محتوى القصة
جالسين فوق لفوتاي حدا نافورة لي وسط رياض كيتناولوا في لكوتي ديالهم المكون من لكريب بشكلاط مع لبتيبان او لملوي جابوه من لفيرما من شغل توبة وعصير البرتقال ولقهوة واتاي ولعسل لحر وزبدة لبلدية ...
الحاجة خديجة رتشفات من كاس ديال لقهوة ونطقات بصوت هادئ: من نهار لي دخلات فيه إسلام عروسة لهاد رياض وأركان فرحان ومرتاح في حياتوا الحمد لله كان ختياري في محلوا ابنتي ...
لالة فريدة حركات راصها بإجاب:ايه الحاجة عندك الحق إسلام بنت مربية ومخلقة واي حاجة كتصلحها الحمد لله نهار لي خرجوا تصاور ديال نرجس كون ما حدفاتهم او طلبات من خوها ينقدنا كون تشوهات سمعة ديال لعائلة كلها وليني ربي كبير ...
الحاجة خديجة حطات إيديها على تحت ضقنها وهيا تحرك سرتلة لي مزينة أيدها: وحتى خوها طلع رجال ونص شكون باقي في هاد لوقت ينقد سمعة ديال بنت من شوهة ويتزوجها ...
لالة فريدة تبسمات جنب :رحمة ربات وعرفت اش تربي ،بوحدها لعبات دور ديال لمرا وراجل في حياة ولادها كبراتهم صالحين الله يخليها ليهم ...
الحاجة خديجة ببتسامة مزينة ملامحها ردات :أمين ابنتي ديك لمرا بحالها قلالوا "تنهدات بضيق كتفكر "مصاب كون غير تكون مروى بحالها بحال إسلام "دارت عند فريدة " أنا خيفا لا غير تكون بحال ختها نجلاء وتصدق مدمرة لولدي يوسف حياتوا ...
لالة فريدة حركات راصها بنفي :لا الحاجة مروى ضريفة ...
الحاجة خديجة دورات راصها: أنا ما بقيتش نتيق علاه ما عقلتيش نهار لول لي جات عندنا نجلاء فيه ياك دخلات بالوجه لبريئ وضرافة حتى شدات بلاصتها وبدات تبان على حقيقتها...
لالة فريدة حطات إيديها على ركبة الحاجة وقالت بطمئنان: ما تشغليش بالك يكون خير انشاء الله وربي ما غيخيبناش ...
الحاجة خديجة زفرات بجهد ورجعات رتشافت من كاسها بعدما قالت :إنشاء الله
سيري عيطي لحاج ولولاد يجيوا يشربوا لقهوة ..
لالة فريدة جمعات لوقفة:وخا أنا انمشي نكلمهم ...
•• داخل لجناح ...
واقفات قدام لمراية كتلبس في حويجها لي عبارة عن سروال جينز مع قميجة طويلة في الأبيض،حطات حلاقات صغار وبساط ديال ذهب في ودنيها مع ميكاب خفيف في وجها
تحنات كتجمع في صاكها حطات فيه تيليفون وباكية شكلاط كبيرة من نوع لي جاها لوحم عليه...
دخل عليها لجناح لقاها مضاربة مع صاكها صغير كتسد فيه لمحاتوا وقف وتجهلاتوا ...
أركان صغر عينيه وبصوت رجولي خشن نطق: نعونك في شي حاجة أحبيبة
إسلام حركات راصها بنفي بلا ما تشوف فيه :لا ما تعوني ما نعونك "هزات راصها فيه" شوف ما تبقاش تقول ليا حبيبة من الأفضل ...
أركان قرب منها رافع حاجبوا:وعلاش ؟؟
إسلام شافت فيه ونطقات معليا صوتها :إيوا حنت ما كنبغيكش ما كنحملكش كاع ما بقا عندي معاك أسيدي بغيتي تسمعها وهانتا سمعتيها بودنيك ...
أركان حك لحيتوا كيفكر ومن بعد شار لنفسوا وقال: هاد زين كامل ولد فريدة طولة والعضلات والحروشية والوسامة ما بقيتش كتبغيه ...
إسلام كمشات حجبانها حابسا ضحكة:بغيت غير نعرف شكون ضحك عليك وقال ليك راك زوين همم هادا غيكون شي مكلخ ما عندوا دوق ..
أركان تبسم جنب : نتي "حرك راصوا "اه نتي ألالة لي قلتي ليا زوين ...
إسلام بلعات ريقها و قلبات عينيها: هاه ايوا باينا غتكون شربتيني شي حاجة ملي قلت ليك هاد لهضرة ...
أركان خشا إيدوا في جيبوا وببتسامة مزينة ملامحوا قال: إيوا نخليك
إسلام رفعات حاجبها:فين غادي ؟!!
أركان نطق حابس ضحكة: غنمشي عند لي تقدرني وتبغيني حنت نتي ما بقيتيش حاملاني أ الالة إسلام ...
إسلام دلات شفتها لتحتانية و بتوسل قالت :هنن لا بْقا راه كنبغيك ولاكن غير في ليل وبنهار ما كتعجبنيش ما عرفتش علاااش أحبيبي ...
أركان قرب منها وحط إيدوا على درعها من جناب شاف فيها ونطق ببحة رجالية مميزة :
_عاضرك أ قلبي ولدنا لي داير فيك هاد لحالة "حط ايدوا تحت ودنها وبإبهاموا بقا كيلامس خدها "لمهم كتبغيني بالليل وهاد شي كافيني دابا أحبيبة ...
إسلام دورات يديها على عنقوا جراتوا لعندها كثر وبصوت أنثوي رقيق نطقات بخوف:
_ما عمرك تخلا عليا ...
أركان حط جبهتوا على جبهتها وقرب منها حتى ختالطت أنفاسهم مع بعض ،تنفس من أنفاسها وبصوت مبحوح نطق:
_شششش الى ما تخليتيش عليا نتي انا عمري نخليك ...
إسلام حطات شفايفها على شفايفوا وقبلاتوا برقة وبحنية كبيرة،أركان مع غمض عينيه ونزل لشفايفها لمنفوخين بغا يروي عطشوا منهم وهوا يسمع صوت دقان في لباب ...
فريدة من برا:بنتي إسلام هبطوا تشربوا أتاي ...
أركان جوبها : وخا الوليدة هاحنا جيين ...
إسلام تبسمات وهزات صاكها:انا غنمشي عند ماما بغيت نجلس مع لبنات شويا ...
أركان عض خدوا من لداخل وقال: عارف وجيت لعندك على قبل هاد لموضوع بدات "خشا يدوا في جيبوا وجبد مفتاح مدوا ليها " هادا ديال لوطوا جبتها لنرجس كنت مواعدها نهديها ليها فاش تنجح في لباك ، نتي ديها ليها معاك او ملي تبغي تجي غندوز موراك نجيبك ...
إسلام ببتسامة جانبية نطقات:واااو انا اول وحدة غتدشنها ياي نرجس غتفرح بزاف ملي تشوفها ...
أركان دور يديه على خصرها ونزل لمستاوها بعينين معسلين نطق بصوتوا رجولي :
_ونتي أحبيبة طموبيل ديالك غتكمل مورا أسبوع الى طولت يرسلواها ليك لهنا، موديل خاص من تصميمي ليك بوحدك ما غتكونش بحالها حتى وحدة اخرا ...
إسلام دورات يديها على عنقوا عنقاتوا غطير من فرحانة :شكرا بزاف ما تخيلش شحال كنبغيك "بعدات منوا" ايوا نخليك نمشي ندي لنرجس طموبيل دابا ومنها نشوفها كيفاش ديرا ...
أركان بتاكيد نطق: ردي لبال في طريق ..
إسلام باستوا في خدوا او نزلات كتجري لباب بعدما قالت :اوك حبيبي كون هاني ...
•• وقفاات قدام سيارة لونها في الأبيض بيضا كتشعل وكبيرة ولبولات ديولها ملونيين في لغوز "لون نرجس لمفضل" فيها شاريط في الأحمر من لفوق بحال لهدية ...
ضغطات إسلام على لمفتاح وهوا يطلعوا لبيبان لفوق اطومتيكينا ،حطات إيدها على فمها مبهوضة وركبات فيها خدمات موسيقى وشدات طريق لدر مي رحمة ولي دازت من حداه كيبقا حال فموا في سيارة ...
ما وقفات حتى دخلات لدربهم وقدام دراهم بدات كتكلاصوني على جهدها حتى خرجوا جيران كلهم يطالوا او منهم عائلتها ...
توبة تصدمات وببتسامة نطقات: وااااو طموبيل واعرااا هادي ...
إسلام نزلات منها ،قربات من مها سلمات عليها هيا وختها ونورالدين لي بقا مصدووم عينيه خارجين في سيارة ...
نوالدين حط ايدوا على فموا مبهوض: باااباااا "دوز بيدوا فوق شعروا "تي اشششش هاد لحديدة الخوادرية ويليييي يكما سارقاها "هز يديه لفوق" وساروووخ هااادي قنبولة، قوقة و تيتيزا "شار لسيارة "شتي هاااادي والوا يسدوا عليا أنا وياها في حبس نفيرادي خمسين عام ما يبقاش فيا لحال ...
إسلام حركات راصها بنفي كضحك: لا ما سرقتهاش" بتسأل " فين هيا نرجس ؟!!
أمينة حطات إيديها على بطنها كتمشا غير بزز ودور على سيارة : اش بغيتي نرجس خليك منها وقولي لينا من جبتي هاد لبكوصة ...
توبة ببتسامة ردات :راها لفوق ...
إسلام هزات تيليفونها تاصلت بيها نزلات لعندها هيا وعمر ...
نرجس بتسأل نطقات:نعام أختي شنوا بغيتيتي ؟!!
إسلام شارت لسيارة:خوك صيفط ليك واحد لهدية بمناسبة نجاح ديالك في لباك ...
نرجس حطات إيديها على فمها ما مسدقاش وعينيها دموعوا:خويا الغالي ما نسانيش ...
امينة بتنهيدة طويلة نطقات:سعداتك اختي مصاب كون مي ولادت ليا شي خو يفششني بالحالك "خاطبت إسلام "سي عدنان ما يدخلنيش في لحالة المدنية مع ولادوا باش يولي أركان خويا "صغرات عينيها "نستافد ونقسم معاك ...
إسلام حركات راصها بلا حولة ولا قوة إلا بالله: نتي حمقة ههههههه ...
مي رحمة عنقات نرجس وقالت :مبورك أبنتي دابا خاصك غير دوزي لبيري باش تسوقيها ..
نرجس بصوت هادئ :لا انا ما بغاش نتعلم غنعطيها لعمر هوا لي عندوا لبيرمي ، يسوقها ويمشي بيها لخدمة تنفعوا ...
عمر حرك راصوا بنفي "نفسوا عزيزة وما كيرضاش" :لا انرجس انا ما بغيت والوا خوك غلط ما كانش خاصوا يصفط ليك بحال هاد لهدية لغالية نتي مراتي وانا قاد بيك ...
نرجس جراتوا على جنب ونطقات بخفوت: خويا واعدني بهاد طموبيل قبل ما نتزوجوا وأركان لا واعد بشي حاجة كيوفي بيها،نتا راجلي لي كنبغي واي حاجة ديالي راها ديالك والعكس صحيح فهمتيني"بعينين تيلمعوا" دابا انا ما نقدرش نرفض لهدية وافق باش نخدوها بليز حنت الى ما بغيتيش نتا "دلات شفتها لتحتانية بحزن "غنرجعها ليه وهوا غيتقلق مني ...
عمر حك ضقنوا كيفكر وبتنهيدة نطق : ههه عرفتي كيفاش تقنعيني صافي نا خدوها وليني راها حديدة نيت ...
نرجس كمشات حجبانها وبتوسل قالت:يلاه نديروا دويرة بيها بليييز ...
عمر فتح ليها لباب وقال :ركبي اشنيولة ...
نوالدين بقا حاضيهم حتى ختفاوو هوما وسيارة من قدام عينيه وبتنهيدة نطق وهوا غادي: اااه ادنيا بنت ل**** شي عطاااااتواا وشي زواااتواااا حتى حمقااااتواااا "هز يدوا لفووق" وليني يستاهلووو اه يستاهلووو علاش لااا ...
أمينة غواتات عليه:نوالدين اجي تشرب أتاي...
نوالدين كمل طريقوا وبدون ما يدور عندها نطق بصوتوا لغليض لي كيهد جبل:
_ مامسااالييييش الخوادرية غير بصحتكم ...
•• بعد أسبوع ••
دخل إحدى صالونات لكبار في رياض جالسين جوج رجال مرتادين جلالب في لونين الأبيض والبني ،حاطين عقد زواج قدامهم فوق طبلة مغطيا بالأحمر وعامرا ورد ...
جالس يوسف جنبهم هوا وباقي العائلة كيهضروا ويضحكوا حتى دخلوها بصلاة والسلام على رسول الله لابسا كسوة بيضا طويلة ديال لعريسات ومغطين ليها شعرها بشبكة بيضاء من لفوق مرفقاها توبة بفقطانها الأحمر وبطلاتها لباهية والعاطية لعين او أمينة مرتدية قفطان اسود او ولالة فريدة ...
طلعها يوسف من لتحت لفوق وبعدما جلسوها حداه ،ببتسامة مزينة ملامحوا نطق في ودنها بخفوت :
_جيتي زوينة بزااف
مروى كمية كبيرة من الخجل كسات ملامحها بقات كتفرك في يديها بتوتر بدون ما تنطق بكلمة ...
احد لعدول تكلم:سيادنا بما ان العروسين مجموعين هنا شنوا رائيكم نبداوو مراسم زواج ...
الالة فريدة بلعات ريقها وبتوتر نطقات: تسناوو واحد شويا بنتي و راجلها شادين طريق من رباط ما بقا ليهم ولوا ويوصلواا ...
العدول حرك راصوا بإجاب:وخا ألالة نتسناوو
مي رحمة دورات راصها وقالت لتوبة: فين هيا ختك ما شفتهاش ..
توبة رجعات شعرها مورا ودنيها وقالت:يمكن بقا كتقاد فراصها حنت من صباح وهيا واقفة على ديكور وترتيب والماكلة حسن عونها مسكينة ...
مي رحمة بأمر قالت :طلعي شوفيها لاتكون باغا شي حد يعونها وخا تشدي ليا غير جنات وأمير هاهوا غيبقا حدايا ما تخافيش عليه ...
توبة جمعات لوقفة وقالت: وخا أماما
سعاد بتسأل نطقات:يكما كين باس اختي رحمة ...
مي رحمة ببتسامة ردات : والوباس اسعاد صيفطتها غير تعيط ل إسلام ...
سعاد حركات راصها :ايوا الحمد لله ...
•• داخل لجناح••
جالسا قدام لمرايا كتحط ميكاب تقيل او وجها صفر وباين عليها لعيا وتمارة لي ضربات ليوم كلها بانت في وجها...
لابسا قفطان في لموف ثوب ساري مرصع بالأحجار مشدود من جهة الخصر ومطلوق من لتحت ...
فوق سرير جالس متأنق مرتدي بدلة رسمية في الأسود ومرجع شعروا لور كيبان حرش او وسامتوا وجادبيتوا طاغية ،حاط ساعة روليكس في إيدوا ومقابل جنات لي لابسا كسيوة لعريسات في الأبيض مع سبيبيط في الأبيض جات كيووت ...
إسلام وقفات كتلبس في صباط طالون في رجلها وكتحس بالأرض كدور بيها مع خشات رجلها في تاني بزز وختل توازن ديالها شويا ما كانت غاطيح لولة أركان لي دخل في لوقت لمناسب وشدها لعندوا هزها وجلسها فوق سرير وعاطها كاس ديال لماء ...
بعصبية غوت في وجها:من صبااح وانا كنقول ليك عطي شوية راحة لراصك ونتي ما كتسمعيش شتي اش وقع ليك دابا ،ياك سمعتي طبيبة شنوا قالت ليك في هاد شهورة لولين من لحمل خاصك تبقاي مرتاحة ...
إسلام بلعات لماء وقالت :انا بيخير غير طالون لي زلقتي ...
أركان حيد ليها طالون من رجليها رماه بقوة :
_كنقول ليك ما تبقيش تلبسي زبل ونتي دابا حاملة عطي شوية لعناية لراصك ...
إسلام حطات لكاس من يديها وجمعات لوقفة :انا بيخير ما واقع ليا ولوا شوف فيا صحة سلام ...
أركان شدها من خصرها مقرب منها ،غير شاف وجها خسر ملامحوا ما عاجبوا حال :اش هاد زبل ديرا في وجهك ...
إسلام حطات إيديها على خدها وبتسأل نطقات : أشنوا اينا زبل ؟!!
أركان ساط بجهد :هاد كثرة لمكياج وتخربيق والألوان ما عندهم لاش ليقين مسحيهم دابا ولا ما غتنزليش ...
إسلام حركات راصها بنفي: انا ما غنخرج بيهم لشاريع غنبقا غير هنا في رياض وزيدن كينين غير لعائلة...
اركان بعصبية نطق ودموو كيغلي : وزوينة هادي و العائلة ما فيهاش رجال ...
إسلام تكلمات حابسا ضحكة: همم كتغير عليا من عائلتك ...
أركان زفر بجهد :اه إيوا مسحي هاد تخربيق راه جيتي زوينة فوق لقياس ...
إسلام بعينين تيلمعوا :شكرا على لمجاملة ..
أركان غوت عليها حتى قفزها:ومسحييييي زفتتتت ...
إسلام دلات شفتها لتحتانية بحزن :هنن حرام عليك حتى حاجة ما بقيتي تخليني نديرها على خاطري ...
سمعوا دقان في لباب داروا جيهتوا بزوج...
توبة هازا قفطانها من جناب :إسلام محتاجة شي مساعدة جيت نعونك ...
أركان بصوت رجولي خشن نطق:زيدي عونيها تمسح هاد شي وانا غنزل لتحت ...
توبة تبسمات جنب: وخا اخويا لي بغيتي...
••أمام رياض وقفات سيارة طويلة في الأسود وزاجها كلوا كحل نزل منها شيفور ووسد سدفة ديال لافيست لي لابس ومشا كيجري فتح لباب لوراني تم خرج منوا شاب في مقتبل العمر جالس في كرسي متحرك و متأنق باين لاباس عليه ...
تكَاود مع رياض وبقا كيشوف فيه مدة طويلة وهوا كيغزز في سنانوا و مزير على يديه معصب ساط بجهد ورسم إبتسامة ماكرة على محياه ...
الشخص خدا تيليفونوا وجرا إتصال سريع فور ما تقبل لخط بدا كيهضر بنبرة بصوتوا لغريبة بفرحة وعينيه كيبريوا بجنون وهوا كيشوف في رياض ما نزلش عينوا عليه ...
•• جالس في بيتوا كيكمي ويسوط دخان لبعيد كيخمم ويفكرر حتى جاه إتصال وفور ما ضهر ليه الإسم ،قبل لخط بلهفة قال:
_ ألوا كنت كنتسنا الإتصال ديالك من شحال هادي "رفع حاجبوا" إيوا كيفاش غاديا لقضية؟!!
المحامي:ما تخممش خطتك غتكون ناجحة اسيدي ونتا لي غتربح في الأخير ...
سفيان بتاسم بشر:داك شي لي بغيت ...
وإن كــانــــوا يـعلــمون
مــا فــي قلبـــي لــكٍ
لـ جعـــل أهـــل الأرض مــــن حروفــــــي
دستــــــورآ لــعشــاق يأتــون مـن بعـــدي ،،،،؟
لابسا بيناور طويل فوق شوميز دوني وشعرها جمعاه كعكة مهملة ،واقفا كتحرك في رضاعة ديال جنات في لهواء كتقاد ليها لحليب وكتأمل فيه جالس كيبدل ليها لحفاضة فوق سرير مضارب معاها وهيا كتفركل ليه برجليها وتضحك ...
أركان هز لحفاضة بالمقلوب وبعدم فهم نطق :كيفاش نصيب ليها هاد لعجب ؟!!
إسلام تبسمات ليه وقالت :قلبها راه لصقة كتجي من لتحت وعاد كتحلها وتلصقها من جناب لفوق ...
أركان دار داك شي لي قالت ليه إسلام وبتنهيدة قال : وأخيراااا
لبس لجنات حويجها وبدا كيلعب معاها وهيا كضحك ليه ...
إسلام جلسات حداه كتشوف فيه وضحك عاجبها لحال،تبسمات ليه وبعينين تيلمعوا نطقات:
_غتكون أحسن أب "حركات راصها" ولدنا محضوظ ...
أركان شاف فيها مطول وبصوت رجولي خشن نطق :
_زعما "رفع حاجبوا"ما كنضنش وجنات اول تجربة ليا وفشلت فيها ...
إسلام هزات جنات بين يديها وحطات ليها رضاعة في فمها بدات تشربها لحليب ،حركات راصها بنفي وقالت:
_لا بالعكس ما فشلتي والوا عرفتي كيفاش تبدل ليها وتعامل معاها سبحان الله مني جلستي حداها وهيا ضحك ليك ...
أركان تبسم جنب:ايوا معلوم ضحك أنا راه عمها الوحيد ...
إسلام شافت جنات نعسات حيدات ليها رضاعة في فمها وتحنات باستها وقالت: ليوم مع تحضيرات ولعقد ما عومتكش أكبيدتي غدا على صباح إنشاء الله ندوش ليك هوا لول ...
حطاتها في لكونة ديالها وغطاتها وعاد زادت طلقات لخامية لي لاصقا في لكُونة من لفوق ...
مسدات بيديها عنقها من جناب او وقفات حيدات لبيناور ديالها بقات منها لشوميز دوني وتكات حداه ...
أركان ساط بجهد وقال:عيتي ليووم بزاف خاصك ترتاحي ...
إسلام غمضات عينيها ورجعات حلاتهم وبحماس نطقات :اه حكَا ما ورتيكش شنوا شريت ليووم ملي خرجت نتقدا لورد لي خاصني على قبل لعقد ديال يوسف او مروى عجبوني واحد لبيسات وشرياتهم ...
جمعات لوقفة وتوجهات لبلاكار ديالها جبدات منوا بزاف ديال ساشيات حطاتهم فوق سرير وبدات تخرج كل ما في داخلهم ...
إسلام بعينين تيلمعوا مدات ليه فردة سباط صغير وقالت :
_شوف هاد سبيبيط فنيون شريت منوا زواج هادا لبنات في لغوز تلبسوا جنات ومني تكبر نخليه لبنتنا إلى كنت حاملا ببنت وإلى كان ولد خديت هاد في الأزرق حتى هوا كيحمق ...
أركان هزوا بين يدوا وتبسم :زوينين "رفع حاجبوا "هاد شي كلوا ديال لولاد صغار ....
إسلام حركات راصها بإجاب :ايه ديال صغار مالهم ديال رجال راه باينين ...
أركان كمش حجبانوا وبتسأل نطق: او راجلك ما شربتي ليه والوا زعما ...
إسلام ببتسامة مزينة ملامحها ردات :حتى نتا الحبيب ديالي المغيار خديت ليك واحد لهدية زوينة غتعجبك ...
أركان حك لحيتوا لكتيفة لي زادتوا وسامة كيفكر في لهدية ...
إسلام جبدات بواطة في الازرق مغلوق فتحتها وخرجات منها خاتم ديال نقرة مكتوب فيه إسم "الله" جرات ليه ايدوا وركبات ليه لخاتم في صبعوا تم هزات ايدوا وطبعة قبلة حنينة فوق لخاتم وبتأكيد نطقات:
_عجبني وشريتوا ليك باش تبقا تفكرني بيه ديما وملي تكون غدخل للحمام حيدوا من يدك حنت فيه إسم الله ...
أركان طبع قبلة في جبينها وقال: احسن هدية جاتني شكرا حبيبة كنبغيك...
إسلام دلات شفتها لتحتانية وبجدية نطقات: واعدني باش ما عمرك تفرط فيه ...
أركان بتأكيد نطق بصوتوا رجولي: كنواعدك احياتي عمري نحيدوا من يدي غير لا بغيت ندووش كيف طلبتي ...
إسلام جمعات لحويج لي شرات كلهم من فوق سرير وتخشات في حضنوا مبتاسمة:
__فرحت بزاف ملي يوسف تزوج بمروى احسن حاجة داروا" هزات راصها " كون ما كانت هادي هيا اول ليلة ليهم كون خليت معهم جنات ونخرجوا ناكلوا لحوت مشوي على برا تشهيتوا بزاف ...
أركان بغا يوقف : نمشي نجيبوا لحبيبتي دابا نييييت ...
إسلام حبساتوا :لا غير بقا معايا حسن كنت باغا ناكلوا برا ساعا ماشي مشكل أيام لاه طويلة ...
أركان حيد ليها لمقبط من شعرها وسرحا ليها شعرها بقا يدوروا على صبعانوا وجيبوا حتى لفموا يشم ريحتو بكل عشق و بدون إكتفاء ...
إسلام هزات راصها من على سدروا او نطقات مكمشا حجبانها: ما عرفتش علاش ليوم نهار كامل وانا حاسا بالخوف بلا مبرر ...
أركان حط إيدوا على طوول درعها بقا كيمررها بشوي : غير مع لحمل أحبيبة رتاحي ...
إسلام زادت تخشات في حضنوا كتر مخلوعة بلا سباب ...
أركان نزل عينوا ليها لقاها حالا عينيها كتخمم بغا ينسيها وهوا يقلبها تحت منوا وجا فوق منها حط شفايفوا على شفايفها بدا كيروي عطشوا منهم كيداعب فيهم وسط فموا ،عاطي لكل شفة حقها ...
إسلام دغيا تزنكات بعدات فمها كتنهج: اويلي حشومة جنات معانا هنا ...
أركان نزل ليها شوميز من سماطي و بغمزة نطق: علاش غنحشم وأنا معايا هاد لجمال كامل "قبلها في كتفها لي كيشعل بالبيوضا حتى تبورشات " وزيدن لبنت باقا صغيرا اش غتفهم "بدا كيتفحص فيها بعينيه" بلا ما ديري سبة ...
إسلام حسات بالفراشات كيلعبوا في معدتها دورات يديها على مؤخرة عنقوا وبدات كتلمس في شعروا وبصوتها ناعم نطقات بخجل :
_ولاوا حشومة عيييب غتسمعنا ...
أركان حيد حويجوا كاملين بقا منوا لبكسور امام عينيها لي كيلمعوا بالحب حتى ضهروا عضلاتوا لمفتولة او سدروا لمنفوخ لي فيه شعيرات خفاف ما بينينش ...
إسلام بلعات ريقها وبثلعتم نطقات:ءء لبس حويجك غيضربك لبرد وتسدق مريض ونتا غدا في لعشيا باغي تمشي لكازا على ود جتماع ...
أركان تبسم ليها بعينين معسلين ودور يديه عليها من جناب وهيا لوسط ما عندها فين تهرب منوا ...
بنفس لفستان الأبيض لي سينات بيه على قد زواجها ....
جلسات فوق سرير كدور عينيها في غرفتها حشمانة أول مرة غتكون مع حب حياتها وراجلها في لحلال ...
يوسف خرج من دوش لاوي فوطة على نصوا لتحت وشعروا الأسود وشفرانوا كيقطروا بالماء لمح مروى جالسا في بلاصتها ما تحركاتش قرب منها رافع حاجبوا:
_مروى !! علاش مزال ما بدلتي؟!!
مروى بلعات ريقها بتوتر ردات:ءء أنا لا غير ما رديتش لبال "بدا كيمسح في راصوا وهيا توقفوا" يوسف ...
يوسف بتسأل نطق:وي مروى ؟!!
مروى إبتسامة جانبية نطقات بتنهيدة: شكرا حنت بدلتي بيتك على قبلي "تنهدات بضيق " ديك لغرفة كتفكرني في نجلاء وريحتها وكل تفاصيلها بحلا هيا مزال عيشا معانا...
يوسف حط لفوطة وعلى جنب وشد لمروى من كتافها ،وبتأكيد نطق : نتي مراتي وأنا قبل ما نطلب منك زواج واعدتك بلي غندير اي حاجة تريحك وتنسيك في لماضي ...
مروى بعينين تيلمعوا ردات :شكرا بزاف
يوسف تبسم جنب:ما كينش لاش تشكريني انا درت واجبي او زيدن داك لبيت غيبقا لجنات كتذكار من ماماها لاه يرحمها ...
مروى طاحت دمعة حارة من عينيها مسحتها وبغصة خانقاها نطقات بحرقة:ما قدرتش نساها أيوسف توحشت ختي بزاف ...
يوسف تنهد بضيق:لاه يرحمها غدا نديك تزوريها ...
مروى ببتسامة مسطنعة كتحاول تخفي من مورها حزنها نطقات:
_شكرا يوسف ...
يوسف كمش حجبانوا :كيفاش يوسف"رفع حاجبوا "فين مشات يويوا لي كنتي كتعيطي ليا بيها ولا دابا حنت وليت راجلك ...
مروى وجها تزنغ وحشمات مني شافت يوسف بدا كيتقرب منها عنقها بشوي وحل ليها لفستان من ضهر وقال:
_سيري بدلي حويجك في خبارك جيتي زوينة فوق لقياس ليووم ...
مروى نزلات راصها الأرض حشمانة وببتسامة جانبية ردات:
_شكرااا
يوسف تكا فوق سرير وبعينين معسلين نطق بصوت مبحوح: سربينا راه باغي نعس "بغمزة نطق وهوا كيشوف فيها" غنتسناك حتى تسالي ...
•• الساعة تشير إلى الخامسة صباحا ••
ناعسا على سدروا عريانا وهوا كدالك مرتاحة وهيا في حضنوا عاجبها لحال ،كمشات حجبانها بإزعاج بسبب صوت رنة تيليفونها...
مدات إيدها لكوافوز حدا راصها وبصوت مبحوح بنعاس جوبات بلا ما تقرا إسم لمتصل:
__ألواا
توبة بنبرة صوت حزينة نطقات: ألوا إسلام حنا في سبيطار ...
إسلام غير سمعت سبيطار ناضت قافزا جلسات في بلاصتها وبخوف نطقات: شنوا واقع اويلي شكون مريض يكما ماما وقعات ليها شي حاجة ...
توبة حركات راصها بنفي : لا ما وقع والوا تهدني ...
إسلام تنهدات براحة وبتسأل نطقات:ايوا وعلاش نتوما في سبيطار ؟!!
توبة ساطت بجهد:أمينة شدها لوجع ليل كلوا ويلاه دخلوها غتولد بالفتيح مسكينة ...
إسلام حلات فمها نصف حلة ورجعات سداتوا مصدومة:في اينا سبيطار نتوما ؟!! اووف علاش ما علمتونيش قبل نجي...
توبة بصوت ضعيف ردات : حنا في هداك لكلينيك لي ولدات فيه نجلاء ءء "كلينيك المدينة" ...
إسلام زفرات بجهد :وخا أنا غنجي عندكم دابا ...
قطعات مع ختها تيلي او وقفات بعدما دورات عليها ليزار تسترات بيه دخلات نيشان للحمام دوشات بزربة وطرفات حالتها وهيا كدعي داخلها باش صاحبتها ما يوقع ليها ولالوا وتولد على خير ...
خرجات من دوش لبسات بيجامة دافية او فوقها عابية صلاة ،خدات صلايتها سرحتها في الأرض وصلاة ربعة ركعات دعات فيهم مع صحبتها باش ربي يحفضها ...
لبسات صباط خفيف في رجليها وهزات كونطاك ديال سيارة أركان من جنبوا بعدما تحنات قبلاتوا في خدوا أوقادت ليه لغطا تم خدات تيليفونها و هزات جنات بشوي من لكونة لا تفيقوا او خرجات بلا ما دير لحس ...
توجهات لغرفة الحاجة نيشان دقات بشوي لقاتها فيقا كيف ديما ولحاج ما كينش ماشي لغرفة الصلاة تيقرا الحزب ...
الحاجة كمشات حجبانها وبتسأل نطقات مخلوعة:لاه يا بنتي مال وجهك مخطوف شنوا لي مفيقك في هاد لوقت ...
إسلام بلعات ريقها بخوف:أمينة دخلات تولد بلفتيح بغيت نمشي عندها "حركات راصها " خاصني نكون في جنبها وجيت نخلي معاك جنات ...
الحاجة خديحة خدات من عندها جنات وببتسامة قالت:الاه يفك وحيلها على خير،سيري ابنتي ورضي بالك في طريق و باش ما كان علميني في تيليفون ما تخلينيش مشطونة ...
إسلام حركات راصها بإجاب:وخا الحاجة كوني هانيا...
نزلات بزربة لدار لتحت شربات كاس ديال لماء يبلل ريقها لي كتحس بيه نشف بالخلعة ...
خرجات برات رياض جاها لبرد على جهد ركبات في لوطوا بزربة شغلتها وتوكلات على لاه بعدما شدات طريق ...
•• أمام رياض واقفا نفس سيارة طويلة السوداء ،لكن هاد لمرة فيها شاب اخر في مقتبل العمر، قدوا قد شاب الأخرا لي كان جالس في كرسي متحرك لي كان مقابل رياض صباح،فور ما شاف سيارة أركان خرجات ومرت من أمامه ولمح شكون سيقاها زادت الإبتسامة ديالوا وساعت كتر ،خدا تيليفونوا و جرا إتصال سريع قال فيه :
__لكورة ولات عندك فرجني هههه ...
قطع الإتصال وهوا راسم إبتسامة نصر على محياه تنهد براحة وخاطب نفسوا:
__وأخيرا و بعد هاد لمدة طويلة امم نفرحوا سي *** بهاد لخبار لمهمة على صباح ...
رجع جرا إتصال سريع بشخص لي جوبوا بصوت مبحوح بنعاس:
_اش كين اصاحبي ؟!!
أمين بفرحة نطق : زبدة ديالك عتابرها دابت الساط هههه
الشخص بلفرحة تصدم : ويلي ما تقولش ليا وأخيرااا ههههههه
أمين تبسم بمكر:واشنوا كنلعبواا هنا...
•• غاديا متوجها لكلينيك حتى كتسمع لكلاكصون على جهد قفزها من مورها، شافت في لمراية الأمامية بانت ليها شاحنة "كاميوا"كبير بحال ديال خالها لمختار بعدات ليه وهوا عا مالاصق فيها ، كتمشي على ليسار كتلقاه موراها كدور لليمين كدالك موراها ومع طريق خاوية لقاها فرصة لا تعوض بدات كتزيد في سراعة حتى هوا دار نفس شيء ...
إسلام عيات ما تهدن في راصها حتى توترات وتعصبت ساطت بجهد وغوتات :
__خويت ليك طريق وسير لا باغي تمشي اووو ...
الشاحنة لي مورها بدات كتنقص في سرعة حتى بعدات عليها إسلام ...
إسلام شافتها بعدات تنهدات براحة ومع نطقات" الحمد لله" حتى كتصدم بشاحنة لي زادت في سرعة خيالية ودخلات فيها بقوة حتى تزعزعات بيها لوطوا ،بلعات ريقها وبدات كتردد بخووف وقلبها كيدرب بجهد غيسكت :
_ياربي تحفض ياربي تنجي ليا ولدي من اي مكروه ياسدي ربي كون معانا ...
الشاحنة بقات غاديا وكضرب في لوطوا بكل قوتها وإسلام كدعي داخلها حتى ما بقاتش قادرا تحكم في لقيادة وتقلباات بيها لوطوا وهيا حاطا إيدها على بطنها كتحاول تحمي ولدها ، ولا راصها لتحت ودم بدا نازل مع جبهتها ما بقات كتشوف غير ضبابة قدامها حتى عينيها تغمضوا بزز منها وخا عيات ما تقاوم وأخر جملة مقطعة نطقاتها بصوت ضعيف متألم هيا:
_أركان ....هئ هئ ولدنا ...
فاق قافز من نعساوو،كلواا عرقان وقلبوا مقبوط عليه جلس في مكانوا وسدروا كيطلع وينزل ودقاات قلبوا غير منتاضمين ،دوز على شعروا بيديه مسح لعرق لي نازل مع جبهتوا وستغفر مولاه لي خلقوا ،بلا ما يشوف بلاصتها حط إيدوا على مكانها باش يطمن أنها معاه وحداه حتى كيتصدم دور وجهوا جيهتها لقاه خاوي ،ناض بزربة كيف لحمق بدا كيقلب عليها في لحمام وكينادي بي إسمها بخووف :
_إسلااااااام إسلااااام
سمعات صوتوا من دار لتحت وهيا تجي تجري لعندوا مخلوعة كمشات حجبانها ورجعات نفس فيها عاد هضرات بتسأل :
_اش واقع اولدي علاش سير تغووت على صبااح ...
أركان زير على يديه وبتسأل نطق وهوا غير مطمأن، قلبوا كيقول ليه واقعا شي حاجة لمحبوبتوا شنوا هيا ما عارفش لمهم انه حاس بإحساس خايب :
_إسلام فين مشات ؟!!
الحاجة خديجة تنهدات براحة:هاد شي علاش كتغوت مراتك اولدي شي نص ساعة دابا باش خرجات خدات طموبيل ديالك و مشات لكلينيك عند صاحبتها دخلات تولد ...
أركان سحق سنانوا بغيض وبكره نطق: وعلااش ما فيقاتنيش هيا حاملااا وما كتردش لبال لراصها كان خاصها تفيقني نمشي معاها ...
الحاجة خديجة كمشات حجبانها :شافتك ناعس مرتاح ما بغاتش تبرزطك وزيدن ما تخاف من والوا اولدي إسلام ماشي بنت صغيرة غترض لبال لراصها غير تهني وما تشغلش بالك ...
أركان رغم لكلام لي قالت ليه لحاجة ما رتاحش كيحس براصوا ماشي بيخير وبالوا ما مهنيهش من جيهة إسلام ....
الحاجة خديجة قربات منوا :حالك ما عجبنيش اولدي سير صلي ونزل تفطر ومن بعد سير لعندها لكلينيك وتهنى ...
أركان حرك ليها راصوا بإجاب ودخل دوش وعقلوا ما معاهش بزربة خرج بعدما توضا لبس سروال جينز مع قميجة في الأبيض وفرش زربية الصلاة في الأرض بغا غير يصلي يلحق عليها دغيا ويريح بالوا مع هز يديه قال :
_الله أكبر
سمع رنة لهاتف ديالوا مع سمعها زاد قلبوا تقبط عليه كتر هز تيليفونوا وقبل الإتصال من رقم لي غريب عليه :
_ألوا شكون معايا ؟!!
المتصل:معاك لبوليس نتا هوا سي أركان راضي صاحب سيارة ******
اركان كمش حجبانوا وبتسأل نطق: اه هوا أنا "بلع ريقوا بصعوبة من تفكر إسلام تزير غووت على جهدواا "مراتي شنواا واقع ليها هيا لي خرجات سيقاها هاد صباح ...
الشرطي بتأكيد :لقينا طموبيل ديالك مقلوبا في طريق ولمدام يلاه خداتها سيارة الإسعاف لمستشفى المدينة لاه يشافيها حنا غنتبعوا لموضوع وباش ما كان غنعلموك ...
أركان مع سمع لبوليسي شنوا قال ليه رجع جوج خطوات موراه شويا ويفقد توازن ديالوا ما سدقش والأرض بدات كدور بيه، رما تيليفون بكل قوة في الأرض حتى تشتت كلواا ،ولا كينهج وانفاسوا ما بقاوش منضمين خشا رجليه في سباطوا لبسوا بواحد سرعة خيالية وخرج يجري دفع شيفور وخدا ليه لكونطاك ديال لوطوا ركب فيها وعقلوا كلوا مع بنت قلبوا شد طريق لكلينيك وجملة وحدة لي كيردد:
_ما غيوقع ليك والوا أحياتي انا جاي عندك قاومي على قبلي ...
•• واقفا حدا غرفة الولادة شافت في ساعة بانت ليها الخامسة والنصف صباحا وإسلام مازال ما بانش ليها الأثر تشوشات على ختها وهزات تيليفون تاصلت بيها حطات تيلي على ودنها كتسمعوا كيصوني وكتقشر فمها من لداخل ...
فور ما تقبل لخط قبل ما تسمع "ألوا " بدات كتهضر معصبة:
_اويلي فينك إسلام هادي هيا أنا جايا ما بقا والوا ويخرج طبيب من عند أمينة اش بغيتيها فاش تفيق ما تلقاكش حداها ...
جوبها شخص بنبرة صوت غريبة عليها: الوا
توبة كمشات حجبانها:شكوون معايا هادا رقم ختي إسلام ؟!!
الشرطي :همم ادن لبنت سميتها إسلام وي هوا هادا
توبة بخوف نطقات: ختي فين هيا عطيها تيليفون عفاك بغيت نهضر معاها ...
الشرطي:معاك لبوليس ألالة سمعني وتهدني مولات هاد رقم لقيناها ديرا كسيدا مقلوبا ا بيها طموبيل، تاصلنا بسيارة الأسعاف ويلاه باش جات خدوها مباشرة لكلينيك لمدينة حنا غنحقواا في لموضوع ونعلموكم بكل جديد ...
توبة شهقات بجهد وبصدمة طاح ليها تيلي في الأرض ،حطات إيديها على فمها او وجها تسحق منوا دم شافتها مي رحمة وهيا تجي لعندها:
_مالك أبنتي ؟!! شكون هضر معاك ؟!!
توبة هزات عينيها لي عمروا دموع في مها وبشفايف تيرجفوا نطقات:
_ءء إسلام هئ هئ هئ ...
مي رحمة شداتها من كتافها كتحركها:مال بنتي شنوا واقع ليها هضرري شنوا كين ...
توبة ترمات في حضن مها كتبكي وتشهق: ختي ملي كانت جايا لعندنا درات كسيدة هئ هئ هئ ...
مي رحمة عينيها خرجوا بدات كتغوت وجاها إنهيار عصبي :اشنووو بنتيييي لاااا لاه ياسيدي ربي شووف من حااال بنيتي لاه هئ هئ ...
ما قدراتش تقاوم وطاحت في الأرض مغمى عليها شافتها سعاد وجات بجري لعندها ...
_ختي رحمة حلي عينيك اش وقع ليك "هزات عينيها في توبة لي كتبكي على جهد" توبة اش كين مالكي عونيني نهزوا رحمة ...
جات فرملية كتجري دخلوا رحمة لغرفة دقوا ليها إبرة باش تهدن ...
اما توبة غير عودات لسعاد شنوا كين، نزلات بجري الإستقبال تسول على ختها بوجه مخطووف منوا لون :
_ختي جابوا شي بنت هاد صباح دارت كسيدة فين داوها ...
موضفة الإستقبال هزات راصها من لملف لي قدامها وقالت :ما نعرف اختي جاونا جوج حالات ليوم يلاه باش دخلوهم وحدا دخلات لمستودع الأموات نيشان وتانية في لمستعجلات غدخل لعمليات دابا حالتها خطيرة ...
توبة حطات إيديها على فمها :ءء مستودع الأموات "بشفايف تيرجفوا"فين جاوو لمستعجلات ...
موضفة الإستقبال شارت ليها بصبعها : سيري ليهيه ودوري على يديك ليمنى ...
توبة مشات كتجري وكدور تالفا تقلب وتبكي بحرقة،شي كيبان ليها مضروب لراص ولكلوا دمايات وشي مقصوما ليه يدوا تلفات بيها دنيا او وقفات في بلاصتها كدعي:
_ياريي تحفض ليا ختي من اي مكروه ياسيدي ربي عطيني شي إشارة باش نلقاها كنترجاك ...
تائهة حتى كتحس بكمها مشدود فشي حاجة دورات راصها تشوف اش كين لقات كرميط ديال فتاة وجها مغطا بدماء ،ممدودة فوق سرير متنقل مشدود في كمها بدات كتجر في ايدها بقوة حتى كتجر معاها ايد لبنت ...
إحدى لممرضات بسرعة نترات لكرميط بجهد حتى بقا عالق في كم توبة وداوو لبنت بسرعة لغرفة لعمليات ....
توبة قبحات ملامحها من بشاعة منضر لبنت بعدات وجها و تنهدات بضيق : الله يشافيها لعائلتها مسكينة حالتها صعبية ...
مع هزات ايدها ترجع شعرها مورا ودنيها وهيا تنتابه لكورميط فايت ليها شيفاه مع دكرات فين وهيا تحس بلحمها بورش ضارت وبقات مصدومة حضياهم غادين بيها وهيا كتفكر أحداث طفولتها هيا وختها كاملة،تما غادي واحد لممرض دخل فيها عن غير قصد حتى ضارت فيقها من سهوتها وهيا تمشي تجري وتغوووت :
_ختي إسلاااام ما يمكننننش لاااا هئ هئ هئ ...
قدام غرفة العمليات جالسا في الأرض كتبكي بحرقة وسعاد معنقاها وكتبكي معاها حتى واحدة فيهم ما سدقات ان إسلام دارت حادثة سير خطيرة ...
من أمامهم خرجات ممرضة من غرفة لعمليات كتجري وجها مخطووف شافت إحدى الممرضات ديزا من حدها غوتات عليها وقالت:
_ سكينة لمريضة حاملة خاصنا شي دكتورة نسائية ضروري سيفطي شي وحدة دابا نيت وما تعطليش ...
الممرضة سكينة حركات راصها بإجاب ومشات كتجري ...
توبة برجلين كيرجفوا ناضت عند لممرضة حبستها قبل ما دخل :
_ختي كيف بقات عفاك قولي ليا ؟!!
الممرضة بوجه حزين:حالتها صعيبة مزال ما سالينا"صغرات عينيها" خليني عافاك ندخل ندير خدمتي لاه يخليك ...
رجعات توبة جلسات في الأرض ودموعها نازلين شلال من عينيها ،سمعات صداع ومع هزات راصها كيبانوا ليها ربعة الأطباء دخلوا كيتجاروا لغرفة ختها شيء لي كيدل على أن حالتها أصعب مما كانت كتوقع ...
توبة هزات راصها في سعاد ودموعها ديرين خط على حناكها:ختي ما غتموتش او تخليني يااك ما غتمشيش كيف دارت نجلاء لمروى ياك أخالتي سعاد هئ هئ ...
سعاد بلعات ريقها بصعوبة :دابا ربي يجي من جيهتها أبنتي ربي كبير وحدوا قادر يشافيها ...
كريم وقف عند راصهم الإبتسامة مرسومة على شفايفوا،سرعان ما شاف حالتهم ختفات ليه،كمش حجبانوا وبتسأل نطق :
_خالتي سعاد علاش كتبكيوا أمينة ولدات بيخير وعلى خير ،ما خليت فين قلبت عليكم ونتوما هنا " رفع حاجبوا"اش كديروا هنا...
سعاد بغصة خانقاها ردات بصوت متألم: إسلام كانت جايا عندنا ودارت كسيدة حالتها خطيرة اولدي ..
كريم شد في راصوا :الله أكبر كك كيفاش وقع ليها ...
سعاد تنهدات بضيق: غير دعي معاها اولدي وسير عند أمينة ما تخليهاش بوحدها و ما تكَول ليها والوا الله يرضي عليك ...
كريم حرك راصوا بإجاب ومشا لعند أمينة مصدووم ما متيقش ...
•• وقف عند راصهم عينيه حمرين وملاحموا وجهوا ما مفسرينش طوا يديه عندوا وعينيه على غرفة العمليات قلبوا كيتحرق ويتشووا وربي لي عالم بيه، كيدعي ويزيد يدعي وكيطلب في ربي لي جابها ليه ما ياخدهاش من بين يديه ،هيا الأكسجين لي كيتنفسوا وما يقدرش يعيش بلا بيها و إلي وقعات ليها شي حاجة ليووم هوااا أكيد غيموووت ما فيهاش ...
تفتح باب غرفة العمليات خرجوا منوا الأطباء واحد منهم هاز ملف كيدرس من خلالو حالة إسلام غادي وكيتناقش فيه مع باقي الأطباء ...
أركان ما قدرش يتقدم خطوة ويسول على حالتها خاف يسمع شيء خبار ما غتعجبوش ودمروااا تقسم ليه قلبوا قطع ...
توبة و لالة سعاد غير شافوا الأطباء وقفوا يتجاروا وبعينين تيلمعوا ببريق الأمل نطقوا دقة وحدة :
_كيف بقات إسلام ؟!!
دكتور حيد نضرات طبية من على عينيه وبملامح ممحية شاف فيهم مطوول عاد نطق بأسف:
_درنا لي في جهدنا و للأسف ما قدرانش نقدوا الجنين"تنهد بضيق "حالة المدام حرجة و من هنا ل 48 ساعة إلى ما ستعادتش لوعي ديالها وما فاقتش غتدخل في غيبوبة"حرك راصوا "ما عليكم إلى دعيوا معاها بشفاء ...
توبة حسات بالأرض كدور بيها ورجليها ما بقاووش هازينها ترجعات خطوتين للوارء وطاحت في الأرض قبل ما تقوول :
_لاه ياختي ولي وداز عليك ما شي قليل لاه ياختي او لبيبي لي فرحتي بيه مشا لجنة وخلاك كتصارعي لمووت الله هئ هئ
أركان غير سمع كلامهم طاحت دمعة حارة من عينيه كتعبر على حرقة قلبوا ونار لي شاعلاااا في سدرواا كيفاش ما يبكيش ولي كتصارع لمووت حبيبتوا او مرتوا او بنت قلبوا حبوا الأول والأخيررر كيفاااش ما يتألمش ولي لداخل روحوا وجزء من انفاسواا بين لحياة ولمووت كيفااش ما بيكيش او تمرة حبهم قطعة منهم "ولدهم "مشا للأخرة وخلاهم قبل ما يفرحوا بيه ويشوفوه ...
عقلواا حبس عند جملتين "للأسف ما قدرناش نقدواا الجنين _ إلى ما فاقتش غدخل في غيبوبة " هز يدوا على لفوووق وخبطها مع لحيط على جهدوو حتى سالت بدم ...
كاع داك لحززن والألم لي كابت داخلواا خرجوا بصرخة قوية مثل زئير الأسد كتصم الأدان وتبت الرعب في قلب العباد ...
خلا توبة وسعاد مصدوومين حزنواا على حالتواا لي ولات كترر من حالت إسلام..."لي هيا كتألم لداخل بصمت وهوا على براا "...
سدروا بدا كيطلع وينزل وعينيه حماروا كيف جمر شاعل ،تما غادي لبلوك باغي يدخل وهوما يوقفوه ...
الممرضة: فين غادي اسيدي خلينا حتى ندخلوها لغرفة الإنعاش وتقدر تشوفها ديك ساع ...
أركان ما تسوقش خنزر فيها وضرب فيها حتى تزعزعات شويا ما طاحت ،تما غادي داخل وهوا ويقفوا أحد الأطباء بقوله :
_ هاكدا راك كتعرض حياة لمريضة لخطر أسيدي على الأقل لبس لباس طبي وتسنا تحول لقاعة الإنعاش ويمكن ليك دخل ...
أركان دار لعندوا وبصوت مبحوح نطق:فين غنلبس ...
دكتور تبسم ليه : تبعني اسيدي ...
مي رحمة جات لعندهم بوجه شاحب شادا منها غير نرجس بزز باش كتمشي ،بصوت تعبان ضعيف نطقات بشفايف تيرجفوا:
_ ءء بنتي ختك كيف بقااات ؟
توبة جلساتها فوق كرسي وببتسامة مسطنعة ردات:بيخير اماما إسلام ولات بيخير ..
مي رحمة هزات فيها راصها:او ولدها ؟!!
سعاد بلعات ريقها وقالت:ما تشديش في خاطرك اختي رحمة إسلام باقا صغيرة ومزال تولد "زفرات بجهد "بغاه الله وداه
مي رحمة حطات راصها بين يديها وبدات تبكي بحرقة:لاه يا بنيتي لاه او ولدك لول ما فرحتيش بيه لاه يابنتي بقاااو تابعينك ليا حتى كنتي غتموتي ونتحرم من شوفتك هئ هئ لاه يا كبيدتي وجا ما يصبرك على فراق كبدتك ...
نرجس بداوو تينزلوا دموعها بغزارة ، دورات راصها للجهة الأخرا وحطات إيديها على فمها ونيفها كاتما شهقاتها لداخل باش ما يسمعوهاش وتزيد على ما بيهم وهيا باغا تصبرهم سدقت كتر منهم، حالت مي رحمة طيبات ليها لقلب ...
لالة سعاد جلسات حدا مي رحمة:تهدني اختي راه ماشي ولد دنيا "حركات راصها "علاه ما عقلتيش حتى انا مني خسرات ولادي لي قبل من أمينة كنت في كل مرة كنحمل وكنفرح وما كيدوز شهر حتى كيطيح بلا سباب صبرت وفي الأخير ربي جزاني ب أمينة هيا الوحيدة لي عاشت ليا والحمد لله هادوك طويرت لجنة "ساطت بجهد "اودي غير صبر ...
مي رحمة وقفات بزربة وشويا ما طيح :فيين هيا بنتي صغيرة بغييت نشوفهاااا ....
توبة شدات من رحمة وتنهدات بضيق :غير جلسي امي حتى يخرجوها من لبلوك عاد غنشوفوها كاملين ...
سعاد بتسال نطقات:فين هوا عمر ؟!!
نرجس بصوت باكي:بقا مع أمير خليتوا غيديه لرياض مشا يخليه مع مروى هوا وجنات ويلحق علينا"تنهدات بضيق "غنمشي نجيب قرعة لماء لمي رحمة ونجي...
لالة سعاد حركات راصها بتأييد:سيري أبنتي...
لبنت لي نية وقلبها بيض... لبنت لي ما عمرهم سمعوا من فمها كلمة لعيب... لبنت لي مستعدة ديما ضحي بحياتها باش تنقض أعدائها... لبنت لي كتبغي لخير لناس جميعاا... هادي هيا إسلام بشخصيتها العفوية المسالمة ليوم أصبحث ممدودة في سرير بدون حراك ،لا فرق بينها وبين الجتة الهامدة في هاد ضرف كتسنا من حبابها و عائلتها وناس لقراب ليها يدعيوا معاها باش تبرا الان هاد 48 ساعة لي جايا غتكون أصعب دقائق غيدوزوا في حياتها ...
خرجوها في سرير متنقل غادين بيها لغرفة الإنعاش غير شافوها لعائلة كلهم تجمعوا عليها وصوت بكاهم واصل لفين لعيالات ماصبروش يشوفوها بهاد لحالة ورجال كمدوها في قلبوهم بحال لكية لي كتحرقهم من لداخل ...
حتى واحد ما صبر وما قد يشوفوها بهاد لحالة أركان قبط في يديها شدة لعماء في ضلما وتم غادي معاهم لغرفة الإنعاش بلباس طبي وعينيه كيتفحصوا فيها بدون ملل...
أما توبة تغوت وتبكي لربي لي خلقها ودعي وطلب في ختها باش تفيق ...
الحاجة خديجة شدات في راصها وجلسات مابقات قادرا تشوف حالتها: لاه يا بنتي وراك مزال صغيرة لاه ...
عمر زير على يديه ودار لجهة الأخرا حط جبهتوا على لحيط ودموعوا نزلوا بدون سابق إنضار ختوا لي قريبا ليه وكتفهموا كتر من اي واحد ليوم كيشوف فيها حالتها حالة وما قادر يدير حتى حاجة باش ينقدها كيحس براصوا مربوط ...
فريدة تابعها وتبكي:حلي عينيك أمرات ولدي لحنينة راه رياض بلا بيك كحل ...
شدها عدنان كارز عليها وهيا كتبكي وتشهق في حضنوا هزات راصها فيه وقالت:
_بنتي لكبيرة إلى ما حلاتش عينيها ولدي غيموووت اعدناااان ولديي غيتسطااا ما فيهاش هئ هئ الله يا ربي شوف من حالنا...
مي رحمة شادا فيها غير نرجس كتصبر فيها وهيا تابعا بنتها وتحسر على لي جرا ليها ...
أما الحاج راضي تنهد بصوت مسموع ومن قلبوا طلب ربي داخلوا و هوا هاز راصوا لفوق:
_ياربي طوول في عمرها و تاخد من عمري وتعطيها ولا خودني في بلاصتها أنا عشت حياتي اما هيا يلاه قالت بسم لاه في دنيا ...
دخلوها لغرفة الإنعاش وما خلاوش أركان يدخل حتى يحطوها في بلاصتها ويقادوا ليها سيروم ...
بزز باش جرواا ليه يدوا من إيدها حلف لا طلقها حتى قنعووه بالكشايف ...
•• حلات عينيها بشوي وهيا تحس بموس حافي ديز اسفل بطنها بدا كيزول تأتير لبنج وبدات كتحس بمكان لفتحة كيالمها ...
دورات راصها لقاتوا جالس حدا بنتهم لي محطوطة في لكونة وعلى وجهوا ملامح حزن...
أمينة رفعات حاجبها: امالنا اشريف"كمشات حجبانها" مالك داير بحالا جالس في جنازة أنا فقت صحة سلام وخا كنحس بشوية لحريق "بتأكيد نطقات "اخر مرة نولد "حطات ايدها على بطنها "احح اميمتي صحتي تهلكت ...
كريم قرب منها راسم إبتسامة مسطنعة على محياه:مبروك علينا أحياتي تزادت عندنا بنت خرجات كتشبه ليك ...
أمينة بعينين تيلمعوا نطقات بفرحة :حلف بلي بنت كَول ولاه ...
كريم بتأكيد رد عليها: والله العضيم إلى بنت ...
أمينة مدات يديها: أراها ليها لهنا نقلبها باش نعرف واش بنت نيت ولا سير كتكدب ...
كريم تبهض وبتسأل نطق:كتهضري بكامل قواك العقلية ...
أمينة خرجات عينيها :معلوم ارا ليا نشوف ..
كريم تحنا لكونة هز منها تربية وجابها ليها:
_ وخا ألالة هاكي قلبيها ...
أمينة هزات بنتها بين يديها حطاتها على سدرها فرحانة بيها وببتسامة مزينة ملامحها نطقات:
_بينا فيها بنت زوينة بزاف بحال لملاك "رفعات حاجبها وبعينين تيلمعوا نطقات" امم اش بان ليك نسميوها ملاك ...
كريم حرك راصوا بإجاب:وخا لي بغيتي "رفع حاجبوا "ولكن في لولدة تانية أنا لي غنسمي ...
أمينة خرجات عينيها:لواه زعتر سير أخويا لا كنتي نتا لي غتولد وتشرك كرشك ودوز لوحم وردان بغيت ليك عشرة اما انا باركا عليا غير ملاك ...
كريم رفع حاجبوا:ياك ألالة إيوا دابا نشوفواا...
أمينة ببتسامة جانبية: اي إسلام عندها بنت وحتى أنا اغلبية كلشي كنديروه في وقت واحد وخا جنات ماشي بنتها ولكن هيا لي غتربيها "كمشات حجبانها " اجي فين هيا إسلام شفتها ما جاتش لعندي ؟!!
كريم تلبك وبقا كيدور في عينيه يلاه بغا يفتح شفايفوا ويتكلم وهما يقاطعوه بدخولهم راسمين إبتسامة مسطنعة على وجوههم ...
لالة سعاد عنقات بنتها وقالت:مبروك عليك أبنتي ايوا شنوا قررتي تسميها...
امينة بعينين تيلمعوا جوبات:غنسميوها ملاك أماما...
توبة وجها حمر حابسا راصها باش ما تبكيش بزز منها:ختاريتوا ليها أحسن سمية غتجي معاها ...
مي رحمة سلمات على أمينة بالوجه:تكبر في عزكم إنشاء الله... لاه يخليها ليكم ...
أمينة ببتسامة مدات بنتها لمها وقالت : أمين امي رحمة "بقات كتشوف في لباب شحال كتسنا في صحبتها... وهوما كيهضروا معها ...ردات لبال انهم ماشي على برجهم وما بغات تقول والوا.... حنت عند بالها غير تأتير لبنج مزال شاد فيها "
نرجس حركات راصها وقالت:ماشاء الله زوينة بحالك ...
أمينة تبسمات جنب وقالت:شكرا زين عويناتك لي زوينين "بتسأل"واحد إسلام فين هيا ما بانتش ليا "دورات راصها "كون كانت هيا لي دخلات تولد في بلاصتي غنمشي طيرا لعندها ونوقف معاها ما نخليهاش "ساطت بجهد" وهيا ما حرامش عليها ما جاتش تشوفني ...
مي رحمة ولالة سعاد والباقين بقاوو كيشوفوا في بعضياتهم ويتحسرواا مألمين ..
أمينة بقا فيها لحال خسرات ملامحها وبغصة خانقاها نطقات: لهاد دراجة إسلام تبدات قبل ما نتزواج كانت تسمعني غير ضرني راصي تجي تجري عندي لدار جايبا معها دوليبران، ودابا انا كنت وسط عملية لي نقدر ما نفيقش منها وما قدراتش حتى تنازل وتجي تشوفني "دورات راصها "اه الياام ما كدبوش مني قالواا بنادم مع لوقت كيتبدل ،صراحة إسلام ما سدقاتش بفف خسارة...
مي رحمة كمداتها في قلبها وسعاد غوتات على جهدها ودموعها نازلين:
_إسلااااام ما تبدلاااااتش أبنتي مصاب كون غير تبدلاااات ولا يوقع ليها هااااد شي لي وقع ليوووم ...
أمينة تزير عليها قلبها حركات راصها وبتسأل نطقات مخلوعة:
_ءء ششش شنوااا وااقع لختتي ؟!! صحبتي مالها ...
توبة بنضرات مألمة نطقات:غنقول ليك واحد لحاجة و حاولي ما أمكن تبقاي مهدنة حنت تعصيب ما مزيانش ليك ونتي يلاه فاتحة ...
•• داخل غرفة الإنعاش ••
مسطحا فوق سرير، وجها أصفر شاحب وما فيهش نقطة دم على راصها ضيرا فاصمة كبيرا واصلا لجبهتها ،محطوط قناع الأكسجين مغطي فمها و أنفها، مغطيا ب إزار أبيض ويديها فيهم بعض لخدووش تسبوا ليها ملي كانت حاطا إيدها على بطنها كتحاول تحمي ولدها بكل جهدها ...
معلقين ليها سيروم او شاشة تخطيط لقلب هيا لي كيتسمع صوتها في كل لغرفة ...
دخل لعندها كتافوا طيحين مهرس من لداخل ومحطم ومدمر ... وهيا بهاد شكل كيفاش ما يتحطمش وبنت قلبوا في هاد لحالة عالم بيها غير الله.... بجسد منهك قرب منها قبط إيدها وسط يديه تحنى غيطبع قبلة فوق ايدها وهوا ينتابه للخدوش لي مزال مفتوحة وضاهرا رغم دواء لي نحط فوقها ما قدرش يصبر وهوا كيشوف في حالة إيدها طاحت دمعة حارة من عينيه جات فوق ايدها نيشان ...
حط ايدوا على جنابها وطلع لعنقها خبا راصوا فيه بدا كيشم ريحتها بشوق وكأنها مند زمن طويل وهيا غيبا عليه ،ريحتها ريحاتوا وهدناتوا من لداخل وبردات الأعصاب لي فيه ....
هاز راصوا وبدا كيتأمل فيها لمدة طويلة، حط إيدوا بشوي على جنب راسها وهوا كيشوف في قناع الأكسجين وضبابة لي فيه من تنفسها لبطيء...
تنهد بجهد وبصوت مبحوح متألم نطق بخفوت حداها:
_ما قادرش نشوفك بهاد لحالة إسلام صعيب علينا نزيد نصبر بلا بيك ما غنقدرش نعيش ما عرفتش كيفااش حتى واقع ليك هاد لحادث بهاد زربة لخيبة، مزال حتى ما شبعت منك وبغيتي تخليني وتمشي، ما عرفتش واش نلومك نتي حنت خرجتي بلا ما تفيقيني، ولا نلوم راصي حنت ما قدرش نحميك ونرد ليك لبال ،ولا نلوم لقدر لي حطنا في هاد لموقف صعيب"حط ايدوا على بطنها" خسرت ولدي وما قادرش نخسرك حتى نتي بغيتك من نهار سمعت صوتك فاكنطلبك ما تحرمينيش من سماعوا مرة اخرا يا أغلى من روحي ...
•• أمام غرفة الإنعاش مجموعة لعائلة كلها شي جالس وشي واقف، كيدوروا في راصهم بحال لحنش لي مقطوع ليه راص والحزن باين واضح على تعابير وجوههم ...
واقفوا عليهم لبوليس عند راصهم وبتسأل نطق واحد منهم:
_مدام إسلام الراضي فاقت ولا مزال ...
لالة فريدة تنهدات بضيق : مزال اسيدي ...
سي عدنان بتسأل: عرفتوا كيفاش وقعات ليها هاد لحادتة اسيدي ...
المحقق حرك راصوا وقال:فتحنا تحقيق ولحسن لحض لقينا تسجيلات كاميرا كانت في طريق، توضح لينا من خلالها أنه ما كانش مجرد حادث سير عادي وانما خطة مدبرة "حك لحيتوا " لحاجة لي ما عرفاش هيا واش متقصدين يقتلوا لمدام بصفة مباشرة ولا كانوا قاصدين يقتلوا صاحب لوطوا سي أركان الراضي ...
العائلة كلهم تصدمواا او مع ملي كان كيهضر المحقق أركان كان خارج من غرفة إسلام سمع كلشي عينيه ولاوا حمرين كتر ما هوما حمرين زير على يديه حتى عروق دراعوا او عنقوا برزوا بشكل واضح ،تما غادي خارج وهوا يوقفوا لمحقق بقوله:
__سي أركان تقدر تقول لينا واش كتشك في شي حد ولا عندك عدواة لا من بعيد ولا"شاف في لعائلة بشك"ولا من قريب ...
أركان حرك راصوا بنفي وستأدن منهم أو خرج بجري ركب في لوطوا ديال لعائلة لمحوا كريم وهوا يشوف في عمر حسوا بلي أركان مخبي شي حاجة ديك ساع تبعواه حتى هوما ...
أركان ورك على لكسيرتوا وتما غادي بسرعة خيالية وبيديه غادي وكيضرب على لفولون بكل قوتوا بالأعصاب ...
فور ما وصل ضرب لفرام بقوة حتى رويض تمحكوا في الأرض نزل بزربة او دخل لفيلا لي قداموا بلا ما يستأدن غير شافتوا لعساس مشا كيجري لعندوا فرحان :
_سي أركان مرحبا بيك اش هاد لغبور اولدي ما شفناك من نهار عرس لالة نجلاء وسي يوسف ...
أركان دار لعندوا مخنزر وبصوت حاد نطق: فين هوااااا داووووود ...
العساس حنا راص ونبرة صوت أركان خلعاتوا برتباك نطق : ءء سي داوود غتلقاه جالس في لمكتب ديالوا لفوق "حرك راصوا "لمكتب لي حدا بيتوا ...
أركان ساط بجهد او طلع بجري لعندواا هوا اول واحد طاح في بالوا انه ممكن يأدي إسلام هواا داووود ليوم ما كينش لي يفكواا من بين يدوو ...
•• داوود جالس كيكمي في سجار بين يديه وكيسوط دخان لبعيد متسمتع بنشوة او حاط إحدى لملفات لي فيهم جميع دواساه لكحلين والأعمال لغير شرعية لي كيقوم بيها ...
ساهي حتى كيدخل عليه بحال لعجاجة ، وقف عليه مخنزر بحال شي ثور صدمواا ...
أركان غوت على جهدواا ولاح كلشي لي فوق طبلة هرسوا بيد وحدة وتلاح على داوود شدواا من كوول قاميجتوا كارز عليه وبنبرة صوت متألمة كيردد:
_علااااااش علاااااااش حاااولتي تقتلهااااا علاااش هضررررررر قووووول علاااااش ليووووومااا نصفيهاااا ليك الق**** برب لكعبة لا خليتك عاييييش "هز سيجارة شعلااا لصقهااا لي في كتفواا" ...
سي داووود كمش حجبانوا كيتألم بسبب لحرق لي في كتفووو كيحاوول يهضر ويتنفس وليني مخنوووق :همممممممم
أركان هز يدوا حتى لفوق وعاطاه لكمة لوجه حتى طرش دم من جنب فموا ،وهزوا من كول قاميجتوا غادي جاروا قاجواا في الأرض وداوود كيتفركل باغي يلتاقط مزهرية من الأرض يضرب بيها أركان وليني ما قدرش يجرهااا وخا حاوول ...
بقا كيضرب برجليه مدة طويلة حتى ما بقاش قادر يقاوم على شويا وتخرج نفسوا لولا دخلوول عمر وكريم في لوقت لمناسب فكووه من قبضتوااا غيررر بززز ...
كريم بعصبية نطق:أركاااااان اش كتخور هاد شي راه شغل لبوليس اسي ...
أركان مابقا كيشوف حتى حاجة قداموا من غير إسلام مرمية في لمستسفى بديك لحالة زير على سنانوا وهز يدوا حتى لفوق غيجمعها مع كريم وهوا يشد ليه عمر ايدواا وبهدووء نطق:
_تهدن تهدن انسيبي راه كريم عندوا لحق واش باغي تقتلوا وتمشي لحبسسسس ...
أركان سدوا بدا كيطلع وينزل وتنفسوا حاد تلاح على داوود نزل فيه بضرب و بعصبية غووت على جهدواا: خليني نقتتل ز**** بوووه بااااش يتعلم يحط ايدووو على شي حاجة ما كتخصوووش ...
كريم دخل وسط منهم ولا كياكل في لكروشيات في بلاصة داوود او والوا حاول يجر أركان حتى عيا وما قدر عليه ملي كيتعصب كيوليوا فيه آلفين واحد ...
عمر عارف أركان ما غاديش يتهدن حتى يعرف بلي شي حاجة واقعة لختواا ،جبد تيليفونوا خلسة وخدم رنة هاتفواا او طفاها او جاوب بخووف مسطنع:
_كيفاااش إسلام شنواا واقععع ليهااا ختييي لا ما يمكنششش ...
أركان غير سمع إسم إسلام حس بدنيا ضارت بيه رما داوود من يده او شد عمر من كتافواا بدا يحرك فيه او بصوت مجرووح نطق:
_إسلاااااام شنوووو وااقع ليهاااا ...
عمر بملامح اسى: ختي حالتها زادت تضهورات انسبي ...
أركان قبل ما يكمل عمر جملتوا دفعوا وخرج يجري ركب في لوطواا توجه لكلينك ...
اما سي داوود غير رجع نفس فيه وشرب كاس ديال لماء من لي عطاه كريم بتأكيد قال :غندموو على نهااار لي تزاد فيه غفلنييي ولد لحرام غيرر بلاتي ...
عمر خنزر فيه وقال:حتى لمركز وغنشوفوا شكوون غيندم لاخرا اسي "خرج بادج شرطة من جيبوا" ودابا من الاحسن تعاون معانا وتعتارف بجريمتك ...
سي داوود عرفهم بوليس ولكن ما عرف اينا جريمة جايين يتحاسبوا معاه فيها بلع ريقتوا او بتوتر نطق : ءء اش كتخربقواا إينا جريمة كتهضرواا عليها راكم مزال ما كتعرفوني شكووون ...
كريم هزوا من كتافوا جلسوا في كرسي وتقابل معاه : شكوون غتكوون في ملك الله بنادم من لحم ودم ومن بعد "رفع صبعواا" من الأحسن بلا ما ضيع لينا وقتنا وحنا عندنا شلاااا ما يدار "دار عند عمر " ياك اعمر ..
عمر تحنى كيقلب في لملفات : معلوم اشاف "هز راصوا مبهووض من لملف "وخاربها امعلم اه ...
سي داووود زير على سنانوا وبتهديد نطق : غتندووموو كاملييين غييير تسناوووو ما فهمتتتت اينا جريمة باغي تلصقوااا ليااا ...
عمر بدا كيطوي في كماميم قاميجوا ويهضر : لخاودري عيط معاك على لمحقق لي مستالم هاد لقضية قولي ليه يصيفط لينا بعض لعناصر لهنا راه هاد شريف خاربها بالمعقوووول ...
كريم حرك راصوا بإجاب تم هز تيلي وخرج برا كيهضر فيه مع عناصر شرطة...
اما عمر تقابل مع داوود رفع حاجبوا وقال: شااارف اصاحبيييي ومزال ما بغيتيش توب كان خاصك تحشم غير على لحيتك لبيضة وباااز تقوول لفلوس غيجمعووهم في خنشة ويخشيوهم معاك في لقبرررر "نزل لمستواه" نكون منك انا نتووب ونمشي نغسل دنوبي في لحج ...
سي داوود خنززر فيه بصوت غليض نطق: هاهاها شكوون قالك انا غنمووت مازااال غنعييش و ندمكم كاملييين ...
عمر بصوت رجولي خشن قال:عادا كنتي غتموت ومازل زيدها في لهضرة وتهدييد "حك ضقنوا" إيوا لاه يعطينا وجهك نافقوا بيه غير عباد الاه ...
سيي داووود مخرج سنطيحة وداافع جبهة وكيرد لكلام وليني داخلواا عالم بيه غير لاه حنت جميع ضوساه مرميين قدامواا ليوما ياتفضح ما فيهاااش ، بلع ريقوو وبقااا كيدور في عينيه وكيدعي داخلواا باش توقع شي معجزة لي تنقدوو ...
•• في مكان أخر وبضبط في إحدى لفيلات لفخمة التي تتواجد في مدينة الجديدة ...
أضواء خافتة وموسيقى عالية ،جنب لمسبح ديرين حفلة مجموعين فيها غير هوما أو ولاد الطبقة الراقية ...
الحفلة من تأسيس سمير بن شرقي وصاحبوا أمين الوردي ...
أمين تما غادي كيتمايل ويرقص على أنغام لموسيقى الغربية وبين يديه جوج كأووس ديال لفودكا جلس حدا صاحبوا لي جالس في كرسي متحرك أو مد ليه لكاس ...
سمير خدا لكاس بين يدوا وقبل ما يرتاشف منوا سهى وهوا كيشوف فيه تفكر ...
"فلاش باك"
قبل تسعة أشهر ...
داخل مطعم راقي جالسين شادين طبلتهم كيف جميع ناس وكيضحكوا ...
سمير بعينين تيلمعوا نطق :واا كون تشوف اصاحبي داك سدر لي عندها خير ربي ...
أمين بدهشة قال :ما تقولش ليا قدرتي طيحها في شبكة "رفع حاجبوا "لبنت صعيبة الساط وحتى واحد في دراري ما قدر يطيحها كيفاش درتي ليها ...
سمير رجع شعروا لور بطريقة كلاص وبفتخار رد عليه:اي وحدة ما تقدرش ما تبغينيش أنا راه سميتي سمير بن شرقي ومن لا يعرفه لبنات غير يشوفوني ما يقدروش يقاموا سحر جادبيتي ...
أمين هز ايدوا لفوق مأيدوو:إنت معلم ونحن منك نتعلم هههههه اش بان ليك تولي تزيد لينا دروس في هاد شي ...
سمير مع دور راصوا كيضحك عاحبوا لحال حتى كتبان ليه داخلا مع لباب والإبتسامة بريئة مرسومة على شفايفها زينها طبيعي وما كتصنعش بحال دوك لبنات لي داخل لمطعم حداهم او لي عرفوا في حياتهم حمقاتوا او سطاتوا من شوفة لولة بقا مراقبها كيفاش كتهضر مع سيرفور ومتبعها بعينيه حتى خدات لموني وجلسات ببتسامة كتكتاشف أنواع الأطعمة لي فيه ...
جمع لوقفة او غمز صاحبوا لي حتى هوا بقا متبعها مني دخلات وهوا حال فموا فيها ...
سمير توجه لعندها وببتسامة نطق:زين أجي ونسينا ماشي معقول تجلسي بوحدك ...
إسلام دورات راصها لجيها لخرا والخوف تسلل لقلبها مني شافتوا بقا واقف عند راصها جوباتوا بزز منها:
_لا أخويا أنا ما كيناش بوحدي معايا راجلي ...
سمير بتاسم بشر وحك لحيتوا من لتحت وعيط على صاحبوا يجي لعندوا بعدما قال:
_ديري لينا بلاصة معاه ولا حنا ما نستهلوش ...
إسلام شخصيتها هادئة ومسالمة ما كتبغي مشاكل ما كتجبد صداع داخلا صوق راصها وكتبغي الخير للجميع ....قلبها بدا يضرب بجهد من لخوف ما عمرها تعرضت لبحال هاد لموقف....
جا أمين حتى هوا وقف عند راصها دوز بإبهاموا على شفايفوا جرهم وبغمزة قال:
_أحححح كلك زبدة و منين نبدا ...
سمير قاطعوا بمياعة :أمين قول كلك زبدة ومنين نبداو"وجه كلاموا ل إسلام "لبوكوصة ما تعطيناش شي بوسة راه حنا محتاجين ...
إسلام بعدات راصها منهم لناحية الأخرى بشفايفها كيترعدوا نطقات بخووف: بعدوو مني واش ماكتحشموش ...
سمير بتاسم بستهزاء:غنوري لعمر دابا لحشمة كيف كتكون "غمض عينيه وتما غادي ناحية وجها باغي يبوسها وأمين كيفرنس عاجبوا لحال ....
أمين بقا ساهي حاضي إسلام حمقاتوا ما بقا كيشوف غيرها حتى كيتصدم بأركان لي تلاح على صاحبوا ...
طار عليه مخنزر هزوا من كول قاميجتوا ولا يبان كيف لفار قدام جسد أركان المتصلب داربوا بدماغ دوخوا ما خلاهش يهضر ونزل عليه هزو بين يديه وعينيه حمرين كيف جمر وعروقوا خارجين نزل عليه بجوج كروشيات لاحوا في وسط طبلة ديال زاج حتى تشتات قداموا خلاه مابقا يهز لا رجل ولا إيد ودمياتوا دايزا ...
أركان كارز على سنانوا و جملة وحدة لي كيردد في فموا "مرتي خط حمر الحيوان" من غيرها ما تيقول ولوا وسدروا تيطلع وينزل بالعصاب ...
ومشا ل أمين حتى هوا ما خلاهش يدافع على راصوا نزل عليه كروشيات ولا تيبان بحال لوحش كيضرب فيهم بلا ما يحن ناس كلهم خرجوا من لمطعم خيفين....
رجع سمير لي قرب ل إسلام يبوسها خبطوا مع عطاه بي بونيا لنيف وضربوا مع حيط حتى سنسول ديال ضهروا تهرس ولا يبان بحال ثور ما كيشوف حتى حاجة قداموا من غيرهم لمطعم كلواا شتوااا هرس كلشي...
خلاهم غرقين في دمياتهم وجر إسلام وخرج ...
سمير بقا فيه لحال حنت ما قدرش يدافع على راصوا قدام ضخامة وجسد أركان لقوي ...
فور ما دووه لمستشفى تشلل للضربة لقوية لي جاتوا في سنسول ...
"الحاضر"
وهوا كيسترجع في ديك لحادتة لي رجعاتوا مشلل بقا كارز على بين يديه حتى تهرس لكاس ...
أمين كمش حجبانوا: اش درتي اصاحبي صافي دابا خاصك تكون فرحان ...
"هز راصوا عيط على الخادمة باش تعقم ليه لجرح "
سمير هزا راصوا فيه وعينيه لي ولاوا حمرين: بقا فيا لحال حنت ما قدرتش نضربوا ونفدي فيه دقتي وليوم انا مشلل بسبابواا ...
أمين حط ايدوا على كتف صاحبوا وتبسم بمكر :هاد شي كامل لي درنا ومزال ما شفا غليلك بزاف اصاحبي ،غير رتاح وتفرج من بعيد ،دابا سيهم أركان الراضي غتلقاه مدمر حنت قتلنا لي مراتوا او ولدوا هاهاهاها "رفع حاجبوا "وزيد عليها ما تنساش لقاتل المأجور لي رسلناه صافاها لمدير ديال شريكة ديالوا لي في لندن ههههه "خسر ملامحوا " وليني قدر يفلت منها "دار للجهة الاخرا راسم إبتسامة إنتصار على محياه" ولكن دابا ملي غيلقا مرتوا ماتت غيولي حمق دايع في زنقة ههههه غير تسنا وغتفرج ههههه .. .
سمير هز راصوا اوبتاسم بشر : كب ليا شي كاس اخرا لفرحة لي أنا حاس بيها ليوم نساتني في رجليا هههه ...
أمين هز لقرعة كب ليه كاس : هادا هوا صاحبي لي كنعرف الاه عليك اسمير ...
سمير شد من عندوا لكاس ديال لفودكا وضرب كاسوا مع كاس أمين وشرب منوا منغم و فرحان:
_ نخب نتصارنا ونخب زبدة ديالنا لي دابت هاد صباااح هههههههه ....
حلات عينيها بتتاقل وراصها عاطيها لحريق عالجهد هوا وبلاصة لفتحة ،ملي عرفات بأشنوا وقع لصحبتها نهارت بقات كتغوت لربي لي خلقها وتنتف في راصها بكل قوتها حتى دكواا ليها إبرة مهدئ ونعساات من بعدواا ...
جلسات بزز منها حاطا يديها على راصها كدلك فيه من جناب ،مع دورات عينيها لقات توبة جالسا حداها مهمومة كتخمم حلات شفيفها بشوي وبغصة خانقاها نطقات بتسأل :
_شحال في ساعة ؟!!
توبة كانت ساهية غير سمعت صوت أمينة قفزت في بلاصتها، شدات في قلبها وبصوت حزين نطقات: العشرة ونصف ديال ليل ...
أمينة خرجات عينيها :أشنواا "بلعات ريقها بصعوبة "إسلام فاقت؟!!
توبة تنهدات بخنقة :مزال أختي ...
أمينة بتسأل :شحال قال ليكم طبيب ؟!
توبة حركات راصها بعدم فهم : أشنوا ؟!!
أمينة:شحال قال ليكم طبيب ديال لوقت "صمتت مدة قصيرة وبكره نطقات" قصدت لوقت لي خاص إسلام تفيق فيه ؟!!
توبة تنهدات بضيق:48 ساعة إلى فاتها "طاحت دمعة حارة من عينيها"غتدخل في غيبوبة ...
حطات إيديها على فمها وبدات تبكي شافت في أمينة بانت ليها مزيرة على يديها حابسا دموعها بزز وهيا تمسح عينيها وقالت:
_أمينة خاصك ترضعي بنتك ...
أمينة حركات راصها بنفي :لا ديك لبنت منحوسة "كملات كلامها مزيرا على سنانها "كون ما تزادت ليوم ما كانتش إسلام غتخرج ودير ديك لكسيدة وتخسر ولدها ...
توبة خزرات فيها وبعصبية نطقات: نعلي شيطان راك بعقلك حنا راه في لقرن الواحد والعشرين ومزال كتامني بنحس وتخربيق لي وقع ل إسلام ماشي حادثة سير عادية وإنما مأمرة "زيرات على سنانها"كانوا باغين يقتلوا ليا ختي الله ياخد فيهم الحق ...
أمينة حلات فمها:اشنوا !!
توبة حركات راصها بإجاب:كيفما سمعتي...
أمينة زيرات على سنانها وبعصبية نطقات: شكوون هاااد ولد لق**** لي حاول يقتل ختي نااري ونشدوو بين يدي حتى نخشي موا في شي ماكينة ونطحنواا نرجعواا كفتة "خصرات ملامحها "إلى ما درتهاش ليه ما تكونش سميتي أمينة بنت لعربي ...
توبة كمشات حجبانها:تهدني راك يالاه فاتحة "دورات عينيها لكونة" شوفي بنتك مسكينة عطينها غير حليب تاع لفرمسيان رضعيها شويا عفاك ...
أمينة بجدية نطقات:ولاه ،لا داقتوا ولا طاح في جوفها حتى تفيق إسلام ...
توبة دار لعندها وبصدمة نطقات: ويلي مالك هبلتي لبنت مسكينة مزال صغيرة حرام عليك ،كون كانت إسلام دابا واقفا معانا ما غيعجبهاش هاد شي لي كديري ...
أمينة بتأكيد نطقات بلا مبالاة :لي عندي قلتوا دابا خرجي جيبي ليا شي كرسي متحرك بغيت نمشي عند إسلام ...
توبة ساطت بجهد:حماقيتي لا بركي الأرض راك يلاه فاتحة ...
مع فتحات أمينة فمها غتهضر وهوا يقاطعها كريم بدخولوا لعندهم ...
كريم حرك راصوا وقال :سلام عليكم ...
توبة جمعات لوقفة:وعليكم السلام ورحمة الله وبركاته، جابك لاه اخويا تفاهم مع مرتك راها بدات كدخل وتخرج في لهضرة ...
كريم شاف في أمينة مطلع حاجبوا بمعنى اش كين ...
أمينة بتنهيدة طويلة قالت:بغيت نمشي عند إسلام...
كريم حرك راصوا بلا:حتى تباري وتمشي عندها ...
أمينة بترجي نطقات :ديني عندها عفاك بغيت نشوفها غنخليها تفيق بزز منها ...
كريم حك ضقنوا :وخا تسناي ...
توبة بتسأل نطقات: خويا كريم اشنوا داروا لبوليس عرفوا لي حاول يقتل ختي ...
كريم ساط بجهد : مزال "شاف في توبة" قررت نعاون لمحقق لي مكلف بهاد لقضية دابا رهم خرجوا كيقلبوا على لكاميوا "شاحنة" لي ضربت إسلام انشاء الله غير يلقوها غنوصلوا لقاتل ...
أمينة بتوسل قالت :لعاار أكريم ملي تشدووه ديني عندوا لحبس بغيت نعدبواا ونقتلوا بيديا ...
كريم تنهد بضيق : باركا غير داك شي لي دار أركان لسي داوود ،عطا لاه ما قتلوا فكيناه من يدواا غير بزز ...
أمينة كمشات حجبانها:شكون هاد داوود ؟!!
كريم بهدوء نطق :داوود هوا نسيب عائلة آل راضي أب مروى زوجة يوسف ...
توبة حطات إيديها على فمها:واشنوا لقيتوه، عندوا دخل ...
كريم حرك راصوا بنفي:لا ما عندوا حتى دخل في قضية إسلام ولكن بفضل أركان ليووم عرفنا لجرائم لي داير داوود بدلائل تشد في لحبس وحتى محامي ما يقدر يخرجوا وخا يعطي لفلوس ،"خشا إيدوا في جيبوا "لقليلة يقدروا يحكموا عليه بي ربعين عام ...
توبة دورات راصها مبهوضة:لا إله إلا الله، مروى مسكينة غيبقا فيها لحال ختها ماتت وباها دخل لحبس صعيبة عليها لاه يصبرها...
أمينة ساطت بجهد:اووف وجيبوا شي كرسي دغيا بغيت نشوف إسلام ...
كريم :صبري نعيط لشي ممرضة باش تعونك وتعطيك لباس طبي عاد تقدري دخلي الإنعاش ...
أمينة بتسأل قالت:مشيتي شفتي إسلام؟!! دخلتي عندها ؟!!
توبة بلعات ريقها وبغصة خانقاها ردات : لا ،ما قدرتش نشوفها بديك لحالة ...
امينة حركات راصها: صافي ندخلوا عندها بزوج سيري حتى نتي بدلي واجي ...
توبة خصرات ملامحها:محالش يخلونا ندخلواا ...
أمينة بصوت حاد نطقات : بزز من بوهم غندخلوا غير جيبوا ليا كرسي دغيا راه ما قدرتش نوقف على رجليا ...
يتبع...
التعليقات
لا توجد تعليقات بعد، كن أول من يعلق.