زواج مبارك الجزء 22 والأخير

فاقت صباح بكري كيف عادتها دوشات ونزلات لدار لتحت صوبات لفطور فيقات ولدها ولبساتواا حويجواا وفطرتوا تم شدات منوا وخرجات من دار ...

أمير هز راصوا فيها وبصوت طفولي نطق مخسر ملامحوا : مامي مزال فيا نعاس ...

توبة رفعات حاجبها وقالت: ياك لبارح نعستي بكري شحال خاصك تنعس مزال ...

أمير بتسأل نطق:علاش حنا كل نهار كنمشيوا لمدرسة وفي صباح بكري راه بزاف هاد شي اوووف ...

توبة تبسمات جنب: كتمشي اولدي باش تقراا وتعلم وتعرف بزاف ديال لحويج ما كتكونش عارفهم ...

أمير مزال شاد فيه نعاس بصوت تعبان نطق : او لي ما بغاش يقراا ولا يمشي لمدراسة شنوا خاصوا يدير ...

توبة حركات راصها وقالت: يقراا بزز من بوه أولدي وإلى ما سمعش لهضرة صندالة تقادوااا ودخل ليه لهضرة لمخ ...

امير ساط بجهد وقال : أنا ما بغايش نمشي لمدرسة بغيت غير نتزوج صافي ...

توبة جاتها ضحكة حبستها بزز منها وقالت: إلى بغيتي تزوج خاصك تكون قاري وخدام ...

أمير حرك راصوا وقال : ضروري ...

توبة حركات راصها بإجاب :اه ضروري ايوا اش بغيتي توكل ولادك ومراتك لحجر ...

أمير ببرائة نطق: علاش لحجر كيتكال أماما ؟!!

توبة زفرات بجهد وقالت: انا لي ديراا فيك راصي ونتا مزال شاد فيك نعاس صابح مبوق هاد صباح يلاطيف زيد دغياا راه باغا نرجع عندي ما يدار ...

تماوو غاديين مكملين طريقهم حتى سمعواا صوت حاد نطق موراهم ...

_لخوادرية ...

دارت توبة هيا ولدها غير شافتوا تبسمات وقالت:

_خويا نورالدين صباح الخير شفتك فايق بكري ليووم ...

نوالدين وقف حداهم هاز في يدوا سفنج سخون تبسم ليهم وقال بصوتوا لغليض:

_تيكَولوا ناس زمان لفياق بكري بذهب لمشري الخوادرية "بتسأل" مال بيكاتشواا صابحا طالعا ليه لقرداا ؟!!

توبة هزات يديها بزوج لفوق وقالت :أخويا جابك الله تفاهم معاه قالك ما بقاش باغي يقراا ...

نورالدين ساط بجهد وقال: وهوا في صراحة غير لي بغا يقراا في هاد لبلاد السعيدة بالحق بنادم قاري ماشي هوا ما قاريش ...

أمير جروا من تيشرت ديالوا وقال: عمي نورالدين ...

نوالدين بغمزة نطق : نعاام أبيكاتشواا ؟!

أمير مد يدوا وقال: عطيني شفنجة ...

نورالدين تبسم جنب:هيا لولة أبيكاتشواا سمح ليا نسيت ما عطيتك "نزل عينوا بدا كيجبد ليه من شفنج ...

توبة غمزات ولدها وبخفوت نطقات: اويلي أمير حشومة ...

أمير كمش حجبانوا وقال: علاش كتغمزيني باش ما نخادش شفنجة أنا كيعجبني شفنج لي كيجيب عمي ديب ...

توبة بالفرشة ما عرفات فين تعطي راصها ولي زاد على ما بيها هوا فاش قال أمير لنورالدين ديب ،كمشات حجبانها بترجي نطقات:

_سمح ليه اخوياا راه مزال صغير ...

نوالدين عطاه شفنجة وقال: هانيا ...

أمير بدا مدارب مع شفنجة كياكل فيها جاتواا سخونة ونوالدين كيضحك معاه شاد فيه ...

•• متكي على لوطوا ديالوا في راص درب غير لمحهم كيفاش واقفين كيضحكواا ما عجبوا حال زير على يديه وبديك لغيرة لي حرقاتواا من لداخل ما حس براصوا حتى لقاا نفسواا وقف عليهم ...

سهيل بعصبية نطق بصوت رجولي موجه صبعوا لنورالدين:

_ على قبل هاد لمراكة ما بغيتيش تعطيني فرصة يااااك أ توبة كيعجبووك هاد الأشكال ديك سااااااع قوليها من لول ...

توبة ما عرفات باش تبلات شدات في قلبها وبصدمة قالت: بسم الله الرحمن الرحيم تاا منين خرجتي لياا بغيت غير نفهم علاش فينما كندور كنلقاك حدايااا ...

سهيل بحرقة نطق كيهضر بدارجة مخلطة مع اللغة الإسبانية : علاش أنا لاااا وهواا اه شوفي غيرر شكلواا كيف دير ...

نوالدين حس بجنون ديال دنيا ركبوووه طلع سهيل من لتحت لفوق وبصوت غليض كيهد جبل نطق سااعر :

_ وناااااااري ضبرتي عليهاااا معاياااااا أنص مغريبي ...

نوالدين زير على يديه وعينيه ولاواا حمرين كيف جمر أعدى حاجة عندوا شي حد يستهزء بشكلواا يلاه غيهز يديه ويتلاح في سهيل لي طلعا ليه لقردة ما حاملش يشوف توبة واقفاا مع غيرواا وهيا تدخل وسط منهم ...

توبة دورات راصها عند سهيل مخنزرا نطقات: تسناني واحد دقيقة وغنشرح ليك ...

سهيل طوا يديه عندوا و بعصبية نطق:

_ هاهواا واقف كيتسنااا ...

أمير سير كياكل في شفنجة وحاضي سهيل لي جاه شكلوا مألوف بالنبسة ليه ...

توبة جرات نورالدين على جنب وبتنهيدة تكلمات بدات كتألف قصة من راصها باش تهدن لوضع:

_ ماتديش عليه أخويا راه حمق مريض نفساني كنعرف موا مسكينة ما خلات فين جرات بيه كيقولوا كان كيبغي شي بنت اوهيا تزوجات وخلاتوا وهوا يحماق مسكين ولا لبنت لي تلاقا معاها كيتخيلها ديك لي كان كيبغي وطبيب قال ليهم سايسواا معاه ولا غيخرج ليه لعقل بمرة ...

نوالدين حك لوشم لي في عنقواا وعينيه على سهيل لي مخنزر فيه بقا فيه بزاف، صغر عينيه وبتسأل نطق :مسكين إيواا علاش هضراتوا ماشي بحالنا ...

توبة دورات عينيها كتفكر :كيقولوا بلي لبنت لي كان كيبغي إسبانيا وتعلم اللغة على قبلها يمكن ...

نورالدين صغر عينيه وقال:هاد خونا فايت ليا شافيوا فشي بلاصة ...

توبة بعفوية نطقات : معلوم غتكون شيفوا في تلفازا هوا مدرب ديال كورة قدم في إسبانيا...

"عضات لسانها من لداخل ملي عرفات راصها اش قالت "

نوالدين رفع حاجبوا وبصوتوا لغليض نطق:

_ مدرب كورة حمق لا يعقل ...

توبة بلعات ريقها وهزات يديها لفوق وقالت: ايوا هاد شي لي عطا الله وزيدن الكمال لله وحده ...

نورالدين بقا فيه سهيل بزاف شاف في توبة و قرب منوا حط يدوا على كتفوا وقال:

_مكتاب الله كيتصرف الخوادري ما مكتباش ليك حاول تنساها وبدا من جديد وشتي توبة بحال ختي قسماا بالله كنعتابرها ختي وحتى ولدها بحال خويا ما كنعتابروش حتى ولدي غير نعس على جنب راحة و ما تشدش في خاطرك ...

سهيل كمش حجبانوا وقال: اش كتخربق ..

توبة تدخلات راسمة إبتسامة مسطنعة على محياها و قالت:

_صافي أخويا نوالدين أنا غنشرح ليه نتا غير سير لدار قبل لا يبرد سفنج ...

نورالدين زفر بجهد وبتنهيدة نطق: الله يعونكم ،حاول تنساها عطاا الله بنات ناس غير قلب مزيان ...

سهيل هز يدوا مخنزر في نورالدين عند بالوا كيهضر على توبة ،شار لنفسوا وقال :

_أنا مستحيل نساها وما غنخليهاش ليك غير ديرها في بالك ...

نوالدين تنهد بقلة حيلة وشاف في توبة:

_ مسكين حالتوا صعيبة اش داه لشي حب كَاع ...

تما غادي عاطيهم بضهروا لعريض وكيهضر: الله ينسيك فيها اخويا كتبان باقي صغير طار ليك لفريخ قبل لوقت أ مسكين ...

سهيل شار لنورالدين وقال:اش كيخربق هادا ؟!!

توبة ساطت بجهد وقالت :نتا واش مريض ولا مالك علاش تابعني على صباح ؟!!

سهيل حك لحيتوا وبتسأل نطق: قولي ليا شكون هاد خينا لي كنتي واقفا معاه أسنيوريتا ...

توبة بعصبية ردات: هادا جارنا اشريف وزيدن أنا ما مضطراش باش نشرح ليك ...

سهيل تنهد براحة:غير جارك ما بينك وبينوا والواا ؟!!

توبة شدات لولدها من يدواا وتمات غادياا ...

سهيل تما غادي تابعها وقال: ماجوبتينيش ...

توبة حركات راصها وقالت : سير فحالك ولدي تعطل على مدراستواا وخاصني نديه دغياا ...

سهيل بتوسل نطق: سمحي ليا أسنيوريتا ما كنتش باغي لقاء لول بولدنا يكون هاكا ...

توبة بصدمة وقفات خرجات عينيها فيه وقالت: هاكيلي على ولدنا تاا مالك سايط ليك ريح في مخك ولا ضاربك شي جن يمكن غتكون حمق خاصك تمشي تجري براصك قبل ما يفوتك لوقت ...

سهيل شارف لنفسواا وقال: أنا مريض بيك أتوبة من نهار شفتك ما بقيت عرفت راصي شكوون حاولي تفهميني بلليز ...

توبة رفعات حاجبها وبصوت حاد نطقات:

_ حتارم راصك راه معايا ولدي ...

أمير وجه صبعوا لسهيل و صاح بصوت عالي:عرفتك عرفتك نتا هوا لمدرب لمغربي سهيل فاروقي ياااك ...

سهيل حرك راصوا بإجاب ومد يدوا ليه:اه هوا أنا ونتا شنوا سميتك البطال ؟!!

أمير بادلوا لمصاحفة بالأيد وقال: سميتي أمير كنحماق عليك نتا أفضل لاعب بالنبسة ليا بعد كريستيانوا ...

سهيل بعينين تيلمعواا نطق:شرف لياا البطال أمير ...

توبة خنزرات في سهيل وقالت: تعطلنااا اولدي ...

أمير بتوسل نطق بصوت طفولي:ماما صوريني مع سهيل بغيت نوري تصورياا لصحابي كاملين ...

توبة شافت في أمير وقالت: ماشي وقتواا اولدي ..

أمير بإصرار نطق: ولااا أماما عفاااك صوريني ...

سهيل تدخل ببتسامة جانبية نطق:خلي أمير يتصور معايا ما غتطلبش وقت كبير ...

توبة ساطت بجهد وشعلات تيليفونها وقالت: يلاه وقف حداه اولدي ...

سهيل هز أمير بين يدوا ورسم إبتسامة على وجهواا لي شافهم يقول غير أب مع ولدواا جاوو غزالين في لفوطوا لي لتاقطت ليهم توبة بعدسة كاميرة تيليفونها ...

غير سالات شدات من ولدها وتمات غاديا وسهيل تابعهم كينادي عليها ...

توبة ضارت لعندوا معصبة:نتا واقيلاا كياكلك حنكك باغي شي طرشة اخرا ..

سهيل بصوت رجولي خشن نطق : لا بغيتك تصيفطي ليا صورة ...

توبة ساطت بجهد وقالت:غير سير بحالك دابا نسيفطها ليك في لوتساب ...

سهيل حرك راصوا وقال: في لوتساب !! ولكن نتي ديرا ليا بلوك ...

توبة بتنهيدة طويلة ردات:غنحيد ليك لحضر ونرسل ليك صورة ومني نسالي غنرجع نبلوكيك ومريضا ما عندوا باس وداباا غبر من قدامي ...

•• بعد مرور يوم ••

دق جرس الخرجوا من المدرسة ...

خرجواا تلاميذ فرحانين كيتجاراو لعند واليديهم .... ومن بينهم أمير لي خرج هاز محفاضتوا فوق ضهروا .... وقف على جناب كيتسنا في توبة ولا خالواا عمر يجي يديه لدار ....حتى وقف عليه بالوطوا ديالواا مرتدي سروال جينز مع تيشرت وتجاكيط في الأسود ...

قرب حدا أمير وحيد نضارات شمسية من على عينيه وببتسامة جانبية نطق:

_سلام لبطال لباس عليك ...

أمير بعينين تيلمعواا رد عليه فرحان:

_عمي سهيييل أنا لباس ونتا ...

سهيل جلس جلسة القرفساء قدام أمير وقال:

_إلى كنتي نتا بيخير غنكون أنا لباس ،احم لبطال بغيتك في واحد لموضوع تقدر تعوني ...

أمير حرك راصوا بنفي و بصوت طفولي نطق: ماما كتقول ليا ما تهضرش مع ناس لي ما كتعرفش إدن ما غنقدرش نعونك ...

سهيل شار لنفسوا وقال: ولكن أنا ياك كتعرفني وماماك حتى هيا كتعرفني ياك كنت معاكم لبارح ...

أمير طوا يديه عندوا وقال: وخاا هكااك ما غنعونكش ...

سهيل حك لحيتوا أو وقف كيفكر ويشوف في أمير تنهد بضيق ونطق داخلواا: كيبان ليا هادا كتر من موا شنواا غندير فكر أسهيل فكر

تبسم جنب وقال: امم تسناني هنا دقيقة وأنا راجع ليك اوك ...

أمير حرك راصوا بلا مبالاة وعينيه كيدوروا يمين ويسار كيقلب على توبة ...

توجه سهيل لسيارتوا فتحها وخدا منها علبة كبيرة من شكلاط جايبوا معاه من إسبانيا ورجع لعند أمير مدها ليه وقال:

_خود اولدي ...

أمير شاف في لعلبة مطول يلاه مد يدوا غياخدها وتراجع،رفع حاجبوا صغيور وبتسأل نطق:

_غناخدها ولكن ما تقولش ليا عوني وخا

سهيل حرك راصوا بإجاب: اه غير خود البطال ما غتعونيش ولكن "خشا يدوا في جيبوا خرج منوا رسالة مدها ل امير وقال"بغيتك تعطي هادي لماماك ...

أمير شد رسالة من عندوا وبتسأل نطق: شنوا فيهااا ؟!!

سهيل تبسم جنب وقال: حتى تكبر وغتفهم أولدي ...

أمير رفع حاجبوا وبتسأل نطق: وملي غنعطيها ليها شنوا غنكول ليها ؟!!

سهيل بصوت رجولي خشن قال: قول ليها عطاها ليك لفضولي وغتفهم بوحدها"طبطب على كتف أمير صغيور "صافي نعول عليك ...

أمير عينيه على شكلاط لي بين يدوا باغي غير يمتا يحلوا ويتلدد بطعم ديالوا: صافي غير كون هاني ...

سهيل غير لمح توبة جايا من بعيد ودع أمير ومشا ركب في لوطوا ديالواا مكسيري وكيطلب في الله باش تقرا رسالة لي بغاا يوصلها ليها ...

توبة غير شافت ولدها قصداتواا مشات لعندواا مبتاسمة تحنات باستوا في خدواا وقالت:

_لحبيب ديالي اش قريتوا ليوم ؟

يلاه أمير فتح شفايفواا غيهضر وهيا تلمح لعلبة ديال شكلاك بين يديه ،زيرات على سنانها وبعصبية نطقات: أجي شكون عطاك هاد شي ؟!!

أمير بخوف نطق :عطاه ليا واحد راجل سميتواا ...

توبة قاطعاتواا مجننة : شكوون هادا شي مجرم علم الله أشنوا دير في هاد شكلاط بغاك غير تاكلوا ودوخ ويجي يخطفك ياك قالت ليك ألف مرة ماتبقاش غير لي عطاوها ليك تاكلهااا ونتا كي لحمار ما كتسمعش لهضرة ارا ليا زبل لهنا ...

خطفات ليه لعلبة من يديه ورماتها لبعيد خلاتواا يبكي عليهاااا بدموع ...

توبة ساطت بجهد وقالت: زم عليا فمك نقربوا حدا لحانوت ونشري ليك شكلاط ...

أمير بصوت باكي:لاااا بغيت هادااك هئ هئ هئ ...

توبة هزات يدها غتجمعها معاه وهيا تشوف رسالة بين يدوا تانية رفعات حاجبها وبتسأل نطقات:

_اش ديك لورقة لي هاز ...

أمير مدها ليها وقال: عطاها ليك لفضولي هئ هئ هئ ...

توبة شداتها من عندوا مكمشا حجبانها دورات لفضولي في دماغها وهيا تفكر نهار قالتها لسهيل بزربة حلات رسالة معصبة بدات كتقرا فيها ...

_mi amore "حبيبتي"

لباس عليك كنتمنى أنك تكوني بيخير ملي توصلك هاد رسالة ...

درتي ليا بلوك وما بغيتش نعود نعيط ليك برقم أخر ولكن إلى ما حيديتش لحضر أكيد غنديرها، نتي مستحيل تهناي مني بهاد سهولة ...

أنا ما عارفش لماضي ديالك وما عارفش لي داز عليك من خلال تصرفاتك معايا بان ليا أنك تعدبتي بزاف في حياتك حتى ما بقيتيش كتعطي تيقتك بهاد سهولة ...

"توبة طاحت دمعة حارة من عينيها مسحتها وكملات لقراية"

سينيوريتا نتي عجبتيني بزاف من اول مرة شفتك عندنا في لفيلا لابسا لبلدي جات معاك جلابة بزااف في صراحة ...

هاد شي لي وليت حاس بيه من جيهتك ما بقاش مجرد إعجاب وإنما شي حاجة كتر نتي وليتي مسيطرة على عقلي وتفكيري كامل بسبابك ما بقيتش كنعس بليل ...

توبة خسرات ملامحها وقالت: سير شوف ليك شي طبيب حسن الكداب انا ماشي حيط قصير ولي جا ينقزوا و زوينة هادي "زفرات بجهد ورجعات تكمل "...

خليني نكون ضل ديالك نرافقك فينما مشيتي ...

خليني نكون لهواء لي يلامس لبشرة ديالك يومياا بدون ملل ... خليني نكون عكازك مني تشرفي لا هادي ما جاتش اسهيل اش كتخربق سنيوريتا ما عنديش بزاف مع تعبير دوزي ليا هاد شي بجغمة لماء وديري عين ميكة وقبلي عليا ...

"توبة بدات كضحك هزات راصها و بعفوية نطقات :لا هادا أنا متأكدا غيكون عندواا شي خلل في عقلواا فات لصقة لهيه ...

نزلات عينيها كتكمل تتمة مضمون رسالة :

سنيوريتا بغيت نكون معاك للأبد "Quiero estar contigo para siempre"باش نعيش أنا وياك وأمير ولدنا في سعادة ...

كنتمنى أنك تراجعي قرارك و تعطيني فرصة ما غتندميش كنوعدك ...

المرسل: سهيل لفضولي ...

توبة طوات رسالة كضحك معلا بلهاش أن سهيل راه كيهضر من نيتواا وكل كلمة كتب خارجا من قلبوا ...

جالسا قدام باب دار لابسا قميجة في لغوز بالكميم معريا من لخصر مع صايا طويلة لاصقا عليها من نفس لون ،هازا تيليفونها بين يديها كدوز بيه لوقت حتى وقفات عليها مبتاسمة قالت :

_نرجس اش كديري هنا ؟!

نرجس بتنهيدة نطقات: قنطت أختي وخرجت نشم لهوا ...

توبة حركات راصها وقالت: مزيان أحسن حاجة درتي "بتسأل" عمر كين؟!!

نرجس حركات راصها بنفي: لا خرج قبيلاا ...

توبة بتأكيد نطقات: ملي يجي سيفطيه ليا بغيتوا ...

أمير بدا كيبكي بجهد :هئ هئ هئ

نرجس كمشات حجبانها وبتسأل نطقات:مالك علاش كتبكي ؟!!

توبة ساطت بجهد: كيبكي حنت لحت ليه شكلاط علم الله شكون عطاه ليه هانتي شريت ليه هادا وحلف لا خداه ...

نرجس مسحات ل أمير دموعوا:صافي الحبيب ديالي دابا غنعطيك واحد شكلاط واعر جيبوا ليا خالك عمر ...

جمعات لوقفة وشدات ل أمير من يدوا وبتفكيرة نطقات:

_اه حكَا ما قلتش ليك عمر قبلوا ليه في لخدمة نتقال لجديدة وغدا غيمشي لرباط يقاد الإجرائات ديال نتقال وإنشاء لله نجيبوا لحويج ونعيشوا معاكم هنا ...

توبة تلاحت عليها عنقاتها فرحانة قالت:

_ مبروك حبيبتي فرحتيني دابا ما كين غير نشاط غنبقا مجمعة معاك نهار وليل ههه ...

نرجس مبدلاها لعناق :وي أكيد نعيطوا ل إسلام ونوليوا نخرجوا مجموعين ...

توبة بعدات منها وحطات إيدها على بطن نرجس وقالت:

_هاد لغزال أنا لي غنربيه ملي تمشي نتي تقراي ...

نرجس حركات راصها بإجاب وببتسامة ردات: سعداتوا شكون بحالوا عمتوا كتموت عليه قبل ما يتزاد ههههه ...

دخلواا لدار توبة غير حيدات جلبتها طلعات نيشان لبيت لي في سطح تجمع لحلوة لي صوبات لالة لباتول في بواطة ونرجس توجهات لبيتها هيا وأمير ....

دخلات لبيت فتحات بلكارها جبدات منوا علبة كبيرة عامرة شكلاط فتحتها وجبدات منها زوج ومداتهم ل أمير ...

أمير حنيكاتوا حمرين بالبكاء مسح دموعوا بطرف كمايموا وبعدم رضا نطق:

_بغيتها كلهااا ماشي غير جوج ...

نرجس تصدمات وشارت لنفسها: كلها وأنا أش ناكل ...

أمير طوا يديه عندوا وساط بجهد:هئ هئ بغيتها كلها ...

نرجس زفرات بجهد وقالت: صافي اسيدي هاك خودها غير ما تبقاش غير تبكي ندمتيني حتى وريتها ليك شد ...

أمير شدها فرحان :شكرا خالتي هههه

خرج كيجري من لبيت وهوا يدخل في عمر لي جاي داخل مع لباب ...

عمر رفع حاجبوا وقال:فين غادي كتجري ...

أمير هز عينوا فيه :غنمشي عند لميمة ...

عمر بأمر نطق: الوليدة كتصلي خليها حتى تسالي وهضر معاها ما تبرزطهاش ...

أمير حرك راصوا بإجاب ومشا كيجري ...

نرجس تبسمات وقالت:عمر سير شوف ختي توبة شنوا بغاتك كانت كتسول عليك ...

عمر حك ضقنوا وبصوت رجولي خشن نطق:

_اوك شنيولة نبدل حويجي ونمشي نشوفها شنوا بغات ...

طلعهامن لتحت لفوق و دور يدوا على خصرها جبدها لعندوا بجهد وبعصبية قال :اش هاد لبس لمك ما بغاش تحشمي لاش معرية كرشك ...

نرجس برتباك نطقات: ءء وراه جاني صهد ..

عمر تلاح على شفايفها قبلها بعنف صدمها ودار كيفتح في سدافي ديال قامجيتوا السوداء ،وبأمر نطق:

_بدلي عليا ديك لحالة اخر واخر مرة تخرجي لزنقة ...

نرجس خسرات ملامحها وقالت : كنكرهك ...

عمر بغمزة نطق:وأنا كنبغيك "بصوت حاد"غنمشي عند لخوادرية وملي نرجع نلقاك بدلتي هاد لحويج ولا غنقطهم فوق منك ...

نرجس قوسات حجبانها وقالت: ما يمكنش راه شريتها غالية يلاه خرجات ...

عمر بدل حويجوا بالخف وقال:اخر مرة تلبسي هاد نص شرويطة نرجع ونتفاهمواا مزيان ...

عمر توجه نيشان لدروج طلع لسطح عند توبة دخل للبيت لقاها كتقاد في لحلوة رفع حاجبوا وبتسأل نطق:

_لخوادرية قالوا ليا بغيتيني ،يكما كين باس ؟!!

توبة ضارت لعندوا وبترجي نطقات:بغيتك تسخر ليا أخويا وما ترضهاش في وجهي الله يرحم ليك الواليدين ...

عمر دور راصوا وقال: كنعرف مزيان ملي تبغي طلبي شي حاجة فين هاد سخرة وعلاش ؟!!

توبة صغرات عينيها وقالت:نتا عندك طموبيل بغيتك دي ليا هاد لكموند لمدينة أزمور لفيلا ديال واحد سيدة سميتها لالة لباتول غنعطيك عنوانها ...

عمر ساط بجهد وتبسم:وخا ما فيا لي يمشي غندير ليك خاطرك اري ليا شغل لهنا ...

توبة مدات ليه لبوطات وقالت:غنسيفط ليك لعنوان في مساج سير أخويا بغيت ربي يسهل عليك ما صعاب ...

عمر خدا من عندها لحلوة وتوجه لسيارتوااا ركب فيها ونطالق لفيلا لالة لباتول ...

•• داخل رياض ••

نازلاا من لجناح ديالها لابسا سروال جينز مع جاكيط في البني مخليا شعرها طويل مطلوق مورا ضهرها وهازا صاكها في دراعها ...

غير لمحتها جالسا حدا نافورة شادا جنات بين يديها كتلعب معاها فرحانة توجهات لعندها ونادت عليها بإسمها:

_مروى

مروى هزات راصها مبتاسمة وبتسأل نطقات:

_وي ختي إسلام؟

إسلام حركات راصها وقالت:دي جنات لخالتي فريدة ولا خليها مع لحاجة ويلاه معايا لزواج مبارك ضروري ...

مروى كمشات حجبانها: علاش يكما كين باس ؟!!

إسلام بتنهيدة طويلة نطقات: كينين بزاف لي باغين ينضموا أعراسهم عندنا ولمشكلة أن أغلبهم شخصيات مهمة يعني كلشي خاصوا يكون على حقوا وطريقواا وخاصك تعونيني باش نقاد لمواعد ديال الأعراس ...

مروى حركات راصها بإجاب:هيا لولة تسنايني نلبس حويجي ونلحق عليك ...

إسلام مدات يديها:اري ليا جنات نديها لخالتي ونتي سيري لبسي دغيا ...

مروى باست جنات عاد مداتها ل إسلام ...

•• في لمساء••

جالسين قدام تلفاز كيشاهدوا فيلم رعب وكيكلوا في زريعة حتى صونا تيليفونها وقفز لكل ...

مي رحمة حطات إيديها فوق راصها وقالت:

_ هانتي قفزتي أبنتي خلعك غير تيليفون وسيرا تفرجي في هاد شي ونتي حاملة ما خافتيش تجيبي بحالهم ستغفر الله ...

نرجس شدات في قلبها:ما خلعنيش لفيلم أمي رحمة راه تيليفون لي قفزني كين شي حد كيصوني في هاد لوقت بدات ...

توبة هازا تيليفونها لي كيصوني بين يديها برقم غريب عليها تلفات ما عرفات واش تجاوب ولا تطفي على لمتصل ...

مي رحمة ساطت بجهد وقالت:يا جوبي يا طفي لمشقوف باغا تخليه مصدعانا ليل كامل وصوتوا عالي ضرني في راصي ...

توبة قبلات الإتصال وحطات تيلي على ودنها بعدما قالت بعصبية :

_ألواا شكون معايا؟!!

المتصل بنبرة صوت حادة نطق:علاش ما جيتيش عندنا لفيلااا تسنيتك حتى عييت شكون داك خينا لي صيفطتيه يجيب لينا لحلوة ؟!!

توبة بلعات ريقها وجمعات لوقفة بعدما قالت:

_ألواا ختي ما سمعتكش يمكن ما كينش ريزوا تسناي نخرج براا ...

غير بعدات عليهم ساطت بجهد وبعصبية نطقات:

_اش بغيتي ازمر واش نتا هبيل ولا مضروب في مخك ...

سهيل بحرقة نطق:خرجي عندي أنا كنتسناك في راص درب ...

توبة زيرات على يديها وقالت: ما خرجاش يكما تسحاب راصك با شتك ساير تأمر فيا ...

سهيل بتأكيد نطق بصوت رجولي خشن : من هنا لتلاتة دقايق إلى ما خرجتيش غنجي حتى لداركم راه عرفتها إينا وحدة فيهم ونهضروا في صالون مزيان ...

توبة زيرات على سنانها وبعصبية نطقات:ما تجيش المصيبة أنا جايا تجيك في راص إنشاء الله ...

تماطات للعلاقة لي عند لباب خدات منها كاب لبساتوا فوق لبيجامة معصبة ما عاجبها حال ليوما تاكل سهيل بالفقصة لي دار ليها ...

مي رحمة غير شافتها لبسات حركات راصها وبتسأل نطقات:

_فين غاديا خارجا في هاد ليل ؟!!

توبة بلعات ريقها وبرتباك نطقات:ءء أنا غنمشي نخرج زبل ...

مي رحمة كمشات حجبانها وقالت: قبل ما يبدا لفيلم راك مشيتي خرجتي طاروا ديال زبل خويتيه بسم الله عليك يكما طار ليك لعقل ...

توبة زيرات على يديها ونطقات داخلها: لي تسلطات عليه مصيبة بحال سهيل غيقا عندوا لعقل أمي أبدآ ...

مي رحمة شافتها بقات كدور فيه عينيها تالفا تنهدات بجهد وقالت : حيدي داك لكاب ودوزي تكلسي الأرض ...

توبة حركات راصها بنفي : لا أمي راه مزال كين زبل دوك لقشور ديول زريعة لي كلنا وليمون وما خاصهمش يباتوا هنا ...

مي رحمة ضربات إيد على إيد ونطقات رافعا حاجبها:

_على ربع ميكة صغيرة ديال لقشور باغا تخرجي في هاد ليل مالكي أبنتي توسوستي بنضافة ولا اش طراا ليك ..

توبة تنهدات بضيق وبإصرار قالت:

_وصافي قلت ليك ما غيباتوش هنا هيا ما غيباتوش هناا سيري تبركي أمي هانا جايا ...

مي رحمة تنهدات بقلة حيلة ومشات تجلس بعدما قالت :

_الله يعطيك عقل ...

توبة توجهات لطبلة بدات كتجمع في قشور زريعة وليمون مخطبا نفسها بخفوت قالت بعصبية :

_سير يا سهيل بغيت ليك لحكة وقلة ضفران غير نص مغربي وشنوا درتي فيا أما كون كنتي مغريي كامل ديك ساع علم الله شنوا كان يوقع تفوو ...

•• واقف قدام سيارتوا على نار كيتسنا فيها تجي لعندوا بدا كيتمشا يمين ويسار كارز على يديه وعروق دراعوا ضاهرين دوز بيديه على راصوا وعقلواا غينفاجر بكترة تفكير ،علاش توبة رفضاتواا هوا بدات ؟!! واش فيه شي حاجة ناقصة مثلاا؟!! ولا حنت عايش في إسبانيا ما قبلاتش بيه ؟!! ...

غير لمحها جايا لعندوا مشا كيجري لعندها وببتسامة جانبية نطق:

_مساء الخير ...

توبة رفعات حاجبها ونطقات بحدة: مساء زمر هادا اش كين لاس بغيتيني ؟!!

سهيل زفر بجهد وبتسأل نطق: توبة بغيت نعرف علاش ما بغيتيش تعطيني فرصة واش تقدري تجاوبيني على هاد سؤال ؟!!

توبة زيرات على يديها وبعصبية نطقات:شتي نتا ندمتيني وكرهتيني في نهار لي تلاقيت بيك فيه "هزات يديها بدات كتهضر بيهم" ما كانش عليا نخليك توصلني كاع ...

هاعار الله أخويا لما بعد مني عطيني تيساع واااه عيقتي بلا قياس أنا حشمت غير من مك اما نقولها لخويا يجي يديك فين تربى ...

سهيل تنهد بقلة حيلة وقال: وخا أي حاجة طلبيتها أسنيوريتا أنا مستاعد نحققها ليك إلى كنتي غترتاحي إلى بعدت عليك فا كوني متأكدة بلي ليوم أخر مرة تشوفي وجهي ...

.

توبة هزات فيه راصها مصدمة من كلاموا حسات بقلبها تزير عليها وما فهماتش علاش

سهيل بعنين تيلمعوا قال: ولكن قبل غنقولك هاد لهضرة الأخر مرة ياريت كون عطايتيني فرصة نعيشك بحال الأميرة أسنيوريتا كون حليتي قلبي غتشوفي شحال" أنا مجنون بيك"estoy loko por ti وكنبغيك te quiero حتى حاجة ما بزز داك شي علاش أنا غنمشي ليوم كينا لحفلة ديال رجعوي من إسبانيا وغدا غنشد طريق لكازا نشوف لعائلة غنبرك تما أسبوع ومن تم غنمشي لمطار وغنرجع بحالي لإسبانيا ...

توبة نطقات داخلها بحرقة:دغيا ستسلمتي أسهيل كنت كنسحاب أنك غدير لمستحيل باش تقنعني وتفوز بقلبي ساعة نتا ما مهتمش "دورات وجها للجهة للأخرى وقالت ليه" أحسن حاجة غدير ملي غتسافر إيوا سير الله يهنيك ...

سهيل شاف فيها مطول وكأنه باغي يحفض تفاصيل ومعالم وجها وبصوت حزين نطق وبعدها عطاها بضهروا :

_قصتنا ما عندهاش نهاية زوينة وخا ما بغيتيش تكوني معايا أنا غنبقا نبغيك حتى الأخر يوم في حياتي تهلاي في راصك ...

Sovtdak mi vida hasta elultimo dida سوف أفتقدك حتى أخر يوم بحياتي

توبة مدات إيدها تمات غاديا بيها غتحطها فوق كتفواا بقاات مدة وهيا مداها حتى تشجعات وبغات تحطها وهوا يتما غادي جهة سيارتوا مبعد عليها وهيا تجر إيدها عندها ساخطة ونادمة على لفعل لي كانت غادير تبسمات جنب بزز منها وبشفايف تيرجفوا نطقات بحرقة بعدما دارت :

_تهلى في راصك ...

•• بعد مرور عام ••

داخل المقبرة واقفا لابسا كسوة طويلة في الابيض مع شال فوق راصها من نفس لون ... هازا باقة ديال لورد بين يديها وكرشها منفوخة واصلا لفمها شي لي كيدل على أنها قريبة تولد وهادا هوا شهرها ....

عينيها كيلمعوا بدموع وهيا واقفة قدام لقبر ديالواا ،تحنات حطات باقة لورد فوق لقبر ديالوا وهزات كمشة ديال تراب بين يديها وقفات شافت فيها مطولا جابت تراب لنيفها شماتوا وباستوا و بصوت حزين نطقات بحرقة:

_جدي توحشتك بزاف الغالي نتا ماكنتيش غير جد راجلي لا نتا كنتي بابا ومعلمي وكبير لعائلة خلتي بلاصتك كبيرة بزااف "تنهدات بضيق "اه أليااااام مزال عاقلة ملي تلقيت بيك أول مرة في لفيرما ديال خالي في صراحة دغيا دخلتي لخاطري بالإحترام و وهضرتك لموزونة ولقصص ديال الأنبياء لي كنتي كتحكي ليا ملي تزوجت حفيدك"حركات راصها " شكون كان يقول راه أركان غيولي راجلي المكتاب سبحان الله كيتصرف ...

طاحة دمعة حارة من عينيها مسحتها وكملات كلامها وهيا مقابلة لقبر ديالواا وسميتواا وكنيتوا لي مكتوبين بالخط العريض على شاهد :

_بفضلك أجدي تزوجت بإنسان رائع كيعرف بقيمتي وكيحتارمني وكيبغيني إنسان لي وخاا نبقااا نهضر عليه ما غنوفيهش حقواا في صراحة ربيتي وعرفتي اش تربي الحاج ...

تبسمات فوق حزنها: ليوم عيد زوجنا تاني وقررت باش نجي لعندك وغنديروا صدقة ليوم على روحك ...

بتنهيدة طويلة : مشيتي قبل لوقت ما شفتيش"حطات إيديها على بطنها " حتى ولدي لي قريب يتزاد ستة شهر دابا باش مشيتي عند الخالق وخليتينا بوحدنا بلاصتك بقات كبيرة الحاج ...

هزات يديها بزوج لفوق وبدات كتدعي معاه و تقول:الله يجعل قبرك روض من رياض الجنة الغالي ...

سمعات صوت رجولي نادا عليها من موراها :

_ إسلام !!

إسلام مسحات دموعها بالخف ودارت لعندوا لقاتوا هاز جنات بين يديه لي ديرا كرينات صغار وبوكي ديال لورد :

_وي حبيبي ؟!!

أركان شاف في قبر جدواا بألم وبتسأل نطق:

_ شويا "رفع حاجبوا "يكما معدبك ولدنا ؟!

إسلام حركات راصها بنفي: لا لحبيب ديالي كالم بحال باباه لي وخا كيتعصب مرة مرة ولكن هادئ أحيانا ...

جنات مدات يديها ل إسلام باش تهزها وقالت بصوت طفولي :

_ماما ...

إسلام تبسمات ليها بحب وباستها ونطقات بأسف:

_ماغنقدرش نهزك أكبيدتي دابا غنمشيوا نشوفوا ماماك نجلاء الله يرحمها ...

أركان نزل جنات من يديه لي ولات كتمشى شويا،عطاها ل إسلام شدات منها وهوا هز يديه بدا كيقرا سورة ياسين على جدواا بصوت هادئ وجميل يريح لقلب ويهدئ نفوس ...

فور ما سالاا توجهواا لقبر نجلاء حطوا عليه باقة لورد وطلبوا ليها رحمةولغفرة وقرا أركان بعض سور من القرأن الكريم على روحها ...

إسلام تحنات بشوي لعند جنات وبعينين تيبريوا بدموع قالت:

_جنات حبيبتي"شارت لقبر بصبعها"هادي هيا ماماك زوينة نجلاء ...

جنات شافت في إسلام ببرائة ونزلات عينها لقبر شافت فيه مطولا شارت ليه وبتسأل قالت:

_ماما ؟!!

إسلام حركات راصها بإجاب وتنهدات بضيق ...

جنات تكات فوق لقبر عنقاتواا وباستواا و بصوت طفولي قالت بفرحة :

_ماما

إسلام عينيها عمروا بدموع وأركان طاوي يديه عندوا مراقبهم ...

دوزات بيديها على شعر جنات برقة وحنان وقالت:

_جنات شنوا كديري ؟!!

جنات هزات راصها وببتسامة بريئة ردات:

_ تندير بيزوا لماميتي ...

إسلام عنقاتها وبدات كتبكي ما قدرتش تستحمل سبقوها دموعها بالخف بشهقة و بصوت باكي نطقات:

_الله يرضي عليك أبنتي ...

"وخا جنات مزال ما مكملا عامين، ما بغاتهاش إسلام تكبر وهيا عند بالها أنها هيا مها، أو وخا مزال جنات صغيورة ولكن ذكية كتحاول إسلام تفهمها بطريقتها أن مها هيا نجلاء لي ماتت الله يرحمها "...

أركان حط يدوا على كتف إسلام وبصوت رجولي خشن نطق:

_تهدني أنبض قلبي ما مزيانش ليك توتر يلاه نرجعوا لرياض ...

إسلام هزات راصها بشوي ومسحات دموعها بطرف كفها بحال شي بنت صغيرة وبتنهيدة طويلة ردات :

_وخا لي بغيتي ...

جالسا فوق سريرها من جنب في غرفتها لي ولات كتجيها باردة وكحلة من نهار مات راجلها بسباب تقب لي في قلبوا ...

لابسا جلابة طويلة في الأسود مع شال من نفس لون مدوراه على راصها، من نهار مات لحاج وبعد ما كمل ربعين يوم ولات كتلبس غير لكحل ولا لبيض والألون الاخرا ما بقاتش كتهتم بيهم حنت لي كان ملون حياتها وعاطيها طعم تدفن تحت تراب ومشا عند لي خلقواا ...

الحاجة خديجة فتحات لمجر وجبدات منوا تسبيح ديال لحاج لي كان ديما في يدوا وحتى نهار لي خرجاتواا روح كان بين يدوا جابتواا لفمها باستواا وبملامح ممحية خالية من اي تعبير بدات كتسبح وتقول :

_الله أكبر ...الله أكبر ... الله اكبر ...

سمعات دقان في لباب تنهدات من الأعماق وقالت:

_تفضل ...

أركان دفع لباب دخل وشاف فيها مطول عاد نطق بقلة حيلة:

_لحاجة ...

لحاجة خديجة حركات راصها وقالت: نعام اوليدي ؟!!

أركان ببتسامة مزينة ملامحوا رد عليها: نزلي تغداي معانا راك عارفا بلي مستحيل ناكلواا بلا بيك من بعد لغدا غنمشيوا لميتم نديروا صدقة على روح الحاج الله يرحمواا ...

الحاجة خديجة هزات راصها فيه وقالت: اجي عندي عنقني اولدي خليني نشم فيك ريحة الحاج الله يواليه برحمة الله ...

أركان قرب منها عنقها وببتسامة مزينة ملامحوا رد عليها:

_من نهار مات الحاج ونتي كل نهار كتقولي ليا نفس لحاجة ...

الحاجة خديجة دوزات بيديها على رص أركان وبتنهيدة طويلة نطقات:

_اش غنقول ليك اولدي نتا خرجتي كتشبه ليه بزاف وأنا توحشتوا بزاف مسكين ما عمرني سمعت من فمواا كلمة لعيب كان نعم الرجل ونعم زوج و نعم الأب ما عمر شي حد تشكا منوا مشا وخلاني كون غير سبقني قداموا حسن ليااا ...

أركان تنهد بضيق وبصوت رجولي خشن نطق بعدما شد لحاجة في يديها:

_الله يطول في عمرك الحاجة حنا مزال محتاجينك او ولدي لي جاي في طريق حتى هوا محتاجك ما عمرك ما تقولي هاد لهضرة

الحاجة تبسمات فوق حزنها : الله يرحمواا و لي وصلت وقيتواا غيمشي غير حنا حمقين كنبقاوو نقولواا كون كون وقعت ديك لحاجة وكلشي مكتوب في جبتهنا مني زدنا لهاد دنيا مكتوب نهارش غنرحلواا منها الاخرة دار الدايمة ...

أركان جمع لوقفة خاشي يديه في جيبوا:داك شي لي كين الحاجة ودابا يلاه نتغداو إسلام بغاتك تمشي تخرجي معاها وتبدلي لجواا ...

الحاجة خديجة حركات راصها وبتنهيدة نطقات: ما فيا لي يخرج دابا من بعد انشاء الله ونخرجوا ...

أركان دور يدوا على كتاف جداه من بعد ما وقفها وقال:

_لي بغيتي لمهم راحتك نتي ...

الحاجة خديجة حطات تسبيح من يديها وقالت :

_الله يرضي عليكم اولدي ...

دخلات لرياض وجها صفر ما فيهش نقطة دم ضاهر في وجها أنها سامعة شي خبار خيبة ولا واقعا شي حاجة ماشي حتى لتم ...

شافتها إسلام لي كانت نازلاا من لجناح ديالها كتمشى بشويا بسبب كرشها لمنتفخة حنت حاملة تمشات بخطوات هادئة ناحيتها وبتسأل نطقات مكمشة حجبانها:

_مروى مالك؟ واش يلاه جيتي من عند طبيب شنوا قال ليك امدرا تقدري تولدي ؟!!

مروى تلاحت عليها عنقاتها بدات تبكي وتشهق بحرقة خلات لعائلة كلها تجمع عليها ومعالم صدمة ودهشة على وجوهم ...

إسلام بعدتها منها بدات كتمسح ليها دموعها وتهضر بخووف:

_ ششش تهدني وعودي لينا شنوا كين ؟!!

مروى بلعات ريقها بصعوبة وبغصة خانقاها نطقات بحرقة :

_أنا طلعت عقيم أختي يعني عاقرا ما كنولدش هئ هئ هئ هئ ما عمري ما غنكون ام هئ هئ هئ ...

إسلام زيرات على يديها وبعصبية ردات:

_ستغفري مولاك اش سيرا تخربقي وبنتك جنات نسيتيها ولا شنواا كل واحد ربي فاش كيمتاحنواا والكمال لي لله وحده ...

مروى زيرات على يديها حاسا بقلبها غيخرج من بلاصتوا :

_ونعم بالله هئ هئ هئ " بشفايف تيرجفوا نطقات "ولكن دابا يوسف ملي غيعرفني ما كنولدش غيطلقني وغنرجع نعيش بوحدي أختي هئ هئ هئ ...

يوسف مع كان نازل من دروج سمع كلامها ساط بجهد وتقدم ناحيتها عنقها قدام لكل وبصوتوا رجولي الخشن نطق:

_وليني راك حمقة ما نقدرش نطلقك أحياتي غير نعسي على جنب راحة لي عندوا بحال هاد زين يخليه مستحيل ...

لالة فريدة دورات وجها حشمانة قالت:الله يقل حياك سير تغزل في مراتك قدمنا ما حشمتيش لا مني لا من باك ههههه ...

سي عدنان تبسم جنب وحط يدوا على كتف مروى:

_نتي من نهار تزوجتي بيوسف أبنتي وليتي وحدة من هاد لعائلة وخا يبغي ولدي يطلقك غنوقف في طريقوا وخا عارف انا انه ما يقدرش يديرها ...

مروى تبسمات فوق حزنها وقالت:شكرا اعمي نتا كتفكر فينا كاملين ماشي بحال بابا لي نهار مشيت نشوفوا في سجن جرا عليااا وبعد سيمانة سمعنا انه نتاحر خسر دنيا واخرة الله يسمح ليه ...

سي عدنان بصوت هادئ نطق:الله يسمح ليه، ضحكي وعيشي حياتك ابنتي كيفما قلت ليك من قبل عتابريني أنا باك وفريدة مك وإسلام ونرجس خوتاتك وأركان خوك وكينا لحاجة حتى هيا وجنات بنتك ما تشطنيش راصك ...

مروى حركات راصها بإجاب وبعينين تيلمعواا نطقات:

_ ربي يخليكم ويطول في عمركم أحسن عائلة ...

لالة فريدة تبسمات جنب وقالت: زيدوا تغدواا اولادي ...

تماوو غادي كاملين لطبلة من غير مروى لي وقفت يوسف على جنب شافت ليه في عينيه وبخوف نطقات:

_ماغطلقنيش أيوسف متأكد ؟!!

يوسف حرك راصوا بإجاب وبجدية نطق وهوا حاضي شفرانها لفازكين بدموع وعينيها لي كيلمعوا بأمل :

_متأكد أحبيبة غير كوني هانيا والمسألة لولادة ما كيتحكمش فيها الإنسان الله هوا لي خالقنا وهوا لي كيرزقنا يمكن كينا حكمة في أنك تكوني عاقر من عند لله وهوا لي عارف علاش ...

مروى بإصرار قالت: حلف بالله ...

يوسف باسها جنب فمها بالخف وقال: والله ما غنطلقك غير خوي مخك من هاد تخربيق نتي راك ضوا ديال عينيا لي كنشوف بيهم الهبيلة زيدي تغداي ...

مروى تنهدات براحة وحطات شفايفها على شفايفوا بدا كتلتاهم فيه بحب ...

يوسف ستاجب معاها وملي سمع لحس بعدها عليها كينهج قال:

_غنتفضحينا المصيبة يلاه نتغداوو ...

مروى تبسمات بحب فرحانة ردات عليه:

_كنبغيك بزاااف أيويوا ...

داخل غرفتها واقفا كتلبس في حويجها لي عبارة عن فستان طويل بالكميم في رمادي مع حلقات صغار وشعرها خلاتوا مطلوق وشدات لكصة بمقبط صغير بعدما لوتها جنب ...

حداها واقف هوا مرتدي تيشرت في لغوز لونها لمفضل وهيا لي جيباه ليه مع سروال توب في الأسود ، شاد ولدوا بين يديه كيراري بيه ومتبعها بعينيه ...

نرجس جلسات قدام مريتها حطات إكسسورات خفاف وقالت:

_مالك حاضيني ؟!!

عمر تبسم جنب وبصوت رجولي خشن نطق: كنشوفك كيفاش درتي عقلك وسيرا كتلبسي حويج مستورين الأمومة كبرات الشنيولة ...

نرجس دلات شفتها لتحتانية و قالت: غير كيبان ليك شنيولة ديالك بقا هيا هيا ما عمرها ما غتبدل ...

صاح جاد بصوت باكي :وينغ وينغ وينغ ...

عمر بأمر نطق: رضعي ولدك عاد خرجي ...

نرجس ساطت بجهد وقالت : اووف لبست كيفاش غندير كلشي منك نتا لي بكيتي ليا لغزال ديالي ...

وقفات خدات ولدها بين يديها و قالت:سير خرج خليني نرضع ولدي ...

عمر رفع حاجبوا ونطق بحدة : ما حشمتيش لولد عندوا تلاتة شهر وتي بقا كتحشمي ترضعيه قدامي راه ولدي أ شريفة غير قدي لغراض ...

نرجس وجها ولا حمر زيرات على سنانها وقالت: ولا خرج حشومة نخرج ب *** قدامك و خرج وخروووووج ...

عمر طلعها من لتحت لفوق وبعينين معسلين نطق:

_شايفك كاملااا حتى حاجة ما تقدري تخبيها عليا غير قدي لغراض أحبي وسكتي جاد ...

نرجس حركات راصها بنفي : ولاا خرج أزمر عصبتيني راه غنتعطل على لكلية بسبابك ...

عمر حك ضقنوا وبإصرار نطق: ما كيهمنيش يا غترضعي ولدي تسكتيه هوا هداك ما غترضعيهش غنوض نجبد ليك ديك لحشمانة تخرجيها قدامي وغنعطي ولدي يتقوت بزز منك ...

نرجس درات للجهة الأخرا هزات إيزار غطات بيه سدرها وعطات لولدها يرضع بعدما قالت: تفوو على مقصدر كيف دير ما كتحشمش يخخ منك ...

عمر بصوت رجولي خشن قال: مزال ما بغيتي تحيدي من فمك هاد تفوو الشنيولة ياك ...

نرجس حركات راصها بإجاب:نوض سير لخدمتك ولا شوف شي حاجة سير تقضيها حسن ما تبقا مقابلني ...

عمر توجه لبكار ديالوا خدا حويجوا بعدما قال : هاهوا غادي يبدل ويخرج ومني نرجع ونتفاهمواا العمر ...

نرجس فور ما سالات وشبعات ولدها باستواا او وقفات قدات راصها وهزات صاكها او ولدها ونزلات لتحت توجهات للمراح لقات مي رحمة جالسا مربعة قدام تلفازا وحداها جالس أمير كيحفض ...

تبسمات جنب وقالت:مي رحمة !!

مي رحمة مدات إيدها : اري ليا ولدي وسيري تقراي أبنتي ...

نرجس مدات ليها جاد و بصوت هادئ نطقات:

_ في صراحة ما عرفت شنوا كنت غندير لولاك أمي رحمة ...

مي رحمة حركات راصها وقالت: اويلي على اش غندير هادا راه ولد ولدي معلوم نشدواا ونعتاني بيه ...

نرجس تحنات قبلات مي رحمة في جبهتها:

_ الله يخليك لينااا العزيزة ...

مي رحمة تبسمات جنب وقالت: الله يحفضك أبنتي وينور طريقك من شوك ويبعد عليك ولاد لحرام سيري لله يعونك ...

نرجس تحنات باست ولدها بعدما قالت:آمين تهلاواا في بعضياتكم ...

فور ما خرجات نرجس ...

مي رحمة باست جاد وقالت :أمير سير اولدي جيب ليا تيليفون من شارج نسول في خالتك إسلام ولعائلة الله يرضي عليك ...

أمير بصوت طفولي نطق : وخا الميمة ...

داخل غرفتها جالسا قدام لمراية كتحط مايكاب في وجها باش تخرج طاح ليها ملمع شفاه في الأرض وهيا تحنى باش تهزوا خداتوا باليد اليسرى وهيا تلمح خاتم خطبتها في صبعها حطات لملمع حدا لمراية وشدات إيدها عندها بدات كتفحص في لخاتم لي كتوسطوا حجرة الألماس كتلمع بعينيها وهيا تفكر ...

"فلاش باك"

في راص درب واقفا في لبرد وضلام كتشوف فيه كيفاش ستسلم وعطاها بضهر غادي يركب في سيارتواا عقل كيقول ليها تمشي توقفوا وعقل أخر كيرفض بلعات ريقها وبصوت مخنوق نطقات سميتوا :

_سهيل ...

سهيل حس بقلبواا خفق بشدة زير على يديه دار لعندها مكمش حجبانوا:

_وي سنيوريتا ؟!!

توبة صغرات عينيها وقالت:باقي على هضرتك لي قلتي ليا قبل ؟!!

سهيل وقف متصلب طوا يديه عندوا ما تزحزحش من بلاصتوا وبتسأل نطق:

_إينا هضرة ؟!!

توبة بدات كدور في عينيها و بعصبية ردات:

_ دغيا نسيتي ياك قلتي باغي فرصة ؟!!

سهيل تبهض حبس ضحكة وقال:إينا فرصة؟!!

توبة بدات كتلعب بيديها وبتوتر نطقات بحرج :

_لفرصة لي بغيتي باش نكونوا مع بعضياتنا ...

سهيل تبسم جنب وبصوت رجولي خشن نطق قال:

_مزال لعرض كين أ mi amore تفوت 12 ديال ليل ما غيبقاش ...

توبة تنهدات بضيق وبتسأل نطقات: شحال في ساعة ؟!!

سهيل قرب منها شاف في عينيها وببتسامة جانبية نطق بعدما جلس على ركبتوا قدامها :

_ممكن تعطيني فرصة باش نكون شريك حياتك Aceptas casarte conmigo ?!! واش تقبلي تزوجي بيا ؟!!

توبة بقات كتشوف في عينيه مدة طويلة عاد حركات راصها بإجاب وبتنهيدة طويلة ردات:

_اه ولكن بشرط ...

سهيل حس برصوا ملك دنيا وما فيها بعينن تيلمعواا قال: اما هوا نتي غير أمري أحياتي mi vida ...

توبة تبسمات جنب: غنيديروا غير لخطبة صافي حتى نعرفك مزيان عاد نشوف واش نتزوج بيك ولا لاا ...

سهيل بالفرحة وقف بزربة هزها بين يدوا وبدا كيدور بيها في لهواء ويردد باللغة الإسبانية :

_te quiero أناااااا كنبغييييك

توبة رفعات حاجبها ونطقات بحدة: شتك زعمتي الشريف نزلني الله يرحم باك راه مزال ما درنا في طاجين ما يتحرق ...

سهيل نزلها و طلعها من لتحت لفوق بعينين معسلين نطق:

_قاصحة وقوية ولكن زوينة وسرقتي ليا قلبي كنمووووت عليك غدا غنجيب لوليدة ونجي نطلب يدك ...

توبة كمشات حجبانها مصدومة : اويلي مالك على هاد زربة أخويا غنهرب ؟!!

سهيل حرك راصوا بإجاب: أنا ما كرهتش نمشي نجيب لوليدة ليوم ونركبوا لخواتم حنت ما كنتيقش في قرراتك خايفك من هنا لغدا تبدلي رائيك وترفضي تزوجي بيا ...

توبة تبسمات ليه وقالت بعدما دارت عطاتوا بضهرها:

_في صراحة كلشي ممكن إيوا تصبح على خير ...

سهيل كمش حجبانوا وبعدم فهم نطق :أجي لهنا كيفاش كلشي ممكن ولخطبة إيمتا ؟!!

توبة دارت لعندوا مبتاسمة : بيناتنا تيليفون أنص مغريبي ...

"الحاضر" ...

ترسمات إبتسامة ساحرة على شفايفها وهيا كتسترجع الأحداث لي قبل عام كانت على شوية ما غضيع راجل لي كيعملها كيف الأميرة ...

قفزها صوت دقان في لباب شدات في قلبها وقالت:

_شكون ؟!! دخل ...

أمير دفع لباب وبصوت طفولي نطق: ماما جا عمي سهيل وراه جالس لتحت مع لميمة كيتسنا فيك تنزلي باش تمشيواا ...

توبة تبسمات جنب وقالت:وخا الحبيب ديالي هانا جايا الكتكوت ديال ماماه ...

أمير تبسم جنب:ماما جيتي زوينة بزااف ...

توبة عنقات ولدها وقالت : ميغسي لحبيب ديالي نتا راك حياتي كلها ...

•• داخل صالون جالس حدا مي رحمة لي كتحكي ليه على توبة مني كانت صغيرة والإبتسامة ما مفرقاش شفايفواا سمع صوت خطواتها جاي من دروج و هوا يهز راصوا فيها بانت ليها نازلا مرتدية فستان في الأسود طويل جاها غزال كيحمق ...

توبة تبسمات جنب وقالت : سلام عليكم ؟!!

سهيل جمع لوقفة مبهوض حال فموا فيها قال : وعليكم السلام ...

توبة حركات راصها وقالت: مشينا ...

سهيل دور وجهوا عند مي رحمة وقال: يلاه معانا لمول انسيبتي باش تختاري ذهب لبنتك ...

مي رحمة حركات راصها بنفي:لا اوليدي غير سيروا ختاروا لي عجبكم أنا غتبقا مع جاد وأمير هناا ...

سهيل تحنى قبل إيد مي رحمة وقال: لي بغيتي أنسيبتي ...

توبة تبسمات ليه وخرجوا مشادين من يدين بعض تحت انضار كل لجيران لي ما خلاواا ما قالوا فيها مني كانت مطلقة وهاهيا دابا مخطوبة وقريب تزوج بسيد رجال لي حتى وحدة فيهم ما كتملك فيه حتى ربع ...

•• بعد يومين ••

داخل قاعة زواج مبارك واقفة على قبل تجهيزات عرس ختها بنفسها رغم لحمل لي متعبها إلى أنها ما مستسلماش بغات عرس توبة يكون أحسن عرس ما تقامش بحالواا نهائيا ...

تمشات بخطوات بطيئة ناحية لموضفين لي خدامين عندها ولي كيحتارموها بزاف ،لقاتهم واقفين كيجهزوا كرسي لي غدخل بيهم لعروسة بطريقة مختلفة عن لعادة ...

إسلام حركات راصها وقالت: ملي تعمر لقاعة وتبغي تدخل لعروس غتطلب من لمغني في سماعة لبلوتوت الأغنية لي قلت ليك عليها وربعة لبنات لي دربوا غيديروا رقصة من جناب ولورد يترمى بشوى من لفوق حتى تخلص رقصة وتوصل لعروسة لبلاصتها بمساعدة عريسها لي غيدخل من لباب تاني من لجهة الأخرا مع ربعة رجال لابسين نفس لباس ...

الموضف حرك راصوا بإجاب وقال:كوني هانيا امدام كلشي غيكون مزيان ...

إسلام تنهدات من الأعماق وقالت: كنتمنى أنا تيقاا فيكم وكنتمى أنكم تحمروا ليا وجهي مع ناس ...

سمعات صوت تليفونها كيصوني في يديها فور ما قرات الإسم جوبات بسرعة بقولها :

_ألوا سلام ختي توحشتك ...

أمينة تبسمات جنب وقالت: كون تشوفي أنا كتر الخوادرية...

إسلام بتسأل نطقات: إيمتا غتجي ؟!!

أمينة بفرحة تشع من عينيها قالت:في لعشية غنشدوا طريق راه غدا عرس توبة حمدت ربي وشكرتوا غير ملي وافقت تزوج جرجرات معاها راجل عام كامل مسكين ...

إسلام رفعات حاجبها وقالت: إيوا لي بغا لعسل كيصبر لقريص نحل وداك شي لي داز على ختي توبة ماشي ساهل ...

أمينة بتنهيدة طويلة ردات:إييه الخوادرية توبة عناات بزاف في حياتها ولكن ربي جازها وكيفما كتقول مي رحمة ديما كون إنسان مزيان و دير لخير وما تخافش ...

إسلام حركات راصها بإجاب: وي داك شي لي كين امدرا كيف بقات ملاك ؟!

امينة ساطت بجهد وقالت:لقينا عندها مشكل في سمع ضعيف مند لولادة وقال لينا طبيب إلى ما تحلش لمشكل ملي غتكبر شويا يمكن يخرج ليها لاباراي لودنيها ولمشكلة لابرياي غاليين ...

إسلام كمشات حجبانها وبتأكيد نطقات : ما تهزيش لهم لفلوس لاباراي أنا لي غنشرهم لبنتي ملاك غير تهناي ونعسي على جنب راحة أختي ...

أمينة بحرج ردات حشمانة: بلاش من عدبك

إسلام رفعات حاجبها:ختي نتي أمينة ولا شي حد اخرى ..

أمينة بصوت هادئ نطقات: أيييه امينة صحيبتك لمفروحة ...

إسلام صغرات عينيها وقالت: إيوا صحبتي أنا لي كنعرف كانت غير تشوف لفلوس كيتحلواا ليها لعينين وتفرح مالك تبدلتي الأخت ...

أمينة تنهدات بقلة حيلة:ما تبدلتش راه غير لوقت وصافي ...

إسلام زفرات بجهد: إلى ما كانوش لفلوس غينفعواا عائلتي وبنت ختي فا ما عندي ما ندير بيهم ما تنسايش أمينة ان الإنطلاقة لمشروع تنضيم الأعراس "زواج مبارك" كان بفضلك نتي وكون ماشي نتي أنا ما غنوصلش لهنا ليوم ،نتي لي ضحيتي بعرسك باش نرجع أنا نأمن بنفسي ونحقق أحلامي لفضل كلوا ليك و زيدن أنا غنعطيك غير حقك ...

أمينة طاحت دمعة من عينيها مسحتها ونطقات بصوت باكي : بكيتيني أزمرة في خبارك راه أنا كنبغيك بزاف ...

إسلام تبسمات جنب وبتأكيد قالت: عارفا علاه شكون ما يقدرش ما يبغينيش همم ...

أمينة ضحكات من نيتها : ياختي طيحتي سي أركان آل راضي كامل من شوفة لولة لواحد يخاف منك هههه ...

إسلام كمشات حجبانها وقالت: ياك بعداا هههه

أمينة بتسأل نطقات: إيوا كينا شي خبار على سفيان ...

إسلام بصوت هادئ نطقات: من نهار سافر ما بقا بان شي كيقول راه حماق الله يستر وشي كيقول نتاحر ملي طلق مرتوا وهوا لور لور ...

أمينة زيرات على يديها وبعصبية نطقات: هادوك غير دنوبك نتي وهناء خرجوا فيه ...

إسلام حركات راصها بنفي : لا ما تقوليش هكاك أمينة الله يهديه ويرجعوا لطريق لمستقيم بنادم كامل كيغلط ...

أمينة ساطت بجهد وقالت: اودي هواا فات لحدود يلاه تلاحي خليتي نمشي نقدي شغلي كرشي كتغوت بجووع ...

إسلام جرات كرسي جلسات فيه وقالت: بصحتك مسبقا بوسي ليا ملاك وسلمي على كريم الله يجيبكم على خير ...

أمينة: مبلغ لخوادرية ربي يخليك "بتسأل " قبل ما نسا ما سولتكش كيف غادا مع لحمل ...

إسلام زفرات بجهد: هاحنا صابرين أختي حتى يتزاد ...

أمينة كمشات حجبانها : الله يفك وحيلك على خير ...

إسلام تبسمات جنب: أمين ختيتوا ميغسي ...

من بعد ما داز العرس ديال توبة و سهيل على أكمل وجه ، توجهواا العروسين لفيلا يرتاحواا والمعازيم لدارهم ...

طريقة لي تنضم بيها العرس خلات لمعروضين كاملين مبهوضين وفي فمهم غير عرس توبة الأسطوري كيهضرواا عليه ...

•• في باب لفيلا ستقبلات لالة لباتول ولدها ومرتوا او أمير بالحليب وتمر وشكلاط او وخا ناس هضروا عليها وما خلاواا ما قالواا حنت زوجات ولدها لبنت مطلقة وأم من لفوق ، إلى أنها تقبلات هيا لعلاقة ديالهم حنت جاتها توبة قريبة ليها ومرات من نفس ضروف ديالها يما حتى هيا تمنات لي يكون في جنبها ويعونها على زمان ويحميها ولكن كان للقدر حكاية اخرا ...

توبة تبسمات جنب وبخجل نطقات: شكرا لالة لباتول ...

لالة لباتول حطات طبق من يديها وقالت : قولي ليا خالتي وحيدي ديك لالة من فمك " خاطبت سهيل " ولدي دي مراتك ترتاح في بيتها ...

سهيل حرك راصوا بإجاب وهز توبة بين يديه لي بغات تموت من لحشمة ...

أمير تما غادي تابع موا وهيا تشدوا لالة لباتول وقالت:

_عزيز عليك شكلاط اولدي ...

أمير حرك راصوا بإجاب وبصوت طفولي نطق : اه ...

لالة لباتول تبسمات وقالت:أجي معايا ليوما نتا غتبات معايا وغدا غنمشيوا نشريواا ليك لفراش لي بغيتي باش تقاد بيتك كيفما بغيتي أولدي ...

•• فور ما وصل لغرفتوا نزل توبة من بين يده حطها فوق سرير بعدما سد لباب وقال :

_أنا أسعد إنسان ليوم أمراتي لحبيبة ...

توبة بغات تموت بالحشمة ما عرفات ما تقول تربط ليها لسان ...

سهيل خدم موسيقى رومانسية او هز وردة بين يديه قدمها لتوبة لي تبهضات وشدات من عندوا لوردة شماتها وحطتها جنبها هوا تبسم ليها ومد يدوا ليها باش ترقص معاه وهيا ترفع كتفها و قالت:

_ما كنعرفش نرقص رقص ديالكم ...

سهيل دور يديه على خصرها جرها لعندوا حتى تخبطات مع سدروا وشابط إيدوا تانية مع إيدها وببتسامة جانبية نطق:

_تبعي خطواتي أمدام توبة فاروقي ...

توبة عينيها كيلمعواا بحب وفرحانة من كل قلبها بدات كتبعواا في كل خطوة كيدير كيتمايل على أنغام الموسيقى ...

سهيل حط نيفواا على عنقها ستنشق ريحتها من الأعماق وبدا كيفرق قبلات ساخنة على عنقها حتى تبورشات ...

توبة حسات بأنفاسوا الحارة كضرب في عنقها،سدرها بدا كيطلع وينزل ، دورات وجها حشمانة منوا ...

سهيل هزها بين يدوا حطها فوق سرير ،وحيد لافيست ديال لكوستيم لي لابس وعينيه كيتفحصواا فيها بالبسة البيضاء لي وتاتها ...

تحنى حط شفايفوا على شفايفها بدا كيلتاهم فيهم بحب وعشق كيروي عطشواا من نهار خطبها ما خلاتوا يحط عليها إيد عام كامل وهوا كيتسنى في هاد لحضة مسكين ليوم يصهرها ليل كامل ما فيهاش ...

توبة بعدات منوا وجها حمر غيطرطق بسخونية شافت ليه في عينيه وببتسامة جانبية نطقات:

_كنبغيك أنص مغربي ديالي ...

لكملة لي دخلات لمخواا ونشطات ليه دماغ ديالواا من شحال هادي وهوا كيتسنى فيها تعتارف ليه بحبهاا ...

جرها لعندوا فرحان بدا كيحل ليها في سنسلة ديال كسوتها من ضهر وهيا غتمووت من لحشمة بدا كينزل ليها سماطي وهيا توقفوااا بخجل نطقات:

_لاااا

سهيل رفع حاجبوا وبصوت مبحوح قال: ما فهمتش ...

توبة طاحت دمعة حارة من عينيها مني تفكرات راجلها حركات راصها وبصوت باكي نطقات:

_واعدني بلي ما عمرك ما تبكيني واعدي باش تبقا تبغيني ديما هئ هئ هئ واعدني باش ما عمرك ما تبدل ...

سهيل تنهد براحة وشابك إيدها مع يدوا وقال:

_كنواعدك بلي غنبقااا نبغييك حتى الأخرا يوم في حياااتي أتوبة نتي وأمير غنحطكم فوق راصي ...

دورات إيدها على عنقواا وخشات راصها في سدروا وبتنهيدة طويلة نطقات:

_كنتمنى ...

سهيل بدا كيلعب بشعرها ويهضر كيحيد ليها لفيالل من شعرها فرحان وهيا بين يديه كأنه ملك دنيا ولي فيها ...

_ حبيبتي Mi amore

لقد أحببتك حبا لم يحبه قلب عاشق وكتبتة لك رسائل الحب بالصدق والوفاء بدماء القلب والمشاعر بقلب مغرم للروح بإخلاص وإحساس وهيام شاعر وشيدت لك قصرا لا يسكنة أحد, قلبي أساس الحب أعمدته الأحترام وجدرانه الوفاء وسقفه الأخلاص فرشته بالورد والزهر من أجلك فقط ...

•• داخل رياض••

في لجناح ديالها جالسا فوق سريرها مضربا مع لقفطان لي واحل ليها مع كرشها ...

وجها حمر وحبات لعرق معمريين جبهتها من صباح وهيا كتحس بألم طفيف أسفل بطنها عند بالها مع كترة لوقوف الخدمة حطات إيدها على بطنها وبتنهيدة نطقات:

_الله يا سيدي ربي أش هاد شي تاني ما حيلتي لهاد لقفطان لي لصق ما حيلتي ليك نتا أولدي ...

دخل عليها للجناح لابس كوستيم في الأسود ومرجع شعروا لور عاقد حجبانواا لوسط وخاشي يديه في جيبوا ،ملامحوا الجدية و حروشيتوا وسامتوا طاغيين بلا قياس يخلي لي شافواا يبقا حال فمواا فيه ....

قرب منها مطلع حاجب ومنزل الأخر بتسأل نطق :

_ مالك سخفانة ؟!!

إسلام خسرات ملامحها وساطت بجهد : من قبيلاااا وأنا واحلااا ما بغاا يتحيد ليها هاد لقفطان لصق وفقسني حتى ندمت علاش لبستواا ...

أركان قرب منها مبتاسم هز ليها يديها لفوق وحيد ليها لقفطان بسهولة و بصوت رجولي نطق:

_دغيا تحيد غير كنتي معصبة راصك ...

إسلام بقات لبسا غير سليب سمطة مع شورط قصير ديال توب في لبيض ،تشبرات وقالت:

_الله يعطيك رضا كيف هنيتيني أحبيبي ...

أركان شاف فيها مطول وببتسامة جانبية نطق:

_برافواا عليك "حك لحيتوا " طريقة لمميزة لي نضمتي بيها عرس ختك ما شفتش فحالها في حياتي في كل مفاجئة درتي كنحس بيك فيها و أي حاجة قاديتي طبعتي فيها لمستك لخاصة لمسة زواج مبارك لحلم ديالك أحياتي ...

إسلام بعينين تيلمعواا قالت : فرحت بزاف حنت عجبك أعمري كلشي بفضلك حنت وقفتي معايا وما خلتينيش نتخلى على لحلم ديالي ونشبت بيه حتى نحقواا قاعة زواج مبارك لي شريتي ليا مرزاقة سبحان الله ولعرس لي تقام فيها كينجح ...

اركان دور يدوا على كتافها وببتسامة جانبية نطق :

_كينجح حنت نتي لي نضمتيه او سهرتي باش يكون على أكمل وجه أنبض قلبي ...

إسلام حطات إيديها على وجها غطاتوا وقالت:اوو حشمتيني ماتبقاش تشكريني بزاف لا نتغر بنفسي وتندم ...

أركان قبلها في جبهتها بحب وبصوت رجولي خشن رد عليها:

_يقدر لعالم كامل يتغير إلى نتي مستحيل أحبيبة حنت برائتك وعفويتك وصراحتك وطيبة قلبك هوما شخصيتك لي ما عمرهم ما غيسمحوا للغرور أو تكبر باش يكون من ضمنهم ...

إسلام تبسمات ليه بحب وبصوت أنثوي رقيق نطقات: في خبارك بلي أنا كل نهار كنزيد نبغيك كتر وكتر نتا نعمة لي عمري ما غنفرط فيها ...

أركان بعينين معسلين باسها جنب فمها و تحنى لعند رجليها حط إيدوا على بطنها لمنتفخ وببتسامة جانبية نطق:

_ولدي لحبيب إيمتا غتخرج لدنيا باباك كيتسنا غير يمتا يشدك بين يديه ...

إسلام مع فتحات شفايفها غتهضر وهيا تحس بالألم قوي أسفل بطنها ومن موراه نزل لماء من وسط رجليها بسرعة ما كانتش متواقعاها وهيا تغوت بحر جهدها قفزاتواا ...

_ أركاااااان وقيلااا غنوولد هئ هئ هئ دابا هئ هئ هئ ....

اركان هز راصوا مصدوم : اش كتقولي باش عرفتيها ...

إسلام زيرات على يديها : لماء لماء نازل صافي ترطقات واقيلااا كلشي منك اولد لحرام هئ هئ هئ علااش كتقول ليه خرج علاااش هئ هئ هئ ...

أركان بقوة صدمة تلف ما عرف ما يدير بدا كيمسح ليها لعرق لي تكون في جبهتها ويقوول بخووف كبير :

_إسلام حياتي كيف بقيتي شويا ؟!!

إسلام خرجات عينيها وبعصبية نطقات بصوت باكي: اويلي على شويا تاا بغيتيني نموووت ديني لكلينيك ولا عيط على يوسف هئ هئ هئ يديني هئ هئ هئ اي أميمتي كتنقطع من لتحت هئ هئ هئ ...

أركان مسكين راصوا تقسم على زوج ما بقا عارف ما يقدم كيشوفها كتقطع قداموا مشا كيجري غيفتح لباب وهيا تبان ليه حويجها قصار معرية ،رجع بزربة لبسها بنوار طويل ودور ليها شال على راصها وهيا كتلوى من الألم الولادة ...

غوووت على لالة فريدة بحر جهدوا حتى زعزع رياض كامل بصوتوا لقوي وهز إسلام بين يدوا نزل كيجري بيها طاير في دروج وهيا تلقا ليه لالة فريدة وعلامات الصدمة على ملامحها ...

لالة فريدة حطات إيديها على راص إسلام وقالت : زحمي أبنتي زحمي وتنفسي مزياان "خاطبت أركان" سيراا غتولد اولدي بزربة خلينا نديوها لكلينيك ...

أركان بدون ما ينطق بكلمة خرج طاير وعقلوا كامل مع مرتوا لي بين يدواا ...

حطها في لوطوا لور جلسات حداها فريدة وهوا ساق طاير و باقي العائلة تبعووهم في باقي سيارات ...

إسلام بداك الالم لي كتحس بيه زيرات على فلارها بيديها وصاحت بصوت عالي:

_ غيخرج غيررج عتقوووني هممم عتقووني غيخراااااج هئ هئ هئ. ...

أركان سايق بسرعة خيالية وعينيه في لمراية لي قدامواا حاضي من خلالها إسلام لي مع أول ولادة ليها جاتها صعيبة ...

لالة فريدة كتمسح ل إسلام لعرق من جبهتها وتقوول :

_تنفسي مزيان أبنتي وصبري ما بقاا قدمااا فاات "خاطبت ولدها" أركااان رض لبال لطريق لا تمشي تقلبنا ليووم ...

فور ما وصلواا ضغط على لفرام قدام لكلينيك بقوة حتى رويض لوطوا تمحكوا مع الأرض ...

خرج بزربة فتح لباب هز إسلام بين يدوا ودخل كيجري ويغووت على طبيب خايف لا توقع ليها شي حاجة ولا يخسرها ...

خدوها من عندواا دخلوها في سرير متنقل لداخل غرفة لولادة نيشان هوا بقا متبعها بعينيه حتى ختافات من أنضاره وهز يدوا وبدا كيدعي الله باش يحفض ليه مرتوا او ولدوا من اي مكروه ...

بقا كيمشي ويجي على نار والعائلة كل مرة كيجي منها واحد شي جلس وشي بقا واقف

حتى عمرات لكلينيك غير بي عائلة آل راضي ومي رحمة ولدها ...

•• بعد مدة خرجات لممرضة حاملا بين يديها تربيبة صغيرة مداتها ل أركان وقالت:

_مبروك أسيدي تزاد عندكم وليد يتربا في عزكم إنشاء الله ...

أركان ما دهاش في ولدوا عينيه كيدوروا فكل جويه باغي يدخل عند إسلام خايف عليها ،بلع ريقواا حتى تفاحة أدم تحركات في حلقوا وبتسأل نطق:

_مراتي بغيت نشوفها كيف بقاات ؟!!

الممرضة تبسمات جنب:لمدام لباس عليها اسيدي ولدات ولادة طبيعية دازت ميسرة الحمد لله راها غير عيانا شويا ونعسات باش ترتاح تقدر دخل تشوفها ولكن قبل خود ولدك ...

أركان عينيه دمعواا بعدما خدا ولدوا الأول مرة بين يديه بقااا كيتفحص فيه مطول ما مسدقش خشا نيفواا في عنق ولدوا لي حمر وصغيور شمم ريحوا وبدا كيأدن ليه في دنيه

فور ما سالااا هز راصواا لسما وشكر لي خلقواا داخلواا وهوا فرحان بالنعمة لي عطاه ...

لالة فريدة حطات إيديها على فمها ما مسدقاش تبسمات جنب فرحانة نطقات:

_مبروك زيادة اولدي يكبر في عزكم ...

قرب ليه يوسف سلم عليه هوا وعمر وباقي لعائلة فرحانين كيباركواا ليه زيادة ...

أركان ستأدن منهم ودخل وهوا حامل ولدوا بين يديه لغرفة إسلام ...

عمر تبسم جنب وقال:نسيبي في صراحة فاتت فيه لخلعة على ختي ...

نرجس هازا ولدها بين يديها تبسمات وقالت: كون تشوف نتا اوليدي راك كتر منوا نسيتي مني كنت كنولد في جاد كنت جالسا كنحفض في سطح ماعليا ما بياا حتى غووت على جهدي داك نهار ما عمرني ما غنسااه ...

عمر بصوت رجولي نطق وهوا حاضي ولدوا لي كيدور في رويصوا بينهم :

_شوفي كيفاش كيشوف فيك كتهضري ...

نرجس باستواا وقالت : هادا راه لبريغيتة ديالي أنا ...

عمر خدا ولدوا من بين يديها وقال : شنيولة !!

نرجس بتنهيدة قالت: همم نعام ؟!

عمر بصوت حاد نطق: اخر مرة تقولي على ولدي برغوتة هاد تبوكيصا كاملااا ترجعيه برغوتة ماشي حرام ...

نرجس رفعات حاجبها: ياك اسيدي تعرف غير نتا لي تقول لموو شنيولة كتعجبك أما أنا ما نقدرش نهضر ...

لالة فريدة سمعات صواتهم علاواا كمشات حجبانها وقالت:

_مالكم اش كين ؟!!

عمر حرك راصوا وببتسامة جانبية نطق :والوا ما كينا حتى حاجة أنسيبني لعزيزة غير رتاحي ...

•• دخل للغرفة هاز ولدوا بين يدوا بانت ليه ناعساا من لعياا غير ولدات فشلت حط حداها لولد ...

وتحنى لمستاوها بدا كيوزع قبلات في جبهتها و فوق عينيها وفي كل إنش في وجها وكأنه كيشكرها وكيطلب منها سماحة في نفس لوقت ...

إسلام حلات عينيها بشوي وبصوت مبحوح نطقات:

_فين هوا ولدي ؟!!

أركان حط ليها لولد فوق سدرها هيا غير شافتوا طاحت دمعة حارة من جنب عينيها خشاتواا في حضنها أكتر فرحانة بيه ...

إسلام تبسمات جنب وقالت: الحمد لله والشكر لله حبيبي شفتيه شحال كيشبه ليك بزااف ...

اركان ببتسامة مزينة ملامحوا رد عليها: وي معلوم يشبه ليا راه انا هوا باه ...

إسلام حركات راصها بإجاب وقالت: ولكن لعوينات ديولي أنا شوف مزيان ...

أركان حك لحيتوا وبصوت رجولي خشن نطق : وي نبض قلبي على سلامتك محتاجة شي حاجة نمشي نجيبها ليك ...

إسلام تبسمات جنب وقالت : الله يسلمك أحبيبي لا ما بغيت والوا هاد ساعة حتى نرتاح ونشوف ...

دخلات مي رحمة فرحانة بحفيدها قربات من بنتها عنقاتها وباستها وقالت:

_مبروك زيادة اكبيدتي يكبر في عزكم إنشاء الله ...

إسلام جبدات إيد مها عندها باستها وببتسامة جانبية ردات: أمين أميمتي لهلا يخطيك ...

مي رحمة هزات ولد بنتها بعدما قالت بسم الله وببتسامة نطقات: خاصك تولي تاكلي ضعف ماكلتك باش تبداي ترضعي ...

أركان شافها كتهضر مع مها فرحانة خرج وخلاهم مع بعض ياخدوا راحتهم ...

دخلات أمينة كيف لعجاجة كتزغرت فرحانة سلمات على مي رحمة وإسلام بالوجه و قالت :

_لخوادرية مبروك عليك زيادة لعزري يكبر في عزك غير سمعت لخبار عيطت لتوبة باش تجي ...

إسلام ساطت بجهد وبعصبية نطقات : ومع من تشاورتي سيدة يلاه تزوجات ليوما ليلتها لولة باركا تبرزطي فيها ما حرامش عليك ...

أمينة خرجات عينيها وبعدم هتمام نطقات: حتى نتى مزال أياام الله طويلة اش فيها لا ما قداوش لغراض ليوم غيموتواا ...

مي رحمة ساطت بجهد وقالت: وا شريفة راني واقفة حداك زعمة ما بقيتوا تحشموا سيري الله يقل حياك ...

أمينة باست لمي رحمة راصها وقالت: ما تديش عليا أمي رحمة راك عارفا فمي مبري مني هههههه ...

بالقفطان المغربي المتميز جالسا قدام مرايتها من بعد ما حطات لمسات الأخيرة بقات كتشوف في شكلها نهائي مبهوضة من نفسها أول مرة تحط ميكاب تقيل شويا وفي صراحة جا معها غزال بلا قياس ...

سمعات دقان في لباب شدات من قفطانها طويل من جنات وناضت توجهات للباب فتحاتوا ،

غير شافتها ختها تبهضات وبصدمة نطقات: هادي ختي إسلام نيت ولا شي حد أخر ...

إسلام حركات راصها بإجاب وبدات كدور بالقفطان لي حمقها فصالتوا الحديثة :هيا هادي أنا كيف جيت ...

توبة ببتسامة جانبية نطقات: جيتي فناا وعرااا كتحمقي يشوفك أركان ليوم يدوخ "خرجات عينيها ورفعات حاجبها " كين شي حد كيتعطل في سبوع ديال ولدوا نزلي راه ناس كيتسناوو ...

إسلام بعنين كيلمعوا نطقات بتسأل: كلشي جاا ؟!!

توبة حركات راصها بإجاب: اه كلشي جاا بقيتي غير نتي ألالة لي حلفتي لا نزلتي وليوم لعيد ميلاد راجلك أركان وسبوع ولدك ياسر ...

"ولدها حنت دازت ولادتوا ميسرة وساهلة ما تعدباتش فيها بزاف داك شي علاش إسلام قررات تسميه ياسر وأركان وافق على الإسم لي ختارت بدون أي عتراض حنت الأهم عندوا سعدتها وبالنبسة ليه يشوفها فرحانة هاديك هيا دنيا وما فيها ..."

إسلام رفعات حاجبها وقالت: جبتي ليا لي قلت ليك ...

توبة حركات راصها بنفي: خليت نرجس غتجيبوا ليك ويلاه نزلي ...

إسلام كمشات حجبانها وقالت:ياسر مع خالتي فريدة ...

توبة قادت شعرها جنب وبصوت هادئ نطقات: اه راه معاها يلاه زيدي معايا نتي ناس كيتسناوو فيك ...

إسلام حركات راصها بنفي: سيري أختي عند راجلك الله يرحم باك خليني نركز في المفاجئة لي وجدت لراجلي ...

توبة ساطت بجهد: هاهيا نازلة عنداك غير ما تجيش الله يخرج هاد ليلة على خير ...

فور ما خرجات توبة دخلات نرجس هازا مكيرافون بين يديها مداتوا ل إسلام وقالت:

_هادا علاش وصيتي أختي ...

إسلام حركات راصها بإجاب وبعينين تيلمعوا خداتواا : أيه اري لهنا الله يرضي عليك "كمشات حجبانها وبتسأل نطقات" وصيتيهم باش يبداو يعزفوا مني نكون نازلا من دروج...

نرجس حركات راصها وقالت:وصيتهم اختي غنخليك نمشي عند ولدي كون راه كيبكي عليا ،اه وبالمناسبة جيتي زوينة بزاف بحال نجوم سينما ...

إسلام تبسمات جنب: شكرا لحب لهلا يخطيك ...

•• نزلات في أبهة حلة في دروج هازا لمكيروا بين يديها فور ما بدات لموسيقى كتعزف إسلام فتحات شفايفها وبدات كتغني مع لحن بصوتها رخيم لعدب خلات لكل مبهوضين من خامة صوتها الرئعة ...

تقابلت مع راجلها شافت ليه في عينيه وبي إحساس غنات من كل قلبها بهراتوا :

_وانا بين ايديك محتاجه ايه فى حاجه اكبر من كده ...

ولا عمرى كنت احلم فى يوم اعيش حياة بالشكل ده ...

كل اللى فات من عمرى فات ومش بايدنا نرجعه ...

أركان قرب منها دور يديه على حزام قفطانها وعينيه في عينيها كيلمعواا بحب ...

إسلام دورات إيدها على عنقواا بحالاا كيرقصواا وكملات الأغنية :خلينا اكتر فى اللى جاى مبقاش فى وقت نضيعه ...

وانا مش هضيع عمرى تانى لو ثوانى هينفعوه

انا مش هفكر فى اللى فات انا عمرى لسه فى اوله ...

المعزيم والعائلة كلهم حاضينهم فرحانين باين كمية الحب لي بيناتهم ضهراا لكل ومي رحمة شافت بنتها فرحانة بدات كدعي الله باش يحفضها من لعين ...

كفايه انى بقيت معاك ومعاك هعيشه واكلمه ...

فور ما نتهات من الأغنية تعالات تصفيقات الحارة من طرف لمعازيم وتقدمات طورطة كبيرة فيها صورة إسلام وأركان وإبنهم ياسر وسط منهم وقفات حداها إسلام هازا ولدها بين يديها وجنبها واقف أركان لي ليوم عيد ميلادوا وسبوع ولدوا ،هز جنات بين يدوا وشدات إسلام سكين باليد اليمنى وأركان حط إيدوا فوق إيدها قطعواا طورطة بزوج وعمر خدا ليهم صورة لذكراا ...

أركان قطع طريف بالفورشيت جابوا لفم إسلام أمام لكل قرب منها وبهمس نطق بصوت رجولي مميز :

_زوينة وكل نهار كتزيدي تزياني كتر،كنبغيك أنبض قلبي نتي أفضل هدية جاتني في حياتي كاملا ...

إسلام تبسمات ليه بحب حتى بان صف سنيناتها لبويض لي كيشعل ولكولي ديال الألماس مزين رقبتها جات فنة كتحمق كالت من يدوا وبصوت أنثوي رقيق نطقات بعدما باست ولدها لي بين يديها:

_الله يخليك ليا أتاج راصي وعمارت داري نتا هوا نور عينيا وضوا لي كنشوف بيه لهلااا يحرمني منك عيد ميلاد سعيد وكل عام وانت يا حبيبي بألف خير ...

__عيناك لقلبي وقلبي لغير عيناك لا ينحني ..

"زواج مبارك"

✍️تأليف وكتابة :Jawahir Queen O_A

النهاية

تمت والحمد لله