ولادة من رحم الفساد الجزء 45 والأخير

حتى خرجات هناء كتبكي غير سمعوها وهما يدورو لقاوها جايا كتبكي وهما يوقفو...برد لعصام الما فالركابي اما زين الدين قلبو حس بالي فرح الي بيها شي حاجة...

عصام : مالك ؟؟! با وقعات ليه شي حاجة...

هناء : لا..."شافت فزين الدين" فرح ماعرفتش مالها كتبكي وكتگول...

ماجات فين تكمل هضرتها حتى طار زين الدين وعصام دخلو كيجريو نيشان لبيت فين ناعسة فرح وقف زين الدين مخلوع..

زين الدين : فرح مالك ؟!

فرح"كانت جالسة وكتقيص فكرشها وباين عليها الهلع حيث وجهها تسقط منو الد.م...غا دخل زين الدين وهي تهز فيه عينيها الي كيقطرو بالدموع والخوف" : زين الدين...اهى مابقيتش كنحس بتحراك فكرشي من الي عرفت گبيلة على با...حسيت بتحراك بزاف وحبس..لدابا مابقيتش كنحس..زين الدين..مابقيت كنحس بوالو...

عصام : كيفاش ؟! ...

زين الدين"جلس حداها وحط ايدو فوق كرشها كيقلب حتى دخلات نعيمة تاهي سمعات الحس وفاقت عبد العالي ومنير خلاص مناعسينش وصفاء حتى هي جات عندها" : ششش تهدني فرح باش نعرف شنو كاين...شنو الي مكتحسيش ؟

فرح : كان تحراك وركيل بزاف... من البارح لدابا مكنحس بوالو..مابقيتش كنحس بتحراك فكرشي ماعرفتش ازين الدين..اهى اهى...واااا ديني لطبيب نشوف اش واقع...

"شدات ليه فايديه كطلب وتنخصص..خوف الامومة تحرك فيها وجاتها هيستيريا ورعب من انه ممكن توقع شي حاجة للبيبي الي فكرشها..."

زين الدين : فرح هادشي عادي ماعندك مناش تخافي...نتي دابا فla fin de grossesse الوغ سي نوغمال...ل bébé كبر فكرشك.."حط ايدو فوق ايديها الي محطوطين فوق كرشها كيدوز عليهم بحب وطمأنينة..كيحاول يهدنها" ماعندك مناش تخافي..تهدني ورخفي النفس ورجعي رتاحي...

فرح"هزات فيه عينيها وخرجاتهم برعب" : وكنگول ليييييييييك مابقيت كنحس بوالو..بواااالو اهى اهى...ديني نتهنى ونتاكد ازين الدين...وااااااا ديني ماتفقصونييييييييييييييش تاني "جهدات صوتها تا تجيف ليها وجهها"...

مكان عليه غير يلبي الرجاء وينقص ليها الخوف لانه شاف فعينيها خوف الام على فلذة كبدها وشاف الرعب الي كيكون مختلف...الرعب ديال الام على ولادها...عارف هاد النوع من الشعور مايحيد غير الى مادار شنو قالت ليه بالضبط...باش يمشيو لكلينيك ديالو بعيد الحال شوية ازيد من ساعتين ديال الطريق..مكان عليه غير يديها لكلينيك تما...سول على طبيبة الي كيعرف ومن محاسن الصدف لقاها فهاد الوقت...ركب معاه عصام وحتى فوزي طبعا ختهم ماخليوهاش...حتى دخلو لكلينيك وطلعو لفوق عند الجبيبة ديال النساء وتوليد...

طبيبة : تسرحي بنتي بشوية.."شافت كرشها هبطات" امم تقبل غالبا...(هبطات كرشها ولكن واش تقبل يعني عطا براسو او عطات براسها..) بون نشوفو هههه...شنو الي خلاك حاسة بالي مكاينش حركة ؟

فرح : مابقيتش كنحس بالحركةة من البارح..مولفة كنحس بركيل ولا غير حركة خفيفة والو ماحسيتش..اهى...

زين الدين"قبط ليها ايدها وزير عليها" : ششش..تهدني باش نعرفو شنو كاين...

"كيقول هاكا وهو را ربي الي عالم بيه قلبو بغى يسكت...عينيه كيشوفو غير فالايكو وحمريييين بالخوف...حدو قاليها تهدني نعرفو شنو كاين وصافي خاف يهضر يتلف ويتلفها وتخلع...تاهو غا شاد فراسو واخا عارف ان هادشي ممكن يكون طبيعي لان فهاد المرحلة الاخيرة الجنين كيكبر وكيدياق عليه المحيط فالمشيمة الشي الي كيخلي الحركة ديال تقل...

قادت الايكو والمسائيل ديالها..خوات ليها برودوي على كرشها الي تغمق ليها اللون وواحد الخط قهوي هابط من صرتها..حيث جاها الكلف غير فكرشها وشي شوية فعنقها...بقات كتدوز وتورك شوية حتى كتغمض فرح عينيها...شحال وهي كتقلب وفرح عينيها فالايكو باش تشوف زين الدين وتقيس النتيجة من عينيه نساتو ولات مركزة مع الايكو كون صابت تخشي وجهها...

فرح : اشنو اهى...

طبيبة : ششش..تهدني حبيبة ماتخافي والو..طخييي طخي نوغمال..تووو فا بيان...

فرح : حلفي بالله...

طبيبة"ضحكتها ولكن مشات معاها بنفس الريتم" : والله العظيم ههههه...

زين الدين"ضار لهيه وحرك راسو بقلة حيلة مع هاد المراة الي تبلى بيها" : لا اله الا الله...

فرح"كتمسح دموعها" : وعلاش محسيت بوالو...ماعرفتش علاش حسيت هكاك...

طبيبة : مقلقة من شي حاجة ؟ عندك شي حاجة مخلياك كتفكري بزاف ؟ هو نوغمال فهاد المرحلة لاخرة كيكثر الوساويس..التفكير..وسهير والقلق هذا دليل على انك قربتي تولدي...

فرح"بحزن" : شي مشاكيل فالدار داكشي باش..

طبيبة"حركات راسها بتفهم" : دااكوغ..بون.."شافت فزين الدين" من احسن تاخذها لاكلينيك عندك من غذا...تبقى تما حتى تولد..الافضل توفر ليها وسائل راحة وتبعد على اي ضغوطات..على مابان ليا ودايرة مع الجينيكو ديالها من هنا ل jeudi الوغ من غذا تكون تما...راك شفتي كلشي فالايكو وبان ليك ان راس عاطي لتحت يعني فالوضعية ديال الولادة...

زين الدين"حرك راسو" : merci doc...

"طبطبات عليها بابتسامة وهي تنوض مخلياهم بزوج."

فرح"شافت فزين الدين بصدمة" : علاش نمشي من دابا ؟ مانقدرش عافاك جدي مريض بزاف ومنقدرش منشوفوش...شنو الحل...

زين الدين"تحنى باسها فراسها وخلا وجهو قريب لوجهها عينيه فعينيها" : en tout cas غاديا غاديا..جدك مزال عيان فرح...تستقر حالتو وانا براسي غادي نجيبو لكلينيك عندي يلقى راحة والعناية تما وحتى يكون قريب ليك "باسها فراس منخرها" تفاهمنا ؟!...

مسح ليها ب لانجيت حيث ماتقدرش توصل لتما...هبط ليها حوايجها وشد ايدها تا ناضت ووقفات...وهما يخرجو لقاو عصام وفوزي على اعصابهم نساوهم مساكن...

عصام"مشربن" : مالكم سكنتو تما ؟!...

فرح : غير بقات كتهضر معايا وتشرح ليا...

زين الدين"شير ليه بصبعو" : حيث انا ماثاقتش بيا...

فرح : لا لا والله ماهكاك..وراه تانتا تشك والايكو ياكد ليك..الجينيكو براسها تاهي تبغي تاكد...

زين الدين : الله يعطيني فعايلك نقيس بيهم البشري..زيدي وكان زيدي...

فوزي"بخوف" : ياك بعدا كلشي مزيان ؟!

فرح"تابطات دراعو وتكات عليه شادة كرشها وتعرج" : كلشي مزيان اخالو فوزي...

فوزي"ضحك وسط الهم" : هههه بنينة هاد خالو فوزي عندك مدغمرة..."باس ليها راسها" طيرتيها منا خلعة ينعل بوك...

عصام"تنهد براحة" : ماتولد تا تخرجها مني..مشاكيل والله الى مشاكيل كلشي تلاگا علينا دقة وحدة..اللهم لك الحمد...

زين الدين"ربت ليه على كتافو" : يكون خير ابا عصام يكون خير...

خرجو من الكلينيك من بعد ماخلص زين الدين المستحقات...كانت الساعة غاديا لسبعة الصباح...مشاو نيشان لمستشفى لعند با المحجوب. حتى وصلو عليهم البقية...خرج عندهم الطبيب....

الطبيب : واحد فيكم يجي معايا لمكتب مع دكتور البغدادي...

ع.العالي : انا ولدو...

حرك ليه طبيب راسو وهو يمشي مع زين الدين الي حرك راسو لفرح باطمئنان...تبعوه تالمكتب تما...

طبيب"شاف فزين الدين" : اولا مرحبا بسي البغدادي شرفتينا..

زين الدين"حط ايدو على صدرو" : الله يكبر بيك بروف الخالدي.

طبيب : بون..باش نحطكم بالصورة...الحالة ديال الحاج مزال عيانة شوية..."شاف فزين الدين" كيف كتعرف crise cardiaque Pour les personnes âgées..ماشي بسهولة ينوض منها...je pense que doc لطيف شرح ليه hier soir ونتا عارف شنو كاين...

ع.العالي. : وشنو دابا كاين امل رجع مزيان...

الطبيب : هو رجل كبير فالسن...لك ان تتوقع اي حاجة...مسالة ديال السن ممعاوناش خصوصا هو فعمر 71 سنة...

زين الدين"حنحن ونطق" : possible نبداو فالاجراءات باش نجيبو عند ف لاكلينيك...تما كاين بروفيسور يوسف نويري..وتما نرتاح عليه...

"عبد العالي هز عينيه فزين الدين وتبسم واحد اللحظة..المحجوب مالقاش الخير فبناتو لكن لقاه فحفايدو و فمنير وفهاد نسيبو الي غير هضرتو تخليك ترتاح انه فايدي امينة..خرجو من عند الطبيب وتمو غادييين فالكولوار حتى ضار عبد العالي ووقف وهو يدور زين الدين عندو لقاه واقف ووقف يعرف مالو حتى تفاجئ بعبد العالي مقرب ليه وشد ليه راسو باسو ليه باحترام وتقدير وشكر الي مكانش يحتاج يقولو لزين الدين كانت الحركة كافية توصل ليه شنو بغى عبد العالي...

ع.العالي : الله يرحم ليك الواليدين...الله يكثر خيرك على هاد الوقفات الي وقفتي معانا...نكون انا ولدو ومنديرش معاه هادشي الي درتي والي حضرت ليه درتي من تارودانت لمرضو لدابا...

زين الدين"باس ليه راسو باحترام" : الله اودي..واجب عليا هذاك..والواجب مع عائلتي واجب ابا عبد العالي...

ع.العالي"بخوف" : غايولي مزيان ؟ اش بان لك ؟

زين الدين"زفر بقلة حيلة معارفش شنو يقوليه ماماكدش من انه يقدر يولي مزيان او يقدر مايتحملش..حرك راسو ببطء" : ان شاء الله..وخا كلشي بيد الله باش دير فبالك لا هو لا نتا لا انا معارفين شنو جاي من هنا لغذا ساعة دقيقة...منمشيوش بعيد..فرح نوغمال كان عندها الخميس تدخل لاكلينيك باش نبداو معاها ليزيطاب ديال الولادة...هاهي شوية ونديها تبقى فيه حتى تولد...

ع.العالي : ههههه ايييييه ابابا...شكون كان يگول نوصلو لهاد الوقت البنت خليتها عندها عام...جيت لقيتها غاتجوج وهاهي غاتولي ام.....

زين الدين"سرح ايديه" : وصلتي للمعنى راسك دابا فين كنا وفين ولينا...كلشي بيد الله...

حرك ليه راسو ورجعو عند البقية بلغوهم بالحالة...يلاه نوض فرح باش يمشيو حتى بدات تبكي ليه....

فرح. : بغيت نشوف با قبل منمشي عاافاك...اهى...

زين الدين : باك العشية يكون فلاكلينيك وتشوفيه...

عصام : مايخليوكش دخلي عندو غير هني بالك وهنينا فرح برااااكة من البكى فرح براااكة..."جهد صوته تا قفزات وهي تصرط البكية مافهماتوش مالو تا ضار زين الدين وخنزر فيه" تگلعي سيري لكلينيك...كلمة جوج تغبني كلمة جوج تهرطي ياك شي باس مكاين ؟؟...

زين الدين"بواحد صوت ثقييييل فيه تهديد" : عصااااام...شي باس مكاين ؟

عصام : كاين الحبس الويل الكحل...دي مرتك فين بغيتي تديها وهنيو ليا ملتي...

فوزي"غمز فرح بعينيه بمعنى ماتديش عليه حيث عرفوه بالي فرط حيث بقى ساكت وخا هكاك..عارفينو كمد بزاااف خبار مو الي جات داكشي باش مابقاش صبر"

زين الدين"بقى كيخنز ف عصام وداير فرح وراه...تا غمض عينيه ولعن شيطان" : تت...يلاه نمشيو من هنا...

جابها قدامو ومشاو خلاو شي كيشوف فشي...حتى خرجو لبرا وهي حابسة دمعتها ماقدراتش مسكينة تا تهضر...وتاهي ربي الي عالم بحالها...يلاه حل طوموبيل بالكونطاكت حتى تبعو فوزي كيعيط ليه...

فوزي : زين الدين...نمشي معاكم ولا بغيتي ندير شي حاجة ؟

زين الدين : لا بلا متشقي راسك...انا نقضي غراض..

فوزي : ياودي غا خليني نقضي معاكم..مكاين مندير فسبيطار دابا ميخليوناش ندخلو نشوفوه ونرجع لدار كئيبة..يمكن ديك خالتي غاتهضر مع خالي تكمل ليه الهضرة ولا منعرف مابغيت نسمع شي حبس.."حرك راسو كيتنهد" فهمني زين الدين وخليني نتحرك معاكم...

زين الدين : نوصلكم لاكلينيك...بقى معاها حتى نجيب ليها حوايجها من دار...

حرك ليه راسو وهو يركب اللور من بعد ما ركبات فرح الي بقات ساكتة من الي تنفخ عليها عصام وهي صاقرة صارطة البكية مسكينة...وتاهي دخلات فواحد الحالة ديال سكووون...خرجو من سيدي بنور وشدو طريق لكلينيك...طريق كلها وهما ساكتين تاواحد ماهضر لكن زين مرة مرة كايرمي عينيه لفرح كاتبان ليه متكية وحاطة ايديها بزوج فوق كرشها وعينيها حزيييينين بزاف...وصلو لكلينيك...

زين الدين"تيليفون فوذنيه" : الحاج الفوق ياك ؟

علي : ايه انا هنا لفوق...را وجدو ليها سويت ديالها..طلع ليه نيشان...

زين الدين : نرجع ونشوفك...

قطع معاه ورجع شد ففرح من جنب وفوزي من جنب كانو حداها حسسوها بالدفء والامااان...طلعو فسانسور لطابق فين كاين الجناح الي فيه غرفتها مجهزة...بلاصة فيها سرير كبير...ودوش وحتى ماريو فين تحط حوايجها وحوايج البيبي..ماحد الايام كدوز وكيقرب الموعد وكيزيد القلب يخفق شوقا لرؤية فلذة الكبد...حل ليها الباب من بعد ما وراتهم الفرملية...

فرملية. : فوالا دكتوغ بغدادي...

حدرت راسها ومشات..حك على ضهر فرح وهي تدخل ساااكتة مكدويش...حتى من شومبر ما شافتوش كيداير الي بهض فوزي فحال الى غاتولد فاوطيل خمس نجوم...جلسات فالناموسية...

زين الدين. : شنو خاص من غير صاك الي فيه حوايجك وصاك لاخور..

فرح"ببرود" : شارجور تيليفوني...

زين الدين"تحنى باس ليها راسها وقرب لوذنيها" : الفرحة ديالي ماتخليش بالي مشطون عليك...الي يديني نجيب ليك حوايجك الي يجيبني...

فرح"تنهدات وهي تحك ليه على دراعو بايدها كطمنو عليها"

زين الدين"عاود باس ليها جبهتها..وضار عند فوزي" : شوي ويجيبو ليكم الفطور...وخا ؟

حرك ليه فوزي راسو وهو يخرج زين الدين من الشومبر...ضار فوزي لقاها جالسة وحادرة راسها...جلس حداها وجرها عنقها بجنب...غااا حط ليها راسها وهما يبداو العينين يدوزو بالشلال ديال دموع وبدا تنخصيص من جديد...

فوزي.: وهانتي خليتيه مشى وعطينيها لبكى...علاش هادشي دابا...

فرح : اهى اهى...ما ما عرفتش علاااااش واقع ليا هاكا...علاااااش اهى اهى...علاش غبرات وتا رتاحينا ودرنا حياتنا بلا بيها بانت وماتت وخربقاتنا من وراها...كون غير ماوصلاتناش خبارها كنا عاديييين...

فوزي : وتادابا عادييين..."عينيه ولاو حمرين" وخا عمرنا عرفناها...تانا بقى فيا الحال..."كيهضر وصوته كيتقطع" ت..فففف

"ضار لهيه وغمض عينيه وهما ينزلو دموعو يجرييييو تاهو...تاثرو بجهد من موت مهم...كل واحد فيهم وكيفاش كمدها عصام الي حاول يبان قاصح حتى صبر وانهار ماتجيه غير فرح فوجهو حتى نهض فيها...فرح الي دارت راسها ممسوقاش هاهي حاولات وحاولات وانهارت...فوزي تاهو حاول يبان عادي حتى ما صبرش....تغيب،تغبر، تخياب مايعرفوهاش!! كاتبقى امهم الي ولداتهم وكيبقى التاثير هو هو....خبر ضهورها صدمهم وموتها كمل عليهم..."

"امي ثم امي ثم امي لحد اخر يوم فعمري"....

عنقها وخلاها تبكي وسط حضنو تا كمشات ليه فحوايجو...وهو زير عليها وبقاو هكاك معانقين...وورا الباب كان زين الدين شاد البواني مبسم الباب يلاه كان غايرجع يقوليها بالي غايطلع تا يقاد امور مجية جدها وهو يسمعها كتهضر مع فوزي...جمع حجبانو متاثر بحالتهم حيث شعور الفقد اكثر شخص حاس بيه وعارفو هو زين الدين...تنهد مالقى مايدير سد الباب بشوية ومشى...مشى علمهم باش يبداو الاجراءات وعلم بروفيسور...نزل لتحت ركب فالسيارة وهو يبان ليه عصام جاي ومعاه صفاء...تا وقف ليه عند طوموبيل....شير ليه بايدو وهو يدور عندو حل ليه زين الدين زاج ديال سيارة...

زين الدين : شنو مزال باقي عندك ؟؟

عصام"مابقاش فيه مايتقاشح تاهو" : اشمن شومبر ؟!

زين الدين"دوز على راسو بقلة حيلة" : طاج الثاني..شومبر 65.."هز فيه عينيه" ساعف عصام ساعف كلشي واكل شحط ماشي غير نتا...

عصام"ضار عند صفاؤ قاليها فين حركات راسها وسبقاتو لعندها رجع شاف فزين الدين" : اليوم تنين ياك ؟

زين الدين"حرك راسو" : كنتسنى فريان يهضر...

عصام : فلوسك كملو ؟

زين الدين : حطيتهم فكونط جديد..."كيضرب فالفولون بصباعو" يبان ليا ندخل بيهم فمشروع لفرح...شي حاجة تابعة لكلينيك..نضربو هنا وهنا..مي ماشي دابا حتى تاخذ وقتها مع تربية وتشد السيستيم مزيان..تكمل ماستر ديالها ويكون خير..

حرك عصام راسو...حتى صونا ريان لزين الدين...شير زين الدين لعصام باش يدخل يجلس حداه تا يسمعو شنو غايقول..ضار من لهيه وركب حداه وهو يطلق زين الدين الخط...

ريان : صباح الخير زين الدين..كي صبح الحاج ؟!

زين الدين : شوية دعي معاه...امضرا شنو كاين...

ريان"شاف فساعتو كانت قريبة الحداش" : يلاه سالينا دابا...

عصام : اشنو دار...

ريان"سمع صوت عصام وهو يتفافا" : احم با عصام... الفلوس ديالك ازين الدين كملو ديجا...ولكن كانو باقين ليهم شيكات من غير فلوسك..زيد عليها شكاية الي رفعتي ديال تهجم عليك فدارك..المهم حكمو على عمك محمد الخيالي بعام ونص... وباك المخنتر الخيالي ب عامين ونص...

عصام"ضحك باستهزاء" . : قليلة فحقو..علاش ماعطاوش المؤبد...

ريان: اوووو ؟..."تلف ليه جرية هههه"

عصام : ماعلينا كاين كيفاش تعلم المحامي ديالو...ولا عمي يمشي يشوفو يعطيه شي خبار...

ريان : يقدر يشوفو...

عصام : المهم حاول ضبر ليه فزيارة يشوفو وانا نوصي عمي يعطيه الخبار"يوصلو ليه بالي مرتو بانت وماتت هادي اسبوع وزيادة"...

وصلات العشية...الشومبر ديال فرح عمرات بالحباب الي جاو لعندها اصلا جابو المحجوب وجاو تبعوهم...

نعيمة : ماتبقايش جالسة نوضي تمشاي وتمجاي وكولي تميرات ماعرفتي ربي يسر ليك...

فرح : تمشيت قبل ماتجيو بزاف...

يلاه كيهضرو حتى صونا تيليفون المحجوب الي بقى عند عبد العالي...كانت نمرة ماريا من جديد...

ع.العالي. : ماريا يمكن جا السيد الي گالت لينا..."شاف فولاد ختو وشاف فزين الدين" نخرج برا ونهضر معاها..."يلاه غايخرج وهو يوقفو صوت عصام"

عصام : لا طلق نسمعو كلنا نساليو هاد غناية حاشاك...

ع.العالي : ايه واخا..."طلق الخط وهو يتسمع صوتها هزات فرح راسها كتسمع فصوت خالتها...شافت ففوزي وهي تضحك باستهزاء"

ماريا : الو عبد العالي..

ع.العالي : الو ماريا لباس عليك...

ماريا : كي بقى با ؟

ع.العالي"تنهد" : شوية وصافي...مناوياش تجي تشوفيه ماعرفتي الوقت اش تجيب اماريا...

ماريا : نشوف الى يعطيوني كونجي نجي نشوفو نهار ونرجع..

فوزي"خرجت ليه ضحكة بلهلا يحزقو ليه بواحد طريقة مضحكة تا جاب لسيمو ضحك وهو يدور لهيه باش ميشوفش فصفاء ويطرطق بالضحك" : تهههننننهههههههههه...

ماريا : بون ها السيد غايهضر معاكم...را مغربي كيهضر بالدارجة..تفضل موسيو ياريف...

عبد العالي : واخا...

جهد فصوت وسكتو كيسمعو بغا يخرج سيمو وصفاء يخليوهم بيناتهم وهو يوقفهم عصام خنزر فيهم وجلسو صهطو..شوي تسمع صوت ديال سيد...

ياريف : بونجوغ...سي عبد العالي هذاك ياك...اخ مدام حليمة

ع.العالي : ايه هو هذا تفضل...

ياريف : بون...بالنسبة للاخت ديالكم جات عندنا هادي تمنية وعشرين عام...لاقاتنا بيها الضروف جات ل مراكش عند واحد سيدة توفات شحاال هادي كتعرفها من عائلتكم..

ع.العالي : هي الي وصلاتنا خبارها كانت عندها ملي مشينا لقيناها مشات هي وياها غبرو...

ياريف : exactement...خدمات كتغسل الماعن فواحد ريسطو وتما عرفاتها الام ديالي هي الي جابتها حيث طيابها زوين...عاودات لينا قصتها...ولكن باش نحطكم بالصورة...من اللول وهي كانت كتعيش مشاكيل نفسية...ماباغياش ترجع لدارها وعاودات لينا بالي راجلها كان كيتعدا عليها...جات معانا لفرنسا بسهولة حيث داك الوقت كيما كتعرف كانت الاجراءات بسيطة...وعاشت معانا ك مساعدة للام ديالي...من تم ماجاتش كاع ل Maroc...ماحدها كتكبر وهي كتمرض...عاشت عندها اضطرابات نفسية حادة...حاولنا نعالجوها عند بسيكو ولكن ماجابش نتيجة كان كيعطيها غير الكاالمون و les autres médicaments...

ع.العالي. : علاش خليتوها عندكم نورمال ترجعوها ولا علمو ولادها...

ياريف : هادشي ماعرفناه حتى دازت سنييين عاد عرفنا..كون عرفنا بالوراق نوصلو ليكم...ولكن مادام هي ك شخص رافض يرجع لعائلتو دونك هاديك رغبتها وحنا ك ناس عقلاء احترامناها مغاديش نبززو عليها شي حاجة ماتبغيهاش...tu as compris...

ع.العالي. : عمرها ما سولات على ولادها ولا تفكرتهم ؟

ياريف : صردات لينا الحكاية انه ديجا الزوج ديالها..جاب ناس حاولو يتعداو عليها...

عصام"خرج عينيه وضار شاف ففرح لقاها دايرة راسها بين ايديها...فوزي الي تصدم تا خرج عينيه وشاف فعبد العالي تاهو وضار شاف فمنير الي تصدم تاهو"

ياريف : وهذا الي خلانا نخليوها معانا...ساعدناها حتى من بعد بدينا كنلاحضو انا كتعاني من ضغوطات ثم اضطرابات من بعد...كانت كتقول ماعندهاش الولاد جيست هاربة من العن.ف الاسري ديال زوج ديالها...

ياريف : قبل ماتموت باشهر قليلة عاد هضرات على ولادها...عاد عرفنا را عندها ولاد...انا براسي قلت ليها واش تبغي تشوفيهم علاش ماقلتيش لينا مخليا ولادك...قالت ليا بالي خلات ولادها عند باها الي هو الجد ديالكم...

"عصام ضار لهيه كيضحك على الهم الي ما بعدو هم"

ياريف : كانت كتقوليا هما يكونو كبرووو وعايشين حياتهم...انا ماشي نورمال باش نرجع ونعيش معاهم...حتى كتولي لباس وترجع تمرض...المرض النفسي الي كانت فيه ماكانش مخليها انسانة نورمال...كتقول هضرة وترجع تنسى شنو قاالت...هادشي ماتزاد عليها حتى لهاد السنوات الاخيرة...

ع.العالي : سبب الوفاة...

ياريف : هو اغيت كاغدياك...ولكن الطبيب الي شافها..اكد ليا بالي شربات دوز زايدة على دوا الي كتاخذ...يعني باش نجيكم نيشان الاخت ديالك توفات نتيجة جرعة زايدة هي الي زادت فيها وهنا استنتجنا انه sui_cide....."انتح_ار"...

فرح"غمضات عينيها وهما ينزلو دموعها يجرييييييييييييو حتى دارت ايديها على وجهها...حالة الام ديالها فكراتها براسها...فكراتها بالمشاكيل النفسية الي عانات منها فرح....الاضطرابات الي واجهات فرح كانو صعااااب...وهنا يمكن حسات بالام ديالها وعرفات المعانات حيث هي دازت من هادشي وعارفة لشنو كيوصل...".: انننننننننننننننن اهى اهى..اهى....ااااااااااااااااااااااااا....

حالة هيستيريا ديال البكاء دخلات فيها حتى قفزاتهم واولهم زين الدين الي كان واقف بعيد حتى نقز لعندها كيجري....عصام دار راسو بين ايديه وحدرو حتى نزلو دموعو يجريييييييييييو بلا مايشعر...اما فوزي عينيه كانو كيشوفو فنقطة بعييييييدة وحجبانو بقاو يتجمعو يتجمعو يتجمعو تا ولاو عينيه حمرييييييييييين وغادين وتيسدو يتسدو تا نزلو دموعو كي الحجر خمسة ستة العين....

‏"يكسرك غالي، ويجبرك غريب

والغريب يصير غالي، والغالي يرجع غريب."

وكيفاش مغاديش توصلهم القهرة والحزن عليها للقلب نيشان...وكيفاش مغاديش تبكيهم حالتها..حالة الام الي عانات وهي بعيدة عليهم مالقاتش الزوج الحنين فحال زين الدين..مالقاتش الاخ السند فحال عصام وفوزي...مالقاتش الاب بحال عصام..مالقاتش الجد فحال المحجوب..مالقاتش عائلة توقف معاها وتساندها فاكفس الامراض الي ممكن يعاني منها الانسان...مالقات حد من غير البراني والبراني كان قريب لكن ماكانش معاها فالشدة كما يجب وعالجها كيف تعالجت فرح...وهنا فرح حسات بالمعانات دياال امها وعلاش متحسش وتوصاها للقلب وهي عاشت نفس تجربة ديالها غير الفرق وحدة لقات اعز ناسها فجنبها ولاخرى بقات متعايشة مع مرضها حتى تمكن منها وفسد ليها نفسيتها وفبلاصة ماتولد من رحم الفساد...حطات حد لحياتها...يعياو يقصاحو يعياو ينساو كاتبقى "الام"...

عبد العالي تاهو مايقلش عليهم لانه تاهو كان متعلق بيها بزاااف كيف متعلقة فرح بعصام...وتاهو تاثر خصوصا هو عاش معاها واحد الفترة حتى دار 26 عام...حدر راسو ومابقى قد يهضر ولا يتكلم...حتى استانف ياريف الحديث...

ياريف : التقارير ديال حالتها قبل وبعد الوفاة ديالها غادي يوصلوكم فايمايل...لو شي حد يعطيني ايمايل ديالو...

زين الدينكان معنق فرح كتبكي فحضنو بواحد طريقة ميمكنش توصف..انهيار يمكن كاع داكشي الي كانت خازنة فقلبها..بهاد الكلام الي سمعات قدر يخرجو منها..

زين الدين"هز عينيه ف ع.العالي ملي سمع هادشي وقال" : عطيه الايمايل ديالي سي ميو...

ع.العالي"كايبغي يهضر وصوته كيتقج" : مم ما..مااا فف...

ياريف"عرفهم تاثرو" : كنتفهم الصدمة والحزن ديالكم..لو تقدر تعطي شي حد التيليفون نكمل ليه...

عبد العالي ديك ساعة مد تيليفون جيهة زين الدين الي حرك ليه راسو..شد تيليفون من عندو حنحن ونطق..عالاقل هو الي موگض فيهم لان كلشي تدمر وتاثر وهما كيسمعو...

زين الدين : مرحبا..."عطاه الايمايل ديالو"

ياريف : دااكوغ..الوغ الى كانو مهتمين بزيارتها هي تدفنات ف المقبرة الاسلامية ف تولوز...الوقت الي بغاو يزوروها او شي حد قدر يجي la France مون نيميغو غانرسلو ليك مع الملف...مرة اخرى..اعزيكم ف مدام حليمة...

كانت هادي اخر هضرة من بعد ضكرو زين الدين وقطع...حدر راسو متاسف على هاد الخبار الي تلات وحدة تابعة لاخرى...مكان عليه غير الدعاء...بقاو شي ربع ساعة وهما فحالة صدمة وحزن شديد عليها...بهاد المكالمة قدرو يعرفو حالتها وكيفاش كانت عايشة وكيفاش ماتت...الغرفة تحولات من رواج لسكون وجو حزن غيم عليهم...حتى ناض عصام على وقفتو...

عصام"صوته بح..شافت فيه صفاء تاهي ناضت وهو يوقفها بايدو" : هاني لتحت نكمي ونجي...

حركات ليه راسها بتفهم..خرج من الشومبر وسد الباب وحتى فوزي ناض ديك الساعة وخرج حتى هو...حالتهم فهاد اللحظة مايعلم بيها غير الله...كلشي تاثر وكلشي سمع الحكاية...الحكاية الي شق فيها كان مخبيه عصام وخرج للعلن كلشي سمعو وهنا عطاوها مية عذر وعذر علاش طجات وخلات كلشي وراها...

عصام"نزل نيشان وخرج من الباب ما تنفس حتى لقى راسو برا عاد شهق كياخذ نفس الي مشات ليه...بقى واقف ودوك دموع حلفو لا هما بغاو يحبسو عيا يمسح وعيا ينسي والو دوك دموع فحال شي نزيف ديال شي حاجة تجرحات...مابان ليه غير واحد الكرسي خاوي فين كيجلسو ناس فديك جردة ديال الكلينيك...دار راسو بين ايديه حتى كمل دوك الدموع الي كانو شداد خارجين من قلب رجل تكسر خاطرو من جيهة مو...من حيهة اكثر انسانة حقد عليها وهي اكثر انسانة كايبغي وكان عندو امل انها ماتمشيش وتخليهم..والي كسرات خاطرو فلحضة فيومين من بعد ما عرف شنو طرا ليها..يمكن عطاها عذر تعطاتو شلا اجابات كان باغيهم وممشاركهم مع حد...وفلحظة تجبر ليه خاطرو من جيهتها...

عصام"حس بالحركة حداه..ومن ريحتو عرفو هو..ماهزش راسو فقط تكلم" : فوزي خليو ملتي فتيقار واحد سويعة يرحم بيها واليديكم..مابغيت نصعر على ملتك تانتا...

فوزي : جيت عندك كيف ديما "صوته بح مسكين بالبكا"

عصام : وانا عندمن نمشي...

فوزي : عندي عند فرح..ماعندنا غير بعضياتنا...عند با شي مرات..مقطوعين من شجرة حنا ؟

عصام"كيهضر باقي بنفس الوضعية" : صافي ها الخبيرة ديال مك سالات...مشات عند الله...

فوزي"جلس حداه..عينيه كيشوفو قدامو شي غادي شي جاي..ناس تجري وناس واقفة تسنى..اما هو العقل مع خوتو ومو..عينيه حمرين " : الله يرحمها...اشنو دابا...

عصام : فرح تهدنات ؟

فوزي : فرح عندها الي يهدنها..راجلها نتا انا...وانا ؟

عصام غمض عينيه مفكر الايام القديمة فاش كان فوزي صغير ملي كيبكي كيحبسها حتى يجي عصام يعنقو عاد يبدا يبكي...مادواش وانما تگعد وجرو عنقو...فوزي غير عنقو وهما يرجعو دموعو شقو طريقهم على حناكو...تاواحد فيهم ماتكلم..كان الصمت والدموع هما سيد الموقف...حتى شوية حس عصام بيها وقفات وجلسات حداه وعاوتاني ماهضر ما تكليم...بالايد تانية جرها لعندو...عنقهم بزوج بيهم متوسطيد صدرو صدر الاخ السند الجبل الي كان حاميهم...الي عمرهم حسو بالنقص المادي والمعنوي وهما معاه...عاشو فدار اسرة متكونة من ثلاث اخوة..دافية...حنينة...

فوزي ماعندو فين يمشي على عصام...فرح ماعندها فين تمشي على عصام...و عصام ماعندو حتى حد مسؤول عليه من غير فوزي و فرح...

فرح : اهى اهى الله يرحمها....

فهاد اللحظة والاخوة معنقين بعضياتهم...كان واقف زين الدين بعيييييد من بعد ما وصل فرح لعندهم...وحداه علي الي تاهو كان كيشوف فيهم...كيبانو شادين فبعضياتهم جات المشاكيل وتفرقو لكن رجعو اقوى من قبل...رجعو متعلمين من المشاكيل متعلمين من الاخطاء الي دارو...نجرتهم وربات كل واحد فيهم كما يجب...

علي"ضرب ليه على كتفو" : قربات شي ؟!

زين الدين"نطق بصوته الخشن وعينيه على الخوت" : مابقاش بزاف..هاحنا معاها..."تنهد بحسرة على هاد الاحوال الي هما فيها"

علي : الله يفك الوحايل على خير..."عاود ضرب ليه كتفو بشدة" توگض معانا بابا...

زين الدين"حرك راسو ببطء" : اللهم امين...

علي : المهم انا طالع عندي واحد le cas خاصني نكونطرولي معاها...الى طلعات الفوق علمني نجي نشوفها ونعضم ليها لاجر..

زين الدين"ضرب ليه فوق ايدو الي كانت محطوطة على كتفو": مرحبا الحاج...

بقاو معانقين شحاااال حتى حسو براسهم تهدنو شوية...طبطب عليهم عصام وتگعد كيشوف بعيد تا بان ليه زين الدين واقف بعيد...ورجع شاف ففرح...

عصام : فين خليتي صفاء وخوالي ومي نعيمة...

فرح : فالشومبر ديالي...

فوزي"تنهد كيمسح عينيه" : اشنو غانديرو دبا ...

عصام"جمع حجبانو وشاف فيه بنص عين" : فاش ؟!

فوزي : نديرو ليها صدقة ؟

عصام"عض شنايفو..تنهد واحد تنهيدة طوييييييلة..دوز على وجهو بتعب وقلة حيلة وشلاااا ماكان هاز...من بعد نطق..كيحرك فراسو" : ضروري...يصح با ونديروها ليها..."هز راسو وشاف فيهم بتاكيد" ويااااااكم شي حد يعلمو بالهضرة الي سمعنا...باش ماتت بشنو گالو ليه وصافي...

فرح : مايگدش يتحمل الباقي..غير موتها ومرضو.."كتهضر وينزلو ليها دموعها" ففففف....

رجعو سكتو تاني..خذاو فترة راحة من الهضرة والبكا لمدة عشرة دقايق وهما كيشوفو فالناس داخلة خارجة...حتى هز عصام تيليفون ورسل لصفاء ميساج تلحق عليهم عزات عليه يخليها وحدها فهاد اللحضة كيخص حتى مرتو تكون بجنبو فاللحضات الصعبة وفوقت الشدة...وتاهي مكاملاش عشرة دقايق حتى كانت لاحقة عليهم جلسات حدا فرح تابطات دراعها كتطبطب عليها بمواساة....شوية تا جا زين الدين تاهو جلس حداهم من بعد ماناضت صفاء خلات ليه بلاصة حدا مرتو الي تابطات دراعو وتكات عليه راسها...اما صفاء جلسات حدا عصام....

فرح"دورات عينيها من بعد ما تهدنو ورتاحو من الحزن..كتشوف فالكرسي وهي تفكر واااحد اليوم...حتى تبسمات بلا متشعر وهي تجمعها..لكن عصام قشعها"

عصام : مالك ؟!

فرح"حركات راسها" : تفكرت هاد البلاصة...

زين الدين"عسل عينيه بابتسامة تفكر تاهو" : ماعندي ميتسالك مناسياش...

عصام : اش كاين ؟

فرح : عايرتني واحد الطبيبة بانني مارباونيش واليديا هههه

عصام"جمع حجبانو" : شكون هاد خيتي ؟..

فوزي : شكون هادي ؟

فرح"هزات كتافها وحطات راسها على كتف عصام" : واحد الطبيبة..ولكن ملي عرف زين الدين......

عصام : اش دار ...

فرح : قجها كان شوي يقت.لها غير تهدن..."جاتها الضحكة فعز الهم" ههههه..."ضارت لهيه باش متضحكش اكثر حيث كان غايبداها ضحك هيستيري الي كيكون من مغارة الهم والحزن"

فوزي"ضحك بلهلا يطريه ليه" : عههههههه وااكواك على هاد نسيب...

عصام"مد ايدو لكتاف زين الدين وضرب عليهم" : شديد معندي ميتسالك..

زين الدين"حرك راسو بنفس الابتسامة" : الله اودي حنا ساهلين مع "باس ليها راسها" بنت عصام...

فرح"بدات تهضر وعينيها ساااهييين كتفكر اللحضة بالذات قبل عامين وزيادة...رجعاتهم لليوم الي تلقات فيه اهانة وهو اليوم الي تلقات اول نصيحة من زين الدين...على نفس الكرسي...نفس المكان وتقريبا نفس المشكيل الي هو الواليدين"

~~~~

زين الدين : ماعندي علم بواليديك واش من حال بيهم "حط ايدو على صدرو" ثيقي بيا ابنت الناس الي واقع ليك مكتاب وفيه حكمة ليك من عند الله...ماعمرنا اختارينا ولا عندنا اختيارات نتحكمو فيهم... مكاين الي يرحمك راكي فدنيا فيها راسي يا راسي "سرح ايديه فجردة وناس غاديا وجايا" شوفي صحتك نهار تخونك ..كاين ما حسن نهار كنطيحو كنمشيو ليه حسن مني ومنك ومن واليديك..."هزات فيه عينيها بتساؤل واستغراب..غمض عينيه بشوييي وحلهم كيعطيها نوع من الاطمئنان" كتاب الله نهار ديق بيك فتحيه وتخشعي فيه خلي كلام الله بلسم ليك ودوا لجرحك وخلي الدعاء وصبر مفتاح الفرج ليك...نهار طيحي وماتلقاي لمن تشكي انا هنا حسبيني كيما بغيتي ونساي الي فات...ماعندك بيا غراض شكي لله حسن مني ومنك ...~~~~

كملات هضرتها وضارت لقاتهم كلهم كيسمعو كيفاش كانت كتعاود على زين الدين بواحد الحب فشكل...ويكفاش كانو عينيها كيلمعو وهي مفتاخرة بهاد الهضرة...كيفاش وصفات ليهم هضرتو...كملات وهي دور شافت فيهم لقاتهم ساهييين فيها وهي كتهضر بداك العشق من جيهة زين الدين..الي هاد الاخير قلبو خفق بشدة وهو كيسمع لاكثر انسانة عشق فحياتو...الفرحة ديالو كيف ما سماها...

فرح : مالكم...

عصام"بقى شحاال كيشوف فيها كيقيس نسبة الحب الي بانت من عينيها..." : الله يخليكم لبعضياتكم...."باس ليها راسها وفنفس الوقت ربت على ضهر زين الدين الي بدورو ربت ليه تاهو على ضهرو"

فوزي"تنهد" : واهلييييي فين كنا وفين وصلنا...المغرب قرب وحنا نسينا راسنا هنا..."ضار عند زين الدين" كاين كيفاش ندخلو نشوفو با...

زين الدين"شاف فساعتو" : صبر واحد العشرين دقيقة هكاك يخرجو ناس من زيارة ودخلو عندو...حسن يدخل واحد ولا جوج الى كثرو الله يرضي عليك..مزال ماشي فحالة يكثر عليه البشري...

عصام : دخل نتا فوزي ونتبعك انا...

هادي هي الدنيا اليوم وفاة غذا ولادة...اليوم مشكيل وغذا حل ولا فرج من عند الله وهاهي غاديا...هاد الصباح كيف فطرات دخلات عندها الجينيكو هضرات معاها وفنفس الوقت استغلات الوقت وعطاتها تحاميل (قويلبات)...

جينيكو : كيف قلنا ديجا نعطيوها Spasfon suppositoire phloroglucinol....وحدة ف Le matin ووحدة La nuit... avant de dormir

زين الدين. : Après 3 jours مكان والو نمشيو ل ايطاب ثانية.. اليوم هو لاخر...ديجا درناهم فالدار موقع والو...

جينيكو : الوغ الى الليلة مكان والو غذا ندوز لايطاپ ديال وجع اصطناعي الي غانديروها غذا ان شاء الله..."تبسمات وهي كتشوف ففرح" نتمناو الليلة يكون شي حاجة...شنو مادام واجدة معانا..تعاونينا ب ليفوغ ديالك...

فرح"قاتلاها الخلعة غا مسايرة...حركات راسها" : ان شاء الله...

جنيكو"ضارت عند زين الدين الب كان شاد لوغدونونص كيقرا فيها" : بون.. ديرو دابا...وواحد بالليل قبل متنعس..اي حاجة كانت علمني الى كنت هنا سي نو راني مخليا ليهم الحالة ديالها..و.sage-femme تكلف...

زين الدين"حرك راسو بشكر" : merci prof sawaf...

رجعات تبسمات لفرح وخرجات من بعد ما علماتو بشنو يدير...حط الورقة ف نوت ديال شومبر فرح فوق طابل ديال سرير...ومشى لعندها كانت جالسة لابسة تيشرت طويل بكولون ديالو فالبيض وكولون بلو ماغين...خاشية رجليها فكلاكيط بسميطات مرصعين بالحجر...

زين الدين : يلاه دخلي توضاي...واجي..."باسها تحت وذنيها"..

فرح"حركات رايها وهي تعطيه ايدها" : عاوني نوض هه...

زين الدين : الله اودي...

عاونها تا ناضت كرشها نازلة ثقلات بزااف...مشى معاها حتى لدوش سد الباب وجا بغى يخرج تا تدق الباب وهو يحلو طل براسو لا يكون شي حد غريب حتى بانت ليه صفاء.....

صفاء. : صباح الخير..."جايا بلباس الممرضين"...

زين الدين"حل ليها الباب" : على سلامتك...

صفاء : فين فرح...

زين الدين : فالدوش...دخلي..

حركات ليه راسها بابتسامة...خرج هو وهي دخلات...تسناتها تا خرجات من دوش...

صفاء : باقا غا تجري..نتي تحلفي وبنادم يحلف...امتى ؟

فرح"جايا وتعرج..كمشات عينيها بنهجة" : انا عرفت...فففف..ثقيييل هادشي...

صفاء : كاديري .oreiller de grossesse (المخدة الي كيديرو الحوامل تحت كرشهم من جنب.باش كيلفاو راحتهم فنعاس)

فرح"كتجمع فشعرها بقراصة" : ممم..كيصاوبها ليا زين الدين...

صفاء"عسلات عينيها" : احاااااي على عريض الكتاف...

فرح"وقفات شادة القراصة بفمها" : بععبلقتقعغلف...

صفاء : هااا ؟!

فرح"جمعات شعرها اسفنجة لفوق" : بديتي تاني...

صفاء : اهيا مال جناوح منخرك كيفرفرو ؟!

فرح : كتقلبي عليا تاني.."جلسات وهي تسرح حيدات كلاكيط وسرحات رجليها كتاخذ نفس" ففففف...صهد...

صفاء"هزات عينيها ف لاكليم" : علاش ناقصة الحرارة...

فرح : مابغاش زين الدين باش ميضربنيش البرد...تعطل..

صفاء : فين مشى...

فرح : مشى يجيب القويلبات الي عطاتني جينيكو ندير من فارماسيان لتحت...

صفاء"ضارت جيهة لباب ورجعات شافت فيها" : فرح بغيت ندير واحد اللعيبة...

فرح"شافت فيها" : اش بغيتي ديري ؟

صفاء"سكتات تا سكتات كتشوف فيها بغات تهضر ومترددة..حتى تشجعات ونطقات" : بغيت ندير تيست د گغوصيص (اختبار الحمل)...

فرح"خرجات فيها عينيها" : شاكة ؟؟؟

صفاء : تعطلات عليا هادي خمسيام نورمالمون...

فرح"عوجات فيها راسها" : ياااربي يكون بصح هاد المرة...ياااربي تفرحني بخويا وبيك..."عينيها غرغرو" ياربي با حتى هو يصح...

صفاء"بحزن" : مزال مافاقش ؟!

فرح"حركات راسها" : كيفيق ويرجع يغيب...قهرني والله..بغيتو يصح "نزلو دموع خفاف من جنب" بغيتو يحضر ليا وانا كنولد...بغيتو يوذن لولادي من هنا لقدام...يدير ليهم سبوع كيف كان كيگوليا...بغيتو اهى...بغيتو يجي على قبلهم يخرجهم كيف كان كيگوليا...بغيتو يحضر لعصام لولادو ولاد فوزي حتى هو...بغيت با يرجع ونرجع نمشي لسيدي بنور عندو ندوز العطلة انا وولادي...بغيت با اصفاء اهى اهى...

صفاء : اجي اجي..."جراتها عنقاتها" ان شاء الله يولي لباس ويهضر ويصح...غير دعي معاه نتي دابا را دعواتك مقبولة...ودعي معايا حتى انا نلقى راسي حاملة حيث بصح ا فرح خايفة منكونش كنولد....

فرح "مسحات دموعها" : ان شاء الله تولدي ماتبقايش موسوسة..ماعلماتكش حالتي الي فاتت بالي الوسواس كيخرج على مولاه ؟...لعني شيطان وتهدني راكي يلاه ربع شهور باش مزوجة...

تنهدات صفاء...شوي حتى تحل الباب وهو يدخل زين الدين..ناضت صفاء مستاذنة ترجع لخدمتها مخلياهم بزوج...

زين الدين : وقفي...

فرح : منديروش انا "حناكها تزنگو"

زين الدين"هز حاجبو" : مال هادو ؟"جر ليها حنكها" تدار ليك ما كبر من هادشي...شنو الفرق ؟؟

فرح"خرجات فيه عينيها" : والله مابقيتي تحشم...

زين الدين"حرك ليها راسو ب معنى احياني" : تگلعي وقفي تگلعي..

شدها من ايدها تا وقفات حط ليها ايديها فوق كتافو شدات فيه وهو يهبط هبط ليها سروال والكيلوط حسات بحناكها طايبييين...جبد ليگانت دارهم فايديه وحل الباكية جبد منها قويلب...فرقات رجليها شوي وهو يديرو ليها من فتحة المهبل

فرح"كمشات عينيها" : مممممففف...

زين الدين"خشاه وجمع ليها بقى مزير تا عطاه وقت باش يطلع...وهو يطلع ليها الكيلوط والكولون ووقف خشا وجهو فعنقها شبعو بوسان وشمان" : نقضيو ونشبعو ماحد الحال عاطينا من وقتو وسامح...

فرح"ضرباتو لكتفو بخفة " : الله يمسخك...

زين الدين" هز حاجبو" : نعام الشريفة ؟!...

حاسة دابا بواحد النقص..نقص واحد الشخص الي بالنسبة ليها الاب الحنون...الجد العظيم...القلب الطيب...الي هو دابا بين يدي الله يا يصح يا يتزاد عليه الحال...

تخشات ففرشاها وشدات تيليفونها كتهضر مع صفاء وسيمو فالكروب وتصور ليهم راسها ولا يهضرو فيديو حتى دخل زين الدين سد الباب موراه وحيد الغطا وتخشى حداها...

زين الدين"باسها فعنقها" : ماما ديالي...

فرح"تبسمات وهي تهبط تكات على صدرو كتشوف فتيليفونها"

زين الدين : شنو كتبقششي تم ؟!

فرح : والو غير كنراجع شوية داكشي الي عطيتيني...

زين الدين : نشوف ؟!

فرح"عطاتو تيليفون دخل لشي سيري كان موجدهم ليها تراجعهم وتحفضهم وشي تخرجو باش تلاهى ومنها تحفض لامتحان الماستر" : وصلت هنا...

زين الدين : مال ملتك قاتلك العگز...

فرح"خرجات عينيها" : اويلي را ضربت فيها نص فهاد اليومين..

زين الدين : مكافياش فرح...عطيتك تخدميها كلها فيومين ماشي نصها...وشوف الى مالقيت النص غالط...تت...

فرح"حيدات ليه تيليفون" : عطيني..صافي مابقيتش بغيت نقرا حتى نولد..اصلا مبرزطة مابغا يجيني وجع...

زين الدين"هز فيها حاجبو" : فيا مايديرو ليك بلا وقت افرح...نديرو لملتك بلا وقت...

فنفس اللحظة لكن فمدينة الجديدة...خرجات من الدوش كتنشف فوجهها من بعد ما غسلاتو بتريتمون الي متبعة ليه ديال سكين كير...لقات فوزي خارج من البيت كيتفوه...

صفاء : صافي بغيتي تنعس...

فوزي : بغيتي نحضي ليكم دار..

صفاء"بجقت فمها" : طييييك دل...حساب ليا تمشي عندك ختك تاني...

فوزي"كمش فيها حجبانو" : ختي معاها راجلها نتي معاك راجلك انا معايا مخدتي...نبقى غا مقابلكم...عيييت بسير وجي حانوتي خليتو لمتعلم عندي...وهذا الله...

صفاء : دير مرتك تانت وهنينا...

فوزي : سوقك ؟

صفاء : سيحت الوعد....لقد انقمعت...

فوزي : وسيري ولا تبكين...

صفاء : مزينك..حايد نمشي عند جاوجي قرة عيني...

دفعاتو ومشات لبيتها هي وعصام البيت الي كان ديال المخنتر هاهو تضوا تصلح وتصبغ وتدارت ليه تريا من داكشي..تفرش ب اونسومبل بيض ماريو بالسكة وناموسية كبيرة وزربية فالگري رطبة فحال ريش...وكوافوز قريب لستيل ديال كوافوزي فرح...لقاتو متكي رجل مسرحة ورجل واقفة مطوية...حيدات بينوار ساتان حطاتو فوق الفوطوي الي قدام ناموسية بقات غير بديباردور دساتان وسروال تاهو ساتان فالصومو وتخشات حداه..ضار شاف فيها ورجع شاف فتيليفون مد ايدو لشعرها كيلعب فيه...كتشوف فيه واخا كيهضر عادي ولكن عينيه باقي فيهم الحزن...يومين دازت عليهم قمة الحزن...

صفاء.: غذا غايديرو لفرح وجع اصطناعي ..

عصام : هي اش دابا ؟

صفاء : الى شدها الوجع مزيان ماشدهاش تاني يدوزو لعملية..

عصام : مزيانة العملية يبان ليا متحس بوالو...

صفاء : هههه ايييه قاليك...عذاب السيزاريان وحدوووو اللهم وجع تولد عادي عطيها سيمانة ترجع مزيانة ولا سيزاريان تبقى شحال وهي صداع وماقادة توقف ولا تكحب ولا تحرك وصداع من فوق...ازين الدين على ما شرح ليا را مقاتلين معاها باش تولد عادي تكرفص ساعات ولا شهر وزيادة...

عصام : زعما ؟!

صفاء : واييه...

عصام"حط تيليفون وهبط تخشر ففراشو جرها تكاها فوق صدرو وخشا رجليه بين رجليها كيداعب فيها..." : هي مايحتاجش تعلمي عارفة شنو كاين...خاص غير تحملي ولا ؟

صفاء : ههههه ان شاء الله...

تنخششات فيه حتى هي ونعسو كل واحد فيهم واشنو هاز من هم...عصام همومو تهد جبال وزادو هم مو الي باقي جرحها جدييييد عليهم...صفاء هم الحمل الي باغيا تحمل ومزال ربي مكتب ليها تحمل وزادها حتى عصام الي كتشوف فيه مازم مابين مو وجدو تاهو...كل ربي الي عالم بيه وزادهم انتظار الولادة كل مرة يقولو فرح غايشدها الوجع ولكن مزال لحد ساعة مكاين والو...

الفجر اذن ناضت هي لولة دخلات لدوش اول حاجة بدات بيها قبل متوضى هي تيست جبداتو من ساشية ودارت فيه قطرات البول وحطاتو فالبلاكار سدات عليه ورجعات توضات وخرجات لقات لقات عصام فاق تاهو يتوضى حيث خاص يمشيو لكلينيك عند فرح ومنها جدهم ونيت صفاء تمشي لخدمتها...صلاو كاملين حتى فوزي تاهو فاق وصلا صلاتو..ولبسو حوايجهم حيث غايفطرو فالكلينيك مع فرح...

صفاء : يلاتي عصام..."حرك ليها راسو وهي ترجع دخلات لدوش حلات البلاكار وجبدات التيست...غمضات عينيها خايفة من النتيجة لا تكون سلبية كيف كل شهر...تنهدات وهي تحلهم مع حلتهم عينيها حاو نيشان ف زوج شرطات...بالدعقة غوتاااااات على جهدها" : عصااااااااااااااااااااااااااام...عصااااااام....

عصام"جا يجري بالخلعة تبعو تا فوزي ماعرفو باش تبلاو.." : اش واقع مالك ؟؟؟ "عينيه خارجين بالخلعة"

صفاء"عينيها غرغرو تا نزلو دموعها...وراتو تيست" : حاملة...اهى اهى انا حاااملة...والله...

فوزي : اشنو هي حاملة...ااااا ؟ "خرج عينيه"...

عصام"كمش حجبانو" : كيفاش ؟!...

صفاء : انا حاملة درت تيست وهاني حاملة اعصام مالك توگض معايا...واخا ممثيقاش موگضة عليك...

عصام"ولا يرمش" : وزعما ماكدة ؟ ياك !؟

صفاء : متاكدة..ولكن غانمشي ل كلينيك وندير تحليلة لاخرى..

عصام"تنهد مغمض عينيه ماشعرش براسو تا جرها وعنقها بجهد كيبوس فراسها ويعاود..فوزي خرج لعند طوموبيل وخلاهم بزوج بيناتهم." : ان شاء الله يكون خير..."باسها فراسها وفحنكها وفعنقها بحب وفرحة" الله يفرحك كي فرحتيني...اللهم لك الحمد...

جات نجية وسيمو ركبو معاهم ومشاو...كانت الساعة السابعة ونصف ديال صباح...طلعو نيشان لفوق..قبل اتاصل عصام بزين الدين وبلغو بالي طالعين عندهم...دقو الباب وهو يحل ليهم...دخلات نجية وصفاء وسيمو سلمو عليها وجلسو معاها تا فطرو مجموعين...حتى وصل وقت تمشي عند طبيبة...

ناضت بشويا وهو يجيب ليها الكاب ديالها لبساتو وجمعات شعرها...غاديا وقلبها ففمها الخلعة شداها من راس رجليها...تسرحات فوق البياص...

جينيكو"دارت ليها الايكو تاكدات من صحة الجنين وضربات القلب" : ماحسيتي بوجع ؟

فرح : وجع فحال ديال ليغيگل..."كتنهج".

جينيكو : مممم..مي هذا ماشي كافي..خاص يكون كثر من داك الوجع...الوغ نشوفو..تنق الرحم..."دارت ليگانت فايديها"

زين الدين"شد ليها فايدها وطبطب عليها" : وقفي...

عاونها تا وقفات وهو يحيد ليها الكولون والكيلوط قدام طبيبة تا تزنگات وصرطات الهضرة اما هو كاااع ممسوق...جات طبيبة تحنات شوية وخشات صباعها بزوج قلباتها...

زين الدين : باقي ف 3 cm ?

جينيكو"كتقلب وتحرك فراسها" : وي مزال...

"وقفات كتحيد فليگانت تسناتو تا لبسها وقاد ليها حوايجها..ضار عندها شاف فيها وهي تعوج ليه راسها"

جينيكو. : هي دابا ف la semaine 41... الوغ ندوزو دابا ل 3 ème étape ..

زين الدين"عينيه فالطبيبة" : synto ?

حركات ليه راسها وغمضات عينيها...ضار عند فرح شرح ليها بالي غايديرو ليها دابا وجع شوكة ديال oxytocine الي هي وجع اصطناعي فاش قاليها synto هادي اختصار كيستعملوه الاطباء بيناتهم لهاد شوكة...

من بعد.خرج هو وياها رجعو لشومير فطريقها عيطات لصفاء باش تمشي عند جينيكو...غير دخلو لقاو عم فرح مبارك جا سلم عليها وعظم ليها لاجر فامها...بقى معاها هو ومرتو وبنت عمها. شوية ومشاو فحالهم..شوية وهي تدخل القابلة بابتسامة ومعاها الفرملية المساعدة...كانت متكية فرح نيت...طلبات من كلشي يخرج بقات غير فرح وزين الدين...وقفات ليها رجليها وحيدات سروال وكيلوط غطاتها بايزار...خشات صباعها حتى تقبات ليها الپوش او الكيس فين متواجد البيبي باش يخرج الما...عاد تضرب ليها شوكة الوجع الاصطناعي...قادت المساعدة سيروم علقاتو قادت ليه المسائل..خشاتو نيشان حتى زيرات على ايد زين الدين...عاد خلات الباقي للقابلة الي قادت العبار ديال oxytocine...هزات بشوكة وهي تخويها فالسيروم..تبسمات ليها وخرجات من بعد ما شكرها زين الدين..

زين الدين"شاف فساعتو وتحنى عندها" : هاني لفوق نحيد عليا شي خدمة ماتبقاش ورايا هاد ليام الي غادي نجلس معاك فيهم...الى خصاتك شي حاجة علميني...

باس ليها راسها وخرج...بقات هي مع وسيمو وفوزي اما عصام وخوالو ولاخرين شي مشى وشي هبط معاه عند جدو وشي هبط برا...

بقاو كيهضرو معاها مرة يضحكوها ومرة يطنزو عليها...طلع عصام وخوالها طلو عليها تاني ورجع عصام مشى لحق على صفاء الي عيطات ليه...شوية ناضت فرح وقفات جا فوزي عطاها دراعو تابطاتو وخرجات هي وياه وسيمو الي شاد ليها علاقة سيروم حيث وصاهم زين الدين يخرجوها تمشي وتجي...

فرح"بدات كتكمش فعينيها وتخسر سيفتها" : ممممممم...

فوزي : اهيا مالك ؟ عنداك يشدك هنا...

فرح : ففففف ماكاين والو...غير شي حاجة خفيفة...

سيمو : ومال وجهك تجخلط غا وحدو...

فرح"حلات عينيها مخنزرة فيه" : دخل سوق راسك...ايييييييي..."شدات تحت كرشها حتى نقز سيمو فحال شي حد بغى يهرب" واااواو فففففففف...

فوزي : نرجعوك لشومبر ديالك...

فرح : مممممم"عصرات عينيها" فففففف بلاتي هاهو غايمشي...ممممم...هادشي قاصح افوزي...اهى. اهى...اوووو..صافي هاهو مشى يلاه نرجعو...

ضربو دورة ورجعو معاها لشومبر...جلسات فبلاصتها كتستطعم راحة الي لقات ملي مشى الوجع...فاااتها ورجعو كيهضرو معاها...فهاد اللحظة دخلات صفاء هازة ملف ديااها بغات توريها بالي دارت الايكو وبالي حاملة...حركات ليها فرح راسها شافت فلاخرين غمزو تبدل ساعة باخرى....

صفاء. : بدا يشدك...

فرح : اشوية...فين زين الدين...ياربيييييييي....اححح...

سيمو : صلي عالنبي....

صفاء : هادي جملتي الشفار...

فوزي ؛ انا الي مخرجها عام الفيل ندعيك نتي وياه دابا ؟

بداو يتناگرو ليها فوق راسها هي مع داك طنين ديال وجع الي كيبداها شوي كيبدا يتجاهد شوي بشوي...مكتسمعهمش ولكن كيبرزطوها...شوي بدات تحس بوجيعات بداو يتجاهدو...وهي تهز ايدها....

فرح : خرجو عليا برا...خرجووووو....

فوزي : كاتجري علينا ؟؟...

صفاء : وهاحنا بدينا نتسابو ومدير خير مايطرا باس شتييييي

فرح"كتسمع فيها تنگر زادها سبمو وفوزي...ماشعراتش براسها بحر واحد الوجعة تا جهدات صوتها" : وخرجو قودو علياااااااااااااا..خرجووووووو

بالدعقة ديال الكلمة الي قالت سيمو نقز واقف وعيط لسكرتح عفطة وحدة..اما فوزي وقف وجر صفاء وقودو بصح ماعرفو باش تبلاو...

فرح : وااااواواواو اهى اهى...وااااربييييي هادشي قاصح بادي قاااااصح...."هزات راسها لفووووق" ياااااااااربييييييييي شوف من حالي وحال جديييييييييييييي اهى اهى....

فنفس الدقيقة فنفس المكان لكن فالانعاش...كانو واقفات الفرمليات ويوسف عند راسو وراس واحد المريض كيقيدو فالفحوصات الي توصلو ليها...حتى حل عينيه...هزات الفرملية راسها وهو يبان ليها كيرمش..علمات لبروفيسور الي من حسن الحظ كان حداه...فحصو وهضر معاه شوية...

يوسف. : الحاج لمحجوب...خلعتينا عليك...الحمد لله على سلامتك...

بدا كيشتد عليها الوجع...مرة يحبس حتى كتستطعم الراحة ويعاود يرجع بشوية ويتم غادي ويتجاهد...

صفاء : اويلي شتنا درناها بصح وخليناها وحدها...

سيمو : ماسمعتيش فمها خسر !؟

فوزي : طلع عند زين الدين ولا صوني ليه يهبط عندها...

صفاء : انا نعيط لعصام...

اما فرح الجلسة ماريحتهاش..ملي حبس عليها الوجع فلحظة وقفات ومشات حدا البالكون شادة فعلاقة سيروم وجاراها معاها..كتحس بالماس بداو يخدمو حتى كتغمض عينيها وديك الكرش هبطات وثقل كمل عليها...حاسة بالصهد والخنفة شاداها..يلاه سكن عليها الوجع حسات برااااحة...حتى تحل الباب ودخل فوزي....

فوزي : والله ماجاي نبرزطك غا تهدني...

فرح"ضارت شافت فيه ورجعات شافت قدامها"

فوزي"جا حداها وهو يجرها عنفها حط ليها راسها فوق كتفو وتاهي لحال لقاتها سبة ورتاااحت...شوية بدا تاني الوجع كيزاورها...وبدات تنين" : رجع ليك...

فرح : مممممممم...قاصح قاااصح افوزي هادشي اهى...

فوزي : ياك مولفاه وكنا نديوك لمستعجلات يصربو ليك البرا..نعيط ليهم يضربوها ليك تاني...

فرح"تخلطت ليها ضحكة مع البكية والفقصة": واهععهههه..واويلي اهى اهى..واسكوت سكت سكت "عصرات عينيها وايدها لتحت كتحك وتعاود" ففففففففففف

فوزي : ياناري اش گلت تاني...

فرح : واااااااواواو...ففففففففف..عافاك حك ليها ورا ضهري عافاك...دلكو ليا...

فوزي : كيفاش ندلك ؟!

شافها ضارت خنزرت فيه وهو يدير ايدو بلهلا يحزقو ليه وبدا يدلك ليها ضهرها من تحت....عزات عليه ماعرف مايدير ليها...شوية حتى تحل الباب ودخل عصام وراه صفاء الي وراها سيمو...فرح غا شافتو وهي تمشي لعندو مادا ايديها بسيروم الي فيها...

فرح : عصاااااام اهى اهى..غانموووووت غانموووووت اهى اهى...

عصام"عنقها عندو راسها على صدرو ايديه محاوطينها وايديها مكمشين ليه فصدرو" : دابا يفوتك داابا...

صفاء"مكمشة ملامحها..هزات عبنيها ففوزي الي كيغمز ليها ويحرك ليها بايديه بمعنى ها اش كيتسناك...هزات صبعها بالعرض البطييييء وشيرات لراسها ونطقات بدون صوت" : ااانا ؟

فوزي "حرك ليها راسو ونطق تا هو بدون صوت" : اااااي نعم....

صفاء"تسمات التسامة صفراء ميتة موراها بالخلعة وقالت" : اهههههه...مابقيتش حاملة..."زادت فرح فالصوت وهي تقفز" اووو...

فرح"مخشية فعصام وتبكي" : مممممممم اهى اهى..دلك ليا ضهري عصام دلك اهى...

عصام : كيفاش ؟! "شاف ففوزي"

فوزي : بحال هوك...

وراه كيفاش دلك ليها وهو يدلك ليها عصام تاهو كتحس براحة او نقولو راحة الوهمية وصافي...بقى يدلك ليها ويمشي معاها ويجي...وهي تبكي ومرة تسكت...حتى جلسات وهي تكى مستمتعة بهدوووء الوجع الي حبس شوية...

عصام"هز راسو وهو ف فوزي وعقد حجبانو مخنزر" : فين هو زين الدين ؟؟

فوزي"شاف فسيمو" : علمتيه ولا مزال ؟

سيمو : گلتها ليه گاليا هاني جاي...

فوزي : ورا قربات ساعة وماجاش...

خرج عصام من شومبر وفطريقو جبد تيليفونو حتى بان ليه جاي كيزرب لاحق عليهم...

عصام : فينك اصحبي...

زين الدين"بان فيه توثر..ربت ليه على كتفو" : كنت مع الحاج...سير شوفو را فاق...

عصام"خرج عينيه بفرحة" : وايلي...

زين الدين : انا نعلم فوزي يتبعك...

حرك ليه راسو ومشى...اما زين دخل نيشان بانت ليه متكية على جنبها عاطية بالضهو وكتنين..شاف ففوزي وعلمو بالخبر فالبلاصة ناضو بثلاثة بيهم خرجو يتجاراو اما هو مشى ديريكت عند فرح تقابل معاها وتحنى لعندها...

زين الدين : كبيدة ديالي...

فرح : وووووووووفففففف...هادشي قاصح ازين الدين قااااصح اهى اهى...

زين الدين"كيدوز على كرشها بلطف وحنااان..وكيهضر بواحد صوت منخفض كيبووورش" : شنو گلت ليك ديك المرة..صبري ساعتين ربعة خمسة..نهار...وشنو گلت ليك ؟

فرح : ديييييك الهضرة مابقاش سوقي فيها اهى...

زين الدين"هز حجبانو" : گااااع...

فرح : اااه اهى اهى..."عصرات عينيها وهو يبدا يتجاهد عليها تاني" اااااااااااااواواواواواووووووووووووو....خليهم يديرو ليا شي حاجة هادشي قااااصح بزاااااااااف.....ممممممممممممممم واربي ربيييييييييييييييييي....

زين الدين : نوضي وقفي تحركي...

فرح : مانقدررررررررش اهى...عافاك دلك ليا ضهري...واعتعععععععععع.....واربي ربي.....

زين الدين"دار ايدو ورا ضهرها كيدلك ليها" : ذكري الله فرح ذكري الله...ونوضي تحركي باش تسهلي على راسك الولادة..نوضي كبيدة ديالي..."قرب لودنها ونطق" باش تشوفي جدك ممم ؟!...

فرح"حلات فيه عينيها فعز الالم الي هي فيه" : مالو ؟؟

زين الدين"باسها فشنايفها" : فاق وحالتو مزيانة دابا...

فرح"نزلو دموعها يجرييييييو" : اهى اهى...وااااااااااه على فرحة...ممممممم "عصرات عينيها مع بداية الانقباضات تاني"

بدا يحبس عليها الوجع تاني...عاونها تا وقفات شد ليها علاقة سيروم تا قادت الوقفة قادها ليها..تا شدتها هي بايدها وضار لجيهة لاخرى...تكات راسها على صدرو معنقها بجنب وخرجو من شومبر...بقى غادي معاها وهي كتمشي بشويا باش تعاون انه تحل ليها الوالدة...

فرح : نمشي نشوفو اممم...

زين الدين : يتبرزط عليك..مزال ماشي ديال يهضر بزاف دابا..حتى تولدي ونزلي شوفيه...

فرح"تعصبات مع الوجعة الي جاتها" : وانا هادشي امتى غايحيد امتاااااا...امتى غانولد وكل مرة تگوليا تتولدي تتولدي امتى..مال هاد الويل مطول عليا....اووووووووو....

زين الدين"مالقى مايقول دار ايدو على لحيتو وبقى يشوف فيها مطلع واحد الحاجب ومنزل لاخور..."

بقى كيتمشى معاها..كايحبس عليها الوجع كتستغلو فالمشي معاه..حاولات تمشي عند جدها لكن طلبو منهم انه يخليوه يرتاح حتى كيملو ليه الفحوصات عاد باش يقدرو ينزلون لغرفة عادية..جاو عندو ولادو وحتى من مبارك عم فرح سمع بالي توگض عيط لعصام وعلمو بالي غايجي يشوفو...الخير الي لقاوه فعمهم لو كانو يقولو را باهم يقولوها...ثلاثة سوايع وهي كتوجع كيحبس شحال ويعاود يرجع ليها تاني...كترجع عند الصاج فام او القابلة تقلبها كتلقى باقي ماتحلتش ليها الوالدة بالقياس الي خاص يكون....فواحد الوقت حبس مدة طويلة تا نعسااااات...

عصام"واقف عند رجليها كيسوف فيها ناااعسة وخا هكاك كتگمز بحجبانها..ضار عند زين الدين الي كان جالس حداها فوق كرسي كيبقشش فالتيليفون وايدو لاخرى مكمشة عليها هي" : هادشي مطول ؟....

"كيشوف فيها بخوف..برزطاتو حالتها وبقات فيه بزاااف"

زين الدين"هز فيه عينيه ورجع شاف فيها" : على حسب...

عصام : هادشي بان ليا كثيير...عيات اصاحبي..شوف وجهها كي ولا !!...

زين الدين"تنهد تاهو مايقلش على عصام ولكن صابر حيث عارف هادشي..خشى تيليفون فجيبو..ونطق وعينيه على فرح الي عينيها تبوقو بالبكا" : محاولين معاها باش تولد عادي..سي نو الى ولدات سيزاريان تكرفص من بعد..بوسيبل تشوف كتر من هادشي والمدة طول..اللهم عطيها نهارها ومن بعد ترتاح ولا عذاب شهر...

عصام : تمارة كحلة فهاد الولادة...

زين الدين"غمزو" : وجد راسك ابابا عصام...

عصام"حدر راسو وتبسم بجنب كيحرك فراسو" : باقي ليا تمن شهور...

زين الدين : الله يفك الوحايل ويتمم على خير...

تنهد عصام بقوله "امين" بواحد طريقة كتبين انه فرحاااان بزاف بانه قريب غايولي خال...وفرحان اكثر انه غايولي اب من بعد سنيييييييين...شي حاجة الي تريح نفس وترمم الجراح وتجبر الخواطر....من بعد سنوات ديال المشاكيل والعذاب والتكرفيص...من بعد نا كان عايش فالفساد ديال البلية..الشراب وشلااا....خرج باش يكمي حيث حس براسو بدا يتبرزط مع فرح..صفاء كانت فخدمتها بقات ليها نص ساعة وتخرج...

شوية حتى بدات فرح كتكمش فحجبانها وتعصر فعينيها...بدا كيزاورها الوجع من جديد وبدات تحس فالماس كيتمضاو باش يبداو يحسكو فيها...

فرح : ممممممممممم...وووو هاهو ثاني ثاااااانيييييييييي اهى اهى...

زين الدين"ناض من الكرسي وتحنى عندها قابط ليها فايدها الي بقات شاداها ليه وهي ناعسة...نطق كيدوز بصباعو على حنكها" : نوضي معايا ديري شنو نگوليك....

فرح : ويحيد مني هادشي ؟ اهى...

زين الدين : نحاولو معاه..."دار ايدو ورا ضهرها كيدلك ليها فيه" حاولي تعضي فالصبر فرح...حاولي تصبري وديري بين عينيك كبدتك الي تشدي بين دراعك...

فرح : حاولت اهى...ممممممم...حاولت ازين الدين وهادشي قاصح...عقلتي اهى...نهار لقيتيني طايحة ف لاكاف بكريز...هاديك كريز ؤحم من هادي الي شداتني...وكنتي خايف ديك ساعة...

زين الدين : حتى دابا خايف...وليني عارف هادشي عادي..ولابد عليا منصبر معاك..نصبر على جالك.."باسها فعنقها" نصبر باش نشوف عوينات ل bébé...ونرتاح عليك..نعيش معاك هادشي الي كان فواحد الوقت جايني شك موحال نعيشو مع شي بنت الناس..."باسها ففمها"...لهلا يخطي عليا الفرحة ديالي الي بانت فطريقي وعشت معاها الزواج...عشت معاها كلشي...وهاني كنعيش معاها الحق الي عطانا الله والي هو وحدة من زينة الحياة...

فرح : اهى اهى...دابا ااااا بلا متگوليا هادشي...هادشي مابغيتش نفهمو...

زين الدين"عض فمو جابت ليه ضحك" : و شنو بايتي تسمعي..

فرح : نتفك..نتفك حيث هاد الزمر قااااصح...

زين الدين"هز حاجبو" : عاود زمر من فمك ؟...جمعي الحساب تسالي ربعين يوم ديالك...وانا معاك...شلا ما هاز عليك...

فرح : واااااااععععععععععععععع اهى اهى...

زين الدين"كمش عينيه وحجبانو" : نوضي معايا...

عاونها حتى ناضت شادة تحت كرشها...خرج هو وياها مشات شوية وجات كيف وصاتها طبيبة والقابلة...عاود رجعو البيت لقات واحد البالون كبييير...

فرح : ديالاش هذا....مممممممم...

زين الدين : تبعي شنو نوريك وديريه...تفاهمنا...

فرح"حاسة بالسخفة" : واخا...فففففففف.....ممممممم..وااااااربي اهى اهى...

وراها كيفاش دير فوق داك البالون...وكيفاش ديرو ورا ضهرها كتمارين لتسهيل عميلة الولادة وحتى حركات اخرى...من قبل كان لبسها لباس المشفى..فالغوز كمايمو حد المرفق وطوييل حد الكعبة وعريض على قياسها...نقص عليها الوجع شوية وجلسات فوق داك البالون كدير فالحركات الي وراها...وشية وقفات ودار البالون فالحايط ورا ضهرها وبقات متكية عليه...شوية كتشد فيه وتفرق رجليها كتطلع وتهبط بحركات خاصة...

فرح : نمممممممم...."حطات راسها على حديد السرير...وغمضات عينيها" مممممممم....امممممممممممم....

زين الدين"كايمسح ليها فجبتهتها وحنكها..ويرجع ليها شعرها لور الي عيا وهو يجمع فيه بالقراصة ويهبط مع تعنفيج والبكا ديالها...حتى عطاتو صفاء باندة جمعاتو ليها الفوق اسفنجة...شوية بدا يدوز ليها بصبعو تحت عينيها كيمسح فدموع وحنكها غامرو بالكف ديالو" : قربنا اتشيتشونا ديالي مابقاش بزاف....

فرح : بزاااااااف اهى بزاااااف "عصرات عينيها وعضات شنايفها بحر الوجع" امممممممننننمنعععععععع...مممممم واااااااااربي واربيييييييييييي اهى اهى....

وجهها ولا مزنگ بالوجع والعيا عينيها تبوقو لانها من الصباح الي حتى بغى يدوي العصر وهي كتوجع...بدات كتحس بطاقتها كتنفد...دخل عندها عصام وفوزي وسيمو وخرجو..شوية جاو خوالها وجات نعيمة الي بقات هي وهناء معاها ماقدروش يمشيو حتى يدير ليها الله تاويل فالولادة...مرة تغوت تبكي ومرة تهدن وتلقااا راحتها...زين الدين النهار كلو متفرقش عليها ولو دقيقة حتى من الماكلة كال حداها وكالت حتى هي واخا غا شوية بزز....بقات صفاء وسيمو وفوزي وزين الدين اما هناء ونعيمة هبطو مع عصام يشوفو جدهم...

فرح"رجع ليها الوجع" : مممممممممم واواواواو...واااااا هاهو تاني تاااااني...واااااعععععععع قاصح ازين الدين وبرااااااااكة عليا عيييييييييييييت اهى اهى...واااااواواو...

صفاء"كتكمش فعينيها..تا قربات لسيمو" : الاطيف...

سيمو : الله يا مك تا تريبي عليهم سبيطار..هانا هانتي...

صفاء : .بناقص..اييييخان صافي...

فرح"جلسات ليهم فلارض وسرحت رجليها وزين الدين واقف قدامها مربع ايديه بقلة حيلة" : واععععععععععععععععععع"خرجات عينيها وغوتات تا قفز سيمو ناض وقف وصفاء غمضات عينيها اما فوزي مسكين بغى يبكي وشحال بقات فيه..."

فوزي : براكة عليها اصحبي..وبزاف من صباح بكري والمغرب بغى يوذن وباقي..العذاب هذا حق الرب...

زين الدين"مكمش حجبانو كيشوف فيها الوجه تجيف بالبكا والغوات..قهراتو بالمعقول..اخر مرة مشاو قالت بالي باقي ليها شوية وهو قلبها راسو نيت لقى بالي باقي خاص تفتح فالقياس..". : تتت..."ضار لهيه كيمسد فعينيه بتعب" لا اله الا الله...

فرح"حطات راسها على الحايط هازاه كتشوف فالسقف" : واااااااااربي غير فكني عمري باقي نعاود...

صفاء"خرجات عينيها عرفتها غاتبدا تهبل فالهضرة" : اعااو عتق...

سيمو"دار ايدو على وجهو" : ياربي سلامة...

فوزي"بدا يرمش شاف فزين الدين الي كان كيشوف ففرح كتعاود" : ايياااو...

زين الدين"تحنى قفازي كيلعب بالخاتم ديال زواج" : اودي غا تفكي ويكون خير...

فرح"هبطات راسها كتخنزر فيه" : لا عمري باقي نعاود اهى..تفرق مني نتا عطيني تيساااااااع...الله ياخذ فيك الحق...

زين الدين"خرج عينيه بشوي" : كاااع...وشنو درت ليك انا...

فرح"كتهضر وتغوت" : گلت لييييييييييك نطيحو بديتي تركل عليا فطوموبيل...وتغوت عليا...بقى ليييييك شوية وضربني...لا مطيحيييييهش الى ولدتيه عطييييييه ليا نربيه وسيريت ت...

زين الدين"حساب ليه غاتذكر ديك تقاودي عليا الي قاليها...هز حاجبو وخنزر فيها" : اااا ؟؟ تهدني فرح لا ؟

فرح"بدات تعيب فيه وصفاء وسيمو وفوزي الصحكة بغات تخرج ليهم من الوذنين ومشكيل خافو يضحكو تبدا تسب فيهم تاني" : ماطيحيييييييهش لا طيحتيه عمري نسمح ليييييييييييك.....والى قستي ليا كبدتي عمري نسمح ليك...انا گلت ليك غانتكرفص...مابغيتيش تسمع ليا...بارك عليا ولدي بنتي كبدتي...غا نتا والكلبة الي عندكم الكبدة...

سيمو"خرجات ليه ضحكة بلهلا يحزقو ليه" : هههههههههههههههههههههههههههههههه

صفاء : ههههههههههنه...

فوزي"ضار لهيه كيضحك" : تهههههههن...

زين الدين"هاز فيها حاجبو" : هي نتي ماعندك كبدة...

فرح"خرجات فيه عينيها" : اجي توجع بلاصتي...اهى اهى...الثاني غادي نطيحو نطييييييييحووووووو اهى اهى....

زين الدين : بعدا ضامنة الثاني...

فوزي : هههههههههههههههههههههههههههههه "شاف ففرح ضارت كتخنزر فيه وهو يصرط الضحكة وضار عند سيمو طرشو علاش الله اعلم"

سيمو"شد حنكو" : يعطي لجد بوك الطرش....

حتى واحد ماغادي يلومها...ربي الي عالم بيها دابا مع هاد الوجع الي كيتعتابر ثاني الم بعد الحر.ق...خاصهم يصبرو معاها ويصبرو ليها حيث العقل راه مكاينش دابا مع هاد الوجع...حرك زين الدين راسو يمين شمال بقلة حيلة وجهد معاها...كايمشي كل شوية يعبر السكار مراقبو ومراقب فرح باش ميطيحش ليه مع التوثر والقلق من جيهتها...وكل شوية يخرج يتمشى معاها وهي ربي الي عالم بيها فداك الوجع...مرة تسخف ليه مرة توقف وتصبر الي حتى بغى يدوي العشا وهي توجع تا عياو بلاصتها...

رجعها لشومبر من بعد ما تمشات واحد المسافة...يلاه دخلات حتى بدات تغوت وخرجات عينيها وبدات تفشل وتنزل لارض..

عصام : مالك ؟؟

فرح"خرجات عينيها ودارت ايدها على فمها" : اوععععععق...مممم.....بغيت نرجع امممممممم....

زين الدين : ششش واخا واخا...

ضار شاف فصفاء طارت من بلاتها دخلات لدوش كتزرب...جابت ليها بانيو ديالها...عطاتو ليه غا هو دارو ليها وهي تبوع كاااع داكشي الي فجوفها ترجع وتقول مارجعت..ترجع والبكا خدام ودموع دايزين والوجع كايحسك فيها حسيييييييك....

فرح : اوووععععععععع....اهى اهى...وااااااااااااربيييييييي اهى اهر..وابزااااااااف بزااااف اربيييييييييي....

عصام"مكمش حجبانو فيها" : تتت بفففف..."ضار لهيه كيضرب كفوف ايديه بقلة حيلة وعصبية" بنااااقص بالرب الى بنااااقص من هادشي...

صفاء"دوزات بايدها على دراعو" : والصبر هادي هي الولادة..ههه عادي..."عااادي وهي وجهها ولا صفر بالخلعة تا شدات فكرشها"

عصام"ضار شاف فيها بنص عين" : ومال وجهك ولا صفر...

صفاء : ممم ؟ ..هههه غا بقات فيا فرح...عادي عصام...

عصام"دور ايدو على راسها معنقها باسها فيه وعاود" : الله يفك وحايلك على خير...

صفاء : امييييين...

فرح : اهى اهى...واصاااااافيييييييييييي وااااااواواوووو "شوي اتا خرجت عينيها على جهدهم ودارت ايدها تحت كرشها" اعععععععععع شي حاجة بغات تخرج ازين الدين...ممماماماما واشي حاجة بغات تهبد وااااااااواواو...

زين الدين : فين !؟..واخا تهدني..."وقفها وداها لدوش..هز ليها اللبسة ودار ايدو لتحت اتا خرج عينيه" اجي معايا...

بغى يديها وهي تهبط ليه لارض مابقاتش قدرات تحرك...خرج من دوش وجهو صفر...قاليهم يبقاو معاها وخرج من شومبر كيزرب مافهمو والو تا دخلو لقاوها جالسة مفرقة رجليها وسخفااانة...مشى بزربة لجيهة الولادة علم صاج فام تبعاتو فرملية بكرسي متحرك تا دخلو لعندها...عصام كيسول فيه وهو مكيجاوبش الصمك والبكم جاه فهاد اللحظة...وقفها بزز تا جلسها فوق الكرسي ودفع بيها خلا عصام كيعيط ويعربط عقلو خرج وهو كيسول....

زين الدين"ضار عندو دافع بيها وهو تابعو..خرج فيه عينيه" : تحرك وجدو ليها الحوايج وداكشي..صفاء عارفة...

خلاه ومشاو نيشان لقاعة الولادة..تا دخلها..جات القابلة عاونتها هي وياه تا طلعات فوق البياص الخاص بالولادة...حط ليها رجليها فوق دوك رجيلات المهزوزين وحدة هنا ووحدة هنا...لاحت عليها ايزار خضر ديال مشفى...هبط ليها الكيلوط..وهي تخشى بدات تقلب ليها بصباعها...

صاج فام"قاصت ليها كريشتها لقاتها تقلصات وقصاحت...هبطات لتحت من بعد ما دارت ليگانت...خشات صباعها كتقلب وتقيس..كتشوف فزين الدين الي حجبانو معقودين وعينيه على فرح الي دموع مابغاوش يحبسو وعينيه كيخرجو كتحس بشي حاجة بغات تهبط" : توگض معانا اسي البغدادي..."ضار شاف فيها" اولدي زعما راك فالضومين ههههه...

زين الدين"سرح حجبانو بتعب" : راكي عارفة بحق الولاد الحاجة...

صاج فام : ههههه مايكون غير الخير هادشي عادي..راك عارف الولادة الاولى ماشي ساهلة...

فرح : اهى اهى...واااااربي واااااااااااااربييييييييييييي....

صاج فام : ذكري الله ابنتي..هانتي قربتي...هانتي..تبعي اش نقوليك بالحرف وسيري معايا باش دغيااا تفكي..واخا بنتي !!؟

فرح"هازا راسها الفوووق" : واااانمشيييييييي معاك غا فكيييييني...واااااواواو...

صاج فام"هزات حجبانها وحطاتهم كتشوف فزين الدين..ومع دنيا مهدنة حيث غير هي الي كاينة فالقاعة كتهضر بشويا القابلة وكيتسمع غير ديك طوط طط طوووط طط..جو المشفى بحذافيرو.." : شفتي قبل مني ياك..."حرك ليها راسو." بون..بقى تهضر معاها وعاونها باش تعاون معايا...

زين الدين"قرب حدا فرح وشد ليها فايدها شابك صباعة مع صباعها...وتناهم مزير عليها" : هانتي قربتي تفكي...

فرح"شافت فيه عينيها حمرين مبوقين بالبكا والتكرفيص ديال الوجع الي استمر معاها من صباح الي حتى بغى ياذن العشا...العذاااب الاليم عاشتو وخصوصا اول ولادة ليها يعني بكر كاتكون قاصحة..." : علاش الوجع نقص...

زين الدين"هز حاجبو" : ولفتيييه ؟!..

فرح : لا لا اهى..."بدات تعصر فعينيها" امممممم...شي حاجة بغات تهبط...ففففففففف...

صاج : هاكاك ابنتي..دفعي دابا...وديري شهييييق زفير....

فرح"كتشهق وتزفر" : هففففففف هففففففففف...امممممممممممم...

صاج فام : دفعي دابا...

فرح : ععععععععععععععععع"تزبرات وهي كتدفع بكل قوتها تا كيولي وجهها زرق ودموع كينزلو محابسينش...والعرق حدث ولا حرج" ففففففففففففففف.....

زين الدين : حبسي دابا..."زير ليها على ايدها"...تسناي...يلاه دفعي تاني..."كيقوليها ويبوس ليها فراسها فنفس الوقت....

فرح"كتشوف فيه شافت ليه فعينيه كتشوف ديك العين الي وحدة خضرة ووحدة فيها زروقية...كانت ديما كتلاحضها فيه وهي الوحيدة الي دققات فيها..." : اعععععععععععنننممممممم...اهى اهى...واااااااااااربي ربي ربييييييييييييييييييي.....اعععننممممممممممممممممففففففففف "هزات راسها لفوووووق سخفاااااات" امممممم...

زين الدين : ششش ..فرح توگضي معانا الله يرضي عليك...

فرح ؛ اهى...ماقديييييييييييييتش اهى اعععععننمممممم...تخنقت تخنقت....اهههعععععععععععععععععععع....

جابو ليها الاكسجيين دارو الخايط فنيفها...باش يعاونها فالتنفس...بقات كتعصر ومرة تحبس تا حسات بكلشي فشل عليها..الطاقة تقادات ليها غير كتكابر وصافي...عيات بالمعقول وفشلات...الوجع حسك ليها جنابها وعضامها كتحس بيهم تحلو...

صاج فام : هانتي غاديا معانا زيدي دفعي..."ضارت عند الفرملية غمرزتها مشات جابت ليها العدة الي بغات.." دفعي وحبسي تنقوليك ابنتي....

فرح"عصرات عينيها" : اعننمممممممممممممممم...ففففف "حطات راسها تاني سخفاااانة"

زين الدين"باس ليها ايدها طبطب عليها طلق منها وضار تا شاف فين وصلات فالولادة...كمش عينيه كيشوف...بان ليه الراس خارج...قلبو فهاد اللحظة دار فررررررر تا غرغرو عينيه...عرفتي شنو هي تشوف فلذة كبدك حتى انت من بعد يتم لا نتا عندك واليدين لا نتا عندك خوت ولا علامن تحط راس من غير مرتك وولادك...زاد كمش حجبانو متاثر حتى نسى فرح واحد شوية...مافيقو غير غوتتها الي غوتات بحر جهدها تا هز فيها عينيه بانت ليه بغات تسخف..عيات بالمعقول وحيلها تهد...مشى لعندها بسرعة"...

زين الدين"عطاها جنب ايدو" : عضي هنا وعطي كاع ليفوغ ديالك فيه...

فرح : غادي نضرك نضرااااااااااااااااااك اهى اهى..."كتحس بشي حاجة كتخرج حتى شوية حسات بالضو ضربها لتحت" اعععععععععع اهى اهى...اش هادشي اااااااااااااا اهى اهى واااااااربييييييي ربي ربي ربي.....

الضو الي حسات بيه حسك ليها لتحت كان هو تقطيعة الي قطعو شوية من فتحة باش يقدرو يعاونو راس يخرج...عطاها طرف ايدو وهي تعضو بكل في جهدها عطاتو تا خرجو عينيها على جهد جهدهم...واحد اللحضة شمات نفس الريحة وهي تخايل ليها امها بين عينيها....

فرح : وااااااااااااميييييييييييييييييييييييييمتيييييييييي.....اهى اهى...

عصرات تا عصرات خرج راس وزادت عصرات حتى خرجات طبيبة البيبي بالكااامل بالحبل السري الي مربوط فالصرة...تا تسمع ديك ...

البيبي : كخمخكخكخ ..."حتى تطلقات البكية وتسمع الغوات صغيييييور يصمك الوذنين"...

فرح"سرحات راسها لور سخفااااانة بجهد" : انننننن....

زين الدين : الله..."ضار باسها فراسها جبهتها وحتى من شنايفها باسهم ماتسوقش لشي حد" على سلامتك كبيدة ديالي...

فرح"شعرها لصق بالعرق...مسح ليها جبهتها ورجع ليها شعرها الي لصق وتخربق" : ممممممممم....

صاج فام بسرعة هزات البيبي وجابت الفرملية ليزار لوات فيه وجابت البيبي على صدرها ب الما الي باقي لاصق ودمايات وشي فرتيت بيض....

زين الدين"نزلات واحد دمعة تجريييييي نطق بصوت خشن فيه بحة الفرحة والعيا حتى هو..." : باباااااا دياليييي....

صاج فام : على سلامتكم اولدي..

فرح"عينيها تبوقو ودموعها نازلين..هزات راسها بتعب..هبطات عينيها كتشوف فالبيبي غا هي الي شافت وهي تعطيها البكا" : ولدت اهى اهى...مممم ولدت اهى..مامااا هاني..."مدات شفايفها باست راس والجبهة والايديات...كتبوس وتعاود وزين الدين تاهو...جبد تيليفون وصورها مع البيبي وصور راسو معاهم بزوج..واحد اللحضة يقشعر لها البدن...يعيش زين الدين تا يعيا مايعيش بحال هاد اللحظة من بعد تعب ومشاكيل ديال الجبال الي دازو منها والانفاس الي تحبسات وصدق من قال...تشوفي عويناتو تنساي وجيعاتو....

بقاو معاها عطاوهم وقتهم يعيشو اللحظة مع الكبيدة ديالهم اول بيبي..من بعد باس ليها زين الدين راسها وخلاها يكملو معاها الباقي حيث باقي خاص ترمي البقايا الي فكرشها ديال مشيمة الي كنقولو ليهم بالدارجة "الخواتات"...من بعد ما قطعو البوط...خرج كيمسح عينيه ويبتاسم غا وحدو...ضحكتو باينة لمنيييييين..واحد الفرحة كيحس بيها دابا ربي الي عالم بيها...خرج لعندهم لقى كلشي مجموع حدا البلوك ديال قاعة الولادة..عصام فوزي صفاء سيمو..نعيمة..ع.العالي منير...هناء وياسين نجية فاطنة حتى هي..وحتى من علي واقف معاهم..غا تحل الباب وخرج كيمسح فجبهتو وعينيه غا بان ليه عصام وهو يتبسم...

زين الدين : على سلامة خالي...

عصام"خرج عينيه كيضحك" : ماتگولهاش..سلك ربي ؟

زين الدين"تعانق هو وياه" : سلك مولانا سلك...

عصام"ضرب ليه على كتافو بجهد تا تسمعو ضربات" : على سلامتنا بابا...

فوزي بالفرحة ضار عنق سيمو وجر فاطنة ونجية وكلشي تايعنق فشي...صفاء كتضحك وتبكي...عبد العالي عنق منير ومنير جر معاه مرتو...تا بداو يزغرتو ليهم تما الي داز يشوف...منهم شي فرمليات...

هي : عرفتي شكون هذاك ؟

فرملية : موسيو بغدادي لا..

هي : اااابه ورا مرتو داخلة تولد عرفتي غير شومبر الي خذا ليها ديال الملوك...

فرملية : وراه مرات مول شي هادشي الي نتي كتشوفي فيه قد الخلا...بالسيف..

زين الدين"جر فوزي عنقو تاهو كيضرب ليه فكتافو" : على سلامتنا خالي...

فوزي : ولدي هذا صحح هضرتك الله يجازيك..

زين الدين : ولدك اسي..."ضار شاف فصفاء" الحويجات الله يخليك...

عطاتو صويك وهو يدخلو ليهم باش تلبس فرح وحتى البيبي...دخل وخلا وراه حالة من الفرخ والدفء من بعد هموم كانت كثيرة ومن بعد حزن طوييييل ومشاكيل الي تذكر... ومتسالي...

سالاو معاها ونضفوها لا هي لا البيبي...دارو الاجراءات الروتينية...لبسات حوايجها من بعد ما دخلات عندها صفاء الي لبساتها وعاونتها وبقات متكية شي ساعة ريتما يرجعو ليها عضامها وسوفل...عاد حولوها لغرفتها مدخلها زين الدين فكرسي متحرك حل الباب ودخل مع دخلات لقات الغرفة كلها مزينة بالوان جنس البيبي...وهما كيتسناو فيها غير دخلات وهما يطلقو الورد...

عصام"تقدم ناحيتها وتحنى لعندها باس ليها راسها وبقى مقابل معاها" : على سلامة بنتي...

فرح"بتعب صوتها تبح كيتسمع بزز" : الله يسلمك..

فوزي"تاهو تحنى باسها" : على سلامتك اخالي...

فرح"ضحكات عيانة بجهد بغات غا تنعس" : الله يسلمك...

سيمو"باسها تاهو" : الهبيرة ولدات ليا خالي...

فرح : ههههه..

نجية. : على سلامتك اكبيدتي...على سلااااامتك الفكاك...

فرح : الله يسلمك امي..."عيااات"..

زاد بيها حتى لبلاصتها عاونوها تا ناضت تكات ففرشاها..غطاها زين الدين..بغا يمشي وهي تشدو بايدها قرباتو ليها مزيان باش يسمعها.."

فرح : غاتمشي عند با كيف تافقنا..

زين الدين"باس ليها راسها" : دابا نيت...

حركات ليه راسها وتبسمات تا بدات تغمض فعينيها حسات بواحد راحة عجيييييييبة نزلات عليها...خلاها معاهم..تبعو عصام وفوزي مشاو لبلاصة البايبيز...تسناوه تا خرج هاز التربية فايدو...غادين ويقيسو ويبوسو ختى دخلو لسانسور....

عصام.: والله الى رجعت خال صحة...

فوزي : انا را بات..

زين الدين"بطنز" : دير الكنية الخيالي..ياك .

فوزي : الله ماكرهت...

تحل السانسور نيشان للطابق ديال الرجال مرضى القلب...مشاو ديريكت للغرفة ديالو الي حولوه ليها...دقو الباب وحلوه لقاوه متكي على ضهرو كيقرا فالمصحف الشريف الي جابو ليه باين عليه التعب من بعد الازمة...غا تحل الباب وهو يهز عينيه بانو ليه داخلين وفايدهم تربية...ماشعرش براسو تا ضحك واااحد الضحكة فشكاااال من قلب قلبو...ضحكة عمرهم ما شافوها...

المحجوب : هههههه الله "طولها" تفكات الكبيدة على خير...

زين الدين : اش گلنا الحاج "غمزو"...

المحجوب : نأذن اولدي ناذن بالفرحات عليا...ارا ليا لهنا نشوف هاد الخير..."كيهضر وعيااان...باااقي ماثر وحزين على بنتو لكن بمجرد ما علموه بالي فرح دخلت تولد وهو كيتسنى وخا مزال عيان..."

حرك راسو وحط ليه التربية بين ايديه..اول شوفة بان ليه شعر قوييي طايح على العينين الفم والشعر غير فوزي محطووط...اما الحجبان زين الدين ونگدة ديالو تاهو...مغوبشين دوك الحجبان...

المحجوب : تباارك الله تبارك الله..."باس الراس والجبهة.."

زين الدين : الحاج تفاهمت انا وفرح باش نتا الي تسمي الى جات على خاطرك...

عصام"ضار شاف فيه بصدمة" : وايلي...

فوزي : هههههه ديما كان يگول نسمي ولد واحد فيكم لا بغيتو ههه وكانت فرح تگوليه سمي ليا انا لولة ههه...

عصام : زعما ماعندك مشكيل ؟

زين الدين"عوج فمو" : عادي..تعذبات عليه وتكرفصات حقها تخليه يسميه...والسمية ديجا عارفها على ماعاودت ليا فرح...كانت توريه فالسميات وعجباتو هادي..."شاف فالمحجوب وغمزو" ياك هي الحاج الي عجباتك..ولا كذبت....

المحجوب"ضحك من قلبو بصوت عيان" : هههههه وا السمية اللولة جات فالبكر..."عاود باس راس"... يا بسم الله....

_الله اكبر الله اكبر...

كمل الاذان وختمها ب...

المحجوب "باس ليه جبهتو وحنيكو..وحط ليه صبعو وسط ايدو تا كمش عليه مزير...ونطق" : اسميناك آسر....جعلك الله من الذرية الصالحة...

مرحبا ب آسر البغدادي....

بدات كاتحس بحركات خفيفة على حنكها حتى بدات تحل فعينيها بشويا مكمشاهم من بعد نومة عميييقة لقات فيها واحد راحة عجييييييبة...ماكرهش يخليها ناعسة يومين ترتاح فيهم لكن النداء ديال اول مسؤولية خاص يتلبى....

فرح"حلات عينيها كتشوف فيه" : مممم...

زين الدين"باسها فشفايفها ورجع كيدوز على حنكها بحنان ونطق بصوت منخفض فحيح" : رتاحيتي شوي...

فرح"بصوت مبحوح منخفض" : باقي فيا نعااااس.."بدات تفوه"

زين الدين : ماكرهت ليك.."شير براسو" ماناوياش تعرفي على ولدك...

فرح"بقات ترمش فيه واحد لحظة جاها فحال الحلم كتقول اوه انا والدة شي حد ههه..حتى تبسمات كتدوز على عينيها ووجهها..تا بدات ضحك" : هههههههههه...اويلي عليا ههههه

زين الدين : مالك ؟!...

فرح : هههههه نسيت راسي راني ولدت..هادشي فشكل...

زين الدين"هز حاجبو" : ياك الشريفة....

فرح : ههههه حساب ليا كنت كنحلم..."تنهدات بحب" واش خاص نرضعو...

زين الدين : لا بغيتي...

فرح : اراه ليا نشوفو...ماسمعتش بكاه...

زين الدين"هز ريمونت ديال سرير گعد ليها سرير تا جات شبه جالسة...ومشى جيهة الكونة الي دخلو فيها البيبي..تحنى" : بسم الله اللهم بارك..."باسو فجبينو وشحال حمقاتو ريحتو ماكرهش ياكلو بالبوسان..ضار عندها لقاها كتحك فعينينا وتفوه باقي فيها نعاس والعيا.." ها با آسر...

فرح : اسر هههه...عجباتو هاد سمية...

سرحات ايديها وهو يحطو ليها فحضنها وثاني حضنة ليها معاه حسات بقلبها كينغش والفراشات فيه كيتوزعو واحد تبوريشة شداتها تا دمعو عينيها وهي كتشوف فيه كيحرك ففمو ومغوبش فحال بغى يبدا يبكي...

فرح : مالك مغوبش حتى نتا ههههه..."تحنات باستو فجبهتو حنكو عنقو لقات راسها تابعة ديك الريحة الي تنغوش القليب.." الله على ريحة..."شافت فزين الدين" شحال ساعة ؟ فين دار...

زين الدين : مشاو يرتاحو صباح يجيو ان شاء الله..."شاف فساعتو" الستة ديال صباح هادي...

فرح"خرجات عينيها بشوي" : صبح الحال..."هبطات عينيها لولدها الي بان ليها بدا يغوبش بغى يبدا يبكي"..اووو صافي صافي...

بقات تهضر معاه وتقيص ليه فايدياتو الي وحدة فيهم فيها سميطة ديال الكلينيك فالشيبي مكتوب فيها اسم asser وتحت منها اسم الام ديالو farah..مخشيين فديك اللبيسة فاللون الاصفر والابيض فيها ميكي ماوس صغير..وطاقية بيضة الواصلة عند حجبانو..كتقرب ليه ايديتو تبوسها وتعاود وزين الدين شاد تيليفون كيصور فيها فيديو وتصاور..حتى هزات عينيها شافتو وهي تبدا ضحك...خشا تيليفون فجيبو ومشى جلس حداها...شد معاها الولد حتى جبدات بزولتها وحطات ليه راس ففمو بقى يستطعم ويقيص بلسانو حتى جرها وبدا يجر شوي بشوي تا كمشت عينيها....

فرح : ممم..غانبدا نحس بداك تجباد فففف ههههه...

زين الدين"معنقها جنب كيشوف ف آسر كيرضع..هز عينيه فيها" : عارفة بعدا شنو كاين...

فرح"حركات راسها بشوي" : ههههه حضرت لمي نجية فاش وبدات خواتات سيمو كانو كيكرفصوها...حضرت لجارتنا تاهي..وقريت عليه..ومن هنا لقدام غادي يطيبو ليا خاصني نكون واجدة.."هزات كتافها وحطاتهم كتبتاسم"...

زين الدين"باس ليها كتفها عيااان تاهو بجهد كيتسناها غير ترضعو باش يرتاح تاهو ينعس" : كملي معاه وخليه يرتاح وسيري بدلي كلشي حطيتو ليك فالدوش...

فرح : شنو ندير لهاد الغراز...

زين الدين"كيجمع ليها فشعرها ورا ودنيها" : انا نداويهم ليك..

فرح"خرجات عينيها" : لااااااا....

زين الدين"خنزر فيها" : شنو الي لااا ؟؟!...

فرح"تزنگات" : وحشومة..عيب هههههه...

زين الدين"خرج لسانو طواه وعضو مصغر فيها عينيه بديك الشوفة ديال سبحاااان من خلقك هههه"

فرح : بلا ماتشوف فيا هاكاك...صافي...

زين الدين : شي مرات كاتلف لمتي جرية معاك..هذا الله فرح هذا الله...

حبست الضحكة وهي دور عند ولدها الي كان كيرضع بهدوووء وبخاااطر خاطرو الي بغى يربح العام طويل ههههه...حتى شبع وهي تهزو على كتافها كطبطب عليه وشحال حمقتها ديك تنخشيشة الي دارت ليه كاتحس بيه فار مخشي فيها ينغش..تا تگرع وهي ترجعو لمانطة ديالو عطاتو ليه داه لبلاصتو وجر الكونة حداها...عاونها تا ناضت لدوش ديجا الما دافي كاين كلشي موفرو ليها كاع وسائل راحة متوفرين ليها...

زين الدين"هز بيطادين وراه ليها" : هذا توضاي بيه بالما دافي مع هاد.gel intime "هز باكية الي فيها جيل" saforelle هاد الباكية هاهي هنا معاك حتى تخرجي بعد غذا...فالدار ديجا واخذ ليك منها...غير هاد ف سومين لولة ليك..من بعد كاينة pommade cicaderma هادي حتى نديرها ليك انا باش ماتخليش ليك ليطخاس ف le vagin ديالك...تفاهمنا ؟!

فرح"شافت فيه وبدات تبتاسم بحب نسات راسها وهي كتشوف فيه"...

زين الدين : مالك ؟

فرح"بقات تشوووف فيه بواحد نظرة فشكل نظرة شكر حب احترام تقدير..عشق..يلاه غايسولها حتى تلاحت عليه عنقاتو بكل ما عندها من قوة..مدورة ايديها على عنقو" : شكرا زين الدين..لهلا يخطيك عليا والله...

زين الدين"هبط حجبانو وتبسم ابتسامة خفيفة بزاااف..بدا يدوز بايديه على ضهرها بحب" : لهلا بخطيك عليا نتي...لهلا يخطي عليا الفرحة الي فرحاتني فحياتي..الي عطاتني دنيا عطاتني الولاد عطاتني كلشي...الصبارة الحنينة ديالي...

فرح"عينيها دمعو" : نتا الصبار ديالي..نتا الي صبرتي عليا وصبرتي معايا..."تنهدات" راك عارف شنو داز...

زين الدين : الي داز فات وتعلمنا منو..."باسها فعنقها تا تسمعات البوسة فارجاء الغرفة" كانموت على النعمة الي عطاني الله...

باسها فراسها وخرج من دوش مخليها توضى ومشى هو حدا ولدو جلس حداه كيشوف فيه ويملي عينيه منو الي عمرها ماتشبع من شوفتو..بقى كيشوف فيه حتى لقى راسو عاض فمو..مامثيقش راسو ولا اب وعندو ولد هو الكبير...مامثيقش راسو ولات عندو بداية السلالة من الانسانة الي بغى وشاف فيها كلشي...مامثيقش شي حاجة جديدة واضافة جديدة لحياتو...نسى راسو وهو حدا ولدو متع عينيه بشوفتو...حتى داز الوقت وخرجات فرح من بعد ما توضات وبدلات الفوطة الصحية الخاصة بالنافسات...خرجات كتمشى بشوي عاضة ففمها وباقي شادة تحت كرشها ولفتها...حتى ناض وشدها رجع بيها لسريرها....

زين الدين : هاني الفوق ندوش ونجي...

فرح : ومغاديش ترتاح ؟ ماعبرتيش ديابيت ؟!..ماعيييتيش ازين الدين ؟!

زين الدين : واخا تهدني...سمعيني شنو غانگوليك.."هز صبعو مشير بيه لفوق" طالع لفوق ندوش..من بعد نعبر ديابيت..من بعد نشرب دوايا..ونجي نفطر معاك..نفطر معاك يجيو خوتك نخليك معاهم ونطلع نرتاح..شنو بان ليك...

فرح"تنهدات براحة" : صافي تا هذا نضر هههه...

زين الدين"تحنى شلقمها من شنايفها تا جرهم خلاهم يوزوزو" : الله...الله يرضي عليك..."شاف فساعتو و ضار جيهة الباب جامع حجبانو"

فرح : مالك...

زين الدين : ماماليش..شي حد بغى يجي عندك..

فرح : شكون ؟!

زين الدين : دابا تعرفي..تعطل يبان ليا...

مزال كايقول فيها حتى دق الباب حنحن عاطي الاذن بالدخول..حتى تحل الباب وهي تدخل الفرملية دافعة بيه الكرسي...

المحجوب"بصوت باقي فيه العيا" : واحد صباح الخير...

فرح"خرجات عينيها" : با !!...با هههههههه..."كانت بغات تنوض"

المحجوب : لا لا يا..جلسي هاني جاي عندك...

زين الدين : فامانتك الحاج ؟

المحجوب : تيسر اولدي..

حرك راسو وخرج من شومبر مخليها مع جدها الي قرباتو ليها الفرملية حركات ليهم راسها وخرجات...بقات غير هي وجدها من بعد غياب لايام وقعو فيها احداث واحداث..خبر الوفاة وخبر الازمة الي تعرض ليها وهاهو مسك الختام خبر الولادة الي فرح كبير وصغير وزرع فالعائلة البهجة والفرحة...قربات وشدات ايدو باستها ليه...

فرح.: على سلامتك ابا...على سلامتك..خلعتيني عليك...

المحجوب : والى جاب الله وتقادا الاجال (الاجل)...

فرح : الله يطول فعمرك ابا..ماشي دابا وخا عارفة الموت علينا حق..ماشي دابا.."عينيها غرغرو"

المحجوب"تنهد" : ايوى هاني ربي طول ليا فالعمر..وكتاب ليا نحضر ونوذن لهاد سيد رجال "طبطب على البيبي" هههه...

فرح"شافت فيه بخوف" : با شوية ياك ؟

المحجوب"فهمها شنو قصدات..تنهد وحرك راسو بشوية" : اللهم لك الحمد...لله ما اعطى ولله ما اخذ.."كمش حجبانو الشايبين" بغاها الله...وبغى لينا الله مانتمتعو بشوفتها فالحياة...لا جيت نشوف راني والفت وديت عليها غايبة...ولا جيت نوكد (نتاكد) اللهم لك الحمد عرفناها فين كاينة فين ماتت لا بغى الله وجول فالعمووور (العمر) نمشي نترحم عليها...ماكتبش راني ندعي ليها بالرحمة...هذا واجبي عليها من غير ندعي الله يرحمها ويغفر ليها...البراكة فولادي وفيكم نتوما كونو ليا بخير هذا الرباح...

فرح"تگعدات وشدات ليه فايديه كتهضر وعينيها حمرين بالدموع" : الى گلت ليك مسامحين ليها !!...

المحجوب"هز فيها عينيه المدمعين يضرو فالخاطر" : من گلبكم ؟!

فرح"حركات راسها حيث هما عرفو الحكاية وهو ماعارفش الحكاية ومابغاوش يقولوها ليه حيث غادي يتنكس" : مسامحين ليها والله يرحمها...هانتا گلتيها عرفنا فين مدفونة...كاتبقى امنا واحد الوقت صبرات وولداتنا..."شافت جيهة ولدها" هاني ولدتو وجربت الولاد وجربت اش گلتي ليا..."هزات كتافها" تقدر تگول عذرتها والله يحسن العوان...

المحجوب"كيشوف فيها وهضرتها ريحاتو وفرحاتو..طبطب ليها على ايديها" : الله يرضي عليك...

فرح"سهات كتفكر الحلمة الي حلمات بديك الريحة والحلمة ديال البيبي الي جا عندها وهي تشوف فيه" : با واحد الحلمات حلمتهم..عقلتي داك النهار فاش دخلتي وگلت ليك شميت شي ريحة...وشي حد گاليا سمحي ليا...

المحجوب"حرك راسو" : ايييه عقلت...

فرح : شنو كتعني ؟

المحجوب"عوج ايدو ببطء" : والعلم عند الله...الريحة عقلتي عليها...

فرح"كتحاول تفكر ديك الريحة" : بحال ريحة الي شميت فاش دخلت عند داك الولد يونس الله يرحمو الي كان خطبني..كانت واحد ريحة فشكل..سولت گالو ليا حنوط الميت...ريحة تفكرتها فالوقت الي كنت كنولد ماعرفتش ولكن بحال الى بانت ليا هي واقفة واش توهمت ماعرفتش "نزلو دموعها يجريو مسحاتهم بالخف قبل مايقشعهم"

المحجوب"كمش حجبانو كانه عرف تفسير الحلمة...تنهد وقال مطووول الكلمة " : ااايييييه...التفسير باين...

فرح"شافت فيه" : المقصود هي (زعما امها والحلمة فسرات انها غاتموت فالمستقبل حيث حلمات بيها قبل متموت بشهور..)

المحجوب"حرك راسو بحزن"

فرح : وتفسير لون العين ديال ولدي...

المحجوب : كايعني انه عندك ولد ونتي ديك الوقت مكنتيش عارفة...لو گلتيها ليا قبل كنت نگوليك انه الى بغى الله كان عندك ولد (بمعنى اللون الزرق الي شافت فالنص تاني من العين كان كيعني انه عندها ولد وهي فديك الوقت ماعرفاتش شنو عندها)..

المحجوب : وحيث كنتي دايرة بالك معاه ربي عطاك الاجابة ونتي ماحاسة "ضحك بلهلا يطريه ليه" من صغرك ونتي الحاجة تشدي فيها تعرفيها تعرفيها هههه..."تنهد" لا اله الا الله وصافي...ها ربي سهل عليك فالفكاك...الله يجعلو ليك من الذرية الصالحة بحول الله...

فرح" تبسمات وهي تشوف جيهة ولدها...ورجعات شافت ف جدها لقاتو كيشوف فنقطة فارغة بحزن..تنهدات بحسرة على حالتو...ماشي ساهل ينسى الموت ديال بنتو وماشي ساهلة ينسى البنت الي مكتسولش فيه..واخا يعوضوه هما كيبقى داك النقطة فقلبو....باست ليه ايدو" : انا عارفاك مغاديش تنسى ولكن نطلبك ابا نسى وديها فصحتك..ووجد راسك غادي تمشي معايا لفيلا رتاح هاد السيمانة ولا جوج بينما درنا صدقة والدبي_حة ...ويمكن غادي نطهروه.."تبسمات كتمسح تحت عينيها" المهم العقيقة ديالو...هادشي الي تافق معايا فيه زين الدين...

المحجوب"تبسم" : اييييه زين الدين...تهلاي فيه اتاغونجة..تهلاي فيه وفراسك وفوليدك ولا جاب الله شي ولاد من وراه تهلاي فيهم...

حركات راسها بابتسامة...رتاحت لراحة جدها وارتاحت لراحة راجلها ولدها خوتها...بقا معاها كيهضرو حتى دخل زين الدين مدوش ومبدل تيشرت بيض فيه علامة نايك سوداء وسروال ديالو قطن اسود...سلم على المحجوب من بعد عيط لفرملية رجعاتو يرتاح فالغرفة ديالو حيث مزال خاصو يرتاح..بقى معاها زين الدين مع تنوغيش ديالو الي مكيتقاداش معاها حتى فطرو..اما اسر مافاقش كاع ملي رضعاتو هاديك نعستو...صبح الصباح والشومبر عمرات بالحباب وخوتها...رجعو ليها اسر حتى بدلو ليه وعاودو رجعوه ليها ترضعو تاني...

وصل وقت تخرج من المشفى الي هو اليوم الموالي...جابو ليها اسر مبدل واجد ضارب حطة فالبلوماغين وطاقية بيضة وديك الغوباشة غا معقودة تقولي حاقد عالوقت...دخل زبن الدين هاز البوسيت الفوقانية الي غايحطو فيها...لقاها جالسة شادة تيليفون كتبقشش فيه و لابسة حوايجها ديال الخروج...ماشطة شعرها...دايرة ميكاب خفيف بزاف مقتاصرة غير على ماسكارا ومرطب شفايف وشوية فوندوتان مع ايكخون دشمس باش تخبي الشحوبية ديال وجهها مع الولادة والعيا...ضارت شافت فيه عطاتها ريحتو...

فرح : صافي !! فين مراد وعمي علي گالو ليا غايجيو مع با الحسين..

زين الدين"غمزها بجنب" : سبقونا لدار...

فرح : اااه وتا خوتي كلشي تما...

زين الدين : سيمانة جايا فحال والو تجي ضحى وعمتي...

فرح : بصح !! مزيان يحضرو لصدقة والعقيقة...

زين الدين"باسها فحنكها" : ان شاء الله...

قرب لكونة وهز ولدو الي كان ناااعس ميت بالنعاس..كينوض ليها غير فالوقيتة ديال ربعة صباح الخمسة وهي الوقيتة الي كانت تفيق فيها فالوحم ترجع...هزو بين ايديه...

زين الدين : اش كاين بابا مناويش تحل لينا عينيك...

فرح : شفتيه كايفيق فالوقيتة الي كنت كنفيق فيها فالوحم ههه.

زين الدين : ماعندي ميتسالو...

حطو فديك البوسيت الي كاتحل وتهز بالايد ولا ترجع تلصق وتدفع بالعجلات فحالة المشي برا...حطو فيها من بعد ما فرشات ليه مانطة ديالو..باس ليه صبيعات ايديه وضار شاف فالشومبر الي بقى مزين بالبوالين زرقاء وبيضاء..ودارو ليها بوفي للناس الي جاو باركو منهم ام هاني الحسين امينة مرات علي ولبنى تاهي...مراد..وكاع الحباب كاين الي جاب ليها كادو وكاين الي عطاها زرورة فلوس...

زين الدين : مابقى والو ؟

فرح : مابقاش ديتي صاك والحوايج لطوموبيل كلشي جمعاتو ليا صفاء ومي فاطنة...

زين الدين : الي بقى حتى وكان نرجع ليه ماعليش..يلاه على بركة الله....

هز البوسيت فايدو وعطاها دراعو ناضت بشوية كتحز بوخز الغراز الي دارو ليها...كمشات عينيها وتابطات دراعو...قال بسم الله وخرجو من شومبر الي شهدات ليالي والم وولادة جديدة من بعد عذاااب...وانتظار ونفسيات مدمرة تولدات روح جديدة عطاتهم حياة جديدة وبداية مسؤلية...تمشاو بشوية غادي معاها دقة دقة والناس كيشوفو فيهم كيشوفو فيها مزنگة ومتابطة دراعو وكيشوفو فيه غادي عاقد حجبانو واخا هكاك كيبان عليه فرحان بجهد...تا دخلو لمصعد وهي تفكر المصعد الي دخلات ليه فواحد النهار هاربة من السيكيريتي وبدات تسب فيه حدا زين الدين وهي ماجايبة خبار...

فرح : هههههههه

زين الدين"شاف فيها" : اش تفكرتي تاني ؟

فرح"بدات تعاود ليه" : هههههه...

زين الدين : الكلينيك ديال باك ياك..

فرح"حطات راسها على دراعو" : ههههه وراه ماشي ديال باه...انا خدامة هنا وهو كيگوليا لا عطيني بادج...

زين الدين : نورمال سيد كايدير خدمتو...

فرح : عرفت هعهعن..."تنهدات" دغيا داز الوقت...

تحل الباب وخرجو توجهو نيشان لسيارة حل ليها الباب ركبات وهو مشا لور حط اسر فبلاصتو لصق ديك بوست فبلاصتها فالسيارة...قادو مزيان وغطاه بان ليه بدا يخسر فسيفتو بغى يبكي طبطب عليه حتى تهدن...ورجع ركب فبلاصتو قاد سانتيغ شاف فالمري لور الامور هي هاديك..ديمارا وخرج من الكلينيك من بعد ماكانو زوج ولاو ثلاثة اسرة صغيييييرة عندها مسؤولية تربية وادارة اسرة...فالطريق صونا ليه التيليفون كانت ضحى..

ضحى. : فين عميتو....

زين الدين : حنا فالطريق...ناعس...

ضحى : اه باقي موصلتوش...المهم را قطعت انا وماما كيف قلت ليك سيمانة جايا...نجي نشوفكم ونشوف عميتو جديد هههه...

زين الدين : وشوفي معاك باك ضحى...فخبارك عيان هاد الايام..

ضحى : فراسي..ضروري نشوفو...ياك كيمشي عندو مراد يوميا يشوفو...

زين الدين : بنتو خير من ولد خوه...ضحى انا سايگ نوصل ونهضر معاك...

شدو الطريق مباشرة لمدينة الدار البيضاء...ضارت طل عليه بان ليها ناااعس مغوبش...

فرح : هههه مغوبش فحالك...

زين الدين"شاف فيها ورجع شاف فالطريق..رمى عينيه لمراية الي كتوريه البيبي..تبسم بخفة" : ياك بعدا...

فرح : كايشبه لفوزي فالشعر وحتى نتا...وليني كيعطي لفوزي بزاف...

زين الدين : ها البسالة...ونتي لملتك مابان ليك غا فوزي ؟ ياك كنتي تموتي وتعنقيني وتشمي ريحتي..فين مشى داكشي..

وصلو لفيلا ..لقاتهم فاستقبالها عند الباب طبعا التمر والحليب حاضرين والعيالات واقفين حبابها واجدين...واولهم عصام الي قرب هو وفوزي عند سيارة حلو الباب عند بالها غايحلو عليها تا صدموها وحلو الباب لوراني وخرجو اسر...

عصام : ارا لهنا داك خالي لعندي...

فوزي : دخلو نشوفوه فالصالون مع با...

هزو عصام وداه هو وفوزي تبعهم سيمو وتبعاتهم تا صفاء خلاو زين الدين واقف داير ايديه على خصرو كيضوف هاز حاجبو..صدموه وزربو عليه دارو ليه هنا كانو...تا نزلات فرح وجات حداه ..

فرح"عينيها غرغرو" : اويلي نساوني انا...

زين الدين"دور راسو مهبطو لعندها" : كنتي ضلي فارعة ليا مخي..خوتي خوتي..انا الي عندهم..خوتي منصيبش نخبي عليهم..يلاه لگاي مع راسك مزيان...شكون بقى حداك دابا "مخنزر"..ياك بقيت انا حداك...

فرح"بدات ترمش فيه" : دخل جيب ليا ولدي منهم...

زين الدين : دخلي نتي نيت وشديه لا گديتي ديه منهم...تحركي دخلي تحركي وكان...

زمات شنايفها مالقات ماتقول عارفاهم مربيين عليه الكبدة من الي كان فكريشتها...وحمها داز عليهم وصبرو ليها وثقلها تفششات عليهم كلهم الي بغاتها يرسلوها ليها...عنقها بجنب ومشات بشوية تال عند الباب لقات نجية وفاطنة وخديجة وتوريا ونعيمة وهناء الي دخلات تبعاتهم تشوف اسر...سلمو عليها واستقبلوها بالحليب وتمر وزغاريت وصلاة عالنبي..خلاها زين الدين معاهم ودخل نيشان للصالون لقا عصام هاز اسر بين ايديه كيهضر معاه ويفقه فيه والمحجوب متكي فالبلاصة الي فرشو ليه فين يرتاح من بعد ما سمح ليه طبيب يخرج لكن مع راحة وكراقبة وطبعا غايبقى مع فرح تحت عينين زين الدين وعينيها وعينين الحباب الي غايبقاو هاد الاسبوع حتى تدار العقيقة وتعالى الافراح...

مراد : تا عطيني عمي لهنا نشوف...والله ما شديتو بالله من الي تزاد...

عصام : من حقك.."ناض وعطاه ليه بين ايديه"..شوف ليا خالي مع راسك...شوف ناس الي عندها الرجولة...

مراد"باسو فجبهتو" : الله تا شديد هاد عمي..تبارك الله...دابا كاين فين نشد ومعامن نخرج نلعب...

سيمو"ميق فيه" : ملاعبش فصغرك ؟ فين المجوط ديال وليد..

مراد"كيهضر ويشوف فاسر" : المجوط دار ولادو...مسافر ل فرنسا مايجي تال سيمانة جايا...اش درتي نتا بعدا ؟

سيمو"جلس ودار رجل على رجل" : اسيادي انا خذيت ليصونص ولله الحمد..اييييييه سهل علينا الله كملنا داك الحبس...

مراد : هههه وجد راسك لماستر الكلابي قاليك سالينا...حساب ليك زين الدين يخليك بلا ماتكمل قرايتك كاملة...سير قوليه ساليت وشوف...

زين الدين"دخل قايل سلام عليكم سلم على المحجوب..وضار شد ولدو من عند مراد" : ارا داك ولدي يرحم بيها الواليدين..ديرو ولادكم وهنيو ملتي...اجي بابا...

المحجوب : ولاكون مد ليا داك الخير لهن...

ع.العالي : اراش لهنا نشوفو داك الخير...شت هاد القوم داوه بمرة...

منير : ههههه شدوه وخلاونا نشوفو...ارا لهنا نشوفو تبارك الله تباارك الله...

ناض وعطاه لمحجوب بين ايديه...طبطب عليه وباس ليه ايديتو...تجمعو الحباب فالصالون...العيالات فجيه ورجال فجيه..الفيلا عمرات والرواج بان..والهضرة كتسمع منين ومنين...طلعات فرح هي وصفاء البيت ديالها تبدل باش تلبس طويل وتجلس معاهم ونيت توضى وتطرف حالتها....

صفاء : داويتي الغراز ولا نداويهم ليك...

فرح : لا غانداويهم انا..."ماتقدرش تقوليها كيداويهم ليا زين الدين"...

صفاء : نخليك ولا نهبط نجيب ليك ولدك...

فرح : الى خلاوه ليك..وليني كون غا جبتيه يكثرو عليه لايدين ويولفهم ليا ونوحل لا بقيت وحدي هنا...

صفاء : هههههه ماتشوفي غا فيها..

فرح : انا ندخل نتوضى ونبدل والى قدرتي گولي لزين الدين يطلعو ليا نرضعو ولا طلعيه نتي ولا هناء ولا الي كان...

خلاتها ونزلات...دخلات هي توضات ونشفات دارت فوطة صحية جديدة..غسلات وجهها بالجيل ديالو نشفاتو وخرجات بدلات حوايجها لبسات بيجامة رطيطبة..مشطات شعرها ضفراتو ورطبات وجهها بكريم مرطب..رطبات ايديها ورشات بارفان خفيف عليها...حتى دق الباب وهي تدخل فاطنة هازاه بين ايديها وتحاجي ليه وتضحك تا ضحكات فرح معاها...

فاطنة : ترضعيه اكبيدتي...

فرح : هادي الوقت ديالو اريه...

فاطنة"عطاتو ليها ومشات هي وياها جلسو فوق فوطوي تا جبدات بزولتها وبدات ترضعو...بانت ليها كتكمش فعينيها" : بديتي تحسي ههههه...شتي الولادة كيدايرة..الله يسمح لينا من الواليدين...

فرح : اميين..

فاطنة : ونهار سابع زيدي گدامي لحمام عومي ويدلكو ليك دليك النافسة...

فرح"تفكرات واحد العام حضرات لواحد نافسة دلكو ليها فالحمام طرطقو ليها عضامها وهي كتغوت ربي الي خلقها" : بحال هدى بنت جدارمي ديال داك العام ؟

فاطنة : اوكيه هههه هي هاديك وراكي تعقلي يبان ليا...

فرح"خرجات عينيها" : لا لاااااا عااافاك امي الا هاداك المساج...اويلي عضامها هريوهم ليها...

فاطنة"خرجت فيها عينيها" : ولا حفاتوليك گولي لا نهار الحمام...شاورتك ؟

فرح"صرطات ريقها" : لل لا..

فاطنة : ولا حفات ليك گولي لا..من هنا لتما ربي تما...

طيحو الحولي على جنبو الي كان صردي مگضر...مضى عصام الجنوي مزيااان...وهو يعطيه لزين الدين الي كان لابس تيشرت بيض وسروال كحل...كان الخروف شادو فوزي وسيمو ومراد شادين زوج حوالا لاخرين..زوج لسمية ولاخور خذاه عصام ليهم من عندو ومعاه واحد جدي على حساب المحجوب وزين الدين...كان واقف علي والمحجوب والحسين وريان وخوال فرح .. الي كانت واقفة فالبالكون فديك الجليسة مع صفاء وهناء كيشوفو فيهم من بعيد....

عصام : يلاه زين الدين بسم الله...

طفا الكارو فالطفاية وشمى عند عصام شد من عندو جنوي وتحنى عند الحولي شد ليه قرجوطتو قلبها مزيان وقادها وقال" : بسم الله...اسميناه اسر..."دوز عليه تدويزة وحدة طوش د.مو الجنوي كان ماضي مزيااان وعلاش ميكون ماضي والجزار عصام...طلقو الحولي لهيه وجابو ليه ثاني تاهو نفس الشيء...بقى ثالث د.بحو عصام ولاخرين تاهو...

زين الدين"مشى غسل ايديه ووقف مع رجال كيشوفو فعصام كايسلخ فداك الحولي لول بسهولة ماتعطلش فيه دغيا..وجاب تاني تاهو...جا صطوف بارك ليه وعرضو عليه للصدقة الي دايرين لام عصام وفرح وفوزي وصدقة الثانية الغذ ليه غاتكون للمولود...هز عينيه البالكون بانت ليه واقفة كطل كتشوف فيه...هز ايدو شير ليها باش تدخل" : تحركي دخلي من تم..."خنزر فيها حيث ملابساش مزيان وكاينين شي رجال معرفة"

فرح"جات بغات دور وهي تسمع البكية ديال ولدها ودخلات تجري"

علي"حط ايدو على كتفو" : واش كاين شي وليمة نيت ولا قاتلنا غا ب الشفوي...

زين الدين"هز فيه حاجبو" : كاين الخبز وزيت..مزيان ..

علي : خير وبركة...

زين الدين : واحد با يونس مازال ماجا من مونتريال ؟!...

علي : جاي بعد غذا...وان شاء الله غانديرو واحد پتيت غيونيون باش ندخلوه معانا لاكلينيك...

زين الدين : خاصو عراضة مخصوص ليه...خيرو منساوهش الحاج...ذوق المعنى فهضرتي...

علي : وايلي...مايحتاجش...يجي ويكون خير...

زين الدين : ان شاء الله...

دازت الصدقة من بعد ماحات حتى ضحى هي وتوبا...ضحى الي تعرفات على اسر وتاهي مخلاتش فحقها منو دور دورة وتهزو تبوسو...وتاهو غاكيشدوه يسكت يتحط يعيطها لغوات تا فقص فرح الي ندمات لاش خلاتو يتهز..واصلا مسكين مكيتحطش كاع كيجيو يهزوه تايبغيو ينعسو عاد يحطوه...علموه لايدين صحة وهادشي من محبتهم ليه وصافي...دازت حتى الطهارة طهروه فعمر اسبوع كملو ليه العقيقة كما يجب...وصل الوقت كل رجع فحالو الا المحجوب الي بقى مع فرح اسبوعين رتاح فيهم مزيان وكان تحت مراقبة زين الدين الطبية وكل مرة يجي يوسف يفحصو ولا يديه زين الدين يديرو ليه الفحوصات حتى رتاح وبرا...ورجع فحالو لدارو لارضو والفلاحة ديالو....

بعد سنتين ونصف...

تمو جاييين رجيلات صغار لابسين سبرديلا بيضة وسروال دجين فوق منو قميجة كحلة فيها كارويات بيضين صغار...مرجعين ليه شعرو لور منفوخ حيث قوي...جاي وكيجري مغوبش عينيه شفارهم كحلين لكن لونهم خضر غا زين الدين محطوط...حجبانو فحال بغاو يكونو مگرونين وكحلين وشعرو قوي بزاف فحال فوزي..غادي ويجري تابعاه توريا وتعيط ولا تسوق ليها حتى سمع صوته وهو يوقف وضار شاف فيه وهو يتبسم ومشى كيجري لعندو تا تحنى وهزو...

زين الدين : ابابااا...مال ملتك على تشيطين..

اسر : اماما اتزيييي (غاتجي)..

زين الدين"شاف فساعتو" : تكون وصلات..نخرجو نتسناوها برا ؟!

اسر : اه...نسو فافا..

زين الدين"خنزر فيه من تحت نضاضر شوف" : ماما اسر ماما..اخر مرة مزال نسمعك كتگول هاد سمية(فرح)..

اسر"سرح ايديه" : فافا..."شافو مخنزر بجدية وهو يصرط ريقو" ماما ماما...

خرج بيه على برا..دايرين ماتشينغ فالحوايج لابس فحالو فحال باه...وقفو عند الباب..حتى تحل الباب وهي تدخل بسيارتها الي خذا ليها...وقفات كتشوف فيهم وتبتاسم...خرجات هازة صاك الي فيه الماك ديالها باش كتقرا وبوليكوبات ديالها...حتى ضارت وحلات الباب لوراني وهي تخرج معاها واحد البنيتة قريب تكمل عامين...بيضة وغا فرح محطوووطة...جايا وتبوس فيها حتى غوبش اسر وكحل بالعمى...ماكيحملهاااااااااش خصوصا ملي كانت كاترضع معاه حيث فرح رضعاتها واحد الوقت لان امها مرضات من بعد ما ولداتها سيزاريان....

اسر. : عععععععععععععع...مم مامااااااااا واععععععععع...اطيها اطيهااااااااا...كوادة...(قوادة)...

زين الدين : شششش اااااسر "جهد صوته تا صرط اسر الهضرة وحدر راسو" شكون علمك هاد الكلمة.. ؟"هز صبعو" بلا منعاود هضرتي...

اسر : امو شيمو (سيمو)...

زين الدين"عض لسانو منير على سيمو لا شافو كحلها": اااخر مرة مزال نسمع تا هاد الكلمة...تفاهمنا... كلمة مزويناش...شنو گلت ابابا...

اسر : مجويناش (مازويناش".."شد ليه وجهو وباسو فراسو" شمح ليا...

زين الدين"باسو فحنكو" : الله يرضي عليك...

فرح"قربات ليهم هازا البنية" : ماما كبيدة ماتوحشتينيش...

اسر"ضحك ماد ليها ايديه" : .ماما دياليييي شيشونا ديالي

زين الدين : لاكون جمع راسك لا...تيشتشونا ديال بابا...

اسر : ههههههه...

حطات البنية الي كانت كتخطوي فالمشية..شعرها حمر اا فرح محطوطة من كلشي...حط زين اسر وهزها وهي هزات ولدها كتبوس فيه وتنخششش...

فرح : الله على كبيدتي الله...توحشتك اماما...اش درتي ليوم مع بابا...

زين الدين : نتي فين داك باك...ممم ؟...

فرح : حليمة گولي ليه بغاتني عميتو نربيها...

زين الدين : مرحبا..."شاف فيها" اجي لهنا نتي "باسها ففمها" نهار كامل ونتي غايبة...ضصرتي لا ؟؟؟؟....

فرح : مشيت لجديدة جبت حليمة معايا...صفاء خدامة وعصام مشى لسوق...ولقيتها مع فوزي لصقات فيا وجبتها معايا...المهم را غايجي با وخالي عبد العالي هاد اليومين يباتو معانا...وغايجي حتى فوزي باش نخرج معاه يتقدا لخطبة الي بغى يدي لدار البنت الي غايخطب...عندي سيمانة عااامرة وقرايا ومراجعة وشلا ففففف....

زين الدين : سيري على سيستيم الي خدمت معاك...رتاحي..

حركات راسها وهما يدخلو لدار كانت ستة ديال العشية...طلعات لفوق دوشات ودوشات لاسر وحتى حليمة.وكلاتهم ونعسو فبلاصتهم...صونا ليها تيليفون وهي تجاوب...

فرح : اش بغيتي...

صفاء : واااااالعدااااو بنتي ديتيها تاني...وبنتي غاتنسى مها "نقصت صوتها مزيااان" ووواااا القحباااو...

فرح : بنتك لا شافوها ناس يگولو بنتي...لاشافوك معاها يگولو عمتها هههههه غزا فيك الله شكون گاليك توحمي عليا ؟!...

صفاء : واعووووو...عصاااام...

عصام : اش كاين ؟

صفاء : جيب ليا بنتي توحشتها...

عصام : ياك مع عمتها ؟

صفاء : هي اش ؟

سيمو : هي عاوديها لسيدي عباس بنو فرناس...

عصام : را مع امها تاهي...خليها معاها صباح نجيبها ليك...

فوزي : وشوفي رسلي ليا اسر مع عصام...

فرح : جي وديه...شوفي نتي...سيري فحالك را جاني ايمايل ديال شي تحاليل درتهم...

صفاء : مالك ؟

فرح : ماعرفتش حسيت بحال فيا فقر دم غير دايخة وسخفانة..

صفاء : ولا نقص ففيتامين د...ولا حاملة...

فرح"خرجات عينيها" : الله يحفض الله يحفض..ماشي دابا مااااشي دابا...سيري...

قطعات معاها وهي تدخل جيهة الايمايل الي رسلو ليها من المختبر...دخلات تقراه وهي تخرج عينيها تا غوتات على جهدها فاق اسر حل عينيه وجا زين الدين كيزرب خارج من دوش صدرو عريان لاوي عليه فوطة يقطر بالما...

زين الدين : اش كاين ؟؟؟؟

فرح : اهى اهى...عرفت من ديك ليلة الي نسيت pilule وخربقت غاندير شي كارثة...

زين الدين : مال ملتك فهاد الويل..خلعتي الولد...شي باس مكاين ؟؟....

فرح : شوف من هنا نگولها ليك غادي نطيحو بغيتي ولا مابغيتيش ماغاديش يبقى...

زين الدين"جمع حجبانو ما فهم فيها تا لعبة" : اش كتخربقي عليا تم ؟!...

فرح"خرجات فيه عينيها" : انا حاااملة..."وراتو تحاليل" ...وغادي نطيحو...وماتغوتش وتبدا تحلف عليا ثاني...

زين الدين"قوس حجبانو شحال كيستوعب شوي بداو عينيه كيتعسلو" : حاملة ؟...عاد عرفتيها ؟!

فرح : كيفاش كنتي عارف ؟؟؟"دموعها كيهبطو"

زين الدين : باينة من وجهك...ومن اخر دورة ليك افرح هادي شهر...الوغ Ce sont des symptômes de grossesse..الباقي يبان مع الشهور جايا...وبلا منعاود هضرتي...تجربي ديري شي عجب والرب المعبود لا هادي لاخرة ليك معايا...موتي حياي لوحي راسك من سطح...تجربي تقيصي كبدتي من جديد...ندفن بوك حية "خرج عينيه بواحد تخنزيرة تا صرطت البكية" حية فرح حية...

فرح"الصمت"

زين الدين : تحركي نتعشاو...وصباح دييري بحسابك فايقين بكري نشوفو الفيلا الي حدانا باش نبداو نصلحوها ونديرو الاجراءات للرخصة ديال laboratoire ديالك...

فرح"فقصها هي كتبكي وهو هضر ودخل فموضوع اخور هنهه" : واش كتسمع اش گلت ؟؟؟؟...

زين الدين"جهد صوته تا قفزت وفاق تاني اسر" : فرااااااااااح...ولادي نعطي عليهم جوفي ومنرحم افرح...سمعتيني....

فرح : حرام عليك اهى اهى...

زين الدين : الى كتهضري بصح جربي ديريها تاني...لا كتفلاي... اجي لهنا اكبيدة ديال هاد زين الدين"جرها عنقها كيبوس ليها فعنقها وفشنايفها" انا جيت وسميتك نعمة..."بجغ ليها شلاقمها ومصمصهم"...الله...

طلقها وضربها لترمتها ومشى يلبس حوايجو...موتي تلاحي انتا.حري شغلك هذاك هننهههههههه...بقات تفقص تفقص وهي تخرج من البيت كتهرنن...حرك راسو يمين شمال ورجع كيلبس...

صبح الصباح...خرجات من الدار شادة فحليمة فايدها كتخطوي برجليها...ووراها زين الدين هاز اسر الي نايض مغوبش ومن شاف مو شادة فحليمة كره الوقت ومايجي منها هههه...غير بان ليها عصام وهي تطلقها مشات كتجري لعند باها هزها شبع فيها بوسان

عصام : ها بابااا...ولفتي عمتك الخايبة...خليتي مك بايتة تهرنن عليا الليل كلو...

فرح ضارت هزات اسر عنقاتو كتبوس فيه تا بدا يضحك...عنقها زين الدين وخرجو لبرا..اسر غا بان ليه فوزي وهو يطير بغى ينقز تا حطاتو ومشى كي تران لعندو...

فرح : جيتو تشوفو معايا بلاصة البروجي ههههه...

فوزي"كيعض فاسر ولاخور خاري بالضحك" : انشوف الصحة فين وصلات...."اسر ماشي من العاگزين..عطاه بنطحة لوجه تا غوت...ماشي اول مرة وماشي غير فوزي..سيمو واكل من عندو دق تا كيخليه يخسر الهضرة بالفقصة..كاع مكيتسوق يغوتو يخنزرو فيه مكيعرفش الخوف من غير باه" ينعل جد بو موك..هاد المرة نلوح مك فبير..."شد منخرو" هرس ليا منخري تفو...

عصام"ضار عند فرح" : داك بوك راه خرج...خرج مريض بزاف على ما گاليا عمي مبارك...كي خرج مشى لدوارهم...كايبان ليا نشوف ديك مرت محمد ترد ليه البال نعطيها شهرية..."تنهد كيشوف بعييييد" كايبقى بويا ماعندنا منديرو. شافنا الله تايدي مول الامانة امانتو...

فوزي : الي فيه كافيه...

فرح : الله يشافيه...

عصام"حرك راسو ضار باس بنتو شوي وهو ينطق" : خرجات ليا الفيزا...

فرح : بصح..."ضارت شافت فزين الدين" نمشيو معاه ؟ ماكرهتش نرجع ثاني تما عجبتني فرنسا ههههه....

زين الدين : عندي شلا خدمة...مرة اخرى ان شاء الله...

فوزي : انا ماتخرجش خاصني نعمر الكونط مزيان...يمشي مع با حسن...

زين الدين : عرفتي فين كاينة المقبرة ياك ؟!

عصام : نوصل تما وعطيني العنوان مزيان...عندي غا شهر...

زين الدين : رجع قبل باش لا بغيتي تعاودها ماتلقاش مشكيل تاني...

حرك راسو وهو يدور عند فرح لقاها ماشي تال لهيه...شاف فزين الدين مالها غمزو...

عصام : مالك تاني ؟!

فرح : فففف..ماماليش...حاملة اعصام اهى...

فوزي : هههههه بغيتي طيحيه تاني ياك...جاتك الحالة ..

فرح"خرجات فيه عينيها وبدات تبكي وتشكي وهو يعيبها فوزي"

فوزي : ومانقدرش..غايكبر ولا تكبر وانا ماشي قد مسؤولية ودابا ها واحد وكايطير ونزيد تاني...وزين الدين يحلف "شاف فزين الدين" حلفتي ولا مزال...

فرح"نقزات" : حلف حلااااااااااف...حلاف تاني وكول ديك طيحيه منسمح ليك وتشوفي وجهي تاني...حيث ماشي هو الي كيتوجع...انا را گلت ليك داااك العام ماغادييييييش نخليه...

عصام"جرها عنقها" : تفرقو ليا على بنتي...بغات طيحو طيحو لهلا يقلب بجد بوه...

زين الدين : تا هذا كلام...جربو اولاد الخيالي ترزيوني فكبدتي نعاود نحر ملتكم...

عنقها عصام وجرها فوزي تا هو عنقها خشاوها وسطهم كيطبطبو عليها ويهدنو فيها زين الدين جر ولدو وعنقو فالتالي عنقها تاهو كايلعن فشيطان ويستغفر مولاه....

عصام"تنهد" : هاد المرة غادوزي لگطران ماشي الهريسة غالله يحفض....

~الزوج الحنون نعمة ورزق من الله تعالى لا تقدر بثمن..اذا كان زوجك حنون فاعلمي انك محظوظة لانك حضيتي بعملة نادرة....فليس كل الرجال يملكون قلبا حنونا وصبر~

‏" إخوتك ثم إخوتك .. ضعهم بالمقدمة دائمًا، هم أولًا ثم يليهم كل البشر، في حبك، في وصلك، وفي اهتمامك.. لأنهم امتداد لحب والديك، للحب الصادق الذي لا يغيّرة شيء.. كل شخص في حياتك معرّض للزوال بكل ما يملكه تجاهك من مشاعر ومواقف، إلا إخوتك، هم الثبات الوحيد واليقين الوحيد. "

ولادة من رحم الفساااد

النهاية....