محتوى القصة
زين الدين الفك ديالو بدا يتقرقب تا رد ليه البال علي كيتحرك من بعيد...حط عليه ايدو على كتفو .
علي : نعل الشيطان ازين الدين...بعقلك الله يرضي عليك ماتخليش مرتك تخلع عليك...
زين الدين"طاه صمك من جيهة علي فحال مادواش..نزل من السيارة خلاه كيعيط ليه ويغوت تا نزل تاهو تبعو..."
مشى وعينيه ماكيبشروش بالخير من جيهتو وعمرهم يبشرو بالخير طالما الشيبة العاصية او بيض الزغبة غايبقى يبان فطريقو..الي عمرو ماينسى فعايلو معاه من نهار عرف بيهم وكملها باكفس حدث تسبب ليه فيه والي باقي التوابع ديالو تابعينو لحد الساعة..اما كون راه مزوج بفرح فضروف جد طبيعية او ممكن مكانش غايعرفها ويتسبب ليها بالاذية لا هي ولا خوتها...وقف ليه فنص الطريق بالسيارة ونزل....
زين الدين"مشى ليه نيشان حتى شدو علي من دراعو ووقفو"
علي : ماشي وقت الهضرة وعصبيتك ازين الدين...
زين الدين"نطق وسنانو ملاصقين بغضب عينيه على الغالي" : ششششننننووو كاااين !؟
الغالي"ربع ايديه باستفزاز لزين الدين الي كان غايمشي ليه وجرو علي بزز" : نتا الي اشنو كاين...علاش كتبقشش فدار الضريبة راسل براهشك ينغزو من ورايا ؟ هذا هو خيري الي حضيت ليك دوك المحلات فالوقت الي كنتي مسافر تامن مستقبلك زعما"بطنز" ودير الخير فالانسان"ماحتال يكمل ماعرفش حتى كيفاش طار ولقى راسو مشنوق من طرف زين الدين الي علي براسو ماعرف كيدار فلت ليه حيث كان مزير ليه على دراعو زعما را شادو وهو را ممكن ثلاثة ميقدو عليه الى فات تا صعر...بالشنقة الي شنق عليه تقج تا خرجو عينيه"
علي"غوت تا هرب ليه الصوت" : زين الدييييين الوقت ممعاناش تهدن اصحبي....
الغالي : قخخخخ ب غييتي تققققتلنييي اع"زاد زير عليه" هق..
زين الدين"نضرتو كتخلع وخا مريض نسااه وضغط على راسو شد ليه الفك ديالو زير عليه تا حس بيه الغالي بغا يتقسم ليه..نطق زين الدين والحروف شي كيتسمع وشي تسمع مغزز" : الخدددااااممم خداااام...خووتي سيااادك اولد الق"عض لسانو. وبالعصبية رجع راسو تا رجعو وهو ينطحو تا بانو ليه النجوم كيدوزو بين عينيه والشمس فنص الليل... يلاه بغا يهز ايدو يعطيه دقة وحدة ميجيبش فيه الوعي حتى تدخل علي وواحد العساس تما مگضر باقي شاب حيث مابعدش زين الدين بزاف على الفيلا كان باقي فالنواحي وجرو عليه بزز تعاون هو وعلي...بدا كيدفع فيهم ويسوووط باغي يبعدهم وهو يغوت علي بحر جهدو محلف على زين الدين"
علي : زين الديييييييين...اقسم بالله العلي العظيم وتعاود تقرب ليه حتى نمشي وعمر وجهي باقي تشوفو...
زين الدين"ضار شاف فيه بالعرض البطيء وجهو كيفووور بالسخونية وعينيه خلاااص حجبانو هبطو بكثرة ما عقدهم وجهو تبدل"
علي"قرب لعندو ونطق ليه فوذنيه حيث كيعرفوه الى مهضرش ليه فوذنو وهدنو مغايتهنى تا يفرشخ الغالي ويهرسو والوقت ماشي مناسب" : عندنا ميدار عندنا خدمتنا مستقبلنا مرتك ودارك..."كيگمز زين الدين كيبغي يتحرك وكيضغط عليه علي وداك العساس الي عيط ليه ضاغط ليه على صدرو وشادو من درعانو...خفض صوته مزيان" ماضيعش راسك مع الي يسوا والي مايسوا...عارفك كبر من هادشي..تهدن واجي جلس حدايا انا نسوگ ونتا رتاح را كتبان ليا عيان...
زين الدين"مناخرو كيفرفرو كيسوووط باغي يبرد صعرتو فالغالي باش ماعطا الله...وهاد الاخير شافو صعر والدعوة ماتعجبش عارفو الى تطلق عليه مايتهنى تايخليه جرتيلة...راسو كيدور رجع غادي لطوموبيل بغا يحل الباب تلف عليه بالدوخة من جراء النطحة الي عطاه براسو..كيبغي يحل كتخوا بيه ايدو تا كان غايطيح بزز باش حل الباب وسد الطوموبيل عليه... وهو يديماري وزاد ورغم ذلك غاديا طوموبيل وتخرج على الطريق جاب الله دنيا خاوية حيث الحداش دليل...
زين الدين"دفع الولد الي كان شادو بمرفقو بعد منو وهو يوقف دار ايديه على نصو كينهج بالاعصاب وبالمرض مريييض وبانت فوجهو الي تزنگ بزاف تخلطت الدعوة بين عصبية وسخانة وفوران...عينيه فلارض وشنايفو قربو يتكالو بكترة ماعضهم...صدرو كيطلع ويهبط حتى جاب ليه علي قرعة الما...دور عينيه ناحية القرعة بقى كيشوف فيها مدة وهو يشدها من عندو وشرب منها وخواها على وجهو وراسو عالله وعسى يبرد عليه"
علي : الا يا صحبي راك مريض...
زين الدين"الصمت"
علي : يلاه دخل لطوموبيل تكا حتى لطيارة وشرب دوا ونعس فيها...
مكانش فيه الي يهضر ولا يقول شي كلمة بزز باش مصبر راسو وهادشي كيفورصي على صحتو حتى العصبية كتخلي السكري يلعب عليه وهادشي الي وقع...دخل لسيارة وتيليفونو كان كيصوني ماداهاش فيه ولا سمعو عينيه غلبت عليهم ضبابة..السخانة والغضب خلات السكري ينزل عندو...ركب علي ودار سانتيغ يلاه بغا يديماري حتى سمع خبطة على المجر الي قدام زين الدين ضار شاف فيه لقاه خبط بايدو المجر وراسو متكيه عالكوسان ومغمض عينيه...بشرعة وبدون سؤال طار لمجر حلو جبد لاباراي وعبر ليه السكري لقاه طايح...بانت ليه ساشية سكار ديال القهوة محطوطة مع ساشيات ملي كياخذ قهوة اوموبغطي كيحطهم تما وكيبقاو...جاب الله القرعة ديال ما بقا فيها شوية حلها وخوا فيها زوج ساشيات... سدها وبقا يخلط وعطاها ليه شدها من عندو وشرب منها...
علي : شوية !!
زين الدين"هز ايدو وحطها على جبهتو حرك ليه راسو صافي ماهضرش..وحتى على ما نطق بوالو باقي...خلاه متكي وكسيرا نيشان للنواصر بالضبط لمطار محمد الخامس الدولي..."
لاخور حتى وقف وهو يرجع صعر من جديد وتقدم بخطواتو تا خرج هذاك من السيارة ومشى كيجري لعندو جرو بجهد دورو لعندو وخرج فيه عينيه وغوت تا بح صوتو...
صطوف : عصاااااااام نعل الشيطان اصحبي....
انتقام ولا شوق ولا شنو ؟ فلحظة ندم لاش استسلم ليه وجا معاه وهنا الحديث عن صاحبو الي جا معاه وسمع ليه وندم لاش جا خصوصا وهو كيشوف فيه من سيارة كيفاش واقف كيشوف فجيهة بلاصة العدو الخصم بالنسبة ليه...كيشوف فالفيلا ديال زين الدين الخصم بالنسبة ليه لحد الساااعة...فاصلهم شانطي....عينيه فحال الجمر هما حمريييييييين بالشراب وزادو كملو بالغضب...
صطوف"شدو دراعو ودورو عندو" : مريض فكرك ؟..انا الي كلب تبعتك فرايك المقود نعل بو مك...
عصام"دفعو وهو يتخلخل كون ما شد فراسو" : وتقااااود نتا ورايك وبو مك عليا...
صطوف : ممقودش...ماعرفتكش غادي هنا اما منجيبكش..گلتي لعدو ربي غادي لكازا وانا كي الحماري قلت باغي تبدل الجو حيث مقلق هي هاديك توگض من شراب شوية ساعة يا الكلب جاي لعند ختك باغي تنوض صداع...
عصام"غوت بحر جهدو" : واااااااالقوااااااد..ما خخ تيييييش..ماختيييييش..ضررربببببت على دينمها هاديك ضررربت عليهااااااااا...
صطوف : تا اش ضرب ااااش تربية سنين 27 ولا 28 عام اش ؟ علامن كضحك يا ولد القحبة علامن ؟ عليا ؟ طزززز فالكلبة مك من لاخر...دوز تقود من هنا تاتسحى ونهضرو...دوووز.."كيجر فيه وعصام كيدفع فيه تا كيتخلخل يبغي يطيح حيث جاب بات مات الكاو فالشراب ماشي غير داك الي كان مولف...شرب تا مقدو"
عصام"دفعو من صدرو دفعة ثقيييييلة قاضي عليه الشراب فهاد اللحظة.." : حيد الزا** حيد ...
صطوف"خرج عينيه بتخنزيرة" : وااا بالرب لا خليتك درتي الي فراسك المتمل التامل يا انا يا نتا فهاد الليل..."تم جاي العساس ديال فيلا زين الدين"
العساس : اش كاين تما مالكم ؟
صطوف"حط ايدو على صدرو" : سموحات اشريف غير كنهضرو وشدتنا الهضرة هنا..
العساس : وخا حيدو من هنا الله يرضي عليك اولدي ناس ناعسة...
صطوف : هي لولة"ضار عند عصام الي كان غادي يقطع شانطي بغا يدخل الفيلا بلا استئذان" وتااا ريح اصحبي فين غادي فيييييين...دوز ولا ندخل فيك براس منجيبش فيك التوگيضة تايصبح الحال"خرج فيه عينيه" دوز تقود...
العساس : دوز اشريف فحالك حيد من هنا...
عصام"طار شنق عليه تا قجو" : نحيد من هنا ؟ بابت اش نحيد من هنا القواد بابت اااااش...
صطوف"كيجر ليه فايديه من على الراجل وهو شانق عليه قجو بين ايديه حتى عينيه خرجو وكيخضخض فيه..." : وطلق الحبس طلاااق...
عصام"عض لسانو وحط جبهتو على جبهة العساس" : تقود من وجهي ولا ندفن مك هنا..."جرو صطوف من عليه كيكحب باغي يرد الروح والاكسجين الي مشا ليه فاش شنق عليه.."
العساس : لا لا غانعيط البوليس..."كيقلب على تيليفون فجيبو بغا يجبدو وهو يوقفو صطوف"
صطوف : ريح اصحبي اشمن بوليس هاني انا قاضي الغراض..دير بوجهي ولبدها..والى ماحشمش انا ندي الكلب بايدي لعند البوليس
العساس : يلاه حيدو من هنا...
صطوف"هز حاجبو" : تحمستي معايا الحاج ولا كيفاش ؟!
العساس"بقى كيشوف فيه بان ليه صطوف هز داك الحاحب وصطوف فاش كيهز حاجبو غا طلب سلامة عرف يا غايتاقي فيك وجه الله ولا يجبد موس منين ما كان يتقب ليك المصارن ولا عينيك معندوش السوق هو..العساس معارفش هادشي ولكن غير هيئة صطوف والتگلضيمة الي فيه والوشام الي فواحد ليد وشوفة نيت الي دار فيه كافية تقوليه هاد السيد را من السلاگط الكبااار..."....
صطوف"بكل قواه شدو من دراعو وجرو صحة من تما غادي ويدفع فيه وعصام كيبغي يرجع وصطوف كيدورو ويدفع فيه ويسب من سمطة لتحت...ندم لاش جا معاه وسمع ليه...ماكانش كيحساب ليه غايجي لفيلا فين ساكنة ختو...عرفو توحشها ولكن فور ما وصل والهضرة الي بقى كيقوليه فالطريق خلاتو يتفكر شمتة ديال زين الدين الي باقي تطلع فيه وتهبط وزادوها شمتة ختو معاه...تجمع عليه بين الماضي والحاضر...بقى يدفع فيه تا وصلو لطوموبيل وخا هكاك وصحة صطوف وسكرة عصام الي مفشلة ليه القوى ماقدرش عليه صطوف...بزز باش مشى ليه لسيارة ودفعو كيدخلو لطوموبيل وعصام معكس ليه..ماغوت ماوالو لكن السبان عاطيه عشرة لضص...وبكل قوى صطوف دفعة واحد دفعة تا تلاح لهيه وسد الباب كيسب ويدفل..ورك على البوبطون دغيا سد الساقطة خلاه كيسب ويضرب فالسيارة ويغوت...ضار جيهة المقود وقبل ميركب هز ايدو لعساس وحطها على صدرو بمعنى سمح لينا...تا العساس حرك ليه راسو ركب وكيسمع فعصام كيدفل ويسب.."
صطوف : سب ليا تما يا ولد الهازة سب وزديني تانا معاهم حيث قحبة الي تبعتك فريييك اما نخلي مك مانتا غادي مانتا جاي...باغي ضارب معاه ؟ وختك ماسوقكش فيها ؟ هذا هو الحل عندك...سكر وسير ضرب وضارب...
عصام"كيسووط بداك المنخر..ماهضرش دار واحد الجلسة ديال لا اله الا الله...كون ماكان معاه صطوف كون جندخ العساس ودخل لفيلا دار الي غايخليه يفيق فالصباح ويندم عليه اشد الندم..حتى غوت لربي الي خلقو خلا صطوف غمض عينيه" : اااااااااااااااااااعععععععععععععععع"عينيه خرجو على جهدهم والعرق هبط ليه من نواضرو..." وبالصعرة الي فيه هز ايدو تا هزها وضرب ليه المجر تا شخشخو"
صطوف"خرج عينيه تا سلمو عالمجر ورجعو..رزاه فالمجر ههه" : الى بقات فمك صباح ملي تسحى نبقى بلا صحة...
ملي مشى وهي طالعة لبيتها متكية فالناموسية وشادة تيليفون فايديها كتسناه يتاصل كيف قاليها...دمعة على طرف عينيها ولفاتو بزاااف ديما معاها وحتى الى مشا لخدمة عارفاه فاي لحظة ممكن يجي ويفاجأها يعنقها ولا يلوح ليها كليمات بشخصية السلگوط الي كاتبان غير ليها ومعاها...اما هو ملي مشاو وهو متكي ومرة مرة كيشرب من ديك القرعة حتى وصلو لمطار ووقف علي السيارة فالباركينغ وضار عندو...
علي : شوية دابا ؟!
زين الدين"هز نفس تا هزها وطلقها سخووونة..الكحبة بدات تجاهد عليه حدو حرك راسو والباقي كحبة فكحبة...شرب من قرعة اخرى تا تنفس ونطق بلا ميشوف فعلي" : دابا !؟
علي : وي دابا ثلاثة سوايع قبل..ماشي مشكيل بقى هنا حتى يقرب الوقت وندفعو الباگاج...
زين الدين"ضار لور مد ايدو هز الكبوط حل الباب وقبل مينزل" : نكمي ونهضر مع فرح...
علي"حرك ليه راسو" : خوذ راحتك انا فطوموبيل...
واخا يقوليه لا بقى فطوموبيل را البرد برا عارف مغايصور منو والو..بهاد العصبية الي باقية فيه باغيه يتهدن على حساب صحتو خلاه على خاطرو ومزيان يهضر مع مرتو باش يتهدن بزز منو...لبس الكبوط وجبد من المجر باكية الكارو وبريكة ونزل سد الباب ومشا لهيه شعل الكارو وكما منو شوي عاد جبد التيليفون وهو يدوز ليها الاتصال ماتسناش بزاف دغيا جاوباتو وصوتها باين عليه الحزن...
زين الدين"بصوت عيان..نطق والكحبة مخاطياهش تا بححات ليه الصوت" : فرحتي...
فرح"تبسمات" : نعااام.."كمشت حجبانها من صوتو والكحبة" مابغاتش تفوتك الكحبة...
زين الدين : عطيها وقتها وتمشي...
فرح : وقتها بلا دوا ياك ؟ غادي تعذبك...
زين الدين : كثر من عذابي وانا موحشك من دابا...
فرح"مسحات عينيها وضحكت بشوي" : ههههه ياك...
زين الدين : ونكذب عليك ونتي هادشي عارفاه مايحتاجش نگولو ليك...
فرح : عاارفة..احم..مزال ماغاتمشيوش ؟!
زين الدين"شاف فساعتو" : شي ساعتين هكاك..
فرح : شحال عاد توصلو تما ؟
زين الدين : نيشان شي 3h قل شي حاجة...الى مكانش روطار را مزيانة..."سكت كيسمع لانفاسها الغير منتظمة ونطق" شوية نتي ؟
فرح : فاش ؟
زين الدين : متبعة داكشي الي عطيتك ؟!
فرح"تزنگت وهي تحنحن" : احم اه متبعة ب بدلت غير شوية دابا ودرت شنو گلتي ليا...
زين الدين : بالحرف فرح بالحرف...نرجع نلقاك مزيانة الله يرضي عليك...
فرح"سمعات دقان فالباب" : زين الدين شي حد كيدق فالباب تقطع ولا تسنى حتى نشوف شكون ؟!
زين الدين : خليك معايا مامسالياش باش تحلي لشي..مع راجلك...
فرح : ماحشوماش ؟!
زين الدين : وماحشوماش تخليني وتمشي ؟!
فرح : منقطعش نشوف شكون ونكمل معاك...
زين الدين : تعلمي ماتخلي حد يبرزطك...والي بغاك يعاود يرجع ليك...."بدا كيكحب تا كيبغي يهضر وتجاهد عليه وداك صوت كيقسم ليها قلبها عليه...تحنى على ركابيه كيكحب ويعاود شافو علي تزير وهو ينزل تبع ليه قرعة الما مدها ليه عطاه يشرب وحيد عليه داك الكارو عسف عليه وهزو لاحو فبوبيل تما...ناضت فرح من بلاصتها كتسمع فيه هالكاه ديك الكحبة وكتزيد تمرض فخاطرها عليه...الليل كلو بايت عريان باش يدفيها هي...حبست عليه تا بقى كينهج شاف فعلي وهز ليه حجبانو بمعنى مكاين ماندير...حيث قبل مايخرج شرب ليها سيرو...تا تنفس شوية وهضر مع فرح" رتاحي من بعد ونهضر معاك...
فرح : واخا ولكن رد البال عافاك وشرب دوا ديالك ماتخليهش عارفاك مكتنساهش ولكن ماكتديهاش فيه...
زين الدين : ان شاء الله...
قطع معاها وهي تجلس عز عليها بزااف اصلا حابسة البكية ملي مشى كتبغي تبكي وتحبسها...شوي عاود تدق الباب وهي تنوض حلاتو لقات توبا واقفة وحجبانها معقودين...
توبا : كنتي ناعسة ولا ؟
فرح : لا كنت كنهضر مع زين الدين...
توبا : ولكن دقيت فلول ماحليتيش ليا ولا مسمعتيهش ؟
فرح"على نيتها" : اه سمعتو غير شطني معاه كان كيكحب بزااف وخلعني مارتاحيت حتى هضر معايا...
توبا : ضاربو البرد ولكن هادشي عادي هو مولف كيمرض ويبرا راسو والى جا هنا كنكون انا ديك ساعة...عادي هادشي مايحتاجش تشطني عليه كاع لهاد درجة ابنتي...كان عليك تحلي ليا ونتي كتهضري معاه ودوزيه ليا نقوليه شنو يدير را عندو واحد بومادا ديال الكحة فالمجر ديال طوموبيل وخا مكيبغيش يديرها كيكتافي غير بدوا الفارماسيان ولكن هي كتنفعو ديما فاش كيجي كنقلب ليه طوموبيل الى تقادات كناخذ ليه وحدة جديدة اما الى عولت عليه كاع مايديها فيها..مشاغيلو كثيرة والدهوة مكتخليهش يديها فصحتو...
فرح : انا غانگولها ليه دابا ولا نخليها ليه فميساج...
توبا : بلاش انا نهضر معاه ونقولها ليه...المهيم نزلي قاليا مراد بغاك لتحت يهضر معاك...
فرح : مراد !!
توبا : ههههه وشكون قلت انا..ايه مراد حشم يعيط ليك وطلبني نعيط ليك...
فرح : واخا خالتي...اه واش ضحى مزال فايقة ؟
توبا : مزال علاش ؟؛
فرح : بغيت نشوفها نهضر معاها شوية گالت ليا كتقنط وحدها..نگوليها تهبط تجلس معايا انا ومراد...
توبا"حركت ليها راسها" : واخا بنتي سيري عندها...
تبسمات ليها ومشات اما هي دخلات هزات تيليفونها لا يرسليها زين الدين شي ميساج ولا يتاصل...دخلات لواتساب رسلات ليه ميساج سولاتو كيف بقى وخرجت...شاف فالساعة كانت منتصف الليل... اول حاجة مشات لبيت عند ضحى دقات وهي تسمع صوتها حلات الباب ودخلات...
فرح : باقي مانعستيش !!
ضحى : شوية بدا كيجيني نعاس...
فرح : ماتقدريش تنزلي لتحت معايا انا ومراد ؟
ضحى : الوقت تعطل فيا العيا والله ماقادرة نزل باقي كضرني كرشي والفتحة...
فرح : ااه واخا ماشي مشكيل حتى الغذا فالصباح ونزلي فطري معانا.."تبسمات ليها" غاندير مسمن بالبصلة وفلفلة حلوة مغانديرش الحارة باش مضركش...ياك تاكليه ؟ كيجي زوييين مع اتاي...
ضحى"شهاتها" : اه ناكلو شهيتيني ههه واخا ان شاء الله...
تمنات ليها ليلة سعيدة وخرجات من البيت نزلات نيشان لتحت لقات مراد جالس فالصالون كيهضر مع شي حد وهي تدخل حتى لقات جدها جالس كيهضر ومراد كيضحك مجمعييين ماحس تا طارت تجرييي تنخشات ليه تحت باطو مراد تهز تالسما وتحط بالخلعة ماعرفها منين بعتت...
فرح"بسعادة" : بااا امتى جيتي ؟
المحجوب : اناىي يا خلعتينا هههه يلاه حطني خالك منير ومشى سلم عليك وگاليك تا يرجع ويشوفك ويبقى معاك شي وقيت...
فرح : توحشتك ابا"عينيها غرغرو..باستو فايدو وزادت تنخششت فيه..خلات مراد كيشوووف تاهو ماكرهش يكون عندو جدو ولا باه ولا مو يسول فيه لكن الحياة هكا كانت معاه..حدر راسو وتبسم من حب ناس لفرح..عائلتها حتى لزين الدين الي فعينيه كتشوف فرح متربعة وفقلبو خلاص كينبض غير بفرح لفرح...حتى بدلاتو لواحد درجة خلاتهم مستغربين لتصرفاتو حتى ولاو هازين الهم لفرح معاه ماتقلقش ماتبكيش ماتعصبش وماتغضبش وياربي غير تبقى بخاطرها"
المحجوب : وهادشي علاش جيت نبقى مع كبيدتي يومين تا تشبعي وتملي مني...
فرح : عمري منمل منك ابا..."هزات فيه راسها" تعشيتي ولا لا ؟! نوض نحط ليك تاكل ؟
المحجوب : الا لا واكل ابنتي معشي قبل منحي لهن...لا كاين شي بغيت نرتاح عييت بطريق واخا ماطويلاش وليني الصحة خانت والشرف دار فيا مابغى...
مراد : هههه.. الحاج باقي شباب ماحدك هنا نضبرو ليك فعروسة هههه
المحجوب : مادرتها وانا باقي بصحتي نديرها ملي بقى غالعضم الراشي والگلب يمشي ويجي...ماتخطانيش المرحومة بين عيني من نهار ماتت وانا بحلوفي لا جبت وراها المراة...
مراد : الله يرحمها...
فرح"ناضت" : انا نمشي نوجد ليك مانطة فالبيت هنا لتحت را قريب ابا لدوش فين توضى على حساب الفجر...
المحجوب : نوضك الفجر ابنتي كيف مولفة معايا لا جيت ؟
فرح"بحرج وجهها تزنگ حيث باقي مرة مرة كتنزف" : احم اه واخا وليني الى ماسمعتكش غير خليني حيث ماناعساش ملي جينا صباح من مراكش...
المحجوب : ايور لاكان هاكا رتاحي تالغذ ليه ان شاء الله"وقف عكازو وناض" يلاه ولدي مراد الله يصبحك على خير والله يرضي عليك..
مراد"وقف" : تانا نمشي نعس فايق بكري نتشاوفو صباح ان شاء الله ميعادنا مع قهيوة صباحية كي ديك المرة ؟
المحجوب : دير خير كبيييير فهاد الشارف يعطيك الخير..
مشى مراد كيضحك تمنى ليهم ليلة سعيدة وخلا فرح مشات مع جدها البيت دخلات هي وياه مشات الماريو تما حلاتو لقات فيه مانطات سرحت ليه زوجات ديال مازافيل وقادت ليه بلاصتو ومشات لصاك الي لقات تما يمكن دخلو ليه مراد جبدت ليه تريكو الخيط وسروال قندريسي حطتهم ليه باش يلبسهم ملي يبغي ينعس...
فرح : الباب الي حدا البيت هو دوش بلا متقلب على ضو غير تحل الباب ويتشعل راسو فالكلوار هنا...
المحجوب : الله يرضي عليك...
فرح"شافت فيه بعينين مغرغرين" : ماكرهتش نعس حداك ههه
المحجوب"بحذر لا يجبد ليها خوتها" : وعلاه باقي كي كنتي ؟ ملي كبرتي ماتليتي تقنعي تنعسي حدايا ونعاود لكبيدتي حجاية على جداها...
فرح : فاش تزوجتي بيها...
المحجوب : داز ماكثااار من ورا جواج...ملي تزادت خالتك الكبيرة ماريا وزيد الگدام هههه...ايييه يا ليام كان با الي هو جدك الكبير غاتسمع تحنحينتو نوضو كلنا انا بمرتي وولادي ونوض بلهلا يطريه ليا..هيبتو فارضها على صغير والكبير وكلمتو ماتنزلش لارض..ليام زينة واخا دازو شلا مشاكيل وليني ماعليش الي فات يتشرى بالذهب...نوضي رجعي لبيتك دابا وليتي براجلك ابنتي ماتخليش بيتكم خاوي الى واحد فيكم كان يعمرو الغاشي موجود والشيطان حاضر...نعسي ورتاحي وصباح ارا مانجمعو راني موحشك گداش..
فرح : واخا."تلاحت عليه عنقاتو" تصبح على خير ابا انا صباح قبل متفيق نوض...بغيت نجلس معاكم فداك الصباح نتوما تشربو القهوة وانا نسمع ليكم...
المحجوب : ان شاء الله"خلاتو كيوجد باش يبدل وهي تخرج وطلعات فطريقها تلاقات بتوبا نازلة هازا فايدها قرعة الما خاوية"
فرح : تصبحي على خير اخالتي...
توبا : تصبحي على خير"تمات غاديا وهي ترجع سولاتها" فرشتي لجدك فالصالون ياك ابنتي ؟
فرح"جمعات ضحكة" : لا فرشت ليه فالبيت ديال نعاس الي لتحت ..
توبا : اه احم وخا ماشي مشكيل تا هذاك زوين...تباتي فراحة الله..."
نزلات وفرح بقات كتشوف شوية وهي تطلع بدلات عليها وغسلات وجهها وهي تخشا ففراشها دخلات الواتساب لقاتو مخلي ليها ميساج بالي مزيان وترد البال لراسها من بعد ويهضر معاها فاش تقلع طيارة وتقاد فالسما...بقات كتهضر فالواتساب مع صفاء وسيمو...
صفاء : واش مشى لا سويس (سويسرا)
فرح : اه ل جنيف فاش قريت لبيي...
سيمو : مرة جايا سيري معاه..تفتح ليك باب الرزق زمان زين سعد مگعد وسفر وفلوس ماااااحسدناك الحيمة فدجين..صبرتي ونلتي...
صفاء : مااااحسدناها احبي..اجي نتزوج بيك نتا ونبداو من صفر ؟
سيمو : لا خويتي زهري ونعرفو معاك ناخذك نزلو تحتوالصفر..
صفاء : كنكرهك كره المشاش للماء فخبارك...
سيمو : نهار تحبيني نعرف يهودي مات فالملاح...
فرح : غاتبقاو ضاربو تاني وتخليوني ؟!
صفاء : سيري انا غانرجع لخدمتي راني غير شادة بوز العشا الدنيا عامرة اليوم راجلك غادخلو فلوس صحيحة هاد اليومين الله ماحسدتو...
فرح : اش واقع ؟
صفاء : بزاف ناس جاو يفتحو عند Chirurgien cardiovasculaire(جراح القلب والشرايين) والمرارة...حيث الكلينيك الي كانو دايرين فيه الموعد يفتحو خسر وسد مؤقتا ورسلوهم عندنا را داكشي علاش كان كيدير الاجتماعات وكيطول تافقو معاهم وملي فتحو زادو لينا فالسوايع ديال الخدمة مي راني ماشفتها من البارح...شفتي راجلك اش داير ليا ؟ هذا هو خيري حضيت ليه مرتو ...
فرح : يااك ههه
سيمو : وديك السنسلة ديال ذهب الي خذا ليك عارها علامن..
صفاء : على حياة الي كبيرها سنسلة مصدية بحال صاحبها..هاديك هي الي غاتنزل مك لحضيض ماشي تحت صفر..تهضر نبلوكيك الى يوم الدين عاوتاني...
بقاو يتقاشحو حتى سالاو رجعت صفاء لخدمتها وسيمو مشا ينعس وفرح بقات تبقشش تا هضر معاها زين الدين ماشي بزاف حدو قاليها عيااان حيث شرب دوا وبغا يتسنى تا يطلعو لطيارة حيث مغاتمشي تال ربعة ديال صباح... وخلاتو يرتاح من بعد ما رسل ليها صورتو وهو جالس داير طاقية الصوف على راسو...وباسنة عياان...بقات كتقيص فصورتو وتشوف فيه ماحساتش حتى باستها وحطات التيليفون وطفات ضو عند راسها ونعساااات...
صبح الصباح الباااكر كانت الستة ديال الصباح صونا تيليفونها بسرعة ناضت تقولي كانت غير مغمضة عينيها...عند بالها زين الدين حتى لقاتو المنبه طفاتو ودخلات تجري الواتساب لقاتو راسل ليها اوديو طلقاتو دغيا وتسمع صوته المبحوح بزز باش فرزت شنو قال..
زين الدين : الفرحة ديالي..ناعسة منبغيش نفيقك..مزال فالمطار نساليو تخربيق ديال المطار بينما فقتي نهضر معاك...
فرح"رسلت ليه" : انا فقت دابا حيث با جا يبقى معايا هاد اليومين..غانفيق باش ندير لفطور ونبقى جالسة معاه حيث كيفيق بكري مبغيتش نخليه يقنط بوحدو...غير توصل رتاح ونعس حتى تفيق وهضر معايا عافاك دير هادشي الي گلت ليك..الله يشافيك...
حطات التيليفون وهي تنوض كتشبح وتفوه مشات لدوش قلبات الفوطة لقات باقي فيها شوية النزيف جلسات فلاشاص حيدتها ورماتها وبدلت كيلوط دارت فيه وحدة جديدة توضات بالما دافي ونشفات بفوطة خاصة دارت بومادا فصبعها وهبطاتو لتحت عضات ففمها وحبست نفس وحطات بومادا تما كيف قاليها وكيف قرات لداخل شوية خرجت عينيها وكمشت حجبانها كتحس بالضو كيحسك فيها تما تا تاوهات وهي تنوض طلعات الكيلوط وناضت غسلات ايديها مزيان بصابون معقم حاطو زين الدين من الصابون باش كيغسل فالجراحة...غسلات وجهها وحكات سنانها وخرجات بدلات البيجامة بوحدة اخرى فالبيج ديال موبرا رقيقة لبسات عليها كاب تستر...جمعات شعرها رشات شوية ريحة عليها وذهنات ايديها لبسات بانطوفتها وهزات تيليفونها وهي تنزل حتى سمعات صوت الهضرة وداك صوت ياربي وراه ماخافيش عليها وبدون شعور نطقات اسمها...
فرح : صفاااء !!!
صفاء"كانت واقفة ضحك مع المحجوب ومراد عينيها مبوقين بغات تنعس جايا من الخدمة وصلها البيس بامر من زين الدين" : الصحيييبة ههه"تلاحت عليها عنقتها" توحشتك اصحيبتي..
فرح : امتى وصلتي !
صفاء : دااابا حطني البيس قدام الفيلا بامر من جوجك ههه دابا من لاخر ديني نعس تانرتاح ونفيق ونهضرو راني مييييتة بنعاس...
فرح : اجي نعسي فالبيت عندي الفوق...
حركات راسها وتبعتها طلعو لفوق البيت ديالها بكل حب وترحيب حلات ليها بيتها دخلات خلاتها تنعس حيث صفاء مكتكونش معاها الهضرة فاش كتبوق بنعاس... وهي تخرج كانت الساعة ضربات لستة ونص ديال صباح...سدات الباب موراها وهي تلقى توبا خارجة من بيتها...
فرح"بابتسامة" : صباح الخير خالتي
توبا"بابتسامة" : صباح الخير بنتي..يلاه فقتي ؟
فرح : لا فقت شوية هذا"شافت جيهة البيت" خليت صاحبتي تنعس عاد جات...
توبا"جمعت حجبانها" : صاحبتك !؟
فرح : هي ختي ماشي صاحبتي جات يمكن تبقى معايا هي وبا هاد اليومين الي ماكاينش فيهم زين الدين وتمشي..
توبا : اااه ...احم واخا نتي تعرفي..."مافهمت والو بقات تشوف...حركت راسها وهي تم غاديا شوي وقفات وهي دور عندها" بنتي فرح كنبغي نسولك ديما وكنسى..وسمحي ليا الى تدخلت...
فرح : سولي اخالتي دنيا هانيا....
توبا : علاش خوتك ماكيجيوش عندك ؟ واش مخاصمة معاهم ولا غضبانين عليك حيث تزوجتي بزين الدين ؟!!
يمكن سؤال توبا كان من باب الفضول..كونها ماعارفاش الاحداث الي طرات لانها كانت فديك الوقت بعيدة على زين الدين مكافية مع مشكيل ضحى والصدمة انها ماشي بنت والكارثة انها حامل والاكفس انها كانت ملاهية مع شتى الطرق باش تجهض لجنين الي فاحشاء ضحى...لكن منساوش ان الفضول كيقتل صاحبو..ان التدخل فخصوصيات الناس من قلة الادب والاحترام...
"عدم التدخل في شؤون الاخرين واجب عليك وليك كرم منك"
توبا : واش واقعين مشاكيل بيناتكم ولا غير مكيجيوش..غير سمحي ليا بنتي حيث ملي جيت ماجاوش كيجي غير جدك وصاحبتك.."سكتت كتشوف فيها وتسنى ردها..."
فرح"هزات فيها عينيها وهي تبسم" : خالتي انا غاندير الفطور ليوم غير رتاحي نتي..."خلاتها واقفة ومشات تا خرجت توبا عينيها من الصدمة والشعجة لدرجة تبلوكات ممثيقاش واش خلاتها بلاكة ولا قمعتها بالفن بمعنى ماشي سوقك ؟..هبطات فرح بشكل عااااادي جدا...خلاتها مزال واقفة...حتى تحل الباب ديال بيت مراد وخرج كيحك فكفوف ايديه وكيدوز على لحيتو بالريحة حتى لقاها هازا حاجبها وكتشوف جيهة الدروج فين هبطت فرح"
مراد : الواليدة ؟"هي مرات عمو الي هو الغالي ولكن رباتو ملي كان صغيييير هي وزين الدين وكبر معاهم...للتذكير فقط"..صباح الخير..."ماجاوباتوش عاود عيط"
توبا"ضارت عندو" : نعام مالك ؟
مراد : نتي الي مالك ؟ مال وجهك تزنگ ومصدومة ؟
توبا"شافت فيه تا بغات تسولو وهي ترجع سكتت وضارت جيهة الدروج"
مراد : واش بيك شي حاجة ؟
توبا : ها ؟ ل لا لا مابيا والو...
شوي تحل الباب ديال بيت ضحى ضارو يشوفو حتى بان العكاز ديالها وهي تخرج غير بانت لمراد وهو يمشي يجري لعندها شد فيها حيث بانت ليه معافرة مع العكاز بليد صحيحة ولايد لاخرى مهزوزة بباندة وجايا غير بشووويييية وجهها هارب منو لون حيث الضغط كلو حاطاه فالعكاز والخوف من انها تعگر...
مراد : اتي مالك غا عيطي نعاونوك...
توبا : مالك فقتي بكري ابنتي...
ضحى"ماداتهاش غيها ونطقات موجهة كلامها لمراد" : عافاك امراد بغيت نزل لتحت قنطت فالبيت وفقت بكري...
مراد : واخا هي لولة.."حاوط كتافها بايدو وليد لاخرا شدات فيها مزيان ومشى معاها دقة بدقة حتى هبجو لتحت مخليين توبا واقفة مصمكة غا وحدها...وصلو لعند القاع لتحت" دخلي لصالون كاين جد فرح ..
ضحى : اه واخا..
عاونها حتى دخلات لصالون صغير الي لتحت فين كيفطرو..لقات المحجوب جالس فالهيضورة كيسبح بالتسبيح غير شافها دخلات وهو يوقف..
ضحى : عمي صباح الخير..
المحجوب : صباح الخير والرباح..كيف بقيتي شوية بنتي ؟
ضحى"بابتسامة دافية" : الحمد لله..
مراد : تكاي ؟
ضحى : لا بلاش عييت بالنعاس..."حرك ليها راسو وعاونها تا جلسات..واحد الشوي حتى دخلات فرح بغات تعلم مراد بالي ردات القهوة تبخ..وهي تلقاها"
فرح : ضحى !! صباح الخير... فقتي بكري ؟
ضحى : ديما وليت كنفيق بكري..جاني القنط وبغيت نزل..
فرح : حسن ليك تبقاي وحدك.."تبسمات ليها وهي دور هنا وهنا حتى لمحات الپوفا ومشات جابتها حطاتها وهي تهز ليها رجلها بشويييي حطاتها ليها فوقها" ماخاصهاش تبقى مدلية فلارض.."جابت زوج مخدات وحدة حطتها ليها فجنابها فليمن وثانية فليسر..كتهز وتحط هنا وهنا باش تمتن حداها وتحس بالراحة والمشكيل كتخدم بوتيرة مجهدة هنا وهنا وتقلب شنو تزيد ليها وشنو متزيدش وضحى ومراد حلو فمهم اما تا المحجوب عارفها فطبعها..."
ضحى : صافي مزيانة والله.."عينيها غرغرو من هاد الاهتمام" شكرا فرح شكرا بزاااف...
فرح : ماتشكرينيش انا فحال ختك..حتى نمرض ووقفي معايا ههه
مراد : الله يحفضك اختي..
المحجوب : الله يحفظ ابنتي..
ضحى : الله يحفظك...
فرح : ورا حنا انسان منمرضوش ياك ابا كتقوليا حنا عبد ضعيف ياك وكنمرضو ونبكيو ونتقلقو...
المحجوب : مانكرت شاي..وليني الواحد يطلب سلامة والنجا اكبيدتي...
فرح"كتحك فعينيها" : هذاكشي.."ضارت جيهة الباب حتى لقات توبا واقفة كتشوف وهي تنطق" خالتي المانطات حتى نتوما كديروهم فالكوانات ديال سدادر ؟
توبا"هزات حاجبها كانت بغات تقوليها شي حاجة وهي تنقز ضحى" : فرح ماما مكانتش كتعرف لهادشي فين كيتحط..كانت غير كتقوليهم خملو دار كتخرج وتجي تلقاها مخملة..الى بغيتي تسولي على هادشي سولي مي خديجة ولا توريا..بلا متسولي ماما را دارك هادي عندك الحق تعرفي كلشي فيها...
توبا"خرجات عينيها وهي تحدر راسها ومشات"
فرح : ماشي مشكيل..انا نشوف الى مالقيتش نسول.."مشات لكوانات قلبتهم وهي تلقى فيهم الكواش حيث صالون صغير حاطين فيه فحال هادشي فالكوانات...هزات مانطة خفيفة وغطات ضحى فوق ركابيها" واخا مطلوقة لاكليم دافية تغطاي..
مراد"بدا يشمشم" : الله ريحة القهوة اصحبي المحجوب !
المحجوب : ماتكونش الفريحة تاغونجة الى ماشميتيش ريحة قهوتها..كالعبو هنا...
ضحى : حتى انا بغيت منها ريحتها عاطية..اول مرة نشم ريحة القهوة عاطية فالدار...
فرح : حيث درتها تبخ فالبريق..
مراد : وصراحة كنا مولفين غير ديال نيسبريسو ولا المقطرة..ماحتال نفيقو نلقاوها طابت ريحة مكاين حسها..
ضحى : صباح زوين هذا امراد هههه..."تبسمات فرح بفرحة والمحجوب كثااار شكون هذا الي مايعجبو الحال يشوف بنتو غيرات دار راجلها بهاد الشكل..
حدرت راسها وخرجات من البيت ومشات لكوزينة لقات خديجة يلاه جات كتشمر بغات تبدا توجد الفطور حتى لقات العجينة كتعجن فالعجانة والقهوة كتبخ على خاااطر خاطرها...
فرح"باست راس خديجة" : صباح الخير مي خديجة..
خديجة : صباح الورد ابنتي..نتي الي خدمتي العجانة بنتي ؟
فرح"كتحط الابريق فالصينية وضارت تهز الكيسان" : انا..انا الي غاندير الفطور...
خديجة : واخا ولكن نعاونك ابنتي !
فرح : واخا وجدي ليا غير الزيت البلدية والمقلة انا ندير كلشي الى احتاجيت شي حاجة نعلمك..هانتي غاندير مسمن بالبصلة وفلفلة حلوة وشوفي اشنو ديري معاه..
توبا"دخلت مغوبشة" : ماديريش بحسابي فداكشي الي غاتصايبي...
فرح"هزات البلاطو ديال قهوة كحلة" : اه واخا..را كاين فطور هزي الي بغيتي والى بغيتي شي حاجة نديرها ليك !؟
توبا : لا بلا ماتعذبي راسك...
ماجاوبتهاش فقط حركت راسها ب صافي ومشات دات ليهم البلاطو خوات ليهم القهوة وخرجات خلاتهم يشكرو ويعاودو..رجعات لكوزينة لقات توبا واقفة على خديجة عطاتها تكلف بحوايج اخرى غير الي قالت ليها فرح..ماداتهاش فهادشي ومشات نيشان لعجينة كملتها قسمتها كويرات صغيرة وذهنتها بزيت غطاتها بسولوفان ومشات وجدات العمارة فلفلة حلوة صفرة والخضرة والحمرة قطعتهم مربعات صغيرة وشلضت عليهم البصلة وعطرتهم ب كمون ملحة ابزار تحميرة ومعيلقة زيت زيتون..خلاتهم ومشات توجد الفطور راسها هادشي تحت عينين توبا الي قلقها تصرف فرح معاها الفوق..سولاتها وتجاهلت فرح الاجابة !! حسات براسها تقمعت قمعة متنساش ليها...
فرح : مي خديجة انا غانتكلف غير قضي مع خالتي توبا شنو بغات...
خديجة : واخا بنتي الله يرضي عليك...
بمجرد ما وصل للاراضي سويسرية...كان الموووت ديال الكز...ثمنية درجة مئوية وتساقط امطار غزيييرة مع وصلو لقاو الشتاء خيط من السما...تلقات ليهم سيارة الفندق عند باب المطار...دار الشكارة فكتفو وغطا راسو بالقب ديال كبوط واخا داير الطاقية ديال صوف ماكفاهش حيث واخا البررررد والسمرة كملت عليه تا تبوريشة ديال سخانة وتابعتها...الكحبة ماتفرقتش عليه ابدا تا سخسخاتو بالبيان...
علي. : حتى لشومبر ديالك شرب شي حاجة وتكا حتى يقرب الوقت ونفيقك باش تلبس...
زين الدين"كيكحب"
ركبو فالسيارة وانطالق بيهم مباشرة ة امام فندق Warwick Geneva الي بعيد على سونطر ب 350 متر بالضبط ف saint gervais...وهو بالضبط فين غايتقام المؤتمر الطبي..نزل خاشي ايديه فجيابو باغي غير امتر يطلع يرتاح الصداع وطنطين ديال طيارة مع سخانة والكحبة ماتوالمش معاهم خرج من المطار راسو بغا يتفرع عليه وتبوريشة كملت وخلاص سخانة...دخلو لاستقبال عطاو سمياتهم واكدو الحجز خذا كل واحد تكلف ليه حامل الامتعة تا طلعو الفوق تما عطاوهم الكارط باش يحلو ويسدو غرفهم...غير دخل حيد الكبوط بالقااعدة وخا عيان مسخسخ ماكينعوش انه يحط حوايجو بانتظام...طواهم وهو يحل الفاليز اول حاجة لقاها قدامو هي سورفيت كابيشو وسروالها مطويين مع تيشرت فهم انها بغاتو يلبس تيشرت والقبية على قبل البرد..قلبو رفرف وهو كيشوف هاد الدقة فالاهتمام منها لدرجة جبد حوايجو وشمهم حيث فيهم ريحتها وياااا الله شحاال توحشها وتوحش دوك الشنايف لي ولاو مركز الاوطان عندو...الغرفة مطلوق فيها السخونية لبس براحتو ومشا تخشا فالفراش واو حاجة وخا باغي غير ينعس دوز ليها الخط وطبعا غاتجاوبو وخا حس بصوتها مبدل...
زين الدين : مالك ؟
فرح : مماليش علاش ؟"كتحط فالمسمن الي طيبت"
زين الدين : صوتك افرح ماعجبنيش..واقعة شي حاجة ؟
فرح : وصوتك نتا ماعجبنيش من البارح اشنو درتي ليه ؟! وتما البرد ازين الدين بزاف...
زين الدين : فرح انا الي سولت ماشي نتي...
فرح : مابيا والو غير فرحانة حيث جا با وحيث رسلتي ليا صفاء تبقى معايا باش منبقاش وحدي موراك"جاتها البكية توحشاتو وماقدرتش تقولها ليه"تاثرت هههه...
زين الدين"كيحيد الطاقية على شعرو تايدوز عليه ويرجعها..سكت كيسمع صوت انفاسها حس بيهم مخربقين وصوت فيه ذبذبة بالكاد كتفرز..." : ندير عين ميكة ماعليش..فطرتي ؟
فرح"عاودات ليه على ضحى وشنو دارت ليهم" : وهاني كنحط فالمسمن ديال فلفلة وبصلة...
زين الدين : كانغيب على ملتك كايبان هادشي فاش نكون بقاي على جدري زين الديين حرام عليك زين الدين صاافي"بدا يكحب بداك الصوت المدعدع الي غلبت عليه البحة اصلا بزز باش كتسمع شنو كيقول" الله..."مد ايدو لقرعة الما شرب منها"
فرح : دابا بهاد الصوت غادي تعطي الخطاب فالمؤتمر ؟
زين الدين : ماعنديش حل...
فرح"وجهات هضرتها لتوريا" : ختي توريا عافاك دي هذا لطابلة.."شداتو من عندها ورجعات كتهضر مع زين الدين" فالكارطابل ديال الماك ديالك كاينة واحد الدهنة الي كانت كتعطيك خالتي توبا..."توبا ضارت بزربة شافت فيها"
زين الدين : مالها ؟! فرح ماعنديش الخاطر الي يدهن شي عجب...
فرح : ودواكم الاطباء ما عجبش ؟
زين الدين : وشنو ؟
فرح : كتكتر فيكم الهضرة فلاخر كتگولو لينا مكاين ماحسن من دوا العرب وكاين شي وحدين كيوافقهم ومكيرضاوش يگولوها...
زين الدين : سمحي لينا الالة..
فرح : احم..نوض ذهنها...
زين الدين : ماندهنهاش ليك الفرحة ديالي ؟!
فرح"على نيتها" : اشنو هي ؟
زين الدين"عينيه بداو يتسدو بالسخانة ولا كيدخل ويخرج فالهضرة.." : فرح من بعد ونهضر مع كبيدتي..."ماحسش كاع امتى مشاا وخلاها كتهضر حتى قطعات"...
تحط الفطور الشهي على ايدين فرح البنت الصبورة رغم المحن والضروف..البنت الي خلات توبا ماتفهم فيها والو...من داك الوقت لدابا وصدر توبا شاعلة فيه العافية ديك القمعة الي هي اعتابراتها قمعة خلاتها واحلة ليها فالحلق...
مراد"مد ايدو ل بابيي باش مسح ايديه كيهضر ويتذق فالبنة" : الله ايلا هاد طرح ديال مسمن لا عمرو يتنسى..
ضحى : كتحس بيه فحال عامر بالحوت على كفتة وهو مافيهش هادشي..بنين والله...
فرح : ههه "كتحك فراسها بخجل" بصحتكم..
مراد"ناض وقف" : يلاه ساعة سعيدة نتشاوفو فالعشية ان شاء الله.."شاف ففرح" ختي فرح بلا ماديري العشا رتاحي غانجيب معايا الحوت من برا طايب..
توبا : تعشاو بالحوت ؟ مالكم هبلتو..ديرو غير حسوة خفيفة ولا ديسير...
مراد"اكد ليها بعينيه" : الواليدة تا الحوت مزيان..انا بغيت نعرض عليهم فالدار فرح ماتقدرش تخرج واصلا راجلها ماكاينش وكاين با المحجوب منورنا وختي صفاء تاهي هذا الى ماحتيت ليكم على سيمو تاهو...
فرح : الله...
المحجوب : ضربتي ليها فالعرق اولدي هههه...
مراد : وعليه يلاه تهلاو دعيو معانا بالتيسيير..."مشى مراد لخدمتو وبقاو هما تا كملو على خاطرهم وهي تجي توريا بدات تهز فالماعن...فهاد اللحظة ناضت توبا وخلاتهم جالسين كيهضرو وفرح مخشية حدا جدها كتهضر وضحى جالسة وكتشوف فيهم عينيها غرغرو وهي كتشوف الاهتمام ديال الجد لحفيدتو...وهي تشوف فيها فرح"
فرح : ضخى ياكما بغيتي طلعي الفوق ؟!
ضحى : احم بغيت نمشي ل "نطقات بشفايفها دون صوت" لطواليط...
فرح"وقفات ومشات عاونتها حتى وقفت وداتها غير بشوي حتى داتها لفوق دخلتها لبيت ومشات معاها تال دوش... ورجعات فرح جبدات لاتخوس باش دير ليها سوان وجبدات من الماريو سورفيت دافية ليها...وجلسات تسناها حتى تحل الباب وهي تدخل توبا كتطوي فكمايمها بالشمار الي جبداتو ودارتو ل كمايم القفطان البيتي...
توبا : ضحى فالطواليط ؟
فرح : اه دخلات تبدل غير تخرج غاندير ليها سوان وتبدل حوايجها...
توبا : بلا منعذبوك ابنتي انا غانتكلف بيها غير سيري شوفي جدك ماتخليهش وحدو حشومة بنتي...
فرح"صرطات ريقها من الاحراج تا دمعو عينيها ووجهها تبدل فيه اللون...وهي توقف حركت ليها راسها حطات لاتخوس من ايدها وخرجات من البيت...مشات لبيتها نيشان طلات على صفاء لقاتها مغوبية وتشخر...دازت نيسان لدوش جلست فيه شي ساعة لاروب وهي فيه حتى خرجت وهي تلقى صفاء جالسة فجنب ناموسية عينيها مبوقين بالنعاس وشعرها مطلع ريزويات دياال جميع الدول..." : فقتي ؟!
صفاء : فقت اويلي كاع هذا طواليط ؟ كنتي كدوشي ؟!
فرح : لا غير بدلت وغسلت...
صفاء : اش غسلتي ؟ كاع هذا غسيل اصاحبتي ساعة وانا كنتسنى ماخرجتي ماجاوبتي كندق نقوليك واش معطلة مكتجاوبينيش !! خلعتيني حق الله شوي وكنت نعيط لشي حد يفرع عليك الباب...
فرح"حنحنت وصرطت ريقها" : لا غير مسمعتكش..
صفاء"مشات ضاربة فيها" : تانتوگض ونشوفو مالك...ناري غا حشمت اما باقي فيا النعاس...راجلك كيخدمنا بزاف ةيجيبنا نريحك.."دخلت لدوش كتبرگم"
فرح : انا لتحت نوجد ليك الفطور..."سمعاتها قالت واخا وهي تمشي..نزلات لتحت لقات خديجة كتفور فكسكسو وريحة اللحم عاطية منو..تبسمات ليها ومشات لبراد بغات تسخنو حتى لقاتو مغسول" مابقاش اتاي !؟
خديجة : خواتو توريا قالت ليها ختي توبا خويه..
فرح : وانا خليتو عامر لصفاء اشنو غاتفطر...
خديجة"ساست كسكسو من ايديها وبغات تمسحهم بزيف" : انا نعمرو لبنتي الله اودي...والله ماكنت عارفة كاينة بنيتي صفاء نوجد ليها فطورها هو لول عاد نرد الغذا...علاه دوزات معايا قليل هي وللا فاطنة ونجية...
فرح : لا لا غير كملي انا نديرو ليها...ماشي مشكيل امي خديجة فحال الى صايبتيه ليها.."مشات ردات لبويواغ يسخن الما وجبدات براد صغير شوي يلاه يكفي صفاء صايبت ليها اتاي بالنعناع والفطور..حطات البراد فالصينية فيها زوج كيسان..وعيطات لتوريا تبعات ليها الفطور ومشاو لصالون حدا المحجوب الي كان هاز تيليفونو كيقرا ويتفرج فالاخبار...حطات الفطور وجلسات حداه مابقاتش عتبت جيهة الكوزينة خلات توبا الي مكلفة...حتى هبطات صفاء دخلات الكوزينة تسلم على خديجة وسلمات على توبا"
صفاء : مي خديجة ليك وحشة...
خديجة"سلمت عليها" : وكون تشوفي انا عاد سولت عليك فرح..راها دات ليك فطورك لصالون..
صفاء"ضارت عند توبا" : خالتي نتي هي عمة خويا زين الدين"حركات توبا راسها كتشوف فيها" زوينة بزاف وهماوية تبارك الله...
توبا"تزادو فيها جوج حجرات" : ربي يخليك ابنتي..من ذوقك الله يرضي عليك..
صفاء : ماتگوليش كنصبغ فيك...باينة فيك اخالتي راقية حتى فهضرتك وشوفاتك تبارك الله...
توبا"ضحكت" : ههه ياك بعدا...
صفاء : حمقتيني على مزويناتك عينيك خضرين واخا كيقولو الي عينيهم خضرين مسمومين الله يستر ولكن هادوك غير المحسادين..ها زين الدين تبارك الله عينيه خضرين وولد الخير ودار الكبيرة يعني غا كذوب هههه... ملي نتي عمتو اكيد ماجايبش هادشي من فراغ..
خديجة : دار البغدادي دار الجود والكرم وزين الدين العين والقلب الكبير...
صفاء : ورا زين الدييين هذاك..فخامة الاسم تكفي"تبسمات لتوبا" تشرفت بمعرفتك اخالتي...
وصلات الخمسة ديال العشية...تيليفونو ماحبسش من الاتصال يطفى ويعاود يشعل مخدة تحت راسو ووحدة معنقها وثانية بين رجليه...حتى تحلو عينيه حمريييييين ومعسلييين..بقى كيشوف وكيسمع فصوت التيليفون حتى حول الشوفة ليه وهو يمد ايدو وجاوب والعرق نازل منو شلااال...
زين الدين : نعاام...
علي.: خمرتي ابا زين الدين...شوية دابا ؟
زين الدين"كيمسح العرق من نواضرو وجبهتو ونطق بصوتو المبحوح" : الحمد لله على كل حال...
هضر معاه شوية وتافقو شنو يديرو وقطع..بقى شوية ففراشو وهو ينوض نيشان لدوش تخشى تحت رشاشة دااافية ماسخوناش باش مترفعش ليه درجة الحرارة تاني عضامو مدگدكيين وخاصو يكابر ويعض فالنفس باش يدوز خدمتو...دوش وخرج لابس بينوارو الي لقاها حاطاه ليه ديالو وفوطة جميعها كيجيب ضحك دارت ليه فحال دراري صغار...تسمع دقان فالباب..مشى حلو لقى روم سيرفيس مدخلين ليه الماكلة الغذا واخا معطل حيث بقى ناعس كاع داك الوقت...وجايبين ليه البدلة ديالو شدها من عندو وطلب منو يتسنى مشا جبد من حيب الكبوط ورقة نقدية € بقشيش ليه شكرو ومشى سد الباب ودخل اول حاجة دهن من ديك البومادا لصدرو لا تسول عليها فرح ثاني حيث لقاها راسلة ليه خمسطاش لميساج فيه دير دهن البومادا..اللهم يدهن ولا تفرع ليه راسو تاني هههه..رسل ليها ميساج سول فيها وحط تيليفون حتى لبس البدلة الي كانت عبارة عن طقم اسود فاسود بالگرافاط گري...دار البروش سامبل الخاص بالكرافاط ديال ذهب فيه توقيع ديال تصميم ديالو...رخفها شوي باش متخنقوش حيث معندوش معاها جلس جنب ناموسية تا لبس تقاشرو فالاسود ولبس صباط بالسيور لامع...و جبد من فاليز مونطو گري تروا كار حطو حداه جبد نضاضر شوف لبسهم ...ومشى مشط شعرو رجعو لور مع طوال شوي حيث رطب عندو وكثيف...فيكساه بجيل...وجلس..تقابل مع طابلة سما الله شرب قهوته لقاها سخوونة...وفنفس الوقت دوز الخط نيشان لمكالمة فيديو ليها...شي دقيقة عاد جاوبت وحناكها مزنگييين دايرة ايديها عليهم وكتشوف...
زين الدين : الفرحة ديال راجلها...
فرح"قلبها كيزدح وهي كتشوف فيه بدوك نضارات الي زادوه وقار والطقم الي جاه يهبل اول مرة تشوفو بالكرافاط..كيياكل ويشرب فالقهوة" : كيف وليتي شوية ؟
زين الدين : بقيت وحدي بلا الحنينة ديالي تقابلني ..
فرح"بحزن" : ماكرهتش والله...
زين الدين : المرة جايا ان شاء الله ..
فرح : معاش عندك ؟
زين الدين"هز معصم ايدو ليمنى فين كيدير ساعة وشاف" : مزال شي ساعة ان شاء الله...
فرح : عنداك تعطل...
زين الدين"شرب من قهوته وبقى ساكت كيتمذق فيها عاد سرطها ونطق" : غير هنا ف لاصال لتحت.."حط الكاس وشاف فيها بتركيز وهو يصغر عينيه" عينيك حمرين ؟!
فرح"تگعدت ومسحت عليهم" : لا غير كنت فالجردة انا وصفاء كنهضرو...وكان البرد انا وياها دخلنا عينينا حمرين...
زين الدين : شنو لبستي عاد خرجتي ؟
فرح : كاب سخون...مطولناش جانا البرد ودخلنا...
زين الدين"طلعت ليه نوتيف بالي علي كيتاصل" : فرح ردي ليا البال لراسك نسالي ونهضر معاك تفاهمنا ؟
فرح : واخا..الى بغيت نشوف المؤتمر مكاينش فين ؟!
زين الدين : دابا نهضر معاك فيديو ونخلي تيليفوني عند الحاج وتفرجي..مكاينش فين تشوفيه..الولد الي مقابل ليا هادشي فسوشل ميديا عيان عفيتو هاد المرة..
فرح : صافي واخا...
زين الدين"غمزها وقطع..ناض جبد ساشية من دوا خلطها وشربها هز كارطابل ديالو وتيليفون لوازم الي غايحتاج لبس مونطو فوق الطقم وخرج من شومبر نزل لتحت لقى علي كيهضر مع شي حد سلم عليه وتوجهو كاملين لمؤتمر عند الباب دازو من سكانير وعطاو ليزانفيت ديالهم الي كيعرفو جا يسلم عليه والي مكيعرفوش عرفوه عليهم...دخلو جلس كل واحد فالمقعد ديالو..تفتحت الشاشة العملاقة الوسط وبان عنوان المؤتمر...Icrammhs
Abréviation de : internationale conférence on recent advances in medical, medecine and health sciences
تفتاتح المؤتمر بفيديو عن ملخص العنوان...كل فئة بانت وكل حاالات بانت...بداو كل واحد كينوض يعطي الخطاب والحالات الي توصل ليهم ودازو على ايديه...
زين الدين"رسل لفرح ميساج فالواتس" : الفرحة ديالي..الحاج الي غايهضر معاك من نمرتو ماعليش جاوبيه...مانصيبش نعطيه تيليفوني"حيث غاطلع ليه تيشتشونا وهو مكيبغيش يشوفو بشنو مسميها حيث حاجة خاصة بيه وديالو..وكيعتابرها حرمة ديالو..تسناها حتى قالت ليه اوكي وهو يدير تيليفون فجيبو وعطى لعلي نمرتها سجلها عندو ورسليها نمرتو باش تسجلها الى صونا تجاوبو...حلقو باقي مبحوح وكيتسنى ينطقو سميتو باش يعطيوه الكلمة ديالو...كانت فالصالون مع صفاء عندهم الوقت باقي على فين كاين زين الدين...حسب فارق التوقيت بين سويسرا والمغرب..حتى وقف جدها الي كان كيهضر فالتيليفون...
المحجوب : بنتي هاني خارج شوية لمدينة...
فرح : فين غادي ؟
المحجوب : على برا جا ولد الحاج الحسين غايديني عندو لمحلات تما عارض عليا تايدوي المغرب ويجيبني مراد ان شاء الله...
صفاء : هايهاي على با المحجوب دار المعرفة هنا هنهن
المحجوب : واشنو هههه..
فرح : واخا صافي..."مشى خرج وهي صونا تيليفونها لقاتو بغا يطفى وهي تنوض" انا غانطلع نشارجيه تمشي معايا تفرجي معايا تما ؟!
صفاء"ناضت تا خلعتها" : نوض نشوف عريض الكتاف حبي كيغايدير يهضر وينطق بالانجيزية..شحاال مشهية نشوفو كيهضر بيها ماشهيتك"وقفت لقاتها كتشوف فيها" فرح صلي عالنبي نتي ختي وهو حبي..واااع نتي راجلي وهو ختي..فرح سيري فحالك مابغيت نشوفوش...
حل الباب ديال الدار ودخل لقى غير عبد العالي وفوزي فقط جالسين مجمعين على صينية اتاي والكوتي..
عصام : سلام عليكم...
ع.العالي : تا فين غاطس اصحبي خلعتينا عليك !!
عصام : لاش نخلعك باش غانفيدك فحياتك...
ع.العالي : ومالك رخيص علينا ولا كيفاش...
عصام : كي والو اخالي كي والو...
فوزي : لا بصح اخويا الى سولنا عليك والبارح ماقدرناش حيث ولفنا تخرج وملي مكتجاوبش كنحبسو تعياط...هاد المرة قلقتينا وغا سمح ليا غانعيط ونعاود ونقلب عليك ماباقيش غانخلي تاتعيط كي ولفتينا...
عصام : اشنو تبدل ؟
فوزي"عينيها مغرغرين" : كنا"صرط ريقو" كنا مجموعين اخويا..كنتي الى تعصبتي كتخرج تبرد وكتجي بزز حيث مخلي مسؤولية وراك مخلي خوتك الي خايف عليهم وخايفين عليك وساكتين حيث عارفينك غاترجع لانك معندك لمن تخليهم...دابا اخويا ناقصين جوج فرودة(فردين)..ناقصة ختي وناقص المهيم الي هو نتا..ناقصنا عصام خويا الحنين فينا بونا والكبير ديالنا الي نبكيو يمسح لينا دموعنا نغوتو يسكتنا والي ضرنا يتقب لمو عينيه...عصام الى غاتعصب غا تعصب الى غاتعربط وتغوت وتهرس"كحز طابلة" هاهي قلبها ودگدگ برد غدايدك وماتسكتش..الي عجبك ديرو ضربني صرفقني والله مانهضر..شكون انا الي نهضر فوجه بويا !!؟
عبد العالي حدر راسو خلاه يهضر عجبو الحال فاش قال هاكا..اما عصام بقى كيسمع ليه عاقد حجبانو خلاه تا كمل وهو يدور ومشى لبيتو بدون اااااي كلمة منو...دخل وسد البيت خلا فوزي كينهج وع.العالي كيشوف....
طلعات الفوق خلات صفاء كتهضر فالتيليفون مع امها وخوها فالجردة...ومشات دارت تيليفون يتشارجا تفكرات ضحى باش تقوليها تجي وهي تخرج بغات تمشي عندها تا وقفتها توبا...
توبا : بغيتي شي حاجة ؟
فرح : بغيت ضحى تفرج معانا فزين الدين فالمؤتمر !
توبا"تبسمت" : ههه وهي كانت ديما كتحضر ليه شحاال من مرة مخافيش عليها طلع ليها داكشي فراسها..وزايدون غير عفيها بنتي راكي عارفة مابغيتهاش تحتك بشي حد فهاد الفترة دابا...
فرح : انا معارفة والو اخالتي انا عارفة غير مريضة ومابغيتهاش تقنط تفوج باش تبرا دغيا...
توبا"بقات مربعة ايديها وكتشوف فيها شحااال وهي تنطق" : علاش سولتك صباح ونخلتيني بديك طريقة ابنتي ؟ حشومة هاديك الطريقة مع كامل احترامي ليك را عيب....غير حيث كنعرف خوك عصام ماشي من النوع الي يخليك وميجيش يشوفك ومتهضريش عليه وهو على ماكنعرف هو الي مربيك..سؤالي مافيه تا عيب ابنتي...
فرح : مال ضحى اخالتي ؟!علاش فتحات وتهرسات !؟
توبا : زعما ماعارفاش ؟
فرح : لا ومابغيتش نعرف حيث ماشي سوقي.."حدرت عينيها وتخطاتها ومشات البيت تا سمعت توبا الساقطة كتسد فيها...خلاتها بلاكة محرووووووقة فحم..."
جلس جنب السرير ديالو وجبد التيليفون كيقلب فالميساجات منهم ميساج صفاء ليه كتسول فيه وعلى احوالو كيف عادتها وخا عطاتو الشرط مافرطاتش فيه وتاهو كيسول ويهضرو مزيانة يتعرفو على بعضياتهم وفنفس الوقت مايحسش بالي بغات تصدرو...كل مكيمر الوقت كيحس بقيمة صفاء وانه كان مضيع واحد الجوهرة ثمييييينة...بنت عارفة مشاكيلهم كبرات معاهم وعاشتها...باغيا خوتو وختهم قبل مايفكر فيها ك انثى لزواج...يعني مامضطرش يخليها تبغيهم عاد يتزوج بيها هادشي فطرة كبرات فيها اتجاههم...والاهم انها مارفضاتوش وخا معارفش ان عصام اول واخر حب فحياتها كبر معاها يعني ماجاسش بقيمتو عندها قداش...وهادشي خلاه مرتاح فاش طلب زواج منها زواج الي طلبو وهو حاس براحة ماشي فحال الخطبة اللولة مع لمياء...ماجاوبش صفاء على ميساجها قراه وخلاه وبقى هبط كيقرا الميساجات من فوق شي ليه شهر ماشافو شي ماعمرو فتحو بقا هابط عينيه فتيليفون وعقلو ساااارح...بقى هابط الي حتى وصل لاقدم تاريخ واقدم محادثة طفات عليها الوقت وغبراااااات ماشعرش براسو حتى دخل لنمرتها الي باقي تيلفون الي فيه عندو فالماريو حتى نساااه...تاريخ الضهور من داك النهار الي كانت فيه اول صفعة ليه على حنكها...واخر ميساج هو...
فرح : عصاام را وجدت العشا ماتعطلش..
...طلع الفوق الميساجات ثاني حتى وصل لميساج فاش كان مريض...
فرح. : كي بقيتي!؟ الى ساليتي صوني ليا وماتنساش الدوا راك كتنساه اعصام عافاك...انا غانمشي لخدمة ماتخليش بالي معاك..
عينيه توقفو على داك الميساج تفيكساو مابقاوش كيرمشو..كيمشي ويجي وهو جالس..حتى تطفى التيليفون وهو باقي مفيكسي...شوي حتى بدا ينهج ينهج ينهج...
فرح"جلسات فوق الناموسية فالطرف جامعة فمها وجالسة تيليفون حداها كيتشارجا..حتى بدا يصوني بنمرة علي وهي كتشوف حتى بدات تمشي وتجي بضهرها وعينيها فنقطة بعيييدة كيصغارو ويكبارو فحال الى مركزة مع شي حاجة...كتفكر وصافي...
فرح : همممم مممم"هزات عينيها لفوق ونطقات بصوت منخفض"
واحد شوي تا كمشت عينيها وهي تحط ايدها على جنبها حسات بالمااااس كيحسكو فيها تما..وهي طلق صرخة مدوية تا نزلو دمووعها...صرختها ماتسمعااتش لان البيت ديال زين الدين حيوطو مكيسمعوش...
فرح : اااااعععععععععععععع.."صرختها كانت تصمك الوذنين عكس صرختو هو الي كانت تفيق الميت من قبرو...شد نفس الجنب ونفس الغوتة غير الفرق فرح ماسمعها حد وهو ماعقلش تا حل فوزي الباب وتبعو عبد العالي"...
زين الدين"يلاه بدا كيهضر شفويا بدون ورقة بغا يهز الكاس يشرب تفلت ليه من ايدو وطاح فلارض شقاااف"...
"ارحمو قلوبا تتالم ولا تتكلم.."
شدات جنبها وصراخها كان مالي انحاء البيت..مع الاسف مكاينش الي غايسمعها كون جميع البيوت فاش كتسد كيتعزلو الاصوات فيها...فهاد اللحظة كانت صفاء كتهضر مكالمة جماعية مع الام ديالها وخوها امين نسات راسها. وبقات غاديا فجردة...
صفاء"بغات تهضر وهي تسمع فحال الغوات تا ضارت تقلب بحكم كانت لتحت والبالكون ديال البيت الي فيه فرح قريبة ليه..هزات راسها كتسمع داك الغوات بعيييد" : ياربي سلامة اش هادشي ؟
قطعات معاهم ورجعات دخلات لدار فطريقها تلاقات بتوبا جايا...تبسمات ليها والاخيرة مرداتش الابتسامة فقط حركت راسها وضارت مشات...دخلت لكوزينة...
صفاء"لقات خديجة كتلبس فجلابتها هي وتوريا خارجين" : صافي خالتي غاديين ؟؟
خديجة : وايه ابنتي هادي الوقيتة...
"تسالمت معاهم صفاء ومشاو خرجو...لقات راسها معطلة وهي تبدا تزرب حلات الثلاجة باش تجبد قرعة الما وخرجات من الكوزينة ماراداش البال وماشافتش هي كاع جيهة فين كانت جالسة توبا من بعيد وحادرة راسها كتخمم فالهضرة الي ضارت بينها وبين فرح...طلعات البيت بغات تحل الباب حتى لقاتو مسدود..."
صفاء : اويلي مالها سادة البيت ؟"دقات" فرح حلي الباب...وااا فرح تي حلي الباب تي مالك باغا تنفاردي غا نتي وراجلك..تي حلي خليني نسقي عويناتي فالزين الي فالمؤتمر اما زينك را باغيك غا نتي...وااااا لحيمة فدجين...وياااربي.."هزات تيليفون وصنات ليها زعما قالت تقطع عليها الابيل باش تحل" وتي حلي را غا تنبسط معاك كاع هادي غيرة ؟
توبا"كانت طالعة تا لقاتها كدق برد ليها الما فالركابي" : اش واقع !؟
صفاء"ضارت عندها" : سدت الباب المغيارة ههههه"على نيتها"
توبا : علاش تسدو..و...
واحد شوي حتى تسمع صوت الباب كيتحل بساروت وتوقف..طلات توبا بغات تشوف واش تخرج ماتحلش هنا صفاء حلاتو وقبل ماتشرع الباب ضارت عند توبا تبسمات ليها وهي تردها ليها ومشات لجيهة بيتها اما صفاء حلات الباب ودخلات...
صفاء "خلات كتكركر عليها" : ياتي كاع هادي غيرة هههههه تي"وقفت وهي تجمع ضحكة ملي لقاتها غاديا وبشوية فحال الى شي وحدة سوطها شي حد ودگدكها..وعينيها منفوخين بالبكا" فرح !!!"حطات القرعة ومشات لعندها بزربة" اويلي مالك ؟
فرح"بصوت يطيح الضيم" : ماماليش اصفاء خليني عليك بلا متسوليني عافاك...
صفاء"بغات تهضر وهو يصوني تيليفون فرح من جديد" : وا لكن...
فرح"مشات كتزرب هزاتو وجاوبت لكن قلبات الكاميرا باش ميبانش وجهها وهو يتسمع صوت علي"
علي : على سلامة ابنتي...را قرب يسالي..
فرح : ها هاني كنشوف مسمعتوش داكشي باش..
صفاء"شافت فيها ممثيقاش علاش كذبت..اذن كاينة شي حاجة واصلا باقي ممستوعباش الحالة الي لقات فيها فرح دابا.."
"قلب ليها الكاميرا جيهة زين الدين من بعد ما جا احد العاملين القائمين على تنضيم المؤتمر..جمعو داك الكاس بزربة وطارو من حداه وهو ينطق...معتذر عن التاخير الي وقع بسبب سقوط الكاس ديال الماء...حنحن منضف حلقو حتى عاودو حطو ليه الما من جديد هزو بكل ثقة وشرب منو باش يرطب صوته..وهو ينطق ومع ديك البحة وصوته الخشن حاول يزيد فصوته اكثر..فرح حسات بصفاء باقي واقفة وهي دور عندها"
فرح : اجي حدايا تفرجي...
صفاء"قلقها وجه فرح وحالتها فشكل كتبان عياااانة بزاف فضرف عشرة دقايق لقاتها فمود وحالة اخرى..ماتوگضت تا شافتها كتعاود تقوليها اجي عاد مشات وجلست حداها وبالرغم من ذلك قلب صفاء ماهانيش من جيهة فرح...حولات عينيها وهي تشوف زين الدين كيفاش كيهضر.." كيهضر بطلاقة وكيدور جيهة الشاشة العملاقة كيعرض فالحالات الي دازو عندو وكيعطيهم نسب النجاح الي وصل ليها معاهم...وبعض الاعراض الي كانت مصاحبة لهاد الحالة وكيفاش عالجهم...واخيرا داز العرض ديال المصحة ديالو وشحال النسبة ديال نجاح الحالات فيها لحد الساعة من نهار حلت..."
زين الدين"عينيه على الشاشة العملاقة هاز حاجب ومهبط لاخور..حتى كمل الفيديو..وقدم كلمة شكر حتى بدا الحضور كاامل كيصفق..حرك ليهم راسو بشكر وامتنان حتى جا عندو واحد البروفيسور سلم عليه وسلم على واحد اخور..حرك راسو ونزل مع الدروج كيحرك فديك الكرافاط الي خنقاتو...غير جلس حدا علي وهي تقطع فرح"..
صفاء"ضارت عندها" : اويلي علاش قطعتي..
فرح"رسلات ليه ميساج فتيليفونو" : را تفرجت فيك..انا غاندخل لطواليط حتى نخرج وتكملو وهضر معايا"رسلات هادشي قدام صفاء وحطات تيليفون يتشارجا...خلات صفاء كتلاقي الخيوط باش تفهم مافهمت فيها تا لعبة"
صفاء : الله مافهمت مالك افرح اش واقع ليك ؟
فرح : ماااااماااليش...غير فترة كتجي وكانبكي وصافي ماماليش اصفاء ماتبقايش تحكري عليا فالسؤال بزاف...صافي رحموني ماتبقااااوش تسولوني ماااتبقاااااوش تسولونييي.."كتهضر وكتنهج وهنا صفاء خلعتها نساااات راسها ان فرح مزال فحالة خاصها الخاطر ولا قلبها بغا يسكت تا ندمت لاش سولت"
صفاء : صافي صافي واخا هاني نسكت غا قلت ياكما رحعت ليك ضرثة ثاني...وعلاش قطعتي اصاحبتي خلينا غانتفرجو فالخطاب كيلقي زين الدين ..تانا زين الدين كيلقي الخطاب..
فرح"جهدات صوتها" : واااا سالا ساااااالا صافي وااه"هزت ايديها وخبطتهم فالخوا..وناضت"
صفاء : صافي سالا نسيت..صافي..فين غاديا ؟
فرح"ماجاوبتهاش مشات ديريك لدوش ودخلات خلاتها جالسة والخلعة ركبتها خايفة تنكس حالة فرح ومكاين تالي يعاونها زين الدين غايب الي يعرف ليها وحتى جدها مزال ماجا.."
بقى شاد جنبو حتى غوت ديك الغوتة خلاتهم يجيو يجريو لعندو مافهمو مالو قتلهم بالخلعة خصوصا فوزي الي ما شعرش تالقى راسو نقز لعندو...
فوزي : عصام مالك ؟؟"عينيه خرجو فاش شافو شاد جنبو" واش ضاراك شي حاجة خويا مالك ؟!
ع.العالي : عصام توگض معانا هادشي فين وصلتي راسك ؟
فوزي"غوت تا بغى يجذب" : وماااالك اعصام ماتخرجش ليا عقلي يرحم بااااك...
عصام"كينهج وعينيه خارجين التيليفون فايديه طافي مكنزز عليه.."
ع.العالي : واش ضاراك شي حاجة نديوك لسبيطار ؟!
فوزي : نوض نديك لكلينيك اعصام گولينا مالك راك فربلتيني اخويا عار الله ايما گوليا مالك.."ناض وقف وبغا يعاونو يوقف من باطو" نوض اخويا نمشيو لكلينيك ...
عصام"كيحرك فيه وهو على نفس الوضعية حتى غمض عينيه شي دقيقة وهو مغمضهم والعرق نازل ليه من نواضرو وجبهتو تا حلهم وهزهم ف فوزي ونطق وصوته مبحوح" : ماعندي فين غادي...
فوزي : وگولينا مالك اش وقع علاش غوتي ؟! بلا ماتخنزر فيا تما ماتفقصش عدو ربي كل مرة نسولك نسولك تسد علينا بخليوني والغواااات الغواااات ؟ الى فيها صحتك غا شخشخ ملت مها هاد الدار...مابقات ساوية لا هي لا حياتي فيها..بغيتي تقتلني غا قتل...
عصام"عقد حجبانو كيسمع ليه باش يجاوبو سوفل عياان..مزال شاد داك الجنب الي ماعرفش مالو عطاه ديك النخصة والحسكة تا خلاه يغوت بلا ميشعر...اش وقع ليه هو براسو مزال كيستوعب شنو طرا ليه ومزال تاثير صداع داك الجنب باقي تما..."
ع.العالي : سير افوزي جيب كاس ديال الما يشرب عاد نشوفو اش واقع سير...سير افوزي كون تسمع...
خرج من البيت ديريكت لكوزينة كيزرب عمر كاس ديال الما لقاه قدامو وصافي ورجع لبيت..وقف كيشوف فعصام وع.العالي الي جلس مقابل ليه فسرير فوزي...جلس عند رجليه ومد ليه الكاس وعينيه كلهم خوف على خوه قتلو بالخلعة ومزال قاتلو بغا يسالي معاه..وجه عصام تبدل بزاااااف فهاد الايام الاخيرة...مابقاش عصام الي كنعرفو جبل مايهزو ريح..مابقاش الشخص الي ماكيعقلش على شي حد كيما كان والي يفكر يقرب لخوتو لگاها مع عصام...مابقاش عصام على قولة فوزي غير دخل لدرب الفلاني سول على عصام شماكرية يقفقفو فايااام عصااام لولة...فرح مايقرب ليها حد فديك الجيهة..كلشي كيعرفها ببنت عصام ختو الي مربي ملي عندها شهرين...عصام الصنديد الرجل بمية راجل..عصام الي غير يدور ساروت فساقطة ديال الباب...
فوزي : كنعرفوه عصام الي داخل...كنجريو نجمعو لا كان شي عجب درناه نمحيو ليه الاثر...
ع.العالي : عصام الي عينيه يدمعو الى سمع فرح بانت عليها شي حاجة...عشت معاك غير فترة شهر فاش كانت ختك موضرة..عرفت المعنى ديال معزتها عندك الي انا ودهشرني الي ماعشت معاكم من ايام زادت مك...
فوزي : نجبد ليها حناكها ناكل سلخة ديال الكلاب من عندك...
عصام الي كان حالف فعرسها يدير ليها بنية شادة من راس الدرب تال اخر الدرب...والي عض فيها بسنانو هي وفوزي وكمش فيهم بايديه فرط فراسو قرايتو صحتو...سكر تحشش نعس تحت الحيوط هز صنادق باع فلسواق باش متخصهم تاحاجة ويقراو وياكلو ويشربو ويدفاااو...عصام الي هز فخاطرو من نهار تحطت فرح فحجرو بين ايديه لحيمة حمرة...
فوزي"قبط ليه ايدو" : هضر اخويا وماتخلعنيش عليك را والله منفوتوك اخويا واااا بالرب مكاين الي يفرط فيك..مابغيتش نكبرك ولكن راك بويا ماشي خويا..نتا علامن كنحطو الراس نرتاحو ونتا الي كنعولو عليه يهز همنا...خلينا نهزو همك تانتا را ماشي عيب اعصام والله ماعيب بغيتي تغوت غوت بغيتي تسلخ ملتي سلخني بالفرحات عليا زوق ليا لحمي ولا طرشني نتا كاع تصرفقني وماتخلي الي يصرفقني"بغا يهضر عصام وهو يسكتو" عااارف معلمني منخليش الي يهز فيا العين فماا بالك يحط عليا ايدو...معلمني ماتخافش عليا راجل من ضهر راجل الي هو نتا اعصام..."هز ليه ايدو وباسها وعاود"حتى حدر عصام عينيه ودور وجهو"
ع.العالي"تنهد مالقى ميقول"
فوزي : واش كيضرك جنبك نمشي معاك الكلينيك على حساب بالرب الجليل ماتحط ريال...
عصام"ضار مخنزر فيه" : مالي مخصوص !!
فوزي : مامخصوص من والو الى على حسابي حيث واجب عليا "هز ايدو وضرب قرفادتو بجهد" واجب عليا ومفروض عليا نكسيك ندوز ليك نشري ليك دوا الاحتياجات ديالك واجب عليا..ماشي خير مني...نهار هزيتينا وربيتينا خير منك ؟
عصام"كيسمع ليه ويكمش حجبانو باقي عاطيه شوية صداع ماشب بزاف"
فوزي : حيث خوتك ولادك حنا...قربتي لربعين عام ماشي معنيتها راك شرفتي قربتي لربعين...خاصك توگض وتجمع شملنا باش تجيب المراة مرت خونا...ختي الي غاتجيب ولاد خويا ونسمع كلمة عمي فوزي...ولختي يسمعو عميتو فرح...
ع.العالي : ههههه وشتي فين وصلنا..
عصام"هز تنهيدة وطلقها مغمض عينيه تا بانو قطيرات دموع فجنب عينيه الي تكمش بتغوبيش وتجعد...عينيه الحرشيييين الي كانت نضرتهم نارية..وهو كيتفكر وفنفس الوقت كيسمع لكلام فوزي...مرورا لعقلو الي رجعو لذكرايات قديمة كانت بطلتها فرح هاد المرة.."
فوزي"ناض وباس ليه راسو وعاود وعاود" : الله لا يحرمنا منك ومن دخلتك علينا وغواتك وتشخشيخك لماعن نتا هرس وانا نجيب تا تبرد غدايدك..."هز كاس الما ومدو ليه..شدو من عندو شرب منو شوي وشدو بين ايديه..." شوية دابا !؟
عصام"حرك راسو بوتيرة بطيييئة...عاود باس ليه راسو وجلس حداه هو وخالو كيشوفو فيه هاز الكية واعراضها بداو يبانو"
جبد التيليفون من جيبو شعلو ومشى ديريكت لواتساب قرا ميساج دياالها...كيف قراه تعقدو حجبانو..عض شنايفو وهو يطفي التيليفون خشاه فجيبو وناض علي تاهو عطا كلمتو...بقى المؤتمر ازيد من ساعتين وهو خدام...
علي"داير تاهو نظاظر الشوف..مركز مع المؤتمر وهو يدور جيهة زين الدين لقاه عاقد غوباشتو ماعجبو حال" : واقعة شي حاجة !؟
زين الدين"حك شنايفو بسنانو..نطق وعينيه على الشاشة" : طول هادشي...محتاج نخرج برا شوي...
علي : تيسر الي كان نعلمك بيه بينما جيتي...
حرك راسو..حل صدافي الفيستة وناض كيقاد فكمايمو وخرج من تما حس بالخنقة شي حاجة كابسة ليه على نفسو...خرج من القاعة ومن لوطيل نفسو حتى وقف قدام الباب ضرب فيه البرد وهواء الشتا وهو يسوووط النفس ودار ايديه على نصو ماكرهش يحيد ديك الكرافاط ويسالي هادشي ويرجع...لاول مرة كيوقع ليه فحال هادشي...نفسو دياقت وقلبو كيضرب بجهد وخاطرو ماهانيش...جبد باكية الكارو من جيبو هز منها سبجارة جبد تيليفون وبلا مايتسوق نيشان دوز ليها الخط...بقى يصوني يصوني تا قطع وعاود صونا ومتمني تجاوب ماترجعش لعادتها...حتى تطلق الخط وهي تقول الو بصوت عاااااادي جداااا...
فرح : ساليتو دغيا ههههه
زين الدين"هز حاجبو" : مزال... قطعتي فاش ساليت ؟
فرح : اه گلت حتى تجي وتعاود تعيط ليا..
زين الدين : فرح ماعاجبانيش شنو واقع ؟! "خرج عينيه"وياااك تكذبي...
فرح"جاتها البكية مابغياش تقلقو عليها وهو حاس بيها بيها شي حاجة" : مابيا والو...علاش كنگوليك ومكثيقش بيا ؟! خاصني حتى نگوليك بيا شي حاجة نكذب ونقوليك ضاراني شي حاجة باش نتا تيق ؟!
زين الدين"هز حاجبو"
فرح : كون بيا شي حاجة غانعاود ليك...علاش كتبقاو تسولوني مالك مالك اش واقع مالك ؟ نساوني شوية عليكم ماتبقاوش خازين ليا همي بزاف حتى كيولي فوق طاقتكم نتوما وانا نصدق هازا همكم حتى مكنبغي نعاود ليكم...خليني براحتي ازين الدين خليوني بخاطري ماتبقاوش تنبشو...
زين الدين"ساكت كيسمع ليها"
فرح"صوتها بدا يتغير" : انا هنا بيييخير الى مابيخيرش غير حيث نتا مكاينش...الى گلتها ليك غادي تجي ؟
زين الدين : ماصعيباش عليا الى توحشتيني...
فرح : عااارفة ديرها وتفوتها...ولكن انا ماكنبغيش وعمري نبغي ليك المضرة ولا تخلي خدمتي على قبلي حيث بكيت جوج دمعات ولا تقلقت ؟...الى جيتي تبقى دير هادشي غادي تخرج على خدمتك ومستقبلك باش نبقى انا على خاطري...
زين الدين : خاطري ماهانيش عليك..عارف كحل الراس تما ماشي ديال العشرة وتبسمي ليه فوجهو...سمعي هضرتي وذوقيها...حسبيني ماعندي ميدار وجاوبيني..خاطرك مرتاح حتى حد ما قلقك وهرس ليك خاطرك ؟!
فرح : معايا با ومعايا صاحبتي وكاينة انا قادة بيهم...
زين الدين : شكون هما ؟
فرح : الي خايف يهرسو خاطري وخا حتى حد ما هرسو...
زين الدين : صوتك ماشي صوت فرح المرتاحة صوتك صوت فرح الي عياات وبكات وانا مجايب خبار...حتى حاجة ماتخفى عليا عليك..شنو ضر خاطرك ...
فرح : امتى غادي ترجع ؟
زين الدين"عض شنايفو مغمض عينيه بنفاذ صبر..زفر حتى زفر ونطق" : بعد غذا فالصباح بكري عندي الطيارة...شنو نجيب لفرحتي ؟
فرح : زين الدين ...
زين الدين. : الفرحة ديالو...
فرح : هههه لا جيب ليا زين الدين...
زين الدين : وتگدي عليه ؟
فرح"حكت جبهتها...نزلو دموعها يجريييو وخا صوتها عادي...لداخل ديالها كيهضر راسو والخارج ديالها متحكمة فيه" : هههه علاش الي منقدر عليه ؟
زين الدين : هاني غانشوف شنو ديري ملي نرجع لملتك فداك الفراش...
فرح"حست بحناكها نملو وسخنو" : اويلي صافي...
زين الدين : نرجع تشكي عليا شنو فاتني نعول على تشيتشونا ديالي ؟!
فرح"تنهدات ليه فوذنيه وتنهيدتها كي وصلاتو لقلبو كمشاتو ليه." : نعاااود ليك...وتعاود ليا...
زين الدين : راسي مايصيبش يتحط على وساد من غير وسادك.."بدا يكحب تاني البرد كاين والكحبة سخنت عليه"..
فرح : هاد الكحبة قلقتني بزاااف من جيهتك...ماذهنتيش البومادا...
زين الدين"كحب تا كحب ونطق" : ماتهزيش الهم درت شنو وصيتيني بالحرف...تهناي من جيهتي وهناي عليا..."سمع طوط طوط عرف غايكون علي الي كيصوني باش يرجع.." تهلاي ليا فراسك،،نسالي ونهضر معاك..
هزت ايد حطتها على جنبها وكترجع تفكر ديك النخصة الي حست بيها فحال الموت جاتها الماس كيحسكو فيها...لدرجة مافهمت والو...كانت غاتبدا تبكي..حتى تدق الباب وهي تشهق مرجعة البكية ناضت كتحك فعينيها وتنش باش تبان عادية لبسات كاب ديالها وهي تحل الباب...
صفاء"كتفحص ليها وجهها خايفة تسولها وتنفاعل تاني" : نزلي لتحت را جا مراد وجاب معاه سيمو..."مزال مكملتش هضرتها حتى تلاحت عليها فرح عنقتها وزيييرررت عليها"...
فرح : سمحي ليا الى تعصبت عليك...غير تقلقت وصافي..
صفاء"عينيها غرغرو" : والله منتقلق منك عارفة الساعة الله انا غير خلعتيني عليك حيث خليتك كضحكي شوي جيت لقيتك سادة الباب وملي حليتي وجهك مبدل بزاااف فحال الى مريضة...واش عصبك شي حد ؟ ياكما ديك شعشبونة الي لتحت قالت ليك شي حاجة ؟ هضري را مادخلتش ليا لخاطري من شحااال هادي...راني غا باركة ونحشي ليها فالهضرة وهي حساب ليها كلحس ليها الكابة...وعاااو سيحت سيكس عنداك يسمعني شي حد راني تحمست....
وماتكونش صفاء الى ماضحكتش فرح ولا شي حد ههه...رجعات عنقتها وباستها هي مباركة غا ملي فرح ضحكت...سدات باب البيت وهبطو بزوج مشات ديريكت لصالون لقاتو عامر اش منك يا سيمو مقجم مع مراد واش منك يا الحسين مجمع مع المحجوب وضحى الي مفرشة ليها صفاء ومقادة ليها فين تحط رجلها المهرسة وكضحك على مراد وسيمو بلا متشعر وخا تاهي همومها كبييييرة لو ما مفوجين عليها يعلم الله فين كانت غاتوصل نفسيتها...
فرح"بابتسامة ترحيب من القلب مشات سلمات على الحسين باست ليه ايدو" : عمي الحسين نورتينا..
الحسين"رد ليها الابتسامة" : نور بيك ابنتي الله يرضي عليك..افين وصل زين الدين لهيه ؟ ليه كثر من ثلث ايام ماهضر معايا...
فرح : يلاه قطعت معاه مزال فالمؤتمر..
ضارت عند سيمو الي وقف تا مشات عنقاتو سلمات عليه وجلسات حداه وحداها ضحى وصفاء الي شرحت ليها فرح بالي دارت حادث وفتحات على مصرانة زايدة باش ماتعرفش مالها حيث مغاتقولش واصلا ديجا موصيهم زين الدين داكشي يبقى فالدار ميخرج لحد...
صفاء : ياكما مبرزطة نقاد ليك المخاد ؟
ضحى : لا لا مزيانة شكرا بزااف عذبتك معايا..
صفاء : اهانية تانتي الله يجيب الشفاء...
فرح"تبسمات ليها ورجعات ضارت عند سيمو وشافت فمراد الي كان حداه ونطقات بشوي بينها وبينو وخا سيمو كيسمع" : مراد..
مراد : اختي...
فرح : زين الدين گاليا غذا عندو طيارة فالصباح بكري انا فاش شفت روتور فالبيي عندو مع ستة الصباح...بغيت نطلب منك شي حاجة الى بغيتي ..
مراد. : امري اختي ماشي طلبي الله اودي...
فرح : اشنو يخصك باش تقدا لحم ديال الماعز بحسابو وحساب خالتي توبا..ولحم العادي لينا حنا.."سكتت وهي تبسم ورجعت نطقت" بغيت ندير غذا بالشوا انا الي نصايبو ونوجد.."نقز سيمو تا قفزها"
سيمو : وانا نزند ليكم الفاخر..."نقزت صفاء من حيث لا يحتسبون تا لقاتها عند رجليها جالسة"
صفاء : انا عليا شلاضة...لا تخمميش خداماش حتى يجي والغذ ليه عاد عندي الخدمة...
فرح"شافت فمراد الي جابو ليه ضحك" : غذا قبل ماتمشي فكرني...
مراد : بلا منفكرك انا مفكر...الى عينك تعطيني الفلوس غا شديهم عندك والى مابغيتيش غادي نتقلق منك بزاااف ونجيب ليك الامانة ومنحضرش معاكم..."حرك راسو" صافي كوني هانية...
بقاو مجمعين قولها وضحك عليها...حتى شوي دخلات توبا رامية شال على راسها سلمات على الحسين من بعيد وجلسات كتسمع ليهم مربعة ايديها وكتشوف مرة مرة يهضر معاها الحسين كيتفكرو ايام زين الدين فالصغر...تحط العشا الي جاب مراد تجمعو عليه الا توبا الي استاذنت بحكم عندها الضغط مكتقدرش على ملوحة الحوت...المونادا حاضرة العصير كلشي مجمع كياكل وناشطين..حتى وصل الوقت الي كان خاص الحسين يمشي فيه سلم عليهم وواعدو المحجوب يرجع عندو الغذ ليه...
صفاء : فرح تسناي نطلع انا وياك بغيت نهضر مع مي..."جمعت الوقفة ضارت عند ضحى" انا شوي ونرجع نعاونك طلعي الفوق..
ضحى : غير سيري ها مراد غايعاوني...
حركات راسها ومشات هي وفرح طلعو الفوق خلاتها فرح جالسة كدوز الخط لامها وهي دخلات لدوش قلبات راسها لقات نزيف تقريبا حبس عاودت نفس طريقة دارت البومادا وهاد المرة مدارتش فوطة صحية وانما توضات ببيطادين ونشفات ودارتها عاد لبست كيلوط جديد غسلات وجهها بالما ونشفت وهي تخرج لقات صفاء جالسة كتسنى امها تعيط ليها حيث لقاتها كتصلي هضرات مع باها شوية وقطعات...
صفاء : فرح قبيلة فاش دخلت لدوش لقيت واحد بومادا ديال لازون سونسيبل ديال الالتهاب..واش ديالك...
فرح"طلعت معاها بات مات تزنيگة عضت فمها وهي تحرك راسها وصرطت ريقها"
صفاء : وايلي واش فيك التهاب تما ؟ مناش ؟
فرح : مامن والو...احم "هزت ايدها كتحك جبهتها وقرفادتها وصدرها كيطلع ويهبط اما حناكها بغاو يطرطقو"
صفاء"كتشوف فيها ومن حركاتها فهمت انها حشمانة تهضر..بقات ترمش وفرح ترمش وصفاء كذلك...يلاه توگض الجن الفهيم فيها ونعس الغبي وهي تخرج عينيها" : العاااااااااار
فرح : وصاااافي.هانتي فهمتي...
صفاء"عينيها خرجو بالقلوووبة" : احااااااااااااي على حباااااااااي تقب ليا صحيبتااااااااااااااي..
فرح : صفااااء...
صفاء : انعاااااام...اويللاااااااااااي عشتي سيكس وانا مجايبة خبااار..
فرح : والله تا عيقتي اصفاء...
صفاء : تي ريحي لارض وگولي ليا كي دار معاك نسيبي قصحك ولا قصحتيه وتي لا را هو يقصحك..حبي عريض الكتاف شديييد سوليني انا نقولك...
فرح"خرجت عينيها" : باش عؤفتيه علاش نسولك ؟؟
صفاء"سبت لسانها تا مقدت الي سابقها" : وتي مالك مخرجة عينيك فيا راني غاتنضحك مالك مكتعرفينيش فمي باسل على البسالة...ففف صافي سمحي ليا غا قولي ليا واش غير هاد اليومين ؟
فرح"هبطت عينيها" : فالفيرما...
صفاء : وييينوو على صحيبتي ولات مرات راجل...من قاال"تا بغات تهضر على الماضي من يونس وهي تفكر ورجعت سكتت" مبرووووك افرح"تلاحت عليها عنقتها"الله يكمل عليك بالخير ويفرحك فحياتك ياربي"فخاطرها الله يجمع شملك بخوتك"..
بقات كتشوف فيها وتبسم وخا حاسة بيها بالي ناقصها شي حاجة...رجع صونا تيليفون صفاء وهي تجاوب بقات كتهضر فرح جات تنوض صونا تيليفونها جلست تاهي تهضر....
فرح : مالك ؟ واخا هاني هابطة نعطي لبا غطاه وحوايجو ونجي عندك....
كانت كتهضر معاه وهو يطفى ليها تيليفون فوذنيها حطاتو وناضت كتقاد فالكاب ديالها وخرجات من البيت لقات مراد جاي شاد ف ضحى مطلعها لتما...مشات معاه تا عاونتها تكات وغطاتها...
فرح : بغيتي تنعسي بكري شوية...
ضحى : اشمن بكري را العشرة هادي..عييت وجدك عيا وسيمو مكنعرفوش بزاف باش نجمع معاه..مراد فيه نعاس عيا بالخدمة...اش غاندير...
فرح : نجي انا وصفاء نجلسو معاك شوية ؟ نجيب شي حاجة ناكلوها ونجمعو...
ضحى"تبسمات بقات شحال ساكتة وهي تحرك ليها راسها" : واخا صافي...
طبطبت عليها وهي تخرج من البيت خاشية ايديها فجيابها تا هبطات لتحت لقات سيمو واقف شاد تيليفونو غير سمع حسها وهو يدور عندها...
سيمو : انا غانمشي...
فرح : علاش ؟ ياك غاتبات معانا هنا تايجي زين الدين ؟
سيمو : مكاين فين نبات الساطة...نتي غاتنعس حداك صفاء ونعس حداكم انا ماجاتش...
فرح"ضارت تشوف" : ها البيوتة عطاهم الله الي عجبك نفرش ليك فيه ونعس علاش تمشي هادي راها دارنا كاملين كيف كيقولينا زين الدين...وماتمشيش فهاد الليل دنيا خاوية هنا طاكسي خاصك حتى تعيط ليه وانا منخليكش تمشي حتى يجي زين الدين وسير...عافاك بقى خرام عليك...
سيمو : وراه گالت ليا مي توبا(باحترام)هنا مكينعسوش فيه حيث غير ديال ضيافة...
فرح : كيفاش ؟اش گالت ليك ؟
سيمو"على نيتو" : مكينعس فيه حد حيث ديال ضياف حيث گلت ليها واش با المحجوب كيبات هنا شفتو مشى قالت ليا لا را مكينعس حد هنا...ايوى الفوق نعس مع مراد ههههه...المهم انا صباح نجي نيت عندي ميدار ومدرتش بحسابي الحيمة فدجين اما نبات...
فرح".ضربت دورة بشواااايا ومشات بشوووويييية تا مشات خلاتو واقف كيشوف و دخلت لكوزينة لقاتها كتشرب فالدوا ديال طونسيون وهي توقف" : الصالونات والبيوتة الي هنا مكينعس فيهم حد ؟
توبا : ايه علاش ؟
فرح : خويا سيمو فين غاينعس ؟
توبا : اااه واش غايبات هنا ؟
فرح : ضروري يبات ...
توبا : ماعرفتش حيث الصالونات مكينعس فيهم حد دايرينهم لضياف كترة نعاس غاتخسرهم...ماعرفتش ابنتي عمر شي حد...
فرح : وهو جا باش يبقى واقف ؟ را غايبات هنا هادشي باين ملي قال مراد غايجيب معاه سيمو...
توبا : مسولتوش انا غير وصلت وقلت ليه هاكاك...دابا نشوف فين يبات راكي عارفة الفيلا صغيرة شوي يلاه قادانا...ممولفينش يجي يبات معانا شي حد يلاه اول مرة...
فرح : يبات فينما بغى وقت الي بغا يجي عندي را جاي عند ختوووو...لداارها...
توبا : علاش هو خوك ؟
"الحسد ليس مرتبطاً بالماديات، هناك أشخاصا إذا وجدوك محبوبا يمرضون."
فرح : اه خويا كبر مني بعام خويا وصاحبي وقريب ليا...هذاك انا نخلي ليه بيت نعاس ديالي ينعس فيه وانا نعس فالصالون...نخلي ليه دااااري ينعس فينما بغى...نهار جيتي وخطبتيني لزين الدين اش عرفتي عليه ؟ ياك هو الي كان واقف كيتسخر فدار غانخليو ولد مكيجيناش يدخل لدار عادي ؟ياك عرفناك عليه....
توبا"ضحكت باستهزاء" : نهار جيت ابنتي مفراسي غايخطبك زين الدين نهار جييييت لعندكم واستقبلنا خوووك الي نتي مخاصمة معاه على ما فهمت...
فرح"فحال شديتي جمرة ولحتيها على ليصااااانص..قربت ليها وعينيها خرجو" : علاش عزيز عليك تجبدي ليا هاد الهضرة ؟ علاش كتبغي تسوليني ياك مجاوبتكش ياك قلت ليك ماشي سوقك ومابغيتيش تفهمي؟ علاش كتبغي تسوليني علااااااااش ؟..
توبا"هزت حاجبها" : كتغوتي عليا ؟
فرح"جهدات صوتها تا تسمع عند سيمو وصفاء الي كانت نازلة جايبة تيليفون فايدها" : نغوت حيث عيقتي عليا عيقتي عليا كل مرة كتحكي وتحكري وتقجري...مابغيييييتش نجاوبك ومغانجاااوبكش مغااااانجااااوبكش حيث ماشي سووووقك..عرفتيييي ماشي سوقققققك "عينيها خرجو تا بغاو يطيحو جاحدييين وبيضيييييين بداك الاعصاب الي ركبوها واحد الهيستيريا..."
توبا : امالك ياك لباس ؟ هذا هو الاحترام الي علموك فداركم ؟ تردي الهضرة على مراة كبر منك قد مك ؟
فرح : ماميش ماعنديش مي انا ماعنديش مي رمااااتني لااااحتني اهى اهى مي مابغاتنييييش مابغاني تاحد..."كتشهق"
صفاء"مشات ليها بغات تشدها وهي تدفعها" : صافي فرح تهدني عافاك "قلبها بغى يسكت لدرجة نسات تيليفون فايدها والخط مطلوق."
فرح : نهار خطبتيييني راه لقيتي كلشي وكلشي كان واقف وقفة الرجاااال وهانتي جيتي مالقيتي والو بح "كتسوس ايديها" بح صافي صااااااافي سكتي ودخلي سوووق رااااسك....
توبا"حطات الكاس بجهد وقربات ليها مخنزرة" : هاد قلة الادب الي فيك حتى يجي زين الدين ونتفاهمو عليها مزيان..."تمات غاديا" ونهار جيت خطبتك ابنتي راني خطبتك عند بالي غاتكوني ضرتي حيث جا راجلي الغالي الي خطبك ماشي زين الدين..."تخطاتهم ومشات عينيها نقزو منهم دموع"
ضرتي ضرتي ضرتي...هاد الكلمة بقات كتسمع فالاذان ديالهم الا فرح...اما كلشي سمعها ابتداء من سيمو الي خرج عينيه والمحجوب الي كمش حجبانو فاش كان جاي وصفاء الي حلت فمها وااااخر واحد الي كان عليه الخط مطلوو ق وسمع كلشي بالحرف وهنا الحديث عن زين الدين....
"الفضفضة نوع من التعري، فلا تُعري ضعفك إلا لمن كان حريصاً على سترك."
كاين بعض البشر الي كيشوفك فرحان خاصو يبغي ينكدها عليك..وكاين الي كيشوفك محبوب وكيغير منك..وكاين الي كانت عندو ديك المكانة الي نتا فيها واحسن وماتقبلش يرجع ليها من بعد مافرط فيها ويلقاك خذيتيها لانها فالاصل خاص تكون ليك وهنا الحديث عن فرح الي مكانتها كبييييرة فهاد الفيلا علاش لا وهي مرات مول الشي يعني هي مولات الدار رسميا...وهادشي الي ممكن يكون وقع مع توبا...او انها مانساتش الدبرة الي باقا فيها من حيهة فرح كونها كانت البنت الي خطبها راجل توبا السابق كان ممكن تكون ضرتها وهادشي فتفكير توبا...
قالت ليها هاد الهضرة ومشات وعينيها بغاو ينقزو منهم الدموع..خلات فرح واقفة مسمرة وصفاء وسيمو حالين فمهم والمحجوب الي تم جاي عقد حجبانو بقلق وعدم رضى على الهشرة الي سمع من توبا لفرح وهضرة فرح الي كان باين عليها من غواتها والانفجار الي فيها انها تضغطات فوق القياس...لكن الي حسكو اكثر هي هضرتها على خوتها دون ماتسميهم ..شيء يقهر وانها قالت وقفة رجال هذا شيء يفرح واخر جملة هي كلمة "بح" وهادي اكثر حاجة كتحسك وهي انها مسحااتهم !! او شيء اخر ؟؟..دخل الكوزينة كيتسمع تقرقيب عكازو ومعاه حتى سيمو الي ماعرف باش تبلى ندم لاش قاليها شي حاجة كون يحساب ليه مايهضرش معاها كااع من الاصل...
صفاء"نسات التيليفون الي فايدها والخط مطلوق على زين الدين الي كان هو المتصل فهاتف صفاء باش يهضر مع فرح...ضارت جيهة فرح الي كانو عينيها جامدين حجبانها مرفوعين بقات بنفس الملامح فاش كانت منفاعلة وهي كتغوت عليها...قربات ليها" : فرح ماديريش فبالك اختي بنادم را مكيعرفش يهضر ونتي كبر من انك تديها فهاد الهضرة...
فرح"الصمت"
المحجوب : لا حول ولا قوة الا بالله.."بغى يعنقها ولقاها باقي جامدة حط ايدو على كتفها" فرح الله يرضي عليك تهدني تاحاجة متستاهل تغوتي عليها..الشيطان كيحضر والانسان فمو مبري منو ..
سيمو : انا غانعس فينما كان المهم معاك اختي ماتقلقيش عليا"تخربقت ليه الهضرة"
صفاء"خلعتها حتى بدات تحرك فيها من كتفها" : فرح واش بيك شي حاجة ؟ عافاك هضري ماتخلعينيش عليك !!"كتحرك فيها حتى دخل مراد الي ماحضرش وجاي باش يجيب الما لعندو حتى لقاهم مجموعين عليها"
مراد : اش واقع ؟ فرح !!
صفاء"طيحت منها النص" : وااافرح جاوبيييني...
مراد. : مالها اش واقع ليها..."قرب لعندها بغى يشوف مالها وهو يصوني تيليفون صفاء فايدها يمكن قطع وعاود عيط حيث بقى الخط مفتوح عليه"
صفاء"شافت فتيليفونها وهي تخرج عينيها وبدات تولول وترعد بالدعقة خشاتو فجيب البيجامة هكاك كيصوني وقربات لفرح هي وجدها تاهو وسيمو لانهم تخلعو عليها بجهد بقات هكاك مبلوكية وطيحات منهم النص والعالم الله داااااك المجنون بيها كيف بيه الحال دابا مزال هما راهم حداها وبين ايديهم..." : واااا فرح الله يخليك جاوبينا الله يخلي ليك ماعزيز عليك"ضارت لافابو وهزات كاس من الماعن بزربة بالخلعة عمرات فيه غير نص وجات لعندها بغات تعطيها الما"
المحجوب : فرح لا تخلعيني عليك ابنتي"وجهو ولا بيض بالخلعة"لا ديريش فبالك ابنتي ديها غا فصحتك ولهلا يرقي بشي حد...
مراد : واخا نعرف غير مالها بعدا...
فرح"بقاو كيحركو فيها وهي مبلوكية حتى غمضت عينيها وحلتهم وشافت فمراد" : ماماليش..."صفاء حطت الكاس وايديها كيترعدو وتيليفونها مساكتش...ضارت عند جدها" ماماليش ابا وماهزيتش فخاطري...علاش هي كذبت ؟ علاه مكانش داكشي ياك داكشي الي وقع ؟ علاش الحق مكيبغيه حد ااا ؟ هي مكذبتش وانا جاوبت وضرت فيها على حاجة ةخرى اما هادشي الي گالت ماكذباتش فيه...والي گلت انا ماكذبتش فيه...كل عطى الي فخاطرو من جيهة لاخور والي فيه نية خايبة راه فيه..."هزات كتافها" ماكذباتش ابا علاش ندي عليها ولا مانديش عليها...هادشي عاااااااااادي...عادي الواحد يهز من جيهتي"كينزلو دوك الدميعات كي الحجر من حنكاها وكي جمر على جدها وصفاء وسيمو...ودموع الشفقة من جيهة مراد..." واش عاااد غانتصدم ابا ؟ مغانتصدمش كل واحد واش هاز من جيهتي وكل واحد وكيفاش ماحاملنيش..."تنهدات تنهيدة مخلطة بشهقة صغيرة"..رجع ابا البيت انا شوي ونجي عندك"شافت فسيمو" كاين بيت التلفازة وسدادر الي فيه كيرجعو ناموسية المانطة المخيرة فالدار ليك الى مارتاحيتيش فيه نعطيك بيتي كبييير...
سيمو : ها ؟ لا لا انا نعس غا حدا العتبة"خرجات فيه صفاء عينيها" نعس غير حدا با المحجوب.صافي الي بغيتي..
فرح"شافت فمراد" : ماماليش اخويا انا بيخير...
مراد : متاكدة ؟"هزات فيه عينيها وشافت فيه واحد شوفة وهو يبدا يتفتف" اه صافي بيخير...
فرح : با غير سير ماتخافش عليا"دعقها تيليفون صفاء الي كيصوني حلف ميقطع" وااا قطعي هذاك ولا طفيييييييييييييييه طفيييييييييييييييه...
صفاء"جبدات تيليفون وطار ليها من ايديها بالخلعة طفاتو فالسما هههه" : هاهو...
خرجات فرح من الكوزينة خلاتهم شي كيشوف فشي..الهضرة الي قالت باينة من طيارة قالتها بحرقة والم...وغييير كتصبر فراسها بانها شيء "عادي طبيعي"المحجوب مالقى ميقول عينيه غرغرو تا حدر راسو وضار جيهة البيت فين قالت ليه يمشي...
مراد"ضار عند صفاء" : اش وقع ؟؟
صفاء"شافت فيه وتنهدات" : حتى لصباح خليها دابا تجي وتسمعنا كنهضرو فهادشي وماحنا فخير..."حدرت راسها وخرجات تبعتها هي وسيمو قلبو عليها حتى لقاو البيت ديال تلفازة مشعول ولحقو عليها...
بقى كيصوني ويعاود يصوني ويعاود شااااااد فراسو بززز..نقطة وحدة تزاااد يتفرگع...بقى يصوني ويعاود حتى طفاتو عليه صفاء هنا النقطة تلاحت فالكاس وفاض حتى ضار وبغوتة وحدة زلزلااااااات الغرفة حتى هز ديك الطابلة وقلبها بكل مافيها...هز تيليفون والكارط وخرج من الغرفة المجاورة ليه...
علي"كان كيهضر مع مرتو داير نضاضر شوف والكتاب بين ايديه مخلي صبعو على الصفحة فين حبس حتى يكمل المكالمة" : هي هاديك عطيها الفيتامين يعوض ليها النقص..بعدي ليها من داكشي الي كديرو فداك رفيسة الحاجة وردي معاها البال..."تسمع دقان فالباب وناض وهو كيهضر مع حل الباب حتى دخل عليه كي الثور ماعرفش داكشي الي داز اشنو هو حدو ضربو الريح ديالو حس بيه سخووون"
زين الدين"هز صبعو وعينيه خارجين بواحد النضرة ويااااربي ملي شافها علي عرف الدعوة ماتعجبش" : قطااااااع معامن ماكان دااابا...
علي : الحاجة بلاتي ونهضر معاك"قطع وشاف فيه" اللهم اجعلو خير امالك ياك لباس ؟؟
زين الدين : داااابا نتحرك لمطار...
علي : علاش بعدا..
زين الدين"عاود دوز الخط لصفاء كيمشي ويجي باش يشرح لعلي خلاه كيشوف فيه كيفاش وجهو تزير وعينيه خرجو.."
صفاء"واقفة كتشوف ففرح الي حلات السدادر حتى رجعو على شكل ناموسية وغير سمعات اول رنة فتيليفونها وهي تنقز وطااارت من حداها لا تغوت..لقاتو هو الي كيتاصل عرفات بالي عقلو خرج لكن ماعرفاتش بالي ممكن يكون سمع...حدها قالت الو " : الو خو"حتى غمضات عينيها وتهزت تالسما وتحطت"
زين الدين : فرااااااااااااح عطييني فراااح علاااااااااش لعدو ربكم باغين تجهلو ملتي ؟؟؟؟
صفاء : فف فرح واخا فرح را غير ماعرفتش هاهي هاهي...
زين الدين : دااااااابا..."ضار عند علي وخبط فوق الكوافوز بجهد تا كان غايهرسو" شوف ليا بيي دابا اقرب الليلة ماعنديش الوقت الحاااج...
صفاء"دخلات البيت وايديها كيترعدو وجهها ولا صفر بالخلعة اول مرة تسمع زين الدين صاعر...لقاتها كتفرش لسيمو فمانطة ووجهها مزير لكن كتدعي انها عادية وضاغطة على راسها" : فرح فف فرح ..
فرح"ضارت عندها" : نعام هاني ؟
صفاء"صرطت ريقها" : خويا زين الدين كيعيط ليك فتيليفونك لقاه طاففي و عيط عندي...
فرح"كيحساب ليها ماسمع والو" : ااه طفى ليا واخا"قبطات من عندها التيليفون وجاوبت بصوت شبه عادي لانها تعيا هاد المرة تصنع مغاتقدرش لان الجرح كينزف" زين الدين ه هااني..
زين الدين"غير سمع صوتها ماشعرش حتى طاح جلس فوق الكرسي بالخلعة عليها نسى علي ونسى راسو فين كاين ونسى ان هاد الكلمات مكيبغي حد يسمعهم من غيرها هي حيث ليها" : الفرحة ديال راجلها...
علي"ضرب دورة ومشى لبيت الي فيه فوطويات تما فشومبر خلاه يهضر براحتو"
فرح : نعاام هاني...عيطتي ليا فتيليفوني طفى ليا وهبطت عند سيمو خويا نفرش ليه فين ينعس...
زين الدين"عينيه عليهم ضبابة كيحاول ما امكن يسيطر عليها ويهضر..هبط الكول ديال قبية من عليه باش يتنفس" : فرح "ضغط على راسو ما امكن باش ميبينش ليها انه سمع وتعصب" مرتاحة !!
فرح : مرتاحة كنحسب النهارات باش تجي...
زين الدين : توحشتيني !؟
فرح"نزلو دموعها يجريييو" : ب بزااااف اهى"زلقت ليها التنخصيصة وجمعتها" احم بزااف والله...
زين الدين : صوتك افرح"كيغمض عينيه ويحلهم" صوووتك افرح مااامريحنييييش...تبيني ليا الما يجمد والصحرا ربيع والثلج عافية..وصوتك مانتيق راه بيخير...ريحي ليا خاطري وشكي ليا شنو بيك ؟
فرح : لهاد درجة حاس بيا !؟
زين الدين : فايتة لحد...
فرح : نشكي ليك على شي حاجة مكايناش ؟!
زين الدين"كمش فجنب الكرسي تا هرب دم من ايدو وديك تزيييرة على وشك تهرس ديك الايد ديال كرسي" : شكي ليا الي كاين والي مكاين...ونشكي ليك..شحال من فرحة عندي فگلبي...
فرح"تنهدات وهزات عينيها لفوق باش ينشوف من دموع" : فرح مابغاتش تبقى تبكي ازين الدين...فرح كتكره البكا والبكا تابعها..فرح مابغاتش صداع والصداع تابعها...عييييت وانا كنقلب على الراحة...حتى كنگول رتاحيت ومكنرتاحش...عندك حل لهادشي ؟ هاني شكيت عليك اشنو غادير ليا دابا ؟!
زين الدين : نحيد ملة مهم هادو الي بكاو ليا فرحتي المفرحاني..نحي البكا من جدر الي كرهاتو ليا الفرحة ديالي...راحتك معااايا ومع الي حسن مني...
فرح : مكاينش ماحسن منك...
زين الدين : كاااين...حبابك ناسك...انا دوامك وهما الفطرة ديالك...انا نصك الثاني وهما دمك ،،الدم عمرو يولي ما..
فرح"متجاهلة هضرتو" : زين الدين"كتمسح دموعها"
زين الدين"زاد زير على ديك لايد ديال كرسي واخذ اخر طاقة الصبر منها" : نعااام...
فرح : توحشتك اهى توحشتك بزاااااف...امتى غاتجي ؟
زين الدين"كمش على عينيه وحلهم بجهد" : نجي دابا ؟
فرح : ماكرهتش اهى اهى ماكرهتش ازين الدين...
زين الدين : طلعي لبيتك وحطي راسك على وسادتي..نشوف شنو ندير ونجي.."بقى كيهضر معاها حتى حس بيها تهدنت شوية وقطع مع قطع عينيه شافو فالارض بسهو سااهي ساااهي تا تسمعت طرااااق الايد ديال الكرسي الي متكل عليها طرطقاات من جدر...حتى خرج علي"
علي : ياك مكاين باس بعدا..
زين الدين"هز عينيه بنفس الشوفة خااارجين عروق نواضرو مورمين وجبهتو ندات بالعرق هز صبعو وشاف فيه" : الليلة نرجع لبلادي الحاج"شكل ايدو على شكل قبضة وبقى يخبط بشكل بطيييئ فوق الكوافوز" الليلة الللييييييييلة"خبط خبطة وحدة تاتزعزع الفاز الي كان محطوط وطاح تشخشخ"...
خرج علي من الدوش كيعقد فصديفاات الفيستة شاف فيه لقاه كيمشي ويجي ويدوز على لحيتو...وجهو معصب بجهد..وتيليفون فايديه كيتسنى الرد على البيي الي غايشوفو ليه و لعلي...
علي : وجلس رتاح بعدا اصحبي عاد شربتي دواك وسكار باقي طايح ليك ومريض من فوق !! عطي راحة لراسك باش تلقى باش تمشي الى مرضتي كيغادير تحرك غير من هنا لمطار...
زين الدين"الصمت"
علي : لا حول ولا قوة الا بالله...
زين الدين"صدرو كينهج المشي والمشي كيخليه مايثورش من جديد حتى صونا ليه التيليفون وعالقرص جاوب" : شنوو ؟
عماد"الولد الي كلفو يقطع ليه حيث كاين معاهم فجنيف نيت وهو الي كلفو علي يقطع ليهم البيي لولة" : سي زين الدين مكاينش اخر طيارة مشات من دابا ساعة..كاينة وحدة حتى ليوم فالصباح بكري "حيث فاتت 12 كيتحسب اليوم" ومن وراها الي غاديين فيها نتوما...اغلب الي كاينين واقفين حيث كاين ثلوج وعواصف فجيهة اخرى منعتهم يجيو لهنا عاد يدوزو لخط ديا"قاطعو زين الدين بصوت صااعر تا غمض عينيه"
زين الدين : واااااااش كتشرح لملتي فزاابور ولا شنووو "كيخبط فوق الكوافوز" ماااااشغلييييييييييش...ماااااشغليييشششش فالخراااااااا...
عماد : ولكن را مالقيتش و"قطع عليه زين الدين وشير بالتيليفون لهيييييه جاب الله جا فوق الناموسية"
زين الدين"غوت واحد الغوتة تا جا علي يجرييييي" : ااااااااااااااااااعععععععع القلاااااااااااوي...
علي"قبطو من دراعو" : تهدن ازين الدين واش مريص فرايك اصحبي اش بغيتيه يدير يصنع ليك طيارة...
زين الدين"نتر منو ايدو بجهد وهز ايديه فوق" : الحااااج خليني خلي عدو ربي...
علي : واش واقع مشكيل لفرح !؟
زين الدين : مواقع والو الحاج مواقع والو خاطري مزير ماباغيش نبقى هنا مزال...
علي : مغاتبقاش ازين الدين هاني غانمشي معاك...ولكن اش بغيتي دير را داكشي الي كاين نوض زصنع ليك طيارة ولا نكريوها حتى الر بغيتي تكريها ماتلقى سمية لاجونص حتى لغذا..وهي اش ؟!
زين الدين"عض على سنانو حتى بان الفك ديالو كيتحرك..بزز باش رجع ليه السكر عادي...بقى بالقبية وسروالها حدو مشى البيت جمع حوايجو وسد الفاليز خلاها فالبيت وعلي عيط على روم سيرفيش تجمع داكشي الي شتت واحد الحالة لقى فيها الشومبر...وهز كبوطو وجا عند علي مخليهم ينضفو..الساعة 12 بعد منتصف الليل مصبرو غير الميساجات الي كترسل ليه فرح بعدا عارفها كتجاوب...هادشي الي مخليها ششوووية مكالمي لكن الطيارة الي مالقاش هي الي زادت صعراتو وخلات خاطرو يضياق...ضار جيهة التيليفون ودوز لخط لعماد من جديد" : قضي ليا فاول وحدة دااابا...
عماد : فيها غير بلاصة وحدة...
زين الدين"خرج عينيه" : كيفاش بلاصة وحدة ؟؟
علي"شير ليه بايديه" : غا قوليه يقضي انا نبقى تانرجع فالثانية ديالنا لي قطعنا فيها فلول...
زين الدين"شاف فيه ورجع حدر عينيه" : تحرك قضي الغرااض.."قطع معاه ولاح تيليفون وبقى كيمشي ويجي ويحك فلحيتو ويحيد طاقية يدوز على شعرو ويردها...خااااطرو ضياااق نفس قلالت لارض ماهزاااتو..كيمشي ويجي كيمشي ويجي حتى نطق علي"
علي : واش مريضة ولا شنو واقع أصحبي را قلقتيني وحالتك تقلق مريض وديابيت طايح ومعصب صاعر..اش وقع لهادشي كامل !؟
زين الدين : شي مشاكيل الحاج..فالوقت العادي منديرش فيهم راسي...ولكن فحالة فرح الي فيها دابا منصيبش نبقى بعيد..كنت نصبر لو الي بقى فالمؤتمر فيه ميدار..الباقي ملاقية مع الناس !! عارفك حسن مني فهادشي...
علي : وهادشي غايبقى ديما يوقع ليك ؟ خدمتك ازين الدين ماشي ديال تبقى كل مرة تخليها وتمشي عند مرتك !!
زين الدين : نسولك الحاج ؟"حرك ليه علي راسو" تخلي الحاجة مريضة فخاطرها لا حنين يرحمها حبابها وماعرفو ليها من غيرك معولة عليك شنو دير ؟
علي : منخليهاش..
زين الدين : الى وصلت لحد الي يخليك تگوليا هاد الهضرة...كون شحاال هادشي بعت رزقي وماجيتش معاك لهنا...مرتي منفرطش فيها...امانة عندي حتى يتجمع الشمل وديك الوقت نخليها ونجي حيث عارف غاتولي گادة براسها وممحتاجاش ليا...الامانة"خبط قرفادتو بجهد" فرقبتي عطيت العاهد عليها تحفظ وتصان فعينيا..امانة الرجاال خوتها الي هازين من جيهتي...الى تعداو ليا عليها وانا غايب شنو غانگوليهم نهار نواجههم ؟ هادي هي الرجلة ؟..
علي : مابغيتكش تفرط فخدمتك حلمك ومستقبلك ترد ليهم البال عطيهم تاهما وقت اما لا جات عليا نفديك بكاع وقتي غير تبرا مرتك وجمع الشمل...
زين الدين : حاسبك راسي حاسبك مول شي قبل مني..عارفك سد متين...راك استاذي معلمني الحرف فين وصلت لهنا.."تنهد حتى خرج انفاس حااارقة "..مرتي هاد ساعة معندها حد من غيري...شنو وقع شنو ما وقعش الحاج الي وقع مايخلينيش نبقى هنا دقييييقة وحدة"خرج عينيه وخبط بجهد فوق الكوافوز" دقيييييقة الحاج من ورايا تحلو الفام والقوادس فاضو...كلام العار خرج انا ومرحمونيش وبغاو يرحمو ليا مرتي ؟...
علي"حدر راسو مالقى ميقول...بقى زين الدين كيخبط فوق العود يخبط يخبط تا خبط خبطة وحدة وضار هز الكبوط وخرج من شومبر مشى لديالتو حتى عيط ليه عماد..مابغاش يقوليه شنو المشكيل..زين الدين الي صعرو هي كلمة وحدة تقالت والي صعيب اي ؤجل شرقي دمو حامي يصبر ليها...حرك راسو يمين شمال عارفو الى شد فالمشي يمشي صحة على عباد الله..."...
دخلات على جدها تشوفو لقاتو نعس قربات ليه وباست راسو وغطاتو و غير سدات عليه الباب ديال بيت حل عينيه ونزلات ليه دمعة قهر على حالتها والهضرة الي سمع من فم توبا والي باقية تحفر فيه...
طلعات الفوق لبيتها مابقاتش مشات عند ضحى...تبعتها صفاء لقاتها داخلة لدوش قادات الفراش وجلسات شوية وقفات شوية جلسات تلفات ماعرفت اش دير حتى تحل الباب ديال دوش وخرجات فرح غاسلة وجهها الي تنفخ بالبكا والاعصاب الي خرجات فتوبا...
فرح"لقاتها جالسة كتشوف فيها" : مالك مابغيتيش تنعسي ؟
صفاء : بغيت غير كنتسنى فيك...
فرح : هاني جيت غير نعسي را مابيا والو بلا ماتخافي عليا انا عادية بكيت غوت وتنفست وهادشي خليه هنا مابغيتش يجي زين الدين يعرف شي حاجة"خرجت فيها عينيها" تعاودي ليه غانمحيك من حياااتي سمعتيني ؟
صفاء"صرطت ريقها" : و. واخا ماتخافيش"ماعارفينش راه سمع كلشي وصفاء يحساب ليها غير صعر حيث ماجاوباتوش.تخشات فالفراش وشافت جيهة LED نتفرجو فشي فيلم ؟
فرح"حيدات الكاب والفوقي ديال بيجامة وتخشات ففراشها" : واخا..
هزات صفاء التيليكوموند وشعلاتها مشات نيشان لنيتفليكس اختارت فيلم من الافلام الي لقات قدامها والي كان the last witch hunter..بداو يتفرجو صفاء عقلها مع فرح وقلبها باقي قافز من جيهتها الهدوء الي فيها مكيطمنش...مرة مرة كدور تشوف فيها الي مرة مرة كتهز تيليفون تبقشش فيه حضاتها بغفلة لقاتها داخلة لواتساب كتهضر مع زين الدين كتبة يا اما تسمع اوديو ديالو وتجاوبو يا اما يكتب ليها...تنهدات براحة شي شوية كون زين الدين معاها منفس عليها...رجعات كتشوف فالفيلم تا سهاااات معاه ماجات دور حتى لقاتها نعسااات وتيليفون فوق كرشها...حطات تيليكوموند وضارت غطاتها تا حلت عينيها طبطبت عليها تا نعست وحيدات ليها تيليفون حطاتو عند راسها..."
"ليست كُل العواصف تأتي لِعرقلة الحياة ، بعضها يأتي لِتنظيف الطريق."
الليل كان طويييييييييل عند البعض وعند البعض تسدو فيه العينين باش يلقاو راحتهم من التفكير فالهم والسهو الي ماعندو فايدة...قلوب كتنزف طرف هنا وطرف لهيييييه وطرف ثالث قاطع البحووور...احلام سيئة واحلام اليقضة...رؤيا..وبكاء فجيهة وانتظار فجيهة اخرى...كاين الي نعس وخا مافاهم والو وكاين الي نعس باغي راحة وكاين الي منعسش وهو حاضي خصوصا صفاء حداها وسيمو لي لتحت وكيتراسل مع صفاء يسول فيها...وفوزي الي كيسول عليها وخا ماعارف والو وتاهو حاضي مع عصام لا ترجع ليه ديك النخصة الي ماعارفش شنو معناها من غير عصام وحدووو..
صبح الصباح حلات عينيها كتشوف وتستوعب حتى بدا يرجع ليها ما وقع فالامس دورات راسها بزربة وهي تلقى بلاصتها خاوية حتى شهقت...
صفاء : فرح!!"ناضت لدوش كتقلب عليها مالقاتهاش" فرح !!"مشات لتيليفونها هزاتو وصنات ليها غير قالت الو وهي طيح على نانوسية جالسة" فينك ؟
فرح : هاني فالكوزينة لتحت كنوجد الفطور قبل ميخرج با من بيت وجدت ليه قهوته...مالك فقتي بكري...
صفاء"مافهمت فيها والو" : ها واضربتني الفيقة مالقيتكش وعيطت ليك...
فرح : خفتيني نهرب ونخليكم تاني !؟
صفاء"صدمتها" : لا لا..هاني نتوضى ونصلي ونهبط عندك...
قطعات معاها حطات التيليفون فوق البوطاجي...هزات البريق كيتبخ حطاتو فالصينية وحطات الكيسان وخرجات من كوزينة مشات نيشان لصالون الكبير حطات البلاطو حتى سمعات صوت عكاز جدها الي كان جاي كيعيط ويقلب عليها مسكين
فرح : با هاني فالصالون الكبير..
المحجوب"تبسم بفرحة ملي جاوباتو وانها مامشات فين .دخل لصالون وهي تلقى ليه باست ليه ايدو" : الله يرضي عليك..كي صبحتي...
فرح : بييخير..فقت بكري باش تشرب قهوتك..."دخلات صفاء"
صفاء : كبي ليا معاك نحل عينيا انا وبا المحجوب...وشي جوان لبا يقاد مجاجو..
المحجوب : هههه الله يمسخك وكان...
ضحكات فرح بلهلا يطريه ليها وضحكتها فرحت المحجوب وصفاء خلاااص...كانت باينة من القلب حيث مجموعة مع حبابها...واحد شوي نزل مراد شمشم ريحة وجا طاير ماعرفوه منين بعت تا دخل تاهو...السيمو هذاك مايفيق تا ينوضوه وخلاتو على خاطرو...جات خديجة وتوريا سلمات عليهم لقاوها موااااجدة البغرير طبسيل كبييير...اما توبا لحد ساعة مابانتش حدها صفاء الي تلاقات بيها داخلة لبيت بنتها وهبطات هي كدعي وتشحت عليها فسرها...هادشي لحد ساعة را عااادي ولحد الساعة دنيا هااااانيا...تحط الفطور وطلع مراد يهبط ضحى...
مراد : الواليدة هبطي تفطري ؟
توبا : لا غير نزل مافيا ميفطر انا هنا وقول لتوريا طلع ليا كاس قهوة مخلطة وتقصحها شوية و خبز شعير صافي الباقي ماقاداش عليه...
مراد : وعلاش مابغيتيش تنزلي را ناس لتحت حشومة...
ضحى : خليها على خاطرها امراد...
توبا : مريضة مراد راسي عيان ماقادراش على صداع...حتى نولي شوية ونهبط...
ماجاوبهاش شد فضحى عاونها تا نزلو لتحت...دخلها لصالون جات صفاء كتجري شدات فيها ودخلتها حتى تمات جايا فرح خاشية ايديها فجيابها ومبسمة...
فرح : مراد دخل تفطر !!
مراد : مالك نتي والوليدة البارح ؟؟
فرح : مامالناش علاش مكنتيش حاضر البارح ؟
مراد : جيت لقيتها مكايناش ولقيتهم مجموعين عليك...واش قالت ليك شي حاجة ؟
فرح : عارفها الى گالت كضر الواحد ؟
مراد"الصمت حدر راسو"
فرح"حطات ايدها على كتفو" : مكاين والو والى كان عارفة راجلي مخلي وراه رجال الي يوقفو معايا...ومايخسرش ليا خاطري...
هز فيها راسو وتبسم برضى على هضرتها....
.سماو الله وفطرو حتى دخل عليهم سيمو كيتفوه فيقاتو صفاء بالنغيز فتعياط بتيليفون وفاق بلهلا يحزقو ليه...ناض مراد مستاذن باش يخرج...
فرح : با مغاتمشيش معاه يوصلك عند با الحسين ؟
المحجوب : لا عيان شوية خليني غير هنا...
فرح : با انا لباس علاش غاتبقى محبوس فالدار على قبلي ؟
المحجوب : غير خليني ابنتي نبقى هنا مرتاح هنا دروك نخرج لجردة نجلس فيها شوي ونهضر مع خالك نشوف فين صل فلارض..."حرك ليها راسو" خليني مرتاح هنا شوية ونعلم الحسين يشوف وقيت ويجي عندي...
فرح"تحنات ليه عند رجليه وشدات ليه فايديه" : عافاك ابا ماتبقاش هاز همي على حساب صحتك..عافاك ماتمرضش راني محتاجاك ابا...انا مامقلقة من والو ابا انا مابغيتش وكنتقاتل باش ميبقى تاحد يضرني والي ضرني نسد عليه ياك كتگوليا سدي الباب الي يجيك منو المضرة وصداع ؟
المحجوب : وليني ابنتي ماشي على حساب صحتك تانتي..راني شايف وجهك هااااز وساكت...مكمداها وملجمة..سادةعلى المضرة الي فيك سادة بابها فيك لداخل ماشي سادة بابها عليك...هادشي صعيب عليك من صغرك تهزي الهم ؟ صعييييب ابنتي راكي تمرضي ونمرض معاك...
فرح"تحنات باست ليه ايديه تا هز ايدو دوزها على شعرها"
المحجوب : نوضي بنتي قضي غراضك اش بغيتي تقضي هاني هنا لا قنطت وخاطري ضياق ديك ساعة نمشي عند الحسين...
حركات راسها وناضت مخلياهم رجعو كياكلو من بعد ماحبسو كيسمعو لهضرتها مع جدها...ومشات لكوزينة تشوف خديجة...وقفات حداها وبقات تشوف فيها شنو كدير...
خديجة : ماجاتش ختي توبا تقوليا شنو نديرو الغذا !!
فرح : انا الي غانبقى نگوليك شنو ديري اخالتي...
علماتها شنو توجد الغذا بقات معاها شوي وهي تخرج فطريقها تلاقات بتوبا نازلة من الدروج...دازت من حداها ماقالت لا صباح الخير لا مسا الخير فحال الى داز من حداها البرد تا خرجات توبا عينيها وهي تنزل خلاتها طلعات البيت مشات ديريكت للتيليفون تشوف لا يكون صونا ليها ساعاك مالقات والو...دخلات لواتساب لقاتو ماقاريش اخر ميساج منها ليه ومن البارح اخر ضهور كان بالليل فالوقيتة الي نعساات لدابا ماداخلش...قلبها تهز وبدا يضرررب...حطات تيليفون ودخلات لدوش دوشات مزيااان حسات براسها خفافت ورتاحت شوية وخرجات لابسة بينوارها...مشات ليتيلفون قلباتو لا يكون جاوبها مالقات والو..
صفاء"حلات الباب ودخلات" : دوشتي !؟
فرح"طلات عليها" : بغيت نبدل حوايجي وگلت ندوش..
صفاء"مشات لباب البالكون بغات تسدو وهي توقف كتشوف سداتو وجات عندها" : يلاه لبسي انا غانهبط لتحت لبسي براحتك وهبطي...
حركات ليها راسها وخرجات خلاتها كتجبد ماتلبس...مراد يقدر يجي فاي لحظة ولا يجي شي حد ماكتلبسش براحتها..لذلك اختارت بيجامة سخونة فالبيض والغوز بالبينوار ديالها فيه ودينات الباندة الي جاب ليها زين الدين...حطاتهم فوق الناموسية ومشات جيهة الكوافوز خذات ذهنة ذهنات بيها رجليها ودرعانها حتى لمحات فيهم زروقية فحال شي واحد مقرصها...بقات كتشوف فيهم...عرفت من الاعصاب الي شدوها البارح وماخرجتهمش كاملين...البيت سخوون حيث طالقة سخونية...رجعات لناموسية الي حطات فيها لحوايج حتى بغات تبدا تلبس وهي تفكر البومادا الي خاص دير فالمنطقة الحساسة من تحت...عقدات بينوارها ورجعات لدوش هزاتها وخرجات لبسات الكيلوط وخلاتو واحل فركابيها هزات البومادا حلتها يلاه بغات ديرها حتى حست بايدو شداتها ليها وهو لاصق فيها من لور...قفزت وهي تشهق بالخلعة والدهشة والصدمة حتى حطات راسها على صدرو دغياااااا بلا متشعر...
زين الدين : ششش تهدني ندير ليك هادي بعدا"حط راسو على راسها وايدو عصر بيها بومادا فصبعو وهبطو لتحت تا حط ايديه تما ودار ليها البومادا كيدي فصبعو ويجيب... حسات بضو لسعها وتبورييييييييشة طلعات معاها تحنى شوية تا طلع ليها الكيلوط وطبطب على السلطان ديالو وهي دور عندو وعنقاااتو بكل مافيها" : الفرحة ديالي...
فرح : زين الدييييييين اهى اهى جيييييتي جيتي جيتي جيتييييييي اهى اهى ...واااا زين الدييييييين....
زين الدين : كبيدة دياالو...علاش البكا !!!
فرح"كمشاات ليه فقبيتو وزيرااات ونطقات وسنانها ملاصقيين" : خلييييييييييني نبكييييي خلييييني ييي اهى اهى واااااااخليني نبكييييييي...ياك گلتي ليا نشكي عليك ياااك..
زين الدين : شكييييي هادشي الي بغيت شكي وماتخليهاش فخاطرك...
فرح : واخا نبغيييي نخرجها مانقدرش اهى اهى.....
زين الدين"هز ليها وجهها الي كلو فزگ بالدموع والعرق وتزير حمررر بالبكا والاعصاب" : عارفاني نضلم عباد الله ومنخليش بنت الرجال تقاس منها شعرة ؟ ..."بقات تشوف فيه مافهماتش..باسها فشفايفها حتى غمضات عينيها وحسات بواحد راحة سرات فذاتها وغير حيد فمو حلات عينيها وهاد المرة شافت عينين حمريييييييين مكيبشروش بالخير" سدي عليك هنا هاني جاي"ضرب دورة وخرج من البيت نزل كيدردرب مع دروج حتى وقف ووجهو خااااااسر لواحد درجة صفاء وسيمو غا شافوه ودخلو فبعضياتهم وهربو لعند المحجوب... عينيه عليها الي وقفات وتحولو عينيها من شوفة عادية لعينين عامرين دموع"
توبا : اهى اهى تلات بيا ليا يا ولد خويا تهز عليا الصوت وتقلل عليا الاداب...بلا بيك ماعندي قيمة..
"ليست كُل العواصف تأتي لِعرقلة الحياة ، بعضها يأتي لِتنظيف الطريق."
نزل مدردب مع الدروج خلاها فالبيت مافهمت من هضرتو والو..طبيعي بحكم ماعارفاش راه سمع كلشي حتى من صفاء مارداتش البال ونسات را كان الخط مخليه محلول عند بالها قطع حتى يصوني لفرح...مع وصل لتحت لقاها جايا وغير شافتو فحال بان ليها داك الشخص الي عليه تعول فكلشي الشخص الي ضلماتو بهضرتها والي مزال لحد الساعة معتارفة بهادشي ونادمة على الكلام الي خرج منها فحقو...الشخص الي قالت عليه انه عاطيها قيمة....
توبا"هزات طرف كمايمها كتمسح دموعها" : على سلامتك بعدا..."تنهدات"
زين الدين"الصمت"
توبا : سمح ليا ولدي قلت ليك هاد الهضرة.غير طايح عليا الضيم وصافي...
زين الدين"عض لسانو لدااخل كيبان غير فكو كيتحرك عينيه جامدين عليها واحد الشوفة داير ماتقدريش تفسريها مخلطة بين غضب جدية...هي كتشوف فيه تفافات ماعرفت تمشي ولا تبقى واقفة.."
توبا : مم انا نمشي لعند ضحى نشوف شنو خاصها...على سلامتك ثاني ولدي..حتى لمن بعد ونهضر معاك."طارت ونزلت بداك الصوت الي نطق بيه"
زين الدين : هي دابا...
توبا : ااا...
زين الدين"تم غادي جيهة المكتب" : تبعيني...
بدون مقدمات ولا خطاب...كلمة وحدة ونضرة وحدة كانت كافية انها تفهم حجم الجدية والغضب الي كانو باينين عليه...تخطاها ومشى لجيهة الممر فين كاين المكتب ديال باه فين كان كيسهر بعض المرات على خدمتو ديال المجوهرات.. الي ولا ديالو طبعا...حدرت راسها وضارت تبعاتو وحدة فسنها ومكانتها عند زين الدين تبعو وتوصل راسها لهاد المواصل شي حاجة الي كتضر فالخاطر بالنسبة ليها هي الي وصلات راسها لهادشي...غاديا تابعاه وقلبها كيضرب عيات تكابر وماتبينش انها خايفة وماتخافش لكن قدامو وحيث عارفاااه شنو كيسوى الرعب دب ليها فذاتها حتى حسات بالدوار وضبابة كتمشي وتجي بين عينيها...حلات الباب ودخلات لقاتو جالس فوق الفوطوي الي قدام المكتب مفرق رجليه وايدو كدوز على لحيتو من الذقن..عينيه فنقطة بعيييدة ساااهي بنفس الشوفة..غير حلت الباب وسداتو وهو يشير ليها بايدو تجلس مقابل ليه...
توبا"حنحنت وقربات جلست فين نعت ليها وشافت فيه" : خ خباار الخير...
زين الدين"هز فيها عينيه الي جمغمو بالدم ديك الكلمة كتبقى ترجع ليه وتحفر ليه فقلبو وتعاود...فيييه ماينوض يخلط ويطحن وشوف تشوف غداديو واش يبردو..لكن هنا الشخص الي تسبب ليه فهاد الغضب هو "عمتو"..امراة كبيرة وهنا كملت ليه الباهية..بقى كيشووف فيها واحد الوقت دار فيها واحد شوفة ديال ماضنيتكش تديري ليا هادشي..رجع تكا عالفوطوي ونطق" : مالك ؟!
توبا"حدرت عينيها وسكتت"
زين الدين : سولتك !!
توبا : فراسك ياك ؟"نزلو دموعها يجريييو"
زين الدين"هز حاجبو" : شنو الي فراسي ؟؟؟
توبا : البارح بالليل سولني هذاك الولد خو مرتك على..
زين الدين : عندو سمية...
توبا : سيم محمد رضى يمكن..مافاراسيش را غايبات معانا و قلت ليه را هنا مكيبات فيه حد حيث سول على الحاج جد مراتك وهي جات كتغوت عليا وتهز فصوتها وقل..."نطق مجهد صوته شوية تا قفزت وهزت فيه عينيها"
زين الدين : تعاودي شغل العيالات هنا ؟ "خنزر فيها" كسالة هذا الي قدامك !!
توبا : لل لا حاشا ياك سولتيني مالي ؟
زين الدين"هز سروالو من عند ركابيه وقرب ليها مقابل معاها مزيان عينيه طالقين واحد تخنزيرة لا حول ولا قوة.." : مااالك ؟ ماالك الحاجة توبا البغداادي...شنو بااغية وفاش عينك ؟
توبا"الصمت"
زين الدين"خبط فوق الطابلة تا طارت ونزلت" : شنووو باااغية بالضبط شنوووووووو ؟ ماكفاكش الي جرا ليك ماكفاوكش فعايلك القدييمة "خرج عينيه ودار صبعو ففمو مسكتها" حاضر وشايف وعايش..لاش باغة توصلي اا عمتي لااااش !!
توبا"تبسمات بجنب" : شنو وصلات ليك ؟"جهد صوته تا غمضت عينيها ونزلو دموعها بالخلعة"
زين الدين : بنت الناس بعيدة عليك..بنت الناس ديال ماليها "شير لصدرو" واحد منهم..الي ماعندو حد من غيرها"هزات فيه عينيها بصدمة"..
توبا : علاش تزوجتي بيها هي ؟ ياك كنتي باغي غير تفقص الغالي علاش تزوجتي بيها ؟
زين الدين : سوقك ؟
توبا : را كانت غاتكون واحد"واااااااااو على قفزة قفزااااات تا حسات بالضبابة نزلات عليها وهادشي نتيجة الغوتة الي غوت تا هز واحد الفاز ضرب بيه الحاااااايط تا تشتت وهي تجمع وريقها حلف لا بغا يتصرط بالخلعة"
زين الدين"عرووق نواضرو تنفخو" : ماااااااااانسمعهااااااااااش منك هاد الكلمة مانعاااااودش مزال نسمعها "خبط طابلة خبطات متتالية خلا قلبها بغا يسكت ندمات لاش نطقات هي كاع.." مانعااودش..."شاف فيها مخنزرررر العافية كتضرب فيها من جيهتو" هاديييك بنت الناااس مرتي مرتي اناااااا...سهمها من سهمي وقيمتها من قيمتي...تقاااس منها شعرة نضلم ا توبا "حط صبعو على فمو " نضضضضللللم...
توبا : ياااك اولدي يااك هادي هي قيمتي عندك..هكا تجازي عمتك الي رباتك ياااك"كتهضر وصوتها كيترعد"...
زين الدين"خرج عينيه" : شمن عام ربيتيني ؟ العام الي جبتك من ديور الكرا"هز ايدو" ماعليش بيوت الكرا ؟ العام الي محتاج الي يربيني جبتك ربيتك نتي وداك الخدام ديال با الله يواليه برحمة الله...
توبا"حدرت راسها وعصررت عينيها كتبكيييي حك ليها على جرح قديييم وهو معيشتها فبيوت الكرا وسط الوسخ"
زين الدين : شفتي فين وصلتي راسك شفتي فين هبطتي قيمتك وخليتي ولد خوك يخرج ليك هاد الكلام ؟ شفتي التعدي بالهضرة فين كيوصل الجرح فالخاطر ؟
توبا"صمت"
زين الدين : نهار حليتي عينيك حليتيهم على باك ومك حداك خوك وولادو حداك...كبرتي ودرتي دارك وولدتي"هز صبعو وشير لبرا" وديك بنت الناس بغات ربع من عيشتك مع واليديك مالقاتهاش..قيمتها دارتها هي نهار خذيتها طحت ونضت بالكشايف باش شافت فيا وسمحت ليا...نهار بغيت نخطبها حلت ليك بابها عمة راجلها... والرعواني علاش دايرة المندبة ليا هنا مقام باها...(بمعنى را عمرها ماشافتو بشوفة اخرى من غير هادي...كانت جملة كاااافية انها تفهمها وعمرها تنساااها...وتربح بداك الغالي الي دايرة عليه هاد الحالة...)..."خبط صدرو شي خبطات تسمعو لعندها" انا الي صدقت ولد لحرام معاها...
توبا"حدرت عينيها ومزال كتبكي" : اهى اهى...
زين الدين"بقاو عينيه خارجين مخنزريين فيها..صدرو كينهج كيشوف فوجهها ولا صفر..بقا شحاال وهو كيخنز فيها وهي كتبكي قدامو ووالو واش حركت فيه شي حاجة...حتى رجع تكا على الفوطوي تاني ونطق" : شنو بغيتي ؟
توبا : اهى اهى مابغيت والو...خذيييت جوابي...
زين الدين : ماخذيتش جوابي انا...مزال كنتسنى !!!
توبا : اشمن جواب الي بغيتي من بعد ماسمعت هادشي منك ؟
زين الدين"رجع تقابل معاها ونقر بصبعو فوق طابلة" : قيمتك باقية ماحدي ناعتك بعمتي...قيمتك مزال ماحدي مادرتش ايدي بلاصة الكلمة الي فبالك حاكة ليك فخاطرك ومسيلة دم من داك الوقت لدابا حمدي الله...قيام الليل والصلاة فوقتها والمبالغة فالدعاء الي مادرتش الي مايعجب...والى درت اعمتي خبارك مايجيبها حد..."شير بصبعو ليه" ديك الكلمة (ضرتي زعما) فالخاطر ديال راجل شنو كدير ؟ "خرج عينيه تا بياضو وشوفتو وتخنزيرتو عرفات معناها بلا مينطق" تخلي القتيلة حلال...
توبا"صرطات ريقها ونطقات صوتها مذبذب" : كنبقى مراة ازين الدين كنبقى مراة وخا تفرقت معاه...
زين الدين : ماعنديش بهادشي غراض..هادشي ديالكم بعييييد عليا...خرجت سوقك نهار الي خرجتي نتي سوقي بفمك"كيفكرها فالنهار الي قالت ليه داك الكلام الجااارح" نزيد نخشي راسي فلعبك نتي وياه نولي دري صغير معاكم وطيح قيمتي"خرج عينيه شوي ورجع قاد نضرتو"
توبا"سكتت ماقدرتش تزيد تهضر لانه كل مكتهضر كيعطيها القرطاس من حيث لا تحتسب...رجعات هزات فيه عينيها ونطقات" : وشنو بان ليك فصوتها الي علا عليا البارح وغوتت عليا...
زين الدين : نرجع نعاودها ليك بالخشيبات ؟؟"جهد صوته تا قفزت تاني" بيناااتكم العسالات داك سوق ماعندي بيه غراض..الي كنعرف نهار نغيب مرتي ماتقلالش قيمتها...الي وقع شنو ما وقع ماتنقصش قيمتها...الغوات وداك رهوط ديال العيالات ماعندي فيه دخل...
توبا"الصمت"
زين الدين : داز عليك الويل الكحل ورجعتي...درتي ذنب فذنب..ضربتي عايرتي جرحتي...قتلتي بغير حق"هزات فيه عينيها مصدومة...حرك راسو. بشكل ثقيييييل" سيي قتلتي قتلتي وتحسبت ليك ذنب الى يوم الدين"كيقول فهاد الهضرة وهي كتشووووط من لداخل" الوقت عطاتك وقت من وقتها...ورب العالمين خلا ليك باب فين تفيقي على راسك تصدقي طلبي السماحة تحطي جبهتك لارض...نطقي بالكلام الطيب وتمحي الهضرة سامة...صفي النية وبيضي گلبك فين يتفتح ليك الباب ديال توبة...عطاوك هاد السمية وندمتي جد مها لاش كانت سميتك...
توبا"كيهضر وقلبها كيدوزو عليه سيوفة حامييين"
زين الدين : نهار رجعتك لهنا رجعتك على وجه بنتك...ختي الصغيرة الى ماگلتش بنتي باش تكون بنتك حاشا وربي كتب عليها واليدين فحالكم...لا نية صافية لا گلب مصفي...نهار رجعتك هنا على وجه البغدادي الكبيير...نهار رجعتك هنا وجبتك تعيشي معايا حيث عمتي ريحة الواليدين...الحاجة الي بقات ليا من الدم...نهار ندير داري توقف معايا بلاصة الواليدة...نهار ندخل مرتي تحسبها بنتها...
توبا : انا كنبقى دمك مهما وقع الي يوقع...
زين الدين : الدم الي مايحن..ماء كحل...
توبا : يااك...
زين الدين : بقات فالدم !! غذا ولا بعدو ندير ولادي"هز صبعو كيحسب ليها" دمي ودم الغالية عندي...من صلبي وضهري..شنو بغيت حسن من هاد الرابط !!..
توبا"حركت راسها وحدراتو مالقات ماتقول سكتت كافية وموفية مع العافية والموس الي خشا فيها غيييير بالكلام كان كااافي تبان على وجهها انها تزيراات وتقجات"
زين الدين : من هنا لنهار الي تبرا فيه ضحى نشوف شنو ندير...من هنا لتما عندك فرصة يا تعطي التيقار لبنات ناس وتديها فراسك وصحتك "هز صبعو" لدابا حاسبك عمتي نهار نكفر تاحاجة ماتغفر.."خرج عينيه"..."نقر بصباعة فجنب الفوطوي حتى نقر وهو ينوض جمع الوقفة"
توبا : غاتجري عليا ؟؟
زين الدين : ترابيا ؟!
توبا : وهي اش عنيتي بهضرتك ؟
زين الدين : هضرتي منعاودهاش دابا ...نسمع البكا وشكا وولد خويا مدرتي بحسابي ولا درتي ليا قيمة ديك الهضرة الي ماعند حياة مها مفصل...نطحي راسك مع الحايط ماتعتبي را هاد الدار ...نهار يكثر عليا لغط والبلا بلا ونهار يطوال التقجار عليا ولا على مرتي نهار يوصلني صهد صداعك...نهار نقطع ملة مو من جدر...وحسبيها فين تحسبيها داك الوقت...نتي ووجهك وايمانك..."تم غادي جيهة الباب" تحركي من تما رجعي فين كنتي فحال ماهضرتش معاك... وهضرتنا هنا تبقى نسمعها وصلت لشي قنت مانتي فخير معايا....يلاه تحركي"جهد صوته تا قفزت وناضت بلهلا يطريه ليها"...
خرج من المكتب وخلاها جايا وراه...خرج من ديك الجيهة ديال الممر...وتم غادي باغي يمشي لدروج باش يطلع عند فرح حتى لقى فطريقو المحجوب جاي بعكازو غير شافو وهو يتبسم...
المحجوب. : هههه جيتي دغيا شتك ؟
زين الدين"رجع وجهو من مود الغضب لمود البشاشة بزز منو...باس ليه راسو وايدو" : توحشتك الحاج...
المحجوب : توحشتي مرتك وكان هههه
زين الدين : باين عليا الحاج كااع ؟
المحجوب : ومالها عيب ؟ مرتك هاديك ودارك وبلادك...
زين الدين"باش ميبينش ليه بالي جا بسباب الي وقع البارح..كحب وديك الكحبة باقي صوتها مدعدع واصلا جا صوته باقي مبحوح وعيان.." : ساليت المهم ورجعت عيان شوية الحاج...
المحجوب : باينة فيك من ديك الكحبة وگالت ليا فرح مشيتي مريض...الله يشافي ولدي.."حرك ليه راسو وسكت شوية وهو يهز فيه راسو" الى مانشدكش اولدي بغيت منك وقيت نهضر معاك وليني حتى ترتاح...
زين الدين : ضراتك شي حاجة من جيهتنا الحاج ؟!
المحجوب : ابدا اولدي ما شفت منك العيب لا نتا لا مراد ولا البنية ضحى...سير وكان تاترجع ونهضرو...
زين الدين"شاف ساعتو" : عطيني وقيييت نص ساعة بالحساب ونكون عندك...نيت عندي معاك شي هضرة بيناتنا.."باس ليه راسو وضرب دورة طلع فالدروج تا وقف شاف جيهة بيت ضحى وهو يرجع مشى نيشان لبيتو حل الباب وسدو لقاها كتدهن فشعرها بالسيروم وتمشط فيه يلاه جات دور تشوف جرها من ايدها وداها وراه غادي بيها وهي كتنقز...
فرح. : مالك ابشوية دابا نطيح وا"بزربة جابها حدا الناموسية ودورها عندو...حاوط ضهرها بايديه الي هبطو تحت ضهرها وجبدها لعندو تا لصقها معاه وايديها تحطو على صدرو كترمش فيه" مالك...
زين الدين : شكون توحشني ؟
فرح"جمعات فمها وعوجاتو حابسة الابتسامة" : منعرف...
زين الدين"هز حاجبو" : ياااك ؟!
فرح : راك عارف "زلقت ليها ضحكة"ههههه..
زين الدين"حط راس شفايفو على شفايفها ببوسة خفيييييفة خلات قلبها يضرب" : شنو بكاك ليا !!"عاود باسها هاد المرة ورك على شفايفها تا رجع راسها لور" هضري"عاود باسها"
فرح : مابك"كيبوس فيها ويقطع فيها الهضرة" بكا"عاود باسها" ممممم...وخليني"ماقدرش يحبس راسو خشا صباعو فشعرها من لور وجرها لعندو اكثر لجم فمها بقبلة سخوووونة بواحد الوتيرة اول مرة تشوفها فيه...واحد جعرة شداتو على دوك الشنايف...كيشلقمم فيها ويجرهم تالعندو ويعاود يردهم ويمصصصص ويخشي لسانو فثغرها حتى كيجول فلداااخل ديالو وايدو لتحت هابطة لمؤخرتها كيزيد يضغط عليها عندو وهو راجع وهي معاه حتى تزدح مع الحايط بجهد هي حسات بيها قاصحة وهو ماحسش بيها تكاها عندو كيلتاهم فدوك شنايف بدون مايعطيها فرصة انها ترتاح وتاخذ النفس تا خرجات عينيها وهو وووااالو واش تخنق كيبوس ويجرررر تا كتحس بشنايفها طارو..حتى بدات كتحس بداكشي كييقصها من تحت قاصح...هادشي ما ضرهاش كثر ما ضرتها الحنقة الي حست بيها ووالو واش رحمها حست بروحها بغات تخرج تا بدات تدفع فيه بايديها من صدرو وهو مزير عليها من شعرها تا حست بدموعها على طرف عينيها وهي دفعو تاني حتى بعد راسو وهي تشهق كتقلب على النفس ووجهها تجيف..تا بدات تكحب"
فرح : كحكحكح كحكح هييييييي ففف كحكح كحكح
زين الدين"تكا راسو على الحايط كينهج وهو يدور جيهة الما كب ليها كاس وجابو ليها تشرب" : شربي"بدا يكحب تاهو..اتقولي كان مسدود عليه عاد غاتبدا تعرف عليه فالبوسان ديال بصح والى توحشها كحالت على جد والديها"...
فرح : كحكح كح"شربات من الما وعطاتو ليه رجعو وهي بقات تقلب عالنفس وتنهج تا حطات ايدها على صدرها" خ خنقتيييني حراام عليك...
زين الدين : ماشي بايدي...
فرح"هزات فيه عينيها مغوبشة" : بغيتي تقتلني ؟
زين الدين : نمووت معاك...
فرح"بقات مغوبشة وترمش فيه...ويالاه اسي مع هذا ههه"
زين الدين"قرب عندها حط ايدو على ضهرها كيدوز عليه فوق وتحت بلطف" : شوية دابا ؟
فرح : شوية ففف...خاصنا نزلو لتحت...
زين الدين : سخيتي بيا ؟
فرح : ماسخيتش ولكن كاين با لتحت وصفاء وسيمو..وخاصني نهبط نشوف الغذا فين وصل ونشوف ضحى واش تبغي تهبط نهبطها معايا...
زين الدين : دايرة بالك معاها بزاف ومع دارك...
فرح"تبسمات ليه" : ومانديرش ؟
زين الدين : ديري بالك معايا وعليا والباقي گاد براسو..."شاف ليها فعينيها" ماعندك ماتعاودي ليا شنو جرا فغيابي...
فرح : ماوقع والو غير بغيت نگوليك با تصاحب مع عمي الحسين هههه ولاو كيمشيو عند بعضياتهم...ونتا الي خاصك تگوليا شنو واقع علاش جيتي قبل الوقت ؟
زين الدين"عض شنايفو وشاف قدامو" : مابقى مايدار تما مابقاش عندي الخاطر نزيد نحضر عيان بجهد اللهم نجي حداك قابليني فمرضي..."بدا يكحب تاني" شفتي !؟
فرح : هاد الكحبة خاصني نشوف شنو ندير ليك ليها..بقات فيك بزاااف...
زين الدين : عاجبها...
فرح : داكشي علاش غانحيدها من جدر...يلاه نهبطو"سبقاتو وتماات غاديا وداك الترماحة كتهز وتحط بقى حاضيها ماكرهش ينقز على ملتها يطيرها من بلاصتها حتى ضارت كتشوف فيه خاشية ايديها فجياب بينوار"ويلاه...
زين الدين : هاني جاي ندوش ونصلي ونجي"شافها باقي واقفة...وهو يحيد القبية حتى بان صدرو وباقي واقفة حتى بدا يحل فسيور السروال" اجي دوشي ليا نوريك خيري ؟...
فرح"ضربات دورة وهي تحل الباب وخرجت"....
خرجات تجري وتضحك وجهها مزنگ...مشات لبيت ضحى دقات عليها ودخلات لقاتها جالسة ومسرحة رجلها المريضة...تبسمات ليها وهي تعاونها تا وقفات وقادت ليها عكازها فهاد اللحضة دخلات صفاء وعاونتها وهما يخرجوها...هبطوها لتحت حتى لصالون لقاو سيمو جالس كيتفرج غير وحدو تا دخلو عليه...جلستها فبلاصتها وجابت ليها مانطة وقادت ليها كرسي فين تسرح رجليها...خرجات فرح من البيت لقات خديجة غاديا بالطاجين تحطو على المجمر برا...حلات تلاجة وبدات تجبد ماتوجد لشلاضة..وهي تدخل توبا تاني...
توبا : بنتي توريا الى قدرتي الله يرضي عليك ديري ليا شوية الخضرة مفورة غير بالكامون وزيت البلدية ماديري فيها والو..
خديجة : طلع ليك طونسيو الحاجة !!
توبا"تبسمات" : ههه واشوية وصافي..من البارح وراسي كيزنزن...
خديجة : شحال عبرتي لقيتي ؟
توبا : 17,5 وليني يكون دابا نزل وخا كنحس بالصداع فراسي...يلاه الله يعاونكم على شقاكم والله يرضي عليك ابنتي ماتنساينيش..."حدرت راسها وخرجت وهادشي كامل تحت مسامع فرح داز اما عينيها كانت حادراهم فشلاضة الي كانت توجد..."
خرج من الدوش لحمو خارج منو الدخان بالسخونية شعرو هابط على عينيه كيقطر نازل مع صدرو نشف راسو ولبس حوايجو عاود نشف شعرو مزياان ومشطو رجعو لور...لبس تقاشر.وخرج من البيت داز نيشان لركن الصلاة صلى الضهر الي دوا وهو فالدوش...وهو كيصلي دخل المحجوب معاه صفاء وراتو الركن حيث بغا يصلي ويجلس يقرا فيه شوية من الذكر الحكيم...لقى زين الدين كيصلي صلى حتى هو وكمل بقى كيتمت فالباقيات الصالحات حتى كمل وهز عينيه فزين الدين الي بقى مربع كيتسنى فيه يكمل...
المحجوب"هز عينيه فالبيت وريحة المسك وند والبخور كتعطي منو تريح النفس والخاااطر كتحس بيه خاااوي ومعطر...حد عينيه كيسبح فالتسبيح وزين الدين كيشوف فيه..بقى شحااال وهو كيسبح وفنفس الوقت باغي يجمع الهضرة حتى كمل وهز فيه عينيه ونطق" : عمتك اولدي عندها شي مشكيل مع فرح ملحح ؟
زين الدين"غمضض عينييييييه وتمنى تمنى لو مكانش سمع لكن بهضرتو هادي اكدات ليه بالي حضر البارح...حل عينيه وقال" : شنو دارت ليها الحاج !!
المحجوب"تنهد" : باش نعلمك انا شغل العيالات ماعندي بيه غراض..وليني كاين شي كلام الى ضر بنتي فرح حسبو ضرني تانا وربي شاهد عمتك مانقصت من ضيافتنا ما قللت عليا احترام ماشفت منها غالخير والبسمة والكلمة طيبة...وليني فاش كيتذكر شي كلام الي خيب خيب بزااااف اولدي ويضر ليا الكبدة المعاودة راني مانعقل على المليح الي دارت..."خرج عينيه ولاول مرة يشوف زين الدين تخنزيرة المحجوب" خووووها الي رباها ويتسال فيها كثر مني وجدر...غضبت عليه وتبريت منو بمسبتها...خرجت العيب وگلت كلام الي يضر بمسبتها...ويجي البراني ينعت ليا فبنتي بهضرة وكلام خيب مانسمحش ليه والى سكت راني سكت على وجهك اولدي...باش تبدا دخل فالي ليها والي ماليها وتجبد ليها خوتها تاهما داك الشغل اولدي ماشغلها حنا "كيحط ايدو على صدرو" حنا وما گدينا نهضرو ونسولو خايفين ودايرين ليها كي الما الگليل(القليل)...
زين الدين : من كقك الحاج...
المحجوب : كون ماكنتي راجلها كنت نهزها ونزيد بيها ماتعرفو لينا طريق ولا بر ولا بحر...راني مرضت عليها ووصلت لموت وصحتي فشلت فاش غبرت..شفت الويل مانعست ماشفت راحة تا رجعت ليا...
زين الدين"حدر راسو باحترام وحشمة من جيهة عمتو"
المحجوب"ربت ليه على كتفو" : ماگلتش ليك هادشي باش تحدر راسك...الى علمتك راني شكيت عليك وهضر مع عمتك يا تحتارم الي محتارمها يا انا نقلق احترامي ونحيد الاعتبار (زعما ينسى را زين الدين كاين الي داير ليه اعتبار وعلى وجهو سكت ليها) ونسمعها كلام يخليها تحير فراسها وتمرض...شي كلام ساهل يتگال وصعيب يتنسى...كلام العيب باين وكلام العار يحفر ويبقى لاثر الى يوم الدين...
زين الدين"ساط النفس مطوول...قبط ليه ايدو بااسها و شاف فيه" : الى گلت ليك سمح ليا ومسحها فوجهي تبغي ؟
المحجوب"حرك ليه راسو" : راني على وجهك صبرت وسكت وفوجهك داز شي...هاني غير هضرت اولدي ودير ماهضرتش ولا تخليييش فرح تعرف راني علمتك خلي هضرتنا هنا ونتا قضي غراض بالسكات ومريضنا معندو باس...
زين الدين : تهنى الحاج.."سكت ولداخل ديالو كيغليييييي ماقدرش ومايقدرش يقوليه راني تفاهمت معاها...وماقدرش مايبينش بالي تعصب وفنفس الوقت خاص يهني ليه بالو...اي قلب عند هذا الرجل الي يتحمل هادشي كامل !؟...
خرجات من الكوزينة وهي دور بانت ليها دخلات جيهة الطواليط الي فالدخلة الي عند الباب الي عليها كيدوزو لمكتب زين الدين...ضارت جيهة دروج وجيهة صالون وهي ترجع مشات لتما ووقفات خاشية ايديها فجيابها بقات واقفة حتى تحل الباب وهي تخرج غا خرجت وهي ترجع باللور خصوصا ملي لقاتها كتشوف فيها...
توبا"ماعرفت تمشي ولا تهضر هزات فيها حاجبها وشافت فيها بجدية"
فرح"بدون مقدمات" : بغيت نگوليك سمحي ليا على صوتي الي علا عليك من قلة اداب واحترام مني نعلي صوتي ماشي حيث عمة زين الدين ولكن حيث كبر مني...ومرة اخرى ماتبقايش تحكي على شي حاجة ماجاوبتكش عليها باش منقللش احترامي واخا هاد المرة مغانجاوبش كيما كان الحال..وماتگوليش جا زين الدين يحامي عليا زين الدين نهار عرفني عرفني كندافع على راسي ومربية تربية الرجال...مرة اخرى سمحي ليا الى رفعت صوتي"قبل ماتهضر دورات راسها وضارت خرجات من تما حتى خرجت فيه"....
تمات راجعة ضارت غاديا حتى خرجات فيه وهي تشهق ماعرفات باش تبلات ولا منين بعث...شدها من ايديها ووقفها كيشوف فيها...
زين الدين : مالك ياك لباس ؟
فرح : خلعتيني احم..."صرطات ريقها وهي تم جايا توبا حركت ليه راسها وزادت حادراه مصدومة من هضرة فرح..."
زين الدين"ماشافش جيهة توبا الي مشاات وبقاو عينيه على فرح" : شنو كنتي كديري هنا ؟!
فرح : غير شفت خالتي توبا كانت عيانة طلع ليها طونسيون بزاف خفتها تكون طاحت ولا شي حاجة...
زين الدين"خرج لسانو وطواه عض عليه ماكرهش ياكلها تما"
فرح : خارج !؟
زين الدين"صونا ليه التيليفون فايديه شاف فيه لقاه يونس" : هاني برا نكمي ونهضر ونجي.."حركت ليه راسها باسو وخرج حل طوموبيل من بعيد تا تحل الكوف وتهز وجبد الكارو من جيبو شعلو وبدا يكمي تا وصل عند السيارة هبط الفاليز والتيليفون فوذنيه..." با يونس ...
يونس : وعالسلامة...وصلتي ؟
زين الدين : شوية هذا...
يونس : والو واش صبرتي يا ولدي هههه
زين الدين : مالخاطريش راك عارف...سمعتي داكشي الي رسلت ليك !؟
يونس : مكاملش كانت شي هضرة قبل ؟
زين الدين : شي هضرة تگالت حسن تبقى خاصة...رسلت ليك المهم..."رسل ليه تسجيل لداكشي الي سمع منها البارح هي وعمتو حيث تيليفونو كيسجل المكالمات فواحد لابليكاسيون...وخءاه وحذف ليه الهضرة الي قالت انها كانت غاتكون ضرتها"
يونس : الهضرة الي سمعت منها كانت كافية زين الدين...
زين الدين : المعنى !!
يونس : كاين شي حالات فحال حالة المدام ديالك...كايسدو باب المشاكيل.. كيسدو الباب الي تصدمو فيه...على ماسمعت من هضرتها وشنو قالت بالحرف وكيفاش تنطق !! مزال مناسياش وعمرها ماتنسى خوتها...يمكن هي بغات تعطيهم تيساع بحيث كتحس براسها عالة عليهم مثيقلة على خوها الكبير...صداع نايض بسبابها..."كيعاود ليه وزين الدين كيرجع سينتة"
فرح : بغيت غيييير راحتي وراحتي لقيتها معاك نتا...
فرح : ماحاملينيش مي مابغاتنييييش اهى اهى ماعندييييش مي تاحد ماباغيني...
يونس : هذا من جيهة الصداع...من جيهة صدمة..كيكونو بعض الناس عندهم ناس كيحميوهم من الخارج مشاكيل الخارج معولين عليهم فكلشي هما فقط كيعيشو تحت الحماية ديالهم وراحة الي موفرينها ليهم حتى فجأة بين ليلة وضحاها شنو كيوقع ؟ هما نفس الناس الي رماوهم لديك الدنيا وديابها..الي وقع ليها كان صعيييييب على بنت عايشة مع خوتها عمرها خرجت على برا تعرفت على ناس وثقافات وسافرت وحدها جالت وصالت وتعاشرت وتعايشت مع وجوه جديدة...فرح كانت كتعرف فوزي وعصام الخو الكبيييير...الي رباها الي حلت عليه عينيها عاطيها الحماية...هو الي لاحها لزنقة وديابها هادشي كنقوليك فيه بناءا على هضرتها وشنو وقع ليها فديك الدار الي طاحت فيها...تكتب ليها عمر جديد
زين الدين : نهار ديتها لانزگان خليتها جوج دقايق فديك البلاصة ورجعت جريتها...
يونس : تمدت ليها يد المساعدة...ماكانتش هازة منك وانما كانت خايفة عليك داك الوقت...بقى خوفها عليك حتى فاش لقيتيها وجبتيها لتارودانت...هذاكشي علاش حطيت الاحتمال يا خايفة عليك يا منك...ملي وصلتو لهاد المواصل ورتاحت وبدات تعالج على ايدك عرف بالي الاحتمال اللول هو الي صحيح...
زين الدين : والباقي...
يونس : كاتلقاها كتبكي ! وكتنكر عينيها منفوخين وساكتة مخليا راسها طبيعية وموقع والو ؟
زين الدين : سي...
يونس : هاديك الحالة كنسميوها sous pression تحت الضغط...هاد الحالة كتوقع لناس الي كيخبيو جرحهم مشاعرهم البكا وكيتصرفو بشكل عادي كتوقع ليه هاد المشكيلة...ممكن شي نهار يجيها تشنج فشي عضو من اعضائها وتغوت بداك الالم المصاحب(هادشي علاش شدات جنبها هي وعصام وغوتو بزوج)..حاول معاها بالخااااطر شوي بشوي كيف مولف وماتضغطش عليها حتى نتا ونهار تجي لعندي لحصة نشوف شنو غاتگول...
زين الدين : من خلال هضرتها على خوتها شنو la conclusion ؟
يونس : المشكيل الكبييير مع الخو الكبييير...مانقدرش نغامر بيه...العقدة ديالو بدات من عندك...فك المشكيل ديالك معاه من بعد ندوزو ليها معاه...
زين الدين : فوزي ؟!
يونس : نهار گالت وقفو وقفة رجاال واحد النقطة الي مزيانة كاين احتمال ترجع تهضر معاه...هادشي علاش هضرت معاه وعطيتو الاوكي باش يقدر يجي لعندكم تما...
زين الدين"جمع حجبانو" : كيفاش...
يونس : الى جا هو على غفلة لعندكم حسن ماتكون داير معاه باش ماتحسبش نقطة ضدك وهي كاتخاف ترجعها عندهم"تفكر زين الدين نهار خافت يديها عندهم"
فرح : لا لا ماتدينيش عندهم عاااافاك ماتدينييييش اهى اهى..عافاك ماتدينيش خليني معااااااك...
زين الدين"هز عينيه جيهة الباب كيشوف فشي حد داخل بالسيارة داسيا داستر تحل ليه الباب وشاف العساس حرك ليه راسو حيث كيعرفو حتى دخل ووقف ليه بالسيارة عند رجليه....شافو نزل من السيارة وعينيه حمريين لابس سورفيت كحلة بالقبية وداير كاسكيطة..."
فوزي"بصوت يطيح الضيم" : بغيييت نشوف ختي ازين الدين هذا جهدي اخويا...
زين الدين" خرج عينيه ماحتال يستوعب حتى سمع صوتها كتعيط ليه دور راسو بالعرض البطيء هو وفوزي"
فرح"واقفة عند الباب" : زين الديين دخل تغذا را با كايتس"عينيها تفيكسااااو وقلبها سكتتتت وصدرها بدا يطلع ويهبط يطلع ويهبط حتى خرجت عينيها وهي دور وعطاتو بالضهر"
فوزي"غوت تا بح صوته": واااا قتلييييينييي. اختي وماتعطيني بالضهر.....
يتبع...
التعليقات
لا توجد تعليقات بعد، كن أول من يعلق.