حمام الخلا الجزء 13

ضوء النهار خفييف بدا كيطلع والممرضيين كيتبدلو شي كيخررج شي كيدخل واللي عندو شي مرييض كيدخل يزيرو كيف الحاجة وخديجة وحتى الحاج دخلو مع البااب كيقلبو بعينيهم شافتهم واحد الفرملية دغيا عرفاتهم وداتهم حتى للشومبر اللي فييه اسرااء بلاما يدقو البااب دخلو عندها بتلاتة بيهم وهو يبان لييهم محمد واقف عليها مبدل التريكو اللي عمر بدم بقميجة جدييدة وطابلية على كتافو بهيئة طبييب تلفت فييهم واسراء قلبات وجهها لجيهة لااخراا كتبكي مابغاتش تشوف فييهم..

الحاجة:ياااك لبااس اوليديي يااك لبااااس ااش وااقع مااالهاا اسرااء..اسراء مالكي ابنيتي ااش عندك مااالكم..

الحاج: بشوياا اهاد المراة خلينا نسمعو اشنو كااين....(شاف فمحمد) قالت لينا خديجة فنص لييل جبتي مرتك للكلينييك اش وااقع ؟

تننهد محمد وشااف قداامو وهو كيسمع الحاجة كضور باسرااء محاولة تهضر معاها واسراء قالبة وجهها مكتجاوبها ماكتشوف فيها...

محمد: الواليدة..اجي معايا خليها ترتاح شوية ااجي

الحاجة: علااش اولدي قول لياا اشنو عندها خلعتوني اااش كاااين ماالكي ابنييتي بغيتيي مك بغيتيها عيطت ليها قبل مانجي هاهوما جاايين فالطرييق الله يابينيتي الله وشحاال خلعتيني الحمد الله حاالة عينييك اشنو عندهاا امحمد ..

محمد: واجي نقولييك اش كااين يلااه....(شاف فالفرملية) رانيا جيبي ليها فطورها ماتعطيها حتى كالمون برااكة غتنزل عندها د.مفتااح خليها فايقة

رانيا:مابغاتش ادكتور تفطر قبل ماتدخل عندها جبتو ليها ورجعاتو..

محمد: جيبييه ليها انا الي غنعطييه ليهاا..اجي الوالييد..

حط ايديه على كتاف الحاج وخرجو معااه والحاجة وخديجة قداامهم وقفو عند الباااب كيتسنااوه يهضر والحاجة كلها كترجف دم مسقوط من وجهها بقوة ما كانت بيضة صفاااارت وهو خشى ايديه فجيب طابلية وتنههد.

الحاج : ايواا اولدي خبار الخيير اشنو كااين قالت لينا خديجة لقات شي حاجة صباح فالبييت ماتخلعناااش الله يرضي علييك اشنو كااين...

محمد : اسراء..وقع ليها اجهاض..

الحاجة ضربات ايديها : والله ايلاا كنت عاارفااااهاا

الحاج:الله واكبر..الله واكبر....(بعدم فهم شاف فيه)ولكن كيفاش اولدي امتى مم

دوز ايديه على وجهو بنظرات هاادئة حجباانو مرخيين بحزن وااضح على ملااامحو قدرات تميزو من بينهم غير خديجةحيت الوحيدة اللي كانت مركزة معاه اما الحاج الحاجة دايخيين مع هاد الخباار..

محمد: ماعرفتش الواليد...ماعرفتش هادشي كيفاش وقع ولا امتى تاكيقولو ليا دارت اجهاض امتى حملااات مافهمتش... غير سيمانة دابا كيقولو ماكاينش الحمل وصعيييب يوقع ودابا كيقولو حاملة فالاسابيع الاولى و وقع ليها اجهاض مافهمتش..

الحاجو: كنت عارفااها والله حتى كنت عارفاها حسيت بيهاا..كاينة اخديجة ولا لا حسيييت بيها...لا بيض ولات تااكلو غير تحطو ليها خديجة طير عليها قلت انا فلول غي ماتفاهمتش مع خديجة قلت ليها ماتبقايش الالة توجدي ليها شي فطور انا نعطيه ليها غير نعطيه ليها تاني تقول ليا زفر اخاالتي زفر مازفر وهو ريحتو على مزينااتها..ومرتاديلة اللي كنجيبو على قبلها تاهي مابقاتش كضور بيها ودجاج حتى هو..

خديجة: ولحامض الحاجة..

الحاجة: و تاني غير تشوف الحامض عينيها يتحل فيييهم كي البنية صغيرة قلتها ليها ابنيتي ولا لا.. قلت ليها سيري شوفي طبيبة ولا قوليها لرااجلك را عينييك ماشي تالهيييه وانا كبر منك ماتكدبينييش..

خديجة: قالت ليها مانقدرش نمشي نخاف تاني نفرح ويقولو لياا ماكيين والو..

الحاجة: والله اولدي تاكنت عارفاااه الله ياااربي الله(جلساات جنبو شادة زيف عند فمها كتبكي حتى ولات حمرة) الله ياوليدي الله

الحاج طبطب على كتف محمد : مادييرش فبالك الله يرضي علييه ربيي كبيير ماكتخسر حاجة تاكتربح ماحسن منهاا...الله يعوضك ويعوضنا فييه خييير الخباار المليحة هي انشااء الله مزال فيين تولدو لا هي عاقرة ولا نتاا الحمد الله كل شيئ خلي ايمانك فالله قوي اولدي حمد الله..حمد الله على كلشي..

محمد: الحمد الله...ماتبكييش الحاجة واش دابا نسكتك ونتي ولا هي برااكة الحال ماعالم بيه غير الله ماتزييدو تكملو حتى نتوما امنى بالله والحمد الله على كل شيئ..لا اعترااض فقرااره بغاه ماعندنا ماندييرو الله يعوضناا فيه خير واخا بلاصتو ماتعوضش..

الحاجة : ااش غيعوضها مسكيينة ماكيين اللي يعوض الكبيدة ماكين اولدي يولني انا اللي حاسة بيها والله واحد مايحس بيها غييير..الكبدة صعييبة اولدي صعيييبة حسن عواانها مسكييينة حسن عوااانها

الحاج: هي شوية امحمد متقبلة الامر اش بان لييك...

محمد : المشكلة ماشي هنا..اسراء ماشي اول تجربة...ديجا عااودت لياا شي ختها ماشي بزاف غير شي عام تقريبا سيمانة ورا ولادتهاا مات ليها الولد اللي كانت تقريبا اسراء كل دااك سيمانة وهي معاه...ابار على كتلوم رااسها على موتو..الجرح تضبر مرة اخرى...خالعاني حالتها مانكدبش عليكم..

الحاج: لا حولة ولا قوة ايلا بالله...الله يجعلهم ملاائكة في الجنة يااارب..الله يرحمهم

الحاجة: هو داك اللي كان مات مخنوق مسيكين لا كانت قالتها ليا حتى مها....

حرك راسو محمد بايجاب والحاجة ماقدرااش تصبر خااشية راسها بين ايديها وكتبكي حتى جات الفرملية بالفطور دخلو معاها محمد ...

يلاه عاونها تكعدات بكلاام هاادئ محاااول يخرجها من حزنها ويعيطها اماال جدييدة تشبت بيييه فالمستقبل حط قدامها البلااطو وبدا كيعيطها تفطر حتى بداا كيمسع صوت الغواات كثثيير وبالكى والهضرة مخلطة بالعربية والفرونسي عرفهم عائلتها جات وهي غير سمعت صوت الام ديااالها قلبات علييه وجهها وبدات كتعيط ليها بالبكى حتى دخلات عليها وهو ناض خلاها ععنقااتها كتبكي هي وياها رغم انهم ماعارفينش اصل الموضوع لكن بمرجد انها وسط سريير الكلينييك خلعتهم...

خواتاتها خمسة بييهم بوليداتهم دخلو عليها ومحمد خرج خلااهم كيهضرو بينااتهم عاطيها هي الفرصة تعاود ليهم وتخوي قلبها غير ترتاح شوية...

على صوت الضحك دخلات الحاجة ام اسماء للبيت عندهم فايديها صينية ديال الفطور وهي كتشوف فاسماء جالسة فوق الناموسية حاطة ايديها على جنابها ب بيجامة سخييخنة غوز بيبي فيها ارنب بيض على كرشها وزيف حياتي بيض على راسها كتبان منو ضفيرة شعرها الاسود رغم انه كلو تقريبا طااح غير خصلات خفاف اللي بقاو فيه....رغم الضعف اللي ضعافت بحال شي بنية صغيييورة ولات ورغم المرض مبسمة مرة مرة كضحك ورجليها مطلوقين لتحت شاداهم كنزة كتطلقهم وتجمعهم لحال شي ترويييض كتسرح فيهم الدم وهي شادة فيها واسماء غير كتضحك وجهها منور وعينيها لاامعيين مع بريق الشمس الصباحية فجو شتوي كتطل علييهم من شرجم وريحة اتااي كيتشحر من الكوزينة جاي تالعندهم..

بصوت هاادئ تقيييل شيئا ما مزال مارجعات لصوتها الاصلي..جمعغت الضحكة اللي فالتة ليها..

اسماء: واخا تهضري تالصباح راه انا معاقلة على واالو هادشي اللي كتقولي ليا بحال داكشي اللي كتبغي تفرج ليا فيه تسنييم هادوك مسلسلات الرعب الهندي اللي كتجي ف سبت والجمعة بحال هكااك هههه

كنزة : والله العضييم سولي ماما..اويلي سيد شبعات فيه تصرفيييق عرفتي اول مرة بدا كيقرا علييه قالو لينا هزيتي ايديك حتى هزيتيها ونتي تعطيها لييه للصدر هههه حمدي الله ماجمعهاش معااه

الحاجة: اودي الحمد الله الحمد الله ربي كيبيير....ماتبقاوش تهضرو فهادشي صافي طوييو هاد الكلااام الحمد الله دازت على خييير الحمد الله على الحاج ربي نزلو عليهاا كي ساروت الخييير..شكون قال تاني ترحع لينا الضحكة شكون قال...

حطات الصينيية وجلسات كضور عينيها فالبيت حتى جات على شبكة الالعاب فوق الماريو...

الحاجة : وكون سعفتوني دييك الشبكة تاهي حيدوها عليا من تما مابقيت حاملة نشووف فيها..مابقاتش فيها تييقة..

اسماء: علااش؟؟

كنزة خرجات عينيها فالحاجة وعضات فمها تسكت وهي قلبات عينيها فيها..

كنزة: : اايه اييه حيديها باش تجي تحيير لينا ديك نص ميترو اش جاب مايفكها معااك..

اسماء: مالقاتش ديك المونيكة بغات تسطى ليا لبارح تاجات عند رااسي كتقول ليا فنص ليل نوض نقلب عليها ماعرفتش فين شداتها

كنزة:دابا نبدل ليها ديك شبكة كاملة مابقى فيهم مايدااار نحيدهم ونجيب ليها وحديين جداااد..

اسماء: الحاج مجاش اماما تعطل ليوم لا..

الحاجة: دابا يجي باقي الحاال...بغيتيه..

اسماء: بغيت غير نسولو من لبارح ماشفتو ماهضرت معاه على خاطري شحال من مرة كنبغي نهضر معاه ماقال ليكم حتى حاجة على هادشي ....

الحاجة: م ماقال واالوو ..قاليك غير تخطيتي شي قادوس ولا مانعرف ماديريش باالك الحمد الله على ايديه جات الشفااء(بدا تيليفونها كيصوني وهي تجبدو وشدات على راسها) عمتك تااني كتصوني خفت نقوليهاا وليتي شوية تجمع ليا العائلة كلهاا وتجي وانا يلاه رديت راسي لياا تئ...

اسماء: خليها تجي اماما عطيهم صوابهم مساكن غير عيطت ليهم كلهم جاو عندي انا قلت موحال باقين يتفكروني ..

كنزة:تانا ساعة ولاو كل نهار كيجيو يطلو علييط مانسحابهش حناان لهاد درحة هههه...

الحاجة: هاهي قطعات كااع خليها تاتعاود تصوني...باك صباح نوضتو للفجر بالحق صلا غير هنا باقي عيان مسكين..قاليا باغي يدير شي صدقة ما صدقة ايلا دارها نعيطو عليهم كاااملين يشوفوك وياكلو اللي قسم الله ونجمعو ونطوييو ...هاااهي كتصوني بلاتي نهضر معاهاا نسخن ليكم المسمن اسما تاكلييه..؟

كنزة: لاا لااا جيبي ليها دوك رغاايف اللي جبت فالفريكو سخنيهم ليها المسمن غيضوور ليها غير المعدة...

خرجات الحاجة كتهضر واسماء هزات راسها لفووق ضاحكة ونزلاتهم تشوف فصباع ايديها كتحركهم عاادي وحتى رجليها واخا تقال عليهاا شوية تنهدااات بفررحة...

اسماء: فين درااري تاحد ماباان لياا..من لباارح لاهوما لا عيالاتهم..

كنزة: خليهم علبيك لاش غير صداع راس..شوية رجلك ؟

اسماء: مممم مزيااان..

سكتاات شوية فرحانة بدااتها رجهات لطبيعتها ورجعات دوات..

اسناء: كنزة...عرفتي اشنو تشهييت لباارح..

كنزة: مممم شنو..شنو تشهيتي

اسماء: ماضحكييش عليا..

كنزة شدان ضحكة: ههههه قولي

اسماء: بديتي بالضحك وبغيتيني نقول ليك

كنزةلاا هههه والله مانضحك..

اسماء: تشهييت نساافر..

كنزةنساافروة غير وقفي على رجلييك من غدا نمشييو..

اسماء:ولاا مابغيتيش غير هنا...(علات حجبانها جيهت الشرجم شافت فالسماء) بغييت لهيييه..نسافر فالطياارة..

كنزو فهماتها وجمعات الضحكة وطلعات جلسات حداها :دخلت علييك بالله..

اسماء: والله العضيم..هههه ايلا البارح فكرت فيها بالحق ايلا كان كيف قلتي ليا...ايلا كان زعما المعيشة زويينة وخدمة زويينة خدمة الحلاال بعرق كتافي ومدرسة زوينة لبنتي علاش لا...هاد المرضة مامرضاتنييش غير فصحتي حتى فعقلي ودماغي مرضااتني اختي...شوية وكنت غنمووت ..شفت الموت بعينيا سلمت على القبر فخباارك ههه وليت كنتسنى غير ديك اللحضة...كون مت اختي فين غنخلي بنتي..اشنو غنخلي ليها ماعندي لا دهب لا حجر لمن غنخليها...حسيت براسي مادرت والو على قبلها ربع سنيين ديال الخدمة وهانتي كتشوفي ماعندي حتى ريال نجلس عليه من غير ديك المليون ونص اشنو عندي من غيرها...بنتي باقة صغييرة ومزال محتاحاني واخا تكبر غتبقى محتاجاني هانتي كتشوفي انا قد هكا ومزال كنوض فلييل نعيط على ماما هههه راك كتسمعيني كتنوضي نتي فبلاصتها هههه ماكنتش كنخااف على رااسي واالو ولكنها هاد المرضة علمااتني نرد البااب من خياالي نرد منو الباال على قبل بنتي...واخاماما كتقول ليا تخطيتي شي قادوس ماكين لا قادوس لا قادوسة عارفة شي حاجة مديورة ليا وهي مابغاتش تقول ليا...

حدرات كنزة عينيهاا واسماء مكملة..

اسماء: ايلا كان كيف قلتي على قبل بنتي من غدا نمشي..البلاد ماعطاتني واالو نجرب فبلاد ناس ههه...نضحي بروحي وبصحتي غيير حتى نكبر بنتي ونشوفها فين بغييت مع شي ولد ناس يقوم بيها وايلا جات الموت مرحبا بيها ديك ساعة غنمشي مرتاحة عليها...ماكرهتش غير خدمة زوينة وشي سكنة زويينة وشي مدرسة لبنتي زوينة نخلص عليهاا من عندي ونكسيها ونسبطها ونقريها بجهدي

كنزة بفرحةماقدراتش تجبسها وضحكاات: ختي انا ماغنقول والو حيييت فرحتيني مانكدبش عليييك هههههه عرفتي ايلا مشيتي نتي حتى انا غنمشي طاايرة ماغيعكس ليا لا با لا مي شوفي يلاه على ضمانتي غير يلاه انا راه ماكندويش غير هكااك كندوي ليك على بصح ماتبقايش تقولي لياا حلاال لا حراام..انا ماكنسيفطش لبنات يفسدو تماا خاصك تعرفي هادشي..راه كنعطيهم كونطرا وماشي انا اللي كنجيبها كتجي من لهييه كونطرا فيها بزاف ديال الاختيارات ديال الخدامي وكل وحدة طتختار اللي ماناسباها وكتسني عليهاا كاين الحلااق كاين لي بغات تقابل شي مراة كبييرة فدار العجزة كاين المربيات كاين لي بغات تخدم هكاك مساعدة فشي قصر...عطى الله الخدااامي بحال نتي غتخدمي فالحلاقة تما مطلوووبة على جهد بحال اوربا مطلوبة بزاااف كاع

اسناء: دابا ايلا كتاب ومشيت ماغنجلسش...بغيت نمشي غير نشوف تما كيدار بحال مثلا سياحة غير نضرب ضورة تما نشوف الاجواء والخدمة نييت وايلا كتااب نستقر فيها علاش لاا..

كنزة بفرحة كثر: بصح ؟؟ ههه نمشييو عطيني غير الاوكي من غدا ندفع ليك الضووسي تمشي مع البنات اللي غيمشييو هاد شهر والله حتى نمشيو معاهم...

اسماء: بصح زعما..

كنزة : والله العضييم...ياك تسنييم عندها عطلة نيت فيها خسمطاش يوم ندفع ليكم ضوسي بجوج على الله مايتعكسش نمشيو فاكونص تما منها نبدلو لجو منها شوفي الحياة تما كيف داايرة...

اسماء: ماتسهلييش ليا هادشي ههه على غير اجي وسيير هادشي كاع زهر..

كنزة : والله ياختي ماكتعرفيني اشنو كنسوا الله يسمح لييك شحال تعطي حتى نمشييو

اسماء: انشااء الله شوفي اشنو كاين وردي عليا....عنداك تقولي شي حاجة لماما خلي حتى ايلا كانت شي حاجة نهضر معاها..

كنزة : غندفع ضوسي ليووم نتي مافييك تيقة غدا تصبحي ضايرة لييك فالخواااا هههههه

اسماء : لا لاا ياك غير غنساافرو نمشب ي ماعنديش مشكل انشاء الله نولي غير شوية عجبني الحال تما هي هاديك نقاد اوموري ماعجبنيش راه غنرجع..

بضحكااات كنزة وعنقااتها و الفرحة كتقطر من عينييها ببريييق كيلمع فيهم حتى بدات كتسمع شي كلااكصون من لتتحث وهي تبعد منها كتصنت..

اسماء: ديال تسنيم هذاا طلي شوفي..

كنزة :لا لا موحال عااد خرجات للمدرسة علاش غترجع..

تعلات طلات من الشرجم وفعلا بان ليها الطرونسبور ديال تسنييم وقف قدام البااب ونزلات منو البنت اللي كتكون معاهم تما وتسنيم موراها...ايديها دايرة بالفااصمة وركابيها بجوج بالفاصمة وحتى جبهتها نصو مغطي بالفاصمة طرطقاات عينييها ولااات كلها كتررعد ولكن مابيناااتش لاسمااء..وضارت بغات تمشي

اسماء تفزعات مامرتاحاش : شكوون كنزة شكووون جاا؟

كنزة: هاناا جاية تسناي

اسماء: بنتي هاادي صوتهاا كتبكي كننننزة اجيي لهنااا مااالهااا ؟؟؟

خرحات كنزة من البيت نزلات كطير فالدروج حفيانة نزلات لتحث حلات لباب على تسنيم قبل مايصونيو علييهم وهي غير شافتها لصقات فركابيها كتبكي وتهضر بشكوى كلامها موااضحش وهي مخرجة عينيها فديك البنت بحددة..

كنزة : ماااالهاا فيين طااحت اش هاد الحااالة تسنييم خالتو شووفي فياا شوفي احبيبة ماالكي بشويا علييك مالكي..

غير كتبغي تهضر كتغلبها البكية غتحماااق وهي تعنقها عندخا

كنزة: بسم الله علييك احبييبة بسم الله علييك ماالها ماتبقايش تشوفي فيا قولي ليا مالها..

_ماعرفتش اختي مانكدبش علييك انا كنت فالكلاص مع لاميتخيس ديالها خرجو هوما للاستراحة واقيلا تدابزات مع شي صدييق ديالها وطاحت فالجردة اللي فالساحة هادشي اللي عارفة..

تسنيم كتنخصص : س سلطان دفعني.. سلطان دفعني فالشوك

كنزة: وااش هاد البرهووش ماابغاااش يحشم ولاا مااالو بلا احشمة بلاا حية ميسيفطينيها لياا هكاا ومعااك نتي فالطرنسبور من الفوق اش هاد قلة الاهتمااام بلااتي..بلاتي والله مادوز ليهم ليوم ..جلسي احبييبة هنا جلستي هانا نازلة عندك

تسنيم كتبكي : ماماا..

كنزة : ماماك مريييضة احبييبة..انا لي غنمشي عند والديين مو ليوم نربيييه صبري عليا تسناي هنا..

طلعات فالدروج كتجري مادخلاتش عند اسماء واخا كانت كتعيط ليها مشات نيشان للبيت هزات جلاابة ديال الحاجة لبساتها وخشات صندالة دالصبع فرجليها هزات نضااضر وسواارت ورجعات عند تسنيم شدات من ايديها وخرجاتها معاها غير ركبااتها فالطوموبيل طارت بيها نيشان للمدرسة الحضان قليلة حتى وقفات عليهم فالادارة بلا دقان بلا جوج فرعات عليهم الباب ودخلات صاعرة والمدير شافها وهو يوقف مخرج عينييه هو والمراة اللي كانت جالسة قدامو فالمكتب شادة ولد صغير بين ايديها..

كنزة : واااش عندكم الوجه علاش تحشمو ولاا لااا هااا ااش هاد قلة الاهتمااام مسيفطين ليا البنت فرطرونسوبر بحال شي سلعة خسراات فنص الطريييق ورجعتوها ليااا

ابمديرة: مداام كنزة تفضلي الله يخلييك تلاميد كيقراو

كنزةتلاامبييد كيقراااااو واناا بنتي كلبة ولاااا شنو اش هاد الحااالة...ااااش هاااد الحااااالة واخا هادشي انا ماتهضرش فييه حييت بيناتنا المحككة المخزن اللي غيشوف ليا هاد الحاالة لي واصلة فيهااا بنتي تزيد من لفووق ماتعلمنيش اشنو وقع ليها علم الله امتى ضربااات ضاربين طم حتى قالها ليكم طانطو ديال راسكم عاد سيفطتوهاا ليااا...

المدير: مداام..الله خيلييك تفضلي

كنزة:ماااتبقاااش تقوليا مداااام..شحال من مررة تبريييت فييكم شحااال من مرة هاد البرهوووش ايلا مااربيتوهش انا اللي غنربييييه

نطقات المراة اللي كانن جالسة قدامو انييبقة ومن شكلها وشكل لباسها وااضح عليها الغنى والمااال والاناقة..

_احتارمي نفسك امدام...ماتهضريش على ولدي بهاد قلة تراابي وجلسي خلينا نهضرو مابغيناش المشاكل بسبب الوليدات الصغاار..

كنزة : اشوفي الاخت المربية صافي بقيتي على خاطرك البرهوش دياالك طار حتى طار وهرس البنت هادشي اللي بغيتي ايلا كان غير كل مرة يسيفطها للدار بضربة ماعندها ماتبقى دييير هنا بنااقص من هاد المدرسة وهاد الاستايدة وهاد زمر كاامل خليتها ليييكم ..

المدير:مداام كنزة ماكين لاش تخافي ماشي شي حاجة غير جريحات خفااف راه المساعدات قامو بالواجب جلسي الله يخلييك..

ديك المراة جابت ولدها عندها برفق وهو فسن تسنييم صغيير وزويين وشعر بوكلي نازل مهدهد على رااسو وجناب ودنييه كيشوف فتسنيم بغضب وغروور وهي مخنزرة فييه وعينيها مدمعيين..

امراة : يلااه اولدي نمشيو...

المدير: مدام التاقي...(مد ليها ورقة) تسني التزاام من فضلك..

امارة: علاش التزام اسيدي..ولدي ماقاتلش روح ماتزيدوش فيه تدابز هو والبنية وجيت نطلب الاعتدار نيابة على ولدي ولكن ملي ماكينش فرصة للحوار معندي ماندييير...

المدير : ولكن راه ضروري تسني التزاام..

امرتة:ماغنسني حتى ورقة انا ولدي ماقتلهاش غير دابزو وليدات صغار هادو وضروري من المشااكل..ميمكنش ليا نسني حتى حاجة

وقفات وجبدات تيليفون كتصوني لشي حد والمدير تاالف شاد الخاطر لكنزة ولمراة حتى هي ...

كنزة: شوفي اسيدي ماتقولش ليا جرحة ولا جوج ليوم جرحها غدا يصبح مهرسها انا بنتي دابا بغيت ضوسي دياالها ماعندها ماتبقى دير هنا ونتوما غنتفاهم معاكم على هاد المؤسسة وقلة الاهتماام ديااالها..انا على برااا وجد ليا ضوسي مايمكنش لياا نبقى مع هااادي...

ناضت جرات تسنيم وخرجات والامراة لاخرا حاضياها كتهضر فتيليفون ورجعات جلسات فالبيرو والمدير تاني غادي جاي علييهم مايمكنش يخسرهم بجوج دقة وحدة من لمدرسة ديالو حتى تهدنات كنزة شوية ودخلها للبيرو حتى هي دقاائق حتى تحل عليهم البااب ودخل رجل بالكوستييم من البااب رمى السلاام بكل احتراام وكنزة تلفتاات فييه بعصبية ...

مع التلفيتة مع ححباانها ترخااااو بصدمة متبعااه وهو داخل فحين هو غير شافها تبسم بدهشة وفرحة واضحة فعينييه نفسو الراجل اللي تلاقاتو كنزة فاكادير نفسو نيت هو اللي تبعها من باب الاوطيل حتى للجردة ديال الالعاب...

كح بجدية وقاد الكرافات ديالو وسلم عليهم ماد ايديه لكل واحد عاد جلس شابك ايديه كيشوف فكنزة مطول حتى بغات تشدو ضحكة تاني وهو يقلب وجهو ومد ايديه للوليد صغير جرو لعندو بين ركاابيه...

_سمعت اشنوو وقع ..وانا بالنيااابة عليهم كنعتدر منك امدااام(ورك عليها) كنزة على هادشي اللي وقع مع بنتك نتمنى تقبلي اعتداارنا...سلطان يالا اولدي اشنو كنقولو فاش كنأديو صحابنا...

خشى سلطان راسو فدرااعو الراجل مابقاش شاف فييهم وهو جرو قدامو بحدة وحنية حاول معاه مرة اخرى ..

_سلطان يلاه اولدي..حشومة ختك زويينة شوف وضربتيها بالعكس نتا اللي خاصك تحميها وايلا ضربها شي واحد دافع عليها ماشي ضربها ماكنضربوش البنات الصغورات ياك....

سلطان بصوت باكي : سمحي ليا..مانعودش نضربها

تنهدات كتزة بصراامة..

كنزة : شوف اسيدي الولد ماعلييه والو معارف حتى حاجة لا يضرب لا يسرق راه التربية من الواليدين وكلشي على الوالديين ايلا تربى هكااك راه غيكون كيبان ليه هادشي عادي وماشي بساالة..مايعتادر لينا مانعتادرو ليه اسيدي الله يساامح غيير يعطيوني ضوسي ديال بنتي والله يعاونكم ..

امراة شافت فيه معلية حجبانها بهدوء : قلت لييك ماشي دياال الهضرة ماعندكش الحق تهيني تربية ولدي الالة....

دار داك الراجل خنزر فيها تسكت وهي حدرات راسها معصبة فحيين هو هز عندو سلطان معنقو وهو كيتنخصص عندو وكنزة حدرات رااسها كضور فعينيها بقا فيها ودغيا حنات علييه ولكن مارتاحت حتى حولاتها من داك القسم بمرة ماتبقاش معاه وهوما سناو ليه التزاام وناضو خرجو...

هزات كنزة تسنيم عندها كتبوس فيها وتشد بخاطرها وهي كتشكي وتبكي عليها حتى وصلات للطوموبيل ركباتها لور وضارت هي باش تركب يلاه غتسد عليها البااب وهي تحس بيه تحل عليها وتلفتاات لقاتو هو وهي تطلق من البااب خلاتو حلو عليهاا معلية حجباانها..

كنزة : صفابا اخويا ولا شنو ؟ اش كااين مالنا على هاد البساالة !!

هاز رااسو مكيشوفش عندها : نزلي...نزلي نهضر معاك..

مدة طوييلة واسرااء فالشومبر مع مها وخواتاتها والحاجة برا ماخلاهمش محمد يدخلو عندها وقف بعيد كيضهر مع بااه والحاجة كتصنت عند الباب كتسمع الهضرة مجهدة من داخل الشومبر ولكن الكلمات مواضحيينش مرة مرة كتلاح لودنيها كلمة " مُّو " عرفاتهم كيهضرو عليها ولكن اشنو كيقولو ماكتسمعش بسبب تردد الصوت فالكولوار...

حتى لواحد اللحضة وهي تخرج عندهم الام كأنها ماشي هي اللي عاد دخلات دابا قارنة حجباانو بصرااامة عيطات على محمد جا لعندها...

الام: ولدي قول ليا امتى نقدرو نخرجوها عفاك ايلا كان ممكن؟

لاحظ طريقو كلامها الناقصة معاه...

محمد : غنديها للدار ماعندها ماتبقى ديير هنا..

الام: لا اولدي بنتي غتمشي معايا لدارهم انا اللي غنقابلها اللي بغى يشوفها يجي عندها الله يرضي علييك..

الحاجة: ودار راجها حسن ليها ابنيتي هو طبيب وهو يعرف ليها...حتى نتومت يلاه معاها دار دااركم بالحق خليها مع رااجلها يقابلها ونقابلوها حتى حنا على هي رخيصة علينا غنرخيو فيها ولا ؟

لام مشافتش فيها بحالا ماسمعاتهاش : ايلا ممكن دابا قول ليا غير واش نقدر نخرجها ولا لا هادشي اللي بغيت نعرف...باش نديها للدار حسن لسنا ولييكم حتى نتوما الله يرضي عليييك

الحاجة: ومال دار راااجلها الالة رقية علاش اللي ماتمشيش ليها وتجلس فيها يقابلها راجلها وحتى حنا مااال دارها مافيها خير ليهااا ايوا هادي وحدة اخرى

رقية : الحاجة الله يجازييك بالخير...الله يجازيك بالخيير خلي الاحترام بيناتنا ملي البنت مليوحة فالكلينيك اشمن خير عندها فدارها فين كانت عينيطم تا توصل لهاد الحاالة انا بنتي مساخيااش عليااا غتمشي لدار واليديها حتى ترجع لصحتها

خلااهم محمد كيتناكرو بجوج ودخل للشومبر عند اسراااء فين كانو مجمعين عليها خواتاااتها كل وحدة تهضر من جيه غير شافوه وهوما يقطعو الحس ورجعو لور وهو مشافش جييهتهم مشى نيشان للسيروم ديالها كيقاد فيه باش يركبو ليها....

محمد : رانياا خوي شومبر عطيها حوايجها تكمل سيروم دياالها وتخرج

اسراء : ماغنمشييش للدار انا غنمشي مع ماما لدارنا ماغنرجعش معاكم للدار

محمد : ماكين لا ماما لا دااركم علاش دارك مالها نعسي ارتااحي شوية يكمل السيروم ولبسي حوايجك تخرجي...راانيا خوي شومبر

بتووتر اكثر حاولت الفرملية تخرجهم وهوما واقفين مابغاااوش يخرجو ليها واسراء مرة مرة كتشوف فيهم كيهضرو غير بالعينيين..

_تفضلو معايا عفااكم

شافت الطريقة اللي كيهضر مع خواتاتهاا ماعاطييهمش اعتباار وهي تكعد قارنة حجبانها..

اسراء شافت فختها غمزاتها تزييد وهي اندافعت بقوة مصطنعة: م محمد ماغنمشيش لداار عندكم عفاك خليني على خاطري وحتارموني شوووية ولدي مات ليا (ببكاء) ولحد الان سااكتة وصااابرة ماغنرجعش للدار لي بسبااابها ماات ليا فيهاا خليني نمشي مع ماما ماغنرجعش معاااكم

محمد : ماشي غير نتي لي صااابرة ولدي حتى انا معاااك منيين جبتيه دوييت معاك هضرة وحدة اللي كاينة غتمشي لداارك

اسراء : مغنمشييش ليها نتا معارف واالو

محمد: شنوو معاارفش قولي نسمع...نعرف حتى انا

اسراء :شكووون سباااابي من غير مك وخدامتها شكون لي تلف ليا العشوب اللي جابت ليا ماما ست شهر وانا كنشرب فييهم عمري شفت منهم شيي حاجة حتى تلفااتهم ليا مك ومشات شراات ليا اخرين علم الله منين جابتهم عطاتهنم ليا نشرربهم حتى مشى لياا ولدي مزال مافرررحت بيييه

محمد : شرباتهم ليك بالسيف ضربااتك على، ايديك تشربييه شطون هادي اللي كنلقاها فنص لييل كتشرب شي عجب ماعرفتو بااش مخلط تبريت فييك تحيدييه علاش كديري اللي فراااسك

اسراء : ماشي اول مرة غنشربوه حواتاتي كامليين شاربينو وماما حتى هي بااش حملات بيا علاش ماانشربوش مك اللي خلطاتهم لياا فوتاات العباار ولا الله اعلم ب نية كل وااحد

ماجا فيين يهضر محمد حتى تلفتت على صوت مو اللي داخلة من الباااب كتبكي بعتاب وقفات عليها

الحاجة : الله يااابنيتي وااشنو درت ليييك اناا حتى تجبديني بالعيب من صبح الله ونتوما مو مو مو هاد مو ااش داارت ليكم عمرك شفتي مني كلمة تلعيب ابنيتي عمرني جبدتك على فمي ولاا عايرتك ربي شااهد عليا فينما نحط جبهتي على الصلاية ندعي معاك ونعاود بالدرية الصاالحة وتقولي ليه بسباب مك حراام عليك ابنيتي عيب عليييك عيييب

رقية دخلات شدات اسراء اللي كتبكي: شكوون جااب ليها العشوووب جداد الحاااجة شكون عطااهم ليها تشربهم

الحاجة بندم ولات كترعد: انا اللي جبتهم حيت تلفتهم ليها شرييتهم وعطييتهم ليها وزدتي نتي سيفطتي ليها شي وحدين قلت لياا لاش ضيااع خلطييهم زشربيهم ولا لي بغيتيي انا اش عرفني فهاادشي

اسراء : اااش عرفك فدااكشي اشنو قربك ليه ماتشريهم لياااا الحااجة

محمد: ماااتعليييش صوتك هضري بشوياااا

الحاج : نعلوو الشيطااان هادشي الي كديرو فييه

محمد: ااااخر مررة تعلي صووتك علييها هضري بشويااا خلي الاحترااام بيناااتنا العشوووب ولا المرض شحال من مرررة تبرييت فيك تحيدي الزبل علييك علاش ماكتسمعييش الهضرة كتلوميها دااباا....هم !!....نلومك انا علاش كتشرببيهم نقوليك نتي سباااب قتلت ليا ولدي واخلينااا سااكتييين تااحد ماضربك على ايديك وقاليك شربييهم سمعتي لكلام مك وكلاام مي وكلامي ماسمعتيهش شنوو غنديير معاااك

رقية: ماااتغوتش عليها اولدي رااه مرييضة وااش كتدييوه عليها الحاجة بعقلك زعماا دوي مع ولدك ااش وصلنا لهاد الهضرة

اسراء: كيشوف مو اشنو كدييير ليا وكيغوت عليا غير انااا من نهار لول نتاا مابغيييش الولاااد كون كنت اصلاا حاملة ماغيعجبكش الحاااال مزياان كاع اللي مااات ولا تزييد تكمل عليا بفعااايلك ملي مابغيش الولاد ومابغاينيش من نهار لول ماتزوجش بيا علاش مخلي مك تلعبك على صبعها سير عند هادييك اللي بااغي هي اللي تلييق لييكم كون كنتي راااجل ماتحطش عبنيك على وحدة اخرى وتزوج بيااا انا وتخلي مك تعزل لييك

بدوون شعوور هز ايدييه وقصدهااا بعينين غاضبيين وهي تكمشاات فرقية والحاج دافعو من صدرو ماخلااهش لا يهضر لاا يوصل ليهااا وهو مدفوع لجييهتها صاااعر والحاجة ولات كتزاوك وتبكي بالخوف كتررعد...

الحاج : نعل شيطاان اولدي الله يهدييييك

اسراء: شتي شنووو كدييير عليهاا الله ياخد فيكم الحق بعدوو منيي نتوما السباااب بعدو مني

رقية: ششش سكتي سكتي صااافي (عنقاتها عندها مخبيااه علبيه وهي كتبكي عليها ورقية غير كتشوف ماعوداتتش هضرات)

الاخت : صاافي احبييبة تانكيت با ماترجعييش معاه امبوسيبل نقبلو بهادشي

محمد:طلق منيي..وااااطلللاق منيي الواااالييد طلق(نتر منوو ايدييه بجههههد )

سخن والحراااارة زاادت جعراااتو حييد ديك الطاابلية واخر كلامهاا يرضرب فوظنييه بحاال االسم ماتسرطش ليييه ماباان ايه غير السيروم لي معلق ضربو باديييه حتى تقلب على بلاطو دالفطوور كلو تزلع فلرض والزااج مهررس

محمد: مكاااين لااا سيييرووم لاا..(جمع لسانو) السيدة طاالعة كراااد بلا فيتاميين خليها تمشييي

الحاجة: نعل شيطاان اولدي الله يرضي فيين غتخلي مرتك مااتدييش عليها راه عيااانة نعل ااشيطاام

محمد كلوو كيترررعد : خليهاا تمشي

دفع الحااجة خرجها كتعفط فجلايلها والحاج مورااها وهو خرج خببط عليهاا الباااب حتى قفزو كيشوفو فبعضياتهم ومشى نيشان للبيرو دياالو اما الفرملية جابت لاسراء حوايجها كتشطح بالخلعة خايفة من غضب محمد يتقلب عليهااا فحين اسراء تكعدات من بلاصتها والام رقية معاوناها تلبس

اسراء: شفتي اماما اشنو كيدييرو

رقية: ونتي اماما اشنو وصلك لرااجلك اش داك ليه علاش حبدتيه على فمك مشكلتك مع عكوزتك منك ليها علاش تقللي منو هو...

الاخت 1 : ماما ماشفتييش هو كيفاش كتغوت عليها مايمكنش تسمح ليه يرفع عليها صوتو ماشي من حقو مابغيتش نتلاح فالهضرة عندي ليه ماينقااال نقي ليه ودنيه مزيان...

الاخت 2 : من قلة التراابي تغوت على راجلها وتقلل منو رجاا ماكيبغييوش اللي يقلل منهم وهي كتقول ليه ماشي راجل حشومة تاني بابا ايلا جا عندو وعاود ليه هادشي ماغيعجبوش الحااال..

رقية : مايجي عندو مايجي عندناا صافي ساالينا شوية ومايقتلو لياا البناات فين كانو وهي فهاد الحالة ايلا خايفيين عليهاا يرااقبوها ويشوفو ااش كدير واش اللي مكديييرش بقات فالهضرة..

اسراء : تلفو لياا العشوب ديالي اماما ماقلت حتى حااجة نهار سفطتي ليان نتي العشوب الجداد لقيتها شارية لياا وحدين اخرين قالت ليا خلطيهم وشربيهم على حسابي ياك غير عشوب عشوب وانا درت بكلامها وشربتهم مخلطيين...

الاخت 3 : ايوا راجلك عندو الحق ملي قالك ماتشربيهم صافي ماتشربيهمش علاش تبعتيها لا هي لا ماما سمعي لكلااامو هو اللي عارف شغلو هانتي حملتي وضيعيتيه غير بهضرتهم...ماتقتيش فيه هو اللي طبييب تقتي فيهم هوما..

رقية خرجات فيها عيينيها تسكت : ايلات ضاع منها ربي يعوضها عرفي اشنو كتخرجي من فمك..

اسراء: دابا عاد كيدافعو علييه اماما فاش دخلتو ماقلتوش هاد الهضرة غير حرشتوني وزيدتوني لييهم ودابا رجعتو ليا لومة..

عند كنزو ركبات فالطوموبيل يلاه غتسد عليها البااب وهي تحس بيه تحل عليها وتلفات لقاتو هو وهي تطلق من الباب خلاتو حلو عليهاا معلية حجبانها..

كنزة : صفابا اخويا ولا شنو ؟ اش كاين مالنا على هاد البساالة !!

هاز رااسو مكيشوفش عندها : نزلي...نزلي نهضر معاك..

رجعات ليها الباب تسد عليها وهو يحلو مرة اخرى وجرها من دراعها لعندو..

كنزة : حماااقيتي طلق مني...حيد ايديك ياك هضرنا فالاداارة سالينااالهضرة اشنو بغيتي داك الالتزام راه ماغتنازلش علييه غير كون هاني..

_تاحد ماقال شي تنازل داباا نزلي غير نهضر معاك..كوني بعقلك بلا شوهة يلاه نزلي ماغنمشيش حتى نهضرو راك كتعرفني...

قلبات عينيها كتننهد وهي تنتر منو ايديها ونزلات عليها الجلابة اللي كانت هازة على فخاضها باش تسوكّ ونزلاات عندو..

كنزة : يلاه هانا اشنو كااين اعمااد شوية لباس سيفطتي مرتك لدااار وجيتي لياا اناا اشنو معنى هادشي

عماد: ها علاش كنقول ليك كولي وفطري عاد خرجي تلاقاي مع ناس كيفاش هاد مراتي

كنزة؛ بدينا فالطنز تاني بزااف عليك شبعاانة الحمد الله بنادم هو اللي كيخليك تخرجي فييه نيابك نتوما رااكم حكرتونا بنتي كل مرة نهار مسيفكينها ليااا مفروعة من جييهة ماشي حشومة ولكن مانتعجبش فالولد مسكيين باين العربون غير من مو وباه..دابا حولتها من داك القسم قول لولدك يبعد منها خليونا فالتيقار

عماد : ولدي؟ شوفي اجي اجي نجلسو مانهضروش فالزنقة

كنزةماعندي فاش نهضر معاااك ويلي عيقتي بعد مني

عماد : مامفاااكش معااك حتى نهضرو هربتي مرة وحدة هاد المرة ماغتفلتييش مني اكنزة...يلاه

كنزة : وطلق منييط

عماد طلقها : واخا يلااه...

زفراات النفس بغضب عرفاتو مامفاكش معاها هاد النهار براكة غي السلتة اللي دارت ليه....وهي تحل الباب على تسنييم نزلااتها معاهاا ومشااو لاقرب كافي سابمل تما مابغاتش تبعد معااه ودخلو طلب الفطور وجلس قداامها كيشوف فيها مطول وهي مخرجة فيه عينيها بغغضب كتزعزع فرجليها..

كنزة:غتبقى تشووف فيا قول اشنو عندك..

عماد : علاش مشيتي..

كنزة :علاش ماكنتيش عارفني غنمشي..

عماد : ماكنتش عاارف شكون غيقول ليا

كنزة : راك مول شيى زعما اوطيل على قدو ماكتعرف شكون كيدخل ليه ولا شكون كيخرج منو..

عماد : واش كتأمني بالله..ماكنت عارفك غتمشي كون ضنييتك غتمشي وتخليني كنقلب عليك شومبر بشومبر نحطك حدايااا ماتحيديش من قدام عيني

كنزة : هه واش من نيتك اشنو بيني وبيينك حتى تحطني قدام عينينييك..واش نتوما كاع رجال هكا قلااال الحيى ديرو وحدة للمعقووول وحدة للزهو كلكم شمايت

عماد عقد حجباانو : اااش هاد الهضرة اكنزة خليني نحتاارمك ماتسبقيش الاحداث وعرفي اشنو كتخرجي من فمك...اييه ونتي اللي ب بنتك كضوري معايا شنو نقول علييك...

ماردااتش عليه قلبات عينيها والسيرفور حط ليهم الفطور وتسنيم غير قالبة وجهها حتى دوموندات ليها كنزة على الكراميل اللي كيعجبها عاد خدااتو بابتساامة وعماد دوز ايديه على شعرها..

عماد : شوية اعمو صافاا ؟ مهلية فيك ماماك..

كنزة: مهلية فيها طبيعة الحاال راه بنتي اللي عندي فيمن غنتهلى..

تسنيم :ءء م ماما مريضة....

عماد : مرييضة ابنتي مريضة (شاف فكنزة) قلتها ليك ولا لا حتى بنتك شاهدة فييك..

تسنيم: لا ماما مريضة كاينة فالدااار مريضة بزاااف كانت غتجي معاياا وغتشد سلطان غضربوو باش مايبقاش يضربني ولكن جات معايا خالتو حيت ماما مريضة بزاااف...

خرجات فيها كنزة عينييها فرشااتها وضوراات راسها كتلعب فشعرها ماارضااتش وهو كيضحك ..

عماد هز حجبانو : خالتو ههه اييه

كنزة بصرامة : على الاقل تدوي مع ولدك ويفرقها علييه بلاما تجي لييكم هي برجليها

تسنيم شيرات فعماد : عمو هذا زوين وقال لسلطان مايبقاش يضربني ولكن بابا ديال سلطاان خاايب بزاااف كيضربو كثر مني حسومة

كنزة:خايب بزاف احبييبة..

عماد : سمعي البنت اشنو كتقول ماكتهضرش عليا حلي ودنييك سلطان ولد ختي ماشي ولدي...

علات حجباانها بدهششة مفرووشة وهو كمل..

عدنان: ولدي علم الله كيف غيكووون فين يبان شي سلطان...

كنزة:ماتحكمش على روح مزال ختى ماجات للدنيا..

عماد شير فيها ايديه: ها العربون قدامي باين كي غيطلع ليا الولد..

ما ان فهمات كلاامو قلباات وجهها كتمسح تحت نييفها حابسة الضحكة الفاالتة ليها واخاا عينييهاا فضحوها وهو تبسم كيضور راسو بسلب وهز كافي نواغ ديالو شرب منها...

عماد : قولي ليا علاش مابغيتيش تهضري معايا (بغمزة) مالنا..!

كنزة : يسحابلي مراتك...

عماد : اعوود بالله ومسبقة الكلام علاش حتى انا ملي قالو لياا مدام كنزة وملي عيط ليا المدير اوتوماتيكمون عقلي تفكرك علاش ماادرتش هاد الحالة فاش شفك وتأكدت بلي نتي حيت عارفة ماشي دياالها وشي ان فالموضوع...

كنزة : علاش ماشي ديالي علاش زعما ماتقولش ممزوجة..

عماد : عاارف وصافي ماغتفهمينيش

كنزة: قوليا نسمع

عماد : داكشي ماكتسمعش..(غمزها مقرب وحهو ليها)كيتحس..فطري فطري رجعي دماغك خلينا نهضرو شوية

كهزة: خاصني نرجع للدار اعماد مامساالياش عفاك من بعد ونهضرو خليت ختي بوحدها وخايفة على بنتها ماشي وقت الهضرة قول ليا اشنو باغي راه ديجا هضرنا فداكشي اللي فبالك انا مامتسعدااش ابدا لشي علاقة باش نكون معاك صريحة وماتقولش ليا هربت تاني فالاوطيل ماهربتش علييك حيت كان خاصني نرجع للدار لضروف شخصية...وماعنديش علاش نهرب اصلا يومين زوينة دازت معاك مانكرهمش تعارفنا فييهم ومتشرفة بيييك ولكن كثر من هكا مانقدرش...

عماد بخيبة امل رخى حجبانو : علاش..

كنزة: هههه حيت ماعنديييش الوقت..والله ماعندي الوقت لشي غولاسيون شوف حالتي كيف خارجة حتى للمدرسة ههه شوف غير حالتي تورييك..انا مانهضرش ههه

عماد : كيبان لييك عندي الوقت انا ...كنبان لييك باقي ليا الوقت لشي غولااسيون وعاد غنبدا نتعارف ونضوور ونهزى ونتساارا...شوفي غير لحيتي شابت بالخدمة..ماغنتعبكش حتى لهنا ونسيفط ختي ونشدك بزز نهضر معااك باش نقوليك تصاحبي معايا ماشي برهوش ديال تمنطااش عاام اكنزة راك عارفة اشنو باغي ويالا ماكنتيش عارفة انا غنجيك نيشان بحالي بحالك ماعنديش مع تخياط وهادشي اللي عجبني فيك نهار لول خمسة وتلاتين عام باغي نكون اسرة و وليداات معاك اكنزة..(بابتسامة)شنو قلتي..!

طولات فييه شوفة بشكل عادي مواضحش عليها لا توتر ولا ارتباك ماشي اول عرض زواج كيجييها ولفاتو وبكترة ماكتفرضهم ولا كيجيها سؤاال عاادي..تنهدت ويلاه غتجاوب وهو يصوني تيليفونها كان عزوز وجوبات..

كنزة : آلوو...لاا ماقالو ليا والو امتى عيطو لييك وعلاش عيطو لييك نتتااا؟؟؟ ااااه يسحتبلي لاخريين صافي راه قلت لييك كلشي موجود..صافي راه دويت معااك فضحتوني كون يحساب ليا هكا نأجلها...اووف صافي صافي اعزووز طيبتيني..شتي شنو غيجيك مزيان جمع ليا البنات...مااااتجمعهش فدااارك ماتعصبنيش جمعهم فين كيتجمعو ديماا كااااملين من هنا لسيمانة انشاء الله لا لا هاد المرة ماكاينش الرجوع راه اللي ماحضراتش ماغنعقلش عليها (فودنيها بدا كيصوني تاني لقاتها الحاجة ماماها) ص صاافي صافي يلاه بسلاامة....آلوو ماما...

شدات على جبتها كتهضر معاها وهي كتغوت فالتيليفون حتى نقصات ليه الصوت وهو غير كيشوف فيها ونظرات الاعجاب باينين فيه لطريقة كلامها وحركااتها بعفوية كبييرة ماكتسطانعش باش تهضر زويين وترقق صوتها ولا تميل رااسها وتلعب بشعرها محاولة تغرييه...غير بملامح وجهها اللي كيتغيرو مع كل كلمة كتنطقها وحلقات ودنيها اللي مرة مرة كتلعب بييهم وسط كلاامها ولا عنقها اللي كتدوز عليه صبعها كافين يحركو كل منبع شعر فجسدو..

بنفس طبلة الفطور تقريبا جالسة عليه اسماء والحاجة اللي تالت مرة دابا وهي كتسخنو وتعاود تحطز..

الحاجة : ايوا صافي راه دويت معاها قالت ليك تاني ضااربت مع شي حد مشات معاها للمدرسة ودوزاتها تفطر شوية وتجي..

اسماء: كون غير قراتها ليا غير هنا المدرسة اللي ورانا هاد البريفي(دمعو عينيها) من نهار دخلات ليه وهي فالعصى مسكيينة بناقص منها قرااية

الحاجة: اويلي على الهبييلة كتبكي ماالها منها من درااري صغار كاع يضااربو وكااع يتصاالحو وراه خالتها قادة بييها تصنتي لعضامك شوية وخلي لبنت تحك راك فششتييهاا وغتوحلي معاهاا..

اسماء : يااربي نولي شوية غير تشد العطلة ندي بنتي وونسافرو نسييها شوية راه كنحس بيها مرضات معايا من نهار مرضت وهي لور لور...ماشفتييش فلييل كتخشى فياا وتقرا عليا الاناشيد زعما راه كتقرا عليا الدعاء باش نصح مرضت ومرضتها معايا

الحاجة: سييرو سافرو قوليها لديك الحنقازة ماتقولش لييك لا تموت على الضوران فين بغيتي تمشي..تدييك

اسماء :ويلي نسييت عرفتي باش حلمت اماما..

الحاجة: خير وسلام اشتوو

اسناء: كنت ناعسة صحة سلااام..حتى حلمت براسي فالاماارات عرفتيها دبي فيين كيسافرو البنات هاد الايااام..

الحاجة : ايوا

اسماء: ايوااا قلت ليك حلمت برااسي فيها..مشيت اختي كنضور انا وبنتي وكنزة وفرحانين زعما حتى وقفات ليا وحدة فالطريق قالت ليا سيري العين الزرقة..شي بللصة كاينة تما مهم قلت ليك وقفات عليا وحدة كيف شي حورية اماما غزااالة ومنورة تبارك الله قالت ليا راه ماكنحسش بييك بوحدك ومزال معاك زوار سييريي عومي فييها وانشاء الله اللي تأدييك ماتكون..

الحاجة: دخلت علييك بالله هاد العين زرقة بحال شكل الساقية..

اسماء: ااه كيعومو فيها الناس الليي كيكونو مرااض وداكشي زويينة تماا..قلتها لكنزة فرحات وبغات نمشيو ولكن بابا موحال يخلينا راك كتعرفييه اودي ماعندنا مانديرو

الحاجة: قالها الحاج الفقيه يابنيتي قاليا ضروري ماتبقى فييك الشياطة ديالهم ..بعد الخطرات الحلم راه كيعلم كون غير كانت هنا خسارة...

اسماء: انا قلت غي دييك خمسطاش يوم ديال تسنيم نمشيو فيها ونجييو ولكن بابا ونتي مانخليوكمش بوحدكم..

الحاجة: اناا عليا سيرو الله يساهل علييكم ياك غير خمسطاش يوم دابا نقولها لباك صحتك هي لولاا يبغي بزز منوو غير سييري ابنيتي..

اسماء: بصح ..!!!

الحاجة :ولاهيلاااا سيري منها تفوييجة منها شفاااء..ونتي ميقنة من هاد العين زرقة كااينة نييت تعرفيهاا

اسماء: اه قلبات عليها كنزة فالتيليفون كاينة بصح عرفات حتى فاشمن مدينة كاينة ولكن لا لاا مانقدرش نمشي ونخليوكم بوحدك لاا..

الحاجة: لواااه سيري ابنيتي ولااهيلا زويينة هادي ..دي معاك ابنيتي شي قريعة عمري لينا من تما وجيبيها غير نتوضاو بيها الدار عدنا ولات مخالطة حنا طالبين منهم التسليم سيري ابنيتي سيري باك انا ضربييه على حساابي...وليتي الباسبرو ديالك واقيلا ايلا وفا خاصك تجدديه لا ؟

اسماء: ماعنديش باسبور اماما اويلي عاد غنصاوبو

الحاجة جبدات حنكها :اويليي على ماعندكش و اللي صاوبو ليك باك نتي وكنزة قد قد قلل ماتزوجي اويلي نسيتييه..راه كيسمع فيك فالماريو

اسماء وفور ما تدكرااتو شهقات بفررحة : اللي عكس لييا فييه القاايد حتى رشيناه عاد طلعو ليا هههههه ويلي نسيتو والله العضيم اييلا نسيتو..بقى عندكم هنا...

الحاجة : اويلي اويلي على العقل لا لا الحاج عندو الحق باقا فيك شياطتهم...باقة مصمكااك ..شدي تفطري شدي...

عطااتها لكاس وقطعات ليها رغيفة كتفطر وهي عينيها على مها مبسمة للامارات اللي ضمناتها حتى بدا الصونيت فالبااب وناضت الحاجة تحل لقاتو الحااج تبسمات ودخلاتو عند اسماء نيشان...

بعد مدة طوييلة فالمكتب محمد شابك ايديه فوق البيرو عاقد حجبااننو كيشوف هنا ولهييه مشتت نضرو وهو طيسمع للحاجة اللي كتبكي قدامو بشكوى شاف حتى عيى وضار عندها بهدوء كيهدن فيهاا ويرطب خااطرها حتى تنهداات وارتااحت وضحكات عاد ناضت مشات مع الحاج وخديجة لقاو طوموبيل ديال اسراء وخواتاتها يلااه زادو حتى هوما شدو طريق راجعين للدار فحين محمد مالقاش الفرصة فين يفكر حيت غير خرجو هوما دخلات عليه الممرضة ...

رانيا : د دكتور ...س يمح ليا على دورونجمون بغيت نفكرك عند غيونيو من دابا لفان مينيت ديجا تآوغكانيزات لبارح ولكن حيت ماكنتييش رجعات تأوغكانيزات ليوم

محمد طرطرق عنقو : اوغكانيزيها لابخي ميدي..

رانيا: ولكن ابخي ميدي عندك تخوا غونديفو مايمكنش تأجلهم...

محمد تنهههد مطوول: داكوغ..دي مينبتي جاي...

حنى رااسو كيمشط بصبااعو وسطو بسرعة مزير على عينييها بقوة الافكاار اللي كيدابزو فيه وطرقان اللي كتدي فيه وتجييب ناض لبس طابلية وحدة اخرى وخرج للاجتماع اللي دوزو بلا عقل ماحسش براسو حتى لقااه ساالة وناض رجع لغرفتو لقى الحاج مصوني لييه فالتيليفون حيت مكيدخلوش معاه لللجتماعات وهو يعاود يصوني لييه ديك ساعة لحضات حتى جاوب..

محمد : الحاج ياك لباس ؟

الحاج : واالو بااس اولدي كي وليتي شوية...رخي فييك نفس رخي ماتمشي غير فين مشاك الله ماديش عليها هادو هوما العياالاات ايلا ماصغرتي معاهم العقل مايبقى عندك عقل..

محمد : مزياان الواليد ماكين حتى مشكل احنا راخين هااد النفس رااخينها تانشوف فين غتوصلنا

الحاج: ديير عقلك اولدي مااتدييش عليها هي غالطة شرباات داك التخربييق والحاجة مك غالطة عاطياه ليهاا الله يهدييهم والله يهديينا الشيطان كيحضر استغفر الله اولدي وسير شوف مرااتك على وجه ديك الملايكة اللي ضاعت منك سير شوفهاا..تاندوزو عندها حتى حنا

محمد : مااايمشيي عندهاا تاحد بغاات داارهم خليها انشوفها شنو غدير فيها دوييت معاها وضرباات فكلاامي ومشاات معاهم شنو زعما اناا مونيكة كتهضر ولاا شنو ... خليهاا معاهم حتى ترخف على خاطرها وترجع قلة التراابي اللي دارت الواليدة نميك على كلشي ايلا هي..

الحاج: وليني تا الحاجة مك غلطاانة اولدي

محمد: لنفرض هاد لحاجة غاالطة الوااليد تهضر معاها بدييك الطريقة نوض حتى انا نحيح على مها اللي عاطية لمرتي داك العجب تااكلو نقول ليها بسباابها ضاع ليا الولد هي رااس الحربة ووسكت مااقلت واالو محتارمهاا حيت تربيت نحتارم اللي كبر مني الواليدة خط حمر الحاااج لي قللات الاحتراام عليها مانعقلش عليها

الحاج : لا اله ايلاا الله لا حول ولا قوة ايلا بالله برد اولدي برد واجي للداار نهضرو ارتاح شوية يلاه لقيتي حتى انا عاد دخل كنت عند اسماء ... واقوول ليا داك الموضوع لي كنتي دويتي معايا علييه بنت السي عبد المتقي ..ااش باقي غدير فييه راه كنت عندها غير دابا قريت عليها شوية دالقران رااه مزيان الحمد الله كلشي داز على خير وحتى هي لباااس عليهاا ولكن قالت ليا الحاجة باغة تسافر للامارات العربية وبغيت نعلمك بااش تعرف زعما

محمد بعد تيليفون على ودنو عاقد حجبانو ورجعو لودنييه يتأكد..

محمد : فيين ؟ فين كّالت لك !!

الحاج : دويت مع الحاجة هي اللي تشاورت معايا واش مافيها باس تسافر زعما مع الرقية الشرعية اللي متبعة معايا اش غيوقع فيها...قلت ليها ماكين باس غير تبع اشنو كنقول ليها بالحرف ماكينش اللي تأدييها...

محمد : اهاه..امتى...امتى ناوية ؟

الحاج :ااش غنقول ليك اولدي مزال شوية غالباها المشية رجليها تقاتل عليها تولي شوية وناوية تمشي فهاد العشرين يوم واقيلاا...انا شاورت راسي وقلت نباشر السي عبد المتقي فهاد الموضوع ولكن من بعد فكرت نتشاور معاك قبل مبانش ليا وقت هاد الكلام مع اللي وااقع لمرتك موحال واش تبغي تهضر فيه

محمد : اللي واقع لمرتي درتو ليها بايدي؟...للي وحل فشي حاجة يفك رااسو الواااليد انا هزيت ايدي من كلشي ومنها حتى بغات دارهم و واليدها اللهم يسر اسيدي

الحاج : نعل الشيطان اولدي ديير راسك فيها راك راجل زعما دير راسك فمراة..

محمد : وايلي الوااليد ماسمعتيهاش...ياك انا ماشي راااجل سمعتيها بودنيك اش كتقول(حرك راسو مغدد) انا غنبين ليها الرجوولة ديال بصصح...

الحاج : اش ناوي ديير..

محمد: اناا عارف اش غنديير..

الحاج : الله يهدييك اولدي الله يهدييك ماديرش فيها رااسك غير قالتها راه كاينة....خليها تفش خاطرها وتراجع راسها وتعرف اشنو كانت كتقول وغتندم راني كنعرفها اسراء بعقلها لحظة غضب نعل الشيطان خليها على خاطرها عند واليديها

محمد : درنا الخاطر الواليد بقينا حنا بلا خاطر...مهم ماتقول حتى كلمة نتا انا عارف اش غندير

الحاج: اللي بان ابك دوز تغداا دوز....نتغداو مجموعين وهضر معايا وقول ليا اش عندك

محمد : ماتسناونيش مشغول شوية وعندي مايدار على براا..

ااحاج : لا لا الله رضي علييك ما دوز ماتخليش بالنا مشغول عليك غير تغدا ورجع ...

محمد تنهد ساد عينيه كيدوز ايديه على شعرو : انشاء الله اللهم يسر الحاج نخلييك...

الحاج :الله يعاااونك..الله يرضي عليك..

قطع عليه كتينهد ودخل للصالة فين جالسة الحاجة...

الحاجة: معامن كنتي داوي...هادا محمد !!

الحاج : ممم..ديري ليا اخديجة شي كاس ديال اتاي الله يرضي علييك(مشات) مابغاهاش تقول لييه ماشي رااجل باغي يبخ ابدم مامبينش ايلا جا يتغدا وياتك تجبدي لييه هااد الموضوع ولا تشكاي لييه يطج تاني ماجاب مايردو..

الحاجة : على انا نقدر ندوي مانقوليه والوو خليها سرهاا بغيتها فيها عيات من وجهو الزوين بغات العكس والضد هاهو غيتولها بغاتو يمشي يحزرها بقات تما والله عمرو لا دق بابهم مالي ماكنعرفووش راه هو اللي خصو الحزارة دابا وشوف تشوف واش يرجع كي كان

الحاج : لا حولة ولا قوة ايلا بالله كون غير ماقللاتش عليه الاحترام قدامنا وقدام فاميلتها ماحتراماتوش.. نلقاو فين نهضرو..

الحاجة:دقة والحين ماشي راااجل داك الخاطر والاحترااام والمعزة اللي عاطيها وماشي راجل بغات تشوفوو شمااتة هاهو غيتولاها يندمها على نهار اللي قالت فيه ديك الكلمة..معارفاهش اش كيسوا راه غير كيهز العين ويحطها غير يساايس ويسايس ويشد الخااطر نهار كينوض كينوض خطرة وحدة خليها..

الحاج : داكشي اللي قلت لييك غضبتو خايبة وماجاب مايرجعو للطريق خبينا نشوفوه اشنو غيدير ماتفتي عليه ماتشكي علييك خليه منو لشغلو انا غنجيبو يتغدا بزز هنا نشوف اش تحت رااسو ماكيعجبنيش سكاتو ماخلات لينا فين نهضرو كون غير خبات مشكلتها معاك غير نتي مزال فيها سلاك ملي جبداتو على فمها وقللات عليه الحيى مابقى ليا فين ندوي عليها....انا غنمشي للبيت الحاجة سيطفي ليا داك البراد ووجدي لغدا للسيد جاي(خرج مشى وخديجة دخلات كتجري )

الحاجة: قليلة الترابي ماحتارمتنيش لا انا لا الحاج قد باها ولا رااجلها اش باقة نتسنى منها..زربنا اخديجة زربنا..زربت على ولدي وندمت قلت قارية ووااعية وبنت الاصل هنا نبات ساعة خسارة...

خديجة: اخالتي را كاينيين اللي ماقارياتش وتلقايهم بنات الاصل وواعيات وبعقلهم

الحاجة: زربنا ابنتي زربنا...مالو باقي عليه الحال اش داه لشي زواج زربت يابنيتي زربت علييه..

خديجة : الله يديير اللي فيها الخير الحاجة محمد ولد ناس مايستاهلهاش موحال كاع واش يرجعها بقات تما عند مها

الحاجة شيرات بايديها طاالع ليها الزعاااف: خليها عند مها اش بغيتها على الله ياااودي يحيدها علييه مانبغيش الطلاق لتا بنت نااس وليني اللي تقلل عليا وعلى ولدي الاحترام ماعندي ماندير بيها انا كاع مطلقة وعمري جبدت عكوزتي لولا بالعيب لحد الان ماخلاو ماداارو فيا اودي بنات الناس قلالات قلالات..

خديحة:صافي الحاجة حتى نتي ماديريش فباالك دابا يطلع ليك السكر بسبابها خليها ضبر راسها باقي يجيب ماحسن منها مالها غير هي اللي كاينة..

الحاجة :ولاهيلا...

خديحة: انا بغييت ليه غير شي وحدة بحال اسماء والله الحاجة حتى بنت ناس ديك البنت وعزييزة عليها نتي تفاهمي معاها واخا مسكينة مرضات ومطبلقة ماشي دياال راسها

الحاحة: مطلقة ماشي عيب ابنتي واااه مالها كرهات فيه بالحق محمد راه باغيهاا قارية وبعقلها تفااهم معاه ما اسماء مكتبانش ليا قارية مسكيينة تزجت صغييييرة عطاتها غير للخدمة هو راه باغي قااارية وشبعانة قراية بحالو..

خديجة :احياني عليك الحاجة هههه ياك كنتي تقولي كون كان عندي ولد اخر ناخدها ليه ههههه

الحاجة: اييه ولد اخر ماشي محمد....(بتفكير قالت برفض) لا لا مااشي دياال محمد لا...وهي بنت ناس الكدوب على الله حرام وليني راه كانت مع صاحبو اش جاب هادي لهاديك

خديجة : الله يا الحاجة المرة لولا راك نتي اختاريتيها لييه نهار يطيح حبو على شي وحدة ماغيعقل عليك لا نتي لا واحد اخر ههههه

الحاجة : الله يقل حياااك سكتي هه انا راه مانبغييش الطلاق لتا بنت ناس وتاولدي مابغيتوش يطلق وليني مرتو ماعندهاش العقل والو خليهاا ترد عقلها فدار مها حتى تعرف اش كديير وديك ساعة يضبر راسو معاها يرجعها ولا يطلقها انا مانقول لييه تا كلمة..

فالدار عند اسماء...

تحل باب دار ودخلات كنزة فايديها تسنييم هاد الاخير اللي دخلات لبنت اسماء كتجري تلاحت عليها كتبكي بحالا ماشي هي اللي كانت كضحك وهي طاية فالطريق واسماء شاداها فحضنها كتقلب وتفلي فيها وتسول اشنو ضارها واللي مضارهااش وهي كتسمع لشكاها..حتى دخلات عليهم كنزة كتحيد فالجلااية الحاجة تابعاها..

كنزة: برااكة من البكى البوحاطية مافيك والو غير تحردااات مع الحجر رااه شفت الجراحي قلبيهم مافيهم والو

اسماء : مابغاش يبعد منها كون غير نحيدوها من ديك المدرسة ماعندها ماديير بيها..كيضرك هنا اماما

تسنيم: ااه وكيضرني راسي..

اسماء: انشووف.. غير البانضة مزير عليك(حيدااتها ليها وطلقات ليها ضعرها كتمشطو بصباعها)

كنزة راه حولتها من داك القسم صافي ماباقيش يضور بيها غيير جا من ناس معرفة مانتفاكش معاهم ليوم والوليد صغير معارفش وكيبكي مسيكيين غير ضد دايرها ليهم هي ماحاملاه وهو ماحاملهاش...

اسماء: بجوج بيهم ماعندهمش العقل ولكن يدويو معاه يبعد منها ولاا يتبرااو فواليديه..ماتبقايش تبكي اكبييدة صافي مافييك والو تخلع ت علييك غير جريحات صغيورة غنبوسهم غدا ويطيرو لييك...ماما ديالي زويينة غنديها تساافر ونشري ليها اللي بغاااات ( بااست جبينها وتسنيم تكات راسها على كتف اسماء كتصنت لكلامها الحنيين وتحسس قبلاتها على جبينها )

كنزة تسرحات حداها مبسمة : ايواا اختي كنا جاين صحة سلااام...ماحاسة ما ضانة حتى لقيت راسي جايين فيا الخطاب...

الحاجة : عوتاني فيين...هه يسحابلهم واقفين على مراة د الدار والو يابنيتي ضربتييهم على الشغى تبصم عليها

كنزة : سيري تصلي اما المغرب كيأدن سيري

الحاجة : شكون هدا تاني...

اسماء: بهاد الحاااالة متأكدة ؟

منوة: والله ياختي حتى داوية بصح...

الحاجة: ايوا كنعرفوه كيعرفنا خداام قاري اش كيدير

كنزة:خداام وقاااري ولباسون علييه وكنعرفو وكيعرفني..

اسماء : عمرك دويتي ليا علييه ياااك

كنزة: انا كنت نااسياااه راه من نهار جيت من اكادير ما تفكرتو حتى تلاقيت معاه ليوم وجاني نيشان قاليا باغي نجي لداركم

الحاجة: فاش خدام هذا

كنزة: ماعرفتش اماما مهم لباس عليه النوع اللي كيعجبك غير كوني هانية خدام بدار وبطوموبيل وعندو اوطيل

اسماء : هدااك (نغزااتها كنزة وهي تسكت كضحك)

الحاجة: تباارك الله ايوا ايلا كان ولد الناس مرحبا بييه ما الفلوس راك هازة رااسك وقادة بجيبك ماتسنايهش يصرف علييك ارا يكون غير معقول وبعقلو وولد ناس ما الباقي ليه السلاك..

اسماء: اهاه وباش رديتي علييه...اويلي كي غنديرو لخطبة ناري اماما دار خاصها تعاود تفرش داك الفراش حالتو ايلا جاو ناس فين غيجلسو...

الحاجة:حتى الترية غنبدلها طاح نصها ضرباتها ليا بنت عمتك بالعصى عطيتها تشطب رزاتني فخمسين الف ينعلها قعييدة..بقات فالضفران قد نسر جات تعنق بااك تواسييك ولات عامية ليه العين غادي ويضهسس بعين وحدة

ضحكااات اسماء على كلام مها وكنزة غير كتبقلل فيهم..

اسماء : كون غير تآجلو الخطبة غيير شوية نولي حتى انا شوية اويلي غنحضر هكا شوفي خالتي كيداايرا غنخلعهم ماتعرضي على تاحد اماما تعقلي فخبطتي حضرتي العائلة كاملة ماقاو عارفين واش عرس ولا خطبة تاحد مايغحضر فيها براكة غير حنا

الحاجة : والواااه بحال عماتك وخالواتك مرحبا بييهم يجي ماعندنا حد من غييرهم نشوفو نييت ولد خالتك داك تريتور يجيب لينا كلشي واجد من عندو مانبقاوش نطيحو ونوضو ندير البسيطلة زويينة حسن من دجاط قالت ليك راجل لباس الحلوة تصاوبها غير اسماء كتعرف لييه مانجيوها من عند تاحد

اسماء بحماس : لا لا نصاوبها انا كتطلع ليا فايدي زوييينة كنزة راك خااصك تسيفطي قفطانك للملصوح ولا كري وااحد جديييد لي يلاه خرجو هااد العاام غزااالين ما نتي اماما لبسي غير قفيطين بيييض كيجي معاك كيعطيك الهييبة..يااك اكنزة..

كنزة: ممم ايييه سالييتو...وجدتو الخطبة...ايوا برزو فيها نتوما انا مامجوجاااااش..

اسماء: ناري اكنزة ماتقوليش ليا دوتي معاك هكا

الحاجة :راه دييرها خضرة يابنيتي ولسااانك خارج عليييك...

كنزة: ماجوبتوش وماقلت لييه والو وحتى هو ماكركش عليا قاليا عطيني نمرة باك زيرني ماقدرت نقول ليه والو وعطيتها ليه ماغنبقى لا نهضر معاه لا نجاوبو ايلا كان بصح عينو فالمعقول راه نمرة بابا عندو شي حاجة اخرى ماعندي ماندييير بيها واصلا بابا مايزوجنيش حتى يشوفني وااش قابلة وانا مزال ماافكرتش

الحاجة : ممم باك غير يصيق ليه الخبار لباس علييه يولي يضحك تا تعاود طلع ليه ضرسة العقل..عاد يتسوق ليك نتي واش باغة ولا لا

اسماء : راه غيير دايرة عزة تفشي قالا ماباغهش راه من عينييك باينة غطيري بالفرحة ودافعة علينا كبيير..

سكتات كنزة غيير كتشوف فيهم بتخمام واسماء والحاجة بحماس كيريبو ويبنيو حتى ناضت الحاجة تصلي بقاو هوما..

كنزة :عرفتي شكون

اسماء: اللي على بالي وبالك ههه

كنزة: اااه هههه ع نهار كنا فاكادير قلت ليك واحد تبعني بالطوموبيل ملي خرجت انا وتسنيم...داك الراجل اللي كنت فليل كنقول ليك نازلة نتعشى معاه عقلتي علييه..

اسماء : ويه عرفتو هادااك الللي خدام فالوطييل

كنزة: اشمن خدام فييه راه مولاه..

اسماء : يااك اللي كنتي قلتي ليا شي شيباني اخر هذاا ؟

كنزة:وييه صغييير وهو مول الشي..راه ماشي ضروري يكون شارف باش يكون لبااس علييه را داكشس كيجي من الجدر باه اللي لباس عليه راه معروووف عندو وزينات ديال زيت العود حتى داك الاوطيل راه تابع لجدو ولكن الورث كيبقي ليه بحال عماد حتى هو واخدو غير ورث..

اسماء: هادشي قالو لييك هو فيين تلاقتي معاه بعدا

كنزة:ماقالش ليا هو رااه انا فهمتو بااينة ...صدق هو خال سلطان كنت محيحة فالادارة غير شفتو صقلت تصدمت وحتى هو تصدم..

تحل الباب وطلات عليهم تلحاجة وهو يصقلو كيضور فعينيهم وهي كتشوف فيهم وتخمم بالعباية ديال الصلاة والتقاشر والزييف تالفة...

الحاجة:ماعرفتش واش نعيط على عمتك رشيدة ولا لا جات عند اسما تشوفها مرة وحدة موحال واش نعرض عليها من داك نهار مابقات سولت عليها

كنزة علات صوتها بقلة صبر : سيري اماما تصلي

اسماء: حسبي حتى الحاجة اماما عرضات عليا فخطبة محمد ولدها حشومة مانعيطوش عليهااا..

الحاجة : ايوا حتى للعرس ايلا كتاب انشاء الله نعيطو عليها هي والحاج وحتى ديك المراة خديجة

اسماء: لا اماما لاا عيطات عليا هي فالخطبة ماشي العرس مافيها باس نعيطو ليها من الصوااب ديك الساعة ايلا جات مرحبا ماجاتش حتى هي مرحبا

كنزة:زايدة ليها فييه تانتي

اسماء : واش مابغاش ديري دارك وتزوجي هبييلة نتيا دجاجة بكامونها جات حتى لايديك وباغة ضيعيها

كنزة: واسما قالت ليا ناوي يجي هاد السيمانة باغي يزرب الخطبة والزواج خلعني هذاا باغي يزرب عليا علم الله اشنو كيضور فرااسو..

اسماء : شوفي الخطبة ماشي مشكل كتبقى غير خاتم راكب فصبعك وقتما طلع ليك دم حيديه خليه يجي ايلا كان بصح ناوي يخطبك تعارفو ديك ساة تاتشبعو من بعضياتكم..

كنزة بتمرد: وايلا زرب عليا وانا باغة نسافر معاك للايمارات مابغاش نتزوج دابا وماباغاش نضيعو وندم تلفت هادا جاني نيشان دوخني

اسماء : بقات ليا غير الامارات دابا نتي لولااا اويلي ختي بحال والو تزوج وباقة نفكر فشي امارااات ههههه

كنزة : بحال والو هاد سيمانة نسيقط البنات لهيييه غنجمعهم فاكتدير بحال كل عام كنجمعهم تما عاد كنسيفطهم ايلا جا قبل هي هاديك ماجاش ماغنتسناهش اجي يلاه معايا نسيط البنات فليلة وحدة ونشوفو اشنو نديرو تما نييت ولا نمشيو لشي بلاصة اخرى..

اسماء: تا لتما ويحن الله قولي ليا بعدا...قولي الصراحة واش عجبك باغاه..

كنزة: وااخلعني ماشي معجبنييش زويين صراحة وخدام وقاري بعقلو ماشي برهوش فيه ضحك بزااااف ضحوكي بلا قياس ماشي معقد وقارن حجبانو لا بالعكس عجبني ولكن زرب عليا دقة والحين قاليا الزوااج دخت....بالتلفة لقيت راسي عاطياه نمرة بابا اويلي على شووهة..وملي قلت ليه بحال والو نجي لاكادير قالياا ايلا ماجيتيش للاوطيل نتهاصم معاك حصلة معاه والله العضيم..

اياام كتمشي وتجي وعكس ما توقعات كنزة اللي ماكانتش مدخلة عماد فراسها بشكل كبييير ولكن حكم توقعاتها فالنهار اللي جا عبد المتقي من باب الزنقة كيضحك وعلمهم بالخطاب اللي جايين فكنزة...فرحو وزغرتو وكأنه عمر الحزن ما كااان فالدااار الحيحة الحاجة كتجري من جيه لجيه توحد لخطبة بنتها وتم على اكمل وجه واسماء غير جالسة وكتفتي...مرة مرة كتوقف تمش يوتجي فالبييت وترجع تجلس عياااانة ولكن الفرحة مخلياهاا متحمسة باغة غير امتى توقف على رجليها وتمشي وتجي فالدار كيف كانت قبل وفعلاا وصلا لهدفها وولات حتى هي كتحرك معاهم شوية فحيين كنزة بالها مشغول غير مع البنت اللي طلعو للامارااات حتى وصلاها خبارهم دهند اللي مايقاتش كتحاوب على اتصاالاتها ماعرفاتها واش واقعة ليها شي حاجة ولاا قاطعة عليهم ومابقاتش باغة تمشي...مابيها لا خطبة ولا جوج مشغولة مع رزق البنات اللي عندها مادااقت الرااحة حتى جلساتهم فاكادير ووصات عليهم وطمناتهم عليها بقات ليها غير هند كل مرة كتسول وتبحت عليها واش عليها شي خبار ...

فحيين محمد كيف قال الحاج غضبتو خاايبة وانعاكسات عليهم حتى هوما غير عاقد حجباانو وحتى حاجة ماكتحلى فعنييه غير كيضور ويسوط على سببة والحاجة شادة بخاطرو من داك نهار مايقات جبدات ليه لا اسراء ولا عائلتها وحتى هو ماكيهضرش عليهم ولا عليها بحالا عمروو تزوج..

كيف بااقي الايام جالس فالمكتب دياالو حتى دقات عليه الفرملية ودخلات باستفساار شادى واحد البرية فايديها...

رانسا: دكتور..

محمد علا فيها عينييه وهي مدات ليه البرية..

رانيا : جات باسمك اددتور ماعرفتش عطاوها ليا على برا جبتها لييك

محمد : من امتى هادشي كيوصل لعندي هنا...

رانيا:ماعرفتش ادكتور يمكن شي حد عارفك كتكون فالكلينييك وسيفطها لييه ليك هنا...

محمد:داكوغ..

حركاتراسها وخرجات وهو بعد عليه كلافي دالبيسي وتكى بضهرو على الكرسي كيتنننهد وبدا كيحل فديك البرية باستغراااب حتى فتحها كااملة ورجج تنهههد مرة اخرى بنفس مسموعة كيقرا فديك البرية وملامحو تدريجيا كيتغيرو معاها مزال ماكملها وهو يصوني تيليفونو هزو لقاه بنمرة اسرااء وهو يدوز الخط ديك الساعة وهي بدون مقدمات قالت..

اسراء : وصلاتك شي حاجة ؟

محمد: هاهي قداامي..اشنو معنى هادشي !

اسراء : معناه واااضح امحمد عفاك خود الامر بجدية مابغييت هادشي يطول كثر من هكا...كيف تلاقينا باحتراام نحبسو هاد العلاقة باحترام مابغيتش نزيد نغلط فيك ولا تغلط فيا كثر ..نخلييك نهارك مبروك..(قططعات عليه وضارت عند ختها ومها اللي واقفين عند رااسها)

اسراء: ماعحبووش الحاال بااينة يلاه كيقرا فيها

الاخت : يسحابلييه كنلعبو هنا خليه باش يعرف بقيمتك ماشي مدلولة نشوفوه داباا ملي شاف راسو وصلو استدعاء الطلااق فالمحكمة اشنو غيدير واش غيبقى دافع عليك كبييير

اسراء : عندااك غير يديرها رصح فعوض مايعرف بقييمتي يمشي يديرها بصح ويطلقني..

رقية: ايوا صافي ايلا مكانش عارف بقيمتك ماعندك ماديري بييه ايلا مشى هو يجيو عشرة اللي باغينك مايتحسووش بالارقام اما حسن يعرف بقيمتك ويرجعك بعززك ولا ترجعي ليه مدلوولة وماعندك نفس ..ديري نفسك على رااسك كيف خواتااتك شوفو داباا رجالاتهم كيف كيموتو عليهم كيمشيوهم على صباع ايدييهم تبعي اشنو كنقول وكيقولو لييك ...

اسراء : انا ماحسابلييش غيقلب عليا قلبة وحدة عمرو حتى سول فالتيليفون ..

رقية: غيجي كيجري على حسابي ماشي اول واحد كنرجعو لطريق على ايدي سمعي لماماك احبية عارفة مصلااحتك كيفما حررت خواتاتك حتى نتي غتحرري نتي وراجلك والو مايجي اول حاجة طلبيها هي دارك وبوحدك ياك عندو دارو علاش مزال شادك فدار مو وايلا مابغاش طريق السلاامة انا ماسخاياش عليا بقاي غير قدامي نشوف فيك حسن لياا..

اسراء: مابغييتش نطلق اماما..

رقية: يكوون خير احبيبة يكون خير..نعسي شووية راك فايقة بكري حيدي هادشي من رااسك واراتاحي تبعي كلامي انا عارفة اشنو كندير..

حركات ليها راسها بايجاب وتخشات ففراشها وهي رمات عليها الغطى وخلاتها كترتاح وسط سريرها الحريري وخرجات سدات عليها الباااب غير حطات راسها على المخدة نعسااات ماحسات براسها حتى تخطفلااات على شي حركااات كيفيقو فيها ناضت مفزووعة كتحك فعينيهاا..

اسراء: مالكي ا لميااء خلعيتيني..ففف شعلي ضو

لمياء: رااجلك جا... نوضي النعاسة نوضي هههه

عند كنزة جالسة فالبييت قدام المراية والكوافورة صاحبتها عند راسها كتجبد فشعرها حتى كتغوت عليهاا محروقة وترجع تاني تنفخ على ضفاارها بااش ينشفو

الكوافورة : صبري شويا حمقيتيني من صباح ونتي ترطاي زكاي شوية..

كنزة: جلدتي شمييت رييحتها شويتيها لياا كون مشييت عند شي كوافور حسن ليا جبتك تعلمي فيا واقيلا..

دخلات عليها تسنييم نيفها وفمها كلها مجلخة بالشكلاااط كتضور عينيها علييهم بكسيوة حمرة وشعر وااقف كي شمس بوكلي ماجات فين تقييصها وهي تغوت....

كنزة: ااااععع القفطان البيييض..

تسنيم جمها تايديها عندها حالة عينيها بصدمة وقالت ببرااءة: زويين

كنزة باست خدودها حتى مسحات فيها العكس كامل: تانتي زوينة لكبيدة مي ماتقيصيهش ليا غيخسر لخالتو ومايبقاش زويين

الكوافورة: هاد الفنشوكة شحال كيوت

تسنيم: ديري ليا بحالك هنايا (حطات ايديها على فمها بمعنى العكر)

كنزة: تاتكبري اخالتو ونشري لبنتي باليزة ديال الماكياااج ديري تاتشبعي دابا باقة صغيرة

تسنيم: لا ديري لياا دابا بحاالك نولي حتى انا زوينة

كنزة : مغيااارة هههه زيدي نشوف اجي تمسحي فمك بعدا عركّتيها حلوة لدوك سنينات السوسة غتولي تلعب عندك قاشقاش تما

بدات كتعكر ليها وهي تدخل عليهم اسماء دغيا حيدات العكر وخبات لتسنيم وجهها وهي خرجات مارداتش ليها كاع اسماء البال وجات جلسات بشوية قدام كنوطزة مكمدة ايديها قداامها بملامح جاافة كتشوف فيها..

كنزة: ماالكي

اسماء: هضرت مع الحاجة قلت ليها وااش جاية

كنزة: اهااه

اسماء: لقيتها شادة طرييق عند داار مرت ولدها غضباانة من شحاال هدا

كنزة: بصاح وعلاش مالهم..

اسماء: كتعاود ليا مسكينة كلها كتغلي صوتها بح بالغوااات قالتليا مصيفطة ليه استدعاء دالطلاق لكلينييك وهو ناض مشى عندها لدارهم وهوما تبعوه لعندها..

كنزة : ياربي السلااامة بلحق غير ملي الحاجة كتغوت عرفي مرت ولدها مادرتش فيهاا زيينة خليها سرها انا ماكنحملش اللي كتعدا على العكايزاات الدرويشات بحال الحاجة طيبة ديك السيدة..

اسماء: هادشي مافيهش اللعب راه واقفين على الطلاق اكنزة حشومة ماتشفايش فيها...الطلاق صعييب اختي والله العضيم ماتمنايه لتاوحدة خاصة علينا حنا العيالات

كنزة: حتى الحاجة درويشة علم الله اش واقع بيناتهم هي مادياالش الصداع ونتي قلتي معصبة من هضرتها علم الله بحالتها..كلشي واجد ياااك يلاه يسفط ليا ميساج جايين فالطريق كلي كنترعد

اسماء :عادي غير مامتأكدااش واش وقع ليه نهار تولي تبغي علم الله اش غديري ههه

يلاه تكعداات اسرااء كتستوعب اشنو كتقول ليها ختها حتى تحل عليهم البااب وبانت منو رقية بحالا حالاه لشي حد غير وسعاتو شوية وهو يبان محمممد خرجات لميااء كتخجري وبعداات خلاتو دااخل صااخط ماكيشووفش قدامو بالغضب ووقف علييها هااز البرية فايدييه

محمد: اااش هادشي ؟

اسراء ببرودة مصكنعة: بااين اشنو فيع...(بلعات ريقها)و ورقة دالطلااق

محمد بحدة عق. حجبانو : هاادشي اللي قدرتي ديري صافي !.. انا كنتسناك تعرفي خطأك وتحاولي تصلحيه كتزييد تغرقي فيييه..ااش كيضور فرااسك بهاد الورقة غتمشيني على كييفك ولا شنو

اسراء : محمد انا ماقصدت بيها والو وقصدي واضح...شحال وانا فداارنا قول عمرك شغلتي رااسك وسيغطتي حتى ميساج ولا ابيل وسولتي فيا ماعاطينبيش قيييمة بحال شي قطة كنتي مربيها فدارك وغضبات وخرجات ولحتيها ماتصدمش دابا ايلا قلت لييك طلقني وماكنتسناش منك توافق ولا ترفض حيت باين غير من قلة اهتمامكالجواب..

محمد قرب لبها البرية لوجهها مغدد : الطلاق ماكيينش حيدييه من بالك ايلاا غلطتي غترباي على غلطك تاترجعي لطرييق على خاطرك مازرباانش بشويا عليك راك عارفة اشنو كاين تاحد ماكيبان ليا قدام الوالدة ايلا ليها خط حمر ماغندوييش على راسي حسابي معااك على قلة تراابي اللي درتي قدام عائلتك من بعد... الوااالدة تحتارميها بزز ولا بالخاااطر

اسراء:الحاجة عليا بالتيقار كنقولها ونعاودها كنحتاارمهاا ولكن باش نعيشو مجموعين فدار وحدة مستحييل نقبل بيها مزاال جيت لا هي قابلة بكلامي وبافعالي اللي كيجيوها بيزارغ رغم انهم عاديين ولا انا نقدر نقبل يتحكم فيا شي حد ويبدل القاعدة اللي كبرت عليها الحاجة كتفرض عليا ندير شي حوايج انا عمري شفتهم ولا كبرت فيهم..راك عارفني اشمو منقصد انا مااكنطلب والو ومابغيت واالو زاش حتى بتي امحمد كيدخلو لياا فيه ولات خديجة كدير فيه مابغات كثر مني الخصوصية ماعنديييش ابدا بيتي بحال الصالة الصغيرة اللي جا كيدخل لييه مايمكنش ليا نصبر مستحييل..

محمد علا حجياانو لفوق : اهاه وشنو المعمول دابا الطلاق ماكيين غير حيديه من باالك عطيني الحل قولي كنسمع ااش عندك !!

اسراء : بابا لي غيهضر معاكم وهو عارف مصلاحتي كثر منيي انا كلمة وحدة اللي عندي مستحيل نعيش مع واحد اخر من غيرك حيت نتا راجلي وكنحتارمك وكنحتاارم قراراتك علياا ولكن واحد اااخر لا وسمح لياا...

محمد : يعني ؟

اسراء برسعة قلبات وحهها ونطقات بصرامة.. : بغيت داري بوحدي..

محمد باستهزاء ضحك : المحكمة حسن...

عطاها بالهضر وخرج خلاها كتشووف بصدمة متبعاه بعينيهاا...!

اسراء بسرعة قلبات وجهها ونطقات بصرامة.. : بغيت داري بوحدي..

محمد باستهزاء ضحك : المحكمة حسن...

عطاها بالهضر دفع الباااب خرج وسدو عليهاا خلااها مصمرة مصدومة فيييه يلاه هز عينييه عاقدهم كيفور بالغضب لقى باها فوجهها بالكوستييم باينة فيه راجل كبير بعقلو وتقييل قارن حجبانو بحال محمد بصرااامة..

الاب : ااش هادشي امحمد هذا علاش عطيتها ليك نهار لول تسيفطها لياا فهاد الحاالة!

محمد بصراامة : الحالة دارتها لرااسها تاحد مدارها ليها

الاب : شووف اولدي محمد الله يرضي عليييك بنتي ماعطيتهاش ليك تحطها ديكور عندك فالدااار ماتسيق ليها خباارم ماتعرف ااش بيها ايلا غلطات نتا خاصك توريها غلطها ماشي حتى يبان لافوت وتلومها..

محمد : شوف اس عبد الكرييم بنتك على خااطرهاا جات لدارهم ماسيفطتهاش وماشديتهاش بزز منها حتى دابا ايلا بغات ترجع تاحد ماجرى عليها طلب السماحة من الوااليدة على الباطل اللي حطات عليها

الاب : الغاالط اللي يطلب السماحة اولدي وبنتي ماغلطاات فحق تاااحد اسراء كنعرفها بنتي ومربيها على ايدي ماكلضم حد ماطيح الياطل على حد مها ومك اللي خرجو عليها وايلا ماكنتيش اولدي قادر بيها خليها لدار واليديها حسن ليها ماعندها ماترجع دير

محمد بصرامة اكثر : اللي بان ليك اسي عبد الكريم ديرو مابززتش عليها الزواج مابززت عليها الرجوع فين لقات راحتها الله يهنيها...

الاب : ياك اسيدي..ماقلتي عيب المحكمة راه جمييع كنعرفوها

محمد جا خارج وهو يحبسو بااه : الله يهنييك...

الحاج : نعل الشيطااان اسي عبد الكرييم ماعرفناكش هكا خليها نجلسو ونتفاهمو ايلا غلطو الصغار نديرو حنا عقلنا ونصحوه

الحاجة : مااقال ليها تا كلمة دالعيب البنية غلطات تطلب سمااحة وتصغر عقلهاا لا طلعات هي لسما وطلع هو اش جاب ماينزلهم تطلبها منو غير هوو الي قللات عليه الاحترا مما اناا مانديش عليهاا...

رقية : اللي غلط يطلب السماااحة الحاجة وبنتي ماقالت تا كلمة دالعيب حتى هي قالت غا لي ضاراها فخاطرها كل ونيتو عالم بيها الله...الله يخلص كل وااحد على قد نيتو

الحاجة : ايلا كانت فنيتي نأديهاا الله يطيرني على ولبداتي و وليدي اللي مكاين ماعز ليا منو ايلا ماتقتوش هااد الكلمة ماعندي ماندير لببكم هداا هو الجههههد

الحاج : الله يهديييكم مافيها باس تا دابا ماوقع والو اسيدي حنا نطلبو السماحة وهي تطلب السماحة ونجمعو الموضوع ونطويوه ااش بغينا اسددي بهاد الصداااع خليو الما منيين يدوز

رقية : الحاج الله يجازيك بالخير مابغينا سماحة ولا جوج بنتي تنفرد براجلها خير ليها ولينا ولييكم يدير ليها دارها بووحدها ربي ماخلق الريوس مفارقة ايلا باش ترتاح

الحاجة ضربات يدي مع يد :دارها بوحدها ايواا خياار انا جايبة اللي تونسيني ولات غتفرق ليا دار ولديي

محمد : اسي عبد الكرييم نهار لول حطينا النقاط على الحروف وقلت ليكك مرتي مع دارنا غتسكن قبلات مرحباا ماقبلتاتش الله يسهل اللي بغى راحة البال راه كيخلقها بنفسوو ماكيتسناش الدار ديرها ليه

رقية : شكون هاد الوقت اللي بااقي معيش مرتو مع واالدييه فين عمر شي بنت المراة تفاهمت مع العكوزة واها تكون العكوزة نحلة ومرت الولد عسل مايتفاهمو مابقى حد لاقي راحة الباال مع عيشة واليديين الرااجل ومابقاش الرااجل اللي يعيش مرتو مع والديها ايلا بارد الكتااف اللي مالقى ليها جهد..

محمد علا حجبااانو مشافش فيها : الله يهنييك اسي عبد الكريم

طلع معاها راجلها عبد الكريم التغوبيييشة حتى صقلات كضور فعينيها ماحسات برااسها حتى قاالتهاا ومحمد مسح على وجهو بغضب شديييد شاد نفسو بزز ولا كيترعد مزااد حتى كلللمة وخرررج محمر من عندهم نيشاان لطوموبييلتو والحاجة والحاج تابعينو جا يحل الباب وهوما يبانو ليه غيطلعو حدااه تنهد باغي يبقى بوحدو وطلع وهوما ورااه صاااق بسررعة مسافة طرييق وهوما سااكتين كيشوفو فييه معصب كل مرة كيخرج فشي حد تا كيبغي يخرج ليه من شرجم يسبوو ويرجع كيتنفس بسرعة سااخط والحاجة لساانها واكلها تا كتبغي تهضر وترااجع فاخر لحضة ماقدراتش تزيد تصبر

الحاجة : شووف اولدي تا داباا ماوقع واالو مديرش فبالك الله يعاونها مزاال تمنااك الف وحدة والمخير فالبناات نجييبها لييك

محمد بحدة : كتقلبي تجيبيي ليا شي مصيييبة اخرى لوااليدة ولا شنو سكتي غير سكتي تا كتغرقيني وتولي تفتيي عليا..ماكاينة لا هي لا غيرها طلاق برب لا كان لييهااا نتسب ونعاير ويتحط علييك الباطل ونزيد من لفووق نعطي الملاااين ديال التعويض كيطيحو عليا من السمااء اناا

الحاجة : ءء كيفاش

الحاج : ايلا طلقها غطلب التعوييض وايلا طلباتو على حسب خدمتو والعقار اللي عندو مشات لشي خمسة ولا ستة دالمليون...

الحاجة: اويليي وحدي على خمسة علاش جاتهاا...

محمد : باغة الرجوع بالشروط تانا باغي الطلاق بالشروط برب شي ريال لا داتو يااك انا بارد الكتاااف...كنتسب قداام والديااا ..ماشي راجل بارد الكتاااف بررب لديك الدار لا رجعات خليها عندهم... ااش طلعني كاع من هاد زواااج انا بنااقص من اصل مو درت الخاطر تاعيييت بقيت انا بلا بيه برب العالي لا رجعااات واخا تجييب جدي من القبر يطلبني لا دخلات لديك داار...

جات تهضر الحاجة وهو يحبسها الحاج خرج فيها عينيها حتى تكمشات ورجعات لور كتصنت لييه ماعرفاتو اشنو كيقول وهو كيسب تحت فمو مامسمعش ليهم ماتسرطش لييه لا كلام مها لا كلام باها ضلامت فعينييه مابقات كاتبان ليه لا هير لاا غيييرها حاقد على لزواج وبفعايلهم كملولييه الباقي ماغفر ليهم الدنوب حتى وقفهم عند الباااب خلاهم خرجو مشاو وكمل طريقو هو زااد..

مدة طويييلة مرااات واسناء تغير لونها ب الليل ونجومو..

كانت اسمااء واقفة فباب البيت دياالها كتطل على الناس داخليين للصالة حطات عينيها على عماد بلباس رسمي دااخل بسروال دجببن زرق وشعى ممشوط لور والصبرديلة بييييضة نقية كيشعل والمكانة فايدبيه كحلة وسنسلة نقرية فعنقو عالي وطويل مهياااب ومو موراه وخواتاتو...

اسماء :غزااال ياختي تبارك الله باينة فييه ضحوكي من للبااب داخل كيضحك تقولي ماشي عرييس

كنزة:ممم انا حسن منو

اسناء:نتي حسن منو يا لاالة غير هنينا

خرجات العمة من الطواليط لقاتهم لايحين عينيهم للصالة كيبركطو دوات تاقفزاتهم

عمة : عيييب العيوووب تطلي على الراحب قبل ما يعطو علييك دخلي تجلسي خلي اسماء تخرج تسلم على النااس...

اسماء:انا خارجة اعمتي..

مشات العمة عند ناس دخلات تسلم عاد خرجات اسماء بقفطان جوهرة بيج مطرووز من جيهة الصدر وعريض عليها شوية مع الضعف بقات غي فورمتها مرسومة بلا غلض ولات كتبان صغر من عمرهاا بسنواااات...وزييف داير على رااسها مابقا عندها باش تعري الشعر اللي مابقاش اصلاا متفتفة على وجها شوية وخرجات شادة فتسنييم عندهم..يلاه دخلات وهي تشوف تسنيم سلطان جالس فحضن مو وهي تحميها للغوااات كتبكي وجرات اسمااء

تسنيم: قوليه يمشي بحالو كيضربني هو اللي كيضربني قولي لييه يمشي بحالو من دارنا

اسماء:حشومة اماماا عيب

مارضااش سلطان تخشى فصدر ماماه كيبكي وهي كطبطب ليه والعائلة كضحك علييهم دخلات اسماء شادة بخاطرهاا سلمات عليهم كاملين وجلساات معااهم وتسنيم فحضنها عاطيا للتخنيزر فسلطان والحاجة وعبد المتقي فرحااااان بيهم كيرحب بييهم ويعاااود والدنيا نقيا وكتشعل الترية جدييدة مضوية علييهم والفرااش بدم الغزااال احمر مخيط بالنقري ااخر مادااير فسوق الطلامط والبلازما فالحيط والطبلة سطحها زجاااجي وهي خشبيية..

تفاهومو مع بعضباتهم والعقول مشاابهة والقلوب ارتااحت لا عائلة العروسة ولا عائلة العرييس اللي واخدين راحتهم وبكل عفوية وتوااضع كيهضر ويجمعو مابااين فيهم كاع من لا عياقة ولا بخ عكس ما كيبات لييهم من بعييد المضاهر خدااعة والحاجة حكمات عليهم من عن الباااب لكن تعسكات صورتهم عندها ضحكات حتى بانت ليها ضرسة النقرة اللي عاد ناوية تركبها....وحتى العكوزة فرحاانة وعاحبينها نساابها ضحكات وقالت ..

الام : ايوا جيبو لينا عروستنا نشوفوها

اخت العريس وخالة سلطان ماشي الام ديالو اللي ديجا تناقشت مع كنزة هاد الاخيرة كانت جالسة شادة ولدها عندها كضور فعينيعا بلا هضرة يلا كلام..

الاخت: عطيوني الالة ديالنا نديوها ونشميو فحاالنا هه

ضحكو معاها وهي كضحك فرحانة بخوها زوينة ومسراارة خالقة جو زوين بيناتهم ...

الحلجة: مرحبا الله ياودي مرحبا البنت بنتكم..

ناضت الحاجة هي تجيب بنتها ماكرهاش اسماء حتى هبي تنووض ولكن الحاجة كتمنعها تبقى غاداا جااية وهي خطاويها مزال ماحاكماش فييهم..

اسماء: هادا هو الخوينز اللي ديما مسيفط ليا بنتي بالبكى....علتش كضربها مم اشنو كددير ليك

سلطان حشمان : هي كتشكي بيا عند لامتخيييس

تسنيم: كدااب كديير البسالات سي فحاالك

اسماء: تسنيييم حشومة ماكنجريوش على الضياف خووك زوين ماتقوليش لييه هكااك..تصاالحو يلاه تصالحو نشوف..اخر مرة ضاربو مع بعضيااتم بالعكس نتا البطل حامي عليها وماتخلي حتى حد يضربها ونتي ماتشكيش بيه للمعلمة حشومة ابنتي...

قلباات تسنيم وجهها وهو كثر منو ..

اسماء: يلااه تسنييم( شافت فام سلطان اللي كطل فيها بنص عين وضحكات) بان لييا شي مسلسل جدبييد جاي داكشي ديال اول الحب عداو ههه

الام بابتسناء هادئة : ههه بالعكس ماكين لا عداوة لاوالو عزيزة علييه كيجي للدار ويقول ليا تسنيم شكات بيا ل لاميتخيس وهو كيبكي وهي كتقول ضربني مابقينا عارفين شكون اللي ضالم...يلاه احبيبي تصالح مع ختك حشومة شوف زويينة وماماها زوينة مانبقاوش مخاصمين معاها..

طلوو الكلام يساايسو من هنا ومن لهييه حتى تصاالحو فالاخير وناضو كيجريو يلعبو بحالا عمرهم ما تخااصمو واسماء طلقات معاه ام سلطان اللي بانت ليها من دخلة مزييرة ما اتاااحت حتى دوااتها ودخلااتها حتى هي فالحدييث تبين ليها انها حتى هي درويش بحال عائلتها غسر خاص اللي يشد خاطرهاا....

دخلات عليهم كنزة واخيرا شرفات الصاالة حادرة رااسها بقفطاان ابيض طويل حتى لتحت وشعرها بوكلي بمشيطة خفيفة موراهاا مطلوق وتاج صغير على رااسها كلها كترعد بالخشمة ماقادراش تهز رااسها فييهم طااح عليها السر بانت كيف شي اميرة متميزة وسط منهم جلسوها حدا عمااد وهوفرحاان ضااحك مرة مرة كيشووف فيها بحالا كيتأكد واش هي اللي اللي خداخ ولا كيتخاايل حتى كيبغي يشد فايديها وكتخطفها كلها كترجف عليهاا وهو كيضحححك والصنياات داخلين خارجين والحاجة كيف شي فرااشة قايمة بالواحب بمساعدة لوايساها حتى هوما مجبدات وواقفات على الشغل...

الام : ايوا ااش بان ليك اسيدي عبد المتقي الولد عندنا ماناويش يعطل هادشي ماكرهناش تعطيونا عروستنا راه حنا زربانيين هههه

عبد النتقي : مرحباا بيكم الالة مرحبا بيكم

الام : كون ما كان الحاج باباه لباس فصحتو يحضر شحال كيتمنى هاد نهار يحضر فيه ولكن مامكتابش ليه الله يشافيه ويحضر فعرسو انشاء الله..

الكل : اللهم اميين..

الام : اش غنقوليك اسيدي..حنا طالبين راغبين اسيدي هه فايد بنتكم لالة كنزة لولدي عماد ايلا قبلتو علينا

عبد المتقي : مانزيدهم من عندي غيير الله يسعدهم ايلا وافقت البنية وارتااحت الله يسر اسيدي..

الام :نشوفو العروسة ااشنو تقول

الخاجة : ايوا اش قلتي ابنتي كنزة...

يدون رد سكتات مجاوباتهمش وهو يضحك عماد وقال بحمااس..

عماد :السكوت علامة الرضى

نغزااتو مو يسكت وهوما كيضحكو والزغارييت تعلاات فالدار والعنات كيزغرتو تسكت وحدة تنوض لااخرا وتسنيم غير تبدا شي وحدة تزغرت تسد ودنيهاا بصباعها مخلوعة ماكتجس فين تحيدها تا كتقفزها وحدة اخرى..

ناضت كنزة رجعات للبيتها بهدووء حتى تبعو موراها عماد دخل عندها للبيت ضااحك وهوما بقاو فالصالة كيضهرو حتى خرج عندهم مرة اخرى كيقاد فالقمي٠ة ويضحك وهي تدخل عندها كنزة لقاااتها حيداات التاج كتقاد فشعرها مزنكة جلسات حداها كتضحك وقالت بمزاح كتشوف ف فمها العكر اللي داع

اسماء : متأكدة اختي ماباغش زواج..

كنزة : لا مامأكداااش ههههه

اسماء : وجهك قاصح اختي ماكنعرفك علاش مطوية...ايوا كي جاك..

كنزة : مابيهمش عادي...

اسماء : ممم ايوا شدي شدي مسحي فمك وعاودي داك العكر هادي غير مابيهش وجهك قاصح..

فالصالة...

الحاجة :ههه لا زربة على صلاح هه بنية وحدة اللي بقات عندي بغا نفرح بيها ونعرس ليها...شهر ماكافينيش نوجد حتى لحنتها مابقى العرس..

الام : كلامك على راسي وعينيا الحاجة مالها عندنا رخيصة وانا ولدي خييص عليا زليد واحد اللي عندي وباغة نفرح بيه الحمد الله نيتاتي فرحت بيهم وتهنييت عليهم بقى ليا غير هو انشاء الله نفرح بييه..نتي غير تشرطي الالة اللي بغيتوها تحضر تالعندكم ماتعدو راسكم ماتمحنوه اللي تقالت عليكم خفافت عليا

عبد المتقي : وليني شهر قلبيلة قلييلة بزااف

الام : اسيدي كلامك هو الكبير صلاة على النبي اللي بغيتوها حنا معاكم فيها فكرو وشوفو الوقت اللي يناسبكم مابقى ليا مانقول ...

الحاجة: انشاء الله يكون خير انشاء الله...

بعد مدة فالصالة جالسة كنزة واسماء والحاجة..

كنزة: اويليي على شهر لا لااااا امامااا خليني نعرف راسي من رجلي اويلي على شهر باقة ماعرفتو ماعرفنيي ...معارفة ساسو من رااسو حتى تطوال العشرة عاد كيتعرف بنادم وانا ماباغاش نزرب على راسي بشويا عليا بغى الزربة عطى الله بنات النااااس زوينة هاادي...

اسناء : من حقها شهر قليل بزااف اويلي اماما

الحاجة: تاهوما ما قاالو عيب فكري بشويا علييك ابنتيي اللي موالمك ديريها حنا معاك فيها مالك ساخية علينا بشويا علييك..

شافت فاسماء باستغراااب لكلام مها...

الحاجة: تبارك الله الخير باين على وجهه يابنتي غير قولي لياا منيين جبتي هاد الراااجل واخا ندير عليه قياام ليل ابنيتي مايجي هكاك

اسماء: غير مكاتيب اماما داكشي كل وحدة واش مكتبة ليهاا فرزقها تطير تاتعى يجيها يجيها وكنزة مكانت من نوع اللي دايعة تقلب على راجل مكانتش كاع مسوقة حتى جابو ليها ربي بين ايديها

الحاجة: انا بقيت غير كنشوف على داكشي اللي كتعاود كنزة والخيرا لي عندهم قلت شي نااس كباااااار غير غنتحمشو معاهم وحنا على قد الحال اويبي ملي حيت نشووف تباارك الله مشاء الله علييهم التوااااضع حطييت ليهم الفورشيط لاحوها وزادو بايديهم والوليد الصغيير فينما نضور نلقاه مسرح فلرض ومو حتى هي سامحة فيه مكاين لا عنداك توسخ لا جوج..هنا غندا غير دير طومويل وضار تولي تهزو بالفرونسي وتحطو بييه...

كنزة : بانت ليا دريويشة غير داك نهار شدات معايا العكز ماعرفت مالها ورني التصاور اللي ضورتو انا را حسيت براسي ماحدرت لوالوو كنت مرفووعة

جبدات تيليفون كتوريها تصاااور مركزين غير على تصاور العريس اش لابس اش داير شوفي ضحكو شوفي الايدين شوفي الجلسة فلااااوه مانعسو حتى ضربات تلاتة ديال ليل عاد كل وحدة ضارت نعسااات فبلاصتها...

صباح الغد مافاقت اسماء غير على صوت الحاجة مها كتعلمها بقدوم الحاج كيف العادة ونفس الحوايج كتعاااود دخل كيقرا عليها حتى كمل وبقاو كيهضرو موضوع جار لتخر مع الحاجة حتى هي..

الحاج : ايلا جيتكم ابنتي للصراحة راه مزال محتاجة للعلاج حيت اللي كان متملكك ابنتي ماشي سااهل..

ومزال تحسي بمخلفاتهم معاك مرة مرة تحسي بالسخانة مرة بالدوخة مرة بالسخفة..ماتخافيش بشويا بشويةا داكشي كيتحيد ولكن ايلا ثطعتي الرقية مانضمنش لييك هادشي...

الحاجة : وايلا سافرت ديك سيمانة ولا خمساطاش يوم مامزياناش..

الحاج: كتو قلتو ليا الاماراات على ما اضن بالنسبة ليا ابنتي كون غير تآجليها شوية على مصلااحتك ...

الحاجة : ايوا شتي

اسماء: لا لا الحاج اصلا موحال واش نمشي..ختي تخطبات فخباارك يااك وناسها زربانين على العرس غادا نمشي معاها لاكادير واقيلا شي بنات ونجي ياك ماشي مشكل ايلا تبعت مع شي واحد تما غير علامل رجعت...

الحاج : لا ماكيين باااس..غير حافضي على توقيت اللي كنعطيك وانشاء الله مايكون غير الخيير..

اسماء: الله يبارك فييك سلم على الحاجة خلات بلااصتها البارح قداش بغيناها تحضر ولكن مامكتباش العقوبة للعرس مرحبا بيها نت دابا هي وخديجة ونتوما كامليين الحاج ..

شرب معاهم الحاج داك الكاس ديال اتاي وناض مشى غير ركب فالطوموبيل وهو يصوني لمحمد ..

لحاج : دويت مع بنت عبد المتقي اولدي مابقات امارات بالحق قالت ليا شي اكادير واقيلا غتمشي ليها هاد الايامات بغيت غير نعلمك

تنهد محمد بصوت مسموووع تالف معاها هو كيشدها من بلاصة كضور ليه لبلاصة اخرى..

محمد : لا حولة ولا قوة ايلا بالله..شوف الوالييد هاد دخول والخروج فالهضرة فرع ليا راسي واناا اصلا بلااان ماباغيش نطول فهاد الموضوع

الحاج : الله يسااهل عليك اولدي اللي ترتلح فيها انا معاك فيهاا الله يجعل البرااكة مشيناك على كيفنا وشوف فين وليناا دير اللي تنااسبك

محمد : غندير اللي ناسبني طبعااا مكندييرش شي حااجة حرااام ومن حقي عاجبني الحال ومرتاح فلي غنديرو اللي عجبو الحال مرحبا اللي ماعجبوش طريق السلاامة..مهم باش ما كان غنقول كيف قلت بيك مابغيتش نطول فهاد الموضوع

الحاج :داكشي اللي بان ليا اولدي نسبق انا ولا نتا...

محمد : ماكينش الواليد ديالها فالدار ؟

الحاج : لا

محمد :غيكون فالجااامع صافي اللهم يسر انا غنتكلف..

الحاج : الله يعاونك ندوي مع الحاجة ؟

محمد : لا لاا خليها من بعد..

الحاج : امتى نويتي انشاء الله

محمد: غنشوف غدا بادن الله نخلييك الحاج نتلاقاو فالدار..

الحاجة:منيين خرجات ليينا تاني هاد اكادير شكون غيمشي ليهااا

اسماء:كنزة غادا عندها شي شغل وقالت ليا يلاه معايا يومين ونجيو اماما..

الحاجة: كيفااش اكادير على فيين ساكن العرييس ياكما غادا عندووو ؟؟؟

اسماء: لا اويلي اش كتخربقي قي..شش هاهي كتصوني آلو كنزة..

كنزة: جا عندك الحاج

اساء: يلاه خرج

كنزة: فيك ماتخرجي شوية ولا والو..

لقات اسماء على القرص حتى هي توحشااات الشارع وشحاال ما خرجات من نهار اللي مرضات حدها كتخرج لطبييب وترجع يلاه نوات تنوض تهبط عندها وهي توقف ليها لحاطة حسكة ماتخرجش تاتشاور الحااج حتى تعصبات اسماء ودارت بناقص وجلسااات...

على طاولة الغدال دخلاات كنزة ضاحكة كتلعب بالسوارت وشي تقدية فايديها من الباب بان ليها الجو مكرهب وشي كيشوف فشي وعبد المتقي موقف الشوكة والحاجة حتى هي عاقدااهم ..

كنزة : بصحتكم

عبد المتقي : كيفاش هاد اكااادير تاااني منين جبتيها ااش ها دقلة الحيى

كنزة بصدمة جمعات ضحكة : ك كيفاش علاش ابابا مالها مول٤ة كل عام كنمشي ليها

عبد المتقي : الله يقل حياااك كل عاام كتمشي ليها ولبارح تقولي ليا ماكنعرفة ماكيعرفني من انتى ونتي كتعرفييه كّري...

كنزة: والله ابابا ايلا كنتي كتأمن بالله ماكنت كنعرفو...مانكدبش عليك كان بيناتنا غير سلام غير واحد نهار وقع ليا واحد المشكل تما و وقف معايا والله اباب مامنعرفو

عبد المتقي : البسلالات الخاوية...ماكين لا اكادير لا مرااكش سيري تجلسي

كنزة جلسات حدا اسماء: اللي بغيتي ابا ...فف ماضراتني غير ديك الدار اللي كرييت

الحاجة : فيين اشمن داار

كنزة: غير لبارح بليل شفت واحد دار تما فاكادير قلت زعما دازت علينا مع اسماء حتى هي مرضات مرضة خايبة وحتى حنا عانينا معاها نمشيو واها غير سيمانة يوم نتسراحو تما ونفوجو عارفاك ابابا عزييز عليك الزيت البلدية الاصلية وزبيتون فهاد البرد..

اسماء زايدة معاها فالكدوب: ديك الدار لي ورتيني غزااالة وكبيرة بحال الفيرمة

عبد المتقي : ومنيين حااتك

كنزة : غير كريتها ابابا راه رخيييصة حيت جات بحال الفيرما غير وسط الطبيبعة ماحداها حتى حااجة غير اللي بغى يرتاح فيها ويوفج شوية يمشي ليها بحال لبلاد ساغة ملي مابغيتوش ماشي مشكل..

لحاحة : ءء! ا ايواا ايلا كنا نمشيو معاك ماكرهنا نمشييو نفوجو تاحنا....بوحدك لا ثم لااا...

عبد النتقي : ماعندي فيين نمشي شدو لرض شوية

الحاجة قندشات : وعلاش مالنا...ماعليناش الله نمشيو نفوجو بحالنا بجال ناس يكفي اللي داز علينا تا ماعيتيش لا عاداك انيتي انا نمشي معاكم مابغاش خليه هنا يتوانس هو وموكا..

نفخ عبد المتقي كيشوف فيها ماعاحبو حاال

الحاجة: امتى كنتي ناوية ابنيتي..

كنزة قلت غدا اماما جيت داباا نعلمكم توجدو راسكم

اسماء : فدا ؟؟

كنزة خرجات فيها عينيها : مممم غداا...

اسماء بهمس : وتسنييم قارية مزال ماغتشد العطلة ديالهاا

كنزة: غندوي مع الادارة ناخد ليها سيمانة ايلا مكانوش عندها الاحتحاناااات نمشيو

اسماء بهمس : ياك قلتي ليا غنمشي انا وياك تسنيم ماغنقدرش نغيب ليها

كنزة عفااك ا اسماء عفااك غيحرمها عليا والبنات كيتسناوني تما لعار اختي غير هاد المرة...لاهوما فمدرسة تسنييم ولا فلملاين اللي شادة من عندهم منين غنردها...

لا اسماء لقات ماتقول قدام كنزة ولا عبد المتقي لقى مايقول قدام الحاجة زربات عليه بالهضرة دغا وجمعات وطوات معاه وحمرات على التسافيرة والتفويجة اللي جاتها من الجنة والنااس...صبح علييهم الحال وصبحات كنزة كتدوي مع الادارة مع اخر مشكلة لقات ماعكسوش ليهاا وعطاوها ااش بغاات ولحسن الحظ السيمانة اللي غتغيب جات موراها نيشان العطلة ديال خمسطاش يوم...داارو بالدار دورة شراافية كيقلبو كل جيهة واشنو خاصها قبل مايمشيو وعبد الكتقي غير معرص فالسداري غادي بزز منو وتسنييم فرحاانة كتنقز واسماء غير جالسة كتشووف مرة مرة تنوض تجيب شي حاجة ايلا نساوها ولا تفكروها...

بعد لحضااات طويييلة كانت طوموبيل د محمد عند باب الدار لتحث...زير الكاسكيط على راسو مزيان ونزل كيقاد فالمونطو ديالو فوق كتافو واخا مبشر ملامحو ولكن ححبانو المعقودين والتكميشة اللي حدا عينيه مبينة العكس معاه الحاج باه كيف العادة ب الفوقية والبلغة والطاقية كيشعل منور ونقي..

وقغو قدام البااب دياال الدار اللي كان مسدود وتقدم محمد هو لول كيدق.....

يتبع...