قدر المنحوسة الجزء 16

دخلها لغرفة شادها من دراعها وداها مباشرة لدوش ..دخلها تحت رشاشة وطلق الما بارد عليها وهي كتركل كتبغي تبعد وهو ملصقها مع الحيط معاطيهاش امل فين تهرب...

عفراء: جعفر حباااس لماا بااارد بزززاف ..منقدرش علييه..

رجع لما لجهة سخون من شافها بدا الخوف كيمشي منها..

هز ليها يديها حيد ليها تريكو وهبط كيحيد ليها سروال خلاها بملابس داخلية ودخل حداها كيحد حوايجو معاها وهي كترمش من وقف قدامها عريان والما كيهبط على اجسداهم بجوج..

عفراء كدور فعنيها مقدراش تشوف فيه وهو عريان كامل امامها..

- شنو كدير....

شدها من فكها دور ليها وجها عندو كيهضر بهدوء ..

جعفر غمزها : انوريك حنش اخر غادي يعجبك وينسيك فكلشي..

هربات يديها بزربة عرفاتو اش كيقصد وداتها كلها تنملات عليها بكلامو لي كيزيد يخلي قلبها برجف والخجل يخيم على ملامحها...

عفراء : مزال مريضة..

قبلها فأدنها وكيهضر بصوت تقيل وانفاسو كيضربو فخذها..

جعفر: عندي دواك...

عفراء كتهرب: انخرج نجيبو...

جعفر شدها من يديها ورجعها عندو..

-انجيبوه بجوج...

عفراء بفقصة: كندويي على دوا اجعفر..

جعفر: تا انا كندوي على دوا ...

عفراء : عيت بغيت نعس...

دورها كاملة حط ضهرها على صدرو ولما كيهبط عليهم وصوت لهات قادم من طرفها وهو شادها بين ادرعه كيقبلها فعنقها وجزئهم السفلي ملتحم مع بعض معطهاش فرصة فين تهرب..

تغلب عليها فكل جوانب وخلاها تقبل بكل شيء كيعطيه ليها ..

خرجو من دوش هو عريان هازها بين يدو ملوي عليها فوطة حطها فوق سرير وتوجه لفاليز ديالها جبد منها بواطة ديال دوا عطاها تشربها وهي سخفانة وعنيها كيتلصقو بنعاس..

فور ما شربات لكينة نعسات عريانة مقدراش تلبس حوايجها بقا غير هو كينشف ليها جسدها ولبس ليها غير تريكوه وغطاها تنعس وجلس حداها كيشوف ضربة لي فعنقها لي خلات اتار واضح ديال لعميلة ..

فجنب الغرفة كاين غرفة ديال سليم لي متكى كيبقشش فتليفونو وكيوجد راسو ينعس حتى دخل عليه لابس ومقاد الحالة وريحتو سابقاه..

اناس : متقولش ليا كنتي غادي تنعس...

سليم: لوحدة هادي اصاحبي فين غادي نمشي لمنعستش..

اناس: كضحك عليا لا...

سليم: قول اش عندك اصاحبي..

اناس : نوض لبس شي حاجة انخرجو ..

سليم: فيين؟؟..

اناس كيفرنس: لقيت واحد جوج توتات عارضين علينا..

سليم غطا راسو رجع ينعس: لا اخويا مقادر هاد ليلة وزيد داك راجل عمتي ممعاهش لعب مقادر على صداع معاه ونتا شفتي الوالدين عندنا كيتيقو بيه كثر منا حنا لي ولادهم...

اناس جرو من رجلو مفقوص: ونوووض الخرا نتا تلتفي ليا هنا ماشي فكرت فيك وتخوي بيا دابا...

سليم وقف كيسوط: شي زين بعدا ولا والو...

اناس: راه قلت ليك توت البري على دوقك ايعجبك...

سليم كيلبس حوايجو: اودي دوق ديالي صعيب..

اناس: نسا عليك بنت لعميمة دابا وعيش هاد ليلة عريس مع راسك..

سليم : على الله تكون هاد لخرجة مزيانة ما ناقصني صداع..

خرجو من لوطيل مكايبانش عليهم العمر صغير ..طوال وجسمهم معضل بعضلات و وسامتهم مخلياهم واثقين فراسهم وعاجبهم نضرات لبنات ليهم..

اناس حل باب سيارة وشار ليه لور..

-ركب..

ركب فين قال ليه وهو يلقى بنت جالسة حداه مبتاسمة ولقدام جالس اناس حدا بنت اخرى هي لي كتسوق....

تكلمات لي حدا سليم بغنج وعنيها عليه..

-مكنتش عارف اتجيب ليا هاد زين كامل..

اناس كيضحك: تهلاي فيه..

حطات يديها على فخض سليم..

-معلووم ..

سليم جسد ديالو نفر من لمسة وحس بشي حاجة ماشي هي هاديك واحساسو ديما بحال عفراء كيصدق وكيوقع ...

خرجو خارج مراكش ودخلو فغابة وبعد طريق طويلة وصلو لدار صغيرة دايرة بحال كوخ..

خرجو من سيارة ودخلو لداك لكوخ كيدورو فراسهم..

كل وحدة جرات واحد واناس غادي كيفرنس غمز سليم ودخل لغرفة بوحدو مع بنت و سليم تبع لبنت لي معاه..رماتو فوق ناموسية بغات تبوسو وهو يبعد وجهو ...

سليم: لبوسان ممعناش ..حيدي حوايجك ودوزي لتطبيقي نيشن ...

لبنت تبسمات نصف ابتسامة وبدات كتحيد فحوايجها قدام عنيها وهو معصب وبين عينو كيتفكر زليخة وكيحيد حوايجو بشوي وقلبو كيضرو فكل مرة كيتفكرها..

غمض عينو وساط بجهد باغي يحيدها من بالو وميعاودش يتفكر فيها..

حس بيدين حاوطو خسرو وببطئ دار عند لبنت لي معاه وكيرمي خيال زليخة لي اثر فيها هاد ليلة ...

هبط راسو وهو يتجمد في مكانو ودم برد ليه فالعروق بحال شي سم سمم ليه داتو كاملة ..

طلعات معاه الصهدة وتلفة وهو كيشوف داكشي قدامو ....بغا يفهم ولقا فهماتو ضايعة والعقل مخدامش لأن صدمة كانت قوية عليه ...

تقدمات عندو كتحلون بغات تجرو وهو يدفعها بجهد وهز سروالو و تريكوه خرج عريان كيجري وقلبو كيضرب بجهد باغي يخرج من بلاصتو بالخلعة ..

كيجري ومكيشوفش وراه وكيلعن فنفسو وفنصف طريق تفكر اناس بالفقصة رجع دخل لدار كيدق فكل لبيبان و وجهو حمر وكيغوت...

سليم: وخراااااج اولد الحراااام ...

اناس كيغوت فجهة لأخرا : والله يعطي لمك مصيبة اجي عتقني...

دخل لغرفة لي سمع منها صوت اناس ..شافو طايح فوق ناموسية وهاديك طالعة فوقو وكلشي كيبان واناس من تحتها وجهو حمر شداه البكية ونفس مقطوعة عليه ...

اناس : وفيييين كتشوف الله يعطي لمك لعما ...أجي هز عليا هاد لخرا....

سليم تلفات ليه المشية ....

-متقولش ليا درتيها...

اناس تفقص ركل هاديك لي فوقو وناض كيهز حوايجو وكيغوت...

-اااش غادي ندييييير وفيين غادي ندييير اصلااااا الله يلعن &امل بوك...

خرجو كيتسابقو عريانين وكيتعايرو غير من سمطة لتحت بالفقصة لي شداهم ...

سليم : وخااا تكون ديلمك عمرك كوييتي تعرفهم ازبل...

اناس : اااش عرفني اناااااا فهاد زبل الخراااا باانت لي بنت تبعتها وجبت ليك باش تقضي الله يلعن ديلمي انااا لي مفكر فييك...

سليم : راااه انتقب ديلمك من شي جهة واااش انا شكيييت علييييك تولي جااايب ليا لوبيااااات على قلة لبنااات..

اناس : وااااامعرفتش بااانو ليااا بناااات اااش عرفني فييهم انهم دراري تفووووووو ...

سليم شير عليه بصبرديلة ضربو لراس مفقوص...

-الله يعطيك مصييبة اولد الحراام بهاد الفقصة والخلعة لي ركبات فيا عمري نعاود نقيم....

اناس مجعور : فييين اتقيم ازبل وحنا ليوم كناااا انتغتاااصبو على يد لوبيااااات الخراا تفووووو..فخر يااامي يولي شرفي ضاايع بين لوبياات ...

سليم: كلشي منك نتاااا الخرااا تفوووو كنت نااعس هاااني تا تسلطتي عليا الله يعطي لمك لعداااب فهاد نهااار...

اناس معصب وبالغدايد تم راجع وسليم كيجرو..

اناس: صاااافي حييد انرجع لديلمهم نصفيها ليهم..

سليم: ااش اتصفيي ااش،، صفي هااد لحريرة نييييت ما عارفين راسنا من رجلينا ...

اناس كيحاول يكالمي راسو وكيدور فلبلاصة كاين غير الغابة وضلام وطريق مكتبانش ليهم زاد طلعات ليه القردة كثر...

سليم صاط بجهد: نعيطو على راجل عمتي..

اناس معصب: عيط ليه .. اصلا موت وحدة لي كاينة لجات من عندو مرحبا ...

فوقت لفحر واقف وسط الغرفة كيمسح وجهو من لما وهاز تليفونو كيقلب على جهة ديال القبلة يصلي لفجر ..

ضهر على شاشة الهاتف رقم هاف ممسجلش عندو وحيت هذا رقم الهاتف شخصي ماشي ديال الخدمة قبل مباشرة الإتصال..

جعفر: الو..

نطق صوت باين عليه الخوف : خويا جعفر معاك سليم..

جعفر بشك : مالك؟؟..

سليم صوتو عليه تشويش: خويا عتقني راه غادي نموتو فهاد القنت وحنا ما عارفين والو ..

جعفر نفس تحبسات ليه ونطق بغضب..

-كفااش!!...

تقطع الإتصال و ختفى صوت سليم ..رجع الهاتف كيشوف فيه لقا الاتصال مقطوع ...حاول يتاصل بدون فائدة لخط مكيتشدش وكيديه مباشرة لعلبة الصوتية وكلام سليم كيرجع على ودنو تلفاتو فالصلاة لي كان ايصلي..

خرج من لغرفة وتوجه لغرفة ديال دراري كيدق بدون فائدة ..عيط لموضف استقبال جاب ليه كارط ديال فتح لباب ودخل كيقلب لقا حوايجهم وهما مكاينش حسهم زادت الأرض كدور بيه ورجليه فشلو عليه وكلمة سليم "غادي نموتو" فشلاتو بالمعقول..

رجع لبيت بالمهل خدا بزطام ديالو ولبس كويرة وتم خارج حتى وقف بصوت عفراء لي حلات عنيها بإستغراب...

عفراء: فين غادي...

جعفر مبغا يقول ليها والو: هاني راجع غير كملي نعاسك..

عفراء طار منها نعاس بالملامح ديالو لي مكيبشروش بالخير ومباينش عليه راحة..

جمعات لوقفة توجهات عندو بتساؤل...

عفراء: واقعة شي حاجة؟؟..

جعفر قبلها فراسها كيحاول يهدءها..

-ما واقع والو قلت ليك رجعي تنعسي شوي وانرجع ..

دار خارج وهو يوقف فنصف طريق ...

- لصوناو عليك دراري عيطي عليا...

خرح بدون ما يشوف فيها وهي شك زاد غلفها وخرجات لغرفة ديال دراري كدق مكاينش حسهم وزاد احساس ديال الخوف قوا ومحساش براحة..

توجهات عند مينة لي فاقت مخلوعة بعفراء لي كتفيق فيها..

مينة: مالك اعفراء عاد ربعة صباح هادي واش ضربك حمار ليل ولا مالك..

عفراء كتعض ضفراها مفقوصة: فين هو خوك..

مينة غالبها نعاس: ايكون فبيتو ولا تابع شي بنت راكي عارفاهم زعمة..

عفراء حركات راسها برفض: سليم ميديرهاش وانا هضرت معاه ميخونش العهد ديالو معايا .."دورات راسها يمين وشمال"...دراري واقعة ليهم شي حاجة وجعفر تا هو خرج معاجبنيش شي حاجة كاينة تما..

مينة : اففف تا نتي شحال فيك دغيا تيقيته بالعهد لي عطاك ..علم الله شمن جهة مليوح وجر معاه اناس مسكين ديما خارج عليه..

عفراء تعصبات: اناس ماشي ولد لبارح لي ايجرو سليم وبجوج مساهلينش غير نتي تالفة...

مينة جمعات لوقفة كتسوط ما بقا ليها نعاس..

- اودي داك اناي كيجيني ضريف وغير مدرم بفعايل داك سليم...

عفراء ضحكات مفقوصة هي لي عارفة اش تحت راس كل واحد وعارفة اناس مساهلش وديك ضرفات ديالو تحت منها تحريمات تقتل الميت ويمشي فجنازتو بحال ابليس...

كيدور بسيارتو فشوارع مراكش كيقلب عليهم فكل قنت ويعاود يصوني عليهم و والو حسهم مكيدورش..

بدا نهار كيطلع وشمس كتشرق وكتبدد ضلام وهو مزال كيقلب بدون توقف..

زاد تعصب وبداو شياطن كيلعبو فوق راسو كون يلقاهم قدامو يعلم الله اش ايدير فيهم وهو اعدى حاجة عندو هي هادي... يكون لواحد امانة في يديك و والديه مرتاحين من جيهتو حيت عارفينه معاك ودابا كتخون الامانة بعد ما دراري باتو ما صبحو..

وقف سيارة وتعب واضح عليه وبدا كيخدم عقلو وكيحلل الامور ومابان ليه غير جمال عيط عليه يلتقيه فالوطيل..

ضرب دورة رجع لوطيل لقا جمال كيتسناه بسيارتو امام لباب ..فور ما خرج مشا عندو جمال بتساؤل..

-شواقع ليك اصاحبي ...

جعفر كيدلك جبهتو بعصبية..

-دراري من لبارح حسهم مكيدورش...

جمال فهمو فالبلاصة: بغيتي نعيط على لبوليس يقلبو عليهم...

جعفر برفض: مدخلش لبوليس دابا بغيتك تمشي معايا لمول لوطيل يورينا الكاميرات ديال المراقبة بغيت نعرف وقتاش خرجو ومعامن خرجو..

جمال هز حجبانو: زعمة يكونو خرجو مع شي حد...

جعفر: هادشي لي بغيت نعرف...

توجهو بجوج لوطيل فلباب تلقاو بعفراء ومينة لي توجهو عندهم بسرعة وعفراء وجها رجع صفر مقدراتش ترتاح..

عفراء: لقيتيهم..

جعفر صاط بجهد: علااش فقتي..

عفراء بسخط: واش كضحك عليا فين انشوف هاد نعاس وانا معارفة ولاد خوتي فين كاينين...

جعفر زير على سنانو: عفراء راكي مزال مريضة ..سيري رتاحي و ولاد خوتك قادر عليهم...

عفراء بعناد ودموع تشكلو فعنيها: مغادي نرتاح تا نشوفهم قدامي..

زاد الجو تشحن وبالاخص من جعفر لي الغضب وصل بيه لأقصى حد ..طلعو كاملين متوجهين لمول لوطيل لي عاودو ليه المشكل وبعد ما عرف ان جمال شرطي وجعفر محامي قبل يوريهم تسجيلات الكاميرة..

توجهو لمكان ديال سيكيريتي لي بدا كيعرض تسجيلات ديال الليلة الماضية... بقاو مقابلين شاشة حتا شافو اناس خرج من سيارة سوداء من نوع مرسديس ودخل لوطيل وبعد مدة خرج هو وسليم و ركبو فنفس السيارة لي ديمارات وشدات طريق وفنفس الوقت نطق جعفر لسيكيريتي لي متكلف...

جعفر: حبس هنا..

حبس فين قال ليهم وهز ورقة قيد لوحة ديال سيارة لي باين فشاشة ومدها لجمال..

جعفر: تقدر تعاوني نعرف شكون مول هاد سيارة...

جمال: خاصك تمشي معايا ضروروي..

حرك ليه راسو توجهو لخارج وعفراء لصقات فجعفر تمشي معاهم وهو بقا ليه خيط واحد ايطرطق من لداخل ..

جعفر: عفراااء قلت ليك رتاحي ولاد خوتك ايجيو تال بيين يديييك ما غاادي توقع ليهم تاحاجة...

عفراء كتبكي من كل قلبها: نمشييي معااك عااافك منقدرش نصبر ونجلس نتسناك..

حيد ليها يديها من فوق يديه و وجه كلامو لمينة..

جعفر: جيبي ليا الكينة ديالها ...

عفراء بسخط: لااا اجعفر لكينة كدوخني انا مبغييتش نعس بغييت نعرف ولاد خوتي فين هما...

جعفر بين سنانو: رااني هضرت رتاحي وخليني انا انتكلف..

عفراء بخوفها وقلقها وبدون ما تحس نطقات..

-نتااا ما حاااسش بيااا معندكش عااائلة بااش تحس بلي كنحس بييه انا دابا..

حطات يديها على فمها بصدمة من حسات بالفملام لي نطقات وبرجفة شافت فجعفر لي شاف فيها بدون مشاعر ظاهرين على ملامح ديالو ولمعة غريبة شافتها كتطفى فعينو لي تحولو لي لون الغامق...

نسات راسها وقالت لي قالت ما فهمات الكلام تا لقاتو وصل لمسمع جعفر وكسر لي كسر وخرب لي خرب ...

قربات عندو بصدمة كترعد ودموع رجعو كيهبطو على طول حناكها شداتو فيدو بجهد غرسات اضافرها فجلدو ونطقات بصوت تقيل غالب عليه الحزن..

عفراء: مقصدتش كنت بغــ..

قاطعها باليد لي تمدات نحو مينة لي جابت كينة مع قرعة لما..دخل ليها لكينة في فمها وعاونها تشرب لما وهو ساكت وهي مزيرة اطرطق من لداخل بغات تعتاذر وطلب سماحة ولكن معاطيهشا فرصة ..

جرها بجهد غادي بسرعة نحو لغرفة ديالهم خلا مينة وجمال واقفين فبلاصهم ..شافو فعض وبسرعة بعدو نضراتهم لتجاه لأخر و الإحراج مخيم على كل واحد...

دخلها لغرفة رماها كاملة فوق سرير و ديك ضرفات والحنية ختافات وهي وقفات بسرعة توجهات عندو بغات تعنقو وهو صدها بيديه ونطق ببرود..

جعفر: سيري تنعسي...

عفراء بندم: عافك اجعفر سمعني انا مقصدتش هادشي..

جعفر بسخط : ماقلتي عيب ..انا معنديش عائلة ومغاديش نحس بلي كتحسي بيه نتي ولكن انا ولد لكلب خارج فنص ليل كنقلب عليهم وزايد هاز بخاطرك حيت حمار بحالي هاز هم ناس كثر من همي...

عفراء ندمات قد شعر لي فراسها وصوت بكاها زاد جهاد عقلها ايخرج ..

-عافك اجعفر متقولش هكذا نتا عارفني مزيان وعارف من كنتعصب مكنبقا عارفة اش كنقول...

حط يدو على خسرو وهز راسو كيسوط بجهد ونطق بصوت كيخلع..

-واش كنبان ليك انا عاادي ..مكنبانش ليك قربت نتفرگع بهاد تبريهش لي ميكساليش.. وااش عارفة اش حاط على رقبتي ولا لااااا..خووتك عاطيني امانة ديال ولادهم لي بين ليلة ونهار غبرو ..دارو ما فراسهم ومتصوقوش لهاد ولد لكلب لي هز بيهم وداير ليهم الخاطر فوق خاطري ....

عفراء حطات يديها على خدو كتطلب فيه بعينها..

-عاارفة غالطت منعااودش اجعفر عاافك مدييرش ليا هكذا..

جيد يديها بسخط وعطاها بضهرو خرج خلاها كتبكي فبلاصتها بحال الحمقة وهو خرج طاير ركب حدا جمال لي كيتسناه توجهو لمركز شرطة يعرفو مول سيارة ..

دخلات مينة عندها كتعنقها وتمسح ليها دموعها....

مينة: شفتي شنو كنت كنقول ليك ..ها كلااامي وصلتي ليه ..

عفراء ضربات حناكها بجهد كتندب: مقصدتش ماااقصدتش..

مينة: وصاافي اتزيدي تعصبيه من يرجع ويشوف حالتك كي ولات خليه ايبرد ويرجع عادي...

عفراء حركات راسها بجهد ..

-عمرووو يمسح لياا فهادي ولا يرجع يشوف فيا ..."ندبات حناكها كتويل"..ايطلقني ويرجعني لدار باااا والله ما يعاود يسمح ليا ولا يخليني معاه بسم لي نطقت ..

مينة شدات ليها يديها مأترة بشكل عفراء..

-نتي كتوازني كلامك قدام گاع ناس كتجي تا لعندو وكتبقاي غير جي يا فم وقول مكتوزنيش هضرتك گاع واش غير حيت كيبغيك وهاز هبالك صافي ايسكت على اي حاجة قلتيها..راكي اعفراء كطيريها فسما زعمة مغاديش نعلمك انا شنو ديري وشنو مديريش ..

زلة لسان هي أصعب شيء يتحط فيها الانسان لان العاقبة ديال ديك زلة كتكون وخيمة بزاف وكتسقط على المتلقي بحال شي حديدة كدوب على جلدو وكتحرقو فكل ركن من اركان جسده ..

خرج من مركز شرطة وملامحو ممفرزينش بين الغضب و الاشمئزاز و العصبية والغضب لي مكيتصورش وجمال تابعو كيجري وكيعيط ليه بسميتو بزز باش وقفو..

جمال: كطير اخويا صبر غير نفهمك..

جعفر جسدو مزير وعينو حمرة ..

-شنو غادي تفهمني فهاد روينة كااملة وااش سمعتي هاديك ولاهداك اش قااال...

جمال هز يدو: ماعندي ما نقول هادشي لي كتاب وهما مالين طونوبيل وعتارفو ان اناس وسليم كانو معاهم وخرجو فليل ومعارفين عليهم دابا والو وراني رسلت لي يقلب عليهم فالغابة خاص نتبعوهم على الله ميكون وقع ليهم تا حاجة ...

جعفر دور يدو على وجهو ورجع شعرو كامل لور كيتنهد بجهد ومزال خاطرو مروع عليه ومشاعرو حاملين شعور واحد وهو الإشمئزار وكيزيد يكفر من كيفكر ان دراري مشاو مع هاد صنف ...

الفكرة ان دراري من هاد نوع كتمرضو و مقدرش يتقبلها وجابت ليه ردة والاعصاب خلات معدتو تقلص ويمرض فصحتو كثر ودم نشف ليه من وجهو...

شدو طريق لغابة تابعين فرقة البحث لي سبقاتهم وهو مرفوع عليه القلم وطول طريق كيستغفر الله ان هادشي لي كيدور ليه فراسو مايكونش بصح ..

وصلو لغابة وفور ما خرجو من سيارة خبروهم انهم لقاوهم وقريب يوصلو..

تكا على سيارة كيعض فشفاه ديالو بجهد وبعد مدة وصلاة فرقة ديال لبحت ودراري معاهم وجهم صفر وعنيهم حمرة نعاس مشافوهم وحوايجهم مسخين ..

هبط راسو ومشات عينو مباشرة ليهم وبإندفاع تقدم ليهم مكيشوف تا حد من غيرهم وهما ما حسو تا لقاوه قدامهم ..

هزو راسهم وقبل ما ينطقو شركهم بجوج محنش فيهم وكيضرب ضربة لي مكتنوضش موراها ودراري كيحاولو يفرقوه عليهم وهو كيجرهم معاه ماتفكش منهم تا سخفو ليه بين يدو وكلهم عامرين دم ودمهم مصور فديو وهو واقف كيف سفاح ما برد تا شاف دم قدامو وتريكو لصق عليه بالعرق وعروق يديه تنفخو ايطرطو بالدم لي كيدخ فيه..

جمال بسخط جر دراري من يديه..

-وااش حماقيتي شهادشي درتي ليهم ...

هضر مع لي حداه..

-تاصل بالإسعاف داابا..

قاطعو جعفر لي نطق بنبرة قاصحة وشار لشرطي لي معاه...

جعفر: شدوهم...

جمال معصب: جعفر واش هبلتي درااري خاصهم يمشيو لسبيطار..

جعفر: هضرت وهضرتي مغاديش نعاودها...

جمال بسخط: دراري صغار وغادي تخرج عليه لمشاو لحبس اجعفر رجع لعقلك ماتضيعهمش...

جعفر ببرود هضر مع لبوليسي لي حداه..

-عمر لملف ديالهم انهم تشدو بتهمة الفساد...

كلشي وقف كيشوفو فيه وهو واقف بدون مشاعر ولا شفقة ولا ندم ...

مسؤولية ديالو كمحامي خلاتو ياخد هاد القرار ولو ليه ضرر عليه هو الأول لكن مقدرش ياخد العكس او يتجاهل الأمر لأن الأشياء لي دارو دراري ما فيهاش تجاهل او يضبرو راسهم بل خاص يتجازيو على افعالهم و اعمالهم..

تشدو دراري فمركز الشرطة وهما مزالين بدمهم وجسدهم كلو مضروب وكيضرهم وصخفة شداهم ما كلاو ولا نعشو وفجأة لقاو راسهم فوسط مركز شرطة كيتعمر المحضر ديالهم بتهمة الفساد..

خوف ورهبة ومستقبل مجهول لأول مرة ايحسو بمشاعر معقدة كتخالج كل واحد فيهم وكتزيد فكمية الصدمة و الخوف ورد فعل العائلة و والديهم كتزيد تفشل ليهم ركابي وتسرع دقات قلبهم المجنونة ..

دورو راسهم لجعفر لي واقف بعيد منهم وساكت مربع يدو لصدرو وكيبان عليه الغضب والصمت القاتل وتجاهل لي تجاهلهم كأنهم غير موجودين فالغرفة...

سليم كلشي تخلط عليه وزاد لعيا ديال ليل لي دوزو فالغابة خلاه بدون قوة ومشاعرو تخربو والخوف من هادشي لي كيسمع ويشوف صدمو وحول راسو عند جعفر كيطلبو..

سليم: اقسم بالله اخويا ما درنا واااالو ومكنااش عااارفينهم من داك نوع وفور ما عرفنا هربنا وهادشي علاش تجلينا فديك الغابة وعيطنا عليك تعتقنا لكن تليفون ديشارجا واناس مكانش هاز تليفون ومالقينا باش نعاودو نتواصلو معاك ..حاولنا نلقاو طريق لكن عاد زدنا تلفنا ...

زادو هبطو ليه دموع ممتحملش انه يتسجن ولا الضوسي ديالو يتوسخ حيت حياتو كلها اضيع..كيحاول يتكلم رغم دموع بداو كيهبطو وشوشو ليه الرؤية..

-عمرنا نعاودو نديرو هادشي ولا نتوجهو لديك طريق ..والله ما نقيس شي بنت ولا نمشي عندها ولا نتبسل عليها ولا نفسد مرة اخرى...

جعفر لي ممأترش بكلامو وكيشوف فيه بغضب نطق اخيراً وكلامو موجه لشرطي لي موجود معاهن فالغرفة..

- عيط على عائلتهم تحضر..

اناس بعصبية و وجهو فيه اثار ضرب نطق..

-علاااااش والديا وفيين عمر مي ولا با دخلو لهاد لبلاصة باش تعيطو عليهم..

جعفر رد عليهم بعصبية مخنزر..

-من مباغيش والديك يوصلو لهاد لبلاصة مكااانش عليييك من لول تمشي فهاد طريييق..

اناس كيترعد: سوووقي هدااك وحريتي الشخصية مااسوق تا حد علااش انتحببس على حاجو ختاااريتها لرااسي..

جعفر زاد الغصب عما ليه العنين بكلامو ..

- تاالبوليس من حقهم يدخلوك لحبس ومن حريتي الشخصية نشهد ضدك ..

اناس ختافى لون من وجهو كثر من سليم لي تصدم ولسان لي ينطق بيه فاشل..

جعفر : هبطهم لتحت وتهلاو فيهم مزيااان..

تم خارج ودراري متبعين ليه العين وهو وقف فنص طريق كيشوف فيهم..

جعفر: المدرسة العسكرية ديالكم خاص يوصلها بلاغ بتهم لي اتشدو عليها وجدو راسكم..

خرح ورا ما رما ليهم قنبولة خلات شعر جسهم يوقف ودقات قلبهم يتسرع و وجهم يرجع حمر بالأكسجين لي ميكوصلش لداتهم..

وقفو عليهم لبوليس كل واحد شدو من دراعو جروهم لتحت دخلوهم لسجن لي كيكون فمركز شرطة وهما واقفين بحال الموتى ودنيا مضلمة وسليم بصدمة دار عند اناس بغضب..

-كلشيييي منك نتااااا عمر طرييقك ماتجيييب ربح دييما المشااااكل..

اناس كثر منو معندوش الخاطر ..

- دييك ساااعة متبعنيييش وخليني نقود راااسي مااشي تا وصلنا لهااد الموصيبة وترمي عليا الخرا كاامل ..

سليم : الله يلعن نهار لي جمعني معااااك وتبعتك فرأيك لي يدييني غير الهاااوية وعمر ديلمي طفرتووووو..

اناس بغضب ضربو بي بونية لوجه كيترعد وسليم ردها ليه فالبلاصة وتشابكو عطيني نعطيك رجع فمهم دايز بدم وسخفة زادت فشلاتهم ..كل واحد دفع الاخر طاحو فالأرض وسليم مصبرش رجع كيبكي بحال دري صغيير..

سليم: انقتل دييلمك لدخلت لحبس...

اناس مزير: راك داخل ليه ماشي عاد ادخل وباركة ما تبكي كي المرا ...

سليم : وااش مكتشووفش حالتنا فييين وصلنا ونتا كترد عليا بضحك..

اناس: وااش كنبااان ليك كنضحك ولا رااشقة لياااا..

سليم تفقص هبط راسو معاودش هضر واناس كيعض شفايفو ونطق بغضب...

اناس: مكانش علينا نعيطو عليه من الأول درناه خونا ساعة هو الاول بااع بينا..

كطلبو وترغب فيه وهو كيف الحجرة ماعطيهاش وقت ولا شافت منو رد فعل ..شداتو من يدو وبسرعة جر يدو من وسط يديهم ونطق بهدوء..

جعفر: معندييش لخااطر لييك هاد سااعة..

عفراء بندم ضااهر على وجها: عاافك اجعفر متخلييهمش هما مازلين صغاار معارفين وااالو والحبس ايدمر ليهم حياااتهم..

جعفر ساط بجهد: باركة من لبكا اعفراء..

عفراء رجعات شادتو فيديو مزيرة عليه مخلاتوش يبعد عليها..

-علااش مابغينيش نبكي ونتا مكتشووفش فيا من دخلتي ونتا بارد كنهضر ومكتجاوبنيش كنطلبك ومعاطينيش الخاطر وهضرتك معايا بالقيااس ..

جعفر شاف ليها فعنيها..

-معنديس لخاطر ليك هاد ساعة اعفراء خليني نتكالمة شوي ونهضرو من بعد..

بغا يخرج وهي بسرعة دورات يديها على خسرو ودخلت وجها فصدرو..

عفراء: ضربنييي دييير بياا لي بغيييتي ولكن متقصحش معايا الهضرة اجعفر مكنتقبلهاش..

ولأول مرة ما كيفيدها لا كلام ولا عناق معاه وممأترش بافعالها ..حيد ليها يديها وبعدها ببطئ وملامحو مافيهم درت رقة او حنية تجاها وعنيه خالين من اي عاطفة او حب ونطق بصوت هادئ ..

جعفر: مقصحتش معاك الهضرة لي متقديش تقبليها.."حط صبعو على قلبو"..وخا انا نبغي ولكن هدا مكيبغييش..لكلمة لي تجرحك ما يقدرش يخرجها لساني .."حط صبعو على راسو"..حيت هدا ما كيفكرش فالكلمة لي تقدر تأديك ..

زادو دموعها كثر :مقصدتش اجعفر نخرج دييك الكلمة والله ماا قصدت..

جعفر: تقصدي ولا متقصديش هادشي ما عندو فائدة حيت فالأصل هادشي هو لي كيدور ليك فراس و الكلمة ماكتخرجش غير هكاك بل مخزناها فدماغك وخرجات فديك الوقت بدات ولكن ابنت ناس مكدبتيش انا ما عندي عائلة ومن حقك تقوليها ...

رجع وجها بيض وقلبها ايخرج من بلاصتو ..شافتو خارج ومشات عندو كتجري وقفات قدام لباب مانعاه من لخروج وكلها كترعد...

عفراء: نستااااهل اي حاجة درتي فيا ونستاهل عصبيتك وغواتك و تجاهلك وخا ضربني كاع مغادي نقول وااالو حيت كنستاهل اي حاجة جاات منك حييت فمي خااايب بززززاف...

جعفر ساط بجهد: صحتك مغاديش تهز ضربتي ولا تسمع كلامي وانا ماشي شماتة لي يدير هادشي.."رجع شعرو لور"...وخا نتي اقرب وحدة ليا لكن فنفس الوقت اكثر وحدة مكتعرف عليا والو وبعييدة بزااف باش تفهميني وهاد زواج زربنا علييه بزااف ا عفراء...

كلامو لي فهماتو وخلا لهوا يتوقف ونطقات برجفة كتسري فكل جسدها..

عفراء بصوت كيترعد وكتخرج الكلمة ممتيقاش : أطلقني...

جعفر بنفس النبرة الباردة : خاص وقت كل واحد يراجع نفسو ونشوفو فين ايوصل هاد زواج قبل ما يفوت لفوت...

"بعد مرور اسبوع"..

في الرباط عند دار سي العربي لعيالات مجمعين فسطح كيصبنو زرابي وطلامط ونطقات كلتوم موجهة كلامها للبشرى..

كلثوم: مبانتش ليك عفراء متغيرة هاد الأيام و معندها خاطر...

بشرى : وييه من رجعات من مراكش وهي غير مهمومة وكتبكي بوحدها...

كلثوم: تا كلمة مبغات تقولها وخا عيت فيها دوي وتشكي همها عليا ساعة واالو سادة فمها ماقالت حرف...

بشرئ : المسخوطة باين فيها دبزات مع جعفر ما شفتيش كيف من وصلها ما عاود جا ولا هضر معاها..

كلثوم: وزعمة هادشي ماشي ديال جعفر وهو عارف عفراء كيف دايرة وقابل عليها مغديش يصغر عقلو معاها..

بشرى: جعفر تا هو بنادم ماشي مصنوع من لحجر ودري دوز بزااف لمصايب فحياتو بغا يعيش هاني وختار عفراء لي كبرات معاه ومكاينش لي تحن فيه كثر منها وجعفر من ختارها راه ضروري كيتسناها تبدل حيت ولات مرا مزوجة ماشي تبقى بحالي كانت فدار باها..

كلثوم: ما قلتي عيب وتا عفراء راها تبدلات ولكن علم الله اش بيناتهم...

مينة لي كتصبن معاهم وسكتات طول الوقت وفلخر نطقات بعصبية..

-سيرو سولو ولادكم لي غير طالقينهم كيف لحلالف ما مربين ولا كيحتارمو..

كلهم دارو كيشوفو فيها وبشرى بشك قالت..

بشرى: اش سايرة تقولي نتي يكما دابزو مع جعفر...

كلثوم: ديك ليلة نيت جو دراري كلهم دم ومضروبين يكما ضربهم جعفر...

مينة هزات كتافها: انا معارفاش اش وقع من غير ليل كلو وهو خارج كيقلب عليهم بحال لهبيل وعفراء قالت شي كلام ماشي تال لهيه ، دابزو وناض بيناتهم صداع صافي مشا جاب دراري وشدينا طريقنا لرباط ..

كلثوم: زعمة دراري كيحتارمو عفراء وميخرجوش لعيب مع راجلها..

مينة هزات كتفاها وبقات ساكتة ...

بشرى : انهبط نهضر مع دراري نفهم اش واقع..

كلثوم: جلسي اصاحبتي خلي تا يجيو دراري وديك ساعة عاد اتكون الهضرة اما انا وياك مغاديش نقدرو عليهم...

لتحت دخلات لكوزينة وعنيها حمربن باين عليها عاد بكات وقلبها مقبوض وتليفون فيديه كتاصل برقم لي مكيرضش عليها ولا كيجاوب على رسائلها...

لطوف لي شافت بنتها ماشي تال لهيه ..

-ياك لباس ابنتي...

عفراء بصوت مجروح ودموع زادو تشكلو فعنيها..

-جعفر مكيردش عليا...

لطوف: ايكون مشغول ابنتي ..

حركات رايها برفض..

عفراء: هو مبااغيش يدوي معايا.."حطات يديها على وجها كتبكي"...هو مبقااش كيبغيني ولا يحن فيا..

لطوف لي بقات فيها بنتها قربات عندها كتلمسها بحنية وقالت..

-سيري عندو ابنتي وشوفي مالو يمكن يكون معصب مع الخدمة ولا مشغول ومبغاش يصدعك.."بكلام ليه معنى"..ولا كنتو مخاصمين حلو مشاكلكم بهدوء وجلسو راس فراس وديرو طريق منين يدوز لما متبقاوش مقصحين راسكم وتخليو الحب لي بيناتكم يضيع..

عفراء بدمعة هابطة على طول خدها..

-ضرييتو امي بزاااف ومحااالش يسمح ليا هاد لمرة..

لطوف تبسمات : يا الحمقة واش عاارفة جعفر شحال كيبغيك ..ايكون غير بغا يربيك بطريقتو وبعد تا هو باش يبرد وميخرجش معاك العيب وتصدقو فمشاكل ماليها حل..

عفراء بأمل شافت فمها: مغاديش يتخلا عليا..

لطوف باست راس بنتها ولات معاها حنينة وقلبها على بنتها زاد تربط ورا ما كانت اتموت بين عنيها وشافت دم ديالها قدامها...

نطقات بحب وهي كتلعب فشعر بنتها..

- جعفر لي منساكش طول هاد سنين وبغاك وهو صغير وكبر حبو ليك معاه واش غادي ينساك دابا ولا يقدر يبعدك عليه بعد ما وليتي ديالو وحلالو ..

عفراء مسحات دموعها بضهر يديها...

-وعلاش مكيجاوبنيش...

لطوف: جعفر ابنتي بنادم بحالنا بحالو تا هو خاصو وقت فين يراجع نفسو ويفكر فراسو باش المشاكل يتحل بالعقل ابنتي ماشي بصداع..

فور ما كملات كلامها تسمع صوت سي لعربي لي داخل مع لباب كيضحك وكيهضر مع شي حد معاه..

-مرحبا بيك اولدي فيين غبرتي هاد ليام..

تنطق صوت لي شتاقت ليه بلهفة وشوق..

جعفر: مشيت لقبيلة كانت عندي شي خدمة تم وريزو مكاينش باش نتاصل ...

خرجات من لكوزينة كطير فور ما شافتو داخل ورا باها رجع قلبها كيضرب بجهد والفرحة بانت فملامحها لي تبسمو بشكل مشرق وعنيها رجعو كيبيرو..

فور ما هز عينو جات مباشرة فشكلها المشرق وخيالو لي كاين فعنيها ونظراتها المشتاقة ليه خلاتو واقف جامد فمكامو ..

وهي عن غير العادة تمشات عندو بسرعة كتجري فاتت باها لي مزال كيهضر و وقفات قدام جعفر لي كيشوف فيها وهي بعيون تلمع وابتسامة رائعة كتوضح الفرحة لي هي فيها قالت..

عفراء: جييتي...

حرك راسو ببطئ وقبل ما ينطق حرف حس بيديها لتفو على عنقو وجسد ناعم تصدم بجسدو الصلب ورائحة انثوية تخلطات مع الهواء لي كيستنشق ..

تعلقات فيه بعناق قوي وخشات راسها فعنقو وشمات ريحتو وتنهدات بصوت مرتفع ونطقات من كل قلبها..

عفراء: توحشتك بزاااااف و توحشت رييحتك وكلشييي فييك..

جعفر تشوكا فمكانو بكلامها وجسدو جمد مم شاف سي لعربي لي واقف قدامهم وسمع كلام بنتو ورجع حمر حشمان ما عرف فين يعطي راسو كثر من جعفر..

أحبك أَكثر ممّا تتخيّل..

و أكبر ممّا تَظن...

و أَبعد ممّا ترى....

و أَعمق ممّا تفكر...

أُحبك بالمدى الذي ليس له حد...

و للحد الذي لا يمكن أن ينتهي أَبدًا...

كان اشتياقها واضح من عناقها ليه وكلماتها لي كيدلو عن طول غيابو عليها..

بعدات لسنتيمترات قلال ومزال وجها حدا وجهو ويديها مدورين على عنقو ..بعيون كيلمعو وحُمرة ممتدة لخدودها وابتسامة مجملة تغرها قالت بصوت حنين..

عفراء: علاش معيطتيش عليا..

جسدو مزير وعقلو ضايع ملقاش الكلمات لي يجمع وينطقهم وبدون ما تنتاضر جوابو قالت ...

عفراء: مزال مقلقل مني .."باستو فخدو "..سمح ليا عمري نعاود ..

تسمعات تنحنيحة ديال سي لعربي لي حداهم حشم وجعفر دار ليها إشارة بعينو تبعد شوي متبقاش لاصقة فيه قدام باها..

دارت شافت فباها ورجعات كتشوف فجفر وبقا راسها يدور بيناتهم وفلخر زادت قربات عند جعفر كثر حطات راسها على صدرو ..

عفراء: بغيت نمشي معاك..

جعفر العقل تقلب ليه بأفعالها شاف فسي لعربي ...

-غادي نديها معايا ..

سي لعربس مهبط راسو كيشوف بين رجليه حشمان..

-اييه اولدي راها مراتك معندك علاش تشاور معايا...

خرجها معاه وهي لصقات فيه ما بغات تبعد....ركبها فسيارة وجلس حداها دار كيشوف فيها وهي قربات عندو كثر قبل ما ينطق ترمات على شفاه ديالو قبلاتهم وعضاتهم بقوة حسات بمداق دم في فمها وبقات كتلحسهم ببطئ وهو كمش حجبانو فهادشي لي كدير جاه غريب...

دور يدو على عنقها بعدها وانفاسهم مخالطة مع بعض وبشك فنضراتو تجاها قال..

جعفر: شواقع ليك نتي ليوما..

عفراء بحب: توحشتك بزااف.."حطات نيفها فعنقو ستنشقات ريحتو مطولا"..وريحتك زوينة بزااف كتحمق..

تبسم وهبط راسو لعندها..

جعفر: كديري هادشي باش نسمح ليك ولا فعلا توحشتيني..

عفراء حطات يديها على خدو وقالت بصوت هادئ...

- كلمة سمح ليا اتوريها ليك ليام ولكن وحشي ليك وريتو ليك دابا.."بتنهيدة".. نهار واحد عشتو فالعداب بلا بيك اغــزالــي ...

هز حجبانو وتبسم : غزالي؟؟؟..

حركات راسها بـ"نعم"..ويديها كيلعبو فلحيتو ونضراتها فيهم رقة وحنان تجاهو مكتصورش وشافت فعينو بحب..

عفراء: علاش مسولتيش فيا..

جعفر : نسيتي شنو درتي..

عفراء: منسييتش ولكن مكنتش نضنك أتعاقبني ببعدك عليا ودير هاد لغيبة كاملة..

جعفر:كان خاصني وقت نبعد ونصفي عقلي ونفكر ..

عفراء جمد جسدها لتواني وبعد ذالك رجعات كتشوف فيها بحنية ومزال يديها كيلعبو فوجهو مدورة جسدها كلو مقابل معاه ونطقات بصوت شبه مسموع...

-اتفكر فزواجنا ...

جعفر بصدق حرك راسو : اممم..

عفراء : علاش !! زربنا ؟؟..

جعفر حيد ليها يديها من خدو ورجع كيشوف لقدام ونطق بتنهيدة طويلة..

- كتسوليني اعفراء !!..

عفراء: ودابا...

هر هجبانو: ودابا شنو...

عفراء: فزواجنا...

جعفر بدون ما يلف ويدور كيجي ديما فاص وفلوجه..

-فكرت ولكن بان لي خاص كل واحد يراجع راسو ويعرف فين اتزيد هاد العلاقة لي جمعانا بجوج واش نكملو ولا نحبسو ...

عفراء بصوت مخنوق: على مشكل صغير جبدتي طلاق..

جعفر دالك جبهتو بتعب..

-مدكرتش طلاق اعفراء نتي لي فكرتي فديك جهة وباش نكون معاك صريح انا منقدرش نعطي بوحدي فهاد زواج وديما انا لي نسمح ونهبط ..فلول قلت اتولفي ولكن بان لي غير كنخوي لما فرملة بدون فائدة نتي هي نتي ما تبدل فيك والو ..

عفراء هبطات راسها ودموع تشكلو فعنيها ...

-نتا عارفني كيف دايرة وقبلتي بيا..

جعفر صاط بجهد: حيت كنبغيك غفلت على كلشي ودرت اي حاجة باش تكوني معايا لكن بهادشي لي كديري ايجي نهار لي الحب مغاديش يبقا وايزيدو المشاكل وانا مبغيتش نوصل لداك نهار ...

"كيهضر وهو مزير ومحاملش راسو يقول هادشي ولكن لمقالوش عمرها غادي تفهمو ..زير يدو بجهد وكمل كلامو"..

- كاين حوايج لي كتغمض عينك عليهم وكاين حوايج لي خاصك توقف وترجع تفكر وتاخد القرار..

قطعاتو بصوت مخنوق: مقصدتش اجعفر والله ما قصدت داك لكلام..

جعفر: الهضرة لي قلتي هي فقط نقطة فحوايج كثيرة اعفراء ..وخا ندير لي درت كتبيني ليا ان هاد زواج نادمة عليه ونادمة بزااف ...

عفراء رجعات يديها لخدو دوراتو عندها كتشوف فعنيه ودموع على طول خدها كيهبطو مقدراتش تحكم فيهم ولا تحكم فصوتها الباكي.

-انا مندمناش حيت تزوجت بيك ومندمناش حيت ختاريتك ..نتا من لول كنتي اول اختياراتي ومكينش ليك بديل وعمرو غادي يكون..كاين جعفر واحد هو نتا..جعفر لي تربط مع سيمتي اول ما تزاديت.. ولد قبيلتي ولي كان ضهر لي كنتكا عليه..

"حطات جبهتها على جبهتو وهبطات برجفة قبلاتو بألم ونطقات حدا فمو"..

-متبعدنيش عليك اجعفر ..حيت لمكنتيش نتا انا عمري غادي نكون..

تحل باب لبيت ودخلو بأجسادهم متداخلة فبعض..

هازها بين يدو وهي مدورة رجليها على خسرو وداخلين فقبلة عميقة كياكلو شفاه بعض وكيشربو ريقهم بجوجهم وكل واحد كينصل لحوايح لتاني وعنيهم حاملة كل من الرغبة و الإشتياق و العشق..

خلاو كل صراعهم وكلام طويل لي ما عندو تا فائدة وخلاو الحكم لمشاعرهم لي غلبات كل عقلانية وخلات اجسادهم متشابكة مثل قلوبهم ...

ترماو فوق ناموسية بانفاس متسارعة واجسادهم كيدورو بحال شي تعبان كيتلواو على بعض و سرير كومة من نار

واجسداهم وحدها من تحترق..

وقف على ركابيه كيشوف فيهم بعنين معسلية وهي تحت منو عارية وانفاسهم متسارعة بالممارسة العنيفة و شوقها واضح ونضراتها كيطلبو المزيد من غزواته ولمساتها..

تبسم وهبط قبل شفتاها المنفوخة مثل كرز شهي وكيلمس نهضاها كرمانتان ناضجتان... وكينزل اصابعو على طول سرتها ويغرق في مكانها الدي يأتي منه كل الشهوات..

مغمضة عنيها بتأوهات صغيرة تتركه يرسم بأنامله خطوط لذتها ...

جسدها ساخن ككومة حطب ولمسات جعفر المتملكة تجهاها كأنها تخبرها ..

-ما أحرقك أتكتمين كل هذه النار ولا تنفجرين ..

بعد انعطافات عديدة من ممارسة شرسة بينهم جسدها ترخا وعينها كيتسدو بتعب تحاول النوم وهمسات جعفر في ادنها بكلماته الشديدة..

جعفر: لا تنامي سريري لم يدفأ بعد بك...

حلات عنيها كتحس بالإرهاق و تعب..شافت فشرجم بان ليها ضلام ..بغات تنوض وهي تمد يد درات على خصرها وجرها عندو بقوة دخلها فصدرو وكيهضر فعنقها..

جعفر : فين غادة..

عفراء: بغيت نشرب..

جعفر قبلها فعنقها و وقف مزال عريان..

-غير خليك انا انجيب ليك تشربي..

حل لماريو هز شورط قصير لبسو وخرج لكوزينة كيهضر معاها..

-تبغي تاكلي شي حاجة..

عفراء تكات على كرشها: ياك مكنتيش فدار اتكون تلاجة خاوية..

جعفر وقف فنص طريق ورجع عندها بإستغراب..

-مارجعتيش لدار من نهار خليتك عند والديك؟؟..

عفراء خبات وجها فمخدة حشمات..

-خفت نجي نشوفك ودور فيا مكنتش كنضن مكاينش فدار..

تنهد ورجع جاب قرعة لما عطاها تشرب وجلس حداها تكى ومخلي رجلي وطاوي رجل حاط فوق منها يدو وجسدو مطراسي وعضلاتو واضحين وخاتم زواح فصبعو كيلمع مع الضوء وكيشوف فيها بنضرات غير مفهومة..

جعفر: والديك مقالو والو..

عفراء بحزن: سولوني وما بغيت نقول ليهم والو لكن كنضن عرفو اننا مخاصمين ..

جعفر قرص ليها فمها : شفتي هادا فين كيوصل كون وزنتي هضرتك وسمعتي كلامي مكناش نوصلو لهادشي كامل..

عفراء بندم: ما حسيتش براسي كان عقلي مخربق وكلام خرج هكذاك..

جعفر تنهد بجده من شاف الحزن فعنيها..تحنا عندها باسها فخدها وغطاها مزيان..

-ما وقع والو دابا... ها حنا رجعنا وكل واحد عرف غلطو..

قبل ما يبعد دورات يديها على عنقو تعلقات فيه وعنقاتو بجهد ونطقات من كل قلبة..

-كنبغييك..كنبغييك بزااف كثر ما تصور ...

دور يدو على خسرها طلعها نعسها فوق منو وتبادل هو وياها عناق طويل بصمت و انفاسهم كتسمع فالبيت وهدواء مريح داير بيهم حتى نطنقات بصوت تقيل..

-عفراء: فين كنتي..

جعفر بنفس اللهجة كيشوف فسقف: مشيت لقبيلة ..

عفراء هزات حجابها وحسات بقلبها بدا كيتحرق..

-شكون هدا لي شدك سيمانة كاملة فالقبيلة ونساك فيا....

تبسم نصف ابتسامة وهز ليها راسها لعندو ..

جعفر: رجعنا عوتاني اجهم الكحلة ياك عاد تصالحنا..

عفراء بنضرة تقيلة : شكون اجعفر؟؟..

هز راسو كيضحك ومشا معاها فالخط..

جعفر: أية..

تقرصات بغات تنوض من فوقو وهو زير عليها مخلهاش وكتحاول تحكم فراسها وشداتها البكية مبغات تقول والو وتندم عليها..

عفراء: بغيت نمشي لحمام..

جعفر لي شاف كل المشاعر مخربقين فملامحها زاد زير عليها ونطق بصوت حنين ....

-شغادي ندير ليك اعفراء اتحمقيني شي نهار بتصرفاتك...

عفراء بصوت مخنوق : ما درت والو بغيت نمشي غير لحمام..

جعفر بحنية حط يدو على خدها فيكسا وجها مع وجهو..

جعفر: وانا ممنعتكش وهادشي من حقك تسولي عليه علاش دغيا تقلقتي..

عفراء مشاعرها مخربقين وكتحس براسهم ولات هشيشة ودغيا كتقاص ودموع عندها رجعو عل سبة..

هزات كتافها بحزن ..

-خفت نقول شي حاجة ودابز معايا ..

جعفر:كلام لي كيقلقل راه باين اعفراء متخلطيش كلشي ..

حركات راسها وكتمسح دموعها: وخا..

معفرش مالها ممولفش يشوف هاد عفراء بهاد طريقة ..وقف كيقيص ليها جبهتها يشوف واش فيها سخانة ولا كضرها شي حاجة لكن ما لقا والو وتغيير فتصرفاتها جاب ليه شك..

جعفر: واقعة شي حاجة ..

عفراء: لا..مواقع والوو..

جعفر بشك: ومالكي دغيا وليتي كتبكي..

عفراء مسحات دموعها بزربة: غير البعد ديالك ضرني بزااف ومقدرتش عليه...

دخلها فوسط حضنو مزير عليها ونطق مزير..

جعفر: سمحي ليا مكانش عليا نبعد هاد المدة كاملة ...الغضب عما ليا عنيا ونسيت انكي مزال فوقت العلاج ديالك وخاصك راحة وتبعدي على المشاكل ...

اعتذارو زاد فصوت بكاها كثر ..ديما هو ليي مفكر فيها وكيطلب سماحة وكينسى كلشي..زاد ضرها قلبها من تصرفات ديالو تجاها ولي مكتستحقهمش بأفاعلها ..وهو كيقبلها فجبهتها وكيحاول يسكتها...

جعفر: ششش صافي مغاديش نعاود واخر مرة انبعد عليك..

هز تريكوه كيمسح ليها دموع وكيرجع ليها شعرها لور ومبتاسم بحنية..

جعفر: علاش كتعدبي هاد العوينات شوفي كفاش تنفخو..

عفراء مسحات نيفها فتريكوه ومزال قلبها ممهنيهاش..

-علاش مشيتي لقبيلة..

تبسم بلا حول ولا قوة ليه معاها..

جعفر: مشيت نهضر مع اية ونقاد الأمور تم ..

عفراء : علاش..

جعفر: كمال طلب يديها مني وهي وافقات تزوج بيه وشهر جاي ايديرو العرس..

عفراء شهقات بصدمة : كفااش ولكن هو كبر منها بـ 22 سنة..

جعفر هز يدو بجوج : هادشي علاش تعطلت سيمانة كاملة باش نفهم اش وقع وشنو لي خلاهم يوافقو بهاد سرعة ولكن ما لقيت والو هي باغية وهو باغي وانا ماعندي ما ندير من غير نوافق على هاد زواج ...

كتمشى بين الكوزينة وطبلة ديال الاكل كتحط فيها الفطور البسيط لي وجدات ولي كتعرف ليه وخا قليل لكن دايرة مجهود..

لابسة قميص ديال جعفر كتشم فيه ريحتو لي ولات كتعجبها بزااف و رجليها صغيورين وحمرين من لتحت كتمشى غير على اطراف اصابعها..

خرج من دوش كيشوفها اش كدير وتبسم ابتسامة صغيرة هز صندالة ديالها مشا حطها قدامها..

جعفر: لبسي صندالة متمشايش حفيانة..

عفراء : وخا..

قربات عندو حطات نيفها فعنقو شمات بقوة وتنهدات براحة عاد بعدات ومشات كتكمل شغلها وهو بقا فبلاصتو مفاهم والو بتصرفاتها..

تبعها ملوي عليه غير فوطة على خسرو وشعرو كينزل منو الما وكيهبط ببطئ على طول عضلات ديالو ..

وقف وراها مستغرب فالحالة لي كدير ..

جعفر: شنو كديري..

عفراء تعصبات فالعجينة لي فيديها..

-بغيت نصاوب حرشة و مبغاتش تجمع العجينة فيدي...

جعفر كمش حجبانو: مولفة تصاوبها ولا اول مرة..

عفراء: اول مرة ولكن درت داكشي لي طلع ليا فاليوتيوب ومبغاتش تجمع ..

هز تليفون كيتفرج فالفيديو وجرها لور غسل ليها يديها من العجينة ..

جعفر: انا غادي نطيبها ونتي شوفي كفاش كنصاوبها..

وقفات حداها متبعة معاه وهو حيد ديك العجينة لي صوبات وجاب مقادير جديدة وبدا كيخلط حسب الفيديو ..

عفراء متبعة معاه وهو متبع الفيديو حتى صاوب الحرشةوطيبها وحطها قدامها فوق طبلة وهي بقات كتشوف بعصبية معجبهاش الحال..

عفراء: ياك قلتي مكتعرفش طيب..

جعفر : وي مكنعرفش وتبعت غير الفيديو..

عفراء: وعلاش انا تبعت ومصدقش ليا..

جعفر تبسم كيشوف فيها : مرا خرا و تصدق ليك ، تا حاجة مكتصدق اول مرة..

عفراء : وعلاش نتا صدقات ليك اول مرة..

جرها كيضحك جلسها حداه وعطاها كاس حليب وبدا كيصاوب ليها شكلاط فالحرشة ..

جعفر: ياك بغيتي الحرشة هاني صاوبتها ليك علاش هاد تقليقة كاملة ..

هزات كتافها وبدات كتاكل بصمت وهو حداها غير كيضحك بتصرفاتها الطفولية ..

كمشات حجبانها وبدات كتشمش مخسرة ملامحها..

عفراء: كتشم شي ريحة..

جعفر بدا كيدور فراسو جابت ليه شك ..

-نو مكاينة تا ريحة ..

عفراء حطات يديها على نيفها ..

-افففف ريحة لبيض خانزة..

جعفر بدون فهم: ياك كيعجبك تفطري بيه..

عفراء رجع وجها حمر شداتها ردا..

-يععععع شهاد رييحة يا ربييي...

وقفات مشات لحمام كتجري ردات كل لي كلات وجعفر حداها كيجمع ليها شعرها لور مخلوع من لونها لي رجع صفر كتبان عليها حالة المرض..

عاونها غسل ليها فمها و وجها ومسح ليها وهي ضباة على عنيها حاطة يديها فوق معدتها وريحة مزال ما بغات تحيد من نيفها..

خرجها جلسها فوق ناموسية كيضرب ليها حناكها بشوي..

جعفر: شنو لي كيضرك اعفراء نوضي نديك لطبيب..

شدات ليه فيديه مزيرة : بلاش كضرني غير معدتي وريحة ديال لبيض دوخاتني..

جعفر بعصبية : نجيب ليك دوا ديال المعدة..

حركات راسها برفض وحطات راسها فصدرو وريحتو غلفاتها عاد حسات براحة ..

عنقاتو بقوة ونطقات بحب..

عفراء: خليك غير نتا معايا موحشاك بزااف ...

قاد ليها لبلاصة ترتاح وخرج جمع طبلة ورما البيض لي معجبهاش وقاد شكلاط مع كاس حليب و الخرشة فبلاطو ودخلو ليها لبيت نعاس تكمل فطورها وهز ريحتو رشها فالمخدة لي ناعسة عليها باش ترتاح وجلس حداها كيشوف فيها وهي كتفطر وتحك فعنقها لي واضح فيه الخط ديال الغراز لي بداو كيبراو ..

حط يدو على مكان الجرح...

جعفر:مزال كيضرك..

عفراء:لا مبقاش كيضرني .."مسحات فمها "..مقلتيش ليا شنو ادير فعرس اية ..

جعفر تنهد بشوي: انوقف معاها تا تدير العقد ولا بغات العرس انديرو ليها ...

عفراء تبسمات: غريب هادشي سبحان الله كفاش ربي حطها فطريقك وعاونتيها بهاد شكل بدون مقابل..

جعفر: شكون قال ليك بدون مقابل!!!..

عفراء بدون فهم: كفااش..

جعفر: مكاينش شي حاجة كدار بدون مقابل اعفراء غير هو كاين اختلاف وانا كندير هادشي لوجه الله كنوجد مقابل لأخرتي اما مقابل لدنيا معندي ما ندير بيه ...

عفراء تبسمات: فرحاتك كدير لخير وشاد طريق وكتصلي وتصدق وكلشي مكرهتش نكون بحالك ولكن الشيطان خايب ...

جعفر بدا كيحك لحيتو وكيحرك راسو بهدوء ونطق بشوي..

-مزال كتصلي..

عفراء نزلات راسها بحرج : من دخلت لصبيطار معاودت صليت..

جعفر : زعمة راكي وصلتي لموت خاص جبهتك متهزش من لارض..

زاد طغا عليها الخجل بزااف: نسيت..

جعفر: صلاة اعفراء مافيهاش نسيت شوفي نتي غبت عليك غير اسبوع وشوفي شنو درتي فما ادارك بهاد الغيبة لي غبتي على الله وصلاتك لي قطعتيها...

عفراء عضات فمها مقدراتش تهضر وهو كيهضر معاها نيشن و كينصحها مكيزينش الكلام ولا كيدللها كيف ديما ..

جعفر: نتي محسبوة عليا قدام الله ونهار نوقفو قدامو اول واحد ايسولو على صلاتك هو انا و علاش مببزتش عليك الصلاة ...

جمعات الوقفة وجها حمر: وخا انوض نصلي دابا..

شدها من يديها جرها جلسها فوق حجرو وحط يدو على خدها كيلعب فيها بحنية..

جعفر: متقطعيش صلاة ديالك وانجيب ليك كادو فلخر ديال العام..

عفراء بعيون كيلمعو: بصح ؟؟..شنو اتجيب ليا ..

باسها في فمها بحب..

جعفر: اناخد ليك طونوبيل وختاري نتي نوع لي بغيتي..

خرجات عنيها مصدومة..

عفراء: وااش كتهضر من نيتك..

جعفر تبسم: لكن شرط هو عمرك تقطعي صلاة ديالك و ديما تصلي فالوقت وزائد خاصك تولي تلبسي طويل وديري الحجاب انا مكنبززش عليك ولكن بغيتك ديريه بخاطرك وعلى قناعة والصلاة غادي تهديك نشالله ...

حركات راسها بفرح وباستو فخدو بجهد : وخا عمري نقطعها ..

ناضت تمشي توضا وهو يشدها ورجع جلسها فمكان لي كانت فيه..

عفراء بعيون كيبريو مزال فيهم الفرحة : مالك..

جعفر بحنية: مزال کـادو اخر..

عفراء هزات راسها كضحك كيف شي طفلة شداها الفرحة من صبعها صغير..

-وشنو هو !!..

جعفر دور ليها شعرها ورا ادنها : سورة البقرة لحفظتيها كاملة انرسلك لحج نتي و والديك ...

تجمدات ليها ضحكة فوجها وبقات كتشوف فيه بصدمة وبزز باش نطقات..

-كتهضر من نيتك ..

جعفر حرك راسو بالايجاب: كنهضر من نيتي وقت ما حفضتيها غادي نرسلك نتي و والديك لمكة تحجو..

نقزات عليه عنقاتو بجهد كضحك من نيتها وهو دور يدو على خسرها قبلها فعنقها...

جعفر: متافقين..

حركات راسها بسرعة : اه متافقين..

وقفات ومشات لدوش توضات وخرجات لقاتو مفرش ليها صلاية وهاز عباية ديالها لي كتصلي بيها...

عاونها تلبس وقاد ليها زيف وخلاها تمشي تصلي وهو توجه لبيرو هز القرأن وفرش فلارض وجلس كيقرا فنفسو كيتسناها تسالي وتجي تقرا هي وياه ويزيد يشرح ليها ويعاود ليها قصص عن السيرة النبوية يزيد يحببها ويخليها تبحت و يكون عندها فضول تجاه دين اكثر..

كيف عادتو كيوصل ليها الفكرة بهدوء وكيحبب ليها الحاجة بطريقتو..

واعدها بكادو اذا مقطعاتش صلاة والنتيجة هو من اتولف صلاة متقدرش تقطعها لأنها كتولي جزء من حياتنا بلا بيها يومنا ميدوزش ..

ومن واعدها بالحج هي و والديها اذا حفظات سورة البقرة حيت من تم كتجي الهداية ومن تم البداية اذا حفظات سورة من القرأة ربي ايهديها تحفظ القرأن كامل..

هو كيدفعها فقط بشوي مع بعض الماديات لكن الهداية كتجي من الله و الولف على الشيء كيولي طبع فالإنسان وجزء كبير منو ميقدرش يستغنى عليه ...

تجمعو راس فراس هو كيقرا بصوت جميل وهي متبعة معاه حتى وصل لعصر ..وقفو بجوج صلاو هو القدام وهي وراه..

سلاو وتوجهو لبيت نعاس بدلو حوايجهم وخرجو كيدورو فوسط المدينة دايرين يد فيد وشادين طريق كيهضرو ويضحكو ناسين دنيا ومركزين مع بعضهم ..

حيدات صندالة وهزها ليها هو بيد ويد الاخرى شاد بيها يديها وهي مخليا رجليها تقيص لما ديال لبحر والبرودة كطلع معاها كتخليها ضحك بحال شي طفلة فرحانة وعاجبها الحال تكون معاه وتفدي شوقها ليه ..

عنيهم فقط على بعض ممصوقينش لبنادم لي معاهم ولا العيون الحزينة لي كتراقبهم من مكان بعيد وكتشوف الفرحة فعيون عفراء وتصرفاتها الطفولية وجعفر لي كيشوف فيها بحنية وقابل على تصرفاتها وكيدلعها ...

هبطو ليها دموع بألم تمنات تكون هي بلاصت عفراء..

تكون هي لي شادة فيدين جعفر كتبتاسم ليه وضحك معاه وهو كيبغيها ويدللها بحال شي طفلة صغيرة بين يديه ..

لكن للأسف جعفر لي بغاتو سنين عمرو كان ليها ولا فكر فيها ولا عطاها امل انها تكون شي حاجة فحياتو...

فكافي قريبة لبحر جالسين بجوج راس فراس... اناس مبرد وممصوقش لابس ملابس رياصية وشعرو فازگ واضح كان كيتريني ..

وقدامو جالس سليم لابس ملابس عادية وباين معصب ومباغيش يهضر ..

هاز فيدو كاس عصير كيشرب منو بشوي ومضور راسو لجهة اخرى حاضي نقطة وحدة وسليم هضر بزز منو ..

سليم: من جلسنا ونتا كتشوف داك القنت اش فيه ..

اناس ضحك عادي: كاين توت تبغي ضوق ...

خنزر فيه سليم ماكرهش ينوض يصلخو لكن عارف اناس متريني عليه كثر ومدرب على فنون القتال والتيكواندو مغاديش يقدر عليه ..

وهو بعيون بحال صقر كيشوف فجهة الاخرى وحجبانو مكمشين ضربو سليم لي محاملش يهضر معاه ..

-زيد قدامي..

رجع كيشوف فيه بغضب..

اناس: نتا مال ديلمك منفخ عليا بحال المرا لي شدها وجع الولادة..

سليم مخنزر كيشوف فالبلاصة لي كان كيشوف فيها..

-مزال ما باغي توب گاع صداع لي ناض ومزال عينيك تابعة العيالات..

اناس: صوقي هذاك نتا اش مشا ليك..

سليم شد راسو معصب معاه..

-عااد تصالحنا مع جعفر وسدينا الأمور معاه متزيدش تكفرو علينا كثر ما هو كافر..

اناس هز كتافو ورجع كيشوف فالمكان لي واقفة فيه انثى بحجابها الطويل ودايرة خمار مغطي وجها كيبانو غير عيونها السوداء و رموشها الطوال كتحركهم بشوي وهو ساهي فيها نسا صوت سليم لي كيهضر معاه ممصوقش..

وقف مدخل يدو فجيبو وتبسم نصف ابتسامة..

اناس: عندي ما يدار سبقني نتا الاول..

شدو سليم من دراعو بغضب...

-البنت باينة ماشي ديال داكشي لي فراسك وباين عليها كبر منك..

اناس ضحك بجنب: داك نوع هو لي كيعجبني..

نفض يدو من يد سليم وتوجه لجهة انثى وسليم من وراه معصب خلص القهوة وخرج مشا بحالو مبقاش مصوق ليه يدير ما بغا مغاديش يبقا ديما تابعو ..بارك غير الحبس لي كانو ايمشيو ليه ويخرجو على حياتهم ..

اناس لي مزال راسو قاصح وعمرو يتوب توجه عند الانثى بعيون كتحمل مكر وفنصف طريق توقفات اقدامو من شاف دموع لي كينزلو من عيونها الحزينة وكيهبطو ببطئ وكيختفيو فخمارها الأسود...

حس بقلبو مزير ممرتاحش وببطئ زاد قرب عندها وتبع نظراتها لتجاه لي كتشوف فيه وهو يتزير وعينو تحولو للبرود بسرعة قرب عندها جرها من يديها دورها عندو كاملة تصادم جسدها مع جسدو بقوة وهي بخوف هزات راسها لعندو وهو كيشوف فيها بغضب نطق بين سنانو...

اناس: راجل عمتي هذاك لي كتشوفي فيه ابنت الكلب...

*****

مكانتش مهتمة بناس لي دايرين بيها بل بقات عنيها فقط على جعفر وكأنه هو العالم ديالها..

كتبتاسم من كتشوفو تبسم وكتمعن فشفايفو من كتشوفو كيهضر وكيتزير قلبها من كتشوف نضراتو لعفراء..

معرفاش باش حسن منها ولا شنو لي غلطات فيه باش ميبغيهاش جعفر..

كتسول راسها واش ناقصة من شي حاجة معندش الإناث ،واش هي خايبة باش مدخلش ليه لعينو ويبغيها كيف بغا عفراء....

كل اسألتها كيزيدو يقهروها كثر ويمرضوها فصحتها ويزيدو يحطمو قلبها لي محطم اصلا ..

غمضات عيونها كتحس بروحها اتطلع وسخانة مغلفة كل جسدها مشوشة على تفكيرها ورغم سخانة لي فيها الا انها بززات على نفسها تجي تشوفو ولو من بعيد فقط وتسقي وحشها ليه ...

تنهدات بصوت مرتفع وقبل ما تغادر هزات عيونها بكل حزن فجعفر وكأنها اخر نظرة ستأخدها له ..

كأنها تودعه و تخبره انه الوقت لنهاية حبي لك ومغادرتني لك ..

بلسانها تردد قصيدة كتبتها قبل سنوات عندما كانت تحبه سرا ولم تجرأ أن تبوح له بكلمات حبها إتجاهه..

أنت الوحيد ...

أحببتك بجنون وامتلكت قلبي..

ولم ينبض لأحد سواك..

وكاني لم اعرف أحد قبلك..

ولكني أعيش مأساه حين اعرف...

أنك لا تريدني واعرف حاجتي إليك وحاجتك ليست اليي..

لهذا لا أستطيع الإقتراب منك..

أحبك...

واقولها بقلبي ... اكتبها على الصفحات وفي كل مكان...

يعلم بها كل من حولي انها لك انت لوحدك

أحبك..

ولكن لم تستطع ان تقبل حبي لك ..

أهو عجز ام حياء ....

لست أدري...

فصوتك يفتك بقلبي...

وإحساسك يصلني...

ووجودك سر سعادتي...

لا تنسى فقط أنني أحبك وبكل جنون الحب احبك ....

بدمعة نازلة دارت عاطية ضهرها اتجاه جعفر وعفراء وخطات خطوة متوجهة لسيارتها ..وإذا بيد كتجرها عندها بقوة وجسدها تصادم مع جسد فولادي قاصح ..

بخوف هزات عيونها تجاه شخص لي دفعها وصوتها وحل فحلقها بنضراتو القاتلة وتنفسو الهائج لي كتحس بيه تحت خمارها ..

زاد ورك على دراعها بقوة وهى صرخات بألم وهو نطق بغضب لكن سمعات من كلماتو فقط..

"راجل عمتي"..

بسخانة لي فيها والخوف لي حسات بيه بجرة لي جرها فقدات الوعي بين يدو وهو تجمد فمكانو من شافها طايحة بسرعة جرها عندو دور يدو على خسرها عنقها وهي فاشلة كيحاول يفيقها لكن بدون فائدة ..

فور ما حط يدو على خدها حيدها بزربة بسخونية لي حس بيها..

بعصبية دور يدو تحت رجليها ويد تحت ضهرها هزها بين يدو وتوجه لسبيطار كيجري مفقوص...

اناس: زهري هاد نهار غير مع المشاكل ...

دخلوها لصبيطار علقو ليها المقوى ودگو ليها برا وحطوها فغرفة بوحدها ..

بقا كيطل عليها بنضرات غير مفهومة ومتبع عنيه لطبيبة لي كتقيص الحرارة ديالها و الممرضة لي كتحيد ليها الخمار وببطئ هزاتو وبدا كيوضاح ليها وجها وملامحها الفاتنة ..

تصمر فمكانو وقلبو حس بيه طلع وهبط بسرعة ورجع كيضرب بجهد و وجهو حمار وتنفسو تسارع..

بزربة دور وجهو لجهة الأخرة مزير وخا شاف زين تا شاف ولكن بحال زينها عمرو شاف كتخطف لقلب و الانفاس ومن حس براسو ماشي هو هداك قرر يخرج يمشي بحالو ويدير راسو بحالي عمرو عرفها ولت شافها ..

مكيحكلش شي حاجة تأتر عليه ولا تحرك قلبو ...

تم خارج وهو يوقف بالممرضة لي وقفات قدامو ومدات ليه ورقة..

-سيدي خاصك تعمر هاد لورقة بمعلومات طبيب وتخلص الغرفة لي جالسة فيها الزوجة ديالك..

شاف فيها مخنزر..

اناس: عندكم وطيل هنا وانا مفراسيش فين عمر سبيطار ديال دولة كنخلصو فيه شي ريال..

الممرضة : سيدي هدو هما القوانين خاصك تخلص لي عليك .."مدات ليه ورقة اخرى" ..وهذا دوا لي خاصك تشري لمدام ديالك..

هز حجبانو كيشوف لورقة لي عامرة دوا شداها مفقوص...

اناس: وجهكم صحيح كتسرقو بنادم عادي ممصوقينش لولاد شعب..

الممرضة لي مهتماتش بكلامو وهي شافت لباس لي لابسة فاطمة وكلو ماركة غالية ومكيلبسوه غير لي لباس عليهم..

-كيف قلت اسيدي هذا هو القانون بغيتي تخلص مرحبا ما بغيتيش ممكن تهز مراتك وديها لصبيطار اخر..

اناس ضحك معصب جبد بزطامو وداكشي لي عندو خلص بيه صبيطار مبقاتش عندو ريال كدور..

دخل لغرفة لي فيها فاطمة وقف حداها وهز اصابعو حطهم على جبهتها وببطئ حيدهم ونطق بصوت تقيل..

اناس: هاد لفلوس لي حطيت عليك غادي تخلصيهم مزياان ...

تبسم نصف ابتسامة وخرج نيشن لزنقة هز تليفون دور لسليم لي جاوب معصب..

سليم: شووف وخا تكووون فيك الموووت وشاادينك لي ميتشدوو والله لا جيت عندك ولا عتقتك..

اناس خسر ملامحو: نتا مال مك باغي فيا غير الكسايد..

سليم: حيت اولد لحرام كتعيط ليا غير على الكسايد بحال وجهك..

اناس صاط بجهد: صافي يرحم طواسلك سد عليا هاد الموضوع ووجيب ليا شوي ديال لفلوس محتاجهم ضروري..

سليم بحدر واضح فصوتو: شدوك لبوليس؟؟..

اناس :شدوني لكلاب لي يفرسو ديلمك ...

سليم: وشنو باغي هاد لفلوس..

اناس: خاص نشيري شي دوا لواحد خيتي ولفلوس لي عندي خلصت بيهم صبيطار وخاص نخلص تا دوا ...

سليم قفز من بلاصتو نفس تقطعات ليه وصرخ برعب..

-متقووولش ليااا ديلمك حاااااملة منك ...

اناس ما كرهش يخرج ليه من تيلفون..

-الله يلعن *امل بوك اولد الحرام باغي ليا غير المصايب لي يغرقو ديلمي..

سليم: نتا اصلا فين عمر مك مغرقتيناش ..

اناس صاط بجهد: دابا اتعتقني وتجيب ليا لفلوس ولا نضبر لمخي..

سليم تنهد: اخويا عندي غير ربعين الف مخبيها معول نشري سنسلة دهب لديك المسخوطة لي عندي فعيد ميلادها..

اناس هز حجبانو: ياك أحبي كتخبي عليا ريالات..

سليم: ماخبيت عليك والو فلوسي كنقسمهم معاك اما هادي لي دكرت مخليها فجنب جامعها لزليخة ...

اناس: وراك عنيييبة مع راسك..

سليم: لي موصل لعنب يقولو عليه حامض احبي..

اناس: شفتي نتا والله لاطفرتيه وعرفتي ديك نص بلاصة لي تابعها هي لي اتشحف ديلمك وغير صبر وتفكر كلامي لماتزوجات بشي شارف ملعق فلوس وتخدمك عندها تجفف ليها دروج اجي دفل على وجهي..

سليم جعر: فيينك اولد الحراام هااا لفلوس لي بااغي هاني جاايبهم الله يعطي لديلمك تشتيتة فهاد نهار تابعني تا بدعاوي..

قطع عليه وهز لفلوس مغدد وخرج غادي عندو معصب..غير بان ليه مشا عندو كيجري بداو كيدابزو كيف البراهش واحد يضرب تاني و واحد تابع الاخر كيف لفلالس..

اناس: وصااافي سخفتي ديلمي جاي بعجاجتك..

سليم عطاه لفلوس كينهج : باش هاد لمرا تقاد فمك تاال لزليخة أ اناس منعتقكش..

خدا لفلوس كيحسب وهز حجبانو فيه..

اناس: شفت هادي غير 700 درهم ..

سليم: نتا واش كضحك عليا ولا كتهضر من نيتك ..

اناس خبا لفلوس فجيبو كيضحك : مكنتش عارفك رومنسي اصاحبي سنسلة ديال ذهب گاع ..

سليم دور شعرو لور: حبي وتستاهل كثر..

اناس هز راسو كيضحك: طحتي اصگع طيحة خايبة ..

سليم هز كتافو كيفرنس: هي لي قلبات عليا اما انا كنت عاطيها تيقار هي لي جبداتني بحال لفعة ..

اناس: غير من عرفها لفعة راك مزال بعقلك..

سليم: ونتا شكون هاد خيتي لي لصقات فيك هاد لمرا..

اناس عطاه بضهر متوجه لفرماسي..

-ماعندك علاش تعرفها ....

تا هو معاودش سول توادع معاه وشد طريق راجع لدارهم..

وقف مكمش حجبانو من سمع صوت اناس مخلوع..ضار عندو وهو يتجمد فمكانو من شاف جعفر واقف قدام اناس..

بغا يهرب وهي تجي عنين جعفر فيه وبحركة من عينيه سرط ريقو بصعوبة وهبط راسو مشا وقف حدا اناس بقاو كيشوف فبعض بنص عين وجعفر واقف عليهم لابس ملابس سوداء وهاز محفضة فيدو ديال الاوراق وكيشوف فيهم مكمش حجبانو ونطق بشوي ..

جعفر: كيف بقيتو..

اناس نغز سليم لي نطق كيتفتف..

سليم: حمدلله اخويا مزيان اصلا يضربنا غير لي يخاف علينا..

هز حجبانو كيشفو هاد جوح حلاقم لي مكيحشموش..

جعفر: علاش مرجعتوش تقراو...

اناس مزير: عطلة ...

جعفر صاط بجهد: كنهضر معاكم علاش كتشوفو فالارض..

هزو راسهم ورجعو كيشوفو فيه حاضين معاه ليضربهم ..حرك راسو تجاه سيارة...

جعفر: عندي ما يدار تمشيو معايا وغادي نخلصكم..

سليم بشك: فاش اخويا محتاجنا..

جعفر :نمشيو وتعرفو ..

اناس هبط راسو: عندي ما يدار منقدرش نمشي..

جعفر مهضرش بقا غير كيشوف فيه واناس ما حاملش يبقا واقف رجع لصبيطار وخلا سليم واقف حدا جعفر لي بقات عينو متبعة اناس ونطق بهدوء...

-مالو؟؟..

سليم: مديش عليه دابا يبرد و يرجع ..

تبسم نصف ابتسامة وجر معاه سليم ركبو فسيارة وشدو طريق نحو كازا ببنما اناس

شرا دوا ورجع لصبيطار بصمت ..

في مكان بعيد امام لفاك واقفة بإنكسار ودموع فعنيها مهبطة راسها بعد ما شافت خاتم زواج فصبعو ..

خنقاتها البكية وزادت زيراتها ومرضياش تبكي و مقدارش تهضر بينما هي واقفة قدامها بكل شموخ هازة راسها لفوق وكتشوف فيه بكل استهزاء مبتاسمة بجنب فمها، وكطلع فيه وتهبط خلاتو يرجع حمر..

امين : انا كنهضر مع مينة ماشي معاك ..

عفراء بكل برود : مينة معندهاش وقت ليك ولا تنزل مستوها و تكلم معاك ...

امين معصب: شمن مستوى عندكم نتوما ...

عفراء هزات حجبانها : بنت خويا لى مربية وراقية و مأدبة ..معندهاش مع الهضرة الخاوية ومستواها عالي عليك بزاف باش ترد عليك ولا تعطيك وقتها ولكن انا لا ...انا ممربياش وقبيحة وممزياناش هادشي علاش انا لي غادي نعطيك خو كلامك حيت مكتسواش ...

كتشوف فيه بكل غضب وكتهضر بكل برود بينما هو بدا كيتعصب بكلامها..

امين: عنداك تصحابي غادي نبقا ساكت ليك كيف كنت ..حسن ليك حيدي من قدامي انهضر مع مينة جوج هضرات و نخليها..

عفراء بعصبية: واش مكتفهمش ولا ماالك ميينة مبغياااش واحد بحاالك ياك تفارقتو وكل واحد شد طريقو شباغي مزاال عندها..

امين: مااشي صوقك الهضرة بيني وبينها نتي اش دخلك..

عفراء: بنتي لي مزال ما تعلمتي ومابغيتيش دخل سوق راسك وتفرق عليك بنت ناس..

تقدم دفعها وبغا يجر مينة لي وجها رجع شاحب بغات تهرب منو وهو شدها من يديها معصب..

رجعات ليه عفراء بالغضب وطيارة لي فيها غرسات ليه ضفارها كاملين فوجهو جراتو خلاتو يصرخ بألم وبعد منها شاد وجهو ...

رجعات مينة وراها مخبياها وكلها كترعد وكتسوط بجهد..

عفراء: كوون راجل الحمار وسير هضر مع سيادك متجيش تبين صحتك على نسا..

امين مبقاش كيشوف قدامو هز يدو ضربها بجهد لحنكها خلا دم يهبط من نيفها وطيح كاملة فالارض دنيا ضارت بيها...

مينة كترعد هبطات كتغوت وكتبكي وتجر عفراء لعندها..

-شبغييتي عنديي ياك تزوجتيييي علاااش مزاال كتقلب عليااااا...

امين رجع وجهو حمر مخنزر فناس لي كيشوفو فيهم وتا حد ما قدر يتدخل وكيهضر بين سنانو...

-دغيا نسيتيني وقلبتي فجهة خرا مرضياش تهضري معايا ...

مينة بالم: نتا لي تخليتي عليا وتبعتي مك بحالي عمرك عرفتيني..

امين بغوات: كااان عليك ديك سااعة تا نتي تبعييني وديري يدك فيدي ...

عفراء وقفات مجننة مبقاتش مسوقة لناس ورجعات كتغوت بحال الحمقة ..

-وااااش مريييض فراااسك ولااا ماالك .."دفعاتو معصبة"..البنت ماااشي دياالك وهاد الهضرة دخلها لرااسك وديير نفس بحال سياادك الكلب وحااشة واش نشبه واحد بحاالك بالكلب حيت الكلب بعدا كيعقل على خير سيادو ولكن نتا غداار كتعض ليد لي تمداات لييك شفتيها متصوقاتش ليك تزوج ولا ضبر لمخك ومبغاتش دوز ليك جيتي تبين دل ديالك ونتا كتصحاب راسك رااجل اشماتة ..

بالهضرة ديالها لي سمماتو وحيدات ليه العقل لي يفكر فيه رجع بغا يضربها وهي تخوي ليه وبطيرة لي فيها هزات حجرة وعطاتها ليه مباشرة لراس خلات دمو ينزل ويطيح فالأرض غارق فدمياتو خلا كلشي يصرخ وعاد بداو ناس لي كانو يتفرجو يتحركو عيطو لبوليس لي بعد دقائق حضرو وعفراء مزال جامدة فمكانها بصدمة ومينة بالخلعة صخفات فبلاصتها..

يتبع...