قدر المنحوسة الجزء 15

سليم تزير : انا عمري درت شي حاجة لي تخليك تغضبي عليا ولا تعصبي ونتي عارفة هادشي...

عفراء بغضب ومن كتعصب مكتشوفش قدامها حاسة بالخيانة بحال شي حاجة تمسات لداخل ديالها وهادشي ما ترحمش فيه..

هزات عصا تال لفوق وعطاتو بيه بجهد خلاتو يطيح على ركابيه متأوه بألم وكابت صرخة لي قربات تخرج... مراضيش يغوت تجمع عليه العائلة وهي بحال الإعصار كتهضر بين سنانها وجاتو نيشن بلا دوران..

عفراء : نهار لول قلت ليك بنات ناس مضحكش عليهم و مطمعهمش ولا بغيتي عطا الله العاهرات لي عاطين راسهم رخاصات ومتوسخش بنت ناس بإسم الحب ونتا فهمتي كلامي مزيان ولكن..

عاودات ضرباتو بجهد لجهة لأخرى وهو عاض على سنانو بجهد بحر ضربة ما عرف هاد القوة منين جاتها ولكن حيت عمتو هبط راس ليها وخا كضربو ومزال معارفش علاش لكن متأكد انه داير شي زبلة حيت عفراء ما كدير هادشي الا لكان فعلا داير مصيبة ..

عفراء : ولكن جيتي تااال دااار بااا الكلب وبغييتي تلعب ومعاامن مع بنت 15 سنة بنت ختيييي الحمار ..بنت خاالد لي نحشم نهز فيه راس بالخير لي دار فيا وفعائلتنا كاملة ...

رجع وجهو حمر من عرف اش واقع هبط راس معاودش هزو وهي كضربو بكل قوتها و وجها رجع حمر ما حبسات تا تهرسات لعصا فوق ضهرو خلات جبهتو هابطة بدم وهي ممصوقاش مزال شاعلة ...

عفراء : كتلعبو ورااا ضهرييي وانا كيف الحمارة دايرة فيكم تيقة كنقول راكم خوت ونتوما لاعبين عليا حاسبيني قردة وسطكم...

شداتو من لفك مزيرة عليه حتى دخلو ضفارها فلحمو ...

-هضاااار شنووو درتيي ليها ..لعبتيي عليها تا هيااا وخسرتيها ...

سليم بألم لي كيعصف بجسدو شداتو البكية ...

-ما درت ليها والو اعمتي اقسم بالله ما قصتهاش..

هزات يديها صرفقاتو بدم بارد ..

عفراء: ومزاال كتكدب الكلب وانا شفتك بعييني مقنتهااااا..."فيكسات وجها مع وجهو"...جيني لصراحة متخبييش عليا ما ناقصنا شوهة مع خالد خليني نصلح لكنتي غلطتي معاها جيني لصراحة اسليم متخبييش عليا ...

سليم دموع كيهبطو ليه : اقسم بالله ما فتش الحد معاها من غير كنعنقها و نبوسها فقط وداكشي ما وصلتش ليه واصلا انا كنبغيها وهي عارفة هادشي وعارفة ناوي معاها الحلال وتا هي كتبغيني ...

هزات راسها ساطت بجهد وحطات يديها على قلبها لي كان ايخرج من بلاصتو بالخلعة ورجعات كتشوف فيه مخنزرة وبدون ما تنطق خرجات خلاتو متبع ليها العين باغي يهضر ومقدرش خايف ترجع ليه تعاود تصلخو كثر من هاد صلخة لي عطاتو ...

دخلات هازة دوا ومكعبات تلج مع فوطة ...

جلسات قدامو وهو كيشوف فيها بنص عين وهي كتمسح ليه و داوي ليه جرحو وتشوف بلايص ديال ضرب ...

عفراء : شفتي لبسالة فيي كتوصل ...

سليم: كنتي اتقتليني وجايا دابا كتداويني...

عفراء ساخطة: حمدلله انا لي شفتكم اما كون شافكم علال ولا خالد كون دابا هازينك غادين بيك لقبر ..

سليم: وا لعميمة راني كنبغيها شنو بغيتوني ندير...

عفراء مجننة: يا لكلب جعفر بغاني كثر من هادشي وعمرو تجرأ يدير معايا دوك لفعايل كون كنتي كتبغيها فعلا متحطش يديك عليها وتغير عليها ماشي تقنتها فلحيوط...

معندوش لوجه علاش يحشم مزال لحمو كيضرو ودم مزال ما حبس وهو واخد راحتو فلكلام معاها...

سليم: ما عندي ما ندير فهادشي انا غير كنشوفها كنشعل وهي سخونة كثر مني غير نقيصها كدوب ودوبني معاها وعمري بغيت شي بنت تا ليها هي خرجات ليا من جنب تلفات ديلمي على القبلة...

هزات نص عصا لي تهرس ضرباتو بيه لراس مرحماتوش خلاتو يغوت بجهد مقصح...

عفراء: دابا عاد اتلف ديلمك مزيان .."هزات صبعها كتحلف عليه"..جوج كلمات انقولهم ليك يا تبعد من زليخة و تعطيها تيقار يا مغادي يعجبك معايا حال انا مبغيتش نمشي نهضر معاها حيت اندير فيها شي كارتة وخالد ايبدا يسول وانا معنديش لوجه لي يخبي عليه ...

سليم مزير: اش فيها لبغيت بنت عمتي...

عفراء : ما فيها والو لكن طريق لي خديتي معاها خايب ومنعاودش الهضرة جمع راسك ولا انهرسك انا قبل خويا..

كملات ليه دوا وهبطات دخلات لكوزينة كتشرب لما وبنص عنيها شافت فزليخة طالعة وباين غادا عند ساليم وبقات واقفة كتسنى اش ايوقع واش ايفهم كلامها ويدير بيه ولا يرميه فاالحيط ويدير مابغا ...

دخلات عندو مكمشة حجبانها فحالتو وهو متكي علب ضهرو فنفس لبلاصة لي خلاتو فيها عفراء كيرتاح و يتفكر كلامها ..

دفعاتو برجليها ..

زليخة: شواقع مالك بهاد الحالة ..

حل عينو وشاف فيها مزيان وهي كتشوف فيه ..هبطات عندو مخلوعة جلسات قدامو على ركابها كتقيص جرح فوجهو ..

زليخة: واش دابزتي مع عفراء ...

سليم بهدوء : حيدي يديك ....

زليخة : وا هضر مالك ..

سليم بسخط: رااني هضرت قو--دي من قدامي سيري عند مك...

زليخة فمها ماضي بحال عفراء : جمع راسك الحيوان وعرف راسك معامن كدوي ...

سليم بعصبية: معااامن كندوي مع وحدة ليشافتو تعنب عليه بقا ليها غير راجل عمتها مدازتش عليه...

جمعات لوقفة كترعد ضرباتو بركلة لكرش زواتو كتهضر بين سنانها...

زليخة: تعاود دور بيا نشوهك الحمار...

خرجات من لبيت حمرة مفقوصة وهو بقا ساهي تا غبرات من قدامو ورجع تكا مفقوص..

سليم: فاااااك شهااد نهاار ديااال لويل..

هبطات جلست حدا عفراء لي تكات على الحيط وكدور فعنيها بصمت ..

كلشي داز بصمت تا حد ماصاق خبارهم ولا سمعو صداعهم رباتهم غير بالمهل وبلا شوهة ...

فليل جالس فبيتو كيتسنط لعضامو لي كيضروه وحداه اناس شداه ضحكة...

اناس: هي عمتي عاقت بيكم...

سليم : بدل عليا الموضوع ما فيا لي يهضر فيه..

اناس: صراحة اصاحبي نجيك نيشن ما درتي فيها ما يصلاح ناس كيهربو من بنات العائلة ونتا لصقتي فبنت عمتي وباها منكقدروش نهزو فيه العين ...

سليم بسخط: واش تا نتا اتزيد عليا المرض صاافي راني فهمت سد عليا زبل كامل ...

اناس : نتا مال مك غير كتغوت رااه كنهضرو معاك على مصلاحتش بقا متبع هاديك تا ديك لقبر ..

سليم: كنبغيها وما درنا تا عيب كون كنتي تبغي اتفهم بلا ما نحتاج نهضر...

اناس برفض : لا الخوادري انا معنديش مع بنات ديال المراهقة الخواية انا كيعجبني داكشي هارب ديال لميمات كيكونو واعرين داكشي عندهم مجهد..

سليم ضربو بوسادة حاقد: انا كنهضر فجيه ونتا كتهضر فجيه نسا عليا دابا رجلك تالتة وحضر عقلك معايا انا كندوي على لقدام لزواج اوجه الكلب...

اناس هز كتافو: معنديش مشكل صراحة نتزوج گاع بوحدة كبر مني مهم تكون زوينة وقايمة براسها وكتهلا فراسها وعندها شوي مع دلع اما العمر غير رقم ماشي مهم ..

سليم بقا كيشوف فيه مخسر سيفتو : واش عارف اش كتقول ولا غير داوي ...

اناس كيحلف: والله تا كنهضر معاك من نيتي.. لجاب الله وبغيت ش ميمة والله تا نمشي نخطبها ونتزوجها ومريضنا ما عندو باس...

سليم هز حجبانو: سبحان من خلقك..

اناس كيفرنس: غير ما مجربش اصاحبي بغيتي بنت لعميمة وهي مزال صغيرة ولقيتي لحلاوة فيها..

خنزر فيه سليم وهو يتجمع..

اناس: كنعطيك غير مثال اصاحبي انا بنات صغر مني كيجيونو برهوشات وعقلهم صغير وفيهم صداع بلا قياس مكنرتاحش ليهم اما لميمات اصاحبي حاجة خرا كتكون مركزة فعقلها وكتهضر معاك فكلشي عقلها عامر دغيا كتفهمك ومافيهاش داك حريق راس ديال لعب لبراهش سيدة كتكون شابعة من داكشي ومعندهاش وقت ليه كتجلس معاها تشبعك غير حب ودلال وحنان ..

سليم تبهض في فكر اناس مكانش متقوع عندو هادشي فراس ..تقاد فالجلسة كيسولو من نيتو...

-وهاد لميمة شحال خاص يكونو فعمرهم...

اناس :انا صراحة ماكيعجبونيش كبارات بزاف يكونو بين 24 تال ديك 28 سنة ...

سليم عاود شير عليه بمخدة تانية ..

-الله يعيطيك الغرق اولد لكلب فيين هاد لمييمة ليكدوي عليها وهادو غا بنات ليوم.. حريق راس لي فيهم ما كاين تا فهاد البرهوشة لي عندي ...

اناس هز كتافو : ومال طسيلتك كنتي تسنا مني نبغي شارفة ولا مل جد بوك ...

اناس و سليم تربيتهم مختالفة على تربية لي ترباو بيها والديهم و زيد شخصية عفراء لي كبرو معاها زادت فتطور شخصيتهم وخلاتهم كما هم عليه اليوم كيحتارمو غير افراد عائلتهم اما الغير ممصوقينش ليه داربين دنيا بركلة لكن من توقف عليهم كتلقاهم رجال ماشي شمايت والأيام كتبين صلب ديال كل واحد..

سليم شخصيتو نوعا ما متسرعة واستبدادية وكيضهر كلشي امام الناس مكيخبيش شخصيتو ولي بغاها اتكون ديالو وهادشي لي خلاه يدير علاقة مع بنت عمتو بدون ما يتصوق لعائلة..

اما اناس فهو شخص مكيبينش شخصيتو وكيبان هادئ و مول العقل وغير مقدم مع سليم اما العكس هو لي كاين ...

اكثر المصائب لي طاحو على سليم جاو من اناس لي شخصيتو مغايرة تمامًا على لي كيضهر لناس..

قبيح وشرس ومكيحملش لي يلعب بيه ولا يديرو بديل لشخص اخر كيبغي يكون هو مركز كل شيء والحاجة لي كيبغياها خاص تولي ديالو ولمبغاتش غادي يدمرها بيدو باش ما ياخدها تا حد من غيرو ...

جالسين بحال توام حدا عفراء كل واحد مسرح فوق سداري كياكلو زريعة وهي وسطهم ساكتة تا تحل لباب ودخل بجسدو لفولادي وشعرو نازل على جبهتو فازگ وهاز صاك صبور مع ملابس رياضية وفيدو هاز بلندر بوتل مخلط فيه بروتين وداخل كيشرب فيه بشوي...

وقف امام صالة لي جالسين فيها هاز حجبانو وهما شافو فيه ورجعو كيتفرجو ..وعفراء دايرة حدود حشمانة تمشي عندو وهي وسط ولاد خوتها تا من لسان تربط ليها ...

بصمت حيد سبرديلة وحط صاك فجنب ودخل تمشى ببطئ وقف امامها وهبط ببطئ باسها فخدها وحرك اصبعو على الفم ديالها وهبط راسو لمكان لجرح لي فعنقها ...

جعفر: كيف بقيتي صافا..

بعدات وجها منو حشمانة : صافا حمدلله...

جلس حداها و دراري زادو بعدو عليه دايرين بينهم وبينو شبر كيخلعهم وشخصيتو ممعاهاش لعب ولا لمزاح ومن نهار صرفق سليم دارو منو اطونسيو طريق لي يكون فيها هو هما كيبدلوها ...

حاط مخدة تحت يديه وليد الاخرى حاطها على دقنو وكيشوف واحد بواحد وهما كيهربو عنيهم منو ...

جعفر : وقتاش اترجعو لمدرسة..

سليم بتوتر : مزال واحد سيمنة..

اناس كينغز عفراء وداير راسو كيتفرج ممصوقش ...

عفراء: غادي يجلسو معايا شي ايام يونسوني فدار من كتمشي نتا لخدمة...

جعفر صغر عينو : مبقيتيش غادي تمشي لدار والديك..

عفراء خنزرات فسليم لي غير كيدور فعينيه وقالت مفقوصة..

-لا غادي نبقا هنا اصلا دار عامرة بناس وانا مزال خاصني راحة ...

جعفر: وخا الالة .."جمع لوقفة وشد ليها فيديها"..اجي معايا...

خرجات عنيها فيه وشدات فصداري ..

عفراء : لا غير خليني كنتفرج فمسلسل عزيز عليا...

دور راسو لتلفازة لقاها كتفرج فناروتو سكت مزادش لهضرة وخرج توجه لبيتو وهي عاد تنفسات براحة مبغاتش تمشي يقنتها فلبيت و ولاد خوتها معاها ..

بقاو كيتفرجو ساكتين تا تم خارج لابس سروال ومن لفوق عريان وعضلاتو بارزين وزادو قصاحو وعروق يديه منفوخين..

جسدو كلو مفتول العضلات خلا عفراء تسرط ريقها بصعوبة وتنوض مسحورة بالمنضر تبعاتو ودراري بقاو حالين عنيهم كيشوفو فضهر جعفر لي دخل لكوزينة ويرجعو يشوفو فراسهم كيبانو بحال لفلالس ...

سليم: واش هذا عرض ولا بنادم ...

اناس هز تريكو كيشوف فعضلات ديالو مفقوص..

-انا لي عاجباني هاد فورمة دجاجة ونافخ صدري على الخاوي وهذا خينا داير مني تلاتة...

سليم مفقوص كثر من اناس: غدا نرجع لديلمو لداك لصال مكاين غير لحديد...

اناس مبهوض: متأكد لحديد لي كنهزو هو نفسو لي كيهزو هاد خينا....

قطعو لكلام من رجع داز قدامهم وهما متبعينه بالعين حالين فمهم وناسين راسهم...

اناس: واافوووورمة عندو اخاي كون غير دار فينا خير يمشي معانا لشي كلوب يصيد لينا غير لبنات يتعاون مع شعب...

سليم تفكيرو فجهة اخرى ونطق بشوي: واااقلة زربنا على عمتي مسكينة بهاد تزويجة ، بان لي سيد زايد فكلشي...

تبعاتو لكوزينة وهو واقف قدام تلاجة كيهز قرعة لما وهي كتسرح عنيها على طول ضهرو وفورمتو لي حمقاتها وخلاتها تبعو بدون شعور ...

توجهات لطاجين كتشوف اش خاصو مبغاتش تفرش راسها وهو بقا كيرمش مبهوض..

تقدم عندها حط لقرعة فوق طبلة وميل راسو كيشوف فطاجين ويرجع يشوف فيها...

عفراء حنيكاتها حمرين: مالك كتشوف فيا ...

جعفر شار لطاجين: نتي لي صاوبتي هدا...

عفراء بدات كتفرنس : اه انا لي صاوبتو كيف جاك...

بقا كيشوف مبهوض ما عرف ما يقول وهي عاجبها راسها ..

- سير لبس شي حاجة واجي انحط لعشا دابا...

جعفر بقا واقف ما سمعش كلامها وبقات عينو غير على طاجين وهي خلاتو ومشات هزات صاك لي جاب معاه حيدات منو لحوايج دارتهم فماكينة تصبين ودارتها تخدم وهزات صبرديلة ديالو حطاتها فبلكار ديال لأحدية وهزات منها كلاكيط ديالو ديال دار حطاتها ليه وتوجهات لدوش طرفاتو ومسحات لما وقدات كل حاجة بلاصتها وهو بقا غير متبع ليها العين وساكت ..

كل نهار كتصدمو بحاجة معطاتوش وقت فين انه يهضر ولا يشوف عليها حاجة خايبة ديما نقية وريحتها زوينة ودارها نقية وطياب بدات كتعلم ليه بشوي لكن اول مرة كدير طاجين ديال لحم ...

حط يدو على رقبتو وتبسم ابتسامة واسعة وعينو كيلمعو ...

دازت من قدامو وهو يجرها دخلها فحضنو عنقها بجهد وهي مزيرة ...

عفراء :دراري كيشوفو ..

قبلها تحت ودنها وهبط على طول عنقها وبصوت في بحة مميزة قال..

جعفر: بغيتك هاد ليلة ...

بإحراج بعدات وهو خلاها مزادش هضر ..

حدرات راسها كتوجد طبلة وهو كيعاونها متفاهمين ومتناغمين كيفهمو بعض وهي حنيكاتها حمرين والغلظ جا معاها وزاد زينها ...

تجمعو على طبلة وجعغر هز فورشيط ضاق غير شوي وهو يوقف لتانية وسرط بزربة وتبسم كيشوف فيها هز يديها باسهم بحب..

جعفر: لديــد...

عفراء بفرح: بصحتكم وراحتكم...

سليم: حبي تا هي ولات كتعرف طيب ولايني راكي عفريتة ...

جعفر خنزر فيه وهو يتجمع وهبط راسو...

مدو يديهم كياكلو ومع دغمة لولة وحلات ليهم فلحلق ما عرفو يسرطوها ولا يرميوها...

دورو راسهم بسرعة لعند جعفر وهو كياكل بهدوء وتا حاجة ما باينة على ملامحو..هز راسو فيهم وهما يسرطوها بلهلا يطريه ليهم وفمهم نشف وكيحاولو يتبسمو بزز..

اناس: وطيااب هدا عندك اعمتي مدايرش بحالو...

عفرء : بصح عطيني نضوق نشوف..

بسرعة دفعو ليها طاجين...

سليم: ضوقي اعمتي تشوفي طيابك فين كيوصل بنادم...

شد ليها يديها حبسها ورجع طاحين حطو بينو وبين دراري ونطق بشوي..

جعفر: طبيب مانع عليك الاكل صلب خليك فصوبة ديالك ..

عفراء : بغيت غير نضوق نتا ديما مكتخلينيش ناكل من الماكلة لي كنصاوب وكتاكلها بوحدك ...

جعفر : من اتولي لباس انخليك تاكلي معايا اما دابا خليك مع الماكلة لي قال ليك طبيب.."شاف فدراري"...وانا ودراري انكملو طاجين .."تبسم بجنب"...مرحبا بيكم ...

سرطو ريقهم بصعوبة مزال الملحة كتحرقهم فالحلق وغير شافو طاجين رجع قدامهم وهي تكمش معدتهم بألم دموع تشكلاو فعنيهم..

سليم: درنا ليك اخويا شي حاجة وحالف علينا هاد ليلة ..

اناس بتوسل: بغيت نرجع لدارنا...

سليم كحز لور باغي يهرب : منقدرش ناكل فيا لباسر وطبيب مانع عليا لعشا ودرسة شداني ...

اناس كثر منو مخلوع : وانا فيا الملحة وسكر ولمصران وعندي لمعدة مسدودة كتحل غير فلوقت لي بغات..

عفراء : شكتخربقو نتوما...

مقدروش ينطقو و يقولو ليها اش كاين وجعفر حداهم كيبان ليهم بحال شيطان وكياكل عادي وهما فمهم عواج ليهم من كيشوفوه كياكل ...

جعفر: عمتكم رحبات بيكم ودارت عليكم لعشا مجاتش متاكلوش...

حدرو راسهم من شافو عفراء كتشةف فيهم بإستغراب و بزز بداو كياكلو وحبات لعرق بدات كتشكل على جبتهتم وشفاه ديالهم بدات كتنشف..

كان طاجين مالح وحار بزااف وميستحملو تا حد وما سمح ليهم جعفر ينوضو تا كملوه كامل غير سلاو جمعو لوقفة كيتاسبقو لحمام ايطرطقو ...

عمرهم تصورو ياكلو بحال هاد لماكلة ومعدتهم ممستحملاش..خرجو من لحمام ايطرطقو مخنزرين فجعفر لي بقا جالس هاز كاس لما كيشرب فيه بهدوء...

جمعو طبلة مع جعفر ودخلو لكوزينة كيغسلو لماعن وجعفر واقف حداهم هاز ملف كيقرا فيه وهما كيشوفو فيه بنص عين ما عرفو يتعصبو ولا يبقا فيهم بهاد الماكلة لي كتوجد عمتهم وتعطيها ليه ياكلها ...

عفراء جلسات حدا جعفر وهو دور يدو عليها عنقها وقربها عندو وقرب ليها بيسي كيوريها صور وهي كتشوف بدون فهم ..

عفراء : شنو هذا ..

جعفر: فيلا ديال واحد لكليان ديالي باغي يبيعها وبغيت ناخدها منو غير هي كاينة فكازا ماشي هنا...

عفراء: بغيتي نسكنو فكازا ..

جعفر: وي لقبلتي نتي..

عفراء: انا معنديش مشكل ولكن كتبان لي غالية بزاف .."كتشوف فصور" ..طالعة كلها رخام ومنحوت كلشي فالحيط فصقف و مصاوبة بشكل مغريبي وهاد لخدمة كطلع غالية بزااف ...

جعفر: وي غالية بزاف ولكن ايصبر عليا واحد لعام بما جمعت ليه فلوس كاملين ...

عفراء بقات كتشوف فصور عجباتها لفليلا بزاف لي مصورة من لداخل و برا ومحافضة على ستيل مغريبي التقليدي ديال الملوك لي زاد حمقها ...

عفراء: بيع دار لي عطيتيني وزيدها على لفلوس..

جعفر برفض: ديالك هاديك وانا عندي منين نكمل لفلوس بلا متفكري...

بقات ساكتة و كتضحك غير وحدها ونطقات بشوي..

عفراء: اوكي نأجلو لعرس تا تشريها عاد نديروه ونمشي ليها نيشن ندخل عليها عروسة..

جعفر كمش حجبانو: متأكدة....

عفراء : وي منها نيت نركز على لقراية ناخد اجازة ديالي ومن نمشي لكازا نكمل لماستر ...

وقفو دراري وراهم كيشوفو فصور وهما يخرجو عنيهم....

سليم: نتا واش عندك فلوس هادي...

اناس مبهوض: عتقنا اخويا من عندك ، ضبر علينا...

عفراء خرجات عنيها مصدومة فيهم وهما كيشوفو فيها عادي حاسبين جعفر ديالهم ماحشموش منو وتا هو مردهمش شار لبيت نعاس وهضر مع عفراء ..

لمجر ديال المكتب ديالي حاط فيه لفلوس عطيهم لي خاصهم...

جمعات لوقفة مخنزرة فيهم وهما تبعوها كيفرنسو..

ردات لباب وهي تجرهم عندها بغات تاكلهم...

عفراء : واش محشمتوش طلبو من جعفر لفلوس..

سليم: حنا مطلبناهش قلنا غير ضبر علينا .. سيد تبارك الله عندو يتعاون معانا شوي...

اناس: والله ما كنت عارف سيد لباس عليه.."عنق عفراء كيغمزها"..ولايني العميمة راكي طووب نتي لي عرفتي تزوجي فهاد تريكة ديالنا كاملة خديتي زين والفورمة ولفلوس من لفوق بشاااخ مساهلااش اخت الواليد...

توجهات لمكتب معجبهاش لحال جلسات فلكرسي وحلات لمجر هزات منو لفلوس وكل واحد عطاتو الف درهم وكتهضر بين سنانها...

عفراء: هو كيخدم ليل ونهار باش يجيبهم فلوقت لي كتكون نتا ناعس فيه هو كيكون سهران على الملفات تا حاجة ما كتجي من لخاوي وباركة من تفلية ديرو عقلكم...

اناس: نشالله نخدمو ونعجبوك ديك ساع اما دابا غير خلينا نعيشو ونقنعو..

ساطت بجهد: هاني صابرة تا نشوف طريقكم فين ايخرج...

سليم كيفرنس وكيدخل لفلوس فجيبو ....

- انخرج نضبر على راسي ...

قصفحات فيهم شوفة و وقفات مخنزرة ...

عفراء: نقسم ليك بالله وتخسرو فلوس راجلي فشي حاجة ديال لحرام حتا نصفيها ليكم...

اناس: كوني هانية ..

خرجو من دار مشاو لدارهم وهي بقات بوحدهم هزات كسيوة خفيفة ودخلات لدوش غسلات حالتها ولبسات ملابس داخلية سوداء مشبكين ومن فوقهم كسيوة خفيفة وقصيرة كتبين كثر ما كتغطي..

حلات باب دوش لقاتو واقف متكي على الحيط و مربع يدو لصدرو كيشوف فيها وهي رجعات حمرة تنحات من لباب..

عفراء : بغيتي دخل..

بقا كيشوف فيها حاس بالجفاف فحلقو وكيطلع ويهبط فيها وداتو كلها تنملات عليه ..مشتاق ليها بزااف ومقادرش يقرب ليها من نهار دخلات لسبيطار ومزال صابر ودابا بلباسها المثير قرب عندها ..

رجع ليها شعرها ورا ادنها وكيلمس شحمة ادنها وكيهضر فنفس الوقت..

جعفر: مبقاش كيضرك عنقك..

عفراء بإحراج : غير شوي ماشي بزاف...

جعفر تبسم وهز ليها وجها لعندو : و المعنى..

عفراء كتهرب عنيها منو وقالت بصوت مرتجف..

-نقدر نعس معاك لبغيتي..

هزها كاملة مخلهاش تزيد تهضر سد ليها فمها بفمو كيقبلها بشراسة وهي متعاونة معاه ..حلات فمها سامحة ليه يغزيها وهو كيمص لسانها وكيشرب ريقها سكران بيه وهي دورات يديها على عنقو زادت تعلقات فيه كثر و اشتياقها ليه بيناتو فالحماس لي واضح فحركاتها ..

هز ليها رجليها دورهم على خسرو ولصقها مع الحيط وهبط لعنقها كيقبلها ويمص بجهد وفين ما حط فمو كيخلي بلاصة وهي كتقمشو من جهة عنقو وضهرو وكتحيد ليه تريكو ..

بعد لسنتيمترات قليلة جر تريكو كامل بيد وحدة حيدو ورجع ليها غرق راسو فصدرها وهي كتقيص ضهرو وكتافو لي زادو قصاحو كثر برياضة لي ولا كيدير هاد شهر وزادت فكثلة عضلاتو وخلاها تزيد تغرق فيه كثر ..

دخلها لبيت نعاس حطها فوق ناموسية وهبط عندها كيقبلها وكيحيد ليها حوايجها ويدو كيخدمو بزربة غارقين فالشهوة و الرغبة وهي عايشة معاه فالسحاب عارف كفاش يخليها تعيش معاه اللحضة وتتبين اشتياقها ليه..

فرق ليها رجليها و وقف وسطهم كيتنفس بجهد وكيشوف جسدها لي زاد سمان وصدرها تنفخ كثر ولكريشة بدات كتبان شوي والارضاف ديالها غلاضو وهي كتشوف فيه محشماتش من جسمها او بغات تخبي الاجزاء لي غلاضت منهم وبانو زايدين بل العكس مخلياه يشوف كل شيء تزاد فجسدها وهو كيحماق عليها فكل حالاتها ..

رجع نزل عندها كيقبلها وبدا كيطلعو معاها ببطئ حتى مبقاش قادر يصبر وبدا معاها صح وهي كتغوت تحت منو ومعنقاه بجهد كتقمش ضهرو وتغرص دفارها و وجها حمر وعيونها مدمعين وهو مخلاش شي بلاصة فجسدها مقبلهاش وملمسهاش..

ترما حداها كيتنفسو بجهد واجسادهم عارية وكترقاص مع الضوء بالعرق ديال المماارسة الطويلة لي دازت بيناتهم. بينو فيها شوقهم لبعض..

جرها عندو حطها فوق صدرو وجر ليزار غطاها وهي هزات راسها عندو كتشوف فيه وحنيكاتهم حمرين وفمها منفوخ وهو ساهي فيها وكيلعب فشعرها ...

جعفر :كنبغيك.

عفراء بفرح : حتا انا ..

تقابل معاها فنعسة مدور يدو عليها واجسادهم داخلة فبعض...ونيفها على نيفو ودقات قلبهم متشابكة وفي انسجام واحد...

شرقات شمس وبددات ضلام ونورات كل المكان وخلات كل تالف يشد طريق ويحمد الله على كل نعمة عاطينا رغم كل المعاصي لي كنديرو ...

استغفر الله العظيم الذي لا اله الا هو الحي القيوم وأتوب إليه عدد خلقه ورضا نفسه وزنة عرشه ومداد كلماته.

في المكتب ديالو جالس فالمكان المخصص ليه حاط قدامو وراق ديال ملكية الأملاك لي عندو ولي وارثهم من باه و مو ..

كان كل الأملاك عبارة عن اراضي زراعية وبعض الأراضي جاو فموقع زوين ومصالحينش لزراعة وجاو حدا طريق ديال لوتوروت طرفهم لجنب مبغاش يبيعم و وخلا غير لاراضي لي معارف اش ايدير بيهم هما لي معول يبيعهم باش يجمع فلوس لفيلا لي باغي ياخد...

صونا الهاتف ديالو وقبل الاتصال بدون ما يشوف الاسم..فور ما عرف صاحب الصوت بعد الهاتف وشاف الاسم عاد رجع الهاتف لودنو..

جعفر: وي كنسمعك واقعة شي حاجة..

عبدالله : بغيت نطلبك تجي تهضر معاها نتا شخصياً..

جعفر زير على لفك ديالو وكيلعب بستيلو لي بين اصابعو..

-سي عبدالله كنضن راني هضرت معاك مغاديش نعاود نفس الهضرة..

عبدالله بترجي: على وجه لخير لي درت فيك كنطلبك غير تهضر معاها وتفهمها حسن تسمع منك باش تفقد الأمل وتعيش حياتها متبقاش متعلقة بحاجة مغاديش توقع ...

جعفر صاط بجهد كان معول يرفض مباغيش يجبد على راسو صداع لكن عبدالله سبق ليه الخير لي دار فيه ومقدرش يرفض...

جعفر: انهضر معاها وخاصك تكون حاضر باش نسدو هاد الموضوع وتشهد على بنتك...

قطع الإتصال وجمع الوقفة لبس الفيستة ديالو وخرج خلا سكرتير ديالو يكمل الخدمة ..

توجه لسيارة ركب وشد طريق مباشرة لطنجة مباغي يقول لعفراء والو وهي عاد كترجع صحتها مباغيش يعصبها على حاجة مكتستاهلش...

وصل لطنجة دخل وقف سيارة فباركينغ وخرج ركب فسانسور وطلع مباشرة لجناح ديال عبدالله لي رحب بيه وحشمان منو ومقادرش يهز راسو فيه بشوهة لي دارت ليه بنتو وهي وقفات قلبها كيضرب بحهد من شافتو دخل..

شحال ما شافتو وتوحشاتو بزااف كثر ما يقدر اي شخص يتصور..

تبعاتو بعنيها حتى جلس ومهزش عينو فيها وهي غير مهتمة بنفسها والحجاب لي مدايراش ومخلية شعرها نازل ...

عبدالله خنزر فبنتو تجلس وهضر بشوي : سمح ليا اولدي صدعتك وشديتي هاد طريق كاملة..

جعفر: ماشي مشكل ..

عبدالله كيحك فراسو مقدرش يهضر ورغم دالك قال..

-نتا عارف اولدي لي كاين ..فاطمة كتبغيك وبغات تكون مراتك تانية..

جعفر تزير وبانت لعصبية فملامحو ..

-وانا جاوبتك وقلت مغاديش ندخل ضرة على مراتي...

فاطمة دموع فعنيها قالت بحزن : علاش !!..واش انا ماشي من حقي ناخد راجل لي بغيت..

جعفر ساط بجهد مبقاش قادر يتحمل هاد الهضرة..

-سمعي افاطمة هاديك مراتي وهاد الموضوع ساليناه ومغاديش نبقا نهضر معاك فموضوع لي باين و واضح وكون مكنتش كنحتارمك و كنحترم باك مغاديش تلقايني داير الخاطر وجالس نهضر معاك بالعقل ...

فاطمة كتمسح دموعها : انا عرفتك قبل منها وهي سرقاتك ليا...

جعفر هز يدو وقفها من لكلام : مكنتش ديالك من لول ..كل واحد ديال راسو وكل واحد كيختار معامن يرتاح وهاديك هي لي بغاها قلبي وكنعرفها من نهار تولدات وتخطبنا وحنا صغار وكبرت بفكرة انها هي لي اتكون ليا اما شي حاجة اخرى مكايناش ومن نهار لول معطيتكش امل تكون بيناتنا شي حاجة تا الهضرة عمرنا شركناها بجوج من غير الخدمة لي جمعاتنا فقط...

تجاهلت الكلمات الجارحة كالسيف المسلول بسمه القاتل التي تقتلها في كل مرة ينطقها بتهور غير ابه بما ستشعر به...

يقتلها ببطئ ولا احد يعلم بحالها غير نفسها المجنونة به فقد كان حبها الأول وعشقته بكل ما تعنيه الكلمة من معنى..

كتسمع ليه وقلبها كيتدبح فكل كلمة قالها..

فاطمة: وشنو دنب لي درت انا ..انا فقط بغيتك وطلبتك لحلال واش درت شي حاجة حرام فهادشي...

عبدالله تزير وحشم من جعفر..عمرو ضن بنتو لي رباها بين يديه غادي توصل لهاد الدرجة ديال دْل تولي طلب رجل يتزوجها وهو رافضها رفض تام ..

ناض معصب هز يدو باغي يضربها وجعفر ناض منعو وكيهضر بالعقل...

جعفر: ضرب ما كيفيد فوالو غير كيزيد يعكس الامور ...

"شاف ففاطمة ورجع حدر عينو كيهضر معاها بدون ما يشوف جيهتها"...

-ما درتي عيب ولكن انا مكنفكرش فزواج ولا نجيب ضرة على مراتي عندي وحدة باغيها ومعمرة ليا عيني منقدرش نشوف فتا وحدة من غيرها...

فاطمة بترجي : شرع حلل ليك تزوج اربعة وانا ما انطلب منك والو من غير نكون حداك...

جعفر جمع الوقفة مبقاش قادر يتفاهم معاها كثر من هادشي ..حاول يخدم معاها العقل و ينصحها لكن هي مزال ما بغات تفهم راسها وتا هو باش يسد الموضوع جاها نيشن...

جعفر: ربي حلل اه ولكن فنفس الوقت قال اعدلو..وانا مقادرش نعدل وخا تولي حلالي منقدرش ندير معاك ما كيديرو لمتزوجين باش نجيك نيشن ومغاديش نحطك فمتابة عفراء ومغاديش توازنيها ولا تسناي مني نفس التعامل حيت ببساطة هي فكف وكل نساء الدنيا فكف اخر، و تا حد ما غادي يوصل ليها فقلبي ولا يساويها .. وبااش نكون معاك صريح ونساليو هاد الموضوع وعمرو يتجبد انا مصلاحش ليك ..

كلامو خلا الهوا يتحبس ليها ودنيا دور بيها وقلبها يتسرع فدقاتو بحنون..

معارفش كلامو شحال كيسمم داتها و كيقتلها ببطئ ..

معارفش حبها ليه فين وصل لدرجة لجنون او اكبر من ذالك بكثيير ...وقفات كترعد وكتشوف فيه مباشرة وهو عينو متهزوش فيها ولا ركزو فيها ..

اما كيشوف فجهة اخرى او كيشوف لتحت كيزيد يمرضها بهاد الفعل ناسية انها هكذا بغاتو وهكذا خطف قلبها من شافتو عاطي لعيالات حدود وميركزش شوفة فالمرأة ...

كيغض البصر وعاطي تيقار وعارفاه عاطيها وقت غير حيت باها طلبو و رغبو اما ميوقفش قدامها ولا يعطيها وقت فين دوي معاه ...

هضرات بكل ما فقلبها كارهة اسم عفراء من كل قلبها...

فاطمة: علاااش هي بضبط...كون تزوجتي وحدة محجبة ومتدينة كنت نفهم ولكن هيي علاااش ...

جعفر حط يدو على قلبو وكلامو مباشر مبغا يعطيها تا أمل..

-حيت كنبغيها وقلب لي بغاها مقادرش يبغي غيرها ... تكون محجبة او غير محجبة نتي ما عندك تا دخل فهادشي ..هاديك حاجتي وانا كنقادها كيف بغيت انا ...

فاطمة دموع نازلين مضببين ليها الرؤية..

- علاش متبغيش غيرها..كيف خلقها ربي خلق غيرها ..

جعفر نطق بلهجة قاصحة : وكيف خلقني ربي خالق غيري ..."ساط بجهد"...مضيعيش راسك على حاجة مغاديش تكون ليك واي واحد يتمناك خاصك غير تعرفي تختاري..

قطعاتو بكل الم: وعلاش نتا متمنانيش..نتا بوحدك لي كنبغيك ومباغيا تا حد يتمناني من غيرك...

عبدالله دنيا بدات كدور قدام عنيه وتلفة شداتو بكلام بنتو لي مرغات ليه كرامتو فالارض ..جلس بدون قوة لسان لي ينطق مبقاش قادر ينطق بيه ...

بينما جعفر معاودش معاها الهضرة حيت لي عندو قالو ومغادي يزيد حتى حرف معاها....دار عند عبدالله جبد شيك حطو فوق طبلة ...

- لي بيناتنا ليوم تسالة نتمنى منعاودش نشوف اسمك ولا اسم بنتك طالع فتليفوني...

عطاهم ضهرو خارج خلاها كتغوت بحال لحمقة وهو جسدو مشدود لاقصى حد غادي ممصوقش لغواتها ولا دار عندها وهي كتزيد تكسر كثر من كتشوف تجاهل ديالو وقلبها كيزيد يتألم و يتقطع لأشلاء و وجهها حمر ودموعها مشوشين ليها الرؤية وباها وقف حداها كيترعد بهادشي لي وقع قدامو ..

دار عندها ساخط..

عبد الله : حياااتي كااملة وانا هااز راسي فووق ناااس تاا جيتي نتييي وحطيييتيه فتراااااب ومعااامن مع جعفااااار...

ضربات يديها مع جاج كتغوت...

فاطمة: سكاااااات...متهضرش ابابا حييت كلشييي بسبااابك..بسبااابك بغييتو وخليتيني نتعلق بيه ونبغيه كثر من راااسي..بسباب كلامك عليه و كفاش كتوصفو وتشكرو خليتيني نبغيييه ونديير اي حاجة باااش يكوون لياااا...."رفعااات صوتها اكثر"....وغااادي ناااخدو وأيرجع دياااالي...

شدها من يديها بغا يقتلها....

عبدالله: الهضرة مااشي هناا ...داااابا اترجعي لسعودية وعمرك تحلمي ترجعي لمغرب ولا عينيك يجيو فجعفر...

تقطع ليها نفس بكلام باها مقدراش تخيل راسها فمكان اخر غير مكان لي كيتواجد فيه جعفر..

دفعاتو ونفضات يديها من يدو وخرجات هاربة من الجناح ديالها بدون ما دير حجابها او تهتم لنفسها..غادة كتجري حفيانة وشعرها الأسود كيترمى وراها فكل جهة وكل الأعين عليها وفوجها خيوط ديال دموع مخلطين بالكحل لي خلاو مكانهم على حناكها ...

كتبان بحال الحمقة وسط ناس واعينها كيقلبو على الشخص لي قلبها كينبض غير ليه...

شافتو راكب فسيارتو وهي تمشي عندو كطير.. تعلقات فيه بكل قوتها وهو جمد فمكانو مصدوم ...

نزلات كاملة على طول جسدو طاحت قدامو على ركابيها وهزات راسها بألم شدات ليه فيديه كتهضر بكل حرقة..

فاطمة : متخلاااش علياااا عاافك اجعفر ..انموووت بلاا بيييك...

حيد يدو من بين يديها بزربة ولعروق بداو كيبانو ليه فراسو بالاعصاب لي ركبات فيه .. بغا يبعد ممتحملش تقيصو وهي زادت تعلقات كثر ..

دورات يديها على رجلو كدل راسها لكن ممهتماش لان الحب غادي يحمقها و ممستحملاش يتزوج بوحدة اخرى وهي لا ..

ممستحملاش يولي لوحدة اخرى وهي لي بغاتو قبل من كلشي... كتطلب فيه وتعاود ميتخلاش عليها ولو يديرها هي لمرأة تانية قاابلة ...

فاطمة : انقتل راااسي...والله تا نقتل راسي ونخلي دنبيي علييك..رووحي على رقبتك اجعفر ..

جعفر بسخط حيد تجاكيط رماها على شعرها لي باين ونطق بعصبية..

-نووضي...

زادو دقات قالبها كثر معارفش هاد تعامل والغيرة لي فيه وخصائلو لي كلهم رجولة كيخليوها تزييد تغرق فيه كثر...

هو حيد تجاكيط رماها على شعرها حيت مولفة دير لحجاب وناس كيشوفو فيها ودار الواجب لكن هي ترجمات افعالو بشكل اخر وهادشي علاش بغاتو ..

تعاملو و أسلوبو خلاها تغرق فيه وتبغيه من كل قلبها وتعشق تراب لي كيتمشى عليه ...

بقلب يرجف عشقا قالت...

فاطمة :عاافك متخلاش عليااا وخا متبغينييش انا مساامحة وخاا متعدلش بينااتنا انا مساامحك... ولكن خلييني حدااك عااافك اجعفر رحم قلبي لي ايمووووت بلا بييك..

برب العشق فارحمني... وخذ بي بين يديك نبض القلب أسمعني وضمد جرحي الدامي مني إليك فاخذني وشافي مر علقمك حيث الشؤم يحملني....

تنهد بجهد وهي كتبكي بكل قوة وناس كلشي كيشوفو فيهم ماقدرش يمد يدو يهزها وكتفى انه ينزل عندها ونطق بالعقل وبهدوء على الله تفهمو..

جعفر: مزال صغيرة والعمر كامل قدامك واتلقاي مع ولد ناس حسن مني وهادا افاطمة ماشي حب..لي كيبغي من قلبو ايبغي سعادة لداك لي كيبغي و ما ايوقفش فطريقو اما نتي باغية ليا دمار وتفرقيني مع الانسانة الوحيدة لي كنرتاح ليها ..

" بغات تهضر وهو يهز يدو مقاطعها"..

-انا مبغيتش ندوي قدام باك حيت كنحتارمو ونتي محتارمتيهش ونزلتي ليه وجهو قدامو بدون ما تهتمي بيه... ولو كنتي بنتي كان ايكون حساب اخر معايا ومغاديش نرضا بهادشي لبنتي وغادي نعاقبها عقاب خايب لي متقدريش تصوريه ... فمتزيديش طيحي بالاب ديالك لي كيشوفك صورة نقية ليه ..خلي نفسك عزيزة وكرامتك فوق كلشي ودنيا مكدورش عليا افاطمة .... دنيا فيها بزاف لحوايج زوينة لي خلقها لينا ربي وخلانا نتمتعو بيها ...

فاطمة روحها اتخرج بكثرة بكائها الشديد وكضرب جهة قلبها بحزن...

-هو مقادرش يبغي غيرك..حاولت..اقسم بالله حاولت نساك و نعيش حياتي من شفت تجاهلك ليا ولكن كنلقا راسي عاد كنزيد نغرق فيك ونبغيك كثر ..مكرهتش نجبد ليك قلبي وتشوفو كيف كيضرب من كيسمع اسمك ولا كيشوف غير ضل ليك..

"بغات تشد ليه فيدو وخافت من ردة فعلو"...

- نتا حاجة اكبر من مهمة اجعفر..حاجة لي بلا بيها منقدرش نعيش...

دور يدو على شعرو رجعو لور وباين عليه مزير وكاره وفنفس الوقت بقات فيه ..

جعفر: انعاود نقولها هذا ماشي حب..الحب لي يخليك تعصي الله ماشي حب ..

شهقات بجهد مخرجة عنيها وهو كمل كلامو..

جعفر: قلت ليك مابغيتش نهضر ولا نجرح بنادم وبالاخص قدام والديه ولكن نتي زدتي فيه وضريتيني انا وديك بنت ناس و وصلتينا لحوايج ماشي ديالنا وداك سحور لي كديري فيه معندو فين يفيدك معايا انا.. من غير انك درتي معصية ومزال زايدة فيه و مابغيتيش توبي...

ولأول مرة هز عينو فيها وشاف فيها مباشرة ونطق الكلمة لي خلات شعر جسمها يوقف..

-شكون لي افضل ليك واش الخالق و لا المخلوق..واش الخالق ليخلق هاد الكون كامل و لا المخلوق لي مجرد انسان ضعيف ايعيش واحد الفترة ومن بعد ايرجع منين جا وكأنه عمرو كان..انا غير عبد ضعيف ماعندي قوة وعايش بلي مكتبو ليا ربي اما الخالق هو لي كيبقى فكل هاد الوجود ونتي عصيتيه وشركتي بيه من توجهتي لسحر ودمرتي راسك وبغيتي دمرينا معاك...راجعي نفسك افاطمة وراجعي تصرفاتك حيت دنيا دغيا كدوز وتاحاجة مكتبقى ....

وقف اخييراً من شاف عبدالله جا هز بنتو لي بحال المشلولة كتشوف فجعفر بملامح غريبين وداتها كترجف بكلامو لي اثر عليها بشكل كبير فلخر هي تربات على دين وعارفة دينها مزيان ولكن شيطان لعب ليها على راسها وخلا دير حوايج خايبين وعصات فيهم الله عزوجل...

جعفر خدا الفيستا ديالو بعد ما غطا عبدالله شعر ديال بنتو وهو بقا واقف قدامهم ونطق اخيراً...

جعفر: ربي ايجيب ليك ولد الحلال لي ايدير المستحيل باش يفوز بقلبك فقط طلبي ربي وهو على كل شيء قدير..

تبسم لعبدالله لي رد ليه ابتسامة ودموع فعنيه ..مد يديه..

جعفر: كان شرف ليا نلتاقي بيك وعمري ندمت اني كنت تلميذ ديالك لي عاونتيه فبزاف لحوايج...

عبدالله مد يدو سلم عليه برقة واضحة ونطق بفخر ومدخل بنتو فحضنو..

- تا نتا كنتي نعمة الابن و تلميذ واكبر انجاز هو اني كنت استاد ليك ...

توادعو بإبتسامة وغادر من امامهم وهي بقات كتشوف بصمت وقلبها كيتوجع وكلامو خلاها تفيق من غيبوبة كانت فيها ونسات راسها ودينها وخالقها وباها لي كان ديما حاطها فوق راسو وهي هبطات منو بطريقة خايبة ...

تكات على باها ونطقات بصوت مجروح...

فاطمة: غلطت غلطة كبييرة أ بابا...

عبدالله شداه لبكية فحالت بنتو: ماشي مشكل ابنتي كل حاجة كتصلح ...

مرجعها لوطيل كيمسح ليها دموعها و كيقبل ليها راسها...

عبدالله: متبكيش ابنتي مع الوقت اتنسايه ...

حركات راسها اخيرا بالإيجاب ونطقات بشوي ..

فاطمة: مبغيتش نرجع لسعودية ابابا بغيت نبقى هنا فبلاد ماما...

عبدالله بحزن: وخا ابنتي مغاديش نديك لسعودية بقاي هنا فبلاد ماماك...

دخلو لوطيل متصالحين وكأن تاحاجة موقعات وخا قلوبهم حزينة ولكن هي كلام جعفر فيقها ..اما هو فهي بنتو وخا دير لي دارت كتبقى بنتو ومتقبلها بكل عيوبها و اخطاءها...

المعاصي...كتير من الاشياء كنديروها و مكنضربوش ليها حسبة كعمل فاطمة تماماً و كثير من الناس يقومون ببعض المعاصي وعندما نحذرهم يقولون إنما الأعمال بالنيات، ونحن لم نرد معصية الله والقصد شريف...

ان هذا لخطئ فادح ويخشى على هؤلاء من أن يكونوا ممن ورد فيهم الأثر عن الحسن البصري رضي الله عنه قال ...

"ليس الإيمان بالتمني ولكن ما وقر في القلب وصدقه العمل، إن قوماً ألهتهم أماني المغفرة حتى خرجوا من الدنيا ولا حسنة لهم، وقالوا: نحسن الظن بالله تعالى وكذبوا لو أحسنوا الظن لأحسنوا العمل."...

اللهم يا من يعلم السرَّ وما يخفى، يا من له الأسماء الحسنى، اغفر لي كبير ذنبي، وامح زلَّاتي، واعف عن خطيئاتي، وارفع يوم القيامة درجاتي، أنك أنت البرّ التوّاب....

في الرباط فوسط المدينة وفأحد اكبر المحلات للملابس التقليدية مجموعين فيه كيضحكو وكيختارو قفاطن لي ايشريو وهي كدور لابسة جلابية فلون بنفسجي مع صباط طالو ومدورة شال على عنقها لي مزال كتبان فيه جرحة وطالقة شعرها كامل على ضهرها ودايرة شوي ديال المكياح مزينة بيه وجها ومازن واقف حداها كيختار معاها...

مازن: مبقاش قفطان لي لاصقين لاموض من الاحسن تاخدي تكشطية مخزنية هما لي رجعو لموض وكيجيو زونين فلبسة ...

عفراء داخت: صراحة الله يعطيك صحة عندك كلشي زوين حرت فشنو نختار..

مازن : راني قلت ليك شنو تختاري بلا متشري بزاف حيت كل مرة اتبغي حاجة جديدة..

عفراء : كون كنتي كتكري كون هنيتيني..

هز راسو كيضحك..

مازن: كضحكي عليا اعفراء واش عارفة هادشي باش مقيوم عليا فتصيمم والخياطة وفتوب وفلعمارة راه الخدمة ديال بلادكم صعيبة بزااف كثر من لبس ديالنا...

حادة غير كتشوف فيه مبهوضة وكيف كيهضر بدرجة عادي و وجهو ماشي مغريبي ..نغزات عفراء بجنب..

حادة: شكون هاد شينوي كيهضر بدرجة حسن مني...

عفراء : هدا مازن كنعرفو من ايام ليسي كنت بغيت نخدم معاه عارضة ازياء و مكتباش...

حادة : ياك بعدا مغريبي مال وجهو كيشبه لدوك لي مغمضين عنيهم ..

عفراء تحرجات قدام مازن لي هز راسو كيضحك بجهد بكلام حادة وشاف فيها مزيان ونطق بهدوء...

مازن: انا مغريبي و الواليد مغريبي غير جيت كنشبه لواليدة حيت هي صينية ماشي مغريبية...

حادة : وهاد باك مابنوش ليه بنات بلادو باش يختار من شينوا..

عفراء نغزاتها مخرجة فيها عنيها وهي ممصوقاش..

حادة: علاااش كتنغزيني خلييني نهضر هاد زيين كامل وجا كيشبه لشينوا علاش حنا معليناش الله يجي يشبه لكمارتنا...

مازن حط يدو على كرشو كيموت بضحك وعينو دازو ليه بدموع فهضرة ديال حادة وكفاش كتهضر وتعابير ديال وجها لي كيتعوجو وكتبان ليه قصيرة مقارنة بطول ديالو بزز باش حبس ضحكة وشار ليها وكلامو موجه لعفراء..

مازن : شكون هاد نص بلاصة لي معاك...

حادة بعصبية هزات جلابة من جناب حطاتها تحت باطها..

-بزااف عليك قالك نص بلاصة راك نتا لي سلوم وطولك معوجك بحال بلارج ..

مازن هز حجبانو : وخا الالة انا لي طويل ونتي مقصيراش..

حادة: معلوم مالك حگرتيني..

مازن : لا حاشة العود لي نحگرو يعمينا...

عفراء جرات عمتها مغددة : ديما عزيز عليك شوهة ...

حادة : بسم الله عليك انا اش درت...

عفراء خرجات عنيها فيها ورجعات كتشوف فمازن..

-هادي عمتي...

مازن تبسم: عمتك زوينة مشالله..

عفراء جمعات الابتسامة مخنزرة: سيدة مزوجة...

حادة نقزات من وسطهم: سااابقاً..سابقا الله يخليك...

مازن تبسم بجنب: هاد زين كامل وناس يطلقوه...

حادة مقزدرة: بزاف عليك يطلقوني شفتيني منقوصة من شي جيه ولا ممقبولاش..

مازن كيضحك فنفسو حمقاتو بتصرفاتها ومن برا كيبان هادئ وكيدوي معاها بهدوء..

-لا ماقلتش هادشي كلك زوينة راجل لي طلقك هو لي خسرك..

حادة : شمن طلاق تا نتا سيد مشا القبر راني مزاال شادة عليه حق الله قالك بطلقني بحالي يطلقوها ناس...

مازن حك الفك ديالو : باركة فراسك من جهة المرحوم...

حادة: اودي قول الله يجيب لينا شي حد حسن منو اما المرحوم مشا دابا الله يتبتو عند السؤال...

مازن مقدرش يحبس ضحكة.. دور وجهو كيضحك بحال الهبيل وعفراء بصدمة حلات فمها فعمتها...

عفراء: عمتي راااكي مزاال لابسة لبيض حشمي على طاسيلتك شوي ...

حادة دفعاتها: حيدي من قدامي تا هداك راجل باع ليا گاع خيري الله يــ.."سكتات كتسوط"...خليني ساكتة مافيا لي يبدا يدعي فيه...

مشات عند مينة لجهة اخرى وعفراء رجعات كتشوف فمازن مخنزرة وهو كيفرنس..

مازن: هاد عمتك علااام...

عفراء: بلا ميديك عقلك لبعيد بقا غير حدايا امازن...

شاف فيه مزيان و وشار بعينو لحادة: شحال فعمرها..

عفراء ساطت بجهد وتكات على الحيط : عمرها 36 سنة..

مازن: مكبيراش بزااف وكتبان صغيرة انا نيت عندي 27 سنة.. واش كانت مزوجة بشي راجل كبير ولا شنو وقع...

عفراء شارت لعنقها: هو لي دار ليها هاد شوهة ..

مازن بصدمة: واش مريض ولا مالو...

عفراء : قصة طويلة خليها لمرة اخرى ...

خلاتو وتوجهات لعند لبنات وبقا مازن فبلاصتها مركز شوفة فحادة لي كدابز مع مينة وتصرفاتها كيضحكوه وهي لاصقة فلارض بحال البرهوشة ...

ختارو لحوايج لي خاصهم وخلصوهم وتمو خارجين مشادين فيديهم كيضحكو وكان شاب واقف بعيد كيشوف فيهم خلاهم تا خرجو عاد توجه لمازن لي تبسم من شافو..

مازن: سي جمال عاش من شافك غبور هادي...

جمال: غير لخدمة وراك عارفة خدمة لبوليس مكتساليش بحريق راس..

مازن : الله يسهل عليك اسيدي اوا اش حب لخاطر بهاد زيارة..

جمال : غير الواليدة مصدعاني بداك القفطان لي شافت عندك ودزت ناخدو ليها وعطيني تا هداك لي عجب ختي اناخدهم بجوج...

توجه مازن جبد لقفاطن حطهم كيطويهم وكيحطهم فصندوق الهداية لي مخصوص بالمحل وجمال كيعض شفايفو و يقشرهم وكيضرب صبعو فطبلة مكمش حجبانو..

مازن: مالك اصاحبي يكما معندكش فلوس باش تشري..

جمال: نو ماشي هادشي..."تكا على طبلة كيهضر بشوي"...هاد لبنات لي خرجو دابا كتعرفهم...

مازن صغر عنيه: اه كنعرفهم علاش كتسول ..

جمال دور يدو على شعرو بإحراج : هاديك لي كانت دايرة فيهم لحجاب شنو سميتها..

مازن تبسم من فهم القصد ديالو : سميتها مينة و ممزوجاش اسيدي وفعمرها 23 سنة وبنت الله يعمر ليها دار وضريفة وبنت الاصل و متلقاش ما حسن منها لكان هدا هو قصد كلامك هانا جيتك من لخر .."غمزو"..اوا امتا انفرحو بيك...

جمال ضحك بإحراج: ناري اصاحبي ما كتفلت تا نتا والو...

مازن: غير من سؤالك باين المضمون اصاحبي ونيت عرفتي اش تختار بيناتهم حيت لي معاها اصلا مزوجة و لخرا عاد مات ليها راجل ...

جمال : كتعرف شي واحد من عائلتها راجل لي يدير لينا طريق منين ندوزو مجاتش نمشي لدار نيشن.. نهضرو مع راجل بعدا من عائلتها ونشوف واش يقبلو بيا ..

مازن: هي نويتي نيشن...

جمال: نكدب عليك فايت شفتها شحال من مرة فطريق لكبيرة من كنت كنكون غادي لخدمة وكنحشم ندوي معاها ودابا من جابتها الفرصة و كتعرفها عاوني اصاحبي..

مازن: كاين لي يعاونك حسن مني ونتا كتعرفو مزيان ..

جمال: شكون؟؟..

مازن: صاحبك جعفر مزوج بي بنتهم وعلاقتو بيهم مزيانة بزاف ولامشيتي من جيهتو ميرفضوكش حيت كيتيقو بيه..

جمال تلف: واش كتهضر على جعفر صاحبي المحامي..لي كنتريني انا وياه وكنا كنديرو كومبة فداك لكلوب..

مازن: وهوا اصاحبي مالك تلفتي...

جمال : ما عمرو قال ليا تزوجت...

مازن: هو فين عمرو قال شي حاجة انا اصلا كنت صديق مراتو غير عرفتو هو لي تزوج بيها شديت تيقاري مانقصني صداع معاه اخويا داك لولد مكيتفاهمش...

جمال كيضحك: غير مولف كتشوفو ديما فالكومبة اما تعرف عليه اتلقاه واحد اخر دري الله يعمر ليه دار ولكن هادي خسر معايا فيها تا زواجو مقالوش ليا...

مازن: مهم سميتي متجبدهاش ليه خلينا جامعين عضامنا هاد ساعة...

دخلات لدار سخفانة ومينة وراها ...

حطات كل المشتريات ديالها فبيت نعاس وتوجهات لكوزينة حطات بعض الأعشاب فوق طبلة وهزات طبلية ديال شقا لبساتها وجلسات كتنقي وتقاد فقرعة ديال جاج ومينة جلسات حداها كتشوف فيها بإستغراب..

مينة: كيجي شي حد يدير لميناج لدار..

عفراء ملهية فشغلها: لا انا لي كنديرو...

مينة تبدلو ملامحها لصدمة: كتهضري من نيتك...

عفراء شافت فيها: علاش من نيتي ما بقا حد يجمع دارو...

مينة: نتي فين عمرك غسلتي كاس هو الأخير كي درتي ليها اختي...

عفراء ساطت بجهد: كتهضري بحالي درت شي معجزة..

مينة: معجزة نيت اختي من تفضلتي تجمعي دارك بلا ميقولها ليك حد..

عفراء حطات شغل من يديها ودارت عندها كاملة عاطياها لخاطر فالكلام..

-اولا الالة انا ماشي معفونة ولا معكازة راكي شفتي بيتي كيف كان ديما نقي وكيشعل وحوايجي ديما مطويين ...انا فقط مكانش كيعجبني نشقا فدار كان كيجيني تضياع الوقت وكينزل من قيمتي ...

مينة كتفرنس: احياني عليك على وديت حبيب القلب وليتي تشقاي تا نتي...

عفراء :ماشي مسألة لحبيب ولكن انا تزوجت يعني وليت مسؤولة مغاديش نبقا بحالي كنت فدارنا ضروري من لبنت تبدل فدار راجلها ودير واجباتها وانا هاد ساعة ماخدامة ما كنقرا وكنلهي وقتي بشغل دار ونخلي داري نضيفة وريحتها زوينة ....

مينة: صراحة صدمتيني مكنتش معولة اتبدلي هكذا بالأخص كنتي ديما تقولي انتزوج بواحد لباس عليه هو يجيب ليا الخدامات يخدمو عليا..

عفراء بتسمات: كل حاجة كتغير وانا اصلا من نهار عاودت تلاقيت بجعفر تغير تفكير ديالي فبزاف لحوايج وزواج اصلا كيغير وكيخلي لبنت تولي مسؤلة على بزاف لحوايج ..."هزات راسها بتفاخر"..اصلا شكون قال ليك مغاديش ندير تا انا خدمات يخدمو عليا ...

مينة صغرات عنيها: فكرتيني نيت هاد الأيام سمعت جدي كيهضر مع بابا وعمي قالو ان جعفر مخلي ليه باه شي اراضي كيديرو لملاين لبغا يبيعهم فنهارو يتغنى...

عفراء : مفراسيش هادشي...

مينة :مهم انا ما قلت ليك والو...

عفراء هزات كتافها: اصلا هو عارف اش كيدير ما عندي علاش ندخل فكلشي..

مينة تنهدات و كتشوف فشنو كدير ...

-شهادشي كتصاوبي..

عفراء : هادي زريعة لبصلة كنقيها ونطحنها ونديرها فقرعة ديال جاج ونحطها فتلاجة وكل نهار قبل ما نعس كناخد معيلقة صغيرة كتقوي شعر وتحافظ عليه من تساقط و كتزيد طولو حسن من اي فيتامين او سيروم ...

مينة تكات على طبلة :فرحاتك عندك لخاطر لهادشي انا دغيا كنمل ...

بقاو مجمعين كيهضرو ويضحكو حتا تمو داخلين كيف العروضة لابسين حوايج مقادين لحالة وجارين فاليز سوداء كل واحد جار ديالو ...

عفراء: فين غادين..

اناس جلس قدامها كيصاوب شعرو: انرجعو لمراكش نكملو لعطلة تم...

سليم : تمشي معانا العميمة...

عفراء: صراحة مكرهتش ندير واحد تسافيرة عيت من دار وشحال ما سافرت من مشيت عند ختي لطنجة..

اناس هز ليها تليفون فتحو ودوز نمرة ديال جعفر ورجعو ليها...

-قوليها ليه ...

عفراء قبلات تليفون مخنزرة والخط تقبل ونطق صوت غليض كيف عادتو...

جعفر : حبي صافا...

عفراء : وي صافا فينك نتا دابا..

جعفر: قريب نوصل واقعة شي حاجة ...

عفراء عضات فمها ونطقات بشوي : بغيت نسافر مع دراري لمراكش اش بان ليك...

بقا ساكت لتواني عاد نطق : ولاد خوتك...

عفراء شافت فيهم وهما كيفرنسو : وي هما...

جعفر : تسناي تا نجي...

قطعات لخط كتشوف فيهم..

سليم: شنو قال...

عفراء: ها هو جاي...

اناس جمع الوقفة مخلوع وسليم كثر منو تمو خارجين مكيشوفوش وراهم..

-الله يعاون العميمة ...

مينة معصبة: غير هو لي سر باباكم نيت باش تجمعو شوي الكلاب...

سليم مخنزر: اتسكتي ولا نجي نهدم ليك داك الفم ...

عفراء هزات حجبانها: لا تبارك الله عليك اراجل تولي تعاير ختك الكلب...

سليم: هي كتجبدني ، انا من دخلت مدويتش معاها تعطيني تيقار كيف عطيه ليها وهي غير طالقة دوك لودنين لي سمعاتو تمشي تقولها لواليد...

مينة: من حقي حيت فعاليك غير ديك الحبس الحمار..

سليم مغدد: راني غادي نجي...

قاطعو اناس لي حرو من عنقو ..

- زيد قدامي تا نتا كتعاطا كثر من لعيالات يجي فينا هداك يگرد والدينا على ربعة..

حلو لباب وهما يتجمدو فمكانهم فجعفر لي واقف قدام لباب بطولتو و تخنزيرتو المعهودة.. فشلو ليهم رجلين ورجعو كيف لفلالس متابعين جلسو حدا عفراء معاودوش هزو راس ولا نطقو حرف....

دخل ببطئ حيد لفيستة رماها فوق سدراي وتوجه لكوزينة فين مجموعين كيطوي كمام القامجة وكيحيد ساعة من معصمو ونطق بهدوء...

جعفر : فين قلتو بغيتو تسافرو..

سليم ضربها بنكرة: تا لبلاصة اخويا غير عمتي قنطات فدار وبغات تفوج على راسها..

اناس تابعو: بغات تمشي لمراكش وحنا قلنا ليها حشومة تمشي وتخلي راجلك بوحدو...

سليم كمل لكلام: حرام تخليك بوحدك مكاين لي يطيب ليك ولا يعمر ليك دار...

اناس بالخلعة بدا غير جي يا فم وقول..

-ولكن هي قالت لا خاصني نسافر وندور ماشي غير تزوجت نتسجن فهاد دار وزيد قالت من تزوجت ما سافرت..

عفراء لهوا حبس ليها بصدمة بقات غير مخرجة عنيها وحالة فمهم فيهم وهما رماو عليها كلشي محشموش كيكدبو فوجها وزيدين فالهضرة مخلاو ليها ما تقول دافع على راسها او تنكر كلامهم...

سليم: اه اخويا عينا فيها باش تفهم راسها و ما بغاتش تفهم كتصحاب راسها مزال بنت فدار باها...

اناس: راها غير كدبات عليك من قالت ليك دراري ايسافرو حنا جينا غير نشوفوها وهي لسقات فينا الهضرة باش تخليها تمشي..

سليم: حنا بريئيين منها حق الله العظيم...

جعفر هز حاجب وهبط لخر خلاهم تا سلاو على خاطرهم عاد شار بإصبعو لفاليز لي محطوطين فجنب...

-وهاد لفاليز ديالمن...

سليم تلفات ليه الهضرة واناس كيف ابليس كيخرج راسو من عين لإبرة ..

اناس: ديال سليم اخويا جاي غضبان عندكم حيت جرا عليه باه..

سليم بصدمة شاف فيه وشار بإصبعو لنفسو ..

-انا جراو عليا !!.

نغزو اناس وهو يتوگد وبدا كيحرك فراسو كيف الفروج وبتلفة لي فيه قال..

سليم:اندوز معاكم غير شي يامات ومن بعد نخرج نقلب عل راسي...

اناس داير راسو متأتر : متخافش اصاحبي انا خوك ديما معاك منخليكش بوحدك...

سليم كثر منو : عارف احبي متخويش بيا كون كنتي بنت كون تزوجت بيك...

اناس خنزر وهضر بين سنانو: زدتي فيه لا..

سليم باغي يقتلو: سير معايا فالخط الله يعطيك جهل...

جعفر واقف وراهم وحط يدو على كل كرسي جالسين عليهم وتحنا بشوي ونطق بصوت عادي ..

جعفر: كضحكو عليا ولا دايريني وسطكم مكلخ...

اناس شعر لحمو تشوك : حاشا اخويا هانتا سول عمتي لمتيقتيناش..

عفراء تكات على الكرسي كتشوف فيهم و شداها ضحكة مبقات قادرة تهضر وهما كيطلبوها بعنيهم ..

عفراء: انا مفراسي والو...

سليم : تبتي اعمتي راكي نتي لي بغيتي تسافري ياك..

عفراء شدات معاهم ضد: لا مبغيتش انا بغيت نجلس فدار راجلي حبيبي نطيب ليه ..

اناس ساخط: على طيابك زين ...

سكت بضربة لي جاتو فراسو تلفاتو على القبلة ..حط يدو على راسو معصب...

اناس: وبشويييي اصاحبي هادي يد ولا بالة عندك ...

جعفر عقد غوباشتو ونطق بلهجة قاصحة..

-حتارم عمتك..

سليم كيهضر بين سنانو: مالنا كدبنا طيابها يوصل لواحد لقبر غير نتا مدوخاك معارف زين من لخايب..

جعفر بقا كيشوف فيهم وكيحك لحيتو ببطئ وجرهم بجوج عندو ..

- جيوني نيشن بلا دخيل وخريج فالهضرة....

اناس حاضي معاه ليضربو : بغيتي صراحة ..

جعفر مخنزر: راني هضرت...

سليم: شوف غير مضربناش بهاد ليدين عندك ونقولو ليك لي كاين اخويا ما عندنا صحة نهزو دقتك ...

جعفر : نطق بلا كثرة الهضرة ..

هزو راية لبيضة وقالو ما عندهم وخا عارفين موتهم اتكون على يد عفراء لكن اللهم عفراء ولا هدا لي جامعهم بيد بحال العرض غير لوقفة كطيح ليهم لما فركابي وخا مكيدير ليهم والو ولكن من نهار شافو فورمتو وهما دايرين ليه تيقار ما بعده تيقار ...

بداو يسرسبو لكلام واحد تابع لأخر..

اناس: باش نجيك نيييشن حنا مقودة علينا بالمعقووول..

سليم : بغينا نسافرو نفوجو ومعندنا تا ريال فجيب...

اناس: وبنتو لينا نتوما فالبلان ..

سليم : وجبنا بغينا نديو عمتنا معانا هي تخسر فليسات وحنا نفوجو على ضهرها...

اناس: وهدا ما كاين غير زلط كيديرها وصافي...

سليم : وهاد ساعة حنا مزلوطين بالمعقول..

اناس: ولا بغيتي تعاون مع شعب غادي دير فينا خير ما بعده خير...

سليم : ماشي شي حاجة كثيرة غير واحد تلتلاف درهم وصافي...

اناس: وعمر وجهنا تعاود تشوفو...

مينة غطات وجها دارت راسهم مكتعرفهمش اما عفراء جمدات فمكانها بقوة صدمة اما هما وجهم مكيتقشرش معندهمش علاش يحشمو وضاربين دنيا بركلة ..

جعفر بقا هاز فيهم حجبانو شاف تا عيا وتنهد بشوي و وقف كيدور شعرو لور وشاف جهة عفراء...

-بغيتي تسافري...

عفراء بعصبية مخنزرة فولاد خوتها حركات راسها بجهد..

-لا مبغيتش...

جعفر:متأكدة عندي غير هاد تلات ايام راحة بغيتي تسافري قوليها...

عفراء رسها قاصح: قلت ليك لا مبغيتش...

جعفر : لي بغيتي...

جبد بزطامو ملقاش عندو فلوس كاملة وتوجه لبيت فين حاط فلوسو وعفراء بقات مصدومة فيه جمعات الوقفة تبعاه وفنص طريق وقفات وحيدات صندالة من رجليها ورجعات ليهم محناتش فيهم وهما كيهربو منها مقصحين..

اناس: واااعمتي راه بغينا نمشيو لبحر زعمة ونتي زرقتي ليا لحمي...

عفراء مغددة: مزال ما ساليت معاكم مابقيتوش كتحشمو..

خلاتهم وتبعات جعفر دخلات لبيت وسدات لباب وهو واقف قدام لمكتب كيجبد لفلوس ..

قربات عندو كتنفس بجهد عصبوها ومرضاتش...

عفراء: واش من نيتك اتعطيهم فلوس...

جعفر هز كتافو : عادي بغاو يسافرو يفوجو شوي قبل ما تبدا المدرسة وانا بحال خوهم مطلبوش واحد غريب غير انا كيعجبني بنادم يجيني لصراحة ميبقاش يتخوا بيا اما كنت انعطيهم من لول....

عفراء تزيرات : غادي تولفهم اجعفر هادشي ويبقاو كل مرة يجيو عندك انا راه ولفوها فيا وغادي تبان ليهم غير نتا ...

جعفر: مكاين باس غير يكونو رجال ويعرفو اش كيديرو ويديوها فقرايتهم..

عفراء ما عرفات ما تقول توجهات ليه عنقاتو من خسرو ونطقات بشوي ..

-تاانا بغيت نسافر..

ضحك بجنب ودور يدو عليها هزها عندو قبلها في فمها..

جعفر: علاش قبيلة مبغيتيش..

خبات وجها فصدرو: مرضيتش يطلبوك قدامي حسيت بحالي نقصو مني...

جلس فالكرسي وجلسها فوق حجرو هز ليها وجها لعندو وكيدور ليها شعرها ورا ادنها وهبط على طول عنقها كيلمس مكان لجرح لي مزال الأثر ديالو واضح وكيهضر بشوي..

جعفر: مطلبوش شي واحد غريب ولا ماشي من لعائلة وحنا ولاد قبيلة وحدة دايرين بحال العائلة وماعندك علاشا تحسي بنقص بالعكس انا من كيجيو يطلبوني مكنقصش منهم بل كنشوفهم حاسبيني خوهم لكبير ومكيحشموش مني..."تبسم ابتسامة باهتة"..تا انا عشت هاد سن ولكن مكتباش ليا ندير ما بغيت حيت كنت كنتقاتل غير باش نشري لكتوبة وناكل و نخلص لكرا ولكن هما عطاهم ربي خليهم يفوجو ما حدهم صغار غير يعرفو لحلال من لحرام ..

عفراء بعصبية : هادو راه عندهم لحرام حلال ولحلال حرام ...

خرجو وهي مكتشوفش فيهم دازت من حداهم بحال لبرد توجهات لبيت كتجمع حوايجها وحوايج جعفر وبدلات ملابسها لسروال توب اسود مع قميص فالابيض حزماتو من جهة لخسر وخلات شعرها مطلوق وجعفر لبس فقط ملابس رياضية مرتاح فيهم ..

خرجو كاملين ركبو فسيارة واناس هو و سليم كيفرنسو غير بوحدهم ..ركبو لور وجعفر هو لي سايق وحداه عفراء ...

وصلو لدار لعسكري خرجات مينة هي وعفراء عوناتها تجمع حوايجها وتوادعو مع دارهم ورجعو ركبو جلسات مينة وطط سليم لي غير مخنزر مكيتحاملش هو وختو واناس فجنب كيبقشش تيلفونو داير ليزيات عايش فالعالم ديالو بوحدو وعطاه ربي زين لي مطيح فيه گاع لبنات وتحرميات لي فيه ما فحد غيرو وديما كيخرج راسو بحال شعرة من لعجينة ويخلي سليم واحل فيها ...

عفراء جالسة لقدام كتهضر هي وجعفر كتونسو فطريق لي شادينها نحو مراكش الحمراء .....

وصلو لجديدة دخلو ليها ياكلو ويرتاحو عاد يكملو طريق...

وقف سيارة قدام ريسطورو ديال الأكلات البحرية وخرجو كاملين مجموعين بحال شي عائلة مكيباش بيناتهم لفرق كيبانو بحال لخوت..

جعفر مدور يدو على كتف عفراء معنقها وكيهضر مع دراري لي دغيا سرحو لسان معاه من شافو تعامل ديالو كيف داير وخا كيبان واعر لكن خاصك غير تعرفو وتمشي معاه مقاد غادي يبان انه ضريف وماشي من ناس لي متكبرين ولا يشوف راسو حسن منك ..

عاطيهم لخاطر فكلامهم وكيسمع ليهم وكيرد بكلام لي يناسب سياق كلامهم ..مكيبينش فهامتو ولا وعريتو...

واخد الامر ببساطة وكيضحك عادي بعيد على ديك شخصية لي كانو مصورينها ليه فراسو ..دغيا نساجمو معاه وزاد عزاز عندهم و ولاو رايمين ليه كثر من عفراء...

ختارو طبلة وطلبو الأكل لي باغين وجلسو شادين فبعضهم بالهضرة وهو متكي على لكرسي مبتاسم وكيشوف فيهم كيتغانو مع عفراء ..

وقف عليه جسد وهو يهز راسو لعندو فور ما عرفو تبسم وجمع الوقفة تبادل هو وياه عناق اخوي ونطق طرف الأخر كيضحك...

-اقسم بالله عاد جبدتك عمرك طويل اصاحبي..

جعفر : ياك جابدني بالخير بعدا ماشي بشر...

-وانا شفت منك شر باش ندوي عليك فشر...

جعفر: الله يحفظك..

دار عند عفراء : هادي مراتي عفراء ...

نزل عينو حشم يشوف فيها وبقا كيشوف غير فجعفر ..

-مبرووك عليك اصاحبي ...

جعفر لعفراء: هذا صاحبي جمال بيني وبينو قصة طويلة وهو بحال خويا وعندي عزيز بزاف.. ...

عفراء بإبتسامة: متشرفة بيك...

جمال : الله يبارك فيك اختي.."ضرب صدر جعفر كيضحك"....تهلاي ليا فالخوادري راه خويا لي ولداتو ليا هاد دنيا ..

باين بيناتهم معزة كبيرة واحترام متبادل وصداقة متينة ..

جعفر : جيتي غير وحدك...

جمال: لقيتيني طالع لمراكش عندنا واحد لعرس تم وغادي نوصل لواليدة شي صخرة ونتا..

جعفر : تا انا طالع لمراكش..."شار ليه لكرسي حداه "..جلس تغدا معانا...

جمال مرفضوش ...جر لكرسي وجلس كيهضر مع جعفر ومع هز عينو فجهة الأخرى جات فمينة لي جالسة قدامو مباشرة..

شداتو صدمة ولكلام هرب ليه وقلبو تسارع فدقاتو مشافهاش فالأول حيت بان ليه غير جعفر ومشا عندو ديركت ودابا من جلس عاد بانت ليه كاملة ..

تصدم وبزز باش بعد عينو منها وتلفة مزال شداه وجعفر لي حداه هز حجبانو بجوج فنضرات ديال جمال وحيت سنين باش كيعرف جمال فهمو غير من نضرات عينو وطيرو فلبلاصة...

جمال حس بنضرات جعفر وهو يجمع عينو ودار عندو مبقاش كيشوف جهة لبنات..

جمال: كيف درتي ليها الخوادري تزوجتي بلا ما تعلمني ما عرضتي عليا بحالي عمرك عرفتيني...

جعفر : مجابتهاش الوقت وكنت معول نعرض عليك لعرس..

جمال: اوا من لعرس مزال انسامح ليك اسيدي هاد لمرة ..

جعفر محافظ على ابتسامة هادئة عاطي وقت لصاحبو ..

-كيف غادي مع لخدمة..

جمال: اودي مشاكل كثيرة راك عارف خدمة ديالنا كيف دايرة مكنساليوش بزز باش خديت هاد لكونجي نضبر تا انا على بنت ناس نتزوجها وندير داري...

اناس : مزال صغير اصاحبي وزواج مغاديش يهرب تمتع بعدا عطا الله زين فالبلاد..

جعفر تكا على لكرسي وبقا كيشوف فيه بينما جمال قال..

-هاد ساعة باركة ولي هرب لزواح هرب لطاعة ..

اناس: يا ودي لي تزوجو قبلك طفروه ...

جعفر نطق بهدوء : فنظرك لي متزوجوش طفروه ؟؟؟...

اناس عاد عاق براسو اش كيقول وهو يجمع فمو سكت و حداه سليم نغزو كيهضر بين سنانو..

-سيد اولد لكلب باغي يتستر ماشي بحال جد بوك خارجة على ملتك رجلك تالتة...

اناس : كتهضر بحالي نتا معصوم منها ونتا لبنت لي شفتي فيها مكتزڭلهاش..

سليم: نوض ق----ود من قدامي ونتا غير حاضيني لبنت لي شفت فيها كنلقاك دزتي عليها ..

اناس هز كتافو : كنرسلهم ليك واجدات اش بغيتي كثر من هكدا..

سليم خنزر: شفتي نتا وحق الله ما راجل...

اناس مبرد : انا اخويا مرا خليت ليك رجلة ...

سليم تفقص: معامن تا انا كنهضر لي شافمك يقول انا سباب لبلا ونتا هو سكوتي لي متهزش لبيض من تحت دجاجة...

اناس تبسم بجنب: انا مكنهزش لبيض احبي انا كنحمل دجاجة لي كتنزل داك لبيض...

سليم مغدد : نتا ولد لحرام مقطر...

اناس: على سلامتك من عرفتيها...

عفراء تعصبات وحشمات تهضر معاهم قدام جمال..عاطياهم وجه وكتبغي تهز بيهمم قدام ناس ودايراهم رجال ماشي براهش..

لكن معامن ديما خارجين من جنب كيف جنون وبالأخص سكوتي لي كيضرب غير من لتحت هو لي كتخاف من افعال ديالو لي مكيتضربش ليهم حساب..

اما ساليم لدار لحاجة كيعتارف بيها ويجيها نيشن مكيتخواش ويهبط راسو ميطلعوش قدامها... اما اناس يموت وما يقول اش دار بحال شي ديب معندوش لوجه علاش يحشم ..

حولات تبتاسم ونطقات بشوي..

عفراء: الله يجيب ليك اخويا شي بنت ناس تكون كيف بغيتيها..

جمال : امين اختي ومبروك عليك تا نتي.."حط يدو على كثف جعفر"..خديتي نعمة الرجل...

عفراء بحنيكات موردين بخجل نطقات: الله يبارك فيك اخويا...

جعفر ميل راسو لجنب : اوا لقيتي شي بنت ناس..

جمال : نقولو لقيناها تقويباً...

شاف بنص عينة جهة مينة لي حادرة راسها باين عليها القبول وبعقلها و متبتة ماشي غير لي شافتو تخرج عنيها عليه والحشمة كتشع منها ومن جلس حداها وقرب ليها زاد طاح كثر بزينها لبلدي بحروف كحلين وبشرة بيضاء وحجاب ساترها زاد تعلقات فقلبو كثر و كثر ...

جعفر بدون ما يعيق ضربو لرجلو تحت من طبلة لي فيقاتو من سهتو وهبط عينو حشم وجعفر بقا عادي ..ملامحو مكيقولو والو وماتعرف اش تحت راسو وفشنو كيفكر ...

اما عفراء ساكتات حادرة عنيها وعاطية وقت لجعفر وصاحبو يهضرو على خاطرهم مكتدخلش ولا كتقاطعهم شدات تيقارها حتى حسات بيدين جعفر لمسو يديها بلطف وكيلعب فأصابعها..

جعفر: خاصك شي حاجة ..

عفراء شافت فبلا ديال الحوت لي قدامها و تنهدات بإنزعاج ضاهر..

-لا مخاصني والو غير بصحتكم..

كانت مشهية لحوت و باغياه لكن مرضياش تنقيه بيديها ويتوسخو ليها .كتفات بأكل صلاد فقط حتى تحط طبسيل قدامها فيه الحوت منقي ...

جعفر بصوت هادئ: خاصك تاكلي ضروري مزال ما بريتي..

تبسمات فرحانة وحركات راسها بلطف وبدات كتاكل عاجبها الحال وهو حاضيها غير هي فين ما خوا ليها طبسيل كيعاود يعمرو...

جمال لي شاف كلشي بعنيه فرح لصاحبو لي لقا عائلة ومرا فجنبو لي تعوضو ما داز عليه وتحرم منو...

جمال: مقلتيش ليا ..وقتاش تزوجتي...

جعفر: تقريبا نص عام دابا..

جمال بصدمة: يعني داك نهار من جيتي لكلوب كنتي مزوج ...

كلشي هز راسو مصدومين فجعفر واناس وسليم دقة وحدة قالو..

-كلوووب..

عفراء حطات فورشيط فجنب ودارت عندو كاملة ميلة راسها وتبسمات ابتسامة ما هي ابتسامة ونطقات بمهل..

-سيدي جعفر كيمشي لكلوب !!..جديدة هادي...

جعفر بدا كيحك لحيتو وكيشوف فجمال لي بقا غير كيدور فعنيه ما عرف ما يقول ..

جعفر قرص خدها بلطف: ديال الملاكمة راني عاودت ليك شنو كاين..

رجعات بيها ذاكرة وتفكرات نهار عاود ليها كلشي على حياتو حركات راسها بفهم وشافت فجمال بإستغراب..

عفراء: كنتو بجوج كتلعبو..

جعفر: تم فين تعرفنا ...

جمال بغا يبدل الموضوع : فكرتيني فداك صاحبك امين مبقاش كيبان ليا..

كلشي سكت والصمت اصبح مخيم عليهم غير هو لي بقا كيدور فراسو والابتسامة ديالو تلاشات..

جمال كمش حجبانو: متقولش ليا مات..

جعفر: الهضرة ماشي هنا اجمال..

شاف فيهم كلهم مزيرين حس بشي حاجة لكن مقدرش يزيد يسول حرك راسو وبقاو مجموعين ومن بعد تفارقو كل واحد ركب فسيارتو وكملو طريق نحو مراكش..

وصلو لمراكش لمدينة لي ممنهاش جوج..مدينة لي معروف عليها ارتفاع فحرارة لجو وسكانها بلونهم القمحي الجميل وامتيازهم بإسم "البهجاوة" لي كيدخل البهجة على كل صغير وكبير ..امرأة او رجل ..

بساحة جامع الفنا المعروفة عالميا وكتميز بطابع تقليدي مغريبي ..

قبل ما يمشيو لوطيل خرجو كيدورو فساحة جامع الفنا وكياخدو صور لذكريات زيارتهم لهده المدينة الرائعة...

سليم كيموت بضحك هاز حنش فيديه كيوجهو لعفراء لي كتهرب منو و وجها صفر بالخلعة ...

سليم: وغير اجي قيصيه راه مفيهش سم...

عفراء مخلوعة: بعااد مني مكنحملهمش...

اناس ما هضر ما تكلم داز من وراها وحط ليها حنش فوق عنقها حسات بملمس ناعم داير على عنقها كيتحرك خلا روح تزهق ليها ولون يمشي من وجها...

تجمدات فمكانها مقدرات تغوت ولا تهرب بقاو فقط عنيها خارجين وقلبها كيضرب بجهد ايخرج من بلاصتو...

وهما ماحسو بوالو جالسين كيصورو فيها وفلحنش لي مزال كيتحرك على عنقها..

تقدم عندهم جعفر لي مشا لبنكة ورجع كيشوف فجوانب ديالو كيقلب على شي سمسار لي يكري ليهم دار حسن ما يمشي لوطيل ...

هز راسو وجات عينو مباشرة فيها..تقدم بسرعة مخلوع من شافت وجها صفر وشفاها كيترعدو..حيد ليها الحنش من فوق عنقها رماه فوجه اناس وهبط كيضربها فحناكها تفيق من صدمة ديالها..

جعفر: عفرااء شوفي فيا..مكااين واالو اناا معاك..

مينة حداه مخلوعة مدات ليه قرعة لما كترعد..

مينة: قلت ليهم ميضحكوش معاها هاد ضحك الباسل ولكن مبغاوش يسمعو مني..

اناس تخلع: والله ما كنت ناوي هـادــ...

تقطع صوتو بإصبع جعفر لي تحط قدام وجهو ونطق بصوت كابت فيه الغضب...

جعفر: الهضرة ماشي هنااا..

حطها على صدرو كيفزگ ليها وجها ويديها عاد بدات كتخرج من صدمة وشهقات بجهد كتقلب فعنقها مزال كتحس بلمس الحنش على عنقها بشكل مقزز..

حيد ليها يديها مخنزر: جرح مزال ما برا وتاحاجة ما كاينة..

عفراء جسمها كلو اقشعر: الحنش؟؟..

جعفر: قلت ليك ما كاين والو غير كتخايلي..

جرها لمكان سيارة ركبها حداه ودراري ركبو لور مهزوش راس وجعفر كيسوق بيد ويد دايرها على عنق حفراء لي مزال كتحك لبلاصة ممرتاحاش وهو خايفها تقيص جرح لي مزال ما براش مزيان ..

فين ما شاف ضفارها متاجهين ليه كيحيدهم وزادو شياطن كيلعبو ليه فراس تا كيبغي يخرج ويجرهم يفرشخهم عصا وكيرجع يبرد مباغيش يدير يد فيهم حيت شاف المعزة لي عازهم عفراء ومترضاش يحط يدو عليهم وخا خاصهم قتلة العصى ...

يتبع...