محتوى القصة
الله اكبر الله اكبر...صوت اذان الفجر باحدى المساجد القريبة من المشفى..اذان يقشعر له البدن..ضو احمر كيدور سنى ليها فعينيها ديال الاسعاف داخلة لمصحة...وهي واقفة قدام شرجم مهبطة ايدها وايد شادة بيها دراعها...كتشوف فالناس لتحت داخلة خارجة والاسعاف داخلة...رواج فديك اللحضة بقات حااااضية حتى خرجو المريض من الاسعاف كلو مغطي مخلين غير شوية من وجهو دايرين ليه قناع الاكسجين كيبان حجمو صغير رجحات انه يكون طفل !! ..بقات كتشووووووووف كيفاش واحد واقف كيغوت وهما مدخلينو ديك ساعة...مكتسمعش مزيان شنو كيغوت يقول حتى حلات شرجم شوية وهي تسمع غواتو...
هو : واختيييييييييييي ماتخلينيييييش اختي واااااختي عتقو ليا ختيييييييييي هي الي عندي"شادينو وهو كيتهز ليهم تالسما ويتحط" وااااااعععععععععععع وااااااختي ختي هادي انا الي ربيييييييييييتها واااااااااااااااااربي يلاه عندها تسع سنييييييييييين...وااااااربي را واليدينا مكاينييييييييييينش وانا مقابل بنتي بنتييييييييييييي هادي وااااعتقووووها ليااااااااا ععععععععع...
بقات حاضياه بعينيها حتى دخلوه..ماحاساش بدموعها الي نزلو قطيرات فحال الحجر صغير..قطرة لولة ثااانية ثالثة حتى تابعو وهي كتسمع غواتو الي طنطن ليها راسها...رجعها لذكرايات الذكرايات..ذكرايات الي تعيا تمحيهم من دماغها مستحيل تمحيهم من قلبها...وخا تحاول تخبي وتغطي باش ماكان عمرها تمسح النصف الاول من حياتها النصف الي عمرو مات ولا يموت...النصف الي تخمد وتسد عليه انما يموت !! عمر الذكرايات الي عشناها ولو كانت بسيطة انها تموت وتنسى...ذكرايات الي كبرنا فيها..عمر الفطرة مكتمحى ولا تنسى ببساطة...
في احد الايام من السنوات الماضية...السنة الي كانت سنة نجاااح بامتياااز عندها...من بعد جهد اشهر ديال البريباراسيون للباكلوريا تخصص علوم فيزيائية...من بعد سهر الليالي حتى لصباح واحيانا مكاينش النوم حتى كيدخل يلقاها نعسات فوق بوليكوبات والسيريات ديال الفيزيك والماط...
فرح"خرجات من الكوزينة هازة بلاطو فيه قرعة الما وكاس...كيترعد فايدها حطاتو ليه بجهد تا قفز" : سس سمح ليا سمح ليا...
عصام : مال ملتك الحبس...
فرح"جلسات وسهات ماسمعاتو كاع اش سب تم"
عصام : امالك !!
فرح"الصمت"
عصام"خبط فوق الطابلة تا طارت ونزلت" : واهضرت معاك الحبس اش كاين مالك !!
فرح"صرطات ريقها وجهها ولا صفر بالخلعة" : اليوم يتعلقو نتائج فالليسي...
عصام : معاش ؟!
فرح : الخم"صرطات ريقها" الخمسة ديال العشية...
عصام : ومال وجهك هارب منو لون !!
فرح"جاتها البكية" : خايفة اهى...
فوزي"جاي من بيتو كان يلاه مدوش من العرق واليوم الجمعة مكيحلوش الحوانت ديالهم...جلس وعنقها بجنب" : خايفة تسقط وتملخ مها عصى...زيدني معاك تانا طرح والرب المعبود يا بنتي يا فرح وماتنجحي تانزيد مك تريشي ليا دجاج فالحانوت...
فرح"انهارت مخلوعة وكمل عليها" : اااااااااااااااا اهى اهى لا لا بغيت نجح لاااا..."بدات ترعد بالخلعة" بغيت نجح بنقطة زوييينة...
عصام"هز تيليكوموند الي كانت فايدو ماعندوش سوق هو يشير باش ماكان...زف بيها ل فوزي جابها ليه لفم عباااااار خلاه كيترطى." : نعاود نسمع بو مك كتهضر فحال هاد الهضرة ديال الملاوي بلا عبار ندفن مك فزوبية...
فوزي"شاد فمو كيوزوز" : وتا را غير ضحكت معاها عارفها قراية..اححخح
عصام"عض لسانو وهز ايدو بغى ينوض يعطيه" : بالرب تانوض ندوفر مك.."جهد صوته" سد عليا ملاويك...
فرح"غانسة راسها وتبكي وتدلك فصباع ايديها بتوتثر وخلعة" : انننن اهى اهى...
عصام : نوضي اجي نتي لهنا حدايا...
فرح"ناضت بلهلا يحزقو ليها علاه هما يقدو يقولو ليه لا فهاد العمر الي كانو فيه...جلسات حداه"
عصام : الى مانجحتيش"بدات تبكي" واسكتي يسكت لبوك ريح الحبس سكتي لا ندوفر مك معاه..سدي عليا فمك.."سكتت كتنخصص بالحس" هانتي منجحتيش !! اش بغيتي ديري ؟ مالي غادي نجري عليك ؟ وكاع لا ينجح بوك نتي كاااع وجلسي حدايا ديري الي عجبك والي بغيتيها توصلك حتى لعندك..وحلنا فالقرايا !! كاع الي تبكيك وتمرضك ماعندي مندير بيها يحرق ملتها الي تبكيك ليا...مسحي دموعك ونوضي غسلي وجهك ويلاه تحركي ليسي نشوفو اش درتي...حتى منكونش عارفك ونگول مديري والو...
فرح : ب بغي بغييييت مونسيون...
عصام : مونسيون الي بغيتي واصلة ليه...كنعرف فرح الي ربيت ماشي ربيت الخلا...عارف بنتي اش كتسوى...عارف بنت گلبي شكون هي...
فوزي : راكي اخت عصام مش اي كلااام..."باقي فمو ينغل بزديح ضربة"
فرح"حدرت راسها وشابكت ايديها وهي تكى على كتفو حتى دور ايديه ورا ضهرها وباس ليها راسها"
عصام : يلاه نوضي شوفي اش درتو نتي وصفاء..والحفلة على حسابي...اش بغيتي مزال !
فرح"شافت فيه بنص عين هازا راسها" : الكادو ! تيليفون الي وصيتي ليا عليه...
عصام : وصل سيمانة هادي..اش تاني !!
فرح : الفلوس باش نشري حوايج باش نسافرو لواليديا وشمال..
عصام : اخر شهر تمنية نتحركو...اش مزال !!
فوزي : راجل هو الي بقى لمك...
وكان كلام فوزي خلاها تضحك وسط قوقعة تفكير فالماضي الذكرايات الي مرات....مسحات دموعها وهي تجمع ضحكة وتنهدااات....
واحد الشوي حتى تدق الباب وهي دور تشوف شكون الي غايدخل فهاد الوقت الي مفروض هي تكون ناعسة فيه...حتى تحل الباب وهو يتمد عكازو وطل براسو بانت ليه مكايناش ففراشها بالخلعة عيط بجهد وهو يدور لقاها واقفة عاد تنهد من كثرة ماتخلع خاف لا تكون دارت فراسها شي حاجة...وخا محطوطة فغرفة خالية من اي حاجة ممكن تخليها تضر بيها راسها...
المحجوب : بنتي فريحة اش مفيقك !!
فرح"بقات كتشوووووف فيه لثواني معدودة..وهي دور شافت فالشرجم ونطقات بصوت مبحوح منخفض" : مازال ماحاساش بنعاس...نتا الي اش مفيقك !؟
المحجوب"تقدم بعكازو ناحيتها ووقف حداها كيشوف فين كتشوف هي" : كنت متكي فهاد شومبرة الي حداك باقين يديو فيا ويجيبو فالتحاليل...تانخرج انا واك(وياك) بعد غذا ويكون خير...ايوا وفيقني الفجر نصليه وجيت نطل عليك منصيبش مانطل عليك اكبيدتي...
فرح"حركات راسها ورجعات سهااااات تاني...ذكرايات على ضمير كيعءب على نفسية محطمة..على خيبااات امل..خذلان من طرفها ومن طرفهم...عذاااب ضمير كياكل فيها...صحوة من صدمة كبييييييرة خلاتها تولي انسان ثاني...انسان فاقد للحياة..انسان لجأ لانهاء حياتو باش يرتاح من هاد العذاب النفسي المتكررر والي مايحس بيه تاحد من غير الي مر بنفس التجربة...اما شي حد اخور غادي يخسر فقط انه معندهاش ثقة فراسها ان هادشي مجرد قلة عقل وانه يا هبيلة يا كتفشش مكاينش تفسير اخور عند الانسان الي معاش والو من هاد المشاكيل والصدمات النفسية...وما كيتافقو انه مريضة نفسيا حتى كتلجأ لوضع حد لجياتها وكتموت عاد كتكتر الاقاويل..ااه مسكينة كانت مريضة ااه مسكينة كانت كتعاني مشاكل نفسية...او فاش كتق..تل شي حد عاوتاني نفس الجملة...لاننا ببساطة فمجتمع مكيرحمش الانسان الضعيف. بكل بساطة...
المحجوب : ياكما تبغي تصلي !؟
فرح"ضارت جيهتو" : وربي غايسمح ليا من بعد هادشي الي درت فراسي !!
المحجوب"تنهد" : حنا انسان ماشي ملايكة باش نكونو ديما على حق..فينا الي معقول وفينا الي العكس...فينا الي يصبر وفينا الي عديم الصبر...كل وكيفاش قابل مشاكيلو..وكل واش عطاه الله..الى نتي ندمتي على اش درتي وحشمتي من الله سبحانه طلبي سماحة ورجعي لصلاتك متفرطيشاااي فيها...باب التوبة مفتوح عند رب العالمين...رجعي ايمانك بالله ومادامك حشمانة منو هذا كيعني راكي كتامني بالله سبحانه وعارفة العقاب الي كاين..ثيقي فراسك وفالي ضايرين بيك مكاين حد فهاد الدنيا ملاك كل وعيبو وكل ومحاسنو...لا شفتينا قسينا عليك غير من محبتنا ليك وباغينك توگضي وترجع الفرحة الي عرفنا الي مفرحانا والي كانت فرحانا واحد الوقت وعمر ضحكة خطات وجهها وعمى الاداب قللاتوو على الصغير والكبير..."طبطب ليها على كتفها" الله يفرجها عليك ابنيتي الله يفرجها عليك...هاني غانتوضى غير هنا عندك...
هادو كانو كلماتو ودعواتو...بصح فرح الضحوكية...فرح الاجتماعية غابت من نهار الي تهرسات من طرف زين الدين هذاك هو اليوم الي غابت فيه ضحكتها على حسب تفكيرها هي وكيفاش رجعات ذكرياتها...
~~~~~
فوزي : والحبس وااااالحبس تخرج ااااه تخرج مالها اش خاصها ااا ااااش ؟! بغات فلوس انا نعطيها بغات تكسا انا نكسيها ميخصها تا خير ...باش تبقى ليا عند واحد قوااااد ما عقل عليها نهار لول يعقل عليها دابا ؟! ...
....
فرح"كتفكر هضرة فوزي كتعصرررر عينيها وتزيييير على ايدها المضروبة بلايد لاخرى حتى كتقطع فيها النفس" : انننننن....اهى اهى...
عصام : راني حلااااااااااااافت ابنت الق*** ولا حفات ليك اجي حنتيني...ماضاربش عليك الكرفي وماعاطيش لحمو لدنيا تنهش فيه ماهزكش لحمة كانت غاتلاح فزبل ومايعقلو عليك...والله ابنيتي لاكان ليك لاكان غا من جيهتي...وضفري معايا شيب نتي كاااع..
فرح"خرجات فيه عينيها" : هادشي على قبلو ؟ ااااااااااه واااااااااه على قبلو حيث يستاااااهل يستاااهل انا سمحت ليه وعجيتو فرصة وتعامل معايا ولد الناس وعمرو هز فيا العين بقلة احترام كنهضر معاه ويقوليا بنت عصام بنت عصام خوتك رجال...ماعمرو من عليا كي منيتي عليا نتا وحررتي عليا العيشة غا حيث ربيتيني وهزيتيني بسنانك؟ بنااااااااااااقص منك ومن تربيتك وعيشتك بناقص منك لا خدمة خدمتها لا زواج تزوجتو انا غا منحوسة الراجل الوحيد الي بغاني حرمتيني منو... جري عليا اسي ولا لوحني تا دابا فزنقة...اسيدي بناقص منك ومن خاوتك ولا تربيتك...
وهي كتفكر ماحسااتش براسها وهي مزيرة على ايدها الي مضرورة...كانت لابسة بيجامة فيها بيض وگري ديال موبرا ببينوارها الي عقداتو وناضت كتشوف فالشرجم ملي طار عليها نعاس...ماشافتش دمايات الي بداو يخرجو من ضربة ماحساتش بصداعها بقد مكانت سخووونة وهي كتبكي وتفكر...صدمة خيانة زين الدين بالنسبة ليها خلاتها تفيق على شحاال من حاجة...كانت قاتلاها هي براسها كانت مجمداها وعايشة حياتها مع زين الدين...الصدمة كتعالج بالصدمة وهذا يمكن الي وقع بدون قصد...حتى بدات كتخرجها من قوقعتها...لكن واش سمحات لعصام وسط هاد تانيب الضمير الي كيقوليها انه حدروها منو وهي تحداتهم ووقفات فوجههم...ولكن انها تنسى شنو دار عصام عمرها ماتنساه والذكرى التالية خلاتها تفكر شنو دار ليها من بعد....
عصام :.تا دابا خرجي من هنا وعمرك باقي تعرفي عصام هنا خاوتنا سالات الى يوم الدين...
تحناات على رجليه معنقااهم بكل قوتها كيجر فرجليه وكيجرها معاه تاهي كتجر فداك تراب وتغوت ماتسوقاتش لناس الي تجمعو ماتسوقاتش لشوهة ترفعات ودخلات فواحد القوقعة فيها غير هي وهو...كتحس بحال الى كتحلم وهادشي مكاينش وغاتفيق تلقاه كيقوليها بسم الله عليك مالك...
فرح"كانت لابسة بيجامة فيها بيض وگري ديال موبرا ببينوارها الي عقداتو وناضت كتشوف فالشرجم ملي طار عليها نعاس...ماشافتش دمايات الي بداو يخرجو من ضربة ماحساتش بصداعها بقد مكانت سخووونة وهي كتبكي وتفكر..هزات راسها لفوق كتبكي وتشهق.." : اهى اهى...حطات طرف كمايمها على حنكها كتمسح دموعها وهي دور جيهة كبوط جدها ومشات كتزرب لجيب هزات منو الفلوس..."
المحجوب"حل الباب وخرج كيطوي فكمايم تريكوه حتى هز راسو يشوف وهو يلقى غير ايديه والريح الغرفة خاااوية" : فرح...
فرح غادرت الغرفة كانها مكانتش فيها قبل قليل...حس بشي حاجة ماهياش...حس بيها رجعات دارت شنو هدداتهم بيه الا وهو عمرهم باقي يشوفو وجهها...
خرج من الغرفة لقى فوزي جاي كيعرج وشاد فايدو كوبلي ديال قهوة كيهضر فالتيليفون"
فوزي : صافي زين الدين كون هاني...
المحجوب : فوزي فين ختك اولدي ؟؟
فوزي : كيفاش فين هي ؟ ياك فالشومبر ديالها ؟!
المحجوب"هز ايديه وحطهم" : ماكايناش راني دخلت نتوضى خليتها واگفة فالشرجم الي خرجني لقيتها طارت...
فوزي"قلبو نزل فكرشو ايدو ترعدت تا طاح ليك الكاس بقهوته مشى كيجري يقلب عليها والو مكايناش سول عليها كاع الي لقاهم تما فالاستقبال سول المستعجلات داك الكلينيك كاااامل فلاه...المحجوب يقلب هنا فوزي يقلب هنا ساعة ونص وهما يقلبو فالكلينيك فوزي مشى كاع خرج من الكلينيك وقلب حتى لقى راسو غادي سارح وهو يجري ويقلب وعينيه مغممين بالدموع قلبو كيضرب بجهههد خايف لا تغبر عليهم تاني...
فوزي : فرح وااااافرح ختي ماديريهاااااااااااااش اختي وماديريهاش يرحم ليك الواليدين...وغا رجعي الي بغيتي نديرووه..."عيا وهو يقلب حتى تمات جايا سيارة زين الدين مسرعة وقفات ليه عند رجلو ضرب فران مجهد تا ضارو كاع الي تما كانت سبعة ديال صباح الشمش بدات تبان"
زين الدين"شعرو مخربق" : فين هي فرح !! فوزي فرح فوزي فرااااااااح..."عينيه خارجين" فين هي فرح ؟؟
فوزي : ماعرفتش ماااعرفتش..."كيدور هنا وهنا تلفات بيهم دنيا"
زين الدين : امتى خرجات !!
فوزي : مع الفجر يمكن راني ساعة ونص هادي وانا نقلب...ونتا فالطريق ماقشعتي والو ؟؟
زين الدين"عينيه خرجو مابقاوش كيرمشو..مايمشي بالو غير لعصام لا تكون مشات عندو زعما مادام ذكرات خوها...جبد التيليفون من جيبو ودوز ليه الخط"
عصام"كان ناااعس يلاه غمضات ليه عينو من قلة النوم بكترة التفكير...جتى صونا تيليفونو وهو ينوض شاهق" : بسم الله الرحمن الرحيم..."هز تيليفون جاوب فالبلاصة" فرح مالها ؟!
زين الدين"كيبغي يهضر كيتقج ليه صوته" : انا عااااارف مكايناش عندك...فرح "بالدعقة" جات عندك ياك ؟
عصام"بالخلعة ناض وقف" : ختي تجي عندي ؟"ضحك بلهلا يطريه ليه" كترة الهم كضحك...ختي فين مشات اولاد القحااااااااب ختي فين مشات اولد القحبة الي امنتك عليها...فين مشااات ختي فيييييييييييين...تشتت لينا الشمل تاني تشتت لينا شمللللل"بح ليه صوته"...
زين الدين"عينيه ولاو حمرييين حجبانو تقوسو خاطرو كيبكييييي...دور وجهو لهيه...حتى قطع عليه..لاح تيليفون بنترة لداخل فطوموبيل وهو يحدر راسو وبقى نازل نازل نازل تا جلس فلارض وسرح رجلييييه مالقى مايقول مالقى جهد...مكانش باغي يجي يشوفها حتى يتبت ليها بالي ماشافش فبنت المراة من غيرها بالرغم ان هضرتها كانت حقيقة لا يمكن انكارها...وهضرة عصام تاهي...حط راسو على الطوموبيل وهز راسو لسما...حتى من فوزي خلاه هكاك ومشى كيجري يقلب عليها....
7:45 ديال الصباح....الناس الجيران الوليدات صغار غادييين لمدرسة...تم دايز واحد منهم وهو يوقف كيطلع ويهبط كيشوف
هو : شوف كمايم ايدها فيهم د.م...
صاحبو : هبيلة هادي.." جرو صاحبو وهربو بزوج كيجريو...بخطوات بطييييئة بالقب مديور على شعرها مكمشة فالبينوار ايدها كتعطيها صدااااع كتزدح ودايزة بالد.م متسوقاااتش ليها...البررررررررررد قارص فداك الصباح جايا وكتحك فكتافها وترعد...جارة بانطوفتها وتسحت بمنخرها وتقفقف...حتى دخلات لدرب وهي دور ووقفات واحد المدة شوية استانفات الحركة حتى وصلات قدام واحد الدار وهي تحط حجرة وجلسات كتمشي وتجي تمشي وتجي بضهرها...وهي دور هزات حجرة وبدات دق بيها فالباب بجهد دق وتعاود دق وتعاود....حتى جهلات وهي دق...تحل الباب وخرج الموطور وقفو بغا يبدا يسب يشوف شكون....
فرح"بدون شعور بدات تبكيييييي تبكي تبكي وتنخص وهي تلوى ليه على رجلو...نفس اللقطة...نفس الحالة نفس البانطوفة ولونها..هزات راسها لسما وغوتات بحر جهدها" : وهاااااااااالعااااار سمح ليا هاااااااااالعار اهى اهى...
عصام"عينيه خرجو..تهز حتى لسما وتحط حتى تكب عليه شي عرق شيييييييييي عرق بااااااارد...حس بقلبو فرفر بجهد تا بان ليه ضو بيض ومشات دنيا وجات بيه...مامثيقش هي الي معنقة رجليه وتبكييييييييييي وتنخصصص...واحد المنضر خلا ناس الي دايزة توقف وتشوف ودير ايديها على فمها مصدومة.."
فرح : اهى اهى گلتي ليا مايصلاحش ليك وانا مسعتششششش اهى اهى واااااااااااخويا بويا الي تسندت عليه وغدرتو..واخويا الي قللت اصلي معاه..."هزات فيه راسها كتشوف فيه هو مصدوم مسكين ماعرف باش تبلى فحال الى دنيا توقفات عندو...حتى بدا يغلي يغلي يغلي تا شهق وهو يتحنى لعندها اللقطة الي بغات هي فشحااال هادي هاهي وصل وقتها حتى ضرباتها دنيا وكرفصااتها...وتلاوجت وتمرمدت ورجعات لحياتها الي عاشت فيها مرتاااحة وهي تحت جناح عصام"
عصام"وقفها من بيطانها فاشلة بزز باش وقفت عينيها دخلو وعنقها عواج بالضيم والبكى..مد كفوف ايديه هبط كمايم تريكوه وقرب لكل عين مسحها من دموع حيد جاكيط ديالو ورماها ليها على كتافها وبيها جرها خشاها فحضنو معنقها بايديه بزوج حتى شهقات ليه وسط حضنو" : راكي بنتي قبل متكوني ختي...راكي دمي وعمر دمنا يولي ما...انا الي سمحي ليا فرطت فيك"خشى وجهو فشعرها وباسها"
"كيف يتم اقناع الغصن المنكسر ان الريح قد اعتذر..."
سامح ، فأنت أيضاً كُنت سيئا يوماً ما ."
❦
خيبات الحياة وكسر الخواطر وشعور الفقد أتعب قلبي ومزق نياطه فيا ليتني لم أعتد وجودك حتى لا يقتلني فقدك...
.البيت او الدار الي عام وهي غايبة عليها تقريبا...ممثيقش ان فرح هادي الي قدامو مامثيقش بهاد السرعة رجعات لدارهم راسها برجليها وهو الي كان كيتسنى الفرصة باش يتسامحو بيناتهم...مكانش متوقع انها غاتجي لعندو بهاد الشكل المكسووور المستسلم..كانها كتقوليه مالقيتش حتى راحة فشي بلاصة من غير كيف كنت معاك وعايشة تحت جناحك...وبطلبها السماحة منو كانها كتقوليه وصلت على هضرتك وبالي الي دارها بيا المرة اللولة دارها بيا ثاني وانا الي متيقتش هضرتك...كيشوف فيها مكسورة وفنفس الوقت هادشي مكانش باغيه مكانش باغي توصل الامور لهاد النتيجة...مراضيش على الحالة الي وصلات ليها...محمل راسو بنسبة كبييييرة ذنبها والنسب الاخرى مشتتة...
دخلها لدار...اول بيت كان قدامو هو الي دخلها ليه كانت كترجففف بالبرد وهي وسط حضن خوها...
فرح"كتقفقف بالتبوريشة والبرد وايدها كتغلي بالصداع" : ففففف...
عصام"كيحك ليها على كتفها باش تدفى" : تكاي هنا نجيب ليك الغطا...
مجاوباتوش عينيها مناشفينش من دموع...جلسات فوق سداري وعاونها تا تكات وهو يمشي بزربة لبيتها حلو نيشان لمانطتها الي كانت مطوية فالماريو هي اول وحدة هز وزاد مانطة اخرى ورجع لبيت كيزرب خايف لا يرجع يلقاها مشاات ولا غير كيحلم..سبحان الله وماجاب ليه عقلو فهاد اللحضة...غطاها بالمانطات بزوج...
عصام"كيخشي فالمانطة تحت جنابها وهي كتشبت بديك المانطة كتزيد تجرها عليها وترعد...حتى قشع ايدها الي مطلية بالد.م بحكم ماشافهاش من صدمة مجيتها ماردش ليها البال" : ايدك ؟؟؟.."شدها من دراعها وهز الكمايم تا بانت ليه فاصمة عامرة" ايدك افرح دايزة...
فرح"الصمت"
عصام : نوضي معايا لكلينيك...
فرح"..كاتهز فيها تبوريشة وتحط" : لا لا خليني هنا ماتديني لتا بلاصة اهى اهى...
عصام"خرج عينيه" : كيفاش نخليك ؟؟ واش ماحاساش يهاديك لايد !! نوضي نديك غير هنا هاني معاك حتى يشوفوك ورجعي لهنا...نوضي الله يرضي عليك ماتشطنينيش عليك...
فرح"تنهدات مخرجة تنخصيصة معاها" : انا مابغيتش نبقى نشطنكم عليا مكاينش لاش تشطنو عليا...انا عييييت بغيت نرتاح...
عصام : ترتاحي فرح ترتاحي...غير نوضي...
فرح : ماقادراش باقي نوض عافاك اهى اهى خليني هنا"كتجر فالمانطة وتعاود من كثرة تبوريشة بالبرد..."
مابقاش هضر معاها خلاها فبلاصتها ومشى لباب دخل الموطور وسدو حيث خلاه محلول فطريقو كان كايدوز لخط ل صطوف حيث ماعرف مايدير تلفات بيه الدنيا...
عصام : الطبيب الي حداكم بغيتو يجي دابا
صطوف : نشوف ليك واش كاين بعدا...
عصام : وماتشوفش ضبر فيه الحبس...ختي هنا مريضة الجرحة تحلات ليها...وانا نتسنى جد مك تا تشوفو ليا الله يغرق لبوك الشقف...
صطوف"صدمو" : كيفاش ختك ؟ فرح جات تما ؟ تا كيفاش..طيطيطيط"قطع عليه خلاه كيبرق"
قطع عليه ورجع البيت كيطل عليها باغي يتحرك يشوف طبيب ولا صيدلية ماقدرش يتفاوت عليها تا ضارت بيه دنيا...من عند الله دق الباب وهو يحلو دغيا حيث كان حداه تا لقاها صفاء هازا ميكة وصاك فدراعها...
صفاء : صباح الخييير...انا غادي نمشي عند فرح نشوفها الى بغيتي ندي ليها معايا شي حاجة !!!
عصام : فرح !! فرح هاهي هنا فالدار...نسييييييييتك نتي دخلي شوفي ليها ايدها....
صفاء : ايه غانمشي عندها لكلينيك نشوفها ونشوف ايدها...ندخل هنا را عيب نتا وحدك وانا ندخل وشيطان حرامي..عضيم طيو الي نرزاق والعضلة في سبات...تا لا شديتي شي قنت يضربك ضو...
عصام"غمض عينيه وحلهم" : واش كتخربقي عليا الحبس !! "جهد صوته تا قفزت كتصرط فريقها" والحبس فرح لداخل هاهي فالدار هنا...انا باش كنهضر بااااااش !!!
صفاء : تا مالك تتغوت عليا..فرح اش غايجيبها عندك !!!" حتى صقلت وحلت فمها شوي..بدات ترمش فيه..ضارت برا كتشوف ورجعت ضارت كترمش فيه" شكون فرح الي عندك لداخل ؟
عصام"خرج لسانو طواه وعضو وهو يمد ايدو لدراعها وجرها تا زوات دخلها لدار وتم غادي بيها بزربة تال بيت ووقفها مقابل لفرح ." : وطيري شوفيها ليها...
صفاء"بالصدمة لاحت الميكة من ايدها وحطات ايدها على فمها...هي كتشوف ففرح وفرح كتهز وتحط بتبوريشة حناكها تزنگو حتى خرجات ايدها المضروبة بغات تجر بيها المانطة.." : فرح ؟ فرح رجعاااات هنا ؟"دوك دموع تقولي كانو على سبة دغيا دارو فررررر نزلو...قربات ليها وتحنات عندها" فرح ختي هاني جيت نشوفك...باش كتحسي شوية دابا ؟؟
فرح"بصوت منخفض بدات كتشد فيها السخانة" : برررد برررد ايدي صداااااع....
صفاء : واخا نشوف ليك"مسحات دموعها وعاودو نزلو منضرها كيضر فالخاطر...هزات ليها ايدها عراتها من فوق الجرحة وهي تلقى الفاصمة عامرة...ضارت عند عصام" خاصها تمشي لطبيب اعصام باش يعاودو يخيطو ليها الغراز تفتحو وغايديرو ليها التهاب ويمكن هادشي بدا"ضارت حطات ايدها على راس فرح لقاتو طايب" هالي گلت....
عصام : مابغاتش تمشي ليا لكلينيك انا هادشي غادي نساااه ؟؟ كي ندير ليها غا گولي "عينيه كيوساعو ويدياقو بالخوف"
صفاء : انا غادي نمشي عند دكتورة بلغازي هاهي سكنات ورانا كنعرفها من الكلينيك دابا تكون فالدار هي الي تنفعنا...
عصام"بخوف متلهف يدير شنو ما قالت ليه" : ايه ايه هي دابا...
صفاء : هانتا عطيها خافض الحرارة الي كتشريو ديما يمكن عندكم !! عطيها تاكل شي حاجة بينما جيت انا وطبيبة ..
حرك راسو وهي تنوض بزربة خلات صاكها والميكا وخرجات كتجري تعيط لطبيبة...دار شنو قالت ليه مابان ليه غير واحد دانون جيرفي كبير فالثلاجة..بان ليه زيف كيسان خشاه تحت روبيني تا سردو بالما وخرج لبيت كيزرب تحنى عندها حط ليها الزيف على جبهتها وهي تشهق...
عصام : شش صبري الله يرضي عليك.."حل دانون هز منو بمعيلقة" حلي فمك تاكلي شوية...
فرح"خسرات سيفتها" : مابغيتش مابغيتش...
عصام"هز حاجبو" : بغيتي متبرايش وتموتي وتخليني وحدي"جملة الطفولة"
فرح"فعز سخانتها ومرضها والمها...تبسمات فاش تفكرت تاهي الجملة"....
شاف فساعتو صفاء باقي ماجات...تفكر ان لاخرين باقي كيقلبو عليها كمش عينيه نسى باش يعلمهم من صدمتو بمجية فرح وفرحتو برجوعها مخلاتش ليه العقل باقي يتفكر شي حد...ضار جيهة تيليفون وهو يهزو قبل ماتجي صفاء..دوز لخط لفوزي الي كان اخر واحد هضر معاه من بعد زين الدين...
فوزي : عصام"كيلهت من كترة ماجرا وهو يقلب عليها" فينك !!
عصام : فينك نتا ؟ رجع لجديدة هاهي هنا عندي"تخالطت ليه ضحكة مع الفرحة والبكية" ختك هاهي هنا...
فوزي"وقف بجهد مخرج عينيه" : ك كيفاش فجديدة ؟؟ فرح فالجديدة ؟؟ وايلي عصام واااا عصاااام ماضحكش عليا يرحم بيها واليديك راني جاهل من لفجر وانا نجري رجلي بغات طير من بلاصتها بصداع ونتا كتگوليا هنا ؟؟؟
عصام : واش انا مسالي كري نتفلى على جد بوك البغل !!!
فوزي : هههههه صافي فرح كاينة تم ههههههه...هاني جاي نعلم زين الدين وبا ونجيو...
قطع معاه وهي تدق صفاء بزربة حل الباب وهما يدخلو بزوجات هي ومعاها واحد السيدة فعمر الاربعين سنة طب عام هازة شكارة فايدها...تبعات صفاء تالبيت فين كاينة فرح...
صفاء"هزات ليها ايدها ووراتها وشرحات ليها" : يمكن التهاب اختي رشيدة !!
رشيدة : سي انفلاماسيون...ديري شنو قلت ليك فاش كنا جايين..
صفاء : واخا...
عصام ؛ اش غاديرو...
صفاء : سير جلس فالكوزينة ولا البيت غادي تعاود تخيط ليها الغرزات الي تحلو وتنضف ليها البلاصة وتضرب ليها شوكة باش تهدن وتنزل ليها سخانة...
عصام : صافي خليني غا هنا..."ضار جيهة سداري وجلس مفرق رجليه وحاضيهم شنو كيديرو...بداو خدمتهم وضفاء واقفة على طبيبة حتى سمع صوت غوتة فرح وهو يوقف" اشنو مالها ؟!
صفاء : جلس اغير دارت ليها البنج...
رجع جلس وفنفس الوقت كيطل عليها كتبان ليه صفاء كتحيد فداكشي ديال لومبلاج شوكة والفاصمة والقطن وكتعطيها بيطادين ولالكول باش تعالج الجرح حتى جبدات واحد الخيط من لومبلاج ديالو عطاتو ليها بزوجات دايرين ليگانت شي ربع ساعة وهما معاها تا مسحات ليها ودارت ليها فاصمة ودورتها عليها بشاش مزيان وناضت طبيبة ضارت.عرات ليها صفاء المانطة حتى هبطات ليها سروال من لور عقمت وضربت ليها شوكة...كملات الاجراءات كاملين وهي ترجع صفاء غطاتها وتمات غادية طبيبة جبدات وراق لوغدونونص كتبات ليه شنو يجيب ومداتهم لصفاء...وقف معاهم شكر طبيبة بغى يخلصها..
صفاء : صافي عصام غير سير دخل عند فرح
رشيدة : نتوما من عائلة سي زين الدين مرحبا فاي وقت..
عصام : الله يكبر بيك اختي"حرك راسو"
صفاء : ارا ديك الورقة لهنا نجيب هادشي الي كتبات ختي رشيدة...
ماكانش كيضن انه ترجع هي برجليها لعندو...مكانش داير بحسابو انها تجي فلحضة هما كانو غافلين عليها دارو وخططو انهم يشدو معاها الخاطر لان الخاطر هو الحل الوحيد الي كاين عندهم...ماكانش عندهم خيار من غير يستسلمو ويخليوها على خاطرها...كيف ما قاليهم يونس شحال هادي...
يونس : مع الاسف مابغيتش نجزم ليكم ولكن فحالتها الي توصلت ليها..ان الاخت ديالك اسي عصام عندها عقد من صغرها تراكمو ليها وهي كتكبر وهما كيتراكمو كيشكلو ضغوطات...الي مرات بيه فالاونة الاخيرة ماهو الا نقطة فيضات الكاس لا غير...فهنا تكون لينا انفجار...يليه صدمة الصدمة الي طرات ليها بحكم كانت كتشوف فيك كلشي داك السند علاش كتكى الجناح الي كيحميها...عمرها ماكانت كضن انه شي نهار غاتجري عليها وعلى ماشفت دابا شنو واقع ليها تاكد ليا انها عمرها مفكرات مجرد التفكير انك تجري عليها وتلوحها لزنقة...فديك اللحضة كانت الصدمة اللولة.....الصدمة الثانية وقعات فاللحضة الي كانت كتصوني ليك بدون اجابة منك وهي وسط وكر الداخل مفقود والخارج مولود...فحلضة كانت غاضيع حياتها...هادشي كامل شكل لينا صدمة نفسية خلاتها تفقد الثقة تماما بكاع الناس الي عرفات الي كانت كتقول هما الامان هما الحماية...حتى جات البنت الي عاونتها مكانتش عاطياها ثقة فلول حتى عاونتها خرجاتها من ديك البلاصة وهنا بدات بداية الثقة العمياء فالناس الغرباء الي عطاو يد المساعدة...من البنت اللولة لاخر بنت الي هي مريم حتى لاخر شخص الي كيتعتابر براني وخا تكون كتعرفو لان معرفتها بيه مكانتش مدة طويلة...والي هو "شاف فزين الدين" نتا...فاش بدينا فاول خطوة وهي تعطي ثقتها لزين الدين الي هو واحد من الاشخاص الي عيطات ليهم وهو اقل درجة من فقدان الثقة حتى كسب ثقتها...تعلقات بيه تبعناه الحاج جدها طبعا..شوية بشوية حتى وصلنا لفوزي هنا بديت كنقيس درجة رد الفعل ديالها...الباقي كلشي عارفو...
عصام : كيفاش غادي تعالج دابا ؟!
يونس : علاجها الى ماجاش بالصدمة نفسها سي نو نقدرو نتسناو مدة طوييييلة على باش تفيق منها...
عصام : كيفاش الصدمة نفسها ؟
يونس"تنهد" : الصدمة الي دخلات فيها نهار اللول هي الي غادي تفيقها...يعني كيف فقدات فيك ثقة بسباب زين الدين خاص تقلب الاية وتفقد ثقة فزين الدين باش تفيق...هنا خاص زين الدين يضحي ؟ نووو ابدا...ميمكنش تخطط ليها الى ماجات راسها...يعني تجي تلقائيا وهادي صعيبة شوية خاص تطلبو زهركم سي نو خليوها على خاطرها انا نبقى معاها بالحصص خطوة بخطوة وهادشي غايطول...
رجع عصام من تفكيرو فكلام يونس...ضار جيهة فرح مامثيقش ان ربي كتب عليهم المكتاب وفاقت فرح بلا مايتسناو طول مدة علاجها..حدر راسو وباسها فجبهتها وحط راسو على راسها وتبسم فرحاااان....
لو جرت الامور بالتخطيط انها تفيق من صدمتها وترجع ثقتها فعصام كانو غايلقاو مشاكيل كبيييرة...ممكن تمرض فيها ممكن توقع ليها شي حاجة كتر من هادي الي فيها...ممكن تنعاكس عليهم سلبا...ميقدروش يغامرو لانه بعض الصدمات باش يفيق منها مولاها كتحتاج تخطيط مثل مواجهة الخوف بالخوف..مواجهة الفوبيا بالفوبيا..الخ..هادو امور كيتخطط ليها انك تهز داك الشخص وتحطو وسط مخاوفو مرة وزوج وثلاثة حتى كايتشافى بالتدريج...اما بعض انواع الصدمات النفسية مثل الي وقع لفرح فكتحتاج خبراء الصدمات نيت فمجال الطب النفسي هما الي كيعطيو تخليل الشخصية مع صدمة وهما الي كيفسرو شنو ممكن يوقع...فرح صدمتها باش تفيق منها محتاجة صدمة نفسها بدون تخطيط صدمة تجي راسها..لان التخطيط مغامرة كبييييرة وعواقبها اكبر...
دقان الباب فيقو من سهوتو ضار تا شاف ففرح ناعسة حناكها حمريييييين وفمها حمررر....ناض من بلاصتو حل الباب وهي تدخل هازة فايدها ساشية صيدلية...دخلات نيشان قلباتها...
صفاء : سخونة...
عصام : اش عطاتها ؟!
صفاء : هادو غير فاصمة وداكشي باش نسواني ليها ودوا ديال صداع الى جاها صداع ولكن مغاديش نعطيه ليها دابا..باش ماتولفوش وتبرا ليها ايدها دغيا...
عصام : علاش مخرجتش ليها دوا لسخانة !!
صفاء : را ضربات ليها شوكة دابا تنزل الى طلعات ليها ثانيماحنا فخير...انا غانمشي لكوزينة ندير ليها متاكل راها من الفجر وهي خارجة كيفاش جات لهنا انا بعدا دهشرتني...خلات كلشي مقلوب عليها فاش هضرت مع سيمو گاليا كلشي...مهم اش كاين باش نطيب ليها ؟
عصام : كلشي كاين اش بغيتي..غير قضي...
صفاء : الى خصتنا شي حاجة تقدا ...
عصام : لا خصات تقداي نتي را الفلوس فوق الرخامة تما..منصيبش نخليها ونخرج غير تيسري...
مالقات ماتقول ليه حسات بيه مامصدقش ختو رجعات وتفهماتو..بل انها فرحااات بشكل انهم تجمعو خصوصا ملي شافتو مشى ونزل لارض جلس حداها مسرح رجليه ومسند ايدو على السداري فوقاش ناعسة كيقاد ليها فالغطا ويقيص ليها فحناكها...تبسمات وعينيها مغرغرين وهي تمشي لكوزينة قلبها كيفرفر بالفرحة...فرح رجعاات لدارهم رجعات الحياة لهاد دار من جديد...دخلات لكوزينة دارت الحليب يفيض..جبدات ربعة البيضات بلدييين ترباتهم وطيباتهم فمقلة اومليط...دارت فوقهم كمون ومليحة كيف فاض الحليب خواتو فالغراف حلاتو بزوج معالق كيف كتبغي فرح..وجدات قهوة كحلة لعصام تاهو...حتى سمعات دقان شوية وهو يدخل عصام هاز فايدو ميكة فيها كومير وكرواصا...
صفاء : اشكون جابهم يا ؟
عصام : صونيت على سيمو هو الي مشى جابهم...
صفاء"خرجات عينيها" : تا سيمو جا ؟ علاش ماسمعت صوته مولف يغوت...
عصام : شدي شدي...
شدات من عندو قادت داكشي وهي تخرج بدات تحط لقات سيمو جالس حدا رجلين فرح كيشوف فيها خاشي راسو فطاقية كحلة لابس قبية وسروالها كلشي كحل فكحل...حتى ناض بدا يعاون فيها...
سيمو : لهبيرة رجعات !!
صفاء : انا را باقي لساني خارج بالصدمة..اسكت..
سيمو : زين الدين ماجاش ؟
صفاء : والله ماعرفت انا هادشي كيفاش...
سيمو : يكون جاي حيث خلاتهم قالبين عليها دنيا...بففف وليني مسلسل هذا مع هاد الهبرة...
صفاء : سكت دابا يسمعك عصام...فرحتو ماتعطيها لحد دابا...
حطو الفطور كامل وعصام باقي جالس فلارض حدا فرح مرة مرة كيقيص ليها فالحرارة...كبات ليه صفاء اتاي...وهو ينوض هز الكاس شرب منو وناض كيقلب على الكارو حتى بان ليه فوق الرخامة مع الفلوس...هز منو سيجارة وهو يتوجه لكوزينة عند شرجم حلو وشعل الكارو بدا يكمي وفنفس الوقت كيفكر فهادشي الي وصلو ليه دابا...عقل يدي وعقل يجيب حتى لقى راسو كمل سيجارتو حط الكاس ديال قهوة وشرب الما خلا شرجم محلول تخرج ريحة...وهو يرجع لبيت نيشان عينيه مشاو لفرح باقي ناعسة وحناكها حمريييين...شاف فصفاء هزات الكاس بغات تشربو ليها وهو يوقفها شد من عندها الكاس حطو فوق الطابلة وجلس حداها تحنى ليها عند وذنيها...
عصام : فرح نوضي تفطري...
فرح : انننن...لا لا...مافياش...
عصام : تبقاي بلا فطور افرح ؟؟ نوضي الله يرضي عليك...
صفاء : شوف خليها دابا على خاطرها مرتاحة ليها ايدها...تا تفيق وتفطر..خاصني نبدل ليها بيجامتها تدعقت ومبدلتهاش ليها...
عصام : سيري لماريو ديالها را مزالين حوايجها فيه...
ناضت بزربة لبيت فرح حلات الماريو وهي تجبد بيجامة زرقة سخونة عندها كولون مبطن فلونها نيت بالقب فيه ودينات...جبدات ليها ديباردور وتقاشر وهي تخرج لعندهم هازة الحوايج فايدها...ناض سيمو خرج وبقات هي وعصام الي نوض فرح بزز تا جلسات متكية ليه على صدرو تا حيدات ليها بينوار والفوقي ديال بيجامة دور عصام راسو تا حيدات ديباردور ولبساتها لاخور...ولبساتها الفوقي ديال بيجامة وهي كتنين وتبكي لبساتها ليها بالقاعدة مراعية لايدها رجعات تكات وهي تخشي ايدها حيدات ليها سروال من تحت مانطة ولبساتها الكولون بشوية حتى لفوق مزيان ولبستها تقاشرها...ورجعات غطاتها وهو كيصايب ليها شعرها ويجمع فيه..ورجع جلس عند حداها مابغى حتى وصلات تسعود وتحل الباب بزربة وهو يدخل فوزي كيجري هو والمحجوب لقاو عصام جالس فلارض كيقيص ليها فحناكها...
فوزي: الله ختي هنا..."كيقلب هنا وهنا" زين الدين ماجاش ؟....
طاح الفاس فالراس طاح كلشي على راسو كلشي دابا ضدو كيفاش غايجيب برائتو كانت ساهلة لكن الي صعييب هو انه كان مكتوف الايدي ماقدر يدير والو وهي فالسبيطار وحاولات تنهي حياتها بسبابو هو...كل مكيتفكر المنظر الي لقاها فيه كتشعل فيه العااافيىة عمرو مينسى ديك الليلة الكحلة الي عاش...عمرو ماينسى انه كانت على شعرة تموت...حل عينيه على جهدهم وهو يطلق سينيال وركن على جنب الطريق...حط راسو على راس الكوسان هاز راسو لسقف كييدير شهيق زفير شهييق زفير..حس بالخنقة حط ايدو بجهد على البوطون وورك كاع الشرارجم نزلو ديال سيارة...داك البرررد الكز داخل هو كيحس بيه ريح باش يتنفس..الخنقة الي هو فيها دابا مايعلم بيها غير الله...خاطرو تعرس وتعاود بتريبل او اكثر على الخاطر الي تهرسات لفرح...كلشي تجمع عليه كلشي ضار فيه كلشي ضدو دابا...حاول يصلح الخواطر ويجبرها باش يرجع المياه لمجاربها...وهو شكون يجبر ليه خاطرو ؟؟...وكيف ما قال وكانه حس براسو ملشي قال ديك الجملة كان نفسو علمات عليه فاش قال....
"ختك ترجع ليك وانا ليا الله."...
زين الدين"زفر مخرج انفاس حااارقة بجهد..ضار جيهة المجر ورك عليه تحل وجبد منو قرعة صغيرة ديال الما وواحد الحلوة ديال فريز..شرب من القرعة مايكفي يبل ريقو ويروي عطشو...سمع تيليفونو كيصوني والو ماشافش جيهتو كاع...رمى ديك الحلوة ففمو باش يتقاد ليه سكري لانه حس براسو على كشارف يطيح...تسنى حتى حس براسو هو هذاك...وهو يرجع ديمارا وكسيرا داخل لطريق...حتى وصل لدار بوعزة وبالبضبط قدام الفيلا غير وقف قدامها حس بقلبو كيغليييييي اما د.م فراسو را تبخ وخرج دخانو...حيد سانتيغ حل الباب ونزل من السيارة حط ايدو على لانتيرفون مابقى بغى يحيدها حتى تحل الباب وخرجات الخدامة كتغوت....
هي"شافت زين الدين وهي تصقل" : مرحبا سيدي...
زين الدين"عينيه فلارض حجبانو معقودين يخلعو" : علمي الحاج وديري ليا طريق...
هي : واخا سيدي..."ضارت وهي دخل شوية خرجات وحركات ليه راسها" تفضل اسيدي...
سد طوموبيل وهو غادي داخل حتى وصل لعند الباب لقى اب ميثاء واقف مغوبش ماعاجبو حال غير وصل وهو ينطق حساب ليه زين الدين غايسلم عليه وصل وسبقها ليه...
عبد الصمد : ترى والله مافي بينا سلام...العتب عليك يا بغدادي..
زين الدين"هز حاجبو" : بنتك فين هي !! ولابد ليا نهضر معاها..
ع.الصمد : نايمة ماتريد تكلم احد..بعدين بنحشي بباقي التفاصيل بالقانون...مب بنتي الي تتاذى..وحيدتي يصير فيها دا الشي من زوجتك ؟ والله عيب...
شريفة : عفوا طال عمرك...ميثاء ودها تحشي مع زين الدين...
زين الدين"دور راسو لهيه كيتسنى"
ع.الصمد : شنو تحشي معه ؟
زين الدين : فين هي ؟! تحركي هضري ممساليش عندي ميتقدا برا...
شريفة : كاهي هني بغرفتها تفضل دكتور..."طلعات الفوق وهو يتبعها وتبعهم باها ومها تاهي كانت جايا تالقاتو...طلعو لفوق دقات الباب وهي تدخل طلات عليها" كاهو دكتور وصل..
ميثاء"متكية فوق ناموسية مغطية نصها بمانطة موبرا بيضة كبيرة..والمبيخرة مطلوقة بريحة العود...تنهدات تا تزنگو حناكها وحركات راسها" : خليه يدخل..
حركات راسها وهي تحل ليه الباب وهو يدخل...غير دخل حسات بقلبها كيضرب..وقف مربع ايديه عاقد حجبانو باش يشوف فيها مكيشووووف كاااع...
زين الدين : شوية ليوم ؟!
ميثاء"تنهدات بابتسامة" : الحمد لله دكتور"هزات ايدها" حادث بسيط...مافي مشكلة...احم..كيف زوجتك ؟ باعتقد لازم توضيح لدا الشي الي صار...ماكان فنيتي اني زعلها والله ماعرفت وشو الي وقع بالضبط...ودي اعتذر لها "بابتسامة"
زين الدين"حك شنايفو" : جيت ندير ليك لكونطرول هو لول من بعد نهضرو فهادشي...سي ميو نبداو دابا...
ميثاء"شافت فباها وشافت فيه حركات راسها" : اها اكيد مرحبا..
زين الدين"حنحن وساس ايديه وهو يقرب ناحيتها" : تكاي شوية.."حركات راسها وهي تكا كتغمض عينيها مع ايدها..حتى تقادت مزيان...جبد ليكانت من جيب القميجة حل ساشية الي فيها وجبدهم لبسهم بالخف وهو يتحنى...قربو ليها زاد ليها ضربات قلبها..خصوصا فاش تحنى ومع كان حال صدافي القميجة لفوق بان ليها شوية من صدرو حسات بحناكها سخنو...هاد المرة كان شعور فشكل...تدعقات حاولات تصرط ريقها وتبت راسها كيف العادة باش تبان انها عااادية جدا...حط صبعو على منخرها تا رمشات عينيها..هبط بصبعو هبط حتى لرا منخرها كانو عينيه حمرييين زادو حمارو حمارو تا عقد حجبانو ووجهو تزيييير ولا حمرررررررر عروق نواضرو بداو يتشكل ليه خضريييييين وسط ديك الحمورية حتى هبط بزربة لقرجوطتها وهو يغرس صباعو فحلاقمها تا عزل ليها قرجوطتها بين صباعو وهي تقج تا خرجو عينيها وشهقت وهو يطير ليها سنسلة من قرجوطتها بجهد"
ميثاء : خهقققققققق"بدات تحيد ليه وضرب ليه فايدو بغات تعيط لبااها لقات راسها مبلوكية فاشلة"
زين الدين"ورك على سنانو تا بدا يخرج حروف متقطعة" : تحركي هضري من لول فعلة بفعلة من فعايل ل*** الي درتي يا بنت القحبة...."زاد ورك تا ولاو عينيها كيشوفو بقع ضلام عينيه خرجو تا برك ليها الما فركابي بالخلعة والقجة" نق.تللل ونعذب ونضلم ونمشي لحبس بلاصة مرتي ومنخليش ولاد القحاب يتعداو ليا عليها..
فلاش باك...
كانت الساعة التاسعة صباحا من بعد ليلة طويييييييلة عاشها كانت اشبه بالجحيم والعذاب النفسي بامتياز...حس براسو عيا بزاااف وكان محتاج راحة واخا غير نصف ساعة يكمي فيها ويتكوانا مع راسو...خرج من الكلينيك وضار جيهة الجردة لور حتى بان ليه واحد الكرسي بعيييد فين كيجلسو الناس للانتظار جا تحت واحد الشجيرة ديال الليمون ونخلة...توجه ليه مباشرة وحلس فيه خاشي ايديه فجياب القبية عينيه سااااهييين فنقطة بعيدة ناس غادية وناس داخلة وناس خارجة وهادشي ماشافوش من السهو الي داخل فيه...حتى تحطات ايد عند كتفو دور راسو شاف ب نص عين بانت ليه ايد ممدودة فيها باكية الكارو وبريكة هز راسو بان ليه مراد واقف وايد اخرى فيها گوبلي ديال القهوة كحلة بدون سكر...
مراد : شرب قهوتك وكمي باش توگض شوية...
زين الدين"حرك راسو وشد من عندو الكارو حتى شعلو جر منو شوية وهو يشد من عندو القهوة شرب منها جغمة غمض عينيه حس بالتنغيييمة سرات ليه مع ذاتو..حل عينيه ونطق بصوت مبحوح بداك الغواات الي غوت بجهالة امس مع فرح بزز باش كيتفرز شنو قال" : يتوب عليك...
مراد"حرك راسو وضار جلس حداه..شاف قدامو ونطق من بعد برهة خمس دقائق صمت" : الى كان شي واحد عمري ضنيتو يكون صبار لهاد درجة هو انت...
زين الدين"هز فيه حاجب وضار شاف فيه"
مراد : ماجيتش وقلتها ليك غير هاكاك...زين الدين الي كنعرف ماعندوش الصبر فالقاموس ديالو..كلمة جوج نقشة كاطير تلاقات مع ديابيت كيترفع القلم..."تنهد" حتى لهاد التواخر عرفت حجم الصبر عندك دبصح..."ضار حط ايدو على كتفو ربت عليه" الله يكون معاك وصافي...
زين الدين"تنهد تنهيدة طويلة مجاوبوش رجع شاف قدامو كيكمي وعينيه سااااهيين..حتى ضرا شاف فيه وقال" : المحلات هاد الايام ضروري تحرك نتا وريان شوفو ليا شكون خدم لديك خيتي ديال دبي...
مراد"بلا مايشعر" : ميثاء ؟؟
زين الدين"جمع حجبانو" : كتعرفها مزيان ؟؟"لاح الكارو عسف عليه وتگعد تقاد فالجلسة"
مراد"صرط ريقو" : ا ؟ اه اشي شوية معرفة بعيدة...
زين الدين : كيفاش معرفة بعيدة ؟!
مراد : داك النهار فالمحل فاش خليتيني نتا وفرح معاها نشرح ليها شنو كاين فالمحلات...درنا دويرة...
~~~
خلاوهم وطلعو بقات كتشوف فالتصاميم بابتسامة خلات مراد عينيه يتشقلبو عليها..كلها زوينة مفصلة مقادة مافيها حتى غلطة فقط الطبع كلو اغلاط..عايشة على البدخ رفاهية والسوشل ميديا نقطة ضعفها تمووت على انسطا كلشي كتحطو فيه وكل مرة يتزادو عدد متابعيها همها الكشخة ولفة والي بغاتها تلقاها...
مراد : هذا مخدوم بحجر الزمرد كيخدموه الامازيغ فقط كل لون وشنو كيرمز...
ميثاء : حلوو حبيييت وايد..."وقفات قدام الخلالات كانو بشكل اخور حطات صباعها على واحد الخلالة وهي توقف"
مراد : هادي خدمة يد من المعلمية ديال هنا ماشي امازيغ ولكن عندهم الخبرة فهادشي كون اغلبهم كان فالسابق عايش فبلاد الامازيغ كيف طنقولو عند الشلوح...
ميثاء : شلوح !؟
مراد : هههههه من الامازيغ...
ميثاء : اااه اوكاي..."مخلية تيليفونها على وضعية التصوير..لاحت شعرها اللور وهي تشوف فيه" ممكن اسوي سطوري ؟
مراد"كحز" : ايه ممكن مرحبا.."بقى حاضيها كيفاش كتهضر وكيفاش كتمص شفايفها حمقاتو..حتى سالات وهي تبسم ليه"
ميثاء : انزين..توني شفت شي يشبه ذا شي الي هني عند زوجة الدكتور بغدادي...هني "وراتو جيهة صدرها ليمن" ويش هو ؟
مراد"ماعرفش شنو قصدات فاللول" : مافهمتش..
ميثاء"دارت صبعها ففمها ومشات ليه لدوك الخلالات" : مثلهم..لكن كانت شي حلو عليهم..والله ماعرفت بس شانت مثلهم لكن فيها شي مميز..
مراد : صراحة هنا كانو الخلالات فحال فحال..الا وحدة فحالهم لكن ماشي صنع لنفس المعلم...كانت خلالة وحدة بلاصتها كانت هنا"وراها بلاصة بقات خاوية" هاديك كانت غير محطوطو لانها من ايدين مول المحلات البغدادي الكبير...هي الي بقات مابغاش زين الدين تباع كانت محضورة...مادام شفتيها عند مرته فهي كانت صاحبة النصيب هههه...
ميثاء : ايييه...ويا ترى من بيسوي مثلهم هني ؟
مراد : ماكاينش من غير الحاج البغدادي هو الي كان دقة قديمة فهادشي...حيث كان عايش تما...كاين فحالو با الحسين ولكن ماعندوش دراية كبييرة فخدمة الحلي الامازيغي...هادو الي هنا كناخذوهم من تارودانتي...
ميثاء : اممم..اوكاي...بس باخذ كم شغلة من هني..واذا ممكن بسوي جولة هني بالمحلات خفيفة بعدين برجع اشتري الباقي..
مراد ؛ مرحبا بيك فاي وقت...
ميثاء"ضخكات بغنج" : شكرا...تكفى انا بعطيك رقمي واي شي بريده من هني تكفى ساعدني ترى والله حبيت وايد التصاميم...
مراد"جبد تيليفونو بزربة" : الله اودي مرحبا...
زين الدين"كان كيسمع ليه وهو يهز حاجبو" : شكون خدم ليها الخلالة ؟!
مراد"حدر راسو" : مكانش الي يخدم ليها نفسها من غير الي عارفها كيفاش تصايبات نهار لول...كيف ماعارفين شكون...
زين الدين : شكون ؟"خرج عينيه" با محماد الي جبت من تارودانت ؟؟!
بقى زين الدين واحد اللحظة ممستوعبش اشنو كيسمع بعدا وكيفاش هادشي ماشي فعلمو...واش لهاد درجة انشغالو بالمشاكيل مع فرح...والمشاكيل ديال كلينيك الي خلاتو غايب على اي حاجة كتخص المحلات...
زين الدين. : علاش هادشي مافعلميش ؟؟؟
مراد : ما قلتهاش ليك قلت را ماشي مشكيل حيث وصيتينا نشوفو شنو بغاات...وبزاف كايطلبو تصاميم الي عندنا نصايبوها ليهم حنا...
زين الدين"غوت تا طار مراد ونزل وضار كيشوف فالناس واش كيشوفو" : الا خدمة با مراد الا خدمة باااااا ماتخرجش ل قواويد...تعلمني تعلمني..."عينيه خرجو بجدية" وقعو ليا مشاكيل مع مرتي بسباب هاد القل*** مرتي كانت غاتموت بسباب ولاد القحاااااااب...صدقت مدور بيا الرعااوين..الثقة كانت عمية فيكم عميتو لملتي العينين ؟؟؟
مراد"الصمت"
زين الدين : سنسلة الي خدمت عند با الحسين منين جاها فحالها ؟
مراد : ماعرفتش والله ملي عاونتها فالبروش شي كثر من عشرين يوم هضرات معايا قبل ماتجي يوجد ليها وطلبت با محماد هو الي صايبو ليها...حيث هي طلبات الخدمة ديال معلم تارودانت فحال خدمة باك الحاج الله يرحمو وكان واحد الي فحالو هو با محماد...
زين الدين"غزز سنانو واحد اللحضة تا هز ايديه كان غايزدح ليه راسو وسط ايديه بدقة تفشلو حتى هزها وهو يرجعها" : نوض تقود عليا نوض تقااااود عليا من وجهي...نوووووووووووض...
اذا كان امر الخلالة تفهم وباين ومعروف منين جاتها...شنو سر السنسلة الي كانت عندها نسخة طبق الاصل من ديال فرح...والي كان مكمش فيها بايدو فهاد اللحضة وبها نعود من فلاش باك الى الوقت الحالي...مزير على قرجوطتها لواحد درجة تسكن عليها ولو مكانش خاصو يعرف كان ممكن يقت..لها..
زين الدين"قرب ليها مزيااان تشاش كيخرج منو حتى كترمش عينيها.." : من لول ؟؟ "خرج عينيه بتاكيد" تلاخر نعرف منين جاك هاد القلاوي "وراها ايدو الي فيها سنسلة"
ميثاء"كضرب ليه فايدو باش يحيد ايديه وكتهضر بزز" : قخخخخخ ت رك نييي ا قخخخ احتشي(خليني نهضر)..
زين الدين"دفعها بجهد تا تهز راسها فوق مخدة وتحط" : طلقي راسك...
ميثاء : هييييييييييق خهههق"كتحل فمها على جهدو باش ترد نفس."حرام عليك ترى والله"كتنهج وتكحب تكحب تا بغاات تسخف" ما سويت شي...
زين الدين"ضرب الفاز حداها بجهد تا تشتت لهيه" : وطلقي...
ايدها كانت كترعد وهي شادة قرجوطتها وتكحب...هزات فيه عينيها نازلين دموع منهم...شافت وجهو الي عمرها ماشافت كان منضرو كيخلع خصوصا هضرتو كاتحسي بيها جدية وهو عارف معنى انه ممكن يمشي فيها بهاد تهجم الي دار ليها وانه مغايصور تاحاجة سوى يخرب مستقبلو بايدو لكن من سمعات شنو قال وشافت انه جا وتجرأ وهي عارفة زين الدين البغدادي واحد الشخص ماكيتسوق لتاحاجة معندوش الخوف الشي الي خلاها تنشد ليه وتعجب بيه من ايام دبي خصوصا مكانش كيشوف فيها وهي هادشي الي ثارها ماحدو ميك عليها ماحسابهاش واش كاينة وهي كتحاول بشتى الطرق ثير الانتباه ديالو...
ميثاء : يووم شفتك انت وزوجتك بالمحل...قبل ماتجي انت (يعني قبل ماينزل من فوق فاش كانت واقفة فرح هي ومراد حتى دخلات هي)...وقتها شفت زوجتك الاصح...عرفتها زوجتك"كتصرط فريقها"...انا انسانة تحب تعرف اي شي عن الموضة وبهتم بادق التفاصيل...اول شي حبيت لبسها وحبيت البروش مالتها (ديالها)...واكثر شي لفت انتباهي كانت العقد الي كانت ماسكته باصابيع ايدها(كانت فديك اللحضة فرح شادة سنسلة كتلعب بيها بصباعها وهي فعنقها بقات فيها عادة من الي دارها ليها...) شنت (كنت) بسالها من وين ياتها (منين جاتها) بس كنت توك واصل وصيت علي مراد...وجعت انت وياها...
زين الدين : شكون خدمها ليك من عندنا ؟ كيفاش بقيتي عاقلة عليها وتخدمات ليك بديك الدقة شكون خدمها ليك شكوووون ؟
ميثاء"صرطات ريقها" : يومين وانا احاول ارسمها بايدي انت تعرفني رسامة لكن ما حصلت على شي...حتى اليوم الموالي كنت بسوي مونتاج ل فيديوهاتي الي بنزلها ب ستوري و Reel..لقيت تصوير من لما دخلت المحل لانه بالعادة بخلي الكاميرة شغالة..كنت لحضتها بسوي ستوريات وايد..(كانت كدير سطوريات بزااف...كانت مخليا تسجيل فحال الي كيديرو لفلوگر كتبقى الكاميرا خدامة) تصورت زوجتك بالكاميرا"صرطات ريقها"
زين الدين"خرج عينيه" : كيفاش تصورات ؟؟؟ "غوت تا بح صوته" كيفاش صورتي مرتي كيفااااااااااش ابنت القحبة"تم غادي ليها وهي ترجع باللور وبدات تبكي وتغوت"
ميثاء : والله وسويت لي شي بتبتلي فيني...
زين الدين : كثر من هاد البلية الي بليتي ليا راسي ابنت القحبة ؟
ميثاء : اهى اهى ...
زين الدين"دار صباعو على وضعية القجان تاني" : كملي...كملي ماعند ملت مك ماتصوري مني بغيتي ديني الحبس"هز ايديه لفوق" ماعندي مانخسر دابا...نعاودها ليك ؟ نقت.ل ونعذب ونطحن وندخل الحبس ومتقاسش ليا مرتي..."غوت تا قفزت كتنخصص" تحركي هضري...
ميثاء : ب بتقنية تصوير الايفون معروف الوضوح الي فيه اخذت سكرين شوت...وصورت اللقطة الي فيها العقد واخذتها لمحلاتكم عند نفس الشخص الي سوا لي البروش بس ماراد يصمم لي ياه لانه ذكر انه تصميمك الخاص..رحت عنده لحالي ما استعنت ب مراد لانه عرفت منه انه تصاميمك الخاصة تضهر بالصفحة مالت المحلات(ديالت المحلات) دخلت عالصفحة ما لگيته عرفت انه خاااص لزوجتك بس وايد حبيته حبيت يكون لي شي مثلها..."غمضات عينيها بجهد تا تعصرو دموع وهي تنهار" حبيت انا كون مكانها اهى اهى...
ديك الهضرة الاخيرة الي قالت والو واش شد فيها شي حاجة..كل همو هو يعرف منين جاها داكشي كيفاش حصلات عليه...مكانش عارف انه داهية...شيطانة ذكية عرفات تلعب عليهم وتشتت شملهم بطريقة بدون مايحس...ملي شافها خرجات على سطر ضرب فوق الكومودينو حتى غوتات وهي تكمش ورجعات كتكمل هضرتها...والتسجيل خدام بلا ماتشعر..خدمو فاللحظة الي كان جاي لعندها وخلاه مطلوق قبل مايخرج من سيارة هز التيليفون ودارو على وضعية التسجيل ديزاكتيفا كلشي وخلا غير وضعية التسجيل فقط باش ميصونيش ليه ويتقطع تسجبل......لانه ماعندو حتى طريقة نيشان باش تعرف فرح الي كتهمو اما الباقي لهلا يقلب حتى كن راسو ممسوقش ليه...
ميثاء. : بحشي بحشي(غانهضر غانهضر)...ما رضي يسوي لي مثله...رحت على مكان تاني ونفس الشي..
زين الدين"تبسم بغيض" : علاش ؟ حيث حتى حد ماعندو نفس الماترييل الي عندنا..ديزاين ديالي كيخدم عندي...فمحلاتي.."خرج عينيه مغزز مقرب ليها راسو كيترعد ماكرهش يطحنها لانه فهاد اللحضة فقمة اعصابو وشاد راسو بزز على شعرة..فقط باش يعرف الكمالة ويبرأ راسو"
ميثاء"حركت راسها بزربة برعب" : رجعت عند واحد من محلاتك خدملي نفس تصميم بنفس الدقة...
زين الدين"شد سنسلة ودورها مالقى فيها حتى حرف من سميتو فقط حروف BG..اسم البغدادي...حتى واحد مايخدم بنفس الدقة من غير محلاتو هو. لانه مجهزهم ب دي ماشين باش كيخدمو دياال لايد كيكونو متقونين قليل فاش كيستخدمو لماشين الاطوماتيك غير باش يوجدو بالكثرة او التقليد لحاجة كاينة محطوطة...هادشي مغايفرزو حتى حد الا الي ضيلع فهاد المجال ديال مجوهرات هو الي غايلاحظ الفرق ومكيبانش الا اذا قلبو بسنانو ولا ب ادوات خاصة ايعرف الفرق فحال من كنمشيو عند مول ذهب كنقولو ليه شوف واش هادي نقرة او ذهب او بلاكيور واش خدمة لايد قديمة واش مخلط او او...فرح ماغاتلاحضش..وحالها حال اي وحدة كتحماق على حبيبها الغيرة المجنونة كتلعب دور...وزاد عليها حالتها النفسية المتظهورة وفقدانها الثقة خلاتها ثيق..كلشي كان ضدو وباين...غمض عينيه حيث عرف عندمن مشات عند رضوان هو واحد من الرجال الي مقابلين ليه محل من محلات كيخدم لزين الدين بعد المرات لكن تصميم الي صايب ليها خادمو الحسين...عض شنايفو بجهد حاول ما امكن يكتم الغضب باش يكمل البقية والي هي الريحة..حل عينيه بجهد ونطق" : الريحة ؟؟
ميثاء : العطر قصدك"مسحات دموعها" كانت اهى كانت صدفة بس...يومها شنت بالمصحة لما شنت هنيك(كنت تما) بسوي تحاليل...تعرف اني خبيرة بالعطور بس كان عندي مشكلة بالشم...مرة يرجع ومرات ميكون عندي شم..شنت اعاني من ذا شي وانت عارف المشكل..لما خرجت من المصحة يعني قبل ما اخرج بساعة..مريت على جناحك لاسالك لكن ما لگيتك...كانت المساعدة فقط..گالت انك مو موجود..
ميثاء : يا ترى امت يرجع ؟
امينة : يمكن غذا يمكن عشية لانه ماكيعطيش وقت حتى كيجي على غفلة سي نو كيعلم فالتيليفون انه جاي باش نوجدو ليه شي حاجة او اعلان اجتماع...
ميثاء"بابتسامة" : شكرا حبيبتي.."شافت فطارق" شنو راح نسوي؟..
طارق : نروح نشوف ايش صار بتحضير وليمة العشا (كانو كيحضرو لعشا الي غايجي ليه زين وعلي ومرتو وفرح العشا لول)
ميثاء : بس اريد اشتري هدية لزوجة الدكتور..شي خاص..شي تحبه..بس ودي شخص يكون عارف شنو تحب اكسسوار عطر ايه عطر....
امينة"نقزات" : نعاونك الى بغيتي"كطلع فيها وتهبط خصوصا من عرفات انها من عائلة الامراء"
ميثاء : صج(بصح) انتي تعرفين زوجته ؟
امينة : ايه صراحة كانت خدامة هنا عندو قبل مايتزوجو...ولكن فهاد الاونة الاخيرة باقي نعقل كانت وصلاتو كوموند من محل العطور وكلفني نحطها ليه فشومبر ديالو لداخل..وصى وعاود نرد الباب ومنحلهاش نحطها فماريو الاشياء الخاصة..انا شفت محل العطور وعرفت انه العطر الي اختار ليها سميتو ..maison francis paris kurkdjian...
ميثاء : اوووه عرفته...عطر حلو...
امينة : نقدر نكون عاونتك !!
ميثاء"جرات ليها حنكها بغنج" : انتي حلوة وعسولة وايد حبيتش...باشر(غذا) بتوصلك هدية...
امينة : احم هههه عندي طلب اذا ممكن...
ميثاء : تامرين امر حبيبتي...
امينة : اذا ممكن تتوسطين يعطيو لاختي الاقامة الذهبية بالامارات !!
ميثاء : شنو اسمها ؟ انزين اكتبي اسمها الحين وانت يا طارق اتكلف او بحشي مع ابوي يتصرف ولا تشيلين هم...
امينة"عينيها غرغرو" : حلفي ؟ الله يحفضك..عافاك مايعرفش الدكتور عافاك خدمتي مابغيتش نخرج منها...
ميثاء : سرش فبير شكرا...
ميثاء"رجعات لواقع" : بس الحظ لعب معي...
زين الدين"بقى مربع ايديه كيسمع ليها وراسو كيغلي كااايغلي..ناس الي دار فيهم خير القصد امينة خانوه غدروه وكانو اسباب غير مباشرة فتشتيت شملو مع مراتو !! ااااااش هاد زهر عند هاد السيد مع البشر ؟ اش هاد المشاكيل مع كحل الراس كيف قال هو...واحد اللحضة جاه الضحك...عمتو الي كانت مربياه من دمو ولحمو وغدراتو واحد الوقت وعطاتو الي عمرو كان يضن انه يسمعو منها وغايتسنى من البراني شي حاجة !؟"
ميثاء : كل هذا لاني حبيتك !؟ترى والله ما سويت شي غلط..ودي اكون معك..كون زوجتك مب مشكلة اكون زوجة ثانية والله...تگدر تتزوجني بالسر انا بالامارات وهي هني بوافق على طول...والله..
يمكن الصدف لعبات معاها والحظ كان جنبها...لقات فرح فضروف قاصحة واخا مكانتش عارفة انها مريضة...هي فقط لمسات الغيرة داك النهار من عينيها عرفات ان فرح مغيارة بزاف الشي الي خلاها تصرف بذكاء وتلعب على هاد النقطة...وكان كلشي فصالحها وهاهي شتات شمل..لكن بدون ماتوصل لهدف الي باغية مع الاسف...فاش كيتلاقا الشيطان مع مرضي الواليدين تاواحد فيهم ماكيطفرو....
زين الدين"ماشعرش براسو تا عاود رجع لعندها بنفس القجة الي دار ليها عينيه حمرييييييين كيبثو الرعب" : نبقى بلا بيها وماندخلش بنت المراة وراها...هاديك ماشي مرتي..هاديك "ضرب جيهة قلبو بجهد" شادة هنا..."زاد ورك" كثرة الهضرة وزعت ديال القلاوي ماعندي مندير بيه...
ميثاء : والله بغرقك بالمحاكم..قادرة اخليك تعيش بالحبوس طول عمرك...لا تجربني زين الدين !؟
زين الدين"زاد ورك تا بغاو يخرجو عينيها" : ماعندي ما خاسر...نعاودها ليك ؟"طلقها بجهد كتنهج..هنا دقات شريفة وهي تغوت ميثاء باش تدخل دخلات بزربة.."
شريفة : شنو صار ؟
زين الدين"حادر راسو لتحت" : رياض درب الراوية..رميلة مراكش..قريب لجامع الفنى...تكرا هادي شهر قبل وفاة عمتك..Special evening..فيها 4 people.."هز صباعو ربعة" ربعة ديال الفسايدية سلاگط قحاااب...معاهم بنت الناس بنت الحاج عبد الصمد بن حسين..الحشمة الخمااار الوقااار..تقحبين من تحت الدف.."ميثاء عينيها خرجو ضارت جيهة شريفة الي تاهي برك ليها الما فركابي" شيشة..Dom Pérignon(احد افخم انواع الشامبانيا).."سرح ايدو على طولها" شحال قدي نكمل !!براكة الخير لولاني قاضي غراض.."ضار عندها مخنزر بدون ميشوف فيها عينيه فلارض" هادشي فخبار المخزن ؟
ميثاء : انا ويش عرفني بدا شي شنو تحاول تسوي !؟
زين الدين : تحركي نتحرك...زوج سطوريات قاضيين غراض من عند لي باج ديال شوهة...من هنا لنص ساعة نهضر مع مراد يتحرك...كونط انسطا فيه 10 المليون واحد فيه عشرين...صورتك فنص ساعة "ساس ايديه" تمشي...
ميثاء : بخلي واحد بس من محاميني يتكلف...ترى ابتزاز وبعدين ماتگدر تعمل شي لانه ما سويت تصميم ونسبت اسم مجوهراتك له...ماتگدر تسوي شي..."كتهضر وترعد"...
زين الدين : ماعندي ما خاسر..واحد من خوتي نخليه يتكلف..فيديو سهرة القحاب الي دايرة موجود...كيف ماعنديش دليل سرقة الملكية الفكرية..كيف ماعندكش دليل سرقة الكونط وتصاور..."خرج عينيه" انا غير داوي تحركي نتحرك...اخرتي ماخاسر والو...عندي من يتكلف بيا..عندك محامين ؟ عندي ولاد البلاد...راكي فبلادي الشريفة...شوفي صورتك نتي.."طرطق صباعو"من هنا لغذا نلقى اعتذار والى كانت شي دعوة سحبيها ومن هنا ليومين رجعي لبلادك...مانشوفش كمارتك مزال فبلادي.. كيف نهار جيتي نهار ترجعي...
يوم جديييد...صباح جديد...صوت جديد ماشي صوت جديد وانما صوت الي شحاااااااال هادي مابقات سمعاتو...صوت الحباب اعز الناس...حلات عينيها وهي دور راسها لقاتهم مجموعين عند طابلة كيهضرو ويضحكو...سيمو صفاء..نجية فاطنة فوزي المحجوب اما هناء وخوالها رجعو اصلا لسيدي بنور لان هناء كملت فترة سطاج...و عصام الي كان عند راسها...غير شافها ضارت وهو يهبط راسو وحط ايدو على شعرها كيدوز عليه..
عصام : صباح الخير الخميرة...
فوزي"طل عليها" : فاقت الدبة ههههه
سيمو : لحيمة فدجين نوضي خبزة شحمة باقي تفرفر بالسخونية...
فرح"بصوت مبحوح" : كلكم هنا..."حسات بنغيزات صداع ديال ايدها" مممم....
عصام"حط ايدو على حنكها" : مالك ؟
فرح"هبطات عينيها مكمشاهم" : كتعطيني شوية صداع...
صفاء : عادي راكي عارفة جرح هكا كيبرا...متحركيهاش باش مترجعش دير ليك التهاب...ونوضي غسلي وجهك واجي تفطري..
فرح"ناضت بشوية عليها حاسة بتعب شديييد باقي تاثير سخانة عليها حاسة بطعم الصدأ ففمها وطعم مر ديال سخانة..حناكها بغاو يطرطقو بالد.م..حتى تقادت وعصام كيهبط ليها فبيجامة الي طلعت ويقاد ليها فجنابها جلسات تا ردات الوعي وهو يوقف عصام عاونها حتى جات صفاء شدات فيها وهما يخرجو من البيت نيشان لدوش...حلات ليها الباب دخلات لدوش ضارت هنا وهنا بان ليها سروال عصام مليوح لهيه وسروال فوزي فوق رشاشة اش كيدير تم الله اعلم...تبسمات حيث باقين هما هما حتى كتحيد من وراهم داكشي تجمعو...ضارت جيهة صفاء ونطقات...
فرح : خليني بغيت نتوضى ونخرج نبدل حاسة بشي حاجة نزلات مني...
صفاء : واخا هاني فبيتك نشوف واش باقي عندك ميا ديالك ولا نزل بزربة ناخذها ليك..."حركات راسها وهي تخرج خلاتها فالطواليط ومشات لبيت حلات ماريو كتقلب حتى جا عصام وهو يعطيها ساشية"
عصام : هاهي فيها داكشي الي كتحتاج...صباح تقديتو بزربة سينيال وشيتة سنان وداكشي لاخور..
صفاء"تبسمات" : هههه معلكش هههه"حرك راسو وخرج لبيت كملات هي وخرجات غاديا بشوية شادة فالحيط رعدة شاداها تاني والعيا وسخفة...مهبطة كمايم ايديها مغطياهم وكتحك فجنبها باش تسخن.فنفس الوقت كدور هنا وهنا....ضارت ودخلات لبيتها غير عتبات ليه وهي تشهق حتى ضارت صفاء بزربة شداتها...
صفاء : مالك !؟ اجي رتاحي هنا اجي حبي...جاتك ؟
فرح"كتحك فصدرها تا نزلات دمعة تجري من عينها مسحتها بزربة" : لا ولكن حاسة بوجع ديالها..واخا مزال ماتجيش دابا باقي سيمانة على ماتجي...
صفاء : ااه ورا كتعلم هي..اجي جلسي تبدلي اش بغيتي ويلاه تخرجي فطري..انا ليوم غانبقى معاك مانخدم حتى لغذا بالليل...
فرح"حركت راسها صافي..شوي تسمع صوت سرسار ديال دار وهي تقفز" : شكووون ؟
صفاء : ايكون غير با هذا حيث قالينا شوي ونجي بغى يشوفك..مالك قفزتي ؟!
فرح"تنهدات" : حساب ليا هذاك....
صفاء"كتعطيها ماتلبس" : شكون زين الدين.. ؟
فرح : اه..مابغيتش يجي عندي مابغيتش مزال نشوفو..انا عطيتو تيساع ماعندي منشوف فيه...
صفاء : ولكن علاش هادشي.."حطات الحوايج وهي تجلس حداها ونطقات بصوت هادئ" زين الدين هذا افرح..زين الدين الي وقف معاك فعز ازمتك...الي هزك بسنانو ونتي فالشدة الي دار معاك فوق الخاطر...خاصك تيقي بالراجل الي يوقف معاك ف قرحك ما فرحك...
فرح"هزات فيها عينيها" : الخيانة ماعندهاش مبرر...
صفاء : والى كان بريئ ؟ واش عارفة يديرها ؟ افرح انا والله مانتيق هذاك سيد يخون...
فرح"سخفانة" : خويا وماعقلش عليا وهو بغى يعقل عليا ؟ خويا قالها ليا وماثيقتوش ثقت فيه بزاف..من غير هادشي واخا متكونش عيييت بالمشاكيل من نهار تزوجت بيه وانا لور لور...من نهار تزوج بيا وهو وسط المشاكيل..زدتو بهمي وزادني بهمو...مابقاش عندي الخاطر لتاحاجة..مابقيت بغيت والو مابقيتش بغيتو... غادي نرجع لحياتي اللولة كيف كنت عايشة فرح وسط خوتها...نضفر شيب حداهم..."هزات كتافها بحزن" منصلاحش ليه ممرضاه ومرضني...غدرني المرة اللولة وانا بعقلي وعادية وبغى يعقل عليا وانا مريضة ؟ ...بجوج منقدروش على بعضياتنا..."تنهدات سخفانة بالعيا ديال سخانة باغية غير تكا راسها كيتبخ" انا مغيارة ومشكاكة...مابقيتش نثيق فيه واخا مايخونش مانصلاحش ليه...ولينا كنفرحو نهار ونبكيو سيمانة...
صفاء : هادشي عادي ياك نتي كتقولي ممريضاش...والمشاكيل كاينة...هادشي بلا مرض را كاين مع اي راجل ومرتو...
فرح"راسها كيترعد كانها كتقول هادشي فوق خاطرها" : غايزيد تانية هاد المرة جات عليه حيث انا مريضة عامرة بالمشاكيل ..وهو كيبقى راجل غايجي وقت ويعيا..غايبغي مراة تقوم بيه...تقوم بمرضو انا مريضة وهو مريض ونقابلو ؟ ههههه قابلت حتى راسي....
صفاء"حطات ايدها على فمها" : حرام عليك افرح...هو لخاطرو فالمرض ! ياك نتي عندك صحاب سكري عاديين بحالنا بحالهم ؟
عصام"كان متكي على الباب بغى يحلو باش يقوليها را زين الدين بغى يدخل الي بدوره كان واقف حداه وكيسمع...كمش حجبانو وهو يدور هز ف زين عينيه ماعرف مايقوليه"
فرح : الحمد لله مادرناش الولاد...الحمد لله اما كانو يتعذبو ويطرا ليهم ما طرا ليا...ماعنديش الگانة لراسي وهو براسو غايعيا بقى غير يربي شي برهوش ؟ عرفتي كون كنت حاملة نطيحو ومانخليييهش يعيش..."دموعها نزلو كي الحجر" مانليقش ليه ومايليقش ليا...
"لن يؤذيك من يكرهك، بل من أحببته بصدق...ولن يتألم الا من كان وفيا"....
حديث قااااصح الي ضار بين فرح وصفاء...قاصح على كيقولو وقاصح على الي كايتلقاه...خصوصا زين الدين الي سمع كل كلمة تقالت من فم فرح بصوتها الي تلمس فيه الجدية...بالخصوص فاش ذكرات اكثر جملة قااااسية وهي "لو كنت حاملة نطيحو ومنخليهش فكرشي" يمكن من اقسى الجمل الي سمع فحياااتو...من المراة الي شاف فيها كلشي فحياتو هرساتو وكملات عليه باخر جملة الي خلات قلبو سكت لثانية ممستوعبش شنو سمع تا طلعات معاه الحرارة..مايمكنش نوصف شعورو فهاد اللحظة من غير انه انكسر خاطرو تكسييييير الي صعيييييييب ينساه وصعيب يتجمع و يتجبر.....
عصام"جمع حجبانو وهو يدق باش تحبس الهضرة ومايزيدش يسمعو اكثر من هادشي..حل الباب وطل" : بدلتي ؟!
فرح"مسحات عينيها تنهدات..رجعت حردتهم وحركات راسها بغات تنوض"
عصام : خليك خليك"شاف ف صفاء وحرك ليها راسو"
صفاء : انا نوض نسخن ليك كاسك ديال حليب صافي ؟!
حركات راسها وهي تنوض صفاء من حداها خرجات من البيت مالاقيا متقول هي براسها مصدومة مشعوطة من هضرة فرح..كانت ديجا مولفة هضرتها لكن هادشي الي قالت قبل قليل زغب راس يوقف...دخل عصام مخلي الباب شوية محلول وهو يجلس حداها...
عصام : شوية "حط ايدو على راسها لقاه باقي سخون"مزال سخون راسك.."شد ليها ايدها قلب الفاصمة لا تكون رجعت تنزف من جديد" فيك صداع تاني ؟
فرح"كمشت عينيها بخفة" : شي شوية "بصوت مشحرج..مزال كاتحس بحاجز بينها وبينو بالرغم ان المياه رجعات لمجاريها لكن مزالت ماصافياش.."
عصام : جا شي حد بغى يشوفك...
فرح"هزات فيه عينيها بزربة" : شكون ؟ الى كان هو مابغيتش مزال نشوفو..
عصام : مايكون غير خاطرك ولكن ضروري ماتهضري معاه...شوفي اشنو بغيتي تگولي ليه ولا سمعي اش بغى يگوليك هو...الباقي مانقدروش نكولو ليك لا عليه...مغاديش مزال نبززك على شي حاجة نتي ماباغياهاش..راكي"قاطعاتو مخلاتو تايكمل"
فرح : انا واعية كبيرة وعشت وشفت الي يخليني نكون متيقنة من هضرتي ومفكرة مية مرة قبل...انا كنهضر بصح ماشي عقلي خارج...مابقيتش بغيت نهضر معاه فهموني الله يرحم ليكم الواليدين...اااااه هو كان مزيان معايا وعمرو خسر ليا خاطري وووقف معايا فمحنتي..ولكن را هضرتي مغاديش تبدل الي گلتو لصفاء نعاودو ليك ونتمناه يسمع الى كان برا...انا وياه را مانليقوش لبعضياتنا زواجنا جا فضروف خايبة تزوجت بيه وثقت فيه حيث غايخرجني من المرض الي كنت فيه ولكن مكانش قد المسؤولية ملي تزوجنا وحنا فالمشاكيل...وا من نهار دخل لحياتنا وحنا فيهم...بغيتي تعرف اش دار ليا ؟ غدرني غدرني اعصام نتا براسك حدرتيني منو وطيحت بهضرتك حتى خرجت معاك لعيب..وجريتي عليا...
عصام"ديك جريتي عليا كتنزل عليه كي السم يحرق..غمض عينيه ودور وجهو لهيه كيزفر...دوز على لحيتو ورجع شاف فيها" : صافي تهدني اش وصلنا لهاد الهضرة دابا...تهدني ميكون غير خاطرك...راني عارف اش وقع بيناتكم...
فرح : ملي عارف اذن ثيقتيه ؟!
عصام : مابقيتش بغيت ندخل حتى نتاكد...الى بصح دايرها مغاديش نعقل عليه"هز صبعو" راكي عارفاني الي ضرك مانرحموش...
فرح"بقات حالة فمها كتسمع ليه سكتت كتشوف فيه وهي تنطق" : تضريت من كلشي..حتى من القريب العزيز الي حلفو مايفرطو فيا عند اول غلطة سخاو بيا...اش بقى لبراني..انا عييت وصلت لمرحلة خاصني نعول على راسي وندافع على راسي براسي..ماتبقاش كل مرة دافع عليا نتا براسك وعييتي الي هزيتيني من نهار حليت عيني عضيتي فيا بسنانك ومافرطتيش فيا ولكن جا وقت و"هزات كتافها وعوجات عنقها كتنهج وتنهد تا شدات على صدرها حسات فحال ديقة كاتمة عليها..نزلو دموعها يجرييييو"...
عصام"تجمد لثواني كيشوف قدامو...طبعا المعنى عليه هو لول..قبل ماتكمل هضرتها ضار عندها بزربة وقاطع كلامها عافط على قلبو الي تنغص فهاد اللحضة من كلامها" : هانتي گلتيها بفمك دافعي على راسك براسك...هضري معاه كيبقى راجلك وضحو الامور بيناتكم سمعي ليه ويسمع ليك لا يكون مضلوم !!
فرح"شافت فيه بصدمة بواحد الشوف ديال كتقوليه ياااه هذا نتا الي كتقول عليه هاكا"
عصام : مادهشريش ليا تم...كيف ما هلكاتك دنيا ومرمداتك حتى تعلمتي...حتى انا تمرمدت قبل منك ومزال كنتمرمد علاش وكيفاش هاد الهضرة من بعد ونهضرو فيها الي تولي شوية ونوضح ليك شحاال من حاجة خاصك تعرفيها...مابغيتش نقجر عليك كتر مانتي مريضة "حط ايدو على راسها" باقي عيانة وهادشي مزال طويل خاصك تكوني موگضة...الي نگوليك هو راني تهلكت تا فت القياس الشي الي خلاني نعرف الى سمعت وعطيت الخاطر ووذني باش نفهم عاد نحكم ونرتااااح...ماقنعنيش وماطربنيش البشري ندير عين ميكة باش نسلك ونسد عليا باب صداع حيث هذا"شير لقلبو" عيا يهز خليه يهز هم المراة والولاد"تبسم وقرب باس راسها وناض كيسوس فركابيه" ماشي هادشي علاش ربيتك تجري على ناس الى انا خايب ودرتها كوني نتي حسن مني كيف ربيتك تكوني حسن منا...
خلاها ومشى حل الباب باش يقوليه دخل لكن لقى غير البرد كيضرب فديك الطوالة كانه مكانش وماجاش...
ضار هنا وهنا وهو يمشي لبيت عندهم قلب عليه مالقاهش...
عصام : فين زين الدين ؟
فوزي : ياك كان معاك ؟!
عصام"خنزر فيه" : مكتسمع باب تسد ولا تحل الحبس ؟!...
بقا شي كيشوف فشي ماعرفو مايقولو ليه...اش غايدير فهاد اللحظة ؟ مكاين مايدار مربوط ماقادرش يخرج ويخليها راسو كيقوليه الى خرجت غادي ترجع وماتلقاهاش وان هادشي غير حلم...عاد هو فمرحلة خاصو يستغل دقيقة وثانية وهو معاها باش يعوضها على الذنب الي دارو فحقها مهما غلطات ومهما دارت كتبقى قطعة منو كبدتو ختو البنت الي بسبابها تشبت فهاد دنيا وصبر لذيابها باش رباها حتى كونو اسرة مكونة من ثلاثة الخوت ورجعات كانها الام ل زوج اولاد وكانو اب لزوج اطفال...
عصام"دخل البيت كيمسح على لحيتو تقادا الكلام ماعليه الا يخلي الامور تمشي بالخاطر...هز عينيه وهي تبان ليه جالسة مدورين عليها مانطة فوق رجليها وشادة كاس الحليب فايدها مهبطة راسها وعينيها فلارض سااااهية.." : شربي الحليب افرح..
فرح"الصمت"
فوزي"حركها من كتفها" : فرح مالك ؟
فرح"هزات راسها" : هاا ؟ اش گلتي ؟
فوزي : گاليك عصام شربي الحليب ماسمعتيهش ؟
فرح"حنحنت منضفة حلقها" : اه واخا هاني غانشربو...
نجية : لا تبقايش ساهية ابنيتي السهو من الشيطان رجيم..لعنيه وتوگضي الله يرضي عليك...وكضي راسك...
فاطنة"ناضت كتعقد فزيفها" : توكض توكض ماالها لي ماتوكض..هاني مشيت هاد ساعة بنتي تسنيت عمك جيلالي يجي وليني تعطل ياكما شدوه مالين دلالة ديال الحوت يضهر ليا..وخاصني نرد الغذا يطيب يلاه يجي يتغذا ديك ساعة يدخل عندك. يشوفك...
فرح"هزات راسها وهي تبسم بتعب" : واخا مي فاطنة ان شاء الله..
فاطنة"شافت ف صفاء" : تعگبي لداركم ولا باركة هنا ؟
صفاء : انبقى مع فرح خاصني نشوف ليها ايدها نسوانيها ليها ونشوف لا ترجع طلع ليها سخانة"فرح رجعات هبطات راسها ودخلات فدوامة التفكير المتعب وهادشي كلو حاضيه عصام الي مالاقيش ليها جهد فهاد اللحظة..."
فاطنة : ماشي عيب ماشي عيب...يلاه بنيتي الله يشافيك عشية نعگب عندك لاديريش بحساب كسكروط ا صافا...انا ونجية نتكلفو...
عصام : يجيك الخير اميمتيي"قرب باس ليها راسها" الله يعطيك الخير..."تمات غاديا بغات تمشي وهو يوقفها" تسناي ميمتي نوصلك...
صفاء"هزات حاجبها وشافت ف سيمو بحركة من عينيها زعما هذا من امتى ولا يوصل مها ههه"
سيمو"هزهز حجبانو وهو ينطق" : العلاقات غاتوحد...
صفاء : كفش !!(كيفاش ههه)
سيمو : داكشي تيعرفو ليه ناس المختصة..باش تربط بين البينات خاص مول شي يتحرك...لانني باش نشرح ليك كيفاش غادي تم الامور خاص تكوني انسانة ذكية ولكن نتي راسك فيه تبن فازگ..غادي تفقصيني وتخوشفيني تانموت يابس...
صفاء : على اساس نتا غليض يا المتنتن (المصنن)...
فوزي : اش تتبرگمو تم...
سيمو : انسة صفاء قريب ماتبقاش انسة...
فوزي"خرج عينيه" : وايلي !! جاو فيها خطاب ؟
صفاء : لاااا اعوذ بالله...
فوزي : وشنو ؟ المعنى ؟
سيمو : راك عارف...
نجية : تي هادشي بصح ولاو ؟!
صفاء : ااا !! اهههععه تي را غا ولدك خاصو شوية يخمر ماعرفتك امي نجية فاش كنتي توحمي كنتي سادة عليك فشي بيت طافية ضو ؟ حيث را بزاااف على الصدى والكحولية فهاد ولدك...وبناتك بيضات تكونيش لقيتيه فشي بركاسة وربيتيه ؟
نجية : اويلي حي تغرق فيه...
فوزي : عههههههع...
فرح"مكتسمع والو من هادشي"
سيمو : ودابا نتي انسانة الي تتهضري هاكا فوجه الواليدة !؟ "شاف عصام داخل وهو ينطق" خويا عصام دخلنا عليك بالله الى سولتك تجاوب بصراحة ؟
عصام"جلس حدا فرح وجمع حجبانو " : اش واقع ؟
صفاء"عينيها خرجو سلمو عليه ورجعو وجهها دغيا طلعات معاه سخونية...هي براسها كتفيبري بوجود عصام غا هي كتشد فراسها.." : سمينا الله وصلينا على النبي...الى جاه الى جاه سيدنا محمد الله مع جاه العالي...
فوزي : ها باراميتر تخربق لجيهة تنگافت...
سيمو : دابا وحدة تگول لشي ام على ولدها ولدك كحل فين كنتي ملي كنتي توحمي ياكما كنتي طافية ضو..دابا هادي خويا هضرة ؟!...
عصام : ماهضرة ما والو...هادي بسالة وقلة ترابي...
صفاء"وحلت ليها تا كحبت وخرجو كشاكشها من نيفها" : احم كحكح...يا خايت على ليام والوقت....
عصام : شكون گال هادشي بعدا ؟!
سيمو"هز ايدو وشير ل صفاء" : هادي...دابا هادي تليق ربة بيت وتولد ولادها وتكون جنة تحت اقدامها ؟"ضار شاف فصفاء" هههههههههههههههههه تولدهم وابو لهب يربي....
عصام"هز فيه حاجبو مخنزر" : صفاء مربية والى ضحكات مع مي نجية غير المعزة هاديك"تنهد" وهو كاين ضحك وكاين البسالة...والفاهم يفهم المعنى ويلجم عليا داك الفم...
صفاء"جمعات فمها وهبطات ايدها لتحت الي يشوفها غير سيمو وبدات تحك بصبع سبابة والابهام ونطقات متمتمة بين شفايفها كتشوف فسيمو الي ولا شهب بالقمعة" : موتي يا مريضة موووتي يحقيرة...احم"علات صوتها" ربي يخليك اعصام تانا غير ضحكت معاه عارفني كنضحك ههههه...سيمو زوين وضريف وصبار وضحوكي وشهيب ههههه..
حاولو يضحكو يغيرو الجو باش تحس فرح انه ضايرة بيها طاقة ايجابية وتعرف معنى الجماعة ويمكن ترجع تندامج معاهم...هما غير كايحاولو وصافي عارفين انه الاندماج والانسان يتعالج او يرجع يوقف على رجليه فهي مسالة وقت...يا اما يرجع انسان قوي واحسن من قبل واما يبقى كيما هو باش ترجع كيف كانت فالحاجة الى تهرسات مرارا وتكرارا مكترجعش فالكسر الاول ومكيرجعش فما بالك بالتكرار...
رجعات تكات غطاتها صفاء وبقات جالسة حداها شادة تيليفون مكونكطيا...بقى الحال هو الحال كيوصل وقت الغذا كاينوضوها تغذا بزز...لا فوزي خرج من الدار ولا عصام...كاملين معاها حتى وصل الليل العشاء كاذن خرج عصام من البيت لابس سورفيت كحلة وكيلبس فالكبوط باش يخرج دخل البيت وقرب ليها كانت ناعسة حناكها بغاو يطرطقو بالحمورية حط عليهم ايدو كانت باردة وهي تقفز...
فرح"شهقات وهي تنوض" : ممم علاش علاش ؟!
عصام : بسم الله عليك..غير انا حطيت ايدي نشوف سخانة...
فرح"حطات ايدها على صدرها كتصرط فريقها لقاتو ناشف" : ففف..خلعتيني..بغيت الما...
صفاء"ناضت كبات ليها كاس وهي تمدو ليها" : هاهو عطشتي ؟
فرح"كتشرب حركات راسها وهي تحط الكاس"
عصام : سخونة لا ؟
صفاء : لا لا غير حيث مدفياها مانطة...عبرت ليها عادية ماتخافش...
عصام"حرك راسو" : المهم انا خارج مع صطوف نقضيو شي غراض ونرجع...خاصاك شي حاجة ؟"قرب كيشوف فيها"
فرح : لا لا..بغيت غير نتكى صافي..غير خرج انا غير هنا ماعندي فين غاديا بلا ماتخاف ولا تشطن..اخرتي هنا كانت معروفة..
عصام : هادي داركم مايناقشنا فيها حد...بالي غايبقى مشطون عليك لا تجيك سخانة ولا تصادعك ايدك...الى خصاتك شي حاجة علمي صفاء ترسلها ليا فواتساب ولا فوزي هاهو حداك...
فوزي : تيسر هاني معاها لا بغات شي حاجة نعلمو"غمض عينيه وسدهم باش يفهمو حيث عارفو فيه غادي..."..
خرج عصام من الدار من بعد ما وصاهم يردو ليها البال وخا مايحتاجش يوصيهم...خشى سوارت وتيليفون فجيبو وهو يسد السنسلة ديال كبوط مع سدها وقفات طوموبيلة صطوف شرا جديدة من بعد ما باع اللولة الي دار بيها فوزي كسيدة وكانت هادي هي اول وقفة ليها قدام دار عصام peugeot 208 فالبيض والحمر...حل باب ودخل وهو يزيد...
عصام"كيقلب بعينيه ويقيص فالكوسانات ويخبط" : حديد مليح هذا ؟!
صطوف : مليح كيجيب المليح والى حفات ليا جرية وعطيتها لواحد فيكم مابقى مليح وتا انا منبقاش معاكم مليح...
عصام : شوف وكان"قاد سانتيغ"...
صطوف : على رقبتي اولاد الخيالي مايسوگها واحد فيكم...هادي لا تشقلبت نمشي على كرشي تال زاوية نصرع..باغي ندركب فيها المدام لا بغى الله وندي فيها ولادي..
عصام : تبقى عندك تادير الولاد !! لا حول ولا قوة الا بالله...ماعلينا اش درتي مع سي عز الدين"الامام صاحب زين الدين" عطاوك الموافقة ؟
صطوف : يعطيوها مالهم مايعطيوها ؟ وصلت وگلت ليك ندير فيها مرتي ؟ تجي الواليدة من عند الخالة وشهر جاي نتيسرو تخطب ليا الاخت ديالو..وماتجيبش جدك نجري على والدين مك..ولا شتي اش دير ؟ جيبو جيييييييبو يعرف راني عالمهم بكلشي وقبلو عليا...ناس الخير والكرم ماشي غراقة...
عصام : ياك اسي ؟..وسير سير....
مسافة الطريق الي كانت قريبة ب نصف ساعة...كانو قدام الكلينيك دخلو لباركينغ فلاكاف بلاصاو سيارة وهما ينزلو كايدورو هنا وهنا اول مرة يوصلو هاد الكلينيك الي تبهضو غير من لاكاف كان قداش...على قد الكلينيك كامل لكن كان مقسم جهات خاصة وكل جهة وشنو كيبلتثيو فيها كاينة جيهة ديال فين محطوطين سيارات الاسعاف الخاصة...
عصام : فين الحاج !؟ صافي..
هز راسو وهو يمشي تبعو صطوف تال المصعد الذهبي الخاص بالاطباء...كان واقف السيكيريتي الي وصلاتو الخبار باش يخليهم يدخلو عطاهم البادج فيه خاص هادي كانت اضافة تزادت فالاونة الاخيرة...ركب ليهم رقم الجناح ورجع لبلاصتو من بعد ما شكروه...المصعد طالع وصطوف مدهشر...حتى تحل المصعد لقاو اسلام واقف...
اسلام : سي عصام ؟"حرك ليه راسو" تفضل اسيدي من هنا..
تبعوه حتى دخل لجناح ديالو نعت ليهم فين كاين بالضبط وخلاهم يدخلو لان هادشي بتوصيات من علي الي قاليه شكون هما ووصاه عليهم...اول حاجة كانت هي المكتب الي كان كبييير
صطوف : هذا فين كاين ؟موحال كاين هنا بان ليا هادشي خاوي
عصام" المكتب خاوي..شاف هنا وهنا وهو يبان ليه واحد الباب" : اجي هنا..."دق الباب تسنى شوية لا مجيب عاود والو وهو يحل الباب كانت شومبر مضلمة حتى جبد تيليفون شعل البيل قلب على نگاصة شعل الضو وهو يبان ليهم مجبد مسرح رجل ورجل طاويها وحاط دراعو على جبهتو"
زين الدين : ماگاليكم حد ماباغيش فريع الكر ؟
عصام : كي فرعتي ليا كري شحال هادي...نوض تگلع القلاوي من تم خلينا نهضرو...
صطوف : ابعدا باش طلعنا عندك طلعة ديال الملوك يتوب عليك اصحبي...
عصام : وصية الحاج علي"ذكروه صابوه حتى دخل عليهم نيت"
علي : بالخير بالخير..سمعت سميتي...
زين الدين"ضار مخنزر" : شنو جابك ؟ خليتيها مريضة وجيتي ؟
عصام : معاها فوزي وصفاء وخوها لاخور سيمو...
زين الدين"الصمت"
عصام : نوض خلينا نهضرو...
زين الدين"زفر بنفاذ صبر وهو ينوض كيحك فعينيه عاقد غوباشتو تخلع...حك لحيتو وهو يتقابل معاه كيهز فكمايم القبية..سرح ايديه وجمعهم" : هضر نشوف شنو بغيتي ؟
عصام : كنتي تسناني علاش مشيتي قبيلة ؟ كنصوني ليك تيليفونك طافي..
زين الدين : تسالات الهضرة عصام...تسالات..
كايهضر وعينيه ذابلين...تحت عينيه تورم ولحيتو ولات مخربقة ممشذباش شعرو مخربق..وجهو بان عليه شدة التعب والارهاق بالمعنى الحرفي...عينيه مكيرمشوش وهو كيهضر وهذا دليل على انه كايهضر بصح...
زين الدين : الهضرة لا كثرات كتبسال القضية..الجهد كان كتير...تقادا..."خرج عينيه" جهد تقادا عصام "هز ايدو سطر بيها لفوق" لا فات الحد مولاه كيتفرگع..ماباغيش نتفرگع اعصام نصدق معورها من جديد !! درت الي عليا وكثر كلشي عرفتيه من لول تلاخر...خلصت على ذنب الي درتو فيكم وخلصت بزايد...الي عشتو مع ختك مكانش تكفير على ذنب التكفير هو ملي طلبت سماحة وجيت باش نطلبها منك ماعطيتينش وقت...التكفير على ذنب هو ملي حبست الخطبة اللولة قبل مانتزوجو وانا ضاحك عليكم وكاذب ومدخلكم فحسابات الي كون نعرف توصل بيا لهاد المواصل لوح راسي من جبل ومنوصلهاش معاكم...الي عشتو مع ختك كان واجب عليا حيث مرتي"عصام ساكت كيسمع ليه وصطوف تاهو كيسمع علي نفس الشيء مخلينو يهضر لانه بصح كانت طاقتو باينة تسالات"...مني وفيا واجب عليا نوقف معاها فمحنتها ومرضها واجب عليا نعالجها..تانيب الضمير من جيهتها جاني ملي خطبتها وانا مكنعرفهاش وخطبتها ضد فالقواد الي كان راجل عمتي مابغيتهاش تكون ليه وتكرفص وفنفس الوقت خذيتها ضد فيه من نهار عرفتكم وعرفت معدنكم وانا كنموت كل نهار بعذاب الضمير...حتى لقيت راسي باغيها وزاد ضمير كيحفر يحفر ويعذب فيا...ونهار تفارقنا مرضت فصحتي وتهلكت حيث "عينيه حمرييييين" بغيتها...هادشي كلو حيث بغيتها...ما مرضتش فصحتي نهار مرضات وتعذباات ملي جريتي عليها ماتعذبتش فصحتي وانا كنداوي فيها حيث كانت حدايا مرتاح وهي حدايا والدوا يجي شوية بشوية غير متكونش بعيدة عليا...
عصام : وشنو تبدل دابا ؟ علاش ماتزيدش تصبر !! عليا انا ؟"هز ايديه لفوق" هذا جهدي ماباقيش مزال نوقف فطريق شي حد...
زين الدين"الصمت"
عصام : كاع داكشي الي طرا حيث خايف عليها ماباغيهاش ترجع تكرفص وكان من حقي وداك الحق تاحد مايحيدو ليا...
زين الدين : عمرو مكان غايتحيد ليك ومن نهاري وانا كنگول فيها الي دارها عصام عندو الحق فيها"حط ايدو على صدرو الي كان سخوون" لو كان بقات ختي عايشة وقع ليها هادشي ندير عليها ما كثر..عمري لمتك ولا گلت ماعندك حق...الي عليا عصام درتو..لا جات فيا دنيا هانية ختك رجعات ليك والباقي مانصيبش مزال نصبر...الي بغاتها هي الي تكون انا لحد ساعة منزيد مزال نوصلها ولا نهضر معاها ولا نشوف جيهتها....حتى تكلف هي وتعطي قرارها..."ضار جيهة التيليفون هزو شعلو داز جيهة الواتساب ورسليه اوديو طوييييل الي فيه تسجيل حواره مع ميثاء...حتى سمع عصام صوت الميساج وهو يهز تيليفون شاف سميتو وهز فيه عينيه" الوقت الي تهدن ختك عطيه ليها تسمعو"هز ايديه لفوق" نكون حيدت عليا الغيس ودرت الي عليا ونتا تفهم مزيان حيث تانا براسي مكنتش فاهم...
~~مابقى ما يتقال من بعد الذي قيييييل...تلجمو الفام فهاد اللحضة لان كلشي عيا وكان عارف عصام ان زين الدين غايقول هادشي لان عصام براسو مالقى مايقول وعارف انه اي انسان غايسمع الي قالتو فرح مغايبقاش مزال يزيد معاها دقيقة هو براسو فرتكها مع لمياء بسباب خوتو فما بالك واحد يسمع انه ولدو غاطيحو الى كان فالكرش هادي من اقسى الاشياء...
بعد اسبووع...
كان باقي على دخول رمضان اسبوع...ضار جيهة السيارة سد بالكونطاكت من بعيد وجر فاليز صغيرة..لابس فوقية بيج فوق منها جلابة بيضة ديال سوسدي...تقاشر بيضين خاشي رجليه فبلغة بيج فحال صابو باش يمشي بيها مزيان...توجه ناحية البوابة عينيه حمرييين ...لحيتو باقي هي هي...حجبانو كانو مغوبشين...شكارة فكتفو حتى دخل هز عينيه فالبانو وهو يهبط راسو ومشى جيهة بلاصة الاجراءات...عطاهم باسبور والبييي شافتو تاكدات من معلومات وهي طبع ليه فيه وعطاتو ليه دار فاليز وشكارة فسكانير ودخل...صونا تيليفونو شاف المتصل كان الحسين...
زين الدين : با خبار الخير ؟
الحسين : صافي مشيتي ولدي ؟ جيت نجري نسلم عليك مالقيتكش...
زين الدين : ماعليش ماكتابش..."تا سمع صوت النداء كيقول...
~على السادة المتوجهين من مطار محمد الخامس الدولي الدار البيضاء الى المدينة المنورة التوجه نحو البوابة رقم اثنان شكرا." با...نوصل ونهضر معاك..."قطع معاه وهو يدخل كمل الاجراءات وصل لطيارة طلع ودخل جلس فبلاصتو كانت حدا شرجم شوي وهو يعيط ليه ريان قبل مايعلنو على باش يطفي تيليفون حيث باقي ناس كيطلعو..."
ريان : سموحات اخويا برزطتك...شفتي الميساج فنمرتك لاخرى؟
زين الدين : نمرة الخدمة طافيها...مخدم هادي بيرسونيل..شنو كاين ؟!
ريان"صرط ريقو" : وايلي وانا كنگول علاش ماصوناش ليا..احم م مهم عيطات ليا ختي فرح...
زين الدين"هز حاجبو" : ومن بعد ؟...
ريان : بغات ب احم.."غمض عينيه وهو ينطقها"سولاتني على شنو دير الى بغات ترفع دعوى الطلاق...مافهمتش...
زين الدين"نطق ببرود" : وكان ؟..هادشي مايخليكش تبرزطني بكترة les appels...سبعين الف appel منك على والو !!؟ تصرف نتا ماتبرزطوش ليا راسي راني فالعمرة هاد النمرة حتى هي غانطفيها...قضي غراض مع البشري الله يعاون.."قطع عليه وطفى تيليفون مع طفاه مع قالت المضيفة يطفيو تيليفونات"...
الاستعدادات لشهر رمضان المبارك كيف اي دار مغربية ولابد ماكيكون جري المقدية التحضيرات لهاد الشهر الكريم...كل درب كتشمي فيه ريحة دقيق كايتحمر لتحضير السفوف او سلو او سليلو ههه ريحة شباكية كاتقلى هاد زوج عناصر مهمة فاي بيت مغربي...خلي عليك توجاد العطرية الخاصة...دنيا عامرة خصوصا الناس خارجة تقدا جري عليا نجري عليك وهادشي باقي اسبوع على دخول الشهر الكريم....
صفاء"هازة طاوة الدقيق بجنب وحداها سيمو هاز جوجات فوق راسو" : عنداك طيح امسخوط...
سيمو : سكتي غا نتي الله مايطيح..هلكتي تامل بويا من عند باب الفران ونتي لكلكلكلكلكلكلك كانقسم لدمك بالرب المعبود وماتسكتي تانشتتها لقواد بوك على راسك...
صفاء"بلگت فيه عينيها" : يااااا بسم الله رحمن الرحيم..وشتتها لما شتتاتك مي على عشرة...شتت شتت يلاه شتت...
سيمو"حيد الطاوات من فوق راسو وهزهم تالسما كان باين على عينيه غايشتتهم لانه مكاميش راسو كايتبخ غا متقي الله فصفاء"
صفاء"بان ليها وجهو جدي فايت القياس ديال اخطر المجرمين" : اصلي عالنبي مايكون غا خاطرك واش نتا بعقلك تدي على خمسة غرام ديال العقل ؟ من نيتك !! على صفاء كايديو عليها الناس ؟؟
سيمو : وباغيا تجوجي ؟
صفاء : انا باقي قاصر ماعندي عقل من نيتك نتجوج ؟
سيمو : سيري سبقيني لا نقسم مك على ربعة...
حدرت راسها ودارت فرررت قدامو كاتسمع فيه كايسب مافرزاتش اكيقول عرفاتو صعر عليها ههههه...وصلات لدار نيشان دخلات لقات امها مفرشة هي ونجية وسط قاع الدار..كادق فالفردو(مهراز العود طويل) ونجية حداها كتغربل وتعزل فداك القوام الي كيوجدو باش يقسموه على ثلاثة واحد لدار فاجنة والثاني لنجية وثالث بطبيعة الحال لدار عصام...حطات ليها طاوات تبعها سيمو حطهم وخرج ماهضر معاه تاحد فقط نجية بقات تحرك فراسها بولولة خرج فيها العجب تلاقات ليه مع قرب يسالي الاجازة...
صفاء : مي هاني غانمشي عند فرح نشوفها واش واجدة نمشيو لحمام...
فاطنة : وادوزي بركي هن نسولك...
صفاء : هاني مي اش كاين ؟
فاطنة"هزات فيها عينيها وصغرتهم مزياااان" : فراسك واحد ولد الناس خطبك !! ونامسينا هضر مع بوك جيلالي...
صفاء"صرطات ريقها حناكها دغيا تزنگو" : ل لل لا فراسيش..شكون هذا كنعرفو ؟!
فاطنة : تعرفيه مزياااااان اديبة تعرفيه...
صفاء : الله مكنعرف شحد بغى يتجوج بيا مي صلي عالنبي..عارفاني نزفط ؟!
فاطنة : واهيلي ؟ وشت هاد السيد گال بوك كيعرفو مزيان يامس بالليل بركت نسول فيه شكون حلف مايگول ايوى هاني تنسول فمولات الشان والمرشان...زرگة بنتي الي كبرت ودواو فيها ناس...على فعايلك وقباحتك وفمك الي مبري منك ولسانك الي يحلف ويعطي لگلبو الى من طولو ماكاين...گلت هنا بقيتي ليا ضفري ليا شيب...
صفاء"كتشوف فيها ترجع تشوف فنجية الي كتحرك ليها راسها هاي هاي هاي...شافت فمها ورجعات تاني شافت فنجية الي مصغرة فيها عينيها وهي تصغر فيها عينيها تاهي" : مي نجية اش درت ؟
نجية"باقي مصغرة فيها عينيها" : شكون الي جاي يخطب فيك ؟
صفاء"تاهي" : عرفتش...
نجية : وگالو على مزيناتو راجل يحلفو بيه رجاال..طويل مگضر وبدراعو وخدمتو ودارو...بفلوسو..."هي ماعارفاهش غا بغات طيحها فشبكة يعرفو شكون هذا"...ولين ا فاطنة را جيلالي مابغاهش ليها ياك هادشي الي گلتي وكان ؟...
فاطنة : هيييي ؟؟..اي ايه ايه...ماتبغيهش هاد المنطيحة عندي مو سربوب( معندهاش ترمة)...
صفاء"عينيها ولاو كي طرينبويا كيدورو"
نجية : والله الى زيييين تبارك الله...را گالها ليا سيمو ولدي وگاليا شكون وليني بنتك ليهو..دية مابغاتش...
فاطنة : لا تبغيش نعل الي يبززها..ها محمد امين جاي بعد غذا يدوز معانا رمضان ونزيدو يهضر معاها تجمع راسها العريس جاي يديرو الكاغيط(العقد)...
صفاء : لااااا مي ماعرفتوش علاش باغين تجوجوني لواحد مكنعرفوش حيث هذا الي جا عند با ماعرفتوش ؟! راني ماعرفتوش امي صلي عالنبي...انا ماعندي تا علاقة رومانسية مع شي حد الى كانت عندي ضروري غانوفيكم بجديد حياتي الشخصية...
فاطنة : هااا ؟
صفاء : ماتحكريش امي الله يرضي عليك....
نجية : وتانتي ماعندك لاش بغيتي تجوجي دروك صراحة الله مزال صغيرة يلاه عندك 27 عام مابقا ليك والو ودخلي ف 28 الى باقي عقلي ينفعني..باقي يلاه بادية الخدمة عيشي من غلتك(الغلة زعما هي صاليرها الي كتاكل منو)...ماعندك ماديري بجواج لاكان غا دروك...تفيقي فالصباح توجدي ليه مايفطر تصبحي تسخني فمقراج الما لاتاي ولوضو...
صفاء : لا مي نجية تايشرب قهوة كحلة هو مع صباح"خرجات عينيها تا ضربها ضو لفمها بالصدمة" اعييييييييييييو !
فاطنة : هاااااااا الرفيسة طابت...
نجية : سگي فاطنة...
فاطنة"حطات ايد المهراز ضارت تهز الزيف باش تمسح ايدها مالقاتوش وهي تشوف ف نجية" : مدي ليا داك زيف نمسح ايدي نشوف هذا شكون..."مسحات فمها وهي ظور نجية كتقلب على زيف تا لقاتو عطاتو ليها جات تمسح وتشوف صفاء لقات غا ايدها ونجية والصحرا...فين صفاء ؟ الله علم..." يا بسم الله رحمن الرحييييييم....
نجية : هادي امتى زادت...
خرجات كاتجري بانت ليها دار محلولة كان جاي فوزي خارج بسوينغ ديالو بجريتها دخلات بجهد تا خرجات فيه وهو يطيح السوينغ ودازت فيه تجري خلاتو كيقلب شكون هادشي الي داز من حداه كي رعدة....
فوزي : تا شكون هادشي الي داز ؟!"كايطل بانت ليه مشات تجري"...
صفاء : فرح فينك ؟؟ فراااااح...وااااااا فرح...
تحل الباب ديال بيتها وهي تخرج كطل عليها وقفات عند الباب هزات ايدها مخبية فالكامة مسحات بيها عينيها الي كانو حمرين. كتسحت بمنخرها...
فرح : هاني مالك !؟
صفاء"قربات ليها كاتقلب فوجهها حطات ايدها على حنكها" : كنتي كتبكي ؟!
فرح : لا ضربني البرد مناخري مزموطين"بدات تكحب بالفعل كان صوت كحتها كايوحي انه ضاربها البرد وكان باين انه فيها رواح"علاش غانبكي ؟!...
صفاء : والو غا خلعتيني عينيك حمرين وكتسحتي..."هزات ليها ايدها" كي بقات ايدك شوية ؟!.."حركات راسها" جمعتي حوايج الحمام باش نمشيو ؟
فرح : ماجمعتش ومافياش مايمشي والله عيانة...وزايدون ايدي غايوصلها لما...
صفاء : ايدك غاندير ليها سبارادرا انتي واتر مغايوصلهاش الما..زيدي نمشيو من هنا ليومين يولي الحمام عامر وسبحاااان الله كلشي يبغي يتوضى لرمضان...كلشي كيجونب وتحيد منو ليغيكل فرمضان جديدة كلها...
فرح"ماشعراتش حتى ضحكت" : هههههه ..
صفاء"قرصت ليها حنيكاتها" : يااالالة يخليلي الي ضحك...نمشي نجمع حوايجي نعول عليك ؟
فرح"مالقات ماتقول وهي تحرك راسها" : واخا صافي...
مشات صفاء خرجات من دار وهي دور رجعات دخلات البيت تنهدات وهي توقف قدام الماريو حلاتو وبقات واقفة كتشوووف فيه عقلها سرح كيفكر فشلاااا وشوية...حتى سمعات الباب ديال دوش تحل خرج منو عصام مدوش شعرو باقي فازگ لابس حوايجو فالدوش كينشف فشعرو ولحيتو طل فالبيت مالقاش فوزي وهو يمشي زرب جيهة بيتها تا بانت ليه واقفة سااااهية ماهياش هنا...
عصام : مالك واقفة ؟!
فرح"فاقت من سهوتها وهي تشوف فيه" : ها ؟ والو غير بغيت نجمع حوايجي بغات تديني صفاء لحمام قبل مايعمر هاد اليومين حيث قرب يدخل رمضان...
عصام : امتى غاديين !!
فرح : دابا...
عصام"حرك راسو" : يلاه سربي جمعي باش ندي ليكم حوايجكم لحمام وسيرو مخففين...
فرح"بقات كتشوووف فيه وهي تبسم" : واخا...
خرج من البيت حاس بيها عارفها باقي مدمرة باقي كتحاول تلملم فراسها وخا تدريجيا بدات كتولف على شحاال من حاجة واولها انها كتهضر مع ناس رجعات لجماعة ومابقاوش ناس كيبرزطوها وهادشي تحيد ملي كانت مع زين الدين نقصات منها بزاف ديال الحوايج الي كانو ماثرين عليها...تنهدت وهي تبدا تهز شنو تدي معاها..عزلات بيجامة بين وبين لان الجو كان ربيع...ملابس تحتية الخ...جمعات حوايجها فالصاك والبينوار ديالها...خرجات من البيت كاتمشى بشوية حتى دخلات لدوش هزات سطل كبير جمعات فيه الماعن وهزات شامبوان وداكشي ديالها الي خذا ليها عصام عن طريق صفاء لانه تاحاجة من الفيلا ماجابتها كلشي خلاتو ليه تما...وجدات كلشي وهي تلبس جلابة كحلة ودخلات البيت جلسات كتسنى...هزات عينيها فوق طابلة بان ليها تيليفونها الي خذا ليها عصام جديد بنمرة جديدة ماقدرش يعطيها اللولاني الي حيدو ليها فضل كل حاجة تبدا من جديد...بقات كتشووووف فيه وهو يمشي بالها لتسجييل الي عطاها عصام الغذ ليه...
عصام"حط ليها تيليفون فايدها مفتوح على جيهة المحادثة بينو وبين زين الدين" : سمعي هادشي فرح...
فرح"كمشات فيه حجبانها" : اش غانسمع ؟؟"هبطات عينيها كتشوف" عصام حرام عليك واش ماكتسمعش اش گلت ليكم !؟ علاش كتبغيو تقجرو عليا !!...
عصام"بنضرات جدية" : فرح !! حنا ماشي براهش باش نعاودو نفس الحاجة...مابغيتش تسمعي ليه سمعي هادشي الي هنا سمعي فرح وديك الساعة ديري الي عجبك الله ينعل الي باقي گاليك يخ...سمعي فرح الله يرضي عليك...
فوزي : فرح ماغادي تمشي لحتى بلاصا هانتي هنا فداركم وهادشي قدامك يعني مغاتديري تاحاجة بلا رضاك...سمعي وديك الساعة الي بغيتيه نديروه ماندخلو فيك باقي الي رتاحيتي فيه حنا معاك...
فرح"دموعها نزلو يجريو وهي كتشوف فيه...عرف انها مغاديش طلق التسجيل وهو يمد ايدو طلقو...حتى بدات كاتسمع الهضرة الي ضارت بينو وبين ميثاء...طبعا بالتعديل نقص بعض المقاطع الي حس انهم ممكن يزعجوها الي ماعندهم حتى فائدة...احتراما لنفسيتها...كتسمع وكتشوف فعصام كتسمع ودموعها دايزين...كاتسمع وقلبها كيضرب بجهد...سمعااات وسمعات حتى كمل تسجيل على خاااطر خاطرو مع تسالا مع شهقات شهقة قداااش حتى خلعاتهم حساب ليهم غير روحها خرجات.حتى مشى فوزي كيجري جاب ليها كاس الما وايدو كترعد عطاها تشرب..كاتشرب وتنخصص بالبكا وهي تلوح لعصام تيليفونو فلارض هز عصام عينيه ففوزي ورجع شاف فتيليفون ماعرفو شنو ردة فعلها بالضبط...
عصام : صافي صافي براكة من البكا..
رجعات للوقت الحاضر بدخول عصام كيجبد فلوس من بزطامو حتى مد ليها ميتين درهم حطها ليها فايدها...
عصام : شدي كسالة نتي وصفاء باش تجيو دغيا...
فرح"هبطات عينيها ل فلوس ورجعات شافت فيه وهي تحرك راسها ونطقات بصوت منخفض" : واخا...احم..ماتنساش القوام ديال شباكية...
عصام"بصدمة" : لاش بغيتيه ؟
فرح"ناضت وهي تم غاديا لبيت تهز صاك تحطو عند الباب وهي تتطق" : باش نديرها...
فندق شهد المدينة المتواجد طبعا بالمدينة المنورة...
نزل من السيارة التابعة للفندق...توجه العامل باش شد من عندو الفاليز....خشا ايديه فجياب الجلابة حتى قادها...مع حط رجليه فاكثر الاماكن طهارة فالعالم..حس بقلبو فيه نوع من السكوون نتيجة راحة نازلة من عند الله سبحانه..راسو خااااوي كانه مافيهش حس التفكير...تبع العامل حتى وصل للاستقبال عمر لافيش ودوز الخلاص بلاكارط لمدة اربع ايام قبل الاحرام للتوجه الى مكة المكرمة لاداء مناسك العمرة...كان قريب الاذان ديال الفجر دخل الغرفة وجلس فوق الناموسية غمض عينيه كيسمع لديك الراحة كايحاول قد ما قدر يستمتع لديك السكينة الي نازلة عليه...كانه ففترة نقاهة طبيعية من عند الله...قبل مايحل عينيه ويتوجه لفاليز جبد منها شنو يحتاج ودخل لدوش دوش مزيان وتوضى وخرج كينشف فحالتو...لبس الملابس تحتية بيضة ولبس فوقهم فوقية بيضة وتقاشر بيضين...هز ساشية جبد منها صندالة بيضة جديدة رماها وخشى فيها رجليه...هز شنو يحتاج وهو يخرج من الغرفة ونزل نيشان خرج من الفندق توجه مباشرة للمسجد النبوي مشيا على الاقدام...كيف دخل صلى صلاة تحية المسجد...و فانتظار اذان صلاة الفجر استغل الوقت وهز واحد من المصاحف الي تما فتحو وبدا يقرا ايات من الذكر الحكيم... اذن الفجر وصلاو...بقى شوية تما وهو يخرج توجه لوطيل لغرقة ديالو حيد الفوقية وتكى رتاااح ليه مع راسو ما فاق حتى لتمنية ونص ديال صباح...عاود توضى من جديد وبدل وهو ينزل ثاني لتحت اول حاجة توجه لمسجد النبوي طبعا دنيا عااامرة بحكم الناس جايا من بقاع العالم الاسلامي لتادية مناسك العمرة خصوصا فهاد رمضان كايبغيو ناس يدوزو فيه العمرة...توجه لباب ديال البقيع (او بقيع الغرقد نسبة الى شجرة الغرقد)هي المقبرة الرئيسة لأهل المدينة المنورة منذ عهد الرسول محمد،صلى الله عليه وسلم ومن أقرب الأماكن التاريخية إلى مبنى المسجد النبوي حاليًا، مزال لحد الان قيد الاستخدام...
وصل الباب الكبير ديال المقبرة..ودخل
زين الدين : السلام عليكم يا أهل الديار أنتم السابقون ونحن اللاحقون ان شاء الله....
على ايدو ليمنة كاين سياج ورا البلاكة الكبيرة مقابر كل من السيدة فاطمة الزهراء ابنة النبي صلى عليه وسلم وسيدنا الحسن ابن علي سبط رضي الله عنه...وسيدنا علي زين العابدين ابن الحسين رضي الله عنهم جميعا...وفي الجهة الاخرى قبر بنات النبي صلى الله عليه وسلم زينب رقية وام كلثوم...وهناك قبور امهات المؤمنين...اضافة الى قبور الصحابة....الذين كان عددهم عشرة الاف صحابي ممن شهدو مع النبي صلى الله عليه وسلم حجة الوداع... وشهداء الحرة اكبر مدب..حة فتاريخ المدينة...الى اخره..من عمات الرسول صلى الله عليه وسلم والعدييييد....
غادي وكيشوف هنا وهنا وغادي حتى وصل عليه واحد السيد من الناس الي مقابلين تما...مقبرة البقيع يسمح بدخول الرجال من الشروق وبعد العصر فقط...سلم عليه وهو يتبعو بقاو غادين كيشوف ويعمر عينيه بديك المنطقة كاااااملة حتى شاف القبة الخضراء من بعيد فين مدفون اشرف الخلق محمد صلى الله عليه وسلم...مسافة طوييلة حتى كان قدام واحد المربع لان مقبرة البقيع مقسومة لمربعات بالتنضيم...كل مربع مدفون فيه الصحابة امهات المؤمنين وحتى زوار المدينة وشهدائها... فبلايص فين مدفونين الناس كيبقاو يدفنو بالترتيب حتى كيوصلو لاخر نقطة من البقيع كل ثلاث او خمس سنوات ملي كتعمر اخر نقطة كيف ذكرت... كيعاودو يدفنو فيها من الاول..يعني فوق كل قبر سابق..الى لقاو العضام كايكحزوهم ويدفنو جنبهم مالقاوش كيدفنو. وهكذا دواليك....
الجهة كانو فيها قبور باه عبد الله وامه فاطمة الي توفاو اثناء تديتهم لمناسك الحج...من بعد ما كان شاب فمقتبل العمر يلاه عندو 18 سنة فالوقيتة الي كان كيتسنى فيها واليديه يرجعو حجاج مارجع تاواحد فيهم وعمرو ما ينسى نهار جاهم الاتصال من عند صاحب باه كايقوليه الخبر فوذنيه...
عبد المطلب : ولدي زين الدين هذا !؟"الاتصال فالفيكس لان داك الوقت مكانوش هواتف نقالة طبعا.."
زين الدين : هو هذا..واش عمي عبد المطلب ياك..."كايهضر من فيكس المحل" الو عمي مكنسمعكش...
عبد المطلب : ولدي كنسمعك كانسمعك"تنهد باسف" ولدي كون مع الله يكون معاك..الحاج والحاجة في ذمة الله..
زين الدين"عينيه خرجو" : الو عمي كيفاش !؟ علاش في ذمة الله ؟؟...
عبد المطلب : توفاو اولدي الصباح في حادث تدافع الناس في مشعر منى...البركة فراسك اولدي والله يصبركم...مكانش الهاتف كيسمع كتر من هاكا كيف قالها ليه تسمع طوووط طوووط طوووط...كانت اخر حاجة كيسمعها على واليديه...ترحم عليهم وبقى واقف لمدة فحال الى حاس براسو وسطهم حس بشعور الدفئ ديال الواليدين...الي بلاصتهم مايعمرها تاحد كيما بغى يكون...
زين الدين"عمرو ينسى النهار الي كانو غاديين فيه ووصاوه يتهلى فراسو وفعمتو ميفرطش فيها...شاف فالقبورة تنهد وقال" : نص المحبة وناسة والنص ثاني اماان..محبتكم ماتقدر لا بجاه ولا مال...عمري ربعين وباقي بلا بيكم يتيم...
"الكرامة جميلة حتى وإن جعلتك وحيداً."
.صوت تقرقيب الماعن وصوت المقراج...حل باب البيت وخرج كيسمع فالتقرقيب كمش حجبانو حيث كان هو او فوزي الي كايوجدو الفجور وهي كتكون ناعسة...مشى جيهة الكوزينة حتى كاتبان ليه واقفة كاتحط فالبراد مشحر...
عصام"كيحك عينيه حتى هزهم مغوبش بتاثير النعاس ونطق بصوت بح" : صباح الخير...
فرح"ضارت شافت فيه حركت راسها فقط"
عصام : فايقة بكري ولا ؟؟
فرح : فقت بكري من الفجر وانا فايقة هذاكشي علاش نضت كنطيب الفطور قبل متفيقو...
عصام : كنتي تسناي نفيق انا ولا فيقيني نجلس معاك الى ماجاكش النعاس...
فرح.: ماشي مشكيل..سير غسل واجي الطابلة واجدة فيق معاك فوزي...
عصام"حرك راسو وهو يدور مشى لطواليط غسل وجهو وتوضى وخرج لقاها هازا كاس قهوة كحلة عطاتو ليه" : الله يحفضك...
فرح : انا غانفيق فوزي غير سير...
عصام"تمات غاديا وهو يوقفها" : واش مزيانة مابيك والو"قاس ليها ايدها" مزيانة ؟!
فرح : مزيانة وبييييخير...غير سير ورجع باش تفطر
دات صينية ديال اتاي حطات فوق طابلة وخرجات من جديد توجها لبيت فين كينعس فوزي وعصام...فيقات فوزي بالكشيفة وهي تخرج جلسات فالبيت فانتظار يتجمعو كاملين على طابلة الفطور...بقات ساهية دايرة ايديها على حناكها ورجع راسها عمر بالتفكير من جديد لدرجة ماحساتش امتى جا فوزي جلس حداها وعاوتاني كيحرك ايدو قدام وجهها حتى حركها وهي تفيق من سهوتها...
فوزي : افين مشيتي !؟
فرح : لوالو..."جرات صينية وهي تبدا تكب فكيسان اتاي عطاتو كاسو وخذات كاسها حتى نزل عصام كيعجعج بريحة الكارو..كبات ليه كاسو تاهو وبداو الفطور فسكاااات اما هي كانت كيف العادة شادة الكاس فايدها وساااهية..الشي الي بدا يبرزط عصام من ناحيتها بالخصوص انها طولات فهادشي..كان عاطي راحة راحتها لانها عاد مرات بحالة نفسية قاسية خلاتها تحاول تنهي حياتها...ورجوعها لدارهم فضروف ماشي عادية..لكن كل نهار نفس الحالة وهي سادة عليها فنفس القوقعة ديال سهو مابقا دش صبر ونطق من بعد ما حط كاسو وشاف فيها"
عصام : فرح !!
فرح"هزات فيه عينيها" : ممم نعام !؟
عصام : ما ناوياش تفطري ؟
فرح : هاني كنفطر علاش !؟
عصام : مابان ليا والو...كل ضباح نفس الهضرة وشي ماكلة ماشفتها... ماشي براكة عليك !؟"بغات تهضر وهو يغمض عينيه وجهد صوته شوية بكلام جدي" خليني نهضر افرح الله يرضي عليك...هضرتي گلتي الي بغيتي سمعناك ودرنا ليك خاطرك..ولين هاد الحالة الي نتي فيها وجهك مابقاش كيف قبل..عينيك دخلو حالتك تبدلت...بغيتي تبقاي هاكا ؟..
فرح"صرطات ريقها وهي تحنحن منضفة حلقها..حطات كاسها وهي تشوف فيه" : لا ماغاديش نبقى هاكا...كنت بغيت حتى نفطرو والى كنتي مسالي تديني لعند طبيب يونس الي متبعة معاه...
فوزي"شاف فعصام الي بدوره تاهو تصدم حتى تبسم"
عصام : وايلي !؟ هي ناوية ترجعي تكملي معاه !؟
فرح"تنهدات وهي تحرك راسها" : محتاجة نهضر معاه..واخا هاكاك هو اختصاص ديالو كايخليه يفهمني شنو بغيت..هو عارف قصتي من لول حتى لاخر...كيفاش توضرت فانزكان عند هادوك وشنو طرا ليا عندهم...مهم عارف كيفاش يمشي معايا مابغيتش نبدل طبيب...
"كتشوف فعصام وكتاكد ليه بعينيها كانها كتحشي ليه الهضرة كتلومو وتعاتبو وهذا يمكن اقسى انواع اللوم لشي حد هو انك تحشي ليه شنو دار خصوصا الى كان ضميرو كايانبو على فعلتو...وفنفس الوقت تفريغ لشنو كانت هازة من جيهتو وهادي حاجة مزيانة نوعا ما ماتبقاش مخبية فقلبها ومع الوقت ماتبقاش هازة من جيهتو وتبدا تصفى الامور"
عصام"هاد الهضرة كتعصبو بزاف ولكن جا الوقت الي خاصو يصبر يكمدها لمصلحتهم بزوج.." : .فراسو غادي تجي !؟
فرح : اه هضرت معاه البارح...
فوزي : مرتاحة معاه..حتى هو الله يعمرها دار...نمشي معاكم حتى انا...
عصام : يلاه فطري ونوضي بدلي حوايجك...انا غادي نهضر مع صطوف الى كان مسالي..يدوز علينا بطوموبيلتو يدينا لكازا...
فرح"حركات راسها كلات علاش قدت وصافي كاسها د اتاي بقا عامر كانت غير شاداه مدفية بيه ايدها وصافي...ناضت بغات تجمع وهو يوقفها عصام"...
عصام : سيري لبسي انا غانجمع هادشي مع فوزي سيري...
ماجاوباتوش حركات راسها وهي تمشي لبيتها...حلات الماريو هزات سورفيت مكونة من كابيشو عريضة بالقب حد ركبة شوي... وسروالها بالباندة عند رجلين فالكحل لبساتها جمعات شعرها بقراصة من لور ولبسات تقاشر هزات صويك دارت فيه بزطامها وتيليفون وهي تخرج هزات سبرديلة جلسات حتى لبساتها وناضت...لقات عصام واقف وفوزي خارج من البيت مزال كايعرج...
عصام : خاص نديك تسواني ايدك...
فرح : غادي تجي صفاء فالعشية وتسوانيها ليا كيف مولفة...
خرجو قدام الباب وهو يوقف جبد تيليفونو بدا يبقشش فيه وهما حداه..فوزي واقف عادي اما فرح واقفة كانها مخبية...مرة مرة كترمي عينيها لارض البلاصة فين تحنات لعصام على رجليه وهي تغمض عينيها...مع ضار عصام قشعها حساب ليه بالي فيها شي حاجة...
عصام : مالك !؟
فرح"حلات عينيها وهي تشوف فيه" : ها ؟ والو غير تفكرت شي حاجة وقعات هنا واحد النهار ..."تنهدات" دازت مدة طويلة.."ضارت كتشوف خلاتو مصدوووم تا ولا يشوف ففوزي الي بدوره دار راسو ماسمعش وشاف لهيه...ما فكهم من هاد الصدمة غير وصول صطوف قدام دار بسيارتو والي غايسوقها نيت هو....
خرجو من جديدة مسااافة ديال الطريق ولانهم غادين لكازا فكان الكلينيك غايكون فطريقهم...
صطوف"بانت ليه بلاكة المصحة على بعد خمس دقائق..ومن بعيييييد بان ليهم الكلينيك بحكمو حجمو الضخم..ضار شاف فعصام الي بدوره شاف فيه وهو يدور بغى يشوفها حتى لقاها مغمضة عينيها ناااعسة"
عصام : نعسات...
صطوف : خليها حتى نوصلو وفيقها...
تقريبا شي نص ساعة حتى كانو قدام العيادة وهو يدور لقاها فايقة كتحك فعينيها...
عصام"حل الباب ونزل وهي تنزل حتى هي وضارت قدام باب العمارة هزات عينيها لفوووق.." : يلاه زيدي...
فرح"ضارت شافت ففوزي" : بلا ماتعذبو راسكم مغاديش نتعطل بزاف..غير ربع ساعة وغادي نزل...
فوزي : متاكدة ؟.."حركات راسها"
صطوف : هاحنا فواحد الكافي هنا قضيو غراض ووصلو علينا..
وقف عصام قدام المصعد بغاو يطلعو فيه وهي تمشي جيهة دروج وضارت شافت فيه...
فرح : اجي نطلعو فدروج بلاش منركبو فهذاك..مابعيدش بزاف..
عصام : عليك نتي اما انا معندي سوق واخا يكون فالسما سابعة..يلاه تحركي...
طلعو لطابق ديال مكتب عيادة يونس والي كان فانتضارها من بعد ما خبرو عصام بانهم وصلو وكيف العادة لقاتو فاستقبالها باباتسامة واخا تاهو باينة كيمر من مشاكيل لكن عارف كيفاش يجيري خدمتو فخضم المشاكيل الي عندو...
يونس : اه اه زارتنا البركة مادام فرح..."حرك ليها راسو فقط احتراما لكونها زوجة زين الدين..ومد ايدو لعصام" مرحبا با عصام..تفضلو...
عصام"شاف فيها" : ياكما ندخل معاك !؟
فرح"حركات راسها ب لا" : لا لا غير خليني قادرة ندخل وحدي..
عصام"باس ليها راسها" : واخا سيري...
يونس : تفضلي..."دخل هو لول وتبعاتو هي حتى مشات لبلاصة فين كانت كتجلس...لكن هو غير الوجهة وجلسها فالفوطوي فين كان جالس زين الدين ديك المرة" باش ترتاحي فالهضرة..بلاتي"مشى لمكتب ديالو هز التيليفون فاش كيسجل ومذكرة ونضاضر شوف ديالو الي دارهم وتوجه لعندها تقابل معاها وجلس" فاجئتيني ملي قررتي تجي راسك حتى لهنا..
فرح : علاش شي حاجة غريبة ؟
يونس : شي حاجة غير متوقعة منك...ولكن خطوة زوينة شجاعة..ماعندي مايتسالك...فيها حاجة نتي مارديتيش ليها البال هي الي خلاتني نفرح...
فرح : اشنو هي ؟
يونس : ملي كنتي جايا ماحسيتيش بنوع من الانزعاج بخصوص خروجك من الدار..عادي..ماحسيتيش بالخوف..تغلبتي على المخاوف ديالك الي كانو فيك... n'est ce pas ؟ ...
فرح"هبطت راسها كتفرك فايديها" : ماعرفتش مارديتش البال..مابقيتش كنرد لبال لهادشي..مابقيتش كنركز فبحال هاد الامور قد ما وليت باغية نركز على حياتي من هنا لقدام...
يونس : بحالاش !؟
فرح"حكات شنايفها..وهي تنهد قبل ماتهز فيه راسها وشافت فيه" : بغيت نوقف على رجليا...بما انك عارف مناش دزت..وعارف اشنو باغية ممكن تفيدني ؟! ماعرفتش ولكن عارفاك غادي تفهمني...يمكن شي حد براني عليا الي غاينفعني..
يونس : انا براني ولا بسيكو ديالك ؟
فرح : ياك گلتي ليا غادي تعاوني كانسان اما الى كنتي بسيكو ديالي مغاديش تفوت معايا وقت ثمن الحصة تسمع ليا والله يعاون...ياك هادشي الي گلتي ؟!
يونس"سكت كيشوف فيها لمدة دقيقة قبل ماينطق" : تفضلي...
فرح : جربت نتزوج زواج تقليدي العريس مات نهار العقد"عينيها غرغرو" مات وهو كيوصيني نتهلى فراسي..كيوصيني منتقلقش ونبقى ديما فرحانا..يمكن هضرتو كان ليها معنى حيث عارفني حساسة بزاف..."مسحات عينيها وهي تبسم" سميتو يونس بحالك هههه...
يونس : الله يرحمو...كملي...
فرح : جربت نتزوج زواج تقليدي تاني راك عارف"قصدات زين الدين"حتى هو ماصدقش ضحك عليا..جربت "تزنگو حناكها"
يونس" اختاصر عليها" : جربتي تبغي...
فرح : حتى هو ماصدقش...
يونس"جمع حجبانو" : ماصدقش !!
فرح : ماصدقش..يمكن تقول هادي مريضة فعقلها...
يونس : الي مريض فعقلو كايگول هضرة وصباح كاينسى شنو قال...فرق كبييير فرح...يمكن سمعتي هاد الهضرة بزاف عليك او حيث كاتجي عندي وكلفو ليك طبيب نفسي عقلك مشى لجنون...ويمكن حيث حاولتي تنهي حياتك سميتي راسك مريضة فعقلك...المرض النفسي فيه بزاااف ديال الامراض..كل مرض وشنو تشخيصو..بالنسبة ليك مانگولش عندك مرض نفسي انما هي تراكمات نفسية خاصنا ليها وقيت لاباس به باش نخرجوها دقة بدقة...
فرح"الصمت"
يونس : كملي كنسمعك..ماتوقفيش قولي شنو ما فخاطرك كيما كان وخا يكون تافه بالنسبة ليا كلام عندو معنى...ماعمرك تحبسي راسك وتوقفي هضرتك وديري بناقص كيف كنقولو...
فرح"حركات راسها ب لا" : لا مادرتش بناقص..غير كنفكر كيفاش نوصليك شنو بغيت..."سكتات شوية وهي تعاود تنطق" انا جيت لهنا باش نسولك او نعرف واش انا الي كنفكر فيه والي بغيت نديرو عيب !؟ "هزات ايدها موقفاه" واش حرام !؟
يونس : شنو بغيتي ديري ؟!
فرح : بغيت نوقف على رجليا بغيت نرجع نقلب على خدمة ونبدا منين وقفت شحال هادي..."شافت فيه" بغيت نرفع دعوى طلاق كاول خطوة..واش هادشي حرام...
يونس :.الطلاق حلال عند الحاجة إليه، ولكنه أبغض الحلال إلى الله،...شنو الي يخليك تحتاجي لطلاق !!..
فرح : حياتي الي كنت فيها قبل وانا عايشة مع خوتي..ماكانش فيها صداع...بغيت اول حاجة هي نقطع الخيط الي دار لينا صداع..."يونس هز حاجبو"
هز حاجبو مصدوم من هضرتها...كيفاش الخيط الي دار لينا صداع...يعني الطلاق من زين الدين وزين الدين هو الي دار صداع...بقى كيشوف فيها ساكت كيدور الهضرة فراسو...فنفس الوقت عاطيها راحة لثوان...تگعد وتقاد فبلاصتو ورجع كتب فالمذكرة بعض العوارض...هز عينيه فيها ونطق...
يونس : صداع !! شمن صداع وقع فرح حتى كان الزوج ديالك سبابه ؟!
فرح : عارف القصة من الي بدات واول مرة جا عندنا ياك ؟"حرك راسو"من تما وحنا فالمشاكيل وحدة تابعة لاخرى ماتنفسناش حتى وقع الي وقع الباقي راك عارفو...
يونس : وعلاش هاد المشاكيل مابانو حتى عرفتيه ؟ الي كنعرف كنتي ديجا عايشة مشاكيل مع الاب ديالك..."خرج فيها عينيه بسوية كياكد" غياب الام على ماعاودتي ليا...علاش يخليك تحسي ان المشاكيل بدات من عند ضهور زين الدين...علاش ماتشوفيش وتبحثي وتعرفي ان الاصل المشكيل قريب ليك بزاااف معاك فينما كنتي...
فرح"باستغراب" : شكون !؟..
يونس : اصل المشكيل هو نتي ا فرح ماشي ناس الي ضايرين بيك وماشي زين الدين...اصل المشكيل والي خالق مشكيل ومشاكيل هو نتي..بغيتي نكون معاك صريح انا ديما صريح ماعندي لاش نكذب ولا نافقك..انا داير معاك خدمتي بحسب خبرتي الصراحة اهم حاجة فالحوار والعلاج...بعض الاشياء كتخلينا نضطرو نخبيو ولا نكذبو كذبة بيضة باش ندوزوها...هادشي علاش جيتك فاص...سباب المشكيل هو نتي..خوذي فترة راحة..ها رمضان جاي نتي بعيدة وهو بعيد عيشي الشهر الفضيل وفنفس الوقت خوذي وقت صغير من وقتك فكري فيه فين وعلاش نتي سباب المشكيل ونتلاقاو من ورا رمضان ان شاء الله...
فرح : مابغيتش نفكر..انا واخذة قراري..انا وياه منصلاحوش لبعضياتنا..علاقتنا سامة..من نهار عرفني وهو فالمشاكيل وانا فالمشاكيل..."تنهدات ودارت ايدها على وجهها كتبكي" نحمد الله ونعاود انه مابيناتناش لولاد"قلبها بدا يضرررب..مسحات دموعها بطرف كفها"...
يونس : هانتي جاوبتي ووصلتي لهضرتي..."شافت فيه..حرك راسو" نتي الي منك المشكيل..مسالة الولاد هذاك مكتاب الله...
فرح : بيه وبلا بيه ماعندي مابغيت الولاد...
يونس : علاش !؟...
فرح"هزات كتفها" : هاكاك...
يونس : مابغياش رابط يجمع بيناتكم ماشي بيه ولا بلا بيه..كتحاولي وكضغطي على راسك وطتقنعي راسك انه زين الدين ميصلاحش ليك وانك مابقيتيش باغياه...حيث غدرك وخان ثقتك...نتي براسك ماعندكش الثقة فراسك ف كيفاش غادي تيقي فناس الي معاك...حاولي ماتفكريش فهضرة الي تندمي عليها من بعد...وتجرحي ناس الي مابغاو ليك غير الخير...
فرح"خرجات فيه عينيها" : اشمن خير ؟ واش كاين شي حد يبغي وحدة عامرة صداعات من نهار عرفاتو وهو عايش سم فحياتو...راني ماكذبتش عليه وهضرتي ما كذوووبش انا مانصلاحش ليه وتاهو مايصلاحش ليا...اليوم او غذا يعيا ويخوني مابغيتش نعيش فالعذاب ديال وسواس والشك..
يونس : وهذا امر يخليك تجرحي باش توصلي شنو بغيتي ؟ كاين بزاف ديال طرق باش توصلي كاين حوار...الحوار الي بغيتيه ف خوك عصام"اكد بعينيه على هاد نقطة" خاص يكون فيك حتى نتي...ديري شنو قلت ليك رتاحي فهاد الشهر ومن بعد قرري فامر الطلاق...تاكدي انه ديك الساعة حتى حد مايقوليك لا..سالينا حصة اليوم...
كيف اي مريضة كملات الحصة ديالها وناضت...عالاقل رتاحت وقالت شنو بغات وخذات نصائح دير بيهم او ماديرش هادشي راجع ليها ولدماغها شنو باغي...رجعات لجديدة وفطريقهم دازو لمرجان...
عصام : نتقداو شنو يخص لرمضان...شوفي شنو تحتاجي هنا...
فرح : كون غير رجعنا لدار وتقديتي نتا عافاك...
فوزي : اجي تقداي نتي..هاهو كلشي قدامك..گولي شنو خاص ولا هزي الي بغيتي..توحشنا دوك شهيوات من ايديك.."بترجي" مانبقاوش فيك حنا خوتك باغين شهيوات !!
فرح"بقات كترمش فيه شافت فالباب وهي دور شافت فعصام الي شير ليها باش دخل..وهي تستسلم" : واخا يلاه ندخلو...
جر فوزي كروسة وعطاها دراعو تابطاتو وهما يدخلو..كان صطوف مشى فحالو وهما دخلو لمرجان..دخلو وسط ليغايون ديال السلعة كايشوفو هنا وهنا تقداو شنو خاص لرمضان تقدية كثيييرة...حيث مابقاش ليه بزاف غير ثلاث ايام فقط ودنيا عااامرة...كسات بشوية تبرزيط حتى زيرات على فوزي بجهد..وتاهو مادواش خلاها مزيرة حيث عرفها تبرزطت وفنفس الوقت مخلينها تولف العمورية اكثر...تقداو كاع الي غايخصهم والباقي فضلات انه يتقداه من سوق..فحال عطرية والخضرة والديسير واللحم وكفتة را اختصاص عصام ودجاج اختصاص فوزي...حتى خرجو محملييين زوج كرارس وعصام داير تيليفون فوذنيه حتى وقف عليهم طاكسي صاحبو عمرو لكوف وركبو..وصلو لدار فرحانين عالاقل كاينة معاهم ختهم تقريبا رجعات لحياة لدار لكن واش الحياة رجعات لفرح ؟...
فرح : غير خليهم انا نرتاح"كتنهج" ونستفهم..."كمشات ملامحها"
عصام : مالك ؟
فرح : ففف ما ماليش..."هزات فيه عينيها"امتى غادي تخطب صفاء !؟
عصام"خرج عينيه صدماتو" : نعام ؟ باش عرفتيها !!
فرح"هزات كتافها" : صفاء را صاحبتي واقيلة هه...
عصام : حتى يفوت رمضان ان شاء الله.."حك لحيتو" الى بغى الله..هاني درت بنصيحتك"غمزها..حيث هي الي حلات ليه عينيه عليها"..
فرح"ضارت غاديا" : انا مانصحتكش غير گلت ليك اش كاين..ماكاينش ماحسن منها الي يقبل عليك...
اقتراب شهر رمضان الي تبقات ليه يومين فقط...واليوم هو على اتم الاستعداد باش يمشي لمكة المكرمة...وقبل مايمشي كايخصو يحرم فالمدينة قبل مايتوجه لمكة...اول حاجة جمع حوايجو قبل فالفاليز ونزل من الاوطيل توجه لواحد من المحلات الي تما خذا الطلبية ديالو الي كانت عبارة على اثواب الاحرام كاملة..بحيث.تختلف طريقة لباس الرجل في الإحرام عن المرأة، إذ يتجرَّد المُحرِم من ثيابه ويرتدي الإزارَ والرداء؛ لقول رسول الله صلّى الله عليه وسلّم: "لِيُحرِمَ أحدُكم في إزارٍ ورداءٍ ونعْلَينِ"
خطأ ان نقول الاحرام...بل نقووول لبس الاحراام او البشكير او رداء المناسك...بدلا من ان تلبس المخيط...والمخيط المقصود بيه ليس ساعة بها خيط او صندالة بها خيط او او المقصود هو ما يخاط اي مايبين شكل الجسم يعني ماتلبسش شي حاجة الي تبين ليك تفاصيل جسمك سواء امرأة او رجل...هاد الاحرام طبعا خاص بالرجال... يغسل الرداء بالما دافي تفاديا لصابون الي فيه عطور لانه حرام...ويكتفي باحرام واحد هو باش يعتامر....دخل لدوش من بعد ما حيد حوايجو...دوش مزيااان..ازال شعر الابط والعانة وتقليم الاضافر واغتاسل بنية اداء مناسك العمرة...خرج ولبس داك الرداء الي كان عبارة عن ايزار من لواه من عند كرشو ودورو وطواه باش تبتو هابط تال تحت...حرك رجل هنا ورجل هنا باش تاكد واش يقدر يمشي بيه مرتاح ولا يجري بيه فالطواف وخا غايكون الزحام غير جرب وصافي...عاد جاب لزار الثاني لواه عليه من فوق قادو وتبتو فالحزام ديال رداء تحتاني...لبس النعل...هز واحد سمطة فيها شكارة بيضة لواها على كرشو دار فيها لوازم ديالو فلوس واي حاجة يحتاج تما...في حالة نسى ما حرمش خاص يرجع لميقات ويحرم قبل مايتوجه لمكة..الميقات الخمس الي هما ابيار علي الي نيت فالمدينة المنورة..او السعدية او ذات عرق..السيل الكبير او رابغ...هادو خاص تحرم فيهم الى ماحرمتيش كيف دار زين الدين ونسيتي عاودي رجعي حرمي فيهم مارجعتيش فعليك فدية الي هي د..بح شات وتوزيعها على المحتاجين او مساكين الحرم.....هادشي الي دار فقط لبس الاحرام...بالنسبة لناس الي جاو من المغرب نيشان لميقات كنقولو ليه الميقات هي فين كيوصلو غاديين نيشان لمكة كيوصلو لوحدة من دوك البلايص كيغتاسلو ويحرمو فيها وصليو بنية العمرة...ويقولو لبيك اللهم عمرة...عاد يتوجهو لمكة...بالنسبة لزين الدين حيث ديجا فالمدينة حرم فلوطيل غير لباس فقط...
ف من بعد الاحرام يجب تذكر المحضورات بعد الاحرام وهي عدم التطيب اي روايح...عدم ازالة شعر البدن...عدم لبس اي لبس اي مخيط والي سبق ذكرت شي حاجة الي تطراسي ليك الجسم..عدم لبس غطاء الراس الملاصق فحال كاسكيط وداكشي...عدم الجماع او المباشرة بشهوة...عدم التعرض للصيد البري..عدم عقد النكاح او الخطبة..هادشي ممنوع...
بالنسبة لبس المراة تلبس اي حاجة بشرط تكون ملابس فضفاضة وعدم التبرج وماديرش ليكات ولا نقاب تغطي وجهها... وتاهي تغتاسل فحال الرجل قبل ماتحرم...
جر الفاليز سمى الله وتيسر خرج من الاوطيل...نزل كمل تشيك اوت فالفندق وخرج لقى السيارة كتسناه الي مستاجرها ديال واحد لاجونص..دار ليه الفاليز فالكوف وفاليز اخرى...وركب...مسافة حتى كانو فواحد البلاصة كيقولو ليها ابيار علي المتواجدة بالمدينة المنورة...وقف السيارة وتمشاو حتى لمسجد دي حليفة المتواجد تما لمن اراد الحج او العمرة...كان اذان الفجر بصوت كيخلي عروق راسك ووذنيك يتبورشو...مشى لبلايص الوضوء توضى من جديد ودخل اول حاجة ركعات تحية المسجد..عاد تقامت الصلاة من بعد ماتجمعو ناس وتصافو وصلاو الفجر...موراها صلى ركعات بنية ادااء مناسك العمرة...وقبل ماتوجهي خاص تقولي النية هي الي قال دابا زين الدين...
زين الدين : لبيك اللهم عمرة...
رتاح شوية وعاود خرج ورجع استانف الطريق..كانت مسافة طويييييييييلة بقى كيردد...
زين الدين : لبيك اللهم لبيك....حتى دخلو لمكة المكرمة..وقف قدام الفندق ودخل اول حاجة طلع لغرفة ديالو الي كان حاجز قبل حط فيها ليفاليز...طلعو ليه الماكلة حيث مسافة طوييلة ضرب من مدينة لمكة ساعات ديال طريق...شرب دواه وعبر ديابيت عاد كلا ورتاح شوية وناض جدد الوضوء وبدل داك الاحرام...ونزل...تمشى لحرم حتى زصل لعند الكعبة المشرفة..واول ما تقابل معاها قال كيشوف فيها وبقلب عااامر بطمانينة ويا الله ما احلاه منضر تقشعر له الابدان ويخفق فيه القلب راحة ودفئ...
زين الدين : اللهم زد هذا البيت تعظيماً وتشريفاً ومهابة وبِرًّا ، وزد مَن زاره ممن حج أو اعتمر تعظيماً وتشريفاً ومهابة"غمض عينيه ونطق ادعية اخرى فخاطرو وهو يحل عينيه وتوجه لصحن عرا كتفه الايمن وبدا الطواف حول الكعبة بداية من الحجر الاسود...كانت الدنيا عااامرة ماقدرش يوصل ليه ومايقدرش يدفع ناس باش يوصل ليه فيكفي انك او كيف دار هز ايدو وشير وقال الله اكبر...ودعى فسرو...بقى كيطوف مع ناس المعتمرين...رغم الزحام مبعدين من واحد البلاصة اسمها حجر اسماعيل واحد الحاجز ماطوفيش وراه لانه يعد داخل الكعبة لا يجوز طوفي وراه...حتى سالا من عند الحجر الاسود الطواف السابع منين بدا...
ملي سالا الطواف غطا كتفه الايمن ومشى خلف مقام ابراهيم وصلى ركعتي الطواف....كمل ومشى فطريقو للمسعى توقف شرب من ماء زمزم تما بقى واقف كيشرب وداك الما كيحس بيه هابط فشكل...بمجرد ماتحط رجلك فهاد الاماكن الاكثر طهارة كتحس براسك فشكل كاتحس براسك كاتغسل من جديد...كمل شريب وتوجه لصفا من باب الصفا...وتلى ما يلي لقوله تعالى
بسم الله الرحمن الرحيم "إِنَّ الصَّفَا وَالْمَرْوَةَ مِنْ شَعَائِرِ اللَّهِ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَنْ يَطَّوَّفَ بِهِمَا وَمَنْ تَطَوَّعَ خَيْرًا فَإِنَّ اللَّهَ شَاكِرٌ عَلِيمٌ﴾سورة البقرة الاية 158...
مستقبلا الكعبة...هز ايدو وردد ...
زين الدين : .: "لا إله إلا الله والله أكبر، لا إله إلا الله وحده لا شريك له، له الملك وله الحمد وهو على كل شيء قدير، لا إله إلا الله وحده أنجز وعده ونصر عبده وهزم الأحزاب وحده" ثم دعا بما تيسر رافعًا يديه وكرر هذا الذكر والدعاء ثلاث مرات...وتمشى على رجليه هبط ل مروة...هذا يسمى السعي بين الصفى والمروة سبع مرات يعني من الصفا نزولا للمروة عاود رجع تاني تا كمل سبعة وهو كيدعي قدر يوصل لمروة بالرغم من زحام كان شييي شوية مخفف...حيث كان داكشي منضم من طرف الامن...
كمل هادشي وتوجه نيشان صلع راسو بالكااامل...لانه من شروط لتاذدية مناسك العمرة بالنسبة للمرأة ف غاتقص مقدار راس الاصبع من شعرها...بالنسبة لمراة ضرور يكون معاها محرم الي هو رجل زوجها اخوها ابوها ولا ولد خوها ولد ختها خالها او عمها اي الاشخاص المحرمين عليها...ماعادا الزوج...(مع الاسف السعودية حيدات هاد القضية تجي المراة راسها بلا محرم مع الاسف)وبهذا كتكون العمرة مكتملة...فيما يخص الحج ف عندو مناسك اخرى...
كمل العمرة ديالو الي دارها قبل دخول رمضان...لانه بغى يبقى رمضان كامل وهو فهاد المكان باش يبعد من اي ضغوطات ويرتاح ويصفي راسو وذهنو وماكاين ماحسن من هاد المكان فين يصفي الواحد الذهن ديالو.....
بمرور الوقت وبدخووول رمضان الناس كتجري وتجارا الوقت...كل تشغل مع مشاغيلو الي مدهي مع رمضان وصيام والصلاة بين تراويح...الفطور...فهاد الشهر بالضبط كيكون الواحد مدهي...اذان صلاة المغرب...من بعدها صلاة العشاء و التراويح...
فرح"هازة طبسيل فيه الحوت مقلي كلمار كروفيت صول الميرنا والفرخ...متبلاه على حقو وطريقو ووراها فوزي هاز طبسيل ديال كرواصة..شافت فيه وهي تغوبش" : علاش جبتيه اويلي ؟
فوزي : باش نظوز اتاي اشعيبية ..
فرح ؛ راه هاديك كرواصة يبساااات افوزي يبسااااااات واش مكتفهمش من صباح وانا نوصي فيك...را كاين ماحسن منها محطوط علاش عزيز عليكم تمشيو لحاجة الي مزيوناش مااااااااالكم مالكم"طاحت كتنهج جاتها البكية"
فوزي. : دابا مالك هاني نديها لاش كتفقصي وايلي...
فرح : ديها ولا جلس شغلك هذاك..
سيمو"صرط ريقو خاف دوز ليه ناض" : نمشي نتوضا...
فرح"غوتات عليه" : الفطور هذا كول وسير توضى..
سيمو"جلس بلهلا يحزقو ليه" : صافي توضيت...يا بسم الله..
عصام"نزل من فوق وسمع غواتها" : مالك اش واقع ؟
فرح"كتنهج" : ماماليش..."هزات فيه عينيها" امتى جاي هذاك ؟
عصام : شكون ؟
فرح : هذاك زين الدين !! بغيت يسالي هادشي كنحس براسي مخنوقة...
عصام : واخا فطري ونهضرو...تانجي من تراوح وگولي شنو بغيتي نديروه...دابا محطوطة الماكلة والفطور هذا راكي صايمة شوفي وجهك كي ولا صفر مالك افرح على هاد الحالة ؟ ياك بغيتي الفراق گلنا ليك الي بغيتيه ديريه ؟ انا مابقاش عندي فيك سوق فهادشي "جهد صوته تا قفزت هي وصفاء وسيمو اما فوزي ضار لهيه" الي عجبك ديريه افرح...دوزي تركني فطري خلينا نفطرو هانييين...
كانو سابقين المغرب بنهار...بدات صلاة التراويح في الحرم المكي مع تلاوة عبد الرحمن السديس...تلاوة تقشعر لها الابدااان...واقف مع المصلين...بفوقية بيضة وطاقية على راسو..داير ايد فوق ايد وحادر راسو كيشوف نيشان فالسجادة فمكان السجود وفنفس الوقت عاطي وذنيه للتلاوة...وهو كيسمع ماحسش براسو حتى نزلو دموعو كيجرييييييييييو.تلاقاو ليه عند منخرو...صلاو التراويح وتوقف شوية الي بغى يجدد الوضوء ولا يشرب الما وتمر.او اللبن الي كيوزعو تما موائد الرحمن....جلس فبلاصتو هز تمرة كلا منها شوية حس براسو نيت هابط ليه سكر...شرب موراها ماء زمزم هادشي من بعد ما سمى الله...ربع رجليه وشد التسبيح كيسبح حتى كمل وهو يهز ايدو كيدعي فسرو وعينيه الخضرييين كيلمعو وهو رافع راسو لسما...كمل واستغل فرصة قبل ماتقام الصلاة من جديد..جبد تيليفونو شعلو باش يرسل اوديو لباه الحسين وعلي...دخل لواتساب وهي تبان ليه واحد النمرة جديدة راسلة ليه PDF وتحت منها الى ساليتي ورجعتي عيط ليا...جمع حجبانو وهو يدخل ماحسش براسو امتى دخل ودخل لداك PDF حيث نمرتو خاصة وماباغيش يتبرزط...مشى نيشان تا بانو ليه اوراق جينيكو هز عينيه فالاسم..."فرح الخيالي" هبط عينيه قرا التقرير الي فيه"
~~حامل في الشهر الثاني تقرييييبا~~....
من بعد هاد الراحة من بعد ما كطلب ربي ونتا فبيت الله فاعظم ليلة...ونتا يتيم لا واليدين لا اخ لا اخت لا حنين لا رحيم ويجيك هاد الخبر..!؟.."جبر الله لخواطرنا ليس كمثله جبر"...
يتبع...
التعليقات
لا توجد تعليقات بعد، كن أول من يعلق.