محتوى القصة
أشرف: (شافها حتى فسحور مجاتش تحط الماكلة دخل البيت لقاها ناعسة أو دايرة راسها ناعسة..
معنقة بنتها للي حتى هي مخشية فيها وممخلينش ليه بلاصتو..) شيماااا شيمااااا (والو مكتجاوبش مشا حط يدو على فخضها) شيمااااا فيقي تاكلي
شيماء: اممم
أشرف: نجيبلك شي حاجة تاكليها؟! (والو مناضتش.. خرج بشوية حلت عينها كتنݣر معاجبهاش الحال..دازت 10 دقايق حتى سمعاتو كيفيقها عاود هاز بلاطو فيه نص خبزة فيه فرماج وفلو وكاس ديال لما عيا يفيق واالو)
واخا تكوني ميتة
(حط داكشي بغا يخرج رجع يفيقها حاسها مقلقة ولكن مفهمش... رجع كيفيقها بشوية وكيحاول ميفيقش بنتو باش ميضيعلهاش نعاس حتى سمع آذان لفجر بقا غير كيشوف صدق لا هو لا هي.. خرج مشا توضى صلا بغا يرجع ينعس شيماء وبنتو مرحين تماااك ملقى غير مشا لبيت لاخر... ولفها بزااف ولف اهتمامها بيه علاش غوتات عليه وكعات مفهمش..)
~~~~~~~~~~~~~
محمد: (مشا هضر مع لبوليسي للي واقف حدا شومبر ديال مو فهم غير تفيق وتصحصح غتمشي للكوميساريا حيت مرت علي اكبر شااااهدة... والقضية مدروسة جا اب مروى حداااه بغا يمشي وهو يوقفو)
نحي يدك
اب مروى: (جمع يدو) علاش تعديت على بنتي
محمد: وعلاش هي تعدات على خويا
اب مروى: ونتا عارف واش صاري بيناتهم؟!
محمد: (بقا كيشوف فيه) نݣولو نتا بزناس مخلطها ومرونها.. وبنتك!! تبغيها تكون كيييفك بغات تقتل وجاااتك عادي
اب مروى: معاديش ولكن مكانش دخان بلا نار
محمد: واخا هوما بيناتهم ما واش دارتلها باش تلوحها فهاد العمر لحباسات
اب مروى: بغات تلوح بنتي فلحبس
محمد: ههه عليها بنتك طاااغية وباغية دووزلي مكنعرف من الصح من الغلاط
اب مروى: (بقا ساكت عجبو تفكيرو والطريقة باش كيداافع وكان بنتو تزوجات بيه كان يعنا بيها)
مك وخوك ميهضروش ومريضنا معندو باس
محمد: وحق خويا
اب مروى: اشمن خوك ونتا ياله قااتل ولدو
محمد: (كلمة تحفرت فقلبو بقا غير كيشوف)
اب مروى: انا ويااااك رجعنا فكفة وحدة
محمد: الا رجعت بحاالك غير نمشي لوح راسي من شي جرف
اب مروى: انا مسااافر بنتي غتبقى فامانتكم ولا نتا ومك غتهيطو اليوم تݣلاصاااو
(شاف محمد تبسم باستهزاء)
واخا يبقى فية عرق واحد ندخلكم ندخلكم...
شيماء: من داك نهار مهضرت مع اشرف مقاد بقا فيها الحال بزااااف وحست بحݣرة منو هو عيا يدير محاولات غير مبااااشرة وملقى منها حتى شي تجاوب كان اخر نهار فرمضان جاه اتصال من عند زهير باش يعرضو يعيد معاهم.. رجع للدار بقى شيماء كتقاد لفطور وقدات كيكة وشكل ديال الحلوى للي عرفت تقادو
ريشبوند (محبوبة لمغاربة)
أشرف: شيماااا نخرجو نجيبو حوايج لمريم
شيماء: راها ݣدامك سير
أشرف: متمشيش نتي؟!
شيماء: تخاف نحشمك
أشرف: علاه تحشميني واش هاد الهضرة د*** للي كتݣولي هاد ليااام
شيماء: مالي كذبت
أشرف: (جارها من ذراااعها مقابلها معاه) ياااو ومتݣوليش واش عندك نحي مك درك
شيماء؛ (طرطقت كتبكي) داك نهار للي ديت مريم دارت التخليلة منين بدا رمضان وانا نتسنى نخرج ونفرح حتى يانا بنتي ونتا جاي هازها وحدكم بحال معندها لا أم ولا ميتة ليها منين محاملنيش هاك لا مزال مخليني عندك
أشرف: انا مديت مجبت
شيماء: دين وجبت انا كنعرفك مزيااان نتا مسمووم ومكتحملش تشوفني ظاحكة ولا فرحااانة
أشرف: (بقا غير كيشوف فيها كلمة يفهمها وجوج لا بلبكى ولغوت)
يهديك الله البنت
شيماء: طَلَّݣْنِي
اشرف: (شدلها فكها بيدو مخرج عينو) لمرة جاية غنذبح مك
شيماء: طلق مني الحݣااااار (طلقها وهو كاعي حيت مشافش الأمر يستاهل هاد العصبية كااملة.. خرج يبدل ساعة بأخرى حيت غيبقاو كلمة بكلمة ويصدقو فشي صداااع هو فغنى عليه....)
شيماء: (بكات حتى شبعات جات بنتها عندها عطاتها تاااكل ورجعت كتكمل شغلها طااايرة ليها... غتبقى فيها بنتها تبقى بلا حوايج العيد بسبابها قرب المغرب جا أشرف جايب معاه 2 بلاطويات حلوة مشكلة و5 كيلو لحم وبرقوق ومشماش وشي ديسير... بقات منفحة حطات لفطور غير اذن جمعت رجليها وخلاتو يفطر بووحدو غير شافها هكاك حط التمرة من يدوو شاف عينيها للي تنفخو بكى)
أشرف: دوزي تاكلي
شيماء: مفياش
أشرف: تاكلي بالخاطر ولا نجي نوكلو ليك صحة
شيماء: (شافت فيه مخنزرة)
أشرف: عينيك نجبدهم ليك دووزي تااكلي (هزت تمرة بنترة كتاكل) كملي ودوزي نخرجو نشريو لبنت حوايج
شيماء: وانا؟!!!!
أشرف: خودي واش بغيتي واش انا كنݣلعلك شي حاجة
شيماء: (كانت كتسنى منو يقول لا باش تغاوت معاه) مبغيت منك والو
أشرف: والله يا مك حتى نݣااادك واش خاص *** هاد نهار
شيماء: نتا حݣار
أشرف: واه غير كولي درك
شيماء: (غير نقبت شافتو ناض جمع دخلت مريم لبستها حوايج ولبست عباية وعندها توسويس ديالاش ديك تقدية وخايفة غير عمرو وتريكتو يجيو بعيدة ولا هوما يمشيو يعيدو معاهم.. خرجت لقاتو مشا يصلي غسلت دوك لمعان حيت كانو قلال صلات حتى هي لعشا دخل وخرجو كاملين خدا لبنتو لبسية بسروال وتريكو ووحدة اخرى كسيوة بصويك وصنيديلا وتواشا ديال شعر عاد شيماء خدات بيجامة ولبيسة عصرية وشي تخربيق وهو خدا تيشورت سروال وسبرديلة من اختيار شيماء للي منفخة عليه... عاد علمها بعراضة زهير عاد رتاااحت وفرحت مزيااااان ولكن مبيناتهاش.....)
أصبحنا وأصبح الملك لله....
كيف يُمكن أن تعود بهجة العيد إلى نفسي بعد أن فقدت أغلى من حولي، رحلَ الأحبة ورحلت معهم مباهج العيد جميعها، ولا أرى في هذا العيد إلا الحزن والألم الذي يعتصر قلبي على فقدهم وغيابهم...
الألم كان جامع هند الاكثر ضرر وانوار وخوتو بكات حتى شبعات فصباح هضر معاها باها ومها للي تقربوا منها بزاااااف كانو فاس باش يديرو الاربعين للي ناض فيها صدااااع على قبل الورث والمقصودة هند للي رجعت مااالكة الفيلا رسمياااا..
وساها وليد حتى حبست لبكى لبست حوايج العيد وخدات بيجامة ولبست بنتها مشاو لدار الحاجة للي كولشي غيتجمع عندها خداو حتى هوما دجاج للي شراه وليد وحلوى ولبيسة شراوها ليوسف وبيجامة للحاجة الكل مجموع غير دخلت هند عنقووها ومكيخليوهاش تحس براسها بوحدها بكات ولكن دغيا ظحكوووها كل واحد شنو جاب لفطووور خلاو لعيالات يقادووه ورجال مشاو لمصلى يصليو صلاة عيد الفطر..
شيماء: (مكتحملش تحاااك مع جيهان ونزهة ولكن ما بيدها واالو غير طمر باش متجبدش صدااع فنهار العيد... ) أمال نردو لغدا يطيب
ليلى: لغدا راه رديتو من الفجر ابنتي غير رتاحي
شيماء: وااايلي بزااااف عليك
ليلى: مبزاااف واالو احبيبتي للي موهيم هو هاد اللمة وجمااعة ولكن شلايض عليكم
أمال: (مدوخة بنعاس حيت من مور لفجر وزهير يخبط فيها حتى دوشو وجاو لدار مهم...) خليوني نعس ساعة ونديرلكم للي بغيتو
هند: ههه واالو انا تشهيت تكتووكة ديالك
شيماء: حتى يانا اختي بغيتها
امال: سيرو تخرااااو (دخل زهير لابس عباية بيضا ودايرة الصلاية على كتفو ليمن.. فرنست) سلااام
زهير: زيونات كاين شي فطوور
أمال: درك نحطوووه (مفرنسة مشا من حداهم يشوف مو وهوما كيتغامزو عليها حيت باقية هي هي غير كتشوفو لقلوبة كيخرجو من عينيها هزت كتحط لفطوور تعاونو مشاو شافو دراري صغار مكاين غير للي معلق 200 درهم تضااور كان الظحك والنشاط.. )
أنوار: أمال زيديني اتاي
أمال: (شافت فزهير مكانش كيشوف فيها... كباتلو اتاي هازة الكاس وماشي اتجاهو وديك الابتسامة للي كتستافزها ضارت حتى حد مكيشوف فيها مشغولين ووكولها يلغي بلغااه بغات تكبو عليه ولكن غير غدير الانتباه حطاتو فوق الطابلة ورجعت بلاصتها...)
ناضو لبنات كيقادو شلايض ويقادو اتاي حيت العائلة كاملة كتجي لدار الحاجة ومنهم أمال للي جاية بحال شي فراااشة جايبين غدا معاهم بتنسيق مع ليلى دخلت عند لبنات للكوزينة
أمال2: (كتعنق وتبوس فامال باش دير بلاصتها.. أمال كتعامل معاها مزيان حيت لقاتها بحال كيف كانت حشومية وباغيا دير بلاصتها مع الناس للحظة بقات فيها على هاد العلاقة السامة للي غتبلى بيها مع أنوار مكرهتش تنصحها ولكن غتجبد عليها صهد جهنم...
حطو لغدا رجال وحدهم العيالات وحدهم جمعو الدنيا حطو اتاي أمال تسلتت دخلت تنعس هاربة من ضياف ومن تمارة...
قلال لبشار دخل زهير عند امال باش يخرجو يبدلو الجو بالفرحة ناضت بالزربة)
زهير: يا خويا تحمااقي على الزنقة
أمال: هههه قنطت غتمشي حتى مّا؟!
زهير: واه كولشي ماشي (لبست حوايجها بدلت لولدها ليكوش دخلت هند شيماء قادو وجههم داكشي خفيف خرجو حتى كيشوفو حتى أنوار ومرتو ماشيين أمال وشيماء تشاوفو بيناتهم كولها ركب مع راجلو مشاااو)
مّا غدا نروحو لتاوريرت
أمال: علاه؟!
زهير: اما ݣلت مّا ماشي نتي
أمال: (عوجت فمها وشافت فطريق كتشوفهم خرجو على وجدة)
الحاجة: نمشيو اوليدي
زهير: (شاف فلمرايا أمال غمزها ميقت فيه وقلبت وجهها) ابرديييي ولوات عليااا شواااربها
الحاجة: ههه باش تعلم تهضر مليح معاها
زهير: (رجع شاف فيها وكمل صوكانو) واش بانلك فواش دار أنوار
الحاجة: من الخير ومن حقو مابغاش يدير الهراج وممنعش أمال ديرو
زهير: انا بعدا فرّحت مرتي ودرتلها الليلة للي بغات
أمال: (تفكرت الشوهة ديال الدخلة للي ضرب بالقرطاس زادت ميقت فيه)
الحاجة: راه مݣدش على مو اوليدي
زهير: اممم.. (أمال بحال تضربت بطرشة منين شافت الاتجاه فين غير هاد المرة كانو الملاهي والدنيا عامرة ماشي بحال اخر مرة جات فيها لهاد لبلاصة مع أنوار وكانت كااابوس ليها) امووول هاد لبلاصة عمرك وصلتي ليها
أمال: (بصوت خافت) لااا
زهير: معايا الزين نشوفك للي عمرك شفتيييه
(وقفو بطموبيلاتهم هي غير كتشوف هبطت هازة ولدها للي غير وقف حداها زهير شدو عليها شدت فذراع الحاجة وكولشي كيقرب)
هادي سميتها زوج بغااال
أنوار: علاه عمرك جبتيها هنا؟!
زهير: لا مرتي كنديها غير لبلايص الزينين
أمال: ههه يمكن بلا العيد كيجيو هنا غير للي معندهم شغل
زهير: (شير لأنوار) بحال هاد خونا
أمال: هههه بالصح
أنوار: (تبسم) غير منين كنكون نجلس بوحدي كنت نجيلها
أمال: حم زوهير ياله لعبو مروان لهييه
زهير: ياله.. (بقا انوار متبعها حتى جات أمال2 وقفت حداه)
شيماء: (كانت معنقة بنتها وكتشوف فالحدود ديال الجزائر كانو شي ناس تماك كيشيرو لعائلاتهم للي فالمغرب وحتى مغاربة كيشيرو لعائلاتهم فالجزائر توحشت باها للي هدا العيد التاني وهي مزال مسخوووطة فعينو ومغضوب عليها حط يدو على كتفها ضارت شافت كان أنوار ومرتو قرابين ليه مكملتش حتى تانية فالشوفة فيه وهو يجمع يدو غووبش)
بلا مدير فيها فيلم للي فية كافيني
أشرف: واش بيك؟!
شيماء: (دمعو عينها) توحشت بابا أشرف
أشرف: (هنا كيحس بتأنيب الضمير كتر منها) غدا نروحو عندهم؟!
شيماء: (شافت فيه) للدار؟! لتاوريرت؟!!!
أشرف: واه
شيماء: (قلبها ضرب ووجعها) ميخليونيش ندخل
أشرف: يكون خير للي علينا حنا خاص نديروووه ووجه مريووومة يدخلنا بجوج
شيماء: (تبسمت وهي كتشوف فيه) زعما يقبلو بيا عاااود
أشرف: متعاوديش تفكري هااك باش متمرضيش روووحك نشااالله يفرحو بلبنت وينسااااو واش طراااا
أنوار: (كيشوف هاد الثنائي للي حداه كفاش شيماء للي وكان كان قالها تلوح راسها فلبير تلوح كفاش كتشوف فاشرف للي كان عارفو كيكرهها.. هز حواجبو بجوووج مفرحانش لهاد العلاقة حيت ممسوقش ولكن جاتو فشكل.. شاف قدااامو حتى سمع صوت أمال كظحك ضار كانو من موراااه هي والحاجة وزهير هند ووليد ووليداتهم وبنتو وليلى وباه...
شاف فمراااتو) تبغي تمشي حدااهم
أمال2: مكتبغيش نبقى معاك؟!
أنوار: لا.. لا علاش راك تݣووولي هااك (ميبغيهاش تحس هاكا... حك حدا عينو) انا مكنقربش ليك غي حيت محتارم ديك القضية للي خليتوها حتى لعرس
أمال2: (حشمت) اوييلي
أنوار: (تبسم) تبقاي تݣولي احااااي
أمال2: (فرنست) منݣولش انا أحاي..
أنوار: لا سمعتك واحد نهار ݣلتيها وعجبني الحال تبقى نسمعها منك (حنات راسها كتفرنس واخا عارفة معمرها ݣالتها ولكن الحب عمااها وشككت راسها تكون قالتها براكة غير قال سمعتك شي نهار يعني راد لباب معاها مزيان....)
فين سهيتي امووولة
أمال2: ههه وااالو
أنوار: مزال مبغيتو نبداو هاد العرس تجي لدارك خلاص
أمال2: حم نمشي ندي ليلا تلعب
أنوار: (تبسم) رووووحي (كيعجبو فاش كتحشم رجع بعينو شاف لوخرين ومنهم هي.. تفكر نهار مشا وخلاها هنا وتخلعت تفكر نهار وهمها انه تكرفس عليها غوووبش كااره راسو مشا كيقلب على أمال2 ميعاودش نفس الغلط ومنها يدوز وقت أطول معاها يلوفها.....)
محمد: (نهار العيد داز بلا طعم مو حالتها خوه فكومة وحتى حاجة معجباااه دوزو العيد مع دار عمو شاف انه وكان بقى باه فالحياة ميكونش هاد الخلل والتشتت للي كاين فعائلتو.... الام مصدومة الاخ كومة البنت طاجة وهو براسو طج من مدينة كان كيقول مستحيل يخرج منها..
مشا هو ومريم لصبيطار حيت عيطو لمحمد كان خوه خرج سلامات وداوه لشومبر عادية.. فرح مشا يطل عليه لقا اب مروى عندو.. دخل مخلي مريم كتشوف غير من الزاج برا)
واش راك دير هنا
علي: (بحرا كيقدر يهضر) محمد خلييييه
محمد: سمو راك دير نتا هنا؟!
اب مروى: غير جيت نݣولو على ولدو للي قتلتي
محمد: طلݣها عليك اعلي وݣول لبوليس سمو طرا
اب مروى: (تبسم باستهزاء) هدا مااا فجهدك
علي: خليييك بعييد على هادشي امحمد
محمد: (عض على شنافتوو بقا فيه مجهود بااااه للي شحال وهو يدير سميتو فهاد لمدينة ولكن القرار للي غياخد داابا هو المفيد) حنا ولا عائلة مرتك
علي: (عارف اب مروى واااصل والخدمة للي دخل راسو فيها علي معندو كيدير يخرج منها) مروى
محمد: الله يربحك بيها وبيهم غير هو عاقيبنك عمرها تخرج على خير اخويا رد بااالك معامن راك حاط يدك
(خرج وقلبو ضااارو حاس براسو بحال توادع مع خوه فالموت ماشي فلحيااا مشافش حتى فمريم للي تبعاااتو مشا حدا مو للي منين قالتلها الفرملية على علي وهي كتسول غير عليه...)
مّا...
فتيحة: (بحرقة) ديني عند ولدي نشوووفو علاه مبغاو يديوني
محمد: جلسي اما راك مريضة هو منين يݣد يجي يشووفك
فتيحة: لا درك... محمد!!! واش خوك فالموت ونتا تݣولي جلسي
محمد: (كيشوف حالتها وجهها نصو عوااج وبحرا كتهضر وباغية تمشي عند واحد ختار فلوس نساااابو.. سمع دقاان دخلو بوليس دارو تحقيق مع مو حتى كيسمعهم كيقولو ان علي اخر حاجة عقل عليها كان مو كيتغاوت... محمد مشعرش بقا كيغوت ومو مصدووومة مشا جيهة علي وقف حداه باين مروى باش يوقفو دخل فيه براااس تما فين شدووه لبوليس مريم كتغزت وتبكي خايفة على راجلها للي مكانش فحالتو الطبيعية
الام مصدومة وعلي كيبكي على شنو دار.. خرجت مروى كطل وتبسم من هيجااان محمد....)
زهير: (كان متكيها على صدرو العاري وهي كتلعب بصباعها فوقو) صافي هكاك معندك مديري تم
أمال: غتمشي نتا ووليد وهند وحتى شيما ورجالها غيمشيو
زهير: انا خليتلك مّا ويوسف ههه
أمال: مروان
زهير: يوووسف
أمال: راه الولد غيكبر مخربق معرف راسو واش سميتو يوسف ولا مروان
زهير: يكبر ويختار واش نعيطولو (بغا ينوض راسها فشنافتها) ندوش باش بحرا نشد طريݣ (ناض من حداها بقات هي متكية عريانة ولكن مضرقة صدرها لبس حوايجو وهوما كيهضرو) نعسي شوي
أمال: داكشي نيت للي ندير
زهير: (سلم عليها) لبسي حوايجك اشنيولة متبقايش مزبطة هاكا (خرج طافي الضو وهي عينيها تغمضو بنعاس.. خلا طموبيلتو ومشا ركب مع وليد وهند للي كيتسناوه...)
أنوار: (كانت الدار عامرة مطيبين وموجدين لبشرى للي غتجي من أمريكا جلس حدا جداه)
مّا زهير مطول؟!
الحاجة: موحال واش يبات
أنوار: اممم وفيينو ولدو واش داه معاه
الحاجة: لا راه ناعس لداخل وأمال درك شوي وتجي من دارها
انوار: اااااه حسابلي مشات معاه أمال2 من ݣبيل وهي تݣلب عليها ولفتها بزااااف نصيفطها تمشي عندها باك متݣول والو
الحاجة: معندها متݣول تنݣز من سطح راه كتخلي باب سطح محلول
أنوار: امممم... واااه
~~~~~~~~~~~
محمد: (عروقو غيطرطقووو منين ركبووه فصطافيط خوفو هو يديوه من هنا ومو يديوها من مووراه مريم عيطت لعمو للي جايين...
هبطوووه لبنيقة لتحت) عطيوني غير تيليفوني نهضر مع عمي.. (لا رد) والله يا خوووويا ونشدك بيدي ندفنك (بقا كيتحلف ويسب ويغلي فبلاصتوووو....)
~~~~~~~~~
شيماء: (وليد زاد شجعها باش تمشي خبرات غير معا بقدوم ديالها للي فرحت وخلاتها فيد الله مع راجلها.. لبست حوايج لعيد جداد تقداو شنو يدخلو... قلبها كيضرب وخايفة) ناااري خايفة بزااااف أشرف
أشرف: (كتر منها ولكن مصطااانع البرود) كولشي فيكون بيخير
شيماء: (بتنهيدة) مصااااااب
أشرف: ندوزو فوجه مرياااامتي هههه
شيماء: ههه نسبقوها هي اللولة.. نتا راه خاصك تعاود تخطبني وديرلي عرس
أشرف: (شاف فيها تبسم مكان عندو ميقول)
شيماء: محشمتيش على 20 درهم ديال صداااق
أشرف: متفكرينيش
شيماء: راه انا للي نتفقس ماشي نتا
أشرف: وشحال تبغي ازين
شيماء: على الاقل مليون
أشرف: اممم جااتك
شيماء: وخااتم ذهب
أشرف: جاتك
شيماء: وسنسلة ودبالج ودهاز
أشرف: طلقي طلقي سورة الكهف نشدو طريق راه مشا الحال
شيماء: باااز كتجي لعني وكتولي فقيه (هز حاجبو فيها شقلبت عينها معوجة فمها وطلقت القران...)
شيماء: (هضر معاها وليد لي كانو وصلو نيشان مع مشكل محمد..) ومغتكونش اخويا نتا؟!
أشرف: (باشراة باغي يعرف شنو واقع)
شيماء: صبر... وعلاه دخلوه لحبس؟!
أشرف: (وقف فالجنب)
شيماء: واش نتسناوك اخويا حتى تجي للدار.. بقات شي ربع ساعة وصافي.... زعما!!! واخا هاكوو (عطات التيليفون لاشرف) هاك خويا
أشرف: الو السلام عليكم.. واه.. واه.. صافي حنا نتسناوك شيما تݣولي فين على متجي... (قطع شاف فشيما) درك يجي عندنا بلا متخافي (كسيرا وزاد) شكون للي يدخخل الحبس
شيماء: محمد ولد عمي
أشرف: اممم.. شتك بحالا تخلعتي عليه
شيماء: لا تخلعت خويا ميساليش دغيا باش يتعرضنا.. على زهر جينا مع المشاكيل ديال فتيحة
أشرف: اممم فتيحة هي ماين أمال
شيماء: واه واحد اللفعة (شاف فيها) كتر مني كنت
اشرف: ههه عارفة رووحك
شيماء: وكناااا وكنتوو.. قاسحة بزاااف مع بنتها وحنييييينة فولادها
أشرف: الله يهدي مااااخلق.. (بقات كتعاودلو على فتيحة حتى وصلو تسناو وليد فين قالها عاد تم جاي هو ادم للي قتااانع بصعوووبة كبيييرة وظغط من عند وليد.. أشرف كيصطانع القوة وبراسو حشمان متوتر من ردة فعلهم باغي من اعمااقو يتصالحو مع شيماء وترجع المياه لمجاريها... خرج سلم على وليد للي باينة ماشي فمزاجو) ياك لباس
وليد: (دار يدو فخصرو) مشاااكيل راك وليت واحد منا داابا ولد عمي ضرباتو مرتو بجنوي منين فاق شهد على مو محمد مسدس راسو ضرب باين مرت داك لكلب داوه مخلاوناش حتى نشوفووه وعاد دابا داو مو حتى هي
أشرف: (مصدوم من هاد العائلة) كنعرف محامية الا تبغي نعيطلها تجي حتى لهن راه فيدها
وليد: احلام؟!
أشرف: لا وحدة أخرى
وليد: عيط لاحلام (قرب حداه كيهضر بشوية) متݣولش يانا للي عيطت
أشرف: (حرك راسو) وااه
وليد: ياله زيدو طلعو للدار ااادم
ادم: هاني سابݣكم (شيماء تسنات خوها يشوف فيها واالو حدو سلم على أشرف من بعيد ركب معاهم وليد كيزيد يعاود بقى فيها محمد للي مشا فالرجلين ولكن همها هاد الساعة هو الصلح واش يتقبلوها ولا لا بقات كتشوف فالمدينة حتى وصلو حدا الدار قلبها غيسكت بحرا كتقدر تنفس وصلو حل أشرف لكوفر للي مخلاو مجابة من لحم دجاج حلوى فاكية شرات بيجامة لمها وسناء وحتى هند ولبيسة لمصطفى وغيثة.. دورت عينها وهي هازة بنتها حتى شافت باها خارج من الحانوت شافت فيه لقاتو كيشوف فيها بنظرات حااااادة بغات تمشي وهو يقلب وجهو وتمشى جيهة الجامع للي كيمشي ليه.. حبست دموعها بالسيف أشرف كيخرج شنو شرا هز معاه وليد وادم للي حتى هو هز وزرب طلع للدار)
وليد: (عنق مريم هزها بيد واليد التانية هاز بيها شنو جايين) ياله اشيمااااا (شيماء هزات الساشي للي فيها بيجامات وطلعت تابعااهم حانية راسها احساس خااايب ولكن كتجري من مور الصلح للي يخليها مرتاحة نسبيا.. دازو من حدا دار مصطفى كان على لباب شريط فيه الابيض والاحمر ديال الشرطة وكاتبين ممنوع الدخول تفكرت كفاش كانت من شحال هادي العائلة مجموعة ودابا فين وصلو طلعت للدار كانت نعيمة كتسناااهم بوجه شااحب ولكن الابتسامه حاااضرة والترحاب الممتاز مكتحسس لا شيماء ولا أشرف انهم غالطين دخلو شيماء محست حتى بقات كتبكي مقدرتش تحبس الأحاسيس للي تجمعو عليها.. )
أنوار: (دخلت ختو بشرى تبسم معاها) رتاحيتي شوية اختي
بشرى: (قرساتو فحنوكو) غير منين شفتك تشوف وتمشي على رجليك راني مرتاحة وفوݣ فݣيݣ
الحاجة: الحمد لله يا سيدي ربي
أنوار: ههه حمقة راجلك فاق؟!!
بشرى: مزال عيا بزاااف مهضرتيش مع سميرة
أنوار: هاديك راه مريضة
بشرى: معليش للي غلب يعف ياك امّا
الحاجة: الله يهديها ابنيتي غير نتوما متخليو للي يفرقكم
أنوار: (وقف) انا جاي
بشرى: فين ماشي اخويا؟!
أنوار: غير هنا.. انا رجع دابا على ميفيق راجلك ونخرجو نديرو قهوة.. (الدار كانت عامرة وهو فدماغو أماااال طلع لسطح وهو كيتلفت واش شافو شي حد فرح كان سطح خااوي شاف فداارهم حيت سطحهم رجع عالي واخر حاجة يبغيها هو لفضيحة والشوهة.. رااقب تحركات مكاين واالو عاد جاب كوربات ديال الخضرة دلخشب خاويين ستف جوج ونقز لسطح دار زهير ولكن كلاها فرجلو المعطوبة... بحال ضربو الضو جرها برجلو على ميدخل عاد حاول يوقف عليها مكانش ضرر قاسح عليها هبط فدرووج بلا حس ودمااغو خدام راس كيشجعوو يقلب عليها وراااس كيأنبووو وصل لباب الدار حل لبوانيي وتحلو.. دخل كان صقييييير بقا وااقف حدا لباب وتنفسو كيزيد يضيااااق بقا شحااال واااقف كيتفكر زهير وشنو دار معاه كيتفكر أمال وشنو دوز عليها ومن جهة النار للي كتغلي فصدرووو عليها غمض عييينو وااقف ضد حرب عندو لداااخل.. حل عينو وغووبش حل لباب خرج وخلاه محلوول طلع دروووج واخا قاااامع رووحو باش يرجع من بعد مكان غينفااارد بيها منيتوش شي حاجة خاايبة ولكن غير يهضر معاها او او...
هز كرسي رجع فحالو مشاف لا فسطح لا فوالو هبط لسطح جداه ومشا لكرسي جلس وبقا ساااهي...)
أمال2: معرفت عييت كنقلب عليه ملقيتش
عيشة: شوفي واش طلع لسطح حيت مشتوش خرج
أمال2: (هزت صينيتها للي فيها اتاي طبسيل حلوة وطرف كيكة وطلعت لسطح كتلقاه تماك ساااهي محسش حتى بالوجوود ديالها.. تبسم وحنحنت باش ترقق صوتها) أنوار
أنوار: (هز عينو فيييها) وي..
امال2: شحال قلبت عليك جبتلك اتاي
أنوار: ميغسي.. (شحال كيعجبها يهضر بالفرونسي تبسمت وهو كيشوف فيها كيتخيل غير وجه أمال نفس تصرفااتها.. قربت حداه بغات تمدلو كاس اتاي شدو حطو فالارض جارها جلسها فوق حجرو قبل متهضر جرها كيبوسها بقوة مخلالهاش فين تنفس بحنكو بارك على نيفها مخليها مخنووقة حتى ضربات على ذرااعو عاد رخى منها ووعى على راااسو وقفت مبعدة باينة مصدومة وهو مكانش حتى كيشدها من يدها بإبهامو مسح حدا شنافتوو متدارك الأمر)
شفتي علاش راني نݣولك نزربووو.....
عيشة: مّا وهادي للي مها للي فصبيطار وخوها فالموت وهي ممشاتش
الحاجة: (بعصبية) ونتي مالك
عيشة: كفاش انا مالي هادشي راه فشكل جالسين علينا لواه حنينة ومريية وهضرووور فهضوور وهي مكتحنش حتى فمها
بشرى: مال مها وخوها؟!
الحاجة: سمعي اعيشة ها السخط الا باقي جبداي مرت خوك على فمك مرة أخرى وها رضى الا ما فرقيها عليك تمشي عند مها عند خوها عندمن بغات نتي مشغلكش فيها
عيشة: غير نجبد سيرتها كتعصبي
الحاجة: لبنت راه ݣد بنتك واش تبغي للي يحݣر عليها كييفك
عيشة: انا حݣرتها امّا
الحاجة: هانتي شاهدة ابشرى الا عاودت جبدتها ݣدامي ولا من مورااايا متلومي غير روووحك
بشرى: صافي اما راه يمشي يطيحلك السكر عاود
الحاجة: يا ربي السلامة منين جات هاد الطفلة وهادي تابعاها مدرتها حتى يانا للي عكووزتها... لعساااك يا بنيتي مهلية فية من ماكلتي وشرابي دوايا حوايجي ديما نقيين موضعي فين نجلس نقي اش بغيت كتر ولدي مهلية فيه ويغلط ويتݣنوى عليها وتحني الراس
بشرى: لا باينة فيها درويشة وبنت الناس
عيشة: (غير كتشوف مقدرتش تجاوب)
الحاجة: ومنين كتجي عمتك وهي هازة شوكتها عليها وياويلها تلقاها جالسة ومتشقاش ها بنتك جااات وتسكن لتحت تبغي نديرلها مكديري فامال
عيشة: علاه حفيظتك هي هادي
الحاجة: أمال مرت زوهير هي عيني وبنتي صغيرة وللي كرهها غير يكرهني وهنا سدينا اعيشة هااااا ودني منك ندوزلك شحال من حاجة الا هادي
عيشة: عبدوها نتوما ݣاع (خرجت معصبة كتكمل شغل)
ليلى: امالكي اعيشة
عيشة: غير مّا الله يهديها ديك أمال غتخلينا مشتتين انا وياها
ليلى: وااا لا حولة لبنت مكيناش حتى فالدار وباغية دابزي عليها انا ݣلت جوجتي بنتك وغديري عقلك وتبعديها ساااعة نتي جنك عليها والسلام (خرجت من لكوزينة مخليلها غير كتشوف)
عيشة: لا هادي بزاااف باااينة فقيها صحييييح....
أمال: (فاقت غير على صونيط التيليفون بحرا حلت عينها قلبت على التليفون بلا متشوف شكون مصوني حاوبت) امممم
زهير: بݣرة وخلاص
امال: زوووهيي
زهيرءة راكي مزال راااݣدة؟!!!!
أمال: امممم
زهير: كنحش لمك ركابي بعدا... مهم كولشي مليح؟!!!
أمال: الحمد لله وتما؟!!!
زهير: (بعد من حداااهم) صاڤا
أمال: خرجات ماما من صبيطار
زهير: واه خرجت
أمال: بعدا محمد يرتاح شوية
زهير: خوك محمد راه عند لبوليس (عاود ليها لافير.. شافها سكتااات) درك يخرج
أمال: عفاك ازهير خليني نجي
زهير: وشكون يجييبك حتى أنوار مزال مكيݣد يضوݣ مليح بديك رجل
أمال: تاكسي نجي فتاكسي
زهير: انا نجي بالليل وغدا نرجعو مليح هاكا؟!!!
أمال: وماما؟!!!
زهير: حتى نجي ونهضرو درك راني مع عمك وولادو نشوفو واش يخليونا ندخلو... (قطع وهي قطعت بقات غير ساااهية من ديما كتكره علي ولكن محمد تحسات علاقتهم بزااااف بقا فيها وبقات فيها حتى مها.... ناضت عريانة دخلت للدوش نيشان دوشت نشفت راسها لبست حوايجها وتمات خارجة لدار الحاجة كان انوار وراجل ختو جالسين فالنافورة تبعها حتى دخلت عاد قلب وجهووو وقلبو واااكلو عليها... منين مشات مخلاتهاش الحاجة تهز كااس جلست حداها ولدها كتلعب معاه تعشاو دخل زهير عاد ناضت أمال حطاتلو عشااا فبيت موه وكان كيعاود حتى وصل اللقطة فين قال حتى فتيحة راها فالحبس بقات غير كتشوف)
أمال: علاه مݣلتلي والووو
زهير: خليت حتى نكووولهالك حداك
أمال: (بقات كتشوف محست غير حطت كاس الما حداه وخرجت واخا كيعيط ليها زربت هبطت لتحت دازت فأنوار للي خارج من الدار التحتانية)
أنوار: أمال مالكي؟!!!!
زهير: (سمح فماكلتو وتااابعها عصبااتو منين مابغاتش توقف زرب شدها من ذرااعها مدورها لقاها كتبكي) علاه موكفتيش منين شفتيني نعيط ليك
أنوار: (وقف حداهم شافهم وشافها تبكي) علاش راهي تبكي؟!!!
زهير: انا مݣلتلك والو حتى نكون حداك
أمال: (غير كتبكي واخا المعاملة القااااسية الا الام منين تسمعها مريضة معذبة ومغذوورة من ولادها وداخلة الحبس تبقى فيك وعاد خوها للي مانعين حتى يشوفوه ويد اب مروى وااااصلة)
زهير: امال غدا نروووحو عندهم
أنوار: واش صاري؟!!!
زهير: من بعد انوار (جر أمال ورجعها للدار يطيب خاطرها ويهديييها....)
أصبحنا وأصبح الملك لله...
زهير: (فاق بكري نوض أمال للي بدلت لولدها لقاو الحاجة وجدات ليهم لفطور فطرووو وهبطو لتحت أمال وقفت حدا الطموبيل هازة ولدها حتى كيبان ليها انوار جاي جيهتهم؟!)
هانتا فااايق
أنوار: نمشي معاكم
زهير: (غتكون حساسية الا دا أنوار معاه لدار وليد وعاد أشرف تماك) بقا نتا مع مّا الا خاصها سي دوا ولا شي حاجة باش نكون انا مرتاح
أنوار: (شاف فامال وشاف فيه) واخا بالصح الا كانت شي حاجة عيطلي نجي عارف التاكسيات ديال تاوريرت
أمال: (شافت فيه عاقلة نهار جا عندها) حلي ازهير نطلع
أنوار: طريق سلامة...
زهير: (طلعو وسدو طرييق) أنوار دار عقلوو من نهار طرالو داكشي ففرنسا
أمال: اممم.. دابا خويا محمد مغيشدووهش
زهير: لا غير تحقيق وصافي حدو 3 ايام الا تعكسو يدوزوه للمحكمة يسني عدم التعرض وصافي...
~~~~~~~~~~~~~~
شيماء: (فاقت بكري شافت فاشرف للي ناعس حداها شافت فبيتها كما خلاتو رجعات لقاتو وعاد مها حيدت نموسية ديال واحد ودارت وحدة كبيرة عجبها الحال واخا باها مقبلش تسلم عليه لا هو لا خوتها ولكن كبداية منين حضن على مريم وعطاها فلوس وفرح بيها عجبها الحال وحتى أشرف كبرو بيه واخا عارفة وليد للي من مور ديك المعاملة... لبست شاالها وبينوارها وخرجت للحمام توضات ومشات للصالون كتصلي... داز باها من تماك لقاها مطولة فالسجوود عمرو شاف شيماء كتصلي حتى لدااابا غير شافها كتسلم خرج من تماااك... مشات للكوزينة لقات مها طيبات ملاوي بالشحمة وبغرير وعمرت اتاي كتسناهم غير يفيقو... بقات مجمعة معاها كيتعاودو حتى بقاو كيفيقو واحد بوااحد)
نعيمة: زيد سلم انبيل على ختك
نبيل: ختي ماتت نهار طلݣها حسن
نعيمة: الا راه ربي حياها ورجعت من الموت...
نبيل: (خنزر فيهم دار بناقص من شي فطور وخرج هي بقات غير كتشوف سمعو الدقان كان غيحل لباب حتى لقى زهير وامال... بقا كيشوف فيهم)
زهير: نبقاو واݣفين فلباب (معندوش معاه)
نبيل: دخلو مرحباااا (زهير زيد أمال دخلت عاد دخل هو ونظراتو على نبيل تجمع كولشي على لفطور)
أمال: نمشيو رغبو هاد الراااجل
وليد: هاز نيفو وكان طاالب عليها
أمال: نبوسولو يديه ورجلو غير يبعد علينا
زهير: (خنزر فيها حتى وحل ليها اتاي فحلقها) واشتااا!!!!!
أمال: نرغبوووه
زهير: خرجي داك السووق نتي... (سكت شحال متسرطاتلوش) ترغبيه؟!!!!
وليد: هي على ود خوها ومها ماشي على ود لاخر
زهير: انا لاخر مانيش ساامع بيه وخا ومها على راسي ولكن باش هي تمشي ترغب نعلݣها من حلاقمها (بقاو كيشوفو فامال للي تزيرت مكمل داك لفطور وخرجو رجال حتى بغات تبكي... عاود رجع ليها)
رواحي نتي
أمال: (ضربت فمها) مݣلت والو
زهير: مزال على جدك نوريك رغيب كيداير....
وليد: ياك واخد عندك لاخر علاش باغي دخل خوه الحبس مكفاش دخلو مو
اب مروى: (ببرود تبسم وضرو نيفو للي تبجغ) الا مزال شي حد فديك الفاميلة ندخلوه
زهير: باقية ختو انا راجلها زعم دخلها
وليد: زوهير
زهير: يبلع فمووو من اللخر واش باغي؟!!
اب مروى: اممم دابا كلام المعقول اش باغي محمد طيح الولد للي فكرش بنتي وهرس نيفي واخا هكاك غنسامحووه ونخرجو مو بالحبس ونعطي عليها للي تطلب.. ولكن عندي شرط الا نفذوو محمد مرحباااا
وليد: (باينة شي طلب مستحيل) والا مابغاش
اب مروى: ها هو ومو متوانسين للي علية هو نوصي عليهم كتر فالحبس عندي صحابي وحبابي كتااار تماك
زهير وليد تشاوفو بلا ميردو وقفو خارجين من دارو كيشوفو الحراسة كأنه شخصية مرموقة... وقفو برا حدا طموبيلتهم
زهير: واش ݣالت المحامية؟!!
وليد: (زفر) داير 5 دالمحاميين ورافع على محمد دعوة ديال الضرب والسب ومحاولة قتل بنتو مع ضرر الاجهاض وكاين شهوود وحتى الكاميرات
زهير: بشاااااخ.. اوا ومو مكاين شهود
وليد: منكذبش عليك هامني محمد كتر مستقبلو وولادو من ديما كان طرونكيل ومبعد على صدااع
زهير: حتى يانا غاضني كولشي من تحت الز*** دخوه... باين داير بزااف دالحوايج باه مجاش وطيرو من لوصاية غير هكاك
وليد: علم الله سمو دار
زهير: زعما معارفش؟!
وليد: نتا عارف
زهير: نتا للي تݣول
وليد: معارف واالو زيد نمشيو نشوفو الا خلاونا نشوفو محمد
زهير: (قوس عينو فوليد ركب نيشان للكوميساريا.. دخلو حيت وقف معاهم واحد خلاوهم يشوفوه كان بحال شي واحد مقطووع باغي يعرف غير مو واش تحبست)
وليد: واش نݣولك ابن عمي لبارح حتى هي داوها
محمد: (جاهل) وراااها مرييضة واش بغاو يقتلووها ولد الق**** نخرج نذبح الكلب
وليد: خلينا منو الكحلوش ݣالك الا بغيتي يطلݣك نتا ومك ديرو شي بلان ولا معرفت مهم غيجي يݣولو ليك
محمد: (بقا غير سااكت) جيب شي محامي أوليد تخرج غير مّا انا راه حدي 10 ايام نخرج
زهير؛ ياو راه مغرقلك ضواسة ابن عمي
محمد: علاه
وليد: ضربتيه وشهود والكاميرات وفاش دفعت بنتو طيحات ودايرلك محاولة القتل (بقا غير مصدوم راه قاري شوية القانون) وواݣفين معاه محاميين صحااح وكتار وانا للي خلعني منين ݣال نوصي حبابي وصحابي للي فالحبس
زهير: حطك فدماغو يا بن عمي (خلاوه غير مخرج عينييه بقا فيهم بزاااف جا البوليسي خرجهم وهو منطق حتى بحرف غير كيشوف كفاش تقلبت الدنيا عليييه....)
أشرف: (كان فسطح حتى تلاقا بنبيل.. تبسم معاه ولكن لاخر مكشر.. قلب وجهو)
نبيل: ظحكتو علينا وجايين بوجهكم حمر ومخلين لعباد يستشفاو فينا
أشرف: علاش واش دارنا؟!!
نبيل: نتا للي ظحكتي عليها من اللول
أشرف: واه
نبيل: (دفعو بالجهد) ولاه جاااااي درك وفين كنت شحال دي
أشرف: (شاد راسو ووجهو بدا يحمار حيت هو زعر) سمع انا وختك مجوجين ووالدين للي داز مااات هي كل نهار تحلم تصالحو معاها
نبيل: تمشي ت*** وكان ماشي وليد للي دخلكم ابربي لادخلتووه هنا
أشرف: (بقا ساااكت متفهم داك الغضب للي عندو حيت هو براسو وكان تحط فهاد الموقف كان غيكون تصرف كبر)
نبيل: احسن حاجة دير هز ديك السلݣوووطة وسيرو فحاالكم بلا متزيد تعقد الامور وتسالا بالدم
أشرف: مغيتعقد والو حنا جينا هنا باش كولشي يتصلح
نبيل: كيفاش يتصلح اولد الق***
أشرف: (خرج عينو) خليني محتاااارمك
نبيل؛ انا مبغيتكش تحتارمني عطي مااا فجهدك
أشرف: (فيه ميسلخو ولكن هو مابغاش الامور تعقد عطاه بظهر وخرج من داك سطح وهو كيغلي دخل للدار بغا يدخل للبيت ديال شيماء وسمع هند كتعاود حيت كان لباب مردود)
هند: حنا فاش كنا دخلنا لقيناها كولها دمايات ولموس باقي مغرووس تحتها
نعيمة: (شهقت) اويلي استغفر الله
شيماء: (كتبكي منين كتفكر داك المنظر...)
هند: دارت شي 18 الغرزة لتحت وكان قاسلها الوالدة مكانتش تبقى مريم حية ولا تولد مرة أخرى عاد لغراز للي دارت فراسها تكرفس عليها صراحة داك لحمار
أشرف: (مكانش عارف كولشي بالتفاصيل عاد فهم علاش من ديما كتقصح وكتخاف من المعاشرة... خرج من تماااك وهبط لتحت مشا لطموبيلتو ركب وبقا فيها....)
اب مروى: (عطا لعلي وراق سناهم منهم وراق ديال الخلع للي دارت مروى ليه.. وقف شاد دوك لورااق وعلي غير كيشوف اللهم حياتتو ولا يبقى معاها) نتا غتبقى خدام ولكن بنتي دير راسك عمرك شفتيها دوز من حداك تحني الراس تكون مقابلة معاك بدل طريق
علي: واه (خرج وخلاه شاف دوك رجال للي خلاهم معاه حاضيينو تفكر.. حتى كيشوف وليد كيطل عليه من الزاج ساعة دوك لحلالف بعدوووه وحتى زهير بعد حيت ماشي شي واحد للي يتقاتل عليه براكة غير للي راه فالحبس مغرقينو...)
~~~~~~~~~~~
أنوار: للي بغيت ابا انا اصلا بقالي غير الفراش نجيبو
لكبير: صافي دي مرتك ختارو واش بغيتو والعرس من هنا سيمانة
أنوار: ختاريتو وغدا يجيبوه
لكبير: بلا شوار مرتك؟!
أنوار: من امتى ابا حنا نشاورو فنسااا؟!
لكبير: (سكت حيت هادي كانت هضرتو مع الكاملة ولكن فامور الخدمة ماشي فالدار) مهم يجي زهير ونبداو التوجاد
أنوار: نشاااالله... (هبطت بشرى كتشوف الدار كان صلحها بصباغة والجبص دار داكشي زوين) عجبااتك
بشرى: بزاااااف الله يدخلها عليكم بالخير اخويا
أنوار: امييين...
بشرى: (خرج باه مشات سدات لباب ورجعت حدا خوها للي متكي على الحيط ومربع يدو) شتك بحال ماااااافرحانش
أنوار: عادي
بشرى: راه زواج كفاش عادي؟!
أنوار: واش نݣولك اختي غير ما كان يعجبها الحال وكان كانت هنا
بشرى: الله يرحمها اخويا مديرش فرووحك هاك
أنوار: امييين...
~~~~~~~~~~~
اب مروى: (كان الليل مشا عند محمد دخلوه بسهوولة.. لقا محمد جالس على الارض وساااهي)
حم نوووض
محمد: (هز راسو الدوخة حاكماه بقا كيشوف شحال حيت مكانتش الدنيا ضاااوية عاد حقق الشوفة عرفو) سمو باغي مني؟!
اب مروى: ولد عمك وراجل ختك وصلو ليك الميساج
محمد: (باقي فبلاصتو ) للي هو؟!
اب مروى: بنتي طلݣت خووك..
محمد: وانا مالي
اب مروى: من اللول كان داك جواج غاالط غير هي للي لسݣت انا كنت باغي ليها شي واحد مرجل يوݣف فظهرها
محمد: (فهمو طاااير) راه حراااام فالديز نتجوجها
اب مروى: يعني خاصني نغبر خوووك... وهي ماشي حرام فكر مزيااااان راه عندك وقت كبير (خرج وخلاه حاااير بحال الافلام الهندية كفاش برهوشة كتلعب بباها وكتعزل فرجال وهو **** تابعها فالهباال ديالها...)
مروى: علاش هو غيقبل اويلي لا ميمكنش ابابا
اب مروى: (تبسم) معرفت عجبني لعب على الأعصاب وصاافي
مروى: صافي ابابا مبقيتش باغية شي حاجة منهم غير يبعدوني ومبغيتش خوه يدخل الحبس
اب مروى: لعب دراري صغار هدا راه الا خرج هو ومو غدخلي نتي
مروى: ميقدوش ابابا ونتا واقف ليهم صافي غير يبعدوني للي عندك بيه الغراض هو داك الكلب ديال علي صافي خلينا منهم ولا راه بالصح غنمشي نعاود لبوليس كولشي...
(اه عجبها محمد ولكن ماشي لدرجة تزوج بيه جاتها غير تخربيقة عارفة باها مزعزع وكيبغي يلعب على اعصاب الناس ولكن ماشي بيها... )
~~~~~~~~~~~~
محمد: (صافي قرر يديرها فيد الله وللي بغا يوقع يوقع مستحيل يحط يدو فيد داك بناادم... مع 6 تحل لباب وقف) سمو!!!
...: خرج
محمد: كفاش نخرج واش صافي (ضور لبوليسي راسو من بعد ملاحقة تيليفونو وبزطامو وساروت الطموبيلة... لاخر بالزربة تم خارج مفاهم والو خرج من تماك كان ياله غيأذن الفجر... بغا يسول على مو ولكن أغلبية للي ناعس وللي مراشقالوش مفهمش كفاش خرج ببهاد السهولة توقف لحظة وخاف اب مروى يفهم ان محمد موافق على شرطة المريض والمزم**.. رجع كيزرب ويزرب حتى وصل للدار مكانش عندو سوارت جلس فالعتبة كيرد انفاسو وكيفكر فهاد المسرحية للي وقعات هنا معندو واالو هاد المدينة مبقاتش عاطياااه كان عندو الحق منين بعد على هاد العائلة واسس حياتتو بعيد عليهم... تفكر ولدو بنتو مريم كفاش كانو غيعيشو بلا بيه وخصوصا مريم للي كتعتامد عليه 💯.. تحل لباب كان عمو ماشي يصلي غير شافو وقف عنقو عمو فرحان فشوووفتوو حيت عندو عزييز بحال وليد.. عاودلو شنو وقع اب مروى معروف عليه مزعزع ومكيرحمش طلع محمد للدار مابغاش يدخل لديك الدار طلع لدار عمو كان محلول لباب وصقييير حيد سبردتيلتو دخل للدوش طرف توضى ومشا يصلي فالصالون وتكى فوق السداري على ميصبح الحال يعرف شنو يدير...)
~~~~~~~~~~~~~
علي: راني مزال مبريت فين نمشي معاكم
....: لعند لمعلم بغاك
علي: (ناض بتقاتل كيمشي عوج خرج من تماك والخوف متملكو اشنو باغي منو ياك شهد على مو وخوه وطلق بنت اشنو باغي منو عاود...)
كولشي تصدم من وجوودو عاودلهم و
براسو مفاهم والو كفاش لبارح هداك كيهددو باش يغرقو والشرط للي كان قالو شنو وقع
وليد: ياكما صافي غتزوج بنتو
مريم: اويلي اشمن بنت؟!!!
محمد: خلينا اوليييد
مريم: اويلي اشمن بنت امحمد؟!!!
وليد: مرت علي علاه مفخباركش
نعيمة: وليييييد...
محمد: (خنزر فوليد حيت لوخرا دغيا دمعاتهم) مكان واالو من ديك الهضرة براسي مفاهمش دابا خاص نشوفو على مّا
وليد: كما خرجت نتا درك تخرج هي
محمد: (شافهم ممسوقينش لحبس مو كما كانو محروقين عليه هو بلعكس كاين التجمعات وكياكلو فخاااطرهم مر مخلاتش وجهها عزيز عندهم شاف فامال هي مكتاكلش تمنى ويكون غير 1٪ من احساس الخوف على مها.. قربت حداه مريم)
مريم: حلف امحمد مغتحوج علية
محمد: مريم!! واش وقت هاد تخربيق
مريم: لا خويا ماشي تخربيق حلفلي بالله مغتجوج علية
محمد: على هاد خويا غنتجوج 3 دقة وحدة باش تعاودي تݣوليها.. (بغا ينوض حبساتو نعيمة حتى كمل فطورو)
داك لكلب خرج من صبيطار ولا مزال
وليد: شكون عاود سول فيه
محمد: شمااااتة (ناض خرج هبط عند عمو لتحت تبعوه دراري بقاو لبنات كيجمعو الدنيا)
نعيمة: دخلي ابنتي انا ندخلك مرياامة وتدخل نحطلك ظهرك (دخلت شيماء تغسل أمال وهند خرجو يجيبو شي حاجة خاصاااهم مخليين لولاد مع مريم وسناء....
طلعت كريمة فمها لااكح عاد جات من عند ختها للي حالتها عند لبوليس.. بكات حتى شبعت)
كريمة: بقات فية ختي هي ما ديال صبيطارات مديال حبس
نعيمة: الله يفك صراااحها على خير راه مشاو يشوفو شي محامية جات من وجدة جابها راجل بنتي
كريمة: على اللله يا ختي راه حالتها تشفي لعدو متأمل متشرب وغير مصدووومة
نعيمة: علاه اختي كريمة حاجة قليلة هاديك راه ولدها شهد ضددها وكان غير كانت دايرااها
كريمة: الله ياخد الحق فيه الكلب ماااا عبر عليه غير باه منين نكرووو من اللول منين شاافو كي..
نعيمة: (خرجت عينها) اسكتي (مريم بقات كتشوف اما سناء مدات مجابت) الله ياخد فيه الحق...
كريمة: خليييه يتشوه
نعيمة: علاه انا بية هو!!! (سمعت شيماء كتعيطلها) انا نحكلها ظهرها ونجي....
محمد: (هضر مع المحامية عاودلها كولشي باش تفهم الصورة عاد مشاو للكوميساريا فين خدات إذن باش تشوف الموكلة ديالها دخلت بووحدها عيات تهضر معاها باش تعاودلها شنو وقع واااالو فتيحة غير حانية راسها مطرطقة عينها مصدووومة جامدة نواضرها خارجين من لفولار بحال شي هدااوية ووجها كحل بالفقسة... خرجت المحامية)
فاطمة: والو مكتبغيش تهضر ولا تجاوب انا غنطااالب باش على الاقل ترجع لطبيب
محمد: علاه مالها؟!!
فاطمة: غالبا مصدومة راه شهادة ابن ضد مو شي حاجة للي خايبة وعاد غير باطل ماشي حتى صح
محمد: واه اختي شوفي شي حل نردوها لصبيطار بعدا تماك نعناو بيها
فاطمة: خاص نمشي للمحكمة
محمد: ياله زيدي (مرافقها وليد ومحمد وزهير...
اما أشرف بقا غير حدا الدار خرج كيتسركل للي باقي عاقل وفهم من كلامهم حسن ساكن غير هنا ولكن غير دارهم هو كاين فوجدة مكرهش يشدو يطحنووو على شنو دار لشيماء واخا هو براسو متناقض فواحد القضية ديال تستاهل على كذوبها وتخلويض ديالها ولكن حيت ديالو متستاهلش وللي قاسها قااسو...)
~~~~~~~~~
نعيمة: (دوشت لمريم وحكات لشيماء ضهرها شافت طراس فظهرها) شيما وهاد لا طراس ابنتي
شيماء: (كتأزم فهاد الموضوع) حم حسن
نعيمة: الله يعطيييه الݣطع.. (شللات ليها ظهرها) خلي مريم تلعب فلما شوية عاد شللي ليها وخرجوو
شيماء: سمعت كريمة جات
نعيمة: منين جات وهي تبكي على ختها بقات فية فتيحة الله يفك سراحها على خير
شيماء: حتى هي دوزااتها على بنادم
نعيمة: ردي بالك ابنتي عمرك متشفاي فشي حد فتيحة دير للي دارت كتبقى مرت عمك (بقات كتشوف فصدرها) صدرك راه منفوخ
شيماء: (تبسمت وشافت) معرفت كحالولي هاد الدويرات
نعيمة: ياكما حاملة
شيماء: الاااا واش انا ياله فطمت مريم ونحمل
نعيمة: كتشربي الكينة
شيماء: (حشمت) لا ولكن...
نعيمة: فوقاش مجاتكش
شيماء: (بقات كتفكر) شهر زعما هي هاديك (دخلوها تناوي حيت كيديرو العازل فايام الإباضة) الاااااااا
نعيمة: (لوات شنايفها ولكن حتى هي هكاك كانت منين كانت كتحمل صدرها كيتنفخ ويتبدلو للون للي ضاير بالحلمة)
يمكن
شيماء: اماما متخلعينيش
نعيمة: كولشي من الخير ابنتي لاه تخلعي كملي الدوش ديالك نمشي حدا السيدة (شللت يدها وخرجت مخلية شيماء غير كتخمم مزال مرتاحت من رضاعة وسهير ديال مريم زربت كملت خرجت هي وبنتها مشاو لبسو عليهم خلات بنتها كتلعب مع ولد خوها صلات صلاتها عاد جلست حداهم لقلت أمال وهند جاو..
هزت تيليفونها كتبت ميساج لاشرف يجيبلها تيست حتى بغات تصيفطو ورجعت مسحاتو...
حطت التيليفون وسمعو حس رجال طالعين فدروووج ناضو للكوزينة باش يحطو لغدا....)
أنوار: (صونا على زهير) واش مزال متجيو نجي انا؟!!
زهير: واش تجي دير هنا؟!
أنوار: ماااااا... ݣلت نجي وخلاص
زهير: ݣابل مّا اصاحبي ݣالي لكبير غتبداو توجد العرس
أنوار: لا ميمكنش حتى تجي نتا ومرتك حشومة انا باغيكم توݣفو على كولشي..
زهير: حتى نفكوو حريرتنا هنا.. (قطع جات أمال حداه للصالون دارت راسها على كتفو)
مال غزالتي
أمال: بقات فية فتيحة
زهير: (ضربها بشوية لفمها) سميتها مك
أمال: محمد ݣبيل جا كيعاودلي حتى بغا يبكي وهو يخرج مسكين بقا فية
زهير: عادي احبيبي يبقى فيه الحال راه مو وعاد حالتها خااايبة عرفتي زوينة واش؟؟
أمال: شنو
زهير: الراحل للي بغا بتجوجها والله مخلاها فوكما مشينا لݣاوه فلكوميسارية
أمال: هه بعدا.. محمد مابغهاش تجوج جاتو حشومة
زهير: خليه بجوجها هو دار حياتو داك لكلب شمتها نتي عايشة حياتك هي واش تبقى دير وحدها
أمال: انا ماشي سوقي فداكشي..
زهير: انا جاي أموول.... (ناض خرج من مور مصيفطلو أشرف ميساج تلف وبعد على الدار أمال ناضت هزت ولدها دخلات كترضعو..)
~~~~~~~~
وليد: (سد لباب بعصبية وهز تيليفون هند مدورو لعندها) اش هاد الميساج
هند: غير طبيب
وليد: كفاش غير طبيب؟! وكفاش فين غبرتي علينا؟!
هند: وليد هوما راه تيتعاملو معايا فوق بيخير شوف غير شحال دالوقت متنخدمش
وليد: الآلة خرجي من داك لخرا فمرة منبقاش محمق راسي ونتي متبقاش تفلسفي علية ݣااالك فين غبرتي علينا
هند: تتزيد فيه لا!!!!
وليد: هاحنا نشوفو واش كنزيد فيه غير نمشيو لوجدة غتحطي ديميسيون ديالك
هند: مستحيييل
وليد: هاحنا غنشوفو اهند واش مستحيل ولا لا...
هند: خالتي هضري مع ولدك قالي نمشيو لوجدة نديميسيوني واش ماشي لحماق هدا
نعيمة: وعلاش؟!
هند: حيت سولو فية للي خدامين معايا عاطييني كونجي وسفتي شحال تيتعاملو معايا زوين وقالك لا ميسولوش
نعيمة: درك نهضر معاه ابنتي
هند: عصبني والله هو اصلا محاملش يشوفني خداامة بغاني نبقى فالدار
نعيمة: متعصبيش درك نهضر معاه
هند: عصبني
نعيمة: ياو صافي ݣلتلك درك نهضر معاه ولا حتى نتي كتوحمي
هند: علاش شكون تيتوحم (شهقت كتبسم) متقوليليش أمال شكيت فيها هاد الايام عاطياها غير لصريط
نعيمة؛ لوخرا
هند: مريم!! سناء!! (شهقت) شيماء؟!!
نعيمة: (حركت راسها باه) هي
هند: هههه مغيعجبهاش الحال واش دارت التييست
نعيمة: لا.. والله معرفت واش دارتو ولا لا لبارح شكيت فيها وخليت راسها واجعها
هند: هههه مزيااانة باش تعرق أشرف اصلا تيحماق على لولاد وعمي احمد يقتاااانع خلاص
نعيمة: مجاتش بالولاد ابنتي
هند: مجاتش بيهم ولكن كاينة نسبة (جات عندهم أمال غير كتنهد) امالكي احنينتي
أمال: عيطلي محمد باين مروى مبغاوش يتنازلو وعلي اليوم مشا عاود شهد ݣالهم حݣا كنت كنتغاوتو اما وما حيت بغات تطردو من الدار هو ومرتو ومعقلش من موراها ولد لحرام كيلمح زعما هي للي ضرباااتو
هند: تفووو من أول مرة شتو كرهتو
نعيمة: (بقات فيها فتيحة) اوا!!!
أمال: اوااا هي داوها لطبيب حيت حالتها خايبة زيد مكتاكل مكتشرب والقضية غنمشي للمحكمة..
نعيمة: لا حول ولا قوه الا بالله العلي العظيم الله ياخد فيه الحق... فين كان مخبيلك هادشي افتيحة
أمال: الا تحبست غيديوها لوجدة
نعيمة: لهلا يديرهالها مسيكينة... انا بغيت نعرف غير كيف دارو الكاميرات هنا
أمال: لقاوهم مقطعين
نعيمة: من هادي يبانلهم راه كاينة إن فالموضوع
أمال: داكشي للي كدير المحامية للي جاب أشرف.. خالتي واش نعيطولها تجي تغدا معانا غدا حيت جات على حسابنا لتاوريرت
نعيمة: عيطي ابنتي هادي راه داركم واش عاد كتشاوري
شيماء: (جاية ووجها صفر جلست حداهم) عييييت
نعيمة: مالكي؟!
شيماء: معرفت
نعيمة: هههه غيقت لهبيل بضريب لحجر
شيماء: ماامااااااا
هند: مفكرتيش فشنو تسميه ولا تسميها
أمال: حاملة؟!!
شيماء: زدتووو فيه (ناضت رجعت للبيت)
أمال: هههه واش حاملة
نعيمة: هاد لحمالة غتبين لينا واحد 3 كيلو من شيماااا لقديمة
هند: هههه عجباااتني هاد النوططة
محمد: (شدوه غير دراري بالزز باش ميمشيش يسلخ خوه للي جاي بالحماية او تحت وصاية ديال اب مروى خسر الهضرة سب ربب ومبردش أكترية منين عرف الاقوال ديالو للي كتزيد تغرق مهم وكان غير كانت بالصح هي للي دايرة ولكن باش تشهد ضددها وبالباطل قاسحة كتر...
ضاقت بيه الدنيا معرف ميدير تفكر مو تعيا تكون خايبة راه مو هاديك مابغاتش تدخلو لراسو غدخل الحبس وتعيش تماك وتحرم من الدنيا ويتحرم هو منها...
ندم علاش خلاها ومشا لوجدة وكان بقا معاها مكانت غتوقعلها واالو...
مشاو لطبيب فين داوها كان بوليسي على لباب تعاطف وخلاه يدخل عندها والو مكتحركش بحال شي جماد مرة مرة كترمش بعينيها حتى جا طبيب دݣ ليها إبرة ودوزو ليها السيروم وغمضت عينها...)
وليد: مالقيت حتى جهد باش نعاونو
زهير: حتى يانا بغا لفلوس يدي واش بغا
وليد: هداك الق*** مكرهتش نشد مو ******
زهير: علاش باه حرم عليه الورث أمال وعرفنا مكانش يبغيها هو علاه
وليد: شو سمو دارلو
زهير: كفر مثلا!!!
وليد: معرفتش والله ما...
زهير: غير متحلفش بالله انا عارف بزااف منكم عاارف ومخبيين علاه علم الله
وليد: ممخبيين والو
زهير: سمع ابن عمي عارف شي حوايج كيبقااو مخبيين ماشي كولشي كيتفضح ويتعرف وانا ماباغييش نعرف حتى حاجة على داك الكلب ولكن هادشي داخل فيه حتى خيال مرتي
وليد: زوهير مكاين والو
زهير: اممم... (جا أشرف حداهم سكتوو بقاو كيهضرو على القضية ديال فتيحة حتى خرج محمد ومشاو للدار)
أشرف: خاص نرجعو للدار
نعيمة: زيدو اوليدي معانا غير شي ياماات
أشرف: الدري للي حاجة فالمحال لكبير بغا يمشي حيت مو مريضة ومجاتش نرهنو عندي وميشوفش مو
نبيل: زعما راه عندي محاالات
وليد: نبيييييل
نبيل: ومالي كذبت منين جا وهو هاز نيفو لسما والمحالات المحالات بحال راه مواااقع واالو
أشرف: واش صاااري؟!!!
نبيل؛ نتا وهاديك
أشرف: هاديك ختك صغيييرة بغيتو تلومو شي حد انا هنا ݣدااامكم انا للي ظحكت عليها وانا للي درت كولشي هي براسها تعديت عليييها بغيتو تلومو شي حد لوموني انا وحتى داك حسن للي جايكم ضريف مدار واالو لوموه على لموس للي خلاه مخشي فيه ولغراز من راسها لرجليها والعذاب الي دوز عليها هي غلطت وهو كتر وانا كتر منهم كاملين (كان احمد فبيتو والهضرة وصلاتلو حيت أشرف وصلاتلو العظم وحيح)
جات حنا لهنا حيت عاد والصرف مكتݣد لا تاكل لا تشرب لا تنعس فخاااطرها باغية غير تسااامحوها مكتشوفش كيف رجعت وحدة أخرى بنااادم كيغلط وربي للي يحاااسب ماشي حنا وباقي نعاودها الغلط ديالي يانا ماشي ديااالها
وليد: اذا خاصك تصلحووو ودخل الدار من بابها
أشرف: (بقا كيشوف فيها وكيستوعب هضرتو) واشتا!!!!
وليد: غاااالط وصحح بين ليها وبين لينا
شيماء: (خافت يمشي ميوليش ولكن بركت على راسها هوما يعرفو حسن منها وخصوصا وليد ولكن كتمنى يكمل كلامو...)
أشرف: بقا ساااكت
نبيل: سمو يبين وهو لݣاها فابور
زهير: (منين عرفو محملو مقبلو) واش مكانش للي يبلع لهاد جرو فمووو
وليد: نبيييييل..
أشرف: (كان لمحلو ديك المرات وها هو قالها دابا بصريح العبارة) مرحباااا غير انا مݣطوووع من شجرة
زهير: (عاجبو الحال كيتفرج) حنا فامييلتك
أشرف: صااافي نمشي ورجع... (مقادرش راه ولفها بزااف هي وبنتو) نمشي ورجع...
أشرف: (هبط دروووج عاد طلعت معاه كفاش يرجع بووحدو والا بدلو رأيهم وظغطو عليها والا سمعو كلامو انه هو للي تكرفس عليها حتى واحد كيبغي يعطي بنتو لواحد تكرفس عليها... جبد تيليفونو صونا على شيماء جاوبات... مقادرش يبينلها انها ولات حياااتو هي وبنتو كان هدا هو طبعو معاها)
واش... واش تبغي تبقاي
شيماء: (عضت على شنافتها) ياك نتا ݣولتي واه
أشرف: راه ضاارو بيا ظمسووني
شيماء: ههه امتى غتجي تخطب
أشرف: شيماااا لا تعصبينيش
شيماء: نتا للي متعصبنيش وتخليني نرجع فكلامي عارف ديك الاغنية ديال الا نتا باغي تخطبني جيب لقوام وجوج ضروبا انا صداقي غالي بزاف واش تعطي مليون لبابا
أشرف: نعطيها ونفووتها لهيييه
شيماء: انا بينت ليك شحال ندمت وبينه ليك شحال كنبغيك ونتحدى كولشي على ودك نتا شنو غدير اشرف؟!
أشرف: غندير بندير
شيماء: هههه نهبطلك مريم تشووفها
أشرف: (هبط مع دروج) بلاش حتى رجع مكيعجبنيش نودع
شيماء: غنتوحشك تهلى فراااسك
أشرف: (ديما كتكون من عندها المبادرة فهاد اللحظة تأزم حنا راسو وحط فجبهتو حتى سمع سميتو كان زهير) ياله بلاتي ونعيطلك.. (قطع عليها شافت فالتيليفون متقلقتش مبقاتش كتركز على هاد لحوايج صغااار ولات كتيق فالافعال ماشي فالهضرة ومعندهاش مشكل المهم هي تعبر للي فقلبها...)
زهير: صافي مروح؟؟!
انوار: حكمت المحكمة
زهير: 20 درهم مبلان مواالو... وبحرا تصفى الخواطر
أنوار: نشاالله... ياكما تروح حتى نتا
زهير: ماشي اليوم حتى لغدا باش نحلو المحال نتا دوز عند احمد راه غيتسناك حدا المحال عطيه سوارت (مدلو سوارت) غتجي شي سلعة وخاص يدخلوها
أشرف: غير نكمل خدمتي ونوݣف عليهم بالصح الا مكانش أنوار
زهير: لا لا مكاااينش... مهم غدا ونتشاوفو لهيه انشاء الله... (مشا أنوار هبطت أمال للي لبست حوايجها وفيدها يوسف) صافي وجدتو
أمال: فين نمشيو؟!
زهير: نخرجو شوية (ركبو فطموبيلتهم وزادو كيدورو لمدينة وكيتحدثو على الاحداث جديدة ديال مها) انا غدا رجع
أمال: حتى يانا!!!!
زهير: الا بغيتي تبقاي على ما تجي مع وليد نهار الجمعة
أمال: وماما
زهير: مك غيحبسوها فوجدة شوي وتلحݣ علينا
أمال: (غوبشت) زوووهييير
زهير: ههه مك مزال قضيتها معقدة خاص الكلب يتنازل ولكن دابا الا تنازل هو غيدخل الحبس
أمال: يدخل الله يدخلو فرموووك لحمار لاخر
زهير: دابا مزال عندها 15 اليوم فصبيطار ومن تماك للمحكمة نشالله يكون خير خوك راه داير مااا فجهدو وغيبقى هنا يعني الا كانت شي حاجة ساعة يلݣانا حدااه..
محمد تقبل ان ختو للي شافها مترددة باش تمشي ولكن هو هضر معاها باش تمشي مع رااجلها للي خلا خدمتو كولشي وتابعهم فاي مشكل... ضور معاها ودعت هند للي كتوصي فيها باش متزيدش تكب الزيت على النار وتشعل هي وليد... ودعت شيماء نعيمة مريم كولشي دازو لصبيطار فين كاينة مهم دخلت متوترة موالفة ديما كتشوفها طاغية واقفة على رجليها زهير ومحمد هضرو مع لبوليسي للي سمع لباب يتحل ويشوفو من لبعد... أمال بقات كتسنى حتى تحل لباب طلت برويسها كتشوف فتيحة للي ناعسة وبان فيها الضعف داكشي للي تمنات مابغاتش تجي العين فالعين.. باش متشوفش داك الحزن والقهرة حيت حطت راسها فبلاصتها.. دار زهير يدو على كتافها شافت فيه هو اكتر واحد كيفهم باش كتحس... وعارفها مكتعرفش تعبر غير ليييه ...
سد لبوليسي لباب خرجوو من تماك فصمت
محمد: بشوية عليكم فطريݣ
زهير: نشالله الألو بيناتنا.. (شيراتلو أمال باي باي وزادو بقاو كيهضرو غير على هادشي)
حݣا أنوار السيمانة جاية يدير العرس
أمال: مزيان
زهير: عندنا غيكونو غير الطلبة وعند دار ختي فين يكون العرس
أمال: الله يكمل بالخير
زهير: واش نديرو فلكادو؟!!
أمال: عطي لأمال فلوس.. كنݣول فلوس حسن
زهير: بغيت نعطي حتى شي كادو باش يبقى شي حاجة ديالنا فلوس دغيا كطير
أمال: واخا (كانت هاادئة.. فكرة داك الكلب غيسكن تحتهم مخلياها ممرتاحااش) حم غير هو مغنبقاش واحدة راحتي بحال اللول
زهير: علاه!!
أمال: مثلا كنت نلبس على خاطري نتكى فينما (تبسمت) دابا الدار تعمر وهو كل شوية غيطلع فوقكا رشقاتلو
زهير: لا لا داكشي ميكوونش خويا لكبير منين كيبغي يدخل واش كيدير
أمال: كيحنحن ويدق لباب وحتى بسمع دخل عاد كيدخل
زهير: اوا حتى هدا هكاك غيدييير والا كان العكس ديك الساع كلام اااخر
أمال: صافي واخ... (وصلو للدار كانت الدار عامرة حيت كيخملو... فنفسها) ياااااخ جيت مع التخماال (بقات كتشوف سلمت على الحاجة عاوداتلها شنو الجديد) اوا حنا نتسناو شنو يوقع
الحاجة: الله يفك صراحها مسكينة متعاودي لحد فالدار
أمال: كوني هانية
الحاجة: اوا سيري ابنتي ترتاحي شوية
أمال: لا لا نعاون
الحاجة: لا.. سيري ترتاحي وسيري لدارك (أمال جاتها على القلب هزت ولدها وتمت خارجة قبل متلاقا بعيشة لقات زهير مشاا دازت من حدا بشرى وانوار سلمت على بشرى ولاخر مشافتش حتى فيه)
بشرى: كيف خليتي مالين الدار
أنوار: كيف بقات مك
أمال: الحمد لله.. الحمد لله انا نمشي نبدا حوايجي ونجي
بشرى: واخا حبيبة تلقايني عند مّا (تبسمت معاها ومشات.. حتى سدت بابها وضارت عند انوار) علاش كتهضرها
أنوار: سولت عادي
بشرى: انواااار قيل عليك لبنت وديها فبنت خالتك متنوضش العافية
أنوار: مكان لا عافية لا واالو سولت عادي ياك هي مرت عمي بغيتوني حتى التسوال منسولش فيها
بشرى: أنوار خويا نساااااا
أنوار: (عينيه لمعوو) وكان غير كان فيها داكشي للي كانت تݣول فيها بنت عمها كنت نبرد....
علي: دابا سمو ندير
اب مروى: غتكمل خدمتك غتمشي تلاقا شي ناس تديلهم السلعة
علي: (حس براسو غيتشمت) واااه فوكاش
اب مروى: فالليل ونݣولك.. (خرج علي مباشرة هز تيليفونو صور فيديو على ݣاع شنو دار خااايب وحتى الاعتراف ديال مروى للي ضرباتو وسبو فمو حيت كان غيقتلو الا شهد فبنتو خلاه عندو وخبع التيليفون...)
داز الليل ضربت 12 دالليل جا عندو اب مروى للبيت للي عاطيه مع العساس عطاه صندوق صندوق فيه البصل وعطاه طموبيل نوع بيكوب حط داك الصندوق وشد طريق ݣرسييف فين غيكونو شي ناس كيتسنااوه.. كانو تابعينو رجال اب مروى من اللور وهو كيتسنى الدقة امتى تجيييه...
حس بخوف كبير هز تيليفونو شد داك الفيديو قبل ميدخل بلاصة مافيهاش الريزو صيفط لخوه محمد ووليد وحتى نمرة زهير في حالة لوخرين بلوكاوه.. صيفطلهم بتلاتة ورجع التيليفون لجيبو مكمل الصوݣان...
محمد: كان حدا وليد غير شافو لفيديو من عند علي وقفوووو بالاعصاااب... وليد تصدم بالي قالو علي محمد بلا ميهضر خرج تبعو وليد حتى كيصوني عليهم زهير محيح كيربب وباغي يشد طريق يقتل علي وكفاش تجرأ وعاود هادشي... محمد ماشي عند لبوليس ومصدوم من هادشي للي قال...
علمو بيه عند لبوليس للي عطاو المعطيات ديالو الجدارمية للي فطريق حيت رجع كتب ليهم ميساج نوع الطموبيل وحتى لماتريكيل..
بقا محمد غير سااهي ووليد كيتحلف فيه
لام الاب ديالو وحتى مو كفاش أمال غتاصبها علي منين كانت عندها عماين وردولها اللومة كفاش الاب خلاه حي وهو حصلو بالجرم وشافو شنو دار فامال وعاد رد ليها اللومة.. (شاف فوليد) حتى من شيما مزݣلهاش شكون هاد الوحش للي كانو عايشين معاه ختو!!!! ولكن باه علاه غيكره أمال شك أن مو هي لي كانت كتعمر الاب ديالو حاجة يتوقعها منها والا كانت هي محرضاااه على هاد الفعلة فيكون تصرف ااااخر...
بقات فيه أمال وحتى شيما للي بجوج محايبين خبار ولكن ختو للي كلات الدقة وتيتمت من صغرها (بقا غير كيتنهد مقادرش حتى يتخيل الموقف كفاش اخ يغتاصب ختو وهي رضيعة وعاد هي تلام وتعامل معاملة خاايبة...)
للأسف هدا حدث واقعي وقع لواحد السيدة وكاين عدد كبييير منها....
محمد: بقا فطموبيلتو كيتفكر شحال من حاجة وشحال من فلاش داز من قدام عينو ومكانش مدخل فراسو شي شك
فلاش باك
فتيحة: سد على مها لباب راه بساالت
محمد: (كيتعجب) راه بنت صغيرة اماما فين تحبسيها
فتيحة: انا للي عارفة علاه.. (كتغوت) علي علييي
علي: (حنوكو حومر) والله إن نهرب من هاد الدار تحݣرو علية
محمد: سمو دار عاود
فتييحة: نعاود نشوفك يا وليدي يا علي نذبحك
علي: راه نتوما للي مفاهمين والو غير كتهضرووو... (محمد سخراتو مو وبقا هو معاها) راه مدرتلها وااالو
فتيحة: اويلي على غدااايدي وفضيييحتي الله يعطيك موصييبة يا الكلب واش تقرب لختك ختك!!!
علي: (بقا كيبكي على لعصى للي كلا من عند باه بالصمطة) حݣرتوووني اما مدرت واالو
فتيحة: راني ݣلتلو هي للي كضور بيك حتى غرك الشيطان وكان مݣلتلو والو وكان راه كنبكيو عليك يا لحمار
علي: (شير بيدو ممسوقش ليها... مشا كيعنقها ويبكي ويبوسها وكان ديما هاكا معاها.. نعساتو وسدات لباب عليه مشات عند امال للي بكات حتى شبعت ونعست فالارض هزاتها بشوية وحطاتها فوق النموسية حيدت ليها سروالها كانت المؤخرة ديالها حمرا يعني حاول الايلاج يا مقدرش يا مجلساتلوش.. قلبها تهز من بلاصتو دازت ايام شهور جاتها بنتها كتبكي عاود وكتشير ديدي لقات نفس الشيء ولكن منين مكيكونش ايلاج كضمس القضية....
حتى لواحد نهار دارتها ليهم ومصطفى كاين تماك ناض لعلي قتلو عصى وبغات دافع عليه كمل عليها حتى هي.. بقا كيضرب علي للي رجع فعمرو 11 عام ومبغاش يتوب متهنى حتى هرسو من رجليه بحديدة وشقفو من راسو أمال من داك نهار ركب فيها الرعب محمد مكاينش حيت كانت حياتتو بين لقرايا هو ولد عمو وبين الحانوت للي فعمر صغير شد لحساب.. كيسمع لغوات يطلع يفك ولكن مكيعرفش سباب من غير باه كيقول عليه مسخوط وكيفهم انه مكيحتارمووش... كان كل مرة يضرب علي وتجي فتيحة تفكو وتاكلها فعظاامها معاه ولا تحميه بظهرها والدق كامل يجييها كرهت أمال للي دارش شرخ كبير بينها وبين راجلها وبين حتى علي وبااااه لبنت كتكبر والكره كيكبر منين كتشوف معاملتو لولدو ومعها حتى هي للي من تماك مقاسها معاشرها...)
محمد: كان ولف هاد التعامل ومو ديما تبكي وتشكي من أمال كان كيشوف دموعها كان كيغوت عليها وشحال من مرة تاهماتها بشي بسالة للي كتخلي محمد يضربها مثلا كتجي تقولو راه دفلت علية قالتي حمارة كتقطعلو دفاترو وتسبيهم فيها يمشي يضربها حيت كانت القرايا شي حاجة مهمة عندو وكل ليلة فرض كيلقى دفاترو مقطعين ولا مزلع عليهم لما وكيمشي يضربها بقوة الاعصاب ويطلع يحفظ مع وليد... كل مرة راجلها كيصدها ويبين نفوورو ليها كانت كتكره بنتها للي من ولادتها مكان بيناتهم حتى احاسيس ودارتها هي سباب خرااااب زواجها وبعد راجلها عليها وعلى ولدها وأكترية منين شافتو دافع عليها باش تقرا وعلي مصيرو يهز السلعة مع الخدامة ماشي بحال خوه وولاد عمو...
محمد: كيتفكر منين مشا لوجدة قرأ فلفااك رجع لقا حتى باااه كاره أمال ورجعت دم سنانو دخل فالاول يعرف شنو دارت حتى قالو واحد نهار راه بغات تخرج طريق من تم محمد خدا عليها ديك النضرة الخايبة ورجعت معاملتو ناااشفة معاها... اكيد باه ومو وعلي مغيكذبوش عليه كاملين بفم واحد ضسرت....
زهير: (فاش كان جاه الميساج دخل لقاه فيديو ناض من حداهم مشا لدروج فين مكاينش الهضرة ولغوات... وشعلو كيتفرج بقا مبلوكي شحال حتى جا خوه كيعيطلو دخل حداهم كان أنوار وخوه وراجل بشرى ورجال خوالاتو كيهضرو على مشروع.... الفيديو خلاه داااخل وللي أكد الكلام للي سمع من عند وليد ولكن مظنش كان فعل سمع من عند وليد وكعلي مخافش الله وكان داز فأمال...
اااخر حاجة كان يبغي يعرف على مرتو هو تعرضت الاغتصاب فعمر عماين من عند اقرب الناس ليها وللي مفروض يكون الحامي ديالها.... لما وقفات فركابي باش يوقف يخرج من حداااهم والدم بدا كيفور فراسو بقا مزير على التيليفون حتى وقف من فوسط كلامهم بغا يدير التيليفون فجيبو وطاحلو فالسداري وخرج وهوما كيعيطو ليه...)
لكبير: مال دا؟!!!!
أنوار: معرفت (هز التيليفون كان بلا كود نيشان دخل فلواتساب لي مخرجش منو زهير شاف اخر واحد كان من نمرة ممعروفاش دخل كان فيديو) انا جاي (خرج من حداهم بغا يدخل الحمام كان عامر خرج من تماك ومشا لدارو كانت خالتو وبناتها)
محسابليش راكم هنا
عيشة: خليك معانا راحنا نشوفو لفراش غزاااال هادشي
أنوار: علاه أمال عندنا رخيسة
امال2: (فرنست والقلوبة خارجين من عينيها...)
أنوار: انا جاي...(دخل للحمام شعل الفيديو وبقا كيتصنت...)
~~~~~~~~~
أمال: (بفضول) شو شنو عرفو على داك الكلب
هند: معرفت كانو جالسين فالصالون شوية ناضو بجوج معصبين هبطو كنسمع وليد كيقول نقتل مو ومحمد ساكت
أمال: يضيعو عمرهم على واالو وكان غير يستاهل...
هند: ويييه (صونا التيليفون ديالها كان فيصل) هاد زمر تيصوني عاود
أمال: شكون؟!
هند: فيصل
أمال: هند اختي وكان غير شفتي شي صبيطار اخر تخدمي فيه ياك ݣلتي فاللول سانية معاهم كونترا ديال عام ومبقالك والو يسالي اللهم خرجي واش نتي تبغي وليد يخدم مع شي وحدة كان مصاحب معاها
هند: حتى انا هاكا كنت بغيت ندير ولكن هو هضرتو كولها غوات وخبيط تيعصب
أمال: الغيرة تهضّر
هند: ماشي الغيرة باغي يدير فيها السي السيد وصاافي....
أنوار: (براسو تصدم من هاد الوقاحة.. عرف زوهير صافي شعل خرج بالزربة داير التيليفون فجيبو اللوور.. قلب عليه والو مكاينش حتى طموبيلتو مكينااش بقا كيشوووف راه الا وصلو يقتلو وحياتو ضييييع.. طلع عند باه) با عطيني سواارت
لكبير: علاه
انوار: شير سخرة وندوز عند عبد الله وعند عبد الوافي حيت باقيين كيستفو شي سلعة.. (عطاه الساروت خرج كيبغي يزرب رجلو مكاطاوعوش.. وصل لطموبيلة باه الصوݣلن غيجيه صعيب أكترية فاللليل راه فايتة 1 دالليل... مشا ب60 ولكن وعارف زهير هاد الساعة ماشي ب120 بغا يصوني على اشرف هو يصوݣ ولكن خلا الموضووع بيناتهم كيحااول يزيد فالسرعة ورجلو ممساعفاااهش ورجعلو حريق فيها حيت كيبرك عليها للي بغا يهزها بيدوو فلتت بيه وهو وسط لوتورووت (لوتورووت ديال وجدة معروف عليه كتكون الريح قاسحة فيه) بغا يردها لطريق حتى شافها كتقلب بيييه...)
~~~~~~~~~~
زهير: (كان طاااااير لدرجة وقفوه فباراج خدا فيهم مخالفة السرعة المفرطة.. خلص وزاد غير بعد عليهم رجع لنفس السرعة باغي يوصل لتاوريرت...)
علي: (وقفوه الجدارمية ورجال اب مروى كيشوفو مكانت حتى نية باش يتقلبو عليه كان خدمتهم روتينية يوصل السلعة ويرجعو مكانت حتى نية باش يقتلوه ولا يديرو ليه شي قاااالب... قلبو الطموبيل لقاو 2 كيلو ديال حشيش كاليطي اللولة يعني الغلغولة (الغلغولة هو الحشيش للي مزال متدق حيت فيه أنواع ههه كاينة غلغولة طبيسلة حرتوكة غير معلومات عامة وصافي....) لقاوه فصندوق ديال البصل مدارو معاه حتى استجواب حيت هو للي مصيفط لفيديو ركبوووه معاهم مرجعينو لتاوريرت وحجزو على الطموبيل وعلى شنو فيها...
مسافة بين ݣرسيف وتاوريرت (54 كيلومتر) مكانتش بعيدة وهو تشد فالدخلة ديال ݣرسيف..)
وليد: اليوم نذبح الز*** والله يا مو حتى **** ***** (مشا عند محمد) كنتي عارف
محمد: (معصب) وكان كنت عارف وكان قتلت مو شحاااال دي
وليد: (غيحمااااق سمعو من عند داك لبوليسي شدوه الجدارمية شافو اب مروى داز بطموبيلتو للي براسو تصدم كفاش تشد وشنو وااقع ومكانت على بالو هاد الشمتة...
دازت وقيتة حتى جاو الجدارمية مع قشعوه مشاو خرجوووه هنا هجمو عليه محمد ووليد خرجو لبوليس يفااكو اب مروى مفاهم واالو ناضت روييينة كولشي دخلووه لداخل علي مشا نيشان للتحقيق ومحمد ووليد هبطوهم لتحت...)
زهير: (كان وصل لتاوريرت اول حاجة جات فبالو غيكونو ديكلارااو مشا نيشان للكوميساريا لكبيرة فين كان مشدود محمد... وصل كانو بوليس على برا كيعاينو شي بيكوب عرف راه تشد زاد تعصب كتر وكتر معرفش التفاصيل ولكن بغا غير يشدووو حط الطموبيل دخل بانلو داير المينوط وجالس على كرسي واقفين حدا جوج من بوليس كيشوفو فشي وراق.. عينيييه تعماااو نيشان مشا عندو شدو من لكووول حتى هزوو وزرب عليه برااااس حتى طوش الدم من نيفوو وشنافتو لفوقانية دغيا دخلو البوليس وهو كيخصر الهضرة)
...: داايرين لية السيييبة هنا انا نورييكم
زهير: طلݣني نقتل مو ودوزني المحكمة هدا راه نمشي على ر** 50 عام الحبس (كان مكشكش مكيفكرش مينطوووه كأنه مجرم ولكن هو باغي غير رقبة علي يوصلها هبطووه لتحت فكو لمينوط ودفعووه حدا صحااابو للي جالسين تمااك على اعصااابهم)
راااكو هنا!!!
يتبع..
التعليقات
لا توجد تعليقات بعد، كن أول من يعلق.