محتوى القصة
خرجات غضبانة وعفراء من وراها كضحك ...
عفراء : اجي الكارتة راني غير كنضحك معاك..
مينة : سيري بعدي مني أعمتي هذا ضحك يضحكوه ناس....
عفراء : راني غير بغيت نبدل الجو تخنقت و مبقيتش قادرة على الحزن ...
خرجو برا وقفو حدا سيارة جعفر و فهاد اللحضة توقفات سيارة خرجات منها اية و الحاجة لي سلمات على عفراء و مينة ودخلات عند ناس بقات اية واقفة حداهم ...
أية كتشوف فعفراء : زين كبر الكرشية ...
عفراء بعيون كيبريو : شفتي شحال ولات كبيرة..
اية : غير قولي ليا كفاش كتقدري تنعسي ...
عفراء ساطت بجهد : متفكرنيش كنعس معدبة وكيزيدو يركلوني فكرشي اما واحد فيهم ديما حاڭر ليا غير على المعدة كيبقا يركل تا كنرد كلشي كيعدبني المسخوط لخر...
بدات اية و مينة كيضحكو ...
مينة : شفتي نتي حمقك هاد الحمل وانا دايرة فيك راسي...
عفراء حلات فمها اتقول "دابا تجربوه " وهي تسكت من تفكرات حالة أية و بزربة بتسمات وعنقات اية رجعات كتحماق عليها...
- نولد غير شي وحدة بحالك ازين و الله يجعل البركة...
اية كتفرنس : ولا جاو كلهم دراري...
عفراء بنفي : كاينين تلاتة ديما كيركلوني قاتليني ولكن واحد لي مرضي تبارك الله مكيركلنيش باين اتكون بنت ضريفة بحال باها...
مينة قلبات عنيها : عنداك غير يكونو هادو لي كيضربوك كلهم بنات يجيو جهنم كحلة بحالك أعمتي و داك لي مكيضربكش و المرضي هو الولد ضريف و و صبار وولد ناس بحال باها....
عفراء كترمش هادشي مطاحش ليها فراس و شكلها خلا البنات يضحكو من نيتهم ...
وصلها ميساج فتليفون هزاتو كتقراه و هي تبتاسم من شافت جعفر كيوسل واش عيات و بغات ترجع دار ترتاح ...
ردات عليه انها مرتاحة بلا ميشغل راسو بيها ..
مينة تعصبات : غير لي بغا يتصاحب مع عيالات مزوجين كتركبو فبنادم لغيرة بلا ما يحس...
اية عنقات عفراء و غمزات مينة...
-دابا يجيك الالة كيشالي فوق عودو ...
مينة : اودي غير يجي بلا داك العود درتو فيا الجفاف العاطفي ...
عفراء تبسمات و نغزاتها فجنب ..
- شوفي جمال كيف حاط عينو عليك...
دارت كاملة كيف الكاميو كتشوف جمال وهي تجرها عفراء و أية غطاتها مخنزرين فيها..
عفراء : مال مك بقرة ناس كيشوفو غير بجنب عينيهم مكيدوروش ديك دورة ديال الكاميو...
مينة : ونتي اعمتي لي قلتي ليا شوفي...
اية : شوووفي الكارتة ، ماشي دووري دابا عاد عرفت مال سيد عيا ما يبين ليك اعجبانو ونتي الله يجيب غير بقرة وتقول موووووو...
مينة بقا فيها الحال : دابا تجمعتو عليا يااك تزوجتو وبديتو كتنفخو...
عفراء بغات تاكلها : شفتي اختي اية معامن عايشة غير لي يضربها بشي نتفة يفيق داك راس لي مبغاش يخدم..الالة كنقولو ليك سيد طايح فيك وباغيك غير تعطيه و قت و تشوفيه ونتي فين ما تشوفيه تعيطي عليه خويا واش ولداتو مك ونساتو ولا مال طاسيلتك...
مينة : وشنو بغيتو نعيط عليه سيد صاحب جعفر وانا جعفر كنحتارمو بزاف منقدرش نهز فيه تا العين بقا غير صاحبو نشد معاه الكلام...
عفراء : اوا بقاي هنا لمك كتحشمي تا تجي شي وحدة ديه وتنسه فيك كيف دارت تورية لأمين شوفي زين لي خدا أمين تلف لي ما يتلف...
مينة خنزرات : راه انا لي خليت أمين و يتزوج ولا يبقا انا ماشي صوقي...
اية : دابا من هادشي كامل لي قالت ليك عفراء فهمتي غير هادي نتي لي خليتي أمين وراكي واحد المبهللة منك مكان ...
مينة معصبة : تجمعتو عليا ياك و تا نتي ا اية تحل ليك الفم وطوال ليك لسان...
اية هزات كتافها: انا جلست مع عفراء غير عام واحد وشوفي كيف وليت ونتي تربيتي و كبرتي معاها وماديتي منها وااالو ... مزال نية و الواد لي جا يديك و الهضرة ما تفهميها على عام..
خلاتهم كيهضرو ورسلات ميساج لجعفر يجي عندها دارت سبة بالوجع ...
بنص عين شافت جعفر جاي عندها لابس كلشي كحل و شعرو مخربق نازل على جبهتو عطاه منظر جميل اكثر و كيسحر القلوب و يخليها ترجف ..
بتسمات اتجاهو بإعجاب و حب نسات راسها انها فجنازة و هو غادي عندها بخوف من دكرات الوجع تلف كيصحابها غادي تولد ومن وراه تابعو جمال و كمال و مازن ..
وقفو حداهم و جعفر كيهبط و يطلع فعفراء...
جعفر : منين شدك الوجع..
لبنات لي من صباح وهما حدا عفراء كمشو حجبانهم كيشوفو فعفراء لي تبسمات وحطات يديها فوق كرشها...
- غير مرة مرة كيجيتي ماشي شي حاجة...
جعفر : نديك لسبيطار...
عفراء كضحك: مزال مغادي نولد بلا ما تخاف..
عفراء ضربات رجل مينة باش تقرب لجمال لي كيشوف فيها وتهضر معاه ساعة لقات غير لبرد مينة رجعات لور تخبات من وراها ديك الحشمة كتسالي معاها و ماكتقدر تهز العين فناس..
زيرات على سنانها بحهد بغات تغززها و تبرد جنونها فيها ..بزز باش تبسمات..
عفراء : خويا جمال نهار كبير هذا من شفنا وجهك العزيز...
جمال لي كان عينو على مينة ..بسرعة بعدهم من سمع صوت عفراء تبسم و قال..
-غير الخدمة اختي كتشغلني شوي..
عفراء دخلات سنطيحتها : اوا متبقاش ديما الخدمة تا نتا خاص نفرحو بيك بشي عراسية او لا اجعفر..
جعفر هز حجبانو كيشوف فيها باغي يعرف اش كتصنع بهدا الكلام...
جمال كحب بشوي : نشالله اختي خاص غير لقا المرا لي تناسبني و تقبل عليا...
عفراء دخلات فالخط نيشن : الله اودي شكون لي ميقبلش بيك أسي جمال ها هي مينة كتعرفها و تعرفك و متلقاش حسن منها ...
كيقولو لي لقا راحتو فالهبال ما عندو ما يدير بالعقل و هادشي لي دارت عفراء دارت راسها مكلخة ومفاهمة والو وغير قالت كلام بلا ما تعبرها ولا تفهمها ..وهي ضربتها بوحدها لي تعرف في غادة..
بقات كتشوف بنص عين و تبسم عاجبها راسها اما مينة و جمال صدمة بانت فيهم و الكحبة ما بغات طلقهم ...
جعفر جعد حجبانو عارف اش تحت راسها لكن كلامو فكرها فين هما..
-عفراء حنا فجنازة ماشي فعرس باش نوالفو بين ناس ..كل هضرة ليها بلاصتها ...
عفراء جمعات ضحكة : انا غير هضرت ما والمت قلوب حد...
جعفر هز حجبانو بمعنى "واش من نيتك كضحكي عليا "...
كمال تبسم : ما فيها باس اجعفر جمال خونا و حبيبنا نبغيو ليه غير الخير ومنلقاوش ليه حسن من مينة ...
مينة تخنقات مزادتش معاهم دقيقة هربات من حداهم دخلات لدار جلسات حدا جداتها كتويل بالحشمة ...
عفراء لي بقات واقفة زادت فالهضرة : اوا كيقولو سكات من علامت القبول اوا أجمال خاصك ضرب الحديد ما حدو سخون...
جمال بدا كيحك راسو و يضحك غير وحدو جاتو من الجنة و ناس و عجبو الحال ..فهاد اللحضة زادت عزازت عليه عفراء بزااف ...
جعفر شاف امين كيعيط عليه ..خنزر فعفراء باش تجمع فمها و توجه عند امين بقا غير كمال واقف حدا اية وعفراء قدامهم كضحك...
أية : يا ختي نتي مكتخافيش ...
عفراء تبسمات : بالعكس كنخاف كـ كل الناس غير مكيعجبنيش الحال من كنشوف بنادم حاط العين و لكن حشمان يدوي الواحد هو يكون عندو سنطيحة و يقول لي فقلبو...
اية : بان لي جعفر معجبوش الحال...
عفراء : نو عادي غير مشطون مع جنازة و أمين مسكين قضا عليه موت مو و رجلو مزال كضرو ميقدرش يوقف عليها بزاف وجعفر لي خاصو يوقف على كلشي هادشي علاش معندوش لخاطر ...
كمال : ولد ناس وقلبو بيض بزااف ..."تنهد تنهيدة طويلة "...لكبيرو الله يرحمها عرفات تربي تبارك الله ...
كيف ذكر اسم لكبيرة تغيرو ملامح اية ..دورات راسها لجهة لاخرى كتعض فصباعها و كمال حس بيها ...
شدها من يديها وتبسم لعفراء..
كمال: بغيتي نوصلك...
عفراء برفض : نو غير سيرو رتاحو انا غادي نمشي مع عائلتي و الحاجة غادي تمشي معانا كون هاني من جيهتها..
حرك راسو و جر اية لسيارة ديالو دخلها و سد لباب عاد توجه لمكان ديالو ديمارة سيارة و توجه لدار لي كتجلس فيها اية وكاتبها بسميتها...
عفراء بقات فبلاصتها حتى وقف عليها جعفر مخنزر وهي بدات كضحك بطفولية...
-مال حبي مغبون...
جعفر تكى على سيارة بجنبو داير عندها هز حاجب و هبط لخر..
-كتختاري وقتك فالكلام...
عفراء : مقدرتش على الجو ديال جنازة خنقني وبغيت نبدل الجو باش منتأترش ...
جعفر كمش حجبانو : علاش مقلتيهاش ليا مكنتش نجيبك من لول...
عفراء : شفتك مشغول مع امين مبغيتش نشوشك معايا ...
قرب ليها كيلمسها فحنكها و وجها لي ولا صفر باين الجو ديال لبكا و الحزن مناسبهاش ..تنهد بعمق..
جعفر : نتي هي اولا عندي من كلشي متبقايش تخبي وخا نكون مشغول عيطي عليا نتي و ولادي اهم من كلشي..
عفراء : ماشي شي حاجة كبيرة .. قادرة نصبر ...
جعفر دخلها لسيارة كيدير ليها حزام سلامة ...
-انا مقلتش ليك صبري موالمكش الجو قوليها وانا انتكلف...
تكات على لكرسي غمضات عنيها وتنهدات براحة ...
عفراء: نهار كامل وانا واقفة عيت بزااف...
برقة قبلها فوق شفاها ديالها ..بقا فيه الحال من تشغل عليها هاد نهار من فيقها البارح و توجهو لصبيطار وهي واقفة وحضرات معاه كل الوقت كانت حداه بلا ما تشكى وتا هو نساها ..
حس بتأنيب كياكل فيه...حل ليها زيف من جهة عنقها باش تنفس مرتاحة ودار جلس فبلاصتو عيط على مينة و حادة يمشيو معاها يقابلوها مبغاش يخليها وحدها ...
خرجو من تاصل بيهم ركبو لور وهو مباشرة شد طريق توجه لدار ديال سي العربي ...
دخلو لدار بعد ما وصلهم و رجع لجنازة مقدرش يخلي صاحبو بوحدو وهو شاف أمين دايخ و معارف شنو يدير ..
بعد ما وصاهم يتهلاو فيها و يراقبوها خلاها ترتاح ..دخلات لبيتها لي رجع بيت عمتها ..حيدات حوايجها و دخلات لحمام دوشات دوش خفيف تحيد عليها لعيا و تجدد الطاقة ديالها ...
دهنات لحمها بكريم طبي باش لحمها ميتمزقش بالحمالة ودهنات وجها غير بزيت ارگان مكادير تا شي كريم أو مرطب خوفاً يدير ليها مشاكل فالبشرة بعد الولادة ...
لبسات بيجامة واسعة ديال ماماها ودهنات رجليها بفازلين و دارت فوقهم تقاشر غلاض .. جمعات شعرها لفوق بقراصة واخدة راحتها و كدير كل حاجة بالمهل وخا حاملة والعيا و نفسية مأزمة لكن مكتنساش راسها و لي قدرات عليه كديرو ..
دخلات لكوزينة هزات كاس لحليب مع حلوة ديال لكوك خباتها فجيبها باش ميحيدوهاش ليها و مشات جلسات فصالون كتشرب لحليب...
دورات راسها مبان ليها تا حد و هي تهز حلوة كلات نصها و رجعات خبات نص ..
غمضات عنيها كتبنن حتى تهزات بصوت حادة خلعها ...
حادة مقصحة شوفة : شداكشي كتاكلي تم ...
عفراء بزربة كتمسح فمها : وااالو غير كنشرب حليب...
حادة قربات ليها مخنزرة : واش كضحكي عليا وداك الكوك لي ففمك منين جاك...
عفراء ضرباتها بنكرة : معرفتش واقلة كان لاصق فالكاس ...
حادة : ااه مسكين ما لقا فين يكون غير فكاسك...
عفراء كترمش : اوا قولي سبحان الله أعمتي...
حادة مدات يديها : اري ديك الحلوة لي مخبيا فجيبك...
عفراء حطات يديها فوق جيبها مزيرة على الحلوة بحالي اياخدو طرف منها ...
-ما عندي والو ...
حادة : الحلوة مانعها عليك طبيب اعفراء باركة كليتي صباح جوج ....
عفراء بترجي : غير وحدة عافك ....
حادة معصبة : انقولها لجعفر...
صاطت بجهد و مدات ليها الحلوة بحزن ..خداتها منها حادة وبقات عفراء متبعة ليها العين ...
حادة : مابقا ليك والو تولدي و رجعي كولي لي بغيتي ...
عفراء ربعات يديها مقلقلة : كنتهنى من جعفر كتخرجو ليا نتوما من جهة خرا بحالي مقريكم ...
حادة خبات الحلوة و رجعات جلسات حداها مبتاسمة....
-اوا راجلك كيبغيك و كيخاف عليك مكاين باس تصبري شوي ....
دخلات عليهم مينة لابسة بيجامة و كضفر شعرها لي جا كحل و طويل ..جلسات بعيد منها مكتهضرش معاها ....
بقات دايرة نفس و كتسنى عفراء لي تكلمها لكن لقات غير البرد و نخال اما عفراء خاشية وجها فتيليفون وكل مرة تقول كلمة ولا جوج لحادة و ترجع تبع الفيديو لي كتفرج فيه...
صبرات تا عيات و هي دور عندها هازة نيفها لسما ودايرة رجل فوق رجل مدورة وجها لجهة لخرى وقالت...
مينة : داكشي لي قلتي لأمين بصح ...
عفراء بقات مركزة على تليفون. : شنو لي بصح ؟؟؟...
مينة كتحل فمها و ترجع تسدو مبغاتش تهبط كواريها ولكن من شافت عفراء مزادتش معاها فالكلام زيرات على راسها بزز وقالت..
-من قلتي جمال كيبغيني....
عفراء هزات راسها شافت فيها مزيان و رجعات كتفرج فالفيديو ونطقات بهدوء...
-ياك هربتي و انا قلت لجمال ينساك حيت مكتبغيهش...
مينة خرجات عنيها : اناااري أختي وقتااش قلت ليك منكنبغيييهش...
عفراء قصحات ملامحها...
-وداك تصرف كيديروه ناس لي كيبغيو ..سيد غير سمعني هضرت بانت عليه الفرحة وعجبو الحال حيت حليت ليه لباب منين يدخل ساعة نتي اش درتي هربتي وخليتي سيد حشمان ما عرف راسو من رجليه ..
مينة هبطات راسها بحزن : وراه غير حشمت ...
عفراء طفات تليفون حطاتو ودارت عندها مقادة فالجلسة ...
-الحشمة ولا بد منها و الإنسان لي كيحشم مزيااان ولكن امينة الحشمة ليها وقتها من شفتيني بديت الهضرة وخا مدويش بقاي واقفة حدايا ماشي تهربي ..حرجتيني انا وداك سيد كون نعرفك أديري هادشي مندويش انا من لول گاع ..غير بان لي سيد ولد ناس ومأدب و باغيك و حشمان يدوي حتى العين مكيقدرش يهزها فيك بغيت انا ندخل بخيط بيض على وعسا تكوني ليه فالمكتاب لكن واااالو وااش كتفهمي ...
حادة متكية فوق سداري وكتسمع ليهم ...
-صافي اعفراء راكي عارفة البنت نية بزااف ...
عفراء : لا اعمتي سمحي ليا نية باينة و واضحة لكن هادا راه كلاخ ماشي نية ...
مينة تزيرات : اوا لكان مكتاب ليا راه أيجي تال دارنا بلا ما نصدع راسي..
عفراء : من عارفة هادشي علاش جايا تسولي فيا و تصدعي ليا راسي...
مينة معصبة : واش ما بقا تا حد يسول ...
عفراء وقفات توجهات لبيتها مخنزرة ..
-لي بقا معاك غادي تحمقيه ....
مشات تنعس ترتاح خلات مينة فبلاصتها وحادة جاتها ضحكة عليهم..
مينة : شفتي اعمتي شنو كدير ليا....
حادة : كدير معاك غير الخير نتي لي مكتفهميش...
في مكان اخر دخل بسيارتو لفيلا متوسطة الحجم...خرج من سيارة و توجه لداخل تبسم فالخدامة لي متكلفة بالأم ديالو...
جمال : نانا فين الوالدة...
نانا : فصالون كتسناك تعشا معاها...
حرك راسو و دخل مبتاسم فالمراة لي جالسة فصالون كتفرج غير شافتو وهي ضحك ليه بفرح و ملامحها الحنينة كتزرع فنفس راحة مكتصورش...
قرب عندها باسها فراسها و جلس حداها..
جمال : الواليدة كيف دوزتي نهارك....
رقية بصوت تقيل : دوزتو غير وحدي اولدي مكاين معامن ندوزو ..
جمال من فهم قصدها و بدا كيدور فراسو ...
-امممم كدقي عليا الواليدة...
رقية : اوا لي فهم المعنى لا فائدة من تكرار....
بقا كيحك لحيتو لخفيفة و مبتسام كيشوف فميمتو كان عندهم نفس لون العين وحاطين راس على بعض و كيفهمو بعضهم غير بشوفة...
وقف كيحيد ساعة لي فيديه...
جمال: نانا حطي لعشا انطلع نبدل حوايجي و نصلي لعشا ونهبط...
رقية : فين غادي اجي مزال ما بديت معاك الهضرة ...
جمال طالع فدروج : عارف هضرتك اميمتي ..."دار عندها كيضحك"..دابا غير رتاحي ليا وبقاي فبلاصتك عندي ليك كلام خاصك تسمعيه..
رقية تقدات فالجلسة : الله يسمعنا خير....
جمال : خير الواليدة و لكن تا نصلي هو لول...
طلع لبيتو حيد الكويرة ودخل لدوش توضى وهز صلايتو تقاد ممع القبلة وبدا كيصلي بكل خشوع ..
موت أم امين لي حضر فكل لحضاتها خلاها يحس بحوايج مكانش حاطهم فبالو وعرف ان دنيا طايرة ولي معاك ليوم غدا متلقاهش...
وخا الموت علينا حق و كلنا ليها لكن من كنشوفو العزيز كيتدفن تحت تراب كنتمناو لو رجع لحيات نشبعو منو غير شوفة ...
سلا صلاتو و تنهد براحة ..جمع صلاية وتوجه لماريو هز سروال كيطمة اديداس بالأسود لبسو و دار من لفوق تيشورط ابيض مطراسي على العضلات ديالو ...
دار فرجليه كلاكيطة وهبط مدخل يدو فجيبو لقا لعشا تحط و طبلة واجدة بأكلة بلدية مع سلطة مغربية و عصير لفريز و اليمون..
جلس كياكل ومو حاضياه بجنب عينو كتسناه يدوي لكن هو دخل فالماكلة طول و عرض مهزش راس...
رقية : غيو بشوي عليك الماكلة مغاديش تهرب...
جمال : من لغدا اميمتي ما كليت واالو وراكي عارفة جنازة كيف كتكون الماكلة مكتطيحش ليك فالبال ونتا كتشوف كلشي كيبكي...
رقية تنهدات بحسرة : اوا الله يرحمها مسكينة و جعفر كلا شوي مسكين ولا والو ...
جمال حط دغمة من يدو و تنهد بجهد : والو اميمتي ما كلا والو غير واقف حدا أمين نسا راسو ونسا تا مراتو لي حاملة تقول توفات ليه ميمتو...
رقية : مسكين ايكون تفكر ميمتو..
جمال جر مخدة حطها فجنبو وتكا عليها بجنب وقال..
-ليوم من كانو ايدفنوها كان خاص شي واحد يهبط لقبر باش يشدها و يدخلوها وهو لي هبط من خرج خرج مبدل و عنيه حمرين كنهضر معاه و والو مكيجاوبش عقلو مرفوع تا عطيتو قرعة ديال لما يغسل وجهو عاد رجع فراسو...
رقية حركات راسها بلطف : ناس لي كيكونو مربيين على الدين و كيخافو الله هما لي عارفين بحق داك القبر ويخافو منو و من عداب و الحساب لي كيدوز فيه...
جمال : الله يرحمنا و يغفر اميمتي...
بقاو ساكتين كل واحد فاش كيفكر تا بدات الحاجة كتنغزو ..
رقية : اوا شمن هضرة بغيتي تقول ليا...
جمال صغر عينو و قرب عندها : كيف جات ليوم مرات جعفر و عائلتها من شفتيهم فالجنازة...
رقية تبسمات : صراحة تبارك الله مراتو فنة كتحمق علم الله فين طاح عليها...
جمال : هو وياها ولاد قبيلة وحدة وراكي عارفة مشيت لقبيلتهم فعرس كمال ناس بساط و ضريفين و قانعين بلي عندهم ممتكبيرنش وكيكبر بالبراني وخا ماشي منهم وتا مازن اياخد عمتها مبقا والو ويدير العقد...
رقية : تبارك الله هي عندهم زين ...
جمال : كاين اميمتي موجود وحدة تنسيك فلخرا ...
رقية خنزرات فيه : ومالك اولدي مضبرتيش على راسم بشي مرا من تم تهنيني بعدا من تقلاب...
جمال هز حجبانو : علاش اليوم ماشفتي والو فالجنازة..
رقية : واش انا غادة نعزي ولا غادة نقلب ليك على مرا...
جمال شداتو ضحكة : الواليدة راه المرا لي حاط عليها العين كانت مع مرات جعفر كانت دايرة زيف كحل و لابسة عباية .....
"نسا راسو وبدا كيوصفها "...
عنيها كبار ولونهم كحل وفمها صغير و منفوخ و حرف زين كاين فدقنها و كيبان من كضحك و صوتها ديما هادئ ماتعرفها معصبة ولا مكالمية و كتبان نية و قلبها بيض وخا كانت ديارة زيف لكن شعرها اميمتي كحل و طويييل شوفة فيه ينسيك همومك ...
رقية جمعات حجبانها وصغرات عنيها فيه ...
- مهموم اولدي....
حط يدو فوق قلبو وتنهد من اعماقو ..
جمال : غير مهموووم اميمتي و سكتي .. بنت لحرام عندها واحد طرف كيخلي القلب بترعد عليه...
رقية دفعاتو برجليها : نوووض الله يمسخك ...
جمع راسو بزربة تحرج وخا مكيحشمش من الأم ديالو لكن هادشي لي قال فيها كامل خلاه يمرگ...
جمال كيحك شعرو وكيهرب نضراتو : غير شيطان ولد لحرام كيديرها....
رقية كدور فراسها : مكاين شيطان قدك اولدي البنت فصلتيها فداك راس عندك بلا حشمة...
جمال تبسم ابتسامة خفيفة وحط راسو على حضن ميمتو وهز ليها يديها حطهم فوق راسو و غمض عينو خلا الحاجة تلعب ليه فشعرو و تسولو.....
رقية : وهاد لبنت شحال فعمرها....
جمال : مزال صغيرة عاد طالعة لـ 24 سنة...
رقية : تبارك الله من شفتها كتبان كبر من عمرها..
جمال : غير لعود ديالها غليظ...
رقية جراتو من شعرو مخنزرة : وليني راك مبقيتيش كتحشم...
شد راسو مقصح و غالباه ضحكة ...
جمال : وشبغيتيني ندير اميميتي راه ولدك طايح فيها عمى غير كتبان قدامي كنتلف و يشدني بوتفتاف ....
رقية : احياني عليك اولدي كضرب غير من لتحت كيف باك الله يرحمو...
"حطات صبعها على حناكها "
-ولكن أولدي داكشي ماشي هو لي كيتزوجو بيه ناس راه خاص تكون بنت الأصل ومأدبة وحادگة وتكون كتحشم ومربية ..
جمال قاطعها : واش أمي مربي تا انا بقا غير ناخد وحدة مربية وحتى هكاك نمشي معاك فالخط لبنت مربية و مأصلة وكتحشم و نية و حااادكة...
رقية : هي صافي باغي تزرب...
بدا كيفرنس عاجبو الحال : واااميمتي فهميني راه فعمري 28 عام عيت من البرودة وبغيت سخوون..
رقية صغرات عينها : على سخونية ديال لحمام محيداتش منك هاد البرودة...
جمال هرب منها كيضحك : البرودة ديالي اميمتي ليها دوا واحد وهو المرا ...
حيدات صابو من رحليها و تبعاتو باغية تفرسو وهو كيهرب منها وهز مخدة كيحامي على راسو بيها ..
خلقين جو مرح مع بعضهم دايرها بحال صديقتو وكيعاود ليها لي كاين وكيزيد فيه باش يضحكها و يشوف البسمة فوجها الحنين ..
شدها من يديها حيد ليها صابو هزهم باسهم و جلسها و جلس حداها ...
جمال : دابا اش درنا ....
رقية : علاه نتا خليتي ليا ما ندير البنت حطيتي عليها العين وختاريتيها عاد جاي تشاور معايا...
جمال بصدق واضح فصوتو : منكدبش عليك اميمتي كنبغيها بزااف وكنبغيها سنين هادي من يالله وليت inspector ..فداك الوقت كانت الخدمة صعيبة وقوات عليا بزاف وداك الوقت كنت يالله قطعت الگارو وصبح راسي أينفاجر بصداع ..خرجت من طونوبيل وجلست فجنب طريق نتكالمة شوي وكان باين عليا المرض وهي دازت من حدايا كان عندها ديك ساعة غير 18 سنة سولاتني مالي وأنا معنديش لخاطر ليها بقيت غير كنشوف فالأرض مزادتش معايا الهضرة بقيت واقف تم تا رجعات هازة ميكة حطاتها حدايا و مشات بحالها خلاتني مفاهم والو حليت ديك الميكة لقيت فيها كينة ديال راس و قرعة ديال لما ورايبي وكيكة من تم و أنا حاضيها و مراقبها غير من لبعيد كل مرة نقول غير إعجاب كنلقى راسي غارق فيها بالمعقول و حشمان ندوي معاها وخا عارف هي معاقلاش عليا گاع لكن نهار شفتها مع جعفر وهي من عائلة مراتو فرحت بزاف قلت صافي دنيا ضحكات قداامي ....
رقية تبسمات : اوا لكانت فالمكتاب اولدي مكاين لي يديها ليك ...
جمال حرك راسو بإيجاب..
- بغيتها أمي من بعيد و عمري دصرت عليها ولاتبعتها ولا تبسلت عليها..كنت محتارمها وعاطيها تيقار و باغيها لراسي ..نتي براسك شحال من مرة كتعياي طلبي فيا نشوف شي بنت ختاريتيها و انا كنرفض ونجيب قضية ديال الخدمة لكن كلشي كان ليها ..كل ماكتبان ليا غادة لفاك كنخرج من طونوبيل و نبغي نمشي عندها نفاتحها بالموضوع و أني ناوي الحلال لكن رجلي كيتجمدو ومكنقدرش ودابا صافي عيت و بغيت نمشي نخطبها من دارهم....
رقية بحنية مدات ليه تليفون : عطيني نمرة ديال والديها...
جمال بصدمة : ولكن..
قطعاتو : انا انتكلف غير عطيني و أنا اتكلف بكلشي..
بالفرحة جبد تليفون قيد ليها نمرة ديال علال اب مينة و رقية تاصلات بيه و بعدات شوي من جمال لي متبعها بعينو و قلبو كيضرب ايخرج من بلاصتو ...
بعد مدة دخلات رقية مبتاسمة وهو كيشوف فيها بتوقع...
رقية : نهاراش اتكون مسالي من لخدمة نمشيو نخطبو...
بفرحة تلاح على مو هزها بين دراعو كيدور بيها خلاها كتغوت و ضحك فرحانة لفرح ولدها ...
فصباح الباكر ناضت عيانة طفات تليفون لي كان فيقها وخرجات من فراشها ...دخلات لدوش غسلات وجها و سنيناتها ودارت بخاخ كيحمي بشرتها من اشعة الشمس و مشطات شعرها و جمعاتو على شكل شفنجة... هزات زيف لواتو على كرشها و زيرات مزيان باش تجمعها و متغلبش عليها
دخلات الكوزينة هزات قصرية و بدات كتحط فيها الطحين و دارت لما يسخن دفاتو شوي و بدات كتعجن الملوي قطعاتو لكواري صغار و دارت فوقهم زيت و غطاتهم خلاهم برتاحو ..
رجعات دارت لما يطيب لأتاي وصوبات قهوة سوداء بالأعشاب خلاتها فوق البوطة شاعلة عليها عافية مهيلة... دارت لحليب فكاسرونة وحطاتو فوق البوطة بعد ما فاض دارتو فكاس مع وريقات طريين ديال لويزة ومعلقة ديال لعسل حر ...
حطاتهم فجنب كل مرة كتشرب جغمة وكتقلب فثلاجة هزات لخضرة لي بغات مع سمك ابيض و شوي ديال لعدس نقات كلشي دارتو فطنجرة ودارت معاهم زيت زيتون و مليحة وزادتهم معدنوس وخلاتهم يطيبو على خاطرهم...
رجعاتت كتخدم الملوي و تلويه و طيبو...
دخلات عليها لطوف لقاتها كتوحد لفطور تبسمات ..
-صباح لخير لحادگة شنو مفيقك هاد صباح..
عفراء : صباح لخير هذا هو فياقي أماما من نهار درت داك المحل ..و قلت ندير شوي ديال المسمن نديه معايا لجعفر و أمين يلقاو باش يفطرو...
لطوف عاجبها الحال : اوا الله يرض يعليك أبنتي هكذا نبغيك تكوني حارة وديري شغل بيديك ...
عفراء : اوا اماما كنتعلم شوي و صافي ..شوفي معاك ديك الخضرة واش طابت طحنيها ليا ورجعيها تشحر و فرقيهم فجوج طيرموسات انديهم معايا وحدة نتغدا بيها و وحدة نديها لمرات أمين ....
لطوف : وخا الالة غير امري و انا نفد نهار كبير هذا لي دخل بنتي لكوزينة و ندوق طيابها...
دارو يد فيد ملهيين فشغلهم ويضحكو مع بعض ...
سلات شغلها قدات كلشي فطبلة و جلسات فطرات و قدات سلة فيها لفطور لجعفر و طلعات لبسات حوايجها و خرجات لقات خوها علال كيتسناها ركبات حداه وصلها لدار أمين..
خرجات لقات جعفر واقف حدا لباب كيهضر مع انثى عاطياها بضهر..
كمشات حجبانها وقربات كان اول واحد شافها هو جعفر لي تبسم وقرب عندها و الانثى لي معاه دارت وعنيها جات مع عنين عفراء مباشرة ..
تبسمات وحركات راسها اتجاها : عفراء لباس ...
عفراء شافت فجعفر بدون ما ترد على الانثى : شنو جات دير هدي هنا ...
جعفر دور يدو عليها باسها بين عنيها وتنهد براحة وقال ببساطة ..
-جات تعزي أمين...
خدا منها سلة مكمش حجبانو : شنو هادشي ...
شافت فيه بنص عين : جبت ليك لفطور ...
تبسم بحنية وجرها أكثر دخلها فحضنو كيقبلها فراسها وباين اشتياقو ليها ..تفارق معاها هاد نهار حس بشي حاجة ضايعة منو مكرهش يمشي عندها لكن حشم يخلي امين بوحدو فهاد الوقت لي محتاج فيه لي يبقا حداه ..
قربات الانثى اكثر وقفات حداهم كتشوف فكرش عفراء...
-الله يكمل عليك بالخير اختي عفراء..
عفراء ببرود : انا ماشي ختك ...
فاطمة تحرجات ورغم دالك بقات واقفة حادرة راسها...
بقات عفراء كتشوف فيها ومع الحمل ولات عندها الكبدة هشيشة و دغيا كيبقى فيها الحال ومن شافت فاطمة هبطات راسها بإحراج قالت...
عفراء : شكراً...
فاطمة هزات راسها بحنية : اتعرضي عليا لسبوع انشالله..
عفراء ردات ليها الإبتسامة : نشالله مرحبا بيك...
فاطمة محافظة على نفس الإبتسامة : الله يكبر بيك اختي...
جعفر بقا هاز حجبانو فعفراء : اتمشي لمحل...
عفراء : ضروري...
جعفر : بلاتي ندخل هادشي و نوصلك..
دخلات فاطمة بيناتهم : بلاش انا انوصلها جبت معايا سيارة ديالي...
عفراء برفض : بلاش اختي مبغيتش نعدبك...
فاطمة :مكاين تا عداب و بغيت ندوي معاك فموضوع مهم ..
عفراء جعدات حجباها : شمن موضوع..
فاطمة : نمشيو لشي كافي هو لول...
عفراء شافت فجعفر لي هز كتافو انه معارف والو ...حركات راسها لفاطمة و توجهو بجوج لسيارة فاطمة ..
حلات ليها لباب خلاتها تجلس هي لولة عاد توجهات لمكانها ديمارات سيارة و تبسمات لجعفر قبل ما تشد طريق نحو مقهى خارج رباط فطريق ديال لعرجات...
عفراء كتشفو فنافدة وتبسمات بجنب : بان لي موضوع كبير هذا من مخرجاني من رباط..
-دارت عندها كتحقق فيها...
- كتبغي ؟؟...
كان تأكيد اكثر ما هو سؤال..دارت عندها فاطمة كضحك وعنيها كيبريو..
فاطمة : باش عرفتيها...
عفراء بإبتسامة صغيرة : كتباني فرحانة و نضرة ديالك اتجاه جعفر ولات عادية ...
فاطمة بدات كضحك : هادشي علاش مريشتينيش ..جايا وخايفة كنقول لتلاقيت يسك اتريشيني ولكن كنضن عقلي صغير نتي ماشي من هاد نوع وماشي متسرعة ...
عفراء هزات كتفاها : ناس متسرعة لكن حاجتي مكنبغيهاش تقاص وكنولي خايبة على حاجتي و كنضن گاع ناس هكذا ....
فاطمة حركان راسها بإيجاب : عندك صح ...
عفراء : اوا وقتاش لعرس....
فاطمة وقفات سيارة امام مقهى دارت عند عفراء ...
- مزال عاد بدينا علاقتنا....
خرجو من سيارة توجهو لكافي خداو طبلة بعيدة على ناس جلسو مقابلين لبعض بجوجهم خداو كافي مخلطة بالحليب و جلسو كيراقبو طريق لي قدامهم بعد صمت قصير تكلمات عفراء...
-كتبغي هاد سيد لي نتي معاه ...
فاطمة حطات كاس فوق طبلة وهزات حجانها..
-شنو بان ليك...
عفراء حطات ضهرها على لكرسي وكتراقب فاطمة لي قدامها و بكل سهولة نطقات..
-بنتي ليا غارقة فالحب...
فاطمة تنهدات من قلبها وحركات راسها بالإيجاب معترفة انها فعلا كتبغيه ...
عفراء بلمحة من الشك دازت فنظراتها وبغات تأكدها..
-وهاد سيد لي نتي وياه فعلاقة أنا كنعرفو...
فاطمة عضات فمها وحدرات عنيها وكتفات انها فقط تحرك راسها ..
-امم كتعرفيه...
عفراء بشك :لي شكوون هو !!! ...
بعد صمت طويلة داز بينتهم تنطق اخيراً صوتها وخرجات اسمو لي نزل على عفراء بحال الصاعقة...
فاطمة : أنــاس.
حسات بدنيا دارت بيها و الهوا تحبس كتحاول دخل الأكسجين لرئتيها لكن فعل صدمة نساها حتى كفاش تاخد شهيق و زفير..
رجع وجها احمر و عنيها وساعو و كيتردد اسم "انـاس" مراراً و تكراراً فأدنها بحال شي شخص داخل بئر كيرجع ليه صدى الصوت...
بيد كترعد هزات كاس لما حولات تشرب لكن تخوا كامل فوق صدرها و طاح لكاس حدا رجليها تهرس كامل و كأن داك تهراس فيقها من اثار صدمة ...
فاطمة وقفات مخلوعة قربات عندها هزات مشوار كتمسح ليها لما لي فصدرها ....
-عفراء مالكي واش تجرحتي ...
عفراء تنفسات اخيرا و بصعوبة هزات نضراتها و ركزاتهم في فاطمة لي واقفة حداها..بيد مزيرة على الكرسي و قطرات العرق فجبينها تكلمات بين سنانها..
- واش مكتحشميش...
فاطمة بخوف شدات ليها فيديها : بغيتي نديك لطبيب....
دفعات يديها بغضب..
عفراء : متقيصينيش...
فاطمة حطات يديها فوق صدرها متألمة ..
- عفراء انا ما جيت قلت ليك هاد لكلام حتى عرفت أن أناس كيعزك بزاف و ميبغيش يخبي عليك و انا قلت ليك كل لي كاين ...
عفراء بعصبية : بان ليك غير اناس من كل ناس ..واش عااارفة شحااال فعمروو اول لاااا..
فاطمة : مال عمرو.. كبير فعقلو وقادر و ناضج شنو فيها لكان صغر مني واش ماشي من حقي نبغي ولا حلال غير على عمتك لي تزوجات بواحد صغر منها و انا لا ...
عفراء تجننان بغات طير عليها و غير تقل لي حابسها خايفة على ولادها ..حطات يديها فوق كرشها كتنفس بجهد و كتنطق بلهجة قاصحة...
- الالة عمتي ما تزوجات بسيد تا كان كبير فعمرو 28 سنة وخدام بخيرو مناقصو والو ..
"حطات يديها فراسها كضرب فجبهتها "...
-وناااضج عاارف اش باااغي ماشي وااحد مزال مرااهق يبغيك ليوم و يتخااصم معاااك غدااا ..انا مااشي صوقي فالعمر يكون صغر منك و لا كبر منك و لكن صغير اه يكون نااضج و قادر فالمال و المسؤولية ماشي يكوون فعمرو 19 مزال كيصرفو عليه والديه و تجي تقولي ليا حب ولا زمر واش لي قد اناس كيعرف شي حاجة سميتها حب ولا كضحكي عليا هنا ..
"ضربات يديها فوق طبلة بغات تقلبها عليها و رجعو عنيها حمرين "..
- واااش عاارفة اصلا شكووون هو أنااااس ..أنااااس رااااه اكبر ولد لحراام تقدري تشووووفييه عييينوو زايغة و البنت لي شااف يتبعها و ميزگلهاااش ..زهواااني و عزييز عليه لعيالات ونتي كتقولي ليا الحب واااش ضحك علييك بجووج كلمااات و تيقيته و داايرة فيه رااسك .. تعاااودي تعطيي قلبك لوااحد اخر يلعب بييييه و يحطمو و يرجعك متبكي كيف بكيتي على لي قبلوووو ..
بأنفاس كتسارعة بدات كتنفس بجهد ماشي من عادتها تهبط من فرد من عائلتها لكن اكبر من كلشي كتقول الحق فالواحد و خا يكون لي يكون و معزيزيش عليها لمرءة لي تكون نية ريح لي جا يديها و تيق فلي كااان...
عارفة اناس زهواني بو عيالات ونهار يمل غادي يخلي كلشي ورا ضهرو و يمشي يقلب على بنت خرا لي تعاود تعمر ليه العين ..
هي ماشي أي وحدة ..هي لي تعااشرات مع اناس و كتعرفو بحال خيالها وعارفاه اش كيسوا..
وقفات كترعد هزات ساكها وخنزرات في فاطمة لي بقات جامدة فمكانها...
- نصحك نصيحة لوجه الله ديري لعز لراسك و حطي كرامتك فوق كلشي وقفلي داك القلب ماشي لي جا يديه ...
خطات خطوات لور وهي توقف بصوت فاطمة..
- نتي معارفة والو..
دارت عندها عفراء بصرامة ..
- شنو لي مكنعرفش ؟؟ ..مكنعرفش انك كنتي كتبغي رااجلي و بغيتي تفارقيني معااه و من ما لقيتي ليه جهد و تكسر قلبك دغيا جمعتيه و صلحتيه و قدرتي تبغي من جديد و شكون ولد خوويا...
" ضحكات بإستهزاء"..
-واش كضنيني واكلة مخ ضبع وغادي دوزيها عليا...
خرجات من الكافي كتضرب فرجليها بالأعصاب مبقاتش كتشوف قدامها ..هادشي عمرو طاح فراسها ولا جا فبالها اناس يدير هادشي و معامن مع وحدة ما هي من مستواه لا المادي ولا الإجتماعي..
تبعاتها فاطمة كتجري وقفات قدامها بترجي...
- سمعيني اعفراء اقسم بالله تا نسيت جعفر ولا عاودت فكرت فيه من نهار عرفت اناس وعقلي غير معاه ..معرفتش شنو دار ليا و شمن سحر رما عليا ولكن عقلي كيفكر غير فيه و عيني كتبعو غير هو ..دار معايا حوايج عمر شي راجل قدر يديرهم و بغاني وهو غالط فيا ...
"عنيها رجعو كيلمعو بدموع" ...
- عافك اعفراء متفراقينيش عليه ..اول راجل كنطلقاه فحياتي كيبغيني لنفسي ..كيبغيني حيت انا فاطمة ماشي حيت انا بنت شيخ عبدالله ولا فاطمة سيدة اعمال ..هو معارفش هادشي گاع ولكم بغاني وهادشي خلاني نزيد نبغيه و نتعلق بييه وخا صغر مني دا ليا قلبي و من كنوقف معاه وكفاش كيهتم بيا كنحس انا لي صغيرة ماشي هو..
"بداو دموعها كيهبطو و صوتها كيرتجف "...
- منقدرش نستغنى عليه أعفراء ..هو الوحيد لي عشت معاه السعادة ..في فترة قصيرة تحفر اسم اناس فقلبي ...
"زاد صوت شهيقها اكثر "...
- متفاارقيينش عليه عااافك انا جييت باش نعتاارف ليك بكلشي و تعاونيني حيت بوحدك لي تقدري ديري ليا طريق مع داركم باش يقبلوني ..هو عاود ليا كلشي عليك وباين عندو عزيزة وغالية وكلامك كيديرو فراسو و مكينساهش..انا جيت عندك نيشن باش تعاونيني حيت كنبغييه اعفراء كنبغيييه...
عفراء تحولو عنيها لحمرين وبداو دموع كيتشكلو تعيا ما تقصح قلبها ولكن الحمل خلاها هشيشة الإحساس و دغيا كتأتر ...
ساطت بجهد كتمسح دموعها ومدات مشوار لفاطمة لي كتبكي من نيتها..
عفراء : هاكي مسحي ديك الحالة لي دايرة فراسك ...
فاطمة خدات منها مشوار بإحراج : شكراً ...
عفراء كتهبط وطلع فيها : هادشي كلو دارو فيك داك زهواني...
فاطمة وسط دموعها ضحكات : أش غادي ندير داكشي لي عجبني فيه...
عفراء كمشات حجبانها : حيت زهواني ؟؟..
فاطمة حركات راسها بإحراج...
عفراء فأخر محاولة باش تحيد لي عليها...
- فاطمة نتي بنت ناس لباااس عليهم بزاااف و حنا غير على قد الحال و منقدروش نعيشوك فالمستوى لي نتي كبرتي فيه ..اناس نزال عاد ايتخرج ظابط صف و خلصتو اتكون على قد الحال وهو وخا زهواني لكن مربينه رجال ميرضاش بالمرا تصرف عليه و لا تبين فلوسها و مكانتها قدامو ..هو يبغي لمرا لي تمشي معاه على قد يدو و تقبل على ما عندو ...
فاطمة بدات كتحس براحة من شافت عفراء بدات كترطاب..
- سمعي اعفراء شغادي نقول ليك ..انا اه كبرت و غتنيت الحمدلله لكن داكشي انا قنعت منو فلوس ول سفر ول لبس ولا عندي حيت هادش شبعت منو..انا وليت كنحسد لعيالات لي فديورهم و مزوجين يربيو ولادهم و يتسناو رجالهم من لخدمة و توجد من يديها ماكلة لي يعشقها راجلها..يقدر هادشي يجيك عجب لكن تا حد ما صابها كيف بغاها ..تلقاي بزاف لعيالات لي عندهم هادشي لي كنحلم بيه أنا هما باغين يكون عندهم هادشي لي عندي أنا دابا حيت دنيا مكتعطيكش كلشي و انا قنعت و وفيت حقي الحمدلله ..انا قابلة على الحياة لي ايقدمها ليا أناس و انعيش معاه بداكشي لي قادر يوفرو ...
عفراء كمشات حجبانها بغات تقول ليها واش من نتيك كتهضري لكن شافت الصدق فكلام فاطمة عارفة انها فعلا كتقصد كلامها بكل صدق ...
عفراء : وهاد المشاريع لي كلهم عندكم و خدمتي عليهم بعرق كتافك شنو اديري بيهم ...
فاطمة حدرات راسها كتلعب بطالون ديالها..
-صراحة اناس مزال معارفش انني لباس عليا كيضن انني غير خدامة عادية ...
عفراء صغرات عنيها : ومن ايعرف اش غادي ديري بيهم...
فاطمة بخجل : كنقول لو وافقو عليا عائلتك و قبلو زواجي بأناس غادي نبقا مقابلة شغلي غير من دار انخلي المساعدين ديالي يتكلفو و يجيبو ليا لوراق لي خاص نسني وأي ربح ربحتو انعاود ندير بيهم مشاريع جداد مغادي نصرف تا حاجة عليا ومن بعد لعطاني ربي وليدات انكتب ليهم كلشي فسمياتهم ...
عفراء هزات حجبانها : وراكي على بال فكرتي فكلشي...
فاطمة بحنية : بغيت نكمل معاه حياتي ...
عفراء هزات تليفون : خاصك تعرفي واحد لحاجة هو أنني كندخل فبنادم طول و عرض و عندي نيشن ...
فاطمة بدون فهم : مفهمتش...
عفراء حطات تليفون فودنها وقالت : هانتي غادي تفهمي ..
تقبل الخط و نطقات بسرعة..
- خويا فين نتا دابا..
عبد القادر : فالخدمة علاش يكما شدك الوجع ؟؟...
عفراء : لا مكاين والو غير بغيت ندوي معاك فواحد الموضوع مهم...
فدار سي لعربي جالس فصطح مشعل كارو كيكمي ولابس شورط قصير كيبانو ليه عضلات فخاضو مطراسين و شعرو كيديه لبرد و كل مرة يرجعو لور و ساهي كل مرة يعض فمو من جناب .
دخل سليم و سد لباب من وراه مخرج عينو...
- واش مريض ولا مالك يشوفك شي حد من مالين دار يحيد ليك الفم لي كتكمي بيه...
طفا لكارو وهز مسكة ديال نعناع دارها في فمو تحيد ليه ريحة ديال لگارو و بقا ساكت متشادش مع سليم كيف مولف...
سليم بشك قرب عندو : شواقع ليك اصاحبي شفتك مبدل...
أناس تنهد تنهيدة طويلة : مكاين والو غير كنفكر....
سليم بدا كيفرنس : فمولات لفيراري؟؟..
هز حجبانو مخنزر : فين كتعرفها...
سليم : برد اصاحبي نتا كتعصب على والو انا غير شفتك ركبتي معاها وصافي ...
اناس حرك راسو و تم هابط قلبو مقبوض عليه و سليم تابعو بدون فهم ..
سليم بجدية : ولد لعميم واش واقعة ليك شي حاجة محتاج لفلوس ولا طحتي فشي حاجة ماشي تال لهيه غير عاود ليا لكان شي حاجة باش نعاون .. نعاون خويا بلي كان...
اناس بدا كيضحك : منين جاك هاد صواب ياك ديما غير كتشوفني كتبدا تعاير ...
سليم حط يدو فوق كتف اناس ..
-داكشي كنديروه فضحك و الخوا الخاوي اما فصح نوقف مع خويا راجل و منخطاكش راه تربينا على رجال مغاديش نخرجو شمايت ...
اناس تبسم : الله يعزك اخويا ولكن معندي والو غير مشطون شوي و صافي ...
هبطو لتحت دخلو لكوزينة مكمشين حجبانهم كيشوفو طباسل و لكيسان لي كيكونو مخبين فبلكارات و كيخرجو غير من كيكونو جايين ضياف ككل عائلة مغربية...
سليم : واش جاي شي حد ؟؟ ...
بشرى : معرفتش شكون لكن شي ضيف جاي مع عمتك و قالت ناس مهيمين ولباس عليهم وخاص نكبرو بيهم ....
اناس داز لطبسيل حلوة مشكل و مصاوب بدا كياكل منو مجعد حجبانو ...
- يكما شي واحد خدام معاها فداك المحل..
كلثوم دخلات لابسة قفطان و مصاوبة شعر كتبان صغيرة و انيقة و زوينة باين عليها صغر وحيت ولدات غير اناس بقات صحيحة وشادة فراسها و زينها باين...شافها وهو يعنقها كيفرنس...
اناس : حبي يكما جايينك لخطاب و أنا مفراسيش...
كلثوم : لا أولدي نتا لي جيينك لخطاب
بصدمة نطق : شنهوااااااا....
كلثوم : كيف سمعتي....
دفعاتو ومشات كتقاد صينية ديال اتاي بكيسان ملونين ديال لعنبر بلدي خلاتو مصدوم مفاهم والو وسليم كثر منو...
سليم : اواااه واش ولاو لعيالات كيجيو يخطبو رجال ...
اناس تزير : سكتنا نتاا .."شاف فأمه".. الواليدة واش كضحكي عليا ولا شنو...
كلثوم من نيتها : والله اولدي كنهضر معاك بصح شي حد غادي يجي يشوفك...
سليم خرج عينو : وشكون هاد العائلة ..
لطوف : معرفناش عفراء لي كتعرفها هضرات مع عبد القادر وكيف كيقولو ناس زمان لي دق باب لحلال مرحبا بيه....
اناس : واش كنبان ليكم بنت هنا ولا شنو ...
كلثوم : تا نتا شكون مصوق اولدي لهادشي وزيد ماشي جايين يخطبو فعلا راه غير تعارف ما بين عائلتنا و عائلتهم و البنت باين كتبغيك مت حدها جايا هي وباها و دارت لخطوة لولة اوا منكسروش بخاطرها..
اناس مفقوص : يكما نمشي ندير لمكياج و نلبس القفطان و ندخل حشمان بحال لبنات و ندير تا انا القضية ديال السكوت من علامة الرضى...
لطوف بدات كضحك : الله أولدي اش دانا لهادشي مالنا حماق ..
اناس : راكم اجدة نتوما لي اتحمقوووني وااش كاين شي مرا كتجي تخطب رااجل فيين عمر هادشي كان ...
كلثوم : دابا مالك أش مشالك تجي لمرا شوفها ومن بعد قرر....
بدا كيضحك بحال الحمق : لا والله تا حماقيتو..
"جاهم من لخر"...
- اصلا عندي وحدة كنبغيها وناوي معاها المعقول وباغي نجيبها تشوفوها و تعرفو عليها...
دارو كاملين كيشوفو فيه ...
بشرى : من امتا اولدي اناس كتحط العين ياك ديما عينيك خضرة فين ما تشوف طرف تلف...
اناس : العين زايغة ولكن لقلب تابت وعليها تبت ...
طلع لفوق دخل لبيتو سد لباب بجهد معصب ..لعدو ديالو شي حد يبغي يرغم عليه شي حاجة كيولي عصبي بلا قياس..
جلس فجنب سرير كيهز فرجلو و يعض فمو ويقشرو من جناب ..جمع حجبانو لوسط وكيدور عنيه هنا ولهيه..
كيخمم غير بوحدو ومن كتكون القردة طالعة ليه كيولي مشتت النضر و مراصيش فمكان واحد...
لتحت تسمع صداع و العائلة كترحب فضيوف لي داخلين ...
كانت عفراء هي اول من دخل تبسمات لعائلتها و بنص عين شارت ليهم لفاطمة لي تابعاها لابسة عباية بيضاء مطرزة بالعقيق و مغضية شعرها بالحجاب و داخلة بإبتسامة خفيفة و خجولة وحداها داخل شيخ عبدالله و حداه عبدالقاد لي كيتكلم معاه ..
جلسو فصالون كيعرفو ببعضهم و الإبتسامة مخطاتش ملامحهم ودارو واجب تكريم الضيف على اكمل وجه وخا معارفينش ناس ولا شكون هما ولا اصلهم لكن المغاربة ترباو على الكرم و حسن الضيافة ...
عفراء دخلات فالموضوع من شافت ناس هاربين منو و حشمانين يجبدو الهضرة..
-كنضن كلكم عارفين علاش تجمعنا هنا...
عبدالقادر ما عرف ما يقول : صراحة حنا ولاد البلاد و تربينا على لي دق بابا دارنا مكنرجعوهش بلاش لكن ما عمر شفنا هادشي و سمحو لينا لجيناكم شوي بلديين فتفكيرنا...
شيخ عبدالله حرك راسو بفهم وخا باغي بنتو تبقا بعزها و بشانها وتاخد لي يناسبها لكن من تاصلات بيه بنتو وعاودات ليه كل لي كاين مقدرش يرفضها من شاف الحب فعنيها تجاه هاد شاب ....
عندو بنت وحدة وبغاها تكون فرحانة و سعيدة ومن شافها نسات جعفر و بدات حياة جديدة فرح وقال بنتي لقات حب جديد لكن لي صدمو هو ان دري من عائلة عفراء مرات جعفر..
بغا يدوي مع فاطمة لكن لقا لوقت فات وها هو دابا حالس مع ناس ..حشم وملقا غير يمسح كلشي لراسو و يقول بدرجة غالب عليها لهجة الخليجية ...
- سي عبدالقادر حنا كنعرفو عفراء وشفنا تربيتها و اصلها هادشي علاش بغينا منكم ..وانا معاك تا انا عقلي بلدي و نبغي راجل لي يخطب لمرا و لكن من لقيت راجل لي يناسب بنتي مقدرتش نبقا ساكت و منجيش ندوي معاكم و تعرفو علينا كيف انتعرفو عليكم ولدكم نعمة الرجل الشجاع و الشهم عاون بنتي من كانت محتاجة وعتقها شحال من مرة ومن شفت راجل بهاد تربية قلت هو لي يناسب بنتي ....
عبدالقادر تلف : واش راجل لي كتدوي عليه هو ولدي أناس ..متأكد ولدي لي جايين على ودو ...
عبدالله شاف فبنتو كيتأكد وهي حركات راسها بإبتسامة خفيفة وقالت..
-كندوي على اناس...
كلتوم كطلع و تهبط في فاطمة لي دايرة رجل فوق رجل كتبان مرأة بكل ما تعنيه الكلمة وجمالها ساحر و ملفت ..
بقا شي كيشوف فشي حشمو يقولو لبنت كبيرة من لولد وهي جات تال عندهم وهبطات من راسها ...
وتا هما زوجو عمتهم براجل صغر منها ويحشمو يردو فاطمة و باها بهاد سبب ...
وخا بلديين ولكن غلباهم الحشمة و عارفين الأصل وحيت كاملين تزوجو عن حب عارفين الحب كيصيب القلب لي اعمى و مكيفرقش فالسن ...
بقاو صامتين اما عفراء كدير لي عليها وترجع لور تهز كاس اتاي وتبقى تفرج على خاطرها خلاتهم هما يتفاهمو.. لي كان عليها هو تقصر الطريق لأناس و فاطمة اما شنو ايوقع مكيهمهاش...
نطق سي العربي لي كيحك فلحيتو البيضاء لي غازيها الشيب وقال...
- شيخ عبدالله كيف قال ليك ولدي حنا مكنرضوش لي جا دق بابا دارنا ولكن مكنبززوش على ولادنا ..الكلمة لولة و لخرة ديال اناس اما حنا من عندنا غير الله يكمل بالخير...
كلهم حركو راسهم مخلاو لفاطمة و لشيخ عبدالله ما يقولو ...
فدروج كان جالس سليم كيسمع وعينو داتو لفاطمة..تبهض فزينها و جمالها وبسرعة طلع كيجري عند اناس حل باب لقا اناس هاز تليفون كيصوني لكن مكيجاوب تا حد رماه بجهد فوق سرير و توجه لماريو هز سروال تجين اسود لبسو مع تيشورط و كويرة بنفس لون سروال ..
جلس كيلبس سبرديلة مخنزر وسليم واقف عليه...
سليم : وااصااحبي وحق ربي تااا زييين.. زييين ..داكشي فااايت لفريز و توت لي مولفين نشوفوه ..
اناس معصب هز تليفون : ما تعصبش ملتي أ سليم هاد ساعة ..
سليم وقف قدامو : شوف انجيك نيشن والله وفلتي هاد لفريزة تا غادي تندم راه كنقول ليك لغزااال اصاحبي..
بالغضب لي تملك جسدو دفعو بجهد و غوت بحر جهدو ..
اناس : سليييم راااني هضرت عطييني تيقاااار...
زدح الباب بقوة وخرج هابط مع دروج كيتنفس من نيفو ..داز من حداهم كيشوف نيشن وغادي بحال لبرد ...
هزات عنيها من شافتو دايز من قدامها تبهضات بشكلو و العصبية لي باينة فوجهو..مدارش عندها ولا شاف جيهتهم غادي نيشن لباب ايخرج..
حلات فمهم تعيط عليه وهو يسبقها عبدالقادر..
عبدالقادر جمع الوقفة : : اناس اجي لهنا فين غادي...
بدون ما يدور عند باه نطق ..
اناس : راني هضرت ومغاديش نعاود الهضرة عندي بنت كنبغيها ناوي معاها الحلال.. فهمتو هادشي هو هداك مفهمتوهش نساوني عليكم....
بصوت كيف الرعد نطق سي العربي...
- اناااااس اجيي لهنا...
بعصبية دار باغي يتفرگع ..
- جديييي ...
قاطعو سي العربي مخرج عينو فيه : جلس ...
بقا واقف كيتنفس من نيفو ومخنزر..
هبط راسو ودخل جلس مفرق رجلو وحاط يدو فوق فخادو ومشبك صباعو لوسط ..كيشوف بين رجليه و يعض فمو ....
سي العربي بغضب : هاادشي أ اناااس ماشي من عااادتنا وماشي هكذا ربينااك تحشمنا قداام نااس..
زير على سنانو بجهد و بدا الفك ديالو كيبان و عروق عنقو كيبانو منفوخين بكثرة الأعصاب لي واصل ليه ..
ساط من نيفو وقال بجدية بدون ما يهز راسو ..
- قلتها ما مرة ما جوج و انزيد نقولها ..عندي وحدة ساكنة قلبي و باغيها و مواعدها بـ الحلال مغاديش نخسر خاطر وحدة باغيها على وحدة مكنعرفهاش..
علات ملامحها الحيرة وتساؤل فنفسها واش مشافهاش او مواعد وحدة اخرى ...تخربقات و بدا لونها كيتغير وصدرها بدا كيطلع و يهبط كل ديك الفرحة لي كانت حاسة بيها تحولات لدعر و خوف مكرهاتش تنوض تهرب ..
بداو دموع كيتشكلو وكيهددو بسقوط امام كل الحاضرين وحزن غزا ملامحها كتحس براسها منحوسة و معندها زهر مع الحب ، تعيا ما دل راسها و تهبط من قيمتها على وعسا يتقاد سعدها لكن عاد ما يزيد يتكفس ..فين ما تقول زهري تقاد فالحب كتلقاه عوج وتا حاجة ما تمشي كيف تمنات...
عندها كلشي.. لفلوس.. المكانة... زين..العنل... و تلبس اخر مكاين فالمركات لي لبسة وحدة كطلع بالملاين و سيارات فالاشكال و الانواع لكن عمرها حسات بداك طعم الحب لي تمنات ....
اول واحد جعفر ودابا اناس لي غير ايام قليلة عبر ليها عن حبه لها لكن دابا كتشوف العكس ..مكرهاتش الارض تشق و تبلعها ولا تحط نفسها فهاد الموقف الخايب ولي حطات تا باها فيه وجرجرات بكرامتو الارض..
وخا فالخليج عندهم عادي الرجل من يشوف شي شاب مسؤول و مناسب لبنتو كيمشي يهضر مع عائلة الشاب و يفتح ليهم موضوع الزواج..لكن فالمغرب و تقافة المغربية غير ذالك تماماً الراجل لي كيجي لدار البنت ولكن هي خوفا ان كبر سنها متقبلوش عائلة اناس ..خدات خطوة تجي عندهم بإرادتها لكن دابا لقات حاجة اخرى خلاها تندم اشد ندم ...
فصمت لي وقع ...كل عائلة عفراء شافو تغيير لي وقع فملامح فاطمة من ناحية بقات فيهم حيت شافو الحب فعنيها و الفرحة كيف كانت فملامحها قبل ما تطفى بكلام اناس لي مخلا ليهم فين يزيدو يهضرو و مغاديش يرغمو ولدهم وهو حاط وحدة فقلبو ..
حاول سي العربي اخر محاولة : على الاقل دوي مع سيدة و....
قاطعو اناس : جدي راني هضرت عندي وحدة كنبغيها مغاديش نجي تال لهنا ونكدب عليكم و معندي ما ندير لهاد الأخت كيف هي طاح حبها عليا انا طايح على وحدة اخرى....
تخنقات و زيرات على يديها بجهد ..ضفارها كتحس بيهم كيختارقو كفها لكن حرقة قلبها كانت اشد و اقوى ...
سي العربي بتنهيدة قوية : هذا اخر كلام ليك...
اناس بجدية : لي عندي قلتو ...
سي العربي هز يدو بإستسلام وشاف فعبدالله و فاطمة ..
- ها نتوما سمعتو كلشي على ودنيكم هو باغي وحدة و ناوي معاها المعقول و ولادنا كيوفيو بكلمتهم وحنا مـا علينا غير نكونو فصفهم ماشي من عادتنا نوقفو فسعادة ولادنا ولا نبززو عليهم ..لي بغاوها ديالتهم وحنا كندعيو معاهم اما شي حاجة خرا مكندخلوش فيها ...
كان موقفهم واضح و باين وأكيد فصف ولدهم لي قلبو ملكاتو بنت اخرى و وصلو رفضهم لشيخ عبدالله بطريقة غير مباشرة..
رجع وجهو حمر وجمع الوقفة وحس بالخنقة و دل مكيتصورش ..
شيخ عبدالله : نتوما لي سمحو لينا حيت جيناكم على غفلة..
دار عند بنتو باش توقف لكن بقات جالسة وعنيها كيلمعو مركزاهم فأناس..حس بقلبو تزير من شاف الحب التاني ديال بنتو مصدقش و تكسر قلبها مرة اخرا .....
تحنى حط يدو فيديها وجرها معاه وهي تبعاه مكسورة الخاطر و قلب متألم ..دازت من حداه وهو لي طول الوقت حادر راسو..
حس بشي حاجة غريبة من دازت من حداه و ريحة النسائية لي مخفياش عليه طلعات معاه و خلاتو يكمش حجبانو بقوة ...
بسرعة هز راسو بصدمة و خرج تابعها كيجري ...شاف ضهرها من كانت كتركب فسيارة من ضهرها عرفها و فرمشة عين وقف عليها شاد باب سيارة لي كانت باغية تسدو مخرج عينو فيها وهي هزات عنيها فيه و دموع هابطين على طول خدها..
اناس لي صدمة مزال لاعبة عليه نطق بعدم تصديق ..
-فـــاطـــمــة....
بغات تسد الباب وهو مزير ممخليهاش ..عصبها ونطقات وسط دموعها...
فاطمة : حيد يديك الحماار شباغي عندي مزال ...
هو بقا مصدوم كيشوف فيها ممتيقش و زير على لباب ممخليهاش تسدو ...
اناس : واش نتي لي كنتي فدار...
خنزرات فيها بغات تقتلو ..
فاطمة: وااش كضحك عليااااا من صباح ووانا قداامك لكن انااا لي حمارة وهاد لقلب الله يعطي لوالديه مصيبة غير كيطيح بلا عقل ولي بغاه يتيقو ..
"صرخات باعلى ما فصوتها "..
-تفووو على هاد زهر و نحس لي تااابع ملتي من نهار جيت لهااد المغرب تفووووووو...
كتبكي و تغوت ودموع مخلط مع لكُحْل خربق ليها وجها وخلاها تبان مكسورو لدرجة مكتصورش ..بغا يشد ليها يديها وهي مرضاتش كدفعو وهو زاد حكمها..
اناس : صبري الكارتة سمعيني اش غادي نقول بعدا...
بكره عضاتو بجهد فيدو وهو تقصح و مبغاش يطلق ليها يديها وهي زادت وركات كتر حتى حسات بمداق دم في فمها وهي تبعد بخوف من شافت اتار سنانها واضحين فلحم يديه و دم خارج ...
بملامح متألمة ركز عينو فيها ..
اناس : بردتي دابا وسكتي و خليني ندوي ...
وقف عليهم عبدالله من شاف سيارة ديال بنتو متحركاتش خرج من سيارتو يشوف اش واقع وهو يشوف هاد المنضر بسرعة وقف عليهم و دفع اناس لي معرف باش تبلى..
وقف قدام بنتو وهز العكاز ديالو شار بيه لأناس و بغضب قال...
عبدالله : شنووو بااغي من بنتييي يااك رفضتيها وعندك وحدة فقلبك علااش لااصق فيها..
اناس بغا يطرطق فهاد اللحضة وكيحاول يكالمي راسو....
اناس : نسيبي سمعني بعدا شنـ..
قاطعة عبدالله : اسيدي انا ماا نسييب حد وااش رفضتي بنتي فداركم وجاي هنا تقولي نسيبي ...
اناس حط يدو فجنبانو وكمش حجبانو كيشوف فيهم ويحرك لسانو على خدو من لداخل طالعة ليه القردة وباغي يشرح وهما ممخلينهش يشرح وهادشي لي دارت فاطمة مرضو بالمعقول بغا يدير شي مصيبة خاف يكحلها مع نسيب ..لقا راسو واحل وما عرف منين يبدا ...
بان ليه سليم وهو يعيط عليه يجي عندو..
تقدم سليم ما فاهم والو لابس فرجليه صندلة ديال عفراء مدخل فيها غير صباعو ..بإشارة بعنيه بدا كيتكلم مع اناس غير بالمعنى...
سليم "شواقع"..
اناس بعنيه شار لعبدالله و عاود شار لدارهم بمعنى " فكني منو "..
كيتفاهمو غير بعنيهم بحال توام و بسرعة قرب سليم لعبدالله دور يدو عليه رفعو كامل حيدو من قدام فاطمة لي خرجات عنيها فسليم وصرخات بعصبية...
فاطمة : طلق بااابااا وااش حمااقيتوووو ...
تقدم اناس دفعها لداخل من شافها اتبع باها..ركب حداها و سد لباب باش متخرجش خلاها تغوت بحال الحمقة وهو ببرود مردش عليها..
هبط جاج كيتكلم مع سليم لي مزال هاز عبدالله بحال تربية ...
اناس : دخلو لدار خليه مع والديا نتفاهم مع هاد المصيبة لي عندي و نرجع...
سليم حرك راسو و اناس ديمارة خرج من زنقتهم و دخل فطريق الكبيرة وفاطمة حداه كتغوت....
فاطمة : واااش حماااقيتي .. حبااااس رجعني عند باااباا داابا ..شهااد قلة ترااابي فيكم...
اناس بزعفة جرها من عنقها ..
-غادي تسكتي وتهدني ولا انقلب ديلمها هاد طونوبيل نتخلط ان و زا*مل بوك هناااا ..داايرها قد رااسك و مزاال كتحلي علياا فمك ....
سليم دخل لدار حط عبدالله لي شداتو دوخة ما عرف باش تبلا و الاحراج كمل عليه و مالين دار دارو بيه وخنزرو فاناس لي رجع لور ...
سي العربي : شهاد قلة الاحترام لي ولا فيك ...
سليم بحرج بدا كيحك راسو : اناس باغي يتفاهم مع البنت وخاصني نعاونو شنو بغيتوني ندير..
علال خنزر فولدو : نتا وداك اناس مباغينش تحمدو الله و ديرو عقلكم بحال الناس...
عبدالله خفف من الاحراج من شاف العربي و ولادو دارو بيه كيعاونوه يجلس و كيغوتو على سليم ..من شاف سليم حدر راسو مبغاش يزيد وهو يقول...
عبدالله : غير بشوي على الولد راه مزال صغير و معارفش اش كيدير ....
سي العربي معصب : بان ليا خاص يتعادو ليهم ترابي .."بنضرات حادة "..فين داك اناس عيط عليه يجي نتفاهم مع ملتو تا هو جالس كيضحك علينا هنا .. يقول مبغاهاش و برا يتبعها بلا حشمة ....
سليم كيهضر بشوي : راني معارف والو انا غير درت داكشي لي قال ليا..
علال مخنزر : وليتي حمار غير لي قالها ليك ديرها ...
عبدالله : دابا بغيت نعرف غير بنتي فين داها...
عبدالقادر حالفها فولدو : كون هاني اسي عبدالله انا انخرج نقلب عليه فين ما كان انجيبو وبنتك اترحع ليك امانة مأمنة ..
لبس صباطو هو وخوه علال ايخرجو معولين يسلخو اناس لكن بصوتها حبساتهم...
عفراء لي من صباح وهي ساكتة مدخلاتش فالهضرة و خلات كل واحد يغني بغناه و يدير لي بغا ..اخيرا نطقات اتجاه خوتها...
- خليه يتفاهم مع البنت و أجي جلسو حدايا..
سي العربي بغضب : فاااش ايتفااهم ياك قدامو قلنا ليه كلشي وهو رفض شباغي كتر من هادشي ....
عفراء تبسمات و عترفات ليهم ...
-اصلا فاطمة لي كان كيدوي عليها وناوي معاها الحلال وهي لي كيبغي..
كلشي كمش حجبانو كيشوفو فيها....
علال : شكتخربقي نتي وعلاش مقال والو من كانت قدامو...
عفراء ببساطة : حيت اصلا مشافهاش ..ماشفتوهش من دخل وهو حادر راسو مهزهاش گاع...
عبدالله لي بدا كيفهم دار عندها بتساؤل : ومن نتي ابنتي شفتي هادشي كامل علاش مهضرتيش بلا ما ندخلو فهاد سوء فهم و بنتي يتكسر خاطرها وهي جايا فرحانة...
عفراء هزات كتفاها : مهضرتش حيت بغيتك تشوف شحال اناس كيبغي بنتك وناوي المعقول ماشي يضحك عليها ..وخا صغير فسن لكن من كيعطي الكلمة كيوفي بيها ولي بغاها كيدير اي حاجة باش تكون ليه.. مبغيتكش دير خاطر لبنتك وتقبل بأناس لكن نتا معاحبكش وتشوف فيه بإحتقار ..انا من لول بغيت نبين ليك كلشي وأن بنتك ادخل وسط عائلة كتربي رجااال ومكيغريه لمال ولا جاه و نزيدك هو اصلا معارفش بنتك واش لباس عليها ولا اصلا شنو عندها بغاها حيت هي فاطمة وشي حاجة خرا متصوقش ليها ولا سول عليها ..وخا صغير ولكن راجل ونص و الموقف ديالو شفتيه بعينيك حتى العين مهزهاش حيت ببساطة وحدة لي معمراهم ليه وهي فاطمة ...
بقاو كيشوفو فيها ..باها وخوتها بدون شعور نفخو صدرهم عجبهم كلامها و البسمة رجعات الملامحهم و سي عبدالله بدا كيرجع كلامك و موقف اناس وبدا كيفهم و بعد مدة هز راسو كيضح وتبعو سي العربي ...
عبدالله بإبتسامة راضية قال : اوا اسيادنا وقتاش تكونو مسالين تشرفونا و تخطبو من عندي البنت...
سي العربي رد عليه بإبتسامة. : اسيدي وقت ما بغيتي نجيو اصلا ملقاوش حسن من بنتك لولدنا ...
كلشي تبسم و بداو كيتعارفو من جديد على سي عبدالله ...
عفراء جمعات الوقفة : اوا خدمتي تسالات دابا الله يعاونكم...
سي العربي : فين غادة ابنتي جلسي تغداي معانا...
عفراء : بلاش ابا خاصني نمشي نشوف المحل و شنو واقع فيه انا بقيت معاكم غير باش نفهم سي عبدالله وصافي...
تودعات معاهم وخرجات لشغلها خلاتهم كيضحكو ديما كديرها بيهم و كتخلي ليهم لسان مربوط ولكن كلامها ديما كيعجبهم حيت كتكبر بيهم و متخلي تا حد يشوف فيهم بنضرة دونية...
سي عبدالله بإعجاب : ربيتي و عرفتي تربيي اسي العربي ...
عربي بفرحة : صراحة ربات راسها جات قافزة و شويطينة ولسانها ماضي ميقد عليه حد....
خرجات من زنقتهم لقات سيارة فجنب طريق تبسمات وقربات دخلات جلسات حداه باستو فخدو وهو حط ليها ساشي ديال الماكلة...
جعفر : ها هو الحوت لي بغيتي ...
حلات ساشي كتشوف وتشمشم..
عفراء : اممم ريحتو كتشهي...
جعفر : بصحتك الالة ..نديك دار و لا المحل...
عفراء : ديني المحل گاع ما مشيت ليه صباح...
جعفر شد طريق وحط يديها بين يدو كيلعب بأصابعو وسايق مرتاح وخا باين عليه العيا و مناعسش لكن مكيبينش فتصرفاتو وكيدوز معاها الوقت باش متقنطش ...
- اوا شنو وقع صباح...
بدات كضحك : لقلت ليك اتصدم...
كمش حجبانو ودار كيشوف فيها ورجع راقب طريق..
جعفر : ياك لباس؟؟؟ ...
عفراء : اوا اسيدي فاطمة جات خطبات اناس...
بصدمة وقف سيارة ودار عندها بعدم تصديق..
جعفر : كتهضري من نيتك...
عفراء : اه اسيدي و نزيدك كانو مصاحبين وهي خافت منتقبلوهاش حيت كبيرة عليه هادشي علاش جات عندي ندير ليها طريق اوا انا قلت ليها حطيه فالأمر الواقع وختاصري طريق...
جعفر بقا كيشوف فيها مطلع حاجب و مهبط لخر ونطق بكل صدق...
- سبحان من خلقك راه ما قلت ليك جهنم كحلة الا و راكي شيطانة نيييت...
بدات كتفرنس عاجبها الحال..
عفراء : اوا شنو كتصحابني ضريفة ولي جا يبغي يديرها بيها..
"صغرات عنيها كتشوف فيه "..
-ولا نسيتي اش درت ليك من يالله تعارفنا ولا حيت وليت كنبغيك صافي قطعتي الواد و نشفو رجليك و كنبان ليك ساهلة....
جرها دور يدو على عنقها ...
جعفر : اجي لمك هنا اش دانا لهاد الهضرة كاملة انا عاد كنحمد الله و نشكرو على نعمة العقل لي درتي...
قرصاتو فكرشو مخنزرة : ياك اسيدي دابا وليت ليك ساهلة ولكن غير صبر تا نولد ونرجع كيف كنت..
شدها من حناكها قرصهم وهي مغوبشة...
جعفر : راه وخا تولي كيف ما بغيتي مزال كنبغي عفراء المسطية و لي بعقلها.. ضريفة و العصبية ..كلشي فيك كنبغيه...
قلبات عنيها معجبة براسها وهو جالس كيقبلها فخدها حتى حس بيها كتلعب ليه فكرشو وصرخات بعدم تصديق ..
عفراء : نااري المسخووط ولات عندك الكرش...
جعفر خنزر فيها ومطلعها عليها ..
-اه.. علاش مفراسكش كنعاونك فالحمل ، تا انا حامل بتوام....
عفراء : كضحك عليا...
جعفر : لا حاشة الالة حيت نتي لي كضحكي عليا دبا....
عفراء ممفكاش : ولااا اصاحبي ميمكنش فين دوك العضلات المطراسيين وقاصحين هادشي مبقاش كيعجبني ...
جعفر خنزر : واش كنبان ليك مسالي نحك تا راسي بقا غير ندوز لوقت فالحديد ...
عفراء : ومااشي صوقي بغيت ديك الفورمة لي كنت كنشوف من قبل ولي غير شوفة فيها كتخلي لقلب يضرب تشهاي غير تشوف فيها...
ساط من نيفو بحال تور وهي كتشوف فيه بجنب عنيها ..
عفراء : وقتاش اترجع تريني ...
رجعها لبلاصتها مغوبش..
جعفر : ديري ديك سمطة نديك لمحل ديالك ...
جلسات كتفرنس عارفاه مغاديش يرضى و ايرجع يتريني ...
وصلها قدام المحل باستو وخرجات بقا هو متبع ليها العين تا دخلات عاد شد طريق مغوبش و كيعض فمو من لتحت و يقشرهم و حجبانو عاقدهم لوسط..هبط راسو كيشوف كرشو مبان ليه تا فرق ولكن كلام عفرااء مبغاش يمشي ليه من عقلو ..
وقف قدام صالة رياضية دخل سجل وخلص العضوية ديالو لمدة عام وخدا منهم بروتينات لي كان كياخد من قبل من كان كيتريني ومن حبس مبقاش كيستعملهم ودابا من رجع خاص يشريهم ...
شرا كلشي ودخل لسيارة حط كلشي فالكرسي حداه و شد طريق لـ Decathlon خدا حوايج ديال صبور و بعض الألعاب رياضية ديال دار يتريني بيهم من يكون عندو الوقت و مسالي...
رجع لدار دخل كلشي ستفهم بلكار و دار لحوايح فالماريو و توجه لبيرو ديالو بدا كيقلب على شي ملفات هزهم ورجع هبط ركب فسيارتو ومشا عند أمين عيط عليه فتليفون يهبط عندو ...
دخل امين لسيارة جلس حداه و وجهو صفر و شعرو مخربق و الحزن مخيم عليه ..دار عندو جعفر مكمش حجبانو..
- نعستي شوي...
امين : منين اخويا ايجني هاد نعاس وضو ديال دار مبقاش ...
جعفر تنهد بجهد : سمع ا امين الموت علينا حق وكلنا ايجي وقتنا و الحزن ولا بد منو لكن ميعنيش هادشي نهاية ديال العالم ..دعي مع مك برحمة وكل مرة فكرها بصدقة ودير الخير بإسمها باش يوصلها اما البكاء و الحزن معندو باش يفيد الميت ..
امين دوز يدو على وجهو : عارف اخويا هادشي غير هي لي عندي و دار خوات عليا بزااف...
جعفر : ربي يسهل ويسر من عندو حمدلله ربي رحمنا بنعمة النسيان و مع المدة اتعايش مع هاد الوضع وتكمل عادي راني دزت من هاد تجربة وحاس بيك ولكن خاصك تجمع راسك راك مزوج ومراتك حاملة ومبقا ليها والو تولد خاصك تخدم ودير بلاصة فين يجي داك لوليد ...
امين مهموم : بغيت اخويا ولكن راه بزاف باش حبست من الخدمة و ما شاد تا شي قضية هاد ساعة...
جعفر جبد الملفات حطهم قدامو : هادو قضايا كانو مالهيم عاطيهم ليا نتكلف بيهم فيهم ناس لباس عليهم وغادي يعاونوك ودخل فلوس صحيحة وراني هضرت معاهن و قلت ليهم غادي نحولكم لمحامي صاحبي تيقة هو ايعاونكم حسن مني وهما وافقو ونوامر ديال كل واحد فالملف تاصل بيهم و علمهم وعطيهم عنوان ديال المكتب ديالك باش تافقو و تعرفو كثر ...
بقا امين كيشوف و عينو رجعو حمرين و شفاه ديالو كترعد شداتو البكية و ندم على داكشي لي دار ..ما عرف ما يقول ولا شنو يدير معاملة جعفر كتفات ليه ليدين و زادت ازماتو وخلاتو يندم قد شعر لي فراسو ...
جعفر حس بيه وهو يربت على كتفو ...
- متفكرش بزااف راه وخا ندابزو مغاديش ندوزك حيت مدوزتش انا وياك قليل وراك مزال صاحبي و خويا ومنفرطش فيك...
امين تخنق وسط دموعو : الله يرحم ليك الوالدين وسمح ليا على كلشي ....
جعفر بجدية : معندك علاش تطلب سماحة تا انا غلطت و ضربتك و كنت غادي نعوقك غير ربي حفضك ..ودابا خدم داك العقل كيف ديما ورجع خدم ودير لديك بنت ناس شي عرس بعد ما تولد وفرحها حيت باين كتبغيك ودايراك فوق راسها..
امين تبسم كيمسح دموعو : وخا تزوجت بيها بزز مني وغير على خاطر الواليدة ولكن صراحة لقيت راسي كنبغيها بلا ما نشعر هي نية و ضريفة بزاف ودخلات لقلبي بلا ما نحس...
جعفر : حمدلله على كل حال ربي بغاك و عوضك خيراً...
بدا تليفونو كيصوني هزو كيقرا سمية لي ضاهرة على شاشة ..كمش حجبانو وقبل الإتصال و تنطق طرف الأخر بسرعة...
اناس : خويا جعفر محتااااجك ضروووري ...
جعفر : مالك شواقع ..
اناس باين عليه مزير ونطق بعصبية ..
- شدوني لبوليس ....
خرج من رباط غادي لبلاصة بعيدة وخاوية فين يتفاهم معاها مزيان وهي بقات ساكتة مدورة وجها لجهة لأخرى متبعة طريق وباين عليها الحزن ...
كل مرة يدور عندها يشوفها و يرجع يراقب طريق و صمت زاد طغا بيناتهم كيحس بالمسافة بدات كتكبر بيناتهم وهي بدات كتعزل نفسها عليه وهاد الإحساس معجبوش ...
اناس : دابا مالكي مغوبشة...
بقات فاطمة صامتة بدون ما ترد عليه وهو زاد تزير ....
اناس : راني كنت كنهضر عليك نتي واش مكتفهميش ولا باغية تعصبيني...
بعيون حمراء ضارت عندو كتغوت..
فاطمة : كنت قدااااامك و حداااااك كون كلام لي قلتي كان عليا غادي تفرح و يعجبك الحال ماشي تقول ديك الهضرة الحمار....
اناس كيحاول يكالمي راسو معاها : راني مشفتكش من دخلت وانا كنت حادر عيني مطااحتش علياا فالبااال ابدا اديري هادشي و تجي تال دارنا .. حيت هادشي كيدروه رجال ماشي لبنات...
فاطمة بكره : وخا اسيدي سمح ليا انا لي مكنسوااش و قللت من راسي و بهدلت بكرامتي...
اناس كيتحم فاعصابو مبغيش ينفاجر قدامها ..
- انا مقلتش هادشي وبينت ليك غير الأصل ديال الحاجة ...
فاطمة العقل طار ليها والغيرة عمات ليها عينيها ...
- دابا كتمعني انني ما عندي اصل ...
اناس بعصبية غوت فوجها : مااال طاااسيلتك مكتفهميييش ولا مال جد بووك هااد نهاار ، انا كندوي فجهة ونتي كتشدي الهضرة من زك*ها ...
فاطمة بغات تندب حنامها : وااااش مكتفهمش رجعني لعند باابا وفرقني عليك سير عند ديك الخرية فرح بيها ولا ضبر لمخك معاها عنداك تصحابنيي كبيرة منك رااني صااافي انلصق فلي كان ...
"فرقعات اصابعها فوجها "...
- الف راجل يتمناني و يحلم بشوفة مني و فلوس لي عندي يشريوك و يشريو الف واحد بحالك ...
ما عقلش عليها هز يدو ضربها بتصرفيقة خلا دم يهبط من نيفها وتحس بحرقة صفعة لي جننها كثر وخلاها تولي بحال الحمقة....
فاطمة: ماااتقييصنييش الحمااار ..شكوون نتا اصلا باش تحط علياا يديك ...
بقا كيشوف فيه و مغوبش مامسروطاش ليه هاد الكلمة لي قالتها وهي مزال غادة معاه باغية تعرف شنو فراسو...
فاطمة: كيف قلت ليك اسيدي اتعطيني طنوبيلتي نمشي بحالي ومانعرفك ما تعرفني...
اناس ضحك بعصبية : واش كتصحابي دخول لحمام بحال خروجو...
حطات اصبعها على صدرو كضربو و تهضر..
فاطمة: اولا اسي الفاهم هاد الحمام لي كدوي عليه مزال گاع ما دخلت ليه باش اصلا نخرج منو و انا وياك مادرنا فطاجين ما يتحرق...
هز حجبانو مفقوص : ياك الالة دغيا ضربتي كل لي بيناتنا فلخوا انا ما بقيت نستاهل والو...
فاطمة هزات كتافها : تستاهل او متستاهلش هذا ماشي سوقي...
بغات تنوض من فوق حجرو ترجع لبلاصتها وهو يشدها دور يدو عليها زيرها و مخلهاش تنوض و جها فيكساه مع وجهو...
اناس: شوفي ابنت لخليجي عندي ليك هضرة وحدة وهي انا لي انديك و من غيري مكاينش...
فاطمة بتحدي فنضراتها : كاااين و كااين بزاااف يتسناو مني غير اه يديرو صف قدام دارنا...
اناس تزير مكرهش ينوض يخلطها هاد ساعة ومقدرش ..اول مرة كيلقا راسو متحكم لهاد درجة فاعصابو ...
مولف غير لي عصبو كيخلطو تم نيت وهادي لقا معاها صعوبة فلول من كانت كتخاف منو كانت كتجيه خوافة بزااف و ريح لي جا يديها هادشي علاش عزات ليه فقلبو تا ولا كيبغيها ودابا كيشوفها بحال ديك لوردة لي ربات شوكها فين ما تلمسها تقرصك...
بضا كيعض في فمو و يقشرو و يسوط من نيفو و هي عاطياه نخال..بقا كيشوف تا عيا و هو يجيها من لخر..
اناس : بغيتي تمشي بحالك...
فاطمة : راني هضرت ولا مبقيتيش كتسمع...
اناس مكالمي : وهادشي لي بيناتنا ايتسالة هنا...
بتردد شافت فيه ومن شافتو مبرد وهي تنفخ صدرها بكبرياء لي كيجيها غير فالوقت لي مخاصش يجيها...
فاطمة: ااه اسيدي داكشي لي بيناتنا ايتسالة اصلا انا وياك ماشي فعمر واحد ومغاديش تفهم عقليتي حسن نساليو من هنا...
اناس حرك ليها راسو : وخا الالة نفاريوها انا وياك دابا نيت...
فاطمة تخنقات ..عضات شفاها سفلى وبقات ساكتة وهو كمل كلامو...
- قبل ما نتفارقو رجعي كل داكشي لي كنشالو ليك ..
حسات بحال ضو داز فيها و صعقها..بعدم تصديق كتشوف فيه وهو واخد راحتو ...
فاطمة : كتهضر من نيتك...
اناس : مكنضحكش !!!...
بدات كتنفس من نيفها اتفرقع عليه..
فاطمة : وخا سيدي سمح ليا نسيت مرضيتش ليك فلوسك لي حطيتي عليا فكلينيك و الماكلة ..
هزات صاكها اتجبد شيك وكلها كترعد وهو كمش حجبانو شد ليها يديها وهي كتركل وعنيها حمارو...
فاطمة : يااك باغي فلوووسك هااني انرجعهم ليييك شبااغي كتر...
اناس بغضب : مك نتي منين كتفهمي ماشي غير لفلوس لي عطيتك...
توقفات من الحركة بعدم فهم : شنو عطيتيني اخر..
اناس : اولا هاد تمان اشهر لي عرفتك فيها كلها اترجعيها ليا...
فاطمة : واش حماقيتي كيف اندير نعطيك هادشي...
اناس هز كتافو : ماشي سوقي عطيني تا نتي تمان اشهر من وقتك وديري فيه گاع داكشي لي كنت كندير ليك...
فاطمة كمشات حجبانها : شنو كنتي كدير ليا...
قرب وجهو ليها قبلها في فمها وقال ..
- بوسات لي عطيتك...
"حضنها بدفئ وكمل كلامو"...
-تعناق لي عنقتك..كل داكشي لي درت معاك رجعيهم ليا افاطمة واحد بواحد...
فاطمة تبسمات بلا ما تحس : كتفلا عليا..
قبلها فوق نيفها : لا مكنتفلاش عليك انا باغي قلبك كيف عطيك قلبي ...
هبطات راسها كتحبس لبسمة بزز و الفرحة لي بانت فملامحها ..تهز راسها و تعاود تهبطو و شكلاها كيضحك و غادي معاها فالخط مباغيش يفرشها..
اناس : دابا اش قلتي اترجعي ليا ما عطيتك...
فاطمة بعيون كيبريو باين الموافقة منهم ورغم دالك قالت ...
-خليني نفكر و نرد عليك...
جرها من عنقها كيضحك ..
اناس : ياك لطاسيلتك تفكري و تخليني محنسر هنا...
ضرباتو لكتفو : خاصك تصبر..
اناس : صبر خليتو ليك...
غزا فمها بسرعة معطهاش فرصة كيتدوق ريقها و ياخد لسانها بين سنانو يمصو و يرح
جع يمص كل شفاه عن حدة ..عرف كيفاش يجبدها و تبادل معاه القبلة بكل رغبة ..
دورات يديها على عنقو منغامسة معاه اكثر فالقبلة نساو راسها وبدات الحرارة كتطلع معاهم و جسدهم كيتحرك ضد بعض باغين شي حاجة كثر من القبلات لي كيتبادلوها..
عارفين هادشي غالط لكن مقدروش يحبسو وزاد طغا من شافها ما منعاتش حركاتو وزاد فرق ليها رجليها اكثر و جرها عندو... جسدها سفلي طاغط على جسدو لي تحرك برغبة اتجاها ...
حسات بيه وهي تقطع القبلة كتنفس بصعوبة..
فاطمة بصوت مخنوق : هادشي ممزيانش...
الرغبة غلبات عليه و عينيه تعسلو ..حط يدو على حنكها ...
اناس : كتبغيني و كنبغيك شنو لي غالط فهادشي..
بترجي فصوتها نطقات اسمو : اناااس...
حط راسو على لكرسي وساط بجهد رافع راسو لفوق ..
اناس: تقدري تجلسي فبلاصتك خليني نكالمي راسي شوي...
بحرج ناضت من فوقو جلسات فلكرسي ديالها كتبعد نضراتها من الإنتفاخ لي واضح فسروالو وهو تخنق ومقدرش يصبر بغا يجرها يدير معاه غير من لفوق ولكن مقدرش شاد راسو عليها بزز...
مدورة راسها لجهة الأخرى و الحشمة قاتلاها... سمعات صوت صمطة ديال سروال وهي دور عندو بدون فهم لقاتو كيحل صدفة ديال سروال وهبط سنسلة بشوي عاد تنفس براحة وهي خرجات عنيها فالمنضر بسرعة هربات عنيها باغية تموت ..
اناس حس بيها : مغادي ندير ليك والو بلا ما تخلعي...
بقا مغمض عينو حتى حس بيها ضرباتو فكتفو و نطقات بعصبية..
فاطمة : أنااااس لبوولييس ، لبوووووليييس ...
يتبع...
التعليقات
لا توجد تعليقات بعد، كن أول من يعلق.