قدر المنحوسة الجزء 18

عفراء: هاد اتاي زوين عندك تبارك الله عليك..

اية : مخلطاه مع لويزة باش يعجبك كثر وكلشي عندنا مزروع فجنان عشية نديك ليه تشوفيه وتشوفي القبيلة كاملة اتعجبك..

عفراء هزات راسها كضحك: راني بنت ا

لقبيلة وعارفة كل ركانيها وجنان عارفاه من كان ديال اب كمال وكنت نهار كامل فيه ...

اية: وخا هكاك شحال من حاجة تغيرات من سي كمال ولا هو لي مكلف ودخل شحال من حاجة لقبيلة ودابا كيهضر مع المقاطعة باش يدخلو لما لديور وميبقاوش لعيالات يمشيو يسڭيو من لبير ولكن المقاطعة رفضات و مبغاتش وناض مسكين هو تكلف راسو وحفر لكل دار بير وشرا لكل واحد مطور ديال لما باش ميتعدبوش وكل دوار بنا فيه جامع صغير فين يصليو ناس ويرتاحو ..

كتهضر بكل فرح وعنيها كيبريو فكل مرة كتعاود عليه وهي مرضاش لبال لأفعالها وعفراء كتسمع ليها وتبسم بدون ما تقاطعها..

بقاو مجمعين مع بعض تا وصل ليل ودخلو تجمعو كاملين فصالون كيتعشاو ويضحكو وعفراء كل دقيقة كتشوف فتليفونها ملقات تا اتصال ولا مساج من جعفر ...

تعشاو وكل واحد توجه لبيت فين يرتاح وهي بقات متكلفة فالكوزينة كتعلم لخدامات شنو خاصهم يديرو تا وصل نص ليل عاد طلعات لبيتها بتعب وجسدها كلو كيضرها..

دخلات لبيتها وبدات كتحيد حوايجها وكتحل ضفيرة من شعرها..بقات غير بملابس داخلية وشعرها نازل على لحمها ولعقيق ديال الجوهر لي فعنقها كيبري مع ضو ديال القمر لي كيدخل من شرجم..

تسمع دقان فالباب وصوت رجولي خشن وهادئ نطق..

-اية انا كمال ممكن دقيقة بغيت نهضر معاك....

اية تلفات بزربة لبسات بينوار وحلات لباب دون ما تشوف راسها فالمرءاة ولا تغطي شعرها

...

حلات لباب وخرجات عندو بسرعة..

اية: سي كمال بغيتيني..

كمال تجمد فمكانو فشكلها و الفرقة ديال صدرها كيبان من البينوار لي معري من جهة صدر..بسرعة دور راسو لجهة لأخرى ونحنح بشوي ....

كمال: اجي معايا..

تمشى قدامها وهي تبعاه حادرة راسها..وقف امام لباب ديال لفيرمة وحيد سلهام ديالو ودار عندها دارو عليها غطاها من لفوق لتحت ودورو على صدها غطاه بدون ما يعيق بأفعالو ..

كمال: غادي يضربك لبرد..

رجعو حناكها حمرين ايطرطقو وداتها كلها سخنات بالفعل ديالو وقلبها كيضرب ممستوعباش افعال جسدها تجاه حركاتو

جلسو فنفس المكان لي كانت جالسة فيه هي وعفراء ..هو قدامها مفرق رجليه ومشبك صبعانو لوسط وحاط مرافقو على فخاضو كيشوف لتحت وهي جامعة رجليها ومدورة يديها على سلهام وكتسناه يهضر..

كمال بدون ما يهز راسو بدا كيتكلم..

-سمعي أ اية..انا انتزوج بيك ماشي حيت لحاجة بززات عليا هاد زواج ..انا ماشي بداك صغر لي نخلي لحاجة هي لي تحكم ليا فحياتي وتبزز عليا المرأة لي انكمل بيها حياتي ..

" اخيراً هز عينو وشاف فيها مباشرة خلا قلبها يضرب بجهد بنضراتو وكلماتو لي قال"..

كمال: انا ختارتك نتي حيت باغيك نتي لي تكوني مراتي...

اية بصدمة جمعات الوقفة وقلبها كيضرب تلفات ومبقات عارفة شنو دير وهو تبع عينو معاها و وقف معاها..

كمال مزير: عارفك مكتبغينيش والحوايج لي درت معاك متقدريش تسمحي ليا وانا مكنطلبش منك سماح انا باغي..

قطعاتو بصوت مرتجف..

اية: مكنكرهكش..

فوسط كلامو تقطع بصوتها وجمد فمكانو بكلماتها لي خلاه مصدوم..

رجعات جلسات حشمانة وهبطات راسها وكتهضر بصوت مخنوق بالحشمة..

اية: لي وقع ماشي بخاطرك ..

رجع جلس كيشوف فيها مطولا وتبسم نصف ابتسامة وبسرعة جمعها وقال..

كمال : انا كأي رجل عادي محتاج مراة تكون حداية وتكمل معايا حياتي ونتي كنتي احسن خيار ليا وختاريتك حيت باغيك ماشي حيت الواليدة لي بززات عليا.. باش غير نفهمك ومتغلطيش فيا وضني اني غادي نقدر نتزوج عليك ولا انبدلك ولاندخل عليك الضرة..انا هادشي مكاينش فراسي و عهدي ليك مغادي ندخل عليك تابنت لمرا ولا تكون عندي مرأة اخرى غيرك..نتي الوحيدة لي اتكون سميتك تحت سميتي ومن غيرها مغاديش تكون اما الماضي ديالك مكيهمنيش وممدخلوش لراسي ومغاديش نحكم عليك حيت كنتي ضحية وانا ماشي مكلخ باش نعايرك بالماضي لي عانيتي منو انا باغي نكمل معاك ما تبقى من حياتي ونسيك فلي وقع ونخليك فرحانة ونحاول نعوضك بلي قدرت اما لولاد نتي مزال صغيرة ونهار تكوني قادرة تربي كاين بزاف لولاد لي نقدرو نتكلفو بيهم ونحسبوهم كولادنا..

سكت مزير كيقاد الكلمات لي ينطقهم وهي قلبها غادي يسكت بكلامو واطرطق بالحشمة لي خلجات كل كيانها وبعض من الفرحة لي خلات نفسها تسارع ودمها يغلي وداتها تسخن..

اما هو بعد صمت وجيز كمل كلامو..

كمال: كل واحد عندو ماضي وتا حد ما بريئ ..ماضي لي ميقدر يعاودو لتا واحد وكيعيش بيه يأنب ضميرو ولكن خاصو يعيش حيت هادي هي سنة الحياة المهم تحاول تصلح بلي قدرتي وتسنا جزائك نهار توقف قدام الخالق ...

اية بحرج: مافهمتش..

كمال بحزن تبسم: شي حوايج كيسترك عليهم الله ومن الأحسن يبقاو مستورين ...

اية هبطات راسها : فهمت..

كمال بإبتسامة: فهمتي!!...

اية بحرح : اه فهمت...

كمال مخلي سرو فقلبو مبغيش يعاود ليها على الكبيرة ولا حبو ليها لي مقدرش يموت وخا داز سنين..

تبسم ليها وشرح ليها انه فعلا باغيها كمرأة ومكدبش فكلامو حيت محتاج مرءاة فحياتو ومحتاجها كرجل..

تا هو عندو رغبات وباغي يلبيهم واية كانت جميلة وانثى كاملة كل نهار كيشوفها قدامو خلاه يرغب فيها كأي رجل وتولد فقلبو اعجاب شديد اتجاها ...

ضن انها مفهماتش كلامو وحاول يزيد يشرح ليها اكثر...

كمال: الواليدة كبرات ومبقاتش كتفكر فالكلام لي كتخرجو وخا كنشرح ليها ولكن لي عندها كتقولو حاولي ميأترش فيك كلامها ومتسوقيش لأمور لولاد ..هداشي بيني و بينك و تاحد ما عندو دخل بيناتنا...

اية عضات فمها بخجل: وخا..

كمال هز راسو كيشوف فيها وقال..

-ادا الالة أية قابلة تزوجي بيا..

قلبها غادي يسكت فبلاصتو ونفس تحبسات ليها..بسرعة وقفات وهربات من قدامو وهو تبع ليها العين حتا ختفات من امامو وبقا مدة جالس فمكانو حتى وقف عليه خيال هز راسو و

تبسم وقال..

كمال: لمنحيسة..

جلسات قدامو : سميتي عفراء...

كمال كيضحك عارفها جنية...

-كنتي عارفني مخبي ورا شجرة..

عفراء هازة كاس لحليب سخون وطبسيل صغير فيه كيكة ولات عندها شهية كبيرة ودغيا كيجيها جوع...

جالسة قدامة كتاكل و تهضر فنفس الوقت..

-غادي تولي مراتك ومقادرش تشرح ليها شنو فقلبك ومخليها تفهم كلشي غلط كان عليا ندخل باش تفهمها شنو واقع..

كمال حرك راسو ببطئ عندو عفراء بحال بنتو وحيت كبرات قدامو وكانت قريبة لكبيرة كان ديما كيشوفها وهادشي لي خلاه يشد معاها لحديت مكيشوفهاش برانية ولا غريبة ..

كمال براحة واضحة فملامحو: شكرا حيت بلا بيك مكنتش انقدر نديو معاها..

عفراء تبسمات ابتسامة صغيرة..

-باين انها معحبة بيك خاصها غير وقت...

كمال صحح ليها كلامها : خاصنا بجوج الوقت...

عفراء مبغاتش دخل معاه فموضوع كيخصو وبدلات الموضوع..

-سمعتك درتي تعاونية ديال العيالات لي خدامين فجنان..

كمال تنهد بجهد: حاولت نعاونهم لكن المشكل مقرينش وممصوقينش يطورو المنتوج ديالهم وزيد عليها مكيبيعوش كيجيهم عيب المرأة تخرج دور فالمحلات ودير اشهار...

عفراء : شمن منتوج..

كمال: زيت التجميل و ديال المساج...

عفراء تقدات فالجلسة و فيقات عقلها ..

-نتا لي متكلف بهاد المشروع..

كمال : كنت مخلي لالة فاتحة لي تكلف ساعة والو بحالها بحال عيالات دورا ممصوقينش ودابا كنشوف شي حد يدخل معايا شريك ولا انبدل المنتوج لشي حاجة اخرا يخدمو فيها تا رجال..

عفراء عنيها كيبريو: اش بان ليك ندخل شريكة معاك فالمشروع...

كمال بفرح:منلقاش حسن منك.."كمش حجبانو"..ولكن نتي ساكنة فالمدينة كيف غادة ديري..

عفراء : غير وافق وانا انتكلف بكلشي..

كمال هز راسو بموافقة : الله يسخر الالة اتهنيني من المشاكل ديالو وانا انهضر مع جعفر يوجد لوراق نتشاركو فالمشروع بجوج.."سكت لتواني وبدل كلامو"..لا أتشاركي نتي وأية فالمشروع اندخلها فبلاصتي..

عفراء هزات راسها كضحك شادة فيه..

-سي كمال و الحب ...

فاقت بكري عن غير العادة حاسة بالنشاط والراحة..طلات من شرجم كتشوف ناس خدامين كيجرو لبقر من لكوري كيوجهوه لبلاصة فين كيحلبوه ..

عجبها المنضر وبسرعة توجهات لدوش غسلات وجها وسنيناتها ولبسات بيجامة طويلة دايرة بحال لقفطان وحزمات راسها وخرجات كتنقز فدروج ..لقاتهم مجموعين فصالون كيفطرو ..

الحاجة: اجي ابنتي تفطري ...

عفراء هزات مسمنة دارت فيها عسيلة ..

-غير هادي باركة عليا..

لطوف : لا ابنتي دوزي تفطري بحال ناس مبغيناش يجي جعفر ويلقاك ناقصة ويصحاب ليه متهليناش فيك...

عفراء: الله يهديك اميمتي راني غادة وكنزيد فين بان ليك هاد نقص وانا وليت قد دبة..

جرات أية وخرجو من لفيرمة متوجهين لجهة لبهايم فين كيحلبو ومينة تبعاتهم من لور مستغربة فعفراء..

مينة: شفتك عاجبك الحال فلقبيلة ممولفاش ليك..

عفراء: عادي بنادم كيتغير ..

مينة: سبحان الله...

اية: اصلا قبيلتكم فيها كلشي زوين..

وقفو قدام لبقر ورجال كيبدلو لألة لي كتجر لحليب من تدي البقرة ولابسين لباس نقي ودايرين ليگات فيديهم ولابسين كيس بلاستيكي مغطين بيه شعرهم..

عفراء: هاد لحليب كتبيعوه لشركات..

اية: اه كل نهار كيجي كاميو كيدي الحليب..

بداو كيتمشاو فأرجاء لقبيلة وناس خدامين فالارض وفين ما يدوزو يهزو راسهم ويركزو نضرة فعفراء لي وسطهم غير يعرفوها يتوجها عندها كيجيرو...

وهاد لمرا ماشي باش يجريو عليها من ارضهم خايفين من نحسها بل كيمشيو عندها فرحانين بوجودها معاهم ويسولوها على صحتها وضرب لي ضربها إدريس ومزال الأثار واضح فعنقها ..

فور ما كيشوفو اثر الدبح كيتزير عليهم الحال ويبقاو يدعيو فإدريس لي وصلها لهاد الحالة ولي عندهم كيعطيوه ليها ...

كاين لي كيعطيها سكر وكاي لي كيعطيها لبيض وكاين لي كيعطيها دجاجة كاملة وهي كتشد منهم فرحانة وعنيها كيبريو وعن غير عادتها شادة معاهم فالحديت وكترد على اشئلتهم بالخاطر محساش بأفعالها لأن الجو غيرها وحاجة اخرى زادت مأترة عليها ومعارفاش شنو هي....

عرضات عليهم زهرة لي بينها وبين عفراء قصة ..وافقات عفراء ودخلات عندها لدار جلسو قدام دار تحت شجرة متوسطة لمنزل ومفرش تحت منها حصيرة ومغلفينها بصوف ومدورين عليها لمخاد والوسط حاطين طبلة... وقدامهم كيبان الواد وجبال والخضورية كتخلي نفس ترتاح...

زهرة بفرح بدات كتحط كل ما تشهيه نفس فديك اللحضة وترحب وتعاود بعفراء لي غير كضحك وكتهضر مع بنت زهرة لي دابزات هي وياها فأخر زيارة ليها لقبيلة...

عفراء: مديش عليا تا انا كنت معصبة وخاصني غير معامن...

سعيدة: والله اختي عفراء كون نصحاب قلبك بيض هكا والله ما تسمعي مني ديك الكلمة لي قلت..

عفراء هزات كتفاها: عادي ولفتها ولات كتجيني المنحوسة بحل الدلع كيدلعوني بيها اهل لقبيلة...

زهرة كتمسح دموعها : وخا هكام ابنتي داكشي لي دزتي منو ماشي ساهل كنت انا انخرج عليك ونحرقك كون ما جعفر لي عتقك ولطف الله ..وزادها هاد الكافر بالله دبحك غير الله لي شاف من حالك وخلاك معانا..

عفراء كتقيص اتر جرح لي فعنقها..

-حمدلله على كل حال.."تقدات فالجلسة" ...قولي ليا اخالتي زهرة نتي خدامة فتعاونية ديال سي كمال..

زهرة غير سمعات ديك خالتي بدات كتفرنس غير وحدها..

- اييه ابنتي خدامة فيها وخا مافيها فلوس...

عفراء: عاودي ليا شنو كديرو فيها..

زهرة: صراحة ابنتي كنعصرو فيها زيت ديال زيتون وزيت ديل لفوكة و العضم ديال مشماش...

عفراء هزات ورقة كتقيد: صافي غير هادشي!!..

زهرة: هادشي لي قدرنا عليه ابنتي..

عفراء كتشوف فسعيدة: نتي قارية شوي ..

سعيدة: اه اختي واصلة تال شهادة..

عفراء : ونتي أ اية قارية...

اية: اه خرجت من سيزيام..

عفراء: يعني كتهضري بالفرنسية وتعرفي تخدمي فالبيسي..

أية: شوي اختي ماشي بزاف...

عفراء: مهم مع الوقت غادي تعلمي..

مينة بشك : علاش كتسوليها على هادشي كامل..

عفراء: تشاركت انا وكمال ...نو كنقصد انا و اية فتعاونية وبغيت نعرف شنو كيديرو فيها باش نبدا نخدمها..

اية بصدمة: كفاااش!!!..

عفراء : سي كمال غادي يعطيك تعاونية وانتشارك انا وياك فيها .."هزات حجبانها"..مقال ليك والو...

اية صدمة مع الفرحة حركات راسها برفض..

-لا مقال ليا والو..

زهرة: اوا راكي ابنتي اتولي مراتو واي حاجة ديالو اتولي ديالك..

هبطات اية راسها بخجل ورجع قلبها كيضرب من جديد بجهد ..

خرجو من عند زهرة تلقاو مباشرة مع حادة ..

عفراء: عمتي اش كديري هنا....

حادة مخنزرة كتشوف فزهرة: سمعتك دخلتي لدار زهرة وجيت نشوف اش واقع..

عفراء جراتها معاها: رحبات بينا وكبرات بيا مالكي كتخنزري..

حادة معصبة : نسيتي ما دارت ليك..

عفراء : وصافي تا نتي لي فات مات..

حادة تصدمات ورجعات كتشوف فالبنات...

-نتوما فين هي بنت خويا عفراء جهنم الكحلة لي مكتنساش دقتها وتموت باش تفديها..

مينة هزات يديها: تا انا كثر منك من صباح وانا كنقول واش هادي عفراء ولا غالطة ولا كنحلم ولا فايقة ...

عفراء خنزرات فيهم: كتفلاو عليا ولا مال طسيلتكم..

حادة: وهادي هي بنت خويا الفم ماضي ..

عفراء دفعاتها معصبة..

-غير لي بغا يدير معاكك المزيان الله يستر ولفتو لي يدور فيكم..

حادة: شكينا عليك الالة ديري معانا المزيان... اختي بقاي خايبة كيف ولفناك حيت هاد تغيير وضرفات كتخلعنا ممولفينكش بيه..

تبعوها كيضحكو معاها وهي مقلقلة منهم..

وصلو لتعاونية وبدات كدور وتشوف الألات ديال عصر زيت.. قلبات كل حهة وكتقيد فالمذكرة ديالها وتفحص كل حاجة تا خدات فكرة عامة وشنو خاص تزيد..

خلات لبنات بوحدهم وتوجهات لقنت بعيد جلسات ترتاح وهزات تليفون دورات نمرة لي شحال ما دورات ليا..

تنطق صوت رجولي باين عليه عاد فايق..

-بايتة كتحلمي بيا ولا مالكي..

عفراء ببرود: جمع فمك..

مازن:ها هو مجموع الالة اش حب الخاطر تا تصوني عليا فهاد الوقت...

عفراء: بغيت نهضر معاك فموضوع مهم...

مازن خرج من الناموسية كيحك راسو وتوجه لكوزينة هز كبسولة ديال كافي حطها فماشين ودار لكاس فين تخوا القهوة و وقف حداها متكي على البوطاجي..

-الله يسمعنا خير...

عفراء: عقلتي من قلتي ليا انك قريتي على كيفية صنع العطور في فرنسا...

مازن: وي قريت على هادشي ولكن راكي عارفة خدمتي هو تصميم بعيد عن صنع العطور..

عفراء: لو قلت ليك عندي ليك همزة اش اتقول..

مازن: نتي عارفة كيعحجبوني الهمزات خاص غير يكون ربح مضمون..

عفراء: مضمون وعلى حسابي...

مازن هز كاس ديال القهوة بدون ما يضيف سكر خدا جغمة باش يتوگد عاد قال...

-اذا الهمزة كتخص صناعة العطور...

عفراء: خاص نتلقاو حيت الموضوع فيه شلا نقاش وهضرة...

مازن : اوكي الالة هاد نهار عندي خاوي فين بغيتي نتلاقاو..

عفراء: انا هاد ساعة فالقبيلة تقدر تجي لخميسات وانا انتلقى ليك تما...

مازن كمش حجبانو معندوش وقت يمشي تال لخميسات..

-صراحة عندي لخدمة بزاف ومزال شلا تصاميم خاص نوجدهم يعني راكي عارفة شنو كاين وزيد عليها..

تقطع صوتو من سمع صوت اخر من الهاتف..

حادة بصوت مرتفع: شحال عطيتي لكمال باش تشاركي معاه فتعاونية..

عفراء بعدات الهاتف من ودنيها : مزال ما تافقنا على لفلوس وهادشي علاش جيت باش نعرف القيمة ديال كل حاجة ...

رجعاات تليفون لودنها..

-قلتي ليا متقدرش تجـــ...

قاطعها بسرعة: واش هادي ديك عمتك لي قصيرة فيها نص بلاصة..

عفراء هزات حجبانها وتبسمات ابتسامة شيطانة..

-وي هي هاديك ..مدوزة معاها هاد الايام العطلة فالقبيلة..

مازن بدا كيفرنس: يعني عمتك تم..

عفراء: ياك سمعتي صوتها دابا قلتي مغاديش تجي اوكي انشوف واحد اخر..

مازن هز راسو كيضحك: بلاتي الكارثة رسلي ليا العنوان وتلقاي ليا نتي وعمتك فخميسات..

عفراء: انا اه وعمتي لاش..

مازن هز حجبانو: الفيلم كامل طالع على ديك لاش...

في طنجة الجميلة وعروس مدن المغرب..في احد الفيلات الفخمة واضح صاحبها من اصحاب نفود ..

جالسين ناسها في طاولة الأكل كيستعدو لبدء وقبل ما تمس يديهم طبسيل الأكل توقفو بشخص لي هابط من دروج لابس ملابس انيقة وريحتو سابقاه ورغم صغر سنو الى ان جسدو جسد رجل كامل متكامل وعضلاتو كيبانو فوق تيشورط لي لابس ومن لفوق كويرة سوداء مع سروال تجين ..

تبسم نصف ابتسامة وتقدم عندهم خربق شعر زليخة لي مخنزرة وبسرعة ضربات ليه يديه معصبة..

زليخة: عرفتي من امتا وانا كنصاوب هاد شدة المرض..

اناس عاود خربق ليها شعرها باغي يفقصها...

-نتي غادة غير القبيلة ودايرة هاد الحالة فراسك..

زليخة: ونتا صوقك نتقاد او لا...

عائشة خرجات عنيها فبنتها: صلحي فمك شوي وهضري محتارم مع ولد خالك..

اناس: غير خليها اصلا مولف انا وياها...

رليخة: ما تولفني ما نولفك حجارك شدهم عندك..

عائشة: مديش عليها اولدي المراهقة عندها جاتها خايبة..

اناس ضحك بجنب وحرك راسو بهدوء: باااينة....

زليخة شافت فيها مزيرة على سنانها: اش باين !!!..

اناس رجع كيشوف فعمتو بدون مايرد عليها حيت بجوج فاهمين اش واقع ..

-لعميمة من توصلي لرباط دوزي على سليم بقا فدار ممشاش معاهم...

عائشة توقفات من الأكل: علاش نتا مغاديش تمشي معانا...

اناس حرك راسو برفض: اندوز واحد اليومين هنا عاد انتبعكم..

عائشة : لي بغيتي..

كمل الماكلة وجمع الوقفة كيمسح فمو بالمنديل وداز من حدا زليخة عاود خربق ليعا شعرها وخرج هارب كيضحك وزليخة كتعايرو من لور جهلها..

زليخة: سير الله يعطيك مصيبة فهاد نهار تفووو على برهوش...

عائشة ساطت بجهد..

- سكتي باركة من دعاوي ونوضي جمعي حوايجك وحوايج خوتك مابقا والو يجي باباك نشدو طريق ...

زليخة لي عمرها مشات لقبيلة ولا عارفة فين جات..

-وهاد لقبيلة عندكم مدخلين ليها الضو و الما ودايرسن فيها الطواليطات ولا مكاين والو...

عائشة: كلشي موجود فيها ومن اتمشي ايعجبك الحال والعائلة اتكون مجموعة مغاديش تصخاي بيها...

طلعات لبيتها تجمع حوايجها وخا محملاش تمشي ولكن على وديت سليم لي توحشات مقدراتش ترفض..

خرج من الفيلا وشد طريقو مسرح رجليه وكيتمنضر فالأجواء...

وصل لمنطقة ديال النوادي الليلية والمطاعم لكبار لي مكيدخلو ليها غير الناس لكلاص ولي عندهم لفلوس...

ساط بجهد عارف ما عندو فلوس لهاد لبلايص ...توجه خارج من المنطقة وهو يتوقف فسيارة السوداء من نوع فيراري لي كيعرفها مزيان وعارف مولاتها..

بقا كيدور راسو فالمكان وضحك بجنب ونطق بينو وبين راسو...

اناس: علم الله شكون هاد الحولي لي شراك هاد ليلة..

بغا يمشي ورجع توقف وعقلو الشيطاني خلاه يمشي قرب سيارة تكا عليها وجبد كارو شعلو وبدا كيكمي بهدوء وكيدور عينو فالمكان كيتسناها من شمن بلاصة غادة تخرج...

بعد ربع ساعة بانت ليه خارجة من احد المطاعم الكبار ...بحجابها ولباسها المستور والانيق فنفس الوقت ولي باين مم مركات غالين وفيديها هازة صاك من علامة شانيل.... كتمشى بكل انوتة ورقي واسمرار بشرتها مع زيف الاسود لي مغطية بيه شعرها زاد فجمالها وافتنان الناس بملامحها العربية الاصيلة..

رما الكارو وزطم عليه وعينو جات فراجل لي خرج معاها وباين من ملامحو انه خاليجي...

توقفو فنصف طريق وفاطمة دارت عند شخص وكتهضر معاه بكل اداب وبلهجة خليجية..

فاطمة: صالح راني هضرت معاك وقلت ليك العرض ديالك مرفوض..

صالح تزيرو ملامحو وعقد حجبانو الوسط..

- ادا مكاين تا فرصة لشي علاقة بيناتنا...

فاطمة بحزن : نتا راجل مزيان اصالح وما فيك ما يتعاب والعيب فيا انا نتمنى انك تلقى بنت لي تبغيك وتكمل معاها حياتك ...

صالح سكت لمدة عاد نطق..

-ولكن باك قال حاجة اخرى وهو موافق على زواج بيناتنا... وانا جيت من السعودية خصيصاً باش نعرض عليك زواج...

فاطمة : بابا كيفكر فمصلاحتي وشاف هادشي هو لي مناسب ليا ولكن انا منقدرش نهدم حياة شخص بسبب انانيتي ...

صالح لي بدا كيفهم لكلام: يعني من كلامك كاين واحد اخر فحياتك..

فاطنة بحرح هبطات راسها مقدراتش تجاوب وبان عليها التوتر وكتحاول تقاد لكلام فعقلها قبل ما تخرجو وتفهم صالح شنو واقع فحياتها وان قلبها ملك لشخص اخر ومتقدرش تزوج بيه وهي مزال كتفكر فرجل اخر ...

فاطمة بصوت ضعيف...

-اه كاين واحد اخر فحياتي....

صالح بعصبية: علاش كتكدبي...

فاطمة: مكنكدبش اصالح قلت ليك صراحة وكاين واحد فحياتي منقدرش نشوف غيرو...

صالح ممتيقهاش: فاطمة انا كنعرفك مزيان وعارف عمر شي راجل كان حداك ولا جمعاتك شي علاقة مع شي شخص اخر من غير لخدامة دياولك اذا علاش كتكدبي عليا..

تزيرات معرفاتش كفاش تشرح ليه ومبغاتش تجبد اسم جعفر وفوسط توترها شهقات بصوت عالي باليد لي تمدات على طول خصرها وجرها لجسد فولادي ورائحتو الرجولية ختارقات كل جسدها الأنثوي مع لمساته المتملكة وصوت هامس نطق حدا ودنها...

اناس: تلاقينا احبي....

صوتو صدمها وخلا جسدها يتهز برعشة قوية ورجعو عيونها كيلمعو بدموع لي تشكلو بسرعة ..

عرفاتو شكون هو غير من صوتو وكفاش متعرفوش وهي دوزات معاه اكفس ليلة فحياتها كلها رعب و خوف ..

هزات راسها ببطئ وركزات عنيها مع عنيه لي كيراقبوها بحال شي نسر كيستعد يصيد الفريسة ديالو...

رفع جنب فمو بإبتسامة وهز اليد لي فيها كارو جديد ممشعلوش حطها على خدها ودوز اصابعو على حنكها ونطق بشكل عادي..

اناس: متوحشتينيش..

مزال صدمة مأترة عليها و نسات انها محجوزة بين يديه بسنما اعينهم متضابكة ببعض وكلامو لاخير زاد زلزل داتها كلها...

فاطمة بصوت هامس: كفاش!!!...

اناس زاد هز حجبانو حابس ضحكة وقرب حدا ودنيها..

-شكون هاد خينا معاك..

رجعات لتفسها وبعدات بسرعة منو وقلبها كيضرب بجهد ورجع وجها حمر متوترة وهزات راسها لضالح لي تصدم فمكانو كتحاول تفسر ليه رغم ان الكلمات مبغاوض يتجمعو ليها..

فاطمة: ص ص صص صالح ببلاتي نن...

صالح قاطعها ببرود: هذا هو لي كنتي حدوس عليه...

حركات راسها بصرعو برفض : اا انا اانشرح ليك..

صالح: شنو غادي تشرحي ليا بعد ما شفت كلشي بعيني....

شاف جهة ديال اناس لي كيشوف فيهم مستمتع بلي كتشوف عنيه زاد تعصب كثر وشار بصبعو اتجاهو...

-هذا هو لي نتي معاه...

فاطمة بسرعة حركات راسها برفض..

-لااا ماشي هو ..ماعندو تا شب علاقة..

صالح: ومزااال كداافعي عليييه...

اناس هز حجبانو بإستغراب وشاف في فاطمة..

-عندك لكليان مغيااار بزاااف...

صلاح لي كيفهم دريجة قرب عندو كثر مخنزر..

-عاود اش قلتي...

اناس مبرد سوق: كنهضر معاها نتا اش دخلك...

صلاح جر فاطمة رجعها ورا ضهرو وكيدوي مزير على سنانو ..

- معندكش الحق تدوي مع بنت نااس وهي ما متقربكش بالدم...

اناس راسو قاصح ومعكس ومكيحملش لي يبقا يغوت فوجهو وبضد لي فيه شد فاطمة من يذيها وجرها عندو وصلاح مزال شادها من يديها مطلقهاش ورجع وجهو حمر ...

صلام: طلاااااقهااااا...

اناس مخنزر: هي ديالي...

فاطمة وسطهم مخلوعة ويد شادها اناس ويد شادها صلاح وكل واحد كيجرها من جهة قصحوها ودموع بداو كيهبطو على طول حناكها وكتهضر بأنفاس صخبة...

-ااا انا مم ما دياال تتت تااوحد فيكم..

صلاح : سمعتيها اش قالت هي ماديال تا واحد فطلق من يديها..

اناس زاد زير على يديها كثر واصابعها دخلو فبعض غوتات متألمة وشافت فيه بترجي يطلق يديها وهو مزال كيزيد يزير عليها وقال نفس الكلمة..

اناس: هي ديالي...

فاطمة بترجي نفضات يديها من يدين صلاح وقرباات كثر عند اناس لي مزير على يديها كتحس بأصابعها ايتهرسو..

حطات يديها فوق دراعو بغات تفك يديها من بين يديه..

فاطمة: قصحتييني...عاافك طلق...

اناش تبسم ابتسامة شيطانية وهبط راسو كيهضر حدا ودنها بينما عينو فصالح لي كيشوف فيهم مصدروم..

اناس: غادي تحيدي هاد الحولي من قدام عيني ولا اقسم بالله غادي ندير فيه حوايج مغاديش يعجبوك..

هزات راسها لعندو بدون فهم ..

-كفاش..

اناس: منعاودش لهضرة..

فاطمة وجها حمر وكتنفس بصعوبة كتشعر بألم فيديها لي مزير عليهم مرحمهاش وكتحاول تهضر بزز ...

-ممكن تمشي اصلاح انا عندي حوايج خاصني نقضيهم..

صلاح بنرفزة : اتبقاي مع هدا..

فاطمة بعصبية نتيجة الالم لي كيقطع يديها..

-راني هضرت واااش ماا كتفهمش اناااا مبغياااكش وكاااين واااحد اخر فحياااتي متبقاااش لاااصقني..

تجمد فمكانو حس بكرامتو تهانت بعد كلامها لي نطقاتو قدام اناس ...

معاودش الهضرة و توجه لسيارتو ركب وخلاها بوحدها مع اناس لي بدون ما يسول جرها معاه وهي تابعاه كتجري بخطواتو لكبار لي مقدراتش تواتيهم بطالون لي لابسة ...

وقفو قدام سيارة ومد يدو..

اناس: اري ساروت..

فاطمة بخوف: يدي..

حس براسو وبسرعة بع ديدو من يديها وهي بقوة تأوهات وشدات يديها لي كترجف واصابع يدو مصورين فوق صبعها بكثرة ضغط لي دار عليها..

كمش حجبانو ورجع شد يديها ومن حاول يقيص صباعها غوتات بجهد ...

فاطمة: قصحتيييني...

اناس ما فهم والو: مضغطتش عليك بزاف باش تقصحي لهاد درجة..

زادت فصوت بكاها: كيقصح بزاااف وحق الله مقدراش نحرك يدي..

هز يديها لعندو كيراقبهم ومحاولش يقيصهم من شاف انها فعلا مقصحة ..

اناس: نديك طبيي...

حركات راسها بسرعة وهو ساط بجهد..

جرها ركبها حداه وتوجه لمكان السائق ركب ورجع كيشوف فيها وبدون ما يشعر بدا كيحس بتأنيب الضمير وبقات فيه..

ورغم دالك حاول يقصح راسو ..

اناس: باركة من تبوحيط اصلا موركتش عليك بزاف باش تقصحي لهاد درجة..

فاطمة بحزن: فايت مهرسة من يدي وأي ضغط بسيط كيأتر عليها..

سكت ما قدرش يرد عليها وكتافا بالصمت...

وصلو لكلينيك ..عاونها وشد يديها بلطف عن غير عادتو .. توجهو لعند طبيب داوها يديرو صورة اشعة ليديها وبقا هو برا كيتسناها وكيعمر لوراق لي خاصها ولسعد حضو كيرجع يخلص عليها لكلينيك لمرة تانية. ..

بفقصة خرج لفلوس من لكارط وقلبو كيضرو مساخيش بيهم ولكن حيت هو لي دار خلص بدون ما يشتكي..

وصل المغرب وشمس بدات كتغرب والجو زاد فبرودة ديالو وهو مزال جالس فمكانو كيتسنا ضهورها ...

بعد دقايق خرجات اخيرا ملفوف على يديها فاصمة وملامحها متالمة ..

بسرعة قرب عندها مستغرب...

وهي شافت فيه بصدمة: كنتي كتسناني...

اناس هز حجبانو: علاش بغيتيني نمشي...

فاطمة: لا مقصدتش هكذا غير حيت تعطلت بزاف عليك وضنيتك مشيتي...

اناس: شنو قال ليك طبيب.....

بعيون حمراء مزالين كيبريو بدموع و بحزن قالت...

- تهرس ليا صبعي صغير...

بصدمة خرج عينو فيها: كتهضري من نيتك..

فاطمة بخوف بدات كتحلف...

-وحق الله لمتيقتيش سير سول طبيب...

ركز فجبيرة لي مدورة على صبعها وساط بجهد..

اناس: مقصدتش انا..

عض فمو بجهد مقدرش يقول سمحي ليا وبدل هضرتو كاملة..

-مزال خاصك ديري حاجة اخرى...

هزات ورقة بيديها لي صحيحة ..

-خاصني نشري دوا..

خدا ليها لورقة دارها فجيبو ..

اناس: مقالش لك وقتاش خاصك ترجعي..

فاطمة: من هنا اسبوع خاصني نعاود نرجع عندو...

حرك راسو بفهم وشدها من يديها لي صحيحة وجرها بدون ما يخليها تهضر او تحيد يديها لي عمرهم مسكو يد رجل اخر...

ركبها فسيارة هي الاول وقاد ليها سمطة عاد ركب هو وشد طريق كيقلب على فرماسي من شاف واحد ركن سيارة وخرج توجه ليه شرا دوا لي خاصها ورجع لعندها ركب وحط دوا حداها ...

اناس: كاين شي دوا خاصك تاكليه قبل الأكل يهبط ليك الحريق شوي انديك لشي بلاصة تاكلي هو الأول..

فاطمة لي مصدومة بالدوا لي جاب ليها وتصرفاتو لي مفهماتهمش وبقات ساكتة معرفاتش شنو تقول..

وصلو لمطعم فمتناول الجيب ديالو لي على قد الحال..

خرجها معاه شادها بيد ويد هاز بيها كرطون ديال دوا..ختار بلاصو بعيدة من اعين الناس....

جلسها ومشا طلب بيتزا مع عاصير يديرو فيه سكر بزاف وقرعة لما تشرب دوا ..

رجع جلس قدامها وقطع ليها بيتزا حط طرف قدلمها مع كاس عصير وحل قرعة لما جبد لكينة لي خاصها تشرب قبل الأكل وكيشرح ليها ..

اناس: هاد جوج خاصك تشربيهم قبل الأكل وهادو تلاتة بعد الاكل وهاد قويلبات ديال سخانة ديريهم فليل وهاد لكينة ديال لحريق خاصك تشربي جوج دقة وحدة فست سوايع لمدة ست ايام ومن بعد قطعيها...

حنات راسها حشمانة و وجها ايطرطق من دكر ليها لقويلبات وهو كيشرح ليها عادي وكيعاونها وحاضي معاها باش متقصحش فيديها..

بدون مايحس بين الجانب المهتم منو وخلاها مصدومة فتغيير ديالو..

كملات الأكل ورجع جمع ليها دوا كامل فكارطون..

اناس: فين ساكنة نوصلك..

فاطمة : ساكنة فوطيل ****

كمش حجبانو: شكون غادي يقابلك تما !!...

فاطمة : ايعاونوني لخدامات ...

اناس: وعائلتك؟؟؟..

فاطمة: كلهم فالسعودية...

اناس كمش حجبانو : هذاك صلاح من لكليان ديالك؟؟..

فاطمة : لا ، هو صديق ديال العائلة وكان ناوي معايا الزواج ولكن انا رفضت..

اناس : يعني ماشي من لكليان ديالك..

فاطمة حركات راسها بـ "لا"...

اناس تحولو ملامحو لبرود ...

شحال عندك من كليان...

فاطمة من نيتها قالت..

-محسباهمش عندي بزاااف وكل نهار كيكون كليان جديد منقدرش نعقل عليهم كاملين من غير لي كيديرو اقامة دائمة او كيجيو مرة فشهر وكيكون كليان مهم فهادوك فقط لي كنعقل عليهم حيت خاص تكون معاملتهم معاملة خاصة لأنهم كيحطو اثمنة عالية...

دور وجهو لجهة لأخرة وجسدو كلو تزير والفك ديالو ترعد بكثرة ما مزير على دروسو وكلامها معرفش راسو علاش عصبو ..

بين سنانو لي مزيرة قال...

اناس: لهاد درحة نفسك رخيصة وتبيعي لخليج..

فاطمة مفهماتش قصدو وحولات تشرح ليه ..

-نو سوق ديالي ممركزش غير على الخليج بالعكس مفتوح للعالم كامل وأولهم المغرب لي بديت منو من الأول وطلعت راسي بشوي وزاد تمن عملي فسوق وزادو لكليان..

اناس بعصبية ضرب طبلة تا قفزات وبالغوات قال...

اناس: واااااش مكتحشميش لديلمك ولااا ماااال طسييلتك جاالسة كتشرحي ليا هنا ت*حبين ديالك فرحانة بيييه...

فاطمة بخوف هبطات راسها..

-نتا لي سولتيني وانا جاوبتك..

جمع الوقفة كيترعد رما ليها الكرطونة على وجها هو وساروت ديال طونوبيل ونطق بين سنانو..

اناس: انا لي خاص مي لعصا جالس مع وحدة بحالك تفوووو على هاااد نهااار لي لقاااني بيييك...

خرج كيترعد خلاها جالسة مصدومة فمكانها ونيفها كيسيل بدم بالكارطون لي رما على وجها وناس كيشوفو فيها زاد تحرجات كثر بنضراتهم وهبطات راسها ودموع رجعو كينزلو من جديد مافهمات والو وشنو سبب لي دار ليها هادشي كامل ...

بعصبية شد طاكسي وصل لمحطة وخدا تذكرة ديال لكار وشد طريق مباشرة لرباط...

حاط راسو على النافدة كيشوف طريق ومزال هضرتها كدور ليه فودونو معارفش راسو علاش معصب وعلاش غوت عليها ...

في القبيلة كلشي مجموع تحت خزانة عاد مبنية .. كل نساء لقبيلة دايرين بشخص كيرحبو بيه والابتسامة مزينة ملامحهم وسنة نقرة كتبري فضحكتهم ...

كيف عادتهم وصوابهم حاطين ليه كلشي قدامو ولي تشهاه نفوس فديك اللحضة من خيرات بلادهم وحداكة يديهم والبنة لي فكل اكلاتهم لي نتجاتها طبيعتهم..

لحس صبعو لي تقاص بالعسل الحر وكحز لور هاز يدو مبقا ليه فين يزيد..

مازن: صااافي باارك شبعت..

زهور مدات ليه حرشة ديال زرع مع طبسيل ديال روينة..

-زيد اولدي ما كليتي والو...

مازن لي مبقاش قادر يزيد ولا كيدور راسو يمين ويسار..

-وحق الله تا شبعت.. ."خنزر فعفراء لي جالسة بعيدة منو"...اجي هضري مع هادو راني ما فاهم تا كلمة من هادشي لي كيقولو وانا تنفخت وليت كنحس براسي بحال ديك دجاجة ليكتعلف باش تبيض...

عفراء هضرات مع لعيالات بشلحة حيت مكيفهموش لعربية..

- قال ليكم مزال فيه جوع وهادشي مكافيهش ..

فاتحة: اناري على ما كافيش على هاذا شحال عندو من معدة ...

عفراء هزات كتافها: هادشي لي قال ليا باغي داك لمسمن لي فوقو زبدة..

زهور جمعات لوقفة: نمشي نوجدو ليه دابا سيد اول مرة كيجي عندنا لقبيلة خاص نفرحو بيه ونهزوه فوق راسنا...

فاتحة: صبري بعدا خليه يكمل هادشي لي قدامو ..

زادو كيمدو ليه وهو بقا ليه شوي ايبدا يبكي ..

مازن: اش قلتي ليه ابنت لحرام شفتهم هجمو عليا دقة وحدة..

عفراء ببرائة: قالو هذا هو تقليد عندنا لي جا جديد فقبيلتنا خاصو ياكل كل لي تقدمات ليه..

مازن حط يدو فوق معدتو ولات كضروب بكثرة الماكلة ..

-قوليهم بارك مقادرش انزيد شوي اطرطق ليا لمعدة..

فاتحة: اش كيقول هذا عوتاني..

عفراء: باغي لبيض بالخليع...

زهور: ولكن انا گاع ما عندي. .

فاتحة: سيري عند اية فالفيرمة ديال سي كمال راه عندها طيبيه تم وجيبيه ليه....

مازن كيهرب وجهو وكيبعد طباسل من قدامو..

-وحق الله تا شبعت ماقادرش..

دورو راسهم كاملين لعفراء ترجم ليهم وهي ببرائتها المعهودة قالت..

-خاص تجيبو ليه داكشي لي طلب حيت هادشي مبقاش عاحبو...

فاتحة حطات يديها على جنباها...

-واشوفي ليك هاد فار دڭيڭ تاهو مساهلش من نهار لول رجع كيتشرط علينا...

مينة كتشوف مصدومة وساكتة مقادرة تنطق حرف ..بقا فيها مازن لي مزير فبلاصتو وعفراء لي بحال شيطان مباين فيها ڭاع حس لكدوب...

مينة: غير صباح كنتي كيف سمن على لعسل مالكي تبدلتي كيف شهر..

عفراء جعدات نيفها: صراحة معرفتش ولكن غير شفتو خاطري هرب منو ..

مينة قلبات عنيها: رجعتي لقاعدتك عوتاني ..

دخلات عليهم حادة كتندب حناكها فالحالة لي وصل ليها مازن ...

-اناري على لمسخوطات بغيتو تقتلو راجل وهو على مزيناتو دري...

فاتحة : سكتي تا نتي شوفي حالتنا حنا ما خلينا ما جبنا ليه وهو مزال كيتشرط..

حادة: اااش كيتشرط شوفي دري مسكين شاد فكرشو مبقا ليه فين يزيد..

مازن : قوليهم بااارك بقا ليا شوي انموووت ليهم..

حادة خنزرات فالعيالات: والله تا تبارك الله عليكم هذا هو صواب قبيلتنا مع لبراني خلعتوه ڭاع عمرو يعاود يرجع..

عاوناتو ينوض وخرجاتو وهو كيتألم بمعدتو مقادرش يهضر..

حادة: جيبو ليه كاس اتاي يكون قاصح و مسوس تعاونو يهضم هاد الحالة لي وكلتوها ليه..سيد ولد لمدينة وماكلتو قليلة وخفيفة ماشي تقيلة بحال ديالنا...

فاتحة ما فاهمة والو : ولكن عفراء قالت لينا..

رجعو كيشوفو كاملين فعفراء لقاو بلاصتها خاوية وهي شادة طريق وعاطية رجليها لريح هاربة وغير شعرها لي كيبان كيطير مع لهوا ويضرب فخسرها خلاتهم مصدومين من وراها..

-واللهيلا دارتها بينا المنحوسة عوتاني..

حادة: نتوما لي حماق دايرين عقلكم فيها هاديك راها تحمق دوار على قدو ..

جلس مازن فالأرض وحادة كطلع يديها وتهبطهم على ضهرو وكتعاونو يشرب اتاي وهو بالفقصة شداتو ضحكة وحالف على عفراء لي دارت فيها هاد لحالة مع الناس..

حادة: شوف حالتك كيف رجعات مالك ڭاع واكل ديك الماكلة كاملة..

مازن: قلت ليهم حبسو وهما عاد زادو..

حادة بقا فيها: أولدي ديك ساعة عيط عليا ..

مازن زاد تفقص: ولدي!!! من نيتك...

حادة بدون فهم: علاه قلت شي عيب...

مازن : وديك ولدي اشكتعني بيها...

حادة كمشات حجبانها مفهماتش قصدو..

-فين المشكل!!..

مازن جاها من لخر معندوش مع المعاني وكيجي فاص ديريكت..

-سمعي احادة مكاين لا ولدي ولا خوايا انا من نهار شفتك عندي فالمحل عجبتيني وجاي لهنا على قبلك ناوي لحلال..يعني من لخر اندير انا وياك حوايج مكيديروهاش لخوت ولا لولاد يعني ديك ولدي وخويا غير حيديها بيناتنا...

دخلات لفيرمة كتنهج سخفانة و وجها حمر بشمس وصوت ضحكتها واضح خلات لطوف لي كتسقي لورد تهز راسها متعجبة...

لطوف: اش هاد لحالة دايرة فراسك راكي زعمة مرات راجل ماشي بنت صغيرة...

عفراء جلسات كتلتاقط انفاسها ومزال كضحك بالحالة لي دارت فمازن...

-غير واحد المكبوت مبغاش يدخل سوق راسو قلت ندخلو ليه باش يعرف معامن..

لطوف خنزرات : بعدي من صداع ا عفراء ما ناقصني مشاكل خلينا مرتاحين ندوزو هاد لعرس فخاطرنا...

عفراء هزات كتافها: مادرت والو...

مينة خرجات ليها من جنب: عنداك تيقي فيها اجدة هادي واحد شيطان ابليس يتعلم منها خلات مازن حالتو مسكين...

عفراء معصبة: نتي مالكي ديما جايا ضدي...

مينة: انا اختي كنجي مع الحق وكنقول لي شافت عيني...

عفراء: هادشي علاش باقة بقرة ما كتفهني والو ريح لي جات ديك...

مينة : والله ما نكون هكاك ولا نرجع بحالك ما تعرف لقريب من لغريب..

عفراء هزات حجبانها: وطوال لك لسان ابنت خويا...

لطوف هزات عصا كتحلف عليهم..

-اتنوضو من قدامي تشوفو اش اديرو قبل ما نزوقكم ونحيد منكم هاد ردان الهضرة لي ولا فيكم بحال ضرايرات..

سكتو وشي بقا كيشوف فشي مخنزرين فبعض و الحاجة هي و أية لي جلسات حدا عفراء كضحك ...

اية: واش نتوما بنات عام واحد...

مينة : هانتي تشوفي تا فلولادة لاصقة فيا..

عفراء تجنننات: راه انا سابقاك بشهرين البرهوشة يعني ماما حملات بيا قبل من مك...

الحاجة كترطب الجو...

-لواه ابنياتي راكم كبارات وبعقلكم ومن عائلة وحدة خاصكم تحابو وتبغيو بعضياتكم ...

عفراء: بقا لطاسيلتي غير الحب مع هاد لبقرة...

مينة: تنطحك نشالله...

جمعات لوقفة بغات تطير عليها تنتفها وهي تجمد فمكانها وغوتات بصوت مرتفع متألمة..

حطات يديها تحت من كرشها حسات بحال ضو ضربها..

بسرعة رجعات جلسات كتنفس بجهد وكلشي شاف فيها بإستغراب..

اية: ختي عفراء مالكي...

عفراء ساطت بجهد: معرفتش حسيت بحال شي حاجة قرصاتني من تحت كرشي...

الحاجة: يكما ضربك البرد...

عفراء : اففف والله ما عرفت ..

لطوف جمعات حجبانها بغات تسول وهي تسكت من تفكرات ان بنتها مبغياش الولاد وضنات انها كتشرب كينة ديال منع الحمل..

بعدات الفكرة ديال الحمل وقالت..

-اندير ليك شوي ديال لخزامة مع شيح توضاي بيها تحيد ليك لبرودة..

عفراء حركات راسها برفض..

-بلاش انعيط على عائشة تجيب ليا معاها كينة ديال لوجع ...

مينة لي قلبها بيض دغيا بقا فيها الحال من شافت وجه عفراء لي حمر بغات تهضر ومقدراتش شدات لعكس هاد نهار...

عفراء لي ترخف عليها الحال و رجع تنفسها طبيعي تبسمات وبدلات الموضوع..

-اوا فين وصلتو مع لعرس..

اية هبطات راسها حشمانة والحاجة هزات راسها كضحك فرحانة وقالت...

-بقا ربعيان نشالله ونديرو عرس كامل فيه الحنة والعرس فنهار واحد..

عفراء نغزات اية لي حداها: سي كمال زربان..

زاد طغات عليها الحشمة مبقاتش قادرة تهز راس والحاجة هي لي كتجاوب..

الحاجة: اوا توالمو معندنا علاش نتعطلو دابا كنتسناو غير ولدي جعفر يحضر...

عفراء جمعات حجبانها..

-هضر معاكم!!!..

الحاجة: لا ابنتي هضر معانا فتليفون نهار لي كنتو جايين لقبيلة وصانا عليك وقال لينا نتهلاو فيك ومنخسروش ليك لخاطر ونوسعو خاطرنا معاك ..

عضات فمها بجنب وقلبها كيضرب فرحانة بالكلام لي كتسمع وحنيكاتها رجعو حمرين والحاجة كتكمل كلامها..

-قال لينا مسكين عندو شي قضية ايتعطل فيها وخاصو لوقت هادشي علاش عطلنا لعرس اما كنا انديروه ليوم كون جا معاكم ..

"ساطت بجهد ودموع تشكلو فعنيها "..

- ولدي مسكين وقتو كامل داتو لخدمة ومعاطيش راحة لنفسو كون كانت ميمتو حية كانت اتكون فرحانة بيه..

مقدراتش تكمل كلامها بالغصة لي خنقاتها وقلبها لي تألم على لكبيرة لي مشات صغيرة بسباب ولدها ..

كلشي هبط راسو من دكرات لكبيرة وتحل الحزن على قلوبهم ودموع تشكلو فعنيهم من غير اية لي مكان عندها تا معرفة بالكبيرة وما كان ليها تا ردت فعل..

دورات راسها لجهة لباب بان ليها كمال واقف و وجهو حمر ودمعة هابطة على طول خدو وباين عليه مزير..

تصدمات فشكلو بغات تنوض تمشي عندو وهو يدور خرج وملامحو حاملين اليأس والحزن و نوعاً ما شافت فعيونو كذالك مشاعر ديال الإشتياق والشوق و الحرمان ..

تجمدات فمكانها ورجعات جلسات فمكانها وملامحها تغيرو ...

كلشي داخل لكوزينة كيوجدو لعشا وجمعتهم زاد زينات الجو وبهجاتو وخلاتهم يغنيو اغاني من ترات بلادهم بصوتهم الرخيم و الجميل وعفراء لي راسها ومقال ليها هزات صينية وبدات كطبل و حمات ليهم طرح عارفة راسها الكوزينة ماشي ديالها ومغادي تفيدهم فولاو ..

بداك تطبال ورقص ركبات فيهم لهوايش خلاو لعشا لي كانو يوجدو فيه وتبعوها فهبالها وشطيحها ...

ما عوناتهم مخلاتهم يديرو لعشا كيف ناس بقا كمال وسي لعربي هو و ولادو فصالون كيتسناو لعشا لي موجدش وكيسمع شطيح فالكوزينة حشمو يدخلو عليهم وبقاو صابرين ربما عيالات يتفكرو رجالاتهم لي كيتسناو لعشا ...

مازن لي ماشي من نوع ليداير خيط بينو وبين العيالاتهم لأنهم هما راس لمال ديالو وخدمتو كتركز غير عليهم جمع الوقفة وقال..

-انمشي نشوف اش كيديرو ونرجع...

علال حمر فيه عينو ونطق بلهجة قاصحة...

-رجال مكيدخلوش عند لعيالات ...

مازن بإستغراب حك راسو..

-ياك غير عائلتكم ...

عبد القادر: عائلتنا وما مشيناش وبغيتي نتا تمشي تشوف..

مازن رجع جلس وقطع لكلام وبقاو صابرين ..

لعيالات لي فالكوزينة ولي عاد حماو طرح دخلو لعروسة وسطهم وبداو يغنيو عليها وشركو اسم كمال لي كيسمع لغناهم وزاد تحرج وحشم قدام رجال لي معاه ..

علال طالق ودنو: هذا صوت عفراء متكون غير هي لي وراها هادشي كامل..

سي لعربي خنزر : علاه مالها اش دارت گاع.. فرحانة بكمال ومراتو هادشي فيه شي عيب..

جمعو دراري راسهم ونطقو دقة وحدة..

-ما فيه عيب الواليد...

فهاد اللحضة دخل كل من عائشة وخالد و ولادهم ومعاهم كل من اناس وسليم لي غير سمعو تطبال دازو فرجال ودخلو لكوزينة مدرمين معندهمش لفران ..

تبعو عمتهم فهبالها هزو صواني وبداو فتطبال وشطيح رجعو دارو عرس غير بوحدهم ..

خالد لي بقا واقف بوحدو وگاع لي دخلو معاه طارو لكوزينة حتا من عائشة مولات لعقل شاف جيهتها لقاها طارت بقا غير كيرمش وشاف فرجال بإحراج..

-سلام وعليكم....

ردو عليه دقة وحدة...

-وعليكم سلام..

كمال بدا كيضحك: اش بان ليكم نعيط على مول لشوا فالفيلاج يجيب شي خروف مشوي نتعشاو بيه...

سي لعربي: ادير فينا خير بانو ليا لعيالات ما مسوقين لينا...

كمال هز تليفون عيط يجيبو ليه خروف مشوي يكون مقسم نص لرجال ونص لعيالات..

تحل نص ليل كل واحد دخل لبيتو يرتاح ...خرجات من دوش كتنشف شعرها وتليفون فيديها كتصوني على جعفر لي مكيجاوبش زاد دخل ليها شك ....

حادة لي كانت ناعسة معاها فبيت واحد ..هزات راسها من شافتها خرجات..

-اجي بغيت نهضر معاك..

مشات جلسات حداها هازة كريم فيديها كتطبقو لوجها ولعنقها ..

عفراء: شنو واقع..

حادة مزال مرفوعة وعقلها مغيب وبزز باش قالت...

-هداك مازن كتعرفيه مزيان..

عفراء هزات حجبانها ورفعات جنب فمها بإبتسامة..

-علاش كتسولي!!..

حادة : غير كنسول و صافي..

عفراء : اممم غير كتسولي..مهم الالة مازن كنعرفو سنين هادي هو ولد مزيان وضريف وخدام بدارو وبخيرو ما فيه ما يتعاب...

حادة بقات ساكتة وبعد تواني قالت...

-وانا كيف كنجيك..

عفراء تبسمات: شنو كتقصدي..

حادة سرطات ريقها بصعوبة ..

-يعني واش زوينة ولا خايبة...

عفراء : فالحقيقة زوينة خاصك غير تهلاي فراسك...

حادة : وزعمة نعجبو بصح..

عفراء دارت راسها مفاهمة والو...

-شكون هدا لي اتعجبيه اعمتي...

حادة خنزرات: زعمة مولفة طيريها فسما اش كلخك هاد نهار ....

عفراء: اوا خاصك تفهميني باش نفهم...

حادة عضات فمها بجهد ..

- زعمة كاين شي واحد يبغي شي وحدة كبر منو وتكون هجالة..

عفراء خنزرات: ارملة اعمتي شهاد لمصطلح هجالة جبدتوه لراسكم...

حادة: كنقول ما كيقولو ناس..

عفراء ساطت بجهد : دابا جيني نيشن واش مازن قال ليك شي حاجة..

حادة حشمات وهبطات راسها وعفراء بدات كضحك...

- سيد مزروب كثر من عمرو ...

حادة ممتيقاش: باين غير كيتفلا..

عفراء برفض: مازن ماشي من داك نوع ..اذا قال ليك باغيك اذا راه فعلا كيبغيك مغاديش يكدب ولا يحاول يضحك عليك ..

حادة تزيرات : ولكن انا كبر منو اش عجبو فيا...

عفراء : خاصك تسوليه حيت هو لي عارف اش عجبو فيك انا منقدرش نجاوب على هاد الأسئلة ولي أنقول ليك هو لكان فعلا باغيك فمترفديهش وختاريه ..ونساي عليا ديك الهضرة ديالك و الخوف من كلام ناس حيت ناس مغاديش يبقاو معاك من تشرفي وتكبري ومتلقاي ولاد حداك لي يهزوك..مغاديش تلقاي راجل لي يكون معاك فسراء وضراء وبارك غير زواج المكرفس لي تزوجتيه وتعدبتي فيه... ربي رسل ليك هاد مازن باش تعيشي مرتاحة وتعطي فرصة لراسك تفرحي وتولدي وليدات بحال ناس فمتضيعيش فرصة جات تال بين يديك...

حادة عمرو عنيها بدموع هي بوحدها لي عارفة شحال تعدبات ومبقااش تيق فرجال ولا تفكر تعاود تزوج لو ماخرح ليها هاد مازن من جنب..

كانت تضن انه كيضحك عليها وقبل ما دير شي تصرف قررات تسول عفراء هي الاولى وها عفراء قالت كلمتها وخلاتها تمنى حياة لي شحال تمناتها ولكن واش مازن فعلا هو الرجل المناسب ليها وهو صغر منها بتمان سنوات...

عضات فمها وغطات وجها كتبكي وخرجات كل المضالم لي فقلبها وبكات بحال شي طفل صغير وعفراء عنقاتها وخلاتها تبكي على خاطرها وكتفات انها تقول...

-زواج معندوش سن محدد وماشي بضرورة يكون كبير منك..راجلك لأول كان كبر منك وخلاك نتي تحملي المسؤولية وتخرجي تخدمي باش تجيبي ليه ما ياكل وكنتي نتي هي راجل..اما مازن وخا صغير ولكن راجل مسؤول و خدام على راسو وغادي يعاملك احسن معاملة ونعاه غادي تكتاشفي الأنثى لي غابت مع راجلك الأول..

قبلاتها فجبتها ودارت نفسها هي لكبيرة وكتشرح لعمتها بكل حب وطيبة..

عفراء: مازن ميقدرش يحاول يضحك على شي وحدة وبالاخص لكانت من عائلتي وانا شفت اعحباو ليك وخا شافك غير جوج مرات ولكن احيانا كيكون الحب من النضرة الأولى وهو من نوع لي كيزرب على كلشي مكيخليش الفرصة ضيع من بين يدو ... يكفي انه معجب بيك ايبغيك تكوني ديالو اما حاجة اخرى مغاديش يتصوق ليها وكدالك مغاديش يتسوق لسن ديالك ولا اي حاجة اخرى هو بغاك حيت نتي حادة وهادشي كافي ليه ...

"ركزات عنيها فعنين حادة"...

عفراء: الحياة كلها فرص اعمتي والفرصة ليوم جاتك وها هي بين يديك بغيتي تستغليها ليك كل الحق ..بغيتي تخليها فغادي تجي وحدة اخرى لي اتاخدها وتستغلها لأن تا حاجة ما غادي تسناك اعمتي ...

دع الأيّام تفعل ما تشاء وطب نفساً إذا حكم القضاء، ولا تجزع لحادثة الليالي فما لحوادث الدّنيا بقاء، وكن رجلاً على الأهوال جلداً وشيمتك السّماحة والوفاء.

هكذا الحياة..تقدر تكون معاك اليوم وتقدر تغدرك غدا وتقدر تعيشك فبؤس وفلحظة يتقلب كلشي وتولي عايش فسعادة وهناء وهذا من رحمة رب العالمين..

تنهُدات كتيرة خرجات من بين شفاها الرقيقتين وعيونها لي كيتميزو بلونهم الأسود مركزين فمكان واحد بينما عقلها غائب عن الوجود...

كتفكر فكلام بنت خوها وكتدوز سيناريو حياتها لي عاشت وزواج لي دوزات ودابا ها هي هجالة كيف قالت وسمات على نفسها ولات وحدانية كأنها عمرها تزوجات تا من دار لي خدمات عليها سنين باش تبنيها وتفرشها باعها ليها راجل وهو فالحياة وماعرفات تا نهار جنازتو...

خمات مزيان وخدمات عقلها وبدات تخيط كلامها واخيرا جمعات الوقفة ونفضات حوايجها من الغبرة وخطات خطواتها بكل تقة وتوجهات لمكان لي كان فيه جالس وسط دراري كيهضر معاهم ويضحك وعينو لي كانت عليها وشافها قاصداه توقف من الكلام وقاد جلستو باش يبان همة وشان وراجل ديال الوقت وزمان....

علال شاف عمتو لي وقفات عليهم وتبسم كيف عادتو محيد الغوباشة لي ديما على وجهو..

-عمتي دوزي تجلسي تشربي معانا كويس ديال اتاي..

حادة: من بعد.."ركزات فمازن وقالت"..داكشي لي قلتي ليا بصح...

مازن بنضرات جادة: داكشي مافيهش ضحك ...

حادة لي عاشت وتكرفصات ما قدات تيق وقالت..

-لكان بصح كلامك سير هضر مع خويا وديك ساعة يكون الكلام..

فور ما نهات كلامها وقف وقال بجدية...

مازن:ماقلتي عيب الالة.."شاف فدراري لي مفاهمين والو"...فين هو سي العربي ...

عبد القادر لي تلف : كاين لداخل مع كمال..

حرك راسو وتحرك داز من حدا حادة لي قلبها لي ماضرب شحال رجع كيضرب بجنون حاسة بيه ايخرج من قفصها الصدري وانفاسها تسارعو لدرجة الاختناق واحمرار خدها زاد اكثر وهو بكل تقة دخل لفيرمة متوجه لمكان لي فيه سي العربي وفراسو كلام واحد ما كاين غيرو ..

عادتو هي هادي قليل فين كتعجبو الحاجة ومكيتحركش قلبو بسهولة ولا كيتير انتباهو شي شخص من غير حادة لي من نهار شافها لقا راسو مزعوط فيها بدون ما يحس وخا كبيرة عليه ولا علاقة بالدوق لي كيبغي فالنسا ولكن لقا راسو اعمى امامها والقلب هو لي حكم فيه ودابا من عطاتو الإدن يبين كلامو انه بصح مترددش وها هو دابا واقف امام كل العائلة لي كتشوف فيه بدون فهم وحادة هي ودراري لي تبعوه واقفين من وراه..

عفراء كمشات حجبانها وهزات كاس اتاي ورجعات لور كتفرج اش ايوقع وشمن كلام ايخرج مازن...

مازن : سي العربي عندي ما نقول ليك..

العربي: مرحبا اولدي .."شار لبلاصة حداه" جلس بعدا ...

جلس مزير على الفك ديالو ما عارف كفاش يجبد الهضرة وهو عمرو طاح فهاد الموقف..

بإشارة بعنيه لعفراء تبدا هي لكلام ... شقلبات عنيها وتقدمات فالجلسة ونحنحات بشوي...

عفراء: كيف عارف ابا مازن كنعرفوه سنين هادي وعارفينه ولد ناس وبخدمتو وبدارو واخلاقو ما عندنا ما نقولو فيهم..

سي العربي: هادشي كلنا عارفينه.. سي مازن مغاديش يخفا علينا..

عفراء : اوا هو بغا يقول ليكم ..

مكملاتش كلامها وخنزرات فمازن يقول لكلام لي عليه كلشي وهو سرط ريقو بصعوبة ..

مازن بتوتر واضح : كيف شفتي اسي العربي انا با مغريبي والأم ديالي صينية وخا عشت نص حياتي فالغربة لكن الحمدلله كبرت على دين وطاعة الله وخا الوالدين الله يرحمهم لكن رجعت لبلاد وعايش فيها خدام بالخير ديالي الحمدلله .."زاد طغا عليه الإحراج وقال بزز "...و كيف كتقولو الراجل من يكبر خاصو يكمل دينو..

تبسمو كاملين من غير حادة لي قلبها بدا كيضرب فحلقها ولطوف كتفرنس غير وحدها..

لطوف: الله اولدي مازن طلبتيها قليلة فحقك راك فمتابة ولدي ولا نقول راك واحد منهم وها هما بنات لقبيلة من شرق حتا لغرب غير ختار وعليك الأمان نجيبها ليك تال بين يديك...

مازن تنفخ صدرو وعجبو راسو من عرف نساب لي ناوي معاهن راضين عليه وقابلين بيه..

نحن بشوي وقال..

-الله يكتر خيرك الالة لطوف راني عارفك باغية ليا غير الخير وهادشي علاش جيت قاصدكم...

لطوف: ماقصدتي غيير الخير اولدي غير ختار وكحز لور وانا نتكلف.."كمشات حجبانها من تفكرات شنو عندها"...ولا علاش نمشيو بعيد گاع اولدي ها هي مينة بنت ولدي كتعرفها وكتعرفك ومتلقاوش ماحسن من بعضياتكم...

مينة ومازن تقطع ليهم نفس بصدمة لي تشكلات على وجوهم وحادة لي تزيرات وخرجات ليها نيشن...

-هو جا طالب يدي انا ماشي بنت ولدك...

الصمت

الجميع : . . .

وكأن صاعقة ضربات مكانهم وخلات انفاسهم تحبس وعنيهم تخرج فتنائي لي امامهم كيحاولو يفهمو اش تقال وكيلقاو نفسهم ما فهمو والو..

سي العربي: عاودي اش قلتي اختي..

لسان لي قال لكلام تشلل وما قدر يزيد يقول حرف والحشمة فشلاتها بغات تهرب وما لقات جهد فرجليها بقات جامدة امامهم... هما يشوفو فيها وهي تشوف فيهم ومازن كيحاول يشرح كيلقا الكلام هارب ليه ما عارف منين يبدا..

كلشي تلف وتخربق وهي تقدمات وقالت...

عفراء: راكم سمعتو اش قالت مازن جا طالب يديها منكم يعني باغيهاا لزواج وهي صافي سلاة العدة ديالها ولقات الرجل المناسب علاش هاد صدمة كاملة...

سي لعربي تجمدو ملامحو وبان عليه العصبية...

-لمرا عاد مات راجلها مزال ما داز تا نص

عام.. انوض نزوجها تولي سيرة على كل لسان.....

عفراء : مدارتش حاجة عيب هو باغي المعقول وهي قابلة بيه ولي باغي يهضر يهضر كون كان الكلام يوكل كون ما نلقاو تا حد كيموت بجوع فهاد دنيا....

علال خنزر وهز سبعو على عفراء..

-نتي سكتي..

جمعات لوقفة كتسوط بجهد بالوجع لي شادها من كرشها وزاد عصبها ورادت الهضرة على خوها عن غير عادتها..

عفراء: علاش انسكت ..اش قلت ڭاع باش نسكت ولا نتوما هاد العقلية ديالكم مغاديش تموت ولا شنو عندكم المرا ما عندها حق تعيش بعد ما يموت راجلها...

عبد القادر معصب: قلنا ليك جلسي..

عفراء مجننة : مجلسااااش..عمتي جاها ولد ناس لي يعتقها من هاد تمارة شكون نتوما باش تمنعوها و وبشمن حق...

علال بالغوات:حنااا رجااال دياااال العااائلة من حقنا نرفضو لي بغيناااا..

عفرء بغضب قالت..

-رجال عليا وعلى بنتك ومراتك ومك اما عمتي معندك حق فيها وماتبينش راك راجل قداامها وتبغي تحيد ليها سعادتها وتمنعها من ولد ناس بغاها وناوي الحلال معاها..متبينش رجووولتك عليها ونتا ما سولتي فيها من كان داك عيفت رجال كيتكرفص عليها وكيهينها وكل نهار داخل عليها سكران يضربها ويتكرفص عليها ونتوما كلشي كتشوفوه بعنيكم ومكتهضروش ...رجوولتك بينها نهااار لي شفتيها مخشية فتمارة وبنات دارها طوبة بطوبة وفرشاتها وكبرات زريبتها وراجل دا ليها كلشي وخلاها لله رحييم...

علاااااش ما هضرتوش فداااك الوقت وقلتو حنا رجاال ديال العااائلة وتاخدو حقها من لي ضيعها وكسرها وخانها ولا رجلة عندكم كتبان غير من كتخافو من كلام ناس وتضيعو فرحتها بالجهل لي معشش ليكم فداك دماغ عندكم....

بصراخها وغضبها مرداتش لبال لصفعة لي جاتها لحنكها طلعات معاها بحال ضو وخلاتها تعلن الصمت فشخص لي ضربها ولي عمرو حط يدو عليها..

خرجات عنيها وبسرعة عمرو بدموع ورجعو كينزلو بسرعة وحدة تاعبة الأخرة وحنكها حمر ولكن محساش بحريق حنكها كثر ما حرق قلبها بشخص لي ضربها ولي بسرعة جمع يدو مصدوم ماحسش براسو من هز يدو عليها ...

بتلعتم نطق ..

علال: مم ماقصدتش..

وسط صدمتهم تسمع صوت اخر لي مكانش فجماعة وكأنه عاد حضر ونطق بصوتو لغليض فيه بحة ديال تعب واضحة فصوتو..

جعفر: شنو واقع..

كلهم دارو عندو بصدمة وهو كيحرك عينو عليهم ووقفات ببطئ على عفراء لي عاطياه بضهرها...

تعب واضح فملامحو ومن تحت عينو زرق بقلة النوم والراحة ..واقف قدامهم ومن زهرو كيجي غير فوقت المصائب ما عمرو يحضر مع الفرح ديما المشاكل تابعينه بحال ضلو..

ركز فيها يعرف اش واقع وهي فور ما شافتو رجع قلبها كيضرب بجهد ونفس تخلطات ليها بين الشهيق و الزفير والخلعة شداتها خافت يدابز مع خوها وكتحاول تخفي نصف وجها لي فيه اتر الصفعة..

نطق بلهجة استفسار..

جعفر: عفراء !!!..

بقات فمكانها مدارتش عندو كأنها مسمعاتوش وهو زاد فلهجة ديالو بنبرة قاصحة..

-عفراء قلت ليك دوري عندي....

تقدم عندها من شاف نضراتهم لي حاملة تأنيب تجاه علال..بدا عقلو كيدور وقرب ليها كثر ..هز يدو ايحطها على كتفها وهما يوقفو جوج اجساد غطاوها بين عنيها وكيتكلمو بسرعة..

سليم بتوتر: خويا جعفر جيتي ...

اناس كينغز عفراء : يكما عياك سفر..

سليم بنص عينو كيشوف فخالد وكيهضر فنفس الوقت..

-بان لي اتكون عيان وخاصك تمشي تنعس ها هو خويا خالد ايديك فين ترتاح ..

خالد ما عرف باش تبلى كيحل فمو يهضر وكيرجع يسكت عقلو ما قادر يمشي مع عقل هاد طيور وهما لسان زاد تعقد ليهم بنضرات جعفر وخافو صداع ينوض ومابان ليهم غير كل واحد شد عفراء من يد هزوها دقة وحدة هربو بيها من قدامو خلاو وراهم غير لعجاجة وهو بقا فبلاصتو جامد مافاهم والو ودور عينو تجاه علال لي باين عليه الحزن...

جعفر: شنو واقع..

كمال بسرعة تدخل كيبدل الجو لي داير ...

-مكاين والو أولدي غير سي مازن طلب يد ختي حادة لزواج والعائلة شوي تصدمات..

جعفر بان الإستغراب على ملامحو وبسرعة تبسم نصف ابتسامة محترمة وشاف فمازن..

-مبروك عليك..

مازن مزير: الله يبارك فيك اخويا جعفر لكن مزال ما وافقو..

جعفر حرك راسو فقط بدون ما يدوي او يعطي رأي ديالو هذا كيخص العائلة وهو غير نسيب معندوش حق يتدخل..عارف حدودو ومكيفوتهمش وبقا فقط كيشوف بنص عين فعلال لي تحرك تابع عفراء وتبعو عبدالقادر من لور..

كمش حجبانو بغا يتبعهم وهو يوقفو كمال..

كمال: حسن بلا ما تبعهم..

جعفر ما ردش وكتافى يحرك راسو وتقدم عند جمال لي بقا بعيد عرفهم بيه ورحبو بيه كيف عادتهم..

دخلو لدار كاملين من غير لطوف وعريساتها وعويشة هي وسي لعربي وحادة كيهضرو برا ولي بعيد من لعائلة دخل بترحيب كمال لي حاط يدو على كتف جعفر كيهضر معاه ويضحك فرحان بوجودو وباين من تعاملو انه كيعزو وعندو غالي بزاف وكيعاملو بحال ولدو...

دخلو لصالون جالسين كيعرفو ببعض وخالد كيضحك ويشوغ فمازن لي مزال عليه توتر..

-اوا اسي مازن هي معول دخل لعائلة وتناسب معانا..

مازن بإحراج: مزال ما عرفت اش ايوقع...

كمال: ايكون لخير نشالله غبر نتا زربتي شوي والمرا عاد مات ليها راجل وزيد هي كبر منك ضروري ايكون شوي ديال تزيار كون كانت مينة كون لقيتيهم رحبو بيك وميرفدوهاش ليك..

جمال جمد فبلاصتو ورجع وجهو حمر حس بالخنقة ومقدرش يهضر وهو غير ضيف ...

جعفر لي شاف ملامح صاحبو تغيرو بسرعو تكلم..

-ولكن هو ختار حادة ماشي مينة..

مازن حك راسو بجهد: هادشي لي مباغينش يفهمو انا باغي حادة وناوي معاها المعقول متفليتش عليها ولا غضرتهم جيت نيشن لحلال ماعرفتش مالهم..

بعد ماسمع لكلام تنهد براحة وبدا لونو كيرجع لطبيعة ديالو وتنفسو كيرجع معتاد وتبسم ابتسامة صغيرة ...

جمال: ماعرفتي يقدرو يقبلو عليك..

مازن ساط بجهد وهز صبعو كيحسب ليهم..

-زوين و بڭوص وقاري تا سليت لقراية وخدام ولباس عليا وماعندي تا شي بلية وكنصلي ونصوم ونصدق ونعطي زكاة بحال كل مسلم ومن لفوق ما عندها عڭوزة ولا شيخ ولا لوسة كاين غير انا بوحدي يعني ما عندها صداع ولا مشاكل ادا شنو بغاو كثر من هادشي...

كمال: مبقاتش فهادشي اولدي مازن تا حادة مناقصها والو ولكن المشكل راجلها عاد مات وتعاود تزوج مجاتش وزبد مزال عگوزتها عندها وهي لي حاضياه حيت مريضة بزهايمر ومابقا ليها تاحد من غير حادة ..

مازن معجبوش الحال..

-راجلها مات الله يرحمو صافي مبقاش فهاد دنيا يعني مكديرش شي حاجة حرام ولا خارج عن الطبيعة..

خالد نحنح بشوي: ماشي اي حاجة حلال كتدار اخويا ...

جعفر تدخل بصوت هادئ...

-هي موافقة..

مازن : هي لي قالت ليا سير هضر معاهم كون مكانتش موافقة متقولش هادشي گاع...

جعفر وقف: اذا الله يكمل عليك بالخير طلبتي غير لحلال ونشالله ايوافقو..

كمال: فين غادي اولدي...

جعفر بتعب: بغيت نمشي نصلي ونرتاح شوي عيان بزاف...

كمال وقف معاه : انوريك لبيت لي اترتاح فيه..

حرك راسو بصمت وتبع كمال وجمال غادي فجنبو تا هو باين عليه لعيا ولكن ماشي لدرجة لي واصل ليها جعفر..

فنص طريق وقفات قدامهم اية كضحك وعنيها كيبريو مشات كتجري عند جعفر لي تبسم ليها برقة..

جعفر :لعروسة ديالنا لباس عليك..

رجعو حنيكاتها حمرين حشمانة حدرات راسها..

اية: حمدلله ونتا لباس.."كمشات حجبانها"..مال وجهك صفر يكما مريض...

جعفر: غير كنت عيان مع واحد القضية ومنعستش بزاف..

اية :بغيتي نطيب ليك شي حاجة تاكلها قبل ما تنعس..

جعفر برفض: لا كليت فطريق غير رتاحي..

"بقا محافظ على نفس الإبتسامة ودار عند كمال لي كان مراقب اية وقال "..

جعفر: تهلا فيها..

كمال بحنية فصوتو: غادي تولي مراتي وديالي اكيد انتهلا فيها......

بخجل هربات من قدامهم وهما بقاو فقط مبتاسمين وتوجهو لغرفة خدا جمال الأولى وجعفر خدا تاتية لي حداه..

سد عليه لباب وفرش صلاية لي عطاها ليه كمال ..صلا صلاتو وكمل كل لي عليه بعد ما سالة توجه لسرير رما جسدو كامل مبقاش قادر يتحمل بالعيا لي غزاه باغي غير ينعس وصابر بزز كيتسنى عفراء ...

توحشها بزاف وباغي غير يشوفها ويعنقها يرتاح عاد ينعس ولكن رغم كل محاولاتو لعيا عدو وبدون ما يحس داه نعاس محاسش بدنيا وكأنه دخل فسبات معارف اش واقع...

رجعات هي وخوتها بعد ماصفاو لخواطر ورجعات مبتاسمة وعلال معنقها كيفششها كيف عادتو وهي كضحك بحال شي طفلة صغيرة ..

تجمعات العائلة وبدون ما يخليو الجو المكهرب يأتر عليهم تبسمو لبعض وبداو كيهضرو فإنسجام وحادة حادرة راسها حشمانة وخوها حداها كيهضر معاها و ويوصيها وخا ما عجبو حال لكن مبغاش يكون فطريق سعادة ديال الأخت ديالو..

عيطو على مازن لي كان غير على لقرص خرج عندهم متوتر وكيمسح يدو لي عرقو فجنب سروالو وتقدم عند سي لعربي لي بعدو وجلس كيهضر معاه راس فراس ولراجل مع راجل..

كانت هضرتو طريلة وفيها شلا معاني وكلام..عاود ليه على ما دوزات حادة وخا هكاك كبر بيها وبينها لالة النسا وديما هازة راسها وخا دوزات شلا عداب لكن عمرها تكسرات بل زادت قوات ودارت لي مادروه رجال....

كل جلمة كدخل مع ودن مازن وتحفر فقلبو وتزيد مكانة حادة تكبر فقلبو وفنهاية لكلام قال سي العربي موافقتو وعطا الكلمة لمازن لي ماقداتو فرحة وبقا غير كيفرنس ويضحك مع راسو وتا هو ماشي من لعاكزين عاود لسي لعرب كل ما كيخص حياتو وان حادة معاه نا ينقصها خير وغادي يحطها فعنيه وعمرو يخليها تشقا...

ترفعو زغاريت والفرحة رجعات فرحتين..فرحة سي كمال لي ايتزوج وفرحة حادة لي ربي مضيعهاش وجاب ليها ولد ناس تال بين يديها..

نتاشر لخبر فالقبيلة لي تصدمو وتخربقو ومابقاو فاهمين والو ولكن كيف قالو ان لي باغي حادة جابتو عفراء كلشي سكت ورجعو عقلهم لزمان فين جابت لختها عويشة عريس يوزن دهب وخلات كل القبيلة تصدم وها هي رحعات صدماتهم من جديد براجل لي جابت لعمتها..

فوسط جماعة نطق واحد كيضحك...

-بان لي انمشي عند هاد المنحوسة نقول ليها ضرب ليا على شي مرا حيت هي لي تنفعني بعد ما ردوني گاع بنات دوار..

تكلم واحد اخر :اودي شمن منحوسة لكانت هي منحوسة اش انقولو حنا لي ما عندنا تا ربع لي عندها هي...

-والله تا عندك صح حنا لي كنقولو عليها منحوسة واش درنا بعدا داكشي لي دارت هي... فصغرها ومشات لمدينة قرات تم ودابا راها فالجامعة تبارك الله كتقرا دايك اللغة لي كتدوز فديك امبسي تو...

-نتا شكون قال ليك كتقرا هادشي...

-علاه انا ماشي سمعتها كدوي بيها ومن سولتها واش كدوي بحالهم قالت ليا راها كتقراها رقريبة تخْرْج ونزيدك راها اتولي استادة...

كلهم خرجو عنيهم فيهم مصدومين ونطق لي وسط فيهم...

-تبارك الله اوا شوف ليك بنت سي العربي اول وحدة فقبيلتنا اتولي استادة...

-متنساش جعفر تا هو تبارك الله ولا محامي ومكبر بقبيلتنا وديما كيعاونا فأي حاجة ...

بقاو وسط لكلام وزادت جماعتهم كبرات ودخلات فالهضرة على المنحوسة لي بدات كتقلال في فمهم وكيرجعو سميتها بنت سي العربي وبعد ما عرفوها اتخرج استادة زادو نفخو صدرهم عاجبهم الحال وفرحة ان بنت قبيلتهم اتولي استادة وايهزو راسهم قدام لقبايل لأخرى..

بعد ما كانت المنحوسة خارجة على قبيلتهم ولات هي على كل طرف لسان ولي سمعها اتخرج استادة ينوض يجر ولدو ويتوجهو لفيرمة فين كاينة عفراء وهما ماقداهم فرحة

يتبع...