ولادة من رحم الفساد الجزء 44

تبسمات ابتسامة خفيييفة...مسيطر عليها الخجل بزاف وقلبها كيخفق بشدة...من شدة الخجل دغيا جمعات الابتسامة وحركات ليه راسها وهي تقدم ناحية بلاصتها وجلسات...ماكتشوفش فيهم مشتتة الشوفات حاسة براسها كانه اول مرة غاتخطب...اول مرة تشوف زين الدين حاسة بكلشي جديد عليها الصالون عامر بالاحباب الي جاو مع زين الدين باش يخطبوها ليه من جديد...عينيهم عامرين بالحب والفرحة والراحة...ربي سهل على هاد زوج من بعد عذاب طوييييييييل ديال المشاكيل والعثرات والمطبات...ربي سهل عليهم وهاهما مابقاش ليهم الا اشهر جد قليلة ويوليو اسرة مكونة من اب وام وطفل الي غايرزقهم بيه الله...

زين الدين : لباس عليك !!؟...

فرح"هزات ايدها كترعد حطاتها على جبهتها كتمسح عليها..نطقات بصوت مشحرج منخفض" : الحمد لله ونتا !؟...

زين الدين : بشوفتك اللهم لك الحمد....

تبسمات ابتسامة خفيفة وسكتات...وباش يتهرس الخجل والتوثر الي كانت فيه فرح حادرة راسها وعينيها فالارض وهو حداها ريحتو داخلة ليها مع عروق نيوفها وريحتها كذلك مخلياه ذايب فيها وفهاد الجمال الناعم الي حداه...تقدم عصام تا وقف عليهم..

زين الدين"هز راسو بالعرض البطيء هاز حاجبو" : خبار الخير...

عصام"غمزو بجنب" : مكاين باس مكاين باس..."جبد من جيبو تيليفونها" هاكي تيليفونك...عفى عليك الله...

زين الدين : لا لا مكاين لاش..."بطنز" زيد واحد سيمانة ثاني الله اودي...

عصام"تا بغى يخشيه فجيبو": المبااااركة عندي نزيدها علاش لا.

زين الدين"طوا لسانو لداخل وعضو وصغر فيه عينيه وبتهديد نطق" : المخير اولد الخيالي المخير فالحباسات ندخل ليه بمسبتك...مد لهنا داك التيليفون وتيسر...

فرح"حبست ضحكة وضارت لهيه"

عطاها تيليفونها وضار لهيه كيحرك فراسو يمين شمال بالضحك...تبادلو الاحاديث تداخلو مع بعضياتهم كل كيهضر مع شي وشي شاد الحتيت مع شي ونعيمة ومجية وفاطنة مدهيين مع طيابة الي جالسة فالكوزينة برا كيطيب فالعشا...

امينة. : كي وليتي بنتي شوية..فاتك الترجاع...

فرح"بصوت منخفض" : احم الحمد لله نقص بزاف على كيف كان...

توبا : غير تفوتي رابع ويحيد...وليني كاين الي كيبقى فيها حتى تولد كتكرفص بالمعقول..."تبسمات" غير تولديه تنساي وجيعاتو وعذابو...الله يفكك ابنتي على خير...

فرح"ابتسامة خفيفة" : اللهم اميين..احم...

زين الدين"ضار عندها ونطق بصوت كيسمعوه غير هما بزوج حيث جالسين بعاد عليهم فبلاصة مقادينها ليهم...حط ايدو فوق كريشتها تا حس بيها تبورشت هز عينيه فيها لقاها مزنگة وحشمااانة تقولي اول مرة تشوفو ههه" : كتحسي بشي تنوغيش ولا حركة هاد اليومين...

فرح"حركات راسها" : البارح بالليل كنحس بحال شي فار كينغش فكرشي...

زين الدين"قوس حجبانو" : فار !!...

فرح"بدات تحك فشعرها بحرج" : ههههه جاني فحال فار ماعرفتش كيفاش نوصف ليك بان ليا غير وصف فار ههههه...

زين الدين"طبطب ليها على كرشها" : بنادم هذاك على گدو..ترجعيه فار...تخصار الهضرة هذا فرح "غمزها"...

تبسمات وحنيكاتها حميمرين...شوية حتى دخلات هناء هازا بلاطو فيه قريشلات منوعين مالحين وصفاء وراها هازا بلاطو فيه پييس مونطي ديال حلاوي لاكريم...وسيمو تاهو بلاطو فيه عصائر...وياسين وراه ببلاطو فيه مملحات(بيتزات صغار وهامبرغر صغييور و...) وفوزي ببلاطو فيه طبيسلات وكلينيكس... بداو يدورو بلاطويات كل هز شنو بغى..وصلو عند فرح حط ليها فوزي طبسيل ديالها ولزين الدين...ووصلو عند حلويات هز زين الدين زوج مروسويات حطهم ليها..وجا بلاطو فيه مملحات يلاه بغى يمد ايدو وهي تسبقو فرح هزات شوية من قريشلات حطتهم ليه فطبسيل و هزات ليه حاجة حاجة من بلاطو المملحات...هزات عينيها ف هناء...

فرح : العصير ديالو فين هو ؟!..

هناء"ضارت عند سيمو" : سيمو اجي هنا عافاك..."قرب عندها وهي تهز واحد كاس طويل مزين بطرف تفاح عطاتو ليها وهي تحطو ليه... كانو حاطين سوندرية قدامهم..."

فرح : هذا فيه افوكا وتفاح وحليب"تبسمات".. بلا سكار ههه..

زين الدين"بغى يطير عليها يشلقمها مالقى جهد.." : لهلا يخطي عليا كبيدة ديال هاد زين الدين...

بدات كتاكل شوي بشوي وهي دور عينيها لدوك طيافر بانو ليها شلااا ماجايب ليها فهاد الخطبة...وكلشي كان محطوط ومغلف بطريقة رااقية وهماوية...توزعو المملحات والمشروبات والجو فالصالون كان فيه ريحة البخور و الفرح...جلس عصام حدا الحاج علي والحسين والمحجوب وجلس حداه حتى فوزي...شوية وهو يحنحن زين الدين ونطق بصوته الخشن الي تسمع وعم السكات....

زين الدين : بلا شك ابا عصام عارف لاش جينا...

عصام"تبسم بجنب" : جاي تدي طرف مني...

زين الدين : نعمر بيه طرفي الي ناقص...

عصام : وانا شكون يعمر ليا طرف الي ديتي...

زين الدين : الوقت الي يضرك هاهو حداك جي عندو ولا تجي عندك...عمر ضلعك مايتهرس...وعمر كبدتك تقاس...الحاجة الي كبرتيها وكبرتي عليها كتولي فطرة...هي راها بنتك وختك ماعمرها تخطاك ولا تفوتك...

الحسين"حرك راسو بختورية" : وهو راه دوامها وعشرتها وبات ولادها...اخرتها كانت تمشي لدارها...ونتا درتي دارك وراك فاهم..

فرح"عينيها فلارض عضات على طرف شفايفها الي بداو يترعدو تاثرا بهضرة لا من عصام ولا من زين الدين"...

حدر عصام راسو وحركو مثقل...مالقى ميقول شحاال ما جلست كانت غادير دارها...لهيه كانت جالسة صفاء وامها ونجية ونعيمة وهناء...صفاء تاهي حدرات راسها متاثرة لانه غاتفارق اقرب صديقة ليها واخا عارفة غاتجي ولا تمشي هي تشوفها ولكن دوام هاد المرة...

عصام"تنهد وحرك راسو" : اش غانگول..كانت دابا ولا قبل ولا من بعد دير دارها...

المحجوب : البنات هم وهمهم مايسالي تايديرو ديورهم...وفرح عمرها كانت هم لينا فرح هي البنت الي جمعاتنا بقات لينا لحيمة حمرة لقينا راسنا شادين حبل مسؤلية عليها...شادين حبل مانفرطوش فيها...حتى نسينا مصابنا...عندي الحفايد "حط ايدو على صدرو جيهة قلبو" وعندي فرح...

"هز عينيه كيلمعو وسط تكميشة التجاعيد ديال كبر سنه...شاف ف زين الدين نيشان"

المحجوب : راك عشتي وعرفتي وشهدتي الي طرا وجرا لينا..بين ليك اش نتسالو من فرح (زعما مقدار محبة فرح عندهم)...

زين الدين"حرك راسو بشكل ثقيييييييييل" : ونتا شفتي وشهدتي وعشتي معايا وبين ليك المعدن ديالي من جيهتها...نختاصرو الكلام الحاج ؟!

المحجوب"حط ايدو على صدرو" : من عندي عاطيها ليك بعينيا مغمضين..مابقى غير شهور الله المعطية وتولي بات....هههه الي عطا الله عطاااه..."عاود حرك راسو" الله يكمل بخير ويجعل كلشي مبارك ومسعود...

عصام : مكاين لاش نكثرو الهضرة انا براسي عيييت نحاجي فواحد الوقت...بغاتك وبغيتيها...نعاود نگولها تهلا فيها واخا هادشي مابقى يجيني شك فيه...وليني دير فبالك وحطها بين عينيك..والرب المعبود وها "حط ايدو فوق كتاف الحسين وايد فوق كتاف علي" هاهما شاهدين...تبكيها ولا تنقص منها ولا ترجع تمرض ليا ثاني..."هز ايدو موقفو" انا عارف اش كاين وليني ديرهم وريقات بين عينيك وكتابتهم حفرها فگلبك...داك النهار هو المكفس الكحل فحياتك معايا...

زين الدين : من حقك...نبداو على بركة الله ؟!

عصام : الله يجعل كلشي مبارك ومسعود...

ضار عند فرح لقى عينيها دايزين بالدموع حادراهم لارض ماحسوش بيها كانت كتسمع وتبكي فصمت هضرة جدها وهضرة عصام وصلاتها لعروق حاسة بيهم وعارفة مزيان شنو كتعني ليهم هي...تعالاو زغاريت العيالات وصلاة وسلام على رسول الله حسات براسها عروسة نيت وكتخطب...قرب ليها زين الدين وجر ليها راسها عندو مقبل جبينها بكل حب...قبط ليها ايدها وحك عليهم باش تهدن جابت ليها صفاء كلينيك وتحنات مسحات ليها تحت عينيها باش ميخسرش ليها ماكياج...

صفاء : وتهدني افرح غاتخصري نهارك بالبكا...

زين الدين"نطق بنبرة صوت هااادئة" : ششش فرح !!..شنو تبقاي تبكي منعطيكش خاتمك !؟

فرح"ضارت عندو مصدومة" : اشمن خاتم ثاني !؟

زين الدين : بدلي بيه هذاك اللول..هذا صايبتو على ايدي تصميم وخدمة ايدي..

حلات فمها بصدمة ودهشة وفرحة...من بعد شوية..حيدو ديك ساندرية وجابو طابلة قدامهم مفرشة مقادة...دخلات هناء بلاطو كبيير مذهب فيه سوبيرا ديال طاوس بفناجن ديالها فيها حليب بالزهر...تبعاتها صفاء هازة طبسيل كبييير فيه تمر معمر جزء بريستيج وثاني عادي وثالث معمر باللوز...طبسيل كان كبيير مستف تالفوق باحد اجود انواع التمر جابو زين الدين معاه فالدفوع...و بلاطو اخور فيه بواط ديال محلات ذهب وحدة طويلة وثانية تاهي طويلة وزوجات صغار محلولين....وقفات توبا وضحى وامينة وام هاني الي تقدمات ناحيتهم كلهم كانو لابسين بلدي ومزينين...بدات تصلي على رسول الله وهما معاها ويزغرتو...وقف هو ووقف فرح معاه حشمانة بجهد...

ام هاني : مبارك ومسعود اولدي...على سلامتكم والله يكمل عليكم بالخير...والله يجعل ايامكم زينة ومشواركم خير...

زين الدين"باس ليها راسها" : يعمر دااارك اميمتي..اللهم امييين..

فرح"تبسمات ليها وهي تجرها ام هاني وعنقاااتها بجهد"

ام هاني : تستاهلي بنتي كل خير...ماكان يريحني من جيهتك زين الدين من غيرك اكبيدتي...وما گال بنت ناس الا وعرف اش عنى...تهلاي فيه ابنتي تهلاي فيه را حنييييين وعندو غير نتي دابا و "حطات ايدها فوق كرشها" وهذا الي جاي فالطريق...

فرح"باس ليها زين الدين راسها وهي مبسمة وحشمانة..اكتفت تحرك ليها راسها فقط حيث حشمات لان كلشي تجمع قدامهم حيث بغاو يركبو الخواتم"

هزات توبا البواطة لولة فيها الخاتم ديالها...مداتها لزين الدين هز منها خاتم كان مرصع كااامل بالحجر ووسطو حجرة الماس ضايرة..

صفاء : اوووو...واااعر بجهد يا جدك..."ضارت شافت فعصام" خاتم زوين...

عصام"قرب ليها" : نشريه لمرتي حسن منو...

صفاء : اهههنععق...هههههه يا ربي فين نخبيك عالموت.."تابطات دراعو وحطات راسها عليه"...

ركب ليها الخاتم بكل حب وفرحة...عاود مدات ليها توبا بواطة لاخرا ركبات ليه خاتم من جديد فيه اسم ciciona F (تشيتشونا ف...نسبة الى فرح)...عاود مدات ليه بواطة طويلة جبد منها كورميط هو نفسو الي خذا ليها فالخطبة لولة ورجعاتو ليه شافت فيه وهي تكمش حجبانها جاها هو وماهو حيث زاد عليه اضافات زاد فيه فراشات جا مواتي مع سنسلة الي غايركب ليها...

فرح : هذا كيشبه لكورميط الي جبتي ليا فالخطبة لولة ؟!

زين الدين"حرك راسو وهو كيركبو ليها" : سي هو..زدت فيه شي دي روتوش..."باس ليها ايدها وطبطب عليها" زدت فيه شنو زدتي ليا فحياتي...

هزات ايدها كتشوف فمعصمها وتقيص فالكورميط بصباعها...بابتسامة وعقل مشى وتفكر اول ما عطاه ليها...كيفاش كانت فرحانة داك النهار وماعارفاش شنو كيتسناها...غمضات عينيها وهي تنهد رامية الذكرايات السيئة وراها....

واكتمل تركاب الخواتم طبعا ب التصاور...وشربها وشرباتو الحليب وتمر طبعا كلاتو هي...وصل وقت العشا قسمو طوابل زوج طابلات وحدة فيها رجال وثانية فيها العيالات...جلسات فرح الوسط وجات حداها صفاء ومن لهيه كانت ضحى ..

صفاء"كتشوف مع فرح الخاتم" : صوريه ولوحيه فانسطا...شحال هادي مادخلتي لداك انسطا...

فرح : غاندير واحد جديد هذاك بقى فالتيليفون الي شد ليا عصام ومابغيتش نرجعو غاندير واحد جديد...

ضحى : نصايبو ليك غذا تلقايه واجد...

فرح : نصايبو راسي...ماعرفتش الى بغيتي صايبيه ليا خهههه..

ضحى : نتي الليلة مغاتكونيش مسالية...انا نتكلف...

صفاء : هاا ؟ اااه اييييه نتي الليلة غادية لدارك عندك اجتماع خاص...

فرح"خرجات عينيها وهي تشوف عصام وفوزي عند بالها سمعو" : اوييييلي سكتي...

صفاء : وايلييييييي...را سمعك عصام مصيييييبة كبيرة هادي..وشتي دابا ؟ سمعك..مغايخليكش تمشي لدارك...صافي

فرح"حطات ايدها على حناكها كتقيص فيهم وهاد اللقطة بالضبط جات فعينين زين الدين الي هز راسو باش يشوفها بانت ليه مزنگة وكتولول كمش عينيه يشوف مالها وهي تقشعو مصغر فيها عينيه" : احم سكتي زين الدين كيشوف فينا...

ضحى : هاد الي فكرشك باش جا ؟ بالنية...

صفاء : لا قال زين الدين اريد ولدا ف صار الولد في بطنها...مافراسكش را باقا عذراء...

ضحى : وايلي !؟

صفاء : بالنية اما الحريد را تكردنت وقضاو غراض...تبعي هادي تبعيها...

فرح"خنزرت فيها" : بديتي تاني ؟ توحشتي نهضر معاك بطريقتي ؟!

صفاء"عرفتها اش قاصدة" : احح اتنضحك معاك...انوووض نجيب مع هناء العشا...

ناضت بزربة خرجات من صالون لحقات على هناء لعند طيابة...تحط العشا...تعشاو فجو عامر نشاط وضحك والفرحة واصلة تالوذنين وانتظار كبييييير من طرف زين الدين الي غايرجع مرتو لدار من بعد غياب طويييل...كمل العشا وتحط اتاي الي عمرو المحجوب بطريقتو البلدية وتوزعت الحلوى المشكل المغربية...بخلاصة خطبة دازت زوييينة كانو كاملين ناشطين فيها...وصل وقت المشي وهو يوقف زين الدين عيط لعصام شير ليه براسو باش يتبعو وبالفعل ناض تاهو ولحق عليه برا...

زين الدين : الى لقيتو تسبقو قبل الحفلة ب يومين تصيب ؟ ماعليش حاول...

عصام : بعد غذا ياك.."حرك راسو" صافي هي هاديك ندي مرت خالي وهناء وصفاء راه معايا صجمعو ليها حوايجها تانجيبوهم معانا صباح..

زين الدين : مرحبا...

جبد باكية الكارو مدها ليه هز منها سيجارة وهز ليه تاهو شعل ليهم بزوج الكارو...نترو منو نتيرات خفاف وهو يرجع نطق زين الدين..

زين الدين : الخيالي جمع نص فالفلوس الي كتسالو..."حك لحيتو باغي يقوليه ومتردد" تزادو عليه شي شيكات من عند شي ناس...المشكيل يلاه جمع نص من ديالي..باع الورث وباع خوه تاهو ومزال ليهم شلا...

عصام"تبسم مستهزء" : غارق غارق فالحبس...الله يغرقو كثر وجدر..."ضرب ليه على كتفو" با زين الدين...حس المخنتر ماباقيش مزال يتجبد ليا...صفحة وتشرگت الله يطليه ويغرق ليه شقف من عندي...

زين الدين"رد ليه ضربة" : تهنى من هاد جيهة...يلاه علم فرح نتحركو...

حرك راسو ودخل سبقو مشى يعلمها باش تخرج من البيت...اما زين الدين هز تيليفون وعيط لعمتو وضحى يخرجو هما والبقية...ضار جيهة طوموبيل وجبد كونطاكت من جيب الفوقية الي تحت جلابة وحل سيارة حتى بان ليه فوزي جاي وشادة فيه فرح عينيها حمرييين كيلمعو بالدموع...متكية ليه على دراعو حتى وصلات لعندو...قبط ايدها...

زين الدين. : مشينا ؟!

فوزي : لا...خلي ليا ختي فين غادي بيها ؟

زين الدين : وشنو نبقى بلا مرتي...

فوزي : سير تزوج شي وحدة وخليها...

فرح"ضارت وهي تخرج فيه عينيها وسط بكاها" : بعد منووو اهى...

فوزي : يعطي لديلمي طرش عاوتاني...انا را ماااكنحشمش..سيري اخبزي سيري...ديها سير ديييييها...

فرح : وبلاتي غاتجيو غذا ياك ؟

فوزي : لا...

فرح"بدات تبكي" : وعلااااش اهى حرام عليك...علاش عزيز عليك تفقصني اهى اهى...

فوزي"بدا يرمش فيها..شوي شاف فزين الدين" : اربي ما ديها يرحم ليك واليديك...

زين الدين"جرها عنقها منخششها فيه كيبوس فراسها" : مرتي مااا شايطة ليك افوزي...شش صافي فرح...سلاه نمشيو صباح جايين هما ولابد تهناي...

جرها فوزي وباسها تاهو تا تهدنت بقى يحزر فيها وهي تسكت..حل ليها زين الدين الباب ركبات بلاصتها وضار ركب هو بلاصتو...جا علي ومرتو ووقف...

علي : ونتسالك مشية لسوق ابا المحجوب...

عبد العالي : ها ثلاث جاي جي بكري نتحركو ليه...

علي : نغمتيني ابا عبد العالي...يلاه تصبحو على خير والله يخلف ويقوي الخير...

فرح"هبطات زاج نافذة وهي تعيط ل صفاء وهناء" : معاش غاتجيو صباح ؟!

صفاء : گالت ليا خالتي نعيمة من ورا الغذا....

فرح"ضارت عند زين الدين" : نقصو عليهم الفاليز ديالي ؟!

زين الدين : صباح جاي مراد يعاونهم بلا ماتهزي الهم...

صفاء : فاليز صغيرة راه دارها ليك فوزي قبيلة فالكوف ديال طوموبيلة مراد...

فرح : اشمن فاليز !؟ اش فيها...

صفاء : فيها شي حاجة خفيفة من حوايج جداد لبسيهم هاد الليلة باش تبدلي...وفيها برودويات ديالك باش تعومي وداكشي...مهم الي غاتحتاجي وصافي...

ديمارا زين الدين السيارة من بعد ماتاكد ان كلشي ركب ف سيارات...طلق سينيال وضرب دورة تم غادي وهي كتشير ليهم من شرجم ودموعها نازليييين...حسات براسها غاتخلي قلبها كاي عروس غاتخرج من دارهم لدار راجلها...

غير ضار وتبعوه السيارات حتى بدا يسمع فالكلاكسون ديالهم سيارة علي دايرة خبلة بالكلاكسون ومراد هبط زاج وجهد صوت الموسيقى الشعبي...كانت فرح كتبكي حتى هزات راسها وهي دور شافتهم من زاج اللور بقات ترمش تا بان ليها علي مخرج ايديه ويشير نااشطين مع راسهم حتى بدات تضحك وسط دموعها وخناينها...

فرح : هههه عمي علي كيشطح...

زين الدين"هز عينيه فالمري وشافهم حرك راسو يمين شمال" : الحاج مدي شنعة بروفيسور..هذا الله معاه...

فرح"رجعات لبلاصتها وبدات تمسح فعينيها حطات راسها على شرجم حتى حسات بايدو تحطت فوق فخدها وزير عليه"

زين الدين : ماتوحشتيش دارك ؟!

فرح"ابتسامة بااهتة" : توحشتها..."تنهدات" ولكن غانتوحش خوتي ودارنا...عشت ودوزت بزااااف...مرضت بزاف وشحال من مرة گلت مابقيتش بغيت نعيش فدارنا بغيت راحتي...لقيت راسي راجعة ليها وهي فين كاينة راحتي...حتى الفيلا لاقية فيها راحتي ولكن دارنا كتبقى دارنا..."نزلو دموعها تاني يجرييييو" نتمنى تفهمني...

زين الدين"شد ليها ايدها وقربها لعندو باسها وخشا فمو وسط كفها مستنشق عطرها" : الوقت الي بغيتي سيري عندهم...تولدي ان شاء الله وهزي طوموبيل ديالك وسيري عندهم مانشدك مانمنعك الفرحة ديالي...ودابا نيت الوقت الي بغيتي نديك...مزال كاين النهار ديال خوك ولابد تحضري ليه...ولابد توجدي معاه قبل...نتي غاديا ونتي جايا...وليني ديري بحسابك ماباقييييش نخليك تباتي بعيدة عليا فرح...هذا جهد فالبعاد..تانتي نتمنى تفهميني...

تفارقو فالطريق بقى غير سيارتو وسيارة مراد الي دخلو لفيلا...وقفات سيارة وهما ينزلو ..مد ليها ايدو...شدات فيه وهي تنزل شادة فجلايلها وكريشتها باينة...رامية عليها كاب ديال فورير...وهي دور عينيها لباب بانت ليها توريا وخديجة واقفين هازين طبسيل تمر ووحدة هازة بلاطو فناجن الحليب بالزهر...

فرح : خالتي خديجة بايتة هنا ؟!

توبا : اايه انا الي وصيتهم يبقاو معطلين باش يتلقاو ليك بالحليب وتمر..."جبدات من صاكها واحد بواطة حلتها وهي تجبد منها سنسلة ديال ذهب عمارتها على شكل قلب" هادي كادو مني انا وضحى...الله يكمل عليكم بالخير ابنتي ويفك وحايلك على خير...

فرح"ركباتها ليها ويلاه بغات تحيد ايدها وهي تشدها فرح وباستها ليها" : شكرا بزاااف...

غمضات ليها عينيها وهي طبطب عليها...تقدمات ناحية الباب شادة فزين الدين...سلمات على خديجة وتوريا وهزات تميرة معمرة وشربات من حليب وحناكها بغاو يطرطقو...سبقات رجليها ليمنى وقالت بسم الله هي وزين الدين الي كان محاوط ضهرها بايدو ودخلو حتى سمعو صوت توبا كيقول...

توبا : هاحنا مشينا لدار عند مراد حتى لغذا ونجيو بكري شوية ان شاء الله...

زين الدين : ان شاء الله...ماتعطلوش غذا ناس جايين وديرو بحساب بايتين معانا هاد اليومين...

مراد : صباح بكري نجيبهم..."تقدم ناحية فرح وعطاها فاليز وحرك عينيه باش تفهم " ها امانتك اختي هاهي هنا...

فرح"تبسمات ليه فاهمة شنو كيقصد" : لهلا يخطيك اخويا مراد...

شاف مراد فزين الدين...حرك ليه راسو وهي تخرج توريا وخديجة لابسين جلالبهم ومشاو ركبو معاه يوصلهم لديورهم...سد زين الدين الباب وقرب لعندها باغي يفهم...

زين الدين"عنقها بجنب." : يلاه بدلي ورتاحي..."وقف بعدا ودورها عندو" بلاتي نتي...

يلاه بغات تقوليه مالك حتى لقاتو لجم ليها فمها بشنايفو حسات بيه دغيا شفط ليها شنيفاتها بواحد الوتيرة حبسات فيها نفس تا حطات ايدها على صدرو وهو خدام شلقم يا ماتشلقم شي دقيقة وهو يبوس ويلتاهم فدوك شفايف الي حمقوه وهما متوترين حمقوه وهما معضوضين...عاد طلقها كتنهج وجرها عنقها بجهد...

زين الدين : تشيتشونا ديالي...

فرح"تاهي دورات ايديها ورا عنقو وعنقاتو بينات ليه بالي تاهي توحشاتو بزااااف...اشتياق كبيييير لشهور..واخيرا تجمعات هي وياه تحت سقف واحد وبرضى الجميييع..."

فارق العناق الي مساخاش بيه وهو يشابك ايدها مع ايدو وتمو غادين جار الفاليز ديالها وراه...قال بسم الله وحل الباب ديال البيت عند بالو كمل فالتجهيز كيف وصى وكوموندا عليه حتى كايلقاه باقي هو هو...

زين الدين : شنو هادشي ؟!!!..."خشى ايدو فجيبو جبد تيليفون بتاصل حتى وقفاتو فرح بايدها"...

فرح : اجي معايا...

زين الدين : فين ؟!...

فرح"هبطات ايدها وشدت ليه فايدو وهي تم غاديا...تا وقفت وهي تخرج فيه عينيها...

فرح : ويلاه معايا....

زين الدين : شنو كاين فرح ؟!...

فرح"وقفات وهي تقابل معاه" : يلاه معايا فينما كان...تبعني وغادي تعرف..."حطات ايدها على حنكو هادي اول حركة شجاعة منها بدون اي رد فعل..حركة من تلقااء نفسها وخاطرها" اجي معايا فينما مشيت اجي...

زين الدين"باسها فكف ايدها" : شافنا الله...

شد ليها فايدها وتبعها حتى وصلو لدروج وهو يثقل خطواتو...حس بقلبو كيضرب بجهد...عااارف راسو فاي وقت غايضطر يطلع لداك البيت ماعمرو كان يضن غايوصل واحد الوقت ويولي داك البيت شاهد على اكبر كابوس فحياتو....رجع بيه تفكيرو لاكفس ليلة عاش معاها الليلة الي من زهر لقاها يلاه ضربات ايدها وقدر يعتقها...لو ما طلعش عندها شنو كان غايوقع...ماحدو كيتفكر والضبابة كاتجي بين عينيه...حجم الالم الي عاش ديك الليلة كان عندو تاثير كبييير على نفسيتو...لكن هاد المرة حاول حاول وبزاف باش يمشي معاها وهو كيفكر لقى راسو طلع وواقف قدام باب البيت....

فلاش باك

دخلات لعندهم للصالون فين كانو مجموعين من بعد ما طلبات منهم يجيو وماردوهاش فوجهها ابدا...جلسات وجلس حداها عصام...كان كل من فوزي عصام علي ومراد...شكراتهم على مجيتهم...

فرح"نطقات من بعد ما تشجعات وخا تزيرات وبانت فوجهها تزنيگة لان الي غاتقول مكانش ساهل حيث رجعها حتى هي لاكفس ليلة عاشت.." : طلبت منكم تجيو ومارديتوهاش فوجهي..شكرا بزااف مراد وعمي علي ووليد...

علي : الله اودي بنتي...

فرح"صرطات ريقها وهي تبدا تعاود ومفكرة الليلة المشؤومة الي بسبابها زين الدين ماكيقدرش يدخل ل بيت...ماعمرو طلع لفوق مكيوصلوش...بدون ماتقولها حيث كاين وليد..." : المهم بغيت ندير مفاجئة لزين الدين...

مراد"حرك راسو" : مرحبا...

عصام : شنو ناوية ديري ؟

فوزي : بغيتي تبدلي البيت باش يدخل...

فرح : تماما...وهادشي علاش عيطت لوليد ومراد...انا منقدرش نجي لدار دابا...داكشي علاش غانكلفكم...مهم كنا متافقين نبدلو ديكور ديال بيت...تقدر تقنع زين الدين بانك كتبدل ديكور بيتك ونتا عمي علي حاول تخليه يبات غير فالكلينيك...دير شي حاجة جيب خدمة "دارت ايديها تحت ذقنها" عااافاك على قبلي "فخاطرها كتقول الى مادرتش ليه هاكا مغاديش يطلع دغيا يطلع لفوق..."

فرح : هذا اقل واجب ندير معاه فشرد داكشي الي دار معايا...

علي : صافي تهناي من هاد جيهة...

فرح"شافت فوليد الي حرك ليها راسو بمعنى كوني هانية ومراد كذلك..." : هههه شكرا بزاااف...مهم واحد الشركة غانهضر معاهم هما يتكلفو انا عطيتهم موديل الي بغيت وكلشي هما غايتكلفو غايجيو فوقيتة الي ماغاديش يكون بغيت توقفو معاهم امراد...واي حاجة اتاصل بيا ووريني وانا نتفاهم معاهم...حاولو تعاونوني باش نديرها ليه مفاجئة...

مراد"فهمها لاش بغات توصل وفرح من لداخل": واخا ختي مرحبا...نيت هو كلفني نحيد الفراش ديال بيت تحت القديم ويجيب واحد جديد...تما فين نستغل الفرصة...

تبسمات ليهم وهي نفس الابتسامة الي كانت فيها دابا وهي كتحل فالباب ديال البيت الي غير حلاتو وهو يخرج عينيه...البيت تبدل كليااااا...فراشو الي تفرش ناموسية كبيرة لفوقي ديالها ديال جلد الابيض...لونسومبل كامل جلد بيض وهي مفرشة بالذهبي والابيض...ستائر نفس الشيء اما الماريو كامل تبدل ولا دريسينغ فجيه وماريو فجيه..وكوافوز فيه مراية ضايرين بيها ضواو بيضين شاعلين وحداها طاجيرات بيضين وكوافوز مهزوز فالبيض فيه مجورة مواصلش لارض...مستفين ليها كاع ماكياجها كل حاجة فبلاصة وفوق منو مجورة ديال صبايغ وميكاب وبلاصة روايح...الكوافوزي ولات فيه لمسة انثوية وتحت منو طابية الريش فالوردي تحت من بوفا فين تجلس ملبسة بالجلد بيض وذهبي...بخلاصة مفوج ومبهر ومبهج للعين ومريح فالنضرة وفيه لمسة امراة... والزربية كانت شادة البيت كامل تحطي فيها رجلك تغبر رطبة وبلونكاسي...وقدام ناموسية فوطوي طويل على قدها...عاد بلاصة الفوطويات كانو فالبيض وذهبي..وطابلة ديال زاج قدامهم وسط منها ديكور على شكل نافورة صغيرة كطلق الما...تبهض بهاد البيت وهاد المنضر الي تبدل...حتى حس بيها شداتو من ايدو وهي تم غاديا بيه حتى لدوش...دوش بقى بنفس الفسيفساء حيث عجبتها مابغاتش تبدلو ولكن بلات ليه ستائر دارتهم موردين وحتى طابيات كانو بيضين وموردين...وبدلات الزاج ديال بوكس الاستحمام فين كيعوم واقف...

فرح : هذا الى سديتيه كيولي مضبب يعني مكيبقى يتشاف والو...وهذا لافابو بدلتو كامل خذيت هذا جديد..."حكات راسها" تصرفت من كارط بونكيغ الي خليتي ليا ديالك...ديالي مكانش غايقدني...شريت منها الفراش اما لونسومبل وشركة من كارط ديالك...ماشي مشكيل...

زين الدين"دار فيها ديك الشوفة ديال من نيتك..عينيه مامشاوش لديك البلاصة فين انتاح_رت لانها تبدلات زادت طاجيرات فين حطات برودويات الاستحمام والكريمات ديال دوش...كلشي تبدل وولا مبهج لنفس..وخا رمى عينيه لديك البلاصة لكن من الي تبدلات نقصات عليه الالم نفسي...شوي قبطات ايدو ثاني وتبعها حتى وقفات قدام البالكون وهي تبسم ليه وحلات الباب الي تاهو بدلاتو جرات سكة وهي دخلو ماشي خرجاتو حقاش البالكون تاهو فرشاتو ودارت فيه جليسة خاصة غير بيها وبيه من بعد ما كان فيه غير طابلة وكراسا ولا فيه فوطوي ومزية ومفرش تعشقي تنعسي فيه...بمعنى استغلاتو وتاهو دارت فيه الروح...ماهضرش تصدم تلجم ليه الفم....

فرح"ضارت شافت فيه لقات فعينيه واحد لمعة فشكل" : وهذا البالكون..."تبسمات بخجل ودارت ايدها على حنكها كتسنى ردة فعلو...ماهضرش وماقال والو من غير جرها لعندو وعنقها بجهددد خاشيها بين ضلوعو محاوطها بواحد طريقة كانك كتحسي بيه كيقوليها الله يرحم ليك الواليدين دخلتي لحياتي وحييتيها نورتيها...وتاهي بادلاتو العناق وهي تنهد ليه وسط حضنو حتى شاف فيها وباسها فجبينها وهبط لفمها بقبلة حنيييينة هاد المرة..."

زين الدين : لهلا يخطيك عليا...

فرح"تبسمات وحدرات عينيها...دخلو من البالكون وهي دور بغات حتى خرجاااات عينيها على جهد جهدهم ضارت عند زين الدين لقاتو هاز حاجبو" : لا لا ماشي هاكاك...والله ما انا هادشي...هاد المرة والله...

زين الدين"غمض عينيه وحرك راسو مثااااااقل خااااتر." : لا بنت الناس هاكاك...تحركي بدلي واجي عندي نهضر مع سلطانهم ديالي وخير ربي الي عطاني..."هز حاجبو كيحرك راسو" غبرة مليييحة هادي عليا..."تزنزنت تا جاتها السخفة بهضرتو.."

حرك ليها راسو بشكل مثااااقل...دورات وجهها ناحية لانجري (شوميز دونوي)...ورجعات شافت فيه لقاتو كيتسنى فيها...ماعندها فين تهرب واصلا هي تخطات مرحلة انخا تحشم منو بزاااف دازت علاقة لولة وثانية ثالثة و...هادشي طبعا حاولات تقنع بيه راسها باش تنقص عليها توثر والحشمة وزيد انها عارفاه مجهد يعني عاارفة اش تابعها...شافت فيه بترجي...

فرح : عااافاك بشوية عليا...

زين الدين"هز حاجبو" : شنو الي بشويا ؟!

فرح : عيانة وكرشي وداكشي.."صرطات ريقها ماعرفاتش كيفاش تشرح ليه.."

زين الدين ؛ شنو جاب كرشك والعيا للهضرة فرح ؟!

فرح : ماعرفتش شوف نتا...

زين الدين"شير لراسو بالعرض البطيئ وعيينيه عليها باستفسار" : انا نشوف ؟ شنو نشوفك ؟!...تت..فرح تحركي دخلي بدلي ولا عرفتي شنو بدلي هنا وانا نيت نحيد عليا هادي...

فرح : الااا صافي انا ندخل نبدل...

زين الدين : يلاه تحركي...هزي هذاك...

بدات ترمش فيه حتى خرج فيها عينيه وهي تمشي هزاتو جاتها البكية والفقصة عرفات بلي هادي فعلة صفاااء وشكون حطو تما ماتكون غا ضحى باينة لعمى...غمضات عينيها مغددة ومحلفة علييييها تجي تردها ليها...هزات جلايلها ودخلات لدوش سدات عليها...اما هو مشى لدريسيغ مستغل اللحظة باش يزيد يكتاشف البيت الي تبدل 180 درجة...باقي خاطرو متالم من ناحية الحدث الي وقع فهاد البيت باقين ذكريات كيزوروه كانه يلاه وقع...عمرو ماينسى ديك الليلة واخا يدوز عليه دهر...واخا يعيشو بزاف الاحداث الي تنسي ولكن عمرو ماينسى ديك الليلة...ديما يتفكر الذكرى السيئة الي كانت فيها اعز انسانة عندو الي فيها عائلتو مرتو عشيقتو حبيبتو وحياتو والفرحة ديالو...غاتموت ولولا لطف الله ولو ما ربي سخرو فديك اللحظة يطلع عندها كان ممكن تموت..هاد النقطة بالذات كتخلي قلبو يتعصرررر ماعمرو ينساها مهما حيا...يتعايش عادي ولكن نسيان صعيييب...تنهد مغمض عينيه نافض الذكرى من راسو واستمر فالاكتشاف اكتشاف البيت الي عجبو وبانت فيه الروح واللمسة ديال فرح...ولمسة الولادة من رحم الفساد...فساد النفسية الي كانت عايشة فيها...من بعد المشاكيل والاحداث تولدات فرح جديدة كلها حيوية وانسانة كتحاول ترمم وتصلح شخصيتها وتجبر الي كسراتو بايدها واولهم زين الدين....

جر السكة ديال الماريو وهو يبانو ليه حوايجو كااملين مطويين ومستفين بطريقة زوينة نقية كل حاجة فبلاصتها...كيفاش دارت ليها وهي بعيدة على دار بانت لمستها فكل حاجة...حيد ديك جلابة وفوقية علقهم فالدريسينغ جيهة فين معلقين فيستات واللبس البلدي كان لداخل..بقى غير ببوكسر بقى كيقلب فين كاينين شورطات ماعرف فين رجعو كلشي تبدل كان مولف حاجة كيمشي ليها نيشان دابا ماعرف فين...بقى هاكاك تاهو نيت باغي يخفف عليه شراوط...مشى جيهة ناموسية وهو يوقف وضار جيهة دوش...

زين الدين : فرح !!!

فرح"من داخل" : هاني كنبدل..ماتخافش هههه "عارفاه باقي كيخاف تدخل دوش وتسد عليها"

زين الدين : نعاونك ؟

فرح : لا لا هاني قربت غير كنغسل وجهي هو لول..

تلاح تخشى فالفراش تاهو اكتشافو الناموسية كبيرة فيها ثلاثة المخاد كبار ديال ريش مريييحين تكا مسرح رجل وطاوي وحدة دور عينيه هنا وهنا بانت ليه ريمونت مبدلة هز راسو وهي تبان ليه تلفازة جديدة LED كبيرة...شعلها وداز لنيتفليكس مابان ليه غير فيلم الي تفرجو فيه ليلة الدخلة احلى ذكرى عندو..خدمو يلاه بدا وهو يتحل الباب ديال دوش وخرجات مزيرة على بينوار الشوميز الي كان فالبيض مشبك من صدر بسميطات رقاق دونتيل ومن تحت صدر لتحت اورگانزا (شبكة رقيييقة) تحت منو كليوط مشبك سترينغ من لور...حد ركبة وبينوار ديالو دساتان...مسحات ماكياج وغسلات وجهها وذهنات كريم مرطب لوجهها وايديها بنكهة الفانيليا..الي ريحتها وصلات لعندو..حط تيليكوموند وتگعد كيشوف فيها...

زين الدين"خبط بايدو فوق الفراش" : اجي عندي هنا...

فرح"شافتو مسفح غير ببوكسر" : مالبستيش حوايجك...

زين الدين : مكاين لاش سخون الحال..اجي تكاي فرح "شاف ساعتو"...

حركات راسها وهي تقرب....هز الغطا تا تخشات يلاه بغات تكى وهو يوقفها حط ايدو فوق الحزام وحلو ليها...حيد ليها داك بينوار وبان شوميز دخلاني..عينيه مازگاوش من طلع هبط من صدرها الي زاد كبر حجمو بالحمل وتشتت تال كرشها وفخادها وداك كيلوط الي كيبان من تحت شبكة...طلع عينيه لقاها كترمش وحناكها بغاو يطرطقو....

زين الدين : كاااع...

فرح : اش ؟!

زين الدين"هز حاجبو" : عرفتي شكون انا ؟

فرح : كيفاش مافهمتش...

زين الدين : يبان ليا ماعارفة فرح...ماعليش "حرك راسو تاني مثقل..حيد ساعتو حطها حداه وهو يهبط شوية وتخشى حداها ماجات فين تفهم حتى ضار عندها دورها وجرها لصقها معاه حاوط رجليها بين رجليه وتلاح على شنايفها قبل ماتهضر...هز ليها ايدها وحطها على صدرو وهو داخل معاها فقبلة كيتنغم بمساق شفايفها وتاهي نفس الشيء هو توحشها بزاف توحش العلاقة معاها فدارهم كاي زوج وزوجة وهي كذلك توحشات ريحتو توحشات زين الدين الي بغات...خذاوهم القبلات من الفم لعنق الي ماقدرش يخرج منو من كثرة ما جاه رطب...هو كيبوس وهي كتحرك فرجليها بين رجليه كتحسي فزغب رجليه وهو كيتحسس فملمس رجيلاتها بقات تعنكش برجليها تا هزت رجل بشويييية قاستو فالمعلم..."

زين الدين"خرج راسو وشاف فيها شعرو تخربق ووجهو تزنگ كينهج" : رررججلك افرح رجلك ترجع بلاصتها ولا نحيد ملة مها من جدر...

رجعو للقبل فالاول كانت هادية شوية بشوية ارتافعت الانفاس وطلعت الوتيرة لقبل عنيي.فة كيف العادة هو الي مسيطر ولكن هاد المرة هي بادلاتو فالعلاقة...حس بيها متحاوبة معاه فكل لمسة حتى تعراااو تماااما وتعالت الاهات والانفاس اكثر...ولات هي عرقاااانة فاتحة رجليها وهو خاشي راسو كيف العادة فحوار طوييييل مع سلطان ديال على مقولته...رجع تاني لجسمها كااامل داز عليه مرة تقمشو ومرة دور ايديها ورا ضهرو وتاهو مكالي عليها هاد المرة وداير بحساب الحمل...علاقة دازت كاااملة فيها الحب والاحاسيس المتبادلة بقات مدورة رجليها وراه ضهرو حتى كمل وجمع ليها رجليها وتلاح حداها...جر عليها الغطا وتكا راسو فوق المخدة داير دراعو فوق عينيه كياخذ نفس بشواااايا...بقى مغمض عينيه تا تنفس ورتاح وهو يدور عندها بانت ليه مغمضة عينيها وتنهج بصدرها...

زين الدين: شنو عيييتي !؟"هز ايدو كيمسح ليها جبهتها ويرجع ليها شعرها لور.."

فرح"حركات راسها وهي مغمضة عينيها" : فيا جوع...

زين الدين"هز حاجبو" : وايلي...شنو بغيتي تاكلي ؟!

فرح"هزات كتافها" : ماعرفتش.."تبسمات وهي مغمضة عويناتها" بغيت ديك سباغيتي الي صايبتي ليا فتارودانت...

زين الدين : هذا ماكان !؟... "حيد عليه الغطا جلس حتى لبس بوكسر ديالو..وهو يدور عندها..." شورطات الي كنلبس فين درتيهم ؟؟

فرح"هزات راسها كتشوف وهي تنوض لاوية عليها ليزار بغات تلبس شوميز وبينوار هزاتو وهي تلقاه مقطع من سماطي..خرجات عبنيها وهب توريه ليه" : علاش مقطع...

زين الدين"هز حاجو وهبطو وسرح ايديه" : نتي وفهامتك...

ناضت لاوية عليها ايزار وجهها تزنگ اكثر مشات كاتحك فجبهتها بالتوثر..غير فاتو وهو يشد ليها المؤخرة تا خرجات عينيها وبعدات كتزرب مشات لمجورة الكبار. جبدات ليه شورط عطاتو ليه وهزات ليه تيشرت مداتو ليه...يلاه بغات تجبد ماتلبس وهو يهز تيشرت...

زين الدين : لبسي هذا نزلي بيه لتحت...

فرح : ههههه واخا...

ضارت لبسات الكيلوط ولبسات داك تيشرت جا قدها وليني طويل فايت المؤخرة بزاف...جمعات شعرها وهي تمشي عندو مد ليها ايدو دورها ورا ضهرو وعنقها بجنب وخرجو...نزلو لتحت شعل الضو فالمطبخ...جلسات فالكرسي قدام بوطاجي ودارت ايدها فوق كرشها وايد متكية عليها حنكها حاضياه...بدا كيوجد ويقلب على الصوص...كيف ما دار فتارودانت نفس المراحل دارهم قدامها غير هو دارها بلا منسمات ديال اعشاب...

فرح : بغيتها بالطون...

زين الدين : لا...

فرح : علاش ؟؟؟

زين الدين : Il vaut mieux l'éviter (حسن تجنبيه)..فهاد الفترة...مايدير والو الى قللتي منو مي ماشي صحي..فضل ليا تخليه حتى تولدي...

فرح : واخا...

بقى كيوجد قدامها وكاع الي وجدو كيغسلو بعدا حاجة فيه مزيانة...حتى كمل وحط طبسيل قدامها رش ليها من فرماج بارميزان حط ليها طبسيل وحط ليه حتى هو واخا غير شوية باش متاكلش وحدها...بدات كتاكل وتبنن...

فرح : عرفتي علاش گلت ليك ديرها ليا هي ؟!.."حرك راسو بمعنى علاش" حيث ديك المرة عجباتني فتارودانت..بقى ديرها ليا مرة مرة...

زين الدين"حرك راسو" : ان شاء الله...

كملات طبسيلها وحتى هو شربات كاس الما موراه ضارت عندو هزات طبسيلو وداتو لافابو بدات تغسل...حتى جا وراها وحاوطها بايديه كيدوز بايدو فوق كرشها الي شبعها بوسان اثناء العلاقة وشحال فرحان بداك البيبي الي فكرشها...كيتسنى ويحماق امتى يتولد ويهزو بين ايديه...هي ديك الحركة حسات برااااحة...يلاه غاتكمل حتى حس بيه تحرك وهما يتفيكساو...

زين الدين : الله...

فرح : شفتي هههه فحال فار..

زين الدين"خشى وجهو فعنقها وعضها بخفة تا قفزت" : لملتك هذاك بنادم على گدو...

فرح : ماعرفتش واش ولد ولا بنت...

زين الدين : الي كان...خير وبركة ونعمة من عند الله..."باسها فوق كتفها"

فرح"تكات راسها على دراعو الي محاوطها كتشوف فالفرااغ..وكتفكر النهار الي فكرات طيحو...كانت باغياه ولكن الخوف كان مسيطر عليها ديك الوقت...حسات بيه حط ذقنو فوق كتفها مخليها تفكر كانه حس بيها فين مشى عقلها وذكرياتها..تنهدات وهي دور عندو" : عيييت نطلعو ؟!

زين الدين"هبط ايديه قبط ليها ايديها بزوج مقرب ناحيتها باس ليها جبينها...وتم هابط كيبوس حتى وصل لشفايفها بوسة خفييييفة...فنفس الوقت كيحس بكرشها كتقيسو..بقى هابط كيبوس يبوس حتى لقى راسو تاني بغى يعاود من جديد..طلعو الفوق كي دخلات تكى شدها تاني وعاود معاها شوط اخور فدا فيها كاع داك البعد الي بيناتهم والعلاقة كانت هاد المرة شاخدة بيناتهم...حتى عيااات بالمعقول كان الصباح علاين يبان..جاو لدار فوقت بكري حيث الخطبة بدات بكري ماشي تعشاو معطلين...دوزو ليلتهم ملتهبة...جر عليها الغطا ودور ايدو على كرشها مقرب ليها ونعسو هكاااك..

قبل الفجر او بعد الفجر...يعلم الله شنو داك الوقت...حلات عينيها بسباب واحد ريحة فشكل...كتشوف رجيلات صغييييييورة جايين كيخطويو فالمشية...وايد مبيطبطة مسدودة...صغيييييييورة ممدودة وجايا بشوية حتى وصلات عندها وهي توقف...سرحها ليها...كتشوف غير بيبي...

فرح"نطقات كانها كتهضر مع ولدها ولا بنتها" : اشنو هادشي اماما...

تسرحات لايد وهي تبان ليها فحال لؤلؤة...هزات عينيها مشاو نيشان لعينين البيبي الي كانو العوينات خضرييييييين فيهم وواحد العين نصها خضر ونص زرق...بقات كتشووووف فدوك العينين تشوووووف حتى حلات عينيها بان ليها الضو صبح...بقات ترمش ترمش وهي تعاود رجعات تنعس....

يوم جديد...الساعة 9:00 صباحا...حلات عينيها بشوييي حتى خذات وقتها فالفياق..لقات راسها حاطة راسها فوق صدرو ومعنقاه بايديها ورجليها فوق رجلو وركبتها طالعة لفوق...هزات عينيها تشوفو لقاتو كيشوووف فيها وهي تحدر عينيها...

زين الدين"باس ليها راسها" : صباح الخير..."حط ايدو فوق كرشها كينغش فيها" مناوياش تنوضي ؟!

فرح"حركات راسها وجاوبات بصوت مبحوح" : شحال فالساعة..

زين الدين"ضار جيهة الطابل دونوي كان حاط فوقها تيليفون يتشارجا(كاين طابل دونوي فيهم خاصية شارج لاسلكي..يكفي تحطي تيليفون ويتشارجا ولكن هادي غير فالهواتف الهوت گام فحال ايفون..كاينين ف ايكيا)...وراها الساعة وهي تنوض تگعدت..." : شششش بشوية فرح مالك ياك لباس ؟!

فرح : خاصني ندوش ونصلي ونبدل حيث غايجيو..اويلي وحنا باقين مخشيين هنا ؟!

زين الدين"خنزر فيها" : مدخلة صاحبك ولا شنو ؟؛!...تركني تبتي لارض ياك لباس ؟!..

فرح : ولا ماشي هاكاك..وصافي ازين الدين ماتفهمش هاكاك...

زين الدين"عض لسانو مخنزر فيها وهو ينطق" : نوضي تحركي..

فرح : مادوشتيش ؟

زين الدين : قضيت غراض "دوش وصلى الفجر وهي ناعسة"..

حركات راسها وهي تنوض بتيشرت الي عطاها اصلا ملي كملو حسات بالبرد شوية ولبساتو وتخشات فالفراش...دخلات لدوش دوشات مزيان وتوضات وخرجات...لقاتو مكاينش فالبيت جبدات ماتلبس فاللول وجلسات فالكوافوز نشفات شعرها وجمعاتو وخرجات لركن الصلاة صلات فيه...ورجعات لبيت مشات لفاليز الي حطات ليها صفاء حلاتها وجبدات منها قفطان بيض ديال جوهرة مخيط بالصم ذهبي بالراندة...حيث فيه بيض وذهبي...قبل ماتلبسو مشات رتبات ناموسية وحيدات داكشي حطاتو فالسلة جمعات البيت عاد مشات لبسات قفطانها وهي تجلس مشطات شعرها خلاتو مطلوق وجمعات لور بقراصتها...حتى تدق الباب...

فرح : زين الدين ؛!؟

ضحى : لا انا هاد المرة...

فرح : اه دخلي...

ضحى"حلات الباب ودخلات" : صباح الخير لالة العروسة هههه

فرح : ههه صباح الخير..."هبطات عينيها ووراتها الكرش" شفتي العروسة كلشي بالمقلوب...بديت من لاخر ههههه...

ضحى"تحنات طبطبات ليها عليها" : ياختي على عميتو انا...مابغاش يبين ولا تبين لينا راسها...دافع كبير علينا هادشي...

فرح : هانتي تشوفي ههههه...

ضحى : المهيم قالت ليك ماما الى لبستي هبطي را نقاشة كاتسنى..نقشي قبل مايجيو داركم...وحتى انا غانقش معاك...شوية وغاتجي خالتي امينة وخالتي ام هاني...

فرح"شافت ايديها كان فيهم شي تشيشات ديال نقيش سابق...ضحكات" : هههههه كنت كنتشائم من الحنة دابا عطيتها دقة ماتجي فين تحيد لاخرى ندير وحدة..هههن..يلاه...فين زين الدين ؟!

ضحى : توحشتيه ياك بايت معاك البارح ههههههه

فرح"تزنگات" : لا لا هخهههه حيث دخلت لدوش وخرجت مالقيتوش وماگالش ليا واش غايخرج....

ضحى : اامممم را لتحت كيتسناك لفطور...كاين حتى مراد تاهو...اه را رسلت ليك فواتساب الانسطا الي صايبت ليك..را درتو ليك بسميتك وكنيتك حتى تبدليها وديري الي بغيتي...

فرح : غانبدل الكنية وندير البغدادي..ولكن حتى نسااي بالليل ونوريه لزين الدين...

حركات ليها راسها وهي تنوض..دارت خاتمها وسنسلتها...لبسات بليغة ذهبية فرجليها وتابطات دراع ضحى وخرجو من البيت...نزلو لتحت لقاتهم مجموعين عند طابلة وعند راسها زين الدين الي كان شاد تيليفون فايدو كيقرا والفنجان ديال قهوة كحلة فلايد لاخرى...سمع الحس لا بل وصلاتو ريحتها وهو يهز عينيه طلعها وهبطها مشات عينو نيشان لصدر من فوق عريان..عض شنايفو وهاد الحركة قشعاتها هي وهي تحط ايدها على صدرها...

فرح"جلسات وايدها على صدرها" : صباح الخير..احم...

توبا : صباح النور...كي صبحتي اليوم مافيقكش ترجاع تاني..

فرح : لا لا...نعست مزيان الحمد لله...

مراد : امضرا كي جاه البيت هو هذاك ؟ كيف جاك نتي بعدا ملي شفتيه على ارض الواقع...

فرح"تبسمات ليه بشكر" : وااعر عجبو حتى هو...شكرا بزاف مراد..

زين الدين"هز ايدو ربت ليه على كتفو" : لهلا يخطيكم ابا مراد...

كملو فطورهم وهي تنوض بزربة طلعات لفوق دارت بروش الخميسة جمعات بيه العنق تستر ليها صدرها...وهي تنزل نيشان لصالون لقات نقاشة كتسنى فيها جات امينة وام هاني...بدات كتعمر دار وكثر اللغى...كانت حليسة مصابة ليها فين تنقش...حطات النقاشة المخدة وهي تفرش توب خضر موبرا مطروز بالصم ذهبي...حطات فوقها رجليها وبدات تنقش ليها...حاطة تيليفون فوق حجرها وهو يصوني ليها باسمو...

فرح : الو زين الدين...

زين الدين : هاني خارج نقضي شي غراض ونجي بينما كملتي..تما العيالات ماكاين لاش نبقى تم...شنو خاصك مزال نجيب ؟!

فرح : والو..

كمل معاها المكالمة ديمارا سيارة ومشى خرج من الفيلا...دوزو داك صباح بالضحك ونشاط حسات توبا وضحى بالفرق تاني دار عامرة وفيها روح وغاتجي روح جديدة تزاد لهاد العائلة...نشفات لحنة وحيداتها وهي طلع ترتاح جا زين الدين تكى حداها شوية...تكاو نيت نعسو حيث الليل كلو وهما فايقن مافاقت غير على صوت دقايقية هزات راسها وهو يبان ليها زين الدين واقف كيكمي فالبالكون لابس فوقية بيضة...حكات عينيها وهي تنوض كتفوه تا خرجات وقفات حداه....

فرح : اشنو هادشي !؟

زين الدين"ضار عندها وهو يقربها معنقها بجنب..شير ليها براسو" : جاو خوتك...

فرح"حلات فمها كضحك" : ههههههه جابو ليا دقايقية هعععههه...انا غادي نهبط...

زين الدين : ششش..سيري بشوية...تسناي...

وقفات تالحق عليها وهبطو بزوج...لقاو ضحى ومراد والبقية خرجوو مستقبلينهم...شي هاز مريشات نحاس كيرشو فالزهر..وشي هاز طبسيل تمر معمر تالفوق والحليب وزهر خلاص...وقفات حداهم قدام الباب كتشوف فالدقايقية كيغنيو ودخلو سيارات..سيارة فرح الي شادها عصام دابا...وسيارة المحجوب داسيا وسيارة صطوف تاهي...نزلو منهم...سيمو ماتسنا حد يعرض عليه دخل وسط دقايقية وبدا يشطح تالقى فوزي داخل معاه...دخل عبد العالي تاهو كيدردك وسطهم...شوية دخل حتى صطوف...

فرح : صطوف ههههههههههه..."ضارت تشوف فزين الدين لقاتو كيشوووف فيها بديك شوفة ديال نزدح ملتك مع الحايط" خويا صطوف...

بان ليها عصام وهي تمشي لعندو كتزرب تلاحت عليه عنقاتو وتنخششات فيه...جا جدها تاهو طبطب عليها عنقوها بزوج وهي وسطهم...وقفو كاملين ناشطين مع عيساوة...

مراد"قرب لضحى" : سيري سبقي وانا نتبعك...

ضحى : سبق نتا وانا نتبعك...

مراد : برجولة سبقيني..وديري راسك جاراني وخلي الباقي عليا..

ضحى : نتا سبق وجرني معاك...عافاك راني مزيرة خاصني ندخل ندير حقي معاهم...

مراد : الله يرحمك اوليد كنتي تفهمني بلا منقولها..."واحد شوية تا بان ليه فوزي جاي وهو يجرو ودخل معاهم خلا ضحى بغات تبكي...تا جات ليها هناء جراتها ودخلتها وسطهم وهما يعطيوها لركيييييييز مكاين غالله يغطيك صحيحتك..."

سيمو"تابع دقايقية" : وااالله يعطيها صحة...

دقايقية : يااا وعلى شطحة عندها...

سيمو. : يااا ومبارك على مولاها...

دقايقية : سيد رجال داها...

سيمو :ياااااا ومبارك على مولاتو...

دقايقية : يااا وسيد رجاال داتو...

دقايقية "هاد المرة" : وااالهوى الهوى تاع ماليه....

سيمو وفوزي : وجيبو دكالة يلعبو عليه....

دقايقية : واااالهوى الهوى تاع ماليه...

ضحى و مراد : وجيبو كازاوا يلعبو عليه...

رجعو يضربو وهما يركزو دارو ففرح الهوايش لقات راسها كتحرك فكتافها واقف حداها زين الدين من بعد ما سلم على عصام والمحجوب ومنير وحتى نعيمة جات وقفات حدا توبا من بعد ما عطاوهم تمر والحليب...اما نجية وفاطنة راهم تخشاااو وسط الشطاحة كيركزو تاهما فرحانين ب فرح وحتى صفاء هاد الاخيرة الي وقفات مسكينة بغات دير حقها تاهي...

زين الدين : بغيتي تشطحي ولا شنو ؟

فرح"هزات فيه عويناتها بترجي" : غير شوية معاهم...

زين الدين : وايلي كبيدة ديالي...بغيتي ديري حقك...

فرح"بصوت منخفض" : اه...

زين الدين : شداتك البسالة..."خنزر فيها" تركني لارض.."قرب كيهضر بينو وبينها" بلا حمل...بغيتي تهزي وتحطي عليا تما ؟ ندفن مك حية...

زمات فمها كتشوف فيهم عينيها غرغرو جابو ليها الهوايش علشا الله اعلم هي من نوع الي كتشطح ولكن ماشي مهاوشة غير هاد المرة شدتها الي متعلم...اما صفاء خلاص بغى يخليها عصام ولكن بان ليه مراد وكاين خالو مابغاش اما يخليها تشطح...بقاو مساكنات يشوفو غا بعينيهم....

بقاو خدامين دقايقية فالدار الي ماعمر شي عرس كان فيها ولا حس الفرحة كانو غير تجمعات الناس طبقة راقية داكشي بالملحون او طرب الاندلسي...مكاينش فحال هادشي شعبي...هنا بان اختلاف اخر...بقاو ركز عليا نركز عليك شوية فوزي وسيمو حطو الفيستات وبداو فالرقصات ديال البطريق مرة يعطيه بالمكحلة وسيمو ينقز لهيه زعما تيرا فيه...ضحى ومراد بغاو يسخفو بالضحك اما فرح عينيها تسدو بالضحك وزين الدين حاضيها ماكره يطلعها فوق وكل وهمو....

فهاد اللحظة فرح من بعد ما صورات فيديو سدات تيليفونها الي ديشارجا وهي تعطيه ل توريا...

فرح : عافاك ديريه ليا يتشارجا فالصالون...

توريا : واخا ختي "شداتو من عندها وداتو يتشارجا"

سيمو"مد تريمتو وخا مكايناش وبدا يدور فيها ويدور فراسو وايديه مجموعين على شكل جناح كيفرفر بغى يطير" : احاااااااااح...الله يعطيها صحة وعلى شطحة عندها...

فهاد اللحظة تيليفونها الي تحط فالصالون فجأة تشعل...وصلات فيه نوتيفيكاسيون برسالة فالانسطاغرام الي صايبت ليها ضحى باسمها farah khayali...الرسالة كانت من ismail abid...

اسماعيل : مبروك الزواج الهبيرة...

بردوووو غدايدهم فالشطيح وكان معاهم حتى صطوف...كملو مع الدقايقية خصلهم فوزي الي جابهم معاه وعطاهم حتى باش يمشيو من بعد ما ضايفوهم اكيد...دخلو لدار كاملين..العيالات كانو فالصالون لاخور والرجال طبعا فالصالون الي حداه...

صفاء : كيدازت ليلة الالة العروسة...

فرح"خرجات فيها عينيها باش تسكت حيث صفاء لا بدات كتوصل لواحد المرحلة كاتفقص فرح" : عادي...ونتي البارح رتاحيتي من الي جينا...

صفاء : وتكوووووول...بقينا سهرانين كنقادو فدهازك الي جبناه معانا.

فرح : فين حطوه باقي فطوموبيلات ؟!

هناء : لا دخلناه انا وسيمو وفوزي وحتى مراد عاونا...راه فالبيت الي فيه تلفازة...

فرح"ناضت" : اجي نطلعوهم لفوق لبيت...

نعيمة : ايه بنتي حيدوهم من تما معمرين البيت...و طناجر فيهم العشا والروز بالحليب دخلوهم ؟!

هناء : كلشي دخل لكوزينة غير دهاز فرح والكادويات هما الي فالبيت...

نعيمة : ويلاه خلاص جمعو دنيا متخليوش داكشي معنكر تم...

ناضت صفاء وفرح وهناء...خرجات فرح بانت ليها ضحى واقفة مع مها كتوصي فيها وحداها مراد...

فرح : ضحى عافاك تيليفوني الى ساليتي جيبي ليا من صالون فين كاينين رجال مراد يدخل يجيبو وعطيه ليها عافاك طلعو ليا لبيت...

حرك ليها راسو وهي تمشي لبيت تلفازة سبقات صفاء طلعات فاليز لولة تبعتها هناء...كان جاي سيمو من دوش الي تما غسل وجهو من العرق وايديه...زيداتو يهز معاهم لبقو ليه مسكين لي فاليز وطلعو هما شي لاخور يدورو وينگلو حتى كملو داكشي...عاد تلاحت صفاء فوق الفوطوي كتنهج وهناء جلسات حداها...

صفاء : الاطييييييف...دهازك كثر من دهازي ابتلحرام...

فرح : ياربي سلامة..

صفاء : مممم..

هناء"هزات راسها عاد قشعت البيت الي تبدل...تگعدت وبقات تشوف بعينيها وتقلب.." : البيت ولا ناااااضي ابنت عمتي...

فرح : حتى انا عجبني ملي شفتو فالواقع..حيث كنت معدية غير بابيل فيديو وتصاور..."بدات تضحك وهي دور جيهة فوطوي لاخور حتى تفكرات داك شوميز دونوي الي تحط وهي دور بزربة عينيها شربنو نيشان فصفاء" العود اليابس !!؟؟

صفاء"ضارت عندها" : راااااااا حاشاك...

فرح"ناضت شادة فوق كرشها ومقربة ليها" : عود يابس...بغلة وكلبة وحما..ااااارة...باسلة وقليلة الحياااااا...

صفاء"ناضت وقفت وهي دور وبدات ضرب برجليها فالفوطوي وتقبس فهناء" : تررررررررر رااااا...

هناء : اش كديري اويلي غاطيحي الفوطوي وضرب زاج طابلة...

فرح : خليها تجرب الحما.رة..."خرجات عينيها حيث باقيا صفاء كاتركل برجلها فحال البهيمة.." واش هبلتي ولا مالك...

صفاء : گلتي حماار.ة وبغلة ايوى راني كاندير ففعايلهم..."بدات تركل" شفت هادشي ضيق زيدو وسعو ليا الكوري..."ضربات الفوطوي تا كان غايطيح لور كون ناشداتو هناء...خلات فرح كتشهق بغات طير عليها تاكلها وهي توقف هناء وسطهم"

هناء : ششش تهدنو...امالكم ياربي سلامة عاد كنتو مزيانات...

صفاء"كتشالي بايديها" : ومانعرف ل ديك ستمية كيلو الي صارطة ليا سطل ديال سمن (البيبي الي فكرش فرح ههه)..هي الي شدتها تملة مع زم لة وبنت ليها فالبلان...قيمتي عليا القحبة ؟...

فرح : نتي الي حطيتي ليا داك شوميز دونوي هنا ؟

صفاء"خرجات فيها عينيها الي بداو يلوبو" : باااطل هذا اويلي اش قربني لدارك وانا كنت معاك ديك اليومين ؟!

فرح : ماشي نتي وليني وصيتي ضحى..عطيتيه ليها..داك شوميز دونوي عااااقلة خرجنا انا وياك فجديدة ديك سيمانة كنتقداو وشفتيه گلتي ليا يجي معاك ومابغيتش...راني عاااااااقلة الكلبة عاقلة...

صفاء : ضلمتيني افرح...

فرح"صغرات فيها عينيها وبدات تقرب ليها وصفاء شدات فهناء من كتافها هي وراها وغاديا راجعة بلور ومرجعة معاها هنا" : صفااااء...جمعت ليك بزاف اصفاء...صفاااااااء قويتي عليا وجمعت وسكت ليك...

صفاء : لاش تتقولي هاد الكلام الممزوج بنبرة تهديد...الله ما انا

فرح"كتقرب ليها" : وشكون ؟

صفاء : بنت فاطنة...اعاااااو.. وجه الله افرح وجه الله...

هناء : ههههه صافي فرح لعني شيطان راكي حاملة...

فرح : بغات تولدني قبل الوقت لا هي لا داك الگديدة ديال شهر تمنية (كديدة شهر تمنية كيقولوها ليه حيث كتكون ياااابسة وكحلة بشمش ديال صيف)...

صفاء"خرجات عينيها" : نااااااااري اش گالت ؟ هاد الجملة مكتگولهاش فرح بزاف لسيمو ولا انا...كتگولها غا لا جمهت لينا ووصل وقت الخلاص وتشراك روجيستر الي قيدت لينا فيه...

"طلقات من هناء دفعتها وهي تمشي جات بغات دور وهي تعكل تنشرت

صفاء : الله ياربي تنشرت من عند سيدي ربييي...

لقاتها فرح من الجنة والناس وهي تحنى لعندها وجلست فوقها هكاك بكرشها تا سرحت صفاء ايديه ورجليها مخرجة عينيها"

صفاء : وااااههققهقه وعوك واا هناااء عتقي غانموتت...

فرح"جات هناء بغات تنوضها عليها وهي دور فرح مخنزرة بوااااحد الشوفة خلعات هناء " : سيري بعدييييي....

هناء : والمسخوطة راك حاملة وصافي حبسي..."دارت ايديها فوق راسها" والمسخوطة بغيتي تقتلي داكشي الي فكرشك..

بدات تغوت هناء وفرح جالسة على صفاء وتمعس فيها...حتى تدق الباب..ونطق زين الدين كيعيط لفرح...

فرح"ضارت بغات تخرج تخنزر فيه تاهو وهي توگض بزربة جمعات عينيها وناضت بزربة خلات صفاء منشورة" : زين الدين...نعام...

خلات صفاء منشورة ومشات هي ورا الباب كتهضر معاه..مشات هناء بزربة عاونتها تگعد وتوقف وتقاد حوايجها لا يبغي يدخل زين الدين حيث كلها تهشكرت وتخربقو ليها حوايجها...

فرح : نعام زين الدين...

زين الدين : خرجي عندي نهضر معاك...

فرح : واخا"حسات بنغسزات فكرشها مع تراميك الي دارت مع صفاء نسات راسها وكون حضر ليها زين الدين ليلتها كحلة معاه...ضارت عندهم بانت ليها صفاء كتهرنن وهناء ميتة عليها بضحك...قادت حالتها وهي تحل الباب وخرجات عندو" هاني...

زين الدين"كان واقف عاطي بالضهر خاشي ايديه فجيابو..غا سمعها وهو يدور عندها" : شنو كنتي كديري ومخلياني..ماعطاكش خاطرك تسولي فيا...

فرح"تبسمات ليه بحب" : عارفاك مع خوتي وبا وخوالي..جيت مع البنات طلعو ليا هما وسيمو حوايجي...

زين الدين"شد ليها منخرها بصباعو عنكشها بمزاح" : ديك ساعة صوني عليا نطلع عندك نشوفهم معاك...

فرح : غير طلعوهم اما تستاف وداكشي حتى نكون بوحدي..وتيليفون خليتو حداكم فالصالون كيتشارجا ماطلعاتوش ليا ضحى...

زين الدين : انا الي حيدتو هاهو "جبدو من جيبو وعطاه ليها" اجي معايا لتحت نهضر معاك...

فرح : واخا...

تابطات دراعو ونزل هو وياها حتى لتحت دازو نيشان لجردة...وقفو حدا سقاية...ضارت جيهة دار كيبان ليها رواج والهضرة وفاطنة غادية جايا مع توبا ونجية..واحد لحضة تبسمات وهي كتشوف فيهم...تا ضارت لقات زين الدين تاهو كيشوف فيهم...

فرح : درنا ليكم الرواج هههه ممولفينش...

زين الدين"شاف فيها وهز حاجبو" : گولي كان خاصنا..."مد ايدو حك ليها على دراعها بحب" ماجيتش وسميتك الفرحة ديالي باطل...

فرح : هههههه...الفرحة الي فقصاتك واحد الوقت...

زين الدين : كرهاتني فملة مها حياة...نكذب عليك ؟! راكي عشتي وشفتي..."عض شنايفو واحد اللحظة من بعد حرك راسو ببطء" ماعليش كلشي فايت والي فاتت علينا بتعليمة...

فرح : تعلمت بزاااف...احم.."حكات جبهتها" فاش بغيتيني ؟!

زين الدين"كان ساهي كيشوف لهيه غير سمع سؤالها وهو يشوف فيها..": غذا ان شاء الله كاينين الطلبة...ديري بحساب نسافرو واحد سيمانة... سيغ ماغاديش نخرجو برا البلاد..على جال الحمل حيث دخلتي ف le mois 5 وهما عندهم ماتفوتيش الرابع..الوغ حتى تولدي من بعد نسافرو خارج المغرب الوراق حالهم ساهل حيث ديجا مزال مسجلة عندي فالكلينيك خدامة فيه ومديكلاري بيك والكونط عندك كيروج ماغاديش نوحلو فهادشي...

فرح : ان شاء الله..ولكن عندي طبيبة سيمانة جايا...

زين الدين : نرجعو قبل ان شاء الله...ضروري تفوجي شوية فرح وتعيشي فحالك فحال العيالات مع رجالهم...ماغاديش تبقاي غير دار..وهادشي علاش بغيت فاش نرجعو ديري فبالك من بعد وجدي الوراق باش ندفع ليك لماستر هنا فكازا...

فرح"بصدمة" : هنا فكازا يقبلوني ؟!

زين الدين : علاش ميقبلوكش ؟ عندك ل مونسيون طالع..جمعي راسك راجعي ونعاونك ويكون خير...مانخافش عليك فرح فهادشي...

فرح"تبسمات" : كنت بغيت نگولها ليك باش ندفع بغيت نكمل قرايتي...

زين الدين"حرك راسو" : كمليها من بعد نعاونك ف بروجي الى بغيتي ديريه متعلق بهادشي..المهم شي حاجة ماتخليكش افرح تلهاي عليا وعلى ولادك ودارك ...

فرح"تكات على دراعو" : واااخا...

زين الدين : الله يرضي عليك...

فرح"تنهدات كتبسم بحب حتى تفكرات انسطا" : اااه حگا..درت انسطا جديد بسميتي...

زين الدين : ضصرتي لا...

فرح : ههههه ولا دابا هذاك القديم بقى فتيليفون الي كان شد ليا عصام عقلتي فاش حصلني كنهضر معاك وبغيت نتزوج بيك وهو مفراسوش...

زين الدين : زيدي فكريني فضواصا الكحلة...كملي..

فرح : وعارفة مود باس ديالو وداكشي ولكن مابقيتش كنخدم بيه من دااك نهار..البارح گلت نديرو جديد وضحى گالت ليا نصايبو ليك...مافيه حتى واحد فيه غير صفاء وضحى وهناء ودارتو بريفي...درت فيه تصاور ايدي وايدك فاش ركبتي ليا الخاتم ههههه...

زين الدين : وشنو بغيتيني فهادشي...

فرح"لمعو عينيها" : بغيت نبدل سمية گلت ندير فرح البغدادي..

زين الدين"هز حاجبو" : وعلاش بسلامة..

فرح"صرطات ريقها من القمعة عند بالها" : ااا..والو غير بغيت..وصافي منديرهاش "هزات كتافها تا غرغرو عينيها" احم..صافي انا غاندخل عندهم لداخل...

زين الدين"تمات غاديا وهو يرجعها قربها ليه" : ششش تهدني..ماعندكش مع الملاغة والمزاح...اجي لهنا...

فرح"حدرت عينيها" : عادي ماشي مشكيل...

زين الدين : لا مشكيل...بزز منك بدلي الكنية...مامنوضش الحر.ب والمقاتلة مع عصام لله فسبيل الله...

فرح"بدات تجمع فشفايفها وتحبس ديك الابتسامة لا تزهق شوية بدات تعضهم حتى ضحكت" : ههههههه..."دورات راسها لهيه حشمانة"...

زين الدين : علميهم ينزلو من فوق واجي نهضر معاك...

فرح"خرجات فيه عينيها" : اويلي زين الدييين...

زين الدين : نعااام..."حنحن ونطق بجدية" عطيني نشوف داك الزعت نبدل ليك الكنية راسي...

فرح"حركات راسها وعطاتو تيليفون" : هاهو...

غير شعل تيليفون وقابلو مع وجهها حتى تحل ماشافش الميساجات الي كانو فشاشة..وماشافتش هي تاحد مرد البال حيث كانو مستفين ديال واتساب واشعارات اخرى..دخل نيشان لواتساب وبدل ليها سمية من باغاميتخ...هبط لاليست من شاشة كينقص ليها الصفحات باش يخفاف تيليفون بقى يحيد يحيد حتى طاح فمساج اسماعيل...هز حاجبو وهو يدخل لميساجات الي ف لانفيطاسيون..مشى ديريكت ليه حتى قرا ديك الجملة..غمض عينيه وزيييير على ايدو واحد تزيييرة تا تبدلو ملامح ديالو....

كيقرا فداك الميساج ويعاود يقرا ويعاود وعينيه مابقاوش كيرمشو من كثة ما تصدم بداك الميساج وبديك الجرأة كتب "هبيرة" وهو برااااسو اسماعيل جن الكحل الي فزين الدين مايشمو...جنون الكحلة كيوليو فزين الدين وهما الي بدا واحد بواحد كيجيو ليه...اش غايدير وشنو غايتصرف وهي قدتمو حااملة وماشي قد تشوف هاد العصبية الي بدات فيه...مناخرو كتشوف فيهم كيفرفرو مافهمت والو...

فرح : زين الدين مالك ؟!

زين الدين"عاض على سنانو لداخل كيترعد..غمض عينيه وصرط داك الريق الي نزل ليه فحلقو طاااايب." : هذا الملاوي الي درتي..غادي يتمسح...

فرح : علاااش ؟؟؟

زين الدين"جهد صوته تا طارت ونزلت ": ههضضضضضررررتي متعاودش..."حل عينيه مخنزر فيها"

فرح : مافهمتش..."شافتو خنزر تاني وهي تصرط الهضرة بريقها تا شدت فكرشها ماهضرتش"...

سكرينا داك الميساج ورسلو لعندو فواتساب تحسبا لا يمسح الميساج...وراها تيليفون...

زين الدين : هذا غايبقى معايا...تحركي دخلي جلسي مع ناس...يلاه...

مافهمت والو بان ليها وجهو تبدل رجع واحد الوجه ديجا شايفاه فااااش كان غوت عليها ملي شربات القرفة وصعر نييييييت...شدات فكرشها ودخلات عينيها مكيرمشوش مافهمتش مالو شنو وقع ليه...اما هو حرك جيبو جبد منو باكية الكارو كيبغي يشعلو كتفلت ليه البريكة من كترت ما ايديه كيترعدو بالاعصاب...حتى تفقص وهو يشير بالبريكة مع الحايط تا دارت باااااااق تسمع صوتها عند رجاال حيث صالون كان شرجم صالون كيطل عالجردة...

ع.العالي"قشعو من بعيد" : شش مال زين الدين ؟!

عصام"طل براسو" : مالو ؟!...

فوزي : هادي بريكة ضربها مع الحايط...قشعتيها خالي ياك...

ع.العالي. : وهو براسو بان ليا بغى يتفرگع...

عصام"وقف" : نشوف مالو...

خرج من الصالون وضار جيهة باب جردة تا خرج عندو لقاه كيهضر فالتيليفون وكشاكشو خارجة...

زين الدين : قلب عليا على زاااا**** فين كاين...وينعل الجد والطاسيلة لولاد القحااااااب...قلب ليا عليه فين كاين...

ريان : واخا تهدن عطيني عشرة دقايق نسول سمير وانا معاك...

زين الدين"قطع كينهج...وسط جبهتو بان واحد العرق منفوخ."

عصام : اش واقع مالك ؟

زين الدين : ولاد القحاااب...ولاد القحاااب...

عصام : شكون هادو...

زين الدين"ضار عندو مشربن وراه سكرين ديال اسماعيل كاتب ليها داك الميساج" : هاد ولد القحبة الي گلتي ليا جا يخطبها فاش عاودتي ليا !! هو ولا لاااا ؟!!

عصام"قرا ميساج وهو يجمع حجبانو تاهو ولا يخلع" : اسماعيل عابيد.. هاد القواد ماعطيتوش خبار مابقاش بان...اش قرب لقحبة مو يرسل ليها هاد الميساج ؟ فين وصل معاها فهاد ضصارة ؟؟!...

زين الدين"يلاه بغى يجاوبو وهو يصوني ليه ريان" : فين ؟؟؟

ريان : هو تحول لهنا لكازا كاين فالكوميسارية الي ف ***

قطع معاه زين الدين فالبلاصة وهو يمشي خلا عصام كيعيط ليه تا تبعو ركب معاه فالسيارة ديمارا زين الدين وضار خارج حتى ورك وكسيرا تا تحكو الروايد...تسمع صوتها عند العيالات ورجاال...

صفاء : اناري اش هادشي ؟!...

هناء : واقعة شي حاجة ا فرح ؟!

فرح"عينيها كانو مغرغرين باقي مصدومة من ردة فعل زين الدين اتجاهها..هزات فيها عينيها وهما ينزلو دموعها يجريو" : ااا ؟ ماعرفتش...

صفاء : اويلي مالك ؟...

فرح : م ماماليييييش اهى اهى "دارت ايديها على وجهها وعطاتها لبكى" اهى اهى...

نعيمة : ويل شيطان مالها ؟!

امينة : اويلي فرح مالك ؟!! مالها ؟!

صفاء : والله ماعرفت اويلي مالك...

فرح ؛ انننن اهى اهى...اااااااهى اهى...

فاطنة"قربت ليها كتقلب فيها" : مالك اكبيدتي اش ضرك ؟ ياكما ضراتك كرشك...

فرح : اهى اهى ماماليش...ماماليش خليوني بغيت نطلع لبيتي عافاكم...اهى اهى..."كتهضر معاهم وتنخصص تا شدتها سخفة وهي تجلس بجهد شادة على قلبها" امممممم....

نجية : اويلي سخفات..ياربي سلامة وابنيتي تهدني...

فاطنة : اري ليها ميهة وسكار...بسم الله عليك ابنتي...

ام هاني : حيدو عليها ماتجمعوش عليها عطيوها شوية نفس...

ناضت صفاء بزربة خوات ليها كاس الما ودارت فيه سكار من الي حاطين حيث كانو حاطين ليهم الگوتي...دخلات ضحى لقاتها سخفانة ومشات تزرب عندها تشوف مالها...عطاتها فاطنة تشرب شدات الكاس كترعد...شربات شوية ونص تخوا ليها وعطاتها لبكا تبكي تبكي تبكي تا بغات تسخف...

نجية : يااااربي سلامة عوينة هادي...طلقي شوية القران...

فرح : ب بغيييييت بغيت نطلع لبيتي اهى اهى...واااخليوني نطلع لبيتيييي...

امينة : خليييييوها على خاطرها..سيري بنتي ماعليش هادشي كيوقع...الله يفك وحايلك على خير...سيري جتى ترتاحي ونزلي عندنا حنا هنا...

ماجاوبتهاش..ناضت من حداهم ودموعها على خدها بغات تمشي معاها صفاء وهي تبعدها ماخلاتهاش...تبعتها تا خرجات وطلعات فالدروج كتشوف فيها طالعة وعاضة فايدها...كان جاي فوزي من برا دخل لقى صفاء واقفة هي وضحى كيشوفو جيهة دروج الفوق شاف فين كيشوفو حتى بانت ليه فرح طالعة وكتافها طايحين...

فوزي"بخوف" : مالها ؟؟؟

صفاء : ماعرفتش حتى بدات تبكي...فين زين الدين عيط ليه يطلع عندها ولاعصام...

فوزي : وانا عرفت فين هما ؟ مشى يشوف مال زين الدين كان جاهل تاهو شوية خرجو تبعهم مراد وبا الحسين جاتو مكالمة مابقيت فهمت والو....

صفاء : ياعوذ بالله.. اش واقع مافهمتش وفين عصام تاهو زاد معاه..."ضارت غاديا" بلاتي نعيط ليه نشوف اش كاين...

فوزي"هز راسو لفوق وتم غادي طالع" : هاني طالع عندها نشوفها....

مد ايدو بالنترة ضرب المجر بجهد تا تحل جبد منو زوج حلوات رماهم ففمو كياكل فيهم حلوات باش ميطيحس ليه الديابيت...اما عصام خلاااااص هذاك سكت ماهضرش جنون ركبو ليه...صونا ليه تيليفون جاوب فالبلاصة" شنو درتي ؟

ريان : كاري غير تما واحد البارطما...نمرتو هاهي رسلتها ليك..

زين الدين : تبعتي ورايا شي حد ياك ؟؟!

ريان : لل لا ماشي...

زين الدين : الرهوط ديال القلاوي عشرة لضص...ماعليش...

قطع معاه وداز نيشان لواتساب رسل ليه العنوان وحتى نمرة ديال اسماعيل...خلا النمرة ودوز واحد نمرة ليه شحاااال هادي ماهضر معاه...

زين الدين : الحاااج...عاش من سمع صوتك...

صهيب. : طلقني اولد البغدادي من لاخر اش بغيتي ؟!...

زين الدين"حك على صدرو" : نعاود ليك من لول وبحكامك...

صهيب : اش واقع !؟

بدا يعاود ليه زين الدين من لول تلاخر بالتفصييييل...

صهيب : ماديرش شي حاجة تندم عليها ازين الدين...لا درتي فيه ايديك انا مغانقدرش نفكك...ماتنساش را المخزن هذا..زين الدين راني كنعرفك مزمر فراسك فاش كتعصب...

زين الدين"نطق بثوت مبحوووح مقجوج بالعصبية" : مرتييييي الحاج مرتيييييي...

صهيب : وغا سمع ليا والله تا نبرد ليك غدايدك...عطيني يوميييييين بالحساب تسمع خبارو...زين الدين الله يرضي عليك ماتحطنيش فشي موقف مانقدرش نخرجك منو...زين الدين راك عزيز...والمسخوووط ماديرش شي عجب...

زين الدين"الصمت"

صهيب : هاهو صهط...والله ودرتي شي حاجة تنغرق والديك نتا...وخليني تايب نصدق مرجع معاك ايام تشيطين ونبدا نمضي بيك نتا...اداك المجدوب...

زين الدين"غمض عينيه كيتنفس بجهد...عصام حداه تاهو كثر..كان كيسمع ل صهيب اش كيقول ولكن ربي الي عالم بيه...صعييييييب على عصام يشوف ختو مزوجة وتجيها رسالة بحال هادي واخا مافراسها مسكينة ميتعاود...وعلى زين الدين يشوف رسالة بحال هادي جات لمرتو ويقرا كلمة الهبيرة الهبيييرة الي مكيقولها ليها غير الي قريب ليها...الغيرة عمات ليه العينين وطبعو الحامي زاد كمل وعصبيتو الي على نقشة كمل عليه السكري..."

صهيب خاف لا يمشي يضربو والى فات حتى ضربو مشى فيها زين الدين..تهمة التعدي على رجل شرطة وشلاااا ما فيها والقانون مكيرحمش...

فهاد اللحضة بالضبط...كانت متكية دايرة ايديها تحت حنكها وكتشوف فالفراغ من بعد ما طلع عندها فوزي هضر معاها تا تهدنت...وهي تنوض غسلات وجهها وقادت حالتها ورجعات هبطات عند ناس حيث عيب تخليهم رجعات كتهضر وصافي اما خاطرها منغص عليها...

فرح"دخلات صفاء وهي توقفها" : ماجاش زين الدين ؟!

صفاء"حركات راسها ب لا" : ماجاش مع عصام خرجو..صونيت لعصام گاليا ممسالينش...

فرح : عافاك عطيني نصوني لزين الدين...ولا عرفتي انا نشوف عمي علي...

ام هاني : بلاتي كبيدتي هاكي هضري معاه من نمرتي...

مدات ليها تيليفون دوزات نمرتو الي حافضاها فحال الما...تسناتو يصوني بقى يصوني يصوني بدون مجيب...حدرت عينيها وعطاتها تيليفون..وجلسات بخاطر مكسوووور وماكاين الي يجبرو من غير يبان زين الدين وتعرف اش واقع..ماعارفاش الحال بيه انه ماباغيش يجاوبها لانه معصب لاقصى درجة لا هو لا عصام ولكن هو اكثر لانها مراتو حياتو غيرتو عليها مجنووونة...وشنو بيه الحال دابا...مالقات حتى جواب سلمات امرها لله وجلسات معاهم جسد اما روح راها مع زين الدين...كلاو ووصل وقت باش يرجعو ناس فحالهم وهنا القصد امينة و ام هاني...صطوف كان مشى قبل ماينوض عصام عند زين الدين حيث خاصو يمشي يشوف مرتو فدارهم...فقط دار معاه الواجب ومع فرح بارك ليها وعطاها الكادو ورجع فحالو...

ام هاني : يلاه بنتي ملقانا غذا ان شاء الله...

فرح : فين با الحسين !

ام هاني : راه برا بنتي جا هو ومراد...

فرح"بفرحة" : هي زين الدين جا...تسناي نخرج معاكم...

ام هاني : لا بنيتي ماجاش..

فرح"جمعات ضحكة" : علاش ؟ وفين مشى ؟!!!"عينيها غرغرو وفمها بدا يترعد وصوت بدا يهرب" اويلي فين مشى هذا اهى...

تم جاي مراد جايب تيليفونو عيط ليها وهي تخرج عندو عطاها تيليفون حتى سمعات صوته...

زين الدين : بلا قوة الهضرة والبكى...تهدني وبقاي مع ناس انا غادي نتعطل خرجت ليا شي خدمة فالمحلات...وعصام معايا كايعاون فيا..نسالي ونجي فرح...سمعتيني نسااااالللي ونجي..ونقصي من البكا ماتفگسيش لملتي ريتي...شنو گلت ؟

فرح : وانا اش درت ليك حتى دير ليا هاكا...

زين الدين : مادرتي والو...جاني شي ميساج فرع لملتي الخاطر..نسالي ونهضر معاك ونشرح ليك..راني على نقشة فرح على نقشة ومابغيت نگول شي حاجة تبكيك ونتي مادرتي ليا والو...وقراي ليا عيبي وريحيني الله يرضي عليك"كيهضر وباينة فيه على نقشة"..

سلمو عليها وعلى البقية وخرجو على امل يرجعو غذا حيث كاينين طلبة وحفيلة عشاء صغيرة على قبل عرس فرح وزين الدين...تسناتهم تا خرجو وهي طلع لفوق خلات صفاء وفوزي كيعيطو ليها دخلات وسدات عليها الباب...

جوايه الوحدة ونص ديال الليل...وقفات سيارتو وخرج منها هو وعصام..دخلو لدار صونا على صفاء قالت ليه يطلع لبيت فوق ديال ضحى هو فين غاينعسو...طلع هو وزين الدين وراه البيت ودخل..

زين الدين"حل الباب بشويييييا وسدو بشوييي كان ضلام ساني غير ضو ديال شعى الي داخل من بالكون...رمى عينيه ليها بانت ليه ناعسة بقفطانها مسكينة..على ضهرها وحاطة ايديها فوق كرشها تسحب شوية ودخل لدوش سد الباب وحيد عليه ديك الفوقية الي كان د.م مرشوش فيها"...

تخشى تحت رشاشة خلا الما نازل عليه دااافي حتى يتهدن شوية من بعد دار شامبو وصابون تشلل وخرج هز بينوار الي معلق لبسو مخلي شعرو كيقطر وعينيه حمررييين بالدوش وبالصعرة...يلاه غايتحرك حتى تحل الباب هز عينيه تا بانت ليه واقفة شادة فالبواني كتشوف فيه وعينيها تاهي حمرييين...

فرح : فين كنتي !! اشنو واقع ازين الدين ؟!...

زين الدين"عض فمو بحركة بطيييئة عينيه عليها اما حجبانو عاقدين 11" : سيري رتاحي هاني جاي...

فرح : لا گول ليا اشنو واقع ليك...علاش غوتي عليا قبيلة وعلاش غبرتي وخليتي ناس وماجيتي حتى لدابا لا نتا لا عصام ؟!..زين الدين بلا ماتخنزر فيا ولا تغوت عليا تاني.."صوتها تقج بغات تبدا تبكي غير كتحبس فراسها بزز"..اشنو واقع علاش خديتي ليا تيليفوني اشنو شفتي ؟!...

زين الدين"كان داير ايديه على خصرو كيشوف فيها وكيسمع شنو كتقول وفنفس الوقت عقلو كيفكر فداك الكيدار ديال اسماعيل كايحس براسو بدا كيغلي من جديد..غمض عينيه كايحاول يرجع يتكالما لان العصبية لا دابا لا من بعد مغاتوصلو فين..." : واخا سيري هاني جاي ونهضر معاك..."شافها مزال واقفة وهو يخرج عينيه" فراااح هضرت معاك...

بقات كتنفس بجهد وكتشوف فيه حتى ضارت وخرجات سبقاتو..اما هو تنهد وهو يمشي لافابو غسل وجهو بما بارد نشف بالفوطة نشف راسو تا خلاه مخربق...وخرج لعندها لقاها جالسة فطرف السرير كاتسنى فيه...جا جلس حداها بقى شحال كيشوف قدامو باغي يعرف منين يبدا وفنفس الوقت مايخلعهاش...

زين الدين : گلتي ضحى الي صايبت ليك هذاك تخربيق ؟!

فرح : اه..ومابقيتش بغيتو مابقيتش غاندير تاواحد الى كان يجبد ليا صداع الي انا معارفاهش ماعندي ماندير بيه..خاطيني صداع ازين الدين ونتا عارف مزيان حجم هاد الجملة الي گلت..مابقاش عندي خاطر لصداعات وماعنديش من لول...غير تهنى...

زين الدين"استمر فكلامو" : ترجعي تخدمي بيه ولا مترجعيش هادشي ماشي دابا..."عض على سنانو ماحاملش يعاود ليها على هذاك لكن للضرورة احكام خاص يحطها بالصورة...تسنى حتى تاكد انه غايبرد غدايدو فيه بشكل من الاشكال عاد يقوليها وبالفعل عاود ليها كلشي من اول حتى الاخير..مع قاليها اسمو وهي تشهق مخرجة عينيها صعرها تاهي معاه"

فرح : و ااااش قربو ليا !؟ اشمن حق يرسل ليا مبروك ولا ما مبروك فين كايعرفني اش بيني وبينو مافهمتش...كون شفت الميساج كنت غانوريه ليك غانجي عندك نوريه ليك ونتا تشوف شغلك واخا كاين عصام ولكن الاحق فهادشي هو نتا الي خاصك تعرف...مافهمتش انا هاد بنادم اش باغي مافهمتش..علاش ماقدمتيش بيه شكوى ؟ "

زين الدين"خنزر فيها" : لاش شكوى ؟ شنو بغيتي عباد الله تعرف واحد تبسل على مرتي ؟.."جهد صوته تا صقرت" والرب المعبود نطحن ملتو ومانحن فيه...

فرح : ورا.."بغات تهضر وهما يمشيو عينيها لايديه الي كانو مجروحين..عاود شهقت وطارت عليهم شدتهم" اشنو هادشي ؟؟ مال ايديك ازين الدين...اشنو درتي ؟ "عوجات راسها بتمني" مادرتي ليه والو مادرتي تاحاجة تدخلك فمشاكيل وتقهرني عليك ازين الدين اهى...زين الدين اش درتييييي اهى اهى...

زين الدين : شششش تهدني ما درت والو..."غمض عينيه بنفاذ صبر" تت مشكييييييلة كحلة هادي معاك...فرااااح مادرت والو...

فرح : واشنو هادشي اهى اهى...

زين الدين"تنهد وزفر بقلة حيلة وبدا يعاود ليها مكالمتو مع صهيب" : مشيت انا وعصام ل سيدي بوزيد لديك الدويرة فين كنت مضروب وداواني...بقينا تما كمينا وصل علينا صطوف..من بعد صعرت وبقيت كنضرب فالحايط..."خرج عينيه وهز ايديه الفوق" هذا الله افرح هذا الله نصبر ونسكت ؟...نبرد دمي ! عمرك ماتسناي نبرد دمي على بحال هادشي عمممرك افرح عمرك..

فرح"كتسمع ليه ودموعها دايزين...تنهدات وتنفسات صعداء انه ما دار فيه ايديه ولا وصلو...غمضات عينيها وزفرات براحة وهي تكا ليه على دراعو" : مانگولش ليك برد د.مك ولكن مانبغيش دير فيه شي حاجة وهو ميستاهلش...عطا الله الطرق باش تحطو عند حدو...انا كون شفت الميساج انا براسي مانقاش ندخل لهاد المواقع الي غايجيبو ليا مشاكيل...براكة عندي مندير فحياتي الي يخليني نتلهى على هادشي...عافاك ماتبقاش تخلعني عليك وماتبقاش دير شي حاجة وتخليني كنتسنى فيك خايفة...

زين الدين : ماتسنايش نكون صاعر ولا جاهل وواصلة لخليقة ملتي للجدر ونجلس حداك نحاجي فحال مكاين والو..مانعطيكش كلمة فهادشي مانعطيييكش الكلمة...تانا انسان بعيبي ونتي كتقراي عيبي وعارفاني على نقشة فبزاف الحوايج.. alors فهمي بلا مانعاود الهضرة باش منضركش بفمي ونتي اكثر وحدة عارفة شنو هو كلام العار فحق شي حد...تفاهمنا ؟..

فرح : عارفة ازين الدين..ولكن حتى نتا متسناش منتقلقش عليك ومانتقلقش منك..تانتا قرا خوفي عليك وفهم بالي مانقدرش مانخافش عليك...

زين الدين : ما گلتش ليك ماتخافيش هذا حقك من جيهتي..ماشي عيب هادي جايا من المحبة ومن المعزة وقيمتي عندك...خلي مساحة ومسافة حتى نتهدن ونجي عندك نحط ليك كلشي ونحطك بالصورة الله يرضي عليك...

فرح"حركت راسها وسكتت"

زين الدين"زفر بتعت..طبطب ليها فوق فخدها وباسها فراسها" : نوضي نعسي هاني نبدل ونجي حداك...

فرح"يلاه ناض وهي تسولو" : اشنو درتي معاه نتا وعصام...

زين الدين : درت الي خاص يدار..."عاود خنزر تعصب من انها تسول عليه" شنو بغيتي فيه ؟ شنو ليك بيه "جهد صوته تا قفزت" نساي عليا القواد افرح نساااااايه بغيتي تصعري ملتي تاني...

فرح : صافي هاني غانعس...

مازادتش معاه تخشات ففراشها ونتغطات ضارت جيهة الفاز طفاتو خلات غير الي حداه شاعل تا مشى لبس شورط وتيشرت وجا تخشى حداها بقى شحاال متكي كيشوف فالسقف حجبانو يخلعو...حتى ضار طفا الضو حداه وقرب ليها لصق مع ضهرها وجرها نخششها فيه...

عصام كيف دخل عطاتو صفاء حوايجو بدلهم وتخشى فالفراش تا طوات الحوايج حيدات بينوارها بقات غير بشوميز فالبيض بسميطات رقاق تخشات حداه عنقاتو ونعسات ماهضرتش معاه حيث بان ليها معصب عاقد حجبانو وهي عارفة ديك العقدة اش وراها خصوصا غير كينفر بمناخرو... ماهضراتوش حتى نعسو..

ليلة دازت من الليالي...وها النفوس بدات تهدن شوية وعلاش الي ماتهدن واليوم كاينين الناس الي معروضين للصدقة الي مديورة بمناسبة الاحتفال بفرح وزين الدين حفلة خفيييفة كيف طلبات فرح ب لبسة وتاج صااافي...كيف فاق فالصباح بلغها بالي غايغبر حيث خاص يوقف على الناس كانو جاو رجال يتغذاو وجاو الطلبة الفيلا مصاوبة وتركش بالناس...واقف عند الباب هو وعصام والمحجوب كيستقبلو الرجال وبداخل عبد العالي ومنير وفوزي كيستقبلوهم عند باب الصالون يوريوهم فين يجلسو...اما سيمو را مبرزط مع السرباية والمقدية ناشط مع راسو...العيالات كاملين طلعو الفوق شي فبيت فرح شي فبيتو الرجال الي بقاو لتحت حيث كاينين غير رجال...

صفاء : امتى يبداو يقراو...كايحمقوني فاش كيبداو يجودو بطريقتهم...

فرح"متكية باش ترتاح" : شوية ويبداو...ففف...بديت كنحس براسي كنسخف بالتقل...

صفاء : صلي عالنبي يلاه الخامس فينك نتي والسابع ولا لاخر...

فرح : فيه العذاااب يا الخامس يا لول يا سابع...

هناء : مزال ماتعرفي اشنو عندك ؟

فرح : سيمانة جايا فاش نجيو من السفر غادي نعرف ان شاء الله دعي معايا يدور ونعرف هههه"طبطبات فوق كرشها" حاس براسو هادشي الي هنا...

صفاء : اححح كبيدة ديال خالتو...دعي معايا تانا نخرج نولد...

فرح"خرجات فيها عينيها" : يهديك الله اصفاء يلاه تزوجتي..ديري وقت مع عصام حتى تعرفو على بعضياتكم وسافرو ودورو عاد فكري فالولاد....

صفاء"عوجات ففمها وضارت شافت فهناء" : مممم..ندير فحالك ياك جلستي خمس سنين عاد خرجتي تولدي..

هناء : عهههه ياك مع ضربتي لصقتي...

فرح : وا انا كتاب عليا..."تنهدت ترتاح" كتااااب عليا انا بغيت نطيحو من هنا وهو لصق ليا من هنا...

صفاء : حاسة بيه غايخرجها منك فالولادة هههههههههه...غدايدو يبردهم فيك داك النهار...

فرح : الله يحفضني حرام عليك ماتبقايش تخلعيني...

صفاء"قربات ليها شدات ليها فجنيكاتها الي زادو تزنگو وزيانو بالحمل" : ععهههههههه واختااااااي على الهبيرة غاتولي ماما...ياختاااي على لحيمة فدجين غاتولي الجنة تحت اقدامها وتقول الله يرضي عليك...وزين الدين يولي بابا...

فرح : ههههههه حيدي الله يمسخك...

بقاو كيضحكو حتى جات فاطنة ونجية ونعيمة...جلسو معاهم..شوية بداو الطلبة بتلاوة الذكر الحكيم بالتجويد والقواعد الاصلية ديالو...ريحة البخور والند معطرة الفيلا كاملة...شوية ناضت البالكون جلسات هي ونجية وراتها البالكون الي صايبت وبقاو جالسين فديك الجليسة...

نجية : الله يرضي عليك ابنيتي والله يفرحك ويجعل ليك فوليداتك وراجلك البركة...كانو واليديك ولا ما كانوش اخرتك كنتي ديري دويرتك ووتادك وساسك...انا راني نبقى ميمتك تايدي مول الامانة امانتو...والله يا بنيتي وربي الي شاهد الى ملي گلت لجدك انا نرضعها الى گلتها من گليبي عطيتك حليبي وكنتي تجري منو ولداخل فيا كنحس بيه ينوغش..معزتك ربي الي عالم بيها كبيدتي...

فرح"عنقاتها وحطات راسها على كتفها" : من ديما حاسباك مي ماعمر بلاصتك تبدل وسيمو خويا فحالو فحال عصام..هاني هنا وقت ما بغيتي تجي ماتسولينيش وصلي وجي والى مالقيتينيش دخلي وبقاي دارك العساس موصينو عليكم الي جا يدخل مايتشاورش معانا...ماتقطعيش المجي عندي عااافاك امي...

نجية : هنييييتي عليا لا كان غا من المجي..كوني هانية وقت الي تيسرت ليا نگول لسيمو يجيبني عندك ولا واحد فدراري (فوزي او عصام)...وخلاااص ملي تبغي تولدي ولابد نبقى معاك فنفاسك تا تهزي صحتك...

فرح"بفرحة" : بصح غاتجي فنفاسي ؟!

نجية : اوكيه...على بغيت نفرط...راكي بنتي...

عينين فرح غرغرو من جديد بحب لهاد السيدة الي عطاتها من حليبها والي ساهمت فتربتيها وضحات معاها...زادت عنقاتها حتى لحقو عليها البقية جلسو معاهم فالجليسة كيشوفو فالسرباية كيقادو فطوابل على حساب العشا ديال العشية...

نعيمة : شكون جاي عشية من غير ديالنا...

فرح : گاليا زين الدين غايجي الدكتور الشريك جديد معاهم...وخويا صطوف ومراتو وخوتاتو وخالتي زبيدة مو...ووليد ومراتو حسناء... يونس الي متبعة معاه...وانا عيطت على دكتورة نورة الي كنت خدامة معاها فالكلينيك ديال زين الدين وديك البنت دنيا...

شوية حتى تسمع واحد الصوت موراها....

وانا ماكنتيش ناوية تعرضي عليا يااااك....

فرح"ضارت بسرعة وهي تشوف فيها تا شهقت" : الله...الله...ياربييييييي....اجي اجييييييي...

ناضت وهي كتشوف فيها واش هي ولا لا ما مثيقاااش كيفاش جات وامتى...جات كتزرب حتى عنقاتها بكل حب واشتياق...وعلاش ماتتوحشها وماتعنقهاش بحب وهي واحد الوقت كانت المنقد من وكر الفساد والضياع...

فرح"عينيها دازو بالدموع" : مريم....

عمر فرح ماتنسى خير مريم فواحد الوقت...الوقت الي كانت فيه ضروف قاااصحة...فوقت الشدة تلهي كانت ليها سند وحيط علامن تكات...والخاطر علامن تفششات وشكات وتنفسات...مريم شخص عمرو يتنسى لا لفرح ولا لينا حنا...شي خمسة دقايق وهي معنقاها وتبكي...توحشاتها وحسات براسها فرطات من جيهتها حيث مابقاتش هضرت معاها من اخر ضروف وقعات لفرح....

فرح"تقابلت معاها كتمسح فعينيها وتضحك" : توحشتك بزاااف..سمحي ليا فرطت فيك ماسولتش فيك...فيا الحق والله تا فيا الحق اهى...

مريم : اويلي افرح...راني عااارفة اشنو داز عليك وشنو دوزتي..الله يحسن العوان...

فرح : كيفاش جيتي وشكون علمك..دايراها قد راسي والله من جيهتك"عاودت عنقتها" سمحي ليا بزاااف...

مريم : علمني راجلك يا لالة الي تفكرني الله يحفضو ليك والله يرضي عليه..وهو الي عرض عليا وجيت مع ديك سيدة جارتكم فتارودانت وبنتها وولدها هاهي هنا برا تا تسلمي عليها...

سلمات على البقية الي من بعد خلاوهم بزوجات فالبالكون كيهضرو ويسولو فبعضياتهم وهنا فرح لقات راسها كاتعاود لمريم شنو طرا ليها بالتفصيل كيفاش كانت غاطيح بنادم كيفاش تخاصم معاها زين الدين وغضب عليها كيفاش تصالحت مع عصام وماحدها كتعاود وفرح كاتحس بواحد راحة لقات علامن تفضفض...

مريم : واهلييييييي وشلا ما داز ههههه..."حطات ايدها على كرشها" وهانتي جنيتي الخير...الله يفك وحايلك على خير...

فرح"هبطات عينيها لكرشها وتبسمات" : دغيا درت معاه الولا...وخا مزال ماعرفت واش بنت ولا ولد ههههه...

مريم"بقات كتشوف فكرشها وكتبتاااسم بواحد الطريقة فشكااال..شدات ايدها عند فمها وكتشوووف ليها فكرشها وكضحك" : ههههه عرفت اش عندك...هادشي ميخفاش عليا راني فايت ليا كنت مع اينا فالدوار وهي كتولد العيالات والي كيجيو عندها تشوفهم وتقلبهم..."غمزتها" هادشي مايخفاش عليا والعلم عند الله...

فرح : بصح ؟ اشنو بان ليك عندي...

بدات كتبسم ليها وكتشوف فيها وفكرشها وتضحك...بقاو كيهضرو حتى تدق الباب وهي تدخل صفاء...

صفاء : ها البنت الي بغات تصاوب ليك جات....

فرح : دخليها ودخلي معايا حتى نتي شوفي اش غايخصني...

حركات ليها راسها وهي تعلم الكوافورة الي ريزيرفات عندها...بقات معاها مريم وصفاء ومرة هناء تدخل تشوف اش خاصها تغداو عاد بدات كاتقاد لفرح دارت ليها سوان هو لول عاد قادت ليها ضفيراتها خلاتهم ليها طبييعييين فقط لمعاتهم وصايبتهم...رطبات ليها ايديها..ديجا عايمة مزيان...

شي ساعتين ونص وهي كتقاد ليها دازت لوجهها دارت ليها ميكاب خفيييف حيث التكشيطة الي لابساها ثقيلة..وصايبت ليها مشيطة خفيييفة جمعات ليها لور وخلاتو مرخوف وبوكلات ليها خصلات من شعرها وقطعات القصة خفيفة جات بالميكاب ناااعمة بزاف خصوصا مع شعرها الاحمر...عاد جابت ليها صفاء التكشيطة الي كانت حمراء ولتحتي ديالها فالشيبي..مخيطة بالسفيفة فاالصم وجنابها فيه دبانة حتى لتحت فالشيبي...لبسات كولون وبودي فالحمر...بانت فيه كرضها مزيان..

صفاء : وينووو كريشة ههههه...

مريم : كبيرة تبارك الله...

فرح : هههه شفتي على حالة عروسة حاملة هههه...

مريم : وهذا مكتابك...المهم جيتي فنة تبارك الرحمن...

عاونتها صفاء تا لبسات هي ومريم باش ماتخسرش ليها مشطة...جابت ليها مضمتها ديال ذهب ركبت ليها فيها بروش فيه حجر فالشيبي...جابت صاك الي خذا ليها فالدفوع مع صباطو ذهبيين...وصباط عالي شوية وسمطة ديالو على شكل افعى ضايرة...وقفات بيه...

فرح. : موحال يخليني لبسو...اصلا منقدرش نلبسو...فففف

صفاء : هاهو غايدخل عندك عصام يديك ليه وديك ساعة يهضر الى بغى هههههه...

فرح ؛ باش نخلص من بعد ياك...تا منكونش عارفة زين الدين...

صفاء : ودابا ناضية رشي ريحتك الي جاب ليك...وتسناي تايجي عصام..انا مشيت نكمل لباسي انا ومريم يلاه...

تبسمات ليهم وهي تمشي جلسات جنب الناموسية كاتسنى فخوها...رسلات لزين الدين ميساج مستغلة الوقت ..

فرح : شربتي ADO...

زين الدين : ناوي نشرب ملتك حسن ليا من هاد ADO...توحشتيني ولا شنو ؟ نهار كامل ماشفت وجهك...شنو لبستي ؟!

فرح : تكشيطة هههه..."هبطات عينيها بان صدرها وهي تصقل...

زين الدين"عاق بيها" : تنوضي تگلعي سدي داك الويل الكحل بداك البروش الي عندك..تنزلي لعندي مسفحة داك اللحم..ليلتك كحلة معايا فرح...

فرح : هو عاد شفتو معري ولكن هاني غانوض نجمعو كون هاني غا تهدن مالك وليتي دغيا كتشعل...

زين الدين : دابا نوريك الشعيل بشحال كيتقام...خلي حتى نتكوانا انا وياك تاني...

فرح"خرجات عينيها وقلبها ضرب..كابهلكها فالنعاس مسكينة" : ها عصام جا...

قطع معاها وهي تقول لعصام يدخل..تحل الباب وهو يدخل بكااامل اناقتو...ضارب حطة كلاس قميجة بيضة محلولة من قدام شوي تا بان شوية من صدرو وفوق منها فيستة كحلة وسروال كحل وصباط كحل بالسيور..مرجع شعرو لور...

عصام : يلاه نزلو..."شاف صباط طالون" مايضركش هذاك العجب...

فرح : لا لا.."ناضت وهو يجي عندها...بقى كيشوووف فيها عروسة امراة وحامل وغاتولي ام...حس براسو فهاد اللحضة ادى الرسالة ديال على اكمل وجه ربى وكبر وقرا وزوجها وهاهي قريب تولي مسؤولة تاهي وام...شافت فيه وشافت فعينيه بانو ليها كيلمعو..قلبها ضرها عليه حيث عرفاات فاش كيفكر...تبسمات ليه وهي تنطق" بغيتي تهبطني ابابا ايشام (عصام)..

عصام"تبسم وزادو غرغرو عينيه" : نهبط بنتي فرح....

فرحان بواحد شكل غرييييييب..حس براسو رتاااح من جيهتها مامن عليها بدارها وعايشة وسط الخير الي يتمناه اي اب لبنتو...مع راجل بالرغم من الضروف الي كانت خايبة بيناتهم الا انه كان عارف ومتاكد من معدن زين الدين...خرجو من البيت وتمو نازلين بشوية المصور كان لتحت كيصور وفنفس الوقت داير كاميرا باش يوثق اللحضة...كان زين الدين واقف عند راس الدروج بكامل اناقتو...طقم كلاس اسود بقميجة بيضة وكرافاط كحلة...ريحتو وصلات لنيفها وريحتها وصلات لنيوفو...كانو العيالات واقفين عائلتها ومن جيهتو...تا بداو يصليو على رسول الله...وزغاريت...تا هبطها...

زين الدين"فلاها من فوق تال تحت بان ليه طالون الي لابسة غمض عينيه بنفاذ صبر..وقلة حيلة مع هاد العكسية الي عطاه الله...زفر بجهد محاول يتكالما..حتى هبطها ليه عصام..."

عصام : هاهي ديتيها تاني..تهلا فيها ولا هاد المرة خبارك ماجيبهاش تا داك جن زرگ..."خرج فيه عينيه بتهديد" سمعتيني ؟

زين الدين"بكل برود شابع طنز" : لا...

عصام"ضرب اخماس ف اسداس": ويلاه اسي...

فرح : هههههههه...

تابطات دراع زين الدين من بعد ما قبل جبينها...وتمو غادين والزغاريت من وراهم...فهاد اللحضة عصام توخر تا عيط لصفاء..

عصام"حط صبعو تحت عينيها" : مال مولات داري مقلقة...

صفاء"حدرت عينيها" : غانتوحشها...

عصام : غادي تسكن فالسند ياك ؟ كاطنزي عالوقت ولا باغا تفربلي جدر مي تاني معاك...

صفاء : لا والله حتى غانتوحشها...

عصام : هاهي حداك..وهانتي حداها بيناتكم ساعة ونص وهي وقتما بغات تجي را تجي راسها ونتي سيري عندها...اش بغيتي مزال ثاني ..

صفاء : بغيت نحمل حتى انا...

عصام : واش عطلك...

صفاء"كانت على شوي تقوليه نتا" : والو...

عصام : وجدي ليا راسك هاد الليلة وانا معاك...

صفاء"خرجات عينيها..وقلبها بدا يخفق بشدة عارفاه الى شدها ميطلقها تا كتولي جلدة تحت منو...كايتبورد عليها بالمعقول" : اويل شيطااان...عصام تسنى...

مع خرجو للجردة بداو يطلقو الشرارات والزغاريت...والشعبي را خدام...حتى جا فوزي لعند فرح...تاهو ضارب حطة غا هو قميجة كحلة بلا فيستة...عنقها وعنقاتو بقات شحاال وهي معنقاه وتاهو تا باس ليها جبهتها...تمشات هي وزين الدين وجهها مزنگ متوثرة خصوصا دنيا عامرة بالحباب...ما وصلات لطابلة ديالهم تا بغات تسخف...جا جلس عصام وصفاء حداهم فطابلة وفوزي وجا جدها المحجوب باست ليه ايدو وباس ليها راسها..

المحجوب"جبد واحد بواطة حلها" : هادي ديال جداك خيط الروح..(كايدار فجبهة) كاينين جوج واحد هاهو ليك وثاني لهانا (هناء) نهار تجوج نعطيه ليها ههههه...بسم الله...

فرح"عطاتو راسها تا ركبو ليها عاونو زين الدين حيث عارف كيفاش يركب...جاها زوين وعطاها اضافة هماوية..باستةليه ايدو" : لهلا يخطيك عليا ابا...الله يحفضك ليا وتعيش وتشوف ولاد ولادنا ان شاء الله...

المحجوب : اميييين امييييين...

كحز ليه فوزي كرسي تا جلس وجا جلس حداه حدا فرح نيت...

فوزي"قرب ليها" : خوك افرح شكون يصبن ليه حوايجو...

فرح : اصفاء كاتعرف لاماشين ديالنا..ونتا كاتعرف ليها...

فوزي"جاتو البكية هههه" : وتگووول..تصبانك وحدو..صفاء عليا بليمييييييييين تا تخلط ليا لاكوسط البيض مع تيشرت زارا الكحل ودير ليا شركة منافسة...

صفاء : سمعتك افوزي سمعتك..واخا منديرهاش وليني عليا بلميييييييين تانديرها تانا....وعض فبولة تسعين..

زين الدين"هبط عينيه وبدا يقلب بايدو تحت طابلة تا حط ايدو على فخدها كيدوز عليه" : كبيدة ديالي لبسات صباط الي خذيت ليها...تبارك الله...

فرح : زين الدين عاافاك غير هاد الليلة عافاك...

زين الدين"طبطب ليها على فخدها" : دنيا هانية كبيدة دياالي..شنو عندي من غير الفرحة ديالي ؟..."بقى كيدوز على فخدها وغادي طالع ويااااا خوتي ماعرفات كيدار تا شد ليها لتحت فسلطان وزير عليه بايدو تا قفزت وخرجت عينيها" ديري ساعة بالحساب وعيطي لصفاء تجيب ليك شي بلغة...مانعاودش هضرتي فرح...تفاهمنا "عاود زير تا قفزت"

فرح : ص صافي زين الدين عافاك طلق را خوتي كيشوفو...

فوزي : مالك !؟

فرح ؛ دخل سوق راسك نتا...

فوزي"ضار عند جدو" : مالك ابا...

المحجوب : مالي ؟

فوزي : خالي عبد العالي صافا...

عبد العالي : مالك ؟

فوزي : يميل حالي انا...يميل حالي...

ليلة دازت ولا في الاحلام...نشطو مع بعضياتهم...جاو ناس كيباركو ليهم والهدايا كتعطى...حتى تحط العشا وديسير وتفرقات الحلوى...وتسالات الحفلة الي طبعا مدازتش الا وكان فيها نشاط الشعبي والشطيح الي مخلاوش من حقهم منهم ضحى تاهي ومراد ووليد تاهو دخل معاهم..وقبل مايمشيو فحالهم...نطق عصام وهما واقفين عند الباب بغاو يمشيو...

عصام : هاني عطيتها ليك بخاطري...تهلا فيها حسن من راسي هادشي منشكش فيه...شربتي عليها المرار وكنتي غاتموتي باش كانت ليك(ايام الحريق) ورجعتي غاتموتي من جديد باش تسامحنا...ولكن ماتكونش شارب عليها الويل وكيسان المرار وجغامي القطران...وعذبك فلان بن فلان...قد هاد بني انسان"ضرب صدرو بجهد تا غمضات عينيها وتعصرو دموعها" شفت عليها الويل كبدتي عليها هشيشة لدرجة كرفصتها معايا وتعذيت عليها حيث بغيت مصلاحتها وماعرفتش ليها...رجايا فيك اولد البغدادي ماتعاودش ضرني فيها راني هاد المرة مانحنش ازين الدين...مانحنش نولد ولادي تانعيا ومايجيوش بلاصة فرح...

كلمات جد مؤثرة لدرجة خلات كلشي عينيه يغرغرو اما فوزي ضار لهيه ومشى سبق لسيارة ماقدرش يبقى مزال يسمع...كايحس براسو لاول مرة غايخلي قطعة منو...فرح ماشي اي بنت ماشي اي اخت..

عصام : فرح راها بنت عصام...

زين الدين : مانعاودش الهضرة ومانعطيش الوعود حيث كتبقى هضرة وكلام وحروف كتخرج من الفام...عطيني وقتك وعطيني راسك...انا كنطبق...والي فات يوريك وانا ماتحسبنيش انسان منان..بالعكس محتاج ناكد ليك...حيث هادي ماشي فرح هادي راها عائلتي وام ولادي الي غايكبرو ويديرو ليا عائلة وفين نحط راس وعندمن نجي الى ساليت خدمتي ونلقى الي يتسناني..."ضرب ليه على كتافو بجهد" تهنى على كبدتك...راني ماجمعتكمش غا هكاك.. راني جمعت الكبدة بطرف منها...

عصام"تاهو رد ليه ضربة على كتافو" : عارف ومتاكد..."تنهد وضار تا مسح عينيه" ايوى سيادنا سلام عليكم...ملقانا فالايام جايا ان شاء الله...

فرح : تهلا فراسك اهى اهى وتهلا ففوزي عااافاك...راه بقى وحدو...

عصام : فرح تا فوزي راه ولدي..تهلاي فراسك الله يرضي عليك...

حركات راسها وهو يجرها زين الدين عنقها بجنب تنخششت فيه كتبكي وتشوف فيهم غادييين سلمو عليها كاملين...ووصل وقت يرجع كلشي فحالو...خرجو من الفيلا...وهما يتمو داخلين حتى نطقات ضحى معيطة لزين الدين...

ضحى : غذا فالصباح عندنا طيارة...نسلم عليك من دابا...

زين الدين : غادي نوصلكم انا للمطار..اجي بعدا شنو درتي مع باك...

ضحى : غادي يبقى ونجيب ليه فرملية وشي وحدة تهلى فيه ونخلصها للشهر...بالنسبة لاملاك والمحلات قاليا ريان غايبقاو هاكاك خدامين وارباحهم يدوزو ليا...وهاديك الي كان مزوج بيها..تاهي غاتدي معايا حيث تاهي كتسال لانها باقي مرتو...هذا هو جهدي خاصني نرجع نستقر ونقاد اموري باش ناخذ شهادة ونجي لبلادي نعرف اش بغيت ندير...

زين الدين"حرك راسو" : ناحية المحلات كوني هانية كاين من يقابلهم ليكم...الباقي انا خارج تيساع هذا جهدي فوجهك تصرفت اما لهلا يقلب بيه..."باس ليها راسها" تيسري رتاحي باش نوصلكم...

حركات راسها وهي تمشي ضار بانت ليه فرح جالسة فطابلة وتنخصص..تنهد متحسر عليها وهو يمشي لعندها...وجلس جنبها..ماهضر ما تكلم حدو جر ليها راسها وحطو على صدرو...خلاها تبكي على خااطر خاطرها...تا حس بيها غاتقوي وهو ينطق...

زين الدين : شنو تبغي ترجعي قحالك ؟!

فرح : لا اهى..بغيت نبكي...حتى مريم مشات كلشي مشى..

زين الدين : نبقاو انا وملتك راس فالراس..شنو بغينا بالبشري دابا..

فرح"الصمت..تنخششت فيه وسكتات كيتسمع غير تنخصيصها"

زين الدين : مسحي دموعك..براكة عليك..دابا ديها ليا فراسك..وفهاد الكبدة الي هازة...نرجعو ان شاء الله ونخرجو نتقداو شنو يخصك من حوايج وداكشي ديال maternité...

فرح : واخا...

زين الدين : مزال ناخذ ليك واحد المخدة تكي عليها كرشك باش ترتاحي فنعاس...وتقداي حوايج عراض على الي كتلبسي..باش ترتاحي فيهم...

فرح"زادت تنخششت فيه اكثر جاها نعاس" : واااخا...

زين الدين : بغيتي تنعسي عييتي ؟

فرح : مممم...

زين الدين"ناض ومد ليها ايدو" : يلاه بدلي وتخشاي ففراشك ونعسي...

فرح"وقفات كتشبح وهو كيحك ليها على جنابها" : ونتا ؟!

زين الدين : عندي شي خدمة ولابد نساليها قبل منسافرو...من بعد خاصني نوصل عمتي وضحى لمطار..مراد خليه يرتاح جرا هاد اليومين بزاف منقويش عليه...

حركات راسها وهو يعنقها وطلعو لفوق عاونها تا بدلات ديماكيات وجهها وغسلاتو بالغاسول ديالها حكات سنانها وخرجات ذهنات كريمات لايديها ورجليها وتخشات ففراشها باسها فشفايفها وبدل تاهو وخرج نزل لتحت...حطات راسها على المخدة كاتفكر..حتى داتها عينها....

وهكا داز يوم جديد...مع الصباح كيف دخل عطا السلام وهو يوقف عليه الشرطي...

شرطي"عطاه سلام" : سيادة ضابط عابيد...مون كونيسيغ الحنافي بغاك...

اسماعيل : مرحبا...

حط تيليفونو فوق المكتب...وخرج...طلع الفوق لمكتب الكوميسير...دق الباب حتى سمع صوت الاذن...دخل عطاه سلام...

اسماعيل : مون كوميسير...

الحنافي : اسماعيل..جلس...

حرك ليه راسو وجلس...بقى كيقرا الكوميسير فالقرار وجامع حجبانو...داير نضاضر حتى شاف فيه من تحتهم...

حنافي : اسماعيل اشنو درتي ؟ علاش تبرهشتي حتى جبتيها فراسك ؟! دابا كيف غاندير معاك ؟!

اسماعيل"صرط ريقو" : اشنو درت امون كوميسير....

حنافي"لاح ليه القرار" : ماعرفتش ولكن الكاشي الي هنا كيوريني بالي جا الله من جيهتك اما كنتي تحط فيها الكسوة..."تنهد ماباغيش يقولها ليه ولكن الي جابها فراسو جااابها فراسو" ديگراديتي من الرتبة ديالك...(نزل من رتبة ديال ضابط) وعندك ميسيون خمس سنوات فمدينة الگويرة...عندك من هنا الاسبوع جاي تمشي...

اسماعيل"ناض وقف وجهو ولا صفرررررررر فحال مخوي عليه زعفران" : ككككففففاش...علاش ؟ مايمكنش هادشي امون كوميسير مايمكنش علااااش...لا مانديروش..

الحنافي"غوبش فيه" : كيفاش منديروش ؟ هادي اوامر عليا من فوق...عندك من هنا الاسبوع الماجي مشيتي تقاد امورك مرحبا مامشيتيش تحط الكسوة...حمد الله ديگراديتي اما ماتشوف لا هادي لا هادي...هز الورقة وتيسر...يلاه...

عطاه اسماعيل السلام بلهلا يحزقو ليه باغي يبكيييي...خرج من المكتب وخرج لبرا وهو يوقف بعييييييد...كيدور هنا وهنا مامثيقش تلفات بيه دنيا..هنا عرف وتاكد انه لعب مع الكبااار وتبرهش...عض على صبعو وبداك الحر غوت وهو عاص صبعو تا كان غايطيح...

اسماعيل : اععععععععععععععععععع.....

بعد اشهر...دازت على كل واحد فيهم وشنو عاش فيها...من بعد مكانت فالشهر الخامس هاهي الان فالشهر التاسع قرب يخرج وهي باقي كتسنى مسكينة يزاورها الوجع ولكن والو كيجيها خفيف كيقلبها زين الدين كيلقى باقي...

هبط من طوموبيل هاز شكارتو ديال الماك...داير نضاضر شمس...ضار جيهة الباب لوراني حلو وجبد منو واحد ساشية ديال chicco ماركة ديال البيبي...وساشية فيها كرطونة ديال الحلوة من باتيسري...دخل لدار لقى خديجة حنحن من بعد قال سلام عليكم ونطق..

زين الدين.: فرح ؟!

خديجة : راها الفوق فالبيت ديال تربية كتطوي فشي حويجات..

حرك راسو وهو يعطيها كرطونة الحلوة الي خذا لفرح ديال لاكريم الي ضربها ضربها عليها هاد الايام...طلع الفوق جاي عياان اصلا حيث ليه من البارح ماشافها كانت عندو عملية وخدمة كثيييرة...دخل لبيتهم تا حط شكارتو وحيد الفيستة وصباطو لبس بانطوفة رجالية وتم غادي داخل عندها كيطوي فكمايم قميجتو...دق الباب ودخل من بعد ما حيد البانطوفة حيث البيت ديال ضحى رجعوه بيت البيبي بطلب من ضحى لانها غاتكون طيلة الاعوام بعيدة الى جاو فالعطلة تبات مع مها فالبيت الي غايتبدل ويولي فيه زوج اسرة...بدلو البيت كامل وصبغوه بلون جنس الجنين الي عرفو...حل الباب وهو يلقاها جالسة مفرقة رجليها والكرش مقنبلة قدامها طالعة لفوق كاع ما مقبلة ليها مسكينة وشهرها بغى يخرج...كاطوي فگغونوييغ البيبي وطاقيات وحتى تقيشرات...كطوي وتحط فالصاك...

زين الدين : كبيدة ديال زين الدين"قرب عندها تحنى باسها فشنايفها وجلس حداها فلارض..دايرين زربية مبطنة ورطبة..سرح رجل ورجل طواها..مد ايدو لواحد القفازات مسدودين فالصفر" شنو هذا ؟!

فرح"كتنهج" : فففف..عييييت...هذا صاك الي غاندي لكلينيك الخميس...

زين الدين : ماعرفتي تولدي قبل...

فرح"جاها ضحك" : ههههه موحال...گالت ليا نجي الخميس باش دير ليا وجع اصطناعي...ياك عارف...

زين الدين : نتمناو وجع عادي..سي نو نتقاتلو معاك حتى تولدي نورمال..."عنكش ليها شعرها"عييييتي ؟...

فرح : اشوية...عاود دير ليا هاديك الي كدير ليا ههههه...

زين الدين : عجباتك !!...لا مرة وحدة فرح...

فرح : عااافاك غي هاد المرة...

زين الدين"بقى كيشوووف فيها حتى جرها من ذقنها شلقم ليها الفم مزيااان" : يبان ليا ندوزها هاد سيمانة كاملة قبل متولدي ونشحف مع ملتك تاني...

فرح"تزنگات" : ناااري فين كيمشي..الله يستر...عطيني ايدك..

ناض هو لول ومد ليها ايدو عاونها تا ناضت كرشها كبيرة...لابسة بيجامة على شكل كومبينيزون فالگري رطيطبة لابساها براحة حيث مكاينش مراد هاد الايام مشى ل فرنسا لواحد الفورماسيون دياال اسبوع على حساب الكلينيك" دارت ايدها ورا ضهرها وايد فوق كرشها يلاه غاتمشي وهو يجي وراها وحط ايديه تحت كرشها وقربها ليه تا حطات راسها على صدرو برااااحة...

فرح : الله هههههه....

زين الدين"هز ليها كرشها شوي بحال الى هز عليها التيلاد حسات براسها خفيييييييفة جاب ليها نعاس تسحلاااتها...طلقها وهو يطبطب ليها على سلطان لتحت تا قفزت فيقها مسكينة" : توگضي معايا...

فرح : انا الي درت فيك عقلي..."بقى ماحوطها وهي تحط ايديها شدات ليه فدراعو وضارت كتشوف فالبيت كلو مجهز بالسرير ديال بيبي...فراش وحتى ماريو فيه حويجات...اونسومبل كاامل وحتى من صباغة بدلوها..." ماخاص والو ياك...

زين الدين : بقات ليك مولات المحل ماجبتيهاش هنا...فرح تهدني بلاتي عليك...

فرح : فكرتييييني خالتي نعيمة گالت ليا غاترسل ليا مع با ايزار مطروز بالكموسة ومخيدة والگماط وداكشي...عنداك تنسى...

يلاه كيهضرو حتى عيط ليها باها نيييييت فالبلاصة جاوبات...

فرح : با...

المحجوب : اكبيدتي...گولي ليا خاصك رايب ماحدي هنا عند الصبايطي يعطيه ليا نجيبو غذا معايا...

فرح : اه عافاك وجيب معاك زبدة بلدية لزين الدين..."باسها فعنقها" اااي..

المحجوب : جاك الوجع ؟!

فرح"كتبعد فزين الدين" : لا..هههه مهم وخالتي نعيمة غاترسل معاك واحد الامانة فكرها فيها...

المحجوب"تيليفونو كيدير طوط طوووط" : واخا وگطعي يضهر ليا هذا خوك تاهو بغاني...

فهاد اللحظة قطع ليه التيليفون...شاف نمرة بانت ليه ديال برا كمش حجبانو ماعرفهاش...يلاه ضار غادي عند سيد حتى عاودت صونات ليه دار نضاضرو بانت ليه تاني نفسها...وهو يحاوب...

المحجوب : واحد سلام عليكم....

ماريا : الو با هذا...

المحجوب"قلبو طاح ليه فركابيه نطق بصوت حزيييين توحش صوتها وصوتها يفرزو من وسط عرام" : بنتي ماريا هادي ولا راني نكذب...

ماريا : هي هادي ابا...هي هادي وهضرات معاك فوقيتة وضروف ماهياش...

المحجوب : فين غابرة ابنيتي واش فكرك بيا من بعد هاد العوام الطويلة....عشرين عام النتي يلاه تفكرتي بوك...

ماريا : المشاغيل ابا...الولاد والقرايا وخدمة جري عليا نجري عليك هنا...ماعلينا جاتني شي خبار على ختي حليمة...

المحجوب"حس بالعافية نزلات ليه مع ريقو تا فشل وايدو الي شادة العكاز ولات كترررررررررعد" : م مالها حليمة...

ماريا : اش غانقوليك ابا...يلاه وصلوني ناس الي كانت عندهم...كانت خدامة عندهم فالمغريب وجابوها لهنا لفرنسا...من داك الوقت وهي عايشة معاهم...وصلو ليا عن طريق وراقها سمية والكنية وفايت قالت ليهم عندها ختها هنا...غذا نشوفهم ونعرف منهم...المهم "تنهدات"..بغيت غير نگوليك ابا حليمة ماتت هادي سيمانة...الله يصبرك ابا...دعي معاها بالرحمة...

الله يصبرك..هي دعوة كاتقال فالمحن واكثر محنة هي الموت موت اقرب شخص ليك اعز شخص ليك عارفك انه مغاديش تصبر على موته...المحجوب ولف على غياب بنتو حليمة...من بعد ما خرجات بدون رجعة استغرق عام وهو كيقلب عليها لدرجة مشى لفرنسا فديك الوقت كان المشي لاوروبا ماشي بالصعوبة الي كاينة دابا وبالشروط الي كاينين دابا...يعني ماخلاش من جهدو لا هو لا خوتها شي حاجة كانت طبيييعية انهم يقلبو عليها...وحتى ماريا ولف على غيابها من نهار هاجرت لفرنسا تما استقرت وعاشت وفضلات تستقر بعيييد على دارهم حتى مابقاتش كتسول بتاتا....

المحجوب"فشل فهاد اللحضة ودنيه كيسمع فيهم طنننننن...تا غرغرو عينيه...جاه الخبر بحال الصاعقة..لكم ان تتخيلو يعرف خبار على بنتو وفنفس الثانية يعرف انها ماتت...اي نفس غاتحمل هادشي وخا ولف عليها غايبة وجيهتها تقريبا ماتت حيث عمر على قدو قربات ل ثلاثين عام ديال الغياب...جلس فالكرسي بجهد تا طاح ليه العكاز" : اش..."صوته ضعاف" اش هادشي كتگولي يا...

ماريا : هذا الي وصلني ابا...الناس الي خدامة عندهم وجابوها هادي سنين كاينين ف تولوز...يومين هادي الي جا عندي واحد منهم وهو الي بلغني...هما يهو.د با..

المحجوب : شفتيها ولا "كايحس بصدرو كيحرقو" اش هاد الخبار جبتي ليا اااا بنتي...اش هادشي كنسمع...هاد العوام كلها ونتي غايبة ماتسولي فواليديك...من الي ماتت ميمتك من تم...ودابا جايا توصلي ليا خبار موت ختك...مافكرتي تقلبي عليها من ورايا فاش جيت عندك ديك الوقت...

ماريا : جهدي تانا درتو ابا تانا مالقيتهاش...الناس الي كانت معاهم گالو خمسة وعشرين عام باش جات هنا..يعني ابا ماجات تا قلبنا عليها ديك الوقت...انا وقعو ليا مشاكيل مع راجلي اللول ومرضت ابا وتدهيت مع الولاد وجري عليا نجري عليك...كان وقع ليا واحد المشكيل كبير مع الراجل اللول للبوليس..شحال وانا غابرة مخبية عليه كان كيهددني..."دوزات على وجهها" مشاكيل كثيرة ابا...

المحجوب : الي يوقع كيما كان ماااايخليك تغبري على بوك..كنتي تهضري مرة فالشهر شوية وليتي تهضري مرة فالعام حتى داتك ليا وغيبك عليا الزمان ومابقيتي تسولي ففلان...ونهار بنتي يا انسان جبتي ليا خبار الموت...

ماريا : فحالي فحالكم ابا...j'ai été choqué comme toi..

المحجوب : امتى ماتت !؟

ماريا : نهار الجمعة بالليل...كانت صحة سلام حتى طاحت ب arrêt cardiaque (سكتة قلبية)...

المحجوب"كمش عينيه وتزادو التجاعيد فوجهو..بان فيه الحزن الشديد حتى نزلو دموعو..الموقف حزييييين...الخبار صادمة وهو لحد ساعة غير كيسول علاش وكيفاش..مزال ما طلعش معاه الخبر كما يجب وهذا ان دل فانه يدل على "الصدمة" : هلكتييييييني ابنتي بهاد الخبار...هلكتيني بهاد العيطة الي عيطتي عليا سنيييين ومنيييييين نهار تفكرتي بوك جبتي ليه هاد الخبار...ختك راني ولاااااااااافتها غايبة وقتلتها فگلبي وليني عاودتي فتحتي ليا الجرح...

ماريا : كيف عرفت يومين وانا نقلب حتى وصلت لنمرتك...

المحجوب"ضحك وسط همو وحزنو" : هههه وصلتي لنمرتي باش تعطيني الخبار...ماتقلبي عليها باش تسولي فيا فباك فواليديك...ماتسولي فخوتك ولا ولاد ختك...

ماريا"تنهدات" : ااابا..نگول دايراها كبيرة فحقك..وليني عذرني داتني دهوة الدنيا ومشاكيلها...الولاد...باهم... الخدمة...نحل مشكيل نطيح فلاخور...مكاينش الوقت مكاينش...

المحجوب : خليني منك...ماعندي بيك غراض وماتلى عندي بيك غراض...سيري الله يعاونك على وقتك وولادك...عطيني الي باغي نعرف...غايجيبوها لهن ؟ يدفنوها فبلادها..."كيهضر ويحك فصدرو كيحس بواحد الحرقة فشكل وشي صداع خفيف...كحب باش يقدر يهضر تاني"...فين هي باش نعلم ولادها وخوتها ونگطعو هاد الحبل بمرة...

ماريا : دفنوها فتولوز...فالمقبرة ديال المسلمين...السيد الي جا عندي هو الي علمني بهادشي...عاشت عندهم كانت خدامة فالفيلا الكبيرة ديالهم هما ناس لباس عليهم من عائلة ليهود المغاربة واستقرو هنا ففرنسا...المهم غذا غايجي باش يعطيني باقي المعلومات عليها حيث جاتو شي خدمة...غذا نتلاقا بيه ويعاود ليا الباقي...غير هو قاليا بالي مكانتش باغيا ترجع كاع لبلادها...

زادت على مابيه وكملت ليه الباقي...خبار قاصحة من ابنة غير بارة بواليديها لقات الاستقرار فبلاد اخرى وعاشت فيها وبنات حياة بعيييدة عليهم...يعني بهاد المعنى...اختارت عائلة جديدة راجل اولاد ومحات العائلة الاصلية...

فهاد اللحظة كان جالس فالمحل كيحسب فروجيستر الكريديات ديال الناس الي كيتقداو من عندو باش يجيو يخلصوه حيث اخر شهر هذا...حاط كاس اتاي كيتنغم بيه مع الكارو تاهو...حتى صونا ليه التيليفون وهو يقفز حيث كان ساهي مع الحساب...

عصام : اش كاين ؟!

صفاء : جي ليا بقات ليا ساعة ونخرج...

عصام : مال الطوبيس ديالكم ؟!

صفاء : وا هااادااا...يا عصام صلي عالنبي..

عصام : عليه الصلاة والسلام..

صفاء : وراني غادي نمشي عند فرح الليلة نبات معاها باش نعاونها فالتوجاد هاد اليومين...

عصام : وتشاورتي معايا ؟!

صفاء : عصام متشرفش تنديرو ولادنا الله معاك الله معاك ااعصام..البارح طلباتك وگلتي ليها واخا...اويلي...

عصام : ينعل بو مك نتي وياها...كثر فديلمكم التبرزيط فرعتو ليا راسي..تسناي تم هاني نشوف صطوف يعطيني شقفة ونجي نديك..مصيبة كحلة معاكم...

واقفة كتشطب فالجردة ونعيمة حداها كتسقي فالغرس الي تما...من بعد ما خملو الدار ونقاوها حيث الصيف دخل...تم داخل عبد العالي كيسوس فايديه من تراب تا وقف على نعيمة...

ع.العالي : مدي داك تيو امرت خويا لهن نغسل ايديا...

نعيمة : ايه..."قربت ليه تيو كيغسل ايديه" واحد با شتو تعطل..

ع.العالي : وخليتو مشى عند صبايطي يجيب رايب بغى يديه لفرح...حساب ليا سبقني لهن...

هناء"وقفات دايرة ايديها على شعا شمس كتشوف فيه جاي" : هاهو جاي..وليني بان ليا فشكل...

ع.العالي"ضار كينشف ويشوف فيه" : ياكما عيا..الصباح من الفجر وهو مع الدراري فالفدان واقف...كاع مافطر...

شوية تا تم جاي ومشيتو فشكل...فحال باغي يطيح وشاد فراسو صحة..كتافو طااايحين وحيلو تهد بهاد الخبر الي سنيييييين عمر على قدو وهما يتسناو يسمعو عليها شي خبار...حتى دخل والعكاز فايدو كيتخلخل...غا وصل عندهم ووقف...

هناء : با مالك ؟!

المحجوب "هز عينيه نيشان فعينين عبد العالي"

المحجوب : ها ختك بانت..ها ختك حليمة بانت...

نعيمة"خرجات عينيها" : الله ياربي...

هناء : عمتي حليمة ؟!

ع.العالي : ف فين بانت ؟!!

المحجوب"ضحك وسط دموعو" : بانت اوليدي بانت...عيطات ليا ختك ماريا وجابت ليا الخبار...ختك بانت..وختك مااااتت ا ولدي مااتت سيمانة هادي....

ع.العالي"جاتو فحال طرشة خبار ضهور ختو وزادتو خبار موتها...خصوصا عبد العالي كانت عزيزة عليه حليمة وكان كيشبه علاقة عصام مع فرح بعلاقتو مع حليمة كانت مربياه والطجة الي طجات وغيابها هو سباب حتى عبد العالي خوا البلاد وغبر فالداخلة حيث كانت اي بلاصة كتفكرو بيها..مرض فنفسو وخاطرو حتى طج تاهو" : وايلي ابا...ماريا هضرات معاك..كيفاش حليمة مم مااتت.."صرط ريقو كيحس بالدنيا كادور من وقع الصدمة الي تلقى تاهو" ااااابا اش هادشي كتگول...

نعيمة : الله اكبر..الله اكبر على حليمة الله وفين تلات بيها الوقت...

المحجوب : عيطات وجابت ليا الخبار...كاتكول بنتك مشات...وانا يا با داتني الدنيا ودهاتني الاوقات...وصلت ليا الخبار وگالت ليا عوم بحرك...الباقي غذا نگوليك اش كاين..

هناء : با..اجي رتاح "شدات فيه بغات تجلسو فوق الكرسي وهو يشد ليها ايديها" سيري بنتي عيطي لباك...وسيري عيطي لعصام ولا فوزي علميهم بالخبار ويعلمو هما فرح...هذا الى عندهم شي سوق اما الام كاتبقى ام وعلميهم باش يگطعو الياس اما را الياس گاطعيييييييييينو زمان هذا كثر مني...

نعيمة : الله ياربي الله انا لله وانا اليه راجعون...اهى اهى الله ياربي على حليمة الله...

المحجوب : واسيرو وجدو للجنازة...نديرو ليها حقها والله يرحمها..."كيدفع ف هناء بايدو عند بالو كيدفع ليها فايدها لكن مع الفشلة والضبابة الي بدات تشدو كيلقى راسو كيدفع فالخوا" سيري ابنتي سييييييري.....

"حادر راسو وعينيه ماحابسينش من دموع"

المحجوب : جمعو الحباب...وجمعو الناس وزيدو ديرو صداقة على الميت...

هناء : با اجي ترتاح واخا با وااااخا....

المحجوب"كيهضر وينهج ديك النهجة دايرة فحال شهقة من صوت عجوز كالو زمان وعيا بالمعقول" : وااااا ديرو الخزاين وعيطو للطلبة يقراو على الميت الغايب وعلى الغايب الي مات...وديرو صدقة للميت الغايب...ودفعو العشا على الي ماشفناه ومادفناه بايدينا...وسقنا ليه الخبار من بعد ماداز الدهر علينا...وعيط لخوك عيط لولاد ختك نصليو صلاة الغايب على الي مشى علينا ما سول فينا وغبر علينا وضرب علينا...عضو فالنفس وعضو فالصبر وزيدو نديرو لختكم صدقة...

ورااا خبارها وصلاتني وانا جالس فارضي...وراني بغيت خبارها وانا صغير نصبر ونهز الدقة وجاتني خبارها وانا شايب والهم تقل ليا كتافي...ومابقى ليا غا شقة ونحط رجلي فقبري...مانا من مالين الدنيا مانا من صحاب لاخرة...وراني تقلت اااااسيدي ياربي والي عطاني عطاني فولادها كانو رجال...والي عطاني عطاني فالدراري اما البنات الي يهزو الهم لواليديهم كتر من رجال مالقيت فيهم خير...

"كايهضر وتابعاه شهقة مسكين كيخرج كاع داكشي الي فقلبو تا تخلعو عليه عبد العالي الي كان مصدوم صدق توگض وخايف على بوه..."

المحجوب : وراهم گالو البنات المؤنسات الغاليات...وانا تونست بالولاد ولگيت الخير فالحفايد...وحدة بعدات الله يعاونها وتانيا طجات وخلات ليا الرجال..."كيضرب فصدرو يحيد ديك العافية الي شعلت وداك صداع الي بقى غادي ويتجاهد" وهاهي الي كنا ماعارفين فينا ارض تلات بيها الوقت هاهي عطاتني خبارها وسدات عليا جيهتها..."هز عينيه للسما" ياااااااااربي ترحمها برحمتك يااااااربي...

حدر راسو وعينيه فلارض شوية مابقاش واعي شنو ضاير بيه حتى طاح لعكاز ماحتال يوصلو عبد العالي وهناء حتى طاح بطيحتو بعينيه مغمضين.....

هناء : بااااااا وا بااا وااااباااا اهى...

حطات ليه غذاه مستغلة الوقت باش تبقى تمشي وتجي فهاد الايام الاخيرة الي بقات ليها وتولد...وجلسات حداه من بعد ماجر ليها الكرسي...

فرح : تغذا راك مكتاكلش فالوقت ازين الدين خبارك جابها ليا عمي علي...

زين الدين : عمك علي شحاال ماجلست نجري عليه..شهم ملتي

فرح : هههههه "حتى حسات بضو ضربها لتحت" اااااا...

زين الدين : شنو ؟!

فرح : واحد الوجعة شدتني لتحت...مممممم...

زين الدين : ششش...

فرح"شادة تحت كرشها وتتنفس بشهيق زفير مفرقة رجليها فالجلسة" : فففففف...صافي مشى..

ورجعات كتحط ليه فصالاد هي لولة عاد تكحز الطاجين ديال اللحم والخضرة الي كيعجبو من ايديها...

زين الدين : يبان ليا نوصي علي يهضر معاك عليا على جال هاد الخير الي وجدت ليا العمر ديالي...

فرح"تبسمات" : هههه ياك...مابقيتيش غاتجري عليه...

زين الدين : مانصيبش...بسم الله...

يلاه بداو الغذا حتى صونا لزين الدين التيليفون كان عصام...قاليه بالي جايين فالطريق...

زين الدين : خوك عصام جاي فالطريق...

فرح : وعلاش ماهضرش معايا انا...

زين الدين : عزيز عليه انا كثر منك..."هز حاجبو" فرح فين تيليفونك...

فرح : ااا ؟"بدات تحك فشعرها بعبط" ههههه الفوق...

زين الدين"حرك راسو بلا حول" : لا حول ولا قوة الا بالله...

جايين فالطريق وشادة التيليفون دازت لابليكاسيون ديال حساب الدورة الشهرية...لقات بالي تعجلات عليها ب ثلاث ايام...

عصام"شاف فين كتشوف" : رجعتي تحسبي تاني اصفاء ؟!

صفاء : وا غير بغيت نحسب ماعرفتي...

عصام : صفاء دايرة بالك الحبس دايرة بالك...الى بغى الله ماتعرفي وقتاش...يلاه تجوجنا قربنا لخمس شهور ديال جواج..مزال الحال على باش تخافي ولا ديري بالك...مالك فهاد الطيران ديال النم...

صفاء : هاء وعلاش صاعر...مالي الي منخاف اعصام..راه خمس شهور تقريبا مادايرة والو عمري شربت الفانيد..وا تت..

عصام : تت اش ؟!

صفاء"تزنگت" : احم والو..صافي صلي عالنبي انا تنطير...ههههه صافي عصام ناتحكرش غا تحمست...عههه...اه نسيت ماگلتش ليك غانديرو ليوم واحد الشكيل ديال الحلوى نتلاهاو فيه هنهن

عصام"جمع حجبانو وعينيه على طريق" : تلاهاو فيه ؟

صفاء : عههههه على ما گالت فرح...گالت ليها خالتي ام هاني فاش جات ديك مرة بقاي تشقاي وتمشاي وديري شي حاجة فاش تلاهاي ونساي الوجع تايجي راسو الى بقيتي دايرة بالك معاه مغايجيش...وكنا كنهضرو گالت ليا ندير حلوى نتلاها بيها بنما جاني الوجع هههههه...

عصام : تعطلات لا...

صفاء : وعطاتها طبيبة من هنا لخميس الى ماجاهاش تمشي دير وجع اصطناعي...عطاتها شي حاجات ديرهم تشوف عالله يجي هاد اليومين قبل الخميس...گول السيمانة جايا تولي خال هههه

عصام"تبسم بجنب قلبه كيفرفر فاش كيسمع خالي..وفاش كيقرب الوقت يبدا يعيش هاد التجربة...شوية ضار عندها وقبط ليها ذقنها كيدوز عليه بايدو بحب" : العگوبة عندك امولات خيمتي...

صفاء"تبسمات بحب" : ان شاء الله...

زاد كسيرا شاد الطريق لمدينة الدار البيضاء...حتى صونا ليه التيليفون...شاف الرقم بان ليه عبد العالي الي كيتاصل...جاوبو...

عصام : خالي...

كان غادي عادي فالطريق حتى خرج عينيه وهو يفراني بجهد على شوي تخرج صفاء من الباربريز تا شهقات....جاب الله طريق كانت خاوية وراه اما كان غايدير كسيدة لا محالة...وقف فوسط الطريق...

صفاء : عصام مالك ؟!

عصام: خالي اش هادشي كنسمع ؟؟!

ع.العالي"صوته تقج بالبكا" : هادشي الي وصلنا عصام...

عصام : فين با ؟!...كيفاااااش ؟ وااااااا ماشغليش اسي ماشغليييييييش...الله يرحمها...عطيني الي باغي نعرف با اعبد العالي باااااا....كيفااااااش ؟؟؟....

صفاء : عصااام بلاصي جنب اعصام...

قطع عبد العالي مع عصام الي بقى مصدوم مشوووكي...صفاء كتحرك فيه وهو عينيه كيشوفو بعيسييييد...جا واحد الرموك تا خفف السرعة وفاتو وهو كيكلاكصوني تا قفز صفاء ..

عصام"تكمشو حجبانو وعينيه غرغرو...ماتسوقش لموت مو الي وصلاتو خبارها ولكن تسوق ل محجوووب...ماشعرش براسو حتى طلق سينيال وضار راجع مع الطريق شدها نيشان لسيدي بنور...يمكن مزال ماستوعبش ان عبد العالي قاليه على مو متسمعاتش ليه ولا ماتسوقش ولا شنو بالضبط...شعور خاااايب فهاد اللحظة..كلشي تصدم كلشي تخربق مكالمة وحدة من شخص غاب لسنين كايعطي اخبار لشخص رون دنيا وراه وهاهي خبارو رجعات رونات الدنيا وراه....

واقف فالجردة كيكمي بعيد عليها...ضار دورة بانت ليه جايا شادة فكرشها وتعرج حيث ثقلات وهو يوقفها بايدو...

زين الدين : كنكمي فرح...بلاتي نسالي ونجي عندك..

فرح : هاني الفوق فالبيت نبدل بينما يوصل عصام...

زين الدين"حرك راسو وهو يصوني ليه تيليفونو" : فين ابا فوزي..ولينا نسمعو صوتك ونشوفوك مع الشهر..."جمع حجبانو" ششش تهدن...شنو واقع ؟..."خرج عينيه على جهدهم" الله اكبر...

دور عينيه كيشوف فيها واقفة مع خديجة كتهضر معاها...

زين الدين.: انا نهضر معاها..."قطع وضار كيشوف فالدار داير ايديه على خصرو كيعض فشنايفو.." لا حول ولا قوة الا بالله...

استغفر الله ودخل لدار. لقاها طلعات الفوق...طلع نيشان وراها دخل البيت بانت ليه واقفة قدام الماريو كاتجبد ماتلبس...حتى شافت فيه لقات وجهو مبدل وكيشووف فيها...

فرح : مالك...

زين الدين : لبسي باش نمشيو لسيدي بنور...

فرح"قلبها حسات بيه تهز تالسما وهبط تا شدات فكرشها" : عع علاش اش واقع ؟! ...زين الدين غير گول اش كاين "عينيها غرغرو" مال با...

زين الدين"قرب لعندها وشدها من كتافها" : ششش تهدني.."ضار لهيه كيزفر باغي منين يبدا الهضرة" الام ديالك...

فرح : ههههه علاه انا عندي شي ام...خلعتيني...مالها ؟

زين الدين"هز حاجبو من اجابتها".: جات خبار بالي توفات...

فرح"هزات كتافها وعوجات فمها باللا مبالات" : الله يرحمها...ولكن علاش نمشيو لسيدي بنور..."رجعو توسعو حدقات عينيها بخوف تا شدات ليه فايديه" با واقعة ليه شي حاجة...

فلحظة تبدل كلشي من استقرار بعد مشاكيل دازت عليهم...الحزن خيم فهاد اللحظة ماشي على الام الي وصلاتهم خبارها...ولكن خيم على الجد الي وصلهم خبارو انه تم نقله على وجه السرعة للمشفى...كلشي تكب على سبيطار بقات غير فرح هي وزين الدين الي وصلات فهاد اللحظة قدام المشفى كيف وقف زين الدين حلات الباب تمات غاديا بزربة شادة كرشها الي سابقاها بغات تجري تا طار لعندها زين الدين شد فيها...

زين الدين.: فرااااح تهدني...

شد ليها فايدها ودخلو للمشفى كيقلب بعينيه عليهم وهي كذلك حتى طلعو الفوق لقاو كلشي واقف قريب للانعاش...

فرح"مشات لعصام الي كان جالس قفزاي داير راسو بين ايديه" : عصام ؟!..با اهى اهى...اش وقع لبا...

عصام"هز راسو شاف فيها..شوي ناض وهو يجرها عنقها كيبوس ليها فراسها" : ششش..ان شاء الله مايوقع والو...دعي معاه افرح.

زين الدين"ضار وراه وهو يبان ليه الطبيب صاحبو الي خدام فهاد المشفى حيث صونا عليه قبل مايوصل..مشى لعندو سلم عليه" : شنو le cas ديال السيد الي عطيتك سميتو...

طبيب : crise cardiaque...وكيف ما كتعرف الناس الكبار كاتولي عندهم الشرايين والشرينات اقل مرونة مكتقدرس ترخى pendant le pompage rythmique du cœur...الوغ كاين نسبة الخطر فهاد المرحلة...الباقي راك عارف..."سرح ايديه وجمعهم" نتمناو من الله تبقى حالتو مستقرة...

زين الدين : بون فهاد le cas مايمكنش يدخلو عندو...

طبيب : c'est mieux dc baghdadi...

زين الدين"ضرب ليه على كتفو بشكر..وهو يدور لقى فوزي وراه" : فوزي...

فوزي : اشنو گال ليك ؟ علاش مندخلوش عندو...

زين الدين"حرك راسو" : الحالة ممستقراش عندو..باش نحطك بالصورة فوزي دخول والخروج عليه ماشي فالصالح ديالو ومايخليوكمش...وماتخافوش انا موصي عليه قبل مانوصل انا وفرح...يعني كاملين تهزو رجعو لدار حتى للصباح ونشوفوه...

فوزي : موحال يبغيو يرجعو...

زين الدين"خرج فيه عينيه" : وشنو فايدة جلوسكم هنا ؟ باش غاتفيدوه...

ماجاوبوش..نفس الهضرة الي قاليه زين الدين هي الي خرج وقالها ليهم الطبيب الي كان لداخل بالحرف...بزز باش قدرو يسمعو ليه خصوصا ملي هضر زين الدين وعرفو بان الطبيب كيعرفو ووصى عليه عاد بزز باش قدرو يمشيو...كلشي تالف مزال صدمة الام الي جات خبارها ماثرة عليهم ومرض جدهم الي ماعارفينش من هنا لغذا واش يكون بيخير او لا...واحد الجو حزييييييييييين مخيم عليهم...زين الدين بانت ليه فرح ماشي هي هاديك وهو يجرها عنقها بجنب تا حطات راسها عليه وتمات غاديا..ركبو فالسيارات كلهم...ورجعو للدار..

فالصالون فين جلسو مجموعين شي داير راسو بين ايديه وشي داير ايدو على حنكو وكيخمم وشي كيمشي ويجي..تلفات بيهم دنيا بهاد المعنى...فرح غير جالسة وكتشوف فنقطة بعييييييدة...حتى تنهدات وهي تنوض...

زين الدين : فين غاديا ؟!

فرح : بغيت نجلس برا..تخنقت ازين الدين...

زين الدين"حرك ليها راسو بتفهم" : سيري ماعليش...

حركت ليه راسها ومشات..فهاد اللحظة كان ع.العالي جالس وتاهو كيشوف بعييييييد وحداه منير تاهو داير ايدو على حنكو اما نعيمة عينيها طابو بالدموع...جو فشييي شكل...

عصام : هاد ختك الي عاد طفات عليها شمعة..ماعاودتش عيطت فتيليفون با ؟!

منير : صونيت عليها عاودت ليا اش گالت لبا...من بعد تقطع صونيت لقيتو طافي وتدهيت مع با...

عصام"ضحك باستهزاء" : بلاتي تاتجيها خبيرة على عشرين عام وتعاود تعيط وديك ساعة سولها...والله الى رهوط ديال الحبس..

فوزي : وحنا مالنا فيها ؟..ياك جابت الخبار عرفنا مك فين كانت وماتت ؟ اش تسالنا ؟ "هز ايديه لفوق" الله يرحمها...هاهي من عندي...بغات صدقة وطلبة وناس يعزيونا فيها ؟ يعزيو جدي الى توگض اما انا مايعزيوني مايقربو...الله يرحمها تاني...ههه والله الى زوينة هادي...

زين الدين"بصوت خااتر" : فوزيييي..."شاف فيه فوزي وهو يغمزو جيهة خوالو" تهدن ماعليش..

فوزي"ناض وقف" : اودي نمشي نتكى تايصبح الحال ونمشي نشوف با...الله يحفظ ليا غا با اما الباقي لهلا يقلب...ماعندي كاع كبدتو..."ضرب فيهم وزاد تاحد ماهضر معاه علاش..حيث عارفين انهم ماااعندهم كبدة الام..ماترباتش فيهم...لانها ببساطة عمرها سولات فيهم...عاشت حياتها بعيد عليهم وهادشي بان ليهم من الاخبار الي وصلات...بقاو هاكاك تا العشا مافكروش يتعشاوه وعلاش يتعشاو وجدهم بين الحياة والموت...

خرج زين الدين عند فرح بقى معاها كيواسي فيها حتى عيات وهي تدخل للدار...عيا معاها تاكل مابغاتش ماكنتش الشهية مكايناش فوسط هاد الجو...حتى دخل معاها البيت قاد ليها بلاصتها ودار ليها مخدة كيف مولفة تحطها جنب كرشها كتكيها عليها باش ترتاح...غطاها وهو يخرج عند عصام وبقاو جالسين..

زين الدين"شاف فالسما" : الحال قرب يصبح...

عصام"هز عينيه شاف فالسما وتنهد" : داز عليا الليل بعام..گلبي على نقشة مع با زين الدين..جيني نيشان وگول ليا شنو كاين ؟

زين الدين : داكشي الي گلت ليك..عارفني كنجي نيشان باش مانطمعكمش...الوغ توقع اي حاجة...الحاج انسان كبير فالعمر ماشي كلشي يتحملو...

عصام"زفر وتگعد كيدوز على وجهو بتعب" : حق الرب الى العذاب مع هاد الي ولداتنا مشات رونات العباد...ماتت ورونات العباد..

يلاه غايجاوبو زين الدين حتى خرجات هناء كتبكي سمعوها وهما يدورو عندها غا شافوها وهما يوقفو ومشاو يجريو عندها

يتبع...