أحببت رجلا الجزء التاسع

شيماء: هههننننننننننننننننننند

هند: (ناضت مفافية كتعربط على لبنات غير من الصمطة لتحت بقاو كيظحكو عليها حتى ناضت من حدااهم مشات لطواليط شافت فتيليفونها بعينين منفوخين بنعاس لقات من عندو 2 مكالمات وميساج من عندو كاتب *هادشي كولو نعاس!!* ) غير عصب فية وقولي واش نااعسة.. (رجعت لعند لبنات بقاو مجمعين شوية وعطاوها لحفاظة حتى نعسو هوما وبقات هند مطرطقة عيينها مبقالها متحفظ حيت هي كولشي حافظااه ناضت كتنتف شي زغيبات عندها قاتلة الوقت حتى دارت فلم وبقات كتفرج فيه وتفكيرها فوليييد وشادااها نخصة فقلبهت بقات ليها يوماين ويجي ومتأكدة غيقولها نتلقااو وفنفس الوقت خاايفة من إعجاابو بأمال طفات تيليفونها وبقات كتفكر حتى اذن لفجر لأول مرة غتنوض منها راسها توضات وجات صلات محست غير بقات كتبكي كولشي تخلط علييها مها وباها للي ممسوقينش ليها وعاطيينها حرية للي خلات مسافة كبيييرة بيناتهم وليد منين غيعرف هاد المعجبة السرية هي أكتر بنت كيكرهها ومحاملش ختو تصاحب معاها زائد إعجابو ببنت عمو للي واخا تكون علاقة بيناتهم غتبقى جرح عندها زائد بزاااف دلحوايج... ظلمات الدنيا حيت بدات الشمس تشرق ورجعات لبلاصتها ياله هزت تيليفونها باش تحل لفايس تقتل الوقت بيه وطيب نعاسها طلعات ابيل من عند وليد بقات كتشوف فتيليفونها حتى جاوبااات)

وليد: معوالاش!!!!!

هند: (منفخة) عاد شفتو

وليد: علاش مجاوبتيش لبارح؟

هند: وليييد

وليد: وي!!!

هند: خفت نزيد نتعلق بيك ونتا بانلي معمر راسك بديك للي قلتيلي عليها

وليد: جامي gلت انا معمر راسي بشي وحدة

هند: لا لبارح قلتيلي غي صعييب تزوجها اما وكان راك مزوجها

وليد: صباح هدا اغيثة الناس مكيبداوش نهارهم هاكا

هند: (تبسمت.. علاش منعرف يمكن تلميح طفييييف أنه باغي يبدا نهارو بيها هي..) صباح لخير

وليد: (تبسم) نتوما نسااااا!!!! هه

هند: ههه

وليد: مغيارة

هند: (خرجت عينها) انااا!!!

وليد: وي.. وبزااف بففف لخايبة هي نتي باينة عارفاني مزيان وانا عارف غير سميتك وخدمتك

هند: نو مكنغييرش غير مكنبغيش زحاام

وليد: بنتلك حمام؟؟؟

هند: (ها هو بدا فلكلاش) تأ...

وليد: شنوو مخداماش اليوم بنتيلي مزالة ففراشك

هند: صليت لفجر وبقيت مخشية ففراشي اليوم بااين غيكون الصقيييع فييه

وليد: (هوما كلمات عاديين ولكن كلامها ديما كيخليه يحس بالجانب الماسخ كينوض علييه) اممم لبسي مزيان

هند: معنديش مع لحوايج بزااف

زليد: امم.. فطرتي؟

هند: عكزت علييه والله اما فية جوع لبارح من لغدا موليت كليت

وليد: هي مفيديكش مع لماكلة؟؟

هند: ههه صراحة لا

وليد: كي وااالو

هند: هههه هي نتا بوكرش

وليد: نمووووت على زرووود

هند: (تبسمت) سعداتهم

وليد: ... سيري يا جدك خليني نبدا نهاري (كيحل باب المحال) ونوضي تفطري بلاتي ونصوني عليك (قطع حتى بلا متجاااوب.. خلاها كظحك عليييه)

هند: ههههه وييينو على لحشووومي دياالي (زادت كتخشا مزياان ففراشها عاجبها الحال واخا غير كتفكر نهار يبغي يتلاقاها قلبها كيتكمش...)

~~~~~~~~~~

زهير: (تصدم من ثمن لمعلم للي بغا يصلحلو لكااف او بالأحرى متوقعش داك الثمن حرك راسو زعما حتى نولي نصووني عليك لاخر مشا وهو بقا وااقف كيفكر حتى خرج من المحال سد لباب وزاد مصمم هو يخدم مع الخداامة باش يكفيوه لفلوس للي خصص لصلييح.. ركب فطموبيلتو كيعاود لحسااب فراااسو وكل حاجة كيخصص ليها مبلغ ماالي باش يعرف يجيري رااسو...)

داز نهار عاادي للكل لبنات ظلو نهار كامل كيحفظو وأنوار جا من لخدمة داز على أمال للي كان عالمها اليوم بدوزو لعشية بجوج خرجات معاه لقهوة بحكم شتا كطيح جلسو مجمعين كيهضرو

أمال: (كتنقب من لماكلة) غدا يمكن غنمشيو؟؟

أنوار: غير كتجبديلي هاد السيرة كنتعصب بلا متمشي خليك معايا

أمال: (بترجي) راه ميخليونيش حتى ومنبغيش نمشي مع ولد عمي يجي خويا هو يديني

أنوار: وزايداها ماشية مع ولد عمك!! لا لا معندك فين تمشي

أمال: راه بحال خويا وظرييف

أنوار: (غوبش) كفاش هاد ظريف عاود

أمال: زعما يعاملني بحال ختو راه بسبابو جينا هنا هو للي كيدافع علينا

أنوار: شنو كتزعتري علية هنا كيدافع ما كيخرا بقالك غير تبوسي فيه قداامي

أمال: (خرجت عينيها فيه ورجعت حناتهم من حشمتها)

أنوار: هاني ݣلت ليك مكاين مشياان وغدا غدوزييه معايا وزيد غنمشيو نسافرو

أمال: (قلبها تكمش ومعدتها ترونات علييها.. ضروري خاصها تقنعو) عفااك غيضربوني الا ممشيتش

أنوار: لا معندك فين ترووحي بلا متصدعيني يرحم والدييك

أمال: (بغات تبكي) أنوار عفااك

أنوار: بففف عرفتي ديما نبغي نجي عندك نبدل نهاري للي يدووز مكفس فصباح ونتي غير متزيدي طيريلي مجااجي

أمال: (كتمسح دموعها للي على سبة) صافي صافي هانا سكت

أنوار: (كااعي) يعجبك لحال نجيو هنا لقهااوي ولكن ميعجبكش تبقاي معايا غير بووحدي

أمال: (مفهماتش اش جاب لمسافرة للقهوة لكلامو دابا) هم!!

أنوار: زدتي فييه عييت نديرلك فلخااطر وانا شنو من هادشي؟؟؟ قربنا نكملو 4 شهور يديك هي التالية كتخليني نقييسها؟؟

أمال: أنوااااار

أنوار: خرا هدا ماشي أنواار ولا عرفتي تحركي نديك وديري لي بغيتي سافري ولا كاع لا (وقف مخليها كدور عينيها والدمعة لاسقة فشفارها مسحاتها بلخف ضارت لقاتو بالصح كيخلص باش يمشي وقفت هزت صاكها تبعاتو للي كانو هو خطواتو طواال ودغيا وصل لطموبيلتو وقفت وهو مديماري نزل الزاجة وشاف فيها للي كانت تبكي) وا طلعي!!

أمال: (صرطاتها طلعات وهي كتمسكن فشوفاتها فيه) سمحلي

أنوار: (صايك كااعي) بانلي غير انا للي باغييك اما وكانت كنتي تبغيني تسمعييلي توحشييني ديما تكوني قرييبة لية ماشي بيني وبينك كيلومتر

أمال: أنا كنبغيييك والله

أنوار: بينييلي؟؟

أمال: (سكتت حيت معرفاش كفاش تبينلو كتر من هاكا راه غير لخروج معاه راه كاافي سكتت قالبة وجهها حيت معرفتش شنو تبينلو)

أنوار: (شافها لقاها قالبة وجها زاد مرض فراسو ونيشان قلب الدورة فين كان باغي يمشي وداها لدار الطالبة مكسييري مخلي قلبها غيوقف بلخلعة والخوف من خساارتو وقف حااك رواايض مع الأرض وكيشوف قدامو.. شافت فيه)

أمال: أنوار غير ݣولي شنو درت لك؟؟؟

أنوار: (حنا لصندوق جبد منو ساشي صغييرة مأنتكة مكتوبة عليها اسم ماركة مدها ليها شداتها ورجع شايف قدامو مغوبش) بسلامة

أمال: (شافت فلكادو وشافت فيه) واش غنتفارقو؟؟؟

أنوار: (زاد خنزر فيها وقرب لوجهها وسنانو كيتحاكو) هبطي ودخلي فحاالك

أمال: (هبطت من سكاات وهادشي مكيعجبوش كيتسنى منها تجلس تبقى معااه كما كيعاملوه لبنات من قبل بلا ميحس حيت هي هابطة بشوية كتسنى منو يوقفها حتى جر لباب يسدو بالزربة بقات شادة فلقنت محسات غير جابد ليها صباعها مع لباب مخلي صباعها معلقين وغواتها لفين وااصل غير شاف داك الديكور حل لباب بالجهد للي زاد دفعها حتى طاحت فالأرض.. نزل بالزربة ماشي عندها حتى كيشوفها شادة فيدها للي كولها دم نزل على ركابيه شد فيدها) ابردييييي شنووو درت.. (شاف فيها كتبكي بالجهد) سمحيلي احبيبة مشتكش بربي مشتك أماال أماااال (غير كتبكي محس غير هزها هكاك تحت أنظار لبنات للي كيشوفو فيها حطها فالطموبيل وزاد للمستعجلات بيها هي تبكي وهو هابل مع طريق وبكااها.. وللي ملاحظو هو الكادو للي مزالة شاداه بليد التانية..

غير وصلو دخلها وقالهم شنو وقع دارولها شي 8 ديال الغرزات حيت صبع كانت فيه الجرحة مفلحة سواناو ليها الجرحة وبقات متكية كتبكي حتى دخل عندها شاف يديها ملوية عليها لفاصمة وهي غير شافتو جلسات) خلييك ناعسة (حركت راسها ب لا.. جلس حدااها) رااسك لقااسح هو للي كيجيبها ليك

أمال: (رجعت كتبكي)

أنوار: (بقا كيمسح ليها دموعها بيدو) والله مكانت فنيتي ناذييك راك عصبتيني على الجهد (دار يدو من مور ظهرها) عفاااا الزييين ديالي برااكة من لبكا واش كتقسحك بزااف؟؟

أنوار: تقسحتي بزاف احبيبة؟؟

أمال: (غير بكلمة منو كتنسى شنو وقع حنات شافت فصبعها للي مدورة عليه لفاصمة وجوج صباع للي حداه زوورق شوية وباينة فيهم الضربة.. رجعت شافت فعينيه للي كان وجهو قريب بزاف) واه تقسحت

أنوار: (مكرهش يبوسها ولكن دغيا هبطت رااسها عض على شنافتو) شفتي رااسك لقااسح وكان راحنا محتافلين وناشطييين زعما راس والعام وبنادم كيبدا عام اخر ونتي كتعصبي فر**

أمال: راه براني يدي

أنوار: (شد ليها يديها وباااسها خلاها مطرطقة عيينيها شافها هكاك مصدوومة وعاود نفس الحركة فكف يدها وطول هاد لمرة عاد هز عينو) كنت باغي ندوزو نهار كامل بجووج داكشي باش تعصبت عليك أموولة

أمال: (جبدت يدها وهو شدها حتى عقرها فيدها) ااااااااااااااااي

أنوار: (طلقها) كتعصبيني هاكا معمرك تعاودي هاد الحركة متعاوديش تجبدي يدييك

أمال: (شدت فيدها للي كظرها وبقات كتبكي أول مرة كيجيها مكيحسش بيها شو هي شنو واقعلها وهو فاش كيفكر شافتو وقف هزت عينها فيها حتى دخلت طبيبة كتقلب ليها سخانة وصباعها بجوج عطاتها اذن تخرج (عيادة خاصة) وقفت جامعة كتيفاتها بحال شي محكورة وتمشات مخليااه غيطرطق فيه شي فيييس بهاد النخال للي كتعطيه بغير قصد خرج من موراها كيشوفها من اللور كانت لابسة سروال بيض معاه قبية طويلة من اللور وقصيرة شوية من لقدام يعني مباين والو.. لحق عليها مكيهضرش معاها داز خلص خرج كيقلب ملقاهاش سخط حتى مشا نيشان لباركينغ كيسب لقاها كتسناه حدا طموبيلتو) ݣلت مشيتي فحالك؟؟

أمال: (بحزن) نمشي بوحدي؟

أنوار: (مشا حداها كيغوت) وراه تعصبي فر** هاكا ماالك بااااردة!!!

أمال: (تفافاات شافتو جاي كيغوت محست غير دارت بيدها حركة كتحمي وجهها من الضرب حيدلها يديها بنتير) شنو درت شنو؟؟

أنوار: مواالف نضربك باش ديري يدك هااك ماال *** (جلس كيربب عليها وهي غير كتشوف بعويناتها عمرو كان هاكا حدو يقول يا جدك أما هاكا لاا واوطوماتيك ردات اللومة لييها.. مشا طلع لطموبيلتو وهو يزيد وكان محيداتش يدخل فيها زاد مخليها متبعاه بعويناتها ممتيقاش أنه مشا هاد نهار كامل مزاجو كيتقلب حدها بقات كتبكي وشادة فيدها للي كضرها وكتحس بيها متقلة عليها حتى صاكها بقا عندو معندهاش حتى باش تشد تاكسي غير كتشوف الدنيا خااوية معلوم للي مكمش فدارو من هاد لبرد وللي كيحتافل بلبوناني حتى من لبنات خرجو يحتافلو فشي كاافي.. بقات كتمشى من نفس طريق للي مشا فيها وعندها أمل يرجع معرفتش حتى فين هي كااينة بقات غير كتمشى وللي داز من جنبها وخصوصا الا كان شي راجل او دري كتخااف عقلها غيهبل من كترة التخيلات للي طاحت فباالها دازت من حداها تاكسي محست حتى وقفاتو ودموعها فعويناتها) السلام عمي عفاك وصلني لدار الطاالبة

...: (شاف فيها كتبكي وشاف فيدها للي ملوية بلفاصمة) واخا طلعي

أمال: (بفرحة طلعات) الله يرحم الواليدين (مسحت دموعها باليد التانية) غير نوصلو ندخل نجيبلك لفلوس (وقف الطموبيل ودار مخنزر عندها حتى تخلعت)

...: يا ر** معندك حتى دراهم باش تركبب ومضيعالي وقتي **** علية من هنا *** كترتو يا لموسخاات **** ضاربة يدها وجاية **** (أمال هبطت كتجري من تمااك وبلخلعة شداتها بجرية مخلية حتى لباب محلول نزل سدو كيسب ويعرعر ويربب على هاد لبلان لمكفس.. وقفت فواحد لقنت كترتاح والضو خاافت كتويل وتبكي والخلعة غتسكت ليها القلب ندمت على نهار الي جات فيه لوجدة.. تمشات كتقلب على الشاريع للي فيه الضو كتزرب فمشيتها وغير للي تزلل عليها كتبقى تجري خايفة منو ومن للي غيوقع لييها تلفت ومعرفتش فين هي غير كتمشي فشواارع وللي ريحها هوما الناس للي مزال كيتحركو شوية مرة تبكي مرة لا عيات بزااف جهد كتر من 2 سوايع ولا كتر... الساعة وصلات 12 والدنيا خواات وهي كتدور محست بالفرحة غير منين شافت بانكا البانكا للي أول مجاو حطو لفلوس فيها فلبلاصة عرفت فين هي وتمشات نيشان لدار الطالبة واخا كان ظلام الا مفكرتش المهم قرباات.. لقات لباب مسدود دقاات حل ليها لعساس ياله بغات تدخل ووقفها)

...: ابنتي دخول راه مع 12 ودابا راها 1

أمال: (حلات فمها) الوحدة؟؟ اعمي راه غير تلفت وكنت فصبيطار (رجعت كتبكي) والله اعمي غير تلفت ومعرفتش طريق رجوع

....: المديرة مانعة علينا واكترية اليوم نحلو لباب

أمال: وفين نمشي انا عمي معندي عائلة هنا ومكنعرف حد عفااك اعمي حلي لباب والله منgولها لشي حد

....: ممنوع ابنتي متخرجيليش على خدمتي والا بغيتي نعيط لييها وديري التزام

أمال: (غير سمعت التزاام سكتت وحتى دموع حبسو.. التزام هي غتوصل لخوها محمد بعدت وجهها من تماك ومشات وقفات حدا واحد الشجرة فدماغها كتحسب الا دابا راها الوحدة الستة لباب كيتحل خاصني نصبر هاد 6 دسواايع دغيا رضاات بلمباتة فالزنقة وقلبها حااارقها على أنوار للي سمح فييها وزاد....)

هند: (كتفوه وفنفس الوقت كظحك من كلام وليد للي كيعاود ليها فلواتساب كدوز نهارو وشي لقطات كيكون فيه كومييك بلا ميضسر علييها.. ومرة مرة تنقب من سقاطة للي مدورة علييها أما شيماء غير طالعة هابطة فالانستغرام بين النجووم كتشوف لمكياج ولباس ولعرا.. محست غير بيه سكت مدة وهو يصوني ابيل فيديو خلاها تفافا)

شيماء: ماالكي؟؟؟

هند: ها (شافت فلابيل) والو والو (بلعت ريقها شوية وقطع وشافتو كيكتب)

وليد: تحمست بزااف نشووفك عارف ماشي وقت لكلام وربما تكوني ملبساش الزيف ديالك

هند: (صاااطت) حتى تشوفني مبااشرة

وليد: ههه باينة خيبوووعة

هند: متأكدة نهار تشوفني غتحل فمك هه

وليد: اه اه الثقة يا جدك

هند: هههه والله حتى غتحل فمك غير نتمنى متحكمش علية

وليد: بالصح نهضر معاك واش كنعرفك اغيثة؟؟؟

هند: معرفتش نهار تشوفني وحكم

وليد: كوولك ألغااز

هند: تشوييق ههه

وليد: ههه واخا لالة انا غنعس

هند: اوكي

وليد: تصبحي على خير وحتى نتي براااكة عليك من التيليفون

شيماء: (كتشوف فهند للي غير كتبسم وشي مرات كظحك كااع صونات على أمال للمرة التالتة مكتجاوبش كولشي عاايش الحياة الا هي) ظحكيني معااك

هند: (هزت عينها فيها وهي متبسمة) بنت ليك كلوون ديري يوتيووب وظحكي.. (كتبات لوليد) وي حتى انا عييت كنت سهرانة غير على ودك نتا

وليد: (تبسم) تصبحي على خير

هند: وإنتى من أهلوو.. (شافتو خرج وحتى هي طفات لكونيكسيون وشافت فشيماء للي كتحنزز فيها) مالنا

شيماء: كتخبعي علية نتي باينة مصااحبة ومكتعاودي واالو

هند: ههه لا والله ممصاحبة غير مع ليزامي

شيماء: كذااابة

هند: ههه وݣاع لا تيقي... (كتاكل شكلاط) أمال موحال واش تجي هاد الليلة

شيماء: ݣلتلك داك نهار راه خرجات طريييق

هند: لواااه يقدر تكون مزالة فشي كاافي اليوم لي كوبل كيحتافلو.. جيبي جيبي ديك لطاغط لي شرينا ناكلووها هي راه غتاكل برا نخليولها حقها حتى تجي وتاكلو

شيماء: شحال وانا نصوني والله مبغات بنت لحرام تجااوب

هند: بلاتي نصوني انا (صونات واالو مكتجاوبش) واالو يمكن بعيد عليها

شيماء: (طانزة) تلقاايها حالة ليه رجلييها وحنا مفقوسين علييها

هند: بنت عمك زعما ونتي كتهضري فيها هاكا وكان غير مكنتوش بحال لخواتات بااااااااز

شيماء: (بعصبية) واا الجووج هادي وهي مزال مدخلات هادي هي بنت داارهم للي كانت جات بعينيها مغمضين ومكتعرف والو فالدنيا رجعات بحال لق**** كتسهر فزناقي حتى لصباح

هند: تكلماااي الالة كفاش لق*** حتى انا غير لعام للي فات سهرت حتى 4 دصباح لبوناني عادي بنادم يتعطل فيييه

شيماء: مكندوييش عليك اهند كندوي على هاديك للي كولشي كان عندها حشومة وكتمثل علينا حشومية

هند: نفتارضو وكان كنتي نتي خارجة مع أنواار والله مدخلييه داابا

شيماء: (ضربت الطم وقلبت وجهها حيت طاحتلها على الجرح)

هند: (هزت تيليفونها وصونات على أنوار للي تيليفونو مطفي حطااتو وأفكار خايبة فرااسها عارفة أمال بنت مزيانة ونية وشحال من حااجة متبغيهاش طييح فهادشي وتنعس معاه كاع الظحك ولفرحة للي كانت فيها تقلبات علييها) صوني على داك حمزة بحال والو يكون معاهم

شيماء: انا غنصوني على أنوار نيشان

هند: صونيت عليه تيليفونو مطفي

شيماء: اوا صاافي باينة نيت شنو كيدييرو اودي يا ودي على الإخوانية للي كتحشم

هند: صوني على حمزة

شيماء: منصونيش خليها تعوم بحرها

هند: (هزت تيليفون شيماء بنتيير خدات نمرة حمزة وصونات لييه حتى جاوبها وكتسمع الزدحة) الو حمزة

حمزة: (كيظحك) وييييييي

هند: انا هند صاحبت أمااال

حمزة: واه عرفتك لباس علييك بوناااااا ني هههه

هند: (عرفاتو شاارب غير من طريقة هضرتو) ميغسي كاين أنوار وأمال حداااك

حمزة: لا زين مكاينينش اصلا متلاقيتهمش هاد نهار

هند: اه اوكي خويا باي (قطعت) مكينينش معااه

شيماء: نمشيو نهجمو عليهم فالدار للي كان دانا ليها داك نهار من ورا لعرس؟؟؟

هند: مغيحلوناش الباب 12 كيطرق

شيماء: هههه هاكاوا هي مبقالها دخوول باينة غتبان معااه

هند: (غوتات) وهااا هي باااتت نتي ماالكي راها كبييرة وعارفة شنو كدييير ونتي خاصك غير فين تبينيها ق*** ديها فك** شوية (وقفت وحلات لبالكو للي صاط فيه السم دلبرد كتعاود تصوني على أمال للي والو مكتجاوبش حتى سمعت غواات شي بنت من على برا عيات طل مكيبان واالو) باينة شي واحد شاد شي وحدة سيف عليييها...⁦

زهير: (كان فداارو كيحل لكراطن غير بشوية خاايف يتهرسلو شي ديكوور للي أغلبيتهم كريستال مغلف بالجورناال.. وقف ومشا لكرطونة لوخرا حتى حلهم كاملين لقى شي جوج ديكورات مهرسين حيدهم وحطهم بعيييد شاف فشي اثاث مزال ممركب) مزااااال خااص بزااف موووحال واش نgد على هااادشي (جلس فوق كرسي شعل كارو وبقا كيشوف فهادشي للي ديبريمااه معرفش منين يبدا كل همو هو يفتح المشروع اليوم قبل غدا... بقا سهراان ونعاس هرب ليه من عيينو وكيرسم الخطوات باش يبدا وأهمها هو يكمل صليح للمحاال عاد يشوف شي لاخر...)

~~~~~~~~~~~~~

هند: بففف لغوات كتر

شيماء: (ناضت من بلاصتها ومشات لبالكو كتعلى على ريوس صباع رجليها) مكتبانش اااح لبرد

هند: (رجعت جلست فوق نموسية ديال أمال ورجعت كتصوني على أمال للي مكتجاوبش وعلى أنوار للي تيليفونو طاافي)

شيماء: هادي ملݣات للي يفكها مسكييينة

هند: (كتفكر غير فأمال.. بتنهييدة شافت فالساعة 3 دصباح وحتى غوات ديك لبنت مبقاش.. شافت فشيماء كتقاد بلاصتها ودخلات فيها) غتنعسي؟؟؟

شيماء: (كتفوه) واااه لعروسة للي كنتسناوها معلباهاش بييينا هي كتبرد الدوودة وحنا مغبنين عليها

هند: (ببرود) مزيان (وقفت هازة تيليفونها وشارجورها وماكلتها) انا غنمشي

شيماء: نعسي هنا ونسيني

هند: لا.. تصبحي على خير

شيماء: بففف مووحال واش يجيني شي نعااس وديك مبيتاش هنا

هند: انا غنخرج نقلب عليها

شيماء: (حيدت لغطا عليها وجلست) فييين غتمشي واش لدار أنوار؟؟

هند: يمكن بعدا غير نعرفها راها بيخير اما شي لاااااااااااااخر هي كبيرة وعارفة شنو كدير

شيماء: تسناي نجي معاك

هند: ياك كنتي باغا تنعسي

شيماء: لا كنت غنتكى من لبرد وصاافي صبري صبري لبس

هند: انا فبيتي لبس مونطو ونهز شي مظل راه شتا بددات كتنقط (تكبطو مزيان وخرجو بلا حس كيتسلتو حتى نزلو لتحت حلو لباب بشوية شيماء مشات دخلات لطموبيلة ديال هند كتسناها وهند مشات كتقلب على العساس لقاتو فلبيتة ديالو كيتصنت لراديو بقات عليه بتحلوين والهضرة والابتسامات عطاتو 100 درهم وحلهم لباب اللوراني حيت هدا العساس ديال لباب لاخر.. خرجات منو بطموبيلتها ونيشان مشات للدار للي كان فيها أنوار وللي بقات عاقلة مزيان عليها حيت جات فالسونطر والعمارة على الشاريع وصلو شوارع خااوية من غير لبوليس وطموبيلات قلاااال فلبوناني ديما كيكونو اجراءات أكتر صراامة.. والمشكل لكبير للي لقات هي العساس للي عيات كتقولو أنوار كيتسناني وعطاتو حتى الطابق ورقم الدار وواااالو مبغاش حدو كيقولها الا كان كيتسنااك غيقولهالي وممنوع شي واحد يطلع الا بإذن صاااحب الدار... بقات تماك مفقووسة رجعت صونات لأنوار والو طاافي مشات كتقلب على سميتو للي معرفتش كنيتو بين سكان العمارة باش تصوني عليه واالو العساس كيجي يطردها بلبااقة محست غير بقات كتسبو ومشات لطموبيلتها مكرهة ومعارفة فين غتقلب عليها)

شيماء: مخلاكش دخلي؟؟؟

هند: (مكرهة) بحال حاضيلي تمااك قصر عابدييين صوني على داك الز*** ديال حمزة

شيماء: (شافتها معصبة مبغاتش تزايد معاها صونات لحمزة مرة وجوج عاد جاوبها) الو حمزة أنا شيماء

حمزة: (صدعوه) واه عرفتك

شيماء: بغيت نسولك على أنوار؟؟

حمزة: معرفتش فين رااه وحسن تفرقي علييه هو كيبغي صااحبتك ولا بنت عمك ولا شنو كتجييه ونتي لاسقة ف** الله ينع... (قطعت مصدوومة متوقعاتهاش فمرة وزايدها بالسباان)

هند: شنو قاالك

شيماء: ها.. معرفت مالو كيدخل ويخرج فالهضرة

هند: تلقايه سكراان تفووو (طرطقت صباع يديها) الله يا ربي فين غتكوون

شيماء: (فودنيها غير سبان ديال حمزة والهضرة للي قاال) يمكن مشاو لشي اوطيل

هند: وعلاش هي مطفاتش تيليفونها غير هو للي مطفي لا لا أمال مستحييل دييرها غير ديك لمرات مقبلاتش يبقى معاها فلبيت غير باش يهضرو اعساااك تخليه يقييسها لاااااااا...

أمال: (من بعد مشاجرة مع الشفاار ولا الشمكاار عزات على لعساس للي غزاتها واصل حتى لعندو وكتعيط ليه اعمي اجب فكني منو وعتقني خرج زروااطتو وهد على ظاك الشممار للي فالأصل كان سكراان دخلها حداااه لديك لبيتة كانت كترجف كوولها وكتبكي بالشهييق) عفاااك اعمي (كتشهق) خليني ندخل

العساس: لا ابنتي غتخرجيلي على خدمتي براااكة غير فكيييتك

أمال: (بغات تبوسلو يدو وخطفها) الله يرحم ميييمتك اعمي

العساس: ابنتي راه غير غيمشي داك الشمكار غنخرجك راه الا جات لمديرة ولقاتك هنا غنصدقو فمواصل خاايبة

أمال: (سكتات كيتسمع غير صوت شهقتها مظناتش غيولي يخرجها غمضت عينها كتفكر غير داك الشمكار للي بغا يكريسي ومنين مالقا والو بغاها هي كوولها هو يجر وهي تجر لاسقة فبوطو ديال الضو بحال العلقة ضربها نتفها وزول ليها الشال والو لسقات فلبوطو مبغاتش تزيدلو كان منظر ديال الرعب حلات عينيها لمدمعيين كتشوف فلعساس على الله تكسب شوية ديالو عطفو ويخليها تمشي لشومبرتها هاد السااعة باغا غير دخل لفراشها وتنعس بحال موااقع والو تفييق صبااح ناسية هادشي تفكرت أنوار وضرب قلبها موجعها هو سبااب كفاش سمح فييها ولكن فبالها كتقول وكان غير مزربتش وبقيت نتسناه هو كان غيرجع انا للي زربت وجيت.. دماغها كيحلف عمرها تعاود تشووفو وحطاتو هو سباب هادشي للي كيوقع ليها يدها عطياها لحريييق مهزلها قلبها غير صوت لعساس)

العساس: ياله ابنتي خرجي

أمال: (رجعت كتبكي) عفااك اعمي خليني حتى لصبااح الله يرحم مييمتك عفااك اعمي متلوحنيش برا كاينين شماكرية بزااف هئ هئ الله يرحم ليك الواليدين الله يخلي ليك مااا عز عندك عفاااك اعمي (كيجرها) عفااك اعمي هئ هئ نتخبع غي تحت ديك الشجرة عفاااك اعمي (ياله قرب لباب وفتحو حتى تنتراات من عندو وشداتها جرية وحدة وحيت مخاصش يدير صداع ويفيق كوولشي تبعها وهو سااكت كانت سباااقة عليه وجراات بكل قوتها حتى وصلات لباب العمارة فين سااكنة حلات لباب ولكن لعكس دهاد الليلة خلاها منحووسة فكوولشي حيت كيتحل من لداخل ومن برا ضروري خاص السااروت وقفت وشافت فيه جاي مغزف علييها) حلي اعمي عفااك فين غتلوحني فهاد الليل

العساس: انا ديريها بية الق***

أمال: (وسااعو عينيها أول مرة شي واحد ينعتها بهاد الوصف جرها من لكول باغي يخرجها وهي تغرس ظفارها فيديه ودفعاااتو بكل جهدها وطرطقت عينها بحال شي مجنونة) والله ومتحلي لباب حتى نݣول للمديرة كتعدا علية ومخرجني هنا ومشغلييش توصل لعائلتي ݣاااع

العساس: (خاف على رااسو) درت فيك الخير يا الموسخة وهادشي باش ترديهلي

أمال: (بلعت ريققها كتجمع القوة) حلي لباب وكمل خييرك ولا والله حتى نغوت

العساس: (معندوش حل حيت خايف على خدمتو طييير جبد سوارت من جيبو فتح ليها لباب) ديريها فين تجيك ابنت **** انا غنوريييك (دخلت فرحااانة سدت لباب علييه خايفة من نظرااتو للي بغاو يقجوونا مكانتش بغات توصل لهادشي ولكن المهم لباب تحل ليييها طلعت كتسلت وكولها كترجف ضو خفيييف فدرووج للي مخليها كتشوف شوية متكية على لحيط للي مخليها مزالة وااقفة وطالعة بلا حس وصلت للطابق التاني فين كاينة شومبرتها حلات لباب باليد للي ممجروحاش كان مسوورت بقات كدق بشوية وحاطة شنايفها على التقبة ديال لقفل وبصوت خاافت) شيماااء حلي انا أمال شيماااااء (كدق وتعاود ووالو مشات لشومبر هند عيات دق وتعيط ولا من موجييب تنهدت وبداو دموعها كينزلو حمدات الله حيت بعدا دخلات من داك البرد وداك الشر للي كاين برا.. مشات لاحمام وسدات موراها لباب عاد شعلات الضو وشافت فلمرايا كان الشال مخربق على راسها ولكابيتشو فيه طبايع ديال الدم أما السروال عمر دم من يدها وحتى نيفها مسلمسش من الضربة للي ضربها لاخر بطرشة حتى رعفاات شافت فصباعها فين واكلة لعصى وتفكرت أنوار بكات بحرقة حتى فشاات قلبها حساات بيه خاان ثقتها وميستااهلش حبها نفي.. شافت رااسها عينيها تنفخو غسلات وجهها واليد لوخرا مقدرااتش تقيسها بلما ومشات تفنتات فواحد لقنت جالسة على الأرض للي نقية وجامعة ركابيها عندها حاطة راسها وساااهية دموع نشفو وعينيها كيتقاالو بغات غير تنعس وتنسى كووولشي للحظة تمنات وكان مجاتش هنا وتجرب هاد العذااب وكان ماشي العساس للي حلها لباب فين كانت غتوصل شنو كان غيدير ليها الشمكاار ولا غيرو تفكرت وليد نهار قالها متعاوديش تخرجي بوحدك ونتي مكتعرفييش وجدة الناس هنا خاايبة وماشي كولشي نيتو زوينة بقات فديك الحالة غير سمعت الحس فلكولوار ناضت بصعوبة حيت برد عليها الدم وقتلة لعصى للي كلات من عند الشمكار ولمشي بين صبيطار لدار الطالبة عاد بان فييها.. طفات الضو وطلات برويسها حتى بانتلها هند وشيماء ياله غتخرج حتى سمعت)

هند: مغيجينيش نعاس حتى لقاااها أمال ماشي ديال داكشي واللله

شيماء: بففف مشكلة...

أمال: (خرجت من تماك ووقفت حداهم حتى تخلعو غير شافتهم مخلوعين بقات كتبكي) هئ هئ

هند: (مع ظلام مكانتش باينة مزيان كتسمع غير بكاها.. مشات حداها كتزعزع فيها) أمااال ماالكي شنو واااقع

شيماء: (شافت فبنت عمها ككتبكي وبكاها بحال شي بنت صغيرة بقات فيها مشات حتى هي عندها) اويييلي أماال ماالكي كتبكي؟؟؟ وفين كنتي؟؟

أمال: هئ عفاااكم حلووولي لباب هئ عفاااكم راه بردت بزااف (مشات شيماء كتحل بالزربة وفبالها أن أنوار تكرفس علييها هند حتى هي بالها مشا لهااكاك فتحات لباب مع شعلات الضو شهقو بجوج وتشاوفو.. دخلات أمال بان دمايات للي فيدها ووجها وحدا نيفها وباين ياابس وشي نقااط وفلكابيتشو وبزااف فسروالها لبيض بجوج بقاو مطرطقين عينيهم مفاهمييين وااالو)

هند: اوييييييلي أمال شنو وقع؟؟؟؟؟

أمال: (بعياء وكترجف وعينيها عيااو بلبكى) بغيت غير نعس عييييت بزااف

شيماء: كفاش تنعسي شنو وقعلك وشنو هاد دمايات وفين أنوار واش هو للي دارلك هادشي وفين كنتي حتى لهاد لوقت

أمال: (حطت سبرديلة ديالها ونيشان ماشية لنموسيتها)

هند: (وقفاتها) أمااال هضري واش أنوار تكرفس علييك؟؟؟

أمال: (حركت راسها بلا وشافت فيها بعينين ذابلين وجلست فوق فراشها) سمح فية

شيماء: كفاش سمح فييك؟؟ هضري امال راك خلعتينا شنو واااقع

أمال: (بتنهيدة) معرفت مالو معايا بقا غير يغوت مفهمتووش والله مافهمت كاع شنو بغا خلاني فسبيطار ومشا ومعرفتش طريق رجووع بقيت غير كنمشي وحتى واحد مبغا يعاوني حتى وصلت ومخلانيش العساس ندخل جا واحد الشمكار بقا يضرب فية منين ملقى عندي والو وبقيت نغوت فكني منو غير لعساس للي حتى هو بغا يخرجني هربتلو وطلعت هنا

هند: واش نتي للي كنتي كتغوتي برا؟؟

شيماء: كفاش سمح فييك

هند: (شافتها كانت صفرا شافت فيدها شداتها كتشوف الجرحة للي تخيطات وتحلات) شنو وقع أمال واش أنوار للي ضربك وكفاش خلاك فسبيطار مبغاش يتفهملي هادشي

أمال: هند (بعنين ذابلين) خليني نعس اختي الله يرحم ليك الواليدين

هند: كفاش غتنعسي (جرات ليها يدها) وصبعك مفتوح هكا راه خاصها تخيط ابنتي بففف (شافت فالساعة كانت 4دصباح) بدلي حوايجك لبسي بيجامة

أماال: (بترجي) عفاك

هند: بلاتي خاصني نفهم داك شماااتة شنو دار ليك ولكن يديك خاصها تخيط (كعات للي عارفة أنوار سباب هادشي واخا مفهماش شنو القصة مشات لليتها جابت بيطادين وقطن مسحتلها الجرح ونقاتلها حتى نيفها للي كان مزال لاسق فيه الدم يابس مسحاتلها وجهها ولوخرا غير كتشوف قلبها كيضرها كتر من هاد جرووح وتفكيرها علاش خلاها؟؟ بدلات لبجامة وجابت كاس لتخاتو مع الارض حتى تشتت)

شيماء: أويلي مالكي نتي عاود

هند: غنقولو طرطق الكاس فيدها

شيماء: (شافت فأمال وتنهدات مفاهمة واالو بقات فييبها وتمنات تكون هادي هي نهايتها مع أنواار مشات هند دقات على المسؤولة ديال لبافيون (العمارة للي ساكنين فيها) عوداتلها شنو وقع باش يجيبو اسعاف ليهم ويمشيو بطريقة قانونية باش حتى الا وصلات لخوها يعرفو السبب.. طلعات عند لبنات كيتسنااو وسكات الانظار متاجهة لأمال وأمال غير سااهية وكتنهد كل واحد

وشنو كيفكر)

هند: شنو كنتو كديرو فصبيطار وكفاش يديك تجرحات

أمال: هبطت من الطموبيل جا يسد لباب مشافش يدي وسدها عليها (كتعاود بنيتها) خاف علية وبزاف داني لواحد كلينيك خيطولي ودواوني ولكن دغيا تقلب ااه وجابلي حتى كادو ولكن مفهمتش علاش بقا كيغوت انا مكنبغيهش يقربلي مكنرتااحش وهو مكيفهمنيش حتى ملقيتوش مشا وخلاني (رجعت كتبكي) كان علية نتسناه هو كان غيرجع وكان تسنيت تماك كاع منتكرفس هاكا ولكن داابا صافي بان كولشي

هند: (سكتات فهمات بغا يبوسها وهي مبغاتش ولكن عصبيتو ممقبولاش وعارفها ماشي بنت لمدينة شوية دخلات لمسؤولة غير هند للي كتهضر مشاو هزو أمال داوها لصبيطار عاودو خيطو ليها الجرح رغبات لفرملي ميقولش للمسؤولة ان الحرح كان ديجا مخيط عطاوها شي كينات ورجعو كان لفجر كيأذن دخلو من سكاات أمال تكات ففراشها وشيماء كتغطيييها.. هند طار نعاس من عينيها مشات لشومبرتها منين شافت أمال غمضات عينيها بتعب.. شيماء تكات فبلاصتها ساكتة وتفكريها واش تفارقو ولا شنو.. وأمال تفكيرها مغتبقاش تشوفو واخا تكون كتبغيه حيت بين ليها مكيبغيهاش... )

هند: (ضرباتها لفيقة كانت ه8 ونص تجبدات فبلاصتها وراسها ضاارها هزت تيليفونها من تحت وسادتها لقات 4 ليزابيل من عند وليد تبسمت دخلت للواتس كتباتلو) صباح لخيييير (عينيها مزال مدوخين بنعاس طلعات ليها غير شرطة وحدة ناضت كتجبد حلات لبالكو كانت الدنيا مغيمة وباين الجو باارد معندهاش مع هاد الجو دغيا سداتو مكمشة لبست بينوارها دارت لقب لبست لبوط الخاص بالدار ومشات عند لبنات مع حلات لقات أمال واقفة فلبالكو وسادة غير لباب دالزاج وشيماء مزالة ناعسة.. مشات عندها نيشان دخلت حداها) لبرد عليك واش منعستييش؟؟

أمال: (حزنانة) كيعجبني هاد الجو.. وكيعجبني نتمشى وشتا كطيح علية

هند: (شافت فيها) أمال شنو وقع لبارح راسي ضرني ونعاس هربلي من عيني

أمال: راني عاودت ليكم

هند: علاش معيطتيش علية

أمال: (ساهية) داه معاه

هند: (شافتها كتهضر ببرود وهي كتحس براسها غتفركع) وعلاش مشااا واش هو هبيل يمشي يخلييك بووحدك

أمال: معرفتش علاش مشا وخلاني واالله مدرتلو واالو تفرݣع ومشا

هند: مقاسكش؟؟؟

أمال: وحيت مقاسنيش غضب انا أهند مكيعجبنيش يقيس فية وهو بغاني نبقى نبوسو ونعنقو انا مكيعجبنيش ندير هادشي راه عيييب مكيشوفش شحال كندير على قبلو

هند: يعاود لمو معندك مديري بزبل الا كان هاكا متعقليش عليه

أمال: هو ظريف معايا وحنين فية ولكن مبغبتوش يقيسني ومبقيتش باغا نكون معاه

هند: محملتش الز*** بوه كفاش يمشي ويخلييك بووحدك تفووو

أمال: يمكن كان غيرجع وكان غير تسنييت

هند: (شافتها باينة فيها طاحت فيه بلمزياان حيت واخا عارفااه سمح فيها الا كديرلو اعذاار معرفت متقول شافتها غير مدخل وتخرج فالهضرة) والشمكار للي تعرض ليك؟؟

أمال: وكان ماشي العساس وكان معرفت شنو دار فية ولكن انا ضرت فالعساس (عاودات ليها شنو دارتلو)

هند: ههه عبرتي على لق*** شماااتة مزال نتلقااه ونوري لموو

أمال: انا مبغيتش نتعايب معاه

هند: لا تعاايبي وخرجي عيينييك وللي دار معاك لافووت ورييه أماال الخاايبة متبقايش ضريفة كتر من لقيااس بنادم يطلع فووقك ويديرلك لجااام يتبورد عليييك متكونيش دمدوومة فييقي وحلي عينييك

أمال: منقدرش منقدرش نكون بحاالك

هند: كووني وفوتيييها وكان مدرتيش للعساس هكاك فين كنتي غتوصلي

أمال: (غير كتفكر داك الشمكار كتخاف وكترجف بوحدها) كنت غنمووت

هند: اوا ديما ديري فرااسك سبقي مصلاحتك على كوولشي (دقت عليهم شيماء للي مزال عينيها مغمضين.. حلات باب الزاج) عاد فقتي الشيييخة

شيماء: (كتفوه) علاه أمال خلاتنا نعسو تخلعنا عليك الزبلة لبارح كصبحتي

أمال: (بهدوء) لباس

شيماء: معيطلكش داك أنوار

أمال: لا ومبقيتش نهضر معاه (دخلت لداخل وجلست فوق فراشها)

شيماء: حسن لييك (بابتسامة عرييضة) نوضو تلبسو راه خويا غيجي يدينا دابا

هند: (قلبها ضرب حتى عينيها بغاو يدمعو) كفااش؟؟؟

شيماء: وليد ركب هاد صباح وgالي غير يوصل لوجدة ميرتاحش غيدينا نيشان حيت غدا الحنة ديال خويا (كتفوه)

هند: (بحرا كتبلع ريقها هزت تيليفونها لقاتو مصوني فصباح مع 6 قلبها غيسكت كفاش غتشوفو وغتقولو انا هي غييثة تلفت بقيت غير واقفة بخال شي حجرة وعينيها مفرgعين كتفكر وتخمم لنهار للي مبغاتوش يجي وها هو جا على غلا ومقرااات حسااابو..)

أنوار: (سمع دقان بالجهد حل عينو غير بالسييف شد فرااسو وهز رااسو شاف فقدامو كانو شي 5 ولا6 دالناس ضايرين بطموبيلتو الطريقة باش ناعس على لفولون شكو يكون ميت ولا سخفان.. برك على بطونة تحل الزاج وشاف فيهم باستغراب وحجبانو مشروكين) ويي

...: حسابنا أولدي واقعة ليك شي حاجة

أنوار: (مفاهم واالو ياله كيتوgض سد الزاج حيت لوخرين تفرقو واصلا معلبالوش بيهم حك عينييه منرفز خرج من طموبيلتو مكره محاملش رااسو دار يدو فوق قرفاادتو كيحكها بكف يدوو) نهار د*** لله ينعلها حااالة (شاف فالمصحة للي جاب ليها أمال لبارح وخلاها تمااك بوحدها من بعد تأنيب الضمير بغا يرجع ليها حتى كيتصدم ملقاهاش دخل لداخل والو عيا يدور بطموبيلو فلونتوراج مكيناش بغا يصوني لقاه مطفي وعاد شاف صاكها تكره الليل كامل قلب عليها لدرجة وصل حتى لحدا دار الطالبة والو مكيناش.. رجع عاود كيقلب عليها قنت بقنت على برا ممكن تكون مخبعة تمااك هي خوااافة ومكتعرف دير واالو ومتقدرش تزيد خطوة وحدة بوحدها قلب بحال شي حمق تحت شجر ولكرااسة سول لداخل مولاتش رجعات لدرجة طلب حتى تسجيل الكاميرا ولكن مبغاوش حيت ممنوع وداكشي لبوليس هوما للي منحقهم يشوفو لكاميرات وعاد بإذن من المحكمة.. بقالو حل واحد وكان صباح كيتسناه باش يديرها هي يمشي عند لبنات كاين شي احتمال تكون مشات لتماك.. رجع ركب حك عينييه للي عياااو رجع هز صااكها حلو وجبد تيليفونها للي فيه كتر من 40 ابيل من عند هند وشيماء.. دوز نمرة ديال هند للي دغيا جاوباات قبل ميهضر)

هند: هادي هي تحاافظ على لبنت خلييتها تكرفس فزنااقي محسابليش غطلع..

أنوار: (تسعق) بلاتي بلاتي شوري شوية واش هي لباس؟؟ كفاش تكرفسات؟

هند: (كتهضر بلغوات ومعصبة) شوف نتا سامح فلبنت ماشي حتى من هنا وزيرو درهم ومعارفة حتى فين تمشي عرفتي شنو بعد من طريقها وقلب علييها.. (قطعت عليه معصبة رجع صونا والو مجوبااتش خبط التيليفون فلكرسي مكره من راسو ومن أمال للي متسناتوش هو رجع متعطلش وملقاهاااش كان خاصها تسناه.. مشا نيشان لدار الطالبة وبقا عااصر تماك كيصوني على هند والو مكتجاوبووش بقالو حل واحد هو يصوني على شيماء للي جاوبات دغيا)

شيماء: (بفرحة حيت أوا مرة يصوني ليها) ألوووو

أنوار: شيماء واش أمال مزيانة؟؟

شيماء: مزيانة ونتا؟؟

أنوار: (صوتها فيه نبرة فرح) دوزيهاالي

شيماء: اممم راها كتجمع حوايجها غنمشيو لتاوريرت غيجي خويا دابا عندنا

أنوار: (خسر كمارتو) شيماء عطيني أمال

شيماء: (عوجت فمها) واخ (تمشات ببطئ كتشوف فتيليفونها وأبيل أنوار دايز فيه تبسمت بحال شي مجنونة.. دخلت لشومبر كانت أمال كتجمع حوايجها وملامح الحزن باين فيها) أمااال هاكي أنوار بغااك

أمال: (طرطقت عينيها) كفاش

شيماء: راه بغا يهضر معاك

أمال: (وهو كيسمع.. عمرو عينيها بدموع) لا

شيماء: (دارتو فودنيها وخرجت) مزالة مقلقة منك

أنوار: (زفر) شكون وصلها لبارح عندكم

شيماء: يمكن بوحدها والله معقلت علاش ماشي نتا للي هبطت من طموبيلتك؟؟؟

أنوار: عاد gلتي بووحدها شنو راك كتزعرطي تم

شيماء: (تفافاات) والله معقلت

أنوار: شيما خرجي عندي انا حدا لباب

شيماء: واخ (مشات خرجات حيت كانت ديجا مقاادة حيدت الشال ودارتو على عنقها ولواتو تحسبا الا جا وليد وخرجت كتجري والتبسيمة فوجهها شافت طموبيلتو من الجهة الاخرى قطعت ووقفت حداه نزل حداها وباينة طايرة لييه وخاااسر ليه لمجاج) أنوار لباس؟؟

أنوار: (شاف من مورااها بحال كيقلب عليها) غتمشيو دابا؟؟؟؟

شيماء: واه دابا خويا غيجي

أنوار: بففف (سكت مدة هو داك نهار قالها متمشيش) واش هاد خوك للي غيجي دابا هو لي حاط لعين عليها وبغا يديها؟

شيماء: (بلعت ريقها) واه

أنوار: (زادت شعلاتو حل الطموبيل وجبد صاكها) عطيها هادا وݣولها ضرووري تجاوب ضرووري ولا غتلݣاني عندها فدارهم (طلع ركب مخلي شيماء غير كتشوف) طريق سلامة (قالها بلا خاطر)

شيماء: الله يسلمك (مشا من تمااك معصب بزااف نيشان لعند باه للي غيسمعو خل ودنييه حيت عارف غيكونو تنوغشو علييه زيد بااه مكيقبل حتى شي عذر باش هو يبات برا الداار ممنووع لمباتة برا الدار..)

أمال: (مشات لشومبرة ديال هند لقاتها تاالفة برغييب باش بغات ليهم تمشي معااهم وحشماتها أم شيماء للي عودات صونات عليها وعرضاتها.. جلست أمال وطلقات تنهيدة) شيماء خرجات عند أنوار

هند: (باستغراب ضارت عندها) كفاش

أمال: (بحزن) هي بنت عمي وكتبغيني أنا وكتبغيلي غير مصلاحتي يااك اهند؟؟

هند: هضري ازمرة شنو كااين وعلاش خرجات عند داك لحمار

أمال: (هزت كتفها ببرود) هو عيطلها وهي خرجات عندو

هند: واش صافاباا راك كتهضري على أنوار

أمال: واه أنوار الولد للي كنبغي وشيماء بنت عمي وكتبغيلي لخير هي خرجت تصالحني معاه حيت هو صونا عندها وݣالها دوزيهالي وانا مبغيتش ندوي معاه

هند: حتى انا صونالي وسمعتو مزيان قلتلو قلب عليها

أمال: شيماء بعدا خرجت فرحانة عندو هههه هي عزيز عندها أنوار بزااف ياك؟؟

هند: (قوست عينيها فيها) من لخر كتشكي فيها

أمال: (بتنهيدة حركت راسها بلا) معرفت (حركت راسها بحال كتنفضو) غير كنخربق شيمااء كتبغيني وكتعزني بزاااف غير الشيطان شي مرات كيلعب فدماغي وفيها.. مهم كملتي جميع حوايجك

هند: (شافت فيها بعطف) كبقات يديك

أمال: (حركتها) مهمانيش قد مخالعني رجع للدار (غير كتنهد) مكرهتش نبقى بووحدي والله محتاجة بزااف نبقى وحدي هنا

هند: غتفارقي مع أنوار؟

أمال: علاه بقالنا شي رجوع هو سمح فية اهند عرفتي شنو كان غيوقعلي اصلا راه شفت الشونتيو داكشي زوين للي كنت نشوف فيه مبقااش واصلا انا ماشي ديالو

هند: وي مصدقش صرااحة فهادي انا فاللول قلت كيبغيك

أمال: زعما مكيبغينيش؟

هند: معرفتش اختي ولكن ما خصلة ما تاوزة هادي للي دار معاك الواحد يكون مكيحملكش وميديرش هاكا

أمال: (قرنت حواجبها) كرهتو واصلا مغنتافهموش سوا غدا ولا بعدو هو كاع مهضرلي على زواج بغا غير يبقى يقيس فية ويبوسني انا عارفاه هادشي للي خلاه يخليني فصبيطار ويمشي

هند: جلا نتي منين نرجعو ديها غفقراايتك

أمال: (بتنهيدة) اوديييييي

هند: مكاين بو اودي هانتي كتقراي فلفااك وديري شي حاجة اخرى تعمر ليك الوقت نتي باغا تعلمي لخيااطة دخلي لشي سونتر وتعلمي وانا ندخل معاك باش نونسك

أمال: (تبسمت) بالصح،؟

هند: والله لواحد شحال ما عمر راسو شحال ما ستاافد اما الا بقيتي دايرة يدك على خدك غتبقاي تفكري غير فييه وغتصدقي راجعة لييه

أمال: (بتنهيدة) انا بغيتو بزاف وعمرني نسااه

هند: داكشي خليه للوقت.. الوقت للي كينسينا ويعرفنا بناس.. مهم هاد داركم خاصهم غير طويل وانا طويل معنديش بزااف

أمال: هههه ديري فبالك لخروج مكاينش والتيليفون عندو وقت وغتبقاي دخلي للبيت بزاف على حساب دراري وسبايغ ولعكور وشعور نساايهم

هند: (كتقليلها السم) انا زوييينة بلا هادشي

أمال: هههه (دارت يدها على فمها) كنتخيل وليد نتي وياه فدار وحدة ههه

هند: (جمدات ليها لما فركابي) بففف متفكرينيش وااقلة غندير بناقص

أمال: لا لا عفااك والله نتي للي مصبراني على هادشي للي كيوقعلي

هند: اربي سكتي راني غير صنطييحة غنتسنى زمر دشيماء تعطيني حوايج

أمال: حتى انا عندي شي حاجة واسعة دابا نعطيها لييك ومترفديش الهم راه أغللبية رجال مكيكونوش فالدار وحتى ويكونو راه مكنتخالطوش معاهم

هند: اممم شحال قلتيلي وليد غيجلس

أمال: هه معرفت اختي انا كاع مكنسول فداكشي

هند: حرييييييرة محرحرة نيييت

أنوار: (من بعد باه مسمعو الهضرو على لمباااتة فالزنقة خلاه وزاد أما لاخر غير حاني رااسو معصب.. معصب بزااف من راسو ومنها هي بالظبط ومن باه للي غوت عليه قدام شي كلياان شاف فزهير جاارو من تمااك) رخيي ازهييير

زهير: (جرو خرجو لبرا وشاف فأنوار للي عينييه دخلو وباين مناعسش وحواجبو مشروكين باينة طايرة ليه بالجهد) شنوو؟؟

أنوار: بغيت نروح غير نرݣد

زهير: واش عندك شي بروبليم؟؟

أنوار: لا لبرومليم للي عندي درك هو بغيت نخرج من ديك الدار بزاف على لحكاام راني رااجل وݣاد برااسي ماشي بز للي يجي يغوت علية ݣدام الناس

زهير: واش جاب الرجلة لخروج من الدار

أنوار: زهييير بربي طيرااالي مانييش ملييح وباغي غير نروح

زهير: (شاف فيه) زيد نوصلك

أنوار: بلاش مافيا للي يرجع للوطو

زهير: اصلا اللوطو للي كنت كاري رديتها وغنحتاج دياالك (لاخر حرك راسو باه هو دابا خااصو غير ينعس ميفكر فواالو وزيد حتى بااه زاادو اخر حاجة يبغييها هو باه يغضب عليه.. وصلو وفطريق سكااات زهير معارفش أنوار ماالو وللي عارف هو غيمشي يهضر مع خووه باش يرخف عليه شوية ويعطيه شي سبب علاش بات برا..)

~~~~~~~~~~~~~~

شيماء: (جالسة كتفكر فأنوار منين قالها الا مجوباتنيش أمال غنمشي عندها واش كيبغييها لهاد الدرجة؟ وعلاش مكيلاحظهاش هي واش مباينش اعجاابها بييه وهي بيناتلو بزااااف.. تنهدت وكل مرة هاد العشق للي من طرف واحد كيدمرها ويحسسها بإحساس خاايب تفكرت أمال لبارح كفاش لقاوها مخبية فطواليط كترجف بلبرد وكولها دماايات.. قطع أفكارها غير وليد للي صونا عليها باش ينزلو حيت وصل وغيدوز عندهم دابا) واخا خويا تلقانا لتحت

وليد: وااخ (قطع ودوز نمرة ديال غييثة للي جوبات على شحال) فيين الالة هادشي دياالك

هند: (متوترة وخاايفة) شنو؟؟

وليد: فير غبرتي هاد صباح.. واش خداامة؟؟ شنو المصحة للي ݣلتيلي خدامة فييها؟؟

هند: (شدااتها اللقوة وطرطقت عينها النفس حبس مبغاش يخرج لييها)

وليد: الووو غييثة!!

هند: حم مسمعتكش صدااع كاين حنا حدايا حيت شديت طريق لفااس ووقفت كندير ليصانص

وليد: فاس؟؟ فينك دابا بالظبط؟؟

هند: (بتوتر) انا كنت بغيت نعيط عليك نقولهالك شحال صونيت لقيتو مطفي وووووقبييلة شديت طريق مي لالة قالتلي دابا اجي يمكن كاين شي مشكل ولا معرفت

وليد: اممم (كان بغا يخليهالها مفاجئة) صوݣي غير بشوية

غيثة: وي وي كنصوݣ غير بشوية اصلا لبارح سهرت ومشبعاش نعاس وهي خلعاتني عليها

وليد: مهم بلاتي وغنهضر معااك (قطع باينة معجبوش الحال علاش؟ حتى هو معرفش.. ميمكنش يبغي شي وحدة بلا حتى ميشوفها ولا يعرفها وصل حدا دار الطاالبة حتى كيشوف 3 دلبنات واقفين مع شوانطهم وقف حدااهم حتى كيشوف ختو حلات لباب مع ابتسامة عريضة خرج متبسم وهي طير علييه معنقااه كتعلق فييه بحال ديما جات عينو فأمال للي كانت متبسمة دور عينو لهند للي كانت غتسخف منين خرج من الطموبيل قلبها وقف والسخفة طلعات معاها عينيها مقدراتش تشووف فيه فقط مدورة وجهها.. طلقت منو)

شيماء: توحشت اخوويا بزااف

وليد: حتى انا البرغوتة دياالي (هنا هند شافت فييه شحال كانت متشوقة لهاد اللقاء وشحال كانت متمنية يكون عارفها هي غييثة الفرملية للي كان غيمشي يتلقاها ويديرلها مفاجئة فلبلاصة للي خدامة فييها شافتو سلم على أمال من بعييد كيسول على حاالها حتى شااف فيها وهاد لمرة رد لبال لشنو لابسة جينز فلكحل مع مونطو فلكري وكاط فلكري ولكحل وشال غليظ ملوياه على عنقها وشعرها دايرة ليه سفنجة مهبطة شي خصلات منو مخليها زوينة اما لميكاب كان قليل بحال مديرااهش) سلام

هند: (بلعت ريقها) سلام

وليد: (هز شانطة ديال ختو) اه اه سارقة شي واحد هنا

شيماء: هههه ماما وصاتني على شحال من حاجة (قادها فلكوفر ومشا يهز شانطة ديال أمال)

أمال: (بغات تمنعو) لا لا خويا انا نهزها

وليد: (مباشرة عينو مشات ليدها للي ملوية فلفاصمة بلا ميرد لبال شد فيدها للي دغيا هرباتها) مال يدييك؟؟

شيماء: (نقزت هزت شانطة ديال أمال للي خفيفة) طرطق ليها كاس ديال اتاي سخون فيدها ودارت شي 12 لغرزة مسكينة

وليد: (غوبش وشاف فأمال للي بانت متوترة وغير كتهرب فعينيها أما هند راها فوق الشواية غير كتشوف ومقادرة لا تهضر ولا والو.. نار الغييرة كلاتلها عينيها) امتى هادشي

أمال: (بلعت ريقها) لبارح بالليل

وليد: امممم ردي لبال.. ياله طلعو

شيماء: وليد مالقيت فين ندير شنطة ديال هند

وليد: الا مديرونجيكمش حطوها حدااكم (شاف فهند للي كتشوف فيه) معليش؟

هند: (سهات على راسها وبقات غير كتشوف فيه حركت راسها باه) حم الا بغيت نتبعكم بطموبيلتي!!!

وليد: (حيد عينو من عليها) لا بلا متعذبي طريق طويلة... ( مشا ركب طلعات أمال لوسط وهند حداها والشانطة من الجهة الأخرى وشيماء حدا خووها)

وليد: غندوزو نفطرو عاد نمشيو

شيماء: حتى حنا كاع مفطرنا بقينا غير كنجمعو حوايجنا

وليد: (حرك راسو ومشاو لقهوة قريبة وهي القهوة للي أول مرة تلقات فيها أمال بأنوار ضرها خااطرها اصلا منساتوش هي غير كتنااسا وقف تماك نزلو لبنات وغير ساقرين غير عادتهم.. نزل هو وتبعوه جلسو غير على برا.. هند ممتيقاش وجوودو معاها فطبلة وحدة بكل وساامة فعينيها جاالس كيهضر مع ختو ومرة مرة كيشوف فأمال ويظحك للي كتبادلهم ابتسامة صغييرة فكرت فبالها هو جذباتو أمال حيت هي هااكا قليلة فالهضرة حشوومية و.. مقطع أفكارها غير منين صونا تيليفونو) انا جاي (ناض معبد جاوب) فيين العشيير... ههه ياله حطاتني الطيارة ودابا انا مع ختي وشي عائلة... اممم عرفتي قهوة ديال ****... بعيد؟؟.. صافي تماك غتلقااني دايز اصلا طريقي هادييك... نتقااشعو.. (قطع ودغيا دوز نمرة ديال غيثة)

هند: (ديرالو صونيط خااص ديال موسيقى تركية.. تفافاااات هزاتو دغيا قاطعالو الصوت طرطق عينها منين لقاتو كيصوني يعني ناض باش يصوني عليها اذا داارت بلاصة واخا صغييرة فقلبو تبسمت بفرحة ولكن متقدرش تجااوبو واكترية القهوة دايرة موسيقى ويمكن يشك.. خلاتو حتى قطع وصيفطاتلو ميساج *راه موقفيني جوندارم كيشوفو لورااق* قرا لميساج وتبسم رجع حدا لبنات) الا جا السرباي خودو للي بغيتو وخودولي اشيما فطور معااكم (دخل للقهوة لداخل مشا لطواليط ورجع حداهم شوية السرباي جايب فطور ديال 4 دالناس فطرو من سكات أمال غير كتنقب بكترة الحزن للي كتحس بيه هند فرحاانة وحتى هي غير كتنقب وليد قرب يدخل ففطور ختو للي حتى هي كلات مزيان.. كمل مسح يدو وهز تيليفونو كتب ميساج) *شنو درتي خلصتي ولا بقيتي كتزاوگي*

هند: (جاها ميساج ومع لاخر مرادش لبال وغير شافتو هز تيليفونو دارت سيلونص قرات وتبسمت كتباتلو *ههه مزال وااخلة شي دعوة هادي صيفطتيهالي* شافتو كيتبسم وبدون شعوور لقلوبة ترسمو فعينيها كتخيلو منين كيكون كيهضر معاها هاكا كيكون كيتبسم وكتر حيت شحال من مرة سمعات ظحكتو)

شيماء: ظحكنا معااك اخويا

وليد: هي بنت ليك كلوون.. كليتي ونوضي نشدو طرييق وهبطي داك لفولار راه شعرك كولو كيبان (جمعو الوقفة وخرجو تابعينو أمال غير الكسدة للي معاهم أما عقلها غاابر ومساافر ركبو وزاد بييهم.. ضار عندها) أمال كضرك يدك؟؟

أمال: (بصوت شبه مسموع) لا الحمد الله مزيان

وليد: (حرك راسو باه ومشا سايك أمال غير كتشوف بعويناتها فهاد لمدينة للي عاشت فيها الخاايب وزوييين.. حسات بالطموبيل وقفات طلات حتى شافت شيماء ضارت مخلووعة كدير اشارة لأمل وهند يشوفو طموبيلة ديالمن للي وااقفة ووليد ماشي لعندها!!!!!)

أمال: (شافت فالطموبيل بقات ياابسة وحلقها نشف خووفها يكون أنوار يجي هابط من ديك الطموبيل للي هند أكدات ليهم من لماتريكيل أنها ديال أنوار..) لا ميمكنش يجي باش عرفنا هنا ومنين كيعرف وليد؟؟؟ (شافت وليد كيهضر فتيليفون وكيزيد يقرب من الطموبيل حتى وقف حدا باب الشيفور كيظحك تحل لباب ونزل واحد ماشي أنوار حيت هادا مفورمي عليه شافو غير ظهرو نزل سلم على وليد بحراارة وباقي الخوف يكون أنوار هو للي جالس معااه بقاو على اعصاابهم ومقدرينش يهضرو.. ما رتاحو حتى لاخر ركب ووليد جاي عندهم وباقا الابتسامة فوجهو وصل)

شيماء: خويا شكون هداك

وليد: صاحبي

شيماء: شكون صااحبك؟

وليد: (خنزر فيها بغا يهضر وتفكر مبغاش يقولها شي حاجة قدام لبنات زاد مكسيري مخلي لبنات معوجين رقبتهم كيحاولو يشوفو شكون راااكب ساعة بان هداك غير بووحدو ومبانش حتى فكمارتو وممعاهش شي واحد اخر... زاد مكسيري دخل لوتورووت شيماء ووليد مرة مرة كيهضرو على الدار وعلى لقرااية حتى وصلو لكرسيييف حيت لوتوروت حدها كرسيف وغيكملو بطريق الوطنية لتاوريرت) خاصكم شي حااجة؟؟

شيماء: جعت

وليد: السلامة عاد كليتي باغا تولي فيلة

شيماء: هه كيعجبني ناكل فطريق اخوويا

وليد: اهاااه (وقف هبط لحانوت جاب ليهم ميكة عامرة تقااوت مدها لشيماء عطات لبنات للي مافيهم مياكلو وهي بقات كتاكل غير خرجو من كرسيف)

شيماء: وقف وقف اخوويا (وقف مخلوع نزلات شيماء دخلات صبعها فمها حتى تقيات شنو كلات مشا حداها وليد وحتى لبنات نزلو كب عليها لما وغسلات فمها ووجها)

وليد: ݣلت ليك متاكليش بزااف

شيماء: (شدت فكرشها بألم) خلطت بزااف بففف (تسندات على ذراع هند وتمشات ولوخرا حتى هي تمشات معاها تبعوها حتى شافوها ركبات اللور) أمال ختي غير ركبي نتي لقدام انا دخت بزاااف (دخلت جلساات هند كتصبر فرااسها حيت عارفة شيماء فين قصدها ولكن متقدرش تهضر.. وأمال حشمات بزااف غير كضور عينها شافت وليد ركب طلعات هي ركبات دارت الصمطة وزادت سقلات كتر مكااانت هي كتحتارم وليد بزااف وكتحشم منو بزااف لدرجة مقدرتش تجلس حداه.. هند اللور غير كتشوف وشيماء هزت تيليفونها كتخرب فييه حتى كسرات سكاات وبقات كتهضر وتحاول ظحكهم هاكا دوزو وقتهم حتى دخلو لتاوريرت.. أمال تزير علييها قلبها وهادشي لاحظو ولييد)

وليد: أمال مالكي؟؟؟ (هند قلشت عينها وودنيها)

أمال: والو وااالو

وليد: (فهمها ممرتاحش تجلس تماك) شيماء رجعي جلسي هنا

أمال: (شافت فيه وتبسمت) شكرا (بادلها الابتساامة تبادلو لبلايص هند غير كتشوف مننحقها دير حتى شي ردة فعل واخا عاارفة أمال ممسوقاش لوليد الا ممتأكداش من مشاعر وليد ساݣ بيهم للدار هند منين وقف دارت الشال على راسها هنا فين قشعها وليد نزل هو الاول حيت جا عندو محمد ونبيل كيسلمو علييه)

شيماء: (خبرات هند) بدينا ههه (خرجت هند تبعاتها شيماء عاد خرجت أمال شاف فيهم وليد)

وليد: انا غنطلع ليكم لحوايج

محمد: (كيشوف فشيماء عاد نتابه للبنت التالتة للي معاهم) شكون دي؟؟

هند: (حنات راسها مولاتش هزااتو اكترية منين سمعاتو قال شكون دي وفوجهها مكاين غير نيشان)

وليد: صاحبة لبنات

محمد: (عاد شاف فختو للي كانت غير حانية راسها مشا جيهتها شاف فيها حيت المديرة ݣالتلو شنو وقع وحتى سباب) لباس؟؟ كبقات يدك

أمال: (بصوت خافت) سلام خويا.. لباس

محمد: مي راها كتسنااك طلعي

أمال: (حركت راسها باه هو مموالفش يسولها ولا يهضرها لدرجة معرفتش تهضر معاه حدها بالتلفة ضارت وطلعات فدروج تحت أنظارهم كاملين تبعوها لبنات)

هند: ههه ناري هادشي كيخلع أمال فهمتك اختي علاش ديما حانية راسك معاهم

أمال: هههه شتوه جا سولني واش لباس؟؟ ههه واش شفتوه؟؟ (بقا كيظحكو مع وصلو للطبقة اللولة فين ساكنة أمال حتى خرجت مها على ظحكهم المسموع)

فتيحة: اللقوة....

أنوار: (مظلم بيتو نعاس هرب علييه عيا يتقلب ووالو هز تيليفونو من فوق لكوافووز دوز نمرتها لقاه طاافي) طفيتيه ابنت **** الل**** (حطو فوق لكوافووز باغي غير ينعس وينفض عليه الافكار للي مخلية نعاس طاير عليه..)

الكاملة: (عاقداهم) لولد صغير مينهرووش ݣدام عباد الله

الجدة: داكشي بيناتهم بجوج راهم رجاال وݣادين على صواالحهم وكما هو ولدك راه ولدو حتى هو الكاملة ديري عقلك فراسك راه بات الليل كوولو يخمم فين عطى

الكاملة: ولدي تقهر مسكين يظل يحسبلو ففلوسو ويݣادلو صواالحوو وفالتالي يجازيه هاكا

الجدة: (وقفت بصعوبة) بااانلي الكاملة كتݣلبي على صداااع (مشات ولوخرا تبعات ليها صبع كولشي كتصبر فيه الا ولدها أنوار للي متبغيش للي حتى يغوت عليه..)

~~~~~~~~~~~~~

فتيحة: اللقوة.. (جات مع وليد طالع فدرووج معجبووش الحال)

وليد: وااا استقبااااال عندك هدا امرت عمي

فتيحة: هءءء (بدلت نبرة صوتها) ولدي ولييد على سلامتك زيدو زيدو دخلو البنات خليوه يدووز

وليد: الله يسلمك (هند غير كتشووف خواولو لقنت وطلع الشانطة ديال أمال هي اللولة)

أمال: شكرا اخويا سمحلي عذبتك معايا (فتيحة خرجت عينيها)

وليد: (تبسم) عادي ابنت عمي ومتهزيش تقل بيدك باش ميطرطقوش ليك لغرااز

فتيحة: اويييلي اشمن غراااز؟؟ (جرت يد بنتها للي مقدرتش تغوت بلحريق) اشنو دشي؟؟؟

وليد: (هبط مكيقدرش يستحمل مرت عمو)

أمال: (بخوف) غير طرطق كاس فيدي أماما وتجرحت

فتيحة: ولاااه هازااه سخون لاااااه؟؟ غير مطنكة دخلي دخلي شيمااا دخلي حتى نتي

شيماء: (شافت فهند للي عرفتها محملهاش فتيحة وغير مرحب بيها عندها) ماما غتكون كتسناني اخالتي فتيحة بلاتي ونهبط أمال طلعي حتى نتي.. هند ياله (هند بقات فيها أمال طلعات مع شيماء وفتيحة متبعة العين لهند حتى غبرت.. عوجت وجهها)

فتيحة: دابا نشوفو شنو يݣولو رجال على هاد لمااسخة للي جاابو (مسدتش لباب دخلات شافت أمال جارة الشانطة بيدها شمال) هزييها راني عاد مجففة

أمال: تقيييلة أماما

فتيحة: هزي برااكة من لفشوش (جلست فوسط الدار فين دايرة تفريشة رومية وكتحنزز فبنتها للي صحاحت شوية مبقاتش غير هيكل ووجها صفا واللون توحد فيه مبقاش مطاشي واهم حاجة مبقاش لموسطاج باين) جات معاك لمديينة حݣلك مبقيتي دورتي وجهك ورجعتي لهنا

أمال: ها لا غي حيت لقرايا

فتيحة: (دورت وجهها كتشوف فبنتها) لقرااية هااكااوا.. (خيبت كمارتها) ولاااه جبتو معاكم ديك لخنز؟؟

أمال: (جلست حتى هي) هند؟؟

فتيحةة: باااز وليتو تحدااو رجال

أمال: راه خالتي نعيمة للي عرضااتها وكان مبغاوهاش تجي وليد كاع ميجيبهاش معانا ومرت عمي عاجبها الحال شيماء تصاحب مع هند

فتيحةة: (دارت حركة بحال كتمص الخامض) فكوسة تلوات على كرعة وݣالتلها اجي نݣطعو طريق.. وكفاش جالسة تهضري مع ولد عمك هكاك

أمال: مݣلت والو

فتيحة: ضسرتييي نتي

أمال: (باغا غير ترتاح) حم ماما ندخل نعس شوية عيت بطريق ولبارح منعستش مزيان

فتيحة: واا بااااز باك وخوتك للي غيجيو يتغداو ويسولو فييك ولا صافي مشيتي لمدينة وݣلتي الله يطير علية با وما وخوتي

أمال: (فبالها دابا عاد غيتفكروني..ناضت دخلات الشانطة ولبسات بيجامة واسعة وطويلة وخرجت حدا مها للي كتفرج فمسلسل تركي فدوزيم)

فتيحة: وييل حااي على لكافرة دخلي ضرقي شكااكتك راه غيجيو خوتك

أمال: (طرطقت عينها عاد تفكرت دخلات بجرا لبسات شالها وجاب الله مها مشافتش شعر للي مقاد بلكيراتين هزت لبيجامة وتوب الجلابة والشال للي جابت ليها جلسات حداها) ماما شريتلك هادو منين شيماء كانت كتشري داكشي للي وصاتها عليه مرت عمي

فتيحة: (باستغراب هزااتهم كتشوفهم كانو زوينين وعجبوونا) على مزيناتها هاد لبجامة هي للي لبس غدا ندور بيها فصباح

أمال: (فرحت حيت عجبها الحال) وراه جبتلك حتى صاابو (ناضت مخلية نعيمة عاجبها الحال جابت ليها صابو قيساتو جا قدها)

فتيحة: اوا هاانتي وليتي تعرفي تشري

أمال: (بغات تمازح) وراه مكنتش نخرج كاع.. وكان كنت نخرج هنا وكان راني نشري لحوايج غير الزينين

فتيحة: (ميقت فيها) سيري سيري وجدي شلاضة ݣالك تخرجي بااينلي نتي ديك وجدة خيطتيها حانوت بحانوت.. نمشي نݣولهم أمال يعرفوك واحد بوااحد..

نعيمة: (كتعنق فبنتها فرحاانة عاد دازت لهند لي سلمات عليها سلام حاار وبينات انها مرحب بييها عكس فتيحة للي مشافتش حتى فيها)

وليد: خلييونا ندخلو ونتوما سلامكم مكيتقاداش

فتيحة: هههه (عاد جرااتو تسلم وتبووسو وهو غير كيظحك دخلاتهم فرحانة ) الله على فرحة منين ولادي يتجمعو دخلي ابنتي هند مرحبا بيك وألف مرحبا نهار كبييير منين جيتي عند ماماك التانية (ديجا شيماء عاودات ليها عليها)

هند: (فرحت) الله يبارك فيك اخاالتي ويكبر بيك

وليد: (بلا ميحس ضار عندها شبهاتلو فالصووت ولكن دغيا دور وجهو ودخل لداخل اما هوما جلسو فالصالة كتسول على أحوالهم وقراايتهم)

فتيحة: وكان ابنتي حتى نتي درتي شي ديبلوم بحال هند ودخلتي للصحة

شيماء: لفاك والديبلوم بزااف اماما وهند عندها مع لفرونسي وقرايتها كولها غير بيها انا حدي نݣول salut cv

فتيحة: ههه اوا دخلي لشي سونطر تعلمي اللغة فيه حتى حاجة مصعييبة

شيماء: واااا مااما فية جووع عتقينا ناكلو ومن بعد ونهضرو فلقراايا (هند غير كتشوف وتبسم وحاضية واش وليد غيرجع ولا لا) هند تبدلي حوايجك؟؟

هند: اه (وقفات تبعات شيماء دخلو لبيتها كان نقي وفيه ريحة زوينة نموسيتها ملمطة مزيان وكاين حتى بونجة ملمطة بنفس لكوفر للي فالنموسية تبسمت على هاد لجييست سدات شيماء لباب وحبدت تيليفونها قرات ميساج من عند محمد للي كتب ليها *الدار عاد نورات بيك* تبسمت) ههه شوفي شنو كتبلي داك لهبيل ديال محمد

هند: (حيدت شالها وقرات) يا ختي عطييه فرصة سي نوو بعدي منو متزيديش طمعييه كتر من هاكا

شيماء: بحالا بقا فيك

هند: (كتحايد منطوها) غتجبدي على راسك صداع خااايب اشيماء

شيماء: (عوجت فمها) ميقدرش

هند: وعلاش غيخاف منك مثلا

شيماء: غيخااف على رااسو باشمن حق كاع كيهضر معايا حدي نݣول لخويا وليد هو مبغاش يتفرق معايا وحيت مبغيتش نهضر معاه هددني يا نبقى نجاوبو يا يلسقلي شي منتف باش بابا يرجعني لهنا ومنكملش قرايتي

هند: (بقات غير كترمش وتسمعلها) انا بعدا غنشهد ضدك

شيماء: (شهقت) بنيتك؟؟؟؟

هند: والله حتى نديرها نتي مرييضة ف*** واخا يكون قاتل ليك بااك متديريش معاه هكااك.. سمعي اشيماء الا بغيتي تكوني هكا محد حوايجي مزال مجموعين نق** فحالي صحبة بحال هاكا معندي منديير بيها وكان بغيت نبقى بحالك وكان راني بقيييت

شيماء: (ظحكت ممتيقاش) واش بالصح كتهضري

هند: جربي!! هاد لقسوحية للي نتي فيها مغتوصلكش انا صااحبتك وغنصحك رااك كترتي وبزااف

شيماء: بففف راه غير كنظحك مالي انا بنت لحرام للي نديرلو هكا راه واخا هكاك عزيز عندي ونتي دغيا بغيتي تݣلبي علية

هند: باااز وأمال متبقايش تجبديلها سيرة أنواار

شيماء: علاه صافي تفارقو؟

هند: بففف... واش خوتك غيتغدداو معانا؟؟

شيماء: معرفتش.. هند واش صافي أمال تفارقات مع أنوار

هند: وفنظرك مزال غتشوف فيه مشفتيش لبارح شنو وقعلها بسبابو صافي صفحة أنوار تسالااات

شيماء: واه بالصح (لبسو بيجامات طوال ببينوارات جايين طوال تحت الركبة هند لوات شال على شعرها وشيماء جمعات شعرها كوب شوفال وخرجو تلقاو مع وليد مبدل لابس سورفيت فلبيض عنق شيماء بيد جارها معاه وهند شادة جيهة قلبها للي كيزدح) اربي قربت ندير النقاب وهو مزال مردلي البال ههه (تبعات شيماء مشاو للصالة ياله غدخل بانولها رجال وهي ترجع اللور)

وليد: (قشعها) شيمااا سيري عند صاحبتك راه حشمت (كتسلم على باها وخوتها بكل أدب حانية الراس وكتجاوب وعينيها فالأرض)

نبيل: شكون دي للي جات

وليد: صابتها ساكنة معاهم... شيماء سيري متخلييهاش بووحدها

شيماء: (بصوت خافت) هاني مشيت ابابا (مشات حانية راسها وباها وخوتها كيشوفو فيها حتى خرجت عاد تنفسات ملقاش هند للي جراتها نعيمة للكوزينة مجمعين)

نبيل: وكان ابا عطيتها لمحمد وهنيتينا من صداع الراس

وليد: اشمن صداع؟؟

ادم: هاد مشيتها لمدينة وحدها وعيشتها تماااك

وليد: جالسة فدار الطالبة كتقرا وكترجع تنعس

نبيل: (ضار عند باه) انا هادشي معاجبنيش لبنت للي تغبر على دارهم بشهوورة فمدينة بوحدها ماا هيااش

وليد: وااا هنيونا ماشي غير فوكما جيت شيما شيما الا شفتها دارت شي حاجة ݣوولها نيشان ياك محمد كيمشي مرة مرة عندهم وكان كانت شي حاجة غيردهم هو اللول

نبيل: هي نتسناو حتى دير

وليد: (ناض كاعي) ديرو للي بغيتو ها هي جات شدوها متمشيش (بقا باه كيعيط عليه رجع) نعام

احمد: جلس اولدي تغدا.. نبييل بلع على هاد لهضرة وخلي خوك يرتاح

نبيل: وانا غير ݣلت

وليد: (جلس ساكت حيت طلعلو هاد الموضوع فرااسو حطات نعيمة وشيماء لغدا تغداو رجال وناضو كولها فين تفرق من غير وليد للي دخل لبيتو ينعس يرتاح أما لتحت كانت أمال جالسة بحال شي صنم حدا خوتها وباها للي كياكلو)

محمد: (شافها غير حانية الراس وشاف فيدها للي ملوية بفاصمة) ياكما نديك لطبيب؟؟

أمال: (ستغربات من هتمامو الزاايد وللي عمرو مكاان لدرجة معرفتش تعامل معاه) ها لا انا لبااس.. شكرا...

علي: هههه ݣالتلك شكرا زعما راني رجعت مدينية وقاارية فلفااك

محمد: هنيينا اعلي كمل دغيا باش نهبطو السلعة من لكاميو ونطلقو نݣادو لخزانة (كملو خوتها وباها غداهم)

فتيحة: أمال جمعي نتي الدنيا دغيا باش نطلعو نتغداو مع مرت عمك ونكملو الحلوة وعاد تابعنا نغسلو دجاج

أمال: (بلا متحس) راه يدي كضرني

فتيحة: اوا شفتو ولفاتني خداامة ليها الجرحة (قرنت بصبع يدها) قد هاك وهي كتبوحط حتى من صباطها بغاتني نحني يانا ونحايدو لييها

محمد: (ضار خنزر فأمال للي دغيا حنات راسها خرجو رجال أما واحد باها ممعتبرهاش كاع كااينة حدها باستلو يدو وتسعت اللور.. شافت فمها)

أمال: علاش كتكذبي ام... (هاد الكلمة تسمعات لمحمد للي رجع يهز تيليفونو محسات غير دورها عندو وطرشها حتى دمعت عينيها بحر الطرشة)

محمد: ميااات مرة نݣولك مك حتارميييها الكلبة

أمال: (شدت فحنكها بعينين دامعين) انا والله مݣلتلها حيديلي صبااطي

فتيحة: اربي ها هية بغات تعصب خووها عااود هادشي علاش جااية؟؟؟ (دارت يدها فوق راسها) جات جباادت صدااع عااود (خرج محمد وفتيحة ناضت كتجمع الطبلة ومتهنات حتى زيداتها غسلات لمااعن وخا يدها منفووخة وزرقا غسلات وشبعات بكى كولشي تجمع علييها فرااقها على حبيب قلبها ومها للي كتزيدها ولغدر كوولشي كملت ومشات لبيتها رجعات قدات لفاصمة ويدها كضرها بغات غير تنعس حتى بقات مها كتغوت) واااا زييدي راهم يتسنااو فيينا

أمال: (لوات بينوار طويل حتى لتحت عليها ومشات تابعة مها دخلو لدار عمها ومشاو للصالة لقاوهم كيحطو لغدا وهند محايدة لفولار.. تببسمت معاهم ابتسامة موصلاش لعينيها جلست وهي تجي فتيحة ناضت سلمات علييها)

نعيمة: (شافت فحنكها للي فيه طراس ديال صباع) الله يا ربي ابنتي عااود!!!

أمال: (بعينين ذابلين) لباس عليك اخالتي

نعيمة: لاش ضربتيها عاود

فتيحة: (طرطقت عينها) مكتحشمش (أمال مرضاتش قدام هند)

نعيمة: تأ بففف بااز جلسي جلسي ابنتي على سلامتك بعدا (جلست حانية عينيها مرضياش قدام هند حدها غير كتنقب أما هند بقات فيها أمال بزااف كتخطف الشوفة فيها مرة مرة حنكها باين حمر من لبعد كملو لغدا وكلامهم غير على التوجاد)

شيماء: تلقاي سناء دابا فرحاانة واش غدا غدير حتى هي الحنة؟؟

نعيمة: واه نكملو مع خوك ونمشيو فالليل شي ساعة حداهم نشوفوها

شيماء: وفوكاش لبرزة؟

نعيمة: بعد غدا (شافت ففتيحة) على الله مطيحش شتا ومتفزكش لخزانة

فتيحة: يديرو باش حسن

نعيمة: وغيديروه غير على الناس باش متقنطمهش شتا

فتيحة: لا لا ميقنطوش ياله لبنات هزو الطبلة وجيبو نكملو تزواق لحلوة راه تابعنا دجاج

شيماء: (بدلع) انا عيييت أماما راه منعسناش كاع فالليل (أمال مزالة حانية عينيها) دازت ليلة مكفسة

هند: اوا نتي للي مبغيتيش تنعسي

شيماء: اوا لحفاااضة ومدير

نعيمة: لا نتوما نوضو رتاحو واحد الساعتااين هاد جيو عاونونا راكم جيتو عيانين

فتيحة: ويحااه على ينعسو راه خاص نكملو ديك الحلوة باش نبداو فشغل صحيح

نعيمة: اوا مسااكن جايين من سفر لتمارة يرتاحو غير شوية.. هند بنتي سيري دخلي ترتاحي فبيت شيماء

هند: لا اخالتي حتى انا نعاونكم

نعيمة: نتوما غتنعسو دابا ترتاحو وبلاتي ونفيقكم وارا متوقفو على رجليكم (فتيحة غير كدور عينيها) اوا أمال دخلي نعسي حداهم

أمال: (شافت فمها) نهبط انا لتحت بغيت ندوش عاد نعس

فتيحة: اوا منين كولشي غينعس سيري حتى نتي والدوش خليه من بعد باك غيكون ناعس فالدار. غتصدعييه

أمال: (ناضت خرجات من سكوت لبنات جمعو الطبلة ونعيمة حلفات ميقيسو المعان حدهم دخلو لبيت شيماء عيات ترغب فهند تنعس فوق النموسية مبغاتش سدو لباب والسرجم طلقو لكواش وبقاو ساقرين)

هند: بقات فية أمال بزااف

شيماء: هادشي كيواالو مسكييينة

هند: المعانااة والله وحتى نتي هكاك كتقسحي معاها شي مرات

شيماء: (تنهدت تنهيدة طويلة) والله ما بيدي مكنبغيش حتى كلقى راسي زبلتها معاها أما أمال راه طلبلي عيني نعطيهالها

هند: (ضارت للجهة الاخرى وهزت تيليفونها وحيت عارفاه ناعس صونات مكملاش ثانية ورجعات نفس الشيء وكتباتلو ميساج *كنصوني عليك مكتجاوبش يمكن ناعس ولا خدام مهم انا وصلت لفاس* حطت تيليفونونها وغمضت عينيها على صورتو وصووتو حتى تطبعات ابتسامة على شفايفها ممتيقاش هي دابو فدارو فين كبر وعااش ودابا ها هو ناعس قبيتو وهي فبيت ختو.. عندها أمل كبييييير يلاحظها فهاد الوقت للي غيكونو فيه مجموعين...)

أمال: (هبطت لتحت لدارهم وكيتسمع غير تنهيدتها دخلت من سكات مشات كتقلب دير فاصمة ليدها مالقاتش لوات سكووتش وزيراتو ومشات لبيتها لقاتو نقي حيت مها مهوسة ديال نقا.. جبدت جوج كواش طلقاتهم حيدت بينوار والشال هزت تيليفونها وتكاات شعلاتو وعينيها ذاابلين قلبها وااكلها على الدقة للي جات من حبيب قلبها لقات ميساجات من عندو دخلات منهم بواط فوكال للي شداتو منها *مزاالة طفياااه* *علاش مشيتي ومتسنيتييش بسبااابك وقعلنا هاااكا* *أماال شعلي هاد لق***** جات تقرا لميساج الرابع وهو يصوني وطلعات تصويرتو وهنا بقات كتبكي خلاتو كمل لابيل وهي طفيه وحطاتو حداها مكرهتش تسامحو مكرهتش هادشي وكان موقعش وتبقى معااه ولكن داكشي للي وقع بدل ليها ديك المكانة للي كانت عاطياااه تفكرت الطرشة للي عطاها خوها قبيلة على وااالو حست بالخنقة ونعااس واالو مافيهاش بقا غير السيناريو ديال لبارح كيتعاود فدماغها وكيزيد يأزمها...)

~~~~~~~~~~~~

أب أنوار: (داخل للدار كااعي الليل كامل وهو سهران كيتسنى فولدو للي كل مرة كيرجع طاايش كتر من اللول جلس وجات لكاملة لعندو) فينو ولدك فيييين؟؟

الكاملة: الله يهديك الكبيير راه مسكين طلع رݣد

اب أنوار: هو لي جا معاه نعااس ولكن مغيرجعو لطريق هو يدخل لهم زوااج بحال خوتو ويجمع راااسو بغا يبقا طاايش حتى شي نهار نسمع عليه شي كارثة

الكاملة: (هنا تافقات معاه) كااينة الكبير كاع خوتو تزوجو فعمرو وهو مخاصو خير ينوض يجيب لمرا

اب أنوار: طلعي كلميه (مشات لكاملة طلعات فرحاانة وفبالها واش غيختار شي وحدة من بنات خوتها ولا حتى بنات عمااتو عائلتهم لباس عليهم وحانيين الرااس ومنها تكون عكووزة ديال وحدة فيهم ومتقدرش تنهنه معاها وترجع دقة لواساتها فبنتهم... دقت فبيتو حتى سمعت غوااتو)

أنوار: وااا بغيت رݣد البشاااار..

الكاملة: (بغات تحل ولباب مسدود) حل اولدي لباب

أنوار: بففف (ناض كيتنتر حل لباب مراضيش علاش مكتجاوبووش وعلاش مشات.. حل لمو ورجع تكى فبلاصتو)

الكاملة: تكلم لباك

أنوار: جا؟؟

الكاملة: وااه غير حني الراس اولدي

أنوار: تفوو وكان غير مشيت ݣاجييت حسنلي من هاد الذل للي عايش فيه (وقف لبس بنطوفتو هود عند باه للي كان شاد تسبيح وجالسة حداه مو وحتى هي شادة التسبيح مشا عند جداتو هي اللولة باسلها راسها)

الجدة: (بابتسامة كعادتها) الله يرضي عليك اولدي

أنوار: (مشا باس لباه يدو للي مطيح لعين منو جلس حداهم وتم داخل زهير)

زهير: (ناشط) واااحد السلااااام عليكم (سلم على مو وخوه وتصافح مع أنوار للي جلس حداه) مّا داك صاحبي عرضنا لعرس خوه

الجدة: (بابتسامة) اوا مبرووك عليهم اولدي وعقبالك نتا وأنوار (أنوار دار ليها ابتسامة صفرا)

زهير: وراه عارضنا كاملين (ضرب فظهر أنوار) وحتى نتا غتمشي معايا

أنوار: والله ماافيا للي يمشي

أب أنوار: (بصراامة) هو برااكة عليه غير يتووه فزنااقي ويرجع (مقادرش يهضر) سمع كلمة وحدة بحالك بحال خوتك شير على شي بنت الناس غنمشيو نجيبوها لييك ولا مك غتكلف وجمع رااسك ولا ها ودني منك

أنوار: واخا ابا

اب أنوار: خووتك للي كبار عليك عمرهم باتو برا الدار ونتا باغي تولفها عااادة

أنوار: (غير ساكت عاقدهم وحاني رااسو مافيه للي يسمع زابوور بااه.. بقا كينكر فوق راسو حتى كمل والجدة كتسكت ولدها باش يخفف على أنوار أما زهير كيخرب فتيليفونو بغا ينوض أنوار ووقفو باه)

أب أنوار: لفييين بالسلامة؟؟

أنوار: غنطلع نعس ابٌا

زهير: جلس اصااحبي تغدا معانا (جلس انوار مكره) شنو عندك؟؟

أنوار: واالو

زهير: مبرووك مقدما

أنوار: (بصوت خافت) هنيينا اصااحبي (بقاو مجمعين حتى تحط لغدا وكولها فين زاد أنوار خرج مع زهير لبرا الدار كيتمشى هز تيليفونو كيشوف واش صيفطات ولا تصوني مكاينش حسها ممولفهاش هاكا كتغبر)

زهير: مقسح اولد خويا؟؟؟

أنوار: وربي مراشقالي ازهير

زهير: هضر ا*** شنو واقع (جلسو فوسط جنان)

أنوار: كانت معايا وحدة لبارح عصباتني خليتها فواحد لقنت وهي مكتعرفش لمدينة ومعندهاش دراهم حيت بزطامها بقا فطموبيلتي اوا منين تنادم معايا الحال ورجعت مالݣيتهاش (مكره) مهم عرفت تكرفسات

زهير: واش تكرفسو زعما ح*** شي حد

أنوار: لا لا ماشي ݣاع هكاك

زهير: واش شي وحدة جات عندك من شي مدينة؟؟

أنوار: لا بنت لفااك

زهير: حمااار ولاش سامح فيها وصلها وبعد منها ديك الساع

أنوار: وراه صااحبتي اش غنبعد.. بقيت الليل كامل نݣلب عليها بحال شي هبييل راه بسبابها با محيح علية وكيدخل ويخرج فالعضرة

زهير: اوا دابا هي فينها

أنوار: مشات لمدينتها وتيليفونها مطفي

زهير: اوا صبر حتى تجي وعاود هضر معاها والا كانت معقولة بااك عطاك كلام دير بيه هزهم وسير خطبها الا كنتي باغيها

أنوار: واش غير اجي وتزوج وزايدون مداخليش هاد الساعة فرااسي شي زواج ولبنت مزاال كتزيكزااكي معايا

زهير: اممم.. مهم وجد رااسك تمشي معايا

أنوار: غير عفيني ازهير

زهير: معندي منعفيك مغنديش ما معايا حيت غتعذب غير فالطرقان غنمشي انا ويااك..

يتبع...