محتوى القصة
زهير: (رجعت أماال شااغلة باالو كل مرة كيشوفها كتزيد رغبتو يتزوجها كولشي فيها صاالح زائد تربيتها للي معندوش فيها شك براكة غير من عائلة وليد للي عاشرو سنين وعاد فاش كيعاودلو عليهم وخصوصا لبنات كفاش تربااو زائد عجباتو داك نهار ديال لكار جاتو على هواااه بدوك الحركات الكيوتية.. دخل لوطيل لقاه فوسط لمدينة شد شومبر وتكى كيفكر فيها منين مبغاتوش يمشي يطلبها ربطها نيشان أنها حشمانة وحتى طريقتو مكانتش هي هاديك على الاقل يحس بيها باغاااه ولو 10 فلمية انا شي لاخر عليه.. بكترة لعيا دغيا ودع ونعس...)
هند: (بقات شحال كتصوني على أمال مغددة مفقووسة وبقات فييها بزاااف فالتالي حطاتو خافت تجبد ليها صداع جلست مصدوومة اخر حاجة جاتها على ببال أمال ينطتمرفس عليها أنوار للي رسم عليها الحب وعلاش دارها ياك كان باغي غير توافق بمشي يتزوجها ولا كان دايرها خطة باش يرجع لأمال تعفاارها عليه للي مكانش عن قصدها مكرهتش تهز تيليفونها تصوني عليه تسبو ولكن ماشي دابا خاصها تسمع أمال تشوفها وتعاود ليها ليديطاي شوية لقات نمرة ديال أمال كتصوني عليها دغيا جاوبااات) عاوديلي من اللول
أمال: حم (ندمت علاش عاودات ليها حشمت منها بزااف ولكن كاسها فاض وشيماء مبقاتش كتيق فيها بزااف خافت تفضحها مع نعييمة وكولشي يبقى يشوف فيها شوفة ناقصة) مصالحش
هند: حداك خوتك؟؟
أمال: اممم
هند: بفففف علاش أماال مقلتيلي والو نهار اللول
أمال: (هبطت دمعتها وكيتسمع صوتها للي مقطع وهي كتبكي)
هند: برااكة عليك من لبكى واش متقتييش فختك داك نهار قلت ليك للي تقالت علييك خفاافت علية ولكن حتى دابا انا غنعاونك تجيبي حقك
أمال: (مسحت دموعها) غيجي السبت يخطبني
هند: (سكتت مفقوسة وهي تهضر بحنية) أمال واش تقبلي بواحد تكرفس عليك وطلع شماااتة هادي رااها غير لبدية أما الا تزوجك ودخلك لدارهم غيدوز عليك الدكااكة لووكان كان كيبغييك ميتكرفسش عليك وهو كيشوف فعينيييك
أمال: (رجعت كتبكي وهضرت بشوية واخا الشهقة غالبة على كلامها للي كيتقطع) وشكون يقبل علية راه الا عرفت ماما تقتلني ولا تعطيني لخوتي يذبوحوني انا نتلاح فشي واد ياكلوني لكلاب وهوما الى ليهم بالحبس راه ديك لمرات جابت خالتي قلباتني والا عاود قلباتني هاد لمرة
هند: (ضرها خاطرها مكانتش عاودات ليهم على قضية التقلاب واخا نهار حات عندها لسيتي سمعاتها منين قالتهالها وقالت غير كتهد عليها باش تخوفها) تأ (تنهدت) الله يعطيييه الكونسير شماتة لاخر
أمال: هو دارلي شي حاجة فالعصير فالطموبيل ونعسني وز هءءءءء
هند: (زادت تعصبت) الله يعطيييه المووت ******** اللله ********* (مبغاتش تبردلها) لكلب لااااخر علاش مقلتيش وااالو كنت نعااااونك راه شمااتة كيخااف على صووورتوو
أمال: مبغيت والو بغيتو غير يسترني
هند: يسترك علاش ماالك شنو دااايرة الله يغرق لمو شقف شوفي متخليش ديك جليدة تحطمك راه خداها غصب عليك شمااتة ماشي عطيتيهالو بلخااطر
أمال: خايفة ماما تقلبني اهند
هند: ان شاء الله متقلبكش راها ملهية مع موت حنااك
أمال: (حسب بالراحة 3 %)
هند: زهير بغا يتزوجك؟
أمال: عرفتي الا خطبني قبل ميجي أنوار غيقبلو خويا محمد عزيييز عندو وعاد هو من طرف وليد وكولشي عيعزوو غيقبلو باا حتى منعرف
هند: يا ختي هداك بعدا رااجل على داك شماتة شوفي غير شحال حنين فمو
أمال: شكال قدو يكون حنين منين يتزوج وحدة مهتووكة راه حتى راجل ميرضاعا لرالسو وعاد عقليتو مغتبدلش عليهم (سمعت صوت باها وخوتها وهي تقطع وطفاتو دارتو وسط وسادتها وسداتها وهند عرفت شي حد دخل نعاس طاار علييها خرجت عندهم مشات تسلم على باها كما العادة سلام جاااف كتسائل واش اصلا كيبقى مفكرها واش كاينة فالوجوود وحتى هي ولفاات هاد الناس غرااب عليها ولا هي لي فالأصل غرييبة علييهم...)
شيماء: (دخلت نعيمة ومرت خوها) تعطلتو
نعيمة: (كاعية) علاش مجيتيش لعزو
شيماء: والله اماما الا مرييضة كنحس بسخانة لباردة
نعيمة: لبسالة هاديك اجي غير عزي مرت عمك (جات تسلم عليها ودفعتها بشوية) متسلمي علية منسلم علييك بديتي ضسري بزاف اشيماء
شيماء: (كتعنق فيها) وااعفااك اماما والله غير مريضة انا غدا نمشي ونظل تماااك
نعيمة: وكان جيتي متجلسيش مع نسا جلسي غير مع أمال مسكيينة للي يديها طابو بغسيل لمااعن
شيماء: مفياش للي يخدم شغل اماما
نعيمة: طلقي.. سناء بنتي دخلي ترتاحي راكي عيتي هاد نهار
سناء: معليهش ندخل نسخن لشيماء عشاااها
نعيمة: علاه ماالكي خداامتها ولا هي معطووبة سيري لبييتك رتاحي
شيماء: انا اصلا مكلتلهاش تقادلي... (مشات مها ممسوقلهاش وحتى مرت خوها دخلت لبيتها وبقات شيماء مكسلة غير سمعت صوت خوتها طارت للكوزينة سخنت المرقة بلحم وحطات طعام مزال سخون وجلست كتاكل هزت تيليفونها ومشات نيشان لسطاتي للي حاط أنوار كان مصور راسو فقهوة ومعاه حمزة صيفطاتلو) الله يخليك ديما ظاحك (طلعتلعا جوج شراطي ودغيا غبرت تيليفونها غير دخل نبيل خلات لماكلة فوق الطبلة ومشات لبيتها حيت غير كيشوفها كيطلب ليها التيليفون يقلبو.. بقلت واقفة تمااك غير سمعت لحس مشا مشات للكوزينة كتاكل وحتى وتشبع كتزيد تغلق ختماتو ببيرلي وشابيلا غسلت فمها ورجعت لبيتها مطرقة عليها كانت 1 دالليل شعلت تيليفونها لقاتو كاتب ليها..)
أنوار: انا وياك ازين
شيماء: (فرحت حيت من ديما كتكتبلو كيجاوبها مىة مرة وغير بليموتيكون) اميين لهلا يخطيك علية (طلعاتلهاغير شرطة وحدة مشات لانستغرام كتقلب فتصاور ولمكياج شوية كتبات ليها هند)
هند: فييين
شيماء: اهلييييين
هند: (بغات تقلقلها واش عارفة) اش تما
شيماء: لقنننط يا ختي
هند: لبراكة فراسكم على جدة أمال
شيماء: ممشا معاك باس نيت موتها حسن من حيااتها مكانش عندي معاها والله حتى كنازتها مطليتش عليها هههه
هند: حشومة
شيماء: لهلا يوريك شنو كانت مدوزة على أمال هي للي كتحرش بنتها عليها وحتى انا مكانتش تحملني واكترية منين مبغيتش نتجوج داك صكع ديال محمد
هند: اااه اوا واخا هكااك يمكن مشفتيش أمال
شيماء: غير وصلنا دخلت وسدت علية لباب عصباتني من تماك متشاوفنا هي تبدلت وتكبرت علية بزااف
هند: (هنا تأكدت شيماء مفراسعا والو) لا غير كان عقلها مع الامتحان
شيماء: اسييري انا للي كنعرفها
هند: غير كيجيبلك الله مهم انا غنعس حتى لغدا ونتهاضرو بونوي
شيماء: بونوي (قطعت مسات لواتس ديال أنوار لقات غير شرطة) يمكن نعس.. (بقات كتفرج فيديو من مور فيديو حتى نعست..)
أماال: (سمعت شي حد كيعيطلها ناضت مفافية حتى وضاح الصوت وكان ديال مها قفزت وخرجت نيشان حلات لباب) ماما كنتي تعيطيلي
فتيحة: واه انا غنمشي لدار حناك ولحݣي علية مع خوك منين تݣادي ليهم لفطور
أمال: (مزالة مدوخة بنعاس) ماما شوفي يدي راه وجعوني بزااف لبارح (مدت يدها للي بلايص فيهم منبدلين وحوومر بكترة جافيل)
فتيحة: منين تجي متغسليش لماعن (أمال تبسمت) نتي براكة تݣاابلي تشطااب وتجفاف
أمال: (بقات غير كتشوف فمها للي عجبتتها لبارح منين شقات هكاك وشكروها الناس.. عطاتها بظهر ومشات وهي غير كتشوف دخلت لبيتها سدت لباب تكات فنموسيتها جبدت تيليفونها كانت 7 ونص خرجت عينها وفلبلاصة قبل ميخسر نعاسها رداتو وجبدت عليها بنعسة...)
~~~~~~~~~~~~~
كريمة: (اخت فتيحة) فينها بنتك
فتيحة: خليتها تݣاد لمحمد لفطور راكي عارفااه ميخرجش مسيكين بلا فطور وعاد زيد عو للي هاز تقل كاامل
كريمة: اوا يجييب لمرا وتݣادولو تبارك الله راه جامع مزيااان يشري شي دويرة ويدير وليداتو
فتيحة: (بامتناع) وااالو واش نفرق ولدي نهار نموت ويفرق الا بغا محدني فالحياة وليداتو انا للي نربيهوملو
كريمة: اسعدات هاد مرت ولدك
فتيحة: (تبسمت) متكوون بنتي مريم
كريمة: اوا نتوما غير عولو ولبنت راها بنتكم وحتى أمال الا جاها شي حد عطيها راه 25 كبيرة
فتيحة: اييييه هادي فقصتها وحدها من نهار خطبها ولد عمها مطل عليها حد ولا حتى سول عليها.. شتي مرت ذهايبي منين سولتني لبارح مكانتش عارفة عندي لبنت
كريمة: ههه ونتي للي كنتي محجبااها عندك
فتيحة: ولين ندييها خوتها كانو مانعين عليها تدرج مااا راك شفتيها مكانت تحمل الشوفة فييها وباها نهار تخرج كيكفر
كريمة: ونهار خرجتوها صيفطتوها لوجدة نيشان
فتيحة: اوا مشات تقرا قرايتها
كريمة: اوا معليييش بنتي مرييييييييم
مريم: (جات عندهم) نعام اماما
كريمة: كملتي لملاوي؟؟
مريم: واه اماما وجبدت كنستف لعسل والزبدة والزيت فطباسل
فتيحة: (كتغلي بغات بنتها تجي وخدم باش تباهى بيها قدام خواتاتها جبدت تيليفونها وصونات على محمد) ااالو ولدي فقت من نعاس؟؟؟... جيب أمال اوليدي دابا... واه دااابا.. (قطعت ورداتو لجيبو ساااكتين ماشيين مع أجواااااء لكنازة...)
أمال: (تحل عليها لباب بالجهد نسات مسداتوش بالساروت حتى تنخضت حيت كانت ناعسة فايقة) شششنو
محمد: (مكيشوفش فيها زعما راه حتارم خصوصيتها) نوضي تكلمي لمك
أمال: حم واخا (خرج وبقاات كدير شعرها لمخبل من مور ودنيها تأفأفاااات لاحت لكاشة وناضت لبست بيجامة طويلة وبينوار طوييل حتى للرجلين ولوات شالها عاد خرجت حتى من وجهها وسنانها دارت بناقص شافت فالساعة كانت 9) محمد محمد!! يمكن هبط تفوووو على زمر (لبست تقاشر وجرت بنطوفة عاد تفكرت التيليفون للي خلاتو تحت لوسادة جمعاتو من بعد مطفاتو عاد خرجت ومع مقادة سوان لوجها كانت بشرتها زويينة ودايرة تقشير لشنايفها متحتاجش مكياج مع اخر درجة شافت زهير متكي على طموبيل نفسها للي جابهم ديك لمرات من قدام باب دار الطالبة مع كان داير نظاظر عينو غير عليها أما هي حشمت وزادت حشمت كتر من خالوطة للي لابسة بينوار طويل ديال نمر وشال فلغوزي حبت لابسة من لتحت بيحامة غوزية وبنطوفة كحلة حنات راسها مولاتش هزاتو عكسو هو للي مهتمش للباسها بكترة اهتمامو يشوفها كتر.. يا رييت وتعطيه اشاارة وحدة راه باغياااه باش يتقدم ولكن خلاها للوقت وزيد هاد الاجواء مصاالحش... شافعا وقفات بعيد حانية راسها حتى شاف خوها مشا عندها ومشات حانية رااسها حتى كتقرب طييح وخوها متبع ليها العين وبحال مقادرش يخليها تمشي بوحدها حتى ضارت عاد جا لعند زهير.. أما هي أول مرة فحياااتها فتاوريرت تمشي بوحدها جاتها غرييبة وعجيبة واخا كتسارا وجدة الا هنا جاتها فشكل ولمشية تالفة لييها غير ضارت بقات كتمشي بشوية وكتشوف ديور لحوانت حتى وصلت لدار جداتها لقات مها على برا كتسلم على شي عيالات كل وحدة عازة بلاستيكة فيهم جوج قوالب دالسكر.. وقفت مبعدة حتى قشعاتها مها دخلت لعيالات ودارتلها اشارة بعينيها تبعها حنات راسها وزادت تابعة مها حتى دخلت للكوزينة لقات كيسان دأتاي كوسخين عرفت ما منو هروب شافت فمها بغضب)
فتيحة: نبغيهم كيشعلو مريم بنت خالتك لوكان تجوجتي وكان بنتك كدها (أمال كضور عينيها حيت للي عارفة هي فايتة مريم غير 5 سنين) كولشي كداتو وحدها اشمنك يا ملاوي كملي وديري بغرير لعباد الله (مع خرجت تبعاتلها صلع ومن حسن حظها داخلة خالتها حنان لوخرا وشافتها)
حنان: ويلي على لمسخوطة كتبع صبع لمها
فتيحة: (طرطقت عينها وبغضب ضارت عند بنتها مخرجة عينيها بحال شي بوومة أما أمال كتينى شي صقلة لوجه) أمال متعاوديش ديري هاد الظحك ݣدام الناس ولا غنجلد بنتي
حنان: حشووومة من صبع لطرش بنات هاد اليوم محدهم يكبرو وهوما يصعابو اختي ردي باالك وزيري زييييييري تصييبي ما طلقي
فتيحة: (اصلا معندهاش مع هاد ختها) لا انا ولادي كولهم مربيين أمال ݣادي شغلك (خرجت كتغلي خلات أمال واقفة كدووب بلعرق شافت فحنان خالتها للي كطلع وتهبط فيها)
حنان: شتك نتي من دونهم معزيتينيش
أمال: البراكة فراسك اخالتي
حنان: (كتعوجها) ممشا معاك باس ابنت ختي
أماال: (هزت يدها كدعي) لعݣبا لييك اخالتي ونفرحو فييك (لوخرا خرجت عينها) لمرة جاية غتݣولي ممربيااش (هزت مووس مزال فيه الزلدة فجناب كتهد بيه واصل لحتى مستوى وجهها) غنشرط لخالتي حنوكها
حنان: (بقات غير كتشوف فيها ممتيقاش من ديما كتعايرها وتحشي فيه الهضور وتحني الراس ودابا موس كااع) الا بقات فيك..
أمال: الا بقاات فية نيت اجي خشيهلي فز** (لاحت لموس بشنوت) تفوو الله ينعلها سلعة من ديما مكنحملكش الله يغبر ليك شقف ويتبعك لمك خرجو فية لعيب ومنين نهضر ݣولو انا ممزياناش وبعدي سااحتي حسابلك غنبقى ديما ساكتة لييك (لوخرا غير مطرطقة عينها حيت كاسها فااض وزادت كاس اخر ديال صبر ومقالووهاش هاديك مشات كتكمكم وتحلف فيها وهي بقات كتخبط فلماعن متهنات حتى تهرسولها جوج كيسان عاد طلعت معاها وبدات تغسلهم بشوية ومتأكدة اليوم تاكل فلقة من عند مها ولكن فخاطرها مرتاحة نسبيا منين بردات غدايدها فخالتها...)
زهير: (صايك وبقا عقلو معاها مرة يشعل كارو مرة يجغم من قهوة نص نص.. وصل دغيا بحكم مشا مكسيري نيشان للمحال ديالو لقا أنوار تمااك للي وصااه غيجي مول الأليمينيوم باش يقادلو شي شحال من حاجة)
أنوار: مهم انا غنمشي
زهير: الله يعاون
أنوار: (خرج معصب نيشان للمحال عند باه للي كان تمااك تحااسب مع لكليان حيت اليوم كيخلصو للي خداوه هاد سهر كاامل ومنين كيقرب رمضان أب أنوار مكيبغيش يخليشي واحد كيسالو ولا يكون كيساال شي حد.. بقا نهار كامل حتى دماغو بغا بتفركع وظهرو تكوانسا)
اب أنوار: ولدي براكة علييك حتى لغدا ورجع
أنوار: (حرك راسو بلا) حتى نكمل الواليد
أب أنوار: (كيتعجب بولدو) دي لخدمة لدار اوليدي
أنوار: (شاف فباه) باااا خليني نكمل راه الا حبست غنتلف
أب أنوار: (بفخر) الله يرضي عليك اولدي ياك نهار السبت غ
أنوار: (قاطعو) ابااا راه مهاربش لبنت انا للي دايكم تخطبوها غير هو شرط كبغييييت
أب أنوار: هه لبنت اوليدي للي كتشرط
أنوار: حتى حنا غير لقرايا خليوها تكمل هاد العام
أب أنوار: (جلس) لا وليدي معندها مدير بشي علام
أنوار: نهار نجيبها لداار غتخرج أما دابا منضيعش ليها العام وهي كتقرا مزياان هادشي ميبغييه لا ربي لا عبدووو
أب أنوار: اوا للي بانلك اولدي حتى لمن بعد ونذاكرو فهادشسي (وقف) السلام عليكم انا غنمشي مع خووك (خرج من المحال لقا زهير واقف فوق الموطور ديالو للي غير شافو وقف ومشا لعندو باسلو يدو) الله يرضي علييك
زهير: ماشي؟؟
اب أنوار: عييت وداك لولد معيااش مبغى يتكعد حتى يكمل كاع صوااالح
زهير: مزيااان انا ندخل نشووفو ولحك من بعد
أب أنوار: واخا (مشا ركب مع عبد الوافي وزهير دخل عند أنوار للي باين غاارق فشغااالو)
زهير: شي حنار مااات
أنوار: (هز رااسو) باقي هنا!!!!
زهير: سمعت شي خبار باغي تخطب
أنوار: الا كتاااب
زهير: مزياان اسيدي
أنوار: مسولتينيش شكوون هاد سعيدة الحظ
زهير: (شعل كاروووه) علاش انا كنعرفها ياكما نيت من لفاميييلة
أنوار: واش انا هبيل نتجوج منهم انا كاع لبنات كنشوفهم خواتاااتي
زهير: وشكون دي؟؟
أنوار: سولني منين؟؟
زهير: ياااو هضر نيشان ولا نووض نمشي فحاالي
أنوار: تاوريييرت
زهير: (هز حاجبو) شكوون!!!
أنوار: متعرفهاااش ولا يمكن كتعرفها
زهير: هضر ابنااادم شكوون؟؟
أنوار: ماالك تعصبتي راه كلت ليك متعرفهااش
زهير: سميتها؟؟
أنوار: واش دخلك فشي سمية ابن عمي
زهير: (وقف معصب) وهضر شكووون واش من دوك لبنات للي جاو عندنا للدار
أنوار: (باستغراب) كفاش
زهير: نهار طلعتي لفنيدق جبنت خواتات وليد لعند ما
أنوار: ياااااااااك مفخبارريش
زهير: واا هضر
أنوار: نهار العرس كنت شفتها عجباتني....
فتيحة: (فالليل جابهم محمد للدار غير دخلو وهي تصعر فتيحة وطارت كتقرس فأمااال) هااااااااا صبع يا لمسخوووطة
محمد: (دخل كيفك) ااااهاااا سمو وقع!!!
فتيحة: (نترت درتها كتخبط فحنوووكها) فقستنيييييي وطرطكت ليي مرااارتي شوهتني كدام العاااقس ة دخالتك حناان غير عطيتها بظهر وهي تبعلي صبع اوليدي
أب أمال: الله بنزل عليك السخط يا لمسخووطة
أمال: (كتفتف وميتة باخوف ولكن موجدة شنو تقول حيت عارفة مها مغدوزهاش ليها بالساهل) لا وااله مدرت شي حااجة اماما واش انا عمرني درتها حتى نديرها كدام خالتي
فتيحة: (طارت عليهاش صشذذشفبؤلظش شششش جرت ليها الشال وشعر لقدامي) دييريها يا لكاافرة بالله (تم داخل علي)
علي: صداعكم واصل لفين
محمد: (شاف فأمال للي صفارت بلخووف وشاف فمو) واش شفتيها
فتيحة: (مفقوسة) شافتها خاالتك للي الله يكطع ليها جدر (بغات طير على أمال وهو يوقف محمد قدامها)
محمد: اوا منين نشتيهاش مدرتهاش هي العين ومكتهزهاش فييك عاد دير داكشي
أمال: (تصدمت فخوها للي شاف فيها)
محمد: دخلي لبيييتك نتي (معوداتهاش من موراه مشات كتجري وسدات لباب للي دوزت الساروت وبقات واقفة شادة فقلبعا للي شي نهار يسكتش بالخلعة.. وهو دار عند مو للي بغات تبعها) امي الله يهديك شوفي غير يديها كدايرين ومنين جات لبارح وهي تخدم شغل واش نتي معرفاش بنتك عمرها ردات عليك الهضرة كدام شي حد باش دابا تصبعك ومتي عارفة داك خاالتي خاصها غير فين تفقسك
فتيحة: (بصبعها كدير لا) لا لاااا اوليدي خالتي متسواش ولكن متكذبش والله اوليدي وكان مشافتها دارت هكااك متكولها
محمد: مي سيري لبيتك تنعسي مخاصنا صدااع فهاد الليل وعباد الله ناعسيين صافي راك ضربتيها بااركة وغدا مغتمشيش لتماك
فتيحة: وظحك فية العايلة كاع بناتهم كيجو يشقاو وتنهيدة مكيطلعوهاش وهادي تبقى هنا
محمد: راه يديها بقالهم غير يتكطعو واش مشفتيش كدايرين غدا غنديها لصبيطار
فتيحة: رجعتي ضسرها وبسبااابك فتخرج طرييك هانا فين كلتها ليييك (نترت منو ومشات لبيتنا نفقوسة أما هو بقا واقف تمااك عاد تحرك لبيتو.. سد عليه وصونا على شيماء) الو نعستي
شيماء: لا مزال.. شنو هاد صداع للي كان عندكم
محمد: غي الوالدة مع أمال
شيماء: ههه ديال صبع
محمد: هي بالصح؟؟
شيماء: ههه الااا ديك خالتك حنان من ديما معدية عليها مسكينة ودابا لايحة عليها لباطل حشوومة علييها أمال شحال وهي خايفة من مك ديك لبنت مسكينة شي نهار تموت مخلوعة
محمد: معندها لاش تخلع
شيماء: اممم اوا
محمد: اوا نتي مكملتيليش كبيلة دغيا مشيتي
شيماء: واش نتا مصطي وكان جا نبيل ولا ادم
محمد: بحرا يطلكونا نتجوجو خلاص
شيماء: هههه مزرووب
محمد: من واااااااهلي ابنت عمي
شيماء: اوا مزال اولد عمي تصبر
محمد: واا صبر كيضبر
شيماء: لا لا معايا حلووو
محمد: (سكت شوية) نتي كولك حلوة
شيماء: (تبسمت عاجبها الحال يتغزل بيها) امم ياااك
محمد: وبزااف منين كنتي قد صبعي وانا حاط العين علييك واخا رديتيني رجعت باغيك
شيماء: (معرفت متقول)
محمد: الوو الووو
شيماء: كنسمعك
محمد: واقلة فيك نعاس
شيماء: شوية عييت هاد نهار
محمد: اوا سيري تنعسي حتى لغدا ونهضر معاك
شيماء: واااخا
محمد: تصبحي على خير
شيماء: تصبح على خير (قطع وبقات شحال سهرانة حتى قلبتها انستغراام...)
دازت الايام أمال بين دار لكنازة ودارهم شيماء قلييل فين كتلاقااها وشغل كديرو على حساب يديها للي برااو من لبومادة للي شرالها خووها... الجمعة بالليل كانت أمال فبيتها كتهضر مع هند
هند: وكفاش غتقوليها ليهم؟؟
أمال: (بحييرة) منقدرش غيكولو منين كنعرفو والمشكل ماما كظل فدار حنا
هند: راه ضرووري خاص يعرفو
أمال: وااا هند واش نمشي نكولهم غدا راه جايين الخطااب باش من تماك يقتلوني عصا
هند: اوا وشنو المعمول
أمال: والو غنكاد شوية دلمسمن ونصوب جوج مسكوتات
هند: اوا صااافي تقادي لداك مييخي
أمال: هيييند واش حسابلك انا فرحانة راه بالسيف علية
هند: (عوجت شنافتها) كتخربقي مهم انا غنقطع غنخرج انا ومي لالة نتعشاو على برا منين نرجع نصيفط ليك ميساج وردي علية.. (قطعت وناضت أمال للكوزينة كتقاد باش غدا يلقاو ميحطو بعدا مكملت حتى جات مها كما العادة معطلة حيت كولشي كيكون مجموع تمااك جمعت روينة وكولشي دخل لفريكو)
فتيحة: (شمت ريحة ديال طياب) شنو درتي
أمال: ها غير شوية دلملاوي ومسكوتة باش يلقاو باش يفطرو
فتيحة: اممم ديري غدا حساابك لعشا تجيبو خالتك حنان لدار حنااك ويااااا ويلك ديري هااه ولا هااااه
أمال: (بتوتر) وااخ (كلها تفرق ينعس أمال مع دخلات سدات لباب بالساروت ومشات كتلمس فظلام حتى وصلت لوسادتها حلاتها وجبدت تيليفونها شعلاتو دوزت نمرة ديال أنوار للي جاوب) الو
أنوار: ويييي
أمال: حم واش غدا غتجي؟
أنوار: مكتعاود غير الصلاة على النبي علمتي داركم؟
أمال: لا
أنوار: علاش
أمال: منقدرش غيضربوني الا عرفوني كنعرفك
أنوار: تأ وكوليها لهم ابنادم وكفاش غيستقبلو دارنا ولا من دابا بديتييي
أمال: راه كنقدرش عفاااك والله حتى يصربوني هانتا غدا منين تجيو غيكون بابا وخوتي برا غتكولهم علاش جايين ويطلعوكم
أنوار: حتى هوما بانلي على سبة خاصهم غير يلوحووك
أمال: (سكتت كتبرك على راسها شحال) نتا للي درتي هاكا
أنوار: واااه صبري رااسك والله وكان ماشي انا الكلب مينبحش الا دزتي
أمال: علاش كديرلي هااكا
أنوار: غدا مع 12 غنقلعو غنكونو عندكم من مور العصر
أمال: (بحزن) واخا
أنوار: سميتها الله يجييبك على خييير احبيبي
أمال: (سرطت الفقسة) الله يجيبك على خير
أنوار: وفين التكميلة
أمال: أنوار عفاااك
أنوار: راه سراول وطاارو وشفت كولشي فيك علاش باقا كتحشمي وتمثليها علية
أمال: مممكنمثلش
أنوار: الله يعاون غدا ونشوفو هاد لحريرة... (قطع نعس وهي بقات الليل كاامل حالة عينييها كان ممكن تكون فرحانة وكان كملت قصة حبهم بلا حقاارة منو ولكن داابا كتحس براسها كل نهار كتزيد تخنق للي كيبرد عليها هو مغتفضحش.. دازت ليلة العذااب غفات صباح بكري شوية شي 2 سوايع فاقت دارت روتينها وخدمتها وهي كترجف وماشي هي هاديييك خرجت مها من بعد معيطات ليها نعيمة باش يمشيو لدار حناها.. من بعد متغدات خلات امال كتجمع الدنيا للي سيقاتها وجمعاتها مزيااااان وجدت كولشي بقالها غير أتاي توجدو سمعت الاذان حست بقلبها غيسكت بالخلعة مقدرتش تصوني عليه وهو مع دارهم وتفضح راااسها رجعت دقيقة كدوووز عليها بسواايع مشات طارت لبست بيجامة جديدة طويلة قدات وجهها خفيييف ولوات الشال عليها مشات للصالون للي سراجمو كيطلو على برا هزت الريدو وكطل غير بشوية باش ميشوفهاش خوها ومن زهرها جات مع طموبيلة ديال أنوار ياله وقفت خرجت عينها وقابها ضرب ضرب حتى بغا يوقف شافتو هابط أول مرة يكون لابس شوميز وسروال لاطوال شافت باه فتح لباب خرج حتى هو كيطلق رجلو شافت أنوار مشا عند علي هنا رجعت راسها غمضت عينها كتحس بالسخفة وقلبها كيزدح ودمها كتحس بيه تقييل ومواصلش لدماغها الا زادت كتر من هاكا غتشلل ولا تموووت وااقفة دخلت كتجري للكوزيينة باش منين يطلعو ميلقاوهاش تماااك....)
أنوار: طلعي الوالدة
الكاملة: (كتعوج وجهها) يا باسم الله (كدور عينيها فالدخلة ديال الدار دروج وكتسمع راجلها فرحان كان جا غير أنوار ومو وبااه ياله زطمت فدرجة ضارت عند ولدها) كاين دروج بزاف اوليدي؟؟
أنوار: لا غير زيدي امي (طلعو وهو هاز بواطة كبيرة فيها طورطة واليد التانية فيها بوكي دفلووغ مأنتكة فلبيض ولحمر.. وصلو للدار فين ساكنة أمال وكمل دروج ومو سابقااه هنا أمال مفهمتش علاش تعطل كاع هاكا وكبيلة سمعت صداع فدروج طلت برويسها بشوية كيبانلها طلعو لفووق مفهمت واالو يمكن حيت مكاينش باها ومها طلعو لفوق على ميجيييو دخلت للدار ممرتاحاااش خاص تجي مها وبااها.. وحتى خووتها شوية نزلت مها ضارت شافت فيها حشمااانة حيت شافاها دخلت بجرا)
فتيحة: فين داك لملاوي ولمسكوتة للي كاديتي
أمال: (متبسمة) راه جبدتو من التلاجة واش نعمر أتاي
فتيحة: لا عمري نتي ديك القهوة للي مععطرة وطلعيها خالتك كتكاد أتاي
أمال: (باستغراب وبلا متحس) وعلاش طلعو لفوق ومجاوش هنا
فتيحة: (ضارت مبقت فيها) ياااا كيتك يا خلااااك يا لهبيلة تولدتي منحووسة وغتموتي مكلخة اتفووو عليك وعلى نهار للي تولدتي فييه هاا شيما جاابتو على مزيناااتو ولد لمدينة ولباس علييه
أمال: (رمشت عينيها جوج دلمرات كتستوعب) كفاش!!!
فتيحة: (بدات كتسخن لملاوي) كاادي اتاي وخلي كيتك تاكلني حتى من نبيل مبقاش باغييك
أمال: (بقات واقفة مصدووومة) واش أماما شيماء جاوها لخطااب؟؟؟؟
فتيحة: اممم اييه زهر للي عند نعيمة وبنتها مبحالهم حد (ضارت تهضر ملقاتهاش) أمال أماال.. بنت لحراام هربت وخلاتلي تماارة
أمال: (طلعت فدروج مخرجة عينها ممتيقاش مصدوومة ممتيقااش كفاش أنوار وشيماء دخلت لظار عمها بلا عقل ونيشان وقفت للصالون فين كاين لغا وشافت فيهم واحد واخد كتقلب على أنوار حيت ضباابة على عينها بقات كتشوف فيه وكولهم كيشوفو فيها مفاهمييينش حتى جرتها نعيمة)
نعيمة: (تبسمت) بنت عمها وبحال ختها
أمال: (شافت فيها وهي مجرورة حتى وصلو للكوزينة مخلي أنوار كيشوف بتعاالي كأنه كيشفي غلييييلو)
نعيمة: اوييلي أمال ناشي ديالك ابنتي
أمال: (بحرا كتهضر) فين شيماء
نعيمة: (شافت فيها باستغراب وخصوصا دوك دموع للي نزلو شلال) مالكي أمال؟؟
سناء: أمال مالكي اختي؟؟؟
أمال: فين شيماء
نعيمة: سيري ابنتي هبطي لتحت غير يمشيو الناس ونجي عندك متقلقيش منها راه والله مفخبارنا ولا فخبارها
أمال: (كتبكي حااسة بخنجر تغرس فقلبها وكولو سودانية خلعاتهم حتى لحقت فتبحة هازة طباسل فيهم لملاوي ولمساكت للي مقادة أمال)
فتيحة: كلبة خليتيني كنعيط ليك حساب.. (شاقتها كتبكي وهي تخرج عينها) مالكي تبكي
أمال: (مشات وخلاتهم عند بيت شيماء بغات تحلو كان لباب مسدود بصوت باااكي وكتشهق) ش...شييمااا
شيماء: (بتوتر كانت لابسة قفطان خفيف قربت لباب بيتها) أمال سيري هبطي
أمال: (جات تهضر وجراتها فتيحة ونعيمة حداها ودخلوها للبيت) دابا غير طلقو مني
فتيحة: (مرضياش) واش غرتي من بنت عمك يا جيييفة
أمال: (كتبكي مقادااش تهضر) خليوني غير نهضر معاها
نعيمة: (مفهماتهاش موالفة بيها ديما مرزنة) بنتي أمال الناس يتسناو فينا حشوومة ابنتي غير بلاتي ونهضرو
فتيحة: (غتموت بلفقسة قدام نعيمة.. بأمر) هبطي هبطي يا الجيفة وحسابي مزال معاااك نعيمة سيري لاكوزينة هاني لحݣ بيك
شيماء: (خايفة من ردة فعل أمال)
نعيمة: هي غير مسخاتش ببنت عمها راها ختها ياك احبيبتي
أمال: (كتبكي وتخنقت) ختي!!!!!
فتيحة: (عصباتها مزيان.. ودفعتها) خرجيييييييييي (لوخرا دغيا طاحت حيت على سبة اصلا)
نعيمة: اوييلي علييكم فتيحة نعلي الشييطان (مشات كتوقف لبنت) نوضي ابنتي وسيري هبطي للدار ترتاحي (وقفت أمال كتمسح دموعها وماشية بحال شي وحدة مصدوومة ممتيقاش شنو هاد المسرحية للي واااقعة تمشات بخطواات بطيئة وصلت للصالون للي مفتوح وشافت نيشان جيهة ديال أنوار)
الكاملة: عندهم لهبل هنا ولا سمو؟؟؟
أنوار: (شاف فيها ببرود كيلعب بلسانو فوسط فمو)
أب أنوار: (خنزر فمرتو ودار كيكمل مع أب شيماء للي عندهم نفس التجارة وعجبو الحلال وعاد ساامع بيه)
أمال: (حنات راسها وهبطت أول درجة مقدرتش تزيد تنزل وجلست غير دموع كيهبطولها وهي بحال شي جمااد كتشوف فالحيط حتى شافت خوها محمد داخل للدار بحال شي إعصار غير من الزدحة دلباب للي دار برجلو باش دخل وقفت وهبطت بشوية ودخلت نيشان للحمام حيدت فولارها بقات كتشوف فلمراايا وأسوء الاحتمالات دازو فراسها ظحك عليها وشيماء كتر الا هو غذرها مرة او حوج او 3 شيماء 1000 مرة ضربت حنوكها نتفت شعرها بكاات وكتحاول متغوتش واخا لداخل ديالها باغا تغوت ربي للي خلقها غير تنفس على رووحها سمعت الدقان بقات متغيل وجهها رجعت سمعت لخبييط حلات لباب لقاتو هو)
محمد: (عاقد حواجبو) تحركي من هنا
أمال: (بالتلفة جات خارجة من جهة لباب وكتحس براسها بيضة مسلوقة)
محمد: (رجعها من كمها وغوت بالجهد حتى دفعها) تحرمي دخلييييي
أمال: (محسات حتى غوتات حتى هي)وااااا بعد منيبييي انا سيير شووف للي دااارتهااا بيييك متجيييش تخوي فية عصبيتك
محمد: (شدعا من شعرها للي مخربق وبدا عليها بسقل وكيدخلها حتى لوسط الدار كمل عليها بزقل بحال كيضااارب مع شي رااجل ماشي بنت وهي غير كيضوخها بضربة كتنوض كتبغي ترد دقتها وضربو حتى كينول عليها بضربة للراس كتر من لوخرا مكتعرفش حتى فين هي فالتالي مقدرتش تدافع بقات مكسلة وهو وعى على راسو ووقف شاف فيها عينيها ليسرة مقلوبة حيت عطاها بونية تمااك قاسحة دار يدو على رااسو مصدووم كتر بللي دار فختو على قبل وحدة سمحت فيه وهي جات فطرييق.. حنا لعند راسها) أماال أماال
أمال: (شافت فيه بحقد) بعد مني اخويا ديروني مت بعدني رحمووني وبعدوني عفاااك بعدووني (وقف مكره بغا بقيسها وغوتت هزها وحطها فبيتها وهي مكتشوفش فييه تعمد يقيسها فكل أطرافها يشوف واش هرسها من يديها ولا رجليها وهي بقات كاشوف غير فسقف حتى واحد محااس بييها وكتخيلهم كفاش لفوق مرتاحين وناشطين وهي كتحس بلموت داااخلة معاها...)
اب أنوار: (من بعد محطو الطبلة منوعة ومشكلة جلسو مجموعين من بعد معرف براسو) الله يخلف عليييكم
احمد: نهار كبيير هدا اسي لكبير مرحبا مرحبا
أب أنوار: (تبسم) براكة الله وفييكم (بداو كيديرو كاس كروط نعيمة مرة مرة طير شوفة من أنوار الي غير سااكت أما فتيحة طايرة بلفرحة حيت شيماء غطيير وميديهاش ولدها لحبيب مصطفى مكانش فرحان بزاف حيت هو كان مع فكرة شيماء لمحمد وأمال لنبيل خيرهم ميديه غييرهم كل واحد ككيفكر)
الكاملة: (نغزت أنوار للي جالس فوسطهم.. شاف فيها) اوا هضرو نوضو نمشيو
أب أنوار: (ديجا حاضيها) اوا قصدنااكم ونتوما مالين الدار لكبيرة غرضنا بااين ومكرهناش نتناسبو وتعطيو بنتكم لولدنا أنوار قااري بالاجازة ديالو شاد المحاسبة ديال الخدمة كاملة يعني الا خطانا بقينا خلا ههه (كولشي ظحك وانوار تبسم عاطي صوابو)
احمد: تبارك الله لعلام زيين
أب أنوار: اوا شنو كلتو؟ (عارف ولدو شايف وعارف لبنت)
الكاملة: اوا نشوفوو لعروسة بعدا
نعيمة: (شافت فاحمد زعما واش مقبلول دارلها اشارة بعينيه واها وهادشي على عينيهم) مرحبا (ناضت ومشات لبيت شيماء للي كان مسدود دقات) اويلي مالكي مسورتاه
شيماء: (خافتها تكون أمال حلات) ها
نعيمة: كادي شاالك باش يشوفووك الناس
شيماء: (تاالفة) ناري حشمت
نعيمة: (ميقت فيها) زيدي زيدي مزاال هضرة طوييلة معاك (وقفت عليها حتى قدات شالها ياله بغات دير لعكر طيراتولها مها) اش كديري
شيماء: اويلي أماما واش نخرج بشنايفي هاكا بحال عاضة فتراب
نعيمة: تحركي كداامي
شيماء: بففف (زادت بقفطان موبرة للي كانت كدات ليها مها فعرس خوها جاي سامبل مع شاال طويل دارتو بطريقة زوينة خرجت هي ومها للي شدت فذراعها بشوية دخلاتها للصالون تحت نظراتهم كاملين ولكاملة مقاداش دير شي ردة فعل للي عارفة راجلها قاني علييها)
أب أنوار: تبارك الله تبارك الله
احمد: الله يبارك فيك
الكاملة: (نغزها انوار) تبارك الله والله يحجبها من العين
نعيمة: (بابتسامة) براك الله وفييك
شيماء: حم سلام عليكم (كولشي رد السلام.. جلست بين فتيحة ونعيمة)
أب أنوار: اوا سمو كلتي اسي احمد
احمد: (شاف فبنتو وشاف فيه) ماشي فعوايدنا نصدو لحلال الله يسخر ليكم فلبنية
أب أنوار: نسولو الطفلة؟
احمد: (شاف فيها متبسم عاجبو يتناسب مع تاجر كبيير ماشي طمع ولكن عجبو الحاج) بنتي من ديما تحت جنااحي وعارفاني نبغيلها غير الخير مكيناش كلمة فوك كلمتي ياك اشيما
شيماء: (حشمانة حركت راسها وهي حانية راسها أما أنوار غير كيشوف فيه وغير كيحس براسو عيق كيتببسم كأنه بيناتهم قصة حب عضييييمة..)
اب أنوار: (تبسم) تبارك الله نقراو الفاتحة حتى ديرو وقيتة هاد ليامات وعلمونا نجيو نديرو الخطوبة والعرس حتى يشوفو لولاد بيناتهم
احمد: توكلنا على الله (بقاو كيقراو الفاتحة وشاف لوخرين وقفو) جلسو تعشاو معانا
أب أنوار: حتى لمرا اخرى دابا نمشيو الحاج
احمد: لا غتجلسو تعشااو
مصطفى: الحاج جلسو تعشاو رتاحو وغدا روحو
اب أنوار: (حط يدو فوق صدرو بامتنان) مرة اخرة ان شاء الله (من بعد الودااع خرجو بلبااقة وهبطو فدروج معاهم رجال كان محمد واقف حدا لباب مربع يدو ومغووبش مزياان لدرجة عمو تبسم معاه وقلب وجهو ومشا بعيد منهم توادعو معاهم وبقاو لتحت اما لفوق كاين اجتماع)
فتيحة: وزيييين هاد لوليييد اشيما مبروك عليك ابنتي
شيماء: (تبسمت بغير نفس) الله يبارك فيك اخالتي عكبا لأمال
نعيمة: مال امال كبيلة؟؟
شيماء: حم نمشي نبدل حوايجي
نعيمة: جلسي واش نتي وأمال مدابزين؟؟
شيماء: لا علاش؟؟
نعيمة: ومجاتكش فشكل متكونش معاك دابا راكم خواتات ولا لا
فتيحة: اربي ديك لبنت راها غير عبييلة مشفتيش كبيلة ككتبكي عليها
شيماء: (كتغزز جلدة دشنافتها) بكات!!!
نعيمة: خركاتو مسيكينة ماشي بكات بدلي وهودي عندها....
نعيمة: خرݣاتو مسيكينة ماشي بكات بدلي وهودي عندها يحسابلها كانت فخبارنا ومكلنا ليها واالو
شيماء: امم عييت اماما انا نݣولها طلع (ناضت من حداهم وبقاو كيشوفو فيها)
فتيحة: شي يوماين ݣاع ويجيو انعيمة؟؟
نعيمة: (مشا ددماغها بعيد) اممم
فتيحة: الولد على مزيناتو ولكن مو غير كتشوف
نعيمة: راه باينة غير مجروورة
فتيحة: لا لا غير مزالة كتعبر بعينيها وتعرف سمعت ݣالو غير يديرو خطوبة كبيرة تمشيو معروضين باش تشوفو فين تسكن بنتكم
نعيمة: (بتنهيدة) الا كتااب افتييحة نووض نجمع
سناء: انا نجمع اخالتي غير رتاحي
نعيمة: لا ابنتي نعاونك (ناضو كيجمعو وحتى فتيحة جمعات معاهم قادو كولشي خلاو غير لماعن تغسلهم سناء.. فتيحة جمعت الصالون فرحانة غتهنى من سيرة شيماء للي محمد معمر راسو بيها كملت وطلت على نعيمة للي كتنصب لعشا)
فتيحة: هاني هودت انعيمة
نعيمة: غير نطيب نهبط
فتيحة: (هبطت لقات محمد جالس فالصالة دخلت وهي حاضياه كان مغووبش باينة غير من ظلام للي جتلس فيه وحواجبو مشروكين) وليدي نعمر ليك اتاي
محمد: (مخنزر) صافي عطاوها؟
فتيحة: وااه كانت طايرة بلفرحة حتى هي لخوينزة باينة كانت تعرفو
محمد: (كتزيد تحك علييه حرك راسو باه) اممم
فتيحة: ميبقاش فيك الحال اوليدي من زمان كلت ليك متصلاحش ليك
محمد: (مكيهضرش غير مخنزر وكيصوط بحال شي لفعة داكشي للي كيحس بيه لظاهل معرفش يوصفو من غير لغذر والشمتة للي تشمت فييها.. زفر) انا مساافر هاد ليامات على قبل شي شغل
فتيحة: (عرفات بيه شيماء) فين تمشي عمرك خويتي اوليدي وخليتينا
محمد: (بعصبية) اش كتخربقي اش خااوي انا مسافر والسلام
فتيحة: (بغات تبدل ساعة باخرى ودخلت لبيتها حطت لعباية ومشات نيشان للكوزينة ملقاتش لعشا كيطيب مشات نيشان لأمال للي متسمعش حسها دخلت وشعلت الضو لقاتها فايقة غير كتشوف تصدمت من منظرها للي واكلة لعصة مزيان شعرها منتوف صباعو مزالين مطراسيين فحنوكها وعينها مسدودة وبدات تزراق) حييييح فيييك اش ديك الشوهة للي درتي ݣبييلة
أمال: (كتشوف فسقف مكتجاوبش)
فتيحة: لالاااك جايبااه على مزيناتو ونتي حدك تبكي وتغييري منها (لا رد منها) علاه مݣاديتيش لعشا (سااكتة.. طلعات ليها الدم وزعزعاتها) ماال مك عاطيااني النخاال وانا نهضر معااك!!! (غوتت) محمد محممممد اجي تكمل على خاد المصيبة راه الا درت يدي فيها ميفكني معاها فكاك (ناض معثب ودخل لداخل لقا ختو كتو كتشوف غير فسقف)
محمد: طلقي من لبنت
فتيحة: انا نهضر معاها وهي ممسوقاليش وكان تشوف لبكى للي بكات لفووق بحال غايرة منها علاش هي تخطبت وهادي لا
محمد: بعدي من لبنت امي وخليها ترتاح
فتيحة: تنوض دير لعشا ل..
محمد: (بعصبية وكيغوت حتى تطبعو عروقو فنواظرو) وبعديييها مكتشوفيش كرااها بربي وتقيسيها ولا تهضري معاها هاد ليام حتى نهزها ونمشي لشي بلاد صاافي براااكة معاها من ديما قاتلها بلعصى وعلم الله واش كدير علاش ولا غير ظاالمها (كحدو كيهضر وهي كتبكي حتى بقات كتبكي بحال شي بنت صغيرة وصوتها مسموع للي كان بحال رصاص فودنيه) خلييها امي عليك (مصدومة من ولدها مطرطقة عينها فييه) خرجي خليها تنعس شوية راه الا زدتي عصبتيتي نتي مغتوليش تلݣاينا هنا لا انا لا هي (خرجت فتيحة غضبانة من ولدها نيشان للكوزينة دير لعشا وتنكر ممسوقاش لصوت بنتها للي كيقطع فقلبها وقلب خووها وفقلب اي بني ادم يسمعها معرفش شنو يدير معرفش شنو يدير فهاد الموقف زفر مكول فييها خرج بشوية وطفى الضو عليها حتى فشت قلبها وبقات كتسكت بشوية وبقاو عينيها منفوخين وحدة مسدودة بلعصى ولوخرا مضببة وذكرياتها مع شيماء كتعاودو منين كانو صغاار...)
أنوار: (صايك كيسمع غير باه للي شكر فالناس وهو كيخنق وكتجي بين عينو شوفة ديال أمال للي بكاات قداامو بحال كتهضر وتقول شنو هادشي للي درتي؟؟ علاش؟؟ وغير كيتفكر شنو عرف عليها من عند شيماء بالأدلة والصور لفيديو الاديويات كيكفر زيد نهار قبل الخطبة للي..)
فلاش باك
هند: (صونات على انوار للي لقات نمرتها مبلوكية بلا عكز خرجت شرات نمرة فيهاجوج سوايع ديال الهضرة وطبات نمرتو صونات المرة اللولة والتانية عاد جاوب) انا هند بغيت غير نعرف علاش درتي هكاك لأمال
أنوار: (زفر) اش عااود
هند: نتا برلي مرااجل
أنوار: (معصب) هيييييند متخلينيش نحلفها فييك
هند: اش عندك الكلب متحلف مشرب لبنت كينة فالعصير منعسها مكرفس عليها وبقيتي ضرب بيها الجفاف تحت رجليييك
أنوار: (تصدم من أمال كفاش عودات هادشي للي خااص بيناتهم لهند)
هند: ضربتي الطم ولكن حتى هي حمارة مقالتلي والو انا تبات فالحبس اشمااتة تحليلة ديال الدم وديالها تبان وتمشي ضرب 5 سنين دلحبس على قلبك وحتى دابا والله متبقى فييبك
أنوار: سيري ت*** نتي وياااها والا مندمتهاش على كلامك نتي مانيش رااجل
هند: هه نتا اصلا ناشي رااجل وعمرك تكوون باغي ترجل على ولية وكان كانت فيك شوية دريحة رجال متنعسهاش وتقضي غرااضك جيها فااص ولا حيت معطاتكش وجه متسرطااتلكش اشمااتتة
أنوار: (قطع كيتحلف فأمال للي عصباتو صونا فتيليفونها لقااه مطفي مجا فبالو غير) اللوو
شيماء: (فرحانة) الو
أنوار: (بعصبية) شوفي غدا غنجيب واليدية وغنجيو نخطبووك
شيماء: (تصدمات) هااا
أنوار: متكوليها حتى لحد
شيماء: اصلا منقدرش واش متأكد انوار ياك نتا باغي أمال وخطبتيها
أنوار: اشمن أمال ولا ق**** واش انا غنتجوج وحدة ق**** ونتي عارفااها مزياان
شيماء: (بتوتر) امم هي خاصها غير للي يفيقها ماشي هارجة طريق كاع
أنوار: واش نجي ولا لا
شيماء: (بلا متفكر) واه
أنوار: ماشي هبيل باش نتجوج وحدة كنت معاها وعارفاها عينها واسعة على رجاال عارفك نتي باغيااني ومن نهار اللول وانا كنت مخليك للمعقول
شيماء: (فرحت ولكن..) وهي فخبارها
أنوار: معندك مديري بيها انا كنعلمك
شيماء: أمال ماشي خايبة أنوار غ..
أنوار: شيماااااء غدا مور لعصر غنكونو عندكم ملقاش ديك السلكووطة تمااك وحتى نتي نسايها نبغي مرتي تكون بعييدة على هاد الاشكال (قطع وخلاها غير كضور عينيها كل ليلة قبل متنعس كتخيل راسها حبيبتو وداكشي الي كيديرو مع أمال كيديرو معاها ياما حلمات بيه رااجلها دخلت داكشي فخيلتها اللعينة حتى بالصح جا وكان قد كلمتو..)
=بااك
الكاملة: عندااك اوليدي غير بشوية
أنوار: ها (عاد نقس السرعة)
أب أنوار: شي يوماين ولا 3 نرجعو عندهم ركبو لخوااتم
الكاملة: زربان الكبير!!
اب أنوار: خير البر عااجله اولدي تخطبو ومن بعد ديرو الكاغيط وغير تخطبو نعرضو على العائلة يجيو كاملين عندنا ونتا خاصك تصلح بيتك وتعاود تفرشو
الكاملة: كنتي تعرفها اولدي
أنوار: لا غير شفتها فالعرس
الكاملة: (مصمصت الحامض مقدراش تهضر حيت غتجبد نحل على راسها وصافي..)
نعيمة: (صونات على فتيحة عرفت رجال مكينينش فالدار مشات عند شيماء) نوضي نهبطو عند أمال
شيماء: (شادة داك الورد وكتشم فيه) كجاك أنوار أماما
نعيمة: (جلست وقوست عينها فيها) كنتي تعرفيه
شيماء: (تبسمت وشافت فيها) كان يحماق يهضر معايا وكنت معفرة عليه (كتشالي بيديها) من ديما يتبعني ولكن والله باحترام راك شفتييه حشومي شوية
نعيمة: مااااااتقتكش ابنتي
شيماء: وغير سمعي كانو لبنات منين يشوفووه تابعني يتفقسو ويمرضو فصحتهم
نعيمة: اوا وامال؟؟
شيماء: (بلعت ريقها ورمشت جوج مرات) مالها أمال
نعيمة: علاش كانت تبكي بحال شي وحدة ميتلها شي حد وعاد كانت واقفة كدام الناس مصدومة
شيماء: (قلبها ضرب) معرفت مشفتهاش
نعيمة: حبت كنتي مطرقة لباب عليك وكانت دق غليك ونتي كطرديها يحسابلك مسمعتكش
شيماء: بفففف ماما دابا نتي فرحانة لي ولا كتقلبي علاش أمال كانت تبكي اصلا امال من نهار تولدت وهي تبكي شنو الجديد زعما؟؟
نعيمة: اطونسيوون اشيماء هااا ودني منك والله ونسمع عليك شي تزكزييك منعتقكش ابنتي ودابا لبسي وياله نهبطو لدار عمك
شيماء: لا أماما ما فيااش غنوض نقاد لعشا
نعيمة: (ناضت خرجات مهلية شيماء غير كتصووط لبست عبايتها ولوات الشال وهبطت لتحت كتحس بشي حاجة متمااش دخلت لقات فتيحة جالسة معاجبها حال اول مرة محمد يغوت عليها وعاد باغي يخوي الدار على قبل أمال لبنت للي حرماتها تزيد وليدات مرة اخرى والوالدة عضو عزيييز بزااف عند كل مراة..) السلام
فتيحة: وعلييكم السلام
نعيمة: مالكي؟؟
فتيحة: ديك لمسخوكة لكيتها واكلة سلخة من عند خوها شو سمو دارتلو وبسباها تزايدنا فالهضرة وبنت لحرام نهضرها وتقلب وجهها
نعيمة: فينها؟
فتيحة: راها ناعسة
نعيمة: شنو ظهر ليك افتيحة فديك الخطبة مو منين جات وهي منخفة وقلبة وجهها حتى كلمة مسكدة مخرجتش من فمها
فتيحة: اوا رله لا كلام فوك كلام رجال او لا؟؟
نعيمة: مرانيش نرض صبعي راه جاية تخطب لولدها حتى منين دخلت بنتي كالت دوك جوج كلمات بلا خااطر وباااينة لمرا للي تبغي تخطب لولدها غتبقى تسول تجي عندي تجمع شوية تسول عليها وهي والو بحال غير جارينها ولا شنو بان ليك؟
فتيحة: بانلي باغا تخرجي على سعد بنتك وصافي لولد على مزيناتو وقاري بشهادتو وشاد خدمة باه كاملة بعلامو وبنتك تسكن فلمدينة
نعيمة: والله مبغيت بنتي تبعد علية
فتيحة: (طانزة) هه اوا نخار جينا خطبناها لمحمد كان تعطيوهالو
نعيمة: (تبسمت) الله يدير تاويل دلخير وصاافي
فتيحة: اوا نوضي طلعي لدارك ومتخمميش وعلميني فوكاش تعلمو الناس باش نكادو الحلوة ونوجدو دجاج
نعيمة: (وقفت) حتى يجي باها ونشوف شنو غيدير (خرجت مخلية فتيحة حامدة الله لي بعد عليها شيماء.. وناضت كتكمل توجاد لعشا ورجعت لنكيرها على محمد للي غوت عليها وهددها يخوي الدار..)
زهير: (كان جالس مع مو للي مرضت بظهرها وقليل فين كتنوض لدرجة سد المحال وجلس حداها كيطيب ليها) شوية داابا
الحاجة: لباس اوليدي صوني على خوك شوف واش قربو يوصلو؟؟
زهير: (صونا على خوه لقاعم فالدخلة قطع) راه قربو
الحاجة: وكان غير مشيت نتا معاهم اوليدي
زهير: (غوبش) هاني جالس معاك. نوض نجيب ليك ديك الصوبا
الحاجة: (بتنهيدة) واخا وليدي
زهير: (ناض مشا للكوزينة شعل لبوطة وحط لكوكوط كيسخن الصوبا غير بقبقت شوية طفا وجبد لاداند صوطااه شوية مع زبيدة ملح ابزار وزعيترة حطو فطبسيل وحط الصوبا للي بردات شوية فزلافة ليه وليها وداها لبيت نعاس هز واحد طبيلة ثغيرة كتاكل فيه مها مخصوصة لنموسيات بقاو كياكلو مجمعين حتى كملات عاونها ناضت للحمام ورجعت عطاها دوا للي دغيا كيدوخها وهو مشا كمل عشاه فلكوزينة
فلاش باك
زهير: سمييتها؟؟؟
أنوار: شنو دخلك فسمية اب عمي
زهير: (وقف معصب) واا هضر شكوون واش مندوك لبنات للي جاو عندنا للدار
أنوار: (باستغراب) كفاش؟
زهيى: نهار طلعتي لفنيدق جبت خواتات وليد لعند ما
أنوار: يااااك مفخباريش
زهير: واااا هضر
أنوار: نهار العرس كنت شفتها عجباتني
زهير: وشكوووون ا*****
أنوار: خت صااحبك
زهير: (طرطق عينو مرتاح حيت ماشي أمال بعدا) واش مريض ماشي عند خت صااحبي؟؟
أنوار: راه باغيها لجواااج
باك
جالس كياكل فبالو شلا مطااارق.. حتى دخل عندو أنوار ضار وحنز ) نتا هدا!!!
أنوار: وصاافي اصااحبي واش انا كنت عارفااها ختو
زهير: أنوااار مسااا الله
أنوار: راه خطبت زعما
زهير: بزعطا
أنوار: واش وليد معجبوش الحال
زهير: (مجاوبوش ضار ياكل)
أنوار: (جلس فالكرسي لي مقابل معاه) الناس رحبو وفرحو بزااف
زهير: (شاف فيه وزفر) لبنت خت صاحبي يعني ختي صغييرة وهو فرح حيت نتا من طرفي أنا أنواااار منعقلش عليك الا حشمتيني معاه ولا مع عائلتو ولبنت تستاهل حيت تايقة فزلال بحاالك
أنوار: هه انا زلال
زهير: مكنضحكش أنوار
أنوار: اصااافي انا جمعت راسي ولبنت راها قداامكم سولوها واش قستها شي نهار (تبسم) واش انا نديرها
زهير: سكت الكيدار ما تكون مزالة فايقة
أنوار: (دار يدو فمو بمعنى هاني سكت) نمشي ركد ودير فباالك خوك زرفني شي يوماين ولا 3 ايام ورجعو للخطبة لكبيرة عندهم
زهير: (حرك راسو باه) حتى لغدا ونجي عندك والا غتلقى راسكك مزرف حبس زمر راه زواج مزاال بعييد عليك
أنوار: اوا خوك هادشي للي بغا
زهير: وبانلك غير ديك لبنت
أنوار: عجباني وعاجبها ونتا مديرونجي راسك مفهمتش!!!
زهير: انا مبري اخويا منك نهار تغلط قرطاسة تفكهم منك (وقف هز لماعن وبقا كيغسل دوك لمعان مخاي أنوتر غير كيشوف وساااهي....)
بنات هاد جوج للي وجدت غير نعاود لقا وقيتة نكتب ليكم
أمال: (الليل كامل منعستش غير كتفكر فشيماء وعلاش دارت هاكا واش كان فخبارها ولا شنو وعلاش مشا عند بنت عمها بالظبط دماغها مبغاش يحبس من التفكير سمعت باب بيتها كيتحل غمضت عينها كان خوها شافها غير من لبعيد غير شافها ناعسة دخل حط مبكة فوق طبيلة صغيرة حداها قاس جبهتها مفيهاش سخانة وخرج تحت تأنيب الضمير للي كيذبحو خرج وطلع نيشان لسطح مكرهش يدخل لدار عمو يشبع شيماء عصى يقتلها وميتهنااش فمخو بغا غير شي حاجة باش يبرد غير شوية ولكن نفسو وكرامتو قبل كوولشي واخا غيبقى جرح كبيير فقلبو وشمتة أكبر عاد لبارح فالليل كانت تهضر معاه ويظحكو ولغد ليه تخطباات وبغات من لفووق وهضرة مو انها كانت فرحانة وقاابلة مرضاااه هو متأكد وكان مبغاتش مكانوش يجوجوها بالغصب.. بقا تماك جاالس تحت ريح باااردة موصلاش للنار للي شااعلة فيه أما تحت منو كانت هي فبيتها طاايرة بالفرحة ممتيقاش الحلم المستحيل رجع حقييقة وكتصبر راسها أنه وكان بغا بنت عمها وكان خطبها يعني هاكا مكيبغيش أمال ومن اللول كانت عينو فيها شوية كتفكر كفاش كان كيعامل أمال وباعجاب كبيير ومتقلب حتى صيفطاتلو داكشي للي كانت كتأولو باش يفهم أنها كتخوونو مع وليد وكتهضر عليه خايب قدام لبنات شوية دماغها كينفي هادشي هو برهن انه معجب بيها هي وأكدلها منين قالها مغنتجوش وحدة خرجت معايا وكدا.. شافت الورد للي مزينة بيه لكوافووز ديالها) من اللول هو كان لية غير نتي أمال وقفتي فطريقي نتي من ديما كنت قل مني ولكن نتي صاحبتي وختي وعزيزة عندي بزااف خليك فلبلاصة للي حطااك فييها بففف (هي متأكدة جرحتها براكة غير كلام مها للي قالت انها بكات بزااف) درك تنساااه تمشي تشوف السباااغ راه باين عاجباااااه..
~~~~~~~~~~~~~
هند: (عيات تصوني على أمال واالو مطفي) بففف ديما كدير معايا 12 نصوني عليها (دوزت نمرة ديال شيماء والو مكتجاوبش) اويييلي يمشي شماتة يدير شي حاجة الله يعطيه الموووت تفوو (بقات تصوني مرة على امال مرة على شيماء ناضت العافية فييها شوية صونا عليها وليد مكانتش فكانتها مجوبااتش عاود صونا وجوبات)
وليد: فين نتي؟؟
هند: غير هنا
وليد: (حس بيها فشكل) مالكي؟؟
هند: واالو
وليد: هضري ابنادم شنو بيك
هند: هه والله واالو ماما وبابا الي كيعصبوني مزال مجااو
وليد: الا غتمرضي فراسك روحي لوجدة
هند: لا والله حتى مرتاحة مع مي لالة
وليد: اوا مزيااان
هند: اوا شنو اخباارك غبرتي نهار كاامل صونيت عليك قبيلة كان مشغول
وليد: كنت مع مالين الدار تخطبات لبرهوشة ديال ختي
هند: (كانت جالسة وقفات) شيماء؟؟؟
وليد: واه خطبها ولد خو صاحبي
هند: وهي بغات؟؟
وليد: بغات شي يوماين ويدور الخاتم على ميجمعو وراقيهم
هند: (مفهمت والو مفرضو تسمع خطوبة امال مجاش فبالها أنوار للي كانت حاسة مغيجيش) اممم مبروك علييها
وليد: الله يبارك فيك الالة ونتي منويااش
هند: هه مزاال مبان سعيد الحظ
وليد: كولي شي مكفس الحظ
هند: وعلااش؟؟
وليد: باينة شي خيبووعة
هند: هههه مزال نفكرك بهاد الهضرة شتي نهار تشوفني غتحل فمك فجماالي وغدووخ ههههه (تفكرت نهار شافها عريانة)
وليد: اممم التقة ومدايرةفييك
هند: معلوووم
وليد: امم وسيري خليني نركد فيك غير دوي شي مشفنااه
هند: واا هي بغيبتك تجمع لفلوس على راسك ومابقاش مل مرة جاي بالطيارة لعندي
وليد: سيري اغييثة تصبحي على خير
هند: هههه تصبح على خير (قطعت وجمعت الظحكة مصونية على شيماء...)
شيماء: (كتشوف نمرة ديال هند عرفت وصلاتلها امال لخبار تشجعت شحال قدها تخبا) حم ألو
هند: (طانزة) افيين الالة لعرووسة
شيماء: هند نتي صاحبتي خاصك تفهميني
هند: ونتي دايرة حساب الصحبة عادي تقوليلي راه غيخطبني شي واحد مغنويدك غير الخير ولا نتي من صحابات كولشي جا على غفلة
شيماء: (عرفاتها معرفاتش شكون العريس) والله اختي كولشي جا على غفلة راه جا خطب مكنتش عارفة جااي ياك غير لبارح صباح هضرنا انا وياك وأمال ابيل فيديو والله مكنت نعرف شي حاجة
هند: اممم اوا لالة مبروووك واش تماك نييت ومحمد شنو درتي معاه
شيماء: حم محمد ممكتابينش لبعضيااتنا وماما وخوتي عمرهم يبغيبوه
هند: اوا نهار اللول فاريها معاه ماشي تجرجريه
شيماء: هند والله اختي الا تأنيب الضمير مرضني بلا متزيديني نتي
هند: اوا نتي للي بغيتي اشيماء هاد العذاب قوليلي أمال فينها؟؟
شيماء: (بلعت ريقها) فين
هند: وااا اماال واش مطلعتش عندك ياكما محمد دار شي فضيحة
شيماء: لا غير هي مطلعنش كانت الدار عامرة وراك شفتي كفاش هنا العائلة
هند: هاااء راها بنت عمك وفحكم ختك متقوليش معيطتيلهاش
شيماء: امم مبغاتش مها
هند: يخخخ ديك مها مطتسرطليش تفو مهم غدا منين تكون معاك قولها تشعل تيليفونها غير هو واش مجا اايوم حد خطبها
شيماء: لا.. هند ختي راكي عارفة خوتي غيجيو يمرضوني غدا ونهضرو و.
هند: اممم اوا صافي بسلامة ومبرووك عليك غدا وعاودياي على هاد عريس الغفلة
شيماء: هه واخ (قطعت وهي محملاش رااسها علاش كااع غتكذب انوار هو عريس العدغفلة هو للي ختارها من دون لبنات كاااملين...)
~~~~~~~~~~~
اصبحنا واصبح الملك لله
ناضت فتيحة مكرهة ولدها فلليل مجاش رغبها مشات نيشان لبيت أمال مع حلات بالجهد أمال تفافاات من نعاسها للي ياله قدرت تغمض ليها شوية غير تحركت وجعوها جنابها من كتر ما خوها عطاها بزقل فيهم وعين فتحاتها غير بالسيف شافت فمها وكان شعرها مشنتف حتى من نظرة مها للي جاية كلها غضب تبدلت منين شافت كمارتها دراها وعين مسدوودة ومبوقة ولوخرا ياله كتحلها حنط كولو زرق وفمها مشروط ولاينة الجرحة فيه
فتيحة: (شهقت) ويلي على المفضوحة كردها خوووها
أمال: (غير كتشوف بعويناتها ودماغها رجع يخدم ويسول علاش هادشي كانل كيوقعلي)
فتيحة: (جاها لفضول علاش محمد ضربها كاع هاد الضرب وفالتالي رجع يدافع عليها.. تمشات حداها وجلست شدت وججها للي لوخرا غير كتغوت بلحريق بقات كدورولها) اسموو درتي باش ردك هاك؟؟؟
أمال: (بصوت مبحوح) والو
فتيحة: واش حيت شيما تخطبت
أمال: (بركت على جرحها) يمكن
فتيحة: وماا برد راسو غير فييك
أمال: (لحزن جبدت وجهها بشوية باش مها مديرش من الحبة قبة وحناتو مباغاش تبكي باش متسمعهاش دوك جوج كلمات ديال واش غرتي منها وكدا.. شافت معا خرجت من لبيت وسدات لباب طفات الضو من حداها ورجعت تكاات غطرطق محاس بيها غير للي خلقها...)
الكاملة: (جالسة مع الحاجة كتفطر معاها ومفقوسة على ولدها للي تجوج من برا وجدة معندهاش مع البراني عاد كانت طامعة يتزوج بنت ختها ولا وحدة من بنات عمو) اييييييوا ولد وكبر وتعذب وقري وفالتالي يمشي يجيبها من لخلا
الحاجة: والصراحة لكاملة كاع دوك لبنات مزيينهم حتى يانا لسكت فلووسك يمشي يخطب وحدة منهم وخاطري بغاالو هند الفرملية
الكاملة: كووولهم لفعات يعطيوها لتصاحيب وفالتالي يحنيو الراس بحال مدايرين واالو اويييلي على غداايدي كاع ولادي جابوهم من برا هادي مكانت لا فتقاليدنا لا فعوايدنا
الحاجة: استغفري مولاك ومترفديش دنوب لبنات باااطل
الكاملة: عاارفة ولدي والله ميجي ويخطبها غير الا خرجت معاه
الحاجة: اولدك ربي حللو يخرج كيف بغا؟؟؟ الله يهديك الكاملة راك تكولي كلام تحاسبي عليه
زهير: (عاد فاق من نعاس ودخل للصالة) السلااااام عليكم
الحاجة: وعليكم السلام ولدي رتاحيت
الكاملة: وعليكم السلام
زهير: مزيااااان ونتي كيف بقيتي
الحاجة: الحمد الله اولدي
زهير: الكاملة مبرووك على انواار
الكاملة: الله يبارك فيك
زهير: (عارفها مبغاتش هاد الخطبة وبراسو مكرهش أنوار يبعد من هاد العائلة ويخليه مزيان معاهم) على الله يدير عقلو
الكاملة: ومال ولدي كيضرب الناس بالحجر
زهير: لا حااشا غير مزال برهووش فعقلو ودوك الناس عندي عزاااز من واااهلي منبغيش يحاشمنا معاهم
الكاملة: انا منعدي كاع مبغيتو يتزوج من تماك
زهير: (مجاوبش مبغاشيكتر معاها الهضرة ويصدق كيعرعر تمااك حنا كياكل وحتى لوخرين بدلو الموضووع وقف) الله يعاون ما مع ديك 12 ونص نجي نديك لطبيب
الحاجة: الله يرضي عليك اوليدي....
كولها وفين دوز نهارو وكولها وكيدوزو أنوار مع الخدمة دباه للي مكتسالاش زهير فالمحال للي كيتسنى امتى يحلو باش يمشي واجد يخطب لبنت للي عجبااه هند غير الدار حيت جات معا وباها للي مزال على نفس المعاملة وليد فالمحال ديالو كيقتل الوقت ويجمع لفلوس باش يهبط للمغرب محمد مشا للفيرمة دبااه كيكلب واحد الأرض وكيتلف فيها الشمتة للي شمااتو بنت عمو شيماء عطياها للوصفات فوجهها وكتخطط هي ومها وفتيحة لشنو يطيبو وشنو يديرو نهار الخطوبة لكبيرة أمال أمال مزالة فبلاصتها لا ماكلة لا ما حدها زيراتها بيبي وناضت مضاربة مع جنابها وعظامها باش تن ض تقضي غراضها ورجعت لبلاصتها سادة لباب عليها ومتكية فديك الظلمة للي مكانتش تقدر تجلس فيها هكا دازت يوماين عليها حدها شربت فيها لما مخلسة ميكات ديال سقاطة للي كان كيحط محمد على رااسها كعربوون للأسف ولكن عندها هي مكافيش وزادت كرهاتو وكرهاات العاالم تفكرت هند هند هي الانسانة الوحيييدة للي باينة كتخاف عليها وهزالها الهم ضربتها الفيقة علىزغاارت مفهمت واالو عاد تفكرت اليوم الخطووبة لكبيرة ديال شيمااء قلبها زاد تعصر كتر وكتر جبدت تيليفونها كن لوسادة ودوزت نمرة ديال هند للي دغيا جوباتها
أمال: (بصوت مبحوح) الو
هند: (كتبكي) الوو..
أمال: (نسات راسها) مالكي؟؟؟؟
هند: كرهت ديلمااتهم كااملين الله يعطييهم الغرااق تفو تفوووو (كضرب فلفوولون)
أمال: هند مالكي؟؟
هند: (كتمسح دموعها بكمها وخا كتعكر فحنكها للي فيه طرشة مصورة ديال بااها) والو والو واش مزال مترجعو لوجدة انا شادة طريق لتماك؟؟
أمال: (بحزن) لا مرجعوش
هند: (طرطقت عينها ووزيرت الطموبيل على جنب وهزت التيبيفون للي كانت دايرة سبيكر ودارتو فودنيها) كفااش كفاش مترجعوش؟؟؟ واش حيت شيماء تخطبت
أمال: علاش فخبارك حتى نتي؟؟ (بقات كتبكي) عمرني نسمح ليها
هند: وراه حتى انا مكانش غخبااري شوفي شيماء دابا تصالحو ناي وياها ولكن لمجيان ضرووري باش نتفاعمو مع داك لكلب
أمال: (بانفعال وكتبكي) وراااه خطبها هي أنوار خطب الكلبة هءءءءء
هند: (بقات مصدووومة)
أمال: هاكا شاف فعيني وهو كيخطب فيها تكرفس علية وخطب بنت عمي باش يقتلني وهي للي كانت كتر من ختي دارتلي هااكا حكرووني بجووج اهند عرفوني مفيدي واالو لعبو علية هءءء... وهي كتر ذبحااتني بنت عمي كانت ختي وفيها كوولشي كنت نكوول ماما تسمح فية وشيمااا لا ومنين طلعت سولتخا طردتني ردوني جفااف اهند ومسحو فية رجليهم وتشادو ليدييين
هند: (بكاتها ومعرفت متكوول)
أمال: (بقات كتمسح حنومها ونيفها للي كيدير الانطلاقة مع عينيها) الله ياخد حقي منو هو وهي الله يسمح ليها ءما انا عمرني نسمح لييها بدلاتني على ود واحد مرحمنيييش
هند: صافي أمال برااكة علييك من لبكى
أمال: كندير حتى نكول ظحكتلي الدنيا ولقى مصيبة كتر من اللولة كنديير اهند حتى من خويا مرحمنيش كان غيقتلني غي حيت شيماء شمتااتو
هند: انا جااية عندك
أمال: (كانت محتاجها) غير اجي اختي راني قربت نقتل راااسي
هند: انا شاادة طريق نوقف على شي جضارمي يوريني طرييق ونجي
أمال: (كتسمع غاريت) اليوم خطبتهم لكبيرة ها هوما كيزغرتو لييهم
هند: (شفااتها بلمزياان) انا جاااية وعنداك طلعي عندها
أمال: (بتنهيدة) غير بشوية عليك اختي فطريييق...
~~~~~~~~~~~~~
زهير: (لبس حتى هو لكلاس ولكن ماشي بحال أنوار للي ضارب كوستيم ديال لفرييع ومقاد رااسو للي شافو يقول راه كيموت على هاد لبنت للي ماشي يخطب ماشي دايرها غير قنطرة باش يعصب ويفقص.. قادلو لكرفاطا) واااجد
أنوار: شوف غير معاهم هوما واش كملو
زهير: هوما كملو ولحوايج ولكادويات شرجاوهم فالطموبيلات.. (دخل خوه) الحولي راه وصيت صاحبي هو غيجيب واحد لحدا لباب
أب أنوار: الله يرضي علييك وكان غير جبتو جوج
أنوار: واحد برااكة راه غير خطبة
أب أنوار: راك كتكبر بنساابك اوليدي واش خلصتيه ازهير
زهير: ضرووري صيفطت لبارح لفلوس وحتى من الدار باش نباتو شديتها (شاف فالساعة) وطلݣو راسكم (كولشي وخرج وشدو طريق كانو 4 الطموبيلات زهير والحاجة وخوه والكاملة وعريساتها وخوتو وعماماتو ورجلاتهم...)
يتبع...
التعليقات
لا توجد تعليقات بعد، كن أول من يعلق.