قدر المنحوسة الجزء 27 والأخير

مزادتش معاه الهضرة وهو الكلام واحل ليه فالحلق كيبغي يزير معاها لكلام لكن كيلقا راسو مقادرش يخرج معاها لعيب على دوك تصرفات لي كدير ...

سكت وبرد اعصابو غير فشفايفو كيعضهم ويقشرهم بعصبية..

وصلو لكلينيك وقف سيارة وخرج مدارش عندها..هز عبدالرحمان لي نعس ودخلو لداخل وهي تابعاه من لور ما قدراش تهز فيه لعين ..

دخلو لعند طبيب لي بدا كيفحص عبدالرحمن لي بدات فعلا سخانة كطلع ليه ..

دقو ليه ليبرا ودارو ليه لصقة بحال لفاصمة كتبرد و تنقص من حرارة لجسد و وصاهم طبيب يجيبو ليه شي حاجة خفيفة ياكلها مبغاش يعلق ليه سيرو حيت مكاينش داعي وماشي شي سخانة واعرة ...

خرج كمال طلب اكل من ريسطورو يكون أكل خفيف وصحي وخدا تال لأيـة حيت عارفها مغادي تكون واكلة والو..

رجع حط ليها الأكل قدامها وجر طبلة عند عبدالرحمان جلس قدامو وبدا كيفتح بوطات ديال الأكل وبدا كيوكلو بيديه...

حلات لميكة وبدات كتاكل بثقل معندهاش لخاطر وهو حاضيها بنص عينو بقا ساكت تا عيا ورجليه كيشطحو مراصينش ..

عيا ما يقصح فقلبو لكن والو ديما معاها كيرطابو ميبغيش لخاطر يتخسر ليها ونطق بزز منو...

- كولي...

أية بصوت ضعيف : هاني كناكل ....

كمال : كولي ماشي تلعبي فيه ..هاديك ماشي ماكلة و نعمة مكيلعبوش بيها الناس...

حسات بنفسها تزيرات ورؤية ضببات ليها ويديها رجفو خافت تهضر ويحس بيها وكتافات فقط انها تحرك راسها وبدات كتاكل بزز منها ..

كتاكل بلا خاطر ودفع الماكلة فحلقها وتسرطها بلا مضيغ بحر الكلام لي قال خلاو اعصابها يتحكمو فيها وهو زاد مرض بتصرفاتها...

حط معلقة وناض توجه عندها شد ليها من يديها بغضب...

كمال : شهاد لفعايل ديال لبراهش وليتي كديري...

اية كتحس بتقيا كطلع وتهبط ونفس واقفة ليها فالحلق وكتهضر بكلام متقطع ..

- قلتي ليا كولي هاني كناكل شنو بغيتي مني أخر ...

بقا كيشوف فيها ويتنفس من نيفو ...

كمال : وهكذا كياكلو ناس .. تسرطي بلا مضيغ باغيا تخرجي على معدتك ...

هبطات ليها دمعة بحال لحجرة ومسحاتها بزربة وصوتها كيترعد..

-وخا غادي نمضغ مزال شي حاجة اخرى نديرها تا هي ...

شدها من ورا عنقها وجرها عندو نيفو حدا نيفها وكتحس بنفسو سخونة على وجها وكيهضر بتهديد...

- علاش كتقلبي نتي دابا ....

اية دموع بداو كيهبطو بلا ما تحس وقالت بضعف وصوتها حاملة نغمة بكاء..

-ما كنقلب على والو انا غير كندير داكشي لي قلتي ليا عليه ...

بقا كيشوف فيها بغضب وهي كتشوف فيه حتى حسات بشفاه ديالو فوق شفاه ديالها وجرها عندو كثر عمق القبلة اكثر كيفرس فمها ويعض شفايفها وهي فدقة لولة تجوبات معاه مقدراتش دفعو ولا تخاف ان عبدالرحمن يشوفهم بل نسجمات معاه وقلبها كيضرب ودموعها كيزيدو يهبطو ..

بغا يفرق لقبلة وهي دور يديها على عنقو وطلعات كلها لعندو لصقات فيه وكتبادل نعاه لقبلة بقوة ...الهوا ما بقاش كيدخلوه و ريقهم كيشربوه خلا الجو لي داير بيهم يسخن ولمساتها على جسدو يشعلو فيه العافية..

دور يدو على خسرها هزها معاه دخل هو وياها لدوش ولصقها مع لباب عينو فعنيها وانفاسهم مجهدة ...

دور يدو على وجها وتكاها على لباب ورجع كيقبلها حتى لقاو راسهم فجوع وعطش ونار ما تطفيها الا الممارسة ...

تعماو ليهم العنبن وبغاو يديروه فالحمام حتى فاقو بصدمة على صوت عبدالرحمن لي كيعيط ليهم خلاتهم يبردو بردة وحدة ...

خرجات عندو كطير و وجها حمر وشفاها منفوخة اثر المص ديال كمال لي بقا فالحمام كيبرد راسو ويطفي نار لي شعلات فيه ...

وقفات حداه كتقيص ليه حناكو وتبتاسم بحرج ..

اية: هانا اولدي معاك مالك ...

عبدالرحمان مهبط راسو وكياكل بصمت وعنيه دابلين بغا يهضر وما قدرش خايفها تقلقل وبالاخص والديه موصينه بزاف على كمال و أية وما يجبش سميتهم من يكون معاهم لكن السخانة لي فيه خلاتو يشتاق لإمه حبيبته و لحضن ابوه الدافئ..

ولو انه داير برقة اية وحبها ودفئ كمال لكن قلبو متعلق بوالديه الحقيقين ...عض فمو كابت البكية واية كتلمس فيه وتحاول تعرف شنو بيه..

اية : قولي ليا احبيبة شنو خاصك واش كضرك شي حاجة نعيط على طبيب..

خرج كمال طاير خايف عليه : باش كتحس اولدي واش كيضرك راسك..

حرك ليهم راسو بـ "لا " وبقاو هما كيساعفو معاه..

كمال : معجباتكش المالكة بغيتي شي حاجة اخرى...

عبدالرحمن تبسم بزز منو : لا زوينة شكرا...

أية لي حسات بيه تبسمات رغم المها حسات بقلبها تطعن لكن مبيناتش وتبسمات برقة...

- بغيتي ماماك...

حرك ليها راسو بسرعة ونطق بصوتو الطفولي ..

- اه توحشتها...

اية كتحاول تفسر ليه : ماماك خدامة و كتعيا وغادي تخاف لو سمعاتك مريض ها انا معاك تا انا ماماك...

بقا ساكت وحدر رايو كياكل ببطئ وبداو دموع كيهبطو ليه وصوت تنخسيسة ديالو كتخرج من اعماقو وتصيب قلب اية بسهم كتخليها ترعد فمكانها ويهبطو دموعها بألم وشفاها كيترعدو بغات تحاول معاه لكن صوتها ختافا وبقات صامتة وكمال بقا كيشوف بصمت وجرها من يديها ودور يدو على دراعها عنقها ويدو كتمشي وتجي على دراعها وهز تليفون عيط على عفراء خبرها بشنو كاين و ولدها بغا يشوفها..

قالت ليه مد ليه تليفون تهضر معاه...مد ليه تليفون وخداه حط ودنو بتشكيك على الهاتف حتا سمع صوتها وهو يتنهد براحة وتبسم ابتسامة كدل على فرحتو ونطق بشوق وحب كبير..

- ماما..

كلمة ماما لي خرجها حاملة كل حب فدنيا عكس ديك ماما لي كيعيط ليها ...خناجر كيتغرسو فقلبها حتا مبقاتش قادرة تنفس ..كتبغي تدخل لهوا و كتلقاه كيهرب منها ولا وجها صفر وقلبها ايوقف حتا حسات بدراع لتفو عليها وعصرها بين يدو بجهد وقال بصوت ضعيف حدا ودنها..

كمال : لعني شيطان أ اية راها مو هاديك مغاديش نبداو ندابزو على بلاصت والديه ....

حركات راسها ببطئ وسط حضنو كتلعن شيطان فسرها وعبدالرحمن بقا كيهضر مع عفراء وعينو كيبريو و واحد الفرحة كيتكلم بيها مكتصورش..

- توحشتك اماما بزاف...

عفراء بحب واضح : تا انا توحشتك بزاف المصدع ديالي...

بدا كيضحك بطفولية حيت فيه صداع بزاف عكس خوه عبد الواحد وهادشي علاش هزات عليهم جوج سميات هو المصدع حيت كيدير صداع و عبد الواحد هزات عليه سكوتي حيت غير ساكت وكلامو قليل ولا مهضرتيهش ما يهضرش گاع...

عبدالرحمن : بغيت نهضر مع بابا توحشتو...

عفراء : باباك احبيبي مسافر مزال مغادي يرجع بغيتي نشركو الإتصال تهضر معاه ...

عبدالرحمن حرك راسو برفض كأنها كتشوفو : لا بلاش خليه تا يجي..

عفراء بحنية: هاني جايا عندك دابا وجد راسك باش ندابزو مع هاد سخانة لي جات لولدي نجريو عليها بجوج ...

غير كيسمعها كتهضر بطفولية بحالو كيبدا يضحك غير وحدو عندو معاها واحد الخيط مكيتقطعش..كيبغيها حب غير مشروط وكيحس بالفرحة من كتكون معاه وتعنقو ودللو وتا باه وخا صعيب معاهم فتربية لكن غير يغبر عليه يبدا يقلب عليه وما يرتاح تا يرجع ..

قطع الأتصال ومد تليفون لكمال ورجع كياكل فرحان وناشط مابينش عليه گاع المرض و اية جلسات قدامو كتدوز اصابعها بلطف على شعرو ...

-ماماك غادي تجي ...

عبدالرحمان : اه قالت ليا قريبة توصل ....

اية : وغادي تمشي معاها....

عبدالرحمن شاف فيها بتردد وقال..

- غادي نجلس معاها غير شوي ونرجع عندك...

رجعات ليها ضحكة وبسرعة طارت عليه باستو فخدو ...

-يخلي ليا زين لي كيعرف يدير لخاطر ...

وصلات عفراء لقاتو كيتسناها غير شافها نقز من فوق لبياص جا مباسرة فحضنها دور عليها رجلو ويدو وعنقها بقوة وكيشم ريحتها بواحد اللهفة و الإشتياق غالب عليه وهي حضناه بدفئ خاص وكتقبلو فحنيكاتو بجوج وهو كيضحك ويخبي وجهو فصدرها..

عفراء: وغير خليني نشوفك ازين ديالي....

هز راسو خلاها تشوف فيه وهي صغرات عنيها..

عفراء: اه اه شهاد زين فيك كتخطف لقلب...

خبا وجهو فعنقها حشمان وهي بقات كضحك سلمات على اية من لوجه بينما كمال حركات ليه فقط راسها مبقاتش كتسلم على رجال من نهار مشات لحج وحجات هي وجعفر شدات طريق نيشن ودارت حجاب شرعي وتا سلام مع رجال العائلة حبساتو ...

عفراء: كما صدعكم...

اية تبسمات: بالعكس كان معمر عليا دار ومضويها...

عفراء دارت لجهة لباب كان واقف عبدالواحد بقا واقف تم ما دخلش تا قالت ليه دخل سلم على ماماك و حبيبك ....

من نهار ولادها بداو كيفهمو دخلات ليهم اية لحياتهم وعلماتهم يقولو ليها تا هي ماما ولصقاتها ليهم في فمهم وخا مكايناش شي ام لي تبغي ولادها يعيط على مرأة اخرى بإسم "ماما" لكن كانت أية اسثتناء قصتها لي كتبكي لحجر والمعزة لي عزات على عفراء وحسباتها ختها لقات نفسها ربات ولادها وقسمات حبهم بينها وبين أية ..

اما كمال كيعطيو ليه حبيبي حيت مهلي فيهم وداير ليهم لخاطر وكيشوفو باهم محتارمو ومقدرو وفرض عليهم يحتارمو كمال ويعاملوه بالحسنة و المودة ...

دخل حادر راسو واية عنقاتو بفرح ..

-ااااه اولدي شحال توحشتك علاش مكتجيش عندي بحال خوك ..

عبدالواحد :غادي نبقا نجي عندك ندوز معاك صيف أ ماما...

اية باستو فجبهتو : واخا حبيبي هاني انتسناك..

كمال هبط عندو : اوا المجتهد اش درتي فالقراية ..

عفراء عنيها كيبريو : هو لول فالمدرسة ومهنيني من مكيكونش باباه هو لي كيحفظ خوتاتو وهما كيخافو منو كثر مني وخا نضل نحفضهم ما كيسمعوش ليا وهو غير يوقف حداهم ماتسمعش منهم لحس لي قالها هي لي يديروها دبانة ما تزنزن...

بدا كمال كيضحك ولعب ليه فشعرو : هكاك نبغيك البطل كون راجل و نص بحال باك ...

عبدالواحد تبسم نصف ابتسامة : إنشاء الله ...

عندو كلشي بلعبار ماشي حيت مربي هكاك لكن شخصيتو دايرة هكدا من تزاد وهو مكون بهاد شكل وزادت تربية باه جات مع شخصيتو كيبغي يكون لول و مجتهد وكيبغي يتعلم و يسول ويعرف حوايج جداد و يفهم ويبغي يكون هو كبر من خوتو يفهم هو و يوعيهم هو وخا هما كاملين توام و فنفس العمر لكن كيحس انه كبر منهم وخاصو يعلمهم داكشي لي قادر عليه وتا هما كيشوفوه كبر منهم و كيسمعو ليه واحيانا كيخافو منو بدون شعور وخا ما كيدير والو ...

توادعو مع كمال و أية ودارو غدا يتلقاو فعرس سليم و زيليخة وتفارقو ركبات ولادها لور وجلسات لقدام شدات طريق و دراري بقاو لور وعبدالرحمن كيدوي بصوت منخفض مع عبد الواحد...

- بصح غادي تمشي تجلس مع ماما وحبيبي فصيف...

عبدالواحد : اه ... نتا دوزتي معاهم هاد العطلة والعطلة لي جايا اندوزها معاهم ونتا بقا مع بابا وماما ...

عبدالرحمن بدا كيضحك فرحان وعبدالواحد كيشوف فيه وحرك يدو حطهم على حبهتو وبعدها بهدوء وقال..

-ما بقاتش فيك سخانة ...

عبدالرحمن : لا من هضرت مع ماما مبقاش كيضرني راسي ...

عبدالواحد : ما تقولش هادشي قدام ماما وحبيبي باش ميتقلقوش...

عبدالرحمن كيسمع ليه ومكيرضش عليه الهضرة وقال فقط...

-واخا..

وصلو لفيلا حلات ليهم باب طونوبيل خرج عبد الواحد وهزات عبدالرحمن بين يديها..سدات طونوبيل ودخلات هي و ولادها تلقات ليها الخدامة لي كتعاونها فدار ..

عفراء : سعاد نعسو لبنات..

سعاد : اه الالة من خرجتي وهما كيلعبو مبغاوش ينعسو كيتسناو قالك كيتسناو سيدي جعفر ساعة عياو و نعسو وطلعتهم لبيتهم ...

عفراء : شكرا اختي سمحي ليا عطلتك على ولادك ....

سعاد : الله اودي الالة مكاين تا مشكل...

عفراء : مهم غدا بلا ما ترجعي غادي نطلع لطنجة وغادي نجلس تم واحد ثلات ايام خوي معاك تلاجة ودي معاك لحم وديك الحلوة بلا ما تخليها هنا ونهار نقرب نرجع انعيط عليك سبقيني لفيلا نتي ومولات الميناج ديرو ليه شي تخميلة نيت وعيطي تا على مول جردة يقادها ويزرع الورد لي قلت ليه سيمانة لي فاتت و وقفي عليهم راكي عيني لي كنشوف بيهم من كنكون غايبة...

زينب : كوني هانية الالة عيني متخطاهمش البرق ما يزهق...

حركات ليها راسها وطلعات مع ولادها دخلاتهم لبيتهم حطات عبدالرحمان فوق سرير ديالو وبدات كتقيص ليه وجهو...

عفراء: بغيتي ندوش ليك اماما...

عبدالواحد واقف حداها ..

- غير سيري رتاحي انا غادي نعاونو فالغسيل...

بحب هزات ليه يديها باستها : مرة اخرا احبيبي خوك مريض ومغاديش تقدر عليه..

بقا ساكت كيشوف فخوه لي داير راسو مريض و كيتفشش على ماماه..

عبدالرحمن لاصق فيها ومدور يدو على عنقها ...

- بغيت نعس معاك اماما...

عفراء باستو فخدو : وخا حبيبي.."شافت فعبدالواحد"...بغيتي تنعس تا نتا معانا..

بقا ساكت غير كيشوف فيها بدون رد وهي وساعت ليها الإبتسامة مكرهاتش تاكلو بهاد تصرفات لي كيديرو وشخصيتو لي كتخليها تحماق عليه..

توجهات لماريو هزات ليهم حوايج ديال نعاس ودخلات لحمام لي ملاصق مع البيت خاص غير بيهم هزات لفوطات و شيتة ديال سنان و مشطة ديال شعر كل واحد و ديالو...

رجعات ليهم هزاتهم داتهم معاها لبيتها فطابق التالت لي وخداه كلو غير ليها فيه بيت نعاس كبير مع جوج بيروات ديالها وديال جعفر و بيت على شكل خزانة للألبسة مجهزة بلباس رجالي و نسائي و خارج باركو من جهة بيت نعاس عامر بالورد وكتشرق عليه شمس وكيعطي منضر خلاب ...

حيدات جلابتها و حجابها بقات غير بسروال توب فالماغو لاسق على خسرها و جنابها و واسع شوي من لتحت مع تريكو لاصق عليها ...

دخلات لدوش مع عبدالرحمن غسلات ليه بوحدو اما عبدالواحد بقا كيتسنا برا ساكت كيف عادتو وخا بغات عفراء تغسل ليه رفض كيبغي يدير كلشي راسو ما كيحمل تا حد يعاونو...

خرجات هي وعبدالرحمن ملوي عليه فوطة وهو دخل هاز لفوطة ديالو وحوايجو سد لباب وراه وبقات عفراء غير كضحك عليه باغي يكبر قبل لوقت ...

خلات عبدالرحمن كيلبس حوابجو وهي هزات دوا ديالو شرباتو ليه وجرات لغطا من فرق ناموسية لي عندها كبيرة بزاف و تقدها هي و ولادها كاملين ...

دخلاتو فبلاصتو غطاتو وتكات حداه كتلعب ليه فشعرو وتهضر معاه بشوي وهو كيشوف فيها و كيلعب تا هو فشعرها جاه طويل ورطب وزوين ...

عبدالرحمن: ماما عندك شعرك زوين ولونو اصفر علاش انا شعري اسود...

عفراء: حيت جيتي كتشبه لباباك وجيتي زوين وراجل بحالو ...

بقا كيفرنس: بصح انا راجل..

قرصاتو فوق نيفو : معلوم نتا راجل الحبيب ديالي...

زاد عندها اكثر حط راسو فحضنها وستنشق ريحتها مطولا وقال...

-توحشتك اماما بزااااف...

كتلعب ليه فضهرو ..

عفراء : ياك نتا لي لصقتي فماما اية ومشيتي معاها من جبدت ليك لقراية وغوت عليك وخليتيني مقلقة...

عبدالرحمن هز راسو لعندها : صافي اماما منعاودش نقلقك وانولي نقرا مزيان بحال خويا عبدالواحد ...

عفراء باستو فراسو : انا من كنغوت عليك حيت كنبغي مصلاحتك ماشي حيت مكنبغيكش بحال خوك ..نتا وخوك عندي فمكان واحد و كنبغيكم قد قد لكن علاش مكنغوتش على عبدالواحد حيت هو كيسمع الهضرة ومكيردش عليا الكلام وزيد كيفهمني شنو بغيت نقول ليه ونتا فين ما بغيت نهضر معاك كتولي تقلب غير تمشي لقبيلة عند كمال و أية وتخليني هنا بوحدي كنتفقص ...

عبدالرحمن تبسم : هما گاع ما كيغوتو عليا و كيبغيوني بزااف...

عفراء: شفتي شحال من واحد كيبغيك وتا انا كنبغيك كثر منهم لكن انا ماماك لي ولداتك وخا نغوت عليك غادي نبقا ماماك اما هما لا غوتو عليك غادي تهرب منهم وما تعاود گاع تمشي عندهم ...

عبدالرحمن : صافي انبقا معاك خويا عبدالواحد لي ايمشي عندهم فالعطلة...

عفراء : انا ما قلتش ليك سير .. نتا لي كتولي تغوت وتبكي ودير فضيحة تا كيديوك معاهم عاد كتسكت ومن تمشي عندهم تولي تهرنن عليا ...

عبدالرحمن:ولكن تما كاين صحابي وكنلعب فين ما بغيت ونخرج اما هنا كنبقاو غير فلفيلا ولا كنمشيو جردة وما كتخليوناش بزاف ماشي بحال لقبيلة كنلعب فين ما بغيت ...

عفراء :تا انا مكنحبسكش عارفاك فيك الحركة بزاف و كتبغي تلعب ولكن دابا صافي وقت لقراية ولعب تسالة وقتو ...

"كمش حجبانو ودلا شفاه ديالووو هي جمعاتو بين يديها مدخلاه فحضنها "

- دابا غير فهمني علاش مكتعجبكش لمدرسة...

عبدالرحمن : كتعجبني اماما لكن ماشي يومياً كنبغي نمشي ليها غير مرة مرة...

هزات راسها كضحك غلبها : دابا اولدي واش لقراية تا هي نديروها على حساب گانتك ولا شنو ...

عبدالرحمن بقا ساكت عاد رد : صافي انولي نقرا مزيان نولي حسن من خويا گاع..

باست ليه يدو كضحك: كون لراسك وقرا لراسك ما تفوت خوك ولا تنافسو ..نتوما خوت خاصكم تعاونو بعضكم و تبغيو بعضكم وكل واحد يهز بتاني و يفهم تاني لا غلط.. ونتا ماشي عبدالواحد نتا بوحدك دير داكشي لي كتقدر عليه نتا و متشوفش راسك فخوك ولا فواحد اخر ...

خرج عبدالواحد من دوش شعرو هابط على جبهتو ولونو غادي و كيغماق كان زعر ودابا ولا قهوي مغلوق ...طلع من جهة لأخرى هز لفراش ودخل متكي على ضهرو وميل راسو كيسمع اش كيقولو..

مدات عفراء يديها لعبات ليه فشعرو وقرابتو عندها اكثر باستو فراسو وحضناتهم بجوج

عفراء : مشا الحال نعسو دابا غدا و نكملو لهضرة ...

بقاو فحضنهم حاسين بدفئ ديالها تا داتهم عينيهم و نعسو شادين فيها من كل جهة ..بقات كتشوف فيهم وتلعب ليه فشعرهم تا تنهدات براحة مع ابتسامة مفرقاتش ملامحها..

خلاتهم ناعسين وتوجهات لدوش طلقات عليها لما تحيد لعيا ديال نهار و تجدد طاقة ديالها وتزين نفسها وتعطر باش تستقبل محبوبها الغالي لي ما شفتوش طول هاد الأسبوع ...

توجهات مع المرأة كتنشف شعرها ودير ليه كريم برائحة الياسمين كتبقا شادة فيه ..جمعاتو على شكل شفنجة ودارت ليه قراص باش يبقا مجموع وبدات كتعتاني بوجها من كريمات الخاصة بشركة ديالها ودوزات ملمع بالغوز على شفاه ديالها خلاتو كيلمع مع ضوء بحال لعسل وريحة ديال لفريز عاطية ...

لبسات دوبياس بالأحمر فاتح مشبكين ودارت فوقهم كسوة شفافة بالأسود كتبين كل فصالتهم والملابس داخلية كأنها ملابسة والو وكيزيدو فالإغراء اكثر...

ريحات نفسها بعطر بارد كيثير نفس ودارت فوقها بينوار قصير يغطي لفضيحة لي لابسة...دخلات رجليها فبنطوفة بيضة مزغبة و مريحة فالمشية و خرجات من بيتها وهبطات لطاج تاني دخلات عند بناتهن لقاتهم ناعسين وشخيرهن كيتسمع..تبسمات وسدات لباب وهبطات لتحت لقات سعاد خوات تلاجة وخلات ليها لعشا لي قالت ليه توجد محطوط فوق بوطاحي خاصها غير تسخن وتقادو ...

تلهات مع لكوزينة تسخن وتقاد وتصاوب طبلة فصالة ديال السهرات لي وجداتها بنفسها لأنها كدير بزاف ديال الحفلات لزميلاتها فشركة و المستثمرين معاها وخاص يكون كلشي متول وعلى حقو وطريقو ماتبغيش لي يشوفها ناقصة من شي حاجة كتبا تحرق فيها ومتنسهاش...

قدات طبلة لي عمراتها بالورد وحطات صلاد مشكلة ووسط منها حوتة ديال سلمون معمرة بالبصلة و شبينيون وفجناب شمعات صغيورين ...

طلات على لابسين لي امامهم وكل جدران الصالة بزجاج هزات تليكومند سدات ريدوا وشعلات اضواء خفاف دايرين بحال ضو ديال شميعات كيدخلو راحة لنفس...

رجعات لكوزينة كتقاد عصير ديال الحامض تا سمعات صوت طونوبيل كدخل لكراج ديال لفيلا...

طلات من جنب بان ليها خارج لابس سروال توب اسود مع قامجة رماضية وكرفاط فالأسواد داير لفيسة فيدو و محفظة ديال لخدمة فاليد الأخرى..

كل ما كيقرب لداخل وهي قلبها كيضرب بجهد مزال كيأثر فيها شكلوالرجولي و وسامتو لي منفرد بيها بوحدو كتخلي قلبها يضرب بجهد...

بزربة حيدات بينوار خباتو فوق صداري وطلقات شعرها وهربات لموزينة دايرة راسها ما سمعات والو وكتقاد فالكيسان وعنيها كيدورو كتسناه يدخل وصوت صباط ديالو كيتسمع فدار ومتاجه نحوها..

وقف امام لباب مدخل يدو فجيبو وهبط عينو وطلعهم فيها مزيان وهي واقفة عاطياه ضهرها و كتلعب برجليها...

حسات بيديه حاوطو خسرها وراسو دخل فعنقها قبلها ومص منطقة القبلة وستنشق ريحتها براحة وطلع لودنها عاود قبلها حتى تبورش كل لحمها ونطق بصوتو الغليض وفيه بحة خاصة...

جعفر: متوحشتينيش....

حساات بروحها تهزات وقلبها دق بجهد...دارت عندو كتشوف فيه وهو مايل عندها حاط يدو بجوج على البوطاجي وهي وسط منو كيشوف فيها من لفوق لتحت ويقيص و يعبر فيها وهي كتعض شفاه ديالها سفلة وصوتها كيخرج بلا ما تشعر...

- وقتاش وصلتي...

هز حجبانو : زعمة ما شفتينيش..

حركات راسها بلا وهو تبسم وميل راسو باسها فوق فمها وخرج لسانو لحسهم ...

-اممم هادشي حلو...

عفراء بدلع : شنو لي حلو...

جعفر : شكون من غير حلاوتك...

دور يدو على عنقها جرها عندو كيقبلها في فمو بقوة ويد الأخرى دورها على خسرها هزها حطاها فوق بوطاجي ودخل بين رجليها ويدو كيدوزو على فخاضها وجناب خسرها..

قطع القبلة وهبط كيقبلها فعنقها وصدرها وهي جراتو من شعرو وقبلاتو مع وجها...

عفراء: طلع دوش وهبط تعشا....

جرها من خسرها : نتعشا بيك نتي لولة سيمانة وانا صابر متحبسينيش دابا...

عفراء: وهاد سفر كامل معياكش جاي واجد ...

جعفر عينو معسلين فيها : العيا عيان ولكن داكشي معيانش عليك...

دورات وجها حشمانة وحابسة ضحكة وهو شدها من فكها دورها عندو عاود قبلها وقال..

- نطلعو لبيتنا...

عفراء : فيه دراري...

كمش حجبانو : واقعة ليهم شي حاجة....

عفراء : عبدالرحمن كانت فيه سخانة...

جمع نفس تا جمعها وساطها بجهد ونضراتو رجعو باردين وقاصحين...

- خليتيه يمشي لقبيلة عوتاني...

عفراء تكمشات: هو لي ولا كيبكي و مقدرتش نحبسو...

جعفر بغضب: واش ما عندكش الفم لي تغوتي عليه ولا ليدين لي يشدوه و تفاهمي معاه..واش هو لي ايقول ليك اش ايدير ولا نتي لي خاصك توريه شنو يدير و شنو لي ميديرش راني اعفراء طالق يد وشاد يد صعيب معاهم فحوايح و مزيان معاهم فحوايج منبغيش ولادي يخرجو مكيسمعوش لهضرة و مكيفهموش لكلام ...

عفراء هبطات راسها : راني هضرت معاه وفهم كلشي ...

جمع يدو منها وبدا كيڭفض قاميجة ديالو وكيحيد ساعة من يدو...

- كيف بقا دابا لباس ..

عفراء: وي حمدلله طلع شوفو راه ناعس..

طلع وهي عطاتو بضهرها بقات مقابلة شغلها وعنيها رجعو حمرين و نفس كطلع و تهبط بزز مبقاتش كتصبر يغوت عليها ولات دغيا كتشدها لبكية و تحرق فيها...

بقا كيشوف فيها تا تنهد و ستغفر مولاه وطلع عند ولادو داز عند بناتو هما لولين هزهم بجوج كل وحدة فيد وطلعهم معاه حطهم حدا خوتهم غطاهم وتوجه عند عبدالرحمن قاص ليه جبهتو لقاه عادي ما فيه والو ...

غطاهم مزيان وبقا جالس حداهم كيشوف واحد بواحد حتا تنهد وناض كيحيد فحوايجو دخل لبيت ديال خزانة الملابس هز سروال ديال لكيطمة عندو بانضة من لتحت وفيه سيور من لفوق..

دخل لدوش دوش وتوضا وخرج كينشف شعرو ولابس سروال لكيطمة ..هز فوقية لبسها وفرش صلاية وبدا كيصلي لعشا ومنساجم و كيقرا القرأن بشوي و بصوت رخيم..

كمل صلاة وجمع صلاية وحيد فوقية وهبط لتحت لابس كلاكيطة فرجلو وصدرو عريان كيحك لحيتو وعاقد حجبانو كيف عادتو كيشوف نيشن، هبط عندها لقاها مزال واقفة فكوزينة كتقاد فطباسل...

قرب عندها وقف فوق البوطاجي هز كاس ديال لما كيشرب ويشوف فيها وهي مقابلة شغل لي فيديها ..

دازت من حداها كتهضر فوق نفسها...

-لعشا كاين فصالة ديال الحفلات برا سير تعشا...

حط لكاس وشدها من يديها جرها عندو معنى ليها غير بحجبانو بمعنى مالكي وهي مزيرة كتهضر بزز...

-ما مالي والو ..

جعفر : ولي ما مالو والو كيدير هادشي...

خنزرات فيه : اش درت...

تنهد بخفة :وخا الالة انا غالط كنطلب منك سماحة...

بقات ساكتة عاضة فمها بجنب وهو دفعها من جنب بشوي...

- واضحكي لينا دابا وخلينا هانين...

عفراء : انا هانية نتا لي شفتك داخل شاعل...

مزادش معاها الهضرة جرها معاه لصالة وقف فالباب كيشوف اش موجدة وشمع لي مضوي والموسيقى لي شاعلة و الفراش لي مفرشاه لتحت وغالب عليهم مخاد ديال ريش رطب بالأحمر و وسطهم بلاطو عامر فواكه جافة ...

بقا كيشوف ودار عندها كيضحك غير وحدو جرها باسها بجهد فخدها قرب فمها ...

جعفر : الحمقة ديالي..

عفراء تقهرات : اه حمقة حيت مصدعة راسي وموجدة ليك هادشي كامل اما انا كون مشيت نعس ونضرب دنيا بركلة ترجع ولا لهلا ترجع منصدعش معاك مخي ...

هز حجبانو : ياكي الالة دغيا قلبتي يديك عليا ..

عفراء نفضات يديها من يدو : خليني عليك دابا الله يرحم والديك ما بقا عندي خاطر...

شدها من خسرها و هزها معاه...

جعفر : ندير لخاطر لحبيبة ديالي ولا نبقاو بلا خاطر گاع ...

جاتها ضحكة وحابساها بزز منفخة ..

- اممم كديرها قد راسك و تجي تحاول تصلحها...

جعفر : مهم كنصلح بيدي منخليش لي يصلح فبلاصتي...

شافت فيه بنص عين وهو كيشوف فيها باغي ياكلها وعينوو كيدورو على جسدها باين الأعجاب والرغبة والعشق ..دور لسانو على شفاه ديالو بللهم وهز نضراتو من صدرها وحطهم على وجها وقال....

جعفر: اش بان ليك نخاويو دراري ...

دفعاتو بعصبية : انخراو ماشي أنخاويو واش انا دزت من الموت ونتا باغي تزيد عليا...

زير عليها كيضحك : واخا الالة ما قلتي عيب اوا انا مناخدش حقي...

عفراء خنزرات فيه : درتي بحقو باش تاخدو...

باسها فوق صدرها : وها انا كنطلبو دابا متعطيناش...

دورات وجها لجهة لأخرى منفخة وجالسة فوق حجرو مرضياش وهو بدا كياكل و يتبنن فالحوت وصلاد لي حاطة...

جعفر : امم هادشي بنين الله يعطيك صحة ...

عفراء : اصلا مطيباهم سعاد انا مادرت والو...

جعفر كمش حجبانو ورجع كيدوق ويدوز دغمة من جهة لجهة مصغر عينو تا سرطها عاد شاف فيها..

- ننن هادي الماكلة ديالك منغلطش فيها نتي بوحدك لي كتعرفي تصاوبي لحوت بهاد طريقة ...

زيرات فمها على شكل خط كتخبي الإبتسامة مبغاتش تهبط كواريها بسرعة ..

عفراء: عجبك...

هز ليها يديها باسهم بجوج..

- اي حاجة كتجي من هاد ليدين كتعجبني وتحمقني كيف كتحمقني مولاتهم

عضات فمها من لتحت حابسة لإبتسامة لي بدات كتفضح فيها وبسرعة وقفات بغات تبعد منو وهو شدها رجع كلسها فوق حجرو...

جعفر: مغاديش تاكلي...

عفراء كتلعب فضفارها : نو ما فيا لي ياكل غير بصحة...

عينو مشات لصباغة لي فضفارها بقا كيوشف بصمت وهو يتنهد تنهيدة خارجة من اعماقو...

- بصحة صباغة ...

عفراء كتفرنس: الله يعطيك صحة .."قربات ليه كتوريه " ..كيف جاك لون اول مرة كنتجرأ ندير هاد لون معيق بهاد شكل...

جعفر بنص ابتسامة: زوينة بصحة...

رجع كياكل كيبرد اعصابو فالماكلة وهي كتشوف فيه بنص عين وضحك غير وحدها...بقا كيتسنا تهضر ولا تشرح لكن بقات صامتة ...

هز فيها حجبانو ومسح فمو بشوي وحط لمنديل فجنب وقال..

جعفر : ماشي هدا هو وقتها .."صغر عينو"..شنوا واقع...

عفراء جاتها ضحكة : علاش ضروري خاصها تكون فيا باش نصبغ....

حط يدو فوق صباعها كيلعب فضفارها وقال..

- مولفة كتصبغيهم غير من كتكون فيك و الأيام لعادية لا على حساب الصلاة هادشي علاش سولت...

عفراء دورات عنيها وبدات كتفرفر برموشها : امممم ....

جعفر هز كاس عصير لحامض كيشرب منو يبرد الفقصة وكيشوف فيها بنص عين..

- شنو لي أمممم...

بطفولية ردات عليه كتفرنس...

- والو علاش مالك !!..

هز عينو وهبطهم فيها مزيان وبدل كاس لعاصير بما بارد كيشرب جغمة بجغمة وعينو كيفحصو كل جسدها انش بإنش حتى ولاو حناكها حمرين من نضراتو المتفحصة وخلا داتها تبورش وهو بدا كيهضر و يحسب ليها غير بشوي...

- ديما كتجيك فلخر ديال شهر وحنا عاد فلأول ديالو ميمكنش تجيك وهاد لبس لي لابسة ماشي ديال وحدة خايفة من لوجع وزيد هاد لحوتة لي مصاوبة و مخلياه ليا ماشي ديال واحد اينعس بلا كوا....

عفراء حشمات : أوعدي اجعفر شكتقول...

صاط بجهد وهزها بشوي حطها فكرسي لي حداه وبدا كيشرب لما يبرد راسو وبعد لحوت من حداه وهي كتشوفو بجنب عنيها وكتاكل فالفواكه الجافة حابسة ضحكة وهو مزير كل مرة يهز سروال من جهة حجرو و يرخف على راسو وهي هبطات عنيها فحجرو كيبان ليها داكشي منفوخ و واجد ...

حط كاس لما بارد فوق منو وهز راسو لفوق كيسوط وهي بدات كتجمع طبلة وكتشتت نضر وهو شد ليها يديها وقال..

جعفر : غير جلسي انا غادي نجمع هادشي...

"جا وجهو نيشن مع صدرها خلا ريقو يوحل وسرطو بصعوبة وبسرعة شاف فجهة لخرا"..

- سيري لبسي شي حاجة سخونة قبل ما يشدك لوجع ...

هزات كتافها وخرجات خلاتو كيجمع طبلة و يسوذ مغوبش غير وحدو..

هز كلشي داه لكوزينة وبدا كيدخل فالماكينة ويقاد عارفها مكتحملش لماعن يباتو وكتبغي كلشي يكون نقي وبلا ما تبدا تنگر كيف عادتها دار كلشي فالماكنة ودارهم يتغسلو وخا ما عندو خاطر...

غسل يدو وتم طالع تا رسالات ليه ميساج حلو يشوف اش خاصها لقاها راسلة ليه يجي عندها لصالة لي كانو كيتعشاو فيها..

كمش حجبانو ورجع هبط متوجه لصالة شاف دنيا مضلمة بدا كيعيط ليها وهو يسكت من سمع صوت لخلخال كيقرب عندو وضو خفيف كيشعل وينور لمكان وعينو جات فيها مباشرة بجسدها الأنثوى ولباس الرقص الشرقي لي لابسة وفصل فصالتها وزاد فجادبيتها وخلاه يحل فمو يخرج عينو مصدوم..

قربات عندو شداتو من يدو وجراتو عندها وعينو فعنيها وهو دايخ دفعاتو بشوي جلس فوق المخاد لي فرشاتهم فلأرض وبعدات بشوي خدمات الموسيقى وبدات كتهز فبوطوها وتلعب بيه و صدرها كيتهز فكل حركاتها و وسطها كيتمايل مع الموسيقى وشعرها كيطير و يترمى فجوانبها ويلصق بعض خصلاتو على شفايفها...

كتشوفو ساهي فيها مصدوم وهي كتزيد تقرب عندو وتهبط تال عندو تلعب بصدرها حدا وجهو وتغمزو وتبسم كتبان بحال شي وحدة خارجة لطريق فحركاتها...

وقفات ببطئ ودورات ضهرها ليه هزات شعرها لفوق وبدات كتلوي فمؤخرتها و خسرها كيميل فكل جهة خلا ريقو ينشف شحفان وعينو مفارقاتهاش وهي كتشطح قدامو بحال شي فراشة وجسدها منساجم مع الموسيقى...

رجعات عندو هزات رجليها كتقرقب بلخلخال حطاتها تحت دقنو وهزات ليه وجهو لعندها دوزاتها ليه على لحيتو وهبطات بشوي عاضة شفايفها من لتحت وعنيها عليه ...حطات رجليها فوق رجولتو المنتفخة خلاتو يسوط بجهد كيتبنن فحركاتها وهي كضحك خرجات معاه لطريق نيشن..

شد ليها رجلها كيضحك وهي كتخرج اصوات من فمها كتخليه يزيد يغلي...هز ليها رجليها باسها وهي عاجبها الحال مخلياه يدير ببها ما بغات ...

رجعات مع الموسيقى لور وكيبانو سيقانها لي خارجين من لجوانب بويض كيتراقصو مع الضوء وزادت كتغريه بحركاتها لي ما ضرب ليهم حساب..

جر لمخدة حطها ورا ضهرو وتكا عليها داير يدو ورا عنقو وطاوي رجل حاط فوقها يد ويد مسرحة كيبان بحال شي ملك فجلستو وملامحو مفتونين برقصها وحركاتها وغمزاتها الجريئة ....

توقفات الاغنية وهي مغمضة عنيها وصدرها كذطلع و يهبط كتنهج وصوت تنفسها مسموع ...حسات بيدين لتفو على خسرها وجرها بقوة لصدرو وحسات بأصابعو تحطو على شفايفها وكيورك عليهم ببطئ ...

حلات عنيها ببطئ وجات مع عنيه مباشرة بقاو كيشوفو فبعض بدون كلمات فقط نظراتهم لي حاملين الرغبة و الإشتياق ...

ميل راسو وقرب عندها كتحس بنفس ديالو حارة على وجها ...بقبلة حنينة كيقبلها ببطئ وكيتمتع بطراوتهم وكتحس بيديه كيهبطو على طول ضهرها ويلمسوها بتملك ...

هبط كيقبلها على طول عنقها متوجه لصدرها لي غمر وجهو فيه وبدا كيعضو عضات خفاف وهي كتخرج من فمها تأوهات ضعيفة...

فرمشة عين هزها بين يديه وهي تعلقات فيه مخلوعة اما هو مبقاش صابر عينو معسلين وحجبانو مكمشين وبدات حباة العرق كتشكل على جبهتو...حطها كاملة فوق المخاد وهو طلع فوق منها كيحيد ليها حوايجها ونازل كيقبلها بشراسة ..

دوقها عداب عمرها داقت بحالو طول الليل بدون راحة وفين ما كتبغي تهرب ليه كتلقاه جارها من رجليها و مرجعها تحت منو كيختارق انوثثتها بكل رغبة ...

دارت معاه اشياء لي عمرها ضنات تقدر ديرهم لكن دارتهم بخاطر وحبا ليه لبات كل رغباتو كيف كيلبي ليها جميع رغباتها...

حيدات ستار الخجل فالنوم معاه وستمتعات بكل حاجة كيدير معاها وخا عياها و سخسخها لكن كلشي يهون حيت مشافوش بعض طول الأسبوع ولقاو نفسهم مشتاقين لبعضهم لاقصى حد..

حس بيها ترخات ومابقات قادرة تحرك تا جزء منها عاد توقف من الممراسة ورما راسو حداها على ضهرو وجرها عندو نعسها فوق صدرو كيجر ليها شعرها من فوق وجها رجعو لور وهي كتنفس بصعوبة سخفها وعنيها كيتلصقو باغية تنعس وهو كيقبلها تحت ودنها و فعنقها باغي يخليها ترتاح و يعاود معاها واحد اخرى حتى سمع صوت شخيرها بدا كيضحك وجر لحاف كان حداهم غطاهم بجوج وبقا كيشوف فيها عينو كيلمعو وكل مرة يطير على شفايفها يقبلهم ويبعد ويبقى ساهي ويرجع يقبلها مساخيش بيها...

_صبح يوم جديد ..

صبح حامل لفرحة ونور لجوج ناس ...ليوم ايتكتب كتابهم ويوليو لبعض بعد حب دام سنوات من المراهقة الى البلوغ ومزال الحب نفسو و مزال شوق نفسو وكل سنة كتمر كيزيد حبهم يكبر وينجادبو اكثر وبعد ما كان حبهم بريئ فمراهقتهم اصبح اكثر حدة فرشدهم ورجع حامل شوق و الرغبة والشهوة اتجاه بعض..

وكل واحد فيهم باغي يكون بين احضان الأخر يطفيو هاد نار لي بينات انهم نضجو وبداو كيشوفو بعض فتصور اخر...

فطنجة وفالفيلا ديال سي خالد ...جالسين عائلتو الكريمة كلها فصالون لتحت وهو واقف عليهم لابس جلابة جوهرة بالأحمر مغلوق ومن لتحت لابس جبادور وساعة فيدو وبلغة حمرة فرجلو مع تقاشر بيضين ..مرجع شعرو لور وخا كبر فسن لكن مزال عاطي لعين وزينو باين ونضراتو حرشين وقاصحة...

بدات العائلة كتنوض يوجدو راسهم يمشيو لقاعة و العروسة مهبطاها أمها لابسة جوهرة بيضة مطروزو بطرز الفاسي بالاخضر ويديها منقوشين هي و رجليها وكيبانو عامرين وبراصلي ديال ضهب فيديها ودايرين عليها زيف مغطين بيه وجها كيبان فقط شعرها الأسود من لور..

دخلوها مباشرة لسيارة بصلاة على النبي ومها حداها كتقرا عليها القرأن باش ما تشدش فيها العين وهي شافت بنتها لي كبرات وعطات لعين و زيانت ولا لي يشوفها يحماق عليها وشحال من واحد جا خطبها وباها كيردهم ويقول ليهم بنتي عطيتها لولد خالها...

بنتها لي كبرات وها هي فعمر 23 سنة وطالبة في كلية الطب وخلات باها يفتاخر بيها ويعجبو الحال وزاد سليم لي دار عقلو وخدم ليل ونهار وجمع ريال على خوه ...

شرا دار وخلا زليخة هي لي تختار فراشها وعلى ضوقها وتاخد لي بغات وكلشي من جيبو ما خلا تا حد يعاونو لا باه ولا عائلتو ...

وأي واحد بغا يمد ليه يدو كيرفض ومن كيشوف عائشة كدور فبنتها حيت كتاخد غير الغالي وتقول ليها راكي غادي تزوجي ماشي مزال فدار باك باش تبقاي تفششي على لي بغيتي كيقاطعها ويقول ليها خليها تاخد ما بغات أنا قادر بيها وبفشوشها وتا حاجة ما نحرمها منها ....

مخلا ليهم ما يقولو وزاد تكلف بكل امور العرس خلا خالد يرتاح وعرف ان بنتو اتمشي عند راجل لي كيبغيها ولي قادر يتحمل مسؤوليتها...

وهادشي علاش بقات كلمتو معاه راجل وخا جاو رجال متسخاش ترفضهم طالبين فيد بنتو لكن ردهم حيت كلمة قالها لسليم و ميخونش كلمتو ويعطي بنتو لواحد من غير ولد خالها...

وصلو لقاعة ولي كانت واحدة من اشهر لقاعات و اجملها فطنجة ..دخلاوها لطابق لفوقاني فيه بيت لتجهيز لعروس .. لقاو لي اتجهز ليها مع الخدمات ديالها وكانت اشهر واحدة فالخليج ومعروف بتزيين العروس وهي لي خدامة مع عفراء فالشركة وكبرات اسمها مع عفراء ....

بداو كيقادو ليها شدة ديال شعر هي لولة وهي جالسة فوق الكرسي دايرة رجل فوق رجل وزينها مضوي و باين وملامحها كيشبهو لعفراء واخدة زينها ..

كتلعب فبراسلي لي فيديها وساهية تا بدا الهاتف كيصوني شافت اسم المتصل وهي تقبل و قلبها كيضرب بجهد من سمعات صوتو الرجولي لي فيه بحة خاصة برجل راشد عكس داك المراهق لي كانت واقعة في حبه اما اليوم اصبحت مجنونة بحبه...

- كيف صبحات عروستي...

جلسات بصمت كترد دقات قلبها لي تسارعو وأنفاسها لي تخربقو بصوتو..تنهدات بعمق وحولات يخرج كلامها عادي...

زليخة: عاد دابا عرفتي عروستك ونتا تلت ايام ونتا غابر إتصال واحد ما شفتش منك ما قلتي هادي مخلوعة ولا حاسة بستريس نعيط عليها نخفف عليها شوي...

سليم كمش حجبانو : علاش اتحسي بستريس ياك جايا غير عند ولد خالك واصلا جايا وسط عائلتك مناش اتجيك هاد الخلعة ...

زليخة بعصبية : شفتي نتا عمرك تفهمني يخخخخ...

سليم كيحاول يبردها: صافي اعيون لغزال ديالي انا لي غالط وانا لي مكنفهمش غير مسحيها فيا تا نكون مني ليك وديري بيا ما بغيتي انا اصلا واهب نفسي ليك غير خودي راحتك معايا نجلس ليك فوق ناموسية والله ما نتحرك نخلي حبي تغتا صبني كيف بغات...

بدات كضحك حيد ليها ستريس لي كانت حاسة بيه وطلقات نفسها براحة وضحكتها انثوية وبالعبار كتخليه يتجنن عليها ويبغي يخرج ليها من تليفون...

سليم: شهاد ضحكة المقحبنة عندك...

زليخة : اسيدي لمعجباتكش ضحكتي سد ودنيك انا هكدا ضحكتي مغاديش نبدلها عليك...

سليم : واش الالة قتلك بديلها لكن رتاي لمي شوي راني غير صابر ونتي معارفاش ضحكتك اش كدير فيا ونار لي كتشعليها فيا وتهربي تخليني مني لبرد يضرب فيا ....

زليخة عضات فمها من لتحت وقربات تليفون حدا فمها ودوات بشوي ما كيسمع صوتها حد من غيرو ...

زليخة: غير صبر ليوم انكون ليك ونكرمك مزيان...

قطعات عليه كتفرنس خلاتو كيسوط بجهد ..قطع وبقا كيشوف فتيليفون ويضحك غير وحدو ومو كتشوف فيه من لباب ديال لبيت دايرة يد فوق يد لابسة و مقادة الحالة وتكشيطة لي لابسة كتجرجر من وراها وكتبان مزال صغيرة ومهلية فراسها ومع شركة ديال عفراء تبرعات وبدات كتبان صغيرة وغير فبداية تلاتينات من عمرها ما باينش فيها شرف گاع

بشرى: تبارك الله عليك امولاي سلطان عاد طفات عليك شمعة وعرفتي راسك عندك عرس وعروستك كتسناك...

سليم كيلبس سباط : مزير الواليدة الخدمة مكتساليش...

بشرى : والخدمة اتجي تال عرسك اولدي...

سليم تنهد و قف كيلبس الفيستة ديال البدلة الأنيقة لي لابس وقال بصوت كتسعو غير مو...

- راكي عارفة اميمتي فاش خدام مكنخبي عليك والو ناس كنقول ليهم ضابط صف عادي نتي بوحدك لي عارفاني داخل فالمخابرات والوقت ماشي ديالي بزز باش خديت هاد 15 يوم لعرسي وعام وانا كنطلع و نهبط باش ناخدها ...

بشرى وقفات وراه كتعاونو فاللبس ...

- كون سمعتي مني اولدي وبقيتي غير ضابط صف عادي اش داك لهاد شي كامل...

سليم : كيخلصو اميمتي مزيان راكي عارفة زليخة كيفاش معيشها باها وانا معنديش لفلوس لي عند باها وباش نعيشها كيف كانت عندهم خاص ضروري من هاد الخدمة ...

ضرباتو بشرى فضهرو ما عرفات ضحك ولا تفقص ..

- هادشي كلو غير على هاد زليخة ...

دار عندها باس ليها راسها..

- راكي ميمتي وحاسة بيا وعارفة ما فقلبي مغاديش نخبي عليك بنت لعميمة من نهار هاد القلب ولا كيعرف يحب و هو كيبغيها و منكدبش عليك اميمتي يقولو ليا رمي راسك فالعافية على ودها نرميه ..

ضرباتو بشرى لفمو غضبانة ..

- شر و الباس اولدي قول خير ولا سكت خلينا فرحانين هاد نهار ...

بدا كيضحك و رجع كيقاد شعرو وملامحو لي ولاو ناضجين و وسيم اكثر مدايرش لحية وشعرو اسود مرجعو كلو لور وعينو بحال النسر فيهم ترقب لهاد ليلة ..ترقب لمحبوبته الغالية ...

مشات بشرى لباب بعد ما سمعات دقان حلاتو وتبسمات فعفراء لي واقفة طلات من جنب على سليم لي بدا كيضحك من شافها وتا هي بدات كضحك ...

عفراء : مبروك عليك امولاي سلطان...

سليم غمزها : ما تقولي مبروك تا لغد ليه اعميمتي ...

بشرى بدون فهم: وعلاش اولدي...

عفراء هزات راسها كضحك فهمات قصدو ...

- الله يمسخك ....

وصلات عليهم حادة لابسة قفطان ديال لجوهرة ومزينة نفسها بالمجوهرات ومقادة شعرها كتبان كلاص فتصرفها ولبسها وتا من كلامها ولا بالعبار مبقاتش ديك حادة لي غير جي يا فم وقول ..هازة قفطانها من لقدام وكيضهرو سيقانها فجنب مع سندالة عالية و ابتسامة جميلة على ملامحها ..سلمات على سليم فرحانة بيه ودورات راسها فالبيت...

- فين هو اناس...

بشرى : عاد وصلو هاد صباح وطلع يشوف مراتو ...

عفراء كتشوف فساعتها : كملو دغيا مبقاش الوقت خاص نوصلو لقاعة كتسنا زليخة وعائلتها...

بداو كيسرعو فشغلهم و العائلة بدات كتجمع من رجال ونساء في باحة ديال الفندق لتحت ديال فاطمة ...

جعفر جالس مع جمال و امين مع كمال وخوت عفراء وسي العربي ....بعيد منهم مجموعين دراري صغار كيلعبو حزا نسا من غير عبدالواحد لي جالس بوحدو حدا باه ...

امين هبط عينو ليه وتبسم : اوا المجتهد مباغيش تلعب مع دراري ...

جعفر حط يدو فوق راس ولدو وحركها بلطف بينما سي العربي بقا كضحك وقال...

- هدا ما عندو لا مع دراري لا مع ضحك ولا لعب كيجلس معاك بحال راجل تبارك الله ونيت ممشاش بعيد خرج لباه ...

امين تبهض : تبارك الله نعمة التربية.."شار لولدو لي كيلعب مع عبدالرحمان" .. انا عندي هاد المسخوط كيطير من المقلة شحفني انا ومو ...

جمال: كل واحد وشخصيتو نتا حمدلله عندك الولد بعدا كيسمع ليك انا عندي نرجس مكتفاهمش ، تاخد ليها حاجتها دير ليك نهار ديال لبكا و مكتنساش والمصيبة تا لو عجباتها حاجة حتى لو كانت حاجة ناس كتبغي تاخدها ليهم و تجنن ودابز كنبقا انا غير مصدوم في فعايلها ...

بمجرد ما نها كلامو تسلطات عليهم بشعرها المموج وفستانها الأبيض و وجها الطفولية وحناكها مطبزين ..تلاحت على عبد الواحد لي خرج عينو بغا يبعد يدو وهي زيرات عليه بجهد ...

نرجس : ابدو نمشيو لعبو ...

عبدالواحد برفض : لا وسميتي عبد الواحد ماشي عبدو ..

نتر يدو من يديها وتحرك من حداها مشا لجهة لأخرى حدا باه وهي بقات كتشهق شداتها البكية وصرخات بجهد ...

-لعب معايا ...

جمال هز يدو : ها شنو قلت ليكم مجننة وكلامها هو لي خاص يكون ...

جعفر نزل عندها هزها بين يدو ومسح ليها دموعها وكيفهمها بشوي ...

-لبنات كيلعبو مع لبنات ...

نرجس نفخات شفايفها : انا بغيت ابدو ..

عبدالواحد : انا راجل ...

نرجس كتشهق : وعلاش حمان"عبدالرحمان" كيلعب معايا...

عبد الواحد خسر سيفتو : سيري لعبي معاه ...

نرجس مدات يديها بغات تنزل من حضن جعفر وتشد فعبدالواحد وهو رجع يدو وراه مبغاش يشدها تا شاف نضرة باه لي عطاه لإدن عاد مد ليها يدو كاره وهي شدات ليه فيديه مزيرة وضحكات بفرحة وعنيها كيلمعو وقالت بطفولية ...

نرجس : انا بغيتك نتا ...

كلمات طفولية نطقاتها فسمعها هو ولا احد بينهم يدري ان هذه الكلمات ستكون بداية لمستقبلهم معاً...

سي العربي تبسم بفرح من كيشوف العائلة مجموعة وحداه الشيخ عبدالله كيشوف فالاطفال و فرحان تا هو من نهار تناسب مع عائلة سي لعربي مبقاش كيخرج من عندهم ولا واحد من عائلتهم ورجع هو وسي عبدالله بحال لخوت كيمشيو لحج و العمرة كل عام و يمشيو لقبيلة يبقاو فيها ايام وهو عاجبو الحال لقا راحتو وفرحان حيت بنتو تزوجات من هاد ناس لي كيهزو ببعضهم و كيبغيو عائلتهم تكون مجموعة وديما مسافرين مع بعض و مجموعين فضحك و فالحزن ...

فجناح خاص فالفندق تحل باب ديال دوش وخرج من بخار كثيف وبعد مباشرة خرج رجل بكل ما تعني الكلمة ..جسد فلادي قاصح بالعضلات و مفتول عاري الجسد وهاز فوطة ميمسح بيها شعرو لي كيقطر بالما..دور عينو لانثى لي مزال ناعسة وحالة فمها نصف حلة وكتشخر بصوت خافت ..هبط راسو لكرشها المنفوخة وتبسم بحنية...

قرب عندها جلس فجنب سرير و حط يدو على حنكها كيلمس بأصابعو من لور وكيدور ليها شعرها وراء ادنها..نزل باسها فراسها وكيهمس ليها بشوي ..

- فاطمة نوضي ناس كيتسناو لتحت..

تحركات فبلاصتها ورجعات نعسات وهو زاد كيحركها اكثر...

- نوضيي دغيا راه ايمشوي ويخليونا هنا ...

فاطمة كمشات حجبانها وبعدات من لمساتو وبصوت تقيل خرج بزز...

- خليني نعس عافك...

كمش حجبانو وقال : ماتوحشتيش راجلك ....

حلات عنيها بشوي وكترمش كتستوعب كلامو وبسرعة دورات راسها لجهة ديالو لقاتو كيشوف فيها مبتاسم ..ضربها فنيفها و غمزها كيضحك...

- صباح لخير ميمة....

طارت عليه بتعنيقة وكتقبلو في فمو بلهفة وهو دور يدو بشوي على خسرها وهزها عندو باش ماضرش كرشها...

قطعات لقبلة وبعدات ريقها متاصل مع ريقو وعيونها كيبريو ..

- وقتاش جيتي ...

عاود قبلها بنفس اللهفة و الإشتياق وعض شفاها سفلة ونطق بين انفاسو الساخنة...

- صباح ...

فاطمة: علاش ما فيقتينيش...

- سمعت من عمتي انك سهرتي وطبيبة ديالك قالت مابقيتيش كتقدري تنعسي ومن شفتك صباح ناعسة ما بغيتش نفيقك تا تفيقي على خاطرك ....

كتشوف فعينو كيبريو وحبها واضح ..لمسات وجهو باصابعها النحيلة وهبطاتهم على طول عنقو و استقرو فوق صدرو فين كاين قلبو كيضرب..كتفحصو بلهفة و حب..

- نتا لباس ...

اناس حرك راسو بشوي كيسرح شعرها بأصابعو...

- حمدلله ونتي ...

فاطمة: توحشتك...

تبسم ابتاسمة جميلة : تا انا أحبي توحشتك بزااف ....

بدات كضحك و تفرنس غير بوحدها وهو مبتاسم .. ست سنين زواج وحب ومودة بيناتهم وكل نهار كيزيد حبهم يكبر اكثر و يلقاو نفسهم منجادبين للبعض اكثر ..

هزها بين يدو داها لدوش عاونها فلغسيل وخرجو كيلبسو حوايجهم و ويوجدو نفسهم للعرس....

وقف امامها كيقاد ليها الحجاب وقال بصوت تقيل ...

اناس: لفيلا وجدات وقتاش تبغي نسكنو فيها...

فاطمة: وقت ما بغيتي...

اناس: هاد الاسبوع نسكنو فيها قبل ما تولدي باش عائلتك من تجي تلقا فين تجلس معاك متبقاش هنا فالوطيل...

فاطمة حركات راسها بفرح من نهار تزوجات بيه كان هو لي كيصرف و يتكلف ويدير كلشي..تغير على داك اناس لي كان قبل ولا اكثر مسؤولية وكيخدم بليل ونهار ولا كيجي مرة فالأسبوع او بعد المرات مكتشوفوش طول شهر وكيبقا بيناتهم غير تليفون ...

كمل ليها لحجاب ونزل لرجليها كيقاد ليها صندالة وهي تكات على لمجر وشافت فيه بمودة ..

- ما لقتيش ليا منين جاوك لفلوس لي شريتي بيهم لفيلا ...

مركز مع صندالة لي كيلبس ليها وجاوبها عادي ...

- تسلفت من عمتي...

كمشات حجبانها : شحال تسلفتي...

اناس وقف باسها فخدها وهز لفيستا كيلبسها...

- ما عندك علاش تعرفي مهم دارت معايا مزيان غادي نعطيها كل عام عشرة ديال لمليون تا نكمل ليها فلوسها...

حركات راسها بالإيحاب وبقات ساكتة ،معاه مكتجبدش حس ان فلوسها فلوسو حيت مكيحملش هاد الهضرة ومن نهار جبدات معات لموضوع ودار فيها معاوداتش وخلاتو هو يتكلف بكلشي....

شد ليها فيديها وهبط لتحت فين كاينة لعائلة كتسناهم ...

وصلو لقاعة بترحيب كبير من اهل العروس وطلع لعريس مع عفراء ومو لعند عروستي لي موجدة ليه نفسها بي ابهة طلة ...تفتح لباب وجات عينو فيها وتجمد فمكانو مصدوم وقلبو كيضرب بجهد ....تبسمات ليه ورد ليها الإبتسامة بحنان وقرب عندها باسها فراسها وعنقها بفرحة وتنهد براحة ...

اخيراً حب سنين كمل بالزواج..ولاو لبعض وفرحتهم اتكمل....هز خاتم ركبو ليها وقبل يديها من كفها وخلاها وسط عائلتها اطير بالفرحة وهو طلع مع خالد لي كان فالباب كيتسناه طلعو لطابق تاني لي فيه غير رجال و بقاو نسا لتحت مجموعين طالقين شعوراتهم ولابسين احسن ما عندهم واخدين راحتهم فشطيح ...

دخلات عليهم لعروسة فوق العمارية هازينها ربعة ديال لعيالات وهي كضحك مع عائلة زوجها لي كيرميو عليها الورد....جلسات فبلاصتها كتفتن بزين و اية هي وعفراء تحزمو وشطحو مخلاوش من جهدهم ..نوضوها معاهم تشطح وهي فلداخل ديالها ما كرهاتش كون كان معاها سليم يحضرو بجوج..تشوف فرحتو ويشوف فرحتها لكن وخا عيات فيهم يديرو عرس مخلط مقبلوش وهي ردات بلي كاين...

لبسات لبسة الأخيرة وهاد لمرة مختارش لبسة لبيضة بل ختارت لبسة القبايل..لبس الاطلس اصل ديال امها واصل زوجها ..كل العائلة دايرة بيها كيغنيو اغنيتهم الأخيرة وهي غلبوها دموعها وحضنات امها بلهفة عاد حسات انها اتغادر منزل لي عاشت فيه سنين..اتغادر اهلها لي كانو هازينها بين يديهم وحاطينها فوق راسهم...تخنقات بالبكا وعفراء تقدمات عندها مسحات ليها دموعها وهضرات حدا ودنها..

- اجي معايا...

زليخة بصوت مخنوق : فين...

عفراء : غير اجي وسكتي وديري عليك هاد سلهام غطي بيه راسك...

درات سلهات وناس دايرين بيها كيزغرتو و يصليو على النبي وهي مافاهمة والو ..خرجات مع عمتها ودخلات لغرفة مضلمة واضواءها خفاف ...خرجات عفراء خلاتها بوحدها وبعد تواني بدات الموسيقى خدامة وسليم ضهر امامها مبتاسم ..

حيد ليها سلهام ودور يد على ضهرها ويد شد ليها فيديها وبدا كيرقص معاها وهي كضحك فرحانة ..كيهزها بين يدو ويدورها وهي معلقة فعنقو وحاطة جبهتها فوق جبهتو كيشوفو فبعض وببطئ بدات شفاهم كتلتاحم ما بعض و دخلو فقبلة عميقة وحنينة ..مغمضين عنيهم و ميلين راسهم عكس بعض ومطولين فالقبلة والأغنية لي كتحكي على نهارهم مطلوقة ...

عبـــــــــالي حبيبي..عبالي حبيبي

اغمرك ما اتركك..اسرقك ما رجعك..احبسك ما طلعك من قلبي ولا يوم..

اخطفلك نظراتك..ضحكاتك حركـــــاتك..علقن بغرفتي..نيمن عا فرشتي..احلمن بغفوتي

تيحلي بعيني النـــــوم...

عبـــــــــــالي حبــــــــيـــــبي..

ليلة البسلك الابيض..وصير ملكك والدني تشهد..وجيب منك انت طفلك انت مثلك انت

عبالي حبيبي.. عيش حدك عمري واكتر وحبي يكبر كل ما نكبـــــر وشيب لما تشيب عمري يغيب لما تغيـــــب

.

.

.

حطها وعاود باسها فجبتها وهز سلهام غطاها وعفراء دخلات وجها حمر حشمات ..رجعاتها لقاعة في كاينين لعيالات وبدا الوداع الأخير مع اهلها ..خرجوها برا لقات باها كيتسناه فباب لقاعة هو وسليم ..عنقات باها وزيرات عليه بجهد كتخبي شهقاتها فحضنو وهو مزير كتحس بنفسو كطلع و تهبط وكيهضر بصوت كيترعد..

- الله يرضي عليك ابنتي ...

مدها لراجلها و وهرب من حداهم عرفاتو مقادرش يصبر على فرقها كيف هي مقدراتش تصبر ..شافتو كيهز يدو يمسح عينو من دموع ورجعو دموعها كينزلو بكثافة..شكون فينا ما كرهاتش تبقا حدا باها ومها ومتخرجش من عندهم تعيش فحضنهم الدافئ وحنيتهم وحبهم لكن سنة الحياة لازم من بعض التضحيات لأشياء اخرى اهم ...

غطاو ليها وجها وهزها سليم بين يدو واناس واقف قدلم سيارة بيضاء من نوع رولز رويس فتح ليه لباب كيضحك على سليم لي دخل زليخة لسيارة وقبل ما يجلس حداها دفع اناس لي كيفرنس ورجع كيفرنس معاه...

اناس: مبروك لحلوا مسبقا ...

سليم : الله يبارك فيك و لعقوبية ليك بعد الولادة ...

اناس هز راسو كيضحك بجهد : اميين اخويا امييين ....

مد ليه ساروت وركب سليم ايسوق راسو سد عليه اناس لباب ومشا لجهة سيارات لي مصافين ورا سيارة لي فيها سليم..كل سيارات سوداء من نوع دفع رباعي ديال مرسيدس دايرين بحال شي مافيا..

ركب اناس فسيارتو ومعاه فاطمة وقادمو كاين سيارة جعفر مع عفراء و وراه سيارات ديال العائلة كاملة وعائلة فاطمة..

ديمارة سليم سيارة وحيد لحجاب من فوق زليخة ووهبط شد ليها فيديها وركز وجهو مع وجها ونطق من كل قلبو ...

- هاد زين كلو واخدو ...

تحرجات وهبطات راسها وهو شد ليها فيديها شبك صبعانو مع صباعها وحطها فوق فخدو وشد طريق واكثر من عشر سيارات تابعينه من لور كيزمرو دايرين صداع فطريق ...

فسيارة لي لور واقفين شمس وقمر وفيديهم جهاز تحكم ديال درون لي كيطير فسما وكيصور طريق لي غادة فيه لعروسة وفجنب حداهم عبدالرحمن كيعلمهم كيفاش يخدمو وفجنب الأخر جالس عبدالواحد كيشوف فيهم بصمت و مداخلش فلعب ديالهم مكمش حجبانو من الأصوات القوية ديال سيارات لي وراهم ..

قرب عند عفراء هضر فودنها وهي مدات ليه تليفون مع سماعات بلوتوت ..دخل ليوتيوب ختار فيديو لي باغي يسمع ودار سمعات فودنو وحط راسو على لكرس وغمض عينو عايش فعالمو الخاص غير مهتم بأي شيء اخر ....

توقفات سيارة ديال اناس شي لي خلا سيارات لي وراه يتوقفو كدالك....حعفر لي شافهم من المرأة الأمامية وقف مكمش حجبانو..

جعفر : شواقع...

عفراء حلات لباب خارجة : ماعرفتش....

وقف تا سليم دور راسو كيشوف كلشي واقف تخلع بزربة خرج وقال لزليخة...

- تسناي هنا انشوف شنو واقع ونرجع...

مشا عندهم كيجري سمع لغوات فشلو ليه رجلين ما وصل تا غفر ليه ربي دنوب شاف اناس وجهو صفر وقامجة ديالو لبضة ولات كلها ما وفيه بعض خيوط حمراء واضح ديال دم .....

سليم قلبو حبس : شواااقع...

رجال جروه ورجعو لور خلاو غير اناس بوحدو مع نسا وقالو حدا ودنو..

- فاطمة كتولد..

عبدالله داخ وعلي هاز تليفون كيصوني على الإسعاف ولكن المصيبة كانو فطيرق سيار كلشي تخربق وتوقفو عدة سبارات وناضت روينة ولكن ناس من عرفو شب وحدة جاها وجع لولادة تفهمو وبقاو كيدعيو معاها...

رجع سليم كيجري لسيارتو طل على زليخة وجها مخطوف منو لون ...

زليخة: مالكم...

سليم حل باب شدها من يديها خرجها معاه ..

- ياك كتقراي طب وعارفة شوي تقدري تعاوني فاطمة تولد...

وقفات جامدة كتحرك راسها بسرعة ..

- لااا ما نقدرش هادشي خطر نقدر نخرج على راس الى وقع ليها شي حاجة ...

يليم زعمها : ماغادي يوقع والو حنا معاك وكلشي ايكون مزيان ...

وصلها عندهم وصراخ ديال فاطمة كيضر فالخاطر واناس كيترعد بغا يدخل عندها لسيارة وملقاش منين يدوز... دارو بيها نسا وكيحاولو معاها ،دخلات زليخة جلسات بين رجليها وكتهضر معاه باش تهدن و تزحم وعفراء مكضغط على كرشها كتعاونها لاش يخرج لبيبي ...

مكان عندهم لا حوايج ولا اي حاجة فقط كيطلبو الله يخرج الولد بصحتو ..فاطمة عنيها كيبياضو شداتها صخفة ومقدراتش تزيد واناس طل عليها من نافدة كيصرخ بحال الحمق باش تفتح عنيها ..

اناس: والله وتغمضي عينيك تا نقتلك افاطمة ...انقتلاااااك..

مينة جراتو وهو جامد بحال صخرة مكيتحركش..

- صافي ا اناس متزيدش عليها ...

اناس غرس ضفارو فشعرو حس براسو ايحماق..

- غادي تموت ..

كلثوم زيرات عليه : مغادي يوقع ليها والو اولدي راه جداتك ولدات عفراء غير فزار وها هما قدامك صحة سلام ، ماتخلعش وصبر ، شوي ونسمعو صراخ ديال لوليد ..

جرو باه وعمو كيهدنوه و شيخ عبدالله تلف غير علي لي شادو وكيهضر معاه مزير تا باش يتاصل بهليكوبتر معندهم فين يهبطو حيت طريق مكبيراش وعامرة بسيارات ديال ناس كلشي ترون ومابقا عندهم تا حل من غير يدعيو الله تولد فراحة ..

بداو ناس منهم راسهم كيرجعو سياراتهم لجنب ويخويو باش من تجي الإسعاف يلقاو طريق خاوية وخا مشغولين و مزروبين ولكن من كتولي القضية فيها حياة ديال جوج ناس كيولي شغل ديالهم تافه وماليه معنى...

فرعب لي عاشوه كاملين تسمعات اخيرا صرخة طفل ..صرخة لي خلات اناس يتنفض من يدين باه وعمو وطار عندها كيجري دفع نسا لي دايرين بيها وطل عليها هي لولة كيتحقق فيها تا شاف عنيها محلولين و كتنفس بجهد وتبسمات ليه ابتسانة صغيرة وهبطو دموعها كيف هبطو دموعو..كان مخلوع عليها ومخلوع على بنتو لي تزادت اخيرا وجات لدنيا...

حيدات عفراء لحجاب لي كانت دايرياه زليخة لي حوايجها كلهم عمرو بدم ..مدات ليهم حادة مقص صغير عندها وخدات بريكة من اناس سخونه مزيان تأكدو ان مكيانش فيه جراتيم عاد قطعات زليخة الحبل السري وكلها كترعد وحوايجها عمرين دم و صخفة شداتها اول مرة كدوز من هادشي حسات بالإنجاز وكدالك الخوف و الرعب ..من غير عفراء لي مركزة معاهم وشادة فراسها وخا قلبها اييكت مابيناتش فافاعلها ..غطات طفلة مزيان وحطاتها فوق صدر فاطمة لب فور ما حسات بطفلتها فوق صدرها رجعات كتبكي بحهد ..بكاء معارفاش شنو المعنى ديالو لكن فهاد اللحضة من كتجي طفلة كبرات فكرشك تسع اشهر وكتشوفيها كاملة امامك كيجيك فقط بكاء بدون كلمات..

وصلو لإسعاف خرجوها ووهزوها ومشا معاها اناس ومن لور تبعاتها كل العائلة بعد ما عتادرو من ناس لي تبسمو ليهم وباركو ليهم زيادة ...

سليم حيد لفيستا ديالو دارها على زليخة وعنقها بجهد من حس بيها مزال كترعد ..خدا قرعة ديال لما غسل ليها يديها و عطاها تشرب ودخلها معاه لسيارة وركب حزاها تبع الإسعاف وجرها عندو عنقها بيد وباسها فراسها ...

سليم: الله يرضي عليك ...

"بعد سبع ايام"...

فقاعة كبيرة كلها بالابيض ومجموعبين رجال ونسا بلباس محترم واقفة فاطمة مع اناس كيرحبو بناس و العائلة مجموعة على ضحك و الفرح وفكل طاولة كاينة صورة ديال طفلة صغيرة وكاتبين من تحتها "ملاك"...

وقفو حدا شيخ عبدالله يباركو ليه التربية لي شاد فيديه و كيرد ليهك المباركة بفرح و عينو كيلمعو و كيشوف حفيدتو بين يدو وقلبو رجع هشيش معاها و سي العربي جالس حداه..

سي العربي : سبحان الله جات كتشبه لينا...

عبدالله شاف فيه بنص عين : لا جات كتشبه لينا حنا ..

سي العربي جمع ديك ضحكة ...

-لواه اسي عدبالله البنت زعرة جات لينا نتوما عندكم شي حد زعر ..

عبدالله تقلقل : هي حنا خايبين فنضرك...

سي العربي :انا مقلتش هادشي و المهم البنت خدات زين ديالنا ..

لطوف نغزاتو : اراحل شكتوقل حشم راه نسيبنا هداك ...

سي العربي : شمن نسيب هدا راه ولا منا انا مبقيتش حاسبو ڭاع براني...

عبدالله : اسيدي لبنت بنت بنتي وديالنا ..

سي العربي : واقلة راك نسيتي راه بنت حفيدي تا انا و البنت كتبع تريكت باها ماشي مها غير لابغيتي تجيب عرف جديد حنا معارفينهش ...

اناس وقف عليهم هز بنتو وخنزر فيهم بجوج ...

- البنت بنتي ونتوما أش مشا ليكم...

العربي و عبدالله نطقو في ان واحد..

- حفيدتنا...

فاطمة بدات كضحك وباست بنتها وجلسات حداهم كيعجبوها من كيوليو يدابزو وشافت فسي العربي ...

-لو جات كتشبه ليكم فرحاتها احمايا لعزيز حيت مكاينش بحالكم لا فزين ولا فتعامل..

سي العربي فرح : تا نتي ابنتي مكاينش بحالك لا فزين ولا فتعامل الله يرضي عليك..

عبدالله هز راسو مخنزر فأناس : ونتا مغادي تقول والو ...

اناس كيشوف فيه بنص عين : شبغيتين نقول نشكرك نتا وطاسيلتك ...

عبدالله زير على سنانو : ولايني راك عجل ما كتحشمش....

عفراء وقفات حداه حطات يديها على كتافو ...

- ما نلقاوش بحالك اسي عبدالله ونتا هو البركة ديالنا من نهار تعرفنا عليك وحنا لفوق لفوق ..

عبدالله تبسم حشمان : الله يكبر بيك ابنتي ...

تجمعو مع بعض كيضحو ناشيطن ..سليم مع عروستو زليخة لي طايح عليها السر و جمال مع مراتو مينة وهاز بنتو بين يديه و امين مع تورية وحاطين ولدهم غيث فوق كرسي حداهم ...وكاين حادة وراجلها مازن هازة بنت و ولد يبيناتهم عام كاو كيشبو لباهم فالعنين بحال الصينين و شعرهم كحل و رطب ..

فجهة الأخرى كمال و اية مشادين فيد بعض وجالس حداهم عبدالواحد لي كتهضر معاه اية وهو كيرد عليها بهدوء وكل مرة بجي عندهم عبدالواحد يدخل معاه فالهضرة ويرجع يمشي يلعب مع دراري ..

اية كتهضر مع عبدالواحد يمشي يلعب وهو كيرفض وبقا جالس حداها مجمع معاها هي وكمال و قبالتهم كتواجد عفراء حاطة راسها على كتف جعفر لي متكي عليها بدورو و ابتسامة مخفياش من ملامحهم الجميلة ..نطقات بصوت هادئ كيسمعو غير هو ..

- عقلتي من كنتي كتحلم بعائلة كبيرة ..

جعفر شبك سباعو مع صباعها ورد عليها بصوت رجولي خاتر...

- ونتي عطيتيني هاد العائلة ..

هزات راسها لعندو لقاتو كيشوف فيها تبسمات ورد ليها الإبتسامة بدورو وعينهم كيبيرو فبعض ..

حعفر ساهي فيها وقال

- كنعــ...

كملات كلماتو قبل ما يكملها هو ..

عفراء : كنعشقك...

شاف فيها بدهول وهي بدات كضحك وهو بدا كيضحك معاها ...وقفو عليهم ولادهم ..هز هو قمر وهي هزات شمس و فجنبهم وقفو اولادهم عبدالواحد و عبدالرحمن..سعازة نرسومةعلى ملامح الكل وكل واخز ملهي مع عائلته الصغيرة مع طرفها التاني ...

مزال قصة طويلة ..قصة فيها الف حكاية وحكاية..ودائما ما عمو نهاية كتكون بل جعفر وعفراء مزالين فبداية قصتهم ومزال الحياة امامهم و طبعاً الحياة مكتخليش من الحواجز و الصعاب و المشاكل لكن ايمانهم بالله كيتجاوزو كل شيء ..

الأن وهبو وقتهم و حياتهم لأطفالهم لأربعة لي اصبحو اهم ناس فحياتهم مع عائلتهم الكبيرة ..عائلة لي كل فرد كيحمل قصة ومعانات...

معانات حادة مع زوجها الأول وها هي اليوم ام لطفلين رفقة زوجها لي كيبغيها حب جنوني..

معانا مينة مع حب الاول لي فشل وشخصيتها الإنطوائية لي لقات لب يتقبلها بكل ما فيها وها هي زوجته وام طفلته..

معانات لي عشناها مع اية من بدايتها الى اليوم لي مزالت كتعاني من عدم الإنجاب لكن لقات اطفال لم تلدهم لكن تحبهم كأنها امهم وهم يبرون بيها كما لو ولدتهم ويعتبرونها امهم التانية "ابناء جعفر" ..

معانات فاطمة من الحب و الإنكسار و الخدلان ها هي اليوم رفقة محبوبها الدي يصغرها سناً لكنه يعشقها لحد الجنون..رزقها الله بطفلة اسمتها ملاك وكملات حياتها السعيدة رفقة زوجها اناس...

ومزال الكثير من المعانات المليئة بالعبر... و العبرة هو لا تيأس من رحمة الله لأن رحمة الله وسعت كل شيء...

"بعز مرور 12سنة"

في القبيلة وناسها لي خدامين فالفلاحة فأرضهم ....هزو راسهم كيسمعو حوافر الخيل السريعة...

تبسم واحد من اهل القبيلة وقال....

- هدا باين غير البرڭ (البرق) ....

نطقات مرا كتقدم لماء للفلاحة وسن نقرة كتلمع في فمها...

- من نهار جا لقبيلة وهو غير سارح مع الخيل كيجي غير من ليل ليل بحال الگمر (القمر)...

وحدة من لبنات لي كتعاون والديها مفهماتش كلامك...

- نتوما على اينا برق سايرين دويو عليه...

باها هز راسو كيضحك ..

- وشكون ابنتي من غير عبدالواحد ولد جعفر ...

مر من حداهم حصان اسود ضخم باين فيه التهلو وهاز راسو بشموخ و كبرياء..كيمتطيه شاب مغطي شعرو و وجهو بعمامة صحراوية كيبانو فقط عيونه الخضراء ورموشه الكتيفة و نضراته الشرسة ...

وصل للإيسطبل ديال الاحصنة نزل من فوق الحصان ديالو ودخلو حطو فمكانو وخرج حيد العمامة من فوق راسو وضهر شعرو الأشقر مخلط بين الدهبي و البني مطولو تحت ودنو ..وقف حدا البير هز لما غسل وجهو ودوز لما على عنقو ودور شعرو لور وتريكوه لاصق على جسدو المفصل و المعضل بالعضلات...

تبسم فأية لي مدات ليه فوطة خداها منها مسح وجهو وقال بصوت غليض حرش..

- مالكي مصدعة راسك معايا الالة ماما...

اية : ولو ما صدعت راسي معاك اولدي علامن انعيه..

دور يدو على كتفها باسها فراسها ووقال

- ربي يحفظك ليا ...

اية : بغيت غير نعرفك اش كيعجبك فهاد الغابة و السريح لي كتسرح مع الخيل كتجي غير من ليل ليل..

تبسم بدون ما يرد هز راسو فعدة سيارات لي متواجدين امام لفيرمة..

عبدالواحد: جات العائلة كاملة...

اية : اييه اولد جا كلشي راهم فصالون كيتسناوك..

حرك راسو ودخل بان ليه كلشي جالس فصالون وكاين تا بنات العائلة بقا حادر راسو كيشوف بين رجليه وقال..

- سلام وعليكم..

رد عليه كلشي : وعليكم السلام..

بداو لبنات كيجمعو لوقفة كيخرجو بحالهم بقاو غير لعيالات كبار لي حاسبينه بحال ولدهم..

كل لبنات دايرين لحجاب ومكيهزوش فيه راس حتا من خوتاتو كيخافو منو وما كيكتروش فيه شوفة وخا ما كيدير والو لكن غير ديك تخنزيرة وتيقار لي داير مع كل واحد والهيبة لي عندو خلاهم يخافو منو بدون شعور ...

سلم على مو ومشا جلس حدا باه وعبدالرحمن كيضحك ..هز عبدالواحد حجبانو بمعنى شكاين ...

عبدالرحمن: سول الواليد ...

عبدالواحد كيشوف فجعفر : الواليد اش واقع ...

جعفر هز جوا مدو ليه وهو حلو مكمش حجبانو وكيقرا بصدمة واضحة على ملامحو وجعفر تبسم بفخر وقال...

-مبروك عليك اولدي الشيخ بن مالك لطفي واقف تمون تلميد ديالو ودابا خاصك توجد راسك تمشي تقرا عنزو فالسعودية وتكمل قرايتك فالشريعة الإسلامية كيف تمنيتي ..

بقا كيقرا الورقة لي مكتوبة بخط يد الشيخ و العلامة فالدين بن مالك و موافق فيه انه يكون الأستاد ديالو ...رجع لورقة لجوا وتنهد براحة وقال بصوت ضعيف ..

- الحمدلله...

عفراء تبسمات وعنيها كيلعمو بدموع..

ست سنين ونتا كترسل ليه واخيرا وافق و غادي تكمل القراية لي بغيتي ...

تبسم وحرك راسو ببطئ ..فطربق ديال العلم طريق طويلة وكتحتاج لدراسة و الإجتهاد و الوقت و الصبر و حمدلله ربي عطاه كل هاد لقا راحتو فتعلم الدين وبغا بكون عالم من علماء الأمة ..

من كان فعمرو 12 سنة شارك فمسابقة عالمية لتجويد القرأن وفاز بالجائزة الأولى و في السن 15 سنة شارك فمسابقة قراءة اللغة العربية. وفاز بالمركز الأول وحفظ القرأن و السيرة التبوية و صحيح البخاري و صحيح مسلم عاد لاش واقف الشيخ بن مالك انه يقبل بيه تلميد ليه ..

تبسم لمباركات العائلة لي دايرين بيه ودارو حفلة صغيرة مع بعضهم فرحانين بولدهم لي كيوجد حوايجو يمشي للسعودية والله يعلم وحده كم المدة لي ايبقا فالغربة قبل ما يرجع لبلادو لأن العلم بحال البحر مليهش نهاية ...

فكازا والغرفة ديالو كيقاد لوراق فالمحفظة لي غادي يديهم معاه وحداه عفراء كتجمع ليه حوايج وكل مرة تهبط ليها دمعة وتعاود تمسحها ..

حط كلشي من يدو ومشا عندها حيد ليها لحوايج من يديها و جلسها وجلس قدامها وعينو فعنيها..

عبدالواحد: الواليدة مابغيتينيش نمشي...

عفراء بدات كتبكي من قلبها عيات ما تصبر فراسها ولكن من قرب الوقت ديال سفر ديالو مقدراتش تحمل ورغم دالك ما تقدرش توقف فطريق لي خدا..طريق ديال لعبادة وتعلم دين الله ودراسته ...

باستو فجبهتو وقالت بصوت مخنوق...

- كنبكي اولدي حيت فرحانة بيك و فرحانة بطريق لي خديتي ...

هز ليها يديها باسهم بجوج وقال..

- الله يخليك ليا اميمتي ....

لبس حوايجو وهز المحفظة لي داير فيها وراقو دارها فضهرو وخوه هز ليه فاليز ديالو لي فيها حوايجو ..هبطو بجوج فدروج كيهضرو...

- وقتاش اتمشي نتا لأمريكا...

عبدالرحمن: اسبوع جاي نشالله غادي نمشي وغادي تمشي معايا لالة ماما ماتخافش عليا قادر على راسي..

عبدالواحد : اللهم سهل يا رب ..

عبدالرحمن : امين يا رب ...

عبدالواحد : غادي تقرا طب تم هي اتبقا بزاف ...

عبدالرحمن: نشالله هادشي لي معول عليه وتقريبا واحد سبع سنين عاد انرجع لمغرب ونتا...

عبدالواحد هز كتافوو : ماعرفتش نهار نوصل لداكشي لي بغيت غادي نرجع...

عبدالرحمن : الله يسهل عليك اخويا ..

هبطو لتحت لقاو العائلة مجموعة ، لبنات غير كيشوفوه كيديرو لحجاب وتا لي ماديرهاش كديرو وهو ما كيهزش عينو فيهم لدرجة شكل وجهم معارفوش داير معاهم بحال لغريب ..

توادع مع العائلة كاملة وركب فسيارة مع باه وكمال وشد طريق للمطار ..

بقاو فالفيلا كيصبرو عفراء لي جوج ولاد غادي يفارقوها واحد مشا لسعودية ولأخر ايمشي لامريكا بقاو فجنابها غير بناتها شمس و قمر ...

عائشة تنهدات بحزن : صافي عليك اختي من لبكا راه عبدالواحد مغاديش يعجبو الحال...

عفراء مسحات دموعها وكيرجعو يهبطو مقدراش تحبسهم ..

وقفات شمس مشات لكوزينة تجيب كاس لما تعطيه لمامها وهي تصدم فالأنثى لي واقفة غير شافتها وهي تبدا تمسح دموعها بسرعة و شمس قربات عندها مخلوعة ..

- ختي نرجس مالكي واش واقعة ليك شي حاجة ....

نرجس كتنفس بصعوبة وكتحس بروحها غادي تخرج وكتهضر بزز..

- والو اختي غير بقات فيا خالتي عفراء...

شمس تنهدات بحزن : صراحة بلاصة ديال عبدالواحد لي اتبقا كبيرة حيت داير بلاصتو وكلمتو مسموعة ودابا من مشا حسينا بحالي بابانا هو لي مشا وخلانا ...

نرجس رجعو شفايفها كيترعدو حيدات لحجاب لي كديرو غير من كيكون عبدالواحد ..طاح شعرها الكتيف على ضهرها وكتحاول ترخف على راسها و ماتبينش حزنها ولا حبها من طرف واحد تجاه عبدالواحد لي ما عمرو هز فيها راس ولا شارك معاها كلام ولا عينو جات فعنيها ، من نهار بلغات دار حيط بينو وبينها كيف داير مع كل النساء ... ماكيسلم ما كيشرك هضرة وما يهز راسو ولا يشوف فنسا وهي من هاد نسا . ...

وخا كتبغي تزعم عليه لكن مكتقدرش حيت شخصيتو قاصحة ومافيهاش ضحك ولا قوة الهضرة .. متبت و قليل الكلام ومن كيهضر كتكون هضرتو قاصحة..

خوتاتو هما لخرين ومعاه كيوليو يترعدو كيخافو منو كثر ما كيخافو من جعفر ...

خرجات مع شمس من الكوزينة مدو لعفراء تشرب ورجعو جلسو حدا قمر لي كتمضغ المسكة ودايرة رجل فوق رجل كتصبغ ضفارها ما مسوقاش لعالم جات عكس شمس لب ضريفة و حنينة و قلبها هشيش ...

وخا توام لكن كل واحد وشخصيتو وكل واحد وطريقة تفكيرو وما كيشبهوش لبعض من غير شمس و قمر لي بيناتهم شبه قليل فالملامح ولون شعر البني ....

فالمطار وصل الوقت لي خاصو يدخل توادع مع باه وكمال وقبل ما يدخل قال ليه جعفر ...

- بعد شهر غادي نجي لمكة ندير عمرة انا ومك وخوتاتك نطلقاو تم بإدن الله ...

تبسم وحرك راسو : انشالله الواليد...

دخل لمطار تحت اعينهم وهو غادي حادر راسو و كيتمشى برجولية ونخوة وضهرو عريض وشعرو الدهبي مرجعو لور لابس سروال دجين مع تريو اسود وكويرة سوداء ..

دفع باصبور و تدكرة وطبعو ليه الباسبور وطلع لطائرة فدرجة ديال رجال الأعمال...جلس فمكانو دار سمطة و بدات الطائرة كتقلع من ارض بلده و هزاتو فسما غادة بيه لارض الحرمين..

الى اطهر بقعة في الكون وقبلة كل مسلم الى مكة المكرمة فين يقرا الدين ويتعلم على يد علماء الفقه و الحديت و الشريعة ويتخرج من يديهم و يكون شيخ وعالم من علماء الدين ...

هز كتاب من كتبه على السيرة النبوية مع حلو طاحت ورقة صغيرة كمش حجبانو وهزها بين يدو من لخط عرفها من باه جعفر وحس كأنها وصية لازم يحفضها ويفهمها ..تبسم وقرا بصوت مسموع قليلا...

'نحن أمة أعزنا الله بالإسلام، فإن ابتغينا العزة بغيره أذلنا الله"....

الـــنـــهـــايـــة