محتوى القصة
تهزات لكبيرة كضحك من نيتها على كلام ولدها و نطقات وسط ضحكاتها ....
-اييه ديالك و مكاين ليقال العكس ولكن اولدي ناس مافيهم تيقة ..."صغرات عنيها "...وعفراء اولدي زييينة واي واحد يتمناها و من تكبر ونتا مكاينش راه يخدوها ليك و يخليوك بلاش ....
جعفر ولاو ودنيه حومر تزير حدر راسو و نطق من تحت انفاسو : مابقيتش باغي نمشي لمدرسة غادي نبقى معاها هنا ....
لكبيرة لعبات ليه فشعرو : لا لا اوادي هاذا ماشي حل نتا خاصم تقرا و تخدم باش تقدر تزوج بيها اما لبقيتي هنا وغير كتسرح لغنم ويجي واحد من لمدينة يخطبها شنو اتختار عفراء فنضرك ....
بدون تلعتم نطق بكل صدق : اتختارني انا .....
لكبيرة هزات حجبانها و بقات غير كتشوف فيه وهو عينو كيبريو متأكد من جوابو ...وبطاعة حركات راسها لولدها...
-اتختارك اولدي غير نتا و مكاينش لي ياخدها من غيرك ولكن خاصك تكبر وتولي راجل لي تحلم بيه عفراء و تمناه و ديك ساعة غادي تولي حلالك كيف كتمنى....
حدر جعفر راسو بخجل و سكت راسم بتسامة رضى خجولة على ملامحو الجميلة و يدو كيدلكو رجلين مو بكل حنان و حب .....
وصل صباح حامل فطياتو كثير من الاسرار و الخباية لي معالمين بيها كاع ناس دوار لي تايقين فبعضهم و محتارمين راسهم ...
فاقت لكبيرة مع لفجر ناضت توضات و صلات و طيبات فطورها و فطور ولدها ...لبسات حوايج سخان من لبرد ديال صباح لوات عليها زيف و هزات منجل لي كتحش بيه زرع ...
توجهات لجعفر لي مزال ناعس فيقاتو بشوي هز راسو كيحك عينو و بلطف نطقات ....
-نوض اولدي توضى وصلي و وجد راسك لمدرسة انا غادي نمشي لارض لي حدا طريق لكبيرة نحش منها زرع لبهايم...
حرك راسو و هي خرجات مطمأنة ..مزال عاد شمس كتشرق و دنيا مضلمة شوي ..لوات لحاف على جسدها و توجهات لارض و بعدات من ناس لقبيلة ...سمعات تخشخيش فجنبها وهي دور بزربة بان ليها جسد جاي لعندها كيتمايل و كيضحك غير وحدو ..ركزات على ملامحو وهي تزير على سنانها بجهد..
كان هادا ولد لحاج لي كتخدم عندو هي والعيالات فجنان و شحال وهو كيدور بيها ولكن ديما عاطياه علاش يدور ...هزات منجل فوجهو ساخطة ....
-غادي تحيد من قدامي و لا والله تانطير ليك راسك لي متقل عليك ....
ولد لحاج وقف فبلاصتو وملامحو تخسرو وباين دايخ بشراب و نطق بصوت متوسل ...
-مالكي الكبيرة معايا واش معجبتكش شحال قدني ندور بيك ونتي كتجري عليا ...
لكبيرة بسخط : شنو فيك مايتعجب بعدا..."هزات لمنجل اتدخلو فيه لراس وعنيها خارجين "...والله وماتحيد من قدامي تانقتلك هنا راك عارفني مزيان اولد الحاج عطييني تيقار قبل ما ندمك على هاد لفعايل ....
بعد ولد لحاج بخوف من شافها معصبة و لكن فعينو ماقدرش يقاومو ملامحها الجدابة وعصبيتها ومع سكران جابتليه شهوة شي لي خلا لكبيرة تقزز منو ...
هزات موس من خسرها و عنيها حمريم تقدر تقتلو بلاما تعيق وقبل ما تقرب تراجع لور بسرعة و هرب من قدامها بخوف وهي بقات كتنهج معصبة و عنيها حمرين ....
بقات واقفة فمكانها تا مبقات كتسمع تاحس عاد تنهدات بجهد و توجهات لارض لي خلاها ليها راجلها ....
دخل ولد لحاج لفيرمة كيتسلت خايف يشوفو باه بهاد الحالة وهو سكران دخل لبيتو كيتختل و طاح فوق ناموسية و لكن بين عينو مغبراتش لكبيرة لي من نهار شافها فلقبييلة وهو تابعها ولكن كانت مرا مكترحمش تقتل لي شاف فيها....
ما قدرش يقاوم عينوها الحمرين المشتعلة بغضب و انفاسها الساخنة لي مزال كيسمعو فودنو ولاصوتها العالي و لا جمالها لي وخا ارملة وعندها ولد مزال كتبان صغيرة و زينها عاطي بلا قياس...
بدون خجل من تصرفو و بصورة ديال لكبيرة لي مرسومة فدهنو ..جبد خاصته الدي يتفخار به على انه اساس رجولته وهو لا يدري ان الرجولة افعال و مواقف وليست ما لذا حتى الكلاب ...
بدأ يستمني بكل حقارة على صورة لكبيرة و كيتخيلها امامو بشكل مهين و مقرف لإنسانة ارملة و عندها طفل و كينطق اسمها بصوته النجس كانها امامه عارية ينضر الا مفاتنها العفيفة ليلطخها بوهمه المقرف....
من لواد طالعة كتجر فرجليها وجارة معاها لعودان ديال باها لي كيخيل بيهم و كتسنا تاهي نهار ليتركب فوقهم وتخيل كيف كيخيل باها....
وقفوها جوج دراري يكونو قد جعفر وهي شافت فيهم معصبة..
عفراء: حيدو من قدامي....
- مالكي المنحوسة كتغوتي ولا نسيتي ديك دمغة لي درتي لخويا وهربتي خليتيه فدمياتو ...
عفراء: لا محيدتيش من قدامي اندير ليك كيف درت لخوك و بزاف عليك نكون منحوسة الحمار لخر ...
جرها من يديها بغى يضربها و هي كتعافر متسراطتش ليه و فمها ماضي ...
- حيد يديك عليا الحمار ولا نقول ليهم نتا لي شعلتي العافية فلعرس....
-شكون لي يتيقك المنحوسة ..
هز يدو باغي يضربها وهي تجيه حجرة لراس من مكان غامض خلات راسو ينزل بدم و دري لي حداه تبهض اما عفراء جرات يديها بجهد مغزفة ...
-بغيتها ليك الحمار وهاد لمرة يا رب تجي ليك في فمك تهدم ليك داك لفم لي قال عليا منحوسة ...
دري حاط يدو على جبهتو لي كتشرشر بدم و على شوي ايبكي متألم من ضربة ...زاد تجنن من سمع كلام عفراء فور ما حل فمو يهضرو ..جات ليه حجرة من لا مكان نيشن لفمو طيحات ليه جوج سنان فلبلاصة وخلاتو يدوز بدم .
هاد لمرة تامن عفراء تصدمات بينما دري لي كان واقف معاهم غير شاف هاد لعجب وهو يعطي رجلو ريح هرب و دري بخوف شاف فعفراء و تبع صاحبة كيجري ودم هابط من جبهتو و فمو لي تهدم منو سنان...
بصات عفراء كدور فراسها فلمكان ولكن مابان ليها تا واحد وهي تجر لعودان غادة لدارهم و كل مرة كضحك من كتفكر الحجرة ليجات في فم دري وهدمات ليه سنان...
فوق شجر كان جالس فغصن مدرقينه الاوراق حاط كتاب قدامو لي كيحفض فيه و فيديو الاخرى هز لحجر و بإبتسامة تبع عينو لعفراء لي طالعة لدارهم ...حيد لحجر من يدو و تنهد ببساطة بحالي مادار والو ..وماشي هو لي دمغ دري و هدم ليه سنانو بلحجر ....
هز كتابو كيحفظ و مركز مع قرايتو و قدامو كاين طاسة فيها سيكوك و ليمونة بما ان مو خدامة وهو مكيقدرش يطيب كيدير لراسو غير سيكوك باش يتغدا ....
وصلات لعشية وناس مجموعين قدام دار سي لعربي و زهور كتكشكش قدام لطوف وهازة سنان ولدها لي طاحو ليه بضربة ....
طلات عفراء من جنب لباب مخبية و قالت: ماشي انا لي ضربتو سيري سولي صاحبو ......
زهور بغات تطير عليها تقتلها بالعصى :ياك المنحوسة ماشي نتي ما كفاك دمغي لي لولد صغير و تشعلي لعافية فعرس بنتي زدتي ليا لولدي تاني دمغتيه و هرستي ليه سنانو ....
عفراء بعصبية : وراه قلت ليك ماشي انا ياء سيري سولي داك الفرم شكون ضربو ومن هادشي كامل علاش راسلة لي داك الحلوف وانا طالعة من لواد وما معايا تا واحد ياك لقبيلة كتقول تا ولد ما يوقف مع بنت ....
زهور بغات تنتف راسها : تا تكوني نتي بنت يا المنحوسة ولكن هضرة ماشي معاك مع مك لي فششاتك تا درتي لينا حالة فالقبيلة ....
عفراء : بصحتي وراحتي فششاتني مي ماجيتيش طلبتك تفششيني نتي ...
لطوف و عريساتها و عويشة بقاو غير فجنب و كيدورو راسهم من زهور لعفراء لي ماعرفو منين ولاعندها هاد لسان لماضي بحال لفعة وخا يكون قدامها لي يكون ما تسكتش ليه و تقابح قدامو وخا تكون مكحلاها ....
زهور : جيتيني ابنتي من ليد لي كضرني لقيتي مك لطوف لي كنعزها و بيناتنا جورة قديمة اما كنت غادي نهدم ليك دوك سنان كيف درتي لولدي ...
عفراء عزيز عليها العكس ..تبسمات تا بناو سنانها لبويض كاملين وقالت: ها هما قدامك و حربش توصلي ليهم ....
من لباب وقف جسد صغير لي غير كان دايز و سمع لهضرة ..نحنح بشوي تا دارت عندو كل لعيون بينما هو شاف فعفراء لي مخزونة فالبيت و كطل عليه غير من جنب ...رجع دور عينو لزهور و نطق بصوت عادي ..
جعفر: ماشي هي ليضربات ولدك انا لي ضربتو ....
كلشي تبهض ولكن تا واحد ماتيقو ..زهور ولدها تشك فيه وماتشك فجعفر لي مأدب وكاع ناس دوار عزاز عليهم باخلاقو و شخصيتو وخا صغير فسن ...
تنهدات زهور بجهد وخنزرات فعفراء: حن فيك وجه جعفر اما ما كنت نتزاگل معاك اليوم المنحوسة ...
جعفر كمش حجبانو : ولكن هي مادرات والو انا لي ضربتو علاش كتقولو عليها منحوسة وهي تاحاجة مادارتها بيديها ....
لطوف دورات زيف على فمها مخبيا الابتسامة لي تشكلات على ملامحها هي وعويشة من شافو جعفر كيجي من عفراء...بينما زهور تنهدات بجهد وهزات راية لبيضة وقالت لجعفر ...
-عارفها اتكون مراتك من تكبر ولكن مخاصش تغطي على گاع حوايج لي كدير راه اتخرج عليك و تخرج على قبيلتنا كاملة ...
خرجات زهور من رمات لكلام لجعفر لي ولا وجهو حمر تژنگ وماقدر يهز راس ..بدون ما ينطق حرف دار هارب لدارهم كيزرب فالمشية و وجهو كيتحرق بالحشمة ....وقف وانفاسو حبسو على مستوى حلقو من سمع سميتو ...
دار ببطئ عندها وهي جايا عندو كتجري و ضحك وقفات قدامو كتنهج و عنيها كيشعو بفرحة قالت ...
عفراء: بصح نتا لي ضربتيهم....
جعفر سرح حلقو عاد قال:اممم انا....
عفراء هزات راسها كضحك من نيتها : وفين كنتي مخبي ...
جعفر: مكنتش مخبي كنت غير جالس فوق شجرة كنحفظ....
بقات غير كضحك و كتشوف فيه و عنيها كيبريو ..بخجل دور راسو وتوجه لدارهم وهي تبعاه... من شافتو كيزرب و هي تحط يديها بين يديه خلات رعد يضرب ليه فراسو و يوقف جامد و نفس تقطعات ليه ...
عفراء بدون فهم: مالك...
جعفر هبط راسو ليد لي شادة فيديه بتوتر بينما هي قالت ...
-انمشي معاك لدار نتسنا معاك تا تجي خالتي لكبيرة غادي نبات معاكم هاد ليلة ....
ما قدرش يزيد ينطق حرف حدر راسو و تمشى غير بشوي باش يواكب خطواتها الصغيرة وهي كتلعب بصباعو بطفولية و تفرنس غير بوحدها ربما حيت اول مرة واحد كيجي منها قدام شي حد قال عليها منحوسة شي لي خلاها تفرح و تبان فرحتها من عنيها غير مدركة لكلام الاخير لي قالتو زهور لجعفر....
فأرض بعيدة عن لقبيلة و مدينة خميسات و بضبط فالعاصمة الرباط....فأحد الأحياء كيتواجد منزل جميل الشكل متكون من ثلات طوابق و امامو جوج سيارات من نوع دفع رباعي كبار ....
فطابق تالت خرج خالد من دوش كينشف شعرو و ملوي عليه فوطة على خسرو ...توجه لبيتو لبس سروال كيطمة وخلا لفوق ديالو عريان و صدرو مزغب شوي ولكن ماشي بزاف ....
توجه لصالون شعل تلفازة وتكى على صداري حاط يدو تحت من راسو و ساهي فتلفزة ...كان الطابق التالت ديالو بوحدو و مفرش على دوقو وكيدخلو عندو غير مو وختو صغيرة من كيبغيو يخملو ليه دار ..
انسان واعي و ولد الوقت شابع فدنيا و شاف و تشوف ..فعمرو 30 عام لكن مزال مكتاب ليه يتزوج حيت فين ما جراتو مو يخطب شي بنت ضرووي يلقى فيها شي ديفو و يدير مناقص من شي زواج ..وخا خدام وبفلوسو ولكن مزال مالقى لي يبغيها و دخل لخاطرو
هز تليفون من شافو شعل بمييساج ..بانت ليه وحدة راسلة ليه طلب صداقة فالفيس...وحيت ما عندو ما يدار دخل عندها لبروفيل.كيبقشش فيه و يشوف تصاورها لاعجباتو ايقبلها ماعجباتوش ايمسح طلب ..
وخا كانت لبنت زوينة وعلى دوقو وفور ماقرر يقبل طلب دازت صورة عويشة بين عنيه بشعرها طويل و خجلها الملفت و جمالها ساحر..بسرعة تهز من بلاصتو وحجبانو معقودين لوسط...
عض فمو من جناب كيقشرو و رجلو مرصياش من الهزان ...خرج من لفيس وتوجه جيهة تصاور لي خداهم لعويشة..بقى ساهي فكل صورة و كل مرة يقرب صورة كيحفض ملامحها لي سحروه من النضرة الاولى ...
خدم الفيديو لي صورو وكانت فيه غير هي وبدون مايحس بنفسو تبسم من تبسمات هي... و عض فمو من عضاتو هي ...و دور لسانو على فمو من دورات هي لسانها على شفاه ديالها ...
فأخر لفيديو ضهرات عفراء لي مدهاش فيها من كان كيصور ولكن دابا من رجع كيتفرج فالفيديو شاف عينيها لي مراقبينه غير هو عرفها كانت عايقة بيه من لول شي لي خلاه يتهز بضحك بحال الحمق كيف بنت قد صبعو لعبات بيه قدام لقبيلة كاملة ..
ولكن هاد لمرة ضحك من نيتو ومكانش هناك تا احساس من الغضب ولا العصبية ...جلس فوق صداري كيمشط شعرو بيدو و كيفكر غير مع راسو وبعد مدة رجع شاف فصورة عويشة بإبتسامة وقال بصوت هامس...
-وخا الالة عويشة نشوفو واش فالمكتاب ولا لا ....
لبس كلاكيطة ديالو ودار عليه قبية وهبط لطابق تاني كيجر فرجليه ...دق فلباب عاد دخل مشا نيشن جهة ديال لكوزينة وقف فالباب....
خالد: يهيدك الله الحاجة راني قلت ليك منين جيت راني رسلت على الماكلة اتجي من برا مالكي كتعدبي فراسك ....
الحاجة هزات كتافها : اوا ختك تزوجات ومقابلة راجلها و دارها اوا شكون يطيب لباك لي مكياكلش الملح وانا راه ما بقات عندي صحة لكوزينة ولشقى ...
تقدم عندها حيد ليها داكشي من يديها و غسلهم و مسحهم وجرها معاه كيرطب فكلامو معاها ...
خالد: واش عمرك قلتي ليا شي حاجة وقلت ليك لا من غدا نجيب ليك خدامة لي تهنيك من شقى و طياب ولا مكفاتك وحدة نزيدك تانية ...
جلسو فصالون و الحاجة منفخة : انا ما ندخل عليا البراني لداري و لخدامات فيهم غيير صداع ....
خالد:وشنو لمعمول الحاجة ....
الحاجة شافت فيه بنص عين : المعمول هو تزوج و تجيب ليا شي عروسة لي تعاوني...
خالد كمش حجبانو : شنو زعمة بغيتي مراتي تولي خدامة فدار الوليدة ولا شنو ....
الحاجة : يا ربي غير تجيبها انا نخدم عليها و نشقى عليها باركة هي غير تعمر ليا دار وتولد ليا وليداتك لي ينورو عليا هاد دار بصداعهم....
خالد هز ليها يديها باسهم كيضحك: ما طلبتي غير الموجود الواليدة ...
الحاجة بدهشة شافت فيه : ربي ربي واش كتهضر من نيتك و مكضحكش عليا ولقيتي لبنت لي عجباتك....
خالد عض فمو من جنب بقا ساكت مدة عاد حرك راسو ببطئ : لقيتها امي وعجباتني بزاااف ...
الحاجة بفرح : وشكرن هاد بنت ناس يكما كنعرفها وفين ساكنة ....
خالد:مكتعرفيهاش الواليدة ومسكناش هنا ..البنت بنت الاطلس فجوايه خميسات من شلوح راكي عارفة مشيت لبارح لعرس لواحد من الخدامة لي انا مسؤول عليهم ومن جاو عرضو عليا مجاش نرفضهم وقلت ندير صواب و نمشي منها نيت نبدل الجو شوي من صداع المدينة و تم شفتها و صراحة البنت ما فيها مايتعاب وداخلة سوق راسها و ضريفة مكتهزش راسها و زيد حشومية بزاف ....
الحاجة بإبتسامة : واش سمتها وكيف دايرين والديها واش هضرتي معاهم بعدا وشحال فعمر البنت ....
خالد حك لحيتو : سميتها عائشة و صراحة البنت مزال صغيرة فعمرها 16سنة ولكن فدوك جوايه كيتزوجو لبنات صغارات بزاف و كيدوزو فالعقد حيت.تادراري تم كيتزوجو على 19سنة..اما والديها ناس مزيانين الله يعمر ليهم دار ...
الحاجة كمشات حجبانها : مبانتش ليك اولدي لبنت صغيرة عليك بزاف راك درتي 30 عام والبنت عاد بدات كتنبت و تشوف فدنيا ...
خالد بتاسم بجنب: لبنت نبتات الوليدة وعاطية العين كتر ماتصوري اما مكنتش نشوف فيها من الاول گاع ...
هز تيلفوق ومد ليها تصاور ديالها ..
-هادو تصاورها كيف جاتك .....
الحاجة خرجات عنيها كتفحص تصاور شبر بشبر كثر مادار ولدها ..حلات فمها و رجعات سداتو وعاد قالت...
-مشالله مبيناش فيها كاع 16 ولكن يا ولديي زييينة كاع رجال يحسدوك عليها نهار تجيبها لدارك وتا انا دخلات ليا لخاطري مشالله فنة وباين حشومية بزااف ..."شافت فولدها كضحك"...دابا هي اتزوج بشلحة ....
خالد تبسم : لا بغى الله انا هضرت مع والديها وقلت ليهم بغيت بنتكم ....
الحاجة خرجات عنيها : كفاااش وبلا بينا ....
خالد ضحك من نيتو و بدا كيعاود ليه القصة كما هي والموقف لي تحط فيه ..ما سالة الكلام تابقات مو كضحك من نيتها و دموع دايزين على خدودها وخالد تا هو ماشي من لعاكزين ضحك مع مو تا تقطع ليهم نفس...
الحاجة : اربي واشهادي لي دارت ليك هادشي بنت 6 سنين....
خالد:راه انا وتصدمت...رجال بشلاغمهم وعمرهم داروها بيا و جات وحدة واصلة نص ركبتي دارتها بيا قدام لقبيلة كاملة ولكن وخا هكاك بقات فيا بزاف من عرفت قصتها ..ناس جاهلين تم بزااف وغير من سمعو بغيت نتزوج بختها كل واحد بدا يرمي ليا الهضرة بنحس ما نحس وتم فهمت شخصيتها وخا صغيرة خلات ترد لبال لكلشي من ناس لي كيعيروها بنحس ....
الحاجة تنهدات بأسى : اوا اولدي هادو هما ناس لي جاهلين فدين اما ناس لييعرفو كلشي بالمكتاب ما ينطقو كلمة نحس على فمهم ولكن ربي يعوضها نشالله بخير ناس لي يعوضها على كلشي ....
خالد حرك راسو بشوي : امين يا رب ...اواالحاجة اش درنا نمشيو عندهم غدا نطلبو يد لبنت ....
الحاجة بصدمة : مالك مزروب ومزال ما خدينا والو ..فين لحلوى و تواب وشلا حوايج خاصنا نديو ...انا ما ندخل عند ناس اول مرة بيدي خاوين اولدي ....
خالد شاف ساعة وهو يجمع الوقفة : يالله دابا نيت ندوزو على بنتك و دوزي خودي لي بغيتي و انا نخلص و غدا نشدو طريقنا ...
الحاجة تبسمات بجنب : بنتي لي زربان باينة هادي كاع محبة ولا طحتي على راسك نيشن ...
خالد تبسم : بجوج الوليدة وزيد بغيت نمشي غدا حيت هو لي بقى عندي فالكونجي و مبغيتش نتعطل على ناس باش ميقولوش غير ضحك علينا و خوا بكلمتو ....
الحاجة هزات حجبانها : زعمة غير على الكلمة ماشي حيت توحشتي تشوف لعروسة ....
خالد عض فمو بجنب و طلع يبدل حوايجو و فوسط دروج رد على مو : تا هادي عندك فيها الحق الحاجة ....
غربات شمس فالقبيلة و تحل ضلام..جالسة عويشة قدام لفران بلدي كتخبز و مها حداها كتطحن لوز لحار فرحة باش تخرج منو زيت لشعرحيت كيطولو و يرطب و يدير لخلفة و زيد كيرجع لبشرة طرية بحال لبيبي و كيحيد اتار الحبوب و يوحد لون البشرة ...
عصرات مزيان وكتكب زيت صافية فقراعي صغار لي مسمياهم و كل وحدة ديالمن..تقدمو عريساتها خداو ديالهم و بقاو تلاتة ديال لطوف و عويشة و عفراء ...
هزات لطوف كم قفطانها كدلك يديها و شافت فعويشة...
-ديك المسخوطة فين غبرات شفتها من جوايه المغرب غبرات...
عويشة: قالت ليا اتبات ليوم مع خالتي لكبيرة حيت وعداتها ادير ليها كيكة....
لطوف: يا ربي غير ماديرش ليهم شي مصيبة كيف عوايدها ....
عويشة بقات ساكتة ومقابلة الخبز و بعد مدة نطقات ..
-مي اش بان ليك نخدم مع عيالات دوار فجنان منها نيت نعاونكم شوي فالمصروف وما بقى والو دخل عفراء المدرسة خصها شلا حوايج....
لطوف بقات كتشوف فبنتها لي كتهضر وعنيها على لفران ..حسات لطوف بغصة خنقاتها فحلقها على ينتها ..بصعوبة باش سرطاتها و نطقات بهدوء....
-عنداك تقولي هاد الهضرة قدام باك راه ما يعجبو حال حنا بناتنا كيبقاو فديروهم تحت جناح باهم تا يديها راجلها لدارها ...
عويشة بحسرة : وفين امي هاد راجل. راك كتشوفي كلشي بعويناتكم وانا مبغيتش نبقى متقلة عليكم فالمصروف وحمدلله بصحيحتي قادرة نخدم كيفي كيف عيالات دوار ....
لطوف ما قدرات تزيد تحكم فدموعها ورا كلام بنتها..جمعات لوقفة وتوجهات ورا الحيط تخبي دموعها وفور ما وصلات لحيط بان ليها راجلها واقف وكاع كلام بنتو داز على ودنو...شاف فلطوف بحزن و هبط راسو ودخل لبيتو بدون ما ينطق بحرف ..اش ايقول مزال وهو لي عاش تاسمع بنتو كتقول
"مبغيتش نتقل عليكم"
شكون فينا لي مبغاش ولادو يبقاو حداه حياتو كاملة لكن دنيا هي هادي وكل واحد و نصيبو ولكن بنتو لكبيرة ماجا ليها نصيب و صغيرة فيوم ولادتها لصقو فيها لقب المنحوسة ...
ومزال صابر علا يوماً تفرج عليه وعلى بناتو ...
جالسة متبتة حدا لكبيرة لي كتقطع لكيكة كيف وعداتها...عطاتها طرف مع كاس اتاي وعفراء فرحانة بيها وعاجبها الحال...حلات فمها تعض وهي تجي عنيها مع جعفر لي حاني راسو على لكتوبة كيكتب...رجعات سدات فمها و وقفات مشات عندو ..مدات ليه الكيكة لي فيديها و حطات اتاي فوق طبلة ...
كمش حجبانو وقال
جعفر: هادي ديالك معجباتكش...
عفراء جلسات حداه: لا زوينة ولكن كول نتا الاول ...
جعفر برفض: لا مكتعجبنيش الحلوى غير بصحة...
عفراء ببرائة: بصح مكتعجبكش...
جعفر بتاسم بخفة : اه مكتعجبنيش..."رجع ليها كاس اتاي ولعب ليها فراسها "...كولي..
بين عينيه بدات كتالك بفرحة ضاهرة على ملامحها و كتبنن وهو فقط مبتاسم حس براسو شبعان من شاف ابتسامتها و طريقة اكلها ...
هز يدو ولعب ليها فوق راسها بحنية وهي كتزيد تقرب ليه..كتحس بيه بحال خوها او قريب اكثر بحكم كاع خوتها كبار منها مقرابينش ليها عكس جعفر و زيد كيدافع عليها زاد عزاز عندها كثر ....
جعفر حك راسو بخجل و نطق بصوت هامس...
-عفراء من غادي تكبري شنو بغيتي تكوني....
عفراء خرجات شفاها بدلال: بغيت نمشي لمدينة و نشري حوايج بزاااف بحالي كيلبسو فتلفازة و نبان زوييينة باش تا واحد ما يبقى يقولي منحوسة و يعيطو ليا غير زوينة ....
جعفر بحنية : تا دابا نتي زوينة بزاااف...
عفراء بدلع: تا نتا زوين مكتشبهش لولاد لقبيلة و عينيك جاو زوينين بزاف ماشي بحال عيني انا كحلين و نتا ملونين ....
جعفر حرك راسو بطاعة: لا نتي عينيك حسن من دياولي.."نحنح بشوي "...وشنو بغيتي تولي اخر....
عفراء حطات يديها على حنكها كاتفكر : اممم وبغيت نسكن فالمدينة مانسكنش هنا وتولي عندي دار كبيرة بحال مول جنان ونشري بزااف لعودان نخيل بيهم بحال با و يولي عندي طونوبيلات نبقى نسوقهم بوحدي بحال الافلام ....
جعفر بقى كيرمش وبدون وعي نطق : و انا....
عفراء من نيتها : متخافش انديك معايا نتا وخالتي لكبيرة و انسكنكم معايا ....
جعفر دبلات الابتسامة من ملامحو و حدر راسو لكتابو كيكتب وبان وجهو حمر مزير...ميلات عفراء راسها كتشوف فيه وهو كيهرب راسو عليها...
دورات راسها لعند لكبيرة لي غير ساكتة وكتسمع ليهم ..ورجعات عنيها لجعفر وقالت بشوي....
عفراء:جعفر ما بغيتيش تمشي معايا لمدينة ....
جعفر حادر راسو قال: ما بغيتش نسكن معاك بغيتك نتي تسكني معايا ....
عفراء بدون فهم: ولكن انا بغيت نسكن فالمدينة ....
جعفر هز راسو ليها : وانا لي غادي نديك لمدينة وغادي تعيشي فيها معايا وتبقاي ديما حدابا ....
رغم انها مفهماتش قصد كلامو الا انها حركات راسها بطاعة و ابتسامة مزينة ملامحها وقالت..
عفراء: اه انبقى غير معاك بوحدك...
شرقات شمس و صبح يوم جديد وكيف عادت لكبيرة كتفيق بكري توجد فطور لولدها ...قبل ما تخرج لأرض فيقات ولدها وقالت غير بشوي....
لكبيرة: جعفر من تمشي لمدرسة فيق معاك عفراء وبيديك وصلها لدارهم عنداك تخليها وحدها دابز مع شي واحد....
فور ما نطقات اسم عفراء جمع الوقفة و نعاس طار ليه...توجهات عينو فالبلاصة لي ناعسة فيها عفراء بسلام...خرج برا توضى و تبع مو وصلها لنص طريق و رجع كيجري خايف تفيق عفراء و متلقى تا واحد....
دخل بدل حوايجو وصلى لفجر و قاد كتوباتو فالمحفضة وكلشي كيديرو بسكات و هدوء ... مشا لطبلة كيفطر بانو ليه جوج طروفا ديال الكيكة وحدة ليه ولأخرى ديال عفراء..تبسم و رجعهم لجيه خلاهم ليها بجوج وفطر بلي قسم الله ومشا جلس حداها بصمت وهي ناعسة ما جايبة لدنيا خبار....
حمات شمس عاد حلات عنيها كتكسل حالة عين و سادة عين وجعفر بإبتسامة ...
-فقتي صباح لخير...
عفراء بصوت مبحوح : فين هي خالتي...
جعفر:مشات لجنان نوضي فطري ونديك لداركم ...
هزها بشوي و وجهة لجهة لما غسل ليها يديها و وجها مزيان ومسحهم بلطف و جرها لجهة طبلة تفطر وهي عاجبها الحال ..ماعمر شي واحد فيقها و دار ليها هادشي كان اول واحد هو جعفر شي لي خلاها تفرح بزااف ..تعاملو و كلامو و شخصيتو كيخليوك تبغيه بدون ماتحس....
عفرأء قنطات من شعرها لي كينزل على وجها وهي دور عند جعفر بطلب...
-جعفر مشط ليا شعري عافك و ضفرو انا مكنعرفش...
بقى كيشوف فيها للحضات عاد حرك راسو..جاب المشطة وزيت لي كدهن بيها مو شعرها..جلس وراها على ركابيه و بكل لطف و حنان دهن ليها شعرها و بدا كيمشطو بشوي خايف يقصحها بينما عينو كيبريو فلون شعرها الأشقر و جمال لمعانو و طولتو المتميزة...
كيحرك يدو بكل اعجاب على شعرها و بدا كيضفرو ليها بمهل حتى سالاه كامل وهو فرحان...شبك يدو مع يديها و سد باب دارهم و رجلو على رجليها وصلها تال عند لطوف بحال الامانة عاد كمل طريقو لمدرسة ....
تمشات قدامهم عاجبها راسها و ضفيرتها ...وبنت خوها لي قدها فالعمر تابعها بعنيها...
مينة: شكون جمع ليك شعرك اعفراء...
عفراء : جمعو ليا جعفر علاش كتسولي...
مينة:تا انا انقول ليه يصاوب ليا بحالك ...
عفراء خرجات عنيها : هو مكيصاوبش لبنات كيصاوب ليا غير انا و زيد نتي شعرك حرش ماشي بحال ديالي مغاديش يعجب جعفر...
مينة تنفخات: هو لي ايحكم نتي ماشي صوقك...
عفراء تجعرات : انننن قلتليك ما يصاوبش ليك هي ما ايصاوبش ليك..جعفر ماعزيزش عليه لبنات غير انا بوحدي لي كيهضر معايا ...
مينة : كداابة يجي و نسولو....
عفراء ضربات رجليها مع الارض: دابا تشوفي والله ما نخليه يقيص ليك شعرك البقرة ...
مينة مشات كتجري عند مها كتبكي وعفراء بقات كتنفس من نيفها باين من وجها سم ...
مجموعين فلكوشينة كينقيو زرع و كيغنيو بشلحة اغنية قديمة و بصوتهم رخيم زادت حلات و زيانت ...وعويشة كتعمر فأتاي و دندن معاهم بينما عفراء متكية على لطوف و كتخليهم تا كينقيو و ترجع تخربق ليهم زرع بالعكس لي فيها ولطوف غير صابرة معاها....
نطقات بشرى مرات علال : عفراء جمعي يديك شوي شهاد لبسالة راني غوت عليك غير حيت درتي فالبنت وهي مادارت ليك والو....
عفراء مخنزرة : انا مكنجبدهاش هي لي ديما لاصقة فيا اي حاجة درتها خاص دير بحالها ..داك نهار طلبت من با يشريلي كسوا ومن شافتني لبساها لصقات خويا يشري ليها بحالي ومن ركبت فالعود تا هي لصقات تركب فيه ومن طاحت كيف البقرة منعني با منعاودش نركب فوقو حيت بنتك منونخة غير حالة فمها وتا بعاني...
بشرى : وراه غير حيت نتي خالتها وعزيزة عليها ...
عفراء:شمن خالتها علاه انا شحال كبر منها بسلامة ياك مفاوتين غير بشهرين ....
كلتوم مرات عبد القادر: يا بنتي بغيت غير نعرف هاد الهضرة فين تعلمتيها و نتي غير بنت البارح انا لي مرا ما كنسير كلام بحالك ....
لطوف ضحكات من نيتها:علاش شكون نهار و مطال وهي تعاير مع عيالات لقبيلة تا تعلمات لكلام و المعيور على حقو و طريقو انا و نوحل قدامها ....
عويشة : اوا هما لي كيجبدوها هي ما كدق على حد ولكن لي دق عليها تعطيه علاش يدور ...
عنقات عفراء ختها كضحك و تبوس ليها حنيكاتها بينما بشرى قالت ...
-فكرتوني .. عرفتو عمي لحسن...
لطوف : اممم داك شارف مالو ....
بشرى: هضرات معيا مي هاد لأيام قالك بغاو يزوجو عويشة ليه ...
هزات عويشة راسها بصدمة وعنيها خارجين بينما بشرى كملات كلامها ...
-وراكم عارفين سيد بخيرو و خميرو غير هو بقى وحداني من ولادو كبرو وماتت مراتو ودابا بغى يتزوج و مي فكرات فعويشة ولا قبلتو ايجيو غدا نيشن يطلبو يديها ....
لطوف تأزمو ملامحها بينما عويشة ولات حمرة و دموع تشكلو فعنيها و نطقات بحزن ....
-ما بغيتش نتزوج براجل كبير عليا ...
كلتوم: متقوليش هادشي اعويشة شوفي كاع بنات لقبيلة لي قدك تزوجو بقيتي غير نتي راه تزيدي هاد لعام مايبقى يجي حد يساومك اختي ....
عويشة بغسة خنقاتها حسات براسها تحگرات و تنقص منها..عضات فمها بجهد كتخبي دموع لي فعينيها بينما لطوف شافت فبنتها بحزن و نطقات بأسى...
-يجي باها و يكون خير ...
جمعات لوقفة مزيرة وصوتها خرج كيترعد حابسة لبكية ...
-انطلع لغابة نجيب لحطب"لعواد" لفران مبقاش فين نطيب لخبز ...
خرجات كتمسح دموعها هزات لحبل و توجهات لغابة ملويا زيف كبير على دراعها و كتمسح دموعها بضهر يديها وكتعض فمها بجهد و تقشرو تاتجرح وهي ما حاسة بيه ...
فطريق لكبيرة جاين جوج سيارات سوداء...الاولى جالس فيها هو وحداه باه ولور الحاجة و سيارة تانية كاين ختو وراجلها ....
مخرج يدو من شرجم و كيسوق بيد وحدة داير نضارات شمسية ولابس تجاكيط كوير مع سروال تجين ومركز مع طريق باش ميتلفش على دار لي وراها ليه سي لعربي فالوقت لي دارت الهضرة ...
سايق وهو ساهي تا دازت قدامو حانية راسها لتحت وحناكها كيلمعو بدموع و كتمسحهم و يرجعو ينزلو ...وقف سيارة بسرعة فجنب طريق من شافها دخلات لغابة و فيديها حبل ..
خرج من طونوبيل بزربة وسد لباب وشاف فوالديه من شرجم...
خالد: اندخل لغابة و نرجع مجاتش تا نمشي عند ناس عاد نبقى نسول على الحمام ...
فهمو قصدو حركو ليه راسهم وخلاوه يمشي و بقاو هما كيتعاودو ...شار لختو و نسيبو يتسناو تا يرجع و بزربة تبعها كيطير و قلبو كيضرب فحلقو بجهد...
كيشوف فكل جهات و زاد توغل فالغابة كتر وكيدور فراسو حتى بانت ليه بعيدة ومزال غادة طالعة ....تنهد بجهد و تبعها كيجري ..جرها من يديها وهي صرخات باعلى مافصوتها مخلوعة و وجها ولاصفر ...دغيا بعدات منو كترعد و نطقات تحت انفاسها المرهبة ...
-ششش شكون نن نتا اششش بببغيتي عندي ...
هز يدو بجوج من شاف الخوف فعنيها : متخافيش مغادي ندير ليك والو اعويشة...
بعدات منو كتر متيقاش فيه : فين عرفتي سس سميتي .."هبطات عنيها و طلعاتهم فيه"..نتا ماشي ولد هنا ..شش شنو بغيتي عندي وععع علاش تابعني ...
تنهد بجهد و حط يذو على خسرو مفرق رجليه شاف فيها مزيان عاض فمو من لداخل و نطق بشوي...
-دغيا نسيتيني اعويشة ...
عويشة بصدمة نطقات:ما تكدبش انا مكنعرفكش ..بعد مني ولا انغوت نجمع عليك كاع ناس دوار ...
خالد هز كتافو : عيطي شكون منعك نيت يختاصرو عليا طريق....
عويشة بالخوف لي فيها بداو دموع كيهبطو بحال شلال و بصوت مخنوق نطقات...
-عافك سير بحالك ما بغيت صداع مع ناس ولا نزل بوجه والديا فدوار .. الله يرحم ليك ماعز عليك بعد مني ..ديرني بحال ختك عافك ما نقصيني مشاكل ...
خالد شاف فيها بنضرات غير مفهومة ..كتبان مكسورة و مغلوب على امرها كأنها هازة جبل فوق كتافها..تسائل فنفسو كيف بنت فعمر زهور يالله عندها 16 سنة تحمل هاد الهم لي واضح فعيونها ...
نطق بصوت هادئ :علاش كتبكي خايفة مني....
-حركات راسها بلا...
خالد: ضربك شي حد...
-عاود حركات راسها ب لا....
خالد قصح شوفة: تبسل عليك شي واحد ...
عويشة حركات راسها وقالت بصوت باكي: لا تا حاجة ما واقعة ...
خالد بدون فهم: من تا حاجة ما واقعة علاش هاد لبكى كامل ....
عويشة كانت محتاجة لي تفرغ عليه ما فقلبها وحيت هاد دري ماشي ولد هنا نطقات ما بين لسانها وساكتة عليه ...
-بغاو يزوجوني ولكن انا ما بغيتش ....
خالد تصدم ضناً انهم تكلمو ليها عليه ..كمش حجبانو و قال: ما بغيتيش تزوجي بهداك ولا ما بغيتيش تزوجي گاع ...
عويشة حادرة راسها كتمسح دموعها : لا معنديش مشكل نتزوج لكن ما بغيش واحد كبر مني بزاف ...
خالد بدا كيرمش بسرعة و الحرج بان على ملامحو : ولكن هو مكبيرش بزاف تقدري من تشوفيه ايعجبك ...
عويشة : جا عندنا و شفتو ماعجبنيش و كبير بزاف كبر من با وانا صغيرة بزاف ...
خالد حل فمو ورجع سدو وتبسم بجنب براحة من عرفها مكتهضرش عليه ونطق بصوت حنين تجاها ..
-رجعي لداركم اعويشة وكلشي ايتصلح لا مبغيتيش تزوجي بداك شارف مغاديش تزوجي بيه....
عويشة بخجل : خاصني نجمع لعواد ...
نتر ليها لحبل من يديها و عينو فعنيها قال...
-رجعي اعويشة لداركم و تسنانيني ....
عويشة ما فهماتش كلامو حدرات راسها و توجهات لدارهم وهو تابعها من لور و عينو عليها و كيفرنس غير مع راسو ..الحق يتقال عجباتو عويشة كتر من لقياس و مبقاش صابر على نهار لي يديها لدارو و تولي مراتو و حلالو ...
دخلات عويشة و حناكها حومر ايطرطقو و عفراء كدور فعنيهاتك تاحاجة ماكتزگل ليها...
-فين هو لحطب اعويشة لي مشيتي تجيبي ...
عويشة جلسات حداها كتنفض فبيجامتها: ما قدرتش نجمعو تا يجي عبدالقادر و نطلبو يحطب ليا...
عفرأء شافت فجنابها و قربات لختها : عنداك تزوجي بداك شارف راه خايب و مزوينش ونتي زوينة بزااف...
عويشة : ولا وافق با...
عفراء: ومالكي نتي ما عندكش فمك قوليه مابغيتش مالو ايزوجك بزز...
عويشة بتنهيدة: واش كتصحابي اعفراء كلشي بحالك انا راه لعين ما نقدر نهزهم فبا ماشي بحالك كتضلي تقابحي نتي وياه...
عفراء عوجات فمها : سيري سيري انا لامضحكت و قشبت مع با معامن انقشب بقاي تحشمي تا يديك داك شارف سنانو مهدومين و لحمو ناشف....
سمعو دقان فالباب وهي تخرج لطوف كتمسح فيديها حلات لباب لقات زهور و جمعة و فتيحة كينهجو صخفانين خلعوها...
-ياك لباس اش واقع ....
جمعة دفعاتها و سدو لباب وراهم: نوضي عريساتك يجمعو بيت ضياف دغيا راه شي ناس من المدينة كيسولو عليكم وحنا جينا من جنان جريا وحدة خلينا معاهم لكبيرة توريهم دار وراني رسلت ولدي يعيط على راجلك و ولادك من لواد...
لطوف بدون فهم: شكون هاد ناس حنا ماعندنا حد من المدينة ....
فتيحة: الله و علم اختي معرفناهمش ولكن نعاهم دري لي حضر فعرس بنت زهور وقال بغى عويشة لزواج ....
لطوف و عريساتها و عويشة جمدو فبلاصتهم و صدمة بانت على ملامحهم من غير عفراء لي تبسمات فرحانة و نطقات وسط منهم...
-خالد جا...
لطوف :نتي فين كتعرفيه...
عفراء : وراه انا لي قلت لبا بغى عويشة لزواج....
جمعة: واش وقت تسوال هدا الطوف ناس جايين من لبعيد تحزمي و قولي لينا باش نعاونوك ورسلي عويشة تلبس شي قفطان باش دخل بيه عند ناس هادو راه ناس لمدينة ماشي بحالنا هما كيبغيو لعروسة دخل عليهم بصينية اتاي و تجلس وسط عائلتو و تعارف بيهم ...
لطوف داخت لا هي لا بنتها بقاو غير كيدورو فبلاصتهم تالفين من غير لعيالات لي دارو يديهم و دخلو لكوزينة كيتعاونو هما وعريسات لطوف و يجبدو ماعن جداد من فيترينة...
جرات لطوف عويشة دخلاتها لبيت وتوجهات لماريو كتقلب ضايخة مدات ليها بيجامة طويلة مطرزة وص
قبل ماتشدها عويشة قلعاتها ليها عفراء مخنزرة فمها...
-مالها عندها سبوع امي راه ايجيو يخطبو ختي عطيها ديك لفراشة لي خيطتي راسك وعندها خيط كتزير على لكرش و صدر وديك بلغة صم غادي تجيها زوينة ....
لطوف:عفراء نتي مزال صغيرة مكتفهميش لهادشي حنا بناتنا كيلبسو غير لبيجامات من كيجيو يخطبوهم ناس ..
عفراء : على هاد لحساب بنتك اتبقى حداك امي...
لطوف:عفراء خرجي راكي عصبتيني ممسالياش لهبالك هاد ساعة....
عفراء:والله ما نخرج تا تعطي عويشة داكشي لي قلت ليك نتي مالكي مكتفرجيش فتلفازة كيف دايرين هادوك بلبس وشنو كيلبسو من يجيوهم لخطاب مالكي نتي تلبسي ليا ختي ديك بيجامة قد لخنشة ماباين لور من لقدام ...
لطوف حيدات صندالة بغات تشير عليها معصبة دخلات غير عويشة كتبدر سوق...
-صافي امي ديري ليها خاطرها هاد نهار ....
لطوف معصبة :ما شفتيش كيف ولات ما بقات تحتارم حد وجالسة تراد معايا كلمة بكلمة وهي مزال لاصقة فالارض اما نهار تكبر علم الله شمن شيب اتخرجو فيا ...
عفراء هزات كتافها منفخة ..وكتشوف فيهم بنص عين وحاضية مع ختها شافتها اتلبس لفراشة وهي تحبسها...
-غسلي وجهك بعدا وحكي رجليك و بدلي دوك لحوايج لتحتانين ديري هدوك ديال بونج لي كيكبرو ليك صدرك وداك سواك لي عطاتك مي غير حيديه ايخسر ليك غير فمك...
بقاو غير كيشوفو فيها مصدومين ومعرفو ما يقولو و لطوف مع تلفة زادت عصباتها عفراء بغات تفرسها وهي كتهرب ليها من قنت لقنت مكتحشمش و بغات يديرو داكشي لي عندها فراسها مبغاتش تشوف ختها لا علاقة وهي شافت كريم شحال زوين و ختها تبان قدامو شارفة ..
لكن شكون يعرف اش فعقلها لي مزال صغير ولكن داكشي لي جمعاه و عارفة ليه علم الله منين جابتو واش تلفازة لي ضل قدامها نهار و مطال وتعلمات منهم ولا داكشي فطرة زاد معاها ...
وكيف قالت عفراء دارت عويشة لي ما كتبغي تخسر خاطر لختها صغيرة ..حكات رجليها تارجعو حمرين و وجها صافي وملامحها واضحين...لبسات ملابس داخلية مع دوني و شورط ديالو ودارت فوقها فراشة وتوجهات مع لمراية كتشوف فراسها عاجبها الحال ولفراشة مفرقة من جناب كيبانو سيقانها بويض كيلمعو و يديها صغيورين ..تبسمات لراسها فرحانة و عفراء تقدمات ليها هازة زيت لياسمين....
عفراء:هاكي دهني هادي بيها يديك باش من يسلم عليك خالد يلقى يديك رطبة و تبقى ريحة لاصقة فيدو ..
عويشة مدات يديها و حجبانها مجموعين: عفراء منين تعلمتي هدشي كامل...
عفراء: تفرجت فيه فواحد لفيلم هندي غير ديك لعروسة دارت زيت اخر ماشي بحال هذا ولكن تا هدا ريحتو زوينة ....
عويشة تبسمات وبطاعة دهنات يديها وشافت فلفراشة: كاع ما عندي زيف بحال هاد لون ما عرفت ما ندير...
عفراء: نتي شعرك زوين علاش اتغطيه رجعيه غير لجنب و دخلي عندهم...
عويشة حركات راسها بزربة: لا لا اختي حنا ما كنعريوش شعرنا...
عفراء: نتي اصلا مديراش الحجاب وهادو ناس لمدينة عقلهم ماشي بحال هادو لي عندنا هنا ..غير من يعيط عليك با دخلي عندهم هكذا بشعرك ولا هضرو معاك انقول ليهم انا ....
خلات ختها و مشات هي كتلبس كسوتها و تقاد حالتها.. كيعجبها راسها تكون زوينة و ديما حوايج نقين و ريحتها فنة..صغيرة ولكن مطورة و مجبدة تشك فعمرها...
سمعو لهضرة قوات برا دليل علي ناس جاو..بدا قلب عويشة كيخبط بجهد و صخفة شداتها ...دخلات بشرى وكلثوم حابسين ضحكة سدو لباب و تقدمو عند عويشة...
-نااري واشمن زهر هادا عندك اعويشة عرفتي لولد لي باغيك شحال زوين كيحمق يا ختي...
عفراء: بعدا جبت لختي راجل كيحمق ماشي بحالك نتي جايبة ليها شارف...
بشرى:سكتي..سكتي المنحوسة تمشي تنحسي ختك تاني مع هاد وجه لخير لي جا عندها...
عفراء خرجات هازة راسها لسما خلات ختها مع عيالات خوتها هما يعرفو يتبتوها اما هي صوقها خاوي فداكشي...دارت راسها ماشافتش مها لي كتشير ليها مدخلش عند ناس..وبإبتسامتها المعهودة دخلات عليهم..شافها باها و تبسم كتبقى فيه بزاف...
العربي:اجي ابنتي سلمي على ناس.."هضر مع اب خالد لي جالس حداه"..هادي الحاج بنتي صغيرة عفراء....
تبسم لحاج كيف تبسمات كل عائلة خالد لي عاود ليهم مادارت فيه ..
الحاج:تبارك الله لا يصلح اسي لعربي ....
خالد جالس حاط يد فوق لمخدة و يد لخرا على ركبتو .. تبسم و شار ليها تجي عندو...
-اجي ازوينة جبت ليك معايا حلوى اتعجبك ...
عفراء بقات واقفة فبلاصتها كدور فكسوتها عاجبها الحال :بصح انا زوينة....
الحاجة لي دخلات.ليها عفراء لخاطرها وحيت عارفة قصتها زادت عزازت عليها : زوييينة ابنتي مكاين لي يفوتك بزينك مشالله ...
عفراء ببراءة:وخا مكنعرف ندير والو بحال لبنات مزال كنبان زوينة....
سعيدة"اخت خالد": مزاال زوينة ابنتي ولي يبغيك يبغيك كيف ما نتي....
خالد هز يدو: اوا هانتي الالة عفراء شكون بحالك...
عفراء عاحبها الحال و كدور فراسها : ولا كانت شي وحدة زوينة عليا بزاااف ...
الحاجة كضحك:لا لا ابنتي لحق يتقال ماعمري شفت بحالك نتي لالاهم فزين كاملين ...
عفراء رمشات بطفولية : ولكن كاين ما حسن مني بزااااف تشوفها ما تقديش تهبطي عينيك منها ....
سعيدة كمشات حجبانها: وشكون هادي لي فايتا زينة لبنات لالة عفراء ....
عفراء تبسمات من نيتها: ختي عائشة زوينة مني بزااف وضريفة و كتحشم ماشي بحالي و كتعرف دير كاع شغل دار ومكترضش على با لهضرة بحالي وكلشي فدوار عزيزة عليهم و سكوتية تحطيها.على جرح يبرا وغزالة كتحمق...
جالسة كتعبر و تشكر فختها و تعليها فمقامها و تقرانها بيها باش تبان ختها.هي زوينة وكلشي غير ساكتين و كيشوفو فيها بإبتسامة ..وخا خالد عاود ليهم لكن متيقوش ديرها بيه بنت ست سنين ولكن دابا من شافوها كيف جبدات الموضوع باش تجبد اسم ختها و تشكرها قدامهم عرفوها شيطانة و مطورة بزااف...
شاف خالد فالحاجة كيضحك وهضر ليها فودنيها : اش قلت ليك ياك متيقتينيش و سمعي دابا على ودنيك...
الحاجة: تبارك الله عليها والله تا فجأتني بكلامها...
خالد: اوا هي لزربتي و هضري نتي ولواليد دغيا ....
مكان حد يتوقع ديك لي خافو ناس يخطبوها بسباب نحس ختها وخا زينها عاطي وشخصيتها ما تلقى بحالها و ليوم كيشوفو لبراني جا ياخدها و يطلب يديها تولي مراتو و حلالو..شحال من واحد من ولاد دوار من سمع عويشة جاوها لخطاب تنهدو بلا خاطر و لعنو ختها لي لصقات فيها نحسها وهما لي كانو باغينها لراسهم و لكن كتاب عفراء تكون عكس فطريقها....
ولكن تا حد ما عارف هادي لي قالو عليها نحس هي لي لعباتها وجابت لختها راجل مقامو ما يتشرا لا بمال و لا جاه...راجل بمعنى لكلمة و اخلاقو واضحين من الكلمة لي عطا و ما نكرها...
تجمعو كل الحباب من العائلة و جيران فرحانين و يعاونو من نيتهم وكل مرة يغمزو لطوف تحضي المنحوسة ديال بنتها لا تخسر سعد ختها كيف عوايدها...
خرجات كتنفض فكسيوتها عاجبها الحال حسات بيد قاصحة جراتها وهي تكمش ملامحها بألم..
عفراء: مالكي امي جراني هاد جرة كاملة بغيتي تحيدي ليا يدي...
لطوف مخنزرة: ياك قلت ليك مدخليش عندهم مالكي غير كتزبقي كيف زواق...
عفراء : وامي راه غير خطاب ختي واش بغيتيني منشوفهمش ومنهزهمش و نحطهم نشوف واش ناس مزيانين ولا لا ..علاه انا ختي شايطة عليا نعطيها لمن بغى...
حيدات لطوف يديها متفاجئة : علاه نتي وصلتي ابنتي تهزي ناس و تحطيهم و تعرفي اش يسواو...
عفراء من نيتها: انا بانو ليا ناس مزيانين غير لا بغيتو تخسرو لختي سعدها مع هاد خالد ...
لطوف حطات يد فوق يد هازة حاجب و مهبطة لخر..
-ياك ابنتي و صلتي تعيطي عليه بسميتو حرفية نيشن...
عفراء تبسمات تا بان دروسها كاملين : غادي يعجبك امي و الله تا زوين ايجي مع ختي هو هداك...
لطوف بقات غير كتشوف بصمت وهي غادة قدامها كتنقز مبغياش توسخ حوايجها ...وصلات لكشينة كطل عليهم من جنب لباب وعيالات خوتها مشغولين ...صغرات عنيها و نطقات بشوي...
عفراء: داك بلاطو ديال لحلوى لي جابو لخطاب متحلوهش و تحطوه ليهم غادي نبانو ليهم جيعانين حظو ليهم غير لحلوى لي كتصاوب ختي.."شافت فـ بشرى"..وعنداك تحطي ليهم ديك كيكة لي كديري غادي غير توحل ليهم فلحلق ...
بشرى هزات صندالة كتهضر من تحت سنانها: واش غادي تبعدي عليا و للا ..خلي هاد نهار يدوز بلا صداع بلا ما نفرجو فينا ناس...
كلثوم حابسة ضحكة: راه قالت ليك اختي الحق ديك كيكة لي كديري ما ياكلوها تا فسبيل الله....
عفراء قربات حدا كلتوم كضحك: حطي داك تمر لي معمر فطبسل طوس لحمر و عمريه بزااف و داك لحليب عنداك تحطيه بكرطونتو ..جبدو كيسان لي مزوقين من فيتيرينة و عمرو فيه لحليب و دوروهم على ناس بحال لي شفنا فعرس بنت الحاج مول جنان. .. سمعتهم صاوبو داكشي من لمدينة...
بشرى مفقوضة: هاكي اختي صاوبي نتي نيت اما انا شهمتيني بفهامتك الخاوية ....
عفراء خسرات سيفتها: اودي اش يعرف لحمار فطيارة ....
خلاتهم قطعو الحس ما عرفو باش يردو عليها ولو بنص كلمة فمها ماضي ما عرفو ليه دوا...جلسات فوق لكرسي كتصاوب تمر فطبسيل و كاتحطو مستف و مقاد كيف شافتو عند مول جنان..داكشي عندها محفوظ فراس مكيتنساش و لفهمات ديالها فايتة لقياس...
شافت جهة ديال لكيسان ولكن بلاطو ديال لميكة خسر ليها ديكور محملاتوش...حطات كلشي من يديها و خرجات كتجري لدار لكبيرة لي فايت شايفة عندها بلاطو ديال نحاس منحوت وعاطي لعين و يجيو مع لكيسان مزوقين لي عندها...
فلكوري ديالهم خدام كيكنس زريبة و يعطي لبهايم ياكلو و تريكو لصق عليه بالعرق و رغم ذالك داير لي فجهدو مكيبغيش مو هي لي دير هاد لخدمة ديال لكوري...سمعها كتعيط عليه وهو يدور عندها بحهد و قلبو كيضرب و وجهو حمر وزاد حمار من شافها جايا عندو ...بزز باش خرجو لحروف ليه مقادين ..
جعفر: غير بقاي تم و قولي ليا اش بغيتي...
عفراء بدون فهم: مغاديش تسمعني خليني نقرب ليك كثر...
دور عينو على الحالة لي هو فيها بخجل حشمان بريحة لي لصقات فيه..بتوتر نطق..
جعفر: لا جيتي اتوصخي حوايجك هنا ..
عفرء حبسات خطواتها : واجى نتا عندي بغيتك تعطيني واحد بلاطو من لكوزينة ما لقيتش خالتي لكبيرة ...
جعفر : دخلي هاني تابعك...
مشات دخلات و هو بزربة رما كلشي لي فيدو و دار من جهة لخرا نيشن لسقاية غسل يدو و وجهو وحالتو كاملة بزربة و داز على نشار لي منشورين فيه حوايجو لبس حوايج ججداد و كيشم فراسو ويتأكد واش ريحتو مزال خانزة ..
من ما لقى والو حس براحة ودخل عندها بإبتسامة ..عطاها داكشي لي بغات وحيت كان تقيل هزو هو وخرج معاه و صلها لدارهم ..حطو ليها فلكوزينة ونطق و عينو فلارض مكانش كيضن يلقى لعيالات مجموعين فلكوزينة...
جعفر: بلاطو تقيل عليها خاص شي واحد كبير يهزو باضكض ميضرهاش فبديها ...
لطوف : وخا اولدي دخل عند رجال جلس معاهم.. لكبيرة مشات غير تصخر هي و زهور و ترجع...
حرك راسو و دخل عند رجال وعفراء تبعاه من لور..خدا ابعد بلاصة من خالد و شار لعفراء تجلس حداه و رغم دالك مدتهاش فتلميحات ديالو و مشات كتنقز لعند خالد هضرات ليه فودنو وهو تبسم فرحان وعاود هضر معاها فودنيها...وهزها جلسها فوق ركبتو كيدوي معاها بشوي وهي فرحانة كترد عليه ...
الحاجة لي جالسة حداهم سمعات لهضرتهم كضحك وخشات راسها معاهم عاجبها عفراء : قولي ليا ابنتي شحال فعمرك...
عفراء : هاد لعام اندخل لمدرسة اخالتي...
الحاجة: تبارك الله مزال صغيرة ولكن هضرتك كبيرة ...
عفرء ببراءة مبتاسمة قالت : بنات دوار لي قدي فلعمر ما كدوي معايا تا وحدة حيت كيخافو مني حيت كيقولو عليا منحوسة هادشي علاش كنتجامع غير مع عيالات كبار و بعد لمرات كندابز معاهم حتا وليت كنفهم كتر من عمري ...
حاجة شافت فيها بحزن بينما خالد بقات فيه بزاف ..باسها فخدها كيضحك..
خالد: شفتي دابا كون كنتي كبيرة كون تزوجت بيك نتي و خليت ختك....
عفراء دورات راسها: امممم كضحك عليا تصحابني ما شفتكش من حطيتي عينيك على ختي ما هزيتيها مكرهتيش تزوجها ديك ساعة وديها معاك ....
خالد ولا وجهو حمر حشماتو قدام لعائلة لي سمعو هضرتها وخوتها لي حاضرين هو وباها ساعة معامن هي ما كتحشم لا من باها ولا خوتها...
كحب خالد بشوي كيبعد لحرج لي تملكو : وخا هكاك كون كنتي كبيرة كنت انشوف فيك نتي ماشي ختك...
عفراء هزات راسها : فات عليك لفوت انا مرشومة من نهار تولدت ..
كلشي تهز بضحك بكلامها جابت ليهم تمام نطقات اخت خالد كتحبس ضحكة بزز...
سعيدة: اوا الالة لبنات شكون هادا لي نتي مرشومة ليه ...
بصوتو لمراهق ولكن بنغمة حادة شوي : انا ...
دارو كاملين جهة جعفر بينما هو جالس بهدوء وعينو فعفراء و كمل كلامو ببساطة...
جعفر: عفراء من اتكبر اتولي ديالي و ديالي بوحدي ...
كان من لهجتو نوع من تملك شي لي خلاهم يكمشو ملامحهم بتساؤل عن عمر هاد طفل لي نطق بهاد لهجة المتملكة لي ما كيوصل ليها الا ورجل احب انثى من اعماق قلبه..
لكن كيف له ان يحب بهذا العمق و هو مجرد مراهق لا يعرف في لغة الحب و العشق شيئاً.....
خالد شاف فباه باش يبدا الهضرة وكيف عادت كل ناس لأب لي يبدا فطليب لبنت لولدو ...نطق لحاج و وجهو مرسومة عليه ابتسامة قنوعة و محترمة ...
الحاج: اوا اسي لعربي كنضن ولدي هضر معاكم من قبل و انا جيت غير نأكد كلامو ..هو عجباتو بنتكم و حنا لي بغاها ولدنا نحطوها فوق راسنا و بين عنينا وما نخفي عليكم ولدي بخدمتو و رزقو ما ترفدو هم لبنتكم تعيش ملكة فدار راجلها و دابا طالبين راغبين فيد بنتكم عائشة لولدي خالد ...
لعربي تبسم و عينو بداو كيلعمو مدمعين حس بغصة خنقاه ولكن الابتسامة محافظ عليها ونطق بشوي..
-تا انا ما نخفي عليكم حاجة بنتي عندي عزيزة بزااف كنت بغيت نزوجها غير من شي ولد من دوار تبقى حدايا و بين عينيا ما كنت معول نعطيها لولد لمدينة و نبعدها عليا..بنتي نقرة صافية ونحاس عمرو يصيبها مأدبة و صوتها ما يتسمعش و كلامي كتحفضو و تطبقو ..ضريفة و ضرافتها هي لي مزينة كل خصايلها..ماشي كنشكر باش نزين ليكم بنتي بل كنقول الحق ان عائشة غلى من ذهب عند باها و انا ما نعطيها الا لي يعرف بقيمت دهب و غلاوتو الحاج ....
خالد عض فمو من لتحت و هضر مع عفراء فودنها وخلاها خرجات عاد نطق و صباعو مشبكين لوسط..
-ما قلتي عيب اسي لعربي و تا انا ما غاديش نشكر ليك راسي وغادي نقول ليك لي كاين ..انا عجباتني عائشة و عجباتني يزااف ونويتها مراتي و حلالي..لكنتي خايف ما نتهلاش فبنتك فكون هاني من هاد ناحية ..عائشة اسي لعربي انديرها فعيني و اغلى ما عندي..انا ما غادي نسول لا على شقاها ولا حداكتها انا بغيت فقط مرا لي تشاركني حياتي اما طياب انا نديرو لمعرفاتش ليه هي ...ولا كنتي خايف تزوجها بعيد منك انا كنواعدك سبت و الأحد ادوزهم عندك باش ما تفكر ولا تخمم عليها تا تأكد من راحتها و غلاوتها عندي ..اما لكنتي كتهضر على لعمر كون هاني من هاد جهة اندير عقلي من عقلها وماغادي نفوتها لا بفهامات ولا بلكلام ..انمشي مع قد عقلها تا تفهمني و نفهمها....
علال و عبدالقادر شافو فباهم مبتاسمين و حركو راسهم ليه في ان واحد...
لعربي بفرحة كتشع من عينو : اولدي ما خليتي لينا ما نقولو ولكن لكلام لخر ديالها انا ما نبزز عليها حاجة ...
خالد :هدا هو لمطلوب اسي لعربي..
الحاجة: اوا اسيادنا وقتاش نشوفو تاحنا عروستنا...
خرج عبدلقاد عند لطوف هضر معاها فودنيها ورجع دخل بينما لطوف مشات عند بنتها ....
لطوف:زيدي ابنتي دخلي ناس بغاو يشوفوك ...
عائشة لي الله لي عارف ما فقلبها و مشاعرها المعقدة و خوفها من هاد اللحظة...حاسة بقلبها كيضرب بجهد و وجها مزنك و سخون بلا قياس..كتخطي خطوة و تحبس و تزيد تخطي خطوة تانية..
متوترة والخجل تغلب عليها ..هزات طبسيل ديال تمر وتنهدات بعمق ونزلات عنيها لطبسيل ودخلات عليهم بزينها وملامحها الجميلة و لباسها الأنيق و شعرها الاسود طويل لي كيتسحر بيه اي واحد شافو ..وعنقها طويل لي مزين بسلسة دهبية ..كانت كلها باهية كيف لبلارة تا حد ما قدر ينزل عينو منها وخا شافو تصاورها لكن ما ضنو ولدهم يلقى بحال هاد زين لي كان مخبي فقبيلة بين جبال الأطلس الكبير...
خالد حل فمو نصف حلة ورجع سدو كيحاول يتمالك تعابيرو ولكن ما قدرش..رغم انه شافها لكن وهي قدامو الان بكل اناقتها تلفاتو و خلات قلبو ينبض كتر من لازم ...
وقفات الحاجة فرحانة هي و بنتها سلمو على عويشة و قربوها لحاج عرفوها بيه وهي حادرة راسها كتهضر بصوت ضعيف كيسمعو غير لي حداها ...
جراتها الحاجة عند خالد عرفاتها بيه وقبل ما تنطق مد يدو مسحور بيها ..تزيرات كتر باليد لي ممدودة ليها وعضات شفاه ديالها بتوتر كتشوف فباها بنص عين حشمانة بينما باها حس بيها و نطق فرحان بيها..
لعربي: سلمي ابنتي على لولد راه جا طالب و راغب فيديك ...
مدات يديها مزيرة حطاتها بين يديه بينما هو ستحلا الأمر ودوز ابهامو برفق على ضهر يديها..كانت لمسة عادية لكن بالنسبة ليها كانت بحال شي كهرباء مسها..من لاحظ ردة فعلها تبسم و نطق بهدوء..
خالد: عويشة لباس...
كتفات فقط انها تحرك راسها بدون ما تنطق حرف... بغات الحاجة تجلسها حدا خالد لكن من لاحظو كمية الخجل لي فيها و واضح انها كتحتارم باها و خوتها بلا قياس لدرجة ان فقط باش تسلم على خالد شافت فباها هو لأول تا عطاها الادن عاد سلمات..هاد نوع لبنات لي كيحط الأب فمرتبة عالية امام الكل مستحيل ما يبغيه حد ولا يدخل قلب حد..بساطتها و خجلها يخلي الكل معجب بيها لا من نساء ولا من الرجال...
جلسات ما بين باها و خوتها حادرة راس و حاطة يديها فحجرها وساكتة ..
خالد حط يدو على نيفو وهي طلع معاه ريحة ديالها لي بقات لاصقة فيديو ..رجع شاف فيها و تبسم بجنب و نغز مو لي فجنبو ...
الحاجة : اوا اسيادنا ها لبنت قدامنا اش قلتي الالة لطوف....
لطوف : كلامي من كلامها اختي الحاجة ها هي قدامكم سولوها ...
الحاجة حركات راسها فرحانة وشافت فعويشة ..
- اوا ابنتي نتي عارفة علاش جينا وها هو ولدي شفتيه لا بغيتي تسوليه على اي حاجة ها هو قدامك ولا عندك شي شروط مرحبا ابنتي ها حنا كاملين كنسمعو...
توجهات لأعين كلها لعويشة لي غرقات فخجليها كتحل شفاها باش تهضر وكترجع تسدهم مقدراش تجمع لحروف ..وهما ساكتين و صابرين معاها يتسناو فيها بالخاطر ..بعد مدة قدرات تجمع نفس و نطقات بصوت ضعيف و فيه بحة خجولة...
عويشة: بغيت كل سيمانة نجي نشوف با و مي ...
الحاجة : شرطك مقبول ابنتي و شنو بغيتي اخر..
عويشة بخجل: هادشي لي كاين اخالتي ....
الحاجة تبسمات : وخالد ابنتي قابلة عليه...
عويشة : الصمت...
كيتسناو جوابهم لكن بدون جدوى كان من طرفها الصمت الشديد خلات الكل يقول الكلمة المعهودة.
"الصمت من علامات الرضى"...
هزو يديهم كاملين قراو الفاتحة قبولا لزواج خالد بعويشة..بعد ما نطق الكل بكلمة "امين".....شاف جعفر فعفراء لي حاضية ختها ممصوقاش ليه..بدون وعي من طرفو تبسم..ما معروفاش ابتسامتو لكن كان واضح من عيونو البلوريتين ان اسمو ايرتبط بإنسانة واحدة طول عمرو..انسانة لي تحفر اسمو مع اسمها فور ولادتها ...
بعد قبول عائشة خرجات سعيدة وراجلها جهة سيارة ديالهم وخرجو صواني فضية مليئة بلورود و كتوسطها جوج خواتم ديال زواج..خاتم دهبي وخاتم ديال الفضة ..وفجناب كاين كولي ديال دهب كامل و فجنب الاخر كان تلاثة ديال دبالج دهبية و حداهم ساعة فضية..
وراجلها من لور هاز صندوق ابيض كبير مزوق بأشرطة دهبية ومعمر بتواب و بيجامات و روائح ..دخلوهم بزغاريت من طرف سعيدة لي فرحانة بخوها بينما لطوف و راجلها كيشوفو فبعض بدون فهم ...
شرحات ليهم الحاجة انهم عولو يديرو تعارف و خطبة فنفس اليوم بحكم خالد خدمتو مزيرة ...جلسو عويشة حدا خالد وختو وراجلها كيصورو فيديو وهو و عويشة كيركبو لخواتم و يشربو بعضهم لحليب و صلاة على نبي مع زغاريت ملأت كل لبيت..
خالد واضح فيه الفرحة و يدو من شدات يد عويشة ما طلقها..داير نسا راسو بينما كيلمس فيديها بحنان شي لي زاد حرجها كثر ...
عفراء فرحانة بختها جلسات بيناتهم تبارك لخالد و ترجع تبارك لختها و خالد كيهضر معاها فودنيا باين كيوصيها على شي حوايج ما عارفهم حد من غيرها و هي لي تفهمو وتا هي عاطياه ودنيها و دخل كلامو لراس و تحفظو مزيان ...
وقفات العائلة كاملة يمشيو فرحانين و ناشطين لقاو نساب بساط و ضريفين بحالهم ما فيهم دغل ولا غش وهادشي باين غير من تربية ديال بناتهم ...
وقف خالد كيقاد فالفيستة ديالو و كيشوف بنص عين فعويشة لي وقفات تا هي كتودع ناس ..داز من حداها و وقف كيودع لطوف وهي حادرة راس ما قالت ليه كلمة..تنهد فنفسو و خرج بحالاتو كيضحك غير وحدو ...بقاو رجال واقفين حدا طونوبيل كيهضرو مع بعض و ركب معاهم علال باش يوريهم منين يخرجو لطريق لكبيرة ..
دخل سي لعربي فرحان باس بنتو فراسها وتوجه لعند لعودان ديل لو عاجبو الحال و قانع بلي واقع ...
غرابت شمس وبدا يطيح ضلال الليل على اهل لقبيلة ....جالسة تحت شجرة خاشية رجليها فبانيو و كتحكهم و شعرها كينزل ليها بين يديها عصبها وهي تسوط بجهد...
عفراء: افففق شي نهار نقطعو و نتهنا طويل بلا فايدة...
هزات عنيها بزربة فالخيال لي وقف جنبها وهو بدون ما يتكلم رجع ليها شعرها لور و شدو بيديه و نطق بهدوء...
جعفر: غسلي رجليك انبقى شادو ليك تا تسالي..
عفراء: غير ضفرو ليا بحال داك نهار ..
جلس وراها بصمت كيضفر ليها وهي كتهضر معاه بشكل عادي ومن صوتها باين فرحانة..
عفراء: شفتي الخاتم لي جاب خالد لختي شحال زوين...
جعفر حبس يدو لتواني وقال : عجبك...
عفراء: شكون ما يعجبوش خاتم كبير و زوين ما عمري شفتو عند شي وحدة من بنات القبيلة تا بنت مول جنان مجابش ليها راجلها بحال داك الخاتم ....
جعفر سكت بدون ما يرد عليها و كذالك عفراء تلهات فشغل رجليها...ضفر ليها شعرها و بقى حاطو بين يدو وكيلمسو بدفئ ونطق بصوت عدب كعدوبة المياه...
-غادي نجيب ليك ما حسن منو ....
عفراء دارت عندو بدون فهم: كفاش....
جعفر حك راسو بحرج طفيف : من انتزوجو انجيب ليك خاتم حسن من ديال ختك....
عفراء تبسمات و عنيها لمعو و نطقات بكلمة وحدة لا علم لها بمعناها الابدي...
-غادي نتسناك....
ضلامت ضلمة وكل واحد دخل دارو يتجمع مع ولادو ...جالسين فلأرض و مجمعين على طبلة وحدة حاطين طاجين بالخضر كيتعشاو و يدويو مع بعض فرحانين...
علال: صراحة تقال راجل مزيان و عائلتو الله يعمر ليهم دار وخا ايسكنو ختي بعيدة منا ولكن بحال هاد ولد ناس ميترفضش...
عبدالقادر: داكشي لي بغيت نقول اخويا علال ..ناس حمرو لينا وجهنا بالهدية لي جابو و هزو بمقام ختنا و فرحوها...
لطوف: حمدلله ربي مكينساش عبادو وخا بقات هي لخرا فبنات دوار ولكن جاب ليها الله نقرا فين يغبر نحاسها...
عفراء جالسة فوق رجلين باها جامعة يديها وهو كيوكلها و طالقة ودنيها وفور ما سمعات كلام مها حلات فمها و قالت...
-قولي ايدي دهب لي يغبر نحاسو ..ختي زوينة و اي واحد يتمناها راه هو لي فرحاتو بيها ...
لعربي هبط راسو لعندها كيضحك: اييه ابنتي ما قلتي عيب كلامك كلو صح...
بشرى : شفتي اعمي لعربي شحال فمها ولا ماضي تغلط فعمرها كون تشوف اش دارت لينا فلكوزينة گاع داكشي لي كتشوفو فتلفازة و شافتو فعرس بنت مول جنان بغات طبقو علينا...
علال : بعدو ليا من ختي خليها دير ما بغات ياك غير فدار باها تا حد ما يحسبها...
عفراء كتفرنس غير وحدها : يعطيك الخير اخويا شفتي هاد مراتك مكتحملنييش فين ما نهضر معاها تهز عليا صندالة تبغي ضربني....
بشرى بصدمة: انا كنضربك المنحوسة ...
علال خنزر فمراتو: البنت عندها سمية ماشي دابحين عليها خروف باش تبدلو ليها سمية كيف بغيتو...
تعلقات عفراء فخوها لكبير جلسات بينو و بين عبدالقاد لي ولا كيوكلها فبلاصت باه...مفششينها بلا قياس و طالقين ليها لعب و لي سمعوه خرح كلمة العيب عليها يفرسوه وخا تا هي ما كتفدي دقتها هادشي علاش زادت عزازت عندهم كثر..
وحيت صغيرة منهم بزااف وعلال بنتو قدها فلعمر هادشي علاش كيعاملها بحال بنتو مايخسرش ليها لخاطر و لي طلبات يحضرو ليها...
وخا لالة لطوف ماعجبها الحال و كتوصي و تعاود يزيرو عليها باش تولي تحشم و تقاد لسانها لكن هضرتها دخل ليهم من ودن و تخرج من ودن و هما عاد يزيدو ليها فيه و يفششوها كثر من لازم ...
سالاو لعشا و تفرقو كل واحد مشا لبيتو يطيب نعاسو ...دخلات لبيت فين كتنعس هي و ختها بانت ليها عائشة جالسة حدا شرجم طالقة شعرها و هازة عنيها فالقمر لي مضوي سما....
هزات مخدة حطاتها فلارض و جلسات فوق منها قبالت ختها...
عفراء: عويشة علاش مخرجتيش تعشاي...
عويشة بتنهيدة طويلة : ما عندي شهية لماكلة ..
عفراء : ومالكي جالسة وحدك فضلام...
عويشة شافت فخاتم لخطوبة لي كيلمع فيديها : لقيتيني غير كنخمم فهادشي لي وقع بنهار....
عفراء : ما عجبكش خالد...
عويشة هبطات راسها بخجل : ماشي هكذاك ولكن هو ساكن بعيد و انا عمري خرجت من لقبيلة ولا شفت لمدينة ..كنشوفها غير فتلفازة معرفاش ناس كيف كيتعاملو خايفة نهار يديني نحشمو قدام عائلتو و ميبقاش راضي بيا راه اختي انا غير بنت لقبيلة على قد لحال كنعرف غير دارنا و بهايمنا وحاجة خرا منفهم فيها والو ....
عفراء بقات ساكتة كدور كلام ختها فراسها..ربي عطاها دكاء لي تفهم بيه لكلام و تخرج بالمفيد منو..سكتات مطولا عاد حلات فمها و نطقات بلي فهم عقلها....
-لكان خالد يستاهل راه ايبغيك كيف ما نتي.. راكي سمعتي صباح من سولو با على خدمتو كلشي عرفو خدام و بخيرو و خميرو وهو كون بغى بنت لمدينة راه ساهل ياخدها شكون لي مااتقبلش بيه ولكن هو ختارك نتي و عارفك كيف دايرة وعارف اش كيتسناه ولكن هو ممصوقش حيت نتي لي فعنيه ماشي كلام ناس اختي ...
عويشة بحناكها حمارو ايطرطقو : ولا شي نهار مبقاش حاملني...
عفراء هزات كتافها: وشكون قالك داك نهار ايوصل واش كاين لي عندو عويشة ويكرهها غا لكان مسطي و ما كيفهم فزين و ضرفات ...
عويشة تبسمات غير بوحدها هبطات راسها بين رجليها عاضة فمها من لتحت و عنيها كيبريو ..بينما عفراء دورات راسها فالبيت و هي تنوض سدات عليهم لباب و رجعات عند ختها...
عفراء: فين صندوق ديال لهدية لي جاب ليك خالد....
عويشة: راه فلماريو قالت لي مي ما تحليه تا دوز تلت يام...
عفراء مشات لماريو جبدات صندوق و عيطات لعويشة لي ما فاهمة والو تجي تعاونها...حطو صندوق فالارض و حلاتو عفراء كتقلب فلحوايج وعويشة واقفة على راسها كتويل ...
-ناري ولا شافتك مي حليتيه اتفرسك اعفراء ...
عفراء جبدات صندوق صغير من لتحت كان مخبي بين لحوايج و رجعات كلشي لبلاصتو و سدات صندوق و قنتاتو و رجعات لصندوق صغير جرات ختها لبلاصتهم...
عويشة كمشات حجبانها: شداكشي اعفراء...
عفراء: هدا تليفون بحال لي عند خالد هو لي شراه ليك و حطو بين لحوايج باش ما يلقاه حد ...
عويشة بخجل: ومالو معدب راسو انا كاع مكنعرف نخدم بيه....
عقراء: متخافيش علمني كلشي صباح من كان كيهضر معايا فودني و وراني كيف نخدمو و نشعلو و نصوني عليه ....
عويشة بصدمة: تصوووني علييه ...
عفراء : اممم بغا يدوي معاك على شي حوايج مهمين وحيت عندنا هنا فالقبيلة راجل ما كيخرجش مع خطيبتو دار تليفون باش يهضر معاك....
عويشة برفض: لا لا اختي ما نهضر ما نتكلم معاه ما كنعرفو ما مكيعرفني ...
عفراء خنزرات فيها: راه ايولي راجلك ازمرا بقاي كتحمشي تا دور بيه شي وحدة م قفزدرة و خلي الحشمة نتي تنفعك ...
عويشة هبطات عنيها و طلعاتهم فيها : عفراء اختي شحال من مرا كنبغي نسولك نتي صغر مني و ما عمرك خرجتي من لقبيلة بحالي و بحال گاع بنات دوار و كلشي كيحشم من غيرك نتي اختي كلامك كبر منك و معرفتك مكاين لي يوصل ليها منين كتجيبي هادشي ...
عفراء ضحكات تا بانو سنانها البويض صغيورين و المستفين : هادشي كتعلمو ليا خالتي لكبيرة هي بنت لمدينة ماشي بنت دوار و زيد قارية و واعية عارفة شحال من حاجة مكيعرفوهاش عيالات لقبيلة وهي كتعاود ليا على شحال من حاجة ...
عويشة :امم هي قولي مامات جعفر لي مقرياك ....
عفراء :اوا هي بعدا كتفيدني ماشي يحال عيالات دوار فين ما دزت من حداهم يبداو ينبحو عليا كيف لكلاب ....
عويشة جاتها ضحكة و حبساتها بزز ..مراقبة ختها لي خرجات تليفون كتدخل فيه لكارط من جنب و شعلاتو...كل الخطوات لي علمها خالد بقات عاقلة عليهم و حفضاتهم عن ضهر قلب ..
ضهر ليها لكود ديال لكارط و حيت مقرياش معرفاش اشكال لارقام عطات لعويشة تليفون ...
عفراء: كتبي هاد رقم لي انفتيه عليك و بركي على هديك لي فجنب باش يتقبل ...
دارت عويشة ما امرات بيه ختها و رجعاتو ليها..خداتو عفراء و بعنيها بدات كتقلب على شكل تطبيق لي وراها خالد
دغيا لقاتو وهي دخل ليه كان جهة ديال نوامر و مقيدة فيه نمرة وحدة كيف قال ليها خالد...بركات عليها وتوجه تليفون نحو الاتصال..حطات تليفون على ودنها و فصونيت تاني تشد لخط و طرف الاخر كيضحك غير وحدو....
خالد: وراكي عفريتة قلت محال تسلكيها...
عفراء عاجبها راسها: اوا شفتي قلت ليك مغاديش نسا...
خالد: الالة تبارك الله عليك فاجئتيني وعلى هادشي لكادو لمخير ديالك ....
عفراء كضحك شافت فختها لي حشمانة : هكا ها هي عويشة لي بغيتي تهضر معاها ...
نحنح خالد كيرسح حلقو بترقب...بينما عفراء مدات تليفون لعويشة لي لحشمة قضات عليها.. بغات تهرب وهي ترمي ليها عفراء تليفون و ناضت بعدات من حداها مشات ديريكت لبلاصتها تخشات ففراشها و عطاتها بضهر كطيب نعاسها.
هزات تليفون بيد كترعد حطاتو على ودنها و قلبها كيضرب بجهد سمعات طرف الاخر قال..
خالد: عويشة لباس عليك...
حدرات راسها و بصوت خجول نطقاتو بزز : حمدلله ونتا كيف وصلتي...
خالد عض فمو من جنب: طريق صعيبة شوي فجبال و لكن هانية على ودك كلشي كيهون ...
عضات صبعها غادي تموت بالحشمة مقدراتش تجاوبو بينما هو طول معاها الهضرة و كيحاول يضحكها باش تبعد الحشمة معاه...داز الوقت حتى لقات راسها كدوي معاه بلهفة و فرح ناسية الوقت حيت زمن عندها توقف فور ما سمعات صوت خالد ..
بينما هو طار ليه نعاس و تغرم بصوتها الهادئ و الخجول و البحة المتميزة فصوتها لي كتضيف لأنوثثها ضوق مميز...
شرقات شمس و ضوات سماها لي نورات بيه طريق كل تالف...حلات عنيها بتكاسل كتكسل فبلاصتها..بانت ليها عويشة مزاال ناعسة عرفاتها سهرات مع خالد..
خرجات من فراشها و تسلتات غير بشوي خرجات و سدات لباب و مشات لكشينة لي كيخرج منها دخان ديال طياب و ريحت لقهوة المعطرة و لحرشة بزرع عاطية ...
دخلات عليهم كتحك فعنيها و لطوف كتحط لدراري لفطور هي وعريساتها..
لطوف: عفراء علاش مفيقتيش معاك ختك تنوض تفطر يكما مريضة ممولفاش كاع تبقى تال هاد لوقت ..مولفة هي لولة تفيق فينا ....
عفراء بصوت مبحوح غالب فيه نعاس: دابا راه عروسة خاصها ترتاح امي و تهلا فراسها ماشي تبقى تشقى و تنوض فنبوري ...
كلثوم : اوا تنوض غير تفطر بعدا و ترجع تنعس ما تشقى ما تهز...
عفراء: غير خليوها عليكم من تبغي تفيق راه اتفيق ..."شافت فلطوف"..مي عطيني لما دافي نغسل و جهي...
قدات ليها لطوف لما و عطاتو ليها خرجات تغسل و تقاد حالتها ..هزات عنيها جات فجعفر لي غادي قدام دارهم داير شكارة فضهرو و مهبط راسو لأرض..مشات عندو كتجري و كتعيط بسميتو ..
وقف وهز راسو مع دورة مع تسطحات هي وياه وحيت كانت جايا عندو كتجري بجهد طاحو بجوج فلارض وهي فوق منو ....
خرج عينو بصدمة من طاحت عليه وتحط فمها فوق فمو...بجوج خرجو عينيهم بصدمة و بزربة جمعات لوقفة كتفرنس غير وحدها وهو وجهو ولا حمر بحالي تسحق فيه دم ...
وعينو كيتهربو منها بإحراج شديد...
عفراء ضحكات من نيتها و قالت : بستك ففمك بحال لأفلام لي فتلفازة....
هز راسو لعندها و عينو جات نيشن في فمها ..بغات تقرب لعندو وهو يبعد و قبل ما تنطق عطا رجلو لريح هارب منها و عنقو و و دنيه حمرين ومزال ملمس شفاها الطفولية مطبعين فوق شفاهو المراهقة ...
وقف كيلهت و لحبات عرق متكونين فجبهتو و الخجل مزال كيعصف بملامحو...جلس فلارض كيلهت صخفان و بقى ساهي وفور ما رجعات ليه ذِكرى ديال القبلة خبا راسو بين رجليه ايموت بالحشمة و الفرحة لي غزات قلبو...
يتبع...
Nicc
حطو لينا حتى جزء تاني ديالها نسل قباءل