محتوى القصة
القلب ما يعلم بيه غير الله فهاد اللحظة...شعور صعيييييب انك غاتهضر اول مرة مع شخص الي انقاطعتي نتا وياه عن الكلام عمركم ماشفتو بعضياتكم لمدة طويييييل قربات تضرب لعام...شهووور ونتا ضارب على جيهتو او يمكن راسم لراسك هادشي...واحد هاز من لاخور ولول حالف على ثاني وكل كيقول منتنازلش...لكن باش تخطي خطوة فحال هادي من بعد كاااع الاحداث الي دازت والانقطاعات وتدير اتصال الي كان ممكن يغير للاحسن او للاسوء...
مدات ايدها وهي تطلق الخط وحدها قالت الو...تسمع سكاااات ضربات القلب ارتافعااات والعرق خرج فالجبيييين...يلاه بغات تطفي حتى سمعات صوته. باغنية كان كيقولها ليها فصغرها...
عصام : عندي خووويا عندي عصاااام دييييما معااايا حتى فالنوووم...عندي عصااام عندي خووويا ديييييما معاايا دييما حداااايا...حتى فالنوووم"مشى ليه صوته فاخر كلمة...هز صبعو ومسح عينو"....
عم السكااااات لحظة خذاوها بزوووج هو كيتسنى ردة فعلها وهي من الصدمة تلجم ليها الفم ماعرفت باش تبلات...كانت فقط مسخرة تا صدقات فصدمة...
عصام"شافها تعطلات فالاجابة" : ا الو...ف فرح...كتسمعيني..
بقات شحاال وهي مصمكة كتسمع فيه كيقول الو ويعيط بسميتها...اما هو بقى كيعيط ويتسنى حتى قابل تيليفون مع وجهو لقى الخط باقي مطلوق يلاه غايرجعو لوذنو حتى تخطف ليه من بين ايدو هز عينيه فيه وهز حاجبو...
زين الدين"خرج عينيه بصدمة" : صونيتي لفرح !!!
عصام"حدر راسو بحزن"
زين الدين"ماعرف باش تبلى قلبو وصل ليه لقرجوطتو بالخلعة...حيث ببساطة مزال موصلش لعصام شنو حالتها بالضبط...مكانش عارف ان عصام غاتوصل بيه الاشتياق والفضفضة انه يعري على مشاعيرو والاحاسيس اتجاه فرح بنتو ختو الي بصح يقطع من لحمو. ويعطيها..شاف فتيليفون لقى الخط باقي مطلوق...دارو فوذنو ويلا بغى يقول الو وهو يتقطع الخط...غمض عينييييييه" : بفففف...
عصام"ناض وقف" : ماعرفتش اش الي خلاني عيطت ليها. واش درت العيب تاني !!
زين الدين"ضار شاف فيه" : ماشي الوقت المناسب..."بوجه شاحب بالخلعة" ماشي دابا حتى نكون تما عصااام...
عصام "شاف فيه بعينين حمرين" : هي اش دابا !!؟
زين الدين"هز صبعو موقفو عن الحديث وعاود دوز الخط من تيليفون عصام"
فهاد اللحظة بالرعدة حطات تيليفون ونسات ديرو فالشارج...
فرح"ضارت عندها لقاتها مسمرة" : صفاء مالك ؟
صفاء"هزات فيها عينيها" : ه هااا ؟ مم مماليش...
فرح : شكون صونا ليا واش زين الدين"هازا ايديها مدسمين بشرائح لازانيا الي كانت كتستف."
هناء : ياويلي رسلاتك تجاوبي فالتيليفون رجعتي مصمكة...
فرح : ياكما گال شي حاجة..."وجهها تزنگ حساب ليها زين الدين الي هضر ونيشان قال شي كلمة ممسوخة حيث بان وجه صفاء مزنگ"
صفاء : ا لا وو"شوية صونا تيليفونها من جديد يلاه بغات تمسح فرح ايديها تشوف تا لقات صفاء نقزت واحد تنقيزة جات ضايرة لعند تيليفون طارت عليه" الو...
زين الدين"كمش حجبانو" : شكون معايا...
صفاء"عرفاتو من صوته" : انا صفاء اااه"يلاه بغات تهضر وهو يقاطعها"
زين الدين : شششش ماتزيديش كلمة...عطيني وذنك مزيان نسولك جاوبي"سمعها قالت اهاه"فرح ؟؟!
صفاء : مم مزيانة...
زين الدين : شكون جاوب فهاد النمرة ؟!
صفاء : انا...
زين الدين"تنفس الصعداااء ماحسش براسو تا جلس فوق الناموسية بجهد...حس بقلبو هبط وطلع فهاد اللحظة " : فففف..."رجع كيهضر" سمعيني مزيااان...داابا نقطع معاك نيشان دوزي ليزاپيل مسحي هاد النمرة ونعاود نصوني ليك عطي تيليفون لفرح...غادي تسولك علاش طولتي الهضرة علميها بالي واحد "عصر قلبو فهاد اللحضة وخا بلعاني ماكرهش يفرشخ هذا الي بغى يتبسل واخا غير تلفيق ههههه" من البراهش الي كايتبسلو...سمعتيني...
صفاء"دغيا دخلات فالمود" : اييييييوى الله يمسخكم كاتعيطو باش تقولو لينا نشاركو فمسابقة نسولك ما نسولك فلاخر عطيني نمرة ازين ؟ الله يسخكم صبا صبا ايوى لاش ماتعرفو مزوجة من مخطوبة من الي ناوية ولا هاضرين فيها ولا مع جمها(صاحبها) الله يعطيكم الباسر ..
زين الدين"هز حاجبو" : تهدني...
صفاء"صقلت"
قطع معاها وهي تدخل كتجريييي مسحات النمرة جات دور لقات فرح عند كتافها...وياااااخوتي را تهزات تالسما وتحطت وباش تغوت بالخلعة تلفو ليها الغوتات....
صفاء : عو عو عوووووو....
فرح"دارت ايدها على حنكها كتشوف فيها" : اويلي هادي مالها...
صفاء"خنزرت فيها" : ونتي ماتعرفيش دقي ولا تكحبي ولا عطسي...البيوت ليها حرمة اصاحبتي ليها حرمة"
فرح"بقات ترمش فيها صدمتها...ضارت عند هناء لقاتها شادة السباتيل كانت كتحرك البيشاميل توقفت كترمش فيها...شافت فضحى الي كتحك الفرماج تاي وقفت مافهمت والو...وهي ترجع شافت ف صفاء" : واخا "مدت ليها ايدها" عطيني داك تيليفون....
صفاء"خرجت فيها عينيها" : ديالك ؟؟
فرح"رجعت دارت ايدها على حنكها وفمها" : اويلي هادي مالها..
صفاء"حطاتو ليها بجهد" : شدي را واحد تبسل عليك وقاليك بغا يتزوج بيك كايتسنى غا يجي زين الدين..صافي اتنضحك سيري فحالك...ان خطكم مقطوع..."خرجات من كوزينة هي كاع وخلاتهم شي كيشوف فشي ولكن را من الصدمة هي تلجم ليها الفم فاش هضر عصام فحال الى كان الكلام ليها هي"
حيد التيليفون من وذنيه...براحة تااامة غمض عينيه تا تنفس الصعداء...عااارف انه حان الوقت باش يواجههم ولكن فهاد اللحظة الوقت ماشي مناسب لانه فحالتها هي خاص احتياطات...بقى حادر راسو وكيمسد فعينيه بتعب....دوز على لحيتو وهو يهز عينيه وشاف فعصام...
زين الدين"مد ليه التيليفون" : شكون عطاك نمرتها...
عصام"شدو من عندو..عاقد حجبانو بعصبية...حاس بقهرة وحزن كبييير...فحال الى مارضاش علاش يتمنع من الكلام مع اكثر شخص كان كيهضر معاه...مع اقرب شخص ليه...مع عينيه الي كان كيشوف بيهم...انهم يمنعوك تهضر معاهم صعييييب هاد الاحساس يتقبلو شي حد فما بالك لو انضاف له الشعور بالندم وعذاب الضمير.." : عطا الله منين نشدها...ماشي صعيب عليا نقلب على نمرة ختي...من تيليفون فوزي...
زين الدين : وماشي ساهل باش تهضر معاها"شاف فيه بنضرة فشكل..حرك ليه راسو" سيي ماشي ساهل باش تهضر معاها...هضرتي مغاديش تعجبك...غادي تحس بالبعد وطول المدة...ممكن تحس بالي كنگوليك مستحيل تهضر معاها...ولكن ثيق بيا الصعيب ضروري ليك تخطيه باش تسهال عليك القضية...
عصام"خرج عينيه كانه ماصبرش" : علاااش هادشي كامل ؟! واش صعيب عليا نهضر معاها خيث توحشتها"عينيه لمعو" دابا انا الي صدقت ممزيانش ياك ؟!
زين الدين : شكون گالها ليك ؟...
عصام"هز ايديه وخيطهم بمعنى ايوى يلاه اسي"
زين الدين : عصااام...تاحد ما گال غالط وتاحد ما گال عندك الصح...فرح حالتها صعييييب تهضر معاها وتجاوب معاك...هاني جيتك نيشان...
"دخل علي فهاد اللحظة الي سمع كلشي"
علي : ماشي غالط اولدي متفهمين تصرفك...عارفين اشنو كاين مغاديش نلوموك...
زين الدين : تاواحد فينا مايلومك...كون جات عليا كون شحاال هادي رجعتو كي كنتو..."سرح ايدو" كلشي صعيييب...
عصام"تنهد تا نفخ انفاااس حااارقة واخا موصلتهمش حسو بيها"...
علي : بغينا نوجدو باش تواجهو..."شير براسو لزين" خاص الطرف الي كتكل عليه يكون معاها...
زين الدين : نهضر معاها نشوف شنو غادير نعرف بطريقتي كيفاش نتيستيها...ثيق بيا عصام داير كثر من جهدي باش نجري فالخير...لو مابغيتش نلاقيكم مانجيش عندك من اللول...عطينا من خاطرك ودخل معانا فالفريق ديال الخاطر فوق الخاطر باش نرطبو النفوس ونصفيو القلوب...
عصام"داير ايديه على نصو..حادر راسو حركو بشوية بدون ميتكلم"
علي"شاف فزين الدين" : نعلم يونس !!
عصام"سمع سمية يونس وهز راسو بجهد". : شكون هذا ؟!
زين الدين"تنهد" : الطبيب النفسي الي متبعة عندو...
عصام : علاش يجي ؟ ...
زين الدين : باش نشرحو ليه شنو كاين...
عصام"مابقاش هضر"
زين الدين"بقى كيشوووف فيه فلاخر نطق" : سيي عااارف هادشي غايجيك فحال الافلام...سي نوغمال وماشي بعيد يطيح فبالك الطب النفسي كيمشيو ليه غير الي ماعندهم عقل !!
عصام"تبسم بجنب مستهزء" : ايوى لباس كاين واحد فهمني..
زين الدين : فوزي نهار جا مكانش فخباري...تواصل مع يونس هو الي عطاه الاوكي باش جا وكون علمني كون قاديت وقت قريب ومكانش غايوقع ليه داكشي داك النهار...على باالك كان ساهل عليها تقبلو دغيا ؟؟ عرفتي شنو وقع ليها ؟ "هز صبعو مخرج عينيه" نهاااار كامل اعصام وهي سادة عليها فالبيت...نهار كامل وانا براسي ماگديت نطلع عندها علاش ؟"شرح ليه شنو دارت وكيفاش قالت ليه يخرج من البيت ويخليها" مالقيتش جهد نبقى معاها...عطيتها وقتها ما قجرتش عليها حتى جات راسها وهضرات معايا راسها.. وهي براااسها طلبت مني نديها عند فوزي فاش دار كسيدة..."هز ايدو الفوق" ماشييين غا بالخاطر وبالمشاورة مع يونس تا يحن الله....
علي : الطب النفسي ماشي لناس المراض عقليا...كاين دي بروفيسور مختصين فالامراض العقلية...وكاين الي كايلجأ ليه الانسان باش يعرف كيفاش يتصرف...ما ربما بغا يعاود ليه وعارف بالي هو بئر الاسرار انسان محلف الي قلتيه ليه تما يبقى عالاقل هو غايعرف كيفاش يتعامل معاك...
زين الدين"شير لراسو" : انا براااسي هضرت معاه...
عصام"دار صباعو بين عينيه بتعب...كيحك يحك يحك تا هز النفس وطلقها بالصوت بنفخة قداااش تقولي تنين ساط العافية..هز فيهم عينيه" : شنو وقع ليها شنو گالت ليكم...
زين الدين"جمع حجبانو بمجرد ماتفكر شنو عاودات لطبيب وهو حاضر...غمض عينييييه بغضب..لدرجة عصام وعلي قدرو يفسرو من خلال هاد الحركة انه كاااينة شي حاجة الي صعييييبة وهو الوحيد الي عارفها"
عصام"قرب ليه حادر عينيه لعندو" : زين الدييين !!!
زين الدين"بقى بنفس الوضعية..حادر راسو ماقادرش يهضر ويقوليه...شوية حرك راسو ب لا ببطء...شوية تسارعت الحركة حتى هز راسو وشاف فيه لقى علي جامع حجبانو كيتسنى يقول وعصام عينيه جمدو كيتسنى شنو يقول.." : م ما مانصيبش عصام نعاود ليك...مانصيييبش...الي وقع تما صعييييييييب"وجهو تزير بانت فيه العصبية والغضب بمجرد كيتفكر شنو وقع ليها.." مااعنديش الحق "ناض على وقفتو مابقاش صبر ضرب فيهم وخرج خلاهم شي كيشوف فشي وعصام ماد ايدو بتعبير كيتسنى شرح وجواب لسؤالو"
عصام : كيفاش !!! اشنو وقع ليها تماااا ؟؟
علي"حرك راسو" : ماعرفتش...
عصام : كيفاش ماعرفتيش ؟؟"ضار جيهة الباب" زين الدين ؟ اش وقع ؟؟"ضرب فعلي وخرج بجهد خلا البرد ديالو كيضرب ف علي"...
.خرجات لازانيا من الفران وحطاتو فوق البوطاجي...جرات هناء الطباسل قادتهم تما....
فرح : انا غانطلع لفوق نحط تيليفوني يتشارجا ونجي..."خرجات من الكوزينة عيطات لمراد فالتيليفون وصلات عند باب بيتها" مراد هبط لتحت را العشا واجد...
مراد : هي داابا...
قطعات معاه ودخلات لبيتها...رسلات لزين الدين ميساج علماتو بالي غاتخلي تيليفونها كيتشارجا وبالي غاتبهط تا تعشا وتبقى مع البنات شوية عاد طلع...حطاتو يتشارجا وهي تمشي لدوش حلات بلاكار جبدات منو واحد باكية دوا دياال سخانة قرات التعليمات الي فيه وهي تخرج من تما خرجات من البيت وهي دور جيهة الطوالة تا وقفات قدام البيت ديالها دقات زوج دقات وعاودت...
فرح : خالتي توبا واخا ندخل...
توبا"السخاااين كتقتل فيها بغات تجاوبها الفم الي يهضر مابغاش يتحل"
فرح"كمشات حجبانها" : خالتي توبا ؟؟!"ماسمعت والو حسات بالي بيها شي حاحة وهي تشجع صرطات ريقها وحلات الباب...يمكن كانت اول مرة تشوف بيتها الي كان فالسابق بيت الغالي...اول حاجة انتابهت ليها هو الديزاين ديال البيت...عتيييق ستيل ديال زماان مخلط بالحضارة عطا واحد الرقي فشكل...طبعا ذوق توبا لا يعلى عليه انسانة راقية فاختيارها لهادشي وخا بهاد الشخصية الي تعرفنا عليها...كان البيت غالب عليه اللون الابيض والذهبي الناموسية كبيرة بالعود مذهب بالتقاوس...هزات عينيها ليها لقاتها مغطية وكتبان من بعيد فيها القفقافة...قربات ليها ووقفات عند راسها"
فرح : خالتي توبا واش مريضة بزاااف ..
توبا"عينيها معسلييين بالسخانة فمها طااايب...حدها سمعات انينها" : انننننن...
فرح"حطات ايدها على جبهتها لقاتها كتشوييي" : سخونة بزااف.."ضارت جيهة الغرفة بان ليها باب عرفاتو ديال دوش..مشات تتزرب ليه دخلات تاهو لقاتو عالم اخر كلو من لارض لسقف بالفسيفساء بين اسود وابيض بزواقات...ماخلاتش عينيها يكتاشفو هادشي وخا دارها خاصها تشوف كلشي لكن هو بيت نعاس كيبقى خاص بماليه...مشات نيشان لصيدلية حلات الباب كتقلب تقلب وهي تلقى ميزان الحرارة خرجات بزربة حيدات عليها الغطا وهي تخشي ليها الميزان تحت باطها حسات بيه توبا باااارد تا قفزت" غير صبري يعبر ليك باش نعطيك دوا...
توبا : اننننن...
فرح"بقات كتشوف فيها كترعد بنتها لتحت كضحك وهي هنا فبيتها كتمرمد بالسخانة وحدها مامعاها حد...ماتنكرش انه بقات فيها بزاااف...دير الي دارت فاش كتشوفي انسان فاضعف حالاتو والى كان قلبك بيض حليب حنين را يعز عليك وخا معرفت اش...سمعات صوت الميزان وهي تجبدو لقاتها 38,5 خرجات عينيها" : طالعة بزاااف..."قربات ليها" خالتي عافاك عاونيني باش نعطيك تشربي دوا يهبط ليك سخانة...
توبا : ممم ننق.مننن ذنوووب ذنوووب...
فرح : كيفاش ؟
توبا : نننننن...
مافهمتهاش اش كتقول...مالقات كيفاش دير هزات كاس الما الي حدا راسها...خوات فيه ساشية خلطاتها بالما تعافرت معاها بزز باش ناضت ليها عطاتها الكاس شربات منو شوي بشوي ورجعات تكاتها...بانت ليها مانطة محطوطة من الزهر هزاتها سرحتها عليها باش تسخنها وتعرق...خرجات من البيت وهي تنزل لتحت كتزرب تا دخلات عليهم لقاتهم قسمووو وسايرين ياكلو...
فرح : بسم الله رحمن الرحيم...
هناء"خاشية ففمها كتلدد" : وخشخشخ نتي فش تعطلتيش..
فرح"كتحل فالثلاجة" : اشنو ؟؟
مراد : قالت ليك هادشي بنين الله يعطيك صحة ماصبرناش..
فرح"هزات بواطة ديال الثلج ساستها تا نزلو منها مكعبات الثلج دارتها فبانيو زادت عليها شوية الما وهي دور جيهة البابيي بقات تلوي فيه على ايدها تلوي دارتو فبلاطو مع بانيو صغير وهي تم غاديا" : بصحتكم...هاني جايا...
ضحى : فين غاديا ...
فرح"مابغاتش تقلقها" : نصايب غا شي حاجة...
صفاء : ولكن ثلج لاش...
شكووون سمعك ماتسناتش تا تفسر ليهم خلاتهم كيشوفو الا ضحى الي حسات بالي شي حاجة كاينة لان امها ناقصة فالمجمع...طلعات بزربة الفوق دخلات البيت...حطات البانيو عند راسها وغطسات فيه داك بابيي مع متين شوية ماتقطعش بالما...حطاتو ليها فجبهتها وهي تشهق وتهزت وتحطت بديك البرووودة حسات بضو لسعها"
توبا : اووووووو لا لا حيديييه باارد...
فرح : غا صبري خالتي.."حسات بيه دفا وهي تحيدو وعاودت واحد اخور من جديد فهاد اللحضة تحل الباب وهي تدخل ضحى كتعرج لقاتها عند راسها وكتحط ليها فدتكشي على جبهتها"...
ضحى : مالها"جايا كتعرج وكتشوف فامها كتفيييبري"
فرح"ضارت شافت فيها" : كانت قبيييلة بانت ليا ماهياش وملي مابانتش گلت نگوليها تعشى معانا حتى لقيتها مريضة.."سدات بينوارها وهي توقف وضارت عند ضحى حطات ايديها على كتافها" عبرت ليها لقيتها طالعة بزاف عطيتها دوا شرباتو...جلسي حداها بقاي ديري ليها هادشي وعاودي عبري را غاتنزل وملي تنزل عيطي ليا نعطيك دانون تاكلو باش ماتسخفش بالجوع...انا غانزل والله يشافيها..."ربتت ليها على كتافها وضارت خرجات خلاتها منها ليها ام مع بنتها..بهاد الحركة تبقى هي وياها راس فالراس ربما وصل الوقت الي خاص ضحى تهز امها وخا تكون خايبة تهزها لان الام كتبقى ام فنضر فرح وخا تخياب بقات متشبتة ببنتها رباتها او مارباتهاش المهم ماتخلاتش عليها..."
~عن أبي هريرة قال: جاء رجل إلى رسول الله ﷺ فقال: يا رسول الله، من أحق الناس بحسن صحابتي؟ -يعني: صحبتي، قال: أمك قال: ثم من؟ قال: أمك، قال: ثم من؟ قال: أمك، قال: ثم من؟ قال: أبوك...~
نزلات لتحت خلاتها معاها عارفاها غاتشوفها بداك الوضع وتبقى فيها وتحضيها بزز منها...نزلات وخاطرها مضيووم حيث فاش كيتعلق الامر بالام كيكون حسااس بالنسبة ليها...لقاتهم بدااو فالطبسيل الثاني...جلسات حداهم...
مراد : الواليدة مابغاتش تعشى ؟!
فرح"تنهدات" : لا را معاها ضحى عيانة شوية...
مراد"ناض وقف" : وايلي ؟! اش واقع ليها...
فرح : فيها سخانة ماتخافش را عطيتها دوا ودرت ليها داكشي الي شتوني ديت شوية وتنزل معاها ضحى...
مراد : واخا هكاك نمشي نشوفها الى منزلتش نديها لكلينيك..."حركت ليه راسها وهو يدور عند البنات" تصبحو على خير الله يعطيك صحة ختي فرح...ونتوما دار داركم مايحتاجش نعاودها..."مشى"
صفاء"حطات لفرح فطبسيل وعطاتها فرشيط" : والله تا قلبك كبييير اصاحيبة...هاديك شميطة شعشبونة كون انا كون زيدتها لفران تزيدها شوية سخانة...
فرح"خرجت فيها عينيها" : صفااااء !! حرام عليك...زعما كنعرفك بحالي...
صفاء : لا ختشي مابقيتش بحالك فهاد المسائيل...
هناء : الله يشافيها..سكتي صفاء دابا تكون جايا ضحى وتسمع اصاحبتي ويبقى فيها الحال...
صفاء : تحمست...ماعلينا"ضارت عند فرح" راجلك شحال غايجلس قلتي ؟!
فرح : 15 يوم دازو منها تقريبا ربعيام يعني بقات 11 وقل شي سوايع ودقايق...
صفاء"شافت فهناء الي جاها ضحك" : ها ما گلت ليك..."ضارت عند فرح" الى گلت ليك جاي غذا...
فرح"خرجات عينيها" : حلفي بالله ؟ ما گالش ليا اش فراسك ؟ عاوتاني داير ليا مفاجئة ومتافق معاك كيف ديما ياك ...
صفاء"صرطت ريقها" : تي شمن مفاجئة را غاضحكنا معاك...
هناء : ديما كيدير ليك مفاجئة...
فرح"تبسمات ليها ونطقاتها بحب" : ديما ماعمرو خسر ليا خاطري ديما مفرحني...وخا مسكين كيهز همي بزاااف وكنقلقو..
صفاء : ومريض مسكين وشاد ليها الخاطر...الله تا كنحبو هاد عريض الكتاف حبا لم يحبه احد له...سولييييني وسولي سيمو راني حبيتو من اول نضرة وحبو عشعش ليا في قلبي"شافت هناء لقاتها كتخرج ليها فعينيها.." اش تم ؟"صرطات ريقها وبقات مفيكسية الشوفة فهناء ماقدراتش دور جيهة فرح لانه لو ضارت غاتشوط ليها الكماااارة بنااار الغير الحااارقة" فرح صلي عالنبي وذكري الله...را بحال بابا وخويا امين حق الله...
هناء : هههههههههه...واخا ونتي مكتفكريش شي مرة تفاجئيه ؟
فرح"شافت فيها" : ماعرفتش..شحال من مرة فكرت ندير شي حاجة اخر مرة وجدت ليه ودرت ليه عيد ميلاد بلا حلوة لاكريم على قبلو هههه"حكات قرفادتها"
صفاء : المفاجئات ديال الله يحسن العوان...
هناء : كنعرفك نتي حشومية وعلى ماعاودت ليا صفاء اش داز وهادشي الي كتگولي نتي را ما مفاجئات ما ستة حمص..راه راجلك خاصك تفاجئيه مفاجئات كبااار ياك قلتي هاز ليك هم بزاااف ومريض...بغيتي تريحيه وتنفسي عليه هي لا عاونتيه...الراجل العادي كيبغي مفاجئة من مرتو الي تخليه ما يملش منها ومايملش وهو معاها...كثرة المشاكيل وحدة تابعة لاخر.ى شحال ما جلس افرح غايطج....
فرح"صرطات ريقها"
هناء : ونجيك نيشان اختي فرح راكي ختي ماشي بنت خالي...الى بغيتيه يكون غير ليك مرة مرة هرسي روتين...
صفاء : علييييكيييي نوووور...ونتي دابا راك وليتي مراتو نيشان ماشي بالوراق..."بدات تندغ بحناكها فحال كتندغ المسكة"اييييوى سيد را جنتل راااقي فالاختيار دوك الحوايج سيكسي الي جاب ليك"فرح خرجات عينيها" موحاااال شاف منهم شي حاجة...
هناء : ماتخليهش يعيش معاك عيشة جدة وجدي يوصل الوقت يجي يدورك ريكطو فيرسو يقضي الغراض وينوض...خليه يعيش معاك الاخذ والرد...
فرح"كتفكر هضرتو فاش كان كيقوليها حيدي معايا الحشمة..كوني مطلوقة ماشي عيب تكوني حشمانة وماشي عيب تكوني مطلوقة...كاتعاود تفكر فاش كتشوفو مهمووم عليها وهي تفيقها جملة هناء"
هناء : ماتخليهش يكون مهموم معاك...
فرح : اشنو ندير مافهمتش ؟!
هناء : فاش يقرب يجي اول حاجة هرسي روتين الي عايشة فيه...ديري الحنة لايديك ورجليك خليه يحس راك مرتو بصح..كايجي يلقاك محنية عايمة ومقادة...واخا نقا واللبس منتناقشوش معاك فيه تبارك الله هادشي فيك فطرة..."شافت فايدها" رجعي ديري خاتمك ديال زواج الي جاب ليك...
فرح : لا لا مابغيتش نحني عافاك غير كنحني كتوقع شي حاجة..."بتخوف"
صفاء : اشمن حاجة غاتوقع افرح علاش كتبقاي سلبية علاش ؟
فرح"الصمت"
هناء : ديريها بتفائل ماحدك سلبية ماحد ديك الحاجة كتوقع...ديريها وجربي...المهيم انا وصفاء غانرجعو بعد غذا فحالنا وفاخر السيمانة فاش يقرب يجي غانرجع انا وياها وخالتي فاطنة وهي تكلف...وغانجيب ليك معايا واحد الحاجة من عند ماما اتعجبك...صافي ؟
فرح"بغات تهضر وهي تخبط صفاء البوطاجي تا قفزت"
صفاء : ماتعاو غالصلاة عالنبي.. حبيييييتك اهشيبة لهيب...وركزي على ديك الحاجة الي غانوصيك عليها"ضارت شافت فرح لقاتها كتشوف باستفسار اش كتقصد وهي تخرج فيها عينيها" سوووقك ؟ تاتوصل وقستة ونوريوك اش غانديرو ليك فاش يكون جاي....
يوم جديد...مشات لماريو جبدات حوايج اخرين بدلات الي كانت لابسة ورجعات لدوش رمات الوسخ فالسلة...حتى سمعات صوت الهاتف كيصوني خرجات كتزرب هزاتو لقاتو زين الدين...
فرح : صباح الخيير...
زين الدين : صباح نوور كبيدة ديالي...صبحتي مزيان ؟!
فرح"جلسات فطرف الناموسية" : احم الحمد الله...
زين الدين"حك جبهتو..ماعارفش منين يبدا ليها" : مزيان.."حنحن" فرح تعطيني وذنك وتسمعي شنو نطلب منك وماتخسريش ليا خاطري ياك الفرحة ديالي....
فرح"صرطات ريقها..حسات بشي حاجة كاينة لدرجة قلبها نغزها" : ن نن نعام هاني...
زين الدين : عقلتي على شهادة الي طلبوك عليها !!
فرح"جاتها البكية" : لا لا عاافا...
زين الدين"غمض عينيه".: فراااح ماغاتمشي كوني هانية كون تمشي تلقايني حداك تما...معايا يونس هنا وهو الي بغاك تعاودي شنو وقع ليك لاخر مرة ومن وراها ماتبقايش تعاودي نساااي هادشي...فرح ديري ليا خاطري وخا هادشي ماشي ساهل عليا برااسي كبيدتي مي مالقيت ليك جهد...محتاج تعاودي ليا الحكاية وخا غير على شنو ما گديتي باش نسدو الملف بخطرة..."كيسمع انفاسها المخربقة" واخا ؟ ريحي باش ترتاحي...الله يرضي عليك...
فرح"بغات تهضر غلبتها البكية" : شش شنووو نن نعااااود ليك اهى اهى...
زين الدين : فاش وصلتي لانزگان و"صرط ريقو مغممممض عينيه...وياااا الله فاش كيجي جهد فوق جهدك ياربي وشحال صعيبة علييييه ولكن للضرورة احكااام وحكمات عليه يدير هاكا"...كيسمعوك لشهادة باش نسدو الملف...
فرح : صعييييب عليا نعاود الحكاااية اهى اهى...اااش نگول ااش اه..."عصراات عينيها عاضة فنفس باش تعاود من جديد وتحكي القصة المؤلمة"...ممم مشيييت باش نوصل لداار جدي...بالعياااا غمضت عينيييي ولقيت راسي فهاديك البلاصة...غوت بكيت ضحكو عليا الكورتيا....لقيت ولاد ناس ولقييييييت ولاد لحرااام ولاخريييين غالبيييين...بقيييت كنتسنى فالمحطة حتى فاتني الكار حيث ضحكو عليا وانا عمري مسافرت وحدي...حيث ديما معولة عليهم"خوتها" معولة على فوزي...وعلى خريييين"كتهضر وصوتها كيحسك القلب" جرييييييييت وغوت وطلبت وصونيت فالتيليفون تاحد ماجاوبني ولا رحمني والي طلق ليا الخط سدو عليا..."عوجات راسها ودموعها نازليييين"
بقات تعاود وتبكي كتعاااود فالقصة وقلبها منغوووص عليها وخا قاليهم يونس الى عاودتها هاد المرة ممكن تعاودها بشكل شبه عادي حيث الصعب داز وعاوداتو....
فرح : عييييييييت...كنطلب فيها تخليني نرجع فحالي...مارحمتنيش...
"الذكريات رجعات من جديييد ذكريات مؤلمة قاااسية صعيب الواحد ينساها وتبقى محفورة"
فريحة"حطات عليها الموس" : تسالي وتجي وليني بركي لارض هنينا لا "جبدات جنوي صغير من المخدة" نزلع لقحبة مك مصارنك فلارض حق الرب المعبود....
فرح"بان ليها جاي قاصدها وفعينيه مكاينش الرحمة ولا شفع ليها ترجيها...مكان عليها الا طلق حلوقها وتغوت لربي الي خلقها...كاتحس بالوجع ديال ليغيگل شدها وبدات تسرح عليها عاوثاني من جديد كتحس بيها هااابطة سخونة حتى انها باش تبدل مابدلاتش من المحطة...بالخلعة ما وقع ليها فالمحطة والمباتة عند هادو الي تسلطو عليها..." : واااااااااااعتقووووووونيييييييي اهى اهى بعد منيييييي بعد ماتقيسنيييييييش اهى اهى....
رجعات كتعاود القصة من جديد كل مكتعاود فيها هو كيسمع...الغلياااان بدا كيغلي ليه البركان فصدرو....كتعاود ووجهو كيتجيف عليه والحنقة شداااتو...ايدو تفيكسات على تيليفون الي فوذنو....
فريحة : هاكي التيليفون عيطي دغيا...
فرح : خئ وو واخااا"شدت تيليفون كتورك على النمرة وايديها كيفيبرييييو تا شداتو من عندها فريحة"
فريحة : طلقي لهنا وعطيني نمرتو ماتركبيها تاتجي باشا...
فرح"مسحات دنوعها وبدات تفتي عليها" : 0672...."ركبتها وعطاتها ليها غا دارتها فوذنها تسنات لكن مع الاسف صونا وهو يقطع فالبلاصة...عاودات من جديد صونا وطفى عاودت الكرة لكن لقاتو طافي..."غمضاااات فرح عينيها فنفس اللحظة غمضها هو تا نزلو دموعو يجريييييييييييييييييو....هز ايدو حطها على صدرو كيحك يحك يحاااااك فيه...الغليااان مابقاش نافع البراكين انفاجرااات وخدااامة كتشوي فيه قلبو كيتحسك ويتعصر وهو كيسمع الصوت ديالها الي توحشوووو والمصيبة انه سمع الحكاية من فمها نيشاااان لوذنيييييه....لا يونس عطاه اشنو وقع ليها لا زين الدين هاد الاخير الي فضل انه يسمع القصة بلساااان فرح....وكانت اكثر طريقة يوصل ليه بيها شنو عاشت بالحرف كانه وسط الحدث وكانت قاسية علييييه انه يسمع هادشي...هز جنب ايدو عضوووو بسنااااانو وعينيه خااارجييييين باش مايهضرش ويغوت بقا عاااض فايدو بقووة تا بدا الد.م خاارج وهو مزيييررر وكيسمع واخر جملة تقالت"
فرح : تمااا عرفت ماعندي حتى سند نتكا عليه وجناح نتخشى تحتو من غير الله...اهى اهى..."ماحسش براسو تا مد التيليفون ليه"
زين الدين : فرح....
فرح : براكة عليا عافاك...برااكة...
زين الدين : صافي ماعليش رتاحي دابا كلشي مزيان"هز راسو بان ليه غادي كيجري ماعرف يتبعو ولا اش يدير." نسالي ونهضرو..."قطع معاها وناض بجهد تا توعت وتم تابعو" عصااااام....
"وكأني أخبرتك بما يؤلمني فعاقبتني به."(مقتبس)
كملات المكالمة من بعد ما قطع معاها بقات شادة التيليفون بين ايديها عيات تصبر وتضغط على راسها لكن الانهيار كان قوي عليها باش تحبسو فاستسلمت للبكاء...كاتحس براسها كتخويييي شنو هاز قلبها بالبكاء...كاتحس براسها فحال حيدات عليها شي حاجة كانت مزال كاتمة على صدرها وضاغطة عليه...حتى صونا التيليفةن فايدها وكانت صفاء المتصلة...
فرح"جمعات نفس تا جمعاتها وطلقاتها باش تخرج الغصة ديال البكا..مسحات عينيها من الدموع وطلقات الخط" : الو صفاء...
صفاء : مال صوتك ؟!
فرح : احم والو غير كنت كنكحب بزاف...هاني نازلة...
قطعات معاها وبقات شي شوية تا حست براسها قادرة انها تنزل...فلول استغربت من اتصال زين الدين وطلبو المفاجئ هذا لكن سرعان ما قالت انه مادام طلب منها تعاود تحكي هادشي الا انه فمصلاحتها ولان ثقتها بزين الدين كبيرة دارت شنو قاليها بالضبط...عاود ناضت دخلات لطواليط غسلات وجهها تا حسات بيه تنفس ورجع عادي تقريبا نشفات وخرجات خشات تيليفون فجيبها وخرجات من البيت نزلات لتحت دازت على المطبخ شربات كاس الما ورجعات مشات البيت لقات صفاء وهناء جالسين كل وحدة شادة مشقوفها وكيبقششو فيه..
صفاء"هزات فيها عينيها" : جيتي"حققات ليها فوجهها بان ليها مبدل" مالكي ؟
فرح : ماماليش..."جلسات حداهم وسكتات مابقات قالت والو اما صفاء بقات كتشوف فيها شوية رمات عينيها لهناء الي تاهي نفس الشيء كل وحدة لاحضت انه بيها شي حاجة واخا تخفي تا تعيا لازمها وقت باش ترتاح نفسي الي تغير خلال نصف ساعة مكترتاحش فخمسة دقايق او عشرة...يمكن يوم بطوله يمكن يومين عاد باش تنسى شنو عاودات وشنو بدل ليها المزاج ديالها...وخا را كتحاول جاهدة باش تحدى راسها وتعايش عادي كان شيئا لم يكن...
في الجهة الاخرى..كيف عطاه التيليفون ومشى تبعو كيزرب خرج من البيت تابعو ويعيط..والو عصام واش سمعو ولا عرف راسو اش كيدير فهاد اللحظة...وقف يونس الي كان جالس على برا كيتسناه باش يخرج من بعد ما يهضر معاها...ماستغربش لانه كان عارف ردة الفعل الي غايدير عطا هاد الاحتمال....
يونس : ماتخليش يمشي وحدو شوف كيفاش دير وتبعو...
تحل الباب فالوقيتة الي خرج فيها هو كان جدو المحجوب يلاه واصل جايبو عبد العالي فالطوموبيل...
المحجوب : شي باس مكاين اولدي مالكم ؟؟
زين الدين"شاف فيه بالدعقة باس ليه راسو بالزربة بلا مايقوليه شنو كاين ولا يجاوبو وخرج...تبع عصام الي ركب فالسيارة الي ضبر ليه فيها صطوف باش يتحرك بيها.." : عصاااام تسنى صحبي عصااام"ماجاوبوش دغيا ركب فالطوموبيل وديمارا حتى جا عبد العالي لعند زين الدين"
ع.العالي : يلاه ركب نتبعوه دغيا...
ماعاودش معاه الهضرة فالبلاصة حل الباب وركب تبعوه خلاو المحجوب فالدار لان اصلا شوي وغايجي صطوف وفوزي...بقاو تابعينو بالسيارة هو غادي مسرع طاير وهما وراه
ع.العالي : هضر معاها كيف تافقتو ؟!
زين الدين"مكمش عينيه بالالم ديال جرحة...نفخ بفمو ساط..حرك ليه راسو"
ع.العالي : لا اله الا الله وصافي..."زاد ركز معاه كيبان ليهم غادي وكيدوبل فالطوموبيلات..."
زين الدين"كمش حجبانو مركز معاه وكيشوف فيه طاير فديك الطريق" : شنو كيخربق هذا ؟؟
ع.العالي : العقل غاااب دابا طاير خلوق وزاد كمل...عصبي عصبي بلا قياس...
زين الدين : زيد فالسرعة....
ع.العالي : الطريق عامرة ونزيدو تاحنا...
زين الدين"شافو بدا كيتلف ليهم" : المرض عصااام عصاااام..."بقاو تابعينو حتى واحد اللحضة طوموبيلتو مابقاتش كتبان وسط سرسوب سيارات...بقاو شحاال وهما تابعينو ومع كانت حادثة سير فالطريق دنيا كانت نوقفة...هاد اللحضة استغل زين الدين الموقف" عطيني نسوگ انا عطيني .
ع.العالي : انااا قاضي الغراض ازين الدين راك مريض حالتك ماتخليكش تسوگ دابا تركن لارض...
"بدات كتسرح طريق وطوموبيلات كيدوزو واحد اللحضة فقدوه مابقاوش لقاو طوموبيلتو...زين الدين تيليفون فوذنيه كيصوني ليه ويعاود والو مابغاش يجاوبو وعااارفو مغاديش يحاوبو هادي حاجة كانت باينة غير هو كيبقى احتمال فيه امل وصافي...
ع.العالي : يلاه اسي مع هذا...
زين الدين"قطع وشاف فالتيليفون كيفكر وهي دير ليه طن" : نمرة صاحبو عندك ؟!
ع.العالي : صطوف !! لا شوف فوزي را غايكون معاه خليتهم غايتبعونا...
زين الدين"فالبلاصة عيط لفوزي" : فوزي معامن نتا دابا ؟
فوزي : صطوف علاش !؟
زين الدين : عطيني نهضر معاه..."دوزو ليه" عصام فاش كايطلع ليه الخز لراس فين كيتحرك ؟!"هضرة كيفهموها غا رجاال بيناتهم دليل انه فهم بالي عصام طلع ليه د.م عندو بلاصة فين كيتحرك"
صطوف : كعى الحبس ثاني ؟؟ عندو بلاثة هي فين كاينين دابا سيدي بوزيد...كاينة دار ف ازمور ديالنا ولكن ساروت عندي...ماعندو فين يتحرك دابا من غير الموزيطي...
زين الدين"هز حاجبو باستغراب" : فين هذا ؟!"عطاه العنوان اكزاكت فين وقبل مايقطع"
صطوف : هنا وكان قبل الجغمة اللولة...
زين الدين"حرك راسو وعينيه فالطريق...قطع معاه وضار عند ع.العالي" : قضي غراض....
صوتها الحزين...بكاها وهي كتعاود بحرقة شنو جرا ليها..قلبها الي تقسم وخاطرها الي تجرح وتهرس...كلامها الي حس بيه خارج كيحرق فيه فحال السهام كيف الجمر كيضربو ليه فقلبو...غادي فالطريق بسرعة وعينيه على طريق لكن عقلو غاااايب ماهواش هنا...
فرح : كان غايتعدا علياااا اهى اهى...عييييت نرغب فيه ونغوت عيييييت ندفع فيه ونضرب...ممممم اهى اهى...
داكشي الي كتعاود كامل كيتعاود ليه فمخو... القصة تعاودات ليه فراسو طول الطريق وهو غادي مكسيري لطف الله معاه...
فريحة"حطات الموس على جنبها" : تركني لارض ولا نزلع لمك مصااارنك...
فرح : كاتعاير فيا بالهضرة الخايبة اهى اهى...ماقدرتش نعتق راسي وانا وسطهم ترجيتهم بكيت...الي عاوني هو انني مكنتش موضية...
ماحد عقلو كيتفكر ليه الموقف ديال انه كان ممكن تعرض للاغتصاب الكامل...واخا هي محاولة واعتداء الفكرة بحد ذاتها كتزيد تجهلو...ماعرفش راسو فين كان عقلو...الغضب عمى ليه عينيه على بزاااف الحقائق..ماشي فقط حقائق ولكن كان مركز غي على عزة النفس الي فيه...ماحاولش يتنازل حتى انه يسمع او يعطي للطرف الاخر فرصة يهضر معاه يتحاور معاه...وهادشي انعاكس حتى على راسو صحتو نفسيتو الي تدمرات بسباب انه ضحى بزاااف وبغى يبقى غير يضحي فقط...وهضرته تسمع لانه ضحى...الجهد الي فيه خلا الناس يشوفوه بنضرة ثانية الي طغات على انه مضحي...
عصام"عينيه خرجو من اخر ذكرى مشى ليها عقلو حس بالخنقة لدرجة جاكيط الي لابس تقلات عليه وخنقاتو بدا يحيد فيها شوية بشوية تا تهز بزربة وحيدها لاحها بقى غير بتيشرت نص كم...وصل لجديدة شد طريق الي بغى يمشي ليها فين يتكوانا يعيش الالم الي كيحس بيها دابا والي صعيب شي حد يترجمو لانه فهاد اللحضة كيعاااني...مسافة طريق حتى دخل لواحد الشارع وفرانا بجهد تا مشى وجا...حط راسو على الفولون شي خمسة دقايق وهو كينهج...الي سولو او قرب ليها دابا مايعقلش عليه الصعرة الي راكباه على راسو اصعب من الصعرة الي كتجيه على شي حد...بقى حاط راسو على الفولون وفنفس الوقت حل الباب بايدو اما تا سانتيغ ماكانش دايرها...هز راسو ونزل من السيارة وصل عند الباب ووقف...
عصام : الموزيطي كاين ؟!"حرك ليه راسو"
عصام"عقد حجبانو ودخل لداخل...شاف هنا وهنا ومع مزال ما اذن الضهر كانت دنيا شبه خاوية...قشع الفوطوي فواحد الكوان بعيد تما غير وحدو بطابلة ديالو...مشى ليه لاح كونطاكت وتلاح جلس فيه جبد التيليفون من جيبو وطفاااه وحطو قدامو باش مايفرع ليه حد راسو بتعياط خصوصا زين الدين الي قرب تيليفون يطرطق بليزابيل ديالو...واحد شوي حتى وقف عليه واحد الرجل تقريبا فعمر الخمسين سنة..هو مول البلاصة كيقولو ليه الموزيطي حيث كنيتو لكن الاسم عمر
عمر : الموزيطي مكايجي عندو عصام الا الى لححات ليه الوقت...
عصام"هز فيه عينيه ورجع شاف قدامو" : دير الواجب...
عمر : نديرو وليني اينا واجب ؟! واجب مول المحل مع الكليان ولا خو مع خوه صغير ؟!
عصام"عقد حجبانو وهز فيه عينيه": ماتبداش تفرع ليا كري مفروووع فرعاتو الوقت وفرعتو انا لراسي براسي...عطيني المفيد الهضرة ماشي دابا...
عمر"ضار جيهة البار مان" : جوج مهرسين وواحد سيك..طريفات الحامض صافي بلاش من القطعة..من هنا لشي نص ساعة عاد جيبهم ليه..."غمزو ونطق مخفض صوته" القضية واصلة لرباط (زعما را عصام مازم بجهد)..."ضار شاف فعصام" نخليك وحدك ؟
عصام"حرك راسو"
مازادش معاه الهضرة...مشى لاشغالو تما فالمكتب ديالو لداخل...اما عصام بقى جالس عينيه على نقطة معينة ممنتابهش لشنو كيشوف حيث ببساطة عقلو مرفووووع...تعاودت القصة ثاني من جديد...تعاودت الهضرة ديالها فوذنيه كانها كاتعاود من جديد....من بعد نص ساعة بالحساب جا البارمان حط ليه الطلبية الي قاليه عمر حيث عارف عصام شنو كيبغي باش ينسى الهم المصايب الي كتنزل عليه فاش كيجيهم صاعر كيطلب شي حاجة الي تغيبو عن الواقع ويجيب الكاااو...
فرح : عااااافاك سمح ليا عصااام اهى اهى مابقيتش بغيتو مابغيتوش والله غا سمح ليا عصاااااااام اهى ..
عصام"جر الكاس ديال شراب لعندو...دوز على وجهو بايدو بعصبية وغضب على راسو كل مكيتفكر هضرتها ليه وهي كترجاه يسمح ليها داك النهار...والي كمل ليه الباهية هي اللحضة فاش قالت فوذنيه قبيلة وهي كتختم القصة"
فرح : تما عرفت معندي حتى سند نتسند عليه ولا جناااح نتخشى تحتو من غير الله....
هادي كانت النقطة الي خلاتو بدون مايشعر يلجأ للوسيلة الي كتنفعو من نهار دار ثمنطاش عام وشد البلية وهو فيها...الي كتخليه ينسى وماكيحلش كشاكيلو من غير اللجوء للمحرمات الي كتخليه غااايب...هز الكاس يلاه غادي بيه لفمو حتى طار ليه من بين ايديه لهيييييه تشااااااخ تشتت شقووفة...
عصام"هز عينيه مخنززززر...كيغزز فسنانو..يلاه غايهضر تا بان ليه الكاس لاخور تاهو تلاح لهيه وتبعو تاني وحتى طبسيل الحامض...وهو يوقف" : اش كاين از*** نعاود نعطي ل زبور مك تاني نتبلى فيك ؟؟؟
زين الدين : المخير فقبيلة مك القواد ركب عليه...هادي هي رجلة فحلان المشاكيل ؟!
عصام"بغيييييض" : بالرب المعبود حتى نقت...لللك ...
زين الدين"مسح جنب فمو ضار هنا وهنا وهو يضربو براسو حتى طاح يلاه بغى ينوض وهو يرش ليه وجهو بواحد سبراي تا بدا يغيب بغى يهز ايدو وهي تخوي بيه وطاح مغيب....ضار عند صطوف وع.العالي وسيكيريتي الي شير ليه عمر" : هزو القواد دابا...
السيكريتي كان صحيح تعاون مع صطوف وع.العالي هزوه مرابعة وواخا هكاك جاهم ثقيل...
صطوف. : هاد الحبس مشحم...
فوزي"واقف على عكازو كيشوف فيهم كيهزو فيه" : اشوف انا غانمشي عند با مانخليهش وحدو...
صطوف"وقف وشاف فيه" : خفتي يفيق يبدا يملخ فيك نتا لول ؟!
زين الدين : الرجلة ديال الفرشي...
فوزي"كمش عينيه كيتبوحط" : الااا يا را مزال عيان مهيرس(تصغير مهرس)...الخال توصلني ؟!
ع.العالي"طلعو وهبطو" : وصبر بلاتي ندخلو خوك...
هزوه مغيب عالاخر...صطوف سيكريتي وعبد العالي داوه خرجوه لطوموبيل لقاو زين الدين حالها كيتسنا فيهم...دخلوه وسد الباب...
زين الدين"موجه كلامو ل عمر" : يتوب عليك...
عمر : الله اودي.."لان صطوف الي قاليه يعطليه شنو بغا حتى يوصلو عليه لهاد البار فين دخل يشرب"...
رجع عبد العالي ركب فطوموبيل هو وفوزي...وصطوف ركب باش يسوق وزين الدين ضار ركب حداه...كل فين صد..زاد صطوف فين نعت ليه زين الدين....
صطوف"ضار جيهة عصام الي كان متكينو على الكوسان مغمض عينيه مغيب ورجليه الي موقفين ركابيهم حيث طويل ماقدش لور ديال طوموبيل..رجع شاف فزين الدين" : الى لقينا شي براج اش نديرو معاهم ؛!!!
زين الدين"كان كيعض شنايفو كيفكر هز عينيه فالطريق وشير بصبعو" : من هنا لشي 10 كلم كاين براج...قبل ماتوصل كاين واحد البيست دخل منو...
صطوف"ضحك بجنب" : راك عارف البلاد ماعندي مايتسالك..
زين الدين"كيحرك راسو ببطء" : الخدمة والمشاغيل تخليك تعرف العجب...شي مرات لابد مادير بعض الفعايل باش تسلك راسك مع البشري...
صطوف : وحق الرب الى هادي هي هضرتي ونيت گايلها لهاد الكيدار...سلك تسلك وخا شي مرات البشار كيكفرك يا العياذو بالله...
زين الدين : ماتنساش تاحنا كنديرو الفعايل ونكفرو عباد الله علينا...
صطوف"ضار شاف فعصام ورجع شاف فيه" : وتقاتلتي تا هضرتي معاه...وخا على شوي طيح بطانتك (البطانة هي روح وبطانتك هي روحك)...وليني ماعليش فسبيل تجمع الشمل وهادشي لاحضتو فيك وفالهضرة الي كنتي كتهضر"هز ايديه لفوق وخبطهم عالفولون" امع هاد القواد العكسي اللهم ضرب ملتو بسلاحو تعكس معاه يرطاب...
زين الدين"هز راسو وضار شاف فيه" : شنو بان ليك كان ممكن نسلك ؟ باش نسلك الى مادرت هادشي ؟...
صطوف : من لاخر ؟ كان خاص هادشي يحبس ويرجع دم يجري قبل مايبرد ويجمد وكل فين غايصد...وباش مانافقكش !! عندك النصيب الكبير فهاد تشتات الي وقع...بغيتي نكذب ؟
زين الدين : قاصح حسن من كذاب...
صطوف"حدر راسو وهزو" : هو صاحبي وخويا وعشرة من الصغر"هز ايدو خبط قرفادتو"نعطيه گلبي ومنفوتوش وفالحق نجي من الحق...
بقاو كيهضرو وشادين الطريق حتى وصلو لواحد فيلاج لقاوه عااامر بالناس والكرارس وصوت البوق واصل كيتسمع...
صطوف : شي سوق هنا ؟
زين الدين : سوق الخميس"هز عينيه فالبلاكة" سي هو هذا...
صطوف"تصدم فاش قاليه سمية البلاصة" : عندك مع السواق الخو !!
زين الدين : طحنت هاد الطريق بجهد..."هز ايدو" وبااش منافقكش تانا فايت جاي ليه ما مرة ما زوج...
خلاه كيبرق صدمو السيد عارف سواق وجاي ليهم والي شافو يقول السيد مولف غير الهاي والرفاهية غير من لبسو كيبان انه لباس عليه...هادشي علاش مخاصش نحكمو على الناس من لباسهم والعيش فين عايشيين حتى نعاشروهم ونعرفو المعدن ديالهم...ماشي اللباس الماركة والسييني ولا السيارات الفاخرة او البلايص فين ساكنة را انسان مكيعرفش الطبقة العادية فين عايشة وممجربش عيشتها...
بقى سايق كينعت ليه فين يمشي حتى دخلو لواحد البيست كان الضهر ااذن عليهم فالطريق...حتى وصل العنوان فين نعت ليه بالضبط ووقفو...
تحط الغذا وتجمعو على الطابلة كان وليد ومراد والبنات جالسين حتى تمات جايا فرح هازا بلاطو بين ايديها..وضارت طلعات الفوق وصلات البيت دقات تا سمعات صوتها وهي تدخل...لقاتها جالسة كتنهج بالعيا...
فرح : علاش نضتي بقاي متكية راك مزال مريضة..."حطات البلاطو فوق طابل دونوي"
توبا"تبسمات ليها بعياء" : ماشي مشكيل الى بقيت ناعسة غايشد فيا المرض بزاف"شافت جيهة البلاطو فيه طويجين صغيير وطبسيل شلاضة وواحد فيه ديسير مقطع وكاس خاوي على قبل الما باش تشرب دواء" مالك معذبة راسك ...
فرح"حنحنت" : مكاين والو هذا صايباتو ليك مي خديجة مافيهش الملح...وشلاضة نقصتها ليه بلا ملح تاهي وهذا ديسير..والخبز ديالك...تغذاي وشربي الدوا شوية ويعيط زين الدين يسول فيك حيث گلت ليه كنتي مريضة وهو الي عطاني سمية دوا الي تشربي نتي باش يفوتك العيا ديال مرض...
توبا"حدرات عينيها لارض حسات بواحد التبوريشة فشكل...واحد الاهتمام يمكن عمرها ماعاشتو الا فاش كيجي زين الدين فقط...حساات بفرح بغات دور تمشي وهي تنطق" : فرح...
فرح"ضارت عندها" : نعام خاصاك شي حاجة !؟
توبا: الله يرضي عليك..."عيات تصبر..ماحساتش بدموعها حتى نزلو وهزات فيها عينيها" وسمحي ليا بنتي سمحي ليا بزاااف...
تبسمات ليها وحركات راسها وهي دور ماجاوبتهاش حتى واش دنيا هانية ولا مسامحاك...كانت ابتسامة من قلبها اكتفات بيها فقط...ضارت وخرجات من البيت مخلياها...يلاه غاتنزل وهو يصوني تيليفونها جاوبات ...
فرح"سمعات تحنحينتو" : زين الدين...
زين الدين"كيدقق فصوتها" : شوية دابا ؟!
فرح"تنهدات..ضارت جيهة بيتهم ودخلات" : مزيانة دابا..
زين الدين : بصح !؟
فرح : الى عارفني مغاديش نكون مزيانة اشنو غادير ؟غادي تجي عندي ؟؟
زين الدين"هز حاجبو" : مالك شنو كاين ؟؟
فرح :ما ماليش...بغيت نهضر معاك ابيل فيديو كنصوني عليك بيه مكتجاوبنيش كتقطع وتصوني عليا عادي...علاش ماباغيش نشوفك !!
زين الدين : الى شفتك مانصبرش ونجي...
فرح : وجي علاش غاتبقى هاد المدة كاملة جي وعاود رجع..
زين الدين : مانص...
فرح"قاطعاتو" : ماانصيبش عندي الخدمة ورزقي مقابلو ومشاكيل فوق راسي...عااارفة هاد الهضرة عااارفة...
زين الدين"بدات تعصبو حتى دوز على وجهو بزعفة" : وشنو بغيتي ندير ؟ نجي نبقى تما ماندير والو...
فرح"الصمت"
زين الدين : علاش معصبة ومصعبة الوقت على راسك !! مابقاش بزاف ونجي...
فرح : قطع وعيط ليا ابيل فيديو...
زين الدين : مامساليش باش نهضر معاك ابيل فيديو...
فرح"قابلت التيليفون مع وجهها لقاتو معيط ابيل عادية" : قطع وعيط ليا فابيل فيديو...
زين الدين : مامساليييييش"عض سنانو مغيييز" فرح عذريني الله يرضي عليك...الوقت الي كيكون عندي خاوي مكنفرطش ونهضر معاك...
فرح : زين الدين مابغيتيش تهضر معايا ابيل فيديو نشوفك ؟
زين الدين : دابا وليتي نتي الي باغيا تهضري بيها...نهار كانصوني عليك بهاد l'option..كاااع عذر دنيا ودين كاينزل عليك...
فرح : زين الديييين بغيت نهضر معاك ابيل فيديو نشوفك...علاش ماباغيش تهضر واش كاينة شي حاجة ؟
زين الدين : لا مكاين والو...ومانهضرش معاك حتى نجي ونشوفك بغيت نبقى موحشك حتى نجي لمك نتفاهم معاك بطريقتي...
فرح : اذن كاينة شي حاجة وماباغيش نشوفك...
زين الدين"ماحسش براسو تا جهد صوته" : مكاااااااااين والو فرح مكاين تا حاجة ماتلصقيش فنفس الكلمة راني هضرت معاك ماشي دري صغير انا...رخفي شوية وراعي وااااه"خرج عينيه"
فرح"حسات بقلبها قفز لفوق ونزل...صرطات ريقها وصوتها تقج" : واخا سمح ليا...نخليك...
ماحتال ينطق كانت قاطعة التيليفون عليه...خشات تيليفون فجيبها...حسات بغصة فحلقها وحسات اكثر انه كاين شي حاجة واقعة ليه داكشي علاش طيلة هاد الايام مكيهضرش معاها ابيل فيديو...اما هو زير على تيليفون بين ايدو بجهد تا تسقطات ايدو من د.م...جبد باكية الكارو من جيبو دار سيجارة ففمو وشعلها وزاد لهييييه من بعد ما سمع النداء بسميتو...اما هي صونا تيليفون عاود فايدها وهي تشوف لقاتها صفاء...
صفاء : افينك نتي ديما كطلعي وتنعسي...
فرح"جهدات صوتها" : وتغذاو لا ش كتبقاو تسناوني ؟؟ الى تعطلت راني ممسالياش علاش فينما نطلع تبقاو تعيطو وتسولو راني غير هنا ماهربتش...
صفاء"صرطات ريقها" : واخا سمحي ليا...
قطعات معاها وخشات تيليفون فجيبها خرجات من بيتها ونزلات لتحت نيشان لبيت لقاتهم جالسين كيتسناو....
مراد : كي بقات الوليدة ؟!
فرح"بوجه مبدل..باينة طالع ليها د.م" : شوية...
وليد : كانت مريضة ؟"حرك مراد راسو" اه الله يشافيها تا تنزل ونشوفها....
ضحى : نتغذا ونطلع نعبر ليها طونسيون...
فرح : حسن تبقاي تجلسي معاها بزاف ماتخليهاش وحدها ديما...وردي معاها البال لا يكون عندها ديابيت...
صفاء"صاقلة عرفت القنديشة طلعات ليها"
ضحى : اشنو قال زين الدين فالتحاليل...
فرح"قطعات خبز وعطاتهم...شافت فيها" : ماعرفتش عيطي ليه سوليه...
ضحى"صرطات ريقها ولولبات عينيها جيهة وليد الي شاف فمراد الي بدورو شاف فهناء الي شافت فصفاء الي دارت راسها ماشافتهمش وهزات عينيها فالسقف بانت ليها ترية هابطة من القبة الي ملبسة بعود العرعار المنقوش"
صفاء : ثرية كتحمق وسقف فيه ريحة داك العود الي كالقاو فصويرة...
مراد : عرعار ههههه ايييييه...
فرح"هما غا كيهضرو وصافي..وهي كتاكل وعقلها غايب.."
وليد : شحال يكون تقام عليكم هادشي...
مراد : وشي ملينات صحاح...داكشي كان واقف عليه زين الدين...
فرح"غا سمعات زين الدين وهي تهز فيهم عينيها" : واش مابغيتوش تغذاو ؟؟
مراد : هاحنا بسم الله...
فرح : حتى نگولها ليكم ؟ انا بديت كناكل ونتوما حبستو كتهضرو اشنو دار زين الدين ما اشنو دار ؟...
صفاء"خشات ندغة الخبز ففمها وزادتها لحيمة باش تسدو وتبان را كتاكل وفنفس الوقت متهضرش"
فرح : وليد فين مشى زين الدين !!؟
وليد"خرج عينيه ماعرف باش تبلى" : الله ماعرفت...
فرح"شافت فمراد" : زين الدين واقعة ليه شي حاجة ؟؟ "خرجات عينيها" ماتگووووولش ليا معارفش...كلكم عارفين اش واقع كلكم ولكن مغاتگولو والو علاش حيث وصاااكم زين الدين هاد فرح ماتعرف والو حيث فرح مريضة وماخاص تعرف...
مراد : ولكن را والله مافراسنا شيحاجة...
فرح"حطات بابيي من ايدها بجهد تا تزعزعو الكيسان وناضت" : عارفييين عارفين اش كاين ومابغاينش حيث خايفين منو...حتى انا مغاديش نحرجكم..بصحتكم الغذا..."قبل مايهضرو ضارت وطلعات مع دروج خلاتهم شي كيشوف فشي"
جر جرة طويييييلة من كارو وبقى حابس حتى حس بيه دخل ليه مع العروق وخا مضر بجهد لصحتو لكن كيبقى مخفف عليه فضل هاد الضغوطات الي واقعة ليه من جميع الجهات والاطراف...طلق دخان وهو يدور شاف وشير ليه من بعيد كمى وعاو وعاود ورماه عسف عليه برجلو تا طفاه هزوه ولاحو فواحد البركاسة تما...تمشى شوية حتى وصل عند الباب..
زين الدين : ماشفنا قهوة ماشفنا براد اتاي ما شفنا ضيافة"حرك راسو بغمزة" ممولفاش ليك با الحاج...
الحاج"حرك ليه راسو..وهز ايدو حطها ليه فوق كتفو" : ههههه لاا حاشا..لو ترجع تقوليا ابي الناجي"شاف جيهة باب دارو بان ليه ولد ولدو واقف كيعيط ليه"
حمزة : جدي قاليك ابي دخل را القهوة محطوطة...
الناجي : واخا ولدي هاحنا جايين ان شاء الله..."شاف فزين الدين" تفضل اولدي مرحبا...
حدر راسو وتبعو حيث هو سبق تا وصل عند باب دار حنحن وقال السلام عليكم خرج ولدو شير ليه باش يجي..دخل وتبعو زين الدين حادر راسو وعينيه فلارض شاد فايدو الي باقي مهزوزو بباندة وعينو الي باقي فيها نفاخ وتورمات وخا بداو كينقصو تدريجيا...سلم على صاحبو ودخل لقى طابلة عامرة بما تشتهي الانفس ولقى صطوف تاهو جالس كان كيهضر معاه...كب ليه قهوة ديالتو...
الناجي : اش كاين القهوة هي هاديك ولا سي البغدادي...بتوصيات صاحبك باش تعرف لا يحساب ليك ينساك.. هههه
زين الدين : هي هاديك...صاحبي صحة عليه يتفكرني..."شاف فصطوف" مرحبا با صطوف...
صطوف"واحد الحشمة وواحد المرگة نزلت عليه وهو وسط هاد الناس المضيافة والوجوه البشوشة والقلوب العامرة بالايمان..حادر راسو" : الله يكبر بيك خاي زين الدين...
الناجي : مرحبا ولدي...
بقاو كيهضرو وهضرة تجيب هضرة تدي...حتى بقى غير الناجي كيهضر وولدو كيهضر وهما حادرين راسهم وكيسمعو...
الناجي : اذان المغرب اقترب اولدي...توضى...
زين الدين : ايه ابا.."شاف ف صطوف" با صطوف توضى..
صطوف"صرط ريقو وقلبو ولا يضرررببب تا حس بالعرق ندى ليه فجبهتو" : مم ممم
زين الدين : سي سي نوض توضى..
صطوف"جاتو تشحريجة فصوته" : هححم احكحكح..اوكان خاصني نمشي لحمام..
زين الدين"خرج عينيه" : لاش الحمام...
الناجي : ماشي مشكيل اولدي...الدوش موجود الحوايج موجودين...
زين الدين : ايييه دخل..الحوايج ماتهز هم"خبط رجلين صاحبو" سي عزوز عندو ذي سورفيت ملاح.."شاف فصاحبو" يبان ليا جايب ليك فالطول...
صطوف : انا كسدتي"جنازتي" كيفصلو ليها هههه غاشدها من عندي معلومة"خبط ركابيه وناض مالقى تخريجة" طوموبيل فيها واحد صويك فيه حوايج عصام نشد من عندو تا وكان نرجع ونبدا...
زين الدين : ودابا دويتي...
خرج صطوف قدام الدار من بعد ما خوا ليه الناجي الدنيا باش يخرج...مشى لطوموبيل جبد الصاك كيبقشش فالحوايج هز شنو خصو حتى سمع صوت الاذان دياال المغرب مع جا تحت الصومعة نيشان داك الاذان دخل ليه مع العروق حس بيهم بداو ينبضو كانهم رجعو لحياة!!...نفس الصوت هاد المرة كان الهلال الي كيهلل قبل من الاذان ديال الفجر... .حل عينيه وعاود سدهم حلهم وعاود سدهم...وعاود حلهم لكن هاد المرة معسلين بكثرة النوم الي نام وهو مغيب...دور راسو تا بان ليه واحد جا وجلس حداه ربع رجليه...
عصام"دور راسو كيشوف فيه كمش حجبانو ونطق بصوت مبحوح" : شكون نتا !!!
هو"ضار شاف فيه وتبسم" : انا عبد الله فحالي فحالك...
عصام"هز راسو بزربة كيحل فعينيه ويستوعب فين كاين..حتى تم جاي زين الدين وجلس قدامو تاني ركابيه" : اش كاين ؟؟!!
زين الدين : فقتي !!
عصام"بغى ينوض ليه وهو يظفعو مع كان مخلخل جا مشبح بلاصتو..زفر بنفاذ صبر." : شكون جابني هنا...
زين الدين : انا...
عصام"يلاه بغى يهضر وهو يتسمع صوت الاذان ديال الفجر...ومااااا احلاه داك الصوت وهو يؤذن...ماحلاه داك الحلق الي كياذن...الي ضغط على راسو ولبى نداء الصلاة فهاد الوقت فهو خير من النوم...ماشعرش براسو مع صوت قريب بزااااف...غمض عينييييه كيحس بواحد تبورييييييييشة بدات ليه من صبع رجلو تا وقفات الزغب الي فيهم رجليه صدرو الي فرفر ليه قلبو لداخل شعرو وقف كيحس بواحد راااحة فشكل تا غرغرو عينيه ماعمر حس بهاد الاحساس حتى لهاد الوقيتة"
زين الدين : بغى ليك الله تفيق فالوقت المخير لصلاة...نوض هاني كنتسناك..."ناض وقف مشى جلس وهو ينطق عصام موجه كلامو لسيد الي كان جالس حداه"
عصام"بصوت مبحوح" : فين انا ؟
عز الدين"الامام صاحب زين الي كان جا عندو شحاال هادي فاش غبر واحد اليومين قديمة..تبسم" : نتا فبيت الله يا اخي عصام...حوايجك موجودين الدوش موجود فالوقت الي تقام الصلاة لحق علينا...
عصام"تبوريشة كتهز وتحط فيه" : غالط مع الله...ومع العبد بزاااااااااف"طولها بواحد طريقة تبين ليك انه وااصلة بيه"
عز الدين : الى كان الله كايسماح وفاتح باب التوبة..اش يكون العبد قدام الله..."ربت ليه على كتفو وناض لحق على زين الدين ورا الامام الي هو الناجي حيث هو الي كيصلي بيهم الفجر فداك الدوار..."
تسمع صوت الامام يامر الناس بتساوي الصفوف باش يقيم الصلاة...ضار زين الدين جيهة الباب كيتسناه يدخل بان ليه غير صطوف الي كاين فالصف الي وراه لكن عصام مكاينش...بقى حاضي الباب حاضي حتى بدا الامام الصلاة ودور وجهو...بصوت عطر وخشووع تاام تصلات صلاة الفجر..
الامام : السلااام عليكم ورحمة الله...
كملو الصلاة وبقاو البعض كاين الي ماصلاش صلاة تحية المسجد وبقى حتى صلاها حيث دخل ولقاهم قايمين صلاة يدا معاهم فين واصلين وكاين الي ناض ديك الساعة راجع فحالو..من الناس الي بقاو طبعا كان زين الدين وعز الدين وصطوف الي كمل وجلس كيتسنى حيث بان ليه زين جالس هو وعز الدين...
زين الدين"كمل الباقيات صالحات وضار عند صطوف" : عصام ماجاش...
صطوف"دور راسو لور ورجع ضار عند زين وشير ليه" : فداااك الركن الي بعييييد...
زين الدين"شاف فين نعت ليه حتى بان ليه راااه واااقف كيصلي..كيبان من بعيد مدوش نقي شعرو ممشوط لابس قبية گري بالقب سخونة وسروالها وتقاشر بيضيين..حاط ايدو ليمنى على اليسرى فوق كرشو جامع حجبانو ماشي غضب ماشي عصبية وانما كيبان انه مخشع..الصلاة كيعرف ليها وكان كيصلي غير فالاوقات الي كيحتمو عليه يصلي كيف كنعرفو عند بزاف كاين الي حتى كيجي رمضان عاد يصلي وكاين الي كيصلي غا صلاة العيدين(عيد الفطر وعيد الاضحى)ولا الجنازة كيف وقع معاه فاش بغاو يدفنو يونس الخطيب المتوفي ديال فرح...ولا يوم الجمعة وكاين الي كيصلي مدة ويقطع...وهادشي مغاديش يحس بخشوع الصلاة الى كان قلبو عامر بملذات الحياة ومحرماتها...لكن فاش كتصلي الصلاة لانها واجبة عليك ولانها عماد الدين وركن من اركان الاسلام ولان قلبك فلحضة الصلاة خاص يكون متفرغ ليها....إحضار القلب فيها بين يدي الله، والإقبال عليها، تستحضر عظمة الله، وأنك بين يديه ترجو رحمته، وتخشى عقابه،."
عز الدين"تبسم وطبطب على كتف زين" : خليه بين يدي الله..
صطوف"رجع ضار ببطء كيشوف ف عصام كيفاش كيبان مبدل..فرق شاااسع بين واحد كان كيعالج مشاكيلو بالمحرمات يغيب عقلة باش ينسى مدة ديال ديك الغيبوبة...وبين واحد لجأ لله سبحانه هنا كيتنقى قلبك ويطهر عقلك وكتولي شخص مرتااح ماشي مهموم...وجهو تبدل ولا كيبان نقي منور وهذا ان دل فانه يدل على ان عصام رتاح فديك اللحضة والاهم انه ماقالش لا حدر راسو وناض ومشى دوش وتوضى...رجع ضار عند زين الدين وقال" : تبدل بزاااف اصحبي...
زين الدين : ان شاء الله للاحسن...
عصام"كمل الصلاة ولاقى جناب كفوف ايديه 🤲🏻 للدعاء مكاملاش دقيقة وقال" : يارب..."يلاه بغى ينوض حتى تحطات ايد على كتفو طبطبات عليه هز راسو بان ليه عز الدين الي جلس ربع رجليه وتقابل معاه"
عز الدين : تقبل الله...
عصام"حرك راسو" : منا ومنك...
عز الدين"تبسم" : دعاء من بعد انقطاع الصلاة على مابان ليا كان قصير...
عصام"تبسم وجمعها دغيا حشمان..حك شعرو" : داكشي الي عرفت...
عز الدين : يقول النبي ﷺ: ما من عبد يدعو الله بدعوة ليس فيها إثم، ولا قطيعة رحم إلا أعطاه الله بها إحدى ثلاث: إما أن تدخر له دعوته في الآخرة، وإما أن تعجل له في الدنيا، وإما أن يصرف عنه من الشر مثل ذلك قالوا: يا رسول الله! إذن نكثر؟ قال: الله أكثر..."حنحن" يعني فانت على خير في دعائك لربك..وانكسارك بين يديه وخشوعك له في الصلاة...سوى فسجودك ولا ركوعك ولا بين السجدتين ولا قيام الليل...
عصام : كيفاش فالسجود...
زين الدين"وراه..تحنى وسجد وهو كيهضر ويشرح ليه" : فاش تسالي سبحان ربي الاعلى الي كتقول هنا ثلاث مرات...مافيها باس لو تدعي بشنو ماا في قلبك..."رجع جلس" ملي تسالي صلاة وتمد كفوفك دعي...فقيام الليل...واذا كان الدعاء بخشوع وتيسر البكا كمل...ماشي تقول راني راجل منبكيش عمر البكاء من خشية الله ماكان ضعف...يقول الله عز وجل : قَدْ أَفْلَحَ الْمُؤْمِنُونَ [المؤمنون:1] الَّذِينَ هُمْ فِي صَلاتِهِمْ خَاشِعُونَ [المؤمنون:2]...دليلون منكسرووون...ومن أعظم الأسباب في خشوعك ترك المعاصي، والحذر من المعاصي، وجهاد نفسك في تركها، والتوبة إلى الله منها...
عصام"كيحرك راسو ويسمع ليه"
عز الدين : ندوزو للدعاء..."قاد ليه ايديه على وضعية الدعاء" انا نعطيك دعاء حفضو ونتا من هنا لقدام..تعلم وحفظ المزيد من الادعية كل ما تيسرت لك...
عصام"بقلب منكسر حزيييين تحت مرحلة العلاج وفي قسم العلاج قبل فترة النقاهة...وبين يدي جبار الاطباء الشافي المعافي ولا اله الا هو سبحانه جل جلاله...تنهد ونطق" : ضرييييت وتضريييت..ضريييت بزاااف...
عز الدين"غمض عينيه بطيبة وحرك راسو ببطء" : الانسان ماشي ملاك باش مايغلطش...كلنا غلطنا..حتى واحد فينا مكامل والكمال لله وحده..."هز راسو فالسقف ديال المسجد وضار انحاء المسجد" حنا فبيت الله وفي حضرة الله...نطلبو السماحة والمغفرة ان قصرنا وان اذينا...حتى ولو مكنتيش ماذي شي حد ممكن تكون قصرتي فحق الله..."اكد ليه بعينيه" وهذا الشيء وارد من كلامك !!"حرك عصام راسو" تبع ورايا...
عطاه بعض الادعية تبع وراه وكل مكيعاود من وراه كيحس بقلبو كيرفرف...حتى كمل وناض عز الدين وهو يجي جلس حداه...
عصام"ضار شافو جلس حداه وهو يجمع حجبانو" : بلاتي نخرج من جامع ونتفاهمو على الطفية الي طفيتيني البارح...
زين الدين"حك شنايفو بسنانو" : درنا ليك روديماري مليحة...
حلات عينيها من بعد نومة نصف ساعة فقط...الليل كلو وهي كتقلب بلاصتها ملي طلعات الفوق وهي سادة عليها هضرتها كانت قليلة معاهم....ناضت من فراشها جمعات شعرها الي تعنكش بتقلاب الليل كلو وهي تنوض تماات غاديا لدوش حتى حسات بوجيعات خفاف تحت كرشها وشي حاجة سخوونة هبطات عرفاتها العادة الشهرية...مشات كتزرب هزات كيلوط جديد ومشات لدوش حلات البلاكار جبدات فوطة صحية ومرة مرة كتكمش عينيها بالنخزات ديال وجع...وقفات عند لاشاص حيدات سروال وهبطات لكيلوط لقات شي وسيخات...حيدات الكيلوط وجلسات تا توضات بما دافي نقات لتحت نشفاتو عاد لبسات الكيلوط الي فيه فوطة صحية وكيف العادة صبنات لاخور مزيان ونشراتو فنشار ديال كيلوطات مخبي هههه..غسلات وجهها بصابون كتغسلو بيه زوج مرات فسيمانة معاه سيروم ومرطب ديالو..حكات سنانها ونشفات وجهها وايديها وخرجات حيدات ديك بيجامة وبدلات وحدة اخرى...فاش كتجيها ليغيگل كتحس براسها فيها ريحة ولانها ماتقدرش تعوم نهار لول من العادة رجعات لدوش غسلات طوابگها ونشفاتهم وخرجات دارت ديودرنت رشات بارفان من الي عندها محطوطين مشطات شعرها وجمعاتو ضارت شافت فالتيليفون بقات كتشوووف فيه شحاال وهي تخشي ايديها فجيابها وخرجات من البيت مخلياه بدا كيصوني باسم zine❤️...بقى كيصوني يصوني وقطع طفى التيليفون عاود شعل تاني باتصالو الثاني...الثالث الرابع الخامس...حتى تعصب وهو يغزز سنانو بالجعرة الي ركباتو
زين الدين : فرح فرح فرح فراااااااح... "كان غايخبطو بيه كون ما عيط عصام قبل"....
عصام"جا وقف حداه شاعل سيجارته كيكمي" : مالك ؟!
زين الدين"حجبانو يخلعو بالصعرة"
عصام : كنتي كتصوني ليها ؟..
زين الدين"حرك راسو وصدرو كينهج..هز عينيه لسما" : كاتقلق كات"مكملش قاطعو عصام"
عصام : كتهز فخاطرها...الى كذبتيها تما كيبقى فيها الحال..الى نقصتي منها كاتقلق..."جر شوية من سيجارتو ونفخ دخان واستانف الحديث" ماعمرها بينت ليا ولا دارت ليا هادشي ولكن كنت كنشوف هادشي مع فوزي فاش كان كيقلقها ولا تخاصم معاه.."تبسم بجنب وعينيه فلارض كيتفكر" وسيييير عليك واحد ربعيام ولا سبمانة...
زين الدين"خرج عينيه": سيمانة !! لا لا صعيب عليا الحال..مانصيبش...
عصام"هز فيه حاجبو من ديك منصيبش طلعو وهبطو" : شرحنا ليك اشريف شخصيتها ما گلناش ليك ماتصيبش..جمع ك"عض لسانو وغمض عينيه..نسى راسو را قريب لجامع حيث هما فواحد دويرة ديال الامام خاوية وعطاها ليهم يبقاو فيها هاد اليومين" ياعوذ بالله من هاد بنادم ياااعوذ بالله...
زين الدين"هز حاجبو تاهو" : اسبحان الله اسمحمد...
صطوف"وقف عليهم" : عاد تبتي...
عصام : كتسالني نملخ مك على ما درتي البارح...جمع جمع...
زين الدين"شاف فصطوف وحرك راسو يمين شمال" : ودير المزيان وسميني ولد لحرام...هي هادي ؟
صطوف : مادير خير ما يطرا باس..."شاف فعصام" بغيتي تعتق بكويسات ؟
زين الدين : سير سير نتا وايمانك الى ماحشمتي منا حشم من الي فوق منا ومنك...سير وخلي تيليفون شاعل...
صطوف : الى ضربتي قل من نص عيط...
زين الدين : وصلتي لنص صوني وقطع...
صطوف : فتي النص خليه يصوني را عمر يجاوب...كملتيها عيط لصالحين...
زين الدين : ماتسالنا غا الدعاء على قبرك...
صطوف"حط ايدو على صدرو" : والرب المعبود الى عشاك على حسابي..الكبير والصغير ياكل والي دايز ياكل حتى من ريكس ياكل...
زين الدين"هز حاجبو" : شكون هذا...
صطوف : الكلب ديال صاحب سيمو محمد رضى..."كيهضر ويضحك وراجع باللور حيث كيبان ليه عصام لاح الكارو عسف عليه" واااحد الكلب مجلطط ابا زين الدين...شااارف دايز فالدنيا تما وجايل كاع كلبات الكلاب طرگهم هههتع"ضرب الدورة بزربة وهرب خلا عصام نقز خطوة كبيرة كان غايعطيه بعض نطحات يتلفو عالقبلة"
عصام : صحبة ديال الحبس...نعل بو مك فهاد النهار...
زين الدين"حك لحيتو وهز ايدو طبطب ليه على كتفو" : مازحين معاك ابا عصام...ماتهزهاش منين تقالت ورخف على راسك...
عصام"ضار عندو بزربة مخنزر" : مالها علاش مابغاتش تجاوبك من لاخر ؟؟
زين الدين"فكرو ففرح..رجع وجهو لمود الغضب والقلق... وقال" : بغات تشوفني...بغاتني نهضر معاها فيديو"تنهد..لايح هم هزو هاد الساعات الاولى من الصباح" ولفات فينما نسافر ولا نمشي لخدمة نهضر معاها فيديو...ولفتها هاد القضية...
عصام : وعلاش مابغيتيش تهضر معاها فيديو علاش تخليها تقلق ؟؟؟
زين الدين"ضار شاف فيه وهز حاجبو بمعنى اش بان ليك"
عصام"نسى را عينو باقي فيها شوية نفاخ وتورمات ومديور ليها المرهم كيبان كيبري...غمض عينيه ناااااسي القضية" : تت...بفففف نسييييييييت...وليني مشكيلة هادي...
زين الدين : ولفتني بزاف...ولفات كلشي ديرو وانا معاها...ولفات منغيبش عليها هاد المدة...ولفات القواعد الزوينة ولكن البعض منها خايب ماشي فمصلاحتها...
عصام : فحالاش ؟؟
زين الدين : ماخاصهاش تعتامد عليا فكلشي...الحوايج الي كانت كديرهم هي راسها والي عارف نتا كديرهم !! فحال الخروج وحدها اختلاطها بناس برا..مابقاش خاص نكون معاها...تشغل راسها بالخدمة سطاج ولا الي كان مابغاتهمش...كونات لراسها قوقعة وعالم فيه ناس الي بغات هي وبعدات الي كيضرها..."تنهد" فرح مابقاتش فرح الي كتعرف..فرح تهرسات وخاصها ترجع تجبر...والي يجبرها هو الي هرسها..."هز عينيه وشاف فيه"....
نزلات لتحت لقات توبا واقفة هي وضحى لابسين حوايج الخروج ضحى معكزة على العكاز واقفة حدا امها شافت فيهم وحركات راسها وخا مافيهااااش مايهضر حاسة بالضيم طايح عليها وبركات فنفسها باش تسول حيث البارح عرفات راسها قفراتها معاهم خصوصا ضحى...
فرح : صباح الخير...خارجين ؟
ضحى : صباح الخير...خارجين شوي ويجي وليد يدينا لكلينيك نشوف طبيبة وماما تدخل عند طبيب تعطيه تحاليل ديالها...
توبا"شافت وجهها ذابل ومبدل" : صابحة اليوم فشكل مالك ؟
فرح"بتعب" : فيا الوجع دياال ليغيگل...شوية ونشرب دوا هبطت غير نحط الفطور...ونشوف اش نديرو لغذا...
ضحى : فطري وشربيه ودفاي باش مايعذبكش"صونا تيليفونها" ها وليد برا يلاه هاحنا مشينا حتى نرجعو ونشوفك..
فرح"حركات ليهم راسها مشاو وهي دخلات لكوزينة صبحات عليهم وشادة كرشها لتحت" : البنات فاقو !!
خديجة : اينا بنات ! صفاء وهناء ؟ لا بنيتي مشااو بكرييي...عاماذا صوناو ليك وماقدروش يطلعو عندك الفوق يقولوها ليك وقالو ليا باش نعلمك بالي مشاو حيث راكي عارفة خدامين...
فرح"جاتها البكية اصلا طايح عليها ضيم هرمونات ليغيگل الي مخربقين ليها النفسية زيد نفسيتها الي حاسة بالي شي حاجة كاينة..." : اويلي على مشاااو علاش مشاو وخلاوني وحديييي ؟؟
خديجة"شافت فتوريا ورجعت شافت فيها" : والله ماعرفت ابنتي...علاش وحدك هاحنا معاك...
فرح : غاتمشيو فالعشية ونبقى بوحدي...خالتي توبا وضحى مكيجيو تاليل ديما كيخرجو من كلينيك ويمشيو برا مع شي واحد فدراري يدورهم ومكيجيو تا يبغيو ينعسو...البنات الي كانو معمرين عليا هاهما مشاو وغانبقى بوحدي وهو مكاينش.."بغات تهضر خديجة وهي تحدر راسها وخرجات دموعها على خدها...طلعات لفوق كتزرب دخلات لبيتها مشات لتيليفون مرداتش البال لكمية الاتصالات من بنات وزين الدين وفوزي...دازت نيشان لنمرة صفاء صونات ليها دغيا جاوبتها"
صفاء : احبي صباح الخير...على سلاااامتك م"قاطعتها"
فرح : علاااش مشيتو وخليتوني وحدي ؟
صفاء : وحبي را خدامين ونتي كنتي فبيتك ماقدرتش ندق عليك حيث عارفاك مقلقة وكتبغي تبقاي وحدك...وهناء تابعاني ماقدراتش...
فرح : وخا نتقلق جيو عندي وخا نكون كيما كنت...ماتمشييوش..نتوما مشيتو حيث غوت عليكم البارح وانا البارح كنت معصبة وماشي لخاطري انا اصلا ماعرفتش مالي علاش درت ليكم هكاك اهى اهى وحتى هو ضرت فيه ماعرفتش اش واقع ليا"عصرات عينيها بالوجع حسات بالسخفة" ففففف...
صفاء : ومالك ؟؟
فرح : فيا الوجع ففففف..
صفاء : ديالاش ؟"دارت ليها طن" هاااا جاتك ليغيگل امسخوطة نتي را كتجيك كتهبلي الله يستر...واش شربتي الفنيد فطرتي بعدا ؟
فرح : مزال مافطرتش ومابغيتش نفطر وفنيد تقادا ليا...
صفاء : رسلي شي حد ياخذو ليك...
فرح"محساتش براسها تا خرجات عينيها وسط دموعها" : نرسل العساس الي قدي فالعمر ياخذ ليا فنيد ليغيگل ياك ؟...بغيتي زين الدين يقت..لو ويقت..لني معاه...
صفاء : عهههههه يا دلمك كيضحكيني فاش كتكوني كتبكي وكتولي تشوووك كوميك هههعتتتهههههه...احم وقوليها لزينوشي يرسل ليه ميساج سمية دوا بلا ميعرف العساس ديالاش ويجيبو ليك...بغيتي تجيك كريز وهو ماشي حداك...وخا غايدلك ليك الحشيشين...
فرح : وااا صفاء واش وقت ضحكك وبسالتك...
صفاء"ماعرفت مادير تلفتها" : واش نرسلو ليك انا مع شي حد ؟ ورا مالقيت ليك جهد هضري مع زين الدين...
فرح : مخاصمة معاه...
صفاء : نگولها ليه انا ؟!
فرح : گولي ليه يهضر معايا ولا يدخل الواتساب يقرا الميساج ولا نرسليك ميساج وديري ليه طخونسفيغي ليه...
صفاء : يا الله يستر...صافي رسليه انا ندير ليه طخونسفيغي..
فرح : واش غاتجيو كيف گلتو ليا ديك المرة ؟
صفاء : كنا باغين نتفرغو ليك هاد الويكاند باش نوجدوك لسي زينوش ايييوى نتي مخاصمة معاه لمن نوجدوك ليا انا ندخل عليك مثلا بخيارة !؟تا خيارتي ماتبردك مافيها لا مداعبات لا بيسات نيشان طلع معاك ...ماشي بحال ابو العروق النابضة..ديال جوجك...
فرح"تزنگات" : انا الي حما..رة هاضرة معاك...سير غا بعدي مني...
صفاء : ولا عيشك تنبسط معاك..رسلي اش بغيتي ترسلي ندير ليه طخونسفيغي لنسيبي عريض الاكتاف...ههههه قطعات هههه"شافت فالتيليفون دازت لواتساب وهي تلقاها راسلة ميساج فيه" فنيد الي كنشرب لوجع تقادا ليا وانا مريييضة بزااف" شووووف المسخوطة رسلاتو باش يجي بلهلا يحزقو ليه...تي را صحيبتي دماغ شغالة مش بتنام...صباااري نعاود نرسلو ل مممم"كتقلب فالكونطاكت مشات لاسم عريض الكتاف باش كاتباه عليه ورسلاتو ليه..ورسلات اوديو بصوتها" احم سلاااام عليكم خويا زين الدين..هاد الميساج راه رسلاتو ليك فرح...وبه وجب الاعلام..."رسلاتو...شوية بان ليها قراه وبدا يسجل ورسل اوديو وتبعو كتبة"
زين الدين : ماعليش ديري ليه طخونسيفيغي الله يجازيك بيخير...
صفاء"دارت ليه طخونسفيغي فالبلاصة حساب ليكم سمعاتو هي الي ماديرهاش الى كان خاص وخا فنمرتها...بانت ليها فرح قراتو"
فرح"سمعات الاوديو والي كان فيه"
زين الدين : البلاكار لتحت فبلاصة المونة ديال پخودوي غادي تلقاي باكية جديدة تما مايحتاجش ترسلي شي حد...سلام عليكم..."اخر كلمة اخر دمعة نزلات وهي كضحك وفنفس الوقت تنااادم معاها الحااال علاش نهضات فيه"....
مسحات دموعها ودارت ايديها على حناكها الي سخنو بهاد الحب والاهتمااام...بقات شحال جالسة وكتفكر حتى قاطعها الوجع من التفكير وهي تنوض دخلات لواحد بيت صغيير تما فحال بنيقة كيحط فيها المستلزمات الي كيحتاج فالبيت ودوش ومشات لبلاكار هزاتو من بلاصة الي نعت ليها وخرجات من بيت هاد المرة هازة تيليفونها فجيبها نزلات لتحت فطرات بزز غا باش تشرب دواء...فطرات غير فالكوزينة مع خديجة وتوريا...
خديجة : طلعي بنتي رتاحي دفي رجليك حتى يفوتك الوجع شوية...
فرح"تجاهد عليها الوجع حيث الدوا كيعطي مفعولو باش يهمدو عليها" : ففف..واخا..."خرجات من عندهم وضارت طلعات الفوق دخلات لبيتها حيدات كاب ديالها وتخشات ففراشها جرات عليها الغطا ومانطة زايدة...بقات شادة تحت كرشها كتقلب وتقلب...حتى حساات بالتقيا ناضت كتجري لطواليط نيشان لاشاص رجعات كاع داك الفطور الي فطرات تا حسات بمصارنها لصقو...من ديما كتجيها بهاد شكل..." اوووععععق ففف..."ناضت لافابو غسلات وجهها وشللات فمها مزيان...تا حسات بيها ناااازلة سخوووونة شلاااااال....رجعات لفراشها بقات كتوجع حتى حسات بيه بدا كيمشي وهي تهمااااد مانعساتش وانما بقات مغمضة مستمتعة بديك الراحة...مدة وهي متكية مغمضة حسات بدفء وراااحة...حتى صونا تيليفونها مدات ايدها هزاتو شافت فيه لقاتو زين الدين...حسات بقلبها ضرررب فحال الى غاب عليها يومين...جاوبات...
فرح"بصوت حنين منخفض عيااان" : زين الدين...
زين الدين"دابا هذا الي كان باغي يعرعر عليها حداتهم ليه بهاد صوت" : كبيدة ديالي جاوبات...
فرح"تبسمات" : ومانجاوبكش !!
زين الدين : الله يخلف على دوا وصفاء...
فرح"عيات تحبس ضحكة وفشلت" : هههههههه..."هزات كتافها بغنج" بغيت نتعصب منك ونتخاصم معاك ههههه من نهار تزوجنا ماتخاصمنا...
زين الدين : باغيا نتخاصمو ؟؟
فرح : لااا ولكن الى تقلقت منك نتخاصم معاك...
زين الدين : تقلقي الى ضريتك...ضريتك ؟
فرح"جمعات ضحكة" : ماضريتينيش ولكن الى ضريتيني عرف عمري منشوف جيهتك...
زين الدين"جمع حجبانو مخنزر" : اش وصلنا لهاد الهضرة الي ماعند مها ملة ؟؟!
فرح : انا غا گلت ليك..
زين الدين : ابيل فيديو فرح حالها ساهل...لاكانت شي حاجة شحال ماتخبات تبان فرح باش نهنيك ونريح ليك خاطرك وبالك...الى مابغيتش نگول عرفي را حتى نجي ونعاود ليك شنو كاين...ماعندي مانخبي عليك والى فات خبيت عرفي را فوق جهدي....تفاهمنا ؟!
فرح : احم"مسحات على وجهها بتعب" فينك دابا ؟!
زين الدين"شاف جيهة الدراري واقفين بعيد" : فواحد الدوار عند شي ناس معروضين شي حاجة متعلقة بالخدمة محرك هنا وهنا...
فرح : قربتي تكملي ؟
زين الدين : قريب قريب..."سمع العياط"تهلاي ليا فراسك رتاحي دابا نسالي ونهضر معاك نطولو فالهضرة حتى تملي مني
فرح"تنهدات...عينيها كيتغمضو بالعيا ديال وجع...مكانش فيها مايكثر الهضرة" : واااخا...
زين الدين : كنمووت على النعمة الي عطاني الله...
فرح"تبسمات بحب قلبها طااار لسما..ضحكات ليه فوذنيه وهي تقطع...رجعات نعسااات مافاقت غير على صوت اذان الضهر...مابغاتش تطول فالنعاس خذات كفايتها وناضت بدلت عليها الفوطة غسلات تما نزيان ودارت وحدة جديدة غسلت وجهها وخرجات لبست كاب ديالها ونزلات لتحت لقاتهم كيحطو فالغذا...وصاات على غذا العساس يسبق هو اللول وجلسات حداهم بداو يتغذا بثلاثة...حتى دخل مراد...
مراد : ايهاي هاي مغذيين بلا بيا ؟!
فرح : هههه لا منصيبوش بلا بيك عهههه...جلس...
مراد"حرك راسو ومشى غسل ايديه بزربة وجا جلس معاهم...اول مرة تغذا معاه خديجة وتوريا خديجة مولفاه وخا تغذا معاه اول مرة عادي عندها توريا الي حشمات...قبل ميجلس خبط كفوف ايديه" : ياك بعدا مزيانة نتي نتغذاو معاك ؟
فرح : هههه مزيانة اسمح ليا البارح ضرت فيكم..والله مالخاطري...
مراد"قرب عندها" : والله ماولفتك هكاك...عارفك ضريفة وقلبك بيض وساعة الله"باس ليها راسها باحترام اخ لختو" دنيا هانية انا خوك الكبير بردي فيا غدايدك..راكي امانة خويا امرت خويا...
جلس حداهم تغذاو جميع تحط ديسير كلاوه وكل صد لشغالو..هي مالقات مادير طلعات لفوق...بقات كتسنط لعضامها حتى عاود صونات لصفاء وهاد المرة جمعات هناء فاتصال جماعي بناتي...
هناء : نهضر ولا نلجم فمي !!
صفاء : الدرب امان الو حول...
فرح : مالي وحش !!
هناء : انا الي وحش...صافا كي بقيتي گالت ليا صفصف كنتي مريصة قبيلة...
فرح : احم شوية الحمد لله...سمحي ليا على البارح راكي عارفة...
هناء : الله اودي كلنا كندوزو من ديك المرحلة...ماعلينا دابا شوية مزيان..غير ماتبقايش تقجري على زين الدين بزاف..حيث دابا هو بعيد عليك وخدام ونتي ديري هاكا ضغطي عليه وسط الضغط راكي مانتي فخير...وخا يكون راجل كيموت على خراك راه كيبقى راجل اطووونسيون...
صفاء : گوليها ليها...
فرح" تفكرات فاش قالت ليه الى ضريتيني منبقاش نشوف جيهتك...فنفس الوقت ممكن يكون العكس وهو يطج منها..قلبها حسات بيه خفق بشدة..صرطات ريقها" : احم...هضرت معاها گبيلة...
صفاء : اهاااااه..ايوى دابا مزياان...وراه غاترخفي تا على راسك نتي ماشي غير هو ماتبقايش تهزيها منين تقالت تعلمي مني راني درووووس وعبر....
فرح : مابقاش ليه بزاف وغايجي بغيت ندير ليه مفاجئة...
هناء : هااا المعقول...
صفاء : نعطيوك وذنينا ولا تعطينا وذنيك...
فرح"بتردد ماعرفت تقولها ولا تسكت حشمت..فالاخير نطقات" : مم نسمع ليكم !!!...
من بعد غيااب طويييل عليها حسات بيه عااام...قربو اليوم الي قال غايجي فيه والي تبقات ليه يومين بحسب حسابها هي وبحسب ما قال...خرجات من دوش عايمة من بعد ما مشات منها وتوضات...دخلات عليها صفاء هازة فايدها مبيخرة...
صفاء : لبسي القفطان ديال جوهرة المسكي الي حطيت ليك..
فرح : ماعرفتش علاش بغيتيني لبسو !!
صفاء : باش تنقشي وتصوري ونرسلوها لحبك...طلقيني خلينا نفيجطو شوية معاك..."خرجات من بيت وخلاتها...
ريحة البخووور ماليا الصالون ...جالسة فرح الوسط ضايرين بيها المخاد ورجليها فوق بوفة فيها مخدة قلبها كيضرب كتشوف فالنقاشة كتنقش ليها اول مرة غاتنقش من بعد داك اليوم المشؤووم الي نققشات فيه ووقع الي وقع مع يونس...عينيها على الحنة الي زينات رجليها البويض لابسة قفطان جوهرة وطالقة شعرها مجموعين خصلاتو لور بقراصة مذهبة...مكحلة عويناتها الي اول مرة تكحلهم...كلها رغبة تفرح زين الدين وتخليه يحس بيها مراتو انثى كاملة ليه يرجع يلقاها مزينة وموجدة ليه...زوجة كتوجد لزوجها بعد غياب طويل عليها...كملات لفرح النقيش الي كان ماخفيف ما ثقيل...جات ضحى كتنش عليها حيث حرقاتها بالدوليو...نقشات لهناء صبيع و لصفاء تاهي صبيعاتها بزوج...بغات تنقش لتوبا...
توبا : لا بنيتي بلاش ربي خليك...شوفي ضحى...
ضحى : غييير صبع صافي..."حركات راسها ونقشاتو ليها...الفيلا كانو فيها غير هما عيالات بيناتهم خديجة وتوريا عطاتهم هاد الايام راحة لان خديجة ولدها مرض ليها وغايفتح وتوريا كونجي معاها....مشات صفاء الكوزينة ودخلات هازة الصقلة لنقاشة الي طلباتها منها...
النقاشة : عطيني احبيبتي ايدك نديرها ليك..."عطاتها ايديها الي سبقات ليها دارتها ليها ودرات ليها لرجليها...ناضت النقاشة مستاذنة تمشي..."خلصاتها صفاء مشات فرحانة وناشطة وعطاتها تا فلوس المركوب لجديدة حيث بنت تما...رجعو تغذاو مع كانت حنتها نشفات بدات تحرتت تغذات بايديها عادي...
فرح : انا طلعت لفوق نجيب شارجور تيليفوني ونجيب ليك اش بغيتي اهناء...
صفاء : طلعي هضري مع جوجك ديك نجيب شارجور قدااامت...
فرح"تزنگات ضارت بزربة كتعوج فمسيتها حيث لابسة ليباموس فرجليها فوق الحنة الي عنفجت ليها المشية...طلعات لفوق خلاتهم كيضحكو...دخلات البيت هزات التيليفون ورسلات ليه تصاورها الي تصورات وهي كتنقش وهي هازا ايديها بزوج منقوشين نقش باقي خضر دايرة خاتم مارياج فصبعها...فرحاانا بجهد...كان البالكون محلول سمعات صوت سيارة داخل وهي تمشي طل حساب ليها مراد حتى بانت ليها سيارة زين الدين...ياااا خوووتي من فرحتها تحل فمها تا بانو حلاقمها" : زين الدين !! زين الديين جااا..."ضارت بزربة هزات شال كبيير رماتو على راسها وكتافها تسترات... بالفرحة خرجات من بيت ونزلات كتزرب كلها كتهز وتحط دازت مشافوهاش حيث كانو فالصالون الصغير لداخل...وهي توقف عند الباب لداخل كتضحك...كتشوف فيه من شقة وقف طوموبيل ونزل وجهو ماشي تالهيه...هز عينيه فيها وهو يتصدم ماعرف باش تبلى وياااربي ماحسلتو لجمالها الي بان فشكل توحشها بزاااف والي قدامو مبدلة وحدة فرحانة عينيه نزلو لايديها الي مزينين بالحنة نصها طاير ونص كيتحرتت ولا لقفطان الي برز زينها وبيوضتها ولا وجهها الضاحك ولا دوك العينين الي دبحوووه اش غايدير ااااش والوقت ماشي مناسب...مكانش يحساب ليه غاتكون اليوم بهاد شكل وهو اصلا ماعلمهاش بالي جاي قبل الوقت وهي قالت توجد قبل الوقت ونزلات فرحانة ماحاساش...قرب ليها وعطاتو ريحتها شد حناكها بين كفوف ايديه...
زين الدين : الفرحة ديالي..."قرب حط شفايفو على جبهتها نسى راسو وبقى حااطهم نسى الناس الي جاو معاه كيتسناو برا..هبط بشفايفو حتى لعند ودنيها ونطق" توحشتيني !!
فرح"عينيها مغمضين..مارداتش لبال لعينو الي باقي فيها نفيخات خفاف...مزال محققاتش فيه...نطقات بلا ماتشعر" : بزاااف...
زين الدين : ماسخاش عليا نخليك...عاارفك توحشتيني بزاااف..
فرح"حيدات راسها وتقابلت معاه باستفسار...عاد شافت فعينو وردات البال فيها شي حاجة...حركات راسها بتساؤل" : م مافهمتش...عينك ؟ عينك فيها شي حاجة !!"عوجات راسها" اش واقع ليك ازين الدين فاش كنتي غااايب ؟؟"عينيها غرغرو"
زين الدين"عاود قبط ليها حناكها وعينيه فعينيها" : خليك مني وسمعي شنو كنگول ليك...
فرح : اشنو غاتگول !!...
زين الدين"تفكر هضرة يونس فالاتصال"
يونس : جرب الحل اللول هو المواجهة كيف ديما بيه باش غانعرف حجم الضرر والحالة...ماعندكش خيار الى تبعتي رايي ك طبيب نفسي الي كتعرف !! مانخسرش عليك ثمن حصة فالساعة ونطول ليها الحصص...بغيتي رايي كطبيب نفسي كيخدم من نيتو فالعلاج تبع هضرتي...
زين الدين"رجع للواقع شاف فيها كتشوف فيه باستفهام وخوف" : كانموت عليك كنمووت على النعمة الي عطاني الله.."مكوانيها فدخيلة الي عند الباب..تنهد" كاين الي توحشك كثر مني وكيموت عليك كثر مني...
فرح. : شكوون ؟ با جا ياك ؟" سمعات صوت وراه غمض عينيه وهو يكحز محيد من قدامها حتى بان ليها واقف"
عصام"وجهو باينة فيه مدمر...عينيه حمرييين.": عصااام الي توحش بنت گلبو....الي توحش بنتو...الي توحش الكبدة والي عمرو وماعمرو كان يسخى بيها...راني غااا تقلقت منك ابنتي..عيب الى باك تقلق منك ؟؟...
الحياة مافيهاش لون وردي فوردي...الحياة فيها الوان وكل نهار بلون وكل حدث بلون...اللون الوردي هو الي كان طاغي هاد الصباح والحب والقلوب بغاو يخرجو ليها من العينين...من بعد غيااب طويييل عليها حسات بيه عااام...حتى تحول الوردي لمزيج الابيض والاسود...ما ضربات لا صاعقة لا رعد ماتوقف عند لا زمن ولا وقت...كيفاش جا ومعامن جا وكيفاش تقرر مجيته فضل هاد الضروف....
فلاش باك...
غسل ايديه بالماء دافي من بعد وجبة الغذاء الي كانت مقامة فمنزل المحجوب ب مدينة سيدي بنور...مد ليه منير الفوطة وحرك ليه راسو بشكر...تقدم طاس للبقية وفهاد اللحظة جلس المحجوب فالارض الي كانت مفرشة ومبطنة وقدامو صواني وحدة فيها البرار وكيسان اتاي وثانية فيها المجامع الي فيهم باش غايعمر براد اتاي...عمر المحجوب اتاي على حقو وطريقو فرق ع.العالي عليهم وعطا لزين الدين كاسو مسوس... كانت دكة ريحة نعناعها وااصل حتى نطق يونس ..
يونس : الله على ريحة تريح الراس صحة هههه الله ينورك الحاج المحجوب...
المحجوب : الله يرضي عليك اولدي مرحبا مرحبا فاي وقت بابنا مفتوح ليك اولدي ماتسناش تاوكان نعرضو عليك...
يونس : ان شاء الله العراضة الماجية تكون زردة الصلح...
زين الدين : ان شاء الله...
عصام"شاد الكاس بين ايديه كيشوف فيه وفنفس الوقت كيهضر" : لهاد درجة صلح صعيب !؟"هز فيهم عينيه متسائل"
زين الدين"شاف فيونس وغمزو باش يهضر"
يونس : مانضمنش ليك اسي عصام..يمكن فوزي او زين الدين شرحو ليك بالي مشينا دقة دقة مع حالتها...عرفتي شنو وقع ليها بالضبط...سؤالي ليك نتا هذاكشي الي سمعتي جاك ساهل؟
عصام"عاود حدر عينيه وجمع حجبانو مفكر القصة ..فجأة تبدلو ملامح ديالو وبان وجهو مزير..نواضرو تورمو الواضح انه بارك على نفسو باش ميبينش انه منهار وصابر...حط الكاس فوق الطابلة ورجع لنفس الوضعية عينيه فلارض"
يونس : وجهك تبدل وهذا ان دل فانه يدل انه نتا براسك ماصبرتيش وشوف فين وصلتي دابا من ورا فاش سمعتي القصة من فمها وفضلت انا انك تسمعها منها..الى جيتي نعاودها ليك ولا نعاود ليك شنو وقع وشنو كتقول هي براسها هذا انتيغدي بالنسبة لخدمتي ممنوع عليا نفشي اسرار المرضى ديالي...استغلينا الشهادة الي كان ممكن تعطي لصالح ديالك حتى سمعتي بالحرف...انك تسمعها منها خير ماتسمعها من شي حد باش تعرف حجم المعاناة..وانا بصفتي ك بسيكو كنقوليك ان الامر صعييييب وانه تخطى الصدمة بمراحل...
عصام"هز فيه عينيه" : كيفاش !!
زين الدين"ساكت حيث عاارف شنو كاين وهادشي الي كان كيفسر لعصام وكيحاول يستنتجو من تصرفات فرح"
يونس"حط الكاس وشابك ايديه حنحن باش يقوليهم شنو كاين بالضبط" : مابغيتش نكذب عليكم..خدمتي فالعيادة معاها مغاديش تفوت سؤال جواب تفريغ مافي النفسية...الى فاتت هادشي خاصني نخدم معاكم ك صديق..ممكن نمزجو الطرق الطبية مع الطرق التقليدية الي كنعرفو...
زين الدين"حرك راسو بثقل فهمو شنو بغى يقصد" : نديرو مكانو يديرو جدودنا فالخصامات بين الناس...
المحجوب : المعنى !!
يونس : نجربو طريقة الصلح بتدخل ناس كبار والاطراف الي هي كترتاح ليهم...يعني فاقرب وقت خاص يمشي عصام يشوفها...الي كان يمشي معاه...والاهم هو يمشي معاه سباب الخصام..الي بسبابو وقع هادشي هو الكفة الكبيرة انه يصلح هادشي..."شاف فزين الدين" نتا زين الدين الي تخطي معاه هاد الخطوة...مغاديش نكون معاكم باش نتفادى انها ماتفقدش الثقة فيا...
زين الدين : الى فقدتها فيا ؟!
يونس : سوى اليوم ولا غذا تقدر تفقدها...غذا ولا بعدو كانت غادي تعرف شنو درتي ومغاديش تقدر تخبي عليها..
زين الدين"جمع ايديه وحطهم على جبهتو مغمض عينيه تا نفخ وزفر بنفاذ صبر وقلة حيلة...كيفكر انه غايواجههم وتقدر بصح دور فيه او ماتبقاش ثيق فيه ولا تقدر تفيق من هاد صدمة الي غطسات فيها...سمع صوت يونس ثاني قال"
يونس : اخر مواجهة هي مع اصل المشكيل..."شاف فعصام" الي هو نتا و "شاف فزين الدين" ونتا ازين الدين...بزوج بيكم تسببتو ليها فصدمة...
فوزي : وعلاش هي مع زين الدين ؟!
يونس : زين الدين فايت سابق فالصدمات نقدرو نقولو ولفات عليه..والصدمة الثانية تخالطت مع صدمة عصام الشخص الي عمرها كانت تفكر يوصلها لهادشي الي دازت منو لحد الساعة..انا دابا كنعلمكم بشنو كاين الى داز الصلح مزيان فان الامر بعيد كل البعد انه يكون صدمة من نوع اخر والى كان العكس"سكت" ان شاء الله يكون خير...
اتاي مابقى ليهم اتاي من بعد هضرة يونس..ولا شي كيشوف فشي وعصام خلاااص ماحيلتو لراسو لنفسيتو ماحيلتو ليها اشنو غايكون رد فعلها...
عودة...
فرح"شافت فيه وسمعات كل كلمة قالها حتى هضر وكمل ورجعات شافت ف زين الدين..هزات ايدها وحطتها ليه على عينو كتقيس فيها بصبعها" : مال عينك ازين الدين ؟؟..
زين الدين"خرج عينيه حتى تهز ليه قلبو..ماعرفش مافهمش رد فعلها ماشي فحال كيف وقع مع فوزي عالاقل فوزي عطاتو بالضهر وعطات رد فعل بعينيها فاش خرجتهم يعني را كاين شخص وشافت وتجاوبت...اما عصام من تصرفها هذا كانه مكاااينش بتاااتا...ماجاوبش جاتو اللقوة فخاد اللحظة"
خرج فوزي والمحجوب وعبد العالي وحتى من الحاج الحسين وعلي جاو...
عصام"شوطااتو بهاد ردة الفعل..كيحس بصدرو شعلت فيه العاافية" : فرح سمعي ليا راني داوي معاك...فرح !!
زين الدين"قرجوطتو ديك تفاحة الي فيها كطلع وتهبط ماعرف مايقول.كان متأمل انه تجاوب لكن بهاد الطريقة خلات كلشي كيشوف وفنفس الوقت كلشي حس بيها را ماشي هي هاديك وخا هكاك" : فرح !!
فرح : نعام مالك ؟! انا كنسولك مال عينك ونتا كتعيط ليا ؟ هاني قدامك مالي ؟
عصام"دار ايديه على وجهو بفقصة ماعمر كان يضن انه يوصل لهاد المواصل معاها..ماعمرو كان يحساب ليه هي براسها غاتنكرو هاد النكرة...شي حاجة مابغاتش تدخل ليه لراسو حتى بدا يجهل من هاد التجاهل الي دارت ليه فحال شي واحد تخشاو ليه جناوة فضهرو كرشو جنابو واهم واحد كبدتو...ماحسش براسو حتى جاتو ذكرى خفيفة سريعة بين عينيه ليها وهي مزال صغيرة كتمشى جنب سدساد شادة فيهم باش تمشي ختى وصلات ليه عند رجليه"
فرح : بب بببببابا صصم..."مد ايديه بسرعة وهوووب هزها حطها فوق ركابيه" صصم "مدات ليه فمها"
عصام"قرب ليها حنكو" : هاهو بوسي نشوف...
فرح"غير حطات فمها وضحكات" : اغغهههه...بمبم...
عصام : بمبم !! شكلاط تاني ؟!
فوزي : بغات سكلاط ديال فكرون وحوتة هخخ..
عصام"ضار شاف فيه وعيبو" : سكلاط !! نتا داك الفم مابغاش يتگاد بسلامة ؟ ضربتي ست سنين وباقي واحل فالحروف !!
فرح : اااا بمبم بمبم...
عصام"جبد كاغط فيه شكلاط الي كتحماق عليه حلو عطى منو لفوزي وجوجات مدهم ليها وحدة كلها خشاتها ففمها تا جبدها ليها عصام وخنزر فيها تاكل بشوية وثانية وسط ايدها المبطبطة..."
عصام"كيقرب لعندها وكيهضر" : فرح انا هنا فرح...عصااام..صمصم..عصام الي كياخذ ليك بمبم(شكلاط ولا حلوة كتجعهم جملة ف بمبم الي هي بومبون شكون علمها ليها الله اعلم...ههه)...عندي بااابا عندي عصام ديما معايااا حتى فالنوووم...
صفاء"سمعات الهضرة فاش خرجات من صالون وهي تقرب حتى بانت ليها فرح واقفة كتقلب لزين فعينيه وتشوف فيه...زادت قربت حتى بان ليها عصام كيهضر وعينيه ووجهو باين مدمر..شهقاااات بالصدمة" : هييييييييييييه..."ضارت لداخل بغات تعيط لهناء حتى بانت ليها جايا وهي تشير ليها" عصااام عصاام جا...
هناء"خبطات حناكها بايديها باقي فيهم الحنة" : اويييلي...
فرح"ضارت شافت وبان ليها المحجوب وفوزي واقفين وهي تهز ايدها غير مبالية ب عصام الي كيهضر ومزال كيهضر مسكين وهي كانه مكاااينش والو غير البرد" : بااا هههه عمي علي با الحسين وا دخلو مالكم واقفين تما...
المحجوب : ممم ؟"ماعرف باش تبلى"
فوزي : واخا واخا..."ضار جيهة علي الي هز حجبانو وحدر راسو ماعرف مايقول...ماكيسمعوش شنو كيقول عصام ولا هضرتهم ولكن كيبان ليهم انه مقرب ليها وكيهضر وهي كتشوف فزين الدين"...
فرح"رجعت شافت ف زين الدين" : يلاه دخل دخلهم لاش باقين واقفين..."غوبشات فيه" كنتسنى تگولي اش واقع ليك لعينك واشنو طاري...يلاه.."شداتو من ايدو وشافت جيهة جدها وخوها والبقية" بااا اجيو دخلو ماتبقاوش واقفين تما..."ضارت بغات تدخل وتديه وراها وهو يوقفها وهي دور عندو شافت فيه باستفهام"
زين الدين : فرح !! واش مكتسمعي والو ؟ ماكتسمعي حد كيهضر معاك ؟!
فرح : سمعت سمعت ازين الدين سمعتك اش گلتي ومغاندير والو حتى تشرح ليا اش وقع ليك مابغيتش نضلمك ازين الدين مابغيتش نبقى نغوت حتى تشرح ليا راني سمعتك"واحد اللحظة صوتها تبدل فحال بغات تبكي وهي تصرطها" سمعتك سمعتك...يلاه ندخلو..."كانت غادية وهي توقف وبدات ضحك" هههههه شوف اش لبست"هزات ايدها" شفتي الحنة ههههه اول مرة غانحني ههههه...
عصام"بغى يتصطى..عرفتو المعنى ديال شي حد يديرك مكاينش كاااع ونتا كتضهر وتعبر ولكن كتلقى راسك كتهضر غا وحدك فحال مكتشوفكش كاع واش كاين...بغى يمشي ليها يجرها.." : فرح سمعيني انا عصااام فرح ماشي ديالك هادي مااااشي ديالك فرح "شداتو الصعرة بغى يدور فيها وهو يتحكم فراسو صحة وهادي كانت خطوة مفاجئة وزوينة لصالحو انه يتعلم يوزن راسو وميبقاش ديما متسرع ومنفعل.." فرح عااارف راسي غالط معاك فرح...فرح انا خوووك باك الي كتحطي عليه راس..."حط ايدو على صدرو عينيه مجغمين حجبانو مرفوعين ممثيقش اش كيوقع..." انا جناحك انا علامن تسندي فرح...هاني جيت تااااا لعندك ابنت گلبي نشوفك هاني جيت مع زين الدين...ياك زين الدين الي بغيتي !! تفاهمنا انا وياه بنتي تفاااهمنا...فرح !!..
فرح"شافت زين الدين" : مابغيتيش تدخل ؟؟
زين الدين : فرح سمعي اش كاين...
فرح"زفرات" : فففف..انا غاندخل حتى تسالي ودخل..."تمات داخلة وهي ترجع" تغذيتي ؟ تغديتو ولا نديرو الغذا "سرحات ايديها" وانا دايرة الحنة زين الدين مابغيتش نخصرها...نطلب خالتي توبا ديرو ليكم ولا نوصيو عليه من برا..
زين الدين : مغذييين فرح مغذييين...
ماخلى كي دار معاها والو واش عطاتو وجه ولا عرفاتو واش كاين...خرجات توبا وضحى كيشوفو تاهما...هز فيهم زين الدين راسو وشير ليهم بمعنى دخلو..دارت توبا فررر طلعات لفوق حيث راسها عريان وضحى طلعات لبيتها...بقات غير صفاء وهناء الي واقفين كيسمعو...
زين الدين."هز ايدو وشير لعصام" : فرح واش كتسمعي خوك اش كيگول ؟!
فرح"شافت فزين الدين واحد الشوفة فشكل هو براسو جاتو غريبة..ورجعت ضارت ومشات خلاتهم كيشوفو"
عصام"بالجهلة الي ركباتو دخل مدرم ضارب فزين الدين وصفاء الي تصدمت فيه وهنا وتم تابعها وهي غادية شادة فشالها الي لاوية على كتافها" : فرح اجي لهنا كنهضر معاك...فرااااااااح كنهضر معاك..
يلاه بغات تحط رجلها فالدرجة وهو يجرها من ايدها دورها عندو كان بغى يعنقها ماعرفش كيفاش دارت فلتااات ايدها وتسمعات من صوتها "ننننننننننن" وهي دور وطلعات كتجرييييي..تاهو تبعها كيجري مسكين جاااهل ماتوقعش هادشي غايكون ماضنش غادير هاد تصرف كان يحساب ليه غاتغوت تبكي ولا دير شي ردة فعل لكن بهاد الطريقة شخص مكاينش بتااااتا فحال الى رمات ليه الجمر على ليصانص الي فصدرو وحرقات ليه قلبو وعصرات منو د.ممم...ماحتال يوصلها وهي تسد الباب بجهد تلاح هو على الباب كيدق ويغوت بحر جهدو....
عصام : فرااااااااااااح حلي حااااااالي فراااااااااح.. ماشي انا الي تسدي عليا الباب فرااااااااااح...."هو كيغوت وذاكرته غاترجع للنهاار المشؤوم اخر نهار كان بيناتهم واخر شوفة ليهم بزوج ويوم كسر الخواطر والحيوط الي تبناو بيناتهم والصدمة"
~~عصام : راني حلااااااااااااافت ابنت الق*** ولا حفات ليك اجي حنتيني...ماضاربش عليك الكرفي وماعاطيش لحمو لدنيا تنهش فيه ماهزكش لحمة كانت غاتلاح فزبل ومايعقلو عليك...والله ابنيتي لاكان ليك لاكان غا من جيهتي...وضفري معايا شيب نتي كاااع...
مشا ليها نيشان شدها من دراعها وجرها بجهد غاديا وكتنتر ليه وتحيد فايديه وتطلب ماسمعش ليها ولا عرفها تا اش كدير ولا اش كتقول حل باب زنقة ودفعها بجهد تا تقطع تريكو بيجامة من عند عنقها لكتفها فحال الى لاح كلبة ماعقلش عليها تا واش لابسة ولا لا.." ~~~~
سد الباب فوجهها تا طارو زغيبات شعرها وغمضات عينيها بقات كتشوف فالباب الي تسد والي حساب بقلبها تسد معاه عمرها ماكنت كضن غاتوصل لهاد المواصل... كانو بمتابة الجناح درع الحماية من الناس لكن مكانوش الحماية منهم هما...
غوت غوتة لربي الي خلقو...حتى طلع زين الدين كاينقز الدروج وصل عليه لقاه بغى يفرح الباب جاب الله الباب من دوك البيبان الكبار الحجم...كيضرب فالباب ويدق ويغوت..عقلو خرج جهل بمعنى الكلمة ولا باغي غير تشوف فيه مالقاهاش والو غير تعطي ردة فعل والو...جا ليه زين الدين وتبعو تا ع.العالي وعلي...
زين الدين : عصااام خليها من بعد...خليها انا الي عارفها...
عصام"ضار عندو مشربن كيهضر ويخبط فصدرو" : انااا الي عارفها ماشي نتا مااااشي نتااا"كيغوت ودموعو ماحاسش بيهم راهم نازلين..كشاكشو خارجة والعرق نازل من جبهتو.." اناااا
زين الدين : نتااا نتا كلشي ديالك...وكتبغيها كتر مني ومانجيش انا فوجهك...سمع مني التفاهم ماشي بهادشي...عارفين حالتها ما بعد المشكيل اما هي براسها نتا الي عارفها حسن مني...
عصام"ماتسوقش لهضرتو رجع كيخبط فالباب ويغوت" : فرح واااااااااااابنتي سمعيني وحلي عليا...وااااااااااختي ماديريهاش بيا...واااااااا فرح راني بااااااك وخوووك...خرجيييي ضربي وعايري..غااا عايري والله مانهضر ولا نغوت عليك...
علي"حدر راسو ماعرف مايدير واش يرجع ينزل ولا يبقى تا يهبطوه"
ع.العالي : عصام الله يهديك خليها عليك دابا...
عصام"ضار عندو" : ياااك دابا عاد نخليها عليا ؟ فين مشات هضرتك اجي شوف ختك ؟؟ فين مشات سير سول فختك ؟..هازين ليها الهم دابا وقبل...وانا شكون يهز ليا همي...
زين الدين : حتى واحد مايمنعك عصام...دير الي بغيتي هضر هضر...
عصام"رجع كيدق عليها" : حلي الباب نهضر معاك الهبيرة..."ضار عند زين الدين" عطيني ساروت البيت حل ليا البيت زين الدين...
زين الدين"حط ايديه على كتافو..كيشوف فيه ماهواش جاتو فحال الهيستيرية...ماحيلتو ليه ولا الي دخلت الداخل قلبو واكلو عليها بجهد كيتسنى غير فرصة فين يدخل يشوفها ويهضر معاها..." : عصاام..خليني نهضر معاها هو اللول ...
عصام"حول نضرته الي كانت كترجى لتخنزيرة" : علاش مانهضرش معاها انا !!
زين الدين : غادي تهضر معاها...ماشي كلشي دقة وحدة راني عاودت ليك شنو طرا معانا كلنا...خليني نهضر معاها عصام...ومايكون غير خاطرك...
عصام"راسو كيترعد الفك ديالو كيتقرقب...عينيه جامدين على زين الدين فحال شي واحد تصرفق وبقى واقف مدة جامد ممثيقش.. فخاطرو كيقول ياااربي يكون حلم هادشي الي كيوقع...عاود تفكر اخر جملة قاليها داك اليوم المشؤوم"
عصام : تا دابا خرجي من هنا وعمرك باقي تعرفي عصام هنا خاوتنا سالات الى يوم الدين...
عصام"رجع للوقت الحالي...رمش عينيه ونطق بصوت مبحووح" : حلفت عليها منشوف وجهها الى يوم الدين..."هز صبعو" من غذا نصوم 3 ايام..من هنا ل نسالي اخر نهار بغيت ختي تشوف ليا فوجهي..."ضار غادي مكسوور الخاطر...خواو بيه ركابيه واحد اللحظة حتى كان غايطيح..زرب لعندو زين الدين وعلي
علي : عنداك..."شدو وهو يوقف ايديه بمعنى مزيان مزيان"..
زين الدين"ضار جيهة الباب بغى يحلو لقاه مسدود... حط راسو على الباب وتنهد كيزفر..هز راسو وخشى ايدو فجيبو جبد سوارت وحلو...اول مادخل قلب عليها بعينيه حتى لمحها واقفة لهيييه فالبالكون وشعرها كيطيرو البرد مع الجو مغيم بغات تصب الشتا والبررررد...عقد حجبانو ومشى نيشان بانت ليه كاشميرة صغيرة ديما كتكون محطوطة عند رجليهم هز وتبعها تالبالكون حطها ليها فوق كتافها بغى يعنقها من لور وهي تكحاز خلاتو مسرح ايديه على وضعية لعناق..": دخلي من البرد...
فرح"ضارت مغوبشة فيه" : علاش مضروب فعينك ؟؟!
زين الدين"دوز على وجهو بايدو" : ضاربت مع واحد خينا...هادشي علاش مابغيتش نهضر معاك فيديو باش ماتخلعيش..."هز عينيه بانت ليه شتا بدات كطيح" دخلي ونهضرو لداخل...
فرح : مااااابغييييييييتش ندخل گلت ليك مابغيتش"خرجات عينيها"معامن ضاربتي وعلاش ؟!
زين الدين "غمض عينيه وحلهم": واخا اجي معايا ندخلو...
فرح : وااااا مادخلنييييييييش خلييييني هنا خليييييييني مابغيتش ندخل مابغيتش نهضر معاك انا...حيث هضاااااااااااااارت معاك شحاااال هادي"كتحك بايدها عنقها وعينيها خارجين فيه تا تزنگ ليها وجهها" هضرت معاك وگلت ليك خليييييييييني وماترجعنييييييييش...مابغيتش نرجع معاااااك مابغيتش نرجعو مابغيتش..مابغيتش نجي هنا مابغيتش خلين غا مع مريم وتاهي كبرتوها فيا...اش بغيتو عندي ؟؟! ااااش...
زين الدين"شدها من دراعها وجرها بجهد دخلها... بقى شادها وهي كتنتر وهو برك عالبوطون خلا البالكون كيتسد راسو وجرها جلسها فوق الناموسية" : اش هاد الهضرة ؟؟!
فرح : اش بغيتي ؟ اش بغيتو مني ؟ علاش كنفرح وتنغصوها عليا علااااااااااااش"دموعها بداو ينزلو مع الكحل"
زين الدين : بغيناك تفرحي افرح وتجمعي مع حبابك...
فرح"هزات فيه عينيها" : حبابي درتهم هو نتا...حطيت عليك راسي ودرتك جناحي ونتا مابغيتيش...اش بغيتي ؟!
زين الدين"تحنى جلس قفازي عند ركابيها" : شفتي شكون الي جا ؟!
فرح : شفت با شفت فوزي شفت عمي علي خالي...شفتك نتاا الي جيتي"سرحات ليه ايديها" شوووف نقشت على قبلك..."مسحات القفطان بايديها تا عمراتو حنة محرتتة" شوووف اش لبست وتصورت ورسلتهم ليك..."هزات ايدها وراتو الخاتم ديال مارياج" شوووف الخاتم شفتيييييه ؟!
زين الدين"قبط ايدها وباسها" : شفت كلشي..بالفرحااات عليا هادشي...بالفرحات عليا نرجع لداري ونلقى مرتي كتسناني وموجدة ليا..."طلع لعند وجهها بغى يبوسها فشنايفها وهي تبعد تا غوبش"
فرح : ماشفتي والو...جيتي ونغصتوها عليا...
زين الدين"نسى وهز ايدو بجهد حتى تاوه" : ما...بفففف...
فرح : مالك ؟ اش ضارك ؟!
زين الدين : والو فرح ماضارني والو..."ناض وقف وهو يدور حدر راسو كيدوز على عينيه بتعب وقلة حيلة هز راسو لفوووق كيتنفس ويزفر باش ميتعصبش عليها...وهو يرجع ضار لقاها واقفة..شد ليها فكتافها كيشوف فيها بخوف جاتو حالتها فشكل ماشي هي هاديك...فحال شي وحدة فيها هيستيرية باسنة الصدمة الي كانو خايفين منها هي الي كتعيش لان كاع العوامل الي تخليها تهضر وتفش محركو فيها والو ؟؟؟" فرح هضري گولي. اش فخاطرك عايري ضربي...ماتخلعينيش عليك...خليني نگوليك...
فرح : ماتگولش ليا...وماتسناش مني نگوليك...الي بغيتيه مغاديش يكون وعمرو يكون...ماعمرووو يكووون...
زين الدين : فرح !!!
فرح"غوتات بحر جهدها" : وااااااااااااااااااا ماسميتييييييييييش فرح ماسميتييييييييش فرح والي سماوني فرح فرحو غا هما وانا نكدووووها علياااااااا...ماسميتيييييييييييش فرح بعد مني باااااعد مني...وباااعدو مني قلت ليييييييييييكم خليييييييييييييييييييييوني نعيش بوحدي مع مريم گلت ليييييييكم عطيوني تيساااااااع...نهار درت فيك الثقة طلبتك ماتخووونهاااااااش ودرتي الي فرااااسك...
زين الدين"قرب ليها بغى يشدها وهي دفعو من صدرو وبعدات ليه دراع ايدو الي وراها مضروب حتى كمش عينيه وكمدها" : خووووووك افرح خووووك...ماتنسااااايش خوك افرح توگضي معايا...واش عرفتي اش كاااين ؟؟ ماتخلعينيش عليك...
فرح: وااااا ماشي سوقك فياااا ماشي سوقك فياااا وااابعدو منيييييييي مابغيتش انا مابغييييييييتش...بعد مني ماتقربش ليا عطيني تيسااااااع...."بدات تخبط فحناكها وتغوت وهو يكبغي يشدها وهي كتبعد" واااا بعد مني دخل سووووق رااااسك وعطيني تيساااع...."ذكرى دازت بين عينيها كي ضو والي كانت تاهي فاليوم المشؤوم تا مشات وجات"
فرح"هزات راسها لسما وغوتات بحر جهدها" : وهاااااااااالعااااار سمح ليا هاااااااااالعار اهى اهى...هاااالعار ديرني خدامة ومدورش عليا وجهك هااااالعاااار "كتهز ايدها وتحك فصدرها تا كتبغي تقطع البيجامة عليها..." هااالعااار ماتلوحنيش حتى نتا اهى اهى....
فرح"رجعات للوقت الحالي...وخرجات فيه عينيها على جهدهم" واخا نسمع المووووت هاد المرة ماشي كسيدة ماغاديش نسامح...
زين الدين"حل عينيه على جهدهم تا حس بالضبابة نزلات عليه بالصدمة...حتى رجع باللور وشد فجنب الكوافوز"
فرح"كتحرك فراسها بهيستيرية" : هاني عطيتك جوابي...انا غادي نزل البيت لتحت هو فين غانبقى نعس هاد الايام
زين الدين"ماعرف فين ينطح راسو كلشي سرسباتو ليه" : اش كتخربقي !!ماعندك فين غاديا...
فرح"هزات فيه عينيها مجلخين بالكحل" : انا ماتشاورتش معاك انا گلت ليك اش كاين والى مخليتينيش غادي نقتل راسي ونهنيكم مني...
يتبع...
Omg farah mjhda Wtf *_*