حمام الخلا الجزء التاسع

قدام اوطيل بابو زجاجي بالبيض والزرق الطوموبيلات داخليين خارجين منو وليكارد كور قدام الباب واقفين....وقفات طوموبيل دكنزة وحيدات سمطة كتجبد وتفوه بعياء واسماء حتى هي بحالها جبدات قرعة الما كتشرب وتطل على تسنييم لور ناعسة بالعيى ماحلاتش عينيها طول طريق...

اسناء: نعساات معدبة ياختي فف تسنييم....فيقي اماما نوضي وصلنا ...

كنزة:غير خليها نااعسة ماعندها ماتفيق ديير...بقاي هنا نشوف شي شومبر ولا سوييت نجلسو فيه هاد يومين بيدما طلعنا لشااون...

اسماء: غير بغيتي نطلعو لشاون نزلنا دابا لاكادير كيغنديرو نطلعو ختى لتما خاصنا طريق اخرى ...نمشييو لمراكش بعدا قرب من اكادير ماشي بحال طنجة..

كنزة:انا غير على قبلك شوفي نديرو واحد القضية حتى حنا غير نديماريو طوموبيل فينما عجبنا نمشييو سيمانة ديالنا....خليني نشوف دابا شي سوييت راسي كيطييح بنعاس نتي راك طريق كاملة ونتي ناعسة

اسماء بشك :ولكن سوييت اختي نتي جاوك فلوسو..

كنزة:مالنا اختي خارجين مرة فالعام نمشي نتخنق فالكرا خلينا فالاوطيل حسن كلشي على حساابهم...

اسماء :ماشي هكاك غاالي بزاف ... واش زعنا دبي هادشي كامل عطاتو ليك زعما زعما..

كنزة:ايوا مالكي يحسابليك داك التعياط والتيليفون وتجرجير فالوراق كنطلع منو فابور راه كل بنت كنربح مورااها فلوس صحيحة ايلا ماوصلاتش لستة لمليون لوحدة والله لااحكطت رجليها تما..

اسماء:ستة المليون اويليي !!!

كنزة:ماشي هي لي كتعطيها ليا..الناس اللي كيطلبوهم ليا تما هوما لي كيسيفطو ليا الفلوس كنصرفها هنا كتطلع ليا منها ستة دالمليون مغربية فالارامات راه العملة عندهم طاالعة عدنا ونزييدك كل عام كنسيفط كمر من عشرين ولا تلاتيين بنت كانزلش عليها راه قلت لييك يلاه تخدمي فشي صالون طاااايرة كيبغيو تما زيين والواجهة فالصالونات كبار حيت الكليان فاش كيجي كيشوفك نتي لولا عاد يحط رااسك بين ايدييك وملي تحمري لمول صالون الوجه وتعجبيه فالكليانات غاوجدي جيوبك يعيشك فالخيير خلااص لا شيديت فشي خليجي مرفح شي رجل اعمال ولا شي واحد صحييح تما (تنهداات مطولة) اودي...مالقييتش معامن...

اسماء:علاش اختي اش غتبقاي ديري هنا ايلا كان غيير هكا... سيري والله العضييم...

كنزة : علااه انا كرهت نهار فرحت و وجدت راسي بغييت نمشي ماشي با جلس ليا فالباب كيحلف ويعاود لاخرجت وباش زاد كمل زادني بالسخط ايوا حدرت رااسي وجلست راه قالتها لييك ماما..كنت باغة نمشي دااك العام...بغيت نمشي زعما غير واحد العامين نجمع شي راس المال نصرفو هنا فالمغرب وندير شي مشروع حلاوتي اختي غير فشي صالون ولا قهوة ندخل ليها الخدام ونرتاح من السيمانة لسيمانة نزل ناخد الحساب..

اسماء: ماقالتش ليا مامت...كنسول عليك كتقول ليا راه باغة تمشي لامارات وتسكت...و وزعما ايلا بغيت نمشي اش خاصني نديير

كنزة:دخلت علييك بالله تمشي زعما..

اسماء:غير قلت ماتشديش ليا فيها تاني غير مثلا

كنزة:وااالو تاحااجة ماتخصك غتعطيني لاكارط ناسيونال وصافي وتكاي مع راسك حتى نقوليك نوضي تكعدي يلاه....ااش ان لييك

اسماء: خليني تانشوف دابا ماعندي مشيان..وبابا شنو غنديرو معاه..

كنزة : حريرتو حريرة هاداك ولكن نشوفو كينديرو نتي عزيزة علييه مايخسرش لييك ولابغى يمشي معانا غير يمشي راه ماغنديروش حاجة الحرام يشوف على عينييه ويرجع....

اسماء: ماحسابتنييش هكا والله

كنزة:هادشي غير شويا من بزااف..يلااه

نزلات كنزة هي لولا من الطوموبيل دخلات للاوطيل واسماء ضارت عند تسنيم كتفيق فيها بشويا حتى نااضت مبوقة بنعاس بحال شي سراق الزييت سايط فيه ريح غطيح بنعاس حتى رجعات عندهم كنزة معاها سيرفور طلع ليهم ليفالييز للسويت ديالهم ونزلات اسناء هزات عندها تسنييم كتبوس على جبهتها وراسها وخدودها وهي حمرررة ومزنكة من واحد جيهة فوجهها كانت ناعسة عليها ودخلو مباشرة للاسانسور طلعو للسويت ديالهم خلا ليهم سيرفور ليفاليز ونزل واسماء مشاات للطيراس كتطل على البيسين لتحث فين كانو ناس كيترولاكساو واللي لداخل فلابيسين بدوبياس وليكوبل والشباب شادين العصير فايديهم كيشطحو على موسقى بوب منشطة الجو وعاطياااه منضر النشااط والروايح وناس مصيفة كيبانو ليها كلهم ناشطين وفرحانيين كسضحكو وراحة البال باينة فوجهها حسات براسها بوحدها...وحدها وسط هاد ناس كاامليين لي غارقة فهموم دنيا وديين اي جيهة توكلات عليها وحطلت عليها رااس كتلقاها عوجة من جييه ومفشكلة....

اسماء : شوفي هاديك البنت كيفاش كضحك وضاربة دنيا بركلة وهادو درااري لي لهييه حتى هوما ناشطين ولاعبين مع بعضياتهم وااش مرتاحين الباال ولا ماعندهمش الهموم وماعندهم حتى مشكل فالحياة واش غير انا اللي غرقت فاهم والغم واش هذا نصيبي فالدنيا ولا غير انا لي مغرقة راسي فيه....حالتي كيف ولات فيناهي اسماء مولات الشعر المسبسب والصبايغ على الاشكاال والنقى واللبس والهضرة والكلام الحلو فييناهي اسماء لي راسها هو لول وتا كلمة ماتقلقها ولا تخسر خاطرها ياك كلمة المطلقة الدرب لي دازت كنو يشيرو عليها بحالا مكتوبة فجبهتها ياك مافلتاتش من سم العيالات وحسد الصحابات وكلام المكابيت ورا ضهرها واخا تلبس لي لبسات و واخا تغطى بالكلحف ميقيلوهاش...علاش هازة هم دنيا لهاد درجة واش تايقة فالله غير باللسان وقلبي بعييد علييه..ياك المكتاب فرزقي عند ربي كيتكتب علاش انا هازة ليه الهم ياك ربي كاتب ليا طريقي وكيخلصني على قد نيتي... علاش مانضربش دنيا بركلة كيف هاد ناس كامليين علاش حتى انا مانضحكش ونشط ومولاها ربي حقي فدنيا كنعيشو بخيبو وبزيينو....

حدرات رااسها والدمعة قطرات من عينيها حتى لتحت عندهم وهي تعلي راسها لفوق حابسة دموعها مايزيدوش ينزلو تاني ودخلاات كتسمع صوت الما من الحمان عرفانها كنزة دخلات تدوش وتسنييم حلات عينيها وتوكضاات تزاد معايا وزاد عليها الضو والكبيعة وريحة زويينة فالسويت مطلوقة والبلازمة قد الحيط قاادمها شدات مونيكتها وقفات قدامها حالة فمها وعينيهاا فيها ...

تسنيم:ماما شوفي مشة كبر مني واااو

اسماء: التلفازة لي كبيرة اماما مااشي المشة ههههه

تسنيم : واش هذا وقت ديال الغدا

اسماء:لا ديال كسكروط جعتي ؟

تسنيم:سالة العم جدو بغييت نشوفو واش بادي

اسنتء : بلاتي تخرج خالتك تصاوبو ليك انا ماكنعرفش ليه اكبييدة اجي نبدل لبسي ديك لكسييوة زويينة عرفتيها لي شرات ليك خاالتك هادييك الحمرة

تستيم:واخاا..واش غنبقاو ساكنيين هنا..هادي هي دارنا ماغنمشيوش لدارنا لاخرا لي غتجي فيها سارة..

اسماء: لاا ههه عجبك زويين هنا

تسنيم: ااه زوين وكبير بزااف بزااف..و واش حتى عمو ديال الالعاب غيجي عدنا

اسماء:لا ههه واجي نلبسك باش نخرج بنتي نضورها اكادير زيدي..

حتى بدا كيصوني تليفونها وهي تعقدهم فاش شافت نااصر جهدات تلفازة لتسنييم وخرجات للطيراس جوبااتو..

اسماء : ااش كااين ؟؟

ناصر:كاااين الق/لاوي ابنت الق/حبة ايلاا ما فرعت زاام/ل بوك مااشي ناصر ولد مينة هادشي ما فجهد ديلمك ديري هادشي علاش قديتي

اسماء:مالك عوتاني ااشنو درت رااه ماكنتش مساالية مجاوبتكش يلاه ساليت ااش بغيتي مالك كتغوت تاني

ناصر : ناكرة ابنت القح/بة دايرة مافراسك نمايتعاااود ماكنتييش مسالية كنتي كتحطي لبااك المزيييودة ردعتينيي زعما مسيفطاه ليا هنا ماغنديرش دااكشي لي على بالي وبااالك

اسماء:ااش كتخربق مافخباري والو

ناصر:واا الله ينعل وااالديين اصل مممم ابنت الق=حبة بااغة غير تفكي مني انا غنوري لزااام=ل بووك برررب ومتحمعتي ك/رك معايا وماحدرتي رااسك تا نفضهم لقح/بة ممك مسيطفة ليا بااك هنا كيتححل عليا مجاااش قدي جاني قد الواااليييد نن

ماخلاتوش كمل كلامو وهي تقطع تيلييفون فوجهو ودوزات نمرة الحاجة ماماها فديك ساعة لقات الصولد تقااداا وهي تلوح ومشات لتيليفون كنزة لي كانت خارجة من دوش

اسماء:عطيني تيلييفونك فيه صولد

كنزة:فييه مااالك

اسماء:غييير ارييه (حلاتو ومداتو ليها وعيطات على مها وهي تجاوبها بالغواات)

الحاجة:درتييها ااابنت الحراام وصلتييها ليييه وااخا دوييت معاك درتي لي فاااسك واااقتلييه وجلسي قتلييه

اسماء:اسمااء هادي اماما مالكي ااشنوو قاالت

الحاجة:فيناهيا ديك جنية وتي رااا باك ساق الخبار لداك الشمكار كيجي عدنا ومشى لييه حييح عليه تما فرج فييه الناس كامليين ولاو فييه عشرة غلبني وغلب خوتك ماخلا ما قاال ليه تاحشمو وسدو عليه مابقاوش خرجو عندنا وخوتك راه بجوج خرجو من الدار خلاو ليا غير العيالاات ماعرفناهم فيين صدو....

اسماء لصقات فيها كنزة كتصنت : و فيين مشاو.....اشنو قاليه باابا شنو قاليه..

االحاجة:اااش غنقولليك شوهة صاافي ماعرت ليهم فين مشاااو زف عليهم بااك وجرا عليهم بجوج راك عارفاه فاش كيتعصب مايقدر عليه غير اللي خلقو كون ما داك دوا رادعو مايجلسش ومايشدش لرض بغى يتسطى ويلوح الحوايج فاش قلتيه راه باغين يرجعوك

اسماء:اويلي شتي قلتها لييك خلينيا نقولوها لبا خزنتي تاعيتيي هاهو ساق الخبار انا راه مابغيتش نخزن علييه نتوما اللي ضاربين طم...وهاهو عرف..

الحاجة:ودابا صاافي فات الفوت راه غضب علينا والله مابغى يتغدا وخاصو يشري دواااه مصيبة صاافي

اسماء:انا غنهضر معاه صافي اماما ماتعصبييش رااسك انا غنعيط ليه....

قطعات مع الحااجة وكنزة لاصقة فييها حالة عينبها وفمها مصدوومة..

كنزة: ناري وصلاتو لخباار

اسماء:مصيييبة كحلة هااادي نهار لول قلتليكم قولوها لييييه فكوها دابا اش غنقوليه انا ملي نصوني راه كنحشم منو مانقدرش نسمع معيورو غيسب ليا العروق غير سكتي..

تسنين:ماما اطيني تيليفون..

اسماء:سيري رااه هزييه.. مشا ليهم قالت ليا دار ليهم فضيييحة مابقاوش قاديين يعطييوه الوجه وزااد جرا على درااري بجوج خرجو من دار بقاو غير عيالااتهم مع ماماا..

كنزة:ايواا

اسماء:ايوا ماعرفت هادشي لي كاااين وداك الشمكار عيط لسا كيغوت ويسب (قاطع كلامها تسنييم جايبة ليها تيليفون كيصووني) دكر زرواطة يحضر الكلب ...الوووو مااالك ااش بغيتي تااني

ناصر: وااخا ابنت القح/بة غاا بلااتي عقلي على هاد تخزاز ايلا ماا حدرتي لزام/ل بوك رااسك ووجدتيييه ليا ودويتي مع باااك يحدر قمقمومو ولا نجي لزاام/ل بوكم كاامليين برررب لا بقى شي وااحد فييكم صحييح

اسماء: اييه ايييه جمع رااسك با بزاااف على اصل مك الحمار ...ايلا با الكلب بزااااف عليييك الشمكاار السكااايري ماتوصلوش وماتلحكوش شلل قمقمووومك نتااا نيييت بالسمن والعسسسل عااد جبدوو ووهضر علييك

كنزة كتجابد بغات تاخد ليها تيليفون مفقوصة واسماء مبعدة..

ناصر:رااا غنفرررع زااام/ل بوووك ابنت القح/بة را غنجي نعري ديلمك قداامك هادالمرة نح/ويك قدام ممممك ماشي بنتتتك

اسماء:ايلا قدرتي ارويجل اجي ايلا قدرتي اشماتة تخاف غير نولييو حنا مكفرصيين علييك والله والحمار تاع بوك تانخشي فييك قرعة واش حكرتيني ولا مااالك لقيتي مرييضة الكلب لقيتيي ماعندي لييك جههد وجي عندي داابا اجي هاني كنتسناك حشميتي بيا وليت نحشم نقول علييك اب بنتي وليت نحشم نقول مطلقة منك الله يخليك بالخلاا مسحتي تا خرااك وتجي تجبد با الحمااار لهلاا يحيييك

ناصر: ش شوفي شوفي شوفي شتي ااش غديري دخلي دخلي لواتساب نوريك واحد لعيبة زويينة غتعجبك دخلي

اسمااء:واااالمخيييير فترييكة واليدينمك ركبو غا ترجعي ليا ولا نشوهك ؟ غا حكو ليا زكي ولا نبكي ؟ واسييير تق/ود لوحهم حتى لجلاالة الملك اجي ايلا مكانتش عندك الكونيكسيون سيفطهم ليا انا نلوحهم يحساب ليك غتلوحهم نمشي نتاحر ولا نموت نبكي سيمانة ولا شهر ونوض ملقايا مع لمكابيت من واحد لواحد ولا معاك الشماتة يحسابلك ماغنربح واالو من الشووهة هزييت رجلي هزييتهم لاهوما نهزهم لرجااال ولا لييك الشماتة الكلب بلاتي صبر صبر عليا نشارجي ليك المكحط المكلخ العرووبي ولا بلاتي نوريك كيدير تلوحهم فالبورنو ماشي غير الفبسبوك..

قطعات عليه وبلوكاتو وحلسات كتطلع فالنفس وتنزلها وتسنييم كتبقلل فيها خلعاتها بقات غير كتشوف وكنظة مصدوومة من كلامها ماشدات منو تاكلمة مقادة ومافهمات منوو والو حتى بدات اسماء كضحك بجهههد وهي كتنننهج سخفانة بحالا كانت هازة الحطب على ضهرها وارتاحت فاش جبداتو من فوق ضهرها..

اسماء : كترة الهم كضحك هههه كرشي ضراااتنيي...ففف الله على راحة كان قاطع فيا النفس ولد الحرااام الله يعيطيه العدااب..

كنزة:ااش غيلوح اشمن شوهة هادي تااني...

ضلمة الييل طاحت بسرعة وكنزة مزالت غير جالسة فوق الفوطزي شادة على راسها بتخمام طريق تديها وطريق تجيبها مقابل مع اسكاء لي كانت فوق النامزسية كتفرج هي وتسنييم وتضحك....تا نطقات هي..

كنزة : ايلاا لاحهم ااش غنديرو ا اسمااء..

اسماء : فييه غير الهضرة مايقدرش يلوحهم..

كنزة:حتى التكرفيصة لي دار لييك كون هددك بيها من قبل نقولو مايقدرش ودارها وقدام بنتو عاد تصاور غيحن فييك..

اسماء:عارفاع ماغيرضاش يشوفوني دراري وصحابو فديك لحالة كيهدد غير بالخاوي شهر وهوما عندو مادار بيهم تا زمرة واخا عارف رجوعي ليه عمرو يحلم بييه..

كنزة:نخاف غير يديرها بصح ويلوحوهم فين غتعطي وجههك وتاحد ماغيرحمك شكون غيقول ماكديرهاش مع واخد خور كلشي بنادم غياخد علييك نضرة خايبة..وهو عارفك ماراجعاش ليه خصوصا دابا لي عرف بابا ماعندو مايخسر

اسماء:ماغييقدرش يدييرها والدليل هانتي شفتيه شهر وهو كيمشي ويجي عليا هو نهار لول فاش وراهم ليا قاليا غنجي وتقولي اه وترجعي ليا و واخا كان كيجي ماكنتش اصلا كنخرج عندو مالو مالااحهمش...نعسي غير نعسي راه ماغيقدر يدير تازمرة فيه غير الهضرة...

كنزة:وايلا لاحهم والمغرب ديالنا تبارك الله كيموت على شي حاجة سميتها الفضييحة ففف ماقاادراش حتى نتخاايلها..

________

🌟صباح الغد كانت بين الناس لي داخلين خارجين للاوطيل ولي غاديين للقهوة ديالو يفطرو والسياح اشكال انواع غادين جايين بالكرطابل فوق ضهرهم تمات جاية اسماء بكسيوة شيبية باردة كتافها طايحيين بلا سمطة وطويلة تالتحت مفتوحة حتى لصيقانها من جناب بجوج مع صنداالة بسيمطاكان طالعة مصبغة ضفرانها بالحمر طالقة شعرها على طتافها كيمشي ويجي وطربوش على شكل دائرة كبير فوق راسها ونضاضر كحلين جارة فايديها تسنيم غير بتيشورت وشورط دجيين وصندالة حتى هي وكنزة كوراها بدوبيااس و شبكة من لفوق طوييلة غادا كتشووف فيها وفهاد الشخصية الجديدية لي جات بيها لاكادير ولي كتحاول تصطانعها...سااهية فكلام ختها اللي صدماتها بيه الباارح ليل كامل بلا نعاس فكرة تديها وفكرة تجيييبها حتى جلسو على رولاكس واسماء جرات صاكها كتقلب فييه..

اسماء: لله ياربي نسيت دوايا لفوق ااش جاب مايطلعني

كنزةلا راه هزيتو لييك فداك الصاك صغيير....جاك الحريق تاني..

اسماء : راسي غيطرطق ولكن ولفتو غير اري نشربو واخا مكيدير ليا واالو....

كنزة : اشنو غديري دابا مافكرتيش

اسماء:فاش ؟

كنزة:مع دااك الحمار والتصاور لي عندو ااش غيدير..

اسماء : جهدو يديرو مابقاش كيهمني بغا يلوحهم خلييه يلوحهم (شربات دواها ) صوريني منضر غزاال هنا..شعري مقاد؟

حركات كنزة راسها بايجاب غير كترمش فييها تالفة وداايخة ماعرفات ماتقول وا شنو كدير وهي كتشوف فيها كضحك...ناغرفتها ضحكة الفرحة ولا ضحكة القرحة...خلاتها كتقاد قدامها وصوراتها وحدة مورا وحدة

كنزة:قاديي فمك ..

اسماء: هاني مضاحكاش اصلاا ..

كنزة:كيبان فشكل(نزلات تيليفون كتشووف فيها ميبااشرة) ضووري هكا...واش منفوخة لك ضرسة..

اسماء:لاا

كنزة:بحالاا مايل لييك لواحد جيهة....غير فمك اللي طايح ليك شويا مهم تقادي تقادي..

صوراتها تااني وهي تصيفطهم ليها ديك ساعة وهي كتشوف فيهم وتقاد ايلا ماكين تقااد فحين كنزة حتى هي شدات تيليفونها كتضور فيه بملل حتى بانت ليها اسماء حطات سطوري وهي تدخل لقاتها حاطة التصاور لي عاد خدات ليها..

كنزة:حطييتيهم فالسطوري...

اسماء:ممم ماعندي حتى حد فالكونطاك قلال لي غيشوفوهم..

كنزة: ش شكوون عندك فالكونطاك..

اسماء عرفاتها داوية عليه وزفراات : غير حيديه من بالك مامدخلاهش لكونطاك اصلا..

حركات راسها بايجاب وهوما جالسين شوية ناضت اسماء دات تسنيم وبقات مقابلاها وهي كتلعب فالما مع الوليدات الصغار فرحانة كضور ضور زتجي تعنقها بالفرحة زعما جابتها لهنا...وكنزة غير كتشوف طاح ليها المورال وعقلها داخ ليها مع اسماء نعسات فشكل وصبحات شكل ااخر واش لهاد درجة ممكن يتغير الانسان مابين ليلة ونهار يبات فحال ويصبح فحاال؟؟

واحد اللحضة بانت ليها متهضر وتبسم ماعرفانهاش معانن كتهضر ومازعمااتش تنوض تجسس عليها فحين اسماء غير شافت اتصال المهدي تبسماات بحالا وصلات لاشنوو من لول بغااتو ودوزات الخط..

اسماء:آلوو ..

المهدي: كنقوول الواتساب عندي منور ليووم قولي الجهد مننك..

اسماء:يااك ههه

المهدي: يخليلي ضحيكة صباح الخيير صافا

اسماء:الحمد الله ونتا

المهدي :فووق بخيير لي كيسمع هاد الصوت كيغايكوون..

اسماء: مكنبغييش نفطر بالعنب على صباح

المهدي: ياااك ههههههه مكرهتش شي فطور معااك فهاد الصباح

اسماء:اجي مرحباا

المهدي:غنديرها بصح وغنوض نشد عندك طرييق

اسماء:بصح معاك مرحبا ههه

المهظي: فري ؟ را غنجي

اسماء:ايوا شنو بغيتيني نرغبك بغيتي تجي مرحبا مابغيتي تجي بقا متبع سطوريات هههه

المهدي:فين نتي

اسماء:اكادير..

المهدي:شكون معاك

اسماء:ختي و بنتي علاش

المهدي:قلتي ليا نجي

اسماء: اللي بغيتي.

المهدي:من الخاطر ماعندي مايداار غنجي عندك دابا

اسماء:هههه ولاهيلا مرحبا ببييك مالي غنهزك فوق رااسي ايلا بغيتي تجي مرحبا ملي توصل قولها ليا نقوليك فين بالضبط..

المهدي: هاني جاي مكاينش طيارة من هنا لتما يااك

اسماء:غي بشويا عليك هههه ماغنهربش..

المهدي:ههه انا جاي علمي ختك وردي عليا.....

اسماء:ختي ماعندهاش المشكل خود راحتك..

رجعات هي وبنتها جلسو فوق الرولاكس..

اسماء:غنفطرو لداخل ولا غيخرجوه لينا

كنزة:لا غيجيبوه دابا تعطل كاع

حتى بان ليهم جا واحد السيرفور حط ليهم الفطور لتاني مرة حيت فطرو لداخل وغيعاودو يفطرو قدام البيسيين...كل واحدة فيهم عصيير وكرواصة وبانكيك صغاار فرماج اوملييط...فطور ميكس متنوع ولكن خفييف حطو ليهم قداامهم وتسنيم كتقطر بالماا مابغاتش تخرج ليها منو جلسات فلرض كتغبن باغة ترجع واسمااء هزات العصيير كتفطر وتشوف فتيلييفون حتى سمعات كنزة دوات..

كنزة:دويتي مع ماما

اسماء:لا ماشي ماما

كنزة:ااه يسحابلي دويتي معااها

اسماء: لاا ...هذا غير واحد الولد..

كنزةشكون ؟

اسماء:قاليك باغيني للزواج

كنزة:كيفاااش امتى قالها لييك..

اسماء:شحاااال هاادي راه ماعرفت شحال دازت عليها باغي يجي لدارنا وقلت ليه حتى نشوف دابا صباح شاف سطوريات ديالي وقالي نجي عندكم لهنا زعما وقلت جي غير بضحك دارها بصح وناض شد طريق عدنا..

كنزة:وتالدابا عاد كتقوليها ليا

اسماء:مابغيتيهش يجي نقولها لييه ماعنديش مشكل

كنزة:ماشي على المجياان مرحباا بييه ماغنهزوش على كتافي ولكن على زوااج ماقلتي ليا واالو

اسماء:حيت مكاين والو اصلاا يالاه مؤخرا باش شد فالموضوع

كنزة: ونتي باغااه..

اسماء:ماعرفتش حتى نشوف مزال مامتأكدة من جيهتو

كنزة:ومحمد

اسماء بانفعاال ساطت :مااالووو تااني

كنزة:كنهضر غير بشويا مالكي كنجبد سميتو كطيري عليا ماعرفتش منين نشدك شهر ونتي شادة الفرااش كتبكي غير حييت تخاصمتي معاااه ودابا كتقول ليا غنتزوج

اسماء: غير حييت تخاصمتي معاه شديت الفراااش يااك

كنزة:ايواا وعلااش لاكان غير تصاور براسك كتقولي ليا مامسوقااش يلوحهم ولا يجلس علاش داك البكى كاامل دابا خلينا منوو هاد عريس الغفلة شكون وولد من وااش كيديير

اسماء:صااحب محمد..

كنزة بسخرية: صاحبو ههه ...وتزوجي بصااحبو عادي...تشمي فيه ريحتو ههه

اسماء:مالي غنتزوج بيه هو ...صاحبو راه بعييد علييه بعد السمااء على لرررض..

كنزة: هاد العريس المغفول راه مافهمت فيه والو انا بين ليلة ونهار تانزل علييك قوليها بعدا غير لماما تكون فخباارها حشومة ماتقوليش ليها كنتي كتعرفييه قوليها شافنتي وعجبتو وخدا نمرة وصاافي....ايواا ولاش جاي هنااا

اسماء:راه قلت ليك شاف تصااور وقال ليا نجي ماقدرتش نردها فوجهو وقلت ليه جي

كنزة:صافي يدوز معانا نهار وكركبييه ماتبقايش نتي وياه راس فراااس شيطان كيحضر و..

اسماء:وااش من نيييتك عرفي راسك اش كتقولي اصحبتي

كنزة: معاودة ليه على ناصر

اسماء:مافخباارو وااالو عنداك تخرج من فمك شي كلمة..

كهزة:يا خوفي عليييك ياا خوفي علييك يلوح شي حااجة ماقادرين على صدمة اخرى يااربي دير شي تااويل ديال الخيير ياربي..

اسماء : شوفي بغا يلوحهم راه قلت لييك يلوحهم يدبر رااسو انا والله مابقيت مسوقة صافي غير يخلييه يلووحهم ياك مطلقة مطلقة وياك فعينيين كلشي خارجة للطريق ايواا صااافي مانبقاش هازاها على ضهري غير تقلييد غنديرها على قد فمهم ايلا لااحهم..

كنزة:ماااتبقايش تقولي لياا مامسوقاش فكري لديك المراة ايلا ساقت الخبار وداك راجل ايلا شافهم واش باغة تسييفطيهم للقبر ماتقولييش ليا مامسوقااااش

اسماء:ماغيديرهاش ماتخافيش

كنزة:اقسم بيميين الله حتى نقتلو ونمشي علييه الحبس ايلا داارها

اسماء : تخافي غير انا نسبقك لييه هههه...تسنييم اجي اماما دوقي هاد الحلوة زويينة اجي ولا ماغندييش تعوومي يلاه زييدي..غتنزلي تعومي؟

كنزة: غنبهط غير نفزك شويا ونطلع غنخرج دابا عندي شي شغل بالخف وجدي راسك نخرجو شويا نضورو فالمدينة..

اسماء:ماتعطلييش

كنزة:لاا لاا شوية وهانا معاك..

كملات فطورها وكنزة غير كتشوف فيها مسدودة ليها الشهية كتضور ديك الفورشيط فطبسييلها وعينيها ساهيين فاسماء مرعوبة....وخايفة... ولكن مناش غتخااف ؟ واش من هاد الضحكة اللي بانت على غفلة ؟ااش كيوقع معاهاا ؟ الغلط منها اللي ماقدرااتش تحفظ ختها وتعرف تقلباتها ...الخطأ منها اللي من نهار حضرات لعرسها قلبات عليها وكابقاتش تسول فيها سنيين كيتبدلو فيهم العقول ويتبدلو فيهم القلوب حتى ختها ولات برانية عليها وفكل مرة متخوفة من ردود فعلها...

تنهدااات بخننقة وشربات العصير اللي بقى حيدات بوليرو دالشبكة وناضت حتى تبعاتها تسنيم كتجري وهي تشد فايديها ومشاو للبيسين قاصت الما بشويا ونزلات بشويا بشويا حتى غطسات عاد ضارت جبدات عندها تسنيم هازااها فوق الما كتلعب معاها وعينيها على اسماء...كتفكر فاللي غاديرو ولكن متخوفة من ردة فعلها خايفة تخسرها بمرة وفنفس الوقت خايفة تبقى ساكة ومربعة ايديها كتشوف فيها كتدمر بشويا بشويا قدامها واخا كتبين ليها مامسوقاش وماكيهمهاش ليه يلوحهم ولكن متأكدة اي وحدة فبلاصتها غيوقع ليها نفس المشكلة غتححماااق بسبب الفضييحة...

لحظات وخرجات من تما جلسو شوية عاد طلعو للسوييت دخلات اسماء هي لولا دوشات لتسنيم وخرجاتها خلاتها مع كنزة كتلبس فيها جالسة فوق الناموسية مضارب كتنزل ليها الكسوة وهي شادة تيليفون كتعلب فييه..

كنزة:خليني نلبسك اتسنييم اري تيليفون لهنا..

تسنيم:بلاتي خسريتيني تئ ففف..

كنزة:اري اري لهنا لبسي الكسوة هي لولا..

تسنيم:انلبسها بوحدي راه كنعرف ..

كنزة:يلاه لبسي نشوف..

خدات ليها تيليفون وخلاتها معافرة معاها كتلبس فحين كنزة عينيها خارجيين فالحمام حاضية مع اسماء لاتخرج ودخلاات لتيليفون دغياا كتقلب على نمرة محمد عاقلة عليها كتسالا بسبعة وتسعين نزلات حتى لتحث كاااع كتقلب لحسن الحظ لقاتها من الاتصالات القدااام تقريباا شهر بااش صونى ليها وهي مامجاوباش دغيا خداتها وخرجات من تما حطات تيليفون وعاونت تسنييم تنزل الكسوة من عنقها باقا واحلة معااها وهي ايكسبري خلاتها واحلة فيها باش ماتفضحهاش مع اسماء عارفاها كتقول اي حاجة شافتها....

خرجات اسماء من الحمام حتى هي كتبري والحمام باين عليها خدودها حمريين مع الشمس لي برونزاتها فلبيسين جلسات كتلبس فحوايجها وتشووف فالمراية كتقيص فخدودها وحناطها باستغرااب..

اسماء:اجي كنزة اجي اجي..قربي لهنا

كنزة : مالك

اسماء:شوفي فالمراية نيشان..وجهك كيبقان مقاد وشوفي وجهي كي كيبان..

كنزة:قلتها ليك قبيلة واقيلا منفوخة ليك الضرسة حنكك كيبان عوج فالمرااية كثر من المباشرة...زعما هكا نيشان كتباني عادي غير شوية لي مايل ليك لواحد جيهة ولكن فالمراية بزاااف

اسماء:عاد ولا هكا اويلي عمري كاامل وانا خاشية وجهي فالمراية عمرو وقع ليا هكا..

كنزة:ماعرفتش والله واقيلا ضرسة ومع حريق راسك ماكتحسييش بيها نجيب ليك شي حاجة معايا من الفرماسيان ماشي حتى تنوض عليط ونبداو نقلبو على دواا..

اسماء:صاافي جيبي ايلا لقيتي شي حاجة عنداك تعطلي

كنزة:لا لا هاني جاية دابا....

طلقات الباليزة قدامها كتجبد فلباسها سروال دجين زرق مزيير وشوميز زيتية نص فصدرها كيبان خشاتها فييه عاد صندالة عاالية وطلقات شعر ونضاضر والماكياج هزات صااكها وجات خارجة تا لصقات فيها تسنيم..

كنزة:تانجي اخالتو ونخرجو انا غنجي دابا ماغنتعطللش..

تسنيم لصقاات فرجليها :لا لااا لا نمشي معااك عفاك عفاااك انمشي معااك

كنزة:صاافي انا غنجي دابا سبري اخالتو مانتعطلش ونديك فين بغيتي

اسماء متكية :ديها معاك ياك غتجي دابا غتبقى غير تهرنن ليا هنا

كنزة:غنجي دابا اصحبتي فين غاداا كااع

اسماء:ايوا ياك غادا غير للبنكة خليها تمشي معااك

كنزة:رااه غنرجع داباا غنجيبها غير مسخسخة مع النوبة والتسنية خليها معااك

تسنيم:لا لااا لا عفاكي عفاكي نمشي معااك والله ماندير البساالات عفاكي

اسماء:اجي اجي لهنا صافي سيري اكنزة خلييها

تسنيم بتمرد كتبكي :ولا لاااا نمشيي ااهى اهى اهه

اسماء بزعفة :اجي لهنااا دويييت معاااك

كنزة:صافي خليهاا غير خليها صاافي...يلااه

اسماء:لااا ماتديهااش معاك اريها لهنا صافي سيري تاتجي ونخرجو

كنزة:غير خليها كتبكي قلت ليك شديها بالخاطر ماشي سهلي عليها مالكي اويلي..يلااه..

شدات فايديها كانت يلاه ملبساها اصلا وماشطة ومقادة خرجاتها خلات اسماء كتغوت موراها تاعيات فالاخر تكات فبلاصتها كتنهج وكنزة نزلات فالاسانسور وطلعات لطوموبيلتها وتسنيم لور وهي ديماري وزاادت ماوقفات حتى وصلات لواحد القنت خاوية شوية عاد وقفااتها شادة تيليفون بايديها تالفة ودايخة وخايفة حتى من تسنيم لي موراها لانسمعها فالاخر خدمات ليها الموسيقى لي كتعجبها وخلاتهاا فالطوموبيل لداخل وهي حلات البااب خرجات رجليها ضايرة عندها..

كنزة:بقاي جالسة هنا انا غنجي دابا واخا اخالتو ماتحركيش من تماا...

حركات راسها بطاعة و نزلات وقفات غير حدا البااب حااضياها وجبدات تيليفون كتشوف فتسنيم كترمش فيها ببرائة ولكن ماكتسمعهاش حيت مطلعة عليها زااج ...

متوتررة وبارتبااك كتلعب بيه بين ايديها واش ديرها فايد الله وتعيط ولات تكمش تنهداااات قلبها كيضري بجهههد وشدات وجهها بين ايدييها تااالفة متكية على طوموبيل وافكارها مخربقييين ايلا صاقت ليها الخبار اسماء دوات مع محمد وشاركتو الموضووع غتحقد عليهاا ولكن وفنفس الوقت معامن غتهضر وتشاور وغير هي وياه اللي عارفيين اصل المشكل...

شجعات نفسها اخيرااا ودوزات رقمو بسرعة ماعطياش الفرصة لراسها فين تفكر ولا فين تراجع وهو لحضات وهو يجاوبها..

كنزة:دكتور محمد ...

محمد:وي مرحبا شكون معايا !

كنزة : انا كنزة امحمد عرفتيني..

محمد : وي كنزة عرفتك بخيير ؟

كنزة:حمد الله شكراا نتا لبااس عليك ؟

محمد:الحمد الله واش وقع معاكم شي مشكل..ياك لباس!

كنزة:لا لا وصلنا بخيير..غ غير بغيت نهضر معاك ا ايلا كنتي بوحدك عفاك

محمد:اهاه قولي كنسمع..

كنزة بتوتر:ب بغيت نق نقوليك شي حاجة ولكن ايلا كانت تبقى بيناااتنا مابغييت حتى حد يعرف حتى اسماء حتى حد مايعرف

محمد باهتمام : شنوو واااقع !!

كنزة : م ماعرفتش كيفاش غنبدا دخت والله العضييم

محمد:دخلي للموضوع نيشان..غير كّولي اش عندك ..

كنزة:مهم انا ماعرفتش هادشي امتى وقع ولكن اللي عارفة هو نهار قررات اسماء تدعي ناصر فداك الوقت على غفلة قالت ليا مابقيت بغييت ندعييه واخا عيت فيها نعرف علاش مابغاش تقول ليا وليوم بالصدفة عررررفت...كانت كتهضر مع ماما فالبييت وقع عندنا مشكل فالدار و..

بتلفة ودخول وخوح فالهضرة متوترة ومرتابكة وماعرفاو ماتقول لحسن الحظ لقات محمد متبت معاها وكيحاول يفهم حرف بحررف بشويا بشويا عليها وهي كتعاود ليها مع اللي عرفات وسمعات....

اما اسماء غير خرجات كنزة شدات تيليفون بين ايديها طالعة نازلة فالفيسبوك وليكروب حتى طلع ليها واحد البوسط فيه شي بنت كلشي كيهضر منها واللي فهمااتو انها مصورة فيديو مع شي واحد فوضعية ماشي تالهييه...كمية الكومونطيرات السيئة وخاصة على البنت غير متوقعععة شي كيضحك شي كيتشم شي كيسخر وداك الفيديو كلشي كيسول عليه وكلشي باغي يشوفو كاين اللي كيستغفر الله لناس لي باغين يشوفوه وكاين اللي كيلوحو ليهم بسهولة الفضيحة كتنتاشر وبسهولة كيرسمو سيناريو خاص بيهم وكل واحد يلغي بلغااه ماعرفينش الواقع من الخيال ولا الحقيقة من الكدوب حسات براسها تزيرات وصدرها تخنق عليها وهي تطفيه ولاحتو جنبها شادة على راسها وقلبها كيضرب بجهد ياك واعدت راسها تنسى يااك قاالت حتى هي غتضرب دنيا بركلة بحالها بحال هاد ناس هنا علاش مزال طتفكر مدام انه ربي اللي مكتبو عليها هو اللي غيوقع علاش مزال خايفة منو ؟..

زفرات نفس بجههد وناضت نزلات عليها الريديوات ورجعات نكات ناعسة يلاه بدات كتغمض عينيها بااش يديها نعاس وهي تقفز مخطوفة على صوت شي خبطة بجهههد هزات قلبها من بلاصتو وهي تهز راسها بنص عيين كتعيط...

اسماء:كنزة...كنزااا..ففف

ناضت من من ناظوسية كتقلب بعينيها بان ليها غير باب كواليط مكانش مسدود مزيان واخا مكان لا كولوندير اللي غيخبطو لا والو ماتسوقاتش وناضت سداتو بساقطة ورجعات نعسات مابقاتش كتعقل على رااسها ولفات نعاس والوقت اللي حطت فيه رااسها كتنعس..

كنزة كانت كزال واقفة حدا طوموبيل عاقدة حجبانها كتاكل فضفارها بتوتر مكمشة ملامح وجهها كتسمع فمحمد كيغوت باغي يخرج من تيليفون ...

كنزة:ماعرفتش والله العضييم ماقلت ليا والو راه من داك نهار وهي هكااك مابقاتش كاع باغة تهضر معاها قلت ليك غير بالصدفة عرفت بابا على صباح مشى ليهم للدار حيح علييهم وهو يعيط ليها ناصر واقيلا كان كيعاير فبابا علاش مشى ليهم للدار وهي ماصبراتش فاش عاير بابا وحطات لييه كلشي تما فيين عرفتو مصورها

محمد:هاااد تصاور اشنو فييهم لوحيهم ليا عطيهيم ليا نشوقهم

كنزة:ماعندييش والله حتى هي ماعندهاش راه عندو بوحدو ورااهم ليها نهار خلعهم بيها قالت ليا ما (بخجل ارتابكات) ماف مافيهم مايتشاف خاسرين بزااف انا مخالعنيش هاد تصاور حيت داكشي لي دار شماتة ماتصدمتش ملي عرفت صورها اللي خايفة منو هو لامشى لاحهم ديك ساعة غتقتل رااسها مافيهاااش

محمد:علااش غتغنقل رااسها كنقوول ليها افلانة اشنو كااين ليها ااش عندك وساكتة وحادرة ليه راس وخاايفة منيين ماعرفتش وهو الكلب اللي خاالعهااا هو اللي مسكتها بغييت نعرف غيير كيفااش..كيفااش عرفها باغة تدعييه شكون قالها لييه

كنزة:لاا ماشي على دعوة مافخباروش اصلا هي واش باغو دعييه قاليها يا ترجعي معايا ولا نشوهك بيهم وهو شادها من نقطة ضعها عارفها كتخاف من شوهة والفضييحة كيلعب عليها كييف بغات وهي خافت منو كل نهار كيجي عندنا للداار وهي ماكتخرجش عندو و واخا هكااك كاان كيتسناها ترجع لييه حتى ليوما بابا ساق ليه الخبار كيجي للدار بلا خبارو ومشى لييه كي قلت لييه تما نيس وااقيلا عرفها مستحيل ترجع وناض تاني كيهددها بيهم

محمد:اااش غيهدد واااش بزز ترجع ليييه....لواالديين مو حكرهاا حيت بوحدها ولا كيفاش سييبة واقعة فالبلااااد وهي ساكتة عليها وعلااش هي سااكتة علاش ماتقولهاش ليا ديك ساعة... علاش انا كتسيفط ليا فالميساجات كتتقول لياا ساعة غضب ما سااعة غضب وكتخربق عليا تمت تهضر نيييشااان وغنشووفو ديك ساعة وااش غيلوحهم ....انا غنهضر معااها قطعي قطعي دابا

كنزة:لااا لااا الله يرحم ليييك الواليديين امحمد ماتدويش معاها اويلي ااش باغي تقوليها وهي بزز بااش قالت ليا انا باش زادت كملاتها دابا من لبارح كتقول لياا انا مامسوقاش وايلا بغى يلوحهم يلوحهم خلعاتني كتهضر فشكل وضحك فشكل بحالا كتسنى فيهم يلوحهم ولا مانعرف باغا تحداه وانا عارفاه غيديرها يديرها ماخاسر واالو وماكيخاف من حد ايلا مشى حتى دارها والله حتى نحماق راني عارفاها كتموت من الفضيحة ومكترضاش والله حتى غتحمااطق امحمد انا ماغنقدرش نشوف تاني ختي كتمت عرق بعرررق قدامي(كتبكي) رااك حضرتي على كلشي وشفتي على عينييك بغات تموت وعلم الله دابا ايلا مشى شافوها ناس فديك الحالة اشنو غدير واشنو غيوقع فيها...

محمد : ماتخافيش ماعندو مايدير... يلوحهم بررب المعبووود تاندبحو من عرق للعررق...بغييت غير نعرف دابا تصاور اشنو فييهم اشنو كاين فييهم اشنو شاااد علييها مايمكنش ليا ندير شي حاجة وانا ماعارفش اشنوو فييهم

كنزةمافيبهم مايتشااف وصفات ليا اشنو فيهم مااااشفتهم ر..را..راه شادها ف فلقطة م مامزياناش خاسرة هي ماحساتش بييه وماعرفاتوش امتى خداهم ليها شنوو غندير امحمد الله يرحم باك قوليا غير اشنو نديير راني تلفت وتاحد مانقدر نشاورو نتا بوحدك لي معااودة ليك بوحدك اللي عارف اش كاين شنو غنديير...

محمد : فيينكم نتوما رجعتو للدار انا غدا جاي ..

كنزة:لاا حنا مزال فاكادير عجبها لحال هنا مابغاتش تمشي ش شوف عفااك ...ءء اايلا كنتي مزال نسافر ماترجعش غيير على قبلنا حتى ترجع على خاطرك ونشوفو اشنو غنديرو

محمد:كنت راجع ليوم وآجلتو لغدا دابا امتى غتجيو ...

كنزة: غنقوليها عندي شي خدمة ونرجعو خاصعا غير تبغي راه ولات وحدة اخرى انا وتلفاتني مابقيت عارفة شنو نشد معاها

محمد : واخا غنعاود نصوني لييك خلي تيلفونك شاعل نقدر نحتاجك انا غنشوف شنو غنديير ايلا لقيتي كيفاش دوك التصاور يوصلوني ضروري اكنزة خاصني نعرف اشنو فيهم

كنزة:مانقدر(بحدة قاطعها)

محمد:سمعنيي اكنزة ماتقولييش ليا مكنعرررفش سمعيي عارفيين اشنو وقع دييك ليلة ياااك وشفنا حالتها كيفاش كانت وقلتي هو مصورها يعني الصور ضروووري وماغيكون فيهم اثر الضرب ولاا العنف ولا شي حاجة فشكل... نقدرو هاد تصاور نقلبوهم علييه ايلا عرفنا كيفاااش ماغنبقاوش نتسناو ختك توافق تدعيه ايلا تسنيناها عمرها غتافق معاانا ديما الخوف غيبقى تابعها بتصاور ولا بلاا بيهم ختك راكب فيها الخوف من جيهتو واناا غنقطعو لوالديين مو

كنزة:وايلا لااحهم

محمد : حتى مانكونش انا ويلوحهم....

كنزة:صافي و واخا انا غنحاول نشوف كيفاش نديرو ونخليوه يسيفطهم لينا...شكراا بزااف سمح لياا ماكينش اللي غيعاوني من غييرك شكراا بزااف..

قطعات معاه ووقفات شحاال كتشوف فتيليفون محمد هو احسن تطبيق للمثال دوز على الهرهوري ما دوز على السكوتي.... كان كيبان ليها دروييش ومهدن طلع من العصبيين الكبار...تنهدات ورجعات للطوموبيل كتسمح فعينيهاا براحة اللي كاين محمد فضهرهم وتقدر تعول علييه...ديماراات وصاقت راجعة منين جات فطرييقها ناضت تسنييم كتجدب ليها فالطوموبيل بعدما شافت واحد البارك ديال الوليدات الصغاار وكنزة على وعدها وسعدها بلاصات طوموبيل ونزلاتها كتفرفر من ايديها باغة تلعب جلسات هي فواحد طبيلة بين الناس مقابلاها كتلعب ساهية....حتى حسات بالكرسي قدامها تحرك وشي حد جلس قدامها وتفلتات فييه كان رااجل واقف عليها بالكوستييم بالبلوروا وساعة جلدية كحلة فايديه صباط كلااص.... من شكلو ومضهرو مكيباان من هاد لونوطغاج طلعات فيه ونزلاات معلية خحبانها وهو قال بابتسامة..

_ممكن نحلس..

كنزة خنزرات : حلستي اصلا..

_سمحي ليا على هاد دخلة غير شفتك قبيلة كتبكي ومكقدرتش نصبر ونجي عندك..واش عندك شي مشكل

كنزة:امتى...وااش كنتي تاابعينيي..

_من الوقت اللي خرجتي من الاوطيل...

كنزة: صرييح مع راسك...باااشمن صفة اخويا تبعني..

_ايلا وافقتي طبعا وماكرهتتش نشربو شي حاجة وندويو..

طلعات فيه ونزلات بتفكييير حرك فضولها وبغات تعرف اش بغى وهي تنهد وحركات راسها بايجاب وهو يتبسم فوجهها وهز ايديه كيعط للسيرفور يجي لعندهم...

اسمااء فبيتها نااعسة حتى ضربات الفيقة على صوت الحلان فالباااب..تكعدات شوية بانت ليها كنزة دااخلة غير بوحدها وهي تعقد ححبانها وقالت عين مفتوحة وعين لا ....مبوقة بنعاس..

اسماء:جيتي فين تسنييم..

ماردااتش عليها ومشات نييشااان قربات عندها واسناء تكعدات...ومدات ليها ايديها بحالا بغات تعطيها شي حاجة واسماء حلات ايديها تاخدها متبعاها وهي مكمشة ايديها وسط راحت ايد اسمااطء وتا حلااتحلها مافيها واالوو وبدات كضحك بدون صوت غير سنانها اللي باينيين ورجعات مشات للناموسية اللي جنب اسمااء حلات عليها ونزلات كتحيد فصندلتها وشعرها مدلي عليها واسماء متبعاها باستغراب مطكتشوف فايديها....

اسماء : هههه ماالك اويلي هههه فيين تسنييم...

بهدوء علات فيها رااسها وهزات حجبانها كتشير ناحية بااب طوليط وتكات فوق النامزسية عاطياها بالضهر فحين اسماء رجعات حتى هي تكات مقلوبة بنعاس كتهضر...

اسماءماتخليهاش تفيقني عفااك يلاه داني نعااس شديها حدااك..

مرة اخرى مارداتش عليها شافت فيها مطولة ورجعات تكات و بسرعة داتها عينييها...

بعد مدة لتحث مع دخلة دالاوطيل كانت داخلة كنزة جنب نفس الراجل للي جلس معاها فالقهوة مبسم كتهضر معاه وضحك مرتاحة... وتسنيم كتقز فايديها هازة شي صاشيااات كلها مفدوشة ومرونة وشعرها ديل حصان ولا ديل حمار مع اللعب وتنقاطاز....سلمات عليه و ودعاتو وطلعات فالاسانسور بتعب كتضور فعنقها...

كنزة:شبعتي صافي كون ماجريتك بزز ماتجيش ليا

تسنيم هزات صبعها كتعوج عليها وضحك :لعبت غير شوييكيييكة

كنزة:داكشي كامل غبر شويكيكة واخا لمك تانديك ليها تفاهم معاك....

تحدرات باستها كضحك وخرجات مباشرة للسويت دياالهم ودخلات كتبان ليها كنزة مجبددة ناعسة حتى بدات كتفيق فيها وهي تحل عينيها مبوقة بنعاس كتشوف فيهم وكنزة جلسات مسخسة كتحيد فقاميجتها...

اسماء: منيين جيتو..و واش عازدتو خرجتو بلا بياا

كنزة:عاد جينا فين عاودنا خرجنا هههه

اسماء بحدية ناضت:يلاه دخلتي غير دابا شوية ونعستي لهيها حدايا واش عاودتو خرجتو ولا شنو

كنزة:بسم الله علييك هههه يلاه دخلت اويلي

اسماء:والله حتى داوية بصح دخلتي وسولتك على تسنيم حيت ماجبتيهاش معاك قلتي ليا فطواليط ونعستي تما مادويتيش معايا قلت حيت عيانة واقيلا ورجعت نعس

كنزة: غتخلعني اصحبتي وانا على سبة فيين دخلت وااش تسطيتي راه يلاه جينا ياكما حلمتي بيا ههه...ولا واقيلا غير جنون الوطيل كيرحبو بيك هههههه

ناضت مخرجة عينيها وقلبها كيضرب عارفة راسها وعاقلة انها مكاانتش كتحلم هي قادرة تفرق بين الحلم والحقيييقة واللي شافتو مكانش حلم ابدا...ولاات كترعد وبالخلعة غوتاات

اسماء:ماتحميقينييييش اكنننننزة ايلا خرجتي قوليها نيشااان راه يلااه دخلتي عليااا واش انا مالي مسطية شفتك ودويت معاك ونعسي لهيه راه قدامي... ماظويتيش معايا ومجاوبتينييش كااع وانا رجعت نعست اشمن كنحلم براكة من الضحك الباااسل...جيني نيشااان تسنيم عاودتو خرجتو ابنتي ياك دخلتي لطواليط وعاودتو خرجتو..

تسنيم ببرائة حركات راسها بلا :لاا اماماا انا لعبت فزعلولة كبيرة قداها قد دارنا و وبغيت نمشي طوالييط وداتني خالتو لطواليط ديال ظيك البلااصة لي فيها زعلولة كبيرة قدها قد دارنا ...

كنزة:عيقتيي والله العضيم ايلا عيقتي فين ما نهضر معاك كطيري علياا كلامي بحاال القطراان اشنو قلت انا كاااع دابا علاش كتغوتي يلاااه دخلت نزلي سولي تا داك الشيفور لي على برااا يقول ليك شحال من مرة دخلت...عيقتي عليااااا بالغوااات والله العضيييم...

مشاات كتسوط دخلاات للحماام خلاتها موراها جالسة فوق الناموسية كلها كترجف وتشوف مع جنابها بخوف و وسواااس خطييير سلاط على عقلها حتى خرجات كنزة عاقدهم ماكتشوفش جيهتها بمرة غير بشوورط قصيير وديباردور نفس الفورمة ديال اسماء مرسوومة وبارزة وكل حاجة فبلاصتها غير هي ضعيفة عليا شوية اسماء عااامرة وعموريتها زوينة ماشي فايضة كانت بنفس فورمة كنزة ولكن مع الولادة والزواج بان عليها وعمراات كثر....

تبعاتها بعينيها حتى مشات لفاليز ديالها كتقلب وتلوح فالحوااايج ...

كنزةماباغاش تخرجي بدلي حوايجك شوية وغيدوي العاصر ومغيبقى خروج

اسناء:بلاتي غير يجي راه قال ليا دخل لاكادير

كنزة:حنا غنبقاو نتسنااو فهاد زمر تايجي(جبدات فاليز اخرى كتقلب)

اسماء شافت فيها مطولو وعقداتهم تاهي :مغنخرجش معاك بحال هكا

كنزة : مالي علاش ؟

اسماء: مخنزرة هكااك مغنخرجش معااك

كنزة:لهلاا بقاي ناعسة تحلمي تا تخرج ليك هاد المرة مك ماشي انا

مشات كضور فالسوييت كل مرة دير حاجة تهز صاك تعاود تحطو تلبس وتحط وتجررب حتى سمعات الدقاان وحلات الباب لقات نادل مدخل ليهم الغدا جرات طبيلة من عندو ودخلاتها بوحدها حطاتها فالطيرااس وجلساات وتسنييم تابعاها فينما مشات جلسات قداامها كتغدا فحيين اسماء بقات غير كتشوف ملي ماحاشاتهاش لييها كنزة وجلسات تغدا بوحدها قلبات وجهها ودمعو عينيها بقا فيها الحاال وتزيراااات كتنخص حابسة الشهقة ماتطلعش ليها ولكن لسووء الحظ خرجات بغصة و وصلات لكنزة لي وحلات اللقمة ف فمهاا و دفعات الكرسي ناضت عندها لقاتها هكااك مزيييرة حمرة والدموع دايزين وهي تعقد حجبانها خلعااتها...

كنزة:مااالكي اويلي..اسما مااالك ؟

اسماء انفاجرات فوجهها :والله ماكدبت علييك والله حتى شفتك جيتي عندي ومابغيتيش دوي معايا ونعستي وخليتيني كيحساب لييك غير كنحلم عليك

كنزة : نحلف بلي خلقني حتى يلاه جيت ....دابا ماقلت والو يمكن تخايلتي راه كاينين بعض الاحلام كيجيو فصفة صح كتحسي بيهم راه بصح

اسماء باعتداار : غ غوت عليك غير بالخلعة م ماغوتش عليك بصح ماتقلقييش عليا

كنزة : ماقلت والوو صافي غير غوتي وخودي رااحتك غير ماتبكييش ما قلنا حتا ضحكتي شوية رجعتي للبكى تاني واصاافي(عنقااتها وهي واقفة ولاخرا جالسة كتبكي على خسرهاا وكنزة ضاحكة كتطبطب عليها) صاافي برااكة طيبتي دوك العينيين ماقلت ليك حتى حاجة دابا كتبكي غير هكااك اشنو قلت لييك انا

بعدات علييها كتمسح فجفون عيونها وكنزة جلسات جنبها...

كنزة:مسحتي فيا كاع خناينك باقة نتي هي نتي بكاية أد الدنيا...يلاه نتغدااو صاافي حينا نفوجو ماشي نتخاصمو ....شوفي شكون كيصوني بعداا

اسماء:انشووف...المهدي وصل واقيلا...

هزات تيليفوون كتهضر معاه وفعلا كان وصل قدام الاوطيل خلاتو كيتسنى لتحث وجلسات تغدا هي وكنزة حتى كملو على خااطرهم وكنزة كل مرة تخلعها بداكشي لي قالت ليها اسماء حتى ناضت من قدامها مشات تلبس حوايجها كي عادتها بالجلابة..هاد لمرة لبسات جلابة مخزانية بلون برونز ومنبتة بالعقييق من جيهة الصدر والدرعان جمعات شعرها بقراصة خلات غيير شي شعيرات نازليين وايكخون على وجهها كحلات عينيها مزيان تاعمراتهم وهزات رموشها بماسكارااا ومرطب شفايف فقط مع صندالة سامبل طالعو بسمطة مع صيقاتها العرياانين وساعة فايديها وخاتم خفييف وبراسلي مدهب ديال كنزة رشات ريحة ووقفات عند البااب كتهضر فالفون تا خرجات عندها روااييحها سابقيني المعري كثر من المغطي والشومييز مشبطة فاضحة كلشي جارة فايديها تسنيم مبدلة ليها الروينة لي دارت فراسها بزعلولة ونزلو فالاسانسور حتى لتحث خرجو نيشان للبااب فين كان واقف المهدي بشوورط دجيين وتيشورت بيضة مزيرة على صدرو باينة خادم علييه مزيان نضاضر على عينيها وتيليفون فايدييه كيتلف فيه ويتسنااهم..

كنزة:عو هاادااك

اسماء:مممم هو كيجااك ههه

كنزة:صرااحة الله مافييه مايتعاب زوين وفايت زين لهيه نشوفز غير الغقلية..شحال عندو من عام هادا

اسماء:ماعرفتش ولكن قريب لتلاتينات

كنزة:كبر منك بعدا مزياان...

اسماء:كبر مني تايعيا

كنزة:و محمد...(قبل ناتخنز فيها كملات) غ غير كنسول

اسماء:ماعرفتش واقيلا فتلاتينات بحال مرتو حتى هي قالت ليا الحاجة عندها واقيلا شي تمنية وعشريين واقيلا

كنزة:حلفي مكتبانش فيها قدي

اسماء:بصح كتبان فيها صغير مع ضعييفة و مهلية فراسها كتبان صغر من عمرها...

بالصدفة هز المهدي عينيه فييهم ورجع نزلها فتيليفون حتى عاود هزها بسرعة فور ما لمح اسماء وعرفها ابتااسم وحيد نضار من عينييه وهي قربات عندو سلمات عليه من الخد الخد ...

اسماء:ياكما تعطلت علييك هه

المهديي:خودي رااحتك الله اودي نتسنااك..سلام اختي

كنزة:سلام..

المهديي:عمو الغزاالة صافا...

حركات راسها تسنييم بايجاب واسماء كضحك ...

المهدي : خارجيين

اسناء:ممم نضورو فالمدينة شوية نكتاشفو يلاه معانا..

المهدي:ههه غضربو بيا دورة ولا نضوركم انا هه

اسماء:نشوفو اللي كيعرف..كتعرف اكادير شوية؟

المهدي:كنت كنجي ليها مع محمد بزاف كنعرف فيها شي بلايص وصافي قلاال

اسماء:يعني نتا اللي غتساريناا

المهدي:مرحبااا...(حل ليها البااب لقدام) طلعي..

طلعاات مبسمة وحل لبااب لكنزة بكل ٠نتلمانية وهي غير كتشوف فييه محاولة ما امكن تعرف علييه بسرعة وهو مبسم ليها حتى طلعات هي وتسنيم وسد عليها الباب وضار دغيا ركب جنب اسماء وصاق غادي فالطرييق..

وسط العاصمة العلمية فاس...المعروفة باناقة وجمال سيدتها الاصالة والتاوييل والتبات والاناقة والاداب... وسط غرفة كبيرة وواسعة جالس محمد فراس السريير متكي شاد تيليفون بين ايدييه كيهزهز ركابييه بتوتر وااضح على ملامح و٠هو المزييريين معصب..صابح خاسر ومراشقااش لييه وغير كيسووط وينفخ خاصة ملي شاف سطوري دالمهدي فالواتساب مصور طريق فالكوموبيل وحاط لتحت لوكاليزاسيون اللي كتعني انه فاكادير...حتى حس بيها كتحرك فالفرااش وهو يتلفت باانت ليه كتحك فعيونها عالمة على فياقها حتى حلاتهم فيه وهي توسع ابتسامة خجولة على وجهها وقالت بنبرة هادئة لطييفة..

اسراء:صباح الخيير...

تبسم فوجهها ومد ايدييه حتى شدات فيه كيف موالفة كل صباح جرها لعندو باس على راااسها وقال

محمد:كي صبحتي ...شوية ليوم ؟

اسراء بخجل اكثر: صافاا..ليوم حسن..

محمد:مزيان...نوضي صلي باش نخرجو نفطرو على برا

اسراء :كون غير فيقيتيني صليت معاك الفجر..

محمد:مابغيتش نفيقك ونتي عاد نعستي عيانة خليتيك ترتاحي

اسراء:لاا كون غير فيقتي نصلي هو لول ونرجع نعس ماشي مشكل

محمد:بصح..صافي مرة اخرى صلي معايا ونعسي..

اسراء:غنمشيو ليوم..

محمد : مممم....ماسخيتييش هه!

اسراء:صرااحة.. هههه لا رتاحييت هنا بزاف واخا مامولفااش كنكري شي دارك نمشي عند عائلتي ديريكت ولكن هاد المرة رتا٩ييت برا احسن من دار عندهم

محمد بمرح غمزها : حيت معايا ولا شنو .. ؟

حدرات رااسها مزييرة وخدزدها حمارو بخجل وحركات رااسها بايجاب وهو تبسم ورجع باس خدها ووقف خشى تيليفون فجيبو غادي لحمام كيتجبد قدامها ويتعنكر عليها ويطرطق فعنقو كيتصرف بعفوية على عادتو وهي ممتبعاه بنضراات حب واعجاااب فييه حتى تلفت فيها على غفلة وهي تحدر راسها وهو ضحك عايق بيها....

محمد :غنتسناك برا وجدي رااسك باش نخرجو واخا !

اسراء: واخا...

خرج كيتبسم للبرا محاول ما امكن يعييش معاها دور ويعطيها اشنو بغات كلما لاحض عليها حبها لكبيير ليه فمدة قصييرة ماكيبغيش يخسر خاطرها ولا يقلقها من جيهتو مخلي حبها النقي لييه كتعيشو بكل راحتها مدام انها كتبغيه وكتبين ليه بدون شعوور كيشوفها ماعندها حتى دنب فقلبو اللي اختار وحدة اخرى فحين اسراء معتارفة لنفسها انها كتبغيه كيف متعارفة ليها انه مكيبغييهاش ولكن غير نضرات الاعجاب اللي كتشوف فعينيه مرة مرة كافينها ومصبرينها على نهار اللي غتشوف فيه نضرة الحب فعينييه ليها ...موافقة ومرتاحة معاه ونهار على نهار كتزييد تبغييه اكثر من اللي سبقو...

فحين محمد خرج كيمسح على وجهو حاول يخفي عصبيتو ويبردها مرة مرة كيشوف سطوري ديال المهدي واش زاد شي حاجة ولا لا....

امافطوموبيل عند المهدي كيف قال ليهم اكادير كانت عندو بحال الكتتب وحافظو من اول حرف تا لاخر حرف..سارااهم فيها كاملة واكتشافو يطبلايص عمرهم عرفوها فيها رغم انهم اماكن مشهورة ولكن اسماء مكانتش كتسفااار قلييل بزااف...بحال قصبة اكادير اوفلاا اللي تساراو فيها وسوق الاحد اللي ماخلاو ما خدااو منو يتعزلو ويختارو والمهدي تابعهم كيتغرج فيهيم اشنو كيديرو مابقاوش كيمشيو للاوطيل بزاف بنهار ...الغدا ديما فجنب البحر والفطور على برا وسط المدينة والعشى فشي ريسطو فخم كالعادة وكنزة هازة نيفها محاملاه ماقاابلاه بغات تبقى راس فراس مع اسمتء ماعرفاتو منين نزل عليها غير كضور وتسوط و وقتما كيبغي يتقدم يلخص حتى كتسبقو مارضياش بيه يحط شي درهم عليها ولا على ختها وحتى هو عاطيها الخاطر وصابر ليها مخليها على خاطرها ماكيتزايد معاها فهضرة ماكيتناقش معاها...

تلتيام دوزوهم طايرين واسماء عاجبها الحال ونسات الدار البيضااء بكاع اللي فيها من نهار حطات رجليها فاكادير ارتاحت وعجبها الجو...وحتى اهتمام المهدي زاد ليها فالمرال و وزاد عجبها رااسها كثر من لول..خاصة ملي ميك عليها ناصر ونساتو وحتى هو نساها عليه...فحين محمد مراقب السطوريات عن ضهر قلب اول واحد كيشوفهم فاول تانية كيلوحهم المعهدي مرة مصور اسمتء ساهية مرة كتضحك مع ختها مرة كتبوس فتسنيم ومرة كتشوف فالكاميرة مبسمة مكانتش عارفة انه حتى محمد كيشوف تصاور حتى لهاد نهار فين كانو كيفطرو على جنب البحر..غير هو وياهاا وتسنييم اما كنزة مانزلاتش معااهم ليه...

كان جالس المهدي فايديه تيليفون كيشوف فيه ويضحك واسماء قدامو كتشرب فالعصير ديالها مراقباه..

المهدي : محمد عالام ماعندو مايدار حتى هو ههه

اسناء بفضول : ع علاش مالو هه

المهدي: السطوري اللي نزلتها كيشوفها هو لول بحالا كيتسناها ههههه

اسماء بصدمة ردات دغيا : علاش عندو واتسااب ؟؟

المهدي: مالو جاي من العهد الحجري ههه شكون ماعندوش واتساب...

اسماء:ل لاا غير سولت هههه انشوف تصاور لي كتحط...

المهدي: غير اللي كنتصورو انا ويااك ماشي شي تصااور نييت ...

اسماء تزيراات : غ غير عيطيني نشووف ..

مد ليها تيليفووون كتقلب فليسطووري وتضور كانو كاملين فيها غير هي والمهدي كل مرة مصورة فوضعية وباسف محمد شافهم كاملين من اول وحدة تالاخر وحدة رجعاتت ليه تيليفون تزيرااات وماعجبهااش الحاال وفنفس الوقت مارضاتش وماحملاتش رااسها والمهدي لاحظ هادشي وهو يشد فايديها ....

المهدي:مالكي و واش مابغيتيش نلوحهم..

اسماء بلباقة جرات ايديها عندها : ل لاا غير ماكنبغيش الحاجة تفضح الحاجة المستورة ديما كتكون زويينة..

تبسم وغمزنها..

المهدي:بحالاش هاد الحاجة..

ماردااتش علييه وسكتات حادرة رااسها وهو تبسم ورحع شبك صباغها مع صبااعو بحدية..

المهدي:اسماء من نهار جيت وانا كنتسى هاد اللحظة اللي غنفارد بيها معااك..صبري تقادا وعيييت مانشد فالخااطر عطيني كلمة وحدة ماتخلينيش معلق هكا بعد المرات كنحس بيه مابغاش وبعد المرات كتعطيني بصييص امل نشد فيه كنحس بيك كتدوزيني على جغمة الما وانا عطشان حتى كتوصليها لعندي وتكفحييا...

ضورات عينيها فالمكان وصوت الامواج كيضربو فودنيهم مع الشميسة اللي صابحة شارقة فوق ريوسهم، تواني وهي تلفت محولة عيونها ليه جالس قبالتها...

اسماء: هاد الكلام االي كتقول ليا مكيدخل ليا من ودن ماكيخرج من ختها انا راه ماعندي مانقوليك وماعندي حتى جواب لا باييه ولا ب لا..ماغنقدر ندير معاك والو المهدي بلا خبار دارنا

_شنوو المعمووول ادن شنو هو الحل

_والحل خاصك تلقاه نتا ماشي انا اللي غنقلب علييه ههه

_جميع الحلول عطييتهم ليك ولا واحد بغيتي تقبلييه، مابغيتيش تعطيني فرصة غير نتعارفو تعريفيني ونعرفك مزيان

اسناء: مكتعرفينييش دابا ؟؟

المهدي: نهار على نهار كنزيد نتأكد خاصني مزال نزيد نعرفك كثر بقوة ماكتصدميني كل مرة ههه...ولكن واخا هكاك واخا الالة ماشي مشكل بغيتي نتعرفو ونتلقاو بادن داركم ماشي مشكل عطيني نتي غير لادغيس ورجعي لور انا غنتكلف..

اسماء : شنو غدير زعما هه ! تهز واليديك وتمشي لعندهم !

المهدي : حتى تشوفي بعينيك اشنو غندير عطيني العنوان ويكون خير..

اسماء : واخا نعطييه لييك... ولكن مانقدرش نضمن لييك جوابهم دير فبالك انا مطلقة و

_وعندك بنت وسميتها تسنييم وغنديرها فمقام بنتي ومن دابا كنقول بنتي واي واحد غيقول العكس غنتفااهم معاه، ياك الالة نت موافقة وانا موافق الباقي مكيهمش...دابا شنو تعطيني لادريس ولا نمشي تقلب عليها بوحدي..

شافت فييه مطوولة فالاخر تنهدات وهو بحالا موجد رااسو جبد ورقة من جنب الحااكيت وستيلو وعطاهم ليها تكتب وهي كتباتو ليه يالتفصيل باش مايتلفش وعطاتهم ليه شدو بفرحة وااضحة فيعينيه كتحس بييه غيطير من بلاصتو...كملو فطورهم وناضو رجعو للاوطيل طلعات لقات كنزة غاداا جاية فالبييت باينة فيها ماشي تالهييه بحالا متوترة وهي تهز حجبانها..

اسماء:ماالكي !

كنزة:خاصناا نمشييو

اسماء:ومراكش..

كنزة:نجيو ليا من بعد..(بسرعة) خ خاصني نمشي ضرووري عندي مشكل مع البنات اللي بغاو يمشيو لدبي وخاصني شي وراق باش نعطي الموافقة وضروري نرجعو لكازة حيت كلشي بقى تما غير نحل ابمشكل ونرجعو فينما بغيني..

اسماء:اللي بان ليك ااش غنقوليك نتي اصلا جمعتي لحوايج جمعتي ليا حتا ديالي..

كنزة:مابغييتكش تعدبي جمعت كلشي وتهنييت..ن..تغداو ونشدو طريق

اسماء:صافي لي بان لييك...

حركات راسها كنزة بايجاب كلها كتغززل وتيليفون فايديها كل مرة تشوف فييه وهي تجلس فوق سريير واسماء تكان كتشوف فالصقف حاجة ايديها تحت رااسها بين عينيها غير تصاور اللي حاط المهدي فسطوري ومحمد اللي شافهم شنو غيقول عليها دابا وهي كتقول ليه مابغيت تاحد اشنو معنى دالمهدي اللي جاي عندها حتى للاوطيل...اشمن وجه ولا فم بقى عندها تهضر بيه معااه كيفاش غيكون كيفكر فيها دابا شنو غيكون كيقول عليها....تنهدات بصوت مرفووع حتى سمعاتها كنزة وضارت عندها..

كنزة : المهدي غيبقى ولا يمشي معانا

اسماء:ماعرفتش ماسولتوش..

كنزة:ايوا عاودي ليا كي جااك ارتاحيتي معاه شوية ...فكرتي..

ناضت جالسة مربعة مقابلة معاها وهي فالناموسية اللي حداها..

اسماء: عادي كيغيجيني..

كنزة:كيفاش عادي على هذا اللي غتزوجي بييه عادي..

اسماء: و كيغيكون عادي..زعما ضررريف و ودروييش..كلشي فيه زوين ماعندي مانعيب فييه (سهاات حنبها) ولد ناس وطيب ماكيتساهل غير الخير وربي جاب ليه بنت نااس الله يكمل علييه ماكنت كنعرفو ماكيعرفني والوقت اللي وقفت عليه كنلقاه فضهري بحال شي درهم دالحلال وقف قدامي...ااش غنقول ماعندي مانقول فييه...(دمعو عينيها وخبات وجهها كضحك بكسر) تمنيتو مانكدبش علييك حلمت بيييه ورسمت طريقي معاه صدمني عشت الحلم حتى نسيت زوااجو قلت ايلا فيه الخير يضور بنات المغرب كاملين ويرجع عندي..و ولكن بان ليا انا اللي مافياش الخير لييه انا اللي منصلاحش لييه..

تنهداات كنزة كتصنت لييها وخشات راسها بيين ركاابييها كتنهد وتسمع لييها عارفاها كتهضر علييه حتى هزات تيليفون بين ايدييها وجبدات نمرتو غتصوني لييه وتسمعو كلامها اللي كتقول علييه واخ عارفاها غتكرهها اشد الكره ولكن فخاطر راحتهاا تكرهها هي وترتاح معااه ماعندهاش مشكل...حتى لاخر لحظة وشوية وكانت غتصوني علييه وهي توقف خلاتها لمرة اخرى ماشي الوقت المناسب...

كنزة:مداامك باغاها لهاد درجة علاش ماهضرتيش ا اسماا هانتي سكتي علييه هاهي جات وخداتو علااش ماهضرتييش معاه واش هادشي فيه الحشمة ايلا كان حتى هو باغييك بالفرحات عليه تهضري وتقوليها لييه..

اسماء : عارفني مع صاحبو ااش بقى مانقول..شاف تصاوري معاه كاامليين دابا ملي شفت لقيتو كيصور ويحطنا فسطوري ومحمد شافهم كاااملين شنو غيقول عليا دابا...

كنزة:دوختيني والله العضييم ملي اختي باغة محمد عطي لهذاك باتساع من حقو يقول عليك اي كلمة واش نتي مع صاحبو كيفاش بغيتيه يشوف جييهتك..

اسماء: فات لفوت دابا مابقى عندي مايتقال نكمدها فقلبي ونحدر راسي كونا راه مرتاح مع مرتو وعايشيين حيااتهم اصلا باينة عمرو ماشاف فيا حتى بنضرة فشكل باش يخليني نميل ليه ونقدر نزعم نهضر معاطاه وملي تزوج زاد بين ليا من حقو ماكنلوموش انا غير مطلقة شكون غيبقى مع مطلقة و وبنتها من لفوق...

شافت فيها كنزة مطولة وحدرات راسها كضورو بسخرية فنفسها ...مرتاح مع مرتو ؟ لهلا يورييك الراحة اللي فيها هو دابا! لوكان تعرفي اشنو كيدير على قبلك يضرك خاطرك على دوران اللي كدوري مع هادا...

كنزة:اسماء واش باغة حبس اخر كتقلبي تحبسي مع هادا حتى هو راه واخا كيبان ليك دروييش وضريف وماعرفت كيداير ايلا مكنتيش كتبغييه وعشتي معاه تحت صقف واحد عمر راحة ماغتحسي بيها معاه وقلبك فحهة اخرى..

اسماء: ناصر بغييتو بنيتي ارتاحيت معااه فنضرك ههه نجرب داباا مع هذا نعيش بلاةحب ونشوف شنو غيطلع منو

كنزة:ماغيطلع منو غبر المشاكل غبر كتخربقي والله العضيم اصلا ماعجبنييش ومارتاحيتيش لييه عينييه مزاكليين ومراصينيش وغير كيضورو كون غير تبعدي منو اوموان محمد رااجل...حتى عينيه ماكيهزهمش فشي وحدة اخرى وتقييل ماشي كيطير وايلا بغى يدير شي حاجة على قبلك ماكيشهرش بيها كيديرها بينو وبيين رااسو وهذا غير كيشالي ب بزطامو...

تنهدات اسمااء بخنقة وقالت قالبة الموضوع..

اسماء : كون غير مشينا دابا صافي مابقيتش مرتاحة هنا يلاه نوصلو بكري

كنزة:مانتغداوش

اسماء:تسدات ليا الشهية..مابغيت والو..

كنزة:اللي لغيتي حسن كاع نوصولو بكري كيف قلتي ..وجدي راسك انا غنلبس ونزل نخلص ونمشيو

اسماء:بلاتي نعلم المهدي و ندوش دغيا ...

فرمشة عين الحوايج كانو تجمعو ولبسو وتقادو وحتى المهدي على القرص لقاوه واجد وكنزة خرجات للمساعد ليفاليز خلاتو كينزل فيهم وهي كتهضر فتيليفون...

كنزة:غنشدو طريق دابا العشية نكونو تما انشاء الله..نجيو عندك نيشان ؟ فين غتكون؟ الكلينيك..ص صا صافي واخاا بسلامة..

تحط الغدا فوق الطبلة وتجمع عليه الحاج وخديجة وحتى الحاجة كيتسناو محمد يجي عندهم هو ومراتو والحاجة كل مرة كتعيط باسم اسراااء ولكن الاخيرة ولا جواب منها فالاخر سكتات فاش شافتو طاالع من لتحث كيسمح فوجهوو وينزل فكمامو جلس معاهم على طبلة ...

محمد:كنتي كتغوتي الواليدة ..؟

الحاجة:طلعتي نتا فين مراتك اولدي مزال ماطلعات

محمد:معاكم لا ....طلعات للبيت قبل مني

الحاجة :و ومانعرف غوت عليها ماجوباتنيش قلت معاك لتحث..

محمد:لا مامعاياش...بلاتي نشوف

دفع الطبلة شوية وناض من قدامهم مشى للبييت دق جوج دقاات وحل لبااب باانت لييه اسراء كتلبس ف شاالها بسررعة

محمد : الواليدة كتعيط ليك ماسمعتيهاش !

اسراء: لا سمعتها قلت ليها نعام و واقيلا هي اللي ماسمعاتمييش هانا حااية..

محمد:مافيها باس ايلا طليتي عليها وكّلتي لها جاية ماتبقاش تعيط كل مرة ..

اسراء: هانا جاية..

بقى واقف كيتسناها حتى قادات زيفها وخرجات قداامو انضمات معاهم للطبلة حتى كملو غداهم بالصمت بحال ديما حتى حد ماكيهضر قلييل فاش كيتسمع صوت شي واحد فييهم وناضت تاني خديجة كتجمع فالطبلة ومحمد دخل لبيتو والحاج مشى للصالة بقات غير الحاجة واسراء حتى لشوية وهي تنوض حتى هي مبسمة بغات تمشي..

الحاحة: فيين غادا ابنتي جلسي معايا شوية..

اسراء: و واخا نشوف غير محمد ونرجع الحاجة...

الحاحة:سيري...سيري ابنيتي سيري..

مشات لبييتها والحاجة متبعاها بعينيها....

الحاجة : ماتهضر معاك ماتسمعك كلامها مااتحااشيه لييك..

سمعاتها خديجة وهي تلفت فيها كتضحك وتغسل فالماعن..

خديجة : الحاجة..

الحاجة:ممم !

خديجة:هاني معااك ماكفيتكش انا هههه

الحاحة:لا ابنيتي لا غير وكان بغيتها تجمع معايا وتهضر معايا هاهو خارج لخدمتو دورك غتبقى تاني مخشية فبيتها تايجي انا راه بغيت لي تعمر عليا وتونسني ماشي تزييد بسدان البيوتة را طلع ليا فرااسي..

خديجة:قالت ليك غترجع..

الحاجة:ممم من نهار دخلات وهي غترجع وتا رجوع ماشفناه ....

خديجة:جدييدة مسكينة وماضاسراش غير صبري علييها تولي مصدعاك فرااسك ماتديش عليها نعمرو شي كويس داتااي

الحاجة:لاا ماقدييت عليه عمريه ليك نتي...

عبسات الحاجة تاني مماعجبهاش الحاال ومامرتاحاش من العروس اللي من نهار جات ماجلسات معاها ما دات وجابت معاها فالكلاام...فحين اسراء دخلات للليت لقات محمد كيلبس فشومييز ديالو وهي تجلس فوق الناموسية مقابلة معاه..

اسراء: غتمشي؟

محمد: ممم شنو غديري ليوم..

اسراء:والو غير غنجلس فالدار كنت بغيت نمشي عند ماما ولكن مرة اخرى..

حرك رااسو وجر المجر جبد ساعة يدوية كيركبها فايدييه..

اسراء : شنو كدير فالكلينييك

محمد:شنو كيديرو ناس فالكلينيك هه!

اسراء: لا ههه زعما ماقصدش هكااك صراحة الملل فالدار الخدمة زويينة..حتى انا بغيت نخدم ..

محمد:علاش غتخدمي شنو خاصك..

اسراء:ماشي مسألة خاصني و ولكن ماولفتش الجلسة فالداار ماكرهتش نخدم من نهار خديت الماستر وانا جاالسة...واش كتبقى فالكلينيك غير فالبيرو

محمد:على حسب ليكا اللي كيجيو كل نهار ...اجتمعات..لقائات

اسراء : ماكينش مشكل ايلا بغيت نمشي معاك نجرب نعيش حياتك ونتا طبييب...

محمد:ماغتعجبكش ههه

اسراء:خليني نجرب ههه..

محمد:ماعنديش مشكل ايلا مكانش عندك مشلك مع الصداع الغوات الدم..البكى الجري عارف عليك كترتاحي فالكالم والكلينيك ماشي بلاصتو سينو يلاه ماعنديش مشكل..

اسرا: سي فري ؟

محمد: كنلعبو هنا هه

اسراء : ماكرهتش نمشي معااك هههه كنت فالدار مع بابا كيجيب لينا الدكتور حتى للدار حنا ماكنمشيو ل كلينيك ولكن غالبا مكناش كنمرضو ههه غير ايلا كانت شي حاجة كغاف هي فاش كنختاجووه ..

محمد:واخا وجدي رااسك غنتسنااك...

اسراء:واخاا....ت تيليفونك كيصوني..

تلفت لقاه فعلاا كيصوني بلا صوت وهو يهزوو كانت كنزة وجااوب واسراء وقفات كتجبد فلبااسها وتصنت شكون كيصوني لييه حتى سمعاتو هضر...

محمد : وي كنزة...و وصلتو فين بالضبط..مزياان... شوية وغنكون تما تقلي طرييق نجيبوها قد قد..مزيان طريق السلاامة ..

قطع معاها ويلاه غيحط تيليفوون حتى هضرات اسراء بتعجب ...

اسراء: كنزة واش البنت اللي تلاقينا معاهاا..

محمد:ممم

اسراء:مسكينة واش مريضة علاش حاية لكلينيك !

محمد : لا مابيها واالو (تلفت عندها كيلبس دجاكيت من لفوق) عندي معاهم شي كلام وغيجيو لعندي..

اسراء: حتى اسماء غتجي..

حرك راسو بايجاب وهي عقدااتهم وجلسات فوق السريير كتشوف فييه مبينة ليه غضبها المصطنع وهز كيجمع فالماغطابل دياالو حتى حسات بيه غيهز راسو وهي تحدرو دغيا..

محمد:ماغتوجدييش رااسك !

اسراء: ايلا كنتي مشغول معاهم بلاما نصدعك..غير سير بونكوغاج انا غنبقى مع الحاجة..

محمد: ماعندك فاش تصدعيني....ومامشغولش يلاه تمشي معايا..

اسراء : يمكن غتهضرو فشي حاجة خاصة ماكين لاش نتسلل عليكم غير سير خود راحتك معاهم مرة اخرى نجي لعندك..

محمد : عارفة فاش غنهضرو نعاودو ندوييو فهادشي فييه من لول...قلت لييك شنو كاين وقلت ليك عندها مشكل وانا اللي قادر نعاونها حيت باختصار انا الوحيد اللي عارف

اسراء : عارفة..

حدرات رااسها وهو جاس جنبهاا حاني رااسو باش يتقابل وحهها مع وجهو..

محمد : اسراء..فاش كيكون عندنا صديق عزييز وكيطلب منا نعاونوه فشي موضووع ماكنرضوهاش فوجهو طيفما بغى يكون هاد الانسان وماشي بالضرورة يكون صديق ولو غير معرفة را كنضاربو ونديرو كثر ما فجهد باش نعاااونوه وقبل ماتكون صديقة ولا معرفة انا دكتوور وبحال حالتها اي وحدة غتجي غنعازنها سوا طلبات مني سواا ماطلباتش غندير اللي فجهدي باش نقدر نعاونها حيت عارف الحالة اللي فيها هي دابا وعارف حتى الحالة اللي غنجي فيها من بعد وهادشي اللي مخوفنا لا انا ولا الدكاترة اللي دازت عندهم كيقولو نفس الكلام....

اسراء:واش مانقدرش نعرف حتى انا هاد المشكل ربما نقدر نعاونهاا بشي حاجة ماتعرف...

محمد:نكّوليك نكّووليك انا ماعندشي مشكل تعرفي غير توافق المعنية بالامر ونشاااركك المشكل..

حركات رااسها بايجاب وهو وقف كيسمع صوت الحاجة كتغوت على اسرااء..

محمد:يلاه وجدي رااسك انا غنتسناك براا نشوف الواليدة اش بغات..

مرة اخرى حركات راسها بطااعة وهو ناض خرج فحين هي نااضت كتجري تقلب وتعاود فالماريو على احسن ماعندها تلبسوو لبسات سرواال عريض على عادتها ويلاه غتلبس الشوميز حتى بدات كتسمع فالحاجة كتعيط عليهاا اسرااء ما اسراااء وهي تقلب عينيها ونتراات الحوايج من ايديهااا بزعفة ونااضت..

اسراء:هاني جااية اخاالتي(خرجات لقاتها قدام الباب مع محمد) نعام اخالتي..

الحاحة:غاتمشي مع محمد بغييتك تجلسي معايا شوية غتخوييو عليا دار تااني

اسراء:اللي بغيتي اخالتي..

الحاحة:لا لا صافي وجدتي راسك دابا غير سيري تاتجي ونهضرو شوية بغييت نهضر معاك ابنتي بلحق تاتجي ..سيرو االله يعااونكم...

حركات راسها بايحاب مرة اخرى ودخلات كتجري توجد فراااسها خايفة يمشي ولا يحن على كلام الجاجة ويرجعها تجلس....

فالطوموبيل عند كنزة غير كضور وتحوم على الكلينيك كتسنى اتصال محمد يعلمها بانه وصل محاولة ما امكن ماتبينش لاسماء فحين هي كانت شادة بنتها عندها كتضحك معاايا وتنسي الوقت على ما وصلو مرة مرة كتشوف فتيليفون وفهند اللي مابقاتش كتجاوبها كل مرة كتصوني عليها وهي بدون اجابة طلعات ليها زعااف وشغلاات ليها بالها خاصة مع المهدي اللي علمها الغد ليه باغي يجي لداارهم غير على حساب الهضرة مع واليديها ماشي خطبة رسمية....

كنزة: لمن كتصوني..؟

اسماء: غير واحد البنت...مال هادي حتى هي نهار كلو وهي فارعة ليا مخي وملي بغيتها دابا قطعات التيليفون تئ ففف...

كنزة: شكون هادي وعلاش بغيتيها ايلا قريبة ندوزو عندها

اسماء: كتكسن حدا فين كاارية وانا ماباغاش نمشيي تما فف

قبل ماتجاوب كنزة سمعاات صوت تيليفونها كيصوني وهزاتو جاوبات بلاما تبين معامن كتهضر وهي تضور الطوموبيل مباشرة للكلينيك خلات اسماء غير كتشوف فيها وتشكوف فالكلينييك...

كنزة ماخلاتش ليها فرصة فين تهضر وحلات البااب دغيا نزلاات واسماء حتى هي حلات البااب ونزلات كتشوف فمحمد واقف كيتسنااهم يقربو عندو واسرااء حداه مبسمة لييهم حتى قربات عندها كنزة سلمات عليها حيت كانت سبقاتها عندهم مابغاتش تبقى حداها وهربات من اسئلتها واسراء رجعات وقفات حدا محمد وخشات ايديها فدرااعو متبعة اسماء بابتسامة على شفاايفها هاد الاخيرة اللي نزلات بنتها من لور وقربات عندهم سلمات على اسراء من خد لخد وعلى محمد بعينيها بلاما تمد ليه ايديها كيف لعادة...

ماشي غير محمد اللي تصدم وبقى جامد فبلااصتو كيشوف قدامو فحين كتزة يدون حركة كتشوف فيها مصدومة على الاخر حالة فيها فمها وعينيها وكلشي وااسع فيها صدمتها اسماء والاكثر ردة فعلها....تخايلتها كتغوت ولا كتبكي كيف والفتها تخايلتها نااكرة وتخايلتهاا تسكت وتخلي كنزة تعاود فبلاصتها ولكن ماتخايلتهاش ابدااا توقف بدون ردة فعل واخا محمد عرف بالحاجة اللي عمرها بغاتو يعرفها...جامدة وهي كتصنت لييه وهو كيحكي ليها على اشنو عرف بلاما يدخل معاها فالتفاصيل حيت اسرااء واقفة جنبو كتسمع معااهم...

شدات كنزة رااسها والندم اللي حسات بيه فهاد اللحظة عمرو فحياتها زاارها تساااؤلات كثييرة كطيح فرااسها وااش فعلاا ختها اسمااء هادي..فعلا هادي اللي سيمانة قبل كانت رافضة كل الرفض حتى حد متيعرف قضية التصاور ولا حتى الاغتصاب وااش هادي اللي غي كيتجبد ليها الموضوع كتشد وجهها وتبدا تبكي على سبة ودموعها على طرف غير كتقاص عينيها كينزلوو....يا هي مكتعرفهاش مزيان ! اوماشي اسماء هادي وشخصية جدييدة كتحاول تقمصها..!

واسراء غير كتشوف فيهم وتضور عينيها من واحد الوااحد واخا محمد كان كيهضر ولكن ماكانتش عارفة تفاصيل الواقعة وحتى صور ماجبدوهمش على فمهم فقط كيلمح ليها واسماء كتفهمو فالبلاصة حتى حسات عليهم اسراء كيحاولو يخبيهم قدامها زمايدخلوش فالتفااصيل وهي توسع تبسييمتها وضارت من جنب محمد لجيهت اسماء وكنزة اللي كتنو جالسين فالكرسي قدام البيرو دمحمد..

اسراء:تسنيم..حبيييبة اجي معايا نشوفو واحد الحاجة زويينة غتعجبك...

قبل ماتشد فيها تدخلات اسماء حيت من طريقتها فماتها بغات تخرج تخليهم بوحدهم..

اسماء: لاا غير خلييها...راه مكترصاش وغتلف لييك حتى نتي بقاي ا اسرااء ايلا بغيتي..

اسراء شافت فمحمد : غ غير بغيت نخليكم تهضرو فخاطركم ايلا كنتو كتهضرو فشي حاجة خاصة...

اسماء:لا لا ماكين حتى حاجة خاصة مدام محمد عارف راك بحالك بحالو...غ غير عفااك مابغيتش حتى حد اخر يعرف عفاك ا اسرااء خلي الكلام بين هاد الحيووط عفاك..

حركات راسها بايجااب وشافت فمحمد وهو حرك ليها ترجع جنبو وبطاعة مشات وقفات حداه قريبة لييه كتشوف فيهم فحين اسماء معلية عينيها بجدية واضحة على ملامحهاا كتشوف فمحمد وفكنزة ختها مرة مرة..

محمد:على حسب هاد التصاور رجعتي فكلامك ومابقيتيش باغة دعييه

اسماء : ماعرفتش شنو غنديير كنت كنقول بصح يقدر يلوحهم ولكن ماكنضنش يلوحهم ولو نكون عارفاه غييير شووووية...سنيين دياال زوااج كافية باش نعرف ااش كيضور فرااسو

اسراء بصدمة :مزوووجة...!!!!

اسماء:مطلقة ب بنية...علاش مافخباركش..

اسراء:مايحسااابتنييش..مابيناش فيك...يسحابلي غير عندك مشاكل مع راجلك ماشي واصليين حتى للطلاق

كنزة:شنو غنديرو مابغيناش التصاور يبقاو عندو ولا يبقااو كاع ماشي سوقنا فييه ولكن بغينا الحاجة اللي غاتضمن ليينا دوك التصاور عمرو غيخرجو من عندو..

محمد : المسألة مابقاتش دابا فواش غيبقاو عندو ولا لاا..حيت ايلا تضمن اللي كاين فالتصاور كيف كنتخايلو فرمشة عين نقدرو نقلبوهم علييه ودوك التصاور غيرجعو لصالحنا خاصني نعرف داابا تصاور اشنو كاان فييهم وااش كانت واضحة شي حااجة بيزااغ بحال لاطراس ديال الضرب...كنتي عاادية فيهم ولا فشكل ؟..

اسماء:مافيهم مايتشاف هادشي اللي عاقلة علييه..ماركزتش فيهم مزيان...

محمد وعو كيحاول مايتعمقش:قلتي تعنفيتي من قبل..وااش باينين !

اسناء:بااينيين ااه ...راه وجهي مكانش بااااين غير بالدم وشعري مغطي وجهي شوية ولكن فشي اللقطات كيباان وجهي....مهم باينة انا واخا هادشي كامل كنت باينة....

كنزة:اناا رااه فكرت داك تيليفون ناخدو لييه بايتها طريقة واخا نعرف نسيفط اللي يجيبو ولاا ندير لييه خو فعلو وتانا نسيفط اللي يدير فيه ديك الحالة ونصورو ونشوفو شنو غيديير ديك ساااعة واش غيقدر بفووحهم..

محمد: ماصبعييش علينا هادشي ساهل تواجهي الفعل بخو الفعل و لكن تبقا من منك هي وياااه وشد ليا نقطع ليك هادشي اللي مابغييتاااش..بغينا حل اللي نهار غتحط راسها على المخدة وتقول الله على رااحة ومخايفااش ديك الراحة غلى غفلة تضيع ليها....وتخلينا حتى حنا مرتااحيين..بلا شوهة بلا فضييحة نهار لول اللي جات فييه درنا غيونيو على الحالة دياالها.... بسييف باش حبستهم باش مايوصلوش القضية للبوليس..ماشي من حقنا تجي لينا حالة بحال بحالتك ونسكتو عليها ضروري من حضور البوليس ونعرفو سبب الواقعة وااش كيف كيف كتقولو ولا حاجة اخرى(مكيبغيش يتعمق فالموضوع) سااااهل وحتى حنا غتحينا ساهلة حيت كلشي فايدينا ديك اللحضة وكون وصل الضوسي للبوليييس ليلة وحدة ماغيزيدهاش فدارهم ولكن هي كانت راافضة وطبيعة الحال وحتى كلمة ماخرجات من عندها على اشنو وقع ليها يعني ماعندنا ماندييرو واخا معجبنييش سكوتها ولكن بعد المرات السكوت حسن

اسماء : مابغيتش لا شوهة لا فضييحة ومابغيتش هادشي يوصل لماما ماجاتنيش حتى انا صعيبة فديك اللحظة ندير اللي فراسي ولكن راني عارفاهم مي وبا اللي كنعيشو انا مرة هوما كيعييشوه بالضوبل يكفي اللي حسيت بيه انا مابغيتهمش حتى هوما يعانيو معايا فييه....والدليل هاهي قداامك(شيرات بصبعها فكنزة بلاما ضور عندها) ندمت على نهار اللي عاودت ليها فييه هاهي ولات كدير اللي فرااسها ومتأكدة شي نهار الهضرة غتوصل غتوصل لماما....

كنزة:قلتها غير لمحمد حيت هو اللي عاارف ماعندي لمن نقوولها على قبل مصلاحتك واش مابغيتينش نقولها نبقاو ساكتين وكنتساناو فيه يدير اللي بغى..

اسماء:اللي فرااسك راك درتييه هادي تعلمني على مرة اخرى..دابا المشكلة انا كيفاش غناخد دوك تصار مايمكنش ليا حتى نهضر معاه

محمد : خليهم عندو ماعندك ماديري بييهم كان خاصني نعرف غير اشنو فيهم ولكن فاش نتي بعينيك شفتي وبان داكشي اللي بغينا يكون فيهم كافيين...قادرة توقفي قدام المحامي وتعاودي لييه اللي عندددك..وااجدة؟

حركات راسها بايجااب تاابتة وحتى هو حركو بحالها..

محمد:مزياان ...تسنيم..اجي عندي...اجي ابنتي(ضارت عندو مبسمة فرحانة وهو هزها جلسها قدامو فالبييرو) عاقلة ابنتي اللعبة اللي عاودتي ليا

تسنيم:اللعبة ديالنا...

محمد:لاا وحدة اخرى قلتيها ليا هنا فالكلينيك..فاش حيت ماماك وغير مريضة..

تسنيم : لعبة دياالنا..(بتفكيير)دياال..د ديا ..دياال بابااااا(تدكرات) ااه ديال بابا

محمد:ممم عااقلة ولا نستيها..

تسنيم:بابا لعبة ديالو خايبة يلاه نلعبو لعبة دياالنا..

محمد:واخا..غنلعبو غنلعبو ...ولكن واش عاقلة علييها تقدري تكّوليها ليها ليا مرة اخرى..

تسنيم:اااه ماما كاانت كتبكي و...

قاطعها بلاما تكمل بغى يشوفها غير واش باقة فبالها وجر نيفها بين صباعو مبسم ليها..

محمد : كتعقلي مزيان ماعندي مايتسااالك مجتهدة دياالنا...

تسنيم:جبت تمنياااااا(طولاتها) فنتييجة والاستادة باستين هنا(قاصت خدها) وماما شرات ليا كسوة فيها وردة حمرة حيت كنقرا مزيان وحيت جبت تمنيااااا فالنتييجة...

ضحك وبااسها فخدها وهي تعقنو ببرااائة كضحك حيت قاليها غيلعبو اللعبة وهي من ديك ليلة مانساتهاش وكتسنى اللحضة اللي غيلعبوها تاني...حتى تدق الباب وتحل شافو فيه كاملين وطلات عليهم منو الفرملية..

_دكتور..ممكن دقيقة..

حرك رااسو وهز تسنيم فحضنو حيت رفضات تنزل وخرج بيها فحين اسراء جلسات فبلاصتو مبسمة فييهم..

اسراء:واخا قدرت نفهم غير شوية مافهمتش شنو واقع مزيان ولكن الله يدير لييك اللي فيها الخير..

اسماء :علاش....محمد ماقال ليك والوو..

اسراء:لاا ههه قال ليا كلشي كيعااود ليا كل نهار ملي كيرجع من الخدمة اشنو وقع عندو فالكلينييك غير هادشي اللي سمعت ليوم صراحة مكنتش عارفاه بالتفصييل..حيت ماشي غير الحالة ديالك اللي كاينة شي حالات كيحيو لعندو ماميكنش تخايلو انا ملي كيبدا يعاود ليا قلبي كنحس بييه كيتقطع كنشوف مشاكلي كيف والو قدام مشاكل المرضى مساكن...وهو من هذا شحال وهو ملفة يعاونهم حتى ولاو مساكن كيقلبو عليه بريق الناشف غير باش يشاركو معاه مشاكلهم حيت عارفينو غيعاونهم..

اسماء : الحمد الله المؤمن مصاب شنو غنديرو هادشي اللي مكتب..ماشي كلشي تزاد فخرقة بيضة ههه

اسراء: واااه واخا هو غيير طبيب زعما وكيفحص ناس ولكن راه ملي كيرجع للدار ماكيقدرش ينسى المشاكل علييه يعني مكيخليش مشاكل الخدمة فالخدمة..وخالتي الحاجة مابقاش كيعجبها هادشي كتبغيه يجلس معاها ويتغدا معاها ولكن هو لا مشغول وعقلو مع الخدمة بلا قياس..

كنزة شدات فرااسها خايفاها تخرج شي كلمة واسماء على سبة..هاد الاخيرة اللي غير كتشوف فيها مبسمة..

اسراء:بحال قبيلة كنا باغين نتغداو وعو كان مزروب باش يجي لكليينك حيت واقيلا باش يتلاقكم كان عندو موعد معاكم جوبونص..اييوا والحاجة كتغوت علييه يتغدا ولكن هو خرج بلا غدا وخرحني معاه حتى انا ههه بقات الحاجة مسكينة غير تشوف معاجبهاش الحال كنقول ليها غير خدمتو هادي ولكن قالت ليا خديجة مولفاه يجلس معاها ويضحك معاها غير هاد الاياام تمشكل فالخدمة ومشكلها حتى فالداار ...

اسماء :الله يحسن العوان...

اسراء:ايوا الله يدير ليكم شي تتوييل دالخبر لا نتي ولا اي واااحد يااربي ترتاحو وحتى محمد يبقى مرتاح من جيهتكم...

يلاه حات تهضر اسرااء وهي تهز راسها كنزة بسرعة نطقات..

كنزة:ايواا محمد كيبان عليه عزييز عليه الوليدات الصغاار انشااء الله قريب تفرحيه بشي بنية ولا شي ولييد...

اسراء:انشااء الله علاش لا ههه

تبسمات ليها بتبسيمو صفرا وجمعاتها ديك ساعة وتلفتات بلا جوااب ليها كتهضر مع اسماء بالحس مخلينها كتشوف فييهم كلمة كتشدهت وعشرة لا فحين اسماء قالبة وجهها ماباغاش تهضر معاها حتى كتنغزها عاد كتشوف فيها..واحد اللحظة وهو يدخل محمد وموراه واحد الراجل هاز كارطابل فايديه بالكوستييم ومن هيئتو كتبان فيه شخصية صحييحة...خرجات اسرااء وحتى كنزة بقا غير المحامي واسماء وتسنيم ومحمد جالس فالبيرو ديالو..

جبد ورااقيه و وجد رااسو وقل ليها بسم الله وهي تقادات فبلاتصها بلاما ضور ولا لحضة عند محمد وبدات كتعاود ليه بدون توقف من نهار اللي طلقات فيه من ناصر حتى لهاد نهار....ماحشمات من حتى كلمة كتقولها وماخباتش علييه حتى حرف كتعاود ليه القصة من اول حرف تالاخرو مااحشماش من محمد ومارجعاتش هزات فييه عينييها كتعاود قدامو كانه طبيب او شخص عادي...هادشي اللي كان كيبان من ملامحها وحركاتها ولكن من لداخل رعشة غريييبة مستوطنة فجسمهاا حراارتها ارتافعات و ودنيها حمارو غطاتهم بشعرها قبل ما يفضحوها ..قلبها كتجس بيه كيضرب ف فمها... ولكن مابيناتش وماخلات توترها يسيطر عليها محاولة تبين لمحمد انه شخص عادي وماكيعني ليها حتى حاجة ....وفعلا نجحات تبين لييه وحس براسو طبييب قدامها حتى نضرة الصديق اللي كان كيشوف منها مشااات وهادشي من حرطااتها وكيفاش كتضهر قدامو بكل اريحة بحالا كتهضر مع طبيبها وحتى هو نسى رااسو وركز فموضوها..فرح اللي قدرات اخيراا تهضر وتعاود للمحامي اللي عندهازحتى وصلات نوبة تسنيم وناض شدها قدامو وجهو فوجها كتعاود ليه والمحامي كيسمع شاد على راااسو متأزم ومرض فخااطرو على اللي كيسمع من فم البينة ...ماشي اول قضية يسمعها.. قضيات الاغتصاب كيجيو كل نهار ولكن باش يسمعها من فم طفلة صغيرة فهاد السن..كان اصعب حوار فمسيرتو المهنية..

خرج المحامي ودخلو البنااات ومحمد كيعاود ليهم اشنو باقي واشنو خاص كيف علمو المحامي حتى كمل وهي توقف اسماء سلمات على اسرااء وودعات محمد من بعيد كتشكر فييه من قلبها على وقفتو معاها وخرجات بزز على قبل تسنيم اللي مابغاتش تمشي ليها..

اسراء: كون غير خليتييها مسكينة غتمشي كتبكي..

محمد:ايلا كنتي راجعة غدا...خليها..

اسماء:ماشي هكااك غتبكي فلييل ماغتبغييش تجلس ماتغركمش هكا ملي ميوصل ليل ماكتبقى تعرف تاحد..يلاه ابنتي تالغدا ونرجعو احي نقووليك ..اجي(تحدرات عند ودنيها كتهضر مسمعة لييهم وهي كتغريها ورجعات وقفات) صاافي يلاه اختااري اشنو باان ليك..

تسنيم تلفاات : و..ن نمشي معاك و ولكن غدا نمشي معاهم..

اسماء: صافي ههه غدا وسيري معاهم...

محمد : بوسي عمو يلااه

تسنيم:غتشري ليا ماما بحال لبعة دياالك..

محمد : غتلعبيها بلا بيا ماتفقناش هكا..

تسنيم حركات راسها بلا : لااا غنخليها عندي يااك وغنخبيهاا تحت الناموسية ديال ماما فيها حديدة كبيرة حتاااا نمشيو عندك ونجيبها معاياا صافي..

محمد: ايلا لعبتي فيها غنسمعك ونتخاصمو حتى تجي لعندي ونلعبوها...

حركات راسهاا وباست خدوو كضحك وخرجات مع اسماء كتحرك ليهم يبايديهاا باي بااي حتى مشاات وناض محمد كيتننهد واسراء كتشووف فيه باعجاب..

اسراء:كيعجبوط الوليدات الصغاار..

محمد : تسنيم معزتها خاصة...

كننزة:عاوظتي للمحاامي كلشي...عنداك تكوني نستي شي حاجة...

اسماء:علاش ايلا نسيتها غترجعي تقوليها ليه..

كنزة:اسماء واش من نييتك..

اسماء:كتخرجي فعينييك من لفوق ..والله ماقادرة نغغااوت معااك ...سيري للداار انا غنجي دابا ايلا سولت فيا ماما قوليها مشات عند صاحبتها..

كنزة:شكون صاحبتك..

اسماء:دي معاك تسنييم خودي ليها شي عصيير راه عندها الفلوس غتبقى تبكي لييك..

كنزة:بلااتي فين غاداا..اسماء..

اسماء:غير هنا وغنجي...عندي مانقدي ماغنتعطلش غير سييرو

كنزة:كون خليتها عندهم ملي باغة غير تخليها وتخرجي..

مارداتش عليها ومشات قداامها مخلية تسنيم كتجدب على كنزة ولكن غير شافتها غادا بيها للكافيطريا تفكراات العصير اللي شرا ليها محمد وهي تقطع الحس فحين اسماء وقفات فالشانطي كتشير للطاكسي حتى وقف ليعا وااحد وهي تطلع لور غير زاد من قدام الكلينيك عاد زفرات نفس بخنقة كبييير من صدرها شادة راسها بايديها كيزحد كثر من المعتاد حاسة بجهتها غتقسم على جوج ماحسات براسها حتى هزااات شهقتها خلات مول الطاكسي يقفز من بلاصتو كيشووف فيهاا كتبكي حادرة رااسها مااعرف واش ميت ليها شي حد حيت خرجات من لكلينيك ولا مرييضة...تنهههد ومد ليها قرعة الما محاول يواسيها بكلامو اللي غير ماكيزيد يطيب قلبها....

طريق كلها وهي حادرة راسها محاولة تشتت تفكيرها وتنسى اللي عاشت هاد العشية ولكن بدون جدوى غير كلام اسراء مع محمد اللي بين عينيها...غصة اغتصااب نااصر ماكتسواش ولو القلييل من الحرقة اللي حسات بيها نهار سمعات بخبار زوااج اللي بغاتو بدون شعور على راسها...حرقة الصور وحرقة الخوووت والتكرفييص وسنيين الضياع فديوور الكراا والخدمة عند الناس كي الكلبة واحد يدفعها برجليه واحد يدفل عليها ماكتباانش قدام الكية اللي خلاا محمد فقلبها ليل ونهار تقطع فيها مستنية النهاار الي غتنساه واخا عارفة داك نهاار بعيييد مدامو فتفطيرها غير ماكيزيد يبعد...

غير حطات رجليها فالحومة المعهودة ريحة ناصر نن عند الشاارع كتشمهاا قلبها تفزع عليها وعينيها ولاو غير كيضورو.. احسااسها كيقول غتشوفو وحاسة برااسها ماغتمشي من هنا حتى تجي عينيه فعينيها...غادا وكتقلب لايبان ليها فالطريق وتقلب الضورة حتى وصلات للصالون القديم ماقدراتش تدق وماقدرات تدخل علييهم بقات واقفة قدام الباب وتيليفون فايديها تصوني وتعاود على هند وهاد الاخيرة بدون جواب كيتسمع ليها غير صوت الموسيقى مجهدة من الصالون حتى بانت ليها واحد البنية صغير داخلة عندهم وهي تعيط ليها ووصاتها تكلم ليهاا هند..لحضات وهي وااقفة حتى بانت ليها خارجة من الصالون كتلوس البينواار عليها وقربات عندها وقفات رمات عليها السلام غير بالفم...

هند:يااك لبااس ااش واقع جيتي تالهنا..

اسماء:كون جاوبتيني فالتيليفون مانجييش تالهناا..

هند:تيليفووني خصرات ليه بلاصة لاكاارط صونيت ليك من عند ختي تاعييت ومحاوبتينيش..

اسماء:نتي اللي عندك واحد وتلاتين فلخر ولا معرفت تلاتة وتلااتيين..

هند:ممم هي

اسناء:ويسحاابلي شي حد مابغييتش نطاوب تئ... كون سيفطتي غي ميساج فالولتسااب بعدا راه كيبقى خدام بلا نمرة..

هند:لا راه كان واحد كيعيط ليا منها وانا مكنجاوبوش حتى كندخل لواتساب عاد كنجاوبو كيبقى يعاير ماباغاش تجاوبي علاش وعلااش وانا نحيد بابااه كنقوليك راه لكارطو خاسرة وكيقول ليا مال لواتزاب خداام خاسر عليا غير انا..

اسماء: مهم حيت غير نعلمك....المهدي راه غدا جاي يخطب فياا..

هند بدهشة كبيييرة :نعااام؟؟؟ دخللت علييك بالله..

جركات رااسها بايجااب وهند كتشووف فييها حتى لواحد اللحظة وهي تتفااجر بالضحححك قداامها واسماء بدات كتضحك شادة فجبتها فحين هند مابقاتش قادرة توقف تلوات على ركابيها كضحك وشافت فيها..

هند: نتي خطييييرة كنت كنقوولها لييك راك واخا سكوتية كضربي غير من لتحث..

اسماء:مهم قضيتا الغرض...

هند:ايوا وانا اللي خلص ليا داك المحل شغندير فيه....

اسناء:خلصو كاع..شرحي ليا راه مافهمت والو كتقولي ليا المحل ما المحل الكرا الشراا ماشديت معاك والوو..

هند:داكشي سااهل كي قلت لييك انا راه ماعندي تادرهم ودافعة معاه الجبهة كنقول ليه عندي القد والقد عارفاه طماع ولعبت ليه على الوثر الحسااس ايوا صاافي قاليا نمشيو نشوفو شي محل ضرنا كازا كاملة واحد يعحبو و مايعجيبنيش انا تاديتو لواحد المحل قالينا تسبقو فيه تلاتة دالمليون وتبعو تريتة.

اسماء:اويليي ومنين غتجيبيها نتي..

هند:غير سمعي..مهم قالينا تبعوت تريتا ودفعو تلاتة دالمليون هو بالفرحة دفع فالمحل وحطها هكااك كااش ولد الحرام لباس علييه عندو كي جغينة دالما ندمت كون غير طلبت كثر..ايوا حطها على اسااس شرا وهو دافع تسبييق دياال ربع شهر دالكراا ههههههه

اسماء:اويليي واش غيدير مع السيد..

هند:اشمن سيد..

اسماء:مول المحل..

هند:والمحل غير مفرع فواحد القنت شفت واحد اولد كنعرفو سيطنو يهضر مع مول المحال يكريه لينا فالعشية وهاد دري نييت دار راسو مول المحل ولد الحرام ممتل عرفتي تقن دور انا وتيقتو..

اسماء:هييه اييه والفلووس اش غديري بيهم..

هند:اشمن فلووس علاش انا عطاني شي حاجة هههه كلشي عطاه لداك الولد وهو نصاب اش بغيت ندير ليه انا ههه

اسماء: نااري تلاتة دالمليون مسااهلاااش....

هند:ياكما بقى فييك...انا وراه جاتني قلييلة راك غير قلتي ليا ضربي فجوج دالمليون ما انا نطلب كثر راه غير داك النصاب دا ليا مية الف ياال

اسماء:قلت ليك غير مليون غير ترزيه وصافي تلاتة بزااف اختي..

هند:صافي خليني منو ليه ملي غيجي يقول ليا المحل ما المحل غنحييح عليه وندير راسي مضلومة ونمشو ندعيو زعما.... هو اللي حمار عاطي الفلوس للسيد بلاما يتأكد غي قال ليه تلاتة دالمليون داااخ حطها ليه فالبلاصة ااش بغيت ندير ليه...قاليها بيناتنا الوراق من بعد نقضيو الغرااض حيت زعما زعما عندو الشراية بزااف والمهدي المطور مابغاش يفلتو عهههه

اسماء:ناري وااش غديري ونتي اللي غادا بيه لداك المحل ماغعيقش مايمكنش والوراق وشي كونطراا والو زعما تلاتة حطها غير هكااك..

يلاه غتجاوب وهي تحل حياة الباب غتعيط على هند حتى شافت اسمااء وهي تخرج كاملة ..

حياة:اسمااء...ياك اختي سلام خسارة فوجهنا ماقدرتي حتى تطلي علينا...

اسماء:مزروبة والله العضييم..

حياة:واجي اجي بعدا غير نشوفوك غبرتي تا سمارتي مبحرة؟

دخلاات مبسمة مع دخلة ضرب ليها صوت السوشوار فراسها وهي تغمض عينيها بانزعاج ضرها فرااسها ودخلات للداخل غير هي وحياة وهند والبنات برا كل وحدة سلمات عليها بوحدها كيعرفوها وهوكا غير كيشوفو فيها ومن وملامحهم كيبانو مصدومين..واخا مكانش كيبان لاسماء الفرق اخر مرة شافوها ولطن الضعف اللي ضعافت خلاتهم غيركيشوفو فيها.. وجهها صفاار وعينيها دخلو وتحتهم كحل حتى قالت حياة...

حياة:شي ريجيم قاصح هدا ديرتي للضعف عطيه لفاااتي ههه

اسماء: ضعاافيت بصح !

حياة:اويلي على ضعافييت ماطتشوفي راسك فالمرااية نقصتي بزااف ولكن ماكنتيش غليضة بزاف طايتك غزاال علاش نقصتي....المهم كلك على بعضك حلوة لبااس عليك بعداا كيدايراا الخنفوشة كبرات شوية ههه

اسماء:كلشي لباااس الحمد الله لهلا يخطييك

حياة بابتساامة :بقات بلااصتك..

اسماء : يااك ههه الله يعاونكم حتى الصالون تبدل عليا..

وهوما كيهضرو دخلات علييهم فاتي من الزنقة عرقاانة كتحيد فالجلااابة وتهضر غير شافت اسماء قلبات عينيها ضارت رااسها مشافتهاش وحياة متبعاها بعينيهاا..

حياة:سلام دياال الله اشريفة..

فاتي:سلام راه قلتها حلو ودنييكم..

حياة:فين كنتي..

فاتي:عند سعاد را قلتها لييك فاش بغيت نمشي..حاااالتهم حاالتهم ماانعاااودش لييك....

هند بفضول لصقات فيها :ماالها..

فاتي : خووها تشد تاني راه نايضة عندهم رويينة انا من للبااب هربت بان ليا الغوات وصدااع ربحت بروحي وحيت نجري لا اختي اناا مانقدرش علييهم اويلي...مها من الشرجم تغووت وعيالات ولادها مضااربيين

رخات تسماء ودنيها كتسمع كتشوف غير من لتحث لتحث..

حياة:اشمن وااحد..

فاتي:واشكون تانتي لي داخل خارجزللحبس..عرفتي مسكيين هاداك اللي كانت معاه سعاد نهار كلو وهي غادا جاية عندنا للصالون تصاوب وتقاد ليه..اللي كيعجبوه الضفاار طوال والشعر المسبسب..

حياة:ااه ااه مالوو

فاتي:رااه كومة مكسيين فالسبيطار..تاهي الحمارة جايباه تالهناا للدرب شافو خوها داك داك المتوسط نااصر ايوا ومشى مسكيين جلس عليه بالعصى غير بواحد الحديدة للراس مابقى فيه مسكين مايتشاف هادشي اللي كيعاودو وباش كملها خشى ليه راسو فجااح االشرااجم ديال الطوموبيل طاح قاليك كيعاودو فالبلااصة نيشاان للكومة..

هند:ياااربي سلااامة واشنو داارو داب..

فاتي:ايواا حالتها حاالة ومها ولات باغة تجري عليها من داار جالسة غير مع عيالات خوتها وهو هرب قاليك شي غابة فقنييطرة منها لبحر بغا يحرك ويهرب من تما ولكن شدوه نيشان للحبس..المصييبة ماشي فهادشي المصييبة هو راجل خت الدري اللي فالكومة وكيل الملك..غررق لييه الضواااساا مزياااان عمروو باقي يحلم يشوف ضو الدنيا خلاص ايلا ماات غير الله يحفظ وصافي..

اسماء وقفات:حياة ختي نخلييك الله يعااونكم

حياة:جلسي بلااتي..

اسماء:لا لا والله خاصني نمشي خليت بنتي بوحدها بسلامو بيناتنا تيليفون..

حياة:بسلاامة تهلاي فراااسك درب عندنا ماكيهدااش من الخبارات غير الله يدير شي تاويل دلخير لينا كامليين...

اسماء:اميين اميين..

هند:بلاتي نزيد معاك تانا غادا للقيصاارية....

حياة:والبنات اللي مجوقيين ليا هنا..

هند:ها فاتي جات اصحبتي دغيا دغيا ساعتين والله مانفوتها عار البزيزييلة نتقدا شي حاجة ونحط هاد المشقوف يتصاوب غير سااعتين

حياة:فوتيها والله وتجي شي وحدة مانقول ليها تسناك..ضبري لمخك...كليانك كيضيع..شوفي اختي اسماء كون غير رجعتي نجري على هاد الزمرو مافايداني بتاحاجة ..

هند:عطيني شي ميتين درهم نقصيها ليا من الخلاص...

نفخاات فوجهها حياة وجدباتها ليها من البلاكار وخلاتها كتلبس فحوايجها خرجو بجوج نيشان للشارع الطاكسيات...

اسماء:الله يستر غير داك نهار خرج من الحبس هاهو راجع ليه تقولي داير فيه شهادة السكنة..

هند:موحال اختي يرجع منو هاد المرة خلاص ايلا مات سيد مصييبة كحلة والله العضيم..

اسماء:ممم يبقى غير الزمر غدا تاتشوفيه بعت معااك فالدرب عندو الحبس هاداك كي تسافيرة..

هند:موجال اختي..وكيل الملك قاليك من عائلة السيد عاد غيخرج موحال..دعاويك خرجو فييه الصكعة..

اسماء : على غيتنسى دعاويا حتى يلقااوه..ربي كيشوف الضالم من المضلوم وكل واحد كيجازييه على قد نيتو كي ندعي كي ماندعييش ربي كيخلص وقليل النية تبان فيه العلامة تباان..

هند:ايوا والسي المهدي ماعرفت امتى غتبان فيه العباامة..كيفاش هاد الخطبة بعدا شرحي ليا دوا فيه زرب علييه....

اسناء:قاال ليا نجي ندوي فيك زعما الهضرة وداكشي قلت لييه لاا مابغاوش دار وماشي فتقالينا الهضرة عدنا الخطبة نيشان قلت ليه راه بغاو دارنا غير جيب الخطبة نيشااان وماتكلفش على رااسك هههه

هند:ماتكلفش على رااسك باااااز هههههه

ودعاتها حد الشانطي شدات هند طاكسي للقصارية واسماء للدار...الضحكة للي كانت فوجة هند غبراات والصدنة عاد بانت فوجهها واش حكاية ناصر لحد هنا وسالاات واشزتاني غترتاح لسنيين من وحطجهو ومن كلااامو وتصاورها اش غيوقع فيهم وقضيتها ااش غتوقع فيها واش تزيد تكمل عليه بها ولا تحبس وتخلييه اللي فيه يكفييه..

عقلها تشغل طول طرييق حتى وقفها قدام الشاارع ديال دارهم خلصاتو ونزلات كتشوف فتيليفونها كيصوني بالمهدي قلبات عينيها ومجاوباتوش مراشقاش ليها حتى شافتو سيفط ميساج وهي تدخل شافتو مصور ليها داكشي اللي شرا بمناسبة الخطبة طلات عليه حاجة بحاجة وخرجات من الميساج بلاما تجاوبو..

على الدخلة دوزات عليها الحاجة لونكيط عاد فلتات منها ودخلاات للبيت كتحيد فجلاابتها وكنزة مورااها واكلها الفضول فين مشات بلاما تعلمها زيرااتها حتى حطات ليها كلشي على ناصر واشنو وااقع معااه..مابقاتش غير اسماء اللي مصدومة حتى كنزة جاسات حداها مشاركاها صدمتها والحاجة عند البااب كتسنط وتسمع ااش كيضور بيناتهم بالتخبية عليها..

العشية تعاشات وكيف العادة رجع محمد من خدمتو بعد يوم طويل عاامر وشااق...خلا اسراء طلعات للدار وهو بقى فالطوموبيل كيصوني للمهدي ملي مابغاش يجاوبو وهو ينزل طلع مورااهاا كيسمع فيها كتهضر مع الحاجة من الكززينة..

اسراء:هانب اخالتي جاية عندك..

حطات صاكها وتحنات سلمات عليها عاد جلسات حداها...

اسراء: قلتي ليا باغة تهضري معايا ياك لباس اخالتي..

الحاجة:اييه باغة ندوي معااكم نتي و ولدي ..كليتو شي حاجو تحط ليكم خديجة اتاي ولا تعشااو جيعانين....

اسراء شافت فمحمد : ماعرفتش ..

محمد:غير تشعاو نتوما حتى نصلي ونطلع..

الحاجة:سير اولدي تاتصلي وتعالى نهضر معااك..

محمد:دابا نيت كنسمعك مزال ما ادن..اش كاين الحاجة..

الحاجة:جلس قداامي احنيني جلس..

جلس حداهاا فالسداري وهي تشد فايديه حتى هزها باسها مخليها عند فمو متكي على ركابيه وهي كترضي علييه بدون توقف واسراء متبعااه باعجاب فحركاتو كتعيى تهرب عينيها منو ولكن كيمشيو ليه غير هو...

الحاجة:تزوجتو اوليدي وحققتي لياا مراضي راضية علييك دنيا واخرة بغيتيك اوليدي عمرك تخيييب وعمرر طريقك ماتنبت فيها شووكة الله يبعد عليك ولااد وبناات لحراام..

حرك رااسو وهوما كيرددو اميين بين شفتيهم..

الحاجة:العمر كيزيد اوليدي وحنا ماغاديين غير فلكبر لا انا لا الحاج بااك..كبرتك تااشفتك فين بغييتك... تمنييتك طبييب وخر٠تي لياا طبيب تمنييتك صاالح وربي ماخيبنييش وطلعتي لباك صاالح تمنييت ليك بنت نااس رربي جازااك بيها وفرحني..ايلا جات الموت مرحباا بيهاا مخلية ولدي حنيني فالصون والاماان

محمد:ااش هاد الهضرة دابا الله يطول فعمرك..

اسراء: الله يطول فعمرك اخالتي ماتقوليش هكااك مزال العمرك طويل انشااء الله..

الحاجة : ايلا بغيتي تزيد رضاتي اولدي فرحني..نطلبك طلييبة وماتردهااش فوجهي

محمد : امري الوااليدة امري زانا نفد..

الحاجة:ب بغيت وليداات..بغيت نربي وليدك ولا بنيتك بغييتهم يتجاراو ليا هكا فالدويرة ويعمرو عليا ماحدي مزال فالحياااة

لفت محمد وجهو كيتنهد واسراء حدرات راسها بخجل مبتااسمة..

الحاجة : ااش قلتي اوليدي رد علياا تفرحني ياك ماتردهاش فوجهي..الله يرضي عليك

على صوت ادان المغرب اللي كان كيتسنااه محمد باش يصلي فاقت اسمااء كتكمش فعينيها ماعقلاتش على رااسها الوقت اللي رجعات للدار وهي ناعسة حتى ضلام عليها الحال...والبيت مضلم غير صوت الادان اللي كتسمعو بعييد شوية لبعد الجامع علييهم..بلعاات ريقها وبغات تهز ايديها تحك عينيهاا جااتها تقيييلة ماحساتش بيها كاع ...عاودت تاني جربات تهزهاا ولكن مرة اخرى مااقدراتش وهي تقرن حجباانهاا وبغات تكعد كااملة ولكن ماقدراتش مرة اخرى بحالا شي حاجة جالسة علييها تقييلة بتقل الاطنااان ماقظراتش تزعزعها من فوقها ولا تقدر تنووض..ر٠عات لبلاستها ودغيا عرقاات كتنهج وقلبها كيضرررب بجهد كتحس بجسمها كلو تقييل بحالا ماشي دياالها غير جسم ولااصق فرااسها..كلو منمل عليها بحال شي قرصات صغار وكيتوزعو فجسمها كاامل ولكن هو كلحم وعضم ماحاساش بييه ماحساتش براسها بالخلعة وضلام البيت غمضاات عينيها وبدات كتغووت على كنزة...

يتبع...