قصة أحببت رجلا الجزء الأول

قصة بستيل جديد كما متوقع فقصصي.. والعاادة طابع الواقع حااضر وطااغي فيها.. كتجمع بين حب غدر خيانة كوميديا دراما قوالب غباء... مخلطة و الأبطال هاد المرة من جيهتي.. الجهة الشرقية فين معرووفة

اللكنة الحرشة ولكن غنحاول نخففها باش كولشي يفهمها

....القصة كدوور بين بنات كانو مغبونيين ونهار لقاو الحرية تلقااو مع الوااقع....

أحببت رجلا

هجار ربيكا hajar rbika

⁂

أي مدينة صغيرة كتكون بحال شي سبوورة كولشي كيتكب فيها ومكيتمحااش للي مشات عليه شي حاجة كتبقى لاسقة فيه فحيااتو ومماتو.. للي حزق شي حزقة كولشي كتكون فرااسو قبل حتى متكون فراس مول الفعلة.. اما لبااطل بحال بطااطا غير جييب يا فم ولسق فلبشرية يعني غير ديرها زويينة وطلب السلااامة.. شي حاضي شي وقليييل للي قاضي الغرااض...

فوسط لمدينة كاينة عائلة محاافضة فدار كبيرة السفلي فيه 3 ديال لكراجات كبااار كل كرااج فيه جوج ديال لهوت مشاركين وب 3 بيهم ديبواات للسلعة الطبقة اللولة متكونة من أب وأم بنت وجوج دراري وفوق منهم أب وأم بنت و3 ديال دراري والطبقة التالتة الجد ومرات الجد و4 ديال دراري اما لبنات كاين 3 مزوجين..

الطبقة الاولى كاينة بنت عاد دخلات فالعشرينياات جالسة وقنطاانة كارهة حيااتها بكترة الملل للي كتعييشو..

أمال: (جالسة فوق كرسيها للي كيخلي ليها مؤخرتها منملة ودايرة على خدها يدها واليد التانية كتنقي بيها العدس بملل تحايد حجرة وعشرة كتخليهم) مامااا ريحة الحووت

نعيمة: هادي متكون غير مرت عمك للي مطيبااه

أمال: (مشهياااه) الله على روييحة نقولها اماما تعطيني حوتة

نعيمة: (خنزرت فيها وبزقت عليها) تفوو على جيعااتة مكاينش للي غطيح الدل على بااك قدك عقلك غير فكرشك

أمال: (خيبت وجهها بصوت منخاافض) ومكاينش للي غيقتلني بهاد العقلية قدكم

نعيمة: (خرجت عينها) وزايداها بردان الهضرة

أمال: ومااما راه انا كنبغي لحووت الا نتوما مكتاكلوهش انا شنو ذنبي جيبولي غير نص كيلو سردين نقلييه ونشبع ونتوما ديرو غدااكم مرة وحدة فشهر شنو فيييها (شداها لبكية)

نعيمة: ياااااك وخووتك للي مكيبغيوش ريحتو دوور فالداار نطردهم باش نتي يعجبك الحال

أمال: واش هوما ولادكم وانا ساعييني (وقفات تخرج من لكوزينة قبل متبدا مها بنفس الاسطواانة ديالها ومشات كتسلت فدرووج وكتعيط) شيماااء شيمااااء وااااا زمرة شيماااااء (بعد تردد كبييير دفعات لباب للي كان غير مردود وطلات بروييسها قدات شاالها مزياان تحسبا الا كانو فهاد الوقت ولاد عمها حمحماات والو مكاين مجييب لكوزينة كانت قرييبة لباب دخلات نيشان ليها مكاين حتى وااحد لا شيماء لا مرت عمها شافت فطبسيل السردين للي مستف فوق ربيع وفوقو حامض مقطع وطباسل شلايض حداه ريووكها وصلو الارض للي كتبري مفكرااتش جوج مراات مشات هزت ميكة كانت محطوطة فوق لبوكاجي ودارت لحوت فيه كاامل وخبعت لميكة بشالها للي نازل على كتافها وخرجت مكتلفتش حيت تفكيرها غير فداك الحووت طلعات كتجري لسطح لقاتو محلول فرحت ودخلت نيشان لبيت الصابون وسدت لباب من موراها.. جلست كتنهج جبدت ديك لميكة لقات نصو تفرتت وشي مخلط مع ربييع جلست كتقصي ممسوقااش لشنو غيوقع كلات حتى شبعت ومقدرااتش تكمل ديك جوج كيلو بووحدها وقفت ومشات لمزهريات لكبار للي تمااك عمرات الحجر مع الحوت للي باقي فلميكة وقفات على لكرسي وراسها مزال موصل باش تعرف فين غتلوحو علات يديها وبقاات كتلوي لميييكة عاد صيفطااتها بعييدة من مور الداار لأبعد نقطة متأكدة غتجي فشي سطح ولكن مسوقهاش فين مهم تغبر اثاار الجرييمة نفضت حواجيها وربيع للي بقالها مضغاتو بحال شي بقرة وبزقااتو فلبابو عاد سوكت بلحاامض باش تغبر ريحة الحوت منها وهبطاات لدارهم كتسلت قبل ميجي بااها مشات لبيتها غسلات فمها بسينياال وكلات نصو هبطاتو لقرجوطتها باش تقضي على الريحة فمرة حتى سمعت مرت عمها داخلة كتنكر عند نعييمة قلبها بغا يسكت بلخلعة جا فبالها نيشان شاافوها)

نعيمة: فتيحة نعلي الشيطان راه يكون دايز راجلي ولا خوه يسمع صوتك علا بحال هاكا ينوض صدااع

فتيحة: ورااه خاصو يسمع شحال من رااجل هنا فالدار وفالتالي نتشفر من قلب دااري وبزااااف

نعيمة: (تخلعت) أحااااااي!! شنو تشفر لييك!!!

فتيحة: اودي للي قلتهالو يظحك علية وحتى متكونش هادي دار ضياافة والكرم ولكن لواحد يطلب وتعطاالو بلخااطر بففف تشفرلي السردين للي قلييت

نعيمة: هاااء لاه الشفاار خلا كار رزق للي عندك فدارك ومشفرليك غير السردين؟؟ ياكما غير شي واحد من لولاد هبطو معاه للمحل

فتيحة: لا لا انا ولادي كيعلمووني منين كيبغيو ياخدو شي حااجة بففف بقات فية غير بنتي للي شحال وهي تشها فييه

نعيمة: معرفت هادشي اختي راه عجب

فتيحة: عجب وسكتي راه فضييحة

فتيحة: اوا خاافي على رااسك ليوم سردين وغدا الله يستر يدوز ينحر شي واحد فيكم علمي سي مصطفى ولولااد

فتيحة: داكشي نيت كنتسنااهم يطلعو (بتنهيدة) ونمشييي يانا راه خليت بنتي بوحدها كتبكي فيين أماال؟

نعيمة: راها فبيتها

فتيحة: حيت سمعتها بحال قبيلة كانت كتعيط من دروج كنت كنحك لشيماء ظهرها فلحماام منين خرجت ملقيتهاش

نعيمة: لا لا بنتي مخرجاتش راكي عارفا هاد لوقيتة كيكونو فيها لمعزر مكطلعش

فتيحة: ااييه اوا مزيان حتى الليل ونطلعو نتبردو شوية فسطح

نعيمة: وسيري فكي حريرتك مع الشفاار عاد فكري فسطح هههه صفاات حتى الشفاارة مبقااوش بقييمتهم منين ولاو يهزو غير طباسل السردين ويهربو

نعيمة: اودي خلا الطبسيل دا غير السردين الله يوحلييه فركاابيه يا ربي خلا شيمااء بغات طيح بعظاامها الله يلكييها ليه كحلة زحلة...

أمال: (كتصنت من بيتها وخيبت وجهها منين سمعات مرت عمها كتدعي) لباس علية لباس علية حتى السردين كيدعيو فيه الناس تفوو على قبيلة ديال الجووع... (حيدت شاالها وشافت فلمراايا شعرها للي رطب ولكن الزغبة مرولية شوية بقات كتحك فروة شعرها من لقداام) خاصني شي حنينية تازية عاود من دوك للي كدير مرت عمي لشيماء باش يرجع يبري شوية.. أحااااي ونحاايد هاد لفولار نرجع انا هي ابكص وحدة (بقات كدير حركات بوجهها قدام لمراية ها هي كتبسم كظحك كتغمز كتبووس صافي قضا علية القنط وقربات تبقى تهضر بوحدها حيدت من حدا لمرايا وجلست فوق سداريها كتشوف بعويناتها للي رجع فيهم الحزن معندها لا تيليفون لا بيسي بحال خوتها دراري.. ممنوع عليها الخرووج كتخرج مرة او جوج دلمرات فلعام وغير الا كانت شي ضرووري عمرها لبسات كيف بغات ولا كلات للي بغات حتى منين كتشهى سقااطة ممنوعة حيت غدارلها السوووسة وتمرض بالسكر وداك الخزعبلات للي كتفتي عليها ماماها كانت اول مرة يبغيولها دير شي حاجة فحياتها هي باك حر للي دوزااتو هي وشيماء ونجحو فييه وماشي حبا فيها خلاوه ديرو غي حيت شيماء رغبات بااها وخوتها بغاولها ومرضااوش يمنعو أمال للي 4 سنين وهي كترغبهم ديرو جات مها حلات لباب)

نعيمة: أمال رواحي تغدااي

أمال: (مgهومة) مفياااش

نعيمة: زيدي براااكة من لبساالة تجلسي مع بااك وخووتك فالطبلة ولا تبغي انا للي نتسخر علييهم.. (خنزرت فيها) ياله نووضي وجمعي علية ديك الشعكاكة (امال ففمها بزاف دلكلام ولكن الا مشات حتى خرجاتو فالليل ياكلو عليها كسكسو لبسات شالها للي خانقها حتى فالدار وواخا غير قدام باها وخوتها خااصها دييرو.. ناضت كتحط مع مها المرقة وشلايض وجلسات فالسداري حدا مها متبعة خوتها لبغاال للي حتى واحد ممسوقلها ولا يسول على أحوالها همهم غير لماكلة والظحك مع بعضيااتهم اما هي منفية جالسة كدعي وتخنزر فيهم حتى نطق وااحد)

محمد: اسبحاان الله اشرييفة

أمال: (تفافااات) هاااا

علي: ها هو هييي ياودي يا ودي على للي نجحات فلبااك

أمال: (فنفسها واااش جاب لبااك البغل لكلام)

الاب(احمد): هنييونا خليونا نااكلو

أمال: احم بابا بغيت نطلب منك طلب (قرسااتها مها حتى دمعو عينها باش متغوتش بقات كتحك فييها وكتشوف باها كيتسناها تهضر) بغيت نقرا فلفاااك

محمد: ههههه زيدي حلمي ابنتي

علي: هادشي للي ناقصك

نعييمة: هاد لبنت راه حمقااتني انا بعدا (أما الاب كمل ماكلتو بحال كاع مسمعها شنو كتقول بقاو كيتمسخرو عليها حتى ناضت كتبكي كما العادة ومشات لبيتها كتحلف فييهم وتبكي... منين كملو هبطو يكملو شغلهم وعيطات ليها مها تغسل لماعن غسلاتهم وهي كتفكر.. غير كملات مها دخلات تقيل شوية وهي مشات لبيت كل واحد من درااري عارفة فلوسهم فين مخبين وحيت لبانكا حراام كيحطو رزقهم كاامل فالدار وحتى فلوس السلعة وربح... من كل رزمة كتهز 200 درهم جمعات رزييمة وخرجات لبيتها على ريوس صبااعها وخبعااتهم فين مخبية لفوس لوااالة للي سارقة من عند بااها وخوتها) حتى انا عندي الحق فهاد لفلوووس كلااب شحال مكنحملكش الله يغبر ليكم شقف تفوووو...

شيماء: (كانت غضبانة مبغاتش تخرج تغدا مع باها حتى سمعات لاب توب للي فوسط الدار كيصوني عرفاات شكون كيصوني.. خرجات بشعرها مشعكك وجلسات قدام لبسي وكليكات على أوكي) خوويا

وليد: (شاف عينيها حوومر) شبييييك؟؟

شيماء: تشفرنا

وليد: (تصدم) كفااش!! شنو تشفر؟؟ وفين ميي وبا وخووتي؟؟

ادم: (ضربها على راسها بشوية وشاف فخووه) معرفت شكون هاد لمرضي للي دخل شفر لينا السردين من الدار وهرب

شيماء: اليوم السردين وغدا معرفت شنو يشفرو

ادم: ابربي متكوني غير نتي للي شافرااه وجالسة تهرنني علينا تgعدي من هنا خليني نهضر مع وليد ونعاود نشوفك جالسة هنا بوحدك نتفاهم معااك

شيمااء: (ناضت كتنكر ووليد كيعيط ليها)

وليد: شيماااااء شيمااء.. صاحبي 100 مرة كنgوولك متعااودش تقمعها هاكا

ادم: يااك ونخليها ضسر علية نتا راك معرفهااش gدي مهم خليينا بغييتك تصيفط لية ديك لعييبة مع السخرة

وليد: (ظحك) هههه مقاادش على زوااج متنووضش تزوج (ضرب فيد صااحبو للي حداه)

ادم: (مرضاش) وهنيينا ماشي غير مشييت لبرا غتبقى تفهم وتعييق علينا

وليد: حااشا سي ادم واش نفهم علييك.. مهم انا غنصيفط ليك لعييبة غتكون بومادا فلحكل سلخ حتى يرجع قدك فالطوول وارا برع مع لمداام هه

ادم: احم هنينا راه كولشي كيسمع

وليد: ياله سير فحاالك نمشي للخدمة زهير راه سبقني وخاص نمشيو بجوج... (قطع معاه ومشا جلس حدا بااه ونبيل ومو عاد لحقاات شيمااء وجلسات معاهم كياكلو الديسير ومها كتنقي ليها البتيخ التفاح وتعطيها)

شيماء: (كتنغز مها تهضر) وااا ماما واا هضري

فتيحة: احم كييييشتي اسي مصطفى شيماء ها هية خداات لبااك تبارك الله علاش متكملش قراايتها فالجامعة؟؟

ادم: وعلاش هنا كاين شي الجامعة؟

مصطفى: لا.. الجامعة كاين فلمديينة وهي مغتقدش على لمديينة

نبيل: مفهمتش انا علاش بااغا تقرااي ونتي اخرك فداار راجلك

شيمااء: ناخد غير الاجاازة بحاال خويا وليد والله منعاود نقولكم على شي قرايا

ادم: هي منوياش تزوجي باا راه الا صيفطتيها غادي غير تفلس كتر من هاكا ومغيقبل عليها حد زيد رجال مكيبغيوش لمرا تكون قاارية

فتيحة: علاش اولدي كتقول هاكا انا راه قاارية وباك بغاني حيت لقاني فاهمة وواعية وانا للي كتت شاظة ليه لحساب قبل متكبرو وتشدو بلايصكم معااه

مصطفى: وهي عندك الحق لعلام زييين ولكن تقرا فلمديينة وبووحدها وزيد معدنا حتى العائلة تماااك للي تجلس عندهم لا لا منصييفطش لبنت بوحدها

شيماء: خاصكم تيقو فية وزايدون ها بنت عمي أمال غتكون معايا

نبيل: (قفز) وعلاش بغالها عمي؟!!

فتيحة: اممم باك غيهضر مع خووه

مصطفى: ونتي ماالك فييها

فتيحة: ونصيفطو بنتنا بووحدها؟؟! وزيد حتى بنت خوك باغا تكمل قراايتها

نبيل: لا (لاح فمو طرف تفاح) خليوها حم راني بغيت نتزوجها معندها مدير بشي قرااية

مصطفى: تزوجها وكان ختك قبلات بولد عمك محمد ماشي حنا منبغيوش وهوما يبغييو

نبيل: اوا حتى دابا تقبل شنو نااقصو ولد عمي خيرنا ميدييه غيرنا والا بقيتو على ريها راه غتفرعن وتخرج gروون..

فتيحة: (كارهة هاد الموضووع) ولدي بعد دمك لا يطلييك خلينا عائلة مزياانة...

نبيل: بفففف حتى انا راني هضرت امال غنتزوجها

مصطفى: ولدي غير نسا عليك بنت عمك شوف غيرها ونمشيو نخطبوهاليك ونديرو عرس واحد مع خووك

نبيل: (خرج كااعي حيت عينو فأمال.. أمال للي قليل فين كيشووفها ولكن معششالو فبالو حيت كيشوفها غتكون مرا ديال زماان ومطيييعة ليه متكلممتهز الراس..)

فتيحة: سب مصطفى شنو قلتو؟؟ الجامعة بقالها غير شهر وكاين الحي الجاامعي ولا دار الطالبة نييت راه مأمنة ومرة مرة غنبقاو نمشيو نزورووهم

مصطفى: خليني نفكر ونهضر مع خوويا باش تمشي بووحدها لا

شيماء: راه حتى أمال بغات تمشي والله

فتيحة: (غمزاتها تسكت) صافي خلي بااك هو للي غيعرف مصلاحتك نوضي جمعي الدار ابنتي باش نعيطو نديرو كاسكرووط مع مرت حنيينك...

~~~~~~~~~~~~~

أمال: (غير سمعات عمها غيهضر مع بااها باش تمشي لفااك متيقااتش ضارت عند مرت عمها وعينيها كيبريو بالفرحة..) واش بالصح اخالتي فتييحة؟؟؟

فتيحة: (تبسمت) وعلاش غنظحكو عليك ابنتي لمرا حتى الا مكانتش خداامة بعدا تكون قاارية تقري وليداتها وتكون عارفة شلا حواايج

نعيمة: (تقرصت حيت هي مقريااش بحال فتيحة) ولواااه انعييمة هاني انا مقرياااش بزااف ولكن فاهمة شحال من حااجة فالدنيا

فتيحة: ولكن نتي قارية بعدا شوية

نعيمة: اوا حتى لبنات راهم قاارين بزااف كااع.. اش يكجدرو بشي جاامعة ويتغربو عليينا حتى لخطاب ميوليوش يجيوهم

فتيحة: اوا لبنات معشوقين يكملو قراايتهم نحرمووهم حنا؟؟ وربي اول كلمة قالنا هي إقرأ براكة غير جلسناهم 4 سنين عاد خليناهم يدوزو لباك

نعيمة: معرفت لهاادشي انا بعدا مقبلاش وبااها مغيبغييش

شيماء: حراام علييك امرت عمي علاش متبغييوش

أمال: عفااك اماما خليوني نمشي نقرا والله مندير شي حااجة خاايبة

شيماء: وحنا غنكونو موانسيين امرت عمي عفااك عفاااك

نعيمة: ابنتي حتى الا بغيت انا باها وخووتها والله ميخليوها تزطم الزطمة فيها والا جاات علية معندها مديير بشي علااام تعلم شغل للي يفييدها وتكنشحتى يجي للي يظيها

فتيحة: (تبسمت كطيب خااطر لبنات) غااايبغيييو وغنشري لبنااتي تيليفونات باش نبقاو نهضرو معااهم وغيقرااو وغيجييبو الاجااازة ومنين يرجعو غيتزوجو ونديرولهم احسن عرس (لبنات تبسمو فرحاانين عكس فنعيمة للي كتميق فبنتها ومتأكدة مغتمشيييش جابت مرت حنينهم كاسكرووط وبقااو مشاركين لحديث مع لويسااتهم للي جااو اما لبنات كيحلمو بنهار للي غيمشييو فييه حتى تقنتو بعييد عليهم)

شيمااء: عرفتي خوويا بغااك لزواج وبسبابو كان بابا مغيبغينيش نمشي وكيقولو (كتعيبو) تزوج محمد.. محمد ولد عمي وخيرنا ميدييه غيرنا

أمال: وياااك والله حتى تعقدي فحيااتك الا تزوجتي بييه

شيماء: حتى انا منبغيلكش نبيل معقد بحال خووك ولكن منكرهش ليك وليد خوويا

أمال: اختي انا باغا داابا غير نتفك من عاد لحبس وزوااج من بعد ونشووفوه

شيماء: انا بعدا مكرهتش نتزوج شي واحد يبعدني من هاد لمديينة ويعيشني قااايدة ويكون قااري وخدام مزياان وزويييين بحال زين تواركة ولا لهنوود

أمال: ههه اودي وكان عندي بحال مك كاع منفكر فشي زوااج

شيمااء: اوا وخووتي راهم بحال خووتك غير ماما للي شادة علية شوية الصهد وبابا كتعرف ليييه أما يحرروها فية بحاالك

اماال: اوا سعدااتك بيها...

~~~~~~~~~~~~~~~

دازت أيااام كان فيهم صرااعات بين يخليو لبنات يقراو ولا يزيدو يمددو ليهم فالحبس مصطفى خاايف على بنتو شيمااء تغرب ومتقدش تجلس بعييدة علليهم اما خووه احمد خاايف من كلام النااس وخاايف بنتو تهبطلو رااسو للأرض وعندو فكرة فبالو لمرا او لبنت بلاصتها فدار رااجلها لا غيير ولكن كاين استثنااء الا خوه صيفط بنتو تقرا فاا غتكون حسن من بنتو وهو كيتناافس مع خووه فكوولشي حاار فشمو يديير ومن جهة اخرى ولييد للي مقطعش الاتصاال لباه وعمو كيقنعهم ليل ونهار باش لبنات يقرااو وعلى ضماانتو...

هاد نهار كان أسعد نهار عند شيماااء وأماال فحيااتهم...

اليوم بكري غيشدو طرييق وغيديوهم للجامعة للي بعيدة عليهم ب 200 كلم او اكثر.. هادشي كان بالنسبة ليييهم حلم مستحيييل ولكن بفضل تدخل وليد للي كولشي كيحتارمو خلا مصطفى باه يبغي وهو قنع خووه احمد للي هو وولادو دارو لعصى فرويضة وعيااو يعكسو أيااام ومصطفى وولييد كيقنعو فييهم وباش قطعو معاهم ممنوع عليهم يخرجو الا للحصص ديالهم وغيكون زياارات سرية باش يخلعووهم ميتحركووش ولا يزييغ عليهم دماااغهم واافقو لبناات بكل فرح واخا أمال كلات لعصى من عند خوتها وباااها للي حسو براسهم تبزز وتفرض عليهم رأيه..

فبيت أمال دخلات مها عندها لقاتها كتكنل جميع حوايجها والابتسامة العرييضة فوجهها محسات وغير مها جبداتها من شعرها حتى طلقاات غوتة

نعيييمة: سكتيييييي حسك منسمعووش يا بنت لحرااام

أمال: (عينيها مدمعييين وشادة فيد مها) وعلاش دابا كضربيني مدرت وااالو والله

نعيمة: درتي يا بنت لحراام درتيييي بقاالك غير الجااامعة يا الشاايطة تمشييلها (كتديها وتجيببها من شعرها) كل مرة.. كل مرة جيتي لهننا ولا جيت انا لعندك غنبقى نقلب والديييك با الخاانزة

أمال: (كتحرك فرااسها وكتبكي) واخا وااخا غير طلقي أماما عفااك (طلقاتها مها ودفعااتها) علاش كدييري هااكا واش كاع مكتيقو فية

نعييمة: متبعاالي فتييحة فريها وانا للي مك جالسة تقاابحي وتخرجي عيينك فية ولكن سمعي والله ويجي شي حد يخطبك هادشي الااااا قبل عليك شي كلب غتجوجي وغتنسااي ديك الجاامعة للي غتخرج علييك وعليينا الله يااخد فييك الحق الله ياااخد فييك الحق ونسمع خبرك ونتهنى قهرتي بااك وقهرتيي خووتك وقتلتييني الله ياتخد فيك الحق للي ولد لبنات عمروو يرتاح ولا يهز الراااس

أمال: (قلبها كيتقطع) صافي نجلس معااكم الا غتقهرو هاكا منمشيييش

نعيمة: (بغات طرشها وهرباتلها) وظحكي فية فتيييحة!!! (دخل احمد عاقدهم) اش هاد صداااع

نعيمة: تاليتي الحبس وهاد لكلبة تردم بترااب

احمد: (شاف فبنتو بقرف) نسمع عليك (بقرن ظفر صبعو) قد هااكا يااا ويييلك وباش يحلقوو رجاال يا حتى نحرك والديييك

أمال: (بخوف) صافي مبغييتش نمشي هئ هئ

احمد: (شاف فنعيمة ومدلها شي فلوس وتيليفون ديال نوكيا قديم وكارت ناسيونال ديالها وتوصيل ديال الجامعة ودياال دار الطالبة الخاص فين غتعيش هي وبنت عمها وخرج.. شافت فيها مها)

نعيمة: بااك عمرو غيرضى علييك وعمرك تشوفي نهار سgد فحيااتك ومن نهار دوزتي داك لباك كرهك وكرهنااك يحساابلك بيك لقرااية نتي باغا تسلgطي

أمال: (دموعها نشفو وغير ساهية حركت راسها باه حتى جاتها طرشة من عند مها)

نعيمة: ممسوقااش لكلامي وكتهزي فرااسك

أمال: (شافت فمها) شنو بغيتي اماما نديير راه بقالي غير نعبدكم باش تبغيوني واخا حتى نكفر ونديرها مغتبغيونييش شنووو نديير

نعيمة: دااارلك يا الجييفة (سمعات فتيحة كتعيط عليها.. لاحت عليها شنو عطاها احمد) تهزي قادي شالك ونشوفك كتبكي قدامهم نقتلك (خرجت وسدات لباب بقات أمال بحال شي جمااد غير كتشوف تنهدت تنهيدة طويلة وناضت كتشوف فلمراايا حنكها للي حماار بقات كظرب الحنك لاخر بحال شي حمقة باش يحماار وتباان غير مزنكة قدات فولارها للي هابط على كتافها حنات للأرض جمعات داكشي فصاكها وشافت فالتيليفون للي زاد تشخشخ دارتو فصاكها وجرات لباليزة خارجة من لبيت للي كتكرهو كانت فتيحة معنقة بنتها للي لابسة مزياان حتى الشاال جاي مرخووف شوية عكسها هي دارت ابتسامة صفرا فوجهها)

فتيحة: باينة كانت كتبكي مسخاااتش بيكم ياااا نعييمة

نعيمة: حتى حنا والله كاع مبغييناها تمشب غير الله يهديها وصاافي

فتيحة: (مشات عند أمال كطيب بخاطرها ولوخرا كتحبس الدمعة متخرجش ليها حتى جاو دراري كيهبطو داك لحواايج هبطو لبنات وامال نسات كولشي وكتشوف فالزنقة كدايرة مضوية واخا كولشي سااد والمحاالات سادين الا جاتها زويييينة راها محروومة من الخرووج... جاو عمامها للي كتشوفهم من فين لفيين سلمو عليها هي وشيماء وضورو معااهم وتفكرات لفلووس للي خبعاات شهقت وطلعات للدار كتجري لبيتها سنين وهي كتشفر ليهم واخا دراري كيشكو ولكن عمرهم شكو فييها كيقولو مهم هزاتهم دكسااتهم فصاكها ونزلات وكان ماشي مجموعين يقتلها باها عصا حيت مكيبغيهاش تلفت الانتبااه قدام ولاد عمها ركبو فصطافيك ديال السلعة وسااك بيهم محمد وجالس حداه مصطفى واحمد ولبنات راكبين اللور وقلبهم كيضرب بالفرحة وهوما كيبعدو على الحبس للي كرهوووه...)

أمال: (بصوت خاافت) كنت غنسى دوك لفلوس للي شحال وانا نجمع فيهم

شيمااء: ههه ياا جدك وكان نسيتيهم وخليتييهم تقلب مك بيتك تشوفهم يخسرو علبك مركووب هه

أمال: ونتي جبتيهم؟؟

شيماء: (هزت كتفها) معلوووم كما تافقنا غير نوصلو نمشيو نحطوهم فبنك

أمال: ولكن البنكة حراام

شيمااء: (خيبت وجهها) لحرام هي لعيشة للي كنا عايشين فيها.. شوفي راه الا بقاو عدنا ولقاو هاد لفلوس كولها غيشكو فيينا اللهم فالبنكة مستوورين واصلا ماما قالتلي فتحي فلوس تماك باش نبقى نصيفط ليك

أمال: (بتنهييدة) عرفتي شحال شبعو فية عصا (بحقد) ولكن مغيتهنااو حتى نديرلهم شي شووهة عاد يقييلوني ولا حتى الا قتلووني غنكون شوهتهم وننوت وأنا بعدا مرتاااااحة

شيمااء: شوفي الدنيا غظحك لينا دابا (بفرحة) واشتا عرفتي 3 سنييييين شنوهووما

أمال: (تبسمت) غنتهنى من الحكرة والقهرة

شيماء: قالي وليد حيت انا وياك معدناش شي مستوى فلقراايا ولا شي لغة دارو لينا علم الاجتمااع هي للي فيها الحفااضة ونزططو راسنا فيها

أمال: أي حاجة المهم غير منبقااوش هنا (درت يدها على فمها شااهقة) ويلي على بنت الهم نسينا راسنا كنهضرو وهوما غيكونو كيسمعو فينا

شيماء: (ضربت الطم حتى بقاو كيهضرو فقنت اخر طريق مبغاتش تساالا ووجدة مزال مقربو لييها محمد كيصوك غير بشوية على حساب بااه وعمو..)

~~~~~~~~~~~~~

وليد: (فاق على صوت صااحبو للي ميخبط عليه لباب باش يفييق لنهار طوييل ديال الخدمة.. فاتح فبلجيكا هو وصاحبو سوبر مارشي صغيير ديال المنتوجات المغربية كيجيب السلعة من عند باه وعمو وكيشريها من عندهم بسلعة ديال بلجيكا وهاكا مدورين الحركة مزيااان... جلس وصونا على مو حيت عارف ختو شادة طريق... صونا على بااه) الوالييد بيخير؟؟ ياكما نااعس؟؟

مصطفى: لا لا فايق مونسيين ههه الحمد الله اولدي ونتا مزيان كدايرة اموورك مع الخدمة؟؟

وليد: الحمد الله الوااليد شيمااء لباس علييها؟؟

مصطفى: الحمد الله راه قربنا نوصلو انا وعمك ومحمد

وليد: اممم سلم علييهم انا من بعد ونصوني علييك على منوصل للخدمة اااه حقا.. شري لشيماء شي تيليفون يكون مزيان باش نبقى نشوفها بحال للي عند خوتي

مصطفى: راه شراتلها مك واحد مزيان نوصلو وتصيفط ليك النمرة

وليد: مزيان وشريلها حتى شي بيسي باش تقرا (شاف فباه سكت) زعما باش متكترش الخرووج وتقول نمشي لسيبير ولا شي حاجة

مصطفى: انا ولدي مكنعرفش فداكشي حتى يتكلف محمد ولد عمك بهاادشي

وليد: صافي مزيان محمد راه عارف فهادشي بلاتي ونولي نصوني عليك.. (قطع معاهم وشاف زهير للي دخل عندو) كبقات الواالدة

زهير: بيخييير.. نتا مغتنوضش تخدم على ***

وليد: بففف مسخسسسسسخ.. وبقيت مشوش على قضية ختي وقرايتها شحفوووني باش قنعتهم

زهير: هاكا عقلية لكبار.. مهم نتا خليتيهم يبغييو ختك تقرا

وليد: اه بغيتها تقرا والا شفتها معقوولة فقرايتها غنجيبها هنا

زهير: حسن مهم نخلييك غنمشي نسبقك نحل المحاال حتى تريح شوية نتا وقاد أموورك ولحق باش نمشي انا نقضي شي غراااض...

من بعد 5 دسواايع وصلو مسخسخييين كانت 8 دصبااح ونص دخلو لصطاسسون هبطو رجال بوحدهم كيفطرو عاد جابو لبنات ياكلو غير كملو..

مصطفى: خاص نديو لبنات يرتاحو شوية راه عيااو

احمد: هوما للي بغاو هاد العذااب على كبرنا خلينا بنات هاد الجييل يحكمو فيينا

محمد: انا هادشي معاجبنييش اعمي ولكن وجهك لعزييز خلانا نقبلو بااقي كنعااودها انا ماباغييش هاد تخربيييق

مصطفى: راه هضرنا اولدي لقرايا ماشي حرااام

محمد: اه ماشي حراام (هز حاجبو وقلب وجهو) وحتى زوااج ماشي عييب

مصطفى: (عرفو كيهضر عليه حيت معطاهش بنتو) ربي هو للي كيجمع اولدي للي مكتابلك غتوصلك

محمد: (مراضيش) اممم (صونا عليه وليد كحز من حدااهم وجاوب) فيين

وليد: غتكونو وصلتو

محمد: من وااهلي فطرنا ودرك غنديو لبنات لدار الطالبة

وليد: واا صافي برد اصاحبي راه غيقراو ماشي غيديرو شي حاجة خاايبة وكان كانت شي حاجة متلقانييش كنداافع عليهم كتحسسوني بحال معرفت فين جايبيينهم

ممحمد: نتا عاارف اوليد عقلي فهاد **** صافي داو لباك يتكمشو حتى يتزوجو (باستهزاء) هادشي زعما الا بغااو ورضااو برجاال

وليد: واايلي باقي مقلق على موضوع زوااج وراه هضرنا ابا محمد اللهم تجيبها مكتعرفهاش وتمشيها كبغيت نتا اولا كولشي يبقى يتحكم معااك يوقع مشكل صغير بيناتكم يكبر فالعائلة كااملة وتفرتك

محمد: اممم مهم نتا امتى غتجي؟؟

وليد: مزال شوية على منجمع السلعة مزياان حيت عمي وصااني على شي حوايج مكينينش هنا كاينين ففرنسا وخاص لقا الوقت باش نمشي

محمد: وعجل اولد عمي عماامك راهم حاطينا فالرااس وكيتنافسو معانا لقاو للي يجيبلهم السلعة ومطيحين السووق

وليد: لااا حولة عااود بداو فهاد لخصاايل

محمد: زادو شgووو لهيييه مهم نتا روااح وتشوف بعيينييك

وليد: انشاء الله مهم ختي خاصها بيسي ونتا كتعرف فهادشي ديال الإليكترونيات الله يحفظك جيبلها شي واحد خود لفلوس من عند با

محمد: اممم واخ ياله تهلا.. (قطع معاه ورجع عندهم كان لباب محلول على لبنات شاف فشيماء للي حانية الرااس وشحال كتعجيو ولكن رفضها خلاه يحس باحسااس خاايب من جيهتها قلب عينو لختو للي كارهها بهادشي للي دارت فيهم شاف فباه للي كيهضر مع خووه على الخدمة وعلى خووتو للي كيضربو ليهم السووق وغيخليولهم سلعتهم كضييع) نمشيو؟ (خبط على لبنات باب صطافيط حتى زعزعهم وطلعو هوما لبلايصهم)

أمال: (بشوية) الله يعطيك الهرس

شيمااء: تفوو شحال مكنحملووش لمعقد لاااخر.. معرفت علاه كيعاملنا خاايب هاكا تقول قاتليلو مو

أمال: حتى نعرف انا للي ختو والله دايرني بحال عدوتو ماشي بنت بوه ومو ييخ منو

شيماء: قرييب نتهنااو (بقاو صاقرين فداك ظلام كيحسو غير بيها كتوقف وتولي تزيد حتى تحل عليهم لباب بحال الغنم هزت راسها فباها) احم وصلنا ابابا

مصطفى: واه ابنتي هبطو باش طلعو ترتاحو (وقفو غير بالزز حيت تنملات عليهم رجلهم غير حطو رجليهم فالأرض بقاو كيدورو عينيهم فالدنيا كيف زااهية وباهية طلعات الفرحة فوجههم وهوما كيشوفو فين غيجلسو هبط محند شوانط ديالهم و عطا لمصطفى بيسي ديال بنتو ومفكرش يشري لختو واحد ولا يشري ليها غير تيليفوون دخل للمؤسسة لداخل عطاهم التواصييل ديال لبنات وخدا نمرتهم وعطاهم نمرتو باش هو يسول عليهم وهادي فكرتو دار الطالبة خااصة فيها بنات قلال ماشي كتار بحال الحي الجامعي وممكن يسول فيهم ويعرف فين كاينين.. مهم ختار غير باش يرااقب ويتمنى يحصل عليهم شي حاجة جاو طلعو ليهم الشانطاات مصطفى بقا كيودع بنتو ويوصيها وأمال بقات كدور فعينيها بحزن وكتخبع دموعها حيت مخسرو عليها حتى كلمة زوينة ولا غير تهلاي فرااسك والا خصااتك شي حاجة عيطي خسرو عليها غير نسمعو عليك ولا نشوفو شي حاجة نحرووك حياتها كااملة كتهدد بالذبح زعما شي نهار تموت مذبووحة؟؟؟! لدرجة ديما كتخلم براسها مذبووحة ولا غتذبح...)

أمال: (شافتهم مشاااو وغير عمها للي بقا مدور يدو على شيماء داير ليها نص تعنيقة قلبت وجهها وخرجت تنهيدة طويييلة.. وباش كتبرد على قلبها كتبقى دعي فييهم مفيقها من دعاويها غير عمها عيط عليها بسميتها) أ.. (مشات عندو) نعام اعمي

مصطفى: (باسلها جبهتها كما دار لبنتو واول مرة شي واحد يسلم عليها هاكا اوطوماتيك نزلو دمووعها باستغرااب فوجهو) تهلاو ابنتي فبعضيااتكم وقرااو مزياان نتوما جيتو هنا على ود لقرااية.. (حركت راسها باه هي وشيماء)

أمال: شش..ششكرا اعمي

مصطفى: (لبنتو) بنتي للي احتاجيتيه عيطيلي فالتيليفون ونكون عندك

أمال: (انساحباات بهدووء برااكة غير شي واحد قالها تهلاي فرااسك وسلم عليها رجعات كدعي فعائلتها) منين محملينيش لااش واالديني تفوو شحال كنكرهكم حتى أنا والا عندي شييي زهر ودعوة عندك يا سيدي ربي مبغييتش نعااودش نشووفهم ولا نعيييش معااهم...

شيماء: وااخ ابابا (بقا كيوصيها وخايف علييها حتى مشا ولبنات طلعو لشومبر ديالهم رقم 22 للي عطااوهم بقاو كيتشاوفو بيناتهم حتى بقاو كيغوتو بلفرحة وينقزو على ناموسيااتهم نزلت أمال كتلهت كتشوف فشومبر وفلباب ديال الزاج للي كيطل على بالكو صغير فيه جوج محابق ديال الورد ممسقييش كيطل على الجردة وعلى باركينغ ديال الطموبيلات وكيبان شوية من طريق شحااال مشاافت شي شرجم محلول حيت فداارهم ممنوع وحتى الا تحل باش تهوى الدار يااااويلها الا طلاات منو او دازت من حدااه ودابا ها هي وااقفة والشمش ضااربة فييها غمضت عينها وطلعو حنوكها مبسمة لهاد الرااحة للي حست بيها بعيد على دارهم ضارت شافت فشيماء كتهضر من تيليفون كبير وزويين وكتقول مااما عرفت مها للي كتهضر معاها تفكرت الزgليزة للي عطاوها ظحكت على رااسها ومبغااتش تسوق هي مكتقول تهناات منهم حيدات شالها ولاحتو فوق النموسية للي فيه صاكها ومشات كتشوف الشومبر فيها 4 دبلاكارات كباار وواحد القنت فيه بحال بوطاجي صغيير واخا فهموهم كل طاابق فييه كوزينة مشرووكة للي بغات طييب طيب تمااك وحتى طواليطات مشروكين فرحات كتر وكتر بهواء الحرية للي كتنفسو.. شومبر ياله 5 دقايق باش جلست فييها حسات بالرااحة فييها عكس داارهم للي عاشت فيها 24 عام وكتجييها حبس أو أكتر.. خرجات برا فلكولوار مشات كتستكشف هاد العاالم للي دغيا حباااتو ورتاحت لييه الرااحة للي ملقاتش حتى فلبلاصة للي تولدات فيها شافت الكوزينة للي كبيرة وفيها حتى تلاجة وبوطا وشي مااعن تمااك قلال حيت كل وحدة خاص يكون عندها مااعن حلات التلاجة كانت عامرة بشي ميكات قلال للي كل واحد مكتوب فيه اسم بنت سداتها دغيا حشماانة بحال حسات حلات تلاجة ديال الناس وهي تلاجتهم كانت مكتقدر تحلها حتى كتمشي مها لعند مرت عمها حيت ديما متهوومة كتهز ليهم حق ديال خوتها واخا هي للي كانت كتاكلهم حيت مكتشبعش من حقها للي كيجيها فالحلوى كانتقاام كتاكل للي قدات عليه وللي مقداتلوش كتلووحو تااكل لعصى وتولي تعاودها مرة اخرى باش كتنفس من الحكرة للي كانت كتحكر منهم كانت كدير للي فرااسها من جهة كرشها.. مشات للحماام مع الدخلة ليه تبهضات بوحدة لابسة لباس زويين واخا معيق سروال كولو مقطع من جهة ركابي وشوية من لفخااض وباين لحمها تيشورت الا هزات يدها شوية يبان خصرها وسرتها شعر مجمووع على شكل كوب شووفال ولكن بطرييقة زويينة شافت فلوجه كانت كدير فارجوو وحاطة حدا يدها شلا مكيااج ولكن فوجه لبنت بحال دايرة غير عكر يعني من النوع للي كيتقن المكيااج بقات حاالة فمها حيت هي لا تفقه شيء فهادشي ديال لمكياج من غير لحكل والعكر وللي كيحمر لحنوك والالوان للي كيكونو فوق لعينين غير شافتها ديك لبنت وتوكداات هربت لشومبر ديالها بحال شدااتها كتسرق وهدا كيتسمى نوع من الرهااب من النااس بحكم المحيط للي ديما عايشة فييه محكوورة وكتحس بالوحداانية زائد الحقد والكره للي من خووتها والغيرة للي كتحس من اتجااهم منين واليديها معتارفيين بذكوورة وهي للي البنت الوحييدة منفية واخا مداارت حتى ذنب فحيااتها ديما سكاات ومطييعة ليهم...)

هند: (هزت حاجبها) ماال هاادي؟؟ (خرجت راسها من لحمام تابعااها حتى شافتها دخلات لشومبر لوات شنايفها ورجعت جمعت دوزانها ومشات لشومبر للي حداهم ودخلاتو)..

أمال: (لقات شيماء مزالة كتهضر مع مها) سلمي علييها

شيماء: ماما سلمات عليك أمال

فتيحة: سلمي عليها احبيبة وتهلاي فرااسك انا نقطع نمشي نوجد لخوتك لغدا وخا مبقالي فين ناملو خليتي الداار علية خااوية

شيماء: حتى انا أماما توحشتك من داابا

أمال: (غير كتشووف فيها وكتجيها لهضرة بااسلة حيت هي ممجربااش حنان الأم للي يخليها تقول لمها توحشتك ولا كنبغيك كااع متقد سلام من لوجه وكتجيها فشكل.. ومتأكدة الا هزت التيليفون وصونات لمها غتبقى غير تسبها اللهم تريح ودنيها ويبردو من دعاوي والسبان ونكييير.. قطعات شيماء وحطات تيليفونها يتشارجا) عرفتي شفت واحد لبنت زوييييينة وكتقاد المكيااج يمكن ماشي لشي عرس

شيماء: راه المكيااج ولاو كيديروه فالزنقة عااادي منين كانت ماما كتخرجني مرة مرة معاها كنت كنشوف بنات دايرينو عااادي

أمال: (دارت يدها على فمها) أحاااااااي

شيماء: هنا فلمديينة غنشووفو العجب المتعجب ولكن حتى حنا خااص نكوونو بحالهم أمال

أمال: هههه أربي واش تشوفي وجهنا حاالتو ونوليو بحالهم كدرتييلها

شيماء: كداارو هوما نتهلاو فرااسنا يا جدك ونولييو خير منهم

أمال: منزططوووش أشيماء بنات لمديينة رااه فشكل

شيماء: علاه باش فايتيينا غير بالسنطييحة وصاافي هانتي غنبدلو حوايجنا ونحل لبيسي

أمال: سعدااتك بعدا عندك بيسي انا كااع محشاوهلي (حلات صاكها وجبدات تيليفون) شو على تيليفون عاطيينولي حاالتو حاالة

شيماء: كاع مترفدي لهم نخرجو ونشريييو خير منو ولبيسي ها هو ديالي ديريه دياالك حتى نتي. نخدمو بيه بجووج... (فتحااتو حيت عندهم واحد فالدار كتلهى بيه شوية منين كيخرجو خووتها الا مداوهش وعاارفة كفاش تخدم بيه دارت فيوتوب كفاش العنااية برااسك وأمال غير مبلقة عينها بحال كانت سااكنة تحت حجرة بقاو متبعين مع شي يوتيبوورز حتى بقات كتكتب شيماء ليهم وأول حاجة نصحوها بيها دير شي صوان ديال الوجه على حقو وطرييقو شافت فأمال) قالو نديرو تنظييف البشرة ونعتاانيو بيها

أمال: نمشيو عند الزياانة زعما؟؟

شيمااء: لكواافورة الحمقة ههه

أمال: هههه وبحال بحاال

شيماء: شوفي بعدا غنمشيو لبنكة وغندخلو نديرو كوونط لوحدة نخبعو هاد لفلووس عاد نمشيو نقلبو على كوافوورة ولا عرفتي غنقلب على شي صالون وااعر فكوكل

أمال: نااري ياختي راكي مجهدة باغا تزياني من نهار اللول

شيماء: (قوست عينها) ايييه وشحااااااال كنت نتسنى نشد هاد الحرية وندير مبغييت وزييد غدا عدنا نمشيو لفااك بغيت ديما نكون زوينة وأنييقة فحوايجي ونكووون غااااية فالجمااال

أمال: ههههه فرحتييني يعني وجهي مغيبقااش هااكا ديما صفر ومgشبر ونشريو حتى لحواايج انا راه عندي غير جلااب بحال هاكا (لباسها هو جلابة كبيرة عليها بتلاتة دلمرات وديما فالالوان الغاامقة وزيف كبييير هابط على كتافها وعلى جبهتها وصبابط موكاسان) راه مكنحملههوووش

شيماء: صرااحة اختي نتي راه خااصك بزاااااااااف دحوايج وعاد حاالتك وجهك محبب ومشعر

أمال: (بحزن) وراه حتى نتي فيك زغب

شيماء: اييه ولكن مفياش لحبوب

أمال: اودي كنت نعيا فماما تديني غير طبيبة دالجلد مكتبغيش.. للي شاف حنا لباس علينا للي شاف ككيديرولي يقول با مكيكساب حتى عشا ليلة

شيماء: صافي نسااي عليك الهم رراه حتى انا وكان ماشي ماما للي كتوقف فطريقهم وحتى وليد خويا وكان راه جوجووني لخوك منين كانت عندي 16 عام...

(معطلووش رااسهم كل وحدة هزات لفلوس للي عندها فصاكها غير خرجو بانت ليهم بنك ديال CIH اونفاص معاعم دخلو لتمااك مفافياات دافعين غير الجبهة وخايفين يسولوهم منين جاوهم لفلووس؟؟؟)

(موظفة فالبنك) : (بقات كتسنى وحدة فيهم تجي ولا يجيو بجووج) احم مرحبا (ناضو بجوج جلسو فلكراسة للي فلبيرو ديالها بقات كتشوف فيهم وبجوج حانيات الرااس) بغيتو تفتحو كونط؟؟

شيماء: (نقزت) واه بغيت انا وبنت عمي نفتحووه ونحطو فلوسنا فيه

....: مرحبا انساات انا غنشرح ليكم كاين حسااب سيدتي للي مغيكونش فيها اقتطاعات ياك نتوما مزال كتقرااو

شيماء: واه واه كنقراو فلفاك

أمال: (غير كدور فعينيها ومزعمااش تهضر بحال بنت عمها للي حتى هي بصعووبة كتداخل مع النااس)

....: مرحبا عطيوني كارت ناسيونال ديالكم (بقات كتقااد ليهم الإجراءات بدات بشيمااء هي اللولة عاد كملات مع أمال للي كل وحدة دارت كود ) شيمااء عندك شي مبلغ غتحطييه؟؟

شيماء: اه (جبدات من صاكها ميكة فيها 4 ديال الرزماات كل رزمة وشحال فيها المجموع كان 5 دلمليون ونص)

....: سيري لداك لاكيس وعطيه لفلوس وغيعطيك توصيل على متخرج كارت كيشي وتبقاي تجبديهم فوقما بيغيتي

امال: (كانت خايفة تسولها منين جبتي لفلوس مشات شيماء وضارت عند أمال كتكمل معاها ومشات حتى هي تحط لفلوس للي كانو مضوبليين على شيماء معمرها حسباتهم ومنين قالتلها عندك 10 تصدماات واش كاع معااقو بييها ولكن راه سنيييييين وهي كتسرق ليهم بحال كانت متأكدة غتخرج شي نهار من تماك وتحتاجهم حطاتهم وخداو التواصيل على مدوز 48 ساعة ويجيبو كارت كيشي خرجو فرحانات من هاد الخطوة للي دارو) دابا شنو ندييرو؟؟

شيماء: شوفي هادي للي دخلنا عندها زوينة سيري سوليها شنو الصالون للي كتمشيلو وتنعتو لينا نمشيولو

أمال: أنا لا لاااا لااا أحاااي على الحشمة منقدش اختي لاااا

شيماء: صافي ونتي غير مرعوودة خااصك طلقي رااسك

أمال: وطلقييه نتي انا منمشييش نحشم اختي

شيماء: هههه وبراسي كنحشم مهم نطلي زبلة على وجهي ونسولها (دخلات شحال ترددات عاد سولات وحتى لوخرا كانت ضرييفة معااها ونعتات ليها فين تمشي تاخد تاكسي وغيحطها قداامو صالون كبير تابع لاوطيل مشهوور شكراااتها وخرجات حنوكها مزنكيين ولكن هاكا بغاات خاصها طلق راااسها باش تحرر فرااسها.. بقاو واقفيين كيتسناو تاكسي يوقف لييهم ولكن مكيشيرووش لييه فكرتهم غير غيوقفو يجي التاكسي عندهم والشمش كطحطح فييهم) قالتلي غير غتخرجي غيوقف ليك تاكسي يدييكم

أمال: بففف راه الشمش ضرااتني فرااسي مموالفااش بيها صافي غير نمشييو فحاالنا

شيماء: والله مندخل لداك لبيت حتى نكوون جدييدة (كتشير بيدها وكدير باي باي عاد وقف وااحد) هييييء خاصنا نبقاو نشيرو ههههه (ركبو كيضحكو على رااسهم حتى وصلو نزلو ومعرفوش منين يدخلو البنااية كوولها زاااج ومرسوم فيها لوحة ديال بنات مقاديين)

أمال: أخيب احساس كنحس بحال كنت عايشة تحت حجرة

شيماء: ويييييه شوفي أمال الا مدفعناش الصنطييحة فهاد لمديينة غيرجعونا تحت صبااطهم

أمال: (بتنهييدة) اصلا انا كنت عاايشة تحت الصبااط (قشعات باب ديال الزاج تحل وخرجات منو وحدة مزيزة) اجي راه من تمااك كيدخلو يمكن (مشاو دخلو لقاو علام اخر تمااك استقبلوهم استقبال فرنسي العربية مكدوورش حتى نطقات شيماء)

شيماء: احم سلام بغينا نديرو تنظيف لوجها انا وبنت عمي

....: (شدات الظحكة بالسيف) مرحبا تفظلو معاانا (جلسو وعطااتهم الاسعاار حيت شكلهم باين معربن وخصوصا أماال خلصو قبل حتى ميديرو عاد لوخرا ارتاحت وعطات تعليمات باش يبداو لييهم....)

أمال: (شافت راجل تماك كيخدم دورات وجهها لشيماء) أحااي حتى رجاال كيخدمو زياناات؟؟

شيماء: (لوات شنايفها كطلع وتهبط فيه وهو كيطرطق المسكة ويظحك مع لبنت للي كيقادلها) انا وملبسش دوك لحوااايج هه

أمال: (شافت فلبنت للي تماك) اختي حنا راه محجباات منقدروش نصايبو عند رجال ويل الشووهة حشومة كاااع

....: اممم واخا انا نعيط لجوج بنات يقادولكم (جاو خداوهم لبلاصة اخرى حيدو شيلانهم ولبسوهم جيلي ديال لميكة وجلسو فالاماكن المخصصة لسواان..)

شيماء: ختي رحم مييمتك صوريينا نبقاو عااقليين على وجهنا قبل

أمال: هههه

...: مرحبا زييين (شدات تيليفون شيماء صوراتهم وحطاتو.. مدو ليهم وجوههم يجلخو ويخلطو فييها ولبنات غير كيتسنااو النتييجة النهاائية.. أمال غمضت عينها ساارحة فعائلتها للي لداابا مسولووش فييها اصلا قرار تكمل لقراايا كان بالزز منهم وكعقااب نفااوها من حيااتهم كأنها داايرة جريييمة زاائد معااملتهم للي ديما كانت أسوء فأسوء وفكرة ذكوورة للس حسن من لبناات عندهم معششة فدمااغهم وفدمااغ أغلب سااكنة داك لفيلاج... كانت ديما مبهدلة والا شي نهار قدات شي وصفة من وصفات العنااية بلبشرة كانت كتلوحها مها وكتكملها بعبارتها المشهورة نهار تزوجي وتقادي لرااجلك اما هنا حشومة قدام باك وخووتك صففارت غير بكترة لخلاعي زيد نيفها وجبهتها عامرين بلبوان نواار تحت عينها كحل بقلة ميداار وسهييير شنايفها مقشبرين وقربو يبيااضو حع اما شعرها مكدوز فيه المشطة من الدوش للدوش حيت الحمام حرام.. حلات عينها وشافت فلبنت للي متبسمة فوجهها)

....: شنو هاد الضربة حدا عيينك

أمال: (حشمانة ومقداش تقولها خوها للي ضربها بسوارتو كان غيعورها منين كانت نازلة من عند شيماء وتصادفات مع نبيل ولد عمها للي وقفها كيسلم عليها ويسول على اخبارها) حم طحت وأنا صغيرة

....: واخا هكااك جات مع وجهك هههه مخيباتكش

أمال: (تبسمت) شكرا (كانو ملامح وجهها زوينين بنت عادية عندها حقها من الزين كأي بنت.. من بعد مدة كملو ليهم وناضو لبنات كيشوفو راسهم فلمرايا عاجبهم الحاال خصوصا أمال للي أول مرة تعتااني ببشرتها حيت شيماء كانت هي ومها كيقادو هادشي مرة مرة) هههه بان لفرق

شيماء: هههه بزااف وااو كنحس بوجهي كيتنفس

أمال: (بفرحة) حتى انا (بقاو كيشوفو فحنوكهم للي تزنكو وحتى لبشرة تفتحاات على للي كانت عندهم. نيفهم مبقاتش ضايرة بيه لكحولية حتى زغب مبقااش فدوفي شكرووهم خلصو وخرجو فرحانات) شنو نديرو دابا؟؟ راه فية لموووت تجووع

شيماء: ااام نمشيو لشي قهوة

أمال: (خرجت عينها) وييل الشيييطان شيمااء ماشي ديالنا هادشي

شيماء: اممم وشنو عاد نطيبو راه معدناش لماعن

أمال: (بفرحة) نشريو سقااطة (مسحت حدا فمها للي كيتشهى)

شيماء: ههههه سقااطة مزالة ناكلووها حتى طلع لينا فرااسنا انا فية جووع صحييح ديال دجاج والكفتة

أمال: (بقات سااكتة حيت معرفت متقول وهي مكتعرف واالو على هاد لمديينة وجاتها عييب ياكلو فالزنقة مع رجاال ولكن بركات على رااسها حيت هادشي للي باغيا تجرب كوولشي قبل مترجع للحبس تمشاو هي وشيمااء كيخططو شنو يدييرو ويشكرو فوجههم للي عاجبهم واخا بلا مكيااج الا باان فيهم بزااف دازو من حدا صنااك كانو بنات ودراري كياكلو تشاوفو بيناتهم وهوما يدخلو جلسو وكيسرقو نظراات فشنو الناس كيااكلو كان محل ديال طاكوس وهوما فالمعرفة سوندوييتش من أيام الليسي فاش كانو كيشوفو دراري كياكلوه منين كانو خوتهم يوصلوهم ويردوهم وممنوع يخرجو بوحدهم... وقف عليهم السربااي)

....: انسااات

شيماء: (أمال غرقت فحوايجها وحنات عينيها أما شيماء بقات كتبلق فييه) سلام!!

....: (بابتسامة) سلام لباس عليك؟؟الله يكبر بييك

....: (بابتسامة) سلام لباس عليك؟؟؟

شيماء: (حشماانة بحال كتجمع مع خطييبها) الحمد الله

....: (موالف جموع مع لكليان) شنو حب الخااطر الأنيسات

شيماء: امم بغينا سوندويتشات

....: اممم هنا كاين غير طاكووس

شيماء: (مفهماتش شنو هو طاكووس) واخا جيب لينا عفاك جوج

....: ديالاش؟؟

شيماء: هاا.. شنوا هو عفااك هاد طاكوس (حشمانة)

....: هو بحال سوندويتش غير هو حسن كاين دجاج كفتة ميكس نجيبلك لموني؟؟

شيماء: لا واه صاافي جيبلي انا كفتة ونتي أمال؟؟

أمال: (بصوت خافت) حتى يانا

شيماء: حتى هي بغات (شافت بنت كتشرب عصير) وبغينا عصير ديال اللتشين وحتى بطاطا مقلية (تبسم معاهم معلقش على كلامهم للي باين معارفيينش.. مشا عاد تنفسو) نااري يا جدك خاصنا بزااف منتعلمو

أمال: تحشمنا ههه هادي كاع معلماتهاالك خالتي فتيحة

شيماء: هههه لا هي اصلا gالتلي مناكلوش فالزنقة ولكن وصاتني نعنااو براسنا شفتي ماما متفتحة غير طاحت فهاد العائلة المعقدة

أمال: معقدة وسكتي ييخ شحال كنكرهمم كنحس بحال خرجت من شي حبس ممتيقااش انا هنا وجالسة على خااطري كنشوف الناس ويشوفووني... gاديت وجهي راه هدا كان حلم مستحيييل وزايدها كنااكل فالزنقة (شهقت) أحاااااااااييي!!

شيماء: ماالكي؟

أمال: تخيلي يكونو مزال هنا فوجدة؟

شيماء: (خنزرت فيها) ييييه على هضرة!! متخافيش ماما قالتلي بابا gالها راه شادين طريق

أمال: انا راه كنمووت بالخوف منهم نتي بعدا راه عندك مك تحامي عليك وحتى خووك وليد اما انا ماما هي للي كتحرشهم علية والا شافتهم مظربونيش هي كظربني (غرغرو عينيها) ظهري كولو ظراابي حساباك مجيتي لهنا مخلصتش علييها (سكتو منين جا السرباي وحط ليهم لماكلة اما أمال ضورات وجهها لطموبيلات للي كيدوزو بالزربة وكتحااول متبكيش)

شيماء: واااا أمااال راه جينا هنا خرجنا من داك لحبس وأي حاجة بغيناها غنديرووها ونسااو ديك العائلة

أمال: (هزت راسها وشافت فطاكوس للي كبير ومقسوم على جوج ولفريت هزاتو وكلات منو ) امممم بنييين ماكلة الدار طلعاتلي فراسي

شيماء: كنا محرومين اختي هههه (بقاو ياكلو ويتبننو ويحسبو شحال من حاجة مزاال يديرو يبنيو ويخططو ولقراية للي جاو عليها اخر همهم.. كملو مكلتهم على خاطرهم جا السرباي خلصوه ومشاو كان كيتسنى تدويرتو ولكن هوما معارفينش هادشي بقاو كيتمشاو ومرة مرة يتزللو عليهم)

أمال: (حشمات) ويييل الشووهة

شيماء: (عاجبها تسمع الزين واكليع القلب وكلام لحلو ديال وجااادة للي كيكوون حرش وكيتوشيو الاحاسيس) أماال وااقلة غرجعو مزوجيين قبل العطلة هههه

أمال: هههه واا زعما غير الا قالو لينا كلمة بحال هاكا صافي راه باغيينا يتزوجونا؟؟

شيماء: لا ولكن بعدا راحنا زوينين ومزال نزيدو نزياانو ولبسو لمخير وديك السااعة رواحي تشوفي لعرسااان يبقاو يضاااربو حدا لباب

أمال: انا مبغيتش نتزوج دابا بغيت نعيش شوية حيااتي ونحس راسي بناادم كلمة جوواج كترجعني لداك لحبس دعائلتنا

شيماء: صافي نساي دابا راه جينا لوجدة وراه بعاد 5 دسوايع على دارنا راحنا غير انا ويااك لي هنا وحتى واحد فعائلتنا مساكن هنا واش عرفتي على نعمة دابا فين راحنا

أمال: اييه ولكن مبغييتش نتزوج

شيماء: (فقصاتها) ربي لما سكتي زعما الخطااب راهم شادين الصف على عتبت داركم انا غير قلت منين كيضسرو علينا داابا راحنا زوينات

أمال: (سكتت كتشوف فالدنيا شحال زوينة وتبع لبنات للي كل وحدة شنو لابسة ها مولات الخماار ها مولات الجلابة ها العصري ها لمزير ها لمقزب وفقرارة نفسها كفاش خلاوها دارهم تخرج بهاد لبس شافت حاالتها لابسة جلابة كحلة واسعة بتريبل عليها وصبااط ديال جدا وفولار كحل هابط على كتافها حشمت من راسها عكس شيماء للي لابسة كسوة واخا واسعة عليها شوية ولكن جاياها زوينة وصاك بالجنب وصبيبيط وشال مورد ومع قدات الحاالة جات زويينة نفخت شنايفها معجبها حال وهي تقول لشيماء للي عينيها طايرين مع الطموبيلات) شوو أنا شنو لابسة!!

أمال: شوو أنا شنو لابسة!!

شيماء: عييت فيك نعطيك شنو تلبسي ومبغبتيش

أمال: بففف خاصني نخرج نشري حواايج بحال هادو ديالولك

شيماء: صاافي غير نلقاو شي محل وندخلو (غير زاعمين وكيتمشااو واخا أول مرة يحطو رجلهم فهاد لمدينة ولكن هدا هو الغرض يمشيو ويحفظو لمديينة ومنين يعيااو يشدو تاكسي يرجعهم للدار الطالبة لقاو كارفوور دخلو وهوما مبهووظين كيشوفو الناس جارين الشاريويات ويتقدااو هادشي أول مرة يشوفووه بحكم كانو فمدينة صغيرة فيها غير لهرياات شيمااء جابت شاريو وبقاو كيظحكو بيناتهم ويهزو شنو مشهيين مخلاو شكلاط سقااطة أي حاجة تشهاوها تبعو الناس شنو ديديرو ومشاو خلصو مع الخرجة كاين تاكسيات ركبو ونيشان لمحل إقامتهم دخلو ناشطين ومحققين إنجاز كبير منين بقاو فالزنقة حتى أذن المغرب عليهم طلعو لبيتهم وجلسو كيرتاحو) الا بغات الموت تجي غير تجي داابا

أمال: هههه لباس عليك ابنت عمي

شيماء: (طلقت شعرها للي بحال ديال أمل مزوين مخايب ونفظاتو بيدها وتلاحت على ناموسيتها) وأخييييرا درت داكشي للي بغيت أنا

أمال: (تكات حتى هي راخفة الشال عليها) حتى انا خرجت وكليت برا وتساريت شفت الدنيا والناس وأهم حاجة ودني رتاحو من لغوات ونكيير ولحمي تهنا من الضرب للي ماما كل مرة تلقى غير السبة باش ضربني (بتنهيدة) يا كما نكون ماشي بنتها

شيماء: هههه ماماك من نهار تزاديتي محملاتكش قالتلك هي بغات غير لعزارا لبنات كيجيبو غير الدل

أمال: اوا وهي للي كانت بنت مشافتش رااسها

شيماء: عقليتها هكااك مخرية بحال كوولشي

أمال: (هزت المشقوف للي عطااوها) والله مسولو فية

شيماء: عيطيلهم نتي

أمال: يااا كيتك راه ممنوع الروشاارج ولا غنكون أنا ضااسرة

شيماء: واش محمد هو للي قالك هاكا

أمال: لا ماما ولكن هوما للي وصااوها بففف كنتخيلك مرت محمد عتعيشي العذااب الألييم

شيماء: يععععع شلا مذكرتي انا صراحة منبغييكش لنبيل ولكن وليد وااه

أمال: لا ختي هم هم

شيماء: تأ وليد بوووحدو وكان ماشي هو الالة الفااهمة راحنا مزال مكمشين فداك الحبس

أمال: معرفت اختي انا خوك راه من (كتحسب فراسها) من وااااهلي مشفتو

شيماء: الا شفتيه غيعجبك

أمال: أحاييااي حشمي اهاد لبنت (سمعو الدقان.. شهقت وشافت فيها) شكون للي غيدق علينا

شيماء: (ردات شالها ومشات حلات لباب كانت نفس لبنت للي شافتها أمال كتقاد وجهها طلعاتها شيمااء بنظرة استغراب كانت لابسة بيجامة صيفية بشورط وديباردور وشعر مجموع كعكة) نعام اختي!!

هند: (مدات يدها معوجة راسها بطفولية) هند جارتكم هههه

شيماء: هه (سلمت عليها) مرحبا دخلي (دخلات هند) أنا شيماء وهادي بنت عمي أمال

هند: الهراابة صباح مخسرتي علية حتى السلاام

أمال: (حشمت) سمحيلي مم..

هند: (جلست بأريحية) هاانية زيين بعدا الحمد الله منين جيتو كنت قنطاانة فهاد لموبل مزال مسكنات حتى وحدة

شيماء: واه حتى انا شفت الدنيا خاوية

هند: مزال تعمر وتزهاااا.. اممم دايرين لفاك؟؟

شيماء: واه درنا علم الاجتماع حتى نتي لفاك؟؟

هند: لا أنا كنقرى على التمريض ا العام التالي فالترويض

شيماء: سعدااتك غتولي فرملية

هند: ههه انشاء الله

أمال: (مزال مكتقدرش تداخل مع النااس غير كتسمع وعينها غتاكل هند فشنو لابسة وكفاش كتهضر ومكرهااتش حتى هي تولي مطلوقة فالهضرة بحالها)

شيماء: هاااء سمحيلي كاع مضايفتك (مشات حلات صاك كبير من دوك للي كيقولو ليهم صاك الناظور وجبدات ميعنات جايبينهم معاهم 3 كيسان ستفاتهم فصوينية وكبات عصير للي شراتو وحطو شي بسكوي فطبيسيل وحطاتو) مرحبا ختي هند

هند: عذبتي راسك احبيبتي (هزت كاس عصير) اوا لبنااات بيخير

أمال: (بصوت ممسوعش) الحمد الله

شيماء: الحمد الله اختي نتي ماشي من هنا

هند: اممم قولي تقريبا من هنا ولهييه ولكن الأصل الأصل فاسية وجيت لهاد وجدة يمكن تعطيني

شيماء: (بعدم فهم) شنو تعطيك

هند: تعطيني حقي من هاد الدنيا ههههههه (بظحكة عاالية خلات أمال مخرجة عينها من ظحكتها)

شيماء: حتى أنا وبنت عمي كنقلبو على حقنا هههه (صونا تيليفونها كانت مها ناضت) سمحولي نجاوب ماما (دخلات لديك لكوزينة صغيرة كتهضر مع مها وفرحانة حتى زعزعها باها كيحذر فيها اما خوتها كتسمع غير من لبعد كيحذرو حتى هوما)

هند: (دارت رجل على رجل وشافت فأمال) اوا زيين صاافا

أمال: (بصوت خافت) الحمد الله اختي ونتي

هند: صافاا هاد السااعة (سكتات معارفاش فاش تهضر أما هند بقات كتخربق فتيليفونها ومرة تبسم حتى جات شيمااء للي كتهضر وتجمع عكس أمال حيدات شالها وحطات لكسوة بقات غير بشورط وديباردور باش تبين لهند زعما حتى أنا متفتحة) عيينا هاد نهار منين جينا وحنا نحوسووو

هند: بصحتكم مرة اخرى نخرجو مجموعين وانا نزيد نساريكم وجدة مزيان الا مكنتوش عارفينها

شيماء: (رحبت بالفكرة) لا مكنعرفو فيها والو صاالون ياله ياله لقيناه اليوم (باغا طلق زينها) كشتي درنا صوان لوجهنا

هند: اه وجهكم منور بصحتكم لمرة جاية نديكم معايا لواحد زويين وحتى من شعركم الا بغيتو تقادوه ولا تصبغوه داكشي عندهم غزااال كاينين صحاباتي بوفيسيونيل فهادشي

شيماء: (جاتها على لكاانة) واه واه نمشييو ياك أمال

هند: (جغمت من عصيرها وشافت فأمال) واقلة أمال معندهاش مع هاد العالم

شيماء: ههه أمال حشوومية شوية وغادي تطلق معااك

هند: حتى انا دغيا كندااخل مع الوااحد ولكن رتاحيت ليكم ومنين غنسكنو مع بعضيااتنا نكونو صحاباات...

شيماء: لا بلعكس انا عاجبني نكونو صحابااات يااك أمال؟؟؟

أمال: واه حم

هند: مرحبااااا وبهاد المناسبة نعرضكم لعشا

أمال: بلاما نعذبووك اختي معانا (على بالها غتنوض طيب لييهم)

هند: مالي غنطيبو راه غيجينا حتى لعندنا ولاش **** صالحيين هههه (دوزت نمرة فتيليفونها ولبنات مخرجين عينيهم كيشوفو فيها حتى نطقات بدلع) اااااالو (وقفت دارت لبنات باشارة هانا رااجعة وخرجت من عندهم بقاو كيتشاوفو بيناتهم)

أمال: هييييييء سمعتي شنو قالت

شيماء: سماااااعت وحنا ماالنا هي صاحبتنا و..

أمال: وحتى نعرفوها مزيان عاد نقولو صاحبتنا جاع تكون من دوك للي خارجين طرييق ونتي دغيا بغيتي ترديها صااحبتنا

شيماء: (بعتاب) حشوومة أمال متقوليش على لبنت هااكا وعندها الصح رجال هاكا للي يصلاحلهم الا مكانوش ينفعو شنو نديرو بييهم

أمال: اختي انا نخااف تخرجني طريق

شيماء: هههه حمقة علاش معدناش العقل وحنا دغيا سبينا فلبنت ممزياناش هي عرضانا وحنا كنهضرو فيها بلخاايب نوضي نوضي بدلي حواايجك شوفي غير هي شنو لابسة وشحال فنة وسنانها بوويض (ناضو كيبدلو ومع أمال بيجامتها كاملين طواال مكاينش بيجامة دو بيااس سراول و شورط داكشي ممنوع عطاتها شيماء بيجامة سروال وتيشوورت وشحال فرحات بييها واخا ديجا ملبوسة الا عمرها لبسات بحال هاكا ومع طايتها ضعيفة بزااف جاتها شوية كبيرة عكس شيماء للي صحيحة شوية عليها)

أمال: (تبسمت مع شيماء) شكرا بزاااف اختي خاصنا نشريو شي مراية كبيييرة باش نبقاو نشوفو راسنا

شيماء: بصحتك الحمقة ها حوايجي للي عجباتك لبسييها (بغات دير بحال لمشيطة ديال هند ومبغاتش تقادلها وفالتالي دارت سفنجة عادية وجلست) يا ختي شحال زوينة هاد لبنت غزاالة بزااف

أمال: وااه.. غتبقاي عريانة هاكا

شيماء: ومشفتيش هي شنو لابسة (شافت راسها) وانا لابسة غير ديباردور وشورط عادي

أمال: أحاااي لحشوومة والله

شيماء: حشومة خلييتها فدار باا هنا غنعيش كما كاع لبنات عايشين

أمال: (بقات كتشوف فبنت عمها شحال وهي تهضر) ماشي زربنا بزااف منين هضرنا مع هاد لبنت

شيماء: مزربنا والو حنا اصلا جيران موانسين وفصباح هي راه غتمشي لمدراستها وحنا لفااك يعني عاادي وزايدون بحرا لسقو فيها باش نرجعو بحالها (تبسمت) بخال والو نحايد مو هاد الاخواان ونعييييش

أمال: (بخوف) لااااا لا اشيماااء واش حمقة لاااا اصاحبتي الا لفواار حشوومة

شيماء: وغيييير كنهضر بحال زعما غنحاايدو غدا

أمال: خلعتيني نلبسو ونتقادو ونتسرااو وناكلو فالقهوة ولكن باش نحايدو لفولار لا حشوومة والله حتى يقتلوونا (سمعت رنة ديال التيليفون تلفتات لقات تيليفونها كيصوني هزاتو ونمرة ممسجلاش اصلا معندها حتى شي نمرة مسجلة) معرفت شكون

شيماء: غيكون غير عمي ولا مرت عمي جاوبيهم

أمال: (بدات كتقاقي بحال شي فرووج) نااري ياكما عاقو بيينا

شيماء: ولهبيلة جااوبي ولا غيشكو ديال بالصح

أمال: (كتموت بالخوف منهم بركات على اوكي) ااا ألووو..

نعيمة: على سلامة منين جاوبتي لاش تعطلتي

أمال: هاا (وقفت بحال شي عسكري متوترة وكتحك فجبهتها) لا غير مسمعتووش كان تحت لوسادة وبقيت نقلب علييه

نعيمة: اممم مرة جاية ديما يكون فيدك باش نعرف شنو كديري

أمال: أنا مكندير واالو غير جالسين انا وشيماء فبيتنا

نعيمة: (كتعيبها) بيتنا!!! ورتاحيتي داابا منين طجييتي من الدار!! وديري معلييك باش نشاعالله طيحي فيد خووتك ينحرووك ونتهنااو من فضاايحك

أمال: (شركت حواجبها معجبهاش الحال وسكتت)

نعيمة: هاكي خووك

محمد: أمال غدا غتمشي لفااك سيري لمصلحة ديال الطلاب وعطيه سميتك هو غيعطيك التوصيل ومنين تعرفي استعمال الزمان قوليهلي

أمال: واخ خويا

محمد: منين تبداي لقرااية غنجي لتمااك الا لقيتك مكتقرااي والو غردك معايا

أمال: (شتفتو كيهضر مهدن) لا لا اخويا والله حتى غنقرا انا اصلا جيت هنا باش نق.. (سمعت طيط طيط طيط شافت فالتيليفون ورجعاتو لودنا) ألووو (مسمعت والو وشافت فيه) الله يعطييكم غبااارة كاملين

شيماء: هههه ويلي كدعي على مك المسخوطة غنgولها لمرت عمي نعييمة

أمال: (بخوف) لا لا والله ما هي انا مفهمتش مالهم معاايا عفاك متgوليهالهاش راه تقتلني

شيماء: وراه كنظحم معاك ههه عرفتي شحال بقيتي تلوني وتعرااقي

أمال: (حطات التيليفون فوق نموسيتها وجلسات كتنهد) شتي نهار نمووت غنموت غير بالخلعة منهم...

هند: (دقت فلباب برجليها حتى دفعاتو باش دخل وجايبة 3 ديال لكراطن معاها وفيد ساشية) شيمااء عاونيني احبيبة (جات شيماء هزت من عندها لكراطن للي باينين ديال بيتزا وحطات الساشية فوق الطبلة وجلست كترد نفسها) سخفوني فدرووج

أمال: الله يعطيك الخير اختي عيينااك

هند: مكاين لا عيا لا والو غير هبطت ليهم لتحت

شيماء؛ (خرجت عينها) خرجتي هااكا!!

هند: (ببرود) زعما واش تلاقيت بصاحبي بهاد لبيجامة؟؟؟

شيماء: (كملت عليها) صااحبك!!!

هند: هههه اماالكي اهاد لبنت

شيماء: متدييش علية انا فهادشي مكنفهم وااالو

هند: حسن لييك معندك مديري بهادشي الخااوي تسناي رزقك حتى يجي عندك اما هاد الطيران خااص دمااغك ديما يكون خداام باش مداارش بييك

شيماء: (متلهفة لهاد المواضيع) كيفاش زعما

أمال: (غير كتسمع وتحلل فدمااغها ومكتشاركش معااهم لحدييث حيت هاد المواضع راه طابو بالنسبة ليها)

هند: (حلات لكراطن ديال بيتزات وجبدات من الساشية 3 ديال لبواطات ديال كنتاكي وفريت) نعتققو المعدة ونكملو لبنات منحتاجش نعرضكم (قربو للطابلة بحكم كاين غير جوج كراسا أمال بقات كتاكل فوق نموسيتها عاجباها لمااكلة صباح تعرفات على طاكوس ودابا بيتزا جاتها هادي هي الحيااة... اما شيماء كتبغي تقلد هند حتى فطريقة ماكلتها للي كتاكل شوية وتوقف ماشي بلهفة كشافت أمال كدير وكفاش حتى جاالسة وشادة تيليفوونها كتخربق فييه حطاتو وشافت فييها) باينة نتي ممصاحبااش!!

أمال: هااء ويلي (غوبشت وحنات راسها)

شيماء: هههه لا ممصحباش وعمري تصااحبت اصلا حنا عائلتنا صعيييبة ومعقدة بزاف.. باش خلاونا نجيو هنا راه بلكشايف مكناش كنخرجو والا حتى خرجنا خوتنا كيديونا ويجيبونا

هند: اممم اوا غير كيخافو عليكم

شيماء: لاااا ماشي خووف حنا لبلاصة فين عايشين ذكووري بزاااف لمرا بلاصتها لكوزينة لا غير والراجل هو كوولشي الأفضلية ليه فكوولشي

هند: اهااااه (شافت فأمال)هاداكشي علاش نتي أمال حدودية؟؟

أمال: (ببراءة) لا غير ممولفاش كنهضر مع لبرااني

هند: (تبسمت) عتابروني صااحبتكم حتى انا معنديش صحاباات وللي عرفتها كتكوون باغا غير حاجتها فية وحتى انا كنبغيها غير فالمصالح... صراحة مليت من صحاب المصلحة اللهم وحدات بحالكم متاقييين وقلبهم بيض ومفيكمش الخبث تفيدوني ونفييدكم

شيماء: حنا راه مكنعرفو واالو ههه معدنا باش نفيدووك

هند: لوااحد غير الا عطااك ودنو وسمع ليك اشيمااء راه حسن من تعطيني ولا تنافقيني

أمال: كااينة انا مكرهتش غير للي يسمع لية

هند: هانتي احبيبة خوي قلبك

شيماء: امال مسكينة كانت عايشة محكوورة بزااف كتر مني داكشي علاش حدودية تربينا فعائلة بففف لبنت غير معترف بيها وكان ماشي ماما وحتى واحد خويا كاين على برا وكان انا وبنت عمي مزال محبوسيين عمرنا نحلمو نجيو هنا ونكملو قرايتنا فلفاك

هند: (تبسمت) سبحان الله انا كاارهة هاد الحرية الزايدة للي عندي ومكرهتش للي يتحكم فية ونتوما العكس

شيماء: علاش كاين شي واحد كيكره الحرية؟؟

هند: الحرية الا بقات المعنى ديالها ديري للي بغيتي ومكاينش الاهتمام من اقرب الناس ليك كتولي كاابوس

أمال: (بحسرة) وكترة الاهتماام للي كترجع كتخنق كتولي دمااار نفسي.. لبنت راها رهييفة غير كليمة زوينة من واليديها تخليها فرحاانة ماشي ضروري الضرب والسب باش منعوجااش ونحشموهم

هند: لهاد الدرجة!!! لا لا خاص تعاودولي مزيااان....

وليد: (دخل للدار مسخسخ من بعد مرجع من الحدود جلس مهدود وهز تيليفونو للي كيصوني) ويييي محمد

محمد: واش هانية ابن عمي؟؟

وليد: وي واخا تسخسييييخ السلعة شوية نااقصة هاد العام

محمد: علاش

وليد: معرفت اخااي حتى التصريح مزال مغيخرج

محمد: هنا شي وحدين راهم واقفين على السلعة وشحال وانا كرد فيهم ومبغيتش نبان معندي كلمة gداامهم

وليد: اممم انا هضرت مع شي وحدين سلاح صغير مزال مغيوجدووه ولكن لكبير غدا يوصلني وشي 2 سيمانات نهبطهم معايا

محمد: وااايلي!!

وليد: والله ابن عمي الا درت كتر من جهدي وحتى صااحبي عطاني النص من داكشي للي عندو باش يصوفيني حتى يجيب هو

محمد: واش الوجدي؟؟

وليد: واه

محمد: الله يكتر خيرو غير هو عاود قلب راه الناس وقفو عليينا وهاد **** دعمامك حطونا فالراس ومعرفتش منين كيجيبو السلعة

وليد: السلعة زعما سلاح؟؟!

محمد: لا غير المواد الغذائية.. مشاااطش الا بداو يتجراو معانا حتى فسلاح

وليد: ميطفروهش وكاان مهم انا السلعة غنصيفطها ليك من دابا 4 أياام وشي لاخر راك عارف خاص نجيبو برجلي

محمد: الله يحفظك...

~~~~~~~~~~~~

هند: (من بعد معودات ليها شيماء المعاناة للي كيعانيوها مع خووتهم ذكوورة وحتى بواتهم بقااو فيها) بزااااف هادشي او مزال عايشيين معانا بحال هاد العقلية دلخرا

أمال: (عاد نطقات) مزال وبزااف

هند: ونتي أمال علاش متهضريش مع ماماك وتقوليلها شنو كيضرك وراه كتحكرك هكاك

أمال: (تبسمت بألم) ماما راه مكتفهمنيش خاص نكون بحال شي صمة معندي حتى رااي ومندير حتى شي ردة فعل ندسها فقلبي ونحني الراس

هند: (هزت حاجبها بمعنى بزااف) نتي بعدا اشيماء حتى لقيتي ماماك وخووك فجنبك

شيماء: ولكن منين بابا كينووض راه ماما براسها تولي تخااف منو هي غير عندها حلاوة لساان وقاارية وكتاكلو دمااغو شي مراات

أمال: وبعدا كتخرجك فليلة العيد تشريلك لحوايج انا الزنقة راه مكنشوفهااش وحتى فلقرايا راه غير ماماك للي بسبابها قريت اما والله منقرا (تطلقات فلكلام) وراه بعدا مكنمشي نقرا حتى كتنتفني ماما ولا طرشني حيت زعما كندير داكشي للي مباغبينش ااه وشعري ممنوع نعريه فالدار

هند: وراه غير خووتك ولاباك ولاغير يمكن على ولاد عمك

أمال: لا ولادي عمي ميدخلو للدار حتى يعلمونا وانا منخرجش من لكوزينة حتى يمشييو يعني مكنشوفهم مكيشوفوني

شيماء: وحتى درووج ولاا سطح نطلعو فلوقيتة للي كيكونو خدامين

هند: (كتبغي تخفف عليهم) غي حيتااش محافظيين وهاكا تربااو حتى هوما وربااوكم نتوما هكااك

أمال: ولكن راه القهرة (صوتها بقا كيرجف) بزاااف راه كرهتهم مبقييتش كنحس براسي بنتهم ولا ختهم كنصلي غير باش ندعي فييهم واش هاكا هوما بغااوني نكوون الشوفة فوجههم مكنقدرش نكملها حيت كلقااهم كيشوفو فية ديال الكره وانا منقدرش نتجرأ ونشوف فيهم هكااك ماما للي خاصها تكوون قريببة لية كتنفرني حيت أنا مزويناش بحال بنات ختها وعاد كل مرة تgولي علاش متزاديتيش دري وكان بااك راافع رااسو وعندو غير رجاال

شيماء: (بقات فيها بنت عمها ومشات عنقااتها)

أمال: (كملات هضرتها) وكان ماشي خالتي فتيحة للي عمرات لعمي رااسو باش شيماء متزوجش بخويا محمد وكان راه محكوم علية مزوجة بواحد مكنعرفوش واخا هو ولد عمي ولكن راه نفس العقلية كان غير الحبس غيتبدل وصاافي

هند: واخا هكاك متكرهيش واليدييك

أمال: مكرهتهمش (مسحت دمعتها) ولكن مكنبغييهمش مكنحس بوااالو واااااااالو بلعكس كنكون مخنووقة وأنا حدااهم

شيماء: وصاافي ازماايرة يااك انا ويااك خواتااات ومغتفرقنا وااالو وظحكي

أمال: (كتمسح دموعها بكفها وشافت فيها متبسمة) نgولك

شيماء: شنو

أمال: انا للي سرقت ليكم السردين داك نهار (بقات كتسنى ردة فعلها حتى طرطقات كظحك عاد عودات كداارت وخلاتهم كيظحكو علييها....)

هند: (بقاو فيها وكملو سهرتهم حتى 1 دالليل شافتهم كيتفوهو) مموالفيينش بسهيير

شيماء: (كتفوه حتى دمعو عينيها) كنعسو مع 10 هههه

هند: هههه وييينو النعااسات ولكن غير ودعووه معايا غنبقى نشدكم معايا حتى للفجر

أمال: هههه نصليوه عاد نعسو

هند: اهاااه هاديك الا خليتوني نديرها غنبقى ندعي معاكم حتى نمووت.. (ناضت هند مخلياهم ينعسو ومشات لبيتها تكمل سهرتها مع شي فلم وكتفكر فحكاية لبنات للي منين شافتهم داخلين سوق رااسهم رتاحت لييهم وقالت هادو للي غينفعووني من بعد مدوزاات بنات مكاين غير للي كتكمل علييها وتزيد تعواااج.. محست حتى نعساات... فاقت صبااح وراسها ضاارها بكترة نعاس هزت تيليفونها كانت 1) بفففف خمرت (ناضت بشوية عليها دايخة لبست صندالتها وحلات السرجم ولبالكو باش يتهوا لبيت هزت لاتروس ديالها خارجة من شومبر ديالها نيشان لطواليط لقات فيه أمال وشيماء كيقادو الزيف ديالهم) صبااااااحو

شيماء: (تبسمو معاها) صباح الخير عاد فقتي؟؟

هند: تعطلت فنعااس لبارح (دخلات لطواليط قضات روتينها وخرجات كتشوف فلبااس أمال للي كان فضفاض بزااف ومجرجر فالأرض عكس شيماء للي كان مستيلي شوية شوميز واصلة للركبة وسروال وصبيببط)

شيماء: مغتقرايش؟؟

هند: لا غندخل مع 2

شيماء: هييييييييء ورااه مشا الحاال مزال خاصك تفطري

هند: مفيااش أغلبية مكناكل صباح وااالو (حطت لاتروس وبدات كتجبد مكياج باش تقاد وجهها من بعد مغسلاتو بشي مستحضرات وخلاو وجهها كيبري اما لبنات نساو راسهم وبقاو كيتفرجو فيها ها كفاش كتعكر وكفاش كحلت وحتى من شعرها دارت شدة زوييينة وجات فيها كيوووت عجبتهم بزاااف) اسبحااااان الله اشريفات هههه

أمال: (حشمت مبعدة وجهها وعينيها فسقف زعما انا مشفتش كااع)

شيماء: هههه علمييني كندير نقاد وجهي

هند: نتي هاكا زويينة اش بغيتي بشي صباغة

شيماء: لا بلعكس لمكيااج كيزيديزين لبنت

هند: لأ مكيزين واالو أنا غير ولفتو وللي زويين كاع ميحتاج شي مكيااج

شيماء: (بإصرار) لااا هو للي كيزين غير ورييهلي..

هند: اممم اوكي وعندك بعدا

شيماء: نشريييه

هند: هه وااخا لالة واخا معندك مدييري بزبل مهم ياله بحرا نوصلكم للفااك راه طريقي هادييك

أمال: (معجبة) عندك طموبيلة؟؟؟

هند: اه.. لبس ونلحق عليكم دغيا (مشات من حداهم مخلية لبنات كيتشاوفو بيناتهم كفاش عندها طموبيل وكتسووك عااادي هادشي جاهم غريييب ولكن بنات لمدينة ماشي هوما بنات للي كولشي ممنوع عندهم مشاو لبيتهم هزو الصيكان ديالهم وشيماء مكرهتش على الاقل دير غير عكر بقاو كيتسناوها حتى جات خارجة وزادو حلو فمهم لابسة سروال مقطع من جهة ديال لفخاض والركبة وديباردور فالابيض مزير من جهة صدر وهابط مفخفخ الا هزت يدها تبان كريشتها)

هند: (شافتهم حالين فمهم فيها فهمت لبلان) انا هي السلكووطة فييكم غير زيدو هههه

شيماء: هههه لا بلعكس جيتي زوينة بزااف

أمال: (فنفسها متويل على قلة لحيا ديال هاد لبنت... تبعوها وغير وصلو لتحت بانولهم بنات قلال كولها وستيل ديالها مشاو تابعينها لباركينغ وقفو شافوها ركبات فطموبيل حمرا (ميني كوبر) حمقااتهم جات حتى لحداهم ونزلت الزااج دارتلهم اشارة باش يطلعو ركبات شيماء حداها وأمال الللور متعجبة وفنفس الوقت معجبة بهاد هند للي عايشة حياتها طول وعرض ممتيقاش بنت كتسوك بيهم حتى وصلتهم لفااك هبطو كيشكرو فييها)

هند: بنات ردو لباال هنا راه ماشي دوااركم دابا راكم غتخلطو مع لبشاار متييقو فحد

شيماء: (هزت راسها) شكرا اختي هند

هند: معاش خارجين؟؟

شيماء: لا لا بلا منعذبووك

هند: وتي قولي معااش خارجيين

شيماء: مع 6

هند: اري نمرتك نصوني عليكم (امال غير كتشوف بعويناتها شيماء جبدت نمرتها للي مسجلها فورييقة وفتاتها على هند للي قيداتها دارتلهم باي باي ونيشان للكلية ديالها اما دوج جوجات بقاو متبعينها حتى غبرت تشاوفو بيناتهم وطرطرقو كيظحكو)

أمال: ههه أحااااااي علييها مكتحشمش ويل الشيطاان شنو كانت لابسة

شيماء: انا بعدا عجبااتني (تمو داخليين من لباب لكبير...)

يتبع...