حمام الخلا الجزء 14

مرة تانية عند باب الطوموبيل رجع محمد والحاج وهو كل مرة يتلفت يشوف فباب الدار واش شي حد غيخرج لكن ما بان ليه حتى حد خاصة ملي كيطلع عينيه ويشوف لجيهة الشراجم المسدودة..وهو ينطق محمد

محمد : مكاين حتى حد..مادويتيش معاه قبل مانجييو..!

الحاج : ولكن قلتي ليا نتا غتكلف انا ماتاصلتش بيييه..

محمد : جينا بلامانعلمو اداً (تنننهد) حيت نتا كتجي ديما دكشي باش قلت انا نتكلف بالباقي (شاف فباه حتى هو كيتنهد كانه هو اللي غالط وهو يحط ايديه على كتفو) مادييرش فبالك الحاج ماكاين باس مامكتاباش

الحاج باسف : انا قلتي ليا نتا غتكلف قلت راه دويتي مع السي عبد المتقي..

محمد : مامكتاباش الحاج...يمكن جينا معطلين....ماكاين باس يلاه نمشيو..

دار من جيهة لهيه طلع وحتى الحاج ركب جنبو وزااد مشى مع الطريييق ومحمد مرة مرة كيشوف فباه حاسو انه كيفكر هو السبب تنهد مرة اخرى ورجع قال..

محمد : مامكتابش الواليد نسى ماتبقاش تفكر ..جينا معطليين وماعلمناش على العموم مامكتباش...بغيت نرتاح من هاد الجيهة قبل مايمشيو ولكن مامكتابش هانية ماشي اول مرة تعكس من هاد جيهة حاجة عاادية...

الحاج تنههد مطول : مابانش ليا اولدي فهاد التجرجير وتانتا بالك مامرتاحش فك امورك مع مرتك وشوف اشمن طريق غتسلك معاها

محمد : عارف هادشي نيت اللي ناوي دير جيت هنا غير باش ندخل للسي عيد المتقي الفكرة فبللو لا غير وكنت غنخلي الموضوع بيناتنا داكشي علاش مابغيتش نعلم الواليدة حيت غير غتعرف غتولي تخطط وتبني بوحدها وانا هادشي اللي مابغاييش...كنت ناوي نخلي الموضوع بيناتنا معك ومع الاب ديالها لا هي غتعرف لا حتى حد ....لحد الان انا ماضامنوش يقبل مهم الهضرة تكون فباالو... بخصووص اسراء طريقي وااضحة معاها الواليد مانزيدوش نتحاكو مع عائلتها كثر ملي كيتبطل الاحترام مابقاتش الهضرة بيناتنا..

الحاج : ضروري اولدي من المشااكل...عارف واحد القضية الفرق مابين الدار والبيت...الدار اولدي غير حيوط ودايرة ومبينة بحال شي دار مهجورة هكااك ماافيها حياة ولكن البيت اولدي هو اللي كتكون فيه الحيااة كيكون عندو روح كيكونو ساكنينو ناس عائلة الله يجعلهم يكونو حتى عشرين خلق كيبقى بيت وفيه حياة هادو المشااكل اللي مكتبغييهمش نتا وداك الصدااع والهضرة ودخل خرج راه هاديك هي الحيااة وهاداك هو منعش الحياة فهمتيني..

حرك راسو محمد بايجاب والحاج كمل..

الحاج :دابا نتا مابغيش المشاكل مع مرتك مايمكنش شتي واخا مانعرف اولدي شكون تجيب الله يجعلك تختارها اميييرة من بين كاع الخلق وغيتخلق ليك معاها مشاكل العقول عمرها تشارك وعمر تلافكار توحد وضروي كل واحد ورأيو خير مثال انا والحاجة مك شحال من سنة وحنا تحت صقف ديك الدار...عشنا مشكل واحد ولا جووج..انا والحاجة راه العمر كلو داز مشااكل ورغم ذلك مزال الدوام والاستمراارية ...

محمد : فاهمك الواليد عارف هادشي اللي كتول مزيااان المشكلة داباا نتا كتقارن ليا مابين الواليدة واسراء...الواليدة كانت معااك الواليد فصفك نتا رغم كل المشاكل اللي دازو ونهار عائلتها عرفو بانها تزوجاات بييك وضارت الهضرة راها تزوحات بفقييه مارحموهاش والهضرة كتراات اشنو كيقولو تظوحان ارهاابي نهار لخر يقتلها كاينة ولا لا الواليدة هادشي كامل انا عارفو وسامعو ولكن الواليدة اشنو داارت وااقفة فجنبك ومكبرة بييك وسمحات فالهضرة كاملة وتبعاتك

الحاج : ايييه و واحد المرة بااقي نعقل نهار مشيت لداارهم ديك ساعة مكانتش كتدوي معاهم ملي طلقاات واليديها مابغاوش ليها الطلاق وسمحو فيها ولكن انا نهار عرفتها بغيت نمشي عند واليدها ونتبعو الاصول ونطلبوها هلى سنة الله ورسوله...جرا عليا ههه والله العضيم اولدي مابغانيش ليها ماعرفتش واش كانو باغين يرجعو للسيد لول ولا مافهمتش...

محمد : هاحنا غنرجعو لنفس الهضرة اللي قلت ليك و واخا هادشي كامل تبعاتك نتا حيت عارفة مصلاحتها فين وعارفة هي اشنو باغة وحتى نتا اشن و درتي نهار عرفو الخبار وجادة(عائلة الحاج) غتزوج مطلقة نااض الصدااع و وليتو فالقتيلة والفردي هزو جدي عليك فوجهك وماخليتيهاش..ماسمحتيش فيعا علاش حيت ضحات معااك وغامرت وعارف رااسك علامن حتى نتا غتغامر...وحدة متستاهل...واش الواليد هادي اللي سبع الشهر والله تعالى شاهد كنحدرها ما مرة ماجوج تحيد داك المؤض عليها ماتشربوش وكنعاود نرجع كنلقاها كتشربو...ماقلبتو ليها مرة ما جوج ما قصحت معاها الهضرة مرة ولاا جوج واالو ديك ساعة كتقول ليا واخا كلامك هو الكبير غير كتهضر مع مها ولا ختها كنعرف كلامي دخل من ودن وخرج من تانية..الواليد كنحس بييهم كيفورماطيها كتكون وجدة غير كتهضر معاهم كتولي وحدى اخرى...وهانية كنقول ماشي مشكل بنت دارهم وكابرة وسط عائلتها مافايتش عليها تحاكت فشي خدمة اولاا قراية عادي تكون كتشارك امرها مع عائلتها ماشي مشكل ولكن ملي وصلنا لمسأل العشوب والصحة طلعات ليا الدم مانكدبش علييك اعدى حاجة عندي الانسان اللي كيتعدا على صحتو الوالييد...

الحاج غير كيسمع لييه كيف موالف وحتى محمد كيهضر بكل ارييحية حيت تقريبا الحاج باه اللي كيحس بيه كيفهمو وكيحكي ليه بكل رااحة حيت عارف فالاخر كيجيه نيشان يا بالنصيحة ولا باللوم..

محمد : ندوز هادشي كاامل شي حوايج الواليد مافييهم مايتدكر ماعندي مانقول فييهم...انا عمري حسييت براسي مزوج ماقلت حتى حاجة على العشوب اللي كانت كتشرب و الولد اللي طيحات ماقلت حتى كلمة يكفي راها امرة واونجينيغال كتبقى ام يكفي الضيم الي غيطيح عليها من جيهتو مانزديش نكمل عليها بكلاامي نكمدها والله يعوضنا بييه خير فلخر باش تجي وتلوح اللومة كلها على الواليدة...انا مكندويش على راسي شتي غير تسب حيت حتى كلمة كتخرج من فمها ماغندوزها ليها على خير واخا كاع ترجع ولكن الوالييدة لا...راسي ماكنرحموش نهار كنزعف عليها عساك واحد اخر كيفما بغا يكون نوعو مانعقلش عليه ايلا نزلت دمعة وحدة منها...والمشكلة مطيحة عليها الباااطل تقدر تسيفطها للحبس بالهضرة اللي كتقوب...رااه فيه القتل هاداك ماشي اللعب وهي متقول قتلاات ليا ولدي بالعشوب اللي عطاتني واش كون تسمعات هاد الهضرة ووصلات المخزن ماغنوليوش فالتجرجير دياال بصح وتولي الوالييدة فاخر ايامها غادين بيها فالسطافييط وانا كنشوف شكون تكون هاد بنت المراة اللي تبيتها ليا انا تمااا...

الحاج : غالطة اولدي البنية غالطة ماقلناش العكس وليني حتى الحاجة مك غلطات ااش داها تشري ليها شي عشوب ولا العجب الكحل تلفاتهم ليها تطلب السماحة وتخليها منها للمها....

محمد : الواليد مابززاتش عليها تشربهم ملي هي الواليد اللي وشراتهم ليها وعطاتهم ليها عندها الاختياااااار ايلا بغات تشربهم ولا تلوحهم راه بعقلها و واعية وعاقلة ماشي مراهقة تمشيها على كيفها...واصلة ل لاج اللي غتفكر بعقلها ماشي يفكر واحد اخر فبلاصتها الواليدو صححات الغلط ديالها وشراتو ليها باش تكفر عليه تقوليها االالة شكرا وتلوحهم ملي ماتايقاش فييها ومريضنا ماعندو بااس...ملي جينا نشوفو لقينا مها حتى هي مسيفطة ليها وحدين اخرين قات ليها الواليدة خلطيهم كلشي وشربييه وحتى هي خطاتو وشرباتو واش هادي بعقلها غير خلط وشرب فينما جات وسير نتا امحمد هضر تاتعيى هضرتي كتدخل من ودن وتخرج من لاخراا....

محمد : شتي لوكان غير مثلا الواليدة ديالها اللي تناقشت مع الوالييدة وتبدالو الباطل بيناتهم وهي تسمات ماتدافعش على مي غير تخليها منها للمها ديك ساعة غنلقى مانقول حيت مرتي فجنبي فعوض ماغير تابعة مها وعلامن ما حطات الباطل كتبعها فييه هاانية هادشي كامل.... ندوزو ونخليها حدايا مانمحسش فيها حيت حتى هي عاملتني بالمثل وبرب العالي الواااليد اللي خلقني وخلق جميع العباد مانفرط فيها كيفما بغات تكون ونقبلها بكاع اغلااطها حتى حد فينا ما ماكامل وضروري من الغطأ كيوقع...ولكن كتجي تشوف دابا كتلقاها كثر من مهاا سيدة بين ليلة ونهار كنلقاها طلعات كرااد لا مانطلبش السماحة من مك وهي غالطة لاا مانسكنش معاهم وبغيت داري بوحدي لا هادي ولا هادي...زعما تقول ليا مريضة وماندييش عليها وهي مي مارحماتهااش لاا سمح لياا لواليد حتى انا ماغنرحمهاااش...حتى لهنا الواليد والله يجعل البرااكة ماشي حتى نديرو الوليدات ونوليو معدين على راسها وعلييهم حيت اشنو كيوقع بعد هادشي كامل وكن هاد المشاكل غير الولااد اللي كيعاانيو منهم كثر منااالام را كتمشي تزوج والاب كدلك وهوما كيبقااو الوسط...

الحاج :ماعرفت مانقوزليك والله العضيم كلامك كلو على حق مابغيتش لييكم تشتو داك الشمل اللي عاد كيبتنى ..ملي عارف رااسك اولدي من نهار لول ماغتفااهمش معاها و..و(ماعرف كيفاش غينطقها) قادر تختاار اللي تناسب بوحدك مانحطوش ايدينا فهادشي من بول انا فعلمي ماعارف تاوحدة داكشي باش تبعت الحاجة ومشينا نخطبو لييك هاد ابنت..

محمد :كنت باغي نهضر معاااك فهاد اامضووع نييت ملي جدبناه جبدناااه مزياان نييت....خاصك تعرف الواليد هاد فكرة الزواج تاني من الوقت اللي تزوجت باسراء مكاانش فبالي مفايتش ليا فكرت فييه مهم كاينين شي حوايج اللي مخلاونيش نتزوج ب بنت السي عبد المتقي بالضبط .....ولكن علش فكرت فهاد الزواج ...حيت الحاج كنت شااك ش حاجة كتوقع فالدار ماشي تالهييه...

ابحاج :من ناحية ااش..

محمد : ديك المرحلة اللي مرضات فيها كنت كنسمع شي كلام فالدار واخا ماكنحققش فيه ولكن كان كاافي يخليني نشك ..ومن بعد تأكدت..

ابحاج : اهاه فيمن ...

محمد: خوتهااا

الحاج : كون قلتي ليا شيي حد غنبول ليك ان بعد الضن اقم..

حرك اسو بايجاب بعدما فهم انه نفس الفكرة اللي عندو عند الحاج بااه...

محمد : الوقت اللي غيبات فيه اسماء ونطقات باللي كان سبابها فالسحر ولكن حيت عاطين العهد ماينطقوش الاسم اشنو قااالت..

الحاج : دمها..عاقل اولدي عاقل من غير ديك الكلمة نهار فكييت السحور قدام الحاجة المراة ديال عبد المتقي شافتني حتى فكيت الصورة ديال بنتها من كتابة السحر وهداتها لياا كتحقق فيها من بعد هي فاش خرجات وناض صدااع على برا ماعرفتش معامن ولكن من بعد تفهم انه نايض ممع ولادها..

محمد:الكريز اللي وقعات السي عبد المتقي كانت لا من سكر ولا طونسيو كيف قالو ليا هوما شاكين فيه و اخا عرفتهم كدبوو فاش قالو ليا طاح عليه سكر بالخلعة كنت عارفو سامع شي حاجة بيزاغ اللي خلاتو يتصدم ويتسطريسا بديك الطريقة كوميم الواليد واخا نكونو ماكنفهمووش بااين البلان اشنو فييه...

الحاج : عنندك الحق عندك ااحق هادشي نيت اللي باان ليا حتى انا معاااك مارقييتش اولدي واحد ولاا زوج كنسمع شي قصص من عند النااس كتدمع ليا العين معااهم بعد المرات والسحر اللي دار لاسماء وممكن يكون من خوتها ماتعجبت ماتصدمت فييه حيت شفت ماكثر...كان صعييب اولدي صعييب بزاااف تعالج وسط ديك الداار انا راه ماكنتش كاره تجي عندي للمركز ولا حتى الدار غير تبعد من تما وا دايا فهمتك دااكشي باش فكرتي فالزواااج من ناحية تبعدها من دار ومن ناحية(حرك راسو معلي حجبانو ومحمد حركو بحالو)

محمد : هكااك..ولكن سبحان الله فنفس النهار اللي نويت فييه جا الفرج من عندو وكنت ناوي نكمل ولكن هانتا كتشوف اللي كيوقع...داكشي علاش قلت لييك ماتخممش الواليد مامكتاابش ماشي اول مرة كتعكس دنيا هاانية وقتما جا الخير كينفع وايلا كان فيها الخيير سواء نبغي ولا نكره غتصييب..(بعدما سمى الله)وما تشاءون إِلّا أَن يشاء الله رب الْعالمين...

الحاج : صدق الله العضييم ..الله يسر لييك فينما حطيتي ادييك اولدي عارف ايمانك بالله وراسي بلي قسم ليك الله يرضي عليك..

صااق محمد مبااشرة للدار وصل الحاج باه ومشى لكلينيك من تما غارق وسط خدمتو والعكليات الي كيطول فيهم بالسواايع عاد كيقدر يخرج منهم...

دازت مدة طويلة كانت فيها كنزة وصلات لمحطة الاستراااحة...كانت دنيا خاوية شوية بحكم البرد والدخول المدرسي ناس قلاال فيها فرانات طوموبييل وحيديات السمطة ضارت عند باها..

كنزة : بابا قربنا نوصلو مرتااح شوية ..

الحاجة :مرتااح مالو طريق كلها وهو نااعس

كنزة : نزل ليكم زاج شوية بيدما كملنا طريق شمو شوية دالهوااء بلاما تنزلوو لرض فاازكة والشتاء كتنقط..

عبد المتقي : خلبيه غير خليه..

تنهداات كنزة كتشوف فالحاجة وهي كتغمز فيهم تقلب علييه وهو طريق كلها وهو قالب عليهم وجهو مابغايش يساافر غيرا الحاجة مزيراااه مالقى مايقول..

كنزة: انا غنزل نجيب شي حاجة ناكلوها ونكملو شنو تبغييو

الحاجة : اللي جبيتها مزيانة بحال بحااال..

كنزة شافت فاسمااء : يلااه معاياا

الحاجة: كون غي خليتيها جاالسة ناعندها ماظيربراا غير البرد..

اسماء: لا لاا باغة نزل عييت بالجلسة طرييق كااملة..تسنيم فااقت

الحاجة: لا ناعسة غير خليهاا...تانوصلو مسيكينة جاها البرد تخشات فيا ونعساات...

حلات الباب كمزة ونزلات واسماء تابعاهاا خشات ايديها فدراعها ومشااو بشويا داخليين للمحطة وشتيوة خفييفة كتصب عليهم والارض فازكة وريحة الربيع عاااطية..

كنزة تبسمات : عرفتي فاش طتفكرني هاد البلاصة

اسماء: فااش ههه

كنزة: اخر مرة ساافرنا نهار تلاقنيا معومحمد ومرتو هناا هههداك نهار عمرو يتنسى ليا..

اسماء : انا طنت عاقلة عليه غير بالمشاكل كنت شبعاااانة مشاكل ودنيا كجالت فعينياا الحمد الله على كل حااال الحمد الله..

كنزة : ماعاودت قالت ليك الحاجة واالوو

اسماء: لا من لبارح ماهضرت معاها مابغيتش نعيق عليها خلي حتى تصوني ليا هي تقول ليا غير متبعة الاخبار ولا كنسول على ولدها ااش دار خلي حتى تصوني بخاطرها..

كنزة : دابا المشكلة الحاجة درويييشة فوق القياس كاغ والحاج حتى هو ومحمد هاداك مانهضرش علييه ولد ناس ديماواقف معانا اش وصلهم لشي طلاق كافهمتش كون مكان شي مشكل نييت مايوصلووش لييه..

اسماء : يكبر المكشل اكنزة تا يعيى والطلاق كيبقى اااخر حل..هي فالصراحة الله يدير ليهم شي تاولي ديال الخير حيت اختي طلاق صعيييب والله العضيم ايلا صعيب ديك الهضرة اللي كيوقولو يمشي راجل يجيو عشرة ولا طلااق راحة لاهوما طلاق ولا المشااكل..مزال المشاكل راه كيتلقى ليهم الحل قدما طوالو ولكن كلام الناس فالضهر والطعن فالشرف مورا الطلااق والله ماليهم حل واخا تعياي تميكي على هضرة بناادم كتجي فواحد اللحضة كيعطيو شي كلمة عام ونتي تحرقي تحت منهاا ...بلادنا ماشي بلاد حقوق المرأة تاحد ماكيرحم ولسان بناادم كيقطع وكيطعن فضهر ماشي بلماا يعلم داكشي باش كنقوليك طلاق صعيييب وحتى اختيار الراجل المناسب صعب منو....واللي دزت منو مانبغيه لحتى شي بنت ولا انثى يدوز علييه والله...

كنزة : غنقول ليك واخد الكلمة والله اللي ماعرفك خسر ا اسما ماطنقولش هكاا حيت ختي..ولكن وحدة اخرى فبلااصتك تلقايااها دايرة العرس ملي سمعات هاد الخباار...

عكات كنزة الكوموند اللي باغة قدام لاماشين خلصات بلامارك ووقفات كتسناها تخرج..

اسماء : وربي شااهد عليا الله يطيرني على بنتي عمري تمنييت ليهم هاد الحالة.....ماناكرااش نانكظبش عليك محمد كنرتاح معاااه وتمنييتو بالحق قبل مايتزوج قلت ممكن يكون ليا فالمكتاب ولكن نهار تزوج والله العضيم اكنزة ايلا خرجتو من باالي....زعما صاافي داكشي جاا ..كيفاش غنقول ليك... هكااك فهمتي غيير عرفتو تزوج وكتب كتابو مع وحدة اخرى صافي قلت الله يعاونو ويسهل عليهم بجوج مامكتاابش ليا ماشي مشكل يا هو مافيه خير ليا ولا انا ماشي خير لييه وفالاخير المكتابة هي اللي كتوقع...فلول عادي بقى فيا الحال ولكن من بعد صافي مع الوقت غيتنسى وضاربت باش نحيدو ممبالي حيت ماعندييييش الحق نفكر فبه...

كنزة حركان راسها باه : بصح..

اسماء: حيت غير كنتفكر حتى انا واحد الوقت كنت مزوجة فديك الوقت نييت كنتخايل انه شي وحد كتفكر فراجلي وباغاه راه غنبغي نحماااق ديك الوقت ماشي دابا ملي كان ناصر رااجل ماشي كلب الله ياخد فيه الحق..دبك الوقت نحس انه شي وحدة كتميل لراجلي عقلي كيبغي يتزعزع حاجتي كنبغيها لراسي بووحدي ومستحييل تشركني معاه شي وحدة ولو غير بالتفكير ولكن ملي وليت حاسة برااسي ههه كنعيش ايامي لخرا بغيت نشوفو كيفما كام لحال كيبقى عزييز بحال اي واحد كنت عارفة رااسي ايلا شفتو ديك النهار ولا فكرت فيه ديك للحضة ماغنعاودش نفكر فيه ولا نشوفوو حيت غتكون اخر مررة ..

كنزة : هه وابا؟

اسماء : الله يجمع بيناتهم المكتابة عند الله هي اللي كتكووون والطلاق مانبغييه لتابنت المراة كيفما بغات تكون ..

كنزة: ولكن لا سمحي ليا اسماء ايلا كانت هاد المراة عايشة العداب مع راجلها واش تقبل عليه وعلى الدل وتجلس ااه حقا باس ماتسمعش لكلام نااس ويمرضوها فخاطرها مايمكنش تااني..

اسماء: تانا ماقلتش هكاا...بالنسبة ليا انا رااه انا اللي طلبت الطلاق ماشي هو حيييت عبيت ولو كان رجع الزمان نعاود نطلبو حيت اختي لاهوما كلام نااس نصبر لييه ولا العيشة مع ناصر ومو والله العضيم....وتااني المراة قبل ماتزوطج تعرف رااسها فين غتمشي ماشي غير ااه حقاا كنبغيه وتمشي تلوح رااسها معااه مخااطرة غادا فريسك واش تعيش فرحانة ولا قرحاانة...نهار لول يموت المش اخوياا بغيتي مرحباا ها شوروطي ها شرووطي..ديك الساعة راه غتكون كتعرفو مزيااان وتعرف مو وتعرف عائلتو كانت شي مراة اللي تستاهل نعيش معاها تبارك الله كانت شي شحرورة يسكني بوحدي ولا الله يعاون..

كنزة : عندك الحق..

اسماء: داكشي علاش ضرت فماما...ديك قضية شهر اللي قالت ليك مامات خطيبك ماعجبااتنييش حيت ماايمكنش نتوما تلاقيتو يومين يااك مابقيتوش كتهضر حتى تلقايتو صدفة وجا خطبك فسيمانة وفشهر باغي يتزوج بييه ماكتعرفيه ماكتعرفي عائلتو مايمكنش مابغيييتكش تزربي على الاقل واحد تلت شهر ولا ضهرين تعرفييه ويعرفك وتفااهمو وديك ساعة الله يكمل بالخير ماتطولوش فالخطبة حتى تبسال وتقنعو من بعضيااتكم تااني..ااش درتي معك حقاا مارجعتوش هضرتو فهاد الموضوع..

كنزة: فرع ليا رااسي بالهضرة ليل كاامل وهو كيعاود لا نفس الهضرة حتى قطعت عليه وهو يقول ليا ههه صافي اللي بغيتي انا معاط فيه بشويا علييك هههههه خراني بالضحك

اسماء : ردي الباااااال يمشي يشوفك باا كتهضري معاه ولا يحس عليك نهارك مايطلع فييه ضو شفتو هاز شوكة حيت عارفو ساكن هنا وحنا جينا هنا دخلوليه تناوي لرااسو..

طلات كنزة هي لولاا وتبعااتها اسماء عطاتهم يتغدااو وهوما واقفين حتى كملو وجمعو داكشي اللي تقداو لاحوه فالبوبيل عاد كملو الطريييق نيشان للدار اللي كرات كنزة ...حلات ليهم ودخلو كيسقييو عينيهم فيها كبييرة وحدة ولكن واسعة وعرييض بفرااش تقليديي وربعة دالبيوتة كيف قالت كنزة بحال شكل الفيرنة دايرة بيها غيرا الجرظة والربييع اللي يلاه كيطلع وشتييوة متنزل خفييفة مع شميسة مرة مرة كتبااان وقوس قزح كيتشكل منضر غزااال كترتاح ليه النفي بمجرد الشووفة...

الحاج غير شاف الارض والفلااحة بعاد علييه اللي داز من حداه كيسلم علييه حس برااسو فالبلاد عجبو الحاال وارتاح فالدارو عجباتو دنيا وشبك ايديه مورا ضهرو فوق الجلاب غادي جاي علبيهم ويآمر ضااحك وهوما ينقدو وشادين بخاطرو ارا غير يبقى ضااحك ليهم ولا ديك التغوبيشة اللي كيطلق ماكيخلي حتى حد بخاطرو....

خرج براا للجردة كيشووف فالربييع ويقييس فشجر الزييتو خلااهم لداخل كيشوفو فالبيوت ويقلبو فالاتااات والحاجة كتقلب فالفرااش وتعرف نوع الخياطة باش دير بحالها لدارهاا ..قربات اسماء عند كنزة بهمس..

اسماء : بشحال كريتي هادي كبييرة تبارك الله

منزة: عرفتي دياالمن هادي ههه

اسماء : ديالمن..

كنزة : هي ماشي ديالو ولكن تقولي تابعة ليهم ديال عماد قاليا جي الاوطيل قلت ليه لا معايا الدار قاليا جي شوفي واحد دار ايلا عجباتك و وراني هادي مابغاش يتخلص مني المرة ولاا ولكن مابغيتش نجلس فيها بقينا مني منك حتى شد ليا النص مهم مانجلس فيها فاابور..

اسماء: غزاالة صرااحة واش دياا شي حد من عائيلتو

كنزة : لاا راك شفني شجر الزيتون اللي برا وباه قلت لييكم باه عندو وزيناتالزيتون راه ماعندوش غير هاد دار كل ارض باني فيها وحدة ملي كيجيو الفلاحة كيجلسو هنا وعائيلاتهم هناا كيقابلو ليهم الزيتون وشجر وداكشي فهمتي فاابور ماكيتخصلو ما والو حيت كيجلسو هنا فالدار واكلين شااربين خدمتهم هي داك الزيتون يقابلوه وخلاصهم هو هاد دار والماكلة ولشرااب..

اسماء : تبارك الله..

كنزة:ووييه لبااس علييهم هوما عائلة على قدها كلهم كابرين بللزيتون علاش قالت عليهم ماما متوااضعين بزاف خيت غير ولاد البلااد كلهم تقريبا كيجلسو فالبلاد كترمن المدينة قلييل بحال الحفاايد عماد وخواتاتو وولاد عمو هوما اللي كيمشيو للمدينة ولا لبرا وكيستقلو بقراو اش بغاو ويسكنو فين بغاو اما الجدود والعماام والامهات كلهم ولاد البلاد

اسماء : انشاء الله يكون غي ولد النااس وبعقلو نا هادشي مايغركش رااحة دالباال هي كلشي..ارتاحيتي معاه شوية ههه

كنزة: ورااحة كااااينة ههه ولكن ماكنبغيش نبين لييه مابغيتش يفهمني باغااه ههههه بغيت نخرج كاع داكشي الل مخبي منو جيهتي عاد نعطيه انا واحد شووووية براكة علبيه هههههه

اسماء :ههه امتى غتسيطفي البنااات

كنزة: غدا انشاء الله كانو غيمشيو ليووم ناقصة وحدة عرفتي شكوون ديك البنت الي كانت كاحت عندنا صاحبتك ولا ماعرفتش كات خدامة معااه

اسماء : هند حلفي بالله..

كنزة :اااه كنت شاكة فيها واش هي ههه ملي شفت تصويرتها عرفتها هي اللي غادا حتى هي كان واقع لينا معاها مشكل غير سكتي مابقاتش باغة تجاوبنا والحالة ماعرفنا مالها حتى لبارح بليل عاد جات وغدا انشاء الله صاقي يمشيو...

جات هاد السيمانة مع الخمسطاش يوم ديال عطلة تسنيم متاابعييين...عجبهم الحال فالداار وارتااحو فيها...الحاج كثر منهم عجبو جو البلااد وريحة لارض والربييع والفلاحة والزيت العود والاصل ماكيشوفوه من المغرب للمغرب ماكيجمعش معاكم كاااع نهار كلو وهو مع صحاب جداد لي دار تما والحاجة حتى هي بدعاات فالدار مزياان مكفدة على حالتها والشقااء والتطرااف عاطيااه قتلة ماكتعيى ماكتشكي ماكين غير الله يعطيك صحيحتك فحين البنات هوما اللي عاشو التسافيرة بمعناها ديال بصح....غير كيخرج الحاج كيخرجو هوما مورااه ويرجعو قبل مايجي مرة تمشي معاهم الحاجة مرة يطلع ليها الدم وتجلس ماخلاو فيين تسااراااو اكادير داملة داروها حتى طلعةت ليهم فالراس ومزال العاطي فيها يعطي بكترة المنااطقة السياحية اللي فيها والاماكن الكثيرة تزار ليهاا مرة يميشو بوحدهم مرة يخرج معاهم عماد فاش كيكون مسالي...

جاو شي ايامات اللي عائلة عماد ساقو الاخبار بوجود عائلة كنزة فاكاديير وبداو كيعرضو علييهم مرة مرة والحاجة والحاج عاجبهم الحال مع النسااب الجدااد والرزق اللي جابو ليهم الله حتى لبين ايدييهم لقاو عائلة العريس حتى هوما من التجارة الكبار والشطايرية الكبااار وبطبيعة الحال ما كتدكر التجارة ايلا وحتر كيتكدر اسلوب الاقناع وهذا هو اللي كانت العائلة كلها كتحلى لييه..اخيرا قدرو يقنعو الحاج والحاجة وتقرر الزواج يكون بعد شهر ونصف تفاهمو بيناتهم قادو اموروهم ومابقى ليهم غير يعلمو العرسان..

طول عاد المدة كانت الايام كدوز بشكل عادي عند محمد عايش نهار لنهارو مابين الخدمة والداار حتى لواحد النهار اللي وصلو اتصال من عند محامي اسراء كيعلمو بيوم الجلسة اللي كان اسبوع من بعد ضحك وضحكة الفقصة كانت باينة علييه ماقدروش يكلفو راسهم حتى يعلموه بنفسهم خلاو المحامي يتدخل بييناتهم ماتسوقش وخلا الاومور تسير كيفما بغاو هوما...

جا النهار اللي غتم فييه الجلسة...وكلشي توجه ناحية المحكة وطبيعة الحال اسراء وسط مها وخواتاتها على غير العادة حادر راسها وكتسمع لييهم وهوما كيفتيو عليها اشنو دييير كل وحدة تهضر من جييه وهي غير واخا واخا زمحمد حدا الحاج مكيشوفش لجييهتهم حتى عيطو عليهم باسماائهم ودخلو قدام القااضي...

عطى الادن لاسراء هي لولاا تحكي اللي عندها واسرااء بحال شي مسجل صوتي مشاارجيا و محمد غيير كيشوف فيها وكيسمع اشنو كتقول بملامح مندهشة ومصدومة..

افعاال وكلماات وهضرة سمع على الحاجة مو كتعامل بيهم اسرااء ماعرفهمش وااش حقييقة فعلا واسراء كانت كتخبي علييه وغير صاابرة وهو بحكم الخدمة والاشنغالات وقلة الجلسة فالدار معااهم معارفش اشنو كيقوع فغياابو بيناتهم !!!

واسرااء كتعاود للقاضي بالتفصيييل بدون استرااحة كتدكر كلام مها واشنو قالت ليهاا على برااا عمرات القاضي وشارجاتو على محمد مزياااان باللي دايرة ليها الحاجة والخصوصية اللي مابقاتش خصوصية معاها لااسف تبعات مرة اخرى كلاام الام ديالها كيف وصااتها تعمر عليه القاضي وتلعب ليه على العاطفة ديالو باش يجي من جيهتها ويرجع الغلط كلو من محمد ومن عائلة محمد..و ملي غيعطي الكلمة لمحمد وغيقول ليه هادشي ماكينش غتهضر مرة اخرى اسرااء وتحول جميع الاحداث اللي وقعات ليها مع فدار محمد لصالحها مع زيادة بعد اللمسات الدرامية ضد مو حيت من هادشي كامل المراد اللي باغة اسراء ورقسة هو تكون الحاجة رأس المشاااكل والقاضي يحاول يصلح بيناتهم ويقول ليها الشروط اللي بغاات وهنا تطلب دارها بوحدها ومحمد بزز علييه يوافق..

لكن صدمهاا وخططهم ما مشااوش كيف بغاو فاللحضة اللي حرك راسو بايجااب كانه كيأكد داكشي اللي قالت كلو من اول حتى للخر وهي كانت كتسناه يرفض ويكدب كلامها وتمشي كيف خططات ليها مها وخواتاتهاا...حصلات ومابقات عارفة ماتقوول والقااضي سولهم مرة اخرى واش كاينة شي محاولة الصلح محمد حرك راسو بلا وحتى هي حفاظا على كرامتها حركات راسها بحالو...بعد مشااوراات نطق القاضي وعطى مدة الجلسة الثانية اللي غتكون بعد جلسة محاولة الصلح ببن الزوحبن بحضوور جوح دناس بعقلهم فنفس الوقت عارفين سبب هاد المشاكل من الاول حتى الاخيير من عائلتها وعائلتو والمحامين طبعا...

خرجات اسراء مع المحامية دياالها لقات الام ديابها قدام البااب مشات معاها وهي كتسول فيهاا اشنو وقع لدااخل..

اسراء : قلت داكشي كامل اللي قلتي لياا و وملي سولو مانكرش ماكدبني فحتى كلمة اماما قااليه بصح داكشي كلو كااين..

الاخت : ياك قلتي مكيحضرش نهار كامل معاكم فالدار كيفااش اكد ليه كلاامك..ياكما كدبتي فشي حاجة وحقد علييك بغى غير يتفك....

اسراء :اه مكيحضرش حيت اغلب وقتو فالكلينيك و ماكدبش مايمكنش نكدب اصلا غيير هي قلت كلشي بالتفاصيل كيف قالت ليا ماما نلعب على عاطفة القاضي وداكشي اللي درت....عطانا جلسة الصلح ماعرفتش شنو غندير..

رقية: عادي ابنتي ماشي مشكل غنمشي انا وباابااك معاك ماغتكونيش بوحدك غير رتااحي..

اسراء: قال القاضي غيكون غير واحد يلاه معاياا نتي اماما ماتخلينيش بوحدي ماتخليش بابا يمشي معايااا....

حركات ليهاا رااسها بايجااب ومشاات معاها...

مدازش علييهم عشريين يوم حتى وصلاات جلسة الصلح بيناتهم بحضور الحاج اب محمد ومحمد واسراء والام ديالها وجوج دالمحاميين كيف العادة اسراء فحضور الام ديالها غير ساكتة بدون كلاام مخلية مها اللي كتهضر مررة مررة كيسولها القاضي وكتجاوبو وترجع تسكت....رقية اللي كانت مزال كتشوف الغلط من الحاجة ومحمد ومزالت على كلامها ماخلات للحاج فين هضر كل ما عطى كلمة كتعطيه عشرة ماكتخلي لييه في يهضر رافضة رفض كلي يطلبو السماحة لا هي لا بنتها ورافضة رجوع اسراء بدون سكن فردي وحتى محمد راافض يدير ليها سكنها بوحدها ورافض رجوعها بدون ماتطلب الاعتدار منو الحاجة ...طريقة كلامها خلات حتى محمد شد معاهم الضدد وخطة رقية على محمد مامشااتش كيف تخايلت ومكانش ساهل يتشد ليها....القاضي تلف معاهم الحاح محاول تصلح الاومور وحتى هي كتهضر بلاما تخسر الهضرة ولكن بطريقة مخلية اللومة كلها ترجع على ضهر الحاجة فكل كلمة كتقول اسراء او الام كيعاود يسول القاضي محمد وكيأكد ليه كلاامها تزير وحس لراااسو تحط فموقف المتعدي ولا لاغي غير يخرج من تما باي نتيجة...

مرة اخرى نفس تاكلام اللي تدكر فالجلسة الاولى ومحاولة القاضي باستمراااار الصلح بينااتهم دائما ما كيكون كلام اسرااء على نفسو ومحمد كدلك رافض التنازل لكن مع اقتراب الحكم القاضي نطق واخير محمد بقلة صبر قال وهو كيشوف فيها بوحدها قدااامو هاد المرة مامعاها لا مامعاش رقية اللي غتدوي فبلاصتها...

محمد : متأكدة من قراارك.. عنداك تندمي من بعد ؟

اسراء بتردد بلعات ريقها: ماعنديش علاش ندم..انا ماطلبت منك والو شرط واحد اللي بغيت التيقار ومن حقي مشكلتي ماشي معاك انا ماقدرااش نعيش فداك الداار اللي فقدت فيها اكثر حاجة كنت كنتمناها بسبب الناس اللي فيها مايمكنش ليا نرجع ليها...

محمد علا حجباانو : مزال على كلامك...اللي باان لييك..!

القاضي بقلة صبر: ابنتي قولي لياا واش باغة رااجلك هادشي الي بغيت نعرف واش نتي باغة راجلك..

اسراء : انا بغيت نستقل بداري بوحدي مايمكنش ليا نسكن معااهم هذا هو شرطي الوحيد مابغيت حتى شي حاجة من غيرها..

القاضي : ولكن الزوج دياالك سبق وشرط عليك العيشة مع دارهم وقبلتي بالزواج ملي عارفة راسك غتغيري رأيك ماتقبلييش..

اسراء : سيد القاضي انا فقدت اكثر حا٠ة كنت كنتمناها فهاد الدنياا وبسبب ديك الدار فقدتو وماعرفتش واش يمكن ليا شي نهار نعاود نفرح بيها...مايمكنش لياا نرجع ليهاا وانا فوقما شفتهم كنتكدر ديك اللحضة المشؤومة مانقدرش نعاود نشووف فوجههم..

محمد : حتى حد ماداارها ليك ماتلومي حتى حد....ماكدبتش عليك من نهار لول قلت ليك اشنو كااين وقبلتي الواليدة مايمكنش ليا نخليها بوحدها ونخرج نسكن بوحدي وراك عارفة مزيان اش كنعني....

اسراء : حيت الحاجة باغة مراة ليها هي ماشي ليك انا مايمكنش لياا نحقق ليها اشنو بغات خاصك تفهمني ماميكنش ليا نبدل شخصيتي والطريقة اللي كبرت بيها باش نراضيها ونريحها ونبقى انا بلا راحة...سمح ليا حيت ماقدرتش نتفااهم انا وماماك نتا حر جيب ليها اللي تفاهم معاها (بصرامة) انا شروطي وضحتهم ليك..

القاضي : يحق ليك ابنتي طلقي الطلاق....كيفما يحق ليه التعدد

اسراء بصدمة شافت فيهم بزوج : م ما ماقصدتش..

محمد :مايمكنش ليا نستقل بالسكنة ونخلي الواليدة سواء بيها ولا بغييرها هذا اخر كلام عندي...كنعاود نقولها طلبات السماحة من الواليدة ديالي وتراجعت على التهم اللي كتوجه ليها وقبلات العيشة فداري مجموعين مرحبا بيها ايلا كان العكس الحل راه واضح

سولعطهم القاضي مرة اخرى واش اخر حل عندهم رد عليه محمد بايجاب واسرااء بتردد ماقدرااتش تنزل من كرامتها كثر وتطلب جلسة اخرى للصلح وحتى هي ردات بايجاب يعني انها ماكتنازلش على شروطها خلاو القاضي في المشاواراات وهي كتمنى من كل قلبهاا يعطييهم جلسة خرى للصلح ..لحضة اعلان القااضي يمكن كانت كثر من نهار هرفات بالاجهااض كتسنااه يعلن ويقوليهم غنعطيكم جلسة تانية لمحاولة الصلح..

لكن خاب ضنها والقاضي حكم لصاالحها وعلى حسب كلامها بالطلاق وعطى الادن لمحمد يرمي عليها الطلااق الشرعي....تفرضات عليه نفقة بقيمة 2000 درهم حتى انتهاء العدة ديالها وتعويض مبلغ 5 دالمليون...

دق بالمدقة دياالو وانتهت الجلسة بيناتهم خرجاات اسرااء حادرة رااسها كتررعد والارض ماهازااهاااش مادوات مع حتى حد مشات نيشاان للطوموبيل ديالها طلعات والام تابعاهاا كتسول وتعرف اشنو وقع لدااخل وهي غير طلعات لطوموبيل حيداات زييف بنترة كتبكي وهوما كيسولو مخلوعين..

اسراء ببكااء كترجف : قلتو لياااا غيواااافق يااك نتي قلتي لياا فالجلسة تااانية غيوااااافق هاهوا طلقنا ارتاااحيتوو

رقية: مافهمتش اشنو وقع لداخل شرحي ليا ابنتي برااكة من البكااء

اسراء : مابنتكش بعدي مني خرجتو عليااا خرجتو علياا انا ماباااغااش طلاق مابغييتش نطلق منو بغييت راجلي نتوما سبااااب خرجتو عليا(تكات على الفولون كتبكي)

رقية بحدة : ايواا ااشهاد الكلام ياك قلتي بيا بغيتي دارك بوحدك تشنو هادشي كنسمع غير عاودي ليا شنو وقع لداخل ولا سكتي ابنتي ماتعصبنيش..

اسراء : م مااي..مايكمكنش ليا نسمح فرااجلي غنهضر معااه انا غقنول لييه كاع داكشي اللي قلتو مابغييتش طلاق حتى داري بوحدي مابغيتهااش انا نديرها لرااسي ونسكن فيها غير نبقى معااه

جبدات تيليفون وهي تخطفو ليها رقية بزعفة كتغوت عليها حتى نغزاتها بنتها لوور تسكت وهي ضورات السمطة وسكتاات واسراء ديمارات الطوموبيل ومشات من تم كتبكي فحين محمد حتى هو خرج مع والديه مباشرة للطوموبيل طلع فيها وزااد كيوسع فالدجاكيت على عنقو محلول مكانش متوقع هاد الطلاق غيأثر عليه بهااد الشكل...

زاد تأكد وخدا اليقين انه الكلاق ماشي مجرد كلمة وكتنطق بل وحتى احسااس..احسااس بالنقص...بالحييرة والشك...واش اللي دار صحييح ولا غلط..واش تصرفاتو اتجاهها صحييحة ولا ضلمها واش تسرع ولا هذا هو الوقت المناسب...اسراء كتبقى انسانة وعااشت معااه فالاوقات اللي كان خاصو يكون بوحدو... ماشي جماد حطاو حداه ديكور حتى هي كانت بشر وروح عايشة معااه وماشي بالساهل يتقبل وينسى اللي داز...!

ايااام عديدة كتدوز بحلوتها ومروريتهااا اسماء عايشة معاها رجعو من السفر من اكاديير والحياة الطبيعية كدوز مع تحضييرات عرس كنزة كل مرة كيخطفو حاجة ويعزلو حاجة مع عائلة العريييس اللي حتى هوما كانو داخليين للخط ماخباوش عائلة كنزة يديرو العرس بوحدهم بمحاولات اقناع كبييرة باش قدرو يخلييوهم يوافقو يتشاركو في عرس واحد اللي تحتم غيداار فاكادير ...شهر ديال الايام كلها ماهضراتش اسماء مع الحاجة وحتتى ااحاج مابقةش كيجي عندهم بحكم الرقية الشرعية اللي تبعات اسماء غير من خلاال الاستماع القرأن مابقاتش حاجة للحاج حتى يجي لعندهم مرة مرة كيعيطو لييه ايلا احتاحو لشي سؤال ولا ايلا مرضات اسمااء فبعض المرات...

في الريسطو جالسة كنزة واسماء قداامها بعدما كانو فالمول تقدااات كنزة شي حواايج مع اقترااب العرس غير ايام قلييلة اللي كتفرق علييه..كانت تسنيم جالسة فكرسي بوحدها واسمااء قدامها كتوكل فيها وتمسح ليها فمها وهي مزال بلباس المدرسة واضح عليها عاد خرجات منها...

اسماء : فيين وصل..

كنزة : هاهو جاي قال لياا قرييب ايلا تعطل نمشيو شوية دابا ؟

اسماء : شوية كنحس بشويا دالتبوريشة وصافي

كنزة: باقي كتحكي لحمك فف كااع حردتيه بزاف هاادشي والله(شافت فدرااعها كلو حمر وشي جريحات صغار)

اسماء: وييه مرة مرو خاصة مورا المغرب كنحس بلحمي كيطيير من بلااصتو غير الله يستر وصااافي

كنزة : والمشكلة دوينا مع الحاج قالييك ماعندكم مناش تخافو هادو غير علامات الشفاء انا مكيباان لياا شفاء ومانعرف تااني..

اسماء : هو عارف ااش كيدير انا متعليا غير نتبع كلاامو الحمد الله اللي بديت كنقدر نسمع القران ونقراااه شحال هذا راه كنحس بودني تصمكو عليا ملي كيبدا يقرااه عليا ...

كنزة :الله ياخد الحق هادشي اللي غنقولو..هاهو جا اخيرا..

وقفات كنزة من الكرسي كتشوف فيه وهو داخل مع صاحبو مبسم ليها سلم عليه من الوجه وسلم على اسماء باليد وجلس كيضحك مع تسنييم وصاحبو نفس الشكل غير الفرق سلم عليهم غير بايدييه وجلس كيحرك صبعانو فوق شعر تسنيم ...

_الكسولة صافاا..

تسنيم: كنقرا مزياان وعطاتني لاتميتخييس الغيزيلتا خديت كثر من ديال سلطان

_مممم بصح هادشي اماماها (شاف فاسماء مبسم) ماخاصناش نبقاو نقولو ليها الكسولة واقيلا..

اسماء : بنتي مجتهدة كتقراا مزيااان وكتجيب مزياان(باست جبينها كضحك وشفات فيه) لبااس عليك ا امين الفنكوشة بخيير هه

امين : صافا صافاا هههه عليها اشنو ناقصها

اسماء :علاش ماجبتيهااش معاك هه

امين : مشات تشوف ماماها هاد الويكاند حتى يسالي ونجيبها انشاء الله..

حركات راسها بايجاب بابتساامة وشافت فعماد مبسم كيهضر مع كنزة ماشي غير كيهضر خاشي وجهو فيها وهي قالباه عليه شادة ضحكة كيعجبها التجرجير اللي كيدير ليه....حتى جا لعندهم السيرفور ووقف حدا كنزة وهي عاطيااه بالضهر مشاافتش فييه غير هضر كياخد الطلبية دياالهم وهي تللفت بعفوية شاافت فييه وضارت قدامها فجأة وهي ضووور كتشوف بسررعة كانها كتأكد منووو حتى لواحظ الحضة قالت ...

كنزة : اااشرف !!!!

نزل ليها عينييه غير شاافها وهو يضحك بفرحة وهي وقفات فرحاانة كثر منو عنقااتو وعمااد علاا حجباانو كيشوف فييهم وتقااد فبلاصتهم كيتفرج فيها اشنو كدييير وكيفاش كتهضر معاااه وهو شاد فدرااعها حتى رد بلال لاسماء وقال بشك..

اشرف : و واش هادي اسماء ؟ ولا كدبت !!

كنزة : هي اويلي ماعقلتييش عليها هههه حتى هي بانت ليا ماعقلااتش ...اسماء هذاا اشرف..اشرف اصحبتي اللي تحول من حدانا كانت داارهم ملاصقة مع دارنا

اسماء :ولد خالتي الكبييرة اااااه هه تبدلتي هه(مدات ايديها سلمات عليه وجمعاتها) لبااس علييك كيديرا خالتي الكبيرة

اشرف : حتى نتي تبدلتي.. بزاااف كاع هههه الحمد الله العزبة هادي كتشبه لييك هههه

اسماء : ااه تسنيم هه

كنزة: ناس ولدو ونتا ااش باقي درتي هههه مايحسابتنيش خدام هنا كنجي بزاف عمري شفتك درتي شي وليداات شي مراة ههه

اشرف :مزال هاد ساعة كنستناااو على الله ايلا كنتي كتعرفي شي وحدة

كنزة ضربات فدرااعو بمرح : ايوا شنو انا ماعجبتكش

اشرف:الله ياودي مانلقااش حسن منننك ههه

جرهااا عماد بجهد جلسها على الكرسي وتكلم فودنيها بطرييقة مفرووشة خلااتهم غير كيشوفو فيها واشرف فهم رااسو خدا الطلبية من اسماء واميين ومشى مابغاش يعاود يهضر مع عماد وكنزة حتى يرجع

عماد : تبتي خلينا جاالسيين طرونكييل

كنزة خطفات دراعو بجههد منو مارضااتش قدامهم: ااش هاد جرة درتي لياا قدام دري حشومة تئ ففف

عماد : حبسي برااكة شويو من ضحك اناا حدااك ونتي كضحكي وتعنقي فييه شنو زعما كنبان ليييك

كنزة : رااه كنعرفو ماشي برااني كبرنا كامليين كان بحتل خوويا

عماد: كاااان داباا انا معااك حتاارميني ونقصي شوية من تنقاز طلعتي ليااا زعااف بهاد المرض ديالك اكنزة حتارميني شوية انا حدااك ونتي كتعلقي فييه اشنو زعما انا هنا حدااك؟

قلبات وجهها مارجعاتش جاوباتو وحتى هو قلب وجهو مادواش معااهااا تكرهب الجو بيناتهم ورجع مرة اخرى اشرف جاب طلبية اسماء وامين وشاف فعماد مخنزر فييه وهو كيقول ليه الطلبية اللي غيجيب ليه هو وكنزة ماخلاهاش تهضر معااه حتى هي ماهزاتش كاع فيه رااسها..

ولا شي كيشوف فشي كنزة جبدات تيليفونها كتلهى فيها واسماء كتشوف فيها بنص عين حتى ردات لبال لامين اللي باغي يهضر معاهاا..

امين :كنشم ريحة العافية تدخلي بردي الجو ...

اسماء: لاا اخويا سمح لياا تولي حارقاني معاها ههه

امين : نبقاو نتفرجو فييه ههه

اسماء : ماديرش فيهم راسك شوية وغيبانو ليك رجعو كيهضرو كأن شيئ لم يكن..

امين شاف مطوول تنهد وقال : فرق كبيير بينك وبين ختك هي كتبان ليا اكتيف وحركية نتي العكس كاالم...متبتة..فهمتي

اسناء : يااك ههه شكراا اسيدي

جاب ليهم اشرف باقي الطلبية حطها واسماء مبسمة ليبه باش مايحسش بيهم قلبو علييه حتى مشى بقات اسماء كتهضر مرة مرة مع اميين كييضحكو حتى تلفاات كتزة مرة اخرى بعفوية شافت فعماد كتوريه سطوري فتيليفونها..

كنزة : ختك رجعات للمغرب ماقلتيهاش ليا عاد جات ؟

حرك راسو بااه كيشرب فقهوتو بدون مايجاوبها ماكييشوفش عندها كاع وهي جمعات ضحكة وطولات فيه الشوفة وهي تطفي تيلفون خشاتو فصاكها وغمزات اسمااء ووقفااات...

كنزة : اسماء يلاه نمشيو..

امين كيشوف فيهم بجوج : م مزال الحاال خليكم معانا

كنزة : لاا مرة اخرى ثلااه اسماء...

جبدات فلووسها حطات حسابها هي وختها وخرجات قداامها واسمااء اعتادرت منها خدات تسنيم وتبعاتها وعماد زدح ديك القهوة مع الطبلة متبعهاا بعينييه قاارنهم حتى مشااات طلعات لطوموبيل واسماء جنبها يلاه غتزييد وهو يوقف عليهم امين فالشرجم يلاه غيهضر وهي تقاطعو حابسة دموعها...

كنزة :اميين عفااك خليني نمشي وقول لصاحبك حد هناا والله يعاااون صااافي اخر مرة ندوزها ليييه ..

امين : الله يهدييك اكنزة نزل هضروو شوووية ماتسرعيييش

كنزة نزلات دمعة هي تمسحها بالخف : عييييق عليااا بزاااف والله ايلا بزااف ماضحكيش مع هادااك ماتهضرييش ماتشووفيييش فلااخر قطع لياا نفسي لااهوما بوحدي ولا هاد الحالة سمح ليا الله يجيب ليه اللي تصبر عليه انا صافي طلع ليا فراااس

امين : بجوج بيكم غالطيين نتي حتارمييه ماضحكييش مع الولد قدامو وهو مايغوتش علييك بجوج بيكم غالطيين اسماء بعقلك دوي مع ختك..

اسماء بهمس : حتى تبرد ونهضر معاهاا غير خليها دابا مامعاهااش الهضرة..

امبن :على الاقل ماتسوقيش هكااك بديك الخالة خلي ختك تسوق

كنزة : لاا قادرة قادرو شكراا سمح ليا..

امين : ردو الباال (شاف فاسماء)تهلااي فتسنييم (علا عينيه فكنزة) الغلط اختي كيوقع ماتسرعوش..

حركات راسها بايجااب وهو بعد من طرييقهم خلاها صاقت بسرعة مشاات طول طريق ماكتهضرش معاها حتى وقفااات قدام مرجاان كان قريب لداك الريسطو تصلا غير حداه شوية وضارت كتقلب فصاكهاا

كنزة : مباانتش ليك ديك الورقة اللي كتبنا لماما داكشي اللي باغة تقداه

اسماء : هاهي عندي عطيتيها ليا

كنزة:تئ نسييت ...

اسماء : دوخك عزيزي

كنزة ضحكات : اشمن تانتي

اسماء : سمحي لياا احبييبة بلحق نتي راك عيقتي اولييي وحدي خطييبك حداااك خمسطااش يوم وغديرو الكحل فالبيض منقزة على دري معنقااه عندك زهر ماخطلش حسك تما مانفكش منو

كنزة: واش من نييييتك راه عاادي...هو مريض فرااسو هاداااك مكانش كيسحابلي معقد هكااك اويلي اشنو فيها دري كنعرفو شحال من صغرناا وسلمت علييه عادي..

اسماء : لا ماشي عادي ههه حلاال عليك وحرام علييه هو

كنزة قاطعتها: غير يدييرها اشنو فيها ايلا كانت شي وحدة كيعرفها مافيها ولاو عادي

اسماء بدهشة : عادي ؟ ايوا صافي غير تشابهتي ليا مع وحدة شي شهرين دابا فاكادير لقات خاطيبها ضحك مع وحدة بالصدفة قلباات عليه الريسطو ماش نتي واقيلا يااك غير كتشبهي ليها

كنزة : طلع ليا فراسي صافي يبعد مني اختي عيق عليااا خنقنيي شاد فيا برجليه وبايديه بجالاا غنهرب لييه بزااف حاضي معاياا لانهضر مع شي حد ولاا نشوف فشي حد حبالاا غنخليه وغنمشي لواحد اخرم ماكيتييقش فرااسو بمررة...

حلات البااب ونزلاات واسماء تبعاتها دخلو لمرجان كيتقاددااو ناسين موضووع عمااد هادي تنفع هادي ضر هادي خايبة هادي زوينة وتسنيم حتى هي غير شاافت الحلوة والبيموات كيف العادة داخت بالحق ماكتقيص حتى حاجة كتشير غير بصبعها في لي عجباتها تاكتمشي تجيبها ليها كنزة كتعطيها تاكلها وتخلي الغلااف فالكروسة حتى يتخلص واسماء جو مرجان الباارد والكليمة حساات براسهاا تبوورشاات ومارتحاتش بغات غير امتى تخرج حاسة بدااتها سخووووونة والرعشة شاداهاا حتى لواحد اللحضة وهوما كيتقداو فالحوت شافت كنزة لتيليفونها وقاالت..

كنزة : يلاه حماقي نتي معااه دابا عاد تفش هاهو كيصوني ..

اسماء :جاوبيه صافي صغري عقلك راك نتي اللي غالطة ماتقلبيش عليه القفة..

تنهدات كنزة وجاوباتو بشكل جاف وهو كيسول فيها فين نتي معامن ااش كديري عطاتو التقرير وقطعات علييه بلاما تقوله حتى بسلامة ومشاو كيكملو تقديتهم حتى بدا كيصوني هاد المرة تيليفون اسماء كانت الحاجة جبواتها..

اسماء : آلو ماما...

الحاجة : فيينكم؟؟

اسماء :ف فمرجاان كنتقداو اشنو خاصك

الحاجة:اجيييو للدااار اجيييو دابااا

اسماء بفزع : ياك لبااس ااش واقع اماما

الحاجة: غبير اجييو داباا ماتخافيش ماواقع والو ولكن اجي اجي دغيااا خلي ختك واجي نتيي

اسماء : فين بابا ؟!

الحاجة : فالصاالة جالس ماتخافييش عليه غيير اجيو للدااار براكة من الهضرة..

اسماء : واخا صافي..غنجيو داباا(قطعات)

كنزة : مالها !

اسماء : ماعرفتش قالت ليا اجيو للداار واقيلا جا شي حد....

كنزة: صافي مابقى لينا والو يلااه نمشييو..

دوزو داكشي كامل فلاكيص وخرجو تقدية حتى للكوفر ديال الطوموبييل طلعات اسماء وبنتها ويلاه غطلع كنزة وهي تبان ليهاا طوموبيل ديال عماد دااخلة مع الباب الكبير ديال مرجان ورجعات سداات البااب شادة ضحكة لا تفلت ليها قدامو كيف العاادة ووقفات كتسنى فييه حتى يجي وهو مالقاش بلاصة بلاصة غير فواحد القنييتة ونزل تلفت عندها واشار ليها براسو تجي لعندو علمات اسمااء ومشات عندو قالبة وجهها حتى وقفات علييه

كنزة: نعاام ؟

تكى على باب الطوموبيل وجرها لعندو من ايديها مبسم

عماد : مالكي كتقوليها قالبة وجهك !

كنزة: ماقالباش غير سولتك...

عماد : شوفي فيا....(حدرات راسها وهو حناه عندها) واشوفي فيا..

كنزة : شنو قول راه ختي كتسنى..مانخليهاش بوحدها

عماد : شو كي كتهضر (صرفق خدها بلطف)غنصمك حسسك كيفاش هاد ختي تاني غير بلاتي تانجيبك لداري وغنوريك ختي و بحال خوياا مزيااان

كنزة : ماكينا لا داري لاا جوج سالينا..

عماد : سالينا ياك اختي ؟ اهااه عيطيني خاتمي لالة....

شافت فييه بصدمة وهو شاد ضحكة مابغاش يشوفها باش ماتغلبووش وهي حدراات راسها بسرعة كتحيد فالخااتم حتى رد ليها الباب وهو يجمع ليها ايديها بحووج وجرها تكاها على صدرو..

عماد : غير كنضحك معاااك اش كتحيدي ااخر مررة تسلتييه من صبع درتيها بصح ولا شنوو برب مامفااك معااك غير بيا ولا بييك

كنزة :عيقتي عليا بزااف صافي بعد مني مابقيت باغة لاا زواج لاجوج غير بعععد مني خنقتيني اعمااد انا ماولفتش هكاا خليني هاد سااعة عفاك بعد منيي..

عماد بجدية : يعني عادي هاداك اللي كتعلقي فييه قدامي و واش وقلبي ليا على مراة ومانلقاش ما حسن منك وديك الهضرة الخاوية عاادي عنندك ياك حتى

كنزة: ماشي غير اشرف ماشي اول مرة كديرها ليا بصح نقدر نكون زدت فيه حيت شفت اشرف و فرحت حييت كابر معانا وتلاقينا بعد شحال من عام بصح ولكن قدام شحاب من حد كديرها غير كنبغي نسلم كتخطف ليا ايدي ولاد عمك ديك نهار خليتي ايديه معلقة ماشي حشوومة و نزييدك ونهار جلسنا فجردة ديال دااركم وجاو عندي ولاد عمك نييت يتعرفو عليا من بين كااع خواتاتك وولاد وبنات عمك نوضتيني اناا وحيديتيني من تماا حسستيني منبودة وسطهم ماعلياش الله حتى انا نهضر ونضحك...

عماد بصرامة : وايلا تعاودت غنديير نفس الحااجة قبل ماتسلمي عليهم قلت لييك سلمي بعينيك وضربتي فيا وتلاحيتي باغة تسلمي علييهم بالوجه ولاد عمي واخا تشوفيهم كوول وضحك ولكن رااه عيالاتهم لحد الاااان سنين ديال الزواج وعمر ايديا جات فايديهم ومرتي انا نخليها تسلم علييهم علااش؟

كنزة : ماكنتش عاارفة

عماد : خليتيني نقول ليك ديما مسرعة الاحدااث...ولكن فري مكانش خاصني نغووت علييك سمحي ليا الالة ماتعاودش بسييف مانخاف عليك من بنادم انا يومين خليتيني شهور كنحلم بييك خطبتك ومامرتاجش حاس براسي مضامنكش ليا فاي لحضة تقدري تمشي ...فهميني حتى نتي..

كنزة : ماعندي فبين نمشي (هزات صبع لي فيه الخاتم) صافي رااك عربنتيني

عماد : شناهي ههه؟

كنزة : عربنتيني هه زعنا ضمنتيني بهاد الخاتم اويلي على التااجر معاارفش شناهي عربنتيني ههه

عماد : لا عاارفها هه غير جاتني بيزاغ فهاد ليمزونبل...ايوا مانستاهلوش حتى حنا شي تعنيقة آ اللي عبرنتها ولا مانعرف عرنبتها

ضحكات هازة رااسها عاجبها الحاال اللي حزرها بسرعة ورجع معاها كي كان وهو يجرها عندو عنقها وبااس عنقها حتى جمعاتو ورجع باس خدودها كيضحك..

بزز باش فلتات منو خلاتو مشى وهي رجعات عند اسماء كضحححك راشقة ليهاا واسماء عايقة بيهم تصاالحو طريق كلها وهي شادة فيها حتى وصلو طلعو للدار لقاو الحاجة كتجمع فالطبلة وعبد المتقي جاالس كيشوف قدامو سااهي بتخمام ..

اسماء : ماماا..عيطتي علياا يااك لبااس

عبد المتقي تخطف من بلاصتو وشاف فيها : امتى عيطت لييك ؟؟؟

الحاجة خرجات فيها عينيها : قبييلة قيييلة ماشي داباا صبااح فاش يلاه خرجو

كنزة : جا شي حد شتك حاطة صينية ؟ شكون جا !

الحاجة : غير ..غ غير عماتك شكون بغى يجي..

اسماء : وعلاش عيطتي ليا اجي ما اجي ضرووري شنو واقع

الحاجة : وااالو ماواقع والو ويلي مالكم ضورتوني غير بغيتك تجلسي مع عماتك شوية وصاافي..

كشات لكوزينة واسماء متبعاها بشك..

اسماء: با ماالك ساهي

عبد المتقي : والو ابنيتي والو كيبقتي شووية

اسماء : الحمد الله ابا لبااس عليااا..بلاتي نبدل حوايجي ونجي عنندك..

مشات مع كنزة للبيت حيدات جلاابتها

اسماء : ماعرفتش شكون جا شفتي باا كي سااهي ياكما سمع شي حاجة ولا جا شي حد.. و كي خنزر فماما كلي عرفها عياطت لينا....

كنزة: ماعرفتش اختي هو مولف ديما ساهي حتى ليوم عاد جاتك غرييبة تانتي..

بدلات حتى هي حوايجها طلقات شعرها وجمعااتو ومدات ليها واحد الكريم..

كنزة : هاكي جربي دهني هذاا زويين للطياب راه لحمك كاع ملختييه بالحكان دهنيه غير من الفوق....

اسماء : لحمي حساس عنداك يزيد عليااا

كنزة : اا لا غير ديريه راه غير مرطب بحال ااحلييب..يبردهم ليك شوياا

تحل البااب ودخلات عليهم الحالجة واسكاء هزات فيها عينيها..

اسماء : ماما واش جا شي حد من العاائلة يااك ؟

الحاجة: غير عماتك تانتي بغيتك غير تجلسي معاهم كانو كيسولو عليك وجات تا عمتك رشيدة

اسماء: ماعرفتش....

ااطلحاجة :دويتي مع الحااجة عرضتي عليها

اسماء : لاا مزاال...

الحاجة:ايوا ااش كتسناي اش حتى نهار بنهارو عاد تعيطي ليها

اسماء :ماما الله يهدييك غير ول البارح باش وجدتي ليستا ديال ناس انا غنعيط ليها

الحاجة:ايوا عيطي يلاه يلااه هاد سبت ولحد كاعما تحبسيهم بقات سيمانة ااش بقى

اسماء : واخاانبدل غيى حوابجي ونعيط ليها شكون باقي ليك اخر

الحاحة : مابقى تاحد العائلة كلهم سيفطت ليهم كلهم جايين بولادهم وبناتهم الجيران غير نقلت ماقلتهاش لكشلي اللي بغات راه تلحق علينا

اسماء : وهشام وصلاح وعيالاتهم قراب يجيو حتى هوما ماحضرتوهمش فالخطبة وتزيدو العرس حتى هو ..

الحاجة شافت فكنزة ماعرفات ماتقول حتى سبقاتها كنزة...

كنزة بارتباك : راه عيطت لييهم ايلا بغاو يجيو مرحبا مابغاو الله يعاونهم..ياك اختي هوما عزلو عيالاتهم وبغاو السكنة بوحدهم الله يعاونهم ولاهيلا تهنيينا دار زيانت وهناات..

حكرات راسها اسماء باايجاب بشك كبييير مامبيناش كتشوف فيهم بحوج بيهم بشك كبييير كآنها حاسة باللي واقع حولها لاهوما باغين يهضرو ويقولو اشنو كاين ولا هي باغة تكتر الاسئلة وتعرف...واش مباغاش تسمع اللي شاكة فيه وتزيد تمرض وتحقد !!

في مكان اخر وبالضبط عند الحاجة كيف عادتها علاقتها بالكوزينة ماكتقطعش..جالسة فوق الصداري جامعة رجليها عندها والبلاازما قداامها بدوزيم شاعلة ساهية فيها واش كتفرج ولا لاا شكون عرف...وخديجة واقفة على البوطاجي خلطات ليها البااربة والجزر والخضرة مصلوقة على شكل شلاضة جردة متنوعة وشهية وجابتها ليها بالفوورشيط حطاتها قداامها مع كاس الماء ودواها..

خديحة :برااكة الحاجة من تخمام مولاها ربي...الله يدير اللي فيها الخير

الحاجة : مابقى خيير ابنيتي مابقى خييير داري تخلات من نهار خرجات منها دييك المنحوسة وحنا لور لور ماعرفنا واش لاحت لينا نحسها وزادت ولا الله اعلم..

خديجة : ماكيين اللي مقلقك دابا الحاجة قد ديك السيدة اللي قالت غتجي من وجدة ما حتى محمد راه غير في الفيرمة قالك الحاج نهار يكمل خدمتو تما غيرجع علااش مبرزطو من جيهتو..

الحاجة: هادي دابا اللي جاية عندي لاش ابنيتي كي غانقولها لعمك الحاج كي غنقولها لليه....بنت خوك وبنيتها جاية من وجدة لعندك ؟ وملي يقول لياا علاش اشنو نقوليه اعبااد الله...

خديجة :ومانضنش الحاجة مايبغيهاش الحاج مسالم وغيرحب بيها عقلي على كلامي نتي غير قولي ليها مرحبا بيك ماتخليش راسك فالعيب وخليها تجي شوفيها ااش بغات ماترديهاش فوجها ربما ناويين الصلح ولا خوت الحاج اللي مسيفطينها هي بعقلها وكبيرة ياك كبيرة شوية مزوجة لاا ؟

الحاجة : مزوجة راجلها برا ماشي هنا بقات غير هي وبنيتها ماقلت ليها تا كلمة قلت ليها مرحبا بييك...تاتجي ومنها لعمها...

خديجة : ايوا صافي تجي مرحبا بيها تجلس شي ايامات عندكم لهيه فشكل مايخليوهاش تفوت سيمانة هي لقليلة...

الحاجة : واتجلس الشهر تانتي ماعندي شغل راه بيت ضياف موجد لي كليينا تاكلها معانا انا الانسان ماكيطلعش ليا فراسي مرحبا بهاا راه بقات فالحاج واش ييبغيها وفمحمد مكيبغييش لياالبراني فالدار وخلاص من وجادة عايلة باه لاما طج مابقى رجع....(تنهدااات كانها هازة جبل فوق ضهرها) شوفي يابنيتي تامن اسماء مابقاتش تسول يامات كانت مريضة كنت نسول فيها ونعاود وليت نبكي بقات فيا وعارفاني كنجري مع ولدي فالمحاطم ونايض ليا الصداع فالدار عمرها صونات ولا عيطات....

حدرات راسها خديجة ماعرفات باش تجاوبها والحاجة كتنننهد جرات الفورشيط كتنقب من دييك الشلاظة طايح عليهاا الديم حتى سمعات تيليفون كيصوني وهي تضحك...

الحاجة قفزات : محمد ن نوضي نوضي ولدي كيعيط نوضي...

ناضت خديجة كتكري هزات تيليفون مضاربة تقرا السمية...

خديحة : ههه اسماء الحاجة ياحليلي كون غير طلبتي ولدك يجي كون تحقات لييك ههه

الحاجة: اري نشوف لاهوما هي بعدما نهضر معاها غير شووية واخا ماكتسولش فيا....بعدا بعدا كتصنت ليا وتعطيني الخاطر ماشي بحاال ديك خيتي..(عطاتها جوباتها) آلوو

اسماء بضوت ضاحك: الحاااجة

الحاجة : احيااااني عليك من نهار زاروه ما شافوه سولتي فيا بكري

اسماء : والله الحاجة وربي شاهد عليا كنبغي نسول والله العضييم ولكن ماكنبغييش نبرزطك وعارفاكم مشغوليين كديرا نتي يااك لبااس علييك

الحاجة : نحمدة الله ابنيتي نحمدو الله كيبقيتي نتي كيديرا البنية والحاجة مك وختتك وبااك يااك كلشي بخيير

اسماء : الحمد الله بفضل الله والحاج واقفة على رجلي الله يجازييه بالخييير يااربي عمر خيرو نساه

الحاجة : هذاا من فضل الله الحمد الله

اسماء : عرفتيني علاش عيطت لييك ولا لا هههه

الحاجة : الله يسمعنا خبار الخيير هههه

اسماء : غير الخييير الحاجة هههه راحنا كنتسناوك هاد سبت لا والسبت لاخر انشااء الله عرضات عليك ماما قالت لييك مرحباااا بيييك نتي وخديجة والحاج ومحمد مرحبا بيكم لعرس كنزة

الحاجة : يا مبروك عليها الله يجمع بيناتهم فالخيير بالرفاه والبنيين انشاء الله ...الله يكمل بالخييير

اسماء : اللهم امين الحاجة وعانداك ماتجييش بحال الخطبة نتي وخدييجة حتى هي مرحبا بيها

الحاجة : انشااء الله ابنتي انشااء الله باغة تجي عندي واحد السيدة من العائلة ديال الحاج انشااء الله تخليني غير تاندوز العرس وتجي

اسماء : حتى هي مرحبا بيها قولي ليها تجي والله ايلا بلاصتكم على راس والعين كاملييين ايلا ماجيتيش نتخاصم معااك جيبي كلشي وجي مهم حضري وصافي والله ماما وختي وحتى باباا كل مرة كيسولو علييك

الحاجة فرحات بالتكبيرة ديال اسماء : انشااء الله ايلا بقى العمر والله حتى نجي غي هنلا ولا فيين

اسماء : فاكاديير ولكن ماتخممييش جي تمشي معانا ماتفكريش فالمركوب جي ليلة الحنة غنديروها هنا بنهار فاكادير بلييل والغد لييه العرس مهم نتي جي قبل تمشي معانا من هنا

ضحكات الحاجة وطلقات التغوبيشة كتهضر وتجمع مع اسماء شوية حتى بدات كتعاود ليها على اللي وقع هاد الايامات اللي ماهضروش فييهم من اول حرف تا لآخر وحتى طلاق محمد اللي تصدمات فيه اسماء مكانتش كتسنى تسمعو شي نهار ابداا قطعات معاهاا وديك ساعة دوزاات الحاجة لمحمد المرة لولاا ماشدش ليها وبدات كتصوني تااني...

خديجة :يكون مشغول الحاجة خلي شوية وصوني ليه تااني وحتى ريزو راه ماكينش تما..

الحاجة : اش شغلو عليا ديما كيجاوبني..هادي هي الفرصة نقوليه يجي يديني يلاه يرجع فحالو

خديجة: غيقوليك الحاج يديك

الحاجة: الاا غنهضر معاه يديني هو توحشت وليدي..انا اللي هربتو انا سبابو...(جاوب) آلوو آلوو محمد...

وقف قدام البااب الاحمر الكبيير كيحك على لحيتو الكتيييفة خاشي صباعو وسط منو كيمشطها وينزلها للتحت والكاسكيط على رااسو مخبية عينيه اللي كانت كتشوف نيشان ناحية البناي اللي قدامو وهو كيبني فالسور ويطلع فييه مع باقي العمال....لاح الخطوة القدام وقرب لعندو بسرواال صيرفييط كحل وتريكو سخوون دافي دالصووف فالرمادي وبانطوفة فرجلييه مع تقاشر بيضين طاالعين خاشي ايديه فجيبو وقف علييه كيشوف مع الصور ويعلي معاه رااسو وداك السيد غير شافو وقف علييه حبس وتقاد فالوقة ضااحك..

_السي محمد ااش باان لييك ههه

محمد : لا تباارك الله عليكم مزياان..زيد عَلِّيه شوية هاد السور شي ربعين ولا تلاتيين سنتيم فوق ياك...

_علااش ماديريش لييه السلك لاجيتي عليا شي حديداات يكونو غلاض ولا رقااق وكباار وقفهم علييه وهني باالك مايبقى حتى حد يتخطر علييكم ولاا ينقز لدااخل

محمد :داكشي اللي ناوي ..زيد عليه غير شوية ماتخممش السلعة جاية فالطريق خود راحتك فيها خدمتك متقونة ماعندي مايتساالك هادشي اللي بغييت بالضبط اللهم يسر...

طبطب على كتافو بامتنان عاجباه خدمتهم لمتقونة فالسور اللي ضور على لفيرمة كاملة بعدما سااق الخبار للشفارة اللي دخلو لحسن الحظ الدار مامفرشة لداخل ما مجهزة فرااش قليييل بزاف فيها غير اللي كيحتاج فاش كيجي بعد المرات...خشى ايديه فجيابو وتمشى خارج مع البااب كيشوف فالارااضي قدامو الخضورية كتقطر منهم بالربييع اللي عاد كيطلع مع لون السماء الازرق متوسطاها غيووم كانها لوحة مرسومة وشميسة خفييفة كتنزل مع غرووب الشمس مع نسييم ريااح هاادئة والخرفاان كيبانو من بعييد ساارحيين منضر كيفتح النفس ويشهي فالجلسة طول العمر تما مرتاح ومهني من صداع المديينة ماباغيش يرجع ولكن طول الجلسة هنا وحس براسو تهلك كع الترونبوسر كل نهار من كازا للفيرمة اللي خارجة على المدينة فكر يجيب شي حد يوقف ليه على الشغل ويرجع لحياتو مرة مرة يجي يشوفهم فين وصلو...

فنفس الوقفة كانت واقفة اسماء غير الفرق هي فالكوزينة وكنزة جالسة قدامها والحاجة حتى هي كيهضرو ويناقشو العرس كيفاش غيكون شكون غيحضر وشكون ماغيحضرش والتحضيرات اللي بقاو ليهم...

ترونو والدار من السيمانة لولاا عمرااات شي داخل شي خارج والحاجة كيف المقص حاضية البيوتة وبيوت وحوايج بناتها ضور بساروت تدخل بيه وتخرج بيه واسماء حتى هي ماكتيق فحتى حد حاضية غير مع كنزة فين كتحط لباسها وفين كتبدل وفيين كتاكل واش كتاكل ماكتيقش واخا العائلة القريبة مابقاتش كتيق فيهم بعد اللي وقع ليها بسبب التيقة اللي عمات عينييها...فحين كنزة غير دايخة وتالفة تقاد مني جييهة وتخسرها من جييهة وهوما تابعينها يهدنو فيها باغة عرسها وحنتها دوز على خيير وسلااام وتخلي كلشي يهضر عليها ويضرب بيها المثاال حتى عماد مامقصرش فجهدو معاها حط ليها فحساابها مبلغ معقووول تعاون بيه غير ملزماتها الشخصية فقط من لبااس مايكاب خروج صالونات خسراان اما العرس العائات اللي متافقيين علييه...وصلات لييلة الحنة وخرجو كنزة من الداار بالصلااة والسلتك على النبي داوها للحماام ديال الحومة لقاتهم موجدين ليها واحد الكوان اوبالاحرى كراتو وجداتو لرااسها تخلي خبارها فالحومة "كنزة كرات الحماام ليلة حنتها"...

جهزو ليها بالورد والشمع وهي فرحاانة بنهاارها حتى كتدمع بالفرحة مرة مرة واسماء مااصبراتش دخل معاها القاااصح وحسات بغياب ختها اللي غيخوي عليهاا دار ماكبحاتش نفسها قداامها وفاي فرصة قداراات كتطلق دمووعها برااحتها حنى كتبكي معاهاا كلشي....عائلة عبد المتقي والحاجة حتى هوما كبرو بيها رغم البعد مكتجمعو غير فالحزة كيحمرو الوجه ويوقفو مع بعضيااتهم لكن كانت نضرااتهم وكلاامهم كثيير على اسماء كثر من كنزة شافقين على حالتها كيف ولات خاصة انه اسماء ماشي من النوع اللي كيواتيها الضعف ضعاافت وفورمتها ضاااعت مع المرض بقات فييهم ولكن هي مامسوقاش غير اللي ناضت على رجليها عندها وبقات لبنتها هاداك هو الربااح عومو كنزة فالحمام بالحنة والتخلية،الصحراوية،والورد والشمع وزوااق والصلاة على النبي حكوها ونقاوها ولبسوها قفيطين سابمل بيض وخرجوها من الحمام داوها للدار لقاات باقي العائلة كلهم حااضر من بينهم الحاجة وخديجة جلسوها فالصالة الكبيرة فالبلاصة اللي موجدين ليها والنقااشة جالسة قدامها مدات ليها رجبيها وايديها مخلياها تنقش ليهاا والعائلة كتصلي على النبي واللعابات متوسطين الصاالة كيشطحو عليها ويغنييو فرحاني والحاجة ام محمد غير كتشووف مبسمة كضحك عاحبها الجو وارتاحت وسطهم....

فحين الحاجة ام اسمااء حاضية الشادة والفادة اللي تهزات واللي تخطات حتى كنزة حنة مايدير منها تاحد ماخلات حتى حد يعطيها تشرب ولا تاكل من غير هي اللي تجيب ليها حتى لعند فمها توكلها وهي اللي تشربها وتقد ليها الجلسة واسماء جالسة جنبها عينيها كيضورو وحاضية مع ختها ومع رااسها حتى لواحد اللحضة وهي تشوف الحاجة تحت طبلة حيهت كنزة لقات البلغة ديالهاا طارت خرجات عينييها ومشات عند اسماء كتشتف تحناات عندها....

الحلحة : فيين بلغة ختك قلت لييك ردي لمعاهاا لبااال بقيتي حالة فمك ونسيتييهاا اويلي اويلي

اسماء :هاهي وراا ضهري ماتخافييش مابغيتش نخليها فلرض تخشي فيها شي وحدة رجليها ماغنحيدهاش ليها

الحاجة : ايوا صافي مزياان..(طلات على النقاشة) ايوا الالة تباارك الله علييك شي تزغرييتة عليها العياالاات كي تهلاات فبنيتيي الله يبيض سعدك ...

تعالاات مرة اخرى الزغاريت والفرحة و النشاط فالصالة دار سخنات وكلشب عرق وبنات العائلة مع غير بيناتهم ماكين غير شطح ليا نشطح لييك حتى ضربات الخمسة ديال العشية اللي غيبقى يحضر للحنة تانية فاكادير بقى واللي غيمشي راه مشى حتتى للعرس ةيلحقو عليهم بقاو قلاال فالدار جتى بغات تمشي الحاجة وهي تشدها اسمااء عيات فيها تجلس تمشي معاهم ولمن هي رفضاات من جيهة مابغاتش تقل علييهم ومن جيهة تانية باغة تصدع محمد حتى يجي تشوفو ويديها فنفس الوقت...

ناضت كنزة لبيتها مع اسماء عاونتها قشراات الحنة حيدااتها عاد جلسات كتترتااح والحاجة دخلات ليها العشااء حطاتو ليهاا وهي مابعاتش تزيد تا زيدات معاها اسماء وتسنييم عاد بدات كتعشى وهو يوصني تيليفونها وشعلاتو دارت باغلوغ كتصنت هي اسماء لعماد كيهضر

عماد : الزين دياالي صافاا فيين وصلتو...

كنزة : يلاه كنتعشى عيييت شوية وغنشدو طريق

عماد :ايلا كنتي عيانة نسيفط شي حد يجيبكم ماتصوقييش ارتاحي لوور ولا نعسي راه حفلة وحدة اخرى كتسنااك هنا ههه

كنزة : بصح ماتقوولش ليا دايرينها كبييرة بزااف

عماد : وراك عارفة العائلة داكشي اللي قلت ليك وعرفتك عليهم غير النص نص لاخر تاهو جا ههه ولكن ماتخافيش ايلا عيتي طلعي لشومبر وارتاحي وخلييهم

كنزة: ماكنعرف تااحد من غير ماماك وخواتاتك وولاد عمك غير شوية ماشي بزااف ماتخلينيش بووحدي

عماد بصوت حنيين: على انا نقدر...هاد النهار داز بعام ماتخايليش شحال كل ساة كتبان ليا طول من اللي سبقااتها امتى تكوني كنز الحلال فداري كنتسنى بفارغ الصبر....توحتشك

كنزة ضحكات كتعوج : يتوحشك الخييير

عماد : يااك واخا دابا نتفاهم معاك على هاد الكلمة االي كتشحفيني بااس نسمعها منك..سيري ترناحي احبيبة براكة علييك نعسي شوية وشدي طريق اجي ولا نسيفط ليك شي حد من تما يجييبك اش بان لييك

كنزة لا لا قادرة نسوق والله نعست مزيان لبارح مرتاحة ....

عماد : مزياان صافي خلي تيليفونك شاعل نعاود نصوني ليك جيبي معاك حوايجك االي غتحتااجي والباقي خوديه من هنا باش من الاوطيل نمشيو فين قلت لييك بلاما ترحعي تالتما..

كنزة بتمرد : كون غير آجلتيها عفااك مانقدرش نمشي بوحدي(غمزات اسماء )

عماد : ياك قلتي تمشي معاك ختك قلبتي كلاامك تاني..

كنزة : يلاه غنقولها ليها حتى نشوفها اشنو غتقول بسلامة ماما جاية شوية ونصوني ليك

قطعات علييه كضحك والحاجة دخلات جلسات حدااهم بعيااء كتستاارااح..

الحاجة: مالك كحضكي..معامن ..

كنزة : قاليا عماد نساافرو مورا العرس وتمشي معانا حتى اسمااء ماقدرتش نمشي بوحدي قاليا دي معاك ختك

الحاجة : بلاما تخسريها ابنيتي ماغيبغييش باك دعي معاهاا الله يبيص سعدها حتى هي بشي ولد ناس بحال هاد العاائلة نتهنااو عليهاا...

اسماء : اويلي اماما صافي بغيتي تهناي مني جات نوبتي هههه

الحاجة: ومالك علاش ابنيتيي باقي الخير فدنيا وباقين ولاااد النااس الله يكمل علييك تانتي بالخيير والله يفرحناا علييك ويهنينا علييك تا ايلا جات لموت نعرف راسي خليت بنااتي فايدي امنة ماشي مخلياها ورايا معلقة....كنزة تهنيت عليها العقوبة ليك تا نتي....

اسماء : الله يطول فعمرك واش باغا تبكينا حتى نتي خليني يلاه مسحت وحهي..

كنزة: غتبكي تااني غنزعف علييك برااكة اولي درتيي كنازة فين غنمشي راني غير حداك واصلا هانتي مسافرة معايا يعني راك مزال معايا وقلت ليه مانكش فاكادير غنبقى عليك حتى نجي لكازا ونقرب حدااكم..

اسماء : غير جاتنا على غفلة ديك نهار عاد كنتي بوحدك معانا وهانتي غادا لداار راجلك المكاتيب سبحان الله..

كنزة : وشكون عرف حتى نتي من غدا العرس تجي مخطوبة ماتسافري معايا ماترجعي لداركم من تما لدار العرييس ههههه

اسماء : واش متافقيين عليا ليوم ولا شنو ههه حالفين تاتزوجوني انا راه خاصني نزوج بنتي ااش بقى ليا فشي زوااج ....

الحاجة: لاوااه مالك شحال عندك مابايناش كاع عليك واالدة الله يبيض سعدك كبر منك وشرف مننك وتزوطو وعااودو حتى يسر ليهم الله وتبتو العقوبة لييك حتى نتي ...

كملاات كنزة عشاها هضرة تجر هضرة وناضت حيدات القفطان وتكات كتهضر مع عمااد حتى نعسات شوية خلات واسماء الحاجة وباقي العائلة كيوجدو باش يشدو طرييق حتى عازودو فيقوها وخرجو من تما شدو طريق مباشرة للاكادير سواايع قلييلة حتى وقفات قدام ديال الفيلا دعماد لقاوهم فاستقبلاهم عند الباب تصدماات كنزة من الاستقبال اللي دتيرين ليها بحالا شي امير وداخلة عندهم علاات راسها بافتخاار وفرحة والحاجة مها كثر منها عاجبها الحال ماكين غير نسابي نسابي قدام العائلة دخلوو لداخل فين كانت الدار مجهزة بافضل التجهيزات وعلى ايد افضل لي تريتور فرحو بالعروسة ودارو ليها حفلة تدكرها عمرهاا كامل فرحانييين بعمااد الحفيد الاصغر والمحبوب بطيبتو ومسااعدتو للعائلة كلشي فرحانيين ليك وفرحتهم تعكسات حتى على كنزة ملي عماد بغاهاا وحبها حتى هوما عجباتهم وبغاوها فطريقو...

دوزو الحنة تاانية افضل وافضل من لولااا وكل وحدة وتثااليدها واصلووها صبااح الغد كثر من ليلة الامس جري عليا نجري عليييك كنزة بقاات فدار العريس جاو عندها ليكيب اللي غيوجدوها والشي لاخر كلشي مشى للقاعة فانتضارها بقات معاها غير الحاجة واسماء وبنتها.. هاد الاخيرة اللي كل مرة كتعيط غلى الحاجة خايفاها تقلق منها تاني تسولها فين وصلات وواش قرباات حتى عرفاتها شادة طرييق عاد ارتااحت..

جهزو كنزة وولبسوها ووجدوها خلاوها جالسة حتى نزلات اخت عمااد كتعيط على خوها يجي ينزل العرووسة

كنزة : كنحس برجلي ماهازينيش كلي كنترعد شووفي..

اسماء : عادي غير غيشد فايديك وغترتاحي تيقي بيا حيدي منك الخلعة نهار اللي عندك حسي بيه وفرحي فييه نسااي عليك الخلعة باش تنسااك..

كنزة: خلييك حدايا ماتفرقييش عليا

اسماء :هانا حدااك

كنزة :جاك القفطان زويين..

كانت بقفطان ازرق ملكي بطرز نفس لون مهياااب وعاطي للعين والمضمة رقييقة نقرية مع كولي لااصق فعنقها بحالا السمطة كيلمع حتى هو نقري جامعة شعرها كاامل لور على شكل مشيطة زايدة الشعر باش يبان قوي ولاحية عليه شال من لفوق ومكياج ماكتييرش وماخفيفش بين وجهها زادها جمال وانوثة اكثر ...بعد لحضات طلع عندهم بالكوستييك مدكحل والصبااك والورد حمر ضااحك وباينة فيه متوتر وحشمااان دخل علييهم والنكافات كيصليو على النبي ويعاودو وهو فرحان شد فايد كنزة ونزل بيها للطوموبيل طلعها ومشى قدامهم زااد واسماء ومها مشاو مع اخت العرووس نيشان للقاعة...

فين كانو العائلات بجوج كيتسناوهم القاعة كبيييرة وواسعة وعرييضة بالطامييرات والبلازمات كتبين كاع الجوايه ديتل العرس والتريتور زاقف عند البااب كيشوف ومرااقب والخدم موزعيين كيرحبو بالناس ويسربيوهم والفرقو الموسيقية كطيستيي وتجرب اللحن باش يبدااو....دخلات اسماء مع العروسة والعريس فين كان العدول الليوغضرب ليهم العقد مان البيت فيه غير العائلة القرييبة الواليدين والخوت فقط...خرج سلطان كيعيط على تسنيم باش يلعبو وهي فلتاات من ايد اسمااء ماحسااتش بيها وتبعااتو..

مشاو كيجريو فوق الزربية الحمر جلسو مع باقي الوليدات صغار كيجمعو فالورد اللي كيطييح من صقف كل مرة ..

تسنيم : غنجمعو و غنعطيه لماما وننا شكون غتعطيه ليه...

سلطان :عنعطييه لبابا عيزي عدنا دابا وعنعطييه لييه باس مايبقاش يضربني عطيه لباباط باس حتى هو يبقى ييزي عندك ديما واش عندك باباك

نطق وليد صغير من عائلة العريس: تسنيم ماعندهاش باباها قالتها لينا عمتي..

تسنيم : عندي بابا

سطلان : لاا ماعندكش ديما..ديما كتقول ليا لاميتخيس ماتخاسمش معاها ماعندهتش باباها

تسنيم بتمرد مارضاتش : عندي بابااا وحسن من باباكم كاملين انا بابا ماكيضربنيييش ماشي بحالك

سلطان : ايلا كان عندك باباك خاصو حتى هو يجي بحال بابا عيزي عندي دابا

تسنيم : ااه غيجي عندي..وغتشوفو ماكيضربنييش

سلطان : عنعطيه الورد باش ميبقااش يضربنيي يلااه نمشييو...

ناض شاد داك الورد كيجري بين ايدييه وهوما تابعينو وتسنيم كتجري مورااه كل مرة طيح ليها البلغة وترجع تلبسها مشطونة وتمشي تجري تاني حتى خرجو لبرااا كيلعبو تما ويضورو على الساقية اللي لوسط عاحبهم الماء والشلاال....

حتى لوا اللحضة وهي تبان ليها واحد الطوموبيل واقفة فالجنب ومحمد نازل وقف قدامها وتيليفون على ودنييه كيهضر تسنيم غير شافتو عرفااتو مشات عندو كتجري فرحااانةودرااري تابعينهاا..

فحين محمد كان واقف ماحس حتى لصق فيه شي حد فرجليه كيتعلق فييه من صوتها اللي كيضحك مسرسر بحال شي قطيطة عرفها وتسبم وطل بانت ليه هي قطع تيليفون ونزل محني عندها وهي عنقاااتو ودرااري كيشوفو ببرااءة ويضحكو..

سلطان : بااباك... عمو هذا هو بابا ديال تسنييم ..

_باباك اتسنييم هزا ؟

_جا عندك باباك..سعداتك بابااك

شافت فيهم تسنيم بتردد كضور فعينيها وتبلع فرييقها وهي تعنق محمد وهو كيضحك ضامها لعندو محني جاتو فشكل هاد باباك اتسنيم...!

تسنيم : بابا عمو محمد...

حلو فمهم بعدم فهم من كلاامها حتى تكلم سلطان بفضول وخجل من محمد...

سلطان : نتا هو بابا ديال تسنيم اللي مكيضرهاش ؟

فالداخل من بعيد طلات اسماء على القاعة كضور عينيها وتقلب على تسنيم ماعرفتها فين غبرات وماحساتش بيه فاش خرجات..بلعات ريقها مزكية راسها مابغاتش تخلع وضارت كتقلب وسط الوليدات الصغاار حنى بان ليها السيد اللي قدام الباب طيفرق الحليب والتمر فاستقبال الناس وهي تمشي عندو..

اسماء :عفااك آخويا مبانتش لييك واحد البنية...صغييرة شعرها بوكلي وعينيها خضريين.. خرجات من بيت العروسة مابانتش ليك مع الوليدات....

_خرجو الالة شي دراري صغار كيجريو برا ماعرفتش واش تكون معاهم ولا لا يلاه خرجو غير شي عشرة دقايق داباا..

اسماء كترجف بتوتر : صافي اخويا شكرا غتكون غير معاهم....

يلاه ضارت غتمشي وهو يبان ليها سلطان دااخل كينقز بداك الورد تاني...

اسماء : سلطان..اجي نقوليك..مبانتش ليك تسنيم اولدي كانت كتلعب معاكم..

سلطان : ااه تسنيم مع باباها على برا...

اسماء رخات حجبانها بصدمة حاسة بالسخفة : ش شك شكوون شكون هاد باباها

ماردش عليها بقى كيشوف وهي هزات قفطانها بين صبيعاتها وخرجات دغيا كتقلب بقلل وتوتر فداخلها مكاحش فبالها ناصر ايدا حيت متأكدة انه مستحيييل يكون هو ...

الخلعة دخلات معاها ملي مشافتهاش ومبانتش ليها شداتها البكية قلبها كيضرب بجهههد والدم تسقط من وجهها ولات كلها كترجف حاسة برااسها غطييح فاااشلة وفعلت فشلات ورجليها تقاالت عليها مقادرااش تقبل فكرة ماغتلقاش بنتها..حاساها الموت بعينيها..

حتى لواحد الحضة وهي تبان ليها من بعييد واقفة كضحك وشي حد قدامها عاطيها بالضهر محني فنفس طوولها ولكن من ضهرو عرفاتو مايخفاش عليها وحتى طوموبيلتو اكدات لييها معرفتو..طلقاات النفس وارتااحت عرفاتو وصل الحاجة...

بللات شفايفها كتدكر اخر الحوارات اللي وقعات بينااتهم اللي على شوية وكانت غتحط لييك كلشي على الطبلة وتفضح رااسها....لعنات راسها ماكرهاتش داك الاياام كون تمحاو من داكرتو ومايبقاش عاقلة على الكلام اللي قالت ليه والبكاء اللي بكاتو حيت مجاش شافها وحتى الحالة اللي شافها فيها ايامات المرض....

يلاه زادت الخطوة ووقفات كتشوف من بعييد حاسة بالنمل كيجري فداتها كآنه كيتشفى فحالنها...هاد الحالة اللي كيدير فيها هاد السيد غير من حضورو بلا كلام ولا حتى سلام بالايد ولا لمسات غير شوفتو كتغير حاالها وتخليها تفقد رااحتها..

هزات النفس وتتنهداات مطولة وهزات قفطانها مرة اخرى غي بطرف صبيعاتها ومشاات بجيهتهم مبسمة ماامبينش تورتها وارتباكها....!

وقفات موراه جامعة داك القفطان بين صبعانها مزيرة عليها كتخرج فييه توترها ماعرفات ماتقول ولا باش تبدا الكلام كآنها اول مرة تشوفو وتهضر معاه تربط ليها لساان حسات براسها كتهضر فداخلهاا ولكن مقادراش تخرج داك الكلام مع فمها وهو شاف فيها غير بطرف عينيه حس بيها وبريحاتها اللي ملات المكااان مع نسيم الرياح الخفييف كيلعب بريحتهاا مع جيوب نيفو كيف بغى قلب عينيه وشاف فتسنييم مبسم جنب شفايفو..ملامحيو تبشرو وحجبانو نزلوو كيستناها تهضر حتى سبقاتها تسنييم...

تسنيم : مامااا

رجعات لوعيهاا وشافت فيها كتحلف عليها..

اسماء : ماما عاد...علاش خرجتي بلا خباري اش كنقول لييك انا...

حدرات راسها تسنيم كضور فعينيها وترجع تهزهم كترمش فييها عارفو راسها اش داايرة ايديها وسط ايد محمد كتلعب برجليها لور ولقدام يلاه غتهضر اسماء وترمي علييه السلام حتى بان لييها جر عندو تسنييم برفق وقال شي حاجة فودنيها ورجع شاف فيها وهي حركات لييه رااسها بايجاب ضاحكة كتبعد الشعر على وجهها مبرزطها..

تسنيم : قالييك..عمو محمد ...(جمعات ضحكة) ءءءء نسبيت...

تبسم حك دقنو ورجع قال ليها بصوت مسموع هاد المرة وهي شافت فاسماء كضحك وقالت...

تسنيم: يسلم الراكب على الماشي

محمد: والماشي على القاعد..

تسنيم ردات والضحكة كتقطع كلامها : ههه والماهههه والماشي على القاعد هههعه

تحنات على كتفو كضحك فاشلة وضحتها زويينة ومسرسررة ضحكاتو حتى هو وبلطف كمل....

محمد : والقليل على الكثير...

تسنيم: والقليلة على الكثير ههه

محمد : والسلام سنة..

تسنيم : والسلام سنة ههه

محمد : والرد فرض

تسنيم : والرد فرض

تلفت شاف فاسماء خاطف المضرة مكيبغيش يطولها فيها ورجع شاف فتسنيم وهي كضحك عجبتها لعبة محمد فحين اسماء تبسماات حادرة رااسها فهمات قصدو كتشوف باستغرااب وهو مزال محني عند تسنيم شاد فيها ماعرفاتش وااش مزال ماباغي يتلفت وينوض عندها علاش عاطيها بالضهر وشاد فبنتها...بلعات ريقها مسرحة صوتها رادة لبال لكلاامها وشنو كتخرج من غمها كآنها اول مرة تهضر معاااه وتشااركو الكلام..

اسماء : السلام...غ غير ملي مالقيتش بنتي تلفت..س سمح ليا...(بارتباك حكات صبعها مع بعضياتهم) ا ااش خبارك..!

حدرات عينيها شافت فيه كتسنى اشنو غيقول ليها وباش غيجاوب بالعة رييقها على حلقها الناااشف حتى رد عليها السلام بلاما يتلفت عندها بالو معاها وعينيه على تسنييم بشبه تبسيمة مخليها متسنى كلامو على الريييق نااشف حتى فكر وخمم على خاطرو بصمت حاكم المكاان وهو يتكلم مرة اخرى كيسوف فتسنسم بحالا كيهضر معاها ولكن قاصد اسماء بكلامو..

محمد : سولي خبار هاد الاسبوع كيف فات...

تسنيم ضحكاات كتردد فكلامو : قالك عمو سولي خبار هاد السابوع كيفاش فات

محمد : الصببر تسالى

تسنيم : الصبر تساااااالى ههه

محمد: و انا كنتسنى جوابك..

ردات موراه تسنييم واسماء جمعات الضحكة بفضووول كبيير كتسناه يكمل كلامو وهو رجع شعيرات تسنييم اللي كيعميوعينيها مع الريييح رجعو ورا كتفها وكمل...

محمد : قابلة لبنتك نكون ولي امرها...معلم صغرها...وصدييق لكبرها...قادر بمسؤليتها..وحامي ضهرها...(سكت شوبة وهي كتصنت ورجع تكلم )موافقة لبنتك تبدلني من مقام عمو لبابا...!

عللات فيه عينييها شفايفها اللي كانو مربوطين تفتحات وسطهم فتحة صغيييرة بالصدمة حلاتو ودنيها كيصفرو عليهاا واش اللي سمعاتو صحييح ولا غير الريح جابتو ليهاا..رخات جلايل القفطان من صبااعهااا حاسة برجليها فشلو ليها وداتها كلها ترخااات منملة عليهااا غير حسات بييه كح وغينوض وهي تحدر عينيها وشدات فجناابها مدة وهي هكااك حتى علاتها شوية لقات عينيها جاو فصدرها ورجعات نزلااتهم دغيا وهو وقف شاد فايديه تسنيم مطول فاسماء تشوفها رغم انه مكيبغيش يطول فيها شوفة بسيف عليه كيرجع يشوف ويرجع يقلبهاا تاااني حتى رحم ارتبااكها وتورترها..قال

محمد : تسنيم معايا...ارتاحي من جيهتها شوية نلحكّها عليك..

ماردااتش علييه وبلعاات ريقها بزز حاسة بقلبها كيضرب فحلقهاا حابسها من التنفس هزاات القفطان بين صباعها وعطاتو بالضهر ومشاات الضبابة معمرة عينييها مكيبان ليها حتى حد بحالا غييير يوحدها مسجونة وسط داك المكاااان كلامو فودنيها كيضرب ويتعاااود بحال شي صدى صوتي راافض يغادر ودنييهاا دخلان للقاعة مرفوووعة وخدودها كيف حب الملووك حالة فمها بنضراات باهااء كتشوف قداامها كيبانو ليها غير الافواه كتحرك وشي عيالاات قاصدينها كيعنقو ويسلمو عليها مسامعاهمش اشنو كيقولو ومامركزاش على كلامهم بكلام محمد اللي مزال ساكن ودنيها..

واش كييف فهماات ولا زادت فييه واللي تمناه قلبها هذاا شحااال سمعو ليها بسيف عليها واش سمعات غلط وكان قصدو على غيير اللي فهمات هي...دجييج العرس والناس والمباركاات والسلام عليها ماعقلااتش عليه وماحساتش بييهم كيف شي جمااد وااقف اللي وقف كيوقفها واللي مشى كيمشيها معااه حتى بان ليها واحد الكرسي جلسااات عليه ماحسااتش بالحاجة اللي جالسة جنبها..هاد الاخيرة ردات ليها البااال ولايديها اللي كتيرعدو عرقانين خلعااتها وشدات غلى كتاافها

الحاجة : اسمااء ياك لبااس مااالك ابنيتي..

تلفتات عندها اسماء كتشوف غير فمها كيتحررك ماسامعاش اشنو كتقول والحاجة كتقلب فيها وغمزات خديحة عمرات ليها كاس دالمااء عطاتو ليها ولكن اسماء ماشدااتوش حتى لاحضت الحاجة دمووع اللي دايزيين ليها وهي تحركها بجههد من كتاافها

الحاجة: اسماااء ياك لباس نعيط على مامااك ماالكي

علاات فيها هاد المررة راجعة لوعيها حاسة بشي حاجة كتنزل مع خدها وهي تهز صبعها ومسحااتو بانو ليها دموع واش الفرحة ولا الصدمة ولا ديالاش هادو اللي نزلو فهاد اللحضة....

الحاجة: ماالكي ابنتي ياك لباس نعيط على مك ماعرفت فينااهي...يلااه سلمت عليا

اسماء : ل بباس اخالتي ..ا انا لبااس...

الحاجة : خودي هاد الكويس شربي ليك الماء شربي...

جات خديجة ومعاها الحاجة وقفات على اسماء..

الحاجة ام اسماء : مالها...ياكما شداتك السخفة تااني

الحاجة:كتشدها ديما ولا شنو ؟

الحاجة ام اسماء : مرة مرررة كتفشل وتطلع ليها السخانة نوضي اجي لبيت عند ختك جلسي معاها تاتولي شوية..

الحاجة:لا حول ولا قوة ايلا بالله الله يجيب الشيفااء ابنيتي الله يجيب الشفاء

الحاجة: والله ياخد الحق الحاجة فاللي كان حيلة وسبااب الله ياخد الحق..

اسماء : ا م مافياا والو اماما...

الحاجة: نوضي يلاه معايا وجههك تزنك بالسخانة زيدي..

نوضااتها داتها معاها للبيت عند كنزة فين كيوجدوها جلساات تما لقاتهم حاطين لكنزة الماكلة ديالها تما وهي جالسة قدام النكافة كتقاد ليها..والبيت عندهاعامر بيهم...

كنزة : ماالها واش تزاد علييك الحاال...!!!

اسماء :غيير شوية د السخانة ماما حتى هي..

كنزة : كللك كترعدي تكاي تكااي..(ضارت عند نكافة)بلاتي عفااك نشوف ختي..واش ماتغدييتيش قالت ليا ماما ماكليتي واالو فالصاالون

اسماء : مافيا والو عطيني غير دوايا نشربو حسيت بالدوخة شويا....

مشات كتقلب وسط صاك دكنزة جبداتو ومداتو ليها خلاتها تشربو وخرجات مشات واسماء هزات داك الكاس وكنزة مشطونة عليهاا مااالك ما مالك مع ااخر كلمة نطقات انفااجراات اسماء قدامها كتبكي شادة على جهها وكنزة تخطفات من بلاصتها ناضت عندها كتجري جلسات جنبها ولات كلهااا كترجفف كثر منها ماعرفااات مادير بقات كتغوت على نكافاات يكلمو ليها الحااجة واسماء كتبكي وتكحب فنفس الوقت باغة غير تحبسها ماقدرااتش...

كنزة : ماالكي اسمااء برااكة اختي من البكى عفااك قولي ليا مالكي..فيناهيا ماما (شافت فالكوافورة)كلمي لياا غير عماد عفاااك يجي كلمي لياا شي حد ....

شدات فايديها اسماء كلهاا كترررعد حتى عنقااتها مخلياها كتبكي على كتفها وكنزة كتبكي معاها وهي معارفاهاش علاش كتبكي وهو يدخل علييهم عمااد بخوف كيسول وتبعااتو الحاجة وعبد المتقي كلهم كيشوفو ماعرفيين ااش واقع كل واحد وكيعطي سبب من عندو وكنزة معنقة عندها اسماء حتى بكات وتفشاات على خااطرها عاد بعدات كتشم الهواء مخنووقة وكنزة كتنش عليها وترخي ليها فالشاال اللي على رااسها تريحها وحتى الحاجة مسحات جفن عينيها ضنا منها انها كتبكي على ختها اما عبد المتقي خرج ماصبرش ليهم وهو على سبة عير كيتنهد ومضيوم كآنه هااز جباال على كتفو المقوص صدق اللي قال 《 الدار العامرة بالبنات مخلية 》

عماد بلطف جلس قفازي : ماتبكيش اختي هاهي ختك حدااك يلاه معانا حتى تقنغي ولا بقاي معاها ايلا ماهكش هاد الطتف يهزك تاني بلاصتك على رااسي وعينيا اختي اسماء راك عارفة اللي كااين..

اسماء بصوت رجفاان : تهلى فيهاا ختي اماانة عندك عفااط اعماد ديرها فعينييك..

مسح لكنزة عينيها من الدموع بحنان...

عماد : ماتوصينيش على بنتي..(وقف ) انا غنمشي نشوف السي عيد المتقي كيف حالتو خلعتوه مسكيين ختي اسماء ارتاحي من جيهت ختك تأكدي راك غتعطيها لواحد خايفة عليها من عينيه لا تآدييها..

علات فييه كنزة عينيها بحب مبسمة ودمعتها كتنقط من رمووشها وهو غمض فيها عينيها مبسم وخرج مشى بقات غير كنزة شادة وجه اسماء كتمسح ليها دموعها حتى ترخفاات وارتااااحت وقلبوها ضحك ونوضاتها عند النكافة عاودت قادات ليها وحهها من الاول...وغيرات ليها لبااسها لبساتها بحال العروسة قفطان خضر باش تدخل معاها حيدات هاداك الزرق لول ...لبسو كنزة وجدوها وعيطو على عماد يخرجها تحت الحان شعبية خاصة بدخلة العروس كتمشى بشويا عليها اوايديها فايد عماد حادرة راسها ومتوترة من الناس اللي كيشوفو فيها غييير هي محولين نضرهم لجيهتهاا مورااها اسماء مبسمة وعينيها منفوخيين بالكبى مرة مرة كتسهى وكتعاود ترجع لوعيها واخت العريس حتى هي حداها والنكافات مورااهم بطعارج باللون الاخضر والاحمر كيصليو على النبي ويلعبو بيهم بين ايدييهم حتى جلسوها فبلااصتها وتقلب الرييتم دالاغنية من الهاادئ والمتواازن للشعبي الجرة والحيرة هائلة عماد كتيططشحو ويتمايلو فجسهة وعائلة كنزة فجيهة بشويا بشوياا كيتخلطو ويتجمعو ويتعارفو ...

مشات اسماء عند الحاجة ضاحكة هازة عندها قطفانها وجلسات حداها حاسة براسها دايرة معاها العيب ملي جات ماسلماتش عليها تحنات عندها بعناق حار وجرات الكرسي جلسات حداها كترحب بيها وتعاود وهي كتسول فيها كيف بقات واش واقع ليها ومرة مرة يسكتو والحاجة كل مرة كضور تشوف فالطبلة اللي وراها حتى ردات ليها اسماء الباال...وقالت كضحك

اسماء : كتقلبي على شي حد الحاجة....

الحاجة : لا ابنيتي كنشوف غير فديك البنية..من عائلة العريس ولاالعروسة منكم....

طلات اسماء فين كتشوف لقاتها وحدة من بنات عماتها جالسة فالكرسي بوحدها فالطبلة كتصفق بايديها مبسمة وتحرك رااسها بشويا متبتة ومرزنة غير عينيها اللي كيضورو..

اسماء :اه بنت عمتي رشييدة ههه مالها !

الحلجة: لا لا والو غير كنشوف فيها كاع البنات اللي معاها ناضو يشطحو الوسط وهي جالسة ماناضتش عياو فيها...

اسماء : بنات عماتي كاملين عزييز عليهم النشاط والشطيح ههه ولكن بنت عمتي رشيدة وحتى مها راهي فين جالسة وراها حدوديات ومتبتن وتقال ماكيتحركوش من البلاصة ايلا ماحركتيهم منهاا

الحاجة : الله يباارك تبارك الله باينة فيها بعقلها مرزنة وتايتة هادي هي البنت بعقلها....مزووجة ولا على الله؟

اسماء : هه هي لاا موحال والله ماعرفت..موحال لا عاقلة عليها انا باغة غير تقرا وتخدم سمعت خدامة فشي بوسط زويين مع الدولة موحال واش تزوجات مزال صغيرة قدي انا وياها بنات العام...

الحاجة بابتسامة : عيطي عليها تجي تجلس حدانا ماتبقاش بوحدها...

هزات ايديها اسماء حركات ليها وديك البنت تبسمات وناضت بشويا هازة قفطانها عندها جات عند اسماء سلمات عليها من الخد الخد وعلى الحاجة وجلسات حداهم مرة مرة كتهضر مع اسماء والفرونسي غالبة على فمها باينة عليها من ضفيراتها وصباعها طوال ورقاق ديال البيرو والستيلو والحاجة كتشوف فيها وتعبر من الفوق ولتحت عجباتها وعمرات ليها العين...

هزو كنزة فوق العمارية وكلشي وقف معاهم منهم اسماء وقفات كتصفق ليها بايديها وكنزة كدير ليهم باي باي من العمارية موجهينها مع عماد قربوها لييه وهي تغمزو مو يعيطها البياض مكانش هاز معااه الفلوس مد ليه غير ولد عمو واحد الحزمة ديال الزرقات ماحسبش شحال فيه بدا كيجر من لاستييك وكيلوح على كنزة ضاااحك وصحاب الهزة شافو الفلوس سخنو ولاو كيجرييو بيها مرة مرة يرجعو عند العرييس تاني...

كانت اسماء حتى هي واقفة كضحك حتى حساات بتسنييم كتجر ليها جلايلها غير نزلات عينيها فييها تفكراات محمد بسرعة ورجعات عليها اللحضة اللي دوات معاه فيها بين عينييه تبسمات ساهية وبقات واقفة بجماد كتشوف فختها وعقلها غايب مع كلامو كيتردد فمساميعها...

تسنييم كتجر فيها تنزل لعندها واسماء عقلها ما مامعاهاش عينيها فكنزة ودماغها ساهي حتى بدات كتبكي تسنييم وكتجر فيها بجههد وهي تنزل عينيها ليها راجعة لوعيها لقاتها غتحماق بالبكى ونزلاات عندها دغيا هزااتها كتمسح فدموعها وتسنيم كلامها مامفزرش كتهضر وتبكي وصداع دالموسيقى ماخلاهاش تسمعها وهي تشد فايديها وبعدو خرجاتها على برا كتمسح ليها دموعها

اسماء : هانا اماما هاناا صاافي ماتبكيش ماسمعتطش ابنتي ماالكي هاناا

تسنيم : م ما مابغيتيش دوي معايا..تخاصمتي معايا حيت خرجت بلا خبارك

اسماء : على انا نقدر نتخاصم مع بنتي ماتخاصمتش معاك كبيدة ديالي نتي..هانا اماما مال بنتي..ف فين عمو محمد مشى ؟

تسنيم حركات راسها بايحاب : ع عفاك ماما خليني نقول لعمو محمد بابا مايبقاش يضحك عليا سلطان خليني نقول ليه بابا عفااك..

سكتان اسماء ماعرفاات ماتقول ليها وهي كتبكي وتمسح فعينيها برجاء كترغب فيها..

تسنيم : قاليا عمو محمد قولي لي بابا ولكن حتى تبغي ماماك نتي غتخليني اماما نقولها لييه يااك عمو ضريف وحسن من بابا ديال بصح انا بغيت نقوليه بابا عفاك خليني نقولها لييه عفااك اماما.. ..

تنهداات كتمسح ليها دموعها وجراتها لعندها بحنان عنقااتها فصدرهاا..

اسماء : مامااك ربي اللي عالم بيها ابنتي...صافي اماما سكتي من البكى برااكة غيشوفنا خالك غتقلق علينا تاني يلااه برااكة نشووف

جابتها قدامها كتقاد ليها شعرها فزك بالعرق والدموووع ولات حمررة والعوينات رموشهم كيقطرو باستها فييهم وقالت ضاحكة....

اسماء : قولي ليا اماما شنو كان كيقوليك عمو فودينك قولي لماماك نشووف مم

تسنيم : قاليك قبلي نقوليه بابا نتي غتقبلي ياك عفااك انا مانقدرش نقول لسلطان عمو بابا حيت عمو قاليا ماكندكدبوش على صحابنا والكدوب حرام مكيبغيهش سيدي ربي قاليا

اسماء : مكيبغيهش سيدي ربي اجي واجي اسليعفانة خليني نقوليه بابا ااش غنقوليه انا الكاريتة اللي عطاني ربي

تسنيم ضحكاات، : تانتي قولي ليه بابا

اسماء : ياااك ااش غنقووليه اامم

هزاتها عندها كتهر وتبووس فيها حتى نساتها وضكاتها يلاه كانت غدخل وهي تبان ليها كنزة جايبينها وقفات كتسناها حتى دخلوها لبيتها ودخلات معاها..

كنزة : كلشي كنحس بيك كيشوف فيا ناري على احساس

اسماء : كيجاتك العمارية ههه

كنزة : غزاااالة فننة حسيت براسي فوق فطيارة فننة فنننة

اسماء : شفتك ماخفتيش منها انا نهار طلعت ليها وليت كاملة كنترعد

تفكرات حالتها قبيلة لي دخلات عليها ..

كنزة : خلعتيني قبيلة خرجت مامعاياش عقليب حتى شفتك كضحكي مع الحاجة عاد ارتاحيت شوية

اسماء : حتى تلبسي ونعاود ليك ههه

كنزة : ااش واقع ؟ كاينة شي حااجة !!

سكتاات مخلية النكافة حيدات ليها ديك القفطان بقات بديبادور وشورط ديالو بيضيين مشبكيين لحمها كيشعل بالنقى مهلية فييه كثر اسماء شحال هذا مافيه حتى شعرة كيبري يلااه طلعات ليها القفطان مع شعرها وهو يتحل البااب ودخل عماد على غفللة جلساات كنزة دغيا فالكرسي مابغاتوش يشوفها والنكاافة غوتاات بصوت عاالي يخرج خلعهم وخلعوه حتى هو... حدر عينييه وجا خاارج مع البااب شوية وهو يضوور عندهم معلي حجبانو بنبرة ضاحكة

عماد : بلااتي..ك كيفاش خرج را مرتي آشريفة

كنزة غلباتها ضحكة : خرج اعماد خليني نلبس

النكافة ضحكات : غير نلبسوها ودخل اولدي هه

هز الصحن المغطي بالاليمينيوم وراه ليها من المراية..

عماد : وليباط دياالك نرجعهم ...

كهزة : ءءء ل لاا اراهم ليا غير اراهم

خبات بالقفطان قدامها بقا كيبان غي راسها وهو قرب عطااهم ليهاا دار راسو غيحط على فخضها وقرب فودينها بهمس

عماد : خبي حتى تعياي ليلة غنشوف كلشي..

بعدات راسها كضحك بخجل وهو باس خدها وخرج خلاهم والنكافة لاحت عليها واحد القفطان خفيف خلاتها حتى تاكل وترتاح وهي ناضت جلسات حدا اسماء عطاتها فورشييط وحدة اخرى ...

اسماء : غير تعشاي بالصحة ههه بشويا على المكياج غتمسحيه كاامل

كنزة عطات فورشطي لتسنيم: هاك اخالتو مال عينيك حمريين ماالها ؟؟

اسماء : والوو خرجات بلا خباري فاش بغات تهضر معايا ماسمعتهاش يسحابليها تخاصمت معاها

كنزة : الكبيدة لهلاا تهضر معاك اجي هضري معايا اانا كولي عجبااتك ؟

حركات راسها تسنيم بتجااب وكنزة باستها كتاكل هي وياها...

اسماء : علاش جبتي هادشي قولي لماما تجيب ليك شوية من العشاء حسن ليك....

كنزة شدات الضحكة : القبيلة فاش كنت جالسة حداه....قاليا كنزة انا فرحان...بالخلعة قلت ليه انا فيا جوع مات عليا بالضحك ولات كتقول ليه ماماه ناس كيشوفو فك حبس من الضحك ونتا غير حال فمك وهو مييت بالضحك

اسماء :شفتكم هههه عيات ماما ماتغمز فييك ونتي عينيك مانعرف فين كتشوف..

كهزة : ماشفتهااش هههه قاليا نجيب ليك شي حاجة من هنا كاين اصحبتي غير البسطيلة و اللحم وزيتون وليدام داكشي غيبقى ليا فالمعدة وبغيت نعس ليوم مرتاحة وخفييفة ليباط خفااف ماكيرجعو ريحة دجوف ولا كيتقلو حسن ليا

اسماء : ليلة وحدة اللي عندك عيشيها حيدي من الحشمة والخوف غير غتزيدي تصعبي علييك

كنزة : ماتخافييش....كيقوليك ليلة وحدة عند رااجل ماكتسنااش هي ليلة دخلة كتبقى فالعقل مرسسخة وايلا ماخليتها ليه متورخة حياتو كلها يتفكرني بيها ماشي كنزة بنت الحاجة

اسماء : باينة من دوك شوميزات اللي خديتي غير ضيعتي فيهم الفلوس كلهم عريانين اختي غير الخويطات ااش غيلبسو فييك هادوك...

كنزة : كل مرة كيفكرني فيها كندير راسي خااايفة ههههه واقولي ليا شنو باغة تعاودي ليا خلعتيني قبيلة كلك كنتي كترعدي وكتبكي بابا مسكين شاافك كتبكي هكااك عينو عمرات بالدموع وخرج واخا مكيبغييش يبن لينا

تنهداات اسماء وحدرات رااسها كتلعب فشعر تسنييم وتبوس على راسها لحضات..

اسماء : عرفتي شكون وصل الحاجة...

كنزة : ولدها قالت لينا هو اللي غيجيبها ....مانقوليش ليا تلااقييتي معااه ؟ شفتيه !!!!

اسماء : انا شفتو..ولكن هو مشافنيييش..هي فاش خرجات تسنيم خرجت بلا عقل كنقلب عليها القاعة كبييرة وخفتها تكون فلتات لشي قنت خلاص ملي قاليا سلطان ولد لوستك مشات عند باباها شعلات فيا العااافية...عرفتها ماشي ناصر ولكن شكون هذاا اللي غتقول ليه بابا قدام صحابها..

تبسماااات هازة عينيها فكنزة شداتها ضحكة عرفاتها طيرااتها فالسماء حطات الفورشيط من ايديها بهدوء كتجمع فضحكتها...

كنزة : قالتها لمحمد ؟ قااالت ليه باباا ؟؟ شنو قاال ليهاا ش س سمعتيهم نتي شنو قاالييهاا

اسماء : انا مسعتهتاش ولكن غير ملي بانت ليا معاه ارتااحييت مشيت عندهم بالتلفة عوض مانسلم علييه درتو ماكينش وهضرت معاهاا هي

كنزة : ماقلتييش تا سلااام ؟؟؟

اسماء : تلفت والله العضيييم سمعت راسي قلتها فودني ولكن باش نخرجها مع فمي والله ايلا تلفت ماتعرفتش دخت هه

كنزة : اهااه

اسماء : قال شي حاجة مابغانيش نوقف بلاما نسلم عليه كان محني عند تسنيم وشاد فايديها كيشوف فيها ويهضر معاياا

كنزة : مضاارش عندك ؟

اسماء : لااا والله ماشفت وجهو لحد الان هه ماداارش عندي كاع

كنزة : اويلي وعلااش ؟؟

اسماء : ماعرفتش..

كنزة :وعلاش دخلتي كتبكي واش قالك شي كلمة ماعجباتكش...ولد الحاجة خرج فعودناا يا يبكييك يا يفرحك ديك نهار عااد جا عندك خلاك فرحانة وليوم مسيفط لينا كتبكي تئ

اسماء قليات عينبها : كيفاش خلااني فرحاانة كنت عادي مامحتاجاش يفرحني هو اويلي

كنزة :ااه ااه نهار جا عندك نضتي بلا وقت ماتبقاايش تنكري علياا راااني وليت كنعرفك كنزة القيدمة اللي ماكترعف حتى حاجة على ختها مشااات وليت عينييك كنقرااهم هضري علييه هههه خودي رااحتك راه طلق ديال رااسو ماتابعاه لا مراة لا جووج عبري احتي عبري

اسماء :حشوومة ماتقوليش هكااك

كنزة : بقاي مخبية هكا حتى تنوض مو تاخد ليه شي وحدة وبقاي حالة فمك كتشوفي كان مزوج ليهاا نسينااه حتى فالهضرة وليت انا كنخاف نهضر عليه قداامك فعلاا ماشي من حقناا نهضرو عليه فشكل وهو صافي شاف حياتو فبلاصتو اخرى ولكن دابا راه طلق ا اسماء حر ديال رااسو عيقتي..

رجعات كنزة كتاكل فدوك ليبااط بالزعااف مابغاتهمش يتلااقو زيهضرو بالطريقة اللي عاودت ليهاا اسماء هاد الاخيرة اللي غير كتشوف فيها ماعرفاتش كيفاش غتقول ليهاا اللي سمعات او بالاحرى ماقدرااتش تنطقو مع فمها

كنزة : ايوا صافي دخلتي خليتييه..

اسناء : قال ليا..كنستنى جوابك ..

كنزة : علاش شنو ؟

بابتسامة حدرات راسها وكملاات بصوت هادئ مقلدة طريقة كلامو...

اسماء : واش قابلة لبنتي يكون ولي امرها...معلم صغرها...وصدييق لكبرها...قادر بمسؤوليتها..وحامي ضهرها.....سولني واش موافقة لبنتي تبدلو من مقام عمو لبابا...

قابتها بنفس الطرييقة اللي سمعلتها منو كتشوف فتسنييم كآنه هو اللي كيهضر ورجعات شافت فكنزة بعيون لاامعة مبسمة هاد الاخيييرة اللي وقفات اللقمة ف فمها بصدددمة خخكات الفورشيط ومسحات فمها..

كنزة : دخلت علييك بالله

تسنيم : ماما غتخليني نقول عمو محمد بابا ؟

طولات كنزة الشوفة فاسماء بابتساامة هاادئة عينيها لمعو،وهي متشوف فعيون اسماء اللي دمعو ليها..

كنزة : جاوبيها...

ضحكات اسمااء وتنهدااات حادرة راسها..

اسماء : ماعرفتش والله العضييم..دخت اكنزة ملي قالها ليااحسيت بالارض ضارت بيا حسيت بالسخة ملي ماطحتش قدامو هكااك راه لبااس ..مابقيتش عاقلةعلى راسي تخايلي دخلت كنشوف غير الفام كيتحركو تاحد ماكنسمعو اشنو كيقوول ...حسيت برااسي تهزييت من عالم وتحطييت فوااحد ااخر

كنزةخرجات عينيها : مجاوبييهش ؟؟

اسماء : لاا....هههه انا ودني كدبتهم كيفاش غنهضر معاه ونجابو وانا معارفاش واش فعلا داكشي اللي قال كااين ولاا ودني االي جابتهم ليا

كنزة : حمقة نتي والله ماعندك العقل على هاشي داخلة كتبكي وحالتك حالة وانا يسحابلي كتبكي عليا صدميتيني خاصك تفرحيي ماشي تصدمي...

اسماء : ماغتحسيش بيا...واخا نوصف ليك كاع اشنو وقع ليا فديك اللحضة والله...حتى وحدة ماغتحس بياا ...شفتي ملي كتكون شي حاجة غير كتشوفيها كتشوفي الفرحة الراحة و الامان كتحسي بضهرك عامر وعندك علامن تحطييه غير كتشوفييه كتحسي برااسك كتشوفي الفرحة على شكل انسااان...الفرحة والضحكة والتلفة والوجع وكلشي كيتخلك عليك فلحضة وحدة...

تنهدات كنزة مبسمة كتسمع ليها ولهاد الكلام اللي اول مرة كتقولو ليها....

اسماء : قبل مايتزوج كان هو هاد الشخص عندي....كان هو الفرحة كنت كنمناه ايلا ماتلاقينااش فالدنيا نتلااقاو عند الله فالجنة ولكن ملي تزوج حسييت بديك الفرحة مشاات وعمرني غنعااود نحلم بيها واخا ماقدرتش نسى حيدتو من بااالي وعرفت ديك الفرحة والامان مامكتاابش ليا نعيشهم معاه فالدنيااا...والله اكنزة راك شفتيني عمري دعييت ليه بشي حاجة من غيير الكمال ملي تزوج وتهنى وارتاح والله حتى ارتااحيت بقى فيا الحال فعلاا ولكن هو عاحجو الحال ومرتاح حتى انا مرتاحومعاه...واخا ديك الفرحة مشاات وعمري غنعييشها مع غيرو ولا غنعاود نشوفها تاني...مكاينش بحالو وعمرو يكون...بحال شي حلم كتمنياااه كتشوفي فيه الحيااة وفجأة كيقولو ليك صافي مابقااش نساايه حيديه من باالك مشى وعمرك مزاال غترجعي تحلمي بداك الحلم ولاا تحسي بالفرحة فييه...هادشي اللي حسيت بيه ملي عرفتو تزوج ...

تبسماات ضاحكة وكملاات..

اسماء : حتى لواحد النهار بحالا كيجي شي حد ويحط ديك الفرحة بين ايدييك ويقول ليك هاكي صافي راه ولات ديالك خوديها...قولي ليا نتي هههه كون كنتي فبلاصتي شنو غيوقع فييك...

كنزة : ماغتكملش هاد الفرحة حتى تقبلي وتشوفي حياتك حتى نتي برااكة ماتفكري لهذاا وهادااك غارفاك تااني كتفكري فمرتو اش غيوقع ليها نهار تسيق الخبار والمهدي شنو غيقوول ليه والحاجة وااحاج وماما ونااصر ومينة كلشي كتفكري فيه قبل ماتفكري قرااسك..لمرة وحدة فحيااتك ا اسماء فكري فراسك ولو غير بمرة وحدة حاولي تعطي لفرصة رااسك تفرحي...نتي باغاه وحتى هو باغيك عطي الفرصة لرااسك تريحي لراسك شحال قدك تفكري فراحة الناس..بعد المرات كنحتاجو نكونو انانيين...ونتي فهادالحالة ماشي انانية نتي كتقلبي تبني حياتك من مدة وجديييد...تعيشي بوحدك صعييب الحال شوفي اشنو داااز علييك ونتي بوحدك عاقلة اشنو وقع لييك يسحابليك داكشي ساالة ناصر عمرو غيخرج من الحبس ؟ عمبرو غيتفكر بمتو ؟ عمرو غيخرج ويجيه الحنيين ليها وعاد هو ينوضو علييه حبو ويبغيها غتقدري عليه بوحدك شحال قد باباا يوقف معااك ا اسماء نعيااو نقوااو ولكن كنبقااو عيالاات ومحتاحجن اللي يكون يند وضهر ليناا ...(ضربات دراعها )صافي حتى نتي فرحينا بشي عرااسية اااحح نسييت ولد الحاجة فقييه ماغيدييرش ليك العرس خساارة صافي ماتقبلييش بييه

اسماء حركات راسها بلا : مابغيتش العرس اصلاا

كنزة : هيااا نتيي قاااابلة والل عطى لله عطااه لاش مخليااني كنحفي فلساااني ليمسخك

ضحكااات اسماء كتمحس على وجهها بخجل اللي طاح عليها فهاد اللحضة وهي تعنقها كنزة هي وبنتها فرحانة كثر منها شادة فيها بولد الحاجة...حتى دخلات عليهم النكافة نوضااتها تلبسها اللبسة التانية واسماء خرجات هي وتسنيم لبراا لقااهم كيحطو فالبوفي مستفة على شكل طبلة حدا تانية وكل طبيلة عليها السيرفور دياالها طبلة فيها ليصوندويتش طالعيين وحدة فيها لبيبانكييك والحلااوي ووحدة فواكه دلبحر على الانوااع...ووحدة اخرة فيها البابوش اللي مشات ليه تسنيم كتجري وقفات عليه حتى خدات زلافة ديالها واسماء ماشية ليها الشهية ماخدات حتى حاجة رجعات جلساات حدا الحاجة كتوكل بنتها وتمسح ليها خايفاها تعمر راسها والنشااط ناايض فالقااعة توسط الجو وسخن الوسط واللي حاطة عينيه على شي حد ناضت تبان واللي عينيه فشي وحدة راه مقاابلها...

فحين الحاجة حاطة عينيها على بنت عمة اسماء كل مرة ضور تشوف فيها حتى لواحد اللحضة وهي تقرب عندها بالكرسي ضاحكة...

الحاجة :عطيني ابنتي كاس دالما بعيد عليا..

يتبع...