حمام الخلا الجزء 16

سكت مطول من هاد الكلمة د عرفتيني خلاوه يحلل الصوت اللي كان واضح صوت مراة يلاه غيجاوب وهي تسبقو ..

_عرفتيني..ا انا اسراء...

محمد : عرفتك....ياكما كاين باس..

اسراء بتردد وارتباك باين فصوتها : صافا لباس عليك ..

محمد : تخونكيل الحمد الله..

اسراء : ال الحمد االله و واش كاين فالكلينيك ؟

عقد حجباانو مركز فصوتها كيبان ليها بحالا باكي وقال باستفهام ..

محمد : لا واش كاين شي مشكل ؟

اسراء : لا غ غير ايلا كان بوسيبل بغيييت نهضر معاك

محمد : مرحبا خودي رونديفو مع رانيا ديجا عندك نيميغو ديالها

اسراء : و ولكن ايلا كان ممكن نهضرو فاقرب وقت رانيا غتعطل عليا رونديفو

محمد : على حسب اشنو كاين واشنو عندك هضري معاها ايلا كانت شي حاجة كخاف بيان صيغ تقربو لك..

اسراء : و واخا صافي ميغسي صايق فالطريق واقيلاا....نخليك نهضرو من بعد طريق السلامة...

قطع معاها ورد تيليفون لجيبو متسائل على سبب اتصالها فهاد الوقت ...كمل طريق حتى وصل للدار ونزل هز التقدية اللي جاب معاه فطريقو ودخل ...

اما فالدار عند الحاجة حتى دخل للحاج وتوضى وصلاة العشاء ومشى ينعس وعكوزة كنزة حتى هي نعسات عاد هوما جبدو كاع الكادوات اللي جاو فاسماء فرشوهم وسط الصالة كيقلبو فيهم ويعاودو ويشوفو اشنو جابو ليها...ممهم عقد وسط بواط كحلة حلااتها اسماء لقاتو طقم كامل من الدهب وازن وثقيييل عجب الحاجة وحل ليها العينين فييه..

الحاجة:آري لهنا اري نخزنو لييك

اسماء خباتو :خليني نديرو شوية

الحاجة : تمشي تطيحي شي حجرة نخبيه لييك اري حتى تمشي لدار رااجلك وديه معااك

خطفااتو ليها حطاتو فجنبها حنى بانت ليها هزات بواطة اخرى وهي تخطهفا ليها من ايديها خلاتها كتشوف بعويناتها...وهي حلاتها لقات فيها خاتم رقييق سابمل وانيق متوسطاه جوهرة صغييرة دائرية هزاتو فايديها

الحاجة : بلاكيور عذا ؟

اسماء : اشمن..بلاكييور اريه ليا..(كتقلب فيه)ماعرفت يكون دهب مشلل زعما؟...كنزة شوفي عندك مع هادشي..واقيلا دهب ديال الامارات

كنزة : تقول سيد شاد ليها طيارة كل نهار ااش كتخربقو هذا راه الماس

الحاجة : اشنو هذاا والماس ؟! ويلي والماس كتى هي فيها الجواالق..

كنزة مسايراها مافيها مايشرح : ااه بحال كوكا

مصغرة عينيها كتحقق..

كنزة : موحال واقيلا غير الحجرة اللي الماس ماعرفتش بحال اللي جاب ليا عماد والله ماعرفت لييه يياه فيه سميتك ا اسمااء..فنن هاكي ديريه..

الحاجة: لااا ماشي دابا راه دايرة واحد براكة اري نخزنو..

داتو ليها حتى هو خزناتو وبقاو كيجبدو فباقي الهداااية منهم عباائية سودااء منبتة بحجيراات كتلمع واجمل هدية كانت المصحف الكرييم فاللون الزهري والمكان اللي كيتحط علييه خشبي كيتطوا بالصلاية دياالو نفس لون المصحف خافت اسماء من الحاجة لاتخطفو ليها حتى هو وخباتهم وراها حتى قلبو كلشي ااش جابو يلاه جبدات الشكلاط وهي طير بيه كنزة خرجات فيها الحاجة عينيها حتى هي مادات منها لاحق لا بااطل حلفات حتى تاخدو وخدااتو بصح اسماء مدارتش فيها رااسها واخا حتى هي من عشاق السقاطة خلاتو ليها..

جمعو دااكشي وطرفو كل حاجة فمكانها ومشاو لبيوتهم واسماء متمية وكنزة شادة شكلاط كتاكل فيه ليل كامل كلامهم غير على الخطبة وكيفاش دازت...

كنزة بدهشة : ماتقوليش ليا شرطتي علييه ماتولديش عارفاك مابغاش تولدي مورا تسنييم..

اسماء : لاا مالك حماقيتي مانقولهاش لييه لا دابا لا من بعد حساابي فراسي..

كنزة :الحاج قالك ليك باغي الحفايد شدتني ضحكة علييه مسكين ماعارفش مرت ولدو حاقدو علييهم ههه

اسماء : مانولدش لا دابا لا مانبعد منكدبش علييك بنية وحدة الله يجعل البرااكة نكبرها غيير هي بعدا..

كنزة :ايواا اشنو عفااك قولي ليا شرطتي علييه تخدمي

اسماء : ماباغاش نخدم اصلا..

كنزة : ايواا قولي صااافي عفااك عفاك ختك...العار ماقولي ليا..انا كنقول ليك كلشي مكنخبي علييك والو

تنهداات اسماء كضحك عليهاا وشافت بعييد سااهية وكنزة بحماس متسناها تكلم..

اسماء : شرطت عليه شرط غاالي...وغالي بزااااف صعيب يتنفد عرفتي كتبتو ليه غير ضبحة ولا ربحة ماكنتش خايفاه زعما يقول لا ماقابلش عليه حيت من نهار لول يموت المش وانا راحة بالي هي كلشي (بحب تبسمات) ولكن هو غير قراه وافق عليه...

كنزة : هو ماشرط عليك والو..

اسماء : ماقال حتى حاجة مزال الوقت فين يقول

كنزة : كي شتي غير غيشرط علييك تخليه وتهربي انا كنحس بييك قبيلة ماكرهتيش يجيبو العدول وتمشي معااه فنهارك..

اسماء : كنزة محمد كون ماكان ولد الناس واخا نكون كنبغيه والله اختي مانفكر نتزوج مزال... الحب مكيعيش وانا احسن مثاال ناصر بغيتو واشنو شفت موراه غيرا الوييل واخا كنبغي محمد مانكرش ولكن ايلا كنت غنعييش فالصداع والمشاكل والهم مع العكوزة والصداع مع الشيخ ومعاه هو بنفسو ماغنزيدش نطول الدقييقة راحت الباال حسن ليا من كللشي وقادرة نضحي برااسي وبحبي فسبيل نعيس مرتاحة انا ونتي واخا ناكل غير طريف دالخبز واتاي وكوني هانية ولا نرجع للصداع كيف من هذا شحاال..

كنزة : انا اللي درني فرااسي علاش طلق مرتو لولا واش هو اللي منو العيب ولا هي والله العضيم ايلا شحال من مرة كنفكر فيها

اسماء : بصح وحتى الحاجة كانت عاجباها ماتفهمش ليا ااش وقع بيناتهم..

كنزة : قولي ليا اش كتبتي ليه فالورقة..

اسماء : رااه قلت ليط نعسي نعسي راه صابحيين بكري شتي ديك الصالة اللي كتسنانا نسوسوها...

تقلبات للجيهة لاخرا خلاتها داوية باغة تعرف ااش تكتب فالورااق حتى داتها عينيها وغفات...

مافاقت غير على صوت الهضرة كثيير فالصااالة وصوت الضحك والترحااب تنهداات مطولو ماعرفاتش شكون جا تااني ونااضت خشات رجليها فالبانطوفة وضورات عليها البينوار وخرجات كتجمع فشعرها حتى بان ليها عمااد جالسة مع باها عبد المتقي شاد كاس داتاي فايدييه كيضحك معاهم..سلمات عليهم كتملين ونهات السلام بعماد وجلسات جنبو على طرف وهو تمرح على الخدية وضور ايديه وراا ضهرها كيلعب فخصلات شعرها من لتحت

الحاجة خرجات عندهم من الكوزينة : ها العروسة فاقت صباح الخيير..فقتي

كنزة : صباح الخير..فيين اسماء..

الحاجة : داات بنتها للمدرسة لصقااتها تمشي معاها وداتها..عندها نص نهار ليوم دابا تجي..

حركات رااسها بايجاب كل مرة كتهز وتحرك باش يحيد عماد ايديها من ضهرها وشعرها قدام باها وهو ماردش ليها البال كاع منغامس فالهضرة مع عبد المتقي حتى شرب معاهم داك الكاس وهضر فودنيها باش تنوض تمشي معاه وناضت هي للبيت لبسات حوايجها ونزلات تبعاتو للطوموبيل...

فالدار عند الحاجة بحالهم مجمعين على طبلة الافطاار هاد المرة بلا غيثة ووبنتها..

الحاج عاقدهم :ماقالتش ليك فيين مشات ولا كيفاش؟

الحاجة عطاتو كاس دالقهوة : قاالت ليا مشات تشوف شي ديور ديال الكراا فداك التيليفون ومن تما تدفع شي وراق للخدمة مابقى علاين راجلها ويجي

الحاج: كيفاش هاد الكراا تاني وااش ناوين يرحلو هنا

الحاج : لا غير هي وراجل دياالها جايين فرنسا وفخدمتو وسيفطوه لكازا قالت ليك مابقاش هو قادر كل مرة يجي صباح هنا وفلييل يروح لوجدة بغاو يكريو هنا حتى يسالي شغلو ويجرعو لهيه..

الحاجة: ومااو هناا ديق عليها ولا شنو ااش خرجها تقلب بوحدها قلة الحيى ماقدرتيش تحبسيها

الحاجة : وكيفاش غنحبسها الحاج عندي شي كلام عليها بغات تمشي قلت ليها الله يعاونك دابا ترجع

الحاج : قوليها تشد لرض وتجلس حتى يجي الراجل ديالها وتشوف فين تمشي هي وياه جات بوحدها تجلس تاتمشي قلة الحيى كيفاش دار الكرا وهي بوحدها مراة ماكين حتى راجل عليها

الحاجة : ومالها ايلا بغات تكري الحاج عيب..

الحاج :العيب هو داار عمها عريضة وواسعة تكفيها وتكفي عشرة بحاالها علتش ماتجلسش فيها حتى يجي عندها راجلها وتمشي معاه..

الحاجة : صافي دابا نقولها ليه حتى تجي فطر فطر غادين تمشييو دابا تعزيو فداك السيد..

الحاج : نشووف محمد واش غيمشي..

محمد : غنمشي معاك دابا نشوفهم بالخف ونمشي لكلينييك..الواليدة غتمشي نرجعها معايا

الحاجة: لا غيير سيرو مرة اخرى ونمشي..

الحاج شاف فمحمد وغمزو كيضحكو : كيجاتك عرووستك الحاجة ههه

الحاجة قلبات شفايفها : بحالها بحال البنات اسي الحاج نشوفو حتى هي ااش غيخرج منها...

محمد : سبحان مبدل الاحوال..عاقل الحاج كلما نجبد ليها بنت السي عبد المتقي كتقول بنتي

الحاج : عمر مرت الولد ماتكون كيف البنت عند عكوزتها اولدي الحاج

الحاجة: لا يا ولدي...واراس بنادم ماتعرف اشنو فيه نخافك غير تزرب وتندم من بعد تا العقد قربتوه بزااف فلخر دالشهر ااش بقى لييه والو..فين غتسكنها بعدا ؟

محمد : لتحث..

الحاجة : وعلاش اللي ماتجلس هنا بحال مرتك لولا راه البييت خاوي عرييض وكبيير

محمد حتى دار لتحث عريضة وكافية بحال بحال...حتى تجي وتشوف فين بغات تكلس

الحاجة : ايوا لتحث دياالك كترتاح فيه وتجلس فيه وتصنت لعضاامك فيه ....ماتقول ليا لا هادي لا هاديك خليها تجلس هنا فين جلساات اللولة بعدا تبقى قدام عيناتاا..

محمد : يكون خيير الحاجة....الواليد نتحركو..

رشف اخر جغمة من الفطور وناض خرج والحاج حتى هو ناض تبع خلااو الحاجة كتقلي ووتقلى بالفقصة

الحاجة : سمعي اخدييجة سمعي باغي يدير ليها دارها بوحدها غيبير بالفن ها اللي خفت منو هاني ولييت فييه...

حطات الكاس من ايديها حتى كان غيتهرس وشدات حناكها طريق تديها وطريق تجييبها ماحساتش بالوقت حتى جات غييثة جلسات قدامها وكيف قال الحاج قالت ليها..

غيثة : راه غير راجلي قرب يجي بغييت نوجد ليه فين يجي هو اللي قال ليا نشوف شي دار زويينة بانت ليا وحدة فسونطر فيل واخا غالية شوية ماشي مشكل زويينة..

الحاجة : انا غير قلت اشنو قال ليا عمك جلسي ابنتي دابا ديك دار عربني فينا وجلسي هنا يجي رااجلك وسيري را عمك هكا داير عارفك براانية على المدينة ماكتعرفي تاقنت كلسي معانا حتى يجي

غيثة : تقلت علييكم الحاجة سمحي ليا الحبييبة لانكوون عصبت الحاج ولا قلقتو عليا

الحاجة : ماكين باس ماتبقايش غير تخرجي هكا بلا خبارو حتى يجي غير راجلك ابنتي وديك ساعة ماليه كلام علييك غيجيك هو شوية كيلا معقد وليني راه نفسوو هناا ماكيبغيش اللي يطلق لسانو على دارو..

غيثة : عنداك يتقلق علياا تئ حتى بنتي صونات ليا فهاد السيمانة باغة تجي وكتسول على الدار حتى هي تقولي بحال محمد حدودية وحشومية ايلا عرفات عندي ناس تدخل للبيت ماتبقاش تخرج..

الحاجة : خليها تجي غير نشوفوها ههه تبارك الله قلتي ليا عندها هاد العام هو لخر غتخرج تخدم حتى هي..

غيثة : ايلا كتاب انشاء الله...

الحاجة : الله يساهل عليها والله يكمل عليها خليها تجي غير نشوفها هههه

غيثة : دابا تجي ههه...وحتى جدي صونى ليا هاد الصباح لقاني خرجت نقلب على دار تعصصب عليا غسل ليا ودني بالمعقوول..قاليا حتى يجي راجلك جلسي تما ولا رجعي..

الحاجة : عاودتي لييه على خطبة محمد ولدي

غيثة : اشنو فيها قلت لييه خطبتو لييه لبارح

الحاجة : اها وشنو تاني

غيثة : ايوا وعاودت لييه شوية على العروسة وصاافي

الحاجة: قلتي لييه مطلقة وعندها بنت ؟

غيثة : والله الحاجة تقولي كان عالم عليها هو اللي سولني وانا مانقدرش نكدب علييه حيت يوصلو لخبار يوصلو قلتها لييه و وراك عارفاه ماعجبوش الحال باغي يجي..

الحاجة : الله ياربي ابنيتي وااش دا لييك ولدي علاش تقوليها لييه...كون غير ماعودتيش ليه عليه..

غيثة : ماتخافيش الحاجة راه حفييدو واخا يعايرو ويغوت عليه مايفوتوش

الحاجة : ماكتعرفييش هاداك اللي عندي فين يبان شي جدو ايلا ماحتارموش وقلل منو والله مايعقل عليه غيولي كلمة بكلمة هو وياه حتى نولي غادين بيه للسبيطار وولدي هضرتو قاصحة ماكيعرف لا جدي لا غيرو...مرتو علاش طلقها نهار قالت ليه ماشي راجل ورمات عليا الباطل من سبيطار سيفطها لدار القاضي

غيثة مارداتش لبال لكلامها : ايوا عيب العيوب تاني جدو بالتيقار علييه

تنهداات الحاجة قالبة وجهها عليها كتخمم شادة على حناكها وغيثة كتهضر فوق راسها ماسكتاتش وكل كلامها محورو كيضور على الجد وصعوبيتو زادت كملات على الحاجة والخوف من الجد كبر فقلبها...

قدام الداار وقف الطاكسي الحمر ونزلات اسماء هازة كارطابل دبنتها ونزلاتها موراها فايديها هازة السقاطة كتاكل وتمسح واسماء كتقلب على سوارت فبزطامها وايديها عامرين بصاشيات واضح يلاه مقدية حلات البااب ودخلات سلمات عليهم م٠موعين ومشات للبيت نيشان لقات كنزة متكية فوق السريير عاطية بالضهر وطافية علييها الضو....خطات الصاشيات وقربات عندها

اسماء : فيين عماد مشى ؟؟ كنزة

كنزة : مشى صباح...

اسماء :ويلي ماشديتيهش حتى يتغدا حشومة..

كنزة : قالتها لييه ماما مابغاش يجلس..

تلفتات عندها نايضة جالسة واسماء حيدات جلابتها حتى جوت عينيها فعيون كنزة خمرين والماسكار سايحة مع الجناب عقداات حجباانها باستغرااب

اسماء : مالكي دابزتو تاني ؟

كنزة : لا

اسمتء :كنتو عند طبيبة قالت قلتي ليا مشيتو تعطيك شي حاجة تسهل علييك داكشي ياكما قالت ليكم شي حاجة ماشي هي هاديك...

كنزة : ماعطاتني والو قالت ليا داكشي طبيعي وغير نفسية ديالك اللي مأثرة عليا...

جلسات جنبها كترجع ليها شعرها لور بحنية..

اسماء : ايواا ومالكي كتبكي ااش فيها عادي دابا يولي هادشي غير تعاويد واش عماد ماعجبوش الحال ولا شنو ؟؟

بعد صمت تلفتاات عندها بجدية..

كنزة : قالت ليا شاكة فالحمل ...قالت ليا نقدر نكون حاملة وانا ماداايرا واالو منين غيجي هاد الحمل..

طولات فيها اسماء الشوفة بدون ردة فعل لحضاات وهي غير كتشوف بلاما ترمش مامصدقاش ومافاهمااش.. حتى ميلات رااسها ..

اسماء : شحال قالت ليك من امتى زعما..

كنزة : مامتآكداااش واش كاين اصلا حيت ماباينش ولكن شاكة فيه

اسماء : عادي زعما ماشي ضروري حتى تكوني درتي كلشي عاد تحملي يمكن يكون سطحي

كنزة : مادرت معاه والوو ا اسماا ماتقوليش ليا سطحي ولا مطحي حتى نتي مادرت واالو منين جا هاد الحمل...

اسماء : و عماد اشنو كيقول فهادشي

كنزة : رجع لاكادير فهمي من عندك ااش بان ليه..غير وصلني هنا ومشى..

اسماء : على غفلة بسييف صعييبة...دابا ماتبقايش تخممي قالت ليك غير شاكة ماشي متأكدة ماتسبقييش الاحداث..

كنزة : مابغاااش الولااد داباا ايلا كان غنحيدو واش انا مزال عاد قلت بسم الله غنولي جارة واحد ولا وحدة مورااياا مابغيت لا ولاد لا جوج انا باقة ماتيقتش رااسي صافي راه تزوجت وعندي داري مع راجلي نزييد بالكرش والهم والمسؤولية (دمعو عينيها وقلبات وجهها )فيين كان مخبي ليا هادشي كون غير درت ش دنب نقول كنتخلص عليييه..

اسماء : شكون كيكره الولاد اكنزة تولي عندك شي ثمرة زويينة بحاالهم راه غير غتشوفو عينييه ولا عويناااتها والله العضيم ماتبقى تهمك شي حاجة من غيرو خاصة مع شي حد نتي باغاه وعماد غير تصدم كيفك ماشي ساهلة علييه سيمانة باش تزوجتو طلعي حاملة والاهم مزال مادرتو حتى حاجة ولكن هادشي كيوقع وايلا جا فهاد الوقت راه نعمة من عند الله عطاها ليك وعارفك شي وقت غتحتاجيها قولي الحمد الله كاين اللي كيتمناهم مسكين ومالاقييهمش..حمدي الله على نعمة الولااد ماكينش بحاالهم فاادنيا ماكيدبش عليك شي حد..

مارداتش عليها كنزة وهي تنهداات ماعرفات مادير حتى هي مصدوظة ومدهوشة كييفها...

من داك اليوم مابقااتش سلمات مع عماد ماكتصونيش ليه هي ولكن هو فكل نهار كان كيصوني يسول على احولها ويقطع واخا كانت عوالة ترجع الغد لييه عندو ولكن بحكم انه مارجعش قال لبها اجي بقات مع اسماء حتى دوزات سيمانة عاد جا ليها هو بنفسو داها ومشى واسماء بقات غارقة مع التحضريات غير هي والحاجة و العقد كيقررب والتوتر والخوف من الخطأ كيكبر...كل نهار هي والجاجة شادين طريق للقيصارية يتقداو شي حاجة اسماء جبدان المليون دالدهب اللي كانت خازنة خسرات نصها على الحوايج والبرودويات اللي غتدي معاها كسات رااسها من اول وجدييد وكسات تسنييم حتى هي كاع اللباس اللي عندها حيدات نصهم وشرات ليها وحديين جدااد والحاجة مها حتى هي مرة مرة تاخد ليها شي حاجة وتفرحها بيها..واخا مشغولة مع التحضيراات بالها مكاانش هاني مع كنزة ترخات على الرقية الشرعية اللي لازم مزال تبعها وفرطاات فصلاتها والادعية اللي موصيهم عليها الحاج...لكن فالايام الاخيييرة بان تآثير الرخية دياالها ومابقاتش حاسة على راسها هي هاديك لحسن الحظ جاو عماتها للدار واقفين مع الحاجة رخات عليهم كلشي وبداات مقابلة رااسها

فحين محمد مع اقتراب العقد جاب البناي اللي خدم ليه فالفيرما عجباتو خدمتو المتقونة ويتفنن فيها وطلع ليه الصور كيف تخيالو...جابو للدار لتحت فرق البييت ديالو اللي كان كبيير فيه حمام ودريسينغ وفين كينعس ويجلس قسمو على جوج غرفة نقص منو الدريسينغ وغرفة الجلاس خلا فيه غير الحمام والسريير والنص تاني فنهار واحد تصلح وتصبغ باللون الزهري على حسب تسنييم والغد ليه جاب ليه مصمم زينو على عمرها ناموسية صغييرة على قدها وردية متوسطة البيت الصغيير وبيرو حتى هو بالكرسي دياالو موقف علييه بولة طوييلة والماريو فالجنب قد البيرو وطابية فلرض بيضة دريش بحال الخديات والحيوط تزينو بروسمات والعاب على قد سنها...

اما الحاجة ملي تآكداات آنو غيسكن اسماء لتحت وماشي معاهاا طلقات رجليها شوية على الجلااس عندو تما وولات كل صباح كتجي تجلس حتى توثلصل وقيتة دالغدا وتطلع وتخلي دنيا مرونة تما باش ترجع عشية يجمعوها ويجلسو وحتى كحمد عايق بيها مابغاش يخسر ليها وخلاها على خاطرها ولكن غير كيدخل هو كتطلع فحاالها لفوق عارفاه كيجي ليه باس يرتاح وملي كيبغي يهضر معاها راه كيطلع عندها...

يوم العقد غااادي وكيقرب حتى بقاات ليه اياك قليييلة جات كنزة من اكايير مرة اخرى هي وعكوزتها تلقات ليها تسنيم فالبااب تحنات بااستفهام بلاما تهزها ودخلاات كتسول على اسماء قالت ليها الحاجة فالبيت ودخلان عندها لقاتها وسط المانطة متكييية حممررة وخدودها مزنكيين وجهخا شااحب وباين فيها المرض...

تحنات عندها دوزات ايديها على حبينها ..

كنزة : العكس والله العضيم ايلا العكس كيبقيتي شويا...

اسماء بصوت خافت هادئ : شوية غير ماما كتخلعكم فيا غيرالتبوريشة دابا شوية و تفوتني..

كنزة : سخوونة بزاااف

اسماء : كنحس برااسي غنموت بالسخانة رااسي غيطرطق علياا وداتي كلها كتحرقني وداك الدوا مداار ليا حتى حاجة غير كيهلك ليا فالمعدة..

كنزة :عيطتو على الجاج لايكون من داكشي اللي كان فييك غير تسولوه..

اسماء : لا لاا ماشي داكشي غير مرضت عادي يمكن حيت دوشت داك نهار ف البرد وصافي مانقولي لماما والو غتخلع وتقزلها لباابا..

كنزة : سخونة بزاف ا اسمتء ويلي واش غتبقااي هكا يلاه تمشي للكلينيك غير يدكو ليك شي شوكة ولا شي حاجة تنزلها لييك شوية راك سخونة بزاف وماشي شي سخانة عادية....

اسماء : داباا تنزل هانتي غتشوفي كنولي سخونة حتى تقولي غندوب وكنرجع كيف كنت عادي....

كنزة : كيفاش واش هكا كيوقع لييك..

اسماء : ااه كنكون بخيير راه غير قبيلة كنت واقفة عادي حتى قربتو تجييو وهي تشديني تااني غتمشي دااباا بحالا كتطلع وتنزل...(تبسماات)مزياان اللي جيتي كنت خايفة ماتجيش تكملي معايا ماما داخت وعماتي داخو معاها

ضحكات كنزة بحاالها وعنقااتها متيكة عندها..

كنزة توحشتكم والله العضيم كنقيل بوحدي فالدار و هو نهار كلو فالخدمة طلع ليا زعاف وملييت

اسماء : غنعادييك ههه رجعي لور

كنزة ناضت : غير عاديني نعس حتى انا حدااك

اسناء : عزيزي تفش شويا ولاا باقي هاز شوكة

كنزة باستهزاء ضحكات : اسماء راه كيقولك نهار كتروحي لدار راجلك وكتقولو بسم الله فالحياة الزوجية كيمشي الحب داك اللي كان من قبل...انا راه كاشفتو لا قبل الزواج لا بعد الزواج هه...خليني علييك انا من بعد قولي ليا مادويتيش مع الحاجة لا مع الحاج لا مع عزييزي السمتقبليي..

اسماء : الحاجة كندوي معاها كل نهار تقريبا ههه يسجابليها بصح باغة ندير العرس قلت ليها غنديرو غير لامة فيها غير العائلة القريبة وصاافي..

كنزة : اهاه

اسماء : واحد نهار عيطات ليا قالت ليا واش عندك كونط فابنك قلت ليها لا صافي هي فاش الغد ليه جات صيفط ليا معاها محمد واحد الجوا انا متعرفتش اشنو فيه ولكن باينة فلوس مابغييتش نشدوو واخا حلفااات علياا قال ليها باش يعاونو شوية فاللامة وباش تاخد اللي خاصها مابغيتش ناخدو وخداتو ماما راك عارفاها مكتضيعش الهمزة..

كنزة : ماشي مشكل حتى نتي تقرييبا راك وليتي لييه ومابقى والو وتولي محسوبة علييه راه قالك ليك بطريقة غير مبااشرة وجدي لييه راسك وصافي هههه..انشوفو اللي ماكتخافش ااش غديري فديك ليلة عنداك غير تجي تقولي ليا كنزة قااليا نشعلو ضو وانا حشمت منو...

كحاات اسماء مخلطة ليها الكحبة والضحككة بقات مجمعة هي وكنزة حتى بدات كتنزل ليها شووية السخاانة وناضت مزييرة على رااسها محاولة تنوض من الفرااش توريها اشنو تقدااات...

فحين فالدار كان محمد يلاه خارج من البييت فالدار لتحث كيضور السوارت بين ايدييه ويقاد فكول المونطو غادي لكلينيك راجع لخدمتو حتى سمع الصونييت فالباال وهي تطل خديجة كتجري وقفها بايديها بلاما تنزل تعدب وهو حدا البااب وقررب حلو..

مع ضور البوااني وحلوو وهو يعقد جباانو باستغراااب... فاسرااء اللي كانت واقفة قدامو بلباسها المحتشم شادة صاك بين صبااعها وفجنبها ختها واقفة حداها...

وسع الباب كثر وميل رااسو باستفهام معلي حجبانو وقبل مايهضر ولا يقول شي كلمة تكلمات ختها وشاف لعندها..

_السلاام عليكم محمد صافا ؟ ا اسراء جات بغات تشوف الحاجة ايلا كان ممكن...

تلفت شاف فاسرااء وهي علات فبيه عينييها بتردد كتشتت نضرها

اسراء : خديت رونديفو معاك فالكلينيك على اساس غير نعلمك بلي غنجي عندها ولكن رانيا عطلاتو عليا كيف تخايلت ايلا ممكن نشوفها غير خمسة د الدقاايق..

طول فيها شوفة بدون ردة فعل باينة على زجهو مكيباانش واش معصب ولا مهدن ولا اشنو بييه وهي كتسنى بارتباك من جوااابو حتى ضناتو غيرفض اسوء السينااريهات طاحو فبالها فهاد اللحضة لكن هو حرك راسو بايجاب وبتتاااقل

محمد : مرحباا ااش حب الخاطر نقدر نعرف ؟ كاين شي مشكل

الاخت : مكاين حتى مشكل اخويا بغات غي تطلب منها السماحة من نهار مشات وهي مامرتاحاش وحاسة براسها ضالماها وجات تطلب منها السمااحة على الاقل يرتاح قلها..

محمد : المسامح كريم والحاجة نسات ماديريش فباالك سوء تفاهم وقع وحليناه(وسع الباب اكثر ييعني سامح لعم بظخلوو ) مرحبا...الفوق طلعي عندها..

زادت خطوة القداام دخلاات كتشوف مع دار وقلبها كيضرب بجههد رجليها مابقااوش هازيينها وعينيها لمعو وهي كتشوف مع اطرااف هاد الدار اللي كل ركن عندها فيه دكرة ولو انها ماعاشتش فيه بزااف ولكن غير اسبوع كان كافي يترسخ فداكرتها خديجة غير شاافتها دخلاات شهقاات بصمت ودخلات كتجري قالتها للحاجة واسراء وختها وقفو حتى سد محمد البااب وسبقهم طاالع قدامو وهوما موراه عارفة ادبها وملزوم عليها ماتسبقوش فالدروج وهو اللي يسبق لول..

الحاجة لدااخل غير ساقت الخبار ناضت كتشوف فغيثة كلها كترجف وتشطح بالخلعة مابغاهاش تشوفها ولكن ملي دخل عليهم محمد جلساات فبلااصتها حاسة بلي فاات الفوت حتى بانت ليها اسراء موراه داخلة حادرة رااسها وختها جنبهاا رمات السلااام ودخلاات سلمات على الحاجة هي لولا وهي باستغرااب ماقدراتش حتى تهز ايديها مصدومة ومدهوشة فيها وعلى هاد الحشمة والصواب اللي نزل عليها ودازت سلمات على غيثة حتى هي من الخد الخد..

محمد : اسراء جات تشوفك الحاجة...

سكتات الحاجة مارجعاتش شافت فيها قلبات وجهها واسراء فربات عندها بصوت رجفان وضعيف باغة تبكي..

اسراء : س سمحي ليا ايلا ق قللت منك ولا رميت عليك البااطل ماعرفتش شكون اللي غالط وشكون سباابي حتى مشى لي ولدي ولكن كنضن اني غلطت فيك الحاجة ونتي مابغيني ليا غيرا لخير انا تسرعت وحكمت علييك سمحي لياا ايلاقلت ليك شي كلمة ضرااتك ولاا عليت علييك صوتي..

حطات صبعها تحث نيفها حابسة شهقتها وشافت فلمياء باش يمشييو هاد الاخييرة اللي غمزاتها تبوس على راسها وهي شافت فمحمد خطفات فيه شووفة ورجعاات بهدوء تحناات على الحاجة باست على رااسها خلاتها مطرطقة عينييها بدهشة وتقادت فالوقفة مسحات جفن عيونها كن دموع

اسراء : ليماء يلاه نمشييو..

غيثة ناضت عندها : بلااتي آحبييبة جلسي بلاتي شكون هاد البنية الحاجة خديجة اري ليها كاس دلماا..جلسي

اسراء : لاا غنمشي غير خليني ديجا معطلة..

غؤثة : غير جلسي ترتااحي شوية ماكتبانيش ليا نوغمال اجي جلسي..

جراتها بهدوء جلساتها جنب الحاجة كتبكي والحاجة تلفتات عندها قارنة حجبانها بقات فبهاا وحنات عليها شافت فيها مطولة واسرااء كتبكي محبوسة فيها النفس حتى هزات ايديها وطبطبات على ضهرها..

الحاجة : ماكاين باي ابنيتي مكاين باس المسامح كرييم..

اسراء : سمحو لياا بزاف والله العضييم ماكنتش حاسة براسي اشنو كنقول قللت منكم كاملين حاصة نتي ومحمد (شافت فيه)سمح لي ايلاا طيحت من قيمتك ولاا هنتك قدام لافامي سمحلي بزااف عدرني ماكنتش هي هادييك كلشي كان كحل فعينيا وتلفت مابقيت عارفة الصح من الكدوب

خرج ايديه من جيابو وحرك رااسو بايجاب بتتاااقل

محمد : مكااين باس الله غفور رحيم الله يسامح مرة اخرى وعاي على راسك وعرفي اش كتقولي فلحضة غضب كيتعمى الانساان وماكيبقاش عارف اشنو كيخرج على لسانو حتى كيغلط فاللي قدامو بلاما يحس والورقة ايلا تكمشات ماترجعش كي كانت ماتبكييش داباا ماقلنا حتى حاجة الحاجة نسات نتي غلطتي وحتى هي غلطات الله يعفو..

الحاجة : المساامح كريم مكاين باس وحتى نتي سمحي لينا ايلاا غلطنا فحق بلاما نعلمو عليه ..

اسراء : بالعكس ماشفت منك غير الخير انا اللي غلطت معااكم وطولت لساني علييك...مكاينش الحاج نطلب منو السمااحة عفاك ايلا كان ممكن !

محمد : اعتابريها وصلاتو الله يسامح نخليكم خودو راحتكم...السلام عليكم..

عطااهم بالهضر بخطوات متززنة ومشى مخليهم كيشوفو موراااه وغيثة عاد حلا ليها الكلاام وقالت كطبطب على اسرااء ..

غيثة : شربي ابنتي شربي شكون هادالبنت الحاج شوية داباا ؟

اسراء : شكراا

الحاجة : مرت ولدي لولاا..

غيثثة : بصح ؟؟؟

اسراء : ولكن دابا طلقنا...

غيثة : خسارة ليناا ولعائيلتناا يخسر بنية غزاالة بحاالك انا بنت عمو تشرفت بييك مااتبكييش احبيبة المسامح كرييم شكون اللي ماكيغلطش انا ماعرفتش اساس المشكل ولكن باينة فيك مأدبة ومتخلقة وبنت الناس غير ساعة غضب والشيطان كيحضر..

الحاجة : اري اخدييجة ديك صيينية

اسراء : لا لا غنمشييو والله معطلة

الحاجة : جلسي معاناا غير شربي كاس داتاي وسيري جلسي حلسي ماتجييش تالهنا وماشتشربييهش معانا

غيثة :جلسي احبييبة ارتاحي شوية وسيري..

تبسماات اسراء كتشوف فيهم وتشوف فختها اللي كتحرك رااسها برضى جابت ليهم خديجة الصينية بالسربييس دياالها ومقبلااتها والحاجة غير ساكتة وكتسمع ومرة مرة تبسم ماجبداتش كلام الزوااج بخطرة وحتى غيثة ماجبداتوش وهادشي اللي صدم الحاجة فيهاا عطاو لاسرااء صوابها وهضرو معاهاا مدة قصيرة وناضت مشات هي وختها وغيثة بقات مبسمة كشتوف..

غيثة : والله ايلا كيف عاودو لجدي تبارك الله الاداب والصواب والثقافة هادي هي مرت الولدالحاجة خسارة خساارة ضاعت من عائلتنا كون شافها جدي مايخليهاش تمشي من بين ايدينا..

صباح الغد لييه دخلات اسمااء للصاالون كتشووف معاه ماشي نفس الصالون اللي كيجييو لييه بعبااية خلييجية وااسعة بالحزاام جامعة شعرها لور ولايحة علييه شاال ونضااصر على عيميها وكلينيكس فايديها غير دخلات جلسات سخفاانة كتنهج وتشوف مبسمة نزلات نضاضر حتى بانو عينيها مبسميين بتعب وخدودها حمريين ونيفها حمر بالسخانة وكنزة دخلات موراها شادة تسنيم فايديهاا رمات السلام على الناس اللي تما وجلسات حنبها..

اسماء : جينا بكري رونديفو باقي بعييد

كنزة : صبري شوية وداباا يبداو بيك نتي لولا..كي كتحسي شوية دابا

اسماء :لا لا شوية هاد صباح حييت براسي مزياان غير شوية القريص فلحمي داباا يمشي..صالون غزاال عنداك يكون غالي هادو راه كيحسبو عليك ما وضو وكلشي...

كنزة : ماتخمييس اصحبتي شحال كتهزي فداك الرااس غيير شوفي ااش بغيتي ديجا دومونديت ليك على سوان دفيزااج كامل وديري بروتيين لشعرك من هنا للعقد تمشي ديك القشرة اللي كتكون موراه ولاسير ماشي دابا تاتبغي تمشي لحماام يااك

اسماء : ااه صافي غديري حتى نتي معايا؟

كنزة : ااه نشوف شنو غنديير ندخلك غير متي ونشوف انا شوفي بغيت نصبغ شعري تلفت هاد صباح مابين هاد جوج طلي معاياا..(جبدات تتيلي كتوريها)عرفتي ماكنتش باغة نصبغو ولكن ملي قلتو ليا مابقيتوش دايرين العقد فالداار وعارضين على الناس قلت والله حتى نبااان هههه

اسماء : الحاجة قالت نديرو فداري عندهم لهيه زعما وماما قالت لا عقد بنتي نديرو فداري اناا ايوا بقاو مني منك حتى ناض محمد قال ليهم لا هنا لا لهييه غنديروه فقاعة مستقلة ونهنييو كلشي..

كنزة :حسن كاع دارنا صغييرة فين غتجيب ناس وغير بسعد الرويينة القاعة حسن روينتهم تبقى عندهم

اسماء :حتى دار محمد كبييرة تقولي جوج ديور مقسومين على جوج ولكن مفنوحين على بعضياانهم..عرفتي كيدايراا بحال شي قصر صغييييرة دوك القصوور اللي كيكون الدروج ديالو عرييض وكبير جاي فوسط الدار بحال هكااك عندهم دروج وسط الدار كيطلع للفوق والفوق مقسوم على جوج جيهات جيهة فيها الكوزينة وجنبها الحماام وجيهة لاخرا فيها البيوتة ماعرفتش كاع شحال عاد لتحتي كاامل ديال محممد

كنزة : نتي غتجلس يمع محمد لتحث بحالا دارك بوحدك تقرييباا

اسماء جمعات حجبانعا: لاا على الله مايقولش ليا نجلس بوحدي هو راه نهار كلو وهو فالكلينييك وانا باغة نجلس مع الحاجة وخديجة ماكنحملش نجلس بوحدي..

كنزة : حتى اناا واحد الايلامات غير كيخرج عماد هههه كنطير للطوموبيلتو نمشي عند عكوزتي ولويساتي هههه ماكيجي فين يصوني لياا تاتشدو مو ماكتخلي ليه فين يهضر الجموع زوين اختي وكيونس هههه

اسماء :الله يهديكم حتى نتوما مزاال جدااد ودايرين هااد الحاالة

كنزة تنهداات بحيرة وحزن فعيونعا :مابقييتش كنعرفو اختي تبدل علياا بزاف مافهمتش ماالو قبل زواج شفتي اشنو كان داااير تقولي غاير انا بوحدي اللي كاينة فالدنياا حتى تزوجنا ملي ماقدرت ندوزو ليلة الدخلة كيف بغاهاا ساايس معاياا واخا سمع داكشي عند الطبييبة وبلي نقدر نكون حاملة وبقى مسايس معايا وكيقلب علياا وجهو مرة مرة غير قدا غرااضو صاافي و وصل لاشنو بغى قلب عليااا بمرة من ليل ل ليل عاد كيتفكرني..

اسماء :ايوا جلسي معاه على الطبلة وقولي ليه اولد ناس مالك معايا...العيب والحشومة هي اللي تسكتي على انشو ضرك ماتبقاوش شد ليا نقطع ليييك بالحوار بشوياا بشويا تفاهمو

كنزة : غير يبقى بتسنى تما كيتسناني انا نمشي نهضر معاه ونفشوو خليك حتى يتفش على خااطرو مازرباناش وموااقفااش علييه انا بحالا انا اللي حملت راسي راه غلطت واصلا مزال مامتآكدش..مكن واالو هو حكم ودارني حملت وماعجبوش الحال ولا مانعرف

اسماء : واش بصح نيت ماعجبوش الحاال ولا غبر نتي بان ليك هكاك

كنزة : ماعرفتتش مهم قلت لييك نهار خرجنا من عند الكبييبة تقولي هزيتي واحد وحطيتي لاخر وصلني قدام الداار فرمشة لاكادير مقالش ليارحتى بسلامة ابنت ناس..

قاطع كلامهم واحد كيغوت بكنزة وهي نوضاات اسماء مشاات معااه وبقات جالسة كتنسى نووبتهاا فحين اسماء لدااخل بداو ليها بوجهها سوان دفيزااج كاااامل وعميق رجعو ليها كيشعل ورطب من ديال لي بيبي شافت فيه وعحبهاا الحااال بضحكة قالت

اسماء :كدييرو اختي توريد الشفاايف

_انا دايراااه ههه وحتى فلخدود كااين فينما بغيتي كاين غير امري

اسماء : بصح ااحنااك حتى هوما مكيجييش معيق ؟؟

_نتي خدوودك حمار من عند الله تبارك الله باغة تزيدي تحمرييهم ههه

اسماء : لا راه غير عيانة وشوية مع سخاانة طالعااني داكشي بااش ههه ايلا بغيت ندييرو ؟

_وي مرحبا مي احسن حنى تولي شوية نشوف لون بشرتك الحقيقي باش نعرف اشمن نوع ندير لييك

اسماء :لا لا واخا كيحمارو ماشي بالشكل اللي بغييت

_شوفي احبيبة نتي اخت كليانة عزييزة عندنا وومابغييتش ندير ليك شي حاجة اللي ناتعجبكش من بعد وتندمي عليهاا..نتي بيضة وخدودك طبيعيا كيتوردو وايلا درتي توردي الخدود غيبانو معيقيين احسن خليك ناتيغييل مي شنايفك مرحباا غيجيو غزاالين ديحا عندك منفووخين ناتيغيل ياك ؟

اسماء مبسمة: ااه

_غيجيوك غزاالين

اسماء :صاافي اللي بان لييك..

دارت التوريدلشفايفها حمراتهم بكشل كيبان طبيعي وناضت وراتهم لكنزة هاد المرة عجبوها وقررات دير بحالها خرجات لبراا فين غدير بروتين لشعرها ياش يبقى ماس وحريري بلاما تحتاح تقادو بسوشواار كل مرة...سوايع طوال وهوماوفللصاالون يقادو من هنا ومن لهيييه ومشاو للدار...

الايام كيتعااودو عندهم اللي داروه ليوم مايعادوهش ادا بالتحضيييرات والتوجاد ل ليلة العقد ماشي غير عندهم حتى الحاجة ومحمد والحاج غير قربات ليلة العقد المقررة تندار بالليل طبعا بيوم الجمعة الليلة الكبير عند محمد واليوم المفضل فاسبوعو... وجدو القاعة الكبيرة اللي كانت مقسومة على جوج جيهة اللي غيجلسو فيها العيالات وجيهة للرجال...

بالنهار وبالضبط فالدار الحاجة جمييع عمات اسمااء بولادهم وبنااتهم كانو فالدار وخوالااتها حتى هوما بما انا القاعة شافوها كبييرة و واسعة عرضات على البعيد والقرييب غير العائلة بوحدها كببييرة كلهم كيسولو على درااري هشام وصلاح ولكن الحاجة هربانة لييهم فكلمة وحدة نسافربن على قبل الخدمة ماكتخلي ليهم فين يهضرو.. جابو اللعابات بنهار فالصالة مجموعين عليهم كيشطو ويغنيبيو فرحانيين بيها وهي مادة ايديها للنقااشة كتحني ليها والحاجة ام محمد تحنات عندها سلمات عليهاا وهمسات فودنها بخفت ماتقويش الحنة ماكيبغييهاش محمد..واسماء وصات النقاشة دير ليها غير الفاال...كانت حتى هي جات عندهم هي وخديجة ما غيثة بقات مع بنتها اللي جات ليلة قبل العقد مابغاش تخرج ليها جلسات معاها فالدار...كيف العادة ولفات الحاجة على استقبالهم ليها بلا خطبة بلا عقد ديما معزتها كتباان فحركاتهم معااهاا من داك النهار مابقاتش شافت لا اسراء ماسمعاات سيرتها....ماكملاتهدش معاهم العشية غي طلات طلة خفييفة ومشاات لدارهاا فين تشوفهم فين وصلو وتعاونهم فاللي كان واخا محمد مامخليهمش يخممو لحتى حااجة..

ليلة العقد جميع العائلة مشات للقاعة بقات غير اسماء وختها والحاجة وعبد المتقي وهو عماتها مقربات كيخرجو معاها لبااسها اللي غتدي معاها واسماء الفووق ماسخااياش بدارهم بحالا عمرها تزوجات كتودع ركن بكن حيت من القاعة غتمشي لدار رااجلها...نزلوها بالبكى شادة فايد عبد المتقي اللي ماقادرش يحبس دموعو خلاهم كينظلو قداامهم مابقاتش عندو القدرة يحبسهم اكثر وتسنيم غتحماق بالفرحة ملي عرفات غتمشي عند محمد ف فمها غير اللعبة فالبلاي..

طلعات اسماء لور شادة فايد عبد المتقي والحاجة القدام وبنت عمتها صايقة بيهم للقاعة و ورااهم طوموبيل دوحدة من عماتها جمعات فيها كلشي بقات غبر كنزة وعكوزتها و واحد جوج لوايساتها طلعو مع عماد لور وكنزة متكية على كتف عكوزتها كتبكي بصمت وتمسح فدموعها وعماد القدام صايق مرة مرة كيلوح عينيه عندها...حتى باانت ليه كتجمع فحجبااها سادة على فمهاا تلفت شاف عندها ورجع كمل كيصوق حاضي معاها حتى بدات كتحرك ليه يوقف جنب وهو دار سينيال وضور لفولون جنب الطرييق وقف وهي حلات البااب دغياا نزلاات جامعة القفطان بايديها كترجع كاع اللي فكرشها وهو نزل دغيا تبعها كيضور بيها من هنا ولهييه ويوسل مترجم خوفو للغوات وعكوزتها شدات ليها شعرها...

عماد :اااش كلاااات ؟ فيينك كنتو تااولااات فهااد الحتلة

العكوزة : ماكلات والوو من صبح الله وهي قدام عيني ماحطات حتى حاجة ف فمهاا من غير شي شكلاط جابتو معاها جيب ليها غير المما جيب

مشى كيطيير جاب ليها قرعة المت وعطاهاكتشرب وكيغسل ليها فوجها حتى ارتااحت وتكى رااسها على كتاافو فشلانة كيشوف فمو عاقد حجلاانو

عماد : طلعيي طلعي صاافي نرجعو للداار ماغنكملش بيها طرييق وهي هكاا طلعي

كنزة : لااا لا نمشي عرس ختي

عماد : ااشمن عرس وااش شفتي حاالتك فين غتمشي

كنزة : غير خلينيي دخت كتوقع ليا ديما خليني نمشي..

العكوزة : يمكن حيت جلسات لور تقلبات ليها معدتها وزايدة كتبكي لا اله ايلا الله

تنههد مطوول ورجع عطاها تشرب ومسح ليها وجهها والمكياج نصو طار عاد داها جلسات حداه هاد المرة القداام وهوما لور وزاد كمل الطريق وهي حاسة براسها كل مرة محتاجة ترجع واخا مابقى ليها ماترجع غمضات عينيها ونعساات على الزاج حتى وصلوو لللقااعة بلاصة الطوموبييل فواحد القنت وقال ليهم يمشيو حتى يفيقها ووتبعهم..مشاو هوما وهو تحدر عندها كيحركها بشويا حتى حلات فييه عينيها

كنزة : وصلناا ؟؟

عماد : ممم عيااانة بزااف !

كنزة : لاالاا معيااشناش مانرحعش للدار

عماد :مانرجعكش يا هاد البنت نمشي نجيب ليك شي حاجة تفييقك ؟

كنزة : لا شوية دابا ارتااحييت فاش نعست ..

حرك رااسو وهي كتشوف فييه كتسناه يقول شي كلمة قبل مايمشي فحين هو حل الباب ونزل وحتى هي تبعاتو شارت لجيهتو

عماد : مهم انا غنمشي دابا ايلا حتاجيتي شي حاجة صوني ليا نجي عندك

كنزة : صافي غتمشي ماغتحضرش قلتي لبابا غتبقى ؟

عماد : غنمشي عندهم ندخل جلس حدااك ولا شنو ؟

شااافت فييه مطولة بعيون حزبينة كتنفس بزز حاسة براسها مزييرة بااغة تبكي وهو حدر رااسو جت ماشي حتى جرااتو من درااعو مزيييرة رجعاتو على طوموبيييل كتبكي

كنزة : مااالك وليتيي هكا اعمااد مالك مابقيتيش كتفهم ليا اشنو كاين مااالك وليتي باارد هكاا كتعااملني بحاال خداامك معاك فالشركة اناا ماشي خداامة عندك بااش تعامليي بهاد الرسمية ماشي ختك ولااا صااابحتك بليييل تعيط ليا نسهر معااك وبنهاار تقلب وجهههك بحالاا عمرك عرفتينيي الزواج بييك عاهر عارف هادي ياك .... زواجك عاهر كيبان غير من لييل ليل...عاد كتبان ليك مرتك اناا مااااشي اللي غتجي كل ليلة تلااقاها كتسنااك تقضي فيها حاحتك وصبااح تقلب عليها وجهك بحال شي عاهرة مخلصها بورقة دالزواج

زيرها من دقنها بحدة..

عماد :عرفي ااش كتخرجي من ففمك ماكينش اللي خارج عليييك قد لسانك...

كنزة : لساااني ماكيمضااذ غيير فاللي ماكتعجبنييش نتا اكثر واحد عاارف قلبي على لسااني واللي مابغيتهااش كنقولها بلا حشمة صبببرت حتى عيت ليوم غدا كنقول غتراجع رااسك وتشووف اش كدير ليا ونتا ولا بغيتي تفهم ماالك ماكنتي هكا قبل الزواج ءء؟ علاااش كنتي كتعمالني بحاال شي امييرة بوحدي اللي كاينة فهاد الدنيا غير تزوجتي بيا وقضيتي غراضك وخديتي اللي بغيتي قلبتي وجهك واش يسحابليك انا وااقفة علييك نتااا غير نتا اللي كااين انا ماجيتش من داار واليديا مرتاحة بااش تعيشني فالهم والتخمام اعماااد

عماد بحدة بحالها: شووفي نتي اش كديري رااجعي حركااتك وراجعي نفسك

كنزة : اشنو درت ؟؟

عماد قلب وجهة : رااك عاارفة ااش كنقصد؟؟

كنزة : معاارفاش قول ليا نعرف حتى اناا شنو درت !!!

عماد : ماشي وقت الهضرة حتى للدار ونتفاهمو رجعي عند ختك دابا

فالداخل وبالضبط الوقت اللي نزلات فيه اسماء من طوموبيل مباشرة قدام قاعة العيالاات اللي كانت مخبية على الرجال دخلوها بالصلاة على النبي والثمر والحليييب وهي بقفطان بيض طوييل وشبكة طويلة نازلة عليها مغطياها كلها شادة فايد الحاجة مها كترحف وعينيها كيضورو تحت الشبكة بتورتر وارتيااك كبييرة مع الدخلة للقاعة ضربات فيها ريحة العود كيتفتح النفس وهزات عينيها كتشوف فالعيالات مضورين القاعة جالسين كيشوف فيها مبسميين وتسميات بدكر الله معلية على دخلتها غير مشاء الله تبارك الله اللي كتجي فودنييها..خداوها حتى جلسات فالمكان اللي موجدو ليها والحاجة ام اسكاء عند الباب وقفاات كتقلب على كنزة بعبنيها ملي شافت عكوزتها ولوايساتها جاو وهي مبانتش حتى وقفات عليها امح محمد..

الحاجة ام محمد : الحاجة يلاه نخرجو العروس واقيلا العدول علاين يوصلوو نديوها عند راجلها حتى يجييو..

الجاجة : واخا الحاجة على العدول هنا نيت هوما وصلو؟

الحاجة ام محمد : قرااب شوية وهوما هناا محمد راه فالصالة هو والحااج والفقييه وشي رجال من العدوول وهوما جايين فالطريق

الحاجة ام اسماء : لللي قلتو بسم الله صبري عليا نشوف غير ختها فبين مشاات

الحاجة : غي علمتك الحاجة توجديها على تيساع...

ضورات عينيها لحاجة كتقلب مبانتش ليها بخطرة حتى جات عندها عكووزة بنتهاا جدبات تيليفون كتصووني ليها فحين كنزة تيلي عندها فالصااك وهي شادة فعماد كلهاا مترحف بالغواات ماسمعاتوس كااع..

كنوة :عماااد ماااتفقصنييش براااكة صبرررت حتى عيييت ااشنو كاااين

تلفت عندهاا بحددة ماباغيش يعلي صوتو باش مايكلعوش بجوج ولكن هي ماخليااه يعلييه ولا حمر بالعصااب..

عماد : ماااعقلتييش اااش كتقولي ياااك... نسيتيي... كنقولييك لساانك اللي خارج علييك ماحاساش بيه اش كيخرح مننك واقفة عند طبييبة وكتسوليها على الاجهاض قدااامي مااخلتيش لياادقييقة نفرح بيها نهار عرفتك حاملة كتسوليها على الاجهاض كيفاش كيكون

كنزة كتفكر : نهار قالت ليا نقدر نكون حاامل ؟

عماد :نهار قالت ليكك غتكوني حاااملة كنتسناك تفرحي معااي اشنو درتي مشيتي تسوليها على الاجهاض شنو انا حدالك مونييكة مدايرااش ليا اعتبار ملي ماعطيتيكش قيمة دابا حسيتي بفعايلك واش انا حداااك مونييكة كتقولي ليها باغة ندير اجهاض بلاما تاحدي شوااري باغة تنزلي لييااا ولدي ؟

كنزة بعتاب كتبكي: علااش متقلتييهااش دييك سااعة

عماد : علااش غنقولها خليتي لياا فين نهضر كداكري مع طبييبة بحالا انا ماحداااكش ؟ شكون قالك كاع انا باغي نحيدو شكون اللي قالك لييك مابغييش الولاااد علااش فكرتي فرااسك بوحدك فكرتي فرااحتك وقررتي اللي باغة نتي اناا ماشي من حقي نعطي رأيي على ولدي؟

كنزة : كناا متافقين مانولدوش دابا قلت لييك شحال مت مرة ماكنفكرس نولد داباا والولاد عندي مشروع بعيييد مزال نفكر فييه ونتا واافقتي وقبلتي ماقلتييش ليا زربان عليهم

عماد : حتى دابا مزال فكلامي ومامكدبتش ولكن ملي كتابو وربي بغااهم لينا نجييو حنا ونزلوهم ونحيدو النعمة اللي تعطاتنا نقتلو روح باش نفكرو فمستقبلنا و رااحتنا هادشي اللي بغيتي نديير ؟

حدراات راسها كتغزز فشفاايفهت وتلعب بصباعها ودموعها شلاال مع خدودها كتشهق بصممت ..

عماد : ماضربناش لييهم الحساب نهار مشينا عندها تخاايلت كلشي ايلا تكوني حااملة فرحت علاش غنكدب عجبني الحاال فالدقيقة اللي علماتنا بييهم بدييت كنلحم بييه حتى صدمتيني باغة تنزلييه وقدامي كتسولي على الاجهاض ماقلتييش نشوف هااد السيد اللي معايا اش غيقوول على هاد الكلام

كنزة : وعلاش خلتيني ومشيتي لاكادير

عماد : خليتييك حتى تشوفي رااسك وتراجعي راسك ااش كديري ضنييتك غتفهمي فعاايلك بان لي غير كاكتزيدي فييه

كنزة : يسحاابليا مابغييتهمش كيفما انا ماابغيتوش واخا قلت غنزلو ماقدررتش سولت تاعيت وسهلو الاجهاض فعينيا حتى عياو وماقدرتش نديرها

شهقاات كتمسح فعينيها من دموع مخنوقة ومزيرة والهرومات لاعبيين بيها وهز تبسم بحينة وجرها من ايديها لعندو..

عماد : عارفك حنيينة غير كتبغي تقصحي راسك بزز عارفك ماغتقدرييش ديريها بغييتك تفهميها بووحدك وتعرفي رااسك ااش كديري..كون دويت ديك اللحضة وقلت ليك ماكين لا اجهاض لاا جوج ماغتقبلييش كلاامي..مابغيتش نحسسك كنتحكم فيك وكنبزز عليك شي حاجة نتي مابغيتيهاش..خليتك تفهمي بووحدك وتعرفي شنو غتقرري بلاما نتدخل فيك ...

كنزة : مايحساليش باغيهم ملي قلبتي عليا هكاك ومشيتي قلت مابغيتيش نحمل

عناد : فعلاا جات مزروبة وماموعلش عليها برب العالي مافكرت فيها ولكن ملي جا فهاد الوقت مرحبا بييه خاصنا نفرحو بييه ونحمدو الله على هاد النعمة اللي نزلات علينا بلاما نحسو ماشي نبكييو علييه قبل مايجي نسبقو فرحتو باابى قولي ليا علاش مابغيتييهش فهيميني..

كنزة : ماغنقدرش عليه بوجدي ماكنتحاايلش رااسي كنربي شي بنية ولا ولد داباا حاسة براسي مامستاعدااش ليهم

عماد : مامتسعدااش تربي علامن كيقولو احسن خااالة همم؟ انا كنشوف تعاملك مع تسنيم بنت كيبان لياا العكس....حنى ايلا خفتي انا معااك ماتخمييش

كنزة قطرات رموشها من الدموع: غتعمر كرشك فبلاصتي غتغلاض نتا فبلاصتي ويوليو رجليك منفوخين وضهرك كيحرق

عماد : تا لهادي لا وايلي ماتعيقييش نتي غير ولديه وخليه على حسابي انا قادر بييه

كنزة : عندااك غير نولدو وتسمع غوااتو وتقلب عليا انا وياه

عماد : حتى لهادي مانضمنهاش لييك

كنزة ضرباات فكرشو بغنج :ضحكك بااااسل

عماد : كنفكر كيفاش غتربييه ونتي برهوشة خاص اللي ربييك..برهوشتي غتولد ليا برهوش(شد وجهها بيين ايديه وباس شفايفها مطول كيهضر ويحرك شفافو فوقهم) جوتيم مابيل فام...

كنزة : ماتعولش الطبييبة قالت ممكن ماشي مأكد..

عماد : هاانية نعاودو نعمرو هاد الكريشة غتخلعنا..

ضحكات شادة فدرااعة وهو كيسمح فدموعها وتحنى براسو عندها بقبلة مطوولة على شفايفها حتى كيبعد ويعاود يرجع مااساخييش وهي اكثر غير شادة عينيها عاايشة معاه حتى نهى قبلتو بقبلة عنيييفة دفعااتة كنزة عليها شاظة على شفاايفها وهو كيضحك وكيهو القفطان على صدرها الي نزل بحركاتها..

كنزة : كي جاك قفطااني ...

عماد : مابييهش..مزيان غير شوية معيق ومشارجي كيسرطريسي العين..

كنزة : بصح..

عماد : مم مي مزياان مابين العيالاات عادي..مرة اخرى لا هاد الفتحة (دصدرها)ماشي تاهلييه ودرااعك عرااينين ماجاوش معاه ويكون سامبل على هذا غيكون حسن..

حركات رااسها كتشوف فالقفطاان وهو بطريقة غير مااشرة وصل ليها المعلوم دالقفطان المعيق ماعجبووش ابداا وهي جبدات تيلي بغات تصور هي وياه..

عماد : رجعتي كتبوسطي؟

كنزة : ماطنبينش وجهك ماتخافش

عماد باستهزاء : مخبية وجهي تنبينة وجههك نسرين اري نشوف داك للكونط اش فييه..

كنزة خباتو : واالوو غير البنات

عماد : اري نشوف هاد البناات...

خطف ليها تيليفون وهي مخرجة عينيها كتبلع فريقها وهو حل الكود وشعل الكونيكسيون مع شعلهاا بداو كيجيو المسااجات بوثيير كثييير بزاااف بقى غير كيشوف عاقد حجباانو وهي حاضيو معااه حتى طفاه بهدوء ورجعو لجيبو مبسم..

عماد : يلاه ندخلو تعطلنا علييهم..

حركات رااسها وهو عنقها فحضنو خداها تحت درااعو داخلين للقااعة خلاها مشاات للطواليط تقاد حالتها حتى رجات مشات عند العيالات وهو مشى عند رجاال..

لقات اسماء غيوقفوها بااش تمشي عند العدول مشات وقفاات حداها غدا معاها خطوة بخطزة حتى خرجو من قاعة العيالاات مبااشرة للصالة اللي فيها العدول..دخلو مرة اخرى بالصلاة على النبي ومع حطات رجليا فالصاالة تهز قلبها بحماس كبيير كيضرب فصدرهاا حاسة على معدتهاا كتشطح بالخلعة وقلبها معصوور كيضرب بالفرحة ضورات عيينيها فيهم تحت الشبكة كتشوف شكون كاين بانو ليها غير رجال بلحيااتهم كباار فالسن ريحة العود عاطية فالصالة والتبورخير د الضو دايرة شغلها منسمة الجو وفاتحةليهم النفس كثر من الوجه ديال الرجال وجهو النور كيشت منهم وبدكر الله محليين كلاامهم...صالة كتنباعت منها الرااحة نفسية حاسة غير بيهم وبالملائكو دايريين بييها اجمل لييلة واجمل احساس فحياتها كتعيشو.. وضوراات عينيها جيهت العدول فين كان وااقف محمد غير شاافتو علاات راسها وعينييها بدهشة ضرب فيها قلبهاا تلااتة دقاات ورجع حبس كيضرب بشوياا ..

كان وااقف هو والحاج مستقبييلنها بجابادور بيييج نازلة حتى لتحث مزير على صدرو العريص وكتاافو وااقفيين رامي علييه السلهام من الفوق فالاحمر الملكي لون دم الغزااال زادو هييبة كثر وعطااه حضوور خاص..مع طاقية مخزانية على رااسو كيشوف فيها بعيوون مبشررة وعيوون مبسمة ووجه منور مابين هااد الناس كاامليين منتاضرها تجي جنبو بصفتها خطيبتو وبعد لحضات غتولي حلالو قانونا وشرعا...

قربوها حتى جلسات جنبو بيناتهم عبد المتقي باها هي على جمنبو الايمن ومحمد على جنبو ليسر غير جلسات جلسو حتى والعدول تقدم قداماها وهي غير كتشوف مرفووعة ماحاسة بحتى حاجة بحاال شي فلم صامت كنشزف غير حركات شفاايفهم ولكن اشنو كيقولو ماكتسمع واالو طنيين قااصح كيتسمع فودنيها ماحسات بيهم حتى جابو الدفتر دالعدول قدامها وهز باها وكلام العدول موجه ليها علات فيه رااسها كتصننت لييه بامتعان وهز كيقرا شروط محمد عليها وعلى زواجو بيها سمعاتهم منو مرة وجزج وتلااتة باش تعرف رااسها اشنو كيديير حتى سكت ورجع كيكرر على سؤال اخرى حتى كملو وعطاها الادن تنطق جوابها..

اسماء بصوت خافت : قابلة..

مد ليها عبد المتقي الستييلو وهي تهز ايديها كترجف بقوة مكانت جامعاهم عرقات ليها وهو هز كلينيكس مسح ليها ايدييهاا مبسم بعيون لامعة وعطاها ستيلو مرة خرا بشويا وبالخاطر حتى سينات ومدو لمحمد حتى هو سينىىاللي وااضح علييه واافق وهي ماسمعاتوش بالرفعة اللي ترفعااات وسطهم..

تعلات الزغااريت والتهنييات والسلام عليها وعلى محمد بمبااركة ..خدا منهم العدول الكتاب بعد كلاام وكلاام اسمااء شي كتسمتو شي كتسهى فييه ...حتى حسات بالحاجة مها جات بعندهاا باش يخرجوها..ناضت من بينهم مشات معااهم بهدوء شادة فايديها حتى خرجو لبراا وقبل ماتمشي للقاعة دالعياالات داتها الحاجة لغرفة اخرى ردات ليها اسماء الباال وقاصت فيها بشويا

اسماء : ماماا ماغنمشييش عند العيالات..

الحاجة : راجلك باغي يشوفك غنسبقوك ليه لداك البيت حتى يجي لعندك..ماداارت حتى ردة فعل حدراات رااسها والتوتر زااد على مابيها ولات كترجف وتشطح قبلااصتها من الحشمة والخوف والتوتر والرغبة كلشي كخلط عليهاا اللي غتجلس هي وياه فغرفة بوحدهم وهاد المرة بصفتها مرااتو ماشي غريبة علييه..

دخلات لواحد الغرفة مضوية خلاوها وبغاو يخرجو وهي تشد فكنزة ماطلقاتهاش وكنزة سخفات بالضحك عليهاا حتى سمعو حس محمد جاي مع الباااب وهي تطلق منها بزز ومشات مع مها واسماء حدراات رااسها شاهقة بصممت كتسمع فخطوااتو داخلين عندها للبييت وصوت الباب تسد موراه تهز معاه قلبها بااش توقف وتستقبلو وهو جاي لعندهاا برد ليها الما فركابيها حسات بيهم فاشليين وماقدريينش يوقفوو كآنها عمرها تلاقاتو ولا وقفات معاه ولا شافتو حاساه غرييب عليها علاش لا والام ولا حلالها ماشي كآي شخص عادي..كابراات وتعارفات مع نفسها حتى وقفات حادرة رااسها شابكة صبيعاتها كتاكل فيهم بعضياتهم حاسة بنفسها تزيراات والاوكسيجيين قل عندها فالبييت ملي وقف قداامها وعلات عينيها فصدرو ودغيا رجعات حدراتهم شاداها السخففة...

فحين محمد بحركاات تقييلة هز ايدييه وهو هاز معاهم الشبكة على وجهها بعيون مبشرررة وشووق كبيير فعيونو لهاد الوجه اللي شحال وهو كيتمنى يقرب منو بهاد القرب الكبييير منو نظرة يرضي بيها الله ونفسو هو الثاني...هز ديك الشبكة وباانت لييه اسماء وهي جادرة رااسها خدودها واقفين ورموشها طايحيين على عينييها متقليين عليها عينيها باش تهزهم وشتووف فييه...

تبسم وتنهييدة عميييقو خرجات من صدرو حتى تهز ورجع قدام عيونها خلاها تبلع رييقها على حلقها الناشف وهو شد وجهها بين ايديييه وعلااه لعندو حتى هزات فبيه عينييها مبااشرة فعينيه مطول فيها شوفة وبدون كلام قرب اكثر وطبع قبلة مطولة على جنيينها...وهي غمضاات عيونها كتحسس غير قبلتو اللي جببينها مرة مرة كيقطعها ويرجع يقبل جيبنها وهو كيتمتم بشي كلام تحت شفايفو احسااس من نوع ااخر...قبلات حاسة منهم برضاتو عليها....نضرات مرة مرة.....لمسات خجولة منها وقبضة متملكة منو....شفاايف داافييين...لحية خشنة كتحاك مع رطوبة بشرتها..ونفس سخونة كتضرب فوجههم بجوج...دقااائق وهو كيوزع على داك الحال حتى فتح دراعو وعنقها وسط صدرو حاط دقنو على رااسها وهي ضورت ايديها على ضهرو بخجل كببيير كآنها خايفة تقيص فييه وتجرحو..!

تبسمات وسط حضنو بعيون لاامعة مستغلة الفرصة وحطاات راسها على صدرو كتمخشش وسط السلهاام حتى قاصت صدرو بقرب كبيير عاد تنهدااااات وغمضات عينيها ماخابش ضنها...صدرو كان احن من كلامو...احن من حركاتو وافعاالو...ماشي غير لسانو اللي حنيين....حتى ضمة صدرو كافية تطمنها وتريح قلبها وتحسسها بالسلام والراااحة الداخلية...ماكرهاتش تبقى ساعاااات وهي فديك الضمة ولكن تحرك وبعدها عليه وهي هزاات فيه عينييها كترمش فييه وقلبها ارتاحت دقااتو ملي جات العين فالعين وبانو عيونو المبشرة ارتاااحت هاازة النفس حتى بان ليها قرب مررة اخرى وباس على جبيينها مطول بكلام خااافت مع هدووء الليل وصوت تلاوة القران على براا مسموعة ليهم حتى للبيييت ضوء خافت وهمس حنيين منو ببحة خشنننة...مزال فمو على جبينها وهو كينطق...

محمد : اللهم اني أسألك خيرها وخير ما جبلتها عليه واعوذ بك من شرها وشر ما جبلتها عليه، اللهم اجمع بيننا ما جمعت على خييير...اللهم جنبنا الشيطان وجنب الشيطان ما رزقتنا..

سكت وهو مزال على نفس الحالة حاكم وجهها الصغيير بين قبضة ايدييه..

محمد : اللهم باعد بينها وبين رفقاء السوء كما باعدت بين المشرق والمغرب فأنهم لا يعجزونك ولا تسلط علينا من لا يرحمنا ولا يخاف منك، اللهم إني أسألك لطفها وخيرها الذي جعلتها تأخذها ، وأعوذ بك من شرها وشر ما جعلتها تميل إليه...اللهم اني أسألك خيرها وخير ما جبلتها عليه..

نهى دعائو بقبلة طوييلة على جبينها كيستشعر حراارتها اللي بانا لييه طالعة على العادي...ولكن قال يمكن من البيت اللي دافي...بعد شوية كيشووف فملامح وجهها وهي حادرة رااسها و دوز ابهامو على عيونها ورموشها الطايحيين وخدوودها مبسم وحرك ايدييه منزلها مع درااعهاا بهدووء بوورشها حتى شد فايديهاا وهزها عندو كيشووف باستغرااب...عقد حجبانو وهو كيحقق فايديها اللي كيرجفو عرقاانييين رجع شاف فيها وشاف فايدييها كآنه فاهم سبب هاد الحاالة وفااهم بلي هو بنفسو السبب فييهاا..باس ايديها وهز دقنها بصبعو حتى شافت فيه وهو يقلب وجهوو بحالا كيقلب على شي حاجة حتى بان ليه كرسي د جلد بيج جرو بشويا وحرك ليها براسو لييه

محمد : اجي كلسي هنا....كلسي..

ضوراات عينيها فين كيحرك ليها شافت الكرسي مقربو ليها وكلساات عليه جانعة رجلييها وايديها قداامها مشات الحشمة وجات فبلاصتها الخلعة ماعرفاتو اشنو باغي يدر وهو قرب كرسي اخر قدامها وجلس مفرق رجلييه كيشوف فييها...

محمد : اسماء..مابغيتكش تخافي ولا تحشمي مني..شوفي فيا..علي رااسك(علات فييه راسها كون غير ماهضرش زااد حشمها كتسمع غير صوتو الخافت بجدية) بغيتك تحتارميني نحتارمك مايكونوش بيناتنا حدوود نتي ليا وعليا محسوبة ماعندييش حدود عليك ولكن كنحتارمك ماكنخافش منك وماكنحشمش منك..(قرب بلكرسي كثر وعلا ليها راسها لي حدراتو بصبعو) بغتيك حتى نتي تفكري بحاالي...

بعد شووية حيد داك السلهام وتمرح فوق الكرسي لايح ضهر وكتافو علييه كيشوف فيها مربع ايديه وهي هزات فيه عينيها شافت جلستو وهي تشتت نضرها كيقول ليها ارتاحي فالجلسة وهو معنكر علييهاا فارض عليها حضورو و هيييبتو كيفاش غطير هاد الحشمة !

محمد : قولي ليا الالة اسماء سمعتي الشروط اللي قرا علييك العدول ؟

حركات راسها باه بلاما تهز فيه رااسها وهو غير كيشوف ماعاودتش تكلم حتى هزات فيه رااسها لقاتو بملامح متسألة كآنه ماسمعش جوابها عرفاتو باغي غير يهضرهاا كحات بصوت خافت ..

اسماء : ممم ..سمعتو

محمد : موافقة عليهم ؟ بخاطرك

حركاات رااسها باه...

محمد : بخاطرنا متأكد ؟

اسماء : ااه

محمد : ماعندكش مشكل تسكني مع الحاجة ! ماكتفكريش تطلبي دارك بوحدك

بلعات ريقها محاولة تهضر براحة بحالو..

اسماء : ماكنفكرش نسكن بوحدي ماكنرتاحش نبقى بوحدي فشي داار والحاجة انا متأكدة عمري غنشوف منها العيب اللي خيليني نهرب منها ونبغي داري بوحدي...

محمد : انا كنأكد ليك هاد العيب ماغتشوفيهش وحتى ايلا وقع سوء تفااهم وشفتييه نبغي نعرفو ونحلوه فديك اللحضة قبل مايكبر و نوليو فما لا يحمد عقبااه..نبغي نعرف اللي ضرااتك ومارتاحييتييش فيها...راحتك اهم ليا وماكتخافوش نقولو اللي ضراتنا ولا اللي غلطنا فيها كلنا بشر وكلنا كنغلطو العيب هو السكات على العيب والمنكر...مفااهميين اللي ضراتنا كنقولووها..؟

حركات رااسها بايجاب مأيدة كلاامو وهي كتشوف فيه واخا مرة مرة كتشتت نضرها فاش كيطول الشوفة فعينييها...

محمد : سمعتي شي شرط ماعجبكش ولا ماحسيتيش براسك مرتاحة فييه ؟

اسماء : لاا ...ولكن غير مسألة الحجاب اللي تشرط عليا..انا اصلا ماعندييش مشكل نديرو حيت اصلا من نهار مرضت مشى لي شعري تقريبا كامل وقررت ندييرو..ولكن اللي مافهمتش واش قصدتي بالحجاب الحجاب الشرعي اللي كيكيون مغطي كامل ولا غيير حجااب عادي..

محمد : مكاينش الفرق فالحجاب...

اسماء : لاا..ز زعما كاين حجاب اللي كيتغطى كامل من غير العيون وكاين اللي كيبان منو الوجه واليد..

محمد حرك راسو بلا : حجاب واحد اللي كاين..ايلا استوفى شروط الحجاب..عارفاهم ؟

حركات راسها للاا وهو هز صبعو كيحسب ليها...

محمد : اولاا يكون نازل على الجسد كامل ايلا الوجه والكفين...مايكونش مزين او ملفت للعين لقوله تعالى {ولا يبدين زينتهن ايلا ما ظهر منها}...يفضل مايكونش شفاف وضيق احسن يكون فضفاض ومن التوب العتم اللي مايكبينش ولو جزء وااحد من اللباس السفلي...فهمتي؟

اسماء : ااه كاينييش شي كساوي كيكونو مشدودين من هنا(حطات ايديها على خصرها) ولا كيكونو مزيريين شوية بحال هاد الشكل ؟

محمد حرك راسو : مزيااان ..هذا هو قصدي..الشفاف والضيق يزييد المراة فتنة وزيينة لقول الرسول صلى الله عليه وسلم《 سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات》والعياذ بالله...مايكونش مستعطر لقوله لقوله صلى الله عليه وسلم《أيما امرأة استعطرت فمرت على قوم ليجدوا من ريحها فهي زانية》

شبك ايديه وشاف فييهاا بمعنى واش غادا معاه مزيان وهي حركات رااسها بايجاب مشاات الحشمة والخلعة وركزاات معاه فالكلام..

محمد : مايكونش مشبه ل لبااس الرجاال..لبااس الكفاار..لباس الكفاار مامستتنييش على الحجاب فقط كتشوفي دابا اشنو وااقع مجتمعنا طاغي عليه التفكير الغربي المشكلة ديالنا حنا المسلميين او العرب عامة ماتشبهناش بالكفار من الناحية الاجابية ماتشبهناش من تعليمهم من مستوى الصحة دياالهم من علمهم...كنشوفو الاغلبية غادي فالهاااوية تحت ما يسمى بالحضارة وخاصة المسلمبين مع الاسف اللي ولاو كيتشبهو بتقااليد الغرب بلباااسهم بحركااتهم بالطريقة اللي كيعيشوو بيها نسااو انهم مسلميين وعندنا شريعة اسلاامية واجب نمشييو عليها....ولكن 《إن الله لا يغير ما بقوم حتى يغيروا ما بأنفسهم》نحاولو نغيرو من نفسنا والله يهدي ماخلق..مفاهميين لحد الان..

حركات رااسها بايجاااب وتبسيمة خفيفة على شفايفها وهو تبسم بحالها

محمد : عند كااامل االحرية تلبسيه ماتلبسيش تحيديه ولا تخلييه ااي حااجة كنتي عايشة بيها ولا مولفة عليهاا لك الحرية تصرفي وتحركي على كّااانتك..بشرط تكوني داخل دارك معايا انا لا غير...حتى حد من غيري مايشوف اللي كنشوفو...

حركان راسها بايجااب وهو قرب عندها كثر حتى تقابل وجهها مع وجهو خلاهاا تبلع ريقها وتقاب عينيها للجنب..

محمد : نجيو دابا لشرط لالة اسماء..نهضرو علييه ولا من بعد اش بان لييك ؟

جمعات تبسيمة كتشتت فعيونها..وجهها بصرعةحماار ندماات على النهاار اللي عطاتو فيه ديك الورررقة وهو تبسم كثر حتى بانو سنانو مسطريين كيف شي ثلجة كيشعلوو وسط اللحية السوداااء معمرة وجهو كتباان غير شفاتو السفلية ما العلوية غاارقة..

محمد : من بعد من بعد واخا....ماتموتيش ليا مزال محتاجك...(تنهد شاد الضحكة) يلاه نمشييو تعطلنا علييهم

تدفع دفعة وحدة وقف وهي هزاات معاه عينييها ووقفات بحالو حتى شافتو قرب ليها تاني وقاص على خدودها وجبيينها مزالين سخان كيفورو.....

محمد : حاسة برااسك مزيان سخونة شزية لا ؟

اسماء : كااين شوية دالصهد

محمد : غير شوية هه..(حركات راسها بااه وهو ضحك كيحك على دقنو ناوي فشكل ورجع قال) مرتاحة..بخاطرك ؟

تبسماات وحركات راسها بايجاب وهو شد وجهها بين قبطة ايديه ماسااخييش يخرج مطول الشوفة فعيونها طاالب العفو منهم يرخييو منو ويخلييه يبعد عليهم نضرو...

محمد : سبحان اللي زين عيونك بالكحل

حدراات عينيها دغيا شادة فقلبها مايسخف باغي يقتلها بلا وقت بكلاامو ايلا طاحت بالقلب ماغيكون غير هو سباابها..فحين هو تنهههد وتحنى بااس على خدها قريييب بزاف لعيونها غير خاف يقيصهم ويأديهم بشفااايفو وتحنى اكثر بلاما يبعد منزل فمو لجيهة شفاايفها وهي كتمزل فرااسهاا بدون شعور حتى طبع قبلة جنب شفاايفها خلااها طلقات شهقة بدووون صوت من دااخل صدرها..ماجات فين تستوعب حتى طبع قبلة اخرى فالجااانب الثاااني وهز رااسو شاف فيها مبسم وضور ايديه موراا ضهرها مزيدها قداامو خارجين...!

_______

اسماء جالسة وسط العيالاات والعقل فين بقى مع محمد فالبييت...غبر كتفكر كلاامو الهامس معاها وحركاتو والخاطر للي عطاها كتحس بالحرااارة تملكات جسمها واحساااس غرييب كيتوزع فجسمها بحال شي سم..سم الغرام ؟ سحر الحب ؟ ولا اشنو غيكون كيمارس عليها كآنها اول مرة عشقاات اول مرة حبات واول مرة عطات قلبها وفعلاا احسااس عمر شي حد ماحسااتو معااه ولو زواجها الاول قالت غير ناصر و مكاين ماحسن ولكن محمد جا وقال ليها عيدي النظر فتفكييرك ابنت الناس...!

______

جنبها كانت جالسة كنزة مرة مرة كتفوه جاها النعاس بالاخوات اللي جااو بعدما دخلات اسماء كيعطييو فالكلام ديالهم للعياالات كلمات كلهم دكر وحمد وشكر لل الله وطبعا نصاائح يستافدو منها كل المسلماات..

حطاات ايظيها على فمها كتفوه داايخة بالنعاس حتى نساات وتكات على اسمااء وهي تزف عليها الحااجة بواحد القرصة متعرفتها منين طاحت عليها حلات فيها عينييها مخرجاهم وهي تمد ليها تسنييم فايديها ..

الحاطة : ايلا باغة تنعسي رجعي للدار شدي بنت ختك شوفي اش بغات من صبح الله وهي تقلب علييك ...

كنزة : وقرصتيني اماما تئ رني كنوعت...اجي اخالتو عندي زيدي

تسنيم : ماما عرووسة..

كنزة : ااه اجي تجلسي حدانا

تسنيم : لااا غنمشي عند سلطاان(خشات ايديها فالدجاكيط اللي فوق القفطان حيت كان البرد براا ملبسينو ليها وجبدات التيليفون ديال كنزة) عطاه لبيك حبيبي..

كنزة تصرفقاات : هااا...شكون هاد حبيبي

تسنيم : حبيبي عماد

كنزة : شكون قالها لييك

تشنيم: سلطان كيقول ليه حبيبي

كنزة : ماحبييب حد اختي سميتو عمو عماد ويلي على حبيبي شغانقول ليه انا نسيبي...عمو عماد اكبييدة

تسنيم : عمو عماد..

حركات رااسها ضاحكة وتحنات باستها تاجلخاتها كلها بالعكر وتسنيم ضاارت غتمشي حتى شداتها اسماء جرتاها عندها بشويا...

اسماء : ماتوحشتييش ماماك الخانزة اجي حدايا

تسنيم : وسلطاان

اسماء : ياك ولا صاحبك هو سلطاان

تسنيم : كيلعب معايا نتي عروسة ماغتلعبييش معايا

اسماء : شكون قاليك هاد العروسة غناكل حسك شي نهاار بوسيني..(هزات الشبكة وبااست خدودها بجووج بلههفة)عندااك اماما تبعدي لعبي غير قداام البااب لهيه راني كنشوفك صاافي...ماتخلعينيش عليك بحال داك نهار باش مانتخاصموش..

حركاات راسها وهي باست ويديااتهاا وطلقاتها خلاتها مشاات وتقادات فالجلسة وتكات على كنزة برااسها..

اسماء : كنزة عيطي على ماما تجيب ليا داك الكينات فشي كاس بلاما تعيق..

كنزة : تزااد علييك الحال ؟؟

اسماء : اممم شوية ماكنحسش براسي هي هادييك شداتني السخفة والدوخة..

كنزة : واخا هانا غنجيبها لييك..

وقفات وهزات القفطاان بين ايدييها غادا وكتقلب فتيليون على نمرة الحاجة مافيها مايبقى يقلب والقاعة كبييرة حتى خرجات على براا مع الضورة مع حساتت برااسها خرجات فشي حد حتى طاح التيلييفون من ايديييها....

كنزة : احح بشويا اختي...تهرس ؟

تحنات ديك البنت هزاااتو ونااضت وكنزة غير شاافتها تبمسات تلقاائيا كتشووف فملاامحها شحال غزاالة كآنها حوورة نازلة من السمااء..ملامحهاا مضاربة بعضيااتها شعر اسووود منفوووخ رطب مدررج كيتحرك معاها كلما تحركاات وبشرتها كيف بياض الثلج عكس عيونها اللي كانو خضريين كيف شي ارض ربييعية مجرد الشوفة فييهم كتجييب الرااحة النفسية ملامح صغييرة وكيوووت رقيييقة بكسيوية رقييقة اكثر وزدتها براائة..

_لا..ماتهرسش ..سمحي ليا بزااف والله ماردييت البال سمحي ليا...

كنزة : ماشي مشكل غير ماتهرسش هعه...شكون نتي ؟

_انا..ا ااية..

كنزة : اسم على مسمى اية فالجمال فنننة احبييبة الله يحجبك...

اية حكات خدودها تزكنو حشمات : شكرا..

طبطبات عليها كنزة كتشوف فيها ومشات وهي دخلات نيشااان عند مها حتى لقاتها وجلسات جنبها....

غيثة : هضرتي مع باباك اش قال لييك

اية : غير سول فيا وفيك ماقال واالو..

غيثة : جاك نعاس شدي تيليفونك شوية تلاهاي فييه

اية : عيب اماما قداام النااس ماكيبغييش جدي هاد القاعدة مابغيتش نولفها..

خرجات كنزة كتقلب على الحاجة حتى لقاتها وجابت اللي طلباتو اسماء وداتو ليها والحاجة جتى هي جات كضور بيه من هنا ولهيه وتشوف حاالها وكنزة شادة تيلييفون دخلات الكونط انستا لي عندها لقات جمييع تصاورها القدام والجدااد طارو حتى حدة مابقات شداتها البكيية والفقققصة علييهم عرفاتو هو اللي حيد ليها كلشي...دخلات لواتساب للارشيف لقات الميساجات مامقريينش عرقانة ماطلش علييهم وهي تدخل مباشرة عند اسم اللي كان مقيد عندها ب" فدوى " وهو فالاصل عزوز لقااتو مسيفط ليها فوكال نقصات صوت ودارتو فودنيها كتسمع..

عزوز : سلاام مدام كنزة وكنعيط لييك ونعاود ماجوبتيينيش وابغييتك غير تهضري مع دوك ناس راحنا كنعيطو ليهم وتاحد مايجاوب تامن البنات اللي مشااو هاد المرة تاوحدة فييهم ماكتجاوب ماعرفنا اش واقع معااهم وااش مزال جيين يرزقون ولا ماتو ولا اشنو واقع..

قرنات حجباانها باستغرااب ودخلات خلات ميساج للسيدة اللي كتواصل هي وياها ماصلاحش ليها تصوني ليها قدام النااس طفات اليتيلييفون وخشاتو تحتها مع سمعاتهم غيبدااو الدعاء..

داازت ليلة العقد اجمل واجمل ما تخايلات اسماء كلها راحة نفسييية ودكر وحمد ل الله تعالى حسات اسمااء بحياتها الجدييدة بدات بداية صحييحة وسلبيمة عمادها على الله عز وجل الرااحة الطمأنيينة دكر الله تلاوة القران الكرييم بصوت السيد اللي تمناتو من نهار شاافتو ولكن للاسف نهار تزوج تبخر داك الحلم ومشى حتى طلب ايد زواجها مرة اخرى خلاهاا تعاود تحلم مرة وجدييد...غير تفارقت معااه رجع عند الرجاال وباشر هو بتلااوة القراان والعيالاات كيسمعو غير صوتو كلهم مرخيين مرتاحيين ومهدنيين على صوتو الهادئ فتلااوة القران من طريقة تجويدي كتبان فييه حافظ عن ضهر قلب جمييع قواعد التجويييد بلاما سخطأ ولا يتلف فحتى قاعدة ولا حتى اية وحتى المصحف اللي قدامو غير ايلا تنساو لييه لا غير...

تعشااو الناس العشاء اللي كان بحال شي صدقة..الخير موجود اللي لداخل كلا واللي برا كلا..كلااو ودااو معااهم حتى حد مابقى كيشتكى من شي حاجة ماكين غير الله يرحم الواليدييين وهذا هو المرااد من هادشي كااامل...كملو الدعاء عند الرجال وحتى النساء...

كنزة : حبييبة شوية دابا ؟ علاين وغتمشي لدارك ايلا ماكنتيش هي هاديك يلاه لدار تاتولي شوية ماما ماغتبغييش تسيفطك هكااك..

اسماء : لا غير غتخلعييهم مافيا والو راه وليت شوية مرة مرة كنسخف وصافي..

تكات عليها برااسها بقاو هكااك حتى نوضوها للبيت اخر باش توجد رااسها وهي عاد دخل معاها المعقوول بقات غير كتشوف فختها ومها من تحت الشبكة ماسااخياااش دمووعها دايزيين وهوما كثر منها غيحمااقو بالبكى غير مخبين عليهاا عاطينها تبسييمة والحرقة فعينيهم كتبان..

لبساات ووجدات رااسها وجا محمد قدام الباب باش يديها لدارها خرجوها لييه بالصلاة على النبي شدات فاييد عبد المتقي وداها حتى لمحمد وقبل مايعطيها لييه حط عبد المتقي ايديه على يد محمد بصوت رجفان غيبكي..

عبد المتقي : عطيني العهد...تهلا فبنيتي وديرها فعينييك..عطييتك العزييزة اولدي محمد..عطييتك المرضية عطييت نور اللي كنشوفو فييه..كيف ناشت من الفرااش هاهي غادا عندك كلشي داز على عنييك ملعندي مانخبي علييك بنتي تهلكات نتا طبييب داويها بعلمك والحاج فقبيه يداويه بكلاام الله...المرضية امانة عندك والله وكون جا من غيرك اولدي مايديها ليا وربي شاهد على كلاامي...

محمد : العهد عندك السي عبد المتقي ماغنزوق ليك هصرة ماغنكثر علييك الكلاام..الهضرة غير هضرة مع الرييح كتمشي..الافعاال اللي غتبيين العهد اللي بيناتنا.... بنتك بنتي ماتوصنييش عليها...

بااس على رااسو وعبد المتقي برضى عطاه اسماء شداات فايديه ومشات عندو كتبكي تحت الشبكة كلها كتنخصص وتشهق مامسمعاش لييهم وعبد النتقي حرك راسو وعطاهم بالضهر مشى هربان من الودااع تااني ومحمد داها مخرجها خلاها مع ختها ومها كيسلمو عليها ويعاودو وعماد شاد فكنزة غتسطى بالبكى بحالا عمرها غتشوفها والحاجة جات كتوصي فمحمد وهو بكلمة ولا جوج كيرحيهم ويخلي خاطرهم مطمن علييها...

ركبات فالطوموبيل لور لقات الحاجة ام محمد مبسمة ليهاا شدات فايديها وتكات ليها راسها على كتفها وهي كتبكي وتسنيم كانت نعساتها مارتاجات حتى لحقوها عليها تمشي معاها حطاتها حدا الحااجة فسابع نومة حتى لحق علييهم محمد طلع القداام وزاد قدام عينيهم مكسيري للداار..

كل لحضة كيتلفت يشووف فيها وهي متكية براسها على الحاجة حتى شافت فييه مو بقلق..

الحاجة : شحاال سخوونة يابنتيي ياكما خرجتي ترقانة ضربك البرد ؟ (شاف فيهم محمد وهي علات فيه راسها) سخونة امحمد ياكما طالعة ليها السخانة..اسماء ياك لباس.. ؟

هزات فيها راسها حمرة وعينيها اكثر بحال شي جمرة حركات راسها كتمسح نيفها بكلينيكس..

اسماء : لا لا غيير كنت عيانة شوية..

الحاجة : موحال يابنيتي جيتيني سخونة بزااف تا القاعة مكانتش سخونة داافية نقولو زعما سخنااتك..

محمد : كّلت ليك سسخونة كّلتي ليا الصهد... قربي نشوف..

قربات ليه غير براسها وهو تحسس بايديه جبينها وخدودها بقلق

محمد : من امتى ونتي عيانة ؟

اسماء :سيمانة واقيلا ماعقلتش مرة مرة كتطلع لي السخانة وكتنزل حتى ولفتها كنشرب غير واحد الكينااات كينزلوها ديك الساعة..عاد شربت وحدة غير دابا شوية

محمد : جبتييهم معاك انشوفهم !

حركات راسها وحدرات عينيها لصاكها جبداهم وعطاتهم لييه وهو قراهم....

محمد : مزيااانيين قلتب عاد شربتي وحدة براكة منهم حتى للدار ونعطيك واحد مجهد شوية...(تلفت عطاهم ليها شواف فالحاجة ) حيدي ليها ديك الشبكة الحاجة...

الحاجة : تالدار اولدي خاصها دخل بيها

محمد: تاالدار واش غتبقى مخنوقة بيها غير حيدييها(جبد قرعة الما جنبو عطاها لييها بلكنة مرحة نطق مغير مود الجو) براكة من البكى خاطفيينك ولا كيفاش ؟

ضحكات الحاجة وواسماء مبسمة خداتها منو شربات شوية وتقادت فالجلسة كتشوف مع جنابها راسها دايخ عليها وعينيها مقلوبين حاسة بالتبوريشة والبرد وجسمها كيف شي جمرة سخونة كيحرق بالسخانة....وهو ضور المراية جيهتها مرة مرة كيرمي عينييه عليها حتى وصلوو للدار بان ليهم الباب محلول والضو شاعل عرفوهم وصلو قبل منهم وقف الطوموبيل ونزل محمد كتبان ليه غيثة واقفة ب بلاطو دالحليب والثمر فايدييها وطبيسيل صغيير فيه دبليج دالدهب وبنتها وراها هازة تبيخييرة دالضو شاعلة وبخارها طالع ومريشة فايديها والجاج حداهم مبسميين فاستقبالهم محاوليين يتبعو تقاليدهم ولو غير بالقلييييل...دخلو ومحمد فايديه تسنيك داها لبيتها خلاها تما واسماء قدام الباب مع الحاجة شربي الحلييب كولي التمر ركبي الدبليج فايدييك باش تكوني قدام الربح لينا وزيد وزييد وهي دايخة بالنعااس والسخانة قلبات ليها الراس حتى عفاو عليها وخلاوها دخلات مع محمد للبيت ديالو اللي ولا ديالها شادة فدراعو وهو بشويا مكايس عليها كآنه شاد شي جوهرة ثميييينة بين ايدييه خايفها تجرح ولا تأادا معزتها عند واليدييها ورضاتم هليها وعبد المتقي اللي عطاها ليه بالدموع واضح لوكان جا غيرو مايحلمش بيها..ماشي غير هو انما العائلة كلها خلاتها حزيينة وراها تأكد من معزتها عندهم ومكانها وسطهم...

دخلاات للبييت فحال شي غرييبة شابكة ايديها وكتشوف مع جنابها وتكتاشف كل بلاصة غير بقنت عينيها وهي كتحس بييه داخل موراها بلعات رييقها وتلفتات عندو كتمنى توقع شي حاجة وتأجل هاد ليلة مامستااعداااش ابداا ومابغاش تعييشها وهي مهلوكة ومسخسخة...بغاتها تكون بعقلها وبشويا وبالهدااوة ماشي مزروبة...

محمد : ندخل ليك حوايجك....الحمام تما خودي راحتك ماغيجي عندك تاحد غنجيب ليك دوااك وراجع ..

حركات رااسها بايجاب مبسمة وهو تحرك من قدامها حيد علييه داك السلهام والطاقية حطهم فوق السريير وخرج عااد تنهدات مطولة وضورات عينيها على البييت كتتشوف فيه وفديكورو كيف داير...غالب علييه الطابع الرجولي طبعا باللون الاسود والرمادي سريير متوسط الغرفة والبلازما قدامو كوافوزات ونافدة طويييلة ب بيبان زجاجية بحال شي طيراس جمعات نييفها زويين ولكن ماشي على دوقها هي كتفضل اي حاجة فاتحة ومنعشة وهااادئة وهو غالق وغامض...

علات ايديها حيداات ديك الشبكة من ورااها لاحتها فوق السريير ودوزات ايديها على عنقها و جبهتها..

اسماء : مالقيتي امتى طلعي تانتي على حالة..

صقلات فاش شافتو حل الباب ودخل ليها ليفاليز ديالها كانت غير وحدة ما الباقي تاتجيبو معاها كنزة غدا...مدخل معاه دوا ديالها عطاه ليها حتى شرباتو قدامو قاااصح وحساات بيه مجههد بزز باش سرطات وقدامو مامبيناش كتجمع فحجبانها وعينييها مرتااعشة مع حموضتو حتى حك ليحتو وضحك كيقيص على جبينها

محمد : دابا شوية وتنزل قاصح ولكن غينفعك...

حركات راسها باه وقالت بفشوش لحركاتو بدون شعور خلاها كتفشش عليه بطريقة كلامها...

اسماء : فين تسنييم....

محمد ميل راسو مقلد كلامها : علاش بغيتي تسنيم..

اسماء حلات عينيها فوجهو قدامها : غ غير حيت مابانتش ليا واش بقات مع الحاجة..

محمد تسنيم فبيتها...(شافت فيه بدهشة)حدا بيتك ايلا بغيتيها طلي عليها ورجعي ترتاحي عندي واحد الغرض نكملو وراجع..

حركات راسها وهو تحنى باس على جبينها مطول وتبعو نييفها خلاها كتشطح بالتوتر مخرجة عينيها من جبهتها نزل لنيفها ...مرة خرا غينزل لشفايفهاا ومن تما ل..طرطقات عينيها كضور فييهم بقوة ماكتحتارمو وتحشم منو داخت لكيفاش غتعري جسمها قداامو..خرج خلاها كتجمع فراسها اللي ولا بغرييرة رطبة بيين ايديه وجلسات على الناموسية كتستاراح وتبلع فداك الدوا اللي باقي لاصق فحلقها حتى ارتاحت وناضت طلات على بنتها حمقها بييتها بغات تموت بالفرحة كتبوس فيها وتعاااود وخرجات من عندها ماساخياش بان ليها الباب مسدود عليها وصوت كلام محمد عتد الباب مامفرزش ووهي تدخل لبيتها ومشات للشرجم طلات بان ليها حدا الطومويل كيهضر مع الحاج حتى لشوية وهو يطلع وركب حداه ومشاو عاد طلقات نفس ومباشرة للحمام مدخلة معاها حوايجها حيدات قفطانها تما وكاع ااش كانت لابسة كضور فعينيها فالحيط لاتكون شي كاميرة هذا ماجاب ليها عقلها..

نسمات الجاكوزي بالماء دااافي الي كان بااارد كثر من القياس ماحساتش بييه ضناتو دافي عطرااتو بالبرودويات اللي جابت معاها كل واحد واش يليق وكل واحد لاحت منو قطرة وتخشات داخلو طالقة النفس براااحة وسطو مدلعة نفسها على الكامل بلاما تفزك شعرها وخرجات ملوية فالفوطة دهنات لحمها برائحة الفانيلاا من الكريم اللي عاد شارياه جدييد هزات دوبياس غوز بيبي مشبكيين وفوق منهم بيجامة بقدر ما كانت مستورة بارزة جمييع مناطق جسمها غير حشمات تلبس الشومييز ويرجع يقول موجدة لييه..

تكات فوق الناموسية تقلب هكا وهكا ماحسات براسها حتى غفات قاومت حتى عيات ولكن ملي عرفاتو ماجايش استسلمات لعيونها ونعسات...

ماحساتش بييه ملي دخل لحضات فقط مورا ماغمضات عينييها دخل هو لقى البيت مضلم ماشعلوش خلاها ترتاح وقرب دوز ايديه على جبينها وخدودها بانت لييه شوية حرارتها نزلات وخلااها ومشى صلى لفجر اللي كان كيودن عاد رجع مبدل لباسو وتكى حداها قبل ماينعس قرا شوية دالقران عليه وعليها كيدوز ايديه فوق رااسها بصوت هامس خشن ومع البرد زاد تدعدع حتى كمل وغمض عينيه نعس...

صباح جدييد فدار جدييد عليها كليااا..صباح مكاانش كيف باقي الصباحات..حلات عينيها فالصقف وتلفتات بشويا لقات راسها غير بوحدها فوق الناموسية عرفاتو غيكون خرج وناضت بشويا كتشوف مع جنابها دخلات للحماام ضارت بحالتها ونقات رااسها يلاه جبظدات قفطان جوهر تلبسو وهي ضور لها فالخوا و لبسات واحد الكسييوة طوييلة حتى لتحث فالبيض مشبكة من الايديين ومشدودة من جيهة الخصر طلقات شعرها وجمعاتو لفوق بقراصة خلاات القصيصة مرخية ولاحت عليه شال من الفوق زيرو مطياج وفضلات تكون طبيعية يولفو عليها من اليوم الاول هكا بلا قوة الزواق كل نهار..

جمعات البيت وبغات تخرج طل على تسنيم..يلاه حلات البااب غتخرج حتى كتبان ليها الحاجة وغييثة وبنتها وخدييجة جالسين قدام البيت فوق ليفوطوي كي لحنة التحكييم كيشوفو فالبييت ماعرفت اش كيتسنااو يبان ليهم غرقات فبلاصتها بالحشمة ماعرفات واش تزيد ولا ترجع لور يلاه نوات ترجع لور وتسد عليها وهي تبان ليها الحاجة شافت فيها وتبسمات واسماء ردات عليها التبسيمة وخرجات عندهم..

اسماء : صباح الخيير..

غيثة : صبااح الخيير بلاالة العروسة صباح الخيير كي صبحتي وكي نعستيي ارتاحيتي شوية

ماجات فين تجاوبها حتى مطقات الحاجة وشافت فيها

الحاجة : ايلا بغيتي تدوشي ابنيتي راه الحمام خليتيه لداخل فبيت ولدي توضاي تما..

بلعلت ريقها حساات بالسخانة طلعات معاها من صباع رجلييها تزيرات كتشوف فغيثة شادة الضحكة حادرة رااسها هي وبنتها...بلعات حشمتها مابينياتش وتبسمات بحال الحاجة

اسماء : ماقديتييش ندوش بلاه نزلات ليا السخانة خفتها تعاود تطلع وانا ليل كامل وانا كنطيب بيها..

الحاجة : يابنيتي لييل كامل ونتي بيها ماعطاك محمد تا دوا

اسماء : عطاني ولكن ماقداش فيا ديك الساااعة..

الحاجة : دوااه زيييت غير واقيلا ماوالمكش تايحي ويعاود يعطيه ليك..

غيثة : اجي جلسي حدانا ماتحشميش دار دارك دابا وحنا عائلنك التانية جلسي معانا..

جلسات حداها اسماء بابتسامة صفراا ماعرفتش علاش مامرتاحااش لا لكلامها ولاا لضحكتها اللي شاداها علييها تزيراات وفقدات تقتها فنفسها بسبب شوفات وجركات غييثة وحتى الحاجة بكلامها بحالا كدباتها..

خديجة ماعجبهاش الحال :كون غير طلعنا نفطرو الفوق الحاجة ...

الحاجة : بحاال بحاال ..بحال لفوق بحال لتحث حتى هنا زيين وفروجي نفطرو مع عروستي ونخلييوها تولفنا ونولفوها هه يااك مرتاحة ابنيتي..

اسماء : لهلاا يخييطك الحاجة...

جلساات اسماء جنب الحاجة وهي كطبطب على ضهرها جات مقابلة مع غيثة وبنتها كيف كنزة عحباتها اية وبقات غيير كتشوف فيها وخديجة طلعات الفوق تجيب الفطور..

غيثة : هاادي اية موحال عرفتيها شكون ولا ما عرفتييهاش ههه ماكتشبهش لينا ههه؟

اسماء : غزاالة تباارك الله الله يحفضها من العيين حروفها كيحمقوو

اية بخجل حدرت عينيها : شكرا حتى نتي زويينة ومرحبا بيك..

غيثة : اية بنتي...هادي هي الفن دالعاائلة ماشي غير انا االلي كنقولها كلشي عارف بنت غييثة جمعات زين كامل وداتو الزين عندنا سلالة من الام للخالة وبنتي قلبات الاية دارتو من للام لبنتها

اسماء بابتسامة مدهوشة : بصح بنتك ؟...مكمتشبهش لييك الله يحفضها لييك..

تبسمات ليها غييثة تبسييمة صفرا والحاجة قلبات وجهها لجييهة الباب مابغاتش تبسم ولاضحك على كلام اسماء ماعرفاتها كتمعني عليها ولا غير بالنية قالتو ...

الحاجة : فيقيي بنتك تفطر ولا مولفة نعاس..نعااسة ههه

اسماء : حيت كتفيق للمدرسة بكري صبحات نااعسة شوية مامولفااش ليها هه

نزلات خديجة الفطور سخفانة مع الدروج طلع نزل طلع نزل بقاات ف فاسماء ماكرهاتش تنوض غير تعاونها ولكن خافت يقولو عليها خفييفة من نهار لول بغات تبين حداكتها قلبات عينيها وجلسات مرة مرة كتشوف فالحاجة وضحك معاها حتى تسربات الطبلة قدامها بكل ماتتشهى النفس الخيير موجود واللي عشقاتها العين محطوطة شوية شوية من الحاجة...العين كلات وشبعات قبل كاع ماتوصل للكرش...

يلاه غيسمييو الله حتى بداو كيسمعو صوت الهضرة على براا وصوت الحاج وهو كيعيط على الحاجة حتى قالت ليه راه لتحث ودخلو عنها بجوج ومحمد باستغرااب كيشووف فيهم مجموعين ليه فالدار لتحث وهو مانع حتى حد مايخطي خطوة لعندو تما..قرن حجبانو كيشوف فالحاجة عارفها مولات الفكرة وايلا حتى حد ماغيقدر يخيطي خطوة لعندو تماا...وهي قالبة وجهها مابغاتش كاع تشوفيه..

الحاجة : جلس الحاج تفطر معانا اجي امحمد جلس حدا مراتك

الحاج بنشاط : هادو هجمعو علييك امحمد نقلتوو شهادة السكنة هنا ولا شنو..

الحاحة : غير بغينا نعمرو على اسماء وصافي ماتجلسش بوحدها..

هاد الاخيرة اللي كانت كشتوف فمحمد وفاطلالتو المنزلية العادية..اللي عادية عندو هو ما هي زعزعاتها على غير لعاادة بصييرفييت رماادية سرواال وقبية دياالها وتقااشر بيضين طالعيين وصنداالة كلحة ناايك وطاقية سخونة خاشيها فراسو وفوقها القب مخبي ملامحو غير لحيتو اللي كتبان...تبعاتو حتى جلس جنبها وحيد القب بقى غير بالطاقية كيشمر كل مرة على نيفو واضح علييه تروح..

حس ينضرلت اسناء وتلفت عندهاا سولها غير بعينييها وهي فهمات من حرماتو كيسولها كيف بقات وحركات راسها باه مبسمة لييه والحاجة كتشوف فيهم بنص عين كيهضرو غير بالعينيين..

الحاجة : اتاي ولا قهوة اولدي

محمد : شي كحلة و قصحييها

حركات رااسها وغمزاات خديجة تطلع توجدها لييه دغيا بالطريقة اللي كيبغييها ومدات ليهم هوما كيسان داتاي كيف طلوو ومدات اسماء حليوة هشييشة سمات الله كتااكل فيها بشوياا ..والحاج بتبسيمة شافيها باغي يطلقها معاهم

الحاج : كي صبحتي ابنتي اسماء ارتاحيتي تهلا فييك هاد الرااجل لبارح ولاا والو ؟

خرجات عينييها ماجات فين تهضر تاوحلات ليها بداات كتكح ومحمد شد الضجكة وعطاها تشرب كيف فهماتها فهمها حتى هو وهي تزنكاات دغياا مارضاااتش قداامهم..

الحاجة : نعستي مزيان ارتاحيتي ولفتي البييت شوية ههه

اسماء : ااه..ارتااحييت الحمد الله كلشي مزياان

الحاج : الحمد الله..داار داارك شوفي نتي ماشي غرييبة ولا عاد غادي نعرفوك وتعرفينا راك وليتي بنتنا من هذاا شحال ماشي عاد...(تبسمات كتحرك رااسها لكلامو) كيغادا شوية مع التحصين اللي عطيتك محافضة علييه ولا قصرتي..

حدراات رااسها ماعرفات بااش تجاوبو غتقول ليه مقصررة بيه غيولي زااف عليها بشي كاس وهو كيوصي ويعاود..هزات رااسها حشمات تكدب عليه ولكن حركات راسها بااه ومحمد كيشوف فيها من عينيها اللي كيضورو طيرها فالسمااء وعرف اش كيضور فرااسها...نزلات ليه خديجة قهوتو وباشرو كيفطرو فصمت مرة مرة فين كيضهر هو وباه...

حتى كملو فطورهم وناضت اسماء لبيتها توجد راسها حيت غيجيو دارهم وعائلتها لهنا غير دخلات دخل موراها محمد قارن حجبانو باستفهام يلاه ضارت عندو نطق..

محمد : التحصين اللي عطاك الحاج محافضة علييه...

يلاه غتنطق وهو يقعها..

محمد : بلا كدوب ا اسماء عيينك كنشوف اش كيضور فييهم ..

اسماء حدرات راسها مارضاتش قدامو : غير ملي قرب العقد تلاهييت مع التحوجااد و وقصرت فيهم شووية..

محمد : شوية ؟ ... كتسمعي للرقية فالتسجيل اللي عطاك(حركات راسها بلا غارقة فحشمتها)...الدعاء كتقراي قبل ماتعسي فاش تفيقي..تخرج... دخلي ؟ ..(لا) واخا و كتصلي ؟

حركات راسها بلا وهو تنهد هااز رااسو الفوق ورجع طلق النفس وتكى على الكوافوز بالمقلوب مربع ايديه وهازة وحدة حاطها تحت دقنو كيشوف فيهاا

محمد : شوية؟ مقصرة فيه غير شوية ؟ شنو غنديرو معاك دابا ؟!

ماردااتش عليه حدرات راسها كتلعب بايديها مرة مرة تشوف فيه ايلا كان غيهضر كيباان ليها ساهي طيشوف فها كيفكر فالعقاب اللي غيعطيها بحال شي اب غيعاقب بنتو على البسالات اللي دارت..

قاطع هاد الصمت غير الباب اللي تحل ودخلات تسنيم كتجري جايو عندها غير ضورات عينيها شافت محمد سمحت فيها ومشات عندو كتجري تعلقات فييه وهو هزها فدرااعو وشاف فاسماء كنظرة اخييرة كانه كيقول ليها حسابنا من بعد وخرج ..

تسنيم بفررحة كضحك : عموووو جينا جينا جينا عندكم تاني باش نلعبو اللعبة غنعلو لعبة ديالنا

محمد : قولي ليا عاقلة على اللعبة اللي ليا بجوج فالعرس ديال خالتك..

تسنيم كتفكر : اااااه قلتي ليا اي حااجة قلتها قوليها لماماك

محمد بعد شعر على عينيها : غنلعبو وحدة اخرى ...فكريني..شنو كّلتي لصحابك عليا ؟

حدراات راسها كترمش فييه بحال شي قطييطة حشمانة من غلطها نفس حركات اسماء..

تسنيم : بابا وكدبت عليهم وانا مخاصنيش نكدب حيت سيدي ربي مكيبغييش الكدوب...والكدوب حرام ومازوينش وانا مابقيتش غنكدب..

محمد : فخباارك دابا تقدري تقوليها بلاما يغضبك علييك الله

تسنيم بدهشة شدات فمها: نقوليك بابا نقدر نقولها لسلطان نقوليه عمو مابقاش عمو و ولا بابا

حرك رااسو بايجاب وهي ضحكات بفرحة معلقة فعنقو كالسة على دراعو رقيوقة وصغيورة يلاه جات قد قد فييه...

طلع لفوق خلاا موراه اسماء كتشوف مع جنابها ماحملاتش راسها بكدوبها على الحاج ومحمد اللي قلعها فالسماء وتحركات كتفكر اش غتلبس وحتى حاجة من حوايجها ماجابتها ايلا حوايج الدار باش تجلس وسط عائلتها غتجيبو كنزة ولا الحاجة من لهييه هزات تيليفون ودوزات الخط لكنزة لحضات حتى جاوباتها بصوت ناشط..

كنزة : صباااحية مباااارحة ياااعرووووس نزغرت للكبييدة ولاا بلااتي

اسماء : بلااتي باقي الحاال ههه ماشي دابا فيينكم مزال ماجايين

كنزة : خلييتهم كيوجدو شي نص ساعة نكونو عنندك

اسماء : فينك نتي ماجاياش ؟،؟

كنزة : اويلي لا غنجي من عند الطبيبة عماد راجع لاكادير ومابغاش يمشي قالك حتى نمشييو نشوفو الطبييبة اش غتقول لينا هانا خارجة من عندها شوية نكونو عندك..

اسماء :امتى تصالحتو...بلااتي ااش قالت لييك الطبييبة شن كاين حااملة لا غيير شكاااات

كنزة تغير صوتها : الاطباء ماكيشكوش اختي داكشي اللي قالت هو اللي كاين

اسماء عضات فصبعها فرحاانة بدون شعور : وعماد ااش قال

كنزة : تانجي ونعاود لييك قادي راسك يبقى ليك غير اللبس دغيا زربي عليه غنجييب لييك داك القفطاان اللي بالسلهاام ديالو مالو غير ولد الفقيه اللي يعرف يلبس عليينا السلهام..رصى اعماد..يلاه سيري بسلاامة وجدي راسك شويا علييك حتا شوية ونوصلو عندك..

اسماء : ههه صافي بلسلاامة ماتعطلوش..

كنزة : لا لاا ماتجي فين تخرجي حتى نجييو

قطعاات معاها وشافت فعماد قدامها متكي على لطوموبييل باغي يحيد ليها تيليفون وهي تدفع ليه ايديه بشويا كتعوج عليه..

كنزة : خليني ندوي مع ختي رصى..راه باقة جديدة معارفاش..

عماد : علاش نتي قداميتي ؟ حتى نتي باقة عروستي جدييدة

كنزة : مابقيتش جديدة راه وليت بكرشي ومن هنا لتمن شهر غيتزاد عندي غنولي ام مابقات لا عروسة لا شهر العسل ولا شهر الكوفيتيير...

عماد : ولي تيكي اللي واخديين على اساس يفوت عرس ختك ونمشييو شكون من غييرك اشنيولة اللي بلاتي خطبة ختي...لا بلاتي عقد ختي...لا بلاتي...

كنزة : مابقى ليا لا سفر لا والو كيفاش غندير ليها غنبدا كنتقل كلشي غيولي صعيب عليا وهادااك الوحم اللي كيقولو كتشهاو فيه كل حاجة (كمشات حجبانها عايفة) واللي كليناها كنرجعوها...ماعرفتش كيفاش درتيها بيا تافقنا كانولدوش من دابا ودرت حسابي زعما راني مطوورة (ضرباتو لصدرو وهو كيضحك)درتيها بيا

عماد : لا بصح كيفاش البلان مافهمت تا حاجة من ديك الطبييبة كثرة الفرونسي بلا فاايدة فاش قصرات معاها العربية...

كنزة : ما نتا سااهل عندك لاكصوون خطييرة بحال شي فرنسي..

عماد : ماعندبيش معاها كنفضل العربية حسن غير بنادم كيخليك تجبدها بزز فبلاادك دوي بلهجتك الفرونسي لااش.....زعما ممكن شي تسلل(٥مزها)

كنزة قلبات وجهها شادة ضحكة : ماعرفتش

عماد : هذا هو البلان ماكينش من غيرو مانضنش وحنا ديجا احبييبة كنا شوية كنديرو تسللاات هه وجرحنا البكرة شوية ممكن يكون وقع كيف قالت هي..

كنزة : اللي وقع وقع دابا... ياربي غير تسهل عليا ومانحسش بييه يلاه نمشييو تعطلت على ماما..

قبل خدوودها بحووج فرحاان ولكن ملي كتبان ليه هكاك خايفة مكيبغيش يحسسها انه متحمس باش ماتحمسش معاه بالخلعة والخوف من الحمل والولاادة فحيين هي حااسة بييه فرحاان وعتجبو الحال محاولة ضحك وتبين ليه انها مرتاحة واخا كدوب ومامستاعداش لهاد الحمل نهائيا لو تعطاها الاختيااار ماتولدوش..

اسماء دخلات مباشرة للحمام تاافة وداايخة بييها سدات لاشاص وبركات عليها تما شادة على خدودها بتفكيير ااش غتلبس كيفاش غتخرج كلام الحاجة بقى فبها ؟ عادي غير زادت فيه ولكن علاش قالت ليها دوشي واش غتبقى ديما حاضياها شنو دارت وشنو مدارتش غتلطع حتى هي بحال مينة ؟ موجال الحاجة ماشي بحالهم؟ ومحمد اللي من اول نهار تحشمات معاه وعرفها كتكدب واخا مانواتش كيفاش غتشوف فيه ولا كيفاش غتبين ليه راه غيير كتنسى ماشي بلعاني كدييرها ؟ كدبات على بااه فوجهو؟ غير كتفكرها كتشد على وجهها مزييرة مارضاتش على رااسها ومابغاتش يكون اول نهار ليها بادي بالتوتر تكات رااسها على الحيطر غمضاات عينيها كتفكر اش غتلبس وعينيها وكيفاش غتصرف...كتفكر تلاعيى وتلقى راسها غالطة التحصين اللي عكاها الحاج عمرها كان خاصها تفرط فييه شكون يضمن ليها راه تشافاات نهائياا من داكشي اللي كان متملكها وشكون اللي ضمن ليها انهم مايكونوش رجعو ليها وهوكا اللان معاها فين كاينة هي كاينين هوما...

محمد خلا تسنيم مع بنت غيثة الصغيييرة كاع كتلعب معاها ونزل لتحث دخل للبيت نيشان كيقلب على اسمااء بعينيه مبانتش لييه وهو يضور جيهة الحمام بان ليه مسدود عرفها تما ورجع خرج من البيت كيضور غير فالدار من بلاصة لبلاصة ودخل تاني لبييتو بانت لييه مزال فالحمام عقد حجبانو وقرب ضور البواني لامتكونش تما ويكون غالط ساعة لقاه مسدود ولكن مامسموع حتى صوت من الدااخل ايلا كاانت كتعوم غيكون الما كيتسمع كيترش ولكن صقييل لداخل كانهم مكااين حتى حد...دق مرة وجوج وتلااتة وبدون اجابو حتى بداا كيتخلع...

اما كنزة كانت ركبات جنب عماد ونيشان للدار قلبو موضووع الحمل كيضهر فمواضع اخرى وعماد مسبق ايديه كيف ديما باسل كل مرة كيقيصها فبلااصة مخليها غارقة فبلااصتها حتى وصلو للدار نزلو بجوج زاد عماد قداامها خلاها كتسد فصاكها معلق فعنقها حتى وصل للبااب وتلفت ضار عندها

عماد : يلااه طلقينا

كندة : هاني نجبد غير الساروت...

بالصدفة هز عينيه وراها حتى بانت لييه واحد المراة طاية كتشتشف غليييضة وقصيييرة بجلابة منمرة عينيها حمرررة فكنزة و واحد اخر مورها وجهو مخصر وباينة علييه ماشي تالهييه....

كنزة عاطياها بالهضر يلاه غتجي موراهاا تلااح عليها حتى نقز عليها عماد دفعها لور وجر كنزة ورااه

عماد : ارتاحي اشريييفة مع راااسك فيين دافعاها

بالجرة اللي دار ليها قفزاات كنزة بغوتتها غيير شافتها هكا كي مرجة فعينيها لصقاات مورا ضهر عناد مفااهمة والو

_حيييد حييد من قدااامي ولاا علياا بليمييين تاانشوهههكم ونفرج فييكم الغااادي وجاااي حييييد نورييهاا الخااانزة الكلللبة حييد

عماد : اشرييييفة رجعي لوور غنغلللط فييك قد الوالييدة بدلي سااعة بخرااا

نقز الولد ورا مو: اااتطش ايدييك علليهااا غنكزرها لييك

باشمئزااز فيه عمااد وتلفت شاف فكنزة ..

عمااد : شكوون هاد ميخي شكون هادو تان

كنزة : ماعرفتهمش...شكون نتي اختي مالك ااش كاين...

_شكونن نتي يااااااك وااعووك عووك اعباااد الله نكراااتني ونكرااات بنتي ضربتي الفلووس تحت ترمتك ونكريتي بنيتي عطيييتها دهبيي بااعتو وعطيتها حوايجي بااعتهم تسيطف ليا بنتي لللاماااارت نصبااات عليهااا غرقااات ليااا بنتي مشاات لا خبااار عليهاااا

كنزة : شكوون هادي بنتتك تاااني اشمن ايمااراات ااش كترخبقي

_نكترهيياا ابنت القح/بة ضربتيي الفلووس تحت ك/رك ونكرتييهاااا غنضر

قبل تا ماينطقها شنق علييه عماد ناازل عليه بروسية وديك المراة غوتاات وشداات فعماد اللي شانق على ولدها كتعض ليه فايدييه يطلق منو وهو لصق عليييه وكنزة كتبعد فييهم وتضرب فديك المراة تطلق من عمااد

_ترجع ختيي برررب تانعدبهااا بررب تانعدبهاا وماترجع الخواايدرة من ضوبااي

عماد مافاهم والو : ختتتك رااجل مسيفطها للايماارااات تقح/بن عند السوااعداا الرووجول سييير ولاا غندبح زام/ل بوك هاد نهاار سيييير غيرهاااا

دفعوو بجهههد وديك المراة حيداات الزييف شعرها شاايب ونصو حمر بالحنة والصبااغة

_امييمتيي نكراات لياا بنتي اميمتي شواتني فكبدتي والله لابقاات فييك والله تانرجرجك والله تاانطلعك ونهطك فالمحااكم ومارجعتييهاا والله لارخليييتهااا فييييك زييد خلييهم والله لا بقات فييك رجعي ليا بنتي الله ياخد فبيك الحق فين سيفطتييها لا خباار عليها نعيطو ونسيفطو ليها وتقول سرطاتها السماء ماشي لرض والله ومارجعتييها تااانغرقك فالحبايست(بغفلة من عماد تلاحت جراتها من دراعها وهو يدفعها بجههههد حتى كانت غتقلب وهز ايدييه)

عماد : غتقيصيييهاااا نفرررع زاا..سيري صاافي خليني نحتارمك قد الواليدة بدلي سااعة باخرى

كنزة كلهاا كترعد شداتها السخفة : عماد صاافي عفااك يلااه (تا حساات بالحاجة معا شدات فيها بلعات ريقها ضنات حتى باها غينزل ساعة كانت اير الحاجة صافي)

الحاجة : شكوون هادي ماالهاا

كنزة : ماعرفتش اماما غلطات ماعرفتهااش ااش بغات...عماد يلاه خليها صاافي عفااك ما يلااه نطلعوو..

_هاهوما جاااو هاهوما والله لاخليتها فييك والله ماتبقى فييييك...

ضوراات عينيها كنزة شافت فسيارة البولييس اللي جتية مع الشاارع برد ليها الما فركابي شداتها السخفة زيراات على اييد عماد كترعد كلهااا حتى وقفو قداامها ونزل واحد....

_البولييس...كنزة شفييع...

عماد : مرتي هاهي شنو واقع ؟

_تفضلي معلنا للكوميسارية

عماد : علااش غتمشي لهاد الكوميسارية نقدر نعرف ؟

_تالتماا وغتعرف ...تفلضي الالة زيدي..

يتبع...