلمي أبنتي ما يليق بيك حسن ما تبقاي عيبا وضحكي فيك لغادي وجاي!!

إسلام بقات واقفا سهات ما عجبهاش الحال من كلام سعاد ولي في راصها ما يتحيد رافضا مسألة زواج بشخص من غير سفيان...

سعاد غوتات حتى قفزاتها:غنباتواا هنااا زيدي تعونيني خلينا نسربيوا دغيااا

هزات رحمها راصها من لاطا لي جالسا تستف فيها الأشكال ديال الحلوة بعدما سمعات تيليفونها تيصوني وأمرت توبة تمدوا ليها...

مسحات يديها من زيت في فوطة صغيرة حداها وسولات توبة

_شكون كيصوني أبنتي

توبة هزات عينيها من شاشة الهاتف ونطقات: لعجب رقم غريب هادا اممم يمكن شي كليانة ديالك هاكي

قبلات رحمة المكالمة وحطات الهاتف على ودنها سمعات صوت مرأة ما خفيش عليها قالت:

_الو لالة رحمة هادي؟!

رحمة ببتسامة:هيا هادي لالة شكون معايا؟

المرا:معاك الحاجة خديجة راضي كيف ديرا لباس ؟!

رحمة وقفات من بلاصتها مبهوضة خلات توبة غير تتشوف ، ردات بي:

_لباس الحمد لله نتي بيخير؟! كيف ديرين العائلة كلهم مزيانين؟!

الحاجة خديجة:الحمد لله ألالة رحمة كلشي بيخير بلا شك سي لمختار قالك على المجيا ديالنا لعندكم نهار سبت

رحمة حركات راصها:أيييه ألالة أيه مرحبا بيكم وألف مرحبا

الحاجة خديجة :بغيت غير نقول ليك ما ديروا والوا للعشاء حنا غنجيوا نشوفوا غير البنت ! ونشربوا غير كاس ديال أتاي من يديها ونتعرفوا عليها ونمشيوا

رحمة:لوااه الحاجة الخير موجود ما فيها باس إلى حضرنا ليكم لعشا

الحاجة بتأكيد:الله يكتر خيرك أبنتي إلى عجباتنا البنت إنشاء الله نعوضوا كلشي في الخطبا وأصلا حنا ما غنجلسوش بزاف ! بلا ما تشقي راصك

رحمة:كلامك هوا لكبير لي بغيتيها سمن وعسل الحاجة

الحاجة دخلات ليها رحمة لخاطر:ربي يكبر بيك أبنتي،ممكن تعطيني رقم ديال إسلام الى سمحتى بغيت حفيدي يهضر معاها ويتعرف عليها قبل ما نجيوا

رحمة سرطات ريقها بصعوبة:وخا دابا نسيفطوا ليك بسلامة..

قطعات رحمة تيليفون مع الحاجة خديجة وبقات غير تتدور في عينيها..

توبة بتسأل:شكون هاد الحاجة أماما ؟!

رحمة جلسات شادا من راصها:هادي الحاجة خديجة مرات الحاج راضي ،بغات نمرة ديال ختك باش تعطيها ل أركان

توبة حطات يديها على فمها ونطقات :ويلي أمي هاكا غنتفرشوا وإسلام مزال ما قلتي ليها والوا ؟!

رحمة بقلة حيلة:خاصني نقولها ليها زيدي تعونيني نسربيوا دغيا باش نزل لعندها ...

توبة بتسأل:وإلا ما بغاتش أش غنديروا؟!

رحمة رجعات لشغلها وبتأكيد قالت :غاتبغي بزز منها كَلاَكْ على هاذ شي فيه لعب ...

بعد لعيا والتمارة ديال شقاء لي دازت عليهم ليووم جالسين كيتعشاو بي روز بالدجاج في جواا صامت وتوبة كتنغز في رحمة باش تهضر مع إسلام...

رحمة ببتسامة نطقات:كولي أختي سعاد مرحبا بيك ليوم خليتي سي لعربي بوحدوا في دار على قبلنا الله يكتر خيرك

سعاد بدغمة في فمها ردات:ترحب بيك الجنة انا تناكل ومرتاحة بحالا في دار ! و علاه إسلام رخيسة عندي هههه

إسلام لبسا بيجامة خفيفة في الأحمر نص كم أو وجها منور بدوش لي خدات جالسا دور في راصها بينهم ما فاهما والواا

إسلام بتسأل:ممكن تقولوا ليا شنوا واقع هنا؟!

هزوا راصهم فيها تيضحكواا ونطقات رحمة

_والوا أبنتي كولي ويكون خير

داز عمر من لكوزينة هاز بلاطوا فيه عشاه طالع لبيتوا غمزها وقال:دخلت الإنستغرام ديالوا الخوادرية عندك الزهر داكشي واعر ولحديد عندوا خطير

توبة وحلات ليها دغمة من كلام خوها حطات إيديها على عنقها تتسعل وتهضر:كح كح كح بغيت ليك موصيبة أعيشا الفرشا

عمر كمل طريقوا لبيتوا ما مصوقش لكلامها تيضحك عاجبوا الحال..

إسلام وقفات على طولتها :ما غنحطش هاد لعشاء في حلقي حتى تفهموني اش كين شنوا مخبين عليا؟!

سعاد :وغير كولي أبنتي ونقولوا ليك كلشي

إسلام طوات يديها عندها:لا اخالتي قولوا هوا لول من لبارح فاش جينا من الفيرما ونتوما كتغامزوا عليا دابا بغيتكم تفهموني؟!

توبة هزات راصها فيها:وختي غير

قاطعتها رحمة :بحالها بحال باها الله يرحموا راصها قاصح

جمعات رحمة نوضة وتقابلات مع إسلام شافت في عينيها وقالت:

_لي نطولوه نقصروه أبنتي غدا جيين شي ناس يشوفوك

إسلام بعد فهم طاحت دمعة من عينيها بصوت خافت قالت :شنوا تتخربقي أماما ؟!

رحمة بتأكيد :ما كين لا تخربيق ولا والوا سيد غيجي يشوفك ولا عجبتيه هوا وعائلتوا غتزوجي بيه

إسلام دموعها بداوو تيطيحوا شلال من عينيها حطات صبعها على سدرها و بشفايف كيترعدوا نطقات :هاد شي كلوا واقع أماما وأنا أخر من يعلم "بدات تتضحك وتبكي بهستيرية ما مسدقاش" هههههههه هئ هئ هئ إيمتا كنتوا ناوين تقولوها ليا حتى نهار لي تزوجوني بيه ولا حتى يجي يديني عاد تودعوني وتقولوا ليا بسلامة هادا هوا راجلك أبنتي سيري معاه هئ هئ بنت ليكم أنا منيكة هنا

رحمة قصحات الشوفة في بنتها ونطقات بجدية:لي عندي قلتوا راجل من داك شي رفيع ما فيه ما يتعاب و تمناه أي مراة وأنا عطيتهم كلمتي وحتى خالك لمختار غدا غيكون هنا باش يحضر

إسلام بدموع وبغصة خانقها غوتات:ما بغيتش نتزوج نتي عرفاني تنبغي سفيان كيفاش بغيتوني نتزوج غيروا هئ هئ هئ

رحمة حطات إيدها على حنك بنتها تتمسح ليها دموع:سفيان تزوج وما عمروا ما غيكون ليك خاصك تشوفي مصلاحتك هيا لولة،باركا نساييه خرجيه من حياتك صفحتوا طويها وبداي صفحة جديدة بيضا

إسلام بعدات إيدين رحمة عليها و دموعها ديرين خط على حناكها بصوت باكي ومخنوق نطقات:حرام عليك أماما حتى واحد فينا ما غيكون مرتاح هاكا غتضلمينا كاملين

رحمة رجعات جلسات في بلاصتهاوبحزن على بنتها نطقات:ما تنعرف والوا من هاد الهضرة ا إسلام ! أنا لي كيهمني دابا غدا فاش يجيوا ناس كوني واجدا ما تحشمينيش قدامهم

دارت إسلام عاطيا بهضرها غاديا كتبكي حلات الباب غتخرج برا وهيا تسمع اخر جملة من عند رحمة لي هدماتها من لداخل

_أركان غيتاصل بيك وهضري مزيان ؛ إلا ما بغيتينيش نسخط عليك ونسا بلي عندي بنت سميتها إسلام هضري معاه بطريقة زوينة لي تليق

وحنا أبنتي خبينا عليك حنت عرفناك غتصرفي بهاد الطريقة

إسلام حلات الباب تتبكي من قلبها ما مسدقاش انها غتزوج بشي واحد غريب عليها ما كتعرف عليه والوا وسفيان لي مزال عيش في قلبها وحبها ليه ما عمروا ما نقص واخا تزوج بغيرها هيا مزال متعلقا بيه..

خرجات وجلسات قدام لباب تتبكي بصمت وهيا تبعها توبة كتجري هازا تيليفونها وقفات فوق راصها

_علاش جلستي هنا أختي ليل هاادا

إسلام وقفات بتنهيدة طويلة دفعاتها و رجعات سدات لباب معصبا قالت :

_بغيت غير نبعد منكم علاش تبعتيني ؟!

توبة مدات ليها تيليفون بعينين تيبريوا قالت:

_شوفي تصاروا أختي والله حتى زوين سميتوا أركان راضي

إسلام دفعات ليها تيليفون بعصبية حتى تفرتك في الأرض وغوتات بدمووع:خووديه نتي ما بغيتوووش بعدووا منييييي هئ هئ

طلعات تتجري لسطح وقفات مقابلا مع القمر ويدها حاطها على قلبها تتبكي حتى كيتحبس ليها نفس هيا عارفا راصها ما غتقدرش ترفض قدام سخط ديال مها وغتستسلم قدام قرارها حنت رحمة مريضة بسكار وهيا تتخاف عليها بزااف..

"هزات إيدها لسماء تتدعي ودموع مغرقين ليها عينيها"

وبشفايف كيترعدوا أو صوت مخنوق قالت:

_ما بغيتوش أربي شوف من حالي نتا عارفني تنبغي غير سفيان علاش فرقتينا على بعضياتنا وغتجمعني بواحد غريب ما عارفا عليه والوا علاش هئ هئ هئ يا ربي هئ شوف من حالي..

جالس فوق الفوتاي لي في بيتوا لابس سروال توب في الأسود وتريكوا بالكول مكروز عليه تيبين عضلات دراعوا ومعدتوا وحاط نضاضر ديول شوف في عينيه " تيديرهم غير إلا كان خدام بالبيسي "و مدور بيه لميلفات ولبيسي قداموا منغامس في أمور خدمتوا ديال الشاريكة...

في إيدوا قلم أو بزاف ديال لوراق بيضين حاطهم جنبوا تيرسم في محركات وأشكال جديدة للسيارات تيصممهم وملامح وجهوا جامدة من شكلوا كيبان صارم ما عندوش مع الضحك والبسالة ولكن إلى قربتي لقلبوا كتلقاي شخص اخر حنين ما عندوا حتى علاقة بهاد الجسد القوي لي قدامك...

سمع دقان في باب غرفتوا بلا ما يهز راصوا أمر طارق باش يدخل..

الحاجة خديجة ببتاسمة قربات منوا وقالت:

_ولدي

أركان غير سمع صوتها حيد لبيسي من فوق رجليه أو وقف مفرق رجليه وضهروا مقاد مع كتافوا بخطوات سريعة قرب منها

أركان ببتسامة مزينة ملامحوا:الحاجة علاش طلعتي حتى لهنا بنفسك ؟! واعرين عليك الدروج كان خاصك تعيطي ليا نهبط لعندك

الحاجة خديحة حركات راصها وبفرحة نطقات:ما عليش أولدي أنا بيخير بغيت نجي نشوفك "شافت في لوراق"سعا كتبان ليا خدام الله يعونك نخليك

أركان دور دراعوا على كتفها: لا أجدة ما تمشيش حتى حاجة ما كتهم من غيرك

الحاجة ضحكات حتى دمعوا عينيها:كبرتي أولدي تبارك الله فاش تتقول ليا جدة كتفكرني غير في طفولتك شحال هادي ما سمعتها من فمك...

أركان بتاسم جنب وحرك راصوا:تفضلي جلسي ترتاحي

الحاجة خديجة حطات إيدها على كتفوا وجدية قالت:ولدي عارفا جدك سولك وما فيها باس إلى عاودت سؤال تتعرف شي بنت ؟!

أركان غير سمع كلمة بنت مشا ليه بالوا مع مولات شربيل نيشان جمع حجبانوا وبجدية أكبر حرك راصوا بنفي بعدما زفر بجهد و حس بجنانوا تغرسوا في قلبوا لداخل نطق ب :لا

خديجة بعينين تيبريوا بسعادة فرحات من قلبها ومدات ليه ورقة

_خود هادي نمرة إسلام

أركان خدا لورقة بين يدوا و حرك راصوا بعدم فهم :شكون؟!

خديجة:هادي نمرة البنت لي غتكون من ناصيبك إنشاء الله والى كتاب وباش تعرف جداتك متفتحا وماشي بحال دوك الجدات لقديمات جبت ليك نمرة لبنت تعرف عليها ما بغيتش نضلمك وتزوج ببنت ما عارف عليها والواا

أركان جمع يديه على شكل قبضة كمش بيها لورقة لداخل وبغصة خنقاه نطق:الله يخليك لينا الحاجة"جر إيدها قبلها كيف العادة"

الحاجة خديجة :الله يرضي عليك أحبيبي لغزال ونخليك تخدم على خاطرك

الحاجة عزيزة عند أركان هيا والحاج هما قراب ليه كتر من موا فريدة وباه عدنان والحاجة هيا لوحيدة لي تتقول ليه حبيبي وتدلعوا بحال شي ولد صغير

خرجات من بيتوا وخلاتوا بين نارين تيتشوا من جيهتين من جيهة كينا بنت قلبوا لي أصراتوا بصوتها شجي لحنين ومن جهة أخرى كين هاد إسلام لي غيخطب وما كيعرف عليها والواا من غير سميتها

حط نمرتها فوق طبلة حداه وحيد نضاضر من عينيه بقا مقابل القمر لتواني وقلبوا تيضرب بحبها هيا مولات لعينين لبنيتين ، زفر بجهد تيحاول يطرد صورتها من بالواا وصوتها من قلبوا ولكن داك شي كان فوق طاقتوا ما عرفش كيفاش

حتى تسلات لقلبوا بخفة وسكنات فيه بدون شعور بغاها ،وهاد الإحساس جديد لي حاسوا من جيتها ما عمروا ما حس بيه من قبل ،صوتها بحال لمغناطيس لي جدبوا لعندها...

حس بقلبوا ضاروا من لداخل وكأن هاد الخطوة لي غيخطيها بحال الى غيخونها فيها ما قدرش يوقف ضدد جدوا على قبل بنت مجهولة ما كيعرف عليها والوا شاف تاعيا ومشا توضا باش يصلي ...

الأن الصلاة بوحدها هيا دواه لي كيخفف عليه

بعدما توضاء سرح زربية الصلاة وبكل تخشع جلس تيصلي والقمر جنبوا مضاوي عليه في كل ركعة تيصلي تيدعي في السجود على أنها تكون من ناصيبوا أو ملكوا ليه هوا بوحدواا...

فرحانين كيتعشوا ويضحكوا في جوا عائلي ناشطين وهيا تنكدها عليهم نجلاء بهضرتها لي ما عدها معنى ..

حاطا الأيد اليسرى على بطنها والأيد الأخرى كتاكل بيها صغرات عينيهاوقالت:

_نتوما هاد لبنت لي فرحانين بيها راكم ما كتعرفوا عليها والوا لا أصلاها ولا فصلها ؟! علاش باغين تزوجوها ب أركان ؟!

الحاج حرك راصوا و نطق:لا أبنتي نجلاء هاد البنت كنعرفوها مزيان هيا بنت خت سي لمختار والله يعمرها دار

نجلاء صغرات عينيها:وحتى عائلتي الله يعمرها دار علاش ما تخطبوش ليه ختى مروى ؟!

يوسف نغزها برجليه باش تسكت وهيا تعوج فمها وفرشاتوا

نجلاء بعصبية نطقات:

_مالك أيوسف لا سير تتنغز راه كلمة لحق قلتها علاه ختى ناقصها شي حاجة ؟!

الحاجة خديجة حطات كاس العاصير من يدها وقالت بتأكيد:حنا عارفين ونتي عارفا ختك ماشي مرا ديال دار شحال هادي دوينا في الموضوع

نجلاء جمعات حجبانها ونطقات:حتى انا ماشي مرا ديال دار نقدر نعرف علاش قبلتوا بيا؟!

فريدة ولا تحرك في عينيها وراصها دير إشارات لنجلاء باش تسكت سعا والوا عا بحال شي بَكْراة ودردمات

الحاجة خديجة لقاتها من الجنة وناس باش تخرج داك شي لي في قلبها بقلة حيلة نطقات

_زغبي ديال يوسف لي بغاك هوا وموا أما لا جيتي من جيهتي أنا ما ندخلكش لداري نهائيا...

نجلاء سرطات ريقها ما رضياش : وعلاش مالي ناقصني شي حاجة ؟!

فريدة حطات إيدها على حنكها كتويل في خاطرها من كلام نجلاء وحنت هيا عارفة لحاجة ما كتحملش نجلاء ولا مشات حتى ناضت ليها ما غيفكها حد..

عدنان رما سربيتة لي كانت فوق رجليه بعصبية فوق طبلة وناض والحاج راضي حتى هوا تبعواا بعدما حنحن بصوتوا وقال:

_تابعنا غدا شلا حويج خاص نقديوهم حالوا تنعسوا بكري

الحاجة خديجة وقفات على طولتها شارت لبطن نجلاء:

_ عتقك مني غير داك شي لي في كرشك خاصك تحمدي الله وتشكريه عليه أما كون وريتك الخيزوا ما حلاه..سيري تقابلي مع لمرايا وغتشوفي شنوا لي ناقصك أبنتي ...

مشات زاعفا من طبلة هيا ويوسف بقات غير فريدة ونرجس وهيا تتدور في عينيها بينهم

نجلاء بتسأل نطقات:

_خالتي أنا بصح نقصاني شي حاجة؟!

فريدة ناضت هزات جوج طباسل في يديها وبعصبية نطقات:

_ناقصك عقل أبنتي

نجلاء خاطبت أخت راجلها:نرجس حبيبة واش تنبان ليك حمقة

نرجس ببتسامة بريئة:لا أختي ما ديريش في بالك حنا قرينا في العلوم أنا لمرأة الحامل يقدر لوحم يهرب ليها لعقل "وقفات " ما تخافيش غير تولدي يرجع ليك إنشاء الله

نجلاء حطات راصها بين يديها وخاطبت ولدها:باغي تحمقني قبل ما تجي لدنيا "دلات شفتيها التحتانية وقالت"بسيف نتا من دمهم محرشينك عليا الكفارة بالله هههه"بدات كتهضر مع نفسها" نجلاء ولدك عدوك هانتي تشوفي هههه اويلي لا ما فيهاش انا تسطيت.

جالسا قدام لباب ساهيا ما عجبها حال تتفكر في حياتها وفي لخطبة جديدة لي تسلطات عليها ،مقابلا أمير تيلعب في الكورة قدامها...

وهيا توقف عليها هناء معصبة وكشاكشها خارجين بغا غير فيمن تشد...

هناء حطا إيد على خصرها والإيد الأخرى كتشالي بيها : هاي هاي على لالة إسلام ديري لمصايب وتجلسي يضربك لغربي قدام لباب

إسلام جمعات حجبانها بتسأل نطقات:أش بغيتي أ هناء ياك راجل لي كان بينا خديتيه علاش مزال تابعاني

هناء"زوجة سفيان" صفقات بيديها في السماء وقالت: أنا لي تبعاك أحبيبة مسيكينة تقتلي الميت وتمشي في جنازتوا

إسلام عينيها دموعوا و من فوق خاطرها نطقات:ما قدراش نبقا نتعاطا معاك في الهضرة " حركات راصها بزز ونادات على أمير لي بدوروا هز الكورة بين يديه ودخل" أجي أولدي دخل لدار أجي

هناء شدات ل إسلام من دراعها وبدات تحرك فيها :أسمعي أديك السحارة،بغيت غير نعرفك شنوا درتي لراجلي سيد ناعس بليل ويهتهت بسميتك "بتراجي غوتات"ها حجر لعافيا لما فكي سحورك وبعدي منا

إسلام جرات لي إيدها ودفعتها من تحت سنانها قالت بعصبية:بعديييي مني واش نتي حمقة منين تسلطتي عليا أش سيرا تخارفي

توبة سمعات لهضرة وخرجات مكفضا قفطانها من جناب معصبة وقفات عليهم، شافت درب عامر و جيران خرجوا يتفرجوا قربات من هناء تقابلت معها فاص و طلعات حجبانها "بغمزة" قالت :

_آمالنا أهاديك صفريطا يكما جاتك معطلة

سمعيني مزيان وحلي ودنيك هضرتي ما غنعودهاش جوج مرات سحور راه في خيمتكم ونتوما مالينوا وختي بزااف عليك ما توصليش لصبعها صغير وسيد رجال غيديها أحبيبة ونتي ربحي بداك لكارطونة ديال سفيان لي مسمي راصوا راجل وهوا بينوا وبين الرجلا غير الخيرو الإحسان ....

هناء بعدم فهم حركات راصها و سولات :أش كتقصدي بهضرتك ؟ واش إسلام غتزوج ؟!

توبة بفتخار قالت:أيييه أحبيبة كيفما سمعتي غتزوج وليوم خطبتها بسي أركان راضي الى كنتي كتسمعي بيه"غوتات بجهد"ولا كنتوا كتسمعوا بيه حتى نتوما

هناء ضحكات من قلبها فرحانة وجهات كلامها ل إسلام :هههه وأخيراا غنتهنى منك ربي كبير سبحانه وتعالى

إسلام بقات واقفا جامدا و مصدومة بينهم ودوعها ديرين خط عل حناكها وهيا تدفعها توبة لدار بعدما قالت:

_دخلي بدلي حويجك ناس مابقا ليهم والوا ويجيوا...

ودارت عند هناء : ونتي غبري من قدامي ،دوري مية وحيدي الحضيا "غمزتها وبتأكيد قالت" السحارة ههههه

هناء تمات غاديا بحالها وتضحك وخا هكاك عجبها الحال ورتاحت حنت غتهنى من إسلام بتسمات من قلبها وردات على توبة:

_بزاااف عليك و الماء والشطابة حتى لقاع لبحر مشيا بلا رجعا أنا غندعي بليل ونهار باش تزوج وتبعد من هاد الدرب ما بقيتش حاملة نشوف كمارتها

توبة مسانداها :أييه دعي أحبيبة دعي "طلعتها ونزلتها من لور ونطقات وهيا تتضحك" أمينة كان عندها الحق وما قالت عليك كراطا حتى كراطا نيت أييي أميمتي بقا فيا غير سفيان حالتوا تشفي لعدا مسكين.....

توبة دخلات لدار جابت لملحا وبدات ترش قدام لباب وتضحك وتقول:كينين غير لحضايا والقواسا في هاد الدرب المنحوس الله يغبر لبوكم شقف كاملين ...

كلمة الحق قالتها توبة فيهم وهما كيستاهلو الأنهم اول وحدين بداو تيضحكوا وينعتوا في إسلام نهار تزوج سفيان وخلاها، ما خلاوا ما قالوا عليها وما سلماتش من لسناتهم الماضيين....

وقفوا ربعة طوموبيلات بموديلات مختالفة ومغيرا وحدا تنسيك في الأخرا، وحدا مورا وحدا في درب قدام دار لالة رحمة وجيران غير سمعوا لحس خرجوا يطالوا من شراجم باغين يجيبوا لخبار...

السيارة لأولى خرجات منها الحاجة خديجة لبسا جلابة مطروزا بطرز الزموري أو يديها بزوج عامرين بسرتلااا والحاج راضي لابس جلابة بيضاء وطربوش حمر والهيبا ونور ضاهر على ملامح وجهوا....

وسيارة تانية نزلات منها فريدة لبسا جلابة في الأزرق ديرا مكياج خفيف وحطا شال خفيف مغطيا بيه شعرها ومزرزرا دهوبات وسي عدنان لابس كومبلي أسود...

وسيارة تالتة خرج منها يوسف لابس سروال جينز وقميجا كلاص بيضا ومراتوا نجلاء لبسا كسوا طويلة في الأبيض و غير حطات رجلها في الأرض هزات صبعنها حبسا بيهم نيفها ،مشمئزا من ريحة وشكل الدرب الشعبي...

والسيارة الرابعة راكب فيها مولاي سلطان وختوا صغيرة نرجس لي نزلات منها والإبتسامة البريئة مزينة ملامحها كيف ديما، هزات عويناتها الصغيورين تتشوف في الحي فرحانة وهيا تجرها نجلاء قالبا وجها..

نجلاء بعصبية هضرات :علاش تتضحي حنا أحبيبة سهمنا ماشي من سهمهم ، هاد الناس شوفي غير حالت ديورهم كيف ديرا يخخ باز ليهم حتى قادرين يسكونوا فيهم

نرجس حركات راصها ودلات شفتها التحتانية ونطقات:ولكن أنا عجبني درب رتاحيت فيه

نجلاء بخفوت قالت:أش تتخربقي إلى بغيتي ناس يبغيوك خاصك ديري قيمة لراصك وبحال هاد لوسخ ماتعمريش بيه عقلك ديما شوفي لفوق خاصك تكوني متكبرا أحبيبة شوفي غير شكل لباسك وقارني راصك بيهم غيبان ليك الفرق واضح

الحاجة خديجة قطعاتهم:غنباتوا هنا زيدوا قدامي دابا عاد جاتكم الهضرة سبحان الله

أركان بقا جالس حاط إيدوا على عنقوا تيخمم قلبوا تيقول ليه نزل وعقلوا رافض الإصغاء لعن الشيطان وحل لباب

زفر بجهد وقلبوا شاعلا فيه العافيا حط رجلوا برات سيارة وقف مفرق رجليه وخاشي إيد في جيبوا وطقم الأسود لي لابس عاطيه جمالية أكتر...

ما عندوش ما تبريكيك وما شافش نهائيا لا في شكل الدرب أو ديور لي فيه مشا نيشان فتح لكوفر ديال سيارتوا جبد منوا لورد وسكار وتواب وشكلاط ...إلخ ما خلاواا ما جابوا معاهم..

خرج عمر لابس كوستيم في لكْرِيْ فرحان كيستقبلهم سلم على الحاجة والحاج وعرف على نفسوا وغادي تيسلم على الباقية حتى قرب يوصل لعند نرجس لي غير قشعاتوا طاح ليها لماء في ركابي ورجليها فشلوا عليها تخبات مورا يوسف حتى عيات سعا عمر قشعها وبتاسم بمكر تصدم مني شافها و ليني تصرف عادي قدامهم بحالا ما كيعرفهاش ...

تمشات بخطوات بطيئة لعند مها "فريدة" جرتها تتهضر معاها بخفوت قالت:

_ماما خاصني نمشي ضروري

فريدة بتسأل نطقات: علاش أبنتي يالله جينا مالكي؟!

نرجس عضات جنب فمها من لداخل بتوتر ولخوف وكدبات على مها: عندي لحفاضا بزاف تفكرت غدا عندي فرض خاصني نمشي نراجع

فريدة جراتها من إيدها :لا أبنتي حشومة جينا حتى لدار عند ناس أو مدخليش ما جاتش أش بغيتيهم يقولوا علينا زيدي قدامي

عند لباب ديال دار ستقبلاتهم رحمة هيا وسعاد بالحليب وتمر ...

سرحات الحاجة خديجة نضارها من دخلا ديال دار كتبان ليها نقيا وريحة الند والعود عاطيا وصالون نقي تيشعل حنت بدلوا ليه طلامط داروا وحدين في الموف جداد جاوو مع لون الزربية ..

جلسوا كلهم في صالون حدا سي لمختار لي غير يدور ويرحب بيهم فرحان من قلبوا..

جالس فوق سداري مقابل مع لباب و مفرق رجليه أو إيدوا حاطها فوق فخضوا ودراعوا الأخرا مسرحا فوق لمخدات جنابواا ملامح وجهوا عاديين ما مفسرينش ساكت عينيه منزلهم الأرض وتيسمع الأحاديت سي لمختار لي كيتكلم ليه على زوجتوا المستقبلية وهوا و العائلة أما هو مامهتمش...

لمختار ببتسامة:نهار كبير هادا نورتونا الحاج شحال هادي ما تجمعنا هاكا..

الحاج بصوت هادئ:الله يكبر بيك أسي لمختار ولفضل كيرجع لبنتي إسلام ولولدي أركان لي تجمعنا على قبلهم ليوم

الحاجة خديجة جمعات حجبانها بزوج وقالت:كيف ديرا الالة رحمة لباس مزال عاقلا ملي كان يوسف وتوبة يضاربوا وأنا تنوض ليهم بزوج"دورات راصها وبتسأل نطقات " فين هيا توبة سمعت بلي تزوجات؟!

رحمة حركات راصها :لباس الحمد لله أيييه علاه شكون ينسى دوك لياام ،توبة ها هيا في البيت مع إسلام "بحزن نطقات "بنتي طلقات وعيشا معايا هيا ولدها..

الحاجة خديجة بقلة حيلة قالت:فيها خير ، أبنتي رحمة والخير فيما إختاره الله

فريدة قطعاتهم:ما كيهمتش تسمى مزوجة لمهم هيا لبنت تكون مرتاحة وخا أبغض الحلال عند الله هوا الطلاق وليني ربي ما فرق روص غير باش ترتاح

الحاج مأيد كلام فريدة:عندك الحق أبنتي

سعاد بتسمات جنب مغيرا الموضوع:تبارك الله بنتي إسلام موهوبة هيا لي نضمات العرس ديال بنتي أمينة وحضر ليه كتر من 100 واحد

سي عدنان بتاسم جنب:مزيان إسلام خداما مع شركات تنضيم الحفالات

سي لمختار:لا هيا يالله بدات كتأسس في الشركة ديالها الخاصة لتنضيم الأعراس سميتها زواج مبارك وأول عرس نضماتوا هوا ديال صحبتها أمينة

عدنان شاف في العائلة مبتاسم:تبارك الله البنت عندها طموح وبغا توصل الله يعونها أنا يشرفني تكون مرت ولدي بنت عملية بحالها

نجلاء قلبات عينيها ما عجبها حال شي وحدة تشكر قدامها بقات مفقوصة بغا تشوف هاد لبنت لي خداوا هاد الوقت كامل وهوما بهضروا عليها ما سكتوش مني جاو..

رحمة قدمات ليهم سعاد لي من قبيلا وهوما تيهضروا معها ما عرفينهاش شكون:

_نعرفكم هادي صحبتي وختي سعاد الله يعمرها دار ..

فريدة:باينا من وجها مرا مزيانة وكتدخل لخاطر.

.

الحاجة خديجة: إيوا يمتا غنشوفوا عروستنا

سعاد وقفات قادت قفطانها من جناب وقالت: دابا نمشي نجيبها الالة...

عمر جالس في سداري لي مقابل مع نرجس تيبقا يشوف فيها حتى كتصفار من الخلعة وتقول مع نفسها بلي دابا غيفرشها وكيبتاسم عادي بحال ما كيعرفهاش تلفها أو ما بقات فاهما والوا وداك شويا ديال لعقل لي كتكساب غيطير ليها ليوم بالخوف...

.

إسلام جالسا تبكي لبسا قفطان بيض مطروز بالأخضر وفيه حزام رقيق في الخصر أبيض سامبل..شعرها مطلوق وديرا غير لكحل او كلوص بارد غوز صافي حنت أصلا هيا بشرتها صافية بحال ديال دراري صغار...

وتوبة واقفا عليها تقاد ليها لكحل لي تيسيل مع دموعها....

توبة بعصبية نطقات:باركا أزمرة وليتي كيف الماطيشة بالبكاء لي شافك يسحابك جالسة في جنازة ...

إسلام بغصة خنقاها قالت:ما بغيتوش أختي حرام عليكم علاش كديروا فيها هاكا

توبة طلعات حجبانها بزوج:هادشي من مصلاحتك وغدا ولا بعدوا غترجعي تشكرينا حمدي الله ربي جاب ليك خبيزة مستورة ما شافوها عينين ما قاصوها يدين

دخلات سعاد لعندهم مقاطعاهم قالت:

إسلام سربي نزلي لتحت راه عمرت أتاي سيري دخلي لبلاطوا وكبي لناس

توبة بتحدير قالت: وياااك ويااااك أ إسلام تقولي ليهم راه خالتي لي عمرت أتاي لي سولك قولي نتي لي صوبتيه بغيتي ناس يضحكوا علينا ويقولوا عليك مساليا ما عندها دراع وحتى أتاي ما كتعرفش تعمروا..

إسلام بملامح ممحية ووجه حزين حركات راصها بإجاب وخرجات من بيت...

دخلات إسلام لصالون بوجه أحمر منزلاه للأرض بالخجل ما هزتش فيهم راص ورجليها كيترعدواا بتوتر وبين يديها هازا لبلاطوا ديال أتاي..

حطاتوا فوق طبلة بي لاباقا وهزات لبراد لفوق كتكتب في لكيسان أتاي برزتوا وكتطلع لكشكوشة كيف وراتها سعاد والكل ملي دخلات ما حيدوش عينيهم عليها كلهم كيشوفوا فيها من غير أركان لي ما هزش عينوا فيها...

وعلى لسانهم غير تبارك الله ما شاء الله كلهم عجباتهم إسلام من غير نجلاء لي هازا شوكتها لسماء....

هزات الكيسان ديول أتاي بين يديها كتفرقهم عليهم كل واحد عطاتوا كاسوا وغير بزز شادا راصها باش ما تبكيش وكتبتاسم ليهم من فوق خاطرها...

والكاس لخر تمات غاديا بيه عند أركان قربات منوا وبكترة توتر ولخوف شويا ما كان غيزلق ليها من إيديها غير أركان لي دور إيدوا على إيديها لي هزا بيهم لكاس باش ما يطيح ليها وبصدفة رفع عينوا فيها وحتى هيا وهوما يتفيكساو نضراتهم مع بعض تصدمواا بزوج دقة وحدة...بقاوو تيشوفوا في بعضياتهم وكأن زمن ولوقت وقف عند هاد اللحضة...

أركان بقا ساهي تيشوف في عينيها ما متيقش ويديها وسط يديه ما طلقهمش وقلبوا بدا يضرب بجهد باغي يخرج من بلاصتوا ما مستوعبش أن بنت لي دق قلبوا على قبلها هيا نفسها لي خطا خطواتوا من داروا باش يجي يطلب إيدها

أما إسلام زادت حشمات أكتر بغات تهرب نضاراتها من عينيه أو ما قدراتش بقات تالفا تشوف فيه عجبوها عينيه و سهات في لونهم وبحال لا فقدات الداكرة بغات غير تعقل عليه فين شافتوا حتى سمعاتوا نطق بتنهيدة طويلة وبصوت فيه بحة رجولية قال بخفوت:

_لبكايا مولات شربيل؟!!

عاد إسلام ستوعبات الأمر وعرفات راصها فين شيفاه بغات تجر إيديها من وسط إيديه ولكاس ديال أتاي حرقها بسخونية وليني لقاتوا حاكمها بحالا غتهرب الى طلقها حشمات قدام العائلة ومكرهاتش الأرض تشق وتبلعها..

أما أركان ما تصوق لحد و بقا كارز عليها مستمتع بشوفة فيها حتى بانوا ليه عينيها عمروا بدموع وسمع جدتوا لي من صباح وهيا تحنحن باش يطلق

من تحت سنانها قالت:ولدي أركان طلق من البنت...

من غير معرفة ولا ميعاد

شيء تحرك

اثار نارا كانت رمادا

كأن شيئا كان من ألف عام

دون همس أو كلام

نظرات أعين أذابت المهجتين

وأشعلت نار الغرام

إلتقت العيون

فبات كل الكون يكسوه السكون

هاذا أجمل لقاء في الكون و شاءت الأقدار أن يكون بداية قصة حب يملئها الجنون...

أركان تبهر ملي شاف لبنت لي بغا قلبوا قداموا واقفا بأبهى حلة مزينة على قبلوا بلا ما يحس بقا شاد إيديها بزوج وسط إيدوا خايف عليها لا تهرب، ضنا منه أنها مجرد خيال نسجوا عقلوا وغيختافي ....

هز راصوا شاف في عينيها لقاهم تيبريوا بدموع الألم من السخونية لكاس لي حرقها في يديها طلق منها مبهوض ما مستوعبش واش هاد شي لي كيعيشوا حقيقة ولا حلم غيفيق منوا...

ملي جا في مسامعوا كلام جداتوا "فاش قالت ليه طلق من البنت "فاق من سهوتوا ورجع تقاد في جلساتوا ، تنهد من الأعماق براحة و حمد ربي وشكروا و قال مع نفسوا أنه غيكون دير شي حاجة زوينة باش ربي حقق ليه داك شي لي بغا وقربها ليه حتى لعندوا باش تكون حلالوا...

إسلام بقات واقفا قداموا مدا ليه الكاس لي حرقها وغارقا في حويجها من كمية الإحراج لي حاسا بيه قدامهم..

أعين الحاضيرين كلها عليهم مصدومين كيتسناوه ياخد الكاس ديال أتاي تيسحابوا إسلام ما عجباتوش !!وهوا حط راصوا بين يديه فرحان تيحمد ويشكر في لي خلقوا بصوت غافت ومرة مرة تيهز راصوا ويتأمل فيها قدموا بوجه بشوش ناسي راصوا انه وسط الجماعة ،حتى سمع كلام سي لمختار لي فيقوا من سهوتوا:

_خود دوق ليك أتاي أولدي غيعجبك

أركان دور عينيه فين جالس سي لمختار حدا العائلة،شاف فيهم لقاهم كلهم مصدومين فيه وخوه يوسف تيضحك ويغمز فيه حنت اول مرة يشوف أركان بهاذ الشكل لغريب !!

كحب من الإحراج لي حس بيه قدامهم و خدا الكاس بزربة من يديها رتاشف منوا وبقا متبع ليها العين كيتفحص فيها بعينين عامرين فرحة وإعجاب حاضي شعرها طويل وهيا في أبهى حلة كيف لبلارة قداموا مني دخلات ضوا الصالون بطلتها جميلة....

إسلام حنات راصها والدمعة حبساها بين سنانها تمشات بخطوات سريعة باغا تهرب من وسط منهم وهيا توقفها الحاجة خديجة ملي قالت:

_بنتي إسلام أجي بركي حدايا

سرطات ريقها بصعوبة كمشات حجبانها بزوج ورجعات دارت لعندهم تمشات بخوف وجلسات حدا الحاجة وأركان جالس في سداري الاخر لي في جنب حاضيها...

فريدة حركات راصها ببتسامة قالت :تبارك الله البنت زينة ما فيها ما يتعاب الله يحجبك من العين

لمختار بفتخار قال:طبيعة الحال تكون زوينة هادي راها بنت خت المختار هههه

الحاجة وجهات كلامها لحاج: تبارك الله ماشاء الله ختيارك في محلوا الحاج ما عندي ما نقول تتبان البنت حشومية ومتبتة "دروات وجها عند نجلاء لي جالسا كتشوا من لداخل بالفقصة ولاحت ليها الهضرة" ماشي بحال بنات ليوم لاحشمة لا حيا ويتجاوبوا مع كبر منهم خاص كل بنت تعلم تكون بحال إسلام ونعم التربية أبنتي رحمة ما عندي ما نقول...

رحمة قدات شالها وببتسامة قالت :الله يكبر بيك الحاجة..

فريدة رتفات من كاس اتاي وقالت:باينا فيها مربية وحادكة ما شاء آلله

الحاجة بتأكيد قالت: إلا كانت إسلام حادكة غيكون حسن حنت زين ما تيدومش!! وأنا كتعجبني البنت لي تكون حادكة ومتولة "قلبات عينيها وقالت"ماشي بحال بنات ليوم لي ولاوا مقابلين غير تيليفونات ماتيديروش الخير حتى في كرشهم مخلينها بجوع وقاتلينها بماكلة زنقة لمعفونة..

حركات راصها بتسأل نطقات:هادا الكاس ديال أتاي نتي لي صوبتيه أبنتي ؟!

إسلام فرحات من قلبها وبغات الحاجة تعرف بلي ما كتعرف والوا في شغل الكوزينة باش تهنى من هاد المسراحية لي دخلات ليها بزز منها...

رحمة بحزن فرقات شفيفها غاتقول صراحة وهيا

دخل توبة بسالفها طويل وزينها الباهي مقاطعهم ببتسامة هضرات من لباب خلاتهم كلهم هزوا عينيهم فيها مبهوضين، بكلامها على إسلام ومن جمالها العاطي لعين..

_أيه الحاجة إسلام لي صوبات أتاي "شارت لطبلة"وحتى هاد لمسمن ولملوي و الحلوة كاملة لي هنا من شغل يديها

"الحاجة قطعات دغمة من لمسمن داقت منوا وضحكات من قلبها عاجبها الحال " نطقات بي :

_ تبارك الله

توبة دارت سلمات عليهم وجلسات مكملا كلامها: ختى تبارك الله فاش كتدخل لكوزينة كتخرج من يديها لعجب وقبل ما نتزوج هيا لي علماتني أنا ما كنت كنعرف والوا...وخا صغر مني حسن مني في شغل الكوزينة

ويدها بنينة سبحان الله

*شكون شكار لعروسة من غير مها و جارتها ولحزارة لي بيناتهم......

سعاد حتى هيا ماشي من العاكْزين حلات فمها معاونا توبة في كدوبها كتأكد على كل حرف نطقاتوا .. ...

سعاد هزات صبعها وقال:إييه توبة عندها الحق وحتى بنتي أمينة علماتها إسلام الطبخ "دورات راصها بفتخار مكملة كلامها" وغير كسكسوا الحاجة الى فوراتوا إسلام تاكلي صبعانك موراه طيابها ما تيشبع منوا حد..

رحمة حطات إيدها تحت دقنها مخنزرا فيهم ما عاجبها حال هيا عارفا حبل لكدب عمروا قصير وبنتها طول زمان ولا قصار غتفضح وليني سكتات و لي صبرها باش ما تهضرش هوا لعريس لي عجبها وما غتلقاش بحالوا لبنتها وعاد مقدراتش تحل فمها وتكدب بنتها و صحبتها قدام الناس وتصغر إسلام في عينيهم...

أما إسلام دربوا ليها كلشي في زيروا، تربط ليها لسان وعينيها خرجوا مابان ليها غير كاس ديال لماء قدامها شرباتوا دفعا وحدة وبقات كتكحب بغاهم يسكتواا ...

أركان في كل كلمة تيسمع على معشوقتوا تيزيد يتبهر ويفتاخر بيها فرحان...

الحاجة عينيها تيبريوا من الفرحة وعلاش ما تفرحش وهيا أول بنت شافتها لحفيدها لقاتها كيف بغات وكتر..

وعمر تيتهز من لداخل بضحك وتيدور في راصوا مهربوا منهم لا يتفرش حنت هوا أكتر واحد عارف ختوا ما كتعرف دير والوا وأتاي هوا لخر هوا لي كيصوبو ليها فاش كطلبوا، صبر حتى عيا وعينيه حماروا بضحك خرج من بينهم و بالخف هرب لكوزينة شاد من كرشوا تايتمرغ بضحك من نيتوا ملي كيتفكر كلامهم ....

توبة ما دخلاتش لسانها لحلقها بقات مستمرة في كلامها كلمة تقولها صحيحة وعشرة كدوب ..

توبة: وختي إسلام صوتها زوين ما شاء الله فاش كنا تنقروا كانت كتغني الإنشاد في المدرسة وكتطرب الحضور و الأساتدة كلهم كانوا معجابين بصوتها

نرجس بفرحة قالت: قبل تقاعد ماما كانت أستادة ديال الموسيقى في الثانوية ***

فريدة حركات راصها بإجاب وقالت::ماشاء الله أبنتي حتى أنا كتعجبني الموسيقى تبارك الله كتبان فيك موهوبة

الحاج حنحن بصوت هادئ وقال:هاهيا لبنت كيفما بغيتيها الحاجة أش بان ليك نقراوا الفاتحة ونتوكلوا على الله

الحاجة بتسمات جنب وحطات إيدها على ضهر

إسلام:حنا من جيهتنا موافقين بهاد زواج وليني ما فيها باس إلى سولنا إسلام على رائيها وإلا بغيتي تسولي أي سؤال على خدمة أركان وحياتوا سولي ما تحشميش...

فريدة شافت إسلام حشمانة ما قدراش تهضر وهيا تقول:

_ولدي أركان أبنتي عندوا شركات ديال سيارات ديولوا، بناهم بجهد،وتعب باش أسسهم بلا ما يعتامد على فلوس عدنان أو عندوا فيلا في كازا فاش كتكون عندوا لخدمة كتيرة في الشركة تيبقا تما وهوا عايش معانا داخل رياض ولا بغيتي أبنتي تيجي تشوفي فين غتعيشي مرحبا بيك ومن جيهتي حتى أنا موافقا "حركات راصها بخفة مكملا كلامها"دخلتي لخاطري أبنتي ومكرهتكش تكوني مرت ولدي أش قلتي؟!

إسلام عضات فمها من جنب مزيرة قدامهم ويديها كتلعب بيهم بتوتر فوق رجليها جمعات شجاعتها كلها باش ترفضوا...

حلات فمها باش تهضر من بعد ما هزات راصها وهوما يجيوا عينيها في وجه مها رحمة مباشرة لي بانت ليها مبتاسمة و الضحكة واصلا لودنيها ، تتبان فرحانة و راضيا براجل لي تقدم ل بنتها...

هربات عينيها من مها ودورتهم عند ختها لقاتها فرحانة بغاها توافق وكتدير ليها إشارات براصها هيا وخوها

قدام فرحة مها وسعادة ختها سدات عينيها

و تنهدات من الأعماق محاركا راصها بإجاب ودمعة طاحت ليها من جنب عينيها..

الحاج حرك راصوا ببتسامة قال:تيقولوا سيادنا لوالة سكوت من علامة الرضا لي كتعرف تزغرت العيالات تطربنا ...

تعالات زغاريت في دار لالة رحمة من طرف سعاد وفريدة وحتى نرجس ما كانتش من العاكْزين حماتها بصلاة والسلام وتزغريت فرحانة وتيعجبوها هاد الأجواء خلات عمر مصدوم من تصرفاتها كتبان ليه بريئة ولكن فاش كيتفكر البوسة كيقول العكس كْرْاها ومع نفسوا قال انها وحدة مسخا عندها جوج وجوه واحد بريئ كتبان بيه قدام عائلتها والأخر خبيث كتلعب بيه ومن وراهم كيف بغات...

وقف زاعر خنزر فيها وخرج بحالوا مشا نيشان لكوزينة معصب جبد قرعة لماء باردة شربها...

هزوا إديهم قراوا لفاتحة و أركان غمض عينيه تيقرا ومن قبلوا فرحان أما إسلام كتقرا سورة الفاتحة ودموع تيطيحوا كتمسحهم بطرف إبهامها بسرعة...

الحاج حرك راصوا وقال :الأسبوع الجاي إنشاء الله نديروا خطبة رسمية....

رحمة ببتسامة قالت:إنشاء الله

فريدة حركات راصها وسولات توبة:بنتي فين هوا لعزري ما شفناهش ؟!

توبة بحسرة وقفات:فكرتيني أخالتي نمشي نعطيه دواء أمير مريض طالعا ليه السخانة من لبارح

أركان ويوسف قالوا دقة وحدة :ما ديتيهش عند طبيب؟!

توبة حركات راصها بنفي:لا ما تخافش ديما كيوقع ليه هاكا وتيصح نخليكم نمشي نعطيه دواء..

الحاجة:الله يشافيه.."وجهات كلامها لمختار ورحمة:أش بان ليكم نخليوا لولاد يتعرفوا على بعضياتهم ؟! وحنا نتناقشوا على أمور الخطبة

رحمة حركات راصها بإجاب وسعاد تتغمز فيها باش ما توفقش خيفا لا إسلام ترفض

رحمة نطقات ب: أهاه كلامك هوا لكبير الحاجة"هضرات بعينيها مع بنتها وقالت" إسلام خودي أركان وطلعوا لفوق سيروا هضروا شويا...

دخلات توبة لكوزينة هزات كاس دارت فيه الدواء باش تعطيه لولدها وهيا تشوف في عمر مصدوم فيها جمعات حجبانها وقالت: مالك يكما تسطيتي؟!

عمر شاد من كرشوا وبقا تيضحك حتى كيتقطع ليه النفس رد عليها بزز وقال:

_ الخوادرية نتي وسعاد بلاصتكم حدا أبوا لهب ديريكت في جهنام هههه

توبة قلبات عينيها وحطات إيدها على خصرها وقالت: مالي اش درت؟! ليومنا هادا أنا مازال صابرا عليك وما قتلتكش إدن علاش غنمشي لجهنام؟!

عمر جمع حجبانوا وقال: بقا كتكدبي ؟!! نتي يخاف منك لواحد الأخت الشريرة

توبة خرجات عينيها:مالي أش قلت كَاعْ؟

عمر شد منها :ما حشمتيش من صباح ونتي تكدبي على ناس و الخوادرية ما كتعرف دير والوا ونتي مني دخلتي ونتي تزفطي عليهم

توبة بعدات منوا كبات دواء في كاس وقالت: أنا ما كدبتش عليهم وأصلا من هنا لوقت لعرس غنعلمها كلشي و نصيفطها عندهم ناضيا غير تهنى..

هزات الكاس بين يديها وخرجات وهيا ترتاطم بجسد ضخم لي كان واقف قدام لباب وسمع كلشي هزات عينيها وتلاقاوا نضراتهم مع بعض بعدات منوا ملي سمعت كلاموا لي طيح ليها لماء في ركابي...

يوسف بتاسم جنب ومن تحت سنانوا قال:

_كدابا من صغرك بغيت غير نعرف يمتا غتحيدي هاد العادة ؟

توبة صرطات ريقها والخوف تملكها دفعات جبهة وخرجات عينيها وقالت: وفاش كدبت عليك أخويا ؟!

يوسف هز حجبانوا بزوج وقال:شحال قدي نجبد ليك ملي كنا صغار ونتي تكدبي ! و إلى ما بغيتش نعطيك شي حاجة ديالي كتبداي تبوحطي وتمشي تبكي لعندهم تقولي ضربني

توبة دورات راصها وقالت:ما تنعرفكش ونتا كبير قد سخط "شارت بيديها" كيفاش بغيتيني نعرفك ونتا صغير مثلا هاه سير طنز على شي وحدة خرا

يوسف خنزر فيها وقال :بفف كان عند بالي ديك العادة غتحيد منك في الصغر سعا بان ليا العكس عاد ما كبرتي وكدوبك كبر معاك..

توبة غوتات في جهوا: أش جابك أخويا لكوزينتنا مالك تابعني كيف تابعة وساير تسنط عليا من لفوق ؛ كتبان بعقلك في تصاور سعا نتا العكس ...

يوسف تنهض من الأعماق ونطق ببحة ف

صوتوا :جيت غير باش نعونك بغيت ندي أمير لطبيب إلا ممكن

توبة نزلات راصها الأرض بخجل قالت:سمح ليا ما قصدتش غير خفت على ختي ولدي بيخير ولا شويا الحمد لله

يوسف بتاسم جنب لاح ليها لهضرة ومشا :هانيا غير نقصي شويا إلى بقيتي هاكا شي نهار تفرشي عند لكدبة لولة...

رجع يوسف لصالون وتوبة هزات قفطانها من جناب وطلعات لعند ولدها...

____

عمر يالله غيحط رجلوا برا الكوزينة وهيا دخل لعندوا نرجس وقفاتوا

نرجس حانية راصها في الأرض تتلعب بإيديها بتوتر قالت : سلام ممكن نهضر معاك ؟!

عمر قالب وجهوا بعصبية قال: ومالنا دابا تنغنيوا الأخت !!راك سيرا تهضري

نرجس هزات عينيها فيه بشوي:سمح ليا على داك نهار أنا غير كنت...

عمر قاطعها:عارف لبنات بحالك أش كيسواو مزيان حمدي الله وشكريه حنت مزال صابر وما فضاحتكش "سكت لتواني مكمل كلاموا" ما حشمتيش كتلعبي مورا ضهر عائلتك وهوما تيقين فيك "حط جوج صبعان على راصوا وزفر بجهد " نتوما ناس لي لباس عليكم بزااف والله عيشين في واحد العالم فشكل

نرجس طاحت دمعة حارة من عينيها وقالت بصوت باكي:عافاك ما تقول والوا لخوتي إلى عرفوا غيقتلوني كانت هاديك أول مرة غنديرها وأصلا هاداك كان غير تحدي مع لبنات صحاباتي

عمر ضحك بستهزاء وقال وهوا مقرب منها: غدا إلى درتوا تحدي جديد وطلبوا منك تمشي تنعسي مع شي واحد غديريها ياك ؟!!

نرجس تجرحات من كلاموا وما رداتش هزات يديها حتى لفوق وسرفقاتوا بجهد

شد عمر من حنكوا مصدوم جرها من درعها كارز عليها سد لباب ديال لكوزينة وهزها كاملا حطها فوق البوطاجي وبعينين حمرين قرب منها..

وقال من تحت سنانوا بستفزاز:نتي وحدة موسخة وكلام الحق جرحك ياك ديعي وتبوسي في طريق هانيا "غمزهاو بصعبية نطق" شايطين عليك شلاقمك؟!

نرجس دموعها تينزلوا وتنخسيسا كتحبس ليها لهضرة قالت :والله ما أنا كيف كيحساب ليك أنا بنت مربية هئ هئ غير كنت بغا يكونوا عندي أصدقاء كيف باقي الناس

عمر حط يدوا على راصوا تيفكر، قال بتنهيدة طويلة :بغيتيني نسمح ليك؟!

نرجس حركات راصها بإجاب ودلات شفتيها التحتانية بحال شي بنيتة صغيرة

عمر بتاسم جنب :ومسحي دموعك هوا لول مستاعدة ديري أي حاجة باش نسمح ليك ؟!

نرجس ببتسامة بريئة قالت:اه مستاعدة

عمر بغا يجربها ويشوف و اش ريح لي جا يديها حرك راصوا وقال:إلى بغيتني نسمح ليك رجعي ليا بوستي لي خونتي في طريق

بداك شويا ديال الكرامة لي بقا ليها هزات يديها وغتجمعها معاه تاني وهوا يشد يديها بزوج بين بيديه وقال:تو تو تو ماشي ديما غاديري لي قالك راصك"عجبوا لحال من تصرفتها ودرها بصح قائل بكلاموا" بوستي خليها عندك غنرجعها في ساعة الخير "شدها من حنكها وقال"ودابا عطيني نمرتك

نرجس بتسأل قالت:أشنوا؟!

عمر تما غادي ولاح ليها الهضرة:ياك نتي لي قلتي بغيتي أصدقاء وأنا واجد نكون صديقك غير إلى ما بغيتيش هانيا الساطة

نرجس نقزات من فوق لبوطاجي وقالت:اه اه بغيت تسنا..

يتبع...