محتوى القصة
يلاه غادور راسها وهي تسمع صوت موراها كيقول تشيتشونا حتى تسمع صوت غوات واحد الطفل حدا مو دورات وجهها مزنگ كتشوف فيه كيغوت وينش بايديه على فمو حيث كلا الحرور...واحد شوية تمو داخلين شي عائلة مكونة من ست اشخاص معاهم اطفال كيغوتو وشي كيجري ومو تابعاه ولا باه...كثرات الهضرة وعمرات دنيا وعمر السناك او ديك المحل فين كيقليو او يشويو الحوت او يديروه فالطاجين...الرواج الرواج مع فصل الصيف خلااااص...عمىات ديك البلاصة ماحتال تستوعب لقات دنيا كتركش وعباد الله تعيط على سرباي ولا يمشيو معاه يشوفو شنو الحوت الي غايختارو...بقات دور هنا وهنا مرداتش لبال لديك العائلة الي كتعيط ليها ماحسات حتى ضارت ونغزها واحد دورات وجهها لقااتو كيشوف فيها مطلع حاجبو وهي تقفز كتشوف فيه بلا مترمش فمها وذاتها بدات كترعد...
هو : هيي تشيتشونا (غليضة) هيي تشيتشونا (غليضة) سبوسطاتي دا كوا ... (Spostati da qua )"حيدي من هنا"...
بقات غير كتشوف فيه كان واحد الشاب فعمر الثلاثينيات شهب وعينيه فيهم واحد لون خضر مغلوق الي شافهم من بعيد يحساب ليه عينيه كحلين...ضار هنا وهنا وهي تصرط ريقها وضارت مشات كتزرب حيدات من تما...
هو"دور وجهو بقا حاضييييييها تا نقزات واحد السيدة مسنة شعرها قصيير بزاف فحال تقطيعة دراري وحمررر بالصباغة...كانت جايا هي وراجلها من الباركينغ وداك الولد الي مغربي الاصل اما البقية كلهم ايطاليين سياح..
هي : دانييلو دوڤي سيي سطاطو (dove sei stato ) ؟"دانييلو فين كنتي ؟"
دانييلو : صونو انداتو أ لاڤارمي ليماني ما نون مي پياتشوتو لي سپوركو اي سپاتساتورا... كي پوسطو كويسطو الاء(علاء) ؟"مشيت غسلت ايدي لكن ماعجبنيش تما موسخ والزبل...شنو هاد البلاصة الاء (علاء) ؟"
علاء : كوي دوڤي مانجانو ايلپيشي سي سطا فريسكو اوشيتو دالماري الماتينو لوپورطانو دالپورطو ديريطامينتي أ كوا ألاينيتسيو ايرانو پروپريو نيل پورطو ما ليي انّو كامبياتي أي ليي انّو پورطاتي كوا سوطو اگادير اوفلا دوڤي سيامو سطاتي پوكو فا .."هنا فين كياكلو الحوت كيكون جديد خارج من البحر صباح كيجيبوه من المرسى نيشان لهنا فلول كانو نيت فالمرسى لكن بدلوهم وجابوهم تحت اگادير اوفلا الي كنا فيها غير شويا دابا..."
دانييلو :كوتشينانو نيل سبوركو؟ "كيطيبو فالوسخ ؟ "
علاء : نوووو توتّو پوليتو سولو كي ايلپوسطو نون ڨا بيني ما ايلريسطو توتّو بيللو توتّو كويسطو اي كوا دا انّي دا كواندو اپيرتو لياوكيي اي نوي انيي ڤولطا كي ڨينيامو مانجامو كوي سي فاتشيڨا كوالكوزا نون تروڤي توتّي كويستا تجينتي كوي ..."نوووو كلشي نقي غير حيث المكان ممساعدش اما كلشي زوين هادشي را هنا من سنيييين ملي حليت عيني وحنا فينما كنجيو لهنا كناكلو فيه كون غايدير شي حاجة مغاديش تلقى هاد بنادم كثير هنا."..
دانييلو : مممم.."دور وجهو حاضيها لا تبان ليه لكن مشات غبرت برات عليها لارض كانها مكانتش...رجع شاف فيه وشير بصبعو" لورو راگاتسي سونو سطراني. "بناتهم فشكل"...
علاء : ههههه امازيغ سونو تيميدي سول طانطو دالووميني..(ههههه شلوح كيحشمو بزاف خصوصا من رجال)...
دانييلو"رجع كيشوف فين مشات وعوج فمو بضحكة" : بووووڤيرييينا.....كوانتو بيللا كويستا تشيتشونا. هههه...(مسكييينة...شحال زوييينة هاد تشيتشونا. هههه)...
~~~بمدينة الجديدة الساعة كانت تشير الى الخامسة مساءا...حلات عينيها من بعد نومة عمييييييقة من كترة ما مابقاتش كتنعس حتى هي غير كتبكي تفكرها وتبكي طل على دارهم كتلقى الباب تسد الي كان ديما محلول داخلين خارجين عندهم ولات دار مهجورة هاد الاونة الاخيرة كان جا ليها المخنتر مرة فاش نوض الصمكة مع عصام وفوزي بمسبة فرح وجرا عليه من تم مابقا عتب...ملي جات من الخدمة صباح بكري عيااات بجهد ماحساتش براها تا نعست باش ترتاح جسديا اما نفسيا فراه مدمر بزااااف من جيهة اقرب صديقة واخت ليها الي كسرتها وبقاو غير الذكرايات الي بيناتهم...بقات كتشووف فالسقف مدة حتى ناضت من فراشها كتحك فعينيها طلات فالتيليفون لقاتها الخمسة وشي حاجة.خرجات من البيت لقات خوها امين جالس مع فاطنة...
امين : صباح الخير..."هزات ليهم راسها" شوية اليوم
فاطنة"تنهدات وهي كتشوف حالة صفاء" : نعستي بنيتي ليوم شوي...
صفاء"حركات راسها" : شوية"مزادت مانقصت حلات باب الطواليط ودخلات غسلات وجهها وحكات سنانها ماتوضاتش بحكم عليها العادة..نشفات وجهها وخرجات"
فاطنة : نحط ليك غذاك ؟!
صفاء"بامتناع" : لا مافياش امي..
امين : واحد سيمو ماباغيش يجي من كازا ؟!
صفاء : ماعرفتش مابقيتش هضرت معاه شحال هادي وتاهو مابقاش كيدخل بزاف لواتساب..."حطات ايديها على حناكها كتشوف ولكن العقل مشا بالتفكير...واحد شوي تا كمشات عينيها حسات بوجيعة خفيفة ديال ليغيگل وهي توقف ضارت عندهم" انا غادي نخرج تال عند با سالم امي ونجي...
امين. : اش بغيتي انا خارج نجيب گارو والحليب...
صفاء: انا نجيبهم ليك معايا بغيت نجيب شي حاجة ماتعرفش ليها..."يلاه خشا جيبو بغا يعطيها الفلوس شيرات ليه بايدها باش يوقف غاتجيبهم من عندها...حس بالفخر لا هو لا مو انها ولات قادة براسها بصاليرها..لكن الضروف الي فيها اقسى من انهم يفرحو بيها!!! مشات لبيت جبدات جلابة صيفية ديال المقدية لبستها هزات الفلوس وخرجات من دار مدوراتش وجهها جيهة دار عصام مشات نيشان حابسة البكية تا وصلات عند سالم تقدات من عندو باكية فوطة صحية وحليب وباكسة كاميل(سجائر) خلصاتو وهي تمشي وصلات لدار عصام ماحساتش براسها تا دورات وجهها بلهلا يطريه ليها...بانو ليها شراجم. مسدودين كلهم الباب مطرق...واحد اللحضة جا لمسامع وذنيها صوتها كيقول...
فرح : افييين الصاحيبة هههه
فرح : واااا لا مابغيتش نخرج مكاينش عصام باش نقولها ليه...واش من نيتك ا صفاء بغيتي تمشي لحي البرتغالي ؟ عؤفتي الى حصلنا عصام اش غايوقع والله حتى يسلخنا بجوج ويسد علينا...وزايدون والله حتى زوينة بلا ماديري داك العجب اللور...
صفاء.: وذوقيني من عندك...
فرح : انا كرهت نعطيك. والله كون يتعطا نعطيه لختي هي لولة...
فرح : شوفي عطيني سيفي ديالك ندفعو لكلينيك فين خدامة را باغين ناس بزااااف...
فرح"تبسمات ليها وعنقاتها" : والله ماكرهتك نتي تكوني مرات خويا عارفاني وكابرة معايا وعارفة كلشي علينا حسن من البراني يدخل بيناتنا يفرقونا.عالاقل نتي باغياه...ولكن را خاصك ديري شي حاجة ولا بيني ولا تحركي باش نعاونك...
فرح : ماتقلقيش اصفاء دابا يجيب ليك الله ماحسن منو وحسن منك يبغيك وينشيك كلشي تستاهلي كل خير...
فرح : صفاااااااااااء والله يا مك لا بقات فيك شوهتيييييييني شوهتيني عنننن اهى..
بقات كتفكر كلامها وضحكتها مغامراتهم بكاهم فرحتهم بنجاحاتهم...ايام العيد فاش كيوجدو لحلوة ويشريو الحوايج ولا يخيطو...ولا نهار العيد كيتجمعو كاملين على طابلة ضاحكين ناشطين...تفكرات نهار ضرب المخنتر فرح بكاها...نهار مات يونس نهار عرسهم...الصبر الي عطاها الله حتى جا زين الدين وخطبها ونهار تفارق معاها ودارها لعبة تصفية حسابات ونهار طاح فيها وبغاها من قلبو وكان راجل معاها وعشقها عشق الي كان مميز بيناتهم ونهار بغاتو تحرمات منو بسباب خوها وخا خوف خوها عليها الي خلاه يرفضو ويكرهو...ماحسات براسها حتى جلسات فدريجة ديال باب دار فرح حطات الميكا ورجعات لبكا تبكيييييييييي وتقول مابكيت حتى بدات كتنخصص. عاضة فكمايم جلابتها وتبكيييي داك الحرقة الي فصدرها من جيهة فرح مايعلم بيها غير الله او وحدة دازت من حالتها وفقدات اعز صديقة عندها....خرج امين عند الباب يطل مالها تعطلت حتى بانت ليه قدام الباب كتبكي...تنهد ودور وجهو لهيه
امين. : تت مشكيييييلة ثاني هادي بفففف"تحسر على حالتها صفاء ضحوكية ديما شادة فيه ومقشبين ولات حالتها جد عادية وروتينية من خدمة دار من دار لخدمة فقط كانت على شوي تجلس منها لو ما باها ضار فيها...جلس حداها وجر ليها راسها تكاه عليه غير تكاه فحال الى عطاها الانطلاقة عاوتاني تا بدات كتشهق" شششش صفااااء صافي براكة عليك..
صفاء : وشوااااااتنييييييييي اهى اهى وااا شواتني ختي وصاحبتي شواتني اامين اهى اهى واشواتني وهرستني فخاطري اهى اهر من نهار حلت عينيها عمرها شافت شي حاجة تفرحها اهى عمرها عاشت الفرحة كي ناس...فرح ا امين فرحتنا حنا وقرحت راسها...
امين : واش فايدك ماديري دابا ؟!
صفاء : تقادا الجهد ا امين تقادا جهد ماصبرتش والله ماصبرت..النص الي كان مكملني مشا اهى اهى...
امين : كون عندك الحق تاخذي كونجي نديك معايا لطنجة.بدلي الجو شوية...
صفاء"مسحات دموعها وخا مزال كتنخصص" : خى م ماعرفتش اهى تانشوف واش يبغيو وخا غير سيمانة خى تقهرت مابقيتش حاملة دار ودرب اهى...مشااات مشا كلشي اهى...
دخلات من برا حيدات جلابتها وشالها وجلسات فالسيجور حتى تنفس من شدة الحر وشمس الحارقة الي مشات فيها وخنقة الطوبيس الي موصلات حتى حساات بالروح غاتمشي عند الي خلقها...وجهها جا مجيف لواحد درجة تقولي بقات فالشمس يومين...هازا فايدها ساشية ديال صيدلية...بقات تا تساراحت وهي تنوض لثلاجة كبات ليها كاس الما بللات بيه ريقها عاد كملات تا بردات عطشها...هزات راسها كطل عليها من باب الكوزينة...
توبا : ضحاااااا !!!
ضحى"خرجات من دوش وجهها صفرررر كتمسح ففمها بفوطة وصلات لعندها ونطقات بصوت عيان" : هااني كحكح...
توبا : مالك رجعتي ابنيتي ؟ قهرك الوحم ؟
ضحى"سندات راسها على الباب بتعب ونطقات بصوت باكي" : وماما واااااااماما اهى وعافاااك رحميني براااااكة عليا براااكة الي فيا كافيني ونتي كل نهار كتحكي عليا بنفس الهضرة اهى...
توبا"خرجات فيها عينيها" : ونبقى نحك ونعاود...ونحك ونعاود يا القحبة يا عدوة الله نبقى نحك ونعاود على ما درتي فيا وفين وصلوني فعايلك تا تواطيت ووليت نجفف لعباد الله وساكنة عند ناس ...من بعد ما كان مديور ليا شان والقيمة"عينيها غرغرو" وليت الي يسوا والي ميسوا يجفف بيا لارض ويمسح فيا رجليه وهادشي يمسبة رجلين الي حليتي..مانتي مشيتي بشانك مابقيتي بشانك نهار وماطال ونتي مكوخة ليا فالبيت ناعسة لا قرايتك كملتيها لا خدمة طفرتيه فيها الماكلة ونعاس وتقيا هههههههه كتوحم ليا بنيتي نوحمها تايجي راجلها مسافر.. الي نكرها ونكر الي فكرشها..."كتخبط فايديها وعينيها خارجين من نهار جراو عليها عائلة مهدي وعاودو وهي كل نهار فينما تاحت ليها الفرصة تسمعها هاد الاسطوانة" شحال عندك دابا فديك الكرش ؟ ثلث شهور ونص.؟!
ضحى"هزات ايديها على شكل قبضة وبدات تضرب تحت كرشها تا كتحس بضو ضربها فذاتها كلها وتعاود" : هاااااهو هااااااااهو وهااااااهو اهى اهى ومااابغيتووووووووش مابغيتوووووووش هااهو كل نهار كنضرب ونشرب ووااااالو مابغاش يطيح اهى ومابغيتووووش وصااافي براكة عليا رحميييييني اماما حرام عليك رحمي الي فيا كافيني براكة هادشي الي وقع ليا اهى واش كتسناي تنموت عاد نباك ليك ندمت ! واش انا ملاك منغلطش اماما اهى"كتهز بالبونيات وتعطي لديك الكرش وضو كيضرب وتهز تا تهظ وتنزل بجهد"
توبا"بقات مربعة ايديها كتشوف يها كضرب وتفتخ وتهز وتحط" : كملتي ولا مزال ؟!
ضحى : انننن اهى اهى...
توبا"هزات ساشية الي جابت ومشات ليها جرتها وراها" : زيدي معايا ابنت لحرام زيدي واخا تبكيهم ليا دم منحن فيك الله ياخذ فيك الحق...
داتها تالدوش ووقفات جبدات من ساشية واحد دوا كتقرا فيه وتشوف المكونات داكشي نيت الي بغات هو الي فيه...حلات الباكية وجبدات منو زوج حبات مدتهم ليها...
توبا : شدي شربي هذا دابا...من هنا لسعاة الى حسيتي بالوجع علميني نديك لسبيطار...
ضحى"دموعها دايزين" : ش شنو هذا اهى..
توبا : هذا غايطيح ليك داك الحرام الي فكرشك ابنت لحرام...شربي زيدتيني ندير معصية الله ياخذ فيك الحق...
ضحى"بقات كتشوف فدوك الحبات وتشوف فامها هزات كمايمها مسحات بيهم دموعها كتنخصص..رمات دوك الحبات ففمها وتحنات شربات الما من روبيني...خرجات هي وتوبا زيدتها تجلس حداها فالبيت...جلسات كتفرج حتى صونا ليها تيليفون
توبا : نعام امراد...
مراد : مالك مكتبغي تجاوبي ؟
توبا"تنهدات" : غير مسمعتوش(كاتكون خارجة تخدم فالميناج عند واحد صيدلية)...
مراد : ماكدة !؟ شنو كنتي كديري فالصيدلية الي حدا المدرسة البريفي ***...
توبا"صرطات ريقها" : والو ضرني راسي وشريت دوا...
مراد : مممم...انا غذا غاندوز عندك...
توبا : بغيتي دوز تشوفني مرحبا بغيتي تعطيني فلوس ولا تقدا ليا غا بلاش...
مراد : عارفك مغاتبغيش تشديهم وليني را كنحطهم ليك فالكونط ديالك الاصلي...نهار تحزي اميمتي دوزي هزيهم...وخا نكونو كلاب منرميوك وماعليش غا وسعي خاطرك معانا وخا متبغيش...انا غذا غاندوز نشوفك ونجيب معلم يصلح داك الشوڤو الي خسر ليكم..
توبا : واخا ان شاء الله..."قطع معاها وهي تهز تيليكوموند شعلات تلفازة كتفرج غير فالي كان وصافي...دورات عينيها عند ضحى" مابديتي تحسي بوالو ؟!
ضحى"متكية فوضعية الجنين...كتنخصص حركات راسها بلا"
توبا : لا بدا ينغزك قوليها لا صبرتي وماگلتيهاش ضبري لمحاينك...لا بغيتيه نهار تولديه خرجي ربيه راسك...انا مغانقد على مسؤليتو...
ضحى : مابغيتوووووووش اهى اهى ومابغيتوووش وماكىهتش يطيح ونتهنى ولا نموت انا اهى...صافي تهنيتي..
توبا : ايوى ديك الساعة الى مابغاش يطيح نتسناوه تايتولد ونحطوه قدام شي جامع ولا نعيط لجمعية تشدو فاش يتزاد...(هادشي الي كتقول توبا تقال فالحقيقة بالحرف مازدت مانقصت)...
داخل غرفة العمليات سكووووون تاااام فقط اصوات الالات الي خدامة والفوق كاين فاصل زجاجي صغير شوي مابين غرقة العمليات وفين جالسين شي اطباء سطاجيير...وفغرفة العمليات واقف كل من علي وزين الدين على راس واحد الحالة ديال مريضة كتعاني من تشوه على مستوى الانف.والخد نتيجة حادثة سير قديمة...واقف علي كيعطيه المعلومات وحتى هو خدام معاه غير هو زين الي مكلف تحت اشراف علي بحكم علي بروفيسور وزين الدين مساعد ديالو...
علي"بانت ليه ايدو توقفت على الحركة هز عينيه فزين الدين بان ليه كيشوف فمكان الجراحة لكن باين عليه ماهواش هنا..هز عينيه فالفرامليات بانو ليه كيشوفو فيه وف علي ورجع شاف فزين الدين" : زين الدييين !!
زين الدين"الصمت"
علي"مد ايدو حيث مقابل ليه وحركو من كتفو" : زين الدين"هز فيه زين عينيه" الى ڤازي...بيك شي حاجة ؟!
زين الدين"هز النفس تا هزها وطلقها من تحت البافيط حجبانو من كثر ما عقدهم ولاو دايرين تجاعيد...يلاه شد المشرط وبدا حتى حبس ولاحو.." : je ne peux pas,,continue(مانقدرش كمل نتا)."خلا ليه الحالة بين ايديه وحيد ليگانت خلاهم فايديه حط كف ايدو تا بصم تحل الباب خرج منو لاح ليگانت فزبل غسل ايديه تما وحيد البافيط وطاقية وبصم فالباب الثاني تاتحل وخرج بخاطر مازم عينيه حمرييين دخل المكتب ديالو وضار لشومبر ديالو لاح فالماشين كابسيل تاعمر كاس القهوة هز باكية الكارو من تم وبريكة وخرج لبالكون سد الباب وشعل الكارو جر جرة طوييييلة شحاال عاد ساط دخان تا حس براسو خذا كمية الي تخليه يتكالما لانه كان على شوي يطير فيهم وهو خاطرو ولا ديق بزاااف هاد النهار ماعرفش علاش عادة هو مولف وخا يكون معصب قالعمليات كيدوزهم عادي حيث هادي خدمتو لكن شنو طرا ليه لهاد الدرجة العشق وفقدانو الفرحة ديالو هرسو لهاد درجة وجودها فحياتو كان مخليه عايش..بقا كيكمي واحد تابع لاخور حتى من سجائر كان كيكمي غير زوج او ثلاثة فنهار لكن هاد الاونة الاخيرة ولا مكثر بزاااف...بقا جالس فداك البالكون كيتنفس من الهواء ويحاول يتكالما حتى تدق باب البالكون ودخل علي عاقد غوباشتو فيه...
علي"دخل لقاه جالس مفرق رجليه وداير راسو بين ايديه حادرو وبين صباعو سيجارة شاعلة..." : شنو داكشي وقع ليك قبيلة ؟!!
زين الدين"الصمت"
علي : هادشي ازين الدين مغايسلككش غانعاود نقوليك هادشي الي عطا الله هذا مكتاب وقضاء الله رضا بيه بزز منك وكمل حياتك ازين الدين راك مرضتي فصحتك بزااااف خدمتك بزز اصحبي باش شاد فيها...كون ما انا ودراري فين كنتي غاتخلي هادشي ؟ ودوك المحلات ديال واليديك شهرين ونص مابقيتي طليتي عليهم ؟ فخبارك را العيد الكبير قريب وداك السيد محماد را باغي يمشي كونجي لبلادو عارف هادشي ولا ؟
زين الدين"باقي بنفس الوضعية نطق بصوت مبحوح" : ماشديتوش الحاج الله يسر ليه عندو الحق يمشي...
علي : الحاج الحسين تاهو باغي يرتاح عيييتيه بشطنة عليك هو والحاجة ولات مخلية دارها وجايا عندك مقابلاك...رحم راسك ازين الدين ورحم ناس معاك راك هلكتي راسك وهلكتيهم بالخوف عليك..."وقفو بايدو" بلااا ماتقوليا ديك الهضرة ديال الى ثقلت عليك خليني وسير هادشي واجب عليا حيث خوك الكبير حيث صاحبك باغي ليك مصلاحتك ومصلاحة صحتك راك كتقلب يبدلو ليك لادوز ديال دوا ومانت فخير."قاطعو زين الدين بصوت مجهد مبين الغضب.."
زين الدين"وقف على طولتو" : شنووووو ندير الحاج شنوووووو واش لخاطري واش هادشي عاجبني الحاااج عاجبني نهلك صحتي ؟"شير لصدرو بايديه" ماافايديش الحاج ما فايديش هادشي جاي من هنا"ضرب جيهة قلبو بجهد تا شك علي واش هرس ديك البلاصة" هنااا الحاج هنااا مرض من جيهتها هنا تهرس وتهرس الخاطر معاه...
علي : فاااااهمك ازين الدين و"مخلاهش يكمل"
زين الدين : مافاااااهمش الحاج معارفش ماحساش الحاج"هبط ايدو وخبط الطابلة بجهد تا تخوا الگوبلي ديال القهوة" الخاطر مشااااا الي رجعاتو مشااااات الحاج مشااات بين ايدين الرحمن...
علي : واش بغيتي دير تعاند مع الله ؟!
زين الدين"هز ايديه لفوق" : ماصبتش الحاج ماصبتش (ماقدرتش) تهرس كلشي من وراها.. ."ضار جيهة الحديد ديال البالكون وتسند عليه بجهد خبط دوك الحديدات تا بقا يصرب فيهم بجهد عض على شنايفو بجهددد." بغيت نكون فشي كوان مع راسي ...
علي : دير شي يومين من بعد ماتمشي تشوف الحاج المحجوب ويلاه نمشيو انا وياك والحاج الحسين لتارودانت نبقاو شي يومين ولا ثلاثة ونديرو معانا تا دراري...واخا بغيتي تبقى وحدك غا صبر معانا منقدروش نخليوك وحدك فهاد الحالة...
زين الدين"غمض عينيه ورجع حلهم ضار عند علي وقبط ليه راسو باسو بكل احترام وتقدير لمجهودات علي معاه الي واقف معاه تقولي خوه بصح منو وفيه...بلا ميهضر قبلة الجبين كانت كافية تبين مدى شكر زين الدين لعلي الي هاد الاخير ربت ليه على دراعو وحرك ليه راسو بمعنى دنيا هانيا".
"وصديق يحبك بصدق خير لك من مدينة كاملة من البشر"
وسط كم هااائل من البرمات والگوامل وطواجن وطباسل والكيسان واقفة فلافابو كتغسل فيهم وتعطي لبنت الي حداها تنشف وتحط كانت الساعة تشير 12 ليلا تقريبا كلشي سالا بقا غير يديرو هما الميناج فالمكان...حاطا قرعة ديال زوج ايترو ديال جافيل الروح وقرعة نفس الحجم ديال صابون ONI...كملات طباسل وهي دور راسها بانو ليها الگوامل كباار ديال الحريرة...خلطات شوية روح والصابون فطاسة ومشات تا شللات البرمة وهي تحكها بالحلفة شللاتها عاد خوات فيها الخليط وجابت الشبكة بدات كتغسل فيها تا كملاتهم كلهم وكل وحدة قدااااش ماسلات دوك الماعن تا وصلات لوحدة وشي حاجة عاد جمعات الكوزينة وسيقاتها...
عائشة : ا تفولكي انا غانخرج نسيق برا تا تكملي ووصلي عليا غسلي طوابل ؟
افولكي : واخا...
خىجات عائشة وهي بقات كترد فداكشي حسات بضهرها تقسم حيث هاد صيف الحركة والخدمة كثيييرة...حسات بايديها كيحرقوها قلبتهم لقاتهم طايبييين ومشگين بزااف منضرهم يشفي العدو...جمعت كلشي وهزات ثاني روح والصابون والشبكة وخىجات لقات عائشة كتسيق بالتيد وسانيكروا مشات هي لطوابل خوات فيهم الصابون وجافيل وبدات تحك فيهم وحدة بوحدة كانو شي عشرة مسالاتهم تا جات مريم عاونتها فيهم عاد كملتهم كتحك وطل لا يكون جاي شي حد...
مريم : مكاينش سليم غير فرحي هههه
افولكي"ردات بصوت عيان ومنخفض كيف ولفوها" : عافاك هضري مع خويا تهامي يهضر معاه يبعد مني عافاك "عينيها غرغرو وهي كترجاها" را مكيبغيش يعطيني تيساع...
مريم : لا لا كوني هانية غذا نهضر معاه وايلي كاع لهاد درجة مبسل !!!
افولكي"حركات ليها راسها وهي كتشوف بمنضر يقطع القلب..شوي هبطات كمايمها ومسحات نيفها..ورجعات كتحك فطوابل ماكملو تا خلاو كلشي نقي يشعل وريحة نقا عاطية...دخلو طوبل لداخل وجا تهامي عاونهم هو و داعلي تا سدو المحل تابطات افولكي دراع مريم وتمساو برفقة داعلي وتهامي وعائشة ركبو فسيارة تهامي واحد البيكوب تا لحقات عليهم ايزة وزاد بيهم لتغازوت وصل عائشة وافولكي ومريم وطلع هو وايزة وداعلي وصلو تاهو وكل مشا لدار...حلت مريم باب دار ودخلو ميتيييييين بالعيا...
مريم : انا غانجيب براد اتاي...
عائشة : ابلاش هي غادي يطير علينا النعاس اوا...
مريم : وانا مالي فيك سيري تنعسي باش صباح تلاقاي بحب قبك المنتصير
عائشة : اححح اقلبي وفاش فكرتيني تصبحي على خير"شافت ف افولكي" تصبحي على خير اتفولكي...
افولكي"تبسمات ليها ابتسامة خفيييفة" : تصبحي على خير...
مشات هي تنعس ومريم مشات لكوزينة هما عايشين ف بيت منو كوزينة مديور ليها بوطاجي وحداه ثليليجة صغيرة... ومنو بيت وبيت الماكلة فنفس الوقت...غير طواليط الي وحدها.جات الدار فين ساكنين كتشوف فالبحر ديال تغازوت فواحد الهبطة...وافولكي مشات ل عند راسها فين كتنعس واحد ماريو ديال ميكة فيه مجورة جبدات ماتلبس وحيدات هادوك الي لابسة هزات من ترازتها بزطام حلاتو تا حسبات الفلوس الي فيه دارتو بين حوايجها فالمجر وسداتو..جمعات الوسخ الي حطات فالسلة تا لروپو ديالهم عاد غايمشيو يصبنو حوايجهم...جلسات كتجمع راسها بزيف واخذاه من واحد ضريح كيقولو ليه بو القنادل...جمعات فلوس باش قدرات تشريه تجمع بيه شعرها وتغطيه...بقات كتسنا فمريم تا تمات جايبة صينية اتاي وطبسيل املو وزيت ارگان حطاتهم مع خبيز بقا من صباح لواتو فزيف ودارتو فميكة باش يبقى رطب...
مريم"كبات كاس اتاي ومداتو ليها" : كولي اتشهبونت را ماكلتك قليلة ايا !!
افولكي"عوجات راسها" : مافيااش...
مريم : اش وقع ليك قبيلة ثاني خفتي من بنادم ورواج ؟!
افولكي"حركات راسها وعينيها رجعو لمعو" : خفت...
مريم : ماعليش دابا نوصي تهامي ميبقاش يخرجك على برا..
افولكي : عافاك قولي ليه نبقى غير نغسل ماعن صافي...عافاك مابغيتش بنادم غادي يخرجو ليا يضربوني عافاك"نزلو دموعها يجريييييو..بترجي كتطلب فيها تا مريم غرغرو عينيها من الخرف الي بان عليها ورعدة الي شدتها"
مريم : تهدني ماتخافيش
افولكي : عافاك اهى اهى عافاك والله حتى يضربوني "عضات على سنانها كترعد بالخوف" اننن اهى ق قبيييلة واحد مغوبش ضار فيا وقاليا ديك الكلمة الي كان كيقوليا...
مريم"جرتها لعندها حطات حناكها بين ايديها كتهدن فيها هي الي كتعرف ليها من نهار عرفتها ولقاتها هي الي خذات بايديها هي وايزة..." : ششش صافي صافي ماتخافيش مغايضربك تاحد..."هزت ايدها بغات غير تدوز ليها على شعرها"
افولكي"دارت ايدها على وجهها يحساب ليها غاضربها" : اااا لا لا اهى...
مريم : ماتخافيش مغاديش نضربك.واش من نيتك تخافي مني انا فحال ختك...
افولكي"ايديها كيترعدو.."
مريم"هزات ليها عنق تشامير الي مقطع وكيطيح ليها" : ششش تهدني وشوفي فيا ؟! شكون الي قاليك ديك الكلمة ؟! شوفي فيا وقولي اشمن كلمة؟
افولكي : واحد يمكن مع نصارى..قاليا اهى"مسحات دموعها بطرف كمايمها تا بانو لمريم ايديها الي تمشگو بالغسيل بجافيل وروح من لفوق" تشيتشوونا اهى الي كان كيقوليا زين الدين
مريم : الي كان كيقوليك الفرحة ديالي...
فرح"غمضات عينيها بالم تا نزلو دموعها يجريييييو من جديد..وعاودت هبطت وجهها تا مسحتهم بجلايل تشاميرها الي كلو مطبع بجافيل"
"اااااه وااااه من حال اصبحتي عليه...الدنيا بصح غدارة والزمان كيتقلب"....
نوضو على سلامتكم
تنهدات مريم وتحسرات على حال هاد البنت الي ولات بعد شهرين تقريبا وحدة منهم ورماتها الضروف القاسية خلاتها تبقى معاهم وفرضات عليها العيش بهاد الحالة النفسية المأزمة...
مريم : ماتوحشتيهش ؟ ماتوحشتيش داركم ؟!
فرح"حدرات راسها وحركاتو ب لا بواحد طريقة كتبين انها مازمة بزااااف وهازة من هاد الناحية...رجع بيها التفكير لداك النهار المشؤوم الي طرا ليها فيه اكفس حاجة واخر حاجة كانت ممكن توقعها...تا حسات بضو ضربها بين عينيها وهي تكمش حجبانها تا بدات تشابك فصباع ايديها وتملص فيهم وتعاود ودوك ليدين كيترعدو"...
مريم"تنهدات وهي كتشوف فيها كيفاش تحولو ملامحها لحزن وخوف ورهبة.." : وخا نوضي غسلي وجهك واجي تاكلي راكي ماتعشيتيش...
فرح : مافيااش والله"كتسمح دموعها" غير خليني...
مريم : ماعليش احبيبتي غير كابري.
فرح"تنهدت بتعب..ناضت غسلات وجهها غير تما نيت وجلسات كتنشف فيه...كحزات ليها مريم الخبز واملو وزيت ارگان...سمات الله وهب تبدا تاكل...ناضت مريم لثلاجة جبدات طبسيل ديال العنب حطاتو ليها المهم الي موجود حطاتو حيث شافتها كتاكل مابغاتش ديرونجيها...بقات مريم ساكتة حدها كتشرب من كاسها ديال اتاي وفنفس الوقت مقابلة فرح كتشوف فوجهها ماكلتها...حاضية معاها حيث مريم هي الوحيدة الي كثيق فيها فرخ وكتأمن ليها وخا تا ايزة تاهي نفس شيء لكن مريم اكثر...بقات كتاكل فرح تا كلات علاش قدت وهي تكحز طبسيل" زيديك عنيبات...
فرح"حركات راسها ب لا" : بغيت نعس..
مريم : رتاحي راكي عييتي...صباح فكريني ندوزو لعند فاضمة نعطيها خمسة دراهم تجيب ليك شوية فازلين دالعبار ملي تسالي ذهنيهم لايديك"قبطات ايدها كدوز عليها لقاتهم حرشين.." كيحرقوك ؟
فرح : ماشي بزاف...
مريم : دابا نهضر مع ايزة تهضر مع تهامي يجيبو ليكم وحدة اخرى هادشي ممسلكش وكثير عليك افرح...
فرح : لا لا غير خليني انا وعائشة عافاك ..
مريم : واا افولكي واش بيتي تبقاي ديما وحدك !!
فرح"بحزن" : مانقدرش امريم منقدرش...
مريم : واخا.قولي ليا شحال جمعتب ديال الفلوس !!
فرح"شافت جيهة المجر عارفة وخا تخليهم مكاينش الي يقرب ليه اصلا مريم وهي فبيت وعائشة فالبيت لاخور ساكنة وحدها...يعني فلوسها في الامان" : 1500 درهم...
مريم : صافي ؟!
فرح : عندي هادو الي مخبية و 500 درهم معايا فجيبي..
مريم : نهار تنين غانمشي معاك عند طبيب سنان حيدي ديك الضرصة..."شافتها بغات تمتانع باش تخرج وهي توقفها" فرح را ضرصتك مرضات ليك بزااف عالاقل يشوفها ليك واش تعمر ولا لا بغيتي تبقاي كل ليلة شادك صداع ثاني ؟!
فرح : لا لا عافاك مابغيتش نمشي عندو عافاك غايكونو عندو ناس بزااف غايبداو يسولوني واش من هنا فين داركم ولا يبغي لاكارط وانا معنديش"غرغرو عينيها"
مريم : فرح تهدني مغادي يسولك حتى واحد انا اانمشي معاك وندخل معاك تال عندو يشوفها ليك صبري لساعة ولا جوج حسن ما يشدك صداع ديال ايام ؟! بركي فنفسك افرح وحاولي تخرجي من هاد الحالة ممسلكاكش الله يرضي على ختي...
فرح"الصمت"
مريم : حاولي تجمعي شي بركة باش تمسي عند طبيب نفسي..حيث هاد الحالة الي نتي فيها مرضاتك كل ليلة كتفيقي تبكي وتگمزي...خاصك تنساي افرح. انا اليوم معاك وغذا ؟
فرح"خرجات عينيها" : علااااش فين غاتمشي وتخليني وحدي ؟ عافاك ماتمشيش الله يخليك نخلصك من فلوسي الي كنجمع غير بقاي معايا"بدات كترعد" عافاك الى مشيتي غايضربني شي حد اهى اهى...
مريم"شافتها بغات تبدا دخل فنوبة بكاء وهي تجرها لعندها حطات ليها راسها على صدرها كدوز عليها" : ششش مغانخليكش انا معاك غير سكتي...انا قصدت غانغيب واحد سيمانة حاولي تبقاي مع ايزة تانجي خاصني نمشي لدوار نشوف دارنا با مريض وخاصني نشوفو...
فرح : نمشي معاك ...
مريم : دوار را عندنا ناس بزاف كيجيو لدار يطلو على با ونتي تقدري على ناس بزاف ؟!
فرح : نبقى فشي بلاصة بعيدة.ولا نجلس فشي بيت حتى يمشيو ناس...عافاك مابغيتش نبقى هنا ونتي مكايناش غايجي هذاك سليم ثاني يبغي يهضر معايا ديك الهضرة الباسلة...
مريم"مالقات ماتقول ليها" : واخا ان شاء الله نهضر مع تهامي يعطيك سيمانة تمشي معايا تانرجعو... ..مخاصكش تبقاي هاكا بلا وراق بلا والو !! غذا ولا بعدو توقع شي حاجة كيما كانت غايبغيو وراقك...افرح سمعيها مني وخا مغاديش تعجبك هضرتي تاني حاولي تخرجي راسك من هاد الحالة حاولي تهضري مع واليك(داركم)...
فرح"حركات راسها ب لا وعاودت بزربة" : لا لا لا خليني معاك خليني هنا اهى مابغيتش مابغيتش امريم...ومااااابغيييييييييييييييتش مابغيتش اهى...
مريم : صافي صافي صافي...ماشي مشكيل يلاه نوضي تنعسي تايصبح ويفتح ولكن مغاديش نساو الجبيب ضروري نمشيو عندو نهار تنين...والسيمانة الي من وراه نمشيو لبلاد عندنا"تبسمات كطبطب عليها" هههه غانمشيو لسوق نشري ليك بيجامة جديدة وماعن الحمام جداااد يالالة...
مانطقات فرح باقي بتا كلمة اكتفات انها تخلي راسها محطوط على صدر مريم السيدة الي خذات بايدها والي شافت فيها الاماااان التام وسط الغربة والدياب وسط ناس جربو يآديوها حتى لقات ليدين الي جروها وحماوها وداروها بين عائلة وخا غير فالعمل كتحس بيهم خايفين عليها ودايرين ليها الحساب
فلاش باك
حل عينيه من بعد غيبوبة دامت ليومين تقريبا مكاملاش حس بشي حد عند راسو كيهضر تا كمش حجبانو كيحس بشي حد كيحرك ليه فايدو وشي حاجة كتجبد من ديك لايد... بدا كيصرط فريقو ويحل فعينيه شوية بشوية حتى دور راسو بانت ليه واحد الفرملية كتهز ليه فالد.م هز حاجبو وحدر عينيه بانت ليه مسحات ليه ايدو بقطن معمر ببيطادين ودارت ليه سبارادرا...
فرملية"شافت فيه وتبسمات" : الحمد لله على سلامة دكتور بغدادي...
زين الدين"رد عليها بصوت باح" : شحال ليا ؟ (ولف عادي كيف يفيق كيسول شحال ليه)
فرملية : 2 jours. دكتوغ...
زين الدين"هز ايدو دوزها على وجهو ورجع مد ايدو" : عطيني le rapport ديالي...
فرملية : داكوغ انا نجيبو ليك من عند بروفيسور زياد...
زين الدين : علميه يجي عندي..."حركات ليه راسها وهزات داك الد.م على قبل تحاليل هي خرجات ودخل علي والحسين وريان ووليد ومراد..."
علي : زين الدين كي بقيتي اصحبي شوية ؟؛
زين الدين"حرك راسو بشوي ونطق بصوت منخفض وخا صوته يعيا ينقصو كيكون مجهد" : الحمد لله...
الحسين"قرب لعندو وطبطب ليه على كتفو" : هادشي الي وصيناك عليه ؟! هادي هي نرد البال لصحتي ؟!
زين الدين : العبد ضعيف ابا امام ارادة الله...
الحسين : ونعم بالله وليني را مزالين باغينك اولدي بغيتي تمرضني من جيهتك ؟"قالها وبان على وجهو الحزن الشدديد على حالة زين الدين.."
زين الدين"شد ليه ايدو وباسها ليه كف وضهر وبقا كيطبطب عليها بايدو لاخرى وخا النفسية ديالو مدمرة لكن فاش شاف وجه الحسين وخوف لاخرين عليه بقاو فيه لدرجة برك على نفسو باش ميبينش مدى الالم والعذاب الي راه فيه دابا..."
وليد : على سلامتك ازين الدين الله يشافيك والله يسمعك خبار الخير...
زين الدين"قالها بتنهيدة لدرجة هما حسو بيه عن طريقها بالي هااااز وغير عاص فالنفس.." : اميييين يارب...
مراد"قرب ليه وحط ايدو على كتف زين وقال بحزن" : كون مع الله يكون معاك...ياك هادي هي الجملة الي كنتي كتقول ليا فوقت الشدة ؟ ياك ديما كتنصحني ندير املي فالله وغادي تفرج علاش دابا كانشوف منك العكس ؟...واخا تشوفني صغر منك ويمكن نجيك باقي صغير على هاد الهضرة ههه وليني كنقول شنو جربت وشنو استافدت من نصائح ديالك نتا الي ماطبقتي منهم والو اخويا...بغيناك تشد فراسك وترجع زين الدين الي كنعرفو زين الدين الي غير من دخلة وصوت تحنحينة يخلينا نزلو كلنا نقولو ليه سلام ونجلسو معاه تا يقولينا هو غايمشي ولا سيرو فين بغيتو...
زين الدين"حرك ليه راسو وحط ايدو على ايد مراد ربت عليها كشكر وامتنان لهضرتو..رجع شاف ف علي" : فوزي والحاج المحجوب ؟!
علي : الحاج عياان ازين الدين وفوزي را مكمدها وساكت يلاه اليوم الي فاتو سخانة شوي..
ريان"شافو كيشوف فيه وفهمو شنو بغا يسولو" : هضر معايا كوميسير توفيق رتاح بعدا ومن بعد نهضرو...
زين الدين"ناض تقاد فالجلسة ممسوقش لشنو قال غير سمع سيرة توفيق وهو يتگعد.." : شنو واقع ؟!
ريان"حدر عينيه ماعارف شنو يقول" : قال بالي الجثة ديال البنت الي شفتو ف لامورگ ديال سيدة فعمر 37 كانت داك النهار الي غابت فيه فرح الخيالي فالمحطة نيت والاسم ديالها نبيلة العايدي من اصول صحراوية ولكن عايشة فتزنيت سنين...لكن كيفاش حتى وصلوها حوايح فرح مكاينش حتى شي دليل كيبين كيفاش لكن الي تاكدو منو انه ماكانتش مقتولة...
علي"كمش حجبانو" : يعني قتلات راسها ؟
ريان"عوج فمو" : ممكن...
الحسين : وكيفاش الى ماقتلاتش راسها ؟!
ريان : غالبا حادثة قضاء وقدر ...
علي : المعنى ؟
زين الدين"هز فعلي عينيه ونطق قبل ريان" : المعنى الحاج ارادة الله الي تحكمات جاب ليها الله موتة من عندو فداك المكان...
علي"حرك راسو بفهم" : ااااه تقدر تكون تعكلت وطاحت ؟!
ريان : حسب تقرير لو طوپسي(التشريح الطبي) كيقول بالي كانت تحت تاثير الخمر ديك الليلة وطاحت وهادشي تاكد من التشريح طبعا حسب حساب الجرح الي فالرأس...وبصح عندها تاهي توحيمة ف قفاها الشي الي خلا فوزي يتخلع فاللول حتى كمل الشوفة فاش عرف ان اخر توحيمة الي عند هاد السيدة فيه حرقة..."مزالين كيهضرو حتى بان ليهم زين الدين بدا كيحيد فليزار وحيد داك سيروم نترو من ايديه وناض"
علي : زين الدين جلس فحالك فين غادي تاني ؟
زين الدين"مشا لماريو ديال شومبر جبد منو جاكيط ديال سورفيت وتيليفونو.." : راجع لهيه...
الحسين : فين راجع يا ولدي واش عينك تاني ترجع تمرض ؟ واش مكتسمعش اش كنعلمو فيك من صباح ؟!
زين الدين"مشا ليه وباس راسو دارو بين ايديه وشاف فيه" : با "قرب ليه مزياااان" مانصيبش ابا ماشي لخاطري "كيشوف فيه بعينين حمريييين" فهم حالتي وعذرني..."ضار جيهة علي" فيك مايسوگ بيا ؟
علي : مافياش منبغيش نخليك تحرك ونتا بهاد الحالة...
زين الدين"شاف جيهة مراد ورمى ليه الكونطاكت ديال طوموبيلتو" : تحرك معايا نتا محتاجك...
علي ؛ زين الدين !!
زين الدين"غمض عينيه بنفاذ صبر" : الحااااااج بلا متعذب محاينك معايا النتيجة عقيمة...يرحم بيها الواليدين خليييوني براحتي ديرو ليا خاطري وخليوني مني لصحتي لا مرضت انا نتكلف ونديرها فيد الله...لا جات ترجعوني ولا تحبسوني قتلو ملتي حسن ولا هاد العذاب الثاني الي تزادني فصحتي "شاف فيهم مخرج عينيه الي ولاو كي جغمة الدم" عارفين فرح شكون ؟!
الحسين : صافي دير الي يسلكك وبخاطرك....سير معاه امراد الله يرضي عليك...
.العفطة الي عافط زين الدين على نفسو على حساب صحتو كتخليه معرض انه يرجع يمرض تاني من جديد ويطيح ليه سكر ويقدر انه يطلع شكون عرف خصوصا هو عندو ماشي سطابل...مابقاش كيشور على راسو والو عياو معاه انه يرد لبال لكن بدون مجيب الي فراسو فراسو...من نهار مستودع الاموات بقا مصدوم واحد المدة وهو كيكابر حتى مابقاش صبر وطاح...توالت الصدمات والاحزان والخوف والعصبية وستريس كانو عوامل كافية انه ميبقاش يقدر يتحمل...خرجو برا فالباركينغ بانت ليه طوموبيلتو شاف فيها بنضرة فشكل ماقدرش يمشي يسوگها جاه فحال الى نفرها...
مراد"شافو واقف كيشوف فيها" : زين الدين دخل !!
زين الدين"عاقد حجبانو كيشوف فيها واحد شوي شاف فمراد وشير ليه براسو" : طوموبيلتك فضل.."خلاه واقف ومشا حتى تبعو مراد باش يسبقو تاسف على حالتو الي فيها دابا خصوصا فاش شافو نفر السوگان بصفة عامة...
مراد : مد ايديه حل بالكونطاكت باش يشوفها زين الدين ركب حداه تا جا مراد وركب تاهو دارو سانتيغ..قبل مايديماري شاف فزين" : انزگان ؟
زين الدين : سبق ب فوزي...
مراد : سيدي بنور ؟! "حرك ليه راسو وديمارا طوموبيل خرجو من المصحة مبارشة واخذين طريق الجديدة من بعد سيدي بنور مسافة الطريق حتى كانو داخلين لفدان فين كاينة دار المحجوب...
زين الدين"خرج منير وولدو ياسين تلقاو ليه عند الباب" : سي منير..."تسالم معاه ومع ياسين"
منير"بقا شاد ايدو بسلام" : سي البغدادي..كي بقيتي اخويا !!
زين الدين"حرك راسو بثقالة" : الحمد لله...الحاج وفوزي ؟
منير : غا شوية وصافي الحمد لله على كل حال...
ياسين : تفضلو اخويا مرحبا بيكم...
سبق ياسين وتبعو منير ووراه زين عاد مراد اول حاجة مشاو عند الحاج المحجوب الي كان ففراشو باقي متأثر من الصدمة وخا تعطاهم امل جديد فان فرح ما ماتتش...طل عليه لقاه ناااعس لاقي راحتو كان غايفيقو منير مخلاهش زين الدين باش يبقى مرتاح...حل منير باب البيت فين ناعس فوزي الي من داك النهار وهو مريض بسخانة...
منير : فوزي ؟
فوزي"جاوب ب انين" : مممم
زين الدين"مشا لعندو وجلس حداه حيث كان متكي ف بيت نعاس ياسين.." : فوزي شنو هادشي ؟!!!
فوزي : ممممم
زين الدين"عقد حجبانو وهز ايدو حطها على جبهة فوزي لقاه طايب...ضار جيهة الطابل دونوي لقا ميزان الحرارة محطوط" : عطيني ايدك. فوزي.."عطاها ليه هزها تا جا منير دار ليه ميزان تحت باطو بقا واحد شوي تا سمعو صونا وهو يجبدو تاني منير عطاه لزين الي شافو لقاها واصلة ل 39 وهو ينوض على وقفتو" شنو هادشي ؟!
منير : خبار الخير ؟!
زين الدين"شاف فيه بتغوبيشة" : شحال من يوم وهو على هاد الحال ؟"هز حاجبو" من داك نهار ؟
منير : ماخلينا ماعطيناه يشرب كتحيد منو نهار وترجع لغد ليه هذا الله...جا مبارك عمو طل عليه وجاب معاه شوية المخينزة ووالو..
زين الدين"تحنى عندو شد ليه ايدو دارها وراه شير لمراد باش يعاونو" : فوزي توگض معايا الله يرضي عليك محتاجك...
فوزي"كيهيتر" : فراااااح...
زين الدين"كيسمع اسمها كيفشل..تعاون معاه مراد حتى وقفو زين الدين وتم غادي بيه..شاف فياسين" : الدوش ؟!
ياسين : هاهو حدا البيت نيت"سبقو تا حل ليه الدوش ودخلو وقفو تحت الرشاشة مخلخل بزز باش واقف غير زين الدين الي مكالي عليه باش ميطيحش حيث فاشل...حل الرشاشة وغير حلها ونزل الما بارد على فوزي حس بالضو ضربو تا عض على سنانو بجهد"
فوزي : لا لا لااااا...بارد اصحبي..
ماداهاش فيه زين الدين خلا الما مطلوق وفوزي كيتركل باغي يحيد من تحتو ماقدرش حكمو زين الدين مزيان تا فشل فوزي وجلس لارض مخلي الما هابط عليه والرررعدة شاداه وقف رجليه ودور ايديه عليهم كيقفقف والما هابط تا طفاه زين الدين...عيط لياسين باش جاب ليه بينوار...عاونو تا حيد الفوقي بقا غير بشورط الي كان لابس اصلا..جاب شامبو غسل ليه شعرو دوش ليه...هادشي تحت عينين منير وياسين الي بقاو معاه تا دوش ليه خلاه يكمل تدواش بالما بارد نضرا للخصوصية خرج وحيد فوزي شورط كمل بزز وخرج ملوي فبينوار كيقفقف...لقا نعيمة واقفة فالبيت معاهم لابسة ملحفة باش كتصلي ساترة راسها وهازة بين ايديها حوايحو مايلبس عطاتهم ليه...خرجو حتى لبس براحتو تا عيط ليهم عاد دخلو واولهم زين الدين...
زين الدين"تسنى نعيمة حتى غطاتو وهو يقرب ليه حط ايدو على جبين فوزي ورجع تاني عطاه يعبر هاد المرة راسو...لقاها نزلات بدرجة ونصف..ضار عند منير" : شي ورقة وستيلو الله يجازيك ابا منير...
منير : ايه..ياسين شي ورقة وستيلو من عندك اولدي"مشا ياسين بزربة جاب ليه شنو طلب وعطاهم ليه"
زين الدين"بقا كيكتب شحاال خشا ايديه فجيب بغا يجبد طومپو نسا راسو بالي عندو واحد فالسيارة وثاني فالكلينيك.." تت."مد لمراد الورقة وغمزو" تحرك لمدينة خوذ هادشي الله يرضي عليك..."شدها من عندو مراد وخرج بزربة خلاهم مافاهمينش..اما هو جلس حدا راس فوزي الي كان كيشوف لكن عينيه منفوخين بجهد بالمرض والفقصة.." شنو هادشي فوزي !! فين فوزي المحنت ليا رجال دكالة ؟! ماعاهدي بيك مهرس من الخاطر...ماضنيتك توصل معايا لاول طريق وتفشل ؟ "هز ايديه" ديك ساعة فشلتنا صحة"نقر بصبعو فوق كتفو" هاد ساعة نعضو فالنفس تايحن الله....
فوزي"هز فيه عينيه وشاف فيه بنضرة تهرس الجبال وتبكي الصخور وتقسم الصلب كانه رطب..ونطق مطوووول ديك الكلمة" : مشااااااا مع الحنينة ختي الي فرطت فيها....
جاب ليه مراد من الصيدلية الدوا الي كتب ليه كانت ساشية عامرة...عطاها ليه وبدا يجبد منها فالدوا ويقراه ويحط...ضار عند طابل دونوي هز كاس خوا فيه مقياس كافي من الما وجبد واحد ساشية خواها فيه خلطها مزيااان وعطاه يشربها...
زين الدين"هز باكية اخرى" : بعد الماكلة.."هز باكية ثالثة وقال" قبل النعاس...
منير : شنو نديرو دابا ؟! شنو فايدي مندير ادكتور ايديا تربطو ماعرفت نبقى مع الوليد ولا نمشي تانا نقلب...
زين الدين : ماعليش تكلف نتا بالي هنا..انا"شاف فساعتو" شوي ونتحرك تما...
وفوزي"بغا ينوض جاتو دوخة" : نتحرك معاكم...
زين الدين"رجعو بايدو" : معندك فين..صحتك ماشي ديال تكرفيص دابا...من بعد فوزي من بعد...
فوزي : لا لا منصيبش منمشيش تانا نقلب...خاطري ميهنينيش براكة عليا عذاب الضمير الي فيا براكة عليا شمتة الي شمت راسي فيها وخليتها وفرطت فيها...
منير. : ياودي راك مريض كون تسمع...
فوزي : ماعندي منسمع خالي...خليني نتحرك تانا خليني نشوف ختي فين تلات بيها ليام وفين لحتها"كيضرببب فصدرو بضربات كيتسمعوو بجهد تا شدو زين الدين من ايدو موقفو مزير عليه من ايدو"
زين الدين : فوزي !!!
فوزي : ختي الي كنت ندخل نلقاها موجدة ليا كوتي مصيفطة ليا الماكلة لحانوت لا انا لا عصام مصبنة لينا حوايجنا محتال نحطو الي لبسنا نلقاوها موجدة لينا وحدين جداد!! ماجتال نعطس نلقاها موجدة ليا دوا وتبخ وتحط وتقلب فيا من كاع جوايه...لا مرض فينا شي واحد تبات تقلب فينا وماتشوفش نعاس...نهار نتحنسرو فالفلوس كتقول عندي بلا متعطيوني وهي معندها تا ريال مكمداها وساكتة باش ميبقاش فينا الحال ؟ هازة دار على گدها فيها زوافرية وبو حاشا واش يكون بو "شير بايدو" فين هو هاد البو ؟ عقل عليها شي.؟ اش خسر علينا قاليك خليها را باغية تخرج لطريق
زين الدين"عض على سنانو بجهد وناااااري كون كان المخنتر قدامو فهاد اللحظة"
منير. : فوزي نعل شيطان اولدي هادشي الي فات فاااات والي عطا الله عطاااه...دابا خاص نلقاوها باي وجه كان..فشرد با الي محن من جيهتها فشرد راسها لا تغربت فبلاد وسط بلادها نيت يعلم الله بحالها...
فوزي"شاف فيه بنضرة حزينة وفنفس الوقت مكمش حجبانو كاتم الدموع مينزلوش" : انا راجل بشلاغمي وهدتني ودموعي حابسهم بزز عليها...خليت ختي تجلا وتودر فبلادات الناس لا حنين لا رحيم نهار بغيناها لقيناها ونهار بغاتنا مالقاتنا..."هز راسو ونطق بانهيار" وااااااااااااالرب العالي سمح ليا من جيهة اليتيمة الي ذنبها بقا فرقبتي وبكاها باقي لدابا يدبح فيا...واااااا ربي صبرني ورجع ليا الحنينة الفرحة ديالنا...وااااالرب العالي را ختي هرستني...
مراد"عز عليه بجهد تا دور راسو لهيه متاسف على حالتو كيهضر ويغوت وخا غواتو مسكين كان على قدو حيث كان مسخسخ بسخانة الي ايام وهي كتهلك فيه...تدمر بجهد وتهرس وعذاب الضمير مزال كياكل فيه لدابا حيث خلاها مشات وحدها ومامشاش معاها"
فوزي : كون مشيت معاها وكوووون مشيت معاها"دار بصباعو زوج لاقاهم بمسافة قليلة " گد هوك اخالي گد هوك وجبتها لهنا اش كان غايشدني اش كان غايوقع ؟ "سرح ايديه" كانت غاتكون هناااا هنا وسط حبابها كان غيارنا غايتحل...كنا هنا مجموعين ونرجع نعنقها ونبوس راسها ونقوليها ختي ماتقلقيش راني باغي غير مصلاحتك وتگوليا عااااااارفة خويا عااااارفة..."شاف فزين الدين ودموعو دايزين" نهار دخلت نشوفها فبيت الموتى بانت ليا هي بين عينيا مادا ايديها كترجاني...بااااااش نحلف ليكم الى شفتها كتشوف فيا ومادا ايديها نعتقها....ماشفت ديك السيدة الي ميتة ماشفتهاااااش...وماااااشفتهاااااااش تا شفت گفاها عاد وعييت بالي ماشي هي...(جاتو فحال حالة صدمة فاش شاف الي مستة فمستودع الموتى خصوصا لابسة حوايج فرح)..
زين الدين"شدو من كتافو وزير عليه" : فوزي توگض معايا"جهد صوته تا سكت فوزي" فوزييي تواااااااااااگض معايا "قبطو من حناكو كيشوف فيه بنضرة جدية عينيه مخنزرييين" فؤح ميتة ؟!
فوزي : هرسنا ختي وهرستنا معاها...
زين الدين"جهد صوته ثاني" : جاااااااوب ؟
فوزي"حدر عينيه وحرك راسو ب لا"
زين الدين"هز صبعو لفوق" : والله والي شانو عظيم وخا يفوت العام بالعام منفرطو فتقلاب عليها...الله يجعل ملتنا نخيطو البلاد درب درب...
هادشي كامل داز سمعو الجد المحجوب ونعيمة الي كانت هي وبنتها هناء كيبكيو فالكوزينة وهما كيسمعو غوات فوزي بهيسترية وانهيار....
المحجوب"هز عينيه فالسقف" : ياااااربي لا تخليني نعيش ماعشت ف حليمة بنتي...ياربي لا تعاود داك النهار الي تقسم فيه ضهري وعاود..ياربي لا مشات بنتها ديني عندك..
درب بدرب الكلمة الي بقات كتردد فمسامع فوزي وتعاود وهادشي الي وقع كل نهار كيخرج يقلب عليها فاكادير وانزكان وصل حتى لتزنيت حتى كملات شهرين كان على زين الدين الرجوع حيث وقعو شي مشاكيل فالمصحة الشي الي خلاه يجلس هاد الاسبوع تا يحلهم وفينما تاح ليه الفرصة يمشي يسافر باش يقلب لا هو لا فوزي...فينما تجيهم الخبار انه ممكن تكون تما كيمشيو على وجه السرعة بدون كلل او ملل...
عودة من فلاش باك...
توالت الايام والحال هو الحال...هزات حوايجها جمعتهم فصويك صغير وسدات عليهم ولبسات واحد جلابة خذاتها من واحد سوق عمر غير تما حداهم وشال خذاتو من ضريح بوالقنادل المتواجد بين تغازوت ومدينة اكادير...جلسات فوق سداري كتسناها تدخل من برا حيث مشات تجيب ولدها باش يمشي معاها...ماتعطلاتش بزاف حتى دخلات ودخل واحد الوليد فعمر ست سنوات سميمر فحال باه كتشوفو فرح كيشبه ليها لسيمو خوها وعشيرها...غير شافها جا كيجري عندها باسها وبقا معنقها...
فرح : انس غبرتي عليا ؟!
انس : مشيت مع بابا لبحر 17...
فرح"تبسمات مافهماتوش اش قصد ب 17." : كيفاش هههه..
مريم"كتحط فالحوايج" : 17 هي 17 كلمتر بحر بعيد ب 17 كلمتر كيكون زوين وفيه ناس ونقي...هاهو كندوزو ليه غير من هنا..
فرح"حركات ليها راسها..وسكتت مابقاتش هضرت..تسناتها تا كملات جميع وسدات الصاك لبسات تاهي جلابتها ودارت شالها.."
مريم : يلاه اتفولكي يلاه هههه نشوفوك واش تبغي ليا البلاد تا وكان...
فرح : بشحال بعيدة"تسناتها تا سدات البيت بساروت وتابطات دراعها.."
مريم : غادي نقبطو طاكسي تال اكادير ومن اكادير غاناخذو طاكسي اخور لطريق تارودانت دوار ديالنا جا فنواحي د تارودانت بين مراكش وتارودانت...ايعجباااك تما خصوصا كاين واحد العرس يمكن الى ولا با شوية وكان نمشيو ماتخافيش مغانخليكش وسط بنادم بزاف تمشي تبكي ليا تما وتهرب ليا العروسة ههههه...
فرح"تبسمات وهي تجمع ضحكة دغيا وحدرات راسها..دورات عليها مريم ايدها على كتافها وطبطبت عليها باش متقلقش وبالي غير كضحك معاها...خرجو من دار ونزلو تمشاو شوية شيرو لواحد طاكسي جاب الله الله لقاوه دايرز شدات فرح فمريم زيرت عليها وهي تركبها جيهة شرجم وجات مريم حداها باش ميجي تاحد حدا فرح.وتبرزط حمدات الله خلاهم تهامي يخرجو هاد سيمانة وخا كاين رواج خصوصا فصل الصيف..طلباتو بحكم باها مريض ماردش ليها الطلب حيث من نهار خدمو ماخداوش كونجي غير نهار فقط فالاسبوع الي كياخذوه وشي مرات لا...وصلو لمدينة اكادير عند الطاكسيات...سمعو العياط مراكش تارودانت...كان واحد طاكسي باقا ليه ربعة البلايص مشات هي وياها خلصات عليها وعلى ولدها وعلى فرح بزز مخلاتهاش تخلص حتى حلفات عليها وهي تستسلم...بقات بلاصة باش يعمر طاكسي جات واحد سيدة وعمر طاكسي وانطالق مباشرة لمدينة تارودانت...كيف وصلو خذاو واحد الخطاف الي غايديهم لواحد دوار قريب بزاف لتارودانت من جيهة مراكش...
........
حاط راسو على الكوسان مغااامض عينيه كيسمع القرآن الكريم بصوت ياسر الدوسري...شادين طريق مدينة تارودانت كان اللور الحسين وريان ووراهم سيارة مراد معاه وليد اسامة الي خلا مرتو مع مو وجا معاهم....اما سيارة الي فيها زين كان سايقها علي الي وفى بالوعد ديالو مع زين باش يجيو يرتاحو فتارودانت من تعب التقلاب....
الحسين"مد ايدو حطها على كتف زين الدين الي حل عينيه وضار عندو..." : عبرتي اولدي ؟
زين الدين"حرك راسو" : عبرت ابا عبرت...
علي : بزز منو يعبر محتاجينو الحاج بصحة مزيانة...
زين الدين"عوج فمو بطنز على علي..تكعد مد ايديه حل المجر جيد الكارو وبريكة من جيب سروال سورفيت الي لابس جبد سيجارة شعلها حل الباب وتكا على شرجم كيكمي باش يخرج دخلن على برا...حتى داز من حداهم واحد طوموبيل ديال خطاف مضوبلهم وطلق ليهم سينيال...شاف زين فعلي" : عندو شي مشكيل ؟
علي"كمش حجبانو كيتاكد" : واقيلة...
ريان : وقف ليه ياكما شي مشكيل فطوموبيل...
علي"حرك راسو وطلق السينيال خفف السرعة تا خرج البيست ووقف قدام الطاكس"...
مريم: مايجران( اش واقع)
الشيفور: والو ريغ غار أمان إطوموبيل(والو بغيت غير الما لطوموبيل)"نزل من سيارة وتقدم ناحية علي وهضر معاه بالشلحة مافهم علي والو تا ضور وجهو شير لزين الدين سخرج عندو..."اجي ولدي مافهمتش شنو بغا...
زين الدين"شاف فالسيد" : مايجران (اش واقع)
الشيفور : ترغايي طوموبيل الشريف لان دارون وامان....(سخنات ليا طوموبيل الشريف الى عندكم الما ...)
زين الدين: اوهو الحاج اتن اورتفيت خلموطور فيتن خيݣينس هاتي راداك تكوانسا ..اجيت ارد اوكان تبرد عاد افلاس تفيت امان( لا الحاج ماتخويهش فالموطور خويه من الفوق ... غادي تكولا ليك وتبلوكا...وكان تبرد عاد دير فيها الما)
الشفور : اك اسربح ربي( الله يجازيكم بيخير...)
زين الدين: اهنا الحال مرحبا( مرحبا الحاج...)
"مشا لطوموبيل هز البارشوك ووقفو خرج دخان..سكتها .. حل قرعة الما وخواها على لموطور من فوق رجع زين الدين جاب ليه وحدة اخرى وداها ليه تالعندو مدها ليه.وتم راجع ... تحل باب طوموبيل وخرجات تنفس من الحر وخنقة الطاكسي حيث بقاو غير بزوج لور وواحد جالس حدا شيفور حتى نطقات مريم...
مريم : فرح ؟!
عطاه القرعة ديال وتم راجع حتى سمع الشيفور كيعيط ليه وضار عندو... فنفس اللحضة مريم طلات على فرح لقااتها متكية راسها على الكوسان الامامي هي جالسة لور طبعا...طول طريق وهي ناعسة على كتف مريم فاش بغات تنزل من سيارة حطات ليها راسها حتى طلات عليها دابا ولقاتها مسندة على ضهر الكوسان الامامي...
مريم : فرح مالكي ؟ "حدرت راسها وطلات عليها سمعتنها كتنين" ضراك شي حاجا !؟
فرح : انننن ضرصة ضرصاااااا...
مريم"دارت ايدها على حنكها" : ياويلي شداتك تاني...ويليييي خاي الله الى ما عضي فالنفس غير تا وكان نوصلو لدوار نگول لاينا تعطيك شي حاجة تهمدها عليك ثاني...
فرح"حركات راسها بزز شي سمعاتو شي لا منها بحكم الصداع كان معذبها دايرة طرف شالها على حنكها وكتنييييين...بغات تجيها جهلة من صداع ديك الضرصة الي عذبتها فهاد الاونة الاخيرة..."
اما زين الدين ف كيف سمع شيفور عيط ليه وقف وضار بان ليه جاي عندو....
الشيفور : مراداس سكرغ أيوي إغ أورتري أتخدم؟ هاتي إسهلي أومز الطوموبيل نيوي خدمغ سرس غصاد أشكو يوضن أويغد ديتي كران مدن ريغ سرسن أدوار نيت ليغ زداغاغ(اشنو ندير ليها اولدي الى مابغاتش تخدم ؟! راني غير شديت طوموبيلة ولدي خدمت ليه بيها اليوم حيث مريض وجبت معايا شي ناس غادي بيهم لدوار نيت فين ساكن...)
زين الدين"طل عالسيارة الي بقا البارشوك موقفو ليها باش يبرد ليه الموطور" : ماعليش صبر أركيغ تبرد إلما تعمرت البلاصت نوامان "" أركيغ تبرد الحاج (ماعليش صبر وكان تبرد من بعد عمر بلاصة الما.."هز صبعو كياكد عليه" تا وكان تبرد الحاج مزياان.).
الشيفور :ادفلاك إساهل ربي... صافي غان أرادسكرغ( الله يسر ليك..صافي هذا مغاندير)...
زين الدين"جبد من جيبو تيليفون ودخل بلاصة الكونطاكت جبد واحد النمرة..شاف فيه" : الحاج تيليفونك ؟
الشيفور : ايه "جبدو من جيب سروال ومدو ليه"
زين الدين"شعلو نقل ليه النمرة وقيدها ليه وعطاه تيليفون" : إغ إجرا كران أوموكريس أورتري أتديماري... علم أفروخ أد غترودانت إناس نكي سغ الجهة نيوس الحاج الذهايبي راد ياشك ار دارك أست إزر ياويكن سينا ترام "" هاتي نتا غيد اغيلا إقرب (لا وقع شي مشكيل مابغاتش ديماري..علم هاد الولد فتارودانت گوليه انا من جيهة ولد الحاج الذهايبي ويجي تال عندك يشوفها ويديكم فينما بغيتو تحركو"دور راسو لنواحي" هو هنا قريب)...
الشيفور : اييه ادفلاك اساهل ربي أيوب ... اداك ارحم ربي الوالدين ... الخير نك اورجو رات توغ( ايييه الله يرضي عليك اولدي الله يرضي عليك والله يسر ليك..خيرك عمري منساه.)..
زين الدين : الله اودي مرحبا"حرك ليه راسو وضار رجع لطوموبيل وركب قاد سانتيغ وهو يتحرك علي بطوموبيل بشوي بشوي تا تسنا واحد سيارة دازت عاد زاد دور زين الدين راسو شاف شكون راكب معاه بانو ليه زوج عياالات دور راسو بزربة كيشوف ويكمش فعينيه"
علي : مالك ؟
زين الدين"بقا كيدور راسو يشوف حتى زادت طوموبيل ورجع قاد المري باش يشوف من الخلف..تا بعدو وجات طوموبيلة وليد وراهم خبات عليه السيارة...حط راسو عالكوسان وترخاااا مغمض عينيه تا زفر بتعب..حرك راسو بالنفي" : مماليش..
مسافة الطريق الكافية لقاتهم دخلو لمدينة تارودانت.بالضبط درب الاميرة...مع وصولهم بدا اذان العصر كيأذن...
الحسين : الله اكبر الله اكبر...العصر هذا..
ريان : ويااه الخمسة هادي...
علي : فين المكان المبارك ديالكم اسي البغدادي...
زين الدين"حيد سانتيغ وتقاد فالجلسة بدا ينعت ليه فين يدخل تا وصلو لواحد الدرب ووقف السيارة قدام واحد الدار بابها كبيير ديال العود ونزلو" : مرحبا الحاج...
علي"هز راسو بانت ليه واحد الشجرة طالعة من ورا الحايط ديال الدار..." : كاينة جردة هنا ولا ؟
الحسين : هههه واهلييييي اش كاين فهاد الرياض..
جبد زين الدين من جيبو سوارت دارهم فالساقطة ضار هنا وهنا بانت ليه الجارة حلات الباب كطل حيث سمعات طوموبيل لانه تاحد مكيجي بسيارة فهاد الدريبة الصغير من غير لا جا هو فقط...غير سمعات طوموبيل عرفاتو بالي هو الي جا ومشات حلات الباب بزربة رامية عليها ايزار تا بانو ليها رجال معاه...
زين الدين : مي زاهية ؟
هي : اعلى سلامة ولدي..
زين الدين : الله يسلمك ميمتي.."حرك ليها راسو عرفها حشمت"وكان نسالي ونشوفك ميمتي.."تبسمات ليه ودخلات تجري توجد ليه اي اكلة من طيابها الي كيعجبو...حل الباب سماو الله ودخلو حيث لا ريان ولا وليد ولا علي عمرهم شافو الرياض هادي اول مرة ليهم اما مراد والحسين فايت ماشيين ليه معاه..اول حاجة لفتات انتباه علي هي هاد الشجرة والي كانت بجنبها نخيلة صغيرة شوي.جاو فواحد الحوض وسط الدار حداه نبت سقاية باقي فيها الما مشا لحصار وحلو وهي تبدا تبدل فالما وترش عطات واحد المنضر كيبهج ويريح الخاطر...
ريان : الله...
الحسين"دار ايديه على نصو هز عينيه كيشووووف فالشجرة" : اييييه هادي را غرسها زين الدين وشامة...
بقا كيشوف فالشجرة الي جامعة ذكرايات قدييييمة فعائلة زين الدين. وختو وواليديه...ضار علي كيشوف ف الحسين باستفسار...فنفس اللحضة كان زين الدين داخل لكوزينة كيقلب فروبينيات ديالها والماكينة ديال القهوة...مع خرج سمع الحسبن شنو قال لعلي والي هاد الاخير كان بغا يسولو وهو يسبق هو فالاجابة...
زين الدين : ختي الصغيرة الحاج...شنو نسيتي حكايتها ؟
علي : مانسيت وااالو شكون ينسى شامة الزين هههه ياك هادشي الي كاين ولا راني كذبت ؟!
زين الدين"غمض عينيه وحلهم" : بالحرف...
الحسين"دور عينيه على دار كيشوف فالوسط بحكم مكاينش سقف معري حيث على شكل رياض قدييم...لاحض انه توسخ بحكم الشتا والصيف والعجاج " : يضهر ليا خاص هنا يتنقى اولدي...
زين الدين"خاشي ايديه فجيابو تاهو كيشوف فالانحاء بالنسبة لبيوت والصالونات فكانو مسدودين كلشي مطرق حتى من شراجم يعني غير داك الحوض وديك البلاصة الوسط الي خاصها تنقى.." : ولابد...البيوت وكان تاهما نديرو ليهم بلان(تاهما يتنقاو)...
الحسين"بدا كيحل فصدافي كمايم القميجة وكيطوي فيها" : يا بسم الله."بغا يبدا يقلب على شطابة وكراطة تا حط عليه زين الدين ايدو موقفو"
زين الدين : ياك لباس ؟
الحسين: واهيلي نقيو هنا فين نجلسو...
زين الدين: رتاح مع راسك نتا والحاج علي...
"مشا لصالون تحتاني حل ليه الباب ودخل حيد دوك ليزور الي على سدادر وحل دوك شريجمات الي جاو فدخيلات تا دخل الحسين وعلي الي كيكتاشف المكان وكيحس براسو رجع لعصر القدييييم ديال ناس زمااان...الستيل الي كيعجبو والي مخليه ساكن فدار ديال باه نيت الي فالمدينة القديمة ديال كازا الي قريبة لهاد ستيل ديال رياض...وهادشي علاش زين الدين وعلي متفاهمين بزاااف وصحاب من سنين...دخلو بزوج يرتاحو فيه...خرج زين لقا دراري كل واش كيدير هالي كيصور بتيليفون راسو سيلفي وسط رياض هالي داخل كيبقشش الي كيشوف فالحوض ويكحز تيو الي طلق زين الدين...حتى حنحن ليهم وهما يدورو يشوفو فيه"
زين الدين : ماعليش نتعاونو جميع..."قالها ليهم ومشا دخل ل
هما كلهم مافهموهش الا مراد الي عؤف من النظرة والهضرة انهم خاص يحيدو دوك الحويجات نعام اسيدي ويلبسو شي تيشرت وشورط وكل يقصد شي لعبة يديرها باش ينقيو دنيا تما...طبعا مع زين الدين ماتعاود غالصلاة عالنبي هههه ماشي كيخافو منو وانما عزيييز عليهم هكا مولفين معاه يقول شي حاجة او شي طلب ميردوهاش فوجهو وتاهو ممفرطش من جيهتهم ديما هما لولين او يدير بحسابهم...محتارمهم ومحتارمينو...
وليد : تا كيفاش ! واش قصد نطلعو نرتاحو جميع...
مراد : اه قاليك هز كراطة عنقها حداك وجبد عليه...
ريان"مع لابس تيشرت كحل وسروال دجين هبط عينيه كيشوف فسبرديلا بيضة الي لاس وهز عينيه فيهم لقاهم كيحنزو فيه بجوج" : اش كاين ؟
مراد : سير حيد ديك الاوتفيت الي ضارب وتشورط لينا نعماس واجي نوريك اش دير...
ريان : هي اش ؟!
وليد : هي دوزي اختي ضاوية شمري على دراعك وديري واحد زيف حياتي لداك راس ويلاه اختي نضربوها بتجفيفة فاااااعلة تاركة. ويلي سطغفير الله طيك دل..."ضرب دورة ومشا لبيت فين وراهم زين الدين يدخلو يبدلو جبدو شورطات وتيشرت من صيكانهم تا خرجو كاملين مشورطين من غير وليد الي ضارب بيل سماطي وشورط ولاخرين تيشرتات...شد ريان التيو ومراد الشطابة ووليد الكراطة بقا يخوي ليهم فالما واحد يضطب ولاخور تابعو بكراطة...
وليد"يلاه سيق واحد البلاصة بغا يمشي لاخرى وهو يخوي ليه راين الما تاني هز عينيه فيه" ؛ والملاوي اش كدير اصحبي...
ريان"شير ليه بصبعو بكل برود" : باقي واحد الغيسة تم اصحبي جر جر بكراطة...
وليد"بقا كيرمش فيه ضار جيهة البلاصة ورجع شاف فيه" : على رقبتي وتعاود تخوي الما نخوي لمك ركابي..."وبلعاااني عاود ريان خوا ليه الما تا ناض على جهدو غادي ليه فلتت ليه رجلو فالما مع لابس صندالة صبع جاب واحد مولاتي زلقة جا جا گاعد تا تسمعت زدحة ديال ترمتو عند علي والحسي فالصالون" الله...
ريان : هههههههههههههههههههههههههههههههه....
زين الدين"خرج من الكوزينة عاقد حجبانو" : اش واقع ؟؟؟
مراد"حابس الضحكة بزز" : و وااا و ههههههههه وووااااالو...
وليد"كمش عينيه كيحس بزديح تحتو" : البنية تحتية خويا عندكم نااضية..."هز ايديه" موقع والو موقع والو...
ريان"غير رجع زين لكوزينة حط تيو ومشا عندو" : و البنية تحتية ديالك ازين ؟"فرتح قبل ميمد ايدو يجرو اصلا مغدد عليه كيقتلو بديك البرودة الي فيه كيخليه يغلي ههههه"
ضربوها لدار بتسييقة خلاوها تشعل ومع الصهد والحوض مسقي رشو تا الشجرات غسلوهم مع الشمس بدات تغرب كان وقت مناسب باش يسقيو ويغسلوهم لان فاش كتكون الشمس ممنوع السقي باش ميتحرقوش نباتات وهادشي شامل حتى شجر...ماكملو ديك الدنيا تا كلشي عيا بالمعقول...
علي"طل عليهم من الباب لقا ريان متكي فوق الفوطوي الي تما فالقاع وحداه وليد تاهو وخا منوضينها شي تكا على شي اما مراد تشبح فالضص" : اه اه تسخسيخة ديال الحسايف هادي...
من بعد ما طبق الشيفور شنو قاليه زين الدين تسنى حتى بردات طوموبيل لكن كان خاصهم يتحركو فاضطر يعيط الولد الي نعت ليه زين الدين وجا لعندهم نيشان تحولو لسيارة اخرى وسيارتو بقات تا جاب الي يهزها من تم...مسافة طريق والي جرا وضرصة الي شدها صداعها واشتد كانت كافية انها تمرض بالمعقول حتى مابقاتش صبرت وزيادة على درجة الحرارة الي كانت مرتفعة وهي ولفات البرودة ديال مدينة اكادير والبحر وحتى انها تزادت وكبرت فمدينة بحرية الي هي الجديدة دايما كتكون باردة ف الشي الي خلاها مقدارتش تصبر لحر بتاتا...ما وصلو لدوار تا وصلات كي جرتيلة جلدة وجهها كلو تزنگ وعينيها تنفخو المشي ماقدراتش تمشي بالسخفة والحرارة...وقفو قدام واحد الدار تقريبا ديال تراب ضاير بيها السور فالاول كتدخل من الباب الكبير فحال الگراج عاد كاينة طوالة مغطية كتوصل لساحة كبيرة فيها بيوتة ملاصقين مع بعضياتهم..
مريم"شادة فيها فرح الي الصداع كيتجاهد عليها..وصلو لساحة بان ليها قدام الصالون صنادل رجال بزاف والبيت لاخور صنادل العيالات..شافت ففرح" : ترجعي لطوموبيل تانخوي ليك فين تجلسي ؟!
فرح"شافت فيها بعينين منفوخين وحمرين بالبكا" : ومتنساينيش عافاك اهى..
مريم : اويلي على نساك غير نشوف اينا نسلم عليهم ونجي نديك البيت ديال با واينا جلسي فيه.."حركات ليها راسها وهي ترجع تا داتها لطوموبيل خلاتها فيها وهي تدخل تا بانت ليها مها هازا بلاطو ديال فيه قراعي دالما..." ايناااا "مشات كتزرب عنقاتها وسلمات عليها"
فاطمة : اهلااان اهلا مريم بنتي على سلااامك ابنيتي "تحنات سلمات على انس" اهلا الكبيدة ديالي على سلامتك اولدي
مريم ؛ كي دايرة امي وكيف بقا با ؟ فين هو ؟
فاطمة : راه فالصالون مع رجال وشوية شوية دااازت منو هاد ليام تا قلنا غايمشي عند مولاه..
مريم : الله ياربي على با...
فاطمة : السخانة لعبات عليه تا قلنا را سالمة هادي ضرباتو والموت كتعيط وليني رحمة سيدي ربي كتنزل والعفو كيجي من عندو...دخلي ابنتي ؟
مريم ؛ جبت معايا ديك البنت الي عاودت ليك عليها..
فاطمة : مسكييينااااا كي بقات اش دارت باقي ماسول فيها حد
مريم : وراه هي مسكينة الي نفرت ومرضت فصحتها وخاطرها...خاي الله اينا غانخليها فبيتك نتي وبا را كتخاف من الناس ويا دلي را عاودت ليك...
فاطمة : وايلي جيبيها الله اودي سيري لا تخليهاش وحدها...
مريم : هي اللولة
رجعات مريم لعند فرح لقاتها فين خلاتها فين باقا وخا مسكينة صداع قاهرها مامانعهاش انها تبقى دور هنا وهنا وتشوف البلاصة فين جاو البلادات قداااش والاراضي على قد ما سرحات العين ماتشبع...تا حلات عليها الباب وهي تقفز بالخلعة.
مريم ؛ ماتخافيش غير انا احبيبتي اجي معايا..."نزلات من طوموبيل تابطات دراعها وشدات فيها مزيااان لا تفلت ليها شوف مسكينة شنو قاليها راسها"
فرح"قلبها كيضرب يضرب يضرب واحد الرهبة والخلعة شداتها فحال الي وقع ليها فاش لقات راسها فانزگان شادة فمريم وكترعد تا حست بيها وهي تزير ليها على ايدها باش تطمأن وماتخافش...وصلو لساحة لقات ام مريم واقفة حدا البيت..حدرت عينيها وزادت تشبتت ب مريم"
مريم"طبطبات عليها" : ماتخافيش ا تفولكي غير اينا هادي يعني مي...
فاطمة : بنيتي لباس عليك(هضرات معاها بالشلحة)
فرح"فهمتها بالي قالت لباس عليك حيث مريم علمتها شي كليمات بالشلحة وفالسناك كان كيضحك معاها تهامي وايزة بيها..حركات ليها راسها وتبسمات ابتسامة خفيفة"
فاطمة : باقي تضرها ضرصااا ؟!
مريم : اه اينا..
فاطمة : وخا دخليها ترتاح هنا انا نمشي نوجد ليها شوية العفصة والمانتا والقرنفل تقممها بتفوووتها..."مشات فاطمة ومريم دخلت هي وفرح لبيت كيسمعو صوت الرجال فالصالون كيهضرو ويضحكو اما العيالات صوتهم مكيتسمعش مقارنة مع رجال كل مكتسمع صوت القهقهات والهضرة كتيرة كتولي ترعد تا كتزير عليها مريم...جلساتها فوق ناموسية ديال باها ومها بقات معاها تا جات فاطمة عطاتها التبخة عطاتها ليها تقممها في فمها وبقاو جالسين تا شوي تجاااهد عليها صدااع تا عصرت عينيها وغوتات"
فرح : اممممممممممممممم ااهى اهى...
مريم : هي صبري بتفوتك دابا هادشي لاش تجاهد عليك صداع"كتحك ليها على ضهرها وفرح كتلالي وشادة راسها..بقات معاها فالبيت تا فاتها صداع فحال الى تبنجت ليها الضرصة ومع العيا ديال السفر والصهد والمرض ماشعراتش حتى حطات راسها على المخدة عينيها كيتلصقو وهي تمشييي استسلمات لنوم عميييييق...غطاتها مريم وهي دور لقات مها كتشوف فيها ناعسة عزااات عليها بجهد..."
فاطمة : من زويناااتها بنية ياربي...
مريم : تعذبات بزاااف اينا را دابا ولات مزيانة خاصك تشوفي فاش تلاقيتها داك النهار...
فاطمة : اش وقع ليها وكان ؟
مريم"ضارت شافت فيها ورجعات شافت ف مها" : وقع ليها امي وكون كانت يهودية مقطرة ميجرا ليها الي جرا...ربي طيحها فقلالين الايمان اينا الي ميخافو لا ربي لا عبدو..."تنهدات" يلاه وكان نشوف با يبان ليا خرجو من عندو رجال ؟
فاطمة : ايه سيري...
دق الباب ومشا مراد يحل تا لقاه واحد الولد صغير هاز بلاطو كبيير..تبسم ليه وقاليه ...
هو : عطاتهم اينا لزين الدين...
مراد : صافي غير زين الدين ؟ وحنا هههه
هو : هههه"قبط من عندو بلاطو عنكش ليه شعرو وطار رجع لدارهم...دخل هاز البلاطو مدو لزين الدين الي كان خارج من كوزينة..."
الحسين : من جارتكم ياك ههه
زين الدين"حرك ليه راسو" : مي زاهية..."حط البلاطو فوق طابلة تما... تسمع الدقان فالباب ثاني ومشا زين الدين يفتح ضنا منو انها زاهية حتى كيتفاجئ فاش حل الباب بواحد السيد قد باه فالعمر تاهو كان فكازا وجا هاد الايام لتارودانت.." : با عبد الرحمن !!
ع.الرحمان"بتبسيمة كبييييرة من القلب سرح ايديه لزين الدين" : الله الله الله على ولد الحاج الله...
زين الدين"تعانق هو وياه تا ضرب ليه ع.الرحمان كتافو بجهد كانه كيقوليه كبرتي وتقادو الكتاف حيث ليه سنيين مشافو حتى ليوم..باس ليه ايدو وراسو" : امورك هانيا الحاج عاش من شاف وجهك الكريم.
ع.الرحمان : والله الى قاليا ولد ولدي يوسف بالي داركم وقفات قدامها طوموبيل ماثيقتش را نتا الي جيتي خرجت نتاكد واش نتا نيت الي جيتي ولا داك راجل عمتك...
زين الدين"حرك ليه راسو بثقالة" : انااا وكان الحاج..تفضل الحاج لداخل...
ع.الرحمان : ايييه توحشت دويرة وتوحشت البلاصة فين كنت نجلس انا والحاج الله يرحمو.."حيد من الباب تا دخل..بانو ليه واقفين حدا الحوض وسقاية سلم عليهم من بعد ما عرفو عليهم وجلس هو وزين الدين حدا الطابلة...داو وجابو فالهضرة والاحوال كل هضر على شنو دار فهاد السنين من بعد ما دخل الحسين وجد ليهم القهوة من ايديه ودراري رسلهم زين الدين لفوق يختارو فين يرتاحو والي بغا يدوش من تعب الطريق يدوش..." ايييوى هذا ماكان...
زين الدين"شرب من الفهوة رشفة وحط الكاس" : يوسف مزيان ؟
ع.الرحمان : لباس عليه لباس عليه ههههه"بقا كيضحك ويدوز على الكاس بصباعو تا هز عينيه وشاف فالدار..." اييييه على هاد الدويرة عاماذا جمعت انا والحاج ونتا كنتي مع ختك الصغير كتغرسو فهاد شجيرات متساليو تا تعمرو ترباني وغيس...
زين الدين"كيحرك راسو بشوي وكيتفكر ختو شامة"..
ع.الرحمان"ناض وقف" : ايوى ولدي العشا كياذن نخليك ترتاح ميعادنا غذا نتشاوفو ضروري ؟!"زير ليه على دراعو"
زين الدين"بقا كيشوف فيه شحال فلاخر حرك راسو" : ان شاء الله الحاج...
ع.الرحمان"شاف فعلي والحسين" : حتى نتوما ااا ؟ اش كاين ابا الحسين...
الحسين : هههههه وعليه...
سلم عليهم ومشا تا وصلو زين الدين لباب توادع معاه ورجع دخل هز عينيه لفوق وشاف ف علي والحسين استاذن منهم باش يطلع لفوق حيث عيااا بالمعقول خلا علي مع الحسين يوريه فين يرتاح تاهو والى بغا يدوش ومشا هو طلع لفوق وماحدو كيطلع وهو كيقرب البيت وكيرجع يتفكر الحلم الي حلم بيها فاش نزلو دموعها دم وهي كتحط ايديها على قلبو الي نزف دم...ماحدو كيقرب وهو كيرجع لتفاصيل الحلم تفصيل بتفصيل كانه كيعاود فيه بصح...حل باب البيت ودخل جلس على طرف الناموسية مسند ايديه عليها وراسو محدور عينيه كيشوفو فلارض لكن العقل عايش مع الحلم...كيشوف فيها كيفاش بكات دم وهادشي الي وقع ليها حاليا عاشت حياة رغم انه موفرين ليها خوتها كلشي وكانو سند ليها لكن جبروت الاب ونفورو منها وضربو ليها كيفاش قاسات من نهار حلت عينيها داكشي الي بغات مكتلقاهش...ونهار تحلو البيبان ليها عن طريق زين الدين هو بنفسو سدهم ليها على وجهها هاد التفصيلة خلاتو يغمض عينيه بغضب من راسو ويعقد حجبانو..كيفاش حطات ايدها على قلبو تا نزف تاهو وهاهو كيعيش العذاب وهو كيقلب على نص حياتو الي ماعرف فين اراضيها واش عايشة ولا ميتة...من نهار بداو كيقلبو عليها وهو مكيملش وعمرو ما ياس فينما تاحت ليه الفرصة او جاتو شي معلومة كيقصدها عمرو ماقال عيييت وهنا نحبس...واخا كيبان بعد المرات ساكت لكن العذاب الي فيه لو دخلنا ليه فالداخل غادي نتحرقو بالعافية الي شاعلة والبكا من داخل صعيب انك تخيلو والحزن الشديييد والقهرة عليها...بزز باش عاض فالنفس باش يقدر يكمل ويرجع الفرحة ديالو الي مابقات حلات ليه تاحاجة وهي ممعرفوش فين كاينة...مافاق من التفكير حتى سمع صوت دقان الباب هز عينيه بان ليه علي واقف مسند عالباب...
علي : ماشي براكة عليك من هاد الحالة ؟ بغيتي ترجع تمرض ونتا مزال كدير ف ليزاناليز ديالك ؟!
زين الدين"حدر راسو وهز حاجبو ونطق بصوت مبحوح بالكاد كيتسمع شنو" : ماشي لخاطري...
علي : جبناك هنا باش تفوج وتريح بالك باش تقدر تكمل تاني فين حبستي...
زين الدين : بالي ميهنى ويرتاح تا وكان ترجع ليا الفرحة...
علي.: لهاد درجة وصلت بيك ؟!
زين الدين"هز فيه عينيه" : شنو بان ليك ؟
علي"تنهد" : بان ليا نصك مغيب ونصك حاضر يقلب على المغيب..
زين الدين"كمش حجبانو بحزن ونطق بحسرة" : تعذبااااات وعذبتها الحاج...الي خفت منو هو الي جرا...
علي : شنو هو ؟
زين الدين : نهار علمتك لا لقيت راسي ضريتها نبعد ونخليها.."سرح ايديه" كلشي على عينيك ضريتها وفتها لهيه..شكون سباب تا وصلت لهادشي ؟"شير بايدو لصدرو" ماشي انا ؟؟!
علي : هادشي مكتاب العبد كيكون غير سباب...
زين الدين : صبري على نقشة نفوت الاعوام الحاج ومنملش وانا نقلب عليها..."هز صباعو زوج خلا بيناتهم مسافة قليلة وقال" نهار يبقى فيا عرق واحد يضرب ومنملش وانا نقلب على فرحتي...
خرجات من عندها من بعد ما تاكدت انها نعسات وهي تخرج سدات عليها باب البيت ومشات لصالون لقات الرجال عاد خرجو باقي هكاك صواني اتاي وطباسل الفاكية والحلوة وزيت والخبز وزيتون وزبدة محطوطين...ولقات ولدها انس جالس عندو كيضحك معاه...مشات لعندو كتزرب خبطت ليه فايدو ودوراتها باستها ليه وباست ليه راسو وجلسات حداه...
مريم : بااا كي بقيتي ابا ؟
محمد : اهلان مريم على سلامتك ابنتي..والحمد لله ههه تا قلنا ربي عيط والملايكة وقفت وليني طال العمر من عندو هههه
مريم : والله الى تخلعت عليك ابا...
محمد : هاني ابنتي مزال ندك وندردك عليك نتي وهاد سيد الرجال"حاط انس فحجرو" هههه اش كاين تمشي معايا لجامع نصليو المغرب ؟
انس : نمشيو ابا هههه
فاطمة : هي جيتي تحضري معانا للضريب صداق ولد خوك (خوها من باها)...
مريم : وهو انا جيت نشوف با عندي غييير ربعيام بزز باش عطاها ليا الباطرون امي راكي عارفة اكادير فهاد الوقت...
محمد"بعدم رضى" : وابنتي رجعي فحالك دار باك لاش مكرفصة راسك فبلادات ناس راني غا داير ليك الخاطر حيث عندي عزيزة بزاف اما هادشي مااعاجبني ديالك ما ترابي ولادنا هادو...
مريم : ابا راني غا صابرة تايكبر دري لا يشدو ليا داك المسخوط ت باه اما عليا اش غاندير تم غير تكرفيص ريال الي نشدو ابا يمشي...غا سمح ليا وصبر تا وكان الولد يكبر شوي.را بوه داير ليا شوكة فالحلق...
محمد"غوبش بعصبية" : اخزيت منو راجل...
فاطمة : ايوى مكتاب وكان...
محمد: قالت ليا فاطمة جبتي معاك ديك البنت!! هادي هي البنت الي وقع ليها داك المشكيل ؟ عيطي ليها دخل ابنتي لا تخليهاش وحدها ؟
مريم : ماتقدرش ابا كتخاف من الناس بزاف والى كتر عليها بنادم كتجيها الحالة...
محمد : لا حول ولا قوة الا بالله...ايييييه الله يشافي الله يشافي...
فاطمة : خليها الحاج غايكون قتلكم صهد فالطريق وهيا مع صداع الضرصة مسكينة كمليها الباقي....
مريم : واييه اينا...اجي امتا ضريب صداق ؟!
محمد : غذا بالليل ان شاء الله...الصباح جا خوك عبد العاطي بحول الله من سوق جاب واحد العجل ذبحوه...
فاطمة : را خلينا ليك حقك من الشوا هههه عارفك عبد العاطي عزيز عليك وخلا ليك حقك...
مريم : هههه ايييه هي نهيلة غاتزوج هههه ايييه وشوف ليك البقة كبرت...واش ماصغيراش ابا ؟!
محمد : راها دوز فالعقد وزايدون اش بات دير مزال وهي جالسة من قرايتها اللهم دار راجلها وعاد راجل تبارك الله كامل مكمول اش خصها ؟!
مريم : كاين شي شي حاجة ولا غير طلبة ؟!
فاطمة : غير طلبة داكشي تالعرس ان شاء الله يبغيو يروحوها..العرس ديك ساعة هنا ولهيه...
بقات كتهضر معاهم مريم شوية وهي تنوض حسات تاهي بالعيا ديال طريق ومشات لبيت حدا فرح دخلات لقااها بااااقي ناعسة ماحاساش بهاد العالم بدلات حوايجها وهي تفرش فلارض وتكات حداها...
اصبح يوم جديد من بعد سفر طويييييل ليلة ونهار وهما شادين الطريق اخيييرا وصلو لمدينة سيدي بنور طلبو من الكار يوقفهم فيه بحكم كانت الوجهة ديالو لمدينة الجديدة...ضار عبد العالي كيشوف فالمدينة الي ليه شحال من عام ماجا ليها...
ع.العالي"ضار شاف فعصام الي خاشي ايديه فجيابو كيشوف مغوبش" : تا رخف على وجهك شوي اصحبي...
عصام : خالي كون غير عفيتيني وكان ..
ع.العالي : واش انا ضيعت سيمانة من الكونجي ديالي اصحبي بزز باش جبتك وكتقوليا عفيني ؟ وخا مابغيتيش تشوف جدك مابغيتيش طل عليه را عيب اعصام انا الي مكبتها كثر منك وحشمت على عراضي...را الموت مكتعلمش ودنيا غدارة اليوم معاك وغذا عليك...لا مشا عند الله فين غاتعطي وجهك ديك الساعة...يلاه شوفو ورجع فحالك لجديدة تانبغي نمشي ونرجعو ونعاودو نقلبو تاني...
عصام"عقد حجبانو نافر" : لا مراجعش لجديدة مابقى عندي مندير بيها...
ع.العالي : لا حول ولا قوة الا بالله...واخا زيد بعدا وديك ساعة نشوفو شي اوطيل فين تريح...ونهضرو ديك الساعة جديدة معندك مادير بيها وداك رزق الي مخلي فيها عارو علامن ؟! زيد زيد..."داه بزز هاز واحد الصاك فايدو وعصام داير صاكادو كبير ورا ضهرو...ركبو فواحد الكروسة مجرورة ب بغل تا داهم لارض الي قريبة تما لمحطة وضارو على البيست حتى وصلو قدام الباب ونزلو...
فوزي"كان واقف كيهضر فتيليفون دور عينيه بان ليه عصام..توقف على الحركة..قطع تيليفون" : ع "صرط ريقو" عصااام ؟؟
ع.العالي : وخالك مابانش ليك ؟!
فوزي"جاتو اللقوة ماعرف اش يقول تلف مابين عصام وبين خالو تاهو الي سنييين ماشافو" : لا مم م خالي ؛!!
ع.العالي : هو انا غبرت تا تلفت عليكم لهاد درجة ؟
منير : عبد العالي ؟؟!"كان خارج من دار وبان ليه" عبد العالي خويا ؟؟ "مشا كيزرببببب لعندو وجا عبد العالي تاهو تلاح عليه عنقو بجهددد بحكم عبد العالي هو الصغير..." الله يا خويا الله وعشا من شافك.."
عصام"بقا كيشوف ف فوزي وفوزي كيشوف فيه عينيه غرغرو بغا يتقدم لعندو وتردد.." : تانتا هاز من جيهتي ؟!
فوزي"نطق وعبنيه مغرغرين تا نزلات واحد دمعة كتجرييي من جنب عينو" : نتا الي سخيتي بينا....
حسات بنغزة صداع فضرصتها فحال كتهرها دليل على بداية صداع تاني كمشات عينيها..زيراتها حتى البولة لكن باش تمشي لطواليط معارفاش وبانو ليها ناس كثار بحكم الخزانة على برا داخل والخارج...ومريم مزال ماجات عندها" : مريم فينك...
اذن المغرب ومشاو رجال يصليو فالجامع ودنيا عمرات بالناس الي معروضين...فواحد الصالون جالسين العيالات ماشي بزاف غير عائلة العروسة منهم خوت مريم من باها حيث مريم هي البنت الوحيدة عند مها وهي الصغيرة فيهم داكشي علاش مفششة...كتسمع صوتهم واصل لعندها البيت...
زهوة : اويد امريم البانيو نالحنة اݣيس نݣ امان نسواك دالقرنفل باش اتنݣ انهيلة (ا مريم جيبي بانيو الحنة ندير فيه الما تسواك والقرنفل نديرو منو لنهيلة)...
نهيلة"جالسة ملوية فحايك بيض ومدورة على راسها قتيب (زيف فيه الحمر والصفر والهدوب)..مكحلة عينيها ومسوكة فمها بالسواك..هزات فيها عينيها" : ابلاش ا اينا...
زهوة : فيس فلاخ(اسكتي من الهضرة)...
مريم : هاتيد تودرت إنا هاتيد توشكاد ..."هاهو خلطاتو اينا هاهي جايا..."دخلات فاطمة البانيو وعطاتو لزهوة هزات منو ودارت ليها شوي شوي فكل كف من ايدها وزيرات عليهم فحال شكل بونية ايديها فيها ريحة القرنفل وسواك..."
زهوة :هاك فكتسن إتمغارين أدݣنت إميك نالحنة إيفاسن نسن (هاكي عطي معاك لبنات يديرو شوي لايديهم)
شافت زهوة فوحدا من العيالات وݣالت وا زهور إنيد أتا إميك نومارݣ سيمينم "شداتو من عندها مريم وداتو دوراتوو على العيالات تما..جالسين فالصالون بعيد على الخزانة الي فيها رجال حيث مكيبغيوش يتخالطو بحكم الحشمة والاحترام خصوصا هاد دوار...شافت زهوة فوحدة من العيالات وقالت" و زهور وسمعينا شي حاجة من صوتك...
فاطمة"خرجات فيها عينيها" : هوووس واك واك استغفر الله العظيم إرݣازن لان خبرا راداغ سفليدن إلين ݣيس حتا الطلبة إني استغفر الله ازهرة إزد إليم ترا دار أورݣاز نس كمي أمارݣ إلا وكان سول غيدامن نم ؟ (هووووس اويلي استغفر الله رجال را برا كيسمعو وكاينين طلبة استغفري مولاك ازهوة واش بنتك بات دير دارها ونتي مزال تزهوانيت ليك فالدم ؟)
مريم :لاهل نݣما إعزان أرجو تبادل هههههه( مرت خويا العزيزة باقي بصباغتها هههههه)"ضحكو العيالات كلهم منهم زهوة ونهيلة...ضارت فاطمة عند مريم"
فاطمة :سير أوي إميك نالحنة إتفروخت على ربي أفلاس إحنو إزوݣزد فلاس العفو( سيري ديري لبنت شوية الحنة عالله يحن عليها ربي والله يشافيها)..
مريم : ايييه"شدات من عندها البانيو ودات ما تبقى منو لبيت دقات الباب" فرح حلي هادي انا..."واحد شوي تا سمعات صوت الباب كيتفتح حلات الباب ودخلات كتبتاسم تا شفات حنكها الي تنفخ وعينها الي تسدت" الله يا حبيبتي وكيدارت ليك هاد ضرصة باقيييييي...
فرح"جاتها البكية" : بغيت نمشي لطواليط وعافاك عطيني تاني دوا ولا هاكي"مشات لصاكها جبدات خمسين درهم" قولي ليهم ياخذو ليا من فرمسيان شي دوا عافاك را بدات كتعطيني صدااع تاني عافاك"حاسة بالسخفة"
مريم ؛ اشدي فلوسك اتا..دابا نرسل عبدو خويا يجيب ليك من تارودانت..اجي معايا ندير ليك شوية الحنة يحن عليك الله ويشافيك..
فرح"بنفي" : لا لا لا مابغيتش مابغيتش...
مريم"جمعات ضحكة" : فرح را بينتقلق منك ترديها فوجهي وانا مريم حبيبتك ؟..
فرح"بتردد وترجي" : عافاك...
مريم ؛ ماعافاياش هههه اجي بندير ليك هي شوية تالباروك..اجي غير شوي تنشف وحيديها وزيدي نديك لطواليط بعيدة من هنا باش تلقاي خاطرك..."بزز باش عطاتها ايديها هزات شوية من الحنة لگمتها فايدها وهي تسرح ليها كف ايدها ليمن ودارتها ليها فيه وجمعت ليها صباعها تا غطات ليها كفها بيهم...وعاودت دارت ليها فالكف لاخور تاني نفس الشيء وهي تقبط ليها ايديها بزوج وباستهم ليها وشافت فيها" سيري احبيبة الله يفرجها عليك ويشافيك ياربي...
فرح"تبسمات ليها وسط دموعها وعوجات ليها راسها بامتنان وشكر"
مريم : هههه فخبارك هاد الحنة كنديروها لعروسة والي باقي كنفرقوه على البنات الي مادين ايديهم لحنة..والي مخطوبة ولا داوي فيها شي حد ولا باغية شي حد كتهز شوي من الحنة وكديرها ليه تاهو فالكف ديالو هههه
فرح : انا مابقيتش مادا ايدي لحنة...غير درت ليك خاطرك...
مريم"تنهدات وهي طبطب عليها" : انا ندير البانيو ونجي باش نوريك طواليط غانديك من لور تما خاوي مكاين حد باش متبرزطيش..."حركات ليها راسها وناضت خلاتها شادة فكفوف ايديها وخرجات من البيت سداتو وهي تبان ليها مها جايا"
فاطمة : تكلمي لباك ولعبد العاطي خوك...
مريم : ياك لباس ؟!
فاطمة : غير جاو شي رجال بغاوك تحلي صالون الي لور سيري معاهم وحلي ليهم صالون عافا بنتي"عطاتها ساروت وشدات من عندها البانيو توجهات مريم لجيهة ثانية تلاقات باها وخوتها لاحت عليها الزيف وخبات فمها...بانو ليها شي رجال واقفين مع نسيبهم بات خطيب نهيلة وجدو.وشي رجال معاه..واقفين بعييييد ...حلات ليهم الباب ديال صالة وقاداتو كان مصاوب ونقي غير مسدود شعلات ضو وخرجات وقفات فالدورة تا جاو ودخلو وهي توقف كتسمع فباها كيرحب بيهم وهي كتسنى باش يخرج عندها يقوليها شنو تجيب...بقات حاطا وذنيها كتسمع ...خرج عندها باها كيقوليها شنو تجيب وهي كتحرك فراسها لكن عقلها راه غايب...حتى دخل وهي تمشي...
علمات مها بالي رجال دخلو لصالون حتى ياذن العشا باش يخرجو يصليوه جميع عاد يتوجهو لخزانة...ورجعات مشات عند فرح دخلات عليها البيت لقاتها جالسة كتلالي بضرصتها وجامعة كفوف ايديها باش متخسرش الحنة ودموعها نازلين...
مريم : تجاهد عليك صداع يالحبيبة...
فرح : اننننن اهى اهى قاااصح اففففل"ريوگها هبطو بكثرة ماكانت سادة فمها وتبكي.."
مريم : اجي معايا نوريك طواليط ماحد دنيا خاوية دابا جاو شي رجال العيالات را دخلو يعني دنيا خاوية باش ندورك دغيا قبل مياذن العشا ويخرجو يلاه..."حركات ليها راسها وهي تنوض معاها شدات فيها وخرجو من البيت زادت لصقت عليها لا تخليها ضربو دورة من لور حيث دار كبيييرة فيها بزاف البيوت وصالونات وحداها واحد الكوري كبييييير...داتها لواحد القنيتة فيها طواليط بلدية وشعلات ليها ضو" هانتي دخلي انا غي هنا...
فرح : واخا.."دخلات فرح وهي تبعد مريم وقفات لهيه كتشوف جيهة الصالون الي فيه رجال...واحد شوي حتى بان ليها واحد طوييل ومگدر لابس فوقية بيضة مزيرة على درعينو...وداير كاسكيط على راسو الي حادرو اصلا لبس فرجليه وتم خارج وهي تحضيه مولفة مكتهزش عينيها فرجال لكن هو بالضبط حضاتو بغات تاكد واش داكشي الي سمعات عند رجال فاش كانو يهضرو ويسلمو على باها ولا لا...بغات تمشي وترددات ضارت جيهة طواليط وهي ترجع ضارت جيهتو وقبل ميخرج من الباب الكبير الي تما مشات بزربة مخليا فرح فالطواليط وتبعاتو تالباب الي فالدورة تا وقفاتو بصوتها..
مريم : خويا سمح ليا نسولك...واش نتا زين الدين البغدادي طبيب ؟!
زين الدين"ماهزش عينيه حدو حرك ليها راسو ب اه"
اما عند فرح غير كملات وهي تحل الباب مع حلاتو لقات الدنيا خاوية والطواليط ضوها طفاتو تا خرجت فالضلام قلبها تهز وتحط...
فرح : مم مريم مم مرييييممم مريااااام.."شدات فالحايط مسندة عليه ماعرفت باش تبلات مريم الي مامنة عليها مالقاتهاش..بغات ترجع ضلام بغات تمشي معارفاش...بقات غاديا وترعد شادة بايدها وخا جامعاها شادة بطرف صباعها تشامير لابساه فالبيض مطروز عند صدر عطاتو ليها ام مريم...وشعرها جامعاه بزيف....
فرح : مريم اهى اهى وااااا مريم حرام عليك فينك...
شادة فالحايط وغادية ودموعها دايزين..وسط الضلام الحالك فديك البلاصة وصوت الناس كيهضرو من بعيد وصوت الغوات...ضربها فحال ضو تا بدات تفرك شنو جرا ليها والي شحال وهي كتكافح باش تنساه...ضارت جيهة واحد القنيتة وهي تجلس كتبكييييي....
هي : اجيبي القحبة لهنا !!!
هي"شداتها من شرعها وقبطات ليها وجهها زيرااات عليه تا خرجو شنايفها" : ابنت القحبة نوضي تحركي معانا...
فرح : اممم اهى بعدو مني"هزات هاديك ايدها تالسما ونزلات عليها بطرشة لحنك وعاودات ليها لاخور وجرتها لاخرى من شعرها تا ساح دم من فمها" اعععععع اهى اهى حرااام عليك..
عصام"شدها من حنكها وزير عليها تا خرجو شنايفها" : يا بنت القحبة راني حلفت حلاااااااااافت ولا حفات ليك حنتيني..
فرح"تلوات ليه على رجليه كترجاه" : عاااااااافاك سمح ليا عاااااااافك اعصام عااافاك ماتلوحنيش اهى اهى واااااعصام عافاااااك"دفعها برجليه ووالو تا جا فوزي وحيدها"
وقفات فديك القنتة ورجعات بغات تخرج تا بانو ليها ناس داخلين كتاااار بالنسبة ليها ....رجعات منين جات بان ليها الباب الكبير خاوي وهي تخرج كتجري وحنتها فايدها كتجري هاربة من الناس وملتاجئة لخلا او شي بلاصة خاوية وكتعيط مريم وتبكي...تا ضارت دورة مع ضارت حتى حسات بايدين جروها بجهد وهي تغوت لربي الي خلقها ماحسات براسها تا لقاتهم حاوطوها وخشاوها فصدر نفس الريحة نفس الجسم نفس التعنيقة ديال الكلينيك فاش كان فيها صداع ديال كتفها هاد المرة فيها صداع ضرصتها...نفس دقات القلب فاش كيشوفها لكن هاد المرة كانو زايدين حتى شك واش باقي قلبو كيضرب من الفرحة والحزن والصدمة وكلشي تخلط عليه...لدرجة كيف لقاها مافكرش انه يحيدها من بين احضانو وهو محاوطها وهي كترعد بين ايديه وماشي غير حس بيها وانما ايديه من كترة ماكترعد كيترعدو معاها...
فرح"فمها كيترعد وسنانها كيتقرقبو" : ممم بب بعد مني بعد مني اهى اهى اهى بببعد منيييي..بغيت نمشي فحالي بعددد اهى عافاك...
زين الدين" غا سمع صوتها الي توحشو لدرجة كيف سمعو تنهد فحال شي واحد كان مخنوق ولقا الاكسجين هز راسو لسما كيشكر الله تا غمض عينيه وقال " : الله..."تفكر كلام مريم الي قالت ليه...
مريم : هي دابا عايشة غير هكاك حياتها غير فشي بلاصة خاوية صافي..انا الي عليا درتو دابا قبل ماتخرج وتمشي تشوفها دير بحساب راها مرييييضة .. نص حياتها... الي كان مع دارهم حسبو تسد عندها...
تسد عندها تساااد عندها هاد الجملة بقات كتردد فراسو فحال الصدى...بقا مدور عليها اديه ومزييرر عليها لواحد درجة وخاشيها كلها فيه تا طلات ليه الفوقية بالحنة وهي كتبعد فيه وقلبها بغا يسكت.."
زين الدين : انا بلادك العمر ديالي...
" ستُصبح أكثر هدوء وأعمق نوم واطول صمتاً وأقل حديثا واكثر وحده ستظل تتفاجئ بردات الفعل وخيبة الأمل، ثم ستصل إلى يقين تام ، بأن كل شيء ممكن أن يحدث ومن أي شخص"
❦
السهو ولا هو ملاذو الوحيد وفين كيلقى راحتو...خصوصا فاخر فترة وخاصة من داك النهار الي جا لعند جدو حتى لقا الصد من كاع الجوايه...من كثرة الصلابة الي فيه والشخصية الواعرة الي مكتاسب ويمكن من كثر ما كيكون نيسان بدون حواجز مكيعرفش يوصل شنو الي فخاطرو...وخا ساكت واخا مكتعرفيش شنو تحت راسو الا انه هاز جباااااال كبيييرة ديال البراكين الي اغلبها انفاجر وراه كيحرق فيه شوية بشوية وساكت...جالس فوق واحد الفوطوي فواحد البالكون صغييير كيطل على البحر من بعيد البحر الي توحشو لكن القلب ماقدرش مزال يطلع لجيهتو جيهة الجديدة...وخا ماشي البحر ديالها لكن قريب ليها وشنو البحر الاقرب لمدينة الجديدة من غير بحر فيلاج الواليدية...قاطع تفكيرو صوت الهاتف ديالو حدر عينيه شاف المتصل قبل ميهز تيليفون ويطلق الخط...
ع.العالي : افينك ؟!
عصام : فين خليتيني فين باقي...
ع.العالي : شوف را جاي عندك صطوف قاليك مكتبغيش تجاوبو وجا لعندنا شاف جدك وراه ضرب دورة لعندك...
عصام"باستهزاء" : جدي بغا صاحبي ومابغاني...
ع.العالي : ساعف اعصام الخاطر مريض..
عصام"الصمت"
ع.العالي : هضر مع صاحبك وخرج تسناه عند الدورة ديال القرية...را قرب يلحگ (يوصل) عندك خرج گبيلة...
عصام : فوزي مكاينش ؟!
ع.العالي : مشا لمدينة يجيب شي دوا لبا...
عصام : الى جا گوليه يعيط عليا...
ع.العالي : ان شاء الله"قطع معاه عصام مكاملاش خمسة دقايق حتى صونا صطوف جاوبو بالفعل لقاه عند الدورة نعث ليه فين يلقاه بالضبط زوج دقايق حتى لقاه خارج كيتسناه فالشارع دنيا عااامرة عالجهد بحكم فصل الصيف المناطق الساحلية كيكون عليها توافد كبييير من السياح لا من داخل المغرب ولا خارجه...
عصام"طلع فالسيارة حدا صطوف" : مابغيتيش تفوت ليا كري تانتا ؟!
صطوف : والله الى توحشت الفردة القواد بالرب..."دوفرو (عطاه ضربة قوية مكيعرفو ليها غير رجال بيناتهم يعني لا عطاوها لينا حنا البنات ميعادنا يوم البعث نشرحو ليكم معنى ضربة) لكتفو" كيف بقيتي ؟!
عصام : باش غاينفعك ؟!
صطوف"ربت ليه على كتفو" : نريحو فشي بلاصة وعاود ليا ولا نتحركو نشوفو اش نديرو ؟!
عصام"متكي حنكو على ايدو وصبعو في فمو بتفكير" : كنتسنى فواحد خونا يعلمني..."ضار عندو" داير الپلان ولا نعطيك ؟!
صطوف : شد فلوسك عندك...حالتك ميتة اصحبي نمشيو لشي كافي لفوق ونهضرو...اش وقع مع جدك بعدا...
عصام"غير ذكر ليه جدو مشاااا عقلو لداك اليوم الي حط فيه رجلو ف سيدي بنو من بعد غياب دام لمدة طوييييييلة..."
فلاش باك...
فوزي : نتا الي سخيتي بينا...
عصام : ياك ؟
فوزي"رغم ذلك ماترددش انه يزيد بخطواتو حتى لعندو وقف واحد لحضة دور وجهو لهيه بغصة قبل مايحل ايديه ويتمد لعند عصام بعناق حط راسو على كتف عصام الاخير الي مد ايدو وطبطب ليه فوق راسو" : على سلامتك"باس ليه كتفو...وخا هكاك عصام حاس بيه ناقص من جيهتو ماشي سلام واصل بانه توحشو اه توحشو لكن اشتياق فيه عتاب ولوم على الي وقع ليهم ولفرح وسباب تشتات الشمل كان هو عصام بنفسو...سلم عليه وبعد شوي"
ع.العالي : با فين ناعس ؟
منير : باقي عاقل على دار.؟ دخل نشوف فين غاتعرفو كينعس
ع.العالي"ضحك باستهزاء" : خههه عاااقل عليها وعاقل على كلشي تاحاجة متنسات ليا..."تنهد" اش غانگولو ؟ الواليدين هادو ماكيبقا مايتگال..."حرك راسو مستهزء من راسو ومن كلشي...سمى الله ودخل باول خطوة غاخطي من بعد غياب دام مدة طويلة بزاااف كان حتى الى جا كيجي نهار يقضي شغالو فقط الي محتاج من اوراق كون سيدي بنور هي مسقط الرأس ديالو...اول حاجة ثارت الانتباه ديالو هي المدخل ديال الدار الي بقا هو هو والي رجع ليه شحاال من ذكرى عمرو ينساها وهي سباب حتى طج...وخا يغيب مية عام نهار يحط رجلو فالبلاصة لولة ليه يتمشى فيها كانه غاب عليها غير البارح..داوه رجليه ووراه غادي تا منير وفوزي وموراهم عصام الي حاس بانه شي حاجة غاترجعو...حتى وصل البيت نعاس ديال باه تما فين تحول يرتاح ثاني...حل الباب وطل براسو"
ع.العالي : الوليد ؟!
المحجوب"دور راسو كيف سمع صوته" : عبد العالي..
عبد العالي"حل الباب ودخل عندو جلس حداه وتحنى باس راسو وايدو حتى بقا شاد فيها والمحجوب زير عليها مزيااان " : اش هادشي ابا ؟! ماشي هادشي الي كنعرف عليك ؟
المحجوب"قرب عندو ع.العالي مزيان باش يسمعو" : ياك اولدي حتى تسمع خباري عاد يتحطو رجليك فالبلاد ؟
ع.العالي"بغا يضحك معاه كيف اياااام زمان هو وياه طنز عليا نطنز عليك بالضحك" : واشتك مزال جابد ليا عليه هنا بغينا الطعام(كسكسو) ابا وبالتفاية ومي زهرة الي توقف (زعما الجنازة ههه)
المحجوب"تبسم غا شوي فوق خاطرو" : طنزك اولدي ماشي وقتو الخاطر مريييييييييييييض"طولها وتجهد صوته بدون شعور تا تسمعات عند عصام الي كان واقف عند الباب"
ع.العالي : واش مرضو تال هاد درجة ؟!
المحجوب : كيتها كيتة ختك(ام فرح) هادي كيتها هااازة الحنينة فيا والمسولة عليا ماعرفتها حية ولا ميتة الكبدة المعاودة هرسوها ليا تا غبرت عليها لارض..رزاوني فيها العزاز عليا...
بقا عبد العالي حادر راسو عاطيه وذنيه باش يسمع شنو كيقول واستنتج انه هااااز بزااااف لدرجة النفسية ديالو مرضات حتى تواطا لارض ومن فراشو ماقدر يفارقو...
عبد العالي"ربت ليه على ايدو" : وهاني جيت ابا مكافيكش ؟
المحجوب : مجيتك تعطلااات...نهار بغيتكم دورو بيا يا ولادي گلعتو ليا وتادي...
ع.العالي : ياك ابا ؟
المحجوب"هز فيه عينيه الذابلين فيهم جلالة وصفرين بالمرض مغرغرين بالحزن يقطعو القلب ويحزو فالنفس" : ون نكذب عليك ؟!
ع.العالي.: اش خاصك من غير فرح ؟ هاحنا دايرين فوق جهدنا وبحلوفنا تلقى تلقى ابا...راني جيت على قبلك وقبلها...لا نتوما هنا دايرين خدمتكم راني انا وخوها دايرين جهدنا لهيه...الغايب حجتو معاه والساكت لا دوى يحرك الجبال ابا ذوق كلامي وتمعن فيه ولا ضلمشاي عبدو ربي اااابا...وتادك معمرهم يتگلعو غا شد معانا الهمة وربي غايجمعنا...
المحجوب"ضحك بشوي" : ههه وانتا هذا ولا راني كذبت ؟!
ع.العالي : هذا هو انا وعمري تبدلت الضروف حكمات عليا ومالخاطريش ابا مالخاطريشااااي...هاني عگبت (رجعت) لعندك ياك ماجيتش فالسروية ؟ (السروية هي صباح بكريييي)
المحجوب : وكي السروية كي دروك ماتبدل والي(والو) كي عگبتي كي بقيتي...وا بغيت الكبدة المعاودة ديال بنتي بغيت الفرحة الي كنت نضرب عليها الطرگان ونجي نشوفها بغيت الفرحة الي جاو فيها الخطاب وحضرت لمكتوبها ووگفت على خطبتها بغيت الفرحة الي نگوليها تاغونجة وتگوليا وااابا دابا يسمعني فوزي...بنتي الي امنتها عند بوها والي گال راه خوها ونقيسوه فعينيه منقيسوه فيها ؟ شكون سبابها فهادشي وشكون تقب لينا العينين من غير الي خاف عليها عند بالنا راها وسط رجال ووسط واليدين منو بو منو ام هرسها ليا وجرا عليها"كيهضر ودموعو دايزين"
ع.العالي : ونتا عارفو يفرط فيها ؟! عارف الخاطر اش فيه ؟
المحجوب : نهار يحساب لينا ماتت"شداتو سخفة عيا بالهضرة"
منير : با رتاح ورخف على راسك براكة عليك...
المحجوب : محركشاي راسو ولا داها فيها...
ع.العالي : ابا راك غا كتهضر...
المحجوب : وما گلتي عيب الهضرة غا هضرة.."سكت مابقاش هضر"
ع.العالي"تنهد" : لا اله الا الله وصافي..."طل على عصام" ادخل اعصام...
عصام"حل الباب بشوي وطل براسو شاف جيهة عبد العالي ومنير الي حرك ليه راسو وغمض عينيه باش يدخل ومنها يساعف ويصبر...حنحن بصوته" : احم..."تقدم بشوي ناحية جدو " با كي بقيتي ؟
المحجوب"الصمت"
ع.العالي"غمزو ونطق بشوي" : جهد صوتك شوي باش يسمعك وقرب عنظو باش تسمع اش كيگول...
عصام"باغي يقرب ومتردد عارف غايكون الصد لكن كان عندو امل انه يلقى الجواب...قرب مزيان عندو وجهد صوته" : بااا كي بقيتي...
المحجوب"هز عينيه فمنير" : شكون هذا ؟
منير : عصاام ابا عصام...
المحجوب : شكون عصام ؟
عصام"الصمت"
فوزي"كان مربع ايديه عض شنايفو وغمض عينيه باسف"
ع.العالي : عصام ابا ولد بنتك...
المحجوب"دور وجهو لهيه" : مانعرف هذا الي تهضرو عليه...
عصام"هز ايدو بغا يشدها ليه يبوسها وهو ينترها بجهد"
المحجوب : مابغيت نعرف حد مانعرف هذا الي تهضرو عليه..وهذاك الي ذكرتو ليا راني حسبتو مااات ملي ماحن فختو الي كنا نحلفو بيه وسط الرجال وناس صدق منو العيب والعار...لا باقيش تخليوه يدخل عندي ...
عصام"عينيه ولاو حمريييين وقلبو كيصرب يضرب يضرررب بجهد...ماقدرش مزال يهضر الي وقع كان كافي وموفي..."
منير : ماعليش ابا صافي غير رتاح يكون خير ان شاء الله...
المحجوب : انا باري منو يعطيني تيساع....
كانت هادي الجملة الكافية انها تطعن قلب عصام وتقسم ليه النص الي بقا تا بانت فوجهو الي تزير وتجيف بالغصة الي وحلات ليه...ماهضر ماتكلم حدو حرك راسو ببطء وضار جيهة الباب وخرج...هاديك خرجتو حتى مشا لواليدية...
رجوع
صطوف : بففففف "حدر راسو مالقا ميقول بقاو شحال ساكتين صطوف كيستوعب الهضرة وعصام عقلو مشا لجيهة اخرى.. هز راسو فيه ورجع شاف قدامو وزفر...من بعد استانف الحديث " ...كون هاني هادي هضرة من فوق گلبو اصاحبي مكاينش شي جد ولا بو يسخا بولادو...هذا منگول...
عصام"حرك راسو بشوي ونطق مبدل الهضرة" : تحرك لقهوة راسي بغا يتفرگع نكمي شي جوان تم...
حين تشتعل حمم التفكير في أعماقي
تعجز الكلمات عن ترجمة متمنياتي
حين أكتفي بنظرة عاتبة ..صامتة..متمنية أن تقرأ صمتي
أنت..لاأحد غيرك..أحبه أن يفهم صمتي..
كم أكره التفسير
حين اشتاق بلا حنين
وأحب بلا مشاعر
أرقد دون أن أنام
حينها أكون شبه أنثى..شبه انسان
أقول شبه كلام..أبتسم شبه ابتسامة
أعيش شبه حياة...
(سميرة الغنيمي)
عناااق حاااار كيترجم الاحساس بلا كلمات...الاشتياق العشق الراحة من بعد عذاب دام شهور...نبض القلب من بعد توقف عن الخفقان...فرحة من حزن وسعادة من بعد ماكنت كل ايامه تعاسة وحزييينة...حياة من بعد غيبوبة كادت تؤدي الى الموت موت كل ماهو حي بالنسبة ليه...اما في المقابل ديال الطرف الاخر فكان هناك لوم عتاب خوف الم عذاب و الاقسى نفووور تام....
فرح : اهى اهى ب بعد منيييييييي منييييييي اهى اهى...
زين الدين"ماقدرش يفارق العناق ماقدرش يحيدها من عليه ماشعرش براسو راه تخطى الحدود الحمراء الي بيناتهم ماتسوقش لراسو لبنادم الي ممكن يكون تما كيشوف فيهم من يدري...مابقى تسوق لحتى حاجة...فحال شي واحد لقى شي حاجة جد قيمة الي فيها روحو بعد عناء طويييييل...مكمشها فيه وايدو على راسها الي نص زيف هبط من على راسها.." : شششش تهدني...
فرح"كتحرك فراسها بزربة بخوف لدرجة ترعيدة الي شاداها حس بيها هو.." : ولا لا لاااااا بعد بعد اهى واععععععع...
زين الدين : مانصيبش افرح مانصيبش...
فرح"بدات كتركل ليه فحضنو حاسة بروحها بين نارين ماحيلتها ليه ولا لصدمة الي هي فيها ولا المرض النفسي الي ولات فيه الي هو الرهاب وانعدام الثقة فالناس الي حسات بيهم دورو عليها وجاههم ففترة كانت ولازالت اصعب من الصعب والي مزال لحد الساعة شنو الي طرا ليها بالضبط حتى خلاها وصلات لهاد الحالة النفسي الي مكانتش طيح عالباال وهادشي علاش دييييما فحياتنا كنسمعو واليدينا وجدودنا كانو فينما نشوفو شي حد فحالة نفسية مريضة كيقولو لينا نقولو "الله يستر" ماعمرنا نتوقعو شنو يوقع لينا فالمستقبل كلشي كيمشي بالمكتاب والقضةء والقدر...لكن كيبقى الانسان سبب..."
مريم بقات واقفة بعيييييد كتشوف فيه كيفاش حاوطها وطريقة باش معنقها كتدل دلالة كبيييرة على انه لقا شي حاجة كان جاهل عليها ومن خلال معاشرتها لفرح هاد شهرين عرفات انها بنت ناس ماشي ديال يتخلى عليها شي حد...حمدات الله على هاد صدفة الي جمعاتهم وخا كان فبالها انه شي نهار تقلب على اهل فرح لكن بغات حتى تشوف حالتها فين غاتوصل او بمعنى اصح حتى ترتاح وتعود شوي بشوي عاد تخبرهم...رجعات بتفكيرها كيفاش حتى عرفاتو زين الدين
فلاش باك...
وقفات حدا باب الصالون فدورة بالضبط باش تخبى على رجال مغطية فمها بطرف شال الي على راسها...قربات وذنيها باش تسمع عياط باها او يخرج...حتى سمعات الحوار الي ضار بين رجال ومنهم عبد الرحمان...
محمد : امرحبا ب سي عبد الرحمان مرحبا مرحبا
ع.الرحمان : ترحب بيك الجنة ا سي محمد.الله يكبر بيك...
محمد"شاف فالناس الي جاو معاه كان غير الحسين وعلي وزين الدين فقط الدراري بقاو يدورو فتارودانت فضلو مايجيو حتى العرس الي غايكون بعد ايام قليلة..." : مرحبااا بيكم مرحبا...
ع.الرحمان"حط ايدو على زين الدين" : هذا حسبو ولدي مني وفيا الحاج...واقيلة را تعرفو من جيهة باه..
محمد : السمية ؟
ع.الرحمان : هذا ولد الحاج الذهايبي البغدادي الي فتارودانت الله يرحمو...هذا ولدو زين الدين البغدادي دكتور الي كان فالامارات...
مريم"كمشات حجبانها كتاكد من الاسم الي تفكرات هضرة فرح عليه"
مريم : شنو سميتو ؟!
فرح"حادرة عينيه وراسها فلارض كتهضر وتشابك فصباعها وايديها كيترعدو" : ز ز زيين الدين البغدادي..هو طبيب مول الكلينيك فين كنت خدامة وخرجوني منو اهى اهى...
مريم : قصتك طويلة معاه ؟ وعلاش خرجوك من الكلينيك ؟
فرح : حيث هو مولاه"مسحات دموعها ورغم ذلك كينزلو"
فاللحضة الي كانت مريم كتفكر فيها كيفاش حتى عرفات بوجود زين الدين مافيقها غير صوت باها وايديه الي كانو كيحركو فكتفها...
مريم : نعام ابا...
محمد : سيري علميهم يوجدو ضيافة الناس وحيدي من هنا...
مريم"هزات راسها وضارت كتجري مشات لجيهة ثانية علمات مها وخواتاتها الي كانو فالكوزينة وشي مع العيالات باش يوجدو ضيافة الرجال الي جاو قبل مياذن العشا..." : اينا اينا"رجعات سهات وفنفس الوقت كدور جيهة برا وعقلها غاااايب مخربق كيضربو فيه المطارق..مرداتش لبال ثاني حتى لمها الي كتحرك فيها" هااا اينا ؟ ااه قاليك با وجدي ضيافة ديال رجال الي جاو انا غانمشي نشوف فرح"خلات مها فالكوزينة ومشات تجري لعند فرح دخلات عليها البيت وخا معاها بالهضرة لكن العقل را غاب فور ما سمعات اسم زين الدين يعني بينو وبين فرح اقل من متر زوج قلوب معذبة من الفراق هاهما قراب لبعضياتهم...غير وصلاتها لطواليط مشات كتسناها بعيد حتى تخرج حتى بان ليها زين الدين الي شكات واش هو لكن فضولها وخوفها على فرح خلاها تجرأ وتسولو...
مريم : اشريف واخا نسولك ؟!
زين الدين"حادر عينيه مكيشوفش فيها ولا جيهتها حرك راسو عاطيها الاذن بمعنى تفضلي"
مريم : واش نتا زين الدين البغدادي الطبيب ؟!
زين الدين"حرك راسو"
مريم"دورات عينيها جيهة الطواليط من بعيد ورجعات شافت فيه" : ماعرفتش واش نسول ولا ولكن بغيت نتاكد واش نتا كتعرف شي بنت اسميتها فرح ؟
زين الدين"مع قالتها ليه مع هز راسو نيشان فيها وعينيه خرجو تا خلعوها ووثروها دوك النضرات الي دار حتى بانت عليه الصدمة وشعطة فاش ذكرات اسمها...وااااااه لو دخلتي يا مريم قلب هاد العاشق المجنون لو عرفتي قدر وكمية العشق الي واصل ليه ناحية فرح والي قلبو مات من نهار غادرات فرح غادي تعرفي شنو الاحساس الي حس بيه فاش ذكرتي ليه فرح ..ماعرف اش يدير من الصدمة ل شنو قالت تلف بغا يمشي عندها شوي رجع لو كانت مريم راجل كون شنق عليه": شنو كتعرفي عليها ؟! شفتيها عندك عليها شي حاجة ؟!
مريم"حركات راسها" : اذن كتقلبو عليها.."تنهدات وهي فحيرة واش تقدم على هاد الخطوة ولا تقوليه بالي غير شافتها ولكن مادام ذكراتها ليه بهاد الشكل ف اذن لازم تقوليه شنو كاين ومنها تحيد عليها هاد الجبل ماشي حيث فرح عبء عليها وانما مابغاتهاش تكرفص وسط الماعن وتمارة وهي مريضة" هي معايا...
زين الدين"ماشعرش حتى مشا ليها" : فين فين فين فيييييييين..؟؟
مريم : وخا وخا غير تهدن عافاك..."دورات راسها ناحية اتجاه الطواليط" : هي هنا.فالطواليط حاشاك"شافتو ...
زين الدين"بلهفة تم غادي باش يشوفها حتى وقفاتو بصوتها"
مريم : اشريف قبل ماتخرج غادي نقوليك بزربة كيفاش دايرة غير باش تعرف تصرف ...
زين الدين"عقد حجبانو" : المعنى ؟
مريم : هي على ماعرفتش فضروف قاصحة دابا باش نشرح ليك خاص وقت طويل..الى خرجات ومالقاتنيش ولا لقات راسها وحدها غادي تجيها الحالة...كتخاف بزاااف وخصوصا الى كثر عليها بنادم...باش نقوليك شنو وقع ليها انا براسي ماعرفتش هي مكتقدرش تقول غير كتوصل لديك المرحلة كتقوليا غايضربوني.."ضارت تشوف جيهتها" المهم الهضرة كثيرة سير شوفها غير هو دير بحساب را عايشة غير من فاش جات لاگادير لهنا يعني الحياة الي كانت معاكم فيها ماتت
زين الدين : كيفاش ؟؟؟
مريم : هي الي قتلاتها هي الي سدات ديك جيهة لحد ساعة..."عاود ضارت جيهة الطواليط وحركات ليه راسها فالاتجاه ديالها" سير شوفها ومن بعد نشرح ليك كيفاش لقيتها...
زين الدين"حرك ليها راسو بشوي وطار مشا جيهة طواليط هو ومريم حتى لقاو الباب محلول..."
المعنى ديال واحد سكت ليه القلب فلحظة هو الي وقع مع زين الدين دابا غييير شافو الباب محلول وضو طافي طاح الما فركابي والقلب سكت تا حس بريقو نشف فلحضة سيناريو داز بين عينيه انه هربات ثاني ماحس مسكين حتى تسند عالحايط بايدو وضور راسو بالعرض البطيء جيهة مريم...
زين الدين : فين هي ؟؟؟
مريم : اويلي فين مشات ؟"شافت فيه بان ليها تخلع" ماتخافش غاتكون غير تلفات ودعقت مفراسهاش بالي نتا هنا وزايدون مغاديش تهرب هي غير كتخاف...اجي معايا نشوفوها غير فجناب هنا...
زين الدين"بزربة حيد من تم هو وياها ومشاو بزوج كيقلبو عليها حتى وقف وتوقف عندو الزمن والقلب وصلو الدم من بعد توقف دام اكثر من شهرين رجع يضخ وينبض فحال شي واحد لقا الما وسط صحراء قاااحلة...الجوهرة الحنينة والفرحة ديالو قدامو لكن ماشي كيف كانت الفرحة دبلات والخوف والرهبة منها تمكنات...ماداهاش فمريم الي كانت كتقوليه يمشي ماسمعهاش كاع بدون مايرد البال مشا كيزرب طار عليها قبل مادور شدها من ايدها وجرها دورها عندو بزربة حاضنها وسط حضنو خاشيها فيه لدرجة ماقدرش يفرقها من الاشتياق ومخافة انها تخاف وتمشي ثاني...
زين الدين"غمض عينيه وبحب ولهفة " : الله....
بقا مزييير عليها ماقدرش يفارقها ماكرهش يبقاو هكاك خاف يطلقها تمشي ماتبقاش تبان ثاني...حس بيها بدات تخنق وتعيا وهو يبدا يبعد فيها شوي بشوي من عليه كيحس بروحو تاهي مبعدة...
زين الدين : ششش تهدني.."بقا كيبعد فيها شوية بشوية مافرقش العناق وانما بقا شادها من كتافها عاد بدا كيتفحص فيها شبر بشبر لكن بسرعة قشع جيهة حنكها الي تنفخ تا تغمضت ليها عينها توقفو عينيه على ديك الجهة تا خرجهم" شنو وقع ليك ؟!"ضار جيهة مريم بدون ميشوف فيها" مالها ؟؛
مريم : الضرصة ليها سيمانة هادي وهي كتعطينا صداع...
زين الدين : وعلاااش مديتيهاش ل دونتيست ؟!
مريم"خلعها بديك ردة الفعل ولات غير كتفتف فالهضرة تلفت" : م ما احم را ماكتبغيش كيف قلت ليك بنادم"كتعطيه بالكلمات باش يفهم المعنى"
زين الدين"ضار جيهة فرح الي باقي كترعد كتقلب منين تهرب كتشوف فيه برعب وخوف ولوم وكلشي توحد فحاجة وحدة هي انه مابغاتش تبقى معاه وكيف قالت مريم جيهتهم تسدات...فهاد اللحضة خاص يبدا معاها اول حاجة وهي المعاملة المزيانة حتى تأمن ليه وترجع ثيق فيه كشخص عاد من بعد ك زين الدين...حط ايديه فوق زيف حياتي الي فشعرها كيدوز عليه" : ششش ماتخافيش...
فرح : بعد مني"نزلو دموعها كي الحجر" خليني نمشي عند مريم...
زين الدين : خفتي مني !؟
فرح"كتبغي تفلت كيزير عليها" : ممممم..."بداها صداع مجهد ديال ضرصة اصلا الضرصة مكتعرفش الوقت والمكان مكتعرفش ضروف وهي اصلا كتنوض فالليل كي القحبة يعني لكم ان تتخيلو وعاد اسبوع وهي مريضة...بغاتو غير يطلق ايدو باش تشدها مالقات كيف دير..." ممممععععع اهى اهى ...
مريم : ضرصة عاود ؟
زين الدين"كمش حجبانو كيشوف فيها كيفاش كتألم ماقدرش مسكين تا يشبع من شوفتها من شوقو ليها...ولا غير حاضيها يعرف شنو بيها..." : تت اجي معايا !!!
فرح"كتحرك فراسها ب لا " : اهى اهى لا لا...
زين الدين"ماداهاش فيها دورها من كتافها وحاوطها بجنبو وداها بزز كتنتر ليه باش يبعد ووالو بروطها صداع وزادها الخوف من انه تعمر دنيا ويديها معاه كدور هنا وهنا...هبط راسو لعندها شافها كدور" : تهناي فرح مكاين حد من غيري انا وياك...
بقا يتعافر معاها وهي كتبكي لربي الي خلقها تا ضارت عند مريم عوجات ليها راسها بترجي زعما عتقيني...كتشوف فمريم هي المنقذ ليها...
زين الدين"حل طوموبيل من بعيد فالاصل كان غادي لطوموبيل يجبد منها دواه... تا وصلو ليها حل الباب القدامي ودخلها بزز سد عليها مابقاش كيحس بشنو كيدير كل همو انه ماغايبقاش يبعدها ولا يفرط فيها ولو ثانية...ضار سد الباب لا تحلو مخليها كتبكيييي وتغوت وتخبط فالباب قلبها بغا يسكت...ضار جيهة الباب ديال المقود...قبل مايحلو جبد تيليفون ودوز لعلي لا يتشطن عليه" : الحاج انا محرك هنا عندي منقضي...
علي : شي باس مكاين ؟
زين الدين : فرح"ضار لهيه عينيه حمرييين وكيبريييو بالفرحة والصدمة ممثيقش الي وقع..نطق اسمها وسكت شحاااال واحد شعور فشكل جاه" معايا
علي"بالصدمة والفرحة وقف على طولتو" : الله اكبر...كي طرا.
زين الدين : من بعد انا محرك دابا لتارودانت ونجي ولا الحاج عبد الرحمان يجيبكم...
علي : واخا واخا الي سلكك ديرو...ماعليش.."قطع معاه وضار عند الباب حل بالكونطاكت والسيارة الي شهرين وهو نافرها بدون شعور كيلقى راسو دخل باش يسوق...كل الباب ودخل ديريكت حداها وسد الباب"
فرح"كتهضر وعاضة فسنانها باش تحبس الصداع" : بغيت مريم اهى اهى واااااااععععع بغيت مريم بغيت مريم عافاك خليني نمشي مع مريم عافاك... بعد منييييي...
زين الدين"هز حاجبو" : كاااع ؟!
فرح : اهى اهى اممم"شدات حنكها وهاد الحركة والمنضر خلاو قلبو يتقطع عليها بجهد...ضراتو فخاطرو ماداهاش هو كاع فالحنة الي طلات ليه الفوقية الي لابس ماداها فتاحاحة سوى هاد بنت الناس على قولتو الفرحة ديالو"
زين الدين"بغا يمد ايدو يهدنها من بعد يتحرك...وغير مد ايدو فحال الى بان ليها شي حد بغا يضربها تهزات تالسما وتحطات وكالات بايديها بزوج"
فرح : لا لا لا ماضربنييييييش اهى اهى...
زين الدين"حبس ايدو مصدوم من ردة فعلها بقا موقف ايدو"
فرح"بدات كترعد وداكشي كيرجع ليها فراسها كتبقى تفكر بزاااف..حتى بدات كتغوت وطاكي بايديها"
فرح : بعاااااااد بااااااااعاااد اهى اهى
زين الدين : تهدني فرح مالك ؟؟!"بغا يقيصها عاودت نفس الحركة تا بدات تغوت وتضرب فالزاج ديال طوموبيل وتعيط لمريم"
فرح : مريم اهى مريااااااااااام اهى ماضربنيش ماضربنيييش..."كتخبط فزاج طوموبيل وتغوت تغوت...بغا غير يجرها كتحيد ليه فايديه وتغوت تا جرها بجهد ضورها لعندو كيشوف فعينيها الي عامرين بالرهبة والفوبيا..."
زين الدين : تهدني تهدني تهاااادني...
فرح"كتبعد فيه" : اهى اهى بعد مني بعدو مني بعدو منييييييي حرام عليكم اهى بعد مني...
زين الدين"بدات كتنتر ليه بغات تحل الباب مسدود تا شدها بزز" : فرااااااح...
فرح : واااا بغيت نمووووووت بعد منييييي...
زين الدين"بنفس الغوات غا هو مجهد عليها" : ماعند خليقة ملتي ماندير بعدو ربها هاد الحياة بلا بيك"عينيه خارجين" واانموت معااااك....
يتبع...
التعليقات
لا توجد تعليقات بعد، كن أول من يعلق.