ولادة من رحم الفساد الجزء الثامن

خرجات من مكتب المدير كتزرب وشادة فصاكها ودور لا يكون تابعها هههه ولكن عقلها كااامل كان مع عصام لا يتسلط عليها من حيث لا تحتسب ويتلاقا وينوض الصداع الي ما بعده صداع فكلينيك حيث لا عصام لا زين الدين كيتسوقوو لمكان الي هما فيه ...هبطات بسانسور لطابق التحتاني ضارت هنا وهنا ومشات كتزرب خرجات من الكلينيك على برا قطعات شانطي ...

فرح"دارت تيليفون فوذنيها كتصوني ليه وتنهج ودور تقلب بعينيها لا يخرج زين الدين ..يلاه غادور جيهة القهوة تا حد ايدو عليها وهي تغوت " : وااااااااااععععع

عصام : ششش امالنا ؟!

فرح"تحنات على ركابيها " : ففففف خلعتيني حرام عليك...

عصام : لهاد درجة !! جاري عليك شي حد ولا مالك ؟!

فرح : هاا ؟! الا لا "وقفات كتقلب بعينيها" وو والو ماجاريش غير جيت كنزرب افففف عيييييت ...كون تعرف اش وقع ليا اعصام..

عصام : شي باس مكاين ؟!

فرح"قربات تابطات دراعو وتكات على كتفو" : كانو غادي يجريو عليا ...

عصام"عقد حجبانو" : علاااااش ؟!!!

فرح : واخا نحيدو من هنا نمشيو لدار ونعاود ليك عافاك يلاه را عييييت باقي فيا الوجع شوية ...

عصام"قادها معاه كيشوف فيها من فوق تحت كيتفحصها حتى من وجهها بان ليه ماهواش مخطوف كانها شافت شي حاجة ورجح انه الي جرا ليها والي غاتعاود ليه هو الي خلاها هاكا..." : يلاه تحركي...شوية بعدا"حط ايدو على حناكها"

فرح"حركات راسها" : لا لا شوية يلاه نمشيو نرتاح الحمد لله سمحو ليا نمشي ..."مشا جاب الموطور بالزربة وهي عينيها على الكلينيك لا يخرج ساعاك ماخرجش حيث هبط لاكاف فين كاين الباركينغ فين جا البروفيسور علي الي هضر معاه من تيليفون المدير... ركبات ورا عصام تنقاتو من لور كسيرا بالموطور نيشان لدار ...اما هو نزل لقا علي فالسيارة الي غير شافو وبغا يخرج لكن زين الدين هز ايديه بمعنى غير خليك سوقها انت وركب حداه كيقاد فالسانتيغ...

علي"بطنز" : هنيتي على كريمتكم اسي البغدادي...

زين الدين : شقيناك معانا اسي الزياني وكان ؟!

علي : هههه لا شقيتي غا راسك اولدي ههه ..

زين الدين"كيشوف قدامو وغمز بجنب" : ماجاتش نخليها وحدها...كتبقى بنت الناس...

علي : الله اكبر ...ومني بنت الناس علاش مكملتيش معاها ؟!

زين الدين"الصمت"

علي : عيبك اولدي مخبي ليك مزاياك المزيانة...عيبك اولدي هو الي وصلك فين وصلتي..."هز صبعو" تخليني نهضر ومتهزش راسك فيا ...

زين الدين"عقد غوباشتو كيسمع ليه عارف شنو غايقوليه ويمكن محتاج يسمع لهاد التوبيخ عالاقل الى وبخو شي حد وعاتبو ولامو على الي دار ممكن يتنفس من التفكير ديال الضمير المسيطر عليه....محتاج لهاد النوع من الكلام يسمعو لا ربما ينقص عليه"

علي : دغيا ولدي كطير ليك النقشة وتصعر ايييه بعض البشر ميستاهلش تصبر ليه وليني ماتجمعش كلشي حاول تبت راسك فالي يعصبك مع الناس الي ماتستاهلش فحال هاد بنت الناس ...الصعرة والغضب والحسيفة والضد عماو ليك عينيك تا جريتيها فحسابات ماعندها فيها لا ايد لا رجل !!

زين الدين"كيحك شنايفو بسنانو..قبل مينطق " : لاكان غير هي وخوتها حقهم على رقبتي ليوم الدين...

علي : هادشي الي جاري معاك اولدي وسمع مني راني فمقام خوك الكبير نساا واش انا بروفيسور ديالك نسا كلشي ودير قوقعة بيني وبينك...متاكد الي واقع ليك عذاب الضمير ؟!

زين الدين"رفع حاجبو وشاف فيه بجدية" : شنو من غيرو ؟!

علي"حرك راسو باستهزاء" : هههههه راوغني اولدي كريستيانو الهضرة هو نتا...ذوق كلامي وعطيني نيشان بلا كثرة التراويغ هادشي ماشي فعادتك...

زين الدين : هادشي فايت ضمير لهيه...

علي : هاااا هاحنا بدينا نوصلو لمفيذ...

زين الدين : بلا كثرة الهضرة استاذ (كيقوليه استاذ ولا الحاج علي ولا فطنز با علي) تحطات فراسي وبالي ...ماحيداتش ماعلى باليش واش ضمير وعذابو ولا كثرة تخمام فيها...نجاوبك بالكذوب ؟ "هز ايدو" هادشي مافياش يا نيشان يا بلاش !!!"شاف فيه بعينين جديين"

علي : وشنو المعنى...

زين الدين : بالي معاها ومعاهم..."شير لراسو" هنا تحطات ودگات وتادها...ماعرفتش هادشي معناه معالم بيه غير الله سبحانه..."سرح ايديه بزوج " هانتا ب فهامتك عرفتي باللي معنديش الخاطر وخا تشوفني متبت لا لقيت الهنا راني مزيان الي حك عليا يلقا الي ميعجبو معايا..."سكت شحاال وعاود نطق " الشايب الي تسنينا براكتو حط البلغة ودخل بغيسو ...شفنا عيبو وفسادو حتى نوض فينا الي ميعجب حد ومايعجبني تانا راسي"ضرب راسو" ماشعرتش ماعلمت ما ريت تالقيت راسي مدخل معايا بنت الناس وخوتها ...تاحاجة متبان ليا دابا وما هضرت مع خوها ...

علي : اش غادير تمشي عندو ؟

زين الدين : ولابد نسالي هادشي الي عندي وندير ليه وقت يستاهل ماشفت منو غير الخير والصواب وبشاشة الوجه...

علي : ولكن رد بالك عارف بالي هو مساهلش وواعر على معاودات ليك لا هي لا جدها هادشي كامل نتا عاودتيه ليا...وعاد ناس ديك البلاصة فين داير المحل ديما المضاربة راني دوزت شي عوام فالجديدة وعارف ناسها مزيانين مضيافين والكرم غير مشتت وليني لا حكيتي عليهم وعر منهم مكاين هادشي عامة والسيد خوها بلا هادشي ضروري ماتلقا المشاكيل...

زين الدين : ماعنديش مشكيل يكون كيما بغا يكون الي ماشي رجلة هي لا دورت وجهي عليهم بلا مانفسر الي وقع !!ماشي رجلة فحقهم ...

علي : وهي ؟!

زين الدين"رجع بلاصتو كيشوف قدامو " : يدير الله خير ...

كيف وصلات هي وعصام جلسات حتى عاودات ليه شنو جرا بالحرف طبعا مع امكانية حذف مشاهد مع زين الدين والا غادي نشوفو نوع اخر من الرعب هههه ....من بعد عاد مشات نيشان بدلات بالخف الويز الي عمرات نيييت غير ضربو ليها شوكة وهي تسرح مزيان ...غسلات حالتها ووجههاعاد مشات بدلات حوايجهاا لبسات بيجامة سخونة ولوات عليها بينوارها ولبسات تقاشر تكلكمات كلها وخرجات باش تكا فالبيت تا لقاتو كيقرقب فالكوزينة وهي طل عليه ...

فرح"لقاتو كيعمر فاتاي ويكثر سكار حيث عزيز عليها سكار زايد فيه " : اش كدير !

عصام : اش بان ليك ؟!

فرح"شافتو هز معيلقة القرفة دارها فكسر نة صغييرة" : لاش القرفة "حابسة ضحكة"

عصام"شاف فكسرونة وشاف فيها حابسة ضحكة" : لاش كتهجري فيه دابا "مطلع حاجبو"

فرح.: تههههه القرفة فين عرفتيها ؟!

عصام"حك راسو" : ومكديريهاش ؟!

فرح : انا كاااع مكتقضي فيا القرفة راك عارف ديما كنمشي لسبيطار ولا كتشري ليا فنيد انما القرفة اخويا را فحال كنشرب الما ههههه منين عرفتي ؟!

عصام : متحكريش ..شنو نطفي عليها ؟!

فرح : غير طفي ههه ..

عصام : سيري رتاحي انا نجيب ليك متاكلي راك ممغدياش كولي ونعسي رتاحي تانجي.ونهضرو على المشكيل الي درتي القاعدة هي القاعدة فضول المعرفة معمرو يحيد منك !! لبديها شوية فهادشي ا فرح الله يرضي عليك راكي باغا تخدمي وضمني بوسط ديالك ماشي تخليها على راسك من نهار لول ..انا الحاجة لاخرة الي شغلك ومكندخل فيها ماعادا الي بغا يضرك را منعقلش عليه...تعلمي فرح الخصوصيات كيف كتقولو ليها يعني شغل ماليه ما ديالك ...هاني ماقاريش وعلمتك...

فرح"حركات ليه راسها" : واخا خويا...

مشات هي البيت وهو كمل شنو كان يوجد ليها من ديما فاش كتمرض كيعرفها كتبغي تاكل وشهيتها مفتوحة من ورا وجع ليغيگل كيوجد ليها يا هو يا فوزي...حط ليها الماكلة وخرج ..كلات حتى شبعات وبالعيااا عينيها بداو يتسدو معقلاتش على راسها تا نعساااااات دوا العصر قرب المغرب وهي ناعسة ...حتى دق الباب مرة زوج وهي تحل عينيها ورجعات غمضاتهم وجاوبات وهي ناعسة...

فرح : شكوووون ..."عاود دق الباب وهي تنوض كتفوه وباقي مشقلبة بالنعاس عينيها منفوخين غاديا وتجر فرجليها تا حلات الباب بانت ليها فاطنة ..." مي فاطنة مالك ماحليتي بساروت...

فاطنة : غا سمحي ليا ولينا برانييين مبقينا نحلو بساروت"مقلقة منها بلعاني زعما"

فرح"حلات عينيها بصدمة" : اويلي على برانييين ؟

فاطنة : مابقيتي تجي عندنا تبدلتي ابنتي ماتقوليشااااي لا تبدلتي ..ماعلينا انا سمعت من عصام بالي كنت ف مشتعجلات (مستعجلات) كي وليتي شوية ؟! سمحي ليا ماصبتشاي منسولش فك (فيك) ...

فرح"بحزن..حيث عرفاتها شنو قصدات ملي تخاصمات مع صفاء العلاقة رجعات لور وهادشي غالط لان فاطنة معندها علاقة بخصامها مع صفاء" : حرام عليك

فاطنة : وخا ندخل ؟

فرح"بلا متهضر نيشان ترمات عليها عنقاتها وتنخششات فيها بغات تبكي حيث بصح حسات براسها زادت فيه كون فاطنة كتبقى الام الي رباتها معندها ذنب" : سمحي ليا والله مقاصدة غير تدهيت مع الخدمة ومشاكيل دخلي ونعاود ليك...عارفة غلطت ونتي معندك ذنب وهاد دار وانا وخوتي ولادك وديالك غير سمحي ليا والله ...

فاطنة"حطات ايدها على شعرها كدوز عليه" : ههههه تي راني غير نبسط معاك الهشيشة نعل والديك هههه راني عارفة عاود ليا فوزي على خدمتك ابنتي غير ملي خدمتي هذاك رباح...

فرح : ودخلي !!

فاطنة : صبري عليا نشر شي حوايج ونزل عندك"ضارت وهي تعيط لصفاء" صافا بنتي دخلي ديك صينية لدار هنا...

فرح"هزات راسها كتشوف وهي تبدل ملامحها وحدرات راسها"

صفاء"تاهي داخلة هازا صينية وحادرة راسها..حتى قربات لفرح وهضرات بشوي " : كي بقيتي ا فرح ...

فرح"حكات شعرها كتشوف لتحت ب ارتباك" : شوي شوية اختي احم ...

فاطنة : دخلي حطي داكشي "شافت ففرح" هذا گوتي قاليا عصام وجد ليك متاكلي وليني تكوني جعتي ...

فرح : اا هههه اه يلاه فقت نيت جيعانة..احم نخلي ليك باب محلول ؟!

فاطنة : واااه غا رديه شوي ونجي والى جا ولد نجية (سيمو) تاهو يدخل...

مشات فاطنة لدارها وفرح بقات شحااال مترددة انها تدخل ماتدخل تدخل وميمكنش تخلي صفاء وحدها لداخل مالقات سوى انها تستسلم ودخل..دخلات لداخل لقاتها كتهز فداك بلاطو اللول الي وجد عصام وتدي فيه لكوزينة ...

فرح"حنحنت" : احم غي غي خليه انا نغسلهم...

صفاء"مكتشوفش فيها" : ماشي مشكيل فحال انا فحال نتي...غير رتاحي اختي ...

فرح"بقات ساكتة مقالت والو او مقدراتش مزال تهضر معاها كل واحدة فيهم واخدة على خاطرها من ثانية ووحدة فيهم شايلة من ثانية ووحدة منهم خايفة من ثانية ومستحية من لاخرى...موقفهم والي طرا ليهم صعييييييب...العلاقة الي كانت بيناتهم تهرسات او تقاصت هاذا راجع لحجم الجرح الي تسبب فهاد الانكسار او الشرخ الي وقع بيناتهم...ماشي ساهل انهم يرجعو كيف كانو...شافت تا عيات وجلسات شادة تيليفونها مكونيكطيا فالانسطا كيف العادة او كتمشي تقرا مقالات او روايات بالفرنسية...او كدخل ليوتيب تفرج فالطبخ او محتوى ثقافي او اي حاجة تشغلها ...كتسمع غير تقرقيب الماعن ...حطات تيليفونها بغات تكب ليهم اتاي حتى كتهز عينيها وتقشع لالة ومالي البدوزة طبوزة كحلة مكحلة وزغبها يبرييييييييي جالسة ليها حدا واحد سداري اي نعام لالة البنات لالة الطوبة نعماس ...ماعرفات باش تبلات كتشوف فيها لهييييه منخرها كيتحرك وتشمشم وفرح كتحل عينيها وتسدهم وتقول ياكما لعب عليا الوجع ..حتى تاكدات بالي هي لالة الطوبات قد سخط وهي طلقاها بوااااااحد الغوتة " : واااااااااااااااااااااااااااااو ويويويويويويويوي. "نقزات لفوق وتكمشات كتغوت"

صفاء"كانت كتغسل فصينية غا سمعت الغوتة شقلبات صينية بصابونها على شوي تجي ليها.على وجهها" : سيحت سيكس وسابيكس...وولاد شريف وبن عم علي ولد روفيكس ...اسلااااامة سلااامة..."

مشات تجري فين كاينة فرح وهي تلقاها جالسة قفزاي لفوق كترعد وعينيها على نقطة معينة والي مشافتهاش صفاء ...كتشوف فيها جالسة قفازي وصبع باش توريها فشل عليها ...كتدور عينيها فالبيت والو وهي تشوف فيها ...

صفاء. : اويلي مالك ؟!

فرح"كتصرط فريقها بغات تقوليها طوبة " : فففف ببب با ابا..

صفاء : اويلي تزيزنتي ولا مالك ؟! اش واقع ؟!

فرح"كتهز راسها باش تشوف فين كتشوف" : اممم اشوفي ا تم عن د اتن نم

صفاء : هادي مالها تخربقو ليها المجاري ...وتتي هضري مالك ؟! "كتشوف فين كتشوف فرح مالقات والو يلاه بغات تقرب ليها وهي تحس برجليها شي حاجة كتنغش فيهم هزات رجلها كتحك بغات تحطها حطتها فوق طوبة وهي تهزها بزربة شافت فين عسفت وهي تلقاها على من جودها مهبرة تاع بصح...اش نقوليكم اخوتي ما غوتات ما نقزت هزات عينيها نيشان فالحايط خرجتهم " وووو ووووو مممم تتتت واعنعنعن ودددددد ففففف ممماااي ومااااااي (عند بالها را كتغوت وهي تا فرح الي حداها مسمعتها) واعتقيناااااي وااا سيمووووو واعوووو

فرح : وااااااعتقونااااااا وااااااااا مي فاااااطنة (كتغوت) وااااااااا ...."هزات تيليفونها لقاتو طفا من شارج وهو يكمل ليها الباقي هههه"

في هاد اللحضة دخل سيمو كان جاي مبلط شوية مفوت فالشراب جاي ويهرنن ماشي يغني ...تا دخل عندهم لقا صفاء هازا رجل وواقفة بلاصتها وفرح فوق سداري لهيييييه جالسة قفازي شعرها تشعكك بالغوات ونتيف كتشوف طوبة كتولي تفيبري اما سراق زيت مكتخافش منو ممكن تشوفو تعسف عليه وتنوض نايضة لكن طوبة واحد الفوبييي ميمكنش...

سيمو"شاف فصفاء طلعها وهبطها وهو يقيسها بصبعو كتبان ليه فهاد اللحضة فحال بوطو راسمين فيه صفاء " : ششش واش نتا حقيقي ولا تطبيقي ؟! ششش...

فرح"شافت فسيمو" : واااععع سيمو عتق طوبة عنعن واااعتااااق ....

سيمو"دار فحال غايفرتح وهو يفرق رجليه كيقلب بعينيه" : ايوااا فيييين ؟! "كيقلب بعينيه وخا مبلط بالشراب شوية متخافيش عليه...قلب بعينيه حتى لمحها غاديا كتجري لهييييه شاف فصفاء الي باقي مكوانسيا مالقا كيف يدير هزها هكاك كي شي عود وداها لكوزينة ومشا عند فرح " تحركي من تما وجيبي ليا كراطة ليوم القوادة يا بيا ولا بيها "حط صبعو على ناضرو" اصلا جاي جاعر على حياة مها هاد الحياة جات فطريگي...تحركي دغيا"شاف فاالطوبة" اش كاين الخفاشة ..

فرح"ناضت على جهدها طارت من تما هازا تيليفونها بعدا ممخلياهش وحدو ومشات كتجري دخلات لدوش وكتنقز لا تخرج ليها من شي قنت جابت ليه الكراطة عطاتها ليه ومشات كتجري لكوزينة لقات صفاء باقا واقفة مكوانسية كتنهج ولكن باش تجاوبك مكاين الي يعطيك الخبار بوطو ديال ضو واقف ...سدات عليهم الباب وجلسات مرة مرة كتقفز وتهز عينيها ف صفاء تلقاها كيما هي تا بدات تسمع. ف شحيط وضرب ساط ماط سااااااط ماط واحد المدة تا تقطع الحس...وهي طل براسها من كوزينة " : واش صافي ؟!

سيمو"الصمت"

فرح : اويلي ياكما ضرب راسو ..."ماجاوبهاش وهي تمشي لصفاء الي باقي مكوانسيا مالقات كيفاش دير وخاصها توگض شافت تا عيات وهي تفكر اش الي يفيقها طبعا صفاء خاصها شي لعبة تصمك لمها لوذنين باش توگض جابت صينية ومعليقة وهي ضربها حدا وذنيها تا نقزات لسما ونزلت وهي دير صباعها فوذنيها وحماتها لغوات"

صفاء : وييييييييييييييويويويويويويو طوبة وااااااماااااااااااي"غوتات تا بانو حلاقمها" وااااااااااااااا مااااااااااي عسفت على طوبااااااو اهى واااعوعوووو"ضارت هنا وهنا لقات راسها فالكوزينة وفرح دايرة ايدها على فمها مبعدة صدمتها " سيمو سيمو جا فين سيمو واسيمو...

سيمو"من بعيد" : صافي غا خرجو جلسو فالبيت الدرب امان....

فرح"غير سمعاتو وهي تحل الباب" : واش صافي "وراها صفاء كاطل"

سيمو : را هضرنا دوزي تريحي انا نشوف فين لوحها...

صفاء : واش قتلتيها ولا نقتل دينمها !

سيمو : ممممم ..توگضتي البوطو...

خرجات فرح وتبعاتها صفاء دخلو البيت لقاوه تشقلب المخاد ولاو بلاصة سدادر وسدارد بلاصة المخاد هههه ...اما سيمو حل الباب وخرج مداوهاش فيه او يمكن مردوش البال بلي را سكران...قادو داك البيت وحيدو الكراطة من تما رجعاتها صفاء لطواليط ...وجلسو كيتنفسو من الخلعة الي دازت منهم حتى سمعو عياط سيمو ...

سيمو"شاد فالحايط وايد شاد بيها شي حاجة...ومع دواخة بدات تشد فيه ديال سكرة ماحاسش بالي ضاير بيه كيهضر ويتگرع" : افين ..ادوك... اااجيوش هنا...

فرح"خرجات من بيت وصفاء خرجات من دوش " : مالك ...

صفاء"كتشوف فيه كيتخلخل وشاد شي حاجة فايدو ميكة " : اش داكشي تم ؟! اجي نتا شارب ؟!

سيمو : لا غا جيت نشمو "شير بالميكة بغا يعبر زعما ونسا را فايدو الميكة الي فيها طوبة كتركل ساد عليها مع يجيبها لصفاء فايدها" وانا نتبلط ...تي الله تا نسييييت مبغيتش نذوق ليوم معروض لعند شي ناس دايرين طلبة وغفلوني الكلاب تفووو.

صفاء"شدت الميكة وهي تقلبها ممحلولاش" : شهادشي هنا "كتقلب وهي تقيسها بايدها تا خرجات عينيها على جهد جهدهم شيرات بالميكا خرجات من الباب ضاربة فالسيمو لهيه وهي تطلقها بواحد الغوتة تا طارت نقزات ورا فرح تعلقت فضهرها وهي دور عليها رجليها" : وااااااااااااااااااااااااااا العدااااو ...وطوبة ولد لحراااااااام غايقتلني هاد شمكاااار وااا اهى اهى وطوبة طوبة ...

فرح : اويلي اويلي اويلي "بغات تهرب تقلات عليها صفاء وهي تشد فالحايط وصفاء تاهي شدات فيه وتحركاات كتزرب مكالية بالحايط تا تلاحو فوق سداري وطلعو فوقو كيغوتو" : اويلي علاش مقتلتيهاش..

سيمو"مافهم والو كيشوف فيهم كيتناقزو وحدة تعلقت فلاخرى" : اشنهي ؟!

فرح"طرشت وجهها" : اويلي ياك قتلتي طوبة ؟!

سيمو "ضار شاف فالميكة كتركل فيها" : وتي لا را مالقيت فين نحطها قلت صبر نحطها حدايا بينما قتلت شي لعبة ونخرج ناكلها...(بينما كليت شي لعبة ونخرج نقتلها ههه)

صفاء"كمشات فمها بقرف" : اهياااا يعطي لمك گرحة تفووو اش تاكل ..سير قتل الخرا الخرا تفو على وجه الخرا...ديلمو تا سكرة ميعرف يسكرها كي سيادو ...

بالكشيفة باش توگض ليهم تا جراتو صفاء لطواليط خوات ليه على راسو الما بطاسات وفرح مشات دارت ليه كاس القهوة فيه ساشية الفاني باش يتوگض خرجاتو صفاء لبيت كيمسح فوجهو تحل الباب ديال الدار وهو يدخل فوزي ماشي على برجو عياان وداخل فغير الوقت ...

فرح : فوزي !! جيتي بكري "كتشوف فيه ماهواش" مالك ؟!

فوزي"بصوت مبحوح" : عيااان حاس بسخانة فراسي مقديتش نبقى فالمحل بزاف راسي بغا يتفرع عليا"كيقولها وصوته مدمر مسكين"

فرح : وايلي !!"قاست راسو لقاتو طايب " سير بدل حوايجك وكول ىا مي فاطنة رسلات لينا كسكروط لقيتيه واجد نسخن ليك غير اتاي وكول ونعطيك دوليبران شربو ونعس...

فوزي"كتهضر معاه وهو يشوف سيمو جالس كينشف راسو وصفاء كتطرش فيه يتوگض" : مال هذا ؟!

صفاء : هذا ناس يسكرو وهو مزاحم... مالو ؟! تا سكرة ميعرف ليها ...ماشي را دخلت طوبة عولنا عليه يقتلها را لاحها قدام الباب بميكتها حية ...

فوزي : واش الي فواحد ميكة خضرة ؟! "حركات ليه راسها" تفو دزت عليها بالموطور على شوي تشقلب مي باينة قتلتها ..

صفاء : ماتشقلب والو ا با فوزي متشقلب والو راك مرضي قتلتيها سير انا راضية عليك اما هاد"ضرباتو تا غنص راسو" عضيمة سطوال خلينا ليه الله ...

سيمو : اتي سيري سكران "كيشرب فالقهوة" ونضيتكم غا العقل مكانش واقف معايا مشا يبول ...

فوزي"حرك راسو كيضحك عليهم.ومشا لبيتو بدل حوايجو وخرج ريح حداهم متكي بانت ليه صفاء كتمازح وضارب مع سيمو وفرح جايبا ليه اتاي وخا مكيهضروش هي وصفاء ماقال والو فضل يخلي الوضع كما عليه اللهم هاكا ولا بلاش شوي بشوي عالاقل فرح را متجريش عليها ولا تقوليها شي حاجة حيث مستحيل دير هادشي فرح ممكن تقطع معاها الهضرة ولكن باش تصرف تصرف خايب مديروش وفالاخير الله يصاوب بيناتهم وتا سيمو وخا سكران محكرش ههههه ..."

فرح "مدات ليه كاس اتاي" : هاك كول وشرب هذا وسير نعس غادي تبرزط بصداع الى ضرك راسك ومنزلاتش سخانة نجيب ليك من عند مي فاطنة مخينزة ...

صفاء : را باقا عندنا مغسولة منقية ...

فوزي : تي لا غا ريحي جيبي ليا شي كاشة وغطيني وبقاو غير هنا متمشيو فين "شاف ففرح" ديري لينا شي لعبة لعشا ونتعشاو مجموعين"شاف ف صفاء" متحركي فين لا نتي لا سيمو بقاو غير هنا...

سيمو : بغيتي تموت كتوصي فينا ...

فوزي"حرك راسو وضار لهيه" : مممم بحال هكاك...

مشات فرح جابت ليه الغطا غطاتو.وقاست جبينو كان عرقااان ونعاس قتلو دور وجهو لحايط ومشا حتى دخلات فاطنة ونجية بغاو يطمانو على فرح صدقو لاقيين فرح ولات لباس وفوزي الي عيان مريض ....خرجات فاطنة ونجية تحت توصياتهم لصفاء باش تبقى ....اذن العشا وهو يصوني ليها عصام...

عصام.: ماديريش بحسابي لعشا معطل اليوم شوي معشي عند دار صطوف كاين المحامي تما ممسالينش...

فرح : معاش غاترجع ؟ فوزي عيان شوية فيه سخانة..

عصام : وايلي !! مانتعطلش بزاف بحساب العشا ونجي والى تزاد عليه الحال علميني نجيب معايا دوا...

فرح : واخا صافي...

عصام : غير وحدكم ؟

فرح : لا كاين سيمو و احم ص صفاء"هنا عصام فرح لانه كان عارفهم مخاصمات وخا معارفش حجم الخصومة" وعاد خرجات مي فاطنة ومي نجية ...

عصام : مزياان مزيان يلاه سيري ماتفوتش 12 ونجي الى كتب الله..."قطعات ومعاه وجلسات كتشوف فالتلفازة ومرة مرة تسمع لصفاء كتهضر مع سيمو ويتناقشو تا ناضت باش توجد العشا وهي توقف صفاء..."

صفاء : غير جلسي انا نوجدو نتي عيانة ...

فرح : لا ماشي مشكيل غير جلسي...

صفاء : فرح ختي غير جلسي رتاحي اصلا بغيت نوجدو باش نغسل ماعن نخليهم تانبغي نمشي ونديهم...ومي كتوصي فيا منخليكش تحركي ونتي عارفة وجع ليغيگل كيسحك لك ركابي..."يلاه بغات تجاوب وهي تمشي لكوزينة مخلياها بلاكة...اول حاجة جبدات الدجاج من لفريگو ورداتو فالكوكوط يطيب غير بزعتر وتومة محكوكة ومليحة وزيت العود فقط سدات عليه بداك الما الي غايطلق هو فاش غايطيب تايوكح وغايتقلا فزيت الي بقا سدات عليه وخلاتو على عافية مهييييلة...مشات لافابو تغسل مطيشة والخيار باش دير شلاضة وعينيها على الشرجم كانت شوية شتاء كتنقط ومع شرجم الكوزينة كيطل على شارع لي فجيهة ثانية حيث دارهم عالشوكة ...حتى بانت ليها طوبيلة نوع BMW كاتكات كحلة وزاجها كحل وقفات وكتقول فبالها شكوون هذا الي وقف حتى تحل الباب ووقف فايدو الكارو شاعل لابس قميجة بيضة وسروال كري حس بالبرد وهو يتحنى جبد كبوط كحل بالقب كيلبس فيه لاح الكارو عسف عليه وساط دخان كايدور فراسو هنا وهنا حتى خرجات عينيها على جهد جهدهم وهي تشهق

صفاء : فف فرااااااااح ا فف فرااااح"ماسمعاتهاش وهي تمشي كتجري بمطيشتها وخيارها وقفات عليهم وشافت فيها كتغمز فيها بعينيها وراسها شافها سيمو وهي تشوفها" واااااااا قوااادت نوضي "كتهضر بالحس لا يسمعها فوزي"

فرح : اش مالك ؟

صفاء : ونووووضي تشوفي "بغات تبكي بالخلعة" وااا عريض الكتاف ااا تانا سيمو اويلي زين الدين "فرح حلات فمها تا شهقت وهي دور ل فوزي ناااعس يتختخ بسخانة ..ناضت هي وسيمو مشاو يجريو لكوزينة لقاوه واقف كيهضر فالتيليفون ويشوف فالدار ..."

فرح"خبطات فخادها" : اوييييييييلي اويلي ...

سيمو : اووو لالي اوو لالا ترمة ميا فيها تولالااااا... ياااا اليوم طيح البطاناااا..

ممكن يكون الوقت مناسب الي جا فيه باش يهضر ويصفي الامور مع الناس الي بصح اذاهم ودخلهم فحسابات بسبب زلة لسان اثناء الغضب وكيف كنعرفو وتعرفنا على طبع من طباع زين الدين واسوء حاجة فيه هي الغضب الغير العادي والحسيفة الي كيشد مكيعقلش على الواحد...هادي اسوء حاجة الي ماخاصش الواحد يتحلى بيها لانها احد اسوء الصفات الي كترجع بالمشاكل على صاحبها بالدرجة الاولى وهادشي الي وقع ل زين الدين البغدااادي حاليا....

فرح"خبطات حناكها بشوي كتولول" : اوييييييييلي اش جابو ثاني اويلي بغا يخرج عليا ...

سيمو وصفاء"ضراو بزربة ناحيتها" : ثاني ؟

سيمو : هو كاين لول ابتلحرام ؟؛

فرح : واماشي دابا ماشي دابا دابا نعاود ليكم غا شوفو كي ديرو اويلي غايجي عصام ونااااري اش بغا عندي "ولات ترعد"

صفاء"ضارت شافت فيه" : ياختي حمش حمششش ميعرفش الخوف..."ضارت عند فرح مابقاتش تسوقات واش مخاصمين ولا لا المهييييم تهضر وهذا ماكان" اشووووفي نقطع ايدي من هنا الى ما طاح فيك هذا ميمكنش هادشي الي كيوقع ...بلا متخنزري اصلا ملي سالا كان عليه يغبر ماشي شافك فالكلينيك وجاي باش يهضر مع عصام وعارف المشاكيل ابار رجولة والفحولة ومعطاتوش خاطرو ميهضرش مع عصام الا وسيد شي حاجة فيه مخلياه يجي هاد المجية ...اصلا مجية نص الليل غا على باش يشوفك ماشي يهضر مع عصام غا دايرها سبة...انا تنقوليك المفيد الصح. ..ودابا غا رجعي تخاصمي معايا "حكاتو فوق صدرها تالتحت" اوووووففف تنفست...وزعطة خايبة هادي ....

فرح : واااااااا من لاخر اش غاندير وا الصداع غاينوض مناقصاش ا صفاء هضرة ناس تاني واهضرت معاه ومبغاش يسمع فاش طحت بالوجع هو الي كان حاضر ...

صفاء : تي حضر ليك ل وجع عراضك ويليييي ...ولقاء هو ...

فرح : صفاء حضري معايا عقلك"شافتها صفاء خايفة"

صفاء : تت ..صافي صافي ...سيمو سير هضر معاه رجولة عافاك...

سيمو : اش غانقوليه ؟ اهو يسمع مني انا سمع من مولات شي"على فرح" بقا غير انا...

صفاء : ودابا بلا كثرة النديب سيري هضري معاه الى جا عصام وشافو ماحنا فخير مابغينا صداع فهاد نصاصات الليل...

فرح : وعلاه هو سمع ؟ ااا على هو سمع را صبااااااح تلاقيت بيه فالكلينيك فين خدامة فليرجونص وقاليا بغا يهضر مع عصام ومخليتوش وهو الي فراسو فراسو ..اش بغا دابا اش بغا ياك كل شد طريقو لاااش جاي اش بغا عندي"شادة راسها وكتهضر بهيستيرية ديال الخوف من المشاكيل "

صفاء : عرفتي اشنو ؟ "لاحت داكشي من ايدها مسحات ايديها بفوطة وهي تخرج من كوزينة "

فرح : فين غاديا ؟!

صفاء : بقاي هنا انا نخرج نهضر معاه وخا مغانفيدش اللهم نجربو ولا بلاش...وحسن متمشيش نتي تا الى شافو عضام ميحصلكش معاه مانتي فخير...

فرح"بقات كتشوف فيها وسيمو كيصفق بايديه بشوي زعما برافو"

صفاء : سيرو حدا فوزي لا يفيق انا بزربة نرجع.."خلاتهم تما ومشات حلات الباب خرجات من دار دارت عليها وهي تلقاه متكي عالطوموبيل شاد واحد الايفون 7 plus باش عدا بينما خذا واحد مزيان لانه باش ياخذ واحد اخور خاصو ايام باش يلقا حاجة مزيانة جديدة ويوصي عليها واخا يكون لباس عليه والواقع هو هذا فعالم الهواتف..."

زين الدين"مكمش دوك الحجبان حتى سمع الحس وهو يدور ناحية صفاء الي كتبان قدامو محيگيرة هههن بمعنى قصيرة..."

صفاء"حنحنات قبل متنطق بالصواب والجدية والكلام رزين زعما" : سلام عليكم خويا ...ساعة تعيسة ااا تانا سعيدة هادي فاش تلاقينا...موسيو لو دكتوغ البغدادي ؟ "كتقول فيها و قلبها كيضرب فترمتها لا من خلعة عصام لا منو هو كيخلعها مكتعرف تا علاش ودافعة سنطيحتها من فوق قالت ليك بغات ترصي الامور ههه "

زين الدين"باقي بنفس الوضعية متكي عالطوموبيل مربع ايديه وايد هاز بيها تيليفون" : وعليكم السلام ورحمة الله ...

صفاء : كنضن عرفتيني يمكن لا ؟ انا صاحبة فرح وجارتهم يعني ختها بالتربية ماعلينا ...كتقلب على شي حد ؟

زين الدين"دوز على لحيتو شوي" : سي ..

صفاء : شكون باش نعاونك ؟ حيث هنا دار فرح وخوتها هادي الي موقف طوموبيل حداها"سيمو وفرح خاشيين راسهم فالشرجم قربو يخرجو عندهم"

زين الدين"حط ايدو على صدرو بشكر" : يعمر دارك الى كان سي عصام فالدار علميه يخرج عندي ...مزيان جيتي بلا ماندق ونصدع الناس ...

صفاء : وراه صدااااع اخويا الى بقيتي وجا عصام هو الي غاينوض وينوض الراگد وجارتنا ليها عشر سنين وهي كتسنى تحمل بيك نتا اخويا غايطيح ليها ودعاوي البلا يتبعوك...

زين الدين"هز واحد الحاجب"

صفاء"غا بان ليها هزو وهي تفافا" : شو ا اكس نسيبي (نسيبها سابق زعما" سير وخلي دنيا امان عايشك را تا من سيمو عصبتيه لينا سيمانة وهو يسكر حيث بقات فيه فرح شمتيها...ماحشوماش ؟ دابا مالك كتخرج فيا عينيك ؟ واش قلت شي عيب وصلي عالنبي ؟

زين الدين"والله ماجاوبها كيسمع ليها واش تتخربق عليه تم وهي غا جيب يا فم وقول ههه"

فرح"لسيمو" : ومالو لصق يا ويلي اهى...

فوزي"من البيت كيعيط بصوت عياان" : فراااااااح ...

فرح"خرجات عينيها" : اويلاااااااي فوزي فاق...هاااني هاني .

سيمو : سيري شوفيه متفرشيهاش ...

مشات فرح لعند فوزي لقاتو لايح الكاشة وكيفيبري بالتبوريشة غطاتو مزيان وزادتو وحدة اخرى حتى حسات بيه بدا يهمد شوية وتاكدات انه مشااا وهي ترجع ثاني كتفرج هي وسيمو ف صفاء طتقنع ف زين الدين يتحرك من تما والي تقريبا كاع محاولاتها باءت بالفشل....

فرح : دابا هذا مباغيش يمشي ياااك ...

سيمو : فرح سيري عندو انا نمشي حدا درب نحضي عصام لا يكون جاي نصوني ليك ولا شي لعبة....من احسن تحركي عندو نتي...

صفاء : عافاك اخويا ما سير من هنا والله ما الوقت المناسب والله واصلا عصام محاملش يسمع تا سميتك فما بالك لو شافك ...

زين الدين"خشا تيليفون فجيبو دور وجهو لهيه وزفر بتعب ورجع شاف فيها او نقولو كيهضر وعينيه لتحت" : عصام لا كاين علميه وشي لاخور ماعليش معندك مناش تخافي لا نتي لا فرح..."على ذكر فرح خرجات لعندهم تا وقفات كتسد فالبينوار ديال بيجامة وكدور هنا وهنا وهي تهضر هز عينيه نيشان فيها"

فرح : عصام مكاينش راني هضرت معاك فالكلينيك.."كتشوف فيه بديك الطولة الملفتة و الكبوط فوق القميجة الي فاتح صدايفها الفوقييين والاهم جاي ومخايفش وخا عارف حجم المشاكل الي ممكن تكون تما..."

زين الدين"اول حاجة خاص يطمأن عليها نطق بسؤالو ليها" : شوية اليوم ؟

فرح : مزيانة مزيااانة ويكثر خيرك على وقفتك معايا فليرجونص شكرا بزاااف هادي اولا...وثانيا قلتها ليك فالكلينيك عااافاك متجبدش صراع الله يخلي ليك ما عز عليك واصلا هذا ماشي وقت تهضر معاه فيه الله يرحم ليك واليديك ما سير "كتقول فيها وعينيها بغاو يبكيو وهي كترجى فيه يقصر الشر ويمشي وخا هو مكاين شر لانه جاي بنية التفاهم والشرح لا غير باش عصام ميمشيش زالگ وخا هو دارها ممزياناش فحقهم لكن عالاقل يبرر سبب غيابه ديك الفترة...وهو عارف بالي عصام غايلقا منو الرفض ماشي بالصداع وانما بطريقة رجولية ماشي همجية وهو اصلا معندوش حس الخوف فكلا الاحوال....."عافاااك

زين الدين"جمع حجبانو" : دراري صغار هنا ولا شنو ؟! ...الهضرة مع خوك مايمنعني عليها حد الي بغا يوقع يوقع مالنا على هادشي كامل ؟...

فرح : ما صغارش ما صغارش انا الي عارفة خويا وواخا نخليك را مكاينش فالدار مغايجيش بكري...

صفاء : مكاينش فالدار وخا نبغي نعيطو ليه...والى بغيتي تهضر معاه هضرو بعيد على الدرب فرح مناقصاش مشاكيل بمسبتها ثاني الي جرا وكيجرا كافي وموفي...الى بصح عندها معزة سير دابا...

زين الدين"بقا مدة ساكت" : تت"حل باب طوموبيل بقا مسند عليه كيشوف ففرح ويتفحص فيها بعدا غير يطمن عليها...وكيحرك فراسو ويعاود بمعنى واخا" ....نحسب راسي مالقيتوش المرة جايا نشوفو فبلاصة غيرها"خرج فيها عينيه بتخنزيرة" ....الباقي ماشغلك فيه ابنت الناس..."دخل وسد الباب ديمارا طوموبيل وهو يكسيري تا تهزات على اثرها غوتات صفاء وفرح وزاد باقصى سرعة معصب...كيقولو فخاطرهم اللهم هاكا ولا ينوض صداع فالدرب وثاني شكون ما شكون فرح الي ولات سيرتها على لسان الجيران"

خذاها كعطة وحدة طالع ليه الدم من الي وقع قبل قليل عارف حجم الضرر الي تسبب بيه ممكن يكون عارف انه غايلقا هاد الاستقبال طبعا بالرفض...عارف ومتاكد انه طريقو طوييييييلة معاهم ومع فرح بالخصوص وصعيبة وهادشي علاش راه شاد الخاطر ...لقا راسو شاد طريق الدار البيضاء وبالضبط طريق المشروع الي جا قريب لجديدة بزاااف فطريق كازا وطبعا خذا الوجهة ليه مسافة الطريق حتى كان داخل لبروجي عند الباب لقا العساس حرك ليه راسو ودخل من بعد ما حل الباب ديال باركينج لتحت ركن سيارة تما وهز لوازم ديالو طلع فسانسور لطابق الي فيه المكتب ديالو الي دخل ليه وتلاح فوق الفوطوي متكي راسو كيشوف فالسقف ويفكر فالي جرا وعينيه الي كانو عليها ومن خلال كلامها معاه الي باين انه حطمها وحجم الالم كبييير ...لقا راسو كيفكر كيفاش يصلح هادشي وكيفاش يجبر ليها الكسر ويلمم ليها الجرح عاد يداوي...لقا راسو داخل فدوامة تفكير كيفاش واش خاص ندير وبطل تفكيرو هي "فرح" وهنا زاد تاكد ورسميا فرح دخلات لدماغو وعششات فيه...واش بداية اعجاب بهاد التيشتشونا على مقولته كيفاش كانت كتالم كيفاش كانت كتضحك معاه فالاول وحشمتها وتوثرها وهي قدامو وكيفاش مكتقدرش تهز عينيها فيه وطريقة كلامها النقي الواعية المثقفة خجولة حادگة زوينة وجمالها الاصهب ...عينيها العسليين ابتسامتها الوردية...خدودها المحمرة اثناء الكلام معاه صوابها وحتى خوفها قبيلة وحزنها وانكسارها ومواجهتها للاذى...كلشي داز فبالو وديما فبالو ومحدو كيتلاقا معاها وهي كتدخل لعقلو بدووون استئذااان....

زين الدين"ف خضم دوامة التفكير صونا ليه تيليفونو حدر راسو جبدو من جيب كان الحسين" : بااا...

الحسين : ولدي امضرا اش درتي ؟!

زين الدين"عاود ليه شنو جرا"

الحسين : وا ولدي هادشي متوقع ماتبغيش ضداع كثير شي عارفة خوها اش كيسوى وصعيب...

زين الدين"عصبوه " : با ؟ اش فجهدو مايدير !! وايلي كلمة جوج صعيب وايلي مالنا فهادشي كامل ؟! يكون كيما بغا يكون الي عليا ولابد نهضر ونصفي الوقت..لا هو صعيب راسي حديد ..

الحسين : مالي منعرفكش !! تا وكان ميكون اسمك زين الدين ونشك ...الدنيا ولدي قصاااحت وخيابت ناسها صعابو ومشاكيلها كثرو ...الوقت اولدي بغات سلاك ما بغات عناد ..الي غالب يرحم المغلوب والي ضالم يشوف من حال المضلوم..ولينا طالبين سلاك مع الضالم والغالب والقوي ...مرة مرة كط كواريك وهبط عزة النفس تكسب اولدس تكسب الذهب وتوصل فين بغيتي....

زين الدين"وقف وتم غادي كيجبد باكية الكارو من جيبو حتى خرج لبالكون وسد الباب عليه باش ميدخلش الدخان لداخل...شعل السيجارة " : محتاج رايك وشوارك ...انا عبد ضعيف فهاد الجولة ضالم وغالب وناوي نجبر المضلوم ونعوض المغلوب ...

الحسين.: سميه صابر (بمعنى صبر)

زين الدين : كلامي مع عصام ولابد سوا اليوم سوا غذا ...

الحسين : الي يريح خاطرك ديرو حتى ولو عارف العاقبة كيدايرة...الي دارها الله هي الي تكون...

زين الدين : هو كلام ماعندو خوه ماشي لدرجة الخوف ...عصام ماشي برهوش يفوت فالكلام ...

الحسين. : فوت هاد الليلة ويدير الله تاويل...فينك دابا نتا ؟!

زين الدين : لبروجي مزاال ساهر على شي خدمة ...

الحسين : الصباح دير وقيت ودوز القيصارية جاي السمسار ..

زين الدين : ان شاء الله"قطع معاه دار تيليفون فجيبو وبقا مدة كيكمي ويشوف قدامو فالدنيا تما الخدامة فالليل والموضفين الي بداو دوامهم الاول ...سمع صوت دقان فالزاج وضور وجهو بان ليه وليد حرك ليه راسو حل الباب وخرج عندو..."

وليد : ماجاكش البرد اصاحبي اووو برد قويصح هنا...

زين الدين : مزال هنا نتا ؟!

وليد : واه مزاال شوية يلاه رصيت شي خيوط قياس ** طيستينا سانسور لتحت ..."مد ليه شي وراق" هادو ولابد تسنيهم ليا دابا ندفعهم ل كونطابيليتي مكانلقاكش بزاف دابا ملي كاين الي حيدات تحيد...

زين الدين"شد من عندو الملف " : تبعني حيد من تما البرد"تبعو دخل زين المكتب جلس كيسني ليه فالوراق ووليد كيتسنى جالس "

وليد : تعشيتي ولا مزال ؟ نرسليك شي حاجة تاكلها ؟

زين الدين"حرك راسو بنفي" : لا بلاش..."كيسني وكيهضر" شكون قلتي سول عليا ليوم ؟!

وليد"حك نيفو وتقاد فبلاصتو" : قبل منهبط سول عليك واحد السيد فدار الضريبة مولاي عبد المالك...

زين الدين"مد ليه الملف " : سي دابا نهضر معاه..."حك وجهو وزفر بتعب وشاف ف وليد" تحرك فحالك نتا رتاح يصبح ويفتح...نوصلك معايا ؟!

وليد : لا جايب طوموبيل غير تيسر انا نزل نوصيهم على شي لعيبات ونتيسر تانا"ناض زين الدين كيجمع وتيسر خرج مخلي وليد تاهو نزل يعطيهم تعليمات وتاهو يتيسر فحالو...انطالق بالسيارة نيشان لدار مع دخلة ديال الحي بانت ليه سيارة الاجرة واقفة ونزلات منها ضحى كتقاد فحوايجها وتسوس وتجمع فشعرها ودور هنا وهنا ..شاف فساعتو لقاها الوحدة ونص ديال الليل ..تسناها تا دخلات وزاد بطوموبيل دخل لفيلا ...دخل لدار كيقلب بعينيه حتى هزهم بانت ليه الفوق دخلات لبيتها حيث لفيلا من داخل على شكل رياض و لفوق داير بيه الدربوز دالحديد مشبك البلدي ...غمض عينيه كيحاول يتحكم فاعصابه حيث لحد الان راه صابر على ود عمته ولان ضحى عندها واليديها وخا هادشي مكيبغيهش فدارو هاد قلة ترابي...

وأتى الصباح وافترشت الشمس قلب السـماء وأدلت بجدائلها الذهبية خيوط أمل ...

مشات لبيت تلفازة عند فوزي عرات عليه الغطا قاست جبينو لقاتو دافي عاد مشات لكوزينة جابت الفطور بدات كتفطر حتى دخل عصام ...

عصام : تحركي ب موطور فوزي(فرح كتعرف لموطور ياما تحركات بيه لافاك خصوصا سوينگ ديال فوزي) ...

فرح : واخا...احم محتاجة فلوس ...

عصام : شحال خاصك ؟"ماخلاهاش تهضر جبد مية درهم مدها ليها وشاف فيها بتساؤل" البارح شكون الي جا ؟!

فرح"هنا وحلااات ليها وقلبها بدا يضرب تا بدات تكحب وتكحب ماعرف باش تبلى ضرب ليها ضهرها " : كحكح كحكح اميمتي عطيتي الما كحكح..."عطاها تشرب وعينيه عليها غوبش "

عصام : مالك ؟!

فرح : و والو غير هرب ليا فرتيت الخبز ..احم كحكح تاحد ماجا البارح علاش ؟!"كتحاول ما امكن تبت راسها وخا الكحبة كتفرش"

عصام : السبتي (جارهم) قاليا شاف شي طوموبيل وقفات ورا الدار وخىجات عندو صفاء...

فرح : اممم ؟ بلاتي ؟ ااااه واحد السيد سول على باها ولكن باها نعس ديك الساعة ...هي فاش كان جا هي كانت عندنا وشافتو من شرجم وخراجات عندو ..احم"بقات ترمش فيه وعصام مكمشةعينيه فيها بحال الى مقنعاتوش هضرتها وليني حاول يثيق .."احم مهم انا نمشي بقا مع فوزي شوية وعيط لمي فاطنة مرة مرة طل عليه ولا صفاء "ناضت كتزرب من حداه وقلبها بغا يخرج وفنفس الوقت مراضياش على الكذوب وعصام عدوه الكذوب وتخبية وليني معندها مادير سوى تسلك هاد المرة...خرجاات هزات الموطور خرجات على برا تا ديماراتو وزادت بيه نيشان لكلينيك الي غير وصلات حطاتو فالباركينغ لفوق ديال ماطر ودخلات نيشان لخدمتها من بعد ما اعتاذرات وعاودت لدكتورة مديحة لكن ماغاتبقاش تخدم معاها وانما غاتخدم مع طبيب لاخور...

نهار كامل داز عادي عند الجميع الا زين الدين الي تفكيرو كامل منصب نحو فرح وعائلتها...حتى وصلات العشية والعصر كياذن عليها فالطريق جايا شاداها طوالة وحدة دازت لحانوت تقدات الحليب وشنو يخص ودخلات لدار اول حاجة طلات فالبيت بان ليها فوزي وحداه عصام الي استغربات من الوجود ديالو...

فرح. : عصام نتا هنا !!

عصام"جالس ومسند على المخدة...شاف ف فوزي الي متكي كيتفرج ومغطي باقي عليه العيا" : مصبناش نخليو هذا والموت شادة فيه "بطنز"

فوزي"كيمسح نيفو بكلينيكس ويهضر بصوت مخنوق" : وااه مزية ديتي الموطور خليتو ليك اختي ورث...

فرح"تلاحت حداهم" : ههههههه ومكاينش شي فلوس خازنهم تاهما ..

عصام"ضحك باستهزاء" : خلاهم لبوك ...

فرح : هههههه دابا يجي يسمع حسهم ويجي...

عصام : ابتي الله يبعد بلانا على بلاه"تگعد فبلاصتو" بدلي حوايجك ووجدي لينا شي كسكروط دايزو الكلام

فرح : واخااا ..نيت جبت الحليب وشي دفيش من عند با سالم..."مشات بالخف بدلات حوايجها وخرجات لكوزينة ردات القهوة طيب والحليب يفيض واتاي تاهو جبدات من فريگو ملوي دارتو يسخن فالمقلة على عافية مهيلة خرج عصام نيت مشا يجيب شفنج والكومير...ما كاملاش ساعة حتى كان كلشي واجد فوق الطابلة ...جلسات حدا فوزي وحطات راسها على راسو" عيييييت ...

عصام"شاف فيهم كي ليتامى واحد مريض ولاخرى عيات بالخدمة نهار كلو..جابو ليه ضحك خصوصا كيرمشو فيه كيتسناوه يقول شي حاجة وبالفعل شاف فيهم بجدية ونطق بسؤالو باغي يفتح معاهم الموضوع حيث ضروري يتشاور مع خوتو " : ماتبغيوش شي مرت خوكم تعاونك افرح وتونسكم وتجيب ليكم شي ولد ولا بنت خوكم...

فرح"نزلت عليها الهضرة فحال صاعقة تا بدات تصرط فريقها يلاه بغات تهضر تا تسمع دقان فالباب" : ااا

ناض حلو دخلات نجية وفاطنة وصفاء معاهم باس راسهم طبعا نجية وفاطنة دخلو لبيت اطمانو على فوزي وجلسو" مزية جيتو مافيا الي يعاود الكلام...

فرح "شافت ففوزي غمزاتو اش كاين وشير ليها براسو وعوج فمو بمعنى ماعرفتش وعينيها مشاو نيشان لصفاء تا غمضاتهم وحنات راسها بحزن عليها مهما يوقع الي يوقع بقات فيها وعزات عليها وفوزي تاهو مشاو عينيه لصفاء لانهم عارفين حجم الحب الي فقلب صفاء ل عصام...موقف صعييييييييييب والاصعب هو الي غايتقال دابا....

عصام"تقاد فجلستو وشاف فنجية باس راسها " : مي نجية ومي فاطنة بجوج بيكم كنشوف فيكم مي من الي وعيت. ونتوما معايا ملي عرفت دنيا تعلمتها بيكم خيركم ميتنساش وحقكم منوفيهش...

نجية : الله يا وليدي راك ولدي البكر وخا بتربية...

فاطنة : راكم ولادي ونتا بكرهم فمقام ولدي امين وكثر كاع معزتك ف قلبي قداش ...اجي بعدا ولاش هادشي ياكما ناوي دير دارك "غمزاتو" ههههههه

عصام"حادر راسو كيدوز بايديه على لحيتو" : وبحال علمك الله"فوزي كمش عينيه ودور وجهو لهيه وفرح هزات عينيها نيشان ف صفاء الي خرجات عينيها وقلبها بلاصة الضربات كيضخ العافية وانك تسمع هادشي وتحاول تجلس طرونكيل را خاص يكون قلبك قويييييي" وليني مندير الخطوة تنشاور خوتي هاهما قدامكم ...لا جاب الله تيسير بغيتكم تيسرو معايا نهضرو مع دارهم ...

نجية"ضارت عند فاطنة كضحك حيث واخيرا حن وبغا يدير دارو " يا ربيييي هنية عليييييك اوليدي...

فاطنة : اش سماها الله مرت سي عصام "بمزاح" مرت الجزار عصام...

قولي اش سما الله الي دات الگليب اميمتي اسمها لمياء "تاهو بمزاح كيف مولف معاها مرة مرة ...وعلى اثر اخر جملة تسمع صوت الكاس الي تهرس فايد صفاء عامر باتاي...الي دات الگليب الي دات الگليب لمياااء لمياااء ...هاد الكلمات كانو كيتسمعو فوذنيها فحال الصدى من بعيييييييد مدارياش بالكاس الي تهرس فايديها وماحاساتش بيهم امتا ضارو شافو فيها واتاي طايب الي تكب عليها من كاس وسخونيتو يمكن هي الي فيقاتها حتى وقفات بجهد بغوتتها ....

صفاء : وااااااااااااااااااااااااااااااا"هي صرخة كتبان عادية لوحدة تحرقات لكن بالنسبة ليها هي كانت صرخة من حرقتها فقلبها الي تشوى من سماعها لهاد الكلمات الي قالهم عصام...واخا كانت عارفة غايجي هاد النهار يعني مكانتش كتسنى منو يعرف بحبها ليه مكانتش كتسنى اي اشارة منو مادام هي فبلاصتها كان حبها ليه كيكبر في قلبها بسكااات فقط فرح وسيمو وفوزي الي كانو عارفين وشاهدين وكانو وراء الكواليس عارفين حجم هاد الحب لكن اش غادير هاهو وصل النهار وسمعات بوذنيها الكلمات الي كانت كتمنى تسمعهم منو ليها هاهي سمعاتهم منو لوحدة غيرها" اااااااااااااي ايدي ايديييي اهى اهى

فاطنة : اهيا بسم الله الرحمن الرحيم"كي وقفت مشات عندها شدات ليها ايدها" يا كي طرا ليك ...

نجية"شافت فرح وقفات لا هي لا فوزي وتا عصام تخلع" : جري بنتي جيبي زيت العود وملحة جري ...

فرح : واخا وخا"مشات كتجري وعينيها مدمعين عليها عرفت ان الحرقة تاع اتاي محاساش بيها والي كيبكيها هي حرقة قلبها الي تشوى..."

عصام : جيبي معاك ثلج ولا شي ما بارد ...(غا سكت يسكت ليك ريح انت )

صفاء"دوك دموع نزلو فحال الحجر الي كيطيح من شي جبل مسرسر...بلاصت متنفخ كتحك فصدرها وتنخصص " : اننننن اهى اهى وااااااااااا اهى...

فاطنة : نفخي عليها نفخي "وتاهي كتنفخ معاها ناض فوزي تاهو مسكين وخا مريض مشا جاب واحد ميلف خاوي محطوط تما وبدا تاهو كينش ويشوف فيها بحزن عارفها كتموت على شي حاجة اسمها عصام بنات احلام عليه وبنات وعلات وهاهي غاتجي الي تسكن فيها باردة...جات فرح كتزرب جابت الما مثلج فبانيو صغير وزيت الزيتون والملح غطسات ليها ايدها ف البانيو عاد بردات شوي لكن شنو يبددرد ليها حرقة القلب الي شاعلة !!!

صفاء"شافت ف فرح" : تحرااااااااقت افرح تحراااااقت اهى اهى"كتمسح عينيها بطرف كمها هاد الحركة قطعات لفرح قلبها من النص"

فرح : دابا تبرا غير صبري صبري كلشي غايدوز وتبراي ...

صفاء : الكاس مهرس اصلا هذاكشي علاش تشق فايدي اهى

فرح : الي تهرس دا الباس ا صفاء (كلماتهم فيها معاني) دابا يتعوض ...

عصام الحيماري مافهم والو فهاد اللحضة كيشوف فيها كتبكي وتشوا وفوزي ولا جلس بلاصتو جاتو دوخة انا هو بقا واقف كيشوف فيهم دهنو ليها ايدها بزيت ومليحة نجية تذهن وفاطنة مسكينة تنفخ عليها وصفاء دموعها محابسينش يمكن الحرقة بردات او غاتبرد لكن الي لداخل صعيب يبرد فساعتو...

نجية : شوية دابا ؟! "حركات صفاء راسها ب نعم ولان فرح عارفة صفاء مغاتقدرش تبقى فا تدخلات بكلامها باش تهدن الوضع .."

فرح : سيري لدار ديري بومادا الي عندك ديال الحراق...

فاطنة : سيري سيري دابا تبرا ونقصي من البكا شلا تبوحيط دابا تبرد ....

صفاء فهاد اللحضة فحال قلتي ليها سيري جري هربي لاكثر بلاصة تبقا فيها وحدك وبالفعل ما صدقات غير قالوها مشات كتزرب هازا ايدها...اما هما رجعو جلسو ...

نجية"كتشوف ففرح كتجمع فالكاس الي تهرس وتنشف تما وتجمع دنيا وهي دور عند عصام" : ياربي السلامة تا العروسة مباركة مسعودة هادي ههههه

فاطنة : تي را برهوشتي الي مفافيا غا وحدها...

عصام"لفرح" : سالي روينة وسيري شوفيها...

فاطنة : دروك نمشي عندها انا...ما وقع باس من صغرها وهي هرنانة ....

عصام : الله يشافي وكان ..

نجية : شكون هي هاد البنية ساكنة شي هنا فجديدة ولا فجوايه دكالة ...

عصام : لا بنت هنا نيت...عرفتها شي عام هذا هكاك...عارفاني ماشي ديال تفلية هضرت معاها وكي كيگولو تزوج بنساب هما لولين ...ناس الله يعمرها دار باها امام فجامع ديال المدينة لتحت...

فاطنة : الله يكمل بخير خير ما درتي اوليدي هزيت ليك الهم بغيناك دير دارك ووليداتك...

عصام"تنهد" : داكشي الي كاين شيب راسي بان وهاني قدامكم نعلم خوتي لا قابلني نتيسر على مولانا...

نجية : ويلي مال خوتك يوقفو ليك فطريگك ولاو ..ها فرح ها فوزي "شافت ففوزي" اش افوزي ؟

فوزي"مالقا ميقول ومعندو ميقول مسكين كافي خيره شره" : ههه اش غانقول الي دارها الله يسهل عليه فيها را بانا هذا قبل ميكون خويا وفرحتو من فرحتي الله يكمل عليه بالخير...

عصام"شاف ففرح الي مهم عندو زيادة" : اش كاين ا فرح ؟!

فرح"صرطات ريقها واحد لحضة سكتات وهي تنطق" : احم اش غانقول اخويا ولابد غايجي واحد النهار ودير دارك ..وحتى لامتا غاتبقى بلا زواج المهم نتا تكون فرحان وجات منك ماشي منا يعني نتا الي بغيتيها وغاتجيبها ومرحبا بيها فدارها تاهي على راسنا وعينينا.."قربها ليه باس راسها وعاود"

عصام : لهلا يخطيكم عليا وكان...

نجية : وامتا ناوي نمشيو معاك ؟!

عصام : جمعة جايا لا بغا الله ...

فرح"نطقات بلا متشعر" : ما زر ما زربتيش اخويا ؟!

عصام"شاف فيها" : كيفاش؟! "رفع حاجبو"

فاطنة : ولواه الحلاال مافيه تعطال....

بسؤالها ليه بهاد الطريقة خلاتو يحس كانها ماقبلاش وخا هاكاك يمكن على ود صفاء او يمكن انه وصل وفاجأهم وخا هادشي ديال الحلال عادي جدا وعصام ماشي من النوع الي يجي يعاود على العيالات الي كيعرف او البنات الي عرف وخا هما قلااال كانو غير للشهوة فقط وكاين الي عرفهم وهو صغير شوي لكن باش يطمع بزواج او يواعد مكاينش حتى تعرف على هادي ففترة هو حس براسو خاصاه امراة الي تقوم بكل واجباتو و امراة الي يتقاسم معاها حياتو واخا تكون فرح قايمة بكلشي لكن شي حاجات او اغلبها را خاص المراة الي تقوم بيها...

فاطنة : الحلال مافيه زرب ولا ثقل ابنتي ...الله يكمل بالخير وكان "ناضت وقفات سلمات عليهم ودعات مع فوزي بالشفاء وناضت تا نجية طالبة الاذن منهم تيسرو هما لديورهم وبقاو الخوت بيناتهم شي مدهشر شي مصدوم وشي ما فهم والو وهاد الاخير هو عصام الي باقي سؤال فرح كيطنطن ليه فراسو"

عصام : علاش زربت ؟!

فرح"ضارت شافت فيه" : والو غير سولتك حيث مزال الدار خاص تزيد بيت ..ولا لا ؟

عصام : البيت حالو ساهل...

فوزي : انا نحول حوايجي لعند فرح ونعس غير فالبيت هنا نجمع شي بركة ونصلح البيت الي لفوق...

فرح : لا تحول معايا البيت نزيدو سداري وخلي فلوسك راك كتجمعهم لحانوت ديالك...

عصام : تاحاجة من هادشي... نتيسرو فالخطبة من بعد نعيط لواحد الطاشرون صاحبي يرسل ليا شي معلمية نصلح شوي الفوق البيت وندير قدامو دوش وطواليط ونسقف ونصلح ونطلعو لفوق خليكم نتوما هنا را داركم هادي ماشي تجي بنت الناس وتشتت ليا كلشي...را شرحت ليها ومتفهمة كلشي من بعد نكملو طبقة فالصليح وتزاد دويرة وطلعو نتوما لا بغيتو ..."هز ايدو ناهي الحديث" هادشي من بعد ونهضرو فيه دابا مزال مدرنا والو يلاه ناوين نهضرو مع دارهم زيارة لولة...

فرح"وقفات كتجمع فالمعان فوق الطابلة وكتسمع ليه " : ان شاء الله واخا خويا...

من بعد الصدمة الي طرات والانكسار الي وقع والفرحة الي بانت وتشارك التبريكات فرحة ب قرار عصام بالزواج غير مبالين ولا حاسين بواحد القلب الي تهرس مية هرسة وتشتت تشتااات...جمعات الطابلة وغسلات الماعن ردات العشا فالكوكوط وسدات عليه مشعلاتش البوطة حتى تجي وتشعلها عليه المهم وجدات الي خاصو يتوجد وصافي...ومشات لبيت لبسات جلابة دان فالاسود جمعات شعرها ولبسات بانطوفة ديال زنقة وخرجات لقات عصام خارج من دوش كيهضر فالتيليفون وهي تشير ليه باش تهضر معاه ...

عصام"قطع وشاف فيها" : فين غاديا ؟!"شاف ساعتو" المغرب بغا ياذن ؟!

فرح : غانمشي نخرج شوية بغيت نتقدا شي حاجة خاصاني داكشي ديال البنات...

عصام : وتال دابا ؟!

فرح : غير هنا ماغانبعدش بزاف...

عصام"بتردد" : هادشي مااااعندي معاه تايتوخر الحال والخروج بلا سباب ...مابقيتيش عيانة من الخدمة ؟!

فرح : را قلت ليك خاصني داكشي ديال البنات "حنحنت بحرج" احم...

عصام : سيري سيري ومتعطليش العشا يلقاك فالدار...

غير قالها ليها مشات كتزرب...هي فالدار وفالدار المجاورة ليهم ملي تحرقات ومشات بقلبها المكسور تكسير..القلب الي ماحس بيه تاحد من غير الي عارفين حكايتها...الام ديالها رجحات انه بسبب الحرقة لكن الحرقة مكانتش كتحرقها بزاااف كيف حرقة قلبها...وبكاها مكانش بسباب الحرق وانما بسباب العافية الي شعلات فصدرها وماحيس بيها تاحد من غير الي شرب من نفس الكاس الي شربات منو هي ..وخا توصف حتى تعيا ميوصلش لاحساس الي فالخاجر والقلب والنفسية الي تهرسات...من بعد ما طلات عليها فاطنة خلاتها متكية كتنفخ على حرقتها وعينيها جاب الله نشفو من دموع بسباب الصدمة الي رجعات عليها داكشي باش شفع ليها وماعاقتش فاطنة بان الموضوع زايد عن اللزوم...جالسة مادة ايدها وعينيها فلارض حجبانها مكمشين بالحزن والتفكير وصوت عصام كيتردد ف وذنيها...

عصام : قولي الي دات الگليب اميمتي...لمياااء...لميااااء لمياااء الي دات الگليب...

وشحاااااااال قاصحة تسمع هاد الجملة من بعد حب وعشق الي كبر فقلبها حب طفولة من الي عرفات معنى الحب والاحاسيس والمشاعر وهي كتشوف عصام فيه الي بغات رجولة شهامة الدراع الماضي المواقف الرجولية القلب الكبييييير الاب العازب...الزين والحروشية الي فيه وهضرته الحرشة والقلب الصنديد ...كلشي هادشي شفناه معاها وهي دابا فبالها ديك الجملة الي حلفات ماتحيد من وذنيها حتى تحل الباب وهزات عينيها لقاتها واقفة بجلابيتها وعينيها فعينيها... هنا نساات واش مخاصمة مع صفاء نسات الي تقال فحقها فهاد اللحضة كيبان ليها غير ديك البنت الي قلبها غايكون مكسور تكسير حيث صعييييبة وخصوصا يقولها ليها فوجهها وخا بغير قصد ...من بعد ما تاكدات ان فاطنة خرجات من دار مخليهم بزوج ما صدقات ان فرح جات عند صفاء...

فرح"بصوت مذبذب" : صفاااء...

صفاء"شافت فيها مزياااااان كترمش بشوية وهي تصغر عينيها لحضة قبل متقادهم وتنطق" : .قاليك دات الگليب .."هزات ايدها ومسحات بطرف كمايمها عينها الي بغات تخرج منها دمعة" غاتولي عندك مرت خوووك تونسك هههه ...

خرج من الدوش لابس بينوار بيض كينشف فشعرو بفوطة من بعد ما جا من المشروع عياان مدگدك حيث فاق مع الفجر صلاه ومشا نيشان لتما...جا مسخسخ خاصو غير دوش باش يصحصح حتى تدق الباب مشا حلو لقا الخدامة جايبة ليه بلاطو ديال القهوة وخبز دار وزيت الزيتون وفرماج وزبدة مدوبة مع زعتر الي كتعجبو...ومقيلة ديال اومليط وقرعة الماء معدني باردة..

زين الدين"مفهمش حيث عادة هو مكيبغيش ياكل فالبيت فقط قهيوة اما الاكل مكيحملش ياكل تما " : لمن هادشي ؟!

فاطيمة"الي كطيب ليهم" : ليك اولدي تكون جيعان ...

زين الدين : ميمتي راكي عالمة معنديش مع الماكلة هنا !؛

فاطيمة : عااالمة ولدي الحاجة مشات لعند طبيب ديال سنان ومعطلة وقالت ليا علمتيها بالي مكليتي والو هاد النهار كي دخلتي وجدت ليك هادشي وجاي عيان ...

زين الدين"حشم يجهد انه يردها حيث طلعات هي راسها مكلفة وجايبة بلاطو ...مالقاش كيفاش يقوليها لا رجعيه ...قرب باس راسها" : الالة على وجهك هاد المرة ناكل هنا ..

فاطيمة : الله يرضي عليك...

زين الدين : ضحى فين ؟!

فاطيمة : مزال ماتجي...

زين الدين"هز حاجبو" : ومعاش تجي بسلامة ؟!

فاطيمة : والله ماعرفت كيف كنسالي عشية كنمشي لداري حتى من العشا مكنديروش كتكلف بيه غير الحاجة ...نعيط ليها ؟!

زين الدين : لا ماعليش تيسري ميمتي لدارك تيسري.."شد من عندها البلاطو ودخل حطو فوق طابلة فين كيجلس قدامها فوطويات فين كيخدم بعد المرات...مشا الماريو لبس بوكسر وسروال قطن بيج وتيشرت كحل خلا شعرو مخربق هكاك ومشا جلس شعل الكارو حل الماك وهز قهوته شرب منها تا كمل الكارو عاد كلا من داكشي شبع مزيان حيث مع السكر ودواء دغيا كيجوع...كمل خدمتو بعد مدة ازيد من ساعتين الي بداها سد لابتوب وهز داكشي نزلو لتحت عاد بانت ليه ضحى جايا وتزرب شاف ساعة لقاها تسعود ديال الليل جايا وتشوف وراها حيث هو مكيدخلش بكري ديما يا ربعة صباح يا يجي فالصباح بكري هاد الايام عارفينو مشغول بزاااف مع توجاد الافتتاح والسفريات بكثرة...قالت را مغايكونش خصوصا وسط سيمانة هادي ...كتشوف وراها حتى ضارت وهي تخرج فيه تا غوتات"

ضحى : واااااااااااااااااااا ..."شدات على قلبها" خ خويا زين الدين !؟ اش كدير هنا ؟

زين الدين"ضرب ليها واحد تخنزيرة تا تفافات" : نعام ؟

ضحى : ممم اش ممولفاش ليك تجي دابا !!

زين الدين : ونتي مولفة اشريفة دخلي ليا هنا فهاد الوقت ؟!

ضحى : مكنخرج من سونطر تال دابا ...

زين الدين"تكا على واحد رخامة تما" : سونطر على علمي مكاتخرجي a 21:00 ؟

ضحى"بكل ثقة" : اه مع تسعود كنخرج...

زين الدين"ضرب بصبعو لساعتو كيوريها" : وهادي شحال ؟؛

ضحى : ااا ؟!"كانت ضربات تسعود يعني لو بصح خرجات من سونطر مع تسعود خاصها نص ساعة باش توصل لدارهم مع ديك تسعود ونص تال عشرة قل شي حاجة وهي قالت ليه خرجنا مع تسعود وهي تسعود ضربات فايدو "

زين الدين"كيهضر ومخنزر " : طرتي مع طيور ياك ؟ سبحاانك ياجليل.."جهد صوته" كتبيدقي فيا !!!"تكعد كيهضر ويقرب"

ضحى"كتحرك فراسها ب لا وتحتها بغات تبول" : ل ل لاااا لا والله ..."قفزات غير من صوته المجهد مزال كاع ماغوت"

زين الدين : هي ااااااش ؟!!!

ضحى : و مكنتش ف فاش كنت "مالقات ماتقول وهي تخرج فيه عينيها" وا نكون فينما بغيت نكون ياااه سوقك فيا ماسوقكش ماشي نتا با ولا خويا غييييييير ولد خالي انا بعيدة عليك عندي با الي يتحكم فيا ...

زين الدين"تقاد فالوقفة وخشا ايديه فجيابو مبند " : ياك اشريفة ؟

ضحى : ولا حيث فدارك تبقا تخلع فيا منخرج مندرج ما والو راني تا انا بغيت نخرج ونفوج ونمشي عند صحابي ماشي غير من دار لمدرسة سونطر واااه عيقتو عليا

توبا"دخلات شادة حنكها وقطن خارج من فمها محيدة ضرصة وفمها كتحس بيه ورا راسها بالبنج" : م ماكم (مالكم) اف كاين (اش كاين)

ضحى"ضارت مخنزرة ف مها" : مكاين والو مكاين والو انا عييييت مادخليش ماتخرجيش جي فالوقت المغرب العشا اااااوه اماما نبقى محبوسة"عينيها خارجين وحمرين بالدموع" ضحى فينك ضحى تجمعي ضحى تقادي...وااه ديما زين الدين زين الدين اش يكون باش يتحكم فيا ..ولا حيث ساكنين فدارو ؟! مالنا فهادشي ...

زين الدين : ماقلتي عييب...من حقك "هز ايديه فوق وحدر راسو وعاود نزلهم حتى مشا ليها بسرعة البرق معرفاتو امتا طار لصقها مع الحايط شد ليها حناكها بزوج ورك عليهم تا خرجو شنايفها وعينيه فعينيها مزيااااان بواحد تخنزيرة لا حول ولا قوة " .. مابغيتي يتحكم فيك حد لعند بوك وديري الي عجبك...بغييييتي بوك ؟ مكاين الي يشدك الباب وسع من كتافك...بغيتي سيبة وتسلگيط ديريه عندو..."زاد ورررك تا نقزو دموعها و توبا مهضراتش بالعكس بغاتو يحكها نيت هي وغلبتها"

زين الدين : نهار باقي تهزي وتحطي عليا نحسب عدو ربك فهاد النهار ماتخلقتي ولا كنتي فالدنيا.."دفعها ومشا زاد خرج لجردة يكمي.."

توبا "خبطات حناكها" : اويلي على بنت كرشي اويلي ما ولدت غالخلا ..ياك ابنتي ياااك هذا جزاتو ؟!

ضحى : اهى اهى انا غانمشي نسكن مع بابا ونهنيه مني انا منقدرش على هاد الخوف كلو باغا نعيش حياتي مايتحكم فيا حد...

توبا : طلعي الله يطيرني عليك طلعي ...

ضحى"ضارت كتزرب طلعات مع دروج "

كتبان فحال قطعة حزن فيها تشققات كثييييرة لبداية انكسارات..."

فرح : الحياة مواقفاش على خويا عصام ولا غيرو ...شوفي حالتك دابا ؟ كتبكي من الحرقة ماشي ديال ايدك وعارفة اشنو الحرقة الي كتحسي بيها دابا...شوفي هو كيف قالها وفرحان وماحاسش بيك واش كاينة ؟ اااه غانرجع لهضرتي اللولة الي قلت ليك حيث بصح ماحاسش بيك معارفكش واش كاينة نهار وماطال كيشوف فخليقتي انا وياك حيث كبرنا على ايديه كبرتي بحالي بحالك ختو فين غايشوفك من غير ختو"كتهضر ومقصحة قلبها باش توگضها لانه مغاتقدر دير والو ليها الي عطا الله عطاه باغي وحدة اخرى وهذا هو الواقع فين وفين ممكن تصدق حكايتها الا اذا مكتبو ربي ليها وفمكتابو معند العبد ما يفرق" ...ماشي حيث ضعيفة ولا معندكش مؤهلات...كلنا مكاملينش كلنا عايبين الى ماعبنا من جسمنا نعيبو من فمنا ...اه قلت ليك تحركي وانا نعاونك كون بغيتي تحركي كون شحااال هادي جربتي حضك وليني نتي باغا تبقاي تبغيه وهو يعيق راسو ...عمرو مايعيق وحتى ولو يعيق غايكذب راسو حيث كيشوفك ختو حيث حليتي عينيك عليه كيهزنا بزوجات ويركبنا بزوجات ...الحياة اصفاء مواقفاش لا عليه لا على غيرو الحياة بغاتك تكوني باغيا راسك متقبلة راسك وعايشة على قبل راسك وتفرحي راسك ....ها نموذج قدامك هاني اش طفروه ليا رجااا ل اش ؟ كلشي شمتني هاني ياك كنبان فعينيك زوينة عندي الغلض الي بغيتي واللور الي باغا ؟ اش قضيت بيه واحد شمتني وثاني داه ربي وثالث دارني لعبة ياك هادي هضرتك ؟ حساب ليك تقلقت على هادشي ؟ لااا هادشي عارفاااه الي قلقني هو جات منك نتي الي عشتيه معايا ومرحمتينيش ....."قربات ليها مزيااااان تال عند وجههها" هضري عايري قولي اش عندك ماتقولي...هضري غوتي ماحد مي فاطنة مكايناش...هضري ديري قلب ديري نفس اعديمة النفس الي حلات عينيها عصام عصام عصااام انا باغيا عصااام انا باغا نغلاض على قبل عصااام...ماتهضرش فلانة مع عصام متشوفش ف عصام شكون عصام عصام ديالي هضري ؟ (كتقول فهادشي بلعاني باش تجعرها وتغوت وتخرج الي فقلبها) و"مزال مكملاتش هضرتها حتى بانت ليها دارت صبعانها فوذنيها وهي تغوت بحر جهدها تا صمكات ليها الوذنين"

صفاء : واااااااااالااااااااااااااااااااااااااااااا وااالااااااااااااااااااا الله ياخذ فراسي الحق الله ياخذ فيا الحق اهى وااااااااااااااااااااا يقااااااااااود عصااااااااام وميجي منو...واااااااا حرقنييييييييييييييي وشواني وماحسش بيااااااا اهى اهى"كتغوت ودموعها نازلين ووسط كل غوتة تنخصيصة ونفس كتقطع فيها وهادشي الي بغات فرح توصل ليه " وابغيييييييييييييييييييتو بغييييييتو وشفت فيه حياتي واااااااااااااربي هي فرحات وانا تفقصت .... وااااااايقطع قلبي الي بغاه ويقطعو عليا اهى وااااااااااا "وقفات كتركل وطيح لارض تمرمغ وفرح دايرة ايدها في فمها وتبكييييييي مبقاتش صبرات بقات فيها بجهد ولكن ضروري ماتخرج الي فقلبها ولو بالصراخ ...." وااااااااااااااربي كي غاندير نشوفو مع وحدة اخرى ياربي اهى راني عااااااارفة وكنت عارفة غايجي هاد النهار الي نشوفو فيه مع وحدة اخرى عاااااااااارفة وموهمة راسي ب حاجات ااااااخرى ...

فرح : عارفة وهضرنا معاك تفيقي ولا تحركي...

صفاء"مشات لواحد المخدة وبدات تخبط فيها راسها وتعاود وتجررررر ديك البيجامة من صدرها وتحك تما وتعاود" : واطفييييي العافية طفيهاااااااااا اخى اهى وااااا خااااااايبة خااااااايبة ...مانقدرش افرح مانقدرش اصحيبتي مااااااا نقدرش اهى ...مشاااااااا صااااافي هادشي خاصني نعرفوووووووووو....

فرح"قربات لعندها وهي تجرها خشات فصدها عنقتها بجهههدددد ولاخرى كتنخصص ليها تما" : واخا خويا ماعالم بيك ماحاس مدارها لا بيديه لا برجليه...بغيتك تكوني حسن منو ..بغيتك تفيقي لراسك..."حسات بيها كتبعدها...وهي توقف كتسنى فيها دير شي حاجة تهضر تجاوب حتى بانت ليها دارت راسها بين ايديها وجلسات قفازي واحد شوي كتلالي بالحس وتنين واحد المدة وهي هكاك قبل ماتهز راسها "

صفاء : ياااااااااااربي كي زرعتيه فقلبي حيدو يااااااربي ..اهى "غوتات بجهد" واااااااااااااااااااااااااااا خايبة خايبة خايبة مايحس بيا حد اهى ...

صفاء"جلسات فلارض كتنخصص وبكاها كينقص وفرح كتشوف فيها جالسة على طرف سرير صفاء مهضرات متكلمات مخليها براحتها تعبر تصرف كيف بغات...حتى دازت نص ساعة وهي تهز صفاء راسها الفوق ونطقات بصوت يضر فالقلب فحال شي وحدة تقج ليها صوتها وشكوون يحس بيها ويفهمها" : انا حلمت وهي حققات وانا بنيت وهي علات وسقفات وسكنات...هادشي كان خاصني نعرفو وندير بحسابو..."عوجات راساها مهبطاه عند كتفها الي تعرا كتحك بيه حنكها"...صعييييييب عليا نسا دغيا ..ماعليش نصبر مع الوقت....كنشوف حاجة "زلقت ليها تنخصيصة " الي خلق عصام خلقني حتى انا...بلاصة منرضي عصام نرضي ميمتي الي بكات على قبلي وحملات وهزات...وبويا الي خاص غانقوليه بغيت ميعطلنيش بالفرحات ومنساش نهار شديت الباك وتحنى سجد ونهار شديت لصونص وباغيني نكمل ماستر ...علاش هادشي مشفتوش ومنشوفوش ؟! "طرشات حنكها تا غمضات فرح عينيها من حر ديك الطرشة " ميستاهلني لا خوك لا غيرو...

"لا لا ملينا هاد الحالة مابقيناش بغينا نكووونو على واليدينا عاالة "

بقات معاها شوية تا حسات بيها تنفسات وزيداتها تكا ففراشها غطاتها تا تاكدات را نعسات وهي فبالها عدة قرارات الي غايزيدو بيها وتنسى او تعود حتى تمشي الفكرة من راسها باش تقدر تزيد بحياتها ...خرجات من عدها ورجعات لدار مشات ديريكت قبل متبدل شعلات على البوطة عاد مشات لبسات حوايج دار...هاكا داز النهار وايام ...

اليوم من بعد ما فطرات ناضت تلبس صباطها حتى وقف عند راسها خاشي ايديه فجيابو كيجبد فشي صرف كيف العادة مد ليها مصروف سيمانة الي كتنقل بيه...

عصام : باش تغذاي ليوم ؟

فرح"هزات فيه عينيها" : لا را درت ليا لانش بوكس غانديه معايا ديما مابغيتش ماكلة زنقة بدات كضرني...

عصام : مزيان..ديري بحسابك غانجي عندك مع تخرجي بغيت تحركي معايا لمدينة...

فرح"وقفات" : علاش ؟؛

عصام"دور راسو ومشا دخل لبيت كيكب فقهوته والكارو فايدو بغا يشعلو" : تال تما وتعرفي بلا قوة الاسئلة عليا ...

فرح : ممم واخا...يلاه انا مشيت"شيرات ليه وخرجات نيشان قصدات مكان العمل ديالها...كيف وصلات عند الباب بان ليها من بعيد هو نيت نفسو واقف وعلاش الي كتلاقاش بيه والكوميسارية الي كيجي ليها بزاف حدا الكلينيك ..."

فرح"تاففات" : اففففففف مشكييييييييلة هادي يخ..."حدرات راسها بزربة وزادت لا يشوفها دغيا سرررت دخلات ويبدو انها ستراه فاكثر الاوقات...تمات داخلة نيشان باش طلع لفوق تحل سانسور يلاه دخلت تا دخل امييين (الولد الي تلاقات بيه كان كيقرا معاها فلافاك نيت خدام فهاد لاكلينيك) "

امين : الهبيرة !! اه اه نسيت ولينا زملاااء خههه

فرح : هههه ايييه لا بغيتي...اجي نسولك

امين : تفضلي ...

فرح : هذاك صاحبك واش ولا خدام هنا ؟!

امين : ايناهو فيهم ازين ؟"شافها كترمش فيه بمعنى فهم راسك وحبس الطنز " اااااه با سمعو (اسماعيل) ...مالو ؟!

فرح : امييين رجعتي لكلاخ ديالك ثاني ؟"تحل سانسور وخرجو كيهضرو" سولتك سؤال نيشان جاوب ...

امين : ااااه خدام فالولاية ولكن ولا كيجي لهادي عندو شي خدمة شدها فيها...مالك ياك مكتهضريش معاه اش مسولك فيه ؟ ولا زين حن لحب ؟

فرح"مع قالها طارت فيه فحال رمى ليها الملح على عينيها" : حنييييت لخرا سمعتي لخرا...

امين : طليه ا باگيرة...مالنا ؟

فرح : من لاخر قوليه مايبقاش يطلع ليا فوجهي ديك المرة وقفني سلم عليا مارديتهاش فوجهو جاوبتو بصواب مرة ثانية يبقى كل نرة خارج ليا ولا واقف فطريقي غانعرف اش غاندير...مغانبقاش نعاود فنفس الهضرة امين ...مابقيتش مسالية لتاحاجة باغيا نشد فهاد الخدمة الي هنا جابها ليا الله برضاة الواليدين ونتا عارف السطاج لاخر فمختبرات قليل فين كتلقاه ولا باش تخدم...قوليه يتفرق عليا باغيا نشوف مستقبلي قرايتي كلها باقي مكملتهاش ونتا عارف بالي محتاجين لماستر ومحتاجين خدامي ...وخوتي دمرو عليا باش نقرا ونخدم مايجيش هو يضرب ليا تمارتهم لا هو لا غيرو...ياك هو الي بغا الفراق وعطيتو ليه ؟ ودابا يفوتني حسن ليه..."قربات ليه مزيااان" ونتا خليك بلاصتك زوينة عندي راك خويا وعشيري ماتخسرش هاد البلاصة بمسبة صاحبك..."ضربات فيه وزادت لطاج فين خدامة...لبسات الطابلية وحطات صاكها ولانش بوكس ديالها ودخلات لداخل عند طبيب لقاتو حاط مجموعة من التحاليل "

فرح : وي دكتوغ انا ناخذهم...

احمد : فرح ردي بالك متعاوديش نفس المشكيل راكي عارفة شنو جرا اخر مرة...

فرح : لا لا هههه باقي نعاود ؟ كون هاني دكتوغ عارفة هاد الكرة مايكفينيش طرد وحدو...

احمد : نتمنى ...بون خوذيهم كاملين لتحت وهادو عطيهم ل بروفيسور ع.الحفيظ لبيرو ديالو حدا ديال لوديريكتور...

فرح : داكوغ..احم دكتوغ ممكن نسولك الى بوسيبل ؟

احمد : سي فازي..هنا غير باش تعلمي وتستافدي...

فرح"كتهضر وتحيد شعرها ديرو ورا وذنها كنوع من تركيز عندها تيقوليها الله را لاكان شعر مغاتسمعيش -_-" : شحال خاصني باش نقدر ندخل معاك ونشوف Prélèvement ...

احمد : بوسيبل دخلي من اليوم مي خاصك تمشي معانا مرحلة بمرحلة...باش تفهمي مزيان سيرورة العمل عندنا...la soumaine prochaine (الاسبوع المقبل) تقدري دخلي معانا لداخل...

فرح"بسعادة" : هههه اوكي دكتور"هزات داكشي من عندو ونزلات نيشان عطاتهم لاكوي ديال المختبر عاد طلعات نيشان لمكتب ديال بروفيسور...شافت جيهة المكتب ديال المدير وهي تفكر داك النهار وزين الدين. غمضات عينيها كتنهد قبل مادق على مكتب البروفيسور تا سمعات صوته عاطي الاذن بالدخول...فتحاات الباب وهي تلقاه جالس وقدامو واحد الشخص ماعرفاتوش شكون لكن فبالها فايتة شايفاه ..."

ع.الحفيظ : تفضلي بنتي ...

فرح"كتهضر بشويي" : دكتور هادو دي زاناليز رسلهم ليك dc ahmed ...

علي"هو الي كان عندو فهاد اللحظة..شاف فيها مزياان وتذكرها " : نتي البنت الي Il y a quelques jours(قبل ايام) لقيتك ف باركينغ فحالة كريز(مبغاش يقول ديالاش باش متحرجش) ..

فرح"شافتو وغير نطق بهادشي وهي تفكرووو هوااا الي كان مع عريض الكتاف احح تانا زين الدين...حركات راسها وتزنيگة فحناكها" : مممم ؟ ا اه انا"حكات راسها بخجل"

علي : كيف بقيتي صافا شوية بنتي ؟!

فرح : الحمد لله صافا احم مابقيتش شفتك ديك المرة باش نشكرك..شكرا بزااف على الموقف...

علي : قبل كلشي خدمتي هادي ابنتي عاد بلا خدمتي ميمكنش نشوف شي حد فحالة ماهياش ونخليه ..وبلا هادشي راك من معرفة العزيز...وعزييزة عند العزيز ..

فرح"كمشت حجبانها" : مفهمتش !

علي : مزيان ملي تلاقينا وسولت فيك ..على سلامتك ابنتي...

حدرات راسها مستاذنة منهم وخرجات رجعات العمل ديالها كتكمل فيه كيف العادة...حتى وصل وقت الغذاء والي كانت جايباه معاها طبعا فلانش بوكس والي هو طاسات فيهم صلاد الخضرة ب صوص مكونة من (مايونيز ودانون مسوس وعصير نص حامضة ترباتهم مزيان وخواتها فوق صلاد..وطريفات الكبدة مشحرة مع شوية زيت بلدية وتومة وكمون وتحميرة وشوية الهريسة ومعيلقة العسل ديال مصير الي هو حامض مرقد كيبقى حتى كيتعسل فبلاصة ديال الضل وربيع...وطريف الخبز وبيضة مصلوقة هادي متخطاهاش الي ضاربها ضاربها عالبيض.) تغذات غذاها ورجعات لعمل حتى وصلات ربعة ونص يعني وقت تخرج حيدات طابلية وخرجات على برا حتى لقاتو واقف شاد تيليفون ومتكي عالموطور...يلاه غاتعيط ليه حتى بان ليها اسماعيل جاي كيشوف فيها ...

فرح"بغاات تزرب تعيط لعصام لكن لاخور كان اسرع حتى نقز لعنظها عرفها غاتهرب"

اسماعيل : اتي تعالي فين غاديا ؟

فرح"خنزرات فيه" : واش شوية لباس ؟ اش كاين ؟

اسماعيل: بغينا غير نسلمو عليك مالك هههه ...

فرح"شافت جيهة خوها وشافت فيه وهي تبعد تمات غاديا بغا يرجعها وهي تعيط" : عصاااااام...

عصام"هز راسو كيقلب هو يدور عندها" : شش فرح !!"كيشوف جيهة اسماعيل الي وقف وضار يشوف فيها"

فرح : تسنيتي بزاف ؟

عصام"هاز حاجبو كيشوف فيها و فاسماعيل" : لا..شكون هذاك"هز صبعو وشير لاسماعيل"

فرح"ضارت مخرجة عينيها وصرطت ريقها" : ممم ؟ هذاك خد دام هنا سول على شي حد فالكلينيك...مالو ؟!"كتفحص عصام بعينيها لا يكون عاق"

عصام"هزهز راسو" : ممم مزيان..يلاه ركبي خلينا نتحركو..."ركبات وراه مكمشة فصاكها ومعنقاه بايد كسيرا بالموطور ضارت شافت فاسماعيل الي شير ليها بايدو بمعنى واخا عليك وهي دور ما عارتوش اي اهتمام حيث صافي خرج من القلب ولا القلب عمر ليها بشي حد ولا الله اعلم...زاد بيها عصام نيشان حتى وصلو لمدينة بالضبط عند الكورنيش وقف الموطور عند الباركينغ وزاد هو وياها مشي جنب البحر حتى وصلو لواحد دروج كيهبطو لرملة ديال البحر قدام لقهاوي الي لتحت كيشوفو فالبحر نيشان...ودخلو لواحدة منهم جلسو ..

عصام : شنو تشربي ؟!

فرح"عوجات فمها" : عصير لافوكا بالحليب..

عصام"شاف فسيرفور" : واحد افوكا بالحليب و واحد نص نص...

فرح : علااش جينا لهنا هههه

عصام : جيت ندور ختي ماتستاهليش ولا !!؟

فرح : احح يخليك ليلي...ههههه

عصام : جيت نتشاور مع ختي وبنتي وتشوف واحد بنت الناس الى عجبتها نتيسر عالله "غمزها" شنو بان ليك...

فرح"فهماتو بالي غايوريها البنت الي باغي لزواج حنحنات مالقات متقول كتشوف خوها فرحان اذن هي خاصها تفرح ليه وتفرح معاه وخا صاحبتها حزينة وسافرات من جديدة هي كاع لكن خوها كيبقى خوها الاول وباها الي رباها يعني تشوفو فرحان اطوماتيكمون تفرح معاه بلا نقاش" : ههههه ايهااي..واخا..ولكن فين هي ؟!

عصام"هز تيليفونو دوز الخط هضر معاها حتى وقف نص وقفة كيقلب بعينيه وهي تبان ليه هز ايدو شير ليها باش تجي" : هاهي وصلات...

فرح"ضارت تشوف حتى بانت ليها واحد البنت حتى وقفات عندهم لابسة جلابة مليفة سخونة فالگري ورامية على كتافها كاپ دايرة شال بشدة مهملة ماشي هي ماشي محجبة غير كدير شال عدة مرات بغاات تولفو حيث مكانتش كديرو...هزات فيها عينيها ولمحات جمالها هي زوينة بزااف منخرها صغيور وعويناتها مشفرين وحجبان غلاض ومشتتيت شوي حيث مكتصايبهمش وعينيها حجمهم عادي ولونهم عسلي مفتوح وفمها صغيير معندهاش شنايف ممدودين ...تبسمات بخجل حطات ايدها الي كترعد بالخجل على فمها كتحاول تسيطر على التوثر خصوصا بحضور عصام حشمانة بجهد"

عصام"شاف فيها" : لمياء جلسي...

لمياء"تحنات قبل كلشي سلمات على فرح بابتسامة نطقات بصوت عندها رقيييوق" : سلام عليكم بعدا..لباس عليك ؟

فرح : عليكم سلاام الحمد لله احبيبة ونتي لباس عليك ؟

لمياء"جلسات كتحاول تفادا شوفات عصام ليها" : الحمد لله ..

عصام : شنو تشربي ؟ ولا فيك جوع ؟ تغذيتي ؟

لمياء"حركات راسها كتحاول تشتت النضر باش متشوفش فعصام" : اه تغذيت..مافياش ميشرب دابا احم...

عصام"شاف ف فرح وغمزها ": حشمتي ليا المراة ماحشوماش..

لمياء"جمعات فمها كتضحك وتشوف لتحت" : هههههه لا مدارت ليا والو حشومة عليك...

فرح : هههههه حرام عليك كتحشم البنت...

عصام : ياك الالة..."ربع ايديه فوق طابلة ونطق بجدية" هادي هي بنتي الي هضرت ليك عليها...وهادي هي ختي وعينيا باش كنشوف"هزات فيه فرح عينيها ماشي مصدومة حيث عارفة اش كاين وشنو هي بالنسبة ليه مغاديش تصدم ولكن كل مكيهضر كتحس بسعادة كبييييرة وتبوريشة فاش كيهصر عليها كتحس بالي ميحتاجش تكون عندها امها ولا باها مادام عصام حااضر" ربيتها ملي كانت عندها شهرين ولا حسبي قل كاع وخا كنت صغير ديك ساعة كبرت معاها وكبرتها هاهي تا ولات بنت قارية واعية وقريب ان شاء الله توصل فين بغات... وباش نجيك لصراحة هي وخويا فوزي مايجي بلاصتهم حد..ضروري بلاصتك تكون وحدها باش منكذبش عليك نتي غاتكوني مرتي وام ولادي لا كتب الله وليني هاهي قدامك نضمنها ليك تكون معاك كثر من ختك وماتقدرش تقلقك وانا كاين ولا فغياب ...وهاني جبتها باش تلاقاو وتعرفك بعدا وتشوفيها وتشوفك...

لمياء"شافت ففرح وخطفات شوفة ف عصام وحدرات راسها كتبتاسم" : متشرفة بيها والله يجيبنا فالصواب ان شاء الله...

فرح : تشرفت بيك ا لمياء حتى انا متشوفي مني غير الخير حسبيني فحال ختك...

لمياء"حدها حركات راسها لا غير"...

فالعادة كيكون اغلب وقته فالمشروع وبما انه بقات ليه اقل من اسبوع باش يكون الافتتاح الي غايكون فالمشروع نيت بدات شركة التنضيم كتخدم فاخر لمسات على المشروع حيث غايكون الافتتاح فالويكاند ...اليوم خصص وقت باش يرتاااح فيه لانه عيا بالمعقول سيمانة مافيهاش نعاس غيى ساعة او ساعتين الدق عالجهد كان هاد الاسبوع...الشي الي خلاه يرتاح ليوم باش ميتعصبش ويطلع ليه السكر...خصص واحد ساعة ونصف ديال الرياضة والي كانت فاحدى لاصالات الكبيرة فكازا...

زين الدين"خارج من لاصال من بعد ما سالا لونتيرمون...كيهضر فالتيليفون" : شوية وندوز عندك ..ماعليش بقا غير فالمحل ونتيسرو من تما..."قطع مع المتصل مد ايدو باش يحل بالكونطاكت طوموبيل من بعيد حتى سمع سميتو وهو يدور لقاه البروفيسور علي"

علي"جاي تاهو لابس سورفيت عاد باغي يدخل" : علاش معلمتينيش نتلاقاو هنا...

زين الدين : باش منتلاقاوش هنا "غمزو"

علي : هههه الله يمسخك اولدي..

زين الدين : مزاحم مع الناس تانتا باغي تريني ؟ لاش ؟!

علي : وابغيت نحرق ل كالوري اولدي باش ميطلعش ليا سكار الي غاطلعو ليا نتا دابا ...

زين الدين"رفع حاجبو وكيهضر بثقااالة ترطى نتا قدامو وهو مثااااقل ولكن فالطنز اما لا صعر خف من زيبق هه" : سبحان الله الحاج...

علي : كنت ليوم عند عبد الحفيظ...

زين الدين"ضار تكا عالطوموبيل وربع ايديه" : خبار الخير...

علي : صافي كونفيرما معانا وغذا غايحط الاعلان عندهم...

زين الدين : بلااان...

علي : كنهضرو حتى دخلات ديك البنت "طرطق صباعو باش يتفكر شكون تنسات عليه ساعاك الي معمرها تنسا عليه قالها ليها"

زين الدين"تگعد" : فرح ؟!

علي : ايييييه "طلعو وهبطو" هانتا شوف كي توگض شوف...

زين الدين"مافيه ميصبر لطنز علي ههه " : وايليييي ...

علي : سولتها كيف بقات قالت ليا شوية وشكراتني تبارك الله صواب والادب...

زين الدين"هز عينيه كيشوف لقدااام" : هادشي ميخفاش عليها ميخفاااااش"طولهاااا"

علي : انا لله اودا حماد...

زين الدين"حد فيه عينيه " : نهاك الله نهاك الله...

علي"هز ايديه وحطهم" : يدير الله خير اولدي هههه ماعلينا...غذا فالليل عارض علينا بروفيسور بنسودة قاليا غايعلمك...

زين الدين"ساط بغضب" : علمني الحاج علمني وبيني وبينك ممسالييش ومابغيت نتحاشم معاه...

علي : زين الدين تبت معايا الله يرضي عليك ...عندك بيه غراض الخدمة خدمة والي فات مشاكيل شخصية وهو مشفتي منو غير الخير...صبر تنول الله يرضي عليك ...خدمتنا على نقشة الاعداء غير كيديور علينا ممكن تلقاه منك وفيك وكيحفر ليك...ممكن تلقا الخير فالبراني ...

زين الدين"غمض عينيه ورجع حلهم كيسوط" : ماعليش ماعليش...

علي : يلاه انا مشيت نتلاقاو عشية ؟!

زين الدين : لا عندي ميدار نشوفك صباح بحول الله..."مشا علي تيسر فين داخل وهو رطب فسيارتو كسيرا وهو كيشرب فالما حتى وصل لدار دخل نيشان دوش من العرق وخرج لبس قميجة وسروال فيكسا شعرو لبس تقاشرو وصباطو ودار ساعتو رش بارفانو ونزل نيشان سلم على توبا وسولها كيف بقات حيث حيدات ضرصة اخرى ثاني لكن باش يسول على ضحى تمر عليها تتميرة الغدايد...لا فين هي ولا اش كدير معالمش ومبقاش تدخل ...وفييييين هي دابا من صباح وهي خارجة حتى من سونطر ولا المعهد ممشاتش ليهم طبعا ملي تحلو ليها العينين ركبات مع مهدي وزاد بيها خارج كازا بالضبط ب سيدي رحال الشاطئ التابع لمدينة الدار البيضاء سطات...مشا لواحد الشاليه ووقف ...

مهدي : بب يلاه نزلو نرتاحو شوي عاد نخرجو نتغذاو ؟!

ضحى"كتجمع شعرها لفوق اسفنجة مخربقة" : ضروري ندخلو هههه

مهدي"جمع حجبانو بعضبية" : دابا من لاخر مابغيتش ندخلو يلاه نمشيو نتغذاو ونتقودو فحالنا...بغيتي ديري ليا فيها خايفة وبابا حاج ومي حاجة وخويا الكبير منعرف لاصل خليقتو فشكل بغيتي تقادي وثيقي بيا واصلا لاش ثيقي ؟ كاع لا ثيقي معندي مندير ببنت المراة الي نبغيها وماثيقش فيا...

ضحى : لا لا والله حتى ثايقة فيك والله غير ضحكت معاك..عافاك متقلقش عالاقل نتا كتهتم بيا مديها فيا ...

مهدي"طلق سانتيغ وضار شد ليها وجهها بين كفوفو" : ma belle مغانقولش ليك كنبغيك حيث يلاه شهور قليلة باش تعارفنا ونجيك لصراحة تعلقت بيك بزاااف وبغيت نزيد نتعرف عليك باش نتفاهمو ومن هنا لقدام الى كان شي Engagement( ارتباط) يكون فالحلال نقصد باب داركم...مي حتى نفهمك وتفهميني ونحاولو نتلاقاو كثر من ماكسيموم ساهل عليا نخطبك من داركم ولكن شنو فائدة تعارف اذا مدرناش بعض المغامرات...تزيدي تعرفيني كثر ...الى قلت ليك ندخلو نرتاحو فالدار مكيعنيش غادي ندير ليك شي حاجة ...واذا ؟ مالي غانخليك ؟! كوني متفتحة حنا في القرن 21 ...سي نو نرجعك فحالك ؟

ضحى"حركات راسها بالنفي " : نووو منرجعوش يلاه ندخلو نرتاحو شوي وجيب لغذا لدار حسن...

هضرتو معاها هي ك شخص باقي عقله صغير...عقلها على قد احلامها منحاصر فالحرية التبوزيق الخروج السفر المتعة مع الاصدقاء التفتح الي هي فاهماه ف شكل عمىها يلاه 20 عام وباقي كتصرف بطيش وقلة عقل...والمهدي هو الشخص الي شافت فيه احلامها شافت فيه داك الفارس المغوار شافت فيه اهتمام الي خلاها تبان هي اجمل وحدة حيث فاش جا لافينمون ديال المعهد كاع البنات تسطاو عليه كان فهضرتو كاريزماتيك ...جذاب غير طريقة الكلام كيقنعك وعلاش الي ميقنعكش وهو الاول فمجال الماركوتينغ...وحتى هو شاف فيها ديك البنت الجميلة الفاتنة الصغيرة زينها كيفتن وهضراها كيوت وخا كون تعمق غايلقا فتاة باغيا غير الرفاهية باغيا الموضة تبان هي الواعرة تبان بنت البخ والاصل...وهادشي راجع لواليدين الي مكانوش معاها فوقيتة المراهقة كما يجب الام عليها الدق والاب ممسوقش مقابل غير الفلوس شفرة الفساد بجميع انواعو....

نزلو من السيارة ودخلو لشاليه الي كان مقابل ليه مسبح كبير...حل الباب ودخلو كتكتاشف فيه كل ركن كل زاوية حتى توقفو فالصالون مفرش على حقو وطريقو بفراش بلدي...

مهدي"عنقها بجنب كيحك ورا ضهرها حتى خبط ليها مؤخرتها بشوي تا قفزت" : ششش كالم عادي غير رزقي امدام هههه

ضحى : باااسل ...

مهدي"حط جبهتو على جبهتها" : نوريك البسالة دبصح ؟!

ضحى"تزنگات" : ههههه وسير جيب الغذا فيا جوع "شافت ساعتها" انا نهضر مع بابا نعلمو بالي غانتعطل شوي ...

مهدي : رجعتي سكنتي مع باباك رسميا ؟!

ضحى : ويييي حسن منبقا لهيه تزيار ديال والو...يلاه تنفست اوه...

مهدي : بيزاغ داكشي والله ..بون "باسها فراسها" انا جاي حيدي لفوقي الي لابسة رتاحي ولا خرجي شوفي هنا نص ساعة وانا عندك..."حركات راسها خرج هو يتقدا الغذا وهي بقات تما شوي هضرات مع باها .."

ضحى : مغانخرج حتى لعشرة ونص هكاك...

الغالي : موحال تلقايني السوارت شديهم من عند الكونسييرج تانسالي ونطبع ليك ديالك...

ضحى : واخا...واش مزال مغاتصايب ليا بيتي ؟! عييت بسداري تما...

الغالي : مناوياش ترجعي مع ماماك ؟

ضحى"تصدمت" : اااا ؟ ياك غانعيش معاك ؟

الغالي : ضروري وليني شوي معايا وشوي مع مك متخليهاش ...

ضحى : وااخا واخا"قطعات معاه وناضت لتيراس تما كتشوف فالبحر ماحساتش بعينيها حتى دمعو ونزلو منهم دموع فتاة فعمرها محتاجة لحنان الاب يكون صديقها مقرب ليها تحس بيه مهتم بيها هي الي عندو ماشي اب تابع الشهوات زواج وضريرات خصوصا هاد الايام كيقلب على وحدة يتزوج بيها والي مبغاتش تصرط ليه شمتة فرح الي شمتو فيها زين الدين وهادشي ما كيبشرش بالخير...مسحات دموعها بالخف وضارت دخلات حيدات الفوقي بقاات غير ب ديباردور كحل كتدور وتكتاشف تما حتى دخلات لبيت لقات فيه ناموسية وماريو يعني بيت نعاس مجهز بكلشي وتلفازة كبييييرة LED فالحايط قد سخط...يلاه كتشوف حتى شعلات وتطلق منها موسيقى هااااادية جات دور حتى حسات بايديه ضايرين على كرشها ووجهو فعنقها كيستنشق عطرها وايد كطلع وتهبط معاها حسات بالقشعريرة كتسري فجسمها بالكااامل حتى غمضات عينيها...شوي بدا كيتمايل معاها على انغام هاد الموسيقى...

ضحى"مغاااامضة عويناتها" : مممم مهديييييي

مهدي"خاشي وجهو فعنقها كيبوس ويهضر" : شششش خليييي ليا راسك...عيييييييشي معايا الحياة والله ينعل بو الي ينغصها عليك...

ضحى"تبسمات" : ههههه كتهرنيييي...ففففف

مهدي"ماحدها كتهضر وهو كيزيد يجعر ما بقاش صبر حتى دورها وخبطها بجهد على صدرو...خشا ايدو ورا راسها وجرها لعند وجهو تلاح على شنايفها بقبلة طويييييلة تا هزات ايديها دوراتهم ورا عنقو ...هبط ايديه كيطلع ويهبط مع جسمها وايد مكمممممشة على مؤخرتها ...كيتباوسو وفنفس الوقت كيدفع فيها ناحية السرير...حتى دفعها تلاحت عليه وتلاح هو طلع فوق منها...

من بعد ما تلاقاو ناضت لمياء استاذنات باش تمشي مشا معاها عصام تا قبط ليها طاكسي ركبات فيه وخلصو وزاد ورجع عند فرح بقاو شوية وناضو وصلها لدار وتوجه هو لمحل ديالو...بدلات حوايجها وجمعات شنو خاص يتجمع فالدار هزات فلوس ونزلات باش تقدا لكاسكروط ...وصلات عند مول الصاكا...

فرح : با سالم واحد ايطرو حليب وخمسة دراهم شعرية وحك مطيشة صغير...

سالم : اهلاااا لالة فرح غبرتي ابنتي لا نتي لا صفاء...

فرح : هههه غبرت غير مع الخدمة وصفاء مشات لرباط عند خالها...

سالم : اياااه...فكرتيييني دابا شوية واحد سيد سول على سي عصام...

فرح"جمعات حجبانها" : شكون ؟!

سالم : واحد سيد شيباني هو الي سول ملي ملقاهش مشا لمحتو وصل على واحد كاتكات BM...

فرح : BM"شهقات تا خلعاتو حيث عرفاتو ومبغاتش ثيق جاتها البكية تا ولات تقول الي غايخرج ليها فمها وسلام ههه باش تكذب راسها " كيفاش BM اااه بغيتي تقول بيض ومطيشة هههه ياك...

سالم : بنتي نهاك الله وحضري عقلك وطوموبيل كاتكات تي مابقيتي تقرايش ؟!

فرح : ااااااويلي "بغات تنقز ليها دمعة من عينيها" قوليه را رحلو لداخلة ديك ساعة...ولا دخل عليهم شفار قتلهم كلهم...

سالم : هااا ؟!

شدات من عندو المقدية وهي تمشي كتحسبن وطلب السلامة يعني الى قال غايهضر معاه هي يهضر معاه ماعندوش سوق وخا يكون قتال سفاح هاد عصام...دخلات لدار حطات داكشي فوق البوطاجي ومشات لتيليفون حيداتو من شارج وهي تصوني ل صفاء بلا متحس وخا ليها ايام مهضراتش معاها...لقاتها عالقرص....

فرح : صفااااء فينك ؟!

صفاء"كتشوف فتليفون واش فرح هادي" : هااا ؟ انا هنا فالرباط مالك !؟

فرح : واااا صفاء عتقي اهى...

صفاء"غوتات" : اويلي عصام مات ؟ اويلي !!

فرح : اويلي الله يحفضو مالنا اختي ؟

صفاء : اتي مالك اش واقع ؟!

فرح : عاود جا زين الدين سول على عصام مالقانيش لا انا لا هو...

صفاء : احخخخ على داك زينوش شديييد والله تا شديد..

فرح : اويلي انا فين وهي فين...وقولي اش ندير .

صفاء : هو التدخل ديالي انا شخصيا انا الي همة وشان وتدخلت شخصيا ومابغاش الوغ معندك ماديري ملي الراس الكبير الي هو انا ومحشمش منو بغيتي يحشم ...اختي داك سيد معندك ماديري ليه خليه يهضر معاه ومنو لحفار قبره هو عارف اش كاين ونتي مادام ممدخلاش راك فالامان...خليه يهضر ويفك هاد الجرة وخا انا بان ليا ما عينو فعصام كلشي هادشي على ودك وليني نديرو عين ميكة ونقولو را بغا يهضر معاه وفالصراحة را خاصو يهضر معاه طال زمان ولا قصار والا ماشي رجولة يخليه بلا ميضهر ويشرح ليه عالاقل يعرف غير لاش غبر ديك المدة....وتعرفي تانتي...

فرح : مابغيتش نعرف ...

صفاء : مممم على عينيك ازعير فكاس كبير...علامن كضحكي علامن...نتي مكرهتيش تعنقيه وتخشاي فيه ماشي غير تعرفي اش وقع ليه...

فرح : كتهضري من نيتك ! عرفتي اشنو انا الي كلبة كنهضر معاك سيري فحالك ..

صفاء : هاني سايرة تصوني نبلوكيك انا راني سافرت باش نسا تريكتكم ماشي باش تعيطي ليا نتخشا فمعمعة تريكتكم. ..قاودي"صدقات هي الي قاطعة عليها هي هههه"

حطات التيليفون فالشارج وهي تجلس فطرف السرير كتفكر وتعاود لقاءاتها بزين الدين واللقاء فاش طاحت مريضة بالوجع كيفاش ديك كمية الاهتمام الي بانت على وجهو والخوف عليها كيفاش حاول يهزها ويبقى معاها وخا مخلات ماقالت ليه...حتى انه بقا تا سالات مع المدير...وفاش جا فداك الليل يسول عليها مدعي انه بغا يشوف عصام يهضر معاه...ماحساتش براسها تالقات ابتسامة على شفايفها لكن دغيا جمعتها فاش تفكرات انها مجرد حساااب تصفى بين زين الدين والغالي والطعم كان باها...يعني هادشي مستحيل...ناضت كتنعل فالشيطان وطلب السلامةة...

اما في حي لالة زهرة بالضبط فالسوق الشعبي بامتياز...واقف كيقطع فاللحم بالماكينة.وقدامو زبون كيطلب منو شنو يدير وحداه مول المحل الي تصادف وجا هاد النهار...

عصام"سرح ليه اللحم الي بغا" : هاهو الحاج من العنگرة وشي من الكتف اش كاين ابا ؟

هو : ارا برع ...وطلگني بواحد نص كيلو كفتة وجمع ليا هادشي نسالي شي مقدية هنا ونجي نديهم ..

عصام : هنيتي ابا تيسر..."مشا راجل وضار هو كمل ليه شنو بغا جمعهم ليه فميكة وحطهم ومشا طب واحد زوج كيسان اتاي " هانا الحاج دكة من داكشي....

الحاج : اياااه"جلس عصام" اايوى كمل ؟!

عصام : مابغاش اسي قاليك شراب هو الي ميخطاه...

الحاج : ياكما فرمضان تاليلة بليلتو ...

عصام"ضحك باستهزاء" : قاليك تال ليلتو ونصوم ثلاثينتو.."سرح ايديه" معامن تهضر اشريف...

هما كيهضرو وقدام الحانوت وقف كيشوف ناحيتو حل صدايف الكمام ديال قميجة وطلعهم شوي وحل صدايف لفوقيين من صدرو...رما الكارو الي كما عسف عليه تا طفا وهزو لاحو فواحد سطل د زبل تما ...دوز على لحيته كيشوف فالدنيا سوق عامر بلاصة شعبية ناس غاديا جايا مضاربة هنا ولهيه هالي كيضحك هالي كيضارب بصح ...ضار هنا وهنا وتقدم بخطواته الثقييييييلة غادي بتبااات وحجبانو معقودين وعينيه فيهم واحد الكمية ديال الجدية حتى طلع فوق طريطوار ووقف قدام المحل ...وقال بصوته الخشن بجهد : سي عصام ...

عصام"يلاه غايجاوبو تا سمع سميتو وهو يدور غااااا هو الي شافو وهو يوقف على طولته من بعد ماكنو عينيه وحجبانو مفكوكين رجعات الغوباشة وتعقدو وتحولات نضرته من نضرة عادية لنضرة ناااارية تا هز الجنوي وخبطو تالصق عالعود فين كيقطع اللحم ولا يگردو جاا واااقف "

الحاج"مكمل على هضرته السابقة يحساب ليه زين الدين غير كليان جاي يتقدا " : ورا الشياطين كايتكتفو داك الشهر هههه

عصام"غززز سنانو كيشوف ف زين الدين" : هاهو فلت ليهم واحد " ينقز البوطاجي تال عندو"

واش هو الوقت المناسب باش يهضر معاه ولا وقت غير مناسب...سواء غالط زين الدين او مغالطش كان لابد من انه يهضر ويفسر واخا كل شد طريقو لكن كان من الضروري على زين الدين انه يهضر مع عصام وبقات حرقة فقلبه انه ما هضرش وما فسرش ليه خصوصا كيف كيقول مشاف من عصام غير الخير وحسن الاستقبال والصواب هادي كفيلة انها تزيد تشعل العافية فقلب زين... ربما ف تفكيرو انه الى هضر معاه وخا يقول الي قال ويكون الي يكون تحيد واحد الحجرة ف قلبو ويتزاح هم عصام الي على العاتق ديالو ويحيد عليه هاد الجبل الي على كتافو...صبر وتسنى حتى عيا وكان لابد عليه انه يشوف عصام ف مكان خدمتو حيث هي الي غايلقاه فيها اكيد على جول اليوم...

عصام"حجبانو تعقدو وعينيه تحولو لنظرات نارية...سنانو كيتقرقبو بتغزاز وهو كيشوف فيه شي حاجة منعاتو انه يمد ايدو لحد ساعة يمكن باغي يسمع منو كلمة تخليه يفور نيييت"

زين الدين"كيحك كفوف ايديه شاف هنا وهنا وشاف فيه" : سي عصام الى ممكن نهضرو بعيد شوي من هنا ..

عصام "غمز بعينو" : تت.. معندنا فاش نهضرو اسمحمد...

زين الدين"شاف ديك جيه شوي كيحرك فراسو...حيث عارف اش غايسمع وعاطيه كامل الحق يقول الي بغا..دوز على لحيتو ورجع شاف فيه وغمض عينيه باحترام " : من حقك اسي عصام الي جات من عندك عسل...

عصام : لقينا منك الگطران"زاد خنزر وزم فمو كيحاول يكبت الغضب حيث بصح باغي يضربو ولكن كيتسناه يهضر ويجبد حس شي حاجة فورات ليه د.م"

زين الدين"حط ايدو على صدرو" : ماقلتي غير الحق...سي عصام..ماعليش تعطيني من وقتك وقيت غالي عندك وغلا عندي..على بالي بكلشي ومن حقك ابا عصام..الدنيا خايبة وخيابت وناسها خيابو وكحل الراس صعيب وما شفت منكم غير الخير...

عصام. : وحنا عميتي لزا** بونا العينين...من لاخر اشريف ماعندي هضرة معاك الي عطا عطاااااااه"بدا كيجهد صوته"دنيا لا خيابت خيابت عندك نتا اشريف وناسها لا خيابو ...نتا معاشر ليا مع القواويد اش لينا حنا ؟..."كلمات فحال القرطاس"

زين الدين"عض سنانو من لداخل حاول يكتم الغضب الي بداه فور سماعو بهاد الهضرة حاول يصبر ويضغط على خاطرو خصوصا عارف ان الشمتة الي دار لعصام وختو هي الي مخليا يهضر هاكا وعاطيه كامل الحق لانه لو طاح فنفس موقف عصام تاهو غايتعامل بالمثل ويمكن اكثر..عاود دور وجهو لهيه ورجع شاف فيه" : الحق معاك...

عصام : ماعندي فاش نهضر ولا نتحاتت انا وياك الهضرة مع "هز صباعو بزوج وطواهم مرات متتالية" رعاوين ممعاهم هضرة...

زين الدين"كمش ايدو على شكل بونية كان غايعطيه لوجه ونطق بصوث ثقيييييييل " : عصاااااااااام...ماعليش تهدن وخلينا نهضرو بالعقل..

عصام"زاد قرب ليه اكثر حتى مابقا كيفصلهم غير سنتمترات وضرب ليه جيهة كتفو من فوق بضهر صباعو بشوي" : لحد دابا هاضر معاك بالعقل لا هضرتي ماسلكات فيك والو ...تكرط ليا من هنا حسن منهضر بالعقل الي مايعجبك...

جيلالي"المالك الاصلي ديال الحانوت من سمع هضرتهم عرف ان عصام مغايصبرش عارف ب قصة فرح مع زين الدين انهم تفرقو لاسباب وخا معرفش شنو هي لكن بما ان عصام ضراتو فخاطرو من جيهة اختو حتى هز من جيهة زين الدين لدرجة حقد عليه ماشي غير كرهو..خرج من الخانوت ووقف حداهم بانو ليه بزوج واحد كيشوف فلاخور بنظرات نارية مزال زين الدين متبت ومهدن الوقت باش مينوضش صداع " : عصام ولدي شي باس مكاين !!

"عرف واستنتج بالي هذا هو الي كان خاطب اخت عصام حيث فاش خطبها را زكاو ونهار فاش عرض عليهم زين الدين كان عارف"

عصام"كيشوف ف زين الدين بحقد وغل وكره" : الباس جا عندنا وبغيتيه ميكونش"ضار بنفس النضرة ونفس تغزيزة دسنان جيهة جيلالي"

زين الدين"جمع نفس وطلقها مغمض عينيه " : تت..سي عصام هدن الوقت اصحبي ويلاه معايا عارف معندك متسمع مني والفوت فات..."حرك راسو" نهضرو هنا وكان..

جيلالي"حط ايدو على ضهر عصام وطبطب عليه بشوي" : ماعليش اولدي غير سمع والي بغيتي هو الي يكون...معارفش اولدي اش طرا بالضبط وليني ملي مكتابش النصيب را مكتاب الله...حضر عقلك الله يرضي عليك وسمع منو را مغايكون من بعد هادشي الا وعندو سبب...

عصام"هز ايديه لفوق ونطق بالغوات تا ضارو مالين الحوانت الي حداه" : ومااااااااااااكاين تا سبااااااااب الحاج مكاين سباااااب وماعندو فاش يهضر راني داير لبااااااااااس شاد ايدي عندي...داير العقل وعطيتو وقت "ضار عندو منير وضرب ليه على كتفو ثاني هاد المرة ضربات زادو شوي" تحرك من هنا اسمحمد ماعندي فاش نهضر ولا نعرف "خنزر فيه بواحد طريقة خايبة"

زين الدين"حدر عينيه كيشوف فايد عصام الي كضرب ليه فكتفو...ورجع هز فيه عينيه لكن هاد المرة نضرة ديال الله يستر" : عصاااام رخي النفس اصحبي وخليني نفهمك اش واقع ودير الي عجبك اسي"هز ايديه الفوق" ...

عصام"تحرك ناحيتو اكثر كان بغا يدير شي دفعة تصرف او ضربة يعلم الله لكن جيلالي جرو وزير ليه على دراعو باش يتهدن ويحشم...طوا لسانو ورجع نطق" : واخاااا وااااخا..نسولك ؟

زين الدين"عرفو نيشان اش غايقول معطلوش ماشي على زين الدين خصوصا عارف وفاهم القضية وناس وقضية يفهمها طايرة متخفاش عليه..غمزو بنفس طريقة كيف دار عصام فلول" : لو كان عندي ختي ؟ تصرفك مايكونش غريب عليا (زعما ندير فحالك) منفكرش جوج مرات نقتل "عوج فيه راسو وشاف فيه بمعنى هذا جوابي وهادشي الي بغيتي توصل ليا" خطاويا ماتحطو هنا وكنت عارف الحق كلو معاك ...شلاغمنا با عصام ماكبروش باطل...

لحضة فاش جهد عصام صوته وضارو الناس الي فالمحلات ديالهم والي جنب محل عصام وجيلالي...خرج واحد راجل كبير فالعمر من حانوت ديال تخضارت ديالو ...ولحق على عصام وجيلالي ...شاف جيهة زين الدين هز فيه راسو طويل ومگضر شوي على عصام ...لكن الهيئة ديالو ماشي واحد فيه بخ ولا من دوك الي لباس عليهم وخا كيبان لباس مزيان وريحتو تفوح خطييرة لكن وجهو كيبان واحد من عامة الشعب ماستغربش لوجودو فهاد السوق...لكن الوقفة الي بينو وبين عصام جابت شك كيبانو بزوج بيناتهم شي مشكيل والي زاد اكد ليه هو صوت عصام الي تجاهد فديك اللحضة حتى جا لعندو...وقال : العيصومي شي باس ماكاين اولدي...

عصام"كيشوف فزين الدين الي نطق باخر كلمة وشاف فيه باستهزاء" : شلاغم مكتجي غير لمن ولمن ...

السليماني"الخضار الي جا فالسوق كيقولو ليه سليماني" : عصام تهدن اولدي "شاف فجيلالي"

زين الدين"هنا بدا كيفقد السيطرة" : خاطيني من قلالين الرجلة وخاطيني من قلة العقل ...الرجلة بالفعل وكلام العقل وبنادم ماكملش بنادم خطاء يوم ليك وغذا عليك...

عصام: السمطة كدور والبزيم كيشحط...وبزيمي كيحفر...

زين الدين"ميك" : جيت وقصدي الهضرة بالعقل..."حط ايدو فوق راسو وايد على صدرو" طالب السماحة وحقك على راسي وغيابي الي فات ماشي لخاطري حسبني ولد لحرام من فعايلي الي قلتيه فحقي نستاهل...عيبي سابق وجابها ليا تا دخلت ناس فحالكم ماتستاهل وليني اللهم هاكا ولا "مزال مكملش هضرتو..

عصام "خبط فوق البوطاجي ديال باب الحانوت بجهد وغوت " : من لاخر اشريف معندي فاش نهضر معاك ...نتا عارف اش داير عارف نقدر نقتلك بد .م بااااااااااااااااااااارد عارف لغايا مايعجبك وكلامي سهام السم فگلبك...لو كنتي راجل بشلاغمك ماكنتيش تعتب عندي وتوري خليقة مي كمارتك"قرب ليه مزيااااااااان" رجولة بزاااااف على اصل مك الشمااااتة...."ضربو بايدو لكتفو تاني لكن هاد المرة تا كحاز زين الدين شوي..." تقود عليا من هنا ولا نحسب عدو ربك ماجيتيش ولا كنتي قدام خليقة اصل مي....

جيلالي : ششش عصااااام تهدن ...

زين الدين"غزز سنانو ونطق ما بين سنانو " : ماااااالننننااااااا فهاااااددد هضرة ز*** دابا "فاش كيصعر الفم الخاسر عشرة لضص هكا حال الرجال الي كيتعصبو كااااملين ويكذب عليكم الكذاب يثوليكم مكيخصروش الهضرة...لو تشوفوهم فزنقة فمضاربة ولا غير ضحك بيناتهم تخصار الهضرة حاااضر..."

عصام"شد ليه دراعو وزيير عليه" : رعواني كيبقى رعواني من لاخر اخر هضرررة عندي دور تقود عليا من هنا لا نقسم عدو ربك على جوج..."هنا صبر زين الدين بذا في النفاذ خصوصا الواحد ينعتو برعواني او شماتة..."

السليماني"بغا يجر عصام" : ششش عصام الي كان بيناتكم اولدي يتحل بالعقل الله يرضي عليك...

زين الدين"حدر عينيه جيهة ايد عصام وشد ليه معصمها دور عليه صباعو وزيييررر عليها" : تحيد عليا قلااااويك وقصر شر ماباغيش تسمع ولا تهضر بالعقل ؟

عصام"ماحسش براسو امتا طار شنق عليه من كول القميجة" : واااا تقاااااود از*** تقاود عليا ماباغيش نسمع لاصل زااا**** بوك فهاد النهار مسينا عالله...مابيناتنا مانسمع منك...ماباقيش باغي نسمع سميتك فحياااتي دور غبر عليا وجهك...

زين الدين"جمع ايديه تا جمعهم ونزل ليه على ايديه بجهد ضربهم ليه تا تفرقو من عليه كان على شوي عصام يطيح كون ما شد فالبوطاجي " : لهلاااااااا يجعل المحنة طيح على عدو ربك ...

عصام"ضار هنا وهنا كيقلب على شي لعبة باش يكمل عليه تا شدو سليماني وجيلالي واحد من هنا ولاخور من هنا ودنيا تجمعات تما..." : واااااااا طلقو القحبة تمي طلقووووووووووووووو نحر دينمو "كيتركل باغي ينقز عليه صافي عمات ليه البصيرة هنا خصوصا كيتفكر شمتو فختو ماكيبقا يبان ليه والو واحد تفلى على اختو وخا دخلات فحيابات هو غلط.بدون قصد دخلها لكن ديك الشمتة والحرررة غاتبقا طلع وتنزل فعصام عمرها تنسا ليه ديما تصعرو...وزين الدين وخا عيا يدير الخاطر وعارف اش كاين لكن باش تسمع يقول عليك ماشي راجل وشماتة ورعواني هادي را تا واحد ميصبر ليها خصوصا واحد دمو حامي وحار فحالو.....تطلق عصام منهم وتم غادي ليه منير بغا ينطحو ماعرفش كيفاش دار تا خوا عليه كان غايطيح لو ما شدو هز زين الدين نيت ولوا ليه ايدو وورك ليه على واحد لعيبة تحت سلسول ضهرو ..

زين الدين"ماهضرش بقا مورك ليه على تما كان غايدفعو لكن عصام عطاه براسو من لور لتحت عينو بجهد تا طلق منو وضار لهيه كانت ضربة حااارة نيييت..."

زين الدين "رجع لعصام عطاه براسو تا ضار لهيه وهز ايدو نزل عليه بيها بجنب فحال هاد مقدة لفم تا طوش د.م عصام من فمو...لا هو عاقل وصاعر ولاخور تاهو ....وقف وجا شدو واحد من رجال تما كيطلب فيه ينعل شيطان وكيمسح فدم الي خرج من فمو"بغا ينقز لحانوت حتى وقف ليه جييلالي وواحد راجل تاهو كبير عند وجهو

عصام : وااااااااااحيدوووووووووووووووو"غوت تا بح صوته"

جيلالي : والله والي شانو عضيم وماتبدل ساعة باخرى لا باقي شفتي خليقة وجهي"خنزر فيه وجهد صوته" يلااااااه يلاه وردها فوجهي نشوف ...

عصام"غزز سنانو حيث كيحشم منو مصابش كيفاش يدير بغا ياكل راسو اما زين الدين جرووو سليماني وشي رجال بعدوه بزز من تما اما كان غادي يعطيه نيت ..غزز سنانو مالقا ميدير شير بجنوي لداااخل تا ضرب واحد صورة معلقة تما طاحت تهرسات " : اععععععععععع...

زين الدين"قميجتو تحلات من صدايف فوقانيين تا بان زغب صدرو...هز فيه عينيه وقرب لعندو بغا يرجع ليه لكن ايد سليماني تحطات على كرشو موقفو وهو يحبس وهز صبعو" : لايد ب ليد ساهلة..الفم ساهل يخرج العيب وساهل يخرج العار والصواب...لهلا يجعل الهضرة معاك مفاهمة..."كيهضر وتحت عينو تنفخ اما عصام خلاص..هز ايديه ل سليماني بمعنى هاني زاگي وضار مشا كيقاد فحوايجو دنيا تجمعات عليهم وجهو كيخلع غادي ويتنفس بجهد اما عصام دفعو جيلالي لداخل بزز عليه...مكانش باغي يوصلو لهادشي ولحد ساعة راهم مضاربوش شي مضاربة لا فات الهضرة الي سمع عليه فورات دمو...وعصام لو مدارش هادشي كان غايرطرق ليه شي عرق حيث ببساطة فاش كيتفكر ختو كانت ضحية تصفية حسابات بين زوج...يحمد الله الي ماقتلوش بشي جنوي ولا طورات المضاربة وحتى عصام رغم ذلك تهدن فلول لكن كيف ما قلت بمجرد مكيهضر ويتفكر كيحس براسو تشمت وتبيدق وضحك عليه...وزين الدين كانت نيتو يشرح ليه ويعتاذر لكن العناد فعصام والدم الفاير مع الدم الحامي مكيتلاقاوش...وحتى ولو كان هناك امل للحب فغايكون العشق المستحيل....

وتحت وعد انك مراتي سوا بالوراق او بالشهود او بيناتنا راك مراتي...وتحت مبدأ انا حرة ندير الي بغيت ونعيش حياتي ...وتحت لمساته الي كذوب وزينو الي كيطيح والكاريزما الي خلاتها ذووووب تحت ايديه...وتحت قبلاته وهمسو فوذنيها ...وكلمات الغزل اللا منتهي الي خلاها تحس براسها لالة البنات وزينتهم ...ماشعراتش براسها حتى لقات راسها بين ايديه عارية تماااما كما ولدت...وهو فوق منها كياكل وينهش فلحمها بقبلاتو اللاذعة حتى كتهز وهي مغمضة عويناتها وعاضة شنايفها بشهوة وانصهار ...مكمشة ليه على ضهرو ماحدو كيبوس ويتصرف فلحمها وهي كتهز وتاوه...

ضحى.: مممممم ..."بغاات تموووت بين ايديه شعرها مطلوقق بالكامل وشنايفها الورديييين تعصروووو بكثرة " اوووففففف

مهدي"خرج وجهو من الغطا من بعد ما كان غاطس راسو فكرشها ولتحت بين فخادها" : tu sais que بالي كنموت عليك دابا ma belle ?"باسها فشنايفها"

ضحى"تنهدات ليه بين شفايفو" : مممم

مهدي : خليك هاكا الغزالة ديال مهدي عيشي معايا وثيقي بيا كلشي غايكون زوييييين بيناتنا وان شاء الله يجيبنا فالصواب..."دوز بايدو على شعرها وهبط لحناكها بصبعو كيمرر عليهم تا حنا راسو تاني رجع لمود القبل اللاذعة كتحس بيها كتشوي وولد الهم كان احترااااافي للغاية خلاها تسييييييح وماتحسش براسها امتا حط العضو ديالو ...حتى "

ضحى"عصراات عينيها بجهد باش حسات بشي حاجة احتارقاتها من تحت حتى خشات صباعها فضهرو ونزلاااات بيهم راسمة ليه خطووووط " : لااااااااااا اووووف ...

مهدي"الصمت حجبانو تعقدو" : نوووووووو ..."هز عينيه فيها وقالها بدون مايحس" tu es vierge( نتي عذراء)...

ضحى"هزات راسها لفووووق وعينيها فسقف حلات فمها وعينيها نزلوووو بدموووع من جنابهم"

مهدي"ناض من فوقها باس جبهتها وتلاح لهيه كينهج..ضار عندها لقاها دايرة ايديها على وجههها كتنخصص" : شششش ما بيل ؟؟

ضحى : اهى اهى اهى ااااااااااااااا...

مهدي : مالنا ؟ ششش اجي عندي بب اجي"جرها لعندو حط ليها راسها فوق صدرو وحاوطها بايديه" علاش كتبكي .؟

ضحى : اويلي اش درت ااااااااش درت اهى اهى واااااااااااااااا حشومة عليك حشووومة..."حيدات ليه ايديه وهي تنوض حسات بالضو تحت منها ضرب وهي تعض جنب ايدها تا غمضات عينيها كتعصر فيهم " ممممممممممننننن اهى...

مهدي"بقا كيشوف فيها عارف غادير هاد ردة الفعل وضار لهيه كستسناها تكمل" : تت وايلييييييي...

ضحى"حيدات ليزار وهي تلقا بقيعات دم عليه زادت عليها مابيها " : اااااويلي ويلي اهى واااااااااااااااربي ضعت ضعت ضعت اهى....

مهدي : كيفاش ضعتي ؟ شكون ضيعك مالي فين غانمشي ااا ؟!

ضحى : اهى ضعت فشرااافييييييييييي اهى اهى حرام عليك علاش درتيها علاااااااااش الله ياخذ فيك وفيا الحاااااااق الي ثيقتك وتبعتك اهى...ولد لحرااااااااااااام....

مهدي"رفع حاجبو" : ضحى ردي بالك لهضرتك !!!

ضحى"ناضت بشوي عليها لوات عليها ايزار ومشات كتجمع حوايجها ولتحت كيقتلها بالحريق والبكا محابسش عرفات راسها ضاعت بهاد المعنى وشرفها مشا فالحرام فدقائق ضاع ليها كان مممكن لو ما استسلماتش لرغباتها المراهقة كان هي دابا كتقابل قرايتها ومستقبلها لكن طيشها والخفة الي فيها وبزااااف البنات امثال ضحى وقعو فنفس المشكيل بقلة عقلهم وطيشهم والحياة الي فاهمينها بشكل غالط تحت مبدأ الحرية او كثرة الضغط حتى هو فاش كتلقا البنت الحرية من بعدو هادشي الي كيوقع او ممكن يوقع غير هادشي...جمعات الحوايج الي تشتتو تما ومشات كتزرب دخلات لدوش الي تما لبسات حوايجها بشوي وتحتها كيزدح ولحمها تاهو النص فلحمها مزوق بعضاتو ومصاتو...كتلبس وتبكي وتنتف وطرش فراسها حتى كملات وخرجات لقاتو واقف لابس سروالو ولفوق عريان ودوك البادر عندو يفتنو...

مهدي"قرب لعندها وقبط وجهها بين ايديه بدات كدفع فيه تبتها بزز" : ششش ضحى تهدني ...مالك اش وقع ؟ عادي لاش مزمتة على راسك ومعقداها ؟ كوني بيييس وكول ا ضحى وانا ماشي كلب باش نخليك ونضحك عليك من لول كنت صريح معاك بغيت تبقى تجمعنا علاقة اونسومبل نتلاقاو بزوج حتى نتفاهمو et après يكون شي مشروع ارتباط بيناتنا ...

ضحى"حيدات ليه ايديه" : ميمكنش ميمكنش اهى ...

مهدي"عاود شدها" : بوسيبل اضحى پوسيبل الغزالة ديالي كتعجبيني وزدتي عجبتيني ونكون كلب الى فرطت فيك...رتاحي وتغذاي ونديك لداركم تا ترتاحي ونتلاقاو ثاني انا معاك عمري نتخلا عليك..."هز ليها عينيها تا شافت فيه وغمزها" بغيتك وبغيت نبقا معاك حتى نسالي اموري ونشوفو اش نديرو..."عنقها خشا راسها فصدرو وهز عينيه لسما ونطق بدون صوت متمتم بين شفايفو " ومعقدااااا هادي...

ضحى"خرجات راسها وشافت فيه" : عافاااك ا مهدي ماتخلاش عليا عااافاك اهى...

مهدي"غمض عينيه بنفاذ صبر" : فففف ضحى را هضرت ا بب مكنعاودش هضرتي...نتي دابا مراااتي وديالي وتاواحد ماليه الحق فيك من غيري...والي قرب ليك وفكر يشوف فيك نطحن مو مانحنش فيه...

ضحى"كلامو المعسول طمنها شوية" : بصح ؟

مهدي : سيييي بصح ونتي متفكري فتاحد من غير حبيبك مهدي ...ومنلقاكش كتشوفي فشي حد من غيري ومنشوف فتا وحدة من غيرك حيث كيف نتي ديالي حتى انا ديالك..مزيان ؟

ضحى"حركات راسها وشافت لتحت"

مهدي"كيتلمس فحناكها بشوي " : قصحتك بزاااف بب ؟

ضحى"حىكات راسها"

مهدي : بزاااف بزاااف ؟ هههه مرة جايا متبقاش بزاف ."باس جبهتها وعنقها خاشيها فيه" اوففففف عليك نتي وشحاال حلوة وزينك يفتن...

عصام خرج من المحل من بعد ما خوا على راسو الما بارد وزاد لموطور ديماراه وكسيرا منييييير لدار مسافة الطريق مكيشوفش قدامو حتى كان وصل لدار حط الموطور بزعاف فطوالة ودخل كيعيط بسميتها"

عصام : فرااااااااااااح....

فرح"خرجات من الكوزينة كتجري مخلوعة" : عصام ؟! هاني"شافت وجهو مضروب من العين والفم" اويلي مالك ؟!

عصام : فين كنتي ؟!

فرح : م ماكنت فين والله غير فالدار علاش ؟!

عصام"قرب لعندها" : عمر داك ولد القحبة ديال الطبيب حاشا خليقة مو واش يكون طبيب تلاقا ليك ؟!

فرح : شكون الطبيب !!

عصام"خنزر فيها" : طلقيني من الملاوي الكحل بلا كثرة تكوليخ على دينمي...

فرح : وا زين الدين ؟!

عصام"تبسم بغيض" : وحااافضة ليا سميتو الالة معندي ميتسالك...

فرح"مفهمات والو حدو قلبها كيضرب بجهد عرفات بالي تلاقا بيه " : ااا ممم ا هو جا سول عليك و جريت عليه...

عصام : فين جا وامتا ؟!

فرح : شي سيمانة هكاك مابقيتش عقلت فاش كان فوزي مريض وكنتي عند دار خويا صطوف...

عصام : غا مرة وحدة"شافها بدات تفافا" هضري نيشان لا ندوفر عدو ربك فهاد النهار...هضريييي

فرح : ج جوج مرات مرة تلاقيت بيه فالكلينيك فين خدامة غير جا تما والله مخدام فيه والله ...ومرة فاش جا هنا والله صاااافي...

وعصام"كيقرب ليها" : وعلاش ماقلتيهاش ليا ؟ وعلااااااااااااااااااااااش"غوت تا قفزات وغمضات عينيها" ماقلتيهاااااااااااااااااااااااااااش ليا الحبس علااااااش ؟ واااش "ضار عاض لسانو بالفقصة" يااااااااااااااااربي يااااربي را عرق فراسي غايطرطق ...وعلاااااااااش القلاوي ماقلتيهاش ليا .

فرح"بدات ترعد" : خ خخ فت خفت وزايدون جريت عليه والله اعصام عارف اش دار ليا انا لولة مغاديش نبغي على راسي نعطيه وقت وعاد مابغيتش صداع ينوض بيناتكم..و

عصام"قطع عليها الهضرة" : نااااااااااااااااض الحبس نااااااض ...مية مرة وصيتك وعاودت ماتخبي عليا تاحاجة وصيت وعاودت ؟ لمن كنهضر ومعامن كنحاجي معااااامن...انا هنا وفوزي حنا خوتك رعاوين كامبويات ؟!

فرح"حركات راسها ب لا"

عصام"بقا شحاال كيشوف فيها وكشاكشو خارجة"

فرح"بخوف عليه" : عطيني نداوي ليك وجهك ...عافاك وسمح ليا..

عصام"هز ايدو موقفها " : بعدي من خليقتي يرحم بوووك...فوتي جرتي لا تسمعي مني كلام يبقى يحفر لدينمك فخاطرك الى يوم البعث...

فرح"حدرات راسها"

زين الدين مشا معصب بجهد من موقف وهضرة عصام وخا عارف اش غايكون لكن ديييييما الكلام الي كيخرج من فمنا لازمنا ديييما نوزنوه ...جا لعند عصام بدافع التفاهم والاعتذار حتى مشا من عندو وكل واحد فيهم هاز من جيهة لاخور...لا عصام بغا يسمع ويتفاهم ولا زين الدين صبر لهضرة عصام الي كانت على مقولته "سهام السم من الفم"....دخل لسيارة الي وقفها فالشارع لاخور سد الباب بجهد تا قفز الحسين الي كان كيتسناه....

الحسين"شاف ليه وجهو تحت عينو تنفخ تا زراق وقريب يتفلح وجنب فمو وصدرو الي تعرا من فوق" : الله اولدي اش وقع بيناتكم...

زين الدين"الصمت فاش كيكون صاعر مكيهضرش..سد صدافي القميجة ولاخرين تقطعو...كسيرا بطوموبيل بدون ميقاد سانتيغ تا تهزات من لارض حتى شد الحسين فالباب"

الحسين : اولدي تهدن الله يرضي عليك...تهدن...

زين الدين"والله ماجاوبو ماكيشوفش لان عقلو فالي وقع قبل قليل وصورتها بين عينيه مابغاتش تحيد وكل مكيتفكر عصام اش قال كيشوفها كيزيدي يصعر ويكسيري حتى ولا صدرو منفوووقخ وعينيه لونهم ولا حمررررر كيشوف غير فنقطة معينة وصوت الحسين مكيتسمعش ليه مكسيري مكسيري مكسيييييييييييري تا فيقو غير صوت الكلاكصون ديال رموك وايد الحسين الي جراتو باش توگض عاد نقص وطلق سينيال لجنب وتوقف "

الحسين : الله اولدي الله تكتاب ليا عمر جدييييييد ...

زين الدين"كيشوف قدامو"

الحسين"طبطب ليه على كتفو" : صلي عالنبي اولدي صلي عالنبي ...رخف فيك النفس وتهدن...الي بغاها الله هي الي تكون...تاحاجة مستاهل هادشي وهاد الصعرة..."هنا زين الدين ما شعرش براسو حتى غوت بحر جهدو تا بانو العروق فنواضرو وبانت الحالة الي فين وفين كتبان فيه الا اذا صعر على حاجة عارفها غاتهلكو او وصلات بيه الغضب لانه جمع بزاااااف...عينيه خرجو وهو كيغوت تا خلع عليه الحسين وعرفو زصل لافان فهاد الموضوع الي بغا يتاكد وهاهو اكد ليه شكوكو"

زين الدين : تستاااااااااااااااااااااااااااااهااااااااااااااااال تستتااااااااااااااااهلللللل"خبط الفولون خبطات متتالية بحر حر جهدو كيخبط ويعاود "تستاااااااااااااااااااااااااااهل سمعتيييييييييييييييييييينييييي تستاااااااااااااهل جااااااااااااااات عليها...اناااااااااااا الي ولد لحراااااااااااااااااااااام"عاود خبط الفولون "

الحسين"شافو غايتفقص ويمرض وهاد الصعرة كتمرضو حاول يهدنو" : واااايه تستاهل تستاهل اولدي جات عليها بنت الناس الله يرضي عليك تهدن والي بغيتيه غايكون...

زين الدين"حط صبعو على فمو" : مباااااااااقييييييش نعاود نسمع هادشي...القوااااااااد الي حطو بغا يوقف ليا جدرة فالطريييييق"خرج عينيه على جهدهم...كينهج"

الحسين : والو منعاودوهش انا راضي عليك...لا فمكتااااب اولدي ميحيدها العبد...

زين الدين"خبط نواضرو وعاود" : دخلااااات هنااااا هناااااااا..." هز راسو لفوق" وااااااالرب العالي يا الرووووح عليييييييييييييييهاااااا طيييييييح ....

يتبع...