زواج مبارك الجزء السادس

دار مي رحمة بناس عمرات ودراري صغار في لباب كيتجاروا فرحانين...

لجروب جالسين في لمراح كيتسناوو لوقت لمناسب ويبداو "صحاب عمر" لي واصاتوا أمينة يجيبهم بغا تشطح أو هيا ما مشات حتى جابت سعدية زمورية ومجموعتها تنشط الجوو مجلساهم في لبيت صغير لي مقابل مع صالون... لي شاف دار رحمة يقول عندهم لعرس ماشي غير عقد لقران والخطبة..

أمينة لابسا قفطان في الأسود معري من لكتاف مع مضمة رقييقة في الأصفر

شعرها مخلياه مطلوق مدوراه جنب وحاطا ميكاب تقيل في وجها ولبسا سباط طالون في اصفر في رجليها

لمحات نورالدين واقف مع عمر لي لابس كوستيم في الأسود وشعروا موقفوا بجيل مقاد كيبان واعر مشات هزات قفطانها من جناب وقصدتوا وقفات عليه

أمينة ببتسامة قالت: عبيقا ديب برجولة بغيتك في واحد لبلان !!

نوالدين ما عجبوا حال و بي غمزا نطق:أش تم الخوادرية؟!

أمينة جراتوا من حدا عمر وقالت بخفوت: هاد لهضرة لي غنقول ليك بغيت عمر ما يعرف عليها والوا لا هوا لا إسلام ...

نورالدين بتاسم بمكرو قال بصوت عالي: باغا تصفيها لشي واحد ابنت العبد؟!!

أمينة جمعات حجبانها وقالت بشوي: تا هضر بشويا مالك كتغوت "قربات حداه ونطقات" بغيتك تعيط لصحابك دوك لي ما كيتفاهموش بالهضرة وقول ليهم يوقفوا عند لباب وإلى مشا حتى بان ليهم شي قمقوم من عائلة سفيان بعدوه من هنا وقتلوه عصا على حسابي

نورالدين حط إيدوا على وشم لي في عنقوا وبتسأل قال: شنوا دروا ليك؟!

أمينة كتضور عينيها وتتباسم لناس لي كيدوزوا من حدها وفي نفس لوقت كتهضر مع نورالدين بخفوت:

_سمعني أصاحبي ديب بلا كترة الأسئلة وقدي ليا لغراض الله يرحم ليك الواليدين

نورالدين ما تيحملش شي حد يعيط ليه بداك لاقب لي تحط عليه ،حك لحيتوا من لتحت وزفر بجهد قصح فيها شوفة وقال من تحت سنانوا بغضب:

_عندي سميتي أبنت لعبد

أمينة بعدات منوا قتلهابالخلعة بدوك شوفات طيح منها نص سرطات ريقها وهضرات بخوف:

_سمح ليا لسان ما فيه عضم أخويا ديب " سرطات ريقها و بتلعتم قالت" قصدت خويا نورالدين هانتا راه سفيان ناوي يخرج على زواج إسلام ونتا راك عارفوا اشنوا درا فيها وعاد ديك شوها لي دار في درب رسلناه لحبس وخفتوا لا يسيفط شي مسخوط من عائلتوا يسدق خارج علينا...

نورالدين خشا إيدوا في جيبوا وجمع حجبانوا كتر حرك راصوا تيشوف في لباب وقال :

_كوني هانيا أساطة حتى واحد ما غيدخل لهاد لعرس مدام نورالدين كين غير تهناي

_______________

إسلام لبسا قفطان أبيض مطروز بالأخضر من شغل ختها توبة لي تعلمات طرز في سن صغيرة مني خرجات من دراسة ...

جالسا وسط لبنات وجها حمر غيطرطق بالسخونية لحمام وطاح عليها سر من عند الله...نقشوا ليها يديها ورجليها بنقش الهندي عمروهم بالمزيان تحت أمر رحمة أما إسلام ما عندهاش مع الحنة وحتى الى نقشت كتدير داك شي خفيف وبسيط....

حطين ليها مايكاب ديال لعريسات وفمها عكروه بالحمر ولا يبان مثير وشعرها خلاوه مطلوق وركبوا ليها ورد بيض من جناب شعرها ريحتوا غزالة وصباط طالون عالي..ولات تبان بحال شي أميرة كتحمق بزين..

وحداها واقفا ختها توبة لابسا تكشيطا في الأزرق غامق مع مضمة غليضة بالأزرق كدالك وشعرها ديرا لي شدا سامبل وقفا كتعون في لكوافورا او وأقف حدها امير لابس كوستيم صغير على قدوا في الأزرق وكيبكي ما عاجبوا حال..

توبة بعصبية نطقات:غتبقا تزوك عليا هنا غنضرب والديك بهاد صباط لي لابسا في رجلي من صباحو وانا كنقول ليك راها خالتك

إسلام شافت فيها بغضب: بعدي منوا اختي مالك عليه"تنهدات " أصلا قلبوا على قلب خالتوا مسكينة تيفكر بحالي

أمير وجهوا حمر بالبكاء بشهقة جوبها: ولا ما غتزوجيش لاااا أنا لي غنتزوج بيا اناااا

توبة تنهدات من الأعماق بردات لقاضية حنت من صباح وهوا تابعها ويبكي قربات منوا وقالت بصوت هادئ:

_صافي غتزوج بيك غير رتاح وباركا اوليدي من لبكاء الله يرضي عليك راصي عطاني لحريق من وراك

أمير مسح دموعوا ببرائة قال:حلفي بالله

توبة :عمري كدبت عليك وسير نزل عون خالك عمر ولا لميمة سي شوفها أش خاصها...

أمير دلا شفتوا لتحانية ورسم بتسامة صغيرة على محياه ونزل لعند عمر...

داروا ليها لبنات لمسات الأخيرة وتخلصوا ونزلوا يتسناو لتحت بينما تحط لعشاء باش يتعشاوو

دخلات لعندها أمينة مبهوضة قالت:

_هاي هاي هاي على لالة إسلام جيتي فنا كتحمقي ليوما دوخي سي أركان

إسلام نزلات راصها الأرض بخجل بقات تلعب بيديها وسكتات ...

توبة غمزات أمينة وقالت:شوفي ليك سيدة كيف ولات ياختي ههههه وليتي غير دكري ليها سميتوا دم كيتصحق من وجها

أمينة ببتسامة قالت:إيوا هاداك راه لحب ازين معلوم تسكت

إسلام هزات راصها فيهم بعصبية ردات :سميتوا زمر شفتوني ساكتا ليكم بديتوا تشرقوا وتغربوا غير بوحدكم الله يستر

يالله غتجوبها أمينة وهيا تسمع جوق برا خدام هزات قفطانها من جناب ومشات تجري طلات من شرجم هيا وتوبة

لقاوو درب عامر بناس كيصفقوا فرحانين وربعة لكاروات "عربات" بعودانهم مجرورين جيبين فيهم لهدية وجوق موراهم خدام وربعة سيارات تيلمعوا موراهم غاديين او وحدة منهم لي فيها لعريس مزينا بالورد الأحمر ولبيض وعامرة بالهدايا...

أمينة كتموات على شي حاجة سميتها شطيح و لغناء غير سمعات داك شي خدام تحت ما قدات جسمها كلوا ولا كيتهز وذاتها عرقات هزات قفطانها من جناب وهبطات تجري غاديا تصفق وتشطح فرحانة....

توبة حتى هيا درات عند ختها وقالت بعينين كيلمعوا:

_ناري إسلام عندك زهر كون تشوفي شحال من كاروا جا عامر وطموبيلات حتى هوما دوخي أنا غنمشي نزل نستقبلهم ما قدرتش نبقا واقفا حداك هنا غير سمحي ليا

إسلام وقفات ما عجبها حال حالتها حالا وقلبها تيضرب بجهد في لوقت لي محتاجة لي لشي واحد يكون معها كلهم خلاوها ونزلوا تنفسات بجهد او قربات برجلين كيرجفوا لعند نافدة بعدات الخامية وسرقات نضرات ليهم خرجات راصها كطل وشعرها خرج من شرجم نازل حرير ..

بان ليها درب عامر و ونورالدين وعمر ودراري لي معاهم عياوو ما يدخلوا داك شي مابغا يتقادا 'سينيات عامرين بتواب لموبرة و حرير دودة ،او لحلوة في شكال ، شكلاك من جميع الأنواع والبيجامات او شرابل ديول صم وسبابط بشكال غير لمركات الغالية... الخ'

تنهدات بجهد مني لمحاتوا نازل من سيارتوا بكل أناقة ورجولة شافت فيه ودقات قلبها تسارعات حسات براصها بحالي كتضحك عليه سيد كامل مكمول 'عبارة مجازية فا لكمال لي الله وحده' وأي وحدة تمناه وهيا قلبها مزال مرتابط بي سفيان نفسها ضاقت عليها وحسات براصها كتخونوا ماشي بجسدها وإنما بعقلها وقلبها...

غيمة حزن نزلات على قلبها كمشات حجبانها وعقلها غاب ولات في حيرا من أمرها ما بقات عارفا واش تستامع لعقلها ولا لقلبها..

حسات بإيد تحطات على كتفها وزادت كمشات حجبانها كتر درات ببطى ولقاتها رحمة بدون شعور ترمات في حضن مها مزيرة عليها بدون أي حراك

رحمة بتهيدة طويلة قالت:صافي أبنتي كبرتي وغتزوجي حتى نتي وغتولدي لولاد غير ديك نهار كنتي تابعاني شادا من جلايلي

إسلام كلام رحمة زاد على ما بيها بدات تبكي بحلا كانت باغا غير سبا؛ بصوت باكي قالت:

_لا أماما لاااااا أنا ما بغيتش

رحمة بعدات من بنتها جلساتها وجلست جنبها ،بعدما شدات من إيديها وقالت بجدية:

_هادي هيا سنة الحياة أبنتي أو ولا بدا ما غيجي نهار لي غتزوجي فيه وها هوا جا

"حطات إيدها تيرجفوا على وجه بنتها مسحات ليها دموعها وقالت بصوت باكي:

_سمعني مزيان أبنتي وهاد شي لي غنقول ليك مشي عليه حياتك كلها

إسلام مسحات دموع لي نازلين من جناب عينيها وسمعات لمها بإصغاء

رحمة بجدية قالت:أساس زواج هوا لحترام بين الزوجين والنقاش مهم باش ما تصلوش لكلام لقبيح ولجارح ممنوع تقطعي لكلام مع راجلك ولا كان لخصام ممنوع تفارقوا وتقطعي بيتك راه تما فين تيكون صلح وجبر الخواطر بالنسبة لواليدين وعائلتوا وخوتوا حتارميهم وديما تعاملي زوين معاهم هدوك غيويوا هما عائلتك سميتك من سميتهم ديما رسمي ليه صورتهم زوينة قدام لبراني وتوكلي على الله، ديري نية وسيري نيشان ولي تعامل معاك خيب تعاملي معاه زوين حتى خيرك يغلب على شرواا

إسلام حركات راصها بإجاب وهيا دخل لعندهم أمينة كتشطح

قلبات وجها وقالت:أويلي مالكم راضين العرس جنازة الله يستر نوضوا راه ناس كيتسناو ولعدول جاوو

رحمة مدات إيدها مسحات لبنتها لكحل لي طاح من جنب وقدات شال بيض غطات ليها بيه راصها وقفوها وهيا رجليها تيرجفوا بتوتر ،نزلوها في دروج بصلاة والسلام على رسول الله

غير وصلات قدام صالون تعالات الزغاريت كتر من لعيالات لمعروضين ..

_صلى والسلام على رسول لله .....لو لو لو لو

حطات رجلها ليمنى قدام باب صالون وسيقانها بيضين كيشعلوا ضاهرين للكل خطات اول خطوة في حياتها جديدة وتقدمات بخطوات بطيئة ...

هز أركان راصو و بعينيه تيلمعوا طلعها من لتحت للفوق بتنهيدة طويلة بتاسم من قلبوا فرحان بيها...

كل واحد فينا مني كيتزاد في هاذ الدنيا مسار حياتوا كاملة من أول صرخة الأخر نفس مكتوبة في جبهتوا قبل لا يحل عينيه...غير تنصدعوا راصنا في التفكير بالمستقبل وما تنعيشوش الحاضر...ولي إسمائهم مكتوبين في السماء حدا بعضياتهم غا يدير ليهم ربي ألف سبب باش يجمعهم في الأرض..يعني بلا ما تقلبي على شريك الحياة في أشخاص دون لمستوى تقدري طيحي فيهم خلي ربي هوا لي يجمعك بالشخص المناسب في لوقت لمناسب...

دخلات حانية راص و جلسوها حدا أركان بزز منها و الخجل والحشمة كاسيا ملامحها

أركان خطف ليها إيديها لمزينة بنقش من فوق حجرها وشابكها مع إيدوا قدام ناس خلا داتها كلاها ترجف من لمستوا....

الحاجة فرحانة من قلبها دورات راصها وقالت:

_تبارك الله ماشاء الله جيتي فنا أبنتي

فريدة مأيداها ببتسامة قالت:

_عندك الحق الحاجة مرت ولدي زوينة غير هوا إيمتا غنشوفوا وجها لمنور زولي دايك الطرحة من على راصك أبنتي

نجلاء حطا رجل على رجل لابسا قفطان في الأحمر وحاطا كولي ديال الألماس في عنقها، دورات راصها ما عجبها حال من كلام حماتها مني دخلات وهيا تسوط دربات عليها أمينة من دخلة ديال لباب وقربات حدها وفي جنبها جلسات ...

أمينة بتسمات جنب وقالت:

_ختي خاصك شي كاس ديال لماء ؟!

نجلاء حركات راصها ما عجبها حال وبغضب جوبات : لا غير شكرا مالي شكيت عليك ؟!!

أمينة عوجات فمها وردات عليها :إيوا الأخت مني دخلتي ونتي تسوطي خفت لا تكون واحلا ليك شي حاجة في لحلق'بغمزة كملت كلامها'قلت نعطيك شويا ديال لماء باش دوزيها

نجلاء حطات إيدها على لكوليي لي في عنقها وقالت : كيبان ليا نتي أحبيبة لي أنا واحلا ليك وحسداني قل أعود برب الفلق

أمينة رفعات حاجبنها وبستهزاء نطقات: بشويا عليك لا تموتي مكَنزا تي شكون داها فديك جالوقا ديال عيشورا لي حاطا في عنقك

قاطعهم الحاج مني حنحن بصوت غالب عليه لعيا وقال: بيما أن لعروسة جات علاش ما نبدواش إجرائات زواج....

واحد من لعدول حرك راصوا وقال: داك شي نيت لي كنت غنقول الحاج

رحمة وقفا لابسا تكشيطا في الأخضر وجمعا جليلها من جناب خشياهم في لحزام قربات منهم وببتسامة ردات:

_هيا لولة الحاج

حنت الطابلة لكبيرة عامرة فوقها محطوطة طورطة كبيرة ولحلوا على شكال هيا ولبغرير ولمسمن جابوا طبلة صغيرة مغطيا بزيف بيض او مزينة باوريدات حمرين حاطين فوقها لخواتم أو طقم الألماس وسرتلا ولمضما وجوج برصليات وتمر او لحليب...

حطوها بين إسلام وأركان وقالوا ليه يكشف على وجها عاد يركب ليها لخاتم

أركان مد إيدوا هز شال من على وجها وتقابلوا عينيهم مع بعض عض فموا من جناب وببتسامة مزينة ملامحوا قال :

_ما شاء الله سبحان من خلقك

إسلام غرقات في حويجها من كمية الإحراج والحشمة لي حاسا بيهم

خدا أركان لخاتم ركبوا ليها وحط ليها كولي الألماس حتى هوا في عنقها وباقي دهب حتى هوا ؛إسلام بإيدين تيرجفوا هزات لخاتم ركباتوا لي ونضراتها مهرباهم من عينيه من بعد ما شربوا بعضياتهم لحليب وكالوا تمر...

جلسوا حداهم تلاتة رجال عدول وبين يديهم عقد زواج

واحد من لعدول نطق : السلام عليكم ليوم تجمعنا لعقد قران الأنسة المصون إسلام بن محمد بسيد أركان راضي على سنة الله ورسوله و بصداق مقدم قيمته 70 مليون

أمينة وتوبة شهقوا بجهد شافوا في بعضتياتهم ما مسدقينش :

أمينة بخفوت قالت في ودن توبة: سمعتي لي سمعت ولا غير كيتهيئ ليا

توبة حركات راصها وجوبتها:سمعات أختي سمعت قالك سبعين مليون مليون ينطح مليون

أمينة من تحت سنانها قالت: أنا أمينة بنت لعربي كريم عاطيني 2 مليون في صداقي ما صدقش ولد لهم تيضحك عليا خاصني نرجع زمر لموا

إسلام بقات ترمش بزربة ما مصدقاش

همس ليها أركان في دونها بعدما حط بطاقة بين يديها

أركان: فتحت ليك حساب في لبنك بسميتك وحولت ليك فيه 70 مليون وكل شهر غنحط ليك فيه شي براكا"حرك راصوا وقال" عاوني عمر هوا لي جاب ليا لبطاقة لوطنية ديالك باش فتحت لحساب ..

لعدول قاطعم وقال:وا ش كين شي واحد عندوا إعتراض على هاد زواج

حركوا ناس راصهم مبتاسمين بشكل طبيعي كلشي فرحان من غير نجلاء وبعض لبنات لي حاسدين إسلام...

حتى تهز صالون كامل بصرخة طفل صغير معارض زواجهم ورتباطهم بزوج.....

أمير عينيه حمرين ودموع ديرين خط على حنيكاتوا لمنفوخين غووت بجهد وقال :

_لاااا لااااا ما غتزوجش بيك أنا لي بغيتيها أنا لاااا إسلام ديااااالي خاااالتي ديااالي بوحديتي هئ هئ هئ

هزوا ناس رايوصهم مبهوضين من هضرتوا ومني ستوعبوا كلاموا كلهم شدوا من كرشهم تيضحكواا من نيتهم على كلاموا

أركان كلام أمير جاب ليه تمام قرب من أدن إسلام وهمس ليها بخفوت:

_ما كنتش عارف بلي عندي منافسين طلعوا حتى صغار تيحماقوا عليك ماشي غير أنا

أمينة تدخلات قربات منوا أو ونزلات لمستواه قالت :اويلي أ أمير مابنتش ليك إسلام كبيرة عليك؟! ما جاتش

أمير هز صبعوا و بصوت باكي قال: لاااا لاااااا دياااالي بوووحدي غيبكيهااااا تاااااني كيف دااار هااادااك

أمينة عينيها خرجوا من كلام امير وعلى شويا ويجبد ليهم موضوع سفيان بتسمات فوق خاطرها وقالت:

_سمعني أمير لحب خلي خالتك تزوج باش بزربة تولد ليك مرتك تكون زوينة بحال الأميرة فلة وتشبه ل إسلام

إسلام عينيها خرجوا ودم تسحق من وجها بإحراج مالقات فين تخبي وجها أما أركان بتاسم من نيتوا عجبوا الحال

أمير مسح دموعوا بطرف كفوا ونطق:حلفي بالله

أمينة هزاتوا بين يديها:عمر خالتك أمينة كدبات عليك غير تهنى غتزوج بنت إسلام ولا ما ولداتش ليك هيا أنا نولد ليك شي بنيتة على قبلك صافي

أمير ببتاسم ببرائة قال:وغنلعب معها لكورة ياك

أمينة :اه الحبيب ديالي غتلعب معهاو واجي دابا نجلسوا

لعدول حط لكتاب قدامهم وقال:

_سي أركان راضي قابل تزوج بالأنسة إسلام بن محمد على سنة الله ورسولهم برضا دون أي تهديد

أركان حرك راصوا وقال بعدما سينا لعقد:

_معلوم قابل

لعدول:الأنسة إسلام بن محمد موافقا تزوجي بسي أركان راضي برضا وعن طيب خاطر

إسلام تشعر بعقلها مُشتت و تائه ، وقلبها ينبُض حزناً و وجعاً ، عقلها محاط بالذكريات البائسه مع سفيان لي كان مصدر لسعادتها يوماً ما، لكن ليوم ما كينش معها أو كلماتوا ليها كاملة طلعت زائفة تنهدات من الأعماق وحركات راصها بإجاب بعدما سنات العقد بإيد كترجف

تعالات تصفيق ووزغاريت...

لعدول سلموا على أركان باركوا ليه وقالوا :مبروك عليكم بالبنين والبنات إنشاء الله تهلى فيها اولدي

أركان حرك راصوا بإجاب وقال كلام ل إسلام بخفوت خلا داتها ترجف كلها وتزنكَات كتر

_مبروك علينا أمرتي لبكايا

نرجس همسات في أدن عمر وبخفوت قالت: أش بان ليك حتى حنا نتزوجوا هاهوما لعدول كاينين والجوا مناسب

عمر مزال مقلق منها رد عليها :ياك أنا خوك ألالة نرجس لاش بغاني نتزوج بيك !!

نرجس ببرائة قالت:غير ضحكت معاك

عمر عض فموا من جنب وقال:ضحكك باسل...

تعالات صوت الزغاريت والصلاة والسلام على رسول الله في دار رحمة ....

كلشي فرحان تيبارك ليها هيا وتوبة

أركان وقف هوا ولعدول سلم عليهم وخرج هوا وياهم برا خلصهم ورجع تصور هو وإسلام و العائلة...و بدواا لجروب ديرين خدمهم ما كين غير الله يعطيك صحيحتك نشاط و شطيح ورديح بنادم ما هداش وأمينة قالت ليهم ما كتعرفوا والواا

دخلا وسط لعيالات محزما وسيرا تلوز ودردك عاجبها لحال جاب الله ما حاضرش كريم عندوا لخدمة اما يوريها درديك على أوصولوا

ونرجس حدها معوناها لبسا قفطان في لغوز وطلقات شعرها وسارت تحير،عمر تعصب من تصرفاتها وما صابش كيفاش يدير ويجرها

الحاج راضي وسي لمختار ما عندهمش مع هاد الأجواء ستادنوا من جماعة ومشاوو حتى يتحط لعشاء ويرجعوا، خلاوهم في راحتهم تيشطحوا ..

إسلام جالسة حانية راص كتلعب بالخاتم في صبعها وباقا ما مصدقاش والحضور كاملين تيجيوا عندها بالوحدة بالوحدة يباركوا ليها ويعطويها لكادو ....

أمينة قلبها ما بردتش مشات عند سعدية زمورية ومجموعتها طلبات منهم يغنيوا على إسلام وأركان...

وتقدمات هيا بخطوات مسرعة جرات إسلام بزز منها من حدا أركان وقفتها تشطح ..

أمينة كتحير وتشطح عرقانا قالت :وتي تحركي ازمرة مالك على هاد جموديا ...

إسلام دارت كتشوف كتلقا أركان حاضيها مبتاسم بعدمات من أمينة وطلعات تجري لبيتها بعدما قالت :

_فيا صهد اختي وما فيا لي شطح غنمشي نبدل عليا هاد لقفطان تقيل دارلي لخنقة

أمينة زفرات بجهد وقالت:اوكي بدلي ونزلي تشطحي معايا انا انمشي عند توبة نوضها حتى هيا ...

أركان بانت ليه إسلام غبرات من قداموا دور رصوا بين لحضور لي تيشطحوا تيقلب عليها بعينيه ما بانتش ليه وقف خاشي إيد في جيبوا والأخر حك بيها لحيتوا خرج لمراح وهوا يلمح أمير مشا لعندوا ونزل لمستواه

اركان قرب ل أمير وقال بتسأل":

_سلام ما بانتش ليك إسلام ...

أمير ساط بجهد وقال بعصبية:

_ما تهضرش معايا نتا !! أو بعد مني !خديتي ليا خالتي

أركان ضحك من نيتوا على كلام أمير وقال:

_وصاحبي إسلام كبيرة عليك صبر عليا غير شي يامات ونحضر ليك بنت مزال في لكرش بقا جديدة ...

أمير نفخ شايفوا وقال بدلال: غتزوجني بنتك

أركان حرك راصوا ورد عليه:

_اه غنتناسب معك أسي أمير وليني بشرط

أمير خشا إيده في جيبوا او تقاد في لوقفا

بحال شي راجل كبير وقال بجدية: شنوا هوا؟

أركان هز حاجبوا وتكلم:وريني فين هوا بيت إسلام وحيد منك لبكاء تا جيتي لخالتك انا راجل لي غنزوج لبنتي نبغيه يكون قاصح ويدافع بشراسة ماشي كلمة جوج يبكي

أمير مد إيدوا ل أركان وقال بجدية أكبر: متافقين واتبعني نديك لبيت لخالتي

أركان تبعوا وهو مدهوش من تصرفاتوا طفولية لغير معقولين جاه تيشبه ل إسلام بزااف في تصرفاتوا

داه أمير لبيت إسلام لفوق وهوا نزل يجري

دق أركان في باب بيتها لي بان ليه مبسم شويا دق مرة وجوج او والوا ما سمعاتش مع صوت الأغاني مجهد شاف حتى عيا ودفع لباب دخل وسدوا من لداخل دور عينوا حتى كيصدم وعينيه خرجوا من لمنضر لي قداموا إسلام وقفا قدام لماريوا عطياه بضهرها حيدات لقفطان بقات غير بي بيرميدا في الابيض قصيرة بزاف فوق ركبة لاصقا عليها و مبينا مفاتنها وفخاضها لبيضين أو سليب سمطة....

أركان سرط ريقوا حتى تفاحة أدم تحركات في حلقوا وقرب منها بخطوات هادئة بعدما نادا عليها بإسمها عدة مرات أو ما سمعاتوش...

حبيبتي شفتاك سجاد أحمر …

يا همسة قلب ورعشة روح …

انتي قبلة حب على مر

الزمان …

حب لم يخلق إلا لهذا المكان …

آحببتك صدفة دون سوابق …

عشقتك دون اسباب …

غادي كيتمشى ببطئ وعينيه مستقرين في الأنثى لي واقفا قداموا بجسدها الأنثوي المغري وبحركتها لغير مقصودين جابت ليه تمام ...

بغاها من أول ما سمع رنة صوتها لحنين وليوم هاهيا ولات ملكوا وزوجتوا حلالوا لي ما يقدر حتى حد يبعدها منوا ضوء طافي في غرفتها فقط ضوء لقمر هوا لي داخل من النافدة ضارب فيها وهيا واقفا مداربا مع لكولي ديال الألماس كتحيد فيه من عنقها ...

قرب ناحيتها و يديه خاشيهم في جيبوا هزات شعرها الأسود طويل ورماتوا مورا ضهرها حتى ضربتوا بيه على وجهوا غمض عينيه وستنشق رائحة الياسمين الزكية لي فاحت من شعرها جبد إيدوا من جيبوا وهز بعض لخصالات قربهم لنيفوا و ستنشق ريحت شعرها لي حمقاتوا حتى تغلغلات في أنفاسوا لداخل...

حنحن حدا ودنها ونطق بصوتوا الرجولي ببحة مميزة :

_خليني نعونك ؟!

إسلام عينيها خرجوا وقلبها بدا يضرب بجهد دورات راصها ناحيتوا وغير لمحاتوا حداها طارت على المانطة هزتها من فوق ناموسية لفتها على جسدها كامل خلات غير وجها لي كيبان وبصوت أنثوي رقيق و بتوتر نطقات بحروف متقطعة :

_أ ش ن و ا ك د ي ر ه ن ا ؟!

جمع لحروف لي نطقات وتشكلات في عقلوا

"أشنوا كدير هنا" بتاسم جنب وركز نضر في عينيها مباشرة خشا إيدوا تحت المانطة وجرها من خصرها حتى إقشعر بدانها من لامساتوا على جسدها الناعم بان نوع من الرهبة والخوف في ملامحها دور إيدوا مورا عنقها حيد ليها لكولي لاحوا في جنب و عض فموا من لداخل تم قرب حدا ودنها نطق بصوت مبحوح:

_أشنوا بان ليك نتي علاش جيت أمراتي لبكايا

طاحت دمعة سخونة جنب عينيها و بعدات وجها منوا وبتمتة في صوتها نطقات:

_بعد مني ...

أركان حط إيدوا مورا ودنها ومرر إبهاموا على خدها مسح ليها دمعة ، شاف نوع من الخوف والرهبة في عينيها طمنها بعينيه وقال بصوت رجولي :

_هششش تهدني ما كينش علاش تبكي دموعك غالين عليا مابغيتهمش ينزلوا مزال أبنت قلبي

كلام أركان طاح بحال لبلسم على جرح لي في قلبها وريحتوا لقوية ولون عينيه لمخلطين بالونين مابين الأسود والبني وشخصيتوا الرجولية جابوا ليها تمام،حسات بواحد نوع من الراحة فشكل ما عمرهاحسات بيها مع سفيان...

أركان بقا تيشوف في عينيها لبنيتين ومرة مرة تيهبط نضروا لشفيفها لحمرين و لعكر لي حاطا زاد نفخهم و عاطيهم جمالية كتر ولاوا يبانوا مغريين بلا قياس عض فموا من جناب وبدا يتقرب منها ...

بغات تهرب وجها منوا وهوا يهز إيدوا تانية و غرس صباعوا في خصلات شعرها ناعم من لور بشوي وقرب وجها لعندوا حتى ذاتها كلها سخنات و لمانطة لي مغطيا بيها زادت عليها باصهد ...

حلات فمها غتهضر باش تمنعوا وهوا يتلاح على شفايفها المثيرين كيلتاهم فيهم بحنية وحب غمض عينيه وبقا مستمتع بمداقهم....

كانت هادي هيا اول قبلة ليها وليه هوا طول عمروا كان مركز مع قرايتوا وخدمتوا وصلاتوا والنساء علاقتو بيهم محدودة غير في إطار لعمل او لعائلة فقط صبر وربي جزاه ،وهيا وخا كانت مع سفيان ولكن عمرها خلاتوا يقيسها وحتى هوا طلع معها راجل و كان مخليها لحلال ولكن لمكتاب هوا لي كيتصرف وضروف فرقاتهم وجمعاتها بشخص لمكتاب ليها ...

إسلام غمضات عينيها بدون شعور وإحساس جديد عمرها عاشتوا خالج كيانها من لداخل، دقات قلبها تسارعات ورجليها ما بقاوش هازينها ترخات بين يديه ولمانطة زلقات من إيدها حتى بان جسدها ناصع لبياض فتح عينيه مني حس بيها ترخات بعد منها وخيط ريقهم مزال متاصل ضحك من نيتوا عليها مني شاف وجها لي ولا حمر بلاقياس نطق بصوت تقيل غالبا عليه

شهوة :

_هادشي غير مزال ما بدينا في لمعقول وسخفتي ...

إسلام تبنجات بين يديه وغير سمعات كلاموا حلات عينيها و دم تسحق من وجها مني فهمات قصدوا بغات تهرب وماقدات رجع حكمها من جديد وحط شفايفوا على شفيفها وهزها بين يديه بشوي بحال شي حاجة ثمينة خايف عليها لا تهرس ليه ...

حطها فوق سرير وفموا مزال في فمها تيتلدد بطعم شافتيها مساخيش بيهم ويديه شابكهم مع إيديها وبقا تيحرك إبهاموا على راحة إيدها من لداخل حتى إقشعر بدانها من لمستوا ...

فتح عينيه وبعد منها وأنفاسوا سخونة كتضرب في وجها شاف فيها وبتسأل قال:

_شنوا كديري لفمك ؟!

إسلام حركات راصها بعدم فهم و ببرائة جوبات:

_ والوا علاش ؟

أركان ببتسامة مزينة ملامحوا رد عليها:

_مداقهم لذيد بزاف بحال لعسل ...

إسلام تزنكَات وماصابت الأرض تشق وتبلعها من كمية الإحراج لي غرقات فيه بقات كترمش بزربة ما مصدقاش لي وقع ليها...

شافها أركان كيف ولات جابت ليه ضحكة صبر حتى عيا و ضحك عليها من نيتوا حتى درسة لعقل بانت...

إسلام معجبها حال جمعات حجبانها وقال:

_ علاش كضحك عليا الباسل ؟!!

أركان نطق بستخفاف : ياك ألالة إيوا شوفي غير وجهك كيف ولااا"قرب منها كتر وهمس في أدنها" كنموت في هاد لبرائة لي فيك...

هز إيدها وقبلها بدفئ ورجع كيتقرب منها وهيا بغا غير كيفاش تهرب منوا ...

بدا تيقرب منها وعينيه فيهم لمعة زجاجية ونوع من البريق فشكل بتاسم جنب ويالله غينزل يقبل شفيفها لي مساخيش بمداقهم حتى تهز قلبها ورجفات بين يديه بالخوف مني سمعات دقان مجهد في لباب خسر ملامحوا ما عجبوا حال..

إسلام بشفايف تيرجفوا نطقات:ويلي ويلي ويلي

أركان قصح الشوفة فيها ونطق بستغراب: علاش كتويلي مالنا مصاحبين ولا كنديروا شي حاجة حرام راك مرتي على سنة الله ورسوله تهدني ا إسلام ...

إسلام فشلت ما قدرت لا تنوض ولا تجلس بقات على نفس لوضعية ولات تخرج ودخل في لهضرة:

_سير خرج لا لا لا هما في لباب أمم تخبا في لماريواا لالا لماريوا صغير نقز من شرجم لالا هاكا غتموت ....

ما سكتاتش من لهضرة ولات كترعد غير بوحدها جابت ليه تمام وهوا ينزل لمستوها وسكتها بقبلة دافئة ونطق بصوت حنين جاب ليها تبوريشا ...

أركان:تهدني أحبيبة اوك ما واقع والواا خودي شهيق وزفير رتاحي ...

إسلام سرطات ريقات وبقات كترمش ما مستوعباش هاد شي لي ولات عيشاه ...

جمع لوقفة غينوض و رجع تحنى لمستاواها قبلها بخفة ما ساخيش بطعم شفايفها

خشا إيدوا في جيبوا جبد منوا مشوار فيه أول حرف من إسموا A وتقابل مع لمرايا مسح بيه لعكر ديالها لي لصق ليه جنب فموا خشا إيدوا في جيبوا وتحنى هز لمانطة من الأرض ساسها وغطاها بيها وببتسامة مزينة ملامحوا حنحن بصوت رجولي ونطق :

_ملي نتعشاو وجدي راصك ليوم غتمشي معايا نوريك لفيلا لي في كازا...

إسلام عينيها خرجوا بصدمة وقلبها ولا يضرب أضعاف ولي زاد على ما بيها كتر هوا مني بان ليها اركان غيفتح لباب:

_فين غنمشي معاك اويلي لا لا ما تحلش لا لا حشومة ...

ما تسوقش لكلامهاو فتح لباب خرج عادي قدام توبة وأمينة بحالي ما دار والوا شافهم تيشوفوا فيه مصدومين حرك ليهم راصوا كتحية وبتاسم جنب حط إيدوا في جيبوا ونزل أمام أنضارهم...

دخلات توبة هيا وأمينة تيجريوا لبيت لقاو إسلام على نفس وضع متكيا فوق نموسيتها كترجع نفس ولعكر دايع في جنب فمها ...

أمينة غمزات توبة وقالت ببتسامة:شنوا وقع

بينتاكم أ إسلام حتى خلاك في هاد الحالة "بجدية أكبر نطقات"يكما قضيتوا لغراض باش كتحسي ...

إسلام جلسات مصدومة من داك شي لي وقع تحرجات من كلام أمينة وقالت :أش كتخربقي راه غير بغا يهضر معايا ...

توبة جلسات جنبها بعدما بتسمات جنب:سيرا تكدبي علينا في وجهنا وداك لعكر لي دايع في جنب فمك شنوا نسميوه ...

إسلام عضات فمها من لداخل بإحراج مني تفكرات شنوا وقع ما صابت كيدير ليهم وهوما واقفين فوق راصها كي قابط عمرها بعصبية ردات:

_ما كين والوا وزيدن واش نتوما سوقكم ياك هداك راجلي شنوا داخلكم نتوما "جمعات حجبانها" ودخول شبوقات هادا...

أمينة حطات سبعها على دقنها وقالت: وشوفي ليك سيدة ما بقاتش ساهلة مني تزوجات قلبات علينا...

توبة جمعات لوقفة ما عجبها حال: نوضي أختي نمشيوا في حالنا غير سولناها تسيفات علينا الله يستر تقولي هاد أركان شربها شي حاجة..

إسلام جلسات ودمعة طاحت جنب عينيها بصوت هادئ نطقات مزيرة بالبكاء:

_قال ليا نمشي معاه ليوم ...

توبة رجعات جلسات حدها مبهوضة وأمينة نطقات ببتسامة:

_وأش فيها أختي راك مرتوا وحلالوا سيري معاه عادي فين هوا لمشكل ...

توبة حطات سبعها على دقنها وبتنهيدة طويلة نطقات:كلشي جا مزروب وما درتي حتى شهادة عند طبيب...

أمينة بغباء نطقات:مالك تسطيتي اشمن شهادة سيدة غاديا مع راجلها ماشي غيبات على لمدراسة باش دير شهادة

توبة دربتها لراص:اش هاد لكلاخ لي طاح عليك تنهضر على شهادة العذرية راه ضروري منها والى سيد نكرها ودار شي مصيبة وفي لخر قال ليها ما لقيتكش بنت ورجع لومة عليها اختي رجال مافيهم تيقة والأغنياء شحال منهم تزوجوا ببنات صغار فقراء طمعوهم بالفلوس وخدوا لي بغاوا من بعد كركبوهم بحجة ما لقيتكش بنت...

إسلام كلام ختها زاد على ما بيها والخوف تسلل لقلبها دموعها بداو ينزلوا شلال وبصوت باكي نطقات:

_وشنوا المعمول دابا ؟!

توبة حركات راصها كتفكر عضات فمها من جنب

و قالت:عادي مني تكونوا شادين طريق قولي ليه يديك عند شي طبيبة وديري شهادة وخبيها حسن ما تولي فشي مشكلة....

إسلام دورات عينيها جيهت أمينة والخوف قاتلها هيا ما كتحملش سبيطارات وعاد أركان كتحشم منوا بزااف كيفاش غدير حتى تقولها

أمينة حركات راصها مأيدة توبة:أييه الخوادرية خاصك ديريها ماشفيتيش سيد شحال لباس عليه وغير صداق عطاك فيه70 مليون بحال هادا تخافي منوا ماشي معقول يعطيك هاد لمبلغ كامل غير هكاك ...

إسلام ولات بحال لحنش لي مقطوع ليه راص كدور عينيها محتارة و راصها داخ عليها و بزااف ديول الأسئلة هجموا على عقلها دقة وحدة شافت حتى عيات ونطقات بتنهيدة طويلة:

_عندكم الحق شوفوا غير مرت خوه باها عندوا بزاف ديال شركات توع اتاي وحتى أركان كانوا يقدروا يزوجوه بشي بنت من عائلة غنية إدن علاش ختاروني أنا بضبط ؟

أمينة تمشات ناحيت ضواء شعلاتوا وبغمزة قالت:حتى من ضوا طافينوا ياختي ما عندكمش لاش تحشموا وسيرا تقولي'عوجات فمها و قلدات إسلام' أش كتخربقي راه غير بغا يهضر معايا' باين فيه هضر معاك بالمزيان

إسلام تزنكَات مسحات دموعها وردات: وصافي باركا من لهضرة كتحشومني

توبة وجهات كلامها ل أمينة : ضربي ليا غير على لفم كيف ولا بالعكر سيد على شويا و ياكالها

أمينة عينيها لمعوا حطات إيدها تحت ضقنها ونطقات:اوددي فكرتيني غير في كريم توحشتوا بزاف مسكين

توبة حركات راصها وبتسمات :وقولي توحشت داك شي ماشي كريم

أمينة هضرات بتنهيدة خارجا من الاعماق:

إيوا أختي بزوج ما يسخا بيهم لواحد ههه

"دارت ناحيت توبة قالت" الله يعوضك بشي ولد ناس لي يكون كامل مكمول تعيشي معاه حياتك حتى نتي

توبة بحزن نطقات:حياتي دابا هوا ولدي بغيت نوصلوا ونقريه و نشوفوا راجل مهم في لمستقبل ونخدم ميمتي باش ندي رضاها

إسلام خرجات من لمانطة وعنقات ختها:ختي نتي مزال صغيرة ودابا ربي يجيب ليك شي ولد ناس يعوضك إنشاء الله وتيعشي معاه بيخير

توبة حركات راصها وبحسرة نطقات : أنا ههه فاتني لكار شكون لي غيديها في وحدة مطلقة بحالي

أمينة عينيها دمعوا :لا متقوليش هاكا توبة كتجيني بعض لمرات كتهضري بحال شي شارفة مالها المطلقة ماشي إنسان نتي يالله عندك24عام بقا تجيبي سيد رجال

توبة مسحات دمعة طاحت جنب عينيها بالخف وبعدات من ختها ناضت بزربة جابت مشورا مسحات بيه لختها وجها..

_خاصنا رجعوا دابا نقادوا ليك لمكياج من جديد خسارا لكوفورا نص نهار وهيا تصوب ليك جيتي نتي دقيقة دمرتي ليها كلشي

إسلام بنخفة ردات:ما بغيت بوا مكياج خليوني نزال غير هاكا حسن

أمينة جبدات صنيديقا في لغوز عامرا مكياج حلاتها وقربات من إسلام..

_ ليوم نهار كبير في حياتك ناس كيتسناوك تنزلي عندهم والحاجة هيا ونرجس من قبيلا وهوما يسولوا فيك وبغا تهبطي عندهم بحال غرابة مالهم جاينين يعزوا فيه...

توبة و قفات فتحات لماريوا جبدات منوا فراشة في الأحمر مسلن طوق مطروز بالعقيق وصم وشربيال ديال صم من لي جابوا أهل لعريس..

أمينة قربات حدا إسلام بدات تحط ليها لميكاب بزز منها وهيا تدرب على لحويج لي لابسا

أمينة جمعات حجبانها بتسأل:اش درتوا شنوا وقع بينكم شفت حتى من حويجك محيداهم ليك بقات ليه غير لبيرميدا أو سليب سمطة ودوبياس كون تعطلنا شويا كنا نلقاوك عريانا

إسلام ضربتها لكتفها:تفوو مخك خامج راه أنا لي حيدت لقفطان دارلي لخنقة تقيل بزاف

أمينة دورات راصها:هيا كنتي مزروبة

توبة تهزات كتضحك من نيتها وبين يديها كولي ديال الألماس :وشوفي ناس نساو روسهم وحتى من الألماس ما عقلوا عليه

إسلام وقفات كتلبس: نوضوا شوفوا ما تقديوا مالكم ديرين ليا لانكيط وليتوا محققات "حركات راصها " حتى لا دارتها أمينة جات معها هبيلة و راجلها كوميسر نقولوا تعادات منوا ونتي أختي مالك ما كتشوفيش فيا تنموت من لحشمة ومن لفوق ما رعيتيش ليا اش بغيتوني نلوح راصي من شرجم عاد ترتاحوا

توبة حطات إيدها على فمها: برا ولباس عليك

يالله فرحنا بيك بغيتي تنكديها علينا

أمينة دورات راصها وقفات :نوضوا دغيا ناس من قبيلا وهوما جالسين يتسناو "بتنهيدة طويلة قالت " غيبقا دارني راصي ليل كلوا بغيت غير نعرف شنوا لي وقع بينكم

إسلام لبسات شربيل في رجليها وقدات شعرها عضات فمها من لداخل ونطقات:

_عمرني أختي سولتك أشنوا لي تيوقع بينك وبين كريم وكوني تحشمي وباركا ما تزيدي تحرجيني كثر...

توبة خرجات عينيها في أمينة :باركَا حشمي شويا ونتي مقصدرا يا لاطيف زيدي قدامي

دخلات حشمانة لصالون وراصها منزلاه الأرض و عينها هيا لخرة ما هزتهاش فيهم زينها باهي وعاطي لعين ...

توبة وأمينة غير وصلوا لتحت حموها لصلاة والسلام على رسول الله وزغاريت و ما دخلوش لسانهم لحلقهم...

جلسات حدا الحاجة لي نادات عليها مقابلا مع أركان لي ما نزلش عينوا عليها مني دخلات

الحاجة خديجة ببتسامة نطقات:تبارك الله ما شاء الله

المختار حرك راصوا وقال كلام لي باين من خلالوا أن إسلام عندوا عزيزة بزاف حط إيدوا على ركبة أركان ونطق:

_تهلى فيها اولدي راها بنتي هادي نتا راك بحال ولدي لي مارزقنيش بيه الله رد ليها لبال وحميها لي داز عليها ماشي قليل تيتمات في عمر صغير

أركان حط إيدوا على إيد لمختار و ببتسامة مزينة ملامحوا نطق: إسلام غنديرها في عينيها ما محتاج توصي

سي لعربي'أب أمينة' قاطعوا:أش كتقول أسي لمختار إسلام ما عمرها ما كنت يتيما ما حدي انا عيش أنا باها الى قبلات عليها

إسلام عينيها دمعوا وجرحها لي في قلبها من جهة باها لغالي لي فقداتوا في سن صغيرة وتحرمات من حنانوا عود تفتح ودموعها داروا خط على حناكها خلات كلشي يبكي معاها والحاجة خديجة عنقتها بدات تصبر فيها هيا وفريدة أما رحمة ما صبراتش قدام بنتها تاترات وما قدارتش تبكي قدامها دموعها نزاوا بسرعة وهيا تسلا من بينهم وهربات للكوزينة..

الحاج حنحن بصوتوا ونطق:بنتي إسلام ما تبكيش بغاه الله وداه أنا ديريني باك وديريني جدك

عدنان قاطعوا : الواليد أنا نسيتوني عنداك أبنتي إسلام انا هوا باك يشرفني تكون عندي بنت بحالك نخرج أنا وياها ونمشيوا لكولف او تنفرجوا في لكورة جميع اش قلتي

إسلام مشاعرها تخلطوا مابين لبكية والفرحة

بصوت باكي نطقات:

_أه عمي شكرا بزاف فرحت بزاف بهضرتكم

عدنان جمع حجبانوا وغوبش: ايوا الى بغيتي تشوفيني فرحان أبنتي عيطي ليا بابا

إسلام بتسمات ببرائة تحت نضرات أركان لي بقات فيه بلا قياس وما كرهش ينوض يخشيها في حضنوا باش يخفف عليها

فتحات شفيفها ونطقات لكلمة لي كانت مشتاقة من صغرها باش تقولها"بابا"أقشعر بدنها وفرحة غمراتها من لداخل ياما كانت تشوف لبنات لي قدها من لمدراسة خرجين ويديهم في يديه بواتهم وكيبقا فيها لحال كتخبى وتبقا تبكي بصمت

وقفات ناحية عدنان وخطفات إيدوا بغا تطبع فيها قبلة رضا وأنها فرحانة بيه ولكن هوا منعها وقف وعنقها قبلها في راصها بحنان ونطق:

_ما كينش لاش تبوسي يدي أبنتي أنا راضي

عليك دنيا وآخرة"ضار عند ولدوا وقال بتحدير" تهلى في بنتي الى قلقتيها شي نهار غندمك بالمزيان

أركان حرك راصوا بإجاب و فرح من قلبوا الأول مرة غيفتاخ بي باه وليوم كبر في عينيه بزااف

قاطهم دخول توبة وأمينة جايبين لناس يغسلوا يديهم دخلات توبة هيا لولة كتغسل لناس

وموراها أمينة هزا لفوطة بين يديها ما داتهاش في زربية قدامها وهيا تجيب ربحة جات طيحا وسط منهم على فمها بقفطانها وطالونها تهز صالون كامل بصوت ردااااز ديالها وكلام لحاجة لي وقفات على طولتها هزات يديها فوق راصها و قالت:

_أ رسول الله ،الله يا بنيتي الله

أمينة ما رداتش قدام لعائلة ونجلاء لي بغاتها فيها بقات هكاك طيحا في الأرض كتشوف فيهم حتى ناض باها لعربي وإسلام نوضوها جلسات بينهم مخسرا ملامحها وحاطا إيدها على ركبتها لي كتعطيها لحريق...

إسلام بقلق نطقات:كتضرك نجيب ليك ثلج

أمينة حطا إيدها على ركبتها عوجات فمها بألم وقالت:شويا صافي بلاش هادي غير شي عين ضرباتني ولاد لحرام حاضيني

إسلام بخفوت قالت في ودنها:طيرانك لي جابها ليك ناري أصحبتي تفرشختي بحال شي كَرعة ههه

فريدة قاطعاتهم :بقاي ترضي بالك أبنتي هاد طيحات لي تيجيوا على غفلا واعريين

أمينة حركات راصها بإجاب ما عاجبها لحال تربط ليها لسان قدامهم شافت ناحية عمر ونجلاء ونرجس لقات ووجوهم حماروا وكيتهزوا حابسين ضحكة لداخل ...

غسلوا يديهم ومن بعدها حطوا لعشاء المكون من لحم بالبرقوق والسفة مزينة بالقرفة وسكر كْلاصي ولوز مهرمش وزبيب ولبسطايلا بدجاج مصوبلا على حقها و طريقها وديسير ولمنادا الخبز ديال لمخبازا ...

الحضور كالوا وفي كل دغمة بقاو يشكروا الأطباق ديال عائلة لعروسة لي طيباهم بنين

تم غسلوا يديهم وتجمعوا على كاس ديال أتاي ولفاكية كيتعاودوا على طرائف ديال ولادهم مني كانوا صغار ويضحكوا فرحانين...

بقاو تايديوا ويجيبوا في لهضرة فرحانين حتى لوقت تعطل بزاف وطاح ضلام كثر عائلة راضي ودعوا عائلة إسلام ما سخينش بيهم دغيا توالموا معاهم وكل ركب في سيارتوا شدوا طريق راجعين لرياض بينما أركان بقا يتسنى إسلام باش يديها معاه لكازا من بعد ما خدا الإدن من عند عائلتها أما عائلتوا ما تدخلوش فيه الأنها مراتوا وعندوا لحق يديها معاه فينما بغا...

إسلام جبدات ساك صغير من لماريوا هزات فيه جوج بيجمات باش تبدل أو حويج ديال لخروج مستورين وبرودويات ديال لجسم من كريمات ديال يدين ورجلين وكلوص بارد ما هزاتش معاها لمكياج حنت ولات عارفا أركان ما يبغيش مرتوا تخرج مزوقة في زنقة..

دخلات عليها أمينة شادا من ركبتها عوجات فمها وقالت:على شويا ما كنت غنتكْرض تفوو مقابلين غير لحضيا في هاد درب

إسلام وقافا ساهية قلبها مزير عليها ودمعة حبساها بين سنانها وفور ما كتفكر أنها غتبات مع أركان تحت سقف واحد في مدينة غريية قلبها تسارعات نبضاتوا بالخوف...

أمينة جرات ليها صاك من بين إيدها بجهد حتى قفزتها وقالت:اري لهنا نشوفك شنوا غدي معاك"فتحاتوا وبدات تلوح داك شي فوق ناموسية

دخلات لعندهم توبة طالقا شعرها الأسود ولابسا بيجاما حد ركبة باردة حنت لحال سخون حطات سبعاها تحت ضقنها وعينيها وساعوا مني شافت لحويج لي بغات تدي ختها..

إسلام وجهات كلامها ل أمينة مكمشا حجبانها بغضب:اويلي أنا من صباح وأنا كنجمع جيتي نتي دربتي ليا كلشي في زيروا

أمينة قلبات عينيها من تحت سنانه نطقات :هادوا حتى هوما عندك حويج ديول لعروسة اويلي بغيتي ضحكي فيك راجل وتي هزي دوبياس في لحمر والأخرين لي في لكحل جداد غيجوك فنين وحيدي هاد لبياجاما تعت فلة غتباني قداموا برهوشة بيهم أصحباتي وخودي "شارات بصبعها" دوك شوميز دونوي ديهم معاك ولبيجامات لقصار لي خدات ليك مي رحمة في دهاز

إسلام قاطعتها بخجل:لا حشومة كلهم عريانين

توبة جلسات حداها بفقصة نطقات:اويلي على حشومة ندب هك ولا هك

إسلام هزات كتافها ونطقات بجدية:لا أختي ما انلبسهمش هيا ما غلبسهمش

توبة حطات إيديها جنب خصرها وشارت لحويج بالإيد الأخرى ونطقات مفقوصة :

_وحنا بسلامة لمن شريناهم أختي تسناي نفكر اه واقيلا خديانهم لجداتي لي في لقبر هيا لي غتخرج تلبسهم باش تحيي دكرة مع جدي الله يرحموا

أمينة وقفات مقصحة من رجلها وجرات لباليزة لمتوسطة بين تلاتة لباليزات ودارت شرع يديها

هيا وتوبةوبدوا يحطوا شوميز دونوي وبيجامات لقصار ودوبياس جداد المكياج

إسلام حبساتهاونطقات: لا ما تحطيش لميكاج ،أركان ما تيبغينيش نديروا في زنقة

توبة نطقات بستهزاء :وشكون لي قال ليك ديرهم في زنقة اويلي بغيتي تبقاي دوري حدا سيد في دار صفرة بحالا خارجة من سبيطار هادو ديريهم في دار ورشي من لبرفان تعطري وتقادي قداموا باش متخليهش يشوف في لبنات لي برا...

قاطقتهم رحمة بدخولها لبيت عند بنتها وقفات توصي وتعود فيها باش ترد لبال لراصها ومتقلقش راجلها ورضات عليها من قلبها ونزلوها في دورج لعندوا وهيا قلبها تيضرب بجهد لدرجة حاسا بيه غيسكت...

خرجات قدام لباب لابسا سروال جينز في الأزرق غامق وقميجا طويلة في الأبيض وسندالا خفيفة ديال صبع في رجليها ونقش ضاهر مزين رجليها من لتحت ومعاها توبة وأمينة ما ساخينش بيها مصبرين راصهم بزز وخا هيا غتغيب غير يومين وترجع ولكن ما قدوا على فراقها

ودعاتهم ودموع في عينيها تم تقدمات بخطوات هادئة نحو أركان لي واقف حدا سيارتوا خاشي يديه في جيبوا غير لمحها نزلات تقدم حداها بخطوات مسرعة خدا من عندها لباليزا حطها في لكوفر وقرب منها فتح ليها باب سيارة

توبة خرجات رشات لملح في طريق كلها لي سلكاتها إسلام حتى لطموبيل قبل لا تنزل ختها

حنت خيفين عليها من لعين....

أركان بتاسم جنب وتقدم لعند رحمة لي بانت ليه كتبكي بصمت نزل قبل إيدها بلطف وقال:

_لالة رحمة ما تخفيش على إسلام غنديرها في عينيها دابا هيا ولات مسؤولة مني وفيا حسبيها بحالا معاكم في دار

رحمة مسحات دمعة لي طاحت جنب عينيها ونطقات:

_الله يرضي عليك أولدي تهلاى فيها بنتي حساسة بزاف وعلى اقل حاجة تقدر تبكي

أركان ببتسامة مزينة ملامحوا نطق بعدما طمنها بعينبيه :غنتعامل معاها بحال لماء لقليل غير رتاحي ليا أمي رحمة

رحمة رتاحت من هضرتوا بتسمات بخفة وبقات تدعي معاهم:

_ردوا بالكم في طريق اولدي ليل هاذا سيروا الله يرضي عليكم

سايق بإيد والأيد الاخرى مخرجها من شرجم راد لبال مع طريق حنت ضلام وضبابة كطيح كتحجب عليه رئيا ومرة مرة كيلتافت عند إسلام تيرمقها بنظرات كلهم حب عكسها هيا لي ما مهتماش بيه...

إسلام كسرات صمت طويل لي بيناتهم ونطقات:كون غير بقينا حتى لصباح تعطل لوقت بزاف 12:30 هادي ...

أركان حنحن بصوتوا و ورد عليها بجدية: عندي إجتماع مهم غدا في صباح بكري وقلت نديك معايا تشوفي لفيلا ومنها تبدلي لجواا ...

إسلام دورات عينيها جنب في طريق لمضلمة ونطقات بنتهيدة طويلة كلمة لي خلاتوا يحس بنوع من لفرحة غمراه : شكرا حنت كتفكر فيا ...

أركان حك لحيتوا من لتحت ونطق:هادا واجب ألالة إلى ما فكرتش فيك نتي فيمن غنفكر

إسلام دورات وجها عندوا و بتسأل قالت: علاش تزوجتي بيا؟!

أركان بعدم فهم حرك راصوا:شنوا قصدك ؟!

إسلام بصوت أنثوي رقيق جوبات:قصدت علاش خترتيني أنا من بين ألاااف ديال لبنات لي لباس عليهم خليتيهم وختاريتي وحدة بحالي ؟!

أركان عض فموا من لداخل وحرك راصوا ونطق بصوت حنين:

_نتي حسن من كلشي و فاش غيجي لوقت لمناسب غتعرفي كلشي ...

إسلام خيفا بزاف من لي جاي ومع ذالك كتحاول تهضر عادي باش ما تبينش ليه حولات تبتاسم بزز منها بعدما مسحات دموعها لي تيطيحوا من جنب عينيها ...

أركان رمقها بنص عينوا بانت ليه ما عجبها حال هز إيدها وقبلها من لداخل بحنان جاب ليها تبوريشا :

_هششش علاش كتبكي ؟!

إسلام بصوت باكي نطقات:توحشت ماما

أركان حبس ضحكة بين سنانوا من كلامها طفولي ومسح ليها دموعها وقال: غتبقاي لاصقة في لالة رحمة طول حياتك أحبيبة ماشي معقول

بملامح دابلة حزينة نزلات راصها: لا ماشي هكاك غير ما كنتش ديرا في بالي غنمشي معاك ليوم كون علمتيني قبل كان غيكون حسن ...

أركان شابك أيدوا مع إيدها :كنعتاضر منك سمحلي ليا أنا لي درت لافوت ...

إسلام قلبات عينيها بملال وبتسأل نطقات : ممكن نشعل راديوا ما تنحملش صقيل ...

تبسم بحنية وعينين كيبريوا: مرحبا كلشي ديالك

طغطات على زر تشغيل ديال راديوا وبقات كتستامع لبرنامج حتى داتها عينيها من لعيا....

بعد ساعات قليلة وصلوا وقف سيارتوا قدام فيلا راقيا جات جنب لبحر نزل فتح لباب بان ليه لعساس لي مالف يحل ليه لباب ناعس فوق كرسي معنق عصا بقا فيه ومبغاش يفيقوا هز ساروت فتح لباب لكبير ودخل طموبيل وقفها قريبة لباب لدخلاني لفيلا ونزل جبد منها لي فاليز حطهم وسط دار بعدما فتحها ومشا جيهت إسلام فتح لباب بانت ليه ناعسا بحال شي ملاك وشعرها مغطي ليها وجها..هزها بين يديه وهيا تفيق مخلوعة كترعد بحالا فقدات داكرة...

_فين أنا ؟! شكون نتا ؟! أععععع علاش خاطفني ...

أركان تبهض من تصرفها وطمنها بعينيه قائل:

_هشش تهدني نعسي هادا غير أنا سيد لي تزوجتي بيه ليوم "حرك راصوا" أركان ...

إسلام غير جبد ليها حس زواج تفكرات شنوا يمكن يوقع ورجعات غيبات بين يديه ديرا براصها ناعسا....

هازها بين يديه كيف ريشة دخلها لبيت نعاس ديالوا لكبير لمفراش بالون الأسود ورمادي ...

حطها بشوي فوق سرير وتحنى لعند رجليها حيد ليا صندلة وهيا تحرك صبيعاتها من لمستوا جاب ليها هر في رجليها ولات تضحك بلا هوها مغمضا عينيها عاق بيها وعض فموا من لداخل كيصبر في راصوا...

تمشى ناحية لبلاكار ديالو فتحوا وجبد منوا سروال توب رمادي وتيشرت في لبيض وبوكسور ولفوطة حطهم جنبوا وقرب ل إسلام حركها بشوي باش تنوض تبدل حويجها بصوت خافت قال:

_حبيبة نوضي بدلي حويجك ...

إسلام دارت براصها ميتة وحتى من تنفسها حبساتوا لداخل ...

هز حاجبوا ونطق بتحدير:غنمشي ندوش فاش نخرج الى ما لقيتكش بدالتي حويجك غنبدلهم ليك بنفسي ...

إسلام سرطات ريقها بصمت وجمعات لفراش بين يديها بقبضة من لخوف أركان عض فموا من لداخل ونزل لمستوها طبع قبلة عميقة خلا داتها كلها ترتاجف وتمشا عادي خدا لفوطة بين يديه و دخل لدوش...

إسلام وقفات بزربة جبدات بيجامات بانوا ليا مقزبين بزاف هزات وحدة لبستها بالخف بقاوو سيقانها وفخاضها عرينين بزاف وهيا طيح عليها فكرة و لبسات تحتهم جوج كولونات وزادت جوج بيجامات من لفوق خايفا على راصها منوا و كتبدل حويجها وحاضيا لباب ديال لحمام لا يخرج ويحصلاها غير سلات سدات لباليزا وتخشات في بلاصتها مدورا عليها لفراش بحال لمكفنااا...

خرج من دوش لاوي فوطة على خصرو و فوطة صغيرة فعنقو و قطيرات د الما مهودين مع صدرو و شعرو فازگ قرب ناحية إسلام بانت ليه غارقا في نومها ديال بالعاني نشف داتوا وشعروا بالفوطة وتمشى ناحية لبلاكار جبد فوقيا طويلة في الأسود لبسها وهز سجادة وخرج من لبيت مشا لبيت لاخر باش يصلي ...

إسلام حلات عين وحدة بشوي وفاش حسات بيه ما كينش حلات عينيها تانية ودورات راصها في لغرفة لي حمقاتها غير لمساحة ديالها كتبان قد دارهم تنهدات براحة مني ملقاتوش حتى كتسمع صوتوا وهوا كيرتل بعض الأيات من لقرأن لكريم انبهارت من جمال صوته وحسات بواحد راحة لا مثيل لها...

رتاحت بزاف وغمضات عينيها بقات عطياه ودنها كتصنط ليه حتى نعسات براحة...

مني صلاة صلاتوا وسالا جمع سجادة طواها مقادة أو رجعها لبلاصتها بعدما حيد ملابس صلاة ولبس حوايجوا تنهد من الأعماق حس بطاقتوا ستنزفات وجسدوا أنهك بالعيا يومين ما شاف نعاس ما داقوا تخشا حدا إسلام بعدما تحنى قبل راصها بحنية ومشا في نوم عميق...

حلات عينيها وحبات ديول لعرق معمرين جبهتها وداتها كلها سخونة بكترة لحويج لي لابسا دورات عينيها في لجناح لي ناعسا فيه شافتوا مزيان بفضل أشعة شمس لي مبيناه تبهرات بشكلوا ،

نفخات بجهد من صهد او وقفات حيدات عليها لغطاء وهزات تيليفونها لقات ساعة 11:00 ديال نهار هزات فوطتها وهزات بيجاما قصيرة أو دوبيس في لحمر من باليزتها بسخط وشامبوا ديالها وفاندوش ديال فاني ودخلات للحمام حلات فمها من شكلوا تمشات بخطوات بطيئة كتكتاشف جميع زواياه حطات لفوطة وحويجها جنبها وعمرات لبانيوا دورات راصها حدا لماريا لقات شامبوا رجالي ديال أركان هزاتوا شماتوا حمقاتها ريحتوا ديال نعناع وبرفان وباقي الأشياء لي كتخص رجال عضات فمها من لداخل وقالت بتنهيدة طويلة :

_باين فيهم غالين سعداتوا 'حطات سبعها على ضقنها وهضرات مع نفسها' ها علاش كتبنجي يا إسلام مني تيقرب منك قول لقادية فيها هاد شي لواعر

حيدات لبيجامة لولة وتانية وكمشات حجبانها بقلق تمشات على طرف صبعانها ديال رجليها بلخف ناحيت لباب ديال دوش سداتوا من لداخل وبقات تأكد شي تلاتة لمرات بأنه مسورت عاد حيدات باقي ملابسها وتخشات في لبانيوا...

إسلام مزال ما متقبلا زواجها وغير ريحة أركان وشوفا فيه كتخلي قلبها يضرب أضعاف وعاد مني كتفكر ليلة دخلة لي ما عارفة عليها والوا من غير بعض الأشياء لي سامعا في لجروبات ديال فيسبوك خاطئين جاهلا عليها بزاف ديال لمعلومات حنت كتحشم من مها وختها بزاف داك شي علاش ماكتقدرش تجبد معاهم لموضوع و تسولهم غير كتفكر في لموضوع كتزير عليها معدتها تقلب بالخلعة وخا كانت تحلم تزوج بسفيان وكانت حاسبا لعدد ديال لولاد لي غتولد معاه ومسمياهم ولكن ما عمرها ما فكرات في العلاقة الحميمية لي غتجمعها بيه ومني كان تيوقف قدامها تتشوف فيه عادي ما كتحس بحتى حاجة من جيهتوا وكتهضر معاه بأريحية بحال خوها حنت مولفاه وبسباب داك لولف ترسخات في عقلها فكرة أنها كتبغيه حنت كبر منها كان قريب ليها في لوقت لي كانت محتاجة أب كان سفيان بحال باها لي تيخاف عليها وتيحميها من شارع أما لحب ولحنان يالله بدات تكتاشفهم مع أركان...

خرجات من دوش شعرها فازكْ ورجليها حمرين بالحناء نشفات شعرها بالفوطة حنت عكزات تشعل سيشوار...

هزات تيليفونها بين يديها و دفعات باب لجناح حطات راجلها براتوا خراجات غاديا كتمشى وكتكتاشف فيه عجبها شكلوا وفراشوا راقي طير ليها لعقل نزلات لتحت لقات طبلة كبيرة فيها لفطور أو محطوط حداها ورقة صغيرة أو وردة حمراء هزاتها كتقرا فيها

صباح نور حبيبة فطورك راه واجد مني تسالي تفرجي في تلفازا ولا طلعي لمكتابة لفوق قراي شي كتاب ولا خودي طابليت تلفي بيه لوقت بينما جيت عندي جتماع مهم وغنحاول باش متنعطلش عليك شفتك ناعسة مرتاحة ما بغيتش نفيقك نخصر ليك نعاسك تهلاي فراصك

حطات لورقة من بين يديها وجرات كرسي

جلسات فيه بقات كدور في عينيها تالفة كتشوف في داك لخير لمحطوط قدامها ما عرفات باش تبدا تنهدات من الأعماق وهزات كاس ديال لعصير جلسات تبرد بيه وخدات بتيبان بشكلاط دوزات بيه فطرات وعمرات لكريشة مني سالات هزات لمعان وبقات كدور تالفة كتقلب على لكوزينة لقتها وتنهدات براحة هزات باقي صحون دخلاتهم لكوزينة وحطاتهم وحشمت ما بغاتش تخليهم تما حلات صنبور و معرفات كيف تغسلهم مع هيا صغيرة مفشينها وتوبة هيا لي هزا لحمل مني كانت صغيرة تعلمات كلشي وحنت إسلام عزيزة عندهم كانوا مخلينها في راحتها....

ساطت بجهد ساخطا وهيا تلمح ماكينة لماعن فرحات من قلبها حلاتها ومعرفت كيفاش تخدمها هزات تيليفونها ودخلات ليوتوب

شافت طريقة وخوات طباسل شي في شي وغطاتهم ودخلات لماعن كاملين لماكينة يتغسلوا دورات راصها في لكوزينة وقالت ببتسامة :

_تبارك الله فين تبان كوزينة ديال شميسة قدامك ألالة لكوزينات

خلاتهم يتغسلوا وخرجات لحديقة وقفات حدا لمسبح مبهورة بشكلوا قربات شافت صورة إنعاكسها على الماء وحسات بدوخة...

شدات من راصها بالخوف مني شافت لعمق ديال لمسبح ،هيا لبحر كتموت بالخلعة منوا ما تقدرش تعوم بعدات منوا هربانااا...

ورجعات دخلات نيشان لصالون لي فراشوا عصري جلسات فوق لفوتاي قدام لبلازما وطوات يديها عندها وسرحات رجليها على طابلة ديال زاج لي قدامها غير شافت شكل حويجها سيقانها لعريانين ما عجبها حال بان ليها ليزار محطوط جنبها لفتوا على جسمها بحال ساري...

وشعلات تلفازا كتفرج في برنامج وتائقي لوقت طويل ساهية حتى شمات ريحتوا لي سابقاه وخطوات رجليه ناحيتها....

لقا عليها تحية و حط لملفات فوق طبلة وقرب منها جلس مفرق رجليه وإيد حاطها على عنقوا نزل كتافوا وشابك يديه مع بعض ستقر بنضروا في الأنثى لي قداموا حادرا راصها وكتلعب بخاتم زواجهم بتاسم جنب ونطق سميتها:

_إسلام

إسلام هزات راصها بشوي:نعام؟

أركان ضرب على لباسها في هاد لحر وحرك راصوا بتسأل:صافا ؟ علاش لبسا ليزار فيك لبرد؟

إسلام تزنكَات رجعات نزلات راصها بخجل وقالت: لا غير حنت لابسا لقصير حشمت نبقا ندور هاكا

أركان بتاسم بخفة كيشوف ملامح وجها لجميلة نطق بصوت هادئ :ما كينش لاش تحشمي دارك هادي خودي راحتك

وقف وجا جلس حداها وهيا حناكها غيطرطقوا بسخونية دور إيدوا على عنقها فتح ليها لعقدة ديال ليزار أو وقفها طاح داك ليزار وهوا يبان لحمها بيض أو بيجامة كحلة لي لابسا قصيرة حد فخاضها بدون كمام كاشفا جسمها الأنثوي ومعريا بزاف ...

عض فموا من لداخل وعينيه كيبريوا دور إيدوا على خصرها جرها لعندوا والأيد لخرا حطا على حنيكاتها سخان بدفئ بدا يقرب منها وهيا قلبها تيضرب بجهد خطف قبلة دافئة من شفتيها الغوز حتى خرجوا عينيها بصدمة ،جا على مسامعوا أدان صلاة الضهر بعد منها ونطق:

_غنمشي ندوش و نتوضا باش نصلي من بعد غنطلب لغداء من شي مطعم وفي لعشية نخرجوا نتعشاو برا "حرك راصوا "بعدما نسالي خدمتي..

إسلام حركات راصها بإجاب ويديها كتجر بيهم بيجامتها كتهبط فيها لتحت ....

أركان مبغاش يزيد يحرجها مشا غادي عاطيها بضهروا لعريض طالع في دروج لجناح ديالوا إيد خاشيها في جيبوا والإيد الاخرى تيدوز بيها على شعروا وغادي كيضحك من نيتوا حتى كيبان صف ديال سنيناتوا لبيضين...

تنهدات براحة ومشات لكوزينة شربات لماء و رجعات لصالون جلسات خدات ريموت قلبات لقناة وهيا طيح عينيها في لفيلم لي كتحماق عليه " twilight " كيحكي قصة حب كتجمع بشرية 'بيلا' بمصاص الدماء 'إدوارد' وصراعوا مع المستذئبين مني غيعرفوا خبر حمل زوجتوا لكن المستذئب جايكوب غيولي يبغي بيلا وينضم لعائلة إدوارد باش يحميها حتى تولد وأثناء فترة حملها غيوقعوا ليها بزاف ديول لمشاكل صحية لي غتخلي إدوارد يضطر باش يبث سمه إلى داخل حبيبته... و بسبب داك سم وحملها من مصاص دماء غتحول بيلا إلى مصاصة دماء هيا الأخرى ومني غيعلموا الفولتري"قادة مصاصي الدماء بالعالم" خبر ولادتها غيحالوا الحصول على طفلتها بجميع طرق .....

إسلام ربعات رجليها عندها ونسات راصها متبعا مع لفيلم بنيتها و مرة مرة كتبسم بفرحة حتى قاطعها دخول أركان لي لابس شورط كحل قصير ولفوق عريان سدروا كيبان منفوخ وعضلاتوا بارزة وخصلات شعروا ساردين ونازلين على عينيه حاط نضارات طبية على عينيه وهاز بيسي أو بعض لملفات بين يديه كلشي كيبان فيه زوين تيحمق بزين وحروفوا كحلين وشخصيتوا لمتميزة عطياه واحد لجادبية كبيرة تيبان راجل بمعنى لكلمة إسلام بدون شعور حلات فمها فيه وبسرعة دورات عينيها من ناحيتوا بالحشمة تقبلات مع لفيلم ما نزلاتش عينيها منوا...

قرب حداها و جلس مفرق رجليه ولبيسي حاطوا قداموا ولملفات نزلهم فوق طابلة حداه بقا خدام وكيدير بعض الأتصالات مع لعملاء ديال شركات بعدما تاصل بمطعم راقي طلب منوا لغداء دور راصوا يمين وشمال ومسد بإيدوا على عنقوا زفر بجهد وحيد نضاضر حطهم فوق طابلة ولبِسيْ كذالك هز راصوا ناحية تلفازا وهيا تقلب لقطة وجا مباشرة في لقطة لحميمة لي كتجمع إدوارد وبيلا إسلام عينيها خرجوا بصدمة ما صابت الأرض تشق وتبلعها هزات ريموت بزربة بإيدين كيرجفوا باش تقلب سعا مع توتر والحشمة عاد ما زادت في صوت كثر ...

إسلام دورات راصها و سرطات ريقة بصعوبة غتموت بالحشمة مدات ليه ريموت: هاااك قلب هاد شي عفااااك

عض فموا من جناب وكمش حجبانوا بزوج بعدما

خدا ريموت من عندها قلب لقناة دور راصوا ناحيتها بانت ليه وقفات غادا هربانة

جرها من يديهابالخف وجلسها فوق حجروا جا ضهرها ملاصق مع كرشوا بصدمة جاتها لقوة سكتات فقط صوت أنفاسوا لحارة هيا لي بقات كتسمعها حدا ودنيها....دور يديه على خصرها جرها لعندوا كثر و بإيدوا دور ليها شعرها لناحية الأخرى حتى بان عنقها لبيض قداموا عريان...حط شفاه ديالوا على عنقها قبلها قبلة حنينة خلا داتها كلها ترجف غمضات عينيها و حسات بشي حاجة لعبات في معدتها من لمستوا...

قرب حدا ودنها ونطق بصوت شبيه للهمس كتسمعوا غير هيا:

_مبقيش تفرجي في داك شي"قصد لقطا" راه حرام

إسلام عينيها وساعوا وبخجل ردات :لا رااه غير ...

قاطعها بسؤال خلاها تحس بإحراج أكبر وما عرفات باش تجوبوا

أركان حنحن بصوتوا ونطق:إسلام واش ما كتصليش؟

إسلام فكرات حتى عيات ومن بعد جوباتوا بصراحة وتهنات: كنصلي وكنقطع تنعكز ما عرفتش علاش ما تنداومش عليها

《قال رسول الله صلى الله عليه وسلم: العهد الذي بيننا وبينهم الصلاة فمن تركها فقط كفر》

أركان شدها من خصرها دورها لعندوا تقبلات عينيهم مع بعض سكت لتواني كيتأمل في شكل ملامحها لي حفضهم وقال: صلاة مفروضة علينا أحبيية 'عض فموا من جنب ' تبغي تخلي خالتي رحمة تسناك شهور واعوام وحتى يقولها ليك راصك عاد تمشي تزوريها

إسلام دلات شفتها لتحتانية و ببرائة جوبات :لا ميمكنش هاكا غتوحشني بزاف وغاتغضب عليا إلى ما شفتهاش وتقدر تسخط عليا كاع

أركان بعينين كيبريوا :تماما هكاك الله عز وجل مني تنقطعوا صلاة لي كتجمعنا بيه تنوليوا بحال الى مخاصمين معاه واش تبغي الله يغضب عليك وتحرمي راصك من لقاء بيه في كل صلاة

إسلام دورات راصها بنفي ونطقات :لا غنرجع نصلي كنواعدك

أركان تبسم بخفة:ملي غنخرجوا في لعشية غنشري ليك حويج ديول الصلاة وغتولي تصلي معايا ديما

إسلام حركات راصها بإجاب فرحانة ونطقات ب:اه وخا

عرف أركان كيفاش يقنعها بكلاموا حتى ستجبات ليه وفهمات غلطها بغا يمشي معاها دقة دقة و غير بشويا دابا قنعها بصلاة ومن بعد يقنعها دير لحجاب حنت تمنى من أعماقو إيشوفها ديراه عن طيب خاطر...

هز إيديها بزوج لمزينين بنقش وقبلهم من داخل وعينيه تيشوفوا مباشرة في عينيها

لحظة صمت طويلة بينهم يغمرها تأملوا لوجهها البريء أحاسيس جديدة تملكاتهم بزوج ومشاعر غريبة عليهم...

إسلام كتشوف فيه برتباك وعينيها مرة مرة تينزلوا لعند سدروا وعضلاتوا لبارزة سالاوا معها..

.

أركان جرها لعندوا معنقها وراصها محطوط على سدروا لعاري وهيا قلبها غيسكت وغتموت بالحشمة طبع قبلة على راصها ونطق بصوت شبيه للهمس :

_الله يرضي عليك أبنت قلبي...

لابسا بيجامة باردة سميطات في لبيض ومخطا بالغوز بارد شكلها بحال لكسيوا وشعرها جمعاه على شكل ديال حصان وحاطا حلقات صغار عبارة عن وريدات في لبيض...

جالسا فوق كرسي في لمكتب ديالها وراصها تنفخ بكترة مسائل الرياضيات لي مداربا معاهم ما لقات ليهم لحل جاوها دروس صعاب حطات إيديها تحت دقنها كتفكر لوقت طويل ساطت بجهد وطاحت عليها فكرة خدات تيليفونها كتبات سميتوا في لبحث طلعات ليها بغات تاصل و ترددات في لول ومن بعد تاصلات بيه أبيل فيديوا...

عمر ضهر أدن عليه وهوا مزال ناعس عيات رحمة ما دق عليه ما بغا ينوض ليل كلوا وهوا سهران في ستوديوا مع صحابوا تيكتبوا أغاني جداد...

ناعس في هدوء حتى تسلسل صوت رنة الهاتف الأدنوا كمش حجبانوا بإزعاج من صوتوا لي ما سكتش من صونيت هز تيليفونوا ساخط غيجوب بلا ما يشوف الأسم ولا الأبيل فيديوا جاوب بصوت مبحوح وهوا مغمض عينيه:

_ألواا وي شكون معايا

نرجس كيبان ليها داك شي فشكل في شاشة حنت عمر حاط تيلي على ودنوا حركات راصها ونطقات سميتوا بصوت هادئ:

_عمر فينك ؟

غير سمع صوتها هز تيليفون شاف فيه وهيا تبان ليه كتشوف فيه باستغراب بسرعة جلس وقاد شعروا وتيشرت لي لابس

نرجس بتسمات بخفة وقالت:ويلي باقي ناعس

عمر هز تيليفونوا قابلوا معاه وتكا على لكادر ديال ناموسيتوا وجوبها بصوت مبحوح: ما نعست حتى لصباح صفا ؟

نرجس حلات فمها نص حلة غتسولوا اش كان تيدير في ليل من بعد تراجعات ودرات بناقص تبسمات وجوبات:

_صافا بْيَانْ ميغسي إتوا صافا؟؟

عمر رجع شعروا لور تائب عاد جوبها: لباس الحمد لله كيف درتي حتى تفكرتيني

نرجس صغرات عينيها ونطقات بتراجي:

بغيتك تعوني عفاك

عمر كمش حجبانوا ونطق بتسأل: مرحبا فاش بغيتي نعونك؟

نرجس كمشات حجبانها بقلق وبدات تهضر بزربة: عندي فرض في الرياضيات وما فهمت حتى زفتة واحد جوج دروس خرجوا ليا لعقل ما فهمت فيهم والوا حنت ماحدرتش للحصة مني كان لعقد ديال خويا أركان تشغلت معاهم وما مشيتش حاولت ندخل ليوتوب مع دالك ما فهمتش مالفا نفهم درس في لقسم صافي وتنحل لمسائل بوحدي ...

عمر بقا متبع ليها لعين تيشوف في ملامحها البريئة كيفاش كيتغيروا وهيا كتعود ليه حرك راصوا وقال :

_أشمن دوروس هادوا ؟!

نرجس ببتسامة:الهندسة الفضائية والمتتالياث العددية

عمر حرك راصوا ونطق بتسأل:معاش عندك لفرض؟

نرجس كمشات حجبانهابخوف: للأسف غدا مع تمنية

عمر قشر فموا من لداخل دور عينيه كيفكر ومن بعد نطق: عطيني نص ساعة بينما دوشت وفطرت ونتاصل بيك أبيل فيدوا نشرح ليك كلشي

نرجس بفرحة:شكرااا بزااف

عمر :هانيا الساطة خودي راحتك عادي منك من بنات درب كلهم تيجيوا عندي نخدم معاهم تمارين

نرجس عوجات فمها ما عاجبها حال جوباتوا بسرعة وقطعات عليه خلاتوا معصب: مزيان

أ خويا خود راحتك معاهم وسير حتى تسالي وعيط ليا

قطعات معاه معصبة ودخلات الإنستغرام ديالها تلف لوقت بينما تاصل بيها كتشوف في صفحات لموضة لي وراتها نجلاء عادي حتى جاها مساج في لبريفي كمشات حجبانها بستغراب ودخلات تشوف شنوا فيه

لمساج:سلام حبيبة لباس جوبيني بليييز

نرجس بتسمات بعدم فهم كتبات: غالط في لمساج اخويا بقا ترد لبال

الشخص :لا ما غالطش ياك نتي هيا نرجس راضي

نرجس جلسات مقادة مخرجة عينيها: اه هيا هادي شكون معايا ؟!

الشخص تبسم بخفة:معاك مراد لولد لي كان تيقرا معاك في نفس ليكول أنا كنت كنقرا في لباك ونتي ديك ساع كنتي مزال في لكطريام

نرجس خدودها توردوا مني تفكراتوا كان تيعجبها بزاف وكتبقا حدياه بينما هوا ما كانش مهتم بيها حنت كانت كتجيه صغيرة بزاف بقات ساهية حتى سمعات مساجتوا

مراد:عقلتي عليا أحبيبة ديالي

نرجس : اه عقلت عليك ولكن علاش كتقول ليا حبيبة ؟

مراد:حنت كنبغيك من أعماق قلبي مني نجحت في لباك وسافرت لمدينة خرا ما بقيت عارف خبارك وكنت كنحلم بيك كل ليلة في لول ضنيتوا غير ولف وليني في لخر عرفت انني كنبغيك ديال بصح ما خليت فين قلبت عليك حتى طلعتي ليا في الأنسغرام فرحت بزاف...أنا رجعت لجديدة ومتلهف بشوق باش نشوفك أش قلتي؟

نرجس كلشي نزل عليها دقة وحدة وحب لمراهقة رجع حياء داخلها من خلال كلماتو لي سحروها فلول هزات تيليفونها ورفضات حنت خافت من خوتها ومن بعد رجعات مسحاتوا و تنادم معها لحال كتبات ميساج أنها موافقة خصوصا أنه كان زوين ولبنات كلهم كيتسطاو عليه ومني ختارها هيا من بين لكل عقلها لي تفكر بيه طار وقلبها ولا كيتحكم فيها...

مراد بتاسم بفرحة وكتب ليها لعنوان ديك ساع

تكات على لبيروا فراحة كتفكر في أشنوا غتلبس ليلة حتى فيقها من سهوتها إتصال عمر جوباتوا بزربة وضحكا واصلا لودنيها

عمر غير جوبات دخل معاها في دروس نيشان لا ما يهضر معاها حنت عصباتوا بقا غادي معها بشويا بشويا كيشرح ليها حتى فهمات كلشي ...

بفرحة تشع من عينيها غوتات بعدما خرجات تمرين ديال المتتاليات العددية صحيح قالت :

_ ياي عندك طريقة ديال شرح زوينة بزاف فهمت كلشي كتشرح حسن من الأستاد والله شكرا بزاف....

عمر بتسم جنب رد عليها وقطع: هانيا أختي ما بيناتناش..

عمر دماخ في كل ما يخص الرياضيات ولفزياء والعلوم تيشرحهم بطريقة حترافية جيه حتى لهادوا وتصوخري لور إسلام كبر منوا فيتاه بعامين وكان تيخدم معاها دروس ديولها غير تيقراهم ويفهمهم ويرجع يشرحهم ليها مزيان بلا ما يحتاج أستاد هوا عبقاري..

انتي فقط من احس بقربك ب شعور مختلف عن شعوري

تجاه البشر احساس لا استطيع ان اصفه

لكنني على يقين انني احبك حباً كبيرآ ...

اشعر بقربك ...

ك أنني طفلا مدلل

كلما لامس شعره كفيك

احس وانا معك ...

ك أنني ملكت الدنيا وتمتلكني رغبة شديده ...

ان ابقى معك...

اعتزل الناس ...

اسحبك من يدك

أحلق في سماء الحب

نركب سحاب الغرام والعشق ف أنا ارى في عيناك عالماً جميعآ

لا احد فيه سواك ...

عالما جديد غير هذا العالم الذي نعيشه ...

سمع صونيت في لباب وقف ومشا فتح لسيد لي جاب ليه لغدا خرج لعندوا بعدما لبس تيشرت في لخضر مع شورط خالصوا وخدا طلبية حطها فوق طابلة ديال زاج في صالون فيها وورجع حيد تيشرت مع صهد خرج لغداء من صاشيات مكون من صلاد صحية بالخضر فيها روز والبيض مسلوق والخص و البطاطس والجزر خضر محكوك في جناب أو زيتون أسود ،مايونيز و البالبا مسلوقة، والأطباق الرئيسية عبارة عن دجاج محمر مع لفريت وبيتزا، طاكوس ولحم مشوي وعصير افوكا وعصير ليمون و لخبز...الخ

قاد داك شي فوق طبلة بعدما غسل إيديه شاف إسلام جايا ناحية طبلة مشات غتجلس من جهة الأخرى بعيدة عليه وهوا يوقفها ومشا هزها بين يديه حطا فوق رجليه جا جنبها الأيسر ملاصق مع سدروا عضات فمها من لداخل بالحشمة ولات كتويل داخلها

إسلام شافتوا كيشوف فيها وهيا تهبط راصها الأرض وحناكها ولاوا كيف لماطيشة

خرجات صوت غير بزز باش نطقات مالقات فاش تهضر هضرات على لماكلة:

_هاد شي راه يوكل عشرة ناس بزااف اويلي

أركان مركز بنضروا معها تيشوفها كيفاش كتخرج ودخل في لهضرة وحنيكاتها موردين بالحشمة في لحضة كتزيد تبان برائتها أكثر عض فموا من لداخل ما كرهش يتغدا بيها هيا نيت هز فرشيط بين يدوا ونطق بصوت خشن:

_ما عرفتكش اشنوا غاتبغي تاكلي ونتي غير نسولك كَتزنكِي إيوا خدمت عقلي وجبت هاد شي على الله يعجبك ألالة

إسلام الخجل قاتلها نطقات بترجي: خليني نجلس بوحدي

أركان دور إيدوا عليها جرها كتر لعندوا وقال :لا بغيت نوكلك بيدي خاصك تحاولي تولفي مني نكونوا بزوج ديما'شار لرجليه ' هنا بلاصتك أو فاش نكونوا في رياض مع العائلة ديك ساع ما فيها باس الى جلستي على كرسي...

هز فرشيط وكيوكلها بدا ليها بصلاد هيا لولة نفس لفرشيط لي كيوكلها بيها كياكل بيها حتى هوا

إسلام ما كتحملش شي واحد يشوف فيها وهيا كتاكل ما كترتاحش وعاد هوا زايد عليها مني كيوكلها بيدوا سرطات دغمة وقالت بتوتر:

_خليني ناكل غير بوحدي راه تنعرف

أركان بتاسم بخفة وخربق ليهاشعرها :عارفك كتعرفي علاه مالي أنا مزوج تريبية غير بغيت نوكلك بيدي مافيها باس

يتبع...