محتوى القصة
بصدمة بقات كتشوف فلوراق لي فيديها وكل داتها كترعد وانفاسها صاخبة وكلامو زاد فشلها...
بعدم تصديق نطقات..
اية : تسناني انجي دابا...
جمع لوقفة مخلوع : واش حماقيتي ليل هذا ما عندك فين تخرجي....
اية بصوت باكي : بغيت نشوفك...
رجع قلبو كيتسارع بصوت بكاها وبسرعة جمع لوقفة...
كمال : انا جاي عندك...
بدون ما يبدل حوايجو مشا كيجري لسيارتو ركب وديمارة طاير لرباط...
بقات فلغرفة وصدمة مزال لاعبة عليها كل مرة تهز لورقة تقراها و ترجع تحطها ممتيقاش و ميمكنش يكون هادشي كلو صدفة ..
بغات تشوفو وتعرف الحقيقة و يفهمها شنو واقع مقدراش تستوعب انه مكيولدش رغم ان جانب اخر فداخل ديالها مبغاتش تعتارف بيه ولكن كتمنى انهم يكونو هاد نتائج صحاح..
تقدر تكون انانية و عزيز عليها راسها ولكن مكرهاتش انه يكون هاد تقرير حقيقي و يكون كمال مكيولدش ويبقى ليها بوحدها..
مع ادان لفجر سمعات صوت ساروت فلباب ..خرجات من بيت نعاس لقاتو امام لباب سدو وشاف فيها مباشرة وهي بحزن مشات عندو كتجري عنقاتو بقوة ودورات رجليها على خسرو وهو دخلها فحضنو اكثر وهي كتقبلو فكل انحاء وجهو ودموع مقادرينش يحبسو ...
كمال بلطف : علاش كتبكي دابا...
اية دخلات راسها فعنقو : حاسة براسي خايبة و مكنسواش...
كمال بدون فهم : واش تسطيتي علاش كتقولي هادشي على راسك...
اية بحزن حسات براسها منافقة...
- ماعرفتش علاش حسيت براحة من قريت تحاليل ديالك وعرفتك مكتولدش كنت خايفة من تعيا مني غادي تخلا عليا وتعاود زواج...
جلس فوق صداري وهز راسها لعندو كيشوف فعنيها وهي كتهرب وجها منو..
كمال : شوفي فيا..
بدنب هزات عيونها فيه وهو بلطف دوز ابهامو على الفك ديالها...
كمال : انا عطيتك وعد قبل ليلة زواجنا وقلت ليك عمري نخليك وخا كنتي كتقولي مزوح بيك غير حيت الوالدة بززات عليا لكن مكنتش ناخدك لو مكنتش معجب بيك ودابا الإعجاب تحول لحب وباغي نكمل معاك حياتي وتقدري من هنا لقدام نتي لي تملي مني وتبغي واحد حسن مني...
بسرعة حركان راسها برفض ...
- نتا اهم عندي من كلش ومستحيل نفرط فيك ولا نبغي غيرك ولا نقلل عليك لحيا..نتا قبلتي بيا بعد ما عمي باعني و طعني فشرفي ونتا رجعتيني مراتك و عطيتيني رزقك و بغيتيني ودرتي معايا لخير لي مداروش معايا لي مشاركة انا وياه نفس الدم...خيرك عليا كبيير أ كمال وندير لي درت ما نوفيش ليه عمري كلو ...
كمال برقة واضحة فعنيه : انا ما بغيتك تردي ليا والو بغيتك فقط تعيشي فرحانة كيف تمنيتي و بغيتي ،واهم حاجة....
"سكت وحط يديه فوق قلبها عاد كمل كلامو"...
- اهم من هادشي كامل بغيت هادا ديما يكون ديالي وعمرو يشوف غيري....
اية بفرح عنقاتو ونطقات حدا ودنو ..
- قلبي من نهار شافك ولا عمى مبقا كيشوف غيرك...
تبسم فرحان بكلامها وهي متكية عليه براحة و طمأنينية ...
كمال كيلعب ليها فشعرها : رمضان قرب تمشي معايا لقبيلة دوزي رمضان...
اية بتردد : و الحاجة...
كمال : مغادي تقول والو هضرت معاها وفهمتها ان المشكل مني ومتبقاش ضاغطة عليك....
اية خرجات عنيها فيه ورجعو عنيها حمرين ...
- علاااش قلتيها ليها كون ما علمتيهاش وخليتيني المشكل مني انا ...
كمال هز كتافو : غادي تمرضك بالولاد و انا كبرت على هاد المشاكل مبقيتش قادر على صداع....
ضغطات شفاه دايلها على شكل خط ونزلات راسها كتلعب ليه فيدو وبدون ما تشوف فيه قالت بتردد...
اية: واش بصح مكتولدش !!!؟...
مبغاش يزيد هو وياها فلموضوع ودغيا قلبها معها ضحك...
كمال : ياك عندي بنت...
اية بصدمة : كفاااش...
شدها من فخاضها زاد فرق ليها رجليها اكثر و جرها عندو جلسها فوق رجولتو وقرب وجهو حدا وجها كيفرنس...
كمال : بنت سميتها أية كنرضعها يومياً...
رجعات حمرة مقدراش تنطق ولا ترد عليه وهو بشوق هزها كاملة غادي بيها الناموسية وهي كتركل بين يديه....
اية : لااا واللله ما فيا ما يدير شي حاجة مزال طوطة ديالي محروضة وكضرني بزاااف....
رماها كاملة فوق ناموسية كيحيد حوايجو و غمزها بجرأة...
كمال : خاصني نعطيك لحليب....
دورات جسدها بغات تخرج من ناموسية..
- سير تخرا يا المكبوت...
شدها من رجليها جرها وطلع فوقها ممخليهاش تهرب وهي كدابز معاه دارو حرب فوق ناموسية وصوت ضحكها واصل فين بغا كتعاير هي وياه بحال لبراهش نساو كلشي ..
كيشوفو فقط بعضهم فعنين الأخر وعالمهم كيتركز عليهم فقط وكل حاجة مبقاتش كتهم فهاد اللحضة ...
دخلات لدوش وعينها منفوخين بنعاس وكدور يديها على شعرها لي طوال ولا يوصل لتحت مؤخرتها ...لابسة فقط ملابس داخلية وكرشها كتبان كبيرة بزااف ومعدباها ...
وقفات حداه فلفابو كيقاد لحيتو ..تبسم من شافها مقدراش تحل عنيها دار معجبون اسنان فشيتة مدو ليها وعمر ليها كاس بالما عطاه ليها وخلاها تحك سنانها وكمل شغلو مركز و مقرب وجهو للمرأة وهي كتشوف فيه بنص عين ....
عفراء : غادي تمشي لشي بلاصة ...
جعفر : امم عندي جلسة ليوم ...
عفراء : على ديك لبنت لي عاودتي ليا بغا طليقها يدي ليها لولد....
جعفر صاط بجهد : هي هاديك دعي معايا يدوز كلشي بخير...
عفراء شللات فمها و مسحاتو : الله يسهل عليك ولكن قلتي ليا راجلها مزوج بعائلة لباس عليها ويقدرو يجرو معاهم لبنت....
جعفر كيمسح وجهو : مغاديش يدخلو حيت عارفين راسهم اش كانو باغيين يديرو وهادشي غير قانوني ولو دخلو ايزيدو غير يغرقو وتا داك طليقها معندوش فرصة باش يتكلف بلولد عندو سوابق قضائية و شحال من مرة تشد بتهمة تعاطي المخدرات ....
خرجات هي وياه من دوش وكل واحد وقف فالجهة ديال لماريو لي فيها حوايجو كيلبسو ويهضرو مع بعض وكل واحد يسول فخدمة الاخر...
عفراء : ادا نقول ليك مبروك القضية رابحها....
جعفر : نتمناو لخير هاد ساعة معرفنا شنو ايوقع ولكن ربي يسير من عندو...
عفراء قربات ليه عاطياه ضهرها يسد ليها سوتيمات وكتهضر معاه عادي...
- قلتي ليا لبنت مكتعرفش تقرا...
سد ليها سوتيمات ودوز يدو على كرشها بلطف وباسها فكتفها بحب..
- قرات غير شوي ماشي بزاف كتعرف تهجا...
عفراء شارت ليه يلبسها سليب وهو تحنا على ركابيه كيلبسو ليها وهي حاطة يديها على راسو مكالية نفسها باش مطيحش...
عفراء : اوا جيبها عندي دير لميناج وتقاد رفوف ديال سلعة وتعلم من لبنات تا تولف لخدمة عاد نعطيها شي بوسط مزيان...
جعفر جر سروال لكيمطة كيعاونها تلبسو ..
- مهم نتي تعرفي لهادشي انا غير بقا فيا داك لولد وعارف الأم من كتكون بلا راجل كتكرفص بزاف و مبغيتهاش تعدب كيف تعدبات لواليدة هادشي علاش طلبتك ضبري ليها على شي خدمة ...
عفراء : ماشي مشكل اصلا غادي نحبس هاد شهر تقلتت بزاف و مبقاش عندي لمزاج ديال لخدمة وخاصني لخدامة لي نعول عليهم ونيت مزيان لواحد يدير لخير على الله يسهل ليا لولادة ونتفك دغيا ...
جعفر ووقف هز مشطة مشط ليها شعرها كيدير لحاجة بلا ما تسولو ولا عندو روتين كيديرو بدون شعور..
جمعو بين يديه مبهوض..
- شعرك طوال بزاف ممعولاش تنقصي منو...
عفرء: غير خليه خفت ندوز عليه لمقص و يبقا يطيح ليا مع لولادة...
جعفر : ولكن غادي يغلبك فلغسيل....
دورات راسها كضحك..
-ونتا علاش موجود...
شدها من فكها جرها عندو باسها بجهد في فمها..
- لي حب خاطرك امولاتي...
جمع ليها شعرها وخلاها تكمل شغلها لراسها وتوجه هو كيلبس حوايجو ويقاد وراقو..
غطات شعرها بشال ديال المحجبات ولبسات تجاكيط ديال لكيطمة طويلة واصلة حد فخاضها...
لبس صباط ديالو ومشا عندها هاز سبرديلتها لبسها ليها وكل واحد هز ساروت ديالو خرجو و كل واحد مشا لشغلو هي بغات تمشى باش يعاونها على لولادة اما جعفر ديمارة بطونبيلتو وتوجه لمحكمة يكمل القضايا ديالو ...
هزات تليفون كتهضر مع عمتها حادة لي سافرات هي ومازن لصين تعرف على عائلة الام ديالو ودوز هي وياه شهر لعسل ..
عفراء كتفرنس : مالكي كتباني مصخصة...
حادة كتهضر بزز : ولد لكلب مخلانيش نعس الله يلقيها ليه...
عفراء : مالكي على هاد دعاوي كاملة بحالي اول مرة ليك...
حادة : منكدبش عليك لقلت ليك اول مرة نحس بهادشي ..10 سنين وانا مزوجة عمرو فات معايا خمسة ديال دقايق اما هاد لمكبوت ديال مازن شدني بسوايع تا وليت نطلب و نرغب بحال الحمقة مخلاش فيا عضم صحيح...
عفراء كضحك من نيتها : اوا فرحي زهرك جاب ليك مول المطريال صحييح ...
حادة بغات تقاد فالجلسة وهي تأوه بصوت مرتفع متألمة من لتحت مقدراش تجلس وبعصبية نطقات...
- شفتي ولد لحرام اش دار فيا لجليس ما بقيتش قادرة نجلسو غير متكية على كرشي بحال زحاف...
عفراء بقات كضحك : سيري اعمتي عند راجلك قبل ما تبقاي تعاودي ليا المصايب ديالك نتي وداك المقزدر..
قطعات عارفة عمتها مكتشدش لسانها وغادة تعاود ليها بتفصيل وهي مكيعجبهاش تسمع على حياة الناس و بالاخص العلاقة لي كتكون بين راجل و مراتو كتفضل تبقا بعيدة ومتسمعش حوايج لي مخصهاش تسمعهم ...
رجعو عنيها كيلمعو فرحانة بزهر عمتها لي تقعد ميمونها ولقات ولد ناس لي بغاها وفرحان بيها..
دخلات الهاتف فجيبها وبقات كتمشى غادة لمقهى حدا لبحر توحشات لجو ديالو والهدوء لي تم ..
خدات طريق مختصر كيكون خاوي من ناس ومع دورة توقف جسدها بصدمة فأناس لي مقنت فاطمة وباين عليه العصبية و كيغوت فوجه فاطمة لي كتحاول تهضر كأنها باغية تفسر ليه لكن هو عاد ما كيزيد يكشكش فوجها معاطيهاش فرصة تشرح...
بانت ليها عصا فجنب طريق وهي تهزها وتقدمات عندو وقفات وراه وهو حس بخيال بغا يدور يعرف شكون وهي تجيه ضربة لجناب زلزلاتو وخلاتو يطيح على وقفتو ما عرف باش تبلى ....
هز راسو مغدد وهو يجمد ليه دم فالعروق من شاف عفراء..
اناس : عمتييي...
عفراء مخنزرة بغات تعاود ضربو ..
-درتي جنحين و وليتي تقنت لبنات..
اناس ما عرف راسو باش تبلى هارب من لعصا لي كتخبط فيه...
- واااعمتي خلييني غيير نشرح لييك اش وااقع...
زادت فقوة ضربة : شنو لي اتشرح يا لبرهووش مزال ما باغي دير عقلك شوف كيف خلعتي لبنت ورجعتيها صفرة قطرة دم مافيهاش...
اناس بعصبية خرج عينو في فاطمة لي تخبات ورا عفراء ...
اناس: سوليها هي اش دااارت علاش ضربيني غير انا هي لي خاصها لعصا...
رمات لعصا من يديه معصبة ...
- ديري لي بغات دير..نتا معندكش لحق تقيصها ماشي ولدتيها اسيدي...
اناس بصدمة شار لنفسو ...
- عمتي انا ولد خووووك شكون لي خاصك تجي منو انا ولا هي...
عفراء : ربي عاطيك فم هضر بيه متبقاش غير رامي فدوك ليدين..تحكم فيهم شوي قبل ما يجي لي يهرسهم ليك ...
فاطمة تحرجات وسط منهم وقالت بتوتر..
-الغلط مني انا اختي عفراء.. انا لي مادرتش بكلامو...
اناس هز راسو ودفع صدرو عاجبو الحال وعفراء كتهبط وطلع فيه..
- تا نتا اصدر لبيبي ولات عندك لكلمة...
اناس فش داك صدر لي نفخو ...
-وااا عمتي متبقايش تهبطي مني قدام لمدام ديري ليا شوي ديال الإعتبار راني كبرت و وليت راجل...
عفراء صاطت بجهد : دابا مالكم كدابزو اش وقع ليكم..
اناس خنزر في فاطمة لي بزربة بعدات منو ورجعات تخبات ورا عفراء ..نطق مغزف عليها..
- عاد وليتي كتعرفي لخوف ...
عفراء مبقاش عندها لكانة تزيد معاه الهضرة. .جرات فاطمة ومشات لكافي تجلس ترتاح وتاخد شي عصير وهو تابعهم من لور كينگر على فاطمة..
اناس : ياك كديري لحجاب علاش خارجة بديك لبسة كلها مزيرة گاع فصالتك كتبان...
" شافها ساكتة مرضاتش عليه وهو يجعر"...
- دابا كلامي ما بقات ليه تا فايدة وليتي تلقاي برجال بلا خباري كل نهار لقاك فقنت بحال زريعة غير مشتا فكل جوايه....
بقات عاطياه صمت وعفراء مدارتش فيه راسها وهو حلف لا سكت ...
- من لخر ابنت ناس انجيك نيشن ...داك خيطي بيطي لي كنتي تعرفي ليه غادي يتحد معايا تخرجي برجلي ودخلي برجلي اما لقاءات دياولك مع دوك لحوالة ديال لخليج ز*مر لخليتك تمشي ليهم....
عفراء تجننات وهي دور عندو...
- نتا مال طاسيلتك نبتي غير لبارح وبديتي تفرعن غير وحدك سيدة خدامة كيف كل ناس عندها مشاريع خاصها تكلم فيهم وتلقا مباشرة مع رجال لي ايخدمو معاها نتا اصلا باش من حق باغي تحكمها ...
اناس وجهو قاصح : مراتي و من حقي..
عفراء خسرات ملامحها : مراتك؟؟؟..سير اولدي تا دير 25 سنة عاد اجي دوي على زواج و سميها ديك ساعة مراتك...
اناس بعصبية : لخرا لي انتسنى تال 25 والله ما نعقل عليها غير يعطيوني ضو لخضر انديها نيشن لعدول واش من نيتك كتسناي مني نصبر عليها ...
هبطات راسها حشمانة وحنيكاتها توردو بخجل وهو بسرعة تبسم من شاف ردة فعلهم كيبانو بحال شي براهش عاد كيتعلمو الحب بقات عفراء غير كتشوف فيهم ...
عفراء : انا لي حمقة جالسة كندوي معاكم هنا ودايرة فيكم عقلي ونتوما متكسابوهش....
اناس عنقها كيفرنس : راكي لعمر ديالي ونتي بوحدك لي كتفهميني...
عفراء هزات راسها منفخة وكتشوف في فاطمة..
- ونتي عاجبك هادشي....
فاطمة حركات راسها بسرعة وعنيها لتحت باغية تغبر بالحشمة قدام عفراء وهو بقا كيضحك فرحان هو لي عارفها كيف دايرة وعندو سروتها وعارف عقليتها..
هي ماشي بحال لبنات لخرين ..هي حياتها كاملة عاشت فحرية وشافت و تشوفات ومخلات معامن تلاقات ...مشتاقة لديك غيرة راجل لي كتكون قاصحة ويبينها فأفعالو ويحكمها و ينبهها وهادشي لقاتو فاناس لي كيتسطى لشافها مع شي رجل اخر ولو غير اجتماع على حساب لخدمة لكن كيتفقص و يدوز ليها نهارها كحل بنگير وخا كدير راسها مقلقلة لكن فلداخل ديالها كيعجبها تشوف لغيرة كتحرق فيه وتاكلو ..
كتبغيه يغوت ويموت فغيرتو مبغاتش هداك لي لغيرة ديالو بسكات و تجاهل هاد نوع كيمرضها و مكيعجبهاش ..
كتبغي نوع اناس لي كيجي فاص يا تمشي معاه فخط واحد يا غادي يعوجك ويرجع يقادك بيديه...
عفراء مبقاتش باغية دخل فأمورهم و بدلات الموضوع..
- اوا وقتاش لخطوبة...
اناس : شمن خطوبة العميمية قولي وقتاش لعرس ....
فاطمة قطعاتو : عائلة بابا اتجي فأخر الأسبوع يحضرو لخطوبة وبغاو يتعرفو عليك وخالي جنرال فالقوات المسلحة المغربية غادي يكون تا هو معانا ولعجبتيه يقدر يسمح لينا نتزوجو قبل ما تخرج..
كان كيشرب قهوة وهو يتوقف مخرج عينو فيها...
اناس : متقولييش ليا دايرن بحال باااك ومخنزرين غير وحدهم...
فاطمة تقلقات : بابا ضريف ودار معاك داكشي غير حيت بغا ليا الخير ...
عفراء ضربات اناس فرجلو من تحت طبلة ..
- كون راجل وجيهم نيشن متبقاش تخوا عليهم..
اناس : اودي غير ميديروش ليا العصى فرويضة و نبقى طلع نزل تا يكرهوني ونصدق خاطفها ونتزوجها ضد فيهم ...
فاطمة رجعو عنيها كيبريو : زعمة تقدر دير على ودي هادشي ...
اناس غمزها : وندير كثر على عمري ...
عفراء شافت فيهم بتقزز : غير حك وصاب غطاه ..مصرفق تابع مصرفقة ...
بدل يتقلقلو منها رجعو كيضحكو وطارو عليها بتعنية قجوها ..هي تغوت وهما زايدين فيه تا ولات كتطلب فيهم يتفرقو عليها خلاو كل لي فالمقهى يضحكو عليهم و في فعايلهم...
طغا عليها الإحراج بكلماتو وبسرعة هبطات راسها غارقة فالحشمة...
جمال : باش نجيك نيشن أ مينة ونقول ليك صراحة نتي كتعجبيني وشحال هذا وانا حاط عليك العين وبغيتك تكوني معايا صريحة واش بغياني كيف انا بغيك ولا غير قبلتي عليا حيت والديك عجبتهم....
هزات كاس عصير كتشرب منو وكلماتو خلاو لعصير يوحل ليها ..بغات ترجع لصمت مرة اخرى وهو ينبهها...
جمال : بغيت نسمع صوتك امينة ماجبتكش لهنا بش نبقا نهضر غير وحدي ...
مينة بحرج : اننن انا ...
سكتات مقدراش تزيد لكلام و صوتها تخنق و وجها رجع حمر ..عندها الحشمة زايدة بزااف وجات تال جمال و ضوبلات ..هي عكس عفراء فكلشي وهو غوبش وجمع لوقفة....
جمال : مكنتش كنصحابك اتقلقي ..نوضي نرجعو لرباط...
بقات جالسة وزيرات على راسها بزز وهزات عنيها شافت فيه مباشرة وبخجل وصوت ضعيف بحال شي طفلة قالت...
- مكنتش انقبل بيك لو مكنتيش عاجبني..
هز حجبانو شداتو ضحكة ورجع جلس وقرب ليها كاس ديال لما..
جمال : مالكي على هاد الحالة راني مغاديش ناكلك غير كنهضرو وصافي...
نشات على وجها : غير كنحشم بزاف و صافي ...
جمال تكا على طبلة وعينو عليها..
- معندك علاش تحشمي انا وياك انوليو مرا و راجلها و الحشمة مخصهاش تكون...
مينة بتردد : انحاول ...
قاطعها : انا بغيتك تولفيني ومتحشميش مني ...
مينة تبسمات بلطف : وخا...
لحشمة مكتجيش معاه فور ما شاف الإبتسامة ديالها قرصها فخدها....
جمال : يخلي ليا زين لي يقول وخا...
حطات يديها على خدها فين قرصها وزادت فالإبتسامة وبانت حفرة زين اكثر زادت حمقاتو اكثر ما محمقاه ..زينها بلدي وشفارها كوحل كيخليوك تغرق بشوفة فيهم و فمها لي صغير و منفوخ كيزيد يتشهاه و يتمنا نهار لي يتدوقو ...
تنهد بعمق و جمع الوقفة...
جمال : تبغي نتمشاو شوي فالمدينة لقديمة ...
مينة : وخا...
وقفات حداه تسناتو يخلص و خرجو مع بعض...شد ليها فيديها وشبك صباعو مع صباعها معطهاش فرصة لرفض وهي كدالك مهرباتش يديها خلاتو يشدها وبقات كتعض فيي فمها من لتحت...
بقاو كيدورو فالمدينة لقديمة و كيشوفو صنعة التقليدية ويتفرجو فكل حاجة.. يهضرو مع بعض و يضحكو و يتلفو الوقت...
دورات عنيها كتشوف المجوهرات وهو متبع ليها العين..
جمال : تبغي دخلي تشوفي ...
مينة برفض : لا غير كنشوف...
جرها دخلو لمحل ديال دهب لي كانت كتشوف فيه ودار عندها...
- شنو لي عجبك...
تبسمات بإستغراب..
مينة : راني غير كنت كنشوف والله ماشي بغيت نشري...
جمال بانت ليه سنسلة مع حلقات وبلبراسلي ديالها...شار لمول لمحل يمدهم ليه وجر مينة حداه..
جمال : عجبك هاد ديكور...
مينة عقلها حبس : واش من نيتك كتهضر...
بدون ما يجابوها عاود شار لبلاصة ديال لخواتم جابوهم ليه حطوهم قدامو وهو بقا كيختار وهز ليها يديها ختار لخاتم لي عجبو ركبو ليها...
جمال : هدا جاك زوين غادي يجيك مع هادو ..
بقات هي غير كترمش وكتحاول ترفض....
مينة : جمال هادشي بزااف و الله ...
عاود قاطعها : ماشي مشكل اصلا اول خرجة لينا خاص ناخد كادو لزين ديالي...
شداتها لقوا وهو خبر مول لمحل يجمع ليه كلشي يكتبهم فسميتها وهز شيك قيد تمن ديال دهب لي خدا عطاه لمول لمحل و خدا دهب لي شرا عطاهم لمينة وجرها خرجو وهي بقات غير كتشوف وقلبها ايخرج ليها من بلاصتو...
بعد صمت نطقات بصوت ضعيف..
مينة : شكراً...
دار عندها مبتاسم ...
جمال : كلشي ديالك...
وصلو لسيارة فتح ليها لباب تجلس و رجع لمكانو ركب حداها وقبل ما يديماري قرب عندها وقبل ما دير شي ردة فعلها قبلها مباشرة في فمها خلاها جامدة في مكانها...
بعد منها كيفرنس وقال بصوت تقيل...
جمال : مرة خرا شكريني بهاد طريقة الغزالة...
تكمشات فبلاصتها مزادتش معاه الهضرة وهو ديمارة سيارة شد طريق سيار نحو الرباط وهز تليفون كيقلب فاليوتيوب..
جمال: شمن اغنية كتعجبك تصنطي ليها...
مينة مهبطة راسها : انا مكنسمعش لاغاني...
كمش حجبانو بدون فهم : علاش مكيعجبوكش...
مينة : كنحاول ما نسمعش ليهم حيت حرام...
دار عندها كيشوف فيها بإستغراب وهي بقات ساكتة ...طول طريق وعقلو غايب بحال شي واحد طرشو فهاد اللحضة...
دار سينيال ليسر يدخل لرباط وحل فمو بغا يهضر معاه...
جمال : من ايمتا كديري لحجاب...
مينة : من نهار بلغت...
جمال بإعجاب : تبارك الله عليك درتيه غير وحدك ولا بززو عليك شي حد ...
مينة : لا درتو غير وحدي ...
جمال : معندي ما نسالك الالة اوا شنو لي مكديريش من غير الأغاني لي مكتسمعيش...
مينة : عادي كأي وحدة كيعجبوني حوايج بزااف بحال كل بنت لكن مؤخرا وليت كنتفادة لحوايج لي محرمين عليا فالدين بحال نتخالط مع رجال او نسلم عليهم ...
حمال تحرج : كدقي عليا دابا حيت بستك....
رجع وجها حمر : انا غير جاوبتك وصافي...
جمال بفهم وعجبو الحال كثر..
- سمحي ليا مكنتش عارف هادشي انحاول ما نقربش ليك تا نديرو العقد ...
وصلخا لدارهم بقا متبع ليها العين تا دخلات عاد كمل هو طريق ناشطة ليه...
دخلات لدار حادرة راسها وهزة فيديها صام صغير فيه دهب لي شرا ليها...
بشرى مطل عليها من لموزينة : مينة جيتي ابنتي شنو داكشي فيديك..
مينة : غير مادو شراه ليا جمال...
كلثوم مسحات يديها فتزارة و تقدامات عندها ..
- اش داكشي...
خداك صاك من مينة حلاتها وهي تخرج عنيها فدهب ..هزات كتقيصو بإعجاب...
كلثوم : يا ختي هاد ولد ناس شحال صدق حلو وعندو ضوق..
لطوف هابطة من دروج ...
- شوفي رجال كيف دايرين ولي يعرفو يشريو مااشي بحال زمانا يجيب ليك قالب سكر و سواك ويجي عندك بوجهو حمر ...
سي لعرب جالس فصالون كيقرا كتاب سمع كلام لطوف وهو يكمش حجبانو وقال...
- البركة ديال بكري ماشي هي ديال ليوم الالة لطوف...
جلسات حداه منفخة رمات لحوايج قدامو كطوي فيهم...
لطوف: اوا غير لواحد يتفكر مرة مرة انه عندو مرا ويفرحها بشي سنسلة ولا خاتم ...
سي لعربي كيشوف فيها بنص عين ..
- مكاين لي ينساك الالة لطوف راكي نور ديال هاد دار ...
لطوف مخنزرة : اوا بين ليا اسي لعربي مبقاتش المحبة غير فالكلام كاين تا فعطيني نعطيك ولا لا....
سي لعربي : ما قلتي عيب الالة وانا ما مخبي عليك والو لي عجبك وبغيتيه هزي لفلوس وسيري شريه واش انا عمري قلت ليك لا...
لطوف تفقصات : واش انا كنقول ليك مخبي عليا انا لي قصدتو هو الكادو اسيدي ..جيب شي هدية من دخل من هاد لباب تفرحني بيها و تفكرني فيامي من يلاه تزوجنا و خا كنتي تجيب ليا غير كوكاو والحمص ....
سي لعربي حط لكتاب من يدو وتنهد ..
- وخا الالة ما تكوني غير على خاطرك مرة خرا ندخل معايا الهدية كيف بغيتي وتشهيتي..
لطوف رمات لحوايج من يديها غضبانة..
- لا اسيدي داكشي لي تشريه ليا ديني معاك رجلي برجليك و نختار على ضوقي اما لتسنيت ضوقك غير نكب الما على كرشي بداك ضوق العروبي ديالك...
سي لعربي صغر عينو ..
- هيا ضوقي مبقاش عاجبك الالة لطوف..
لطوف جاتو نيشن ..
- ضوقك قديم وخايب اسي لعربي ...
لعربي قرب عندها وهضر حدا ودنها...
- ياك ضوقي هو لي ختارك وبغاك نهار لول ولا نسيتي...
لطوف حطات زيف على فمها ودفعاتو كتفرنس...
- اوا من هكذا را ضوقك زيين اسي لعربي...
بعد مرور اسبوع ..كل واحد فين عاطي راس مشغول بخدمتو و حياتو...
فالمحل واقفة بنعومة ضاهرة فملامحها كتكلم مع البنت لي قدامها لي هازة ولد فضهرها...
عفراء : مبروك عليك من ربحتي القضية و بقا ليك ولدك..
جوباتها حادرة راس و باين عليها الحشمة ..
- الله يكتر خيرك اختي نتي وراجلك عمر خيركم نساه...
عفراء : ماشي مشكل مهم يبقا ولدك عندك ..اش سمك الله بعدا..
- سميتي غيثة الالة ...
عفراء : مشرفين اغيتة وعيطي عليا غير عفراء بلا ديك لالة حنا هنا كنخدمو بحال لخوتات وكلشي بحال بحال وهانتي كتشوفي المحل قدامك مزال عاد كيكبر وانا غادي نجلس بحكم اني اندخل لشهري و خاصني راحة وهادشي علاش بغيتك تبيني ليا حرفة يديك وتكوني حارة وقاضية شغل بحالي انا لي كاينة ....
غيثة : كوني هانية اختي عفراء غير علميني شنو ندير وغادي نعجبك وخا مصرياش مزيان لكن خدمت فبزاف الحوايج و كنعرف نسلك راسي بلي كان..
عفراء حركات راسها : اوا هكذا نبغيك تكوني مرا قادة و حارة وتعرفي تخدمي على راسك طلاق ماشي عيب و ماشي نتي لولة ولا لخرة.. الحمدلله راكي مزال صغيرة وزوينة اي واحد يتمناك...
غيثة بخجل : ربي يخليك اختي و الله يخلي ليك سيدي جعفر...
عفراء : امين يا ربي .."مدات ليها لبسة ديال الخدمة "...هادي لبسة لي اتبقاي تلبسي يوميًا كنت فلول بغيتك تديري غير الميناج لكن من بنتي ليا زوينة مشالله انخليك تعلمي من لبنات لخدمة فالإستقبال تولي نتي لي تستقبلي ناس و تهضري ليهم على ليكارك ديالنا وكل حاجة ولاش كتصلاح ودوريهم على لمحل وها هما لبنات ايعلموك كلشي خاصك غير تكوني قافزة وكتفهمي دغيا...
غيتة خدات لبسة بفرحة : كوني هانية اختي وغير صبري وشوفي غادي تعجبك خدمتي...
عفراء : انشالله و مهم فالخلصة انعطيك فلول 2000 درهم وغادي تاخدي نهار واحد راحة فالاسبوع ونتي لي اتختاريه و نتمنى تعلميني قبل باش نجيب لي يخدم بلاصتك وكل شهر اتكون هدية على حساب شحال من برودوي بعتي وشحال من كليان سجلتي العضوية ديالو ...
غيثة بفرح حركان راسها بسرعة : الله يكتر خيرك اختي عفراء عمري نسا هاد الخير لي درتي فيا ...
عفراء : انا عطيتك غير فرصة وغادي نتبع خدمتك ونشوف واش تستاهلي او لا .." شارت لولدها"...بالنسبة لولدك كيف اديري معاه...
غيتة : الواليدة اتجي تسكن معايا وهي لي اتحضيه ليا باش نركز فالخدمة...
عفراء : مهم حمري ليا وجهي وكوني لالة ومالي متخلينيش ندم حيت خدمتك عندي.."عيطات على لبنات توصيهم عليها ".. هادي اتخدم معاكم من ليوم علموهال لي خاصها تعلمو وصبرو معاها .....
- وخا اختي عفراء...
مشات معاهم وبقات عفراء كتشوف لوراق لي فيديها...دخلات عليها خديجة مزينة لحالة وريحتها سابقاه..هزات فيها حجبانها مبهوضة..
عفراء : زيانيتي العفرية ...
خديجة جلسات بكل انوثة ومبتاسمة بأدب ..
- عقلتي نهار لي وقفتيني فباركينغ ديال مرجان كون ما كنتي نتي لي خدمتيني معاك كون علم الله فين لاوحت راسي...
عفراء : راكي غير مكنتيش مهلية فراسك الهبيلة غير شوي ديال تهلو وها نتي وليتي قرطاسة لي شافك يتلف وانا ما خسرت والو قلت ليك اتكوني الوجه الإعلاني ديال لي مارك ديالي وها نتي كتشوفي نتيجة ..زادت المبيعات هاد الأيام بزاف من تفرجو ناس فالإشهار لي بين كل فترة العلاج لي دزتي منها فوجهك ولحبوب و شعرك ولوزن لي خسرتي .. ولاو تا ناس الخليج كيطلبو منا نرسلو ليهم ...
خديجة بدهشة : اواه تال هاد درجة....
عفراء فرحانة براسها : وبزاااف وتا مروكو مول سنيت معاهم كونطرا غادي نفتح عندهم محل نبيع سلعة ديالي عندهم...
اية لي كانت داخلة وهازة كرطون فيه طارت بارد ..خرجات عنيها من سمعات كلامها...
- وقتاش هادشي ما فراسي وااالو...
عفراء خنزرات فيها : نتي فين عمري لقيتك من نحتاجك ديما هاربة عليا و كتخلي كلشي فوق راسي ..
اية بحرج: وراه اختي مكنعرفش لداكشي لي كتعرفي ليه نتي و وزيد انا مقرياش بحالك ....
عفراء : حاولي أ اية مبغيتش نمشي نولد وناخد فترة ديال راحة ونجي نلقاك هدمتي ليا كل لي بنيتو راه عمري نسمح ليك وتخوي بيا ...
اية جلسات حداها وعنقاتتا..
- كوني هانية راني عارفة غير زايدة معاك فهادشي اما نتي هي مولات كلشي وهاد المشروع كبرتيه بأفكارك و خدمتك ...
خديجة كضحك : اودي لكان غير عفراء راها موس ماضي مكنتش اصلا كنتوقع انبكرو بهاد شكل وفهاد الوقت القصير وكلشي يولي باغي يشري من عندنا...
عفراء : لواحد هو يتيق براسو و كلشي ايتقاد من عند الله..
بقاو كيهضرو فخدمتهم وكتوري كل وحدة شنو خاصها دير معولة ايكون هذا اخر نهار ليها فالمحل باغية تركز على راحة و تقل زاد عليها مبقاتش قادرة تركز على خدمتها...
وصل ليل و كل واحد دخل يرتاح فدارو جالسة فالبيت ديالها حاطة بانيو مخصوص لرجلين وفيه ماء دافئ ..مدخلة فيه رجليها وحاطة ماسك ديال لخيار ولما ورد فوق وجها يجدد ليها نضارة ديال لبشرة وهازة كاس لويزة كتشرب منها تهدأ اعصابها وتريح نفسيتها ...
قدامها جالس جعفر كيقرا الملفات ديال خدمتو...
شافت فيه وداكشي لي فراسها قالت..
عفراء : ندير ليك بحالي...
جعفر بدون فهم : شنو لي غادي ديري ليا...
عفراء كتفرنس : عندي واحد لماسك خطير غايجي معاك زوين و يحيد ليك ديك لكحولية من تحت العينين بكثرة سهير...
حط ستيلو من يدو وكيشوف فيها بنص ابتسامة ...
- كضحكي عليا ولا مالك...
عفراء خنزرات فيه ..
-بغية نتهلا فحبيبي وندير ليك مساج علاش غادي نضحك عليك..
جعفر مشا معاها فلخط ..
- وخا الالة وريني اش غادي ديري ...
وقفات عاجبها لحال مسحات رجليها من لما وهزات بانيو خواتو من لما وعمرتو بما دافي ومشات عندو حطات ليه لبانيو قدامو وخشات ليه رجليه وخلاتهم يرطابو ..
هزات جهاز ديالها كدير فيه لما وكيخرج منو بخار كيدار لوجه يفتح المسامات ..دارتو ليه وقابلاتو مع وجهو ووقفات وراه دارت ليه فوطة باش وجهو يتعرق مزيان و بدات كتحيد ليه بوان نواغ وهو عاطيها لخاطر..
خلاها دير ما بغات وهي كتخدم من نيتها .. رطبات ليه وجهو بعد ما سلات وخلاتو يرتاح و توجهات ليدو قطعات ليه ضفار و برداتهم ودوزات عليهم كريم مرطب وبقات كدير ليه مساج وهو شاف فيها بإبتسامة حنينة عاجبو الحال وبلطف دور يدو على شعرها..
هزات راسها تبسمات ليه ورجعات تكمل شغلها هزات ليه رجليه وجابت كرسي علقاتهم ليه وجابت حكاكة بدات كتحك ليه وهو كيتهر ...
جعفر : غير بشوي ....
عفراء جالسة على ركابيها قدامو وخدامة من نيتها..
-شوف شحال جلد الميت كاين فرجلك خاصهم يتحيدو كاملين...
قواة فالحكان حردات ليه رجليه مزيان وهو صابر ..رجعات غسلاتهم ومسحاتهم ليه ودارت ليه كريم من لتحت رطابتهم ولاو كيشعلو ...
بقات كتشوف عاجبها الحال وهي تهز عنيها فشعر ديال رجلو...
عفراء : عندك شعر بزااف...
جعفر هز حاجب وهبط لخر..
- ومن بعد....
عفراء من نيتها : نحيدو ليك عندي واحد لواكس زوين كيحيد زغبة من جدر ...
جعفر خنزر فيها : لا دابا تقاديت انا وياك بقا ليا غير المكياج وتلبسيني حوايج لعيالات ونوليو خوتات..
عفراء : مافيها والو شحال من واحد كيحيد زغب شوف غير الممثلين صدرهم ملط ما فيه تا زغبة...
جعفر : عفراء واش كتفلاي عليا ولا كتهضري من نيتك...
عفراء من نيتها : دابا غير بيناتنا هاد زغب فاش ايفيدك..
جعفر : وخا الالة ولا حيدتو باش ايفيدني...
عفراء كمشات حجبانها : والو ولكن غير..
قاطعها جعفر : عفراء ربي خلق كل حاجة بإعتدال ديالها وشعر جسم راجل كيكون مختلف على المرأه اما لو كلشي بدا يحيد زغب مابقنيا نفرقو بين راجل من لمرا بحال لي واقع دابا ....
عفراء حركات رسها بفهم وهو جرها عندو جلسها حداه ...
جعفر : اوا البرهوشة ديالي غادي تحبسي من لخدمة اش بان ليك تمشي معايا لكازا لفيلا سلات وتفرشات خاصها غير شوي ديال تهوية اش بان ليك نمشيو نجلسو فيها شي يمات وتختاري لون ديال بيت نعاس ديال دراري...
عفراء : اوكي ...
بقاو مجموعين مع بعض وكيقلبو فسيت ديال اتات الأطفال وشنو خاصهم يشريو ..بقاو كيتشاورو مع بعض ويقيدو شنو ختارو خالقين جو دافئ مع بعضهم مرة يقبلها ومرة تبوسو مرة يجرها من شعرها مرة تنتفو من لحيتو وتهرب تخليه كيتحلف عليها ويتبعها معول يصلخها لكن من يشدها كتولي طلب فيه يطلقها وتبقى فيه و يطلقها وينبهها ما تعاودش وما تكمل تا خمسة ديال دقايق تعاود تجرو من لحية مخلياه يتجنن عليها وهي طيح فوق صداري كاملة تموت عليه بضحك ....
جعفر شدها من رجليها جمعهم وخشاهم بين رجلو..
- شتي نتي شي نهار غادي نصليها معاك بهاد لفعايل ديال لبراهش..
عفراء هزات صبعها صبعاتو كتفرنس..
- حربش تحط يديك عليا...
قرب عندها هاز حجبانو..
- وزايدة فيه اجهنم الكحلة سبع شهور ونتي جراني لاكوا لا حلوى وزايدة كتصبعي ...
عفراء بقات كتركل بغات تضربو لصدرو وهو يشد ليها رجليها فرقهم ودوز يدو على فخاضها من لداخل تقزدر معاها ...
جعفر : شنو نخورك دابا ولا شنو ندير ليك...
رجع وجها حمر : سير يا المكبوت خاصك غير معامن...
جعفر كيفرنس : دابا مالنا على هاد المعيور ياك نتي لي بديتي...
عفراء خنزرات فيه : تا نتا غير على القرص كون ما كنتي تخاف الله كنتي شحال هاد دير شي زبلة...
جعفر ولفها ولا كلامها مكيأترش عليه وزايد معاها فالهضور..
- دابا هاد زبلة لي كدوي عليها بغيت نديرها غير معاك اوا عطيني احبي فين نفرغ...
عفراء خرجات عنيها : والله ما تفرغ وخا تموت...
جعفر : دابا شنو نبقا شاد هادشي ونزيد فصبري كثر ما انا صابر .....
عفراء خسرات سيفتها..
- ومالك نتا لول ولا لخر كاع رجال كيصبرو...
جعفر : انا كنت صابر نتي لي جبدتي على راسك هاد نحل كامل...
عفراء : بغيت نشالله هاد نحل يقرصك فيه...
حط يدو فوق ديالو مقصح من تخيلها خلا داتو تبورش عليه
جعفر : ولايني راكي لفعة مسمومة مع راسك ...
عفراء مقصحة شوفة ..
- كون تشوف لفعة ديالك لي من دقة لولة عطاتني توام مضوبلين كون گاع ما تكلم على لفاعي ...
جعفر شداتو ضحكة عندها لسان طويل فالبلاصة ترد عليك ما تعرف باش تجاوبها ...
شدها من فمها وقرصها بشوي...
- عندك هاد لسان خطييير كتردي الكلمة بحال القرطاس ...
عفراء : اوا نتا لي جبدتيني شنو بغيتيني نبقا ساكتة ليك ونحدر راس....
هبط راسو عضها فتدي ديالها خلاها تغوت مقصحة ..
عفراء : يخخخ تفو يا الهيماجي طلق...
جعفر معول هاد ليلة ميطلقش صراحها ..دوز يدو على فرقة صدرها...
- اش بان ليك نجرب فهاد لبلاصة ..
عفراء تجننات : اننننننن واااطلق ازمر والله ما تحلم بيها وخا تعواج ...
جالس على ركابيه محصور بين فخاضها..حيد تريكو ديالو رماه ونزل عندها قبلها فوق فمها مخلهاش تزيد تهضر ولا تمنعو ...
كان فلول معول غير يشد معاها فالهضرة لكن لقا راسو سخن وبدات رغبة كتعمي ليه العنين ومقدرش يشد راسو عليها ...بدون ما يواعى بنفسو لقا راسو هجم على فمها كيمضو بجوع ويدو كتضغط على صدرها ووهي كتطلق انين تقيل بين فمها..
بعد منها شوي وعينو معسلين وضعاف بزاف مقادرش يمنع راسو...
جعفر : مالكي..
عفراء بصوت هامس : غير بشوي كيضروني بزاف...
رخف يدو على صدرها و بقا كيتحسسهم ببطئ عاجبينه و متلدد بيهم..
جعفر : تنفخو ليك ....
عفراء سهات فيه : اننن هادشي علاش كيضروني..
بقا كيماصيهم بخفة ودخل راسو فعنقها كيقبلها بتلدد كيخلي روحها تبغي تخرج..عارف ساروتها و منين يجرها عندو وتحس بيه ..
طلع فمو لودنها مص ليها شحمة الادن ونطق بصوت مبحوح..
جعفر : نقدر..
عفراء بخوف : وخا ولكن غير من لفوق عافك..
مص ليها عنقها بجهد خلاها تغوت ..
جعفر : نموت انا لغزال لي يقول واخا ...
جمع ليها رجليها بجوج حطهم فوق كتفو ومارس معاها غير من لفوق بين فخاض...
بقاو فترة وانفاسهم كترتافع حتى حس براسو مبقاش قادر يحبس ..هز تريكو ديالو بسرعة فرغ فيه وتلاح حداها كيتنفس بجهد..
هز يدو كيحيد ليها شعر من وجها وقبلها قوق نيفيها و كيضحك غير وحدو راشقة ليه..
جعفر : هانتي تفكيتيي وتفكيت معاك اش وقع گاع...
عفراء عنيها تقالبو بتعب وخا هكاك لي فيها ما مهنيها..
- شفتي نتا لا مسمحت ليك ما عندك فين تنعس بهاد الحالة لي درتي فيا...
قرصها فخدها كيضحك ..
جعفر : هادشي كاع ما كان باين عليك قبيلة كان عاجبك الحال معايا ...
دفعاتو وجمعات لوقفة مخنزرة فيه توجهات لدوش وهو تابعها فرحان..
- اجي احبي ندوش ليك...
عفراء سدات لباب فوجهو...
- سير تخرا يا المكبوت...
تكا على لباب مربع يدو على صدرو ..
جعفر : وغير حلي نهبط ليك غير سليب مغتقدريش تحيديه بوحدك...
حلات لباب مقلقلة ..
عفراء :غمض عينيك عاد حيدو ما تشوف والو...
جعفر هز حجبانو : من نيتك اش بقا ليك مخبية وما شفتوش ...
شافها اتصعر عليه عوتاني وهو يغمض عينو على سعدو وهبط حيد ليها سليب ودارت عاطيها ضهر حل ليها سوتيمات وخلاها تدخل تدوش ومشا هو لدوش اخر يغسل من الجنابة وكل مرة يضحك من يتفكر اش وقع بيناتهم...
دازو الأيام وجا وقت صح وبدا الواقع كيضربو من كل جهة وحس بصهد بدا يدور بيه...
هما كيهضرو وهو تالف كيسمع كلمة و يفلتو ليه عشرة ما عندو عقل لي يفهم اش كيقولو ولا شنو خاصو يدير...
يطلع تال لبيتو ويبقا يدور يفكر علاش جا لبيت كيلقى راسو ناسي ..الحاصول تلف تلفة ديال بصح ما بقا عارف يتقدم ولا يتوخر ..يدبر مادارو ناس ولا يقول مناقص..ولكن كيف قال قبل القلب عليها تابت وخا العقل لي يتبت بيه طار وزاد بالعائلة لي دايرة بيه تلفاتو..
باه و عمو يشرحو ليه كيف كيديرو رجال وشنو لي خاص يقولو وشنو لي خاص ميقولوش ..يوريوه لجلسة كيف يجلس و الكرزيمة كيف خاص تبان ...
اما مو ومرت عمو يدورو ويسولوه اش كتبغي هاديك لي حاط عليها العين وباغي تخطبها...
.نهار كامل وهو كيطير من جهة لجهة و واحد يرسلو لتاني بحال لكورة تا بداو جنون يشطحو ليه فوق راسو و العصبية بذات تبان فيه...
واقف قدام المرأة كيلبس لباس مكون من كوستيم اسود جا مع فصالتو وزادت في هيبتو وبيناتو مول العقل و رزانة وخا ما كيكساب تا وحدة فيهم ..
حداه واقف سليم راد معاه لبال وكيمد ليه الحوايج باش يلبس....
بغا يصاوب كرفاط وهي تعكس ليه تا هيا وهو ينفاجر بحال لبركان..
اناس :واااااش هاد العكس ما كيعرف فين يجي غير فالوقت لي كتمون لقردة طالعة لجد بوك...
سليم كان ساهي حتى نقز مخلوع بصراخو..
- نتا مالك مدابز غير مع حوايجك تبت اصاحبي راه ليوم خطوبتك زعمة....
اناس تفقص مكرهش يشد سليم يبقى يعطيه تا يبرد جنونو فيه ...
- عرفتي اش ادير خرج عليا الله يرحم ليك الوالدين خليني بوحدي نلبس هاد لخرا بوحدي...
سليم برد اعصابو معاه عارفو هاد نهار ماشي فعقلو...
- اودي مالك على هاد العصبية كلها ، خود ليك واحد لكارو يرجع ليك لمزاج قبل ما تولي تعاير غير من سمطة لتحت.....
هز كارو وتوجه لباركو ، شعلو وبدا كيكمي عاد بدا جسدو كيتكالمة وعقلو كيتفتح و الهدوء كيرجع ليه...
حس براحة شوي وهو يطفي لكارو ودخل لدوش غسل يديه و وجهو وعاود غسل سنانو حيد ريحة ديال لكارو عاد خرج بدا كيلبس حوايجو ...
دقات فالباب وحلاتو كطل من جنب شافتو كيلبس الفيستة وهي دخل مبتاسمة دايرة زيف مغطية بيه شعرها ولابسة فراشة فالبيج منبتة بالحجر من جهة صدر ..خلاتها بلا حزام على ود كرشها وفرجليها لابسة شربيل فنفس اللون ورجليها صغيورين و بويض كيبانو من لور...
وقفات قدامو كتقاد ليه الكول ديال القامجة مع الكرافاط...
عفراء : اسيدي شهاد زين معول طلق زينك على فاطمة وعائلتها ...
اناس كيفرنس : اصلا ديما بگوص .."غمزها"..كنطيح بنادم غير من شوفة...
سليم عنق عفراء وكيشوفو بجوج فأناس.....
-لعميمة بان لي لعريس عاجبو راسو...
عفراء كضحك: اودي خليه غير يوصل لدار لعروسة وشوف هاد تيقة فين اتولي...
اناس دخل يدو بين دراعها ولصق فيها..
- لعميمة ماتفارقيش معايا رجلي برجلك وقولي كيفاش نتصرف وشنو نقول قبل ما نعورها ونصدق مخاصم مع باها حيت بان ليه حاط عينو عليا وغير كيحسب ليا فالبلانات....
سليم من نيتو قال ..
- ساهلة اصاحبي نتا تزوج فاطمة وهو قلب ليه على شي مراة فين يتلف معاها الوقت ويعطيك تيقار..
بداو كيشوفو فبعض بنص عين ..
اناس :وراك نمروض مع راسك...
سليم غمزو : منك نتعلم احبي...
عفراء قطعاتهم : زيدو نهبطو قبل ما شيطان يولي يتعلم منكم ..لعائلة كتسنى وطونوبيلات لتحت سادين زنقة خاص نتحركو ...
هبطو لتحت لقاو كلشي لابس و واجد وعائلة سي العربي معروفة بزينها لا من رجال ولا من العيالات واحد ينسيك فلاخر وزادو من تهلاو فراسهم ولبسو احسن ما عندهم ولاو كيبهرو كل العين ويخليك منجادب ليهم بلا ما تحس...
ركب كل من اناس و سليم مع عفراء وجعفر لي بدا كيضحك من شاف اناس مزير ...
جعفر : غادي نمشيو نشوفو ناس عادي بحال كل ناس مالك على هاد الخلعة كاملة...
اناس كيدعي فخاطرو بتيسير الأمور...
- اخويا كون كانت غير هي وباها مزيان ولكن كاين عائلتها جاو لبارح كلهم من الخليج وعلى ما فهمت من كلامها عندهم عائلة كبيرة ومعروف بزاف فالإمارات وزيد خالها لي صدق جنرال مشا قلب عليا وعرف عليا شادة و لفادة ما بقا دابا ما نخبي قدامهم...
جعفر : ربي يسهل ما حد وافقات فاطمة عليك و الشيخ عبدالله قبل ، مكاين لي يقول عكس هادشي غير ريح نفسك وكون راجل قدام ناس راك غادي لزواج و تولي مسؤول على إنسانة مغاديش تلعب...
اناس بفهم : عارف اخويا ربي يسهل من عندو و صافي...
شدو طريق نحو طنجة وسيارة تابعة سيارة بحال شي عصابة شادين طريق وغادين فصف واحد جعفر هو لول لي عارف لفيلا ديال شيخ عبدالله فين كاينة وتابعينه ستة ديال سيارات جوج راكبين فيهم دراري و ربعة لخرين فيهم الهدية ديال الخطوبة ...
دازو من حدا الفيلا ديال خالد لقاوه كيتسانهم دار ليهم اشارة يدوزو هما لولين عاد تبعهم من لور...
وصلو لشارع متواجدين فيه فيلات فخمة ..دخل جعفر بسيارتو فأحد الفيلات لي غير شافوها كلشي خرج عينو وتبهض بشكلها بحال شي قصر فخم من قصور المغرب القديمة ...
خرجو من سيارة كاملين وعبدالله واقف مع عائلتو مبتاسم وكيرحب بيهم باجمل ترحيب ..والخدامة هازين طباسل فيهم تمر و زلايف لحليب كيرحب بيه ترحيب الملوك...
رجال لي كانو كيعرفو جعفر تقدمو عندو عنقوه عناق غالي باين بينو وبينهم صداقة قوية ..عرف عفراء عليهم و وضح ان منهم اساتدة ديالو وبعضهم كانو من الطلاب لي درس معاهم...
دخلو لداخل جلسو فصالون مغربي رجال بوحدهم و نساء بوحدهم ..
اناس بغا يجلس حدا جعفر ساعة لقا جعفر جالسين حداه عايلة الشيخ عبدالله وهو يقلب دورة يمشي يجلس حدا جدو وباه تا لقمو عبدالله جرو جلسو حداه وحدا اناس جلس خال فاطمة الجنرال لي خلا اناس يتعرق وتشدو الخلعة من صبع رجليه كاع ديك الخفة و العصبية وتخراج العنين تحدات ليه فهاد اللحضة ...
تقدامات امرأة متوسطة العمر لابسة عباية راقية ومزينة نفسها بمجوهرات ديال الألماس شافت فعفراء بإبتسامة ..
- بلاشك نتي هي عفراء زوجة المحامي جعفر..
عفراء حركات راسها : وي هيا انا...
قدامات المرأة يديها : انا هند اخت الشيخ عبدالله و عمة فاطمة...
عفراء صفحاتها : مشرفين عندك شبه كبير بي فاطمة كنت الاول كنضنك ختها...
هند بفرح : هذا من دوقك رغم اني اكبر من فاطمة بزااف..
عفراء بإبتسامة : مباينش فيك العمر.. زوينة بزاف مشالله ...
هند جاتها عفراء على گانتها ...
- سمعت من فاطمة انك دايرة مشروع وطلقتي ماركة تجميل خاصة بيك...
عفراء : وي و نشالله معولة ندخل سوق ديال لخليج العام جاي انشالله...
هند : واو وبهاد سرعة قدرتي ديري بلاصتك...
عفراء بتقة : خاص يكون عندك غير عقل ولفلوس اما لييجي من بعد كلشي ساهل...
هند بفهم : عندك صح انا كذالك عندي محلات ديال المجوهرات في شارع الشيخ زايد في دبي...
كانت لطوف و عريساتها مع عائشة كيتعارفو مع نساء لاخريات تا تصدمو بكلام هند ..
سكتو ولاو كيشوفو فبعض بنص عين شداتهم لقوة ما قدرو يزيدو كلام ...
كانو عارفين فاطمة بنت عائلة كبيرة لكن من سمعو كلام هند وكلام لعيالات لي تعرفو عليهم عرفو انها من اغنى الأغنياء وعائلتها من اشهر العائلات السعودية المقيمة في الإمارات...
دورو عنيهم كاملين كيشوفو فأناس زلايلي لاخر ولد البارح جايب ليهم وحدة تشريهم هما وطاسيلتهم كاملة ...
حس بنضرات اتجاهو وهو يدور شاف فجداتو ومو وتبسم فرحان ولطوف تحلف ومو تحلف معولين هاد ليلة يريشوه كيف كيريشو دجاجة ...
عبدالله تبسم : اوا اسيادنا نتمنا تقبلو علينا حاولنا نرحبو بيكم بطريقة المغربية نتمناو نكونو ادينا الواجب..
سي لعربي فرحان بنسابو وجاوه على گانتو لقاهم ناس بساط و كيعرفو الجود و الكرم و ممنفوخينش بمالهم ولا مكانتهم ..
- مكانش عليكم تعدبو راسكم فهادشي كامل اسي عبدالله..
عبدالله كيشوف لهدية لي جابو محطوطة فوق طوابل وكلهم مجوهرات و لباس من ماركات معروفين ..حس براحة من حس بناس مكبرين بي بنتو وخا هادشي عندو بسيط حسب تروة ديالو لكن من يكرمك شخص فهذا اكبر من كل شيء..
نطق بفرحة : نتوما لي معدبين راسكم اسي لعربي راه انوليو عائلة معندك علاش تجيب هادشي كامل..
سي لعربي : لا هادشي كتسالو لينا العروس و من حقها و ديالها وهدا هو طبع المغاربة و تقاليد ديالنا ...
بدات نفوس ترتاح والإحراج يختافي بانو ليهم عائلة فاطمة ناس كرماء و متواضعين مكيهبطوش من بنادم وكلهم رحبو بي اناس كواحد منهم حتى ولاو يعيطو عليه نسيبنا وهو كيتنفخ و يزيد يهز راسو عاجبو راسو اما خالها لي كان مخلوع منو كان انسان ضريف وكل كلامو غير تهلاو ليا فبنت ختي...
واضح عليهم انهم كيبغيو فاطمة بزاف وحاطينها فمتابة بنتهم وهادشي علاش وافقو تزوج باناس وخا صغر منها...
بدات زغاريت وهي هابطة بقفطان ابيض طالقة شعرها ولابسة مجوهرات من الألماس الأخضر..هابطة كيف البلارة و زينها كيضوي و يفتن وهو خرج عينو وحل فمو حس براسو انه وقع فحبها مرة تانية ..
وقف كيشوف فيها بإعجاب نسا راسو وسليم كيغمزو باش يجلس لكن معامن بقا متبع ليها العين مدهول تا دخلات عند العيالات وعينو بقات عليها تا جلسات حدا عفراء ودارت رجل فوق رجل وبينات سيقانها لي خلاو قلبو يترعد عليها...
شكلو خلا كلشي يضحك عليه عرفوه طايح فيها طيحة خايبة وباين كيبغيها كثر من نفسو..رتاحو اكثر وزادت معزتهم لأناس وبدات لخطوبة بكلام سي العربي لي طلب يد لبنت من شيخ عبدالله لي رجعو عينو كيلمعو مصاخيش بي بنتو ولكن هادشي ولابد منو هادي هي سنة الحياة و البنت كثر ما بقات ايجي وقت لي تخرج من دار باها و تبني حياتها من جديد رفقة رجل اخر...
قراو الفاتحة وبدا وقت تركاب الخاتم كانو معولين يبقاو مفرقين اناس يركب الخاتم بوحدو و فاطمة تركب ليها عفراء الخاتم كيف عادة الخليج لكن اناس معجبوش الحال وبلا ما يحشم جاهم نيشن...
اناس: انا لي نركب ليها الخاتم وهي لي اتركب ليا الخاتم... غير هادشي مغاديش يكون....
هز خاتم ومشا عندها قاصدها مباشرة وهي بتلفة وقفات فمكانها تسناتو حتا وقف قدامها..
تبسم ونطق بصوت هامس..
اناس: جيتي زوينة ...
فاطمة بخجل : حتا نتا جيتي زوين..
اناس عاجبو راسو : انا ديما زوين..
خلاهاضحك وهز لخاتم ديالها من فوق طبلة وخدا يديها بين يديه ركبو ليها بلطف و عينويبريو..
هز ليها يديها بحب باسهم ليها...
أناس: دابا وليتي ديالي مكاين لي يفكك مني...
رجع وجها حمر وخبات يديها لي باسها ورا ضهرها مقدراش تشوف فعائلتها بقات غير تريكة ديال اناس كيشوفو فيه ويهبطو فيه ويطلعو جاهم بحالي جا معاهم شي اناس واحد اخر ماشي اناس لي عارفينه مزيان ...
عطاها خاتم مد يدو ركبات ليه الخاتم وبقا ماد يدو وهي شافت فيه بدون فهم ...
اناس بغا يشد فيه : مغاديش تبوسي ديالي تا انا ...
بدات كضحك بحال الحمقة خرجها من داك الإحراج لي كان متملكها...ماقدرش يشد راسو وهو يعنقها وهزها كاملة عندو وزير عليها فأحضانو ونطق بهمس حدا ودنها...
اناس : غادي تقتليني شي نهار بهاد زين لي فيك...
طلقها ورع جلس حدا رجال فرحان وعاجبو الحال و كيقبال التهاني من رجال بوجه حمر ودافع صدر ما عندو علاش يحشم...
تعارفو ناس ودارو الواجب كيف خاصو يكون وكل واحد رضا بناس لي ايتناسب معاهم اما فاطمة حاسة براسها عايشة فسحاب وفرحتها مقادها ..
شحال تعدبات فحبها من طرف واحد ولدرجة عصات الله وكانت اتشتت شمل جوج ناس وها هي ليوم بغات واحد من عائلة عفراء لي كانت كتشوفها عدو وليوم كتشوفها اخت و صديقة ...
توادعو وعرضو عليهم لعرس مينة لي ايكون فهاد الاسبوع ..قبلو الدعوة بفرح كانو مشتاقين لعرس المغربي لي مختالف عن أي عرس عربي ....
بقاو ناس لكبار كيهضو وصغار جالسين على سيارة جعفر كيتسناوهم و كيضحكو على اناس ..
سليم : هاي هاي على حبي الوحيد خاني ومشا تزوج عليا...
اناس هز حجبانو : ياك نتا اول واحد خرج رجلو وبغيتي هاد وجه نحس لي حدايا...
زليخة لابسة قفطان وطالقة شعورات عاجبها زينها ومتكبرة مكتشوفش فالارض..
خرجات عنيها من سمعات كلام اناس وضد فسليم تكلمات بشمالية لي كيموت عليها من تبدا تهضر بيها ..
- شني كتخور نتينا انا بزاف عليه نقبل بهاد صالوباط ...
سليم صعر : شهاد الهضرة عندك المز*ملة هضري نيشن قبل ما نعوج ليك داك لفم...
زليخة : نهضر باش ما بغيت انا حرة فراسي ونتا ماشي العايل ديالي باش تحبسني من الهضرة واصلا قلت ليك نتينا ماشي من مقامي ...
سليم كيعيبها : نتينا احبي مغادي يديك تا حد من غيري..يا نديك انا يا ديك الموت وحاجة خرا مغاديش تكون وعمرك تحلمي بيها...
زليخة عاجبها الحال ورغم ذالك مكتبينش ..
- سير يا الحيوان انا صغيرة عليك..
سليم : وخا تكوني مزال فالقماط احبي ممفاكش معاك نتسنا والديك تا تكبري ونجي نديك ..طلعي هبطي نقزي انا لي غادي نكون ليك ...
زليخة جاتها ضحكة و مزيرة مبغاتش تهبط كواريها..
- اصلا بابا مباغيكش...
سليم خسر ملامحو : علاه انا انتزوج باك اش بيني وبينو يبغيني ولا ميبغينيش...
حطات يديها على خصرها كطلع وتهبط فيه..
زليخة : اوا اسيدي لنسيتي نفكرك بلا بابا عمرك تحلم بيا....
سليم : باك تفاهمنا معاه و عطيتك تيقار وشاد معاه العهد ونتي مالكي كترطاي عليا هنا كيف جرانة مقاداك أرض مهزاك سما..
مرضاتش يغوت عليها وهي ضربو بجهد فرجلو ...
زليخة: وعلاش كتغوت عليا والله ما تحلم بيا يا شمكار..
هربات عند باها لي واقف مع ناس وخلاتو شاد رجلو مقصح و كيتحلف عليها..
سليم : دصرتك البرهوشة وليتي تخرجي لعنين وتهربي عند باك ولكن غير صبري و حسبيهم تا نتزوجو ونردهم ليك دقة بدقة...
اناس كيفرنس عقلو عوج وكيديه لجزر الوقواق...
- شمن ضرب كتقصد الحلوى و لا لكوا...
سليم مخنزر : جمع فمك مكندويش ليك على مدامتك مدويش ليا على مدامتي وضحك ليه حدود الخوادري ...
اناس دفعو متقزز : ق*ود من قدامي قبل ما نلصك مع الحيط...
سليم شاد ضد : هاد لسان عندك كيطوال غير عليا اما قبيلة قدام ناس داير فيها نتا هو الملاك الطاهر ...
اناس : ياك لحاجة لي ماتشبه لمولاها حرام كيف درتي نتا نهار حصلك عمي خالد و بديتي تخضار و تصفار غير وحدك تا انا جا وقتي اليوم نهبط راس والحمدلله سلكت وعطاوني المدام...
سليم كيفرنس : صبر تا نديرو عرس واحد...
اناس مخنزر : سير تخرا نتا ديالك مزال صغيرة انا ديالي واجدة كاملة مكمولة غدا ولابعدو تلقاني مخرجها من مكتب لعدول ما قادر على شي صبر...
مينة كضحك عليهم : صراحة اناس هاد نهار الحشمة نزلات عليك دقة وحدة صدمتيني فيك قلت او واش هذا ولد عمي ولا تبدل لينا لكن فلخر من جيتي عنقتي فاطمة عرفتك ولد عمي المقزدر...
اناس خسر سيفتو ..
- هيهيهيهيهي كضحكي المخولة نسيتي راسك اش درتي لبارح من دخل علينا جمال ونتي تهربي وحنا تابعينك بحال الحماق قلنا شي حاجة دارها ليك وهو يحلف ما دار ليك والو ونتي حلفتي لا هبطتي تفهمي لطاسلتنا اش واقع وحبستي راسك فداك لبيت و سيد مسكين ما عرف راسو باش تبلا ونتي عاد خارجة كتحماري وتخضاري وجلستي حدانا بحالي ما وقع والو ..صدقتي غير حشمانة اوجه الحبس..
مينة خبات وجها..
- وامتفكرنيش ازبل دابا راني معنديش لوجه لي نهزو فيه ..
سليم مخنزر : على نتي عندك هاد لوجه بعدا..بغيت غير نعرف داخنا عليك بالله واش نتي ختي ومن طاسيلتنا ولا بدلوك لينا فسبيطار و واااالو لا كرزيما ولا صنطيحة ولا تخراج العينين ..وااالو غير عجينة محطوطة تخمار ماعندها تا فايدة ... غير مهبطة داك راس بحال البقرة لي كترعى...
تقلقات من كلامهم وضرها فخاطرها خلاتهم ومشات لسيارة ديال باها حلاتها وركبات لور ورجعو عنيها حمرين حابسة البكية بزز وفمها كيرجف وغصة خنقاتها فحلقها ...
حشمانة من جمال بالفعل لي دارت لكن هادي هي طبيعتها حشومية بلا قياس و مكتقدرش تهز العين وزاد طغا عليها الحزن من معاودش جمال تواصل معاها من لبارح ..
مولف كل ساعة يعيط ليها وديما راسل ليها ميساجات ودابا تليفونها خاوي من اي رسالة او اتصال منو..تنهدات بحزن وهزات تلييفون دخلات لجهة الميساجات بغات ترسل ليه رسالة و مقدراتش ومعرفات ما تقول ليه ...
كلشي ركب فسيارتو شدو طريق رجوع نحو الرباط وكل واحد توجه لدارو ..جعفر كان عندو خدمة فكازا خلا عفراء مع عائلتها ومشا بوحدو مزروب...
دخلات لبيت بدلات حوايجها وغسلات وجها من المكياج ودارت ماسك ديال تلج و الخيار يريح بشرتها وجلسات فالباركو مستمعة بالمنضر ديال غروب الشمس وحاطة حداها كاس ديال لحليب بلوزية كل مرة تشرب منو وهازة كتاب كيعلمك كفاش تربي اطفالك ...تقرا تاخد خبرة قبل ما تولد..
جلسات حداها مينة لابشكسة بيجامة وطالقة سالفها لي كيزيد يزينها ويعطيها منضر طاغي الأنوثة...
بقات ساهية وعفراء كتقلب فكتابها وبدون ما تهز راسها لعندها قالت..
- مالكي...
مينة جامعة رجليها لعندها وحطات راسها فوق منهم وعلى ملامحها حزن قالت بتعب....
- كيف كتجيك شخصيتي أ عفراء ...
عفراء حطات لكتاب وتقدات فالجلسة ...
-علاش هاد سؤال..
مينة : كلشي كيعايرني بشخصيتي وكنحس براسي ضعيفة وأبسط حاجة كنحشم منها وخا كنبغي نتبدل لكن والو داكشي لي فيا منقدرش نبدلو خاص بنادم يبقا معايا بزااف عاد باش نسرح لسان معاه و ندصر عليه شوي ...
عفراء كمشات حجبانها : جمال قال ليك شي حاجة ؟؟؟...
مينة بعيون حمراء : هو من لبارح ما عيط عليا ولا رسل ليا ميساج خفتو غير يكون تقلق مني على داكشي لي درت لبارح...
عفراء : علاه داكشي لي درتي البارح كيديروه ناس لي بعقلهم امينة واش سيد مشتاق لينا باش نجلسو معاه حنا..سيد جاي على ودك باغي يشوفك و يهضر معاك غير داير سبة بكسكروط ونتي غير شفتيه هربتي خليتي دوك الحلاقم ديال سليم و اناس باغين يقلبو دار وهو مسكين حشم ما عرف فين يعطي راس بقا غير كيحلف وفلخر اش قلتي الالة لبنات اه حقا حشمت و مقدرتش نجلس معاه ولايني راكي بقرة ...
مينة تعصبات : واش لي جا يقولي بقرة راني بنادم بحال گاع ناس...
عفراء جاتها من لخر ..
- اييه بنادم مقلناش العكس ولكن داكشي لي كديري فيه ايوصلك لهاوية و الحشمة ليها حدود وشرع ما فيه حشمة باش تبقاي تخواي علينا وتحطي جمال فداك الموقف الخايب لي ماتبغيه لعدوك ..اش بغيتي نقولك ليك من غير بقرة وحمدي الله ما صنفتكش من الحمير حيت هو لي يصلاح ليك...
مينة تنهدات بجهد : دابا ليوقع وقع اش غادي ندير باش يعاود يهضر معايا...
عفراء شافت فساعة. ..
- مزال لحال عرضي عليه تخرجو تعشاو برا ...
مينة خرجات عنيها ..
- انا لي نعرض عليه ؟؟؟..
عفراء عيباتها ...
- على شكون داير هاد المصايب من غيرك و زايداها بغيتيه هو يهبط راس لول ويهضر معاك واش شوي لباس ولا حماقيتي سيد دابا علم الله اش كيدور ليه فراسو يقول غير مبغيانيش ... ومتنسايش راه عارفك كنتي مع امين يعني زيري سمطة شوي ابنت خويا قبل ما يمشي من يدك تا هدا...
مينة تخلعات : ولكن انا ما بقا بيني وبين امين والو وزيد امين تزوج وانا مبقيتش كنبغيه وجمال كون ما عجبنيش مغاديش نقبل بيه من لول اصلا وهو عارف هادشي...
عفراء حركات راسها برفض..
- لا نتي لي عارفة هادشي اما هو كيفهم غير من داكشي لي كتشوف عنيه..او سيد من نهار خطبك و نتي كتهربي منو حتا الإتصال هو لخر كتعطي لمك دوي معاه اذا هنا صافي راكي وصلتي ليه الفكرة انكي مبغياهش غير يمشي يقلب على راسو فجهة خرا......
مينة بدات كتمتم ...
- دابا شنو اندير اعمتي راه والله تا وليت كنبغيه ولا فلت من يدي غادي ندير شي موصيبة فراسي مفيهاش..
عفراء خطفات ليها تليفون ودورات لنمرة جمال و رماتو ليها..
عفراء : راني قلت ليك هضري معاه وعرضي عليه لعشا...
هزات تليفون بخجل حطاتو على ودنها متسناه يقبل الإتصال و قزبها كيضرب بجهد غادي يخرج من بلاصتو...
بعد مدة تقبل الخط وتنطق صوت انثوي ..
- الو ..
كان فدارو واخد راحة هاد نهار من الخدمة وصداعها..لابس كيطمة وهابط كيحك فراسو وداير غير كلاكيطة فرجليه كيجرها معندو خاطر وغير مشطون..
وقف فباب صالون كيشوف فالأم ديالو لي فرحانة مع عائلتها و يختارو الهادية لي غادي يديو نهار العرس وهو بقا غير كيشوف وساهي كيتفكر لفعايل لي دارت مينة كيزيد يتعصب ..
رقية كضحك : دخل اولدي شوف هاد لقفطان لي خديت واش غادي يعجب مينة...
تكلمات ختها لي حداها ...
- هي العروسة سميتها مينة...
رقية عاجبها الحال وبنت بحال مينة كتجيها على الگانة..
- اييه سميتها مينة اختي فدوى واحد زين يا ختي شغادي نقول ليك كتاخد العقل اما واحد الحشمة و حناك خومر تشهاي تاكليها تبارك الله.. الله يخلي ليها واليديها لي عرفو يربيوها احسن تربية ..
فدوى قربات عندها و عطاتها لودن ...
ونتي فين لقيتي هاد سلعة اختي قولي ليا تا انا لكان عندها شي ختها ناخدها لولدي راه تا هو مصدعني باغي يتزوج..
رقية : اختي ما قلبت ما بحت جمال جابها راسو وانا مشيت معاه معارفاش ڭاع شكون ساعة صدقات نقرة صافية انا بعدا حمقاتني وزيد ما عندهاش ختها غير هي لبنية لي فعائلتها تبارك الله مفششة و مهليين فيها بحال شي اميرة تحطيها غير قدامك و تبقاي تشوفي فيها متصخايش منها...
فدوى صغرات عنيها فجمال...
- هاي هاي على ولد ختي وليتي تختار لعروسة لراسك اسيدي ماعندي ما نسالك...
رقية نغزات ختها مخنزرة ...
-مالو مايخترهاش اش ناقصو ..خدام و بفلوسو و زيد ولدي زين تبارك الله مكاين بحالو فزين و اي بلاصة يجلس فيها يضويها و يطيح البق على رجال و يتبعوه كل عيون نسا من العزبات و المتزوجات يبغيو غير شوفة منو وهو منخلهم...
جمال جلس حداها كيفرنس...
- نقصي الوالدة نقصيي راكي اتخرجي عليا وانا ما بقا لي والو نعرس...
فدوى : وصراحة مكدبتيش جمال زيين جا كيشبه لباه الله يرحمو فسيسير تبارك الله...
دارو بجمال لي بقا غير كيضحك مو من جيه و خالتو من جيه كل وحدة تشكرو وتزيد فمقامو وهو يفرنس عاجبو الحال...
فدوى : كون غير هيطتو على لعروسة تجي تعشا معانا تعرف علينا و نتعرفو عليها..
رقية نغزات جمال : سي جيبها واجي...
جمال كيضحك مفقوص ..
- من نتيك الميمة.. البنت غير كتشوفني كتهرب بقا غير نجيبها تال لدار ...
رقية : انا انهضر مع ماماها غير نوض جيبها...
جمال : وخا تهضري مع جداتها هاديك انا لي عارف هاديك و الله لجات معايا ..
"صاط بجهد مخنوق"..
- عافك الواليدة سدي عليا هاد الموضوع ...
جمع الوقفة معصب طلع لبيتو معندو خاطر... بدا كيقلب على تليفونو وهو يتفكر انه نساه لتحت...
هبط كيسمع مو كتهضر مع شي وحدة فتليفون داز من حداها مرادش البال وبدا كيقلب فبلاصتو على تليفونو ...
جمال مكمش حجبانو ..
- الواليدة مشفتيش تليفون ديالي...
رقية فرحانة كتهضر نمعمينة لي تاصلات فتليفون جمال ولقاتو حداها من شافت اسم مينة قبلات الأتصال عادي تسول عليها..
سمعات كلام ولدها وهي تقول ....
- ها هو عندي عيطات عليك مينة وكنتي نتا لفوق وجاوبت انا فبلاصتك...
تجمد فمكانو وخرج عينو في مو..
جمال : عاودي اش قلتي...
رقية بدون فهم بعدات تليفون ..
- قلت ليك جاوبت مينة فبلاصتك...
جمال : قلتي مينة هي لي صونات...
رقية مدات ليه تليفون..
- ها هي مزال هضر معاها..
هبط عينو لتليفون كيقرا اسم المتصل بقا كيشوف بصدمة وفرمشة العين خطف تليفون وطلع لبيتو كيجري سد لباب وحط تليفون على ودنو وصوت تنفسها كيتسمع من طرف ...
حسات بيه هو لي على الهاتف نطقات اسمو بصوتها العدب لي كيحماق عليه...
مينة : الو جمال...
صوتها نساه فكل العصبية والفعل لي دارت و الحراج لي طرا ليه كلشي نساه فهاد اللحضة خلا غير القلب لي كينبض و حب سنين لي كيكنو اتجاها..
بصوت تقيل مع تنهيدة خارجة من اعماقو قال...
- رووووح جمال...
بإحراج واضح فصوتها قالت..
- لباس عليك ..
جمال كيفرنس : لباس ونتي اش كتعاودي....
مينة رجعو حناكها حمرين مقدراش تجاوب وعفراء كتنغزها باش تهضر مخرجة فيها عنيها و بزز باش قالت...
-والو غير توحشتك...
كان غادي يجلس فوق الكرسي غير سمعها وهو يطيح كامل نسا الكرسي ونسا راسو ونسا كلشي بقات غير كلمة "توحشتك" كتعاود على المسمع ديالو ...
بعدم تصديق حس براسو بحالي تخيل..
جمال : شنو قلتي...
مينة كتطلب فعفراء تقطع وعفراء معتقاتهاش كتملي عليها شنو تقول ومينة حاسة بموت الحشمة ...
مينة : قلت غير توحشتك وبغيت نخرج انا وياك نتعشاو على برا...
جمال بدهشة : دابا...
مينة : امم لماكان عندك تا مشكل ادا كنتي مشغول نخـ...
قاطعها بسرعة..
- وخا نكون فالمريخ غادي نجذ ..صبري عليا ربع ساعة انكون عندك ..
قطع عليها ومشا كيطير لماريو جبد احسن لبسة عندو ودخل لحمام دوش فجوج دقايق كيف دار ليها الله و اعلم ...
هبط كيفرنس فرحان داز عليهم ريحتو سابقاه ..
جمال : لواليدة متسناينيش لعشا ...
خرج خلاهم متبعين ليه العين..
رقية : شفتي اش قلت ليك ولدي طايح طيحة خايبة...
فدوى كتفرنس: هي غادي تولي جدة يا لحرايمية...
وصل لدارهم رسل ليها ميساج وسرح عينو فدارهم تا شافها جايا عندو لابسة كسوة انيقة ديال المحجبات ودايرة مكياج خفيفة وصوت صباطها كيتسمع فكل خطواتها...
خرج حيد نضرات ومد يدو سلم عليها من يديها ولي فيه ما مهنيه باسها فخدها..
جمال : صافا...
مينة حولات متبينش الحشمة فوق اللازم ودارت بوصية عفراء لي لبساتها وقداتها وعلماتها شنو دير وكيف تصرف..
تبسمات بخفة وحرف زين بان فخدها...
- صافا حمدلله ونتا مالك غبرتي..
حل ليها لباب دخل وغمزها مقزدر..
- كنت كنتسنى زين ديالي يحن عليا ...
حدرات راسها كضحك ركبات وسد لباب وتوجه لبلاصتو...
جمال : عاجباك شي بلاصة نمشيو ليها...
مينة : نمشيو لـفيلا ماندارين....
جمال ديمارة سيارة : هي لولة ...
وصلو لمطعم خداو طاولة ديالهم وجلسو ختارو الاكل المعروف فالمطعم وهو يخنة الجمبري مع الرافيولي و التوم مع العسل مع بعض المشروبات لي كتناسب الطبق..
بقاو كيهضرو عادي ويضحكو مع بعض مدكروش الإحراج لي وقع قبل.. كيحاولو يزيدو يتعرفو على نفسهم اكثر و نساو راسهم و نساو الوقت و عجباتهم الجلسة مع بعض....
جمال : العرس ما بقا ليه والو خاصك شي حاجة تقوليها ليا قبل....
مينة بدون فهم : بحالاش...
جمال تبسم : بحال باغية دار بوحدك و مبغياش تعيشي مع الواليدة او مبغياش لولاد فالأعوام لولة تا تسالي قرايتك باش نتفاهمو من دابا مابغيتش من بعد يوقع صداع ..
مينة بفهم : انا معنديش مشكل فهادشي مهم تهلا فيا وتكون سند ليا وتبغيني انا هادشي لي عندي مهم ...
جمال فرحان : العرس بقات ليه ربعيام تقريبا مبغيتكش تحشمي مني حيت مقادرش نصبر...
حدرات راسها حشمانة من فهمات قصدو وهو زاد كيضحك ..
جمال : كنهضر معاك بصح مغاديش نعتقك...
خبات وجها بسكين يديها حشمات وهو هز راسو كيضحك من نيتو..
جمال : راني غير كنضحك معاك عنداك تهربي ليا عوتاني وتخليني واحل بوحدي هنا...
بدات كتنش على راسها وشربات الما بارد عاد باش بعدات منها الحشمة وهو عاجباه غير حاضيها وكيفرنس كيتمنى نهار لي يوصل العرس و تولي ديالو ...
بعد مرور اربع ايام في واحدة من افخم القاعات في الرباط حاضرين فيها كل الناس من مختلف اماكن المملكة...
بداية من الأطلس عائلة مينة الى سوس مراكس عائلة جمال مرورا بالشمال عائلة خالد وخارج اسوار المملكة من الخليج عائلة فاطمة..
كلشي تجمع فعرس اسطوري اباطله هم جمال و مينة لي جالسية فالمكان المخصص للعرسان كيقبلو تهاني المدعويين...
وسط القاعدة متواجدة العائلة كيشطحو و يضحكو مهازين هم مكاين غير هز قفطان و تحزم و شطح...
رجعات لبلاصة فين جالس كتنهد بجهد هزات كاس لما كتشرب وكلها كتقطر بالعرق..
جعفر : معيتيش من هاد شطيح كامل..
عفراء عاجبها الحال : عرس بنت خويا باغية نشط فيه و نفرح...
جعفر : ولكن شوري على راسك شوي...
رجعات كتشطح وسط عائلتها ممصوقاش لكلامو ودايرة هي و اية حالة مكاين غير الله يعطيك صحيحتك مكاين لي يوقفهم تا من العروسة لي بارزة جروها تشطح معاهم واناس جر فاطمة من وسط عائلتها دخلها وسط عائلتو تشطح....
حسات بألم تحت بطنها وهي توعا بنفسها ومشات جلسات حدا جعفر كتحاول ما تبين والو رغم الألم تحت بطنها كيزيد يقوا عليها ...
لطوف نغزاتها : نوضي شطحي ونشطي مالكي جمدتي هنا...
عفراء ضهرها كيقطر بالعرق و بزز باش كتهضر ...
- عيت بزاف خليني نرتاح شوي ...
بدا صباح كيقرب وقرب العرس فنهايتو وهي من جلسات ما عودات وقفات غير جالسة فمكانها و ساكتة كل مرة يسولها جعفر مالكي كتكتافي غير تحرك راسها ما فيها والو ...
بقات صابرة تا لبسات مينة لبسة البيضة لي غادي تروح بيها عاد وقفات وجرات جعفر خرجات هي وياه برا..
جعفر : مالكي...
عفراء بألم : ديني لصبيطار دابا...
خرج عينو مصدوم..
- اتولدي...
شادة راسها ما كتغوتولا كتوجع ولادايرة مصيبة كيف يديرو الحاملات وخا الوجع كيطحن فيها لكن وجعها كيحي بالصمت ماشي بالغوات...
مزادش معاها الهضرة طار جاب طونوبيل ركبها لور وشد طريق لصبيطار وهي بصوت مخنوق قالت ...
عفراء : وصلني لدار هو لول نهز لحوايج لي جمعت...
جعفر تالف و مخلوع..
- قادرة تصبري..
عفراء : اممم انا انبقا فطونوبيل طلع نتا جيبهم راني حطاهم فالمايرو لفوق جوج فاليز كبار فيهم كلشي...
وصل لدار وخرج كيجري ومع تلفة كيضرب فالحيوط بحال سكران كلشي تخربق عليه بحالي هو لي شادو لوجع....
هبط الفاليزات دارهم فلكوفر لور ورجع ركب طاير لسبيطار فور ما دخلو لقاو طبيبة ديال عفراء كتسناهم خداو الملف ديالها كيعمرو ضوسي ودخلوها لغرفة توجد راسها..
بقات طبيبة كتشوف فجعفر لي رجع وجهو صفر ..
طبيبة : متخافش غادي يكون كلشي لباس بإدن الله غير دعي معاها وتسنا تا تسالي العملية...
جعفر تلف : شمن عملية..
طبيبة بفهم عارفة عفراء مقالت ليه والو..
ربعة ديال لوليدات مساهلش تولدهم طبيعي وزيد يالله عندهم تمن شهور خاص ضروري من العملية راه هضرنا مع مراتك وهي قبلات بهادشي ....
دخلو لغرفة يوجدوها وهو بقا جامد فمكانو حتا دوزوها من قدامو ناعسة فوق البياص وقف حدا راسها وهي كتشوف فيه بخوف شدات ليه فيديه..
عفراء : دخل معايا متخلينيش بوحدي ...
باسها فجبهتها وكيدور يدو على شعرها وصوتو تخنق جاتو البكية...
جعفر : شش متخافيش كلشي ايدوز مزيان انا معاك وغادي نتسناك هنا..انتسناك نتي و ولادي...
دفعوها لداخل وتفرقات يدو من يديها وتبع عينو ليها حتى تسد لباب وبقا واقف بوحدو مكاين لي يصبرو ولا يوقف معاه...
بدمعة هابطة على طول خدو دعا من كل قلبه ...
- اللهم يا خالق النفس من النفس ويا مخرج النفس من النفس، ويا مخلص النفس من النفس خلّصها ممّا هي فيه انك على كل شيء قدير
يتبع...
التعليقات
لا توجد تعليقات بعد، كن أول من يعلق.