حمام الخلا الجزء 17

تحرك ملفت جيهت الكوافوز جرو وجبد ضوبل دساروت دالحمام بلا عقل ملي كيتفكر كيفاش كانت مريضة والسخانة طالعة نازلة ممكن تطون غيبات وهي وسط الدوش...مافكرش جوج مرات وضور ساروت وحل الباب ودخل حتى بانت ليه فوق لاشاص لايحة راسها لور وناعسة مغمضة عينيها.....مشى عندها غيحركها بشويا تفيييق يلاه حط ايديه يحركها وهي تخطف قاافزة من بلااصتها كتشوف هنا ولهييه ناسية رااسها وفيين هي وهو هز ايديه مهدنها حتى حسات على نفسها ورجعات شعرها اللي تحل لور كتقاد فيه وتشوف حشمانة من عينيها اللي داتها فالحمام..

محمد : ششش بشويا عليك...(تبسم)ماكفاش البييت دخلتي تكملي نعاسك هنا ؟

اسماء ضحكات بخجل حكات شعرها : لا غير داتني عيني ماعرفتش كيفاش..

محمد : صافا شوية (كيقيص فجبهتها وخدودها وهي حركات راسها باه)

محمد : تخرجي ولاا مزاال ؟

اسماء : لا غنخرج خاصني نوجد راسي ماما مابقى ليها والو وغتوصل قربات تجي هي وختي وعماتي ماشي مشكل يااك

محمد : جايين لدار بنتهم فين كاين المشكل..

تبسمات وعلات فييه عينييها بدون ملامح بحالا باغة تسولو ماقادرااتش او ماعرفاتش كيفاش تنطق سؤاالها وهو خشى ايديه فجيابها عرفها بغات تقول شي حاجة..

اسماء : محمد..ممكن نسولك..(حرك راسو باه وكملات) ش شنو كتعني الشجرة فالحلم ؟..

محمد باستغراب عقدهم : كيفاش ؟

اسماء : شفت واحد الحلمة بحال شي رؤيا واخا كنت ناعسة كنت حاسة بيها....كانت واحد الشجرة كانت زويينة بزااااف وعاالية ههه وكان فيها الثمر ولكن كل ورقة فيها ثمرة وحدة

محمد :وحدة !

اسماء:اه كان ثمر كببير....و ونتا هههه كنتي حداها قلت ليك عطيني وحدة قلتي ليا واخا وعطيتيها ليا وكليتها ورجعت قلت ليك عطيني وحظة اخرى قلتي ليا لا وايلا خديتيها بايدييك غنمشي ونخليك هنا..

محمد بنفس الملامح المستغربة تبسم : اهاه زيدي

اسماء :ولكن داك الثمر كان دياالي وحتى ظديك الشجرة وانا عطيتيك تقابلهم ليا ولكن نتا مابقتييش باغي تعطيني منهم مزال..وانا ...م مادرتش بكلامك وسرقتها بالتخبية علييك واخا كانت ديالي ملي بغيت ناكلها ولاات ناااشفة بزااف وكتشقق وبغيت نرجعها لييك لقيتك مشيتي والشجرة طااحت كااملة وغبرات بحالا عمرها طلعات تما....

شااف فيها مطوول بتفكيير وهي كتسناه يقول شي حاجة والحلم بين عينيها كيتعاااود بحال شي فيلم فيه عشرين تانية عاوداتو بالضحييكة ولكن اللي حسات بيه وهي كتلحم بيه فارض غااائمة وجو كئييب ومحزن وكان العكس ضحكتها...

فنفس اللحضات تلفتات كنزة عند عماا شادة فدراعو كتحرك راسها بخوف وجهها تسقط منو الدم كلها كترجف...

كنزة : مالدرت واالو علاش غنمشي معاهم والله مادرت شي حااجة

_تفضلي امداام الله يخلييك

عماد : انا غتجييبها ماشي مشكل ؟

_تمششي معانا اسيدي...يلااه

عماد : مااشي مشكل صافي سيري معاهم ماكيين والو ماتخاافيش انا وراااك غير سيري نشوفو هادشي ونرجعو بلاما نطولو الموضوع..

كنزة : مادرت واالوو

عماد : عااارف احبييية عارف بلا بكى سيري معاهم(بهمس بينو وبينها) ماتقوولي واالو ماتخرجي حتى كلمة حتى نجي عنندك

كنزة كتبكي : شنو غنقول

عماد : واالو واالو ماتهضرييش حتى نجي ...(خدا ليها صاك) فيه تيليفونك (حركات اسها باه) سيري ماتخافيش ماعندكش مناش تخافي ماكين والو وانا معاااك

شدات فدرااعو برجاااء عيونها ضباابة بالدموع....

كنزة : عندااك تعطل عليا

عماد : يلا سيري..(بغات نشدها الحاجة) غيير خليها(كان الباب محلول خلاها طلعاات وهو كيمسح وجهها من الدموع) علاش كتبكي دابا اش كاين انا جاي وراك ماشي بوحدك يلا براكة... عادي هادشي كيوقع سوء تفاهم وغنحلوه

تحدر باس على راسها مطول وسد عليها الباب خلاهم مشاو وتلففت عند الحاجة مخلوعة كترجف غادا تابعاها وهو شدها رجعها

محمد : ماعرفتييش الثمر على اشنو كيدل فالحلم (حركات راسها بلا) هاداك غير التحصين اللي غنعطيك وايلا ماتبعتييش غنعصيك عليه المشيان ماكين فيين نمشي...سمعتي..

اسماء ضخكات :غير كنسى والله

محمد : انا غنفكرك اخر مرة نبغييه يتنسى ولا تقصرري فيه ...(تنهد وتكى على الكوافوز بنصو وجرها لعندو) خاصك تفهمي مزاال مرييضة وميمكنش نقولو تشافيتي مية فالمية مزاال طريقك طويلة وهاد التهاون اللي درتي ماكيعجبش ونتي فبداية العلاج دياالك بليس كو كيتسناك واحد الطيست جينيغال...ترتاحي ونرتاحو كاملين..

اسماء بطاعة حركات راسها: واخا ...شفت البيت ديال تسنيم البارح..زوين بزااف شكرااا حتى هي غتطون فرحات بييه مزال ماشفتها غير كتشوفك كتنساني

محمد : حتى لغدا وشوفي الدار كاملة اللي بانت ليك خليها واللي ماعجباتكش نبدلوها مابغييتش نبدل على دوقي حتى تجي ونوشفو شنو نديرو

اسماء :لا بالعكس كلشي زويين

محمد هز حجبانو مدهوش زعما : كلشي ؟

حركات رااسها بااه

محمد : مرتااحة (بدون شعور قاطعتو)

اسماء : بزااف

تبسم لكلاامها وعلا ليها دقنها عندو كثثثر حتى حكمها مقربها ليه وضور ايديه على خسرها وهي حطات ايديها على صدروو كضور فعينيها وقلبها غيسكت من هاد القرب كااامل وريحتو اللي دوخاتها كتعلي عينيها كتشوف غير صدرو وتعاود تعليها كثر كتلقاه كيشوف فيه وترجع تحدرها دغيا باغة ضسر علييه وتحيد ديك الحشمة وترجع كيف كانت هذا شحال وتهضر وتشوف فيه برااحة....وهي تحط رااسها على صدروو وتبسمات كتحس بايديه ضاميينها لعندو اكثر...

نساها فالحلمة بحركاتو فحين هو ضمها لعندو وشاف بعييد عاقد حجبانو قرا حتى حفاز لييه عينييه علم تفسير الاحلاام وكل قطعة فالحلم اشنو كتعني واشنو دلاالتها بكثرة هوسو بعلم التفسيير وللناس اللي كيجييو عند الحاج طالبين منو تفسير احلامهم وهو كيردهم باسف لانه ماكيبغيش يفسر بكدب عن الله وايلا قال شي تفسير ايلا ويكون بصح لكن محمد قرااا وبحث علييه حتى مل وعيى مابغاش يفسر حلمها او بالاحرى مابغاش يديرو فبالو اللي حلمات بيه مكانش عادي بالنسبة ليه ايلا جا يفسرو ليها بالتفاسير اللي بحث عليه غيخلعها وهادشي اللي مخوفو هو بنفسو...

عند باب الدار المحلولة والمستقبل ل اللي غيجي واللي غيمشي..نزلات الحاجة بالتبسييمة في استقبال الحاجة ام اسماء وعمااتها وبنات عماتها..

دخلاتهم كتسلم عليهم وترحب بيهم وحدة بوحدة وتسول على كنزة اللي مبانتش ليهاا..

الحاجة : دابا تلحق علينا....

الحاجة ام محمد : اسماء فبيتها لهييه دخلي عندها مرحبا بييييكم نهار كبيييير هذاا محربااا..

بانت ليا بنت عمة اسماء اللي كانت تلاقاتها فالعرس وقربات سلمات عليها من خد الخد

الحاجة : هاحنا تلاقينا مرحباا بيك ابنيتي مرحبا

بنت العمة : لهلا يخطييك اخاالتي تسنيتي نعرض علييك وليتي سابقاني ههه

الحاجة : العقوبة لييك الله يفرحك ويجيب ليك شي ولد الناااس و ولد الخييير مرحبا دخلي..

تبسملت ليها بنت العم ودخلاات كتشوف كيفاش الله يجيب ليك ولد النااس فيناهو الطبييب ؟ مكانتش عارفة ان محمد اللي كانت كتقصد الحاجة جمعات الضحكة وطلعلا لفوق مع مها....والحاجة دخلات عند اسماء...

اسماء : فيين كنزة بقات برا

الحاجة : بقات مع راجلها دابا تجي..لبسي حوايجك هاكي شوفي اشمن وااحد غتلبسي

اسماء : كانت غتجيب ليا كنزة واحد الكسوة فيين بقات من صباح وانا نتسناها بلاتي نصوني ليهاا

الحاجة : لااا..ماشي دابا ابنتي الله يرضي عليك عماتك كيتسنااو يلاه لبسي وطلعي شوفيهم كنزة دابا تجي

حيدات ليها تيليفون كتننهد خايفاها تصوني ليها...

اسماء : ماما شنو كتعني الشجرة فالحلم..

الحاجة كيقول الراجل والله اعلم..

اسماء : والثمر ايلا كان نايض فيها

الحاجة : الوليدات والخير

اسماء : وايلا طاحت الشحرة من الجدر

الحاجة : الله يستر علاااش ؟

اسماء : واالو غير سولت ...ففف فيين بقات هادي ومرة تاهي قلت ليها جي بكري بقات معاه هو غيعطييها زمر خلاتني وبقات معاه بغيت ليها(قاطعتها)

الحاجة : اشنو ااش بغيتي ليها سكتي شوووية لبسي حواايجك وطلعي خلاص مابقيتو تحشمو قداامي تغوتي وتدعي على ختك.... فين راجلك

اسماء كمشات ملامحها : غير كنضحك...عيط عليه الحاج وخرج عندو

الحاجة : عاودي ليا...كيدازت ليلتك

جلسات اسماء كتقلب فلفاليز ديالها وتعاود ليها اش وقع ليها البارح...مالقاتش الكسوة اللي قالت ليها كنزة لبسات قفطان جوهرة ايفازي على جسمها ورمات فوقو شاال مغطي شعرها وصدرها وضهرها وخصلاات خفيفة من شعرها كتبان حيت غير العيالاات اللي طاينيين لفوق..زينات وجهها بالكحل وكلوص خفييف على شفايفها وناضت بلا خاطر ليها مع كنزة كتسنى غير ييتدق داك البااب وتحل بغات تصوني ليها والحاجة ماخلااتهاش تهز خاطرها ومابقاتش مرتاحة....خرجات هي ومها طلعو لفوق عند عماتها وهي جالسة وسطهم وعينيها على الباب اللي مادخلات منو كنزة ماطلات...مرة مرة تجلس حداها الحاجة واخدة راحتها لا هي لا خديجة الشغل قادين بيه المساعداات اللي طاب لييهم محمد هوما اللي قايمين بالكوزينة وشغل مرة مرة كتنوض ايلا احتاجو شي حاجة..واسماء غير مبسمة فوق الخاطر ايلا جبدها شي حد عاد تلوح ليه كلمة ولا جوج وتسكت....معقول كنزة ماتجييش وتبقى مع عماد ؟ كتسناها غير هي تجي تفضل يمشيو كاملين وتجي كنزة اللي كتفهمها ايلا غير غمضات عينيها ماتحتاجش كاع تهضر... تزيراات ماعرفاات مااالها اش واقع لختها.....حتى جات عندها تسنيم كتجري جلساات فحضنها كحضك وتنهج واسماء تبسمات ووباست على راسها..

اسماء : فين كنتي ههه

تسنيم: نقوليك فودنيك

تحدرات عندها اسماء عاطياها ودنييها

تسنيم بحماس : قاليا عمو بابا نقدر نقول ليه بابا

اسماء : بصح ههه

تسنيم : اه قلتها لسلطان ..شكراا ماما حبيبة حيت خليتيني نقولها لعمو بابا

اسماء كتبوس فعنقها وتستنشق ريحتها وهي طتهر وتبعد عنقها ضاجكة..

اسماء: بصحت بنتي ندير كلشي على قبلك الكبييدة بوسيني

تسنيم : حتى نتي كبييدة..(بخجل شدات فمها) كنبغييك

بدههشة حلاات اسماء عينييها وتنهدااات بصدر واااسع عينييها دمعو وبااستها مطولة على جبهتهاا اول مرة تسمعها منها وماا اجمل احساس الحب من الوليدات للام نفسها ولو انها كلمة عادية لكن اسمتء كجمييع الامها الغلط اللي كيربيو فوليداتهم من الصغر وهو عدم الاعترااف بالحب او الخجل من الاعترااف به...كلمة عادية ولاازم تقال لاي ام واب لكن زرع الخجل من الواليدين وكلمة "حشومة ويليي هه " من صغر تزرعااات فعقلهم حتى ولاو كيحشمو يعبرو بحبهم لواليدييهم باللسان..

اسماء : كنبغييك اماما ببنتي بووحدي كنحمااق عليييك شكون علمك هاد الهضور قولي ليا

تسنيم : سلطاان

اسماء : ااش كيقوليك سلطان ؟

تسنيم : كيقول لماما ديالو كنبغييك وبقاي معايا ديما حتى انا كنبغي ماما وغتبقاي معايا ياكي ديما ماغتمشيش وغنبقاو مع عمو بابا محمد...وقال لماما ديالو بغبت بابا يموت شنو هي الموت اماما واش هي حيت مشى وخلاه بوحديتو نتي ماغتموتيش اماما ياك شنو هي الموت

اسماء : هي هاديك اماما..الموت هي شي واحد كيمشي ومكيعاودش يرجع بمرة ماكنبقاوش نشوفوه وسلطان حشومة يقول على باباه هكااك حيت ايلا مات ماغيبقاش يشوف واخا يكبر ومايبقاش يدير البسالات مغيبقاش يشوفو..

تسنيم : هيييه انا ماتنديرلكش البسالات ماتموتييش وحتى انا مانموتييش وعمو بابا محمد مايموتييش وخالتو كنزة ماتموتييش

اسماء : الله يحفضك ليا ماتبقايش تقولي هكا اماما الله يخليكم ليا

تسنيم : لا انا مانموتييش نبقى معاك ماتموتيش تانتيا

اسماء : مانموتييش هههههه بلاتي نعيطو على خالتك حتى تجي وقولي ليها مانموتييش منيين كتجيبي هاد الهضرة قولي ليا منييين

بااستها بجههد ملهووفة ومجننة عليها كضحك وتسنييم فلتاات منها ونزلات كتجري مشات وهي جبدات تيليفون باغة تصوني ليها..

الحاجة : حيدي تيليفون ا سما حيديه عكوزتك حدااك

اسماء : كنعيط على كنزة غير تجاوبنيي ونحيدو...

الحاجة : دوييت معاها راه مع راجلها دابا تجي اري صاافي هضري مع عكااتك شوفي فيهم وعطيهم وقت ونتي مصدومة غتعطيك البزولة دابا تجي..

حيدات ليها تيلييفون كثر منها ماعالم بيها غير الله فحين هي تزير صدرها من تعامل الحاجة اللي مقصحة معاها الهضرة وحدرات عينييها شداتها البكية وبقى فيها الحال من جييهت كنزة اللي مجاتش عندها...والحاجة اللي قالبة عليها وجها والتخنزيرة اللي درات فيها قدام عماتها وخالاتها...

محمد على براا طالع هو والحاج باه وعبد المتقي والفقيه صاحب باه دخلو للصالة تانية وعبد المتقي غير جلس بدا كيحس بشي حاجة كتحرك تحت رجلييه قفز مامبينش وحدر راسو مخرج عينييه حتى كتبان لييه نفس القطة اللي كانو لقااو قدام البااب ملي كانت اسمااء مريضة..قطة الكحلة... كتشوف فيه وتمحكك علييه خرج عينيه وشاف فالحاج هاد الاخير اللي فهمو وضحك

الحاج : شتي كي ولات ديناها ديك الساعة لداك الطبيب دالحيواناات صاحب محمد شوية ومكانت غتموت الله عز وجل شاف من جيهتها....

الفقيه : الحمد الله الله يجازيك بالخيير الحاج على هاد الفعل

الحاج : اللهم امين ز ملي رجعات بصحتها مابغيناش نلوحوها للزنقة خلاها محمد معاه هنا...كضور بيك يمكن بغات تاكل..

طرطق ليها محمد صبعانو وهي ضارت عندو كتحسس غير ناض وقف خارج وهي كتمختر تابعاه حتى خرج مابانت لا خديجة لا الحاجة ومشى بنفسو للكوزينة بانو ليه جوج عيالات كبار خاارجيين بالصيينية وداكشي اللي معاهاا تسناهم حتى مشااو وهي تبان ليه خديجة خارجة موراهم....

محمد : باقي شي حد

خديجة تلفااات : لا...ب بغ بغيتي شي حاجة نجييبها لييك ااش حب الحااطر

محمد : لا غير سيري انا غنشوف..راجعيين؟

خديجة: لا لا كيسربيو العيالات لداخل مانخليهمش يجيو حتى تمشي

حركات راسها مبسمة وهو دخل وهي مشااات يلاه عمر للقطة ماكلتها تلفت غيعطيها وهي تبان ليه تاني خديجة دخلات كضحك

خديجة : ناخد غير هذاك س سمح ليا..ن نزلي

بغات السربيتة دالحاجة من فوق البوطاجي والمشة جالسة تما مابغااتش تقرب عندها وهو فهمها كيخافو منها لاهي لا الحاجة وهزو وعطاه ليها يلاه غيضور وهي تبان ليه اسماء خارجة من الصالة حادرة راسها وصبعها تحت نييفها داايزة من قدام الكوزينة ماردااتش لييه الباال لا هو لا خديجة لي مشات للصالة كتشوف فيها يلااه غتنزل مع دروج حتى حسات بشي ايديين جروها هزات رااسها وهو يبان ليها هو...دخلها للكوزينة ورد الباب سدو عليهم وخديجة حاضية الفيلم دخلات كتجري عند الحاجة بهمس تحنات عندها...

خديحة : الحاجة عروستك خرجات كتبكي فالكوزينة مع السي محمد...

محمد : ماالك...علاش كتبكي

محمد : دواا معاك شي حد...(هز راسها عندو ) ماالك !

اسماء : واالو م مكنبكييش ههه ماعرفتش شنو دخل لعيني ..بغيت نشوف غير ختي ماجاتش عندي

محمد : باقي الحال فين تجي

اسماء : لا لا يلاه هضرت معاها قالت ليا نص ساعة وغنجي عنندك مزال ماجات مايمكننش تجلس فالدار وماتجيش عندي

محمد : يكون عندها شي مشكل ؟

اسماء : ماعرفتش ماخلاتنيش ماما نهضر معاها خدات ليا تلييفون واقعة ليها شي حاجة حتى ماما ماشي هي هادييك وكنزة ماتجلس عليا ماعرفتش اش وااقع ليها

محمد : تهضري معاها عاقلة على النمرة ديالها نجربو نهضرو معاها ؟

اسماء : اااه..حافضاها

حرك رااسو وجبد تيليفونو عطاها كتبات نمرتها وبدا كيصوني...المرة لولا التانية بدون اجابة واسماء شابكة ايديها طتسناها ترد وشكوكها كيزيدو يتأكدو..

اسماء بعيون دامعة : حلمت بيها والله حتى حلمت بيها حلمي ديما كيتحقق ختي اللي وقعات ليها شي حاجة علاش ماغتجيش عندي مال ماما جالسة على شوك ماشي دياالها واقعة شي جاجة

محمد : شش بلاتي بلاتي نشوف ماتسبقيش الاحدااث يلا براكة صافي

مسح ليها دموعها بايديه ودرعها تحت درااعو كيصوني ويعادو حتى تحل الخط...

اسماء : الوو كنزة

عماد: هذا انا اختي اسمااء..

اسماء : عمااد..!!!

حرك ليها محمد بابيديه تعطيه التيليفون وهي بلا كلمة عطاتو ليه وحطو على ودنو كيهضر معااه مدة طويلة وهي كتشوف فييه وتسنى على احر من الجمر كتسمعو كيقول غير ااه لا لا ااه بلاما يوضح ليها ولا يسمعها اش كيقول ليه عماد حتى سالة وقطع معااه...

اسماء : شنو قاالييك ماكينااش معاه فيين مشاات

محمد:كانت عند شي طبيبة

اسماء : اه فالصبااح مشات عندها

محمد : باقة عندها تخرج وتهضر معااك

اسماء : ولكن راه دوات معايا فاش خرجات من عندها

مابغى لا يقولها ليها اللي سمع من عماد ولاا يبين ليها وهي مخلوعة بلا والو غتزيد تخلع كثر بشر ملامحو ولو بشكل مصطنع وقال..

محمد : رجعت دخلت عندها المهم غتخرج وتهضر معاك وتجي تخلعتي على والو والبكى...دموعك على سبة ولا كيفاش..ااش هادشي الالة اسماء..

اسماء :خلعاتني عليها ختي كنعرفها ماتجلسش وعارفاني كنتسنااها عنداك غيير ماتجييش

محمد : غتجي غتجي..(بتأكيد) ايلا ماجاتش نجيبوها..

محمد :هاد ختك غنلقى معاها مشكل بان ليا

اسماء : ءء!...علاش ؟؟

شافت فييه مطولة عاد فهمات كلامو وتبسمات كتشتت فنضرها وهو تبسم بحالها ومسح الدموع اللي تحت عيونها حمريين ونيفها دغيا حمار وخدودها تزنكو ماشي بالبكى وانما منو هو وبكلامو وحركاتو...حتى مسح ليها دموعها كامليين وشد وجهها بين ايدييه وتحدر بااس على رااسها بهدووء اكثر ونفسو سخوونة كتضرب فوجهها تحنى اكثر حيت قصييرة علييه باس نييفها الاحمر بلطف خلاها غمضاات عينييها برعشة من نفسوو الداافية ولحيتو الخشنة كداعب رطوبة لحمها يلااخ حس بييها غتنز رااسها تااني وهو يحكمها بسرعة وهزو ليها بفمو اللي تحط على شفايفها ميل رااسو خلاها شهقات بصمت وزيراات على دراعو مرفووعة ومع شفايفو الداافييين اللي رفعوها لعامل تاني...معاه حاسة بقلبها هو اللي مشدود بين ايديه كيتعصر ماشي وجها..بعد شووية فين خلاها تنفس ورجع غيعاود يحطهم ماساخييش حتى تحل عليهم الباااب وطلاات الحااجة وهي تبعد اسماء دغيا غارقة فحشمتها وهو تلفت كيشوف فالباب عاد حس على رااسو فين كااين ماشي غير اسماء اللي ترفعات حتى هو ترفع معااها ماهقلش على راسو فين هوماا كتبان ليه غير هي... حفظ الله جات فالحاجة ماشي واحد اخر اللي دخل عليهم...فحين الحاجة مادات ماجابت بالها بقى مع اسماء لي قالت ليها خديجة كتبكي..

عماد غير قطع مع محمد رجع للطوموبييل سد عليه البااب وضار فين كاانت ديك المراة وولدها حداها مخرجين عينيهم فالطوموبيل كيفاش مفرشة وااش فيها..

عماد : المشااكل المشاااكل والله تاعينى سمحو ليا تعطلت عليكم..شوية اخويا (قاصد الضربة)....سمح ليا فحالة غضب وصافي

ا_م ماشي مشكل شوفي اسيدي كون ماوصلات فيا العضم مانجيش عندها

عماد :عارف عارف اللي كاين هادشي اللي قلتو ليا فهمتكم وعدرتكم ماشي ساهلة.عليكم وكون كنت فبلاصتكم غنديير بحالكم حتى انا مرتي حاملة وحاس بييكم تغبر عليا بنتي ولا ولدو غيير ساعة ندوخ ولد حتي غير ولد ختي وكنبغي نشوفو قدام عيني مايغيييبش عليا..

_الله يرضي علييييك هانتاا قلتي كلاام دالمعقوول هانتاا فهمتيني واش انا اولدي نهار بنيتي بغات تمشي جات عندي كتبكي حالتها حاالة خاصها ماتاكل وماتشرب تما عطييتها اسيدي دبلييج غليض وكبير و وازن ديال الدهب باعتو فنص الليل والله العضيم بنص تمن وعطيتيو ليها ومشات

الاخ : والبيسيي دياال وئام

_سكت

الاخ :البيسي

_اييه البيسيي ديال ختها بالحق هي لي شارياه ليها عطاتو غير لوااحد المقطع فزنقة عطاها اللي هاز فجيبو وزادت وملي مشات وانا نعيط ونعاود نعيط ونعاود تاجوبتني قلت ليها فيينك قاالت ليا هاني فالطيارة قطعت تاني

عماد عطاها كلينيكس: تئ ماتبكييش الحاجة ..

خدات كلينيكس كتمسح دموعها...

_والله ياوليدي ايلا قلبي تاتقطع على بنتي كاعرفت ااش بيها نعتو ليا هاد سيدة كنزة كتسفط البنااات جيت عندهاا ترجع ليا بنتي مابقييت باغة بو شي امارااات مابقيت بغييت والو غير ترجعهاا لياا ااهى بنتي مشات فعز شباابها عطاوني هضرت واحد صحبتها اخرى مشات معاها ملي عيطنا ليها جاوبتنا مها قلت ليها فين بنتك قالت ليا ماعليها خبااار عطاتني وحدة اخرى جييت نعيط ليها لقييت عندهم الجنااازة بنتها مااااتت اولدي كيتسناوها يجيبوها ليهم فالصندوق

عماد بصدمة :ماتت ؟؟؟

_مااااتت ربي شاااهد على كّلبيي اولدي ااش صرا فييه ملي سمعتها بنتي مننهم وماعرفتها ماتت ولا حية ماعرفتها وصلات ولا باقة حس بيا اولدي حس بيا وب بنتي ايلا مشاات ليا...مشا ليا ضو العين ..

عماد : لا حول ولا وة ايلا بالله ماتبكيش الحاجة مايكون غيير الخييير ..مارجعتيش تاصلتي بيها

_وااالوو طيرت الهضرة من خوها الصغييرة قلت ليها ختك هند كيفاش مشات حيت غير هي وياها لي حاطين راس على رااس..بزز ياولدي باش قالت ليا واحد السيد اسمو عزوز ولا عزييز ...قلبت علييه هو لي سيطني قاليا شي وحدة اسميتها كنزة

عماد : واخاا وشكون كيعرف كنزة من غييرك ؟

_تاااحد انا سمعت كاع البنات اللي مشاو معاها تاوحدة ماوصلاات وااش وصلو ودارو ليهم شي حاجة تما ولا قبل مايمشيو شدوهم هنا ولا الله اعلم ااش وقع فييهم بغييت غير نشف بنيتي ميتة ولا حية غير نشوفها قدام عينيي ولا هاد الغييبة...!

دااز يوم هااادئ زوييين بالنسبة لعائة اسماء وعائلة محمد لطن العكس كان بالنسبة لياا و للحاجة جالسين كآنهم جالسين على الشزك كل وحدة تخمم فجييهة وكلو وحدة ماعالم بقلبها غيير الله....اسماء مورا اتصال عماد ارتاحت عليها معاه فنفس الوقت تقلقاات من كنزة وقاالت فنفسها بقاو معاه واختارت تبقى معاه وماتجييش عندها فالنهار اللي محتاجاها فييه فحين الحاجة غير حاضية الساعة وعقاربها اكتر ضور توصل الربعة وتجمع عيالاتها وتنوض بحالها تسنى بنتها عند عتبة البوليس تدق علييهم وترغبهم وتبوس رجليهم وتجييبها .....عينيها مرة مرة على اسماء مابغاتهاتش تعرف ولا تسمع شي حاجة عارفاها على سبة خاصة فكنزة اللي ولات كتبان ليها غير هي ما خاص توقع ليها حتى حاجة...

قبل هاد اللحضااات بشويا كانت كنزة قداام المفوض جامعة رجليها وايديها خداميين كل مرة كيمسحو دموعها اللي دايزين وهي كتشوف فداك المفوض وهو بصوت عالي مزعزع خاطرها مخلي قلبها مبورش بخوف...فاشلة قددامو كل ما قال ليها شي كلمة كيخلي قلبها يضرب حتى كيبغي يسكت..

المفوض : شوفي اختي عرفتك بنت الناس ودرويييشة ومعقولة هاد الكلام راك حفضته لياا ملي دخلتي مع داك البااب ونتي تعاودي فيييه....سهلي علىىراسك عاونينا وعاوني راسك اش كتعرفي اش كديري اشنو هادشي اللي خشيتي نيييفك فيه (بحدة نهض فيها) هضري....

كنزة : مااادرت واالو...مكنعرفهااااش والله مادرت شي حاااجة

_واااش من دوون كل ناس ديك المراة غترجد من وسطهم وتجيبك لينا اه حقا هادي اللي نصبات على بنتي وااش كتبوهلي عليا

حدرات راسها كتبكي مجوباتوش وهو وقف كيمشمي ويجي معصب وكل مرة يتدق عليهم الباب ويدخل واحد رااسو بشكاية من نوع اخر مع ليلة السبت هي غير كتسمع كل مضاربة جاية فشكل...مشكلة الرعب فقلبها....حتى تلفت عندها كيحك على دقنو وايديه تانية على خسرو

المفوض : اابغيتييش تدوي مابغيتيش...شوفي هضري قولي اللي كتعرفي و وعد مني نتساهل معااك عارفة عارف مكتبانش فييك ديال هادشي..ماشي دياالك كل واحد معروف بشطحتو عارف هااادشي يمكن غلطتي سوء تفاهم وقع ديك البنت يمكن غلطتي فيها مع شي وحدة يمكن بصح وقع مشطل ونتي مافخباارك ما يتقاال غيير هضري قولي ليا الحكاية من لول باش نقدر نعااونك

كنزة كتبكي بصوت عاالي: مادرت واالو فهمني ماردت حتى حاجة ضلماتني ماكنعرفها ماكتعرفني والله مادرت شي حاجة ضلماتنيي والله العضييم

مع اخرك لمة ضرق فالبييرو بجهههد حتى قفزاات شادة على،فمها حااابسة شهثتهاا كتبكيي وهو قرب وجهو ليها كيهضر بحدة ولعابو كيترش عليها مغدد...

المفوض : ياااا خهااااد البنت واش ضلمااتك شفرتي ليها درهم ولاا جووج ااش كيحساابلك كنلعبو هنااا غير قالت لينا فلانة مشينا شنقناا عليييك....راااك متهمة بتهمة التجااارة فالبشر...خمستطااااش رسنة حتى لعشريين سنة ديااال الحبس ناااافدة مافيها لا خهادي لا هاادييك واقسم بديني وبقيتي على هاد سكااات ايلا هي لي رااك فيهاا هضري طلقينا قولي ااش عندك دوي ولاا داافعي ولاا اعتارفي حسن هنينا وتهنااي...

شدات على رااسها كتبكي وتحرك راسها بلا وهو كيمشي ويجي قداامها صاعر ومعصب حتى دق علييه واحد وطل..

_مون شاف ولد العصبة جابوه ينزل؟

_اجي..اجي نزل هااادي تااتبرد وطلعها جينا هنا نبكيو بسيكياطخ انا نزل هادي تكلاصا شوية يبرد ليها داك الرااس..

ضورات فيه رااسها بصددمة عينييها حمريين وبدهشة سكتات كآنها كانت كتسنى فدااك الشرطي اللي جا شد فدرااعها ونوضهاا مخرجها معاه وهي مرخية على الكامل كتشوف بعينيها فين غادي بيها واشنو باغي يديرو ليها....عمرها تعاملت بهاد المعاملة هادشي غير فالافلام كتشوفو حتى ولات كتشعيشو...نزلوها لسيلون حل بالساروت ودخلاها...!

مشاو العائلات بجوج وخوات الدار على اسماء وهي بقات معاهم الفوق فين كانت جالسة غير هي والحاجة غيثة وبناتها بجوج الكبيرة والصغييرة كتلعب مع تسنييم..

حاطة خديجة قداامهم مقبلاات خفييفة بحاال واحد الطبق دائري متوسط كلو بالفواكه الجافة وجنابو طبيسلاات صغار بالفقاص حليوات متنوعين بيسكويتات وكاس ديال اتاي...

غيثة : نوضي ابنتي سبقيني للبييت سرحي شعرك وتكاي ليك شوية مامولف ليك تسهري لهاد الوقت..

الحاجة : خليها جاالسة معانا باقي الحاال عليها تا محمد والحاج مادخلو من براا ...

غيثة : راسها كون غطرطقي عليها لييل كامل وهي تبكي لبارح الحاجة ههه قالت ليه تبدل عليا الما مابين وجدة وكازا شعري جف ليا....وايلاه بنات ليوم حتى هوما..

الحاجة : وييل الشيطااان تباارك الله مشااء الله شعرك كي الخبابط ماشفنا نشوفية غيير بالك جاب لك ابنيييت يااك ا اسمااء شوفي..

اية مبسمة: شعرك زويين بزاف تباارك الله..

اسماء : مابقى فيه والو كلو طاح ههه حتى نتي شعرك ففن وكلشي قيك زويين ماتبقايش تبكي علييه فخبارك ايلا بكتي وتعصبتي غير ماكتزيدي تمرضي...

اية هزات حجبانها : بصصح ..؟

اسماء : ااه الشعر بحال شي وليد الصغير كيبغيك تمشطيه ونتي فرحانة وتلعبي بيه مرة مرة وماتعكسيش معاه ايلا تعكستي معاه يتعكس معاه اشمن شومبوان كديري لييه ولا اشمن ديميلور..

اية : كل مرة وكنجرب واحد

اسماء :مزياان علر الاقل كل تلت شهر بدلي....وجربي وااحد الشومبوان بالديميلور ديالو سميتو سيوس غزاااال ايلا كان شعرك جاف وزغبتو نااشفة زويين بزااف نصحك بيه اما ايلا كانت زغبتك مزيتة لاا غيزييد يزيتها كثر

اية : انا شعري رطب ولكن ناشف كنديرلو زيت الكوك حتى هو زويين ولكن بصح غنجرب هاد لابخي شومبوان كيف داير نقلب علييه شنو سميتو..

جبدات تيليفونها كتقلب واسماء كتهضر هي وياها والحاجة كتهضر مع غييثة تقسمو مابيناتهم...

اية: شوفي واش هو هداا..

اسماء :ااه هو (يلاه غتقلب عينيها وهي تشوف واحد الميساج وصل للاية باسم مكتوب عليه قلب شافت فسمااء حشمانة وهاد الاخيرة تبسمات معليو حجبانها) احسن ليك نوضي هضري فراحتك ههه

اية : لاا غ غيير..(قاطعتها كضحك بهمس)

اسماء :ردي بالك وايلا بغاك يجي لداركم ههه

اية : ل لا حنا مكنتزجووش من غير العائلة و...ه هذا غير فاروق ولد عمي

غيثة : شكوون مال فاروووق..!!!

بلعاات اية ريقها كتشوف هنا ولهيه واسماء كتشوف بيناتهم حتى قالت..

اسماء : غير كتعاود ليا على العائلة ديالكم ههه قالت ليا ماكنتزوجوش من غير العائلة بصح؟

الحاجة : ااه ابنيتي العائلة ديال راجلك فوجدة كلهم هكااك كيتزوجو بيناتهم ماكيجيوش البراني بحال شكل ريافة...ولد العمة مع بنت العمة وبنت الخال مع ولد الخال وهكا كتمشي..

اسماء : ولكن ايلا مابغانش مثلا ..!

غيثة : ايلا مابغاتش تخرج للحيوط يسطحوها كنتعزلو هنا باها وجدها عارفيين مصلاحتها حسن مني ومنها وايلا نعتو فشي حد تزوج بيه من العائلة هو اللي تمشي ليه خيرنا مايدييه غيرنا وغير بيناتنا كافيينا..

سكتات اسمااء واخا الكلام تقريبا كان عليها وعلى الحاجة لي برانياات على العائلة..الحاجة تزيراات وقلباات عينيها واسماء ماتسوقاتش ليها ومدارتش اصلا كلامها فرااسها شاافت فاية اللي بحزن حادرة عينيها و واضح عليها مقابلااش بتقاليد هاد العائلة الغريبة..كملو جلستهم بالهادي حتى ناضت تسنييم منوضة الحارة هي وبنت غييثة تغون من هنا ولاخراا تغوت من لهييه ماتهناو حتى فكوهم وفرقو كل وحدة جلسات فبلاصة...شوية وهي دخل خديجة بتبسيمة..

خديجة : اسمااء تكلمي لراجلك محمد لتحت كيتسنااك..

حركات راسها مبادلااها التبسيمة وشدات فتسنييم وناضت

الحاجة : قولي ليه يطلع نهار ملي مشاو الناس ماشفتو

حركات ليها رااسها ونزلات ... من دروج الفوق بان لييها واقف عند البااب ديال الدار لتحت شادو بايديه حالو ليهاا ومضور وجهو هيه كيهضر مع الحااج رمات عليهم السلاام وقالت ليه يطلع عند الحاجة ودخلات توااني حتى دخل مورااها يلاه غيسد الباب وهي تبدا تغوت عليه الحااجة تنتهد وطلع مشى عندها...

سواايع كيدوزو وعماد داخل الكوميسرية كيطيير وينزل باش يطلعوها من لتحث تقابل هي وديك المراة ويشوفو نهائية هاد الحريرة....الحاجة كل مرة تصوني ليه وهو مرة يجاوبها مرة يحبسها حيت باغة تحي..طلب هداا وهدااك ويرغب هنا ولهيييه مارتاح حتى طلعوها مع منتصف الليل حالتها وجهها مسقوط منو الدم...فمها بيض بالخلعة غير كتضور فعينيها بجال شي وحدة هزها من عالم وحطوها فعالم تاني دخلات للبيرو وهي تبان لييها ديك المراة جاالسة تما وولدها فالكرسي حاها والمفوض قداامهم عاد عماد واقف ...

_اجي جلسي ...جلسي هنا قدامي..

بهدووء جلسات فين حرك ليها وهي تطلع عينيها فعماد اللي مكانش كيشوف جيهتها قالب عينييه كيهضر مع المفوض ورجعات تلفتات كتسمع لييهم حتى نحنح المفوض وقرب شبك ايديه فوق البيرو كيشوف فالمراة..

_يلاه الالة طلقيناا ااش كتقولي فهادشي سمعينا وتسمعك تا السيدة اللي قدامك..

طولات ديك المراة الشوفة فكنزة مغمضة عينيها نص غمضة كانها كتقول فايت لي شايفك وماعرفت فيين لحضات من السهو والكل على اعصااو كيتسنى..كنزة كتاكل فايدييها وتحرك فرجييلها بالتوتررر...فاشلة بخوف من الكلام اللي غتقول واللي غيكون محدد لمصييرها بعد لحضاات وعمااد حتى هو كيشوف فالمراة ويشوف فولدهاا كيتسناها تهضر حتى ضرب الموض ايديه مع المكتب بحددة..

_واااش غنبقاااو هنا ولا كيفاش كل زحدة خاصني معاهاا نص نهاار باش تهضر..

_س س مح لياا سمح ليا اسيدي والله ايلا غيير اني نفكر ..ه هااد السيدة بحال ايلا فايت ليا شفتها ومافايتش ليا شفتها

المفوض : كيفاش دوي نيشاان اشرييفة...

_و وااقيلا اسيدي ايلاا غلطت الله يسمح ليا واقيلا ضلمت هاد الولية سمحي ليا ابنيتي اناا مزاوكة طيحت عليك الباطل سمحي ليا

الاخ : قلتهاا ليك الوالييدة مااشي هي والله تا قلتها

_لا لااا ماشي هي سمحيي لياا ابنتيي المراة حااملة و واحلة فرحهاا وغرقتها هنا سمحي ليا ابنيتي انا مزاوكة ماسمحي ليا

يلااه ناضت بغات تمشي عندها وهو يضرب مرة اخرى فوق الطبلة حتى قفزات كنزة مصدومة وديك المراة سكتاات ورجعات لبلاتصته كتبقلل وعماد مخنزر فييه كيبرد على راااسو من الاستقوااء ديال هاد المفوض

المفوض: واااش كنلعبو هناا االالة...الشرييييفة كيفاش ماشي هي وااش شوية لباس ولا مالك ملي مامزكياش ودماغك معنكش شوقي ليك شي حل ولا داوي راااسك مضيعة لينا وقوتنا ومضية للناس وقتهم ...كيفاش ماشي هي..

_و وانا قالو ليا المراة اسميتها كنزة ومزوجة و ولادة...هادي مسكينة عاد حاملة وموحال واش عندها شي وليدات وقالو ليا ماعندها والديين وساكنة فالامارات مرة مرة تاتجي...وعادي على كلام راجلها عمرها فاتت تا باب المطار وبوالديها ب باها وب مها

اامفوض: كااين هادشي..

كنزة : عندي باسبور ولكن ما مكاشي بحتى شي دولة مافايتش ليا خرجت براا لمغرب...

المفوض تنهد وشاف فالمراة: شنو دبا كتسحبي الشكوة دياالك..وبنتك؟

_الله وعلم اسدي بيهاا الله وعلم هاد السيدة ضلمتها سمحي ليا ابنتي سمحي ليا انا مزااوكة ليك فالبزيزيييلة ونيتي نقلب عليهاا ماعرفتها سافرت ماعرفت توضرت ماعرفتها هرباات...

المفوض : نسعييد...سعييييد(دخل عندو واحد) خرج هاادو من هنا ...نزضي ومرة اخرى تجيبي شي شكوى فيها الشك انا اللي غنتفاهم معاك..

حركات رااسها وناضت هي ولدها خرجو وهو شاف فكنزة وفعماد..

المفوض : المدام حاملة بصح ؟

كنزة : ااه..

المفوض : تقدري تمشي..فلتي من هادي ردي الباال وحضي رااسك....

كنزة : بصح.. ص صاافي ؟!!

عماد : كنزة يلااه نوضي..

بشك كتشوف فيهم بجوج ناضت خرجات قدام عماد وهو قبل مايخرج تلفت شااف فالمفوض وحرك ليه ايديه عند رااسو بودااع ولاخر رد علييه وكمش ورقة الشكااية ديالهم ولااحها فسلة الزبل حدااه وضرب فالبيرو بصوت عاالي قاال..

المفوض: سعيييد...ارااا لااااخر...

على برا خرجات كنزة كتشوف هنا ولهييه يلاه غتزيد خطوة وهي تجي عندها نفس المراة وقفات عليها..

_بنتي فتقليدك..راجلك حلف وشد التقلييد على عنقو بنتي ترجع ليا ولباس حية ولا ميتة بغييت نشوفها انا مزااوكة لييك فالمييمة ما رجعي لياا غير بنتي ماتعطيني مانعطييك حيدت لييك الشكوة كدبت رااسي وكدبتت علييهم واجيبي ليا بنتي مابغييتش نخرج علييك ونحرم داك الرااجل عندك من ولدو ماتحرمينيش من بنتي..

بالدموع مشات مع ولدها وعماد قرب لكنزة حل ليها الباب طلعات ورجع طلع هو وزاد مع الطريق بصمت مادوااش وماتلففتش لجييهتها عينيه مع الطرييق كيشووف فيها وهي لسانها كياكلها بغات تسولو بغات تهضر بغات تقول شي حاجة..حتى لواحد اللحضة..

كنزة : تيليفوني فيين تيليفوني عندك.؟

عماد :تيليفونك مشى..

كنزة: ف فين كيفاش مشى

عماد : كوون ما تنازلت السيدة على الشكاية تيليفونك كان غيتقلب ويتفشش مابغييتهمش يشوفو داكشي اللي شفت..

كنزة شافت فيه مطولة وتنهدات : واخا تعطيني تيليفون؟نهضر مع ختي..

عماد :ماشي فات الحال ؟

كنزة : لا غير عطيني نهضر معاهاا..

جبد التيليفون من جنبو مدو ليها حلات الكود الللي حافضااه وكتباات نمرة اسماء كتسناها تجاوب..

هاد الاخييرة اللي خارجة من فالحمام بكسييوة كرونة كيف دم الغزاال قصييرة تحت الفخاض بصدر مشبك لااصق ومزير عليها من الفوق بارز جسمها بامتياز ولحمهاا رطب كيبري بليبخودوي اللي كتدلعو بيهم عاد البينوار ديالو من الفوق مشدود بحزام غير واخد اسم البينوار مامغطي والو....خرجات كتسد الباب وراها وتقاد فشعرها مرجعاه كلو قدامهاا مخلية عنقها كيبان نقي كيشعل بسنسلة رقييقة مزياناه...ومحمد غير شافها ملي خرجات من الحمام هكااك حط التيلييفون ودار ايديه تحت راسو كيشوف فيها ويطلع ويههبط ويحقق فكل بلاصة وااخد رااحتو على الكااالمل وهي مشتافتش فييه حاسة بنضراتو ولكن مابغاتش تشوف فييه ناوية تحيد الحشمة اللي بيناتهم وتضسار عليه ايلا بقات غير كترعد وتخبى قدامو عمرها تولف علييه جلساات فوق السرير عاطياه بالضهر دايرة راسها كتقااد فشعرها حاسة بعينيه غياكلوها حتى تلفات عندو وهو يمد ليها ايدييه وضحكات وشدات فيها وهو يجرها لعندو باس ايدييها كيشوف فيهم بيضيين كيشعلو مزينيين بصباغة حمرة نفس لون الشومييز جمع الضحكة كأنها طاحت على نقطة ضعفو وهي جن جنونو المراة اللي كتصبغ ضفيراتها وخاصة باللون الاحمر اللي كيبان ليه لون تخلق غير بااش تحلى بيه النساء... قربها كثر وباس على راسها وهي حاطة ايديها على صدرو مزعمة رااسها برااسها حتى حساات بشفاايفو كيتوزعو مابين جبينها لخدودها ولنييفها سدات عينييها وعطاتو شفايفها بكل رااحة مرفووعة معاه وهي تحس بفمو على فشايفها بقبلات متقطعة هز رااسو فيها ويلاه غينعامس فقبلة كاملة وهو يتحل علييهم الباب ودخلت تسنييم كتقلب بعينيها حتى بان ليها محمد ومشات عندو فايديها واحد الصاشي مربعة عامرة بالسقاطة اللي جاب ليها فاش جا حطاتها فوق الناموسية وشدات فايديه كتحرك

اسماء بهدوء ضحكات: مزاال مانعستي

تسنيم : ماقدرتش نعس مشتي خليتي بوحديتي..يلااه نعلبو عفااك يلااه

اسماء : وااش وقت اللعب هذاا يلاه تنسعي يلاه اماما

تسنيم: الاا لااا(تلفتاات عندو كتجر فييه وهو مرخي كيشوف فيه وكيضحك عجباتو هكاك كتجر فيه ومقاداش علييه يلاه قادرة تحرك صبعاانو ودراعو ثقال عليها ) عفاااك يلاه نلعبو يلاه نمشييو

محمد : ااش غنلعبو وقت اللعب هذا ؟

تسنيم : ولاا عفااك..عفاكاا يلاه لعب معاياا نلعبو بجوج اصلا ماما عتنعس يلااه نمشيو

محمد : شنو غنعلبو

تسنيم : نلعبو كووونااا(جبداتها مغبنة)

محمد : شنو سميتها

تسنيم: كورا انا ناخد الخضر ونتا الحمر بحال دالمغريب ونعلبو عفااك يلااه نوض...

محمد : يلاه سيري جري نشووف

تسنيم: ثقييل بزاااف...نووض نووض ...عفاااكاا

غمضات عينيها من نيتها معافرة معاه كتجر فييه وهو متقل علييها كيضحك حتى بدا كيصوني تيليفون اسماء تجبدات هزاتو لقاتو عماد وهي تجاوب غير سمعات صوت كنزة ضحكاات كتشوف فيه ناض خرج مع تسنييم...دوات معاها وطمناتها عليها ولاامتها عااد قطعات كتضور فعينيها ماعرفات تنوض تخرج عندهم ولا تجلس فبلاصتها تايجي فالاخيير هزات السقاطة تسنيم وناضت خرجات عندهم...

اما كنزة طول الطرييق وهي سااكتة مادواتش مع عماد حيت حتى هو ماجبدهاش ومادواش معاها ماعرفاتش ردة فعلو وماعرفاتوش فاشنو كيفكر غير ساكتة وكنشوف فيه مرة مرة واش غيقو شي كلمة حتى وصلو قدام باب الدار وهي تلفت عندو..

كنزة : و واش هضرتي مع ديك المراة كيفاش سحبات الشكاية ؟

عماد : الفلوس اللي سيفطت بيهم بنتها عطيتهم ليها كاين شي حد فهاد الوقت كيقول شي كلمة بدون مقابل..على شووية كنتي غتغرقي حتر لودنييك شي حد سميتو عزيز سيفطها لييك...قلة العقل..

كنزة : عماد...علاش كتهضر معايا بهاد الطريقة

تلفت عندها باستهزاء بحالا كان كيتسناها تهضر باش يجبد الموضوع..

عماد : كيفاتش نهضر معاك...نقوليك برافو احبييبة مزيااان بون كوغاج كملي فهاادشي بيعي وشري فبناات النااس

كنزة : عماد اشنو كتقول اشمن بيع وشرا واش عارفني غنديير هااادشي عمااد عرف ااش كتقوول

عماد بحدة : ماتعلييش صوتك..اطونسيو مزاال عندك الوجه تغوتي وتشوفي فيا بييه هادشي كامل خرج منننك امتى ناوية تعلميني امتى؟؟ امتى كتفكري تقولي ليااا اشنو نوع خدمتتتك

كنزة :ماجابتهاتش الهضرة وااش سولتيني وماقلتش لؤك

عماد : تاانسولك عاااد تقولي ليااا حطيتيني انا قدامك ورقة بيييضة عرفتي علياا الصغييرة والكبييرة ومراتي خدمتها ماعرفعهاش فيين غنديير وجهي كيفاش غنقول لييهم خدامة كتسيفط بنات الناس وتجييبهم من الامارات غير من الهضرة غتحشمني فيين ندير وجهي ونقولها

كنزة : من امتى كتسنى نااس يعطييو رأيهم على مرتك ماشي غير على خدمتك ياك عماد ااخر واحد كتهمو هضرة دالنااس..اناا ماكندييييرش شي حاجة حرام لبنات اللي كنسيفط سنيين وانا كنسيفطهم وعمر شي وحدة ماوقع ليها شي مشكل حييت كيمشيو لجوج حوايج يا الحلاقة ولا دار تلعجازة من غييرها ماكنديرش كونكرا بشي خدمة اخرى داكشي اللي فباالك غيير حيدو

عماد : اااش داك نتي لهااادشي من لول ااش داك واش عارفة ااش كيقوقع ليهم تما ماعارفااش انا متأكد علااش حيت اينفوا كتشدي فلوسهم كتقلبي ونتحدااك تهضري مع شي وحدة دابا ديجا سيفطتيها وتشوفي كي ولااات...خدمة الحلال اكنزة كون لقاوها فبلادهم مايمشيو البلاد دالناس

كنزة : ماكيهمنييش انا ايلا ختارو ديك طريق باراادتهم مهم انا مانسيفطهمش ليها...علاش اشنو كنديييير بحاالي بحاال شحال من اجونص ...اشنو الفرق بيني وبيين اجونص كتسيفط لالماانياا ولا تركية ولاا مانعرف شنو الفرق

قلب وجهو لحيهة لاخراا وهي مسحات بالخف دموعها ...

عماد : الفرق رااك فاهماه بلاما نخسروو الهضرة فهميتيني اااشنو كنقصد هاد البنت اللي على تقليدي وتقلييدك داباا اشنو غديري فيها كيفاش غترجعيها لواليديها علم الله اشنوو صراا فيهاا انا هاادشي ماكنتش عاارفو من لول ضحكتي عليا من لول مدخلتيش معايا بنتيتك

كنزة عماد كضلمنيي ...واش نتا عارفني غندير شي حاجة طيح بيا ولاا بييك علاش غنضحك علييك عارفني اشنو كنسواا كون كانت نيتي فشكل من اول مانبداااوش هادشي...

عماد : علاش انا فرشت لييك كلشي اطابل سمعتي على ودنييك علاش نتي ماقلتييش ليا هادشي

كنزة : فاش تزوجتك بيك كانو البنات مشاو وماجابتهاش الفرصة تعرف...ماكندير حتى حاجة حرام اعماد والله العضييم ماكندير شي حاجة خايبة كنسيفطهم بطريقة قانونية كيمشيو قدام كلشي ماشي بالتخبية هانتا غتشوف كلشي علىزعينيك ماكندكبش علييك

شاف فيها مطول وقلب عينيه للزااج كيلعب فالخاتم اللي بين صباعة ديال الزوااج بحالا باغي يحيدو وهو كتشوف فيه قلبها كيضرب فالتسعيين كتشوف فيه ولا واحد اخر قدامو ماشي عماد ديالها...

عماد : مابغييت نشوف والو....ماتسنييتش منك هادشي وعمرني ضنييت نسمعو عليك.....غير بمجرد التفكيير ماغنقدرش نفكر مراتي كنزة كديير هاد الخدمة....اهانة بالنسبة ليا مايحسنلييش الشرف تكون مراتي خاشية راسها فهادشي..

كنزة : ااش كتقول اعماد

عماد بصرامة : رااجعي رااسك عرفي اش كديري هادشي ماكيعجبني انا ولا العائلة ماكنش عارف هادشي من لول...ديما كتقوليها..يمكن بصح عندك الحق زربنا...ماخليناش الفرصة لبعضياتنا نتعرفو بشكل وااضح..يلاه كتعرفيني ويلاه كنعرفك مزيااان ولكن فات الفوت حتى تزوجنا...عطي الفرصة لراسك وفكري ااش كديري حيت مايمكنش نكمل فهاد الوضع...ماقادرش نشوف رااسي مع بنت كتبييع وتشري فبنات الناس بحالها...

شاف فيها كانضرة اخيرة حسات بيها كنزة ولمعو عينيها بالدموع شافت فيه كآنهاا كتسولو غتمشي ؟ حتى لهنا وصافي ؟ هذا اخر كلام عندك ؟

عماد حدر عبنيه من عينيها بصرامة: الحاجة كتسناااك تعطلتي عليهم كفاية نزلي شوفيهم..

كنزة بعتاب بلعات ريقها: فاكثر لحضة محتاجة لييك...(حركات راسها) بسلامة شكرا على كلشي..الله يساهل علييك بما حسن..

حلاات باب الطوموبيل ونزلات كتمسح تحت عينييها بلاما،ط تلفت فييه ولو ل لحضة ضاارت ومشاات طلعاات لداارهم وهو صاق وزاد مشى...

فحين اسمااء جلسات مع محمد وتسنييم اللي غاد طلع عليها النهاار ونشطات وبغات تلعب شدات محمد حتى لنصف الليل فين كانت اسماء رجعات للبييت تكات تما كتسيفط وفالميساجات وتعاود لكنزة غير تهضر معاها ولكن مجاوبتهاش ومكانتش اصلا اونلاين بقات كضور فيه حتى طفى وتقلبات كتسنى فييه مابغاتش تعاود تخرج ولا تنعس بنتها بزز يعييق بيها باغاه يدخل تبتات رااسها وجلسات مركنة حتى داها نعاس وغفات فحيين محمد انغامس فاللعب مع تسنييم كيعلمها مرة مرة حتى بانت ليه قطعات الحس وهو يلقاها نعسات طفى البلاي وناض هزها بين ايديه داها لبيتها سد عليها ودخل عند اسماء لقاها حتى هي نعساات وصاشي دالسقاطة ديال تسنييم خواات كاملة كلاتها هزها مبسم ومشى لاحها كيفكر انه مابقااتش عندو غير بنية وحدة ولاو عندو جوج وكل ليلة خاصو يدخل ليهم فايديه السقاطة...عاد رجع تكى كيقرا غتسو القران الكريم قبل ناينعس دوز ايديه على راسو وعلى راسها وهي جنبو عاد رجها لعندو كيشوف فايديها مع القمرة اللي موضية عليهم البيت شوية ونعس...

صبااح الغد وبالضبط فالطوموبيل عند كنزة صاايقة وتيليفون خدام كيصوني على عزوز حتى جاوبها..

كنزة : الوو..الو هادي كنزة نمرتي جديدة قيدها عندك ... فينك فالدار ...ماتخرجش انا جاية عندك نزل عندي..نزل عندي ااااشمن فطور نزل عندي دابا نلقاك فالبااااب..فطور ولاا اش كتخور عليا كضحك عليااا يلااه دابا

قطعات علييه وصاقت مبااشرة لدارو لقااتز واقف فالبااب كي العسكري كيتسنى كلاكصونات عليه طلع وزادت

كنزة : هاادشي اللي فجهدك جات عندك وسيفطتيها لغندي يسحاابليك ايلا مشيت فيها مخبيك وراايا اقسم بالله تاا نغرقكم كاملين يا بالكدوب يا بالصح..

عزوز: والله يا مدام كنزة مااضنييتهااش تمشي عندك والله ماضنيتها قلت تمشي تسولك كي سولتني واش انا نخونك انا نبيع بييك

كنزة داك ديسك طلع فراسي داباا غير سكت قطع حسك....

عزوز : وانا مافهمتش ليترح بليل عيطتي ليا كتقولي ليا نمشيو نقلبو على البنت ...ياك سيفطناها تعوم بحرها تموت ولا ضبر راسها اش غنديرو ليها

كنزة : عزوز...الغدااار انكاارا لخير ديك البنت فتقليدي وكون بغيت ليها الهلااك عطى الله فين نسيفطها... سيفطنها تخدم خدمة شريييفة نهار تمشي وتجاوبني وتفوت ربع شهر وخمس شهر الله يعاونها وداياا ماغنترتاح تاتهضر معااها ونعرفها فامان والله واخا نععرف نمشي لديك الاماراات نقلب عليها بايدي ...

عزةز : فين غنمشيو دابا..

ماردتش عليه صاقت مدة طويلة حتى بلاصات الطوموبيل قدام باب صالون حياة قالت ليه يبقى تما ونزلات هي عندها..دقاات بشويا فالصالون تاحد ماحاوبها وهي تحل البااب بشويا ..

فاتي : مرحباا زيين دخلي ااش حب الخاطر..

كنزة : عفااك ممكن تكلمي ليا حياة !

فاتي :حيااااااة الضياااف ههههه

تبسمات كنزة كتشوف فالصاالون حتى خرجات حياة كتمسح فايدييها وهي تبان ليها كنزة ضحكااات كترحب بيها ولكن مابغاتش تدخل وخرجات برا حتى لبسات حياة عليها وتبعاتهات سلمات عليها من الخد الخد...

حياة :مرحبا ااش حب الخاطر تقادي شي حاجة اسماء لبااس علييها كي بقات شوية

كنزة : الحمد الله لهلاا يخطييك مزروبة مرة اخرى انشاء الله ونجي...بغيت نسولك عفاك ايلا قدرتي بغيت نشوف ديك البنت اللي جات معاك هند..

حياة :هند لا شحاال نابقيت هضرت معااها سولت عليها حتى مهاا شي تلاتة دالسيمانات داباا ماعارفة واالو عليها

كنزة : قلت زعما صاحبتك غتكوني عارفة شي حاجة..واخا وعندها شي نرمة شي كون طفيسبوك انستقراا حتى تويتر ايلا كاان ههه غير نوصل ليها

حياة : لاا اختي ماعرفتش مانكدبش علييك عند من هذاا شحال مابقيت هضرت معاها ماعارفة عليها حتى حااجة كون كنت عارفة نوريك علاش لاا

كنزة : مقاالتش ليك مشات للاماياراات ؟

حياة : علاش هي مشااات ؟ دخلت علييك بالله والله مافخبااري ههه ايوا هانتي مابقات تا داارتها..عفرييتة كحلة...

كنزة : واقيلا قبل ماتمشي كانت خدامة معاك..زعما نهار جيتو عند اسماء ختي ...

حياة : لااا مكانتش معايا

كنزة : حيت قلتي لينا ديك ساعة راه مزروبة خداامة ههه داكشي علاش

حياة : لااا..ز زعما اه كانت خدامة م ماعرفتش فيين مانكدبش علييك هه

كنزة : ماعرفتش كيفاس نهضر معاها والله ايلا وحلت هه ماعندهاش زعمت شي واحد كتعرفو يقدر يكون كيهضر معاها

حياة : ماعرفتش صراااحة داباا تعيط حتى نتي ماعندو مايوقع ليعاا ااش بغى يوقع كاع علاش بغيتيها ياكما كاين شي مشكل..

طولات فيها كنزة الشوفة بشك كبيير باان فعينييها كيفاش هاد صاحبتها خدامة معاها قرن وزمارة وو اضح بيناتهم عشرة طوييلة كيفاش معارفة عليها واالو لا فين خدامة ولا واش كتعرف شي حد والاهم كيفاش مبردة من جيتهاا وهي عارفة صاحبتها غاابرة شهور قادرة تضحك عادي؟ قادرة تخدم بنفسية صحييحة ومرتاحة وصاحبتها ماعليها حتى خبار ماعليها حتى علامة كتبين انها مشوشة عليها...لهاد درجة؟

فالاخر حركات رااسها..

كنزة : لا بغاتها غير ختي شكراا بزااف سمحي ليا شديتك على خدمتك بسلاامة ...

سلمات عليها من الخد الخد ومشاات عند عزوز للطوموبيل...ديمارات وزادت كتشوف فحياة كطل عليها من الباب واش مشات غير طلات عليها كنزة وهي تغبر..

كنزة : عندك ضوسي ديال هاد هند..جبد لياا لادريس دياالها

كنظة :كنعرفها غير مع هاد الدورة سيري سيري هانا غنوريها لييك...

صااقت بخففة وهو كينعت ليها حتى قربو يوصلو للشاارع وهي تبان ليه وئام خارجة مع الباب هازة صاك على كتفها وغادا للمدرسة

عزوز : هااديك هاديك ختهاا راهي وئام هي هاادييك..

كنزة : هادي؟

قربات عندها شوية وكلاكصونا عليها وخرجات ايديها من الشرحم كتحرك ليها تقرب عندها حتى قربات عندها وئام..

كنزة : سلام احبيبة ممكن نسولك ؟

وئام :مرحبا ا ختي ؟

كنزة : ماعرفتينيش واقيلاا !

وئام : لا م ماعرفتش شكون نتي..

كنزة :كتعرفي شي وحدة باسم كنزة ...كانت تقرييبا صاحبت ختك

خرجات عينيها لامعين بالدمووع كأنهاا شافت ختها بعينيهاا...بحمااس غوتات..

وئام : ن نتي لي سيطفتي ختي للاماراات وااش عليها شي خباار وصلااتك شي حااجة بغيتي ماما تقولي ليااها ااش وقع ليهاا عفااك واش هضرتي معاها علاش حنا متكنهضروش معاها هضرتيي معاهاا ؟؟؟

كنزة : غير بشوياا علييك بشويا احبيببة انا غنقوليك..طلعي هاد الهضرة ماشي ديال زنقة

وئام بشك : م مانقدرش

كنزة : ماغنتحركوش غير نهضرو ونزلي..

حركات رااسها وحلات الباب طلعات لور وهوما ضارو عندها وكنزة محاولة معاها تجبد اي كلمة منهاا لكن وئام كانت حرييصة على لساانها مابغاتش تقول حتى كلمة تنهداات كنزة وقالت..

كنزة : فخباارك غتولي نتي سبب دابا فالغبرة ديال ختك انا كنحاول باش نعرف عليها شي خبار ونتي مابغيتي تقولي ليا والو....ختك كنسولك وااش كتعرف شي حد واش عندها شي صحاب ماكيعرفهم حتى حد من غيرها كتقولي ليا ماعرفتيش لهاد درجة ماكتهمش ختك ؟

وئام :ماشي يهكااك...(حدرات راسها)خ ختي ككدير كلشي على قبلي ماخلاات ماداارت خدماات ودمراات عند ناس باش توكلني وتشربني وتقريني بغات تمشي للامارات غير باش تجمع الفلوس ودير مشروع هنا

كنزة عطاتها كلينيكس: ماتبكييش شوفي ختك انا غنجييبها لييك واخاا واش قادرة تيقي فياا ختك تقلييد فعنقي ماغنرتاح حتى انا حتى نسمع شي خبار عليها غير حاولي تعاونيني اي حاجة عارفاها قادرة تعاونيني بيها يلاه احبييبة اشنو عندك

وئام : ه هي كانت كتعرف و واحد الر اجل..س سميتو شعيب..

كنزة : اشمن نوع دالمعرفة

وئام :ك كانت م معاه م مصاحبين...انا كنت عارفة ختي باغة تمشي للامارات وكنت كنمشي معاها للمول باش تقدا الحوايج اللي تلبس تما وكانت رجعات خدمات للصالون باش تجمع لفلوس وديهم معاها تصرف بيهم على راسها تما

كنزة : اهااه..

وئام : واحد نهار جات بلييل فشكل انا عرفتها ماشي كيف موالفة نشوفها...عطاتني كاع داك الحوايج اللي شرات وعطاتني حتى الفلوس اللي جامعة قالت ليا انا غنمشي للامارات هاد ليلة نتي خلي عندك هادشي دياالك قلت ليها ونتي... قالت لياا انا عندي حوايجي ولكن ختي انا متأكدة دييك لييلة مامشااتش والله مامشات ح حيت داكشي كامل اللي غتدي معاها خلاتو ليا دات معاها غير صاك صغيير صاافي

كنزة : يمكن تكون مشاات بصح..امتى ادشي بالضبط..

وئام : مااعقلتش بزااااف اللي داز عليه شي سبع شهر ولا ماعرفت..

شافت كنزة فشعيب مصدومة لقاتو كثر منها ..

كنزة :اهاه زيدي..

وئام : مامشاتش انا متأكدة وداك نهار شكيت فيها حيت خرجات عند ماما ق قالت ليها س سرحي ليا شعري(كتبكي) بحال كتقول لينا بسلامة وانا ناخد تيليفونها نساتو هي مكطلقوش من ايديها داك نهار كانت خايفة وتالفة ونسااتو فالبيت وانا هزيتو وقلبتو لقيتها دييك الليلة كانت غتبداا الخدمة فواحد البلااصة س سميتها ..ماعقلتش على سميتها...هداااك اه س سميتها ك كcasuno cad بحاال هكا كانت مكتوبة فالميساج من عند شعيب ...ومسيفط ليها حتى لوكاليزاسيون

عزوز : عرفتوو..

كنزة : عرفتييه؟اهااه زيدي..

وئام : مشاات وبقينا كنهضرو معاها ولكن دابا تقريبا شي شهرين ولا تلاتة مابقينااش كاع كنهضرو معاها بخطرررة..

تنهداات كنزة بعيون عامرة دموع ونزلات من الطوموبيل ضارت عندها للباب اخر جلسات حداها وعنقااتهاا كطبطب على ضهرها حتى سكتااات طمناتها على هند و واعدتها تجيب ليهك خبار عليها فاقرب فرصة وخلاتها مشاات وهي صااقت متبعة نعت عزووز..

كنزة : عزوووز هادشي كبير اعزوز ...معماعة كبيييرة هادي دخلات ليها البنت ودخلنا ليها حتى حنا...وشتي نحلف بالله ديك صاحبتها فكرشها العجينة وقول كنزة قالتها بنادم من عينو كنقلعو..

عزوز : عرفتي هاد الكازينو اشنو فييه ولا كاعرفتييش امدام كنزة...الكباااار ديال البلااد كنقولييك والخلجييين كي الرمل تما غير مستفين والروااسى هوما اللي حاكميين ديك القنت شكون كيلعب فيها غير الكافيات الكباار يعني ياا لعب وحط الفلوس ولا خدم ولا تموت

كنزة : ااش داها لديك القنا اش داها لتما ..

عزوز :اصلا كون كيف قالت ختها كانت خاايفة وماشي هي هاديك ومشات تخدم تما ايلا جربات تهرب ولا شي مصيبة ايلا حصلات تموت هرباات الله يعاونها حيت كيكونو اسرار كباار تما ماخصهمش يخرجو للعالم

كنزة : ولكن نتا قلتي طلعات للطيارة

عزوز :و وييييه ولاطارك ديالها والفيزا تفااليداااو كنقوليك يعني الدرية طلعات..ماشفتهاش بعيني ولكن قالو طلعات..

تنهداات كنزة رااسها كيمشي ويجي مابقات فاهمة والوو ودااخت وتخربقااات طريق كلها وهي تفصل وتخيط هي وعزوز...وحتى حاجة ماوصلو ليها حتى قربو يدخلو للمنطقة اللي فيها فالكازينو ويلاه قربو اديك الخلا وهي تبان ليها الدنسا مطووقة بالبوليييس...

ماقرباتش الطوموبيل من تما رجعات لور و وقفات كتشوف من بعييد هي وعزوز محاولين يشدو ولا يشوفو شي حاجة كتسنى يبان ليها شي وااحد ....جن ولا انس غير تسولو وتعرف ااش كاين ..سواايع وهي تماا وعزوز جالس على شوك باغي يرجع فحين هي ماستسلماااتش حتى بان ليها واحد الرااجل جاي واحد القفة على ضهرو بحال شي فلاح كيضور تما شيرات عليه بايديها وهو قرب عندها..

كنزة : سلام عليكم الشرييف واخا نسولك الله جيازيك بالخيير

_مرحباا الالة شكااين

كنزة: طريق مسدودة ماعرفتش مننيين نظوز واش ماكينش من غييرها...

_لا الالة ماكيين غير هادييك راه محبوسة..

كنزة : ومزرووبة تئ...ماغيحلوهاش ليوم ولا غدا زعماا علاش سادينها وااش واقع شي حاجة

_الكازينو اللي كان فالقنت لهييه سدوه مطوق بالبوليس مادوزيش من تما

كنزة : بصاااح داك الكازينو الكبيير ؟ علااش شي سرقة بحال ديما

_لا عمرها وقعات فيه الشفرة وليني هاد المرة قالو شي جريمة لقاو شي ناس مقتلوين تماا وراه كلشي داوه جمعو الكبير والصغير كلشي مشى...

كنزة بصدمة : يلااطيييف يلااطيف قتلوهم الله يستر علااش واش ضاربو ولاا اش واقع ماتو كاملين شحال من واحد..

_ مانكدبش عليك كنسمع غير من الريح قالو شي جوج بنات واقيلا وشي راجل ولا شي جوج رحال وشي بنت مانعرف الااالة..!

بصدمة شااافت فعزوز قلبهاا كتحسو فصدرها ضرب بجهههد كانه غيوقف...بلعات ريقها على حلق ناشف وشافت فيه مرة اخرى..

كنزة : الله يرحمهم ويغفر لييهم عيطو على عائلاتهم علموهم اش دارو معاهم

_مانكدبش علييك اشرييفة مهم راه طريق مسدودة مادوزييش منها..

كنزة : بلااتي اعمي عفاك واحد الدقييقة..(حلات باب الكوموببل ونزلات( فالصراحة مانكدبش علييك ونتا قد بابا فالعمر ...انا ..انا صحفية وسمعت بهاد الواقعة وجيت نشوف اش كاين...كاينيين عائلات بزاااف كيسلو على بناتهم اختافاو نهار وقع هادشي فالكازينو بالضبط دابا اللي بغينا نعرفو غييير اشمن كلينيك ولا سبيطار داوهم غير نحاولو نشوفوهم ولاا نعرفوهم ونعلمو عائلاتهم..

شاف فيها كيضور فعينييه وهي كملات بحالا كتطمنو بكلامها

كنزة : اجر كبير غدير اعمي قول الله يحسن العواان ام ولا اب هاد البنت ولا هاد الرااجل هوما بغاو ولادهم واخا يكونو غير عظام غير يشوفوهم ويدفنونهم ويزورو قبرهم مرة مرة بغينا غير نعرفو واش داوهم لشي سبيطار شنو دارو لهم

_دييك ليلة جاو البوليس نهار جمعو كلشي داوه والناس اللي مقتولين الله واعلم بيهم.....علم الله اش دارو ليهم وليني بحال واالو يكونوو غا فالسبيكار فين جهدم يديوهم...

كنزة : صافي..الله يرحم ليك لوالديين شكرا...

رجعاات للطوموبيل طلعات عليها الزاج وترخاااات كتكرر هادشي اللي سمعت من الرااجل على ودنيها وتلفتاات عند عزوز اللي ولا وجهو صفر مسقوط منو ددم....غير كيشوف مع جناابوو مخلووع من نفسو اللي كتسمع تالعندك كنزة...الاحساس بالخوف فشلهم ولاو غير كيشوفو فبعضياتهم...

كنزة : و ايلا مكانتش هي باش غنعرفو باش غنتأكد انا ونيس من جييهتها...ايلا كامت البنت تما واقعة ليها شي حاجة انا شكون اللي ضمن ليا تكون واقعة ليها شي مصيبة فهاد الكازيينو كاشي لهيبيه ونتوما كتقولو ليا طلعاات للطياارة

عزوز : مداام كنزة هاد المشااكل ماشي دياالنا ااش دانا لشي كازبنو وشي مافيااات وشي قتيييلة يااك المهم ايلا وقعات شي مصيبة راه وقعت هنا ماشي لهيه...(سكتات ماردااتش علييه وهو باقناع قرب ليها) سمعيني رااه والله ايلا زدنا حفرنا فهاد المصييبة ماغنجبدو غير بلانا الاااالة كنزة عندك معارفك تباارك الله شلااا وكثر سولي على هاد الكازينو سولي علييه وسمعي على ودنييك وااش ضنييتيه باار فراس المديينة ولا كابااري جامع السكايرية والله وتعرفي ااش فييه ايلاا النعااش مابقيتي تحلمي بييه....هادشي كبيير علينا و واناا امداام مانقدرش علييه...

كنزة : ماتقدرش علييه انكاار الخيير ياااك...الفلوس اللي كنتي تشد قاادر لييهم وااش ياكما قلتي غير سمعت هادشي غندير عين ميكة ماشفتيش مها مسكيينة ااش واقع فيها على بنتها وانا لبااارح حاطة راسي على المخدة طريق تديني وطرييق تجيبني لاا هند لا دوط البناات ايلا ماجوبتني ولاا هرفت شي خبار على شي وحدة ماعندي راحة والله واخا نعرف نمشي لهاد الاماراات برجلي...

سكت كيشووف ماقال وراها تاكلمة حتى رجعات هضرات..

كنزة : قاالك هذاا يمكن داوهم لشي سبيطاار نتا كتعرف هاد القنت كاين شي كلينيك نشووفووه...

عزوز : ااش غتشوفي

كنزة : انا عارفة اش غنشوف نعت ليا ايلا كنتي عارف نفعني فشي حاجة...

عزوز : ضوري على ايديك ليمن سيري من تما...

يلااه ضوراات الفولوو شادة طريق وهو يبدا يصوني تيليفونها لقاتها اسمااء تنهدات ودوزات لاببل

كنزة : صباح الخيييير

اسماء : صبااح الخييير سيفطت ليك ميساح فواتساب ماشفتييش دخلي دخلي شوفيه

كنزة : و واخا نشوف غير عماد ااش بغى كيعط ونشوفو احبييبة

اسماء : كيعيط ! صافي سري تاتسالي معاه وعيطي ليا..

قطعات عليها و خرجات من البييت طلعات عندهم الفوق صبحات عليهم وجلسات وسطهم وخديجة كتسربي فالفطور حتى شافتها شوية مغلوبة مع الحطات وهي تنوض تعاونها سربات معاها الطبلة وجلسات حدا الحاجة لحضات حتى دخل علبيهم الحاج مورا بان ليها محمد دااخل كيقاد فالطاقية على رااسو جر كرسي من صالة مونجي وجلس حداها ١ايرين على الطبلة كيفطرو ومحمد لعفوية مارادش البال كيهضر مع باه حاط ايديه وراا ضهرها كيبان بحالا معنقها والحاجة غير كتشوف من تحت لتحث وغيثة عينيها كيضورو من جلستهم ومرة مرة كتهضر هي ويااه مابيناش عليهم ابدا عرسان جدااد كيبانو بحال شي جوج كيعرفو بعضياااتهم...حتى كملو فطورهم وهو يتلفت عندها غمزها وناض نزل وحتى هي نزلات خلفو كتحيد الشال على راسها...

محمد : بغييت ندوي معاك...تسنيم نخليوها فنفس لييكول نييت ولا نشوفو شي وحدة اقرب شوية

اسماء : بعييدة بزاف على هنا المدرسة...مايمكنش نبدلو ليها ترونسبور من دار لهيه فين كان كيجيها لهنا...!؟

محمد : ماعرفتش ماسولتش على هاد القضية تانوشوف ايلا كانت بوسيبل سينو نقربوها للدار شوية...

اسماء :انا ماعنديش مشكل نحولها ولكن خفتها تكون ولفت صحابها تما وخاصة سلطان واخا ديما مدابزيين ماكتفرقش ليا علييه....

تبسم وهو كتفكر سلطاان اللي كان معاها نهارا لعرس فاش قالت ليه بابا قدامو..

محمد : كتهضر معاك....ولفات بييتها..

اسماء : هاد ساعة كتبات ليها غير لعبة محمد حتى انا مابقاتش كتسوق لياا ههه

محمد : كتلعب كتعلب دكية ودغيا كتشد الحاجة فدماغها حركية وخفيييفة..(شد فايديها)اجي نولفوك حتى نتي داار شوية...البيت را شفتي اش كاين فييه

جرها من ايديها بلطف كيوريها الدار لتحث عندو كل بلاصة واشنو فيها وهي تابعاه ملسمة كتسمع لييه

محمد : هاداك البيت ديال تسنيم كنفكر نوسعو شوية من هاد الحيط نحيدو من بعد وندخل ليه هاد القنت ولا نخرج بيت من هنا....

اسماء : يجي بييت اخر حسن واقيلاا

محمد : داكشي اللي بان ليا..هاد البلازما فيها كلشي ايلا لغيتي تفرجي ولا تشوفي شي فيلم قاديه بالويفي والالعااب مرة مرة كنشوفهم بلييل ...

خداها جيهت المسجد الصغير اللي عندو فالبييت وحل الباب وبغى يدخلها ولكن هي وقفات عند الباب مبسمة مابغاتش تدخل ليه وهي ماموضياااش وحتى هو تقريبا فهمهاا و وراه ليها غير من بعييد..

محمد : هذاا المسجد اللي عندي لدااخل هنا كنفضل نصلي فيه هو على البييت كنرتاح فيه وحتى نتي غتولي ترتاحي فييه..نتوضاوض و نقيمو الصلاة هنا.....هنا فين غنصلييو...واخا ؟

سرحات فييه عينيها كتشووف فالضو الخفييف اللي شاعل فيه وصلاية رمادية مفرشة قدامها مباشرة مصحف مسدود فوق الكرسي الخشبي دياالها..التسابيح معلقة فالحييط وريحة السمك والورد الحررم عااطية منو كتفتح النفس وتريح القلب...غير مبجدر انها،نخايلن رااسها حاالسة كاوية رجليها عندها فهاد المكااان كتجييب ليها الراااحة تبسماات وشافت فييه..

اسماء : غزااال بزااف تبارك الله..كيشهي فالصلاااا ههه تشهييت دابا نصلي فبيه

محمد :هي غصليو فيه ضهر(شاف الساعة) مزال لييه شي عشرين دقيقة ويأدن..

اسماء : وااخاا صاافي ههه

محمد : هادشي اللي كاين تقرييباا دار مقسمة ومفرقة على دوقي اللي بانت ليك تبدل نبدلوها..من هنا للعشية نمشيو نتقدااو اللي خاصك وقادي الدارعلى دوقك حسن حيت نتي اللي غتجلسي فيها كثر مني...مكعيجبنييش كثرة البيبان وسوارت يتسد داك الباب اللي على برااا الله يجعل البرااكة ...كيف قلت لييك من داك لبااب لهناا خودي رااحتك فاللي بغيتي ديريي من حدي انا هنا حتى حد ماغيدخل عندك ومن حد داك البااب مسدود حتى حد مغيحلو علييه ..

حركات رااسها بايجاب وهو جمع نيفها بيين صباعو حتى كمشاات ملامح وجهها بغنج كضحك وتكى على تكاية دالفوطوي بنصو جارها لعندو من ايديها مقربها ليه ولا نقولو خاشيها فييه احسن....

محمد : دابا قولي ليا الالة اسماء فين تبغي تمشي...فين تبغي تسافري

اسماء بضحيكة: اللي بغيتي ماعنديش مشكل...فكرتي فشي بلاصة..

محمد : فباالي فباالي ولكن بعييدة ايلا جاتني على الكاانة غنأجلها لمن بعد..

اسماء : ماشي مشكل صاافي ايلا كنتي مشغول من بعد مااشي ضروري..

محمد : سفرتي اللي غنأجلها قولي ليا نتي دابا فين غنمشيو...فين تبغي تسافري شنو بغيتي تشوفي

اسماء : اللي بغيتي ماعرفتش ههه انا ماكنساافرش يزااف ماكنعرفش شي بلايص زوينيين اللي بغيتي فين بغيتي تسافر نتا لشنو هاد الباصة اللي بغيتي تأجلها من بعد..باينة غتكون احسن بلاصة وزوينة ..مهم اللي بغيتي..

محمد : غتعجبكرانا متأكد ولكن ايلا كنتي مستعدة بغيتك تمشي معايا بنيتك كاملة وانما الاعماال بالنيات...ايلا كنتي قادرة على شروطها من بعد وقادرة باحكامها...نمشيو

شافت فيه باستغرااب مبسمة من هاد البلاصة اللي بشروطها واحكماامها تلفها...وهو تبسم بحالها وقرب ليها كثثر باس خدودها بجوج وهو شادها هكاااك...قرب لودنييها بهمس خلاها غمضاات عينيها كتسمع لييه...وهو كيهمس فييهم بصوت خااافت مبووورشها

محمد : سُئِلَ النبيُّ صلَّى اللهُ عليه وسلَّم: أيُّ الأعمالِ أفضلُ؟ قال: إيمانٌ باللهِ ورسولِه، قِيلَ: ثم ماذا؟ قال جهادٌ في سبيلِ اللهِ. قِيلَ: ثم ماذا؟ قال: حجٌّ مَبرورٌ...

جمعات تبسييمتها بدهشة وهو شاف فيها هاد المرة نيشاان فعينيها..

محمد : خودي وقتك وفكري وردي عليا..بغيت ناخدك لافضل بلاد عندي وبالنسبة ليا احسن من داك المقام ماكينش..

تنهدااات بصوت مسموع حتى لمعو عينييها بحالا باغة تبكي كتحرك رااسها باااه وعينيهم كيرمشو دغيااا صدرها كيطلع وينزل بسرعة بحالا كتنهج وهو كيشوف فيها مبسم

اسماء : ن نمشي ااه نمشي ماتقظرش نقول لا ههه بغيت وكنتمنى نمشي...

محمد : متأكدة !

حركات راسها بااه بحمااس وعيون لاامعة

‏

‏اسماء : و واش ممكن زعما ايلا مشيت نحج لراسي ونحج لواحد اخر معاياا ..بحال ماما فاش مشات المرة لولا بغات تحج لراسها والمرة تانية بغات نمشي باش تحك على حساابنا بحالا تحج لينا ولكن ماكتباش ليها

محمد : كيفاش تحطي لواحد اخر...تحط باسمو

اسماء : لا ههه ولكن زعما ملي كتمشي تما كتبقى تدعي ومعاه بزااف يعني كتدعي معاه غير هو هادشي اللي كتقول ليا ماما بحالا حجات غير على حسابو..

محمد : ملي كنبغيو ندعيو كندعيو لجميع المسلمين الخير يتعمم علينا كامليين هاد القضية عمري سمعتها مافهمتش شنو كتقصدي بيها ايكسزاكت ولكن علامن بغيتي تحجي شكون ؟

اسماء : بابا..د ديما كيتمنى داك المقام ولكن ماعندوش الصحة ومايمكنش يمشي بوحدو ولا هو وماما قد قد واخا يبغيو يمشيو اصلا مكيتفاهموش ههه فينما كيسافرو غير هنا يا كيخرجو مدابزين ولا كيرجعو مداابزيين ماما حجات وهو بقى فيه لحال مامشااش ...ممكن نحج باسمو

محمد : سمعت باغي يحج قالها ليا وفكرت علاش مانمشييوش معاه من الاحسن مايكونش بوحدو..هو واجد وانا واجد كنتسناو غير بنتو توجد وانشاء الله شهر رمضان نمشييو..

اسماء بدهشة : بابا بااغي يمشي قالها لبيك...علاش ماقال لينا والو

محمد : علمتك قبل منو مزال ماقلت ليه امتى بالضبط ولكن ملي قلتي نعلموه يوجد راسو..نمشيو مجموعين...

بدوون شعور كرزاات على درااعو وهي وسك منوو متحمممسة وبفرحة ماقاادراش توقف على رجليها اكثر ضحكات وعيونها لمعو ماقدراتش تشد راسها اكثر وضورات ايديها على عنقو وعنقاااتو...

اسناء : كشراا شكراا بزااااف شكراا على كلشي

جمع حجبانو وجابها قداامو كيشوف موعها دايزين هاد المرة بالفررحة كتبكي وتضحك فنفس الوقت..

محمد : كنقول هادشي بااش تبكي ولا كيفااش ؟!

اسماء : غير دموع الفرحة هاد المرة هه فرحانة بزااف...

مسح ليها تحت عيوونها وكملات هي كضحك مقادرااش تحكم فرااسها بالفرحة والحماس..

اسماء : من ديما ماما كانت كتقول ليا غير صبري ربي غيفرج اجلت ولا عاجلا واناا كنت كنتمرد الله يسمح ليا ..كنصلي غير فاش كنبغي نقدي شي غرااض ايلا وصلات وقيتو وماتقضااش لياا كنقطع الصلاة وكنقول مع راسي صلييت حتى عييت ومانحقاات ليا حتى حاجة علاش غنصلي..هادشي اللي كينزل على بالي ولكن ماما كتقول ليا صبري غيير صبري ربي غيفرجها والخير ايلا جا كيجي فمرة...فرحتيني فرحة ماحسييت بيها من نهار اللي شديت بنتي بين ايدي اول مرة...تمنييت ربي عيطيني ديك النعمة وصبرت وعطاها لياا واخاا مؤخراا ماشي غير تعدبت هه ولكن الحمد الله ربي جزاني وعوضني بالحاجة اللي عمري قلت تكون فنصيبي...شكرااا امحمد على كلشي..

عنقاتو مررة اخرى وهو ضامهاا لعندو مبسم كيمسح على شعرها بايديه وهي معلقة فيه حتى جبدها مرة اخرى قدامو باس على رااسها وتكاه على صدرو وهي كتممخشش فيه مع البرد كتحسس دفئو ونفسو الحنيينة نستنشاقااها معااه كانت قرييبة لييه او مخشية فييه تقريييب غير كتهز راسها شوية كتشووف دقنو عالي علييها وتفاحة ادم وااضحة شادة صباعها فدرااعو وهو ضامها من خسرها لعندو حادر راسو كيهضر معاها...

محمد :كنتسنى شي حد يدخل..

ضحكاات بالصووت فاهمة قصدو وهزات رااسها فيه كضحك يلااه غتنزلوو وهي تحس بييه حط فمو على شفاايفهاا شاد وجهها بييهم معليه عندو..ماقاومتش بالعكس خشاات صبيعاتها وسط لحيتو وانداامجت معاه فقبلة طوييلة دااافئة برييق حنيين كيتباادلوه بجوج بييهم...بلههههفة قووية ضامها لعندو...وبحب كبيير وخجل كبر كارزة فدراعو لحيتو خشنة كتقرص رطووبة لحمها....ونفسو سخونة كتضرب فوجهها....بعداات شوية كتشوف فشفايفو كيلمعو برييقها وضحكات عينيها فعينييه وتكات على صدرو حتى لواحد اللحضة زعماات شوية وهزات صبااعها كتلعب فكول عنقو..كتشوف فيه...

اسماء : واخا نسولك ( حرك راسو بايجاب كيشوف) ماقلتيش ليا وحتى انا ماسولتش ههه...ع علاش طلقتي اسراء...

محمد : سووء تفاهم وتحل..اللي نبغيك تعرفيه الواليدة خط احمر الحاجة اللي لفوق اي حاجة نديرها على حساابها غير نشوف ضحكتها هاديك هي الدنيا عندي.....مانخممش ليك نتي عزيزة عندك الواليدة كنشوف كلشي بعيني..كاينة ولا لا

حركات راسها مبسمة كتشوف هنا ولهيه عرفاتو مابغااش يدخل معاها فتفاصيل الموضوع وحتى هي سكتاات ماعاوداتش سولااتو عليهاا..

فحين كنزة ضاارت كلينييك بكلينيك سبيطار بسبييطار وماكينش اللي عطاها راس الخيط اللي سولاتو كيدير راسو ماسمعهااش ولاا ماكيجاوبهاش ولاا كاين كاع اللي كيهددها يجري عليها جمييع المحاولات داارتهم بدون جدوى....

رجعات لطوموبيل صااقت مباشرة وصلات عزوز هو لول عااد مشات للدار مع دخلة لقات الحاجة فوجهها جاالسين فالصالة غير هي وعكوزتها سلمات علييهم وجات غادا لبييتها تحط الوراق اللي جابت معاها..

كنزة : عمااد مجاش عندك اخالتي..

العكززة : لا ابنتي بالحق اتاصل عليا هاد الصباح قاليا نوجدو راسنا غدا نمشييو للدار ولا يجي هو يجيبنا..

كنزة كأنها تصرفقاات كيفاس غتمشي وكلشي اللي لازمها فكازاا كيفاش غدير ليها عارفها فمصيييبة وكيقول ليها ترجع لاكاديير !

كنزة فوق النفس : واخا انشااء الله ....

دخلاات لبيتها وبدون تردد اتاصلاات بيه ما مرة ما جوج حتى تزيراات شادة البكية مولف يجاوبها من اول اتصال وعاودت تاصلت بيه مرة اخرى وهو يجاوبهاا ..

عماد : آلو ..وي

كنزة : عماد انا كنزة

عماد ببروودة اكثر : وي نعام ..

كنزة : صونيتي لخالتي هاد الصباح قلتي ليها غدا غنمشييو لاكاديير ع...واها تخليها لبعد غدا ايلا كان ممكن.بعد غدا نجييو بلاما تعدب وتجي لينا انا غنجي

عماد : ايلا كنتي مشغولة غدا غنجي ندي الواليدة حتى تسالي شغلك ولحقي علينا ولاا اللي بان لييك..

كنزة شلافت بعييد مطولة وقالت: غدا بالعشية انشاء الله نشدو الطرييق

عماد : الله يعاون طريق السلاامة..

كنزة : بلاتي..م مزال ماقلتي ليها على الحمل نقولها لييهم ولا من بعد خاصني نقولها لماما قبل مانمشي..

عماد : اللي بان لييك قوليها لييهم..

كنزة : صافي واخا...بسلامة

قطعات علييه ولاحت التيلييفوون مغددة.... عينيها لفوق مفتوحين كتنش علييهك بسررعة وهوما غيطرطقو بالحمورة ماباغاش تبكي بصوت رجفااان

كنزة : مايستااهلش اكنزة صافي صافي ممولفااش تبكي على معشر تلرجاال نتي ماواقفااش علييه قادرة تعيشي بيه ولا بييه صاافي...زربتي زربتي غللطتي ماشي مشكل الغلط كيوقع ماشي مشكل..(بخنقة بلعات غصتها)اوووف

حيدات حوايجها بدلات عليها وارتاحت وخرجات عندهم ضااحكة مابيناااش...! فحيين اسماء لبااست حوايها مستور كيف بغى محمد وفين ارتاحت هي كسوة نازلة حتى لتحت مشدودة من جيهت الخصر من التحت بحال شكل شي فرفارات طايحين على بعضياتهم ستييل زويين وانيق ومن لفوق شاال كبيير مغطي ضهرها تقريبا كامل وصدرها غير وجهها اللي كيباان هزات صاك فايديها بيض انيق وصندالة بيضة بلاا مع الكسوة طويلة مكانتش بمرة كتبان دوزات على عينيها الكحل كيف العادة مع ايكخون دالشمس لبسات تسينم حتى هي وخرجات لعندو قدام الباب فين كان كيستناها تلفت شااف فيها كيطلع ويه ويشوف داكشي واش هو هادااك حتى قشع الكحل اللي فعينيهاا ودوز ايديه عليهم..

محمد : هذا نبغي نشوفو بوحدي..ايلا مكانش عندك مشكل حيديه..

اسماء : الكحل...(حركات راسها) لا ماشي مشكل..

شد تسنيم فايديه وخلاها مشاات حيدااتو ورجعات لعندو عاد شد فايدييها وقرباه الييه باس على رااسها برضى وااضح فعينيه وهي مبسمة كتسنى غير هاد النضرة تشوفها ملي شافتها عاد ارتااحت وخرجات معااه مخلين الهضرة موراهم الخروج من نهار لول الضساارة من نهار لول علااش اسماء يخرجها واسرااء مكانش كيخرجها علااش هادي وعلاش هادييك...

اما محمد مشى باسماء مباشرة لمرجان خدا الشاريو ودخلو كيتقدااو تسااراوه كااامل واسماء مرة تمد ايديها تهز حاجة مرة غير كتشوف بعينييها ولكن محمد بكلاامو زعمها وطلقها معاه فهاد الخرجة خلاها كتختاار على خاطرها وكيعاونها واللي تشهات تشوفو فالداار خداتو فوطات اشكال وانواع اللي بردوي ديال الحمام شي شبيكات طابياات ديال الارض كلينيكس فالالواان شي ديكوورات علم الله فين باغة تحطهم واللي بانت ليها كتهزها ليطابي اللي خدات ليها لتحت خداتهم حتى للحاجة لا تقول مااتفكرتنيش فالخرجة داتهم ليها معاها ودازو تقدااو التقدية ديال لدار كاملة حتى هي وطبيعة الحال تسنييم نص فالشاريو ديالها بحكم الخاطر اللي عاطيها محمد لكن فاش شاافت فاسماا خنزرات فييها تجمع رااسها شافها هو وعطاها كفس من ديك التخنزيرة حتى حشماات ومابقاتش كاع دوات معاها خلاتو منو ليها...

دازو للاكييص خلصو داكشي وخرجو شاد تسنيم فايديه وهي شادة فدرااعو كتمشى حدااه بديك اللبيسة زويينة ومرتاحة وهو جنبها بصبرديلة بيضة ودجين ومونطو وكااشكول على عنقو حل الكوفر ديال الطوموبيل ستف السلعة ودازو تغدااو على ريسطو جنب البحر عائلة وانيييقة تلييق بيهم عاد رجعو للدار..طلع محمد عند الحاجة والتقدية ديال ديما فايدييه مع داكشي اللي شرات ليها اسماء..

هاد الاخيرة اللي نزلاات لتحت فرحاانة كتستف فدااكشي وتقااد فييه...

لحضات حتى نزل عندها وبالتبسييمة تلاقتو وهو كيشوف مع البييت الغطى دالسريير تغيررمن الرمادي للبيج فاتح والخدادي دياالو فتحو البيت كثر وليطابي درييش رطبيين وناعميين مفرشيين فلرض الجنب اللي كتنعس فييه هي محطوطو بانطوفة ديالها والجنب تاني بانطوفة ديالو هو...

تقرييبا اغلب الالواان تغيرو فالبييت واي حاجة كانت غامقة تحيداات تفتح البييت وعاد ولات فيه النفس على قبل كتن غاالق ومامضويش على نفسو...

اسماء : كيف جاك البيت ؟ كاان غالق غير حاولت نفتحو شوية وصاافي..

محمد : مزيااان ..ماعندي مايتساالك كلشي هو هادااك شفتك كتقداي هادشي ولكن ماضنييتش يطلع هكا..

اسماء : الحمد الله ملي عجبك لاحضت دوقك كيميل لركادي كثر واش كيعجبك هاد اللون

محمد حرك راسو :لا غير نهار لول تفرش هكااك خليتو بداك اللون..

اسماء بضحييكة متحمسة: اجي تشوف الحماام...

محمد : حتى هو فرشتييه

اسماء : اااه هههه...

حلات ليه البااب ودخل مبسم كيشوف معاه وهي جات كتشرح ليه زعما..

اسماء : بغيت ندير هنا شي ريدو غيكون زويين وحسن بان ليا نديروه فالرمادي غيجي مع الزليج ديال الحمام...كل حاجة بقات فبلاصتها غير حاولت نبدل شوية ..البينوارات هنا بحال هاد جوج دياال مورا الدوش ...عاد الفوطات...الفوطات اللي بالغوز ديالي والبيضين ديالك..هاد الصغيرة ديال الوجه وهاد المتوسطة ديال الايدين وهاد الكبيرة ديال اللحم

محمد باستغرااب: اهاه زيدي..

لسماء : حاول تعقل غير على دياولك ديالي حافاضهم عندك لون البيض يااك....هاديك الشبكة الي قلتي ليا صغيرة راه علقتها لهيه فالقنت ديال الحمام فيها البرودوياات ديالي كامليين(شاف جيهتو وهو يباان لييه جبل ديالوالبردوياات هز حجباانو هادشي كامل كتدوش بيه) وولاخرا اللي فالقنت لاخر دياالك...

محمد : مزيااان

اسناء : هادشي الي كاين...اااه مزال ماكملتش..

خرجو برا الحمام مرة اخرى كتورييه فالبيت ااش داارت وشنو بدلاات وهي كتوريه كل حاجة لاشنو كتلييق قوات عليه كثرة الاستعمالات ولا غير كيحرك رااسو ماشاد معاها تا لعبة خلااصة الامر والمهم عجبااتو حلة البيت الجديدة شي حاجة تانية ماشدهاش ماشدها....تنهداات بتعب كتشوف شنو نساات

اسماء : صاافي هادشي اللي كاين وريتك كلشي تقريبا...عجبك البيت

محمد : زويين...(بلطف ضربها لنيفها) لحاالك....حسن من لول كلشي مزياان ولكن هادشي اللي قلتي ليا نعقل علييه

اسماء : لا ماشي مشكل انا غنورييك فينما تبغي ش حاجة قولها ليا نعطيها لييك حتى تحفضهم بحال هكا بااش كنحفضهم..

حرك رااسو كيشوف مرة اخرى مع البيييت عجبو بصصح نييت يلااه غيتكلم وهو يمسع صرررخة قوووية من الداار لفووق...صرخة واضحة بصوت تسنييم تااابعها مبااشرة صوت شي حااجة جاية كتكركب من الدرووج بصوت قوي..ماطاح فبالها غير البسكلييط اللي خدا ليها محمد من مرجاان وطلعات بيها الفووق توريها الحاجة ...تخايلااتها غير هي جتية مكركبة بييها..شددات على قلبها مخرجة عينيها بصوت رجفااان فااااشلة نطقاات..

اسماء : بنتي...

ماادواش معاها تحرك من قدامها وحل الباب خرج حتى حس بيها خارجة موراه وهو يتلفت فييها خارجة بشعر عرياان وكسيوة خفيييفة..

محمد : لبسي حجابك..

حل الباب د دار لتحت وخرج عينيه خارجين كيقلللب حتى بانت ليه البيسيكليط دتسنييم طايحة فلرض جيهت باب دزنقة مهرسة وروايضة باقا كضور فالخوا وعلاا عينيه الفوق كيشوف فتسنيم جالسة قفازي وخاشية راسها بين رجليها كتبكي وبنت غيثة الصغيرة واقفة عليها يلاه طلع مع الدروج وهي تخرج غييثة والحاجة مخلوعين والخلعة باينة فعينييهم وغيثة جرات بنتها عندها...

غيثة : اماالكم تاني....اميرة مالها كتبكي

اميرة : طاحت ليها بيسكيطل ديالها

تسنيم : كداااابة نتي اللي طيحتيها

ناضت كتبكي غاداا ليهاا بغات ضربها وهو يجرها محمد بخفة هزها لعندو وهي كتعصر بالدموع معصصصصبة كتبكي وتهضر مخنوقة..

تشنيم : طيحاااتهليا دفعاتها حتى مشات لهيه فالدروج طيحاتهاليا

محمد :ماتبكييش صافي ماوقع والو(جابهاقدامو مسح دموعها) نرجعوها كي كانت ششش

غيثة : علاش دفعتي لختك دياالها حشوومة لعبو بجوج المضاربة لاااش

_ماطيحتالهاش هي اللي مابغاتش تعطيني نلعب معاها

تسنيم : كتكدب قالت ليا عطيني نلعب وقلت ليها نديرو نوبا وهي تدفعها ولاحتهاا باش مانبقاش نلعب بيها حتى يانا....

طلعاات اسماء كتسمع ومحمد عطاها تسنييم هزاتها عندها وهو نزل كيشوف ديك البيسيكليط واش باقي فيها ماتصلح وتسنييم خشية فماماها

تسنيم :خايبة هرساتها ليا....(طلات عليها بنص عيين ) كلبة

اسماء : شش حشوومة

غيثة عقدات حجبانها : ايييه لا حشومة ماتعيرييش ختك....البساالة

الحاجة : ماتديش عليها ماعارفاش صافي ابنتي

غيثة : لا ماتعيريهااش حشومة ويلي

اسماء : ماوقع والو ماشي مشكل صافي ايلا خسراات غتصلح...ماتعيريش ختك اتسنيم حشومة اماما مكنعيروش صحابنا..

غيثة : ويلي على كلبة حشومة مالها جاية من قبيلة الكلاب اش وصلنا لهاد الكلاب البنت ماتعايرش بيه كون ماكانت سامعة الهضرة

محمد بحددة نطق مسكتهم كاملين : صافي قطعو علينا هاد الزكى غنولييو فلعب الدراري الصغار ولا ماطلعش عندكم وهنييو الوقت...(شاف فاسماء وحرك راسو) نزلي

جرات غيثة بنتها دخلاها هي والحاجة واسماء نزلات تسنييم ونزلات لبييتها شادة تسنيم عندها كتبكي وتشكي عليها

اسماء : يلااه صافب اماما ماتبكيبش...غنشري ليك عشرة منهم غير ماتبكييش يلااه اكبيدة عفااك براكة

تسنيم بشكوى : سلطاان زويين وضريف واخا كان كضربني دابا ماكيخلينيش نبكي وهي طيحاالتي البيسيكليط ديالي باش ماتبقاش عندي ومانلعبش بيها وماماها كتقول لا نزلي عند ماماك

اسماء : ماكتها ؟

تسنيم : اه ولكن ماما ديال عمو بابا كتقول ليا بقاي وهي مابغاتش نبقى يسحابليها ماعارفاش انايا

اسماء : صافي ماتبقابش تلعبي معاها لعبي بوحدك ولا نتي راك اصلا غدا غترجعي لمدراستك ماغتبقايش كاع تشوفيها وترجعي عند سلطان يلاه صاافي

تسنيم : خايبة مانلعبش معاها..

عنقااتها عندها كطبطب عليهاا وهي كتبكي وتنين فعنق اسماء مرااضياااش وماتسرطااتش ليها حتى ولات كتبكي معاها حتى هي غير بلعاتي بااش تسكت

اسماء : هانا بكتيني حتى انا

تسنيم حلات عينيها مضببين بالدموع : علاش

اسماء :حيت نتي كتبكي

تسنيم بايدياتها صغيورين كتمسح ليها دموعها : مانبكييش..

مسحلات ليها اسماء دموعها كتجمع ليهاا شعرهاا وباستها على خدودها بجوج مغمضة عينيها كتستنشق ريحتها وتبوس فيها حتى سمعات محمد كبعيط عليها وهي تطلقها مشات عندو وخرجات موراها لقاتو مجلسها خدااه كيقادو بجوج فديك البيسيكلييط يصلحوها فيها ااش خسر...

لفوق جلسات غيثة شادة بنتها فحضنها

غيثة : هادي هي البسااالة الحاجة اويليي على كلبة ماشي حشومة قد ختها تعايرها بيها كون ماكانت تسمعهم يهضرو بيها ماتقولها ليها حنا مامولفين هاد الضهرة ومكنعيرو حد بيها

الحاجة : حتى حنا ماكنعيرو ييها وليني كل واحد وكيف تربى اش غندير الله يسامح

غيثة : وقت شي بسكييلط دابا الحاجة الله يهدييهم واش البنت تقرا ولا تشد البيسيكليط وايلا شراتها تخليها لتحث لاش مطلعاها لهنا راهي تكركبات من الدرووج كاع الحيط قمشاتو بالحديد خلاتة هكاك مطبع

الحاجة غوتات لدصمة : اويليي...ماشتفتوش تقشرااات الصبااغة ولا كيفاش ؟؟؟

غيثة : ماشفتيش وفبن كانو عنيك

الحاجة : لاا ماشفتوش عليا بليمين ماشفتو

غيثة : تاتنزلي وشوفي حتى واحد الزلييجة تفرمات من القداام فين باقة تلقاي بحال داك الزلييج ولا تخليها هكاك مفرومة يضحك علييك لللي جا واللي مشى

الحاجة : وهاادي تااني هادشي اللي بقى نولي فلعب الدرااري الصغار من بيكالة نولي فتبدال الصبافة والزليييج ها البسلاااالة تااني

غيثة : هادشي اللي بقى هي جلسات لتحت مرتاحة مع راسها وطلقات علينا البنت تبورد علينا هنا حشومة وعيييب جابت بنتها تشدها عندها لاش طالقة علينا هناا..اااية عيطي لباااك شوفييه امتى جاي غير سيفطني لكازا رهني هنا ورخى راسو يتسارا تما

الحاجة : نعلي شيطاان اغيثة ديري رااسك فبنت قد بنتتك الصغييرة حشومو صاافي

غيثة : لا غير خليها تعيط لييه

الحاجة : رصااي ابنتي الله يهدييك ويلي مرحبا بيييك اللي تقلقك ماتكون ماتبقاش طلع عندنا الالة غير جلسي وخلي راجلك مرتاح ماتزربييهش حتى يجي على خاطرو ياه صافي...

قلبات غيثة وجهها زعفاانة والحاجة كتقلب وتشقلب تاهي فعينييها عيات شادة ليها الخاطر قطعو الكلام ومابقاوش جبدو المضوع لكن كانت سمعاتو اسماء كلو من اول حرف تقال تاللاخر كانت طالعة على اساس تصفي الخااطر وتطلب السماحة على بنتها وعلى الكلمة اللي قالت حتى سمعات كلاامهم جمعاتو وكمداتو فقلبها ونزلاات من عندهم دخلات لببيتها وجلساات كتدمع وتشكيي بالصمت على رااسها ماعندها ماادير واش تسبق العيب غير خليهم يقولو لي بغاو غيثة بالتيقاار عليها وغيحج نهار اللي تمشي فيه اما الحاجة واخا تعايرها فوجهها ماتقدرش تجاوبها لاهوما تبرد قلبها فالبكى حتى تفش ودير عين ميكة...

مانعسااتش هاد المرة ورااسها بغى يطرطرق عليها بالبكى ونااضت كتجمع فخناينها وتمسح فدموعها وجهها حمر وعينييها كثر حتى سمعات ادان العشاء كيأدن وناضت قبل مايجي دخلاات لحممام توضى....دخلات غير باش توضى وهي تقلبها دوش كامل ودوشاات بلاما تقيص شعرها لبسات غير شوميز ساامبل بتوب ساتان ميتة على لحمها بييج وخرجات هزات عبايتها لبساتها وبدات كتقاد فالشال وهو يدخل للببييت خلاها كتلبس ودخل توضى وخرجو مشاو للمسجد...وقف قدامها وهي ورااه كتصلي وكدير نفس حركااتو مرة مىة كتلقى راسها سبقااتو مرة كتسهى حتى ولات غير متيعاه ااش كيدير هو وغادا معاه فنفس رييتم مرتااحة على الكاامل وهي كتسمعو كيجود بصوتو االي ولفااتو وماكترتااح غير علييه...سلم يمين ويسار ووقف وهي واقفة جنبوو بااس على رااسها برضى كيقرا بعد الادعية حتى سمعو صوت الحاجة من الفوق كتغوت عليهم يطلعو...

بقات بعبايتها وطلعات كيف العادة يتعشااو مجموعين مشاافتش جييهت غيثة كاع ومن الكلام اللي سمعات من فمها ماقدرااتش تنافقها وتضحك فوجهها وهي هازة فخارطها من جيهتها ما حتى الحاجة ايلا بغات تقلق من جيهتها غتجيبها غير فرااسها فالاخر ماغتقدرش وحتى نفسها ماتسمحش ليها تجاوب على كلاامها...

كملو عشااهم ونزلاات لتحث ماطولاتش معاهم الجلسة حيدات العبااية بقات بالشوميز وجلسات كتصبغ فضفاارها بلون الاحمر وتنفخ عليهن يبردو مولفة الصباغة وكتعجبها فضفارها واخا تعرف كل مرة تحيدها وتصلي المهم تشوفهم مصبغيين دخل محمد للبيت كيحيد فالتريكو وكيقلب فالدريسينغ الصغير على واحد اخر يلبسو وهي كتسرق منو الشوفة حاااسة بالتبووريشة هزاتها من صبعاها الصغيير بمجرد ماشاافت جسمو عن قرب كيبان حسن من المغطي مطراسي وكل عضلة مزاحمة التانية كلما تحرك كدخل وحدة وتخرج لااخرا بااينة فبيه خدام علييهم مزيان ومطلعهم على سااس صحيييح لبس تريكو ااخر ماسخونش بزااف وتلاح حداها وهي عاطيياه بالضهر غير حسات بيه تكى وهي تنوض هازة صباغة فايديها والمبرد ترجعهم لبلاصتو كتمشي على طرااف صباعها وتميل فشعرها هنا ولهييه مدلعة نفسها قدامو فنفس الوقت مامعيقاش راه كضور علييه وهو غير مبتع ليها العين كلشي كيتهز فيها مع داك التوب ساتان بارز جسمها قدامو وهي حطات داكشي فبلاصتو وتلفتات عندو مبسمة وقرباات وهو عاطيها ايديه حتى شدات فييه وتكات جنبو مزعمة راسها ومعنقاه بايديها حاطة راسها على صدرو وهو هز ايديها كيشوف فصباغة مقاادة وزويينة كتشعل فضفارها ..و باسهم بجوج

محمد : كيعجبك هاد اللون

اسماء : ممم كيعجيبني غير فالصباغة..(هزات فيه رااسها) زوينة كيف جاات ؟

محمد باس نيفها : زوينة بحالك..

تبسماات وضورات شعرها لجييهتو مريحاه ومقادااه بلعاني كتدييه لجيهتو وتعوج فكتفها وراسها بدلع مبسسمة حتى حساات بييه ميل راسو وباس عنقها مطول وهي تشهق بصمت مخرجة عينيه كتحس براسو فعنقها تكوانسات بقات غير كتشوف وهي كتحس بييه قلبها لتحث وجا فوقها ضامها بتملك بين ايدييه بقبلات متقطعة مابين عنقها ووجهها وهي مغمضة عينيها قلبها كيضرب مدق تنفسها كآي انثى تملكهاا احساااس الشهوة القوووي مرفوعة معاه بتآوهاات خفييفة بدون شعور كتطلقهم وهو كيقبل فجمييع انحاء جسمها قبلات متقطعة كل بلاصة كانت مشهية نفسو يقييص فيها ويقبلها فيها ماحسوش على رااسهم حتى تحيداات الملاابس االلي لفوق وتعرا المغطي وهي تحس بييه ناانل بقباتو وايديه للجزء السفلي منها دياقت نفسها وحلات عينيها فالصقف كتنفس بسرعة كآنها كتقلب على الاوكسيجيين مخنووقة وياريتها ماحلاتش عينييها فلحضة حسات بالنفس الخنقة اللي حساتها ملي كان ناصر قدامها فتفس الليلة اللي زعم واغتاصبها قدام عينين بنتها...نفس ضلمة الليل ونفس الحركات و غيير حساتو نازل بقبلااتو وشومييز بين ايديه نازل بييه لتحت وهي تجمع رجلييها كتحرك راسها بصوت رجفااان كترعد

اسماء : م ماقدرتش..م ماشي دابا عفااك ماقدرتش

محمد : شش ماتخافيش..ماكين والو..ماتخافيش..ارتاحي

ترفعات مرة اخرى مع قبلااتو حتى رخاها وحس عليهااا مشاات معااه مزييرة على درااعو كلهاا كترجف وترعد ونفسها مامنضمااش مابقاتش معاه كيف لول مرتاحة حس بيها مخلووعة غيير ايلا حاول يقيص فمكان ااخر كترد معاه الباال وتحل عينيها..مافهمش ماالها وماضغطش علييها خلاها براحتها

محمد : ماغنديير واالو حتى تكوني مستعدة مااتخافييش(باس تحت ودنيها بهمس) كوني بخارطك مازربانش

واخا كان وصل لااخر شرطة من الصبر للي بقى عندو حااول يترخى ويشتت عقلو مسايس معاها كل مرة كيحاول يعاود من لول ولكن بدوون جدوى كأنها تهزات اسماا وتحطات وحدة اخرى فبلاصتها كترعد وترجف مخلوعة قدامو مابغاش يحسسها بضعفها ورجع تكى على ضهرو وجرها لعندو مغطيها جر تيليفون عندو وشعلو كيتفرج هو ويالهاا منسييها بكلامو حتى ارتاحت شوية كضحك وتهضر معاه

اسماء : حتى انا كانت اول مرة نمشي لاكادير كنا معولين نمشيو لشاون ولكن بقينا تما زوينة ومرتاحة..مشينا للفيرما ديال راجل كنزة مع البااب كنشمو ريحة زيت العود ...ههه حيت تما فين كيزرعوهم ويحصدوهم بابا عجبو الحاال حس برااسو فالبلاد مابقاش باغي يجي لينا من تما حتى نوضها هو وماما قلت لييك يا كيمشيو مدابزين ولا كيجيو مدازيين..

محمد : دياال زيت العود شنو سيمتهم !

اسماء علات شفايفها : ماعقلتش كنييتهم فشكل واقيلا ايت شي حاجة ماعقلتش

بعد شعر على وجهها كيحقق فملامح وجهها على ضوء خفيييف وهي كضحك حتى كيبانو سنياناها بيضيين كيشعلو وتبسيمتها زويينة حمقااتو..

محمد : على دكر الفيرما حتى انا مسافر تمشي معايا ولا من بعد حسن حتى تصلح مافيها مايتشااف دابا

اسماء : مسافر بصح فيين!

محمد : غنشوف غدا ولا بعدو انشاء الله واحد الفييرما خليتها كتصلح مابقيتش شفتهم فين وصلوو نطل عليهم ونرجع غيوليو راخيين فيها..

اسماء : شحال غتبقى واش غتبقى بزااف

محمد : نبقى معااك الالة اسماء

اسماء تبسماات ميلة شفايفعا : غير سولت...

محمد : شي يومين لماكسيمون ولا قل كانت مصلوحة ولكن بدلت ليها الزليج اللي لداخل داكشي علاش ماتمشيش ليها داباا حتى تصلح لداخل على الاقل ونديك تشوفيها

اسماء : واخا صافي.....نوريك التصاور اللي تصورنا فاكادير ؟

حرك رااسو بنفس تبسييمة كيسرح فشعرهاا وهي متكية على دراعو جبدات تيليفونها ودخلاات كتورييه تصاور حتى عياات وعطاتو ليه هو شدو عليها كيضور وكل تصويرة كيشوفها بخاطرو كانو اكثر غير تصاور تسنييم وهي مرة مرررة حتى كملهم كامليين ملي جت يشوف لقاها تخشاات فدرااعز ونعسااات وحتى هو طفى تيليفون كيف العادة قرا عليه وعليها شوية دالقران ونعس..

لحضاات لييلة حتى فاق على انييين غريب ولكن غيير فجنبو شعل ند ايديه شعل ضو وهي تباان لييه كتحرك رااسها بسرعة وتنييين بحالا كتبكي فحلمها وهو يمد ايديه فيقهاا بشويا وهي تنوض عرقانة كتشوف هنا ولهييه مخرجة عينيها سولها مالك ما مرة ماجوج ولكن هي ماقالت حتى كلمة عرقاانة كتنهج باغة غير تنوض تشوف تسنييم

اسماء : غير نشوفها دغيا ونرجع

محمد : خلييك انا غنجيبها درتي باالك معاها..

مارتاحت حتى جابها ليها ناعسة مخشية فييه حطها وسطهم وتسنيم غير شمات ريحتها تخشاات فيها كتمخشش من الببرد بحال شي قطييطة صغييورة غبرات وسط حضن اسمااء اللي كتبوس فرااسهار ويديياتها اما محمد طار عليه نعااس ماشافوش ليل كامل مزيير وحاس براسو مامرتاحش من هاد الاحسااس اللي نوضاات عليه اسماء وحبساتو فالنص ونعسات حتى بدا كيودن الفجر وهو ينعل الشيطان وناض فحين اسماء كانت غير مغمضة عينيها بحالو كارع ليها نعاس ومابيناتش عرفاتو غبسولها وماغتقدرش تعاود ليه الحلمة اللي شاافت غير مجرد التفكير فيها عقلها كيبغي يخرج وتزييد تخشي فيها تسنييم كثر بحالا غيخطفوها ليهاا من بين ايديها...

صباح الغد شدات الطريق كنزة عند عزوز مباشرة لقاتو قدام الباب كيتسناها حل الباب وطلع جنبها وهي شافت فييه دغيا بحالا كانت كتسناه يجي..

كنزة : مااكتحشمش والله العضيم ايلا وجهك قصح من داك البااب...تانعستي وشبعتي نعاس عاد تفكرتي السبيطار للي فطريق الكازينة مالك ماقلتيه ليا البارح

عزوز : فين نعقل علييه امدام كنزة الله ينجينا ن شي سبيطاراات فاش حطيتيني فالدار سحابلك مشيت نعست حتى انا كلست نقلب على السبيطارات اللي فديك المنطقة بان ليا واحد واش شفناه ولا لا الله اعلم

كنزة : تنعت ليا ولا عطيني لوكاليزاسيون...

عزوز : نعت لييك سيري تاتقربي دخلي تما...

كنزة : عطيني نمرة رشيد..عندك ؟

عزوز : دويت معاه هادي يومين...كنت سولتو نييت على البنات كي كنت قلت ليك تاوحدة ماكتجوبو ملي كيعط لماليين الشغل كيقولو ليه مكاين حد بهاد السميات

كنزة : حيت قلت ليهم غنمشي ومامشيتش قالو هادي عمرها تجي لهنا ارا نديرو اللي بغينا..البنات على ضمانتي مشاو اعزوز نشوف غير المعماعة ديال هادي....البنات لاخرين والله واخا نعرف نمشي لييهم تالتما الاماراات طالعة لياا فرلاسي وبسالت فعيني الخيخ ديالها كنعرفو وانا عمري حطيت فيها حتى رجلي..

شاف فيها مطول ورجع تكى على الكوسان بضهرو بملل عيى من هاد الطريق وهو عارف نفس الجوااب غيتعطاها ويرجعو بحاالهم فاقد املو او نقولو متأكد من الجواااب اللي غياخدو وهو على يقيين بييه...

مدة طريق حتى وصلات فين نعت ليها وفعلا كان كلينييك قريييب للمنطقة اللي فيها الكازينو..نزلات من الطوموبيل وهو غادي وراها دخلات كتسول وتحاول ترطب مع كل وااحد يعاونها كيف العادة ممنوع منع كليا شي حد يدخل لقاعة الاموات ويتعرق عليهم ولا يشوفهم ماخدات من غير الموافقة حتى معلومة عليهم وحتى حد مابغى او قدر يعاونها حتى فقدات الامل وعزوز فوق رااسها كيزييد يطفي داك الحمااس اللي فيها باش تااخد اي راس الخيط او شي معلومة...

مشات خارجة مع الباب وهي عينيها محطوطين على واحد الفام دميناج كتبان ليها مع وليد صغيير عند الباب كتهضر معاه...طلعات للطوموبيل عاد تنفس عزوز وارتاح اللي غيمشي ولكن هي ماديماراتش الطوموبيل بقات واقفة تما حتى بانت ليها ديك الفام دميناج غادا دااخلة وهي تنزل خلات عزوز تما ومشات تابعاها حتى قربات ليها وهي تبسم...

كنزة : سلام..عفاك الالة واخا نسولك سمحي ليا...

_مرحبا ااش خاصك

كنزة : غير طوالييط ههه قالو ليا فهاد الجيهة مابانتش ليا وريها ليا ايلا كان نمكن لهلاا يخطييك..

_راه كبييير كيتلف ههه اجي معايا اجي..

مشات قدامها وكنزة تابعاها حتى قربو لطواليطات وهي كتسرق النضر فالصقف من الكاميييرات تا وصلو لواحد القنت وهي تجبدها من درااعها و واقفاات قدامها وديك سيدة خرجات عينيها مفزووعة

كنزة بتوتر : سمحي لياا نسولك ايلا كان ممكن االله يجازييك بالخييير...

_مرحبا ابنتي سولي...

كنزة : كتعرفي واحد الكازينو فالهبطة شوياا قالو وقعات فييه شي حاجة

_ااه وصلاتنا الخباار ..علاش

كنزة : الناس اللي تقتلو واش جابوهم لهنا..

بتوتر ديك السيدة حدرات رااسها...

_ماعرفتش ابنتي سمحي ليا راه طواليط

رجعاات شداتها مرة اخرى وحطات شي حاجة فايدييها وديك الفام دميناج غير كيضور فعينيها وتبلع فريقها وتشوف فالمبلغ اللي بين ايديها..

كنزة : جاوبيني غير باه ولا لا مابغيت مننك حتى حاجة عفااك الالة الله يرحم ليك الواليدييك....غير حركي رااسك ماتنطقيييش...واش كاينين ولاا لاا...

شافت فيها ديك المراة مطولة وعينيها كيضورو كأنها غتقوول سر من اسرار الدولة فالاخيرة ركزات شوفاتها فكنزة وحركات راسها باه ومشات من قدامها بزررربة وكنزة عااد تنهداات مطولة مافاهمااش على مخبين هادشي لهاد درجة حتى ناس اللي ماتو ماباغيينش حتى حد يعرف بييهم لا فين هوما ولا شكون هوما ولاا فين عائلاااتهم ؟

مشاات كتحك على جبهتها راسها غيطرطق حتسة برااسها عاجزة وضعييفة وسط هاد المعماعة اللي تلاحت ليها بدون قصد...عقلها مخربة والاسئلة فحال شي ببل فنفس الوقت كيطيحو على عقلها كيتسابقو على جواب مناسب لييهم...

بتلفة وقفاات وسط الكلينييك كتشوف هنا ولهييه معارفااش اش غديير حتى طاح فبالها شخص وااحد هو افضل واحد واكثر واحد تقدر تيق فييه وسط هاد المشكل جبدات تيليفون وديك ساعة دوزات رقمو مرة اخرى ماكجاوبش عليها ما مرة ما جوج ماتلااتة حتى قالت مغيجاوبش وهو يعاود يصوني ليها...

عماد : الوو وي كنزة... ااش كاين....

كنزة بتردد : عمااد عفاك واخا تجي لعندي ...

يتبع...