حمام الخلا الجزء 37

الحاجة عزيزة عليها كنزة :الله يرضي عليك ابنتي كديرا كيف غادة مع الحمل تبارك الله مشاء الله كرشك بااانت..الله يسهل وقفتك..

كنزة : اللهم امين الحاجة لهلا يخطيك والحاج..

سولات عليهم واحد بواحد واسماء غير كتشوف مبسمة كتدوي هي والحاجة ولكن كل وحدة هازة فقلبها من التانية مابقاوش مطلوقيين كيف كانو...ورغم دلك ولفو على بعضياتهم وحتى الحاجة ولفات عليهم مابقاوش كيعتابروها ضيفة ولات وحدة من الدار....

بقات الحاجة حتى رجع ليهم محمد رجعهم للدار والغد ليه نفس الحاجة غيير هاد المرة قبل مايوصلها للدار داها معاها للكلينيك على حسب الكونطرول...دخلات عند طبيبة ديالها مدة طويلة وهي عندها عاد خرجاات مبسمة وايديها على كرشها كتلمس فيها مشاتت معاه للبيرو وجلساات وكاس دالعصير والفطور يالها قدامها...دايرة بالها مع تيليفون حيت غتجي عندها كنزة...

محمد : السي عبد المتقي ارتاح شوية ؟

اسماء : لا هو لا ماما لحد الان كيبكييو علييه...الحمد الله بعدا كيمشي عند الحاج كيرجع ليه عقلو حسينا بييه فينما كيمرض كيقصد الصلاة كيقول لينا كيرتاح فيها..

حرك راس بايجاب مشغول...

محمد : الله يرزقو الصبر...ماشي ساهلة...

اسماء تنهدات : ماعندو مايدير...الحياة تستمر..

محمد :ندوز وراك عشية بكري نمشيو نشوفو الدار لازم نفروشها..

اسماء : مممم (تبسمات وحركت راسها) واخا انشاء الله اللي بغيتي...

نااضت كتحرك قدامو وتمشي وتجي مع البيرو كتسمع فيه كيدوي فتيليفون حتى كمل ومشى جلست فوق البيرو...

اسماء : عرفتي شحال ديال لكوموندات جاوني تصدمت هاد السيمانة تقريبا شي عشرة(حرك راسو) تقول تجمعو فدقة وحدة...

عقد حجباانو بحدة وهي تنهداات قرات ملامحو شنو قاصد بيهم...

محمد : اش قلت لييك علاش تفاهمنا ؟

اسماء : كوموند وحدة فالسيمانة...

محمد : مزيان دوينا وحدة فالسيمانة ماتقوليش ليا عشرة ولا عشرين..

اسماء : ماقلت والو غير كنعاود ليك علاش تعصبتي..

محمد : خودي راحتك كلمة وحدة قلتها وحدة فالسيمانة عحبني هي هاديك...ماعجبنيش غيكون كلام اخر..

اسماء : واصافي ماتعصبش...(رجعات كترطب)ماسخيتش بيك فخبارك ياك مزال الكونجي ديالك علاش رجعتي للكلينيك...شحال كتموت على الخدمة بقى معانا مزاال...

تبسم كيشوف فيها ويكتب فالورقة قدامو ولا حافضها كثر من راسها عرفها كترطب تاني علم الله اش باغة...شوية حتى حس بيها تحنات باست خدو بكل هدوووء بوسة حنيينة وصباعها كيشمطو لحيتو وهو يضحك حتى بانو سنانو وشاف فيها فكراتو فتسنيم ملي كتبغي حاجتها منو....

محمد : فكرتيني بواحد الفراشة ايلا شافت لعبة جديدة كدير نفس الحركة باش نشريها ليها...

اسماء ضحكات : حرام عليك وااش ضروري ايلا بست راجلي خاصني نكون باغة شي حاجة (باستو مرة اخرى) ماخاصني والو عندي كلشي...

دفع الكرسي رجع بيه لور وجرها طاحت عليه حتى ولات جالسة فوق رجليه شادة فعنقو...لايحة عليها الشال غير من الفوق رقبتها باينة مزينة بسلسة رقيقة وشعرها رطب نازل معاه الجناب بحال الحرير...لاصقة فيه كضحك وهو كيهزهزها برجلييه...

محمد : خفافيتي..نقص وزنك..!

اسماء : بصح لاحضتها فراسي ضعافييت بزااف....حتى ايدي ضعافو شوف(وراتهم لييهم وهو يبوسها خلاها كتضحك فرحاانة) ماكيعجبنيش الضعف والله ومزال قالت ليا خاصني نقص..ملي كنضعاف كنحس براسي فشكل ماكنقدرش باقي نشوف فالمراية...

محمد : لا بالعكس...كيبان ليا دابا حسن...

اسماء : بصح ؟ نتا هو الوحييد واقيلا اللي كيعجبك الضعف عمري شفت بحالك هههه...(بتردد كضحك قاالت) فاش كنت كنمشي لحماام وكنسمع العيالات كيدويو على رجالهم عرفتي اشنو كيقولو...بلي الراجل كيبغي الغلض ههه وكيبغي فين يشد وشنو يقييص هههه الغليضة كتكون فيها البنة ماشي بحال الضعيفة لا بنة لا منضر..

محمد :البنة فحاجة اخرى( بغمزة زير على جنابها) ماشي ضروري تكون فاللحم...

ضخكاات بصووت عالي مخبية وجهها فعنقو كيصدمها بشي كلييماات عنظو كتقول فين كان مخبييهم...كيدويو وهي كتضور تضور وترجع للوزنها لي نقص معقدة منو حتى كيالف ليها الموضوع وكيبين ليها بلي راه معجب بجسمها الضعييف كثر من العامر واخا ماكيهمو لا ضعف لا عمورية... رغم انها ولو ضعافت و ولو جسمها ترهل بعد الضعف ومابقاش كيف كان وخلاص مع الحمل صدرها كبر فوووت القياص ووقف...خايفة منو بعدما تولد وترضع يتدلى وينزل ايلا وأنها فالفارااش قصة اخرى ماكتخلي يفكر لا فضعف ولا فهم يحزنوون شكون عااقل فين كيقييص وهي مدوخااه غير بحركاتها ودلعها ونقااوتها...تنهداات كتجمع فضحكتها وقالت...

اسماء : محمد فاش مات خوك الله يرحمو..كيفاش نسيتي وحاولتي تعييش عادي بحالا مازقت والو..

محمد : مع الوقت حتى حاجة ماكتنسى..

اسماء :وعلاش كنحس براسي نسيت...كنحس براسي بااردة ماشي بحال كنزة ولا ماما وباباا كنحس بيهم شوية وغيحماقو..وانا لاا..بكيت علييه مابغيتش ليه يموت وهو مزال صغير ولكن ماشي بحالهم..

كنزة هاد الاخيرة اللي اصلا من ديما مكانتش من معجيبين الجسم العامر كيعجبها يكونو المناطق الانثوية بارزيين لا غير بلا داك الغلض المعييق...ونيت هكا كانت مؤخرة وصدر بارزيين بوضوووح كتغطيهم بواحد العباية وسط الطوموبيل والنضاضر على عينيها جامعة شعرها الفووق بقراصة وزغيبات نازلين على جناب وجهها ضارباها بتعكييرة وايكخون كتبري فوجهها و واحظ الخاتم قدو قد الفردة د الدهب فبصعها.. جبدات تيليفون كيبري دوزات لاسكاء قالت ليها تخرج عندها وبقات كتسنى...

من بعيد كانت واقفة طوموبيل ديال لميااء وسط منها نيت كانت لمياء واسرااء كيشوفو فطوموبيل دكنزة...

اسراء :ختها هاديك راه شوفي من زاجة دايرة نضاضر واخا مكتباانش مزيان ولكن ختها راه كنعرفها...

لمياء : وعلاش جات لهنا ؟ جات عندو؟

اسراء : ماعر٥تش...بلايتي بلاتي شوفي هاديك اسماء راه هي كتبان جات عندها واقيلا..

لمياء : نية كانت نجيو عند محمد ولكن بان ليا مرتو حسن ا اسراء...

اسراء : ماعرفتش..

لمياء :نمشييو عندها ؟

اسراء : موحال تبغيت تدوي معانا...

لمياء : اسرااء شوفي احبيبة حنا غنديرو لي علينا غير تبعيني عفاااك..مرتو والله حتى كتبان دروييشة...والله حتى ضريفة كنعرف انا داك النوع ختها مزال نقول ليك قاافزة وقبيحة ولكن هي كتبان فوجهها طيبة وبهلولة نديرو لي علينا دوي معاها بلا صداع بلا مشاكييل بغات تدوي هي هادي مابغاتش صافي...مهم حنا نديرو لي علينا وحتى ايلا وقفتي قدام القاضي فاي ضرف غتقولي ليه طلبت منهم السماحة...

اسراء : ايلا طلبت منها السماحة بحال ايلا اعتارفت...

لمياء : تخايلي تطلبي منها السماحة تعرفي كيفاش دوي معاها وتلعبي على عقلهاا وترجعي تطلبي منو هو سمااحة وتقول ليه ماكنتش حاسة براسي اشنو كنديير وهادي وهادييك ولعبي على عاطفتهم غير تخايلي ملي يقولوها للقاضي بلي راه مساامحيينك ا اسرااء الحبس كااين كااين اختاري واش شهر ولاا شهرين ولا تمشي بالسنيين...

اسراء حدرات راسها بتأزم : عندك الحق..

لمياء : ماما معاارفة والو..ماما غالباها عاطفتها بااغة تبرئك باي طريقة وتجلسي حداهاا..نسات القانون ونسات مابقاتش غير فيد القاضي...واخا يكون القااضي كيطير فالسمااء ماعندو نايدير قدامو ويبرئك..حياتك بيين ايديك نتي اختاري وااش يكون عندك شي شهورة وتقدي تعطي شي غرامة وتخرجي ولا تدويزيها بالسنيين غير حيت ماعتارفتييش ا اسراء فهميني اختي راه قلبت وسولت لييك ماشي كندوي عن فراااغ...

اسراء باستسلاام : واخاا..صافي واخا اللي بغيتي نديروه...ماعنديش حل اخر..

فطوموبيل عند كنزة...

اسماء : بابا خرج مسكيين...

كنزة : لا خليتو مع ماما فالصالة جالسين وخرجت...

اسماء كتصوني لخديجة : عمري شفت بابا هكا والله العضيم

كنزة : الله يرحمو ياربي...فطرتي ولا مزال جيت عندك بلا فطور..

اسماء : لا فطرت مع محمد...آلو خدييجة صباح الخر...فاقت تسنيم ؟ مع الحاجة....صافي..صافي احبييبة ياك مامصدعاكمش ههه...صاافي لهلا يخطييك بسلاامة..(قطعات)

كنزة : علاش ماتجيبيهاش للدار تبقى معاك اصحبتي قدام عينييك...

اسماء : لا غير خليهاا مع الحاجة مرتاحة عليها وكتهلى فيها عزيزة علييهم...

كنزة : ا اسماء الله يهديك مرت صلاح معانا فعلا ولكن اش فجهدها ما ديير...

اسماء تعصبات بدون شعور : حتى صلاح كان معااكم ماشفتوهش اش داار الله يسمح لييه...ماكنتييقش فيها لا هي لا ولادها وبنتي مانجلسهاش معاهااا واخا نعرف نديها للحضانة والعشية نرجع ليها...ومانتييقش فيها...

كنزة تنهداات : من حقك...نفطرو هناا ؟كيبان زوين ونكملو

وقفو طوموبيل ونزلو لديك الكاافي دومونداو على اشنو بغااو وبدااو كيفطرو واسراء ولمياء جالسيين فطبلة اخرى نص ساعة وهي كتقنع فيها تنوض عندهم بزز وبتردد كبييييير حتى ولات كترعد وتبلع فريقها عاد مشات عندها وهي واقفة جنبها..وقفاات عليهم واسماء علات فيها رااسها وهي تعقد حجباانها وكنزة كثر منها..

كنزة : صباح الله...ميين خرجتي نتي ؟؟

لمياء محملاتهااش : بغينا غير مدويو شوية بلا صدااع...تهدني شوية....

كنزة هزات ايديها مقندشة : وا لالة تهدني اش خلات فييها ختك ماايتقال...ماعندها فاش تهضر معاااكم قربات المحكمة حسيتو بجنابكم شعلات فيكم العاافية... سيري اختي سيري ديري ريجيم وجدي راسك للعدس..

اسراء شدات فختها كتخاف من كنزة : لميااء...انا بغيت غير ندوي..

اسماء : جلسي اكنزة(كتشوف كلشي كيشوف فييهم حشمات) بلاش شوهة عفاك ا اسراء سيري اختي ماعندنا فااش ندوييو...

اسراء : يلاه نمشيو..

لمياء : اسمااء ماجاتش تقول ليك سمحي ليا فالدعوة ولا ماعرفتش ااش كيضور فرااسكم..عندها ليك شي هضرة تقولها لييك وغتمشي واللي فراسك ديرييه..نتوما كديرو جهدكم وحنا كندييرو جهدنا والضالم غياخد حقو والمضلوم حتى هو غيخدو..هادشي غيبقى غيير هضرة...

كنزة بتحديير شافت فاسماء : غتجلسي معاهم غنمشي..انا غير قلت ليك

لمياء بصرااامة فكنزة : بااغيين نبردو العافية ماشي نشعلوها..ختك مضرورية وختي مضرورة بجوج بيهم مضلومات...كوت كنتي باغة مصلاحة ختك غتخليهة تسمع اش عند ختي اما شغل المحكمة لا انا ولا هي ولا ناوماا غنتحكمو فيهم... القاضي كلمتو راه غياخدها شكون غيدير عكسها....كتاب عليها الحبس غتمشي لييه ماشي نتومت لي غدخلوه ليها وماشي حنا لي غنخرجوه منها...

كتزة ضحكات : ضربتي اختي..اجي ضربني...هاكي وجهي صرفقييه...(بحدة شاف فاسماء) باغة تدوي معاهم ا اسمااء تجلسي معااهم ؟

تلفات اسماء بقات غير كتشوف بيناتهم وتطلب كنزة بعينيها حتى زفرات ونفخات من نيفها ورجع جلسات بنرفزة حتى تقلبو الكيسان وناضو بدلو الطبلة مشاو لوحدة اخرى جلسو ليها مجموعين وكنزة ربعت ايديها..

كنزة : يلاه اختي اش عندك قولي...

خنزرات فيها لمياء ايديها كلاوها عليها واسراء كتضور فيعينها وتفكر فايديها تحت الطبلة بتوتر كبييير كتبلل فشفايفها...

اسماء : اسراء واش فخبارك شحال صدمتيني فيك...ماشي لشي حاجة ولكن كنت كنشوفك فشكل ماشي توصلي لهاد درجة درجة شنو درت لييك انا...غير قولي لياا فاش ادييتك تشوهيني هكاك وكون غير كنت بصح دايراهاا...كتدوي بسميتي وانا مقلوبة عليا القفة ماشي حراام عليك شنو درت لييك...واش كنتي مزوجة بييه ودخلت بيناتكم...ياك حتى طلقتو واش عمرك سمعتي عليا شي حاجة منهم كاملين...

اسراء حركات راسها بلا عينيها مدمعيين : مادرتي واالو هو اللي بغااك..

اسماء : وعلاش انا ديري فيا هاد حالة ولييت مشبوهة دابا حتى نتي مطلقة واش حسيتي بيا ولا مزال واش ماعارفاش شحال مشبوهة واي حاجة فيا كتلصق ؟

شافت فلمياء بارتباااك حاسة بيهم كلهم كيشوفو فيها تورترات وتزنكاات حاسة براسها سخنااات...

اسراء : عندك الحق..انا اللي غلطت..من نهار لول غلطت ...نت مادرتي والو وحتى هو مادار والو حيت فاول مرة تلاقينا باش نتعرفو قبل العقد كنا جالسيين هكا...قاال ليا واش مرتاحة..واش عندك شي حد فحيااتك مانوقفش فطرييقك حيت تزوجنا زواج تقليدي ماكيعرفني ماكنعرفو....قلت ليه لا ونتا...

شافت اسماء فختها ورجعت تبعت معاها..

اسراء : قال ليا كاينة ومكيناش..ماعرفتش ماقفعمت منو والو قلت ليه يشرح ليا قاليت كاينة فبالي وحدة نمحيها منو ولا لا...ماانواعدك بحتى حاجة...حسيت بيه باغي وحدة اخرى ولكن انا قبلت وغلطت...اللي كيبغي عمرو ينسى وحتى انا بغييتو ولكن مابغانيش..

كنزة : كيفاش وحدة اخرى شكوون هادي ؟

لمياء : ختك...

كنزة عصباتها ضناتها عيراتها : كندوي معاها هي احتارمي رااسك..نتي مابنتش ليا اصلا جاية على خيير...

لمياء : حتى انا غير كندوي واش نتي حممقة ؟

اسماا : كنزة..

اسراء كتهدن : لاا...

لا راه بصح كان كيدوي على ختك اسماء...

اسماء : كملي ا اسراء..

اسراء : هادشي اللي كاين غلطت نهار قبلت كون ماقبلتش ديك الساعة مكانش غيوقع هادشي...تزوجنا كنت كنشوفو كيحاول صراحة انا كنحاول نبغيه واخا بغيتو وفات الفوت ولكن هو ماعرفتش..كنا عايشين فشكل وفاش طلقناا ماعرفتش نفسيتي تدهوراات مابقيتش كنحس براسي هي هادي(كنزة قلبات عينييها كتحيهاا بحال شي حمقة كلها كترعد وبزز باش كتدوي) نتي مطلقة وغتحسي بيا فترة الطلاق شحال كدوز صعييبة ماقدرتش نتخطاها(نزلو دموعها بغزاارة) كنت كنشوف راسي خاايبة وانا اللي غلطت ومحاافضتش على زواجي ماعرفتش كيفاش حتى ولييت باغة نشوفو حتى هو غالط باش نبرد على راسي بلي انا ماشي خايبة غير مكتابش نكملو بجوج وحتى هو ماشي ملاك حتى هو يقدر يكون مامزيانش...

سكتات لحضات ورجعت كملت واسماء تزيرات ملي كتدوي عليه هكاك...

اسراء : ماعرفتش شكون كنت باغو والله العضيم..اشنو كنت باغة نبين رااسي بغييتو يشوف راسو حتى هو غالط وكيف ماقدرش يحافظ عليا ماغيحافظش عليك هادشي لي كان كيقول ليا راسي خاصني ندييرو...ماعرفتش شنو كنت بااغة (بتوتر كبيير كتبكي) غلطت ويي عارفة مي والله مكانت فنيتي نأدييك ا اسماء مادرتي لياا وااالو ملي مات لياا ولدي شهووورة وانا كنتسناااه سافرت بين البلدان باش نحمل بييه فاخر لحضة مات ليا وموراه تماما تطلقت..كانت صعيبة عليا ومزال لحد الان صعييب عليا حتى باش نلقااه فجنبي يوقف معايا فابسط مشكل طلقني كان كيتسنى غير السبة...

اسماء : اسرااء..اسراء عفااك شوفي هادشي مكيدخل من ودن مكيخرج من لاخراا محمد كان راجلك ودابا راجلي ايلا دوييتي عليه دوي باحترام باغي سبة ولا ماعرفت..مشكلتك معاه فكيها معاه هو انا مادخلينييش وماتلعبيش بشرفي باش تبردي على راسك مجربة طلاق ونهار طلقت نسييت عائلتو وشفت حياتي وحياة بنتي ماشي بقييت تابعاه وكنقلب منين نشدو...(هزات صاكها ووقفات) سمحي ليا...

اسراء : انا غير شرحت ليك اسماء باش تعرفي اشنو وقع ماتيقيش باي حاجة شفتيهاا...ماتغريش باللي كتعيشي..حتى انا عشت امييرة بحاالك كنشوف كلشي بالوردي..محمد مكيعرفش شي حاجة سميتها التفاااهم ولا الحوار جربي غير جربي تشكاي من الحاجة انا متأكدة مابغاتكش حيت هي باغة لييه البنت القرااية(تزيرات اسماء كتسمع) ماباغاش اي وحدة وهو باغيها تجلس فالدار شكون هادي لي غتقرا وتجلس ليه فالداار باش تعرفي شحال من حاجة تنازلت عليها وشوفي فين وليت.....

اسماء : نتي اللي فيك المشكل ماتنازليش..دوي على حقك ماشادكش بزز عليك... راه ماشي صعصع غيقطع ليك رااسك..

اسراء : راك غير كتدوي نهار دويت على حقي طلقني..جربي تدوي على مو جربي تشكاي منها وغتشوفي على عينيييك..محمد قيصيه فكلشي ايلا فمو بزز منك خاصك تسكتي وتحدري ليها راس كانت كتقول ليا خرجي جلسي معايا وايلا مابغييتش وتشوفي الهضرة لي كنت كنسمع عند بالها مكنسمعهاش اش كتقول...

كنزة حطات الحساب : ييلااه...صافي اختي صاافي..هاد الهضرة ماعندها مادير بيها دابا طلقتو الله يعاون كل وحدة تعيش حقها..كان فيه المشكل غيبان كان فيها هي غيبان...

خرجات كنزة ومعاها اسماء لي ولات كترعد وتضور فعينيها من كلام اسراء ركبات فطوموبيل بلا هضرة بلا جوح وزادو نيشان للدار...كلامها مع اسراء ابدا واش قالتو لمحمد ولا جبداتو لييه دفناتو بحالا عمرها تلاقات معاها...واخا كلامها دخل مع عضامها ولات كتفكر زعما يجي شي نهار اللي تشكى من الحاجة فييه بلا ماتخدم تلحليها وتخرج لي فقلبها يطلقها حتى هي بحالها...

جا عندها محمد فالعشية خرجات معاه كانت النية يشوفو الداار لكن فاخر لحضة دخلات للمول كتحاول تلاهى مع اللبااس وتنسى كلام اسراء خدات شي حوايج ليها ولبنتها وخرجو كتبغي تاخد لمحمد ولكن حيت معاها ماغيدخلش بيها للمحلات ديال الرجال واخا تولي راجل...تعشاو على برا ورجعو للدار...وغير صبح عليها الحال خلات تسنيم مع الحاجة ولفااتها ومشات لدارهم معاونة الحاجة فالتوجاد لعائلو عماد اللي غيجييو...

اسماء : شنو غتلبسي ؟ وجدتي شي حاااجة..

كنزة : اشمن لباس ا اسمااء عندنا عرس ولا ؟

اسماء : الله يهديك اكنزة...صلاح مات الله يرحمو الحياة متستمر شنو عندنا مانديرو...

كنزة تنهداات من عمق قلبها : الله يرحمو فهاد النهار ياربي...

اسماء : ويغفر ليه...لبسي شي حاجة تكون زوينة مايشوفوكش دابلة....

حركات راسها بايجاب واسماء خرجات خلااتها شادة تيليفونها طالعة نازلة فييه بملل حتى كيوصبها ميسااج من الواتسااب وبنفس النمرة لي بقااطت سيمانة كلها ضاراها فرااسها...دخلات ليها بسرعة خافتهم يمسحو الميساجات وهو يبان ليها مسيفطيين تقريبا خمسة دالصور...تيليشارجتهم عندها دغيا ودخلات كتشوفهم وحدة وحدة...

لحضات قلييلة حتى تدق الباب ومن البيت سمعات كثرة الهضرة بصوت فوزية وخواتات عماد وهو بنفسو كيدوي مع عبد المتقي...خرجات بسرعة غسلات وج٧ها ورجعات كتقاد فييه دغيا وتخبي دموعها وتمسح لبسات غير واحد لونسومبل بلدي غير جا قدام ايديها خشاتو عليها وبدات كتجمع فشعرها بإهملاا حتى دخلات عليها اسماء مع شافتها خرجات عينيها...

اسماء : باااقة ماوجدي رااسك اويلي ؟

كنزة : علاش هانا لبست ؟

اسماء : اش هاد الحالة....السروال فشكل والتريكو فشكل...

كنزة : فف ماردييتش البال جبدي ليا شي حاجة ..بلا قوة الزواق ا اسماء ماراشقاش ليا...

اسماء باستغرااب : مالكي...مال عينيك حمرين كتبكي ا كنزة...

كنزة قلبات عينيها : واالو..

اسماء :راك ليوم راجعة لدارك الهبيلة ضحكي شوية ... يلاه لبسي شوية و يعيط ليك بابا...راه حتى الحاج جا..

كنزة علااش جا ؟؟؟

اسماء :متعرفتش بابا جابو....هو لي كيعرف يدوي بابا غير كيركّع ..

حركات راسها بايجاب وجبدات ليها اسماء ماتلبس حطاتهم ليها وخرجات وهي لبساتهم بلاما ترد ليهم البال كدايرين عاد خرجات عندهم سلمات عليهم مجموعيين وجلسات جنب فوزية مبسمة بزز كندوي معاها وعينيها كل مرة كيمشيو عند عماد كتلقااه مبسم ليها ووكتبسم ليه حتى هي بزز وترجع تقلب عينيها منو...شوية بان ليها باباها ناض وناض معاه الحاج تنهداات كيفاش غتقدر تدوي قدام الحاج كتحشم منو بكثرة ماشي عادية بحالها بحال اسماء...غمزاتها مها تنوض وحتى هي لحقات عليهم للصالة نفس السيناريو كيتعاود الحاجة وعبد المتقي جالسين وهي تمشات حتى جلست جنب عماد طاوية رجليهاا قدمها وشعرها محطوط فواحد الجنب حادرة عينيها سااهية فلرض...

نفس الهضرة كتعاود وكيف صاالح الحاج بين اسماء ومحمد حاول يتدخل ويصالح بين كنزة وعماد..اللي بانوو ليه مخاصهم صلةح هوما اصلا فاكيين المشكل بيناتهم...

عماد :شكون قال شي فراق الحاج...انا ماباغي فراق...مشات المحكمة ورفعت عليا دعوة الطلاق ونهار الجلسة مشات ليها بوحدها يعني من لول بغا طلق راسها براسها...اما شي طلاق مامطلقهااش...

الحاج : خاصك تعرف علاش اولدي هاد البنت طلبت الطلااق شنو خلاها طلبو....علاش ابنتي كنزة قولي قدام راجلك ماتخليش شي حاجة تضرك من جيهتو بغينا القلوب تصفى وترجع مرتاحة وهانية...

بهدوء كحات وقالت..

كنزة : مكانش مشكل واحد الحاج..مشكل على مشكل كيتزااد بلاما نديرو حل لي قبل منو...

شاف فيها عماد مطول كيحاول يقرا تعابيرها وملامح وجهها وحتى ردود فعلها اللي جاوه هاد النهار ماشي تالهييه غير صباح عيط ليها كانت هي هادييك مافهمش مالها دابا..تننهد قال غير ضارت ليها فالخوا تاني شوية وترجع بخاطرها...

الحاج تبسم ومبشر بوجه مقبووول منور : ايوا ابنتي كنزة عمااد راجلك جا للمرة تانية يطلب ايديك من السي عبد المتقي ترجعي لدارك بخاطرك ورااحتك....اش قلتي ابنتي تنعلي الشيطان وترجعي...وايلا غلط معاك تاني غتجي عندي لداري وانا غنتفاهم معاه...

عماد ضحك : الله اودي الحاج....انا اللي غنجي عندك ماشي هي..

ضحك الحاج وعبد المتقي فرحان فحيين كنزة قلبها كيضررب بجههد ودمعة فعينيها وااقفة.... بزز كتدوي والحروف لاصقيين فلسانها مابغاو يخرجو..

الحاج : اش قلتي ابنتي كنزة...

بعد صمت تنهداات وخرجاتها بلا مقدمات...

كنزة : ا انا بغيت الطلاق الحاج...ايلا كنتو بصح باغيين راحتي وهو باغي خاطري يرمي عليا الطلاق قدامكم ومايرجعش فييه مزال...

جمع الحاج الضحكة وعبد النتقي تصدم خررج فيها عينييه فحين عماد طلع معاها عينييه بهدوووء ورحع حدرهم...

السي عبد المتقي : كنزة اش هاد الكلام ابنتي...

الحاج غمزو يتهدن وهو كيسوط : نعلي الشيطان ابنتي...بان ليا باقي القلب عيان وخاصو وقيتة فيين يرتاح...(غمز عبد المتقي ) نخلييوكم تدوييو..يلاه نخليوهم يدوييو نعلو الشيطان...لا حولة ولا قوة ايلا بالله...

ناض الحاج خرج وخرج معاه عبد المتقي اللي بغى ينقز عليها وعماد هز عينيه فيها شاف فيها مطول ورجع حدرو كيحرك راسو بايجاب بفقصة ولا كيترعد مزييير كينهج بعصبية..

هز راسو فيها بصراامة.....

عماد : كضحكي عليا اكنزة..شنو كنبان لييه انا بالغوز دابا..واش كضحكي عليااا ولاا كيفاش ؟...

بهدووء حدرات عينيها للتيلييفون بلا ماتجاوبو يلاه كتقلب فييه ماحسات بيه حتى لاحو من ايديها بعصبيية حتى طاح فلرض وغووت جارها لعندو ...

عماد: كندوي معاااك شووفي فيااا اش هاد التبرهييش فاش عينييك...ايلا باغة غير تجرجيني راك درتييها ....عينيك فيا انا كتبرهشي علياا وعلاش هاد الناس لي جايين على قبلك هادشي لي كيستاهلو منك ؟؟..

سدات عينيهاا ضرها فدرااعها تجبدات معاه حتى نتراتها وتحدرات هزات تيليفون بهدوء ودخلات للواتساب وهو باقي دااوي حتى قابلت تيليفون فوجهو وسكتاات يلاه غيدفعو ليها تاني وسكتاتو...

كنزة : شحال من مرة اعماد..

شاف فين كتوريه كيسوط كلو كيغلي عليها وغير لمح اشنو داخل تيلييفوون ترخفو حجبانو وملامح الصدمة باانت علييه حتى تزيير وفشل كينننهج وهي قلبها كيضرب بجهههد وايديها فشلو عليها حتى نشف عليها حلقها بزز باش كتنفس كتعاود تضور ليه صورة اخرى كيبان هو وسط واحد البار ليلي و واحد البنت جنبو معنقاه وشفايفو مع شفايفها وايديه تحت ملاابسها خااشيها كتبان فييه متعمق مع البوسة وماشيي بوسة عادية..ضورات لييه الصورة مرة اخرى ومع نفس البنت وهوما داخل الطوموبييل مصورة معاه معنقاه وهو ضاحك وبزاف ديال الصور بنفس الشكل...

رجع شاف فيها وديك العصبية كلها تحولت لبروودة متبت فيها شوفة وهي تقرب ليه عينيها قطرو بالدموع كترررعد تا ولاو سنانها كيقرقبو بالفقصة فاشلة...

كنزة : عماد قول لياا حاجة وحدة...غير حاجة وحدة الله يرحم ليك الواليديين(شدات فايديه كترغبو) حاجة وحدة بغيت نسمعها...شحاال من مرة ؟...

هزاات شهقتها كتبكيي ودموع ناازليين منهارة زعزعااتو بايديهاا بحرررقة باغة تمووت ولاا تسمع جواب سؤالها..

كنزة :شحااااال من مرة اعمااااد ؟ واادويي

تحدر شاد على راسو فوق ركابيه سااد عينييه تزييير حتى عرقت جبهتووو وضهوركتيزه وتيحط وشوومييزر تزيرت عليييه غطرطق

هزات لييه رااسو جاااهلة شاافت فيعنييه وهو بعد راسو من ايدييهاا ورجعات شدااتو كتبكيي وتوقف وتجلس وتعااود توقف شاعلة فيها العاافية خلااص ملي حساات بيه كيهرب عينيه منهاا تأكداات لي شافتو مكان كدوب ماكان فوطوشوب...

كنزة : شووف فيا ماتحدرش رااسك عفاااك (نزلات عندو على رجليها) عااار مييتك اعمااد ماتحرقنييش قلبي غيسككت قول لياا غير كلمة وحدة... شحاال من مرة اعمااد هاا ؟ (طلات علييه ) همم دويي وااش ملي حملت وماعجبكش الحال وخرجتي وخليتي فالدار بوحدي كنبكيي ؟ هااا ولا فاااش رجعت اناا من الامارات وبقيتي نتا تما قول ليا امتى ؟ ولا فاش خليتيني جالسة سيمانة حبسيتيني فديك الدار وخرجت قطعتي عليا خبارك حتى سيمانة على قدها معامن كنتي مدوزها ؟...كللمة وحددة اعماااد حرقتيني شعلتي فياا العاافية امتى قول لا امتى ؟ ولا نهار خليتيني كنتسنى فالجلسة ونتا كتسرا معااها...وكنقول كيفاش صبرتي ؟ ونتا اصلا هادشي اللي باغي من هاد الزواج..... تصاالحنا اعبااد الله وكتقول ليا وجدي ليا رااسك ؟ هاادشي لي مرجعك ياااك...

بدون ردة فعل غير ساكت كيتصتت وهي تحدراات عندوو فشلااات بدمووع كلها كتررعد...

كنزة : شحال من مرررة اعمااد...مرة جوج مراات ؟؟ تلااتة ربعة شحال من مرو خمسة دالمرات (حرك رااسو بسلب حتى غمضت عينيها عصرات دمووعها كتنخصص ) ماشي خمسة شحال ربعة دالمرات جوج ولا مرة وحدة قول ليا...

بدون ردة فعل غير ساكت كيسمع ليها...

كنزة : كرهتيني فالزواج ومايجي منو كرهتيني فالولاد ومايجي منهم اعماد...اقسم بالله لي خلقني وماغتشوف وجهي ايلا فالمحكمة ووايلا ماطلقتينيش فاول جلسة.... وماتنازلتيش على بنتي فاول جلسة حتى نوريهم هادشي لي عندي...وايلا حسيت بيك عطيتي درهم وحدة ترشي بيها شي وحق من بعت محمد لابقيتي شفتيني لا انا لا هي ليوم الديين بغيت...الله يرزيني فبنتي بغيتها ماتخرجش مني حتى نقتل رااسي انا وياها...

هز فيهاا عينييه متبت فيها شوفة لحضااات ورجع سدهم ودوز ايديه على شعرو عينييه حمارو وتزيرو كلو كيترعد بصمت ساكت وهي هشاات راسها بيين ايديها حالسة فلرض كتبكيي وتنيين بحرقة حتى بدات كتبكي بصوت عاالي وحرررقة كتخلع وهي دخل عندها اسماء كتجري مخلووعة...

بعد اخر جلسة فالمحكمة مابقاتش شافتو ولا شافها...تم الطلاق بيناتهم واخا تردد وحاول يطلبها لبيت الطاعة وحاول يستأنف الحكم ولكن ملي كيتفكر اخر كلامها رمى عليها الطلاق و سينا بتردد كبييير على الزرقة وهي كتشوف فيه هازة راسها وعاقدة حجبانها مصطنعة القوة حتى شافتو سناها وشداتها حتى هي سناتها دغيا وخرجات من المحكة شادة فاسماء مزيرة على ايديها والدموع كينزلو حابسة شهقتها ماتخرجش مخبية وجهها لامن الحاجة ولا من باها نيشان مشات لطومبيلتها طلعات ديماراتها وزادت ماتلفتاتش وراها بخطرة...وحتى هو ركب فطوموبيلو وزاد خلاوهم كلهم كيشوفو فيهم ما بايديهم حييلة وماكينش فييهم ولا حتى واحد بغى ليهم هاد الفراق...

احساس الطلاق عاد دخل معاها حتى حلات الدارهم وسدات عليهاا البااب دارت جنازة وسطها مررة تندم رااسها مررة تهز نييفها وتقول كرامتي فوق كلشي...احساس صعيب وماكينش اللي غيفها قد اسمااء..الطلااق واااااعر احساسو قبيييح ملي كتولي تشوف رااسها خاصها تبدا حياة جديدة بعدما ضيعات ما يقارب العام على قدو فعلااقة فاشلة من ساسها لراسها...فين الجهد اللي تبدا بييه تاني وفين هي هاد الطاقة الايجابية وفين هاد القوة لي عيات تصطانعها وماقدراتش عليها...شكون هادي اللي تبغي الطلااق وتفرح لييه واخا يكون راجلها دوز عليها مادوز على الكلبة وماتبغييش تحس باحساسو المر...كانت محيدة الزواج من بالها لانها عارفة راسها اخيرتها زواج ولكن مأجلة موضوعو خايفة من واقعو خايفة من لي كتسمعو ولي كتقراه حتى ولات عايشاه....

بكات حتى عيات فبيتها سادة عليها وهوما على برا كتشوف راسها والو ماعندها حتى قيمة وتيقتها بنفسها نزلاات لتحت الصفر...رغم كلشي ملي كانت معاه كانت كتشوف راسها عندها واحد الحياة كتوجد ليها ولو طلبو الطلاق كان عندها امل يكون رجوع...وترجع لدارها وتوجدها وتفرشها لوليداتها ودير حتى هي مشروعها وتجلس وسط عماتها وعائلتها براسها مرفوع حيت كانت مزوجة...كان مسية مراة مزوجة...ماشي بحال دابا مطلقة..وطحتى هي انضمت لمجمع المطلقات...حتى فجأة وبدون سابق انضار كتلقى راسها خاصها تبداا من زيروو تمنية وعشرين عام كاينين اللي يلااه كملو مسااارهم الدراسي وقالو بسم الله فالمهني والزواج اخر انجاز كيبان ليهم..ولكن هي كيبان ليها مشروع الزواج فشلاات فيه و خاصها غتبدا من زييرو...وشحاال صعيييبة تررجع لنقطو الصفر وتعاود كلشي من مدة وجدييد بحالا يلاه تزادت...

ماخلاتهاش اسماء بوحدها حتى دقييقة خايف عليها وحاسة باحساسها حيت داز عليها ما كثر...مزال عماد طلقها وعطاها تيساع لاهو لا عائلتو اما هي ناصر وميينة ماخلاو ماداروو فيها نهار المحكمة وكلات منو العصى قدام الغادي والجاي...خافتها دير شي حاجة فراسها خلاص ملي كتشوفهاا ساااهية ودموع دايزيين ولات كتطلق القرأن فالداار وفالبييت خافتها تمرض حتى هي بحالها وتملك وتخسر حملها...الدنيا ضلامت فعينيها ولات كتيان لييها كحلة زحلة ولو ان الطلاق عااادي وبداية زوينة وجديدة ليها ولكن وسط مجتمعنا بالضبط مستحييل ترتاحي وتهناي مع نفسك كمطلقة اللي ابسط حاجة خاايبة كيوجهوها ليها...رغم انهم كيشوفوها كيفها كيف باقي العيالاات..شكون هادي لي تفرح وتمنى الطلاق...

شكون هادي اللي تهرب من دار العرس واش كاين شي قط كيهرب من دار العرس كون ماداق فيه المرار ؟

الحاجة الزويينة اللي كانت فكنزة بكاها وشكاها كتشوفو بيها وبين نفسها ماتبكي قدام مها ولا قدام شي حتى حد...الاتصالات ماهدااوش وكل مرة واحد كيعط من جييه ها للحاجة ها لاسماء وليها حتى هي ماقالوهاش...وحتى هي كتجاوبهم وترد عليهم عادي كأن شيئ لم يكن ماعرفاتهم واش كيتشفاو ولا شنو بيهم..

العمة : آلوو ...الو كنظة كديراا ابنتي كيف بقيتيي وا هااد الخبار وشحال خايبة وقاصحة...اشنو وقع ابنتي قولي ليا اش وقع بيناتكم..

كنزة :والو اعمتي مكتابة ماتفاهمناش..

العمة : الله يعوضك ابنتي الله يجيييب ليك ماحسن منو يحسن بيك و بنتك...

كنزة قلبات عينيها حسات بيها كتقول الله يجيب لي يقبل عليكم : اللهم امين اعمتي ايلا كان فيه الخير اما ايلا كان ولد الحرام غير يبقى عند مو...

نفس الهضرة كتسمع ونفس الحاجة كتعاود...

بنت العم : كنزة حبييبة شوفي ماديريش فبالك ماشي نتي او وحدة ولا تاني وحدة تطلق..بالعكس يقدر يكوون ليك راحة....والله حتى بقيتي فيا احبييبة ماكتستاهلييش...

كنزة : لا احبيبة بالعكس...الحمد الله النفسية ارتاحت وهادشي علاش كنت كنقلب...

بنت العم : الله يعوضك اكبييدة مزال يجيك ماحسن..صونييت لييك بغييت غير نعرضك انشاء الله بعد خمسطاش يوم للعقد ديالي راك بنت عمي مابغييتش نخليه حتى للعرس ههه ياش تعرفي بلاصتك عندي..

كنزة : مبروك علييه احبييبة ولكن موحال واش نكون مسافرة هاد اليام مي مبروك عليه..ليك احسن كادو مني ههه...

بنت العم : بصصح ؟ فين غتمشي..

كنزة : لتركيا انشاء الله غنفتح خانوص فخبااركم يااك هههه غنمشي نتقدا ونتسارا انشاء الله وحتى نتي مرحباا بييك فالافتاح للي غندير ايلا كتاب الشهر جاي..حتى تشوفيه فااكونك ديال تيكطوك ديري ليا ابوني وسيفطيه لصحاباتك يدخلو ههه

قطعات عليها كتنهد وتنفخ وتسوط غير بوحدها

ماعرفاتهم كيتشفاو ولا بصح بقات فيهم...مهم ايلا كانو كيتشفاو راه داو مايعاودو كانت نيتهم زويينة راه متلت عليهم اللا مبالااة وغيكونو فرحو ليها...

طبعا كاين اللي ماعحبوش الفراق وغيير ساكت مالقى مايقول بحال عبد اامتقي ولكن العكس الحاجة اللي بقوة ما تعلقات بعماد وعائلتو ومابغاتش تفرق معاهم لا هي لا بنتها...مابقاتش حاسة براسها وكاع حرقتها وعصبيتها كتخرجها فكنزة اللي كتشوف حتى كتعيى كتخليها دايوية وكتخرج..طجان من الدار ولات غير هربانة باش ماتلقاش هي وياها وتطيبها بهضرتها المعتادة...

نزلو من الطوموبيل اسماء كضحك وتقاد فالشال على خدودها صاك صغير فايد وتسنيم فاليد تانية...وكنزة تابعاها كتسد فصاكها مبسمة...

اسماء : والله حتى حمقة قلتي ليها غادة لتركيا قالتها لعماتي كاكليين عيطو ديك سااعة كيسولو واش بصح ما بصح...

كنزة : مالها ايلا كانت مكتابة علاش لا...واخا راه كضور فبالي رخيصة وزوينة...

اسماء بشك شافت فيها : بصح باغة تمشي ؟

كنزة : نقدر نمشي مي ماشي دابا الحانوث كيتصلح ماغنخلييكش معاه بوحدك باقة تالفة واش ندخل عبايات خليجية ولا ندير حوايج تركيا والله ماعرفت...نص ديالك نتي راه باين ديالي لي باقة تالفة فيه...

اسماء : قلت ليك حوايح تركيا حسن كيتمشاو كثر ورخااص واش عباية تما اصحبتي دايرة الفين درهم واخا تكون غتصلي فبلاصتي ماناخدها...ماكنفوتش فيهم الف حتى الف وميتين درهم وغير الرفييع...

كنزة : داكشي لي قلت...نقدر نديرها حجة وزيارها نتقدى السلعة ونتسارا فنفس الوقت....

اسماء هزات عبنيها مع الدار عاالية : هادي هي الدار ؟

كنزة : مممم هنا..اجي هاهو الاسااانسور....

اسماء : هااي هاي بحال الدار عندي حتى هي بالاسانسور يا لالة...

كنزة تبسماات : ايوا شنو بزز باش لقييتها حماقيت بالتقلاب...

تسد عليهم الاساسنور وطلع الفوق وهو كيقلبو ويبقشو مع خرجو منو لقاو فوجههم السمسار اللي جاب لكنزة الدار...من نهار طلقات مرضات فصحتها نفسيتها غير كتبكي وتننهد ساهية وحالتها حالة كرهات راسها وملاتو وعافتو الحمام مابقات تمشي ليه شعرها مكتمشطوش من الدوش لدوش الزغب طلاها كلها ولات بحال الراجل خلةص ملي كتكون كتفطر كتشد الموس وتدوزو على ايديها كون ماحصلتهاش اسماء واحد الصباح تخلعات حتى شهقات وهي تقلبها كنزة ضحك واخا مكان فيها ضحك...ولكن اسماء خافت وبكثرة ما هي حساسة ولات غير كتبكي وتشكى على مها وباها ومحمد ماعرفت مادير ليها تزاد معاها زايد ملي شافتها باغة تقطع ايديها بالموس بغات تسطى حتى لواحد الليلة وهي تنوض الحاجة لكنزة ندماتها حتى حسات براسها وتوكّدااات وعاونتها اسماء ضارت بحالتها وخرجو كيتسراو ويبدلو الحو....

تحت مبدأء "ايلا ماقدرتيش عليها اصطنعها ومتلها " مشات عليه كنزة اصنعت القوة واخا كانت فقمة ضعفها وكون غير كان شي صدر حنيين تكى عليه كانت غتنهار وماكينش الواد لي يجمع دموعها...اصطنعت قلة المبالاة وفعلا يوم بعد يوم لقات راسها مامسوقاش طلاق داز وبزز عليها تبدا حياتها علاش تخلياثر عماد عليها....متاقتش فيها اسماء وبتوصة من محمد بغاتها تمشي لطبيب نفسي ولكن هي رفضات اشد رفض..كتقول بخير ومعاندو مايدير ليا غير يمرضني نفس الكلام كتقولو واخا عكس ما كتحس بييه ويوم بعد يوم وهمات عقلها بالرااحة وكدبات دماغها بلا مبالاة حتى ولات بصح غير مباالية ركزات على المحل لي منو مابغاتش تبعد حتى لقاتو...

عمرها فكرات تخرج تكري لكن ملي قوات عليها الجاجة من نهار طلقت وهي كاعاحبها الحال قررات قرار لا رجعة فييه تخرج تكري ماتبقى ترجع لدارهم وفعلا داكشي ليا دارت...كانت نيتها تاخد غير محل تصلحو وتبيعو وتجلس فيها ولات واخد المحل لتحت ودار لفوق..ومع التعويض لي شدات من عماد زاد زيغها باعت الطوموبييل بتمنية دالمليون وخدات وحدة بجوح نص صغييرة على قد الحال وشيئ لاخر كملات بييه فلوس الحانوث واللي شاط باغة تدفعو لكرا د دار...

دخلو ليها تسارو وضارو كانت صغيرة ولكن مأثتة ومقسومة بطرييقة كتحمق....هبلااتها وهي مكانتش من عشاق الفراش والاثاث الخليجي ولكن داباا ولا محمقها وزلييج اسود ودهبي والكوزينة حتى هي بنفس الشكل بغات تسطى عليها...

قربات عند اسماء بهمس وقال عينيها كيلمعو...

كنزة: كي جاتك..

اسماء : حمقاتني مانقولش ليك...ولكن بلاني حتى يجي محمد يشوفها...

كنزة : حتى يجي ماغنعطيش لسمسارا لكلمة يشوفها بعدا ويقول ليا..حمقااتني ا اسماء فننة هي لي بغييت وارتاحييت فيها...

اسماء : حتى انا عجباتني وقريبة ليا فارق بيني وبينك غير الشارع...

كنزة : اه حقا... امتى غتحولو فرشتوها وخليتوها هكااك...قلتي ليا درتي الرمادي ؟

اسماء : درت الرمادي بااااارد مايل لبيض ولكن الكريستالي غالب عرفتييه....ندوزو نشوفوها وشوفي نيت نتي ايلا بغيتي تبدلي شي حاجة..ملي فرشناها طلعات فنننة كتحمق مكنسخاش نخرج منها...

نزلاات تبسييمة وقالت بفضول..

كنزة : اسماء...وكيغاديرو مع الحاجة اش قالت ..دويتو معاها جبدتو ليها الموضوع..

اسماء : نكدب علييك الدار والفراش فخبارها ولييت كنهرب من صداع قلتها ليها وقالها ليها محمد باغة تجي تشوفها...اما قضية الرحييل ماقلت ليها والو...ماقدرتش نجبد ليها الموضوع والله...

كنزة : واش خفتي ولا بقات فييك..

اسماء بحيرة :اكنزة ماعرفتش...كتحماق على ولدها غير داك نهار عقلتي فاش قلت ليك ماغنجيش عندك محمد عيان كان راسو غيطرطق بالحرييق بغات تسطى طالعة ناازلة وماعندهاش حتى رجليين مقاديين مرة حتى كتبغي طيح على فمها و والو كيبان ليها غير هو توصل عندو...(دوزات ايديها على كرشها) الله يسمح لينا من الواليييدين صعييبة الحاجة صعيبة معايا ودابا زادت تجهدت كثر شي هضوور عندها كنبقى غير نشوف فيها...ولكن كنشوف فيها حتى نعيى كنقول عندها غير واحد...

كنزة : وأش كيقول محمد...

اسماء : محمد ماكيدخلش فينا كااع باالو مشغول مع المحكمة خلاص فاش تأجلت تاني....الحاجة بغات تموت قالت ليك علاش تأجل...

كتزة : داك القاضي ولد الحرام فيه الدغينة...وحتى هي ملي ماعتارفتش ما تا حاجة راه غيبقاو يأجلو فيها..قلتي لمحمد تلاقتي معاها..

اسماء : لا اويلي ماقدرتش نقولها غيزيرني نقول لييه اش قالت ليا بالحرف ورا سمعتيها اش قالت على مو...خفت نزييد نشعلو عليها وانا باغة غير نساليو هادشي ماشي يزيد يشعل..

كنزة : كون غير قلتيها لييه...

اسماء : تففقصت شتي داكشي كامل لي قالت لينا فالقهوة....نكرااتو كتبكي اصكعة وكتقول ليه والله مااادرت شي حاجة...كتحلف بالله ماداارتها....مابقييتش كنحمل ندوي عليهاا فقصاااتني بغيت غير امتى يساالي هادشي وكل واحد يمشي مع طريقو والله...

كنزة : طيير طيير وترشي حتى تعيى غير توجد راسها الحبس مامنو هروب...شوفي داك البيت ايلا كتابت تما غندير بيت لبنتي ولي حداها نديرو ليا وهي غنخليها هكا ماغتبدل فيها تا مخدة...

تمشات هازة تيليفون كتصور وتعوج قدام المراية الطويلة بواحد جليليبة شييبية صيفية فصالة مخززانة واسعة على كرشهاا وونصف طالون فالبوردو مع صااك فنفس اللون طالقة شعرها ونضاضر فوق منهم...طالقة علييه اغنية كتحرك معاها واسماء كتشوف فيها غير سالات الفيديو تنهداات وهي تجمع الضحكة بحالا عمرها ضحكات...

كنزة : خاصني نعاود نشط الكونط ديالي فتيكطوك باش ايلا حليت المحل نروجو فييه...غندير شي كفواي واقيلا...

كملو ضورانهم فالدار مرة يضورو مرة يضحكو مرة يتفاهمو مع السمسار حتى جا محمد شاف الدار وتسارا فيها مع السمسار...بانت لييه مزيانة وحتى جيران ساكن معاها غير واحد الفوق تانية باقة للبيع... تفااوهمو وخداتها كنزة للكرا..

اسماء : بصصحة فننة والله حتى فننة عجباتني ههه (شافت فمحمد) وقريبة لينا..

حرك راسو بايجاب عاقد حجباتو وهي طولات فيه الشوفة عرفاتو ماشي هو هادااك...وغير بانت ليها كنزة جبدات تيليفونها داوية فيه وهي تمشي عندو عنقات دراعو مبسمة...

اسماء : ماقلتييش ليا كيف داز نهارك...

حدر فيها راسو هاز حجبانو بغضب كيدوي بين سنانو وهي جمعت الضحكة..

محمد : كاينة شي حاجة خاصني نعرفها !

اسماء بارتباك زعزعها : بحالاش م ما ماعندي والو...

محمد : شوفي وكان(ضور وجهو كيشوف فواحد جيهة وساروت كيلعب بيه فايديه) وقف علييك شي حد....دويتي مع شي حد...

طولات فييه شوفة كترمش عرفاتو شنو قاصد وحدرات راسها كتلعب بضفارها وتبلع فريقها فالاخر بللات شفايفها وطلقاتها فايد الله...

اسماء : جات عندي اسراء...قبل الجلسة الثانية و وماقلتهاش لك...

كنزة لداخل غير قطعات تيليفون يلاه غتخرج عندهم وهو يعاود يصوني بنمرة مجهولة حيت بدلات النمرة وكاع نماري لي عندها حيداتهم اللي حتاجها راه كيعيط ليها وتدخلو فالكونطاك ولاللي ماتفكراهاش حتى هي نساتو...كحات مقادة صوتها وجوباات..

كنزة : آلوو...(كتلفت فاسماء كتبان ليها داوية هي ومحمد ماعرفاتهم علاش منااقشين)

_آلوو كنزة..صافا...

كنزة باسغرااب : وي الحمد الله...نتي صافا؟

_صافا صافا احبييبة الحمد الله...

كنزة : الحمد الله...شكون معايا ؟

_ماتقوليييش ليا نسيتييني...حشومة علييك...

عقدات حجبانها مركزة فصوتهاا بشويا بشوياا حتى علااتهم بدهشة وردات...

كنزة : سلوى !!!...هه غير ماعرفتش نمرتك ماشي نسيتك..صافا علييك كديرا خالتي فوزية لباس عليهاا...

سلوى :ممم صافي سوبخيميتي نمرتي..شتي واخا بدلتها وحيت مانسيتكش جبدتها...سينو كلشي بخيير الحمدالله هاهي جالسة حدايا حتى هي كتسول علييك...كيف غادة مع الحمالة شحال بقى لعمييتو وتجي لعندنا مابقى قد ما فات يااك..

كنزة دوزات ايديها على كرشها: مابقى والو انشاء الله..عمي لباس علييه كيف بقى شوية...

سلوى : نفس الهضرة ونفس الكلام كيتعاود ماكين حتى جديد (تنهدات)

كنزة : الله يجييب الشفاء ياربي

سلوى :اللهم اميين احبييبة الله يكبر بيك..

سكتات كنزة ماقالت حتى حاجة اخرى وحتى سلوى سكتات مدة طويلة ورجعات قالت بتردد...

سلوى : مهم ههه قلت ليك جبدت نمرتك وتأكدت منها هاهي عندي دابا...تهلااي احبيبة فراسك وبوسي ليا عميتو الله يجيبها على خير ..

كنزة : اللهم اميين...تهلاي فراسك

سلوى : حتى نتي تهلاي فراسك وديري فبالك اكنزة خليتي بلاصتك كبيرة بيناااتنا وربي شاهد على كلامي

كنزة باستهزاء : اشمن بلاصة اسلوى..عشت فيها باش نخليها ؟

سلوى : ولو....فرحتنا بزواجو وفرحتنا بحملك كون عرفتي شحال من مرة كندابزو على السمية وندابزو على السبوع وندابزو مع ولد من غتقرا وشكون لول غيمشي يشوفها وشكون خاصو فالكيلينك وشكون يبقى مع بابا...غير كندكروك واخا ماشي معانا فكل لحضة تجمعنا فييها... كافي ديري بلاصتك وسطنا...ماكتستاهلوش هادشي لا نتي لا خويا مابغيناش ليكم الفراق...

كنزة بجدية : هادشي داز اسلوى ماكنبغييش ندوي فييه...مكتاب وصافي الله يجيب ليه حسن مني ويجيب ليا حسن منو الحياة مكنساليش هنا..

سلوى : ماكينش حسن منك لخويا باش تجي عندو وحتى هو عمرو يجيب غيرك...تيقي بيا عارفة مكنافقش واللي عندي كنقولو...

كنزة : انا نسيتو اسلوى حتى هو نسى....نساو حتى نتوما عفاك ماكنبغيش ندوي فهادشي...المهم يلاه نخليك دابا هه ها نكرتي عندك سلمي على خالتي تهلاو فراسكم..

سلوى : حتى نتي احبيبة بييزو...

قطعات عليها وساطت هازة راسها بشموخ عاقدة حجبانها ونضاضر فوق شعرها شتتات تفكيرها وخرجات من البييت بحالا مادوات مع حد...مع دخلة لقات اسماء جاية عندها..

كنزة : ماالك ؟

اسماء قلبات وجهها مقلقة : والو يلاه نمشيو صافي..

كنزة حسات بيها : واخا يلاه..صافي دوا م

عاه محمد تفاهم معاه على الثمن اللي بغيت حركات راسها باه وخرجو من الداار مباشرة للطوموبيل اسماء مشات مع محمد وكنزة مشات فطوموبيلتها نيشان للدار لقات غيير الحاجة...تبسماات ومشات عندها كضحك وتوريها فتضاور الدار لي صوراات...

كنزة : ويلي كون تشوفها نيشان كتحمق اماما حتى تمشي معايا تشوفيها..

الحاحة : بعدا ديري علاش ترجعي..كون غير رهنتيها حسن من الكرا وعمري داك الحانوث هزي راسك وبنتط ما زواج عمرك تحلمي بيه شكون هذا لي يقبل على مراة و وبنتها من الفوق ب ربيبة كلشي ولاو باغين العزبات باغيين طراوة..ولي شدت فشي راجل راه شداااات فيه...اسماء راه طاحت عليه هوتة فين باقة تلقايه..

كنزة : هذا هو المكتاب اما الله يكمل عليهم بالخير والله يرزقنا...

زفراات بقووة ودخلات لبيتها كتسوط زولات حوايجها كامليين بقات غير بواحد شورط ساتان وسماطي ديالو وتكات كترتاح...طالعة نازلة فسوشل ميديا بدون شعور منها دخلات لكونط اخر كانت دايرة فيه ابوني لعائلة عماد كاملة...قلبات فيهم واحد بواحد وكيف العادة حتى خبار ماكينة علييه من نهار المحكمة ماحط فالكونط ديالو شي حاجة ولا شي حد من عائلتو لاح صورو ولا طاكاه فشي حاجة واالو...

ماقادراش تمنع رااسها واخا كتعيى تمحي داك الكونط بدون شعور كتلقى راسها داخلة تصاوب واحد ااخر ودموع فعينيها...ماقدراتش تنساه و تحيدو من بالها... بغااتو وتدفن فقلبها..كتقلب وسط تصاورهم وخايفة تلقاه عاود التزويجة ورماها...كتقلب ومتخوفة تلقى شي حد مبارك ليه شي حاجة تموت فييهااا...متأكدة مستحييل يصبر هاد المدة كاملة وحتى فوزية مابقات كتدوي معاها كتعيط غير للحاجة توسل عليها حيت بدلت نمرتها ومابغاتها تعطيها لحتى حد اما سلوى عرفاتها غتكون خداتها من سوشل ميديا...عمرهم جبدو عماد ولا دواو علييه كيعيطو يسولو فيها وفحملها وكيقطعو....حاسة بيه عايش فعلاقة وخايفة شي نهار تلقاها فالعلن...

وهي طالعة نازلة حتى كيوصلها ميساج من تطبيق المواعدة اللي دخلاتو عندها باسم شي حد ياسين...دخلات نيشان للمحادثة ديالو قرات الميساج اي مسيفط فيه...

Yassine : Ce serait un plaisir de faire ta connaissance..!

ردات عليه من الكونط لي داخلة بيه باسم سلمى..

Selma : oui pourquoi pas...c selma de casa 28 ans et toi ?

Yassine : Ravie selma...c yassine casa aussi et kbar mnk b 4ans Hahah...fin f casa?

Selma : Ravie yassine...f mo9awama

Yassine : ana oulfa ...c possible nchof m3amen kandwi !

Selma : bghit les photos dyali hhh

Yassine : awal bent makat7otch ls phts dyalha hhh

Selma : mais machi darori haha

Yassine : Non o ila ma7tathomch kifash ghan3raf que rani kandwi m3a bent wla wld..

Selma : tu fait quoi sur cette application ?

Yassine : bghit ntzwooj haha..

Swlma : a sidi lah ykml bilkhiir hahaha

Yassine : ma kayn ghir lkhir insha2llh ila khalitini nchof had zin li kandwi m3ah...

تبسمات وقلبات ليه الموضوع تاني خلاتو هو سيفط ليها تصاورو ودخلات شافتهم زويين مابييهش خداام وبرزقو وحتى هو ديجا مزوج عرفاتها من التطبيق لي كيعطي كاع التفااصييل ديال ليمومبغ لي فيه...سواايع طوييلة وهي شادة معاه الهضرة مرة تضحك مرة تستغرب حتى قال ليها غيخرج وهي تطفي لكونيكسيون حتى هي ماجات فيين تنعس ترتاح حتى صونى تيليفونها طلات علييه وهزاتو مبسمة جوبات..

كنزة : آلوو...السلام المحامي جلال هذا..

جلال ضحك : هو هذا ...كيف الحال بخيير ؟

كنزة : الحمد الله ونتا لباس علييك...

جلال : الحمد الله الله يبارك فييك...كيف داز نهارك...

عطاتو حتى هو صوابو لمدة طويلة هو نفسو المحامي اللي شداتو فقضية الطلاق...طلقها مع عماد حتى ولات كتشوف فيه نضرات الاعجاب لي كيلوح ليها...وكيفو كيف ياسين حتى هو عجبها وقالت علااش ماندوزش بييهم الوقت..تفكيرها مخرببق بااغة تدوي وتهضر وتفوج وتصااحب علاش لا واخا غير فالتيلييفون....باغة تبين لراسها شي حاجة وباغة تحس بشي حاجة لي هي اصلا ماعارفاهاش...

يلاه سدات عينيها مستعدة للنعاس حتى رجع كيصوني تاني....زفرات بقوة وجبداتو بنترة جوبات كانت غير اسماء..

كنزة : خليوني غير نعس هاا العااار راسي كيطييح عليا...

اسماء : بغيت غير نسولك تئ قلبي عندك واش خليت عندك ساروتي لقيت غير ديال الدار مالقيتش ديال البييت...

كنزة : ماعرفتش بلاتي نشوف (ناضت كتقلب شادة تيليفون بين كتفها و ودنيها) واش مسدود عليك علاش كتسديه تئ

اسماء : لا لا محلول حيت معاه ساروت ديال الكوافوز...فف تعصبببت ماعرفت فيين لحتو...

كنزة : بلاتي..ها هاهو هاهو عندي خليتيه فالصاك..دايخة اصحبتي هاهو بقى عندي...

اسماء : نسييتو مع محمد(شافت فيه ناعس) دوخني فراسي ففف

كنزة : شفتكم قبيلا كتناقشو مابغيتيش تقولي ليا مالكم...

اسماء : ماعرفتش اختي واش انا كنعرف شي حاجة التسلييم معاه تقول داير ليا كاميرة ولا هي اللي جات عندو قالت ليا راه مشييت عند اسماء الله اعلم...حتى نعاود ليك مامسالياش تجيبييه ليا فيك مايخرج ؟

كنزة : بلاتي شوية ياك ماخاصك دابا ؟غير نعس شوية ونجي عندك...

اسماء : صافي يلاه...بينما خرج...

قطعات معاها ورجعات نعسات اما اسماء غير قطعات رجعات دخلات للبيت دارت تيليفون يتشارجى وضارت شادة ضهرها كيحرقها وضفارها كيحكو اسفل كرشها غير بشومييز خفيييف فلون البروز فوق الفخاض بسمطة رقييق ميتة بالصهد واخا الكليمة شاعلة كتحس براسها سخونة...

كضور وتطرف هنا ولهيه ماعندها خاطر ولكن باش تجلس وتطوي ايديها ماكتقدرش ضروري خاصها تهبش وتطوي وتمسح حتى تسخف....زادت شوية فالكليمة كتشوف فتنسيم شادة طابليت والرجل على رجل متكية على دراع محمد لي طالق ليها ولايد تانية على جبهتو ساد عينيه كيبان ناعس...يلاه غتدخل لحمام حتى سمعت صوتو...

محمد : نقصي الكليمة ولاسديها..

اسماء : سخفت بالصهد يبرد البيت شوية ونطفييها (شافت فيه كتلعب برموشها) مافييكش الصهد..

محمد : نتي حاسة بالصهد ااجو هو هاداك..طفيها باردة عليك...

اسماء: واخا...

دخلات لحمام لحضات وخرجات كتمسح فوجهها وتجمع فشعرها لفوق نقصات الكليمة و جلسات قدام المراية هازة صيقاتها عندها كتدهن فييهم وتقلب فيهم وتهبش جامعة حجبانها حتى سمعها كتمطمط فشفايها وتنفخ حل فيها عينيه شافها اش كديير وهي قشعاتو من المراية دغيا رخات حجبانها كتشكى...

اسماء : شوف رجلي شحال تنفخو ليا امحمد شوف وهنا تنفخو ليا العروق خضريين غادي يبقااو لياا...

محمد : شكون غيشوفهم خليهم يبقاو...

اسماء : ماكيعجبني رجلي يخسرو ليا ففف واش من الحمالة زعما ولكن بنتي تسنيم ماوقعش لي هكا

حدرات رجليها ومسحات ايديها كتنزل الشعر على ودنيها ولاو كيبانو ليها كباار ونيفها كبير كرهاتو...

ناضت جلسات جنبو كتلوى وتفشش عليه..

اسماء : محمد..

محمد حل فيها عينيه عاقدهم: هاهو...باش حسيتي تاني ودنييك تنفخو نقطعوهم ولا تخنقتي مكتنفسيش مزيان نديك للانعاش...نيفك صغار ولا كبر ممم...

اسماء : حرام عليك...(ماردش عليها رجع نعس كيتصنت) هاد المرة ضرني ضهري كيعطيني الحرييق وتحت كرشي كيحكني ماعرفتش علاش...فيق امحمد علاين يأدن العصر ماتصلييش...كون غير كنتي كتكمي بعدا نقول صايم ومقطوع مالك معصب مالك...

محمد : لا حول ولا قوة ايلا بالله...(باغي يصدرها عينيه تعسلو بالنعاس) قلتي خاصك شي فيديو طلعي صورييه يلاه تبداي وسيفطيه ليا...

اسماء : ممم نصورو باش نسيفطو ليك تاني وتقول ليا تمسح شحال من فيديو صورتو ومسحتيه ليا بلعاني مانبقاش نصور وتيفط ليك صافي...

محمد : احسن حاجة غديري....نص فالبلاد مسالي راسو بديك لاشين ديالك غتكمليها للنص لاخر...كيك فيها ساعتين ونص....وليتي فإطعام ستيين مسكين..بدلي غير السمية ولا مسحييها خودي رضاتي ونعلي الشيطاان...

اسماء : ايوا نتا ماعجباتكش زبيبة بلا عضم واخا ليها معنى...حتى زوجي خد بيدي الى الجنة ماعجباتكش ؟

محمد : زوجك نتي...ياخد بايدك للجنة ماغندييش معايا مليون وحدة...

اسماء بحماس : من فمك لربي عرفتي نهار تولي عندي حتى انا مليون ديال المتابعييين..غيعجك الحال وتانتا غتبغي دير قناة للسيت ديالك داكشي فيه الفلووس امحمد... عرفتي وديرها تانتا شغانديير لييك..احسن متابعة من عندي...

محمد : متابعة....لدار لقاضي..؟

خرجات فييه عينييها ووضربات درااعو كتنفخ...

اسماء : وصااافي علاش معصب داباا...تئ كون قلت ليك داك نهار تلاقيت مع اسراء شنو كان غيتبدل ماقالت ليا حتى حاجة ياك نتا عارفها اش دارت...عرفتي كدير ليا بحال شي مجرمة اعتارفت ليا وخبييت عليك...

تقاب على جنبو وزعزع تسنيم بايديه حتى شافت فييه..

محمد : دوي مع مك تخلينا نرتاحو هاد الساعة الفراشة...(خطف ليها طابليت) اش كديري تما ؟

تلاحت تسنيم كتفرج معاه واسماء مشى بالها مع المليون كتخايل وتحلم....فالاخر ناضت بدلات عليها لبسات واحد الكسيوة طوييلة فالشيبي مفرفرة من التحت ومشدودة من جيهت الخصر كتبان فورمتها مرسومة حيت واخا ضعافت كتبقى فورمتها باينة ونهار تغلاض كتغلاض منهم نيشاان...لوات عليها الشاال خفييف حيت الحاج الفوق وطلعات....الحاجة صايمة ناعسة والحاج حتى هو صايم شاد الصالة وخديجة لي كتفرج فالكوزينة بقات كتسرا من هنا ولههييه وتوجد فالفطور معاها وتطيب حتى خرج محمد مع الحاج للسونطر ديالهم عرفاتو ماغيرجع حتى للمغرب وديك الساعة جات كنزة...

طلعاتها للفوق كانت كتوجد شلاضة بفواكه البحر كبييرة وعامرة حطات منها لكنزة لي كتكب وتدوق فيها...

كنزة :ممم شنو درتي فهادي... فيها بنة ديال..بلاتي نتبنن والله ماعرفت بحااال..

اسماء : راه غير زييت العود هههه اول مرة نديرو فيها كي جاات زوينة زوينة بصح ..

كنزة : اويلي كتحمق....كون مادرتييش فيها الحوت ماتجيش هكا..

اسماء : بصح....اودي الياام كنت الحوت اشمن حوت غير السرديين ماكنجيبو من شهر للشهر كان غالي مكينجييبوش بزاف وتسنيم كتموت علييه مقلي...

كنزة : الحمد الله رزقك ونيتك زويينة...عدوزتك ناعسة ؟

اسماء : راه نااعسة...تشوفيها تبقى فيك غير تفيق وتحل فمها اربي شحال قبييحة..ماولات اختي هاكا حتى وقع ما وقع فالمحكمة....كانت شوية درويشة واخا هكاك...

كنزة : عرفتي شكون ظوا معاياا...

اسماء : شكون ؟

كنزة : تخايلي ههه...صونات ليا سلوى..

اسماء : دخلت عليك بالله ااش بغات ياك نمرتها عند ماما علاش كيصونيو ليك..

كنزة : الله اعلم منين جابتها...انا قلت شي حد عطاها ليهاا من سوشل ميديا عندي..

اسماء : اسيري غير ماما عطاتها لييها كتحشم منهم اشمن سوشل ميديا تانتي...ماعلينا اش قالت ليك اش بغات...

كنزة :غير الهضرة الخاوية طلعات ليا فرااسي مانسينااكش مانساكش هو...ماكيينش لي تجي بحاالك..

اسماء : كنزة ختي... ياك مرتاحة ماندمتييش...ايوت يقولو لي بغاو..

كنزة :ماندمتش خاني وعمري نسمح لييه واخا تلاقى سماء مع لرض...لي خان مرة كيخون عشرة وكون سمحت لييه ديك الخطرة غيعاودها ليوم ولا غدا...

اسماء : وهو ماقال ليك حتى حاجة....كاع بخطرة..

كنزة قلبات عينيها : لا ماقال والو...

اسماء : والوو بمرة..نهار دخل عندك للشومبر ملي حبس بابا ماخلاهش يدخل نهار قلتي للطبيب يدخل عندي بابا فلخر سلت عليه ودخل هو... وزاد كملها سد علينا الباب من لداخل خلا كلشي كيتغاوت برا ونتي كتغوتي لداخل....

كنزة بنكران كحات : ماقال ليا والو بقى غير داوي هضرتو خاوية كرهتو ديك ساعة مكنتش كنسمعو بغيتو غير يخرج علياا...حرقني ا اسماء ولا كيبان ليا ضلمة فيعيني...

اسماء : مابقييتش كنحملو طلع شمااااتة خاين وبالدلييل وزايدها بالسكات...كون غير قال شي حاجة ونتي متقولي ماقال لك والو !

سكتات كنزة وبلعات لقمة بزز غير كضور فعينيها وساكتة واسماء شافت فيها شحااال بشك كترمش فييها ولكن ل لحضة تناسات الموضوع ملي شافتها كتاكل عادي وتبنن قالت بصح ماعندها فاش تشك فحيين كنزة كتاكل لقمة وكتحس بيها نازلة من ضهرهااا تصطنعات الكدب ونجحات فييه مكتبيين حتى ردة فعل كنزة عبارة عن بئر من الاسرااار مكتعطي وتبين غير اللي بغاات...

سهاات كتضور الشوكة فالصحن ديالها كتفكر داااك النهار بحال شي دكرى سوداااء منهالة على داكرتها.....وهي وسط المحكمة غسلات وجهها وكتنش على عيونها يبردو وهوما منفوخين بالبكى...رجعات عليها نضاضر كحليين وقادت لباسها وخرجات مع الهزة لي غتهز عينيها لقاتو نيشان فوجها حدرات راسها وتخطاتو دغيا حتى سمعاتو قال وراها...

عماد : كنزة...خلينا ندوييو شوية...

كنزة كملان طريقها : ماعندنا فاش نهضرو اللي عندي راك عارفو...

عماد بيأس : مابغيتكش تندمي...(وقفات ومشى عندها) فكري مزيان خلينا ندويو بلا غوات

قرب بغى يقييصها وهي تنتر ايديهااط بجهد وغوتات فوجهو حتى هز ايدييه لفوق كيتنهد مالاقي معاها حيلة غير كيحاول يقرب كتفضحو بالغواات كتخلي لي غادي ولي جاي حاضييهم وكاين كاع اللي كيبغي يتدخل بيناتهم..

كنزة : علاااش غننندم بعد منيي عطينيي تيساااع اوو بااش نفهماا لييه نساااااني انا ونتااا ساليينا حد هنا وحبس...بعد مني...

اسماء : كنزة...(كتحركهاا ) واا كنزة تئ ودوقي ليا هادو كيف جاوك فين سهيتي...

رجعات لوعيها بحال شي حد عاد فايق من نعاس ورجعت تبسمات كتدوق وتشوف فيها كيبان ليها غير فم اسماء كيتحرك وباش تسمعها ودنيها كيصفرو ليهاا..منضرو وهو كيشوف فيها قبل لحضات مايرمي عليها الطلاق و عينيه حمريين كيلمعو بحالا باغي يبكي ميحيدوش من بالها...كيف ضناتو مابغاش يطلقهاا واخا وهوما قدام القاضي...تى تعصبات وطاحت كتبكي وجبدات للقاضي الخيانة وهو فالحيين وبدون تردد حكم لصاالحها وطلقها منو...اما فاش قال ليه القاضي يرمي عليها الطلاق....تردد فالجواب كأنه غيدكر شي سر دولي باقي بين عينيها كيتعاود...وحتى اللحضة لي خرج فيها من الجلسة منزل عليه الكاسكيط على وجهو ماشاف لا هكا لاا هكا ما دوا نيشان قصد الباب خرج...

اسماء: كي جاتك...عمرتهم بالدجاج والفرماج مع بصيلة وشوية دالفلفلة حمر الفلة خضرة وخيزو محكوك ؟ زويينة؟

كنزة مرفوعة : ممم زوينة....

الحاجة داخلة عندهم : اهلاا اهلااا بكنزة اهلا ...

غير سمعات حسها تبسمات وضارت نايضة عندهاا...

كنزة : الحاجة (سلمات عليها) ياكماا فيقنااك ههه

الحاجة :كيدراا ابنتي كديراا الحااجة والسي عبد المتقي..ياك لباس علييكم

كنزة : الحمد الله..الله يكبر بييك الحاجة...

جلسات حداها مبسمة كتدوي وتعاود هي وياها واسماء كملات شغلها حتى سالات وجات جلست حدااهم شوية بغات كنزة تمشي ماخلاتهاش الحاجة شداتها تفطر معاهم شافت حتى عيات وجلسات...مكترتاح فدار حد ومكتاكل عند حد غير حشمات ترضها فوجهها...

الحاجة : الله يعضوك ابنتي...الله يجيب ليك ماحسن وحق ربي وكون كان عندي شي وليد اخر تا ناخدك ليه ماعندي مانقول من مرت ولدي يبان العربون...مافيكم مايتعاب تباارك الله الرحمان..

هزات اسماء حجبانها شادة الضحكة بعدا بعدا كتشكرها قدام الناس ما فوجهها كتنكرها...

كنزة كارهة الموضوع : دعي معايا الحاجة الله يساهل عليا فمشروعي نربي بنتي ونقد بيها...

الحاجة حتى هي موجودة هزات كفوفها كتدعي وتعااود وكنزة غير مبسمة واش من الخاطر ولا لا الله اعلم اما اسماء عينيها دمعو وحدرات راسها كضحك شاداهم....بقات جالسة معاهم مرة تشد تيليفونها مرة تحيدو طلقات الكونيكسيون وهو يوصلها ميساج من انستقرام جدبها غير من الطريقة باش مكتوب وهي تدخل ليه نيشان غير قراتو دخلات لبروفاايل نيشان وهي تلقاها هند...لحضتها نيشان شيفطت ليها مسياج اخر ورجعات شافتو لقاتها مسيفطة ليها نمرتهاا..تنهداات وكتباات ليها ميساج فيه " اهلا الزين صافاا ! واخا شوية ونصوني ليك"

طفات الكونيكسيون دغياا وبقات جاالسة مدة طوييلة حتى بانت ليها الحاجة ناضت توضى للمغرب واسماء كتدوي فتيليفون مع محمد باش يجي عاد صونات ليها بحالا كانت كتسناها دغيا جوبت...

كنزة : آلوو هند...

هند : اهلااا ااشهاد الغبور كديرا لبااس عليك

كنزة : الحمد الله ونتي صافا هانية ؟ كديرا ماماك و وئام لباس عليكم !

هند : الحمد الله لهلاا يخطيك هههه فين شاداها شحال صونيت لييك بدلتي نمرة واقيلا...

كنزة : وي شحال هذاا ههه مشات ليا لولى وبدلتها...

هند : ويليي و شحال عييطت فيها وانا نقول نسيفط ليها فالكونط ديالها والله ماضنيتك تجاوبيني ههه

كنزة : الله اودي مرحبا...ااش حب الخاطر...

هند : غير الخيير احبيبة بغييت ندوي معاك ايلا كنتي مساالية..

كنزة : وي كنسمعك...

هند : لا لا ماشي هضرة دالتيليفون عندي شلا مايتقااال وبغييت نسولك فشي حاجة مهممة ايلا كنتي نسالية نتلاقاو...

كنزة بفضول : واخا مرحبا...ليوم مشغولة شوية مكيناش فالدار ولكن غدا نصوني لييك صافي ؟(شاف الساعة) العشرة مزيانة ؟

هند : صاافي انشااء الله عنداك تنساي انا غنتستناك تصوني ليا ونتلاقاو...

كنزة : واخا صافي تهلااي فراسك سلمي على ماماك...بسلامة..

قطعات معاها وحطات تيليفون فوق الطبلة قدامها حتى تلفتات عندها اسماء بعدما قطعات تيليفون مع محمد....جلسات جنبها بلاما تسولها معامن كانت كتدوي حيت اصلا مارداتش ليها البال واش دوات فيه ولا لا...

اسماء :اجي تشوفي العبايات اللي قلت ليك...كيحمقو وماشي شي ثمن..داكشي مناسب...(كتضور صورة بعد صورة) شفتي كيدايريين اويلؤ صدميتيني ملي وريتينا دوك العبايات عباية ب سبعالاف درهم غتديني الجنة ؟

كنزة : اشمن اصحبتي ايلا جبتي الرفيع غتبيعيه غي للرفيع عرفيتيها باش مخيطة ولا غير كتهضري...

اسماء هازة صبعانها كتبعصص بيعم : سمحي ليا انا مني وجبد الحمد الله عندي وراجلي عندو لي يشريها هي و اللي خيطوها ولكن تاني انا شخصيا مانقدرش نحط داك ثمن كامل عليها...

كنزة : ماعرفتش والله ماعرفت باقة تااالفة يتصلح ويكون خير لي كتاخدي نتي فنين حتى تعطيني سيت لي كتاخدي منو نشوف حتى انا...

اسماء : ديال محمد نيت لي كناخد منو...

كنزة : دخلت عليك بالله فيه هادشي ؟

اسماء : ممم هههه فيه العجب هاداك..اجي نوربيه ليك حقا نوضي شحال من مرة كنبغي نوريه لك على منين خدييت طومويل شفتها تما وعجباتني...ولا تخلي حتى لمورا لفطور..

كنزو : هاديك طوموبيل عندك غيطحنوها بالعين كون غير حيديتيها من قدام الباب...اما مور الفطور غنشمي بحاالي حشمت ولله حتى حشمت...

ناضت اسماء كضحك عليها نزلو لتحت لييتها اما خديجة كانت فالبيت مع الحاجة كتوجد ليها الحوايج باش تفطر...وهادي هي الحاجا لي صدمت اسماء ايام الصيام ديالها الملابس لي كتضل بيهم ماكتفطرش بيهم وبعد الفطور ضروري من الكحل دوزو على عينيها حتى كيولي بحال قطرة العسل وسط منو والتبخيرة تطلقها فالبييت عندها والثمر وريحة المسك عاطية...جو درمضان عايشينو معاها بلا رمضان...

جبدات اسماء البيسي ديالها من فوق الماريو وسط البوشيطو ديالو بقوة ما مابقات كتخدم بيه موحال اصلا واش يخدم....عطاتو لكنزة وفعلا بغات تخدمو حلف لا خدم.. عيات ماتورك هنا ولهيييه وبدون جدوى واسماء جالسة جنبها كتشوف فيها وتحاول معااه حتى شعل وهي تسوط براااحة كانت خايفة علييه لقاتو خاوي من شارج وركباتو فالخيط ديالو يتشارجى...

كنزة كتشوف فصورة شاشة لي عندها فتيليفونها : فين هادي جاتك كتحمق ؟ كنتو خارجيين ؟

اسماء : اااه بلاتي نجبد ديال محمد هذاا مزال معطل..(خطاتو فوق ركابيها)

كنزة : عنداك يقول ليك شي حاجة تكون فيه خدمتو ؟

اسماء : لا لا غير اري مايقول واالو راه كيخدم قدامي اش غيخبي...

كنزة : بييتك كيحمق فبيه ريحة فنة بااش كترشييه ؟

اسماء : غير ريحة الورد مغلي ماكندير فيه والو...

شدات منها الحاسوب ديالو فوق حجرها دخلات الكود ومباشرة مشات للسيت كيقلبو فيه نساو الفطور وتعمقو فالسلعة حتى ولاو كيكومونديو بجوج بيهم كنزة حمقها السيييت واسماء شاعلة فيها العافية ماكرهاتش تشري كلشي..غير بان ليها بخودوي جديد تلاح مشات ليه لقاتو طوموبيل اخرى تحطات للبيع...

اسماء : شوفي بشحال حطها...

كنزة : ولكن واااعرة هماوية...عرفتي مع هي كحلة يدير ليها ديك البلاكة الصفرة عرفتي كي غتجي انا ديالي بيضة مةكرهتش نبدلها ماعرفت كيفاش..

اسماء : اينا بلاكة صفرة ؟ هاديك لي كتكون مكتوبة فييهم ه و د

كنزة : ءء ؟ والله ماعرفت كتكون صفرة..

اسماء : كاينة بلاكة وحدة صفرة ماكتكونش عند اي واحد مايبغيوش يدروها بيك...

كنزة : كيفاش ؟ بصح وديالامن كتكون راجلك عندو ؟

اسماء : راجلي راه طبييب مكتكونش هي عند الاطبة اري نوريها ليك(شدات تيليفون كتبقشش فييه وكنزة متبعة معاها) شوفي هاهي...هادي...هادي لي فيها سي وفيها دي عرفتي هادي لي كتكون عندهم..عمرهم بشوفو الحبس كيداير واخا مانعرف اشنو يديرو...قالها ليا محمد هادو كيكونو معفيين من اي حاجة طيح ليك فالبال..شفتي واخا يطيح روح والله مايمشي للحبس...

كنزة : دخلت عليك بالله سعداتو...

اسماء : اشمن سدعاتو راه واخا هكاك وكيشدو زباااالة فلوس ولكن بعد المرات قال ليا مكيخصوش يخرج من البلاد بخطرررة وبعد المرات مساكن مكيجلسوش فبلادهم كل مرة فبلاصة...

كنزة : واش بوليسيين هاظو مع المخزن ؟

اسماء : تئ ودابا البوليس ايلا طيح روح مكيتشدش ؟

كنزة : ايوا وشكون هذا لي يطيح روح ومايتشدش اويلي كاين شي قانون هكا !

اسماء : هاحنا باقين داوين عليها هادو راه مكيتطبقش علييهم القانون اصلا...دابا هانتي المغرب عندو القانون ديالو ياك...و فرنسا مثلا عندها ديالها وتركيا عندها دياالها يعني كل بلاد بالقانون دياالها وراه كاين تاني قانون كيحكم حتى بين الدول وهاد الناس لي كتكون عندهم هاد الطوموبيل كيتحكمو على حساب قانون ديال الدول ماشي ديال بلادو...فهمتي..

كنزة : شوية ممم فهمت...

اسماء : يلاه نطلعو نفطرو ونرجعو عندي شلا مانوريك...

ناضت لسماء رجعات البيسي ديالو لبلاصتو ووققات قدام المراية كتقاد فشاالها فحيين كنزة هضرتها مزاال كتردد وتعاود فرااسها وهي تشعل تيليفونها دخلات للتصاور القدام لي عندها قلااال لي مصورة هي وياه وبقوة ما قلال نسات حتى تمسحهم .. ماتفكراتهمش والصورة لي كانت كضور فباالها نيشان مشات لييها كان نيت هو لي مصورها قدام الطوموبيل ديالو زومات نيشاان جييهت رجليها كتشوف فالبلاكة ديال الطوموببيل وفعلا كانت نفسها لي وراتها اسماء...

بلعات ريقها وتبعات اسماء طالعين لفوق راسها كيزدح عليها بالفضول اشنو تكون خدمتو وعلاش كلمتو مسموعة بين البوليس وبين اي واحد وقفات قدامو....طاحت فحالات لي ايلا دخلات للحبس ماتخرجش منو وكيجي فرمشة عين كيخرجها كيضحك...قارنت كلام اسماء مع كلامو لي وحركاتو مكيخاف نا كيتدهش من البوليييس هو لي كيقرب عليهم ليكارد لي عندو وشحال من حاجة تفكراتها خربقاتها فدماغها بعد هاد اللحضة...

تجهزات الطبلة منوعة والصايم عينيه كتاكل قبل الكرش الالواان والشهييوات سخان والرواايح كتشهي موزعيين وكل واحد بلاصتو وصحنو وكاسو قدامو واللميون مطحون فالكاس كبيير دزاج غير لون ديالو كينعش ويبرد العطش قبل الدوقة....دخلات الحاجة كضحك جسلات جنب كنزة كترحب بيها وتعاود حتى حشمات لحضات كان ودن المغرب عاد دخل محمد والحاج بعدما صلاو فالمسجد...

الحاجة : جاو جا الحاج ومحمد..

خديجة : ااه هوما اللي دخلو...

دخل الحاج هو لول شاف كنزة وضحك : السلام عليكم اهلاا اهلا ب بنت السي عبد المتقي...مرحبا نهار كلبيير ومضخم هذااا...

كنزة ضحكات: ترحب بيك الجنة الحاج لهلا يخطييك...

تبعو محمد وكيف كيف الحاج شاف كنزة تبسم بعينييه وجر الكرسي جلس : اهلا لالة كنزة....زارتنا البركة

ضحكات حادرة راسها ميتة بالحشمة واسماء مبسمة فرحانة بالتكبيرة لي دايرين لختها...

كنزة : بارك الله فييك ترحب بيكم الجنة...

الحاج : ياك الصحيحة هانية بخيير واحد الحاجة والسي عبد المتقي طمنينا بخبارهم...

قالو بسم الله مباشريين ففطورهم واسماء غير كتنقب شبعانة وحتى معدتها كتحس بيها صغار ولات دغيا كتشبع وتعمر مع الهزة لي غتهز راسها لقاتو كيشوف فيها حركات ليه راسها وغمزهاا محرك حجبانو وهي تهز حجباانها بعدما تفكرات الدواء لي ديما ناسيتاه وناضت شرباتو عاد رجعات كملات معاهم الفطور وهوما داوين..

كنزة : مزال ماكتابت فشي سمية ههه ولكن كنقول غنسميها أَيُّورْ...

الحاجة جاتها فشكل وضحكت : أيور ؟؟ زويينة..مم زويينة منيين ماشي تاعنا هنا...

اسماء : لا شلحة ههه زويينة فشكل بعدا ما مسميها حتى حد عندنا..

الحاجة : ايييه فاميلة باها شلوح واقيلا...

اسماء : لا الحاجة من اكادير هوما ولكن ماشي شلوح هي لي ختارتها شافتها فشي بلاصة وعجباتها...

الحاجة : الله يتمم فرحك ابنتي الله يجيبها عبى خيير وبخيير وفاحسن صور...ايوا هانتي راني مدوموندياها من دابا(كضحك)تعطيها ليا لمرت ولد لودي حمييد وندبرو نسوبية تاننية هههه

كنزة : انشااء الله ههه الله اودي علاش لا...

اسماء : سبحان الله كاع اللي مزوجيين كتكون سمياتها جاية مع بعضياتهم....حتى أنور ويعقوب مواتيين تبارك الله ههه شكون بحالي نتناسب مع ختي هه...

الحاجة ميقات مبيسة وعينيها مكحبين كيضورو : حميد انشاء الله...اشمن يعقوب يوليو يعايروه بيها ويقولو لييه العقوبة وحاشة ولد ولدي يكون عقوبة..

اسماء : ولدي اصلا مانخليهش مع الهيماج لي غيعيب سميتو...

الحاجة : وماالكي على هاد الرويينة لاش تسمييها لييه على قلة السمييات...هذا كّود ولا اشنو..

كتوة بلعات ريقها كتضور عينيها بيناتهم...

الحاج : الحااجة...الحاجة الولد ولدها الله يهديك الشريفة بحال يعقوب بحاال حميد ....الله يرضي علييك..

كنزة : بحال بحال بصح..ولا سميوه يعقوب وبقاو تعيطو لييه باش بغييتو فالدار..

والحاجة: وعلاش ماتحطش حمييد وتعيط ليييه هي باش بغات...

تنهدات اسماء كتسوط ومحمد شبك ايديه كيشوف فيها وفالحاجة عاقد حجبانو ساد الموضوع بكلامو...

محمد : نكّلسو هاد الساعة هانية ولا نبدلوها بساعة اخرى...

ماتقاتش كلمة وحدة تعاودت على الطبلة وهو رجع لكلامو مع بااه خلا اسماء كتغلي وتسوط مارضاتش قدام كنزة...غير لحضات حتى ناض محمد من طاولة الفطور وتبعو الحاج للصالة والحاجة عاد ارتاحت وضحكات...

الحاجة : وكون تعرفي ابنتي وشحال قلبت شحال قلبت ليييه على شي بنت ناااس والو..وهو مامسوقش ملي كنقول ليه تزوج كيقول لينا بالمكتاب...ياودي نهاك الله اولدي نوض تزوج العمر محدود ويلاه نشوفو ولييداتك والو وانا نقول لعمك الحاج نوض نوض نشوفو شي بنت ناس تكون على قد يدينا تقبل علينا ونقبلو عليها...

كنزة كتذوف فيها وفاسماء ولات حمررة بالعصااب بارتباك ضحكات: ااه ههه

الحاجة : ايوا صافي نضورو من هنا ونضورو من لهييه وصراحة ديال الله شي بنيات شفنا هك يديرو هك هك تبارك الله غير ورييدااات مفتحاات...جيتي على زين يهبلو اشمن يا شعور وياا بيااض ويا حشمة ويا قرااية وياا أصل تبارك الله مشااء الله تقولي مخطوفين من حور العين...ما وحدة ما جوج وليني والو محمد ماعليه حالة دزواج والو بخطرة...اما واحد السيد مشينا عندو نشوفو عندو خمسة دالبنات يا بنيتي تقولي كاوريات واش هاد زيين واش هااد العيون واش هااد الشعور واش هااد الطولاات مسكين ارتاح لينا وبغانا وسول علينا مالقى ما يقول قال للحاج هاهوما خمسة دالبنات اللي تخيرتييها ديها بصحتك بييها...

كنزة : ااه وعلاش مابغاش...

الحاجة : قلت ليك باالو ماشي فزوااج والو نقولو ليه يلاه تمشي تشوف على عينيك..مشغول ماامساليش هاهو فالفيرمة هاهو ف فرنسا هاهو فافراان فين كنا نشدوه مزال دابا راه تزوج واخا هكاك مابقااش كيغييب كي كان..ايوا نهار شفنا مرتو لول قلنا هنا نباتة القرااية والاصل والضراافة والاناقة وتاويل ساعة حتى هوما خرج منهم العجب...نهار بغيت ناخدها ليه شديتو واحد ليلة بكيت علييه ههه ايوا ومشى معانا غير شافها قال صاافي عجبااتو هههه ايوا قلت نقول الحمد الله بعدا بعدا ولدي عجباتو البنت ما كنت نقول عمرو يتزوج ولا شي وحدة فبلو باغيها...

قلبات اسماء عينيها حسات براسها سخنات وتبوريشة هزاتها كتسوط من صدرها شاعلة فيها العااافية...

كنزة : ولكن كون كانت شي وحدة فبالو ونتوما باغين تزوجييه يكون واقيلا حا شاورك اش فيها..

الحاجة ضحكااا: اش غيشاور كون كانت شي وحدة مايشاورناش..على هو شاورنا تا فختك بقات وحدة اخرى ههههه...وليني مسكين ولدي واخا هكاك ماكيخسرش ليا هو مايشاورش ولكن راه ملي نقول لييه شي كلمة ماينزلاهاش ليا لرض الله يرضي عليه ويكمل علييه..شتي نجيب ليه وحدة اخرى مايقول ليا لا الحنيين ديال ميمتو مرضي مرضي الله يزيدو ويعطييه...

اسماء : ممم ههه غير جيبيها الحاجة هههه

الحاجة حتى هي ضحكات : هه وا دابا فات الفوت ماعندي مانجييب...

اسماء :لاا غيير جيبيها....ههه هانتي قلتيها هو اصلا مكيشاورش عمرو غيشاورني فضرة حيت اصلا ماغيجيبهاش..سوليه على اش بيني وبيينو وراك عارفة ولدك واش بينو وبين الله واش يقدر يخالف الوعد اللي عطاني...

الحاجة : رضات الواليدين ابنتي من رضات الله...واخا مايشاورتييش ماينزلش كلمتي...

اسماء : جيبيها لييه من غدا..وغنشوفو بيا ولا بيها..حتى تخلاق هادي لي تزاحمني ههه..نجيبها قالت جبتي لولى خالتي وشفناها اش دارت فيييك...

الحاجة : سعدات اللي عطى وجهو نهار لول ما اللي يتقلب ويتشقلب كي الحنش هو لي تخافي منو...

شافت فيها اسمااء شحاال كتسووط وتننهد فالاخر لاحت الشوكة من ايديها ونااضت من الطبلة خرجااات مكشكشة مارجعتش تلفاات وراها وكنزة تلفات متبعاها ماعرفات تنوض ولا تبقى فالاخر تبسماات يارتبااك قالت للحاجة غنمشي نشوفها وناضت تبعاها فحين للحاجة قوصات فمها بحال النقطة وغير بان ليها محمد دخل وهي ترخي حجبانها...

محمد : ااش كااين صوتكم دخل علينا ااش واقع !!

الحاجة: ماعرفتش اولدي...ماعرفتش راه نزلات ختها ونزلت واقيلا ايلا باغة تعاااود ليها شي حاجة...

دبلات ملاامحها كتشوف فتلفازة وهو عاقد حجبانو فيها مطووول فالاخر تنهد وخرج بلا حول ليه معاعا اما كنزة دخلات على اسمااء غتمووت فلحشمة..

كنزة : الله يهدييك و دابا علاش كتبكي ناري اختي كون غيرماجييتش اش جابني..واصاافي مالكي حتى نتي ماسكتيش

اسماء : لا لا هادي راه مكتقولهاش غير هكااك كضور فراسها شي حاجة..غير خليها تحييبها ونشوفو والله تا نخليها لييهم ونمشي

كنزة : الله يهدبيك ا اسمااء وصاافي حتى نتي علاش قلتي ليها نسمييه يعقوب ولا غيير حتى تولديه وسمي كيف بغيتي خليها تقول لي بغات....وا دابا كون كانت بعقلها غتدوي معايا هكاك وعارفاني ختك مانبغييش بحال ديك الهضرة شوية وتقول لينا خطبنا ليه ملكة جمال الموزنبييق

اسماء : ياك شفتي كلشي على عينييك نتي داب حكمي راه ماما دااايرااني انا لي مابقييتش كنشد الخاطر

كنزة : صافي غيير سااعفي وصافي ياك راجلك قال ليك لي فبالك سميها حتى حد مايدخل فيك وعاطييك الوعد مايجيب عليك بنت المراة ديري راسك ماسمعتيهاش...انا غنمشي دابا اصلا راه تعطلت صافي حتى لغدا نتلاقااو ايلا جيتي..

اسماء : صاافي

كنزة : وديري عقلك..

اسماء : لا صاافي غير نرتاح شوية ونطلع...

تحتاات عنقااتها وسلمات علييها بحراارة ماابغاتش تخليها هكا ولكن بغاات تهرب قبل مةيزيد يكبر الموضوع الحاجة كتلوح ليها الهضرة واسماء ماراضيااش قدامها فضلات تمشي قبل ماينوض الصداع فطريق مجيتها..يلاه طلعات لفوق لقات محمد نازا ودعااتو وكملات سلمات على الحاجة وخديجة والحاج هزات صاكها وتيليفونها وخرجات دغيا لطوموبيلتها مشات بحالها...

غير زادت هي دخل محمد على اسماء لقاها خرجات من الحمام غااسلة وجهها شافت فيه...

محمد :جمعي حوايجك ...شي حاجة قليلة لاخرين حتى نرجع لييهم..

اسماء : فيين غنمشييو ؟

محمد : جمعي حوايجك وحوايجك بنتك عشريين دقيقة نرجع نلقااك واجدة..

زيرات عينيها مستغرربة ماشرحش ليها حتى كلمة خرج مشى خلاها تاالفة كتمشي وتجي فبيتها فالاخر دارت لي قال ماعارفاش حتى علاش ولا فين غادين وشنو غتحتاج هزات اللي جا فايديها جمعاتو ف فاليز صغيييرة انييقة وجمعات لبنتها شي حاجة حتى هي خفييفة...ماجات فين تلبس عبايتها حتى رجع عندها لبساتها عليها بالخف وخرجات تبعاتو للطوموبييل وتسنييم لور وهو سااااق بلا كلمة بلاا جوج خلاها غير كتشوف...

خديجة دخلات من الطيراس دياا البيت : مشاو الحاجة واسماء هازة باليزتها..

الحاجة خرجات عينيها ودارت ايد على ايد : ايواا وفيين داها فهاد الليييل فااين داها..

خديحة : ياكما داها لدارهم..يكون سمع هضرتكم تكون مشاات غضباانة الحاجة..

الحاجة : ومالي اش قلت ليها حتى تغضب...م مالي اش قلت ما قلت الو..علاش تقلق عليا وانا معصبة دير فيا راسها... اربي فين دا مرتو فهاد ليل..

مساافة طرييق مكانتش طويلة حيت اصلا الدار جديدة قريبة ليهم شوية ماوقف حتى وقف قداامها وهي ساكتة حيت هتى هو ساكت اللي فهمات انها غتبات هاد ليلة فدارها الجديدة نزل هاز الفاليز فايديه ونزلات مورااه طلعو فااساانور وهي كضور فعينيها حتى قالت..

اسماء :محمد واش غنباتو هنا هاد ليلة؟

محمد : انشاء الله...ماشي غير هاد ليلة...

اسماء بهدوء: مافهمتش واش..كيفاش ماشي غير هاد لييلة..

محمد حرك راسة وجر نيفها بدلع : كل حاجة بوقتها زويينة(حل ليها الباب ) دخلي...

باستغرااب دخلات ملفتة وجهها لعندو وهو حط الفاليز ومشى قلب الثلاجة لقى فيها شي حاجة خفيفة رجع قال ليها غيرجع وخرج وتسنيم لصقات مشات معاه مكاملاش تلاتين دقيقة رجع مقدي...حط داكشي فالكووزينة ورجع عندها...

محمد : غنخرج ردي بالك راك عارفة اللي كاين...

اسماء حركات راسها : معاش غتجي غتعطل غترجع للدار...

محمد : شوية غير نعسي..يلاه فامان الله تهلاي ليا فرااسك..كلشي كاين احتاجيتي شي حاجة صوني ليا...

طبطب على كتفها وباس على راسها وخرج وهي جلسات فوق الاريكة اللي قدام التلفازة كان ديكور ديال الداار ما بين الرمادي والكريستال واسماء ماشي من نوع لللي كيعشق سامبل ضروري قوة الزواق وداكشي مشارجي كيلمع ويبري ولكن منضر راقي وفخم...تبعاتو حتى خرج وسد الباب ورااه مشى وهي تنهداات وضاارت بقلة صبر لحركاتو كيدير لي فراسو حتى ترشق ليه عاد يشاركها بيه...ناضت للكوزينة ستفات داكشي لي جاب لبها وبدلات لتسنييم لباسها خلاتها كتلعب فاللبيت وتقلب وتهبش كتعجبها الدار وكتلاهى فيها واخل ماولفتهاش وكل مرة تسول امتى غيرجعو...

اما محمد ملي خرج من عندها رجع مباشرة للداار دخل كأن شيئ لم يكن مشى لبيت عندو لتحت وتكى البيسي قدامو ونضاضر على عينيه لحضاات وهو يشوف فالبااب بحالا كيتسنى شي حد وفعلا دقات عليه الحاجة ودخلات...

محمد : اش كاين الواليدة...ياك لباس..

الحاجة : والو اولدي والوو..(بتردد ) فين مرتك اسماء مالها ياكما مشات غضبانة شفتها هازة باليزتها وخرجات...

محمد : غتبقى فالدار الحاجة...

الحاجة : علاش و وعلاش ماقلتوهاش لينا نمشي معاها تبقى تما بوحدها ؟

محمد : تبقى تما بوحدها وبقاي نتي هنا وخليونا هانيين ماغنبقاوش نعاودو فنفس السينااريو تجمعتو ماتفاهمتوش جربو الفراق...(رجع للبيسي) ماتسناونيش للسحور...

الحاجة : وعلاش اولدي مالها ااش خسر خاطرها ؟ و و وهي تدي عليا وانا غير كنعتعثب خطرة خطرة...عطيني تيليفون ندوي معاها ورجعها و وانا تخوييو عليا الدار و وشكون يبقى ليا..

محمد : يصبح ويفتح الوالييدة خليني نرتاح...

شافت فيه شحال وهي تخرج طايح عليها الضييم طلعات نيشان عند الحاج البييت باغة تبكي وتشكي علييه فحين محمد غير صقلات الدار وحس بكلشي نعس تنهد وناض هز سوارتو طفى الضور دالبييت وخرج هز طوموبيلتو ومشى عند اسماء للدار...

هاد الاخيرة اللي كانت فبيتها بعدما نعسات تسنيم داتها لبيتها فرشوه ليها ورجعات هي حيدات لباسها هزهت من لي جابتهم بيحامة حرييرة بساتان مييتة على لحمها الرطب غير كتزلق جامعة شعرها الفوق مريحة جنار رقبتها كيف العادة وكحل مدوزااه وسط عينيها توحشااتو عمرات بيه عينيها حتى ولاو كيبانو كحلييين كيجدبو مرطبة شفايفها ومتكية شادة تيليفون غير حسات بالباب تحل طفات تيليفون وتقلبات وشعلات الفايوزحتى شافتو حل الباب ودخل كيحيد الدجاكبيت ديالو ورجع خرج خدا ليه دوش خفيف عاد جا حداها فالفرااش تكى وجرها لعندو..

محمد :منعستيش...

اسماء : تكات على صدرو بايديها متكية جنب على حسب كرشها..

اسماء : تسنييتك تعطلتي عليا....و واش بصح غنبقاو هنا امحمد م ماغنرجعوش للدار..

محمد باس شفايفها بثقااالة عينيه معسليين : اللي حب خاطرك....

سكتات بدون رد معرفات ماتقول مولفة دار لهييه وحتى تسنيم ولفات ليها مع الحاجة حس بيها وكمل..

محمد : بقاي هنا...الوالدية غتبقى لهيه ماتفاهتوش مجموعيين جربو الفراق...

اسماء : الحاجة مغتجييش عندنا ؟ و وعلاش ؟ ياك خديناها فالسفلي على حسابها...

محمد : يصبح ويفتح..شي مساج من ايديك (باس ايديها ساد على عينيه وحطهم فوق راسو) الله يرضي عليك..

اسماء تبسمات بقلق : واخا صبر نجييب الزيت ..

حسها قبل ماتفلت وجبدها لعندو من صبيعااتها وباس شفاايفها متعمق فييهم حاس بيهم داافين ورطبيين فوق فمو..ميل رااسو وخطفهم بجوج بين كيتنننهد بلههفة حتى كيطلقها وكيرجع ليهم وهي مبسمة...

وهو هادشي اللي باغى خربق ليهم دماغهم بجوج خلاعن معلقيين وكل وحدة فالداار وكل وحدة وحسب تفكريها وحسب تعلقها بالتاانية...ارتاحو ووهوما كل وحدة فداار تبارك الله كان العكس وتهدنو وبغاو الجماعة غينسااحب ويخليوهم يموتو مع بعضيااتهم...دخل سوقهم وحمقوه هاهوما عزاز على بعضياتهم وومولفيين بعضهم وحدة مكتبغي تفرق التانية...هاهو شوية مهازيين وعيطني نعطيك غير بالضحك...

اسماء : محمد شنو قال ليك الحاج قلتيها لييه ؟

محمد حل عينييه بزز نايميين وقال: اجي نقوليك شنو قال لييا..

اسماء : شنو قاال..

محمد : قربي عندي نقول لك...

قربات عندة حابسة التبسييمة عايقة بييه وفعلا غير تحنات عندو شوية شدهاا مابقاتش طلقهاا حتى نعساات ليه بين ايديه سخفاانة كتنهج وترجع فالنفس وهو ناض دوش علييه عاد رجع تكى مرتاح وراشقة لييه...وهي جاات فوق صدرو حتى كتسالي العلاقة عاد كيفييض عليها الحناان وكمية الحب والمشااعر اللي متفييق داخلها كترفعها لعالم تااني...متكية على صدرو وايديها كيقيصو فدراعو ولحيتو وشعر صدروو وتبسييمة مزينة شفايفها...

اسماء : محمد (تسمعات ممم من عندو) بغيت ولدي يجي فحالك مبغيتو ياخد منك كلشي...كلشي اي حاحة فيك بغيت نولدو نسخة منك...

محمد : انشاء الله...غير الصورة الكاملة

اسماء : وايلا شي من بعد اسماء الله كانت عندي بنية بغيتها نجي بحاالي باش فينما تشوفها تفكرني وعمر عينيك تشوف شي وحدة اخرى...

محمد : ايلا جبتي ليا بنت مابقى ليك حكام على عيني فين يشوفو لا اشمن اجتاه يشدو..

اسماء : علااش ؟ ي يا كقلتب ليا بحال الولاد بحال البناات مكيعجبوكش البناات...تشوف فوحدة اخرى خاصك غير السبة ياك..

محمد : وديني حرام عليا...خلقة وحدة على وجه الخلق لي غتدي قلب ولد الحاج كثر من مرتي هي بنتي...

بااش على راسها فوق شعرها وهي شبكات صباعها مع صباعة فوق كرشهاا قلبهاا فرحااان كيصررب باسمو وفرحة علبها باينة هلى وجهها منورر وضااخك بعيون لامعة هزات فيه راسها باس شفاايفو وقالت..

اسماء : حاسة براسي كنبغييك بزااف....ناري غتحمقني...

صبح الصباح ووصبحات كنزة وسط طوموبيلتها مأنتكة الخالة ولاابسة صاايقة مباشرة القهوة لي دارت فيها مع هند...طالقة الموسيقى فالطوموببيل غادة وكدندن معاها هازة عليها الزااجة نامسوقة احتى حد ...مرة تنزل المراية تقاد شعرها مرة تجبد الكلوس دوزو على فمها....

كنزة : أنا قلبي صغير و العيلا عينك كبار يشعلو النار كل ما تلاقاو دوك الشفار أنا قلبي صغير و العيلا عينك بلار يشعلو النار كل ما تلاقاو دوك الشفار (طلقات شعرها قدام السطوب ورجعات جمعاتو لفوق) آ لاواه لاواه آيما حياني آلاواه لاواه باغا الغيرة تقتلني...

غير جات عينيها على نفس السياارة اللي كانو داويين عليها الباارح وهي تلوح الفيليل من ايديها حالة فمها حساات بقلبها ضررب كتشوف فيها غادا هكااك بالعرض البطيييئ قدامها بسرعة تداركت الامر وصغرات عينيها كتحااول تشوف شكو نالداخل وحين زاح فيمي ماقشعات والوو..غير غبر من بين عينيهاا زفراات بنرفزة وديماراات مكملة طرييقها كفات الاغنية دارت بناقص منها مابقاش ليها الخاطر ليها...مقوصة حجبانها ماراضياش على راسها حاسة بكرامها تمحست بالارض كتقول تفاارقنا مشة عايش حيااتو وانا مزال كنقلب عليييه وكنفكر فييه وبالي مشكون معاه..

وقفات قدام القهوة مطلعاهم ونزلات للقهوة كضور بعينيها علة هند ماشافتهاش وهي تبان ليها واحد الوحدة من بعييد كتشير ليها غير حققات فيها الشوفة وهي تباقاها هند وقربت عندها مبسمة باستغراب كشتوف الحجاب اللي على راسها واللبااس الخااص بييه مقادة وجهها بميكااب صبااحي انييق...سلمات عليها كضحك وجلسات دايرة رجل على رجل...

حطات صاكها جنبة بجليسة انيقة والنضاضر فوق عينيها والالوان والرواايح كتجدب العين غير بحركاتها..

كنزة : عاي هاي ناس دالحجاب عوتااني الله بتبتك احبيبة مبروك علييه العقوبة عندي...

هند : الله يبارك فييك احبيبة لهلا يخطييك والله يتبتنا...صافا لباس علييك كيف دايرة اسماء مامااك كلشي بخير....

كنزة : الحمد الله لهلاا يخطيك..ياك لباس خلعتيني قلتي ليا عندك فاش نهضرو(كتشوف فيها جاتها فشكل بالحجاب وبحالا مامرتاحاش فييه )

هند : نكدب عليك اكنزة...انا من نهار مشيت للامارات عيني تحلو مابقاو عندي لا صحابات لا عائلة لا حتى حد لي نحط عليه الراس..ماما مكتفهمنيش وختي صغييرة مراهقة نخاف نشاورها تخرج عليا مالقيت لمن نصووني وترددت شحال نصوني لييك خفتك ترديني والله العضيم نهه

كنزة : شفتي حشومة علييك مرحبا احبييبة فاي وقت ااش حب الخاطر...خبار الخير انشاء الله..

هند : غيير الخير..الحمد الله هاد المرة دق باب ادارناا..جا واحد ولد الناس باغي يخطبني من الدار و وانا والله ماعرفت شنو خاصني نديير اول مرة هه ...

كنزة : بصااح ؟ مبروك احبييبة...فرحت ليك الله يكمل عليكم بالخيير من هنا نيت...؟

هند : تعارفنا تما فالامارات هههه ماكنتش كنعرفو وسبحان الله تلاقينا فواحد الضروف لي كنقول فيهم مستحيييل اصلا يشوف فيا ولا شي نهار يبغي يتزوج بيا ههه ولكن الحمد الله هذا مكتابة..

كنزة : والله حتى فرحت لييك الله يكمل عليكم بالخييرةحبيبة قولي بسم الله وتوكلي على الله...واحسز كادو مني ليك انشاء الله فالعرس غير عنداك ناتعريضينييش

هند : من دابا مرحبا بييك والله العضييم هههه اختي كنزة بغيتك غير تعاونيني نتي مزوجة...واخا مطلقة داباا(عتعا مبسمة هازة حجبانها)

كنزة : شككون قال ليك مطلقة هههه

هند تداركت الموقف بزربة وضحكات : ءء هههه غ ش شفتها ف فواحد الكومونتير عندك وقلا فبالي دنت باغة نسولك واش بصح هادشي ههه انا ملي شفتها والله ماتيقت ههه قلت موحاال ياك ؟...

كنزة : مكتاابة احبيبة بصح طلقت ولكن احسن دابا مرتاحة الحمد الله..قلبي الموضوع مانتفاايلوش بالطلااق عليك من دابا ههه قولي ليا فاش محتاجاني...

هند : دابا هادو لي جايين يخطبوني شوية ماشي ناس عاديين لباس علييهم شوية مهم...ماعرفتش شنو نلبس ولا شنو نحط ليهم ولا كيفاش نوجد الدار قلت ماكيين حسن منك تبارك الله الانااقة والفخامة والتااويل تعاوني ايلا جات على هاطرك...

كنزة ضحكات : الله اودي مرحبا من دابا....مرحبا احبييبة على راس والعين...(جا عندهم السيرفور خدا الطلب ومشى وهي جبدات تيليفون ديالها) نشوفو اللباس هو لول اجي نوريك واحد الموديلات نشوف واش باقين عندي ولا لا...قربي اجي حدايا..مزال عاودي ليا شكون هذا لباس عليه ضروري نعرفو..

هند : لا لا ماغتعرفييهش ههه دابا تشوفيه على عينيك انشاء الله...واخا نعتو ليك ماتعرفييهش...

كنزة : انشااء الله ههه نشوفو شكون هاد سيد الرجال اللي دا لينا هند كاملة ههه ..

فهاد الاثناء كانت اسماء يلاه حلات عينيها كترمش وسط الضلام و واحد الصممت هاادئ وزوين وريحة هفيفة كضور فاللييت كبيرو واسع وديكورو حفييف كيفتح النفس غير بالشوفة...ماكرهاتش حتى هو تشارجيييه ولكن على حسب محمد ملي كيكثر عليه الديكور كيبقى غير يهز ويحط فينما كان...كيدوخ وكينسى البلايص وهي عدوها تحط شي حاجة فبلاصة وترجع تلاقاها فبلاصة اخرى كتفقص..

مدات ايديها للتيليفون شافت شحال فالساعة لقاتها الحداش ديال الصباح مع ضلمة البيت ماعرفاتو نهار ولا لييل عاد تحركات من بلاصتها مشات للدوش خففات بيه ورجع صلاة وبدلات عليها لباسها مرتاحة فبيجامة اخرى وعاشقة الكحل كيف العادة دوزاتو تحت عينيها ورجعات تكات حداه لا هو لا تسنيم باقين غارقين فالنعاس جابو ليها العكز تنوض حتى هي رجعت تكات شادة تيليفون طالعة نازلة فاليوتييب ناقصة الصوت ماسخاتش تفيقو....تدخل من فيديو وتخرج للاخر وضروري تنزل تقرا الكومونتيرات وغير كتصادف مع شي بنت كتنصح البنات يشربو الدواء الفلان فلااني باش يتنفخو ويغلاضو ويقادو الفورمة كتنزل للكومونطيرات تشبع فيها سبان شاعلة فيها العاافية ماكرهاتش يكون فيه الاوديو وتسبهم وحدة وحدة...

حتى الواحد اللحضة وهي تطيح على واحد القناة كلها مقاالب من طرف الزوجة لراجلها سخفات بالضحك فوق الناموسية كتفرج فييهم كاع لفيديوهات كملااتهم شوية وهي توسع عينيا وبلعات رييقها تحمسااات و ضارت براسها شافت فيه وشياطنها واحد كيصمك خوه يفيقو...وهي تطفي تيليفون وناضت على سعدها و وعدها جلسات مربعة كتفكر كيف دير ليها اول مرة تطيح معاه فهاد الموقف وعمرها جربات تبسال معاه ولكن كيف حيدت منها الحشمة وتطلقات معاه واخا مرة مرة كيغرقها فيها حتى هي بغات تكسر داك حاجز الجدية اللي بيناتهم...

هزات عليها الفراش وناضت كضحك قبل ماتكمل الخطوة تخرج فشلات بالضحك جالسة على الكرسي شادة على فمها ماتفيقوش كتخيل منضرو ملي يفيق على ديك لحال اللي غديير فييه...

ونااضت بشويا بشويا كتخطوي وتضور وراها زعما لا يفييق ويحصلها مرة مرة ضحك حتى كتبغي تحماق بالضححك وترجع تكمل فاااشلة بالضحك...

شحاال وهي غاارقة فالكوزينة شوية رجعات دخلات للبييت كانت باغة غير كرسي مالقااتوش دارت منو بنااقص هزات غير الكيتشوب حمر ومشات للناموسية ستفات شي ربعة المخدات فبلاصتها مراكبين على بعضيااتهم وحدة حدا وحدة وطلعات بشويا شادة كرشها ومكرفصة مع ليزار تجرو بلاما تفيقو وهو على نغزة كيحل عينيه نعاسو خفييف سخفاات وماطلعات تكات فوق دوك المخاد حتى غفر ليها الله الدنوب...

ولاحت عليها ليزار تغطات بيك كااملة طلقات شعرها مييتة بالضحححك خالقة جو غير بوحدها لاحتو ورااها مطلووق كيلعب وقطرات شوية الكيتشوب فصبعها وقطراتو فوق نيفها وتحت فمها غييير بان ليها تحرك وهي تلوح القرعة دغيا ورخات ليها حالة فمها....

الخطة من نصيبها كانت تخلع محمد شوية حتى وقع ل مكانش في الحسبان...مااحسات براسها حتى تحل الباااب ودخلات منو تسنييم غير بانت ليها مها هاكااك بحال شي جن هازها بليزارها مرخية وطاالعة للسماء شعرها مليوح وعينيها مقلوبين وكرشها مقنبلة قدامها وهي تلوح الطابلييت وغوتااات حتى خرجو عينيهاا لاصقة فالبااب تا ناض محمد مطفوج كيشوف مع جنابو وحتى هو غيير شافو اسماء هكاك تخطف من بلاصتو كيمسح فوجهو مفزوع

تسنيم :مااماااا (كتبكي) مامااا ماماااا

قفزااات اسماء من بلاصتها مخرجة عينيها ماتوقعاتش تسنيم تدخل عليها ومحمد غير شافها تحركت تخطف دغيا من بلااصتو ضاار جيهتها وهي فعووض مة تنووض شدااتها الضححكة فشلاااتها ماقدرااتش حتى توقف ميتة بالضحك بصوت عاالي

تسنيم : مامااا باباا محمد ماماا طااارت ماما

مجمد : ماتخافيش ابنتي اجي اسمااء...(كيشوفها كضحك بهستيرية خلعاتو ماقدرش حتى يقيصها) اسمااء كتسمعينيي فين تيليفون عطيني تيليفون

غي كتحل عينيها فييه كتنفاااجر بالضححك فشلاات حتى تنووض وهي تمد ليه ايدييها باغة تشدو سخفاانة بالضححك

اسمااء : تسنييم اجيي هههههه

محمد ضن شي حاجة تكون كتدوي فبلاصتها: لا وقفي تما (جا قدامها) ماقربيش ماتخافيش اعود بالله من الشيطان الرجييم اسمااء

شاف الدم تحت نيفها نازل...صدرو تهز علييه ايدييه كيترعدو...ولا باغي غير يحيد ليزار يشوف اش واقع ليهاا خااف يشوف شي حاجة تسطييه وهي سخفاانة بالضحك ملي كتشوفو هكااك ودموع دايزين مع جماب عينيها ولاا حمرررة ...

اسماء : محمد شدني غنطييح نزلني فشلاات فبلاصتها مادة ليه ايديها وهو كيشوف تالف ماعرف مايدير

تسنييم لصقات فرجلين محمد : ماماا بابا محمد ماماا طاارت(كتبكي) طاارت ماماا

محمد : فيين طارت غنعدب اصل حسهم هاد النهار

حيد عليها ليزاار بنتررة مغزف وهي تشد ليه فدراعو مييتة بالضححك شداتو ماطلقاتو مزيرة علييه وهو دااخ وتسنييم كتغوت بالبكى هربات وهو شاادها كيحررك فيها ويقرا لي حافض من القران فهاد اللحضة هرب لييه ....شوية وهي تجي عينيه على المخداات لي طالعة علييهم عاد رد ليهم البال...والكيتشوب لي مساحوتو بايديها والدموع كتبكي بضحك قطرو من عينيها عااد طلع معاه القالب وعااق بييهااا وهو يسوط ونتر دراعو من ايدييها فاااشل بغضب ...

محمد : اشش هااد المررض لينعل لل (منييرفي عاقدهم) اش عاد الضحك الباسل ا اسماء كضحكي مرتاحة ينعل ل...اجي ابابا ماتخافيش قربي لهنا ..

اسماء :نزلنيي مااقدرتش (فاشلة بالضحك باغة انوض وغلباتها كرشها ) هههه ماقدرتش نزلنيي

محمد : بقاي معلقة تما (كيضور يشوفها هكااك) على حاالة ينعل لل...

ضرب واحد الفااز قداامو حتى طار منييرفي كيسسب ويكمل السبة بديك ينعل لل...مكيكملاهاش شكون غينعل الله اعلم...

اسماء : نزلني غاادي نطييح محمد نزلنيي ههههههه محمممد هههه

ضاار لجيهتها بغضب هزهاا كيشوف فيها عاقدهم وهي فاشلة بالضحك...حتى نزلات وجلسات كتمسح عينيها من دمووع سخفانة بالضححك

اسماء : شووف كي وليتييي ياااربي غنتسطى هههههه اويليي من نيتتك تخلعتي..

محمد :واش هادشي كيضحك شهاد البسااالة

اسماء : وبكن خلعتك والله حتى خلعتك ههههه(شاف فتسنيم لي مكمشة ملامحها مغبنة باستغراب فيها) ماتخافيبش اماما اجي عندي هانا غير مامااك كنضحك اجي...

تسنيم هربات مبعدة منها : لااا شفتك طرتي لفووق

اسماء طرطقاات بالضحك : فيين طررت غيير كنضحك معااك ابنتي هههههه اجي عندي ماتخافييش...اجي لهنا...

حركات راسها بلا وتخبات فمحمد وهو كيدوز ايديه على وجهو بلا حول ولا قوة معاها..

اسماء :اويلي من نيتكم تخلعتو...

محمد : واش نتي طايرة فالسماء وداكشي ف فنيفك وكضحكي نوض كنضحك معااك ؟ اش قال ليك راسك عندك شي شياطين كينوضو يجهلو والديين مي ويرجعو ينعسو...

اسماء : وا غي ضحكت معااكم هههه والله (تعلقات فعنقو كضحك وهو شاد خسرها لا طييح عاقد حجبانو) حتى تخلعتي عليا احبييبة غير كنضحك معااك هههه خلعتتك ياك هههه

ناض منررفز هز عندو تسنييم وخرج مع البااب عاقدهم خلاها مييتة بالضحك علييهم حتى دخل للصالة كيسكت فتسنييم وكيسمع فيها غتحماق بالضحك لداخل شوية بشوية وهي تشدو الضحكة كيضور فرااسو على عقلها ماجاب ليهاا شي نهار تصبح مسطيياه بيهم...شي افكار كيطيحو عليها تسنييم وموحال تفكر فيهم...

محمد : ماتخافيش ابابا غلاش البكى ششش...

تسنيم مفزوغة نسكينة :طاارت ماما لهيها لفوق..

محمد : ماماك غطير ليا العقل عاد دير عقلها...شش يلاه مانشوفش هاد الدموع باش نديك معاياا...

تسنيم كتشكى وتفشش : خفت بزااف بابا محمد...

ضمها عندو باس على راسها وهي كتمخشش فيه وتفشش مخلوعة مسكينة..جلس فالصالة وشعل تلفاازة على الرسوم لي كيعحبوهاا ملهية فيهم كيسمع فاسماء دخلات للكوزيينة ومزاال كضحك حلفاات لا سكتات وغير كضحك هي كتقفز تسنييم مخلوعة منهاا...

محمد : اسماااء...اجي لهناا...

اسماء طلات عليهم: نعاام هههه

غمزها بعينييه تجي عند تسنييم وهي حبسات ضحكة بزز كتمسح تحت عينيها وجات جلسات جنبو وتسنيم هربت منهاا مخلوعة..

اسماء : غير كنضحك اماما احي عندي اجي نوريك واحد الحاجة....

شافت تسنيم فمحمد حتى حرك ليها راسو تقرب وشد فايديااتها ضامن ليها الاماان عاد قربات عندها كتقيص فيهاا وتلمس بصبييعاتها...

تسنيم : ماطييرش ماما مرة اخرى...

اسماء : غير كنضحك معااك اماما هانا حدا بنتي اجي عنديي اجي اكبييدة(عنقااتها كتبوس فجبينها وايدياتها) غير كنضحك مع بنتي حبييبة دياالي ماتخافييش...

محمد : مرتااحة كضحكي ...لا حول ولا قوة ايلا بالله...

شدات ضحكة قالبة وجهها غير كتشوف فوجه كتفكر كيف كان قبيلة حتى ارتاحت تسنيم وتلاهات مع التلفازة كضحك عاد خلاتها معاه وناضت الكوزينة وجدات الفطور كتهز وتحط فوق الطبلة ومحمد داخل البيت كيبدل علييه باش يخرج...

يتبع...