حمام الخلا الجزء الرابع

فباب العمارة ديال الحديد واقفة عليه الحاحة خباااط خبااط بايدييها حتى كلشي ولا كيطل من الشرااجم واللي غادي وقف يطل ويشوف ااش واقع،حظاها اسمااء كترجف خايفة على مها وبنتها وسعاد موراهم كتنفخ وتفش ماعجبهااش الحاال على هاد شوهة اللي داروو لييهم

اسماء:صاافي امي دابا يحلوو ايدييك غتعطي الصدااع بالخبيييط

الحاجة:حيدي علياا ايدييك لهبييه كون جلستي معايا جنبي على جنبك ماا يقدروو يضووروو بيييك (كتدق بجهههد)تسنييييييم

ماكملااتش كلامها حتى تحل الباب فوجههاا وخرج ناصر عريان من لفوق غير بسرواال دجين طايح عليه والكالسون كيباان والوشاام فصدرو ودرعاانو بجوووج

ناصر:بشوباااااا تاماالنااا اااش كاااين

الحاجة:شوووف ااااه كلمة وحدااا نقولهاا ليييك طلع جييييب ليا بنتيي ولا ندير صبعي غودني ونجمع عليييك قوم عباد الله وااش يسحابل لييك السييييبة فالبلاااد تفرع عليهاا الباب وتدخل تهزهااا بزز واااش ماعندكش الوجه علاااش تحشم

ناصر:واااابنتييي هاديك اشرييييفة قبل منننك ومنهاااا

الحاجة:بنننتك ماتفكرتيهااااش نهار كنتي تشم وتبخ فالحشيييش تقرقب وضرب القرعة وتدخل تحيح عليييهم تاا ركبتي فيها فقر الدم بالخلعة بنتك مابانت لييك تا لدورك

نزلاا مو كتجري نن الدرووج ولها كبيرة كانت باقة شاادة فرااسها ومهلية و واقفة على صحة غلييضة شوية وشعر شهب مجموع الفوق مصبغ واخا نصو طاح والحجباان عرااض والضفراان مصبغين والطابلية فنصها

مينة:مااالناا اش كاااين الحاااجة هاجمة فصبح الله اااش كاااين ناااني

الحاجة بحالا ماسمعتهااش: وااش تجيب ليا بنتي بالخااااطر ولاا نجيب لي يااخدهاا بزز اناااا اولية مانقد علييك ولا على مممك وليني نهار نجمعهم ليييك واحد فيكم غيخص شي لسبيطار وشي للقبر ياااااك اوليدي فرقتوو المجمع يااك طلقتوو لاااش باقي غا عااس عليها لاااش جاي لعند باابهاا بقات هاد البنية بيناااتكم المخزن غيحكم علييهاا يا تبقى ليك ولا ليهاا واااشبغيتيني ندعيييك ووااش نزييد نضمص ليك داك الضوسيي تا ب تعدو وندير ليها ورقة ايلا قربتي ليها تمشي تربى اااش بغيناا بهااادشي خلينا اوليدي فالتيقااار خلينيي نتفكر فيه الحاجة زيينة واخاا ماصرفتي فيناا غا ضر

مينة:الحاااجة الله يهديييك راه البنية جاي عند باهاا وانا جداهاا كي نتي جداجاا تانا رااه بنيتيي وبغيت نشووفها وبنتك ماتجيبها ليناا ماتعطيهاا ليناا

اسماء:ديك نهار جبتها لييكم ووعيللات ولادك من الباب سيفطوني ماهزو فيهاا تاا شوفة فين عمركم سولتو عليهاا ومجبتهااش ولا مسيفطتهاااش سعااد بوحدها اللي كتفكرهااا تاواحد فيكم عمرو هز تيليفون وقال كيديراااا

ماتوسقاتش ليها مينة ماهزاتش فيها تا شووفة من لول مايغاتهاش ولحد الان باقة،على كلامها

مينة : ملي حنى كنااا نعيطو نهار لول تجيبهاا لينا نشوفوها مكاانتش قلناا تايخرج باهاا ويجيبها بالخااااطر مانمشيو حنى ماندويو معاهاا ولباارح عاد خرج من الحبس وبغى يشوف بنيتوو توحشهاا وتاهي توحشااتو ومشى يجيبها وهي تلقااه عند البااب الحباااس ها الشمكااار ها الشمااتة ماخلات فييه غير اللي نساااات

اسماء:مااالي كدبت عليييه على هوااا دوز عليااا القلييييلة باقي ولد مز باااقي يعاود ليك بالتفصيييل عمر شيخة تنسى هزت الكتف الله يخليييه كنس

ناصر:راااه غنضرب زام/ل بوووك حيدي امي

مينة حبسااتو:سكتت طلع فحاااالك لااااش تسوق ليهااا خليها داااوية لي مايعاودش ليااا يعاود لبناات زنقة يجيب ليا شي خانزة الركنة تاااني

الحاجة : تسنييييم تسنييييم نتومااا ماااامعاااكم هضرااا الاا مييينة تلوحي فالهضرة مااالك شتينيس جايبااها من زنقة بنتي بنت الاصل والمفصل ونهار ديتيهو ديتوهاا من دااارهم بالغيطة الطباااالة ونهار جبتيهووو حمرت ليكم الوجه قدام العديااااان يااك نهار خطبتهاا خطبااتها ختك لولدهاا نهارت تلفاات قالت هادي خت العروووسة حااااادكة قاالاا خانزة الركنة طلي غا على بييت الكرا كي ردااتو هكا يشعل ولي يدخل ليه يدفا ف عبونو ما يدفل فييييه وزييييينة وسولي هاا بنتك هااا شطسوليهاا الخطاب ااش دايرين فيها كل نهار يدق وااحد سوليها هاهي قدااامك الخطاب دايرين الصف وهي مطلقة و ولاادة عساااك لا كانت ديال راااسها

اسناء:واماااما صاافي هاد الهضرة ماعندنا مانديروو بيهاا يجييب لياا بنتي ولبااااس مايديها ليا يزز ويخلعهااا نهار يبغي يشووفها راه نجيبها تالعندو ونديير داباا يجيبها بيااا بلاماا نسيفطهم يجيبوو بزز ديك ساعة يعطيها بيا حااادر راس

ناصر : المخير فخيل زاام/ل يووك ركبيييه وجيبيييه بررب لا ديتيييها دخلي هزييها لانما نفصل لديلمك الضلوووع دخلي

سعاد:نااااصر صاافي اخويااا

الحاجة:جممممع فمممممك

ناضت مطايفة تااني الحاجة كتعاير ومينة كتفك وتسيفط الهضرة من لتحث لتحث وناصر كيعرعر واسمااء كتغوت على تسنييم حتى تمات منزلاها مرت لوسها القديمة كتجري مع دروج وتسنيم مورااها كتجري حتى كتبغي طيح وهي جارااها حتى وصلات عندهم ولاحها عليهم

_شديي هااا بنتك الله يخليهاا سلعة

قبل نايجمعها معاها نااصر صااعر على الجرة الي دايرة ليها نسااات كلشي اسماء وتلاحت على شعرهاا كتنتتتتف وضفاارها فوجهها كتقمش حتى كتخلي دمايااتها دايزيين وهوما كيفكو ونااصر كيجر فيهاا وهي فحال شي مشة ولصقات فالحصيرة برداات فيها جىهااا القديم والجديد ماطلقاااتها حتى سخفاااتها...!

مسنى:انااااري ناالكي ماححشمييييش خرجي عليااا براااا هزي بنتتك وخرجييي

اسماء:تعلمي تقيصيي بتييي القح/بة ندوز لمك كلشيي ايلااا بنتييي(قندشات فيهم كاملين) اااااي وااااحد سخن عليييه راااسو ويبرد حروو فبنتوو نقتل مو ونمشي علييه الحبببس اجي لهناا(حراتها عندها) وحرررربش شي خاانزة تدق باااابي لاماا نزل لمهااا بزرواااجة رااماولداات فياا مي غاا لخلااا

_والله مانبقى فييك اشمكاار ابلاااتي

ناصر:سكتي ولااا نزيييد على ديلمك كثر منهااا( تم غادي لمرت خوه شداتو مو)

الحاجة:يلااه زيدي زييد فحااالك

وحدة من عيالات الخوت عاونت لاخرا طلعاتها الفوق وهي كنعاير تاهي دايخة بالعصى طلعات فحالها بقى نااصر واقف عند الباب كيشوف فيهم غاديين ومينة وسعاد كيشوفو فييه كينهجو

مينة:زيييد طلع فحاااالك زيييد ولااا حاضيهااا عزااات فييك

ناصر:هاهو كاالع صاافي البنت داتها ليااا هادشي لي بغيتوى

مينة:ماالي انا الي قلت لييك جيبهاا بزز عزييز عليك قوة الربيييج لااش جايبها شوفها فزنقة وسيفطهاا على قلة البرااهش جايب لينا هاد الخااانزة تا لهناا ملي بااغي بنتك لااش مطلقها

ناصر طالع : شكووون سبااب طلااقي من غييييركم نتوكا بجوووج( حرك صبعو بين سعاد ومينة) طلقتوني منهاا وجلستوني حدااكم وهاااني زام_ل بويااا دايع فالحبااساات واخيرتي فطريييقهاا غنمشي ليييه

مينة:ندمتي علييهاا داباا عاد ندمتيي بغيتييها سمعتي الخطاب دايرين عليهل طريه طلع معاك الصهههد

وارجعهااا سير المدلووول جيبهاا سيير ليهااا

ناصر:نرجعها مالها غاتغلبني

طلع كينكر خلاهم لتحث

مينة:تي شتيي الحبااس اش كيقووول اويليي اوليي بغا يرجع لياا الشمكاار تدردك علياا فالداار اويليي بغى يقطع لياا شي عرق فرااشي اويلي بغى يسطينيي

سعاد:مي عندااك يكون داكشي اللي درتي لييه برد ومابقاش عاطي راه باغيعا بااينة غير اللي ماهزش عليها ايدييه والله تا باقي باغيها غا كيعيرها باش مايبينش

نمينة:وايلا برد نسخنوو طلعي طلعي جيبي ليااا جلاابتي وعاودي معاياا مالي انا ااش شادني على ولدي طلعي ياك باقي عندك كلشي خازنا داكشي

سعاد:عطيتو نص وباقي ليا شي حاجة نججيها ااش باغا ديري غتزيدي على داكشي ولا شي حاجة اخرى

مينة:سيريي تاتمشي وتشوفي طلعي حيدي من قدااامي

سعاد : واامي نجيب تصويرتي لابغى يعاود يدير ليا شي حجااب دالقبول على الله

مينة:يلااه غا سيري طلقينيي اري لياا بسطاامي فوق تلاااجة بااالي دغيااا

عند هند الفطور مع شعب ولا غدا ماخرجو من تما حتى قربات الضهر تودن عاد خرجو شدو طريق مباشرة للمول، فالطريق شعلات الكونيكسيون وئام عارفة المهدي غيكون سيفط ليها ميساج وفعلا مكانتش غالطة لقاتو مجاوب على سطوري كاتب ليها" الفنكوشة صافا " ضحكاات وجاوباتو الحمد الله رد عليها غبوورات هادي ردات عليه غير مع الوقت عاود رد عليها بالمناسبة جاتك لافوطو زوينة كتبات لييه شكراا عاود رد عليها ملي بديتو كتلاقاو مع لافامي مزيااان فرحت لييكم ردات علييه كضحك لا هاد سيد ماشي من لافامي ههه عرفاتو غيبدا يسول عليه يعرفو شكون واش كيدير معاهم وهي تسد لكونيكسيون وخشات تيليفون فجيبها كضحك عاجبها الحال تلعب ليه على الاعصاب خاصة انه من النوع السلطوي وايلا تفارق مع هند غيبغيها تبقى بوحدها وتاحد مايضور بيها ملي وصلو للمول عين دياب كبيير و واااسع وهند ماخلات حتى محال مادخلااتش لييه كل واحد تخرج منو بلبسة فينما تبان ليها بخومونسيون تقصدها تقاتل وضارب فالجطية ديال الماركات وتاخد لبسة بنص التمن لي لقات سوا قياصها لا قياص ختها وهي كتقيص وشعيب كيميزي ويخلص ماكتجي فين تجبد تبغي تخلص حتى كتقولو ليها ديجا الحساب تدفع تقلقت المرة لولا وتانية وتالتة مابغاتوش يخلص حسات براسها عيقات عليه وهي تقول

هند:صافي يلااه نخرجو برااكة عييت

شعيب:ماخديتي واالو

هند:على نتا خليتيني نااخد حرام علييك خليني نخلص على راسي واش مخرجك معايا غير هاد شي

حلات وئام عينيها مصدوومة من كلاام هند

شعيب:ااش عطيييتك تاعت الله اش خصرت علييك برااكة من الهضرة يلاه زيديك شي حاجة

وئام:ماخديتي حتى حاجة للبرد خديتي غير للصيف وهو قرب يخرج

شعيب:الله يعز الكلااام زيدي زيد نطلعو الفوق ماطلعنااش

مشى دقامهم طالع وئام لصقات فحنبها متقلة بليصاشي

وئام:كثر عليك الخير ابنت الحرااام تاوليتيي تقولي لييه برااكة

هند:كيصرف عليا بحالا اناا مرتوو اويليي

وئان:وماتعرفي ااش كاااين

دخلو لاول بوتيكة ولبسات هاد المرة من اخختياارو زيراات على المؤخرة بواحد سروال ددجين زرق من بعيد كيبان ساااوي وطوب كروونة نص فصدرها كيباان منفووخ قصيرة مع صبرديلة بيضة وصااك نفس لون الصبرديلة ضربات عليه نضاضر وطلقات الشعر وخرجات كتعوج وتمشي وتجي قدامو وهو حاال فمو فيها دوخاااتو بهاد اللبسة ووئام كضحك حاضيااه حال فموو حلف عليها ماتحطها خلصها وهي على ضهرها هزات اللي بقى وخرجو من تما حالفة عليه مايزيدو شي بوتيك اااخر

هند:اويلي سروال ناخدو بعشرين الف باغاا نلبسو عمري كاامل اغداا ماما تصبنو بالما سخون لا هو لا عشرين الفرياال...

نزلو للطوموبيل وقالت ليه يوصلها للقهوة فين كتسنااها صاحبتها وصلهم ومشى وهي دخلات مع ختها هاد الاخيرة اللي قشعات المهدي من عند البااب شاد القهوة مع محمد صاحبو وضحكاات عارفة،المهدي زهواني وليوم ماتخرج هند تايرجعها لييه...!

ااححح وتعرفو يغايوقع فهااد القهوة

الباب كيف بقى مفرع هكااك بقى طاايح غير سارة لي ركبات ليه خامية وجلسات عند باب بيتها شادة تيلي وحاضية مع بيت اسمااء لا يدخل شي حد واخا كيعرفو بعضياتهم ولكن تيقة مكيناش وهي كضور فلانستا حتى طلع ليها مهدي وتفكرااتو شحال ماهضر معاها فكراات مع راسها دير ليه ابووني يلاه غديرها وهي تسمع صوت باب الموبل تحل طلاات علييهم من لفوق كضحك خاصة فاش شافت تسنييم

سارة:على سلاااامة على سلااامتكم تسنييييم زيدي بوسيني زيدي زيدييي

تحناات عنقاتها هازاها عندهاا كتبوس فيهاا وشافت فاسماء

سارة:خليها معاياا شوياا غدا غنمشي ماسخييتش بيها

حركات ليها راسها بايجاب وداتها وهي هزات الخامية دخلات والحاجة تابعااها مغوبشة كتنفخ وتفش مفقوووصة مع الدخلة ضارت ليهاا واسماء جالسة كتصنت

الحاجة:هاناا غاداا دوورك شكون غيبقى معااك هاااا شكون قااال مايضرب القرعة والكاس فنصاصات لييل وتباني ليه فالقرعة ويجي يهجم علييك شكون،غيفكك هاد العيالات لي ايلا شافو راجل كيتخزنو منو هوما وماكّدوش على رجالهم عااد يعتقوك منو عااااد يرحموك ...تي نهار يخسر ليك الوجه عاااد باقاا باغا تعيشييي تي شكون هذاا لي غيبقى يشووفيك شكون هذاا لي عاد مزااال يخدمك عندووو تي واش هذااا باقي عاد يقييييلك وهو خارج من الحبس عينو حمرة فيييييك تي شفتييي هاد الشمكاااار لي جبتي ليااا نهار لول قلت لييييك مابغيتووووش وتي لاا لا منو مانخلق

اسماء:صافي داكشي دااز اماماا وماغيقدر يجي غير كوني هاانية

الحاجة ايديها على جنابها : وااهيا عندك الرااجل اللي عاس علييك اللي واقف فجنك وراد ليك البااال واناا مافخباااريش هااا عندك الراااجل اللي يضرب ليه الحسااب وقبل ما يعتب باب زنقتك يقول لا را كاين فلااان وغينزل يخلي دار بويا ايلا قربت ليهااا..شووفي فيااا رااني داوياا معااك شوفي فياا ماشي تالنعقوول وتخشي راسك وسط كتاافك شوفي فياا

هزات فيها اسماء عينيهاا مدمعييين كتشوف فعين مها شحال قاصيين عليها

الحاجة:جوج كلماات غنقوولهم لييك جوج لا غير انا ابنيتي هااد الحبااس مقادرة علييه وماعندي الصحة ليييه وماقادرااش كل ما نحل عينياا تعيطي ليا بمصيييبة جدييدة وخوتك ماغيقربو ليه يا غيضربووك ويغرقو حباسات يا غيضرب شي حد فيهم ونسيفطو للقبر وانا مستخية بولاادي فطريق شمكاار..هاادشي هداا كون قلتو لباااك كون واهلي صباااح غسلتييه وسيفطتييه يرتااح للقبر آجااب الله زكيت رااسي وماقلتها لحد وبسكووتي جيييت ...جووج كلماات نقولهم لييكم لااا غير ياا تهزي حوايجك وتحدري راسك وتبعينيي وديك ساعة تحت جنااحي وحربش يقرب لعتبة بااابي بغيتي تبارك الله مابغيتييش سيري تجوجيي اويليي تجوجي ابنيتي ديري راجل فكتك يهز عليك الدقة ويديير ليك القيمة

اسماء غير حادرة رااسها كتسمع مرة مرة كتمسح جفن عينيها من الدموع وصوت شهقتها مرة مرة كتفلت ليها فحين الحاجة عينيها معميين بالغضب ..

الحاجة:يكدب علييك الكداب لي يقوليك المرة تعيش بلا رااجل اييه عرفنااك حادكة وتبارك الله مراة ديال الزمااان ويعول علييك الواحد وليني ابنيتي المراة الفرادية ديما محكووورة وضوري تا ضوري ولافوت ديما منك يجي اما ملي يكون بجنبها رااجل لي تعول علييه ويعول عليهااا يسخن بيها كتافو وتسخن بيه ضهرها يحن فيهاا ويهزها ونهار طيحي تلقاه طايح معاهاا هانتي تحرقتي غايدييك باقي شي حد يخدمك على حياة غتقبلك فصالون ونتي يدييك نصهاا تصلق ااش غدير بييك باش عندك ما تنفعييهاا..ماااتبكيييش ملي يقول ليك بنادم كلمة الحق مابكيييش علييه هادي هي سنة الحيااة وربي ماخلق المراة والدكر ايلا باش يتفاهمو ويتزاوجو ويعيشو مجموعين ماخلقش تفااردي حيت ابنيتي نتي مطلقة مايكدبش علليك الواحد الهضرة فيييك وفيك ومكاينش لي يزينك لواحد اخر الخطاب لي راههم كل مرة يجيو فييك شكون لي جايبهم نتي ولا زيينك...لا كان غا هو سيري كوليه رااك غا مطلقة شكون هذا لي باقي يديها فزيينك ما مجوجة مي ناس ماشادة دار بااك كي بنات العياالات... ماكينش لي يجي على قبلك ولي حا ودق البااب منهم لي عمرو ماشاافك ابنيتي والو غاسامع كيجيو على قبلنا وعلى قبل بااك لي صمعتو كضرب من بعيد لبعيييد والمخير فناس كيعرفو وكيشكرو ...وليني باك مداايمش ليك فالحيااة ماعرفنا شكون سابق هو ولا حنا ولا نتيي غدا ملي يمشي باقي يشوف فييك شي حد..بعد تولي فربعيناات والخمسينات باقي يدق بابك شي حد والله ابنيتي وتزيد بنتك تكبر شويا وتولي فتلاتيناات لابقى الكلب يساااومك(تنهداااات ) حرقيتيي فكّلبي حرقتينيي يا بنيتيي وماتسمعي كلام واليدييك وماتبعي كلامهم وماتبعي كلام مك وغا غاداا والوو راك والله ماعارفة فدنياا قد هك ماعااارفة فييهااا واااالو ملطة ...ونتي تعرفي كلامي هااهو قلتو

سكتات اسمااء بدون اجابة والحاجة شافت فيها مطولة عارفة لي فراسها فراسها واخا تهضر نهار كامل ...وهي تحيد زيفها قادااتو بغات تمشي وناضت معاها اسماء نزلات معاها تا لتحث عند الطاكسيات شدات معاها واحد ورجعات كتتقلب على المعلم ما جات لدار حتى لقاتو وجابتو معااها وقفاتت ليه عند البااب هو كيصااوب وهي حاضياااه مرة مرة كتطل من لتحث وهو يبان ليها باب الموبل تحل ودخلت منو مولات الكرا حسات بالما برد ليها فالركاااب كتولو فدااخلها و موجدة ودنييها للغوات تااني...

القهوة المعلومة...

في واحد الطبيلة فالجنب جالس محمد مع كافي نواغ قدامو كيرشف منها مرة مرة وجورنال فايدييه فنفس الوقت عينيه على المهدي اللي شاد تيلي فايديه وقهوتو بحال ديال محمد شرب منها جغمة وحطهاا مكمش ملامحو..

المهدي:تئ قااصحة اصحبي مااالك خليني نااخد غير صودا نقدي بيها

محمد:تانمشي وخودها...اهااه (حط جورنال وقرب عندو مربع ايديه فوق طبلة) مناوييش

المهدي: نااوي ناوي

محمد:طلقنا سرسب اش عندك

المهدي:ناوي نهضر ولكن برب ماعارف اش باغي تعرف..

محمد:اش غدير مع ديك سيدة

المهدب:اسمااء...(حرك راسو بايجاب وهو يشوف فزااج كيتنهد) مابغااتش اخوياا مزال كنحاول صعيييبة صعييبة

محمد : مشيت وصلتها..وهضرت معاها شوية فالطريق

المهدي:واايليي هه..كيجاتك

محمد : كيفاش كيجااتني

للمهدي:فشكل يااك ماشي بحال كاع البنات

محمد:مهم...هضرنا شوية السيدة ماباغاش الزواج امهدي بلاما تحاول... تزيد تقرب عندها شوية غتكرهها فييك خلي بلاصتك زويينة ضروفها كبر مننك ماغاتقدر لا عليها ولا علييهم.... يلاه مكافية مع بنتها وضروفها...خليها فحالها

المهدي:ماقلنا والو داباا مابقيتش غنضور بيها حاليا تا لمن بعد...اودي كون غير خلتيني نعرفها وتعرفني شوية حتى ايلا ماتفاهنااش عاد نبقاو ديزامي وكل واحد يشد طريق

محمد:مابقيتيش باغي تزوج وليتي باغي تعارف

المهدي:ومايمكنش تااني ماكنعرف عليها تا حاجة ، من غير سميتها ومطلقة ونتزوج بيها نيشاان فشكل تااني..ماشي كلشي بحاالك ههه غير عرفها زرب عليها انا مابغييش يعزلها ليا الوااالييد ههه

رجع محمد تكى بضهرو هز جورناال ملي عرفو غيبدا فالطنز تاني

محمد:كمل كمل قهوتك خلينا نتحركو

المهدي:شتي على بلانااات كديير الخيييخ لي فراسي عارفو وصاحبي قريب يتزوج وانا فدار غفلووون

محمد : اناا ومعااارف والو بحالي بحااالك

المهدي:زعما زعما باك مقالش لييك نهار جمعة خطبتك زعما تاا سيير اصحبي من تخرااج العينييين(ماردش عليه وهو كمل كلامو) وابلاان نيييت من نهار عرفتك وتا ماباغيش جواج وليتي غتزوج قبل مني منين ضبرتي عليها طلق طلق صاحبك انا ههههه

محمد:بحاالي بحاالك

المهدي:بروجوولة دابا الواليد ديالك اللي جابها هادي باينة ونتا ماكتقدرش تقول لبااك فالمثااال فالمثال عجبااتك شي وحدة مثلاا راه عادي تعجبك شي وحدة وتبغيها للزواج شنو غتقول لواليد دياالك

محمد : حياتي وانا اللي كنختار شكون غيدخل ليها وشكون لا...

اامهدي:وا غير ايلا مابغيتييش مصوفي رااسك خداام لا لا مزال سطاجيير هههه.... اودي على الدكتور ديالنا غيتوووج غنقولها للواليدة احتمالية تمووت غا باافرحة ههههه

محمد : حشومة اصحبي هههه

المهدي:غير مطايحاش على الكلينييك لي راك فييه وحق الرب تا كل نهار تشد عندك الطريق اي ضارني راسي ضارني حلقي ضارني ضهري

سكت محمد كيضحك والمهدي حتى هو ضااحك وعينييه على،الباااب حتى هز فيه محمد عينو شافو سااهي وتلفت ضار فيين كيشوووف غير قشعو فين سااهي وهو يضور عندو

محمد : متأكد باغي تزوج ؟

المهدي:ءء علااش..ماشي هند هااديك الوقفة وقفتهاا ولكن (وقف) خلييك هاني جاي

محمد : خلييك نتا انا غادي( رشف اخر جغمة وحط حسابهم بجوج وناض) نتشااوفو..

خلاا ومشى خارج دايز من حداهم بحاال شي عجاجة زرباانة خلا وئام متبعاه حالة فمهاا حمقهاا بشخصيتوو اللي كتبان غير من شوفة غاامضة خاصة مع ديك الكاسكيط الكحلة منزلها على وجهو حتى كيتخباو ملامحو وسروال كحل ودجاكيت خفيفة تاهي كحلة هاز غير تيليفون وسوارت فايديه ومشى خرج...فحين هند كانت كضحك مع البنت اللي فلغيسيبسوون حتى تلفتات وهي تلقااه ورااها ضاحك وعينيه كيفليو فيها

المهدي:هند صافااا

هند:هذاا نتاا ؟

المهدي:هو هذااا صافا هانية

هند:الحمد الله....هاد الساعة

المهدي شاف فوئام:فنكووشة( جر ليها نيفها ضااحك وشاف فهند)

المهدب:ايلا كنتو غتجلسو نجلسو اونسومبل ايلا مكانش مشكل بيان سيغ

هند:لا مرحبا ولكن كنتسنااو شي حد غيجي دابا ومن الاحسن مايشوفناش بجوج

المهديبنضرة من نيتك : واايليي

حركات راسها بايجاب وجرات ختها مورااها ومشااو

وئام:نااري ايدييك كترعد مالكيي

هند:ششش والوو ءء ا انا غنمشي لطواليط جلسي فشي بلاصة على ما جييت ..(مشات خلاتها و وئام مشات جلساات حتى جا لعندها المهدي جلس قداامها)

المهدي:قولي ليا شكون جاي

وئام ضورات عينيها تالفة قدامو:شكوون جااي..ءءء جا ج جااي م خ خطييب خطيب ختي

المهدي:خطيب ختك..امتى تخطباات ؟

اوئام:و واشحاال هذااا ش شي شهرين داباا

المهدي:شهرين..شهر هذا كانت معاياا كيدارت ليهاا وامتى عرفاتو وعرفها(غمزها)

وئام:م ماعرفتش

المهدي:باقة ماكتعرفييش تكدبي ههه نتسناو معاكم نشوفو هاد سيد اللي غيجي..

عن هند دخلات للطواليط كانت خاوية غير باب واحد اللي مسدود وباين عامر وهي توقف قدام المراية كتنش على وجهها قلبها كيضرب بجهههد والسخونية حاسة بيها طالعاها جبدات صاك وجبدات عكرها كتقاد فييه حتى تحل الباب موراها وخرجات واحد البنت وقفات حداهاا كتغسل فايدييها وعينيها علييها كتطلع وتهبط حتى ردات ليها هند البال وضارت شافت فييهاا

هند:لبااس؟

_الحمد الله ونتي صافاا

هند:الحمد الله..

وقلبات عينيهاا وديك البنت قربات لعندها حتى لصقات حداهاا مبسمة

_انا صابرينَ ونتي

بنص غين شافت فيها واخا حسات بشوفاتها ماشي ديال الله الله ولكن جاوبت

هند : هند ..

صابرينَ : نسولك ايلا جات على خاطرك..

هند:اهااه مرحباا(ردات العكر لبلااتو كتمطمط فشفايفها وديك البنت حاضياها)

صابرين:شنو هو لو تيب سيكسييل ديالك...ماتفهمينييش غلط غير مجرد سؤاال

خطات ايديها على اللي طاجي هااازة فيها حجباانها القضية حاامضة مدام حبدات ليها الجنس

هند:مفهمتش اختي هضري بالدارجة باش نفهمك

صابرين ميلات راسها فيها مبسمة : مثلا انا كنفضل نجرب علاقة جنسية مع بنت يعني كنرتاح للبنات كثر

هند:ااااه فهمتك..ايوا الله يعفو عليك اختي

صابرين:وا مايمكنش ههه ماتحكميش على راسك مادامك ماجربتيييش ..احسااس زوين تيقيني..

هند:سيري اختي الله يعفو سيريي

صابرين:غير جربي ماغتندميييش ...( ضورات عينيها فطواليط) مكاين حد غيرا نا وياك

يلاه غتقيص فدرااعها وهي تدفعو ليهاا

هند:العفووو يلااطيف حيدي ايدييك ماتقيصييينش طلعتي لياا خاطري تفوو

صابرين : كلشي فييك زوييين و كيشهي ماتخليش شي واحد يااخدط بالساهل نتي كنز بالنسبة لينا

هند:اويلي شكووون نتومااا

صابين:اناا والبنات اللي بحاالي وايلا عطيتي لرااسك فرصة تعرفي فاش غترتاحي حتى نتي غتولي منا غير جربيي ماغتندميبيش

قربااات كتلمس فيها وهي تبعد

هند: بعدي مني حيدي ايديييك تفوو خاطري تروع عليااا حديي ايديييك يلااطيييف

رجعاات تاني باغا تقييصها عينيها محلووولين وريوقها سالو عليهاا وهند هربانة منهااا خاطرها تروع وهي كتشوف فيهاا حتى بانت ليها غتعاااود تقييصها وهي تدفعها بجهههد

هند:بعدي منيييي راا غنضربك قسمااا باللله تفووو على ماااركة فبلاااصتك ننتااحر ونمووت ومانقبلش على راسي فهاد الحااالة الله يغبر ليكم شقف تفوووو على مرض كيداااير...

ضابرين:كنمووت على البنيتاات اللي كيكونو عنيفيين بحاااالك

ولات كلهاا كترعععد حاضية معااها والتقية فحلقهااا وااحلة وهي تعااود دفعهاا وحلات البااب خرجاات من تمااا كل مرة كضور تشووفها واش غتخرج حتى بانت ليها خرجات مورااها وهي تمشي كتقلب على طبلة وئام ماداتهااش فالمهدي جلسااات وهو كيهضر معاها وهي بالها مع ديك البنت اللي خرجات كتشوف فيها وكضحك...

المهدي:هند..هنند ماالكي

هند:ءء م ما ماليش و واالو اااش كدير هناا راه قلت ليك كنتسنى شي حد

المهدي:نتسنااه معااكم ماتعرفوناش عليه زعما...

هند: المهدي الله يرحم الواليديين خليني نجلس دقيقة مرتااحة عفاااك

شاف فيها مطوول وهي شادة راسها بايدييها كترعد ووجها حمر حمرررر سخوووون كثر من السخونية اللي فجسدها كاامل والمهدي شاف فوئام غمزها بمعنى مالها وهي هزات شفايفها بمعرفت..وهو يدفع الكرسي ودعهم ومشى خرج ..

وئام:هند مالكي اختيي يااك لبااس..ملي دخلتي ونتي فشكل..

ماردااتش علييها جا عنده سيرفوور وهي تردوو حتى بدا تيليفونها كيصووني

وئام:جااوبي انشووف..شعيب كيصووني لييك جاوبييه..

طفات تيلي خلاتو كيصووني و وقفاات

هند:يلااه نمشييو

وئام:علاااش

هند:يلاه صاافي يلاه نمشيييو تخنفت..

ناضت وئام وخرجو بجوج من تما يلاه حطو رجليهم فلباب وهو يوقف قدامهم المهدي بطوموبيل..

المهدي:نوصلكم..

بغات تمشي وهو يحبسها بالكلااكسوون

المهدي:رااك عارفة ماكينش اللي غيدييكم من هنا يلاه نوصلك كتباني ليا ماشي هي هااديك...

بتنهيييدة حلات البااب طلعات جنبو و وئام لور وهو يكسيري طريق كاملة وهي حتى كلمة مانطقاااتها حتى وصلهم قدام الباااب فين كان جالس يونس مع دراري صحاابو حضاها حتى نزلات وطلعات للعمارة،وهو يتعبعهاا فالدروج ماجات فين تحل البااب وهو يدفعو عليهاا بجهههد كيغوووت ويسب وهند حتى هي كان خاصها غير هاد القطرة فين يفيض الكاس ضاارت لعندوو فوجهو كتسب فيييه وتغوووت لربي لخلقها خلات العمارة كلها كيطلوو وهي كتبكي وتغوووت علييه كون ماشداتهاش مها و وئام حتى ضرب بغات ضربوو صدماتو بقى غير كيشووف مافهمش مالها فالاخير نزل مع درووج كيسب تحت شفايفوو مااافااهم واالو فيهاا وهي سدات عليها فالبييت حابسة تاحد مايدخل لعندهاا..كيسمعوها غييير كتبكي وتنخصييصها مسموع تالعندهم مااحاسينش بالخنقة اللي كتحس بييها خاصة فاش وقفات قدامها صابرين واول لمسة قاصت فيها جسمها ماااحملاااتش رااسها وماحملتش جسمها كيفاش حتى ارتاح ليها وكون ما منعااتش راسها كانت غتطيح فلي سنيسن وهي خايفة منو ماغتقوولش اول مرة غتجرب شي حاجة هكااك حيت وهي صغير كيف سبق وقلت جربات رغباتها الجنسية مع كلشي سواء دراري او بنات وهي صغير ورغبتها الكبيرة كانت كتلقاها وهي مع الرنات كثر من دراري صحاابها، ضرباات فشعرها ونتفاااتو كون ماخافت الله تقتل راسها وتهنى من عداب الضمير اللي كيقتل فيها عرق بعرق،تمناات بزاااف تلقى اللي تعاود ليه بكاع اللي كضور فبالها وماتخافش منو يضحك عليها ولا يشمأز منهاا ولا يخاف منهاا ....ماكرهاتش تلقى اللي تجبد معاه الموضووع ويكدب ليها افكاارها وقوليها ماشي غير بوحدك ونتي مامختالفااش على ناس نتي بحالك بحالهم وافكارك حتى هوما عندهم واخا غير بالكدوب يقولو ليها ويريحها...

ضلمة الليل طاحت والكّمرة توسطات السماء مزيانها بنجومها،كلشي تعشى وقصد سرييرو يتكى ايلا تسنيم اللي باقة كضور فالبيت بتيليكوموندهاا فاابييت كل مرة تمشي تفيق اسماء اللي كانت ناعسة فوق الناموسية معاقلاش على رااسها..

تسنيم:ماماا....مامااا(كتحرك فيهاا وعينيها مدمعيين)مامااا نوووضي

اسماء:اناا غنوض انا غنووض ابنتي تفرجي( تقلبات لاجيهة لاخرا )

تسنيم:مامااا فيااا جوووع (نزلو دموعها) فيا جوع اماما نوضي

اسماء:هاناا هاناا(نااضت مقلووبة مزنننمة والعرق كيصب منها بحالا كاانت كتحري وكلها مبوورشة) ااش بغيتي تاكلي قولي لياا نطيبو لييك

تسنيم : بحال اللي كلات سارة ودوقاتني منوو

اسماء:واا الحبييبة سارة را كتجييب غا لبيتزاا وطاكووسات والسوشياات وهادشي انا مانعرفش لييه قولي شي حاجة اخرى نشووف

تسنيم: هي صيبااتو غير بوحدها فيها خبزة وفوق منها ماكيشة وزيتون

اسماء: ندير ليك البيض وماطيشة تاهو زويين

تسنيم:واخااا

باست خدهاا وعنقاتها عندها هازاهاا فحضنهاا كتبوس فيها

اسماء:خلييت بنيتي بالجوووع ممم...

طيبات ليها ااش تشهاات وهي واقفة على البوطاجي سخفااانة وايديها المحروقة عاطياهاا احرييق كتزدح عليهاا وهازاها التبووريشة كتحس بالعرق نازل كيقطر مع ضهرها قالت غير العيى والخلعة ديال هاد النهار ولكن بقات ضاغطة على رااسها حيت ايلا زادت نعساات وعكزات غتمرض وماعندها علامن تمرض وجداتو ليها وحطاتو فوق طبلة خلاتها تعشى وهي رجعات للناموسية تكااات وبسرعة غفاات عينيها ومشاات نااعسة...خلات تسنيم كتعشى حتى شبعاات وناضت غسلات ايديها كيف معلماها وغسلات سنيناتها وهزات المقلة رداتها لبلاصتها ومسحات طبلة عاد جلسات وجرات ايزار عليها شادة رسوم كتفرج فحين اسماء مافاااقتش بيها كاااع دااها نعااس ...ساعات دازو وتسنيم كي شي مشة عينيها ماتغمضوش مقابلة مع رسوم وكضحك حتى بدات كتحس بشي دقان خفييف فالبااب وهي تكعد قربات للباب مقلدة اسماء حطات ودنيها علييه..

تسنيم:شكوون

ناصر:تسنييم حلي ابنتي ل باباااك

تسنيم:بابااااا..م مانقدرش نحل ماما عندها سارووت

ناصر صوتو ثقييييل:فيناهياا ماماااك

تسنيم:نااعسة بقيت بوحدي كنتفرج

ناصر:وساروت ماكاينش حداها شوفييه وااش كاين

ضورات عينيها بان ليها تحت اامخدة

تسنيم:كاااين لقيتو ولكن انا ماكنعرفش نحلوو

ناصر:هانتي لوحيه ليا من لتحث انا غنحلو يلاه ابنتيي يلااه نشووفك واش غتعرفي يلااااه

تسنيم:ولكن ماما كتقول ليا ماتحلي لتاحد غضربني ايلا حليتو وهي ناسعة دايا ملي غتفيق غتغضب عليا

ناصر : حتى انا بابااك ماغتقوليك والوو زحيزنشوفك حيت توحححشتك وتوحشتك ماماك وخاصني نشوفها يلاه حلي عليا

حركات راسها بحالا كيشوف فيها وهزات ساروت من تحث رااسها ومشات للباب تحناات ولاحتو ليه من تحت العتبة وهو يهزو ديك ساعة حلو عليهاا غير بانت ليه وهو يضحك كلوو كيميييل وكيمشي ويجيي عينيه بالشرااب ناعسييين وحمرين كيف الجمرة هزهاا لعندو شوية ومغيطييح هو ويااهاا

ناصر:ششش..ششش م مانفيقوش مامااااك..

دخل وسد الباااب موراااه وعينيه على اسمااء فوق ناموسية ناااعسة...!

كيف العادة وماشي اول مرة كتفييق على صوت البكى حلات عينييها فالصقف وهي كتقلب على مصدر الصوت منين جاي، تلفتات جيهت ليمنهااا حتى كتبان ليها وحدة جالسة حدا رااسها فوق المخدة جامعة رجليها عندها وخاشية راسها بين ايدييها شعرها كلو مطلووق عليهاا كتسمع غير فصوت تنخسيييسها وضهرها كيهتز بشهقااتها، بكاها مكانش عادي بحال شي وحدة محروووقة او مات ليها العزييز عليها كتبكي بحر جهدهاا حتى كتخنق وتهز نفس وتعاود ترجع لبكااها واسماء غير كتصنت عليها كتحس براسها مرطوبة ماقادرة تهز ايديها تقييصها ولاا تحاول تسكتها عياات ضاارب وتحاول تهز ايديها تجبد ليها و واالو و واخا هكاك ماستسلمتتش وحااولت تهز ايدييهاا تاااني عندها كتجبد توصل ليها ومن حدها وهي كتهز ايديهاا ولاخرا كتزيد تبكي كثر من لول حتى ولا قلب اسماء كيضرب بجهههد مخلووعة منها وخاايفة وهي تجر ايديهاا بجهههد بالجرة اللي غتجرهاا قفزااات من نااموسييية فااايقة كلهاا كتنهج ماغتحل عينيها غير فناصر لي كان جالس جنبها لاصق فيها فوق ناموسية وعينييه حمرييين معسلييين فيها وهي تغوووت بجههههد مخلووعة حتى خلعاتو وناض قفز من حداهااا وهي توقف لييه

اسماء:اا اش اااش كديييير هناااا اويلييي(نزلات حناكها) اااش مدخلك عندييي

كلو كيمشي ويجي سكرااان

ناصر:ششش شش غيسمعنا شي حد ا انهضرو شوياا

اسماء : فاااش غنهضرو اخووويا فاش عدنا فاش نهضررروو خرررج علياا برااا خرررج علياااا براااا ولا والله حتى نشوهك هاااد ليلاااا

دفعااتو ومع مرخي تلاح طايح فوق ناموسية وهو يوقف ماراضيش مع الوقفة هزز ايديييه حتى لفوووق ونزل على خدها بتصرفيييقة حتى دااخت شادة عليييه وجرها من شعرها لعندوو وتسنييم ولات كتبكيي وتغوت بماماا

ناصر :تهزيي علياااا لزاام/ل بوووك ايديييك تعااااودي تهزيييهااا بررررب تانقتتتتلك ضسرررتك عليااا كتقلبيي علياااا لقح/بة ممممك

اسماء شاد منين شاد شعرها مقصحة :بعععد منيي

ناصر:الق/لاااوي اللي غنبعد مننننك لزام/ل بوووك انا ماعندك مني الفكاااك باغااا تجوجي باعا تشدي شي ولد القح/بة تاني برب تانقتلك تي وياااه وبرررب المعبووود ونسمع عليييك شي حاااجة تاانح/ويييييك وسيري عندو بكررررشك مدلية ابنت القح/بة

دفعهاا مليووحة فلرض وهو كيتماايل فحين هي ماهزاتش باقي الرااس ولات خايفة على راسها منو وهو كيعرعر حتى نوض الموبل كامل خرحو كيطلو ويتصنتو

ناصر :آبلااااتي ابنت الق/حبة

نزل كيقلب على باكية الكارو اللي طاحت ليه وهي فين طاحت جلساات كتشووف فييه عينيها داامعييين حاقديين علييه

ناصر:واااااابرررررب لااا كنتي لشي واااحد شكون بغا طلاق نهار لول تيا ماشي انا شكوووون تفااارق تيا ماشي اناا شكون عزل تياا ماشي انا ودابااا رازي ميمتتي لاكنتي لشي واااحد يااا انا يا تااحد فطرييقك فطرييييقك غنقتل زام/ل شي وااحد نقتلووو وندبح زام/ل ونقتل راسييي ومانخلييكش تعيشي هااانية معااه

تحنى هز البااكية شوية ومكان غيطييح ورجع تكعد كيميييل وكيشتف رجليه ماتابتينش لييه حتى قشع تسنيم لاصقة فالحيط كتبكي وهو يمشي ليهاا

ناصر:ششش مااتبكييش اباب شش م غغ غنهضر مع مك اناا غنمشي انا غادي

تلفت شاف فيها اخر مرة وخرج مع البااب نازل كيتخبط فالدروج عاد فاق عليه العسااس ولكن مع كيعرفو وكيعرفو شحال جلاخة مادواش معااه غير خنزر فييه فحين اسماء سدات عليها الباب قبل ما تدخل شي وحدة ورجعات دخلات عند تسنييم جبداتها لعندها وتكات هي وياها فناموسية خشاتها فصدرها كتطبطب عليهاا وهي ميتة بالخلعة كترعععد ووجهاا صفااار بزز باش قدرات تنعس ليها اما هي مارجعوش تغمضو عينيها ولا نعسات دماغها خدام يخيط ويفصل فكرة تديها وفكرة تجييبها ودموعها نااازليين كيقطرو تحتها تالفة ودايخة بيها حاسة براسها محكوورة واللي غيكون فضهرها وتعول تكى علييك ماكينش بقات على حالها حتى صبح عليها الحاال وبدات كتطلع عليها الشمس...لاحت عليها الغطى وناضت جبدات ساروت فين كانت حافرة ليه ديال واحد جيهة فالماريو وخشات ايديها وسط الحوايج تا جبدات واحد البزطام صغيير حلاتو وهي تبان ليها السنسلة ديال الدهب ديالها االي عطاتها مها فعرسها والمارياج وخاتم اخر خازناهم لديور زماان وجا الوقت فين تجبدهم وتعول علييهم، نوضات تسنيم لبسااتها حوايجها دالمدرسة فطرااتها ووجداتها عاد لبسات جلابتها دهنات ليكرون لوحهها االي صابح ليها فواحد ااجهة من فوخ وزروقية واضحة تحت عينيها خباتها بالمايكاب كلووز رطب شفايفها لوات عليها شال يدفيها واخا كان الجو سخووون ولكن تبوريشة دالبارح باقا هي هي كلها كترعش بالبرد ونيوفها ساايليين وراس كيطيح ليها بالسخانة...شدات فبنتها وخرجاات بان ليها بيت سارة محلول وهي تمشي لعندها عارفاها غتمشي وفعلا كانت موجوودة لابسة حوايجها غير كتأكد واش كلشي هو هادااك...

سلماات عليها كتوصي فيها وتعاود ترد بالها فالطرييق واخا كانت صغر منها بسنيين ولكن سارة اكثر وحدة طايحة عليها فداك الموبل واكثر وحدة كتحس بيها كتفهمها وكتبغي بنتها بالقلب الصاافي..

سارة:حتى نتي ردي بااالك..س سمعنا لبارح داك ااصداع ردي بااالك عفااك مديريش تيييقة واصلا علاش مخلية باب بيتك محلووول

اسناء: ماعندي ماندير مصيبة كحلة طاحت عليا وصاافي كنت باغة نسولك قلتي ليا كتقطعي من هنا للتران ولا مانعرف تقدري تقطعي تالكييران

سارة:ااه غير بتيلفون تقطعي للكار اللي بغيتيي

اسماء:وتمن تاهو تقدري تعرفيييه

سارة:حتى هو علاااش

اسماء:شووفي لياا (كتفكر) ش شوفي ليا سطاات شحال دايرة

سارة:هي قولي ليا مساافرة

اسناء:لاا هههه بقى ليا غير تسافير غير كنسول وصاافي شوفي ايلا عرفتي شي حاجة..

جبدات تيليفون من صاك كتقلب ليها ويهضروو حتى لقات ليها ثمن التدكرة الواحدة وحتى المدة

سارة:طالعة ليا هنا 70 درهم مهم نتي عولي على ديك 85 هكااك ماتيقيش تاني الكيران ماشي بحال تراان نااري العاااار ايلا كنتي باغا تساافري ولا شي حاااجة جي عندي الله يسااهل عليك اكادير واااعرة وغتعجبيك نتي هانتي خلصي عليك غير من هنا نتي وبنتك ماي توصاي عندي تما ماتخممي فوااالوو مقلدااك ا اسمااااء ما جي لعندنااا عفااااك

اسماء:اويليي المسطية باش غنساافر الوقيتة اللي نخدم نمشي نتسااراا وايلا كتاب نشاععالله شي نهار علاش لااا والله حتى نجي

ساؤة:مهم انا غير قلت ليييك ماتخممي لوالو نتي غير عبئي تيليفون تنزلي فالمحطة صوني ليااا

اسماء:انشاااء الله ربي يخليييك سيري مانعطلكش تولي مضيعاه بحال البارح طرييق سلامة ماتغبريييييش

سارة:ماااسختيش وحق الله..

عنقااتها مطوول كتوصي فيها وباست تسنيم خلاتها ونزلات هي وبنتها مباشرة للمدرسة ساعة وهي غير مع الاستادة كتنبه فيها على كثرة الغياب هاد الاياام واسماء كتصنت كارزة على بزطام فيه دهب فايديها خلاتها حتى كملااات وطلبات منها سمااحة وخرجات للشانطي لكبير شدات طااكسي نيشاان للمارشي عند الدهايبية...

فواحد الشارع كبير كانت واحد دار بيضة عاالية وكبيرة مكونة من جوج طاجاات داخلها وبالضبط وسط الكوزينة اللي كانت عبارة عن مرح داير بالصداادر وطبيلة الوسط وتلفازة عاد بعيد عليها شوية الكووزينة ، دار داخلها كبر من برا ديالها واااسعة وكبيييرة وفصاالتها زادت وسعااتها بفراش مغربي تقليدي مية فلمية مأتت على حقو وطريقو كلشي كينقي وكلشي كيشعل، جالسة سيدة كبيرة شوية فالسن بجلابة بيضة وشاال حتى هو بيض وتحت منو زيف حياتي كيبان نضااضر طبيين محطوطين فوق وجهها البيض كيف بيوضية ليبيبي النوور كيضرب من وجهها ومن ملامحها كتبان سيدة بشوووشة ودرويييشة من العيالات الكبار اللي كتبان طسبوبتهم على وجهم...شاعلة القران فالتلفازة ومتكية براسها كتصنت ليييه فحين كانت بنت اخرى في الكوزينة واقفة على طياب والشغل كتمشي من بلاصة البلااصة...لحضاات وهي تسمع صوت الخطاوي طالعيين مع الدروج وهزات تيليكوموند نقصات من الصوت حاضية مع البااب حتى تم داخل منو محمد ب بانطوفة منزلية وسروال صيرفيت مع تيشورت نص كم ودجاكيط خفيفة الفوق والفوطة فايديه لحيتو باقا كتقطر بالمى وهو كيمسح فيهاا وديك المراة غير شافتو تبسمات فوجهوو وهو قرب بااسةعلى راسها وايديها وجلس حنبها وهي كترضي علييه

الحاحة حليمة : الله يرضي علييك الله يرضي علييك صليتي اولدي يلاه لقيتي باك سول عليك وخرج

محمد : طلعت نشوفك ونازل نصلي كي صبحتي

حايمة:الحمد الله الحمد الله ربي كبييير

محمد:الحمد الله ...فطرتي شربتي دواك !

حلينة:لا كنتسناك تفيق نفطر معااك

محمد:ودوااك؟

حليمة : داباا نشربو ماغيهربش ههه نوجدو الفحور داابا نفطروو

محمد : نهبط نصلي ونطلع غير وجدووه

حليمة:سيري احننيي الله يتقبل الله يتقبل..

نزل بتحث فين كاين بيتو اما الحاجة حليمة وباه كيعيشو لفوق دار مقسومة على جوع جوج كوزينات وحدة لفوق و وحدة لتحث جوج جوج من الحاجة ومحمد تقريبا كانو مخلين ليه لتحث وهوما شادين الفوق، لحضات ورجع طلع لعندها لقى الفطور موجوود جلس جنبها كيفطروو

محمد:قلتي ليا الواليد سول عليا ياك ما كاين باس

حليمة كتحك على ضهرو: لا احنيني لاا غير بغى يشااورك فشي كلام وصاافي..

محمد : اما هو

حليمة : عارف باك كل جمعة كيخرح شي براكة يصدقها على خوك الله يرحمو وهاد جمعة ايلا كمل الله خطبتك بغى يسبق الصداقة قبل ليلة الجمعة باش يرتاح من جيهتها

محمد:الله يتقبل كنت غنسى علاش مقالش لياا نعطييه حتى انا عندي شي براكة نعاونو بيها

حليمة:مكيبغييش يكلف علييك راه عارفو كيداير

محمد:مكاين لا تكلفة لا واالو اللي كنخرجها كترجع ليا بالضوبل سبحان الله..اهاه لقيتو لمن غتعطييوها

حليمة:لا اوليدي مالقاش والو كل عام كيعطي للعسااس ديال الشارع عرفتيه وهاد العام مسكين رحل وقالو لينا سافر لشي مدينة اخرى مابقيناش عارفين علييه والو دابا كيقلب على شي حد يستااهل ويكون محتااج نتعاونو معااه بغى يشاورك لا كنتي تعرف شي حد

محمد:مالقيتو حتى حد واالو

حىيمة:وانا احنيني غير دار مانعرف حد وهو قاليا ماعرف شي حد محتااج ماعرفناا والوو ربس شاهد عليناا كنا كنعطيوها لداك العسااس وبالنا مرتاااح

محمد:كاينة واحد السيدة تقدر تكون محتاجة ليها

حليمة:شكون هادي كنعرفوها

محمد:لا مكتعرفوهاش وحتى انا مكنعرفهاش هي المعرفة ديال المهدي...واحد النهار بالصدفة وصلتها للدار مهم بدات كتبكي وكتعاود ليا على حياتها مقصحة الواليدة ديك البنت ايلا لقيتو كيفاش تعاونوها

حلينة:الله ياودي ومرحبا و االف مرحباا عطيني غير لادريسة ولا نمرتها نهضر معاها ونسيفط ليها رزقهاا

محمد:ماعندي حتى حاجة تا ندوي مع المهدي يعطيها ليك ..و وماكرهتش الحاجة ايلا قدرتي حاولي تهضري معاها ماعرفتش واش غتقبل الصدقة ديالكم ولكن متأكد غتبغي تهضر وترتاح شوية..

حليمة : مسكييينة ياكما عندها شي بااس ولا شي مشكييل ماالها اش ضارهاا

محمد : الله اعلم بحالها غير كانت كتبان ليا محتاجة تهضر وانا ماقدرتش نعااونها يمكن نتي تعاونيها فبلاصتي

حليمة:مرحباا اوليدي على راس والعين نهضر معاهاا وايلا قدرت انا نمشي عندها...ايوا قول ليا وجدتي راسك نهار جمعة راك غتشوف عروستك

محمد:انشااء الله

حليمة:الله يدخلها علييك بالرزق والصحة وتتدخل علينا كاملين مباركة مسعودة

محمد:اللهم اميين الحااجة اللهم امييين(مسح جناب فمو بالفوطة وناض) بصحتك شربي دوااك ماغنخرج حتى نشوفك شربتيه غنطلع عندك دابا

حليمة : داباا نشربو وجي تغدا عافا ولدي جي تغدا معانا وجيب ليا نمرة البنية ليوم قبل غداا

محمد:اواخاا انا غنشووفها..

خرح من الكةزينة ناشي فواحد الكولوار كويييل حتى دخل للصالة الكبيييرة مغطية بالخامية عند البااب مفرشة بفراش تقليدي حمر داخل فيه النقري والزربية حتى هي حمرة وفالقنت شاعلة تبوخيرة خفييفة بريحة المسك كتفتح النفس حيد محمد البانكوفة بقى بالتقاشر ودخل جلس فيها كيصوني للمهدي..

وقف طاكسي قدام القيصارية المعروفة فكازا بالمارشي ااكبييير كان عامر بالسواقة والشراية البياعة صوت الخضاارة كيتغاوتو وشارع بلان بطوموبيلات كيكلاكسوني شي باغي يدوز شي باغي يضور شي باغي يقطع، ماضارت اسماء لا هك لا هك نيشان قصدات الكولوار ديال الدهايبة وسطو الحوانت مستفة واحد حدا واااحد اما هي مشات عند واحد فيهم مباااشرة هو اللي كتقادا منو الحاجة ماماها لقاتو عامر لداخل بقات كتشوف من زاج على برا حتى خوا عاد دخلات عندو

اسماء:الحااج سلام علييكم

الحاجة:السلااام اهلااا اهلاا اش هاد الغبوور

اشماء:غير مع الوقت الحاج لباس عليك كلشي بخير

الحاج:الحمد الله ابنتي ياك لبااس علييك ااحاحة الواليدة لبااس عليها

اسماء:الحمد الله لهلاا يخطيييك..ايوا اش خبار سوق طالع ولا ناازل كدااير الدهب

الحاحة:شوية طاالع طالع ابنيتي هاد لياماات شوية طلع

اسماء:البيع و الشراا !!

الحاج:لااا غير البييع البيع طاالع عدنا ما الشراا كي العادة نااقص ياك لباس تشري ولا تبعي..

تنهداات وجبدات البزطاام قدامو حلاتو ومدات ليه السلسلة والخواتم بجوووج

اسماء:هاد الساعة غير البييع اسي الحاج شوفي ليا هادو شحال يجيبو كاين شي حاجة فيهم ولا والوو

سمى الله ووجبد الميزان كيعبر والعيالات داخلين خارجين علييه حيت معروف فالسوق بسلعتو النقية والموزونة وحتى حد مكيفوتو..

الحاج: هذاا ابنتي (مغمض عينيه كيحقق فالميزان) السلسة فيها 18 غراام نعطيك فيها 7500 درهم

اسناء:هي شحاال

الحاح:مية وخمسيين الفرياال

اسماء:اويلي الحااج وماما خديتها من عندك بمية وتسعيين مكاملااش تا ربع سنيين من تما لداباا

الحاج : رزقيي حرام علياا ايلا زدت فيه الدرهم ابنيتي انا تابع غييير السوق كي غادي والبيع طايح والشرا طاالع وكل مرة واش يكوون نهار خدات من عندي الحاجة مك را كاان الغراام واقيلا ايلا عقلت ماواصلش تا لسبعالاف ريال

اسماء:ايوا وداك الخااتم

ابحاج:هاد المارياج مايجييبش ليك ابنتي نعطييك فيه عشريين نتعاون معااك وصافي ما هو مايحيبهاش خفييف

اشماء:واناا خداااه ليا بربعييين الفرياال ولا ماعرت خمشيين

الحاجة:هذاا؟؟؟

اسماء:والله العضيم هادشي لي قال ليا قاليا جبتو بربعيين

الحاح:والله ابنتي مايفوت التلااتين هذا لا جاابها نسد هاد المحال انا كااع

اسماء:ايوا ولااخر

الحاج:شوفي كلام المعقوول لي نقوليك نعطيك فكلشي عشرالاف درهم

اسماء:هي شنو ؟

الحاح:مليووون

اسماء:ماعطيتيني واالو الحاااج اويلي على مليووون

المراة:الله يابنيتي دهيبك زييين علاش بغيتي تبيعيييه ارا نشوف ديك السنسلة

اسماء : والله ماكرهت اخالتي شكون هادي اللي يسخى ليها دهبها سنيين وانا قارقة عليييه غير الزماان اللي عرااني

المراة:لا ابنيتي سمحي ليا الدهب لا تباع والله لا عمرك رديتيه تحزيتي تسلفي وخدمي ورجعييهم ماتسمحيبيش فدهبك

اسماء : اودي ماكرهتش ضرووفي كبر مني كنت خداامة وهانية غيرا نا وبنيتي تاتحرقات ليا ايدي كلها هانتي تشووفي نصها كلو مصلوووق وزادني بواحد الشماتة كان مهنيني فالحبس خرج وكل ليلة يضرب القرعة والكاس ويقصدني وانا غير كارية ولبارح عاد قالت ليا مولات الكرا خوي ليا البيت حيت كتسالني شهرين والعيالات ولاو يتشكاو من داك الشماااتة حيت انا كارية غير مع الدريات

تلفتاات عندها كتعاود ليها بقلب محرووق خاص غير اللي يجبدهاا باش تسرسب ليه وترتااح وديك المراة حتى هي ماعندها مايداار ربعات كتصنت ليها والحاج خداام اللي دخلات كتسمعها كتعاود كتجلس تصنت ليها وتألم معاها...

حتى حطات ليهم قصتها كاملة وهوما كينصحو فيهاا سيري خدمي نسايه علييك سيري هربي هزي بنتك وسمحي فكلشي سيري عند الفقييه تفووسخي على راسك لا تكوني مخطية كلا يلغيي بلغااه وهي كل وحدة عطاتها خاطرها حتى سالاو كلهم مشااو وهي بقات مع الحاج فوق ديك المليون زادها عشرة وعطاهم ليها جمعاتهم فالبزطام خشاتهم فصدرها وخرجات من السوق...

ماقدراتش تمشي لدارها خافت تلاقى مع جارتها وغيكترو عليها الاسئلة كي ديما على ليلة البارح فضلات تمشي لمدرسة تسنييم جلسات قداامها مكمشة فبلااصتها كتخمم وتقطع وتفصل بوحدها حتى قربات تخرج وناضت طتقلب عليها تا جات لعندها هزات عليها الشكارة ومشات هي وياها للدار..

تسنيم:منار قالت لياا غتلبس كسوة جدييدة غتشريها ليها ماماهاا فيها الزرق وطويلة طويلة بحال ديال ديانا

اسماء:حتى نتي لبسي ديالك الحمرة زويينة

تسنيم:لا شري حتى انا بغييت وحدة جدييدة هاديك الحمرة لبستها ديييك المرة

اسماء:ايوا لبستيها غير فالحفل د نص العام ودابا غتلبسيها فلخر ديال العام وصافي عمرك لبستيها

تسنيم:لااا بغيتها جدييدة وفيها الغوز والزرق ماشي حمرة بحال هاااديك خاايبة وكتبقى تقرصني من ضهري

اسناء:فالغزز والزرق..واخاا نقلبو عليها فالغوز والزرق

تسنيم:وانشرييوها دابااااا

اسماء:اويلي وياك الحفلة تالسبت جاي باقا سيييمانة يتزاد فيها شي ويتولد شي

هزات كتافهاا كتفرج واسماء واقفة على البوطة كتسخن ليها فاتااي والمسمن فوق المقلة حتى كملاتهم وحطاتهم قدامها تفطر بييهم وهي ناضت للناموسية حفرات فيها واحد جيهة دفنات فيها الفلوس خلات غير ميتين درهم تقدي بيها وتكاات ترتااح نيوفها ساايليين بالما غير كتعطس وراسها كيزدح عليها ولكن ماتسوقااتش ليه او بالاحرى مابغاتش ترخى وتنعس بييه وهي تخطف تيليكوماند حيت لتسنييم مكتبغيش تعطيها ليهاا وبقات كتقلب فالقنواات

تسنيم:جوودي غتسااااالي عفااك رجعيها نشوفهاا شويقييقة غير شويييقييييقة(شوية)وحيديهاا

اسماء:لادرتها لييك غتنعسي تاني

تسنيم:علاش مغنعسووش

اسماء:مابغيتيش تمشي معايا للقيصااارية

تسنيم :غنشريوو الحرييرة

اسماء:غنشربووهااا هههه (بقات كتقلب حتى طاحت فوااحد السهرة وهي تجهههد الصوت كضحك) يلاااه باغا الكسوة تكعدي تشطحي نوضي نشووف اش تلعمتي

تسنيم خبات راسها حشماانة:لاااا

اسماء:انووضي لمممك قالاا لا نوضي نشوووف

وقفات تسنييم غير تحركات شوية وهي تلاح عليها حشماانة واسماء كتضحك وتبعد فيها خايفة تعاديييها ولكن تسنيم لاصقة فيها كيف المشة شافت تاعيات سخفاتها باالتجباااد وهي تخليها

اسماء : العام سالاا وبنوتي غتمشي تقرا ليا فالمدرسة الكبيييرة...ولكن قبل ماتقراا غنمشيو لواحد البلاااصة فنة فنتنننة وغنمشيييو عند سااارة تبغي نمشييو عندها

تسنيم:غنمشيو لدار ديال سارة هااء ولكن بعيييدة علينا

اسماء : غناخدو الكار ونمشيييو ليها(بهمس جمعات تبسيمتها) ومغنبقاوش نرجعو

تسنيم:سارة ديما كتقول ليا انا عزيزة عليها وسميتي كتعجبنيي ديك نهار قالت ليا شكون سماك وانا ماعرفتش قلت ليها سميت راسي وبقات كضحك عليااا

اسماء:انا اللي سمييتك الخانزة اويلي على راااسي هههه

تسنيم : فاش شفتيني ونتي تقولي غتسميني تسنيم

اسماء:لا فااش يلاه حملت بيييك وعرفت عندي بنية كنت شوية وغنموووت بالفرحة الله بسمح ليا مابغيتش ولييد كنت باغا غير البناات واخا باك ماعجبوش الحال ماتوسقتش لييه ..ايوا جدااك بغات تسميك فلول كلثوم

تسنيم:جدة ديال ماما ولا ديال بابا

اسماء:دياال بابااك..و باباك بغى يسمييك مريم وسعاد عمتك بغات تسميك اسلاام خليتهم يتعزلوو ويتخرو على خاطرهم حتى وليت قادرة نوقف وانا نتافق مع بااك حدرنا راسنا ومشينا سمينااك ههههه خليتهم غيموتو بالفقصة اياامات كان باك بعقلو داباا راه تزعزع شوية

تسنيم:بابا كان كيبغيني

اسماء:بزاااف ملي تزاديتي وحليتي فيه عويناتك وكنتي صغييورة قد هكا وكتشدي ليه فصبااعو كارمة فييه كي شي مشيشة وليتي نتي هي عقلووو كان كيمووووت علييك وباقي لدابا واخا تشوفيه هكاك خايب ولكن عزيزة علييك

تسنيم : نقولو لييه يمشي معانا عند سااارة عفاااك

جمعات ضحكتها بتحديييير

اسماء:لااا عندااك تمشي شي نهار يشوفك وتقوليها لييه واش بغيتي يديك لدارهم بغيتي تمشي عندهم

تسنيم بخوف :لاااااا نبقى نبقى معاامك

اسماء:صافي ولكن ماتقوليها لتا حد ايلا قلتيها ماغنمشييوش وغيديك باباك عندو ومغتبقايش تجي عندي...

تلفاات عليها الموضوع بالهضر حتى نسات سارة والتسافير وحتى بااها ...

ايام عدييدة دازو واسماء نهار على نهار كتجمع الحوايج شوية اللي بغاتو خلاتو واللي مابغاتوش كتلوحو معولة على الرحيل وكتجمع على حسابو، ولكن ملي حسات بناصر ميك عليها ومابقاش دق بابها بدات كتعكز وفكراتو ايلا بقى هكاك ماكين لاش ترحل، كل نهار كيف العادة كهضر مع الحاجة وغير كتسول فحالها كتشكرو ليها وتزينو واخا غير ربي اللي عالم بيها وبالمرض اللي كيف كتقول تسلط عليهاا الراس كيطيح بالسخاانة ونهار على نهار غير مكتزيد تطلع حتى نفخات ليها الحلااقم ولات مخنوقة بزز ما كتهضر وزز ما كتحرك تا لواحد الصبااح ماقداارتش تهز فيه كااع راس كتنوضها غير تسنيم توصلها للمدرسة وترجعها وتسد عليها الباب وتخزن الساروت وطرق البوطة وكلشي وتعاود تنعس مخلياها شادة العابها كتلعب موراها وهاكا كانو كيدوزو تقريبا ايامها لخرين غير نعاس وكتنيين ماكينوضها غير باش توكل تسنييم وترجع تنعس الجهد باش تحل عينيها ماعندهاش...

فمكان ااخر عند المهدي مخشي وسط الناموسية عريان من الفوق غير بشورط لايح رحليه كل وحدة فجيه وراسو وسط المخاااد مخبيه من الشمس اللي داخل من البالكون ديال بيتو، حتى بدا كيسمع صوت تيلييفون هز راسو بزز غير بانت ليه الحاجة مامات محمد وهو يقفز قااد صوتو تبسم جاوب..

المهدي:الحاجة صباح الخير..

بصوت هادئ كالعاادة ردات علييه

الحاطة:صباح الهير اويليظي ياكما فيقتك من النعاس

المهدي:لا لا االه ياودي مرحبا فاي وقت

الحاحة:لله يرضي علييك..بغيت غير نسولك عفا ولدي واش قيديتي ليا لادرسية ديال ديك البنية نمشيو عندها

المهدي:كااينة كاينة الحاطة موجودة دوا معايا محمد بغيتي تمشي عندها نوصلك

الحاحة:مابغيتش نعدبك اولدي نمشي راسي

المهدي:اشمن عدااب الحااجة قولي ليا غير الوقت امتى بغيتي نجي عندك ونوصل قدام الباب بدماتبقايش تسولي وتقليي بوحدك

الحاحة:ماكرهتش نمشي دابا نيتي اولدي راك عارف مشغولين مع خطابت صاحبك وجريان من قنت لقنت يلاه تفرغت شوية نمشي نحيدها علياا ونجي

المهدي:صاافي اللي بان لييك انا غنجي عندك دابا غير وجدي رااسك

الحاحة:صافي سيير الله يوصل دك على خييير الله يرضي علييك احنيني طريق السلامة...

قطع معاها وناض يلبس دوش عليه بالخف لبس حواايجو غير فوقية وصندالة ناايك كاسكيط على راسو،هز تيليفون وسواارت ونزل للطوموبيل نيشان بلا فطور قاصد دار الحاجة ، طريق كلها وكلامو كان غير على اسماء غير سولاتو الحاجة عليها وعو يطلق لسانو كيشكي عليها حتى حطها قدام البااب وهي بقات كتشوف مع الموبل وتحقق فيه تعرف راسها فين غتدخل وفين غتمشي..

المهدي:نطلع معااك

الحاجة:قلتي ليا كاريين غير العيالات ياك

المعدي:ااه هادشي اللي سامع

الحاجة:واخلييك اوليدي هنا مانسلاطوش عليهم بجوجنا انا غنطلع عندها على مولانا تكون..(يلاه غتنزل وهو يقول)

المهدي:الحاجة..ا ايلا لقيتي ماتقولي فلي عاودت لييك خلي الما منين يدوز..

الحاجة : واخا اوليدي واخا يكوون خير يكون خييير

حلات الباب نزلات كتقاد فزيف البيض على كتافها كانت غير بالجلابة بيضة وموكاسان بييج وزيف عرييض مغطيها كااملة وجهها من عند الله مبسم ومبشوور والشوفة فيها كتريح القلب والخاطر..سمات الله ولاحت رجليها فالموبل مخلية مهدي موراها داخل طوموبيل كيتسنى ...

اما الحاجة طلعات فين نعت ليها المهدي واخا لقات الباب مسدوود قربات شوية وهزات ايديها دقات حوح دقات خفااف ورجعات لوور..

تسنيم:ماماا...ماما

اسماء:ممم...ما مالكي باقي الحاااالي

تسنيم:شي حد كيدق اماماا واقيلا بابا جا عدناا

قفزات لسمااء تالفة ودايخة من بلااصتها وناضت من فوق الناموسية بزز كتقرب للباب حتى وصلات وحطات ودنها علييه وقالت

اسناء:شكووون..

الحاحة: بصوت هاادئ : قرييييب

غير سمعاتو صوت مراة وهي ترخي نفس برااحة ومشات لاحت عليها بينوار حيت كانت ملابساش مزيان عاد حلات البااب عليها عاقدة حجبانها ماعرفتهاش والحاجة تبسمات فوجهاا

اسماء:نعام الالة ااش خاصك

الحاجة:والوو ابنيتي طالبة ضيف الله ايلا قبلتي هه

دات وجابت فباالها وقالت هادي مانكون غير مت شي خطيب جديد تاني منعتين ليها الداار ولا مسيفطاها مها تنهداات واخا عياانة حلات الباب فوجهها

اسماء بصوت مخنووق بزز باش خرحجت الحروف:مرحبا الالة ايلا ضيف الله مانرجعوهش..غير سمحي ليا على عاد روينة عيانة شوية ماشكيت علييك ...

ضورات عينيها الحاجة فلبيت هادي غير ما مقادش وهادي غير كتقول عيانة ملي تكون صحيحة كي غادير لييه رفعات جلابتها شوية وجلسات فوق الفرااش واسماء ضارت المقراج يسخن حتى حبسااتها

اسماء:نعمر غير كويس ديال اتاي

الحاحة:لااا ابنيتي لا هداااي والله ماتعمرييه عطيني غير كويس دالما واجي حديا نهضر معاك..

جبدات ليها القرعة من تلاجة والطاس داتهم ليها وجلسات جتبها كتصنت ورااسها كيزدح كتحس بييه باغي غي ا لمخدة يتكى عليها حالة عينيها فالخاحة بزز

الحاجة:ااش ضارك ابنيتي باينة فوجهك عياانة

اسناء:ماشكيت عليك غير شي حلاقم خانقيني شوفي حتى صوتي مخنووق والسخانة وتخلطات عليا هه الحمد الله وصافي

الحاحة:الحمد الله الحمد الله مايكون عندك بااس

اسماء: اميين ماتشوفي بااس....(سكتو شيوة وهي تهو فيها اسماء راسها ضاحكة جاتها من لخر) ايوا باش عرفتي داار واش سيفطاتك ماما

الحاحة:لاا ابنيتي ماسيفطني حد جيت عندك بوحدي وبرجلي...

عند ناصر هاد المرة بلاما يشاور حتى حد عارفهم فكل مرة غيقوليهم غادي لاسمتء غيحبسوه عليها، فاق فطر وكمى كاروه عاد لبس حوايجو وتم غادي خارج تاسمع صوت مو من المرح كتغوت علييه ووهو يرجع عندها كانت متكية سعاد شادة تيليفون كتشااطي ومينة شادة قدامها بانيو دجلابة كتنقي فيها..

مينة:غيين غادي صباح هذااا

ناصر:نشوف بنتي خاصكم شي حاجة

مينة:يلاااااه تاني واش انا هاد بنتتك عاد تفكرتييها فين كنتي سنيين هادي تا عااد طاحت محبتك عليها واش بغيغيتي تجيب ليا ديييك شاطة ماطا تاني تحيح لياا عند البااب دوز تجلس اسيدي ماقااادة على صداع راس

ناصر:والواااليدة وصافي عيقتي علياا خليني نمشي نشووفها وزايدون مغنجيبهاش لييك نشوفها قدام دار ونخليها ليها ونجي

مينة:لا لاا تا مابيك لا بنتك لا ستة حمص تا بيك البنت الكبييرة مولات الشيى الشااارفة هي لي باغي تشوفها عند البااب وترجع ياكما كاين بااس ادري جاتك عليها تااني ولا شنو شتي هادييك غير خوي منها رااسك فضيتوها شحال هااادي ساليتووو

ناصر: كتأولي من رااسك غير رااسك انا باغي نشوف بنتي هي ماباغيندش نشوف تا كرماااتها وماسووقيييش فيها

مينة:باغي تشوف غير بنتك ياااك .... نووووضي(نغزات سعاد)تكعديي يااه ياك كنتي باغة تمشي عندها نوضي سيري

ناصر:اخليها انا غنشي

مينة:راه قلت لييييك نوضي سربيي تهززييي شوفيها وجيبي لبنت يشوفها وجي صافي سير تجلس دابا تجيبها ليييك تشووفها وتشبع منها نتا متتمشييش عندها ماباغيش سبتها تحي عليناا ..

نزل خلااهم كيسب تحت نيفو باغي يمشي وماراضيش يقول ليهم راه مابيه لا تسنيم لا والو وكلام مينة على حق،اما سعاد لبسات جلاابتها وجمعات شعرها وخرجاات قاصدة دار اسماء مدة طريق حتى قربات عندها وهي تبان ليها واحد طوموبيل كليو كحلة نقييية ماشي ديال داك درب واقفة قدام باب المووبل غير زادت قربات شوية وهو يبان ليها المهدي المعروف ب بوركابي ديال هند شافت فييه مطولة كتحقق تا تأكداات منو،وهي ضرب طن فرااسها يعني داكشي اللي كيعاودو فالصالون بصح واسماء خطفاات الصاحب لهند..

نزلاات حناكها كتولول وطلعات لعندها كتجري للداار وقفات كتدق وتعاااود و ولا مجيب غيرصقيل دقات وعاودت دقاات حتى تأكدات بلي مكيناش عاد نزلاات رجعات بداارهم ..

مينة:اشنووو فيناايا بنتوو

سعاد:ويلي اماما اويلييي تعقلي نهار قلت لييك اسماء علاش خرجات من صاالون نهار قالو ولات مع صاحب ديك هند لا عقلتي علييهاا( مينة كتعض فشفاايفها وتغمز فيها تسكت) اويلي مشيت ليوما لقيتوو واقف عند الباااب واقيلا كيتسناها تنزل عندو وملي دقيت عليها مك مابغاتش تخرج عندي اويلي تخزنااات علياا واقيلا اميمتي ديك الهضرة بصح وبحال والوو دجوج بيييه كيعاودو عليه لباااس علييه ملي ضارت بيه ضورة اللفعة نحلف عليها ماغيضور شهر تاتجوج بييه ولدك هزو الما اميمتي

ماكملااتش كلاامها وهو يخرج مووراهاا نازل مع درووج كيجريي ومينة لاحت شبكة مخطوفة من بلااصتها

مينة:وسكتيي ابنت الحرااااام وسكتي يقطع ليييك الحس نغمزز ونعض فقناانفي ولا نتي بغيتيي تفهميي اقلييلة الفهمة الله يقطع ليييك الللساااان

سعاد مصدوومة :اويلي ياك خرج قبل مني.دغياا رجع والله ما شفتو

مينة: حيدي من قدااامي..

دفعااتهت ونترات جلابتها من العلااقة ونزلات تابعااه كتلبس فيها..!

اسماء: اميين ماتشوفي بااس....(سكتو شوية وهي تهز فيها اسماء راسها ضاحكة جاتها من لخر) ايوا باش عرفتي داار واش سيفطاتك ماما

الحاطة:لاا ابنيتي ماسيفطني حد جيت عندك بوحدي وبرجلي...

اسماء:مرحبا(تهزات شوية هزات قرعة لما لي كانت حدا راسها شربات منها ورداتها فين كانت)

الحاجة:تبارك الله البينة هادي

اسماء:اااه تسنييم اجي سلمي على خاالتك...

تحنات عندها سلمات ليها والحاجة شداتها قدام رجليها كتضحك معاهاا فحين اسماء غير مبسمة حالة عينيها بزز عاطياها الصواااب والفضول كياااكل فيها ماعرفتهاش شكون وعلاش جاااية ولكن وجهها كتبان فيها مراة دالمعقول..

الحاجة : الله يرضيي علييك الله يكبرها فطاعة الله وتشوفيها كيف بغيتي

اسماء:اللهم امييين اخالتي اللهم امييين

الحاجة:ااش غنقوليك ابنيتي انا غير سمعت عليك وعاودو ليا علييك وانا جيت برجليا نوصل ليك واحد الامانة ونمشي(خشات ايديها فطبلية جبدات واحد الجوة ضفر ومداتو ليا)هاكي ابنيتي خوودي قولي بسم الله وشدي

اسماء:شنو هاادشيي؟ (كتلمس فييه)..شنوو

الحاجة:حليه وشووفي راه محلوول غير بسميه

جراات الغلاف حلااتو وفرقاتو بصبعانها وطلااات وهي توسسسسع عينييييها حتى ضربو فالجوا ورجعو لبلاايصهم كتبان ليها غير زرقات زرقة تنطح زرقة

اسماء:شهاادشي الااالة دياالمن هااادشي

الحاجة مبسمة :رزقك ابنيتي هاداااك قولي بسم الله وخودييه بصحتك

اسماء:اويليي ه هاادشي بزاااف عليااا و وعلااش انااا

الحاجة مبسمة فيها :ما بزاف علييك والو وماعطيتك انا واالو رزقك عند ربي وجابو لييك ماتسوليش علاش ومناش كي قلت ليك سمي الله وخزنييه

اسماء:بزاااف هادشيي اويلي بزااااف عنداك يكون هادشي مزور( شافتها جمعات تبسيمة وهي تحك شعرها ب بلاهة ) غير شت هادشي بزاااف و و

الحاجة:شووفي فياا سمعي لكلامي....قولي بسم الله عاوديها مورايا

اسماء:بسم لله

الحاجة:الحمد الله

اسماء:الحمد الله

الحاجة:يلاه والميه عندك وخزنييه بصحتك الله يزرقنا ويرزقك من فضلو ومن عندو عطاوه لييك شي نااس وانا غير وصلتو لييك رضاي بلي قسم الله وخزنييه

اسماء: ص صدمتينيي والله س سبحاان الله العضييم غير داك نهار بعت دهبي اللي نكسااب(دمعو عينيها تفكراتو) وليووم تعوضت فيييه (حلاتو وجبدات منو نص) هاااكي نقسمو اناا ويااااك تانتي تعدبتي

الحاحة: لاااا ابنيتيي رزقك هاداااك

اسماء:والله حتى تاخدي حتى نتي تعدبتي و وصلتييه ليا وفرحيتينييي

الحاحة:والله مانشد رياااال انا حلفت وكبر منننك صااافي

رجعاتو ليها واسماء جمعاتو كتشكر فيها باماناان ودموعها نزلو تحلو عليها المواجيع تااني

الحاحة: وليني علاش بعتي دهبك(بغات تجبدها) واش تحزيتي ابنيتي تسلفي وردييه وماتسمحييش فدهبك راه ايلا مشى مايتعوضش

اسماء:كون كاان عندي منين نرضو مانبيعوش كون راني خازناهم تحت مني لديواير الزمان على انا كرهت...كنت خدامة اخالتي واحد الخديمة والله ايلا موقرة وزويينة وشديت فيها الحرفة ومن سيمانة لسيمانة ناخد شي براكة تكفيني ناكل ونوكل بنتي ونخلص كرايا مرتاااحة... وكان واحد السيد كاان مع شي وحدى خدامو معاناا زعماا ( هزات فيها عينيها حمرين حشمانة تقولها فوجهها) زعما مصااحبين وداكشي ديال درااري ماعرفتو انا امتى شاف بنتي ولاا شافها معايا واحد النهار جاب لبنيتي كادو على حساب عيد ميلادها وكنت درتو فالصاالون نييت فرحت بيها وشكرتو من بااب الصواااب وصاافي زعما بيناتنا الاحترااام مابيناتنا واالو تالواحد النهااار كنت جالسة وهي تقول لياا (مسحات نيوفها كيسييلو) قالت لياا يلاه خرجي شويا ضوري بنتك وفوجي وتانا مشيييت معاها اتاا تلاقيناا مع هاد سيد لي قلت لييك علييييك ماجا فين يسلم عليا حتى هجمت عليااا بالمعيووور وفااعلة تااااركة درتيي ودرتييي نعااه والله اخاالتي مكاانت فنيتي شي حااجة( كتبكي) والله لا عمري شفت فشي ولد المراة بنظرة غالطة واخا انا مطلقة وروااسية زعما كون كانت شي وحدة اخرى تضرب فينما بان ليهاا ولكن انا كنخاف الله وكنخاف على بنتي وخايفة يجي ليا شي واحد يتعدى عليها والله زع(تقطعات فيها الهضرة كتبكي وتكحب والحاجة غير كتصنت قطعاات ليها فقلبها عرفاتها كتهضر على المهدي حيت وهو جاي فالطريق عاود ليها كلشي طبطباات على ضهرها واسماء غير كتبكي القلب طاايب والمرض زايد عليها

الحاجة:بكي ابنيتيي بكي ريحي خاااطرك

اسماء:داروني خانزة حاشاااك وكنخرج مع الرجاال وحطو عليا العجب وربي شاهد عليا حاافضة راسي من نهار سنيت على ورقة طلاقي وحدرت رااسي وخرجت من ااصالون مارديتش نبقى تما والهضرة فوق رااسي وبركت تااني نقلب ونتلااح من حيه لجيه نقلب على،خدمة تا طحت فواحد القهوة زويينة خدمت لداخل نغسل ليهم الماااعن

الحاجة:الله ياربي الله

اسماء:انا راني موالفة التجرجيير وتماارة ديك الخدمة جاتني كي شربيبة الما سااهلة تااني ماجيت فين ندوز نهار تا تحرقات ليا نص فايدي تخواات عليا مقلة الزييا الله ينجييك صلقاتني كاملة جلست منهاا تاهي

الحاحةلاا حولة ولا قوة ايااا بالله واشمو مشيت عند طبييب اش قاليك

اسماء:كرطوها لياا وعطاوني شي دوا نتبعوها مابقيت كاع داويتها

الحاجة : صعيب علييك ابنيتي الزماان ونتي باقا صغيرة حنى كباار ومدين وجايبين فالزمان وقهرنا وماقديناش علييه وغالبنا حسبلاك نتي االي باقا صغير وعاد حليتي عينييك فاادنيا وديابها موجودين ياكلوك يا بنيتي بحواايجك

اسماء:اللي ضرني تا خرجت منو عمر شي وحدة جبدات تيليفون وقالت كيداير اافلاانة تقولي عمرني خدمت معاااهم الله يستر بنادم

تسمع دقاان وهي تقطع الحس سكتاااات مخرجة عينيها كتصنت كانت غتنوض تسنييم وهي تحبسها ضرمو طم كااملين والحاجة ولات غير كتشوف مافااهمة واالو كتسمع شي وحدة كتغوت من برا اسماااا اسماا وهادي حداها قطعات عليها الحس حتى مشااات ومابقاش دقاان عاد تنهدااات وارتااحت وشافت فالحاجة كضور فعينيها باينة فيها مافهمت واالو

‏

اسماء:خت رااجلي هادي ايلا دخلتها تشوف حالتي وتوصلها لييهم يجيو يتشااتفو علياا هنا عارفيني بوحدي ..

طلقات لسانها كتعاود ليها على زواجها وتريكة راجلها والحاجة غير كطبطب عليها متألمة معاها اما اسماء خاصها غير لي يقيصها ويقول ليها مالك ضايم بيها الحال والمواجع تراكنت فقلبها حتى مابقاتش قادرة تحبس نفسها ما تشارك، اكثر وحدة كانت كتومة واللي فراسها عمر شي حد يعرفو حتى ولات لمن ما كان تعاود قصة حياتها من طق طق تالسلام علييكم...

الحاجة:على كاينة السيبة فالبلاد ابنيتي اش معنيتها يتهجم عليييك هذا راه خاصك دعييه القانون ياخد ليك حقك بلحق ابنيتي حقك عند الله سبحاان وتعالى دعيه لييه ياخد ليك حقك منهم ويجازي كل واحد على قد نيتو علاش ابنيتي ماتدعييش وديري واحد الزصيقة راع كيعكيوها ديال حق النقرب ولا الاقتراب ولا والله ماعرفت اش كيسميوها كيعطييو ايلا قرب لييه غير بجوج ميترو يتشد مافيها لا هادي لاا دييك

اسناء:نكدب علييك اخالتي انا مانقدرش علييهم وايلا درت ضدهم محامي يجيبو ليا عشرين محااامي شارين بفلوسهم المخزن تا ولات ولدهم داير الحبس كي دارهم داخل خارح منوو تا كنقول خاهو دخل مايجي فين يضور الشهر تا كيخرج وتاني باغي يدخل على ضهري هاد المرة وانا غير بوحدي ماليا تاحد ماكين علامن نحط رااس مانقدش علييهم

الحاحة:حسبيا الله ونعم الوكيييل وداركم ابنيتي بعاد علييك ولا شنو

اسماء:ماما مرييضة الله ينجييك ها سكر ها الكوليسطرول ها الملحة مابقيتش كنبغي نخلعها اللي فيها يكفيها وباا حتى هو شاد الفرااش خبار وحدة نقتلو اما خوتي ملاهين غير مع عيالاتهم ماكين اللي يهز التيليفون ويسول ازدي عويني الله الله ينصرني علييهم والله يغلب نيتي على نيتيهم عييت اخالتي مانكدبش عليييك ( كتبكي)تمرمت بوحدي ماقدييتش والوو نعيى نقول داباا يفرج وراني غير مازاادية فالقهرة

عنقااتها الحاجة كتطبطب على ضهرهاا

الحاجة:بكيي ابنيتيي بكي قطعتي لياا اقلبيي حرقيتينيي لييك الله لا الاه غييره ليك الله سبحاانه عوييينك راه ايلا ماخدا ليك هو راه واخا تجمع امة سيدي محمد ماتاخد ليك وايلا ماعطاك هو واخا تجمع امة محمد ماتعطاك هادي هي دنيا مرة تعطييك ومرة تاخد لييك وربي كيبغيك ادا احب عبد له ابتلااه قولي الحمد الله الحمد الله دابا يفرجها ربي دابا يتفتحو ليك البيبان دابا يولي هادشي غير ضحك ودكرياات دابا تكبر بنيتك وتشوفي فيها اش بغيتيي وتفرحك وتعوضك وتنساااي ان بعد العسر يسرى ابنيتي ان بعد العسر يسرى

كاانت غير كتبكي وصوت الحاجة وكلامها الهادئ والحنيين غير ماكيزييد على مابيها طلقاات دموعها وصوتها كتبكي وتنخصص على كتااافها والحاجة كتحك على ضهرهاا مخلياها تبكي عليها حتى تفشااات على خاطرها وارتااحت عاد ناضت كتسمح فوحجهها

اسماء:سمحي ليااا غتنزيد عليك حتى انا بهميي ماعندي لمن نشكي ماكرهتش غيرشي واحد هكا نعاود ليه ونبكي وغير يتصنت ليا والله ماطالبة حاجة

الحاجة:الله ياودي ابنيتي فاي وووقت وقت لي تبغي مرحباا..نقوليك واحد الكلمة،وماديريهاش مني قلت الصواب انا قد ميمتك ومانبغي ليك غير الخيير..علاش ابنيتي ماتجوجييش

اسماء:رااه بنتي و(قاطعتها)

الحاحة:واخا بنتك ابنتي و واخا مطلقة انا اللي كتشوفي فيا الحاج راجلي خديتو وانا غير مطلقة فكرتيني غير فرااسي ربي شاهد علياا كنت بحالك هكا دايخة وتالفة وزمان قاهرتي غير انا كنت هازة دارناا من كبيرهم لصغييرهم تا جاب ليا الله الحاجة كي نقطة الخيير علياا ماكنت حاملة جواج وماكنتش باغاه خلاص فاش شفتو وجاني من داك النوع اللي ملتاازم والصلاة والدين قلت لا لا هذا معقد وغير ماغيزيد يعقدني فخياتي وليني كلام واليديا كان فوق منو وجوطوني بييه وهانا تشوفوني نحمد الله ونشكرو الف مرررة واخا نعير نشكر ليك فييه مانوفيش حقو وقف معايا لقيتو فضهري قربي من الله وعرفني على طريقي وعلى ديني عاد وليت عايشة كي بنادم ولدت معاه وليداتي ولحد اللان تلتتين عام ديال الجواج عمرني شفت منو كلمة العيب خرجها من فمو الله يطول ليا فعمرو راني ندعي الله كل نهاار يديني عندو قبل منو مانقدش على فراقو ابنيتي والو راني بيه وبوليدي باش عاايشة

اسماءالله يكول فعمركم والله يخليهم لييك

الحاحة:اللهم امييين، قولي بسن الله ابنيتي وتوكلي على الله ايلا جا فطريقك راجلك وخايب ماتساوميش كاع رحال بحالو بااااقين ولاد ناس وبااقين ولاد الخير وماتعرفي ؤبي اشنو مكتب ليك فرزقك وماتعرفي هاد الانسان االي غتاخديه اشنو بغى يدخل علييييك المراة بلا راجل ابنتي محكووورة وضعيييفة قدام العبااد وخلاص اللي بحالك درااوش وغير نية الله ماتعيشييش هانية وسط دياب الدنيا..ايلا لقيتي معامن تزوجي ابنيتي

اسماء:يكون خييير اخالتي يكون خير

حكات على دراها مبسمة كتشوف فيها مطوولة وكتنهد بقدرة ماا دخلات لخاطرها بقد ما بقات فيها واسماء غير حادرة راسها كتصنت ومرة مرة تمسح دموعها

الحاجة والله يابنيتي وكان عندي شي ولد اخر تانتزوج لييك بالفرحات علياا تكوني مرت ولدي وبنتي

اسماء:عندك غير البنات بحالي ههه

الحاحة: لاا ههه عندي وليد وااحد وناوية نخطب لييه فهاد السيمانة اللي فوجهنا

اسماء:بصاااح الله يكمل عليييك الله يفرحكم ويدخلها عليكم بالصحة والسلاااكة

الحاجة:اللهم امييين اللهم امييين الله يرضي علييك عندي وليد واحد عويينة وحدة اللي نشوفو بيها راحنا مضاربين تانكبرووه فطاعة الله واخا راه ولا هو اللي ساير يكبر فينا داباا ههه جاب ليه باه واحد البنية وماخيبناش وقبل عليها وقبلات علييه الله يكمل علييهم ياربي

اسماء:الله يجعلك تشوفي منو الخييير ياربيي

الحاجة:اجي نقوليك وماتقوليش ليا لا

اسماء:مرحباا ايلا كانت فالاستطاعة مرحبااا

الحاجة : جي ابنيتي جي نهار جمعة حضري غير للخطة فوجي شوية وضحكي نتي وبنيتك ورجعي..

عند ناصر..

نزل كيجري مع الدروج بعدما سمع كلام ختو على اسمااء تزاد نعاه الزاايد عينيه حمااارو وصدروو تزير ماحس براسو حتى نزل كيجيري حفيااان يلا غيحل البااب وهو يدخل فخوتو بجوج دااخليين للداار حتى خرجوو فييه ماخلااوه يخرج شافوه حفيان مقالو مضاارب حكموو بجوج وهو كيتفلت وينقز وسط منننهم وكينة الفوق كتغووت عليهم يشدووه مايخلييوه يخرج وخوتو شادينو حاكمييينو حتى لوااحد اللحضة وهو يضرب خوه برووسية لااحو ودفع الباااب وخرج وهوما بقاو واقفيين

مييينة:واااتبعوووه ومشى ليهااا مشى مشى مشى

شد نيفو: رعفني ولد لق...تئ خليي زام/ل بووه يعوووم بحروو

حيداات وييف وطااحت فالدروووج كتركل وتغوووت

مينة:ونااااااري شدوووووه وااااتبعووووه واااعبااااااد اللله ونااري غيقتلوووني ونااري غيخرجو لياا العقل واتتبعووو خوكم وااشدووه غيمشي ليها غيمشي ليهااا واانااااري

_خليييه يضبر راااسو تي ماااالك فيييه

مينة:واااجيببوووووه راااه سمعهاا غتجوووج غادي ليهااا ياك اسيدي طلق منهاا ااش باغي فيهاا تااني ونااري غيقتلووني نااري غيسيفطوني للقبر قيل الوقت ونااااري امييييمتيييي

ضرباات صدرهاا بحهههد وقلباات عينيها طاايجة فالدرووج دارت راسها سخفاات وسعاد وعيالات ولادها نزلو عندها كيجرييو ودراري بجووج خرجو تبعوو نااصر كيسبو فييه حاقديين

اسماء شافت فالحاجة مبسمة ..

اسماء : الله يخلف علييك الحااجة الله يكمل عليييكم ولكن هانتي تشوفي الحالة توريك نجي غير نعادي ليكم ضياف هههه

الحاجة:حاشة مرحبا وااالف مرحبااا ارتااحيت لييك ابنيتي وربي اللي عاالم فكرتيني غير فرااسي هذا زمان (عنقاتها)

اسماء:حتى انا ارتااحيييت لييك والله العضيييم(عنقااتها بمحبة خالصة) كلامك ريحنيي وحسيت بميمتي جالسة حداياا ربي جابك لياا كي ملاك الخيير الله يطول فعمرك الله يرفحك ويفرح ولدك

الحاجة:فرحتي نهار نشووفك جيتي لخطبة ولدي تقلييد الله فعنقك مااجي ماتخممي لواالو تجي ليكوموبيل تالعتية البااب غير قولي ايييه هانتي تابنيتك مسيكينة تبغي تمشي تفوج..تمشي ابنيتي تمشيي هاا

حركات تسنيم راسها بايجاب واخا ماعارفاش فيين غتمشي

الحاجة:واهاانتي ههه

اسماء: هاديك غير غادا ما الغادين وجاية مع الجاييين ههه انشاء الله ايلة وليت من هنا لتما شوية نجي والله حتى نجي

الحاحة:تولي شوية انشاااء الله ماتخمييش راه ماكين رجال اللي تخمي ليهم العيالات بوحدهم والرجال بوحدهم مانتخالطوش كنفكرو نديرو خطبة كبيرة نجمعو فيها كلشي حيت الولد عندي مابغيش العرس ماباغي والو قلنا نديروها كبيرة نحيدو علينا كلشي ونرتااحو جي ابنتيي الله يرضي علييك غير وقفي معايا رااه ماعندي بنات االي نحط عليهم رااس

اسماء:والله حتى نجي صافي واخا راني عياانة غنجي ههه جلستك على الحرفي بلاتي نعمر واحد كويس ديال اتااي

الحاجة:لااا غاداا ابنتيي والله ايلا راني تعطلت كااع كلشي باقي فوق رااسي غي خطفت هاد المجية

اسماء:انعمر غير كويس دغياا عفاااك

الحاجة:لاا والله مرة اخرى نعوضووها مرة اخرى نجي نجلس معااك كثر دابا خليني نمشي وانا غنلوح عيني(غمزاتها) ايلا بان هاد ولد النااس على ربي امولانا

اسناء:يكون خير اخالتي يكوون خير(وقفات معاها) الله يعااشر خطااوتك الله يخلف علييكم وعلى دوك النااس الله يطول فعمرك

الحاجة:بصحتك ابنيتي ماعطييتك واالو بصحتك..وهانتي عندااك ماتجيييش

اسماء:انشااء الله والله حتى نجي كلمة دالعياالات هههه

الحاحة:يلااه صاافي ههه

نزلاات معاها اسماء حتى لتحث بلاما تخرج للزنقة غير لداخل ودعاتها ومشاات والحاجة طلعات فالطوموبيل عند المهدي وهو يكسيري...

الحاجة:ياكما تعطلت عليك اولدي

المهدي:لا لا هضرتو شوية

الحاجة:هضرناا بلاتي قبل مما تشد طرييق الله يرضي علييك شوف ايلا كااين شي فرماسياان قريب هنا

المهدي:ياك لبااس الحاجة ماالكي

الحاجة:لا ماشي انا اولدي غير لهاد البنية شفتها مسكييينة مرييضة حااالتها السخانة والحلااقم والايد محرووقة بقااات فياا اولدي وقطعات ليا خاطري مالاقية تا لي يمد ليها طاس دلما غير هي وبنيتها..

المهدي:واايلي

الحاحة:وييه سسيير سيير دابا نعاود ليك سير لشي صيدلية..

كانت قريبة من تما وقف قدامها ونزل هو ماخلاهاش تنزل خدا اللي قالت ليه كينات دالحلاق وحتى ديال السخانة ورجع لعندها عطاهم ليها ورجعو مرة،اخرى لدار اسمااء نزلاات حدها حدد العشطسااس ماقدراتش تطلع فاادروج عوتااني قالت ليه يطلع يكلمها ليهاا وطلع وهي ديك الساعة نزلاات غير شافت فايديها دواا حشمااات وحسات براسها عيقاات عليها واخا ما قالت ليها تجيب والوو والحاجة حسات بيها غير من شوفاتها وقالت..

الحاجة:جبتهم لييك غير باش ماتلقاايش السبة وماتجيش نهار جمعة عنداك تنساي

اسماء:لا صافي انشااء الله نجي ههه الله يخلف علييك حشمتينيي وحق الله سمحي ليااا (عنقاتها)

الحاجة:مادرت واللو ابنيتي مادرت واالو بصحتك..

ودعاتها مرة اخرى وخلاتها مشاات هاد المرة،طلات من البااب حتى بانت ليها طلعات فطومووبيل وهي تقشع المهدي جاالس القداام تصدمااات بقات غير كتشوف وهو يهز ايديه،شير ليها من بعييد ورجعاتها لييه هي وطلعاات لحد الان مافاهمااش اش جاي المهدي يدييير تكون مو زعما..!

ناصر باقي غير فنص طريق مضارب مع خوتو كل واحد يجرو من جييه بجوجهم وماغلبووش فييه غير كيبغيو يبدعو منو حتى كيتفكرو مينة لي سخفانة فالدار عياو ما يشدووه وهو كي شي مصعوووور كيتخبط تحت منهم والناس اللي دايزة تفرج فيهم شي يفك شي يتفرج شي يفوتهم عارفيينهم مشوهيين ودار الشوهة والمضارية مسيمة فيهم والحبس والشماكرية مسمين فيهم،

سخف وهو كيتجابد من وسطهم مننهم فالاخر استسلم كينهههج كي شي دييب وهوما يجمعوه وسطهم رجعووه للداار سخفااان وهو كيتحلف علييهم ..

اما اسماء غير مشات الحاجة جبدات فلوسها كاملين جبداتهم كتحسب فييهم وتسنييم قدامها اري نقيص اري نشد اري نشم تا حسباتهم كامليين وجمعاهم فرحانة بييهم كتحمد الله وتعاااود على نعمتو الفلوس صححوها وغطاو ليها على المرض بالفرحة نسات الدهب ومايجي منو دابا راه تشري ما حسن من لي كان عندها جرات منهم شي زرقاات خلاتهم من عندها وشي لاخر سراااتو وناضت كتقلب فين دييرو داخت تحت ناموسية يقلبوها موراها فلرض ماتقدرش تحفر غير ديور الكرا وسط الماريو يحلووه وهي تطيح عينيها على المونيكات اللي فوق الماريو ديال تسنييم وهي تجر وحدة صغييير وجلساات جراات ليها راس حيداتو وخشات وسط منها ديك السرة خزناتها ورجعاتها للماريو خزناتها تاحد مايح ليه على الباال يقلب المونيكة..

ناضت للطواليط غسلات وجهها ورجليها وايديها وجلساات كتمسح فييهم دهنات ليكخون لوجهها ومشطات شعرها ولوات زيف على حناكها من البرد واخا الحال سخون كانت هازاها التبووريشة بالمرض، خشات تقاشر فرجليها ولبسات تسنييم حتى هي

تسنيم:غنمشيو عند خاالتي

اسماء:ءء شكوون

تسنيم:هادي خالتي غنمشييو عندهاا

بزز باش فهماتها كتخضر على الحاجة حيت هي كانت كتقول ليها خالتي تسنيم حتى هي قالتها

اسناء: لااا ههه غنمشييو للقيصارية ناخد بليغة خاصاني وناخد ليك تانتي شي حاجة راحنا معروضين بعد غدا ههه نفوجو شوية واخا راني عيااانة ياربي نولي غير شوية من تهنا لتماا

مشطات ليها شعرها على شكل قرينات وزيناتو بالفيليلاات ونااضت هزات اللي غيخاصها وخرجات من الدار قاصدة القيصارية تاخد اللي غيخصها للخطووبة او العراضة المزرووبة ...!

القيصارية كلها ضاارتها واسماء من النوع اللي كيدور السوق كامل يعرف اش كاين اشنو مكاينش عاد يعزل ويشري، وفعلا حتى شافت اش خاارج فالبلدي عاد رجعات عند المحل ديالها كيف ماكتسميه المحل اللي مكتفوتوش،

كان محل ديال الجلاالب والثفاطن من على البااب كيضرب الشعى بالضوء وهذا حال كل من كيبيع ويشري فالبلدي الضو هو اول حاجة حتآتيري الكلياان وكلما كان ضارب فالسلعة كلما الانساان كيدخل المحل بدون شعوور عكس المحل اللي كيكون مضلم واخا يكونو قفاطنو متبتيين بالنقرة مايدخلو لييه، دخلات اسماء كتضور عينيها بين القفاطن ومع ضارب فيهم الضو حجوراتهم المنبتة كتلمع بحال شي جوهر اللوينات على الانواع والشكيلااات والمونيكات وداكشي كيشهي فالعراساات، ولكن هي مشات لواحد القفطان ديال جوهرة من عند الباب فلون البييج مطروز من جيهت الصدر بالكرونة والعقييق حتى هو بالبييج وحزام ضااير بيه مدهب كيلمع وهي تشير فيه وقالت ليه يجبدو ليها ودخلات قيصاتو عاد خرجات كتضور قدام تسنييم وتشوف فالمراية..

اسماء:كيجاك زوييين كيجاااك

تسنيم:زوييين هذاا خايب ( قاصت الحزام)

اسماء: هاداك هو اللي مزينهاا ولكن مزير شوية تئ (ضارت لور كان مزير على مؤخرتها وباارزها اكثر ومول المحل قرب عندها) مكااينش عرض من هذا شوية

سمحمد:علاش مجاكش باان ليا هو هادااك حتى لوين تعزلتييه والله حتى بقات فييه حبة هي هادي لي لابسااها راه سلعة جديدة دخلات غيير البااارح شوفي غير توب كيدااير والعقييق اللي منبت فييه راه خدمت الايدين ماشي ديال الماكيينة

اسماء:لاا زويين زويين عجبني غير هو دابا سمعني اسمحمد..انايا معروضة لواحد الخطبة خطبة كبيرة وليني الناس اللي غادا عندهم شوية ملتزمييين سمعتيني وتاتا بغيت نكون ملتزمة مانتزيرش عيطيني شي واحد وسع منو عافااك

سمحمد:بحال هذاا لا والله مابقى

اسماء:لااا وشنو غدير دابا بغيتو هو فف

سمحمد:جاك هو هادااك هاداك هو قيااصك غير توكلي على الله غتندمي علييه راك تعرفيني كنقوليك الحاجة جاتك جاتك ماجاتكش راه مجااتكش..ولا عرفتي شنو صبري نشوف لا كاينة شي حاحة فالمحل لااخر ردي معاك الباال..

خرج كيجري وهي بقات كضور بداك القفطاان حتى قشعات من بعييد جابادور زرقة صغيير فمانكااه قد تسنييم وهي تبسم ومدات ايديها جبدااتها

اسماء:ويلييي شحااال فن فن تسنييم شوووفي

تسنيم:مازوييينش

اسماء:اويلي غزااااال نوضي نوضي قيصييه عفااك اماما قيصييه قدامي نوضي

نوضااتها قدامها زولات ليها غير لفوقاني وبدات كتلبسو ليهاا حتى دخل عليها سمحمد ونيكة فايدييه

اسماء:ويلي سمحمد شوووف شووف وااش عندك هاااد زييين واش نتا واالد هاد الحلااااوة(كتبوس فيها وهي كتشوف مع داك الجابادور جاتها فشكل) يااربي طابادور زرق والعويناات خضريين ناري نتي غتكبري غنوحل معاك خاصني نددير للخطاب رونديفو عند الباااب ههههه

سمحمد:كل خنفوس فعينين مو غزاال ههه

اسماء:وااببزاااااف عليييك عندك هاد العوييينات عند هاااد البياااض تكسااب هاد الحنيييكات عندك هاد شعر لقيتيي هااد زيييين ككح كحكح نزيظك و كح وبرااك عطيني كاس دلماا

سمحمد:الله يخيليهاا لييك قولي تباارك الله راه حتى عينين الواليدين خايبو

اسماء:ياااربي امييين ياربي وكاع وليدات المسلميين(مد ليها الما)

سمحمد:اماالك شادة العسة فشي عرس صوتك قاجو البرد ماشي ضاربو

اسماء:شي حلاقم ماشكيت علييك خنقوني راه واقفة غير بزز قوليا بشحال هذاا

سمحمد:عطيني غير ميتيين درهم على قبل الغزالة مابقيتيش باغة القفطان جبت كبر منو ؟

اسماء:لا بغيتو اراا نشوف..

جبدو ليها وعودت وقفات قيصااتو عاد عجبها حاها عبااار ومامزيرش عليها بحال لول ..

سمحمد:مزياان صاافي

اسماء:لا هو هادااك صاافي...ولكن هذا غندفع لييك فييه حيت مهازاش بحساب القفطان والجابادور ولاهيلا جيت غير على حساب القفطان عجبني جابادور لبنتي غناخدو ليها هي لولا انا نشوف باش نعدي وهذا تالمن بعد ونجي لييه قوليا دابا غير شي ثمن زويين

بقى غير كيشووف فيها مطول فلخر وهو يضحك

سمحمد : وحق الله الله يسمح لينا من الوالدييين على هاد الكلام ديهم بجوج اري غير ستمية درهم ودييهم

اصماء:ايواا الله يمسخك شحال فيك ديال تحرميااات اااش نقصتي دابااا

سمحمد:هههههههه والله مافييهم شي حااجة

اسماء:وانقص نقص را واقفة غير بزز غير حالتي توريك شتي هادو راه خاصك تعطيهم ليا غير فابور راني قيصتهم وانا مريضة،والمرض بحال والو يشد ليك فيهم ايلا قيصتهم شي وحدة اخرى مسكيينة ماحشوومااش

بقاااو مني منك مني منننك ماسكتااتش حتى شحفااتو كيعطيها الف سبب على الثمن اللي داير كضرب ليه كلشي فزييرو بكلمة وحدة منها وكيعاود تاني مسكيين من لول حتى شيبااتو

سمحمد:شتي شغديريي اري شعند اريي بقات عندك عشرين درهم تحيبيها لياا

اسماء:لاا اخويا مايبقى مورايا واالو ماعرفت نصبح غدا ولا مانصبحش وتبقى تابعني بعشرريين درهم عند الله نلقاك واقف ليا كي لقلااز على عشرين درهم لاا لااا

سمحمد:يلااه اريي غير ااري نوضي حيدي عبيا من هنا عمرتي ليا سوق على الخاوي ماديت معاك لا فضل لا راس الماال

اسناء:وصاافي اويلي راني كليانة زعما ماالك قاصح ماالك

جبدات بزطامها مدات لييه ستالافريال على القفطان و تلتالاف على الجابادور وحيدات ليه منها عشرين درهم ديال الطاكسي عاد ناضت خرجات من عندو مكملة تساريتها..

عند المهدي وصل الحاجة حتى لقدام الداار تلاقى مع محمد خاارج سلم عليه وطلع معااه لطوموبيلتو

محمد:مشيتي مع الواليدة..

المهدي:وييه اصحبي عاودت لياا شي حواايج صدمتنيي اصحبييي يلاه لقيتي غنهضر مع اسمااء

كسيرا كيعاود لييه شاد طريق لنفس البلاصة فين كيمشييو..

اما اسماء قسطات من كل بلاصة خدات حاجة دازت عند مول الماكياج خدات االي خاصها واللي تقادا ليها من عنااية لايديها ورجليها ولوجهها وشي مكياط كان تقادا ليها خداتو حتى هو عاد خرجات من ااقيصارية شدات طاكسي نيشان للدار مع خدات طاكسي كبير حطها فالشارع لفوق بعيد على دار وطلعات كملات على رجليها كانت العشية تعاشاات والدروبة عاامرين ودرااري شادين راس الزنقة حادرين عينيها حيت اغلبيتهم كيعرفوها مرت من كانت خاصة ملي شافوه خرج من الحبس حتى حد مابقى كيلوح عليها شي كلمة وهي طالعة كتمختر رغم المرض هازة نيفها ومامبينااش وتسنيم فايديها هازة غزل البنات كلها ولات غوز بييه وجهها كامل كياكل معاها

كان جالس ناصر فالقهوة غير شافهم دايزيين وهو يتخطف نااض سامح فكّاروه وقهوتو تاابع تسنيم كيعيط عليهاا حتى وقف علييهم

ناصر:تسنيييم باباا اجي سلمي باباا ابنتي

طلقااها اسماء كتنفخ مكتشوفش كاع فييه وهو تحنى شاد عندو تسنييم كيسلم عليها وعينيه على اسمااء اما تسنيم من نهار شافتو ضرب اسماء بقات خايفة منوو ..

ناصر:توحشتك ابنتيي تمشي معاياا تمشي معاياا لداار همم

اسماء : فييين غتمشيي معاااااك

ناصر:اتمشيي معايااا ماااالك..

تسنيم غير شافتو غوت طلقات منو ولصقاات فاسمااء وهو يرد عليها الباال ورجع خفض صوتوو شد فيها

ناصر:م ماتخااافيش ابنتيي غ غير كنهضرو انا وماماك ماتخلعيييش..شتي ااش كديريي كتخلعيس فالبنت

اسماء:واش نتاا مكتحشمش(تيلي كيصوتي) اناا الليي كنخلعهاااا داباا

ناصر:جاوبيي على تيليفوون

اسناء:مااشي سووفك

ناصر:ماشي سووقي علااش شكوون كيعييط شكوون هذااا(بغى ياخدو ليها)

اسماء:ماشي سوووقك اويليي طلق منيي

ناصر:ماتبقاايش تغوتي رااا غنقلب زاام/ل بوووك شكووون هاذا

اسماء:ومااااشي سووووقك اويليي اجي جاااوب فبلااصتي لا... زيدي يلااا

جراات بنتها وتمات غادا قداموو كتجبد فتيليفون وهو متبعها فالاخر ضرب رجليه مع لرض دار بناقص من شي قهوة طلع لداارهم اما هي غير حسات براسها بعدات عليه وهي تجبد تيليفون لقاتو المهدي تتهداات ودوزات نمرتو وهو يقطع عليهاا وعاود صونى من عندو

اسماء:الو مهدي

المهدي:اسمااء صافا كيف بقيتي شوياا

اسماء:الحمد الله هاد ساعة كنت باغة نصوني لييك نييت بغيت نهضر معااك

المهدي:مرحباا نهضرو هنا ولا نشوفك نتي فالدار ؟

اسماء:لا غيير فتيليفوون انا فالقيصارية ماشي فالدار بغيت غير نسولك واشي السيدة اللي جات عندي صباح كنتي معاها ماماك؟

اامهدي: لاا هه متشي الواليدة

اسماء:بصاااح؟ ولكن شنو(فنص كلااامها حتى حسااات بتيليفوووون طااااااار من ايديييها حتى كانت غطيح على فمهااا ونااضت كتغوووت) شفااااار شفاااار واااشفاااار اعباااد الله

ولكن كانو راكبين على سكوتر جوج دراااري ماجات فين تنووض تا لقاااتهم حبدو على طرييييق وهوما يتجمعو عليها العياالات والناس والمهدي فطوموبييل سمع اخرر كلماااتها تخطططف من بلااصتو ودغيااا حبس الفراااان جنب

المهدي:اسماااا الووو الووو اسماااا كتسمعينيي

محمد:ماالك !

المهدي:ماعرفتش كاانت داوية معاياا تا بدات كتغوت شفااار ما شفااار شي حد طير ليها تيلييفوون

محمد كيتصنت لييه وهو مضاارب كيصوني ويعااود يصووني عليه

المهدي:مكيجاااااوبش ولد القح/بة طيرووو ليهااا

محمد:واااش خااارجة هي عاارف فيين كاينة ؟

المهدي:قالت شي قيصارية حداهم ولا مانعرف

محمد:عرفتها عرفتها دزت عليهاا ملي وصلتها سييير انا غنعت لييك

عاود ديماراا طوموبيل دغيا و ورك على الكسيييراتوور غادي معييط فالكرييييق باقصى سرررعة باغي يوصل اما اسماااء غيير غوتاات شفااار كاع ولااد درب تبعووه كيجيييرو يشدوووه وشي وحدييين طلعو لداار ناصر يوصلووها لييه وهو غير صاق الخبااار نزل حفياااان كيجري لعندهاا...!

جلسات اسماء بين العياالات كلها كترجف بالخلعة اول مرة وعمرها فاتت عليها وخاصة فدربها اللي ملي كتدخل ليك كتقول صافي هنا ماكين اللي يقيصني كلشي ناس كيعرفوني حتى مسحو ليها هاد الفكرة بهاد الفعلة، هوما كيصبرو فيها على التيليفون وهي مضاربة توقف غير على رجليها وتمشي لدارها مابيها لا تيليفون لا جوج حيت البزطام اللي فصاشية فايديها فيها كثر من ثمن التيليفون بضوووبل كون داوه ليها كون حماااقت،

_مااوقع بااس ابنيتي جاتك غيير فتيليفون على سلامتك اللي ماضربك ما حاداك

_ياختي هاد البراااهش شحال ولااو يطيرو ماشي ول لباارح تلقاو ليا لبنتي الهااام غادا مسكينة غا لخدمة تا صبحو عليها ساعة لقاوها ماهاازة وااالو غير صوبيرة المرقة لاحها عليها جات كلها زفرة

_وبنت زوبييدة مسكيينة الطفلة مسكينة بالخلعة ركبو فيها بووصفيييييير

_يااكما داو ليك تالبزطاام

اسماء:لا لا بزطامي عندي

دخل وسطهم واحد الولد كيسول: ختي ختيي شفتي وجههم حققتي فيهم تقدري تعرفييهم

اسماء واخا شافتهم نكرات : لاا ماديتهاش فييهم

_وااش متأكدة داباا ايلا جبتهم تعرفيييهم ولا لا غير شوفي وكاان

اسماء نكرات :لاا اخويا ماحققتش فييهم ماشفتهمش

زفراات نفس من وسط منهم وناااضت بغاات تمشي وهوما يوقفوها حيت شي وحدة كانت جايبة ليها كاس دلما، والعيالات غير ماكيزيدو يتجمعو وتاني فينما تجي شي وحدة خاصهم يعاودو ليها الواقعة من لول و وحدة تقول لاخرا وحدة تزيد فالهضرة و وحدة تنقص وهي غاداا....

حتى لوااحد اللحضة وهي تحس بييه جرها من كتاافها موقفهاا كيغوووت تا كلشي بعد منو

ناصر:شكوووون شكوووون داااه شفتييييه شفتيه فوجهووو كيدااااير

اسماء جرات تسنيم غادا :مااشفتوش

ناصر:داااوي معااااك وقفي شفتييي زام/ل بوووه فوجهوو قووولي ليااا كي داااااير ليوووم نقتل لقح/بة موو

اسماء:مااااشفتووووش اويليي مااااشفتووووش كاانو فالموطووور انا اااش غنشوووف فيهم

ناصر:دااب ماالك كتغوتييي راا داوي معااك وقفي لهنااا

اسماء: باغي ديير ليا شوهة تاني قدام ناس داااوه بصحتهم نتااا ماشي سوووقك رجع عند مك دابا يتلقااو ليها تااهي ...طلللق منييي

ماارضاش قدام الرجااال وهو يجرها من شعرهاا لعندو مغدد حتى غوتااات والعياالات تجمعو علييه الااطيف الاطيف ورصى ما ترصى وهو كلما كيقولو لييه رصى عااد ماكيزيد يطلع اما اسماء ضربات الطم عرفاتو مغيحشمش قدام الناس وغيزييد يشوهها قدام جيراانهم...

ناصر:ندوييي معااااك حدري عينيييك ندوي معااااك نزليي نيييفك لزام/ل بوووك سر دييلمك فييك تنقااز قشعوك من بعيد غاداا كتعوجي قصدووك نييشااان مال هاد ناس كاااملييين ما سمشييو لييهم لمخيرة فييهم شادة تيليفون والبزطاام علاش نتي من دونهم ابنت القح/بة غادا متشاالي كتعيطي علييهم

جرو راجل كبيير..

_سعااتو الله اولدي طلق منها على وجه هاد البنية طلق

ناصر:حييد تق/ووود ديهاا فك/ررررك فرتكوو عليااا هاد تجوووقا اولاااد الق/حاااب يلاااه حييد من هناا

_حشووومة اوليدي راااجل قد باااك عييب كاااع

اسماء دفعاتو:طلق منييي شوهتيني الله يعطييك الشوهة الحباااااس

جمع ايدييه تالفوووق ونزل عليها بتصرفييقة حتى حساات بطنيين قوي ضرب فودنيها وهو مرااضيش قدام عباد الله بغاها تحدر ليه رااس وجرها تااني جمعها معاها بخلف ايدييه حتى داااخت والعيالات مساكن داخلين وسط منوو دقة فيهم دقة فاسماء و رجال مبعديين لور كيشوفو وتسنيم فرجليه لاصقة كتعض فييه حتى حس بيها وهو يدفعها جاااعر ماااشافاهاش كااع غير دفعها تلاحت على ضهرها كتبكي

طوموبيل دالمهدي فهاد اللحضات وقفات من بعييد كيشوفو فوااحد الجوقة مجموعين ناس وصوت الغواات بحالا شي مضااربة حتى دازو جوج من حدا طوموبيل كيهضرو..

_شدووه وااقيلا قااليك دا ليها شي دهب ولا مانعرف

_انا قالو لياا ضربها لوجهها شوية وكان غيتقب ليها العين

دفع المهدي البااب نزل غادي باتجاهم ومحمد طلع الزااج ونزل سد طوموييل عاد تبعوو كيشووف مووراه حتى بان لييه المهدي مشى كيجري داااخل بييناااتهم وهو يتبعوو اما المهدي غير شاااف اسماء دافنة راسها لتحت وناصر كيصرفق فيها وحدة موراا وحدة ماااحسش على راااسو حتى جروو من كتافو الجرة باااش غيجرو نزل على خدو بلكمة،حتى كلشي غووووت وناصر حتى هو ناض لييه بلكمة اخرى والمهدي كيرجعها لييه..

اسماء دااخت وتلفااات كثر عليها البشاار ماعرفات ماادييير كيبان ليها غي المهدي وناصر مشااديين العيالاات هربوو خلااوهم بينااتهم حيت ولات العصى بين الرجال ايلا ضربو شي وحدة ماتنوض على ربعيام وهي تلااح وسطهم كتفك ومحمد حتى هو كيجر غير فصاحبو حتى تم جاي ولد ااخر (صاحب ناصر) دااخل يفك غير قاص المهدي من لور جرو وهو يضور عندو نزل علييه برجلييه دايخ اللي قاص فييه كيضور يخبطو كثرو عليه الدرااري ماعرف شكون اللي كيفك وشكوون اللي كيضرب وناصر غير طلقو ماعرفت فين مشى كيجريي ومحمد تاني تبع مهدي كيفك ووجهوو حمااار عرووقو برزووو كينفخ ويتفش كتبان فييه بزز بااش شاد راااسو خصوصا مع المهدي اللي شد معاه العكس هو كيجرو ولاخر كيفلت منو ويعاود يمشي لييه..

فدار مينة جاالسة بين عيالات ولاادها كضحك هضرة وحشياان وهوما حادرات راس كيتغاامزو حتى كتسمع دقاان فالبااب خبااااط خبااط نااضت طااافجة قالت غير خبار الحبس هادي طلات عليه من لفووق كانو جوج درااري جايين كينهجو

مينة:جوااااد ماالكم فيناااوا ناااصر

جواد:مضاااارب امي مييينة محاااميين علييه لتحث

مينة:اويليي معااااامن

جواد:جاااو لييه عندو بطوونوووبيييل فدريبا لتحث نزلي

لاحو ليها الهضرة ورجعوو للدرب لتحث خلاوها نوضاات العافية فالدار خرجات بلا جلااابة كتجري وعيالات ولادها كيف العادة تابعااتها ...

محمد بغغضضضل كبييير جر المهدي جرة وحدة لاااحو لووور

محمد:صااااافي دوييت معااااك حبببس براااكة

المهدي:مزااااال نشد زااام/ل بوووك لولد القح/بة نملخخخك فدربكم زعمااا جااايب الحمممييية تبعني نخرجوو من درب ونفرجك تبعنييي زيييد

محمد:صااافي (ضار عند لاخر) سييير خويا الله يرحم الواليديين صاافي مااكيين وااالو

لصقو درااري فالولد لاخور جرووه وناصر ماليه اثر اما المهدي مشى عند اسمااء كيشوف فوجها كيف ولاا وفمها كلو دم مااعرف مايديير ماقدرش حتى يقيييصها ومحمد بانت ليه غير تسنييم بين العيالاات كترعد بالخلعة عزاات فيه هكاااك بغى يمشي ليها حتى كيبااان ليه ناصر جااي كيجري وعصى دالحدييد غليييضة فايدييه ومو وعيالات خوتو جايين موراه كيجرييو زعما هربوو راه جااي ليكم ....

يتبع...