حمام الخلا الجزء العاشر

بقا محمد غير كيشوف فيها وهي مزيرة عينيها باغة تبكي عليه وتنزل دموع كي العادة الحاجة الفشووش هو الفشووش بالدموع والبكى كتخليه ينفد كلامها بلا تفكيير....تنهد وقال بصوت هادئ...

محمد:الواليدة ماشي بسم الله نبداو بالولااد ااخدمة يلاه كّلت ستاقريت فيها كلشي على عينييك كيدووز..نجيب هاد الولاد اشنو غنوفر ليهم ولا نجيبهم للتسخسيخ ...الولاد ساهليين فين قرايتهم ولبسهم وماكلهتم ايلا جيت نعيشهم غير باش كنصور فداك الشهر ماغيعيشو لا هوما لا انا لا هي...ودوينا فهاد الموضوع ونهار غنعرف رااسي هاز راسي وقادر بيهم غنجيبهم ماغنتسناش واحد اخر يكّولها ليا

الحاجة:وااحد اخر ياك اوليدي وليت واحد اخر

محمد:ماتقلبيش الهضرة ماعنييتش(قاطعتو)

الحاجة:كلامي ولاا كلام زاحد اخر ياك اوليدي

محمد:لا حولة ولا قوة ايلا بالله ماقلت واالو كلمتك على راس والعين يلاه دزي هانا كنسمع..

الحاجة:عندك الدار اوليدي وخداام والفيرمة اللي فالبلاد ديالك وفاسمك وحوانتك هنا تبارك الله كلهم معشيين وميسرين وعاد خدمتك طبيب الليزيتمناها كل حبييب...خلصة الكلينيك دايرها غير تضويرة من شهر لشهر مكتبانش قدام شي لااخر الله يجعل البرااكة والله يزيدك من خيرو...انا مزاااوكة فرحني بداك النهار..

نزل رااسو كيتنننهد جاي بالو ماهانيش ومسخسخ مع هاد النهار ايلا بقى مع الحاجة ماغتطلقوش يرتاح واسراء جمعات تبسيمتها واضح عليه ماعجبوش كلام الحاجة وهو يوقف باغي غير ينزل للبيت ..

محمد:ماشي وقت هاد الهضرة نرتاح شويةظونطلع عندك غير تعشاو ماتسناونيش(مشى)

الحاجة : محمد اولدي اجي لعندي وااش انا قلت شي كلام دالعيب..حيدي نوض عندو هادو هوما تراابيا عزيتي فمك وليداااتك (يلاه جاات تقرب عندو وهي تعكل برجلين طابلة جاتت طايحة على ركابيها بجوج وخديجة غوتات جات كترجيومن الكوزينة ومحمد صدروو تفزع علييه ضار شافها هكااك وهو ينزل كيجري عندها وهيوكتبكي) اميييمتيي مييتمتيي امييمتتيي

محمد:بشويااا علييك بشوياا كنقوووليك ردي البااااال مالك امي رااسك قاصح ماااالك جلسي بشويااا اري شوية الثلج

جابتو ليه خديجة كتجري حطو ليها على ركابيها بعدما هز ليها الكسوة والسروال القنديريسي وركابيها بقد ماكانو بيضين كيشعلو رجعو حمرين وهي كتبكي ودمع بالم مع كبر السن والعضام هشااش على قد الحااال تقصحاات..

محمد عينيه خرجز بالخلعة : بشوياا علييك دابا يفووتك الحاال نديك للكلينييك يصرحوها لييك تما همم؟؟

الحاجة:لا لااا لاا ماقادة نزييد مقااداش اميمتي ركاابيا هاادي هادي هاد الصكعة(شدات فركبة ليمنية) هادي اولدي هاادي

قاصها ليها وهي تغووت بالم وشدات وجهها كتبكي على قلة صحتها وهو قلبو ولا كيضرررب بجههد وتزيير مزادش كلمة اخرى وهزها بيين ايدييه نازل بيها للطوموبيل واخت كانت رافضة وخديجة بقات فالدار مشات معاه غير اسرااء طلعو للطوموبيل مبااشرة للكلينييك لحسن الحظ كانت غير مقصححة وضربة خفييفة ولكن محممد مكانش مرتاح حتى خرج عندو الطببيب مبسم خبرو مابيها والو ودخلو عندها..

محمد:علاش كتبكي داباا مابيك واالو وصااف بالوالدة برااكة حبسي غنعيط على الحااج صافي

الحاجة:لاا لا ماتعطيش لييه ماجا مايسكتو عليا يلاه نميشييو بحالنا هاد السبيطارات ماكنحملهم...

محمد:بلاتي يجيبو ليك غير الكرسي ماتوقفيش على رجلييك..نشوفهم فين بقااو..

خرج خلااهم واسرااء قربات جلسات حداها وشدات فايديها والحاجة كتبكي عليهاا..

الحاحة:ااش قلت انا ماقلت ليه تا عيب بغييت وليدات ابنيتيي هانتي كتشوفي الصحة ماابقاتش انا علاش جوجتو باش نشوف وليداتو ونكبرهم كي كبرتو هو

اسراء:يكون خيير اخالتي راه حتى هو عيان شفتيه مقادرش حتى يجلس يهضر الله يطول فعمرك ماتقوليش هكااك..

الحاجة:تقوليها لييه نتي....ولا ياكما تانتي مابغيتيهمش دابا..مابغيتش الولاد

اسراء : مافايتش لينا جبدنا هاد الموضوع ولكن ايلا حاولنا وجبدناه غنهضر معاه انا الخالتي ماعنديش مشكل واخا باقي الحال على الوليدات ولكن ايلا كانو يفرحوك ويعمرو علييك من غدا نجيبو هه...

الحاجة:الله يرضي علييك ها كلام المعقوول الله يرضيي علييك....ماتقوليهاش لييه ماتشاوريش ... نتي عروستي اناا واجيبي ليا وليد ولا بينة ماتقوليهاش ليه غير قطعي ايلا كنتي تشربي شي حاجة حيديها تا تحملي ونقولوها ليه ماغيلقى مايقول ويقبلو بزز علييه...

اسراء ماعرفات ماتقول بقات غير كتشوف فيها..

الحاجة: ماعندوو مايقول غير قطعي ااش كتشربي نهار تقولي لييه حملتي والله مايقوول ليك الكلمة ايلا غضب يغضب ليلة ويرجع للطريق عجينة يدي و ولدي كنعرفو ونعرف ااش كيضور فرااسو..

اسراء:يكون خير اخالتي...كوني غير نتي بصحيحتك ولباس علييك غير حتى يفوتو هاد الايامات حيت بان ليا من نهارزسافرنا وهو مشغول مبرمج حتى سافرنا عاد تعرمات عليه الخدمة وشي مشااكل عندو فالكلينييك كيتعصب معااهم ...

الحاجة:ااشمن مشااكل ااش عندو ابنيتي..

قاطع كلاامها فاش شافت الباب تحل ودخل منو محمد جار الكرسي المتحرك فايدييه جلسو عليه الحاجة وخرجوها وهي كل مرة اي رجلي اي راسي اي ايدي ومحمد غير مبسم عارفها كتفشش علييه واسراء كضحك حتى وصلو للدار ودخلها لبيتها ترتاح وخديجة كتحط ليها فالعشى ولكن الحاجة باقة مصرة على الموضوع ماطلقاتوش حتى سمعاتو قال ليها بفمو..

محمد:يكوون خير الحاجة يكون خيير...

فرحاات والتبسيمة تجبدات على فمها كثر من اسراء اللي غطيير بالفرحة ضحكات حتى مابقاتش بغات التبسيمة تجمع ليها وهو ناض خلاها مع الحاجة ونزل لبييتو لتحث كيصوني للمهدي مامولفش يدوز نهار بلاما يدوي معاه ساعة غير جبد تيليفون لقى من عندو ليزاابييل والميساجات وصونى ليه ديك الساعة..

المهدي : وااحق الرب ماصدقتييش اصحبي نهار كامل غابر وانا كنصوني فيين غابر فيين

محمد : هاني معاك ااش كاين ياك لباس..

المهدي : اهااه نهار مشيتي تخطب انا اللي وليت غادي نتقدا فبلاصتك سير جيب هادي وهاديك المهدي وكنقول واخا ونمشي نتقدا داك التخربيق ها الحنة ها الورد والسي محمد فيين ناعس ليا مع رااسو

محمد : داابا غير مالك وكاان ما تحسب ليا اصحبي اش كااين

المهدي: وا غدا خطبة خووك ماتحضرش معايازولا شنو..

محمد : وايلي شي يهودي سلم..

المهدي: محمد اصحبي صافي راه ناوين المعقول نتزوج اخووياا قهراتني الوحداانية..را عاام مااا....

نزل راسو كيضحك ويحك فشعرو والمهدي كضحك فاليتييليفوون عارفو فهمو..

المهدي:اشنو غدا تشد شي كونجي معايا

محمد : دااوي بصح ؟

المهدي:تئ مكنتفلااش امحمد ..

محمدزبشك : شكوون هادي اشمن وحدة فيهم..

المهدي:واايلي وشكوون من غيرها شحفااتني دوزااتني على الماء عطشاان وكفحاتو قدامو خطار هاديك البنت اصحبي والله حتى خطاار

محمد:شكوون !

المهدي:اسماء مالك دختي شكون من غيرها ...تلاقينا فاكااديير عصرتها تما مابقاتش قادرة تقول تا كلمة وقالت ليا جي للدار وهانا غنمشي نطرق هاد المسماار...

محمد : مزيان...الله يكمل بالخير ..

المهدي: اودي ماعنديش من غيركم دويت مع الواليدة سمعها راه كتغوت قالت ليه غا سخط ولا هي ام الواليد مامسوقشزقال ليا بالفرحات نمشي معاك مابغاتش الواليدة تمشي معاياا خليتها على خاطرها دابا كاين الواليد ونتا وختي والحاجة والحاج

محمد:الحاجة موحال...مقصحة من ركابيها شوية ماكنضنش تقدر توقف ولا تمشي..

المهدي:وااايليي مايكوون بااس واش شي حاجة مقصحة نجي عندها دابا

محمد:لا لاا تالصبااح ماشي شي حاجة راك عارف السن والعضاام على قد الحال واخا غير ضربة خفييفة كتقصحهم...ماعلمتيش حتى شوية بكري نهار بنهارو اصحبي

المهدي:ركلشي جا على غفلة راه غير لبارح هضرنا وقررنا وانا زربت خفتها ضور فكلامها تاني اما ايلا تخطبنا صافي را نضمنها ديك ساعة فايدي نديرو الخطبة والعقد يحن فيه الله نشوفو بعدا وااش غنتفااهمو..

محمد: غتخطب باش تشوفها فالوثت اللي بغيتي هذازهو المعقول فبلادك

المهدي:واا محمد اصحبيي فهمني(قاطعو)

محمد:يكون خيير انشاء الله خليني نصلي ونصوني ليك..

المهدي: سير الله يتقبل واصوني ليا غدا غندوز نشوف الحاجة..

قطع معاه ولاحت تيليفون جنبو وتكى لى ركابيه شااد راسو بيين ايدييه وسط ضلمة البييت كيف العادة مزير على عينييه حابس ديك الغصة اللي زيراات صدروو مسيطرة عليه..

بعد الغوتة ديال اسماء دخلات كنزة كتجري فرعات عليها البااب واساء مخرجة عينييها كتهضر بزربة وتدخل وتخرج فالهضرة مخلوعة..

اسناء:ه هزينيي هزينيي هزينيي حيدي لغطى حيديي حيدي وهزينيي هزي ليا يدي

كنزة:ماالكي خلعتينيي ااش غنهز ماالكي..

اسماء:حيديي الغطى عليااا حيدي عليااا الغطى تقييل وهزي ليا ايدييه نوضيني ماقدرتش نوضيني..

حيدات عليها الغطى كيف بغات وشدات فايديها منوضااها بشوياا ولكن حتى اسمتء عاونتها وكانت استجابة من عندها غير قاصتها كنزة وجرااتها مكعداها وهي تكمل بوحدها ووتكعدات جالسة كلها كترجف عرقااانة وقلبها كيضرب غيخرج من بلااصتو

كنزة:ماالكي واش حلمتي تاني شي حلمة خاايبة مااكلي

اسماء:لحمي كلو منمل عليا يسحاابلي غير تشللت ناري تخللعت بغيت نهز ايدي جاتني تقييلة الله يستر بحالا شي باطو محطوط عليا ففف ...قلبي كيضرب غنسخف..

كنزة:هاكي هاكي تشربي هاد البيت اصلا من نهار جيتي مارتاحيتييش فيه غير بوغطاك هاداك هو اللي كيتقل الحركة تانا كان شادني دابا يبعد منك ماتبقايش دايرا بالك معاه

اسماء: لا لاا مابقييتش مرتاحة اكنزة.. مابقاش عاجبني راسي ..كنشوف شي احلام الله يستر كل نهار وكيدايرين غير مكنبغيش نعاودهم والحريق ديال رااس هلكني ودابا لحمي كلو كنحس بيه طايح وسخفان بحالا ماشي ديالي..شتي ملي كتنمل ليك رجليك وملي كتوقفي عليها كتحسي بيها بحالا ماشي ديالك منملة علييك ياااك وراه هكا انا دابا لحمي كامل هكااك بحالا برد فيه دم.. وليت خايفة غير لايكون كلام ماما على حق...

كنزة:شنو زعما سحوور ..لا لاا مانضنش مساكن هادوك راه كتبان على حالتك ونتي مالك بخيير الحمد الله ماكطيحي ما كتسخفي..

اسماء: زدتها نعس معصببة ففف

كنزة : اااش معصبك خاصك تشطحي وتغني الشمكار تهنيتي منو اش بغى يخلعك تاني..

اسناء : مانتييقش اختي ماانتيييقش مابغيتش نفرح ونسبق الفرح بليلة وغدا يرجع ليا بالقرحة انا مابقيت كنقدر نفرح فخاطري ونضحك فخاطري عارفاه غيتهجر ليا مانرتاح تانشوف الحكم اللي خرج عاد نطلع النفس..فين تسنيم..

كنزة:كتفرج براا

اسماء:ملي حيت وانا ناعسة وغدا مامسااليااش عندي مايداار فف

كنزة:غنمشيو للكلييك

اسماء:لا تالبعد غدا..عندي مايداار غدا راه نهار كبيير عندي هه

كنزة : مابقيتيش باغة تعاودي لياا ياااك داكشي دالتشويق يااك لهلاا تعااوديه. خليه عندك..

اسماء: نوضي تبعيني عند ماما ونعاود ليك نتي ويااها ههه يلااه..(وقفات)فففف نمل نمل كيمشي ليا فلحمي تئ ياربي السلاامة

صبااح الغد، الحاجة كيف نعسوها البارح فوق الناموسية بيتها كي فاقت فيها غير الفرق هاد المرة مطلعة الشوكة وقارنة حجبانها والحاج قداامها غادي جاي كينكر عليها بعتااب علاش طييح من ديما خلعتو كيترجمهاا للغواات وللعصبية والحاجة حافضة طبعو غير كتشوف فيه وتخنزر وكل مرة تطلعىحجباانها مصدومة من شي كلمة كيقوولها حتى سمعو صوت الكلاام نهضرة الرجاال جاية من براا وهو وهو يسكت كينفخ حاضي البااب حتى تدق علييهم ودخل محمد المهدي كيضح ورااه زيهضر ..

المهدي: الحاااجة ماتفعاايل ما واالو كديري معايا هادي هي ولدي وهادي هيي عزييز عليا وبحالي بحاال محمد(باس راسها وحلس حداها)

الحاجة : الله اولدي اش هاد ااكلام بحاالك بحال محمد وربي شاهد ماكنفرق بيناتكم..

المهدي:ايوا وشهاد الفعايل زعما ليوم غادي نخطب ونتيزعاد طحتي كون تصبري غير تالغداا..شوية بعدا

الحاجة شافت فمحمد: ماشويا واالوو الحرريييق اولدي الحرييق..

الحاج: قلناها لييها تصبر تالغدا وطيح شكون بغى يمشي معايا للبلاد ليوم علامن غنعكز...(رجع كلام مهدي فراسو وهو يتلفت فيه) اشمن خطبة شكون بغا بخطب

المهدي:غنخطب لييوم جاء الفرج هههه

الحاجة : مباارك ومسعوود اولدي الله يكمل بالخيير شكون هااد البنية ياكما اللي فبااالي

المهدي: هي هي الحاجة ههه

الحاجة: ومك ااش قالت لييك

المهدي تبسم ماعرف مايقوول ومحمد حك دقنو ورجع ايديه فجيبو كيشوف فيهم..

محمد : جاي يشوفك الواليدة كان بغاك تمشي معاه ولكن قلت ليه عيانة ماعندها كييف ديير..

الحاجة : الله ياوليدي الله واجلها غييي شوية ونمشي معااك هاني ماقدرتش نوض تانتوضى نصلي غي تيممت( كمشان ملامحها بقا فيها الحال بغات تكبي) وبغييت نمشي معااك شحال وانا نتسنى هااد النهاار

المهدي : تانا ماعنديش من غيركم بغييتك تمشي معاياا راك فلمقام الوااليدة ولكن مامكتااابش غير غنهضرو ليوم نهار غندير الخطبة الكبيرة ماغنمشييش تاندييك معايا

الحاجة : علميتيني نهار بنهار كون غير تعلم بكري اش هاد الزربة..

المهدي: جات على غفلة ومكتااب ل ليوم الواليدة مابغاتش تمشي راك عارفة اللي كتين غنمشي مع الواليد وختي غتجي ليوم ومحمد والحاج ايلا بغى..

محمد:تمشيي الواليد..؟

الحاج : الله ياودي مرحبا شحال عندنا من المهدي غيرو واحد

المهدي:الله يطول فعمرك الحاج

الحاجة:ا ايوا تانا نمشي نساعف ونووض ياك غير من الطوموبيل للدار نمشي معااكم تانا

الحاج:جلسي الالة خااصك طراكس تهزك لينا من هنا كيغانديرو لييك جلسي ترتاحي

محمد:ماعندك فيين تمشي غتوقفي عليها غتعطيك الحرييق بقاي ترتاحي ماداير والو ليوم غي هضرة الخطبة غتمشي فيها نتي لولا ..

الحاجة:لاا واالو نمشي معااكم رجلي على رجلييه مانخليهش يمشي بوحدو ..

حدر راسو المهدي فرحان مابغاش يقول لاا حيت باغيها تمشي معااهم جلس معاهم شوية وخديجة جابت ليهم فطرو مجموعين فالبيت ما اسراء مادخلاتش لعندهم ملي عرفات راجل معاهم فالدار بقات فبيتها جالسة حتى مشى المهدي عاد خرجات...هاد الاخير اللي تالف وداايخ فهاد النهار كيجري من لقنت لقنت خايف اسماء ترجع فكلامها وهاد نهار فيه غيضمنها بين ايديه..دخل للمارشي يجيب ليه الما ومحمد بقى فالطوموبييل يلةه راجع لعندو وهو يصوني تيليفوني وقف ديك ساعة جاوب علييه..

المهدي:وي هند

هند:المهدي لبااس علييك

المهدي:هاد نمرة كتلفني مزال مصاوبتي ديالك

هند:حطيتوو لباارح غنمشي نجيبو عشية مساالي ابب نتلاقااو..

المهدي : ن نتلاقااو....و ولكن ليوم الواليدة عياانة شوووية وانا اللي معاهاا غدا تولي شوياا ونصوني لييك

هند:عياانة بزااف مسكيينة

المهدي:مم صبحات ليوم عياانة غنبقى معاها هاد النهار غدا ونتشاوفو

هند: ماكرهتش نشوفك ليوم..توحتشك شحال ماتلاقيناا

المهدي:ماكرهتش احبييبة ديالي غنتلاقاو تولي الواليدة شوية ونصوني لييك....نضربو شي دويرة فالمجل ودوزوه نهار اونسومبلل داكووغ

هند:صافي يلاه بسلامة تهلاا فرااسك حتى ليل ونهضرو

المهدي:واخا صافي..تهلااي ليا فرااسك

قطع معاها وخشى تيلي فجبيو ومشى للطوموبييل ركب جنب محمد اللي كان صايق فبلاصتو وزااد...

محمد:باقي شي حاجة..

المهدي: لا صافي الخوادرية وصلات يلاه صونات ليا نمشي عندها نشوفوها حتى هي

محمد : يلاه للدار عندي تغدا وسير الله يسر

المهدي:اللهم امين عشية ندوز عندك ومن تما نمشييو...اصحبي برب تانهار كبيير عندي عرفتي شناهي تخطب اسماء شحفااتتي وحق الرب المعبود دابا عاد غنخرج فخااطري ونشوفها الوقت اللي بغيت ماكينش ديك مساالية ولا ماما فالدار ولا بنتي والهضر الخااوية..

محمد : غديرو شي خطبة كبييرة فيها كلشي ولا شنو؟

المهدي:لا لاا غير خطبة عادية باقي ماعرفتش شنو باغة ديير باقي بعيد اصحبي داكشي نخطبو بعداا نحلو الطريق منين ندوزو ليها الشيى لاخر بااقي بعييد...

محمد : شنو غدير مع الواليدة دياالك

المهدي:ومابغااتش اصحبي اشنو غندييير كتقول ليا ها سخط ولاا هي ...دخت معاهاا

محمد : كلشي بكلام الواليدين رد باالك ترضي راسك وتنساهم..

المهدي: واانشووف نحاول معاهاا تمشي غير للخطبة بعداا انت مزال ماعارفش وااش غتيسر من هنا للزواج راك عارف عقليتي كيدايرا واسمااء فشكل نحالو نتفاهمو مع بعضياتنا ايلا تيسرات راه داكشي لي بغينا..

محمد بقى غير كشوف فيه كيتميساجا فالواتسااب ويضحك والبناات كيسفطو ليه فتصاورهم وهو خداام كيطلع ليهم فالموورال ومحمد غير كيضور راسو بسلب فالاخر تنههد وركز فالطريق..

ضلمة الليل طااحت والمهدي وجد بالكوستييم والشعر ممشوط وسنسلة فالعنق كتبان من القميجة المحلولة على صدرو وصبرديلة بيضة مع الكوستييم بيناتو سبورشيك هاز فايديه ورد حمر وبواط دالشوكلااط من النوع الرفييع خرج مع الباب وبانت بنت مورااه بسروال تووب كلاص مع القميجة لباس رسمي ولكن مناسب للافراح طالقة شعرها ومايكاب سامبل ضفران طواال مصبوغين بالبيج والطالون قداش جارة بنية ووليد فايديها تواام وغير الفرونسي لي خدامة معااهم وباهم موراهم حتى هو بالكوستييم طلعو فالطوموبيل ونيشان لدار محمد دقائق حتى نزل عندهم حتى هو بالسيور على العادة سروال دجين وتيشورت ودجاكيت خفيفة صيفية من الفوق لحية طويلة ووممشوطة وحجبانو مربعين جايين مع وجهو والحاج وراه بالفوقية والبلغة نقية كتشعل ..

المهدي: فيين الحاجة ماتقولش ليا اصحبي مجاياش..

محمد:تزاد عليها الحال فين غتمشي مرة اخرى انشاء الله ...يلاه نتحركو تعطلتي شوية..

حرك اسو بااه وركبو فالطوموبيلات زاد لمهدي هو لول ومحمد تابعو مسافة طرييق حتى وصلو قدام الداار ومحمد غير كيشوف فايت موصل الحاجة لدار واليدين اسماء ولكن ماشي هادي هي دار بقى غير كيطلع وينزل فالعمارة ويتأكد ولكن كابغى يقول والو لا ربما اسماء دارت الخطبة فدار اخرى..

سبق المهدي نزل وومحمد موراه ولاخرين تابعيينهم طالعيين فالدروج مزاحمين وختو كتنكر وهو يتلقى لييهم شاب فعمر مهدي تقرييبا كيسلم ويعاود ومحمد كيشوف فيه ويقارن بينو وبين خوت اسماء واخا هو شايف غير هشام صلاح عمرو شافو ومباينش الشبه بيناتهم ابداا هذا سمر وخو اسماء بيض وحتى الملامح مبدلة....

دخلو للدار بالترحاب والفرحة باينة علييهم والام فالبييت تزغرت وتعاود وصوت الهراج وكلمات التهنئة والترحااب والضحك سموعة فالظار...جلس المهدي جنبو محمد وختو من جنب لاخر والحاج اب محمد مع اب المهدي كيتكلمو مع رجال عائلة العروسة اللي كانو حتى هوما حاضريين ومن كلامهم فهمو انهم خوال العروسة....

الام: مرحبا بييكم مرحبا والف مرحبااا

الاخت فودن المهدي: واش هادي لا مامون(الام) ديال البنيتة....

المهدي:ممم هي بحالي بحالك اول مرة نشوفها وهاداك خوها وهادوك خوالها..

الاخت:تخي سابمل فين تعرفتي عليها يسحابلي لا بون ديالهم(خرج فيها عينيه تسكت) غ غير كنسول... لينا لغيييط اجي حدايا..اجي اماما

عيات تغمز فولادها يجلسو لرض ولكن هوما جتتهم الدار فشكل حيت صغييرة وعادية وفراشها بسييط غير كيضورو ويستكشفو كآنهم جاو لشي متاهة والام كترحب وتعاود فرحانة بييهم حتى بدااو كيجهزو الطبلة باش تدخل ليهم العرووس الصينية وهوما كيتسناو بالاخص المهدي كيتسنى على حمر يشوفها كيفاش غتبان بطبة العرووس ومحمد غير حاظر رااسو مرة مرة كيطلو بتبسيمة فاش كترحب بيهم الام..حتى تعلااو الزغاريت من البيت الداخل فارق بينو وبين الصالة لي فيها الناس غير الحيط...علااو عينيهم فباب الصالة كيتسناوها تدخل عليهم كلهم مبسميين..

تمات جاية الام قدام بنتها هازة صينية داتاي وهي حادرة رااسها بخجل مستطنع كتعلي فعينيها وترجع تحدرهم بسررعة والمهدي برييق ناشف مجبد عينيه حاضي باب الصالة بانت لييه جاية مع مها وهو يهز راااسو حتى جات عينييه فعين هند نييشاااان وهي مبسمة فييه حشمانة ماتيقيش عينيه هننند اللي قداامو ؟؟ وهو يبدا ينزل التبسييمة بشويا من فمو والصدمة باانت على ملامحو ماحسش برااسو تااتخطف وقف ودغيا رجع جلس شعلات فيه العاافية فاش شافها وبضحكتها تلفاااتو وحس بالقالب اللي وجداات او اللي وجدو ليه بجوج بيهم...

شي كيشوف فشي والاغلبية مفاهمش اشنو واقع من غير محمد والمهدي اللي جلس جااامد فبلااصتوو متبعها بحالا عمرو شافها ولا لمحاتها عينيه وهوما كيشوفو فيه ويضحكو زعما راه صدماتو وعجبااتو فحين هند مبسمة مصطنعة الخجل تهز العين وتنزل لاخراا حتى قربات حطات الصينية وسلمات عليهم واحد بواحد وطبعا محمد عارفاه ماكيسلمش مامدااتش ليه ايديها...مداتها لمهدي وخطفاتها دغيا ومشات جلسات جنب ماماها بابتساامة مزينة شفايفها..

الاخت:مشااء الله غزاالة تباارك الله ...الله يحفضها لييك

الام:ربي يخلييه يزين يااامك ويحلي كلاامك ابنيتيي

المهدي بالصدمة ولا كيتلف يشوف فيها مطول ويرجع يشوف قدامو وتاني يعاود يشوف فيها ماعرف رااسو وااش كيلحم ولا كيتخايل ولا راه بصح طلع معاه القاالب ومحمد حادر راسو خدا الكاس من عند الام اللي كتفرق عليهم وشدو كيضورو بين ايدييه حادر رااسو وجهوو حمررر ومزبييير كيغزز فشفاايفو بسناانو شاااد الضحكة اللي فاالتة لييه ولكن ترسمااات على جناب فموو على شكل غمازااات ولكن فاش كيهز عينييه كيبانو حجبانو المعقوديين مواضحش واش ضحكة الفرحة ولا ضحكة الفقققصة اللي حس بيها طالعة معااه فهاد المجية اللي جا...حتى طلات عليه وئام غير شافتو جالس حدا المهدي حلات فيه فمها وبقات جالسة مقابل معااه مرة مرة تشوف فيه حشماانة كتلقااه حادر راسو واقيلا ماردش ليها كاع الباال واش جالسة قدامو...

تقطع الحس وغير كلام الكبار اللي كيستمع المهدي كيشوف قداامو كامل كيترعد وصدرو طالع ناازل حاس بالشمة والحرااارة طلعات معاه تزييير ومابقاش مرتاح فالجلسة ولا باغي غير يخرج يضريو البرد مالقاش كيفاااش..فحين الام وعائلة العروس فرحاانيين والضحكة واصلة ليهم تالدرسة العقل الترحاااب والخير موجوود والام هي و وئام تجري من قنت لقنت يوجدو العشى اللي يحطو ناس...

دازت الخطبة على ما يرام من غير الجو المتكهرب مابين المهدي وهند كيشوفو فبعضياتهم من لتحث لتحث هو كيتحلف وهي كتشفى حتى جاه الفرج وناضو كيسلمو عليهم باش يخرجو وقبل من هادشي تافقوو على نهار الخطوبة الرسمية....

المهدي: هناء وصلي الحاج وبابا للدار محمد.. انا غنمشي مع محمد عندي مايتقدا

هناء:ااش واااقع مالك فين غادي ليل هذاا..

الاب : فيين غادي المهدي..

ماردش عليهن مشى ركب فطوموبيل دمحمد جيهة الفولوون باغي يصووق ومحمد غير كيشوف فيه وهو يتلفت حرك لباه بحجبانو تكلمو غير بالعيون والحاج فهم انه واقعة شي حاجة وطلع مشى مع هنااء توصلو لداارو ومحمد عند المهدي ركب جنبو ماخلاهش حتى يسد البااب دغيا كسيرا خلااهم كيشوفو مورااه...منهم حتى هند اللي فواقفة فالشرجم لفوق ووئام خاشية معاها راسها حتى شافتهم تحركو وهي تدفعهاا لور ورجعات فوق ناموسية..

هند : حيدي صافي فين خااشية رااسك

وئام:بغييت نشوف غير صاحبو قبل مايمشي تئ فف

هند:اري لياا تيليفون سربي قبل ماتجي ماما اري...حدي البااب

جابتو ليها وشعلاتو لقاتو غيطرطق بنمرة اسماء وهي تعاود تصوني ليها لحضتها جاوبات..

اسماء:اااش درتي

هند: يلاااه خرجوو عرفتي كنترررعد هاد نهار عمرني نسااه فحياااتي والله العضييم عمرني نسااه..

اسماء : الحماار قلب علياا هاهو لقاني كون مادرت ليه هكا عمرو يعطيني تيساع قبييلة سيفط ليا ميساج قاليا هاني جاي شفتو وماجوبتوش درت ليه زعما داكشي دالتشوييق وهو يسيفط ليا فوكال قاليا فرحان وهذا نهار كبير عندي(قاطعتها)

هند:تانااا عيطت لييه قبيلة تخايلي شنو قال لياا ماما مرييضة ولد الحراام فخباارك مجاتش معاه الشيبة العااصية مابغاتش تخطب لييه

اسماء:عارفاه راه فايت ليا تلاقيت معاها وبدات تحل عليا فكابينتها درتها ليهم تانا على قد فمهم ايلا مارضاتش بيا هي مرة مانرضاش بيهاا اااالف مرة

هند:كيفااش وامتى هادشي

اسماء: خلينا منها يلاه بسلامة كنتسناه يصوني ليا نسمعو خلوودنييه ونبلوكي بابااه جاب شي حاجة بعدا ولا جاي طويل بايديه خاويين

هند وعينيها على الكادوات اللي دخلو معاهم :ااش جاب تانتي ماجاب واالو شي وريقات دالورد ولامعرفت الحننة

اسماء:ممم....وانا مصور ليا الروايح واللبس والصناادل وواحد الكوليي..مهم ماعلينا ماعندي ماندير بخنزو لاكان جابهم غير بصحتك بييهم انا لحد هنا والله يعااون مابقيت بغيت نسمع على اصل مو شي حاجة تصبحي على خيير

هند:بسلاامة..

قطعات ولاحت تيليفوون جنبها كضحك..

وئام:علاش قلتي ليها مجايب واالو ماتقوليش ليا غتخلي هادشي عنندك بوحدك

هند:وعلااش نلوحو ولا نعطيه ليها عرفتي تما اشحال يكونو ديال الفلوس نقلب فيهم البيع وعندي فيهم الربااح باقا خازنة التقطرية اللي شريت عنداك توضريها

وئام:هاهي عندي خازناها ديريها دابا ؟

هند:لا لاا لادرتها دابا غنعيق غتقلعها ماما طايرة فالسماء تالغدا ونديرها...يلاه نخرجو...

ناضت خرجات عند مها للصالون كيجمعو دنيا وحديتهم حد الان غير على الخطييب والخبطة والناس اللي جاو معاهم..اما المهدي مزال صااايق بسرعة لحسن الحد الشارع خاااوي فداك الليل غير طوموبيلتو مع شي طوموبيلات قلال اللي كيجريو فداك الشانطي ومحمد حدااه حال شرجم وحاط عليه ايديه موسد عليها رااسو ومتبع طرييق بعينييه كيسمع المهدي كيقوول بتكرار..

المهدي:دااارتها بياااا بنت القح/بة داارتها بياا...داارتها بيااا...

محمد : لعب دراري صغار هو هاداا اش وصلنا لهاادشي نتاا شبعاان تخلوييض ااش داك لشي زواااج

المهدي : اااشمن تخلويييض معاارف والو اخويا سكتت مااكنتش عارفها عااارفة ديك البنت القح/بة معاياا مااعرفتهاا عارفة عمرها بينات ليا باش غنعرف انا

محمد شافو دخل بين دروبة: فين غادي

المهدي:ماااعرفتش...وااحق الرب ماعرفتش فيين غاادي( ضور الفولون بسرعة ووقف جنب الشاارع كيبانو حوانت قلاال اللي حالين بحال سناكات الليلية وواحد القهوة ولكن اغلبية مسدودين وهو يحل الباب ونزل هااز رااسو لفووق ونتر ك الكوستيم حيدو علييه لااحو فطوموبيل و وسع علييه صداايف القمييجة ومحمد حتى هو نزل تكى على طوموبيل مربع ايدييه كيشووف فييه عاقد حجبانو مادواش معااه وماجربش اصلا حتى يهضر معاه كيف العادة المهدي من طبعو ملي كيكون فرحان كيكتر فيه الكلام عكس عصبيتو اللي كيسكت فيها كيبقى غادي جاي يضرب هنا ولهيه بلا كلام بلا هضرة بحال فهاد اللحضة غير غادي جاي مرة يجلس فطووموبيل مرة يخرج منها مرة يجلس فلرض حر الشمتة اللي غرقوه فيها البنااات والفقصة اللي شدااتو مابقاش حاس على رااسو تزير علييه صدرووو ورااسو غينفاجر علييه ماكرهش يغوت ويضرب اي وااحد وااقف قداامو ومحمد غير حادر بااسو مرة مرة كيشوف فيه حتى بان لييه بدا كيعرق ووجهو تزير علييه وهو يضور للطوموبيل دخل غير براسو هز قرعة دالما لقاها خوات ولاحها بعصبيية حتى نقزاات وخرج كيجبد الصرف من جيبو قاصد اول حانوت بان لييه خدا منو الما ورجع ولكن مابانش ليه المهدي زاد عقد حجبانو وقرنهم وهو يبان ليه جالس لداخل فالطوموبيل كيغوت بحالا كيهضر وهو يحل الباال وطلع جنبو كيشوف فيه جابد تيليفون داير ليه هوتباغلوغ وكيهضر

المهدي:معقققدة دييييلمكك مريييضة فرااااااسك ابنت القح/بة المعععععقدة هداا جهدك قضيتييها زعماا هذاا جهههدك

اسماء بهدووء كيفقص: ياك لباس المهدي ماالك خلعيتيني لييل هذا بشويا علييك مالك قول ليا

المهدي مفقوص ب بردوتها:راااااه غنفرررع زاااام=ل بوووك ابنت الق/حبة بررررب لااابقااات فيييك وحق الرب تانعدبك فحيااتك

اسمماء:اويلي ماالك ااش كاين بشويا علييك آمولاي السلطاان مامزاانش لييك تعصب بشويا علييك براكة غير التحرميات لي فيك

المهدي:علاااش دابا هادشي كامل... علااش تجرجريني ملي ابنت القح/بة رااسي شبعاان تحرميااات قولي ليا اسيدي مانتزووجش بييك لااا اخويااا كابغييتكش مانجيييبش ابنت القح/بة ونجي بالناء مجرجرين معايا على قببببلك

اسماء:سيدنا وسيدك رسول الله شرييف... الحمار اللي مكيفهش ونهار قلت لييه ماباغاكش فمهما ونتا مابغيتيش تفهم ااشنو كيحسااب لييك مقلووة عليا القفة هه ماعاارفة ااش كيضور فراااسك بنت لييك دروييشة حادرة راااس قلتي اجي نلعب عليها

المهدي:عطيتيبك قييييمة هزييتك فووق رااسي وغاادي حاادو لعند مممك نخطبك ومعزز لييك بلااصتك باش نتي تعفري ويعجبك الحااال المعععقدة المربيضة..مرييضة فراااسك نتي مريييضة سيري تعاالجي المريييضة عرفتي شنو ماابقييتش كنتعحب علاش طلقتي هادااك لي طلقك نعطبيه البوجور.. اصلا كيفااش عاش مع مرييضة بحاالك

اسماء ببروودة كتجبد كلامها :على الاقل كان راااجل عليييك الشماتة اعيفة الرحاال اصحييح اللي مخصوش يتعالح من البناات..كاان راجل علييك عندو مراة وحدة ومعمىة ليه العين كيييتك نتا

بغى يقطع محمد وهو يحيد ليه ايدييه كيسمع ليها مفقوووص كلو كيترعد...

اسماء : اناا اللي كنتعجب فييك واش مريض فراسك ولا شنوو غير قوول لياا وااش مصاحب مع وحدة وحاط عينيك على وحدة اخرى هادي هي رجولة الشمااتة كون كانت شي وحدة اخرى من غيري وماعرفاتش ليك الكلب تخليها مسكينة فدار غفلوون تخليها هي فداار وتخرج تقلب على بنات ناس واش مكتحشموش وكون كانت مقلوبة عليا القفة وتجوجت بيييك تخليني هكااك وتحط عينيك على وحدة اخراااا كلكم شمااايت الكلااب كلكم بحاال بحاال مسكّين بمغرفة وحدة..كلكم بحاال بحال اشماااايت تخليو عيالتكم فالدار وتحطو عينيكم على بنااات ناااس

حا يهضر وهي تحبسو دغيا..

اشماء:شووووف شوووف شوف غنقووليك جوج كلمات بعععد من ساحتي حسن لييك عطيني تيقاااار راه نقسم بالله ايلا حطيييتك فراااسي لااشفتي نهاار زيين بعد مني عطيني تساااااع ضرب على هاد نمرة وااخر مرة تجبدها على فمممك ولا والله حتى نضرب لييك الطررر اولد مو وزايدها بالكلاااخ الله يخليك بلخلا..

المهدي : معععقدة ومريييضة ابنت القح/بة مريييضة فرااسك(بغى يااخد ليه محمد يقطع وحبسو) خلينيي اصحبيي نهضررر خلنيي نهضر حييد

حيدو لييه بزز قطع وطفاه بمررة كيغلي كثر منو..

محمد: فرعتي ليااا مخي مااالك ااصحبي ماالك كتعطى بحال العياالات داير رااسك فيها

المهدي:خليني نهضررر وااااش مااشتييهااش اااش كتقلوووو

محمد : مراااة اصحبيي مراة غدييير فيهااا رااااسك صاافي جمع وطوي بقى لييك غير البكى تبداا تبكييك عليا مابغاااتش الله يعاااون تمشي تمووت مكيناش غير هيااا حبس علينااا هاد الخرااا صااافي نزل خليني نصوووق غتقلبنا فهاد ليل نزل من تماا..

مابغااش ينززل ليه وهو يحل البااب بزعفة ونزل ضاااير عندوو حل علييه الباااب

محمد: نززل

المهدي:اناا غنصوووق خلنييي نصووووق

محمد:نزززل اصبحبي سمع الهضر ونزل..

دفع علييه الباب وحدر رااسو نزل ضار من جيهة تاانية ومحمد نتر البااب ماشي حلوو عاااقدهم وجهو كيخللع طلع فبلااصتو وسد عليه الباااب بجهههد كيتسنى المهدي يطلع حتى لوااحد اللحضة وهو يسمع ضرررربة قوووووية علييهااا انفاااجر زااااج الباااب بجهههد تلاااح حتى لعندوو وهو يهرب وجهووو دغيا مبعدوو على جاج اللي تلااح عليييه .....مااقدرش يضوور ويشوف اسوء السيناريوهات كطيحوو فبااالو والمهدي بيين عينييه..

مااقدرش يضوور ويشوف اسوء السيناريوهات كطيحوو فبااالو والمهدي بيين عينييه... وهو يتلفت بشويا لجيهتو بان لييه غير دم مقطر فزاج والمهدي طايح فلرض شاد ايدييه وهو يحل لبااب بجهد ونزل ضار عندو كيجري تحنى عندووو غير شاف ايدييه صدروو تهز علييه كبها تحلااات بالزاح والمهدي مزير عليها كيغووت مقصحح والدم سخووون كيفووور منها كيترش بحال شي شلااال..

ماالقى بااش يحزم لييه ولحسن الحظ طوموبيل ديما فيها الفاصمات ليبيطاديين والادوية دغيا جبد فااصمة ضورها على ايدييه وحزهمها لييه مزيااان حبس الدم وطلعو دغيا ركبو حدااه وهو كيتعصر كلو كيترعد وينننهج محاسش بالضربة مزيان باقي فيها الدم سخووون ومحمد بعصبييية جمع لكمة ايدييه وضربو بيها جامع لييه فم ونيف وعيين كيغووووت عليييه بالخلعة وصاق بسررعة كيصوني فالتيلييفون للكلينييك يوجدوو ليهم البيااص..

اما اسماء ملي قطعات التيلييفون مع المهدي جلسات فوق النااموسية وكنزة قدامها كتشوف فيها وهي عينيها كيضورو بخوف حيت سمعات بحالا المهدي مع شي حد طاح فبالها غير محمد هو اللي غيكون معاه...

كنزة:ماالكي داباا ياك كنتي عارفاه غيجي معاه للخطبة تصدمتي ؟

اسماء هزات كتافها رغم الخوف : م..م منن بعد مالو غيجي يخطبني يسمع ايلا بغى يسمع شغنديير ليه نبقى ساكتة لصاااحبو ويدير فيامابغى

كنزة:تبرهشتيي من لخر مافعاايل ماوالو درتي ملي عارفااه مع شي خانزة خرا لوحي زبل وعطيه بتيساع شنو الفرق دياالك عليها داابا تانتي كنتي كتخرجي وتصوريي معاه ولا حلال عليك وحراام عليها مافهمتش انا هاظ العيالات اللي كيعرفو رجالهم باغين وحدة اخؤى وكيلصقو فيهم ملي عارفاه مع لخراا علااش شادة فييه..

اسناء: وااش من نيتتك هو اللي كيلعب بينا بين صباعو بحووج نبقى ساكتة لييه

كنزة:ماتسكتييش لييه ولكن كركبي زمر وبعدي منو اشوهاد تبرهييش كديري مشكلتك معاه هو رتييكتو اش جابها لهضرة مجرجراهم تاهوما من لول تفرقي معاه..تئ نهار للي خاصك تخدمي بعقلك كتبرهشي ونهار لي خاصك تبرهشي فيه كديري عقلك مابقييتيش كتفهمي ليا والله العضييم...اويليي وانا على نيتي كنتسنااك تعلمي ماما بالخطااب والله حتى صدمتيني..

اسماء:طفي ضو خليني نعس طبختي ليا رااسي ندمت اللي عاودت ليك ... كون تخطبت لييه دابا وضحك علياا يعحبكم الحااال يااك..

كنزة:من لول حليتي ليه طريق..غا برهوش ديال الخلا خليتييه كيضور بيك كون نهار لول عطيتيه الوجه القااصح مايبقااش لاصق فييك..ها ضو طفيتو تصبحي على خييير ..

ماارداتش عليها وتقلبات على يمينها كنزة وبنتها نعسو وهي ليل كامل وهي فايقة تخمم وتعاود ونداامة داخلة معاها واش كانو حلول حسن من هاد الشوهة اللي دارت ليه؟ واش غلطات ودارت راسها فهند ؟ واش هي قد هاد الفعاايل؟ طريق ديها وطريق تجييبها حتى داخت ونعساات حتى هي بحالهم...

على نفس الحالة كتفييق لتتني مررررة ولكن هاد الخطرة ماغوتات لا على كنزة لا غيرها ايلا كان كيف قالت ليها كنزة غير بوغطااط بيها ولاا بيه...بقات مسرحة فبلااصتها جسدها كلو جامد عليها بدون حررركة غير كتحس بيه منمل عليها وهاد المرة كثر من لول حتى ولا بالقرييص بلحمها بحال البراوات كيتخشااو فيهاا جهداات على راسها شوية وزيرااتو حتى ولات كتنهج كلها عرقانها عاد قدرات تحرك ايديها شوية ونااضت من بلااصتهاا شادة على رااسها كترجع ننفس محلووعة على رااسها وخايف من حالتها ولكن مابغااتش دير معاها بالها وحاولت تنسى حتى تفكراات محمد والمهدي ....بعد تفكييير طوييل جبدات تيليفون ودوزاتز نمرة محمد بفضوول تأكد واش فعلا هو.اللي كان معاه ..لحضاات حتى قالت ماغيجااوبش وهو يتحل الخط وضرب معااه قلبها وقفات بدون شعوور وتكلمات بهدووء..

اسماء: آ آلوو ..

محمد بهدوء: وي اسماء بخير ؟

اسماء:الحمد الله ونتا لبااس عليك..

محمد:الحمد الله كاين شي مشكل ياك لباس !

اسماء:ل لاا م ماكين واالو غ غير بغيت نسولك على الم المحامي..

محمد : دفع الضوسي وتقبل وسيطف استدعااء لداار طليقك كنتسنى يعلمني باش مكاان ايلا قال ليا شي حاجة نعلمك بييها

اسناء:على هادشي صونييت لييك..ر راه ماكينش فدارهم هو

محمد ببرودة : قالها ليك شي حد

اسماء:لا..يعني ااه عغ غير عرفتها ماكين فدارهم راه مشدووظ فالحبس كان وقع ليه مشكل مع شي واحد وضربوو ومشى كومة وهو كان هارب وشدوه البووليس كان بغى يحرك غيكون فالحبس دابا قالو لياا تشد فالحبس وصافي ماعرفتش واش بصح..

محمد : غنكّولها للمحامي وباش ماكان نعلمك ايلا كان كيف قلتي عند البوليس دابا يعني حتى تيليفون عندهم هادشي ايلا مكانش مشى لييه(سمعات شي بنت معاه كتهضر وقالت دكتور)نخلبيك دابا باش ماكان نعلمك...

اسماء: واخاا بسلا

ماخلاهاش حتى كملاات قطع فوجهها وهي شافت فتيليفون بصددمة والفقصة وااحلة فحلقها كتطلع وتنززل تزيرااات وتزنكاات ماارضاتش ابدااا بالقطعة اللي دار فوجهها وحتى البرودة اللي دوا معاها بيها زاد كمل ماجبدش معاها موضوع المهدي ومادواش فييه وحتى هي مابغاتش تجبدو حتى يجبدو ليها هو... وجات بغات تنوض وهي تحس برجليها خااويين عليها متقدرااتش توقف علييهم منمليين عليها كتحس بيهم كيزنزنووو وهي تضرب ركاابيها مجننننة ومغددة عليهم وجلسات هكااك شادة رااسهاا حابسة البكية كتسناهم يتسرحو باش تنوض...

نفس الجلسة اللي كانت جاالسة اسماء كانت جالسة حتى هند فوق ناموسيتها غير الفرق هند مكانتش حابسة البكية كانت كتبكي وهي مخبية وجهها بيين رجليها كتبكي بالصوووت و وئام جنبها جابسة الضحكة كتشوف فيها و واحد التقطيرة كتلعب بيها بين ايديها..

وئام: اويلي باينة بكية بزز ماتبكييش بالصوت غير هرني..

هند:بقصصح شوفي باقين فيا الدمووع..

وئام:لا غير شوية ...(قفزات) اري نزييدك

هند دفعاتها: سيير تق/ودي من صباح ونتي نزيد نزييدك مال ديلمك يحسابلك عيني تقبة تقطري عليا فيها زيدي قطري شوووية وحيدي علياا زبل..

وئام: غيير شوية وهرني باش نغووت على ماما ايلا ببقيتي تسنياها دخل ليوم ماتجيكش..ياه شعيب كيصوني

هند:قطعي علييه ..

تكاات على راسها وحلات ليها عينيها مضاربة معاها تقطر غير شوية تقطيرة خاصة بالدموع كتخويها داخل العين وكينزلوو منها على شكل دميعات بقاو مضاربيين مني مننك حتى خواات ليها وئام نص التقطيرة فعينيها وناصت هربات من قدامها وهند ولات كتنقز بالحرييق وتغووت حتى دخلاات عليها مها وهي تكمش ملامحها دغيا بغات تبكي

الام:اااش كااين ماالك ماالكي ابنتيي علااش كتبكي ماالكي

وئام:كان كتدوي مع داك الخطييب دياالها حتى ناضت كتبكي مافهمت واالوو

الام: مااالكي كتبكي ابنتيي..ماالك(جلسات حداها وهند مخبية وجههها كتبكي تحلفي عليها هاد المرة بصح) اويلي بسم الله علييك ماال بنيتي..

هند:قلت لييك زمان ماعندي ماندير بجوااج قلت لييك مابغاااش نتزوج واش هادي داار يجيو ليها الخطاااب واش هادي حالة نستقبلوو بيها نااس خلتيييهم يضحكو عليااا حراام علييك اماماا..

الام:الله يستر ماالنا مال حاالتناا عااودي لياا ماالكي ماتخلعينيش..بشوياا عليك ابنتي تاحد مايبزز علييك شي حاجة قولي ليا عاودي لميمتك ماالكي

هند:الخطييب ولد الحراام لباارح جا شتي ورحبنا بيه ومقديين اللحم من العيد الكبير ماكليناه ولا دخلناه للدار حتى جاو عندنا وتقديناه لييهم هو وتريكتو عرفتي ااش قال ليا على صباح...قاليا سمحي ليا نتي ماشي من مستوانا مانزيدش نجرجك معايا تستااهلي ما حسن وقطع علياااا(كتبكي)

الام:اويليي..اويليي ااش هاد الكلااام كتقوولي

هند: ولد الحراام والله ماتبقى فييييه مرضني فصحتي قلت ليك امي مابغييتش نتزوج مابقييتش باغة سي زواك غنسطى خرج عليا ولد الحراام ضحك فيا العدياان بقيتي عليا تعاارف ي مع شي حد نعرفي وهاا تعااارف فاش خرجني

الام : يتسطى عدووك واللي مايبغيك مالكي ابنيتي اش خاصك زييين وطولة والطااي والشعر ماعندو مايعيبو فييك ولااد الحراام طاحو فاللحم عميين ياكلو مايعقلو الله يستر ...صافي ابنتي صاافي يمشي هو ويحييو عشرة ماالكي على هاد الحاالة لهلا يكتب شي زواج خلييك حدا مييمتك حطي رااسك على راسي ماعند كحل راس مايعطييك..

هند:نتي اللي درتي ليا هادشي امي نتي حطييت فلووس صحييحة نمشي نضبر زنخدم على رااسي مابغيتييش طياارة غتمشي وغيديو ليا فلووس وماخلتينيس نمشي والخطاب هاهوما تشوهنا.معاهم فين نعطي رااسي ضحك فياا العدياان امي كلشي عارفني معاه

تنهدات الام كتطبطب عليها وهند كتبطي بالصوت قطعات ليها قلبها و وئام عند الباب كتضور تقطيرة بين صبعانها شادة ضخكة..

وئام : الله ياختي ماعندك زهر ماكتابت ليك لا فاماراات حياتك كلها ونتي تجمعي مشاو ليك الفلوس بين ليلة ونهار مكاتبتش ليك مع هاد الحمار مسكينة سنيين وهي تسنى فيه يجي يخطبها فلخر..تئ صدمي والله

الام:نوضي ابنيتي غسلي حالتك وخرجي نتي وختك يضربك البرد نوضي غتبقاي غير تفقصي هنا..

وئام:غتفقص مسكيينة ملي غيسولوها على الخطبة كيدازت كلشي فخباارو لبارح تخطبت شتي نهار قالت ليك راه يقدر شي حد يجي عندنا وجدي راسك من تما وهي لي تلاقاتو كتقولها ليه غير غيتشفااو فيها تاحد ماغتبقى فيه..كون غير سافرتي تنساي غير شويا شي بلااصة بعييدة....ف فطياارة..

خرجات فيها عينيها الام تسكت وهي حدرات رااسها مزادتش الكلمة غير كتشوف فيها كتطبطب على هند وكل مرة تننهد بقات فيها ولات باغة تبطي معااها حتى قالت..

الام:و وهاد هاد الامارات شحال تبقى فيها..

وئام:شهر ايلا تعطلاات كاع شهر ..

هند:اشمن شهر ....اشمن شهر يلاه نلقى فيه الكرا القليلة شي ربع شهر انا غير نلقى شي خدمة ونجمع شي فليساات ونرجع انا ماغنبقاش تماا اش بغيت نديير دبا فين غنعطي وجهي تالصالون والله مانمشي ليه يبقصاو يتشفاو فيا كلشي عارف خطبتي لباارح(كتبكي)

الام:و وا وايلا كانت ربع شهر سيري بلحق ماتفووتيهااش ها سخط ها رضى ايلا فتيعا وغبرتي علياا راني غير خايفة عليك ياخدو ليك لباسبور ويخليوك كي راس المقطوع تماا..يطون خير ابنيتي يكون خير صافي نوضي ماديرييش فرااسك هاد الحالة بحالا اول واحد غيجي يخطب فيك مادا مشااو ورجعناهم من الباب صافي ابنيتي نوضي سيري لحمام ولا عومي واجي جلسي معايا نوضي يكون خيير يكوون خيير..مابقى فيا غا اللحيمات اللي كلاو يضربو ليا سيمانة ديال الطياااب ياكلو فيه الجغدييد نشااعلااه بقات ف وي و واغيط يعطييهم بوغطاااط يسلاط عليهم مايطلقهم..

عنقااتها عندهاا كتسكت فييها وهي متعصر فيعيينيها بزز باش تلكييي ولات باغة كيير بالفرجة من وسط منها غير مزيرة راسها ...

تعاشلت العشية ومحمد عاد قدر يخرج المهدي من الكلينييك شاد ايديه عند صدرو وسطةة ضايرة مورا عنقو هازاها ليه بحالا مهرس كلها فااصمااات مغطيها بالدجاكيت دياال محمد حل ليه الطوموبيل طلع وهو كيهضر مع غيثة الام ديالو كيعلمها بلي جايين للدار وهناء طلعات لوور وصاق مباشر للدار ...خلاه مع دارهم ورجع هو لدارو مدة زمنثة حتى وقف الطوموبيل قدام البااب وحيد ساروت سكتها....هز ايديه بشويا كيحيد فالسمطة مسخسخ والمورااال تحث الزييرو ...حاس براسو فشي متااهة وتاالف وسط منها مراضيش على راسو وماعجبوش حاالوو او بالاحرى متبقاش كيعرف نفسو اللي كان مسيطر عليها حاس بيها هي اللي مسطرة عليه وهي اللي كتسيرو وتمشيه وتخليه فهاد اللحضة كيفكر غير فكلام اسمااء ملي كانت كتهضر مع المهدي..

كلامها مزال كيتردد فمساامعو" كلكم بحال بحاال، شماايت مخلين عيالتكم فدار وخارجين تقلبو على بنات ناس، عيالاتكم فالدار وحاطين عينيكم على عيالات اخرين....نفس الكلمات كيترددو فودنييه واش هي عارفاه مع المهدي وكتهضر معاه بهاد الطريقة واش كتمعني عليه بيها وكتوصلي لييه هاد الكلام عن طريق المهدي..!!!

تكى وحط راسو على الفوولوون كيتنننهد ويجر الاوكسيجين بجرعة كبييرة لصدروو مضارب مع نفسو يشتت تفكيرو ولكن ماكيلقى راسو غير كيفكر فيها مابقاش حامل رااسو وكره عقلو وتفكييرو عمرو فحيااتو كره راسو قد هاد المررة مابقاش عارف راسو ماشي محمد هذاا..ماشي فعايلو ماشي هو الصديق اللي كيخون ضاحبو وماشي هو الرجل اللي كيخون مراتو شكوون هذااا ؟

حل باب الطوموبيل ونزل منها دخل للداار صقييل عرفهم غيكونو ناعسيين حيت وقت القيلولة حتى حد مافاايق هانيين وبالهم مرتاح حيت لحد الان تاحد معارف اش وقع فليلة الخطبة ديال المهدي...

دخل مباشرة لبيتو ماكلعش لفووق فين كاين ليتو مع اسرااء بغى يبقى بوحدوو ودخل اول حاجة دارها توضى وبدل لبااسو ودخل لعرفة اخرى فبن ماان عندو تما مسجد صغير شعل الضو حتى وضاحت الرؤية وباان السجادة اللي كانت مفرشة فلرض رمادية وامامها مباشرة مصحف مسدود فوق خشبة حتى هي واقفة على شكل مصحف مجيمرات صغاار رمايدين على جنب الحيط طافيين معلقة فوقبة بيضة ديالو والطاقية وتقاشرو ومخزنة كبيرة شويا عليها كتب تفسير القران الكريم...احسن مكان بالنسبة ليه وافضل مكان يرتاح فييه سد عليه البااب وطفى ضو مخلي ضو خفييف موضح ليه الرؤية وجلس مربع رجليه وسط السجاادة امام اللي خلقو واللي غيعطيه الطريق الصحيح اللي يمشي عليها...

صبااح الغد الثااني وعلى ادان الفجر رفعات الحاجة ايديها على كتدعي الله يرطاب ولدها ويحن جيهتها ويرزقهم شي وليد فاقرب ووقت..فحين المهدي ناعس فبيتو وحر الشمتة كتطلع وتنزل فييه ماقدرش يسرط اشنو دارو ليه لييل كااامل بلا نعااس طرييق كتديه وطريق كتجيبو..

اما فالبيت عند كنزة فعز نومتهاا حتى بدات كتفييق على صوت انيين فشكل..فالاول ضناتها تسنييم وحلات عينيها على ضوء الصباح اللي كيطلع بشوياا بوشياا بانت ليها نااعسة وسااكو بعني ماشي هي اللي كتنيين وهي تضور رااسها وعينيها شافت جيهت اسمااء وهي تباان ليها فوق المخدة كتنييين وتحرك راسها يمين وشماال بحاالا كتحلم وهي تمد ايديها كتزعز فيها بشويا..

كنزة:اسمااء..اسمااء فيقي..

غير مزاداات كتنيين اكثر وهي تنووض قربات عندها ومداات ايديها حيدات عليها الغطا وبغاات تفيقهااا حتى غوتااااات اسماء غوووووتة وحدة بجههههههد اللي خلا دار كاااملة تهههزز كلشي ناااض كيجري مفزوووع من فراااشو وتسنييم ناضت كتبكي بالخلللعة وكنزة تااالفة وداايخة ولات باغة تبكي كتحرك فيها بجههد مخلوووعة واسماء مغمضة عينيهاا خاشية راشها فالمخددة كتبكي وتغوووت ولحمها كلوو مزيييير ضفارفها مجبدييين مزيريييين على ليزاار حتى تغرسو فييه..دخلات الحاجة عندها كتسمي الله والحاج مورااهاا كيترععد كلووو ماقادرش حتى يوف وعيالات خووتها وحتى رجالهم دخلوو عندهاا...

هشان:مااالكيي مااالك ااش كاااين فيقييهاا مالهاا

كنزة:ماااعرفتش ماااعرفتش اسماااء واسمااء ختي نووووضي

الحاجة:بسسم الله علييك ابنتييي نوووضي نوضي شدي شدي البنية خلعااات نوضي خلعيتي بننتك اسمااء نوضي ابنيتي غيير كتحلمي

مرت الاخ جرات تسنيم برا: اجي احبييبة ماتخافيش غير كتلحم ماماك اجي

تسنيم كتبكي :ن..نببقى مع ماما

مرت الاخ: غير اجي غنرجعو عندها اجي معايا....

داتها لبيتها عند ولادها كانو تاهوما فايقين شعالات ليهم التلفازة وخلاتهم معاها ورجعات هي تشوف ااش وااقع لقاات اسماء حلات عينييها كتبكي وكنزة محاولة تنوضوها ولكن..

اسماء:مااكنحس بوااالو ماقدراااش نووض(كتبكي) لحمي شااعلة فييه العاافية اماما كنتررررحق ابحريييق امي الحرييييق

كنزة:ااش هادشي اماما مالها نتي متعرفي لهادشي ماالها ..ا اسماء كيفاش كتحرقي بشويا عليك اختي هانتي بشويا علييك وشرحي لياا

اسماء وحهها صفاار بالخلعة وريقها نششف كتنهج حتى ولا الكلام كيتعطع ليها :كنتتتحررق كلوو كيترجف قللت لييك كيتنمل عليااا قلتها لييك يااك ماقدرش نوض على رجلي وكاامل كيتنمل علييااا كلووو كيحقرني العافية شااعلة فيااا(كتبكيي بجهههد غير راسها اللي كيتحرك ما داتها جااامدة فبلاصتها)

عبد المتقي كيترعد ماقدرش يوقف كلو كيشمي ويجي ولسانو تربط عليه بالخلعة : م ماال مالها ا اسمتء وااا اسماء

الحاجة: بشوياا علييك طلقي طلقي ايدييك هانتي بشوياا شديي فيااا شدي فيا وغير بشوياا ماعندك وااالو ماتخلعييش اري نشووف اري ايدييك شدي فيا

اسماء:مااقدرتش مااقدرتش اماماا والله ماقدرت ماكنحسش بداتي ماقدرااش نهز ايدي والله مااقدرت

صلاح هز عينيه فهشاام بلع ريقو وحكر رااسو ماعودش شاف فيه ومرتو قربات للحاجة..

_خالتي عبري ليها طونسيو يمكن طلع ليها ماما الله يرحمها هكا وقع ليها فاش تشللات غير بالطونسيو..

الحاحة:براا والباااس فمك لاحسو جرو خرجو خليوها ترتاح خوييو البييت يلااه...كنزة نوضي جيبي لاباراي عبري ليها الطونسيو نوضي..ماتبكييش ابنيتي ماتخافيش دابا تولي شويا ماا عندك واالو...

اسماء:الخريي اماما الحرييق العافية شاااعلة فلحميي

جابت كنزة لاباار وزيرااتها فايديها بدات تعبر ليها كلها كترجف حتى لابلاراي ماقدراتش تحكم فيها حتى جا هشام حيدها ليها من ايديها وجلس حنب اسمااء كيعبر ليها لقاها عشرة نيشاان وهو يهز عينيه فمو..

هشام:مزياان طونسيو عندها مزيان عشرة الحد فالقد..

الحاجة:والسكر؟

هشام:لا لا السكر ناايدييرش ليهاا هكا

كنزة:اااشنو داباا نديوها للسبييطاار..شنوو ندييرو

الحاجة:صبري شويااا دابا توليي شوياا غير حلماات وتصعباات دابا تولي شويا

كنزة:اااااشمن شوياا اماما رااه من ول لباارح وهي كتنووض هكاا مشلة بزز بااش كتحرك وكتقوولي ليا غتولي شويا وهي كتقولييك فيهاا الحريييق غنديييوهاا داباا نتي راك معارفة واالو ماعافرااش اش بيها ماخلاات تا طبييب على رااسها شوفي شحال ديال الدواياات كتشرب علييه ومخبيااه علييك وكتقولي لياا صبري شوياا

الحاج:ندوييها اييه ندويها للكينيك لايعود يتزااد عليها الحااال ندييوها نوضي ابنييتي نوضي ..دهشاام هز ختتك هزها..

هشان:اري ليا صبرديلتي ونزلي ديماري انا غنزلها ..

الحاجة تصدمات بقات غير كتشووف فيههم وهشاام تحنى لبس صبردييلتو ونزل عندهاا مضاارب معاها يهزهاا جاتو تقيلة فلول ولكن تحكم فيها وهزها عندو وهي بحاال شي خشبة مسطحة ماكتحرك لا هكا لا هكا مامرخياااش يعني حالتها ماشي حتى حالة الشلل اللي غتكون فيه مرخية بلعكس هي مجبدو وجسدهاا جمد بحال شي خشبة وااقف ومسطح ومزير خلاتهم غير كيشوفو فيها مصدووميين نزلها هشام بشوياا لقى كنزة ديماراات ركبهاا لور وطلعات حداها الحاجة وعبد النتقي لقدام وهشام مشى فطوموبيل ديالو تبعهم من لوور...

في ضلمة الليل لا طير يطير ولا بشر يسييير...مامعروفش المكان بالضبط بقوة الضلمة اللي نازلة فديك الجيهة...من غير المبنى العااالي ضواوو دهبية شااعلة كلو مبني بالزاج كيلمع ...قدامو واقفين جوج كاردكوراات بليكوستيم كحلييين وكرافااط ونضاضر نفس لون اللبسة وليكيت على ودنييهم...شادين ايديهم قدامهم وراسهم وكتافهم واقفيين بجدية كيشوفو قدامهم لا ضحكة لا تبسيمة منهم..غير الشوفة فيهم كتخلع...

قدامو تماما واقفة بغوب سواغي فاللون الاحمر الدموي مزيرة على خسرها طالعة حتى لصدرها بلا سماااطي ونازلة حتى لنص ف فخاضها عريييضة ومنفووخة ميلونج مابين الاحمر ولبيج مع طالون اسود كيلمع شعرها نفس اللون حتى هو كحل غاامق مطلوق وراها بوكلي وبشرتها القمحية كتلمع وتبري وسط ديك الللبيسة كتبان بحال باااربي شادة تيليفون على ودنييها وعينيها كيضورو واضح عليها معصبة ماقادراتش حتى تغوت وليكارد وراها..

هند : كضحك عليا اعزوز غير قوليا واش كضحك عليا حراام علييك حرام عليك نتا وياهاا خرجتو علياااا

عزوز دايخ بالنعاس : وهذا جهدي شبغيتيني ندييير...ماشي غير نتي اللي كتغوتب كلشب كيصوني عييت مانقول ليكم نفس الكلاام

هند : وفلوسي ااشن غندير فيهم نكب على كرشي لما... راه مانسمحش ليكم فبيهم ديرها فباالك

عزوز:الله يهدييك شكون قال دابا شي فلوس غيمييشو..وراقيكم وااجدين وكلشي فالحفظ والصون كنتسناو مادام كنزة تحل مشاكلها بااش تطلعو خلااص لهيه تا تما كيتسنااوكم

هند :غنبقاو حنا نتسناو فهاد مدام كنزة دياالك مشاكلها ضبر راسها فييهم انا ماالي فيها عطيت فلوسي باش نغبر وجهي ماشي نتسناها تفك حريرتها....

عزوز:انا غندوي معاها غدا نشوفها اشنو دارت وفين وصلات باش ما كان نعلمك نتي غير وجدي رااسك وكوني على القرص راه اي لحظة تقدرو تمشييو خاصها تعطية الموافقة وايلا عطااتها ديك ساعة غتمشيبو كوني هاانية..

هند:حنى غنشوفو..انا غنشوف ودير فباالك فلوسي والله مانسمح فبيهم(حسات بصوت لخطاوي وراها وكملات بالحس) نخلييك دابا الله يعاون..

قطعات وتلفتات بشويا مامبيناش عصبيتهاا بان ليها شعيب جاي جيهتها مصعوور بلا هضرة بلا كلام جرها لعندو من درااعها حتى مشات وجات وهي تنتر منو ايديهاا هازة فيه وجهها بقووة..

شعيب:معاامن كتدوي اري داك تيليفووون

هند:غير ماما معااامن غندوب طلق مني...

شعيب: كتقووليك ماتخرجييش ماتحركيش من حدايا معامن كتهضري..

هند:مااااشي سوووقك ...طلللق منيي

نترات منو بجههد ودخلات خلاتو كيسوط موراها...مع دخلة مفرشة زربية حمرة طويلة غادا مع كولوار حتى هو طوييل وجنابو كلهم بيبان....باب مستف حدا باب...وكل باب قدامو الكارد كور ديالو هي غادا والناس غادين جاين جنبها غير الكوستيمات وصبابط كيشعلو والعيالات بالمونطوات بريييش نعام اسيدي وليكّات فالايدين مشبكين وطريبشات على راس وصيكان كوتشي وديور وروايح والعكر حمر وطالونات ستيل كلاصيكي....ريحة الفلوس كضرب من الباب علاش لا وهاد الكازينو مجموعين فيه غير ريوس البلاد الصحاح..غير شكون وشكون كلهم شخصيات معروفة منوعين ومشكلين ها الهنود ها المغاربة ها الخليجين والاهم الاسيويين والصينيين غير مشتتين كتقول ليهم هند غير مجبدين العينيين ماكتعرفهم منيين جاين واللي واقفين على رأس هاد الكازينو من الاساس اغلبيتهم رواسة كيف اي كازينو فاي عااالم واي بلااد سواء عربي اجنبي كيكون اصلو روسي...

قصدات واحد الطبلة كبيرة وحمرة دااائرية وقفاات عليها بابتساامة مصطنعة كتشوف فالرجال والعيالات اللي جالسين ضايرين بيها والفلوس بالملااين والملاير محطوطين قدامهم وكيسان دالشراب وليسيكار والدخاخن طالعيين...تبعها شعيب حتى هو وجلس فبلاصتو كيضحك مع الرجال اللي لاعب معاه حط الميز دياالو رزقاات مستفيين وحدة فوق وحدة على الطبلة..

شعيب:بسم الله اسيدي نبدااو ..

السيد اللي كيفرق اللعبة بالتخنزيرة ماكيضحك مع حد ما كيتبسم ما كيهضر مع...غير جالس على راس الطبلة وكيوزع ديك الكارطة عليهم واحد بوااحد حتى كملهم وحبس مربع ايديه كيشوف فيهم...وهوما عيينيهم كيضورو شي كيشوف فشي وكل واحد و ااش تحت راسو.....

فحين هند واقفة على رااسهم وكل مرة شاف فيها شي حد كتبسم لبيه غير كيبان ليها غمزها كتقلب عينيها منو وتشووف قداامها ماشي غير ديك الطبلة اللي كانت

.. الكازينو لداخل كلو عامر بالطبالي والسماسرية غير كيضورو هازين الكارطابل فايديهم ايلا تسالاو لشي حد الفلووس كيقصدو هو يحطو اشنو بغاو يبيعو كيخادو ويعطيهم الفلوس ديك ساعة...ها الخواتم بالمليان كيتباع ها الساعات اليدوية ها الكوليات وبعد المرات كيصول بيهم الامر يحطو سوارت طوموبيل للبيع وحتى ايلا اتقدى الحال ومالقاو اش يبعيو كيتقدمو العيالات يبيعو لحمهم كاخر حل ليهم....

القمر عمى عينييهم حتى مابقاو كيشوفو حتى حاجة قدامهم من غير ديك لاماشين خاصهم يميزييو فيها بالرييسك يا خسارة يا رباح....

وهي كضور عينيها من بلاصة لبلاصة حتى كتسمع خبطة قوية فوق الطبلة قفزات دغيا وضارت شافت فبيهم لقاتو شعيب ناض معصب ومن ضحطة الرجال اللي معاه عرفاتو خسر وحتى هي ضحكات معاهم.. اعتدر منهم وناض من الطبلة كيمشي ويجي معصبب حتى بانت ليه كتفرنس وهو يقصدها وهي جمعات ضحكة كتشوف فيه كيهمس ليها دايخ وتالف عينيه كيضورو كلو كيترعد..

شعيب:الفلوس تساالاو..

هند : وانا ماالي

شعيب:قلت لييك الفلووس تسالااو ديري شي حاجة تساالاو ليا

فهمات قصدو طايرة وهي تخرج عينيهااا بصدمة وقرباات بغا تشنق علييه وهو يشد ليها ايديها كيشوف فناس مبين بتوتر....

هند:شووف قلتي ليا نبقى واقفة حدا راسك قلت واخا قلتي ليا ضحكي للكليان واها قلتي لياا تقحبني على سماسرية وقلت واخاا تقول ليا ندير حاجة اخرى اقسم بالله حتى نفضحك ايلا كان غير الحبس لاهوما هو ولا كماارتك واش بغيتي نبيع لحمي باش تحطهم لسيادك بعععد مني..

شعيب:غبري وجهك منحوووسة الله يعطييك العدااب غبري وجههك..

خنزرات فيه بحقد وهزات صاكها الصغيور وحدراات راسها ومشات هازة راسها لفوق حابسة الدمعة كتشوف فالصقف اللي كان كلو كاميرات المراقبة ما يقارب ل ربعمية او اكثر من عدسة لااصقة فيه كتصور كلشي واي لقطة دازت كتشدها ولو تكون غير نملة فالتة من تما يقشعوها....

دخلات للحماام وتما بكات حتى عياات كيف العادة وخرجات رجعات لعندهم عينيها حمرييين تلاقاات مع شعيب داخل بكرطابل ديال الفلوس مرة اخرى عرفاتو جابهم من البيت عندو الفوق ومشات وقفات حدااه ليل كامل وهي على رجل وحدة ماكتحركش من بلاصتها حتى كتيعى وكتمشي تاكل ولا تشرب شي حاجة تما كلشي فابور وغير الاكل الرفييع كول بايديك وبرجليك...ماجاها الفرج حتى ضربات التسعود ديال الصباح وبداا الكازينو كيخوا من الناس وهي تطلع لفووق للبيت اللي ختبات فيه بدلات حوايجها ودوشات عليها غير حسات بالباب تحل عليها وشعيب دخل وهي تغمض عينيها دارت راسها نعسات ومدات ايديها طفات عليها فالفايوز...

كيف طفاتو عليها هي مدات ايديها اسراء وشعلاتو وناضت من بلاتصتها ب بيحامة منزلية سروال رطييطب والقميجة ديااو وشعرها مجموع لور...خشات فرجليها البانطوفة وتلفتات بان ليها محمد ناعس برااحة ايديه على صدرو ورجليه مفرقين شادين الناموسية كاملة من لتحث بسروال سيرفيط رمادي وتيشورت نص كمل جتى هو رمادي مزيير على صدروو كيبان منفوخ وعامر ولحية عرييضة ومع هاد الوقت زادت عمرات حتى مابقاش كيبان فمو..

تنهداات وهزات تيليفون شافت الساعة وهي تنوض للشرجم بغات تحل عليها الريدو حتى ضربها رييح قوي من برا ورجعات شداتو مبووورشة حيت البيت بلاكليم سخوون عكس الجو على برا شتوي والبرد قاااصح...غسلات وجهها وقضات مسائلها ومشات للماريو حلاتو كتقلب بايديها تحت حواايجها وملامحها تدريجيا كيتغيرو ملي مالقاتوش بدات كتقلب بجنووونية حتى ولات كتنزل فحوايجها كامليين وتقلب وسط لباسها وحتى لباس محمممد صعرااات و وجهها حمار تزييير عليهاا قلبها ولا كيضرب فاش مالقااتوش وخرجااات من البييت كدير الشال على راسها...

اسراء : خدييييجة...خدييييجة

خرجات خديجة من الكوزينة متمسح الما فسربييتة طلات عليهاا..

خديجة:مالكي اختي هانا

اسراء:الصرة ديال العشوووب ديالي اللي كااانت تحت حوااايحي فيناااهياا

خديحة: صرة ؟ و وبااش غنعرف انا ماوريتيها ليا ماعطيتيها ليا بالعمى ماشفتهاا

اسراء: وفينهايا صرة ديالي دارت رجليين وهربات شكون من غيرك اللي كيرون ويسوس انا ؟

خديحة:والله ياختي ماشتفهاا الله يطيرني عليكم ماشفتها

اسراء:طيري ولاا جلسي جبدي ليا صرة ديااالي...(غبنات ملامحها حابسة البكية كتشوف فالحاجة موراها)

الحاجة:ماالكم ااش كاين !

اسراء: خالتي صرة ديال دالعشوب اللي عطاتني ماما خبيتها تحت حواايجي شكون من غيرها اللي كيجمع البيوت ويطوي الحواايج شكون من غييرها ....

الحاجة : اشمن عشووب االي عطاتك مك فالكلينييك ولا شنو

اسراء:ااه هادوم كانو تحت حوايجي

الحاجة: بسم الله علييك ابنيتي ياك لبارح بليل فاش شربتيهم ودخلتي لبيتك تنعسي بغيت نعطيهم ليك قلتي ليا خليهم عندك تالغداا مشيتي

خديجة:شفتي قلت لييك والله ماعندي ماعطيتيني انا واالو مانخزنهمش عليييك

الحاجة:الله يهديك اخديجة تانتي عطيتهم لييك انا قلت ليك طرفيهم ليها....ديك الصرة الخضرة عطيتها لييك البارح

خديجة: ولكن هادوك ديالوك ماشي ديالها...

الحاجة:لا رااه ديالهاا جسبيهم ليها عودي طرفي حاجتك بوحدك ابنتي ماتعطيهم لا ليا ولا ليها طرفيهم بوحدك انا مانعقلش وهي ماتعقلش وتانتي ماكتعقلييش تاحد فينا مايخزن حاجة ل لاخر....خلعتوني ماعرفت ااش طاري فف فيقي محمد يلاه يفطر ويخرج لخدمتو باقي هاد الوقت ديال شي النعااس..

رجعات الحاجة دخلات للكوزينة واسرااء متبعاها مغبنة باغة تبكي..

اسراء: جيبي ليا عشوبي..

خديحة:و واخا انا غنجبدهم ليك يسحابلي ديال الحاجة ماسحابتنيش دياالك....واخاا..

رجعات بخطوات مزروبين دخلات للبيت اللي كتنعس فييه واسراء رجعات للبيتها غير دخلات بان ليها محمد يلاه حط كاس دالما من ابديه غير هز فيها عينييه بانت ليه كتبكي تاني وهو يعقد ححبانو وقرب باستفسااار يلاه غيهضر وهي تعنقو وخشات وجهها فصدرو كتبكي علييه وهو كيطيطب عليها مدهوش ماعارفش ماالها ..

محمد:اسرااء ااش عندك..مالك علاش كتبكي دوي معايا....

كيحاول يهز وجهها لعندو وهي مخبيااه فصدرو..

محمد: شوفي فياا ماالك شكون دوا معااك..

اسراء: وضرو ليا العشوب ديالي قلت ليها جبديهم ليا قالت ليا ماعندييش وهي اللي خزناتهم علاش كيديرو لياا هكا علااش مالي اش درت لييهم..

محمد : شكوون شرحي ليا اشمن عشوب وشكون خباهم ليك !

اسراء : خدييجة خبات العشوب ديالي وقالت ليا ماعنديش حتى بديت كنغوت وخرجات الحاجة معصبة مني عاد وهي تقول ليها انا اللي خبتهم ونسات علاش كديرو ليا هكا واش حيت مكنودلش حتى حد مابقى حاملني اشنو درت ليهم واش انا كرررهت(كتبكي)

محمد: ششش صافي انا غنهضر معاهم صافي ماتبكيش...يلاه صاافي ماتديش وعلى الواليدة عارفاها ماكتقضرش على الغوات ونتي مامفاهماش مع خديجة كتخليوها بيناتكم صافي يلاه انا غنهضر معاها تبعد من حاجتك تا بينتك ماتدخللش ليه صاافي علاش كتشربي فداك العشوب ياك قلت ليك حيدييهم...!

اسراء كتمسح دموعها :ولكن ماما قالت ليا زوينيين و ونقدر نقدر ت تكون عندي فرصة نحمل بيهم بغيت نجربهم اشنو غنخسر..

محمد:واش حنا جربنا جميع الدوايات اللي طيح على بالك والعشوب اللي غيحلو المشكل مانضنش...دويت معاك... غنمشيو عند واحد الطبيب معرفة دياالي ونشوفوه شنو غيقول حتى هو....اول حل واخر حل عند الله عز وجل... وايلا كان مكتاب لينا نهزو هاد البنية ولا ولد غنهزوه بلا دواء ولا عشوب....حيدي داكشي الشيي غنوليو فمشكل ما كبر منو ماتبقايش غير اللي عطاوها ليك تشربيها..

اسراء: ولكن حتى العشوب مزيانيين راه هوما الطب البديل وكلشي كيتيق فيه علاش مانجربووش..

محمد:كيتجربو على حسب الحالة اللي نتي فيها...و حالتك ماشي ديال العشوب ماشي العشوب اللي غيفكوها...دويت مع ليبروف اللي قريت عندهم ف فرنسا وخديت استشارتهم غنشوفو واحد هنا اخر واحد ونمشيو انا وياك وايلا ماكفاتناش فرنسا غنمشيو لامريكا ومن امريكا غنشوفو حتى الصيين غير ارتاحي وبعدي من هادشي ماشي اللي عطاوها ليك تشربيها براكة غير الدوايات غيهلكو ليك المعدة..

اسراء: حتى نتا غير كدير ليا خاطري عارفني عمرني غنولد غير كدير ليا خاطري وكتجري معايا عند الاطبة..

محمد :اش هاد الهضرة تااني صبحنا عليها شكون قال شي حاااجة..(تنهد لفوق وشاف فيها شاد فكتافها) سمعيي لبسي حوايجك البرد برا ويلاه نخرجك شوية يضربك البرد قويتي الجلاس فالدار ومامزيانش لييك نخرجو شوووية واخاا ! يلاه سيري

باس على رااسها وخرج خلاها متبعاه بعينيها وهو غير سد البااب تنهههد بحههههد عاطيهاا الخاطر بكبر جهد لعندو عارف الهرمونات مخربقين ليها مع الدوايات كيحاول يشد بخاطرها ونزل لتحث لبيتو التاني...

خديجة فالبييت كتقلب وتعاود ولات كتررعد وترجف ملي مالقاتش صرة العشوب نزلات حوايجها كاملين والاثر مكاينش ليهم وهي تجلس فوق الناموسية محاولة تدكر فاخر المطاف ناضت كتجري عند الحاجة للكوزينة علماتها بالعشوب اللي تلفااتهم وناضت معاها على سعدها دخلو للبيت خديجة كيقلبو ويعاااودو

‏

خديجة:ماكينينش الحاجة والو ماكينيينش موحال واش عطيتيهم ليا

الحاجة:الاا يابنيتيي عاقلة عطييتهم لييك بليمارة كنتي ناعسة ودخلتهم ليك تطرفيهم وانا كنت ماشية نتوضى

خديجة:وانا ناعسة الحاجة وعطيتيهم ليا ماعقلت ماع كاع فيين لحتهم

الحاحة:ماسستييش بيتك هاد صباح

خديجة:منييين..ببيتي عام ماسستو داك الماريو عمري ماجبدوتو طويتو فين ساليت لييه....الله ياربي ماجت مايسكتها ليوم عليا

الحاجة : سااعفي ساعفي ابنيتي صبري معاها اللي فيها يكفيها من نهار قالو ليه ماتقدرش تحمل وهي لور لور غير ساعفي..لا حولة ولا قوة بالله..شوفي ورا الماريو جرييه جريه عندك وشوفي وراه..

ضاربات معاه خديجة مخلوعة حتى جراتو عندها كتقلب مورااه وتجبد فالباليزات وتحط وتقلب داخلهم والصرة غبر ليهاا الاثر مشات تاني لكوافوزات تقلب فيهم وتعاود وتحت ناموسية و ورا البلااكااارت و ورا الكوافووزاات حتى كيبان ليها شي زيف كيلمع مورا الكوافوز وهي تجرو لعندها

خديحة:زكااي زكااي زكاي ههههه واقلا لقييتهم بلاتي ..

دفعات الكوافوز بحهههد وهو لاصق فلرض ماشي بحال الماريو كتلعب بيه كي بغاات ما ارتاحت حتى زعزعاتو شوية ورمات ايديها لدااخل جرات عندها زييف غير شافت لونو وهي تكمش ملامحها

خديجة: لا لاا ماشي هو تئ حساابتني هو الله ياربي وفيين مشاات هاد صرة وهي غير صغيورة فين مشياات..

الحاجة:انشوف اش كيدير هادااك تماا اش وصلو ورا الكوافوز ...

خديحة:ماعرفتش ماشي ديالي واقيلا ديالك الحاجة خليتيه هنا فاش بدلتي حوايج الصيف بالبرد طيحتيه هنا ولا مانعرف..

الحاحة:الاا انا مانديرش الزقلي ماشي ديالي وهو كلو كيلمع اري نشووف..

خديجة:هااكي ماشي ديالي انا....

ربعات قدامها فلرض شادة فحنكها تخمم وتعاود هاد نهار ماعندها سلاك مع اسراء وهي تقول كتوحم عليها ماكتحملها ماكتقبلها كلامها بحال السودانية على عينيها والحاجة كتشوف ف داك الزيف وتسوس وتقلب فييه حتى بدات كضحك

الحاحة: يااا حي ههه عرفتي هاد شد ديالمن ههههه

خديجة:ديالمن يكون..

الحاحة:شتي نهار جات عدنا اسماء لخطبة محمد وجلسات هنا هي وبنتها..عقلتي

خديجة تدكراات :ياااه داك الشد اللي كانت دايرة نهار الخطبة هههه وهي فاش بدلاتو ودارت ديالك داك الطويييل

الحاجة:ايييه ههههه ولاهيلا هو جيبي جيبي ليا تيليفون نصوني ليهاا مناش ماهضرت معاهاا ههه

خديجة:والعشووب

الحاجة:منك ليها قلت ليك خزنييهم تلفيتهم سيري شريهم ليها...نوضي جيبي ليا تيليفون شوفي سبحان الله مشات مع بالي دخت ودوخاتني مرة ولدي مابقيت كاع فكرت فيهاا اري ليا تيليفون اري..

تصدمات خديجة بقات غير تشوف فيها وهي كتقلب قفداك الزيف واضحك وخديجة بغات تبكي على العشوب اللي ضيعات..وهي تنوض مشات للكوزينة حابت ليها تيليفون من شارجور وعطاتو ليها كتقلب على نمرة اسماء..

فمكان اخر عند الحاجة ام اسماء...قطعات تيليفون وحيدااتو من ودنييها ورجعات دخلاات للداار عينيها حمريين وتحتهم زرق بالتعب غير ب بيجانة بيضة وطابلية محزومة على نصها وتريكو سخوون صوفي من الفووق دخلات جلسات حدا عبد المتقي كيفها كيفو كيشووف قدامو والتسبييح فايديو كل مرة يتنههد كانه هااز فوق ضهرو المقوص اجبااال من الهموووم...وعيالات ولاد الحاجة غادين جاينين كيعمرو فالصواني ويدخلو للعائلات اللي كيجيو يشوفو اسماء ..

سميرة العمة : الله يدير شي تاويل داللخيير الله يجيب الشيفة من عندوو اييه وااش قال ليكم كون غير تديوها اعند واحد الطبييب اش نقولك رحمة سيدي ربي كلشي كيشكرو..

الحاحة تنهداات بعيااء بقوة ما كل واحد كيجي يستفسر اشنو السبب اللي طيح بنت فمقتبل العمر عاد قالت بسم الله فاادنياا خلاها طريحة الفراااش واللي جا خاصو بوحدو تعاود لييه اشنو قالو ليهم جميع الاطباء اللي مشاو عندو..حتى عيات و ولات غي كتشوف فيهم وكلامها تقيل معاهم..

ماشي اول طبييب وماشي اااخر طبييب شهوورة دازو ونفس الكلام كيسمعو من ودنييهم كل واحد واشنو كيقوا ليهم العصاااب وخداو دواه ...الاكتئاب..ورم فالرأس الكبدة الكلااوي وكاين حتى الاطياء اللي كيقولو ماعندها والو غير معصبة ...

الحاجة: والوو ماكينش اللي يقول ليك الكلام نيشان غير يدخلو ويخرجو فالهضرة وحتى حاجة ماكينة...كانت لباااس عليها مضااراها حتى حاااجة...عادي ست شهوور ولا نقول ليك سبع شهوور مانكدبش علييك حتى ناضت بالغوات تغووت تغوت وتقول لينا لحمي شاعلة فيه العافية ماتحرك لا ايد لا رجل هزاتها ختها ديك ساعة داتها للكلينييك واحد يلوحها لوااحد فلخر عطاوها واحد لخنشة ديال دواياات باقي لدابا يسمعو فييك راه فالبيت مادار ليها تاااحاجة وااالو

سميرة:الله يربيي اييه وباقين متبعين ليها دواا ولا حبستووه

الحاحة:دواا اللي يعيطوه لينا نعطيوه ليهاا كل طبييب يكتب لينا جرييدة تاعت دوايات ماكيتقاداوش غير ختها مسيكينية اللي تشري وتعطيها ماخلات تاطبيبب ماجرات بيها لييه و وااالو اختي واالو ماكين اللي يعطي راس الخيط

بنت العم: مرت عمي..م مابغيتش نخلعك ولكن راه كاينين حالات بحال هاد الشكل كيكون شي بنيتات هكااك مكيدرو يهضرو ولا يتحركو وحتى طبيب ماكيعرف اشنو بييهم وسبحان الله غير كيجيبو شي قارئ ولا راقي يشوفهم كينوضو صحة سلاام ..ز زعما مايكونش شي سحر تخطاوتو ولا كلاتو بالخطأ يدير فيها هادشي جربتو شي راقي..

الحاحة: جربنا ! الله يابنتي وحنا غير جربناا..الفقهة ولاو داخلين خارجين من عندنا ماخلينا فقييه مااخلينا اماام ماخليناا شوااف والو يجي داك الفقيه يبقى يقراا يقراا يقراا فوق رااسها واالو والو ابنيتي..

بنت العم:فف الله يجيب ليها الشييفة ياربي من عندو ممكن نشوفها امرت عمي غير نطل عليها

الحاجة:معاها بنتها عاد جات من المدرسة غير تجي تبغيها تمشي حداها تبقى غير تشوف فيها... غير تخرج من عندها وسيري..والو بنيتي مابقاتش كي كاانت واالو ماعندنا مانديرو مالقينا جهد بنيتي كتمووت ليا عرق بعرررق مالقيت ليها جهد

شدات زيف عند فمها كتبطي وعبد المتقي حتى هو كيمسح تحت عينييه وهي تنوض بنت العم عنقهاتها كتسكت فيها متألمة معاها وسميرة كتستفر الله حتى بدا كيضور الساروت فالبااب وتحل دخلات كنزة رمات عليهم السلاام من بعييد بوجه تعبااان وحزن مغيم على عيونها حتى بريق الفرحة اللي كان ديما فيها غبر ومابقاش ليه اثر....قربات لكوكية وسدات عليها كتهضر مع ماماها

كنزة: فطراات اسماء شربات دواها

الحا٠ة:لا مزاال عاد جات تسنيم راه معاها فالبييت..فين كنتي نتي خرجتي بكري

كنزة:كنت فمكنااس..عقلتي على داك الراقي اللي شفت فالفيسبوك كلشي كيشكر فييه عيطت لييه وخديت رونديفو مشيت على صباح جبتو وجيت راه لتحث مع هشام شوية وونطلعو...انا غنطل عليها ونعلمها..

تبسمات ليها بجفاء ومشات خلااتهم ودخلات للبييت عند اسمتء غير بسمات البااب وهي تهز فيها تسنيم عينيهاا وناضت بالفرحة كتنقز و واحد الكتاب فايديها

كنزة:خاالتو جات من المدرسة اجي بوسينيي زيدي..

تسنيم بفرحة: عطاتي المعلمة هاد القصة وقالت ليا قراايها لماماك حيت ماما مرييضة قالت ليا قرياها ليها وقولي ياربي تشافي ماما وثالت ليا غتغمضي عينيك ربعة لااء...ت تلااتة ديال المرات غير تلاتة ..وتحليهم وغتشافى مامااك...

كلاامها كيف شي سم قبييح ونزل كيقطر على قلب كنوة..بلعات ريقها وبلعات معااه غصتها حابسة دموعها ماينزلو وبااست خدوودها..

كنزة: مزياان اكبيدة المجتهدة دياالي مابقيتيش كتخاصمي مع داك الوليد اللي طيقرا معااك يااك بعدتي عليه احبييبة

تسنيم عقدات حجبانها بشكوى:ماكندوييش معاه هو اللي كيضربني صباح قالت ليا المعلمة تسنيم اجي شوفي وحضي ليا شكون كيدير البسالة وهو كيبقى يغووت ويجري فالقسم وكيضرب الدرااري وملي جات المعلمة قلت ليها سلطان كيدير البسالة وهو بغى يضربني وقاليا علاش كتكدبي والمعلمة حبسااتو انا والله ماكدبت عليه حق القرقان الكريم كان كيدير البساالات..

كنزة:باااسل داك الدري بااسل غدا نمشي معااك تاني نشوف ماالو واش ماعندوش الي يربيه ولا شنو صعصع..داباا نشوف ماالو سيري اخالتو عند ماما تعطيك فطورك يلاه سيري..

تسنيم:و تكملي ماما القصة؟ ..(خوناتها عندها) لا لاا صافي خليها انا غنكملها ماما كتبغيني انا نقولها ليها ياك اماما..

تلفتاات فيها بابتسامة وهي حركات رااسها بهدوء مبسمة وتسنيم حطات القصة وخرجات كتجري لبراا فحين كنزة ناضت من لرض وتمشات بشوية حدا اسمااء ...اللي ايلا شافها البعييد مايقولش هي....من وردة مفتحة لوريدة دابلة على الفرااش..فين الشعر الكحل المسمسب وراهاا كاملو طايح لدرجو راسها بحالت فيه تونية كلو خاوي عينيها ضعافت والحجبان مع الشفراان تنتفو بحالا عمرهم كااانو خدودها العامرين دخلو حتى ترسم فكها بحال شي هيكل عضمي ضعافت بحال شي رييشة خفييفة..ريشة ساقطة من الشجر فجو الخرييف هكاك كانت اسماء...كترمش بشويا بشويا وغير ساااهية وتبسيمة مكتخطاش فمها رغم الحرييق اللي هالك جسدها ولفاات علييه ومابقاتش كيحرقها كيف لول ولا عندها يوومي حتى ولفاتو و ولا جزء منها...جلسات كنزة على ركابيها وتقابلت معاها فالجلسة مبسمة خافية حزنها واخا عيونها كانو فاضحينها..

كنزة:صبااح الخيير يا اجمل اخت...شحال فيقت فيك صباح مابغيتيش تفيقي ليا وانا نخرج كي صبحتي شوية..!

حركات ليها رااسها بايجاب مبسمة ليها وكنزة كملات بضجييكة..

كنزة:خباار الخيير جااايبة لييك..خباار غتعجببك..عرفتي شكون دوا معاياا الباارح ..تخايلي شكوون..المحامي..المجامي دياالك..

جمعات اسماء تبسمبمة كتشوف فيها مركزة معاها وكنزة كملات بحمااس..

كنزة : اخييرا جاء الفرج وتحكم على ناصر عرفتي كون ماكانو الادلة اللي فتيليفون وكلام تسنيم اللي قالت لييهم وزيدي عليها حتى التحاليل وشهود الجيران اللي معاك يطواال الحكم ولكن دبا قاليا كلشي ضددو حكمو علييه دغيااا خمس سنيين مجبببدة..

تصدماات اسماء بقات غير كتشوف فيها وتستوعب هادشي اللي قالت ليها وكنزة بفرحة كتعاود ليها كيفاش خرج الحكم واشنو داارو..

كنزة:عندو الزهر ناض داك الراجلمسكين من الكومة عرفتي طون مات عمرو باقي يخرج من الحبيبيس ولا يشوف الضو عندو زهر ياااختي..

اسماء بصوت ضعيف كيتقطع : ا..ان..ا اناا مس مسامحة ليه....مسا مسامحة ليه ق قلت ليك لغي ا الدعوة علاش خلي خليتيها..

كنزة:لاا خلييتها علاش نلغيها لييه يرجع يدير ما كفس منها وحنى ما قلنت هاد ست شهر تهنيينا منو نزيدو نخرجوه تاني علييه يساااتخل لمو ماكرهتش ليه واحد العشر سنيين خمسة وقلييلة فحقو..

اسماء: م مسا مساامحة ليه..ا انا مسامحة ليه دن دنيا واخرة ا الله الله ياخد الحق..م مابغيتش ن نشوفو عند الله..م مابغيتش نت نتسامح انا وياه عندو..انا مسامحة ليه....

كنزة سداات عينيها مزييرة وصدرها مقبوط عليها مامتقبلاش كلام اسماء اللي ديما فيه غير الموت والمسامحة مع الناس..

كنزة : واخا نبغيو نزلوها حنا القانون ماغيسمحش لييه على اللي دار فيك زادو التصاور غرقوه كثر تباات عليه الجريمة واخا نتي تقولي العكس تصااور دارهم بايديهم وبايديه خرج على رااسو واخا كاع تسامحي ليه وتنكري غرق راسو بايديه حنى مادرنا واالو..قالها ليا المحامي البارح وص .....صونيت على محمد

على دكر اسمو علات فيها اسماء دغيا عينيها..عيون كلهم اشتياق ورغبة للكلام مرة اخرى..ولول غير السلااام متلهههفة ومحتاجة غير كلمة تسمعها من صوتو وتريح رغبتها الكبيرة بيه وكنزة كتشوف فيها بحسرة..طول هاد المدة تقطع الاتصال بخطرة مع محمد وحتى المحكمى اللي ممكن يتلاقو فيها و كانت اخر جلسة وضروري من ضروري اسماء فعلا مشات للمحكمة ولكن للاسف محمد كان غايب وصل المهدي للمطار اخر لحظة اللي رجع فيها لقاهم مشاو وسالات الجلسة ديالهم حتى اتصال ماكيجمع بيناتهم حتى تيليفون اسماء اللي ممكن يهضرو فيه من نهار مرضات حيداتو ومابقاتش كاع كترد ليه البال حتى كفى على خاطرو وبقى هكاك مليوح طافي غير كنزة اللي مرة مرة كتهضر مع المحامي ومرات قلاال مزاال كتهضر مع محمد ولكم ملي شافتو ماكيسولش فيها ماكتبغيش تقولها ليها وتزيد على ما بيها...

بنفس الصوت الضعييف معلية فيها عينيها بحمااس مبسمة..

اسماء: د دو دويتي م معاه..

كنزة باسف حدرات راسها: لاا مكيجاوبش..صونيت ليه من نمرة دالكلينيك وقالت ليا الفرملية داخل لعملية حد الان ماعاودش صونيت ليه كون بغى يعرف علاش كنعيط ليه كون رجع صونى بغيت غير نقول ليه على الحكم ولكن بحال والو غيكون عرف من المحامي...

هاد الاخير اللي كان مرة اخرى طالع من بيتو فالدروج كيحك فجبهتو بقلة صبر وهو كيسمع فغوات الحاجة من الفوق علييه...دخل عندها لبيت خديجة فين كانت جالسة

الحاحة:صباح الخير اوليدي ياكما فيقتك..

محمد :كنت فايق..ااش كاين الحاجة مالك..

الحاجة:لا اوليدي ماكين بااس اجي جلس حديا(جلس حداها) مالك احنيني غي شاد فراسك عاطيك صداع يامكا ماناعسش مزياان...

محمد:لا لا مزياان..كي صبحتي شووية الواليد خرج

الحاحة:ممم خرج صباح عندو شي حد ليوم جاي عندو على قبل شي رقية متبع معاه الله يحد الباس ..شوف شوف اش لقييت (وراتو الزيف) عرفتي هادا دياالمن..

محمد بسخرية ضحك: باش غنعرف انا...

الحاحة:لا زعماكيناات لاتكون عاقل..هذا دياال اسماء لقيتو عاد دابا ورا الكوافوز طاايح ههه وانا نتفكرها قلت والله حتى نصوني ليها ساعة نمرتها ماشدااتش ليا عيط شوف نتا لاشدات ليك الله يرضي عليك..

شاف فيها مطول كيحك فشعرو ويتنننهد لحظة خلاتو يسترجع دكريااات عدييدة وكبييرة شهور وهو مضارب نفسو يتناساها وفي لحظة وغير بدكر اسمها تكبو عليه كاامليين على شكل احداث بين عينيه...وقال

محمد : عندي نمرة ختها تهضري معاها..

الحاجة:كنزة اييه اييه اراها ندوي معاها شدها ليا..

حرك راسو وصرح رجليه جبد تيليفون كيقلب على نمرة كنزها لقاها مصونية ليه وهو يقرن حجبانو وصونى ليها وحط تيليفون على ودنييه كيتسناها ترد..

اسماء: د دو دويتي م معاه..

كنزة باسف حدرات راسها: لاا مكيجاوبش..صونيت ليه من نمرة دالكلينيك وقالت ليا الفرملية داخل لعملية حد الان ماعاودش صونيت ليه كون بغى يعرف علاش كنعيط ليه كون رجع صونى بغيت غير نقول ليه على الحكم ولكن بحال والو غيكون عرف من المحامي...

اسماء بصوت متقطع : م ما سولش فيا ع عارفني مريضة ماسولش فيا ...ماقالش علاش... مكنمشيش المحكمة

كنزة :ماتلوميهش ا اسما علم الله حتى هو بحالو وماخباروش مكنضنش يكون عارف مناش ماهضرنا معاه باش غيعرف اشنو بييك وكاع يكون عارف اشنو غيزيدك ولا ينقصك غيشافييك ولا يزيد يمرضك ماعندو مايدير لييك التيقار حسن... عاوننا على ناصر الله يجازيه بالخيير حيديه من راسك..

اسماء : م مابغانيش ندير لصا..حبو..لصاحبو.. ديك الفضيحة

تنهدااات كنزة كيف العادة مرجعة لوم عليهم ماتخليهاش تندم وتزير على راسها..

كنزة:ضرباتو نفس عليه صافي خلييه يعطيك غير تيقار هو ويااه ماتقلقييش رااسك نتي درتي خو فعلو هو جبدك ونتي رديتي عليه واي وحدة فبلاصتك غدير نفس الحاجة حيت ماضحكش عليك غير نتي ولا ديك البنت علم الله شحال من وحدة من غيركم ضحك عليها غير نتي لقاك فايقة معاه( حسات على تيليفونها كيصوني وهي تشوف فيه غير شافت نمرتو خرجات عينييها مارعفاتوش واش كيتصنت عليهاا ولا شنو غير حبداتو صونى...وهي طفيه دغيا مابغاتش تجاوبو قدامها)

اسماء: ش شكون..جاوبي..

كنزة:غير واحد البنت..مشيت ص صباح لمكناس حيت واحد الراقي كيعاودو علييه زوين خليتو لتحث مع هشام شوية ويطلع هو وياه خليتو كيهضر معاه عليك نييت

اسماء:شك شكون هذا

كنزة : قرييب من هنا كيسكن نيت فكازة كنت خديت من عندو رونديفو غير فالفيسبوك....رونديفو غير باش نهضر معاه حتى خرج ليا عاد عطاوني نمرة وصونيت لبيه وقال ليا مسافر فالمكناس وماعندو كيف يديير يجي طلبتو حتى عييت طلع ولد الناس مسكين واحد الراجل كبيير ماخسرش ليا قالياا نشد الكار نجي قلت ليه انا نجي نجيييبك غير جي ليا ومشيت جبتو انا وهشام

اسماء:عدبتك معاياا..س سمحي ليا ماتبقايش تجهدي على راسك اش داك تالتما راني عارفة حتى هو ماعندو مايديير كيف اللي مشاو قبلو وكلت امري ل بالله اختي دع دعي معايا بحسن الخاتمة مانتعدب مانعدبكم..

كنزة بزعفة بلعات غصتها : ماتقولييش هكااك عفااك مت غير سكتي اسما كتمرضيني بهضرتك غتولي شويا دابا ربي يشوف من حاالك فيين باغة تمشي لمن غتخلي ديك البنية لمن غتخلي تسنييم قوي رااسك عفااك على قبلها قوي رااسك

اسماء: بن بنتي عند خالتها بحالي بحاالها كي هزيتيني غتهزييهاا

كنزة : قول اعوود بالله ...صافي اسماا برااكة من الهضرة الخاوية بنتتك نتي هادييك نتي اللي غتكبرييها ماشي اناا براكة طيبتيني بهاد الهضرة..واخا نعرف نعرف نتساراا بيك العالم كامل ومانخلييكش ضيعي ربي واقف وموقيني (دمعو عينيها)والله اختي بعد مراات كنطييح ونستسلم وندوخ ماكنعرف مانقدم ولا نوخر وسبحان الله ربي كنحس بيه بحالا كيعطيني شي اشاارة وكنوض تاني كنحس بيه كيعطيني طريق وكيقول ليا قريب طريق الفرج...عاونينا حتى نتي وصفي نيتك من الافكار السلبية كلما وهمتي راسك بالمرض كلما طحتي كثر...

اسماء: ر ربي كبيير ايلا ك كانت جاية من عندو مرحبا بيها راضية بيه وايلا كانت من العبد لا سماحة ليه..لا سماحة حتى لعندو.. عط عطيني ي نشرب..

قفزات من قدامها جابت ليها قرعة دالما اللي مكيخطاش منها ماء دالرقية الشرعية جلسات حداها وكعدات ليها راسها بشويا وبدات كتشرقها غير بالمهل حتى حركات ليها بايديها براكة وهي ترجعها كي كانت..

كنزة:نجيب ليك تفطري شنو تشهيتي وجدات ليك ماما الفطور ولكن ايلا تشهيتي شي حاجة نجيبها ليك

اسماء: حتى يمشي الراقي..

كنزة:كولي غير شي حاجة لاتولي تسخفي تاني على الجوع.... نجيب ليك الكريب جبتو داك نهار وعجبك راه باقي نجيبو ليك خفييف مايتقلش عليك غير دوقيه..

اسماء:واخا..

خرجات كنزة من الكوزينة هازة تيليفون بين ايديها عيطات على الحاجة للكوزينة علماتها تقاد لاسماء ليكريب ديالها وخرجات قدام االباب عاد شعلات التيليفون لقات جوج ابيلات من عند محمد...تنهدات ودوزات نمرتو..

الحاجة:مجاوباتش حتى هي..

محمد:لا ماكتجاوبش...

الحاجة : ياكما كاين باس..

علا شفايفو بعدم فهم حتى بانت ليه كتصونيي..

محمد:هاهي كتصوني..(دوز الخط)

كنزة:آلوو..

محمد : كنزة بخيير..

كنزة : الحمد الله اخويا ونتا لبااس شوية..

محمد:الحمد الله..كلشي مزياان تسنيم بخير مع القراية بدات !

كنزة:بدات هه فرحانة عجباتها المدرسة هه

محمد : الحمد الله هه..الحاجة بغات تدوي معاك ايلا كنتي مسالية..

كنزة : مرحبا عطيني نهضر معاها....حدااك ؟

عطى للحاجة تيليفون وبقى حداها مابغاش يمشي...

الحاجة:آلوو..الو كنزة

كنزة:الحااجة كيديراا لبااس علييك

الحاجة:الحمد الله ابنيتي كديرين نتوما والحاجة ماماك واسماء وبنيتها كلكم كيدارين

كنزة : الحمد الله الحاجة على كل حاال الحمد الله..

الحاجة : الحمد الله ابنيتي ....اسماء حدااك على صباح تفكرتها قلت والله حتى نصوني علييها دوزيها ليا ايلا كانت فالدار ندوي معاهاا شحال توحشت ندي ونيجب معاها فالهضرة هههه تا هي العفريتة ايلا ماسولت فيها ماتسولش فياا..

كنزة : غ غير عيانة شوية الحاجة مابقاتش كتخدم بتيليفونها داكشي علاش

الحاجة:يااكما كاين باس ديك نهار لقيتها عياانة ياكما تزاد عليها الحال...

كنزة:ااش غنقوليك الحاجة....(بعد صمت)دعي معاها..فصلاتك تفكري ختي الحاجة ودعي معاها الله يجازيك بالخير هادشي اللي غنقوول..

الحاجة:الله ياربي...خلعيتيني ابنتي قولي ليا غير اش عندها ياكما الحريق ديال الراس تزاد علها الحال تبع غير دوا ربي يشاافيها غير دواا

تلفت عندها محمد واشار ليها تعطيه تيليفون وهي تمدوو ليه دار هوتباغلوغ دغيا كيسمع معاها فكنزة تنهدااات بصوت مرتاافع..

الحاحة:سمعتيني ابنيتي غيير دوا وكون غير جتت عند محمد لكلينيك مزال تما يقولو ااش عندها طبة تبارك الله علبيهم تما يفليوها من ساس للرااس اللي كاينة يقولوها لا زيادة ولا نقصان

كنزة : ما قالو لينا والو الحاجة....كل واحد اشنو كيقول ماخللينا كلينيك ما خلينا طبة على النواع وكلا وكلامو تاحد ماطاح لينا على شنو عندها...اخر واحد مشينا عندو قالينا عندها البرودة هي اللي شللاتها ولكن ما(قاطعتها الحاجة مفزوعة شدات على صدرها ومحمد حيد ليها تيليفون)

الحاجة: الله واااكبر حسبيا الله ونعمة الوكيييل

محمد : من امتى هاادشي كيفااش تشلات ؟؟

كنزة تلفات ماسحابليهاش كيتصنت : مءء م ن نقوليك د تقريبا شي سبع شهر دابا ولا ستة والله ماعرفت من..من شحال هذا من صيف العام اللي فات وهي على حالها ماعرفناهاا مالهاا درنا جههد كلوو وعلى حالها بااقة دعي معاها الحاجة ماتنساايش ختي فدعااك الله يجازيك بتلخيير غير دعييو معاها

الحاجة:لاا حولة ولا قوة ايلا بالله...حسبياا الله ونعمة الوكييل حسبيا الله ونعمة الوكييل

ناض محمد من حداها شاد تيليفو على ودنييه وااحاحة كانها تصدماات غير دوكك الكلمات اللي كيتردو بين شفايفها..

محمد:كيفاش تشللاات..غير هكااك تاصبحات مشللة ماميكننش شنو وقع واش ماعارفيينش اشنو قالو ليكم !

كنزة : تيق بيا ايلا قلت ليك هادشي اللي كاين حتى صبحات شادة الفراش ماضاراها حتى حاجة من غير حريق الراس اللي كانت كتغوت بييه

محمد : ش شكون هذاا لي مشيتو عندو ...فين مشييتو بالضببط

كنزة :اللي يطيح على باالك وتفكر فييه كون متأكد ميشنا عندو غير فالسيمانة كنوصلوو حتى لعضرة الاطباء وكل واحد وهضرتو

محمد:كلينيك عندي ماجيتووش عمري شفتكم تما..

كنزة :لاا جيت خديت رونديفو وديتها لتما شافها طبيب وااحد سمكن نتا ماكنتيش ماعرفتش..من بعد عطاني ورقة باش نديها لميريزكو قاليا ايغجون مايمكنش نخليوها هنا مابغاوش يشدوها جبتها للدار ميريزكو غيبقاو غير يلعبو فيها الكلينيك مبغاش يشدها ماقى غير داك السبيطار الزحام والمضاربة عليه بلا فايدة...زاد كمل ليها احر واخد مشينا عندو داباا قاليا غير ديوها للدار كيقولها امحمد بواحد الطريقة ديال غير دويها تموت فدواارهم وهي كتسمع كرهاات حسهم شي اطبااء مابقاات باغة تمشي عند تاحد دابا كيجيو عندها غير الرقات حيت واحد الطبيب قالينا تجيبو ليها شي راقي ربما يكون عندها مشكل ماشي عادي وفعلا فاش جبنا راقي غير كيبدا يقراا عليها كطيح وتسخف ماكتعقلش على رااسها (قاطعها بحددة)

محمد : علااش ماكّلتييش لياا هاادشي شحاال هضرنااا علااش ماكّلتييش لياا شكتسنااااي...سكتي الواااليدة خليني نهضر (سكتات الحاجة كتدعي فخاطرها فاش زعف عليها هكاك)...الووو

كنزة داخت : غ غير ماجابتهاش الهضرة بالي كان غير مع الدعوة ديال داك الحيوان ماتفكرتش كاع نقولها لييك حتى ..حتى نتا مافكرتينيش فيها نسييت..ن نخليك دااب الراقي اللي قلت ليه داخل عندها دعي معاهاا انشااء الله يكون خير مورااه..بسلامة

ماخلاتوش يجااوبها وقطعات فوجهو خافت يقول ليها شي كلمة ماتعجبهاش وهو كيشوف فتيليفون ويدوز بايديه على وجهو مزييير حاس بحيوط البيييت دياقو عليه والاوكسيجين قلال بحالا تقطع...كيهز النفس بقوووة بزز مخنوووق غاادي جاي وتيليفون فايديه دااخ وتلللف قلبو كيضرب فودنييه دقات عاليين بدفعة وحددة ماكيسمعش الحاجة اللي شادة على صدرها كتستغفر الله غير طنيين قوي كيضرب فونييه حتى لواحد اللحضة وهو يتلفت بغى يخرج بسرعة..

الحاحة:محمممد ...محمممد (تلفت فيها) فيين غادي..وصلني عندهاا اناا مزاااوكة اناا مزااوكة فييك اوليدي ما وصلني عندهاا الله يرضي علييك..

رجهات كنزة دخلاات للدار لقات الحاجة وجدات ليها ليكريب اللي قالت ليها تقادهم وخداتهم لبيت اسكااء كيف العادة جلساتها حتى وكلااتها ومسحات ليها وبدلاات ليها لباسها بعدما نيطواياتها مزيان بمنديل نقي مخلي فيها ريحة زويينة ونقية كيق العااادة خلاتها كتشعل كلشي مقااد فيها ونقي وريحة زوينة كتطلع منها وشعرها مضفور لوور خصلة ضعيييفة ورقييقة لاحية عليها شد خفييف..

كنزة:صافي اختي ندخلوه..

حركات ليها راسها بايجاب وكنزة تبسمات ليها ونزلات بااست على رااسها مطوولة عاد غطاتها مزيان بقى كيبان غير وجهها عاد خرجات علمات هشام باش يطلع الرااجل والعيالات كلهم دخلو لواحد صالة اخرى ونزلو عليهم الخامية وحتى كنزة معاهم غير تيليفون فايديها لي كيعلمها فيه هشام اشنو كاين ولا فين وصلو...

فحين اسماء فالبييت متكية كيف خلاتها كنزة حتى تفتح عليها الباب ودخل منو راجل كبيير بالفوقية زيتية وطاقية على رااسو لابس النضاضر والبلغة فرجليه سمى الله ودخل كيشوف فيها مبسم والنور كيضرب فوجهو واسمتء حتى هي مبسمة بتعب وبفقدان امل كيف هاد الفقيه كيف واحد اخر كلهم كيجيوها غيير زوار خفاف وغيمشييو..

قرب عندها بخطوات هاادئين جلس جنبها فوق واحد الكرسي بابتسامة ولهجة مرحة كيهضر معاها..

_لباس ابنتي..

وسعات تبسييمة عرييضة واضحة من عينيها وحركات راسها بايجااب بدون بكاء وبدون تألم غير كتشوف مبسمة يحال شي وحدة ياائسة ورغم كلشي مبسمة كتسنى غير اللحظة اللي غتقابل فيها خلقها... بنضرات كتشوف فيها حسها كتقول ليه يلاه بدا قول اش عندك حتى نتا غير غضيع غير الوقت عارفة نهاية قرايتو عليها شنو غتكون وهي ماغتعقل على راسها جتى تفيق ويوقولو ليها تاني مشى....وهو كيشوف فيها بحسرة بقات فيه فلخر تنههد وحدر رااسو..

_قالو ليا على برا عندك شي حريق مزال كتحسي بييه اشمن بلاصة كتحسيها كيحرقك...

اسماء بصوت ضعيف : ك كلشي..

_كلشي.. فين بضبط نعتي ليا...

اسماء بصوت متقطع : ك كلشي ..رج رجليا بزاف و كرشي..كرشي كتعطيني الحريق

_ااش سماك الله..

اسماء : اسمااء

_مشاء الله..بنتي اسماء غنقرا عليك شوية ما تيسر من القران كنمنى بادن الله كلنا كنتمناو يكون الحل بادن الله وطبعا العلاج ماكيكون غير بادييه عز وجل...غطيها اولدي بشي ايزار بيض..

هشام:واخا مرحباا..كنزاا كنزاا اري شي ايزاار بيض

كنزة:راه كااين تما هز راسك فوق الماريو..

تعلات جبدو ومدو للفقيه لاحو عليها غطاها غير من الفووق ورجع جلس فبلاصتو وحط ايديه فوق راسها على جبهتها بالضبط..ككح مسرح صوتو وقال بصوت...

_بسم الله الرحمان الرحييم... إِنَّهُ مِنْ سُلَيْمَانَ وَإِنَّهُ بِسْمِ اللَّهِ الرَّحْمَنِ الرَّحِيمِ أَلا تَعْلُوا عَلَيَّ وَأْتُونِي مُسْلِمِينَ... إِنَّهُ مِنْ سُلَيْمَانَ وَإِنَّهُ بِسْمِ اللَّهِ الرَّحْمَنِ الرَّحِيمِ أَلا تَعْلُوا عَلَيَّ وَأْتُونِي مُسْلِمِينَ.... إِنَّهُ مِنْ سُلَيْمَانَ وَإِنَّهُ بِسْمِ اللَّهِ الرَّحْمَنِ الرَّحِيمِ أَلا تَعْلُوا عَلَيَّ وَأْتُونِي مُسْلِمِينَ...

غمضاات عينيها اسماء كتصنت ليييه وهو كيجود بصوت هااادئ ومريييح صوتو عال بلا مكبر حتى بدا كيطبطب على رااسها بشويا معلي صوتو طثر....

_اصعد بادن الله...اصدع بادن الله...اصعد بادن الله( بتجويد)اينما تكونو يأتي بكم الله جميعا....اينما تكونو يأتي بكم الله جميعا....اينما تكونو يأتي بكم الله جميعا....اينما تكونو يأتي بكم الله جميعا( كيطبطب على رااسها بسررعة وهي مغمضة عينييهااا بشوياا وبهدووء كتحرك رااسها يميين وشماال وصدرهاا بدا كيطلع وينزززل ورااسها كيتحرك بحالا باغاه يحيد ايديه من فوق راسها وهو شاد عليه ماطلقهاش غير شاافها هكاك وهو يوقف على طولتو ضاغك على راسها بجهههد وهي كتحركو بسرررعة )

_اينما تكونو يأتي بكم الله جميعا....اينما تكونو يأتي بكم الله جميعا.....اينما تكونو يأتي بكم الله جميعا......اينما تكونو يأتي بكم الله جميعا....اينما تكونو يأتي بكم الله جميعا...ان الله على كل شيى قديير...ان الله على كل شيى قدييير...اينما تكونو فليتاي بكم الله جمييعااا...اينما تكونو فلياتي الله بكم جمييعاا

منتحت ايديه ولات اسماء كتطلع وتنزل وتنهج بقوووة كبيييرة جسمها كلو كيتحرررك ويتهزز ويتحححط وهو كيكرر كلامو بصوت مرتااافع..

ل واحد اللحظة....توقفااات اسماء من الحرركة..ميلات رااسها لحيهة وحدة وارتاح صدرها مابقات لا كتنهج لا كتحرك وهو يسككت كيشوف ويحقق فيها بانت ليه قطعات الحس بحالا غيبات...حتى تلفت عند هشام....

هشام : غيباات..هادي هي العادة وقتما قرا عليها شي حد فنص القراءة كتسخف..ماكتخلييهش لا يهضر معاها ولا تسمع لييه..

رجع جلس الرااجل شاد تحت دقنو بتخمام وهشام كيشوف فيه..

هشام:ااش بان ليك اسيدي..

_لا حولة ولا قوة ايلا بالله..حسبيا الله ونعمو الوكييل واضح اولدي اش عندها وااضح ولكن العلااج غيكون بادن الله عز وجل..انشااء الله يكون العلااج..

هشام: انشااء الله..

_ماكتفييقش ولا شنو ...شحال كتبقى وشحال من واحد قرا عليهاا..

هشام:اش غنقول ليك كل مرة كنجيبو واحد والله مانعرف نحسب ليك واللي كيقرا عليها هكااك كتخسخف لييه ...لاا متبقى هكاك سخفانة حتى كتنوض على خاطرها واخا نفيقوها تانعياو كتبقى هكااك حتى كتفييق بوحدها..

_لا حولة ولا قوة ايلا بالله لت حولة ولا قوة ايلا بالله..خاصك تعرف هزما بهاد اللحظة بالذات كيطلعو وحيت يمكن على حسب معرفتي كيعرفوها تقدر تهضر وتفضحهم كيسكتوها ولا كيسخفوها باش مايهضرو معايا عن طريقها..

هشام:شنو غنديرو ماكينااش شي طريقة اشنو بان لييك..

بعد لحضاات خرج هشام من البيت وداك الفقييه قداموو لقاو كنزة فوجهم بفضول كتسول والحاجة حداها..

هشام : كي العااادة قرا عليهاا شوية سخفاات ماخلاتوش حتى يكمل معاها...

_انشاء الله دويت مع هاد الراجل كااين العلااج بادن الله خليو تقتكم بالله فيه كاين العلاج زانا معاها حتى ترجع لييكم الله يوفقنا والله يشوف من حالها...

الحاحة:الله يجازييك بالخيير اسيدي الله يحازييك بالخيير..

حدر راسو الفقيه نزل مع الدروج وهشام قرب للحاجة بهمس..

هشام:اش غندير مع سيد دابا باغي يهضر مع شي حد علاما فااقت وغيطلع عندها تاني..سيد محمر وباغي يبقى على رااسها حتى يشوف اش عندها....جبدي الواليدة لاعندك شي فلوس حتى ايلا لقينا شي فائدة نعطيوه تحمييرة الوجه..

الحاجة: اويلييي وعشرين الفرياال لي عطييتك لبارح

هشام:فينااهي عشريين الفريال كنقدي بيها من هنا ولهييه فيين غتقدي ليااا ...تئ انا جاي اسي الفقييه هانا ورااك..

نزل تبع لفقييه كيجري وكنزة دخلات عند اسماء...

ماشي مدة طوييلة حتى وقفات طوموبيل دمحمد باب الدار المحلول...وحلات الحاجة البااب دطوموبيل هي لولاا نزلات وخديجة نزلات من لباب لوور هازة جوج ميكات كبار فايدييها كحلبيين مكيبانش اشنو فيييهم ومشاو طالعين سبقو محمد...

هاد الاخير اللي سكت طوموييل بقى جالس فيها وعينيه على الدار كيتنهد مطوول وحدة مورا وحدة حركاتو تقييلة ماقدرش ينزل وماقدرش حتى يبقى جالس فالاخر حل الباب بهدووء ونزل مشى غيدخل حتى كيسمع شي حد كيعيط علييه وتلفت فييه هاز حجاانو غير شافو ترخفوو ملامحو المعصبة وتبشر...

محمد:الحااج !

نفس لفقييه اللي كان مع اسماء لفوق بابتسامة نزل من الطوموبيل اللي كانت واقفة امام دمحمد نيشان.. نزل منها جاي لعندو حتى وصل لييه ومد ليه ايديه سلم علييه سلام رجولي وسلم حتى على هشام..

_اهلااا اهلاا نهار كبيير هذااا ا هاد الغبوور اولدي غبرتي تا تبدلتي هه

محمد:الحمد الله الحاج لبااس صحيحة مزياانةار هاانين

_الحمد الله اولدي الحمد الله الحاجة والحاج لباس علييه مبروك الجوااج ومادرتي بالرفااه والبنيين

محمد:الله يبارك فييك الله يطول عمرك..

_ عيط ليا الحاجزولكن اولدي راك عارف الحاجة خالتك شوية عياانة ماسبتش نجي...ااش كدير هنا..!

محمد: جبت غير الواليدة تشوف (شاف فهشام عرفو خوها وكمل) شي سيدة عيانة شوية هنا..

_ااه اسماء..اسماء على قبلها جيت حتى انا نيت هنا بالمناسبة هذا هشام خوها..

محمد:متشرفيين ..

هشام:الشرف ليا اخويا دخلو ماتببقاوش فالشاارع مرحبا دخلوو..

يتبع...