محتوى القصة
دخلات البيت وخا حاسة بالسخفة الا ان مكالمة زين الدين جاتها بحال البلسم...ماتوقعاتش غايهضر معاها حيث هضرتو ولات قليلة وكان باغي يبقى براحتو وحدو على خاطرو...جلسات فوق فراشها من بعد ما سدات باب بيتها...
زين الدين : مزيانة دابا ؟
فرح : شوية الحمد لله...
زين الدين : حبس عليك ترجاع دابا شوية ؟!
فرح : ماكيحبسش عليا...هاد اليومين تجاهد عليا بزاف..."هزات كتافها وحطتهم" ولفت عادي...
زين الدين"بصوته الخشن" : ماعليش شوية بشوية وغايبدا ينقص عليك...
فرح : وصيت صفاء تاخذ ليا دوا من فرماسيان ديال الكلينيك عاافاك واخا توصيهم يعطيوه ليها الى بغيتي...
زين الدين : تعطيهم غير سمية البغدادي وهما يعطيوه ليها عالمهم ديجا...شنو بغيتي مزال ؟
فرح : والو..."سكتت واحد شوية وهي تعاود حلات فمها بغات تهضر وهو ينطق سابقها"
زين الدين : يلاه سيري رتاحي...من بعد ونضهرو...
فرح : صافي ؟؟ احم اه واخا تصبح على خير...
زين الدين : شنو محتاجة شي حاجة فرح ؟
فرح"وشحال كترفرفها سميتها ففمو" : والو بغيت غير نسول فيك كيف بقيتي نتا...
زين الدين"عض شنايفو مدة وعاود رجع نطق" : مزياااان الحمد لله هاد ساعة...تهلاي ليا فراسك !!
فرح : واخا...
قطع معاها بقات شحال كتنغم بهضرتو وصوته الوحم ومايدير...تنهدات وهي تحط تيليفونها وبقات كتفكر فهضرتو وهي تدير ليها فراسها طننن...فاش قال ليها "تهلاي ليا فراسك" هاد الجملة من فم زين الدين السابق ؟ مابقاش كيقولها ليها ملي وقع الغيار بيناتهم...كل مرة كيقوليها كلمة وتفرح انه بدا يرجع ليها ؟ شوية كتحرك راسها ب لا...مابغاتش مسكينة تأمل باش ماتصدمش..مابغاتش تعلق مابغاتش ترجع تهدم الحيوط باش متلقاش حيوط كبر كيف قاليها...كتحاول مسكينة متبنيش امال على والو...السخفة شاداها والعطش وحتى جوع جاها مرداتش البال را هضرت زين الدين فتحات ليها الشهية...
~هي الداء وهي الدواء...هو الداء وهو الدواء~...
دخلات عليهم لبيت تلفازة وهما يهزو فيها راسهم كيرمشو تاواحد فيهم مانطق كيتسناوها تفسر ونيت ماقدروش يهضرو خصوصا فاش دخلات هازة حاجب. وحاطة لاخور وضاربة ليهم تخنزيرة..
فرح : فوزيييي...
فوزي : اااانعااام...
فرح : گلتي نجيب ليك شي حاجة من برا ؟
فوزي : لا ما گلتش...
فرح : وفوزييييييييييييي واهضر معايا مقاد ماتفقصنيييش...
فوزي : والله هاد البرهوش الي فكرشك وتولد تانسلخ ملت مو عصى على هاد شيب الي خرج فيا...فين بوه فين هو بووووه يجي يدي عليا الخرا من الخرا....
فرح"كترمش فيه" : ودابا مالك ! ماتجيب ليا والو صافي مابغيتش وليتي باغي تسلخ ليا ولدي..."ضارت بغات تمشي"
فوزي"طرش حناكو وعاود وهو ينوض" : تسناي تسنااااااااي را غالوح راسي من سطح..."وقفات وهو يقرب لعندها كتحس بيه مسبق العافية قبل ميوصلها...حبست ضحكة"
فرح : هاني ...
فوزي : اش بغيتي نجيب ليك ؟
فرح"تنهدت وبدات تشرح ليه وتعبر بايديها" : عرفتي شحال هادي كنت مشيت انا وزين الدين لواحد الحفلة..."قلبها تزير فاش ذكرات الحفلة بلا متحس تفكرات الليلة المشؤومة" مهم حطو لينا شي ماكلة وحطو معاها واحد الكيسان فيهم خبز مقلي مع رمان مع العدس مسقي بالحامض ودبس رمان...
فوزي : هاااا ؟!
فرح : وايه مذاقها مابغاش يتنسى ليا تفكرتها صباااح معرفتش واش حلمت بيها ولا تفكرتها وانا ماحاساش مهم زويييييينة فيها حامض بزاااف"ريوگها بداو يدوزو" مط مط...
سيمو : على رقبتي الى غاتولد ليكم بركاسة ماشي بنادم...والله الى هاد لبرهوش لا فشكل عجيييييييييب داكشي الي فكرشك..
فرح"خنزرات فيه وجهدات صوتها" : سييييمو ياكما بغيتي نوريك البراهش اش كيسواو راني مزال مناسياش اش درتي فالفيلا...وخليني كنجمع ليك ونتقل ليك فالكيلويات...
سيمو"تنشر على الحايط مجبد وهاز ايديه كينش" : ولااا لا تحنقت تخنقت صافي سمحي ليا...
فوزي : دابا من لاخر اسميت هادشي فين كاين نمشي نتقداه ليك..
فرح : فواحد ريسطو كاين فالمدينة ديال الاكل الشامي عرفتيه !
فوزي : ناري على بنت الهم هي وبرهوشها فين باغين يصيفطوني...ايه عرفتو كملي ؟
فرح : غاتلقاه عندهم را عيطت ليهم گالو ليا كاااين...گوليهم يعطيوك بلا ديال اكلة حرااق اصبعو"
سيمو"دور راسو كيشوف فيها مكمش عينيه وحجبانو...هز صبعو كيشوف فيه عزي مشوط نييييت " : الي معنى عليا يمعني على مو " سمع حراق اصبعو وشاف صبعو مشوط حساب ليه شي صباع محروقين ههههه"
فوزي : دخلت عليك بوجه الله...دخلنا عليك بوجه الله والنبي رسول الله....
فرح : مالك ؟
فوزي : دابا هذا نگووووولو وحم ياك ؟
فرح : ماعرفتش"على نيتها عينيها دغيا رجعو غرغرو"...
فوزي : ودابا هذا گلتي اكلة ديال شام وباب الحارة وداكشي...ماعلينا سؤالي ليك...
فرح : اش بغيتي تگول...فوت عليك غا ولدي...
فوزي"خرج عينيه مغدد" : وراه هاد ولدك فين غناو العيطة هااااااااد ولدك الي خربق لملة مي سلوووووكة...واش هاد ولدك بنادم مغريبي دكالي كازاوي بحال باه ومو ولا حاملة ليا. ب ابو شهاب عگيد الحارة !!
فرح"خسرت فيه سيفتها طلعات وهبطاتو وهي تم غاديا" : هذاك سيدك ولد لالاك وسيدك...سير جيب ليا اش گلت ليك ولا بناقص مابغيت والو...كتسولني وتندمني يخ...
فوزي"حل فمو مصدوم...رجع ضار عند سيمو وشير بصبعو جيهة صدرو كيقوليه انااا"...
سيمو"حرك ليه راسو مثاااااااااقل ونطق بحال شي واحد خااااتر داي فزمان وجايب" : ايييييييييييييه...ولات البلغة تعسف عالصباط...وكتاف رجال يهبطو...وولات لالة فرح تگوليك كوزينتك....
يوووميييييين بالحساب دازت عندهم فيها واحد الكمية ديال الراحة رهييييييبة......تسنى الحسين تا خرج كيلبس فجاكيط ديالو...خرجو سد الدار وحط السطل لهيه فين كيحطوه حتى يجي الكاميو ديال الازبال...مد ايديه حل سيارة بالكونطاكت وركب فجيهة المقود شاف فيه عصام...
زين الدين : انا نسوگ هاد المرة جلس لور وتكى ليا مع راسك وعيش...
حرك راسو...ركب اللور والحسين القدام...ديمارا سيارة ورجع باللور تا خرج من درب وهو يكسيري خارج من تارودانت البلد الحبيب عندو....
يوميييييين دوزاااتها عليهم بالترجاع وقلة الخاطر الي عندها والهرمونات المخربقين مرة تبغيهم مرة تكررهم وتكرههم فيها...فوزي بقى ليه غير راسو شبعو نتيف كاع داك شعر القوي نتفو معاها ويرحع تاني كي الكلب يطلبها وكانه مادارت ليه والو هههن....اليوم كيف حسات براسها تنفسات شوية من ترجاع مشات ل رايب الي مخلط بديسير وكلات منو تگعد بيه قلبها حيث هو الوحيد الي كتحس بيه كيبرد ليها المعدة...بقات تاكل وتشوف تا هزات تيليفونها ودوزات الخط ل صفاء...
فرح : فينك ؟
صفاء : فالدار اش بغيتي افرح والله مادرت شي حاجة را فوزي..
فرح : وهنييييني دابا بغيت نمشي الحمام حسيت براسي مسخة شوية...
صفاء : عيشك عومي غا فالدار راك غاتسخفي افرح عافاك...
فرح : لا لا غادي نجلس فالبيت اللولاني...عافاك والله حتى توسخت وهنا مكاينش الي يحك ليا ضهري...نگول لخوتي يحكوه ليا من نيتك ؟؟وحتى راجلي مكاينش وماشي تال تما انا وياه....
صفاء : يا راني ماگلت والو...وزايدون كتخليه حتى يطل عليك فاش كنتو مع بعضياتكم...البوسة كتسخفك بقى غا يحك ليك ضهرك...دابا امتى بغيتي تمشي ؟....
فرح : من ورا الغذا....
صفاء : يلاه سيري انا نجمع حوايجي وماعني نتغداو وندوز عليك...شوية وتجيب ليكم مي نجية الغذا...ونتي را دايرة ليك شلاضة بصلة ومطيشة الي بغيتي والخيار...بغيتي شي حاجة خرا من غيرها ؟
فرح : بغيت كوكا كانيط فيها كاز....
صفاء : والنوااااوي نواااااوي....فوتي عليك كوكا...
فرح : ماتشاورتش معاك...هاهي عندي فثلاجة انا غاجاوبتك على سؤالك...سيري انا نتسناك دوزي عليا...
قطعات معاها خلاتها تبرق فعينيها...مابقاوش كيحدوهم ليها تاني رجعات هي تحدها ليهم والي هضر يرعف...ناضت جمعات حوايجها تاهي ودارت ماعنها شامبو والباندوش صابون بلدي محكة الاقدام وشيتة ديال ضفار تاهي كلشي دارتو فلاتخوس حتى من كوماج الجسم والوجه دارتو...وجدات سطولتها وصاكها حطاتهم دخل فوزي هاز بلاطو الغدا من عند نجية حطو فوق طابلة عرات عليه سادة منخرها حيث كان طاجين هزات غير طبسيل ديال شلاضة ديالها حطاتتو فوق ساندريا جابت مونادة دوزات بيها غسلات فمها حكات سنانها ورجعات تكات كتگرع كريشتها بدات كتكبر شوي بشوي...شوية جات صفاء دقات عليها وهو ينوض فوزي هز ليها صاك وسطولة وخرج معاهم تا لعند الحمام حط داكشي ورجع...
فوزي : معاش نجي ليك ؟ متعطليش را جاي باك...
فرح : ساعتين الى كترت...
فوزي : ناري الموت هادي...نقصي وبراكة من الحتيت نتي وهادي فالحمام...
مجاوبوهش خرجات صفاء هزات سطولة وصاك من بعد ما دخلات لاخرين ودخلو من بعد ما خلصو الحمام....ساعتييييين بالحساب خرجات فرح شادة فدراع صفاء وتنهج سخفااااانة...لقاو فوزي وسيمو واقفين كيتسناو...شد سطولة هو وسبمو تكلفو وتكات فرح على كتف صفاء شادة فوق كريشتها حتى وصلو للدار مع هزت راسها بانت ليها سيارة زين الدين...
فرح : زين الدين جااا ؟؟!!
فوزي : لا كاين غير عصام جا بطوموبيلتو...
صفاء : ساعة سعيدة فاش تلافينا..."شدات سطولتها وصاكها ودارت ليهم هنا كانو دخلت تفرفر لدارهم خلات فرح قلبها كيزدح..ماكرهاتش تدخل لسيارة تشم فيها ريحتو وريحة ديال العطر الي فيها ديما ريحة الفانيليا مخلطة بريحة السيجارة ديالو...حدرت راسها وهي تابط دراع سيمو شادة فوق كرشها ودخلات لدار وماحدها كاتدخل وهي كتشم فديك ريحة ماحساتش براسها تا زربات وقفات عند راس البيت كتقلب عليه مكاينش...بان ليها غا تيليفون عصام...ضارت بغات تمشي لبيتها وهي تخرج فعصام...
فرح : عصام...على سلامتك...
عصام"باس ليها راسها" : الله يسلمك..بالصحة وراحة...كي بقيتي شوية اليوم ؟..
فرح"حركات راسها" : ممم مزيان..واش ماجاش"صرطات ريقها"
عصام : شكون ؟!!
فرح : زي.."حبست السمية" احم صافي...انا مشيت نتكى فبيتي عييت..."حرك ليها راسو مثقل...مشات بشويا لبيتها...غير حلات الباب دخلات حتى وقفات وهي تشهق راجعة باللور ماعرفاتو منين تسلط لقاتو واقف حدا شرجم مربع ايديه وكيشوف فيها عاقد حجبانو وضاربها بتخنزيرة...." زين الدين ؟
زين الدين : مالك شنو يحساب ليك. ؟؟
فرح : مافراسيش كاين فبيتي !!!..گالو ليا ماكاينش...
زين الدين"زاد قرب لعندها بشويا بشويا تا وقف عند وجهها ريحتو بغات تجيب ليها جلطة..تحنى عندها مقرب مقرب تا قرب لعند فمها مزياااان كتشم ريحة انفاسو ومع الوحم حسات بالبولة بغات تنزل وهو مقرب تا غمضت عينيها وصرطت ريقها...كتحس بشفايفو عند فمها كتسناه يحطهم بغات تجهل تا بدات ترعد بغات تجرو تبوسو هي... شوي حسات بيه داز لوذنيها " : نهار نشد ملتك فواحد القنت...نگرد لمك جنابك ومانحن فيك...على ديك كلمة الزمر..."رجع لفمها لقاه محلول شوية جمعو ليها بفمو وعضو بسنانو تا غوتت ليه وسط فمو. طلق منها وهز راسو عينيه مخنزرين وخرج خلاها كترمش مافهمت فيه والو"...
حطات صباعها على شنيفاتها كتقيص فحر العضة الي عضها. ودورات راسها جيهة الباب قلبها باقي كصرع فالدقات....
زين الدين"خرج لقى عصام وفوزي فالبيت" : كاين شي اتاي ولا ضيافتكم لاروب ؟!
عصام : كاين السم....
زين الدين : اجمعين اجمعييين...
عصام : دغيا بيه فيه ؟ هضرتو فدقيقة ؟
زين الدين"غمزو بحنكو" : مزال ممساليش لهضرة..نرتاتح ترتاح ويكون خير...
فوزي : مالها ماخرجت...
ماجاوبوش حيد سبرديلتو ودخل جلس....اما هي بقات شحال عاد توگضت وهي تجلس فوق فراشها هزات تيليفونها بزربة دوزات لخط ل صفاء...
فرح : صفاء زين الدين جا...
صفاء : جيه الخير ورباح قوليه تنسالي ونعيط ليك راني كنت فالحمام ودابا كنوجد فكيكة لگوتي...
فرح : صفاااااااء حضري معايا عقلك اويلي....
صفاء.: ورا عقلي حاضر نتي الي طار هاهو جا اش بغيتي...هضرتو ؟!
فرح : مع سلام مع باسني ففمي...
صفاء"عسلات عينيها" : احااااااح داكشي مايحتاجش مشاورات كيعجبني الانسان الي كيدخل فالموضوع نيشان بدون مقدمات..جعل زوجي قورة عيني تاهو يكون هكاك...حيث لا تسناني ميعادنا ل تفنى دنيا....
فرح : واش مستوعبة اش كتگولي ؟؟..واش عرفتي اش گلت ليك ؟ واااااااا صفاء"غددتها" وا فهمي الزمرة فهميييييي.. وباسني هو راسو باسني وهددني حيث گلت ليه زمر واحد المرة
صفاء"خرجات عينيها" : تي كيفاش زمر ؟ واش هذاك يگولو عليه زمر ؟ وملي هو زمر التمر عندك كيداير المطوبزة يا قرعة الخل مگلوبة...يا البيصارة الباردة يا الدبة يا مو فلاقي كبار بلا موجب شرع...
فرح : صفاااء واش انا صاحبتك ولا مرت خوك ؟ وحضري عقلك ولا نسد عليك ونبلوكيك وقلبي منين تهضري معايا...
صفاء : لا صافي..ونتي علاش گلتي ليه زمر ؟ كي طرا ؟
فرح"حطات ايدها على جبهتها بتوثر مفكرة الليلة الي شنقات عليه وقالت ليه بكل جرأة وتحد انها كتموت عليه عبرات ليه على عشقها بطريقة جديدة عليها وصعيب انها ديرها لكن الوحم الحب الاشتياق دفعوها دير هكاك" : گلتها ليه وانا معصبة حيث مكانش كيضوف فيها...فففف ديك الوقت الي تعصبت فاش كنت فالفيلا....
صفاء : وا شدي مغاينساهاش ليك..."وقفت مخرجة عينيها وصقلت عاد طلعت معاها را باسها" كيفاش ؟ كيفاش باسك..
فرح : بحرا حط الكار عندي ؟ علاش عقلك دايب ؟ ملي انا دبة بيصارة ونتي !؟
صفاء : گديدة ملوية عالعواد عهههه...سناي واش بصح كتهضري افرح ؟ عرفتي اش كيعني هادشي ؟
فرح : عرفت بالي رطاب ونسى وسمح ليا وعطا لينا فرصة ؟"بعد تصديق عوجات راسها وكمشات عينيها" صفاء مابغيتش نتأمل...ياكما حيث كنتوحم داير ليا خاطري...
صفاء : وااااا شغانقولك...الى بحال هاد تصرف را جاي من واحد مسامح وبدا يرطاب حيث كون شاد فالموقف ديالو وباقي مقلق من جيهتك غادي يغبر ولا يبقى كيف كان معاك فالفيلا...ولكن باش يسامح كنضن سامح غير هو الواحد را كيخصو وقت باش يسامح مزيان ماشي سلام عليكم انا مسامحك صافي نرجعو..خاص واحد الوقت...
فرح : فففف ماعرفتش غانخليها هكاك فوزي كيعيط ليا...اش بغاوني..."كتقيص ففمها..كيغاندير نخرج عندهم ؟!
صفاء : خرجي كي ناس...ياكما مكتوبة ليك فوجهك را زين الدين باسك ففمك ؟ غاتهناي الى ما فرشتي راسك نتي مكاين الي يسيق ليك خبار...جمعي راسك وخرجي تاكلي شي حاجة الى بقات ليك فكرشك...
قطعات معاها وحطات تيليفون عاود عيط هاد المرة عصام حسات بقلبها بغى يخرج توثرات بجهد...ماقدرتش تخرج تا ناضت وهي ترجع تجلس كتنفس بجهد...شوي وهو يتحل الباب صرطات ريقها حتى بان ليها عصام داخل مغوبش...
عصام. : مال والديك ماباغا تكلمي ؟!!
فرح : مم مسمعتكش كنت كنهضر مع صفاء...
عصام : جاوبي عاد كملي هضرتك طيرتيها منا خلعة...تحركي خرجي تاكلي...
فرح"كمشات عينيها مروعة" : خفت ناكل ونرجع تاني كلشي..
عصام : وماتاكلي والو على هاد الحساب ؟ كولي الي تشهيتيها والى ضراتك سيري رجعي معندك ماديري...يلاه نوضي...
عضات شنايفها وهي تنوض تسناها تا جات وعنقها من كتافها بجنب وخرجو وهو يوقف شاف جيهة بيت باه كيفكر انه يخرج كاع قشو يرسلو ليه ويصلح داك البيت...وصلو لعند البيت وقلبها علاو دقاتو صرطات ريقها وهي تهز عينيها بان ليها جالس مشتح المخدة فوق فخادو مسند عليها وشاد تيليفونو خاشي فيه وجهو كيبقشش فيه..غير سمع حسهم هز عينيه شاف فيها ورجع هبطهم فتيليفون كانه مادخلاتش..صرطات ريقها وبالدعقة جلسات فطرف السداري عند العتبة...
فوزي : هابطة فالطريق ؟
فرح : ااا ؟
عصام : ودخلي حدا طابلة..."الطابلة كان فيها كسكروط الاكيد من الجارة الحبيية ام فرح بالرضاعة نجية...مسيمنات معمرين غير بفلفلة حلوة وشوية شحمة و كيكة ديال شكلاط وكومير والباگيط وكرواصة خذاها عصام من المخبزة هي وبيتزات صغار...بانت ليها كرطونة صغيرة ديال مخبزة من عندهم فجديدة والمخبزة معروفة كاتصاوب غير الفريع ديال باتيسري ومملحات نيفها جاب ليها ريحة بسطيلة دجاج نيشان حطات عليها ايدها بجهد تا هزو عينيهم وهي تجرها عندها كتفرنس..
فرح. : هادي خذاها ليا زين الدين اححح"تنهدات بواحد طريقة خلات فوزي يحبس ضحكة وزين الدين حاضيها بنص عين..هزات راسها فيهم وهي تلقى عصام كيشوف مدهشر وفوزي ضار لهيه كينش باش ميضحكش اما زين ماضارتش جيهتو...طلعات معاها واااااحد مولاتي تزنيگة لا حول...صرطات ريقها..بالدعقة نطقات" ااه ههه خويا زين الدين...تانا زين الدين..شكرا...
زين الدين"حرك راسو مثااااااااااااقل..جاوبها بطنز خويتر" : مرحبا ختي...
دخلات جلسات حدا عصام تا لقات راسها بين عصام وزين وريحة زين الدين غطات ليها على ريحة البسطيلة وياربي راها ماكرهات تكون قريبة ليه اكثر...اما هو عاااق بيها وعرفها فاش كتفكر غير من حركات وجهها التعبيرية ووجنتيها الي ولاو حمريييين وفمها الي كانو شفايفو كيترعدو وعلاش ميعرفش وهو فاهم وحافض تفاصيلها...حط تيليفون جنبو وتگعد شد من عندها الكرطونة تا قفزت..ريحتو كطلع معاها وكتزيد تبغي تجهل...
زين الدين"حل سينتة وحل الكرطونة جر طبسيل حط ليها بسطيلة صغيرة من البساطل الي تم وكحز ليها طبسيل" : كولي
فرح : اا ؟ احم واخا..
بدات تاكل شوي بشوي متوثرة ماحيلتها لوجود زين الدين ماحيلتها لريحتو واشتياقها ليه ماحيلتها ل شنو وقع شوية هذا فالغرفة ديالها والقبلة الي ماقدراتش تفسرها واخا قلبها مطمنها ومهنيها وماكد ليها انه تقريبا غادي ترجع المياه لمجاريها لكن ديما الخوف من انه يصدمها وارد عندها...خوا ليه عصام من براد ديالو مسوس وخوا ليه هو وفوزي كيسانهم...سماو الله وبداو ياكلو هزات عينيها لمقلة ديال بيض الي كياكل فيها زين الدين وهي تسول فوزي...
فرح. : نتا الي صايبتي هاد المقلة ؟؛
فوزي : لا داك السيد الي حداك هو الي دخل..كتعرفيه ؟
فرح"كون لقات تعضو وسط الراس متفرطش" : صااافي غا سولت...
زين الدين : شنو ياكما ريحة مجهدة عليك ؟؟
فرح : لا لا ماشميتهاش هي...
فوزي : واش شميتي ؟!
فرح"خرجات فيه عينيها" : ماشميت والو فوزي كول وسكت.."خسرات سيقتها وضارت عند عصام" عصااام هضر معاه يبعد مني...
فوزي : يااااااك دابا نبعد منك ملي كنت غير انا كنت انا هو الكل فالكل دابا جا راجلك وخوك الكبير لحتي مي لتوش ؟ وبلاااتي بلاتي تبغي حاجتك وماتلقايني..."خرج فيها عينيه وبدا يتحلف عليها بالحس"
رجعات كتاكل وعينيها على الماكلة لحد الساعة مروعتهاش...كملو ماكلتهم وهو ينوض زين الدين هاز باكية الكارو والبريكة وتيليفون ونطق...
زين الدين : نكمي ونجي...
حركو ليه ريويهم وهو يحنحن وخرج اما هي بقات تا كملت ديك البسطيلة گعدات بيها قلبها شوية وهي تنوض تمات خارجة...
فرح : انا فالبيت نمشط شعري ونشفو هادي فزگات وكنحس بالبرد فراسي...
خرجات من البيت فين كانو ياكلو ناض عصام تاهو طلع لللسطح باش يكمي ويهضر فالتيليفون مع الزوجة المستقبلية...دخلات هي البيت وسدات عليها قلبها كيضررررببب...حيدات الزيف على راسها وطلقات شعرها فاازگ تقابلت مع المري وبدات تمشط فيه جبدات فوطتها نشفاتو مزيااان وذهنات ليه واحد سيروم elvive lo'réal paris ريحتو دعقتها دغيا ذهناتو مشمئزة من ريحة بالرغم ان ريحتو زوينة لكن حسات بيها شققات ليها راس...جبدات سيشوار عندها وبدات تنشف بالخف جمعاتو وضفراتو...حتى شوي بدات تسمع اسمها بصوته الخشن الي كيخلي قلبها يتهز يلاه بغات تمشي تحل تا بان ليها البواني كيدور وهو يحل الباب وطل عليها عاقد حجبانو...
زين الدين : شنو كديري ؟؟؟
فرح : نشفت شعري وجمعتو..احم مالك ؟
زين الدين"دخل وسد الباب وراه وهي تصرط ريقها" : بغيتي تبقاي هنا !؟
فرح : ف فين ؟
زين الدين : فداركم ؟
فرح"بدات ترمش" : بغيتيني نمشي لهيه ؟!
زين الدين : شنو بان ليك ؟ ديري فبالك هاد اليومين مكاينش فالدار عندك من يجي معاك يلاه معندكش بقاي هنا حتى نسالي les opération الي عندي...
فرح"بغى يخربق ليها سلوكة هضرتو كتقول باغيك وهضرة اخرى كتقول ماباغيكش..وخاطرها كيقول ليها الى فهمتو بغيت ليا الباسر هههن" : مكاينش الي يبقى معايا تما حيث كل وعندو مشاغيلو ازين الدين مغادينش يبقاو صابرين معايا ومخلين شغلهم...وانا الدار مزال داري لدابا ملي مابغيتينيش نبقى فيها راني جيت فحالي..."عينيها غرغرو"
زين الدين"خرج عينيه" : هي جريت عليك ؟
فرح : لا ماجريتيش عليا ولكن نتا فبيت وانا فبيت وعلاقتنا مابقاتش مفهومة ليا دابا..ماعرفت اش ندير...
زين الدين : باغيا ترجعي لدارك ابنت الناس !؟..
فرح"بقات كتشوف فيه وعينيها كيتحجرو بدموع بغات تقوليه اه بغيت وبغيت نعس فحضنك ونتوسد صدرك ونشم ريحتك وترجع زين الدين ديال الفرحة ديالو لكن مسكينة ماعارفة اش هادشي واش حاجز ولا يخ منها وعيني فيها وتاهو ولد الهم كيطيب فيها على نار مهيييييييلة...هزات كتفها وعوجات فمها مدلية شنيفاتها الي بانو ليه كي الشهد.." : ماعرفتش ماعرفتش ازين الدين..مكاينش الي يبقى معايا...وزايدون عصام غايدير العقد نهار السبت خاصني نعاونو فالمقدية حيث بغى يدي دفوع وزغاريت..
زين الدين : الدار لهيه كاينة مي خديجة والسيدة الي معاها...بالليل مكاين حد وبوسيبل يجي مراد غذا...مابغيتش يبقى بالي معاك حيث بايت فالكلينيك انا عندي منقضي..ومنصيبش نبقى نجي هنا وهنا...
فرح : غير خليني هنا...
زين الدين : داير ليك الخاطر على جال الوحم...ومزال عندنا مايتگال...الوغ فهمي راسك ابنت الناس كلامي وذوقي المعنى...
فرح"فهمات انه بغى يفسر ليها اش كاين نيشان ويوضح علاقتهم ...حركات راسها" : واخا...
زين الدين : خليك هنا هاد اليومين بعد غذا فالصباح ندوز نجيبك ونهضرو تما تفاهمنا ؟
خرج من البيت وخلاها كتشمشم موراه سلم على عصام وفوزي وخرج من دار ركب فسيارتو ورجع باللور حتى صونا ليه تيليفونو تطلق الخط ونطق وليد...
وليد. : الامانة راها وصلات ازين الدين فالفيلا...
زسن الدين : يتوب علييك.....
خذا الطريق مباشرة ل كلينيك من بعد نصف ساعة حتى كان دتخل ليه وقف السيارة فالباركينغ حيد سانتيغ هز تيليفونو وخرج دخل للمصعد ركب رقم الطابق وطلع نيشان اول حاجة شير لياسر باش يتبعو فالبلاصة ناض هاز الايباد والمذكرة وتبعو..
زين الدين"ضار وجلس فالكرسي ورا المكتب بدا يشعل فالماك ويهصر" : شحال ديال الناس كيتسناو ف la salle d'attente
ياسر : كاين ثلاثة اليوم عندهم كونطرول...ستة مشاو صباح حيث مكنتيش وعلمتهم بالي مسافر اجلت ليهم حتى لغذا وهادو يلاه جاو كنتي ديك ساعة عالمني بالي جاي فالطريق...
زين الدين : شنو عندي غذا ؟!...
ياسر : عندك اجتماع الكبير الي فيه نتا وبروفيسور زياني و الشريك الجديد ورؤساء الموارد البشرية...عندك جوج عمليات وحدة مع الخمسة العشية وثانية مع الوحدة ديال الليل...والليلة عندك المراقبة ديال الكلينيك...
زين الدين : بون..بدا دخل صحاب الكونطرول....
حرك ليه راسو وضار خرج اما هو بقشش شوية فالماك وحل اول ملف حالة اليوم...قراه شوية وناض مشى لشومبر بدل ولبس لباس ديالو ودخل نيشان لاصال غسل وعقم ايديه عاد دار ليگانت وكامت اول حالة عندو واحد السيدة ميسورة الحال لكن عندها تشوه فحنكها نتيجة حادثة حريق تعرضات ليها ودار ليها العملية واليوم رجعات باش يكمل ليها سوان ويشوف فين وصلات النتيجة...
بقى حتى كمل الحالات الي عندو وخا عيان بالطريق صبر حيث تهاون بزااااف فخدمتو وهملها...مع خروج اخر حالة تلاح فوق الكرسي متكي راسو لووور كيمسد فجبهتو بتعب...شوي هز راسو وناض لماشين دار ليه كاس قهوة مقطرة وگض بيها راسو مشى جلس فاافوطوي كيشرب فقهوته مد ايدو حل البالكون وشرجم وجبد سيجارة شعلها وبدا يكمي... كمل الكماية وطفى الكارو وناض رجع لمكتب كمل خدمتو وهو ينوض خرج من المكتب ونزل لتحت عند رئيس الموارد البشرية خرج هو وياه ودارو دورة فالكلينيك كامل ما سالا حتى لاش من وقت فالليل حس بالعياااا شديد وطلع لشومبر ديالو فين تلاح نعس...
اصبح يوم جديد حل عينيه على صوت الهاتف حل عين وحدة شاف الساعة كانت السابعة ونصف صباحا معاش محقق تيليفون نيت ملي صلى الفجر...فالبلاصة ناض دخل لدوش دوش وخرج نشف راسو مزيان خلا الفوطة مرمية على عنقو ولاخرى مدورها عليه من تحت جبد قميجة گري وسروال كحل فصالة توب...لبس بوكسر ورش عليه دودرنت عاد لبس بيل سماطي وقميجة فوق منو وسروال عقدو وقاد ليه سمطة بانت ليه ريحتو شحال ما رشها تفكر انه بلهلا يطريه ليه مابقاش كيدير ريحة فشردها وشرد الوحم حرك راسو يمين شمال فرح ومدارت فيه...رش منها شوي فايدو دوز بيها على لحيتو وعنقو حيث خاصو يحض لاجتماع ويكون فكامل اناقتو...جلس فوق الفوطوي تالبس تقاشرو وصباطو داير الحوايج حتى فشومبر عندو حيث كيكون بايت تما وكيخص باش يبدل وحتى يدوش نضافة عندو مهمة بزاف...قاد راسو مزيان دار ساعتو وضار هز تيليفون فجيبو والحوايج المسخين دارهم فالصاك حتى يرجعهم لدار يتصبنو...خرج من شومبر وجلس فالمكتب دوز الخط لقى اسلام
زين الدين : علمهم يدخلو ليا الفطور"قطع معاه شرب دواه قبل الفطور وشعل الماك كيحاول يجاوب على جميع الايمايلات ويقراهم...حتى دخلو ليه فطورو وهو ينوض طوا كمايم قميجة سمى الله واو حاجة بدا بيها هي قهوة كحلة تنغم بيها وبدا يفطر حتى دق الباب وحنحن عاطي الاذن....
زين الدين. : سييي دخل...
تحل الباب وهو يطل عليه براسو لقاه عاطي بالضهر جالس فالفوطوي كياكل...سد الباب بشوية ودخل فحال داك الدري الي دارها قد راسو عين تبرق هنا وعين تبرق فزين الدين حنحن بشوية تا هز زين الدين راسو وضار نصف دورة عاقد حجبانو كيشوف بنص عين...
علي : صباح الخير استاذ البغدادي...
زين الدين"ضار بالعرض البطيء هاز فيه حاجبو..شوي حرك ليه راسو وضار كياكل"
علي"قرب لعندو وضار جلس مقابل ليه..زين الدين ماهضر ماتكلم ما ضار فيه ما خنزر فيه ماعطاه خيط من مخيط هادي قتلاااااااااتو...حيث عمرو وصل معاه لهاكا وعمرو شافو مقلق منو جاتو فشكل علي ماقدرش يتقبلها وكون غير بين ليه ولا خاصم ولا ضار فيه كان اهون من هاد النضرة وهاد طريقة..." : مابغيتش تجاوب خوك الكبير ؟
زين الدين"الصمت"
علي : وا زين الدين جاوبني...وخويا وواااا تلميذي وااا صاحبي وعشيري واااا شريييييييكي...."شوي اتا تنشر ليه فوق الفوطوي وبدا يتركل وتيمرمغ ليه..". وااااااااااااا لا لا راني تخنقت...
زين الدين"جمع حجبانو وهز واحد من جنب وحط الكاس كيشوف فيه كيتركل تما" : بعقلك لا ؟
علي"وقف فلحضة دار بوز وناض مخرج عينيه" : جاوبني ! الله الى جاوبني...ماعنديش العقل اخويا ماعنديش..."كحز لعندو وشاف فيه" تدي على راجل كبر وطار ليه العقل ؟
زين الدين"بنفس الملامح" : جيني من لاخر الحاج عندنا مايدار
علي : طالبين راغبين فالمسامحة على قبل هاد شيب الي فراسي..
زين الدين"شرب اخر جغمة وناض كيقاد فكمايم قميجة..شاف قدامو وغمز بحنكو" : سبقني لاصال ديال réunions من هنا ل نص ساعة..."وضار مشى لشومبر ديالو يغسل سنانو من الفطور ويجيب لوازم ديالو الي غايحتاج فالاجتماع مازادش معاه اكثر على عندو اعز شخص لكن فاش كيهرس ليك اعز شخص خاطرك كيكون صعيب تنسى دغيا لان الاهانة جات من اقرب شخص عارف حالتك ويعايرك بيها..."
خرج من المكتب والجناح مخليه على خاطرو مابغاش يزيد يقجر عليه كثر من هاكا...هبط نيشان ل قاعة الاجتماعات كيف دخل لقى واحد السيد فعمر زين الدين جالس حداه ريان كيضحكو ومعاهم رئيس الموارد البشرية...حتى وقف عليهم وقال بونجوغ...
ريان"ضار شاف فيه وهو يكحز الكرسي وناض لعندو باس ليه راسو" : الحاج علي صباح الخير...
علي : صباح النور"شاف جيهة يوسف" سي يوسف هذا ؟
يوسف"تبسم وناض مد ليه ايدو مسلم عليه" : هو هذا الحاج..يوسف نويري ولد خالة ريان وشريك جديد الى قبلتي عليا...
علي : تشرفت بيك اولدي...هههه الله اودي شرف ليا مالك باش حسن مني ههه تفضل مرحبا...
حرك ليه راسو ورجعو جلسو من بعد ما سلم على البشير تاهو...شوية تحل الباب وسمعو تحنيحنتو قال السلام عليكم سلم على ريان ويوسف وجر الكرسي الي كان حدا علي نيت..
زين الدين : با يوسف مرحبا بيك من جديد...
يوسف. : بارك الله فيك اسي البغدادي...
زين الدين"تكى عالكرسي دوار هاز ستيلو فايدو..شير لعلي" : بوسيبل تعرف براسك لحاج !؟
ريان : وي حيث الحاج شريك زين الدين بنسبة كبيرة...
زين الدين : ولابد تعطي شنو عندك ودير فبالك l confirmation (التاكيد) من عند الحاج باش تكون على بال..
علي"غمض عينيه حادر راسو..ندم ندم علاش تسرع كان عليه يتاكد عاد يعاير...حل عينيه وحنحن منضف حلقو باش يقدر يهضر" : م ماعليش عارف مادام اختاريتيه الا وكلشي مزيان وسي يوسف نويري شهادتي فيه مجروحة كنعرفوه وسيرتو فالمجال الطبي لا يعلى عليها تبارك الله...
يوسف"تبسم حادر راسو" : الله يكبر بيك الحاج ولكن ضروري تسمع مني وديك الساعة ليك القرار...المهم انا يوسف نويري كنضن بلا منقوليك شكون انا...كنت غاندير عيادة كبيرة شوي مجهزة ولكن ملي دوا ليا ريان على عرض زين الدين ودينا وجبنا فالهضرة انا كان افضل ليا ندخل بنسبة فهاد المشروع منها نزيد خبرتي ونطور ونستثمر فلوسي علاش لا نقدر ندير حتى عيادة من هنا لقدام...المبلغ الي حطيتو جلست كثر من 15 جوغ وانا كنفكر والحمد لله عندي المبلغ ناقص غير نسنيو...
علي"حرك ليه راسو" : مجيبة ريان وثقة زين الدين مغادي تخلي ليا منقول سوى "مد ليه ايدو" مرحبا بيك معانا...
رد ليه السلام وهو يعطيهم ريان العقود دوز لعلي دار امضاء ديالو وداز ليوسف والاخير كان زين الدين سنى على عريمة الوراق فيهم البنود الي ديجا كانو موجدينهم علي وزين الدين وعطاه ليه يقراهم فهاد الاسبوعين...كملو وعطا البشير اوامر باش يوجدو ليه بلاصة فجناح امراض القلب وشرايين ومكتب وصال فحال زين الدين وعلي كل وختصاصو...كملو الاجتماع من بعد ما دخلو ليه شريكين خرجو منهم ثلاث شركاء...علي مشى لجناح ديالو وبقى زين الدين كان غادي وهو يعيط ليه ريان طلعو فالمصعد ودخل لبيرو جلس...
ريان"حنحن" : البارح شدو عم المدام ديالك ...
زين الدين"خنزر فيه" : والكلب ديال باها ؟
ريان : ماعرفوهش فين مشى قالبين عليه دنيا محطوط دابا فروشيرش...
زين الدين : كيفاش !!؟؟
ريان"حرك ليه راسو" : فاش كنتي مسافر وقع هادشي..كاع البلايص الي ممكن يكون فيهم مكاينش...ماغايبان حتى تنازل على دعوة...
زين الدين : دعوة مانتنازلش عليها هادي باينة...
ريان : حاليا الى مابانش غادي يتحاكم محمد الخيالي الى ماضبرش فالفلوس...وداك الي كان معاهم بتهمة تهجم عليك فدارك نتا ومرتك...
زين الدين : بقى تابعهم حتى يبيعو الورث كلو يحطوه ويرجعو ليا الفلوس..."خرج فيه عينيه" رياااان نعول عليك ولا نهضر مع الحاج صهيب ؟
ربان : لا لا كون هاني خلي كلشي عليا انا غير علمتك بالي المخنتر الخيالي هارب...المشكيل هو خوه مغزف عليه حيث خلا ليه كلشي...
زين الدين : لهلا يرد القواد الي حطهم عليا...ماتحنش ليا فالويل الكحل....ماتسالي هادشي حتى تبيعهم الي وراهم والي قدامهم والي عندهم والي معندهم....ماعنديش رحمة على الي يتعدى ليا على داري ومرتي وولادي..
رجع لخدمتو النهار كلو وهو غاطس حاول ما امكن يخدم هاد اليومين باش يقاد الامور فالكلينيك بالنسبة لفرح حدو كيسولها كيف بقات واش دارت وهي كتجاوبو تعطيه فالتقرير هاد اليومين كاملة تشغلات بتوجاد لعقد قران عصام...كتخرج هي وصفاء يتقداو اش غايخصها باش تقيس عليها دوزاتها جيهة ثواب وجيهة بيجامات بدون ماتمشي معاها جيهة الملابس داخلية خلاتها فرح مفاجئة ليها وحيث عارفاها غا سنطيحة لا هي لا فرح نيت يخرجو عينيهم عند تطبيق مكاينشاي...اما عصام يمشي يخدم ويرجع يعطي لفرح اش خاص باش تقدا...حتى اليوم فالصباح ملي حلات عينيها وهي ترجع حتى جلسات حسات بترويييعة تاني وهي تنوض كتجري وملگية ايدها كتبوع فالمرار وكشاكش..الشهر الرابع دخلات فيه هاد اليومين...والاسبوع جاي عندها موعد عند الطبيبة فهاد الشهر وهاد الشهر تقدر تعرف جنس الجنين او تقدر متعرفش...سمعات صوت دقان وكانت غير وحدها مشات لباب فاشلة حلاتو كتنهج عينيها كيقطرو بدموع ديال ترجاع وسخفاانة لابسة تيشرت كبير كتبان فيه كريشتها صغيورة حيث بدات تكبر وتبان ليها...لقاتو واقف خاشي ايديه فجيابو هز فيها عينيه بانت ليه سخفانة وعينيها مغرغرين بترجاع مسندة عالباب...
زين الدين"شدها من ايدها بخوف" : مالك ؟
كاع ماداتها فهضرتو كانت موحشاه ماتسوقات كاع واش مقلق ولا مزال دغيا تلاحت عليه وحطات راسها على كرشو ونطقات بصوت مضيوم....
فرح : امتى يسالي هادشي ونولد ولدي...عييييت...
وشحال عزات عليه مالقى من غير انه يحاوطها بايديه ويطبطب ليها على ضهرها عنكشها فشعرها وباسها فيه...دخلها وسد الباب موراه داها البيت معنقها وجلسها فوق السداري...مشى لكوزينة جاب ليها قرعة الماء المعدني من ثلاجة ديالها كب ليها وعطاها تشرب...
زين الدين : شربي تنفسي...ماعليش دابا يحيد هذا الشهر لاخر فالوحم "قاليها هاكا باش تهدن حيث ماعارفش واش هذا الشهر لاخر او ممكن تكون فحال بعض النساء كيبقى مستمر عندهم الوحم طيلة اشهر الحمل...شدات من عندو الكاس ايديها كيترعدو بدات تشرب وعينيه مشاو لكرشها الي بانت...ماشعرش براسو حتى تحنى قفازي ومد ايديه حطها فوق كرشها حتى قفزت...بدا يدوز عليها بايدو ويقيص فيها عجبو حمقو الملمس ديال البطن الحامل خصوصا مرتو فرحة ديالو وهي حاملة بولدو..عض شنايفو وهو كيقيص وعينيه على كرشها مابقاش كايشعر براسو شنو كايدير...قلبو كيضرب بجهد وهو كيتلمس ليها فكرشها قاصحة حركة خلاتها تبورش بجهد ووجهها يسخن...شوية هز عينيه في فرح لقاها مهبطة عينيها كتشوف فايدو وحناكها مزنگين...قرب شوية شوية شوية تالعند شنايفها وهي تغمض عينيها تا حسات بيه حط شنايفو على شنايفها يلاه بغى يبوسها وهما يسمعو السوارت فالباب كيدورو هزات راسها بزربة شاهقة..
فرح : اويلي عصام...
زين الدين"كمش فيها حجبانو..حسساتو صاحبها ههه...دور راسو كيدوز على شنايفو بلسانو شاف عصام داخل حط سوارت فوق رخامة" : اش جابك فهاد الوقت اسمحمد !؟
عصام : جاي لداري...عندك دارك ومرتك لاش جاي فارع ليا راسي وحاضيني امتى ندخل ولاش نجي..وليني مصيبة كحلة معاك...
فرح"حلات فمها حساب ليها كيهضر بصح معارفاش هذا طنزو مع زين الدين"
زين الدين : كانموت على شي حاجة سميتها نفرع لعصام الخيالي راسو...
عصام : خرج عليا من داري وحياتي...
زين الدين"حط ايدو على صدرو" : منصيييبش.."باقي جالس بنفس الجلسة حاط ايد هنا وايد لهيه وفرح الوسط...شوية صونا ليه تيليفونو وجاوب" نعام...
مراد"عاد دخل لفيلا وصونا ليه" : يلاه وصلت قلت نعلمك..."خايف يقمعو"
زين الدين : على سلامتك"نسى الخصام معاه مابغاش يحكر حيث عرفو مادارهاش بلعاني" انا فجديدة نسالي ونجي تما نتشاوفو...
مراد"فرح" : ههههه ايه واخا نتشاوفو...
قطع معاه وعاود صونا ليه وليد جاوبو قاليه بالي قدام دار وهو يوقف قطع معاه وشاف ف عصام وحتى فوزي كان داخل تاهو..
زين الدين : لبسي عليك شي حاجة وخرجي عندي برا...
فرح : واخا"ناضت بزربة ماصدقات حيد من قدامها عذبتها ريحتو على شوي كانت غاتجرو تبوسو...مشات لبيت رمات عليها كاب طويل بالكمايم وخرجات لقاتهم واقفين عند الباب وقفات حداه مافاهمة والو حتى شوي وهي تم جايا واحد سيارة باقي جديدة peugeot 308 جديدة فالگرونة...حتى وقفات وخرج وليد مبتاسم سلم عليهم وصل عند فرح حرك ليها راسو بدون ميشوف فيها...عطى لزين الدين السوارت...
فوزي : طوموبيل ناضية هادي...نوڤو...
عصام : عطاك كونطاكت ديالك ولا كيفاش ؟
زين الدين. : لا...
عصام : ديالمن ؟!
زين الدين : ديال ختك...
فرح"خرجات عينيها على جهد جهدهم تا حطات ايدها على فمها وهي دور عندو" : كيفاش مافهمتش ؟؟
زين الدين : باش تحركي عندك البيرمي خاصك باش تحركي فرح مايمكنش نخلي مرتي تحرك فطاكسيات ولا تعذبي خوتك يجيو يديو طوموبيلة جدك ولا ديالتي ولا يكريو...انا مكنكونش مسالي عندي هاد ليام شلا وشوية مشاغيل..."شد ايد عصام وسرحها ليه حط ليه فيها كونطاكت" خدم بيها نتا ولا فوزي بينما ولدات تولي تحرك بيها هي راسها من هنا لتما نبدا نعلمها ولا علموها مهم عندكم هاد ليام والوقيتة الي تكون لهيه نقضي معاها انا...ماعليش صبرو حتى وكان تولد...
فرح : وبلاااااتي بلااااتي. كيفاش ديالتي ؟ واش ديالتي انا "حطات ايدها كترعد على صدرها بغاات تبكي" اهى...
فوزي"بدا يعيب فيها ويتغبن" : اوووو ديالتي انا انننننن اعععععنننن اهى اهى...وااعنننعن...
فرح"غوتات ليه فوجهو" : بااااعاااااد مناااااااااااي اهى اهى...
وليد : ههههههههههههههههههههههههههههههه.....
فرح : انننن عصام هضر معاااه...
زين الدين"مكمش فيها حجبانو" : مالك اش كاين ؟؟؟
فرح"ضارت عند عصام وهي تعنقو تا تصدم حطات راسها على كرشو" : شكرا بزااف زين الدين اهى اهى...
فوزي : عصام طير تنزل اسميتك زين الدين هعهههعهههههههه
عصام : نهاك الله هاهو الي جابها ليك...
فرح"مابغاتش تبعد منو بغات تعنق زين الدين ولكن حشمت داكشي لاش عنقت عصام..كتحرك راسها فكرش عصام" : عرفت عرااااااااافت اهى اهى.....
زين الدين"هز ايديه وخبطهم كيسوس بقلة حيلة" : لا حول ولا قوة إلا بالله..."جرها من حضن عصام وعنقها بجنب" ماعليش حتى حاجة مغالية عليك هادي كان لابد تكون عندك باش تحركي..تهدني وبراكة عليا من البكا قهرتي ملتي معاك..."هبط راسو وهضر ليها فوذنيها" سيري بدلي ويلاه معايا لدار عندي منگوليك...
فرح"هزات فيه راسها" : نمشيو دابا ؟؟
عصام : فين !؟
زين الدين : لدارها الشريف شتك ولفتي ؟
عصام : لا والو متحرك معاك...
زين الدين : كيفاش ؟؟
عصام"جر ختو ودارها وراه" : بنت عصام عندها شان...سير وجد راسك ودير عادتك من هنا ل يفوت العقد ديالي جي خطبها وديك ساعة نتفاهمو...تحرك من هنا...
زين الدين"خرج عينيه" : عصام والرب المعبود حتى نقت..ل ملتك فهادي...گلبي طاب...
عصام : المخير فقبيلتك جيبو ليا..."دور ختو ودخلها وسد الباب وراه"
فرح كيف سد الباب دخلها بقات كترمش تاهي ممصدقاش وجاها مع الوحم ولا كيبان ليها عصام فشكاااااااااال ماشي خوها ههههه....
فرح. : كيفاش حتى يخطبني !! حنا را باقي مزوجين اعصام..
عصام : يجي يخطبك كي ناس ويديك الله ينعل ملة مي لا جيت وديتك ولا گلت شي عيب...
فرح"عينيها غرغرو" : واعصام واش مغانشوفوووش كااااع"بدات تنهج حابسة البكية"
عصام"خرج فيها عينيه" : فحال الى طار لجد مك الحيا...
فرح ؛ ولا ماشي هكاك وراه خاص يديني غانمشي نتقدا لولادة وهو غايبغي يكون معايا فهادشي...وغانمشي لطبيبة و...
عصام : يمشي معاكم فوزي ولا سيمو ولا انا نيت ولا مي فاطنة مي نجية جدك خالك عبد العالي عند گلفة ديال ناس غا لا بغيتي تفدعسي عليا تم "جهد صوته تا قفزت" تراااااكني عليا لارض من البكا "خنزر فيها وهي تجلس وصهطت صارطة البكية تا غفلتها واحد دميعة بالخف مسحتها لا يقشعها عصام..."
عصام : طلق شي گارو من تم وتحرك معايا نتقهواو جميع...
زين الدين : ممساليش لفريع الكر معاك...غاتحاجي ليا حجايات مي لالة والصواب زيدهم فراسك....
فوزي : نتحركو بالضايفة جديدة ولا ههههه (طوموبيل)...
عصام"مد ايديه حل بالكونطاكت سيارة ضار جيهة المقود حل الباب ودخل جلس كيقلب فالفولون والكوسانات كلشي باقي فيه الميكة باقيا جديدة...دار الكونطاكت فبلاصتو غير دورو ورك عالبوطون وهي ديماري مد وذنيه كيسمع" : موطور ملييح هذا...
زين الدين"خرج لسانو وطواه وعضوووووو بالغدايد كون لقى يطحنو عصى...بقى مصغر عينيه فعصام مصغرهم وكيفكر حتى ضرب ليه فوزي دراعو وهو يدور عندو بنفس تخنزيرة"
فوزي"بعد بمزاح" : اووو تهدن تهدن انسيبي غا صبر واحد سيمانة مادات ماجابت...مايعطيهش خاطرو يبعدك عليها وهي كتوحم...غاتهدن...
زين الدين : واش كيجيوه هاد الحالات ديال عزة نفس ختي شي وقات ؟..
فوزي : ياودي حمد الله جات فهادي الى ماناضت فيه الحالة ديال نرد ليك صرف عليا بليمين لا مشيتي لعام...
زين الدين"عوج راسو مخرج عينيه على جهد جهدهم" : بالرب المعبود الى ماغبرتها ليكم ليوم الدين..."زاد خنزر مكشكش" ليوم الدين فوزي...
عصام"خرج راسو" : وتحرك نوصلو على صطوف نفگس لمو المرارة بالطوموبيل (حيث صطوف عندو بيجو 208 حالف عليهم مايديها حد من بعد كسيدة فوزي هههه وعصام غايوريه بيجو 308 الموديل الي موراها)...
بقى وليد كيضحك عليهم...حتى عيط ليه ومشاو ركبو معاه واكيد زين الدين لقدام حدا عصام ووليد لور وفوزي كذلك حاضي لا يتلاح عليه زين الدين يدخل فيه براس حيث حس بالعافية والبركان خارج من زين الدين...
زين الدين : علاش خليتيها وحدها فدار ؟؟
عصام"زفر بنفاذ صبر..حط تيليفون فشاشة ودوز ليها الخط وهي تجاوب صوتها مغنغن غنغن لزين الدين فقلبو" : فينك !!
فرح"بصوت باكي ولكن كتحاول تحبسها باش ميدورش فيها عصام" : متكية كنتفرج...علاش ؟ فين زين الدين !!
زين الدين : هاني فرح رتاحي ماعليش..نسالي ونجي نشوفك..
فرح : واخا...
عصام : عيطي لمي نجية دير لينا شي طويجين من ايديها...دير بحساب وليد غايتعشى معانا...
وليد"حط ايدو على صدرو" : الله يكبر بيك بلا ماتعذبو راسكم وصلني غير لمحطة نتحرك...
عصام : ديري اش گلت ليك يلاه...."قطع معاها وشاف ف وليد من مراية" ماسولناكش وماشاورناكش والى حفات ليك گول لا لدكالة يخرج فيك العيب...
مابقى قال والو حدر راسو وسكت...زاد بيهم لكافي فين كاين صطوف من بعد ما عيط ليه دارو معاه..جلسو كاملين فالطابلة كل واش طلب...زين الدين خذا ليه كافي نواغ قاااصحة لقاها فرصة يكمي على خاطرو...دازت دردرشة بيناتهم رجالية...وفنفس الوقت شادين تيليفون كل مدهي مع الحيبان ديالو الا فوزي مسكين وسطهم كي فرخ شتا....
زين الدين"رسل ليها ميساج" : ياكما تفقصتي بزاف !؟
فرح"حلات الباب لنجية حتى سمعات صوت ميساج فتيليقونها" : مي نجية شوفي اش كاين فالكوزينة ديري لحم الماعز بلاش من البگري على حساب زين الدين باش ياكل معانا ماكيعجبنيش ياكل وحدو وحنا وحدنا...
نحية : واخا كبيدتي...يا بسم الله
فرح"خلات نجية كتگفض كمايمها داخلة لكوزينة وهي هزات تيليفون ودازت لميساج ديالو..وهي تجاوبو" : هاني تفقصت اش غاندير ؟!..
زين الدين"هز حاجبو" : ماديري والو وماتفقصيش..ماعليش من حقو فرح...ومن حقك حتى نتي..وهادشي كنت باغيه ليك شحال هادي الى جينا نفكرو مزيان خاصني نعاود ليك الخطبة بقلب ونية صافية معاك...
فرح : بغيت نمشي نتقدا شحال من حاجة...خاصك تكون معايا..
زين الدين : امتى باغيا تقداي ؟!
فرح : فالوقيتة الي غانتقدا لدفوع عصام...
زين الدين : صباح نشوفو شنو ندير...سيري تكاي رتاحي شوية ونجيو حنا من الكافي...
مابقاتش جاوباتو وحتى هو سد تيليفون حطو فوق طابلة ورجع يكمي...وصل وقت المشي ناضو كاملين مشى صطوف فحالو ورجع زين الدين وعصام وفوزي لدار...دخل عصام هو لول طل عليهم فالكوزينة لقى غير نجية الي واقفة كطيب وحداها بناتها جالسين...
عصام : فين فرح ؟!
نجية : فبيتها متكية مبعدة من ريحة طياب اولدي...
عصام"حرك راسو يلاه بغى يدور يگول لوليد وفوزي يدخلو حتى بان ليه زين الدين غادي فاتجاه البيت عندها...وياااا خوتي وااااحد السرعة طار بيها عصام ما حس بيه زين الدين تالقاه واقف عند الباب" : ولد البغدادي على رقبتي وبحلوفي تا يگولو مالهم..."غمض عينيه وشير ليه براسو" سير را الصالون عارف فين جا سير...
خنزر فيه ومشى ضار جيهة الصالون حط صباطو وتلاح جلس شد مخدة حطها فوق حجرو مسند عليها...
فوزي"قرب ليه" : شي كاس ما بارد ؟!
زين الدين : جيب معاك سم لخوك....
فوزي : ههههههههههههههههه...
عصام : سي وليد مرحبا بيك...ماجيتي والحاج المحجوب اما تنغم ليك بواحد دكة دكالية ناضية...
وليد. : وايلي دكة با المحجوب مكاين بحالها...ياك هو مزيان صحتو مزيانة !؟
عصام : الحمد لله هاد ساعة...
سمعات فرح صوت هضرتهم افتاقدات لصوت زين الدين ماشافتوش را كان مكون حتى تنفس وهو يرجع شاطرهم الحديث عاد تسمع صوته...بقات فالبيت هاربة من ريحة طياب ومرة مرة زين الدين كيرسل ليها ميساجات...تحط العشا وهي تدخل نجية مغطية بشال ساترة راسها....
نجية : مرحبا بيك اوليدي "وليد"
وليد"حادر عينيه" : الله يكبر بيك اميمتي...
نجية : وقبلو على داك طويجين ديال معزي..
عصام : درتي المعزي ولا ؟
نجية : واااه..فرح الي گالت ليا ديريه باش ياكل معاكم ولدي زين الدين...ماكيعجبها حال ياكل وحدو...
فوزي"جمع فمو وضار عند زين الدين كيسبل ليه فعينيه" : اووووووو شادة ليك لاكان غا المحنة ديال فرح الله مكاين فحالها...
زين الدين"فرح بزااف بهاد الجيست وكاع ليجيست الي كدير معاه كتخليه مايندمش انه سمى عليها الحنينة..حرك راسو واكفتى يقول قدامهم " : الله يرضي عليها..."اما بينو وبينها را كاين شكر خاااص"...
هزات نجية شلاضة والخبز ليها فبلاطو وعصير الليمون والفريز وداتهم ليها البيت وقفات عليها حتى تعشات وعطاتها دواه وخرجات...كملو العشا تحط ديسير واتاي ليهم مسوس وحلو...وصل وقت المشي اضطر زين الدين يرجع لكازا حيث خاص يوصل معاه وليد ويمشي لدار باش يشوف مراد...سبق وليد لسيارة وبقى زين الدين فالدار حتى عيط ليها عصام خرجات عندهم...
زين الدين"كيشوف فيها جايا ووجهها حزين عارفها موحشاه بزاف والوحم غالب عليها وهادشي علاش عصام دار بعين الاعتبار اما كان يسد عليها مايشوفهاش كاع..." : نهار الخميس عندك طبيبة ديالك...ديري بحساب غاندوز عندك بكري شوية...
عصام : الخميس انا ممساليش...
زين الدين"ضار بالعرض البطيء مخنزر فيه" : متبع تانتا عندها ولا كيفاش !؟
فوزي"دار ايدو على فمو باش يحبس الضحكة وماخاصووووووووش يضحك لا يدخل فيه عصام براس"
فرح : اعهههه"جمعت فمها من ضحك وهي دور كتنش شافت ففوزي" فوزي واش هاديك دبانة ولا ناموسة ضربها ضربها...
عصام : بقى تقلب عليا حتى نحلف على ملتك تا شوفة ماتشوفها....الخروج ماتخرجوش بجوج راس فراس...ولابد يخرج معاكم شي حد قضية اش بغيتو ورجعها لدارهم...هذا هو شرط مابغيتيش خليها فدار حتى دير اش گلت ليك وديها عندك ولا غبر ليها ساس مكاين الي يهز فيك العين ولا يگول لا...
زين الدين"ضار لهيه مستغفر مولاه" : استغفر الله العلي العظيم..."زفر بنفاذ صبر" الخميس عندها طبيبة عصام كونطرول ديال الحمل...مايمكنش تغفل عليه...
عصام : يمشي فوزي ولا الى ساليت انا نيت نمشي يمشي با عطا الله ديك ساعة...يلاه تلاح فحالك بغينا نعسو...
زين الدين"ضار شاف فيها" : تهلاي فراسك بيناتنا تيليفون"ضار مخنزر فيه" ولا تا هذا عيب ؟!...
عصام : سير لدارك وتفرگع ليا مع راسك...سير...
هز ايدو كان غايعطيه بونية وهو يهبطها وضار خرج...رجعات هي البيت حاسة بالعيا حطات راسها وهي تنعس مابقاتش كاع ساقت الخبار واش وصل زين الدين ولا لا...
ماكان عليها غير تقبل وتصبر اللهم العمش ولا العمى اللهم تشوف زين الدين ولا يتمنع عليها كااع تا ديك الشوفة...دازت الايام بين تحضيرات عقد القران ديال عصام الي كان باقي عليه اربع ايام ويكون الموعد الي غايجمع بين عصام وبين صفاء بين شخصية جدية عندها نيشان وبين شخصية مرحة كبرات على حب عصام...مابقاتش بانت هاد الايام خذات كونجي اليوم باش تفرغ لخلطات والوصفات تطلي وتعاود باش تمشي لحمام ويبان عليها النتيجة...اما فرح هاد اليومين تشغلات مع تحضيرات لدفوع كتقدا ومرات ترسل فوزي ولا سيمو يتقداو ليها ولا تخرج هي ونجية يتقداو فحال هادشي كيحتاج لام الام الي تكون واقفة على دفوع ولدها لكن شاءت الاقدار والضروف ان فرح يتجمع فيها فهاد اللحضة دور الاخت والام فنفس لوقت...
جالس فالبيرو ديالو داير نضاضر ديال شوف وخدام كيراجع فالحسابات ديال المحلات عندو فالكلينيك...حتى دق الباب...
زين الدين : سيي دخل...
علي"حل الباب وطل عليه بوجه مبدل صفر" : الى مسالي نهضر معاك...
زين الدين"ماشافش فيه حدو حرك ليه راسو" : مرحبا الحاج...
علي"ابتسامة فوق الخاطر وصافي...جلس مقابل ليه جمع ايديه وعينيه فلارض..حنحن ونطق بصوت عيان" : باش منطولش عليك حيث عيان شوية...خاصني نمشي لدار...
زين الدين"غاسمع عيان وهو يدور وشاف فيه من فوق نضاضر"
علي"سكت شحااال كيشوف فايديه الي كيفرك فيهم ويسرحهم ولكن عقلو كيجمع ليه شنو يبدا باش يدخل فالموضوع...تنهد وزفر انفاس طااايبة اصلا جاي فيه سخانة" : المهم...الهضرة الي گلت ليك كانت فلحضة غضب"هز ايدو موقف زين الدين باش ميقاطعوش" خليني نكمل الله يرضي عليك...عايرتك ؟ اه عايرتك وضريتك وعايرتك بمرضك...ماكانش عندي گرام ديال الخاطر تعماو ليا عينيا بالفقصة حيث ماهمنيش المشروع اولدي يمشي شريك ويجي شريك ولكن ماشي اي شريك فحالك نتا...عندي صحابي عندي خوتي عندي خوتاتي...عندي ولادي ولكن ماعنديش زين الدين...
علي خوه بمعنى الكلمة يمكن لو كان زين الدين عندو اخ مكانش غايدير معاه كيف كيدير ليه علي....حيد نضاضرو وربع ايديه فوق المكتب كيسمع ليه...ولكن الي خلاه يركز اكثر هو كيشوف فعلي كيهضر وعيااان ..
علي"بدا ينهج ويكحب" : كحكح...مايعايرك غالي قريب ليك ومايضرك غالي قريب ليك ولكن علاش ياثر فيك معيوري ؟ حيث وصلك الضرر الي حسيت بيه ازين الدين...لعن النهار والساعة الي غضبت فيها وهادشي نتا راك فايت عشتيه شحال من مرة يعني غاتكون عارف باش كنحس دابا...نتمنى تكون فهمتيني وخا مريض ؟ مرييييييض وانا خوك نداويك..تانا راني مريض وشارف هههه "جاتو الكحبة" كح كح.. مهم "هز ايدو بتعب" سمح ليا ولدي سمح ليا وصافي ماعندي منقول من غير سمح ليا..."تنهد وهو ينوض كيتخلخل فالمشية" الله يعاونك...
زين الدين : ششش فين غادي بهاد الحالة ؟!
علي"حط ايدو على جبهتو" : عياان نمشي نرتاح ..
زين الدين"وقف وضار عندو شد فيه من دراعو" : واخا رتاح هنا نشوفو اش عندك وسير فحالك...
علي"ضار كيشوف فيه" : لا لا بلا منعذبك..."بدا يدوز على صدرو"كحكحكح
زين الدين : الحااج كون تسمع نشوفو اش عندك اجي رتاح فشومبر...
كان عيان نيت مافيه مايتحرك ولا يهضر اكثر...حرك ليه راسو وشد فيه زين الدين تا دخلو لشومبر جلس فوق ناموسية خلاه فيها وخرج نيشان لطوالة دخل لقاعة الفحص طلب منهم دوا ومعدات....رجع دخل لشومبر ركب ليه الة الضغط لقى طونسيو طايح ليه نيييييت سبحان الله كيفاش واقف...بالرزبة ركب ليه سيروم ملحي ودار ليه فيه خافض الحرارة حيث لقاها طالعة تاهي...قاد ليه المسائيل...
زين الدين : سرح رجليك الحاج نغطيك...
علي : يا ودي كون غا خليتيني نمشي لدار...
زين الدين : الحااااج يسالي سيروم وغبر عليا لدارك...
علي"ضحك" : هههههه هذا هو زين الدين الي كنعرف ..
زين الدين"خرج فيه عينيه" : لا شريف ماتسامحناش...
علي"جمع ضحكة" : واش ندير دبا ؟!
زين الدين : سرح رجليك خليني نغطيك...
سرح رجليه جر عليه الغطا وخلا ليه ايدو عريانة كيدوز ليها سيروم...بقى واقف كيراقب ليه فسيروم حتى قادو مزيان...ومشى جاب فوطوي وجلس مقابل ليه باش يهضر معاه حيث عارف الى فات حتى خلاه وحدو غايطلع ليه د.م ويحيد سيروم داكشي علاش جلس حداه...
علي : علاش مقابلني ياك مخاصم معايا...
زين الدين"هز فيه عينيه" : ماعندي ماندير شافنا الله خدام معايا وشريكي بزز مني نهضر معاك"هاز حاجبو بطنز"
علي"شاف ديك نضرة عرفو بالي سمح ليه..ضار لهيه كيضحك ورجع شاف فيه" : من هادشي كامل تقادت الامور بين بنتي فرح وولدكم...
زين الدين"هز صبعو ودورو على وجهو" : شنو بان ليك من هاد الوجه ؟
علي : بان ليا على حساب زين الدين الي كنعرف وجه مضوي وفرحان...هي تقادت الامور حتى بينك وبينها...فرحني وخليني نتهنى عليك...
زين الدين"حرك راسو مثقل" : ماعندي ميتسالك..."تگعد مقرب ليه عند وجهو" وعلى بالك ديك الهضرة الي گلتي ليا سمعاتها ؟ كانت معايا فطوموبيل...
علي"حل فمو" : كلشي ؟!
زين الدين"سرح ليه ايديه مبسم بغيض" : مصارني كلهم حطيتيهم ليها...
علي : نفهم مادارت والو غا ملي قلتي تقادت الامور بيناتكم حيث لو دارت ليك شي فضيحة كون جلسة طلاق كانت تنين الي فات..."كمش عينيه" وماتديش عليا راني غا شارف...
زين الدين : مانكونش تانا اناني شوية "غمزو" تانا ليا نصيب حتى وصلتك لديك الهضرة...بجوجنا غالطين الحاج "مد ايدو خبط ليه فخدو بجهد تا قفز" بجوجنا مايبقاش فيك الحال...
علي : لا انا فوت كاااع...وليني عصبتي ليا جدور ازين الدين...بيني وبينك راني غا صبرت ليك فكندا اما كنت نقلب على والديك ديك الطابلة فالقهوة...عمريييييييي باقي نمشي معاك لشي قنت...غا كتمشي لشي بلاصة بعيد على مرتك كتوقع شي كارثة.. .
زين الدين. : هاد المرة هي الي غاتمشي معايا.."تكا داير ايديه ورا راسو جبد رجليه" مرة هي مرة يمشيو معايا بجوج ولدي ولا بنتي الي جايين فطريق...مرة ولادي...
علي : هاي هاي على بابا...
زين الدين"هز ليه حاجبو وهبطو" : الولاد الحاج لولاد طرف من الكبدة..."تگعد خبط ليه تاني فخدو بجهد خلاه يشنشن ماعرفو علي واش حماس ولا كيبرد فيه غدايدو" هادشي ماغريبش عليك "عاود خبطو بجهد"...
علي : اسيدي كاع لا تسمح ليا كااااااع لا تسمح...فخدي طيرتيه من بلاصتو غا بالخبيط !! يا اودا شي باس مكاين ؟ مخاصم معايا ماشي مع فخدي...واسيدي غا بقى مخاصم...شنشنتي ليا فخدي تا رگد عليا...را لحم هذاك اسمحمد...لا داوينيش خليني غانموت....
زين الدين : نتخاصم معاك وليني متموتش منصيبش...تسنى تا تمشي تخطب معايا بعدا...
علي"خرج عينيه" : كيفاش نخطب ؟ وفرح ؟
زين الدين"رجع تكى متااااامر" : ناوي نزيد تانية...ماقنعونيش المشاكيل مع لولة نزيد تانية...
علي. : وراه وجهك وجه تمارة نيت...الى بغيتي تانية سير خطب نتا ولا دي صلاح ولا البشير اما لا عولتي عليا انا ولا الحاج الحسين من فرح مامفرطين...
زين الدين"حك على صدرو وغمزو" : وعارفني نفرط فيها حتى انا لحاج...وايلي حضرتي لحروب الي دوزت على جالها...ووصلك صهد الحرب اللولة قبل ماتجي...
علي"رجع شاف فالسقف". : ومانعرف وها بلا مانعيش معاك الحرب بنت الناس هاديك البنت...درويشة مصوابة ومربية...ديما كتفكرني فالغلة ديال دار جدها...صبارة...ديما تفكرني فغلة جدها...مدازش عليها القليل عمري نسى نهار جابت ليا زبدة وسمن والحليب...خوتها ضريفين بزاف عمري نسى نهار جابو ليا البيض والحليب وسمن و ..
زين الدين : الحاج تكى نعس رتاح..تكى...
خرجات من البيت هازا ساشيات فايديها وسيمو تابعها تاهو هاز معاها وراتو فين يحط الساشيات...حطهم وخرج لافاك اما هي جلسات يدات تقاد فداكشي باش يكون واجد فدفوع الي وجداتو كتخليه باش متبرزطش كتبغي كلشي يكون بانتظام...حتى سمعات صوت الباب كيدق وهي تنوض حاطة ايدها فوق كريشتها ..هزات كاب لبساتو عليها تسترات حلات الباب تشوف شكون حتى تبسمات....
فرح : خالتي نعيييمة على سلامتكم...
نعيمة : الله يسلمك...ياكما تعطلنا بزاف...
فرح : لا لقيتيني يلاه غانبدا نقاد...تقديتو نتوما داكشي من كازا ياك ؟
هناء"جلسات فوق سداري حاطة دوك ساشيات وتنهج" : فففف عتقييييني بكاس الما ونقوليك اش تقديت لديك زطيو نح "هزهزات ليها حجبانها وهي تحبس فرح الضحكة"
نعيمة : ازطيو نح نتي نوضي تگلعي جيبي راسك كتشوفي فيها واحلة فروحها وتقدا عليك...
هناء.: هاني نايضة...
دخلات نعيمة لبيت ترتاح تا جابت ليها هناء الما نفسات بيه على قلبها وهما يفرشو فلارض حاجين كاع داكشي الي تقداو بداو يستفو فيه ويجمعو فالمياكي ويقادو...سالاو شوية وهي توقف فرح...
فرح : غانجيب تمر الي جابوه ل زين الدين من مراكش...
نعيمة : بلاطو غانديروه بتمر معمر ومغطس فشكلاط داك بريستيج...ولاخور يعمر عمارة عادية وبلتطو فيه تمر عاادي بلا عمارة....
حركات راسها وهي تمشي لبيت جبدات الكرطونة حتى لقات هناء وراها شداتها من عندها حيث ثقيلة.. تبعاتها بداو يقادو شوية بشوية حتى عياو جمعو داكشي ووجدو الغذا تغداو ورجعو يكملو ودارو تاني يخرجو فالعشية بالحق غير هناء ونعيمة حيث فرح عياات ماقدراتش تخرج....هكا بقاو حتى داز النهار وداز اليوم ووصل الغذ ليه كانت الساعة تقريبا تمنية ديال صباح لقاتها فاااايقة كيف العادة ترجاع خلاها تبقى فايقة نيت بدلات حوايجها وجلسات كتسنى زين الدين وصلات تمنية وربع صونا ليها وهي تخرج من البيت بغات تحل وهي تلقى عصام حل الباب وخرج عندو...
زين الدين"طل عليه من شرجم" : فرح !؟
عصام"ضار عيط ليها" : فرح يلاه خرجي...
زين الدين"حل ليه الباب" : ركب ركب "كيقولها من فوق قلبو ههه"..
عصام : لا لا ماغاديش معاكم...
فرح"خرجات شادة فصاكها وسمعاتو" : علاش ؟!
زين الدين : بغيناك تحرك معانا وليني ممساليش..مرة اخرى..فرح"شافت فيه وهو يغمزها" ركبي...
عصام"حل ليها الباب" : ركبي..."حركات راسها وهي تركب حداه..تسنات عصام يسد الباب ويدخل حتى تم جاي فوزي كيتفوه عينيه منفوخين حاقد ماقد ماحامل لا راسو لا عصام لا فرح لا زين الدين"
عصام : ركب ركب...
زين الدين"ضار لهيه مكررررررررره...كان باغي غير فرصة فين ينفارد بيها يهضرو خرجو ليه هادو من جناب جنابو" : مشطبة كحلة هادييييي....
فوزي"سمعو" : وانا يحساب ليك باغي ؟ يحساااب ليك عاشق نمشي معاكم ؟ يحساب ليك فرحان ناشط ؟ وانا كبير مي غا نعس ولهلا يقلب خطبها ولا نطحها ولا قتل_ها انا مالي انا ماااااالي.. ينعل النهار الي عرفتكم كلكم فيه...
زين الدين"ضار مخنزر فيه" : هي لا تكركبتي عليا من تم...
عصام : تحركو ولا نديها راسي !؟
ماعطلوش فالبلاصة كسيرا تا تهزت الطوموبيل وشدات فرح فجناب مخرجة عينيها بالخلعة...خلا عصام كيعرعر موراه....زاد نيشان شد طريق الكلينيك...
زين الدين"شاف ففوزي من المري" : فطرتي نتا ؟؛
فوزي"كان متكي ناعس..حل عينيه شوية معسلهم" : عطيوني تيساع...
زين الدين"شاف ففرح" : مزال مفطرتيش ؟!
فرح : احم..لا فطرت را گلتها ليك فواتساب...
زين الدين"عينيه فطريق..غمزها" : لا ماقنعنيش داك الفطور...حتى نوصلو تما ونديك تفطري...
فرح : واش اليوم ممكن نعرف اش عندي ؟!
زين الدين : سي ممكن تعرفي اليوم..كان ممكن تعرف حتى ف الشهر الثالث ولكن الاكزاكت كيكون حسن فالرابع..."حيد ايدو من فيتاس وحطها فوق كرشها عنكشها ليها شوي تا تبورشت" ماكرفصكش اليوم ؟!"ضار شاف فيها مخطوف"
فوزي : حيد ايدك ماقاد على صداع ازين الدين...
زين الدين"ضار شاف ففرح لقاها خرجات عينيها وحيدات ليه ايدو بزربة وجهها ولا مطيشة...ماعرف يخنزر فيها ولا يدور عند فوزي" : نزل مك فالطريق ؟!
فوزي : ندعيييييك...
زين الدين.: كون رجولة اصحبي ماديالك هاد الحبس الكحل...
فوزي : يضربني عصااام...انا غا فتاة..."بدا يمطمط ففمو ويحك لحيتو وعينيه مغمضين..."
زاد كسيرا زين الدين مكره حااقد وزادت صعابت عليه المهم انه يكون مع فرح راس فالراس...وصلو لكلينيك من بعد نصف ساعة وقف سيارة فباركينغ ونزلو توجهو لمصعد الخاص مباشرة حتى كانو فالطابق ديال نساء وتوليد...شاف فالساعة كانت تسعود وشي حاجة وصل لمكتب الطبيبة دق الباب...
زين الدين : دكتور صواف...
هي"هزات فيه عينيها وهي تبسم وناضت لعندو" : اهلا اهلا دكتور البغدادي...مرحبا تفضلو..."طلات على فرح" مرحبا بنتي..كي بقيتي شوية ؟!
فرح"عوجات رايها وكمشات عينيها" : غير شوية...
هي : ماعليش صبري حتى دوز هاد البيغيود...تفضلي نبداو...
زين الدين"ضار عند فوزي" : سير لجناح ديالي دخل لشومبر ورتاح مع راسك..."هز عينيه بان ليه مراد جاي "
مراد : فوزي صدفة سعيدة هادي...
فوزي : اه اه با مراد هذا...وعلى سلامتك انجليزي على سلامتك..
زين الدين : سير نتا وياه ضربو دويرة فالكلينيك سالي وعيط ليا نرجعو...
فوزي"جمع ضحكة وضار دخل سبق زين الدين تبع ختو" : لا لا مرة اخرى ويجي يديني وندورو انا وياه...يلاه دغيا باش نرجعو..
الى قلت ليكم فهاد اللحضة كون تعطات ل زين الدين يخشي فوزي فمستودع الاموات مايقصرش....
سلم امرو لله غمز مراد الي شير ليه ورجع لخدمتو...تبعهم لداخل لقى فرح طلعات فالبياص وتكات. وفوزي واقف حداها حتى جرو من قرفادتو...
زين الدين : سير جلس لهيه نساليو ونمشيو...
فوزي : عنداك تخطفها...
دار فيه زين الدين ديك الشوفة ديال لاكون سير تقود ههه... وقف حدا فرح من لهيه ولكن هاد المرة قبط ليها ايدها بين كفوف ايديه تا هزت ضارت شافت فيه وشحال توحشات لمساتو...كانو عينيه على الايكو حاضي تحركات ديال الجنين الي كبر...عينيه لمعو وهو كيشوف...
طبيبة"مبسمة" : صااافا كيبان ليا مزيان تبارك الله...
فرح : واخا نسمع دقات القلب عافاك...
طبيبة : ايه مرحبا..."وركات عالبوطوبن وبداو يتسمعو دقات القلب تا هز فوزي راسو كيسمع تا بدا يضحك"
فوزي : هاي هاي على خالي شديد ههههه
فرح"عينيها غرغرو" : هههه زوينين دقات قلبو....
زين الدين"هبط راسو باس ليها ايديها" : تبارك الله...
فرح"شافت فطبيبة".: نقدرو نعرفو اش عندي...
طبيبة"شافت فزين الدين ورجعات شافت فيها" : بلا مانحاولو هاد الشهر ههههه"شافت فرح جمعات ضحكة" عاطيكم بالضهر ولا عاطياكم...مامساليش هاد ساعة...
فرح : وعلاش ؟ دابا نتسنى حتى لشهر جاي ؟...
زين الدين"نطق بصوت منخفض مزير على ايديها" : فراااح..ماعليش شحال ماجلسنا نعرفو تهدني...
جمعات غوباشتها زفرات بعدم رضى. خلات طبيبة كضحك عليها...كملات من عندها وناضت خرجو من كلينيك داهم زين الدين حتى لواحد ريسطو فجديدة تا فطر غيير فوزي اما هي ماقدراتش دايخة ولايعة نفسها...كانت عندو خدمة كثيرة داكشي باش حطهم فالدار وزاد...دخلات لدار عطاتهم الاخبار بالي معرفاتش نوع الجنين بقاو كيضحكو معاها وفوزي يشد فيها تا تبكي ويرجع يحزر تا دخل عصام سكت كلشي وجلسات تشكي ليه على فوزي واش وقع ليها كون ما نعيمة تدخلات كان فوزي غايبات فالزنقة...
يوم جديد.. اليوم فاقت شوية مهدنة من ترجاع غير شوية بعدا نعسات مرتاااحة...لكن الماكلة قليلة كيف العادة...خرجات من دوش لابسة بينوارها ودايرة فوطة مكلكمة بيها على شعرها مشات كتزرب لبيت سدات عليها وجلسات كتنهج بقات حتى رتاحت وهي تنوض لماريو بدات تجبد ماتلبس...حتى بدا تيليفونها كيصوني...هزاتو وجاوبت...
زين الدين : صبحتي شوية اليوم ؟!
فرح : شوية الحمد لله نعست مافقتش فالوقيتة تاني بالليل..
زين الدين : الحمد لله...بون ماعنديش الوقت شوي وندخل لبلوك...فاي وقت يقدر يوصلك ميساج بواحد الكوموند من واحد شركة خاصة ديال توصيل...الى وصلك علمي فوزي ولا محمد رضى يجيبوها ليك غذا ...تفاهمنا ؟
فرح : كوموند ليا ؟
زين الدين : توصلك وتعرفي...
فرح : واخا...
بقى كيهضر معاها شوية وهو يقطع...رجعات نشفات حالتها ولبسات حوايجها نفس تيشرت وكولون غير هما فالگرونة...دورات شعرها وذهنات وجهها بزيت اللوز شوي وهي تشم ريحة الحنة ماشعراتش براسها تا خرجات تزرب شادة كريشتها تا وقفات عليهم فالبيت كتشمشم...
فرح. : ريحة الحنة لا ؟ شكون كينقش ؟
نعيمة : بسم الله عليك ابنيتي هههه ايييه جبت سمية يلاه وصلات راها فالكوزينة مع هناء كتخلط فيها...قلت تشهيتيها ديك المرة مابغيتش تخليها فخاطرك...
فرح"ماشعراتش مسكينة تا مشات ليها عنقاتها كتنهد" : الله يحفضك ليا خالتي نعيمة...ميمتي نتي والله...
نعيمة"كتحك ليها على ضهرها" : الله يا بنتي راكي تانتي بنتي..نوحمك كيما نوحم هناء ان شاء الله...الله يفك وحايلك على خير ابنتي...اجي جلسي بينما جات تنقش ليه غير نقيش خفيف حتى لخطبتك ونقشي مزيان....دابا نقشو غير على قبل عقد عصام...
فرح : واخا..."مشات جلسات بزربة وجدات راسها صابتها نيت مدوشة اصلا نعيمة الي قالت ليها دوشي حيث بغات تفاجأها بنقاشة. الي بدات بيها هي لولة نقشات ليها ايدها غير فحال نقشت ليها صبع صبع ولكن ايدها مرشوشة...سالات ودازت لهناء وختمات بنعيمة...كملات خلصاتها وعطاتها فرح شي حويجات ومشات...شوية دخل عصام وفوزي ومعاهم حتى سيمو دخلو لقاوها كتنش وعينيها مدمعين...
عصام. : مالك !؟
فرح : ففففف كتحرقني دوليو ..
فوزي. : ونتي عارفة عندك حساسية دوليو لاش دايراه ؟
فرح : بغيتو بغيييييييييتو بعد مني افوزي ماتبقاش تهضر معايا..
سيمو : وهاد فوزي غا يعطس مسكين دوري فيه ماعندو زهر..
فرح"خنزرت فيه" : دخل سوق راسك نتا...
سيمو"نش عليها بايدو" : يلاه اسي...هي والكلبة ديال صطوف الي ولدو...
عصام"هز فوطة وبدا ينش عليها" : فحال والو نعلم راجلك يجي يديك ولاو فيك عشرة خمسة شادين ضد وخمسة بكايا...
فرح : ااااه فكرتيني هضر معايا قبيلة گاليا شي كوموند غايوصلني الكود ديالها باش يمشي فوزي ولا سيمو يجيبوها ليا غذا..."شوي تسمع صوت ميساج من تيليفونها الي كان محطوط كيتشارجا" هاهو يمكن وصلني وخا معطل !؟...
عصام : شوفيه وعطيهم يجيبو ليك اش بغيتي...
فرح : سيمو عافاك شوف ميساج فيه كود سير جيب ليا من عندهم واحد الكوموند...
سيمو"ناض لحدا تلفازة هز تيليفون" : هذا من زين الدين نجيب ليك تيليفون تشوفي راسك...
فرح : غير قرا وقيد الكود را يكون عاطيني الكود"ماعلى بالهاش غايتغزل بيها لحد ساعة ماسمعاتش منو الفرحة ديالي."
سيمو"قرا اخر ميساج وصلها" : مااابان ليا فيه كود...مهم گاليك غير كوموند فاش توصلك وصوري ليه واش قدوك..ماكرهش يشوف سلطانهم ديالو.. "ضار عندها لقاها مخرجة عينيها ووجهها ولا حمر حمر حمررررر..قلبها سكت ماتت" اشناهو سلطانهم واش هذا الكود ؟؟؟..."كمش عينيه"...
مافهم فيها سيمو والو ومافهمش كاع ميساج زين الدين...كلمة سلطانهم كتعرف معناها غا فرح وزين الدين فقط...حتى من عصام ماسمعش لانه كان كيهضر مع مرات خالو ونعيمة ديك اللحضة... سمع ولكن مادا ماجاب....
فرح"مخرجة عينيها وطايحة ورا ضهر عصام بغات تموووت تموت تموووت" : اعنننننننننن....
سيمو"غا شافها هكاك وهو يحط تيليفون بزربة فحال ضربو الضو وكمش ايديه عندو" : يناري اش گلت...فرح مالك ؟
عصام"ضار كيشوف فيها وراه مخبية" : مالك اش واقع ؟؟
نعيمة : يا بسم الله عليها مالها...
عصام"كيجر فيها موراه وهي لصقت ليه مابغات تحيد" : وتگعدي نشوف مالك الحبس...ياك شي باس مكاين "ضار شاف فسيمو مخنزر" اش گلتي ليها نتا ؟!...
فوزي : وتي مالك تاني ؟!
فرح : اننننن ماماليييييش اهى...وااااا ولد لحرام بغى يقتلنيييييي....
سيمو"خرج عينيه باطل نزل عليه مسكين من حيث لا يحستب" : هاااااااهيا ناري هااااا باطل يحرگ دعيتك لله...
عصام : ونووووووضي تگعدي نشوفو مالك واش ضراتك شي حاجة....
فرح"خرجها عصام بزز حادرة وجهها الي ولا سخووون وحمررر تقولي باكية" : والو واااالو...
عصام"مخنزر قتلاتو بالخلعة" : ومالك فهاد الحالة !؟...
فوزي : اش گاليك سيمو تا درتي هاد الحالة...ياك نتي رسلتيه يقرا ليك الميساج مال باطلك يحرگ ؟
فرح"هزات راسها ففوزي تقولي هضر قباض روحها..خرجات فيه عينيها تا كانت بغات تنوض ليه" : سوقك فيا ؟ سوووووووقك ؟ ماسوقكش انا وسيمو ونتا مالك ؟ عطيني تيساع ماتبقاش فينما نهضر تنقز ماعطاك حد حق تنقزز ولا تهضر معايا بعد مني دير فيك النفس"كتشوف ففوزي شوفة العمى فهاد اللحضة نسات الفرشة"....
فوزي"هز حاجبو وتم نايض ليها هاز ايديه" : راه غانصفگ مك بطرشة لوجه...قويتي عليا لا ؟!
فرح"ضارت عند عصام وهما يبداو عينيها يتحجرو بالدموع وشنايفها يدلاو" : هء اهى شفتيه ياك اعصام شفتيييييه باغي يضربني ؟!
عصام : لا حفات ليه جرية ينوض يحط عليك ايدو...
فوزي"خرج عينيه" : دابا لومة رجعت ليا انا ياك ؟"شاف فعصام الي خنزر فيه وشاف ففرح الي كانت تبكي وتخنزر فيه...خبط طابلة بايدو وناض زاعف" عطي لجد مي نيت اش كنسوى...الله يرحم بيها الواليدين...
نعيمة : نعل شيطان افوزي فين غادي...
فوزي : لجايحة الي ضرب مي تاني...
عصام : دوز تركن لا نوض نفرع لبوك عينيك...دوز النم...
فوزي مجابوووووش مشى لبيتو هز جاكيط وسوارت الموطور لبس فرجليه وتم غادي لباب لقى عصام واقف ليه عند باب البيت
عصام : فين محرك ؟ واش هضرت معاك ولا ماداويش ؟...
نعيمة"وقفات ومشات ليهم" : نعلو شيطان اويلي...
هناء"شافت فسيمو الي باقي واقف مابقى فهم والو مسكين ورجعات شافت ففرح الي كانت تبكي وتخنزر ففوزي" : هضري معاه حشومة عليك...
فرح"جهدات صوتها باش يسمعها" : وايعطيني تيسااااع...خاص يجري عليه من دار باش يتعلم يدخل سوق راسو...
فوزي"طل بنص عين مخنزر..شاف فعصام وضار مشى الباب حلو وخرج سدو بجهد"
عصام"تم غادي ليه يتبعو وهي تشدو نعيمة من دراعو"
نعيمة : خليه اعصام تا يبرد ورا يرجع راسو...مزيان الي خرج..
عصام"غمض عينيه بقلة حيلة...من نهار دار فوزي كسيدة وهو عندو فوبيا لا يخرج غضبان مقلق ويدير شي كسيدة تاني..تنهد لاعن شيطان ومستغفر الله" : ياعوذ بالله من شيطان رجيم..."خشى ايديه فجياب الجاكيط جبد باكية الكارو وبريكة ودخل تالبيت طل عليها" حاولي تزمي فمك شوية نتي...هادي را دارهم كيما داركم نتي دوك الهضور ديال جري عليه ولا ويل كحل معنديش فهاد دار...
فرح"عينيها غرغرو...ندمات لاش قالت لفوزي هكاك ومرضاتش فنفس الوقت اييييييوى مايجيب ليها عقلها غير نهار جرا عليها خوها" : راك فايت جاري عليا..."ناضت من بلاصتها مشات هزات تيليفونها وخرجات من البيت مشات لبيتها وسدات عليها الباب... مخليا عصام مخرج عينيه تاندم لاش هضر كااااع"..
نعيمة"دارت ايديها فوق راسها" : ياااااربي سلامة يا شوقع هاد الساعة...لا لا خاصاكم تبخيرة ولا شي حد فيكم يطلق رقية شرعية.. عوينة وضربتكم يا العفو لله"ضارت جيهة بنتها" نوضي تحركي طلقي الرقية...
عصام"مالقى مايقول كان احسن ليه ينعل شيطان...ضار دورة وخرج من دار طلع نيشان لسطح وتيليفون فوذنيه ماعطاهش خاطرو يخلي فوزي بلا ميسول عليه....طبعا مجاوبوش فالمرة اللولة وعاود عيط ليه ثاني يلاه غايقطع وهو يطلق الخط كيسمع فيه سايق موطور" : واش هضرت مع جد بوك الكلب ؟ فين قودتي ؟!!
فوزي : عصام مغادي فين خليني نخرج حسن مندور فيها..
عصام : فين غادي الملاوي دابا ؟
فوزي : فينما كان ماعرفتش...انا سايگ دابا نتكوانا فشي قنت ونعلمك..."قطع معاه خشى تيليفون فجيبو وطلع سنسلة ديال جاكيط وشدها عفطة وحدة حتى لمحطة وهو يوقف..بقى واقف كيشوف فالشاريع الكورتية كيغوتو تاني تفكر النهار الي وصلها فيه وركبها وكانت بداية الكارثة العظمى عندهم بداية الاحزان والمشاكيل بداية حك الزمان ليهم بالمعقول...غمض عينيه محاول ينسى الي فات..جبد تيليفون ودوز ليه الخط...
من بعد مسافة طريق...وصل لمحطة وخذا طاكسي نيشان حتى وقف قدام الفيلا...نزل من بعد ما خلص..حل ليه الباب العساس ودخل حتى تشعل الضو فالممر وتم غادي خاشي ايديه فجيابو مهبط راسو ماعندوش الخاطر...ماوقف حتى سمع تحنحينة وهو يهز راسو لقى زين الدين واقف عند الباب تاهو خاشي ايديه فجياب سروال ديال سورفيت لابس تيشرت من فوق...
زين الدين : على سلامتك...
من الي قرا سيمو داك الميساج تلفو ليها اعصابها حتى مابقات عرفات اش تخرج...شوي حتى سمعات دقان بشوية...
فرح : خليوني عليكم عافاكم اهى...
سيمو : وغا خليني ندخل والله ماندير ليك شي حاجة...
فرح : اش بغيتي عندي نتا اااااش...
سيمو"حل الباب يا دبحة يا ربحة...شافها هزات راسها ويلاه بغات تبدا توجد سبان وهو يزرب عليها" : والله مادرتها بلعاني..
فرح"بدات ترمش فيه"...
سيمو"جلس حداها بشويا خايف يتحرك ولا شي لعبة تفركع عليه،،ولا طالب سلاك حيث عارفها الى فات تا ناضت ليه تعجنو ماشي غير تجلس عليه...مسبق ايديه بحال كيكالمي فيها" : هانتي داك الميساج راني گلت ليك قراي ومابغيتيش گلتي ليا قراه غااا قراه...ولكن اش كايعني سلطانهم ؟
فرح"تطلا ليها وجهها تاني بالحمورية وخرجات عينيها وهي تنوض بزربة ليه تا كحاااز لصق مع الحايط"...
سيمو : صافي صافي ماسوقيش...قلبي تيليفونك وشوفي الكود اريه ليا وصباح نتحرك نجيب ليك كوموند"بدا يفرنس ليها كي راس المشوط" ههههه صافي ؟...
فرح"رجع طاح عليها ضيم وجلسات دارت ايديها بحنتهم الي نشفت بالصقلة على حناكها" : نمشي نجيبها راسي بعد مني.."شوي جهدات صوتها تا قفز"....وراه كيفقص كاااايفقص مابغاش يدخل سوق راسو...خاصو يجري علييييييييييييييه...
سيمو : انعلي يا شيطان را خوك هذاك...ياك هو الي كايجيب ليك ديك قواد اصبعو...
فرح"دورات راسها عندو بزربة" : اشنو ؟؟؟؟...
سيمو : داك العجب الي فيه رمان الي كلتي منو جوج معالق وگلتي ليه خايبة رزيتي سيد ف 200 درهم باطل.... مشى لريسطو ديال الشام ابن عمي فداك الليل كيدور وتلاگاو ليه شي شماكرية على ما يشرطو ليه وجهو كون ما گاليهم ملقاكم عند عصام نشر ليا الخرا كامل ومشى كمل ورجع جايبو ليك...
فرح"كتسمع ليه حتى شوي بدات تبكي وتهرنن ماعرف سيمو باش تبلى" : اننننن اهى اهى...ودابا هو علاش كيدي عليا علااااش اهى...
تم جاي عصام تا حل عليهم الباب وهي تهز فيه عينيها حمرين بالدموع ووجهها سيقاتو بيهم...
عصام : مال جد مك تاني رجعتي لبكا...
هز صينية اتاي مخلي مراد كيقاد فالقفص الديكور الي كيديرو فيه الحلوى والمملحات وخرج من الكوزينة لجردة كان الحال دافي...حط الصينية وجر الكرسي جلس....
زين الدين : جلست ليكم لخزيت تما...
فوزي"عاقد حجبانو" : مانعرف لمة مها...ماعرفتش تا كي جيت هنا طلع ليا الخز...
زين الدين : الخز طالع ليك من جيهة غير جيهة ختك..."حرك ليه راسو مثقل" اش واقع !؟...
فوزي"سكت كيشوف فديك السقاية كدور فالما والضواو فيها خافيتة بالالوان والفسيفساء فيها ملونين عاطينها رونق رائع...خاشي ايديه فجياب القبية الي عطاه مراد.." : مرض ليا صحتي داك الي سميتو بويا بلا موجب شرع...
زين الدين"غوبش يلاه بغى يهضر وهو يجي مراد كيحط فالقفص..شافو مراد سكت وهو يدور غادي تا وقفو زين الدين" : فين غادي...
مراد : نخليكم على خاطركم...انا الفوق...
فوزي"ضار شاف فيه" : تا ريح مالنا كنهضرو فالي معارفش كلشي تحط قدامك اطابل ديك الايام...ريح لارض مالنا كنبيعو فالحشيش...
مراد"شاف فزين الدين الي غمض ليه عينيه وحلهم بمعنى جلس..حرك راسو وتبسم وهو يجلس كحز ليه زين الدين الصينية وخلاه يكب"
زين الدين : خلا عشتو غايديها يديها لا من عندي لا من عند القانون...شحال ما جلس يبان ويتشد...
فوزي : الورث الي خرج ليه عقلو كثر ماهو خارج علينا...من نهار حليت عيني وهو نازل علينا بسبان لا انا لا ختي اما تا عصام مكانش يگد عليه...باقي نعقل واحد المرة...."رجعات بيه الذاكرة لسنييييييييييييين للوراء الوقت الي كان فوزي عندو عشر سنين"
رجع فوزي من المدرسة هاز شكارة وراه وشاد ففرح الي جابها من عند فاطنة فايدو عندها خمس سنين شادة فكوجاك وتمصمص فيها...دفع الباب وسدو وراه تا تسد بجهد قفز هو وخرج باه من البيت كيجري ويقلب...
المخنتر : اش كاين اش واقع ؟!
فوزي"كيترعد" : غا الببرد ابا غالبرد الي خبطو...
المخنتر"حدر عينيه وهو يشوف فوزي...وغااااا شافو كحل بالعمى طار عليه نيشان حتاها عليه بقجة" : يا ولد لحرااام شاريه بفلوسك اولد الكلبة ؟؟؟!...
شاف ففرح الي تكمشات جنب فوزي ونخششت فيه راسها كتشوف فالمخنتر بنص عين...
فوزي : مادرتهاش بلعاني عععععععع...طلق مني طلااااااق"كيدفع ليه فايدو وايدو لاخرى مزيرة على ايد فرح الي بدات تبكي وتغوت بالخوف" طلق مني ولا نگولها لعصام...
المخنتر"خرج فيه عينيه وقرب ليه وجهو لعندو" : تگولها لعصام ؟...وزيد ها ماتگول لعصام زيدك هادو "هز ايدو طرشو لوجه نيشان ماشي حناكو عاود هز ايدو وطرشو تاني لوجه بقى يطرش فيه تا خرج ليه د.م من منخرو ولاحو فلارض...جر فرح لعندو ودور عليها ايديه خاف لا يجمعها معاه عطاه بضهر...قبسو تا غوت وصقر...نطق وهو كينهج" سير علمو سير وصلها ليه دابا يا ولد القحبة...."دفل عليه وضار دخل لبيتو خلاه كيبكي ويتنخصص...تا شوي خرج وداز من حداه وخرج من دار"
زين الدين"عض وكمش ايدو تا تزيرت وبياضت"
فوزي : ماكنا باغين والو من غير يتفرق عليها هي يضربني انا ماشي مشكيل يضرب عصام مايمدش عليها غا هي ايدو...هي تزادت ما رضعات كيفنا مزال انا كملت رضاعتي من منا...اما هي غا جيران الي رضعوها...كبرات وسط جوج رجال...وخا هكاك كتبقى ولية ضعيفة قدام باها...خايف لا يجي شي نهار وحنا مكاينينش ويضربها ولا يهددنا بيها ولا يهددها...انا كنكون فالحانوت كيبقى عقلي يدي ويجب تا تخربقت...
فوزي حتى هو خذا نصيب كبييييير من المعاناة بجانب عصام الي كان عليه الدرك كااامل...بزوج بيهم عاناو ما يكفي ان دنيا تحكهم وتخرج منهم رجال يحلفو بيهم فالمحيط ديالهم ويحلف بيهم الي عاشرهم وعرف معدنهم....
هاد الهضرة الي قال قدام زين الدين ومراد...خلات مراد يشعر بالاسف الشديد ومايلقى ميقول...اما زين الدين كيزيد يكره ويحقد على المخنتر ويكون على بال واخا عارف ومتاكد ان المخنتر ماغادي يصور منهم والو...غمض عينيه بنفاذ صبر حتى مد ايديه ودوز على وجهو بتعب...مد ايدو لكاس اتاي وحطو ليه
زين الدين : شرب شرب...يدير الله خير فوزي..نتا ختكم وهي راها مرتي معندها عليكم لين ومعندها عليا لين...
فوزي"شاف فالكاس وسمع لهضرتو وهو يتنهد وهز الكاس" : اودي عاااارف وليني كان خاصني نهضر وصافي...كنت محتاج شي حد يريحني ماعرفت تالقيت راسي جاي عندك جاب الله صونيت ليك نتاكد واش كاين...
زين الدين : واخا ماتلقانيش جي ودخل مكاينش الي يهضر معاك هادي راها دار ختك...العساس يحل ليك الباب ولا تلقاها هي نيت
فوزي"ضار هز فيه حاجبو" : واش تقديتي لخطبة نتا ولا ؟ شتك باقي متمر ليا مع راسك...
زين الدين"هز فيه حاجبو تاهو" : شكون گاليك باغي نخطب اسمحمد ؟!
فوزي : والله اسي لا تبعاتك وماجبتي الخطبة...هههههههيو حساب ليك غا خطبة ؟ خطبة بشروطها هي....
زين الدين"يلاه بغى يجاوبو وهو يصوني ليه تيليفونو طل بعينيه لقاها هي الي معيطة ليه..هز تيليفون ووقف" : هاحنا غانشووف شنو شروط ابا فوزي...
فوزي : ماتگولش ليها انا معاك...
زين الدين"حرك ليه راسو وشاف فمراد" : وجد شي طاجين بمعرفة ايديك نتا...
مراد : هي لولة...
زين الدين"توجه لهيييييه قطع عليها وعاود صونا ليها هو" : سجلتي الكود الي وصلك !!؟
فرح"عصرات عينيها بغات تمووووت فاش كتفكر الفرشة" : احم س سجلتوو " ماقدرتش تقوليه را قراه سيمو حيث زين الدين مسعري عليها ماتوري لحد وماتقول لحد اسرارهم كيما بغاو يكونو...وحيث مكانش يحساب ليها غايقول ديك الهضرة لانه لحد ساعة مواضحش ليها مزيااان ماضناتش غايرسل ديك الهضرة.."
زين الدين : مالك ؟...
فرح"واقفة حدا شرجم بيتها كتشوف فالشارع" : زين الدين علاش رسلتي ليا هذاك الميساج...
زين الدين : ايناهو فيهم ؟
فرح : اخر ميساج...فهم هضرتي عافاك "حشمات"...علاش كتگول هاكاك...
زين الدين"هز حاجبو" : شنو منگولش ؟!...
فرح : ماقاصداش هادشي ازين الدين...زين الدين انا مابقيتش فهمت واش مزال مقلق مني ومزال هاز من جيهتي..حيث راك حلفتي عليا وانا رجعت باش نتعالج وباش نوقف على رجليا من البلاصة فين تحطمت انا وياك...اابلاصة الي حاولت نهي فيها كلشي بيناتنا...البلاصة فين عايرتك وفين ضريتك بهضرتي وفين خليتك تعيش اكفس ليلة فحياتك حتى تعقدتي ومابقيتيش كادخل لبيتك...بغيت نعرف واش هاديك الهضرة الي وليتي كتگول ليا واش ليا انا ولا حيث حاملة وبغيتي "تزيرت بالبكا" بغيتي دير ليا خاطرييييي "صوتها تقج"...
زين الدين"تنهد بجهد..هز ايدو دوز على لحيتو ومسح منخرو ضار لهيه ماعرف مايقول ليها..." : واخا تسكتي من البكا باش نهضرو مزيان وتفهمي ابنت الناس !!...سكتي فرح را هلكتي ليا صحتي بالبكا وانا بعيد عليك...
فرح : هانتا قريب اش غادي ؟!
زين الدين : ناكل مك بلا ملحة...
فرح"جاها ضحك وسط البكا" : اعهههه....
زين الدين : سولتك واش بغيتي ترجعي لدارك ياك ؟...
فرح : اه....
زين الدين : وگلتي بغيتي ترجعي وگلت ليك فالدار ونهضرو يعني الفرحة ديالك ولابد نهضر معاك وتعرفي راسك من رجليك معايا...تفاهمنا تشيتشونا ديالي...
فرح : احم تفاهمنا"خرجات عينيها وهي تصقر واحد الثانية كتقول واش سمعت اش قال ولا لا" الفرحة ديالي ؟؟!
زين الدين"عض شنايفو بحب" : تشيتشونا ديال هاد زين الدين..
فرح"قلبها ضرب بجهد...توحشاتو بزاااف توحشات كلماتو ليها غزلو الخاااص...توحشات كيفاش كيخدرها بشفايفو ببوساتو ليها...توحشات تشم ريحتو وتوحشات تعاير فوزي...غا تفكرات فوزي وهي تبدا تهرنن" : اهى فوزي عايرني قبيلة وخرج...
زين الدين"هز حجبانو..تلفت ليه جرية ماعرف باش تبلى" : كيفاش ؟!
فرح : فوزي ولا باسل ولات فيه الهضرة بزاف ولا كيفقصني مابقيتش كنحملو...اصلا هو كيدخل لدار ريحتو خانزة ووجهو خاااايب وهضرتو ولات كتعيفني...
زين الدين"ضار شاف ففوزي كيشرب فكويس اتاي مجايب لدنيا خبار...ورجع نطق مصدوم" : فرح نهاك الله...
فرح : باسل...عصام جرا عليه واقيلة...ماعرفت فين مشى ماهضرش معاك ؟!
زين الدين : ياك عايرك علاش كتسولي عليه...
فرح : وراه خفت توقع ليه شي حاجة بمسبتي...
زين الدين : تهناي منو مايبقاش يفقصك ليا. ويعايرك...
فرح : واش عندك ؟!
زين الدين : علاش كتسولي ياك جرا عليه عصام !؟
فرح"جاتها البكية": وراه واخا جرا عليه مخاصوش يمشي خاص يگوليه هنا نبقى خاصو مايمشيش ويفقصني ونعايروووو اهى
زين الدين : خليه يغبر عليك وتفقصي نيت بخاطرك...لملتك مابقيتش معمر ليك العين انا ؟ مابقيتي بغيتي تشمي ريحتي ؟ مابقيتي بغيتي تجريني عندك وتبوسيني ولا تلبسي ليا داك شي الي لبستي !؟
فرح"جلعات معاها تزنيگة من جدر تا نملو ليها حناكها" : مممم
زين الدين : مال خليقة مك سكت ليك الحس ؟..
فرح : بغيت نمشي نعس...
زين الدين : سيري تنعسي سيري...ملقانا فواحد نهار من ايام الله..ملقانا بنت الناس ملقانا...
يوم جديد...يوم غذ غايكون عقد عصام ف جاو كلهم لدار...مرات عم مبارك الي واعدها عصام يجيبها نهار قبل العقد جات غير وحدها...وجا جدهم المحجوب خالو عبد العالي وياسين... .سمعات صوت جدها وكيف العادة مادخل غير عندهم تجرييي سلمات على مرات عمها ومشات تخشات فيه....
نعيمة : بشوية عليك ابنتي...
فرح"معنقة ايد جدها" : ماجريتش ههههه"حناكها مزنگين"...
المحجوب"طبطب عليها فرحان بهاد اللمة الي جات من بعد عذاب طوييييييل ديال المشاكسل والمحن الي كانت قاسية بجهد عليهم" : هههههه اتكايسي يا راكي واحلة فنفسك اكبيدتي.
فرح"حطات عليه راسها وسكتات"
بقاو يهضرو ويضحكو مجمعين وكيف العادة ملي دخل عصام وقفات نعيمة وسعيدة كيصليو على رسول الله يوزغرتو فرحانين ليه سهل عليه الله وغايدير دارو من بعد تمارة من الي وعى على دنيا...بزز باش سكتهم طنطنو ليه راسو وهو يدور شاف ففرح...
عصام : نوضي تكلمي لزين الدين...
فرح"قلبها طلع عند فمها...هزات فيه راسها" : فين هو ؟
عصام : لبسي عليك شي حاجة طويلة وخرجي...
فرح"حركات راسها وهي تنوض مشات لبيتها هزات كاب طويل رماتو عليها بالخف وخرجات عند الباب حتى كاتلقاه واقف متكي على بارشوك سيارة كيبقشش فتيليفونو" : زين الدين...
زين الدين"دور راسو عندها طلعها وهبطها تا فرز واش مستورة عاد خشى تيليفون فجيبو...وتقدم لعندها باش ليها جبهتها وهبط بشوية لحنكها يلاه غايبدا فالبسالة وهو يسمع تحنحينة عصام من بعيد مزال كاع ماشافهم حس بيه خارج عندهم...هز راسو وضار لهيه عاض شنايفو بالغدايد على هذا الي خرج ليه من جنب تاني" : صباح الخير عصام صباح الخير...
عصام : صباح الورد...
زين الدين : نتحركو ؟!
فرح : فين ؟
عصام : سيري معاه جيبي الكوموند وشوفي اش تقداي ورجعو..ديري فبالك مغاتبقاوش وحدكم...
زين الدين"خرج فيه عينيه" : عصاام..."نطق بصوت مثاااااقل" هنينا هنيييينا...الفاهم يفهم والمجمخ لا تعذب راسك معاه...
عصام : الله يجعلنا مناسبين مع الفاهمين ويبعد علينا المجمخين
زين الدين : اجمعيييين اجمعين با عصام..."ضار حل ليها الباب" ركبي...
ضارت شافت فعصام الي حرك ليها راسو عاطيها الاذن وهي دور ركبات بلاصتها سد عليها الباب وضار تاهو ركب...شد طريق
زين الدين"ضار شاف فيها لقاها كتفرك فايديها" : مزيانة ليوم ؟
فرح"شافت فيه وحركات راسها" : احم شوية اليوم...
زين الدين : شوي بشوي وينقص عليك داكشي..."مد ايدو حطها فوق كرشها وبدا ينوغش فيها هاد المرة بحركة بطييييييئة كيهبط تال تحت ويرجع يطلع ايدو حسات بتبوريييييشة وبدات تصرط ريقها اصلا ريحة زين الدين مكملة عليها وزادها بهاد الحركات.وتاهو تعمد بلعاني يبورشها ويبدا يجهل فيها...ماحس براسو تا لقاها حطات ايدها فوق ايدو وهو يدور ايدو وكمش ليها فايدها مقربها لعند فمو باسها وخشى وجهو وسط كفها كيبوس فيها...شوي سرحها ليها كانت فيها الحنة حمرررة". بصحة الحناني يالالة...
فرح"حناكها سخنو" : احم الله يعطيك صحة...
زين الدين : لو ماعاطي كلمة رجال لواحد سيد..منكرهش نديك لشي بلاصة نبقاو انا وياك منها نهضرو براحتنا...
فرح"قلبها ضرب وسط كرشها..عرفاتو باغي ينعس معاها...هزات ايدها ودوزات على جبهتها بتوثر...صرطات ريقها وهي تنطق" : هاديك الكوموند اش فيها...
زين الدين : من الميساج يبان ليك البلان"ضار عندها غمزها تا حدرت عينيها..رجع شاف فطريق" معاهم شي حوايج حتى ترجعي لدار وسوفي براحتك...
حركات راسها ومابقاتس هضرات حتى وصلو لواحد البناية عيط فتيليفون عطاهم الكود وهما ينزلو ليه الكوموند ديالو كرجونة ملككة..شكرهم وحط الكرطونة لور ورجع ركب...كسيرا عاوتاني واخذ طريييق حتى وقف حدا الكورنيش....
زين الدين"ضار عندها" : نزلي...
فرح : فين ؟..."شافتو نزل وماجاوبهاش وهي دور تبعاتو بعينيها تا وقف وشير ليها حيث شافها منزلاتش حلات الباب وهي تنزل وتبعاتو حتى وقف وهي توقف تاهي...شوية حتى بان ليها جاي هاز فايدو واحد كريطينة" فوزي !!! "جمعات شنايفها بدات تبكي" فوزي اهى...
فوزي"جاي عاقد غوباشتو ماشافش فيها حدو مد لزين الدين كريطينة فيها بسيطلات صغار ليها" : هاهي عطيها ليها...
فرح : علاش مكتشوفش فيا الباسل الخاااايب...مارضيتيش حيث جرا عليك عصام...
فوزي"خنزر فزين الدين" : ماجراش عليا عصام مالك كذاب...
زين الدين"عض شنايفو جابو ليه ضحك كيترادو عن طريق زين الدين"
فرح : جرا عليك حيث باسل...
فوزي : را غانصليها معاك...
زين الدين"خنزر فيه" : ششششش تهدن لا ؟..
فوزي : الالة هاني عاطيك تيساع مالي فهاد الحبس كامل ؟ مايجري عليا كاع عصام نخرج راسي بكرامتي..الى مالقيت فين نعس را دار جدي ولا نكري ليا بيت فسطح ولا هاد الويل معاك..سر مي الي جايب ليك بسطيلة....
فرح : كيفاش بيت فالسطح"عينيها غرغرو" وعلاش بيت فسطح مالك ماعندك خوت ؟ واش بغيتي تهبلنيييييي اهى اهر ومالك باسل باغي طرطق ليا مراااارتي اهى"تفقصات بصح بدات تغوت عليه وزين الدين شافها تعصبت نيت ندم لاش جاب فوزي ولا جمعهم...يلاه بغى يجرها وهو يجرها فوزي وعنقها نخششها فيه" وبااااسل....
فوزي : وباسل ينعل ديلمي انا...صافي غا سكتي..تانتي مالقيتي علامن توحمي...
فرح"حككت راسها على كرشو" : ماتمشي فين وخا يجري عليك عصام رجع باش يعاود يجري عليك..."بعداتو" يخ فيك ريحة القوادس "سدات منخرها بايدها وضارت لزين الدين عنقاتو بلا متحس عاد شمت ريحة زوينة وهي تهدن...خلات فوزي كيشمشم فراسو"....
باس ليها زين الدين راسها متفهم وضعها حيث عارف بالي الوحم الي مخربقها بالمعقول وزيد عليها هي باااااقي فمرحلة العلاج النفسي مغاديش تبرا مية فالمية مزال خاصها عوين وخاص الي يصبر ليها ويمكن هذا من احد الاسباب الي خلات زين الدين يتراجع على الفراق...ضار هو وياها باش تركب فالسيارة وهو يوقفو فوزي...
فوزي : فين غادين ؟!
فرح : لدار...
زين الدين : ندير بيها دويرة هنا ونرجعو"غمزو" تعامل افوزي..
فوزي"شاف ففرح لقاها حدرت عينيها مزنگة..وشاف ف زين الدين" : تعامل نتا...ماخاصني صداع ازين الدين...
زين الدين : يمكن مرتي هادي لا ؟!...
فوزي : حتى تخطبها...
زين الدين : نخطبها هادي حاجة مافيهاش نقاش انا براسي واقيلة عالمك قبل مندير بيها العقد اش غايكون الى تقادت الامور ولا كذبت ؟!
فوزي"تفكر هضرتو انه بغى يدير ليها العادة ديالها وواعدهم الى تقادت الامور هادشي الي يكون يعني هاد القرار جا من زين اولا...سكت تا سكت كيفكر شوي شاف فيه" : دويرة ورجعها دابا يصوني ليا ولا ليك يفرع ليا راسي وغذا عندو العقد...
زين الدين : خرج سوق مني ليه...
حرك ليه راسو وهو يعنقها زين الدين حتى مشاو لعند سيارة حل ليها الباب ركبات وضار هو ركب وزاد...شد طريق..واحد شوي حتى كيبان ليها خارج على جديدة وشاد طريق سيدي بوزيد...
فرح : فين غادييين ؟؟!
زين الدين"مكيشوفش فيها..مد ايدو وحطها فوق كريشتها تاني" : نشوف كبدتي بخاطري...
فرح : ياك مشينا بارح عند طبيبة ؟!
زين الدين"غمزها بجنب" : تت...شوفتي ديالي...
زاد كسيرا حتى وصلو لسيدي بوزيد...كتشوف فالدنيا ناس غاديا وناس جايا شوية وهو يصوني ليها تيليفون فايدها تا قفزت خصوصا ملشي شافت عصام المتصل...
فرح. : الو عصام...
عصام : فينكم ؟
فرح : اا ؟..."طير ليها زين الدين التيليفون وجاوب هو"
زين الدين : مالك مفراع مع راسك ؟ واقلة هادي مرتي لا ؟
عصام : والرب المعبود تاندير فطاسيلتك شرع ايدي...بلا قلاوي رجعها لدار...
زين الدين : ماغاديش بيها لكازا عصام نهاك الله...لا طلع ليا فصحتي...بغيتي العادة حنا ماليها...
عصام : نتا وضميرك..سلام عليكم...
قطع عليه...شاف زين فالتيليفون ومدو ليها تا تعصب وعقد حجبانو جابها ليه فالعرق...طلق سينيال وضرب دورة راجع من طريق....رجع لطريق زاد شوية وهو يطلق سينيال فواحد البلاصة خااااوية...وقف طوموبيل...حيد سانتيغ وهو يمد ايدو وجر ليها راسها تكاها على صدرو حس بالعافية شاعلة فيه اما هي خلاااص ريحتو خدرت باباها...بقاو شحاااال وهما ساكتين كيشوفو فالدنيا لا هو هضر لا هي هضرات...واحد شوي حتى بدات تحس بايدو كتسلل هابطة لعند كرشها شوية هبطاااااات تال تحت وتخشات من تحت تيشرت طويل حتى حطها فوق كرشها نيشان عاللحم...كيدوز بايدو بحركة خفييييفة بورشتها..
زين الدين"باس ليها شعرها" : حرم عليا شوفة الكبدة...
فرح"تبسمات" : ههههه....
زين الدين"دور راسو فالانحاء كانت دنيا خاوية...هبط عينيه بزربة عرا ليها على كريشتها...وشحال حمقااااتو ياربي..رجعها لبلاصتها وعاود عراها ليها وهو يحدر راسو وحط عليها شنايفو حسات بيهم فرح سخاااان حتى ضرب قلبها بسرعة..هبطات عينيها سرقات فيه شوفة..خدام كيبوس ويعاود حتى هز راسو وهو يلقاها كتشوف فيه بحب...عينيه مشاو نيشان لشفايفها الي قشعهم كيترعدو...طلع لعندها ومن شوقو ليها وشوقها ليه ماعطاهاش فرصة وانقض عليهم بقبلة كبييييييييرة...كايبوس ويجر ليها فشنايفها حتى دورات ايديها ورا ؤاسو وزادت جراتو لعندها كتنهج ليه وسط شنايفو...كتبووووس تبوس تبوس حتى ولاو كيتسابقو بزوج على البوسان هو يحلف وهي تحلف تا خرج راسو بزز كينهج بالعافية الي شعلات فيه...لقى راسو ماغايسلكش معاها الى زاد شوي غايديها ينعس معاها...باسها فجبهتها وهبط باسها فحنكها تا وصل لوذنيها وقال...
زين الدين : توحشت الفرحة ديالي..."تنهد" شافنا الله نصبرو..
فرح"الصمت..فمها كيوزوز..كدرت عينيها"
رجع قاد سانتيغ وديمارا طوموبيل خرج لطريق نيشان لدار...وقف السيارة تسناها حتى نزلات وضار حل الباب لور بان ليه سيمو جاي عيط ليه عطاه الكرطونة...
زين الدين : نيشان لبيتها...
حرك ليه راسو ودخل الكرطونة اما هي سلم عليها باس ليها راسها ودار معاها الغذ ليه يتشاوفو فالعقد...تسناتو تا زاد وهي تدخل..لقات الرجال خرجو يصليو ومعاهم عصام دخلات نيشان لبيت كتشوف فالكرطونة يلاه بغات تحلها وهي تفكر القرار الي خذات يوم امس واو حاجة هزات تيليفونها وبدات تعيط...وصلات العشية العشاء كايأذن سالاو لف الهدايا ديال دفوع واصبح كلشي واجد ليوم غذ...شوية تسمع دقان فبيتها ناضت حلات الباب وهو يطل عليها عصام...
عصام : خرجي هاهما جاو...نشوفو اش كاين...
فرح"تبسمات ليه" : واخا..."لبسات عليها بالخف وهي تخرج عندو تابطات دراعو وهي تخرج وقفات عند باب البيت بان ليها فوزي جالس كيتفرج..." نوض اجي نتا...
فوزي : سيري بسعي مني..."هز عينيه لقاها مخنزرة وهو ينوض بلهلا يحزقو ليه"
تبعها هي وعصام مفاهم والو وحتى عصام...حتى مشاو لصالون لقاتهم جالسين...قالت سلام وهي تدخل حادرة راسها تا جلسات
فرح"حنحناات ونطقات مشجعة راسها" : انا جمعتكم باش نگوليكم شي حاجة....شي حاجة من شحال هادي كان خاصني نگولها...و ند"صرطات ريقها" ونديرها..."ضارت شافت فعصام وجهها مزنگ و فمها كيترعد...كاتحاول تشجع وتكمل..."....
اصبح يوم جديد اليوم حلات عينيها على صوت تقرقيب بزايد زداف والهضرة والرواج برا كانت حداها حتى هناء مزالين ناعسين حيث كانت الساعة مزال يلاه ستة ديال صباح...فاقت مروعة تاني وزادها تا صداع تقرقيب....ناضت مفزوعة جاب ليها الله باها الي جا وخا عارفينو مابقاش غايوصل دار لكن الخوف من اي حاجة ممكن توقع وارد...
فرح"بصوت ناعس..موجهة هضرتها لعصام" : صباح الخير...اش واقع ؟!
عصام"وقف عنكش ليها شعرها" : صدعناك حتى فقتي.."كحاز تا داز فوزي هاد واحد طابل دونوي مهيتكة" كنخوي فالبيت ديال هذاك بوك...
فرح : علاش ؟!
عصام : ناوي ان شاء الله نصلحو ونجيب بيت نعاس جديد هو فين يولي ديالي انا وصفاء..والبيت الفوقاني حتى تكمل دار فصليح ونزيد سطح باش يتحول فوزي لفوق وهادي تعاود تصلح..."تنهد كيحرك فراسو"... شوية بشويا...
فرح"حركات ليه راسها..وهي دور شافت فبيتها" : وهذا غير فتحو ديرو صالون ولا بيت تلفازة صغير والبيت رجعو صالون فصالون...
عصام : ماندير منقرب غادي نصلحو وندير ليه ماريو فالحايط وقتما جيتي رتاحي فيه غايبقى بيتك حتى يدي مول الامانة امانتو...والبيت الفوق ديال فوزي...علاش لا دار فوقانية نخليها لفوزي لا دار دارو....
فرح"تبسمات وخا عينيها مزال مبوقين بالنعاس..حطات راسها على كتفو باستو ليه ورجعات تكات.." : دار ديالنا وصافي ههه
عصام"تبسم بجنب ابتسامة جد خفيفة" : دار الخوت الخيالي...ماديتهاش لمخنتر باطل...
فرح"حاسة بالقلق من ناحية باها الي مزال مابان ليه الاثر..خاولات متبينش لعصام باش ميتقلقش بزاف عليها وهو فهاد النهار ديالو المميز.." : هههههه...ماتركزش بزاف على البيت وسير الحمام يلاه توجد راسك لليلة...
عصام"باسها فراسها" : رجعي رتاحي صافي الي بغيتهم يهزوه را هبطوه لطريبورطور...ياكما تروعتي تاني...
فرح"تنهدات حاسة بالصهد شوية مع الحمل الجو كيدوبل عندها هي" : عادي ولفت ولكن بديت كنحس بيها كتنقص شوية مابقيتش كنفيق بالليل كيف ديما...بعدا هاد اليومين...
عصام : ايوى مزيان داكشي الي بغيت..."طبطب ليها على ضهرها" رجعي نعسي...
فرح : مابقاش فيا نعاس فقت نيت عندي منقضي..خاصني نجمع حوايج لحمام انا وهناء ومن تما غانمشيو لكوافورة...
عصام : كون لا تمشيش تاني كثرة روايح تما ..
فرح : غانصبر نصبر..نهارك هذا ومانصايبش فيه راسي هههه...ااه تفكرت سيمانة جايا عندي حصة مع دكتور يونس...
عصام : باقي متبعة معاه ؟!
فرح"حركات راسها" : ضروري خاصني نمشي عندو محتاجة نستاشرو فشي حاجة...راك عارف...
عصام"حرك راسو بتفهم فاهم شنو قاصدة" : من هنا لتما يحن الله...
خلاتهم كملو تنزال وسد عصام البيت مخلي فيه غير حوايج المخنتر حتى يلقى وقت ويخوي البيت كامل...كان على بالو يلقى شي حاجة تزيد تغرق المخنتر لكن مع الاسف مالقى فالبيت تاحاجة تا من وراقو مديهم معاهم مكاين غير الحوايج...مشات لطواليط توضات وخرجات لبيت صلات الي فاتها مع كملت مع فاقت هناء تاهي حيث دايرين يمشي لحمام بكري شوية مشات توجد الفطور مع امها وهي بقات فالبيت وحدها ولقاتها فرصة تحل ديك الكوموند الي مالقاتش كيفاش تبقى وحدها وتشوف اش فيها...مشات حتى سدات الباب وهي تجلس لارض ففراش هناء سرحات رجليها وجرتها عندها قبل ماتحلها هزات تيليفونها ورسلات ليه ميساج...
فرح : فايق ؟! ..."شافت الساعة لقاتها السبعة...شوي بان ليها قراه وهو يصوني ليها ابيل فيديو....قلبها زاد ضرب من ديما اتصالاتو كيوثروها كتحس بكمية الخجل وخا يدوز على زواجهم سنييييين...صرطات ريقها وجاوبات مبتاسمة وحنيكاتها موردين..حتى بان ليها وسط الفراش ملابس والو لفوق صدرو عريان وشعرو مخربق شوية..." صباح الخير هههه...
زين الدين"بصوت مبحوح بالنعاس حيث لقاتو يلاه حل عينيه" : صباح الخير...شنو فيقك هاد الوقت...
فرح"هزات كتافها" : ضرباتني الفيقة بكري ومابقاش جاني نعاس...وعاد خاصني نوجد باش نمشي لحمام وندوز لكوافورة انا وهناء...
زين الدين"هز حاجبو" : لاش بسلامة شنو ناوية ديري ؟!
فرح : نصايب شعري وشوية وجهي..
زين الدين : مكاين لاش ديري زواق فوجهك...
فرح"خرجات عينيها" : علاااااش ؟ اليوم عقد خويا علاش منديرش ؟...
زين الدين : شنو جاك على هاد الويل الكحل ؟...عقد خوك لبسي وفرحي وديك صباغة وفمك مطلي ليا تما ماعندوش لاش...بلا تكثار الهضرة...شنو درتي حليتي الكوموند ؟!...
فرح"بقات شحال كتشوف فيه كتستوعب اش قاليها...رمشات عينيها وصرطات ريقها وهي تشوف فالكرطونة ووراتها ليه نطقات بصوت منخفض" : هاهي...
زين الدين"جمع حجبانو من صوتها الي نزل وشوفتها ليه بديك طريقة..ضار ليه مستغفر مولاه ورجع شاف فيها" : حلي نشوف معاك...
فرح : واخا..."قابلت تيليفون معاها وهي تحل الكرطونة..دقات هناء جاوبتها بالي كتهضر باش ميبرزطوهاش..ورجعات كتحل حتى بدات تجبد فساشيات...بانت ليها كريطينة صغيرة مغلفة وكريطينة اخرى تاهي...حلات اول وحدة حتى جبدات منها غراف بقات تشوووف فيه تشوف تشوف ماحساتش براسها تا بدات تضحك..." ههههههههههههه...
زين الدين"هز حاجبو" : مالك...
فرح"وراتو الغراف" : واش كتنمر عليا !؟...
زين الدين"عض شنايفو ماكرهش ياكلها هي وضحكتها" : تشيتشونا ديالي...شي حاجة unique ليا وحدي...
فرح"هزات الغراف كتشوف فيه على شكل بطن ممتلئ شاداه ايد من جنب..دارت ايدها فوق كرشها وايد شادة بيها الغراف وكتشوف فيه"...
زين الدين : خذيتو ليك حيث كيشبه لبنت الخيالي الي بغيت...
بقات كضحك على الغراف عجبها تصميمو مميز من ديما زين الدين هداياه مميزة....خذاه من السيت طبعا...رجعات حطاتو فكرطونتو حتى تديه لفيلا مع الحوايج...هزات الكرطونة لاخرى حلاتها لقات فيها الايفون الي كان ديجا واخذ ليها حطاتو حتى تسالي وتخدمو...هزات ساشية اخرى من احد الماركات ملابس نسائية عرفااات اش فيهم...
فرح"تزنگت" : هادو حتى لمن بعد ونشوفهم...
زين الدين : لا حلي نشوف معاك..."غمض عينيه رافع حجبانو كياكد عليها بمعنى غاتحلي تحلي" سربي راسك...
فرح"تاففات" : ففففف..حرام عليك...
زين الدين"بصوت اجش مصحوب بنبرة تهديد" : زيديها على زمر وعمري على ملتك روجيستر..."جهد صوته تا قفزت"..تحركي حلي....
هزاتهم على وعدها وسعدها حلات اول ساشية وبدات توريه وحناكها منملين...فييييييين هي فرح زعيمة فواحد الليلة فييييين هي فرح الي جراتو لعندها وبحركة جد شجاعة باستو واعتارفات ليه بحبها وعشقها ليه بكل جرأة...بطبيعة الحال اونسومبل ديال سوتيان وكيلوط...كانو نوع عادي مشبكين واحد بيض وثاني اسود وثالث بوردو...واونسومبل سوتيان وشورط نفس ستيل باندة غير هو على شكل ارنوب فالغوز...هزاتهم كتشوف فيهم وحابسة ضحكة...كتقول هاد ستيل هذا مايمكنش يكون زين الدين ومياخذو ليها شي ستيلات كيجيبو ليها ضحك كتحس بيه كيشبهم بيها curve cute خههههه...وهزات كرطونة مستطيلة لونها اسود مدور عليها شريط ساتان ذهبي مكتوب فيها Yves Saint Laurent حلاتها وهي تلقى فيها صباط اسود وطالون ديالو ذهبي كااايحممممق....
فرح : وااااعر...غادي يجي مع قفطان الي غانلبس اليوم هههه...
زين الدين : شنو الي تلبسي ليوم ؟؟؟
فرح"وراتو صباط" : عههه هذا "على نيتها"...
زين الدين : لا ماشي دابا...انتيردي تلبسي هادشي فهاد ل période فرح..."كيحك فزغب صدرو"...حتى تولدي عطا الله ليفينمون فين تلبسيه...كاينين بزاف مورا الولادة منهم ديال شراكة الي مع البروفيسور الي گلت ليك دخل معانا...
فرح"شافت فصباط وعوجات فمها بحزن" : عجبني بزاف...
زين الدين : هادشي خليه حتى تجيبيه معاك لدار هنا...غذا فالصباح غادي نڤيرسي ليك شي فلوس ف الكونط ديالك تقداي شنو خاصك لداكشي ديال الي غاتجيبي معاك ملي نجيبك.."حك راسو ماعارفش الدهاز ههه" ماعرفتش شنو سميت داك العجب ديالكم...
فرح : دهاز ؟ هههههه واخا...ههههههههههههههه...
زين الدين : شنو كيضحك ؟!
فرح : ههههههه غادي تخطبني وانا حاملة هههههههه...تفكرت نهار خطبتيني اول مرة شفتك من البيت بنص وجه...
زين الدين : گولي شفتيني بحنكي...بان ليا غير هو ديك ساعة وبانت ليا تغوبيشتك...نگول تما طحت فملتك يبان ليا ...
فرح"ضحكات حشمانة" : هههههههه...
زين الدين"شاف فساعتو" : ماعليش نسالي ونشوفك...فالعشية..
فرح : ماتعطلش جي بكري باش تخرج معانا...
زين الدين : ان شاء الله...تهلاي ليا فراسك بجهد...
تبسمات ليه من بعد قطعو الهضرة...ناضت جمعات داكشي دارتو فماريو ديالها الا الايفون الي هزاتو وخرجات لبيت فين كانو حاطين الفطور ومايبان ليها غير فوزي تقلي ليه السم باش يتفقص وتسمتع علاش الله اعلم...جلسات حدا عصام مقابلة معاه وحطات الايفون....
فرح : عصام عافاك قاد ليا كارط سيم ديالي فهاد الايفون جديد.
فوزي"شافو وعينيه حوالو" : ينعل والديك ينعل ليك جدود...ايفون اصحبي ايفون اخر مكاين ؟ علاش ؟...
فرح : حيث انا حسن منك...
عصام : بغيتي تبداي تاني ؟..."شد تيليفون حلو وصايب ليها شنو بغات وعطاه ليها...بدات تقلب فيه وتخندش..." فوزي يصايب ليك الكونط ديالك فيه..صعيب شوية هو يعرف ليه...
فرح"شافت فيه" : تصايبو ليا ؟ بغيت ندير فيه واتساب...
فوزي"مد ليها ايدو" : بوسي ايدي...
فرح : غانگولها لزين الدين يصايبو ليا...اش داني لقرع فوزي نمشط ليه راسو...بلاش..."ناضت هازة كرطونة وتيليفون القديم زجديد ورجعات لبيتها تحطهم خلات فوزي كيقلب فشعرو حساب ليه قرع نيت وهو را شعرو قوي..."
رجعات جمعات حوايجها وجدات سطولة خلات ميساج لزين الدين بالي مشات لحمام وخرجات...طبعا الوصفات ماقدراتش ديرهم دارتهم غير هناء اما هي ماقدراتش ولات كتعيا...اما لالة العروسة مشات لحمام لاخور العروسة الي سيمانة وهي طلي لوجهها ولحمها...خرجات من الحمام كلها رطبة وتشقشق وريحتها زوينة بزاف...رجعات لدارهم هي وبنت عمها الي جات هي وباها وامها وخوها فقط هما الي غايحضرو لعقد القران...مشات هي وياها نيشان لكوافورة...اما فرح وهناء خرجو من الحمام لقاو فوزي واقف بطوموبيل ديال فرح الي كيتحرك بيها هو وعصام على قبلها...ركبات نيشان حداه وهي دور لور...
فرح : جبتي حتى قفطان هناء ياك عطاتهم ليك خالتي ؟
فوزي : مانعرف هي الي حطتهم تم كتخرج من بيتك وتحط
فرح : صافي هي عارفة...
هناء : وسير دغيا يلاه نرجعو بكري نصايبو داكشي...
حرك راسو وكسيرا مشى بيهم لواحد سونطر ديال التجميل فالمدينة...حطهم تما تسناهم تا دخلو حوايجهم...دخلات فرح نيشان لواحد البيت دايرة زيف على نيفها وفمها باش متشمش ريحة...ماكرهاتش تكون عادية ولكن الوحم ومايدير واخا هكاك ماروعهاش بزاف كيف قبل...وفنفس الوقت باغيا تفرح لخوها الي سهل عليه الله لا هو لا صفاء الي كانت عارفة حجم الحب الي هازة لعصام فقلبها تهنات عليه...
تكات فوق السرير وهي تجي البنت بدات دير ليها فسوان لوجهها...وحتى هناء...شوي وهي تدخل صاحبة السونطر مبتاسمة حيث هضرات معاها وخذات موعد فيه كاع الخطوات من سوان لشعر لميكاب...
هي : مادام فرح ياك ؟
فرح"حركات راسها" : اه انا...
هي : بغيتي شي ميكاب محدد ولا تخلي لينا راسك ههههه
فرح : احم...بغيت شي حاجة زوينة..على حساب حفلة عقد...."تبسمات ناسية هضرة زين الدين" بغيت شي حاجة تبدلني...حيث شحال مابقيتش كندير ماكياج..ولكن ديري بحساب ريحة حيث كتخنقني...
هناء : كتوحم اختي...
هي : اااه..واخا صافي من احسن بقاي غير هنا نعيط لبنت تصايب ليك هنا..ونتي اختي ملي تسالي هبطي لتحت يصايبو ليك...
قررات دير هاد الخطوة كنوع من تغييير جديد الي غاتبدا بيه حياتها..من الي خذات هاد الطريق وهي كتحس براحة وبالتغييير...تكون متفتحة على الايجابية وتبعد على اي حاجة تخليها تحس بالطاقة السلبية...فخضم التفكير الي كانت فيه ماحساتش غير وابتسامة ترسمات على شفايفها...بدات كتحس بالاستقرار فحياتها بدات كتحس بالي كلشي بدا كايتقاد...
فنفس اللحضة وبالضبط فمدينة الدار البيضاء...طالع لمكتب لفوق فالمحل الكبير ديال ذهب...كيحط ليه محماد الرجل الي كلفو يشد ليه المحلات والي ولا امين ذهايبية هاد صباح...
زين الدين"باس ليه راسو ورجع جلس فالمكتب" : مبروك ابا محماد مبروك تستاهل...
محماد : الله يبارك فيك اولدي..الله يكثر خيرك الي عمري منساه
زين الدين : الواااااجب هذاك ابا محماد الواااجب..راك وصية الحاج الله يرحمو...ماجاش من فراغ...
تبسم ليه حرك راسو وحط ليه اخر روجيستر حتى تم جاي ريان طالع هو و مراد...وجلسو مقابلين ليه وجااههم صفرييييين...
زين الدين : شنو واقع مالكم ؟!
ريان"شاف فمراد وحدر راسو"
زين الدين"خبط البيرو تا قفزو" : رااااني هضرت اش كاين !!
ريان : الحاج الغالي الوهراني...
زين الدين : مالو ؟؟؟
ريان : ديك خيتي الي تزوج بيها...كان ديجا عاطيها وكالة تصرف ليه فالاملاك ديالو كيما بغاات...هو كاين داير غير مؤقتا حتى تبرا ليه ايدو الي هرستيها ليه حيث دار ليها الحديد على جوج جيهات...ومرض واحد الازمة قلبية جاتو جلس فيها شي خمسطاش اليوم...المهم ولببارح فالليل خيتي باتت ماصبحت هي ودارهم ملي مشى لمحل ديالو الصباح الي موراه...لقاها باعت كاع الذهب الي فيه....وهزات ليه الفلوس من البنك خلاتو عالضص بقى غير الاملاك الي متصرفتش فيهم...
زين الدين : كمل ؟؟؟
ريان"شاف فمراد" : هو دابا فالكلينيك جاه شلل كلي...الحالة صعيبة بزاف...
مراد : مشيت شفتو..كيشوف غير بعينيه صافي...
زين الدين"كان جامع حجبانو..حتى طلقهم وغمض عينيه" : تت..لا حول ولا قوة الا بالله...
ريان : ماعرفتش ولكن خاص بنتو تجي تشوفو...
زين الدين"شاف فمراد" : هضرتي معاها ؟
مراد : مابغاتش تجي تشوفو...جينا عندك باش نعلموك حيث يلاه رعفنا هاد صباح...ونيت تهضر معاها نتا كتحشم منك..كوميم كيبقى باها...لا قدر الله مات را كلشي غايمشي ليها هي...
زين الدين"زفر بقلة حيلة ماعرفش شنو يقول فهاد الحالة كيما كان الحال كاااان واحد الوقت شاد ليه محلاتو...كان مهلي ليه فدارو ولكن الخبت والطمع والفساد الي فنفسو وتصرفاتو والفساد الي كان عايش فيه خلاه يغطي على الجيهة الزوينة...بقى كينقر بستيلو ماعارف مايقول...فلاخر حط ستيلو وداز لتيليفون هزو ونيشان دوز ليها الخط مايحتاجش يتعطل اكثر...بعد رنات جاوبات كانو نيت كيسمعو ليها" : ضحى...
ضحى"ضحكات" : بابا زين الدين هههه...كيداير ولد خويا...
زين الدين"ابتاسم من عينيه" : كيتسنى فعمتي تجي...شنو بان ليك تقطعي وتجي صباح ؟!
ضحى"جمعات ضحكة" : علاش ؟ قاليك ريان ومراد شي حاجة !؟...
زين الدين : ماعندي لاش نزوق ليك الهضرة...ماعليش عضي فنفسك وجي...شوفيه وديك ساعة ديري الي بغيتي...
ضحى : لا زين الدين...ماعندي لاش نشوفو...كنت بغيت نشوفو هو نسمعها من فمو...كنت بغيت نسمع ضحى بنتي جي شوفيني...والله حتى كنت غانقطع ديك الساعة...ولكن والو...اخر مرة مكاملش شهر عاودت عيطت ليه وعاود سمعني الي عمري سمعت...الله ينزل عليك سخط...دعا الي عمري سمعتو "دموعها نزلو يجريييييييييييو"....اش درت انا ؟! قت_لت شي حد ؟ اذيت شي حد ازين الدين ؟ ياك اديت غير راسي وضريت راسي وعشت الويل الكحل حتى وصلت لهنا...كون كان معايا كيف الاباء كون دابا شادة بوسط فخدمة ولا وصلت فين بغيت ماشي كنعاود من جديد فعمر 22 عام...كون ما طحتش بين رجلين...كون ما ركبتش فالكيران مي تدفل عليا وعباد الله ترجع عند راسي ومكمداها وساكتة حيث الغلط انا الي درتو...علاش ملي طلبت سماحة وبغيتو يوقف معايا...ما يوقفش ازين الدين واغير يضربني يسد عليا نحس بالي طيحت ليه راسو وهو ماخسر عليا والو ضحك فوجهي وقاليا خرجي عليا وسخط عليا بحال الى مسبب..كنحس بيه مسبب عليا...
زين الدين"هضرتها حسكاتو فقلبو..عزيزة عليه ضحى بزاااف من كترة معزتها رباها وعلى قبلها جاب مها وباها عيشهم معاه باش متشردش وتكرفص البنت..." : انا هو خوك الكبير وانا هو باك...انا هو السند الي عندك...ديري فبالك مزال بنتي الكبيرة وخا نولد ولادي...سمعي من خوك وباك...دابا نقطع ليك على حسابي جي صباح شوفيه وحضري معايا نتي وعمتي لواحد المناسبة محتاجكم فيها ورجعو...
ضحى"بقات شحاال ساكتة كتبكيييي...شوي حركات راسها ونطقات بصوت يطيح ضيم" : و واخااا...على قبلك ووجهك نجي...
زين الدين : الله يرضي عليك...
دار عمرات بسير واجي النگير الفوق ونگير لتحت...فوزي تودر ليه سروالو وسيمو بغى گرصونو عندهم منشور فالسطح...تا جرات عليه نجية عاد مشى يبدل....اما عصام كان واقف فبيتو كيلبس فالفوقية بيضة الي غايلبس فوق منها جلابة سوسدي صفرة...حتى تحل الباب وهي تدخل نعيمة هازة مبيخرة طالقة البخور ديال العود القماري...كاتصلي عالنبي وتزغرت....كانت واجدة لابسة قفطان جوهرة گرونة ودايرة شالها مكحلة عينيها فقط دايرة ذهبها تاهي فرحانة بعصام....
نعيمة : صلااااااااة وسلاااام عليك ارسول الله...الى جاه الى جاه سيدنا محمد الله معااااا جاه العالي..."طلقات لسانها كيزغرت زلزل دار كلها..." تبااااااارك الله وصلاة عالنبي على عريسنا ولدي عصام...
عصام"قرب باس ليها راسها حس بيها ميمتو فهاد اللحضة" : الله يبارك فيك اميمتي...
نعيمة : يلاه لبس دغيا مابقاش الوقت...دقايقية برا...
حرك ليها راسو وهي دور بخرات ليه جلابتو وحوايجو وخرجات...حتى دازت فرح وهناء لابسين مقادين بانت ليها فرح فشييي شكل مبدلة وزوينة دغيا زربات مشات لبيت وهي توقفها
نعيمة : فرح دوري نشوفك ههههه
فرح : بلاتي خالتي عافاك دابا يجي زين الدين...
نعيمة : ويلي والى جا ؟!
هناء : ههههههه خافت منو واقيلة عهههههه..."ضارت لقات فرح كتخنزر فيها" صافي انا كنخاف منو...
فرح : سيري حدا خالتي درتي ريحة حرام عليك...
هناء : والله مادرتها هادي ريحة البخور...
فرح"سدات منخرها" : انا غانسد عليا هنا حتى تبغيو تخرجو وعيطي ليا...الى جا زين الدين خليه برا حتى نجي...ولا يمشي مع عصام...حاولو تدهيوه عااافاك...
هناء : ومالك علاش ؟ بغيت غانعرف اش دايرة تا خفتي...والله حتى كتباني قرطاسة....صافي هاني غادية...
هزات جلايل تكشيطتها الي كانت فالبلوماغين سااامبل فيها سفيفة بين بلومارين وذهبي وحزام ذهبي رقيق وطالون ذهبي..بالاضافة الى مشيطة خفيفة لشعرها...وميكاب ناااعم بزاف خلاها تبان ناعمة...خرجات لقات فوزي كيقاد فكرافاط ضارب ليك قميجة بيضة وكرافاط كحلة وسروال اسود فصالة..مفيكسي شعرو لور وريحتو تعطي هي زويييينة خطيرة ولكن غا شمتها هناء عرفاات فرح تكحل بالعمى...هزات واحد طيفور مداتو ليه يخرجو...
هناء : طييييير خرج نتا وهذا ووقف حدا دقايقية ماتقربش لختك تشم ريحتك تاني تكحل بالعمى وتصدق نتا وياها معايرين
فوزي"شدو بالنترة مفقووووووص" : اري الخرا...هاد البرهوش الي حاملة بيه شحال ما جلست نلوحو ليها فالواد اصبري يتزاد...
تحطو الطيافر قدام عيساوة...تجمعات العائلة مبارك ومرتو..نعيمة وراجلها...عبد العالي والمحجوب...حتى وقفات سيارة زين الدين جنب الحايط وهو يخرج منها..ضارب كومبلي كحل قميجة كحلة كلشي كحل...مفيكسي تاهو شعرو وناقص من لحيتو شوي. ومن راسو لور شوية..نزل كيقاد فصدافي كمايمو..داير نضاضر شمس حيث كان الغروب حيدهم خلاهم فطوموبيل لداخل وتم جاي سلم على فوزي...حتى بان ليه عصام جاي...
زين الدين : الحاج عصام...صافي نويتي تعطي لملتي تيساع ؟
عصام"هز حاجبو وخبط ليه كتفو بجهد تا حدر زين عينيه لايد عصام ورجع هزهم فيه هاز حاجبو وهو يغمزو عصام" : لا كنتسناك نهار السبت كيف علمتيني ابا البغدادي...
زين الدين"دوز على لحيتو وحرك ليه راسو مثقل" مرحبا با عصام...."بدا يسوس فايديه وهو يدور كيقلب عليها بعينيه هنا وهنا مابانتش" مرتي اسمحمد فين ؟!
عصام"ضار وراه ورجع شاف قدامو تاهو كيقلب" : كانت مع بنت خالي...هناء فين فرح ؟
هناء : هاهي جايا...گالت ليك اخويا زين الدين سير مع عصام دخلو حتى تسالي وتجي...
زين الدين"جمع حجبانو" : كيفاش تسالي وتجي ؟..."يلاه بغى يدخل وهي تقرب هناء"
هناء : ورا خاصك دخل مع عصام...
عصام"لقاتو صعر" : فين ندخل انا الورد فيناهو ؟؟؟...
فوزي"وقف وحطو ليه بوكي كبير فيه الورد الاحمر والابيض" : هاهو..."شاف فزين الدين" تحرك معانا اصحبي...
زين الدين : ماعندي فين محرك فين فرح ؟!!!...
فوزي : هاهي جايا..كتوجد فالحنة بغات تدخلها..وتجي توقف معانا..مابغاتش تبقى وسطنا كاينين روايح داكشي باش راك عارف...
زين الدين : ماعليش انا نبقى معاها حتى وكان تخوا دنيا وندخلها...
فوزي : ريح لارض..فين تبقى...واهليييييييي ورا خاصك ازين الدين تبقى مع عصام...انا ندخل عندها ونجيبها...وتعامل اصحبي..
عصام"جرو من دراعو" : زيد ازين الدين لا تقويوش عليا كثرة الري بلا فايدة...
يلاه بغى يجاوب وهما يهزو عيساوة البوق الطويل وبداو...هزو العيالات ايدهيم وبداو يصفقو ويزغرتو...خرجات فاطنة هازة فايدها مريشات الزهر...وبنت عم صفاء هازة طبسيل تمر معمر..والبنت لاخرى هازة حليب فيه زهر...ومرات عم صفاء تاهي واقفة فالاستقبال مع اخت فاطنة الي هي خالة صفاء...
زين الدين عينيه وعقلو مع فرح ووذنيه تفرعو ليه بعيساوة وزغاريت...واحد اللحظة من كترة ما راسو تخربق وتبرزط مع فرح وصداع كان بغى يدور فالحزاق كامل...ويدخل عندها يشوفها اش كتصنع....حتى جر فوزي...
زين الدين"عينيه خرجو فيه..قرب ليه ونطق بصوت مجهد" : تحرك عيط ليها ولا ندخل نهزها ونزيد...من هنا كاااع.....
تهز دفوع وبداو فالصلاة على رسول الله...كل مكيقربو كل ما قلبها كايتهز وتحس بيه كايضرب ليها فراسها...مامثيقاش بالي هاد الليلة غاتولي صفاء الحالمة بحب طفولتها...غاتولي هي وياه زوج وزوجة...غاتزوج بالشخص الي بغاه قلبها وكان حب نقي بزااااف وبرييييئ....صفاء وعصام اكثر كوبل نصفاتو الحياة وخا مادوزوش التكرفيص لكن كل واحد فيهم تكرفص راسو مع الحب صفاء تدمرات من جيهة عصام فاش خطب لمياء...عاشت وكبرات وهي كتسناه يشوف فيها ك انثى...وعصام الي تكرفص من جيه كرفصاتو الحياة من جيهة خوتو والواليدين...وعاش قصة حب فاشلة انتهت بالفراق من بعد ما كانت غادي تشتت ليه الشمل مع خوتو....
صفاء"جالسة فالبرزة الي قررات يديرو ليلة الحناء فالعقد ديالهم...قفطان خضر مطرز بالذهبي والفوال على وجهها فيه خضر وذهبي..دايرة مشيطة خفيفة وميكاب ديال الحناء خلاها صفاء اخرى..من ديما هي زوينة وميلحة وملامحها زوينين وزينها فشكل...حاطة رجليها فوق مخدة خضرا مطرزة بالصم ذهبي...والطابلة ديال الحنة فيها قالب سكار منقوش والبيض تاهو...وسلة خضرة فيها براصلي فوسطهم خميسان فيهم شريط ساتان بيض وخضر لعازبات...سمعات زغاريت وهي تقفز وزيرات بايديها على الفراش....ختى قشعات عصام من بعيد ليها عصام داخل بزغاريت قلبات بعينيها علر فرح الي توحشاتها سيمانة ماشافتها...حتى بانت ليها جايا شادة فجلايل تكشيطتها حمرة جاتها زوييييينة وشعرها الي خلاتو على طولتو مبوكلي من تحت حميمر...الميكاب ر ودارتو سموكي...والفم گلوص درجة مغلوقة على الحمر ماط...هزات عينيها وهي تصغرهم كاتقشع واش داكشي الي شافت من بعيد هو هذاك ولا ولات تحلم بالبزازل من كثرة ماباغهم مسكينة"
صفاء : واش صدرها باينة فرقة ديالو شوية ولا عينيا غيسو..
النقاشة : نعام اختي...
صفاء : والو اختي غا شفت شي حر.ب تانا شي عجب...واش عصام ماشاف والو ولا زين الدين !؟
نقاشة : مافهمتش...
صفاء : ختي كملي نقيش كنهضر على صاحبتي ماتديش عليا هههه..."نسات عصام والحطة الي ضارب...يمكن حطة فرح نساتها التووثر..خصوصا عاااارفة حجم غيرة زين الدين لانها حضرات لهاد المواقف بيناتهم قبل ميتزوجو وقبل ماتغبر فرح ويوقع المشكيل الاول...هنا تاكدات ان فرح لولة رجعات" ياربي ماتنوض الحر.ب تانتزوج الاسد ديالي...بنت لحرام بغات تهرب ليا سعداااااااي...
عصام"ضار عندها" : فين زين الدين ؟!
فرح"صرطات ريقها" : ماعرفتش انا تبعتكم مالقيتوش...
عصام"شاف ف صدرها" : واش لابسة ؟ اش داك الزمر لابسة واش مكتسدش ؟!
فرح"هبطات عينيها" : دابا فاش لبستها حساب ليا غاتسد..ملي ماتسدتش بغيت نبدلها مالقيتش باش نبدل...هاحنا غير عيالات مع صفاء...ماغايشوفني حد...دابا نرمي عليا شي حاجة واخا عاجباني هادي عااافاك خليني اول مرة نفرح معاك ونفرح براسي..."عوجات فيه راسها وترجاتو بعينيها تا عزات عليه بلهلا يطريه ليه"
عصام : شوفي مع راجلك...سيري تحركي لعند العيالات وتركني لارض را من صباح وهو يسول عليك...
قلبها ضرب وسط حلقها...حركات راسها وهي تدخل نيشان لعند صفاء...سلمات عليها وهي تجلس حداها...
فرح : صفاااء...مبروك عليك امرت خويا "عينيها غرغرو..كتشوف فصاحبتها اخيرا حن عليها الله وتحقق حلمها..والاهم انها رتاحت بزاف بالي صفاء هي الي غاتكون مرت خوها فرحانا ومهنية وشنو حسن من هادشي..."
صفاء"عينيها تاهي غرغرو" : فرااااح...واخييييرا...
فرح"جبدات تيليفونها ودارتو على وضعية سيلفي" : صفاء ماتبكينيش...اجي نتصور انا وياك اول صورة فتيليفوني جديد بصورة عرسك ههههه..."تصورات هي وياها وكانت اول صورة ليهم فتيليفونها جديد...واحد شوي مقادة تيليفون تعاود تصور حتى تحولات شاشة لاتصال زين الدين ليها هكاك بانت لصفاء zinouchi ❤️..."
صفاء : شكون زينوشك ؟ زين الدين !؟ اعااااااو يا بتلحرااام..وتي ديك السگيطة ديال ثور وديك اللحية والحروشية رديتيها زينوشي ؟ وبلاتي وهادشي الي لابسة شافو ؟ مشافوش ابنت الهم..علاش القحبة اختاريتي نهار عقد قراني انا وقرة قلبي ودرتي هاد الفعايل...بديتي ففعايل اللوسات اليهوديييييييااو...
فرح"جاوبات وايدها كترعد" : ا الو..."بعدات تيليفونها من صوته المجهد" هه هاني...وو واخا..."قطعات وهزات جلايلها جاب الله لابسة بلغة...وهي تصرط ريقها وخرجات صوت الزغاريت ودقايقية خدااام دعقتها ريحة تاني حسات بقلبها بغى يطلع زادت هزت جلايلها وتمات خارجة كتزرب نسات راسها ونسات زين الدين...كل همها تخرج وتنفس الهواء نقي...حتى خرجات لبرا ماحسات غير بايدو حاتية عليها من دراعها وجراها وراه هزات عينيها كيبانو ليها غا كتافو العراض وصهد عاطي منو...يلاه بغى يدور يعرعر علاش غابرة وهو يخرج عينيه...اش غايقول ماكياج صارخ ؟ ولا ديك الفرقة ديال البزازل شكاوي الي باينة...ولا اااااااااش....حيد الفيستة بزربة دارها ليها قدامها ولواها عليها ولا غا كيخربق غا باش تغطي صدرها...
زين الدين"كمش حجبانو بغا يبدا يطيح ليه سكر بالصعرة" : شش شنو هاد الملاوي ؟!..."غمص عينيه بنفاذ صبر مافيه ماااايغوت..نطق بصوت مغلغل باين انه على وشك يدير بااااق يسوطها هي والي حداها" ت تحححررركي لدار مسحي وبدلي هادشي..تحركي فرح....
فرح"حدرت عينيها لارض وكمشتهم" : لا ماغاديش نحيدو..."عضت فمها"...
زين الدين"خرج عينيه حتى بانو عروق نواضرو" : نعااام اسمحمد ؟!...
يتبع...
التعليقات
لا توجد تعليقات بعد، كن أول من يعلق.