السيدة الأولى الجزء الثالث

- شريهان (الدموع تحجرو فعينيها) :

- على أشمن ضسارة أماما كتهضري عليها ، واش لي ݣال الحق كايتسمى ضاسر ، علاش كون كان عندي عمي لي نحط عليه راسي ونعاود ليه ونشكي عليه ، ايوقع ليا لي وقع لا ،، شوفي شوفي شوفي مناش انا محرومة من عم من مرات عم ، ومن ولاد عم ... عائلة على قدها ... (دموعها نزلو سخونين) ياك العم كيݣولو بلي كيكون فبلاصة البو ، انا تحرمت من با وانا بنت 4 سنين ... وحرام واش جا زارنا منين كانت عندي 10 سنين ... راه يمشيو الفلوس ويمشي كولشي وكتبقى العائلة هي أحسن حاجة فدنيا ، واش بغيتيني نافق ؟ بغيتيني نتقبل عمي ونتقبل هادشي ونستمتع ونضحك وعادي ، انا ماشي هكا سمحيليا انا ماشي هكا ... كون كون كان (فمها كيترعد ودموع انازلين ) كون كان عمي معانا ... شحال كن حاجة مكانتش غادي توقع ، شحااال من حاجة خايبة مكانتش غادي توقع ... عطاتها لبكا لبكا ... كتنحط بحال شي بركان كان عندها الداخل وفجراتو .... كان خاصها غير السبة ، حسات بيدين غلاض تلواو على كتافها وقفوها ، ضارت بان ليها عمها ...

- أجي معايا ،، خداها بين يديها وخرجها معاه لجردة ..

- زهرة (ساهية مانطقات بكلمة وحدة ) ..

- نزهة : زهرة مكانش عليك تغوتي عليها ..

- زهرة : ماشتيش كيفاش هضرات مع عمها ؟

- نزهة : من حقها ، شفتي والله وكون كانت مكتحملوش مغاديش تسوق ، راه عزيز عليها وداكشي دافناه الداخل ... داكشي باش نفاجرات هكا ، وحتى السفر أتر عليها مديش عليها ، وبيني وبينك راه عندها الصح ، وقبل ماتجيو ݣلتها لأحمد ، حنا درنا الفالطة بزاف وخليناكم ...

- زهرة : ولكن واش انتوما كرهتو فيه ...

- عمر (هضر من بعد سكوت طويل) : مرات عمي الواليدة عندها الصح ، الدنيا لاهاتنا عليكم وخلاتنا نبعدو ... راه لا يعقل حنا عائلة ومعارفينش بعضياتنا ، ومعاقلين حتى على وجوه بعضياتنا ، سعد خويا ماتيقش بلي عندو بنت عمو او ولد عمو ، فعمرو 24 عام وعمرو هبط للمغرب ... انا من جهة شريهان من حقها ، وݣاع لي ݣالتو بصح ..

- زهرة (تنهدات تنهيدة طويلة) : شريهان داز عليها بزااف ديال الحوايج خايبين ، بسباب هاد الحوايج كانت متبعة مع طبيب نفساني ...

- نزهة (تخلعات) : اويلي علاش ؟؟

- زهرة (شافت فيها) : قصة طويلة اختي ، من بعد ونعاودها ليك ..

- عمر : مرات عمي ، مديريش فبالك إن شاء الله مايكون غير الخير ... الأمور غادي تصلح ولا انت ولا شريهان ماعندكم خروج من هنا ، اكوني هانية ونضمن ليك واحد شوية اتخرج هي والواليد معانقين وضاحكين بحال الى حتى حاجة ما وقعات ، وهادشي لي وقع مزيان باش الغشاوة تحيد ، وكولشي يتوضح ..

- نزهة : عندك الصح أولدي ..

- جميلة (جات عندهم) : ختي نزهة واش نبدا نحط الغدا ؟

- نزهة : جيبي العصير بعدا اجميلة ، الغدا حتى نݣولها ليك ..

- جميلة : واخا ختي ...

_______________

- نتذكر أحيانا بعض الحفر التي سقطنا فيها ،ننــدم .... نبكي ... نتألــم ولكن في النهايــه أكسبتنــا قوة أكثر أكسبتنــا جرأة أكثر .. أكسبتنا صلابــة وتمسكــا بالحيــاة ، نتذكر أيــضا ، بعض اللذين ألقوا علينا الحجاره دون سبب ، دون مبرر يذكــر ... نفكــر ونفكــر ونفكــر ، ولانجد سببا كافيا لتبرير ذلك ... سوى ضعف نفوسهــم ، نتذكر نبلـــنا معهم ... ومواقفهم الدنيئــه معنا ، فنشعــر بالسعـــادة ... وإن كنا خاسريــن، فيكفينا الإحساس بالرضــا... رضانا عن أنفسنا يغنينا عن ألف حلــم بات سرااااابــا ..

- محطات عمرنــا هي في الحقيقــة ساعات قليلــة ،نشعر فيها بقيمــة أنفسنــا ،وحينما ندرك قيمة أنفسنا نستطيع أن نواجــه الحيــاه بكل مافيــها، فقط نحتــاااااج لأشياء تمدنــا بالصمود أكثر ... أشيــاء تجعلنا أكثر قوة وصلابــة ، فالحــب ، والإيمــااان ، والرضــا ، والفضيلــه ، تمنحنــا القدرة على مواجهــة الحيــاة ... ‏لـيس شرطاً أن كل ما تحبه يسعدك ... ولا كل ما تكرهه يحزنك ... فالسكين بنعومتها تجرحك ، ‏والدواء بمرارته قد يـشفيك ... "وعسى أن تكرهوا شيئ وهو خير لكم ...

__________________

- فضولو خلاه يمشي للكوزينة تحت أنظار الخدامات ، ويخرج من الباب اللوراني واقف بعيد ... كيشوف فباه وهو معنقها ... صغر عينيه كيلعب بالخاتم الذهبي لي ديما دايرو فجيبو ... دارو فسبابة كيدورو وكيلعب بيه ، كانت غير صغرها تبدلات على كيف شافها ... ولكن حدة لسانها مزال هي هي ، سؤال واحد كيدور فراسو خلا فضولو يخدم ، شنو وقع ليها وخلاها تبع مع طبيب نفساني ؟؟

- فجردة ... من بعدما هدات شريهان شوية ، بحال الى عاد حسات وسرا معاها شنو دارت ..

- أحمد (مقابل معاها فالكرسي وشاد ليها يديها) ...

- فخبارك كلامك ضرني فخاطري ...

- شريهان (هزات فيه راسها ، كتشوف فيه عمرها رفعات ضوتها على لي كبر منها ولا قللات الاحترام من لشيواحد ) :

- (بتعاطف) : بصح ؟

- أحمد : أه بصح ، بغيتي تعرفي شنو لي خلاني منجيش للمغرب ؟ وشنو خلاني منزوركمش ؟

- شريهان (تنهدات) : الى بغيتي ..

- أحمد : أنا وخويا علي ، كنا بحال توام مكنتفارقوش ، واخا هو كان كبر مني بعامين ، ولكن كان بحال با يخاف عليا ويحامي عليا ... ولي بغيتها يحضرها ليا ، وديما كيهز الحمل عليا أنا ، كان بنسبة ليا هو كولشي منقدش نتصور حياتي بلا بيه ...

- شريهان (دورات راسها شافت فيه) : لهاد الدرجة ؟

- أحمد : تبسم ) إيه الالة لهاد الدرجة ، كنا مرتابطين ببعضياتنا بزاف ... نهار لي تزاديتي انت او مصطفى راه بغيت نحماق بالفرحة ، وانا لي صممت نسميكم ..

- شريهان (بصدمة) : واش انت لي سميتينا ؟

- أحمد (كيضحك) : بيني وبينك لا تسمعنا نزهة ، كنت كنموت على ديك الممثلة المصرية شريهان ، وكنت ناوي الى تزادت عندي بنت نسميها شريهان ، ولكن تزادو عندي غير دراري ، فاش جيتي انت ݣلت ليهم انا لي غادي نسميها وندبح عليها ، وفعلا سميتك ودرت ليك سبوع الكبير وصغير حضر ليه ...

- شريهان (حالة فمها) : والله هادشي مافخباري ..

- أحمد (غوبش حيت تفكر داكشي لي داز) :

- الواليدة الله يرحمها ويسمح ليها ، بسبابها تفرقنا ... كانت حاݣرة بزاف على نزهة وزهرة ، ولكن زهرة كانت كتهز الحمل كثر ، علي كان جامع واحد المبلغ وأصر عليا نهاجر للفرنسا ، حيت كان عارفني باغي نمشي لبرا ... وجيت لهنا وبديت حياتي ، فاش جاتني الخبار بلي مات ... دخلت فإكتئاب وكنت كنتعالج ، ماقدرتش نتقبل فكرة بلي نصي تاني مات ، مكنتش كنقد نزل المغرب وندوز من البلايص لي كنت فيهم مع خويا ، ماقديتش فينما كنبغي نزل ، كنتراجع ... مكنتش قاد نشوفكم ، يمكن ضعف يمكن خوف ... كنت كنشوفو فيكم هادشي هو لي خلاني نضرب على المغرب منبن كان عندك 10 سنين حتى لدابا ...

- شريهان : كنتي كتبغيه بزاف ؟

- أحمد (وقف ) : أجي معايا ... وقفات شاد ليها فيديه ضارو من الباب لوراني ... دخلها لدار نيشان لواحد الباب كبير ديال الخشب ، منقوش ... هز السوارت وحل دخل خلاها دخلات ، مشا نيشان لسراجم حلهم حيت البيت كان مظلم .. غير دخل الضو وشريهان حلات فمها ... البيت كان كلو تصاور ديال باها وعمها ، مع بعضياتهم ضاحكين خارجين ... ملاوحين فوق تبن ، تصاور باها وهو هازة مزال لحيمة ... وسبوع ديالها ، ودبيحة كولشي تصاور ديالها وديال مصطفى صغيورين ، تصاور عمرها شافت فحياتها ... كدور على كل تصويرة وكتفرج بحال سي متحف ، كتحس بدموع تحجرو ليها فحلقها ، تمنات كون بقا باها ولكن الارادة ديال الله فوق كولشي ، هبطو دموعها سخااان ...

- شريهان :

- ناااري شي تصاور عمري شفتهم ، ماعندناش ݣاع فدار ..

- أحمد : كنت نزلت للمدينة وخديت أپاراي ، فينما كان عندي وقت وكنا مجموعين كنصور ، وهاهوما دابا بقاو غير دكريات أبنتي ...

- شريهان (ضارت شافت فيه ومشات عندو عنقاتو كتبكي) :

- سمحليا اعمي الى ݣلت ليك شي حاجة ضراتك ..

- أحمد (كيضحك) : ويطبطب طب على ظهرها ..

- مكاين باس أبنتي ، مزيان الانسان يخرج داكشي لي ضارو فخاطرو ، هكا غادي يرتاح ونفسيتو غادي ترتاح ... كيكاتحسي دابا ؟

- شريهان (بعدات عليه ومسحات دموعها) :

- لا دابا مزيان الحمد لله ..(ههههه كضحك) ..

- أحمد : ويلاه نخرجو عمك راه هلكو جوع ..

- سد الباب دالبيت وتمو جايين بزوج ..

- شريهان (كتوشوش ليه) : دابا بيناتنا أعمي ... هادشي كامل درتيه من الحلاوي ، وماما حياتها كاملة كتحلون ، مدارتش هادشي ، بيناتنا ياكما كتاجر فالممنوعات ..

- أحمد (تسمعات ضحكتو حتى خلات كولشي يدور جيهتهم مستغربين كيف مشاو وكيف رجعو) :

- انت شيطانة أنت ، مكتبدليش ..

- جاه صوت من وراه :

- لسانها مزال طويل ماتبدلاتش ..

- صوتو خلاها دور ، كطلعو وتهبطو من رجليه لراسو وبضبط عينيه ونظراتو لي كلهم سخرية ..

- كتحقق فيه مزيان ماعرفاتوش شكون هو ...

- شريهان : غير الحنش لي كيبدل جلدو ، لهلا يبدل بينا ..

- أحمد : مالك إيمتا جيتي ؟

- مالك : غير واحد شوية (ضار مشا جيهت زهرة تحنا عليها عنقها وباس ليها راسها) :

- مرحبا بيكم أخالتي ، وعلى سلامتكم ..

- زهرة (كتحقق فيه مبسمة) : الله يسلمك اولدي ، هدا مالك الوسطاني تبارك الله وصلاة على النبي ..

- نزهة : هو هدا اختي زهرة ..

- زهرة : اخر مرة شفتو كان عندو 8 سنين ... تبارك الله ماشاء الله ...

- نزهة (كتعيط ) : جميلة حطو الغدا ... تحط الغدا وتحمعو كلهم على الغدا ، هز أحمد راسو كيقلب بعينيه ..

- فين سعد ؟

- نزهة : عارفو مكايفيقش دابا

- أحمد : نورمالمو خاصو يكون فاق ... مع كمل كلامو تسمع صوت خطواتو السريعة هابط مع دروج ... وقف مشوكي كيشوف فيهم مجموعين ، نسا بلي اليوم حاب مرات عمو وبنتها ..

- سعد : صباح الخير ، ديزولي فيقت معطل .. ماعرف يسلم ولا شنو يدير ... مشا سبق زهرة هي لولة سلم عليها وعاد وقف عند شريهان كيشوف فيها مبسم ..

- شريهان (جاب ليها ضحكة مدات ليه يدها) : سلام ..

- سعد (شد فيديها وشاف فباها ونطق ) :

- بابا انت غدار ، عندكوم زين فالعيلة ومخبيه عليا ، ماشي رجلة هادي ..

- أحمد : الله الله ، تبارك الله هادشي لي كان ناقص ، طلق يد البنت وݣلس براكة من البسالة ..

- سعد (شاف فشريهان) : مرحبا بيك نورتينا ، هل هلالك ..

- شريهان : اسميتي شريهان ماشي رمضان ، ݣلس اخويا تغدا ݣلس ...

- جميلة كانت ݣالسة حداها ، واخا هي رئيسة الخدم ولكن بنسبة ليهم وحدة من العائلة وديما كتاكل معاهم ..

- شريهان (بهمس) : مالو كيهضر هكا معكل ؟ خوتو كيهضرو مسرحين ..

- جميلة (كضحك) : الدارجة ديالو حلفات لا تسرح ليه ، ديجا كان عندو مشكل فنطق ،وكان كيدير الترويض والحمد لله ولا تيهضر مزيان ولكن دارجة والو غير كيتعدا عليها ..

- شريهان (زادت قربات ليها) : واش كاع ولاد العائلة زينين بحال هكا ؟

- جميلة (كضحك) : الطايح كثر من النايض ونايض حتى هو طايح ...

- أحمد (موجه كلامو لمالك لي كياكل وهو ساكت ) :

- مالك اتبات اليوم فدار ، اتعشى معانا ؟

- مالك (شاف فباه ) : داير مع نبيل ... او وراها داير مع كارولين عيد ميلاد خوها ، دايرة ليه مفاجأة فالكلوب وخاص نكون حاضر ..

- أحمد : واخا اولدي ..

- شريهان (هي والفضول خوت، قربات من جميلة) :

- أجي شكون هاد كارولين ؟

- جميلة (كتوشوش ليها) : كارولين هي خطيبة مالك ، عارضة ازياء كيدايرة ياختي على مزيناتها ، كيموت عليها وكيحماق عليها ... واخا ختي نزهة مابغاتهاش ليه ، ولكن هو فراسو غير هي ولاباس ..

- شريهان (فمها عامر) : وعلاش خالتي نزهة مابغاتهاش ، الراجل طول من بلارج ... يتاخود قراراتو راسو ..

- جميلة : نزهة بغات ليه شي وحدة مغربية زعمة ، مابغاتش ليه وحدة نصرانية ... ومع هاديك كارولين ماكتحشمش زاد كملت لي خاص ..

- زهرة (مقابلاهم) : اش كتݣولي لبنت ؟

- شريهان (وحلات ليها حتى مد ليها عمر الما ) :

- اح اح احم ... مكنݣوليها والو كنتعرف عليها وصافي ..

- نزهة : جميلة راها بحال بنتي ، حليمة لي هي مها خدمات عندنا منين جينا وتزوجات هنا او ولدات هنا ، راجلها الله يرحمو توفى وهي بقات معانا ، جميلة قرات او ولات هي رئيسة الخدم ... مكنعتبروهاش خدامة كنعتابرها بنتي ، مزال اتشوفو حليمة غير هبطات المغرب ، تزور عائلتها ..

- زهرة : الله يدومها محبة ياربي ..

- نزهة : امين ..

- شريهان هبطات على طبسيلها مابقاتش هزات راسها ، حتى نطق مالك ..

- مالك (موجه نظراتو ليها) : شيري شنو باغية ديري ، سمعت بلي جيتي لهنا تقلبي على خدمة ..

- شريهان (هزات راسها بتثاقل ليه ، عمر سي واحد عيط عليها بإسم دلع هادي اول مرة ، كولشي كيعيط ليها شريهان ، حتى فدار ) :

- وكالة أعراس ..

- مالك (حبس الماكلة) : تريتور ؟

- شريهان (كتهضر بحماس ) : لا ، هانتا الوكالة لي إن شاء الله ، الى سهل عليا الله وغادي نديرها ... هي انزوج الناس ، بحال مثلا شي واحد كيبغي شي وحدة ومقادش يعتارف ليها ولا معارفش كيفاش يعتارف ليها ، حنا كنتكلفو بداك الموعد وكنجيبوها ، وكنخليوه يعتارف ليها ويطلب منها الزواج ... وحفلة الزواج حنى لي كنتكلفو بيها وبأقل تكلفة ، يعني فبلاصة منمشيو ونجيبو الطيابة ونݣافة ، ومولات الحلوة من كل جهة ، حنا كنتكلفو بهادشي ..

- مالك (هز حاجب ونزل التاني) : ولكن هدا راه مشروع ، وخاصو تكاليف كثيرة ، المحال وتجهيزات ديالو ... وانت ݣلتي باغية تقلبي على خدمة ..

- شريهان : تماما ، هدا مشروع ناوية نديرو ، ماشي دابا غادي نلقى خدمة هي لولة إن شاء الله ، فاشما كان وديك الساعات نجمع وندير مشروعي ..

- أحمد : غادي نكول للعمر يشوف ليك واحد من المحالات ، تشديهم ... ولا ندرسو المشروع ونشوفو تجهيزات ... ونختارو محال فبلاصة مزيانة ونبداو ..

- شريهان (شافت فيه) :

- عمي انا عارفة بغيتي تعاوني ، ولكن انا باغية نعتامد على راسي ... مابغيتش يݣولو دار ليها عمها ، بغيتهم يݣولو هي لي دارت ... كيفما درتي انت او وصلتي لهادشي بجهدك ... حتى انا بغيت نحقق الحلم ديالي لراسي ، ماتقلقش مني والله ، ولكن مابغيتش شي واحد يعاوني ..

- أحمد : واخا االالة ، ولكن خليني غير نعت ليك الناس لي كنعرف تمشي تسولي ، شي شركة ولا شيحاجة بحال هكا ولا شي اوطيل ...

- شريهان : عمي لا ، راه ݣلت ليك شنو كاين اخليني انا لي غادي نلقى هاد الخدمة ، وانا لي اندير مشروعي انت اتهنى ... والى حتاجيت للمعاونة انكولها ليك ، انت اعمي عاونا غير فالإقامة ..

- أحمد : هادشي خرجي سوقو أنت

- شريهان (ضحكات) : واخا

- مالك (وجه كلامو ليها) : حتى لاش وصلتي فالقراية كنظن بلي قارية ياك ؟

- شريهان (بتحدي) : بطبيعة الحال قارية ، الباك نجحت فيه بنقطة زوينة ... وعندي إجازة فتسويق ، وجوج ديبلومات واحد فالفندقة وتاني فالمعلوميات ...

- مالك (حبس الماكلة وهز راسو فيها) : تبارك الله هادشي كلو ، براڤو عليك ... على هاد الحساب كنتي عاطياها غير لقراية ..

- شريهان : ماعنديش شيحاجة من غير قرايتي ، والإنسان الى دار هدف قدام عينيه أكيد غادي يوصل ليه ، واخا يواجه صعاب وعراقيل فحياتو ، مخاصهمش يحبسوه على طموحو ..

- مالك (صغر عينيه ، مركز فعينيها) : بحالاش مثلا هاد العراقيل ؟

- شريهان (بلعات ريقها) : عطا الله العراقيل والمشاكل لي كيواجهو الإنسان ...

- مالك : على هاد الحساب واجهوك بزاف دالمشاكل فحياتك ، ومع ذلك بقيتي متشبته بطموحك ...

- شريهان (لعب ليها بالوتر الحساس ، بحال الى كان معاها ولا كيقرا أفكارها) :

- انا عطيت غير مثال وصافي ..

- مالك : الإنسان مكايدوي فالحاجة ، حتى كتكون وقعات ليه ولا داز منها ، ولالا شيري ؟

- أحمد : قاطعهم) مالك براكة زعمة راه كناكلو مكالسينش اولدي على الطبلة ديال الوزارة ...

- مالك (مسح فمو) : بنت عمي وشحال هادي ماشفتها وكنسولها أسئلة عادية الواليد ، الى عندها إشكال كنعتاذر ..

- شريهان : لالا خود راحتك ، ماعندي حتى مشكل ..

- مالك (وقف) : بصحة وراحة ... خاصني نمشي ..

- نزهة : ولدي ، زعمة ماتقدش متمشيش لعيد ميلاد ، وترجع لدار نتجمعو ...

- مالك : الواليدة ، واعدت كارولين منقدرش منمشيش ، وأيام الله طويلة مزال نتجمعو ، خالتي زهرة على سلامتكم ومرحبا بيكم ، الدار داركم وانتوما ماليها بسلامة ..

- زهرة : الله يسلمك وينجيك أولدي الله يكبر بيك .. أشر لشريهان براسو ومشا خرج ...

- شريهان(تنفسات الصعداء ) : اوووف محكمة صافي ..

- فجهة أخرى ... فشقة صغيرة متكونة من زوج بيوت وكوزينة وحمام ... بفراش بسيط وديكور بسيط ، كتحس فيها براحة ودفئ ديال العائلة .. فالكوزينة كانت واقفة بنت فأواخر العشرينات ... بشرتها بيضة شعرها واصل لنص فظهرها فالكحل ... وجها بريئ ونظرات عينيها حنان وكيبريو ... دار الساروت فالباب تحل ودخلات سكينة ...

- تحل واحد من البيوت وخرجات بنية صغيرة ، تكون عندها ديك خمس سنوات كتجري وتعيط ..

- خالتي جيتي ... تلقات ليها سكينة هزاتها بين يديها ..

- سكينة : احح زين ديال خالتها شموستي الفنة انا ..

- من صباح وهي كتسنا فيك ، خالتي فين هي فين هي ، حلفات لا رسمات الى ماكنتي انت ...

- سكينة (هزاها او حطاتها فوق بوطاجي ، باست ختها فوجها وهزات ليها واحد الفريتة) ...

- مغاديش تحيدي منك هاد اللميق ..

- سكينة : لا والو أبدا ، عرفتي فيا الهيمري وحق الله ... انمشي نبدل ونرجع ..

- واخا سيري ... هبطات شمس ومشات للبيتها تبدل ..

- سكينة (كتعيط من بيتها) : إشــــرااااق ، فيه هي الباندة ديال شعري ؟

- إشراق : راه حدا المرايا ديالك ، العينين مكاينينش الله يستر ...

- بدلات حوايجها وخرجات عندها ، هزات تباصل حطاتهم على الطبلة ...

- سكينة : عرفتي عيييت وحق الله العظيم ... الخدمة بزاف عليا ماحيلتي للقهوة ولا لكلوپ ..

- إشراق(تنهدات تنهيدة طويلة) :

- حتى أنا أختي زدتك ، لا خدمة لا ردمة غير الدار ، وأنت منك كولشي ... حتى (حطات يدها على فمها فاش شافت بنتها كتشوف فيهم وسكتات ) ...

- سكينة (شدات ليها يدها وبإبتسامة نطقات) :

- اخر مرة نسمعك مزال كتݣولي هادشي ، واش من نيتك ... انا راه نهزكم بسناني علاش حنا أصلا شكون عندنا من غير بعضياتنا فهاد الغربة هادي ، (تنهدات تنهيدة طويلة ، مابغياش تفكر الماضي ولي داز عليها هي وختها ...

- إشراق : كونماشي شمس ، كون قلبت على خدمة ..

- سكينة : الالة ماتخدميش ، ديها افراسك وفشموستي ، انا لي خاصني نبدل الخدمة ، خاصني نشوف شي كافي لي يدير معايا توقيت كانديان ... باش تجيني هي هاديك مع الكلوپ ... انشوف جاك واش يبغي يحولني ل لاماندا ...

- إشراق : هضري معاه ، إن شاء الله يكون خير اختي ..

- سكينة : إن شاء الله كنتمنى ..

____________

- ف لاماندا ... وقفات طوموبيل رونج فالكحل ، نزل منها شخص فأواسط الثلاتينات ، سد الباب وتوجه للقهوة ... خدا البلاصة لي مالف كيݣلس فيها ، طلب قهوة كيف مالف شاف فساعتو كانت 7 ... هز راسو بان ليه داخل ...

- مالك (سلم عليه) : الوقت هي الوقت ..

- نبيل (ضحك) : تماما مانخافش عليك ... ݣلس وخدا حتى هو قهوة ..

- نبيل : بغيت غير نفهم ، غادي جاي خارج وعادي جدا فين هو شيفور والݣارد ... لي شافك يݣول راك موظف عادي ... مخايفش ؟

- مالك (بتدمر) :

- بدينا تاني تخربيق ، لاش الݣارد وشيفور بحال الى كنكوليهم اجيو انا هو الوزير الفلاني تبعوني ، الشيفور والݣارد كيكونو معايا غير الى كان عندي اجتماع مع الرئيس ، غير هكا مكانحملش نبقى نجمع عليا قوة الناس ، وزايدون بحالي بحال جميع الناس انبيل ... انت عارف هادشي من أيام دراسة ولالا ؟؟

- نبيل (تنهد) : عارف ، من أيام القراية وانت ترونكيل ، ومكتبغيش تسلط عليك الأضواء ...

- مالـك(بصوت رجولي)

: هذا هو البلان .. كثرت الصحافة وكترت التصاور منشورين فالمجلات ، ولي جوغنو طلعو ليا فراسي ...

جا سرباي حط ليهم الطلبات ديالهم ومشا

- نبيل (جغم من كاسو وشاف فمالك بفضول) :

- شنو واقع ، شنو هو المشكل لي طايح فيه ؟

- فڤيلا العراقـي ، مجموعين كاملين على طبلة ... حاطين بلاطو فيه القهوة ، وبلاطو أخور فيه الحلوة ...

- نـزهة : والله مابغيتها ليه اختي زهـرة ، هاديك خيتي مكاتعجبنيش ، أنا بغيت ليه شي وحدة زعمة تكون بنت بلادو ، الصواب الأداب ... ماشي هاديك خيتي هي وقلة الحيا خوت ...

- زهـرة : واش غادي نݣوليك أختي ، الى بغاها راه ماعندك مديري ... راه مايمكن تبزي عليه شيحاجة ماباغيهاش ...

- نـزهة : راه عراااافت ، كنحاول نقنعو ولكن والو عمات ليه العين ، وحتى الاحترام مكتحتارمناش ، تعنقو وتعلق فيه قدامنا ...

- زهرة : ونصارة عندهم عادي أختي ، راكي عارفة بلاما نݣوليك ...

- شريهان (ليكانت طالقة رضارات ديالها ، ضارت عندهم) :

- خالتي ، واخا دخلت ولكن سمحيليا ، ياااك هو لي كيبغيها وهو لي غادي يتزوج بيها ... خليه ضبر راسو المهم هي تكون كتبغيه هي .. مابقاتش واش نصارنية ولالا ..

- نزهة : دابا أنت أبنتي ، الى جاك شي واحد أوروبي كيبغيك تقبلي بيه ؟

- شريهان (كضحك) :

- خالتي انا مغانديه لا اوروبا ، لا باكيستاني لا مغربي ارتاحي ههههه ، انا حاليا بغيت غير نخدم ونحقق داتي وندير مشروعي ، وعاااااااد يجي زواج من بعد ... ونهار لي نفكر نتزوج انديه مغربي قوح ،، اولا حيت لا ديني ايسمح لي ناخدو اوروپي وحتى أصلا الى سلم منقدش ، انا لساني اخالتي باري مني بزااف ...

- نـزهة (كضحك) ...

- شريهان (كضحك) : وبنادم يقول الحقيقة ... ولاشيء غير الحقيقة ، انا بغيت راجلي منين ندابزو ويعايرني ونعايرو يفهمني ، ماشي يبقى يݣوليا شنو كتݣولي اش كتقصظي ، راجلي خاص يكون على القرص ، برݣم وانا نفهم ...

- زهـرة : وبااااز ، انت ناوية دابزي ماشي تزوجي ، راه المرا الاحلاحة غلبات السحارة ... المرا هي لي تعرف كيفاش تعامل مع راجل وتشدو حداها بلسان الحلو ، ماشي بنݣير ..

- شريهان : وعلاش اختي مايشدنيش هو بلسان الحلو ، خاص المرا ديما هي لي دير ، اه متافقة معاك مخاصش المرا يكونو فيها المشاكل وصداع ، وتعامل زوين ولكن اماما مع لي يستاهل ، الى كان هاد الراجل حتى هو كيتعامل معاها مزيان ... ظريف وكيتهلا فيها ، اما باش هاد الراجل كيضربها ويهينها ويبهدل بيها ، ومايتهلاش فيا ومتجاوبوش وتلحلح ليه هنا كيتسمى الذل اماما ...

- زهرة(شدات حناكها) :

- لا حول ولا قوة إلا بالله العلي العظيم ، هاد البنت مكاتساليش ..

- شريهان : انا كنݣول غير الصراحة ..

- نـزهة : بالعكس عندها الحق ، ماعندي مانسالك ..

- شريهان (وقفات) : خالتي انا انطلع نعس ، سمحوليا ..

- نزهة : سيري ابنتي الله يصبح على خير ، بيتك راه وراتو ليك جميلة ...

- شريهان : اه وراتو ليا .. تصبحو على خير .

- أحمد وعمر : تصبحي على خير ..

- خلاتهم مجموعين مزال وطلعات هي للبيت لي وراتها جميلة ، فاش دخلات ليه عجبها بزاف اه هو كبر من ديالها لي فالمغرب بزاف ، ولكن واخا هكاك حساتو بارد ، يقدر منين تعلق فيه تصاورها مع صحابها ... وتقادو كيف بغات غادي يرجع بحال ديالها ..

- دخلات للبيت سداتو عليها ، مشات نيشان للبالكو حلاتو ... قفات وتنهدات تنهيدة طويلة ، هزات راسها لسما كتشوف فنجوم ... شحال هذا ماحسات بهاد الراحة كتحس براسها تزادت من جديد ... خصوصا منين فرغات كاع لي فقلبها ، وخرجات كاع الطاقة السلبية لي كانت لداخل عندها ... واحد الاحساس فشكل كتحسو وهي وسط عائلتها ، لي ستقبلوهم بفرحة وتعاملو معاهم مزيان ... فعلا كانت غالطة فاش كان عند بالها بلي ايكونو متكبرين للمكانتهم الاجتماعية ... واخا مالك جاها غامض شوية ومتقاال وفشكل ، مداتهاش فهادشي نهائيا ... على معاودو ليها هو هكا من صغر ، وهكا كان معاها فصغرها كيبغي يجننها ... وهادشي ماعقلاتش عليه حيت كانت صغيرة ... سدات البالكون براحة ، توجهات للحمام حكات سنانها من تما لنموسيتها ، غير غمضات عينيها ومشااات ..

- نـبيل بقا ساكت وساهي فالكلام لي ݣاليه مالك ...

- مالك (بهدوء) : شـنو بان ليك ؟

- نبيل (تنهد وحرك راسو) :

- ماعرفتش ، معرفتش شنو غادي نݣوليك والله ... من الجانب الإنساني بقات فيا هاد البنت ، ومن جانب أخور من سابع المستحيلات كارولين تقبل ليك ، سمحليا انا عارفك كتبغيها بزاف ، ولكن راه كارولين الولاد من صلبها ومغاتقبلش بيهم ، مغاديش تقبل تخسر الفورمة ديالها وتحمل ..

- مالك (بصرامة) : أنا ماخديتش كارولين على الولاد انبيل ... خديتها حيت كنبغيها وكنرتاح معاها ، والبنت مغاديش تبقى معانا فترة لي هي طويلة ... غير مدة قليلة هذا إختبار ليا ، باش يوافقو ليا على المركز لي غادي ندير ..

- نبيل (بتساؤل) : لي بغيت نفهم ، علاش مزال مترددين بنسبة للمركز ، علاش الرئيس تردد ... انت وزير الشباب والرياضة ، يعني خاصهم يوافقو ليك بلا عراقيل ولالا ؟

- مالـك : هدا ماشي أي مركز انبيل ، هدا مركز لإعادة التأهيل للشباب للي كيستعملو المخدرات ، خصوصا المراهقين ... هاد المركز فيه علاج ونفس الوقت ، فيه دراسة ... يعني إعادة تكوين فهمتيني ، ايقراو فيه لغات .. يمارسو الرياضة ، وفيه بزاااف ديال الحوايج لي ايخليهم ينساو حياتهم القديمة ويبداو من جديد ... وهادشي ممكن يشكل خطر عليا ...

- نبيل (غوبش) : علاش ؟

- مـالك (كيدور لسانو فوسط فمو ، قرب منو) :

- المركز لي غادي ندير ، أيكون أكبر مركز هنا ففرنسا ... وكنطمح باش نستاظف فيه شباب من داخل فرنسا وخارج فرنسا ... وهادي غادي تكون ضربة خطيرة للتجار المخدرات ، منين ايديع سيط ديال المركز ويتعرف ، ايوليو اشباب يجيو من أي بلاصة ... والى نجح نقدر نفتح عدة مراكز فبلايص أخرين ، بحال المغرب إسپانيا إيطاليا ...

- قاطعو نبيل :

وبهاد التصرف اتكون أكبر عدو بنسبة لتجار المخدرات ...

- مـالك (تبسم ) : تماما ..

- نبيل : وكضحك هانية عندك ..

- مـالك ( كيضحك ) : ومالي بغيتيني نبكي ، زوينة هادي ... نبيل انا مكنخاف من حتى واحد وانت عارف هادشي مزيان ، عندي هدف معين وخاصني نوصل ليه ... وباش يتعكاني الاوكي خاصني نخلي عندي بنت عندها 4 سنوات لمدة 6 شهور ، وفهاد المدة خاصها تحس بالحب ودفئ العائلي ... باش يتيستيوني واش ممكن نتعامل مع هاد المراهقين ولالا ...

- نبيل : شنو غادي دير ؟

- مـالـك (وقف) :

- داكشي لي خاصو يدار ... تيليفون بيناتنا خاصني نمشي داير مع كارولين ...

- نـبيل : يلاه نتلاقاو من بعد ..

- خرج مالك من القهوة من بعدما خلص ، ركب فطوموبيلتو وزاد ..

_______________

- فوسط طوموبيلتو سايݣ ، وكيهضر مع راسو ويفكر ... كيسول راسو ويجاوب راسو براسو ...

- كيف حالك ؟

- كحال قلبي .. بخير لكنه شارد .. متعافي إلا من الحنين ..غارق فيما يحب وما يحبه بعيد المنال ..

- أين أنت الآن ؟

- في منتصف جسر لا أعلم إلى أين يذهب ..

تملئني الحماسة .. يغمرني سحر العبور للضفة الأخرى ..

ماذا تقرأ ؟

اقرأ نفسي .. لا يمكنني أن أقرأ سوى نفسي .. العنوان يحمل إسمي غير أن من كتبته أخر .. تنكشف فيغيب الوجود من حولي .. تحتجب فيعود ما حولي محكما قبضته كالكمين ..

- ماذا تفعل ؟

- أحدق ..في اللحظة العابرة وهي تتسرب من بين أصابعي دونما مقاومة ..

- ماذا تكتب ؟

- أكتب كل الصخب الذي بداخلي وهذا لا يكلفني سوى الانفعال ..

أقاوم فقري اللغوي بحساسيتي العالية ..

- بيـروت

- فڤيلا بعيدة بزاف على المدينة ، واقفين بزاف ديال الرجال ... كلهم بلباس رسمي ، من بعيد جايا طوموبيل كحلة طويلة ، تحل الباب ودخلات ... وقفات او وقفات وراها طوموبيل بحالها هابطين منها شي رجال ... هبط الشيفور بجرا حل الباب ... ونزلات مرا تكون فأواخر الخمسينات ، النص فشعرها كحل ونص لاخور بيض ... مكياج صارخ ، ولباس رياضي ... طلعات فدروج بكل خفة تحل ليها الباب ودخلات ...

- دخلات لصالون كان ݣالس فيه جوج ديال الاشخاص ، واحد شعرو بيض طويل شادو بباندة ... وتاني قدو قصير وغليض ...

- هي (بلبنانية) : فين هوما ؟

- الرجل 1 : التحت فلاكاڤ ؟

- هي : الاوراق ديالهم ؟

- الرجل 1 ( مد ليها ملف ) : هاهوما ݣاع الوراق ديالهم كاينين هنا ...

- هي (تبسمات ) : مزيان مزيان ، ݣول لجودت يوجد الطيارة ، مابغيتش البوس يتقلق ... بغيتهم يدربو على كيفاش ياكلو وكيفاش يتصرفو ، الكليان لي كيتعامل معاهم البوس غير الناس الهاي كلاص ... بغيت من هنا ل 6 شهور يكونو واجدين للإفتتاح مفهوم ..

- هو : كوني هانيا مدام جورجيت ... عطاتهم بظهر ، دخلات لسانسور ونزلات لاكاڤ ..

- كانو جوج ديال الحراس واقفين ، غير شافوها حيدو ليها من الطريق ، حلات الباب ودخلات ، كان بيت كبيييير بزاااف ... فيه 6 ديال البنات ، كلهم ظاهر عليهم الخوف والبكا لي بكاو ...

- جورجيت (بصرامة) :

- مكاين لاش تبكيو ، ولا تقلقو ... الحياة لي كتسناكم حسن ألف مرة من الحياة لي عشتوها قبل ، خاص غير راسكم يكون خفيف وكتسمعو للهضرة ، حيت قصوحية الراس مكتعجبنيش ، وبنسبة لعائلات ديالكم فكل شهر ايوصلهم مبلغ مالي ... هكا ايكونو مرتاحين وأيعرفو بلي بناتهم خدامات كيف قالو ليهم ( طلقات ضحكة عالية وخرجات مخلية دموعهم هابطة بسكات ) ...

______________

فصباح

المغرب

مديرية الأمن

- دق مصطفى ودخل (عطا التحية للعميد وݣلس ) ..

- مصطفى : وي سيادة العميد .. طلبتيني ..

- العميد (بجدية ) : مصطفى جاتنا شكاية ، واحد السيد ومرتو ... عندهم بنت وحدة ، هاد البنت باتت ماصبحت ، جمعنا معلومات من عند البنات لي كانو كيقراو معانا ، صاحبتها ݣالت لينا بلي كانت باغية تمشي لبرا ، وبلي شي وحدة كتعرف شي حراݣ توسطات ليها معاه ، صاحبتها ݣالت لينا بلي اخر مرة شافتها هادي 3 يام ..

- مصطفى : شحال وهي غايبة على دارهم ؟

- العميد : 3 يام دابا ، قلبو عليها عند العائلة وݣاع الناس لي كيعرفو ... ولكن مالقاوهاش ، الاشكال هو عرفنا لادريس ديال هاد خيتي لي توسطات ليها ، ولكن مالقيناهاش ، (ضحك) رحلات ..

- مصطفى : ممكن تكون كتعرف شي ولد غرر بيها ، وخلاها تهرب معاه ، بحال هادشي كيدوز علينا بزاف اسيدي ..

- العميد : لا ، حيت جاونا جوج شكايات ، هاد العائلة وعائلة أخرى ، البنات لي توضرو بجوج بداية العشرينات ، باقي صغارات ومن تصاور لي جابو والديهم زوينات ... مصطفى تجارة الرقيق رائجة هاد الأيام فأوروبا وبشكل كبير ، كيستقطبو البنات الصغارات ، لي الحلم ديالهم يهاجرو لأوروبا ويديرو لاباس ، كيوهموهم بتحقيق احلامهم ، حتى كيتيقو فيهم من بعد ، كيصتادمو بالواقع ... لا وراق لا باسبور محجوزين ، وخاصهم يديرو لي تݣال ليهم ..

- مصطفى (كيدوز يديه على شعرو تعصب ) :

- انا انا مابقيت فاهم والو ، لا فدراري لا فبنات ... دراري لايحين راسهم سط لبحر حتى ميلقاو راسهم وسط مافيات يا إما يسنيو كونطرا بقية حياتهم ، يا الموت ... ودابا ولينا فتجارة الرقيق ... عندكم شي معلومة على هاد السيدة ، ممكن نشدو بيها راس الخيط ؟؟

- العميد (كيشوف فيه مطولا) : أه كاينة واحد المعلومة ، وصراحة كتهمك أنت بدات

- مصطفى (بتساؤل وفضول ) : شنو هي ؟

- العميد : هاد السيدة ، هي نفسها السيدة لي كنتي عاودتيليا عليها ، لي دخلات لداركم على أساس أخت النصاب لي كان خطب ختك ..

- مصطفى (يديه بردو عليه ) : كيــفاش ...

- على الطـبلة ديال الفطـور ... ݣالسة بنت طويلة بيضة وزعرة ، ملامح وجها زوينين ... من نظرات عينيها كتحسيها بلي ، تايقة بزااف فراسها ... كتفطر بهدوء او رقي وكتشوف فيه ... خاتم نقري كتوسطو حجرة كبيرة مزين صبعها ... هزات راسها كتحقق فيه ، حطات الفورشيط من يديها وركزات عليه ...

- كارولين (بالفرنسية) :

- مـالك ، مافهمتش التصرف لي درتي لبارح ؟ حنا مخطوبين وأنا كنبغيك وانت كتبغيني ، مافهمتش علاش هاد تأجيلات لي ماليها حتى معنى ؟

- مـالك (شاف فيها بحب ) : على أشمن تاجيلات كتكلمي بضبط ؟

- كارولين (تنهدات) : انت عارف ... ماعرفتش علاش لبارح ماخليتينيش نجي معاك لدار ، علاش فينما مكونو اونصومبل كتبعد ... علاش حنى نتسناو حتى نتزوجو ... ومتݣوليش تاني تقاليد والعادات ديالكم ، انت كبرتي هنا نورمال عقليتك تكون متفتحة ولالا ؟

- مـالـك :

واخا كبرت هنا ، ولكن مكايعنيش نسا الأصل ديالي ، ماشي غير حيتاش كنبغيك غادي نستغل الفرصة ... لا تربيتي ولا مكانتي الإجتماعية كتسمح ، شنو اتݣول الصحافة الى شافتك طالعة معليا لدار مع 3 ديال الليل ، ومنزلتيش ... سمعتي اتضرب فعرض الحائط ..

- كارولين : الصحافة شنو اتكون كدير تحت باب دارك ، فديك الوقت ؟ وعلاش دابا جيت عندك وهاحنا بزوج

- مالك : كلشي ممكن ، والمجية ديالك دابا ماشي هي طلعي معايا فنصاصات الليل ومتخرجيش ، مكنهضرش من فراغ ... حبيبة ديالي صبري غير شوية ديال الوقت وتكوني مراتي داكوغ ، وديك ساع حتى حاجة مغادي توقف بيناتنا حيت اتكوني ديالي ومراتي ... ولكن فهاد الوقت حنا مخطوبين , ومنقدش نفوت هاد الحد ..

- كارولين(وقفات وضارت عندو معنقاه من عنقو ، كتفرق بوسات خفاف على وجهو وتلعب بيديها على صدرو) :

- ولكن انا أحبيبي باغياك ، ماتحرمنيش منك ..

- دور ليها يديها ودورها عندو ، مݣلسة على رجليه :

- حتى انا كنبغيك وباغيك اليوم قبل غدا ، ولكن كل حاجة فوقتها زوينة داكوغ بيبي ، يلاه نوضي عندي إجتماع ضروري (خطف بوسة من شفايفها ونوضها متاجه للبيت ديالو) ..

- كارولين (دلات شفايفها ماعجبهاش الحال ، هي كتبغيه وبغات تكون معاه ... وهو محاسش بيها بحجة تربيتو وتقاليد العربية لي كتسميها هي تقاليد مخاصهاش تكون حيت لي كيأمن بيها فنظرها جاهل ) ..

- اوووف أووووف ...

______________

- على طبلة ديال الفطور فالڤيلا مجموعين ...

- أحمد : الى بغيتي ابنتي نخرجو انا وياك تعرفي على المدينة وهكا تعرفي البلايص لي ممكن تقلبي فيهم على الخدمة ، شنو بان ليك ؟

- سعد (قاطعو) : لا لا بابا حشومة حشومة هي هنا وتمشي انت نوووو ...

- شريهان (بإستغراب) : شكون هي ؟؟

- نزهة : ابنتي باغي يݣول هو ، راه لسانو عوج ...

- عمر (موجه كلامو لسعد) : انت اتزيد قدامي للمحال ، براكة من طنز ماشي فيقناك بكري باش تخرج دور ..

- سعد (ماعجبوش الحال) : ماشي معقول حاشومة عليكم ، بنت عامي جات ومندوروهاش ... راه عيب كان كلها ادي علنا نظرة خيبة بزاف ...

- أحمد : انت غير خرج من هاد الباب ، انا وبنت خويا انخرجو الراس فراس ... دوك القوالب ديرهم مع شي واحد أولدي ماشي معايا راه انا لي ولدتك ماشي أنت ..

- سعد (غوبش كيشوف فيه بتساؤل) :

- علاش ابابا انت لي ولدتيني ؟ انا يحسابلي ماما لي ولاداتني !!..

- أحمد (كيدوز يديه على جبهتو) : أستغفر الله العظيم ... عمر ديه معاك ديه معاك راه غادي يحمقني ..

- عمر (وقف كيمسح فمو) : زيد قدامي يلاه ..

- سعد (وقف) : مرات كنسول راسي ، ويش انا ويلدكم ولا لقيتوني فكارطونة طارو ديال جبل فزينقة ...

- شريهان (تكرشخات بضحك) : جبل هههههههههه ناااري خاصو إعادة تأهيل اللغة ..

- نزهة : خاصو إعادة تربية من أ وجديد ..

- سعد : داكوغ ماما واخا عقل فيها عقل هاهو مشا بااي .

- إستمتاع خاص كتحس بيه شريهان وهي مع عمها ، واحد الإحساس فشكل ماتقدرش تفسرو ، حسات بيه بحال الى باها ... داك الأب لي كيخرج بنتو وكيوريها البلايص الجداد عليها ... مخلاش بيها بلاصة فكان ، داها للمحالات ديالو تشوفهم ، داخلة معاه ومبهورة ... مكانش عند بالها عمها عندو هادشي كلو تبارك الله ، تدوقات من كل شكل حاجة ، الحلويات عجبوها بزاف وأهم حاجة لي منساهاش ، هو مدخل المداق المغربي فكل حلوة ، حتى من ليمكاغو مدخل عليهم نكهات خاصة بحال أملو ، وبحال أرݣان وبزاف دنكهات مغربية ..

- شريهان (عينيها كيبريو) :

- عمي هادشي واعر بزاااف ، دابا بشحال هادي أعمي ..؟

- أحمد : 30 درهم للحبة ...

- شريهان (خرجات عينيها مصدومة ) : شنو 30 درهم ، أويلي أعمي ... وعلى هاد الحساب لي ماعندوش مسكين مايشريش ، دابا شي وحدة حاملة وماعندهاش ، وتسهات الحلوة ديالك مدوقهاش ؟؟

- أحمد (كيضحك) : لا أبنتي ، عندي جوج محالات فالمدينة القديمة ديال كان ، تما الحلوى كتباع بنص ثمن ... ولكن المحالات ديال هنا هذا هو ثمنهم ، حيت كيتقداو غير الناس من الطبقة المخملية ، لي عندهم 30 درهم بحال درهم ...

- شريهان (ضحكات) : اوووف فرحتيني ... جا عندهم عمر كيرحب بيهم ..

- عمر : كيجاتك كان والمحالات ؟

- شريهان (بإعجاب ) : واااعرين بزاف ... حمقوني والله ..

- عمر (كيفكر ومتردد) : شريهان ، المهم فكرت فشيحاجة وكنتمنى متاخديهاش بحساسية زايدة ...

- شريهان : ااه ݣول .. كنسمعك ..

- عمر : انت يلاه جيتي ، ومزال مامخالطاش البلايص هنا ، ومايمكنش تلقاي خدمة نهائية خصوصا ماعندكش الإقامة ، من سابع المستحيلات يوظفك شي واحد غير باش ديريها فبالك ... كنت بغيت نهضر لبارح وصراحة متشجعتش نكولها ليك ... راه بلا وسيطة لا يمكن تخدمي حتى تكون عندك الإقامة باش تعرفي وتكوني فصورة ...

- شريهان (سكتات كدور كلامو فعقلها ، فعلا هضرتو معقولة الكبرياء ديالها وكرامتها خلاوها تنسى هادشي ) :

- ولكن انا مابغيتش شي واحد يعاوني ، مابغيتش نخدم فالمحالات ديال عمي ، فهمتيني بغيت فلوسي الخاصة متكونش عندها صلة بفلوس عمي ..

- عمر : انا فاهمك .. وحتى انا عندي ليك واحد الإقتراح كنظن بلي غادي يعجبك ... مدامك جيتي حتى لهنا نݣولها ليك ..

- شريـهان : واخـااا ..

- عمـر : كنعرف واحد السيد ، ماشي معرفة طويلة ... ولكن إنسان مزيان ومعقول الصراحة ، شاد واحد الكافي ماشي هو مولاها طبعا هو غير مسؤول تم ... سميتو (شاف فيهم) علـي ..

- شريهان (تبسمات) : بحال سمية بابا الله يرحمو ..

- عـمر : انت ݣلتي مابغيتي تخدمي لا فمحالات ديالنا ، ولا فشركة ولا فحتى حاجة لي هي كبيرة ، الى بغيتي نهضر معاه عليك وتخدمي سرباية ...

- أحمد (غوبش) : من نيتك اعمر بغيتيها تخدم سرباية ، عمها كيعرف ناس لي تخدم مخيرة وبغيتيها انت تخدم سرباية ...

- عمر (أشر لباه بحجبانو) : بابا ، خاصك تحتارم الرغبات ديالها ... هي مابغاتش شيحاجة كبيرة ، بغات تبدا من الصفر ، وعلى الأقل هاد السيد مغاديش يطلب ليها لا إقامة لا وراق ، وخصوصا أنها من طرفي ... وباش مايݣولوش باغي نخدم بنت عمي ، غادي نݣوليه بلي هي صديقة عزيزة عندي ، وهكا اتكون الامور مزيانة ولالا شريهان ؟

- شريهان (كتفكر بمنطقية ولقات بلي عمر مݣال حتى حاجة فيها العيب) :

- ماعرفتش والله ..

- عمر : انت مابغيتيش تخدمي بالواسطة ، وهادشي لي غادي يكون ، انكدبو كدبة بيضة ونكولو بلي انت مجرد صديقة ، انت غير عطيني الاوكي وخرجك السوق ، من غير هاد الحل راه مغاديش تلقاي خدمة بسهولة ...

- شريهان (تنهدات تنهيدة طويلة) :

- صافي واخاااا ... لي درتيها أنا معاك فيها ..

- عـمر : صافي مزيان ..

- نـزهة (حاطة رجل على رجل معصبة ماعجبهاش الحال نهائيا ) ..

- زهـرة : نزهة حضري عقلك اختي ، شنو غادي ديري ... ماعندك مديري صبري أختي ..

- نـزهة : هادشي لي عطا الله اختي زهرة ، ماشي بيدي انا هاديك خيتي مكنحملهاش ، ودابا معيط عليا اه حقا راه انجيب كاروليـن تعشا معانا ، لاش اختي أيجيبها ليا أنا ... يمشي يخرج يتعسا معاها على برا كيف مالفين ..

- زهرة : وراه دارهم هادي اختي ، حشومة حشومة انت مولات الصواب زعمة ، وغير على قبل ولدك ... نوضو نوجدو شيحاجة نكبرو بيها ..

- نـزهة : بلاما تعدبي راسك ... هاااديك أختي مالفة غير بالماكلة الصحية وداكشي مسوطي ، واللحم مشوي باش ماتخصرش ريجيم ...

- زهرة : ونوجدو جوج ماكل ، لينا وليها ... أش بان ليك نديرو دجاج محمر .. راه مانسيتكش جبت معايا العطرية والحامض مصير وكولشي من لهيه ...

- نـزهة (تبسمات حيت كتموت على طياب زهرة ) :

- الله يا زهرة وشحال توحشت طيابك ...

- زهرة : ويلاه نوضي تبعيني ندخلو للكوزينة ، نوجدو لخطيبة ولدك شيحاجة لي تبغيها هي ... وحنا نوجدو داكشي ديالنا ...

- نزهة : جميلة تكلف بالماكلة ديال ديك خيتي ، وحنا نتكلفو بماكلتنا ...

- زهرة : صافي زيدي ...

- دخلو للكوزينة جبدو 4 ديال دجاجات ، شداتهم نزهة غسلاتهم مزيان واخا ديجا مغسولين ، أما زهرة بدات كتوجد فشرمولة لي غادي تشرمل بيها الدجاج ....

________________

- فواحد من الأحياء الشعبية بالقنيطرة ، وبضبط العلامة ... وقفات طوموبيل ديال البوليس نزل منها مصطفى ومعاه جوج بوليس سيفيل ... حيد نظاظرو ودخل لواحد الزنقة تحت أنظار الناس والفضول ديالهم ... وصل لعند واحد الباب ديال واحد الدار ، وقف ودق بزاف ديال المرات او والو ، دق الباب لي حداها وهي طل واحد المرا من سرجم ...

- شكون ؟؟

- مصطفى (أشر ليها بيدو) : هبطي الالة ..

- سدات السرجم ، دقائق ونزلات عندو حلات الباب كتشوف فيه ..

- نعام أسيدي اش حب الخاطر ؟

- مصطفى : البوليس الالة ، بغيت نسولك عفاك وكنتمنى تجاوبيني ..

- يااه أسيدي مرحبا سول ..

- مصطفى :

- كانت كارية عندك واحد السيدة سميتها نعيمة ؟

- هاديك اه كانت كارية عندي ، الله ياخود فيها الحق ماخرجات حتى شحفاتني ..

- مصطفى : علاش ؟ شنو كتعرفي عليها ؟

- ماتسوى ماتصلح أسيدي ، كانو الرجال داخلين خارجين عندها ، ومنين كنجي نهضر كطليني مكتخلي ليا غير لي نسيت ..

- مصطفى : كتعرفي دارهم كتعرفي كنيتها ؟

- سميتها نعيمة وكنيتها مخلوف ، دارهم من سيدي سليمان ... خلاتهم تما وجات لهنا لقنيطرة تخدم ، هادشي لي ݣالت ليا ...

- مصطفى : عمرها ݣالت ليك باها فاش خدام ولا واش عندها شي خوت ؟

- صراحة مكتجبدش دارهم ولكن نهار لي كريت ليها ، ݣالت ليا نقصي لي شوية راه با كيجمع غير البيدويات وكيبيعهم فسوق ..

- مصطفى : عمرك لاحظتي عليها شيحاجة ماهياش ؟

- الصراحة كان كيجي عندها واحد السيد زوين ... وكانت كتخرج معاه من دار لابسة ومقادة تقول ميليونيرة ، من وراها مابقاش كيجي وهي مشات سافرات شحااال مدة ... وعاد رجعات ، وهاد الأيام كانت غير خارجة داخلة ... حتى نهار باتت ما صبحات ، وسوارت الدار خلاتهم ليا مع مول حانوت ... سمحات فالفراش فكولشي ..

- مصطفى (كيهضر مع راسو) : بسيف ما تسمح فيهم ، وهي عندها باس تشري حسن منهم .

- نعام أسيدي ..

- مصطفى : والو الالة شكرا .. خلاها واقفة بفضول ورجع للطوموبيل هو ودراري معاه ... ديمارا طوموبيل ومشا .

- مادخلات شريهان هي وعمها حتى العشية ..

- نزهة : تعطلتو ..

- شريهان (ݣلسات كترتاح) : عيييييينا ..

- أحمد : ماخلينا بلاصة ، ودرنا شلا تصاور ..

- زهرة : إيوا مزيان ، بصحتكم وراحتكم ...

- أحمد (كيشمشم ) : كنشم بحال ريحة العراسات ديال المغرب هههه ...

- نزهة : زهرة دايرة لينا دجاج محمر للعشا ..

- عمر (داخل هو وسعد لي عيا وباغي اينعس) :

- بحال الى سمعت حس ديال الدجاج محمر ..

- زهرة : أياااه أولدي ، خطيبت خوك جايا وخاصنا نكبرو بيها ..

- سعد (قلب عينيه) : أوووف تاني ، مايمكنش تجي تعوق عليها ياربي ...

- عمر : سعد كون تحشم ..

- نزهة : عندو الصح ... انا عليا زبل زبل ، غير مرات عمك لي مسكتاني اما محملت نشوفها ولا نشوف كمارتها ..

- شريهان (وقفات) : انطلع نبدل حوايجي ونجي ..

- سعد : شيري ديني معاك .. عيييييت ..

- شريهان (كضحك جراتو من يدو) : زيد تقطع فالقلب ... طلعو بزوج وبقاو لوخرين كيهضرو ...

- أحمد : نزهة مابغيناش مالك يتقلق ، وصافي دخليها للعقلك ولدك كيبغي ديك البنت وخطبها ، وقريب يتزوج بيها ... عطيه بتيساع صافي وديري عقلك ، حنا ربينا ولادنا على الحرية ويديرو لي بغاو ولي مسلكهم ... كيفما انا وانت مدخل فينا حد ودرنا لي بغينا ، حتى هو نسايه وخليه هو يعيش حياتو ...

- نزهـة : صافي صافي واخاااا ، انا ماشي شغلي سوقو هداك ... ولكن باش تبززو عليا نبغي هاديك السيدة ، هنا راه كدخلو فالحرية ديالي أنا ... كيما هو حر حتى انا حرة نبغيها ولالا ...

- عمـر (هز يديه) : انا انطلع نرتاح شوية ..

- طلع عمر وخلاهم كيتناقشو ..

- أحمد : حتى واحد ماطلب منك انك تبغيها ، ولكن على الأقل ماتبينيش بلي مكتحمليهاش قدام ولدك ، هكا راه غادي تخليه ماسبقاش يجي لهاد الدار وينفر منك ... الإنسان يفكر بالعقل وبالمنطق ، جات نعطيها صوابها حتى تمشي فحالها ، ولالا زهرة ؟

- زهرة : داكشي لي ݣلت ليها ..

- نزهة : تحاميتو عليا ...

- زهرة : لا أختي حاشا ... حنا غير مابغيناش ولدك ينفر منك وتصدق هي لي رابحة ، فهمتيني راه خاصك اختي تفكري ابشوية كسبي ولدك ماتخليهش يولي يجي يزورك مرة فشحال بسباب هادشي ...

- نزهة : واخا هاني سكت ، ومابقيتش غادي نݣول والو ... هانتوما وهانا الى ما خرج منها العجب اجيو وشمو ليا هانتوما وهانا ...

______________

- خدات شريهان دوش خفيف ... لبسات بيجامة كاشمير ديال القنة ، جمعات شرها ودارت طݣية مع تقاشر فرجليها وبانطوفة ... كان پيسي ديالها محلول على صفحة الفيسبوك ... حتى سمعات صوت ميساج جاها .. ناضت من فوق نموسية جرات الكرسي ݣلسات وحلات الرسالة لي كانت كتالي :

- البعض يقــــــــــول:لـن تَعلـم قيمـة الشيءالذِي تَملِگه حَتى تخســــــره

لكن الحقِيقــة هي ..

أَنک دائماً تَعلم قيمة ما تملـک ولگنك لـم تعتقـد أَبـدَاًأَنـک ســـوف تخســره يَومَاً فتهمـل الإِهتماااام به إلى أن تفقده فتشـــــعر بقيمته ...

#ليلة_سعيدة😘

- ماعرفاتش شكون هدا لي مسيفط ليها هاد الميساج ، المشكل مدايرش سمية حقيقية ولا تصاور فالكونط ... قلبات الكونط مزيان مافيها والو حتى شي معلومة ممكن تفيدها مافيهش ... رجعات للميساج وجاوباتو :

" شكون معايا ؟ "

- بقات شحال كتسنى ، فيقها الدقان لي فالباب ..

شريهان : دخوول ...

- تحل الباب ودخل سعد كيطل براسو ..

شريهان " دخل مالك كطل براسك ؟

- سعد ( كيضحك) :

مسالي ؟

- شريهان : أسميتها مسالية ماشي مسالي ، البنت كنݣولو ليها مسالية والولد واش مسالي ... ݣول نسمع ..

- سعد : وولد مسالي ولبانت مسا ل ية ..

- شريهان (تبسمات) : الله يرضي عليك ...

- سعد (ݣلس كيضحك) : والفتي شوية ؟ صراحة عبجبني الحال ... حيت انت هنا ابنتي عمي ..

- شريهان :

مالك كتورك على الهضرة ؟

- سعد (كيضحك) :

باش منغلطش فالحروف ..

- شريهان :

حتى انا فرحانة حيت كاينة هنا معاكم ، وحيت عندي ولاد عمي معامن نهضر ونخرج ونضحك ونلعب ..

- سعد (وقف مد ليها دراعو) :

- نزلو مالك جا هو وديك خيتي ..

- شريهان (سدات الپيسي ، وشدات فيه خارجين من البيت ديالها ) :

علاش مكاتعجبكمش واش فيها شي مشكل ؟

- سعد (ݣلب عينيه) :

انا مكانحمل البنت تكون مغرورة ، وحتى حاجة مايعجبها نو كيعجبني البانت يكون ضحك تلعب ، ماعندهاش حدود بحالك انت دابا ، لابسة بيجامة عادي ني مكياج ني والو ..

- شريهان

- أيااه أسيدي ... اجي انت مالك على هاد الموستاج بحال الأغا ديال تركيا ؟؟

- سعد (وقف كيقاد فيه ويضحك) :

جا معايا ... عرفتي لبنات هنا كيموتو عليا ، غير حيت عندي هاد الموستاش ..

- شريهان (جراتو) :

زيد أبو موستاج ، شي نهار نجبدك منو ... هبطو بضحك ولعب ، وقفو عند الدروج منين شافو مالك ݣالس داير رجل على رجل ... وحداه بنت فأواسط العشرينات ، طويلة وطالقة شعرها صفر عينيها زرقين ... لابسة كسوة فالبيض والحمر فوق الركبة ... بلا يدين صندالة عالية وساعة ذهبية ..

- مالك (كيطلع شريهان ويهبطها من تقاشر البانطوفة لي ودنيها ݣدهم ݣداش ، بيجامة لي على شكل أرنب ، شعرها جامعاه ببانضة عندها الودنين ... كيطلعها وينزلها جاتو الضحكة ) ..

- زهرة (مدايراش الحدود ولا الهضرة بالعمبار) :

مالقيتي غير ديك بيجامة تلبسيها ؟؟

- شريهان (كتشوف فمها) :

بدينا تاني أماما مالها بيجامة ؟(شافت فعمها) عمي كيف جاتني ݣول الحقيقة ؟

- أحمد : شهوة منك أبنتي ، لي لبستيه كيواتيك ..

- سعد : خالتي زيهرة ، خاص تكوني كووووول ... جاتها واعرة ...

- شريهان (مشات جيهت كارولين مدات ليها يديها ) :

سلام انا شريهان ، بنت عم مالك ..

- كارولين (كطلعها وتنزلها ، جاتها فشكل زحدة تلبس هكا فدار ، عندها المرأة خاصها تكون ديما أنيقة ..) :

مشرفين ݣالها ليا مالك ..

- شريهان : مزيان ... شافت فمالك وأشرات ليه براسها ومشات تݣلس ..

- ݣلسات دايرة رجل على رجل ، وحداها ݣالس سعد شاد تيليفون ... كيوريها الفيسبوك ديالو ..

- نـزهة (عيطات على جميلة ) : جميلة عفا بنتي ، العصير والحلوى الله يرضي عليك ..

- كـارولين : مدام نزهة ، مابقيتش شفتك فالكلوپ من اخر مرة ..

- نزهة (شافت فيها وبإبتسامة صفرا جاوباتها ) :

مـابقياش كنمشي ... كنفضل نبقى غير فدار أحسن ... عندي كولشي هنا صال دسپوغ ، پيسين كولشي كاين مكاين لاش نمشي للكلوپ ..

- كـارولين : شي نهار نديرو پروݣرام ونمشيو (شافت فمالك) شنو بان ليك أحبيبي ؟

- مالك (حرك راسو بأه) : وي علاش لا ... شي نهار نديرو بروݣرام ونمشيو ..

- كـارولين (بإبتسامة شافت فشريهان ) :

ومنها نيت شريهان تشوف كان ، وتعرف البلايص حتى هوما ... ݣاليا مالك بلي كتقلبي على خدمة ..

- شريهان (هزات راسها فيها بشوية كتشوف فيها وفيه ، هزات حاجب ونزلات الثاني ) :

اه ماكدبش جايا نقلب على الخدمة (شافت فمالك ونطقات بدارجة) ...

- شفتك أخويا معاود سيرة داتية ديالي ، مالقيتي فاش تجمع شاد بيا برارد أتاي ولا كيفاش ؟

- مالك (بإستفهام) :

شنو المشكل عادي ... ماشي شيحاجة لي ممكن تخبا ..

- زهرة : شريهان متزيديش فيه ..

- شريهان (شافت فمها) :

كيفاش متزيديش فيه ، هاديك خصوصية كتسمى كيعرفوها غير العائلة ... مامنحقوش يعاود لخطيبتو عليا ، ويݣوليها كتقلب على خدمة أشداه أصلا ݣاع يجبدني ليها ..

- نزهة : شريهان عندها الصح ، المسائلة العائلية يبقاو بعاد لاش يجبد شريهان وجايا تقلب على خدمة ..

- مالك (بصرامة ) : براكة ... سولاتني بحسن نية ݣلت ليها لي كاين ، براكة من الحساسية الزايدة ..

- كـارولين (بإستفهام) : واش كاين شي مشكل ..؟

- عمر (حاول ينقد الموقف) :

لا مكاين حتى مشكل ، غير هوما مالفين كيهضرو بالمغربية فدار ، قليل فين كيهضرو بالفرنسية ..

- كارولين (مكملة كلامها) :

انا عندي معارف بزاف الى بغيتي نهضر ليك مع واحد السيدة ، عندها بزاف ديال البوتيكات تخدمك معاها ، كناخود عندها حوايجي ..

- شريهان : هالي ݣلنا ، رتاحيتي دابا ..(شافت فكارولين) لا ازين بلاما تصدعي راسك ... الى بغيت المساعدة انݣولها نيت لعمي ، انا قادة بشغالي مديريش فبالك ... قاطعهم صوت سونيت ديال تيليفون شريهان ... طلعات ليها أپيل ڤيديو من مروان ... حلات الخط بفرحة ..

- شريهان (وقفات كتهضر معاه ) :

فين كنتي غابر أصاحبي ؟ سونيت عليك قبيلات مجاوباينيش؟

- زهرة : واش مروان ؟

- شريهان (شافت فيها) : أه هو ، راس طارو سونيت ليه ݣبيلة مجاوبنيش ..

- مروان (كيغوت) : مي زهرة كيدايرة ؟؟

- زهرة (وقفات كتهضر معاه) : الحمد لله أولدي ، كيداير أنت الوالدين الخوت ؟ كيغادي مع الخدمة ؟

- مروان : الحمد لله أميمتي بيخير هاد الساعة ، تلاقيت نيت مع مصطفى ݣبيلة ... داز عندي للخدمة ماهضرش معاكم ؟

- زهرة : لا اوليدي ماسوناش ، علاش جا عندك ؟

- مروان (حدر راسو وسكت ) ..

- شريهان (تشوشات) : مروان مالك ياك لاباس ، ݣبيلة فاش كنت كنسوني ليك كان معاك ياك ؟

- مروان : سي كان معايا ، شوفو خليوه حتى يهضر معاكم هو .. باش مانتسماش كنوصل الهضرة ..

- زهرة (صافي طاح ليها الما فالركابي) ..

هالعار أولدي ،واش ولدي واقعة ليه شيحاجة ؟

- أحمد ونزهة كيسمعو بإهتمام ، ماعرفو شنو واقع ..

- كـارولين (موجهة كلامها لمالك لي كيسمع بإهتمام لشنو واقع) ..

- حبيبي بغيت نمشي للحمام ..

- مالك (موجه كلامو للجميلة ) :

- جميلة وري لكارولين الحمام ... ناصت كارولين مع جميلة وبقاو هوما ݣالسين ..

- مروان : مي زهرة نعلي شيطان وحضري الإيمان ... واش كون كان مصطفى بيه شيحاجة غادي يجي لعندي ، ماواقع ليه والو الحمد لله ..

- شريهان (قلبها كيضرب ، كتموت على خوها توقع ليها شيحاجة تمشي فيها ) :

وعلاش جا عندك ، وعلاش كتݣولينا حتى يسوني ليكم ؟( مابقات داتها لا فالعائلة يسمعو لا والو )

- مروان (كيحك فشعرو) ..

عقلتي على ديك خيتي لي كانت جات مع داك الكيدار ديال حسام ؟

- شريهان : مالها ؟

- مروان : صدقات نصابة كثر منو ، كتغر بالبنات بلي اتديهم للاوروبا وللخليج ... وهي راه كتبيع فيهم وتشري ، هاديك هي خدمتها وماسميتهاش ملاك راه اكدبات ، سميتها نعيمة ...

- زهرة (صافي تعماو ليها العينين بدات كتولول ) :

اويلي اويلي اعباد الله اويلي ، اويلي كوراه بنتي كضرب القرعة والكاس علم الله فأشمن بلاصة ..

- شريهان ماحيلتها لهادشي لي سمعات ماحيلتها لمها ) مروان بلاتي بقا معايا ... حطات تيليفون وشدات لمها فيديها ݣلساتها ... كولشي مشوش مافهمو والو فهادشي لي كيسمعو فيه ، ولا شنو واقع ... الفضول قاتلهم يعرفو شنو كاين ..

- رجعات شريهان (هزات التيليفون وبعدات عليهم) ..

شنو ݣاليك مصطفى بضبط ؟

- مروان :

جاتهم شكاية من عند شي عائلة ... بنتهم صبحات مامسات وشحال كيقلبو عليها ، وماشي غير هاد الناس ناس أخرين ... انا داكشي ديال البوليس مكانفهمش فيه ... المهم مصطفى ݣاليا بلي هاد خيتي عندها يد فهادشي ، انا عند بالي مصطفى هضر معاكم ... كون يحسابلي هكا منهضرش ، وأنتوما مع العائلة ..

- شريهان :

- ماشي مشكيل ، خالتك زهرة أصلا غدا ولا بعدو تلقاها خوات ليهم المزيودة ، هادشي مكايتخباش وانا مخايفاش ولا حشمانو منو ، سوا عرفو دابا ولا من بعد عادي ، صفحة وطويتها ، واخا كيبان ليا هاد الصفحة تابعاني مزال ... فخبارك ݣبيلة شنو وقع ..

- مروان :

- يـاك لاباس ؟

- جاني ميساج فشكل فيه الشعر فالفيسبوك ، والكونط خاوي مافيه تصاور مافيه سمية والو ..

- مروان : اتلقايه غير شادي واحد كيتريݣل ... مالقى مايدار بلوكيه وتهناي .. أمضرا انت مرتاحة عاجبك الحال فرحانة ؟ كيفاش ستقبلكم عمك ... الى مكنتيش مرتاحة نݣول لواحد صاحبي يشوف ليكم شي بلاصة فين تكونو ...

- شريهان :

- ضحكات) لالا الحمد لله ، عمي ظريف او ولادو بحالو ، ݣاع لي فهاد الدار ظريفين ..

- شريهان : والله مكرهتك تكون معانا والله ... واخا نهار توحشتك (رخات شفايفها) ..

- مروان (كيضحك) :

ومتعرفي ، نݣول لمول الشركة يحولني للفرنسا ..

- شريهان (خرجات عينيها) : حلف بالله ... العار ربي لاما ديرها ..

- مروان : مغانواعدك بوالو ، انشوف ... هنا نيت مابقا فيه مايعجب والله ، أشرف مشا اليوم العيون ..

- شريهان : وايلي وعلاش ؟

- مروان : سيفطاتو الخدمة لتم ومشا ... سفيان كنشوفو راه وقيلة ناوي يتزوج ... تلاقيت معاه لبارح ..

- شريهان : شوف ليك عينين بوعبولة ، خلاني حتى مشيت عاد بغا يديرها ..

- مروان : انت صݣعة داكشي باش (كيضحك) ..

- شريهان : باااز ، يلاه سير بحالك من بعد ونهضرو ..

- مروان : واخا سلمي على الجميع ..

- شريهان : مبلغ .. قطعات التيليفون ، مع ضارت كان واقف كيشوف فيها داير يديه فجيابو ..

- شريهان (خاشية يديها فپيجامة ) : راه مامزيانش لي يبقى يتسنط لناس راه قاعدة خايبة ..

- مالك (مداهاش فيها) :

هاد خيتي لي كنتو كتهضرو عليها ، عندها علاقة بطبيب نفساني لي كنتي متبعة معاه ؟

- شريهان (بإستفهام ) :

ݣالتها ليكم ماما ياك ، انا عارفة ماما تݣول واكلة بزت الدجاجة ، مكتسكتش الله يستر ..

- مالك (بهدوء وصوت رجولي) :

سولتك ..

- شريهان : اه عندو علاقة ... دخل راه خطيبتهك كتشوفينا شوفات ديال الدبيحة ، اتكوليك علم الله أش كنݣولو هنا ... خلاتو ودخلات .. تبعها مشات حدا مها ..

- زهرة : أشنو ݣاليك ؟

- شريهان :

ماما واش الى ݣاليا شيحاجة غادي نخبيها عليك ، راه سمعتي كولشي بودنيك ..

- نزهة : مافهمت والو ... واش واقعة شيحاجة خايبة ؟

- شريهان (سكتات وحدرات راسها ) ..

- عمر : ماما مكاين لاش ندخلو ، كيبقاو مسائل شخصية ..

- شريهان (هزات راسها فيه) :

حتى حاجة مكتخبى ، غير حيت يلاه جينا مابغيناش نهضرو فهادشي ، أما انا ماعنديش مشكل يتعرف ولا ندويو فيه ... هادشي كان كيسبب ليا إشكال شحال هذا ولكن دابا لا ...

- كارولين (جاها الملل) : مالك واش اتبقى تهضرو بزاف ... انا مافهمتش والو شنو كاين ..؟

- مالك (سكتها بعينيه ) ..

- زهرة (ساهية ) :

أنا سباب ... ݣاع هادشي لي واقع انا سباب فيه اش داني ..

- أحمد : زهرة ... فهمونا غير بشوية شنو واقع ، حيت حتى لدابا راه مافهمنا والو ..

- جات جميلة باش تعلمهم بلي العشا وجد ..

- نزهة : ماشي دابا اجميلة ، حتى نعلمك ..

- جميلة : واخا ..

- زهرة : هادي 8 سنين .. واحد السيدة جابت ليا واحد السيد لشريهان ... وانا بززتها باش تزوج بيه واخا خي مكانتش باغية ... ݣالو ليا بلي السيد الله يعمر ليه الدار ومزيان وغادي يتهلا فيها .. جا هو وختو وخطبوها .. فداك الوقت مشا مصطفى للفاس على قبل البوليس ... واحد النهار (كتفكر وكتبكي) ..

- شريهان : ماما براكة من البكا الله يرحم بيها الوالدين ..

- زهرة : واش غادي ندير ، انا هكا كنتفكر داكشي كنݣول انا سباب ... كونماشي انا كون حنا هانييين دابا ..

- أحمد : شنو وقع من بعد ؟

- شريهان : عرض علينا انا وماما لعند ختو ... وماما كان عندها واحد العرس شداه ... مشيت غير انا .. دخلنا للعمارة لي فيها ختو وطلعنا للشقة ... منين فتح الباب الدار كامت كلها مرونة ، مستحيل شي مرا تكون ساكنة فيها ...

- كارولين (وقفات) : انا انخرج لجردة بينما كملتو كلامكن العائلي ، لي انا مافهمت فيه والو ...

- نزهة (طلعاتها وهبطاتها وشافت فشريهان) :

كملي أبنتي ..

- شريهان (ساهية كتسترجع لي وقع) :

خرجو جوج ديال الرجال ... كيضحكو مع حسام وكيشكرو فسلعة لي جاب ليهم ، سولهم على سي خليجي ، ݣالو ليه راه فدوش ... عطاوه ساك عامر بالفلوس ، وقبل مايخرج ݣاليا بلي صاحبتي لي كانت صاحبتي ، حتى هي مشاركة معاه فهادشي ...

- عمر (كيحك سنانو تعصب ) : ال ال (ماقدرش يخسر الهضرة ) شنو درتي ؟

- شريهان : سدو الباب بساروت ... وݣلسو كيضحكو ويتريݣلو عليا ، حتى خرج داك الخليجي من واحد البيت ، واحد فيهم كان جاب الديسير ... بانت ليا غير جنوية لي فطبسيل ... هزيتها وحطيتها على كرشي وݣلت ليهم الى قرب ليا شي حد انرشݣها فيا ... (سعد غير كيسمع وساكت مصدوم أما مالك كان كيحس بواحد البرود فشكل ،منين تسمع هادشي كتحس بدمك سخن واخا الانسان مايكون كيعني ليك والو ... ولكن منين يكون هاد الانسان من دمك ولحمك كيتزاد معاك الزايد ) ..

- مالك : كـملـي ..

- شريهان (شافت فيه)

بانت ليا غير الكوزينة ، دخلت ليها وسديت عليا ... ومكان عندي حتى شي حل أخور ، من غير البالكو نقز منو ..

- نزهة (شدات على فمها) : أويلي ...

- شريهان : كون بقيت راه كانو غادي يفرعو عليا الباب ويدخلو ، مكان عندي حتى حل ، وحتى باش نهددهم وناخود ساروت ... واحد فيهم لاحو فوق الماريو ، بقا لبا غير داك الحل ..

- أحمد (تعصب شاد على راسو ) :

- عرفو بلي خوك مكاين ، مك فالعرس وانت بوحدك ، كالو هادي ماعندها عائلة نديرو مابغينا (ماقدرش يكمل تعماو ليه عينيه ..

- سـعد : و شنو وقااع ليك مين باعد ..؟؟

- شريهان : تهرست من يدي ، ماشي تهريسة خايبة .. ولكن الحمد لله ربي جا من جيهتي ..

- مالك ( ببرود خطييير ) : وداك الشماتة ؟

- شريهان : هرب مابقاش بان ... جا مصطفى وعاودتا ليه وقلب عليه او والو ، وحتى ديك لي كانت معاه قلب عليها او والو ، حتى لدابا راه سمعتي بلي صدقات نصابة وكضحك على البنات ..

- نزهة : ناري يا بنتي ومداز عليك ناري ، ناري ربي حا من جهتك ..

- أحمد : علاش ازهرة مݣلتيهاش ليا ، 8 سنين وانت ساكتى ماكلتي والو ... كونما دري لي هضر دابا اتبقاي ساكتة ... ولا حنا برانيين مخاصناش نعرفو ياك ؟

- زهرة : حاشا أخويا حاشا ، داكشي لي وقع لشريهان أزمها وأزمنا معاها ، داكشي باش مابقيناش كنبغيو نجبدوه ..

- شريهان : داكشي فات أعمي ، ولي فات مات كل واحد فهاد الدنيا ايجي الوقت لي أيخلص فيه ..

- رجعات كارولين ݣلسات حدا مالك بتدمر ..

مالك واش حبتيني لهنا باش تبقاو تهضرو بالالغاز بيناتكم ، كون يحسابلي هكا مغاديش نجي معاك ... منخلييني ، فاش كتهضرو ومال بنت عمك شنو واقع ؟ أجي وعلاش لابسة داك لاباس بحال البنات الصغار ..

- مالك (ببرود وصرامة) : کارول ضريتيني فراسي ... بغيتي تݣلسي حتى نتعشاو ونمشيو مرحبا ... بغيتي تمشي راه شيفور يوصلك .. مامساليش لهاد نݣير ديالك ..

- أول مرة يغوت عليها بحال هاد الشكل هذا ، ماعجبهاش الحال ... دارت رجل على رجل وسكتات ..

- شريهان : خالتي يلاه نتعشاو فيا الموت دجوع ..

- نزهة (شدات ليها فيديها ) :

واخا أبنتي هي لي متعاود ..

- شريهان :

عمي صافي ، داكشي فات ونسيتو ... مكاين لاش تعصبو وتمرضو راسكم بشيحاجة فاتت ..

- أحمد : ماشي شيحاجة لي ساهلة أبنتي ، ماشي شيحاجة لي ساهلة ... وقف وخرج على برا .. كيلوم راسو كون كان معاهم وكيجي عندهم ويزورهم مكانش غادي يوقع هادشي ... ستغلو الفرصة حيت عرفوها بوحدها غير هي ومها جوج عيالات لا حول ليهم ولا قوة ، تنهد تنهيدة طويلة وحس بالغصة فحلقو ، خوه مات وهلا ليها أمانة فرقبتو ، وهو محافضش علينا ، وعلى شوية كانت هاد الأمانة اتمشي من يديه ، عطا لراسو وعد يحافظ على بنت خوه حتى لأخر نهار فحياتو ...

_____________

- بلاصة الطوموبيل قدام المديرية ... نزل منها طالع فدروج ... رجال الامن لي تم كيعطيوه التحية ، مشا نيشان للبيرو ديالو ... هز التيليفون وطلب قهوة كحلة على وعسى يدوزو راسو لي باغي يتشق عليه .. تدق الباب ودخل ..

- سيدي واحد السيدة بغات تشوفك ..

- مصطفى : مݣالتش ليك شنو بغات ؟

- ݣالت بلي عندها شي معلومة على ديك الليلة لي تقتل فيها الضحية منير الوزاني ..

- مصطفى (بإهتمام) : دخلها ... خرج ودخل مرا كبيرة فالعمر ... هازة العكاز وكتمشا غير بشوية ، وقف مصطفى ودار عندها شد فيديها وݣلسها ..

- من ورا ماخرج حارس الأمن ..

- مصطفى(عطاها كاس ديال الما تشرب باينة فيها عيات) :

- شربي الالة رتاحي بعدا ..

- من ورا ماشربات حطات الكاس ..

-

" جيت بنهار ومالقيتكش اوليدي ، ورجعت حلفت حتى نعاود ليك شنو شفت .. حتى الى دا مول الأمانة أمانتو نكون مرتاحة "

- مصطفى (بكل إهتمام ) : شنو شفتي الالة ؟

يتبع...