قدر المنحوسة الجزء العاشر

كان منضرو كيخلع كل لي شافو ..وشعرو مخربق حيت كان ناعس وعنيه مزالين حميرن بحالي قطرتي فيهم الدم ولمومو ديالو بلونو الاخضر مفيكسي على سليم ويدو لي معلقة متوجه لأية ...

نطق بين سنانو كيغلي...

جعفر: كتبسل عليها فداري...

سليم ماعرف باش تبلا رجع اللور مخلوع من صوت جعفر بينما اية كترعد مخبية ورا جعفر كتبكي بكاء بائس كيحزن القلوب و يكسرها ...

سليم تدهشر ورغم دالك لسانو مبري منو كيصحاب جعفر ولد البارح وعندو مع الكلام الساقط والهضرة المخصرة..

سليم: نتي مال قح*بة مك كترطاي غير وحدك انا غير دويت مع ديلمك...

شد ليه فكو مزير على جهة فمو لي نطقات ديك الكلمة ما عرف باش تبلا خرج عينو فجعفر لي نطق ودروسو مزيرين ...

جعفر: حتارم راسك ما حدك فداري ولاهاد الفم غادي نهرسو ليك مرة اخرا...

سليم كيحاول يحيد يد جعفر لي مزيرة على فكو ولكن جعفر كان قوي ومضوبل عليه فطول و العرض شكلو كيخلع ومبغاش يبين كيقصح راسو ...

سليم: هي لي كلبة جالسة مع راجل مزوج...

بغضب رجع يدو وعطاه لحنك بجهد خلط ليه حنك و ودن تسمع صوتها فدار كاملة واصابع الصفعة مصورة فوجهو و ودنيه كيعطيوه صفير ...

مرضاش بغا يضرب جعفر وهز رجلو بغا يضربو بركلة وقبل ما يحاول سبقو جعفر بروسية مباشرة لنيف خلات دم يهبط كيجري سخون ...

طاح فالارض دايخ وجعفر واقف عليه كيف ملاك الموت كينهج و ضهرو رجع كلو كيقطر بالعرق وعاود كلمة بكلمة ...

جعفر: قلت ليك ما حدك فداااري حتارم راسك ولا غادي ندمك...

"دور راسو لأناس لي مخرج عنيه فيهم شار بصبعو لسليم"..

-هزو وخرجو عليا من هنا ما حدي متحكم فراسي...

توجه لطبلة هز قرعة دوا ودار عند اية عطاها كينة وعاونها فشرب الماء وجلس حداها كيطبطب على ضهرها باش تكالمة من الرجفة لي كتسري فكل جسدها باين عليها حالة الصدمة والخوف شي لي زاد عصبو وضرب طاسة ديال دوا نمع الارض مغدد...

جعفر: قلت ليك هزو وخرجو عليا من هنا ...

تقدم اناس بزربة بغا يعاون سليم وهو يدفعو مراضيش ...وقف راسو توجه لباب كيشوف بنضرات قاتلة فأية وجعفر شاف دوك نظرات ..

فورا وقف تبعو معول على خزيت توقف غير بجسد عفراء لي جا قدامو و وجها مكيبشرش بالخير ونظراتها قاصحين فيه..

وجهات اصبعها نحو اية بينما عنيها على جعفر ..

عفراء: ضربتي ولد خويا على هاديك زبلة ...

جعفر ساط بجعد: هديك عندها سمية اعفراء...

عفراء:عيط ليها نتا بديك سمية انا مصوقيش فيها وماضربش ولاد خوتي معندكش الحق ..

جعفر قصح نضراتو فيها واول مرة مهبطش راس ليها ...

- ميتبسلش عليها اعفراء الا هي وفدااري لاااا..

تعصبات ومراضتش بهاد الهضرة تسمعها منو...

-كفااش الا هي علاه شكون هي بالنسبة ليك اسيدي،...

جعفر شهيق زفير كيخدم عقلو مع كلامها مبغاش يخرج شي كلمة يندم عليها ...

-البنت مريضة وبزز باش رجعات لحياة وهي مسؤوليتي مابغيش لي يأديها وهي كتخاف من رجال وحالتها ممستقراش....

عفراء كتسوط بجهد : كون كانت تخاف من رجال ماتجيش عندك مدييرش سبة بولاد خويا ...

جعفر هز يدو ودم كيغلي لداخل كيحاول يخفيه مبغاش يطرطق قدامها ...

-من بعد ونعاود ليك كلشي...

عفراء : ماتعاود ليا ما نعاود ليك شوف غير لبسها لي باين فيه كتسنى غير لي يتبسل عليها....

جعفر جعر عليها وهو يغوت بجهد...

-مااتهضريش على لبس نااس اعفراء وتنسااي لبسك....

خرجات فيه عنيها ونطقات بجهد بنفس نبرة صوتو...

عفراء: هداك لبسي وانا حرة فيه ماحدو ماعجبكش ماتزوجش بيا ... ماتجيش تهضر دابا على لبسي ونتا لي ختاريتيني ...

غمض عينو وحاط يدو على جناب خسرو كيتنفس من نيفو وعضلاتو واضحين من تيشورط لي لصق عليه وبينات كل عضلة مفرزو على اختها شي لي عطاه مضهر مهيب و قوي وزادت هالة الغضب لي داير كتخلع لكن هي كانت غير الكل مخافتش ومهبطاتش راس بل مواجهاه بكل صرامة مرضياش بتصرفاتو ويدو لي هزهم على ولاد خوتها ممصوقاش ان ولد خوها فات حدو وهو لي تبسل الاول واي حاجة دارها حعفر من حقو ...

هادشي كلو متسوقاتش ليه لأن الدم تقل من الما ولي من دمك وخا يكون غالط كتنصرو وهادشي لي فيها هي ....

مكدوزش لي من دمها وخا يكون دار لي دار كتجي منو ودافع عليه بكل قوة وها هي قدام جعفر ممصوقاش شنو دار سليم بل كدافع عليه ...

حس براسو ترخف عليه شوي وتقدم بخطوة عندها ...

جعفر: انا ختاريتك نتي وعجباني كيف ما نتي مامحتجكش تغيري ولا تبدلي....

عفراء ممنزلاش راس : اصلا ممعولاش نتبدل وهاد زواج لي بيناتنا انحبسوه هنا الله يعاون ويربح ....

بغا يشدها وهي تبعد كارهة ...

عفراء: اقسم بالله وتحبسني عمرك مزال تشوف هاد لوجه مزال...

وقف مسمر فبلاصتو وهي خرجات بزربة مكتشوفش قدامها ودراري تبعوها من لور ..دار سليم شاف فجعفر وتبسم ابتسامة مكر وهبط تبع عمتو عاجبو الحال وخا كلا العصا لكن عمتو جات منو ...

هبطو لشارع وهي توقف كترعد ..دارت شافت فسليم لي كيفرنس وهي تهز يديها عطاتو لحنك لأخر بصفعة محات ليه الابتسامة من وجهو ونطقات بصوت عصبي...

عفراء:هادي ترجع ليك تربية الكلب....

مكترضاش لي يقرنها بشي حد وخا يكون لي يكون ..كتبقى هي بوحدها متفردة فكل شيء و غير قابلة للمقارنة..

نفسها عزيزة ومكطيحش راس وخا تكون غالطة مغاديش تبين نفسها انها غالطة وغادي تقصح راسها معاه ...

دخلات لدارهم كضرب رجلها مع الارض وتصرفاتها فيهم غضب مكيتصورش...

طلعات نيشن لبيتها جمعات حوايج فصاك وهزات سطولة ديال لحمام وتوجهات لحمام ديال الحومة ...

بردات غدايدها فسخون و الحكان نقات نفسها مزيان وخرجات كتشعل وحناكها حومر وعينوها كيبريو وسالف هابط مع جسدها كيقطر بالما ...

لبسات دو بياس فالكريمي مع بيجامة خفيفة فرمادي ودارت فوقها جلابة ساتراها ..دارت مرطب لتحت ديال رجلها باش يبقاو رطبين ولبسات تقاشر وخشاتهم فبالغينة مكتحملش صنادل حيت كيقصحو لحم ديال رجلين من لتحت ...

دارت كريم لوجها لي كيعاون فسد لمسام ومن بعدو طبقات سيروم سي ومرطب باش متنشفش ليها البشرة ...

خلات لفوطة مدورة على شعرها وهزات سطولتها خرجات من لحمام بحال العروسة بلارة ونقية كتفتن بزين وعندها خاطر لراسها كتبغي تكون زوينة وتشوف راسها زوينة وتقاد لنفسها قبل ما تقاد لغير حيت من صغرها وهي كتبغي تكون زوينة لراسها ماشي لناس...

دخلات لدارهم حطات كلشي وحيدات جلابة دخلات لكوزينة لقاتهم مجموعين كيوجدو فالحلوى ديال العيد ..

خدات قرعة ديال لما وجلسات حداهم ..

عفراء:مالكم معطلين عاد كتوجدو الحلوى...

بشرى:كنت غادي نوجدها البارح ونتهنى منها لكن داك صداع لي داز ماقدرت ندير والو ..

كلثوم: نيت مابقا والو دغيا نساليوها ...

لطوف:غدا لعيد نشالله مزال دراري كاع مجابو لحوالة...

بشرى: فليل عاد ايجيبوهم باش يبقى سطح نقي..

مينة مقابلة لفران باش متحرقش الحلوى ونطقات ساهية ...

-جعفر مسكين فين غادي يعيد ..

شافو كلهم جيهتها وهي منطقاتش كملات كاس لما لي فيديها وجمعات الوقفة ...

عفراء: عطيوني نستف ليكم الحلوى فطسات ...

خلاوها على خاطرها معاودوش هضروها حيت كيعرفوها غير من عنيها وباين ما عندها خاطر ديال تسوال ...

جلسات كتقاد فالحلوى وتستف عاطية الخاطر ومركزة مع شغلها ..

تفكرات تليفون لي طفات ، جبداتو من حيبها شعلاتو وهو يبدا يطلعو ليها اتصالات كثيرة وعدت رسائل من نفس نفس الرقم و الاسم "جعفر"..

زيرات على تليفون بجهد دارتو فالوضع الصامت ورجعاتو لجيبها و كملات شغلها مقصحة راسها وخا كتحس بتليفون كيفيبري فجيبها متصوقاتش ليه ...

واقف قدام سيارة ديال كمال ومو جالسة حداه مبتاسمة كتشوف فجعفر بحنية وعيونها كيبريو بدموع ومع الكبر ولات حساسة بلا قياس وفين ما تشوف جعفر تفكر مادار ولدها تجاه لكبيرة ...

جالسة اية لور مهبطة راسها ساكتة وهو تكى على لباب كيوصي عليها و يعاود... و يشرح ليهم الوقت لي كتاخد دوا و واعدها انه ايجي يزورها كل اسبوع ..

هبطات راسها متقبلة الفكرة بعد ما شافت هاد صباح مبغاتش تجيب ليه مشاكل و يتخاصم مع مراتو بسبابها ...

هي كتشوفو منقد والأمان وشخص الوحيد لي وقف فجنبها بعد ما العالم كلو كان ضدها..دافع عليها بكل قوة وتكفل بكل احتياجاتها ..عاملها بحال اختو الصغيرة ..

اول دفئ وامان وحنية شافتهم منو فقط هادشي لي خلاها تعلق بيه لكن عمرها فكرات انها تطمع فيه او يكون ليها..

عمر هاد الفكرة دازت فالمخيلة ديالها بل هي اكثر وحدة كتمنى ليه بنت ناس لي يعيش معاها بسعادة وهناء ..بغات تشوفو فرحان كيف فرحها ورجع ليها الحياة و البسة لحياتها ..

جعفر هو نور لي نورات حياتها وعندها غالي بزااف ولكن مفاتتش حد كثر من هكذا لأنه متبغيش ليه وحدة مغتاصبة من طرف مجموعة من الوحوش ...

مبقاتش قادرة تولد بالعتف لي تمارس عليها .. ولا تقدر تنعس مع رجل بسبب الفوبية لي تربات فيها ...

هزات راسها تبسمات ليه بلطف وهو كذالك رد الابتسامة وخا معندو خاطر ونطق بشوي ...

جعفر: تهلاي فراسك ...

اية: شكرا بزااف ..

كتفى يرد عليها بإبتسامة وبعد من لباب وتوجه عند كمال لي كيحاول معاه..

كمال: علاش اتبقى بوحدك يالله معانا غير تعيد ورجع ..

جعفر برفض: فبالي حاجة اخرى غير سير وعافك اية تبقا مع الحاجة راك عارف كلشي...

كمال: كون هاني اولدي..

ركب فسيارة مبغاش يعاود يطلبو يمشي معاه وخلاه على خاطرو ...ديمارة سيارة وشدو طريق بقا جعفر واقف فمكانو متبع عينو لسيارة لي كتبعد بصمت ...

تحل ليل وضلامت دنيا كل واحد داخل لدارو ساد عليه كيوجدو لغدا ونهارو لي هو نهار مبارك ومقدس ..نهار ديال الاضحية كنقدموها الى الله ونصدقو بلحمها على الناس المحتاجة ونتبرعو بيها على نفوسنا كذالك ...

فنص ليل كلشي ناعس وهي مزال فايقة كتعض فضفارها وتليفون كيصوني حداها من صباح مبغاش يسكت وهي معصبة حالفة ماتجاوب عليه مقصحة راسها...

سمعات صوت سيارة قدام دار والفران لي تشد بجهد لدرجة احتكاك الرويض سمعاتهم ..

طلات من سرجم وهو يبان ليها خارج من سيارة كيف الغول كيخلع ..غير شافتو عرفاتو معول على شي مصيبة ايديرها ..

هبطات كتجري خايفة يبدا يدق يفيق خوتها لي ناعسين غير فصالة ...

حلات لباب معصبة ..ردات لباب بشوي وتقدمات عندو فضلام وهو واقف مخنزر فيها عاقد حجبانو لوسط مزال بنفس الملابس والقميش والعضة لي فعنقو واضح ليها...

عفراء: اش باغي عندي الزبل علاش تابعني...

تقدم عندها وهي ترجع لباب لصقات فيه مخلوعة من شكلو لي كيخلع هبط ليها الما فركابي...

-بقا الخرا فبلاصتك علاش جاي عندي ...

جعفر من بين سنانو مزير على الفك ديالو نطق بجهد ..

-اجي...

ندبات حناكها معصبة : واااهضر بشوي الله يعطيك مصبية اتشوهني مع جيران ...

جعفر معصب: من امتا نتي كتسوقي لهاد جيران...

عفراء: وماشي سوقك الخرا عطيني تيقار...

جعفر ايطرطق بالاعصاب لي ركبات فيه تقدم عندها باغي ياكلها ..

-بغيتي غير شوهة زيدي نتشوهو كاملين ...

دارت عندو سدات ليه فمو مخرجة فيه عنيها: سكااااات ايسمعوك خوتي ...

حيد ليها يديها من فمو...

جعفر: متعصبينيش اعفراء خوتك ماشي عاد ايعرفوني ...

عفراء: يعرفوك ولا مايعرفوك متجيش فهاد ليل شغادي نقول ليهم انا دبا....

جعفر مزير: ممولفاش تحشمي ولا جاتك عاد دابا ..

عفراء: اسيدي انا مكنحشمش..انا مقزدة ولكن تال هادشي لاااا ... ماتجيش عندي فنص ليل نتا حمق ولا مالك ...

جعفر دفعها داخل : هانتي اتشوفي الحمق كيف داير ..

دفعاتو لحيط كتحلف باغية تاكلو...

عفراء:الله يعطيك مصيبة ازبل فين داخل حتارم غير با لي ناعس ...

جعفر كيسوط من نيفو : عفراء راني راجلك واقلة ...

عفراء: راجلي ولا خرا ماتجيش عندي فهاد الوقت وتبغي دخل لدار شنو انقول انا ليهم من يشوفوك معايا فصباح خارج من بيتي شمن وجه ايبقى عندي باش نوريه ليهم ..."شارت لسيارة ديالو"..سير الله يرحم ليك الوالدين بدل ساعة بأخرى....

جرها من عنقها مغدد كيهضر حدا فمها....

جعفر: قبل ما نتزوجو دوزتي معايا ليلة كلها فالوطيل وعائلتك كلهم فخبارهم ماحشمتيش ديك ساعة ودابا من دايرين العقد و مزوجين عاد بانت ليك الحشمة من العائلة ...

عفراء عضات فمها بجهد: منين كتفهم نتا منييين ديك ساعة كنا فالوطيل ماشي فدارنا واش نتا مرضتي فمخك ندخلك لدار بلا خبار والديا..

جعفر : غادي نفيقهم ونعلمهم ..

عفراء: اسيدي ما تفيق حد سير بحالك...

شدها من يديها : اجي معايا ..

ولات كتفرفر باغية طير من بلاصتها غادي تاكلو بعنيها ...

عفراء: والله لمشيت معاك ولا دخلتي لدار ..سير بحالك..

دخلات سدات لباب وخلاتو واقف فبلاصتو كيشوف الباب ليتسد مزير على يديه بجهد وقلبو كيغلي ...

محساش بكلامها كيف كيزلزلو من لداخل و معرفاش شحال كيبقى فيه الحال من كلامها الجارح و المعيور لي في فمها عادي وهو ساكت وهي عاد كتزيد فيه وتعفر عليه كثر ...

توجه لطونوبيل بخطوات بساط تكا عليها وهز راسو لسما وحيد فهاد الدنيا لا اهل يتوجه ليهم ولا صحاب ديال بصح لي يسمعو ليه ولا زوجة كتفهم ما فقلبو وعلى طرف لسانو ...

ضن من لقاها انه ايرتاح ويعيش حياتو كيف كان متمنى لكن لقا عكس عفراء...لقا فمها ماضي و عصبية كثر من لقياس و كتجي تال عندو وتحد ليها فهامتها وماعندو مو ولا ختو لي يهضرو معاها ويفهموها وهو مجاش يمشي لعند لالة لطوف يقوليها فهمي بنتك ما خاصها دير ...

ساط بجهد والبرد كيضرب فيه فكل جهة والصمت سيد المكان وشعرو كيطير مع البرد واصبعو كيدورو خاتم زواجو لي متواجد في اصبعو الأوسط ...

بقا مدة طويلة عندو امل انها تخرج تحن فيه لكن كان كيكدب غير على راسو ..تسنا مدة طويلة بدون فائدة ..

هبط راسو مبتاسم على نفسو بسخرية ودخل لسيارتو ...جلس مدور راسو تجاه باب دارهم وهز تليفون صونا عليها وبقا مطولا ولكن مجوباتش ...عاود صونا عليها لقاها طفات تليفون ...

قطع وتكى على لكرسي بصمت وبعد دقائق ديمارة وشد طريق طويلة معارفش راسو فين غادي باغي غير يتلف الوقت و يدوز ليل بين طرقان الشوارع ...

ناس ناعسين مع عائلتهم مجمعين كيوجدو لغدا وداك نهار مكيحلا غير مع العائلة مجموعة اما هو بوحدو كيدور من قنت لقنت ساكت وغير عيونو لي كيحكيو الف حكاية وحكاية....

كان شاري الاضحية ومعول يعيد هو وياها اول عيد مع بعضهم بعد زواجهم لكن ما وقع ورد فعلها خرب كلشي ...

شرقات شمس وبدات كضوي قنت بقنت وناس فاقو وعلى تسلام والمباركة صبحو فرحانين بهاد نهار وكل قريب يزور عائلتو وصحابو ...

اما هو وقف سيارة وخرج منها عيان وجسدو كلو كيضرو ماعندو قوة ..طلع لدار ديالو لي خاوية ومضلمة كضيق على النفس و القلب ...

كيسمع صوت ضحكات ديال جيران وهضرتهم لي مليئة بالبهجة و الفرح وهو كان داير بيه الصمت والضلام ...

حط يدو على وجهو فركو بجهد ورجع شعرو كامل اللور مع تنهيدة طويلة خارجة من اعماقو...

دخل لبيتو وجد حوايج نقيين وجداد وتوجه لحمام قاد لحية مزيان ودوش ... توضا ولبس حوايجو وعطر داتو مزيان خلا ريحتو سابقاه كتحمق...

هز تليفون كيشوف فيه لا إتصال ولا مساج من طرفها ... دخلو فجيبو وهز صلاية توجه مع ناس فالمكان لي كتقام فيه صلاة العيد ...

شد صف وصلا صلاتو وبعد ما نتهات الصلاة جمع صلايتو وخرج توجه لسيارتو وركب وتوجه لخارج مدينة شاد طريق ديال كازا...

بعد ساعة ديال طريق وقف سيارة وخرج منها توجه لكوفر هز صيكان كبار وعامرين بالهداية والالعاب وملابس للأطفال وبعض الكتب ...

دخل مع لباب لي كان مكتوب فيه "ميتم"..

دراري لي كانو كيلعبو مع الخرفان هزو راسهم من شافوه داخل ومشاو عندو كيجريو فرحانين و كيعيطو ليه بإسمو ..

حط صيكان فالارض وتحنى عندهم كيعنق واحد بواحد بإبتسامة وهما فرحانين بوجودو معاهم ...

نطق اصغر واحد فيهم كيشير لخرفان...

-نتا لي رسلتيهم لينا...

تبسم وهزو بين يدو وحرك راسو ببطئ: اممم عجبوك...

بفرحة نطقو كاملين دقة وحدة : زوينين بزااااف ...

خرجات المشرفة ديال الميتم هي وراجلها رحبات بيه وجلسو كاملين على طبلة لفطور كيفطرو فجو مرح وكل دراري دايرين بجعفر باين حبهم ليه غير من عنيهم وهو كيتبسم ويعاونهم يلبسهم فلباس لي شرا ليهم جديد ديال العيد ...

دوز نهارو بين الايتام بحالو تماماً ..فما كيحس باليتيم غير لي يتيم بحالو....

ماسول عليه حد ما عيط عليه حد وتا هو ماسول على حد ..دوز نهار مع اطفال كيضحك ويلعب معاهم عاطيهم وقتو الكامل وبعد المرات كيجلس ساهي كيشوف بعيد و يرجع يهبط راسو بحالي تا حاجة مكاينة...

مكيبينش على ملامحو داكشي لي فراسو ..كيبقى لغز يقدر يكون كيضحك اما من لداخل ايكون ربي لي عالم بيه..مكيبينش ضعفو او استيائو ديما البسمة على الوجه و المعاملة الحسنة ..

هكذا تربا وهكذا كبر على توصيات الام ديالو ..لكن فنفس الوقت نهار يتقلب ما يبقى عاقل على تا واحد كيولي شخص اخر عمر شي حد شافو وهاد شخصية الخايبة ما كيوصل ليها الا لو تضرر نيت وهبط شي حد من قيمتو تم ماكيعقل على تا حد وخا يكون اقرب الناس ليه ...

جالسة متوسطة خوتها وعائلتها الجميلة لي الفرحة باينة عليهم مجمعين بعد ما سلاو دبيحة وسليخ الأضحية ونقاو دنيا من دم ..

مفرشين فسطح كيشويو قدامهم ولعيالات مقابلين شغل من غيرها لي جالسة وسط دراري بحال ضيفة منقية حالتها ولابسة بيجامة بيضة مخيطة بدهبي و مفتوحة من جناب ديال سيقانها مع سنيديلة عالية ديال صبع ومصبغة ضفرانها بالأحمر ..ضافرة شعرها ودايرة فقط مرطب لشفاه ديالها مخلية وجها على طبيعتو ...

حط ليها خوها طبسيل فيه دجاج مشوي...

علال:هاكي الالة ها هو دجاج ديالك ..

عفراء:قويتي ليا انا غادي ناكل غير صدر صافي..

عبدالقادر: ما كتاكلي والو اعفراء راكي ضعيفة علاش كديري هاد ريجيم ...

عفراء:انا معدتي ماشي بحالكم كانكل غير شوي كنشبع ..

سليم واناس جلسو حداها...

اناس: نعاونوك تكملي دجاجتك ازين ..

سليم مخسر ملامحو : العيد وكتاكلي دجاج ...

عفراء: كنعيف داكلشي لي فداخل ديال الحولي ما عرفتش كيف يعطيكم نفسكم تاكلوه.

سي العربي: كلشي محللو لينا سيدي ربي علاش غادي نمنعو راسنا منو ...

عفراء: انا ابا كنهضر غير على راسي انا كنعيف ومكنقدرش على داكشي بغيتو تاكلوه بصحتكم ...

لطوف لي كتقاد فأتاي وجالسة حدا راجلها هزات عنيها فبنتها كتشوف فيها مدة طويلة عاد نطقات...

لطوف: شفت جعفر ما عيط ما سول ومجاش عندنا گاع يبارك العواشر ...

عفراء: عندك نمرتو الالة عيطي عليه نتي...

لطوف: ياك راجلك ...

عفراء بعصبية : ماشي حيت راجلي انعرف عليه كلشي...

سي لعربي: غير حيت مسكين بوحدو والعيد هذا...

عفراء بإستياء حطات الخبز من يديها ...

-اصلا عندو معامن يدوز العيد معمرين عليه دار..

اناس وسليم هبطو راس وقطعو الكلام بينما سي لعربي تنهد براحة وقال ..

-اوا من هكذا مزيان حشومة يدوز لعيد بحدو ...

حطات كلشي من يديها ورجعات لور مبقاتش عندها شهية وغير من وجها لي مزير و عنيها لي كيدورو فبلاصتهم باين معصبة ولي دايرين بيها حسو ولكن ما بغاو يقولو والو ...

وقفات هبطات لتحت دخلات لبيها كدور فبلاصتها محساش براحة وحاسة بحرقة فقلبها ما حاملة حد وممرتاحاش فنفسها ...

عيطو عليها ترجع تجلس معاهم وهي تسوط بجهد ورجعات ملامحها لعادية وخرجات عندهم كأن تا حاجة ما واقعة...

مثلها مثل جعفر انهم مكيبينو والو فلداخل لانهم بجوج تربية وحدة وهي تربية لالة لكبيرة ولكن نسات ان هاد الكبرياء الطاغي لي كتفتاخر بيه وعزة نفس لي حطاها فوق كلشي وكتعفر كيف بغات تا جعفر اكثر منها ولكن كيهبط راس غير ليها ...

ماشي حيت غير كيبغيها غادي يستسلم بل هو كيفكر فكلشي عكسها هي تماما لي مكتفكرش ابعد من محيطاها..

هو كيفكر فالعقدة لي عندها ولي كبرات معاها وخلات شخصيتها استبدادية .... كيحاول يفهمها و يبعدها من داكشي لي عاشتو لهذا فأي نقاش بيناتهم كيكون هو اول من يرمي كبرياءه عرضة للحائط ويتوجه ليها مهبط راسو و معتذرا لها وخا الغلط يكون منها ...

وهي من كتشوف هاد شي كيعجبها الحال وكتزيد فغرورها لي ماعندو حد ..وخا تفكيرها كبر من عمرها وكتعرف توازن الأمور لكن هادشي غير مع البراني اما نفسها العكس تماماً ...مغرورة بنفسها وعاجبها راسها و شخصيتها نرجسية كتشوف راسها فوق كلشي ومكتسامحش ولو غلط بسيط تقدر تهدم علاقة كاملة بكلامها الجارح لي مكضرب ليها حسبة وكتسممو فدات جعفر لي غير صابر معاها...

فوقت المغرب والبرد تحرك ناس خرجو الشوارع كيدورو يهضمو ما كلاوه فنهارهم ...

هابطة من دروج مبدلة حوايجها لكيطمة اديداس مزيرة وسروالها قصير فايت ركبة غير شوي وتيشورط مزير من جهة صدرها وخسرها مفصل فورمتها كما هي ...

كتجر فرجليها وكتلعب بشعرها سمعات الهضرة حدا الباب وهي طل مكمشة ملامحها فور ما شافتو توگدات وهو داخل مع سي لعربي هاز صاك حيد سبرديلة وهز عينو فيها وهي واقفة قدامو ...

هبط عينو وطلعهم فيها مزيان فشكلها ولبسها ..عض فمو من لداخل ونطق بشكل عادي...

جعفر: مبروك عواشرك...

دازت من حداه مرضاتش عليه... دخلات جلسات فصالون وهو تابعها جلس حداها وهي معصبة وبزربة بعدات لجهة لأخرى خلاتو كيشوف وساكت ...

سي لعربي لي شاف كلشي بين عينو ضحك ضحكة صفرة وقال...

-كيف دوزتي اولدي عيدك مزيان ...

جعفر عينو فعفراء: حمدلله اسي العربي و نتوما ...

سي العربي: داز زوين اولدي كنا بغينا نعيطو عليك تجي تعيد معانا لكن عفراء قالت لينا انك معيد مع شي حد مبغيناش نصدعوك ...

زير على يدو بجهد وملامحو بقاو هادئين ...

جعفر: مكاين باس اسي العربي ...

وقف سي لعربي توجه لكوزينة يعلم مراتو و خلاهم بجوج راس فراس ..

حط ضهرو على المخدة وحاط يدو فوق رجلو وعينو عليها رامي كلشي ووراه و مسولهاش علاش مكتجاوبيش ....

عارفها كيف دايرة ومبغاش يهبط عقلو معاها ولايرجعو يدابزو من جديد...

جعفر: كيف دوزتي نهارك ...

بعصبية قالت : بحال وجهك...

تبسم نصف ابتسامة : يعني زوين ..

خنزرات فيه: لا خايب ...

جعفر: حيت انا ممعاكش...

تقدات فالجلسة عاضة شفاه ديالها بجهد ..

-علاش جاي ...

جعفر شار لصاك لي محطوط فالارض...

-درت صواب وجبت كادو ديال العيد ...

شافت فصاك وفنفس الوقت دخلات امها لي سمعات لكلام فرحانة...

لطوف:علاش اولدي معدب راسك..

جعفر كيشوف فعفراء: تستاهل...

دورات عنيها وهزات راسها لسما ولطوف كتبرد سوق عارفة غير من وجه بنتها واقعة شي حاجة ...

لطوف: راك عارف اولدي كيف دايرة مديش عليها ...

عفراء مخنزرة: علاه مالي شفتيني حمقة كنرمي حوايجي فزنقة...

جعفر : نتي مولات العقل الالة ...

لطوف بغات تاكل بنتها : نوضي ابنتي وجدي الحلوى واتاي...

عفراء هزات حجبانها: من امتا انا كندحل الكوزينة...

لطوف بين سنانها : ديري صواب اعفراء قدام راجلك ...

عفراء: هو عارفني كثر ما عرفاني نتي علاشا اندير معاه صواب....

جعفر تبسم : عندها الحق .."جمع الوقفة "..متعدبوش راسكم خاصني نمشي...

لطوف : حشومة اولدي عاد جيتي جلس تعشا معانا ..

جعفر : مرا اخرى نشاالله..." ركز مع عفراء" ...تمشي معايا ...

عفراء : لا...

سي لعربي دخل مخنزر...

-نوضي سيري مع راجلك ...

عفراء: ياك شفتو وشافني علاش انمشي معاه...

سي لعربي تعصب توجه ليها وجعفر تقدم عندها حاميها من باها لي ناوي على خزيت وكيشوف فعنيها...

جعفر: كادو ديالك فدار نعطيه ليك و رجعي...

شافت فصاك : وهدوك ديالمن...

جعفر: ديال العائلة نتي ديالك خليتو فدار...

وقفات مربعة يديها دازت قدامو هازة راسها وهو توادع مع سي العربي وخرج تابعها ..

هي قدامو كتمشي بتقل وفصالتها كلها مبينة ومؤخرتها كتلعب كل جهة كطلع و تهبط على خاطرها ...

زير على يدو وحل ليها الباب مبتاسم وهي معفرة غير مع راسها..

جلسات ورجع جلس فمكان السائق ودور راسو لعندها ...

جعفر: مزال مقلقة ...

عفراء : ماشي صوقك..

ضحك بجنب : لا احبيبة صوقي وصوقي كبيييير...

وصل لدار خرجات كتسوط غير بوحدها وهو حداها كيشوف فيها ..حل لباب دخلات وتبعها سد لباب وهي دارت عندو ...

عفراء: فين هو الكادو ديالي...

شد ليها فيديها : اجي نهضرو بعدا...

نترات يديها من بين يديه : متشدش فيا هضر بفمك...

زير على سنانو : عفراء راني راجلك ماشي صاحبك...

عفراء: افففف دابا واش اتهضر ولا نمشي بحالي...

داير معاها لخاطر : اوكي الالة اجي نجلسو بعدا ...

جلسو فصالون مقابلين بعض هو مفرق رجليه ومشبك صبعانو لوسط وعينو فيها مباشرة وهي قدامو دايرة رجل فوق رجل وكتشوف فجنب مبغاتش تشوف فيه...

جعفر: شوفي فيا اعفراء...

دورات عنيها ليه مخنزرة: هاني كنشوف اش باغي....

جعفر : نهضرو على داكشي لي وقع البارح....

عفراء ساكتة مرداتش عليه وهو تنهد بشوي بغا يشد ليها فيديها ومقدرش خاف تنوض تاني وجا ما يسكتها ...

جعفر: اية مابيني وبينها والو ..كانت هي اول قضية ليا وكنت انا لي لقيتها بعد ما تعداو عليها ورماوها فشارع كلها دميات .."مركز معاها كيشوف اي تغيير فملامحها "... هي مزال صغيرة وبقات فيا بزاف عوانت بلي قديت و ربحت القضية لكن مكان عندها تا حد وانا تكفلت بيها مقدرتش نخليها فشارع ولا نديها لشي جميعة ما تقت بتا حد ....

عفراء مزيرة: وعلاش كانت معاك فدار ..

جعفر: راني قلت ليك دابزت مع امين والحاجة مبقاتش بغات تخليها معاها اضطريت نجيبها لدار ومن لباب دخلتها ومشيت لبيرو نعست فيه ...

عفراء: هي غير برانية علاش جيتي من جيهتها وضربتي ولد خويا ...

جعفر: عفراء هادي داري وهي امانة عندي داير معاها جهدي و البنت مزال عاد كتخرج من صدمة ديالها ماشي ساهل داكشي لي داز عليها و ولد خوك فات الحدود ديالو وغير حيت من عائلتك شديت يدي عليه اما كون كان براني كان ايكون حسابو اخر معايا ...

عفراء هزات حجبانها: هادشي كلو غير على وحدة برانية..

جعفر شاد ليها الخاطر وكيشرح ليها بسياسة وداير هو مول العقل وهي صغيرة لي مكتفهمش وهو خاصو يفهمها وخا مكبيرش عليها بزاف فايتها غير بست سنين لكن دايرها هي طفلة صغيرة كيشرح ليها حاجة بحاجة ...

-ماشي قضية برانية هي بنت اعفراء وخاص يحتارمها هو تجاوز لحد فداري وانا عطيتو رد على تصرفاتو واصلا اية رسلتها عند كمال لقبيلة اتبقا مع الحاجة تا حد معارف قصتها تعيش هانية ...

غير ذكر ليها مشات لقبيلة وهي تشعل...

عفراء: راسلها لقبيلة باش يقولو جعفر رسل مراتو ...

جعفر تزير: نتي هي مراتي اعفراء هي رسلتها كخدامة اتعاون الحاجة حيت عيات وصافي تا حد ما عارف انا لي راسلها من غير نتي وكمال والحاجة...

عفراء ساطت بجهد: وخا اسيدي ساليتي كلامك...

جعفر : عفرااء !!!..متقصحيش راسك معايا ...

جمعات الوقفة : اوا من ساليتي كلامك نمشي بحالي ...

وقف معها شدها من يديها : لهاد درجة سخيتي بيا....

عفراء الصمت عنيها فجهة مكتشوفش جيهتو وهو مزير على يديها مبغاش يخليها ...

جعفر: راني شرحت ليك كلشي وما خبيت عليك والو اية مابيني وبينها والو ..

هزات عيونها حمرين فيه ودموع مشكلين لكن مبغاتش تنزلهم و تأبى ذالك ..

مبغاتش تنكاسر لأن الانكسار مكاينش فقاموسها و متزادش هذا لي يكسرها...

هذا هو غرور عفراء مجموع فيه كبرياء و شموخ والنرجسية لأبعد حد ممكن وهادشي خلاها متسكت لحد ولو يكون لي كان ...

عيونها فعيونو نطقات ...

عفراء: انا مشي بنت صغيرة كنرضع صبعي باش تلعب عليا بجوج كلمات ..انا عندي عقل لي كنفكر فيه ولكن مكنسمحش اجعفر المسامحة مكتكونش ...نتا مخلي مرا عندك فدار وانا مجايبة خبار على الاقل كون تاصلتي بيا تخبرني شنو واقع كنت تم نيت نجي عندك ونبقى مع البنت او نديها معايا لدار لكن نتا ماضربتي ليا حسبة جايبها عندك مخليها فدار دوزات ليلة لي انا اصلا عمري دوزتها فيها وزايد مقارنها بيا وبلبسي ومتنساش نتا لي تبعتيني نهار عرفتيني وتزوجتيني انا مضربتكش على يديك باش تاخدني...

بقا ساكت كيسمع لكلامها وقلبو كيتزير عليه وفالاخير رد لومة لراسو ...

جعفر: اه انا غالط مدرتش بحسابك وكان عليا نعيط عليك لكن انا مفكرتش فهادشي حيت مشكل لي وقع بيني وبين امين نساني فكلشي ونتي كنتي معصبة مباغية تهضري مع تا واحد ومابغيتش نزعجك معايا ..."قرب حداها"...انا فكرت فراحتك كون نصحاب ايوصل لحال لهادشي مكنتش نديرها من الأول...

عفراء مقصحة شوفة : انا ماشي صوقي فأمين او اية او غيرو ... دير راسك فبلاصتي وفهمني شنو كنتي ادير كون انا لي دخلت راجل لداري وبيتو ليل كامل فدار ونتا مفراسك والو ومن تجي مع صباح يحل ليك راجل لباب... شنو ادير ديك ساعة واش اتغوت ولا اضربني وترسلني لدارنا وطلب طلاق ولا اتسنا مني نشرح ليك... واش اتيق بهضرتي ونتا كتشوف راجل اخر فدارك... وجيت منو قدامك وقارنتو بيك... ايعجبك هادشي اجعفر و تسكت ليه وتجي تصالح معايا كيف باغي نتا هادشي... ترضى لنفسك هادشي اجعفر.. .

تصمر فبلاصتو كيشوف فيها وهي بصرامة وبعصبية مخلطة فوجها ...فقط حزن و الم لي بااين فعيونها لكن خفيف جدا مبغاتش تبين حزنها لداخل بل كتبين قوتها و جبروتها ولكن هو كيعرفها مزيان لدرجة اي تغيير بسيط كيعرفو و يفهمو ونضراتها شاف فيهم الحزن ودموع لي كيهددو ينزلو وهي مبغاتش تهبطهم...

تزير جسدو كامل وهبط راسو ملقاش جواب لكل تساؤلتها لانه فور ما كيتخيل كلامها كيزيد الغضب فقلبو وهي كتسناه يجاوبها من شافتو ساكت قالت...

عفراء : ماش حييت نتا راجل غادي نسكت ليك وندوزها.. معمري انديرها وعمرها اتكون ليك ولا لغيرك.. انا عندي كيف راجل كيف المرا وبجوح عاقبتهم وحدة ومكاينش سماحة اجعفر ...قلت و انعاود سماحة معنديش فقاموس حياتي....

تبادلو نضرات ببعض وبسرعة دخلها فحضنو مزير عليها بجهد لكن مرفضاتش عناقو ومقبلاتوش كذالك ..

حاطة يدها فجنبها وحالة عنيها مبغاتش تسدهم لأنها عارفة لو سداتهم ايهبطو دموع لي متشكلين فجوانب عنيها...

مزير عليها ونطق حط ودنها...

جعفر: عندك الصح مكنتش غادي نصبر لو وقع هادشي لكن كنقسم ليك بالله مخنتكش ولا فكرت نخونك نتي اول وحدة فحياتي ..اول وحدة لمستها وبستها وعنقتها وهضرت معاها وشفت فيها وضحكت معاها...نتي هي البداية ديال كلشي فحياتي ..عارف راسي غلطت وانا قدامك كنطلب منك سماحة ...

كتحاول تخرج صوتها مقاد مبغاتش صوتها يغدرها ويخرك كأنها باغية تبكي ....مزيرة على حلقها نطقات بحروف متقاطعة مخبية الغصة لي خنقاتها فحلقها...

عفراء: مغاديش نسمح ليك...

مبغاش يبعدها بل زاد حضنها باغي يدخلها وسط صدرو ويسد عليها وهي كذالك مخلية جسدها يتغمر فحضنو ولو انه مزير عليها بزاف متشكاتش و نطق بترجي واضح فصوتو ..

جعفر: عاد تزوجنا اعفراء بغيت نعيش معاك حياتي وندير معاك عائلة لي فقدتها ..متصوريش هاد نهار كيف داز عليا وشحال كحل و مر من نتي مكنتيش معايا ..بوحدي وفين ما درت كنسمع ضحك ديال عائلة مجموعين من غيري لي جالس كنفكر فيك غير نتي....نتي ماشي غير مراتي ولا لبنت لي ختارتها ليا الواليدة فيوم زيادتها ...

"بعد منها كيشوف فيها وحط صبعو على راسو"...

-نتي عششتي ليا هنا ومابقيتش قادر نمحيك ..سميتك تخلطات مع دمي وكتمشي فعروقي و وصلتي لهنا ..."حط يدو على قلبو"...هنا سكنتي وتجبرتي كيف بغيتي وماخليتي حد يكون معاك ..ملكتيه بوحدك لدرجة نتي بوحدك لي كنتبدل معاك وكنكون اول واحد كنرمي كبريائي ونتوجه ليك باش نتوافق معاك حيت عارف تفكيرك كيف داير ...

حاوط وجها بيدو كيلمسها بلطف وكيحاول يضحكها متبقاش معبسة...

-وخا العفريتا خرجتيها مني وكنرجع واحد اخر معاك لكن كنبغيك وقلبي ملكتيه...واش كتفهمي اعفراء كنبغيييك ...

حسات بسخونية طالعة معاها بكلماتو ووجها تورد وقلبها بدا كيضرب بجهد ....

حولات تمالك انفاسها لكن بدون فائدة كلماتو خطفوها ونساوها راسها ...

قبها فجبهتها وهبط يدو على طول درعانها حتى وصل ليديها مسك اصابعها الرقيوقين وصغار كيلمسهم برقة ...

جعفر: مسامحة !!!...

الصمت بدون ما ترد عليه ...

لعب ليها فشعرها بليد الاخرى بحنية ..

-بغيتي تاخدي كادو ديالك...

حركات راسها بالايجاب ...

جعفر: سيري لبيت كاين فوق ناموسية فبواط بيضة..

بعدات منو متوجهة لبيت نعاس وهو يشدها مسخيش بيها وهي كتشوف فيه....

عفراء: طلقني...

جعفر: عطيني بوسة و نطلقك ..

خنزرات: انعطيك زبلة ...

خلاها تمشي وبقا واقف فمكانو ومكيبينش شحال بقا فيه الحال بكلامها وساكت على ما بيه ...

رجعات عندو هازة بواطة مكمشة حجبنها فشكل ديالها المستطيل عيات متخمم ولكن بدون فائدة ...

جلسات حداها : شنو هدا ..

قرب حداها بدون ما يعيق : حليه وشوفي راسك ...

حلاتو وفور ما شافت الهدية رجعو عنيها كيبريو و تبسمات بفرح ..هزاتو بين يديها عاجبها...

عفراء: بيسي "pc" ..شكون قالك خاصني بيسي...

شد بيسي من الجهة لي حاطة فيها يديها وكيهضر لكن شغلو غير مع يديها كيلمس بيها وهي معيقاش بيه...

جعفر:شفتك كتقيدي فالمذكرة ديالك وجا فبالي نشري ليك بيسي ..عجبك..

عفراء: اممم زوين بزاااف ..

جعفر ساهي فيها: بقاي معايا هاد ليلة تعلمي تخدمي بيه عندي لويفي...

عفراء ملهية مع بيسي نطقات بشكل عادي ...

-وخا عطيني كود لويفي...

قيد ليها الكود وجمع الوقفة ...

جعفر: انمشي ندوش خاصك شي حاجة ..

حركات راسها برفض ..توجه لبيت نعاس هز حوايج دار ومشا لدوش ..دوش ولبس حوايجو من سروال كيطمة داير فوطة على كتفو وغادي عندها كيمسح شعرو ...

جعفر: تعشاي دابا ولا تا تسالي ...

هزات فيه راسها ومن شافتو عريان من لفوق وعضلاتو بازرة هبطات نضراتها لبيسي ..

-مكانكلش لحم غير بصحتك ...

كمش حجبانو : مفراسيش هادشي ...

عفراء : ها هو فراسك دابا ...

جعفر:وخا الالة تاكلي سباغيتي...

عفراء:وخا ..

كيهضرو عادي مع بعضهم وخا مزال هي قاصحة معاه لكن كتجاوبو وترد عليه وهدا كافي بالنسبة ليها هاد ساعة ..يكفي انها وافقات دوز معاه هاد ليلة و متخليهش بوحدو ...

شار ليها لبيت نعاس : لبغيتي دوشي حوايجي فبيتي ختاري لي يناسبك ..

دخل لكوزينة هاز تليفون ودخل ليوتيوب كيشوف كفاش يطيب سباغيتي ومتبع المقادير وطريقة تحضير حرف بحرف ...

جمعات لوقفة حاسة بالعيا..كتدور فعنقها ..دخلات لبيت كتقلب فحوايجو بان ليها قميص ابيض هابط شوي ايجيها حد فخاضها..

هزاتو ودخلات لدوش لقاتو موجد ليها فوطة جديدة مع شيتة ديال سنان ...

خدمات رشاشة وطلقات شعرها ودخلات تحت منها غسلات داتها كاملة تكالمي نفسها و تجدد روحها لي كانت مزيرة هاد نهار و كتفكر فكلامو لي قال ...

لوات عليها فوطة نشفات راسها وخلاتو مزال فازگ نوعا ما بدون ما دير لفوطة عليخ باش ينشف غير فالبرد اما لفوطة وخا تخليها غير خمس دقائق كدير ريحة فشعرها وهادشي مكيعجبهاش كتبغي ديما ريحتها تكون زوينة ...

نشفات لحمها وحيت مكانوش ملابس داخلية مقدراتش تلبس هادوك لي كانت لابسة قبل ..كتفات انها تلبس لقيمص منو لحمها وخرجات لصالون ..

واقف فطبلة كيقاد طباسل وهز عينو بشكل عادي اتجاها حتى توقف وجماد فشكلها الخلاب وشعرها لي لاصق على خدها وعنقها وهابط على طول ضهرها وقميص ديالو لي مبين كثر من لي مغطي وسيقانها لبويض وطوال لي كيبريو مع الضوء...

حس بداتو كلها تنملات عليها وحرارة طالعة معاها بشكل مكيتصورش ..حس بجسدو سخن وحلقو نشف ..جلسات قدامو كتشوف فطبلة ..

عفراء: نتا لي وجدتيها ..

حرك راسو ساهي فيها وجلس قدامها مقادرش ياكل لأن عينو متبعها غير هي اما هي كتاكل بفورشيط بشكل عادي وحاطة قدامها بيسي ملهية معاه مرضاتش لبال لنضراتو اتجاها ...

وشعرها المبتل خلا القميص يلصق على جسدها ويبانو ريوس ديال صدرها منفوخين وهو حاضيهم وعيونو رجعو معسلين محاسش براحة من جزء السفلي ديالوو وسروال لي مزير عليه فديك المنطقة ..

كيتبع نقطة ديال لما لي كتنزل من شعرها و كتهبط مع فرقة صدرها وتغبر بيناتهم ...

كحز لكرسي وفرق رجليه هبط راسو تجاه ديالو لي نتاصب وخلا شهوة تغلب على كل عقلانية ديالو ..

دوز لسانو على فمو ونطق بصوت مبحوح...

جعفر: عفراء اجي ...

عفراء بدون فهم :شنو باغي ...

جعفر: غادي تجي ولا انوض ....

ساطت بجهد مشات عندو وقفات قدامو وهو جرها من يديها جلسها فوق رجلو اليمنة ودور المعلم لي نتاصب بشكل مخيف مقادر حتى يقيصو لجهة اليسرى مبغاش يخلعها...

عفراء معصبة: علاش مجلسني هنا ...

جعفر: بغيت، ماشي من حقي ياك نتي مراتي ...

عفراء: دابا قول ليا شنو بغيتي ..

دور يدو عليها ونظراتهم متشابكين و ببطئ قرب ليها وانفاسو الساخنة كضرب فوجها ...قرب حدا فمها بغات تبعد وهو يشد ليها راسها بيديه وقربها لعندو لصق فمها مع فمو ...

غمض عينو مستمع بمداق شفاه ديالها وكيحركهم بشوية ويبعد لسنتيمترات قلال يشوف فيها فعنيها ويرجع يقبلها بشوق ..جر ليها لسانها مصو ليها مزيان وهي كتنهد بصوت مرتفع عرف كفاش يجرها لعندو تحس معاه بمداق القبلة ...

تجاوبها معاه خلاه يزيد يزعم كثر وميل راسو معمق القبلة لأقصى حد كياكل ليها شفايفها و يمص لسانها و يشرب ريقها لي بالنسبة ليه احلى شيء تدوق فهاد الوجود ..

حلات عنيها من حسات بشي حاجة كتنغزها فجنبها ..هبطات نضراتها بان ليها ديالو واقف وهي توگد بعدات منو و حيدات ليه يدو من خسرها لي كيلمس فيه بكل شهوة مقصحة فيه نظراتها...

عفراء : متقييسنييش واش مكتفهمش ولا مالك ...

صدرو تنفخ وعروق فوق حجبانو كيبانو بارزين حاس بنار شاعلة فيه مقدرش يحبس نفسو ..

جعفر: ماقدرش نصبر اعفراء...

عفراء: لااااء مبغيتش...

جعفر كيطلبها من عينو : حني فيا اعفراء مقادرش كثر من هكذا .....

عفراء بغات تبعد منو وهو يشدها من يديها بجهد مبقاش كيشوف قدامو وهي كتركل طاحت كلها فالارض كتمرغ وهو طلع فوق منها ..

كتضربو و تقمشو وتعايرو ...

عفراء: حيد يديك الحمار بعد مني اش باغي عندي ...

شد ليها يديها بجوج حطهم فوق راسها ..

جعفر: وانا علاش معدباني اعفراء وباغية تخرجي ليا عقلي ...

عفراء كتركل مكتسمعش ليه..

-لا لا لا مبغيييتش...

جعفر : وانا باااغي باااغي اعفراء ، باااااغيك....

هبط راسو لعنقها كيقبلها وهي كتدور فراسها مبغاتوش يقيصها حاقدة عليه...

جعفر: انفاااجر اعفراء ديري لي شي حل مقادرش نصبر ...

عفراء: انا مبغاش واش عندك كلشي بزز باغي تغتاصبني ..

فور ما نهات جملتها بهاد الكلمة توقف كل جسدو وعينو فعنيها ..كيشوف فيها بنطرات فشكل ..نضرات عمرها شافتهم فيه و بزربة جمع الوقفة كيتنفس بجهد وصدرو وساع مقادرش يصبر نفسو ..

توجه مباشرة لكوزينة شعل البوطة وحط يدو فوق العافية كتحرق بين عنيه وحبات العرق تشكلو على جبهتو و تريكو لصق على ضهرو بالعرق ..

خلاها فوق العافية كتحرق محنش فيها حتى بردات ديك شهوة والرغبة لي كانت مسيطرة عليه ورجع مكانها شعور بالالم و فقط الالم من احتراق يده عاد طفا البوطة ويدو كترجف ممتحملاش الالم لي حل بيها ....

وهي بكامل صدمة وعيونها خارجين كتشوف فاليد لي حرقها وماحنش فيها ورجعو دموعها لي كانت مخبياهم كيجريو على طول خدها وشهقاتها رجعو صراخ قوي كأنها هي لي تحرقات ماشي هو ....

طاحت فالارض كتبكي بالغواة وقلبها غادي يخرج من بلاصتو بينما هو مبقاش كيشوف قدامو الاعصاب والغدايد ديال هادشي لي كدير فيه حيدو ليه العقل لي يفكر فيه ومبقاش عندو صبر ولا الگانة ديالو ..

عارفاه عمرو قرب لشي بنت ..28سنة من حياتو كانت خاوية من اي احتكاك مع الجنس الأخر وهي اول بنت ايقيص واكيد اتكون شهوتو مضاعفة لدرجة مكتصورش...

وراجل من كتجيه الرغبة كيجهل وماكيعقل على والو ومن كيبغي صافي كيبغي عطيه حقو وخلي لمخصامة من بعد..

لكن هي نفراتو وعيراتو شعلات فيه العافية وخلاتو يخمدها بالنار كذالك...بالاعصاب حرق يدو مرحمهاش لأن الالم هو الوحيد لي يقدر يهبط هاد الرغبة لي تملكاتو وعمات ليه عينو اما الما بارد مغاديش يطفي نار لي كتحرق فيه ...

داز من قدامها تخطاها متوجه لدوش ويدو تنبلات بفقعات عامرين بالماء ..بالخلعة تبعاتو كتجري وقفات قدامو اتسطا بالبكى...

عفراء: علاااش ..علاش حرقتي يديك...

"جرات يدو لعندها كترعد مقدراش تقيص اماكن ديال لحريق وهزات فيه عنيها حمرين كتغوت فوجهو "...

-علاااش هادشي كااامل ..واش حيت مخليتكش تقيصني اتنوض تحرق يديك شووف كيف رجعتيها واش حماقيتي ولا مالك..شهاد المرض وليتي فيه ...

جعفر نتر يديها وبعد منها مخنزر فوجها...

-شكون لي خلاني مريييض اعفراء من غيييرك ..مرضتيني فصحتي وطلعتي ليا فراسي...

عفراء دموع فعيونها و كتغوت مرضاتش: طلعت ليك فراااسك رجعني عند واليديا وعطيني براااتي انا مبززتش عليك تزوجني...

جعفر كره ورجع كيغوت بحال الحمق نار شاعلة فقلبو مبقاش مسوق شكون قدامو لأن الصبر ليه حدود وهو فات حدو كثر من لازم ...

-راااه تا انا مببزتش عليك تزوجي بيااا ..قلت ليك نديرو العقد و وافقتي وكنتي فاهمة اش كنقصد ونتي كذالك كنتي باغية علااش دابا تبدلتي اش وقع ...وااش ندمتي قوليها ليا ولا بغيتي طلاق نعطيه ليك الالة من دابا ..

سكتات عاضة فمها بجهد وغير دموع لي كيهبطو وهو مزير على سنانو كيحكهم مع بعض والفك ديالو كيرجف كيوضح الغضب لي وصل ليه ..

عفراء : انا مبغيااش ممتقبلاش تقيصني ومغاديش نعطيك بزز...

جرها من عنقها باغي يقجها وعينو فعنيها ...

جعفر: من مبغياش الالة علاااش لاصقة فيا ومخلياني تابعك كيف الحمق ونهبط راسي على ودك ونقلل من احترامي باش تبقاي على خاطرك ...ماعمري نزلت راس لشي حد تا ليك نتي رجعتيني مدلوول اعفراء ..واش كتفهمي شكنقووول كتعايري وتسبي وتقللي عليا الاحترام وانا ساكت حيت كنعرفك من صغر وعارف مداز عليك كنقول خليها دابا يهديها الله وتفهم راسها وتشد معايا طريق وتا كنقول تقدات وترجعي كيف الأول ودرتيها ما مرة ما جوج وانا لي ديما خاصني نسااامح ونتبعك بحال الحمار ونتي ممعبرانيش محساش بنار لي شاعلة فيا وزدتي قللتي مني قدام ولاد خوتك و وقفتي ضدي ومتصوقتيش لجد ملتي...

كترجف فمكانها بصراخو وبحبحة صوتو لي كتخلع اول مرة كتشوفو فهاد الحال و اول مرة كيغوت عليها وشكلو الغاضب خلعها ...لكن مبغاتش تبين ليه ضعفها ونطقات كتغوت مثلو تماماً...

عفراء: هاادوك من دمي لماجيت منهم انا شكون ايجي...

جعفر شدها من شعرها باغي يفرسها...

-لكانو هما من دمك انا راااني راااجلك اعفراء وانا اولى ليك من كلشي وخا درتي ومزال زايدة فيه واش معندكش لعقل لي تفكري فيا كيف كتفكري فناس ..واش انا عندك زايد ناقص تجي عندي وقت لي قالها ليك راسك ...راني بناادم اعفراء ماشي حيط تجربي فيا ليبغيتي وتسناي مني صبر و سكات ..شوفي الحالة لي رجعتيني فيها بحال الحمق معارف راسي من رجلي ..قلت معاك غادي نرتاح ساعة لقيت راسي فمصيبة غارق حتا لودني...

حطات يديها فوق يدو لي على شعرها مقصحة بشدة لي داير ليها ..

-حيد يديك ضريتيني اجعفر ....

شعل بتصرفاتها هو كيهضر معاها وهي كتجابو بحاجة اخرا .....كرهاتو وزادت سممات ليه العقل حتى ولا يعاير المعيور لي عمرو خرجو من فمو ولا قالو لسانو ...

جعفر: الله ي*ل*ع*ن طواسل ديلمك راني كنهضر معاك ماشي كنحاجي ولا قايل ليك نكثة كنتسناك ضحكي عليها ...

عفراء معصبة بالمعيور لي عايرها ..

-متعايرنيش الكلب و حيد يدك الحمار بعد مني...

دور يدو على شعرها مزير عليها وهي صرخات بألم حاسة بشعرها ايتقطع وهو كيغوت باغي يقتلها بكلامها ...

جعفر بصراخ : هضرييييي أنا كلب ..انا حمااار ...الله ي*ل*عن ديلمي انا لي مهبط ليك راس ...

"كيغوت بجهد حتا تجرح صوتو وممسوقش الغضب عامي ليه العنين وكيضرب صدرو جهة قلبو "...

- هاد القلب ولد الكلب لي بغاك وخلاك ديري بيا مابغيتي انا انحيد ديلمو ، ندمت اعفراء ندمت على نهار لي عرفتك فيه وجمعني بيك ...

كيديها ويجيبها بيديه مغدد...

-هاااا علاااش كنت عاطي تيقار لعيالات وعمري حلييت الباب لشي بنت تا ليك نتي خرجتي لديلمي من جنب بهدلتيني وانا شاد ليك الخاطر الله يلعن ز*امل لي خلاك طلعي فوق هاد راس..

تقصحات ورجعات كتبكي مجهد..

عفراء: زول يديك راك قصحتيني تفووو...

ضربها لفمها مبقاش مسوق ليها....

جعفر: هاد الفم قاديه ماحدك واااقفة معايا وحتارميني كيف كنحتاررمك اعفراء وعاطيك قيمة ...ما عجبتكش نهار الاول قوليها متخلينيش نغرق هاد الغرقة ونوحل راسي معاك ...متخلينيش نتسنا منك شي حاجة مقادراش عليها ..متوريينيييش وجه فالاول ودابا مورياني واحد اخر لي مكنعرفوووش ....

حيد يدو من شعرها ودفعها معصب...

- مكتبغينيش من حقك مغاديش نبزز عليك راسي ..بغيتي طلاق غدا يكون عندك ...

سكتات لمرة تانية من جبد طلاق مرضاتش عليه وهو مخنزر فهمها غير من عنيها ونطق مغزف..

جعفر: مبغيتيش طلاق ..بغيتي نبقاو عايشين بحال لخوت ...

عفراء الصمت بدون رد ...

بصمتها القاسي عليه ضرب يدو مع الحيط باغي ياكلها هز صبعو كيحركو امام وجها .....

جعفر: حيت عاد تزوجنا منقدرش نرجعك لداركم وحنا ماكملنا تا سبعيام .."تزير"..بغيتي نبقاو بحال الخوت وخا الالة نبقاو ولكن نهار نبغي داكشي وحيت نتي مبغياش لي يقصك غادي نتزوج لي نعيش معاها هادشي فلحلال ...بغيتي ابنت ناس هي هاديك مبغيتيش براتك توصلك تال داركم ...

دخل لبيت هز كويرة ديالو وخرج زدح الباب بجهد قفزها من الجمود لي هي فيه وصدمة لي طلعات معاها بكلامو ...

الله ينجيك من الساكت الى دوا.. و من الغدار الى نوا... و من صداع الى قوا.. و من شيطان الى غوا... و من البنت الى مشات قدامك تتلوى....

وهادشي لي وقع لجعفر مبقاش كيشوف قدامو وحقد على كلشي ...خلاها بوحدها فدار وهي طاحت كاملة فالارض شادة راسها معرفاش اش وقع ليها وعلاش وصلات معاه لهادشي وهي كانت معاه مزيان وشحال من مرة دارت فولاد خوتها على ودو ودابا كتقلل منو ..

مفهماتش مالها ولات غير تشوفو تشعل وتخرج ليه سم من فمها ودابز معاه على ابسط حاجة ...

فعادتها مكانتش تخرج معاه لهادشي ولا توصل معاه لهاد المعيور وخا قبيحة و مكتسكتش لكن تال جعفر لا ..كتوزن كلامها معاه ودابا مالها وشنو واقع ..

كتسول راسها وهي ماعندها جواب حيت مفهماش غير كيوقف قدامها كيولي بحال شي حد كيوسوس ليها تا كتحقد وتولي تشوف فيه بكره وتعايرو ودابز معاه ...

وها هو دابا خرج شاعل وعطاها خو كلامها وشافت منو الكلام لي عمرها ضنات تسمعو منو ...

خرج كيلبس لكويرة شاعل وكيسوط بجهد طلع سنسلة حيت صدرو عريان لابسها منو لحمو ..باغي ينفاجر شعلاتو بكلامها وخلاتو مغدد كيسوط و يشوف هنا ولهيه ممفرزينش نضراتو غير مشتت وكيعض فمو ويقشرو مزيان وحجبانو معقودين لوسط ومهزوزين من جناب العروق لي فوق حجبانو منفوخين وباين فيهم خط اخضر كينبض مزير على يديه وكيتسمع تنفسو من نيفو ومشيتو رجعات بزربة مكيشوفش قدامو غادي بحال تران بلا توقف وقلبو كيضرب بجهد ويدو لي محروقة مزال كما هي ممداوياش وكتعرض لبرد وبدات كتقشر من جناب حيت مدهاش فيها من كان كيلبس الكويرة لي جرات لحم المحروق وكشفات الجرح ...

ساهل يطلقها حيت مدخلش بيها لكن قانونيا كتسمى مزوجة ولا طلقات اتحمل اسم مطلقة ...

مبغاش يزيد عليها كلمة المطلقة الى اسم المنحوسة وتزيد فعدابها وفكلام ناس ليها ...

وخا كلشي لي وقع بيناتهم مزال كيفكر فكلشي جيهتها ..كاره هاد القلب لي كيبغيها وهاد العقل لي كيفكر غير فيها ...

ركب فسيارة وشد طريق طاير غادي و كيزيد فسرعة وطونوبيل كطير وعينو قارنهم مع طريق حتى شد لفران بجهد ..الروايض تحكو مع الارض ودارو دخان تحت منهم وجسدو مشا وجا بقوة بقا شوي ايدخل كامل فجاج ...

خرج زدح الباب بجهد وتمشى نحو شارع مليئ بالناس وغادي وسطهم بحال الثور ..وصل امام كلوب دخل بدون ما يحبسوه الكارد كور لي واقفين قدام لباب ..

كان طابق الفوقاني جايا منو الموسيقى واصوات لكن متاجهش لفوق بقى كيتمشى حتى وصل لواحد لباب حلو وكمل طريقو دار جهة ليمن حل باب اخر ودخل مباشرة امام عالم اخر موجود تحت لكلوب ...

قاعة كبيرة مليئة بالأضواء وطبلات بالكراسي مستفين وحدة حدا وحدة وكتوسط القاعة حلبة ديال الملاكمة كيدابزو فيها جوج مقاتلين مكيرحموش بعضهم والارض عامرة بدمهم وناس لي جالسين فطاولات كيتغاوتو بشكون ايربح بيناتهم حيت حاطين عليهم فلوس صحيحة ...

بجسدو الضخم ومضهرو الشرس تمشى وسط القاعة ولي شافو كيخرج عينو فيه وشخص لي كان حدا الحلبة فور ماشافو مشا عندو بزربة وصدمة واضحة فملامحو...

-جعفر اش كدير هنا ...

جعفر دور يدو على شعرو رجعو كامل لور ... وضح ملامحو مزيان لي باين فيهم قلة الصبر والغضب ...

-بغيت نلعب...

دري بصدمة كيشوف فيه: ياك عتازلتي اصاحبي شحال هادي ...

جعفر بنرفزة: جمال قلت لك بغيت لعب ماشي صوقك فحاجة اخرى...

جمال : واخا زيد دخل بدل حوايجك وغادي نشوف ليك شي حد تلعب معاه وخا محالش يقدرو بعد ما يعرفوك نتا لي غادي تواجهم ...

دخلو لغرفة ديال تبديل حيد لكويرة سوداء وبين جسدو الفولادي وكل عضلة مفرزة على اختها وكتحرك فكل حركة وجمال واقف حداه شاف يدو لي محروقة بصدمة..

جمال: متقولش ليا اتلعب بهاد اليد ...

جعفر بغضب: جمال قلت ليك متسولش كثر ...

جمال تنهد: مهم لبس انا انشوف ليك شي حد ...

جعفر : بغيت شي حد يكون صحيح يطول معايا الوقت ...

جمال هز حجبانو: جعفر غير بشوي اصاحبي راك من كنتي كتلعب هنا عمرك خسرتي ودراري كيخافو يلعبو معاك وخا عتازلتي شحال هادي من مشيتي لإمارات لكن كلشي عارفك هنا ...

جعفر معندوش گانة ديال الهضرة : دابا واش اضبر ليا ولا لا ....

جمال: وخا اسيدي هاني غادي وشنو ندير اتلعب على لفلوس ...

جعفر خنزر: من امتا كنلعب انا على لفلوس...

جمال هرب منو : صافي راني عارف اصلا كلشي كيعجبهم القتال ديالك وخا ميحطوش الفلوس كيستمتعو بيه ..

خرج كيقلب على شكون يلعب وهو بقا كيلبس فحوايج الملاكمة ...لبس شورط و دور صمطة ديال توب على يدو ومن بعد خشا القفازات وضرب يديه مع بعض وخرج كيف الغول عريان من لفوق وناس لي فطبلة واقفين كيشوفو فيه وهو وسط منهم عينو فقط على الحلبة ..

دخل وتسدات الحلبة لي كانت كلها حديد بحال القفص وقدامو رجل متوسط فالعمر غليض و طويل يدير من جعفر جوج ...

تبسم جعفر بجنب و الابتسامة موصلاتش لعنيه من عرفو شكون ..دور راسو لجهة جمال لي كيفرنس غير وحدو ..

كل الجمهور كيتسابق باغين كلهم يحطو فلوسهم على جعفر لي رجع واكثرهم عارفين شكون هو وكفاش كان كيلعب ويقاتل بشراسة مكيرحمش لكن فور ما تسد لبيبان ديال المقامرة وتعلن ان المقابلة مغاديش تلعب بالفلوس ومغادي يكون فيها تا قمار تنهدو كاملين بخيبة رغم انهم كاملين عارفين جعفر مكيلعبش على لفلوس و مكيسمحش للقمر فالمقابلة ديالو لكن كان عندهم امل بعد ما رجع يقاتل...

تعلات صيحات الناس من بدات المواجهة لي مرحمش فيها جعفر من لول بين طغيان ديالو فالقتال وكيضرب مكيحنش فشخص لي قدامو ...

كان القتال بدون قوانين واي حاجة مقبولة ولو وتوفيتي تا حد ما يجيب خبرك وهادشي لي خلاها تعرف بإسم "ملاكمة الموت"...

واحد متوسط الجمهور مخرج عينو بصدمة وهضر مع صحابو لي حداه...

-اجي ماشي هداك هو المحامي جعفر بن طالب لي داز فتلفازة داك نهار ...

واحد من صحابو رد عليه : اه هو نيت..

-اواه واش جابو لهاد لبلاصة ...

-غير حيت جديد نتا هنا اما هو كيلعب هنا من كان عمرو 15 سنة وعتازل شي وقيت ودابا رجع ...

دري بصدمة: كفاش 15 سنة وشكون دخلو لهادشي وهو مزال صغير ...

- عرفتي هداك لغليظ لي كيدابز معاه باه هو مول هادشي هنا ومن كانو صغار كان كيقرا مع جعفر ودابزو وناض داك الغليض عاير جعفر وجبد ليه مو ناض جعفر قتلو بالعصى وطيح ليه سنانو لقدام رجعو حالتو لدرجة جلس فيها دري شحال من يوم فسبيطار وجعفر كان ايتطرد من المدرسة وماعندوش لفلوس باش يعالج داك خينا لي دخل صبيطار ..صاف ناض باه قاليه ادخل الملاكمة تجبد ليا الكيلان حيت كان صغير وبغا يديرو غير فرجة يبدل روتين ديال لعابة لكبار وكانت اول مقابلة ليه مع واحد كبر منو وصدمة هو جعفر تغلب عليه قتلو بالعصى من تم ولا كيتسما هو زعيم ديال هاد بلاصة وتاحد مابقا قادر عليه وعمرو خسر شي مقابلة ليومنا هادا ...

دري مزال صدمة.محتلة ملامحو : زعمة هو محامي وهادشي ماشي قانوني ولا شدوه..

دري هز راسو كيضحك : صاحبي واش نتا معانا ولا مع غانا ..هداك راه محامي عارف القانون كثر مني ومنك ...دور راسك مزيان شوف ناس لي هنا غير ولد شكون و شكون وناس غير ديال المناصب العليا كتصحاب هما لي كيجيو لهاد لبلاصة اينوضو يشكيو بجعفر غير لبغاو يمشيو فيها تا هما ...

دري خسر ملامحو فالقتال ودم لي كيترش فالارض وجعفر بحال البركان لي نفاجر طالع فوق هداك لي كان كيدابز معاه كيعطيه غير لوجه خلطو مزيان ..

-ناااري قتلوووو...

-خليه اصاحبي اصلا بيناتهم حساب قديم يصفيوه من دابا ...

صخف دري بين يدو وجمع الوقفة شعرو هابط كيقطر بالعرق وصدرو كيطلع و يهبط وتنفسو حاد وفوق من عينو كاين جرح مفلح ليه حاجبو ودم كينزل على عينو ...

كان هو واقف متوسط الحلبة وطرف الاخر ناعس صخفان ..تحلات الحلبة من شافو الرابح ..فورا رما قفازات الملاكمة خلاهم فوق الحلبة ...خرج و جسدو لي عرقان كيتراقص مع الأضواء ...

خرج نيشن من القاعة توجه لغرفة الملابس ويدو لي محروقة كترجف ودم لاصق فصمطة ديال توب لي كان مدورها عليها ..

جلس مفرق رجليه ومشبك يدو ومهبط راسو وعضلاتو بارزين من جهة كتافو وعينو محطوطين بين رجلو ..

دخل امين كيشوف فيها : مالك اصاحبي بنتي ليا ماشي تال لهيه وخا قتلتي هداك خينا عصا بنتي ليا مزال معصب ...

جعفر : الأعصاب لي فيا مغادي يبردهم غير مولاتهم ...

امين جاب ليه شك : علامن كتهضر ...

جعفر جمع الوقفة : والو ..

توجه لدوش طلق الما بارد ودخل تحت منو خلا دم لي على عينو يهبط مع الما وكيحيد سمطة من يدو ....

دور عليه فوطة وخرج عطاه جمال فاصمة مع كريم ديال الحريق ..طبقو على يدو ودور عليه فاصمة وتوجه كيلبس حوايجو مخلي شعرو فازگ وجمال بقا ساكت كيعض فمو وبعد مدة قال ...

جمال: داك صاحبك امين داير فيه تقة ....

جعفر دار عندو عاقد حجبانو: علاش كتسول ...

جمال: غير سولت واش تخاصمتو ولا مزال صحاب ...

جعفر بنفس سؤال : علاش كتسول على هادشي ..

جمال : غادي نجيك صراحة اصاحبي انا شفتك داك نهار فتلفازة القضية لي كنتي فيها وبسبابك دخل ولد العمراوي الحبس وبان لي داك صاحبك هاد لعشية مع المغرب تلقى بداك العمراوي كيتبادل هو وياه شي ملفات هادشي علاش سولتك واش مزالين مصاحبين خفت يغدرك ويبيعك لعمراوي ...

جعفر زير على فكو بجهد والقرودة رجعو تاني كيشطحو ليه فوق راسو ما قال رخف عليه الحال زادت هادي نوضات فيه العافية ....

حرك راسو بدون ما يقول حاجة ولبس بسرعة حوايجو وخرج من داك الكلوب بدون ما يلتقي بتا حد ..

ركب فسيارة وشد طريق راجع لعندها ...

دخل لدار وتعب واضح عليه ..حيد سبرديلة وحط سوارت فجنب وتم داخل بشوي مبغاش يدير الحس باش مايفيقهاش ...

دخل لبيت نعاس وهو يوقف فنصف طريق ديال صالة من شافها ناعسة فصالة و القميص ديالو لي لابسة طالع و وصل حد صدرها وكلها من لتحت عريانة ..

هكداك مؤخرتها كتبان امام عينو وطوطة ديالها كيبات الامامي ديالو غوز تشهاه بلا ما يحس براسو ..

جسمها بيض والاعتناء الدائم بنفسها خلاها ديما نقية ورحتها زوينة ....

صرط ريقة بصعوبة ومحاولش يحيد عينو منها بل مركز فيها بكل تفاصيلها الكبيرة و الصغيرة وبخطوات تاتبتين قرب عندها تحنى على ركابيه و وقف حد مؤخرتها العارية ..

هز يدو حطها بشوي على طراوة لحمها وحس برطوبية عكس يدو لي حرشة ..غراه جسمها واماكنها الانثوية وببطئ دوز اصبعة عى قنات طوطو ديالها وقلبو كيضرب بجهد تشهاه لأبعد حد وماكرهش يدير معاها كلشي دابا..

فورا ما حسات بحركة سدات رجليها بسرعة ويدو وحلات بين رجليها وبقات محطوطة على ديالها ماعرف باش تبلا ...

بغا يحيد يدو وهي تعاود تحرك وهو يتسمر فبلاصتو من حلات عنيها وشافت فيه مركزة معاه وهو قدامها نفس تقطعات ليه وهي كترمش ببطئ ....

كانت ضايخة بنعاس وعنيها منفوخين بالبكى بقات ساهية فيه ومرداتش لبال ليدو لي محطوطة بين فخاضها...

نطقات بصوت مجروح...

عفراء: فين كنتي...

جعفر مردش على سؤالها وكتفا انه يقول..

جعفر: دخلي لبيت كملي نعاسك...

عفراء طار منها نعاس : راني سولتك فين كنتي ...

جعفر مزير : وانا هضرت مغاديش نعاودها جوج مرات ...

عفراء بزعفة: عاودها ولا ضبر راسك انا ماشي صوقي ،،سولتك جاوبني ...

جعفر خنزر فيها : متخلينيش نغلط معاك اعفراء وخليني مزيان معاك مبغيتش نوصل انا وياك لحوايج خايبين تلاقينا خوت نتفارقو خوت بلا صداع بلا مشاكل...

بدات كتشهق فبلاصتها معرفاش راسها مالها وشنو واقع ليها ..دموع كيهبطو على طول حنكها وصوتها خرج مجروح ..

عفراء: ديني لدارنا...

جعفر: ليل هدا غدا ونديك ..نوضي لبيت ولبسي شي حاجة طويلة متبقايش مقزبة هكذا...

عفراء بعصبية: كاين غير نتا علاش انتستر...

جعفر نطق بغضب مكبوت : حيت نتي سباب متبقااايش مقزبة عليا هنا اعفراء...

حيد يدو من فوق ديالها وهي مخرجة عنيها فيه من شافت يدو فين كانت ...بدون ما تحس بنفسها وبطيارة لي فيها هزات رجليها بجهد ضرباتو لكرشو زواتو ...خلاتو يحط يدو على كرشو مقصح ونفس تقطعات ليه بحر ضربة لي عطاتو ...

عفراء: فيين كنتي حاط يديك الحيوان...

جنون لي طالعين ليه فوق راسو ومزال ما برود جرها من رجليها لي ضرباتو بيها جمعها مع رجلها التانية وهزهم الفوق بيد وحدة واليد الاخرى هزها بكل قوتو عطاها لفخاضها ...

بدا كيضربها غير لبين لفخاض مرحمهاش وهي كتركل مقصحة من ضربات ديالو كابتة صراخها ودموع فزگو ليها وجها ..

وكينطق كلمة بكلمة وسط ضرباتو ليها ...

جعفر: هدا هو الحيوان اعفراء..شفتي الحيوات شنو كيدير ...كيهز يدو على لعيالات و ويلي شمااااتة اعفراء ...بهدلتي بيا وخليتين ندير حوايج لي عمري ضنيت نديييرهم ...رجعتيني معاك واحد اخر الله ي$ل$ع$ن نهار لي عرفتك فيه...

وقف يدو من شاف حالتها وفخاضها حمارو بزااف ..هبط راسو وعقلو مرون وكلشي محطوط ليه فوق راس ...

هز عينو فيها وهي مكمشة فبلاصتها كتبكي بكل قوتها ومخبية وجها بين يديها زاد صعر ...

جعفر : عفراء اجي...

مد يدو بغا يهزها عندو وهي دور عندو طارت عليه بحال المشة غرسات اضافرها فوجهو وقاصت ليه ضربة لي فالحاجب فوق عينو خلات دم يرجع كيهبط على عينو وبزربة بعدات يديها من شافت دم هابط... رجع وجها صفر ودم تخطف منها وانفاسها تقطعو ولاو الاعصاب ديال عنقها كيبانو بالخوف لي شادها..

جمع الوقفة خلاها جامدة وبدون ما ينطق ولا يعطيها علاش كتقلب ..

توجه لدوش هز فوطة حطها على جبهتو كيمسح الدم و كيحيد حوايجو بيدو الاخرى بقا منو لسروال .

رما لفوطة لي عمرات بدم فسلة ديال الحوايج ورجع عندها جلس قدامها فالارض جامع رجلو وحاط مرفق ديالو على ركبتو وعينو عليها ..

هي دموع فعنيها جسدها كيتهز بتخنسيسة بزربة دورات جسدها لجهة الاخرى متكية وسيقانها عريانين وباين فيهم يدو لي مصورة حمرة غادة لزروقية بضرب لي عطاها ...

بقاو على ديك الحال ولا واحد فيهم تكلم ونعاس غاب على عيونهم بقا هكاك جامد فمكانو حتى جفل بصوت الأدان ديال الفجر ..

تنهد بصمت ودور يدو على شعرو ..جمع الوقفة وداتو تقيلة عليه ..قرب عندها بدون ما ينطق هزها بين دراعو وهي حالة عنيها وساكتة مثلو تماماً..

حطها فوق ناموسية وغطاها بيزار خفيف وتوجه هز فوقية ديالو وخرج من لبيت سد عليها وتوجه لدوش توضى وكيلعن شيطان فسرو على هادشي لي وصل ليه هاد نهار ...

لبس فوقية وهز سوارت وخرج متوجه لجامع وهي فور ما سد لباب حلات عنيها وبقات ساهية وجنابها كيحرقوها بضرب

..بقات كتشوف فصقف تا غلقات عنيها اخيرا ونعسات بتعب لي فيها ...

صبح يوم جديد حامل فطياتو الكثير من الاشياء ...

حلات عنيها ببطئ مخسرة ملامحها بشمس لي كضرب فوجها ..دارت على جنبها وهي تشهق متألمة ...

هبطات راسها لجهة فخاضها بان ليها محطوط عليهم دوا وحدا السرير كاين دوا محطوط فوق طبلة ...

عرفاتو هو لي دار هادشي ...جمعات الوقفة كتمشى بزز خرجات من لبيت بان ليها ناعس فصالة مرمي فوق صداري حاط راسو تحت المخدة وجسدو شاد سداري كامل و اليد لي محروقة ليه طايحة فالأرض ...

عضات فمها ورجعات لبيت هزات دوا لي جاب ليها ومشات عندو كتعرج ...بقات واقفة حتى حسات بيه ناعس عاد جلسات على ركابيها وهزات يدو المحروقة بين يديها البيضاء ..كتشوف الجروح ولحم باين حمر ، خنقوها دموعها وحبساهم مبغاتش تهبطهم ..

هزات دوا طبقاتو على يدو وبشوي باش متقصحوش ..دورات عليها فاصمة ورجعاتها لمكانها ...

وقفات مشات لبيت نعاس هزات يزار لي كانت مغطية بيه ورجعات عندو غطاتو مزيان ..بانليها مزال لابس تقاشر فرجليه حيداتهم وغطات ليه رجليه ..

كدير كلشي بصمت و كتحاول مدير تا صوت فحركاتها ...دخلات لكوزينة كتقلب تلاجة لي كانت عمرة بكل ما تشتهيه النفس عن غير العادة لي كانت دائماً خاوية ..

هزات قرعة ديال لحليب خواتو فكاسرونة ودارتو على لبوطة يطيب زادت عليه معلقة ديال نسكافي وبقات كدور فبلاصتها كتقلب على سكر حتى بان ليها جوج بواطات بيضين ..

هزات وحدة دارت منها تلاتة المعالق فالقهوة والاخرى حطاتها فجنب ...

رجعات تلاجة هزات جوج بيضات وقلبات على مقلة دارت فيها شوي ديال زيت وطيبات لبيض ودارت معاه شوي ديال الملح من طاسة تانية لي كانت هزات..

قدات كلشي فبلاطو حطاتو فوق طبلة ديال لفطور ..

خلاتهم هكداك ومشات لحمام لي كانو فيه حوايجها لبساتهم وقدات شعرها ولبسات تجاكيط ديالو كبيرة غطاة ليها فصالتها لان لبسها كان فاضح ...

حلات لباب وخرجات خلاتو ناعس فمكانو توجهات لدارهم بصمت حادرة راسها وعلى ملامحها حزن كبير مكيتصورش...

هز راسو من سمع لباب تسد وحجبانو معقودين ..تقاد فالجلسة وهز يدو لي عليها فاصمة كيشوف فيها بنضرات ممفهومينش...

وقف مستغرب او بالاحرى مفاهمش تصرافاتها ..توجه لكوزينة يشوف شنو كانت كدير حيت سمعها من كانت داخلة ..

وقف مصدوم فبلاطو لي محطوط فوق طبلة فيه لفطور ...

جر الكرسي وجلس بلاطو قدامو ..بقا غير كيشوف عقلو تقلب معاها وزاد تقلب دابا بهاد الأفعال خربقاتو ...

هز كاس ديال لقهوى خدا جغمة وهي توحل ليه فالحلق سرطها بزز ورجع كيكحب بجهد ..شاف فالكاس ممتيقش راسو عاود ضاقو بطرف لسانو وهو يخسر ملامحو بمداق الملحة لي جات في فمو ..

رجع لكاس لجنب وهز فورشيط هز شوي من لبيض وضاقو لقاه مسوس وفيه حلاوة خفيفة ..

بقا كيشوف فبلاطو لي صوبات وتخربيق لي مخربقة ليه دايرة فالقهوة الملحة وفالبيض سكر ..عرفها تلفات ومعرفاتش تفرق بيناتهم ...

تنهد وبدا كياكل داكشي لي وجدات ليه وخا جاتو صعيبة ...

سلا كلشي وناض توجه لبيت لبس حوايجو ديال العمل ...واقف قدام المرأة كيقاد الكرفاط مخنزر وكيتكفر كلام لي قالو ليه جمال على امين ...

هز محفظة ديالو وخرج من دارو بي ابهة حلة ممكنة بطاقم اسود كامل مع قميص بالأزرق مغلوق ..مرجع شعرو لور وعيونو الخضراء كتضرب فيهم شمس كيزيد يفتح لونهم اكثر كيرجعو بحال الجواهر ...

وصل امام المحكمة خرج متوجه مباشرة لمكان لي متواجدين فيه عدة محاميين دخل بيناتهم بحال البرد لي جا فرقهم على جوج ...خلا كل نصف يتفرق على نصف الاخر ..

جسدو كيتحرك مباشرة عند امين لي ماعرف راسو باش تبلا ..شدو من كول القامجة وجرو معاه معطاهش الوقت فين يفهم اش واقع

..

بعدو من جماعة ديال المحامين وهو يضربو مع الحيط زاد زير عليه كياكلو بعنيه ونطق كلمة وحدة ..

حعفر: الملف...

امين تخنق شد ليه يدو بغا يبعدو وجعفر بحال العرض مكيتحركش زاد لصقو مزيان مع الحيط ..

امين: حيد اجعفر شهاد تبرهيش وعلياش كتهضر..

جعفر : نتا عارف وانا عارف منزيدش نسول ا امين الملف ديال اغتصاب اية تحطو دابا ولا اقسم بالله غادي تشوف مني لي عمرك شفتيه ...

امين تزير: واش نتا حمق ولا مالك ماشفت تا ملف ...

جعفر: جوج ناس لي كيدخلو لبيرو ديالي انا ونتا ومن غيرهم مكاينش .."جرو عندو معصب"...عطيني ا امين شغلي واندير راسي ما شفت والو على وجه صحبة لي كانت بيناتنا ...

امين بإستهزاء: صحبة؟؟ ..شمن صحبة كدوي عليها ونتا وقفتي مع هاديك لي تلاقيتي بيها البارح و جيتي منها عليا انا لي صاحبك ...

جعفر: هااديك كنعرفها قبل منك ..من نهار حلات عنيها لهاد دنيا وهي بين عيني واش كتفهم ، وهي ماشي غرييبة باش منجيش منها هادييك مرااااتي ا أمين انكون فصفها وخا دير ليدارت مغاديش نجي فصف غيرها ..وانا قلت ليك بدل ساعة بخرا ونحلو الامور بشوي لكن نتا غدرتيني ا امين دغيا بعتيني لعمراوي ...

امين ناكر : ما فاهم والو من هادشي لي كتقول ولي فجهدك ديرو ...

بعصبية عاود زدحو مع الحيط كيتنفس من نيفو وكيهضر مزير الى دروسو..

جعفر : تهز ليا لفلوس وتنكر هااانية ندوزها ونسكت حيت صاحبي.. تقطع صحبة لي بيناتنا نتا حر ..ولااااكن تغضرني فضهرييييي وتبييييع بيا لعمراوي نحيك من دنيا ا$ولد ل$كب...اناا كنجييك فاااص ا امين وكنقول ليك الهضرة فوجهك ماشي فضهرك... مكنلعبش معاك لعب لعيالات باش تلعب عليا نتا لعب البرهاش وتبييع بيا لهدااك لي ميسواااش ...

يتبع...