حمام الخلا الجزء 24

تحركات بتعب من وسط دراعو حالة عينيها فالصقف قداامها حتى صحصحت مزيان عاد تحركات من بلاصتها اول مرة بعد اسبوع كامل كتفيق وتلقاه جنبها ضارت لعندو كدوز ايديها على خدودو وتبسيمة زويينة مزينة شفايفها ليل كامل وهي فايقة معااه بعدما تزاد عليه الحال والحرارة هزات جسمو كاامل لكن بفضل الدواء اللي عندو شربو حتى نزلات الحرارة عاد قدر ينعس مرتاح...بحركة ثقييلة باست شفايفو فرحانة وناضت من حدااه قاصدة بيت تسنيم كيف العادة بزز بااش فيقااتهاا لبسااتها ووجداتها للمدرسة وطلعات معاها وجدات ليها فطرات

تسنيم شبعانة كضحك: عمرات الكريشة

اسماء : ههههه بصحت الكبيدة

تسنيم باست خدها غير شافت اسماء الفرحة فعينيها فرحات حتى هي معاها : ماما زويينة بزااف...و وعينيك زويينة قد هكااايا

عنقااتها بحناان كبيير كتبوس فراسها وخدوودها وايديااتها..

اسماء : كملي غير هادي يلاه اماما كتاكلي داكشي لي كنعطيك فالمدرسة يااك لبارح رجعتيه ليا كامل

تسنيم : واخا ولكن انا بغيت سلطان ياكل حتى هوايا معايا وسلطان مابكاش تيجي عندي لمدرسة

اسماء : علاش مالو ؟ مريض غيب المدرسة..

تسنيم : قالت لينا لاميطخيس هو ماكينس هنا ماعيبقاش ايجي عندما وانا بكييت بزاف كون غير بقى معانا..

اسماء : حتى تجي خالتو كنزة ونمشييو عندو نشوفوه....صافي ماما ساليتي يلاه نمشيو..

شدات من ايديها نزلات من الكرسي كتقاد ليها فلبااسها عاد مشات نازلة هي وياها تلاقات الحاجة عاد فايقة صبحات عليها هي وخديجة مبسمة ونزلات لتحت مع دخلة لقات محمد فوجهها ضحكات فوجهو هو مبسم بعينيه باس خدها مصبح عليهاا وخرج تسنيم للترونسبور وهي دخلاات للبيت كتجمع فالفراش حتى دخل محمد موراها لاح التيليفون ورجع خرج عرفاتو مشى يصلي الصبح هي صلاتو قبل منو...لحضات حتى رجع دخل للحماام كتسمع فييه كيقلب ماعرفت اش تللف ليه ماكين غير خبط هنا ولهييه تنهداات فيه كلشي زويين ايلا النظاام هو غادي وهي تابعاه كتجمع موراه كيفقصهاا...فحين هو كيقلب على دواه تلف ليه ليلة البارح حل الفاغماسي لي عندهم فالحمام حتى بانت ليه شي حاجة فالحمر جرها غير بصبعو كيقرا فوقهم " مانع الحمل " عقد حجبانو كيشوف فالعلبة فايديه حتى نحنح مسرح صوتو بحددة نطق معيط ليها..

محمد : اسماء...

تلفتات فالحمام بعفوووية ورجعات لشغلها...

اسماء : نعام...!

هز حجبانو وعينيه كيقلبو فديك العلبة واش شاربة منها شي حاجة فبالو تافقو على موضوع الولاد عرفاتو اش باغي وحتى هي وافقت عليهم....

محمد : اسمااء...اجي لهنا !

حطات لي فايديها وقربات لحماام دقات فييه بادب عكسو هو عاد فتحااتو كتشوف فييه عاطيها بالضهر وقربات لعندو محافضة على تبسيمة لي مكتخطاهاش..

اسماء : نعام كتقلب على شي حاجة..شنو خاصك..؟

هز العلبة قدام عينيها وتكلم بتسائل قارن تجاعيد جبهتو وهي حدرات عينيها كتشوف فايديه ملتمسة الغضب والاستغرااب فسؤاالو...

اسماء بهدوووء وصوت حنيين كيهدنو بدون شعور : هادو..لابيلول..

محمد : كتاخديهم..؟

اسماء بنفس الهدوء حركات راسها تابتة : لا...

محمد :اشنو كيديرو عندك ؟!

اسماء : كنت كناخدهم قبل ما..مانهضرو فالبحر وولكن من بعد حيدتهم علااش ؟

محمد : مكتاخديهمش ؟

اسماء : لاا (شافت كيف كيشوف فيها) هههه علاش غنكدب والله ماكنشربهم غير تهنى..

حرك رااسو ودوز ايديه فوق كرشها...

محمد : يعني مزال ماعمرناها ولا كيفاش...؟

غيى دوز ايديه تهرات وهربات منو كضحك وهو يدرعها تحت ايدييه خرجو من الحمام منزل راسو لرقبتها بقبلات حااارة مبورشها..

محمد : انا غنمشي خاصك شي حاجة نجيبها معاياا..

اسماء بابتسامة وصوت داافئ : ماتعطلش...

محمد : علااش(غمزها عينيه مبشريين) !

سكتات مبسسمة عينيها كافين يشرحو ليه غير ايلا مابغاش يفهم معلية فيه رااسها وهو ميلو فيهاا كيدوز ايديه بخشونة فوق رطوبة خدودها حتى تحنى بااس شفايفها مطول وهي تبعد متدكرة كلام الحاجة

اسماء :نسيت ماقلت لييك....الحاجة ليوم غتمشي تشوف جدك فالكلينيك غنمشيو معاها كاملين يااك..

محمد : نتي بغيتي تمشي ؟...خلييهم يمشييو من بعد وناخدك عندو..

اسماء حسان بيها مابغاش يديها معاه حيت غيكونو كاملين تما..: علاش..اشنو فيها ملي قالت ليا يلاه معانا قوليها لمحمد قلت ليها واخا...

محمد : من بعد ا اسماء...غتمشي معايا خليهم يمشيو...(قلب الموضوع) راجعي دروسك حتى نجي ونشوفوك فين وصلتي..!

اسماء : واخا ههه تعلمت بزاف دياال الحوايج وعرفت كيفاش نعرف ايلا تزااد شي بخودوي...(بحمااس عيونها لمعو) لبارح دخلو بزااف دخت باز للصالاري لي كيعطي الموافقة باش يدخلو..كان كيسحايلي بلي كيدخلو ديبخودوي صغار هكا مابين الفين ووالفين دولار حتى للبارح دخلات واحد الطوموبييل شفتها تصدمت كتتحممممق زويينة بزااف وغاالية ههههه قلت ااش كدير هادي هنا

عينيه مبشريسن كيدوز ايديه فوق شعرها كتحمقو طولتو وريحتو...

محمد : انا عطييتك ليان ديال لي بخودوي صغار... قلت لييك سيت طبييب مقسوم فروع حتى نوريهم ليك من بعد....فين شفتيها شنو هو لايدي(id)ديالها..

اسماء كتفكر : ماعقلتش بلااتي نوريها لييك...

شدات فايديه بحماس جاراه موراها حتى فتحات البيسي وجبدات ليه صورة الطوموبيل كضحك ورااتها لييه..

اسماء : شوف هادي..شوف شحال ديال المابيعات جابت ماشي صنع هنا يااك..

محمد : لا...(باس خدها) عجباتك..!

اسماء بعفووية وحمااس كتشرح ليه: كتحممق..اللي عبجني فيها كثر شوف هنا كتختار لون اللي بغيتي بحال هنا كاين الغوز الكحل الحمر مافيهاش غير لون واحد...

بقات كتوريه من حاجة لحاجة وهو غير كيشوف فيها وفالحماس للتعلم اللي فيها وعقلو كيفكر باشنو يقدر يعاونها حتى سدو ليها وجرها من ايديه طالعيين فطرو كامليين...كملو فطروهم وخرج محمد مشى وهي بقات مع الحاجة ولا كيعجبها تشد فيهاا كتجيها لحاجة بحال شي بيبي حال وعقل هاهي حلوة معاك شوية حتى تقلب علييه..

فحين كنزة دوزات داك نهار بوحدها فالشومبر سادة عليها باب البييت مخشية ففراشها معنقة مخدتهاا مفزكاها بدموعها بكات حتى عيات وحرقة قلبها مزال ما برداات...اللي غيشوفها غيقول حمقة مزال ماضربات معاه حتى العام ودايرة علييه هاد الحالة..بحال كنزة مكيبكييوش على الرجاال بحالها قويين ماكيهزهم راجل ماكيحطهم حتى بنات عائلتها بعد المرات كيذدو فيها كيقولو ليها نتي عمرك تبغي بااز لراجلك..ايلا شافوها دابا غيقول ليها بااز ليك نتي نييت...

منضرهم بجوج مابغاش يبعد من عينييه غير كتفكرهم كتشد على بطنها بحررقة كبيير كتشهق فاااشلة وسخفانة بالدموع واحد اللحضة وهي تسمع صوت الباب وناضت حلات على سلوى لقاتها جابت ليها تيليفون دياالها..قبل ماتمدو ليها قالت بتردد

سلوى : غتهضري غير مع ختك ياك..عارفة عماد (قاطعتها)

كنزة : معامن من غييرها اسلوى..شكرا..

سلوى : انا هنا وقتما احتاجيتيني...

حركات راسها بايجاب مبسمة ليها وسدات الباب وسلوى نزلات للتحت بخاطر منكسر كتنسى عماد يجي بفارغ الصبر فحين كنزة رجعات جلسات كتقلب وسط نماري جحتى لقات نمرتها وهي تصوني ليها....

لحضات قليلة حى ردات عليها بصوت رقييق كيضر فالودن...

اسية : آلوو..

كنزة بهدوء: اسية....انا كنزة بخيير لباس علييك

اسية فرحاانة : وي عرفتك احبييبة لباس علييك هانية...كلشي بخييير

كنزة : الحمد الله....(زربات عليها باغة ترتاح)فين شاداها مزاال خدامة فداك المرقض اللي مشينا ليه..

اسية : لاا لا هه تحولنا لواحد ااخر علاش عجبك العفرييتة بغيتي تمشي لييه...دي معاك راجلك ماتمشيش بوحدك ههه

كنزة : هههه غير بغيت نشط شوية ونبدل الجو وهو اللي بان ليا زويين ونقي راجلي مشغول ومكيقدرش يخرج معايا..

اسية : بصاح ايوا عرفتي شنو صبري عليا غدا عندي روبو نوصلك ليه ونرجع ياك حتى لغدا عاد باغة تمشي

كنزة برااحة: صافي ماشي مشكل بحال بحاال..نتلاقاو قداك دارك انا غنجي عندك صاافي ياك غير نقولها للطاكسي يحطني قدامك..

اسية :شوفي انا غنسيفط ليك العنوام فميساج غير عطيه ليه ايجيبك تالعندي..غنوصلك للمرقص ردي البال وعرفي معامن كتهضري..ايواا قولي لياا لباس كي غادا مع شي حمالة وزوجك ههه مهلي فييك...

كملاات معاها الهضرة كنزة سخفانة واخا هكاك بقات شادة معاها تيليفون حتى ودعاتها وحطاتو ناضت كتقلب على المود باش تنعس وتطفي عليها الضو وهو يتحل وراها الباااب تلفتاات دغياا كيبان ليها عماد داخل منو بعيون متررقبة كيقلب عليها...

غير شافها بعييون متحسسرة تننهد و قرب عندها حسات بيه عرفها عرفات بطليقتو وهي ترجع لور قالبة وجهها منو...

كنزة : مابغيتش نهضر اعماد خليني علييك عفاك بدل ساعة باخرى..

ماسمعش لكلامها ماحسات ييه حتى جرها ضامها لعندو باييد وحدة مزيرها بحالا غتهرب لييه وصوتو فودنييها كيتسمع..

عماد :ماكيينش اللي تعمر بلاصتك....عارفة هادشي مزياان...ماتخلقتش هادي اللي تعمر بلاصتك عندي....

دمعوو عينيها كتبلع فريقها على غصتها نازلة على قلبها بصوت فااشل بعداتو عليها فااشلة..

كنزة : بعد مني اعماد...طلق مني..كنت كارهة الزواج ومايجي منو كارهة الرجال كارهة كلشي فيه نتوما حتى تلاقيتك....(بصوت متقطع شادة بكيتها)قلت هذا غيأكد ليا العكس انا غير غالطة فيكم ماشي كلكم بحال بحاال..نتا اكدتي ليا كلامي كرهتيني فشي حاجة سميتها جنس الرجال...طلق مني....

شد وجهها بين ايديه وجبهتو على جبهتها بصوت هامس متحسر..

عماد : ماكدبتش علييك...كلشي فخبار واليدييك علاش عندي مانخبي قلتها للسي عبد المتقي باش يقولها ليك قبل لاكط مارجعتش جبدت الموضوع حيت ماسولتينيش ضنيتك مامهتماش بيه حتى انا نسيتو...(بااس على راسها مطوول كيمسج فدموعها) ماتبكيش حتى حاجة ماتستاهل دموعك...باغيك نتي...ماشي وحدة اخرى داكشي فات المهم عندي نتي...

كنزة باستسلاام : جاوبني على حةجة وحدة اعماد..عفااك ماتكدبش علياا صارحني ولو لمرة وحدة فحيااتك..

حرك رااسو بايجاب موزع قبلااتها على وجهها بلطف كيمسح دموعها..

كنزة : مخبي عليا شي حاجة اخرى..مزال شي حاجة ماعارفاهاش عليك...مزال كتجمعك شي علاقة معاها ولا مع غييرها واش مطلقها غير هي ؟

عماد بتأكييد : نتي اللي كاينة

كنزة بشك كبييير حاسة بكلامو متردد : غيير هي متأكد ماتكدبش عليا اعماد..تكون شي وحدة اخرى ولا عندك شي ولد معاها بقى عندها ولا بنت...ولا واالد مع شي وحدة وليت كنفكر فكلشي...كلشي معاك ممكن...واش واالد معاها ولا مع غييرها قسم ليا بالله ماغتكدب فجواابك...

بعدات علييه مستنية جواابو بحررقة هو كيدوز ايديه على شعرها وكيتنننهد سااكت بسهو ماقادرش يهضر.....صمت طوييلة خلعها فزع قلبهااا ودموعها نازلين بدون شعور..!

حتى جمع وجهها الصغير بيين ايديه غير وحدة تانية مطوية مهرسة وعينيه بحرارة كيلمعو فعينييها الباكين...!

عماد : كتأمني بالله..؟....(بجدية) وبررب الكعبة اكنزة ماكين داكشي اللي فبااالك...(باس جبينها بنفس حارة كتضرب فيها) برب العالي نتي اللي كاينة ماكينش من غيرك نتي و ولدي ماكينش من غيركم..

نترات ليه ايديه من وجهها بات تبعد قالبة وجها كتبكي وهو شادها بزز عليها مزير عليها لعندو بحالا غيخطفوها من ايديه جلس فوق السرير وجره لعندو مجلسها فوق ركابيها مزيرها بايدييه ورجليه مامخليهاش تحرك وهي كتنتر كرهاتو..

كنزة : طللق مني...غير طلق مني...مانتييقش بييك واخا ماعرفتش باش تحلف ليا...

عماد : ماكدبتش علييك من نهار عرفتيني واش قلت ليك شي حاجة وطلعت كدوب...سمعيني كنزة شوفي فيااا...(ضور ليها وجهها عندو) شوفي فيا تزوجت سنيين هادي قبل مانعرفك ولا حتى كاع نشوفك شي مرة فحيااتي عمر طيفك داز من كّدامي.....تزوجت وفنفس لعام طلقت...ماضربت معاها تلت شهر ولا ربعة كل واحد شد طريقو وديك المدة انا كنت فالمغرب وهي بقات هنا....عمرنا تجمعنا ولا يدخلك الشك تكون دازت بيناتنا شي حاجة من غير جوج ورقااات تسيناو..!

كنزة بعدم تصديق : علااش تزوجتي بييه...حتى هي عجباتك من شوفة لولى تشهيتي تزوج بيها...كليتي ليها عثلهاا حتى قبلات بييك... غير جربتيها طلعت فراااسك طلقتيها...

بغات تبعد وهو يزيرها كثر...

عماد :كنزة الله يرضي علييك....سمعيني ماكدبتش علييك واش سولتيني على حياتي وماردييتش علييك هممم؟!

كنزة بفقققصة :حتى نسولك عاد تعاود ليا هه كضححك عليا ولاا شنووو...

عماد: بياان سييغ حتى تسوليني والعيب عليا ايلا كدبت علييك ونتي ماهتميتيش تعرفي حياتي كيف كانت قبل منك علاش غنجبد هاد الموضوع ونبدا ندرامي عليك كنا وكنتو تزوجت وطلقت ونتي اللي كاينة دابا...ومنك مامفاكش(قاطعتو الحرقة كطلع وتنزل فيها)

كنزة : طلقتو ومزاال كتلاقاااو...كتحييو اللي فات ماسختيش بيها ولا هي ماسخاتش بيك جيتس لبلادها وتفكرتي اللي داز بينااتكم جاك الحنيين عليها(بعدات ليه ايديه عليهاا مكرررهة) طلق مني خنقيتي طلق كوون عمري جيت لهنا عمري نعررفك اش كتسواا...شحال ونتا كتلاقى معاها....

مزيرها ماخلاها فين تحرك وهي توقف باستسلاام كتشوف فيه بجدية وحركااتها الهادئين كيقتلو كتبين لييه بحالا مامسوقاش وهي قلبها كيتحررق..

كنزة: من نهاااار جيتي لهنا مورايا شحال من مرة شفتيها ماتكدبش علياا...و واش فايت تلاقيتيها من غير هاد النهار....

عماد بجدية بحالها حرك راسو : تلاقييتها...(تبسمات باسهزااء مفقووصة وبغات تبعد علييه وهو يجرها حاكمها بركاابيه حابسها عندو) عائلتها صديقة العائلة ديالي... عائلة كبيييرة بيناتنا معررفة نقيية وصحبة قدبيمة واليديها مع واليديا وخوتها معانا والدعوة مخللطة..نهار نزلت هنا عرفوني وعرفتني فهاد الاوطيل وجات عندي مرة وحدة نهار لقيت عندك تيليفون كتصوني لديك خيتي ...داك نهار جات لقاتني هو هاداااك زعفت عليها ومشاات وليوم غادي هاني حتى لقييتها مورايا بالطوموبيل عقلي مامعاياااش ايلا سولتيني داباا برررب العاااالي ماعرفتها كاع اشنو بغات وحق الرب المعبووود...

باس جبينها مطول كيمسح الدموع على عينييها وهو كيقبل فييهم وفخدوها بهدوء طالب السماحة منها بعيون متحسرة ونادمة حتى على ديك الوقفة اللي وقف مع طليقتو...قبلاتو رخااتها بيين ايديه وتبورشت وريحتو اللي كتحمقهاا ضاارت بيها مدوخاها فحين هو كثر منها ناة ر الشوق الحقييير لهباااتو مزيرها عندو كيبوس فيها بنفس حااارة باغي غير ترجع الضحكة على شفايفها توحشها على وجهها وتوشحها كااملة... يكدب ياما دوز بنات وتزهوى تا عيى وتزوج وطلق وبحال كنزة مالقاش...كيبغيها ونهار طاح فيها مابقاش كيعقل على رااسو...!!

وهي بين ايدييه حراارتها طلعاات كثر منو توحشااتو ولكن الكراامة والشمتة ديال طلااقو كطلع وتنزل فيها بغييرة كتحممق غايبة عن الوعي غير تفكرات غفلاتو ودفعاتو ناضت وقفات....!

كنزة :ماعرفتش علاش ماقادراش نتيق بيك..واخا تحلف ليا بماعرفت اش مانتيقش فييك مزاال اعماد..عطيتك كلشي حتى تيقتي عطيتها ليك دابا بحالا عمرها كانت...

عماد بتعب تكى على ركابيه كيشوف فيها : واخا حلفت بالله اللي كبر مني ومنك ماتقتييش....

كنزة : ماتقتقش بكلامك شي حاجة فييك ماشي هي هادييك حاسة بيك مخبي عليا مزال..مزاال لسانك مربوط ماقادرش تطلقو وتعاود ليا شنو مخبي...ولكن ملي حلفتي دابا حتى انا غنحلف...

ميل فهيا رااسو وهي كتوجد فالفراش تنعس..

كنزة : حتى انا غنحلف اقسم بالله العلي العضييم اعماد...كنقسم باللي خلقني وخلقك وحسيت ولا لقيتك مزال مخبي عليا شي حاجة وماقلتيهاش ليا لابقيتي شفتي وحهيي

عماد بحددة علاّ صوتو : ااش هاد الهضرة اكنزة..

كنزة هزت كتافها: انا غير قلت ليك....واخا تبقى تهضر حتى للصباح ماتايقاش فييك...التيقة اللي كنت عاطيااك مشات عمرك تحلم تقول ليا شي كلمة ونتبعك فيها ونتييق فيك...خوتي من دمي ولحمي كيهضرو بالتخبية عليا وقاضين غراضهم على ضهري وضهر ختي وماعقلتش علييهم بحالا عمرهم كانو ولا تزادو معايا عسااك واحد اخر...تكدب عليا ولا تخبي شي حاجة انا نعارفاش بيها نسى شي حاجة سميتها كنزة اعمااد..

شااف فيها موول عاقد عجبانو ماعجبوش كلاامها وهي تكات ف فرااشها شافت شوفااتو فيها كيديريين ونطقات باخر كلماتها...

كنزة : انا غير قلت ليك دابا...

عطاتو بضهرها وطفات الضو فوق راسها خاشية تيليفون تحتها خافتو يديه ليها تاني طلات فالساعة لقتتها الخمسة ديال الصباح وهي تغمض عينيها تنعس حسات بالبييت صقل وحتى شي حركة مابقات فيه وهي طل بشويا بان ليهاا جالسة فوق الناموسية كيشوف فالحيط قدامو متكي على ركابيه وسط الضلمة والريدوات نازلييين وهي ترجع تغطاات مخنزرة كتغلي..

كنزة : اللي نقصو ليك ربي فطول اللسان زادو ليك ف(بلعات لسانها)...السلكوط...

غمضات عينيها محاولة تنعس وهو فلاشيئ ويتننهد بحجبان ملااقيين عاقدهم ساهي قدامو..!

خرجات خديجة من الصالة بالجلابة الجديدة بلون السماوي تطونة من جوج بياسات كتلبس على شكب اونسومبل غادا ورادة معاها البال فرحااانة بالجلابة الجدييدة كتحممق بالطرز والعقيق اللي منبت فيها خياطة انييقة وبسيطة فنفس الوقت واللي اختارها وخيطها من شكلها كيبان دواق...دخلات بيها على الحاجة فبيتها كتوجد باش يمشيو كيستناو غير الحاج اللي غيجي يديهم...

خديجة : االحاجة اش باقي خاصك نعاونك...مابقى والحاج يجي مايبغيش يتسمى...

الحاجة : ريحة العود اللي كان جاب ليا ولدي فيين هي مابانتلكشاي(تلفتةت شافت فيها)شوفي ليا ابنيتي تما لاتكون طاحت ليا واشفتهاش..

خديجة : هاهي طرفتها بيك الحاجة بلاتي نجبدها..

جابتها لييها كضور وتمشي وتجي قدامها بديك الجلابة بغاتها غير تشوفها والحاجة والو مارداتش ليها البال حتى وراتها ليها خديجة كضحك عاد ضحكتات حتى هي كتقلب فيها..

الحاجة : زويينة تباارك الله خياطة متقونة وتوب زويين وساوي ماعندي مايساالك امتى حطيتييها ماعلمتينييش..

خديجة نكرااات: لا الحاجة خديتها طاالعة ههه مشي عندة ديك نهار نسول على جلابتك فين وصلت كنو دايزة من تما وانا نلقى هادي دفعت فيها حتى يقادها على عباري وليوم صباح مشيت كملت ليه وجبتها...

الحاجة : والله مارديت ابنيتي شلا جلالب تبارك الله عندك لون ينسيك فلون كاين كاع اللي باقة مالبستييها كي ندير نعقل...جاتك على مزيناتها تباارك الله ...الله يبيض سعدك والله يفرحك حاى نتي نفرحو بييك

خديحة : اميين الحاجة امين ياربي...

خلاتها وخرجات للكوزينة كتقلب على تيليفونها فرحانة غطير بالفرحة اللي يشوفها يقول هادي مخصوصة وكون يطلو على حسابها البنكي يحلو فمهم..رغم انها من عائلة الحاجة بعيييدة ماشي شي عائلة قريبة من البلاد كانت مع الحاجة ملي كان محمد صغييير كتقلب على خدمة وجالسة مع الحاجة وهي فعمر صغيير بزاف حتى شداتها معاها الحاجة جلساتها فالدار تعاونها وفنفس الوقت تخلصها عايشة واكلة بخيير...ولفوها وبقات معاهم ولاات وحدة منهم وحتى هي ولفااتهم ومابقاتش تقدر مزال ترجع عند واليديها للبلاد و لي شداتو فخلصتها نصها تسيفطو ليهم عيشتهم فالخيير وهزاتهم من الزلطة....رغم دلك داك الفلوس لي كيمشيو لحساابها ماكتقيسهم مامخصوصة من تا حاجة اللي تقادااتها الحاجة تاخدها ليها معاها ولي تشهاتها تشريها ليها مضارباش معاها كاع الحساب...

لكن خديجة تغراات باسرااء وكلامها وكادوياتها جاتها حلوى تعتادر منها وتهضر معاها بحال شي صاحبتها تعطيها كادو من الفوق وهي عمرها دارت الصحابات من غير الحاجة...هزات تيليفونها ودخلات للواتساب كتسيفط ميساج لاسراء بفرحة كتعبر كتبااتو وسيطفااتو عاد ارتاحت ورجعات عند الحاجة ضاحكة بعفوية..

قرات اسراء الميساج من طبلة الفطور ناضت هازة عصيرها فايديها وخرجات للجردة مبسمة كتشوف فالتيليفون وماماها وباها وختها متبعيينها بعنيهم..

رقية : الحبيبة عاد شفنا ضحييكتها يااربي تفرحها يااربي وترجغ ليا بنتي كيف كانت ماعندها مادير شي زواج ولا غيرو..

لمياء: انا مامرتاحااش لهاد الفرحة المفجأة اماما..

رقية : مسمومة...سكتي ماتقوليش قدام ختك هكا حشوومة المياء ماتشائميش قدامها خليها الحبييبة دياالي...

بينما اسراء كانت مبسمة والشمس ضاربة فيها كضحك مع التيليفون وتكتب لخديجة لي بزز باش بدات كتعلم تسيفط نيساج وتكتبو تقيييلة وكل كلمة سارطة ليها حرف..

اسراء: بصحتك احبيبة ياك جاتك عي هاديك ايلا كانت ناقصة قوليها لياا نرجعو عندو..

خديحة : لا لا بالعكس عاد لبستها غاديين لكلينييك عند شييخ الحاجة مريييض كنت قلتها لييك..دايوا وغنمشيو عندو ولبستهاا..

اسراء :ممم بصح غادين داباا نييت...

اسراء : انشااء الله ناويين نمشيو داباا

قطعلت عليها ماعوداتش جاوبتها ودخلات عند المهدي كتشوف اخر ميساج بقى عندو لباارح مع الوجدة ديال ليل تبسمات باستهزااء كضحك عليه وسيفطات ليها ميسااج...

اسراء :صباح الخيير...

خلات الميساج مشى ورجعات دخلات لعندهم من الباب كتهصر مصطنعة الفزاعة والخلعة..

اسراء : ماماا وااش فخباارك اشنو وااقع..

رقية بفزع شدات صدرها :خبار الخيير الحبييبة شنو واقع ابنتي...

اسراء : عاد دابا طلعات فالباج...عرفتي جد محمد داك الراجل الكبير مسكيين لي كنا تلاقينا فالكلينيك عاد جا من وجدة..!

رقية : ااه اه عرفتو مالو مسكين...!

اسراء : مريييض خلاو عليه واحد الخبر من الكلينيك لي فيه محمد مريض مسكيين على فرااش الموت كلشيي مشى عندو كيتودعو معااه بغيت نوريك الصورة ديال ولادو صوروهم ولكن مشات ليا عرفتي حالتهم اماما مساكن ميتيين عليه بالخلعة كيقول غيموت الله يستر..

الاب : لا اله ايلا الله...لازم نشوفو الحاج مادوزناش قليل وخاصنا نوقفو معاه فهاد الحالة لا اله ابلا الله..

رقية : ايلا غتتمشي ديني معاك..نشوفوهم واقفين ونرجعو هادشي مكانش فالبال الله يستر ياارب...

جلسات كدوز على ضهر مااهاا مغبنة،ملاامحهاا بتخشع حزيين بوضع الجد..

اسراء : مابغيتش نمشي اماما رتك هارفة هاد الااجواء تخنقي وماكنقدرش نشوف شي حد كيعاني قداامي...ياك ماغتلقتش عليا الحاجة ماغتقولش جات فنحمد ملي كان مريض حيت كان رااجلها ومحااتش عند حدوو الليعلى فراش الموت...ماغيتلقوش عليا يااك...

الاب بجدية : حنا واقفين وغنجيو نتمناو ليه الشفاء ونشوفو الحاج والحاجة وسي محمد ونجييو..لبسي حجابك ويلاه معانا نرجعكم فطريقي ونمشي للشركة..

اسراء تنهداات بزز فرحانة: اللي بان ليك ابابا عفاك مانتعطلوش انا ماكنقدرش على هادوك الاجواء كنتخنق..ومكنقدرش نشوف شي حد كيعاوني ولا كيودع صعييب الحال بزااف...الله يخلييكم ليا والله يطول فعمركم..

باست راسهم بجوج وهوما مبسمين برضى عليها قلبات وجهها على ميااء ومشات لبيتها مع كولوار الفيلة العريييض من نهار حاولت ترجع ليها لمياء عقلها وهي قاطعة كلامها بيناتهم وقدام واليديهم كيهضرو عادي مامبينيينش...

شادة تيليفون فايديها وكتضحك فرحانة وعاحبها الحاال مع المهدي اللي دارت ليه بحال شي سمكة سهلة الوقوووع...اسبوع بكاملو من نهار دخلاتو لسبب الصورة زعما وهي معاه على تواااصل واخا المهدي كانت اجوبتو برسيمة وبالعباار لكن دائما ماكان كيجااوبها واخاا ماعرفت معاش تسيفط ليه الميسح كيعاود يسيفط ليهاا مكيقول مزوجة مع راجلها مكيقول فات الحال على الهصضة سيفطات ليه يجاوبها ولباس...

شغلات دماغها وعرفات كيفاش تجرو للهضرة بطريقة تخليه يهضر معاها وهو مرتاح ماشي يمشي كيجري يعلم محمد بيها...(وهي مستخدمة شخصية اسماء)..استغلاات المشروع الجديد الوهمي اللي باغة تحلو ولكن مجمد ماخلاهااش ماقدراتش تفتح معاه الموضوع وتسولو منين تبدا حيت محمد زعما ماعندوش عقلية المراة تخدم على براا...كاع نهار وهي وياه على نفس الموضوع...... صباح الخير من عندهم بجوج مجمد لباس علييه ونتي ياك بخير والكتكووتة المجتهدة ديالنا.....حتى انا بخيير الواليدة حتى هي ههه كلشي مزيان لهلا يخطييك فين وصلتي مع داكشي لي بغيتي ديري....

اشنو غنقول يك صعييب عليا نقنع محمد يخليني نخدم...محمد صعيب وقاصح كيخنقني وماكيصبرش علياا ...مانع علياا الخرووج مانع علياا لخدمة على برا..قول ليا المهدي شنو العيب فالخدمة كاع العيالات خدامات اشنو فيها ايلا بغييت نخدم..صاحبك صعييب مكانش كيسحابلي هكا...بغيت غير نخدم فمكان عاادي غير مع العيالات ومنعني تخاايل !! عيت المهدي شنو ندير معاه كيفاش نقنعو عفاك ماتقولش ليه هادالكلاام راك عارفة ماغيتقبلش كلامي وياخدو بحسااسية...

هذاهو الكلام اللي اسبوع بكاملو وهو كيضور بيناها وبين المهدي حتى كتزعم شووية وكتبغي تدخل معاه للحياة الشخصية ديالو مسولااه على النصراانية والليبي اللي غيتزاد عنظو واش غتزوج بيها وا غيير غتاخد البيبي وترجع كيفاش تلاقتيها..عمرك تلقى بحال المغربية ههه...حتى كيبان ليها المهدي زيير فالهضرة ولاا غير كيسايس معاها تاكتمشي شوية كترجع تااني تشكي عليه من محمد زعمايعاونها حيت ماعندها حد من غيرو...!!!

ولفات تهضر معاه كل نهار بشخصية اسماء طبعا خلاتو حتى هو يولف يهضر معاها كل نهار ناسي محمد عقلو معاها غيير مداام انه كيهضر معاها فالخدود وجامع بيناتهم غير المشروع عادي بغات دير وكتشاورو فيه فين المشكل زعما ؟!

خلات تيليفون محطوط بدات كتوجد رااسها حتى لبساات افضل ماعندهاا وتزينات باحسن حجاب عندها لباسها مستوور مزال محافظة على حجباانها رغم كلشي عاد نزلات عندهم وكعبها العالي كيتسمع فالدروج لقتتهم واحدين وخرجو مجموعيين لكلينييك وهي كنسمع فباباها كيهضر فالتيليفون مع الحاج كيعلمو بالي جايين...!

مشات الحاجة والحاج وخديجة عياو فاسماء تمشي معاهم رفضات ما مرة ما جوج حتى استسلمات وقالت لييهم محمد اللي قال ليها تبقى حتى يرجع يديها بنفسو...وافق الحاج....اما الحاجة خرجات وراه كتنقخ وتفش...علاش ماتمشيش معانا...لا لا لاحظتها فيه(محمد) ولا محرزها علينا غناكلوها ليه...ولدي مابقيتش كتعرفو اعباد الله مالو ولا هك...دابا نهضر معاه ونقي ليه ودنو...شوية ويولي حابسها حتى لفوق عندي ماتطلعش ...شهاد الحمااق هذا...حدة وناتمشيش تشوفو حيت نهسراتها سميرة ديك الخطرة..وانا شحال تهسرةني وهانا غادية عندهم...وا الحمااث نييت....

الحاج : الحاجة...الحاجة رخفي النفس....رخفي النفس الله يرضي عليك خليه عارف شغلو مابغاش المراة ديالو تخرج بلا بيه هو يعرف علاش شاغلة دماغك..

سدات عليها اسماء لتحث شادة كاع الشراجم عليها غير ب بيجامة منزلية خفيفة وقصيرة جامعة شعرها لفوق وخاشية جنابها فالسليب كاع الدار لتحتانية هزاتها كتسوس فيها وتنقي فالدنيا تما حتى كتبغي تزعم تشعل الموسيقى ولكن على وجه داك المسجد قدامها ومكتبة المصحف والقران الكرييم ماقدراتش دارت بناقص حتى سمعت تيليفون كيصوني ماعرفاتش مصدرو قلبات حتى عيات فالاخر لقاتو فشبكة دالحوايج هزاتو عرقانة كتنهج لقاتو محمد وجاوبات بصوت هادئ كيف ابعادة محافضة على حنيتو...

اسماء : آلوو...

محمد بصوت قلق : فين كنتي..علاش مكتجوبيديش..

اسماء : هانا غير مالقيتش تيليفوني..بقيت كنقلب علييه....

محمد بهدوء بحالها : هانية كلشي مزيان عندك...

اسماء : الحمد الله كلشي مزيان..

محمد : تسنيم رجعات...

طلات فالساعة كتلعب بشعرها...

اسماء : مزال باقة ليها شي ساعة ولا قل..

محمد : مزيان خاصك شي حاجة نجيبها معاياا...

اسماء دلعللت صوتها مبسمة قدام المرااية : خاصني غير نتوما هاد الساعة خويتو عليا الدار....بقيت بوحدي...

يجاوبها وعي ماسمع حدااه اواات كثيرة مخلطة عرفاتو وسط الكلينييك من الكلاامت المعبرة عليه هاصة ملي سمعت وحدة كتغيط ليه دكتور...رد عليها وهي متلمسة نبرة مرحة فصوتو الرجولي..

محمد : نشوف نجي بكري نتغداو برا واخا ؟

اسماء : واخا اللي بغيتي..

محمد : يلاه تهلاي ليا فراسك..

قطهات معاه مبسمة وتنهدات براحة عاد رجعات كتكمل شغلها...بشويا بشويا عليها واخا هكاك شقاها خفيف ومتقون ايلا دازت على الحاجة ماكتعاودش ترجع ليها...نص نهار وهي غارقة تقاد هنااو لهييه وتغير فالقنات كيف تشهى خاطرهااا...ولات الصالة ولات كتغوت بالانوثة واخدة منظر ااخر لا من ناحية الالواان المفتحة اللي تعزلات لا من ناحية النظام كل حاجة فبلاصتها...الالوان والروايح والزواق والاتاويش...

حتى كملات وجلسات تستاراح قدام المرااية فبيتها سخفاانة و واحد العيى نازل عليها عمرو داز عليها... واخا الدار كانت نقية غيرك نفضات عليها الغبرة وصافي فين تباان شي تمارة ديال بيت الكرا غير بيت كانت خاصو ليها سيمانة ديال الحكااان دالغمولية والخز لي كيكبر ليها جنب الحيط...كتشوف فراسها فالمراية عاجبها كتشوف رااسها زيانت وعرااضت وهي من النوع اللي كيموت على الغلض ماشي داك الغلض المعيق غير شوية شوية الحد فالقد على حسب طولتها واخا كلشي كيقول ليها ضعافيتي هي كيبان ليها عراااضت..تشهات راسها وجبدات تيليفون بدات كتسيلفى وتعوج قدام التيليفون وجبداتهم كتفرج فيهم وضحك حتى تفكرات اش وقع ليه اخر مرة مع صورة الكلينيك وهي تبدا تمسح فييهم حيت كانو شوية معيقين مع الكسوة القصيرة وعنقها وشق صدرها باين...!

تهزات شوية غتنوض تدوش وهي تفكر كنزة ورجعت جلست كتصوني عليها فالرقم ديال اسية ضنا منها انها بدلااتها وهاداك رقها جديد... عيات تصوني فنص كيقطع ليها حيت كنزة كانت بلوكاتها من عند اسية...حتى تفكرات نمرتها القديمة وفكرات تجرب منها وفعلا لحضات حتى جوبتها..

كنزة : آلو اسماء ؟

اسماء : ممم ماعرفتينيش

كتة : لاا هههه لا والله راه كاع نماري مشاو ليا ملي شفت ديالك قلت واش هي ولا ماشي هيا توحشتك(بصوت مخنوق)والله العضييم تووحشتكم كامليين...

اسماء : حمقة وعلااش باغة تكبي حتى انا توحشتك احبييبة بلاصتك بقات قداش..ياك لباس عليك كلشي مزيان وعماد والفنكوش دخالتو هه حتى هو بخييير

كنزة : لباس انا لباس اختي

ظهرات نبرة باكية فصوتها وهي عقد حجبانها بقلق..

اسماء : كنزة...صوتك ماعجبتييش..ااش كاين ...ايلا مكنتيش بوحدك نصوني ليك من بعد

كنزة كتبكي : انا من نهار عقلت على راسي وانا بوحدي....حياتي كلها وانا هربانة من جنس الرجال وطحت فالاكفس فييهم...

اسماء شدات ععلى صدرها مفزوعة : رااك خلعيتيني اختي اشنوو كااين ماالكي ماالك مع راجلك اشنو وقع تاني !

كنزة : ضحك عليا هو تزوج وطلق وكدب عليا عمرو قالها لياا مدارش ليا حتى قيمة يعلمني قبل ويحط معاياا النقط على الحروف خلاني فدار غفلون وقتما رشقات لييه عاد باغي يفكر يقولها ليا

اسماء : بشويا علييك....غير بشويا اكنزة عاودي ليا مافهمت حتى حاجة كيفش تزوج وطلق امتى هادشي

جلسات كتعاود ليها طبعا بلا ماتدكر اشنو سبب مجيتهم هنا اصلا...قالت ليها غير شهر عسل اللي بان ليها شهر القطراان

اسماء: مايمكنش صدميتيني فييه على الاقل يعلمك...ولكن بلاتي كنزة واش نتي سولتيه جربتو تهضرو على حياتكم من قبل الزوااج

كنزة : مافكرتش فيها ولو بالصدفة ضنيتو عايش حياتو ليبر بحالي واش نتي طاحت عليك تسولي راجلك حتى انا بحالك..

اسماء : وانا محمد كنعرفو من زمان ماشي عاد عرفتو...هو عارفني ااش دوزت وحتى انا عارفة ااش غنسولو بعضياتنا حنا دوزنا التعارف اراا المستقبل ااش فيه مايتخبى ومايبان...يلاه صافي احبيبة من البكى برااكة غتخرجي على ولدك قبل راسك اكنزة

بحرقة كتبكي خلعااتها حالتها...

كنزة : ماقدرتش نبلعها ماقدرشت قلبي كيتحرررق حاسة بييه مزيير كلشي نسمح فيه ايلا نشوف عينيه فوحدة اخرى والله مانسح ليه فيها...

اسماء : سمعي ليا كنزة سمعي...ديري عقلك احبيبة دياالي نتي تما مامعاك حتى حد بوحدك فبلاد الغربة ماكين من غير عماد اللي ماشي معاك...ايلا تمردتي غتجيبيها غير فراسك وايلا شديتي العكس غتحيبيها غير فرااسك وايلا تعكستي معاه راك غتجيها غير فرااسك

كنزة :مابقييتش باغة نشوف وجهو مابقيتش باغاه صافي كرهتو كدب عليا مرة غيكدب عليا االف

اسماء : مابقاتش دابا ف واش باغاه ولا لا ملي كنقربو نجيبو وليداتنا للدنيا بزز علينا كنقبلو ب باباهم عمرك تقدري تنكريه...مابقاش حامعكم دابا شي حب ولاا ولف ...جامع بيناتكم روح صغيرة وبزز عليك تحافظي على رااسك ووتردي لبال لصحتك على قبلو هو ماشي على قبلك نتي...انا دويت ليك دابا عامة ايلا جينا للمعقول لا نتي ولا هو غلطين نتي ماسولتيه وهو ماجبد معاك الموضوع...ومن بعد اكنزة وهاهو تزوج..وااش ضحك عليك هو مزوج وجابك ضرة بلا خبار..واش توافقي تمشي ضرة واصلا كون قالها لييك والله لا مشيتي غير ماما بوحدها توحلي معاهاا هادييك جن جنونها الضراير...وهو كطلق سيد شحال من عام عاد تزوج بيك ماعندو ولاد معاها ماكين اللي جامعو بيها...

كنزة ماعرفاتش توصل ليها باش حاسة: ماحسيتيش باي ا اسمااء..انا ماقدرتش نتقبلو يكدب عليا علاش مايقولش ليا مطلق واش ضروري حتى نشوفها معاه... غير ربي كيبغيني بغاني نشوفها...(بغييرة حاارقة) شفتها كانت متبكي عليه واش كانت كتقول ليه يرجعها ولا ماعرفت

اسماء : حااسة بييك والله احبيبة حتى حاسة بييك..انا عقلي غيحرج هانا عارفة راجلي ملطق وباغة نعرف علاش طلقو ومالقيتش راس الخيط ولكن واش غنلومو لا من حقو كنسولو غير بالضحك ماكنزيروش ونتخاصم معاه باش يجاوبني لااا... ياك ماكبدش عليا...مجابنيش ضرة عليها علاش غنتقلق تجربة فاشلة داز منها وسالاات وكون كان عاد عرفتو وكان مزوج ومطلق وماقالهاش ليا ماغنتقلقش علييه حيت انا مسولتوش ربما هو نسى داك الزواج تجربة خايبة لييه مابقاش باغي يفكرك فيها مابقاش باغي كل مرة يفكر راسو كان مع ديك السيدة...

كنزة بتللفة حاارت : حاسة براسي عييت....انا مابغيتوش يكدب ليا يطلق ولاا يجلس غير انا مايخبييش عليا كيف كنا معاك كتاب مفتووح ختى عو يبالدي بنقس الشيئ...علاش يكدب عليا ويخبي عليا طلاقو اهم حاجة نعرفها هي واش فايت ليه مزووج ...كون كانو اختي عندو شي ولااد منها....(شدات راسها)ففف كن غنحمااق غنحس براسي تشمممت...

اسماء : حاولي على رااسك عيشي لراسك وراحتو اكنزة ماشي لواحد ااخر ايلا بقيتي مقابلة الراجل ااش دار معامن كيهضر اش وااقع فحيااتو وخانقة راسك وخاقاه حتى هو غتشرفي قبل منو..غتكرهييه وتكرهييه فييك ريحي بالك مالكي هازاها منين تقاالت....(تنهداات) امتى غتجي واش قرييبة..

كنزة بتأكيييد شادة راسها : انا غنجي فهاد الايام...ولا فهاد اليومين غنجي....براكة عييت ومابقيتش حاملة هاد البلاصة...ايلا جيت نتلاقاو فدارنا...!

اسماء : صاافي احبيبة رخفي على رااسك وحاولي على داك الوليد اللي عندك راه نهار تشوفي عويناتو مايبقى يبان لييك حتا حد خوديها مني.ددواحد النعمة جاياك فالطريييق ماكينش بحالها اختي والله العضيم...

كنزة دوزات على كرشها مبسمة بحسرة : عدبني...

اسماء ضحكاات : حلاوتو تنسيك فعدابو...الله يفكك على خيير ياريي ويفرحناا بييك وبييه ولا بيها انشااء الله..

كنزة : اللهم اميين....بسلاامة علييك تهلاي فراااسك وفتسنيم بوسيها ليا سلمي على محمد والحاجة والحاج كللهم..

قطعات معاها ولاحت تيليفون كتنهد تاالفة ودااايخة وكلام اسماء قلب ليها رااسها مابقاتش عارفة كيفاش تفكر وفعلة عماد ماتسرطاتش ليهاا لحد الان...ناضت واقفة هزات دجاكيت الدجين القصيرة رماتها فوق كتافها بلاما تلبسها على الكسوة الصيفية بالازرق سموي مفتوحة من جناب بجوج وصندالة لاصقة فلرض ونضاضر فوق شعرها..خلات ميساج لاسية عالماها بلي غتجي وخرجات من شومبر لقات سلوى جاية عندها نزلو يفطرو بجوج...

نزلو للكافي ديال الاوطيل طلبو اش بغاو لحضات حتى تحط قدامهم فطور متكاااملة من اللي تشهات النفس اكل كلاسيكي مقدم بفخااامة ماخدات منو كنزة غير كاس دالعصير قرباتو كتشرب فيه مرة مرة مقطوعة ليها الشهية حاضية مع البيض والكاشير كتبعد فيهم من قدامها بقد ماكانت كتحماق عليهم ولا كارهاهم...وسلوى كتفطر وحاضياها بغاتها تسولها على عماد ولا تعرف غير فين عابر على الصباح وهي مامسوقاش كاع...

سلوى كتكرر سؤالها كاسرة الصمت بيناتهم : صبحتي شوية على البارح...حاسة براسك مزيان..

كنزة : الحمد الله..حسن من لبارح

سولى : هضرتي نتي وعماد...نتمتى تكونو حليتو المشكل بينااتكم ومايبقى حتى شي واحد فيكم شاد فخاطرو...

مع علات عينيها تجاوبها حتى شافت وحدة قدامها فطبلة كتشوف لجييهتهم هازة رجل فوق رجل كتهضر مع صاحبتها قدامها..طولات فيها كنزة الشوفات تفكراتها وحدرات عينيها ب برودة كتغلي...

كنزة : ماعندي علاش نشد فخاطري....عادي...خوك كدب عليا ماصارحني حتى فات الفوت مي هانية المهم عرفت...واخا ماشي من عندو...عرفت..

سلوى : ماشي كدب علييك كنزة عفاك حاولي تفهمي الموضوع...انا فاهمة خويا حاولي تفهميه هو عاش تجرية خااايبة بزاااف وانا اللي كنت حاضرة فيها.. عمرو حس براسو مزوج باش تعتابريه تزوج بيها...تخايلي معايا شافها نهار لاكط من بعد رجع للمغرب وهي بقات هنا وملي رجع لقاها مع واحد ااخر يعني خيانة وطلقها سيتو هادشي لي كااين ما بيل ماديريش فباال...ايلا بغيتي نشرح ليك اونديطاي انا متأكدة (بهمس)حتى ديك لاغولاسيون سيكسياال ماكنضنش واش دازت بينااتهم..

كنزة : ففف صافي سلوى عفلك قلبي الموضوع...بصح هادشي بدا كيعصبني ولاات وحدة اخرى مركز المواضيع ديالي راسي عامر ومامسالياش نفكر فهاد التخربيق...(رجعات لور شادة تيليفون كتشوف فالميساج ديال رشيد باستغراب)بان ليا عندك بزاااف مايتقاال

سولى : بحالاش ؟

كنزة : راجلك ماغندوش شي كونط شي بلاصة نتأكد منو..حتى صورة لي كانت عندي مشات مع تيليفون...

سكتات سلوى كتشرب من كاسها عينيها على جردة برا والبيسين الكبيير الجو كيحمق وشميسة غزاال مصحصحة كانت مكمشة عينيها منها حتى حسات بشي ضل اسود غطاها علات عينيها وهي تبان ليها روان واقفة عليها...!!

تفزعااات و دغيا دورات عينيها لكنزة لقاتها شادة تيليفون بهدوء ماتحركات ما تزعزعاات...

سلوى : روان !!

روان : ممم...روان يعني مافي مرحبا يعني..شوو احمر وجك لما شفتيني ههه

سلوى : لا بالعكس صافا حبيبة...نتي يخير؟

روان : ممم ام فاين(بخير)...مين الحلوة ؟

سلوى : معك...ك كنزة..زوجة عماد..

روان ديجا شافتهم فالاوطيل بزوج وشكات واش مرتو : ممم نايس تو مويت يو حبيببتي....ماعرفتيني بضن ههه...

كنزة : لا.. شكون ؟

روان : شكون !! هه يعني مين...اوكي راح عرفك عني...انا روان..طليقة زوجك...

شافت فسلوى مبسمة

كنزة : متشرفين..من بعد...اشنو يعني طليقة زوجك ؟

روان استفزاتها ب برودها: ما حكالك عني ...

كنزة : حكا ....حكا شلا حكايااات ولكن انا ماكنرتاحش نهضر فالماضي...الماضي كيبقى ماضي والحاضر و المستقبل اهم...(وقفات)متشرفين احبيبة مرة اخرى...

سلوى : كنزة فين غادا نمشي نعاك..

كنزة : انطلع لشومبر غير خليك مع ضيافك حتى تلحقي عليا...بصحة ..

تبسمات ليهاا ومشات وسلوى متبعاها بعينيها حتى غابت عن نضرها ورجعات كتشوف فروان مبسمة بزز خايفة يشوفها عماد معاها...

تما كنزة غير بعدات على الكافي قصدات الباي الثاني خرجات منو لبرا دوموندات على طاكسي ووقفات كتسنى وتيليفون فايديها مشطونة مع عمااد ماعرفاتو فين خرج على الصباااح ملي فاقت مالقااتو...وهي تدوز رقمو غير بدا كيصوني وهي تقطع تسنات شوية جتى طلع ليها كيصوني ليها قطعات عليه..المرة لولا وتانية وتالتة عاد جوبات..

كنزة : شنو عماد كنت كنهضر مع ماما مالك...

عماد : صونيتي ليا ؟

كنزة : لاا راه غير غلطت ودوزت ليك لابيل كنت باغة نهضر مع ماما..

عماد : واغير غلطي وسولي فينا كدوب مالك..

كنزة : خاصك شي حاجو..

عماد : فيينك

كنزة : فيين غنكون كنسولك انا فيينك ؟ قلت ليك دابا فين مشيتي !!

عماد : ايلا سولتي غنجاوبك.. انا فالقنصيلة على حسب الباسبور دياالك ياك نتي فالبييت

كنزة : وي عاد طالعة لييه...كنت كنفطر...نخلييك..

ماخلاتوش يجاوبها وهي تقطع علييه.....كان طاكسي جا حلات الباب وطلعات ملاهية مع تيليفونها والمسياج ديال رشيد لي قلب ليها العقل...دوخها كيطلب منها بالخط الكبيير اخر مرة تاصل بيه وتنكر واش كيعرفها ولا كتعرفوو ماتردداتش صونات ليه ديك سااعة..

رشيد : آلو..

كنزة : ااش هاد الهضرة ارشييد ااش كتقول علاش غنكرك ومانبقاش نعيط ليك وزايدها ضاربها ليا ب بلوك عالمي كتسالني شي حاجة اخويا....انا حتى احتاجيتكم دابا عاد كل واحد ولا خايف على راسو دير غير على وجهةصاحبك عزوز الله يرحمو ولا هو لي كان جامعنا...

رشيد : مابقاش عاجبني هادش امدام كنزة مابقيتش باغي نخدم فييه الله يساهل علبيك والله يعااونك

كنزة : على اسااس مزال باقة شي حاجة نسى الخدمة ارشييد اخر مرة نحط ايدي فهادشي واخا نبقى بالجوع...

رشيد : ري بالك امدااام كون عليا انا تجمعي حوايجك وترجعي بحاالك....عندااك يزغبك شيطانك وتمشي عند ماليين لاجونص لي حنا معااهم راهم كيقلبو عليك وبسبابهم مشى عزوو الله يرحمو تما..تلقاو ليه فالمطاار (بصوت مخنوق) كان كيهضرم عايا غير قاليا هاني معاهم....ماجيت فين يدوز نهار حتى وصلاتني خبارو مات

كنزة تأزماات مقصحة من جيهت عزوز : و ولكن علاش انا كيقلبوو علياا ااش كااين وشنو بيناتنا باش يقلبو عليا

رشيد : وا مدام كنزة والفلوس الي سيفطو ليك على البناات لي كتسيفطيهم يخدمو عندهم هممم...شحال من مليووون كل وحدة كتشدي فيها جوج ولا تلاتة فلخر مامشاوش عنندهم...بحالا راك ضحكتي علييهم ونصبتي عليهم...

كنزة قندشات: يااك...على هادشي زعما نتا خاايف منهم وغيقتلوو عزوز ااش واخدة ليهم ملياار هذا سبب مقنع بالنسبة ليييك ؟؟؟ هادشي لي ضارهم هوماا...

رشيد تلف : ا ايوا ش ا اش غنقولليك هادشي لي كاين وهادشي لي شكييت فييه...نخلييك خداام ايلا لقيت شي وقيتة راه نسول فييك مالقيتش الله يسااهل علييك امدام كنزة..

قطعات فجهو مغددة من زمان ماعندهاش معااه كان الوحييد لي هاز عليها الشغل هو عزوز وهو لي عرفها عليه واخا خلعها كلامو وعشش ليها فدماغها حاولت تناسى وماتشغل بالها معااهم...معولة يوم ولا يومين تقلع بحالها ترجع منين جات وتنسى كلشي وتلوح كلشي وراها...

اللي باغة داباا هو توصل عند هند والبنات مدام شافتهم عاجبهم داكشي ومرتاحين فيه بغاتهم غير يهضرو مع واليديهم يعرفوهم حييين تما خدامين على راسهم والله يسر ليهم يتحاسبو على اختيارهم وترجع هي فحالها لبلادها...خلات ميساج لاسية بلي قربات للدار ونيت شوية وصلات عندها خلصات طاكسي ونزلات بانت ليه اسية فالبااب ضاحكة ليها مشاات سلمات عليها وطلعو لدار...!

فالكلينيك....

داخل الغرفة عند الحاجة وبفضل عائلتو تبارك الله الغرفة غطرطق وعرق الفرملية غيطرطق معااهم...عيات تخرج كتخرج واحد كيدخل ليها واحد من قنت اخرى وكاين كاع اللي جا من وجدة على حسابو.. واسراء وواليديها حتى هوما تما والعائلة غير كيشوفو فبيهم كاين لي عجباتهم بحضورها بحال غيثة وسميرة وحتى الحاجة وكاين لي مغوبش فيهاا بحال الجد لي غير مخنزر ماعجبو حال.....وكاين لي مامسوق ليها اصلا...وااقف ليه محمد على راسو وابرة فايديه شاد الضحكة من جدو اللي خايف من البرا ومامبينش قدامهم عاقد الحجبان ومخنزر وهوما كيسايسو معاه ومحمد كيضحك كيزيد يفقصو...

محمد : تخليني ندير شغلي ولاا كيفاش دابا ؟

هو كيحط البرا فوق العرق وجدو كيحيدها وبحطها وسط اللحم...

الجد : هنا...دكّها هنا ماشي تما....

محمد حك دقنو مستغفر الله: فين هنا اش غندكّ هنا....غتوريني شغلي شد خدم فبلاصتي..

الجد ولا كينهج : جبتوني لهذا....ن نتاا(نعت فالحاج مسكين مافاهم والو) نتال اللي مسيفط ليا ولدك دير فيا مابغى يبرد فيا حركم...مسخوط الواليدين...لاش جاي عندي واقف تما خايف تقرب نعاديك نلقاك ساير تدعي وتعاود متمني نكوت تجي تقرا عليا جوج سورات لي حفضتك..فقييه..منيين جاااك فقييه المسخوط.....

الحاج غير كيشوف فيه كيسوط مارضاش قدام نسابو القدام..دخان خرج من نيفو ..

سميرة فجهة اخرى : متشرفيين ابنيتي....متشرفين....سمعينا صوتك ملي دخلتي ماسمعتك البنت حشومية عندك واقيلة الالة رقية ههه...

اسراء : الشرف ليا اخالتي..

سميرة : ايوا بعدا كتهضر الحمد الله هههه الله يفرحك ابنتي

رقية : لهلاا يخطي الالة سميية اللهم اميين لجميع وليدات المسلمين...

تبسمات ليها سميرة مطبطبة على ضهرها عجبوها وعمر ليا العين من مضهرهم وطريقة وقفتهم وكلاامهم كيبانو من عائلة كبييرة منقطة بلفلوس تلفتات عند غيثة..

سميرة : مرتو لولى هادي..علاش طلقها...

غيثة: مافخباريش

سميرة : مايمكتش البنت زويينة كتحمق بالزين اللهم بارك...قارية الزين والفلوس والاصالة والاناقة شغيطلق فيها تكون ماكتولدش زعما..

غيثة خايفة منها كتوصل الهضرة : ماعرفتش اختي سميرة والله مانكدب عليك....

سميرة ضرها راسها : ايوا شنو...مالقاش عندها الهضاب والتضاريس بحال اللي عندو فالدار ولا كيفاش

اية وراهم سمعاتها حشمااات عارفة خالت ماماها جريئة فكلاامهاا غير لي بغى يوقف حداها..وغييثة كضحك جاتها على الكانة نغزاتها سميرة تسكت وهي غير مزاادت فالضحك حتى تلفت فيها عيسى وادراري الحفايد كيشوفو فييها كتضحك هي وسمييرة ضحكااتهم حتى هوماا والجد كينهج حمرر بالعصاااب مابغاهمش يضحكو هو مرييض حتى زف عليهم كااامليين...

الجد : كضحكو علياااا....عجبااتكم حالتي...الله يقطع حسسكم تريكية المساخيط خرجو علياا....خرجو عليا براا وضحكو ولا نبكي باباكم هااد نهاار...

‏

شافو فبعضاتهم واحد تخشى فلاخر وخرجو من عند وهو كينهج ولاا حمر بالعصاب والحاجة حشمات قدام رقية قلباتها ضحك كتفرنس بزز...

عبد الكريم بزز: بالشفاء على سلامة الله اسيدي..بالشفااء للجد ديالك اولدي محمد..على سلامتو ...

محمد : الله يسلك اسي عيد الكرييم...

تمناو ليه الشفااء كاملين وحتى اسراء سلمات علييه وخرجو ومشات معاهم حتى الحااجة شداتهم حلفات عليهم مايمشييو وهوما عاد دخلو...

ومحمد باغي يدكّ ليه البراة حتى هز فيه رااسو بهمس خايف شي حد يسمعو....

الجد : بشوياا..ب بشويا سيير..

حرك رااسو بسلب ملامحو مبشررة والجد حاضي معاه حتى ظك ليه الشوكة ورجع لور كيشوف فيه كيحك فيهاا معلي حاحبو..

الجد : امتى ناوين تطلقوني نمشي....خنقتوني بهاد الريحة وهاد الخنونة شفيها مايتكال...وجدت ليا مك بيت فين نجلس عندي فيين نمشي ولا ولو..

محمد : عرضتي على راسك اسي ابراهيم هههه مرحبا بييك مرحبا...

الجد : مرحبل بيا غادي لداري...غادي لداري ماشي عندك

محمد :داارك اسيدي الله اودي دارك..ارتاح شوية...

الجد :ديك السيدة لي طلقتي اش جاية دير عندك هنا..

محمد : ٠او عندك نتا ماشي انا..

الجد : جاو عندي حيت انا جدك معناه جاو عندك اش الفرق بيني وبيينك..

محمد :رانيا عينيك معاه..ردي البال

حركات راسها بايجاب وهو كيقاد ليه السيروم كيسمع كيبركم تحت سنانو ماتسوقش ليه..

الجد : قلة التراابي ياك طلقتو ااش هاد التقاليد والعادات لي خرجتو جديدة مزوج ماشي تا ديال راسك ااشناهيا هادي تاني لي ولات..انا نعرف ايلا طلق الراجل المرا كتقطع الصلة بنياتهم ماكنبقاوش خيطي بيطي عندها وعندنا..البسالاات...

محمد :رخي النفس...ارتاح ليك شوية باش نخليك تخرج من هنا للشعية...

الجد : انشااء الله يبعد منك غا كحل الراس ماكين اللي تأدي...

تنهد محمد وخرج وااااه جدو شحال نكّااار...طوكسيك هاد السيد واخا هكااك عجبو وحس براسو متفاهم معااه وارتاح ليه...

خرج عندهم برا خلا معاه رانيا الفرملية مسكينة غير كتبقلل حاضية مع ايديهاا لا دير شي غلط حاسة بعينيه كيتحركو معاها غير كتغلط فشي حاجة كيقفزها بغوااتو حتى كتطلق كلشي وتهرب بااكية عند الدكتور محمد شاكية لييه من كلاام جدو...فحين محمد خرج عندهم برا مطمنهم عليه بلي راه بخيير منهنا للعشية غيخرجوه للدار فرحو كاملين ايلا الحاجة لي بدات كتبقلل وتشوف لهاد الفرقة كيف غدير ليها فالدار غينوضو ليها الحرب تما...

اسراء : مزال ...كنفكر نخدم مع بابا مي مزال ماقررتش..

الحاجة : الله يعاونك ابنيتي الله يعاونك تبارك الله مشاء الله علييك...

غيثة : اشمن نيفو عندك ثدكنتي قلتي ليا نسييت احبيبة ههه !

اسراء : ماشي مشكل هه...عندي ماستر اون جيستيون سبيسياليزاسيون اون بانك اي جيستيون داكتيف(ماجستر فالادارة تخصص الاعمال المصرفية وادارة الوصول) واخا كانت كتعجبني اوطيس دوليغ كنت عارفة راسي غنمشي فيها مزيان عندي سي لونك مي بون الحمد الله فيها خيير ههه

غيثة : مشااء الله..اللهم باارك مشااء الله علييك ابنتي...ااية اجي هضري مع ختك فداكشي لي كتفكري ديرييه حتى هي يلاه دوزات الماستر ديالها...تبارك الله عليك...

بافتخاار هزات رقية راسها واسراء مبسمة فحين الحاجة حشمات من راسها تلفتات عند خديجة بهمس..

الحاجة : تباارك الله....هادي هي البنت وايلا فالا ضعت من ايدينا اخديجة وزربت على ولدي

خديجة : ماتقوليش هكاك الحاجة لي مكتابة ليها ظاها حتى اسماء بنت نااس

الحاجة : بنت ناس مكدبنااش عزييزة حتى هي ومعقولة ماشفت متها كلمة العيبة وليني اسراء هي ديال ولدي...حفظ الله ماجات معانا ليوم كون سولوها ااش عندها والو تبقى ضور فعينيها...الحمد الله ماجاتش

خديجة : هاهوما غادين كاملين عندها هههه...اييه واش و السي محمد هو اللي قاليها تجي زعما يكون بغى يويري للعائلة بيمن كان مزوج ؟

الحاجة : شكون عرف ايلا عجبت الحاج عليا بليمين تايرجعها ليه...

رقية : الحمد الله...الحمد الله على سلاامتو الالة سمييرة والله العضيم ايلا خفنا علييك راكم من العائلة ماشي غراب عليناا...اللي من جيهت الحاجة والحاج من جيهتنا حتى حتا...

سميرة : ربي يخلييك الحبييبة..مرحبا بيك والف مرحبا ايلا جيتي عندي لوحدة هاداك هو نهار الكبير ارتاحيت ليك ربي عاالم الحبييبة

سميرة : حتى نتي الالة كنتسناوكم للزيارة عندنا فنهاية الاسبوع انشاء الله مرحبا بيكم كامليين ايلا ماهزكم هاد الكتف يهزكم لاخر..

اسراء غير مبسمة قدامها حشمات تنغز رقية علاش كتعرض عليهم ماحملاتهم ماقبلاتهم ملي ضحكو قبيلة لداخل حساات بيهم علييها...

اسراء : ماما انا غنمشي الحمام...تسنايني دقيقة...

رقية : غتمشي بوحدك نمشي معاك احبيبة ديالي...

خديجة: غير خليك الالة رقية انا نمشي معاهاا......

مشات معاها للحمام كيهضروروخديجة من نيتها كتشرح ليها وتسوس ليها فالمزيودة واسراء كتجر ليها فلساانها بمهاااارة كبيييرة...

اسراء كتغسل فايديها كتشوف فيها من المراية: كنعرف محمد مزيان ههه هو اللي موحال واش خلاها تجي...

خديجة : هو اللي مخلاهاش تجي...والحاجة ماعجبهاش الحاال قالت ليك علاش ماتجيش معانا طريق كلها وهي جاية معصبة

اسراء : مممم ههه ...ايوا تعلمتي تكتبي شوية شفتك فالواتساب ههه(شافت فتيليفةن ديالها)كتعلمي بهذاا؟

خديجة : لاا لا كتعطيني اسماء ديالها غير محطوط كنتعلم فييه ومرة مرة كتعلمني هي...

اسراء : ممم مزيان حتى حاجة ماصعيبة غير بشويا عليك حتى تعلمي..عندي واحد تيليفون المرة حاية ايلا تلاقينا نجيبو ليك

خديحة : عنديييي وااحد كبيير كان محمد جاب للحاجة واحد وعجبني وجاب ليا بحالو وماعرفتش ليه خزنت حتى نتعلم...

رجعات عندهم واقفة حدا رقية كتهضر مع العيالات وباها مع لرجال عيات تضور ف عينيها وتسنى فمحمد يبان وهو ملي مشى مارجع تمنات تشوفو قبل مايمشيو لكن جراتها رقية ومشاو خرجو من الكليينيك...

شادة ايديها بحوج فوق خدودها ساهية بتفكير غي صوت انفاسها لي كيتسمعو شغلات كنزة تفكييرها بكلامها مع عماد...والمشكلة بعيدة عليها كون غير قدرااات فهاد الحضة تخرج تمشي عندها ماعندها كيف دير...تنهدات مطولة بغات تعاود تصوني ليها وحبسات خافت تصدعها...ساست عقلها وناضت للدوش عايفة راسها شامة ريحة الصابون والت ومواد التنضيف كتبعت منها...عطراات الجاكوزي وترخات فيها مدلعة نفسهاا ولحمها وشعرهاا دايرة ليه كيف الماء القلييل بشويا بشوياا علييه شداتهاالبكية تقريبا نصو كلو طاح بقاو فيه خصلات قليلة وزادت عليه بالبروتين والمواد الكميائية خرجت عليه....حتى كملات وخرجات بكسيوة رطبة حريير غالغوز بيبي بالفوطة ديالها والبناطوفة ديالها تقابلت مع المرااية كدهن فليكريم ديالها على رجليها وايديها ورشات على وجهها الما ورد خلااتو ينشف على خاطرو...

طلقات شعرهاا كتنشف فيه بالفوطة وحلات الباب خارجة كتنشف فييه حتى بان ليها محمد حل الباب ديال البيت خرج منو بهدوووء وسدو وراه وهي تهز رااسها دغيا شافتو...

اسماء : محمد جيتي !!

ماجاها حتى رد منو كمشات ملامحها وتبعاتو كتقلب حلات البااب براا بان ليها الصقيل ودار كيف خلاتها مورا ماصيقاتها بقات وحتى الباب ديال دار لتحت مسدود..بلا عكز مشات كتحل فييه وتقلب دار صااااقلة كاينة فيها غير هي وخيالها تاحد مكاين ...قفز قلبها كتشوف بنص عين فجنابها متأكدة مليون فالمية شاافت محمد ماشي خياالو شافتو هو لي خرج من البييت...

ولاا كتننهج شادة فقلبها فاشلة وبهدوء رجعاات داخلة كتحس بحالا شي حد غيقجها من لور...رجليها تخربقو عليهاا فالمشية فاااشلييين وقلبها كيضرب فودنيها عقلها غيخرررج مااكدبش عينيها ابداا شاافتو يعني شافتو مافيهاش تخيلات ولا جاب ليها عقلها...رجعات للبييت داايخة سداات عليها بالساروت وجلسات فوق النااموسية جامعة رجليها وايديها عندها مغطية بليزار كتشوف هنا ولهييه وقلبها كيدير ددف ددف دف كتنهج حتى تخنقات مابقاتش قادرة تهز النفس...

بعفوية هزات رااسها حتى جات فالمرااية نيشاااان تهزز قلبهاااا حااسة بالسخاانة طلعاتها كتشوف فوجهها قدامها ديريكت خلعهاا بحالا وحدة اخرى ماشي هي غتموت بالخوف وناضت دغياا جرات ليزار غطات لمرااية كاملة وغطات حتى المراية الوااقفة عاد ارتااحت ورجعات كات فبلاتصتها كترعد كاملة متدكرة نهاار شافت كنزة وتسنييم فالاوطيل دخلو عليها فالاخر طلعو ماشي هوما وليوم تاني مستحيل تقول ماشي محمد وهي متأكدة منو.....زعما تكون مزال كيتخايلو ليها فسيفة بنادم مابغاتش تدخل لراسها ياك تشافات ياك صافي سالة داك الحلم الاسود يلاه تحررات منهم شنو مزال تاااني ...!!!

ما بان ليها غير تيليفون جراتو عندها دوزات رقم محمد تسمع غير صوتو بعدا تونس بييه ولا تبقى هكا كتسمع فصوت قلبها غيخرج من بلااصتو...مع غيجاوبها مع تسمع الصونييت فالباب تهزز صدرهاا مخرررجة عينيهااا اكثر جامدة فبلاااصتها واحد اللحضة مرررعبة بجههد...

محمد بهدوء : وي اسماء..

ماردااتش علييه بالها مع الباب كيتدق..خايفة تحلو وماتلقى تاحد كي كان كيوقع ليهم فديك ست شهر ديال مرضها شي حوايج كيشوفوهم مكتخايلش...وديك الساعة تموت ديال بصح..

محمد : آلوو....اسماء كتسمعيني...!

اسماء تالفة :ءءء مم ا اه

محمد : توحشتيناا دغياا زعما....ولا كيفاش مممم!

باالها مع الباب دايخة ردات عليه بلا عقل : ممم توحشنااك بزااف...(دهشااتو خلاتو كيضحك وهي كتهضر بلا عقل ) واش نتا فالخدمة ولا فالباب هنا..

محمد: خدام .... علاش ؟

اسماء : شي حد..ك كيدق براا

محمد : ترونسبور ديال تسنييم هذا هو وقتو....

اسماء علاد تفكرااتهاا وتنهداات براحة : ااه ب بصح بلاتي نشوف...

ناضت بسرعة طلات من ريدو لداخل بشويا هزاتو شافت شكون غير بان ليها طرونسوبر ارتااحت تسترات ومشات حلات عليها دخلات تسنيم عاد بدات كتهضر مع محمد مرتاحة نوعا ما ملي معاها بنتها عاد محمد مطمنها بصوتو ولكن مزال الخلعة فيها حاضية غير مع جنابها لا تشوف شي حاجة ولا يبان ليها شي خيال تاني...!!!

كنزة مدة طويلة وهي جالسة مع اسية والبنات مجموعين عليها كل وحدة تسول من جيهة اكثر بعدما شافو شكل عماد وطوموبيل لي راكب فيها تدهشو كانو شاكين فيها كتككدب وربما اصلا موحال واش مزوجة غير كتبوهل عليهم حتى شافو بعينيهم...

فحين هي شاعلة فيها العافية باغة تمشي للمرقص حتى ضربات تلاتة قد قد تقريبا شي ساعتين باش جات عاد ناضت اسية توجد راسها يمشيو...وسلوى كتصوني ليها حتى جاوبتها قالت ليها غير خارجة غنرجع وسدات عليها...

خرجات عندها اسية لابسة مقادة كيف المونيكة بالماكياج والحاالة..وخرجو بجوج بيهم مباشرة للمرقص واخا كان خاوي معاها اسية ماغتهنا حتى تدخلها وفعلا غير وصلات دخلو حيت حتى بنهار كيكون عامر غير هو ماكين لا سهرة لا شطيح غير ناس عادي جالسين مع بعضياتهم والمنصة كيوجدو فيها على حسب سهرة دليل...

كنزة : خاوي ليوم لا ؟

اسية : ااه ازيين ...السهرةحتى لييل عاد كيبداا النشاط دابا غير الملل ماكين حد ماكتشوفي حد...

كتزة : ايوا صافي نجلس غير شوية ونمشيو عجبني ال٠و ديالو..بلاتي نمشي للحمام خلييك انا جاية..

اسية : عقلتي عليه فين جا ولا نمشي معااك...؟

كتزة : عارفة عارفة...غير خليك...

خلاها مشات للحمام وهي ناضت متاجهة عند واحد ملي دخلات وهو يغمز فيها بكاسو حتى ناضت عندو كتمايل وضحك...

اما كنزة مامشاتش للطواليط غير فاتت سلوى تقلبات مع واحد الكولوار غادا نازلة جيهت المنصة باغة تمشي للغرفة لي شافت ديك النهار هند هربت ليها متأكدة غتلقاها غير تما...ماشية وكتشوف فالعمال كيوجدو المنصة ويستفو فالقراعي ويعلقو فالاضاءات حتى خرجات فشي جسد قاصح قدامها هزات فيه عينيها لقاتو لكارد كور علمها انه ممنوع تنزل هنا وهي تبسم ليه....

كنزة : اوكي..سمح ليا..

حرك راسو وهي رجعات منين جات غير تقلبات عليه ضارت مورا الميني بار غادا من جيهة اخرى مامفاكاش كيعاودو يحبسوها وكتعاود تعتاادر منهم ما ارتاحت حتى تخشات فين بانت ليها هند دخلات عاد هزاات النفس براحة...لقات راسها فغرفة المايكاب كلو كيلمع بليغوب سواغي الروايح والحزامات...مكاين حد دنيا خاوية خرجات منو ماشية مع الكولوار جنبو حتى لقات واحد الدروج كينزلو للتحت....شافت هنا ولهيه ونزلات معاهم كيبانو ليها البنات غادين جاين ماداوهاش فيها كاع مقلوبين لالنعاس والمكياج سايح والعرا على الجههههد...

مع الهزة لي غتهز عينيها جات فوحدة من البنات لي كانت سيفطااتهم هاد الاخيييرة اللي تصدمات كتشوف فيها بدوت شعور نطقات ب بلااهة...!

_مدااام...كنزة...!!!!

___________

جلسات وسطهم وهند قدامها والبنات وراها وحدة ناعسة بزز باش كتحل عينيها ولاخريين شادين فراشهم كيمسحو الماكياج لي نعسو بيه كل مرة كتلفت تشوف فيهم وترجع تشوف فهند قدامعا...

هند بهمس : اشنو جابك اكنزة تاني...شنو قلت ليك اختي مانجيش واش تفهمي بشي لغة اخرى ..حسابتلك كنضحك معاه راك والله ماعارفة ااش واقع..عفااك رجعي منين جيتي ديري الخير فرااسك ورجعي منيين جيتي ماتغلطيش بحالي...

كنزة بتبات : ملي غنقدي غراضي انمشي اهند ماتخافيش عارفة اشنو كندير...!

هند : اشنو عارفة ااش كديري...كنشوفك دابا كنشوف فيك راسي بحالي... قبل مانطيح هنا...كنشوف هند لي لاعبة فيها مطور طرت حتى عيت وجبتها فراسي وجالسة كيف الكلبة....ردي بالك اكنزة هاد الشجاعة لي فييك والله اختي ماغتخرجك فشي بلاصة نتمنى نكون نية ومكلخة االف مرة ولا هاد تطور الخارج على حدو لي فيا...

كنزة باستهزااء محروقة من جيهتها وحالتها : كتهضري بحالا حابسينك هنا ونوي جالسة بخاطرك كلكم عااجبكم الحال علاش كتشكاو واش حتى كتحطو رااسكم فالعافية عاد كتبغيو لي يبردكم فيها ولا كيفاش ؟؟

حركات راسها كضحك بالفقصة وتهزات كتجكع فشعرهاا...

هند : وييه عاجبني الحاال ههه عاجبني بزاف باينة فيا يااك عاجبني الحال...!!!

كنزة تنهدات : شوفي هند... انا جايبني حاجة اخرى جيت لهنا..باش نشوفكم كلكم كتهضرو مع والديكم ونتي اولهم اهند ماماك وصلات بيها الدرجة شكات بيا للبوليس حيت سيفطت بنتها للامةرات تخايلي على شوية كنت غنولي فتهمة الاتجار بالبشر..عفاك اختي صوني على ماماك هضري معاها تسمع صوتك قولي ليها ااش كديري هنا وخليوني انا فالتيقار لي عليا درتو سيفطتكم تخدمو حلالا طيبا نتوما عجباتكم هاد طريق ليكم كامل الاختيار...

خشات ايديها فصاكها غتجبد تيليفون غير شافتو هند قفزااات مخرررجة عينيهاا وشدات ليها ايديها حابساها تجبدو هازااهم فالكامييراات كتقلب لايكون شافهم شي حد..

هند كتررعد: اااش كديري اكنزة رجعييه رجعيه ماتخرجيش هنا ممنوع تيليفون منووع بخطرة...اخر مرة تجبديه غتجبدي ليا صداع ...

كنزة :علاش ممنوع....فين تيلفونك..واش مكتهضرو مع حتى حد ولا كيفاش ؟

بهستيييرش كتهضر شافت ايليفون بحالا شافت شي الممنوعات ولات كلها كترجف حاضية مع جنابها والبنات قفزو كيشوفو معاها حتى غوتات عليهم رجعو جلسو مامبينيينش...

هند: مكنهضرو مع حتى حد...فالدخلة ديال الباب حيدو لينا التيليفون قالو لينا غير شدو بلايصكم وتاخدوهم من بعد حيدوهم علينا برمة وممنوع منعا كليا شي وحدة تدوز شي اتصال...واخا ماتعرف اشنو يوقع...وممنوع ندخلو باسمنا عادي....هند مشات ليا مع الدخلة قالو لياا اختاري اسم جديد انا جاتني ضحكة قلت ليهم غِنوة غير بالضحك حتى ولات فعلا اسمي غنوة..!

بدهشة سكتات كنزة كتسمع...

هند دمعو عينيها : فخباري ماما كتصوني ليا وخويا وختي متأكدة ولكن ملي كيقولو ليهم بغينا هند كيقولو ليهم ماعندنا حتى حد بهاد الاسم حيت فعلا انا غنوة ماشي هند...

شدات كنزة على راسها داخت بحالا عايشة فشي مسلسل مافياوي تلفات وتحدرات كترجع هادشي لي سمعت تستوعبو....

كنزة : شكون هادو اللي دارو ليكم هادشي...ك كيفاش..واش انا سيفطتم لعندهم...

هند : حياة من العائلة ديالي...كنت خدامة معاها انا وختك كتعرفيها كنت جيت معاها شفنا اسماء ملي كانت عيانة...مكانتش عارفاني فديك الوقت غنمشي للاماراات حتى قربت نمشي قلتها ليها...قلت ليها افلانة انا غنجي هنا غنخدم فالحلاقة تلت شهر وكدا عاودت ليها كلشي...قالت ليا ايلا مشيتي هكا تخدمي تلت شهر راه مفيغطيوكش الخلصة هي هاديك وديما كتبقاي تابعة ليهم والمشكلة فاش كتخدمي مع ش حد كل مرة دخلتي شي حاجة..تقسمي معاه بالنص ياك هادشي لي كااين

كنزة : فاي بلاصة مشيتي ماشي غير هنا ونتي نيت اللي صاوبتي ليها ماكنتيش كتقسمي معاها فصالون حياة؟

هند : قالت ليا غتمشي عند اللي كانت خدامة عندها هي... كتعطيك كرسي والكليان لي صاوبتي ليه غتاخدي فلوسو ماغتعطيها حتى درهم...يكفي تخلصي ليها غير الكراا وهادي وهادي عمرت ليا راسي مانكدبش علييك طممعت...قلت ليها اوكي نمشي عندها البنات هادو كلهم جاو على ضهري اناطمعت وطمعتهم معايا...كيف نزلنا من الطيارة لي سيفطتينا فيها لقينا شي الناس من الوكالة لي قال ليا عزوز غيستقبلونا...مامشيناش عندهم خليتاهم كيتسناو وهربنا ليهم من جيهة اخرى...كانت عندي لادرسية ديال الباطرونة لي شفتي الفوق هاديك خالة حياة جينا عندها رحبات بينا كلينا وشربنا معاها سيمانة حتى ولفنا وتقنا فيها وهي تقول لينا غتمشيو تشوفو الصالون فين غتخدمو....

كنزة : دونك خدمتو بصح معاها فالصالون..!

هند : انا غنكمل ليك...مشينا لواحد الصالون شفناه خدمنا واحد يومين انا كنت معلمة البنات عاد بداو كيتعلمو شبعت فلوس الكليان داخلزط خارج الفلوس كدخل الماكلو شراب كلشي موجود قلت هادي هي الحياة اللي كنقلب عليهاا طمعت وتحلو ليا العينين...(تنهداات)المهم جابت لينا واحد الكونطرا على اساس غنسنيو معاها تلت شهر ديال الخدمة شفت البنات سيناو مافكرتش سينيت ديك الساعة ماكنتش عارفة راسي غنسني على ورقة الحبس ديالي....سينيتي على كونطرا غير محدودة ديال الخدمة غتحد ايلا فقط رجعت ليهم الفلوس اللي كيتسالوني...

كنزة : ااشمن فلوس هادو ؟...

هزات نفس بزز مدخلاها مع صدرها مزيرة ومخنوقة كتكره تهضر فهاد الموضوع...الدموع فعينيها لاصقيين باغين غير علاش ينزلو وهي حابساهم مكابرة وشادة نفسها ماتنهارش بهدوء كتهضر محافضة على سوكونها...عاد بدات كتعاود ليها بالتفصيل كيفاش خدمات فالكازينو وعلاش خدمات حتى وصلات فنهار لي غتمشي فيه للامارات..

هند : فليلة لي غنمشي للامارات صافي واجدة فلوسي واجدين لفاليز ديالي واجدة كلشي مرتاح هاني...شعيب ساهي مامسوقش ليا الفلوس داخلين ووالكازينو غيطرطق...زغبني راسي ههه...قلت مانخرج من تما حتى نخليها متورخة....كنت كنعرف لكازينة كاامل كنت كنبات فيه وناكل ونشرب فيه اي بلاصة كنت كنعرفها دخل للكاميراات...فين كانو ناس كيقمرو شكون هاد الناس غير الريوس الصحاح نخاف نجبدهم حتى بين لساني اش قال ليا راسي هههه صورت فيديو من لكاميرا وهوما كيقمرو ولحتو فواحد الكروب ديال الفيسبوك تخايلي اكنزة فديك اللحضة طار ليا الكونط هههه والله ماعرفت اش وقع وخرجت هربااانة نيشان عندكم هنا لاكادير فطريق كيعيط ليا شعيب كنقطع عليييه عرفت وقعت شي حاجة عيطت لحيااة..سمعي اش درت سمعي ههه...عيطت لحياة قلت ليها انا غنمشي غنقطع تيليفون قولي لماما ماتخلعش عليا من بعد غنعيط ليها وطفيت تيلفون بخطرة......ماجيت فين نوصل لعندكم حتى بعت معايا شعيب ماعرفت باش تبليت وحيت دخلناا للمطار كانو البولييس ماقدرش يشدني قدامهم حمدت الله هربت لييه...وهي صراحة تمنييت كون شدني ونرجع معاه ولا نجي لهنا..نبقى محبوسة وانا فبلاادي ولاا كلبة فبلادت الناس...

سمعات الحس وراها وهي تسكت حتى دخلات واحد البنت هزات مواد الاستحمام ديالها وخرجات..

هند : ايوا صافي لقيت عزوز تما قديت الاجراءات وداكشي وانا نطلع للطيارة هي طايرة وانا غنطير بالفرحة معاها هههه...تهنيت من شعيب من الكازينو غادا للامارات شكون بحالي...مشيت عند خالة حياة كيف قلت ليك سنينا الكونطرا وهي تدينا للمرقص قالت لينا نفوجو فيه شوية..ونشطو وكدا..حتى حنا طالبين عليها..نهار لول نهار تاني نهار تاالت شحاال وهي كتدينا وتيجبنا ليه حتى ولفو البنات وعجبهم الحال فالمرقص واحد نهار وهي تقول ليهم يلاه لي بغات تخدم فيه ماعنديش مشكل غير تقولها ليا...نصهم مشى معاهم انا لا قلت عاجباني خدمة الصالون علاش غنجي نشطح للحوالة هنا مالي حماقييت...قالت ليا اوكي رجعي للصالون رجعت للصالون ومن داك نهار اقسم بالله اكنزة مابقيت دخلت درهم منو...تحزييت وتا الفلوس لي بقاو عندي مشاو كلشي مشى ملي كنتلقا مع لبنات لاخرين لقيتهم عايشيين الحياة الفلوس اللبس الماكلة ديما الجدييد ديما ديما وانا هوقت بالجوع

كنزة بحسرة تنهدت : تاني طمعتي..

هند بايجاب: تاني طمعت...وجيت خدمت هنا...دوزت الجحيم اكنزة نهار عرفت راسي تبعت لييهم بخاطري ولا بلا خاطر كنت جاية جاية..غي هي كانت كتسايس معايا بشويا بشويا حتى نجي...!

هند :العدااب الكحل شفتو لا من جيهة البنات لا الناس هنا شحال من مراة جراو عليا بلا باسبور بلا ورااق ضربوني الحيوط ورجعت عندهم كي الكلبة..حتى القنصلية غي كيشوفوني ماكيعطيونيش وقت..كنرجع نقوليها عطيني ورااقيا نمشي كتقول ليا حطي الفلوس لي خلصنا علييك..

كنزة : باش تباعيتي..

هند ضحكات شادة دموعها: مم ههه باش تباعييت..

كنزة : بشحاال باعوك !!

هند :عشرين مليون مغربية..

كنزة بصدمة: كامليين..

هند : عشرين مليون للوحدة ايلا بغينا نخرجو...قلت ليها كيفاش تبعايت اش كتقولي تصدمت ههههه ...وهي تقول ليا هكا كتضحك..قالت لياا..شعيب...ملي قالت ليا هكااك والله حتى دخت حتى هو مابقيتش عاقلة عليه من نيتي كنقول ليها كيفاش شعيب..شنو كتقولي شكون شعيب..وهي تقول ليا سولي حياة تقول ليك شكون شعيب هههه شنو نحمااق ولا نهبل ولا شنو نديير ديك ساعة اكنزة؟؟

كنزة : شعيب لي كنتي معاه ...وخدمتي معاه فالكازينو... ولكن علاش غيبعيك ....نقولو نتي عليه كيفاش غيبييعك هنا مافهمتش..

هند : كان خاصو باش يمشي لسويسرا هربان من البوليس ماعرفتش علاش هادشي لي سمعت ودني.....خاصو الفلوس باعنا حنا ولكن راه مزال هنا ماقادرش يمشي للمطار حيت كيقلبو علييه...

قاطع كلامها تيليفون كنزة كيصوني وهي تخشي ايديها دغيا حبسات ليه الصوت وشافت المتصل ....

كنزة: راجلي..ضروري نجااوب ماكينش شي بلاصة نجاوب فيها..

حركات راسها باه وقال : اجي معايا..

هزات صاكها وناضت مع هند غادا بيها حتى لحمام لقاتو عامر هو كيصوني وهي كتقطع عليها بالحس هازة تيليفون فصاك حتى خوات الطواليط عاد دخلو بجوجات وسدو عليهم الباب وهي تجبد تيليفون لقاتو كيصوني وجاوبااتو مع قالت الو سمعات الغوات ديالو بجههد مكشكش عليها

كنزة : عماد راه كنسمعك هضر بشويا شنو كاين ؟؟

عماد : واش ماعيقتيش...كتشوفي راسك كيفاش كتهضري معايا ؟ نسيتي شكون انا راجلك الالة فين خرجتي بلاما تعلمي واش كتقلبي عليا اكنزة نتقلب عليك هادشي لي بغيتي..

كنزة تبسمات نصف تبسيمة كيعجبها الحال تعصبو هكا حاسة براسها كتبرد من ديك الشمتة بعصبيتو..: شنو خاصك اعماد قول ليا مامسالياش؟

عماد : فيييينك ؟؟ فين مشيتي فين خرجتي بلاما تعلمي

كنزة بهدوء : انا مع هند...

سكت لحضات ماردتش علييها غي صوت نفسو اللي كتسمع عاد جاوبها..

عماد : واخا..واخا امادام هند سيطفي ليا لوكاليزاسيون..

كنزة بنفس الهدوء : واخا..

دخلات للواتسااب دغيا سيفطاتها ليه فميساج وهو شافو وديك ساعة صونا ليها..كيهضر بسرررعة كتسمعو كيديمارا طوموبييل ملي شاف لوكاليزاسيون تزعز يسحابليه غير كضحك عليه باش تعصبو ولكن هي كانت كتهضر بصح...

عماد : كنزة..كنزة سمعيني بقاي تما ماتحركييش انا غنجي عندك...عييت معااااك عييت معاك تسمعي ليا غير مرررة وحدة فحيااتك بلاااش...خلي غير تيليفون شاعل ماتطفيهش خلي كونيكسيون خدامة طلقي لوكاليزاسيون خلي كلشي شاعل انا جاي عندك خليك تما ماتحركيش ماتخرجيش

كنزة : واخا...

دارت لي قال ليها وقطعات معاه وخرجات رجعو جالسين حتى تحل عليهم الباب ودخلو ربعة ديال ليكاردكور..هند جرات كنزة وراها جلساتها فوق الناموسية وخلاتها واقفة قدامها اول مرة تشوف هاد الوجوه ماعرفاتهم علاش جاو والبنات لاخرين حتى هوما واقفين كانت تقريبا شي عشرين ولا كثر فبيت واحد..كل وحدة وسريرها فين كتنعس..

هند تلفتت عند وحدة غمزاتها : شوو صاير ؟ مين دول!!

بخوف كضور عينيها : مابعرف..شو لي صاير..ليان تعرفي شيئ..؟

ليان : لاء والله مابعرف ماحكتلي الاستاذة(الباطرونة) شيئ...

وحدة كتشوف فلاخرة حتى وحدة فيهم مافاهمة اشنو كاين حتى تحركو هادوك ليكاردكور بداو كيخرجو فيهم وحدة بوحدة وهند غمضات عينيها تزيرااات ماعرفات اشنو ديير و كنزة حداها خافتهم يعرفوها ويعزلوها علييهم فنفس الوقت خافتهم يهزوها حتى هي يديوها معاهم للمحهول براسها ماعارفة فين غادا ولا علاش جاو عندهم...اما احتمال انهم يطلقوها تمشي فهاداك مستحيييل...حيدات ليها هند الصاك دغيا لاحتو ورا الناموسية خباااتو كنزة خرجت عينيها تلاحت علييه حتى هي خطفات منو تيليفون خشاتو فصدرها كتشوف فيهم وصلو لهند دفعوها مع البنات عاد وصلو عندها حتى هي هزاات فيهم عينييهاا بخوف كضورهم مافاهمة واالو حتى دفعها واحد فيهم تبعها للهند...طبعا مافرقوش بيناتها وبين البنات حيت كاينين الغراااق منهم مقسوميين فالبيوتة كيفاش غيعقلو عليهم كامليين...!

كنزة: شنوو وااقع ؟؟

هند : بقاي ورايا ماتبانيش تحدري شوية راك طول مني..بقاي غير ورايا ماتشوفكش الباطرونة حتى نشوفوهم فيين غاديين بينا..ماتخافيش..

كتوصيها ماتخاافش وهي قلبها حاساه غيزهق بين رجليهاا بالخلعة...!!!

جمعات الصلاية بهدوء مبسمة وتلفتات شافت فتسنيم جنبها مطولة حتى جراتها عندها كتبوس فخدودها حمقتها بالحجاب لي دارت ليها مضور على حنيكاتها العااامرييين والكسيوة طوييلة مع تريكو طويل تحت منها مزال ماواخدة ليها حجاب كامل على قدها...

اسماء :يخليلي الفونون الحجاب معان كيجي...شفتي دابا شنو درنا اماما..

تسنيم : اهااه..ت تلاقينا مع سيدي ربي وصلينا باش نتلقااوه..انا عااارفة هادسي كاملو..وبابا محمد قالي ديماا فااش نبغي نتلقا مع سيدي ربي غنجي هنا ونصلي باش نتلقى معااه حيت سيدي ربي كيبغينا ويبغي يتلاقا مع حنايا وحتى انا كنبغييه ونبغي نتلاقا بيه هوايا...

اسماء عنقااتها بحب كبير: ياربي تحفظك ليا ياربي..تحمييك من كل شر ياربي...كنحماااق علييك انا ماما ديالي كنموت عليك اكبييدة...كون تعرفي يا بنيتي شحال خايفاك تكبري ويولي تابعينك العينين...البشر والله ابنتي والله حتى خايب..متأديه ماتقربي ليه ولا تقيصييه وتلقايه ناوي ليك الشر الله اودي اش درت لييك فاش اديييتك...

تسنيم لصقات فلكمة البشر: شكون البشر

اسماء : البشر هوما الناس احبيبة...كاين ناس زوينين بحال بابا محمد وكاين خايبين كنطلب الله عمرك تلاقاي بيهم...قلوبهم كحلة مكيخافو الله فالانسان خوه(تنهداات وسرطات لسانها مابغاتش تعمر ليها راسها بهاد الافكار الكحلين) بنتي انا زوينة...وقلبها زوين وكتبغي الله وكتبغيني وانا كنحماق عليها اشنو بغيت كثر الله يخليك ليا ماما ديالي الله يطول فعمري حتى نشوفك فين بغيت ياربي...

تكات على الحيط بضعرها هازاها قدامها كتسرح فشعرها وتضحك معاها مرتاااحة على الامل فهاد المسجد الصغير بقد ماهو صغير بقد ما محسسها بحال شي مركز امااان ضامها هي وبنتها سادة عليها بابو وجالسة براحة خياالية...مستنشقة ريحتو العطرة بريحة المسك والعود القماري المصحف الكريم ضاير بيها فكل قنت بحال شي سلاح حامي... والسجادة قدامها فاللون الوردي مسرحة وهي بالحجاب كلها مغطية بيه فنفس لون السجادة...

غير لحضات من دابة وهي خارج المسجد كانت فيها وااحد الهالة كبييرة فوق قلبها مخلاياها تخاف من خياالهاا وبمجرد ماحطات رجليها وسجدات الي خلقها تبخراات ديه الهالة بحالا عمرها كانت ولا بانت...

حركاتهل تسنييم كتحك على كرشها جاها الجوع..

تسنيم : ماما..الكريشة خوات..

اسماء : ههه مابقى فيها والو كاع..

تسنيم : والو كاع

اسماء : شوفي وكان والو والو هههه(هرااتها كتلواا بين ايديهاا) شنو بغيتي تاكلي نوجد لماما

تسنيم عوحات راسها سادة عينيها كتعبر بصباعها: شويكيكة ديال الشكلااطة

اسماء : لااا مامي مكاين بو شكلااط...نوضي يلاه نوجدو شي حاجة زوينة غتبقاي بداك الشكلاط حتى تخرجي على سنانك ماكاينش الشكلاط...

شدات فايدها ووقفات حيدات الحجابب طواتو وحطاتو تما..عاد خرجو بجوج كانت مخلية صندالتها قدام الباب لبستها ومشاو طالعين للكوزينة مارتحات حتى خدمات القران فالتلفازة لفوق عندها عاد بدات كتوجد لتسنيم ماتاكل جلساتها قدامها قادت ليها صندويتش خفييف وصالاد ديسير متنوعة خلاتها كتاكل وجبدات الة العجيينة كتقاد فالرغيفات باغة غير تشغل بالها وتعمر ايديها ماتبقاش هكاك بوحدها صقيل وغير كتخمم...وتسنيم كتفرج فيها شادة وتعلب برجليها وايديها مشطونة...

تسنيم : بغيت حلوة دالكراميل ديالتي...

اسماء مشغولة : ماكنييش الحلوة اماما حتى لغدا... وحدة فالنهار كتاكليها براكة

تسنيم هزات كتافها: ماشي سوقي بغيت حلوة عفاك ماما عفاااك ماعنديس سوسة فسنينات شوفي ماما سنيناتي زوينة..عفااكي عفاكيي

اسماء جبدات سربيتى وثربات كتسمح ليها فمها: تسنيم قلت ليك لا....نقاد لبنتي حلوة بلا كراميل بلا شكلاط حلوة زوينة وخفيفة كوليها مع حليبة سخونة...واخا

تسنيم هزات كتافها مغبنة راخية شفايفها: بغيت كراميل..

اسماء : واش عمرك شفتي الكراميل كياكل الكراميل

تسنيم داخت : ءءء!!

باست خدودها بجوج وهزاتها عندها جلسات فوق الطابل قدامها كيقادو بجوج فالكيكة...غير صوت ضحكهم اللي مسموع والكوزينة تقلباات سفاها على علاها رشقات ليها خاصة ملي كتكون فالكوزينة بوحدها...نسات رااسها وهي مع بنتها نسات حتى اشنو تخايل ليها مرتااحة بالكاامل كتصرف كيف بغات وهي كتفكر كلام الحاج اللي كيقول لها تكون غير موضية متدكرة ادكارهاا مصلية صلاتها ماعندها مناش تخاف حتى حاجة ماتأديها وفعلا داكشي اللي دارت كتحرك براااحتها....طيبو حتى عياااو وتسنيم اللي دارت اسماء دريها معاها حتى ولات حالتها بدقيق والعجينة فشعرها والروينة جمعات اسمااء داكشي ومسحااات ونيطوايات الكوزينة عطرااتها وغطات دكشي اللي وجداات قطعات ليها طريق ولتسنييم من الحلوة وشدات فايديها غادين نازلين...

اسماء : شفتي حالتك كي ولات..شوفي العجينة ويلي هههه زيدي ندوش ليك واخا البرد ابنيتي شوية ماعندنا مامديرو حالتك..

تسنيم : نعس شوية..

اسماء :ندوش ليك ونعسي..ماعندكش لحفاضة ماعطاتك لاميتخيس والو..

خرجات من الكوزينة تسنيم كتهضر واسماء كتسمع ليها يلاه غينزلو من الدروج وهو يبان ليها الباب تحل وقفات فبلااصتها كتشوف فمحمد داخل وجدو وراه والهضرة كثييييرة معاهم مسموعة رجعات لور دغيا كتولول وتقلب باش تغطي راسها وهي غير بكسوة خفييفة وشعرها عريان دااخت وتلفاات...!

كتسمع الهضرة كثيرة التحت ماعرفاتش شكون جا اصوات غرييبة بلهجة وجدية كتردد فالدار..سدات عليها باب الكوزينة سورتاتو وبقات تما كتصنت قاطعة الحس...حتى حسات بيهم قربو حداها ومشاو للصالة وهي ساهية اطة ودنيها عند الباب كتصنت حتى كتقففز ملي حساات بشي حد كيحل فالباب مضارب معاه مابغاش يتحل حيت هي مسورتاه من الداخل...

اسماء بالحس : شكون...شكون فالباب..

خديجة : اسماء اناا خديجة..مالكي علاش سادة علييك البااب...

اسماء :خديجة عفاك جيبي ليا عبايتي من البيت عندي لتحت مالابسة والو مانقدرش نخرج....

خديجة : ملاابسة والو!!

اسماء : ااه جيبي ليا حجابي من لتحت عفااك دغيا...غتلقايه معلق فسانتر

خديحة : و..و واخاا واخاا سورتي عليك الباب انا غنجيبو ليك...

طارت خديجة دغيا نزلات لتحت كتقلب فاليت وتضور فيخ عينيهاا باعجااب عمرها دخلات ليه من نهار جات اسماء تبدل عليهاا لمسة انثوية بجههههد عاطية فييه.. تبدل بخطررة...مع دخلة كتحسي بلي كاينة انثى فهاد البييت عاشية فيه مخلية لمستهاا مع لمسة رجولية خفييفة باينة ...هزات الحجاب وطلعات عندها حلات عليها اسماء الباب دخلاتو ليها لبساتو يلاه كتقاد فزيفها وهي تدخل الحاجة..

الحاجة : الصالات بجوج عمرو اربي الحبييب ااش غنديرو لهادو تبارك الله تا نقول سالاو كتجي فرقة اخرى يلاه عيطو وحدين اخرين جاين حتى هوما...

خديجة : ندخل مع اسماء تسلم ولاا تدخل بوحدهاا..

الحاجة علات الحجيان : فيين..!!!

خديحة : تسلم عليهم كيسولو عليها الحاجة...

الحاجة : حتى يتقسمو راه مجموعين رجال ونساء عمامو كاينين و ولاد عمامو حتى هوما عندهم عااادي ومولفيين هكااك ماتدخليش عندهم مايبغيش راجلك بقاي هنا ابنتي ولا نزلي لبيتك حتى يتقسمو ودخلي عندهم....(كتقلب فالطبااسل مستفين فوق البوطاجي ) اش هادشي مغطي ٧نا..

اسماء : غير شوية دالمسمن وشي رغايف و شوية البغرير شغلت ايدي فيه مشووية..

وراتها اش قادت ها المسمن ها للبغريى والرغايف وزادت جبدات الحلوة لي وجدات لتسنيم بالكرااميل كتشهي...شافت الحاجة فخديجة مبسمة كتقلب فداكشي والبغريير رطب كيلعب فايديهاا والمسمن بحال شي ملفااي مغللف طبفة فوق طبقة قلبات شفايفها باعحاب وقالت..

الحاجة : ااش غنقوليك الله يرضي عليييك تقولي كنتي حاسة بيها...الله يرضي علييك الله على راحة كنخمم ااش غنحط ليهم فالطريق هضرت مع تريروت عبد الله ليوم دومونديت مايوصل حتى يشحفني...

نزلات اسمااء لتحت بدلات لتسنيم حالتها وطلقاتها تلعب وطلعات لقات الحاجة خرجات عندهم عاطياهم الصواب فحين اسماء مشات كتقطع فالحلوة وخديجة جالسة كتعمر فالثمر غير بان ليها محمد جاي داخل وهي تنوض كتفتف وتشوف فجنابها شاافتو داخل عند اسماء خرجات كاع من تما حمرة كتحشم منو كتحشمم تشوفو واقف مع مرتو راس فالراس كتبقى تشوف فيهم وكيفاش كيضهرز وكيفاش كيتحركو كيمشي عقلها نبشان يتخيلهم فالفراش ماشي غير هوما اي ازواااج نفس الحاجة كتوقع ليها معااهم..

تبعها محمد بعينيه كيضحك ودخل كيشوف فاسماء واقفة على، اليوطاجي عاطياه بضهرو معوجة راسها مغطية كاملة ماردااتش لييه البال مركزة هازة ايليفةن كتصور فالحلوة بشوياا عاطياها الخااطر وهو يقرب دوز ايديه على خسرها وباااس خدهااا مطول خطف ليها تيليفون وهي تبسمات..

اسماء :محمد جيتي ... علاش ماقلتيش ليا عائلتك غيجيو معاك..حرام عليك...

محمد : على هاد الوقفة ماعلمتكش..ماتعدبيش راسك معاهم اشنو خاصكم !

بدات كتقطع الكيك ..

اسماء : ماعرفتش..حتى تجي خالتي تشوف شنو خاص...بغيتي تدوق...

نزل عينيه كيشوف فالكيك قدامو وهي قطعات ليه طرف صغيير هزاتو باطراف صبيعاتها وعطاتو ليه

اسماء : كيجاتك..

محمد كيتبنن : ممم مزيانة...

حافضت على تبسيمتها غير كتشوف عرفاتو مكيزينش لحلجة واخا تكون كتحمق واخا كتطيب ليهم مرة مرة كلشي كيشكر طياابها ايلاا هو كيبقى غير يتبنن كتعرفو عجباتو غير من طبسيلو لي كيخوا كيف هاد الكيك بقا واقف حداهاا مرة مرة كيجر طرف عجبااتو حتى بان ليها غيسوط فيها كااملة وهي تجرها

اسماء : اويلي ااش غنحطو للضياف...

محمد : الواليدة بصماتك بفعايلها....هاد الضياف حسن مني ولا كيفاش !

اسماء : حتى نقاد ليك وحدة اخرى....هادي غير مزيانة..كون كانت زوينة تاكلني انا ديسير وراها...جاتك حلوة ولا شنو هههه

دوز ايديه على شفايفها بشبه ابتسامة وهي رجعات لور كتشوف مع جنابها لا يددخل شي حدد حادرة راسها كتسمع ليه...

محمد : حتى حاجة ماتوصل مرتي فالحلاوة..

خرجوهم مستفيين وحدة حدا وحدة متاجهيين لناحية الباب وكنزة مخشية ورا هند منزلة عليها شعرها شداتها الضحكة بالفقصة فين كانت وفيين ولات كرشها عطاتها الحرييق بالخللعة...تبااعتهم فين داو هند حتى خرجو لبراا فين كان كار كبييير كيبانو ليها البنات قداامها كيطلعو وهي تنغز هند...

كنزة : فيين غادين هادو..انا ماغنقدرش نمشي حماقيتيي نموت ومانطلعش معاهم(كتحاول تاصل بعماد فالحس)

هند :غالباا على ما فهنت غاديين بينا لشي بار اخر غنشطحو فيه ليوم واقيلا والله يعلم فين حدهم كاع يديونا..

كنزة فشلااات بالنوف لون هرب من وجهها: غنهرب اهند ماغنطللعش معااك فين غادين بينا هادو..

مارداتش عليها هند عينيها كيضورو بحالا كتقلب على شي حاجة مكيناش خايفة من شعيب يجي واخا عارفاه مستحييل يباان والاوطيل مطوق بالكاميرات وهو هربان من البوليس مايزعمش يحط رجلييه هنا ولكن الخوف منو مسيطر على قلبها...غير بانت ليها الباطرونة رجعات دخلات لدااخل كتهضر فتيليفون مزروبة بقاو معاهم غير ليكارد كور واقفين عليهم كيطلعو فيهم وحدة بوحدة حتى وصلو عند هند يلاه غيقول ليها طلعي وهي تقرب عندو كتهضر فودنيه وهو كيشمع ليها حتى كملات وهو يدفعها وشاف فكنزة هاز حجباانو كيجبد فتيليفونو....حبساتو هند دغيا كترررعد ورجعات كتهضر معااه وكنزة قربات كتسمع فاااشلة غير شوفات ديال دوك ليكارد كور كتخلع عساااك الهضرة معاهم..

قربات كثر واخدة كلام هند فودنيها وهي وكتسمع فيها كترغب فيه يخليها تمشي بعذر انها صاحبتها فقط وجات تشوفها وهو كان راافض الفكرة مية فالمية ...

تصدمات موسعة عينسها ملي سمعاتها كتساومو براسها...مقابل يطلقها...دااخت كننزة وسداات عينيهاا بغصة مزييييرة كتسمع فكلامها معااه مساوماه نفسها بحركااات كثر ما هي جريئة مقززة وصعييبة على هند ارا غير يوافق ويخليها تمشي بحال كتساومو على سلعة شايطة فالسوق... وهو عينيه كيف شي ديب كيطلع ويهبط فهند ويعبر فيها وهي عينيها دمعو...علاتهم لفوق حابسة دموعها حتى رجعات قوات نفسها وقصحات شوفتها وكملات متشاطرة معاه حتى وافق فالاخر تبسم جنب وحرك ليهم بجوجهم وقفو جنبو كيكمل تطلاع البنات لاخرين حتى قربو يكملو البنات وهي تشوفو جبد تيليفون كيهضر بسرعة...

_في مشكل...في نقص فعدد البنات....لازمني بنت...

كلامو بسرعة وصل لدوك ليكارد كور شافو فبعضياتهم كيهضرو غير بالعينين...وهو كمل كيهضر

_انا مراقب المكان...مافي كثير بنات اصلا..روحو شوفو فين الناقص..

مابغاوش يتحركو ليه واحد كيشوف فلاخر و واحد متايق فالثاني...حتى عاود هضر مرة اخرى شاافو بقاو غير ربعة البنات خاصهم يطلعو وهوما يمشيو بسرعة يعلمو لدااخل بلي شي حد نااقص عاد هو تلفت فكنزة حرك ليها رااسو تمشي وهند قفزاات كتدفع فيها ظغيااا قبل مايخرج شي حد..

هند : سيري سيري كنزة من لهيييه وراا طوموبيلات ماتشوفيش وراك سيري

كنزة دااخت ماقدراتش تخليها معاه وتمشي..: ونتي..

هند : ماشي سوقك فيااا سيري غيير نتي سيريي..

دفعها لااخر طلعاات وهي واقفة ليه فالباب متبعة عينيها لكنزة لي كتجري مارجعاتش تلفتاتت حتى اختافات عند نضرها عاد طلعااات هند حادرة رااسها وطلع هو موراها...

اما كنزة فلتاات كتجري بالخلعة شادة فكرشها عاطياها الحرييق بجهههد حتى وقفات ورا الطوموبيل ديال الموقف تحناات جالسة كتنفس حاطة راسها عليها كلها كتهززز كتننهج عرقااانة بالجري بقات كتشوف فيهم كيطلعو فالبنات ويقلبو واش شي حد ناقص...حتى كيبان ليها شي واحد خارجة مع الباطرونة القب على راسو بدجااكييت بحالا كيطيح عليه الثلج كلو ملتم صغراات شوفة واالو واش بان ليها وهي تجبد تيليفون قطعةت الفيديو للي كانت كتسجل ودخلات للكاميرة كتزوومي علييه وهو كيتحرك ويتبربص برااسو حتى وقف فواحد جيهة عاد زومات علييه مزيان شادة غير عينيه ماعرفاتوش شكوون ولكن صورااتو وخبات عندها تيليفون حتى بان ليها الكار تحرك بييهم غادييين وهي تجبدو تاني صوراات اللوحة ديالو من الخلف حتى مشاا ومشات موراه طوموبيلات ديال لباطرونة ولاخرين لي معاها.....

عاد خرجات كنزة من تما شادة صدرها كتنفس و تصونيو لعماد لي شحفهل بالتعيااط...حتى جاوبها....

عماد : فيينك اناا دخلت لاوطيل خرجي عندي ولا نجي عنندك..فيينك نتي ؟؟

تبسمات اسماء وقلبات منو عينيها دغيا كتلف الشوفة مارجعاتش شافت فييه زنكها بكلامو حتى دخلات للحاجة مشغولة هزات اعواد الند وخرجات واسماء كملت شغلها ومحمد واقف عليها كيدوق ليها من كل حاجة قاصت فيها وهي واكلها لسانها بغات تعاود ليه اشنو شاف حتى تلفتات عندو بهمس...

اسماء : محمد ...بغيت نقوليك شي حاجة...

حرك راسو بايجاب كيمسح فايدييه..

محند :ممم قولي...كنسمع..

بهمس شافت وراها ورجعاات شافت فيه كتعاود لييه بالتفصيل اشنو وقع معاها...وهو ككسيمع ليها حتى بان ليه شعرها شوية كيطل علييه ومد ايديه دخلو ليها تحت زيف حادر عينيه فيها وهي معلياهم فيه..

محمد بهدوء لاعب بعقلها : عادي غير تخلعتي حاجة عادية كتوقع لاي واحد ماتشوفيش رااسك فشكل وتخايلي شي حوايج ماكينينش عادي هادشي....بحالك انا واقعة ليا كنشوف الواليدة مرة كتعيط ليا مرة كنتخايل دازت من جنبي عادي حيدي من بالك هادشي حاولي تشغلي راسك وتنسااي....(جمع حجبانو بتساؤل)صلاتك فالوقت ياك ؟

اسماء بتأكيد : ااه فوقتها والله ماكنفوتها..

محمد : ادكارك..اللي عطيتك...!!

اسماء : حتى هوما واخا كنساهم كنعاود نقولهم من لول مهم ماكيدوزش النهار بلاما ندكرهم...

محمد : مزيااان...(باس على راسها غيخرج)ماديريش بالك محمية من عند الله عز وجل خوي راسك من هادشي...يلاه رخفي شوية ماتعدبيش راسك حتى تخوا صالة ودخلي عندهم...

حركات راسها باه ومشى خرج شوية وهي تدخل عندها الحاجة وحتى غيثة وراها كتهضر مع اسماء عادي فحين هاد الاخيرة باقة شادة فخارطها من جيهتها كتجاوبها غير باه لا لا ااه..

غيثة : كيف جاك الزواج...واخا راه مكيبان حتى طول العشرة ههه

اسماء : الحمد الله كلشي مزيان..

غيثة باغة تجبدها فالكلام: مهلي فيك راجلك راه ولد ناس كون تشوفي اشنو دار على جدو..وحتى هو ولا مقطر ليه من عينييه غير الله يهدي القلووب وصافي..

اسماء بهدوء : داكشي لي كاين...

فقصاتها وغيثة مارشااتش كيفاش قالبة عليها وجهها وهي تضور عند الحاجة كضحك مسمعة لاسماء...

غيثة : اية تفاهمت ليا مع اسرااء خليتها شادة معاها تيليفون البنت بعقلها تباارك الله..عبقرية وفهيمة...عاونتها وعطاتها المعلومات لي كتقلب عليهم..

الحاجة : الحمد الله الله يكمل عليهم..

حدراات اسماء راسها كتصنت ليهم بهدوء من كلامهم فهمت بلي اسراء حتى هي كاانت فالكلينيك عند جدو..تزيرت ولات كتنهز النفس بسررعة كبيييرة وخدودهاا غيتعصرو بالحمورية ...بدات غير كتفتف كتشقى بلا عقل حتى مابقاتش قادرة توقف حداهم مزياان...خلات كلشي ونزلات دايرة السبة بالحمام تخشاات فبيتها شادة على جنابها كتمشي وتجي دايخة تلجم ليها لسان ....

حتى نزل عندها محمد كان كيقلب عليها لقاها فالبيت..

محمد : لابغيتي تجلسي معاهم طلعي صالة خاوية...ماتبقايش كالسة بوحدك هنا...

بزز هضرات عيات تشد لسانها صدرها تحررق عليها باغة غير تبرد نفسها...

اسماء : ماقلتيش ليا حتى اسراء غتمشي تشوف جدك ليوم..ع علاش ماقلتيش ليا غتجي عندكم..

محمد زول الشوميز ولبس قبية رمايدة من الفوق وهي كتشوف فيه...

محمد : اش عرفني فيها فشكون غيجي الله يهدييك....ومن بعد جات مع العائلة ديالها شافوه ومشاو...

اسماء كتغلي فقصها ب برودتو : لا قلت زعما داكشي علاش واقيلا ماخليتينيش نمشي معاهم لعند جددك..خفتيني نتلقى معاها زعما راه واخا نجلس حداها غير هي ماتجمع بيناتنا حتى شوفة مابقى غير نهضر معاها...

محمد عقدرحجبانو كيشوف فيها قالب سيفتو : ااش هاد الكلام ا اسماء؟

اسماء بدون شعوور : مافهمتش اشنو جابها لعند جدك لكلينييك علاش زعما ؟

تنهد فاهم منحنى الهضرة فين غيديهم وهو يضور ايديه على كتفها ظرعها غادي مخرجها حتى نتراات منو ورجعت لوور مبعدة عليه طرييقة مفرووشة خلاتو عاز حجبانو فيها كتسووط ماحاساش براسها..

اسماء تعصباات : بغيت غيير نعرف..هادي اشنو مزاال باغة علااش كتقلب..باشمن صفة غتمشي عند جدك امحمد اشنو مزال بينااتكم ؟؟

رجعات اسراء مع رقية وعبد الكرييم للدار كيتعاودي واسراء الطريق كلها وهي كتشوف فالتيليفون طالعة نازلة وميساج المهدي مزال معلق لفوق خلات راسها طالعة ليه اونلاين بلاما تجاوبو...

رقية : ماسحابتنيش عائلتو هكا..كبييرة مشااء الله الكولوار عمر غير بيهم ...هه هادوك كاملين غادين عند الحاجة ههه خاصهم اوطيل على هاد االحساب ههه

عبد الكريم : تيساع فالخاطر ....تلقاي العائلة كلها واقفة فجبنك هكااك اشنو يطلب الانسان ثاني..

رقية : عندك الحق غير جاوني كثاار تبارك الله ههه وكيتشابهو اما محمد غيير جدو سبحان الله تقول نسخة كاملة..

اسرا تبسماات شاهية : بصح كيشبه ليه..

وقفات الطوموبيل قدام الباب ونزلت اسرااء بسرعة ددخلت لبييتها سدات عليها وشعلت داخلة لولتسااب كتقرا فالميساج ديال المهدي وتعاود مبسمة....

المهدي : اونلاين لا سلام لا ميساج ياك ههه...

غير شافتو وهو يبان ليها كيكتب تاني وسيفط ليها ديك ساعة...

المهدي : غير كنضحك معاك...نتي صافا محمد هاني الفنكوشة بخير....

اسراء تكتب : سمحلي كنن مشغول عاد قدرت ندخل...نتا بخيير لباس عليك..

المهدي : الحمد الله ونتي صافا ؟

اسراء كتبكتب: مابقيتش كنحس براسي بخيير..انا ماشي هي هاديك..واش صاحبك هكاك داير ولا غير انا كيتعامل معايا بهاد الشكل المهدي..

المهيد : اسماء شنو واقع ؟مالكي ! شنو دار ليك..

اسراء : نتا عارف جدو مريض قالكلينيك ياك ؟

المهدي : وي عاارف علااش

اسراء : ماخلانيش نمشي مع الحاجة نشوفو تخاايل..حبسني من دون كلشي علاش يحبسني شنو درت لييه اشنو فيها ايلا بغييت نشوفو

المهدي : عادي يمكن دنيا مخلطة ماخلاكش تمشي نمديريش فباالك ...شنو درنا فالمشروع لقيت ليك واحد الفكرة نااضية ؟

اسراء قليبت عينيها بملل : من بعد ونهضرو فييه ممكن انا دابا مامرتاحاش ماعنديش الخاطر نهضر فالمشروع امهدي عفاك..

المهدي : داكوغ على خاطرك.. عرفتي شنو يلاتي نوريك واحد الحاجة لقيتها عندي ايلا تفكريتيها هههه نعرفك كاينة

كتبات ليه واخا وبدات كتسنى حتى سيفط ليه سبعة تصاور بسرعة دخلات شافتهم وهي تحل عينييها بدهههشة كضحححك وتقلب فيهم كانو تصاورو مع اسماء ملي كان لحق عليها باكادير...هاهونا،فالمافي فالبيسين خارجيين كيتسارااو فامادير..

المهدي : عقلتي على هادو ههه...

اسراء : اه ههههه عقلت عليهم..صراحة احسن ايام دوزت والله..ماكنكدبش عليك امهدي هاد احسن ايام عندي..

المهدي :حتى انا مابغيتش نمسحهم احسن وقت دوزتو مابغيتوش يمشي من عندي...

اسراء : مزال محافظ بيهم امهدي..وااو صدمتيني فخبارك ههه..

كيبان ايها كيكتب وكيرجع يمسح بحالا باغي يسيفط شي حاجة ومتردد فيها فالاخر كتب ليها...

المهدي : محتافظ باي حاجة كتخصك...

سدات تيلفةن ماجوباتوش مبسممة بفرررحة عينيها لمعو واصلة لاشنو بغاات حتى سمعات ميساج اخر كاتب فيه..

المهدي :اسماء..مزال معاياا..نعستي تاني ههه

اسراء : انا معاك ههه ولكن حاسة براسي غنعس دابا ههه

المهدي : داكووغ بون دودو ههه...عنداك تحلمي بيا تاني..

اسراء ماتفكرنييش معرفتش علاش كنحلم بيك كل نهار ههههه

المهدي : شغلت بالك لهاد درجة..!

اسراء كتبات ليه دغيا هريانة من الجواب زعما حشمات: انا غنعس ههه..

سيفط ليها ايموجي كيضحك وجنبو قلب احمر..ةهي تبسم وطفات تيليفون وناضت نقلاا الكونفيرساسيون بيناتهم كلها فالبيسي كتخزنهم تما عاد رجعات تكات فبلاصتها....!!

يتبع...