محتوى القصة
تجمدات فمكانها ورا كلامو بقات كتشوف فيه مبهوضة وهو عينو فعنيها كيتسنا جوايها...
فاطمة حلات شفاها بغات ترد عليه ولكن خرجات فقط تنهيدة وريحات جسمها وقالت بصوت تقيل....
-كتهضر من نيتك...
اناس : هادشي كامل لي قلت ليك و مزال كتسولي واش من نيتي...
حطات يديها على صدرو دفعاتو بشوي ..
فاطمة: انا ماشي قدك أ اناس ومغاديش تقدر عليا...
تكا على الحيط قدامها دار يدو فجيبو ونضراتو اتجاها حاملين اعجاب..
اناس : جربي وحكمي من بعد تقدري تولي تبغيني ...
فاطمة بإستهزاء : ماشي من عادتي نعطي فرص و بالأخص لبرهوش بحالك...
تحولو نضراتو لصرامة وحرك لسانو على خدو لمدة طويلة عاد قال..
-هذا هو جوابك..
فاطمة: موقف ديالي واضح من لول مامستعداش نزل من راسي باش نكون معاك...
بعصبية خطى خطوات عندها اكثر ..
اناس: شكون فينا لي نزل من راسو فهاد اللحظة انا ولا نتي.....
فاطمة هزات كتافها : على حساب عقليتك.. انا وياك مكنفكروش فنفس الإتجاه...
حرك راسو بإبتسامة ساخرة...
اناس : وخا ..الله يعاونك الالة ...
هز تجاكيط ديالو وخرج بدون ما يلتف اتجاها بقات واقفة فمكانها مربعة يديها وكتشوف فضفارها بعجرفة واضحة ..امام لباب قبل ما يخرج دار عندها اخر مرة شافها ممصوقاش ليه وهو يخرج كيتنفس من نيفو مزير..
فور ما خرج تبعات عنيها لباب بنضرات توقع بقات لتواني كتسناه يرجع ..ضنات انه ما حد قال كيبغيها ايرجع يعاود يطلبها تكون معاها لكن خيالو مبقاش كيدور خلا فقط رائحة الخاصة بيه لي كتدل انه كان معاها...
الحب لي كانت كتكنو اتجاه جعفر خلاه تفكر هكذا وضن ان لي كيبغي كيدير هادشي..رغم رفض جعفر المتكرر ليها الا انها بقات تبعاه ولكن دابا كتشوف العكس فور ما رفضاتو خرج مباشرة خلا قلبها مزير...
شكون فينا لي مكيعجبهاش شي واحد يكون كيبغيها ويكن ليها اعجاب ..
حسات براسها انها مرغوبة وقادرة وبالاخص انه معارفش عملها او الثروة لي واصلة ليها ..
كل لي كان كيقرب ليها كانت عارفة انه فقط كيطمح لتروة ديالها و ثروه لي اتورت من باها ..
تا حد مشافها كأنثى او هتم بمشاعرها و بقلبها هادشي علاش كانت كترفض كل لي كيقرب ليها اما دابا مع اناس لي بغاها وهو معارفش هادشي خلا قلبها ينبض..
اتكدب على نفسها لو قالت انها متأتراش و مفرحاتش بإعترافو ولكن فارق السن شكل مشكل ليها...
بدون شعور تبعاتو بسرعة بدون ما تلبس سلهام ديال عبايتها خرجات وزيف مرخوف كيبان نص شعرها وكسوة سوداء مزيرة ودايرة سنسلة دهبية على خسرها كمل اكسسورات الكسوة لي لابسة ..خلا شكل جسمها منحوت و واضح لأعين..
صوت صباطها كيضرب مع الارض الرخامية خدات سانسور هبطات مباشرة لتحت خرجات كتبحت بعنيها...
كل الاعين هزو نضراتهم ليها وفور ما شافو شكلها قطعو النفس مبهوضين وهي غير ابهة لنضراتهم..
خرجات برا كدور فراسها وتوقف من شافتو حدا سيارة حل لباب ايدخل ورجع سدو بجهد باين من افعالو معصب..
دخل يدو فجيبو هز كارو شعلو وصاط دخان من فمو وبقا واقف فمكانو كتشوف نص وجهو وملامحو المتميزة من بعيد..تبهضات لأن رغم صغر سنو الا انه كان طويل وجسدو مفتول العضلات وملامحو غربية وحيت معاشتش فالمغرب و معارفاش تضاريس ديالو معارفاش ان شكلو معروف بيهم ناس الاطلس من رجالهم و نسائهم..
لابس قامجة مزيرة عليه نوعا ما كيبان ضهرو عريض ويدو لي حاملين الكارو من كيهزهم كتزير القامجة من جهة الكتاف..
بعد ما نتبهات اخيرا لوسامتو تكونو اسئلة كتيرة فالداخل ديالها.. رجل بحالو نغاديش يكون ناقص من نساء لي ايتعحبو بيه ومكاينش لي اترفضو اذا علاش بغاها هي..
شنو كيمزيها على النساء وعلاش ايبغي وحدة اكبر منه بينما قادر يختار وحدة قدو او اصغر منو و يتهنا من صداع راس...
الشيء الوحيد لي كيميزها هو الثروة ديالها لكن هو معارفش هادشي بل غالط فيها ورغم هادشي بغاها...
سؤال ورا سؤال كيدورو ليها فراسها وفوسط سهيان ديالها منتبهاتش انها تقدمات عندو و قفات امامو وعيناها قابلت عينيه...
طفا الگارو بدون ما يشوف فيها حل لباب ديال سيارة ايدخل وهي تقرب لعندو كتشوف جهة لاخرى دايرة راسها ممصوقاش رغم انها كتشوف فيه بنص عين ..
وقفات حدا باب سيارة منعاه يدخل وبعجرفة قالت...
فاطمة: تعشيتي...
جرها بعدها من لباب دخل وبكل برود قال..
اناس : ماشي سوقك...
بسرعة توجهات لجهة لأخرى ركبات حداه و قالت ...
- انا مزال ما تعشيت ديني نتعشا...
تكا على لكرسي شاف فيها مطولا وهي كتشير ليه يديماري سيارة يتحرك....تنهد بلا قوة وقال..
اناس: معرفنا شكون البرهوش فينا هاد ساعة
وقف امام مطعم عادي هز تجاكيط مدها ليها وخرج بدون ما يدوي معاها...
لبساتها جاتها حدا فخاضها مغطية شوي..خرجات تبعاتو وهو خفف من خطواتو باش تناسب معاه فالمشية ..رجع كيمشي حداها خطوة بخطوة وبهاد الفعل لي دار تبسمات بدون شعور..
خداو طبلة وبدات كتختار شنو اتطلب وهزات راسها مبتاسمة..
فاطمة : خود لي بغيتي انا لي انخلص هاد ليلة...
هز مكتافو بكل بساطة وطلب شنو بغا وهي ختارت وجلسو كيتسناو ..هز تليفون كيلعب فيه وهي كدور عنيها على المطعم وترجع تشوف فيها وهو مهزش راسو لعندها...
ضرباتو لرجلو من لتحت بجهد خلاه يكمش حجبانو وهز راسو مخنزر...
اناس: شواقع !!!...
فاطمة شارت لنفسها : ياك قلتي كتبغيني ...
اناس ببرود : ومن بعد...
فاطمة ربعات يدها : مباينش عليك انك كتبغيني غير رفضتك ونتا دغيا خرجتي...
حط تليفون كيشوف فيها بسخرية ....
اناس: كنتي كتسناي مني نطلبك ونبكي عليك...
فاطمة بتوتر : ياك كتبغيني ولي كيبغي كيدير أي حاجة ...
اناس حرك راسو برفض مبرد مباينش عليه گاع حس الحب ..
- كنبغيك اه ...قبلتي مرحبا مقبلتيش البحر عامر حوت دنيا مكتوقفش على بنادم...
تبسمات فرحانة وعنيها كيبريو..خرجو برا وقف دار عندها طلع ليها سنسلة ديال تجاكيط ديالو لي لابسة...
اناس: كاين البرد ...
فاطمة : اممم..
"عضات شفاها من لتحت وكتهرب نضراتها لإتجاهات اخرى "..
-غادي تجي عندي غدا..
اناس بقات عينو على سنسلة ديال تجاكيط ونطق بصوت هادئ و البرد كيطير ليه شعرو..
-قلت ليك غادي نديك لطبيب...
حدرات راسها كتشوف فصباط ديالها...
فاطمة: ومن بعد..
ربع يدو على صدرو وهز كتافو ..
اناس: شنو بان ليك نتي اما انا قلت لي عندي ...
فاطمة نيفها رجع حمر بالبرد وعنيها عليهم ضبابة ديال دموع كيلمعو فليل و اضواء شوارع كضرب فيهم كتخليهم متلئلئين و كيخطفو الأنفاس...
بدفئ ملتف قلبها وخلاها تبتاسم بحنية لمشاعر لي كيكن اتجاها قالت برقة....
فاطمة: وخا مغاديش تيقني ولكن نتا هو اول واحد اندير معاك غلاسيو...
"بحنيكات حمرين زادت الإبتسامة ديالها"..
-ولكن غادي نجرب نقدر كيف قلتي نولي نبغيك مع المدة...
بقا جامد ورا كلامها وحس بحال شي حاجة سخونة تحطات على قلبو وخلاتو يضرب بجهد ..
فرحة خلجات قلبو وخلات دم يضخ فعروقو بكتافة كأنه وسط سباق والأدرينالين جدد الطاقة فجسدو وخلاه متحمس لما هو قادم...
دخلو لسيارة يرجعها لوطيل وقبل ما يديماري رما ليها تليفون..
اناس: قيدي ليا نمرتك...
خدات تليفون اتقيد نمرتها وهو يصوني تليفونو وطلع اسم عفراء فشاشة..
فور ما شافت الإسم ختفات الإبتسامة من ملامحها .....
خدا تليفون رد على الإتصال خلا صوت مجهد كتسمع معاه وديمارة سيارة شاد طريق فليل وخدا اطول طريق نحو الوطيل ..
تسمع صوتها فسيارة لي غالب عليه الصمت بعد اتصالها..
عفراء : فينك..
تبسم بطفولية قدام عمتو كيبان برهوش ومعندوش مشكل يتبرهش...
اناس: مع الحب...
عفراء بسخرية : كضحك عليا ..نتا و الحب فين عمركم تلاقيتو..
اناس شاد ضحكة : تلاقينا بقا نديرو غير لولاد...
عفراء: الله يمسخك جيبها بعدا غير لدار نشوفها كيف دايرة ..
اناس : ها انا جايبها معايا دابا ...
عفراء بدهشة : واش كتهضر من نيتك ولا كتفلا عليا ...
اناس بنص عين شاف في فاطمة لي كتسمع بصمت ..تبسم وقال...
-كنهضر معاك من قلبي ماشي غير من نيتي...
عفراء وقع من طرفها صمت طويل تلفها وحيت عارفاه مزيان نطقات بصوت جدي...
-انا كنعرفها ...
اناس منكرش : اه....
عفراء صاطت بجهد : دابا وقتاش اتجي...
اناس رجع لطفوليتو : علاش توحشتيني العميمة...
عفراء بسخط: توحشك لفعة يومين ونتا تم مزال مغادي ترجع وديك القراية لي نستيها واش بغيتيهم يديرو ليك طرد ونتا بقا ليك غير عام واحد و تخرج...
اناس كمش حجبانو: نسييت گاع خاصني نرجع ليوم .."زير على سنانو"..داك الحمار مقال والو مولف هو لي كيفكرني وقتاش خاصني نرجع..
عفراء معصبة: مكاين لحمار قدك.. بعدا سليم وخا كيدير زبايل شاد فقرايتو ونتا لا قراية لا مستقبل غير مصيبة تابعة مصيبة ...
تنطق صوت سليم لي كان جالس حداها...
سليم: الله يخلي ليا لي يقول الحق لشي بنادم يديرها قد راسو و يڭدمني فيها...
اناس بسخط : شفتي نتا غادي نفلعص طاسيلتك من شي قنت بهاد لفعايل ديالك...
سليم جر تيلفون من يدين عفراء مبرد ..
-غير اجي عمي عبدالقادر و الواليد موجدين ليك الحبل و الملحة ايرقدوك مزياااان...
خدات تليفون معصبة : لقوة نشالله كتعصبو.."بين سنانها"..اناس غدا رجع لقرايتك ..
انـاس : صافي ازين ديالي ميكون غير خاطرك غدا راجع نشوفك ومن بعد نقلع لمراكش...
عفراء : رجع ليا غير طونوبيلتي منشوفك ماتشوفني...
اناس: وخا القلب مشهية شي حاجة نجيبها ليك معايا ...
عفراء بصوت ضعيف كتهمس كأنها خايفة شي حد يسمعها..
-جيب ليا ديك الحلوة ديال لوز لي كتعجبني...
اناس برفض : لعميمة طبيبة مانعة عليك سكر ..
عفراء : غير جيبها راني كنتوحم عليها ..
اناس : كضحكي عليا احبي كاين شي وحم كيبقا تال شهر خمسة ...
عفراء بين سنانها : وازبل واش لي باديه ليا جعفر هنا تكملو ليا نتا ..
اناس بدا كيضحك واخد راحتو..
-اييه وانا كنقول مال سيدة كتهضر بشوي قول جعفر حداك وخايفة يدور فيك وتخليني انا قدامو يضرب ديلمي بشي نص ..
عفراء : مغاديش يضربك غير جيبها وهرب لمراكش...
اناس: سيري بحالك اعمتي خلي عضامي صحاح هاد ساعة ...
ساطت بجهد غضبانة وقطعات عليه خلاتو كيبتاسم غير وحدو ...
رجع تليفون لفاطمة لي ملامحها تغيرو ونطقات بمشاعر غير واضحة..
-غادي يجريو عليك من المدرسة...
اناس حرك راسو برفض مبتاسم : غير مولف انا وياهم نضحكو بحال هكا اما انا كنقرا فمدرسة عسكرية وهاد نهار كنرجعو غير لداخلية ماشي شي حاجة مهمة ...
فاطمة حسات بدنب ضنات انه نسا قرايتو على ودها كيف نسات قرايتها على وديت جعفر
-لكان عندك مشكل نقدر نعاونك.." نسات راسها"..ماما مغربية وخالي جنرال فالقوات المسلحة يقدر يعاونك...
توقفات سيارة ودار عندها بملامح حاملين استفسار..
-عاودي أش قلتي...
عاقت براسها وهي تسكت مرادتش عليه وهو بقا كيشوف فيها و ردد بتساؤل ...
اناس:واش نتي ماشي مغربية...
فاطمة حركات راسها بسرعة : لا عندي جنسية مغربية حيت ماما مغربية...
اناس هز حجبانو بشك : وباك...
فاطمة: بابا سعودي وعندي تا الجنسية السعودية...
اناس تخربق : وعلاش كتخدمي فدا.....
سكت مكملش كلامو وهي فهمات بدون ما يكمل حطات يديها على جبهتها كدير مساج بتعب و تنهدات بجهد...
فاطمة: من ايجي الوقت انفسر ليك كلشي...
بقا ساكت ميشوف فيها كانه باغي يقراها لكن مقدرش يقراها ..خربقات ليه راس وهادشي ممولفوش ..
رجع ديمارة سيارة شدو طريق وهي بقات كتعض فشفايفها كتحل فمها تهضر و ترجع تسدو ..
انسا : لعندك شي حاجة قوليها...
فاطمة: جعفر ايتزاد عندو ولد...
دور راسو لعندها شاف فيها مزيان و رجع كيشوف فطريق وقال..
اناس: غادي يوليو عندو ربعة...
فاطمة بصدمة : توااام..."تبسمات بغرابة "...غادي يكون فرحان بزااف بعد ما كان يتيم و وحداني ايدير عائلة مع وحدة كيبغيها من كل قلبو...
اناس ركز مع الكلمة الأخيرة ورددها ببطي كأنه كيأكدها ليها ..
-هانتي قلتيها دار عائلة مع المرأة لي كيبغيها..
نزلات راسها بحرج وعلنات صمت طول طريق..دورات راسها كتشوف فشوارع و كتفكر الموقف لي دارت لجعفر وهو لي عمرو حرجها ولا نقص منها وخا رخصات راسها ودلات نفسها بزاف قدامو لكن هو مدلهاش..
مغاديش تكدب على نفسها وتقول انها محسداتش عفراء لأنها قدرات تزوج برجل كجعفر ولكن اليوم من كتفكر جعفر كتحس فقط بإعجاب بعيد عن الحب و الهوس لي كان متملكها..
فقط اعجاب لشخص يتيم بدا درجة بدرجة ودار طريقو ونجح فالحياة ..
طريق لي كانت طويلة فإتجاه لوطيل و شخص لي عتارف بحبو ليها جالس حداها خلاها تعاود اخطاءها وتحاول تصلحهم ودير حياة ليها باش تعيش تا هي سعيدة...
فرباط وبين لأحباب و صحاب وعائلة مجموعة ..جالس فصالون وجلسات حداه عفراء كدوي حدا ودنو..
عفراء : شنو واقع ..
شار بعينو لعكوزة ديال حادة و مازن لي كيتعايرو وقال بهدوء...
جعفر: مبغاتش تعطيها ليه...
عفراء حطات يديها فوق كرشها : مريضة فعقلها هادي..
جعفر : مرا كبيرة خاص ضروري صبر معاها...
عفراء صغرات عنيها : قول محروقة..
جعفر نزل راسو لعندها : شنو قلتي !!!...
عفراء : حسن ليك بلا ما تعرف ...
هزات كاس اتاي وتكات عليه كتفرج معاه فمازن لي رجع وجهو حمر مخرج عينو فلعكوزة...
مازن : والله تا نديها بغيتي ولا كرهتي...
لعكوزة : شوف اداك مغمض لعنين ما شيطين عليا بنات نعطيهم ليك...
مازن شاف فحادة باغي ياكل راسو : واش هادي فيها زهايمر هادي انا لي ادير فيا زهايمر وتركب فديلمي الاعصاب...
لطوف حشمات : غير صبر اولدي راه دايراها بحال بنتها وغير هي لي عاقلة عليها...
مازن كيحاول يبرد : وخا هاني مبرد .."صاط بجهد"... حادة وافقات عليا وبغاتني وانتزوج بيها بغيتي ولا كرهتي باش نجيك نيشن...
لعكوزة دارت عند حادة : محشمتيش احادة تقبلي بهادا داير بحال فار دگيكي ...
سي العربي حاول يدخل بخيط بيض : دابا الحاجة شنو بغيتي باش تخلي حادة تزوج بمازن...
الحاجة بدات كدور فراسها : اوا دابا من قلتي ليا تشرطي منحيدهاش ليك من فمك...
سليم كينغز فعفراء : نقسم بالله مافيها زهايمر غير دايرانا ضحكة هاد شارفة..
خنزرات فيه عفراء ورجعات كتفرج تشوف اش اتشرط و الحاجة تقادات فالجلسة كتصاوب فقفطانها وباين عليها الحشمة..
الحاجة: اوا حادة من اتزوج ودير دارها .. تا أنا خاصني ندير داري...
سي العربي مفهمش : شكتقصدي الحاجة..
دورات زيف على فمها كضحك ...
- اوا قلت نمد يدي تا أنا لحنة وتقلبو ليا على شي راجل نتستر تا انا ومنكم كيجي الخير اسي العربي ...
جعفر لي كان كيشرب اتاي و كيسمع تشتت ليه اتاي من فمو ورجع كيكحب بجهد وحلات ليه من شافها كتشوف فيه ....
مكانوش معولين تقول هاد الكلام لي خلاهم حالين فمهم فيها مصدومين ..رجعو كاملين كيشوفو فجعفر لي ولا كيكحب بجهد تخنق وعفراء كضرب ليه فضهرو مخلوعة عليه مرداتش لباب لشوفات الحاجة...
عفراء : بسم الله عليك شوقع ليك..
حط يدو على فمو كيكحب و يهضر ..
جعفر : غير وحلات ليا..
رجع وجهو حمر و انفاسو تسارعو بزز باش حبس من الكحبة ..شرب الما لي مداتو ليه عفراء وهبط راسو حشم ومولات الفعلة ما حشمات..
مجبدة عنقها كتشوف فيه...
الحاجة : ياك لباس مالو مسكين...
حادة لي عارفة عكوزتها اش تحت راسها نغزاتها من لتحت..
-والو غير وحلات ليه...
دفعاتها بجهد مقصحة وخنزرات فحادة..
-مالكي كتنغزي فيا اختي بغيتي غير نتي لي تزوجي...
حادة بغات تهرب بالحشمة : الله اودي الحاجة راعي لسنك شوي...
الحاجة : نالي اختي على مزيناتي ومزال بصحتي ندردك و نعاود..
عفراء كضحك من نيتها مدات مجابت..الحمل قضا عليها و الكلام لي كانت تفهمو غير من المعنى دابا يا ربي غير تفهم ...
فوسط قهقهاتها قالت...
عفراء :اودي خلي المرا تقلب على زهرها مالكي غير نتي لي تزوجي...
الحاجة بدات كضحك عاجبها الحال..
-شفتي ابنتي نتي لي تعرفي...
جعفر جمع الوقفة وجهو حمر بغا يخرج ..
-نسيت شي حاجة فطونوبيل انمشي نجييبها..
داير سبة باغي غير يهرب ...
الحاجة حاطة عنيها فيه شافتو خارج وهي تغوت عليه...
-امول المطريال بلاتي ندوي معاك..
مدارش عندها خلا غير البرد وراه خلاها تحط صبعها على حناكها...
-اناري مال هدا واش معحبتوش ولا شنو.....
عفراء تقرصات : شغادي يعحبو فيك الحاجة....
الحاجة من نيتها : يتزوجني...
قبل ما تنوض دير شي مصيبة دخل جعفر بزربة كيف العجاجة ..شدها من يديها وهز صاك ديالها وجرها معاه خرجها خلا كلشي حال فمو متبعينه ما عرفو ما يقولو فصدمتهم ما فاقو غير بصوتها وهي كضرب في فخاضها و تويل..
الحاجة: اويلي دات ليا راجل بالحرايمية ...
لطوف دارت يديها على حناكها كتويل ...
-أميمتي واش كدوي على جعفر يا لمصيبة...
حادة مبقاش عندها لوجه لي تهزو فيهم طلعات كدردك لفوق هربات منهم والحاجة تابعاها كتغوت..
الحاجة: اديك طير لكحل اجي لهنا باغية تزوجي قبل مني..
حادة دارت عندها حطات يديها على فمها كتسكت فيها...
-منسمحش ليك الحاجة على هاد شوهة لي درتي ليا هاد نهار ، ديما محشماني..
الحاجة بدات كضرب فيها وتعطيها غير لضهر وكضرب بجهد..
-باغية تخليني وتزوجي ونبقا بوحدي ياااك...
حادة شداتها البكية وكتشد ليها يديها بزز..
- واش كاين شي حد كيهرب من دار العرس و الفرح الحاجة تا أنا بغيت داري و ندير لولاد ويكون شي حد فضهري ويكون راجل باركة تمارة لي دوزت و تعدبت فيها واش نهار ضحكات ليا دنيا تجي نتي تهجريه ليا و تحبسيها فوجهي...
الحاجة تزيرات طارت عليها جراتها من شعرها كتنتف فيها وضرب و تحلف...
-والله لا تزوجتي اتبقاي معايا والله لا خليتك تمشي لشي بلاصة ...
كلشي طلع من سمع صداع دخلو كيفكو حادة لي كتبكي بكل قوتها والحاجة لي تنتف و تعاير ...
بزز باش حيدوها من يديها جرو حادة دخلوها لبيت مهربينها من الحاجة لي بقات كتغوت و تعاير و تحلف حادة ما تزوج..
مازن بقا فدروج شاف كلشي بين عنيه ..تعصب وخرج بلا ما يهضر ولا يتكلم بغاو يتبعوه لكن لقاو راسهم حشمانيين سيد مكبر بحادة ومخلا مجاب و فرحان بيها وباش يكبرو بيه تا هو وقعات هاد المصيبة قدامو وهجروها ليه..
كلشي سكت ما قدرو يقولو والو و الحاجة حلفات لا تسكت كتمشي جهة لبيت لي فيه حادة و يرحعو يشدوها يبعدوها وهي ممفكاش بحال شي ولد صغير كيقلب على الام ديالو او بحال شي غريق كيحاول يقلب على سفينة لي تعتقو من الغرق..
كتحس لو حادة تزوجات مغادي يبقا يديها فيها حد ولا يتهلا فيها ..حادة لي كانت فجنبها وكل ما حلات عنيها تلقاها حداها هي لي توكلها و تغسل ليها و تصبن ليها وتهضر معاها و ضحك معاها و تنعس حداها و تطبطب عليها تا تنعس...
هادا حال ناس لكبار لي مكتبقى ليهم صحة ولا عقل كيرحعو بحال دري صغير ولي تهلا فيهم كيحسبوه مهم واغلا ما عندهم ومايقدرو يفرطو فيه...
خرجها وهي كتسوط بجهد معصبة وهو كيمشي بشوي على وديت كرشها...
خنزرات فيه وكلها كترعد...
عفراء : عاجبك الحال اسيدي وجالس كضحك مناقصك تا خير ..
"كتحاول تبرد راسها"..
-مكاين تا مشكل بغيتي نزوجها ليك مرحبا هانية وحق الله تا هانية..."جراتو بغات دخلو "..زيد جلس حداها دااابا نعيط على العدول تكاتب نتا وياها ونديرو ليكم العرس و البرزة ونهزك فوق العمارية تقول باي باي...
وقف فبلاصتو مفرق رجليه هز حجبانو و مبتاسم وهي كتجرو ونار شاعلة فيها وكلامها زاد ضحكو..
جعفر: اش دانا ابنتي لهادشي كامل...
خرجات عنيها فيه بداك كتلقم ليه كل كلمة...
عفراء: اااه اخويا انا وليت بنتك دابا .."حطات يديها على صدرها"..اوا سمحليا حيت صغيرة بزاف مكانش فراسي راك كتبغي شارفات سموووووحات اخويا ...
جرها من عنقها دخلها فأحضانو كيضحك كيف المسطي..
-واش مكتاسليش البرهوشة ...
عضاتو بجهد فصدرو خلاتو ينقز و يرجع خطوة لور ..
عفراء : عرفتي اش ايجيك مليح رجعني لدرنا ما تعرفني ما نعرفك والله يسهل ليك مع شي ميمة انا غير برهوشة...
قرب ليها كتر حط يدو على وجها وهي كتهرب منو ..زاد فقوتو و فيكسا وجها مع وجهو بقا محافظ على الإبتسامة وهي مرضياش تشوف فيه..
كيلمس حناكها ونضرة حنينة حاملها اتجاها..
جعفر : مسطية ديالي...
عفراء تزيرات: دابا وليت مسطية اوا رجـ....
فوسط كلامها و عصبيتها حسات بشفاه دافيين تحطو فوق شفاه ديالها وانفاس ساخنة كيلمس وجها و رائحتو الرجولية دخلات معاها بعمق ...
قبل كل شفاه عن حدة ورجع تعمق اكتر جمع لسانو بلسانها كيشرب ريقها وهي هازة راسها وعنقها كيبان كامل وهو حاني راسو اتجاها داخلين فقبلة عميقة..
حس بيها ترخات وهو يبعد لسنتيمترات قلال كيشوف فيها بعينو لي كيلمعو وهي بحنيكات حمرين حالة عنيها نصف حلة كتشوف فمو و ببطئ هزات عيونها تقابلو مع عنيه..
جعفر بصوت تقيل حامل حب عميق اتجاها قال...
-انــا ديــالــك..ديــالــك بــوحــدك...
تبسم بحرج وعضات شفاها لتحتانية كتحبس ضحكة شي لي خلا حرف زين يبان كتر فحنكها ..
قبلها فحنكها فمكان حرف زين لي كيزيد جمالها اكثر ..قرب حدا ودنها همس ليها بشلحة ...
جعفر : افولكي باهرا (زوينة بزاف )..
هزات راسها كضحك بحال الحمقة ...
عفراء :رومنسية بالأمازيغية ..
جعفر ميل راسو وهز حجبانو فيها ..
-معجباتكش...
عضات فمها من لداخل..
عفراء : زيد شي كلمة اخرى...
هز خصلة من شعرها دورها على صبعو وهزها قربها حدا فمو قبلها و عينو فعفراء وبصوت غالب عليه البحة قال...
-ياغيي اوماركنم (توحشتك)...
قربات وجها لعندو : ديما قدامك شنو توحشتي فيا...
جعفر غمزها : بغيتي نوريك...
دفعاتو ومشات قدامو : مبقيتيش كتحشم..
تبعها من لور داير يدو فجيبو وهز حاجب و هبط لخر متبع ليها العين من لور ...
زنقة خاوية و مضلمة وغير هما لي كيتمشاو واخدين اتجاه منزلهم فجو متناغم غالب عليه ضحك و راحت البال و الحب لي جامعهم ...
تقدم عندها ببطئ دور يدو على عنقها بحال شي صاحبو وضرب راسو مع راسها راشقة ليه هاد نهار عليها ...
جعفر : صراحة شرع عطانا ربعة...
بين سنانها صرخات بأعلى مافصوتها بغات تقتلو ..
-جعفاااااااار..
هرب ليها وهي تابعاه باغية تفرسو...
جعفر واقف بعيد منها داير عندها كيتمشى بلور وهي قدامو تابعاه بحال المسطية ...
-غير بشوي على الكريشة...
عفراء تبعاتو معصبة. : ها انا حاملة ليك بريعة دايرة ليك شرع و البركة شبغيتي كتر ..
وقف من شافها عيات و بدات كتسوط خلاها قربات عندو شافت فيه مزيان هزات راسها و تنفسات من نيفها ودازت من قدامو خلاتو واقف كيفرنس غير وحدو وقرب عندها كيتمشى حداها مرة يدفعها و مرة دفعو دايرين بحال دراري صغار خالقين جو طفولي بيناتهم...
مع ادان الفجر وبداية يوم الجمعة المبارك... فاقت من نعاسها بدقان لي فباب بيتها كمشات حجبانها وخرجات مخسرة ملامحها مزال كيضرها لحمها بضرب لي خدات ..
حلات لباب لقات الحاجة قدامها باين منعساتش و ملامحها حاملين الهدوء شافت فحادة بإبتسامة ماكيبان عليها لا مرض ولا والو باين بعقلها وبكامل صحتها...
الحاجة : اجي تصلي معايا...
حادة خرجات عنيها بصدمة لي عارفة هو من نهار الحاجة ضربها زهايمر نسات كيف تصلي ومبقاتش عاقلة ..جاها شك دغيا لبسات بينوار وتبعاتها لقاتها موحدة جوج صلايات وحدة حدا وحدة مقابلين القبلة ...
حادة رجع قلبها كيضرب بجهد : الحاجة ..
قطعاتها الحاجة : سيري توضاي و اجي صلي حدايا..
مشات بزربة توضات و عقلها مرفوع عليها كتشوف عكوزتها بكل صحتها والحنية فملامحها كيف كانت من تزوجات ودارتها كيف بنتها و تهلات فيها وكانت تجي فصفها و متجيش فصف ولدها..
هادشي لي خلا حادة وخا عيات و تكرفاصت ولكن متخلاتش على الحاجة من مرضات ... بقات شادة فيها و تهلات فيها وحسنات ليها كيف حسنات ليها الحاجة نهار دخلات اول مرة لدارها... فجزاء الإحسان الا الإحسان...
رجعات عندها لقاتها دايرة زيف ابيض كيبان عليها نور و الإبتسامة مامفرقاهاش و عنيها كيلمعو بفرحة غير معروفة...
بداو صلاة بالتكبير و بعدها تلاوث ايات الله وركوع لله وحده و بعدها السجود..طولات الحاجة فسجود ومن سلاو صلاة هزات يديها وبقات كدعي لمدة طويلة ...
بقات حادة جالسة حداها قلبها كيضرب بعد ما سلاة الحاجة دعائها دارت عندها مبتسامة...
الحاحة : عيتي ابنتي ياك....
حادة بداو دموع لي كانت حابساهم كيهبطو بسرعة علئ طول حناكها و صوتها خرج مخنوق ...
-لا معيتش الحاجة مارضيت ليك تا شوي من الخير لي درتي فيا...
الحاجة بحنية لمسات يد حادة كطبطب عليها برقة...
-ربي شاهد عليا كنتي كثر من بنتي وبلاصتك فقلبي ما كيعلم بيها غير الله...
حادة كتحرك راسها مقدراتش تسكت من لبكا تخنقات ...
- عارفة الحاجة عارفة كلشي متحتاجيش دوي ...
الحاجة : جاك ولد ناس فرحي بيه وتهلاي فراسك....
حادة هزات ليها يديها باستهم وحطاتها فوق صدرها كتبكي ..
-غادي نديك معايا والله ما نخليك ولا مقبلش نبقا معاك منفرقكش...
الحاجة وقفات وبان عليها التعب : اجي تكاي حدايا و نسيني...
مشات حادة نعسات حداها غطاتها وبقات كطبطب عليها تا داها نعاس و الحاجة بقاو عنيها محلولين كتشوف حادة بنضرة حنينة حتى غلقات عنيها بهدوء بنور صباح لي بدا كيطلع ونور وجها...
حلات عنيها بضو ديال شمس لي كيضرب فيها..دارت عنيها لحاجة لي ناعسة حداها..ناضت بشوي سدات شرجم وتمات خارجة تخلي الحاجة تنعس على خاطرها...
فوسط طريق توقف جسدها حسات بشي حاجة ماشي تال لهيه ..دورات راسها لعند الحاجة لي متحركاتش من بلاصتها...
رجعات عندها كتحرك فيها لكن بدون رد فعل جسدها مجمد حاملة ابتسامة صغيرة كأنها فرحانة..
تحولو عنين حادة لحمرين وبداو دموع كيهبطو ، كتسمع صراخ قوي وجسدها كيضرها لكن صدمة خلاتها ما تحسش ان داك صراخ خارج منها و أن لحمها لي كيضرها هي لي كضرب فخاضها...
كلشي دخل عندها مصدومين وكيف شافو لي قدامهم توقفو ..صوت لبكا زاد و الحزن طغا على قلوبهم و الحاجة لي كانت ضحك البارح و يضحكو على فعايلها ليوم دوروها بالكفن وهزوها بين ربعات الكتاف ..
-إنّا لله وإنّا إليهِ رَاجعُون.....
الغريب ماشي هو غربة الأوطان ولا غريب عن العائلة ولا صحاب... الغريب هو نهار كتنتاهي ساعتك فالدنيا و كتكفن وتسكن فقبرك وحيدا لا احد بقربك ... وقبل الحساب يكون عداب القبر اشد واقوى ...
فيا رب السموات و الأرض أَعُوذُ بِكَ من شَرِّ نَفْسِي وَمِنْ شَرِّ الشيطان وشركه ، اللهم إني أعوذ بك من عذاب القبر،ومن عذاب جهنم،ومن فتنة المحيا والممات....
الرفيقة لي دوزات معاها نصف عمرها وكانت كيف خيالها ليوم فرقاتها ولقات نفسها وحيدة حاسة بحال لي نصها مبقاش وفراغ حكم قلبها و الحزن طغا عليها ...
دازت شهرين بكل حزن و تعب لكن الإنسان خاصو يعيش تا تجي ساعتو ...قدام لبحر جالسة فوق حجرة حاطة رجليها فالما وكتشوف بعيد و البرد كيضرب شعرها كيهزو ودموع كيهبطو قطرة بقطرة ...
تحطات يد دافية ورا ضهرها وجلس جسد وراها دور يدو عليها دخلها لصدرو عنقها بحب كيقبلها فراسها مكيقول والو من غير يبقا حداها يعزي قلبها الحزين و يكون قربها و ميخليهاش بوحدها...
تنهدات وسط احتضانو ونطقات بصوت مبحوح كتهضر بزز...
حادة: مكنتش كنضنها غادة تموت مكنتش ندابز معاها و نقلقلها مني...
مازن هبط راسو لعندها كيمسح ليها دموعها..
-شششش تسامحتي نتي وياها دعي معاها برحمة و متزديش تعدبيها فقبرها..
حادة : منقدرش كنت دايرها بحال مي وعمري تفارقت انا وياها ودابا بوحدي كنحس بالخنقة..
مازن بلطف : نتي ماشي بوحدك أنا معاك وغادي نبقا معاك ...
حادة غمضات عنيها خلات دموع متلئلئين على رموشها وهو كيمسحهم خلاها تبكي على خاطرها باش ترتاح..
حس بالبرد بدا كيتحرك وهو ينوض وجرها معاه شبك يدو مع يديها وهز صباط ديالها فيدو وبداو كيتمشاو فجنب البحر هو طويل وشباب وهي قصيرة وباين عليها الحزن ...
مازن : دنيا هي هادي أحادة مغاديش تعطيك كلشي و الحاجة حمدلله دوزات دنيا وعمرها تقاضى دبا خاصك دعي معاها وديري عليها شي صدقة جارية تنفعها فالقبر اما البكى مكيفيد الميت فوالو...
بقات ساكتة عارفة راسها زادت فيه وهو شهرين وهو معاها مخلهاش وكيوكلها بيديه ويخرجها يبدل ليها الجو.. ناسي خدمتو ومقابلها غير هي.. دار معاها كتر من جهدو باش تنسا ولكن هي عاد كتزيد فيه بالحزن..
حولات تبتاسم ودارت عندو كتشوف فيه : اندير لي قلتي ليا عليه...
وقف ودار عندها كامل هبط راسو نحوها كيشوف فعنيها ..
مازن :تزوجي بيا ...
حادة مشات معاه فالخط : الوقت لي بغيتي..
كمش حجبانو متفاجئ من شاف انها جادة تبسم اكثر وبسرعة دخلها فحضنو معنقها بقوة وردد بصوت فرح...
مازن: غدا...
دورات يديها على خسرو وهزات راسها من صدرو كتشوف فيه...
حادة : لهاد درجة مزروب...
مازن قبلها فوق نيفها : عيت ما نصبر هادا جهدي معاك...
حادة كتحاول تنسى الحزن وتفرح للحياة الجديدة لي تكتبات ليها.. بإبتسامة حلوة مرسومة على ملامحها قالت ..
-موافقة ولكن بشرط..
مازن هز حاجب و هبط لأخر : شمن شرط عوتاتي؟؟؟ ...
قرصاتو فضهرو : مالك خواف مغاديش نطلبك شي حاجة فوق جهدك...
مازن كيحك بلاصة ديال القرصة...
-لكان غير لفلوس طلبي لي بغيتي كلشي ديالك غير متشرطيش شي حاجة فيها الكوا و تمنعيه عليا مغاديش نعقل عليك أ حادة...
هزات راسها كضحك من نيتها بقات كضحك تا ضراتها كرشها و نفس حبسات ليها وهو جارها لطونوبيل وغمزها بجرأة..
مازن: انا علاش مزروب من غير ناكل حلوتك احبي ..
فالمحل لي تشهر وبدل الكليان كيتوافدو عليه بكتافة بعد ما طلقو اشهار ناجح لي لقا شهرة و اقبال واسعة من طرف النساء لي كيعانيو من مشاكل فالبشرة ...
وخا مزال ما تعالج حبوب ديال خديجة بشكل كبير لكن كاين فرق كبير و وجها رجع ليه لون الأصلي بعد ما كان محروق من شمس و الحبوب بدا كينقص و بقا غير شوي فجبهتها و دقنها.....
اشهار كان حقيقي شي لي خلاة ناش تيق بهاد المنتوج ويدروه هو رقم واحد فمشتريات ديالهم...
لابسة كسوة واسعة طويلة وجامعة شعرها على شكل شفنجة ودايرة حلقات دهبية خلاتها تبان انسانة راقية ..راسمة ابتسامة و كتكلم مع ناس لي كيتشاورو معاها على مشاكل البشرة ديالهم و هي كتقدم ليهم رقم طبيب الجلد لي ايتكلف بالفحوصات باش يعرفو المشكل الأساسي واش وراتي او فقر دم او هرومني ..
بزاف الحوايح لي كتبان على البشرة ديالنا كتكون فالأصل جايا من الداخل وخاص نعالجو الداخل اولا عاد نعالجو البشرة ..
هاد نقطة ركزات عليها عفراء بزاف شي لي خلا ناس يزيدو يتيقو بيها كتر وحطو مبلغ كيوصل حتى لـ 5000 درهم طول فترة لعلاج بالنسبة لناس لي عندهم مشكل كبير فبشرتهم و شعرهم وخاصهم جوح جلسات فالأسبوع ...
واقفة بهيمنة وخا الحمل لي باين لكن كان موقفها شديد ولهجتها قوية تخلي اي واحد يسمع لأرائها بدون ما يحس...
بدات شمس كتغرب و المحل بدا كيخوا من ناس عاد باش تنهدات وجلسات فوق الكرسي بتعب ... بدا الحمل كيزير عليها وكيعطيها الحريق بعد المرات...
كمشات ححبانها كتحاول تنفس بهدوء ... جلسات حداها اية لابسة طاقم اسود عملي طالقة شعرها ومرجعاه لور هازة وراق حطاتهم قدام عفراء...
اية : هادو گاع الناس لي تقيدو ليوم وخلصو فالبلاصة وكاين لي جاتو غالية وقرر يخلص كل شهر 500 درهم حتا يكملها كاملة...
عفراء جمعات لوراق : ماشي مشكل مهم نخليو الكليان يتيق بينا ويعرف الخدمة ديالنا متولة ...
دورات راسها عند لبنات لي خدماتهم عندها يعاونو فالمحل ..جرات المجر هزات منو مبلغ مالي وعيطات عليهم ...
عفراء: صافي غير سيرو انا انسد المحل بلا ماتعطلو على داركم ...
شكروها وخرجو فرحانين بتدويرة لي دورات معاهم ...
اية : شحال دخلنا هاد نهار...
عفراء : تقريبا خمسات المليون ...
اية بصدمة : بزااااف...
عفراء : ما بزاف والو هاد خمسات المليون يالله تكفي هاد ناس لي تقيدو ليوم باش نعاونوهم ....
اية بدون فهم : هي على هاد الحساب حنا ما رابحين والو خدامين فابور..
عفراء : لي خدامين عندنا وفالتعاونية ايتخلصو فوقتهم .."تبسمات لأية "..انا وياك لي انبقاو مزاليط مغاديش نتخلصو....
اية بهدوء: معنديش مشكل منتخلصش حيت عارفة هاد المحل اينجح و ايدخل فالمستقبل فلوس صحيحة ماشي مشكل نضحيو دابا ...
عفراء بحلم كبير رددات بصوت تقيل ..
-من محل صغير غادي نحولو لشركة كبيرة دخل الملاير...
رجعو عنيهم كيلمعو بأفكارهم و احلامهم لي كيخدمو عليها...
سدو المحل وشافو فالأشخاص لي كيتسناوهم برا امام سيارتهم ...
عفراء نغزات اية : بان لي كمال غير كيشوفك كيتلف المسخوطة خرجتي عليه بهاد زين لي طالقاه عليه...
اية جمعات شعرها مبتاسمة فكمال لي متكي على سيارة كيشوف فيها بحب و رددات بصوت فيه تحلوين ..
- اوا زين خاص لي يتهلا فيه و يبغيه او لا...
عفراء شداتها ضحكة : طوال ليك لسان الكارتة...
اية كتفرنس : لي لقا لي يبغيه اختي ماشي غير يطوال ليه لسان غايدير لمصايب...
وقفو قدامهم مشادين كيفرنسو بحال شي بنيتات صغار ...
جعفر لي جالس فجهة لأخرة متبع عينو لعفراء لي بدات كتمشي مشية ديال البطريق بسباب الحمل باين عليها معدبة..
منضرها خلا قلبو يتخلطو عليه مشاعر غريبة ..قرب ليها خدا منها صاك ودور يدو على ضهرها ...
باسها فراسها وشار براسو لأية و رجع عينو لعفراء..
جعفر : عيتي..
حطات رسها على كتفو : ضروري الخدمة هي هادي...
جعفر : حاولي على راسك...
عفراء : وخا اسيدي هاني محاولة..
اية حداهم كضحك : ها هي امانتك اخويا جعفر رجعات بين يديك راني حاولت نهز عليها الحمل كامل ديال الخدمة ولكن هي لي فيها ما مهنيها كتبغي توقف على كلشي...
جعفر خنزر فعفراء : هضرتي كضربيها مع الحيط ياك...
عفراء : مغاديش نعاود اسيدي راني تقلت وعارفة راسي اندوز غير هاد الأيام فالخدمة نقاد شي امور ونجلس بخطرة ...
كمال شبك يدو مع أية وهي هبطات راسها بحرج بينما كمال بقات عينو على عفراء بحنية..
-شحال عندك دابا...
عفراء: سبع شهور طبيبة قالت ليا تقدري تولدي فتامن ....
كمال بقات فيه : هي اديري العملية...
عفراء حطات يديها فوق كرشها : معندي تا حل اخر ربعة ديال لوليدات ماشي ساهل تولدهم طبيعي...
كمال : ربي يسر من عندو ابنتي...
جعفر : امين ...
تفارقو كل واحد ركب فسيارة وتوجه لدارو وخا كانو بغاو يتعشاو فشي ريسطورو مجموعين لكن من شافو عفراء واضح عليه التعب وباغيو غير تنعس خلاوها لمرة اخرى ...
دار عندها شد ليها من يديها هزهم قبلهم وحطهم فوق قلبو سايق وكل مرة يسرق منها شوفات..
جعفر : خايفة...
عفراء : صراحة اه ...
زاد ورك على يديها : كلشي ايدوز بخير حاولي متفكريش بزاف باش متخلعيش...
عفراء دارت عندو كضحك : بنتي ليا نتا لي مخلوع هاد ساعة ...
رجع هز يديها قبلها وطول فقبلة عاد طلقها ونطق بصوت حنين....
جعفر : ولادي و مراتي ضروري ما نكون خايف ....
قربات عندو تكات عليه وهو دور يدو عليها خلاها تنعس عليه مرتاحة بقا كيلعب ليها فشعرها شادين طريق فصمت ...
دخلو لدار توجهات هي لحمام دوش تحيد عليها العيا وهو بقا واقف فباب دوش مراقبها وهي كتعرا قدامو ...
جعفر : بغيتي ندوش ليك...
عفراء برفض : بلاشي غادي نسالي دغيا ..
جعفر داير ليها بحال طفل صغير : مشهية شي حاجة نوجدها ليك...
دارت عندو كضحك وكتضفر شعرها ممعولاش تغسلو ..
عفراء: من امتا تعلمتي طياب...
جعفر : غير قولي شنو باغية كاين كلشي فاليوتيوب......
عفراء : وخا وجد ليا غير صوبة ديال الخضرة ودير ليا فيه طريفات ديال لحم و شوية ديال العدس مزيان بروتين و الحديد ...
خلاها دوش على خاطرها وتوجه لكوزينة حل صدايف القامجة من ليدين و گفضهم و بدا كيخرج الخضرة من تلاجة ينقيها و يقطعها فالكوموط و طالق قدامو فيديو فاليوتيوب كيتعلم كفاش يصاوبها ....
دارها طيب وخرج لدوش اخر بزربة دوش وخرج كينشف شعرو لبس فوقية وهز صلاية صلا الصلاة ديالو وبقا جالس كيدعي تا حس بيها خرجات عاد وقف ...مشا جلس حداها وهي جالسة لابسة غير بينوار ديال الحمام هازة فيديها كاس عصير ديال ليمون لي لقاتو وجدو ليها وحطو فوق طبلة..
هز ليها رجليها حطهم فوق فخاضو وبدا كيدير ليها مساج بشوي و كيتعاود على نهارهم و شنو داز فيه...
عفراء : عمتي عيطات عليا قالت غدا ادير حفلة عندنا فدار وادير العقد هي ومازن...
جعفر كمش حجبانو : صافي تافقو..
عفراء : الله يجعل البركة الحاجة ماتت شهرين ومازن تسنا بزاف خاص عمتي تشوف تا داك راجل متبقاش غير فحزنها...
جعفر : اوا مبروك عليهم...
حيدات رجليها من فوق فخاضو وقفات توجهات لكوزينة كملات شغل ليكان باديه عارفاه تا هو عيان ...
نهار كامل فالمكتب و وسط المحاكم و مع الخدامة فالفيلا ويشد طريق تال رباط مبغاتش تْقْل عليه وخا ماكيقول والو لكن هي حاسة بيه كيف هو كيحس بيها...
تبعها دار يدو معاها فشغل و وجدو العشا مع بعض راس فراس مفاهمين مع بعضهم ...
في مراكش خارجين مجموعة من شباب لساحة جامع لفنا لي متميزة بطابعها التقافي المميز و المعروف عالميا ...
كيتمشاو ببطئ وملامحهم حاملين نضج وجسمهم ممتلئ بالعضلات و سط منهم كيتمشى داير ليزيات فودنو ولابس كابيتشو اسود غادي ممسوقش ومداخلش معاهم فالهضرة ...
قتارح واحد من دراري يمشيو لبار يدوزو هاد ليلة تم يفوجو على راسهم لكن تنطق جوج اصوات دقة وحدة...
- مغاديش نمشي معاكم..
كلشي دار نحو اناس و سليم لي نطقو و صدمة كتعلي ملامحهم شي لي خلا صحابهم ينطقو دقة وحدة ..
-اش واقع المساخط وقتاش تبتو...
سليم خنزر فأناس : انا خاطب وهذا مانعرف ليه ...
دارو بسليم بصدمة ودفعو اناس لجنب بقا مخنزر كيطلع و يهبط فيهم ببرود ..
-وقتاش تخطبتي الكارتة معلمتيناش ..
سليم : ماشي خطوبة خطوووبة ..متافق غير مع باها نهار نسالي ونشد بلاصتي فالخدمة ديك ساعة عاد قولو ليا مبروك ...
دارو عند اناس : ونتا علاش مبغيتيش تمشي...
اناس مخنزر ونطق نيشن بلا لف ولا دوران ...
-القلب عندي عامر...
صحاب لي عارفينه مزيان ودوزو معاه سنين فمدرسة عسكرية خرجو عنيهم فيه...
-واش وليتي كتبغي ...
اناس هز تليفون كيقرا ميساج لي وصلو فهاد اللحضة ..تبسم نصف ابتسامة وهز حجبانو فدراري ...
-حبي جات الله يعاونكم...
خلاهم ومشا لجهة طريق فين كيتواجدو عدت سيارات..بقاو متبعين ليه العين بصدمة شافوه دخل لسيارة فيراري حمرة مكيبانش شكون لداخل فيها ..سليم لي اول مرة شاف هادشي بقا واقف مصمر فمكانو بصدمة..
فور ما دخل حيد القب وبين وجهو الوسيم وهي بإبتسامة شافت فيه..
فاطمة : تعطلت عليك....
بدون ما يتكلم دور يدو عليها وقرب وجهو لوجها قبل ما تفهم اش كيدير حط شفاه ديالو فوق ديالها ودور يدو على راسها جبدها عندو كتر زاد عمق القبلة ...
بعد بشوي كيشوف فيها وهي مخرجة عنيها و وجها حمر باين عليها مصدومة تبسم ونطق بصوت تقيل انفاسو كيضربو وجها...
اناس: غمضي عنيك..
غمضات عنيها بطاعة كأنها مسحورة بتصرافتو الجريئة و قبلتها الاولى لي سرقها وخلا احساس غريب يتملك قلبها لكن مكانش منو نفور بل احساس اخر معارفاش الماهية ديالو...
بقا كيشوف فوجها وهي مغمضة عنيها ونضراتو حاملين هيام وعشق ليها ..حط يدو على حناكها ورجع حط فمو فوق فمها ...
كيغزي فمها بكل شغف وكيتدوق ريقها بجوع وكيتنفس من انفاسها باغي ياكلها ويخبيها فقلبو ما يشوفها حد ...
فوسط مشاعرو لي بانو فتصرافتو نطق بصوتو الرجولي..
اناس : كنبغيك....
قلبها كينبض بسرعة انفاسها تسارعو و الخجل خلا الحمرة مزينة حنيكاتها و انفاسو الساخنة مزال كضرب وجها و كلمة "كنبغيك" مزال كتردد على ادنها بحال شي مكان فارغ صرختي فيه و بدا الصوت كيرد عليك..
هكذا كان حال قلبها لي بدا كيميل لشاب اخر بدون ارادتها..هزات عيونها بشوي شافت فيه وهو بقا قربها مراقبها بشغف بحال شي نسر لقا الفريسة ديالو وممعولش يخليها أو يتركها من بين يديه ...
بقات ساكتة مرادتش على كلمتو لي نطقها من قلبو .. تبسم وحرك اصبعو على حنكها بلطف...
اناس: حاولي متعطليش عليا ...
فاطمة بحرج : فاش غادي نتعطل..
حط صبعو جهة قلبها وبجرأة قال...
اناس : هذا نبغيه يولي ديالي...
افعالو كيصدموها و كيخليوها تحس بمشاعر مكيتصوروش كفاش واحد صغر منها قدر يقلب حياتها سفاها على علاها..
بخجل مقدراتش ترد عليه وهو هز وجها لعندو كيشوف فيها مزيان ...
اناس : حاجة وحدة لي خاصك تعرفيها هو اني كنبغيك و مغاديش نتخلا عليك ..شي حاجة اخرى نسايها حيت مكتهمنيش ولكن نتي دابا معايا يعني ديالي وحاجتي كنقتل على وديتها.."خنزر فيها"..راجل منلقاهش كيدور حداك باش نتفاهمو انا بعدت من حهة البنات وشاد معاك طريق منبغيش نلعب ورا ضهرك فتانتي متلعبيش ورا ضهري أفاطمة ...
بقلب ايخرح من قفزها الصدري بكترة دقاتو قالت..
فاطمة : شكون قال ليك كنلعب ورا ضهرك اصلا ...
باسها فخدها : ودابا متفاهمين ....
بعد منها عطاها مساحة شخصية تسترجع انفسها وهي بخجل تقدات فالجلسة و بدات كتشوف لقدام مقدراتش تشوف فيه...
مد يدو بغا يشد يديها وهي تهرب يديها حطاتها فوق قلبها لكن هو معطاهاش وقت تبع يديها بجرأة شبك صباعو مع صباعها و حطهم فوق فخضو كيلمس اصابعها واحد بواحد و كيهضر معاها عادي كأنه مولف معاها حاد الحركات و اللمس...
اناس : جيتي من طنجة...
فاطمة كتحاول تمالك نفسها و تخرج كلامها مقاد ميبانش تأترها جراء افعاله و كلمته ناسية ان فقط ملامحها قالو ليه كلشي ..
-اممم خديت طريق فصباح...
متكى على جاح ديال لباب و داير عندها كيشوف فيها..تبسم ابتسامة جميلة زادت فوسامتو اكثر...
اناس: جيتي حيتاش توحشتيني...
فاطمة بغرور : عندي خدمة فأگادير مجيتش على ودك...
اناس مزال محافظ على نفس الإبتسامة : متأكدة مجيتيش على ودي...
مبغاتش تبين مشاعرها ودارت سبة بالخدمة ..
فاطمة: قلت ليك عندي خدمة وحيت اندوز من مراكش رسلت ليك مساج اصلا كون مجاوبتينيش كنت غادي نمشي نيشن لأگادير...
اناس : يعني غير الخدمة لي جابتك انا معندك ما ديري بيا...
فاطمة دورات راسها لجهة اخرى كتشوف فشارع وقالت بهدوء...
-داز اسبوع مارسلتي ليا تا مساج ولا تاصلتي بيا...
صغر عينو وهز يديها عضها من صبعها صغير خلاها تصرخ متألمة وهو بقا كيضحك بغات تجر يديها وهو زاد ورك عليها ..
فاطمة بألم : ضريتيني ...
اناس مبغاش يطلقها: من ما رسلت ليك تا مساج علاش ماتصلتيش بيا نتي تسولي عليا...
فاطمة ببرود : علاش غادي نسول عليك.....
اناس باغي يتبتها : وعلاش جيتي لهنا ...
فاطمة بدون وعي وبعصبية قالت : جيت نشوف شكون نساك فيا ...
سكتات بسرعة من وعات بنفسها اش قالت رجعات دورات وجها لجهة لأخرى كأنها مقالت والو وهو بقا كيضحك رشقات ليه....
اناس : دابا غبرت غير سيمانة مرسلتش ليك ميساج صافي لقيت لي ينسيني فيك..
بقات ساكتة مرضاتش عليه وهو خرج. من سيارة راشقة ليه دار جهة لأخرى عندها حل لباب وشار ليها لبلاصة لي كان جالس فيها..
اناس: سيري جلسي لهيه خليني انا انسوق ...
فاطمة : بلاش خاصني نمشي لأكادير بلا منعطلك..
شاد فيها : علاش اتعطليني على لي نساتك فيا...
مزادتش الهضرة رجعات جلسات فالكرسي لأخر و خلاتو يسوق ..دارت سمطة وبقات كتشوف فطريق مخنزرة وهو كيسوق عادي و كل مرة يدور يشوف فيها تا عصبها..
فاطمة : طريق قدامك ماشي فوجهي...
اناس كيفرنس : طريق لي كناخد كديني غير ليك معنديش طريق اخرا..
جاتها ضحكة و بزز باش حبساتها مبغاتش تهبط كواريها معاه..
فاطمة : عندك الهضرة ساهلة علم الله شحال من بنت طيحتيها بكلامك...
اناس بغرور : منحتاجش الكلام غير شوفة وحدة كيطيحو فيا..
دارت عندو مخنزرة وهو غمزها كيضحك مرضها..
اناس : دابا مال حبي معصبة...
ربعات يديها على صدرها وبقات ساكتة باينة مقلقة ومبقاتش باغية تهضر معاه...
وقف سيارة فجنب طريق قبل ما يدخل لطوروت...
حط يدو فوق فخضو : اجي نسوق انا وياك...
شافت فين شار ليها وهي تخنزر ...
فاطمة : لكنتي مولف هادشي مع البنات انا ماشي من نوعهم..
مبقاش كيزيد معاها الهضرة و كتفى بأفعالو جرها حطها فوق فخاضو جلسها مقابلة معاه وضهرها على صدر ودور يدو عليها وحط راسو على كتفها ...
اناس : دابا سكتينا قبل ما نديرو شي موصيبة..
ديمارة سيارة بسرعة شد طريق لطوروت وخوفا انهم يديرو كسيدة مدفعاتوش وبقات جالسة فوق حجرو بحرج و وزيف لي كان مغطي شعرها نزل بجرة لي جرها ...عنقها باين كلو امام عنيه ورائحتها الجميلة كطلع معاه كتخلي رغبتو الرجولية تزيد ترفب فالأنثى لي بين يديه اكثر و أكثر ...
...
خفف السرعة وبدا كيهضر حدا ودنها...
اناس : مزال مقلقلة ...
فاطمة معصبة : بغيت نرجع نجلس فبلاصتي...
أناس : غير بقاي مغادي ندير ليك والو ...
فاطمة : اناس متعصبنيش...
اناس : توحشتك...
كل الكلام لي كانت باغية تقولو تبخر وسط هاد الكلمة الوحيدة لي نطق..كل القوة لي كانت فجسدها تلاشات و تكات اكثر على صدرو مستسلمة وفالهدوء لي ملتف بيهم قالت...
فاطمة : علاش متصلتيش بيا...
اناس بصوت غالب عليه البحة كيهضر برجولية ..
-مشيت لسلا كان عندنا القفز بالمضلات ومامسموحش بالهواتف دوزت اسبوع تم بين تدريب ونعاس و القفز من طيارة وهاد صباح من رجعت بغيت نعيط عليك لقيتك راسلة ليا مساج غادي تجي عندي لمراكش وهادشي لي وقع تسنيتك تا تجي عندي و نشرح ليك شنو كاين ...
دورات لسانها على شفاه ديالها كتكبح الإبتسامة ديالها وهو من لاحض تصرفها قبلها فعنقها..
اناس : رتاحيتي دابا..
حطات يديها على عنقها ودارت عندو مخنزرة..
فاطمة : جمع فمك و نتا غير طالقو ...
اناس باسها فوق يديها لي محطوطة على عنقها وقال..
-هاد ساعة مطلوق غير عليك ..
دفعات ليه وجهو : مكتحشمش...
بانت بلاكة ديال اگادير وهو يشد جنب ايخرج وبدا معاها فالأسئلة لي كان شاد راسو عليهم...
اناس : شمن خدمة عندك فأكادير...
فاطمة : خدامة على واحد المشروع وخاص نطلاقا مع واحد سيد مهم عندي فالمشروع...
ضغط على يديه بجهد : راجل ؟؟؟....
فاطمة : الخدمة مكتفرقش بين راجل ولا مرأة ...
اناس مزير : انا كنفرق الالة ..راني هضرت افاطمة رجال عطيهم تيقار...
فاطمة بغضب : واش كتصحابني بنت لي....
كانت اتقول بنت ليل و وقفات نفسها فأخر الكلمة مكملاتهاش من تذكرات اش عندو فداك راس.. ساطت بجهد بدا كيطلع ليها دم بهاد سوء تفاهم لي بيناتهم ...
اناس : غادي نمشي معاك...
فاطمة بدات كتمسد جبتها : المشروع سري أ اناس وغادي نكون غير انا وياه و المحاميين دياولنا فقط ..المشروع مزال ما خرج لسوق وكنتسناو دولة توافق عليه باش نقدر نديروه ...
اناس : اممم تكونو بوحدكم وخا الالة غادي نشوفو ...
فاطمة بعصبية قالت ...
- اناس متعصبش المشروع عندي مهم بزاااف ....
اناس وقف سيارة فجنب طريق مضلم و خاوي وقال بصوت كيخلع ...
-أهم مني...
فاطمة بتعب : حاول تفهمني..
قاطعها : جااااوبي واااش مشروووعك أهم منيييي...
فاطمة بإستسلام : لا ماشي اهم منك...
دور يدو عليها عنقها بجهد ونطق بصوت مخنوق ...
- اذا صاافي متمشيش تشوفيه ....
دورات راسها لعندو بقات كتشوف فيها بنضرات غير مفهومة كتشوف الغيرة فعنيه باين كتاكل فيه ..
دورت يديها على عنقو بادلاتو العناق بقوة وهو بفرحة المبادرة ديالها جرها عندو كثر باغي يدخلها فصدرو ...
بصوت تقيل نطقات حدا ودنو ...
فاطمة : اناس خاصني نقول ليك شي حاجة مهمة ...
بعد وجها من عنقو وقابلو معاه كيرجع ليها شعرها لور وعنيه كيبريو...
اناس : اممم كنسمع ...شنو بغيتي تقولي !!؟؟؟..
بقات مركزة ليه فعنيه وخدات وقت طويل حتى بدا كيجعد حجبانو في انتضارها تكلم ..
حلات شفاها وقالت بصوت رخيم ...
فاطمة : اناس ..انا مزالة بنت.....
تبسم عادي مفهمش قصد كلامها وقال بكل بساطة...
اناس : وي عارفك بنت الالة فاطمة ..
خرجات عنيها بصدمة و دهول غزا ملامحها ..برجفة واضحة فصوتها قالت...
فاطمة : ولكن نتا علاش....
سكتات بصدمة لي مزال لاعبة عليها وهو تحنا بسرعة سرق قبلة من شفتيها وبعد منها فرحان كيحرك صبعو لكبير على عنقها و كمل كلامو ...
-اجمل بنت شافتها عيني ...
ساطت بجهد من فهمات قصدو..
فاطمة : مكنهضرش على هادشي اناس...
كمش حجبانو : شنو !!!...
فاطمة كضرب فصدرها : انا بنت ...
اناس خسر ملامحو : وي عرفتك بنت...
ساطت بجهد عصبها..
فاطمة : واش مكتفهمش كنقصد انا عزبة...
كيحاول يمشي مع كلامها حيت الفكرة لي واخد عليها ترسخات ليه فراس مقدرش يجاري كلامها ويفهمو خارج الدائرة لي راسم ليها...
اناس : يعني مفايتش فيك زواج...
بعصبية عضاتو فصدرو بجهد تجعرات عليه وهو شدها من شعرها بعدها من صدرو مقصح ..
طلع تريكو كيشوف بلاصة ديال العضة لي بقات مصورة ليه فصدرو ..دور يدو على عنقها من لور جرها عندو كيوريها العضة...
اناس : جعرتي ولا مال مك..
ضربات ليه يديه بعدات منو مخنزرة ..
فاطمة : سرك حيت كتفهم غير ليبغيتي ....
اناس صغر عينو : ياك الالة ...
شد ليها يديها دارهم فحنبها مزير عليهم ممخليها فين تهرب ، جمد حركاتها وهي بقات مصدومة كتشوف فيه...
فاطمة: شكتخور عليا هنا...
اناس شداتو ضحكة : انخورك نتي لمسكتيش...
فاطمة بغضب : تحط يديك عليا غادي ندمك أ اناس متسفزنيش...
اناس مبرد : مغاديش نحط يدي غادي نحط فمي...
بدون ما يخليها تفهم كلامو دخل راسو فصدرها عضها فالخوية لي بين تدي ديالها خلاها ترجف بألم من العضة...
طلق ليها يديها وبسرعة دفعاتو بكره حطات يديها على مكان العضة كتحك فيها قصحها...
فاطمة : واش مريض ولا مالك...
اناس : نتي لي بديتي .."هز ححبانو قرب وجهو لعندها "..وريني نشوف ....
بغات تصرفقو بهاد سنطيحة لي عندو مكيحشمش شدات راسها بزز..
فاطمة : افففف انا لي خاصني عقل دايرة عقلي فبرهوش ...
اناس غمزها : وهاد البرهوش كتموتي عليه ...
فاطمة. : شكون قالها ليك...
دور يدو على خسرها زير عليها تبقا جالسة فوق منو من شافها بغات ترجع لبلاصتها ..
تبسم ابتسامة صغيرة و الوسامة ديالو كتخطف الأنفاس و ابتسامتو كتزيد تغريها كتر و تخليها تستسلم امام تصرفاتو الصبيانية...
اناس جمع ضحكة : دابا فهميني شنو كتقصدي بديك بنت ....
حولات تكالمي راسها وتفهمو غير بشوي ..
فاطمة : انا بنت يعني ما عمري درت داكشي...
اناس هز حاحب و هبط الأخر : والمعنى ....
فاطمة خنزرات فيه بغات تاكلو كيفهم غير لي بغا جا تال هادي و تحدو ليه الفهمات..بين سنانها طرطقات فوجهو ..
- يعني عمري نعست مع شي راجل وعمري درت شي علاقة وعمر شي حد باسني ولا لمسني ولا قاصني نتا اول واحد فحياتي فهمتي دابا شنو كنقصد..
شعر لحمو وقف وتشوك عليه من سمع كلامها..رجع قلبو كيضرب وجسدو ترعد بدون ما يحس...مشاعر تخلطو عليه وبتحدير فصوتو لي كيهتز قال..
اناس : هادشي مفيهش ضحك أفاطمة تال هادي مدحكييش معايا فيها...
بغات تغوت فوجهو حيت متيقهاش لكن من شافت ردت فعل ديالو ترسمات ابتسامة على ملامحها بدون ما تحس و تحولات نبرتها من عصبية الى حنية...
فاطمة : مكنضحكش معاك أنا مزال بنت...
صاط بجهد شداتو صخفة وتلف كلشي تخربق ليه فهاد اللحضة ..غمض عينو كيحاول يخلي مشاعرو تستقر وقال بترقب واضح فصوتو هو ومحاسش بيه..
اناس كيأكد ليها : انا هو الأول فحياتك...
فاطمة بإبتسامة : اه الاول و الوحيد...
حط يدو على وجهو وصاط بصوت مرتفع وهي كتراقب تصرافتو لي واضحين فيهم الصدمة....
رجع كيوشف فيها : يعني نتي مخداماش فداكشي...
فاطمة بصوت حنين : معرفتش علاش غلطتي فيا وحسبتيني من داك نوع لكن لا مخداماش فداكشي انا بخدمتي وخدمتي نقية الحمدلله ....
بصدمة لي تعرض ليها بدا كيضحك الفرحة و صدمة خلاتو يضحك بحال الحمق...جرها عندها بجهد لدرجة حسات بضلوعها غادي يتهرسو..
فاطمة بصوت مخنوق : اناس بشوي عليا غادي تخنقني...
اناس بصوت مرتجف : غير شوي و انطلقك..
زاد زير عليها كثر ودخل راسو فعنقها زاد اعتز بيها فقلبو اكثر و اكثر ...
بهمس حدا ودنو قالت...
فاطمة : دابا من عرفتي الحقيقة شنو غادي دير...
اناس بصراحة : غادي نتزوج بيك...
فاطمة ختفات الإبتسامة من ملامحها..
-و والديك...
اناس : مسوق تا واحد فيا وهما عارفيني كيف داير مغاديش يوقفو قدامي....
خرجات من عنقاو و ركزات فعينه بمشاعر مبعترة وترقب غير مسبوق من طرفها...
فاطمة: واش كتهضر من نيتك...
اناس : علاش ؟؟؟ دخلتي معايا فعلاقة ونتي ممعولاش تزوجي بيا ولا متيقاش فيا....
فاطمة داخت : نو تايقة فيك لكن متوقعتش تكون واخد العلاقة بجدية لدرجة زواج ..صدمتيني صراحة ...
اناس بفرح : متوصليش لصدمة لي صدمتيني نتي هاد ساعة ....
فاطمة: ولكن زواج وانا كبر منك...
اناس قاطعها بتملك : ما تحلميش تكوني لواحد غيري...
بدات كضحك فرحانة ..احياناً شحص واحد كيقدر يبدل كل افكارك ومشاعرك و الاهم قلبك..فمدة قصيرة تملكها كاملة ..ربما حيتاش عمر شي راجل كان قربها ومن بغات جعفر و رفضها زادت تعلقات بيه ..
ربما حيت كلمت رفض مكانتش فقاموسها هادشي لي خلاها مهووسة بجعفر بدون ما تعلم معنى الحب لكن ها هي اليوم كتفهم المعنى ديال الحب و شخص من كيحب من كل قلبو شحال كيضحي ماشي كيحاول يخرب حيات شخص لي كيبغي كيف دارت هي لجعفر ..
اناس علمها معنى اخر ديال الحب..الحب لي كيغلب فارق السن وغلب قلبها وخلاها تفتح جميع ابوابه ليه يدخل من بابه الوسع يتملكو ببطئ شديد..
بغاها وهو غالط فيها دخل معاها فعلاقة جدية وخا كان ممكن يبقا كيلعب كيف مولف كل شهر مع وحدة يدوز لوقت تا يوصل سن زواج وديك ساعة يقلب على لي تواتيه وصغر منو..
لكن من لقا قلبو بغاها من أول نضرة متصوقش لخدمتها ولا سن ديالها ولا اي شيء ...مهم عندو انه ياخدها و تولي ديالو يمتلكها كاملة كيف قال ونها كلماتو المتملكة انه باغي تكون حلالو..
صغير عليها ولكن عقلو كبر منها بزااف من ناحية الحب و المعنى ديالو..فهاد اللحضة فهمات بضبط داك الحب لي لي كيكنو جعفر اتجاه عفراء ورغم كل ما دارت بقا متشبت بعفراء ربما حيت كانت هي الوحيدة لي داخلة لعنيه و من غيرها كيشوف كل ناس فقط اشخاص عاديين .. هي الوحيدة لي كان كيشوفها متميزة عن كل الناس ...
اليوم كتشوف راسها متميزة فعنيه وفقلبو شي لي خلاها لاول مرة يصيب قلبها دفئ شديد بحال شي ماء سخون كيتكب عليها ببطئ كيغسلها من داك شعور لي كان متوجه لجعفر و بدا كيعمر بحب جديد ..
حب لشاب اصغر منها...
جلسها فالكرسي حداه دور ليها سمطة ميل راسو جيهتها باسها فجبهتها وهبط على عويناتها قبلهم بجوج وفوق نيفها ووقف جهة فمها قبلها وبعدها خلاها حابسة نفس و وجها حمر...
ديمارة سيارة شدو طريق ورجع شد ليها يديها كيهضر معاها ..
اناس : وقتاش ايسالي الإجتماع ديالك ...
فاطمة كتحاول ترجع الهدوء لقلبها : غادي نمشي نسني غير انا وسيد شي وراق ونرجع معنديش بزاف ...
اناس: نقدر نمشي معاك...
من وضحات هي وياه شوء فهم قبلات بسهولة وخا مزال معارف تروة ديالها ...
فاطمة: وخا ماشي مشكل...
اناس : واش شي حد مهم لكان مهم بلاش حيت حوايجي ماشي ديال المناسبات ..
كان لابس كيطمة رياضية مع سبرديلة غير مناسبة للإجتماعات ...
تبسمات من لاحضات انه ولا مهتم اكثر ...
فاطمة : ماشي مشكل تسناني برا ربع ساعة وانرجع مغاديش نتعطل..
اناس : اوكي..
وراتو الرييسطورو لي غادي يكون فيها الإجتماع..جعد حجبانو من عرف الريسطورو ديال ناس لي لباس عليهم بزااف وكيمشيو ليها غير لي عندهم مناصب كبرى فالدولة وشادين اقتصاد لبلاد فيدهم...بشك دار كيشوف فيها مزيان لكن ماسولهاش بقا ساكت ...
وقف سيارة بعيد من ريسطورو شوي ودار عندها كيشوف فيها وكيلعب فيديها...
اناس : غدا عمتي ادير لعقد...
فاطمة تقدات فالجلسة : اه مسكينة كيف بقات من موت عكوزتها...
اناس : حمدلله ولات مزيان وغدا غادي نرجع لرباط نحضر لحفلة ديال العقد ديالها...
فاطمة : مبروك عليها مسكينة وضروري خاصك تمشي متفكرش فيا انا.. غدا راجعة لطنجة مديرش بالك معايا عمتك هي لولة ...
اناس زاد زير على يديها وعينو فعنيها : تمشي معايا غدا ...
بصدمة خرجات عنيها : بغيتيني نمشي معاك عند عائلتك...
اناس حرك رساو بهدوء : اه يعرفوك و تعرفيهم ومن بعد نخلي الواليد يهضر مع باك...
خرجات من سيارة كتقاد زيف وهو خرج تكى على لباب وبقا قدامها كيعاونها تصاوب زيف...
وقف عليهم خيال شخص فاطمة بقات واقفة عادي بينما اناس دار شاف فشخص لي مهبط راسو لتحت وهاز محفظة فيدو ولابس طاقم اسود ...
فاطمة : هدا المساعد ديالي غادي يكون معايا فالإجتماع...
هز حجبانو كيتحقق فشخص لي حادر راسو نحو فاطمة بإحترام ...
فاطمة : سي يحيي وصل...
المساعد : اه وصل هو حاليا كيتسناك...
فاطمة: لوراق موجودين...
المساعد شار للمحفظة ديالو : كلشي واجد الالة ...
فاطمة : دير فبالك غادي نبقى ربع ساعة فقط تكلف بشي لاخر ..
المساعد : مفهوم...
بقات يديها فيدين اناس و كتهضر بنبرة أمر واضح انه ماشي اول مرة ليها بل ولا عندها عادي و مرضاتش بال لنظرات اناس لي كيشوف فيها بشك...
قدام المساعد قربات لأناس باستو فخدو وقالت..
فاطمة: تسناني ...
خلاتو وتوجهات لداخل و المساعد من وراها خلات اناس فدوامة تفكير و شك مكيتصورش...
بعد ما بعدو من اناس قرب المساعد لعند فاطمة هضر معاها بصوت كتسمعو فاطمة فقط...
المساعد : شيخ عبدالله تاصل بيا من مجاوبتيش على الهاتف ديالك..
كمشات حجبانها وهزات محفظة ديالها من ماركة شانيل هزات تليفون لقات بزاف الإتصالات من باها ..تنهدات بضعف..
فاطمة : شنو قال ليك...
المساعد : بغاك ترجعي لسعودية دوزي معاه رمضان و ديري نتي وياه عمرة ....
بقا كيتسنى جوابها لكن كان منها صمت...
المساعد : نحجز ليك تدكرة لسعودية...
فاطمة : ماشي دابا...
وصلو لشخص لي كيتسنا فيهم بداو في الإجتماع بعد تعارف وديك شخصية لي كانت مع اناس تحولات لشخصية اخرى مرأة دات رأي وقوة ...
في الرباط ومع تالتة صباحا..ناعس حدا عفراء كل مرة ضربو الفيقة من كيحس بيها كتحرك ...
كمش حجبانو من سمع الهاتف ديالو كيصوني مد يدو هزو بان ليه اسم المتصل..بسرعة تقاد فالجلسة و نعاس هرب ليه بدا كيشوف فالإسم بنضرات فشكل...
وقف خرج من البيت خلا عفراء ناعسة ووقف فالكوزينة حل تلاجة هز قرعة الما شرب شوي و تليفون مزال كيصوني فيدو يقطع و يعاود يصوني...
تنهد و قبل الخط ....
جعفر : ألو....
تنطق طرف الاخر بصوت مخنوق...
- خويا جعفر ...
جعفر عقد حجانو : امين شواقع واش كتبكي...
امين بصوت مرتجف : ميمتي اخويا ..ميمتي مشات عند الله..ميمتي ماتت...
جعفر صاط بجهد وقلبو تزير عليه ..حط يدو على جبهتو حس بغصة فحلقو خناقتو بزز باش قال...
جعفر : ان اليه و ان اليه راجعون ..الله يرحمها مسكينة فينك نتا دابا...
امين : مزال فالكلينيك....
جعفر تزير و رجع وجهو حمر : وخا تسنا تم انا جاي...
قطع والحزن خيم على ملامحو فهاد اللحضة نسا المشكل لي بينو و بين امين يكفي ان امين عيط عليه يعني محتاج ليه .. مزادش فالهضرة ولا جبد الماضي ..
بسرعة توجه لدوش غسل وجهو ورجع لبيت نعاس فيق عفراء بشوي ...
جعفر : نوضي لبسي حوايجك...
عفراء حطات يديها على كرشها مفرقة رجليها كتشوف فيه بعدم فهم..
-شنو واقع...
جعفر كيلبس سروالو : أم امين ماتت...
بصدمة شافت فيه : شكون قالها ليك...
جعفر : امين عيط عليا دابا..
بغات تزيد تسولو لكن من شافتو كيلبس حوايجو بزربة مزادتش فالكلام ..وقفات دخلات لدوش دارت شغلها وخرجات لبسات جلابة واسعة ودارت زيف غطات بيه شعرها ودارت صابو فرجليها مريح فالمشية ...
شافت جعفر هز فلوس كان حاطهم فمجر المكتب عاد جبدهم من البنكة باش يخلص بيهم نجار لي كيصاوب العود ديال صالونات..دارهم فجيبو وهز ساروت تسناها قدام لباب خرجات سد لباب وركبو فسيارة شد طريق طاير لسبيطار ....
وصلو لسبيطار خرج شد فعفراء لي متقلة ودخلو بجوج بانت ليه مرات امين واقفة كتبكى كتعنق فيها مرا كبيرة كتبكي معاها باينة أمها..خلا عفراء حداهم وتقدم عند امين لي كان واقف بعيد متكي على الحيط وعينو حمرة واقف حداه نسيبو كيصبرو ...
كيف وصل عندو جعفر عنقو عناق اخوي فهاد اللحظة نتهات كل الخلافات رجع أمين كيبكي بحال طفل صغير وكيصرخ بـ "الوالدة مشات..صدر الحنين مشا"....
صدر الحنين لي كلنا منسخاوش بيه ومنسخاوش بفراقو اصعب شعور ممكن يمر بيه الإنسان فلحظة كتحس بنفسك كبرتي ومبقا عندك فين تحط راس ..
دار كتخوا عليك و رضا كيتقطع و الإنسانة الوحيدة لي بغاتك بدون قيد ولا شرط مبقاتش كأنها عمرها كانت موجودة....
الأمر لي داز منو جعفر جوج مرات ..من باه ومن أمه لي فارقوه وخلاوه وحيد فسن صغيرة كيتوكل على الله ويكبر راسو بنفسو وخدم وكون راسو..
خلا أمين وتوجه خلص سبيطار باش يخرجو الجثة كان عارف امين معندوش بسباب المدابزة لي دابز معاه ...كان جالس فدار كيتعالج و معندوش الفلوس كاملة باش يدير جنازة ..
متسناهش يدوي ولا يطلب مشا هو تكلف راسو و رجع وقف حدا أمين كان هو ضهر لي يتسند عليه صاحبو من يعيا ...
تقدمات عفراء عند امين بعيون حمراء كان واضح انها كانت كتبكي حيت الموت شيء مفزع ولي يخليك تفكر شنو درتي فدنيا ديالك وتراجع نفسك قبل ما يوصل وقتك...
مع ادان الضهر خرجو ام امين دخلوها المسجد صلاو عليها وحدا امين كان كل من رجال عائلة مراتو وجعفر هو وجمال و مازن وكمال و عائلة عفراء لي وصل ليهم الخبار و جاو يقدمو تعازيهم ...
اليوم لي كانو موجدينه يفرحو بيه لمازن و حادة تحول لفراق انسانة اخرى فكراتهم فالحاجة لي ماتت فمنزلهم ورجعات حيات جرح عاد كيلتئم...
وصل لعشا والعيلات كلهم كيتعاونو دايرين يد فيد وكيف كيقولو نهار الحز كيبان معدن بنادم و حمدلله فبلادنا عندنا تقافة ديال جنازة كيتعاون بيه كل لي قادر و لي مقادش ، كيديرو كلشي لوجه الله ...
عفراء جالسة مع مرات أمين لي كتبان صغيرة تكون عندها ديك 19 ومنفوخة ليها كرشها شوي باين فبداية حملها و حدا عفراء جالسة مينة لابسة عباية سوداء وجالسة ساكتة ...
عفراء بلطف قربات الماكلة لمرات امين ...
- تورية خاصك تاكلي شوي على وديت لبيبي...
تورية كتمسح دموعها : شكرا اختي لكن معندو منين يدوز...
عفراء : بززي على راسك الماكلة راكي ماشي بوحدك ...
تورية : وخا اختي ربي يحفضك و سمحو لينا عدبناكم معايا ...
لطوف : الموت ابنتي مافيها عداب كلها اجر ونتفكرو تا حنا موتنا ...
توريو دارت عند حادة : سمحي ليا خسرنا ليك نهاره..
حادة كتسمح دموعها تفكرات عكوزتها : معندك علاش طلبي سماحة ابنتي ليام الله كتيرة ولمدرتش العقد ليوم نديرو نهار أخر ...
تورية بخجل : ربي يكبر بيكم...
سكتات و حدارت راسها كتاكل و كل مرة تهبط ليها دمعة ترجع تمسحها و تكمل الماكلة ..شكلها صغيور كيضر فالخاطر وباين من حزنها أن ام امين كانت مهلية فيها و تعاملات معاها مزيان...
مينة بقات كتشوف فيها وكتفكر فواحد نهار كانت اتكون فبلاصتها لكن شاءت الأقدار ان أمين مكانش مكتاب ليها ..
تنهدات بديق و دارت جات نيشن مع عينين عفراء لي كيشوفو فيها خلعاتها..
مينة حطات يديها فوق قلبها لي ايخرج من بلاصتو ..
-اففف مالكي كتشوفي فيا هاد شوفة ...
عفراء بصوت كتسمعو غير مينة..
-غير كنشوف امين خدا زين تبارك الله...
مينة تخنقات : شفتي نتي اعمتي ممزيناش ...
عفراء كتشوف فتورية بإعجاب : شوفي البنت كيف دايرة مشالله شحال بيضة و غزالة كتحمق باين امين كيبغيها نيت ونساتو فيك ...
مينة تجعرات : واش هادي هضرة يقولوها الناس ...
عفراء خنزرات : دابا غير كنهضرو مالكي كترطاي عليا غير بوحدك ...
مينة بقا فيها الحال : اوا لعجباتك سيري ولدي بحالها متبقايش لاصقة فيا ...
عفراء بإعجاب : صراحة مكرهتش شوفي شحال زوينة كتحمق كتبات بحال شي بنية صغيرة مباينش گاع عندها 19 ..هاد أمين ولد لحرام كيعرف يختار زين...
مينة نطقات بين سنانها : عمتييييييي...
يتبع...
التعليقات
لا توجد تعليقات بعد، كن أول من يعلق.