محتوى القصة
ماكملت ليهم الباهية غير مع وحدة رشات واحد الريحة خااانزة ماتشميهاش واخا يعطيوك عليها مليار...تخلي ليهودي يسلم والحايط يتشق والمل..حد يحلف وداك خالك الي مدي لمك الورث يرجع ليها حقها ويسمح فحقو من فوق...
ضحى"جاتها تبويعة تا نزلو دموعها يجرييييو" : هوووووععععق...
جميلة"كانت واقفة تا حدرات راسها عندها" : ويلي ياكما بغيتي ترجعي ؟!
ضحى : هووووععععق...ممممم"شادة فمها بزز" ممممم عووووققق...
توبا : امالك ؟!"دارت شالها على فمها وصلتها ريحة ديال ديك المراة" ويلي اش هاد الريحة يلاطيف...شكون رش الريحة "ضارت بانت ليها المراة كترش فيها" اختي ااااختي اش كترشي اختي واش هبيلة ولا مالك ؟! واش كتشوفي الحال طاسب وزايداها بديك الريحة الخانزة واش مكتراعيش ولا شنو ؟
المراة"طلعت ليها vu ههع"
توبا : استغفر الله العظيم واتوب اليه استغفر الله العظيم واتوب اليه..لاااا اله الا الله...
جميلة"هبطات عند ضحى" : ياكما ماصبرتيش ؟!
ضحى"كتحرك فراسها وشادة فمها بزز" : ممممم اووععععق..اهى..."نقزات واحد المراة مادة لجميلة ميكة"
هي : هاكي عطيها ترجع فهادي عطيها مكاينش الي كيراعي فهاد الوقت كل كيقول اراسي..عطيها..."شدات من عندها توبا الميكا وعطاتها ليها"
توبا : شدي رجعي فهادي الى قدرتي ماعندك تا حل شدي..."شداتها من عندها بزربة عروقاتها تكب بالصهد حلات الميكا وهي تبدا ترجع ترجع ترجع غير فالكشاكش تا بغات تخرج روحها..عاد حسات براسها تنفسات...جبدات توبا واحد المسك كان فصاكها مداتو ليها تشمو عند بالها را غاينفعها ساعاك مع الوحم الي باقي فيها زاد كمل عليها...رجعات كتقيا وتعاود تا سخفات وهي تحط راسها على رجلين الكرسي فوق منها وتكااات...بقات هكاك فالعذاب فداك الكار والكريسون يمشي ويجي كان كيحسب عدد الناس ويقيد كل واحد فين غادي باش يضبط حسابات المشية...شد طريق العادية حتى وصل لواحد الفيلاج"
الكريسون"جالس حدا الشيفور" : انزلي الحاجة دوار الجامع..
جميلة : يلاه نزلي الحاجة هاحنا وصلنا"نزلات جميلة وضحى وتوبا موراهم...دورات توبا عينيها لمحات واحد الحانوت مشات لعندو خذات قرعة ديال الما عطاتها ليها شربات منها تاتنفسات...ضارت جميلة عند واحد مول الكاروصة صغيرة سايقها بغل" امول الكارو طالع لعند البير المسكون ؟!
هو : طلعي الحاجة..
جميلة"ضارت عندهم" : زيدو يلاه ندركو الوقت يلاه...
مشات هي اللولة ركبات فالكروصة تبعاتها توبا تا عاونات ضحى ركبات كتشوف فالدنيا وفالحالىالي وصلات ليه بطيشها وقفوزيتها وخفتها وبالتعالي الي كانت كدير كتقول انا ومن بعدي الطوفان انا بنت فلان واخت فلان...حتى تحطو كواريها ونزل ليها راس لاسفل السافلين فالحضيض...تسمعات " گرررر اسسسييير تحرك" كانت الانطلاقة ديال مول الكروصة الي عطاها لبغل من بعد ما شحطو واحد شحطة تا غمضات عينيها...مسافة الطريق فالبيست كانت طوييلة حتى وصلهم قدام واحد البيت خاال فيه بير ومسدود بحكم ديك القرية مانعين شي حد يوصلو حيث مسكون بالجن...طلعو فواحد التلة حتى وصلو لواحد الدويرة صغيرة خارجين منها الناس عدد قليل شوية يمكن ديك الوقيتة قرب يسالي...دخلات هي وتوبا ووراها ضحى الي كتشوف فالمكان تقريبا موسخ...ناس داخلة خارجة..حتى وصلات عند واحد الوحدة غلييييضة بدينة نيت لابسة طابلية بيضة...
جميلة : الحاج مسالي ا عيشة ؟!
عيشة : مجايب الخير اجميلة بغيتيه ؟
جميلة : مشكيل خاصو يتحل وهذا الله...دارها الطيش وقلة العقل لهاد البنية خوتها واااعرين يدبحوها ميجيبوش فيها الروح...
عيشة : العمر ؟!(قصدات اشهر الحمل)
جميلة : مفوت فالقاعيدة (زعما فايت العمر المزيان)..
عيشة : مشكيييلة..تسناي واحد الشوي.."خلاتهم واقفين كيشوفو..دخلات وهي تغبر شحااال وهي غابرة حتى عياو وهي تخرج كطرطرق فالمسكة..طلعات وهبطات ف توبا وضحى الي مكمشة فامها بالرغم من ذلك بغات الامان مالقاتش حسن من امها تخشا فحضنها..شافت فجميلة وشيرات ليها باش يدخلو...ضارت جميلة عند توبا وشيرات ليهم بدورها مشاو فواحد الممر فين نعتت ليهم وهي تحل الباب ودخلو..البيت فيه بياص وواحد تلفازة قديييمة ديال الايكو ولارض كلها موسخة اش منك يا د.م اشمنك يا دوا بيطادين..وحدا داك البياص كاينة واحد صينية عامرة مشرط مقص طويل واحد صغير وابكية دياال الخايط باش كيخيطو الغراز...وقرعة بيطادين لونها شيبي ديال السبيطار..ووحدة لونها صفر...وقطن عامر دم وواحد نقي وسبارادرا عاد محيدها بقطنها محطوطة...كلشي هادشي كانت كتشوفيه توبا وضحى حتى سمعو صوت واحد كيخلع..."
هو : ادخلي الالة...
جميلة : الحاااج هههه انا جميلة معرفتينيش جميلة بنت بريك..
هو : جميلة اش جابك كاين شي مشكيل ؟!
جميلة : تطياح ...
الحاج : العمر كبير اجميلة..كاين شوية المشاكيل...
جميلة : هي اش الحاج ؟!
الحاج"شاف جيهة ضحى" : طلعي ابنتي نشوف فالايكوغرافي ونشوفو مايكون غالخير....
حسات ضحى بقلبها بغا يسكت وهي كتشوف فيه كيهضر لون بشرتو سمررر وعينيه صغار وحجبانو كي نسر واحد الوجه وشوفة كيطيحو ليك بنادم بلا ماديري كورطاج...ولات تصرط فريقها وزادت تكمشت فتوبا بصباعها تا حدرات توبا عينيها فيها بان ليها وجهها صفر وفمها بيض بالخلعة...
جميلة : اجي بنتي يشوفك...
ضحى"الصمت"
هو : اجي ماتخافيش تاحاجة ماتحسي بيها دابا بغينا غا نشوفو واش نقدر نحيدو ولا كاين مشكيل...
توبا : الى كان شي مشكيل اش نديرو "بخوف"
الحاج : نعطيها شي دوا تبعو يموت ليها فكرشها...
توبا"حيدات ضحى من حضنها" : سيري طلعي يشوفك...
ضحى"هزات عينيها ف امها" : خااايفة اهى اهى...
توبا"خنزرات فيها" : بغيتي تولدي الملگطة(اللقيطة) خرجي نتي وياها بليمين لا دخلت عندي لدار...تحركي يشوفك ولا ندير شرع ايدي معاك تحركي بلا شوهة عليا كتر من هادي...
دفعاتها بزز غاديا وتبكي وتقفز من دوك الدمايات الي مرشوشة فلارض...وقفات قدام البياص وطلعات فدوك الدريجات صغار الي كيطلعو ليه غا جلسات وبدا البياص يمشي ويجي كلو مصدي مهرهر...تكاتها جميلة ودموعها على خدها قلبها بغا يسكت بالخلعة تا شدتها وجيعة فكرشها...جبد واحد الجيل خواه فوق كرشها من بعد ما عرات ليها جميلة على كرشها حط لاباراي وهبطها تاوصل ليها الفرج ديالها لفوق كيحرك ويشوف فالتلفازة..ويضغط عليها تا كتغوت بديك الضغطة...ويعاود يقلب ويشوف...تا كمل وعطاها لانجيت باش تمسح...
الحاج : ربع شهور هذا وشي سيمانة...
توبا : اشنو دابا ؟!
الحاج : بعد غذا فالصباح بكرييي جيبيها ليا مع تمنية نيشان تكون عندي...جيبي معاك 4000 درهم وجيبي معاك شي دوا غانكتبو ليك والخايط وشوكة تقدايهم من فارماسيان..وواحد دوا مغايعطيوهش ليك هاهو عندي تاتجي وخلصيه...وزيدي عشرلاف ريال باش تبقى ناعسة فالكلينيك ...
توبا"هزات حاجبها" : كلينيك ؟ غادير ليها فالكلينيك .
جميلة : هههه الا واحد البيت كيرتاحو فيه ماليات التطياح زوين فيه ناموسية ودوش مصلوح مزيااان كيقولو ليه كلينيك..
توبا : واخا بعد غذا ان شاء الله نكون عندك...
بقا الحال كيما هو..استاذن وليد باش يمشي لكازا هو وعلي على موعد با يرجعو خصوصا وليد الي غايمشي يقضي شغالو فالكلينيك ويشوف الاحوال ويرجع باش يعاون زين الدين هو ومراد...خذا معاه عبد العالي وامين خو صفاء..اما البقية غادي يبقاو حتى يحضرو لطهارة ومنها نيت يبقاو شوية مع فرح الي بقات نهار كلو وهي ناعسة مافاقت حتى المغرب بسباب الكحبة الي فيقتها تا دخلات عندها صفاء عطاتها تاكل وشربات دوا ديال ضرصة الي كانت اخر حبة هي هاديك...وسيرو ودوا ديال سخانة باش مترجعش ليها...كلات علاش قدرت وهي ترجع تكات...
اصبح يوم جديييد لقاها فايقة وجالسة على طرف الناموسية عينيها على شرجم وصوت الناس خارجة كتهضر...ضارت هزات الكاب ديالها لبساتو وخرجات من البيت بغات تمشي لدوش حتى وقفات جذبها صوت الهضرة ديال زين الدين الي كان كيهضر مع المحجوب وسمعات كلام جدها ليه...
المحجوب : كلشي غادي شنو نديرو ؟!
زين الدين : نديرو ليها خاطرها الحاج...
بقات كتسمع وهي ترجع كملات المشية تال دوش ودخلات..غسلات وجهها نشفاتو وجمعات شعرها لور...خرجات من دوش لقات زين الدين واقف متكي عالحايط...
زين الدين"بنضرات حنونة" : شوية ؟!
فرح"حركات راسها"
زين الدين : فقتي بكري اليوم"شاف ساعتو لقاها سبعة"
فرح"نطقاتها بشوي" : الكحبة...
زين الدين : ماعليش دابا تفوتك...فيك جوع ؟
فرح"حركات راسها ب لا..شوي وهي تنطق" : بغيت نهضر معاك
زين الدين : مرحبا الفرحة..لفوق ؟!"حركات ليه راسها وهو يطلع سابقها وهي تابعاه تا وصلو لنفس الصالون...جلسات وتقابل معاها فالجهة لاخرى وجلس. مفرق رجليه ومرافقو على ركابيه..كيتسنى فيها تهضر" بيك شي حاجة ؟
فرح : لا..."هزات ايدها كتحك بيها ورا قرفادتها بغات تبدا وماعارفة منين تبدا والي بغات تقولو مازمها فخاطرها باش تبداه..بقات شحاال حادرة راسها وعينيها فلارض وتاهو ماهضر ماحكر خلاها تهضر وقت الي بغات..حتى دوات" انا ماعمري فرحت مع شي حد ماعمري بغيت شي حاجة وكانت ليا...
زين الدين : شنو بغيتي...
فرح"هزات كتافها ونطقات بصوتها المبحوح هارب" : فاش كنت كنعرف هذاك الي كنت معاه فلافاك..ماعمر كانت بيني وبينو شي حاجة فايتة الحدود كنت كنهضر معاه فالتيليفون ولا فلافاك..نهار قاليا بغيت نخطبك فرحت بزاااااف خلاني حتى وجدت باش نعلم "سكتت تقجت فاش بغات تقول عصام ولات تبان ليها الضلمة"مهم وجدت.. وغبر مابقاش كيبان فحتى بلاصة حتى جا خسر عليا جوج كلمات انا منصلاحش ليه حيث انا فيا المشاكيل فدارنا واليديا مباغينيش ومنحوسة من نهار عرفني مالقا خدمة"كتعاود ليه ودموعها نازلين"..قلت ماشي مشكيل باااقي صغيرة وهو مافيهش الخير الله بعدو عليا...حتى نهار بان واحد ولد الناس"عوجات عنقها" عمرو هز فيا عينيه نهار بغاني رسل مو لعندنا (رجعات بيها ذاكرة نهار دقات عليها غيتة ام يونس) گلت نتزوج بيه غانبغيه فالزواج المهم بغاني وشاريني كلشي فيه زوين ماكان غايخصصني من والو...حتى لنهار العقد "انهارت بالبكا فاش وصلات لموتو" اهى اهى مااااات داه الله عندو حيث مزياااان...
زين الدين"ناض وقف مشا لعندها باس راسها" : ششش ماعليش الله بغاه..فرح...
فرح : اهى اهى..كلشي رجعني منحوسة حتى جيتي نتا وخطبتيني نهار لول حتى انا مكنتش باغياك حيث كلشي جاني فشكل كنت حاسة...نهار على نهار فاش عرفتك معقول بغيتك شفت فيك كلشي شفت فيك كلهم وحسن منهم بنيت عليك احلامي كلشي حطيتو فيك حتى وصل لنهار "سكتت مابقاتش قدرت تزيد تهضر اكثر لانها اذا زادت غاتهضر على خوتها باها وهي ديك الجيهة شبه ماتت بالنسبة ليها...الجيهة الي صدماتها حتى تطفات من جيهتهم لانهم اكثر ناس بغاوها وحماوها وعطاوها الامان ماكنتش كضن انهم يلوحوها لزنقة حتى دخلات لواحد المستنقع الشي الي خلاها دخلات فحالة صدمة من جيهتهم حتى ضربات عليهم..."
زين الدين"جمع ايد كره النهار الي قاليها فيه نتفارقو كره حياتو كلها الي وصلاتو لهاد النهار الي كان سبب فهادشي الي وصلت ليه تال دابا"
فرح : انا سميتي فرح وعمري عشت من سميتي اهى اهى...عمري منفرح الى بغيت نفرح كنعيش العذاااب...حاجة حيث انا منحوسة ااااه منحوسة ..اهى اهى...
زين الدين"شد ايدها" : ششش...
فرح : انا عاارفة معندكش كيفاش دير تبقى معايا هنا وحدك..وحتى با مريض..انا وخا مريضة كنفهم وكنعرف ومغاديش نمرضكم معايا.."سكتات تا سكتت وهي تنطق"
زين الدين : خايفين عليك باغين راحتك...ماشكينا ليك بالمرض حنا بشار دم ولحم وعبد ضعيف..گلتها ليك وعاودت...
فرح"قاطعات هضرتو" : عندي شرط...
زين الدين"جمع حجبانو" : الي هو ؟
فرح : مابغيت حتى فرح مابغيت والو.. نديرو العقد بسكات مابغيت والو... تاحاجة الي فيها الفرح ...حيث غانعيش القرح الى فرحت..
زين الدين"قلبه مشا وجا كانه عرف وتاكد لكن ضروري ميسمعها منها" : المعنى...
فرح"كتحل فمها وتسدو وتحل حتى نطقات" : انا قابلة نتزوج بيك اهى بهاد الشرط الي گلت ليك..
زين الدين"عض شنايفو بحب وفرحة.قبل مينطق" : شنو مابغا خاطرك اكبيدة ديالي انا معاك فيه...
أتعبتني نفسي فتركتها لك حبا و هياما
لعلك تخرجها من سواد قدرها و تهون عنها شدة الالاما
انا المعذبة بجراح حب اخوتي و المقيدة ببصيص امل هواك ...فهل حان الموعد لألقاك...ام اني لازلت تائهة عن دروب هواك ... (القارئة fatiha adam)...
ماتخيلوش الفرحة والراحة الي حس بيها زين الدين فهاد اللحظة قدااش...بقدر ماعارف راسو غايتجمع هو والحنينة ديالو تحت سقف واحد بقدر ما متاكد انه غايجي النهار الي غادي ترجع فرح الي بغا ويمكن احسن..بشخصية عاشت تجارب ومشاكيل الي غايخرجو منها شخصية قوية شخصية عارفة بحق الدنيا من خلال شنو داز على راسها والمحاين الي عاشتها...والي ممكن تعيش لان الدنيا هي هادي همومها ماكيتسالاوش حتى يدي مول الامانة امانتو...
وقف السيارة قدام العمارة...كانت الساعة التاسعة صباحا..قبل ماينزل هز تيليفون دوز ليها الخط صونا فالاول بدون ولا جواب منها...عاود صونا لضحى لقاه طافي اصلا...عاود ثاني لتوبا يلاه غايطفي تيليفون وهي تطلق الخط وجاوبت...
مراد : علاش مكتجاوبيش ؟!
توبا"ضارت جيهة ضحى الي كانت جالسة كتشرب فالما خلاتها ومشات لكوزينة" : ماسمعتوش قبيلة كنت خارجة نتقدا الفطور..علاش مالك ؟
مراد : انا قدام دار "نزل من السيارة هز عينيه جيهة شراجم دار" انا طالع عندك خاصاك شي حاجة نحيبها لفطور ؟!
توبا"تلفت" : اا ؟ ل لا ماخاصنيش طلع قبل مانخرج انا وضحى.."قطعات عليه وهي تمشي كاتجري لعند ضحى"نوضي ديري لوجهك شي حاجة حسن مايشوفو هكاك صفر مافيه دم..دغيااا ...
ضحى"الخاطر مكاينش عندها تفكيرها كلو منصب ليوم غذ الي غادير فيه العملية وكيفاش غاتصرف.." : غير خليني ماغايرد لبال لوالو...
توبا"ماحتال تجاوبها كان مراد وصل ودق الباب وخا عندو ساروت اضافي مكيحلش بيه وهي كاينة.." : نوضي الله ينعل والديك ابنت لحرام طيري لبيت...
ضحى"حطات القرعة بنترة ومشات بغات تبكي" : خليييني عليك اهى خليييني عليك حرام عليك هادشي الي كديري فيا حرام عليك اهى...
توبا : زيدي زيدي فيه الخانزة زيييدي...
ضحى : يااااااااربي نموت ونهنيك مني ياربي اهى"سدات البيت بجهد مخلياها تدعي وتشحت.."
توبا : اسيري الله ياخذ فيك الحق.."مشات لباب وحلات على مراد بوجه غاضب من ضحى"
مراد"هاز فايديه مياكي بزااف" : خاصك ساعتين الوليدة عاد باش تحلي..."دخل"
توبا"كتشوف فالميكات الي مدخل" : ونتا شنو فكرك فينا تال دابا ؟!
مراد"دخل الكوزينة وحط الميكات عاد ريح فالكرسي الي قدام صالامونجي" : افففف..كيفاش شنو فكرني فيكم ؟ ..ماعرفتش مالك على هاد الحاالة ضربتي عليا تا انا ؟..
توبا : هاني سكنت فدارك وغابر مكتسولش...
مراد : ديما مفكرك اميمتي نتي الي غابرة شحاال من مرة جيت مالقيتكش وتيليفونك مكتبغيش تجاوبي كتقطعي...ونتي عارفاني غارق بين خدمة والقرايا...وهاد الصيف كانت عندنا الخدمة فالكلينيك عالجهد شهرين وحنا غارقين وقع مشكيل فسيستيم كنبات باليومين ثلاثة تما...ورغم ذلك كنجي نسول نتي مكانلقاكش والى جيت ندقق راك قلبتي عليا تانا رغم انني مادرت ليك والو...تا من الفلوس رافضة تشديهم...
توبا"شافت جيهة المياكي" : علاش معذب راسك..مايحتاجش تقدا ليا راني مكفية...
مراد : فحال الى زدتي فيه بزاااف ؟!
توبا"الصمت"
مراد"ناض وقف ومشا لثلاجة حلها جبد قرعة ديال الما جبد كاس كب ليه حتى شرب وعاود وعمر القرعة رجعها لثلاجة..عينيه مشات لواحد الباكية ديال دوا غريييب...شير ليها براسو ناحيته" : شنو هاد دوا الي هنا ؟!
توبا"وجهها تزنگ" : ش شنو؟"مشات بزربة كطل" ااه هذا ديالي كانت ضرتني كرشي وطلع ليا طونسيو داتني صحى لسبيطار وعطاوه ليا...
مراد"هز حاجبو" : وعلاش معايطتيش ليا ؟!
توبا : ماشي شي حاجة را قلت ليك"حيدات ليه ايدو وسدات باب الثلاجة" وزايدون شحاال من مرة قلت ليك خليني انا قادة براسي وبنتي مامحتاجاش منكم الفلوس ولا شي حاجة...عطيناكم تيساع...
مراد : ياك اميمتي ؟
توبا : كي كتسمع...بغيتي تجي طل عليا وتسول مرحبا بغيتي تبدا تقدا ليا وداكشي ديال نعطيك فلوس وراكي بلا بينا غاطيحي غير خلي فلوسك وفلوسكم عندكم...
مراد : شكون حنا ؟ باغا تعني زين الدين !!! زين الدين عطاك شبورات تيساع من ديك الهضرة الي خرجتي من فمك اميمتي واخا يكون منعرف اش.مالو مسالي مخو يقابلك ونتي تعطيه فالقرطاس ؟ لهلا يعطيك حالتو فين مدهي وعايش دابا..راسو فيه ستلاف مطرقة وزيديه تانتي بهضرتك اللاروب ديال والو..
توبا : هضرة لاروب !!
مراد"خرج عينيه" : ااااه هضرة لاروب ديال والو...هاديك هضرة مكتقالش لولد خوك ولدك الي ربيتيه قبل مني...معمر الدم مكيولي ما عمر ولد الخو مكايمن على عمتو هذاك واجب عليه جيهتك ماشي داير فيك خير...الي مديور فيه خير هو انا ومنقولهاش لا ليه ولا ليك حيث هزيتوني انا صغير ربيتوني ولدكم لو كان فيه ذرة ديال المن كون جرا عليا نهار اول غلطة من راجلك كون شوفة لاخرة يشوفها فيا ناقص ومن حقو الي دار فيه راجلك خاااااااااايب وبزااف...بقااااي تحاسبي الوليدة بقاي تحاسبي مع عباد الله تاتلقاي راسك وحدك...هضرتي مغاتعجبكش وليني الحق يتقال والحق مابغيتيهش...
توبا"الصمت..خلاها كتشوف فيه بدون مترمش"
مراد : التقاشيح معاك طريقو مسدودة...صدمتيني فيك وحق الله وليني ملي بغيتي يعطيك تيساع را تعطاك صافي سدينا...فين هي ضحى ؟...
هز دوك الميكات الي حط عند باب الكوزينة وحطهم ليها فوق البوطاجي...ضار لعندها لقاها باقا واقفة كتشوف وتفكر فالهضرة الي قاليها لان هضرتو صحيحة لكن مادام هي اختارت تبعد وتعيش تحت مسؤولية راسها فلازم تحمل مسولية قرارها...دور عينيه جيهة الباب ورجع شاف فيها...
مراد : هادي تقديتها انا من فلوسي انا راني خدام تانا بعرق كتافي..ولا ضربتي عليا حتى انا ؟!
توبا : ماعندي معاك والو..انا عطيت تيساع كل شاف طريقو الله يعاون...
مراد : مزيان وتاهو عطا تيساع بلا متبقاي تبكشي را مغايوصلكش غير تهناي...ماعلينا هادشي شي من مرجان وشي من سوق..الي خاصك قوليه ليا مابغيتيش فلوس ماشي مشكيل مغانعطيكش والكونت الي حليت ليك را كل شهر كل ماتيسرت كنحط ليك فيه شي بركة من عندي انا حر مالي..من ولد لميمتو وكنضن هادشي واجب عليا ماشي من او لا "خرج فيها عينيه"
توبا"عوجات فمعا وضارت جيهة البوطة هزات مقراج تعمرو"
مراد : فين ضحى مالها غابرة ؟!
توبا : مغابرة فين راها فالبيت...
مراد"غوت بجهد منادي عليها" : ضحى ضحااااا...
ضحى"حلات باب البيت وخرجات لعندهم دايرة لوجهها فغاجو خفيف مخبية صفورية الوجه وگلوص خفيييف غوز لفمها الي ولا بيض..." : هاني...
مراد"كيطلعها ويهبط..جاتو فشكل" : مالك ؟!
ضحى : مم مماليش علاش ؟!
مراد : جيتيني فشكل"كيشوف فيها مبدلة الوجه غلاض وهي زادت فالوزن نيت...منخرها تنفخ..زادت نضج وانوثة" ياكما عيانة ولا واقعة ليك شي حاجة ؟!
توبا"قلبها زاد فالضربات تا هرب من وجهها اللون وفمها بدا يترعد" : ممالها والو غا عيانة وصافي عيا البناات راك عارف (ليغيگل زعما)...
مراد : مممم...فطرتو ؟!
توبا : هاني كنعمر فاتاي...
مراد : هاني جبت هنا من مخبزة شي كرواصة وحلوة لاكريم و"مزال كيهضر وهي تنقز ضحى بلهلا يطريه ليها"
ضحى : الله حلوة لاكريم ؟! الله فين هي فين ؟!"مشات كتجري لدوك الميكات تقلب بلهلا يطريه ليها تا نزلو دموعها وهي تقلب مالقاتهاش ضارت عندو" فين هي حلوة لاكريم ؟
مراد"حل فمو" : هااا ؟!
توبا"خرجات عينيها" : اويلي تبتي ؟"خنزرات فيها"
مراد"من الصدمة فيها كيفاش ملهوفة على حلوة لاكريم مافهم والو بغا يوريها الميكا فايدو تلف" : ماعرفتش..يمكن تما قلبي مزيان...
ضحى"صرطات ريقها كتشوف فمها الي كتخنزر فيها وتشوف فمراد وهي تحدر عينها لايد مراد الي فيها ساشية ديال مخبزة فيها كرطونة بيضة..مشات كتزرب لعندو خطفتها ليه من ايدو" : هاهي فايدك...
مراد : والله مارديت البال.."شداتها من عندو وداتها حلتها كتحط فيها فطبسيل وريوگها نازلين عليها...حاولات ما امكن تصبر راسها ماتاكلهاش ديك ساعة باش ميعيقش را كتوحم وكتوحم عليها من الي بداها الوحم لكن باش تقول بغيت كان كل همهم يطيحو البيبي خصوصا توبا الي كانت تصبحها بالمعيور وضرب وتبيتها بالمعيور...بزز باش تسنات حتى طاب اتاي حطات توبا الفطور ومراد حط الكرواصات الي جاب وحلوة لاكريم عاد هزات ليها وحدة بديك الشراهة ماعقللتش على راسها امتا كملتها وزادتها تانية كتاكل وتنهد"
ضحى : الله...
مراد : الله اكبر"ضار عند توبا" كانت جيعانة هادي ولا مالها ؟
توبا : ماعرفت لوالديها.."عيطات ليها مغززة" ضضضحااااا..
ضحى"كملاتها وشربات اتاي" : صافي هاني...
مراد : كتشربي اتاي ياك منعو عليك طبيب على قبل فقر الدم الي فيك ؟!
ضحى : مابقيتش كنشرب دوا..صافي تانتا هاني عايشة على الله وصافي"قالتها بطريقة حزيييييينة جدا تا حس بيها مراد هاااازة نيت..فطرو في جو عادي الا عند توبا وضحى الي كانو حاسين بششك مراد ليهم..حتى كملو ونطق مراد"
مراد : ماشفتيش باك ؟!
ضحى"شافت فتوبا وتوبا شافت فيها وشافت فمراد"
توبا : لا ماشافتوش..راه مدهي مع المراة ثانية..
مراد : عطيتيه الموافقة ؟
توبا : ماعطيتش كنتسنى ريان يدفع الطلاق...مابقيتش عيطت ليه هاد الايام مساليتش...
مراد : اش كان عندك ؟
توبا : شي اغراض..
مراد"ضار عندها" : اش كديري نتي فصيدلية *** داك النهار لقيتك خارجة منها وديك سيمانة قاليا صاحبي يوسف بنتي ليه فيها لداخل وشبهتي ليه. ؟!
توبا"صرطات ريقها" : كنت فيها عند واحد سيدة كنعرفها تما كانت كتجي تشقى ليا فالفيلا ايااام زمان...خدامة هي تما...
مراد : مممم وعنداك غاتكوني نتي خدامة فيها ديك الساعة نخيب معاك سوايع اميمتي...هاني مخليك على خاطرك عارفك كتجيري من فلوس داك المزمر ديال راجلك وهاني مخليك على خاااطرك مابغيتيش الفلوس ديري الي عجبك وليني نهار لقاك خدامة عند شي حد غاتشوفي مراد الي عمرك شفتيه ولا ربيتيه..."ناض وقف" هاني مشيت تال كلينيك نشوف شي خدمة ونتقدا نرجع نشوفكم فالعشية الى ساليت من كلينيك سي نو صباح نشوفكم تاني.."باس لتوبا راسها سلم على ضحى هز سوارت سيارة ومشا يلاه وصل عند الباب تا سمع صوت ضحى وراه"مالك ؟
ضحى"قربات ليه كتشوف فيه بعينين لامعين..كتشوف فيه بواحد النضرة غرييييييبة...يلاه بغا يعاود يسولها حتى تلاحت عليه عنقاتو بجهد خلاتو مصدوم" : سمح ليا بزاااااف امراد سمح ليا الى قلقتك شي مرة سمح ليا الى قلت ليك شي عيب خرج مني...معمري شفت منك العيب نتا وزين الدين...سمحو ليا بزاااف...ماعمري كنت ناوية نكون سباب فهادشي الي وصل ليه هو وماما...سمحو ليا بزاااف الى ضريتكم..
عنقاتو خلاتو مصدوم مافهم والو وحتى هضرتها كيفاش طلبت السماحة زادتو صدمة على صدمة...وااايلي ضحى هادي الي كطلب السماحة!؟...توبا كانت فالكوزينة غير شافتها ناضت وهي تبعها طلات عليها لقاتها واقفة مع مراد ورجعات لكوزينة عارفاها مغاتقوليه والو لا هي لا ضحى ميقدروش يهضرو ويقولو بجرأة شنو واقع مع ضحى...وتوبا بغات تحيد ليها البيبي وترجع كان شيئا لم يكن وان بنتها مابيها والو ودوك الاتهامات الي جاوها من عند زين الدين لا اساس لهم من الصحة وانه ضلم بنتها يمكن الصدمة ديال بنتها حاملة هي الي عمات ليها البصيرة حتى مرضاتش بنتها توصل لهاد المواصل...
مراد"قابل ليها وجهها معاه رافع حاجبو" : علاش هاد الضهرة كتقولي فيها ؟
ضحى"هزات كتافها حابسة البكية" : غير هكاك..عرفت راسي غالطة وطلبت سماحة...
مراد : واش ضاراك شي حاجة بيك شي حاجة ولا واقعة شي حاجة ؟! حيث جيتوني فشكل ا ضحى...
ضحى : لا لا مادير فبالك والو...انا طلبت سماحة وصافي..
مراد : السماحة مسااامحييين...حنا بغيناك تقراي وتوصلي فقرايتك بغيناك تكوني حسن منا حسن من باك ومك...بغيناك ديري عقلك...
ضحى"حركات ليه راسها"
مراد : سيري انا خارج دابا نتشاوفو بالليل الى ساليت...
صوت السرسار ماحبسش كيسرسر ويعاود تا حل الباب بجهد وجهو مخنزر يلاه غايبدا يسب حتى وقف كيسوف فيه متكي على الباب وراسو لتحت...حجبانو معقودين ماحاملش يجي لهاد الدار وليني للضرورة احكام...
عصام : مالك فهاد السرسار ديال الحبس...
ع.العالي"هز عينيه فيه" : تحرك بغيت نهضر معاك...
عصام : فاش بسلامة ؟ مابقا عندنا فاش نهضرو كل رجع فحالو وكل فين صد !! يلاه تفكرتي عدو ربي وجاي ؟!
ع.العالي"جهد صوته" : بغيت نهضر معاك اعصاااااام بغيت نهضر معاك...لبد عليا الهضرة الناقصة ديال والو...راك عارف اش واقع وطاري بلا عليا من ديك النفس الي مموصلاك لوالو...زيد بغيت نهضر معاك راني كبير وعارف اش كاين...
عصام : مالك واقف لهيه ؟! تحرك دخل لا بغيتي تهضر...
ع.العالي"حاس بالخنقة" : ماعندي مابغيت ندخل تما مادخلت هادي 27 عام ماعندي فين زيد بغيت نهضر معاك يلاه نمشيو لمحل ولا هبط معايا لسيدي بنور...
عصام"ضحك باستهزاء" : سيدي بنور ؟ مالي معند جدر مي گلب ؟"خلاه ودخل طفا على البوطة ومشا هز سوارتو وبزطام وخرج عندو من بعد ما سد الباب" تحرك معايا فالموطور لحانوت نشوف هاد الهضرة فين بغات توصل..."حرك ليه راسو معاودش الهضرة ديمارا الموطور وركب وركب وراه خالو كسيرا هاديك مشيتو تا وصل الحانوت الي باقي مسدود بحكم مزال ماحلوش هاد الاسبوع.حيث باقي ماكملش ليه لانسطالاسيون...وقف الموطور ونزل حل الگراج وشير ليه براسو.. عصام حل ليه الباب ديال بوطاجي فجنب بلا مينقز...ودخل لقا واحد طويبلة تما وشي كراسا دايرهم لهيه حيث الحانوت كبير...ريح تما"
ع.العالي : دابا نهضرو هنا ؟ هادي بلاصة الهضرة هادي...
عصام : الدار حالف مادخل ليها اش بغيتي ندير ليك ؟؟ ريح اصحبي من رهوط تانتا...
ع.العالي : واخا سيدي سيدي بنور مابغيتش تمشي ليه معايا ميكون غا خاطرك..."شافو ماجاوبوش وهو يبدا الهضرة" علاش ماسولتيش فختك ؟
عصام : هادشي علاش جاي ؟!
ع.العالي : سولتك جاوبني وتهز عليا تم وتحط"ميقدرش عصام يرد عليه الهضرة"
عصام"تكا عالبوطاجي مع بقا واقف..ربع ايديه وهز فيه حاجبو بواحد تخنزيرة بدووون مايجاوبو"
ع.العالي : واااخا اسيدي...مقلق حيث ماعلمناكش نتا لول ؟واااخا..واش عرفتي كي جات فاشمن حالة وصلات ولا ماعرفتيش عرفتي كي طرا ليها ؟!
عصام"دور وجهو لهيه كيسوط ورجع شاف فيه"
ع.العالي : البنت رجعاات ميتة عرفتي اشني ميتة ؟"عاود ليه من لول تلاخر كيفاش جات وكيفاش تعاملو معاها...كيهضر ويقيص ردة فعل عصام الي قشع من عينيه بالي تقااس وخا يقصاح تايعيا بانت فيه..." دايرين ليها كي البيض الگليل(القليل) الي مشقوق وخايفينو يكمل على بونت ويتهرس...انااا الي ماعرفتها تال هاد سيمانة الي فاتت وخفت لا نهضر وتهرب...عينينا مكتشوفهمش تاواحد فينا مكتهز فيه العين غا ساكتة وتبكي وتقلب على راحتها...عقلها مشااا طاااار اش وقع ليها وهي وحدها فديك الشهرين اش طرا.؟"هز ايديه" الله اعلم اش وصلها لديك الحالة ماعرفناش حالة تشفي العدو انا وبقات فيا تا بقيت على قبلها...حتى من طبيب جابوه تالعند رجليها"شير ليه بصبعو جيهة رجليه" وهربات منو...البلاصة الي مجموعين فيها ناس كتهرب منها...
عصام"الصمت"
ع.العالي : غا باش نحطك بالصورة خوك فوزي ورا ماهضرش معاها ما وراهاش وجهو كاع عرفتي علاش ؟! حيث جيهتكم سدتها شتي فين وصلتي راسك ووصلتو راسكم ؟!
عصام"سرح ايديه " : سدتها ؟ "ضرب ايديه اخماس فاسداس" الصلاة عالنبي كل يشد طريقو الله يعاون اسمحمد"وعينيه خارجين بتخنزيرة وابتسامة غيض"...
ع.العالي : هاد الهضرة علمتك بيها باش تكون فالصورة وتعذر..لا نتا لا هي... نتا فرطتي فبنتك وهي ضربت عليكم...هادشي مادايمش الى نتا هبطتي كواريك وعذرتي صحة بنادم را كتخونو...دير الما منين يدوز...
عصام : دابا نتا شنو مرادك من هاد الهضرة ؟ فين باغي توصل من لاخر ؟ ياك ماباغا تشوف خليقتنا ياك ضربت علينا ؟ باش غانفيدك انا دابا ؟!...
ع.العالي : دابا هضرتي زايدة ناقصة ؟!
عصام"عض شنايفو وضار لهيه"
ع.العالي : جيت عندك بصفتك خوها الكبير وباها الي مربيها خاطييييني من الهضرة ناقصة الي غاتبدا تهلل عليا تما بيها..ختك غاتزوج..."مع قالها ليه دور وجهو بزربة مطلع حاجبو
مع قالها ليه دور وجهو مطلع حاجبو كانه ماسمعش اش قال..عاود ركز فيه شوفة وحرك ليه راسو بجنب كيتاكد من هضرتو واش صحيحة ؟!
عصام : كيفاش ؟!
ع.العالي : ااايه كيف سمعتي...جيت باش نعلمك قبل مايدار العقد حتى تعرف نتا لول وتكون فخبارك...ماكرهناش تحضر وخا غير من بعيد حيث اصلا العقد مديور غير لضرورة و"وقفو عصام"
عصام : بللاااااااتي ريح عليا لارض راك زربتي عليا...شكون الي بغا يتزوج ؟ شكون ؟!
ع.العالي : فرح ختك...غاتزوج باش تبقى تحت عينين زين الدين حيث ماباغياش تمشي لحتى بلاصة...
عصام : شكون الي بغا يتجوج بيها ؟!
ع.العالي : زين الدين
عصام"ضار جيهة البوطاجي وهز ايدو خبطو بجهد تا شك عبد العالي واش هرس ايدو تسمعات زدااااااف"
ع.العالي : عصام ؛!!!
عصام"هز ايدو" : صافي سد عليا النم الكحل...
ع.العالي"دار براسو ماسمعوش" : كان بغاك فوزي تحرك معاه لاكادير باش يشوفو واش غاتهضر معاكم راني شرحت ليك ونتا مابغيتيش..ياك قلتي ليه يضربو عليك كل يعوم بحرو ؟ ياك هادي هضرتك ولا لا ؟!
عصام"غوت" : واااااا يعوووومو بحر بحرهم من لاخر عليا...ملي هادشي گلتو "كيهضر بالغوات" لاااااش جاي تشاور معايا اش ليا ؟ ياك بغاتو ياك عطات الموافقة ياك هي حرة راسها ياك جدها باغي خوها لاخور باغي اش ليا انا ..
ع.العالي"بنفس نبرة صوته" : ختتتكككك الشريييييف مريضة ختك مرييييييييييضة بهاد المعنى هبلت مرضت فنفسيتها...ختك ماكتشوف لا لهاد جيه لا لجيهة اخرى ختك تعذبت تكرفصت كرفصتي راسك وكرفصتيييييها...حط كواريك اصاحبي تفهم الوضع...عطي وخوذ اعصام ونتا كلمة جوج الغوات والعصبية تا مرضتي صحتك نتا برااااسك...ياك مشيتي كتقلب عليها ومرضتي ونتا تقلب اااا ؟ ياك مرضتي فيها خمسطاش ليوم ونتا مريض عندي ياك كل نهار بسخانتك كنخرجو نقلبو من انزكان وحنا طالعين تاوصلتي لداخلة وبقينا فيها...ياك كنتي تقول غير ت"سكتو عصام"
عصام ؛ صافي صاااااااافي سد عليا هاد الهضرة يرحم ليك باااك صافي صااافي ولا نمشي ونخلي ليكم كلشي عمر وجهي باقي تشوفوه...سد عليا النم...
ع.العالي : براكة عليك ونتا كتسكت وتخبي فخاطرك براكة عصام راك دم ولحم ونتا حاسب راسك حديد...
عصام"وقفو بايدو" : صافي سد.."صدرو كيطلع ويهبط.."مابقاش عندي فيهم غراض سديت عليهم كي سدات تاهي كل فهم راسو كل يعطي تيساع راني حالف عليها شحال هادي..شحااال هادي خرجت سوقها...علمتيني ودرتي الواجب ؟ الله يسر جيهتي نساوها عليكم من جيهتها هي بغيتي تجي عندي مرحبا بيك بغيتي تبدا تجبدها تاني اقسم بالله تانخلي ليكم كلشي ووجهي وخا تبغيوه لدوا"حط صبعو على فمو بتهديد" ماتلقاااوهش الى يوم دين...
ع.العالي"هز ايديه" : صافي صافي هاني ساكت مايكون غا خاطرك..مهم بغيت شي حاجة من وراقها عطيها ليا الى بغيتي..
عصام : گول لفوزي يجي يدي اش بغا...عليا من تم..اصلا البيت بغيت نريبو نوسع الوقت تما...
ع.العالي"حل فمو" : واخا احم...انا مشيت لسيدي بنور نعلم فوزي...وهضر مع خوك ماتخليوهش بيناتكم را تاهو هز بزاااااف ماعارف فين يعطي راس حشم منك ومابغاش يخليها لا ديروهش وسطكم را هو الي غايمشي مابقيتو تلقاوه لدوا...رخف عليه را معندو تا ذنب بيناتكم...المهم انا نخليك غير بقا مزال عندي منقضي عاد نتحرك.."ربت ليه على كتفو وخرج مشا بقا عصام كيشوف يشوف حتى ضار جيهة البوطاجي وخبط ايديه عوتاني معززز سنانو وحجبانو تعقدو بطريقة كتخلع تا ولاو عينيه كي جغمة الدم...
عصام : ولد القحباااااا دار الي بغا وداها ولد القحبااااااااااااااااااا"على زين الدين"...
بين قلب مدمر ونفسية مدمرة بالكامل بين قلب حزيييين وعقل غااايب..جالسة وعينيها فلارض من بعد الموافقة الي عطاتو من تما وهي فبيتها كتجي عندها صفاء تعطيها تاكل ولا يجي هو براسو يسول فيها ولا مرة يجي عندها جدها تكا ليه على حجرو يبقى يعاود ليها على حكايات زمان حتى كتديها عينها ويخليها ناعسة ويخرج...اصبح يوم جديييد على الكل...وقفات سيارة قدام الباب خرج منها فوزي وع.العالي...
زين الدين"حل الباب وخرج عندهم سلم على فوزي وعبد العالي" : با فوزي عالسلامة !!
فوزي : الله يسلمك...هاني جيت وليني محتاج منك طلب ؟
زين الدين : مرحبا !!
فوزي : بغيت نحضر ونتوما كديرو العقد مكاينش كيفاش ندير!
زين الدين"شاف ف ع.العالي الي شير ليه بالي غايدخل حرك ليه راسو بمعنى سير..ورجع شاف ففوزي" : ضروري نديرو حل..تهنى ولابد ماتحضر..
فوزي"بحزن" : كي دايرة !؟
زين الدين"حط ايدو على كتفو" : شوية بشوية فوزي..دير الخاطر لشي فين يجي شي..هضرتي مع يونس ؟
فوزي"حرك ليه راسو" : هضاااارت معاه وشرح ليا كلشي...وليني كي غادير لخدمتك نتا؟!
زين الدين : ممطولاش فهادشي كي دازت لولة دوز ثانية علمتك افوزي شوية بشوية ولا لا ؟!
فوزي"ربت ليه على كتفو تنهد" : واخا هاني صابر..."ضار شاف فجناب الدار ورجع شاف فيه" دابا جاب خالي ديك شهادة من عندنا لهيه فالجديدة دغيا سرباه شيخ البارح بعدا تصاب كيعرفو...رسلت لريان الوراق ديال فرح الي بقاو عندنا فسيدي بنور..و شنو قاليك امتا العقد ؟!
زين الدين : .شوي ويجي ريان جايب معاه الوراق الي گاد ليا "حك لحيتو وسرح ايدو" على حساب ما گال...من هنا ليومين ..ماتهز هم يكونو الوراق كاملين العقد حالو ساهل...
فوزي : بعد غذا ياك يعني الخميس...
زين الدين "حرك ليه راسو" : الى كتاب غايجي مع طهارة داك الولد الي علمتك تحضر معانا ليه..."حرك ليه فوزي راسو بابتسامة "
زين الدين"هز حاجبو ماحاملش يذكرو" : علمتي باك ؟
فوزي"جمع الضحكة" : علمتو غالله يحفض مايتم جاي لينا هنا يخ...
زين الدين"متمني مايجيهش وليني حشم يقوليه شي حاجة...شير ليه باش يدخل من بعد ما تاكدو انها فالبيت باش يطلع فوزي الفوق حيث جا من طريق بعيدة خاصو يرتاح حتى يطلع ينزل فاوطيل بعيد عليها..."
"مسؤولية جديدة على وشك البداية"
بينما هما في حالهم مع فرح وازمتها هناك ازمة فتاة اخرى...
السابعة صباحا لقاتها فمحطة ولاد زيان هي وجميلة وتوبا...لابسة جلابة ديال توبا لاوية عليها شال ودايرة نضاصر كبار دشمس مخبية عينيها من البكا...لحسن الحظ لقاو الكار زوين غادي نيت فديك الجريق خلصات توبا وطلعو فبلايصهم...حتى وصلو لديك المنطقة عيطات جميلة لداك مول الكروصة الي ركبو فيها خذات من عندو النمرة فالمرة السابقة تا طلعهم لنفس البلاصة....
جميلة : يلاه زيدي ماحد دنيا خاوية...
توبا : علمتيه بالي جينا ؟!
جميلة : واااه..
ضحى"قلبها بغا يسكت تا شدات فايد امها" : م ماما مم ماما..
توبا : اش كاين ؟
ضحى"هزات فيها عينيها مغرغرين" : بلاش ماندخلو خااايفة اهى اهى...
توبا"خنزرات فيها" : وملي هزيتي رجليك لولد لحرام تا جبتي ملگطة ماخفتيش ؟ زيدي قدامي من الهضرة زيدي نحيدو هاد الويل عليا تولي لباس وليا حساب معاك نشوف فين نرسلك غبري عليا وجهك كي هبجتي ليا راسي الله يتبعك البلا..."دوفرتها من دراعها تا جات قدامها على شوي تجي على فمها خلاتها تفرفر وتكشكش ومناخرها كيفرفرو..."
جميلة : تهدني اااللا الحاجة الي عطا الله عطاااه ... توگض ورسليها لبرا هضري مع ولد خوك ورسليها لبرا تلقا مستقبلها وتلقى الي يقبل عليها وهي امراة...زيدي وكان طلبي غالسلامة..
توبا"مجاوبتهاش توبا بقاو غادين تا دخلو لعيادة وهو يصوني ليها التيليفون هبطات عينيها تشوف شكون متاصل لقاتو مراد الي كيصوني ليها" : اويييييلي هذا يمكن جا عندي ومالقانيش
جميلة : ياك لباس الحاجة ؟
ضحى"بحزن" : اري نهضر معاه ؟
توبا : اش غاتقولي ليه ؟ ااا ؟"سدات عليه وطفات تيليفون كلو خشاتو فصاكها" زيدي تنساليو ونهضر معاه نقوليه مشيت معاك تشوفي الطبيب على فقر الدم...تحركي..."جرتها قدامها تا وصلو لعند عايشة."
عايشة : فين داكشي الي كتب ليك تاخذي ؟وفلوس الكلينيك..
توبا"حطات ليها ساشية ديال فارماسيان" : هاهما...
عايشة"قلبتهم وحسبات الفلوس..هزات عينيها ف ضحى" : اجي معايا بنتي اجي...
توبا : ندخل معاها !؟
عايشة : لا تاتبغي دخل دير العملية ونعلمك دابا غادي يقلبها وديك ساعة يوجدها.. عشرة دقايق وتدخل ديرها..را خليتو كيوجد معاه واحد الفرملية من المستوصف..اجي بنتي...
ضحى"كدفعها توبا وكترجع قلبها بغا يسكت.." : عافاك اماما مابغيتش اهى اهى عاااافاك...
توبا"دفعتها" : سيري دخلي دخليييي
ضحى"شدات فيها عايشة من دراعها غاديا بيها وهي ضايرة جيهة مها وتبكيييييييي دموعها هابطين" : عاافاك اماما مابغيتش عااافاك غادي نمووووت اهى اهى عااافاك ماتقتلينييييش اماما عااافاك اهى..عااافااااك"عوجات ليها راسها بترجي وهي كتشوف فيها تا دورات توبا راسها ماحساتش امتا نزلو زوج دمعات كيجرييييو على خدها وصدرها كيطع ويهبط مابغاتش تشوف فيها وهي كترجاها...بقات ضحى كتشوف تشوف تشوف على الله تقوليها رجعي... حتى تسد الباب باب الامل "
"امام حياة تستهل هناك حياة تختم"
بقات غاديا داخلة غاديا بيها عائشة وفنفس الوقت كدور فراسها جيهة امها كترجاها باش تقوليها حبسي ماتمشيش لانه حاسا براسها اذا دخلات لهاد العملية الي غاتخرج منها اذا تكتب ليها عمر جديد وهذا وارد بنسبة قليييييييلة بالكاد...او تخرج جثة هااامدة...احساسها انها اذا دخلت مغاتخرجش كاع الا وهي فعداد الموتى وهادشي مخليها تخاف بزاااف لان الامر مساهلش وهي داخلة ديرها عند شخص مابينو وبين الطب غالخير والاحسان لا علاقة له بهاد الشي وماشي تخصص ديالو هو فقط ممرض لا اقل ولا اكثر...وحتى المكان فين غاديرها وسط الوسخ مكان مافيه لا تعقيم ولا امكانيات كافية لهاد النوع من العملية ولا حتى انه مرخص كل عملياتو من هاد النوع سرية...
عايشة"حلات ليها الباب" : دخلي ابنتي دخلي...
ضحى"صرطات ريقها كتشوف فالبلاصة كتشوف راسها فين غاديا لهلاك لموت محتم.."
عايشة : دخلي را كيتسناك دغيا قبل مايجيو ناس مع العشرة را عالم دوار بالي مغايحل تالعشرة باش ديري العملية براحتك..دخلي ماتخافيش ابنتي...
واقفة وقلبها عند فمها كتشوف فين غاديا..حتى قربات ليها عايشة وجرتها معاها تا حلات الباب ديال الغرفة الخاصة فين كيدير هاد العمليات...مع دخلت كتشوف فديك الغرفة من النص كاينة واحد الخامية كبيييرة فارقة نصف الغرفة..الي مشافتوش بينما النصف الواضح كان فيه البياص والتلفاز ديال الايكو..
هو : دخلي ابنتي.
ضحى"عينيها مغرغرين شافت فيه بخوف ورعب"
هو : ماتخافيش ابنتي كلشي غايدوز ان شاء الله مزيان..اجي بعدا نشوفك عاد نتوكلو على الله...
داتها عايشة تال عندو غاديا وكتشوف راسها غاديا صافي كتشوف فحياتها وصلات لمحك واش هادي هي النهاية ديال ضحى ولا مزال ربي مطول فالعمر واش هادي هي نهاية الحياة...غاديا وكترعد ومرة مرة كدور تشوف امها واش غاتدخل تجرها مزال عندها امل كبيييير...حطات ايدها تحت كرشها حسات بنغيزات فيها تا غمضت عينيها...
ضحى : اممممم اهى...
هو"من بعد ما جلساتها تكات..شاف فعائشة" : لاباراي دطونسيون.."مشات على الفور جابتها ليه" حيدي بنتي جلابتك
ضحى : اهى اهى عافاك مانقدرش عافاك اهى اهى...
هو : ماعندك مناش تخافي كلشي غايدوز مزيان الى بغيتي تفكي من هادشي الي فكرشك..مغاديش نتعطلو ميم پا نص ساعة..ماتخلعيش باش مايوقعش ليك شي مشكيل...
عايشة : لابسة شي حاجة تحت جلابة ؟!
ضحى"حركات راسها..بقات كتشوف فالفرملي وتشوف ف عايشة..حيدات جلابتها...بقات غير بتيشرت وكولون رجعات تكات دار ليها لاباراي ديال طونسيون تعبر..."
هو : مزيان..سيري مع عايشة...
نوضاتها من فوق البياص...ومشات معاها لنصف لاخور الي مورا الخامية مع حيدتها بان ليها شنو كاين تما بياص عندو واحد لعيبات خاصين فين كيحطو رجليهم باش يقدرو يتهزو ويتحكمو فالعملية وهو ايضا كيدار حتى لولادة العادية...شدات فعائشة وهي غاديا وكتشوف بعينيها فداكشي مكترمشش بكترة الرعب الي شادها...حدا البياص واحد الكروصة ديال اليمنيوم فيها كاع المعدات غير شوفة فيهم تقتلك الخلعة فرق كبيييير بين معدات عند الطبيب وخا تشوفيهم هما نفسهم عند ناس مختصين ماتخلعيش ولكن فاش تشوفيهم عند هاد النوع من الاشخاص كتشدك الموت قبل متوصلي ليهم وهنا كيبان الفرق عند كل واحد فاختصاص ديالو...كانت واقفة واحد الوحدة فحال تقادة ديال عائشة غليضة دايرة شال على راسها دايرة بافيط كتلبس فليگانت لايديها...شافت جيهة ضحى وهي تحرك ليها راسها...
هي : اجي تكاي هنا عايشة غير سيري نتي انا نتكلف..."حركات ليها راسها ومشات كانت تاهي الامل ديال ضحى لدرجة واحد اللحضة بقات متمسكة بيها حتى طلقتها بزز...جلسات ضحى فوق داك البياص فمها ولا بيض ايديها محبسوش من العرق حاسة بدوخة وضبابة بين عينيها بالخلعة...حتى دخل الفرملي تاهو موجد راسو شافها جالسة"
هو : تكاي معندناش الوقت بغينا نساليو دغيا لوپيغاصيون نعسي باش دير ليك البنج مغاتحسي بوالو غمضي عينيك وحليهم وهانتي مسالية كلشي"كيهضر ويدير تاهو فالليكات."
ضحى"كتشوف فيه وتشوف فالفرملية الي كتوجد فشوكة ترجع تشوف فيه وترجع تشوف فيها وترجع تشوف فالمكان ودوك المعدات حتى لمحات عينها واحد الملقط فشكل عندو اسنان صغيرة...(فالعادة فاش كيدير المختص الاجهاض بطريقة شرعية وفعيادة مرخصة وعند مختص بشكل طبييعي..كيدير واحد اللعيبة كتسمى قسطرة الشفط بحيث كيدخلها عن طريق المهبل نيشان للرحم كيشفط السائل الامينوسي المحيط بالطفل اذا كان حجم الطفل صغير بزاف اول الشهر كيكتافيو غير بهاد القسطرة كتجبو كامل حيث كيكون نطفة ساهل..اما فعمر اكثر من شهرين ف كيضطرو يشفطو السائل حتى كينشف تماما عاد كيدخلو واحد الملقط هو نفسو الي شافت ضحى...كيتسمى ملقاط سوفر.بنفس طريقة كيدخل كيمشيو لرجلين تيلاد يقطعوهم بيه ويخرجو شوي بشوي حتى كيقطعو ليه ايدياتو ويخرجوهم تاهما طرف بطرف حتى كتبقى الجنازة والراس...تاهي كيقطعوها طراف ويبداو يخرجو شوي بشوي كيبقى الراس كيفرتكوه طراف وتاهو كيخجروه طرف بطرف حتى كيحيدوه بالكامل وتنتهي عملية الاجها..ض..."
ضحى"ماشعراتش امتا حطات ايدها على الفرملية الي كانت غاضرب ليها شوكة" : لا لا لا مابغيتش نحيدو اهى اهر مابغييييييتش نحيدو"ضارت عند طبيب" ماتحيدوش ليا را فيا فقر دم وغادي نموت ليك هنا...
فرملي : كيفاش ؟!!!
المكان اقبح من انك تاخذ فيه حتى استارة لاخرة ماديرها فيه فمابالك ب انك دير فيه عملية من هاد النوع وماشي من عند اختصاصي الي قرا عمرو كامل باش يجي واحد حاشا واش يكون ممرض ياخذ الاختصاص ديالو ويدير هاد النوع من العمليات بمقابل مادي...لهاد الدرجة الفلوس عمات البشرية لدرجة تاجر بالارواح ومادايرينش بحساب الموت والاخرة ويوم الحساب...الرعب الي شد ضحى فهاد اللحضة خلاها تفيق على راسها اكثر خصوصا كتحس بكرشها كتنغز فيها كان الي فكرشها تاهو كيناجي فمو ترحمو ومتقتلوش...بالخلعة حسات بكرشها تهزت وتحطت وبقات تنغز فيها تنغز تا برزطتها بداك الوجع حسات بيها كتقلب وتعاود...
ضحى"ناضت من البياص" : لا لا مابغيتش مابغيتش ماديرو ليا والو مابغيتش"ضارت عند الفرملي" فيا فقر الدم غادي نموت ليك فالعملية...
فرملي : هادشي يلاه قلتيه ليا ؟ ياك سولت الام ديالك واش كتعاني من شي مرض...
ضحى"كتحرك فراسها بزربة" : اه اه اهى فيا فقر دم...عافاك"قبطات ليه ايدو بغات تبوسها" قول ليها بالي متقدرش حيث فيا فقر دم متقولش ليها مابغيتش عافاك...
فرملي"شاف فالفرملية وشير ليها تحبس" : بلا هادشي مانغامرش ابنتي كثر من هادشي مصيبة كحلة الى درت ليك العملية ومعنديش تا كيفاش نعلق ليك دم..."حط داكشي الي كان هاز" تيسري فحالك منقدرش نديرها...
كانها لقات المنقذ فهاد الفرملي واخا هو براسو خاف من انها تموت ليه بين ايديه حيث فقر دم وهو معندوش الامكانية باش يعلق ليها دم كيف ذكرت العيادة غير ديال الله يحسن العوان وصافي وحجم الجنين كبير على انه يغامر بيها وهي بهاد المرض...غير قاليها سيري طارت كتجري هزات جلابتها كتلبس فيها بزربة رمات عليها شالها وخرجات لقات امها كتمشي وتجي عينيها مغرغرين غير تحل الباب وهي تدور راسها بزربة
توبا : ااا امضرا"يحساب ليها فرملية" ضحى ؟! اش خرجتي ديري ابنت لحرااام...
ضحى : اهى اهى مايقدرش يدير ليا الكورطاج اهى...
توبا"خرجات عينيها ممصدقاش بجهلة نطقات" : اويلي علااااش علاااااش ؟!"حولات عينيها لفرملي الي خارج مغوبش
هو : الحاجة مانقدرش ندير ليها العملية القضية صعيية سولتك واش فيها شي مرض قلتي ليا لا تقت فيك اما نعطيك ديري تحاليل وتجيبيهم نقراهم وليني ملي حلفتي مامتبعة والو قبلت نديرها...دابا عرفت فيها فقر الدم منصيبش الحاجة نديرها..ماعليك غاتصبري تولد الي فكرشها والى ماقاداش بيه عطيه لشي خيرية ناس باغينهم ومالقاوهم..
توبا : اويلي على مايتحيدش اويلي شكون قاليك فيها فقر الدم...
الفرملي"شاف ف ضحى الي كانت خايفة وشاف ف توبا" : كيفاش عرفت داكشي مايهمش المهم الي عليا قلتو ليك..تيسري بلا ماتخلصي داكشي الي شريتي غايبقى عندي نحتاجو لاغراض اخرى...
توبا"مشات ليه صاعرة شنقات عليه" : كيفاش بلا متخلصي وتدي داكشي؟؟ علاه اشريف كنتي ناوي تخلص ونتا مداير والو !!!
جميلة : الحاجة تهدني ماعندو مايدير ليك...
توبا"ضارت مخنزرة فيها" : حيدي من حدايا"رجعات شافت فيه" كيفاش ماتحيدوش ااا ؟ وعلاش انا جايا عندك ضاربة طرقان علااااش الشفاااار...كتحلبو بنادم وماديرو والو ؟! انا نتسناك تا تنصحني اش ندير واش منديرش ؟! نصح غا راسك بقيتي ليا غانتا اكرش الحرام الخانزات داخلين خارجين عندك وقاليك ينصحني نحط الحرامي فالخيرية...
فرملي"حيد ليها ايديها ودفعها بجهد تا جات لارض حتى غوتات ضحى وجميلة" : اسيري الالة خرجي عليا برا دي الخانزة ديال بنتك وطيرو عليا من هنا لا ندير شرع ايدي وخدمتي معاكم وتشوفي الخانزات كي كيطرا ليهم..دي بنتك "ضار عند عايشة" جيبي الالة داكشي الي شرات لوحيه ليها..نزضي خرجي عليا برااا يلاه...مزيان تبارك الله"ضار ودخل..اما توبا جات عندها جميلة تنوضها وهي دفعها بايدعا بجهد تاكانت غاطيح لاخرى ناضت كتقاد فحوايجها هزات عينيها ف ضحى الي كتبكي مشات ليها كتجري شدتها من دراعها وزيرت عليها تا غوتت"
توبا : شتي فين وصلتيني القحبة شتي فين لحتي مك الي شربت عليك المرا ؟ شتي فين حطيتيني تا ولاو يمسحو فيا رجلين ؟
ضحى : اهى اهى انا غانوصل لدار ونمشي ماعمرك مزال تشوفي وجهي اهى...
توبا"قربات ليها عند وجهها مزياان وكشاكشها خارجين لون عينيها ولا بيض بلاصة زروقية" : ياك غا هذا الي فكرشك"شكلات ايدها على شكل بونية وعطاتها ليها الكرش تا تزوات وعاودت" هاهو هااااهو...
ضحى : اهى اعععععععمممممم اهى عافاك لا ضريتيني الااااا ععععععععععمممم اهى اهى
توبا"عاودت زواتها" : هااااا ولد الحرام الملگط الي شوهني هااااا بنت القحبة الي شوهتني"جميلة دارت ايدها على فمها وايد على راسها بقات غاتشوف..بقات تزوي فيها تا كانت غاتسخف ليها بين ايدها وهي تجرها تمات جايا عايشة هازا ساشية الطلبات الي شرات ليه بغات تعطيهم ليها وهي ضربها تا طار عليها داكشي لوجه وتمات جارا ضحى وجميلة وراها تولول" يلاه زيدي... الله ياخذ فيكم الحق الله ياخذ فيك الحق كيما فضحتيني بغيت ربي ياخذ فيك الحق.."كتدعي تا بداو دموعها نازلين...جرتها على برا ودفعتها قدامها تا كانت غاتجي على فمها كون ما سبقات ايديها شدت فلارض كان فمها غايتهرس......بالرغم من انها فلتات من العملية الا ان احساس ضحى ممفارقهاش كتشوف كلشي تسالا ليها حياتها كلشي حتى من كرشها حاسا بيها من لداخل فشكل.."
أنت أمني وأماني ومأمني وقوتي ومسكني وسكني وسكينتي
وروحي وراحتي وريحاني نعم أنت داري ودياري ومستقري وقراري يا ابن قلبي(سمسومة)...
حلات عينيها من حركات ايدين على شعرها حتى شهقت و ناضت قافزة شادة على صدرها كيطلع ويهبط...
نجية : بسم الله عليك ابنتي غير انا كبيدتي...
فرح"كترمش فعينيها قلبها بغا يسكت من الفزعة جاب ليها الله رجعات لداك المكان خصوصا نفس الحركة وقعات ليها هادي شهرين لكن الاختلاف ان المكان سابق كان اقبح" : خ خلعتيني.
نجية : ماتخلعيشاااي غير انا ميمتك...جيت نفيقك ابنتي باش تدخل معاك صفاء تحك ليك وتعومي...
فرح"صرطات ريقها" : ع علاش غانعوم ؟
نجية : هههه واليوم ابنيتي العقد ديالك...
فرح"تفكرات نهار مشات لحمام هي وصفاء فالعقد الي كانت غادير مع يونس" : لا لا لا مابغيتش نمشي لحمام مابغيتش."عينيها غرغرو"
نجية : لواه ابنيتي ماتمشيش ليه..كلشي الفوق موجود فالدوش سخون حسن من الحمام هههه...واخا كبيدتي بغيت ليك حسن من هاد الحالة وليني ماعليش الي بغا خاطرك حنا معاه...
فرح"حدرت عينيها" : مابغيتش داكشي خليني براحتي عافاك.
نجية"تبسمات ليها بحنية وفنفس الوقت عزات عليها حيث عرفتها مابقاتش ثايقة فشي حاجة سميتها فرح وتوجاد ديالو..يكفي انها غادير العقد بدون خوتها سندها واليديها الي اصلا كي حيين كي ميتيين...المعنى الحقيق ديال عكس اسمها هي فرح" : وااخا ميكون غا خاطرك...نتي نوضي هاكا فيقي ليا كبيدتي وها صفاء غادخل وتديك لدوش وخا غير تحك ليك ضهرك..واخا هاكاك ابنيتي عومي وتنقاي واخا غير عقد راكي غادي دخلي على حياة جديدة دخلي ليها بالبيض والنقا باش يتنقى سعدك ويكون بيض ولوحي وراك الكحل (زعما تعاسة) دخلي بالجدة..والله يصلح حوالك ابنتي هذا مانگول."تحل الباب ودخلات صفاء هازا فايدها بوشيط كبيرة كيبان منها البيض"
صفاء : ها بينوار وصل ههههه
فرح : ديالاش ؟!
صفاء : هذا بينوار وصى عليه عريض الكتاف هاء تانا خويا زين الدين من واحد المگازة خاصة بهادشي شي سيمانة هادي خاص الالودة ليك ههه حيث ماعندكش هنا والو..
فرح"الصمت"
نجية : هاي هاي هاي هههه وهانتي يا بنتي يلاه سيري معاها ماتعطليش الفطور غير تخرج تلقاه واجد تحركو انا نزل عند فاطنة نعاونها فطياب...
فرح : علاش طياب ؟ انا مابغيت والو...
نجية : لواه ابنيتي هذا طياب صدقة جايين طلبة فالليل...لواه القرآن ابنتي ماشي عيب لا بغيتي ترتاحي وترتاحي فجواجك لا ترديهاش فوجههم...
صفاء : اصلا كاينة طهارة واحد الولد هنا جيرانهم دايرين ليه صدقة...
فرح"بخوف" : غايكون بنادم بزاااف ياك"عينيها غرغرو"
صفاء : يابتي يكون مالك شكون غايوصلك نتي هنا وحدك احبيبتي وزين الدين وصاني باش متخلعيش وهنا مغايدخل حد طاج كلو ديالك اصلا غاطلعي الفوق وتبقاي تم ولتحت غايكونو طلبة غير شي ؤبعة ولا خمسة ماشي كثار...ياك كنا كثار هنا وصلك شي حد ؛؟ لا ..اذن ماتخافيش كلشي مع راحتك...يلاه اجي معايا..."ناضت من الفراش خلات نجية كتجمع فيه ومشات مع صفاء كتقلب بعينيها عليه وفنفس الوقت كتشوف دنيا تما...حتى طلعات لفوق حلات ليها باب الدوش مع حلاتو وصلاتها سخونية ديالو والفار كيخرج منو.." الله تدويشة فيه يا سلااام...اجي حطي حوايجك "حطات عليها ايدها وهي تقفز بجهد تا خلعات صفاء" مالك ؟!
فرح"حيدات ليها ايدها" : انا نحيدهم غير خليني..
صفاء"حطات ساشية حلتها جبدات منها بينوار بيض مكتوبة فيه فجنب FARAH بالذهبي..عندو فوطة صغيرة ديالو تاهي فيها نفس الاسم وعندو طاقية كتعقد بالصدفة من قدام فاش كتلويها على شعر فازگ..حطتهم ليها..الدوش كان كلو مصلوح بالفسيفساء فالحايط حتى من سقف تاهو..فالحايط المقابل فيه سقاية صغيرة فيها روبيني ديال نحاس كيتخوا منو الما سخون وفجناب حيوطة فين كيجلسو مسخنينهم محطوط سطل وفجنب لاخور كاين رشاشة اونسومبل كلو ديال نحاس مسدود بالبوكس ديال اليمنيوم..وفالحايط لفوق كاين طاجيرات محطوط فيهم البرودويات ديال الاستحمام فجنب الدريجة كانت محطوطة صينية ديال نحاس فيها طاسة ديال نحاس صغيرة فيها صابون بلدي بالعكر الفاسي وفليو..وكيس جديد وسطيلة صغيييورة بزاف فيها الغاسول بالروايح(غاسول كيتصاوب را فايت قلتو فنور الياسين..مهم نعاودو كتشري الغاسول من عند العطار عادي كديري كسرونة فيها الورد وريحان والخزامة وشيح يتبخو فالما وصفيه وشدي داك الما خويه على الغاسول فبانيو حتى يرطاب تولي تيكستيغ ديالو رطبة يولي فحال زبدة فايديك وطلسيه فبانيو ولا ميكة كبيييرة ديال باش سرحيه مزياان وخليه فالضل ينشف تايتشقق ويطيح راسو خبيه فقرعة كل غسلة هزي شوي ورطبيه تاني وديريه لشعرك كيخلي شعر ملس وفنفس الوقت ريحتو زوينة)..عاد طاسة دنحاس باش تخوي الما محكة ديال الرجلين ناهيك على شامبو هو الي كانت كتغسل بيه عرف من صفاء كان elvive الاسود..بااك الاستحمام من ايفغوشي..كلشي ستفاتو ليها صفاء..كلشي ماخلاها مخصوصة من والو وهادشي بمساعدة صفاء الي نفعاتو...
صفاء : نخليك حتى تسخني ونجي نحك ليك..نيت بيغت حتى انا نعوم شهاني هاد دوش نعل والدين مو مالو على هاد زين...
مجاوبتهاش فرح خرجات صفاء كتزرب هبطات لتحت مشات البيت جبدات من فاليز الي وصلات هاد الصباح الحوايج اختارت ليها اونسومبل تحتي ضوني وكولون ديالو بحكم كاين صهد...وكيلوط باقي بتيكيت ديالو حطاتهم ليها فوق الناموسية وبيجامة ديال ساتان بيضة بسروالها.وتقاشر بيضين ضارت كتجري هزات فازلين باش تذهن رجليها...
فاطنة"دخلات كتمسح فايديها عمرو بالخرقوم وريحة الطايب فوق المجمر كتعطي" : مالك جيتي خليتيها وحدها ؟
صفاء : لا امي غير وجدت هادو نطلعهم بينما تسخن نحك ليها راها باقي مافاطراش...
فاطنة : وسربي وتي تسهوكي تم...
صفاء : هاني هاني.."هزات داكشي بزربة وطلعات كتجرييي دخلات لقاتها كتذهن فالصابون البلدي" هايهاي هانتي كذهني راسك ههههه
فرح"توقفات وشافت فيها بواحد نضرة" : انا ماشي هبيلة لدرجة مانديرش هادشي"قالتها ليها وهبطات عينيها خلات صفاء مسمرة مافهمت والو"
صفاء : احم مزيان ههه داكشي الي بغيت اصلا انا هبيلة العقل اش بغيناه هههه"حطات الحوايج بعيد وحطات هي تيشرت الي كانت لابسة بقات غير بضوني وبيرميدا...قربات لعندها وجدات سطل عمراتو دارت الكيس يرطاب..تسناتها تا حست بلحمها رطاب " عطيني ايدك نحك ليك..
فرح"بامتناع" : لا غير خليني وحدي..
صفاء : يا بتي نخليييك غير تهناي خليني نعاونك راكي عيانة بالكحبة وسخانة الي كانت فيك ماتقدريش تاتهزي ايديك انا نحك ليك نغسل ليك شعرك ونخليك تكمل الباقي راسك ياك انا اختك ها ؟
فرح"بقات تشوف بتردد باغا نيت تعوم من قبل بلا هادشي وليني حشمت بغات تنقي القنات كيف كيقولو تنقي المناطق الحميمية...هزات فرح ايدها بشوي خلاتها تحك ليها كتحك ليها والوسخ خارج يجرييي مع شحاال ماعامت ملي عامت عند مريم فدارهم داك الصباح...حكات ليها كلشي حتى حست بالسخفة وهي توقفها...خلاتها تشلل راسها قبل ماتبدا تحك ليها دارت ليها الغاسول لشعرها..جات موراها وغسلات ليها شعرهاا مزيان دارت ليها شامبو بخلاصة فركتها مزيااان تا ولات فرح كلها حمرررة..بدات صفاء كتلبس فحوايجها وهي دور عندها فرح ..
فرح : فين غاديا !
صفاء : نخليك تكملي الباقي الى حشمتي..
فرح : غير ب بقاي غايضربك البرد.."ضارت جيهة البوكس واحد دخيلة فيها رشاشة رومية وبابها ديال اليمينيوم الي بغا يدوش دوش عادي ديال زربة..هزات صبعها وشيرات ليها ناحيته" ا احم انا غاندخل تما ونتي بقاي هنا.."تنهدات" غادي تمرضي...
صفاء"غرغرو عينيها من تصرف فرح كتبقى حنينة مهما جار عليها الزمن.." : واااخا"شدتها البكية" سيري خوذي راحتك هههه توحشت نعوم انا وصحيبتي اهى ههه"سيطرات على البكية بزز..." ولكن ماجبتش حوايجي ماتخافيش مغايضربنيش كاين صهد فين البرد لقيناه لدوا هههه اصلا الفوق هنا مامخدمينش الكليما...فرح"مشات لبوكس سدات عليها وكملات تما..غسلات وتوضات فنفس الوقت..حسات بالسخفة مابقاتش قدرت...خرجات من البوكس الي خلاتو طايب...وخا السخفة حسات براسها خفافت بزااف..لقات صفاء واقفة عطاتها البينوار لبساتو تا لمحات بعينيها اسمها عليه كمشات حجبانها...دارت الطاقية على راسها ولوات ليها الفوطة على عنقها...حطات ليها شبشب تابع لبينوار نيت توبو فوطة لبساتو فرجليها..خرجات صفاء تا طلت تاكد وخا عارفة دنيا خاوية..عاد حلات ليها الباب مشات لواحد البيت الي وصاها زين الدين تدخلها ليه..حلات الباب ودخلو..كتشوف بعينيها البيت ستيل قدييييم مزال كيما هو مغير غير فراش الناموسية مفرشينو بايزار طرز الحساب والماريو فالحايط وشراجم فدخيلة..جابت معاها نيت البيجامة حطاتها ليها"
صفاء : هاهي بيجامة لبسي هادشي وها فازلين لرجليك وها الحليب لحمك مهم كلشي فهاد السلة...."بقات معاها تالبسات من بعد ما ذهنت الحليب لحمها الي ولا حمررر بالسخونية والحكان...لبسات بيجامتها حرييرية بيضة...ذهنات رجليها بفازلين عطاتها تقاشر لبستهم حيدات ليها الطاقية تا تطلق شعرها فاازگ..جابت سيروم ذهناتوو ليها ودورات ليها شعرها على شكل باتشا" صاافي دابا مزيان تسناي "دارت ليها زيف حياتي باش شداتو" دابا فريزة تووووتة برية "تحنات باستها فحنكها تا قفزات فرح مطاكية بايدها" ماتخافيش ماتخافيش غير بستك...
فرح"صرطات ريقها بالخلعة" : ففففف...
صفاء"تنهدات كتربت ليها على كتفها" : سمحي ليا نسييت...
هبطات معاها لتحت دخلات لبيتها فين كتبقى لقات فاطنة حاطة ليها الفطور على حقو وطريقو...
صفاء : انا غادي نطلع نعوم ياكما بغيتي شي حاجة ؟ نبقى معاك ؟
فرح : لا لا غير سيري...
بقات واقفة تا بانت ليها كتاكل بشوية كتشوف ففرح مختلفة على اللولة فرح فشكل باااردة شبه ميتة وخا بدات كتجاوب معاهم شوي بشوي وكل نهار كاتطلق لكن فرح الي كانت مولفة فرح ختها صاحبتها ماشي هي هادي الي قدامها...فرح ضحوكية الكوميك كلشي فيها...ماشي هي هادي الي كتشوف فيها...تنهدات كدعي فسرها يشافيها وترجع كيكانت...مشات جابت حوايجها وطارت تجري لفوق دخلات لدوش...حيدات حوايجها وجلسات تاهي بغات تهبل على داك دوش مكرهاتش تسكن فيه من كثرة ماحمقها ستيل ديالو..." نعل والديك كون غير خذاني انا براكة عليا غا هاد دوش فصداقي...عصااااااام نعل زبور امك..."هزت ايدها تال سما وطلسات على لحمها صابون تا تسمعات سااااااط" يااا العلي داي داي داي...وااااشيفورك اااحليمة وداو لو لاگريمة...اححح سيكس هنا يجي ناضي ابتي الهبيرة...غا لا مابغيتيش تقولي اح..
يوم الخميس يوم جديد يوم فشكل يوم غير عن باقي الايام...يوم فشكل عندو من نهار بغاها وهو كايتسنى هاد النهار الي غايتجمعووفيه لكن ماشي بهاد الطريقة عقد على ورق كان متمني ياخذها من دارهم بخطبة فحالو فحال العزارا وياخذ بنت من دارهم فحالها فحال البنات...لكن شاءت الاقدار ان تتغير وتوصل الاحوال لهاد الحال..خرج من دوش شعرو يقطر نازل على عينيه..عينيه الي كانو حمرييين بالسخونية والفار كيخرج من كتافو العراض...لاوي على نصو فوطة وفوطة صغيرة لاويها على عنقو..حيدها من عليه وبدا ينشف فصدرو الي لصق فيه الما بحكم الزغب الكثيف.شوي...مزال كينشف حتى صونا تيليفونو شاف فيه لقاه يونس...
زين الدين : وصلتي ؟!
يونس : هاني لتحت فديك البنية الي دايرين...واش طهارة ليوم ؟
زين الدين : غذا..
يونس : شنو الاحوال دابا ؟
زين الدين : هاد ساعة حامدين الله...شنو بان ليك ؟!
يونس : هذا هو الحل بالنسبة لحالتها...باغيين تجر الخايط بشوي تنوصلو لعندها بالخاطر...سي نو راك عارف الثقة عندها منعادمة فكلشي...هادشي الي وصلتو ليه مزيان مادام كلشي برضاها وشروطها والاهم دارهم حاضرين تاهما فرحانين هذا بحد ذاتو حافز يرجعها كيف كانت وامكانية تهرب من جديد تقلص...
زين الدين : المشكيل ف خوها الكبير ...
يونس : المواجهة اللولة مكانش فيها ريسك وخا هكاك المواجهة مع جدر المشكيل الي هو خوتها الي صعيب..كيف وصيتك درجة بدرجة حتى تجي عندي نهضر معاها ونشوف من خلال كلامها شنو كاين...على العموم الله يكمل بالخير ابا زين الدين...
زين الدين"عوج فمو ببشاشة" : الله يبارك فيك.."قطع معاه دور راسو جيهة ناموسية شاف جيهة الحوايج الي كانو محطوطين فيها الي غايلبس...رجع هز من الكوافوز ديدورون رشها عليه عاد مشا لبس ملابس داخلية هز فوقية بيضة حيد ليها تيكيت قطعها حل صدافي ولبسها ضار جيهة المري كيعقد فصدافي مطلع حاجبو حتى كمل ورجع هز جلابة سوسدي فالصفر لبسها..سرح ايديه تا عقد صدايف الكمايم ديال فوقية هز جيل خواه فايدو دوزو على شعرو وهز مشطة مشط بيها تا فيكساه..هز بارفان ديالو رشها عليه رش شوية فايدو دوز بيه على لحيتو الي نقص..تقاد بحطة بلدية خلاتو يبان اكثر جاذبية ملفتة..جلس فوق الناموسية تالبس تقاشر بيضين جبد البلغة صفرة سرحها حيث باقي جديدة لاحها فلارض وخشا فيها رجليه...هز تيليفونو وواحد الملف فيه الاوراق كاملة..خرج من البيت ونزل لتحت مشا نيشان باش يخرج فالصباح سول على فرح واطمأن عليها انها مزيانة عاد خرج بزربة قضى اشغالو...داز من حدا نجية وفاطنة وصفاء...
صفاء"ضربتها ريحتو تا غمضات عينيها" : احاااااااا على الحا ولد الحااااا...ااامي تي شوفي راجل كي داز داير...
فاطنة : تباااارك الله ياربي من زيناتو راجل...
نجية"تنهدات بحزن" : اييييه من زيناتو ياربي وميستاهل يتخاصم هو وعصام...
فاطنة : وخا هازة من جيهة عصام على مادار فختو بالحق بقا فيا انجية مانكءب عالله الي دار على ختو تا كبرها مايديروهش واليديها ياربي وكي طرا لشيطان تا دخل بيناتهم يا سيدي ياربي...
نجية : الله يحنن القلوب وصافي..زيدي زيدي شوفي طياب لا تخليش الطيابة وحدها..ورجعي دخلي عند المراة الي جات هي وكنتها شوي وتجي نعيمة مرت خال فرح وخالها وولادهم...صفاء سيري شوفي فرح واش لبسات ولبسي تانتي لا نخليوهاش تگولي ميت ليها الميت...
خرج هاز الملف فايديه...دخل البنية الي بناو على حسب الطهارة لليوم الموالي الي غاتكون فيه...وفنفس الوقت غايكونو طلبة اللية..قلب بعينيه على فين جالس علي وولادو ودراي..حتى تم جاي ريان وفوزي...
زين الدين : الحاج زهيد ؟!
ريان : راه فين جالس قاليك واش واجدين الوراق تكتبو دابا ولا كيفاش...
زين الدين"شاف ففوزي" : شنو نتسناو خالك وولادو ؟
فوزي"شاف فساعتو" : غايكونو وصلو دابا شي خمسة دقايق هادي قاليا هاني فالدخلة و"بانو ليه جايين معاهم مراد الي وراهم دار" هاهمااا..."جاو كاملين سلمو عليهم نعت ليهم زين الدين فين يدخلو يلحقو على مرات علي وكنتها..دخل منير لبنية لحق على خوه.."
زين الدين : شنو دابا نتسناو ؟!"معنى ليه على باه اما عصام طفا عليهم التيليفون من كثرة ما عيط ليه فوزي.."
فوزي"حط ايدو على كتف زين الدين" : خويا زين الدين قضي غراض...هذا الجهد خلينا هانيين هذاك براكة علمناه درنا فيه خير المهم الي بغينا را دور علينا وجهو..خلينا مسلكين تا يحن علينا الله...الى فمكتابك اخويا را مكتابك..المباركة رجعت لينا.
ريان : زين الدين "ضار عندو زين الدين وهو يشير ليه براسو يشوف" تكلم..
زين الدين"كمش حجبانو كيتسائل حتى دور وجهو فين نعت ليه..تا بان ليه جاي يقاد فقب جلابتو الزيتية جايبو وليد"
وليد : كنت خارج كنهضر فالتيليفون تا لقيتو كيسول على دارك قاليهم طبيب البغدادي...من سولتو سكون نتا قاليا المخنتر نسيبك...
فوزي"دور وجهو لهيه بدا يسب فالملة وطاسيلة هههه"
المخنتر" حيد ترازتو" : تا شخبااار نسيبي ههههه."مد ايدو يسلم عليه"امضرا تكاتبتو شي؟ "ضار عند فوزي" اجي اداك المسخوط فين داك المجعور ديال خوك ؟
زين الدين"جهد صوته تا قفز المخنتر" : الخياااالي تحرك دخل عند الناس ديك الهضرة بعيدة عليك...
المخنتر : واخا ولدي حسن مابغينا مشاكيل..هذاك كي كان كي مكان فيه غا الصداع وتبلبيل..."هز عينيه بان ليه زين الدين ضارب تخنزيرة ماعقل على راسو امتا دخل تا جلس حدا مراد وسيمو"
سيمو : اهلا خنتورة غبرتي تا بيضتي وغلاضيتي..
كي دار وصل تما كي دار تا عرف فين يسول خلا فوزي يتمتم بالسبان ههه..اما ريان حبس الضحكة ومشا يجري دخل يضحك حدا مراد على خاطرو...وليد ولا يرمش فعينيه خصوصا من شاف تخنزيرة الي ضرب زين الدين كيعرااااااف معناها بالي حاقد مكره ماكرهش يشتف على المخنتر تما...
وليد : ندخل اخويا ؟"شافو مجاوبوش وهو يحدر راسو ودار سرررت دخل فين جالسين الناس.."
زفر زين الدين انفاسو بغضب محاول يتحكم فراسو فهاد اللحظة وفهاد اليوم المهم عندو..رجع ضار عند فوزي ربت ليه على كتفو باطمئنان..ولا دخل فوزي عندهم. جلس حدا جدو الي جلس فكرسي عادي حيث ولا شوية وخا هكاك مزال الصحة عيانة...اما زين الدين عيط لريان...
زين الدين"مد ليه الملف" : عطي هادو لحاج..علمو يجي لفوق علم الحاج المحجوب فوزي وخوالها والحاج علي يكونو لفوق...وياك يجي باها نتفاهم معاك.."حرك ليه ريان راسو رجع زين الدين دخل لدار بانت ليه صفاء شير ليها تا جات عندو.." فرح واجدة ؟
صفاء : عاد كنت عندها واجدة..غير دخل عندها.."حرك ليها راسو ومشا مخليها كتشوف فيه حمقها بجهد بديك الكاريزما واللبسة والجاذبية والرزانة الي فيه وجهو بشوش وخا هكاك..كتحسي بيه ولد الخير...طلع الفوق حل الصالون ممشاش عند فرح تا شوي تمو داخلين الرجال خوال فرح وجدها وولد خالها ياسين..فوزي علي والعدول جاي هاز شكارتو لابس جلابة حمرة وطاقية فنفس اللون حادرين روسهم كيحنحنو باش العيالات يتخباو تا طلعو لفوق الصالون الي كان مفرش على حقو وطريقو بفراش بلدي...حطو صبابطهم ودخلو من بعد ما سماو الله...
العدول : يا بسم الله..."شاف فزين الدين" كلشي واجد هنا ياك اولدي...
زين الدين"حرك راسو" : ماشي مشكيل شوف وتأكد...
العدول : واخا ولدي.."هز دوك الوراق قراهم كاملين وهو كيقراهم كان فوزي وجدها وخوالها متمنييين لو كان عصام الي واقف بفرحتو بيها ميخلي مايجيب وهو بنفسو كيوقف على كلشي...جبد فوزي التيليفون يعاود يصوني ليه يلاه صونا تا فرح قال غايهصر معاه ساعاك قطع عليه حس بقلبو تقسم من النص...رسل لصفاء ميساج"
فوزي : صوري فرح ورسلي ليا صورتها عافاك اختي.."رسلو وخشا تيليفون فجيبو ورجع كيشوف مربع ايديه وواقف..تا جبد العدول واحد روجيستر..وشي وراق واجدين..
العدول"هز نضاصرو تا شاف فزين الدين" : الصداق اولدي ؟!
جدها : يتهلى فيها يديرها بين عينيه يحسبها بنتو قبل ماتكون مرتو..يحسبها ختو يسحبها راسو..يهتلى ليا فيها ويتهلى ويتهلى يحسبها عينيا باش كنشوف يسحبها كبدتي الي عندي..مابغيتهاش ترجع تبكي بغيتها ترجع حسن من اللول بغيت بنتي ترجع ضحك..هذا هو صداقها...
زين الدين"قرب لعندو باس ليه راسو وايدو" : مايحتاجش توصي الحاج.."شاف فالعدول وغمزو هو يتصرف" شحال ماتحتاج كلشي ديالها...
العدول : وخا ولدي.."رجع كيكتب شحال وهو كيكتب" فين هي نسولها ؟!
زين الدين"مايقدرش يجيبها لعندو ولا يخليه يدخل عندها" : ماعليش تحجب ؟!
العدول"مد ليه روجيستر ودوك الوراق" : هانتا ولدي سني نتا هنا وهنا وهنا وعطيها تسني فحالك قبل غانمشي معاك فصل بيني وبينها وانا نسولها"حرك ليه راسو وشد من عندو..سناةفين وراه... ناض العدول تبع زين الدين...تا وصلو لبيتها حل الباب مع حلو بانت ليه جالسة عاطية بالضهر..حنحن وهي دور عندو طالقة شعرها الاحمر كتشوف فيه بوجه عااادي مدايراش حس المكياج ووخا هكاك نازل عليها واحد السر..خصوصا حناكها الي كانو مزنگييين..وداك التشامير البيض الي عطاتها صفاء مابغاتش تلبس ديال جوهرة ولبساتها هذاك وخا هكاك حمقاااتوو بانت فيها شي حاجة فشكل.."
زين الدين.: فرح مزيانة"سولها بعينيه"
فرح"بقات كتشوف فيه جاها فشكل بديك الجلابة الي لابس..حدرات راسها وحركاتو ب الايجاب"
زين الدين : ماعليش يسولك الحاج"شافها تبدلت" شش ماتخافيش انا معاك هنا وهو برا عطيه جوابك وخا"حركات ليه راسها..دور راسو جيهة العدول" الحاج تيسر...
العدول : بنتي فرح الخياالي..قابلة بنتي بهاد الزواج على سنة الله ورسوله...
فرح"نطقات بصوت مبحوح" : ق قابلة.."مشا ليها صوت تا رجعت كحبت وعاودت نطقت" كحكح ق قابلة..
العدول : شحال بغيتي فصداقك ابنتي ؟
فرح : مابغيت واالو مابغيت حتى حاجة انا قابلة وصافي..
زين الدين "عينيه عليها غير هي..حتى سمع العدول كيقوليه عطيها تسني..عطاها روجيستر وراها فين تسني من بعد ما مد ليها ستيلو..شدات ستيلو وبدات كتررعد تا كتبغي تسني وترجع ترعد" : ششش فرح !!
فرح"هزات فيه عينيها مغرغرين" : هاني هاني.."صرطات ريقها يلاه غاتبغي تسني وترررعد بزز باش قدرات تسني عطاها الورقة الثانية سنات فيها وثالثة...تا نزلو دموعها يجريييييييييووو.." اهى اهى اهى...هاااني سنييييييت سنيييييت اهى اهى والله تا سنييييت"هزات فيه عينيها كيجريو بالدموع عوجات راسها" سنيييييت صافي باش نبقى هنا سنيت باش تخليني معاك وماتدينيش لهاديك البلاصة.ياااك ؟...
زين الدين"هز ايدو دوزها على شعرها وهبط بصباعو مسح ليها دموعها" : ششش مايكون غير خاطرك..سنيتي وهانتي معايا بالحلال مكاين الي يشدك...بقاي بخاااطرك وراحتك معايا مع راجلك...بقاي فدارك "قرب مزيان تا جر ليها راسها عندو حط شنايفو على جبهتها مطووووول فالبوسة تا غمض عينيه ورجع حلهم ونطق وشنايفو باقيين فجبهتها" مرحبا بالمراة ديالي فدارها....
شعور فشكل زوين لكن فضروف غلط ووقت وخا ماشي مناسب الا انه كان ولابد من هاد الخطوة ك اخر حل بالنسبة ليهم...وبالنسبة ليها هي وقرارها وحالتها ونفسيتها...بعدات راسها وحدرات عينيها...يلاه غايهضر زين الدين حتى نطق العدول من بعد ما عطاها تسني...
العدول : سنات اولدي ؟
زين الدين"دور نص وجهو" : جاب الله التيسير الحاج...
العدول : بارك الله لكما وجمع بينكما في خير...جيب ليا روجيستر والوريقات اولدي باش نكمل...
زين الدين"ضار عندها" : مسحي عينيك من دموع براكة عليك.."سد روجيستر والوراق فايد وناض وقف..ولايد لاخرى دارها فجيب الجلابة" شوي ونجي عندك...
مجاوباتوش اما هو حدو بقا كيشوف فيها شوية وضار خرج من البيت وصل على العدول وعليهم فالصالون مع دخل لقا فوزي واقف هو ريان...
فوزي : صافي تقضى الغراض ؟!
زين الدين"حرك ليه راسو" : كلشي مزيان...
ريان"ربت ليه على كتفو" : مبارك ومسعود اخويا...
زين الدين"تنهد تا بغا يقول شي حاجة وولا حرك ليه غير راسو بشكر لا غير"
عطا العدول روجيستر ديالو يكمل..مشا نيشان لعند المحجوب تحنى على ركابيه مقابل ليه من بعد ما باركو ليه خوالها ورد ليهم التبريكات..هز عينيه فالمحجوب وشد ايدو كمش فيها من بعد ما باسها...
زين الدين : حط ايديك ورجليك الحاج فالما البارد من جيهتها..
المحجوب : ترجع كيكانت اولدي...
زين الدين : ان شاء الله..."هز المحجوب ايدو وحطها فوق ايد زين الدين مطبطب عليها...ناض زين الدين باس ليه راسو بقاو شوية تما حتى كمل العدول وعطاه موعد امتا يجي ياخذ الورقة العقد مصايبة بالنسخ ديالها...نزلو كاااملين لتحت الا زين الدين بقا موخر..وقف حادر راسو من بعد ما بانت ليه نجية...
نجية : امضرا وليدي ؟!
زين الدين : تيسرت اميمتي...
نجية"تبسمات تا دمعو عينيها" : الله يااربي وا مزيااان اولدي..
فاطنة : مبارك ومسعود اولدي والله يكمل بخير والله يجب الشيفا والعفو من عندو...تهلى فيها ولدي را يتمية الحيين وزهرها قلييل فهاد الدنيا...ماشافت الفرح من نهار حلت عينيها والله يجمع شملها مع خوتها هذا مانگول...
زين الدين : اللهم امين اميمتي...
صفاء : نطلع عندها خويا صافي ؟!
زين الدين"حرك ليها راسو وضار مشا خرج.."
فاطنة"يلاه غاديا طلع صفاء تا عيطت ليها دخلت تجري لكوزينة هزات بلاطو صغير فيه كاس حليب منسم بالزهر وطبسيل صغير فيه تميرات نوع الممتاز.." : عطيها تشرب هذا وخا كلشي ناشف..تحلي بهذا تزهر ايامها...
صفاء : موحاال تشربو امي..
نجية : تي دي ليها تشرب تشرب ابنتي غا حاولي شي معاها..
صفاء"هزات كتافها" : واخا نشوف"هزات بلاطو داتو دقات الباب ودخلات لقاتها جالسة شابكة صبيعاتها وساهية.." هانا على صحيبتي تزوجااات ههههه...
فرح"دورات راسها عندها"
صفاء"تحنات بشوي باستها فحنكها" : ماخلعتكش دابا ياك ههه
فرح"مسحات عينيها من دموع" : شكون احم شكون كاين برا ؟
صفاء : كان العدول وجدك وخالك عبد العالي..وكاين خالك منير وهنا وياسين ومرات خالك نعيمة باغين يشوفوك وماقدروش فيك مايشوفهم ؟!
فرح"تنهدات وهي تحرك ليها راسها ب اه"
صفاء : انا نخرج نقوليهم يجيو عندك..ولكن شربي هاد الحليب وكولي هاد تميرات قالت ليك مي حلي بيهم وماترديهاش فوجهها ههههه...
فرح"شافت فالكاس الي مادا ليها..حركات ليها راسها وشداتو من عندها بدون ما تردد مابغاتش تردها فوجهها خصوصا كتشوف كيفاش دايرين عليها وحاسبين حساب لخاطرها...شربات منو عطاتها تميرة كلاتها ورجعات كملات الكاس كانت حاسا بالعطش ولات سكلات عليه..عطاتها الكاس حطاتو فالبلاطو"
صفاء"حطات ايدها على كتف فرح وشافت فيها بحب" : مرتاحة دابا ؟!
فرح"حركات ليها راسها" : مرتاحة...
صفاء : انا بعد غذا غانرجع انا ومي وخالتي نجية وسيمو..الى بغيتي نهضر مع خويا زين الدين يزيدوني فالكونجي ونبقى معاك...
فرح : لا لا غير سيري لخدمتك انا مزيانة والله"نزلات واحد دميعة جنب عينها" ماعنديش مشكيل مادام انا لاقيا راحتي هنا غير سيري..
صفاء"تنهدات" : وخا وليني فينما تبغي تهضري معايا انا موجودة وگروبنا انا وياك وسيمو باااقي كيتسناك غير ترجعي هههه...
فرح"هزات فيها عينيها" : بهاديك نمرة وتيليفوني القديم ؟!..مابغيتوش مابغيت حتى حاجة...الى بغيت نهضر معاك عطا الله باش نهضر...
صفاء"صرطات ريقها نسات بالي تيليفونها ونمرتها خذاهم ليها عصام ديك الايام..لعنات راسها مية مرة الي قالت ليها هاكا.." : احم وخا الي عجبك احبي ههه..مهم انا نوض نقول ليهم يجيو يشوفوك..."هزات البلاطو وخرجات من البيت كتسب فراسها الي فكرتها فالتيليفون..حطات البلاطو فالكوزينة الي مشقلبة بالگوامل ديال طياب ورجعات الصالون شافت ف نعيمة"خالتي اجي نتي وهناء تسلمو على فرح...
لبنى"العروسة الي حضرات ليها فرح عرسها بزواجها من ولد علي" : افين امضرا كتبو العقد ؟!
صفاء : هههه وايه كتبو العقد غير دابا شي ربع ساعة...
امينة"مرات علي..على نيتها بالفرحة على زين الدين بدات تزغرت ومع عندها واحد تزغريتة مجهدة" : يوووووويويويويويوويوووويييي..."تبعاتها مرت ولدها"
وصلات لمسامع فرح فالبيت تا غمضات عينيها ودارت ايديها على وذنيها حسات بالضو داز بين عينيها. وهي كتحاول تسد وذنيها وماتسمعش صوت زغاريت....
بقات دايرة ايديها على وذنيها حتى حبسو زغاريت...اما عندهم ناضت نعيمة الي كانت باقا بجلابتها وشالها وبنتها هناء بكسيوة صيفية فالاخضر فوق منها كاب خفيف مورد طويل مع طول الكسوة جامعة شعرها الذهبي الفوق...تبعو صفاء تالبيت من بعد ما دقات عليها وطلات لقاتها كتمسح فعينيها من دموع...
صفاء"كمشات حجبانها" : فرح مالك ؟
فرح"كتمسح فعينيها بزربة" : و والو واالو...
صفاء : وخا..ها خالتي نعيمة وهناء يدخلو وخا ؟"حركات ليها راسها وهي دور عندهم شيرت ليهم باش يدخلو...طلات نعيمة براسها عليها مبسمة ووراها هناء"
نعيمة : بنيتي الحبيبة هاني جيييت.."دخلات لعندها ووقفات ماقادراش تمشي جيهتها تاتشوف اش غادير وفرح بدورها لقات نعيمة فحال شي حد جاها فالوقت المناسب تحط عليها راسها وتطلق العنان لدموعها الي باغا تنزلهم من ورا ماسمعات تزغريتة...وقفات وقربات ليها كتقرب بشوي بشوي حتى انهارت ماقدراتش تكتم دموعها كيف العادة لقات الكتف علاش تحط راسها بقات تبكيييي تبكي حتى بدات كتنخصص...جات تحط نعيمة ايدها فوق شعر فرح قفزات وهي تبعد شوي" مالك ابنتي..
فرح"كتمسح عينيها" : ماماليش.."هزات عينيها ف هناء الي قربات لعندها بشوي تاهي عنقاتها وبعدت"
هناء : كي بقيتي احبيبتي شوية ؟!
فرح : الحمد لله..
نعيمة : مبروك ابنتي الزواج الله يفرحك ويجعل ايامك كلها فرح ففرح..الله يجمع الشمل والله يكمل عليك بالخير...
هناء : مبرووك احبيبة ديالي..."حركات ليهم راسها" ماتخرجيش تجلسي معانا فالصالون ؟! كاينة انا وماما كاينة خالتي امينة ولبنى العروسة الي حضرنا عرسها ديك الليلة عقلتي هههه..
فرح"رجعات بيها ذاكرة ديك الليلة."
~~~~~~~~
زين الدين : ماعاش ولا كان الي يغبن ليا الكبيدة ديالي...
-طلقيني خلاص بغيت نمشي نعس الحبس...(طبعا عصام هذا لكن هي تفكرات الجمل الي قال اما بالنسبة ليها هو مابقاش)
~~~~~
فرح"هزات ايدها كتحك فجبتها" : لا لا خليني هنا عافاك "كتصرط فريقها" خليني خليييني اهى.اهى...
صفاء : صافي صافي بقاي هنا..."ضارت غمزاات هناء وهما يحدرو راسهم وخرجو من بعد حسرة وحزن على حالتها...بقات نعيمة خارجة وكتدعي معاها بالشيفاء وصلح الاحوال ولم الشمل وهاد الكلمة الاخيرة بقاات كتردد فيها وتعاود وطبعا المقصود شملها مع خوتها الي مكانوش كيضنو غايوصلو لهاد المواصل خصوصا ان علاقتهم كانت جد جد مميزة وشوف الحال فين وصل بيهم..."
فالخزانة من بعد ما خرجو الرجال...كانو طويبلات محطوطين معدودين ماشي بزاف مجموع خمسة طوابل...وكل طابلة جالسين فيها سبعة بحكم كاينين الطلبة وعاد هما والمعارف وشي جيران تما...دار جارتهم الي غايطهر الولد كانت محلولة هي ورياض زين الدين كيتنقلو بين هنا وهنا...فطابلة من دوك الطوابل جالس فوزي حدا باه معاهم نيت دراري...وفنفس الوقت يرد البال معاه لا يغفلو ويدخل عند فرح..
المخنتر : شتك بارك ليا عند قمونتي ياك شي باس مكاين ؟
فوزي"هز فيه حاجبو" : مالك تبرزطتي ولا ؟
المخنتر : وحسب قلقتيني...
فوزي : ايوى حلها وسكت(كمدها وسكت)..
المخنتر : وليتي تواجبني بوجهك حمر !؟
فوزي : تقادو ليا الكتاف معاك..حلال المخنتر حلال..
المخنتر : داك خوك علاش غاطس مكون مالو على هاد الحالة لاش هازها منين تقالت هاهي دارت عقدها وخا محضرتونيش منعؤف علاه...
فوزي : خويا معندك بيه غراض والعقد معندك لاش تحضر درنا معاك الواجيب حيث بوها اما بزاف عليك تحضر وخليني ساكت لا نجبد ليك الي ميعجبك تاني...
المخنتر"خنزر فيه" : ومالي الي منحضر ؟
فوزي : المخخخنننترررر سكتنا يرحم بيها بوك الي خلا ليك داك الورث فين تجلى علينا ثاني...سكتنا...
المخنتر"يلاه بغا يجاوبو حتى تسمع صوت تيليفونو لايحو ف قبو بقا يجبد فيه بنترة وعينيه مخنزرين ففوزي..جبد واحد تليفون صغير مدور عليه لاستيك ديال شمع..جاوب ب صوته المجهد تا كلشي ضار يشوف" : وااااش كاين امحمد...
محمد : وتا فين زهقتي ادااك يا ؟
المخنتر"كيهضر بالغوات" : وراني كي جاتني داك الخبار على بنتي فتارودانت هااو جيت نجري لجديدة وشديت الكار ديك ساعات...
فوزي"نغزو" : نقص صوتك اسي...
المخنتر"ماداهاش فيه اما زين الدين كان جالس فوق الكرسي مسرح بجنب داير صباعو على فمو عاقد حجبانو مخنزر كيشوف فلارض وفنفس الوقت كيسمع المخنتر" : شكون الي حداك ؟ واهييلي ههههه وتا گول ليه يبرك تم يتسناني صباااح نجي نشااعلاه گوليه راني فتارودانت جيت جوجت بنتي..هههههه وااايه ونسييييب زين تبارك الله ما فضلتو گدامك اهههههععههه رجال يحلفو بشلاغمو...واشن را البنية وحيدتي هاديك هههههع...
زين الدين"هز حاجبو وتگعد دور راسو بالعرض البطيء شاف ففوزي"
فوزي"نغزو بجهد تا ضار عندو مغوبش" : سد علينا الحبس را ناس كيسمعو"خنزر فيه"...
المخنتر : وشتي اش دير وگطع گطع تانتسامعو نشاعلاه..وايلي ههه وزردة ولابد اصبر تجي الجديدة ونديروها ليها تم..."قطع معاه وضار عند فوزي" تا مالك اش كاين ؟"دور عينيه يشوف تا بان ليه زين الدين ضاير مخنزر" هههه ياكما صدعتكم اولدي..
خطوات بريييئة..خطوات رطبة..خطوات معارفينش شنو جايبة ليهم الحياة فالمستقبل..لو كانو يعرفو الي غايجرا كانو مايكبرووش ولا يعيدو حساباتهم من اول ما غادي يوعاو...مدات ايدياتها المبطبطين شادة فجناب السداري وغادية كتمشى معاونة بيه ومرة مرة كتوقف وتبدا تشطح والتسرويلة من لور هازا ليها الكسيوة الوردية..مدات شنيفاتها الورديين كتفرفر بيهم وريوگها يطايرو...
هي : ابڤڤ...اغوووو..."تمدات ليها ايدو كايضحك"
هو : اش بغيتي هههه
هي : ففف مم مووون ننن...
هو : اش كتخربقي عليا تما هههه
جات عندهم هازا ولدها الي شاد مصاصة فايدو فمو كلو مجلخ بيها حتى توسخ...شافتو واقف شاد ليها فايدها وهي كتبجغط عليه...
هي : بغات مونادا يلاه عطيتها شوية مطمطات بيها فمها عجبتها الحلاوة هههه
هو : علاش امي نجي تعطيها ليها قالت ليا مي فاطنة غادي ضرها فييي كرشها...
نجية"دوزات ايدها على شعرو وحطات ولدها فلارض مشا يجري يلعب" : هههه خفتي عليها ولا ..ماعندها مادير ليها حيدت ليها من الگاز بواحد لبابة ديال الخبز وعطيتها ضاگتها(ذاقتها)..اجي نتا مغاديش تقرا...
هو : ماقارينش اليوم..وصلت فوزي لمدرسة وجيت..اصلا مابغيتش نقرا امي ممعمرش ؤاسي بيها...
نجية : وعلاه اولدي ؟! بغيتي نتقلق منك اعصام ؟!
عصام"هز كتافو" : ماتقلقيش امي نجية..انا مانقدرش نخلي ختي فرح وفوزي كيبقى بالي معاهم..كنخاف عليهم من با شحاال من مرة لقيتو كيضرب فوزي.فاس مكنكونش..والى خليتهم معاك حتى نتيا كتبرزطي معاهم..وزايدون انا براكة عليا رابعة عاودتها عامين.اصلا امي راسي مابقاش ديال القراية"شاف ف فرح الي مدات ليه ايدها لاخرى وهي كتهبط وطلع بغاتو يهزها" تقرا غير هي وفوزي..
نجية : ايه واش دير تبقى غير فدار ؟! بغيتي تكل على بوك مايعطيكم ريال ولا يدخل عليكم ماكلة حتى يهضر معاه جيلالي راجل فاطنة عاد يتقدا ليكم ؟! ولا الى دخلتي شي ريال من دوك الفيرمات الي كتمشي ليهم تخدم بالنهار وتجي فالليل تغبر على قرايتك بسيمانة وجوج تا ضوبلتي...فلاخر دخل طناعشرمية (60 درهم) ولا الف ريال لسيمانة ولا ربعيام...قرا ولدي باش تخدم وتدخل فلوس صحيحة عليهم والماكلة وتعيشهم لا بغيتي يقراو ويعيشو.مزيان..
عصام : لقيت خدمة ؟!
نجية : فاش..
عصام"تحنى هز فرح حطها فوق حجرو..وهي بقات كتمد ايديها وتسحب تا وقفات وعنقاتو حاجة راسها على كتفو منخششة فيه كتغمض فعينيها بغات تنعس"
فرح : اغوووو صام..
عصام"حط راسو على راسها" : واحد الحاج كنت مشيت مع الي مقابل الفيرما ديال الگرعة حطيت ليه شي صنادق بغاهم الحانوت گاليا بغا متعلم لحانوت ديال الگزارة ف لالة زهرة غايعطيني ربعلاف لسيمانة ومقدية على حسابو نجيبها لدار..
نجية : مزيانة هاد الخدمة ولدي..غا هو نتا صافي ضربتي على القراية ؟
عصام : ماناجحش امي ماناجح لاش نضيع وقتي ؟ خليني نخدم"طل على فرح لقاها حالا فمها تشخر"ندخل ليهم الماكلة غير فوزي البارح بغا دفتر مية ورقة تسلفت غير من عند با سالم عطاه ليه...
نجية : وعلاش ماگلتيها ليا اولدي نعطيك فلوسو"حطات ايدها على صدرها" راه ولدي تانا راكم ولادي بغيت نعز فيكم فلوس دفتار ؟
عصام : ماشي مشكيل امي نجية..خلصتو گبيلة..
نجية : الله يرضي عليك اولدي لا باقيشاي دير هاد القضية الي خصاتك گولها ليا نعطي لولدي.."قالتها ليه وخا عارفاه نفسو عزيزة ميقولش ليهم الى تزير...شافت فرح غطسااات فنعاسها" ويييلي كاع ما بدلت ليها تسرويلة...
عصام : انا نبدلها ليها بغيت نعومها ونعطيها تاكل باش تنعس قبل مايجي هذاك يكسرنا ويخلعها...
نجية"يلاه بغات تجاوبو تا بدا يغوت سيمو كسرها بالبكا...هزاتو وخرجات من بعد ما اكدت على عصام بالي غاترسل ليه العشا بلا مايديرو. وخرجات..اما هو وقف وحطها هكاك ناعسة مشا لكوزينة دار الما يدفا ومشا حيد ليها تسرويلة (هي زيوفة كيفرشوهم ليهم لتحت ديال قطن وكيجيبو سليب ديال ميكة مجموع او كيتعقد فجناب..والي داير لفرح كيتعقد وبحكم الفقر ماعندوش ديك الوقت باش ياخذ ليها ليكوش)..موصياه نجية او فاطنة باش يبدل ليها زوج مرات تال ثلاثة باش مطيبش.حيدها ليها عطاتو ريحة كلها جلختها" اش درتي المصيبة ههههه"مسح ليها بطرف النقي من زيوفة تا حلت عينيها بدات تبكي...جمع داكشي وهزها حيد المقراج لقاه طاب ودخلها لطواليط حيث كان كلشي غير بريك ومرطوب وكانت طواليط بلدية...دفا داك الما وهز صابونة ديال الكف غسل ليها مزيان وخرجها كتغوت وتشعبط فيه برجليها"
فرح : اعععععنن ااااااا...
عصام"مكمش فيها ويبوس" : صااافي صافي سمحي ليا سمحي ليا فيقتك وتعديت عليك هههه...صافي ندير ليك وحدة جديدة تاكلي ورجعي نعسي..."حطها فوق سداري جاب زيوفة جداد ناشرهم لقاهم نشفو وقادهم ليها مشا جاب ليها كينطة(بومادا) ذهنها ليها عاد لبسها تسرويلة جديدة هزها تاني فحضنو ومشا لكوزينة دار هرنيس فالحليب تا رطاب وجلسها فوق حجرو كيوكل فيها وهي ميتة بنعاس بزز باش كلات مسح ليها فمها وحط ليها راسها فوق كتفو ديك ساعة غفاات نيفها حمرر وفمها كذلك..تسناها تا شد فيها النعاس عاد حطها غطاها ودار المخاد بجنابها باش ماتسرحش حيث مفرشين غير فلارض..عاد مشا لديك تسرويلة الي حيد ليها داها لطواليط يصبنها باش ميجيش المخنتر يبدا يسب ويدوز ليها"...
شلل دوك زيوفة من كاكا الي دارت عاد رقدهم فالبانيو واحد شوي وجبد صابونة الكف فركهم مزيان تا نقاهم وشللهم بدون ميدير صابونة الريحة وهادشي كلشي من توصيات فاطنة ونجية..داهم بزربة لفوق نشرهم...نزل طل عليها ورجع لكوزينة عمر اتاي وخرج لقا شي دراري كيلعبو فالدرب جبد خمسة دراهم...
عصام : حمزة تقدا ليا...
حمزة : واش عند با سالم ؟"شير ليه لواحد لولد شهيب يمكن يلاه غايشوفو عصام فالدرب" ها يونس غادي لعندو يتقدا ليك
عصام : تقدا ليا "حرك ليه يونس راسو" جيب ليا جوج خبزات والباقي هرنيس وقول لبا سالم يعطيك نص ايترو حليب حتى لصباح ويخلصك فيه عصام را مابقاش عندو الصرف...
يونس : واخا.."مشا كيطير لعند سالم تقدا من عندو ليه ولعصام ورجع كيجري دق عليه عطاه المقدية" قاليك با سالم صباح دوز ليه فلوس الحليب...
عصام : واش نتا جديد فالدرب ؟!
يونس : انا ساكن فالدرب لور...جينا عامين هادي سكنا هنا...
يونس : واش نتا ولد الوزاني ؟!
يونس : اه انا هو يونس...
عصام : ااه مزيان.."رجع دخل عاود طل عليها لقاها لايحة الغطا ومفرشخة رجع تا غطاها وقادها ودخل قاد صينية حطها فوق طابلة جاب شوية زيت العود حطو وحط الخبز تا تسمع دقان الباب شاف ساعة كانت ستة ونص ديال العشية..ناض بزربة حل ليه الباب دخل كيجري حط شكارة حيد صباطو حطو عند الباب لبس صندالة الميكا ومشا لطواليط قضا حاجتو وغسل رجليه ووجهو كيف علمو عصام عاد خرج كينشف ودخل عليهم البيت لقاه حاط طويبلة صغيرة حاط فوقها اتاي وخبز وزيت...
فوزي : فيا جوووع...
عصام"جالس حدا ختو طاوي رجل وموقف ركبة لاخرى كيقلب فالبراد" : صبر نراجع البراد( نراجع هي نقلبو بالدكالية).مالك تعطلتي ؟!
فوزي : كان عندنا المدير گالينا نهار سبت غايجي عندنا الكلون ههه وغادي نديرو اليوم العالمي للمعلم...
عصام"كب ليه كاسو حطو ليه" : مزيااان...
فوزي : بغيت نمشي حتى انا نشوف كلون ولكن مانقدرش...
عصام : علاش ؟!
فوزي"عينيه غرغرو" : خاصني فلوس بزاااف..وخاصني ندي حتى انا كيكة ومونادا...معاد الي معايا خلص ديك ساعة وماماه غادير ليه كيكة وغايشري مونادا...قاليا باش نمشيو قلت ليه عندنا ضياف ياك ؟!
عصام"حدر عينيه مالقا ميقوليه شوي رجع شاف فيه" : شحال خاصكم ؟
فوزي : بزاااف ديال فلوس ههههه"نتش من الخبزة دارها فزيت بدا ياكل ويشرب فاتاي...
عصام : سولتك شحاال خاصك ؟!
فوزي : عشرة دراهم...
عصام"سكت كيشوف فيه حدر راسو كياكل ويطل على فرح الي جابدة عليه...دار صباعو على فمو بتفكير..بقا كيفكر حتى برد ليه كاسو وهو ساهي...تا ناض وقف مشا لمخدة ديالو حلها جبد منها عشرين درهم.." : سير عند سالم قسم هادي على جوج شد عشرة دراهم والعشرة دراهم لاخرى عطيها لمي نجية تشري باش تصايب ليك كيكة ومونادا هذا جهدي عليك تانشوف كيفاش وسير حضر نهار سبت...
فوزي : وايلي ههههههه حلف بالله...
عصام : والله...
فوزي"ناض وقف وطار عليه عنقو يبوس ويعاود يبوس ليه فحناكو الي بدات لحية كتسطر فيهم ويبانو ملامحها وخا را صوت دعدع وغلاض راسو.." : ههههههههه
عصام : صااافي صافي هههه سير دغيا قبل مايجي بوك...
طار بزربة خرج..يلاه كيشوف ففرح حتى سمع صوت الباب تحل ودخل كيف عادتو طالق الغوباشة حتى بان ليه ضو شاعل دخل ينگر.
المخنتر : لاش شاعل هاد ضو ؟!
عصام : الحال ضلم ابا نبقاو فضلام ؟
المخنتر"طفا عليه ضو" : تاتولي تخلصو انت وشعلو مزيااان تبارك الله السيبة ولات عندي هنا فالدار..."مشا كيطل تالقاه مفرش لفرح واحد المانطة كحل بالعما" لاش مفرش ليها ديك المانطة ؟؛
عصام : لقيتها وفرشتها ليها علاش ؟!
المخنتر"مشا بزربة دفعها تكركبت لهيه حتى ناض عصام شدو من ايدو بدا يدفع فيه من عليها" : طلق ينعل والديك نتا وياها
عصام : مااادفعهاااااااااااااااش مادفعهاااااااااش...تفرق عليها.
المخنتر : حيد اعدو الله حيد نهز المانطة..لا بقات فيك هاد الملگطة سير شري ليها المانطة..حمد الله مخليكم فداري اما الكلب بوك نتا وياها على رقبتي لا فزنقة...حيد ينعل جدر والديك الكلب...حيد اولد الخانزة...
عصام"مشا لفرح حتا عليها هزها بين دراعو نخششها فيه تا فاقت مخلوعة...وعينيه مخنزرييين فالمخنتر الي هز المانطة ويسب"
المخنتر : الله يعطيكم مصيبة طيركم عليا..."هز المانطة وضار " اتفووو على تريكة كحلة...انصييييب شي قواد حط ايديه على المانط انهااارو كحل زحل..."طلعو وهبطو هو وفرح"سكت الملگطة لا نصفگ مها دروك...سكت عليا بنت الخانزة"مشا ليها بغا يسكتها بطريقتو وهو يدفعو عصام تا كان غايجي لارض.." هاي هاي على ولد القحبة.."ضار كيقلب بعينيه بان ليه واحد لانطير ديال تلفازة مقطع مشا حتا عليه لواه فايديه ومشا ليه مع هز ايدو عصام كمش ففرح كتغوت كاسرة دنيا وهو عطا بضهرو مخبيها فيه من قدام نزل عليه بشحطة تا غوت لربي الي خلقو..بقا يضحط فيه يشحط يشحط وعصام يغوت وفرح جاهلة بالغوات..لاح الخيط ومشا كيسب ويلعن..ماقدرش عصام يدير ليه شي حاجة حيث فرح بين ايديه وخاف لا يلوحها ولا يهزها يديها ولا ممكن يضربها..هادشي يديرو المخنتر ويفوتو وعصام وراسو ماقاليه فهاد العمر الي هو فيه..
من بعد اذان صلاة العشاء ومن بعد ما صلاو..جاو الطلبة دخلو لخزانة وبداو تجويد الذكر الحكيم...صوتهم مكانش واصل لعندها بزاف بحكم البيت مسدود وعازل لصوت...ربعو رجال ايديهم كيتصنطو لتلاوة...اما ريان ووليد ومراد وسيمو وحتى فوزي وخا واقف على برا كيتسخر فالخزانة...كانو كاملين دراري كيسربيو على طوابل...حتى ناض زين الدين لعندهم..
ريان : خويا زين الدين بغينا شوية البخور وند...
زين الدين"خشا ايديه فجيبو جبد ليه الكونطاكت" : تحرك لطوموبيل كاينة ساشية تما فالكوسان حدايا قضي بيه...
فوزي"قرب ليه" : طليتي عليها ؟!
زين الدين : معاها صاحبتها...تهنى من جيهتها مامخليهاش بلا منشوفها...
فوزي"شاف جيهة باه" : شنو ندير لهذا الي لصق هنا ؟!
زين الدين : شنو واقع ؟!
فوزي : باغي يشوف فرح..
زين الدين"خرج عينيه بواحد تخنزيرة تا خلع فوزي كلو" : شنو شنووو ؟!
فوزي"هز ايديه باستسلام" : هذا الله..حشمت كاينين ناس وهو استغل هاد النقطة وداير مابغا...كنشوف تانعيا غادي نرجع الليلة ونديه معايا مايصبحش هنا...
زين الدين"هز صبعو" : والرب المعبود يوصل جيهتها مانديييرش بحساب شيبتو افوزي ومانديرش بحساب راه باك..
فوزي : لا جات عليا دير فيه شرع ايديك انا طلبت شرع وكلت فيه الله خرج لينا على حياتنا..ونتا درتيها غلاط اخويا لاش معيك ليه من لاخر...
زين الدين : بغينا نديرو المزيان صدقنا فتيهوديت...
خلاه ومشا دخل عند دراري لقا ريان واقف مع فاطنة كيعطيها فالساشية ديال البخور الي تقدا زين الدين...تا وقف عليهم عاقد غوباشتو شافتو صفاء وهي تخلع تا نغزات سيمو...
صفاء : تا مال عريض الكتاف...
سيمو.: فقصو خنتورة..
صفاء : اويلي اش دار ؟!؟
سيمو : ماسكتش اصاحبتي من الهضرة...تي را غير عاض فالنفس حشم من فوزي وناس اما كون قتلو وسط الخزانة..
صفاء : والله كون دارها مزية خزانة موجودة طلبة حاضرين غا لا مابغاش يموت ويهنينا...
زين الدين"شاف ف زاهية الي كانت واقفة بعيد دايرة شالها على فمها حشمات من دراري وخا را من صباح وهما يتصخرو ليها وعلى بنتها ام دري الي غايطهر والي تاهي كاينة غير داخلة مع طيابة لداخل..قرب لعندها ونطق" : محتاجة شي حاجة ؟!
زاهية : اوهووي اولدي الله يرضي عليك ومبارك عليك زواج اولدي الله يكمل عليك بالخير...فرحتي بيك اليوم كبييييرة.شحال متمنية هاد النهار يجي ونشوفك عريس...
زين الدين : اللهم امييين اميمتي...
زاهية : سير عند مرتك شوفها اش خاصها هي اما انا راك كفيتي ووفيتي الله يرضي عليك...
خلاهم واقفين حدا الكوزينة وشي حدا سقاية كقادو فالبلاطويات ديال الما وكيسان المونادا...ومشا لبيت حل الباب.
فرح"كانت واقفة كتشوف فشرجم تا سمعات الباب تحل وهي تقفز ضارت" : شكوون ؟...
زين الدين"سد الباب وراه عاد سافها مزيان واقفة بداك تشامير بيض..جامعة شعرها لفوق بقراصة.." : شش غير انا.."قرب عندها ريحتو واصلة." شوية دابا ؟!
فرح"حركات راسها" : احم ش شوية...
زين الدين : ماجاكش جوع ؟!
فرح : لا...
زين الدين"دور راسو لهيه كيحك فلحيتو وعوج فمو" : وكنتسنى منك تگولي فيا جوع..ماعليش شوي ويتحط العشا...
فرح : احم..بغيت نمشي لطواليط...
زين الدين : نمشي معاك ؟!
فرح : ااا ؟ لا لا نمشي راسي..م احم..ماخاوياش دار لتحت..
زين الدين : تقلقت راحتك ؟"هزات فيه عينيها وحركات راسها." شنو بان ليك طلعي لفوق لبيتي رتاحي فيه لفوق مافيه حد براحتك كلشي ديالك..."شافت فيه وهي تحرك راسها ثاني."اجي معايا..
سبقها هو لول حل الباب حنحن بصوتو تا ضارو عندو دراري وشير ليهم براسو وغمزهم باش يحيدو...عاد ضار عندها وشير ليها تبعاتو كتزرب تا طلعو لفوق مشات لدوش من بعد ما نعت ليها فين البيت كي تخرج تدخل ليه..اطمأن عليها عاد نزل لحق على الرجال فالخزانة...خرجات من طواليط ومشات فين وراها حلات الباب الي كان ديال خشب منقوش...دخلات بشوية سدات الباب موراها وهي دور راسها تا وقفات كتشوف فالبيت ماشي كبيييير بيت عاادي مساحتو عادية فيه ماريو فالحايط قهوي منقوش قدامو ناموسية فيها ساريات العود موقفين الخامية الي مغطيا ناموسية ضايرة بيها الي مفرشة بايزار بيض ومخيدات بيضين كبار كانو ثلاثة ووسط منهم وحدة صغيرة...وجنب ناموسية فالحايط مراية كبيرة ديال عود نفس نقشة الماريو ولون وتحت منها كوافوز...بقات شادة فالعود ديال ناموسية وكتشوف جلسات...حتى صونا تيليفون وهي دور لقاتو لايحو فوق الناموسية بقات كتشوووف فيه تشوف حتى تحل الباب وهي طير لسما ونزلت...
مع صونا تيليفونو ضارت تشوف لقاتو لايحو حدا المخدات مزال كتشوف فيه تا تحل الباب وهي طير لسما ونزلت تا شدات عليها صدرها مغمضة عينيها وريقها نشف...حلاتهم تا بان ليها داخل هاز فايدو بلاطو فيه الما وفيه كاس الحليب بالزهر بدون سكر...
زين الدين : شش ماتخلعيش..."مشا لتيليفون وطفاه دغيا"
فرح"وجهها بياض كثر" : حرام عليك خلعتيني"شدتها البكية"
زين الدين"حط البلاطو بزربة وتوجه لعندها..مد ايديه بشوي باش ماتقفزش وحطهم على شعرها كيدوز عليه بحناان تا وهي كترعد" : حرام عليا كاااع...انا نسخا نخلع الفرحة ديالي"طااالع ليه دم من جيهة المخنتر بزز باش مبدل ملامح ديالو فشردها.."
فرح : كنتخلع بزاااف اهى اهى مابغيتش هاد الحالة مابغيتهااااش مرضاتني...
زين الدين"تحنى عند ركابيها حط ايدو فوق ايدها" : محتاجة تهضري ثاني ؟ مرتاحة تهضري مع بروفيسور الي هضر معاك ديك المرة ؟!
فرح"شافت فيه" : انا ماشي هبيلة...
زين الدين"هز حاجبو" : كاملين محتاجينو ماشي حنا الي لقا الفرصة مايكرهش واحد فحالو الفرحة ديالي...ماشي بضرورة تكوني هبيلة ماشي بضرورة تهضري معاه تسماي هبيلة !! عيب فحقك افرح..."كيحك بايدو فوق ايدها" نتي هنا معايا فحمايتي تحت جناحي ماعندك مناش تخافي...الى بغيتي تبراي من هادشي الي گلتي مرضك وعييتي منو...ولابد ليك من مختص يفهم كيفاش ويعاونك تحيديه...
فرح : وع علاش ماتعاونيش نتا..ياك عاونتيني فاش ثقت فيك.."صرطات ريقها" فاش بقيت نغوت فديك البلاصة فين خليتيني حسيت بشي حاجة ضربتني حسيت بضو ضربني بين عيني..حليت عيني لقيتك نتا عاطيني ايدك ماعرفتش ولكن حسيت براحة "هزات كتافها" لقيت راحتي..انا عارفة مغاديش تبقى معايا مريم ومادايماش ليا ولكن انا كنت كنقلب على شي حاجة نحس براسي مرتاحة فيها مايجري عليا حتى حد مايخليني حد..حتى الفرحة مابغيتهاش بغيت غير نعس وتفيق وانا مرتاحة من صداع..."عوجات فيه راسها" هادشي الي بغيت"نزلو دموعها يجرييييو" ماشي من حقي ؟!
زين الدين"بقا كيشوف فيها وهي كتعاود بواحد طريقة تبكي الحجر..بواحد الحزن وواحد ترجي...هبط راسو تال ايدها وباسها تا حس بيها بغات تبعدها..هز فيها عينيه" : شكوون الي كره راحتو فينما كانت ؟! راحتك معايا..ماعليش ضروف جمعاتنا بهاد طريقة ماعندنا منگولو المكتاب هذا...ديري فبالك حاجة راحتي معاك..ندير جهدي كامل حتى وكان ترجعي كيف كنتي وعلاش لا حسن...
فرح"مسحات عينيها ونطقات" : عيييت بالبكا مكنحملوش ولكن تكتاب عليا نبكي نبكي نبكي..عييييت بزااااف..بغيت نرتاح...
زين الدين : ان شاء الله راحتك تلقايها..عضي فالنفس وخرجي من هادشي شوي بشوي..واخا"حركات ليه راسها..وهو ينوض" شفتي نسيتيني شنو رجعني عندك ؟!"وقف كيحك فلحيتو ويتفكر تا هزات فيه عينيها كتشوف فيه شوي وهو يدور مشا جيهة الماريو حلو هز واحد ساشية صغيرة...رجع لعندها قاد جلابية من قدام وجلس حداها مفرق رجليه جبد من ساشية واحد بواطة جلد مكتوب فيها اسم المحل ديالهم كاين حتى فساشية "B.BEGHDADi" حلها هي مكانتش كتشوف حتى حنحن وهي دور عندو حدرت عينيها تا بان ليها خاتم ديال ذهب عين وحاجب لول مرصع بحجيرات سامبل وثاني فيه حجرة لوسط فقط والباقي ذهب فذهب..شاف فيها" عطيني ايدك...
فرح"كمشات ملامحها" : بلاااش عافاك...
زين الدين"حرك راسو" : درت ليك خاطرك ماعليش صبري معايا..مابغيتيش صداقك ديري هذا ولابد منو فرح.."بقات شحال مترددة تا كتبغي تهز ايدها وتحطها..حتى جرها وسط ايدو دارو ليها فصبعها دوز على ايدها بصبعو كيحك عليها حسات بقلبها زادو ضرباتو بهاد الحركة..شوي جبد بواطة اخرى حلها جبد الخاتم..الي كان ديال نقرة ساامبل لكن فيه لداخل كتابة باحرف عربية مزخرفة وحداها تاريخ خاااص...هي ماشافتوش حدها شافت الخاتم الي جبد...وباش ميحرجهاش بغا يلبسو راسو حتى شداتو من عندو هز فيها عينيه الخضرين متفاجئ من ردة فعلها...
فرح : عطيني "شافت فيه بعينيها وهي تحدرهم بزربة ورجعت هضرت بصوت منخفض" نلبسو ليك...
خلاها على خاطرها..هز ايدو قربها ليها تا دخلات ليه الخاتم فصبعو ايديها كيترعدو وهي كتلبسو ليه حتى شد ايدها وعاونها تا لبساتو ليه...
زين الدين : صافي هذا جهدك ؟!
فرح"بصوت ضعييف" : مافهمتش...
زين الدين"مد ايدو لدراعها كيحك عليه بحنان ولطف وحب" : درجة درجة تيشتشونا درجة درجة.."رجع قاد الخاتم فصبعو حاس برعشة فقلبو شي حاجة فشكل تحركات فيه لداخل...وقف كيقاد فجلابيتو" رتاحي شوي ويجيبو ليك العشا لابد نبقى مع رجال برا.."حركات ليه راسها مشا تا شرب كاس الحليب بزهر الي عطاتو فاطنة وخرج من البيت مخليها برااحتها...غير هو خرج رجعات كتشوف فالخاتم وتحرك فيه ساااهية فتفاصيلو...وفزين الدين وفحالتها حتى خذاها السهو مدة طويلة تا تحل الباب عند بالها زين الدين دورات عينيها بشوي حتى خرجتهم على جهدهم وهي توقف كلها كتغزل تغزل تغزل..."
المخنتر : تبااارك الله على سندافة(هي دالحة دايعة) رجعات وتجوجت هههه وهاكا نبغيك..
فرح : بعد مني بعد منييييييييي بااااااااااااعااااااااد منييييييييييييييييي"طرطق ليها منخرها بالدم...حتى دارت صباعها فوذنيها وطلقات وااااااحد مولاتي الغوتة تا وصلات عندهم لتحت"
ماعرف راسو باش تبلى ولا يدور بجنابو ويدور يشوف فيها بغا غير يسكتها ماتلى عرف كيف يدير والي زاد كمل عليه غواتها بواحد الطريقة هيستيرية.حتى وصلهم غواتها تالتحت ومع كانو واقفين دراري برا على الطلبة كيعطيوهم يغسلو استغل الدهوة ومشا يهضر فالتيليفون حتى لقا الفرصة و دخل لدار...
المخنتر : اتي مالك على هاد الغوات ياك لباس ؟!
فرح"كتغوت وتررعد وهي كتشوف فيه فحال شافت العما فحال شافت العااافية الي كتلهب فيها فحال شافت بداية عذابها والساس ديالو فحال شافت النصف الاول من حياتها الي قتلاتو وسدات عليه فالمرة...فحال الى كتشوفي بوابة الجحيم الي كانت بالنسبة ليك ومصدر عذابك الي نتي طويتيه طويتي صفحة ديالو.." : بعد منيييييييييييييي وااععععععععع زين الدييييييييييين اهى اهى بااااااااااعد عطيني تيسااااااااااااع الله ياخذ فيك الحق...واعععععععع ااااااااااعععععععع..بعد مني بعد بعد...
صفاء"خرجات من واحد البيت حاطين فيه الگوامل تاهو حيث مفرقين بين البيت والكوزينة باش يقدهم...كانت هي ونجية فيه وطيابة اما فاطنة كانت فالصالون مع العيالات..." : اويلي فرح ؟!!!"طارت كتجرييي لعندها لفوق"
فاطنة : ياربي سلامة...
نعيمة"تاهي وقفات" : اويلي شكون واش فرح !!؟
صفاء"طارت كتجري دخلات عليها تالقاتو واقف حداها وهي كتغوت" : اويلي اش جابك هنا ؟ شكون طلعك لهنا اويلي حي واش باغي تقتلها ولا مالك ؟"غوتات معيطة لمها" وااااامييييي عيطي لزين الدين امي....خويا زين الديييييييين...
فرح : بعدييييييييه علياااااااا بعديه بعديييييييه"هزات ايديها كتخبط فراسها"
صفاء : صافي صافي هاهو غايخرج"ضارت خنزرات فيه" خرج من هنا حسن لييييييك خرج...
المخنتر : مالنا ياك شي باس مكاين ؟ لاش هاد الغوات امصبتي ماديري تنوضي تهرنطي عليا تم ؟!!!
صفاء"غوتات" : واااااااخراااااااج خراااااج واش باغي تقتلها واش هبلتي ولا مالك...
فهاد اللحضة الغوات الي بقات تغوت كانو دراري داخلين منهم وليد الي سمعو تا هز راسو لفوق هبط راسو لقا فاطنة خارجة شادة على صدرها ونجية تاهي نفس الشيء وزاهية تاهي كتشوف مافهمو والو...
وليد : اش واقع ؟!
فاطنة : ماعرفت يا ولدي مالها تا بدات تغوت...
مراد : كيفاش ؟! واش خليتوها وحدها ولا شنو ؟
فاطنة : طلعات عندها صفاء تشوفها مانصيبوش نطلعو عندها لا يكتر عليها بنادم وتخلع...
وليد : زين الدين "يلاه بغا يدور يعيط ليه تا بان ليه داخل" خويا زين الدين شوف فرح معرفت مالها"ماحتال يكمل هضرتو حتى لقاه طار كجريييي مشا طلع فالدروج عينيه خارجين ماتسناهش تايكمل حدو سمع فرح طار من حداه."
زين الدين"دخل عندها يجري تا بانت ليه مكمشة فصفاء وتبكي" : فرح مالك ؟؟؟
كيسول فيها وعينيه عليها بخوف مافهم والو حتى نقز المخنتر داير فيها قافز ونطق ويااااريتو مانطق ولا حتى بان...
المخنتر : تا را غير الرهوط اولدي حساب ليها غانضربها واش انا نصيب نضرب مولات العقل هههه
زين الدين"ضار بالعررررض البطييييييء شاف جيهتو متمني مايكونش هو متمني ماايكونش باش مايديرش فيه شرع ايديه..ضرب فيه واااااحد مولاتي تخنزييرة مخلطة بتخريجة العينين بواحد النضرة خااااايبة" : شنو جابك لهنااا ؟!
المخنتر : تا را بغيت غا نبارك ليها و"مزال كيهضر تا غوت زين الدين ...طار ونزل تا رمش عينيه"
زين الدين: اااااااااااااااشنوووووو جابك لهنااااااااا ؟!"مشا طااااير ليه حتا عليه بشنقة تا بقا دافعو دافعو دافعو تا خبطو مع الحايط حتى تزمعت زدااااف خلات صفاء غمضات عينيها وكمشات فيها فرح" اش جااااااااابك لهنااااااا ؟! شكون گال لعدو ربك دخل لهنا شنووووو وصلك لهناااااا....
وليد"ضار جيهة فاطنة" : علامن كيهضر ؟!
فاطنة ؛ ويلي شكون دخل عندها ؟!
زاهية"نقزات" : يمكن الى باها (غالبة عليها شلحة) هو الي جا هي دابا سولني عليها وقلت ليه فين...
نجية : يااا تي شكون باها ؟!
وليد : واش واحد راجل لابس جلابة وداير طاقية صغيرة على راسو ؟
زاهية : ايييه هو هذاك...
فاطنة"خبطات جنابها" : اويييييلي على المصدي هدو الله اش وصلو ليها...
وليد : وكيدار دخل بعدا حنا كاع ماشفناه كيدار دخل بسم الله الرحمن الرحيم. تفووو"حط داكشي من ايدو ومشا يجري رجع الخزانة يعلم فوزي..اما عندهم الفوق بقات صفاء كتهدن فيها تا بدات ترعد ليها بين ايديها وهي معنقاها وتبكي وتغوت ماعرفت تهضر معاها ولا تعيط لشي حد يجي يفك المخنتر من بين ايدين زين الدين الي صعر عليه"
المخنتر"بغا يهضر ماقدرش حيث شانق عليه واحد شنقة زيرات فيه كلشي"
زين الدين"مغززز سنانو وكيهضر" : ششششنوووو قرب عدو ربك هنااااااا ؟؟"زاد زير عليه غادي باغي يخرجو من تما حتى بدات تغوت ثاني"
فرح : اهى اهى بعد منيييييي بااااعد منييييييي..."غوتات لربي الي خلقها"
زين الدين"ضار عندها بغا يهدنها حتى لمح تحت منخرها كلو مجخلط بالدم ودموعها...خرج عينيه على جهدهم كحل بالعما وهو يدور لعند المخنتر شدو دور صباعو على قرجوطتو غرس صباعو فيها وايد مكمشة ليه فالكول ديالو تا هزو ملصقو مع الحايط عينيه خرجو بلحوحتو حس بيها على وشك تبجغ ليه بين صباع زين الدين" : حطيتي عليها ايدك القواااااااااااد "غوت تا بح صوته وهو يرجع راسو تا رجعو ونطحو لوجه فينما جات تا غوتات صفاء ودورات وجهها تنخششت ففرح"..
جا وليد كيجري لعند فوزي الي كان واقف كيتسنا فيهم يجيبو الخبز وفنفس الوقت حاال الواتساب كيتسنى عصام يحل باش يشوف صورة فرح الي رسلات ليه صفاء مصوراها وحدها بدون ماتحس بيها...حتى وقف عليه وجهو مخطوف عااارف راسو اش غايسمع من عند زين الدين المنقي خيارو...
وليد : فوزي فين باك ؟!
فوزي"ضار كيقلب على نيتو" : ماعرفت ليه خليتو مشا يهضر فالتيليفون باش ميصدعش ناس بصوته المجهد..علاش ؟!
وليد : والله يجيبك على خير را مشا طلع عند فرح..حتى بدات تغوت دابا...
فوزي"خرج عينيه بصدمة تا غوت. وضارو الناس كيشوفو" : كيفاااااش ؟ اش قربو ليها هاد النم الكحل اااااااش"كان بغا يدخل حتى جرو وليد ومشا ليه ريان شدو تاهو من بعد ماعرف اش وقع.." واش تفربل فمخو هاد عدو الله ولا مالو !؟ فاش عينو فاااااااااااش "خبط الكرسي بجهد"
وليد : وياك دخل تصدق شايفاك حتى نتا ويكمل الباقي...خلي را مشا زين الدين...
ريان : صافي هنيتي را زين الدين مكفي وموفي داكشي الي ديرو نتا ولا حنا را جامعو زين الدين...
المحجوب : فوزي "ضار عندو فوزي" اش واقع اولدي..
فوزي"دوز على شعرو بنفاذ صبؤ ووجهو مالقا ميقول ليه" : والو با والو غير تبرزطت خاصني نتحرك الليلة.."شاف فريان" يرحم بيها الواليدين سير شوف اش واقع والى نزل عيط ليه يجي عندي نرجع نتقود نديه...
وليد : انا ندخل نتقدا على ناس ماجاتش نخليو عباد الله كتسنى فالعشا"صفر لسيمو" سيمو نوض اجي معايا...
دخل وليد وسيمو اما ريان دخل بان ليه مراد واقف هاز راسو وكلهم واقفين كيسمعو فالغوات ديال فرح الي كان مجهد بحكم الباب دياال البيت كان محلول...
مراد"شاف فريان" : انا غانطلع اصحبي نشوف زين الدين منضمنش يخليه عايش تما ولا يدير ليه شي عاهة...
ريان : تحرك ورد البال..
طلع مراد حيث عارف زين الدين الى فات تا صعر اش جا ميبردو...مشا كيزرب فخطوايه حتى ولا يطير فدوك الدروج نقز جوج ثلاثة
مراد"وصل عليهم البيت لقاه محلول وبكا فرح كيتسمع حتى وقف كيشوف فيها مخشية فصفاء وتبكي وصفاء عينيه مكيرمشوش وهي كتشوف جيهة زين الدين الي لصق المخنتر عالحايط..كيعطيه براسو " : زين الدين"شاف جيهة فرح مبعد لا تخاف" شش خويا زين الدين عافاك تهدن را غايموت ليك بين ايديك ززيييين الديييييين...
صفاء : الله يرحم ليك واليديك فكو منو عافاك را بغات تموت ليا هنا...
زين الدين"مزييير ليه على قرجوطتو وعينيه مفيكسيين فيه ماسمعش مراد شنو قال..عاود كمش بايدو لاخرى على الكول ديالو وزاد ضغط عليه كيشوف فيه بنضرات نارية طيح الما فركابي ولاخور الموت ولا كيشوفها فعينيه" : حطيييييتي عليها ايدك"كيجرو من الكول يخبط ليه ضهرو مع الحايط تا كيغمض مراد عينيه"
مراد"كيشوف ففرح عقلها بغا يخرج قربات تفشل" : زين الدين ماشي هنا عافاك را غاتخلع
زين الدين"ضار منير فمراد وغوت تا قفز" : خراااااااج تقااااود عليااااا"رجع ضار مغزز فالمخنتر طلق من قرجوطتو وهبطو لارض هكاك كيكحب روحو بغاها ترجع ليه الاكسجين تسد عليه فهاد اللحضة ولا باغي غير يفلت يمشي مابقا لقا كيف يدير "
المخنتر : قخخخخ قخخخخهء ااااا خقخخخ...اااا هخخخخخ اعبااااد الله قخهخهق...
زين الدين"وقبل مايخرج ضار عند صفاء " بقااااي معاها...
صفاء"بالخلعة ديال عينيه الي تجغمو بالدم ولات غادخل وتخرج فالهضرة" : تبقى معايا تبقى ااا تانا نبقى معاها...
جرو من الكول ودفعو خرجو من البيت بقا غادي ويدفع فيه غادي ويدفع فيه ومراد تابعو لا يمشي يطيح ليه من بين ايديه ولا يكركبو من الدروج...نزل بيه فالدروج كيطيح ليه من ايديه ويرجع يهزو كي الفلوس ديال درهم وسط ايديه تا داز من حداهم شانق عليه وجايبو وراه...
فاطنة"غا شافتو مهيشرو بديك الطريقة وجه المخنتر ولا يبان ليها بيض" : اويلي على عدو الله فين لگا راسو...يا تا كيدرتي دخلتي..."زاهية غطات وجهها ودخلات لكوزينة ماشي غير حشمت وانما منضر زين الدين جار المخنتر بديك الطريقة اول مرة تشوفها فزين الدين تا تخلعت وهي تمشي تجري فرررت لكوزينة.."
ريان"خرج عينيه من المنضر" : زين الدين فين غادي بيه ؟!
زين الدين"الفك ديالو ولا يبان كيتقرقب من بعيد اما عينيه را لا حول ولا قوة..بقا غادي بيه تا ضار واحد الدخيلة كاينة حدا السقاية من لهيه فيها واحد الباب دياال برا من لور مكيحلوش بزااف غير لضرورة هاد اللعيبة كاينة فالديور القدام فحال هاد دار..حل الباب بجهد كتسمع ساقطة كدير ساااط راااط مع حلو دفعو بجهد تا جا لارض مكرفط...
زين الدين"كيغوت تا كشاكشو خرجت" : واااااااااااااش علمناااااك ماتقرببببيش ليهااااا ؟؟ واش علمتك ساحتها ضرب عليها ولا عينك نقتل عدو ربببك فهاد النهااااار"زير عليه تا ولا قاجو للمرة الثانية وكيخبط ليه راسو مع لارض.."
المحنتر"كيهضر ويشهق كيقلب على النفس" : والله ما ض ض خخخقققق واااااااااعباااد الله خههقققخههع...
زين الدين"عروقو كاملين تنفخو بالجهلة عليه" : ماااااااااااتحطش عليها ايدك مااااااتوصلهاااااااش وااااالرب العالي الى قتلت خليقة مك فهاد النهار مايحاسبني حد...ماااتقربببببش جيهتها القواااااااااااد"قرب ليه وجهو عند عينيه..هز ايدو بغا ينزل عليه ببونية لوجه يجخلط ليه الملامححتى غوت علي"
علي : زين الدييين وياااااااااك...
وقفو علي بصوته جاب الله مشا كيزرب لحق عليه قبل ميقتلو عصا والى فات تا بدا يعطيه فالعصا مايتهنى تا يقسم ليه شي ايد ولا يطرطق ليه شي لعبة عاد يتنفس...تا وقف عليه فاخر دقيقة كان غايجمع ليه الوجه كلو...مع الضلام غالب غير ضو الدار الي عاطي مضوي شي شوية لمح وجه المخنتر الي ولا حنكو مفلح...دار ايدو على فمو مصدوم من منضر المخنتر...
علي : زين الدييين ويااااك.."قرب لعندو حط ايدو على كتافو" تهدن اصحبي ماشي وقتو هادشي الله يرضي عليك..طلقو خليه يمشي راك غادي تمرض اصحبي...
زين الدين"بالغوات" : واااااالهلا يرقي باصل ملتي فهاد النهار مع هاد الق"عض لسانو حابس الهضرة وضار عند المخنتر الي بغا يسخف بين ايديه وجهو ولا مجيف"
علي : مايستاهلش اصحبي الله يرضي عليك تهدن باش طلع تشوف مرتك الي خليتي الفوق وحدها"عاود ربت عليه ونطق بشوي باش يهدنو" عافاك تهدن طلقو وسير طلع عندها شوفها را تكون محتاجاك دابا ونتا الي كثيق فيه...
زين الدين"سنانو لاصقين على بعضياتهم بغيض" : شنووو نگوليها ؟ جبت ليك باك الي ضربتي عليه هو وخوتك ؟!"كيهضر ويورك على المخنتر مامفرطش فغدايدو ههه" دارت فيا الثقة مانرجعهااااش لجيهتهم وشنو دابا ؟
علي : يدير الله خير غير هادشي الي درتي على قبلها كافي وموفي...
زين الدين"كيشوف فيه بنفس التخنزيرة بلا ميهضر"
علي : الله يرضي عليك طلقو وطلع عندها اللهم تواجهها وتعرفك راك ممخليهاش ولا تصدق فما كفس..زين الدين صحبي تهدن زين الدييييين ششش تهدن الله يرضي عليك...فكر غير فيها هي ديرها فبالك"ماحتال يكمل تا غوت زين الدين باعلى صوته لدرجة خلعو يحساب ليه غير غايطيح بالسكر"
زين الدين : وماااااااااااااايوصلهااااااااااش...مايقربش ليهااااااا والرب العالي هبلو دينمي فهاد النهااااااار..."عض فسنانو مكشكش عليه دفعو ودخل طلع يجري منقز دوك الدروج تا دخل عليها لقا صفاء واقفة عند راسها وهي متكية كتبكي وترعد...عاد بدل نضرته الي كانت كتخلع ل نضرة خوف فاش شافها جالسة وصفاء كتمسح ليها منخرها وفمها الي تجلخ.."
زين الدين.: فرح !!!
فرح : اهى اهى...علااااااش جبتيه علااااااش حرام عليك ازين الدين حرام عليك علاش جبتيه ليا يحضر ؟!
زين الدين"شاف ف صفاء وحرك ليها راسو لقاها طارت..رجع تحنى على ركابيه كيشوف فيها" : شنو ندير دابا ؟!
فرح : علاش جبتيه ؟ عارفو عذبني وكرفصني عارفني مابقيتش بغيتو ولا بغيت جيهتهم...علاش الي گلتو ليك مادرتيش بيه"كتهضر وتمسح فدموعها بطرف كمايمها الي قاسهم دم منخرها"
زين الدين"كيبغي يهضر وتهضر هي كيسكت"
فرح : علاش كتخليوني نتيق فيكم وتندموني اهى اهى...
زين الدين : ماشي لخاطري فرح...نهار قبلتي بزواج درت فبالي ندير الصواب كيبقى باك افرح يخياب تايعيا...علمتو وما گلت ليه حضر ماشي انا الي نجيب المضرة ليك ونتي حطيتي ثيقتك فيا وامنتي ليا وقبلتي تكوني تحت جناحي...مانصيبش نضرك"كيهصر ويحك عينيه بصباعو حاس بضبابة بين عينيه"
فرح"حدرت عينيه فلارض بدون جواب"
زين الدين : شي حوايج كيطراو بلا خاطرنا...الجهد افرح الى جهد الله...نهار عطيتك العاهد ديال الله مانخليش الي ضرك ونمشيو درجة درجة راني عنيتها بالقول والفعل..ماشي دري صغير نبدا نتفلا عليك هنا...
فرح : الي ضرتني حضرتيها ليا نهار العقد...انا عااااااارفة راسي مكنفرحش عاااارفة شوف غير عقد بالسكات وماترحمتش مالقيتش الراحة الي بغيت مالقيتش الفرح الي تمنيت من نهار حليت عيني...درت فيك الثيقة وحدك دير معايا مابغيتي غير باش ماترجعنيش لعندهم ..."هزات راسها وغوتات بجهد الي قدرات عليه قراجطها عياو بالغوات" وااااااااااااعذبووووني عذبوووووني اهى اهى."تا عصرات عينيها" اننننننن....
زين الدين"ضراتو فخاطرو مايكرهش يعنقها ولا يسكتها لكن غواتها هذا افضل ليها باش تخرج الي فقلبها والي كيضرها...مالقا مايدير سوى يحط ايدو فوق ايدها كيحك عليها" : ششش..ماعليش الفرحة ديالي غلطة فوق الخاطر متعاودش..
فرح"دفعات ليه ايدو بشوي" : اهى اهى خلييييييييييني خليييييييني خليني عليك مابغيت والو خليني وحدي مابقيت بغيت نهضر مع حتى واحد كضروني بزاااااف كتاديوني بزاااااف حتى واحد مارحمني...
زين الدين : ياك ؟!
فرح"كدفع ليه فايديه وتبكي" : عافاك عاااافاااااك خليني وحدي...
زين الدين"ناض وقف" : بلاتي نعطيك شي حاجة ديريها لمنخرك ورتاحي..."مجاوباتوش بقات حادرة راسها اما هو مشا لدوش بزربة حل باب الصيدلية جبد فازلين وقطن وجا لعندها مد ايدو بشوي لا تقفز وحط اصبع الابهام وسبابة على منخرها خلاه بيناتهم وضغط عليه وخا بدات كتحيد فايديها" شش تهدني نحيد ليك هادشي ومايكون غير خاطرك..حلي فمك تنفسي.."طبيعي تحل فمها حيث تخنقات حلاتو دغيا بقا شحال ضاغط على منخرها هو فالحقيقة خاص يبقى عشرة دقايق تال خمسطاش لكن من شافها تعصبت وبدات كتوثر دغيا حيد صباعو...هز واحد رشاشة تقداها فاش رجعات حيث علمو يونس بالي تقدر تعرض لنزيف الانف نتيجة الغوات الي شافها كانت كدير فاش درس ردة فعلها...رش ليها جنب منخرها ب بمزيل احتقان أنفي يحتوي على أوكسي ميتازولين (Afrin)..ودار شوية فازلين فقطن وخشاهم ليها فمنخرها...
زين الدين"كيهضر ويكمش فحجبانو" : شنو ماحسيتي علميني..باش نخليك مانصيبش نخليك وحدك ونتي فهاد الحالة ماعليش سمحي لينا يمكن نبرزطوك ابنت الناس...
يلاه لبس صندالتو باش يخرج حتى تحل الباب ودخل فوزي كيجرييي فرحااان شاد فايدو العشرة دراهم تا لقاه واقف شاد فرح كتبكي وهو وجهو مبدل مرة مرة كيگمز بعينيه"
فوزي : مالها ؟
عصام ؛ مامالهاش..دخل هاني جاي عند مي فاطنة تبات عندها فرح...
فوزي : علاش فين غادي نتا ؟
عصام : مسافر لواحد الفيرما ونجي صباح...
فوزي : وانا ؟"سمع تقرقيب الباب ديال باه وهو يتخطف منو اللون" واش با جا ؟!
عصام : ماتهضر ما تكلم انا غانگول لمي فاطنة تعطيك العشا تعشا..."كيراري ب فرح" ششش صااافي اختي صااافي ابنتي صااافي...شكون انا..
فرح : اهى اهى ممم مامااا مااماااا...
عصام"جمع حجبانو" : انااا مامااا انااا ياك اكبيدتي يااااك هههه.."لبس فرجليه واحد الصندالة يلاه تم غادي وهي تقطع" تفووو..."حيدها بزربة ولبس ديال الميكا الي تما خرج مشا لعند فاطنة دق الباب واحد شوي حتى خرج جيلالي تابعو امين فعمر فوزي نيييت...
جيلالي : اه اه با عصام هذا هههه..هاي هاي وفرح تاهي هههه
عصام : كاين مي فاطنة ياك ؟
جيلالي : ايييه دخل اولدي مالك ؟!
عصام ؛ مماليش"دخل لقا فاطنة شادة فايدها صفاء كتراري بيها باش تنعس" مي فاطنة واخا تبقى معاك فرح الليلة ؟!
فاطنة : اهلا اهلا كبيدة ديالي...ايه تبقى علاش اولدي فين غادي ؟!
عصام : غادي نمشي لواحد الفيرما خدامين بالليل وكاين هذاك بويا فالدار اليوم...
فاطنة : علاه جا من العيون ؟
جيلالي : اناري امتا طلقوه(حيث المخنتر عسكري)...
فاطنة : واخا وليدي خليها عندي"طلات على صفاء لقاتها كتشخر" صبر نحط هاد الفلوسة الكحلة ونشدها من عندك"هزات صفاء داتها البيت وخرجات لعندو بغات تشدها من عندو وهي تحميها لغوت" لا لا بنيتي لا منبعدوش عليك..
فرح : م مممااماااا اماماااااااا اهى اهى...
عصام"حط ايدو على شعرها" : ششش هاني معاك اكبيدتي هاني مغادي فين...
فاطنة : شتي اش دير ؟ نعسها فحجرك تايشد فيها نعاس وعطيها ليا...
عصام"بقا كيشوف ففرح شوي رجع شاف ففاطنة" : عافاك خلي ل فوزي العشا عطيه ليه راني وصيتو يبات تما ولا جيبيه عندك..."حركات ليه راسها...مشا جلس فسداري كيلعب مع فرح تا عيااات وهي تنعس ليه فوق كتفو كيف عادتها هزها وحطها لداخل فالبيت حدا صفاء الي فاقت شافت فعصام وهي ضحاااك ورجعت نعست خلاتو كيضحك عليها...غطاهم بجوجات وباسهم فحناكهم وخرج من بعد ما وصى فاطنة على خوه دخل لدار وصا فوزي هز شنو يحتاج وخرج فداك الليل دق على صطوف فدارهم كان فعمرهم 16 عام طل عليه من شرجم صفر ليه ونزل حل ليه الباب طلع يجرييي عندو لفوق فالبيت مع دخل مع بدا يحيد فتيشرت ديالو وضور ضهرو جيهة المرايا لقا ضهرو كلو مورم بشحيط"
صطوف : اناري شكون دار ليك هاكا ؟؟ ياكما بوك ؟
عصام : گول لمي عيشة تعطيني شي حاجة نديرها لضهري....
.........
صطوف"هز ايدو وخبط ليه ضهرو تا قفز فيقو من التفكير فالماضي الي كان غاطس فيه" : اتاااا توگض الكلب...
عصام"غمض عينيه ورجع حلهم فيه مخنزر" : نعل بو مك اولد الهازة مال عدو ربك تانتا ؟!
صطوف : ماليش مالك نتا ؟ اش واقع ؟!
عصام : مواقع والو اش بغيتي ؟!
صطوف"جبد كارو من الباكية مصاااوب" : مصايبو بايدي اعشيري..شد ومخمخ ليا رد مجاجك وكون معايا عطيني وذنك مزيااان...
عصام"شد من عندو الكارو شعل ليه صطوف بالبريكة تا جبد جبدة وحدة ساط الدخان وضار عندو" : اشنو كاين ؟!
صطوف : بغيت نخطب..
عصام : مزيان...
صطوف : سولني شكون ؟!
عصام : سونااااك اتبي شحاال هادي گلتي تايوصل الوقت...فياش ميعاود يسول طلقني ولا سد فمك...
صطوف : گلت ليك كتعرفها نتا مزيااان
عصام : ايه !!!
صطوف : شوف ليا مع بنت عمك مبارك الي جات ديك المرة فالعقد ديال اختك فرح بيونس الله يرحمو من تم وانا ناشب عليها كنت غانسوس القحبة مسرسطة الطبون ديال ناهدة حتى وقع الي وقع...
عصام : بنت عمي مبارك ؟ شيماء ؟!!
صطوف : هااااديك الخو...بغيت ندير داري ماكرهتش هي تكون مولات الدار..راك عارف عيشتي والحالة ميسورة مايخصها والو معايا وبلا ماتخاف عليها راها فالامان راني صاحبك وعجينة ايديك وراني دوزت تا شبعت ماعندها مناش تخاف التوبة نويناها على ايدها...كون عشيري وخويا وحضر بيني وبين عمك يعطيك الخير ورباااح...
عصام"ماعرف مايقول بقا غير يرمش فيه" : ماعرفت مانگول..دابا نشوف ليك مع عمي ويكون خير...
صطوف : هاد اليومين...
عصام : هاد اليومين القحبة وباغي تمشي لعند شيماء ديال سويد تنكحها ؟ مانكحتيش لوجيك اولد العطاية ؟!..
صطوف : الله مابغيت نكحها بغيت غير نزهاو راني شرطت عليها اصحبي...تهنى راني داوي بالكلمة واش نخطب بنت عمك ونرونها قدامك وموراك ؟ ماجاتش اصحبي...
عصام : وريه وريه لا عما سير وخليه..واخا ما گلتي عيب...
صطوف : ونتا امتا ناوي دير دارك ؟
عصام"ساط الدخان" : تانا قريب..
صطوف"هز حاجبو" : وايلي ؟؟ ههههه وشكون ؟
عصام : كنعرفها ونتا بعيدة عليك ماعندك ماتعرف فيها...تيسر نتا بعدا ويكون خير...
صطوف : وغاتمشي تخطبها وحدك اصحبي ؟ ماتعلمش خوتك "هز ايدو موقفو" بلا متبدا تبلبل عليا تما را زواج هذا...
عصام : عندي الله...
تم داخل الحسين الي وصل غير دابا ماصبرش يخلي زين الدين فهاد النهار رغم الضروف الي كانت عندو والاهم جات حتى الحاجة ام هاني وصلهم ولدهم بطوموبيلتو...لقاهم حتطين لناس العشا ودراري كيسربيو...
ريان"مشا باس ليه راسو وراس الحاجة" : عالسلامة ابا الحاج
الحسين : الله يسلمك فين هو العريس هههه
ام هاني : فين ولدي العريس الي فرحني وخا جينا معطلين..
ريان"ضار يقلب بعينيه" : عاد كان هنا يمكن دخل يشوف العشا"شاف فام هاني" دخلي اميمتي لعند العيالات لداخل"وصلها تال عند باب دار عيط لصفاء جات دخلتها ورجع عند الحسين" اجي معايا ونتا با را الحاج علي وبا المحجوب كيتعشاو دخل جلس حداهم عاد لقيتينا حطيناه ههههه"عاود باس ليه راسو" والله الى فرحتيني بمجيتك جابك الله...
الحسين : خبار الخير كاينة شي حاجة ؟
ريان : علمك الله وفهمتيني...زين الدين عاد وقع واحد المشكيل"عاود ليه من لول تالاخر"
الحسين : الاطيف اش دخلو ياربي سلامة...وفين هو ؟
ريان : مع الاسف رجعو فوزي مسكين بقا فيا كان ناوي يبقى تالصباح ويمشي ساعاك وقع الي وقع...
الحسين : حسبي الله ونعم الوكيل..."مشا مع ريان تاوراه فين جالسين المحجوب وعلي سلم عليهم وجلس يتعشا معاهم...اما ام هاني كي دخلتها صفاء من محاسن الصدف تلاقات زين الدين نازل من دروج من عند فرح"
ام هاني : يالالة على ولدي ولا عريس ودار دارو..
زين الدين"باس ايديها بزوج" : ميمتي جيتي..
ام هاني : جييييت ماقدرتش مانجي ونحضر لعرس ولدي قاصح راس الي ممشا تا دار مع بنت الناس الي بغا ساس هههه
زين الدين : الوقت حكمات..ماكنتش نصيب مانديرها فداري...
ام هاني : كي ولات هي شوية ؟!
زين الدين"حك نيفو كيشوف قدامو" : مسلكة الوقت وكان...
ام هاني : ماعليش اولدي ماكنتي تگد دير والو من غير هاد الحل..وكي صبرتي ونلتيها زيد فصبرك تا تديها كلها بكلشي فيها...وتجي عندي وتقوليا ميمتي مرتي قريب تجيب ليا ولدي ولا بنتي هههه "دوزات ليه على كتفو بحنية كتشوف فيه فشكل" غااا صبر اولدي غاا صبر...
زين الدين : هاني صااابر"حس بالضبابة بين عينيه تا غمضهم واحد اللحضة"
ام هاني : ولدي مالك ؟!
زين الدين"مسد عينيه" : ماماليش اميمتي"تنهد" مسلكين مع الوقت.."ضار جيهة صالون وعنقها من كتافها" دخلي تعشاي دخلي...
تحط العشا وتعشاو الناس تبعوه الديسير رجعو طلبة كيقراو تاني حتى تقدم اتاي والحلوة فالبلاطويات...وناضو كل رجع فحالو على امل الصباح تكون الختانة ديال الولد الي غاتكون على نفقة زين الدين..وطبعا الكل غايبات عند زين الدين فالرياض حيث مكاينش فين يباتو والرباض واسع يقدهم كاملين الرجال فالصالون والعيالات فالصالون الفوقاني وشي فالبيوتة حيث الرياض فيه البيوت...اما فبيت فرح فين كانت جالسة دخل ليها العشا هكاك بقا حسات بالعيا شدييييييييد وهي طلع فوق الناموسية واستسلمات لنوم...ماحساتش بيهم امتا سالاو كان غير زين الدين او صفاء الي مرة مرة كيطلو عليها بلا ماتحس...
زين الدين"حل الباب بشوييييي ودخل طل عليها بعينيه بانت ليه مجبدة ناااعسة...حل الباب كامل ودخل سدو بشوي بقا شحال واقف عاد تقدم بخطواتو حيد البلغة من رجليه جلس فوق السداري تا حيد التقاشر خشاهم فالبلغة ومشا بشوييي حل الباب تا كمش حجبانو خايف لا يصدر صوت يفيقها جبد تيشرت وسروال ديالو وخرج بشوي تال دوش حيد الجلابة والفوقية طواهم ودخل تحت رشاشة تا دوش خفف على راسو تعب النهار وكلشي...نشف حالتو وشعرو خلاه هكاك مخربق فازگ..لبس عليه وهز دوك الحوايج تا بغا يخرج وهو يحس بالدوخة رغم انه كلا شي حاجة حلوة فاش حس براسو طاح ليه سكر ولكن عاودات رجعات ليه اذن خاصو يعبر باش يعرف ينو يدير ومن دهوة مالقاش وقت فين يعبر بالگليكوميتخ...خرج من الدوش بشوية حتى حل الباب تاني بشوية ودخل حط دوك الحوايج وتسحب بشواااايا باش ماتفيقش...متمني ماتفيقش باش مادير تا حركة ويصعر عليها حيث هو فهاد الحالة كيتعصب الى وقع ليه هاد الدوخة والاعراض الي فيه وهذا حال مالين السكري طبعا...مشا بشوية تا طل عليها اطمأن عليها ورجع لجيهة الكوافوز حل المجر باش يجبد الالة مع جبدها طاحو ليه شي حجيرات كان حاطهم ديال الشحن تا غمض عينيه...
فرح"حلات عينيها وهي تشهق ناضت مفزوعة" : شكووون شكوووون"هزات عينيها فزين الدين" اشنو كدير هنااا..
زين الدين"ضار عندها" : ششش رجعي رتاحي...
فرح : علاش دخلتي هنا ؟!
زين الدين : فراااح رجعي رتاحي...
فرح"عينيها خرجو بخوف" : غاتب تبات هناا ؟؟
زين الدين"حط لاباراي بجهد وتسند بايديه عالكوافوز بلا ميشوف فيها " : شنو بان ليك ؟
فرح"كترمش مافهمت والو وقلبها بغا يسكت "
زين الدين"دور نص وجهو" : شنو ماشديتي والو ؟!
فرح"هزات كف ايدها كتمسح فعويناتها ونطقات بصوت مبحوح" : اشنو قلتي ليا ديك المرة ؟!
زين الدين : شكون بقا ليه شي عقل يتفكر شي حاجة ؟!
فرح : اشنو دابا ؟!
زين الدين"خبط فوق الكوافوز بشوية ضاير لعندها عاض علي شنايفو وشاف فيها" : جيت نحلل العقد الي درنا"هزات فيه عينيها تا خرجتهم وهو يغمزها" مرتي ديالي...
يتبع...
التعليقات
لا توجد تعليقات بعد، كن أول من يعلق.