محتوى القصة
جالسا مربعة رجليها فوق سرير لابسا بيجامة قصيرة في الأبيض عبارة عن شورط قصير مكروز عليها وسليب سمطة ديالواا ،حاطا جنات قدامها من بعد ما دوشات ليها جالسا كدهن ليها زيت الأطفال لحمها وتلبسها في لحفاضات او سلوبيط في لغوز ...
فور ما سالات غطاتها مزيان على لبرد وبقات مقابلها وضحك معاها ...
مروى بتسامة جانبية نطقات: وينواا على لفنون بصحتك وراحتك تعومي وتعاودي أميرتي أنا ...
••خرج من دوش لاوي فوطة على نصوا لتحتاني وشعرواا كيقطر بالماء...
مروى دورات راصها لعندوا غير شافت سدروا لعاري و العضلات دورات عينيها وقالت:نشف شعرك أيوسف غيضربك لبرد ...
يوسف تاقابل معها وقال: بغيتك نتي تجي تنشفيه ليا وتلبسيني حويجي "رفع حاحبوا ونطق بحدة" ولا تلبسي غير جنات وراجلك مسكين ما عليهش لاه ...
مروى قوسات حجبانها مبهوضة قالت:وحتى تكون نتا قد جنات بعدا وأجي نلبسك المغيار ...
يوسف بصوت رجولي خشن نطق :نوضي جبدي ليا حويجي لخدمة أمروى نوضي ...
مروى وقفات على طولتها: اوك تسناا "ساطت بجهد " ما عمرني شفت شي حد كيغير من بنتوا حتى شفتك نتا ؟!!
يوسف غير ناضت بقا متبع ليها لعين، وهيا كتحرك بشورط لقصير لي لابسا ولي مبين مفاتنها بشكل ملفت الأنضار ...
بلع ريقوا حتى تفاحة أدم تحركات في حلقوا وقال: مروى !!
مروى توجهات لبلاكار ديال يوسف بدات كتجبد في لحويح وتهضر: أشنواا مروى مروى علاش كتبقا تأمر فيا بحال شي موضفة عندك يكما كتسحابني مزال سكيرتيرك شخصية أسيدي ...
يوسف قرب منها عنقها من ضهرها وقبلها فوق كتفها حتى تبورشات وبصوت مبحوح نطق:
_مراتي ما شي سكيرتيرة همم زعما ما ديريش لخاطر لراجلك أحبيبة ...
مروى بصدمة وتبوريشا لي حسات بيها، لحويج لي كانت هازا كلهم طلقاتهم من يديها طاحواا في الأرض وبصوت خافت نطقات بشفايف كيرجفوا:
_ششش شنوا كدير أيوسف ؟!!
يوسف دورها لعندوا حتى تقابلت معاه ،حط عينوا في عينيها وبجدية نطق: بغيت حقي ألغزالة ...
مروى بلعات ريقها وبتوتر ردات: سس سير بعد لهيه راه عندي ما نقدي خاصني نبدل عليا ونمشي لخدمة ...
يوسف هزها بين يديه ،توجه لفوتاي جلس فوق منوا وحطها فوق رجليه بدا كيطلع فيها من لتحت لفوق وكيمرر إيدوا على فخاضها بلطف وبصوتوا رجولي نطق:
_كنقول لمك ما تبقايش تلبسي هاد لبس ونتي لي كتجبدي لخل لراصك ودابا خاصك تخلصي العمر ...
حط إيدوا مأخرة راصها وبدا كيقرب لشفايفها بشوي وهيا قلبها بدا يضرب بجهد غيخرج من بلاصتواا والحشمة قتلاها ،حط شفايفوا على شفايفها و بدا كيلتاهم فيهم بحب عاطي لكل شفة حقها ويدوا كيمررها بشوي على فخاض مروى لي بدورها دورات يديها على عنقواا زادت قربات منوا كتر ورغم لخجل لي مسيطر عليها ستجبات ليه ...
يوسف خشا يدوا تحت حويجها حطها على بطنها بشوي غادي طالع لسدرها وشفايفها داخل فمواا ...
مروى ترفعات لسما وسدرها بدا كيطلع وينزل وبدات كتئوه داخل فمواا...
عيشين في عالمهم لخاص حتى كيسمعواا صوت بكاء ضعيف وغادي وكيتجهد ...
جنات بصوت باكي:وينغ وينغ وينغ ...
يوسف خسر ملامحوا وقال: ماشي وقتك أبنتي ...
مروى وقفات وبدات كتقاد في حويجها وضحك :
_حرمتها عليك أمسكين في صراحة بقيتي فيا هههههه ...
بسرعة توجهات عند جنات حطات ليها رضاعة في فمها باش تسكت ...
يوسف وقف ساخط خنزر فيها ودخل للحمام خواا لماء على راصوا بزربة وخرج ،بدا كيلبس في حويجوا أمام عينيها ،شاف فيها وقال:
_ كتهضري بحالا نتي مكانش عاجبك لحال متلاا ...
مروى وجها تسحق منوا دم بالحشمة حيدات رضاعة لجنات من فمها لي عطاتها لبكا تاني و هزات مخدة وشيرات عليه بيها وقالت:
_على هاد لهضرة لي كتقول إيوا سرك بغيتها ديما دير ليك هاكا ...
يوسف رفع حاجبوا: ياك أمدام يوسف آل راضي ...
مروى هازات جنات بين يديها حطات ليها رضاعة في فمها وببتسامة جانبية نطقات:
__معلوم أراجلي لغاضب ههههه "وجهات كلامها لجنات" بقاي ديما ديري هاكا لباباك أحبيبتي ...
يوسف بقا كيشوف في مروى مطول زير على يديه حنت ما قدرش يعلمها بلي باها تشد في لحبس وحتى لجريدة لي علنات لخبر خباها عليها ما بغاهش تعرف وتحطم ،بلع ريقواا بدا كيضحك بزز منوا وقال: وخا على مك حتى نشدك هاد لمرة أ لالة مروى ...
مروى هزات عينيها فيه لقاتوا كيتفحص فيها بنضرتواا لي كلهم شوق وعشق،لعشق ولحب لي طرقوا باب قلبوا من جديد، بدون سابق إنذار دخلات لقلبوا بعفويتها ابتسامتها وقلبها لكبير أصبحت هيا وبنتوا كل حياتوا ، بسرعة رجعات نزلات عينيها لجنات حابسا ضحكة بين سنانها...
يوسف نشف شعروا ومن بعد ما لبس صباطوا ببتسامة مزينة ملامحوا نطق : غنمشي لشريكة دابا، تهلاي في بنتي وفي راصك ...
مروى تبسمات ليه بحب: اوك بيبي، الله يوصلك على خير ...
يوسف قرب منهم وتحنى طبع قبلة على جبين بنتوا جنات وقبل مرتوا من شفايفها او ودعهم وخرج مبتاسم ...
غاديا نازلا في دروج لابسا كسوة طويلة في الأسود بالكميم ،مع سندالة في الأسود ديال صبع خفيفة وحاطا ميكاب خفيف في وجها وشعرها طويل مخلياه مطلوق مورا ضهرها كيلعب بيه لبرد لي داخل مع لباب كيف بغااا ،حاطا تيلي على ودنها وكتهضر فيه مع ناس لي خدامين عندها في قاعة الأعراس ...
•• جالس حدا نافورة لي كتوسط رياض ولي مقابلا مع دروج حاط لبيسي ديالوا ومقابل خدمتوا مشغول ،حتى كضربوا ريحة لبرفان ديالها لنيفواا غمض عينيه و تسنشقواا من الأعماق وهيا كتقرب دقات قلبواا بدا كيسمعهم في ودنيه ومع فتح عينيه و هز راصوا حل فمواا في الأنثى لي قداموا ،بقا حاضيها ومتبعها بعينيه وهيا نازلااا كتبان بحال شي لوحة فنية غزالة ما قدرش ينزل عينوا عليها ...
وقف وخشا يدوا في جيبوا وتما غادي جيهتها وعينيه كيتفحصواا فيها بدون ملل وهوا غادي لعندها بلا ما يحس فتح شفايفوا وبدا كيتغزل فيها بلا هواه نطق :
_قولي لي ياملكة النساء ...
هل انتي من بنات حواء ؟!!
ام انتي من حوريات السماء ؟!!
يامن جعلتيني أعيش الجنه على الارض ...
وتكلم بحبك حبيبتي كل جوارحي والقلب ...
ياعشق !! لم أكن قبله أعرف ما هو العشق ؟!!
والان حبك بين ضلوعي مكان النبض ...
إسلام قبل ما يبدا يهضر سالات مكالمتها وطفات تيلي ، هزات راصها فيه مبهوضة وبعينين تيلمعواا نطقات بفرحة :
__وااااااو كلامك كلواا زوين ما تصورش شحال عجبني ...
أركان قرب منها ودور يديه على خصرها،دفن راصوا وسط عنقها، ستنشق ريحتها من الأعماق وبصوت مبحوح نطق حدا ودنها بهمس:
_ نتي حسن منوا أ نبض قلبي ...
إسلام وجها ولا حمر بالحشمة،خشات راصها في سدرواا وببتسامة جانبية نطقات:
_شكرا حبيبي ...
أركان طلع يديه لضهرها جرها داخل سدروا كثر و بصوت رجولي خشن قال:
_بغيت نشوفك ديما ضاحكة وفرحانة لبكاء ما كيجيش معاك أحياتي واعديني بلي ديما غتبقاي ضحكي ...
إسلام هزات راصها فيه بدات كتشوف فيه ومن نضراتها باين كمية لحب ولعشق والإحترام لي كتكنوا ليه تبسمات ليه وقالت:
_كنواعدك بيما أنك ديما غتبقاا حدايا ومعايا وقريب مني فا غتشوف غير ضحكتي من غيرها ما غنزل حتى دمعة على قلبك أتاج راصي ...
أركان بعينين معسلين بعد منها وعينيه عليها، حك لحيتوا وبتسأل نطق: نقدر نعرف شنوا سر ديال هاد لجمال كامل ليوم ؟!! نهار على نهار كتزيدي تزايني كتر ...
إسلام شابكت إيدها مع إيدوا وحطاتها فوق قلبها وبصوت أنثوي رقيق نطقات:فينما حبي ليك كيكبر جمالي كيتزاد يعني كلشي بفضلك نتا حنت جنبي وحدايا ...
أركان ما خلات ليه ما يقول ديما هضرتها وتصرفاتها كيبغيوا يطيروا ليه لعقل ،جرها لحضنوا رجع ضمها لسدرواا وهاد لمرة بقوة أكبر ...
إسلام بعدات منوا وقالت:خليني نمشي غنتعطل ...
أركان رفع حاجبوا :فين غادا؟!!
إسلام ببتسامة جانبية نطقات:لقاعة الأعرس عندي لخدمة كتيرة وزيد عليها شحاال هادي ما مشيت ...
أركان زير على سنانوا وبعصبية قال: ما عندك فين تمشي سيري تجلسي حتى تصحي مزيان ...
إسلام حركات راصها بنفي: لا أنا بيخير غير خليني نمشي ولاه ما مبقيت مريضة "صغرات عينيها وبتوسل نطقات " صافي نمشي ؟!
أركان حك لحيتوا من لتحت كيفكر زفر بجهد وقال:ولكن بشرط خليني نوصلك بطموبيل ...
إسلام كمشات حجبانها وبخوف نطقات: نوو ما نقدرش نركب في حتى لوطوا دابا مزال ديك لحادثة في راصي بغيت نمشي على رجليا ومنها نيت يضربني لبرد ...
أركان شاف فيها مطول كيفاش ملامحها فيهم نوع من لخوف وتوتر من سيارات ،لحادتة خلات ليها مشكلة في حياتها حط إيدوا على كتفها مررها بلطف وبتأكيد نطق :
_صبري نطلع نبدل ونمشي معاك مستحيل نخليك تمشي بوحدك ...
إسلام عرفتوا ما غيتفاكش معاها حتى يمشي رجلوا على رجلها ، بتنهيدة طويلة قالت:وخا لي بغيتي أنا غنتسناك هنا ...
فور ما طلع أركان لجناح ديالهم جالسات هيا فوق لفوتاي حدا لبيسي ديالوا كتلعب بيديها وهيا تسمع صوت تيلي ديالوا فوق طبلة كيصوني هزاتواا بين يديها كتشوف فيه في لول ترددات باش تقبل لخط من الإسم لي ضاهر على شاشة ولي كتعرفوا مزيان وفي الأخير جوبات لمتصل بفضول :
__ألواا !!
كريم بنبرة صوت هادئة نطق: إسلاااام
إسلام تبسمات جنب: وي هادي أنا أخويا كريم ...
كريم :لباس عليك كيف بقيتي شويا ؟!!
إسلام ببتسامة مزينة ملامحها ردات :لباس الحمد لله أخويا نتا بيخير وأمينة وملاك كيف دايرين لباس عليهم؟!!
كريم :كلشي بيخير يسول فيك الخير"بتسأل" واحد أركان فين هواا ؟!! ممكن تعطيه تيليفون ضروري ...
إسلام كمشات حجبانها كتسأل :شنوا كين واقعا شي حاجة ؟!!
كريم بصوت رجولي خشن :لا ما كين والوا غير بغيتوا فشي حاجة بيناتنا ...
إسلام تبسمات جنب وقالت :وخا تسنا نوض ندي ليه تيليفونوا اوك ...
كريم :أوك أنا في نتضار غير سربي دغيا ...
إسلام مع جمعات نوضة وقفات وهيا يبان ليها نازل في دروج بشخصيتوا رجولية وهيبتوا وسامتواا وحرشيتواا طاغية ، تقدامات نحيتوا او مدات ليها تيلي...
أركان رفع حاجبوا وبتسأل نطق: شكون ؟!!
إسلام حركات راصها وقالت: كريم قال بلي بغا يهضر معاك ضروري ...
أركان غير سمع إسم كريم وهوا ياخد من عندها تيلي بسرعة وبعد عليها وبصوتوا رجولي نطق:
_وي كريم ...
كريم بصوت حاد :سي أركان راه قدرنا نشدواا المجرمين لي حاولوا يقلتواا إسلام ومن بعد تحقيق طويل معاهم عرفنا بلي هوما لي قتلواا مدير شركة "AR "لي في لندن بحيث خلصواا قاتل مأجور قتلواا بلا ما يخلي موراه دلائل وهوما نفسهم لي حاولوا يقتلوا إسلام وهاد شي كلوا داروه باش ينتاقموا منك الأنك ضربتي واحد منهم حتى تشلل وأصبح مقعد في كرسي متحرك "ساط بجهد " وهاد شي لي قالوا ليا ما فاجئنيش حنت عارفك ديرها ويدك سابقة فمك ...
أركان زير على يديه وبعصبية نطق: شكوون هوماااا هاد ولاااااد ل****** شكووون ؟!!
كريم :سمير بن شرقي وأمين لوردي قالوا بلي شفتيهم فشي ريسطواا او كانوا تبسلواا على إسلام ومشيتي قتليهم عصا على شوية ما كنتي غتصفيها ليهم ...
أركان سحق سنانوا بغيض بعصبية نطق سااعر : فاااااك كان خاصني نقتلهمم ديكككك سااااااع يااريت يرجع زمااان لديك لحضة بسبابهم ليومااا تيتمات عائلة لمدير ...
كريم بصوت هادئ نطق: لي فات مات أصاحبي دابا خاصك تنسا صافي هاهما تشدواا والعدالة غتاخد ليكم حقكم نتا وإسلام ولموضف ديالك الله يرحموا غير تهناااو ...
أركان زفر بجهد ودار كيشوف في إسلام:
_ كنتمنى ...
كريم تبسم جنب :نخليك اسي أركان بسلامة
أركان خشا يدوا في جيبوا وقال :الله يعون شكرا على لمعلومات ...
كريم :العفوو هادا واجب ...
دار عند إسلام بقاا كيشوف فيها مدة طويلة وكيربط في الأحداث لي وقعواا معاهم بقات فيه عائلة لمدير لي تقتل رغم أنه دير لواجب معاهم إلى أنه حس بنفسواا هوا سباب ورجع لومة لراصواا ...
إسلام بصوت عالي نطقات: واااا غنتعطل مالك واقفتي بحال شي تمثال تمااا ...
أركان تمشا ناحية إسلام راسم إبتسامة مسطنعة على ملامح وجهوا قبط في إيدها وبصوت هادئ عكس داخلواا نطق:
_مشينااا !!
إسلام كمشات حجبانها وقالت: شنوا واقع قال ليك كريم شي حاجة خيبا ؟!!
أركان شاف ان إسلام عاد رجعات للحياة من جديد وبدات كتنسى ما بغاش يفتح ليها لجروح ويقول ليها راه ولدنا مات بسبابي ...
حرك راصوا بنفي:ما كين والوا يلاه نمشيوا ...
إسلام رفعات حاحبها بتسأل: متأكد ؟!!
أركان تبسم ليها ودور يدوا على كتفها: متأكد أحياتي يلاه نمشيواا ...
إسلام بإصرار قالت: ولكن وجهك كيقول لعكس ...
أركان بصوت حاد نطق بعصبية : إسلاااااااام ...
إسلام تمات غاديا قدامواا وتهضر : هاهيا غادا صراحة نتا غير لي بغا يسولك ولا يهضر معاك كتقلب كيف لفصول ...
ركبات في طوبيس لابسا جلابة مخيطاها براندة وشعرها مخلياه مطلوق مورا ضهرها ، هازا بين يديها بواطة كبيرة في الأبيض ديال لبلاستيك وغلاقتها زرقاء داخل كيس ...
توجهات لمدينة أزمور المدينة المغربية التي تقع على ضفة نهر أم الربيع تبعد 15 كلم عن مدينة الجديدة و75 كلم جنوب شرقي الدار البيضاء وتشتهر بشاطئها شاطئ الحوزية ...
هيا مدينة متواضعة وبسيطة في مظهرها غنية باثارها و عاداتها و تقاليدها بحيث لازالت الحضارة الحديثة لم تنل منها ما يسيء إلى شخصيتها و يمس بمقومتها ...
فور ما وقف طوبيس وسط هده لمدينة الجميلة نزلات منوا توبة راسمة إبتسامة أمل منورة وجها ،شيرات على طاكسي حمر ،ركبات فيه بعدما عطاتوا لعنون فين يوصلها ...
وقف طاكسي قدام لفيلات لي جنب لبحر خلصاتواا او نزلات منوا تمات غاديا قدام صف كبير ديال لفيلات جاوها كلهم كيتشابهواا هزات لعنوان بين يديها وبدات كتبحث على لفيلااا غير لقاتها تبسمات من قلبها وتقدمات ناحيتها بعدما خدات شهيق وزفير صونات في لباب ...
فتح ليها لعساس لباب وبتسأل نطق:
_اش حب لخاطر أبنتي؟!!
توبة تبسمات جنب وقالت:جيت نشوف لالة لباتول اشريف تقدر تقول ليها راه توبة جات لعندك ...
العساس كمش حجبانوا وبتسأل نطق :
_ شكون توبة ؟!!
توبة ساطت بجهد: قول ليها توبة بنت رحمة مولات لحلوة ...
العساس حط إيدوا تحت ضقنوا وبتفكيرة نطق: اه إيوا قوليها من لول قالت ليا لالة لباتول راه غتجي بنت سميتها توبة قول لسعيدة دخلها لصالون ...
توبة ساطت بجهد وبعصبية نطقات: كوون كنتي حاط عقلك في راصك غتعرفني من لول بلا هاد كترة لهضرة لخاوية ولا نتوما كتبغيواا ديرواا خدمتكم غير في لوقت لي كالها ليكم راصكم حيد من قدامي خليني ندخل مصيبة هادي ...
العساس تنهد بضيق و بداا كينادي باعلى صوتوااا: سعيدة واا سعيدة تي دخلي سيدة لصالون وعيطي على لالة لباتول تكلم ليها ...
خرجات سعيدة كتجري من لفيلااا مرتدية بيجامة طويلة أو فوقها وزرة لخدمة معكفا راصها بزيف حياتي،طلعات توبة من لتحت لفوق بعينيها وقالت:
_مرحبا بيك تفضلي معايا ...
توبة تبعتها بسكات دخلات لفيلااا لي كبيراا وزوينة وطابلي كاملين لي فيها مغطيين بيزرات مطروزين بطرز زموري لحر وزرابي مخدومين باليد ...
جلسات فوق سداري في صالون كبير دا طابع مغربي زموري عريق ...
بدات كدور في عينيها وكتشوف في لوحات لي معلقين وتحف الأترية لي مزينين كل لفيلا من دخلاا ديالها كتحس بنفسك وسط شي معرض مغربي متنوع ...
بعض لاحضات قليلة دخلات لعندها لالة لباتول مرتدية فراشة في الأسود وحطا شال على نصف راصها مخليها لكصة ديال شعرها ضاهراا وبينااا، ويديها مزرزرين ذهوبات ...
من ملامحها باينا إمرأة لي قسا عليها زمان و حاول يلعب بيها وما قدر يدي منها لاحق ولا باطل نضرآ لشخصيتها لقوية وملامحها الجدية ...
جلسات جنب توبة بعدا سلمات عليها بالوجه وببتسامة جانبية نطقات:
_مرحبا بيك أبنتي ..
توبة حركات راصها وقالت: ترحب بيك جنة ألالة الباتول ...
لالة لباتول بتسأل نطقات:تشربي شي حاجة؟!
توبة حركات راصها بنفي وببتسامة ردات:لا أ لالة غير بصحة و نتوما مالين لخير ...
الالة لباتول جمعات حجبانها بتسأل نطقات: جبتي ليا علاش وصيتك ؟!!
توبة فتحات ساشية جبدات منها بواطة حطاها قدام لالة لباتول و قالت: اه معلوم ألالة هاكي عزلي وتخيري لي عجباتك ...
لالة لباتول فتحات لبواطة ومن بعد ما سمات الله هزات حلوة كعب غزال عضات منها ...
توبة تبسمات جنب وشارت ليها لبواطة: وهادي الالة كنصوبوها بالوز على لاه تعجبك دوقي منها حتى هياا ...
لالة لباتول بعينين تيلمعوا نطقات:تبارك الله لحلوة زوينة ما عندي ما نقول عليها كيفما قالواا لياا عليكم داك شي نقي ولديد ...
توبة تبسمات ليها وبتسأل نطقات: عفاك ممكن تقولي ليا شكون لي عطاك رقم ديالنا وقالك تاخدي لحلوة من عندنا ؟
لالة لباتول فور ما فتحات شفايفها غتهضر وهيا تقاطعها الخادمة سعيدة بقولها:
_لالة أ لالة تكلمي لسي سهيل قال ليا راه بغاك ضروري ...
لالة لباتول بستئدان نطقات موجها كلامها لتوبة: سمحي ليا أبنتي غنمشي نشوف ولدي شنوا بغاا ونجي لعندك ...
توبة بصوت هادئ ردات :ما عليش ألالة غير سيري أنا غنتسناك ...
سهيل فاروقي شاب في عمرواا 31 سنة طويل وعضلاتواا بارزة ملامحوا وجهوا بين بيضاء وقمحية ،عينيه خضرين بحال الأب ديالوا و شعروا اسود رطب ولحيتوا خفيفة و مطراسية عطياه رونق رجولي مميز عقليتوا غربية متحررة و شخصيتواا هادئة ضحوكي وإلى بغاا شي حاجة كيدير لمستحيل باش يوصل ليها بحال لحلم ديالواا لي حقواا وأصبح ليوم مدرب كرة قدم مشهور بي إسبانيا ...
بدا كيلعب لكورة ملي كان صغير وملي ولات عندوا 19 سنة لعب مع لمنتخب لمغربي وبفضلوا فاز لمنتخب بعدة بطولات إفريقية وعالمية ومن بعدها نتاقل ل إسبانيا ولا لاعب في منتخب إسباني واليوم أصبح مدرب كرة قدم مشهور بسبب إصرارواا وعزيمتوا على نجاح ...
هوا الإبن لوحيد للالة لباتول لي طلقات في سن صغير ودخلات لسونطر ديال صناعة تقليدية تعلمات فيه بزاف ديول لمهن ولحرف وبحرفتها خدمات وشاركات في مسابقات ثقافية ومتلات لمغرب احسن تمثيل في عدة دول بالمنتوجات لمغربية الطبيعية والصناعة التقليدية المتنوعة ...
خدمات على ولدها تعدبات وكفحات حتى دارت لراصها إسم بين طبقة البرجوازية بدون ما تعتامد على راجل لي لاحها هيا ولدها ملي كان صغير ...واليوم أصبحت مديرة مركز الصناعة التقليدية وعندها جمعية كتعلم فيها لعيالات بعض لحرف وأصبح لديها ماركة بإسمها ...
•• داخل غرفتواا لي فراشها غربي ومغربي متميز في لحائط لي قدام لباب معلقين ميدليات دهبية كتيرة وجميع ديكورات كيبينوا مدا عشق سهيل للكرة القدم ...
واقف قدام لبلاكار ديالوا عاقد حواجبواا لوسط كيقلب بين حويجوا على شي حاجة تالفااا ليه ...
سمع دقان في لباب بلا ما يدور نطق بصوت هادئ:
_لوليدة دخلي ...
لالة لباتول بتسأل نطقات:أش كين أوليدي علاش مطلعني حتى لهنا وأنا كنت جالسا مع لبنت حشومة ...
سهيل دار عند مواا وبدا كيهضر بدارجة المغربية مخلطا مع اللغة الإسبانية لي تعود يهضر بيها بزاف : فين هوا شارجور ديالي بغيت غير نعرف شكون لي رتب ليا حوجي هنا وخوا لي فاليز ديولي ؟!!
لالة لباتول قربات منوا وقالت : سعيدة أولدي أنا لي قلت ليها ترتب ليك لحويج ،بالحق صاكدوا لي كان فيه شارجور أنا لي خويتواا "شارت بصبعها"غتلقاه في داك لمجر ...
سهيل تبسم جنب وقرب منها طبع قبلة على جبينها وبصوت رجولي نطق:
_شكرااا يا كل دنيتي وعائلتي ...
لالة لباتول من نوع لي ما كتبيش لحب ديالها لشي حد ، تبسمات ليه ورفعات حاجبها وقالت:
_هاد شي علاش كنتي باغيني ...
سهيل هز يدوا بزوج لفوق: هاد شي لي كين ...
لالة لباتول حركات راصها وقالت:نخليك اولدي عندي ما نقدي ،إلى حتاجيتي شي حاجة قولها لسعيدة تجيبها ليك ...
سهيل تبسم جنب:اوك لوليدة ...
•• جالسا في صالون حتى دخلات عليها لالة لباتول مبتاسمة رغم الملامح الجدية لي راسمة على وجها قربات من توبة وقالت:
_سمحي ليا أبنتي خليتك تسناي ...
توبة شافت فيها : لا ما عليش ألالة هانيا ...
لالة لباتول شارت ليها لبواطة وقالت:بغيت من هاد شكل زوج كيلواا او هادي ديال لوز تلاتة كيلواا ونوعي ليا من حلوة صابلي حتى هيا كتعجبني شي تلاتة كيلواا من هنا تلاتة أيام بغيتهم عندي على قبل ولدي عاد جاا من إسبانيا بعد غيبة طويلة وبغيت ندير ليه واحد لحفلة نفرح بيه...
توبة حركات راصها بإجاب: ايه وخا ألالة على راص ولعين بعد تلاتة ايام يكونوا عندك ...
لالة لباتول تبسمات جنب: شكرا أبنتي الله يرضي عليك ...
توبة :العفوو "بتسأل"عفاك تقدري تقولي ليا شكون لي عطاك رقم ديالي ؟!!
لالة لباتول حركات راصها بإجاب وقالت: واحد سيدة ساكنا حداكم سميتها سميرة راجلها كيبيع لفاخر على ما أضن كانت كتجي عندي بعص لمرات لجمعية كتعلم لخياطة ولفصالة هيا لي قالت ليا عليكم وشكراتكم ليا بزاااف ...
توبة حطات إيديها تحت ضقنها وقالت: ايه سميرة عرفتها الله يعمرها دار ...
لالة لباتول شافت في توبة مطولاا ومن بعد نطقات بتسأل :
_فايت ليا شيفاك فشي بلاصة أتوبة ولكن ما قدرتش نتفكر ...
توبة شارت لنفسها وببتسامة قالت: أنا،ما عرفتش وفي صراحة حتى نتي جيتيني مألوفة بالنسبة ليا ...
لالة لباتول بتنهيدة طويلة نطقات :الله يفكرنا في شهادة مني نتدكر فين شيفاك غنقولها ليك وليت كنسا هاد الأيام ما ملفاش ليااا ...
توبة بتأييد ردات: وكلنا هكَاك "جمعات نوضة "إيوا نخليك ألالة بدا كيطيح ضلام ...
لالة لباتول وقفات هيا الاخرا وقالت: تسناي أبنتي نعيط لشيفور يوصلك ...
بدات كتنادي بأعلى صوتها على سعيدة لي جات كتجري وعندها حانية راص قالت:
__نعااام ألالة؟!!
لالة لباتول بأمر نطقات :قولي لشيفور يوصل توبة لدراهم ...
سعيدة حركات راصها وبأسف نطقات:ولكن شيفور ما كينش ألالة راه مشا يجيب تقدية على قبل لعشا وراك عارفا سخرتوا تقيلة ما كيرجعش بزربة ...
توبة مدات لبواطة لالة لباتول بين يديها وقالت:خلي هادي عندكم عتبريها هدية مني حنت زرتك اول مرة ،وبسلامة أنا غنمشي غير بوحدي ما كين حتى مشكل ...
لالة لباتول خدات من عندها لبواطة وبحدة نطقات: لا أبنتي ما نخليكش تمشي بوحدك في هاد ليل ...
مع هزات راصها غتهضر وهوا يبان ليها نازل في دروج لابس تجاكيط كوير مع سروال جينز مهبط راصوا لتليفونوا كيخربق فيه ...
لالة لباتول غير شافتوا نادت عليه بصوت عالي:سهيل اجي لهنا اولدي ...
سهيل قرب منهم خاشي راصوا في تليفونوا بلا ما يشوف في شكون واقف نطق بتسأل:
_وي لوليدة خاصك شي حاجة ؟!!
لالة لباتول بأمر نطقات: سير وصل توبة اولدي الله يرضي عليك حشومة لبنت تجي من جديدة حتى لهنا ونصيفطوها تسخسخ في طوبيسات ...
توبة بخجل ردات :ماعليش ألالة لباتول غير خليني نمشي بوحدي ما كينش لاش نعدبوا معايا ...
سهيل مع سمع صوتها لي جاه غريب على مسامعواا هزا راصوا وهوا يتصدم في لبنت لي واقفا قدامواا بقاا كيشوف فيها مطول وبعينين تيلمعوا نطق ببتسامة مزينة ملامحوا:
_عدابك راحة أسنيوريتا ...
حتى كنرضاوو بالعيشة لي حنا عيشينها وكنقولوا هادا هوا مصيرنا وهاكدا غتكون حياتنا ،كيتدخل لقدر وكيقلب موازين حياتنا بطريقة أو بأخراا كيعرفنا بناس جداد او بي تقافات جديدة ما كاتكون عندنا حتى صلة بيهم ولكن كيجمعنا القدر ...
حتى واحد فينا ما عارف ربي شنوا مخبي ليه واي حاجة غنعيشوها مكتابة في لجبين ديال كل واحد فينا قبل ما يتزاد في هاد دنيا ...
ربما ماشي ديما لحاجة لي كنقولوا عليها غتوقع هيا لي غتوقع لينا ...
توبة بقات كترمش بعينيها تالفااا وسط منهم عقل كيقول ليها خليه يوصلك وعقلك اخرا كيرفض ،وإلى شافتوها ناس ركبا معاه اش غيقولوا عليها؟!! وعاد هيا مطلقة اصلاا كيهضروا عليها بلا حتى ما يشوفوا شي حاجة اما لا طاحت لبقرة كيقاواو جناوة ...
كيهضرواا في أعراض ناس ويطعنواا في شرف لنساء بلا ما يحسوا بدنب ولا يستغفرواا مولاهم بالحق ربي كبير وإن بعض الضن إثم ...
توبة شافت في لالة لباتول وعاود شافت في سهيل وبتنهيدة نطقات بخجل:
_وخااا شكراا ...
سهيل حرك راصوا وقال: العفوو مرحبا ...
جبد لكونطاك من جيبواا وسبقاها لوطواا ...
توبة بعدما توادعت مع لالة لباتول تبعاتواا بسكات حتى لحدا لوطوا ديالواا او وقفات ...
هوا غير شافها فتح ليها لباب لوراني بي لباقة وببتسامة جانبية نطق وهوا كيطلع فيها من لتحت لفوق:
_تفضلي جلسي أسنيوريتا ...
توبة صغرات عينيها وبخجل طفيف نطقات: حشومة نجلس هنا ونتا تسوق خليني نجلس حداك حسن ...
سهيل تبسم ليها وقال: عتابريني شيفور ديالك غنوصلك حتى لداركم سالمة غير تيقي فيا ...
توبة ركبات بسكات جاها سهيل شاب محترم وداخل سوق راصواا،وقليل لكلام ولكن واش هوا هاكا كيف ما بان ليها من نضرة لولة ولا لعكس ؟!!
جلس سهيل قدام لفلوون دور لكونطاك ديال لوطوا وتمااا غادي في طريق حاضي توبة من زاجة ،شاف فيها مطول ومن بعد حك لحيتوا وبتسأل نطق بدارجة مخلطة مع اللغة الإسبانية :
_سميتك توبة كيف قالت mi madare "الوليدة" صح يا Querido "عزيزتي"
توبة حركات راصها بإجاب وبتسأل نطقات: وي توبة، ممكن تكول ليا شنواا هيا آخر كلمة قلتي بالإسبانية ؟!!
سهيل تبسم جنب وقال:سميتك زوينة ما عقلتش يمكن قلت ليك سينيوريتا ...
توبة حركات راصها بنفي: لاا ماشي سينيوريتا هادي فهمها كتنعي أنسة أنا كنهضر على لوخراا "بدات كتحاول تنطق لكلمة لي سمعت منوا "كريدي ولا ما عرت كرديوا ولا لكرض شكون عرف كندوي على هاد لويلة بدات "رفعات حاجبها "شنوا هيا؟!!
سهيل فهمها علاش كدوي وبدا كيضحك من نيتواا حتى صف ديال سنيناتواا لمستفين لبويض كيبان ...
توبة وجها ولا حمر مارداتش يضحك ليها على طريقة نطق ديالها زيرات على يديها ونطقات داخلها: تهجرواا على الأيام لي باقا ليك ...
سهيل حبس ضحكة غير بزز وبتسأل نطق مغير لموضوع:
_نتي مزوجة ولا باقا كيبان ليا مزال ما مزوجة "رفع حاجبوا وبتسأل نطق بعفوية كيضحك" تزوجي بيا ؟!!
توبة خرجات عينيها بصدمة وبعصبية نطقات : ما مزوجاش وما ناوياش نتزوج أخويا ...
سهيل كمش حجبانوا وبتسأل قال :إيوا و علاش؟!!
توبة ساطت بجهد :باغا نكمل قرايتي ونخدم ...
سهيل تبسم ليها وبعينين تيلمعوا نطق : كيعجبوني لبنات لي عندهم طموح ...
توبة ساطت بجهد و دورات راصها لجهة زاجة قابلت طريق متجهلاه ،اعدا حاجة عندها شي حد يبقا يسول فيها على نفسها ...
سهيل عجباتواا توبة من وشوفة لولة طيرات ليه لعقل بلبسابها لبلدي وجلابة وتاتها ما معودش يشوف لبنات مستورين ولابسين كيف لابسا هيا أغلبية في إسبانيا لبنات لي كيتلاقا غير لمقزبة على ختها ...
سهيل شافها ساكتا بغاا يجبد معاها شي موضوع شاف حتى عياا وقاال : في خبارك سميتي كتعني النجم ساطع ...
توبة دارت عندوا مقوصا حجبانها :و تكون كتعني حتى لباكور أنا مالي ما فهمتش علاش كتعود ليا هاد شي ...
سهيل حرك راصوا وقال:قويصحة مع راصك
توبة خزرات فيه ونطقات بحدة :إلى كنتي متعود على لبنات لي غير تضحك ليهم يتحلواا ليك انا لا اشريف غير نساا ...
سهيل هز يدوا وبصوت رجولي خشن نطق :اش جابنا لهاد لهضرة الله يسمح ليك دابا لي غير بغا يضحك معاك تندميه مسكين ...
توبة بتنهيدة قالت :ما بيناش في وجهك مسكين ...
سهيل بجدية نطق:في خبارك نتي اول وحدة تنتاقد ليا وجهي ...
توبة حركات راصها:إيوا نوض على سلامتك...
سهيل صغر عينيه وقال : يكما زعجتك أسنيوريتا في صراحة عزيزة عليا لهضرة و ما كنحملش صقيل ...
توبة زفرات بجهد :وأنا كنكره لهضرة زيدة لي ما عندها معنى ...
سهيل كمش حجبانوا بصوتوا رجولي نطق:شخصياتنا متناقدين ولكن غير سمعي هاد شي لي غنقول ليك يمكن يعجبك ...
بلع ريقوا حتى تفاحة أدم تحركات في حلقوا و فتح شفايفوا وبدا كيلقي بعض الأبيات شعرية طاحواا عليه وهوا حاضي توبة من لمراية ...
كم قال غيركَ لي "أحبُّك".. صادقًا
يسعى لها، وأنا بها لم أنطقِ
.
كم جاء غيركَ في غيابِكَ عاشقًا
والقلبُ غيرَكَ لحظةً لم يعشَقِ
.
إني أريدكَ والذي خَلَقَ السَّما
وكأنّ غيرَكَ.. ربُّنا لم يَخلقِ
.
في القلبِ شيءٌ لا يُقالُ بأحرُفٍ
سينالُ من قلبي الصغير إذا بَقي
إني سُقِيتُ اليومَ من كأسِ الهوى
لستُ الأخيرَ ولستُ أوّلَ مَن سُقِي
توبة حبسات راصها حتى عيات وضحكات بجهد :ما تكونش خارج من شي سبيطار ديال لحماق وزوينة هادي بقا ليك غير شعر ههههه ...
بعدما غادرواا مدينة أزمور ودخلواا لجديدة وقفوا في الإشارة الحمراء وهيا توقف جنبهم سيارة في الأبيض سيقاها بنت حاطا ميكاب تقيل في وجها مع دورات وجها ولمحات سهيل نزلات زاجة كلها وبفرحة نطقات :
_سهيل واااواا انا من لمتابعين ديولك كنحماق عليك كتعلب بطريقة مميزة ،لحويج كاملين لي كدير ليهم لعرض كنشريهم لخويا يلبسهم هوما وساعاات واي حاجة درتي ليها الإشهار ...
سهيل حرك راصوا بنفي وقال :لا اختي راك غير غالطا أنا غير شيفور ديال هاد سيدة لي جالسا لور معبسا ومعزيزاش عليها كترة لهضرة سيري لا تصدق جاريا عليا وهادي هيا لخدمة لي كندخل بيها طرف ديال لخبز لولادي ...
توبة حطات إيديها على فمها هيا كانت كتكدب في صغرها وليني هادا قال ليها ما كتعرفي والوا في لكدوب ...
البنت بأسف نطقات :اوو سمح ليا سحابتك هوا في صراحة كتشبه ليه بزاف تقول غير هوا نيت ...
سهيل هز يدوا بزوج لفوق كيحاول يهضر بالدرجة بلا ما يخرج حتى كلمة بالإسبانية:
_ ايوا هاد شي لي عطا الله يخلق من شبه أربعين ...
البنت نزلات من لوطوا ديالها :امم زعما متكونش نتا يكما سهيل خوك تؤوم الى تلاقيتيه قول ليه راه كنبغيه بزاف كتر ما يتصور ...
سهيل زفر بجهد وقال: غير تشابهت ليك الشريفة كملي طريق كون كنت انا هوا سهيل لي كتهضري عليه غتلقيني شيفور ...
البنت بتوسل نطقات :ايوا غير تصور معايا باش نكدب على صحباتي ونقول ليهم تلاقيت بسهيل بلييييز ...
سهيل ساط بجهد وقال :وخا تفضلي ...
البنت إلتاقطت صورة سيلفي بتيليفونها او وجهات كلامها لتوبة: سمحي ليا امدام على الإزعاج وعفاك ما تجريش عليه مسكين ...
توبة بقات غير كدور في عينيها ما عرفات ما تقول وغير تحركات لوطوا ساطت بجهد وقالت:
_كداب من طراز رفيع ما عرفت ربي في اشمن طبقة في جهنم غيحطك ...
سهيل دار لعندها مبتاسم: الله يجيرنا منها ...
وقف لوطوا في راص درب تحت طلب توبة لي ما بغاتوش يوقف حدا دار وبإمتنان نطق:
_شكرااا حنت نقدتيني وما قلتي والوا كون عرفاتني لبنت أنا سهيل ما غتفرقش عليا ليوم ...
توبة رفعات حاجبها وقالت: إيواا اش داك لشي شهرة ملي ما باغيش لمعجبين يتصوروا معاك من الأفضل تعتازل ونصيحة مني لمرة جايا فاش تبغي تخرج شري كاسك حطوا على راصك باش ما يعرفوكش ولا خشي راصك في خنشة حسن ...
سهيل بصوت هادى نطق:فكرة زوينة نجربها علاش لااا ...
توبة نزلات من لوطوا ودرات جيهتوا تقابلت معاه وقالت:
_شكرا على توصيلة وسمح ليا أسي سهيل لفضولي ...
سهيل بعدم فهم نطق: لفضولي !!
توبة حركات راصها بإجاب: وي حنت فيك كترة الأسئلة و الهضرة لي ما عندها معنى صراحة إلى قدرتي تنقص منها غيكون حسن الله يعونك ...
تمات غاديا عطياه بضهر وهوا متبعا بالمراية ديال طموبيل حتى ختافات من قدامواا...
•• داخل منزل مي رحمة ••
دخلات لغرفتهم حاسا براصها عيانا و مدكدكة كتجر في رجليها غير بزز باش كتمشي ،نهار كامل وهيا مع مي رحمة في دار أمينة ...
جلسات في طرف سريرها كتمسد في راصها وهوا يدخل مورها شاف فيها مطول وبتسأل نطق:
_شنيولة مالك ؟!!
نرجس حسات مصارنها كيتقلبواا وقلبها غيلف عليها بلا ما تقول حتى كلمة حطات إيديها على فمها و ناضت بجري دخلات للحمام بدات كتقيااا كاع داك شي لي كلات ...
عمر غير شافها تبعها بجري دخل موراها جمع ليها شعرها شدواا عندواا حنت طويل وكينز ليها فوق لماء ...
نرجس ما هداتش من رضان خوات معدتها كاملااا وبقات كتقيا في لما ولخواا...
عمر كمش حجبانوا وقال:
_بقيتي كتخلطي في لماكلة حتى ضراتك
نرجس ما بقاتش قادرا بقات كترض حتى حساات براصها فشلت كانت غتسخف لولا عمر لي شدها وغسل ليها ...
هزها بين يديه وداها لغرفتهم حطها فوق سرير وجلس حداها كيتفحصها بعينيه قال:
_كيف بقيتي شويا باش كتحسي ...
نرجس هزات راصها فيه وقالت:شويا الحمد لله ...
عمر مسح ليها فوق شعرها بحنان وبصوت رجولي نطق:
_غدا صباح نديك عند طبيب اوك ...
نرجس جراتوا لعندها تكاتوا حداها وخشات راصها في سدروا :
_بقا حدايا بغيت غير نعس ...
عمر خاف عليها بلاقياس جر لغطا عليهم وبقا كيدوز بيديه على شعرها بشوي حتى نعسات معنقاه ...
•• بعد مرور يوم ••
داخل صالون في دار سي لعربي مجموعين كل لعائلة ومنهم مي رحمة أو وبناتها بمناسبة سبوع بنت أمينة "ملاك" ...
في صالون لي مقابل معاهم جالسين جروب ديال دراري تيعزفوا و يغنيوا الأغاني الشعبية المغربية بطريقة ممتعة مخليا لكل ناشطين وفرحانين، شي واقف تيشطح ويتحير وشي جالس وكيسفق بيديه والإبتسامة ما مفرقاش شفايفوا ...
جالسا فوق سداري بالقفطان المغربي لي وتاها لونوا الأبيض فتح ليها وجها ،عينيها كيلمعوا وهيا كتشوف في ناس كيشطحواا وهيا ما مخلينهاش توقف، حطات يديها على درعها من جانب وبشفايف تيرجفوا نطقات بصوت عالي :
_داتي ورجليا كياكلوني الخوادرية بغيت نشطح الى بقيت جالسا غنمرض ...
توبة خرجات فيها عينيها بمعنى واش من نيتك كتهضري، وبصوت مرتفع ردات: خرج ليك لعقل لااا وراه الى نضتي تشطحي عاد غتمرضي بالمعقوول عمرك شفتي شي وحدة ماشي بزاف باش فاتحة وناضت تشطح ...
أمينة حركات راصها بنفي: لااا ،ولكن راه لحمي كولوا كياكلني بلا قياس كنحس براصي جالسا فوق شوك فهميني عفاك ...
توبة نطقات حابسا ضحكة: صبري أمينة غير تصحي وعلى حسابي ندير ليك قصعة ديال رفيسة ونطلق ليك شعبي في لباف وأراا ما تشطحي حتى تبردي ...
أمينة ساطت بجهد: اووف بحالك بحال مي انا ما بغيت بوو عراضة انا بغيت غير نشطح واش ماشي من حقي ...
توبة حركات ليها راصها بلا او وقفات كتشطح وتمايل على إيقاع الأغنية وتضحك
أمينة خسرات ملامحها :كتقلي ليااا في سم أيوا نتي لي جات معاك تشطحي "هزات كفوفها لسما " بغيت ربي يجيب ليك شي راجل او تولدي معاه بنت وفي سبوع نرد ليك صرف ...
توبة حطا إيد على خصرها والأخرا معليها لفوق و شعرها مطلوق كيلعب موراا ضهرها سيرا كتشطح من داك شي رفيع مخلياا الكل حالين فامهم فيها ،قربات كتنهج تحنات وهمست في ودن أمينة كضحك:
_ عدي بتسفاق أ أمينة راه حتى هوا نوع من انواع نشاط هههههه ...
أمينة زيرات على سنانها وبعصبية نطقات:
_ هداك وجهك ولا كَفاك ...
توبة بدات كضحك :وجهي أختي وجهي ...
شافت في لالة فريدة جالسا مشات ناحيتها تسلم عليها ...
•• دخلات إسلام لابسا تكشيطا في الأزرق مجرورا في الأرض وديرا شدة بسيطة في شعرها مخليا جوج زغبات نازلين فوق عينيها مع ميكاب خفيف بزاف كتبان بحال نجمة كتلمع وسط لحضور ...
هازا بين يديها جنات ملبساها قفطان صغير في لغوز جات فنيونة كتحمق ...
جلسات جنب أمينة لي معبساا ما عاجبها حال
إسلام رفعات حاجبها وبتسأل نطقات: مالك اش واقع مشيت نبدل لجنات جيت لقيتك قالبا وجهك ...
أمينة بحزن: كنت باغا نشطح او ما خلونيش "شافت في إسلام وبتسأل نطقات" طلقي شعرك غيجيك حسن علاش جمعاه ...
إسلام بتنهيدة طويلة نطقات: هادا امر من عند سي أركان حلف عليا ما نطلق شعري بزز باش خرجت هاد جوج زغبات اما لمكياج دار ليا عليه لحالاااا بطليب ورغيب باش حطيت هاد شويااا ...وقال ليا بما انه كينين لجروب غيغنيوا ودار عامرة نخلي شعري مجموع ...
امينة عوجات فمها وقالت: اويلي مالوا تسطاا طلقي طلقي شعرك ...
إسلام دورات راصها: إلى مشيت حتى طلقتوا غدا نهاري ما غيطلع فيه شمس غير سكتي ما شتيش بغاني ندير لفولار راه بزز باش خرجت هاكا ...
امينة بعينين تيلمعوا نطقات بفرحة:احح على لغيرة سعدتك بيه يغير عليك في صراحة أنا و غرت منك "بتنهيدة" أركان ماشي بحال داك كويريم ولد قنديشة عمروا غار عليا ولا قال ليا متحطيش ميكاب ...
إسلام تفرشخات بضحك: اويلي على هواا يقدر ، بغيتي يمنعك تسدقي قتلاه سيد كيطلب معاك غير سلاك مسيكن ...
أمينة بتأييد نطقات: ولاه ما كدبتي في هادي
مع هزات راصها كتبان ليها عدوزتها داخلاا معا لباب لابسا تكيشطا واسعة عليها ،غير شافتها كحلات بلعما وبتنهيدة طويلة قالت" ما كدبوش مني قالوها غير دكر لمش يجي نقز ...
إسلام بعدم فهم نطقات: شكوون ؟!
امينة عوجات فمها: وشكوون غيكوون من غير قنديشة عدوزتي ...
إسلام شافتها فين كتشوف وقالت:حشومة خالتك هادي ...
أمينة حاضياا خالتها لي جلسات كضحك مع ناس وقالت: يعطيها لخلااا وجلااا ما حشماتش مشات عند ولدها بوجها حمر قالت ليه إلى كنت عزيزة عليك اولدي سمي بنتك مليكة على سميت لمرحومة ...
إسلام حطات سكاتة جنات لي طاحت ليها في فمها وبتسأل نطقات:ايواا اش دار غيسميها مليكة ؟!!
أمينة قوسات حجبانها: من نيتك كتسولي كريم كيسمع ليا غير أنا غيكتب في لحالة المدنية ملاك وهيا غنكدبوا عليها ونقولوا ليها سميناها مليكة بغيت ليها شي مالك من لجن يملكها ويغبرها عليا لا كانت شي عيطة من عند سيدي ربي ...
إسلام خنزرات فيها : براكا سكتي من دعاوي سيدة ما درت ليك والواا ...
أمينة هزات براصها وقالت: خالتي كتبقااا تدخل فشي حويج ما كيخصوهاش حمدت الله وشكرتوا ملي ما جلستش معاها في نفس دار، شتي كون عشت معاها غتلقايني قتلتها من زمان "خبطات فخضها"اويلي كلشي حتى لسمية بنتي وحبس ...
إسلام حركات راصها كضحك:إيوا الله يعطيك عقل ...
أمينة دورات عينيها وبتسأل نطقات:فين هيا نرجس ما بانتش ليا ؟!!
إسلام بتنهيدة قصيرة قالت: على ما قالت ليا ماما نرجس مريضة شوية وعمر بقا معاها مقابلها ...
أمينة تنهدات بضيق:الله يشافيها،شنوا ضارها؟ما خدهاش لطبيب؟
إسلام حركات راصها بنفي:بغا يديها وهيا لي عكست كتخاف من لبرة ...
أمينة خرجات عينيها: اويلي مالها موموا خاصها تمشي تكشف على راصها باش تشري دواء لي ينفعهاا ...
إسلام جمعات لوقفة:فكرتيني الله يفكرك في شهادة نوض نمشي نعيط لعمر نسولوا عليها ونجي ...
امينة مدات يديها: أري ليا ديك لبكوصة لهناا،موا لحناك نشبع فيها غير بوسان ...
إسلام مداتها ليها:هاهيا شديها"بتسأل"فين هيا الأمورة ديالك نتي ؟!!
أمينة تنهدات تنهيدة طويلة بحالاا هازا جبل فوق كتافها وقالت:
_ناعساا في لبيت مع مخها هيا تسهر بليل وتبيتني فيقا نراري بيها وبنهار ضل ناعسا ...
إسلام تبسمات جنب وبصوت أنثوي رقيق نطقات:
_هادوك هما دراري صغار غير صبري معاها حتى تكبر ...
داخل لوطوا جالس سايق متوجه لدار مي رحمة طالق موسيقى راب لي كتعجيوا والإبتسامة مرسومة على وجهوا مزينة شفايفوا ....
وهيا جالسا حداه حاطا إيدها على بطنها مصدومة وما متيقاش بلي داخل بطنها كتعيش روح ملي خرجوا من عند دكتورة نسائية وهيا ساكتة كتفكر ما نطقات بحتى كلمة ...
دور وجهوا جيهتها كتبان ليه جالسا بحال شي ثمتال وجها صفر مخطوف منوا لون فتح شفايفوا باش يهضر معاها وهوا يقاطعوا صوت تيلي كيصوني عليه، قبل لخط بعدما طفا لموسيقى وركب سماعة لبلوتوت في ودنوا ...
عمر ببتسامة جانبية نطق:ألوا لخوادرية لباس
إسلام بصوت هادئ ردات :الحمد لله أخويا ونتا لباس ؟!!
عمر حرك راصوا بإجاب: لباس هاد ساعة
إسلام بتسأل نطقات: قالت ليا ماما راه نرجس مريضة ومبغاتش تمشي عند طبيب علاش كون غير ديتيها ...
عمر حرك راصوا وقال:ديتها بزز منها وحنا دابا جيين من لكلينك راجعين لدار ...
إسلام كمشات حجبانها ونطقات معليا صوتها بسباب صوت الأغاني المرتفعة:
_ايوا اشنوا قال ليكم طبيب شنوا ضرها تشطنت عليها بزاف ...
عمر نزل زاجة جنبوا وقال: ما تخافي من والوا حنت ما عندها حتى حاجة قالت لينا طبيبة هاد شي طبيعي ...
إسلام كمشات حجبانها وبتسأل نطقات: كيفاش طبيعي ؟!!
عمر شاف في مراتوا وببتسامة مزينة ملامحوا رد عليها:
_ نرجس حاملة أ إسلام ...
إسلام حطات إيدها على ودنها ونطقات معليا صوتها:هضر بجهد أعمر ما سمعتكش مزيان
عمر تبسم جنب وبصوت عالي غوت وهوا فرحان :
_مرااتي حاملة نرجس حاملة الخوادرية ...
إسلام عينيها غرغروا بدموع حطات ايدها على فمها مبهوضة :أشنواا حاملة قوول والله حلف ...
عمر بتأكيد نطق: والله حتى حاملة هاد شي راه ما فيهش ضحك ...
إسلام طاحت دمعة نازلاا جنب عينيها بشفايف تيرجفوا نطقات بفرحة: ما تصورش شحاال فرحتيني أخويا دابا أنا غنولي عمة، كبرتي أحبيبي ...
عمر تبسم جنب:شحال هادي "رجع شعروا لور " إيوا ضروري ما نكبروا ...
إسلام بأمر نطقات:طفي تيلي نخليك سايق على راحتك غنمشي نشر لخبار دابا نيت ههههه
عمر بصوت رجولي خشن قال :اوك الخوادرية تهلاااي ...
إسلام بعينين تيلمعوا ردات : سلم على نرجس وطريق سلامة ...
عمر شد من خدها بجوج صبعان وقال: شنيولة ديالي غتولد ليا بوفرطاطو صغير نبقا نلعب معاه ويعمر ليا وقتي شكون بحالي ...
نرجس ساطت بجهد :ما كيبانش ليك بلي باقي لحال على لولاد دابا هما زوينين وكيعجبوني ولكن حنا باقين صغار"صغرات عينيها " وقيلا زربنا في هاد لحبالا ...
عمر شاف فيها وتبسم: مكتاب الله كيتصرف ...
نرجس كمشات حجبانها وقالت: ديرها بيدك وقول مكتاب الله شكون لي كل مرة فينما يلقاني فشي قنيتة يشدني وما يفلتني بوعواا ...
عمر حط إيدوا على فخضها وبعنين معسلين قال : إلى ما سكتيش غنوقف هاد طموبيل ونشدك هنا نيت أحبي ...
نرجس ضرباتوا فوق يدوا : دابا انا أشنوا غندير في قرايتي ما نقدرش نمشي نقراا وكرشي قدامي ...
عمر بدا كيضحك عليها من نيتوا : جلسي من لقراية حتى تولدي ورجعي تقراي عادي ...
نرجس زفرات بجهد : عادي غير بالنبسة ليك نتا"خسرات ملامحها وقالت" درتيها قد راصك وزيدها بضحك دابا كيفاش غنقدر نحط عيني في عين عائلتي ونقول ليهم أنا حاملة حشومة...
عمر بغمزة نطق:حلالااا طيبااا أشنيولة قوليها ليهم بكل سهولة وأصلا ما كينش لاش تشطني راصك دابا لخبار غتكون وصلت ختي إسلام بالفرحة ما غترتاح حتى تقولها لكلشي غير تهناي ...
نرجس شارت لجنب طريق وقالت بعينين تيلمعوا وريوقها سيلين: وقف وقف بغيت كلاص وقاااااااف ...
عمر فرنا بجهد ،سطاسيونا لوطوا جنب محل لمثلجات وبتسأل نطق: اينا واحد بغيتي؟!!
نرجس بلعات ريقها وقالت: بغيت واحد ديال شكلاط او واحد ديال لفنيلا او بزربة عفاااك
عمر نزل من لوطواا بزربة توجه لمحل لمثلجات وقف عند مول لمحل طلب من عندوا نكهات لي بغات نرجس خلص وجابهم ليها لوطواا ...
نرجس بعينين تيبريوا خدات من عندوا لمثلحات بدات كتاكل من نكهات بزوج بالهفة ...
عمر رفع حاجبوا وقال:غير بشويا عليك المهاوشة نخاف غير تكمليهم و تاكليني حتى أنا ...
نرجس خرجات عينيها وبعصبية نطقات: أنا مهاوشة ...
عمر حرك راصوا بإجاب:وي مهاوشة وكبيرة لمهاوشين ...
نرجس رفعات حاجبها وقالت: ياك اسي عمر ايوا هاكْ "رمات ليه كلاص شكلاط على نيفوا وبدات كضحك عاجبها لحال "
عمر خسر ملامحوا ما عاجبوا حال بعصبية نطق:برهوشة والله حتى برهوشة "خطف ليها لكلاص تاني من يديها دربوا ليها على وجها حتى بدات تغووت"
نرجس وجها ولا حمر بالفقصة:هنن وجهي خصرتي ليا مكياجي كامل هئ هئ هئ ...
عمر شافها كتبكي:بديتي تاني وصافي واسي ما تبكيش، ما عرفت اشنوا درت في حياتي حتى بلاني الله بيك ...
نرجس مسحات وجها بكلينكس وقالت: حتى دابا باقي لحال ولمحاكمة راك عارف طريقها نمشي لدار بابا حسن ليا ما نعيش مع واحد بحالك ...
عمر بصوت حاد نطق :مال واحد بحال كيف جيتك وزيدن راه نتي لي بديتي ...
نرجس شارت لنفسها: أنا لي بديت يااك وشكون قال عليا مهاوشة أخويا جدي هاه ...
عمر بالفقصة ضحك :وزوينة هادي هيا ضربني وبكا وسبقني وشكا خلينا نتحركوا حسن ما نبقا مصادع معاك ...
نرجس دلات شفتها لتحتانية: ما بقيتيش كتبغيني ياك ...
عمر شغل لوطوا و قال: مزال كنبغيك وخا كتعصبيني أومزال ما بغيتي تكبري كنموت عليك ...
نرجس دارت لعندوا و بعينين تيلمعوا قالت:إيوا قول ليا شحال كتبغيني ...
عمر شاف فيها مطول عاد نطق بقوله:كنبغيك قد لقرصات لعطاتني شنيولة في صغر أشنيولة ديالي ...
نرجس حلات فمها ورجعات سدتوا مخسرا ملامحها: شحال من قرصة وحدة بفف ما كتعرف حتى تكدب وطلع لمورال قول ليا كنبغيك قد لبحر ولا سما ولا حتى نجوم اويلي ما بانت ليك غير شنيولة ولقريص ...
عمر سايق بإيد والإيد الأخرا كيهضر بيها:قلت شنيولة حنت كانت حاكرا عليا في صغر مع دمي حلواا وزوين ديما كانت كتقرصني ...
نرجس ببتسامة بريئة نطقات:هيا لي عبرات عليك في صراحة ...
عمر رفع حاجبوا : ياك وأنا من صباح وانا سايق وداير ليك خاطرك شحفتيني غير بالهضرة "بعنين معسلين شاف فيها "ما تعطينيش شي بوسة نريق بيها "بدا كيقرب منها وهيا دفعواا"
نرجس بصوت عالي قالت:اويلي تسطيتي باغي تقتلنا رد لبال لطريق من لبهلان لا هاد شي لي بقا ليك نيت ...
عمر تبسم جنب:هاحنا وصلنا لدرب ملي تكوني معايا ما عندك مناش تخافي ...
نرجس بخفوت نطقات:إلى ما خفت منك نتا ما عندي مناش نخاف...
عمر مد ليها ساروت وقال : نزلي سيري دخلي لدار وأنا غنمشي نجيب ليك لفيتامينات لي خاصينك ...
نرجس خدات من عندوا لمفتاح وخرجات عينيها وبتأكيد نطقات: والله لا هبطت رجلي على رجلك بغيتي تبقا شاد ليها لهضرة مع مولات لفرمسيان اهاه ...
عمر دار لعندها وقال: عرفتي اش غديري أنا غندخل لدار نرتاح مع مخي ونتي سيري شري دواك بحدك وهنيني نيت ...
نرجس صغرات عينيها ودلات شفتها لتحتانية و بحال شي بنية صغيرة نطقات بصوت طفولي : حويجي كلهم عمرتيهم ليا كلاص ما نقدرش نمشي هاكا ...
عمر بأمر نطق بصوت حاد:إيوا سيري دخلي تركني في دارك حسن ليك ...
نرجس ساطت بجهد:هاهيا غادة وما تعطلش غنحسب ليك لوقت ...
عمر هز يدوا وقال : داك شي لي بقا ليك نيت ...
•• في لمساء ••
من بعد ما ودعوا إسلام وعائلة آل راضي لي جا يوسف ياخدهم من تما خرجوا من دار أمينة فرحانين توبة هازا بين يديها لعشاء لعمر ونرجس ومي رحمة شادا من أمير وفرحانة بخبر حمل نرجس ...
توجهوا لدارهم لي قريبة بزاف دقوا في لباب وهوا تفتح ليهم نرجس لباب ...
توبة بدات كتزغرت هيا من ناس لي ما كيقدوا يخبيوا فرحتهم اما مي رحمة تلاحت عليها عنقاتها فرحانة بلا قياس ...
نرجس وجها ولاحمر حشمات بزاف، بخجل قالت:
_تفضلواا دخلواا ...
مي رحمة سمات الله كيف ديما عاد دخلات مسبقة رجلها ليمنى، دارت عند نرجس وببتسامة نطقات :
_ مبروك عليكم أبنتي مبروك لحبلى فرحتيني الله يعطيك ما ناوية في خاطرك ...
نرجس بالحشمة ما صابت الأرض تشق وتبلعها: الله يبارك فيك امي رحمة ...
توبة حطات لماكلة من يديها فوق طبلة وقالت: مالك حشمانة عادي أنرجس خاصك تكوني فرحانة حنت غتولي أم والجنة غتولي تحت قدميك ...
نرجس نزلات راصها الأرض ما قدات تبقا حطا عينها في عينيهم ...
مي رحمة حيدات جلبتها وقالت: ميمتك كانت غاديا تجي لعندك ومع شافت ليل بغات تخليك ترتاحي حتى لغدا إنشاء الله و العائلة كلهم غيجيوا عندك يباركوا ليك ...
نرجس ببتسامة بريئة نطقات:الله يجيبهم على خير...
توبة حيدات قفطانها وسط لمراح ولبسات بيجامتها هزات لمراية غتمسح لمكياج وهوا يبان ليها أمير غيطيح بنعاس حطات كلشي من يديها ومشات لعندواا هزاتواا وقالت:
_ الله على حبيبي أنا غيموت بنعاس أجي عندي اوليدي نديك لبلاصتك ترتاح ...
مي رحمة حيدات جلبتها وخدات بيجامتها طويلة لي مداتها ليها نرجس لبستها وقالت:
_هانتي أبنتي تشهيتي أي حاجة قوليها ليا نصوبها ليك ما تحشميش مني والوا يكون نص ليل فيقيني نطيب ليك لي بغيتي أنا مقلداك ابنتي الى تشهيتي شي حاجة وما قلتيهاش لياا ...
نرجس حركات راصها بإجاب وببتسامة جانبية نطقات: وخا امي رحمة كوني هانيا ..
مي رحمة تربعات في بلاصتها و هزات تسبيح بين يديها وقالت:
_ سيري عري داك طبسيل لي فوق طبلة وعيطي لعمر تعشاوو أبنيتي دابا راه خاصك تاكلي بزايد حنت ما بقيتيش بوحدك داخلك روح وخاصك طعميها مزيان الله يرضي عليك ...
نرجس تحنات لمستوى مي رحمة خطفات ليها يديها باستها و قالت:
_الله يطول في عمرك ويخليك تاج فوق راصنا امي ...
مي رحمة طاحت دمعة جنب عينيها مسحتها بالخف وقالت: أمين أبنتي الله يحفضك سيري تعتقي روحك ...
نرجس بتسأل نطقات: كيف داز سبوع تمنيت كون مشيت معاكم وليني ما قديت خسارة...
مي رحمة قدات فولارها وقالت: داز زوين من داك شي رفيع، ما يبقاش فيك لحال أبنتي راه كلشي كيتعوض و إلى مشا سبوع يجي سبوع "تنهدات بضيق" صحة هيا إلى مشات ما بقات ترجع ...
نرجس تبسمات جنب: وي عندك لحق أمي رحمة ...
فور ما نعس ولدها مسحات لمكياج من وجها وغطاتوا على لبرد ونزلات لدار لتحت توجهات لمطبخ نيشان قفدات دراعيها وغسلات لماعن كاملين ديول لغدا لي خرجات مزروبة وخلاتهم تم دارت لماء في سطل وهزات جفاف لي بعصاه حيداتوا خسلاتوا بالمعطر ورجعات ركباتوا في لعصا ديالوا وبدات كتجفف واقفا ...
فور ما سالات هزات سطل ديال زبل"سلة لمهملات"بين يديها حطاتوا حدا لباب و تماطات لعلاقا خدات منها كاب لبساتوا فوق بيجامة وهزات ساروت وسطل وخرجات ...
غير وصلات قدام مكب لمهملات ،تحنات هزات سطل بين يديها بدات كتخوي فيه وهيا تسمع لحس مورها دورات وجها وهوا يبان ليها بحال شي صخرة واقف مقابل معاها ...
حطات سطل في الأرض سداتوا وقالت: بسم الله الرحم الرحيم منين خرجتي ليا ...
سيهل بصوت هادئ نطق وعينيه عليها:بغيت نهضر معاك إلى سمحتي ...
توبة هزات سطل بين يديها بعدات من تما وقالت: فين كتعرفني أخويا باش تهضر معايا ...
سهيل شاف فيها مطول وقال: أنا سهيل ولد لباتول دغيا نسيتيني ...
توبة حركات راصها بإجاب: اه سي سهيل عرفتك اش بغيتي الى كنتوا باغين لحلوة راه باقي يومين عاد توجد كاملة ...
سهيل حرك راصوا بنفي : لا ما جيتش على قبل لحلوة ...
توبة رفعات حاجبها:إيوا علاش جيتي؟!!
سهيل بعينين تيلمعوا نطق بصوت رجولي خشن : على قبلك ...
توبة خرجات عينيها وبعصبية نطقات معاليا صوتها: إيوا الله يقل حياك وما حشمتيش سيرا كتقول فيها بوجهك حمر ...
سهيل هز إيدوا وقال: نوو ما تخديهاش مني قلة صواب ...
توبة صعرات في وجهواا:واااش غنخدهااا اسي سهيل ولا سي سويهلة هاه ...
سهيل بصوت هادئ نطق: أنا بغيت نهضر معاك بحال ناس لمتحضرين ...
توبة حطات سطل من يديها وطوات يديها عندها شافت في بنضرة قاصحة وقالت: هانا كنسمع أسي لمتحضر ...
سهيل بلع ريقوا حتى تفاحة أدم تحركات في حلقوا وبصوت هادئ نطق:
_ في صراحة طريقة هضرتك وشكلك ونتي لابساا جلابة ما تمحاوش من بالي عجبتني بزاف أسنيوريتا وما كرهتش تعطيني فرصة نتعرفوا على بعضياتنا أشنوا قلتي ...
توبة بتسأل نطقات:شحال من وحدة ؟!!
سهيل بعدم فهم :كيفاش ؟!!
توبة ساطت بجهد وقالت:قلت ليك شحال من وحدة تفليتي عليها بهاد لهضرة ...
سهيل بدا كيقرب ناحيتها: نوو توبة ما تفهمينيش غلاط انا ملي شفتك وانا مخربق ...
توبة هزات إيدها لفوق بمعنى سطوب هوا غير شافها وقف،زيرات على سنانها وقالت :
_ اش بان ليك نعيط ليهم يقادوك ...
سهيل بعدم فهم نطق: شكوون هما ؟!!
توبة خنزرات فيه : مالين لوقت "حركات راصها " لحناش او خويا وراجل صحبتي منهم ...
سهيل بلع ريقوا حتى تفاحة أدم تحركات في حلقواا وبجدية نطق: توبة انا ماشي من داك نوع لي كتسحابي انا ناوي معاك لمعقول ...
توبة شافت فيه بحدة وهزات يديها وبدات تهضر: كتقطع في لقلب وصراحة نتوما كلكم بحال بحال "زيرات على سنانها ونطقات بحرقة" يعني نوع واحد كدخلوا بالكلام لحلواا وتبسيما في لوجه ومن بعد زواج فاش كتاخدوا لي بغيتواا كتبدلوا بحال زمان وكتوليواا وحوش في صفة بشر ...
سهيل خشا يدوا في جيبوا وقال: ماشي كلشي بحال بحال أسنيوريتا باين ليا غتعدبيني معاك وخاا هكاك مستاعد نتسناك لعمر كامل ...
توبة زيرات على سنانها و قالت:هاد لهضرة سير قولها لشي وحدة سايط ليها ريح في مخها غتيق بيك "شارت لنفسها "اما أنا مستحيل نتيق و هاد شي ما غنقبلوش، يكما تغالطت ليك مع دوك الأسبانيات لعريانات ولا قنطتي وبغيتي باش دوز لوقت وبنت ليك في لبلان ...
مك لالة لباتول باينا عليها إمرأة محترمة ونتا ما خرجتيش ليها للأسف ...
سهيل بتوسل : سنيوريتا نتي بنت وأكيد غتزوجي شي نهار عطيني فرصة ما تعرفي اقدارنا يكونوا مرتابطين مع بعض، من قبيلا وأنا كندور هنا جيت وما عرفتش داركم فين ...
توبة حطات إيدها على جبهتها كتحاول تبقى مهدنة بلعات ريقها و بعصبية نطقات: سمعني إلى بغيتيني نبقا نحتارمك سير فحالك من هنا الله يرحم ليك لواليدين "شارت لنفسها " أنا ماشي بنت كيف كيسحاب ليك انا مرا مطلقة وعندي ولد في عمروا ثمن سنين ...
سهيل ما تصدمش حنت عقليتوا متحررة وجاه لموضوع عادي زوج ما تفاهموش يطلقوا فين كين لمشكل، تبسم ليها وبصوت رجولي خشن نطق:
_ ومن بعد لمرا لمطلقة ما عندهاش لحق تزوج ودير دارها ولا غير حنت فشلات في تجربة الاولى تسد على راصها وتعيش بوحدها بقية حياتها"طلعها من لفوق لتحت"هاد لحمار لي طلق وحدة بحالك انا بغيت ليه لعماا،بالحق هادي هيا أحسن حاجة دار باش نتلاقا بيك ...
توبة بالفقصة ضحكات: وشكوون ضحك عليك أخويا و قال ليك أنا غنوافق نكون معاك شوف غير طريقة هضرتك بزز باش كتنطق مقاد بدارجة حنا ماليقينش لبعضياتنا من الأحسن تمشي بحالك من هنا إلى شافك شي حد غتشوه ليا سمعة ديالي وبنادم خاصوا غير علاش يهضر ...
سهيل مسح على شعروا وقال: وخا أنا غنمشي ولكن حتى تعطيني فرصة...
توبة حركات راصها بنفي: لا هيا لا سير بحالك ...
سهيل قرب منها حط إيدوا فوق كتفها وبعنين تيلمعوا وأمل كبير حامل في قلبوا نطق :
_عطيني فرصة بليييز ما غتندميش أتوبة ولدك غيكون هوا ولدي كنوعدك ، نتي عجبتني بزااف وانا ...
توبة شافتواا فين حاط إيدواا حسات بدمها كيغلي هزات إيدها حتى لفوق وعطاتواا طرشة لحنك صدماتواا ...
رفعات صبعها في وجهوا وبصوت حاد نطقات مقطعاه:
_قبل ما تقرب الأي بنت مغربية تفكر مزيان هاد طرشة ودابا سير الله يهنيك ...
رجع لدار مصدوم أول مرة كيصادف شي بنت شخصيتها قوية بحال توبة كانت لبنت لي عجباتوا قبل ما يمشي عندها كتجي هيا حتى لعندواا اما توبة شكل اخرا ما عمروا صادفوا في حياتواا ...
أغلبية لبنات غير كيشوفوا شخص ميسور ومشهور و زوين ما كيفلتوهش من يديهم أما هيا مختالفة عن لكل رفضاتواا بمرة ...
تكا فوق سريروا مقابل سقف كيفكر ،حط يدوا على خدواا كيتحسس بلاصة طرشة لمكان لي لامست يدها الناعمة خدواا تبسم جنب وهوا كيفكر نضراتها وشوفاتها لقاصحين باينا انها عنات بزاف ودازوا عليها شي حويج مع طليقها لي خلاها تولي تكره رجال ...
ولات توبة بالنسبة ليه بحال شي تحدي وخاصوا يفوز بيها ضروري ...
خشا يدوا في جيبوا جبد لهاتف ديالوا لي أخر موديل دخل لرقم لي كاتب عليه Mi amor
"حبيبتي" وبدا كيفكر واش يتاصل ولا يتراجع ...
•• داخل غرفتها متكية جنب حدا ولدها مخليا شعرها مطلوق موراها،بقات كتشقلب ودور في فراشها يمين ويسار او والوا نعاس ما بغا يزور جفنها ،زيرات على يديها وهيا كتفكر في كلام سهيل وطرشة لي عطاتوا بقا فيها لحال حنت هزات يديها عليه ولكن يتساهل هوا لي حط يدوا عليها علاه شكون هوا باش يقرب جيتها خوها ولا باها ؟ حتى واحد فيهم هوا شخص غريب ما عندوش لحق يمسها ولوا بالغلط هادا هوا تفكيرها ...
تنهدات من الأعماق وغمضات عينيها كتحاول تنعس وهيا تسمع صوت رنة تيلفونها كمشات حجبانها كتسأل مع نفسها في شكون لمتصل جلسات في بلاصتها و تمطات لتيلي ديالها ضهر ليها رقم غريب في شاشة قبلات لخط بفضول قالت:
_ألواا ...
المتصل بنبرة صوت هادئة نطق: سنيوريتا ...
توبة خسرات ملامحها ويلاه غتطفي عليه وهوا يقول:
_بلييز توبة ما تطفيش عليا حتى تسمعيني ...
توبة ساطت بجهد وقالت :هانا كنسمع اش كين ؟!!
سهيل بلع ريقواا وتكلم بالدرجة مخلطة مع اللغة الإسبانية :
_عطيني فرصة عفاك Te adoro "انا معجب بيك" خلينااا نتعرفوا على بعضياتنا وإلى ما عجبكش لحال غنبعد عليك بمرة حتى حاجة ما غنبززها عليك ...
توبة زفرات بجهد :سمعني مزيان أخويا أنا نص هضرتك ما كنفهمهاش كيفاش حنا غنقدروا نتفاهمواا هاه ...
سهيل تنهد بضيق: هادا ماشي مبرر أسنيوريتا ...
توبة رفعات حاجبها وقالت:اجي نتا منين جبتي نمرتي ؟!!
سهيل بصوت رجولي خشن نطق:خديتها من تيليفون mi madre "الواليدة" من نهار شفتك أتوبة وأنا pienso en ti siempre "دائما افكر بك"
توبة غوتات بجهد: اووف مالك لصقة واش ما كتفهمش انااا ما بغااااا نتعرف على حد ...سير أشريف قول هاد لهضرة لوحدة أخراا اوك ...
سهيل زير على يديه وقال: توبة علاش باغا تعدبيني معاك سمعني عفااك ...
توبة زيرات على سنانها وبنبرة صوت حادة نطقات بعدها طفات عليه تيلي: ما كين ما نسمع منك دابا غنبلوكيك إيوا الله يعوون ...
•• سهيل وقف ساخط ما فهمش علاش رفضاه لهاد دراجة ما بغاتش تعطيه فرصة دوز على شعرواا و رجع يصوني عليها لقاها بلوكاتواا لاح تيليفون بعصبية حتى تشتت كلواا في الأرض ...
غير سمعات صوت دخلات بجري لعندوا مخلوعة قالت:
_الله يا وليدي اش واقع مالك معصب ...
سهيل ساط بجهد وقال: ما كين والوا الواليدة
لالة لباتول كمشات حجبانها وبتسأل نطقات: كيفاش ما كين والوا و هاد تيليفون علاش هرستيه ؟!!
سهيل تكلم بصوت هادئ عكس داخلواا :
_ قالت ليك ما كين والواا هيا ما كين والواا صافي نسااي ...
دخل لدووش سد عليه ،نصل حويجواا بالخف حتى ضهروا عضلاتواا وشكل جسموا رياضي لجداب....
فتح رشاشة وتخشاا تحت لماء يبرد خلا لالة لباتول مصدومة ما فاهما والواا ....
داخل لحمام واقفاا لابسا بيجامة قصيرة عبارة عن شورط قصير حد لفخاض مع سليب سمطة في الأبيض شادا جنات بين يديها عاريانا ، حتى تاكدات من لماء انه دافي ما سخون بزاف ما بارد عاد خشات جنات دخل بانيوا صغير ديال دراري صغار وشعرها طويل كيدايقها كيتغمس ليها داخل لماء ...
إسلام بصوت هادئ نطقات: هوبااا لغزيولة ديالي ...
جنات بدات كضحك وتفركل بيديها وسط لماء عاجبها لحال فزكات إسلام كلها بالماء ...
إسلام ببتسامة مزينة ملامحها نطقات: جنات غير بشويا شوفي حويجي كلهم عمرتيهم ماء ...
حطات ليها شامبواا فوق راصها وبدات تغسل ليها في شعرها بالخف متفادية شامبوا يدخل لعينين جنات والإبتسامة ما مفرقاش شفايفها ...
•• دخل لجناح ديالواا كيماصي في عنقواا توجه لبلاكار ديالواا خدا منوا سروال ديال دار في رمادي لبسوا مع تيشرت في لبيض جاا مكروز على عضلاتواا ...
بملامح جدية ،جلس فوق سرير ديالواا مفرق رجليه ومشابك يديه لوسط كيفكر في أمور كتخص خدمتواا ...
سمع صوت ضحكاتها لعالية جاي من داخل دوش وهوا يكمش حجبانواا او وقف توجه لحمام دفع لباب بعدما دق وهيا تبان ليه واقفاا سارداا وحويجها لاصقين عليها بالماء وشعرها فازك من لتحت كتبان جدابة بلا قياس ...
طواا يديه عندواا ونضراتواا كيتفحصواا فيها من رجليها لتحت و سيقانها لبيضين وصولاا لعينيها لي كيبريواا بالدموع لفرحة وضحتكها لمسموعين ،باين من نضراتوا كمية لحب لكبير لي حاملواا في قلبوا من جهتها ...
إسلام غير شافتوا صغرات عينيها وقالت: دور عينيك لهيه لبنت عرايانة حشومة ...
أركان فين داها فشي جنات هوا حاضي غير لخير لي عطاه سيدي ربي ،بلع ريقواا حتى تفاحة أدم تحركات في حلقوا وبجدية نطق:
_نبض قلبي ...
إسلام عينيها على جنات كمشات حجبانها وقالت:
_هممم وي حبيبي ؟!!
أركان قرب منها حوطها بيديه من ضهرها ودور شعرها لجهة وحدة وبصوت رجولي مبحوح نطق:
_توحشتك ...
حط شفايفواا فوق كتفها وطبع قبلة طويلة فوق منوا حتى تبورشاات وبصوت ضعيف ردات:
_ما مسلياش أ أركان غطيح ليا جنات من يدي ...
أركان زاد خشاا راصواا في عنقها كتر :سربي دغياا ...
إسلام تبسمات وقالت : تسنا غير نشللها بالخف ونلبسها حويجها ونجي عندك غير بعد لهيه ...
أركان قرب لعندها كتر وبدا كيلامس جسدها كامل بيديه وكيطبع قبلات على كتفها وعنقها من ورا،بصوت رجولي خشن نطق :
_ما غنتحزحش من هنا غير ونتي معايا ...
إسلام تبسمات جنب وبصوت أنثوي رقيق خاطبت جنات: شوفي عمك أحبيبة كيفاش لاصقني ...
بغات تحرك وهيا تحس بشي حاجة قاصحة لاصقة فيها بزربة وجها تسبغ بالأحمر ما عرفات كيف دير شافت حتى عيات وهيا تهز جنات فازكة من لماء وجرات بيناور صغير من حداها لبساتوا ليها وقالت:
_أركان بعد لهيه خليني نمشي نلبس لبنت اويلي ...
أركان ستنسق ريحتها من الأعماق وتنهد بقلة حيلة عاد طلق منها ...
خرجات من دوش توجهات فوق سرير حطات جنات وجبدات ليها حويجها ولحفاضة ...
نشفاتها مزيان عاد لبساتها حويجاتها لي عبارة عن سلوبيط بشورط ديال توب مع تريكواا بيض ...
أركان خرج لعندها مقابلهم قال: إلى ساليتي عيطي لمروى تجي تديها عندها ...
جنات بدات كتفركل برجليها وتبكي جاها نعاس:
_ وينغ وينغ وينغ ...
إسلام دلات شفتها لتحتانية وقالت: شوف شنوا درتي بكيتي ليا لغزيولة ديالي ...
أركان بإصرار نطق :تعيطي نتي ولا نعيط أناا ...
إسلام عرفاتواا ما غيتفاكش معاها خنزرات فيه وصونات على مروى لي جات لعندها في لحال بدات كدق في باب لجناح ...
أركان سمع دقان تبسم جنب وقال: غنتسناك في دوش أحبيبة ما تعطليش عليااا ...
إسلام حركات راصها بإجاب وتوجهات لباب فتحاتواا ،غير شافتها مروى حلات فمها وبصدمة نطقات :
_مالك كلك ساردة بالماء ...
إسلام كمشات حجبانها وببتسامة ردات: كنت كندوش لجنات ولخوينزة مع عزيز عليها لماء بقات كتلعب بيديها ورجليها كلي سرداتني هانتي تشوفي اختي لحالة ايوا عيطت ليك باش تديها عندك جاها نعاس وأنا باغا ندخل ندوش ما نقدرش نخليها بوحدها ...
مروى مدات يديها وقالت: هانيا ازين خودي راحتك اري ليا لكتكوتة لهناااا أري ...
إسلام مدات ليها جنات وصاك ديالها لي فيه رضاعة ولحفاضات
وبصوت هادئ ردات :
_ميغسي لحب ...
مروى ببتسامة جانبية نطقات :ما بينتناش تصبحي على خير ...
إسلام باست جنات وقالت: وأنتي من أهل لخير تباتوا في راحة الله ...
سدات لباب وتوجهات لدوش مع دفعات لباب وهيا تحس بإيدوا لقوية سحباتها لداخل حتى تخبطات مع سدروا لعاري غير شافت عضلاتواا بلعاات ريقها وقالت:
_أركان ...
أركان غير سمع سميتوا خرجا من فمها حس بشي حاجة كبيرة كتجدبوا ليها لصقها مع لحيط وحط شفايفواا على شفايفها بدا كيلتاهم فيهم بحب وعشق كيروي لعطش ديالواا متلدد بطعمهم وهوما وسط فمواا ...
إسلام بدا سدرها كيطلع وينزل وعينيها كيتسدوا وكتحلهم بزز ولفراشات كيلعبواا في كرشهاا ...
أركان بعد منها وخيط ريقهم متاصل مع بعض شاف فيها بثمالة وبصوت مبحوح مخدر بمنضرها نطق:
_توحشتك وليلة غنبقا مسهرك معايا أنبض قلبي ...
إسلام حيدات ليه يدوا من لحيط شدتها وسط يدها وحطاتها على بطنها تم كمشات حجبانها ودلات شفتها لتحتانية بترجي نطقات وعينيها في عينيه:
_بغيت بيبي ...
أركان باسها جنب فمها ، حيد ليها سليب سمطة بالخف وبعينين معسلين قال:
_ما طلبتي غير لموجود أحبيبة ...
يتبع...
التعليقات
لا توجد تعليقات بعد، كن أول من يعلق.