حمام الخلا الجزء 11

حركو راسهم ودخل هشام سبقهم للصالة لتحت وجدها ليهم باش يدخلو وهوما تابعنييهم من لوور كيهضرو ..

محمد بتركيز : اهاه دخلتي عندها ولا مزال....

_لا لا دخللت ..اجسي نجلسو ونعاود لييك....جابك الله..

لفووق...داخل بيت اسماء جالسة كنزة على رااسها كتدوز ماء دالقران على عنقها وجهها محاولة تفيقها والحاجة وااقفة ايديها وراها غاداا جاااية ودموع فعينيها كتبكي وتشوف فيها مغلوب على حاالها نرة مرة تضوور تشووفها وتعصر عينيها من دموووع حتى كتخنق وتبدا تكحب سخفانة قداممها ماعرفة واش تفييق ليهم ولا لاا حتى تحل عليهاا البااب ودخلات مرت ولدها يلته بغات تهضر وهي دخل موراها الحااحة..فحين ام اسماء غير شافتها هزاات ايديها لفووق كتبكي

ام اسماء: وااا اجي تشووفي الحاجة اش دارو ليا فبنتيي اجي تشوفي

الحاجة:لت حولة ولا قوةايلا بالله(نزلات عينيها عند اسماء بديك الحالة وهي تقلب وجهها كتبكي ماقدراتش تشووف فيها وعنقات ام اسماء كتبطي هي وياها واقففين)

ام اسماء:شوفي الحاجة اش دارو ليا فبنتي ربييتها كي الوريدة دبلوها ليا قلت ليها ردي البال حضي راسك عطي لولااد الحراام التيقاار لقاو بنيتي نوية لقاوها غا بقرة وحالة فمها مرضوها ليا..مرضوو ليا كبيديتي الحاجة لااسماحة لييهم لاسماحة ليهم تالعندو رزاوني فكبيديتي حرقوني بيها الحاجة حرقوني بيهاا

الحاحة:لاا ايلاه الا الله لا ايلاا ايلاا الله اختي داابا يفرج عليها داابا يفرج عليها حنيينة مسيكيينة دروييشة وخبز الله فطبكو من نهار عرفتها اختي وهي ضاحكة...ضحكتها بين عيني عمر كلمة العيب سمعتها منهاا علااش ماقلتوهاا ليا الحاجة... تلهييت مع مرت ولدي ونسييتها مشاات من بااالي الحاجة مشات

حطو راس على بعضيتهم وكانهم كيتعرفو سنيين وسنيين وهوما ايلا معزة الانساانة اللي طريحة الفراش هي اللي حمعااتهم...بجوج بيهم كيبكيو وكلامهم كيقطع القلللب خلا كاع اللي فصالة برا كيبكيو معاها وكنزة حادرة رااسها كتشهههق ودموع دايزين غتحماق بالبكى قلبها كيتقطع كلما سمعات كلامهم...

صوت البكى كان نازل حتى لتحث عند رجال ومحمد منهم كيسمع ليهم حس برااسو تزير وصدروو تهز عليييه حدر راسو شادو ين ايدييه كيمشط فشعرو بصباعو بسرررعة مغدد و الفقييه حداه كيعاود لييه نفس الكلام اللي عاودو ليه هشام...

لحضاات ولحضاات من المشاورات والمديان والمجيان فالهضرة وتيليفون كيتعايطو ومحمد خدام كيعيط لمعارفو ماشي غير للاستشارة حيت مابقاش الوقت فين يستااشر لشي حد بل المسألة ولات ممسألة حياة او موت...بعد لحضات ناض هشام طلع لفوق ومحمد جبد تيليفون مرة اخرى خرج على براا كيهضر حيت الفقيه كان كيهضر حتى هو فتيليفون مابغاش يديرونجيه مدة قلييلة ورجع عند الفقييه..

محمد : نطلعو نشوفو خاصنا دابا غير فين نحطوهم....شحال من واحد كاع يجيب

_القلييلة ربعة..شي خمسة ولا ستة كاع نشوف غير واش كاين نحطو شي جوج هنا لتحث وشي ربعة لفووق و واجد فبيت البنت الله يجعل البرااكة....

محمد : كافيين زعما دار كبيرة ستة المكبرات ماعندهم مايقدييو..

_لا لاا الله يحعل البراكة ايلا كترنا غيتشخوش الصوت وشي مادرناه..نشوفو غير دار بعدا لفوق وااش طاين فين يتحط ولا والو

محمد: نطلعو هي دابا نييت..

_تانتسناوش الحاج يجي..

تنهد محمد مابقاش عندو الصبر باغي غير يطلع يشوفها..

محمد: نتسناوه لفوق ..

حرك راسو بايجاب ومشى طالع هو وياه لقاو الحاجة وام اسماء باقين جالسين عندها فالبييت ومشاو هوما للصالة اخرى مع اب اسماء اللي كان اول مرة يشوفو محمد من حالتو واضح ونضرات عيونو الحزينيين اللي غير كيشوف ييهم واضح عليه رجل مغلوب على حالو غير كيسمع ويحرك رااسو ومحمد عينيه على باب البيت المفتوح غير طيشوف فيه ويتخايلها هي اللي ناعسة فيه شادة الفراش كيتزير ويحدر راسو بتنهيدة مخنوقة مخليهم كلهم كيشوفو فييه مابقى مسوق لحتى حد وحتى واحد مابقى كيهمو من غير انه يشوفها فهاد اللحظة ....

بعد اللي عاودو عليه الندم من لداخل كياكل فييه انش بانش لوكان ماسدش الباب من جيهتها كانت عندو فرصة يعرف بكري اشنو واقع..طون غير شغل راسو وسول عليها مرة وحدة كان ممكن يعرف ويتصرف قبل ما يوقع هادشي كامل...حتى جا عندهم هشام

هشام : مزال مافاقتش..

محمد:واش كتبقى هكااك حتى تفيق على خاطرها مايمكنش غنبقاو مربعين ايدينا تاتفيق روينة هي هادي حضرت مع الواليد حتى عيييت فالسونطر دياالو وعمري شفت بحال هادي..

_ماتفهمتش ليا بحالك اولدي داكشي علاش كنتنساو الحاج يجي هو اللي غيعطينا التصحيييح

هشان:شكون..ش شي حد غيجي..

_ واحد السيد صاحبي من زمان رااقي هذا ولدو حتى محمد كيرقي ويقرا ما تيسر من القران ولكن بوجود الاب دياالو اللي غيجي دابا راه عيط لييه غيكون طاي فالطؤيق..

محمد : قرييب قريب خرج من المركز قرب من هناا..

هشام: م مرحباا مرحبا بييه شي راقي صحيح على هاد الحسااب هه مرحبا بييه..عندو شي مركز ديال الرقية الشرعية..

_اييه فوسط المدينة راه معرووف بمركز الراقي عبد الله ..

هشام واخا معروفش : ءء ااه تباارك الله اللهم باارك كيعاودو عليه ولكن صراحة مزال ماجربنا عندو هانتا كتشوف اشي الفقييه من طبيب لطبيب والدوايات والحالة ضعيفة شوية ماكناش نقولو نقدرو علييه..

تلفت فيه محمد بحددة عاقد فيه حجباانو..

محمد : فسبيل لله..الرقية الشرعية عند الواليد فابور واي واحد كيتخلص باش يقرا ايات قرأنية على ناس ما رااقي ما....بلاما يضحكو علييك....

هشام:ا ااه اه والله ماكنت فالباال قلت ملي وسط المديينة وكي كيعاودو علييه مزيان قلت تا التمن يكون طالع شوية هه ههه كي كاع الرقات اللي سبق وجاو..

ماردش عليه محمد شاف قداامو مرة مرة كيشوف فيه وهو غير تفكر اللي عاودت ليه اسماء اول مرة تلاقى معاها وكيفاش تعاملو معاها كمطلقة وكيفاش جراو عليهاا حتى تلاوحت فديور الكرا كرهو مابقاش باغي يشوف جيهتو قلب وجهو...غير مفرق رجليه وحاط دراعو على ركابيه كيشوف فزربية قدامو ساهي كيهزهز رجلييه بتوتر مرة كيوقف ومرة كيرجع يجلس وهوما غير متبعينو كيشوفو فيه كيفاش ولا كلو كينهج وتزير وحمار لهاد درجة بقات فيه ؟

لحضات حتى انضمات لييهم الحاجة وام اسماء جلسو معاهم فالصاالة وكيف العادو ام اسماء كتعاود ليهم الحكاية من مدة وجديد من نهار مرضات اسماء حتى للان ...

فحين كنزة بقات معاها فالبييت ومحمد كان جالسة مبااشرة معاه كيشوف شكون دخل وشكون خرج حتى لوااحد اللحضة وهي تطل عليهم كنزة..

‏

كنزة: فااقت اهشام..قوليهم اسماء فااقت..

الحاحة:على سلاامتها الحمد الله على السلااامة..

ام اسماء:فاقت ليوم دغيا الحمد الله مامولفاش لها..كتغيب بسواايع وسواايع عاد كتفيق كتنهج وعرقانة باغة غير تشرب تقولي كانت فالصحراء اييه بنيتي مسكيينة....

الفقيه شاف فمحمد باستفسار لقاه حتى هو كيشوف عندو..

_ندخلوو دابا يلاه..

بتفكيير شاف محمد فالبييت مامستعدش يدخل او بالاحرى مقادرش وماعندوش الاستطاعة يشوف فيها وهو يتنننهد مطول وقال..

محمد:غ غير دخل نتسنى الوالييد دخل نتا..

_نخليوها ترتاح حسن واقيلا نخليوها ترتاح علاما حا الحااج..

كنزة لداخل عند اسماء جلسات جنبها كتمسح ليها على جبهتها وخدودها وعنقها العرقان كيف العاادة ملي كتفيق وهي سخفانة كتفيق حاالتها بالعرق والسخفة ونهيج والنفس مقطوعة ٤يها..

كنزة:كتحسي بشي حاجة ؟

اسماء: ب بحا بحال ديما الحريق فكرشي ..كرشي كتحرقني بزااف و ورجليا..عطيني نشرب

كنزة:الله يجيب ليك الشيفااء يااربي الله يكّعد وسادتك اختي غير صبري صبري انشااء الله اللي جاي حسن..عرفتي شكون حا عندك(شربااتها حتى كملات ومسحات ليها فمها)

اسماء: ش شكون !

كنزة:الحاجة..مسكينة عيطات ليا قبيلة اشمن قبيلة غير شي نص ساعة دابا مكانش فخبارها واالوو غير قلتها ليها جات ديك ساعة راه على براا مع ماما..

اسماء:شك شكون جا مععاها..شكون جاابها..

________

‏

‏على برا محمد جاالس بنفس توترو حتى كيبغي ينوض يدخل وكيرجع يجلس ماعندوش القدرة باش ينووض ويشوفها ويتواجه معاهاا من الوقت اللي دخل باغي غير اللحظة اللي غيدخل فيها ولكن دابا ملي تاحت ليه الفرصة ضعاف حس قرااسو ماقادرش يزيد خطوة لداك البيت ويشوف حالتها....حتى لواحد اللحضة وهي تبان لييه تسنييم جاية من باب دزنقة بقرينات فشعرها والطبلية بييضة بصديفات صوت خطواتها وخطوات الشكارة بالروايض مكتحرهمش بجههد حتى كلشي هز فيها عينييه ومرت خالها بغات تشدها وهي تنتر منها من ملامحها باينة فيها معصببة وباكية ودخلات للبيت عند اسماء

مرت هشام:اجي اجي تسنييم..

قيل ماتوصل عندها دخلات للبيت مشات نيشان عند اسماء لاحت الشكارة وتكات عندها عنقاتها كتبطي واسماء مخلوعة خرجات عينييها كتنهج بغات غير تهز ايديها تحضنها ماقدرااتش وهي كتحس بيهم كتبطي فعنقها خاشية وجهها فيه حتى فزكاتو ليها..

تسنيم : ضربني عوتااني اماما طيحني فالاسترااحة مع صحاابوو وضربنييي يلاااه معايا عندو قلت لييه عنجيب ليك ماما قاليا ماعندكش ماماك يلاه معايا قوليهىبعد منيي كيحكر عليا غير انا بوحديتي ااهى

اسماء بصوت رجفان مخلوعة : ص صافي اماما صاف ماتبكييش..ك كنزاا

كنزة:اجي احبييبة اجي عندي ماماك مريضة اجي نشوف ضربك لحنكط وريني..

تسنيم كتبكي بهسيريية وخدها منفوخ حمر :ضربني بلاتخوس ديالو لوجهي ااهى ضربني كلشي بقى كيضحك عليا

كنزة:البرهوووش ماامبرربيييش المرة جاية غنمشي لوالديين مو نيشان انا اللي غنربييه ايلا مارباوهش هوما..

تسنيم:لاا ت تمشي معايا ماما غيخافو منها كاملين ماما يالاه معايا صافي نوضي براكة مرضتي بزاف ديال نهارات يلاه معايا قولي يبعد مني ااهى

اسماء:صاافي ابنتي ا اجي عندي اجي نشوف..تئ غ غنوض ونمشي عندو ونتفاهم م..مع معاه علاش يضرب... ليا بنتي صافي احبييبة بناقص من هاد المدرسة اللي غيبكيوها ليا ماعندي ماندير بيها..

تلاحت تسنيم عنقاتها كتبكي خاشية راسها فعنقها وكنزة كتطبطب عليها فحين اسماء بقات غير كتشوف ودمعتها نازلة فجناب عينيها اللي ماقدراتش تهز ايديها وتطبطب على بنتها وتعنقها وتضمها وسط صدرها وتقول ليها كيف ديما انا معاها ماكينش اللي يقرب ليك وانا عايشة ليك وكنزة ردات ليها البال وهي توقف..

كنزة:اجي معايا احبييبة نخليو ماماك عيانة اجي معايا بدلي حوايجك ياك وفطري وغدا غنمشي عند المديرة وندوي معاها صاافي تحولك من داك القسم كاع ماتبقاايش تقراي معاه صاافي ايلا ماحولاتك من القسم نحديك من ديك المدرسة بمررة اجي..

جراتها بشويا من ايديها داتها معاها واسماء متبعاها بعينيها ودموع على خدها ناازلين حتى حلات كنزة البااب مخرجاها ماجات فين تهز عينيها حتى لقات محمد قدامها كيشوف فيها قارن حجبانو وتسنيم هزات فيه راسها من رجليه حتى للفوق غير جتت عينيها فعينييه عرفاتو وهي تغوت بفرحة بحالا عمرها بكات وهو تحنى عندها قفازي عنقها لعندو كيمسح على شعرها

محمد:مال عمو علاش كتبكي..بلاتي نشوف (جابها قدامو) شكون دوا معااك..علاش كتبكي..

تسنيم بشكوى : ضربني سلطان فالمدرسة بلاتخوس ديالو هنايا ضربني كلشي ضحك علياا ااهى

محمد:ششش صافي...ماتبكيش عمو المجتهدة نتي ماخصكش تبكي اجي عندي..

وقف وهزها معاه وهي كيف الكميشة وسط دراعو كتبطي وتمسح فدموعها بايدياتها صغيورين وهو رمى عينييه لداخل عند اسماء مابان ليه والو ومابغاش يركز وهو يمشى بيها للصالة وكنزة رجعات دخلات يلاه غتسد لباب وهي تشوف فاسماء منيشة صبعها جيهت البااب بعينين وسعين على حدهم باغة تهضر و والكلام وحل بيين شفايفها ماقدراتش تخرجهم....

وكننزة قربات عندها حادرة رااسها عرفاتها شافتو حتى سمعاتها قاالت بصوت ضعييف وفرحان فنفس الوقت...

اسماء: م محمد..ج جا شفتو... هو..جا لعندي...

هاد الاخير اللي جلس حدا الحاجة شاد تسنيم عندو كيسمح فدموعها ويسكت فيها ويحزرها حتى سكتات من البكى عاد ردات البال الحاجة وضحكات ومشات باستها هي وخديجة ورجعات عند محمد جلسات فوق ركابيه مامفاكاش وهوما غير كيشوفو فيها خاصة هشام اللي ماتفهمش فين كيعرفها واشمن علاقة كتمجعو لا بتسنيم ولا باسماء...وهو فعز حديتو مع تسنييم على المدرسة كيسول فاحوالها والناس اللي كيقراو معاها وهي كتشكي ليه غير من سلطان دار سلطان فعل..حتى سمع كنزة كتعيط لييه وهو يخلي تسنيم عند الحاجة ماماه ووقف خرج لعندها كيشوف فيها باستفسار وهي قدام باب اسمااء شادة فالبوانية وكتشوف فيه بصوت منخافض تكلمات..

كنزة : ا اسماء بغات تشوفك..ا ايلا قدرتي دخل عندها..

شاف عندها مطول بدون اجابة وهي حادرة راسها مرة مرة كتعليه فييه كتلقاه مخنرز وساهي فجيهة وحدة بحالا قالت ليه دخل لجهنم برجلييك ندمت كاع اللي قالتها لييه، حتى لواحد اللحضة وهو يحرك راسو بايجاب حيد ايديه من جيابو وضور البواني ديال الباب وهي بعدات خلاتو دخل ومشات لكوزينة وهي تبان ليها مرت خوها كطل عليهم من الباب ودخلات لعندهم كيعمرو فاتاي يطوج وحدة تعمر و حدة تستف فالكيساان حتى دخلات عليهم كنزة وقطعو الحس كيشوفو فيها غادا للتلاجة جبدات منها قرعة الماء وقدام عينيهم خوااتها وعودات عمرتها هاد جلسات كتشرب...

مرت صلاح: كنزة..شكون داك الرااجل اللي جا مع الفقييه..

كنزة:ولد الفقيه اللي جاي دابا

مرت هشام : هو اللي دخل ع اسماا دابا يااك

كنزة: ايلا شفتيه راه هو ...

مرت هشام : كتعرفوه !حيت شفتك عيطتي لييه كيعرف حتى اسما واقيلا وتسنيم شفتها كي لاصقة فيه مسكيينة وجالسة على ركاابيه واقيلت الا صاحب باها يمكن

كنزة: ودابا غير نتي ووجهك ناصر كيتصاحب مع هاد الاشكاال..واش بان ليك هاد السيد غيتصاحب مع بحاال داك الشمكااار

مرت صلاح : لا لاا اويلي سيد تبارك الله كتبان فييه شخصية ونقي من وجهو باين العربون وحتى ديك المراة كانت متقوليه ولدي مو وااقيلا لا

كنزة:مممم...

مرت هشام : دخلت علييك بالله مو هاديك هي اللي كانت جات عندها دييك نهاار شتي راه قلت ليك كيعرفو اسما وماشي غير عرفة باينة عزيزة عليها مسكينة كانت تبكي عليها قبييلة..

كنزة : ايييه امرت خويا كيعرفوها من شحااال هذااا وعزيزة عليهم وحتى هوما عزاز عندها هاد السيد اللي واكلكم وشادكم الفضول منو هو اللي وقف معاها حت تهنات من داك الشماتة وهو اللي دخل يماه للحبس يتربا وهو اللي غوقف معاها حتى تنوض على رجليها نشاء الله مالك ختي ماتستاالهمش مالها رخييصة !

مرت هشام: الاا حاشة ماقلنااش هكاك غير وكان جاتني فشكل وصاافي تبقى معاه راس فرااس وهي مريييضة وصاافي كون تبقاي حداها حسن تسخري ليها وتمدي ليها مالها مسكينة علاش ماتستاهلوش طولة تباارك الله والوقفة والعرض داك البااب يلاه يدخلو ونقي هكا يشعل تقولي قاايض وهي زيينة غير المرض مسكينة هلكها انا غير حيت شفتو براني علينا عمري شفتو فالدار ولا سمعت علييه وصاافيي

كنزة: ولد ناس هاادااك كون تشوفي شنو دار عليها مسكين وقف معاها وقفة الرجاال ايوا هي ملي مالقااتش الخوت فجنبها عولات عليه وتاهو مسكين ماخيبهاش وقف فضهرهاا صحييح كي الحيط

مرت صلاح: نااري اختي ماتقلديش صلاح مسكين ماكيجيهش النعااس بلييل ليل كامل وهو يعاود ليا عليها بقات فييه بحالااش

مرت هشام : حتى هشام والله القسام واحد المحنة ولاات فييه مانعااودش ليييك بقات فييه ختو بقااات فيه

كنزة : ايوا الله يخلص كل واحد على قد نيتو ايلا كانت نيتهم حسنة راه ربي كيجازي (وقفات) عمري اختي داك الككاس دغيا ناس وبدلوه للناس راه برد ليهم لداخل وسدو عليكم البااب..اسماء كتخنقها ريحة الطياب ماكيعجبهاش مع كتبقاو غادين جايين قدام الباب عندها ريحة كتبقى تشطح فالبيت....قالت ليك ماكيجيهش نعااس اشوفي راجل اش عندو بايت سهران كينعسك وعلم الله اشنو كيديير قالا بقات فيه ختو باينة

خرجات كتعنكر عليهم خلااتهم غير كيشوفو فيها حتى مشاات وهي تنتر مرت صلاح داك البرااد بزعفة

مرت صلاح:طلعاات ليا فراااسي هاد خيتي واش بغات شي نهار ديال شوهة راه غير درنا بوجه المريضة..

مرت هشام: ديري فيها راسك هاديك ماخاسرة والو خوتها ومديراش ليهم الوحه عساك نتي اللي غير مرت خوهاا عطيها تيساع خليها تموت فسمها....انا راه طلعو لياا قوة النااس فرااسي كل مرة عمر براد خوي براد عمر برااد عيييت اختي عيييت ضهري تقسم علياا فهاد الكوزينة..

اما كنزة كيف قالت مرت صلاح رمات ليهم الهضرة كيف ديما وخرجاات كيبان ليها صلاخ قدام البااب شاد فيه و وااقف وهي تقري عندو وهو عرقااان ومزيير كلو كيتررعد وينهج غير شافها وهو يحرك ليها بايديه تقرب عندو..

كنزة :نعام !

صلاح: كلمي ليا هشام....قولي ليه يخرج عندي

كنزة بميوعة:دخل عندو نتا ..

صلاح: سيريي كلميييه تحركييي من تخراج العينيين كلمييه ليا

ميقات فييه ودخلات للصالة كلمات ليه هشام وهو ناض عندو وهي متبعاهم حتى شافتهم خرجو بجوج وطلات عليهم من عند الباب لقاتهم طلعو للسطح بلا عكز منها حيدات الصندالة وطلعات كتسلت تابعاهم..

مع فتحة الباب اللي فتح محمد ودخل حاني رااسو غير سدو وهز فيها عينييها فعينيها المبسمين ليه نيشاان قلب عينيه كيشوف فيها وفكل انش منها وهي وسط الفراش وغير بمانطة وحدة كتبان وسط منها كيف شي رييشة خفيييفة ودابلة ورجع شااف فملاامح وجهها المبسميين فيه وعينيها لامعيين بدموع

وهو يزيير على عينيييه بجهههد تقلب عطاها بالضهر شااد على عينييه مزير علييهم ماقدرش يطول فيها شووفة ولاا كينههج بسرررعة مخنوووق ومزيير حمرر ...

جرب يتلفت عندها ولكن ماقدرش وبقى واقف هكااك ضاير جيهت لبااب كيضرب بلكمات خفاف عليه وهي نزلو دموعها وتكات رااسها بعدما كانت راافعاه فييه كتشوف فالصقف ودموعها نازلين مع الجناب ونطقات بصوت ضعييف مقطع

اسماء : محمد...ق قرب...دخ دخل

زير عينييه اكثر وصوتها الضعييف كيتكرر فودنيه متحسسر ماقدرش يشووف عندهاا لكمة مجموعة عند فموو ولكمة كيضرب بيها فالبااب بضربااات خفاااف حاس بصدرو مزييير علييه بندنم كيحرق كل انش من دااخلو...الاحسااس بالغرق في بحر الندم وتأنييب الضمييير غصة كتحرق صدروو مقادرش يبلعها ويتنساها...حتى هز رااسو الفووق وطلق نفس سخونة مطوول..

عاد تلفت بشويا وقرب عندها بخطوات تقاااال حتى وقف حداها وجلس على الكرسي اللي كان قدامها موسع رجلييه وحاط عليه كف ايديه حادر رااسو كيشوف لرض ماشافش عندها..

اسماء : عطيني ديك المخدة عفاك..هز ليا راسي شوية... نشوفك

بحركة تقيلة وقف وقرب المخدة حطها تحث راسها زادت تعلات بيها شوية ورجع جلس قدااامها معلي فيها راسو هاد المرة حاط دقنو على ايديه موسدها على ركابيه وكيشوف عندها وهي كترمش فييه بعفوية وعينييهاا كيسترااو فوجهو ينضرات كلهم اشتياق ورغبة..هاد الملامح الخشنة والحجبان المعقودين وعيونو الحادين اللي يشوفهم شي حد مايقول داخلو داك الرجل الحنييين غير تسند عليه بضهرك ونسى اللي عليك الهموم...تبسمات كتشوف فالكاسكيط اللي مكيحدهاش ومن نهار عرفاتو تكدب ايلا قالت شي نهار شافت راسو من غير نهار كيضارب مع ناصر هي اللي كيحدها بعصبية وكينزل عليه بروسية...غير تفكراات هاد اللقطة وهي تضحك وحدراات رااسها مع الضحكة مع الكحبو وهو باستغرااب هز كاس دالما مدو ليها ناسي بلي ماكتقدرش تحرك ايديها وهي تجمع تبسيمتها وملامحها بغاو يبكيو حدرات رااسها

اسماء:ل لا م مابغيتش...(نزلاتمعة من عينيها ورموشها فازكين) نهار كامل وانا كنطلب الله نشوفك

حدر راسو كيتنننهد وكيتصنت عليها وهي دمعو عينيها بعتاب...

اسماء:علاش ماسولتييش فيا..ماسولتيش كنزة علاش ماكنمشييش للمحكمة علاش ماجيتييش تشوفني نهار مشيت ليها تسنيتك تجي ولكن ماجيتييش..

حدر رااسو كثر لتحث وماعندوش جواب لكلامها ماعندو مايقول ليها يكفي الندم والحسرة اللي قطعو صدروو اطرااف

اسماء : عرفيتيني جاية للمحكمة....كنتي عارفني غنجي وماجيتيش...ماساليتيش عارفاك غير غتكون مشغول داكشي علاش ماحيتييش ياك ...

غير حادر راسو بدون اجابة وهي ميلة رااسها وحادراه جيهتوو بعتااب كتكلم والدموع نازلين على خدودها..

اسماء : قالت ليا كنزة كنتي كتحدر ديما ولكن نهار مشيت انا ماجيتيش..ع علاش ماجيتيش كنتي عارفني غنجي..ك كنتي عارف

حرك رااسو باه كيشووف لتحث وهو كيهز نفس بصوت بحال شي حد كانو قاطعين عليه التنفس وهي عصرات عينيها من الدموع وكملاات

اسماء: تقلقتي مني على اللي درت لصاحبك...غلطت معاه و وندمت ندمت مكانش عليا نصغر عقلي وندير فيه ديك الحاالة ندمت قولييه يسمح ليا عفااك يسح لياا ايلا جرجتو..لعبت علييه وضحكتهم عليه صغرت عقلي وبغيت نضحك عليه كي ضحك عليا وننندمت قووليه يسمح ليا بلاصتو كانت عزييزة عندي وباقة عزييزة واها ماتفاهمناش مابغيتش نموت وهو كارهني عفااك ماوصل لييه سماااحي مابغيتش نمشي وشي حد هاز فخاطرو من جييهتي(زاد حدر رااسو كثثررر ونزل الكاسيكيط على وجهو مابقاش قادر يهز فيها رااسو غير كيسمع وهي كتبكي بصوت ضعييف) عرفتك تقلقتي عليا من جيهة صاحبك شحال تمنييت نشوفك كل نهار نتسنى نهار للي غتجي فيه...د دابا ايلا بغات تجي لموت غير تجي غنمشي مرتاحة

حك ايديه مع بعضهم بسررعة وهز فيها عينيه حمريين ومسح نيفو حمررر هاز النفس بصوت خشن وباااح كيشتت نضرو هنا وهنااا ماشاافش عندها

محمد:مغنكّول ليه والو ماغنوصلش ليه سماحتك نتي اللي غتمشي لعندو وتقولي لييه اشنو عنندك مزال غتنوضي ومزال غتمشي تالعندو ماغنقول ليه تاكلمة حتى نتي عزييزة عندو المهدي نسى عمرو دكرك بالسووء حتى هو ندم ونتي ماغلطتيش اي وحدة فبلاصتك كانت غتفكر فنفس الحاجة حتى حد ماكيلومك...

اسماء : ماغنرتااح حتى نسمع من عندو السماحة انا مسامحة ليه كنطلب منو غير يسمح ليا...(سكتات مطوولة كتمسح فدموعها) ملي كيقرب يموت شي حد عزييز عدنا كنحسو بيه..ياك كنحسو بداك النهار قريب حتى انا حاسة بيه مخيفاش منها كل نهار كنتمى نشوفك وحقق ليا ربي ودابا كنمنى هاد العدااب يتهز عليا ايلا كان بالموت غير يتهز..عييت تعدبت امحمد وعدبتهم معايا وحتى نتا سمح ليا ايلا غلطت معاك شي نهار ولا قلت شي كلمة ضراتك دخلتي على حياتي كيف نور عمر وقفتك معايا مانساها ربي اللي غيجازيك

محمد : مادرت واالو...فاش شفتك حسيت براسي ماردت واالو حيدي الموت من فمك واش حتى عرفتك وغتموتي كتعرفي عليا ايلا درت شي حاجة فرااسي كنرخي فيها...مكاينش الموت بادن الله واخا نعرف نموت معاك نرضى باي حاجة ايلا يمتاحني بيك...

دوز ايديه على وجهو وهز رااسو كيقاد عليه الكاسكيط..

محمد: حتى دابا متواقع والو درتي لينا فلم على والو اشنو عندك كاع لقيتي على من تفششي ولا شنو....بااش كتحسي شنو عندك شي حرييق فين بالضبط نعتي ليا..

اسماء زرب عليها : ف..فر فرجلي..وكرشي من عنقي حتى لتحث كلو كيحرقني..

محمد : قادرة تحركي ايديك .... نشوف ؟

حركات راسها بايجاب وهو نزل ليها الغطى بشويا حتى بانت ايديها مسطحة فوق الناموسية وهزها لعندو شد دراعها بيين صباعو....

محمد:كيحرقك هنا (حركات راسها بايحاب)كتحسي بشي حااجة ..

اسماء:ل لاا غير الحريق ماعرفتش فين بالضبط كامل كيحرقني كنحس بيه شاعلة من تحتو العافية...

حرك راسو كيشوف فايدها وزااد ورك علييه بين صباعو كثر كيعتامد يورك ليها بين العصب حيت تما فين كيشتد الالم ورررك كثر حتى حس بصباعو تلاقو فلمحها وهي تخططف قاافزة بلاما تحرك ايديها وهو شاف عندها باستغرااب..

اسماء : ضريتيني...

محمد:حسيتي بيا...!

اسماء:ااه راه كنحس بيها ايلا تجرحات وملي كنحس ببراسي عيت على شي جنب كنتقلب لجنبي لاخر...ولا كنحس بيه كيضرني ولا حرقني بزاف كنتقلب على تااني

حط دراعها بشويا باستغرااب وهي مرااقباه بفقدان امل نفس الشوفة اللي كتشوف فكاع الاطباء هي هادي حتى رد ليها الباال..

محمد : كيفاش كتكّولي ماقدراش تحركيها ونتي كتحسي بييها...

اسماء:كنحس بيها..شحال من طبيب قال نفس الهضرة ماكنقدرش نحركها ومانكقدرش نوقف ولا نمشي ولا نهز ايديه من عنقي لتحت حتى حاجة ماكنحركها ولكن ايلا قاصتهم شي حاجة كنحس بيها ماعرفوش علاش...ملي جا عندي واحد الراقي واحد قرا عليا وغيبت قالو ليا السحر والله اعلم حيت معارفينوش فين كاين ...وقالو ليا مكاينش العلاج مدام السحر مامعروفش فين كاين ولكن دار مزال مامرتاحيينش هه باغين يدورو على رقات المغرب كاملين عاد يرتاحو

محمد حيد الكاسكيط من رااسو بلكنة مرحة : هاد الجنون باسليين..

مع حيد الكاسكيط وقال هاد الكلاام وهي تفكرو كيحيدها غير فاش كتشوف و غينزل على نااصر بروسية وهي تحدر رااسها كتموووت بالضحك حتى كتبغي تسكت وكترجع تضحححك تا ضحكاتو معااها بقى غير كيشوف فيهاا كتضحك وعينيها دمعو..

محمد : علاش كضحكي هه

اسماء: نتا ضحكيتيني هههه ففف

محمد : مزيان قدرت ندير شي حاجة....خليك ضاحكة هكا حتى حد ما بايديه العلااج من غير الله عز وجل وانا معاك متشي بووحدك واخا نعرف نموت معاك يا العلااج يا العلاج ماعندكش اختيار اخر ايلا كان كيف كيقولو والقضية عندك فيها سحر بيا ولا بييهم..

اسماء بعيون لامعة : بصح عندي امل العلاج..

محمد:كاين حيت ماعندك واالو واش نسيتي معاك طبيب وراقي..ايلا كان مرض نعالجوه بادن الله وايلا كان سحر نفكوه و تيلا هاد الجنون باسليين انا غنربييهم...يكون خيير..

غير حسات بيهم قاصديين باب السطح ينزلو وهي تشد صنداالتها عندها ونزلات كتجري مع غيحلو الباب مع دخلات هي للداار كلها كترعد لااحت صندالة خشاتها فرجليها ومشات للطواليط سدات عليها الباب ووقفات تما كتننهج ونزلات جلسات قفازي شادة على راااسها مخرجة عينيها فبلااصة وحدة...بعد اللي سمعاات من اقرب الناس ليها غمضاات عينيها وشداات ايديهاا بزز زيرااتهم حيت الافكار اللي كيطحيو على بالها والافعال اللي كتفكر دييرهم متأكدة غتندم علييهم من بعد....فضلات تسكت وتعض فيايديهااا بكل قوتها مبردة فييهم حرقة قلبهااا حتى حسات براسها تفشاات عاد وقفات كتنفس وهي تسمع صوت الترحاب على براا ونااضت غسلات وجهها كتنش على وجهها كلها كتررعد وخرجاات...

بان ليها داخل رااجل كبير فالعمر شوية بجلاابية بييضة نازلة تالتحث والبلغة والتقااشر لحية بيضة طويلة حتى لعنقو والنور كيشع من وجهوو داخل بتبسييمة عينيه محدوورين والحاج وهشام خوها كيرحبو بييه حتى تم جاي لجيهة الصاالوون غير وصل لبااب حدا اسماء وهو يتحل فوجهم وخرج عندهم محمد والحاج باه شاف فيه وضحك وسلم علييه عاد دخلو للصااالة...

وكنزة تحركات دخلات للبيت عند اسماء لقااتها سااهية فلاشيئ وتبسييمة على شفاايفها حتى حسات بكنزة دخلات وهي تهز فيها رااسها

اسماء:كنزة ع عطيني نشرب..

بدون رد من كنزة مشات حدا شرحم كتشوف فيه واسماء متبعاهاا بعينييها والتبسييمة كتنزل من على شفاايفها بشوية بشووية ورجهات قالت..

اسماء:كننزة عطينيي نشرب..كننننزة

قفزاات وتلفتات عندها بحال شي واحد فايق من نعااس عينيها حمريين ودامعيين حركات راسها واضح عليها مكاانتش كتسمعها اشنوو كانت كتقول..

كنزة:مممم ن نعاام مالك...

اسماء:ماالكي نتي..اشنو كاين..مالكي اختي

حدراات رااسها كانها كانت كتسنى غير هاد السؤاال يتطرح عليهاا ودموعها نزلووو كيف شي شلااال ماقادرااش تحبسهم كلها كترجف وترررعد مخبية وجهها بيين ايدييها كتبكي بدوون صوت واسمااء مخلووعة بغاات غير تكعد مااقدرااتش كتشوف فيها وقلبهاا كيضررب

اسماء : م ماالكي كنزة ماالكي ماتخلعينييش فين بنتي فين تسنييم مالكي

كنزة:ماتخافيش م ماكيين واالو غير ...غ غير... بنتك مع الحاجة ماتخافييش عليها ففف

اسماء:اجي حداياا..ز زيدي قربي عندي مالكي علاش كتبكي واش ضار فيك شي حد شكون دوا معااك ماالكي

شهقااات بصووت مرتاافع وجلسااات شادة على رااسها كتبكي بالصوووت واسماء غير كتشوف فيها مخلوعة وهي كتبكي قداامهاا حتى كتبغي تهز راسها تهضر وكيغلبوها دمووعها.....واحد اللحضة وهو يتحل عليها البااب ودخل هشااام وموراه محمد والحاج باه والفقييه وكنزة علات فييهم عنيها فهشاام دغيا بنضراات كلهم حقققد حمريين ...نضرات ماخفاوش على مححمد بقى كيشوف فبيناتهم بجوج حيت النضرات اللي دارت فيه كنزة ماشي حتى ديال الكره ولا نضرة الخصااام...

هشام:دخل اسي الحااج مرحبا..كنزة خلي الرجال يدخلو خرجيي عند مي..دخل الحااج دخل ..

نااضت كنزة تماات خارجة واسماء متبعاها بعينييها مخلوعة وعينيها كيضورو حتى غابت عن نضرها عاد شافت شكون دخل لعندها ورجعات تكات راسها على المخدة كترمش فييهم..

وقف محمد عند الباب مربع ايديه من بعيد كيشوف وهشام حداه من لهييه اما الحاج باه قرب جلس قدام اسماء والفقيه واقف حداها....

الحاج : سلام علييكم هه

تبسماات بارتيااك بالها مع كنزة وقالت :

اسماء : هه سلاام كيدار الحاج لبااس علييك..

الحاج: لبااس ابنيتي شوية كيبقيتي

اسماء:الحمد الله ..على كل حال..

_قال ليا ولدي محمد عندك شي حد بااسل جينا نربييوه هه

شافت فمحمد وضحكات ورجعات شافت فيع..

اسماء: هههه مرحبا بيكم...

_قلتي عندك الحرييق فداك كلها..واش كلها ولا غير شي منااطق معينة وضحي ليا ونعتي لياا فين نشووف..

اسماء:ف كرشي ورجلياا ..رجلياا بزااف كنحس بشي حاجة تقييلة عليهم ملي كنحاول نحركهم ماكنقدرش وكرشي بزااف كتحرقني..

_عطيني اولدي شي ايزاار بيض..

مدو لييه هشام دغيا والحاج رماه من فوق منها غطاها كاملة من غير رااسها عاد وقف كيورط على رجلييها وكرشها

_مزيان..كتحسي بشي حاجة ؟

حركات راسها بسلب : لاا والوو ..ماكحنس بحتى حااجة..

حرك رااسو باييجاب ورجع جلس كح قاد صوتو وكيف دار الفقيه الاول بعدما سمى الله بااشر فقرااية بعد الاياات القرأنية بصوت مرييح وهااادئ صوتو شبييه لصوت الشيخ " عمير شميم" وهي ترخااات من تحت ايدييه وغمضاات عينيها كتصنت ليه وهي كيجود ويتلي عليها حتى لوااحد اللحضة وهو يحط ايديه على رااسها كيردد بين شفاايفو..

_اينما تكونو يأتي بكم الله جميعا....اينما تكونو يأتي بكم الله جميعا.....اينما تكونو يأتي بكم الله جميعا......اينما تكونو يأتي بكم الله جميعا....اينما تكونو يأتي بكم الله جميعا...ان الله على كل شيى قديير...ان الله على كل شيى قدييير...اينما تكونوو فليتلي بكم الله جمييعااا...اينما تكونو فليتي الله بكم جمييعاا

وهو كيردد هاد الكلمات بيين مساميعها غمضات عينييها ورااسها كيتحرك بسرررعة بحالا مابغاتوش يقيصها وهو يحط ايديه على كرشها وورك ليها تما وهي تهزز كاااملة من فووق ناموسية وتخبطااات بجهههد...مع الخبطة مع غيباااات...

وهو سكت كيشووف فيها ورجع تلفت عند الفقيه اللي كيحرك راسو بسلب..

الفقيه: اللي قلت ليك..فوسط القرااءة كتغيب..

رجغ الحاج كيشووف فيها وشد دقنو بتخمام كيفكر حتى سمع محمد قاال..

محمد:يا كتغيب..يا هوما فطلوعهم كيغيبوها..

الحاح: هاا كيفاش

محمد : فوسط القراءة غيبااات اي واحد كتقرا عليه كيغب وهوما فبلاصتو كيطلعو يهضرو ولا كيتحركو و كيعطيوم شي اشارة بطلعوهم...حتى هي تقدر هوما كيعيطو اشارة بلي طلعو ...غير الفرق كاين اللي كيغيب ويهضرو فبلاصتو وكاين اللي كيغيب وهوما ساكتين...

الحاج: كلامك على حق..فعلاا تقدر....اش بان ليك تكمل !

شاف فيه محمد مطول ماخلاتش لراسو فرصة فين يفكر وحرك راسو بايحاب والحاج ناض من بلااصتو خلا محمد جلس قدام اسماء حيد عليه الدجاكين وكفد كماام ايدييه ...كيف العادة حدر رااسو وكح قاد صوتو ...بعدما سمى الله بااشر بتجوييد القران وصوتو كيف صوت الحاج باه كانهم شخص وااحد كيجود..

محمد : اعود باله من الشيطان الرحيم ..بِسْمِ اللَّهِ الرَّحْمَنِ الرَّحِيمِ الْحَمْدُ لِلَّهِ رَبِّ الْعَالَمِينَ الرَّحْمَنِ الرَّحِيمِ مَالِكِ يَوْمِ الدِّينِ إِيَّاكَ نَعْبُدُ وَإِيَّاكَ نَسْتَعِينُ اهْدِنَا الصِّرَاطَ الْمُسْتَقِيمَصِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ....الله اكبر من كل شيطاان...الله اكبر من كل شيطاان..الله اكبر من كل شيطان ...الله اكبر من كل شطااان....اعود بالله من الشيطان الرجييم..الله يعلم ما تحمل كل انثى...الله يعلم ما تحمل كل انثى...الله يعلم ما تحمل كل انثى...الله يعلم كل ما تحمل كل انثى وما تغيض الارحاام وما تزدااد وكل شيى عنده بمقداار...

وهو كيردد نفس الكلام بين شفااايفو لمدة طوييلة حادر راسو بدون ملل ولا عياااء وهوما كيشووفو فيه وهشام كيتفوه وراهم جاب ليه نعاس حتى بانت لييه اسماء رجعات كتنننهج وهي مزال مغيييبة ومحمد شافها هكااك زاد رفع صوتو وبنفس الكلااام وهي كتنننهح بجججهد وصدرها كيطل وينززل بسررعة خيالية حتى بدااات كتبكي وتنييين وهشاا شاف فيها دغياا ماتوقعهااش تفييق مولفة ايلا غيبات ماكتفيق على سوايع فحين هي كانت كتبان مغيبة لكن كتبكي وتنننهج بسرررعة ومحمد كيقراا عليها...

حتى لواحد اللحظة وعي تتههز ايديهاا ليمنيا وضرباااتها جيهتو بجهههد وبكل قوتهاا كون مابعدش وججهووو بسررعة...ماحاتش فوحهة ولكن ضرباتوو بجهد لصدروو حتى تسمعاات لعندهم..

الحاج : رجع ..رجع لوور رد الباال

ماردش عليه محمد ملي شافها تفاعلت معاه وقف كاامل حاط ايديه فوق ليزاار اللي فوق رااسها وضغط عليهاا كثر كيردد نفس الكلماات بيين شفايفو وهي كتحرك راسها من تحت ايديه وجسمها كلو كيتهز ويتتتحط بحالا عمرو تشلل خاصة كرشها اللي كتوجع بيها وهي كتبكي بالصوت بدون دموع غير كتنيين وليزار فوق وجهها مغطيها كاملة..

محمد : اعود باله من الشيطان الرحيم ..بِسْمِ اللَّهِ الرَّحْمَنِ الرَّحِيمِ الْحَمْدُ لِلَّهِ رَبِّ الْعَالَمِينَ الرَّحْمَنِ الرَّحِيمِ مَالِكِ يَوْمِ الدِّينِ إِيَّاكَ نَعْبُدُ وَإِيَّاكَ نَسْتَعِينُ اهْدِنَا الصِّرَاطَ الْمُسْتَقِيمَصِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ....ان اللدين كفرو بايتنا سوف نصليهم نارا كلما نضجت جلودهم بدلناهن جلودا غيرها ليدقو العداب،ان الله كان عزيزا حكيم...

هزاات رااسها الفوق هو يلبي رغبتها وحيد ايديها من رااسها وهاد المرة ضغط على جبهتهاا زيرهاا من تما كثر مابقااتش لاقية فين تحرك وهي تطاع الشهههقة كتبكي بصوت ضعييف بزز باش كيتسمع قاالت..

اسماء: سكت..

محمد: واللدين امنو وعملو الصالحات سندخلهم جنات تجري من تحتها الانهار خالديين فيها..

اسماء:سككت(ب بكاء)

محمد:خالديين فيها ابدا لهم فيها ازواج مطهرة وندخلهم ظلا ظليلاا..

اسماء : سككت

تخشع الحاج كيشوف فمحمد وهو كيقراا عليها رغم انها كانت ساكتة او بالاحرى اللي فيها هوما اللي كيحاولو يسكتوها هي غايبة عن الوعي...هز رااسو وربع ايدييه بتركييز بعدما لاحظ فولدو محمممر ماناوييش يحبس حتى يطلعهم ويدوييهم بزز منننهم اما عاى برااا غير سمعو اسماء اول مرة دواات مورا ماغيباات تجمعو قدام البااب كلهم اولهم الحاجة مها وكنزة حداها كيطلو من شق الباب وعيالات ولادها وعمتها وبنتها كلشي وقف عند الباب كيصتنت ويشوف فاسماء كتهضر بحال شي فراجة او شي كشهد مشووق كيتسناو يشوفو كيفاش غتهضر وشنو غتقول...

دمعو عينييهم وكنزة حدراات راسها كتبكي كلما بكات اسماء كتبكي شادة فالبااب والحاجة كثر منهاا شادة زيف على فمها وكتنخصص حاسة باللي حاسة بيه بنتها بما انها دازت من نفس التجربة...

وااحد اللحظة وهو يقرب هشاام عند محممد بارتبااك وقف ورااه

هشام : برااكة عليها اخويا الله يرحم الواليديين الله يجعل البرااكة

محمد بحالا ماسمعوش ماتسوق لييه مكمل فقراائتو وهو كيطيير ورااه باغييه يحبس

الحاج : خاليه اولدي خااليه ماتخاافش غير كلام الله ايلا ما شافاها ماغيأديهااش..رجع لور خلييه..

هشان: لاا لااا اسيدي برااكة عيلهاا شوف كي كتبكي غتحماق بالبكى براااكة تالغداا عوتاني وزيدوها شوية برااكة ل يوم..

كنزة : ا اويليي د دووي مه ولللدك خليييه ..طلقيي منيي خليه يقراا عليهاا ماالك

شافو فيها كااملين وهشام من وسطهم خرج وسد عليهاا البااب وهي بقاات فالبااب مصدوومة والحاجة جرااتها..

الحاجة:ششش سكتيينااط

كنزة:كيحبس فييه حتى بدات كتهضر عااد حبسوو اش كتخربقو

الحاجة: خووك عارف اش كيدير سكتيينا....قطعي حسسك ااش دواك ورجال لداخل مكيبيغوش اللي يتصنت عليهم يلاه سيري تجلسي حرمتيها على رااسك وعلينا....

دفعااتها قداامها للصالة وهي بغات تبكي بغات غير تهضر مالقاات ماتقوول ولا اش تخرج من فمها زجلسات فوق الصدرااري كتغدد وهشام لداخل ماارتااح حتى خلا محمد يسكت ويرجع لور مخنزر فييه كون ما حشم يشركو هو واللي فيها من لول مارتاحش ليه خاصة مع اللي سمع من اسماء علييه زاد كمل...والحاج شاف ودو مخنزر فيه هكااك وهو يقري ملطف الجو..

الحاج : عندو الحق اولدي خليها ترتاح غدا انشاء الله ونرجعوو..

مازعزعش محمد نضرو من هشام كيشوف فيه عاقد حجبااانو حتى سمع حس اسماء كتهضر بشويااا وهوزيتلفت عندها لقااها كتشوف فقرعة دالما فهمها وعمر ليهاا الكاس ولكن هاد المرة ماعطاهش ليها ..

محمد : تجربي تشدييه !

اسماء كتحااول :م ماقدرتش..

محمد:جربي..

اسماء: لاا ماقدررتش..

هشام:مااكتحركش واالو ماكتقدرش الله ديير شي تاويد ديال الخير وصاافي ارا نشريها عطيني..

مد ليه الكاس ووقف حتى هو مابغاش يخرج من تما بقى كيشوف فهشام شربها بشوية متحسر على جاالتها كيتنهد وحدة مورا وحدة حتى كمل ومسح ليها فمها ورجعو لبلااصتو...ومحمد متبعو بين عيينه حتى بعد من قدامو ورجع شاف فيها وهي عرقااانة بحالا خاوين عليهازسطل دالما كلها كترجف وتننهج..

محمد:شويا....كتحسي براسك مزياان

اسماء : ممم الحمد الله..

محمد: قادرة تكملي ولا نخليوك ترتاحي حتى لغدا..

اسماء: حتى لغداا براكة عيت..

الحاج: صافي نخلييوها ترتاح ..غدا انشاء الله نكملو واخا ابنيتي..

محمد:غنمشيو دابا ارتاحي شوية...غدا غنرجعو ...

تبسماات ليهم بعياء وحركاات راااسها بايجااب..

هشام: اانشااء الله اجيو ترتاحو.....م ماشي اول مرة تهضر هكا وتبكي ولكن ماكتقول واالو كتنوض مسخسخة وعيااانة كثر من نهار لي قبلو

الفقيه : واش كتغيب و كتهضر ولا كتغيب ماكتهضرش...مافهمتش

محمد بقى غيير كيشوف لاهو لا الحاج ماعجبهمش الحاال حيت حبسهم هشام ماشي غير هو وانما اي واحد غيحاول يحبسهم وهوما فوسط القراءة ماغيتقبلوهاش منو..

اسماء: جيب ليا بنتي..هشام كلم ليا تسنييم

هشام: هي لولاا واخااا..

وخرجوو للصاالة لقاو الحاج عبد المتقي فوجهم شاد فعكازو كيتررعد ومشى لعند الحاج ..

عبد المتقي: تباارك االه عليك اسيدي تبرااك الله علييك الله يجاازييك بالخير الله يرحم ليكك الواليدين

الحاج: وااجبنا هذاا اسيدي حنى غير سبب للعلاج انشااء الله كلشي بيد الله ماغنديرو واالو..انشاء الله نتبعو معاها ويكون خيير..

عبد المتقي: ااش عندها قالت شيي حاجة سمعناها كتهضر ااش عندهها..

حرك رااسو الحاج بايجاب ودخلو جلسو فالصاالة ومحمد مشى حدا الحاجة مو وهي كتشوف فيه وفالحاج بافتخار وفرحة اللي قدرو يعاونو اسمااء فحين الحاجة ام اسما دخلات للكوزينة هي وعيالاات ولادها كتجري من جيه لجيه ترحب بيهم وتعاود اما كنزة بقات واقفة ليهم تما تسمع وتسناهم يهضرو ويقولو شنو عندها حتى نحنح الحاج وشبك ايديه قداامو..

الحاج : اش غنقوليك اسي عبد المتقي..بنتك اللي عندها واضح وباين مانكدب علييك ما غنزيد ماغنقص...البنية عندك عندها سحر...سحر قديم ماشي عاد جدييد..

عبد المتقي: ك كيفاش قديم وشكون دايرو لييها شكون هااد ولااد الحرااام هلكوو ليا بنيتي شكوون يكونو

الحاح: الله اللي كيعلم...لا انا ولا غيرو غيعرف.. واش مدييور ليها كيف قلتي ولاا عن طريق العين الحسد التخطي والاسبااااب عدييدة وتختلف...ولكن اللي نقول ليكم سحر قديم مستقر فالبطن والرجلين وهو اللي داير ليها هاد الصداع كامل وهاد الشلل ...

عبد المتقي: وشنو نديروو اش فاستطاعتنا نديروو ليها غتبقى هكااك دسما اسي

الحاج: ماتخاافش بادن الله...حالتها استعصت للاطبة ولكن غتعالج بادن الله عن طريق القران..وكلام الله خير من الف دوااء...دعيو معاها والله عز وجل يفك حالها بادن الله...نخلييكم الله جييب لشفاء

عبد المتقي: جلس اسي الحاج جلسو شربو كويس ديال اتاي الحاجة فيين بقيتي..

الحاحة:هاناا هانا...(دخلات بالصينية ديالها حطاتها فوق الطبلة وعيالات ولادها كيدخلو فالطباسل موراها)

مالقاو مايقولو رجعو جلسو فحيين محمد غير سمع الاتصاال من التيليفون لقاه المحامي سد عينيه ورجع خلهم نساااه كاع وهو يوقف سلم عليهم واخا عيااو فييه يجلسو لا عبد المتقي ولا الحاجة ولا حتى كنزة بغاتو يبقى ولكن مكانش صالح ليه يزيد يجلس ومشى خرج ودعااوي عبد المتقي والحاجة ام اسماء تابعيينو منغير دعاوي والدييه بافتخار كيشوفو فيييه حتى خرج مشى..

الحاجة: فااقت ..يصلاح ليا نشووفها..

هشان: فااايقة فااايقة مرحبا اللالة دخلي عندها راه بغاات حتى بنتها دخليها ليها اكنزة...

خرج محمد من دار طلع فطوموبيلتو مباشرة...يلاه غيعاود يصوني للمحامي وهو يطلع ليه كيصوني وجاوبو وهو صاايق..فحين الحاج بقى مع عبد المتقي كيهضررو على موضوع العلااج وشنو غيحتاجو نهار الغد باش ييدييرو لييها رقية كااملة...بدون انقطاع..

عند اسماء دخلات عندها الحاجة وكيف البكى اللي بكاتو مع الحاجة ماماها....هاد المرة بكاتو هي واسماء وجلسات عند رااسها كتعاود ليها طول هاد الشهورة اللي غابت عليها اشنو وقع واشنو كاين.... وكان اغلب كلامها شكوى من ناحية مرت ولدها واسماء غير ساكتة كتنصت لييها والحاجة كتزيد تأكد ليها كلام مها..اللي كتقول فيه تعيى العكوزة تكون درويشة وتعيى مرت الولد تكون درويشة ضروري من المشاكل من عدم التفاهم...

الحاحة: ماتفااهمتش ليا هي وخديجة واالو يابنيتي تقولي حطيتي المش والفااار تحت صقف واااحد مكتحملها ماكتقبلها....

اسماء: اسراء درويشة....حتى خديجة درويشة

الحاجة: تاحد مادرويش ابنيتي وااالو...انا علااش زوجت ولدي علااش غير يجيب ليا لي تونسيني هكااك وتهضر معاها وتعمر علياا ماشي تسد عليها البييت نهار وماكال تا يجي هو عاد تخرج طل علينا كي ضيفة...ابنتي ماكنقولو ليا لا شقاي ولا طرفي غير تجلس وتعمر معاه وتهضر معااك وهي وااالو ماتعطييكش اش تحت رااسها..

ام اسماء : من العائلة ....مرت ولدك ..؟

الحاحة: لااا..بعييدة علينا نعتو ليا غير واحد ناس بحال وجهكم درااوش ومشييت خطبتها صراحة ديال الله زوينة ومأدبة وداااخلة لسوق رااسها معايا..غي معايا هادا حق الله وليني مع خديجة تقولي يا بنتي تهزي وحدة وتحطي وحدة ماتحملها ماااتقبلها وانا اللي مايبغيش ليا خديجة اللي هازاني وعمرها قالت اي ماانبغييهش ومانقبلووش..

خديجة: ربي يخلبيك الحاجة الله يطول فعمرك..

ام اسماء: مسكيينة متبان فيها درويشة مسكيينة...و بعدييهم على بعضياتهم صافي...اودي الحاجة تانتي علاش تقلبي عليها وتقلبي على صداع راس خلييها علييك بعديها على خديجة وخليها فحاالها نتي ايلا هنات ليك مع ولدك هاديك هي دنيا

الحاجة : درويشة واخا هكااك غير مكرهتهاشاي تهضر معاهانا وتونسنا وتعمر علينا

ام اسماء: ولوااه تاني اللي ماتهضر معااك ماتشااورك ما تحتت معااك اش عرفك بيها درويشة ولا مادرويشاش ..انا عيالاات ولادي من سيمانة لولا طلقتهم معاياا راحنا غنعيشو على دواام ايلا ماحطينا راس على ااس وتفااهننا واخا ماكاين بو مفااهمة وليني نصبرو ونغمضو عينيها ونميكو والوقت دايزة....الله يهديك ماخلق وصافي..ايوا خرجت تولد ولا مزاال على الله..

الحاجة : مجاابش الله مزالناا نتسناااو..

ام اسماء: ماباغينش يولدو ولا شنو..

الحاجة: اوديي حنا كرهنا..ماخلينا لا طبييب ولا طبيبة المشكلة فالبنية مسكيينة مامكتاابش ليه تفرح بييهم

ام اسمتء: الله ياربي مسكينة عااقرة..

الحاحة: اييه مسكيينة ماخللت لا اطبة لا دوايات ...عطاتها مها شي عشوب دابا راه مزال تشرب فيهم شي نهار يديرو فيها شي نصييبة وحنا مزال ندعييو معاها شحال من عاقر خرجات تولد حنى مزال نتسناو على مولاانا..

ام اسماء : ولدك مسكيين كونا باغي الولااد..

الحاجة: اودي الحاجة ولدي دروش منو ماكاين..على هو كره بنية ولا وليد يجريو بين رجلييه وليني ماجابش الله اش غنديروو..كاان فلول ماباغيش يزرب وليني ملي دعقتو قاليها صافي خرجي تولدي وملي جربات مسكينة ماكتابش ليها

الحاجة: الله يشوف من حالها مسكنية الله يفررحها تئ الله يااربي..كنزة اري ديك الفوطة(هزات فيها عينيها وهي تلقاها ساااهية) كنزااا

كنزة: هاا ..م ماالك

الحاحة: اري ديك الفوطة ونوضي غطي ختك وحيدي عليها داك ليزار راه نعساات مالك سااهية فااش كتخمي..

الحاجة: نعساات مسكينة..

ام اسماء: كتعيى كسكيينة كتولي حالتها را شفتيها وتولي ترررعد ترعد وتنهج تا تنعس هاد ترتاح شوية..مال بنتها هكااك ديما ملي دخل من المدرسة وهي عند رااسها تقرا علييهاا

حدرات راسها الحاجة بقاات فيها وكنزة تنهداات ونااضت حيدات الايزار على اسماء وغطاتها مزياان وتسنييم حدا رااسها شادة نفس القصة كتقرا فييها بصوت هاادئ ورجعات جلسات فبلااصتها مرة تصنت ليهم مرة تسهى حتى ناض الحاج بغى بمشي ماهرج من تما حتى خرج معاه لحاجة وكنزة نزلات معاهم تالتحث ودعاتهم وسلمات على الحاجة حتى ركبو وومشاو وهي توجهات لطوموبيلتها حلات بابها وطلعااات كتجبد فتيليفونهاا قلبات على نمرة دالمحامي وبسرعة دوزاات رقمو بدون تفكيير...لحضات وهو يجاوبها..

المحامي : مادموزيل كنزة..

كنزة:الوو ااسي رفاعي لبااس علييك هاني

المحامي: الحمد الله لبااس علييك

كنزة:الحمد الله ...بغيت نستااشرك فواحد المزضوع ايلا جات على خااطرك..

المحامي:مرحبااالله اودي مرحباا مادموزيل..

كنزة:شكراا..ءءء و واحد السيدة من العائلة مريضة..فهمتيني عيانة شوية وملي جينا نشوفو السبب لقيناه سحور..وحتى اللي داروه لينا عارفينهم فهاد الحالة واش ممكن نتابعوهم قضائيا....

المحامي: طبيعة الحاال الالة...السحر بمتابة جريمة كيعاقب عليها القاانون....

كنزة:واخاا و وكيفاش زعما نقدر نتابعهم باش تنصحني..

المحامي: نتي عارفة هاد التهمة اللي طتقولي فيها خطيرة شوية وفيها حبس وغراامات مالية واش عندك شي دلييل تهضري بيه ولا غي شك..

كنزو:لاا لاا ماكيينش شك..انا متأكدة..و ولكن ...دليل ماعنديش ...غ غير سمعت....

المحامي: ولكن امدموزيل مايمكنش الدلييل ضوري منو مايمكنش ليك تهضري بلا بيه...شفتي شنو غديري غدا دوزي عندي سمعتي مورا الوحدة انشاء الله صباح ماشي للكلينيك عضية دوزي عندي..

كنزة:واخا شكراا بزاااف سمح لياا ايلا ساليت ندوز عندك

المحامي: وااجب امادمووزيل وااجب مرحباا ..

قطعات معااه وهزات رااسها لفووق لفووق كتنهد حابسة دمووع ماينزلووش من عينيها ولكن فلحظة غلبوها ونزلوو كيف شي شلااال على خدودها وهي تحدر رااسها على الفولون مغمضة عينيها وغير كلام خوتهاا اللي كيطيح بين عينيها...

من اللحظة اللي حطات عينيها على ساقطة دالبااب كتشوف فيهم وتصننت كيفاش كان صلااح كلو كيرجف مزيييرو حمرر والقميجة مفتوحة على صدروو كيشمي ويجي وهشام وااقف علييهد..

هشام: دويتي معاها اشنو درتي....

صلاح: مصيييبة ...مصيييبة اهشاااام مشييت فيها

هشام: مالك اش كاين اشمن مصاابة..شنو وااقع

صلاح : مشيت عندها..سولت عليها قالو ليا فالحبس..تشداات اهشاام..

هشام ببرودو هز كتافو : اهاه حناا مالنا الله يعطي لديلمها الغرااق فيه ماشي غير الحبس فيدنا ايلا عندك مايفييد عرفتي فين دارت داكشي....

صلاح: كيفاش غنهضر معاها اخويا قلت ليك فالحبس كيغانديير ليها انا مشيت تما لقيتهم مطوقين ليها البااب ملي سولت قالو ليا تشدات مالقييت كينديير

هشام : مصييبة هادي... شووف كيديير اخويا وهضر معاها داكشي خاصو يتجبد جبدو هضر معاهاا ولا هربها ولا ضبر لمخك جبدو هي جبدو من لول قلت ليك ماتمشييش عندها واللي فراسك فراسك..

صلاح: طبدو..وليت دابا خاصني نجبدو ماشي خاصنا نحبدوه رااااك تااانتاا معايااا اشريييف

هشام شنق علييه بهمس مغدد :اناا قلت لييك سكتها ماشي قتلها مااتبقااش دوخ عليااا اصحبي سكتهاا قلنااا.... تاافقنا نسكتوهاا نرطبو ليها الفم تخلينا نقضيو شغلنا ...مااشي نقتلوها كنقوليك خفف داكشي مااتزيييرش ونتا كدير لي فرااسك فكها....بربي وتجبدني على فمك مااانعقل علييك برب حتى نكرك..

صلاح : دااكشي اللي قلت لييها تسكتهاا ماشي تقتلها ااش قلت ليها قدامك هضرررت معاهاا سمعتي كلشي على ودنييك..نهار عيطنا ليها كلشي داز تحت ودنيك وعجبك الحال وقلتي ليا دير لي عجبك دابا وليت بوحدي لحتي كلشي على ضهري..

هشام بعد صمت وبهدوء كمل : سمعت غير هضرة تيليفون الخلاص والمساائل ماحدرتش معاك اخويا ...ديت شي تصاور انا ...ديت شي خيط ديت شي ورااق ...ماعطييتها تا حاجة علم الله اش قلتي ليها ...نتا من لول ناوي على كثر انا قلت لييك غير سكتها مااشي عوقها نتاا جاقد عليها انا اخويا بغيتها غير تسطت ماشي تعوق ونوحلو فيها

صلاح بعد علييه بحقد : ولد الحراام نتاا..خطييير مع رااسك نكرتيني داابا صاافي قاالتها لياا نجوى(مرتو) قاالت ليا ماديييرش رااسك فييه

هشام : شوف شوف من لول نتا ومرتك اللي كتخططو وتوجدو نتا وياها لا انا ولا مرتي دخلنا فييكم قلتي لياا جايب لييك الحل قلت لييك شنوو قلتي ليا نسكتوها قلت لييك بسم الله دير اللي بان لييك..كون كنت عارفك تعوقها هكا ماندنزيش نعااك تالهضرة تا دابا ضبر لمخك هضر معاها ولا ضبر راااسك انا ماتعرفني ماانعرفك ماتبقااش تعيط ليا هكاا قدام الناس شو حالتك كيديرا من بعيد يشك فيك الوااحد...نزل سمعتي قطع الحس ماتقوول واالو غير سكت ماعندهاا ماتقول اصلا واخا كاع تفك ماكااينش اللي غيرعف منيين.جاها داكشي..قطع الحس وضور بحالتك شوية وليتي كي لكلب بالخلعة بحالا غدا غتنوض تهضر....

رجعات تكات على الكوسان حاطة علييه رااسها مكدبة عينيها مكدبة ودنييهاا..مكدبة حتى فمها اللي مقاادرش يخرج هاد الكلام من فمها...فعلاا من زماان وعلاقتهم مع اسمااء ماكتعجبش...فعلاا اسماء كانت ليهم دائما هي ديك الفرد الصعييييب ماكتسمعش لكلامهم ما دايراش ليهم الحسااب واللي فراسها هو اللي كيكون بيهم ولا بلاا بيهم..فعلا اسماء من اول نهار ليها كانت هي البنت المفضلة لا عليها ولا على خوووتها ولكن هي تقبلاتو علاش هوما متقبلوهش علااش من زمان وهوما كيحفرو ليها مزال ماعياوش مزال ماتهدوش لهاد درجة عمات الغيرة عينييهم...!

ماقدراتش تنزل بقات تما فالطوموبيل كتهز نفس وترجعها بعدم استيعاب عقلها لحد الان مزال مامتقبل الفكرة ومقادرش يتقبلها....ومقادرااش تطلع وتشوف فوجه ختها وتضحك كان شيئ لم يكن كانها معارفاش السبب اللي مزصلها لهاد الحالة..

بعد مدة طويلة رجع محمد للدار لقى الحاجة والحاج باباه رجعو للدار سلم عليهم عاد مشى لبيتو غير دخل باانت ليه اسراء حدا الشرحم كتهضر مع مها فالتيليفون مابغااش يتسلل عليها خلاها تهضر فخاطرها ورجع للصالة عند بااه فين كان جالس تما بوحدو شاد كتاب بين ايديه ونضاضر غلى عينييه كيقرا فيه حتى دخل عندو محمد وهو يحطو وقاال كيجمع فنضاضر..

الحاج : ماكتفكرش تبدا تمشي معايا للمركز عرفتي شحال من واحد كيسول علييك..

محمد : دابا نمشي ههه شكون كيسول فيا ههه

الحاج:رااك عارف هههه...

محمد:داباا نمشي..دابا نمشي..نربيهم تاهوما هه

الحاج: ههههه تبارك الله عليك باقي شاد كي علمتك عرفتي تعامل مع البنت ماعندي مايتساالك..

محمد شبك ايديه قدامو : عرفت نتعامل عرفت...ولكن ماسمعت منها والو...اشنو بان لييك الوالييد..

الحاج: مانكدبش علييك اولدي غير مابغيتش نخلع واليديهاا..البنت باينة شبعااانة سحر وماشي كي قلت ليهم عين ولا حسد..لا اولدي سحر مخدوم ...

محمد : داكشي االي قلت....ملي جربت نقرا عليها اياات العين والحسد ماكتفاعلش معاهم وماكتعطي حتى رياسكيون ولكن غير كنفووتهم شفتيها كيفاش متولي... نتا كنتي كتقول سحر العين والحسد كيستقر تحت الصدر...وهي هادشي باش كتعاني..مافهمتش

الحاح: حتى سحر المخدوم اولدي كيستقر فالبطن...شوية وكنتي غتواصل معاهم على شوية كون ماحبسش هووها ولكن ناشي مشكل..غدا انشاء الله حنا معاها ديك البنت ماغنتفاكش كعاها حتى نعرف اشنو عندهاا مايمكنش دوز على ايدي ونخليها هكااك..

محمد: وجدت ليك الماطريال بلاما تمشي حتى للمركز غدا غنمشي للكلينيك عندي شي شغل تما جاي عندي واحد السيد معرفة داك المجامي راك كتعرفو..مابغيتش نرجعو كانو عندي شي عمليات ولكن دخل د.عبد الرحمان غيدخل فبلاصتي..ونتا سير سبقني حتى نجي موراك ...غنسيفط معاك شي درااري يعاونوك من هنا

الحاج: الله يرضي علييك حتى الحاج الفقيه غادي معانا غدا تمشي تجيبو وتلحق عليا..

حرك رااسو بايجاب وهوما مكملين كيهضرو غير فحالتها وفليبيلة لغد كيف غتكون حتى جابت ليهم الحاجة العشاء وجلسو مجموعين ضايرين عليه تعشاو وكل واحد مشى لبييتو ومحمد لقى اسرااء تخشات فالسريير تعساات وهو بدل لبااسو فلباس مرييح وهز الغطى نعس حداها وهي عاطياه بالضهر حتى حسات بيه وضارت عندو عنقاتو وهو يحط راسها على صدرو خلاها مرتاحة علييه وغمض عينييه نعس...

صبااح الغد بالضبط عند محمد يلاه وهو فمكتب الكلينييك لبس البلوزة دياالو وقاد السمعااات فوق كتاافو بحركات تقال كيخدم بالو كلو مع اسماء وهو يتقد الباب ودخل المحامي..

المحامي : دكتور..صباح الخيير...

محمد:صباح الخيير السي الرفاعي تفضل جلس..

قرب المحامي جلس قدامو فوق البيرو...ومحمد ربع ايديه كيشوف فيه..

المحامي: لهلا يخطيك شكراا ياك لبااس علييك هاني...

محمد:الحمد الله..نتا شوية صافا على اخر مرة؟

المحامي : شوية غير شوية ادكتور...سمح لياا ايلا عدبتك قالت ليا الممرضة لبارح انك ممكن ماتكونش حتى ليوم..ولكن كنضن انا اللي جبتك...كنت غنحي حتى للعشية..

محمد : بالعكس خوك رااحتك..مزيان ملي جيتي ابصباح عشية مغنكونش..

المحامي: بصح ! غير سمح ليا... قلت حتى لعشية ونجي مابغيتش نصدعك على الصباح ولكن خرج ليا عمل على غفلة فالعشية عندي مراافعة انشاء الله ... وعندي موعد نييت مع البنت اللي كتنت عندها قضية المكشلة مع طليقها ماصلاتحش ليا نأجل الموعد معااك فضلت نجي بالصباح..ومزيان واقيلا ملي جييت ههه

عقد حجباانو وربع فوق البييرو ميل فيه راسو..

محمد:شكون ؟

المحامي: البنت اللي كان عندها..عند ختها عفواا هه عند ختها مشكلة مع كليقها قضية الاغتصااب والصور عندي معاها موعد عشية بادن الله...كنتي جيتي عندي معاها..

محمد: علاش واش مزال شي مشكل فالقضية على حد علمي الملف تسد....

المحامي: لا لاا الملف تسد كون هاني قضية اخرى كتخص شي بنت من عائلتها... خدات الاستشارة ديالي فيها فقط..

محمد:نقدر عرف..ايلا مكانش مانع..

المحامي :م مايمكنش ليا نخرج مشااكل الناس لشي حد..ولمن نتا ماشي شي حد طبيبعة الحال عارف ايلا شاركت معاك شي معلومة ايلاَّ وشاركتها مع صدييق ثقة كاينة ولا لا..

محمد : مرحبا ....اشنو المشكل..؟

المحامي: لا لا مكاين حتى مشكل لحد الان غير استشارة بسييطة على شي حد من عائلتها يمكن تعرض للسحر وهي شاكة وكتقول متأكدة كتعرف الفاعل دونك مقرة انها تابعو قضااائيا وبغات استشارتي مزال غنهضر معاها ونعرف اشنو الموضوع.....

محمد:اهاه..(تيليفون كيصوني) س سمح ليا واحد الدقييقة..آلوو وي..

كنزة: محمد..

محمد:وي كنزة..

كنزة : ت تقدر تجي دابا....محمد عفااك ايلا قدرتي جييو داباا الله يرحم الوالديييين..

وقف كيسمع غير صوت البكى مورااها وحتى صوتها هي كان مخنووق مابين كلمة وكلمة كتنخصص..

محمد : شنوو واقع !

كنزة: غير جي عفااك..ايلا قدرتي تجي نتا وباابااك الله يرحم ليكم الواليديين امحمد اجييو دغيا...

على عكس ليلة امس، الدار اللي كانت خاوية عمراات...بعض افراد العائلة اللي اغلبيتهم وصات اسماء تشوفهم ماردوهاش فوجهها وديك الساعة جاو كلهم غير كيطلو ويسلمو علييها ويخرجو باكين حالتها ولو تكون حالة عدوهم يقطع قلبهم وييبكييو علييه...عساك اسماء اللي عمرهم شافو منها العيب رغم انهم قاطعين العلاقة بيناتهم ولكن كيبقى الاحترام جامعهم...وكنزة وااقفة عند البااب ماكتخليهمش يطولو الجلسة عندها فالبييت شادة تيليفون فايديها حتى جات عندها الحاجة كتمسح تحت عيونها بصوت باااح مخنوق..

الحاجة : جااي..دويتي معااه اش قاالك لييك..

كنزة : قاليا ..جاااي ففف

هشام خرج من الطواليط: شكوون ..شكون جااي ؟

محوبااتوش قلبات علييه وجهها مخننزرة والحاجة حتى هي قالبة وجهها ماشافتش فييه...!

هشام : مهم عندي مايتقدا فيين صلاح كلميه مبانش ليطك من صباح ما بان..

الحاجة: ااش عندك مااتقدي رجال جايني عندها فين غاادي شكون غيبقى معاهم

هشام: ماايتقدا وصاافي داابا نجي قبل منهم فيين مشا صلاح(شاف فكنزة) نتي صباح كنتي واقفة معاه مقالش ليك فين مشى..(شافت فيه وقلبات عينيها محوباتوش وهو يلاه بغى يقيص فدراعها وهي تخطفهاا) رااااه دااوي معااااك ...

كنزة:ماااتقسنيييش بعععد مني

خرج فيها عينييه من الغوتة اللي دارت فوجهو حتى كلشي ضار كييشوف فيهم ماارضاش وجرها عندو مخزز..

هشام: دااوي معااك شوفي فياااا غنعااود لوالدين مك ترااابي ناس كييشوفو حدري عينيك...

كنزة: ماااتقيصنيييش مااتحطش عليا اييديييك بعد منيي ...ماتقييصنييييش ولا والله مايعجبك حاال

نترااات باشمئزاااز وبعداات منو دااخلة للصالة لبيت ديال مها كلشي كيشووف يلاه بغى يتبعها وهي تحبسو الحاجة مغددة كتهضر تحت سنااانها دفعاتو مشى خرج هاز راسو ماراضيش قدام العائلة وهي تبعااتها حلات عليها الباب وسداتو موراها دااخلة مخرجة فيها عينييها..

الحاجة: اااش وصييتك انا هااا كلاامي كي واالو عندددك يااك قلت لييك حدري راااسك قدااام الناااس وااش بغيتو تفضحوني معاهم واش بغيتيهم يديو ما يعااودو

كنزة : قولي لييييه يبعد منس يبعد من ساحتي ولا والله العضييم حتى نفضحوو هاد نهار قوليىلييه يبعد مني..

الحاجة:تااحد مقايصك غا بوحدك سايرة ترطاااي ااش قااليك سول على خوك ضرتي فييه كي شيطاانة ماالكي يابنيتي غطيري امااالكي

كنزة: شبييطااان رااك مربياااه فحجرك اماما... عيب..امي عيييب وعاااار عليييك بنتك كتمووووت بمسبتهم ونتي باالك غير مع ناااس....نااس هوما اللي غيرجعوها ليييك وااش تاتمووت وتقوولي ها نداامتي(شداات فكتاافها مغددة باغة تحمااق) وا ولااادك اللي وكلوها ولااادك اللي سحروو ليهااا دخليها لرااااسك

الحاحة ضرباات حنااكهاا بجووج بالحس كتهضر: ششششش سكتيي سكتي غتفضحينيي مع نااااس سكتيي مافيها مايتقاال سكتي غطيحي عليا رواااح كنتي معااهم شفتييهم منيين جبتي هااد الكلام والبكل مامزيااانش ...الله وطيحي عليهم الباااطل تاعاقبتك ابنيتي ماتلا على خييير....صافي غير هوما مايتحاملوش ساحرين لييها منين جبتي هاد الكلام راه خوتها راه جامعهم بزولة وحدة وكرش وحدة سكتي من ديك الهضرة الخاوية وقطعي حسسك....هاااسخط.... هاااسخط هاا رضى لا بقيتي جبدتي هادشي..هااد سخط هارضى لا بقيتي جبدتي خوتك على فمك

شاافت فيها مطووولة كتحرك رااسها بلا بعيووون دامعة..

كنزة: والله امي واخا نكون غنعيش بالسخط على طول عمري مانخليها فييهم شتي غير ولااادك مغراااقهم مغرقاااهم كي سخطتي كي رضيتي لاكان غير رضى ونسكت على المنكر بناااقص منو غير يوجدو مساسطهم للبرووودة وحق اللي خلقني وخلقهم لاا دار عليهم العاام مع ولادهم...هاني ساكتة على قبل ديك البنت ايلا عرفات تموت ليوم قبل غدا غير بالفقصة هاناا سااكتة....

على غفلة تحل عليهم البااب وهي تسكت كتنهج حتى طلاات عليهم بنت الخالة..

_كنزة اسماء بغاتك....تكلمي ليها عفاك..

كنزة:دااخل عندها شي حد ؟

_ااه غير ماما وخالتي واناا..

ساااطت كنزة ومشات من قدامها دخلات لقاتهم تجوقو عليها فالبييت وهي تخرجهم كامليين كيتعافطو فجلايلهم وسداات عليها الباااب ودخلات جلسات عند راس اسماء وتسنيم مخشية فيها ناعسة شادة كتاابها كتهجا وتقرا فيه...

كنزة: ماالكي اختي اش خااصك....

حركات رااسها بسلب ببطئ شدييييد وغمضاات عينيها مضاربة تحرك شفاايفها اللي صبحو هاد النهار جامديين عليها غير واحد الجنب من شفايفها هو اللي كيتحرك والجنب ديال النص لااخر جامد او مشلل ..!

ماشي غير شفايفها وانما نص فوجهها كاامل ...عينيها..فمها خدودها نص بكاملو جمد حتى مااال وتقال عليها ولات غير كترمش بعين وحدة وتكلم بنص المتحرك من فمها الشيى اللي كيصعب عليها تخرح الحروووف بسيف باش كتقول شي كلمة وبسيف باش كيفهموها..

بصوت ضعييف وكلمات متقطعة ماكتجمعهمش وكنزة قربات ودنييها حدا فمها باش تقدر تسمع..

اسماء بصوت ضعييف: ع..يط تي ليهم..

حركات راسها بااه وشدات ايديها من تحت الماانطة هزااتها عندهاا..

كنزة: عيطت لييهم ..وعيطت حتى على محمد هاهو جاي فالطرييق هو وباباه وداك الفقييه وماغيخرجو من هنا حتى تنوضي على خيير...لبارح باباه كيقول لبا بنتك غتعااجل غنتوض على رجليها وغنسافرو عوتاني فينما بغيتي غير نخرجو من هناا غير انا وياااك وتسنيم حتى حد مايمشي معاانا (انفاجرات ببكاء حادرة رااسها) غير قوي راسك بمعزة بنننتك جهدي على رااسك شويا عفااك ا اسماا ختي عاونينا

بهستيييرية كتبوس على ايديها وتبكي بحرقة والدموع شلال فوق خدها واسماء كتشوف فيها وتهز النفس بزز بغاتها غير نهز رااسها فيها تشووف فيها وهي حادرة على ايديها كتبكي حتى تحل عليهم الباب ودخلات الحاجة غير شافتها هكااك وهوما ينزلو دموزعها ودخلاات جلسات حدا رجليه اسماء شادة زيف على فمها حتى حركات ليها اسماء غير بعينيها على كنزة وهي تقيص فكتفهاا..

الحاحة: شوفي فيها..شوفي راه بغات تهضر معااك..

مسحاات عينها وهزاتهم فييها وقربات ودنييها لشفايفها....

اسماء بصوت متطع: م..مات...بكيش..كتعدبيني..ايلا تهليتي بنتي بحالا تهليتي فيا...ت تسن..يم فرقبتك اكنزة...ق قولي لما...ما ماتبك..يش...انا مرتاحة ماتعدبو...نيش....

حدرات رااسها كنزة مارجعاتش شاافت فييها ودموعها ناازلين حتى ولات كتشهق مقادرااش تحبسهم ولا تحبس غصتها والحاجة غير كتشوف فيها وتمسد على رجلييهاا الله اللي عالم بقلبها...

اسماء: عي..طي على بابا..

كنزة برد ليها الما فركابي ماقدرااتش حتى توقف على رجليهيا بقات غير جالسة حداها حاساها كتودعهم...والحاجة ناضت قفزاات عيطات على عبد المتقي من البااب دخلااتو مسقوط الدم من وجهو كلو كييرجف مع البااب دخل كيبكي والحاجة عنقاااتو كيبكييو بجوج بيهم وبراا كلشي نلزلوو دموعهم ماقدرشو يدخلو عليهم وهوما ساديين عليهم البااب واسماء غير كتشتوف فيهم وااحد بواااحد وتحقق فملاامحهم حتى كتسهى فيهم وترجع تشوف فلاخر رااخية عينيها وعلاين يتسدو عليها وتسنييم كانت ناعسة حداها حتى شافتهم كيبكييو وهي تنوضي جلسات كتشووف فيهم مغبنة بقاو فيها واخا معارفااش اصلا علاش كيبكييو..

حتى بانو ليها سكتوو ورجعات تقرا فكتابها و عبد المتقي جلس حدا رااسها من لفوق وهي متلية فيه عينيها كتشوف فييه بدون كلام حتى ناضت كنزة وخلااتو جلس قدمها تقاابل مع عينيها ومشات خرجات بعدما علموهم بالفقيه اللي وصل لقاات الحاج والفقييه قلبات بعينيها حتى بان ليها محمد طاالع كيدوي مع شي دراااري..بعدات من طرييق خلات الحاج والفقيه دخلو وهي قربات عند محمد كتمسح فدموعها حتى كتبغي تهضر وينزلو يسبقوها وهو بلطف حااول معاها تهضر يعرف غير اشنو كااين ..

كنزة : م مااعرفتش لبارح نعساات مزيان كيف خليتيها بالعكس ارتااحت وكضحك مع بنتها ونعسنا بخيير..ليوم مع الصباج ملي بغيت ندي تسنييم للمدرسة فيقتها باش تسلم عليها كيف كل نهار وتخرج....حتى بدات كتقول ليا هزي ليا وجهي...كنقول ليهاا حركييه علاش كتهضري بنص وجهك حلي عينيك كتقول ليا لا مانقدرش

عقدوحجباانو بعدم استيعاب مافهمهااش وهي هزاات النفس مسرحة لساانها...

كنزة : نص ليسر من وجهها غير هاد الصباح ماقدراتش تحركوو لا عينيها ولا نيفها ولا فمها حتى فمها كتهضر غير بنص اللي كتقدر تحركو هادشي غيير هاد الصباااح....(تنهداات) دخل شوفها على عينييك ..

بعد صمت حرك رااسو وفاتها ومشى دخل للبييت عندها حيت كانو داخليين تما الحاج مااضيعش الوقت وكل دقييقة فصاالحهم....خرج مع عبد المتقي كيوريهم البلاايص اللي غيخويو فين يحطو فيهم المكبرااات والفقيه جالس قدام البييت قفاازي كيقاد فليكميكرو ويوجد الخيط دياالو فحين محمد دخل عند اسماء وهي غير شافتو دخل مع الباب وهي تهز معاه رااسها كتشووف فيه مطولة كانها كتحفظ ملاامحو بيين عينييها كل انش منو كل تفصييل فييه باغة تشوفو و تحفضو وعمرو يخرج من تفكيرها رغم انهاا حاافضاه عند ضهر قلب...

ولكن الاحسااس باخر نضرة...الاحسااس بالودااع اللي حساتو هاد الصباح....هاد الدار للي كتحس براسها اخر مرة غتشوفها...فقدو ليها داكرتها كتشوف فكل واحد كانها اول مرة واخر مرة تعرف عليه....

حتى جا عندو الحاج مورااه ودخلو بجوج لعندها....

الحاج : كي صبحتي ابنتي شوية ليووم كتباني ليا حسن من الباارح لاا..(بابتسامة رافع معنوياتها)

ضحكاات بسخرية على حاالها وغمضاات عينيها وحلااتها وهو تبسم..

الحاج : ومزال غداا انشاء الله نرجع ونشوفك حسن..

محمد بصوت هادئ : واجد كلشي..دراري تآنسطالاو..

الحاج: خلييتهم كيتقادو شوية نبدااو....تبدا نتا ولا انا....

محمد : غير بدا نتا..

الحاج : ماالك عينيك حمرين مانعستييش مزيان..

محمد:لا (مسح نيفو) مزيان مزيان...

دخلات علييهم كنزة مشات عند اسماء مباشرة وجلسات قداامها..

كنزة: هاهوما جااو قلتها لييك..غيبدااو دابا انشاء الله تولي شوياا على لله يا مولااناا ..

اسماء بصوت هادى غمضات عينيها برفض : م ماشي دابا

كنزة: علااش..علااش مابغيتيش

الحاج: مالها ابنتي !

كنزة : مابغاتكمش تبداو دابا...علااش

اسماء : حتى يجيو ن نهضر معاهم..

تنهدات كنزة كتشووف فيها وتلفتاات عند الحاج وهو بتسااؤل قال

الحاج : شنو قاالت..

كنزة: كتسنى شي بنات يجيو عندها بغات حتى تهضر معاهم وتبداو...خايفة صباح يتزاد عليها تاني الحاال وماتبقاش تقدر تهضر...

محمد : مااكين لا زيادة لاا نقصاان غيبداا دااباا..بلاتي نشوفهم فيين وصلو الحاج غير وجد رااسك..

تلفت ديك ساعة خرج نزل عند درااري لقااهم كيقاتدو فالمكبراات لتحث قادوهم وكملووهم وطلعوهم لفوق عاونهم حتى قادو وااحد قدام البااب بيتها واحد فالبيييت عندها...حيد الدجاكيت لللي صهداتو مع الدروووج من غير الصهدة اللي طالعة مع دااتو وهي غي كتشوف فيهم وحاضياهم اشنو طيديرو فداخلها كتمنى البنات يجييو قبل كايبدااو لكن ماتحقاتش رغبتهاا وفلحظة دخل الحاج والفقييه وحتى محمد وسدو عليهم الباب ماخلاو حتى حد يدخل معااهم من غير عبد المتقي اللي دخلوه هو لول..وكنزة واقفة عند البااب فينما يتحل البااب تقول هشاام جاا ولكن مزال مكاينش ليه الاثر وكتمنى مزال مايجيش..

تقدم الحاج هو لول غطاوها بايزار بيض كيف العاادة وجلس قداامها شاد الميكرو فايدييهم..سمى الله وحط ايديه على جبيينها وبااشر فقراااءة القراان بصوت عااالي مسموع فكل دااار من قنت للقنت وحتى لتحث كان كيتسمع الصدى ديااالو..صوت قوي مع المكبراات ولكن بتجويد وبصوت هاااادئ يرتااج ليه القلب ويتهدنو عليه الاعصاااب..

كيف العادة مع بداية القراااية وبعد اخد ورد من الانفااس والنهيج والتخبطاات غيبااات اسماء تاني ولكن هاد المرة الحاج ماحبسش وكمل فقراااءتو بدون ملل ولا عيااء حتى كيبدا يكحب شوووية وكينوض يرتاح وكيجي يكمل فبلاصتو محمد واحد كيسارح لاخر ولكن اسماء باقة على حاالها غير كتبكي وتنيين وجسمها كلو كيتتتهز وكيتخبط بحالا عمرها تشللاااات....

قدام بااب العماارة وقف الطاكسي ونزلات منو حياة وهند وهوما كيسمعو صوت القرأن كانه جنازة فالحي....

تلفتات حياة شاافت فهند مكمشة ملاامحها وتنهداات بخننقة..

حياة: لاا ايلااه ايلا الله..

هند : كيرقييوها مسكينة واقية قاالت ليك ختها جس قيل مايجيو تعطلنا

حياة: عطلتني دييك خيتنا بغيت نجي قبييلة قلت ليها يلااه قالت ليك نمشي نقولها لسعاد ونجي انا ويااها

هند :تحابت هي وسعاد.. فف صدري تزير ليا اختي...

حياة: شتي حتى كنشوفو المووت عاد كنتفكرو اللي خلقناا الله يهدي مااخلق..الله يهدي مااخلق...تحت عينيك زرقيين بزاف ماناعسااش والا مالك..

هند : شوية مانعستش لبارح بكري...الخدمة كثيرة بزاف والله ماكنعس..

حياة : ونتي مولفة على الصاالون الحداش كتنعسي عساك دابا اللي كتخدمي باللليل بااز ليك صرااحة..

ماردااتش عليها هند وطلعو بجوج لقااو بااب دار مسدودة وهي تمد ايديها ودقاات بشويا..وعاودات دقاات بجههد عاد سمعوهم و تحل الباب فوجهم...طلات عليهم الحاجة شادة زيف على فمها كيبان منو غير عينيها حمرييين كيف نقطة الدم مدمعييين اندافعت حياة هي لولا دخلااات عينيها على بيت اسماء اللي كن منو كيصدر صوت القران...

حياة: الحااجة خباار الخييير !!!

خلفها تماما دخلاات هند كتقلب فعينيها قلبها كيضرب فتسعييين وفمها نشف من الريق وهي كتشوف حالتهم وحالة الدار اللي كانت عامرة بالناس وصوت القران العالي كيتسمع حتى لعندهم وجوهم ماكتبشرش بالخير واغلبهم شادين كلينيكس فايديهم مرة مرة كيمسحو تحت عيوونهم من الدموع اللي كتسيل، كرزات على دراع حياة كلها كترجف وترعد حاسة بقلبها غيخرج من بلاصتو..

حياة:الحاجة يااك لبااس كي بقات اسما شوية !

الحاجة:عايني ابنيتي يخرج الفقيه ودخلي عندها..ب.. بغاات تشووفكم

حياة:ايوا الحمد الله ملي بغات تشوفنا ولات بخييير شوية يااك هضراات معااكم بعدا هادشي اللي بغينا

حدراات راسها الحاجة كتبكيي ماقدراات تجاوب على كلامهم وهي تهز حياة عينيها فكنزة كثر من مها عيونها مانشفووش من دمووع حركات ليها راسها بمعنى "اش كاين" وهي ترد عليها كنزة محركة رااسها بسلب حتى نزلو دموعها وحدرات راسها كتنخصص اللشي لي خلا هند تطرطق عينييها كلها كترعد ودموعها نزلو وحياة شدات فرااسها...

حياة:الله واااكبر...لا ايلااه ايلا الله مااتخاافوش الحااحة يكوون غير لخير دعيو معاها ماتبقااوش تبكييو اسماء قووووية....على اللي داز عليها ساااهل قدام هادشي غتنوض منها سااالمة بادن الله غير دعييو معاها لاحولة ولا قوة ايلا بالله..

الحاجة: دخلي ابنيتي مجاتش معاكم ديك البنية لاخرا تاهي كتسول علييهاا..

حياة: هاهي جاية الحاجة غير تدي شي سخرة وتجي....

الحاجة: دخلو جلسو ماتبقاوش فالباب يخرج من عندها الفقيع ودخلو تشوفكم سولات عليطم الصبااح قاالت لياا ماتعاشرناش نقلييل شركنا طعاام عيطي علييهم نشوفهم..

عنقااتها حياة عينييها دامعيين والحاجة كتبكي قلبها طايب وعينيهاا طابو عليهاا بالدمووع...مالقاو فين يجلسو فالصاالة حيت غير العائلة اللي جالسة تما وعمرو الدنيا وهي تدخلهم الحاجة للصالة الصغييرة جلسات غير حياة وهند شادة فدراعها مزيرة عليهاا كلها ولات كترجف وتررعد وفمها بياااض صدرهاا كينننهج طالع نازل وصوت القران عاالي فالدار حتى ردات ليها حياة الباال وتلفتات عندها....

حياة: ماالكي كلك كترعدي ياكما جاية بلا فطور..

هند : لا لا هه اويلي غ غير شوية تخننقت هههه

حركات ليها رااسها وداارت كتشوف قدامها وتنننهد وهي كتسمع فهند مرة مرة كتضحك وتخبي فكعا بايديهاا ميكات عليها المرة لولا والمرة تاانية..المرة التالتة خنزرات وضارت عندها حيت عيقاات بالضحك وناس دار بداو كيردو ليها الباال..خاصة كنزة الي مخنزرة جيهتهم..

حياة: سكتي شوية اصبحتي من الضحك واش القرأن نتي كضحكي..

هند كضحك تادمعو عينيها : لااا هههههه غ غير قرايتو شوية جاتني فشكل ضحكني ههههه

حياة : ختهاا متشوف فينا سكتي يسحابلييهم غيرك كنضحكو علييها..

هند بهستييرية: هههه ماقدرتش ههههه هانا غنسكت راه هو كيضحكني هههههه

حشمااات حياااة ولات غير طتشوف فجنابها اما فالداااخل كان هاد المررة الفقييه اللي كيقراا على اسماااء وهي بدون تفاااعل معااهم غير مرة مرة كتنوض تبكي وتنيين وترجع تسكت حاولو مرارا يهضرو معاها ولكن لسانها مربوووط ماكتقدرش تخرج منو حتى كلللمة...

ومحمد بعدم صبر ولاا كيحك ف٠بيينو مزيير وحمرر كان ممكن لييه يصعب الامور ويهضرهم بزز علبيهم غير ايلا ضغط على رجليها ولا على كرشها وحاااول يخنقهم وهوما داخهلاا غيتهزو بزز عليهم ولكن ديجا اسماء كتعاني من الحرييق مااقدرش ومازعمش يقرب ليها ولا حتى يقييص فيها وهذا هو اللي كيخلييه ماكحيضرش مع الحاج باباه للمركز حيت ماشي صبور بحالو ممكن ليه يقراا سواايع وسوااايع حتى يهضرو على خاطرهم بحال لي داير مع اسماء دابا...اما محمد لاا غير ماكيهضرووش معااه كيخدم معاهم العنف...

واحد االلحضة وهوما بسمعو صوت الضحك كيتجهد على برااا...عقد حجبااوو محمد وتلفت شااف فباه وهو يفك ايديه اللي كانت مربعة عند صدرو والحاج حتى هو شااف فيه عااقد ححباانو وغير تأكد من صوت الضحك ...

الحاج : شي حد كيضحك براا

محمد:داكشي اللي سمعت..

الحاج : شي بنت واقيلا..قوليهم يعطيوها كرسي ولا تجلس البنت غطييح..

حرك رااسو بايجاب وحل البااب وخرج لقى كنزة عند البااب..

محمد: شكون كيضحك !

شافت جيهتهم معلية حجبااانهاا ومخنزرة وهو شااف معاهاا بانت لييه هند كيضححك بهستييييرية وحياة حشماات كتنغز فيها بقى غي كيشوف فيها وهو يتلفت عند كنزة بصوت خاافت تكمل وهي مكرزة معاااه معلية حجباانها وحركات راسها باي٠اب رحع دخل للبييت وهي مشات عند الحاجة ماماها..

كنزة: قالياا محمد خوييو الصاالة نخليو فيها غيير ديك البنت

الحاجة:علاااش

كنزة: مااعرفتش قالياا غطيح وصاافي قاليا خوي عليها الصاالة وعطيها تلبس شي حااجة..(لغات تمشي حبساتها) بلااتي اجي قاليا تاا ولد صغير مايبقى فالدااار كاع دراري صغار يخرجو..

الحاجة: اييه اييه..خرجي كلشي نزلييهم للصاالة لتحث ماتخلي تاحد خرجي تاعيالات خوتك قولي ليهم ينزلو انا غنمشي عند البنت..

مع دخلات الحاجة للصالة عند هند وحيااة وهو يجي مورااها الحااج..

الحاج: السلاام عليكم..

حياة: عليكم السلاام..

الحاجة نيشات فهند: هاد البنية اللي هي اللي كانت كضحك..

الحاج: شكوون

هند؛ انا..ع علااش

الحاج: لا ماتخاافيش ابنتي ماعندك منااش تخاافي..تبغي نقرا عليك شوية دالقرأن...ماعندكش مشكل..

هند وقفات كترجف : ولكن علااش ..علاش غتقرا علياا انا...

الحاجة غمزات حياة مشاات معاها حيت فهمات انها الحاج عرفعا غطيح كيف فهماتها حتى هي...

هند: علااش غيقراا عليا ماعندي واالو ..م ماكنتش كنضحك عليك غ غيير ماعرفتش ..حيااة

الحاج : ماتخاافيش ابنتي ماتخافيش ماعندي فين نأدييك...واش فايت لييك طحتي ؟

هند: ءء ل للاا لا عمري طحت

الحاج : درتي رقية شرعية..؟

عند:لاا ماعندي واالوو علااش غندييرها..

الحاج: وااخا ماتخافييش ..الحاجة عطييها تغطى بشي حاجة..نقرا علييك شوية ايلا مكانش عندك متانع..

رجعاات جلسات كضور فعينييها كلها ولاات كترررعد حاسة بداتها ماقادرااش تحكم فيهاا كلهاا منملة عليها بحالا شي حاجة شادااها وهي اللي كتحكم فيهاا..والحاجة دغيا خطفات واحد لعبااية وزيف جابتهم ليها ولبساااتهم من لفوق جيت كانت جاية غير بالدجين وشوميز وشعر عرياان ما حتى الماكياج مدايرااهش..تغطات كاااملة وجلسات قدامو جاامعة رجليها كي قال ليها..

الحاجة : ايديك على ركاابيه..اه خليط هكاك..

حدرات راسها وحطات كل ايد فوق ركبة وهو كح قاااد صوتو وباشر فقراااءة القران وهي حاادرة رااسها كتصنت لييه وهو كيقراا عليهاا مرااقب ردة فعلاا..

حتى لواحظ اللحضة وهي توقف بغاات تخرج من صاالة وهو يوقف قبل منهاا حبسها عرفهاا طلعوها كتحرك بدون شعور ...

الحاج: اجي اجي فين غادا..

هند: خ خلني نمشي...

بحكراات غرييبة كل جزء كيتحرك فيهاا وايديها كيرجفو هوما ورجليها بغات تخرج ولكن الحاج وقف ليها فالبااب ديال الصالة منعها وهي غير كيقرب حداها كتجري بحالا خايفة منو كيقرب وهي كتبعد منو بمسااافة....

هند: خليني نمشي

الحاج: احي اجي جلسي هناا..ااه تماا جلسي قداامي...

هند: خلينيي نمشي..

الحاج: انا باغي نهضر معااك وبغيتي تخرجي..بعدا واش نتي ولاا نتا معامن كنهضر

تاكتبغي تجلس وكتنوض شاعلة فيها العاافية وهي كتنننهج سخفاانة..

هند: قولييه يسكت..قووولييه يسكت..

الحاج: نسكتو وتهضري معايا....

هند: قوليه يسكت..

بقات جالسة فبلااصتها وهو طل على الفقييه طلب منو يحبس شوية ورجع عند هند ٠السة في بلاصتها كتوجع ومحمد جا حدااه والحاج جلس فوق الصدااري وربع ايديه كيشوف فيها وهي تنوض تااني

الحاج : اجيي اجي رجعيي جلسي فين كنتي..علاش كنتي كضخكي عليا قوليا نتا ولا نتي بعدا معامن كنهضر

حرركات وجهها ببكتفهاا بحالا كيتخطف عليهاا حركات غير ارادية وصباع ايديها كيعواجو وتشد بفضفرانها فالحيط بحال شي قطة...

هند : ماضحكتش عليك

الحاج: لا ضحكتي عليا

هند كتحرك راسها يلا: مكنضحكش علييك..لا ماضحكتش علييك

الحاح: يعني انا كنكدب كدبت علييك يااك..

هند:بدون رد..

الحاج:علااش كنتي كضحك

هند : مااضحكتش علييك ..ماضحكت علييك انااا ماضحكتش عليييك(كتبكي)

الحاح: علااش كتبكي داباا وااسكتي يلاه سكتي خلينا نهضرو

هند: ماضحكتش علييك

الحاج:اهاه و علااش كتبكي

هند: مااضحكتش علييك هوماا اللي كيضحكو عليك انا ماضحكتش عليييك

الحاج: شكوون هوما....شكون هادو اللي طيضحكو

هند: هوما

الحاج: شكون هوما وريني شكون نشوفهم

ههزات صبعها ناحية البااب كلها كترعد وتبكي..

هند: لهيها..لهيهاا كيضحكو عليك كاملين كيضحكو لييك حيت مكيحملوش كيضحكو علييك

الحاج: اهااه وعلاش كيضحكو عليا

هند : حيت ماغتقدرش علييهم

الحاج: انا ماغنقدرش علييهم

هند: لا ماغتقدرش علييهم

الحاج : هوما اللي كيقولو هادشي ولا نتاا ولا نتي

هند: انا ماقلت والو هوما اللي قالو

الحاج: شحال من وااحد...

هند: ماعرفتش..

الحاح: شحال من واحد

هند غوتات بصوت رقييق تاكمشو ملامحهم: هوما اللي ضحكو علييك انا ماضحكتش علييه و (قاطعها)

الحاج: ماتبقااش تعصر عليا دابا جاوبني على قد سؤاال شحال من وااحد تما..

هند:تما بزاااف

الحاج: قول ليا شحاال

كل الضحك اللي ضحكات بهستييرية تحول لبكى..كتبكي وتضرب فالحيط بايديها..

هند : بزااااف يزاااف هوما بزاااف كيضحكو علييك حيت غيغلبووك....غيغلبووك عندهم الخاتم ..ع عندهم جوج ..جوج خواتم غيغلبوك نتا ماعندك والو..

الحاج هز فيها راسو بثقة..: عندي الله انا..

هند حدرات راسها وهدات: ابصح....

الحاج: عندي الله هوما اش عندهم ونتي اشنو عندك

هند: انا ..

الحاج: اييه اش عنددك

هند: انا والو..

الحاج: واخاا..قوليا بعدا معامن كنهضر دكر ولاات انثى شكوون معايا

هند لهدوء رجعات تهدنات : دكر

الحاج: شكووون ؟ علي صوتك !!!

هند: دكر

الحاج : مزياان شحال ونتا فهااد البنية

هند: بدون رد

الحاج: شحاال ونتا فيهاا

هند : مااعقلتش

الحاج: ماعقلتييش

هند:ماعقلتش ...لاا ماعقلتش

الحاج: نتوما ديما ماعاقلينش ...مصمكيين.. كتعقلو منين دخلتو وامتى ماعقلتييش..

حرك رااسو بايجااب وكمل ...

الحاج: شووف شوف دابا دوي معايا نيشان ماتبقاش تبوهل عليا ولا غنخدم معاك بطرييقة اخرر مااغتعجبكش عارفني اش كنقول..شحال من واحد تما

هند: ماعرفتش..مااعرفتش انا ماعرررفتش..

حرك رااسو بايجاب وربع ايدييه ومحمد جاب ليه لميكرو وهو يشدو بعدما سمى الله ..

الحاج: فاصااابهم باعصاار فيه نار...فاصااابهم باعصاار فيه نار...فاصااابهم باعصاار فيه نار.....فاصااابهم باعصاار فيع نار.....فاصااابهم باعصاار فيه نار

كيردد نفس لكمات الاية القرأنية بين شفاايفو وهي كان ديك النار شعلات فيها تحدرااات على ركااابيها كتوجحع وايديها ورجليها كيتحركو بطرييقة غرييية وحيااة كتطل عليها كترعد كتقول يسالي منها يجي ليا وكنزة مخرجيين اول مرة يحضرو لهادشي من غير الحاجة طبعا....والحاج كيردد نفس الكلمات بين فموو بدون توقف....وهي كتوجع بحكراات غرييبة مرة مرة كتغووووت بصووت خشن كانها مااشي هي اللي كتهضر..

الحاج: فاصااابهم باعصار فيه نار فاحترقت...فاصاابهم باعصار فيه نار فاحترقت..فاحترقت...فاحترقت..

فاحترقت...فاحترقت..فاحترقت

هند كتبكي: برااااكة براااكة صاافي

الحاج:فاحترقت فاحترقت فاحترقت.. فاحترقت..فاصااابهم باعصاار فيه نااؤ فاحترقت..فاحتقرت

هند: برااااكة براااكة براكة صااافي

الحاج: فةصاااابهم باعصار فيه نار فاحترت...كدلك يبين الله لكم الايات لعلكم تفتكيرون...

سكت لحضاات خلاها طترجع النفس وهي كلها كتنهج وتطلع وتنززل بحركات غريبة كتبكي وتنييين..

الحاح: تهضر معايا دابا نيشااان ولاا شنوو

هند : صاافي صاافي غنخرج منها صافي

الحاج: وااء..واطبيعة الحال غتخرج منها طحتي فايدي وباغي تبقى يلاه هضر نسمع ...قولياا شحال من وااحد

هند: ماغبنقااش نجي عندها صافي مانبقاش فيها... بزااااف بزاااف بييييهم عندهم الخاااتم قوييين..بزاااف بييهم وااقفين عليها

الحاج : لا حولة ولا قوة ايلا بالله اش دارو ليها بيه علاش خداوه ليها

هند: سحروو ليها بييهم..خداوهم هوما ماشي حنا هوما اللي خداوه سحرو ليها

الحاج : سحروو بالتصااور..

هند: اه

الحاج: بالشعر

هند:ااه بالوسخ.. والشعر و..والوراق

الحاج: اهاه...علاش بغاو يسحرو ليها

هند: حييت..واا ح حيت عايشة بوحدها..

الحاج:اهااه زيد

هند كتنيين بوجع بحالا كتحرق: حيت عايشة بوحدهاا

الحاج: اييه من بعد هاهي عايشة بوحدها من بعد

هند: حييت عايشة بوحدها هي وبنتها مابغاوهاش تبقى مرتاحة...

الحاج : اهاا سحر مرشوش..موكول اشمن نوع

هند : مربوط

الحاج : فيين فيين كااين هااد الحسر..

هند: ماعرفتتش

الحاج: فيين فيين كاين قول لياا فيين(ناض قرب ليها)

هند: مااعرفتش ااهى مااعررفتش ( مع وصل عندها وهي نضرب فلرض بجههد كتبكي بهستييرية) كااين هنااا هناااا كااااااين هنااا هنااا.... هنااا كاااين

الحاج: سكت سكتناا سكتنا غتبدا تبكي علياا يلاه سكتي سكت صاافي

هند سكتاات كتنيين تاني: هناا كاين لهييهاا لهييها كااين

الحاج: فيين وريي فيين..فين كااين

هند: رااهو رااهو فييه شاااعل راااهو كيبباان من هناا هاههى اههى كاااين هنااا هناا مااين هناا رااهو

ااحاج: مدفون ولا مرشوش

هند: مربوط ااهى مربوط رااهو كااين هنا هوما اللي داروه انا نادرت والو هوما هوما اللي داروه كيضحكو علييه هوما كيضحكو علييك نتوما كاملين حيت عندهم الخاتم ونتا ماعندك واالو كيضحكو عليك..

الحاج: ماعندي والوو اناا يلاه وريني فينااهو فيين كااين

هند :كاين

الحاج: تورييه ليا

هند: بدون رد..

الحاج: غنمشي معاك توريه ليا ايلا مالقيتوش نتفااهم معااك

هند: كااين لهييهاا تما كااين شااعل تماا طااااين

الحاج: يلااه زييد زيد نشووف وريني فيين..نووض وريني نشووف..

نااضت قداامو غادا كتزيد خطوة وترجع تشوفو واش جااي ورااها وهو تاابعها حتى مشات قداامو وقفات حدا البااب ديال اسمااء وهو يحل ليها محمد الباب ديال البييت ودخلااات وقفات فالعتبة..

الحاج كااين هنااا..

هند:هنااا كاااين هناا ابزاااف هنايااا مااااين ااهى هنايااا كاااااين هنايااا

الحاح: سكت سكت من الغواات زيد وريني نشوف يلاه وريني فيين ..

مشااات نيشاان حداا الماريو غير وصلاات حدااه وهي تطييح على ركابيهاا فلرض بنفس ابحركة ديال قبيلة يحالا سااجدة كتضري فلرض وتبكي بصووت مرتااافع

هند: هنايااا هنااااي هنااي طاااين شاعلة فييه بولة حمرة هنايا كيضوي هنايا....

ابحاجة : هناا فالماريو مع الحواايج

هند : هناا هناا ..

هزات صبعاها لجيهة د لفوقي ديال الماريو وهو هز عينيه بانو ليه غير الباليزات وشبكة دالالعاب ديال تسنيم..

الحاج ايلا جبدت داكشي ومالقييتش..

هند: بدون رد..

الحاج : جبد وداولدي داكشي نتا تصول ..

قرب محمد تعلا جبد ليه البااليزااات حطهم قداامها وحلهم كانو خاويين من لداخل وهي قاصتهم غير من الفووق كتملسهم ولاحتهم بعداتهم عليهاا..

وشيرات بايديهاا الفوووق تااني فوق الماريو وهو يتعلا محمد مابان ليه والو من غير شبكة د الالعاب وهو يجرها يلاه غيحطها فلرض وهي تخطفها من ايدو كتهز وتلووح فالالعاب حتى وصلتول لعبة تسنيم او الهدية اللي تعطاتها من عند سعاد وهي تهززها بين ايديها هكاك راسها مزاال مفصول على الكسدة وشداتها بين ايديها موركة عليهاا كتبكي والحاج بغى ياخدها..

ااحاج اري نشووف..هو هااداا...طلق طلقوو(حيدو ليها)

هند: هو هاادااك هواا هووواا

الحاج: كاين غير هاداا...

هند:هو هاداك هو...

الحاج: يلاه جلس تما ماتحرطش من قدامو جلس..

بقات جاالسة حداه حاطة راسها على المااريو كتنهج والحاج جلس قفاازي مد ايديه لمحمد عطاه قرعة دالماء ديال القرأن وقبل مايقيص فالمونيكة بدا كيجود وكيرش الما عليهاا وهو كيفكك فيها عضو بعضو حتى وصل لمنطقة البطن ديالها طلب منهم موس...

ومشات كنزة كطير جابتو ليه ورجعات كتشوف وهو كيفتح ليها فكرشها حتى حلها ليهاا بانت لييه غير الصووفة داحلها وبدا كيحلل فييهاا ويفك فيها بشويا بشوياا حتى حس براسو كيقييص فشي حااجة من وسط ديك الصوفة جبدها على شكل طرف ديال توب رقييييقة مربع وصغيييور قد الدرهم تقريبا وضاير عليه بسكووتش كحلة..جبدو لاحو قدامو كيشوف فيه ويخوي عليه ما دالقرأن ...

الحاج : لاا حولة ولاا قوة ايلا بالله..حسبيا الله ونعمة الوكييل..حسبيا الله ونعمة الوكييل..

خرجات كنزة بخطواات مزروبين من الكوزينة هازة باينو صغير فايديها وموس ومقص صغيير فاتت الحاجة اللي كانت واقفة عند الباب كتشوف ودخلات عند الحاج مدات لييه داكشي اللي قال ليها خداه وهو محني قفازي حاط المونيكة وداكشي لي جبد منها قداامو واللي مزال كيجبد منها ومحمد جنبو عمر ليه داك البانية بماء دالقران من البيدو اللي جابو معاااهم وعطااه لييه

وهو كيردد نفس الكلام بين شفايفو بتجويد ومرة مرة كيقول ايات قرأنية مبطلة للسحر... خدا صورة اسماء كانت وسط المونيكة وسط دااك الصوف عليها شي كتبة وشي تخربييق ورموز ماواضحاش و مامفهومش وخشاها فالبانيو كيسمح ديك الكتبة كاملة واخا كانت مكتوبة بالمداد وصعييب تمسح ولكن كان مصر يمسحها حتى مسحهاا كاااملة وحطها جنبو وهي تحنى الحاجة بغات تهزها...

الحاج : لا لا الحاجة لا ماتقيصييهش خليه مزال خاصو يتحرق

رجعات الحاجة وقفاات جنب كنزة كيتفرجو فيه اشنو كيدير وهو هز دااكشي كامل اللي لقى وسط المونيكة خيوط كتابة على الوراااق برموز وكلمات المرض التفرييق العداب الحزن...خشى كلشي وسط الباينو غرقو فيع وجر عندو المونيكة مزال طيقلب فيها لاتكون شي حاجة الوسط...وهو كيقلب وسطها وهي تحررك اسماااء كلهم شاافو عندهااا والحاج نزل عينيه مكمل شغلو كيقلب وسط ديك المونييكة

حتى حس برااسو تلمس شي حاجة صغيير ولكن قااصحة وبدا كيفك وسط الصوفة حتى جبد شي حااجة ملوية وسط المييكة وواحد التوب بيض وبدا كيحل فييه حيد التوب البيض وحيد مورااه الميكة وهي تبان ليه مونيكة صغييورة تقريبا قد راحة اليد كلها مكتوبة بمدااد كحل ورموووز شيطااانية وديك المونيكة ايديها ملوين لور ومعقودين بسكوتش كحلة بحالا راابطيينها ورااسها كلو عامر بشوكات(فنيتات دالفولار)...

غير جبدهاا قداامها كنزة شهقاااات كتشووف فيه غير منضر المونيكة كان كيخلللع ومحمد دوز ايدييه على وجهوو وشد على دقنو كيشوف مامتيقش ومامستوعبش اشنو كيشوووف بردو علييه رجليه وجلس قفاازي حدا الحااج كيشوووف معااه تا غوتات هند كتبكي فبلاصتها فاش شافتو جبد المونيكة

هند:هاااهو هوااا هواا هاداااك هوااا هوااا

الحاج: سكت صافي شفتو

هند رجعات تهدنات: هوا هادااك..هوااا

الحاج:لاا حولة ولاا قوة ايلاا بالله حسبياا الله ونعمة الوكييل

شد راس المونيكة هو لوول يلاه بدا كيفك فالشوكات وجر الفنييتة لولااا وهي تهز اسماااء من فوووق سرير وبالضبط تهزاات من جييهة كرشها كتنيييين وتبكي بحالا باغة تغوووت وماقااادراااش والحاج كيفك مشاافهش عندها ومحمد شااد على رااسو مزيير عين عليها وعين مع الحاج....

الحاج : لاا حولة ولا قوة،ايلا بالله...اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ...

اسماء بالغوااات صوتها رقيييق : ماااتفكووش ماااتفكووووش مااتفكش (كتبكي ) ماااتلكش ماتفكش مااافتكش

كتغوووت كآنهاا شاعلة فيها العااافية وهضرتها مسرحة بحالا عمرها تشللات خلات كنزة غير كتشووف وهي اكثر وحدة عمرها تاقت بالسحر ولا قالت كاين هادشي جاها بحال شي فلم دالرعب كتشوفو وهي معاهم والحاج حيد الفنيتات كاملين ولاحهم جيهت محمد

الحاح: حسب اولدي شحاال تما حسن لا حولة ولا قوة ايلا بالله شوف هاد الناس علاش قاديين اولدي شوووف البشر...شنو غيقولو ل الله عز وجل شنو غيقولو قدامو حسببا الله ونعمة الوكييل حسبيا الله ونعمة الوكييل..

مرة اخرى شد المونيكة والمقص فايديه كيحل ليها ربطة ايديهيا واسماء بدات كتغوت لربي لخلقها كلها كترررعد وورااسها كتهزو وتضربو مع المخدة وهو خدام كيففك فيه ومحمد كيحسب فدوك الفنيينات وغواتهاا فودنييه كيتعاااود تزييير وصدرو تخنق علييه حتى كيتنهد ويعاود يحسب من لوول تااالف...

والحاجة بدات كتبكي وتشهق قدام البااب حتى شاف الحاج فمحمد وحرك ليه عينيه جيهت البااب..ومحمد فهمو وتلفت سدو علييهم وكنزة شدات الحااجة وداتها للصاالون كتبكي جلسات معاهااا كيفها كيف عبد المتقي اللي ماقدرش يبقى فالبييت معاهم وخرج براا لعندهم...

تحث قرااءة الاياات القرأنية والمعودتيين تفك السحر بايدين الحااج حتى عقدة ماخلاهااش ايلا وحتى فكها.. خيووط حلهم كاامليين والمونيكة اللي كانت من الصوفة كلها حلها فماء دالقرأن والشعر فكو كامل زغبات وحلهم حتى هوما والضفراان والوسخ دالحماام وشي وراق وشي جلود لقاهم ريحهتم قااصحة واضح عليهم ديال الحيواناات حتى هوما ملوين وسط داك طريف دالتوب لااج كلشي فالباانيو دالما دالقرأن ونااضت بلاصتو واسماء هدااات كتبكي وتنييين وهو قصد هنند وقف عليها وهي جالسة متكية راسها على الماريو..

الجاج : هاادشي اللي كاااين قول ليا فيين باقي..باقة شي حااجة

هند بهدووء كلها كتلوا : ماعرفتتش..

الحاج: هادشي اللي كاين

هند : ماعرفتش...

الحاج : خدمتيني هاد نهار واش كتقلب نعدبك وااش باغي تحرق

هند:لااا ماتحرقنيبييش

الحاج: مابغيتيش تحرق

هند: لا

الحاج: اهااه يلاه دوي قوول ليا فين كاين مزاال باقة شي حاجة

هند بالغواات كتبكي: باقاااا..باااقاا بغاااو يمرضوها باااقي

الحاج: اييه فين باقي..

هند بجهههد ضربات فلرض: بااقي بزااااااف هوما اللي دااارو باقي

الحاج: ماتغوتش...ماتغوتش هضر بشويااا اش كاين..

هند : ماغتقدرش علييهم..

شاف فيها الحاج مطول وتنهد...

الحاج: نوض نوض اجي معايا تبعني....

دغياا وقفات جنبو زادت قدامو وهو تبعها كيوجهها فين تمشي حتى دخلات للصاالون وجلسات فوق الصدااري ووهو يقرب حط ايدييه على راااسها وورك علييه حتى غوتااااات وباشر فقرااءة القران بتجوييد وهي كتلوواا وتووجع بالغواااات قلبات ديك الصااالة وهو كيقراا عليها بدون توقف

الحاج: وَقَالَ فِرْعَوْنُ ائْتُونِي بِكُلِّ سَاحِرٍ عَلِيمٍ فَلَمَّا جَاءَ السَّحَرَةُ قَالَ لَهُم مُّوسَى أَلْقُواْ مَا أَنتُم مُّلْقُونَ فَلَمَّا أَلْقَواْ قَالَ مُوسَى مَا جِئْتُم بِهِ السِّحْرُ إِنَّ اللّهَ سَيُبْطِلُهُ إِنَّ اللّهَ لاَ يُصْلِحُ عَمَلَ الْمُفْسِدِينَ وَيُحِقُّ اللّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُون

هند بوجع كلها كترررعد: براااكة براااكة براااكة عدبتبني براااكة نخرج نخرج نخرج ماانبقااش نرجع نخرج نخرج

الحاج: باقي شي سحر اخر دوي فيين كااين

هند: باااقي بزااف بزاااف بااااقي

الحاج: فيين كاااين

هند:مااارعفتش مااعرفتش بعيييد بعيييد كحل مدفوون بعييد بعييد بعيييد

الحاج : يلااه سمع..سمع سمعني دابا براكة من الغواات وسمعني..غتخرج سمعتيني غتخرج داابا يااك

هند: نخرج صاافي نخررج

الحاج: وايلا رجعتي

هند: لا رد

الحاج : ايلاا رجعتي

هنظ: مانرجعش لااا

الحاج: يلاه خرج ونعاود نلقااك نتفااهم معااك..يلااه خرج وريني...خرج من رجلييها زييد يلااه..

تلففت عند الفقييه غمزو يكمل باش يمشي هو عند اسماء وفعلاا تقدم الفقييه هو اللي مكلف بااش يخرجو منها والحااج رجع عند اسماء لقاها كيف خلااها...جلس جنبها وجر عليهاا ليزاار غطاها كااملة من وجهها وراسها وكلشيي وحط ايديه على جبينها كيقرا بعد الاياات عليهاا ولكن للاسف مرة اخرى بدون استجابة غير عاديين وحركات غرييبة كتحركهم وكتوجع من كرشها...

حتى تنهد الحاج بقلة صبر ووقف كااامل وقرب ليها وهي مهدنة غير كتنيين وبدوون سااابق انداار حط ايديه على كرشها و ورك بجههههد حتى غوتاااااات وهزااات ايدييه لفوووق معوجة صبعااانها ...

الحاج : باغيين غير تخدموووني دوي يلااه دوي سمعني صوتك دويي..

كيزييد يووورك كثثثثر حتى كيبغي يخشي ايييده يغرقها فكرشها وهي كتغووت بجههههد

الحاج: دقتيي شوووية دالعدااااب تدبعتييي دقتي العداااب اللي عيشتتوو فيهااا يلاااه نشووفووو جهدك فيين...

لوااات رااسها تحت الايزار وهي تغوت بصوت رقييق كان وااضح انه ماشي صوت اسماء بحال شي صوت كبيير فالعمر ماشي قد سنها...

اسماء : اناا متااايبة ل الله..اناا متااايبة ل الله (كتغوووت بوجع) طللق منيي طاللق طلق رجلي رجلي رجلي طلق منيي اناا متااايبة انا متااايبة ل الله..

غير تكلماات وهو يبعد ورجع جلس قدامها..

الحاج : مرحبااا على سلااامتك سمعتينا صواتك...قوليا علاش دخلتي

اسماء: مااادخلتش هوما اللي دخلوني انااا مااادخلتش مااادخلتش هوما لي دخلووني البشر البشر البشرر خطييييييير(كتجبدها) البشر خطيييييييير

الحاج : اييه مال البشر

اسماء: خطيييير خاااين واعريين فبعضياتهم خطييير خيطييير البشر خطبيير نتوما خطاار نتوما خطاااار هوما اللي دخلووني اناا ماادخلتش هوما اللي دخلوني

الحاج:خادم السحر ادن..

اسماء: لااا

الحاح: كيفاش لا هوما اللي دخلوك يعني كتخدم ليهم سحرهم يعني خادم السحر....

اسماء: للا هوما اللي ربطوني اناا مادخلتش بسبااابهاا عي كلشي بساااببها هي هي السباااب كلشي سبااابها

الحاج: شكون هي..اسما ؟

اسماء: هي هي السباااب هي اللي نية وكتييق..كتيق كتييق كتييق بزاااف كتيييق هيا اللي عطاوها ليها تااكلها واللي عطاوها لييها تلبسها كيستغلوها هي نية خلااتهم يدييرو فيها مابغاو هي هي سبااب هي سباااااب

الحاج: شحال من واحد بيكم..

اسماء كتنهج : بدون رد..

الحاج: شحاال بييكم بلاما نعدبكم يلاه صافي نطق..انثىةولاا دكر شكوون معايا بعدا معامن كنهضر

اسماء: انثى

الحاج: شحال ونتا دااخل ....(مجوبااتوش وهو ينهض فيها) شحااال نتا دااخل هضر معايا

اسماء بهدووء كتلواا :شي خ...خمس سن...سنيين..

يتبع...