محتوى القصة
فتيحة: (ضربت الطم اصلا مخاصها صداع مع محمد شافت فعلي) سمو بانلك
علي: (بلا مبلاة) سيري غير لتبطااايش باش ندير الكاغط
محمد: وختك متحضرش؟!
علي: تحضر الا بغات ياله انا غنهود للمحال محمد راك تعطلتي علينا فالسلعة
محمد: غدا تكون عندك (شاف فمو) انا غنمشي لوجدة
فتيحة: بات الليلة هنا
محمد: لا منخليش مريم وحدها
فتيحة: راه باقي شهرين باش تولد ماشي الا بتي هنا ليلة اخرى غتنوض تولد
محمد: السيمانة جاية نجي نجيبك (خرج ركب فطموبيلتو مشا عند كريمة خالتو للي عيطاتلو باش يدي شي حاجة لمريم مطيباها خداها وشد طريق كيصوني على أمال للي مكتجاوبش ومفهمش علاش مبقاتش كتجاوبو.. )
~~~~~~~~~~
زهير: (متبع مع طبيب ومفاهم واالو)
واش كولشي مزيان؟!!
...: كولشي كيبان مزيان (نفس الهضرة للي قالت طبيبة لعظام كولشي مزيان مشا للبيرو وتبعو زهير وهند التحاليل كولشي باين مزيان عاد رتاح زهير)
زهير: الحمد لله
هند: تخلعت فاللول (أمال كتمسح كرشها وتقاد حوايجها كتب ليهم طبيب على شي دوايات حيت عندها نقص ف vitamine d وحتى لحديد مهم شي حاجة للي ماشي خطيرة جات أمال للي مفاهم ولكن ولكن من كلمة الحمدالله رتاحت شوية...
خرجو من تماك كيعاودو لامالللي مفهمت والو وحيت باحراااج كبير دار زهير يدو على ظهرها باش ترتاح شوية)
زهير: متخافيش كولشي مزيان
هند: (تبسمت) هههه فخبارك فاايتااني فالحمل ماتري يا الحمقة كنتي حاملة ومعاارفة واالو واقلة وكان ماشي ليلى للي دارت التيست متحسي بوالو
أمال: ههه (شافت داك طبيب جا عندهم وهي تجمع الظحكة وحنات راسها شكراتتو هند وحتى زهير على التدخل خرجو وزهير باينة طايرة ليه) مالك
زهير: كفاش مالك ديك طبيبة للي قارئدية فزحام دوزلها هكااك
هند: انا منكملش معاها
زهير: غنمشي لجدها درك
أمال: لا زهير صافي ياك عرفنا ولدنا بيخير علاش تمشي
زهير: واش نتي ديما تكوني هاكا نية راه غير حفظ الله وكان طرات ليك شي حاجة لا نتي لا للي فكرشك فين نوصلو راه دوايات ودوك لعشوب الا مقتلوش يخرجو بنادم مشوه ولا معااق ساااهلة تسامحي وتكون نية بحال هاك!!
أمال: (دمعو عينيها) واه انا نية وغنبقى نية وكنساامح ربي خلقني هاكا كما خلق واحد يكون قاااسح خلق واحد يكون كيساامح ونية
زهير: خاصكي تقسااحي
أمال: لا انا مكنفرض على حتى شي واحد يكون نية وزوين وظريف حتى نتا متفرضش علية نكون قااسحة براكة غير الحمدلله عرفت كولشي مزيان علاش نكد فرحتي عاااود ونمشي مداابز معاها ومنعرف فين توصل القضية راه طبيبة هاديك تقدر تكون غلطت وحتى ومنعرف فين يوصل دباازنا تعيطلي لبوليس وتݣول غلطت ديك الساااع فيديوها فية يانا ولا فطبيبة!!
أمال: (مشات للطموبيل خلاتهم واقفين) بغاوني نبقى نقتل بنادم عاد باش يسميوني عندي شخصية قوية...
هند: زهير امولة عندها الحق صافي عرفنا لبيبي بيخير الحمد لله صافي هاديك منعاودوش رجعو عندها حيت بالصح اخر حاجة تخسر عليك خطأ
زهير: انا خاايف عليها (زفر) معليييش راه عربطات علينا ههه
هند: هههه قنعاتني حتى انا ههه ياله نمشييو (مشاو لقاها نافخة حنوكها وهازة زنافرها بقا زهير شاد فيها داز خدا ليها دوا دوزها للسونتر شرا ليها بيجامة وبنطووفة عاد ظحكت ليه دازو لباتيسري خداو عصير وحلوة مخلي لبنات على خاطرهم دوزهم للمحال طلعو للبيرو ولبنات متشوقين باغيين يعرفو جنس ولادهم وحتارمو رغبة الازواج وزادو تشوقو لنهار لولادة وهدا هو الهدف...
طلع عندهم زهير جايب ليهم شكلاط والكاوكاو لقا أمال جالسة فلبيرو)
زهير: جا معاك ازييينة
أمال: ههه (كدور فداك الكرسي) خاصك تجيبني نخدم معاك
زهير: علاه!! ماشي حشومة شحال من واحد راه يترزق هنا
أمال: (جمعت الظحكة) علاه مالي يانا شنو نديرلهم
زهير: هههه لا واالو (جلس) ݣولي أموول خويا لكبير باغيني ندي أنوار لفرنسا غتمشي معانا حتى بشرى
أمال: (ضورت عينها) هانتا کلتيها ماشية بشرى
زهير: بغاني نمشي باش نجيب رزقو وحوايجو.. عائلة مرتو مباغيين أنوار ياخد والو وهو راك كتشوفيه معندو ميدير
أمال: معرفت ازهير
زهير: (منين جا أنوار حس بيها محملاتوش رجع هاد الاحساس ان مو دوزات عليها داكشي خايب وملقى منها حتى تعاااطف على حاالتو للي كولشي بقا فييه) واااخا أموول حتى للدار ونهضرو فهادشي مزيان...
هند: (غير خرج وسد لباب شافت فيها) محدو تيشاورك خليييه يمشي
أمال: واا غي حييت بغيتو يبقى معايا هاد ليامات وصافي زعما يكون تقلق مني
هند: شوفي هو موفر ليك كولشي. وتيبغيك بزاف وتيشاورك فصغيرة ولكبيرة مافيها باس يدير الخاطر لخووه... (طلع عندهم وليد حتى لحق زهير خرجو مجموعين مشاو يتعشاااوو... )
أمال: زوهييير
زهير: (جر لكرسي حداها وشاف فعينييها) هم
أمال: صافي غير سير
زهير: ههه صافي سمحات لية المدام وعطاتني الإذن
أمال: اييييه ههه علاش انا شوية فلبلاد
زهير: هههه نتي كوولشي العميييرة (كملو السهرة وتمو راجعين وصلو هند ووليد لدارهم وهوما كملو نيشان عند الحاجة للي مبغات تشرب دواها حتى يجيو فرحوها بالخبر وفهمووها كانت فرحة كبيييرة منها...
نعسو عندها فالدار معانقين وكيتعاودو على فرحتهم واش بنت ولا ولا ولد وحتى سميااات هضرو عليهم دازت لييلتهم هاكا حتى نعسااات وخلاتو باقي كيفكر فهاد الفرحة للي من شحاااال وهو كيتسناااها...)
زهير: (رجع عند طبيبة للي وراتهالو هند سخيخها وحتى هي حشمت على فعلتها جاب الضوسي ديال امال باش يمشيو عند طبيبة اخرى وحتى هند مبقاتش ترجع عندها...
رجع كمل شغلو حتى جات أمال وهند وقفو عليه.. مشاو عند طبيبة اخرى تبعو معاها اكدت ليهم ان لبيبي عندو 22سيمانة وزهير متحفظ مباغيش يعرف جنس لبيبي.. عطاتها شي دوايات كما العادة وحتى التحاليل كان كولشي عندها مزيان من غير شي نقص فبعض الفيتامينات للي كيتعوضو دازو لفاك خدات شي بوليكوبات واخا بغا يعتارض الا غمقو عليه بجوج بحجة اصلا مزال مكاين تقل ولا شي حاجة تخليها متكملش قرايتها والامتحان على الابواب... وصلهم لطموبيلة ديال هند هو بقا فخدمتو وهوما مشاو كيدورو لاعبين يشريو حوايج ولكن معارفينش اشمن لون خداو كولشي مشاابه للي يمشي مع لبنات ودراري كانت فرحة كبييييرة صحابات حبو صحاب صدفة وتزوجو وسكنو حدا بعضهم وكتاب لحمل يكون فوقت وااحد...)
الحاجة: (فرحانة قالتها لبناتها للي جاو باش يتعشاو مجموعين) عݣبال لبيااتكم
عيشة: وشوووفي ليك طالعة فالخامس ومݣالتها لحد
مينة: ويلي اعيشة استغفري مولاك هي تݣول بروحها مكانتش عارفة ونتي تݣولي مݣالتها حد!! شتك اعيشة دايرة عقلك فالطفلة
الحاجة: هانتي تشوفي ابنتي بحال راها ݣرينتها هاكا كانت المرحومة ظل حاطة عليها
عيشة: لهلا يحييهاا ندير راسي من رااسها انا للي باغية اما هو نعرف فوكاش نتكاتبو ماشي وحدة تجي لبارح وتدي كولشي
مينة: معندها متدي راجلها عندو رزقو بيناتهم هادي دار مّا ودارنا حتى حنا
الحاجة: (مقالات تهنات من هاد الموضوع حتى رجعو لو) واااخ
مينة: (ممتيقينهاش حيت خافو مهم اليوم ولا غدا تموت وميبقالهم حق فهاد الدار ويرجعو غير ضياااف)
نوض نشووف لعشا
عيشة: واه جوج عراايس ونجي يانا نخدم عليهم هه هوما للي صدقت ليهم
الحاجة: مرت خوك زهير حاملة تبغي نوضها طيب لفاميلة على ݣدها وليلى راها كدير للي عليها وكتر
مينة: مݣلت والو امّا انا نطلع نعاونها (طلعت للكوزينة للي فسطح حيت منين كيكون طياب كتر تماك كيطيبو لقات ليلى كتقاد الدغميرة وأمال كتستف دجاج فالاللاطة باش دخلو يتحمر فالفران)
نحي أمال نكمل عليك لاتعاوديش تطواي على كرشك هاااك
أمال: (وقفت) انا مزيانة غير خليك اخالتي
مينة: (حنات هي كتخدم أمال من ديما علاقتها بخوتات زهير فحدود مكتجمع معاهم موالو غير الاحترام وصافي... بقاو كيهضرو على لحمل وأمال مشات كتعسل البرقوق شافت فيها مينة حسابها مغتلقاهاش كتعاون ولكن للي عارفة مهلية بزاف فالحاجة وحتى ليلى دايرة فجهدها معاهم كاملين وزادت ببنت أنوار... واخا فكرة عيشة عليهم غالطة وكظل تعاود عليهم بالشر الا هضرتها كدخل من ودن وتخرج من ودن اخرى....)
ليلى: حݣا مرت خوك شحال عندها
أمال: تكون دابا شي 7 شهور مسكينة محنة شحال دي ممشيت شتها
ليلى: خاصكي تمشي غدا نݣولها لكبير ونمشيو عندها
أمال: ان شاء الله.. (كولشي تجمع لعشا طاااب كان دجاج محمر وبركوكش من طلب رجال تعشاو مفرقين وفرشو باش ينعسو زهير خدا أمال ومشاو لدارهم
كانت متكية على صدرو وكتلعب بصباع يدو وهو كيجبد فجنابها)
زهير فوكاش غتمشي؟!
زهير: الاثنين
أمال: بعد غدا!!!! وفوكاش ترجع؟!
زهير: شي يوماين وصافي مرانيش هبيل نجلس تمااك ونخليك وحدك والله وكان ماشي خويا مااانروووح
أمال: (زفرت) معليش غير مطولش....
زهير: متخافيش... ݣوليلي كتحسي بشي حاجة
أمال: (كضور عينها) لا ههه
زهير: ههه موسيقى معااك... واجي نخليك تحسي بشي حاجة اخرى
أمال: لا لا لا زهير حشووو... (غرقها بوساان حتى طاحو بجووج ولكن هاد المرة غير بشوية ومحايد بزاف دالحركات...)
وليد: هند هند (كانت كتفرج فمسلسلها للي متبعاه دارت pause وشافت فيه جاي بموسو والفواطة عليه) كفاش عرفتي دار أشرف داك نهار؟!!
هند: حم حبيبي باسم الله عليييك ماالك (شافت فيدو) حط لموووس ونهضرو
وليد: مكنظحكش اهند
هند: ولييييد غتسمع شي حاجة معاجباكش وغنصدقوو بلا عشا
وليد: (خبط لموس فالارض) مكنظحكش
هند: oh!! (شافتو معصب ديال بالصح ووقفت) وليد بففف كنا ديجا مشينا لتماك
وليد: (كيحايد الطبلية) كملي
هند: عقلتي نهار مشيت لعرس ولد طاتي جميلة للي كان فسعيدية
وليد: (كيتفكر) اممم
هند: كان مشا معانا أنوار بقا هو برا وحدنا دخلنا للعرس منين تمينا راجعين كان مشا الحال بزاف كانت شي 5 دصباح الا دقينا عليهم ودخلونا كانت لخبار غتوصل لداركم ولخوت أمال
وليد: ههه ياك المرضية ونتي معندك فاميلة يخافو عليك
هند: (معجبهاش الحال) لا مكانش عندي
وليد: كملي
هند: مبقالي فين نكمل
وليد: غتكملي اهند
هند: صافي راه باينة أنوار قالنا نمشيو معاه لدارو ودانا لتماك عطانا فين نباتو وهو مشا فحالو
وليد: دخلتو لدار لعزارة وبتو فيها؟!!!!
هند: قلت ليك حنا نعسنا وهوما مكانوش بلا متبقى تأول شي حاجة مكيناش.. وهادشي راه داز عليه عام أوليد
وليد: لهاد الدرجة كنتو غافلينا
هند: كفاش غافلينكم انا وياك مكناش اونصوبل ووو أمال مكانتش مع زهير
وليد: تباتو فدار دلعزارة وغادي راكي ظحكي عليا ولا على روحك
هند: وليد
وليد: كان عندكم لفلوس للي يديوكم تباتو فلوطيل.. عليها داك لق*** عمرو يحتارمني ختي مدوزة معاه لفضااايح لكحلة ومخلطاها بينو وبين صااحبو ومرتي باتت عندو فدارو
هند: متشركش أوليد
وليد: بتو فدارو ولا لا؟!!!!
هند: اه بتنا وأصلا حتى فاش مشينا مكانش انا مفهمتش متتقبلش الصراااحة وكتقلب على شي حاجة فااتت وماااتت
وليد: ماتت عندك
هند: (ضرها كلامو) يعني!!!
وليد: (جلس وبقا كيشوف قداامو)
هند: وليد خلينا نسدو هاد الموضووع هنا راه نهار بتنا عندهم مكانوش فالدار اصلا نعسنا حتى 8 دصباح 3 دسوايع ورجعنا فحالنا... (لا رد) وليد نعل الشيطان ميمكنش دابز معايا على شي حاجة للي تاافهة وداازت عليها قرن وزمااارة
وليد: (ضار عندها مخنزر) تاافهة؟!!
هند: اوكي متفهااش ولكن بففف ولييييد!!
وليد: سكتي اهند
هند: (تزيرت فخااطرها ضارت طلعت لبيتها وكان كذبت عليه ولا هاكا هو من اللول حساس من جهة أنوار واشرف.. هزت تيليفونها بغات تصوني على أمال ولكن خافت يكون حداها زهير....)
هند: (حست براسها ق**** مكانش عليها تعاود أكترية شي حاجة كتخص صااحبتها حست بخيااانة ليها.. لبست بنطوفتها وهبطت لقاتو مكاينش حلت باب الدار لقاتو جالس فالدرجة وكيكمي) ولييييد
وليد: (بعصبية) دخلي فحاااالك
هند: وليييد.. (لا رد دخلت مشات للكوزينة لقاتو كمل طياب الطاجين للي كان كفتة بمطيشة الريحة كانت زوينة نقصت عليه حتى التالي ومشات طلت عليه) وليد دخل نهضر معاك
وليد: مزال كاين شي حاجة اخرى
هند: اه (ضار مخنزر فيها) ودخل باش نقوولك (شافتو ناض وجمعت الظحكة) محسابليش فضووولي لهاد الدرجة
وليد: (دخل وسد لباب زادحو) سمو كاين اخر
هند: (شداتو من ذرااعو وتمات جرااه جلسو فوق السداري وجلست حداه مربعة رجل) وليد شوف فية (مابغاش يشوف فيها) ولييييد (ضوراتلو راسو وشافت فعينييه) علاش تتقلب فهادشي غيجبد لينا غير صداااع حنا ف.. غنى عليييه...
وليد: غلطتو بزااف
هند: وي غلطنا ولكن ربي للي فوقنا هو للي عارف نية كل وحدة فييينا
وليد: أمال مكانش خاصها تبعك لا نتي لا شيماء
هند: علاش مالي أنا
وليد: هي كانت بحال شي مشة مغمضة
هند: اه وباقية ماشي غي حيت هضرت مع أنوار ومشينا لدارو صافي.. هو براسو عمر امال سلمت عليه كان بالصح باغيها فاللول قبل ميتقلب بوحدو وخطب شيماء
وليد: يعني شيما للي ݣلبااتو
هند: وليد نسا هادشي (شافتو مصر) لا هو للي كان شمااتة حيت مكاينش شي راااجل كتقلبو مرا والحمد لله أمال ربي شاف فيها اما كانت غتعيش العذاب معاه وووو بالصح كان باغي أمال فاللول
وليد: وكان يحسابلي يوقع هاك منكونش سباب بعدا ديك لبنت تخرج من دارهم
هند: بلعكس خرجت وقسااحت عرفتي نهار سبت أنوار وخلاتو غير كيصووط عجبني الحال فيه ونهار واجهات شيماء كانت قوية لدرجة ركزت على قرايتها ودخلت une bonne note
وليد: وي حتى انا عاجبني الحال تزيد القدام ولكن كنتي نتي بعقلك على الاقل منمشيوش تباتو فدار لعزاارة (تعصب) دار لعزارة اهند!!
هند: ماشي شي عزااارة هه
وليد: نوضي من حدايا
هند: وليييد (تكات على صدرو) نسا أوليد هادشي الا بقى تيتجبد بزااف أمال للي غتاكل الدق براااكة غير لدابا متتهضرش معاك
وليد: هههه (كيلمس فشعرها حيت دغيا كتغمق عليه) انا كظحكني مكتشوف فية مكتهضر معايا بحال انا للي مزبلها
هند: ههه تتحشم مسكينة هي راه تتعزك كتر من خوها محمد
وليد: وي حتى انا (دفعلها راسها) ميحساابكش بتبحليس ديالك غنستاها لييك (ناض وخلاها كضور عينها)
هند: بربي حتى عشرة فعقل...
كان نهار الاثنين ودعو أنوار وبشرى وبنتو خلاها فالمغرب مع ليلى حسن حيت هو ماشي باش يتقد امورو زائد العملية على عينيه للي غتكون حاااسمة فحياااتو..
أمال كانت معنقة زهير مساخياش يمشي خافتو يطول كما المرة الفايتة وهي محتاجااااه مخلاهاش تمشي معاه للمطار بقات مع مو للي بقات كدعي معاهم كاملين.. خرج مشاو وبقاو فالدار غير ساكتين
أمال: منين خرجنا هاد أنوار عااود
الحاجة: معليش ابنتي بحال خووك حتى هو يمشي ويوکف معاه
أمال: راه ختو معاه
عيشة: ݣلبك شحال قااسح
أمال: مقاسحش غير صافي مشات معاه ختو راه كاافية
عيشة: ونتي مالك أنوار وزهير من قبل مكانوش يتفارقو حتى بنتي نتي وبنت عمك (قبل متكمل ناضت أمال من حداااهم) وشوووووفلك امّا
الحاجة: ها العاااار ما بعدي عليك مرت خووك
عيشة: (ضربت فمها بيدها) هاااني ولكن عقلي الا منوضت شياااط فهاد الدار
الحاجة: تنوض الي بغات ياك فدارها خليها دير ما بغات بعديها راها توحم ومبغات راجلها يبعد عليها
عيشة: كتوحم حاملالي معرفت باش
مينة: بفففف يا عيشة الجلسة حداك هنا ولات حااارة يا أمال يا ليلى غير تهناو من الكاملة جيتي نتي
عيشة: الله يرحمها وكان ماشي تقهرت مسكينة متهزش رحيلها تمشي لبلادات الناس حتى جات كفتة فصندوق الله يرحمها... (مجاوبها حد حيت طلع ليهم هاد الديسك فراسهم أما أمال طلعت لسطح وبقات جالسة قنطانة وكان غير كيخليها زهير تبات عند هند بعدا تبدل الجو صونات على هند مجاوبتش صونات على مريم جاوبها محمد.. توترت)
حم عليكم السلام
محمد: علاه مكنتيش تجاوبيني
أمال: والله اخويا غير من هادي لهادي
محمد: نمشي للدار ونجيو نشوفوك تيليفون مريم كان ضايع وديتو بتݣاد وبقا معايا واش خاصك شي حاجة ݣالي زهير راكي حاملة
أمال: (حشمت) شوية
محمد: ههه سمو شوية مهم هاني نكمل الخدمة ونجيو عندك
أمال: واخا خويا (قطع.. مجاتش تقولو زهير مكاينش حيت بحال كطردو.. هبطت مشات للكوزينة نيشان جبدت كتعجن بغات تقاد ملوي بالشحمة حيت كتبغيه مريم بزاااف.. محست حتى تبسمت منين كتفكر راها حاملة وفكرشها ولد ولا بنت سهات فأنها مكتوحم مكترد مكدوووخ)
كولشي عندي مݣلووب يا لاااطيييف... (دخلت عندها الحاجة كطيب خاااطرها قالتها على مجية ديال خوها وجبدت لحم من التلاجة)
يمكن ميتعشاوش امّا
الحاجة: وحنا نطلݣوهم بلا عشا؟!!
أمال: ههه بالصح... (بدات الحاجة كتنصب حيت بناتها جاو رجلاتهم داوهم.. جات ليلى من بعد مراجعات مع بناتها قرايتهم وبنت خالتها بقات مقابلة ولدها وبنت أنوار...)
ليلى فين غبرتي نهار كامل
ليلى: (تفوهت) مع لبز
الحاجة: ابردي تبخوولك راسك يا بنتي
ليلى: لا مساااكن.. شنو كديرو؟!
الحاجة: خو أمال ومرتو جايين يشوفوها
ليلى: حيدي عليك امّا انا نكمل... (جا محمد ومريم حطولهم كاسكروط وحتى هو مخلا مجااب لأمال سقاطة الكفتة الطيحال الديسير للي كاين فالسوق مكسرات فرحت بزاااف شدووهم لعشا عاد عرف زهير مشا لفرنسا مع انوار...)
محمد: ياله تمشي معايا هاد اليومين
أمال: امم (شافت فالحاجة) مصااالحش
محمد: علاه مصااالحش الا بغات الحاجة ياله تبدلي الجو شوي
أمال: (تحرجت) والله معرفت
الحاجة: سيري ابنتي مع خووك يوماين فوج فيها شوي
أمال: (بخاااطرها مكتقدرش تخلي الحاجة بوحدها عاد كلام زهير فاش كيوصيها على مو.. وشافت عاود خوها ومريم ولبقية كيلحو عليها تمشي)
مااا الصراااحة حتى يجي زهير هو ݣالي متخرجيش من الدار ݣاااع (لقاو كيظحكو بدلو الموضوع حطو لعشا تعشاو ومشاو فحاالهم واخا عياو يشدووهم حتى هوما يباتو...)
أنوار: (مع وصلو خاااطرو ضروو 5 شهور باش وقعت ديك الواااقعة للي عمرها تمحا من باالو ولاطراس ديالها غتبقى فيه حياتو كاملة... مشاو لوطيل رتاحو شي ساعة ونيشان خرجو للمحامي للي بقات علاقة معاه مزيانة تلقااوه فالمكتب ديالو اول حاجة سولو على حالة ام دعاء للي مزالة كومة.. عاد خبرهم على بوليصة تأمين ديال دعاء الي خرجت لانوار وبنتو... وكان فيها مبلغ ملييييح للي يديرلو مشروع مزيان اما الورث معطل حيت ام دعاء مزال مماتت.. وحتى هو خرج ليه فلوس عطاهم الشيك للي مع خرج عطاه لزهير)
زهير: واش هدا؟!!
أنوار: رزقك للي سرقت ليك
زهير: واش عارف شحال هنا؟!!!
أنوار: ميسواو ݣد هااك ݣدام واش درتيلي
زهير: (تبسم وشد يد أنوار) حتى تصرفو وردلي رزقي
أنوار: (تبسم) شدو ازهير
زهير: انا غنشدو على متحل عينيك ورواح نعاونك دير بيه شي حاجة للي تعيش منها نتا وبنتك درك غنمشيو لداك طبيب
أنوار: (شد تاكسي مشاو لطبيب عطاهم أمل والعملية كانت عندو من دابا 15 اليوم على ميدير شي تحاليل دازو على طبيب العظام شافو رجل التانية للي قطع الامل انها ترجع كيف كانت ديما غيبقى يعرج عليها ويحمد الله مقطعهالوش... رجعو لوطيل كيبغيو ينسوييه انه الحمد لله قلت بروحو بعدا وبنتوو.. )
بشرى: فوكاش نمشيو للدار نجيبو لحوايج
انوار: مباغيش دوك لحوايج انا باغي غير وراقي
زهير: حتى لغدا باش غيمشي معانا المحامي وبوليسي
بشرى: وشوف ولاد لحراام من قبل مكانوش يبينو هادشي
أنوار: انا بعدا كنت داااير عليها (تفكر دعاء الي كانت وقفات غوجههم كاملين وتزوجات أنوار للي ماشي من طبقتها ولا مستواها واخا هكاك كانت دايرة ليه قيمة كبييييرة تماك مقاادرش يدخل لديك الدار ودعاء مكاينااش مصبر راسو غير بالسيف...)
~~~~~~~~~~
أشرف: (كان متكي كيتفرج حتى بداه شي حريق جلس داير يدو على جنوبو وبدأ كيعرااق بوتيرة كبيييرة وقف حس بالووخة ولحريق غير مكيزيييد تحت سرة ديالو مفهم واالو حريق قااااسح حتى تعكف من ظهروو كانت شيماء خارجة من بيتها غير باش تقاد الرضاعة لبنتها حتى شاافتو رااااكع هز راسو فيها بانولها عينيه كيبريبو شعلت الضو كان وجهو حمر)
شيماء؛ أشرف!!!! ماالك؟!!
اشرف؛ (مقااادرش يهضر بالسيف اصلا شاد رايو ميغوتش بالحريق محس حتى بغا يزيد خطوة وركابيه فشلو عليه وطاااح كيتلوى وشاد جنبو)
شيماء: اويييلي اشرف (حنات على ركابيها كتقيس فكتفو) مااالك شنو وااجعك؟!!!
أشرف: لمووووت (حتى كيبغي يهز صبعو يشهد كتشدوو) لمووووت
شيماء: (تلفت.. صونا تيليفونو هزاتو كانت حنان قطعت عليها قلبت على نمرة ديال خوها وهي تصوني المرة اللولة التانية التالتة جاوب)
الووو الو خووبا عتقني
وليد: (كان متكي ومتكية عليه هند جلس وعند غير كتشوف) مالكي!!؟
شيماء: معرفتش أشرف لقيتو كيتعصر بالحريق حتى طاح على وقفتوو
وليد: هاني جااااي.. (قطع عاود لهند وهو طالع لبيتو يلبس لسقاتو تمشي معاه مابغاش قنعاتو الا كانت شي حاجة فاش تعاون.. عاد لبست مونطوها وخرجت معااه... هو للي صاݣ هاد المرة مسافة نص ساعة كانو عندهم هو لحريق غير مكيزيييد حتى فشلووو... حنات هند عندو يرويها فين كااين لحريق
هند: واش ديجا كانت كضرك؟؟؟
أشرف: (سخفان) لا
هند: (وقفت) وااقلة مصران الزاايد هو للي كيجي حريقو هاكا.. خاص ضروووري يمشي لصبيطار....
داوه لاكلينيك للي خدامة فيها هند دخلوه المستعجلات وبقاو برا
هند: دارو معايا لباس هنا للي مرض ونجيبو ليه
وليد: كديري لماركوتينغ بدلي الحرفة
هند: ههه ناري تخيلتها (شافت فشيماء للي هازة مريم معنقااها عكس كيف كانت كتهزها وهي مجبرة وشوشت عند وليد) رجعت تتبغي بنتها
وليد: (خنزر فختو حيت مكيقزل صافي مغنبقاش نسمع من عندها شي فضيحة حتى كيتصدم) بالزز على مها تبغيها
هند: (خرجت صاحبتها ومشات عندها) مصران الزايدة ياك؟!!
...: اه خاصو دابا يدخل يفتح
شيماء: يدير عملية؟!
...: اه نتي لمدام؟!
شيماء: (جاتها فشكل حيت عمرها محست انها مرتو بكترة النفوور من جيهتو) اه
وليد: انا نمشي نعمر ݣوليلي فين
هند: (شافتها بغات تمشي معاه) صافي اسماء غير سيري انا للي غنديه (وشوشت ليها) راجلي متيحملش للي تمشي معاه (تبسمت ابتسامة صفراا ومشات حدا وليد يشوفو شحال... سمعت الثمن وهي تخرج عينها)
وااااو تيغلييو
وليد: شتي على برطية هاد الليلة
هند: نتا عارف أشرف يفيق يردها ليك
وليد: مزيااانة جبتو لأغلى مصحة.. (هضر مع لبنت) صافي انا نمشي نجيب لفلوس
..: موسيو مغيبداو معاه حتى تخلصني
هند: وراني خدامة معاكم هادي ماشي ضمانة (شافت فيصل دخل ملابسش الطبلية) موسيو فيصل (كان جاي مقصدها.. عاوداتلو لبلان وهو يدور فالي تماك)
فيصل: كنعتاذرو منك اموسيو وليد راك عارف المبتدئين كيحشمووك مع الناس (هاديك للي تماك بغات تموت) انا غنمشي براسي نقولهم يبداو العملية... طهوورا ان شاء الله
وليد: شكرا بزااف دكتور (شاف فهند وشد ذقنها) خليك مع شيما مغنتعطلش غنمشي نجيبهم غير من المحال.. (مشا فيصل) نتي متأكدة روحك مزيانة؟!
هند: لا متخافش علية صوݣ بشوية (مشا وخلاها شافت فلبنت للي فالاستقبال) تتبغيو تجيبو لراسكم الهضرة (شقلبت عينها وزادت لقات شيماء باغية تهبط لتحت)
اجي نتي راه مغيخليوكش تنزلي وزايدون مريم غتشم ديك الريحة للي تماك
شيماء: بففف معنديش حتى لمن نخليها
هند: نديوها لمريم
شيماء: (قبل متكملها) لا..
هند: اوكي... (بقاو صاقرين جا وليد من بعد مخلص مكملاش ساعة حتى خرج طبيب علمهم ان كولشي داز مزيان والمشكل للي بقاتلو هو لقاو عندو حجر فلكلاوي...)
اووو مسكين
وليد: ياله نوصلكم للدار
شيماء: خويا هاكو ديو مريم (عطاتها الصاك) راه فيه كولشي يانا نبقى معاه
وليد: سيرز ترتاحو يانا نبقى معاه صباح واجي متخليش بنتك وحدها... (ياله بغات تجاوب مشا وخلاها جرتها هند ومشاو وصلهم للدار ووصاهم يطرقو عليهم.. وهو رجع المصحة...)
~~~~~~~~
أصبحنا وأصبح الملك لله...
زهير: (كانو واقفين فلباب كيتسناو يحلو ليهم معاهم المحامي وبوليسي فتحو كما العادة لابسين من غير هدوم... دخلو لا سلام لا كلام انوار كينعت ليهم هو بقا لتحت مقادرش يدخل لداك لبيت وبشرى وزوهير مشاو حيت موريهم فين كل حاجة...)
أنوار: (ساهي حتى تفكر كاين شي حاجة خااااصة للي مخصهاش تشااف تسعق.. زاد بعكازو مكرهش يطيير وممساعفاهش رجل وحدة.. )
زهير: (بشرى كتجمع على شنو وصااهم أنوار وزهير كيشوف فبيت نعاس للي عجبو تبلى بداكشي ديال الاثاث باغي يسول أنوار منين شراوه حيت شحال من كليان بغا هاد لموديل حل لقجر وهنا وصل انوار كان غيطيح ضار عندو) خلعتيني ياااديل شرك
أنوار: (كيلهت) جمعتو!!!!
زهير: واه كولشي تجمع (شاف فبشرى) ياك!!
بشرى: واه
أنوار: (مشا كيعرج ومسبق يدو حل واحد لمجر للي لقاه مجرور شوية يعني عاد تحل بشرى حيدت ليه يدو) شي حاجة هنا بغيتها
بشرى: تصاور دعاء هاني درتهم هنا
أنوار: (هو عارف تصاور من كانو تماك بقا سااكت لحوايج للي بقاو وهزهم غيرجع ليهم حتى يتعالج فعينيه ويرجع ليه الشووف... جراتو بشرى وزهير هاز جوج باليزات كبار حيت كاين حتى شي حوايج ديال بنتو للي اصرت تهزهم بشرى... خرجو كانت الفيلا خاوية مبغاوش يشوفو ولا يتحاكو معاه... هو مشا لوطيل وزهير كان مشا نيشان للمطار..)
بشرى: واش ويديرو تصاور مرت عمك عندك؟!!!
أنوار: (لا رد غير جالس شاد عكاازو) ياك مشافهمش زهير
بشرى: لا وكان شافهم كان غيكون كلام اخر تصاورها للي داي بلا حجابها أنوار!! واش أمال مرت زهير هي لبنت للي كنتي باغي تدي قبل شيما؟!!!!
أنوار: واه
بشرى: بفففف عليها مكتحملكش عليها الوقت كامل مكتشوف فيك مواالو الناس كاملها بقيت فيها الا هي واش درتيلها حتى نتا!!!
أنوار: والو اصلا هضرنا شي شهرين ولا 3 ماشي شي حاجة
بشرى: ماشي شي حاجة وهاز صوااالحها ولا كانت عاطياهم ليك
أنوار: هزيتهم...
بشرى: بعدها أنوار راها مرت عمك للي وݣف معانا وݣفة دالصح
أنوار: مرانيش نفكر فيها اصلا غير مبغيتش يشوف تصاور للي هزيتلها ياك بقاو عندك
بشرى: واه
أنوار: مزيااااان....
بشرى: ياك اخويا نسيتها مكتبغيهاش هانتا غير تبرى نشاعاللله ونشوفو شي بنت لزواج
أنوار: بشرى اخر حاجة نفكر فيها هي مرت زوهير وحتى زواج...
~~~~~~~~~~~
شيماء: (جاو عند اشرف لقاوه مزال ناعس شافت اخوها للي باين عيان عاد غيمشي من تماك للخدمة)
سمحلي اخويا عذبتك معايا
وليد: يا ريت وكان كان عذاابك هاك (مشافش حتى فيها خرج خلاها متبعاه والدمعة فعينيها.. شافت فأشرف للي وجهو صفر جلست فداك الكرسي ساااهية وكتسنااه يفيق.. من حسن حظها هند مخداماش اليوم وقابلت ليها بنتها... شي نص ساعة بقا كيحل عينيييه وقفت ماشية عندو كانت لابسة جلابة كحلة مشرية طاالعة وجد عااادية ولاوية فولار عليها ݣري ووجها شاااحب من قلة النوم)
شيماء: أشرف كيف راك؟!!!
أشرف: (كان فيه حريق العملية للي عاد رجع عليه طلعت معاه الردان كان غير الكشكووشة هزت كلنكس ومسحت على فمو وعنقوو)
شيماء: واش نعيط ليك لطبيب؟!!
أشرف: (بحرا كيحل عينيه حرك راسو باه شافها كتجري بداك الصابو للي ديال الشرف جات وتابعها طبيب وفرملية بقات من موراهم قلبلو الجرحة للي كانت تحت السرة يعني بقات سنتيم وبيان 🍌 تحت السروال قلبت عينها.. كانت الفتحة مزيان دݣو ليه اسفاارم فالسيروم باش يهدن حريق لفتيح ودابا كيتسناوه غير يتنفس باش يفطر..
خرجو وبقات شيماء حداه)
سيري للدار متخليش مريم وحدها
شيماء: راها مع هند مرت خويا... وليد بات معاك لبارح وانا جيت صباح باش هو يمشي يخدم....
زهير: (متحمس غير يمشي عند أموول للي بقات 4 شهور ويكون عندهم ولد... من ديما باغي يكون عندو ولد هو اللول ماشي عنصرية ولكن هاكا ديما كيرسم فبالو...
شد تاكسي نيشان للمحال حط لباليزات تماك طلع لقا وليد كيشرب قهوة وعينيه دخلو بلعيى)
فييين
وليد: هاني... صافي كملتو شغلكم
زهير: بقالو يدير عملية على عينيه شي 15 اليوم مهم مزااال جالس تماك
وليد: حسن
زهير: من اللول محملتيش جلستو هنا
وليد: حيت غيجبد بزااااف صداع واخا هو يكون مباغيش صداع حسن يستاقر تماك
زهير: فين يستااقر السيد وصل لفرنسا شداتو الخلعة وغير كيرجف واش ساااهل واش دوز تم راه مو ومرتو وصحتو كاين شي حاجة حسن من هاد تلاتة!!! انا كنݣول يجي هنا يستاقر يدير مشروع ويعاود يبني حياااتو
وليد: ضبر راسو هو وصاحبو كيجي من موراهم غير لبلا
زهير: واش دار عاود اشرف؟!
وليد: لبارح تشد وعيطتنا شيما ديناه دار عملية على مصران الزايد
زهير: وايلي!!! لا حولة وكيراه درك
وليد: جيت هنا وخليت شيما معاه للي ولات بحال شي طلابة كتحسها يا أخي بحال خدامتهم هو وبنتهم
زهير: (بقى ساااكت) انا للي نشوف ابن عمي ختك غلطت وخلصت براااكة من لعداوة وخليها تحط الراس علييك (بقا وليد كيشوف فيه) نوض سير لدواارك تنعس
وليد: راه نتا للي جا عياان
زهير: تݣعد اصاااحبي.. (ناض وليد مشا حيت بالصح عيان ولكن مقدرش يمشي هبط لاكاڤ ودخل لديبو اقرب نموسية بانتلو مشا جاب غطا نعس عليها وتغطا...
صونا على نمرة أشرف مكيجاوبش حيت بقا التيليفون فالدار صونا ابيل فيديو مع امال جاوباتو)
واش دالزين على صباح
أمال: ههه راها لعشية (شافتو فلبيرو) واش متجيش؟!
زهير: توحشتيني؟
امال: (تبسم) واه
زهير: ݣوليلي اجي ****
أمال: (شافت فالحاجة للي كانت كتذكر طرطقت كظحك دغيا قطعت.. ناضت من تماك وهو كيصوني جاوباتو من بعد مسدت لباب) حم الو
زهير: واش كانت مّا حداك
أمال: لا سمعت شي حد طالع فدروج ودخلت لبيت (بقات كتشوف فيه كان كيهضر مع الخدام على شي سلعة بقات كتشووف فيه مزعووطة دار ودعها على ميكمل شي خدمة وبقات شادة التيليفون وقلبها كيدق حااسة بكمية حب خطيييرة...)
أشرف: (كتوكلو الصوبا حيت فشلان شاف فيها) من ݣبيل ونتي هنا مكليتي والو
شيماء: مافياااش (هضرة وليد كتحفر فيها.. مسحاتلو فمو وشافت فيه كان كيشوف فيها عينيه عجبووها بان فيهم لون خضر مخلط بالعسلي) حم دابا شوية
أشرف: الحمد لله... (هزت لبلاطو وحطاتو فوق طبيلة للي لاسقة فالحيط وجلست فكرسي وهو متبعها غير كيحس بشي حاجة كيبدا شيطااانو باش يسممها بشي حاجة)
شيماا..
شيماء: هم
هند: (دخلت هي والحاجة وأمال للي خداو الاذن من عند زهير) سلام علييكم (جابت غدا لشيماء طويجين كيباتو أمال مع شلاظة)
شيماء اجي تغداي
أشرف: (متبسم كيرحب بيهم) عذبتو رااسكم
الحاجة: ااح على وليدي فين كانت مضرݣااا ليك.. كيف بقيت
أشرف: الحمد لله الحمد لله الحاجة
الحاجة: شتي الزريعة واش دير
هند: الحاجة نتي من صحاب للي تيحسابهم الزريعة هي للي تتنوض مصران الزاايد هههه
الحاجة: ولاه شنو؟!!
هند: سي بالصح منعرفش حسن منك (حيت تعيا تفهمها غتنفي.. بقاو كيظحكو)
أمال: على سلامتك اخويا
زهير: (حنا عينيه كنوع من الاحترام) الله يسلمك اختي
شيماء: (بحرا كتاكل دخل لكبير وولادو وعيلاتهم وليلى حيت أشرف عزييييز عندهم واخا بقى استفهام على زواج من خطيبة صاحبو السابقة... غير شافتهم وحلت ليها وأكترية كتشوف راسها طوب ديال تبهديل بعكسهم.. أمال شافت داك الديكور معجبهاش الحال وجاتها النفس مشات وقفات حدا شيماء مضرقة الشوفة فيها)
أمال: كولي راه انا للي مطيباه ليك
شيماء: (حانية راسها) شكرا اختي الله يعطيك الخير
أمال: حيت عارفاك كنتي كتبغي طواجني
شيماء: (هزت راسها متبسمة) لحريرة بزاف
أمال: ههه كتوحمي
شيماء: (جمعت الظحكة) لا
أمال: لا زعما واش توحشتي ماكلتي غير يبرا راجلك واجي عندي
شيماء: نشاعالله اختي
أمال: مالكي غير حانية راسك فينها شيما لمسمومة للي متخلي حتى حد يشوف فيها هاكا وتحنيلو فقستيني خرجي عينك فيهم
شيماء: (حابسة لبكية بالسيف وشدݣ ديال خبز واحل فحلقها حتى بقات كتكح ودموعها هبطو شاف فيها أشرف كان وجهها فيه اثار لبكى.. وقفت وهي كتشهق حنات راسها وخرجت قبل ميشوفو دموعها....)
دازت سيمانة والامور كما هي أشرف شحال من واحد جا يشوفو وللي كيجيب مدامتو للي كيجي بوحدو حتى من عمو جا هو ومرتو للي محملوش شيماء هي وبناتها وزادو تعجبو من حاالتها نفس الجلابة ونفس الشال بقات بيه حيت وقتها رجع عامر كتر كتمشي تقابل بنتها ترتاح شوية وترجع عند اشرف للي كيتزاد الحال عليه بسباب لحجر للي فلكلاوي..
شيماء: (دخل عليها وليد كتلبس) خويا
وليد: واش نتي عندك غير هاد الجلابة فين حوايجك نديك تبدلي
شيماء: غير نسيتهم فالدار ومكلقى وقت نمشي نبدل
وليد: ممهليش فيك؟!!
شيماء: لا... غير مجبتهمش وصافي راك شفتي كل نهار مزروبة (دخلت معا للي جاو باش يشوفو أشرف وحتى باها جا للي بغات تسلم عليه ودفعها بحال شي جرثومة..)
ياله نمشيو؟!
نعيمة: علاه مدايرة حتى خاتم فيدك
وليد: حتى تلݣى متلبس شاااكة يكون كيوكلها فبيت لما (خرج مكره)
نعيمة: سمو شاد عليك باش راه يديرلك هاك؟!!!
شيماء: (عيات من لكذوب بقات كتبكي) شاف تصاوري مع انوار وو..
نعيمة: (باينة ماشي تصاور عاديين) خصااارة تربيتي فيك ابنتي... (خرجت مكسوورة مشاو كاملين تخنقت بزااااف كتحس براسها كتر من منبوووذة.. وصلو طلعو لعندو كان كيتمشى وفرملية حداه كظحك يعني كان شي حديث بيناتهم شافت شيماء فلفرملية غير بارفانها معمر الشومبرة عاد وجهها مرااية ومقادة الحالة وشعر كوب شوفال وصباايغ فالظفران غير شافتهم بقات متبسمة)
...: ان شاء الله غدا يخرج سي أشرف
شيماء: سولك شي حد؟!!! (لوخرا مرضاتش وخرجت.. بقات اللور غير كتشوف فيه اما هو تحرج من نسابو للي مبغاش يفهمو غلاط حيت كانت غير كتهضر عادي وكتعاود على شي مريض هبلهم باش يدݣو ليه إبرة)
أشرف: (شد جنبو) دخلو مرحباااا (معرف ميدير حنا باس يد احمد للي جبد يدو) دخلووو
نعيمة: كيف بقيت اولدي؟!!
أشرف: الحمد لله اخالتي داازت (بقاو كيسولووه مشا يجلس شاف فشيماء للي بقات حدا لباب مبعدة) شيماا كيف راها مريم توحشتها
وليد: مرتك راها قاسمة روحها عليك وعلى بنتك حالتها توريك
احمد: ولييييد (خرج عينو فيه باش يسكت.. وقفو) شفنااك على خير (عيا فيهم يجلسو مبغاوش باش ميطولوش على لمريض بقات شيماء)
أشرف: شيما!! واش خاصك شي فلوس؟!
شيماء: اصلا مكانوش عندي
أشرف: (بقا كيشوف فيها هو حااس بيها وحاس بشحال من حاجة زائد الاهتمام لكبير للي عطااتو)
تمشي للدار وحدك؟! تجيبي كارت ݣيشي خليها عندك وشري واش خاااصك
شيماء: (شافت فيه حيت كان ديجا حلف درهم متشوفوش منو.. )
خرج أشرف مشاو لدارهم مفهمش علاش مخدات والو من كارت ݣيشي.. غير وصلو مشات غسلت معدنوس ودارتو فإبريق كبير مع لما وخلاتو كيتبخ مشاو هو للبيت تكا حيت حريق لكلاوي بداااه وصعيب باش يحايدو بالليزر حيت عاد دار عملية ونعيمة قتارحات الوصفة للي كتوجد نعيمة.. جات عندو
أشرف: شيما بغيت ندوش
شيماء: واه انا نوجد الدوش (مشات من حداه حيدات جلابتها بقات بكولون وتريكو جمعت شعرها سفنجة شافت فلمرايا كانت زادت ضعاافت.. تأفأفت مكتحملش الضعف.. شعلت الدوش شمت الريحة كانت شوية دلغمولية رشت سانيكروا لقاتو من مورااها) شوية دلغمولية
أشرف: حيت مكناش فالدار
شيماء: (شافتو بغا يحيد تريكوه وهو يعواج عوناتو حايد حوايجو كاملين بقا غير بالشورط شعلت الرشاشة وقداتها وهو غير متبعها.. شافت فيه) تبغي شي حاجة اخرى؟!
أشرف: شكرا اشيما
شيماء: (بقات شحال كتشوف فيه..) انا برا.. (خرجت وهو دوش وجداتلو حوايجو حطاتهم فوق نموسيتو.. سمعت الصونيط كانت هند وأمال ونعيمة وليلى جايبين مريم وجايبين لغدا واجد.. جمعو معاها شوية كانت نعيمة جابت بيجامة وجلابة جديدة لبنتها.. خرج أشرف كيعرج بالحريق سلم عليهم ودخل يتكى وعطاتو شيماء كتشرب داك لما ديال المعدنوس جاه ابيل من عند انوار..
تغداو خلاو مريم ومشاو فحالهم... اما هي دخلاتلو لغدا ومريم للي فرح بزااف بشووفتها خلاتو يتغدا ومشات كتجمع الدنيا)
~~~~~~~~~~
دازت شهر الحال بقات كما هي أشرف هبطلو داك الحجر بعدة معاناة كبيرة وكان لشيماء دور كبير حيت المعدنوس نفعو بزااف باش هبط داك لحجر وبدا يرجع لصحتو أمال وهند لكريشة بدات كتبان ليهم شوية ووليد وزهير فرحانين كتر من بزااف...
أمال: (صونا عليها محمد مع 5 دصباح تخلعت) الووو
زهير: (قلش ودنيها وفاق ضار بالزربة شاف فيها) شكون؟!
أمال: بالصح مسكينة.. واش درك؟؟؟ انا نوض زهير نجيو عندكم هاك ݣولو اخويا فين (مدات التيليفون لزهير) مريم داها لصبيطار تولد مسكينة وراها محنة...
(زهير مقلوب بنعاس ولكن مستحيل يخلي شي واحد ناضو لبست كيطمة ومن لفوق مونطو وحتى هو لبس مزيان مشاو للطموبيل نيشان لصبيطار.. وصلو لقاوه مخلووع كيسنى شي خبر شي ساعة خرجو جوج فرملية هازين ترابي)
...: مبروك علييكم عندكم وليد وبنيتة
محمد: والمدام؟! كيف راها؟!
.. : تمحنت شوية مسكينة جوج تبارك الله مساهلاش
أمال: واش ندخلو عندها؟!!
...: دابا يطلعوها للشومبر (شدت لبنيتة ومحمد شاد الولد) مبروك علييكم (جبد فلوس وعطا كل وحدة 200 درهم) لا لا ميمكنش
محمد: ماشي رشوة هادي حلاوة الفرحة (شاف فولادو وزهير شد لولد باغي يأذن ليه) زربة شيييينة هادي ابن عمي
زهير: ههه كنتعلم (بقا شاد لولد حتى كمل من لبنت وعطاه لولد لي شدهم بجوج) الله يصلح أخاي محمد (داوهم لفرمليات وهو فرحان باغي يبكي غير شاد دموعو بالسيف مشاو يتسناو مريم حتى جابوها صفرااااااا مسخسخااااا)
ها واش تاابعك
أمال: احااي (خرجت عينها) حشوومة
زهير: ابردي واش راني نساااين داك نهار ...
أمال: (داخلة للصالة سمعت زهير كيهضر مع أنوار لاحت عينها كانت داير فاصمة على عينيه)
زهير: وفوكاش يبان؟!
أنوار: مزال حيت کالي شحال صبرت شحال لعينين ياخدو راحتهم يبرااو غير هو (زفر) نظر مغيرجعش كيف كان
زهير: الله يجعلك دير ݣاع الكاس غير تعاود تشووف نظااظر وليلونتي مخلاو بنادم فغبينة
أنوار: ههه كاينة
زهير: (شاف فامال للي لبسات) أموول نمشيو؟!!!
أمال: واه انا نتسناك لتحت راه مّا هودت
بشرى: (هزت التيليفون لانوار) عطيني أمال نبارك ليها على خوها (مد لأمال التيليفون) سلام أمال لباس عليك
أمال: (تزنݣت حيت مبيناتهمش شي حديث وكلام) سلام ختي بشرى انا الحمد لله ونتي لباس عليك؟!
بشرى: لباس ازين مبروك على خووك يترباو فعزو
أمال: امين اختي شكرا
بشرى: لعݣبا ليك تفكي على خير ولكن صبري حتى رجعو هههه
أمال: ههه واخا
زهير: واش للي واخا غتبقاي دساا ولدي فكرشك
أمال: احااي وزايدون بنت ماشي ولد
زهير: (وقف نافخ صدرو وكيخبط فيه) ولد انا للي عاارف
أمال: ههه هاد عمك والله الا هبيل بلا وراق
بشرى: هههه ان شاء الله تكون الصورة مكمولة ولد ولا بنت بحال بحال
أمال: امين اختي شكرا حم كيف بقا خوك
بشرى: صاڤا الحمد لله دار العملية اللولة باقي وحدة وبين اللولة والتانية شهرين
أمال: (فنفسها مكرهتش ميرجعش) الله يشافيه (هو صااقر كيتصنت)
بشرى: امين احبيبة ياله بلا منشدكم واقلة خارجين
أمال: واه ماشيين عندهم لصبيطار... (قطعو من بعد متوادعو هبطت كانت الحاجة كتسنااهم داو فيدهم بركوكش والحمام لبلدي بلمساخن ومشاو ناشطين كما العادة وصلو مع قربو كيبان ليها علي.. يااااه وشحال هادي مشافت علي من لݣنازة حيت فعرسها مكانش حنات عينها وحتى هو غير شافهم جر شي وحدة لابسة العصري وطالقة شعرها وزادو دخلو كان كولشي تقريبا مها كريمة وبناتها حتى مرت حنينها.. عماماتها للي شحال مشافتهم محمد كان عزيز عند كولشي واكيد غيفرحولو زهير كتفى بالسلام عليكم وأمال محست حتى تخبعت من موراها معرفت واش تسلم ولا شنو حتى شافت الحاجة مادة حنكها كتسلم عاد مشات حتى هي كتسلم للي كيبرݣݣ فيها لباس لبارفان الوجه للي صفا وذهوبات للي باينين وصلت عند مها للي مدت يدها باستهالها وهي كتحس براسها غير كتنييفق هبطت عينها لكريشتها حيت كانت لابسة مونطو كلاص وباينة شوية حطت يدها على كرشها عاد لاحظهت كولشي)
فتيحة: مزال متولدي؟!
أمال: حم باقي (شافت فزهير بحال كتقولو انقذني.. دارها إشارة بعينيه زعما تهدني خرج وتبعو محمد... ياله بغات تسلم على مريم وبداو عليها بالأسئلة للي كتجاوب على قد السؤال... قمعات بنت خالتها للي سولاتها واش معاودتيش زرتي قبر باك وخلاتها بلاكة مدات لمريم داكشي للي جابت ليها.. حلات بزطامها جبدت 2000 درهم وحيت عارفة لعينين عليها كانت 500 درهم باقية زادتها وحطاتها تحت كويشة ديال لوليد اما لبنت كانت فيد كريمة.. جات الحاجة حتى هي حطت 1000 درهم... خلاتهم كيتغامزو من المبلغ للي تحط.. شافت الجو ممربحش خبرت مريم للي تفهماتها وواعداتها تولي ترجع)
الحاجة: نخليوكم درك
فتيحة؛ ويلي يا الحاجة عاد جيتو
الحاجة: نمشيو حتى لغدا ونعاودو نطلو عليكم ياله ابنتي
أمال: واخا امّا (كاين للي تعجب كاين للي ظحك على هاد مٌا) بسلامة
الحاجة: مرحبا بيكم عندي فالدار ولا فدار بنتي امال
العمة: علاه مسكناش معاك؟
الحاجة: لا هي بدارها وداري دارها ههه تمسووو بالخير (خرجت أمال مفرنسة والحاجة شادة ذراعها بحال شي صحابات غير فاتو لباب)
ياااا محاااينك معاها
أمال: العاااار امّا متݣوليلوش على لفلوس للي زدت ديال خلاص لويفي
الحاجة: ههه انا نعطيهم لبنتي عجبتيني منين زدتيهم
أمال: كنت عارفة الرضارات حاطين علية
الحاجة: اوا الحمد الله منين كان غير داكشي للي عندك فلبزطام هههه
فتيحة: (تصرف للي دارت أمال عجبها فقسات عمماتها وبانت ريحة لفلوس فيها عاد الاناقة باش جاية بقات مجمعة مع مريم حتى جبدت دبليج ذهب وعطاتولها فرحانة بولاد محمد...)
معرفت فيها آسيا
كريمة: خرجت هي وعلي
العمة: وهادي للي جاية معاكم بلا عقد كيف خلاوها واليديها
فتيحة: اوا راه عرفو معامن تنانسبو مجاوش وطلݣوها تجي معانا غير هكاك
العمة: واخا هكاك حشووومة وكانت غير دايرة الكاغيط
فتيحة: دايرة الفاتحة وهادشي مافيها وزايدون بغاو هي وخطيبها يتسراو ويشريلها جهاجها
العمة: يشريلها ونتي محاضرااش
فتيحة: ولاد اليوم هوما هادو ضتي يانا بنتي امال هي وعݣوزتها شراو جهاج عاد جات دارت العرس
العمة: اوا الله يرحمك اخويا وكان كان حي مكان يقبلها لا على بنتك لا على ولدك
فتيحة: اوا محد مهم كاين انا قاابلة على كولشي غير يكونو ولادي فرحانين
كريمة: (طاحلها العجب كفاش كتفتاخر ببنتها) هاكي رضعي الولد
فتيحة: خاصنا نسمييوهم مجاتش كل شوي نݣولو لبنت والولد.. محمد محمااااد!!! (دخل محمد)
مکلتوش سمو نسميوهم
محمد: للي تمحنت عليهم تسمييهم
فتيحة: (تقرست) ايييه هادا هو المنطييق کولي ابنتي مريم
مريم: (تبسمت) سفيان وصوفيا
فتيحة: (ضارت شافت فمحمد للي متبسم يعني عاجبينو يعني اقتراحات ديالها تخليهم عندها باش متسمعش شي ردة فعل وأكترية محمد للي خرج من طووعها ونيت تزيد تفقس اللوسات) مزييينااهم سمية هانا على وليدي سفياان وبنتي صفية
محمد: صووفيا اما ههه
فتيحة: ههه بحال بحال الله يكبرهم على طالعة الله...
كريمة: (شوفتها غير مصدومة من ختها للي جاية فطريق كتقول انا نسميهم وكتعطي اللائحة) الله يخليهم ليكم
محمد: امييين وياله نوصلكم للدار
فتيحة: انا نجلس نبات مع مريم نݣابلها
كريمة: غير سيري اختي انا نجلس براكة نتي تراعي للضيوف
محمد: بالصح اما
فتيحة: اوا عيط لختك وراجلها وعݣوزتها يجيو يتعشاو
محمد: واه راني ݣلتها لهم.. فالليل يجيو
عاد دخلت نعيمة واحمد ولدك ومرتو وولدهم دارو الواجب حتى هوما لحقت هند ووليد... شافو مريم زرروها نعيمة واحمد غيمشيو لدار محمد وهند ووليد حتى يلحقو فالليل
فتيحة: فينها شيما؟!!
نعيمة: (خرج احمد) حتى الليل ونݣولوها راجلها يجيبها هي وبنتها
فتيحة: (مصدومة) بنتها؟!!
نعيمة؛ من بعد افتيحة نمشيو دابا....
أمال: (كان رجعهم زهير ومشا لخدمتو.. رجعت للماريو كتقلب على شي لبسة زوينة تلبسها واحسن حاجة هي الكسوة للي خيطت اخر مرة دخلت دوشت توجد راسها بحال عندها موعد غرامي مع حبيب قلبها ولكن هادو كتر راه العديان العائلي... صونات عليها هند للي رغبتها باش يقولوها لشيماء تجي حيت توحشت مريم وبغات تطمائن حتى على بنتها واخا مكتقولهاش... احمد حالف ميمشي لدار بنتو ومرتو تابعاه ومحتارمة رأيو.. )
اوا ݣوليهالها
هند: معرفت موحال واش تبغي راكي عارفة قصتها مع مريم.. مهم الا بغات قلت نمشيو انا وياك نجيبوها
أمال: نکولها لزهير ونرد عليك
هند: واخا زين انا نتسناااك (دازت مدة بغا زهير دازت علمات الحاجة عاد مشاو عند شيماء للي معلموها بوالو رحبت بيهم جات مريم عندهم كتحبو تعلقت فهند للي هزاتها شافت فكريشة ديال امال)
شيماء: واش حاملة امال؟!
أمال: (تبسمت) واه
شيماء: بجوجكم تبارك الله واقلة بحال بحال فشهور
أمال: انا فيتاها
هند: (كتعيبها) ننننن.. بزعطة مهم انا عرفتها قبل منك
شيماء: ههه دخلو مرحبا الدنيا مرونة كنخلي مريم حتى تشبع لعب عاد كنجمع
هند: مزيان هكاك.. مكاينش راجلك؟!!
شيماء: لا
هند: شوية دابا؟!
شيماء: (تنهدت مبقاش عندها تخوف فامال تشمت فيها) هو فبيتو وانا فبيتي كتجمعنا غير مريم
هند: اممم اوا جبديه عندك
شيماء: هند أشرف شاف علية كولشي ههه سبحان الله ربي طيحو فتصاويري مع داك الكلب دانوار كنتباوسو معنقاه وانا ملبساش مزيان شافني مع شي وحدين
هند: مقلتيلي والو وزايدون هداك ماضي
شيماء: أشرف انا فاهماه من هادشي كامل هامو علاقتي مع أنوار للي ݣلتلك شاف حوايج مخاصش يشوفهم.. مهم انا جاية
هند: شوفي بلا متنوضي ديري شي حاجة حنا معروضين وليد غنقولو يقولها لأشرف باش تمشي معانا لدار محمد هو أمال مرتو ولدات توام والعائلة مجموعة
شيماء: لا لا لا
أمال: (اول مرة دخل) حسن متمشيش
هند: علاش راه خالتي نعيمة باغية تشوفهم؟!!!
أمال: تماك غير لبعكاكة وحتى واحد معارفها ولدات غيبداو يسولو على حسن وكفاش طرا وتطلقتي وتجوجتي دغيا ويحسبو معاها كفاش ولدتي وحتى وتݣول عاد ولدت بنتها تبارك الله راه كتحبو عائلتي وكنعرفهم بلاش ݣاع خالتي نعيمة غتعشى وترجع لعندكم للدار وشيما تفيق صباح وتجي
هند: (بقات كتشوف فأمال للي قنعتها.. رجعت شافت فشيماء للي كتشوف فأمال) شنو!!
أمال: انا غير ݣلت وصافي
شيماء: (بحزن) عندها الحق أمال...
أمال: متفهمينيش غلاط انا راه غير ݣبيلة مشيت كلاوني بهضرتهم راك عارفة عماماتي ومرت حنيني وعاد بنات خالتي كريمة للي معاجبهم حال حتى من حاجة
شيماء: بالصح.. انا جاية (مشات للكوزينة غير كتنهد)
هند: (قرستها) منين عارفة هادشي قوليهلي فالتيليفون منجيوش حتى لهنا
أمال: (كتحك بلاصة القرسة) وعاد فكرت ازمرة (جات شيماء جايبة عصير وحلوى كلاو ودعوها ومشاو مخليينها مغبووونة منبووووذة وخصوصا منين تعرفي العائلة كولها مجموعة الا نتي....)
أصبحنا وأصبح الملك لله..
شيماء: (كتقلب فلماريو على شي حاجة زوينة تلبسها باش تمشي تشوف مها داز أشرف لابس مأنتك باش يمشي للخدمة لقاها حالة لماريو وجالسة فوق النموسية اونفاص معاه حااايرة دخل شافتو قلبت وجهها لمريم للي لابسة كسيوة فلكوير وبوط حتى هو جاية زوينة حنا باسها)
حم غنخرج نمشي عند دار خويا
أشرف: معامن تشاورتي
شيماء: هاني كنشاورك
أشرف: لا
شيماء: غنمشي
أشرف: (شاف فيها لا خرجت غير باش يخليها تهضر معاه) واخ سيري وخلي لبنت هنا انا نجلس نݣاابلها (جلس ضارت شافت فيه والدمعة باغية تزلق من عينها)
شيماء: منين محاملنيش هاك طلݣني أشرف بنتك مغنمنعكش عليها
أشرف: اممم باش ديري ما علييك
شيماء؛ الا بغيت ندير غندير واخا نكون على رݣبتك
أشرف: (خنزر فيها) واشتا!!!
شيماء: بغيت نمشي نشوف ماما راه بابا ممخليهاش تجي عندي راه كولشي بسبابك نتا وفالتالي دير فية هااااك واش انا جيت ݣلت ليك تجوج بية ولا نفضحك راك نتا للي بززتي علية راسك من نهار اللول
أشرف: (بقا كيشوف فيها) حتى الجلسة معايا بالزز.. امم واش شااادك لباب راك تعرفيه حلي خرجي وبلعيه من وراك
شيماء: جالسة غير على حساب مريم
أشرف: (مكانش متوقع هضرتها حط لبنت من بعد مباسها) من شحال دي ݣلت ليك منعاودش نتغاوتو ݣدام لبنت ونتي راكي تسممي فية باش نغوت ونخرجها معقدة
شيماء: انا ݣلتلك بغيت غير نمشي عند ماما تخنقت (بصوت مخنوق) فهاد الحبس
أشرف: مضربك حد على يدك
شيماء: لا غير شديتني بالسيف علية
أشرف: واش ار** تبلعي داك الفم ولا يا دينك نجي نهرسو ليك
شيماء: (سكتت وشافت فمريم للي شادة لعبة ديال سنان كتغزز فيها وتريݣ)
بغيت نمشي لدار خويا
أشرف: غنخليك حيت واليديك غيكونو باغيين يشوفو مريم ولكن حسابي معاك مسالاش يا مك نوريك واخا معايا ديري ماعليك (بقات ساكتة وسكاتها مجننو) لبسي حوايجك
شيماء: معنديش
أشرف: عندك وغتلبسي دوك شرااوط حيت الواحد ميتييقش فيك ياله تحركي (وقفت مكرهة لبست كيطمة واخا واسعة عليها موديل قديم الا فيها شوية ديال الضو قدات بليكخون للي عاطياها هند دارت فولار وقدات صاك مريم للي فيه لوازمها وشي لعاب وخرجت لقاتو جالس طلعها)
مزيرة
شيماء: (خرجت عينها السروال وكان تحشي رجليها بجوج فرجل وحدة غتجيها صاية واسعة)
دابا ندير ريجيم
أشرف: سيري بدلي علية ديك الحالة راك خارجة مع راجل ماشي واحد بلݣرن
شيماء: حشومة عليك راه رجعت بحال شي جفاف بدوك شرااوط لبارح مݣديتش نمشي عند ماما لدار محمد حيت حشمت
أشرف: (ذكرت محمد قلش ودنيه ووقف ماشي عندها حيت عارف حتى قصة محمد وأكترية فاش كانت كترغبو يتزوجها) ياااك محمد باغا تݣادي وتشيكي باش تمشي عندو
شيماء: راه عندو سبوع
أشرف: ايييه سبووع يعني مغينعسش مع مرتو ونتي بحال ديما البديل (بغات تضربو وشد يدها مزير عليها) زيدي ݣدااامي باك كااارهك انا نزيد نكرهو فيك.. (دفعها بشوية)
انا نوريك محمد تفووو ݣوليلي شي واحد مشافش لحمك فهاد وجدة حماااارة الدولة للي جا ركب علييك...
شيماء: (كمدتها فقلبها وسكتت أكترية منين جبد حس باها فتح لباب وخرج تبعااتو سد من موراها وخرجو جلست هاد المرة اللور حدا بنتها وغير كتمسح دموعها وحاسة براسها مقجوووجة غطرطق وهو غير كيسمع تنخصيصها...)
وصلو هبطات شاف فيها هي والو حانية عينها طايح الضيم عليها زفر دق فتحاتلو نعيمة لباب رحبت بيهم عادي هزت لبنت للي توحشاتها وبقات تبوس فيها هو مشا فحالو وشيماء دخلت بحال شوية ديال الهم لقات باها للي غير شافها قلب وجهو جات عندها سناء مرت خوها جايبة ولدها للي كبير على بنتها ب4 شهور شداتو باستو تحرجت معندهاش درهم تعطيهالو عاد الوجه معندهاش باش تشوف فهاد مرت خوها للي شحال حݣرااتها ودابا ها هي عندها كولشي بعزو لبيحامة للي لابسة واعرة وعاد ذهب.. نعيمة بقات كتشوف نظرات بنتها وكتقطع عليها.. وحمدت الله مكاينش ادم
نعيمة: شيما رواااحي (خلات احمد كيسبح معاجبو حال شاف فبنتو للي شحال خنتها والحاجة زوينة ليها وكان كيحلم يديرلها احسن عرس فتاوريرت مع حسن ولا غيرو.. زفر) بنتي سنا جيبيلي نشرب..
سناء: واخا عمي.. مصطفى تبغي تلعب مع مريم (حطاتو حداها ومشات للكوزينة...)
نعيمة: (طلعو لبيت لفوق حلت باليزتها وجبدت بيجامة جديدة بميكتها حطاتها فوق النموسية) لبسيها متبقايش بجوايج الخروج
شيماء: (طرطقت كتبكي حتى طاحت على ركابيها وهم الدنيا فوك كتاافها) سمحوووولي عفاااكم الا مسمحوووولي (نعيمة دغيا دمعت حنات عند بنتها وعنقاتها راه بنتها وطرف منها واخا تقتل راه بنتها... بقاو على ديك الحالة حتى وقفتها)
بابا مكيشوفش فية
نعيمة: مع الوقت ابنتي.. (طبطبت على كتفها) لبسي وهودي نحطلك لفطور... (هبطت ووجها حمر حاسة بنتها فعذاااااااب واخا أشرف كيبان مساالم الا باينة الأمور بيناتهم معقدة وأكترية منين عاودات ليها شنو عارف وشايف... لبست شيماء لبيجامة للي كانت من 3 قطع تريكو سروال بينوار كانت زوييينة فلون الغوز دارت يدها فالجيب وهي تجبد سنسلة.. كانت سنسلتها ديال ذهب للي شراتلها مها فعرس وليد جاتها لبكية دارتها فعنقها وباستها لوات شال عليها.. مكرهتش دخل لبيت هند دير غير مسكارا ساعة فكرت متعاودش دير هاد لبلانات...)
~~~~~~~~~~~~~
هند: (كتخدم مع شي مريض كملت وجلست فلكرسي فارقة رجليها) واش باقي شي حد
...: اه باقي واحد السيدة
فيصل: (دخل وشافها باين لعيا فيها) هند صاڤا!!
هند: ويي الحمد لله غير عييت شوية
فيصل: صافي الا مقدرااش سيري
هند: ولكن باقية واحد السيدة
فيصل: واخا هكاك حشوومة نعذبو وحدة حاملة وانا عارف دعوتك مقبوولة
هند: هه نو نو متندعيش
فيصل: نخااف على راسي
هند: حاشا
فيصل: ياله سيري ترتاحي الا مقدراش تصوݣي نعيطلك التاكسي
هند: لا صاڤا
فيصل: اوكي.. (خرج وهند شافت معاملتو تبدلت كيحتترمها ومكاينش ديك لبسالة الخاوية ويهضر فحدود وهادشي خلاها مرتاحة.. حطت طبليتها هبطت جابت صاكها ولڤيست وخرجت كانت باغية تمشي تشوف مريم ساعة مقدرتش حتى امال متقدرش تسناها حتى تخرج من لفاك مشات نيشان لدااارها حيت عياانة وباغية غير تنعس...)
شيماء: (جالسة مجمعة مع هند للي متكية حتى دخل ادم ووليد جلست .. اول ماشاف شيماء للي مشافهاش من نهار لاكط ديالها حتى هي بقات كتشوف فيه)
ادم: واش راها دير هاد الوسخ هنا
نعيمة: ااااادم
وليد: راه هضرنا معاك زعما
ادم: (بلغوات) اييه هضرتو معانا باش منجيوش نݣلبو هنا في وجدة ونقتلوها ماشي نجي لهن وانا عمري مجيت انا ومرتي ولݣاها هنا
نعيمة: سكت ادم
ادم: مساكتش اما ياك من ديما تݣولو شا شا را را دابا منين لݣاها ݣدامي ندير راسي مريييوة ونبقى مربع يدي (شاف فبنتها) علامن راكووو ظحكو بنتها تحبو!!!! (بقا مخرج عينو بحال كيفكر) حسن طلݣها حيت لݣاها حاااملة!!!!!!!
شيماء: (تمنات الارض تبلعها)
نعيمة: دخل خوك أوليد
ادم: ونتا ساااكت ههه وليد واش ساكت ومخليها دور عادي وهي جايبة حرااامية
هند: نو متقولش على لبنيتة هاكا
ادم: (بعصبية) خليني موقرك امرت خوويا نتي على راسي ولكن (بلغوات) راه هادشي ميدخلش للعقل (شاف فشيماء بحقد ماشي ليها جروو غير وليد اما هي كتبكي ودايرة يدها على راسها مطاااكية محست غير بونية جاتها للعين منين قلت من وليد وضربها جات مزدووحة على السدااري)
هند: اويييلي واش حماقيييت
نعيمة: (كضرب ظهر ادم) خرج خرج داااباااااا
ادم: (شير بصبعو لشيماء) غنقلتك (دفعو وليد خرجوو من لباب جاب الله باه جا لكبير وخرجو... خرج برا ممتوقعش هادشي من ختو جلس فالدرجة ودار راسو فوسط ركابيه ممتقيش.. غير قبل بشهر تلاقا حسن فالقهوة ومنين عرفو خطب مخلالوووش بشماتة وانواع السبان جاياااه النفس على ختو وهو مهضر مجااوبو تأسف على حالة مو للي عاد فهم بكاها ومرضها كان مقسح معاها غير باش ميلقاش هاد النتيجه وقف حداه وليد وشاف فيه)
شفتي قرايتك الزينة فين وصلاتنا
وليد: (زفر) مكتشوفش حالة مك كدايرة
ادم: (ظحك باستهزاء) والله حتى نقتلها جايبة لبنت وحطاها حدانا بحال مخااصها خيير (بعصبية) انا للي صدمني هو ونتا وبا كفاش متقبلينها
وليد: وسمو نديرو لوحوها نقتلوها باش تهنى نتا وتحس براسك ر.. ( سكت) اااخر مرة تعاود تضربها
ادم: (وقف متواجه معاه) فين هي الرجلة ديالك أوليد
وليد: (بقا مخنزر شاد أعصابو) الرجلة هي نسب ملاك بلحرايمية؟!!!!
ادم: واه حرايمية وعلم الله شكون باها
وليد: عندها باها ختك طلݣت من حسن الغد ليه تجوجت حملت وولدت هدا اخر كلام تيقو متيقوش خلي راسك وااجعك وشيطااانك غاالبك مݣالك حد سير عنݣها وبوسها ديرها مكيناش ولكن باش ضربها براااكة
ادم: وحسن!!
وليد: مانا فحسن حنا غنفضلو لبراني على ختنا نفكرك أنصر أخاك ظالما او مظلوما وحسن وفى وبزاف فسمو دارلها
ادم: من حقو يقتلها
وليد: دابا نتا معارفش سمو كتݣوول غير للي نبغيك ديرو متعرفهاش ديرها ميتة نتا ݣاع
ادم: هاد لفشوش ديالك هو للي خرج عليها وعلييينا واش اصاااحبي مكتشوفش فين وصلاتنا!!!
وليد: يحسابلك متعذبتش هي
ادم: لا محدها فوسطنا راه متعذبت والو
وليد: رواااح (جرو ركبو فالطموبيل وخرجو من تماك حيت عارف كيكب الما فالرملة وباه الا سمع هادشي يا يطيح يا يطيح روح...)
هند: (كانت موصلة شيماء فطريق بقات فيها) صافي اشيماااء مع الوقت حتى هو غيساامح وغيهز بنتك
شيماء: (معنقة بنتها) حتى ونبغي نطلݣ وليد بابا ݣالو ها السخط ها رضا الا جبتيها تعيش معاك ووليد مغيخلينيش نعيش بوحدي دارنا مستحيل يقبلوني انا ولا بنتي أشرف اصلا الا طلݣني غيدي لبنت
هند: نو الحضانة تتبقى معاك نتي
شيماء: هو ݣالي غيدي لفيديوهات وتصاور يعطيهم للقاضي ويحايدوهالي
هند: واايلي غنقولها لوليد
شيماء: (كتمسح نيفها) غتݣوليهالو غيدابزو وبجوجهم دمهم حامي (شافت فيها) مبقالي حد
هند؛ عندك بنتك تقاتلي عليها
شيماء: هي للي مصبراني باش منقلتش راسي (دارت هند يدها فذراع هند كطبطب عليها شافتها دايااها لقهوة) فين نمشيو
هند: نجلسو شوية هنا
شيماء: (بخوف) مغيبغيش أشرف ديني للدار حسن
هند: (تفهماتها مشاو للدار طلعت معاها ودخلت حطات مريم فنموسيتها حيت نعست.. ورجعت حدا هند) حاولي تكسبيه بالفن اشيماء... (بقاو كيهضرو شحال وكتشوف فعين شيماء للي حمرااا وقربت تسد ليها.. صونا عليها وليد ودعت شيماء ومشات لدارها....)
~~~~~~~~~~
أمال: (كانت كتخمل بيت نعاس وحايرة فين دير نموسية ديال ولدها فكرت ديرها انوفاص معاها وفالليل منين تبغي تنعس تجر النموسية تلاسقها معاها... لدابا مشرات والو حيت كتسنى السلعة للي جاية وطالب فيها جوج نموسيات وماريو صغير وفوقها فين تبدل ليكوش... صونات عليها مريم جاوبات) ويي مريووومة
فتيحة: الووو
أمال: (وقفت فبلاصتها) الو ماما!!
فتيحة: اممم متعرضيش عماماتك لعندك راه محضروش لعرسك وبغاو يجيو يباركو ليك
أمال: معرفت
فتيحة: غدا نجيو نتغداو (قطعت عليها من بعد مزربت عليها على هاد لعراضة المزروبة.. جلست مفقوسة لبست بينوارها وجرت بنطوفتها نيشان عند الحاجة تشاورها وتݣوولها شنو وخصوصا عارفة هاد الايام زهير مزير شوية....)
أشرف: (دخل للدار لقا بنتو كتحبو ودفع كورة تصدم حسابلو مكاينينش تبعااتو بنت دخلات شيماء خرجت من لكوزينة جايبة طبسيل ديال مريم فيه سيريلاك شافت أشرف معاه شي وحدة كيخرجها)
شيماء: شكون هادي؟!!!
أشرف: والو (خرج دغيا وسد لباب دغيا تبعااتو حلت لباب لقاتو كيهضر مع لبنت للي دايرة كاري لابسة حوايج عادي وميكاب قليل... محملش راسو) دخلي
شيماء: (تصدمت بقات كتشوف فيهم هز عينو بانتلو عينها كولها زرقا وقربت تسد جا يهضر شاف دموعها)
...: ختي حنا جينا هنا غير نهضرو وصافي متنويش راه جاي ينعس معايا
أشرف: سكتي نتي ولا ق*** فحاالك (جاه طبسيل للراس ومن حسن حظو ماشي ديال الزاج غير بااستيك وداك سيريلاك تخو على راسو وكتاافو ضار بالعرض البطيئ وداكشي دافي وتقيل هابط عليه...)
شيماء: غير على ود بنتك الحمار متجيبش الموسخات للدار فين كتعييش
....: اييييوا حدك تم كفاش مووسخة بزاف عليك يا لحمارة وكان كنتي معمرة ليه العين مكانش يشوف من غيرك ويجيبها لدارك (شافت فيه وهو مزير على ذراعها) راك كتعدمني
أشرف: تكركبي ولا نكركب مك مع دروج (دفعها بقات كتنݣر تسمع لباب تزدح ودوزت الساقطة من لداخل مشا كيدق) حلي دلباااب ولا نفرع مو والله يا جدك حتى نفرعوو.. حلي (زدحو برجليه وتفكر بنتو تخاف هبط مع دروج كااااره راسو...)
شيماء: (ندبت ضربت راسها فخاضها نتفت شعرها بكاااات حتى شبعت وبقات صاااقرة وطبقت عليها مقولة مبقالها لا حنين لا رحيييم... جات بنتها كتحبو عندها خوتها وعنقتها بالجهد معندها فين تمشي ولا فين تجي متقدرش تغامر وتخرج تخدم وتخلي بنتها حيت اصلا وجووودها فهاد الدار غير مربية لبنتها متقدرش تهرب لشي قنت معندها لمن تخلي بنتها وتخرج تخدم مبغاااتش بنتها تعييش العذاب حيت هي دارتو لراسها...
وكانت كانت ديال راسها ممكن تهرب وشحال من حاجة ولكن دابا معاها تربية الحاجة لمخيرة ليها واخا على حساب تعاااسة مها ناضت عاودات قدات ليها مكلتها عطاتها رضااعة حيت مبقاش ليها لحليب فصدرها بدلت ليها ونعستها وبقات هي جالسة كتخيل وكان مكانتش وكان راه وااخد رااحتتو هنا عرفت علاقتهم مستحيل شي نهار تقااد ولا تزيان...
تخنقت معندها معامن تهضر ولا تشكي وتبكي ولا حتى للي يحامي عليها...
سمعت الدقاان فلباب بقات غير ساهية حتى سمعت صوت خوها ناضت مشات حلات لباب كان خوها حلات لقاتو هو ومها واشرف من مورااهم.. تلاحت على مها معنقاها وكتبكي وليد شاف ختو شعرها معنكش وحنوكها حومر وفيهم طراس ديال ظفار)
أشرف: دخلووو (دخلو ونعيمة معنقة بنتها جلسو وجلست حداها مابغاش تفرق منها... جلس هو اونفاص كيشوف فحالة شيماء من ناحية حمد لله للي كانت فالدار ومدارش شي حاجة كان يندم عليها واخا متحصلووش..)
وليد: داري غتبقى محلولة ليك
نعيمة: متديش على خوك ابنتي راه حتى هو محرووݣ
أشرف: علاه ضربها
وليد: على فعااايلكم الشيينة ولكن انا بانتلي غير ختي للي راها تخلص
شيماء: (شافت فأشرف بكره معرفتش علاش مبغاوش تفضحو حيت مزال عندها أمل تصلح شي حاجة بيناتهم...)
أشرف: للي حكمتوه علية نديرو
وليد: تهلى فيها راه من اللول ݣلتلك ماشي شياطة هي ماشي خدامة ديالك وديال بنتك هاديك راه بنتها وهي للي تعذبت عليها راه هي للي تعادات مع واليديها وخووتها هي للي حسن كان غيقتلها نتا فاش جاتك عادي
أشرف: انا للي تعديت على ختك
وليد: (مفهمش قصدو مزيان) كفاش؟!
أشرف: انا للي تعديت عليها باش حملت
شيماء: (خافت على خوها) لا لا خويا مشييت معاه بخاطري (ضارت عند اشرف معصبة) خويا راه يمحييك متخليش عمرو يضيع فلحباسااات ݣالك تحمل غلطك مدخلش وتخرج فالهضرة خويا راه عندو واليديه للي يهزو ذبيلة عليه ماشي بحال مݣطوع من شجرة الا متي حتى واحد ميعرفك فين كاااين...
أشرف: (بقا كيشوف فشيماء وحتى هي غير كل واحد وشوفتو.. حك جبهتو) داكشي باش باغي نربي بنتي نبغيها ونهار نموت هي تجي ترحم علية
شيماء: (قلبت عينها وشافت فخوها) انا للي غلطت من نهار اللول حتى لدابا والله اخويا الا ندمت وبزاااف وديما كندعي ربي يسمح لية وحتى نتا تسمح لية غدرت وطعنتك فظهرك ورديت لك الخير بالشر (اشرف تكا على الحيط وحنا راسو)
وليد: كفاش قضية تعدا عليك
شيماء: عفاك نساو هاد الموضووع راني كرهت راسي وروحي عليه
أشرف: (مفهمش علاش مفرشاتوش)
نعيمة: ولدي صافي
شيماء: عفاك عتقني اخويا واخا متسامحنيش دابا غير عن(جرها عنقها وبقات كتبكي بحال شي بنت صقييرة صقييير وصوت بكاها كيتسمع حتى بدأت بنتها كتبكي هزها أشرف كيراري بيها ويشوف فشيمااا للي مخشية فصدر خوها وحتى نعيمة جالسة كتبكي وليد دمعو عينيها وكان فصراع كبييير مقادرش ينسى ومقادرش يسامح ولكن رجعت عندو رغبة باش يساااامحها.... جرااتها مها ودار عند اشرف)
وليد: غتعاملها بحال بنادم ولا لا!!!
أشرف: (سكت وحرك راسو بأه خرجو من بعد مودعوها بقات جالسة فوق السدااري وهو هاز بنتو للي رجعت نعست ووجها فوق كتفو)
شيماء: سير حط بنتي فنموسيتها متهزها حتى تنقي راسك.. مبرووووك داكشي باش كنتي كتعايرني درتي كفس منو
أشرف: (مشا حط بنتو خرج عندها لقاها مكيناش سمع صوت الحمام الا بقا غيتزايدو فهضرة وهضرة غتكون خااايبة خرج وهي خرجت نيشان مشات تنعس من بعد نهااار كان قااسح عليها...)
`~~~~~~~~~~~~
أمال: (زهير معتارضش على لعراضة مشا جاب شنو خاص للي ليلى حمراا ليها وجهها وطيبات داكشي متول ومقاد أما أمال جمعت الدار مزيان وريحتها وصلت 12 جا محمد وصل عماماتو ومو وحتى بنات خالتها ومرت حنينها اما كريمة بقات مع مريم... رحبت بيهم الحاجة وهوما كيدورو فعنقهم كيزوميييو لقنوت الاثاث الدار)
العمة: تباااارك الله دارك زينة ابنت خويا
أمال: (حطت خلاوي مشكلين بلاطو حلوة صابلي بريستيج ولاخر لوز والتالت حلويات سورية من الكنافة بقلاوة حطت اتاي وطبق فيه تمر کرݣاع وبلاطو كبير بين الفقاص والكعك عمرات جوج طبالي)
فتيحة: نوضو نوريكم الدار (أمال غير كتشاوف هي والحاجة.. ناضت كدير بيهم جولة بحال الدار ديالها جات طلعهم للفوق)
أمال: لفوق غير بيوت نعاس
فتيحة: راني عارفة ياكما مجامعاش فراشك عاود
أمال: ماما هادي عام متشاوفنا باش عرفتي مكنجمعش لفراش فبيتي (مداتهاش فيها طلعو تابعين فتيحة وهي تفقست تبعتهم مشات لبيتها سورتاتو ودارت سوارت فجيبها مخلياهم كيتشاوفو وهبطت.. جات نعيمة وهند وسناء حتى هوما لحقت ليلى وعيالات ولاد لكبير للي مجاتش تقصييهم... الصالون عمر وفتيحة قااارنة على ليلى للي ملقاتش منين دوز ليها وحتى الا هضرت كتعطيها لوخرا علاش تقلب.. حطت شلاظة كبيرة وعاد دجاج محمر 4 فطبسيل لجوج طبالي من موراها لحم بالبرقوق والمكسرات عاد حطت ديسير تشيز كيك ورفوقة بأنوار الفواكه.. غسلو يدهم وأمال فيها العافية مكرهتش غير ينوضو يمشيو.. صونا محمد باش يجي يديهم حيت مريم دابا غتخرج من صبيطار جلساتو أمال يتغدا وعجبو الحال بزااااف اما حتى رجال حطاتلهم ليلى فدار لكبير... زوهير ووليد جا دا حقو..)
أشرف: (الليل كاامل منعسش مقدرش ناض هز لبيسي من لمجر شعلو تسنى شوية مشا نيشان لدوسي للي مخبع.. اول تصويرة طلعاتلو ديال شيماء لابسة ديباردور وفرقة صدرها باينة ولمشكل ظاحكة باينة أنوار للي مصورها بقا كيدوز كاين للي معانقين هو وياه وكاين تصاور بوش ابووش وحتى فيديوهات فيهم 3 ديال الثواني شوية مصورها باين غير شعرها وحانية على حجرو مباينش داكشي ولكن التصويرة للي من موراها فين هو مشقلب عينو باينة بقا كيڤيبري برجلو وهو كيتفرج عاود شاف فيديو فيه كتلبس ديباردور وظهرها كان عريان... خبط داك لبيسي وبقا غير جاالس.. ناض خرج لقاها فلكوزينة كتعقم الرضااعة شافت فيه ورجعت شافت فلكاسروونة.. دخل هز كاس عمرو من الروبيني)
غدا مريم عندها الجلبة ديال 6 شهور
شيماء: واه عارفة..
أشرف: غنديها يانا (شافت فيه) باش بلا مطيحي علية لباطل ويݣولو راجلها منفخ ليها العين
شيماء: انا اصلا دايرة راسي معنديش الراجل
أشرف: (دور لسانو فوسط فمو) اممم (حط كاس دلما فلبابو وغسلو وحطو فالشبكة)
شيماء: بنيتك كنتي جايب ق*** للدار
أشرف: عادي
شيماء: معاديش منين نطلݣو وجيب حتى مك
أشرف: (شدها من عنقها مزير) التالتة... تعاودي تجبديهم مرة أخرى نݣطع لمك لساانك (طلقها وهي كتكح)
شحال باش مجوجك فين هي حقووقي زواج مخليتونيش نتزوج نتي كنعييفك واش ندير انا
شيماء: (بلعت ريقها وشاف فيه) غتموووت وتقيسني ولكن مݣادش باش متݣولش صافي راني استسلمت ليها (قربت عندو) من ديما عاجباااك واخا وقع للي وقع مزاالة معششة ليك فالراس (هزت الرضاعة للي عمرت فيها لحليب وخلاتو واقف مخرج عينيه...)
~~~~~~~~~~~~
داز سبوع مريم وشيماء الوحيدة للي محضرتش واسئلة فتيحة على ولادة شيماء بقات معلقة حيت ملفات حتى جواب من عند نعيمة..
أمال دوزت الامتحان ديالها للي بقات ليها 4 ديال les matières وخلاتهم حتى العام جاي....
أشرف رجع كيحاول ميتصادفش مع شيماء لدرجة كيمشي لدار عمو ب3 أيام وهي بدات كتزيد تعلق ببنتها وتديها فراسها للي ونسها هو التيليفون للي عطاها وليد مخبياه على اشرف....
بعد شهرين
هند: (جالسة بحرا مطلع النفس حيت خدمتها مع تقل رجعت قااسحة حيت خاصها تحني وتعاون الواحد يتمشا او يجلس.. دخل عندها فيصل ووقفت كتدخل شعرها)
دكتور.....
فيصل: (جلس فلبيرو ديالو) جلسي اهند
هند: ميرسي
فيصل: علاش متاخديش كونجي
هند: مزال على لولادة ديالي
فيصل: ولكن عييتي.. حم هند واش ناقصك فلوس
هند: (باستغراب) لا
فيصل: وعلاش تتجهدي راسك هاكا خودي كونجي وانا غنوقف معاك باش تخلصي فيها
هند: دكتور فيصل راك غالط انا الحمد لله عايشة بيخير مخاصني حتى شي خير مع راجلي
فيصل: (كيسمع محال من راجلها غير كيديباني) الا خصاتك شي حاجة انا موجود عادي بحال لخووت واخا تنعرف عائلتك ميسورين
هند: (بابتسامة) راجلي كتر عندو محل فالمغرب ومحال فبلجيكا عاد شي حاجة داخل فيها شرييك..
فيصل: اممم مزيان الله يقوي الخير
هند: اميين
فيصل: مهم انا غنسني ليك على كونجي
هند: دكتور اما مبغييتش نضيع كونجي حيت باغياااه حتى السمانة الجاية
فيصل: واخا لالة.. (جاها اتصال) خودي راااحتك...
زهير: (كان جالس كيتفرج حتى كيسمع أمال كتعيطلو شاف فمو للي كتسبح.. ناض كيجري لقاها مغطية وكتوجع)
مالكي احبيبة؟!!!
أمال: (كتوجع) طرطقاتلي سقية وخرج لما
زهير: (زرب عندها وحايد لفراش من عليها كان ليزار لݣري عامر) مّااااا وااا مّا
الحاجة: (جاية كتجري بحال شي بطريق) الله الله على بنيتي نووض ندييوها لصبيطار
زهير: كان باقيلها حتى لبعد غدا
الحاجة: نووض نديييو الطفلة
أمال: ظهري ظهري امّا (كتبكي) فية لوجع بزاااااف
زهير: (كيتلمس فشعرها) متخافيش احبيبي (هزها والحاجة كتجبد ليها حوايج اما الشانطة ديجا قادووها صونات هند مجاوبوهاش... بدلها زهير حوايجها لبسها كسوة سخونة بلا سليب وهي كتعوج ومونطو خربق ليها الشال ولكن زغبة مخلاهاش تبان.. لبسها تقاشر جات الحاجة لابسة جلابتها وكتلهت بحرا كتقدر تمشا وزهير كيمسح دموعها ويبوس فجبهتها مخلي الحاجة جارة الشانطة ظحكت على حالتو سدو لباب وخرجو ماشيين بشوية على ود أمال هبطو فلاسنسوور... نيشان للطموبيل كانت كتقطع بالحريق هو صايݣ وكيضوور يشوف فيها وصلو من بعد مدة حيت طريق عامرة نيشان المستعجلات هضر بالبلجيكية 5 الثواني كان البيااااص حدا الطموبيل خرجوووها وهو كيعاونهم وحاضي مو من موراه دخلوها كشفو عليها وقلبوها كانت على وشك الولادة نيشان هبطوها لغرفة الولادة.. عطا الشنطة لفرملية للي طلباتلو لحوايج وكانت عطاتو القائمة شنو يحتاج بقا فلكولوان هو ومو)
يا ربي ولد يا ربي ولد
الحاجة: استغفر الله زوهير واش راك تݣةل اولدي
زهير: مّا انا للي عارف يا ربي نوضها على خير ويكون ولد.. ولد ولا بنت بحال بحال ولكن ولد راه الا مشييت عليها يبقى راااجل فظهرها
الحاجة: (تصدمت) نعل الشيطان اولدي للي جابو ربي فيه الخير
زهير: (هو مٱمن بفكرة يكون عندو ولد باش حتى واحد ميطمع فرزق أمال الا مات ويكون معاها رااجل معندوش مشكل فلبنت... بقا كيدعي معاها تنوض على خييير سمعو غوااتها وقلبو تزير عليه بزااف والحاجة كتبكي ودعي.. )
~~~~~~
هند: مال هاد الزمرة متتجاوبنييش (ياله بغات تولي تصوني صونات عليها ماماها) وي ماما
ام هند: فاااينك ابنتي جينا للدار مجبرنا حد
هند: انا حاجة من لاكلينيك واش جات حتى مي لالة
ام هند: اه راه عيات بطريق شوية
هند: شوفي الساروت راني مخليااه تحت تراب لڤاز لكبير للي على ليسر
ام هند: مزال تتقيي اهند يهديك الله داك نهار تشفرتو ودابا مخلية الساروت
هند: راه الدار كولها كاميرات دخلو انا شوية ونكون عندكم... (دازت لمحال عند وليد حيت حست بارهاق خلاتو يصوݣ بيها اما نقدية كانت شارية كولشي حدها دازت لتريتور للي كانت موصياه على غدا داتو معاها فطريق...)
خرجت فرملية جايبة لبيبي فكويشة جهه زهير ومتبسمة (بلغتها)
زهير: كيبقات مرتي؟!
....: (كتوريه لبيبي للي بحرا كيحل عويناتو مزال حمر) المدام راها بيخير شوية وتجي عندكم لتحت
زهير: حمد لله (شاف فولدو مغوبش) تريكت باااه
الحاجة: ههه (ضرباتو لذرااعو بغات تهز وهو يهزو زهير)
زهير: نشوفو بعدا (قبل ميشد الكاشة)
...: عندكم وليد زوييين
زهير: (نفخ صدرو وشاف فمو فرحان ومتبسم وعينيه كيبريو) رااااجل امّا
الحاجة: بحال بحال اوليدي
زهير: (بفرحة حنا لولدينه أذن ليه باسو فجبهتو وشاف فيه بحال شي كنز للي حيااتك كاملة ونتا كتقلب عليه ولقيتيييه فوقت كنت محتاجووو عينيييه بقاو كيبريو شاف فمو ومدو ليها باستوو من جبهتو.. عطاوه للفرملية وتعانق هو ومو.. بقا معنقها بيد وهبطو لتحت صونا عليه وليد جاوب)
ويي وليد
وليد: فيين هند شحال وهي كتصوني على أمال مكتجاوبش وتخلعنا عليكم
زهير: راها ولدات (تبسم) كنتسناوها يطلعوها
وليد: اوا مبروووك اسيدي (هند قلشت ودنيها وكيسمعها واش ولدت واش ولدت) واه ولدت بقيتي غير نتي
هند: (خطفاتلو التيليفون) وكيف راها وشنو ولدت
زهير: ولدت راجل هههه لعقبا ليك اختي راحنا نتسناو فيها
هند: مسكينة غتكون تقسحت
زهير: واه شحال وهي تغوت وتبكي بالحريق وحتى فاش دخ(خطفلو وليد التيليفون) هههه
وليد: اصاااحبي واش مضروب بفردي خاوي
زهير: هههه هاكا دارت ليها منين بغات تطلع للطيارة أول مرة ههه ݣةلعا متخلعش واا صراحة راه غتقسح راه ولادة هاديك ماشي كيهرووك
وليد: لا حول ولا قوه الا بالله العلي العظيم.. اسيدي مبارك ومسعوود
زهير: الله يبارك فيك (شافهم جاريه لبايااص) ݣطع بلاتي ونصوني عليكم ابيل فيديو (مشا كيطير كانت صفرا وشنايفها بوويض وبحرا كتحل عينيها وصل معاهم لباياص وهو كيهضرها الحاجة كانت كتصلي)
أمال جاوبي احبيبي
أمال: عييييت.. فية الجوووع
زهير: ههه شنييولة اش داك لشي ولادة ݣلتلك جوجيني نتي نبغيك وهي نجيب ولاد منها
أمال: زوهييييييير...
زهير: (باسها فجبهتها وفيدها) نحبك يا جدك
أمال: تعدمت ازهير بزاااف
زهير: معليش احبيبي دابا تبرااي وتنساي كولشي (رجع باس يدها) شفتي ولدنا
أمال: كنتي نتا باغي ولد اصلا
زهير: لاااا استغفر الله للي جابو ربي مليييح بحال الولد بحال لبنت
الحاجة: (كملت صلا) الله يمسخك عاد كنتي لتحت غتسخف ونتا كطلب ولد
زهير: (شاف فمو مقوس عينو) بدينااا نورقووو الوراق الحاجة....
يتبع...
التعليقات
لا توجد تعليقات بعد، كن أول من يعلق.