محتوى القصة
محمد: (سمع ختو قالت لزهير هكااك ودور رااسو معرف ميدير وكان غير راجل يقتلوووو ولكن مرااا ومرا كبيييييرة فلعمر شاف فالحاحة للي تأكدت ولدها مغيتهورش ويضيعهم ب3 هو ومو ومرتو.. شاف فختو) علاه لاحتك
أمال: (ضارت عند خوها كتمسح دموعها) معرفت
زهير: (هز راسو لسما وزفر كره هاد العيشة للي عاااايش حاار فشنو يدير هنا دااارو ودار موووو وهنا كولشي عندو يبيع كولشي ويرحل واش مو تبغي تمشي من هنا.. بنص عين شاف فأمال كفاش ساااهية وغير كترمش بعينيها بتقااالة بكترة مبكااات دار يدو فوق كتافها جاارها لداارهم ومحمد غير مربع يدو وكيشووف) تبغي نرحلو من هن؟!!!
أمال: (رمشت عينها وشاافت فيه) فين نمشيو
زهير: نبيعو ونشريو فوسط لمدينة
أمال: (دورات عينها) هنا داارنا نتا ݣاع متسخى بداك جنان ومّا متݣدش تخلي موضعها وتمشي وميمكنش نخليوها وحدها وانا (شافت فدارها) كنبغي داااري بزاااف
زهير: (بقا غير كيشوف فيها حتى حنات راسها) سيري طلعي عند مّا شوي ونلحݣ بيك
أمال: ومديريش شي حاجة؟!!!!
زهير: سيري أمل (مشات وهي كتنهد طلعات للدار فين كانت الحاجة جالسة ومريم حطات بلاطو ديال أتاي غير شافتها عنقااتها)
مريم: خفنا عليك بزاف اختي
أمال: (تنهدت) انا لباس
الحاجة: روااحي ابنيتي روحي حدااايا (مشات سلمات على نعيمة بحراارة اما شيماء تسلاام باااارد جلسات حدا الحاجة للي عنقت أماال) شوية دابا؟!!
أمال: شوية أمّا (هنا شيماء دورت راسها بالزربة واش علاقتهم رجعات هاكا قوية ولا دل من أمال حيت للي كتعيط لعكوزتها ماما او ما راه غير ذل منها...)
هند: (خرجت من لبيت حيت كانت كتهضر مع وليد ابيل فيديو وعاودااتلو على شنو وقع) كبيييدة كبقيتي
أمال: لباس اختي
نعيمة: وكيف وقعلك واش زلقتي؟؟
الحاجة: (معاجبهاش الحال على الكاملة حيت واخا عارفااها خضرة مݣالتش تماادا لهاد الدرجة وراهم عشرة دوزووو 40 عام ولا كتر) مرت ولدي لكبير لي دفعتها؟؟
نعيمة: (تصدمت) الكاملة؟!!!!!
شيماء: (شهقت) اويييلي وعلاه؟!!
الحاجة: (تنهدت بحسرة) معرفت ابنتي علاه
أمال: (غير سااهية كتفكر ديك الدفعة وداك ظلام للي دوزااتو فلما للي كان بارد عاد الخوووف والهلع والتهيآت للي كانت كسمع وتشووف.. تزعزعت من صوت هند) هااا شششنو
هند: مالكي؟؟!!
أمال: واالو واالو
هند: فطري باش تشربي ماغنيزيوم باش ترتاحي شوية
أمال: اممم.. (بقاو كيفطرو بسكااات كولشي فين مصدووم وشيماء مفاهمااش علاش لاحتها الكاملة ومن جهة أخرى عاد فهمت مها منين كانت كتقولها راه مصالحينش راهم واعريين عليك قلبها نغزها وكان سمعت كلام مها مكانش يوقع ليها شنو وقع كانت بغات على أنوار للي باع فيديوهااتها لأشرف ولعب بيها كبغااا....)
لكبير: (جابو عبد الوافي كايجريو فطريق باش يسبقو لبوليس للي علماتهم سميرة غيجيو يهزو مهم نزهة وجيهان كيطلو من سراجم للي شخشخ ليهم زهير وللي جالس فوق السور لقصير ديال النافورة هو ومحمد وكيشوف فالدار وصلو خرج خووه بالزربة مكيضويييش مشا عند زهير نيشان للي وقف يسمع للمحاضرة وهو كيشوف الشرار فعيينو) صافي عولتي تفرتك هاد لفااميلة
زهير: علاه تفرتك حنا غاااية
لكبير: وكان مجيتنيش بشوااربك للي يبينووك راجل كنت طحنتك
زهير: خويا (خفض نبرة صوتو) انا رااجل عايش راجل وغنمووت راااجل ومرتي دايرة فظهرها رااجل ماشي لكاملة لايحااها فبير وانا غنوݣف نبقش ليها (نصفق ليها)
لكبير: (بعصبية كيغوت) لكاملة مترميش بنات عباد الله فلبييير
زهير: صافي هي منين توصل لبوليس وتݣول للي بغات
لكبير: خسااارة اخويا صغير لكاملة كانت بحال مك
زهير: (خرج عينو) عمرها كانت بحال مّا ونتا عارف دشي مضرݣش اخويا الشمش بالغرباال مّا متوصلهاش الكاملة
لكبير: وااخا خوويا
عبد الوافي: لبارح هضرنا ازهير وحتى وكان بالصح حنا نعرفو واشتا نديرو ماشي تعيطلها لبوليسي على خر ياماتها دوزهم فالحبس
زهير: ومرتي وديك بنت الناس للي مكملش حتى شهر باش تجوجتها نلݣاااها ميتة عادي عندكم فين غتبقى فية شي رجلة ولا (سكت وبنظرات بااردة) لباس منين ممشيتش قتلتها بيدي
لكبير: (هنا شعل ودفع زهير للي عمرو مد يدو عليه ومن ديما معتاابرو بحال ولدو لكن هاد المرة حس براسو غضباانو منو.. زهير كان غيتعكل غير شا فراسو ومحمد وقف من مور ظهرو) مزياان... حيت كنت نتا اولد بّا تبعها (ضار ماشي لدور كيشوف الزاج مشتت فالارض عرفو هو مولاها حل بالساارووت ياله غيدخل شاف سطافيط دلبوليس وصلت ضار خنزر فزهير) مخليتيش حرمة لهاد الدااار (زهير بقا فيه الحال من كلام خوه لكبير وبقا فيه هو نيت للي معارفش نفووس الخبيثة للي كتعيش معاه عبد الوافي بقا)
....: زهير للي قدم البلاغ!!!
عبد الوافي: بلاغ كااذب الشاف
زهير: ياو وللي جبدت معايا لبارح من لبير جرانة
محمد: كفاش كاذب راه ختي للي كانت تمووت ولا مك بنادم وختي شرويطة
عبد الواافي: اخاي محمد نريݣلووو الأومووور هنا
زهير: (شاف فلبوليسي وشير لدار الكاملة) راها تم قضيو الغرااض
عبد الوافي: صاافي اخويا انا نمشي نجيبها راها مرا كبيرة (دخل عبد الوافي مساخيش بمو واخا تكون كما كانت وكما بغات تكون كتبقى مو لغزاالة فعينيييه واكيد حقد على زهير للي شافو محنش فمووو وبغا يدخلها تكمل ياماتها فالحبس كما اي واحد مغيبغيش مو تمشي.. كان كولشي كيشوف فسرااجم منهم الحاجة حتى خرجو لبوليس ولكبير وعبد الله وعبد الوافي زهير مبانتلوش الكاملة)
...: الشاف مكايناش
زهير: (شاف فعبد الله للي كيعرج ببرود) هربتووها
لكبير: (بعصبية) زوهيررررررر
زهير: مكاين لا زوهير لا حميد الكاملة تحضر جيبوها.. صبااح كانت فالدار (شاف فلبوليسي) وحدة مداايرة وااالو لاه تهرب وهضر اخويا لاه تهرب؟؟؟؟؟
أنوار: (بعد من حدا دعاء) واشتاااا!!!!!
سميرة: (تنهدت) وي خويا
أنوار: أمال!!!!
سميرة: واااااه ديك لمشراااارة دايرة فيها دريويييشة وهي لفعة
أنوار: امال؟!!!
سميرة: أمال أمال راه ݣلنا أمال لخرااا الله يعطيها موصيييبة
أنوار: وفين مّا داابا
سميرة: ماما راها فلبلاصة للي فيه خاص تكون فيها وديك للي بغات تصيفطها لحبس هي للي غدخلو اليوم
أنوار: (بقا غير كيشووف) زعما ماشي ما للي لاحتها وعلاه تلووحها؟؟؟
سميرة: شتك اخويا بحال شوية غتجي تشد على مك حتى نتا ونتا فين كتعرف هاد أمال للي راك دافع عليها
أنوار: فين نعرفها بفففف بلاتي نحايد من حدا دعاا ونصوني عليك (قطع وبقا كيفكر فأمال للي من نهار عرفها تزوجت عمو وهي مكتغيبش من بااالو معرفش علاش هاد التفكير كامل ليها علاش ياك كرهها ياك هو للي لاحها وتزوج ومشا فاش غتكون فكرت منين غتعرف هو للي سرق زهير وللي عارفاه سرقها فلفلوس لوالة... هو عارف أمال دريويييشة وعارف حتى مو..... ولكن باش دخل مو الحبس!!!)
~~~~~~~~~~~~~
شيماء: (شافو لبوليس مشاو وزهير كيعرعر غير محمد للي كيبغي يجرووو حيدت رااسها من بعد مسمعت لكبير كيغوت)
الحاجة: اوليدي راه هي هي
لكبير: أماال أماااال
أمال: (خاافت منو أكترية كتكن ليه احترام كبيييير طلع زهير كيجري )
زهير: هضر بشوية مع الطفلة براااكة غير ليلة مدوزااها فبير (داز من حداه مكره نيشان للصالة فين كانت أمال كتبكي دخل فوسط نسا) شششت بغا غير يهضر معاك
أمال: صافي مبغياش لبوليسي عفااك ازهير مبغياش صداع ينوض بسبابي
زهير: (معندو خاطر ولكن كيراعي ليها) الله يرضي اااا أمل روااحي
نعيمة: سيري ابنتي مع رااجلك
أمال: (قلبها غيسكت بالخلعة وشحال خايبة تحطي فموقف للي ممكن يشتت شمل عائلة كبيرة واخا نتي للي صااحبة حق شد فيدها مزير عليها واخا محااسش خرجو فين كان لكبير واقف على اعصاابو شاف فأمال ماشي بحقد ولكن باغي يعرف.. هي حنات عينها)
لكبير: كبقيتي ابنتي؟!!
أمال: (بقات شداها حتى طلقت دمووعها وكتشهق)
لكبير: انا مغنغوتش عليك راه ݣلتلك نهار اللول نتي وحدة من بناااتي
زهير: أمل هضري
أمال: (غير كتبكي وكان غير قالت زلقت وطاااحت ولا هاد الموقف فين تحطااات)
زهير: (شاف فأمال) أمل هضري
عبد لكبير: بعد الطفلة مراكش تشووفها كراها تبكي
زهير: (زفر حنا براسو عند امل هزت عينيها الدامعين فيييه)
أمال: مبغييتش نوض صداع
زهير: نتي مدرتي واالو وكان متي الله يستر واشتا يصييير لي؟!!!
أمال: انا معرفتهاش علاه لاحتني والله مدرت ليها واالو (شافت الكبير وهي كتبكي) والله اعمي مدرت ليها واالو وعمري ݣلتلها شي حاجة خاايبة ولا هزيت راسي فيها
زهير: (هاز راسو وشاف فيه زعما سمعتي عاد ضار عند امال) سيري لبيت ترتاحي
لكبير: بلاتي ابنتي (شافت فيه) علاه لاحتك
زهير: خويا داكشي سولو الكاملة مرتي معارفة واالو
لكبير: (جات الحاجة جرااتو للصالون وزهير جار امال للبيت كتبكي)
زهير: درك لله راك تبكي
أمال: مبغييتش هادشي يطرا بسبااابي
زهير: مصراااا واالو بسبااابك ديك الكلبة شحال وهي تݣلب على هادشي وزايدوووون من الاخر باش تلوحك فبير وتزيد عادي متكونش لييها.. ونتي تعاودي طيحي دمعة غنعاود لوح مك فداك لبير
أمال: (شافتو غوت عليها ومعجبهاش الحال حنات راسها)
الحاجة: ولدي
لكبير: مّا سيري عند ضياافك
الحاجة: (تنهدت وناااضت خرجت تشوف هاد الموصيييبة تسلتت شيماء بشوية هازة تيليفون مها ودخلت للصالون)
شيماء: سلام عمي
لكبير: (سلام ناقص) عليكم السلام
شيماء: لباس عليك؟؟ (مجاوبهاش) واقلة معقلتيش علية (جلست حداه) انا للي تفلا علية ولدكم كان خاطبني وفنفس الوقت مجوج وحدة أخرى مشا عاااش حياااتو بعيييد وانا خلاني واحلى فالمشاكيل
لكبير: (كيسمعها)
شيماء: سمعت بحالا صخطتي عليه منين مشا لفرنسا ولكن بحال معارفش علاش مشا وكفاش وباااش
لكبير: (شاف فيها) سيري ابنتي الله يرضي عليك
شيماء: وااااه نمشي ولكن قبل نفهمك شحال من حاجة ولدك ظحك علية وكان باغي يشرفني حتى انا كما شفر بنت عمي كان طالبلي 5 المليون باش يتجوجني هههه ناااري وكان عطيتهالو وكان تسطيت
لكبير: لا حول ولاقوة الى بالله العلي
شيماء: ولكن شفر عمو زهير ومشااااا طاااار
لكبير: (ضور عينو مخنزر فيها)
شيماء: (تبسمت وحركت راسها باه) واااااه شفروو وشحال وهو يرسم ويخطط باش يديلووو رزقو وباينة زهير مݣااال واالو
لكبير: روووحي من هن
شيماء: نمشي ولكن حتى تشوف بعويناااتك (هزت تيليفونها لمشخشخ للي دارت فيه كونكسيووون وصونات ابيل فيديو على أنوار للي جاوب ) افين الغذاار
أنوار: واشتا ديك *** مبغيتي تقيليني عليك
شيماء: ششششت حشوومة باك راه يسمع (جبدت لفيديو للي دوزااتو لتيليفون نعيمة وعطاتو الحااااج) هاك اعمي (شافت فإن فانوار للي مفاهمش شنو كتصنع) كنوري لعمي للي كان غيكووون شيخي فيديو ديال ولدو كيعاون فيه عمو باش يحل داك لكووفر ديال لفلووس
أنوار: (خرج عينو مصدووووم)
لكبير: (بقا كيشوف هداك لفيديو للي كان هو وانوار جالسين كيهضرو مع زهير وانوار كيزوومي على الارقام للي كيدير زهير ويقلب التيليفون ليهم باش ميعيقوووش هنا طلعت معاه علاش زهير مبقاش كيذكر أنوار ومولاش سول فيه من نهار مشا واصلا هو براسو غبر)
أنوار: الله يرحق دي..
شيماء: شششت حشومة الدار عالمرة وباك هنا
لكبير: (بكترة الضغوطات شد فصدروو كيتجبد وعرووق يديييه بااانو وهو مزير فوق قلبو كانت حدااه وهي كتشووف فيه دورت التيليفون ليه وهو كيشوف باه كفاش كيتزير وجهو حمااااار)
شيماء: كنت ضريفة معاك باش نخليك تشوفو اخر مرة (قطعت وطفات التيليفون مشات هزت تيليفون ديال مها من الأرض حيت طاح لكبير خبااتهم بسرواالها) ويلي عتقوووو عمي عميييييييي........
زهير: (طلق من أمال وخرج كيجري للصالووون سابق لعياالات للي فصاالة لقا شيماء واقفة ولكبير فالارض مجبد على كرشو تصدم دخل كيجري) مااالو ماااالو
شيماء: (هنا خاااافت) معرفتش خرجت من لحمام لݣيييتو هاك
زهير: (دور خوووه لقا فمووو عوااج وكشكووشة جخااارجة بقا يغيقو جات هند صاحبة الاسعافات الاوليه كتحسس نبضات عنقو ونبضات ديال عرق يدو)
هند: زهير خاصو يمشي لصبيطار دغيا هادي غتكون نوبة ديال السكر
زهير: (بقا كينوضو بكل قوتو والحاجة كضرب ففخاضها خايفة على ولدها لكبيييير تم جاي عبد الوااافي بجرا ومحمد ركبو زهير فطموبيلتو)
عبد الوافي: واااشتا سرااالو
زهير: (عقلو غيخرج من بلاصتو كولشي ركب وزااادو مع طريق)
أمال: (بقات مصدووومة جلست فالصالون والحاجة داوها لبييتها هند ونعيمة حيت بغات طيييح ليهم)
شيماء: (كتشوف فأمال كانت عمرات شوية وبانت فوجهها ولكن صفراااا) علاه لاحتك فلبييير؟؟
أمال: لاا رد كتفكر غير فحالة لكبير وأنها هي سباب كولشي
شيماء: واش عرفات شي حاجة على أنوار
أمال: (هزت راسها شافت فيها) مكتهديش أشيماء؟؟؟
شيماء: انا كنسولك وصافي
أمال: ماشي شغلك
شيماء: فخبارك لبارح تخطبت
أمال: (زفرت) مبروك
شيماء: مسولتينيش شكون؟؟ (شافتها ممسوقاش) حسن ولد الحاجة دريسية خدام يوطنو فالعسكر
أمال: واش كتشوفي وقت هاد الهضرة رااجل طاح حدااك واش يكون مسكين باقي حي ولا ميت
شيماء: نهار فسخو الخطوبة علاه حتى حد مفكر فية
لأمال: حيت اصلا مكانش صالح ليك داك شمااااتة واخا نتي ومو راكم بحال بحال ولكن الخطوبة راك تلݣاي وااحد اخر أما دابا راه روح للي راها ضيييع
شيماء: (شافت فالجهة الاخرى كتحاول كتفكرش انها سباب لكبير سوا مات سوا بقا حي حقيقية ولدو للي وصلاااتو لديك الحااالة حتى هي كانت غتمووت منين مشا وخلاا من بعد مدااارت شحال من حاجة وخلا التكميلية لصااااحبو علاش بوحدها للي تخلص حتى أنوار خاصو يخلص اما بالنسبة لبااه حتى عائلتها نهار تشوه غيوقع ليها هكااااك وهي سبقت انتقااامها باش تشووفو كيتعذب قبل ميشوفها هي كتعذب... ناضت أمال من حداها مشات عند الحاجة للي عطاتها هند الكينة للي كترخييها وكتنعسها)
هند: اموولة سيري تنعسي راك عياانة
نعيمة: (جراتها نعيمة معنقااها) الله على كبيييدتي (أمال محتاجة للي يوقف معاها بغات غير. تسمع هي معندها ذنب فهادشي مشاو جلسو فالصالة مهمومين جاو يطلو على أمال صدقو فمشاكيل كبييرة وللي غتشتت عائلة على قدها)
نعيمة: نوض نݣاد لغدا فين شيماااا؟؟؟
أمال: غير خليك امرت عمي انا نوض
نعيمة: رتاحي نتي وكولي ولا نتقلق منك (ناضت تابعاتها هند للي عارفة كل حاجة فين كاينة مريم جمعت الدار وأمال شادة تيليفونها كتصوني على زهير باغيا تعرف شنو كاين ولكن مكيجاااوبش صونات على محمد حتى هو مكيجاااوبش خلاوها غتمووت بالخلعة....)
الكاملة: (كانت فصبيطار وتافقو مع الفرمليات للي تمااك أنها باتت فليرجوونص حيت شي وحدة تهجمات عليها بقات فلباياااص كتفكر كفاش خرجت من دارها هااربة من سرحم لكوزينة ودخلت الكوري صغير هزت صنادق هي وبنتها للي لحقت بيها وداروهم على الحيط طلعو وكانو كيتسنااوهم ولاد ختها للي وصلووها لصبيطار)
سميرة: دابا غير لله لحتي ديك الكلبة فلبير مخفتيهاش تمووت اماما ونسيت ربي
الكاملة: سكتي علية
سميرة: هانا سكت تشووفو هاد لحريييرة هي كانت لبارح تموت ونتي باغية دخليها الحبس
الكاملة: (بعصبية) سكتييييييي علية
سميرة: (هزت تيليفونها كان كيصوني عليها عبد الوافي) الو خويا
عبد الله: اري ما
سميرة: (مداتلها التيليفون) هاكي عبد الوافي
الكاملة: (دارتو فودنيعا وهو يصدمها بعبد لكبير للي طلعو السكر ودخل كوومة) اويييييلي
سميرة: شنو كاين
الكاملة: وفين باك داابا
سميرة: شنو وقع لبابا (خطفت ليها التيليفون من يدها وبقات كتهضر مع خوها للي كانو فنفس صبيطار للي كيتبع فيه لكبير بخوف كتبكي) با مسكيييين
لكاملة: كولشي من ديك مصخووطة دمها
سميرة: لااااه دفعيها لااااااه هء هء ݣاع مكنا نوصلو لدشي نتي ناعسة هنا وبا لفوݣ نتي عارفة داك المݣنوي مكيسمحش فحقو عاد تلوحيلو مرتوو
لكاملة: مااااالحتهاش زلݣت وصافي
سميرة: سكتي اماما بحال مرانيش نعرفك لبنت جايا مخوووطرة غير بنتيلها بحال بانلها جن
لكاملة: الله يضربها بنت لكلاب ݣلت ݣاع متݣد تهضر لمتفتفة لوووخرا
سميرة: انا نسد عليك لباب نهضر مع شريفة باش متحلش علييك لباب والا بغيتي شي حاجة صوني علية
الكاملة: اممم على تاليتي وليت محبوسة فصبيطااارت
سميرة: (قادات شالها) حسن من لحبااساات (خرجات نيشان مشات لبلاصة فين قالها عبد الوااافي كانو واقفين محمد زهير ووليد للي غير شافتو ردت الشال شوية اللور ودارت ملامح هادئة وفنفس الوقت حزنانة.. بصوت خافت محلون) حم عمي زوهير كبقى بابا
زهير: (خرج من حدا دراري وجرها) فين مك
سميرة: عفاك اعمي شوف حاالتنا كيرااها شوف با فين وصل (طيحت جوج دمعاه وهو قلبو حنييين سكت كيطبطب فظهرها حاس بيها وعارف حرقة الاب اصلا براااسو مقاادش على خوووه وأكترية هادشي للي وقع عندو يد فيييه...) عفاااك اعمي تنازلووو خليو لفااميلة مجمووعة
زهير: صافي اسميرة دابا خلينا نشوفو خوويا أما للي دار شي حاجة يستاهل لعقوبة ماشي فااارة للي تلاحت فبييير (ضربت الطم بقات وااقفة وهو رجع عند محمد للي مدلو التيليفوون) الووو
أمال: (محست حتى نطقتها) حبيبي
زهير: أمل!!
أمال: كبقى عمي؟؟
زهير: (زفر) مزااال مزاال مخرج طببب يݣولنا واشتا صااير معاه
أمال: (بملامح البكاء) انا سباب
زهير: هنينا ابنتي الله يرضي عليك وفين مّا
أمال: مسكينة نعست
زهير: (حك جبهتو) حبيبتي سيري ترتاحي شوية ومتفكري فواالو مدبرها حكيم نتي مدرتي وااالو
أمال: (ديما هو الطاقة الإيجابية ديالها) ونتا؟؟
زهير: انا غير نعرف شي حاجة نصوني عليك
أمال: (تنهدت) الله يشافيه والله مبغيت ليه هااك
زهير: عارف احبيبي.. (قطع معاها ورجع عندهم...)
أنوار: (كان غيحمااااق وأكترية منين شاف باه دقعلو هكاك بسبابو صونا على سميرة أكداااتلو انه بالصح باه دخل كووومة هنا تجنن بغا غير يرجع للمغرب يشوف باه ويقتل شيماء) صااافي ادعااء قيليني علييك
ام دعاء: بنتي مدارت ليك واالو
أنوار: (بعصبية) مݣلتش دااارت بغيت نبقى وحدي
دعاء: هء هء
ام دعاء: (تعصبت) متبكيييش بنتي وهي حاااملة واش مكتفش نفسية ديال وحدة حاااملة
أنوار: (طرطق عينو) وبا للي راه كووومة ونفسيتي انا مكينااااش (ناضت مها جارها بالسيف عليها هبطو لتحت مخليينو فبيت نعاس وخا إحساس الوحدة والحݣرة جااااه بقا جااالس معصب أدنى حركة منو يجريييو عليييه وحتى الخدمة للي فيها داابا بوااااسطة من مها والجنسية بعيييييييييد باش يشدها وحتى ويرجع للمغرب معندو فين زهير كان ساااكت ودابا كولشي تفرش من لبرهوشة ديال شيماء... هز سوارت ديال الطموبيل وخرج من لباب اللوراااني... كيدوور بوووحدو وكيتسنى خباار بااااه...)
~~~~~~~~~~~
أمال: (جالسة فالقنت كنسمع الحاجة كتليد على ولدها وهي كتبكي جاو خواتات زهير للي كيبكيو والدار عمرت مزياااان كولشي باغي يعرف لكبير كبقى إحساس خاااايب حساات بييه هند مرة مرة كتجي تعنقها وتفهمها راه ماشي بسبااابها شوية سمعو زديح فلباب عرفو لبوليس عاود جاو يقلبو على الكاملة وياخدو حتى اقواااالها كولشي كيشوف فيها)
الحاجة: سيري ابنتي ݣوليللهم الله يرضي عليييك
أمال: (مسحت دموعها وهبطت وقلبها كيتقطع بدوك الشوفات للي كولشي دارها فيها هبطت معاها هند لحدا لباب داك الدري للي دارها لونكيط بمعارف زهير للي رغبووه باش ميستدعيوهاش للكوميسارية)
...: المدعوة الكاملة**** هي للي كانت لاحتك لبارح فلبير
أمال: حم لا
....: نعام!!!
أمال: غير زلݣت هي كانت شداالي يدي وزلݣت ليها وصافي لا ملااحتنيش
....: (شاف فيها شحال) واش شي واحد مهددك
أمال: لا لا
هند: اويييلي شنو تتقولي؟؟؟
أمال: صافي الهند عفاك اخويا مبغبت ندعي حد
هند: لا حولة راه ازمرة ماشي بسبااابك علاش بغيتي تلعبيها دراااما
أمال: (بقات كتبكي ومشات لداارها تبعاتها هند لبوليس مشاو صافي فهم لاخر بغات القضية تضمص...)
وليد: (صونا على هند كانت تابعة أمال صونا وقفت) هند فين امال؟؟
هند: علاش
وليد: كان كيصوني عليها راجلها مهم عمي لكبير راه خرج من مرحلة الحرجة ولا معرفت سمو سماااوها
هند: بالصح وعلى سلامتو مسكين
وليد: ولكن فمو ورجلو عوااجو
هند: مع الترويض ويرجع ككان الحمد الله متشللش ولا مات
وليد: وااه مهم انا راني راجع للخدمة
هند: اوكي بيبي
وليد: واخا بيبية ديااالي....
هند: (لحقت على أمال للدار شدات لباب وطلعت عندها لقاتها جالسة فبيتها وساااهية) فخبااارك زهير غيكعى عليك مزيان
أمال: لا غيفهمني
هند: انا للي صاحبتك مفهمتكش علاش درتي هاكا حسابلك بهادشي كتردي صحة ديال لكبير ولا غتكبري فعبن الكاملة
أمال: مهم منكونش انا سباب فتشتات عائلة ݣد لخصااارة شوو غير ݣبيل ككيشوفو فية عاد الا مات باهم ومهم دخلتها الحبس غيخلييوني فالتيقااار اهند
هند: كاين زهير معاك
أمال: واش زهير جالس معايا ديما واش ولادو غيسمحولي ولا خوتاتو واش نكون مرتاحة وانا عارفة مّا مكوية وساااكتة باش ديرلي خاطري
هند: لا واالو انا ضدك
أمال: راه جواج هو هدا الهند خااااصك تنااازلي باش تخلي لباطو عااايم فوݣ لما ومدام ساكنين كولنا هنا الا خاص ندير اعتبار الحاجة ولعمي لكبير
هند: هو راه مزيان دابا
أمال: باالصح؟!!!
هند: عاد قالهالي وليد
أمال: الحمد لله يا سيدي ربي كنت خاايفة بزااااف علييه الحمد لله اختي للي مماتش وكان طراتلو شي حاجة مكنتش نعيش مرتاحة فحياااتي
هند: (زفرت) باقية نقوولك داكشي للي درتي مغيعجبش راااجلك
أمال: بلعكس غنكبر فعينيييه (صونا تيليفون هند كان زهير)
هند: زهير كيصوني
أمال: (بلعت ريقها)
هند: الو خويا زهير
زهير: (كيظحك) افينها ديك مرتي
هند: ههه ها هي (لقاتو ظاحك بعدا)
زهير: اريهاااالي
هند: (دوزاتولها وهضرت بصوت ممسموعش) راه ظااحك
أمال: (شدات تيليفون) سلااام
زهير: فين تيليفووونك امادمتي
أمال: (تبسمت) نسيتو حدا مّا
زهير: وااخا ابنت مّا.. كوليتي؟؟؟
أمال: الحمد الله ونتا وعمي لكبير
زهير: الحمد الله راه نݣزها
أمال: دخلت شتوووه
زهير: لا مزاال دخل غير عبد الوافي بلاتي وندخلو حنا كليتي شوية
أمال: اممم
زهير: جدك جدك هاد اممم ديالك واشتا مشهية نجيبو ليك
أمال: واااالو
زهير: والو والو؟؟
أمال: والله بغيتك غير نتا ترجع
زهير: (تبسم) هي شي طرح فالليل
أمال: (خرجت عينها) احااااااي
زهير: هااااا علاه راني نݣلب فين كنتي دساااها (مخبياها)
أمال: هههه ياله بسلامة حقا زهير واش!!!
زهير: اممم حتى نوصل للدار ونهضرو فدشي... (قطع معاها ومشا وقف مع محمد) شوجرناااك معانا
محمد: راحنا فااميلا اصاحبي
زهير: ختك وربي المعبوود الا عايشة ملكة عندي فدارها وفدار مّا غ..
محمد: متحتاجش اصاحبي واش معارفش غير هو هادشي مخصووش يدووز هكاك
زهير: كوون هاااني (بقاو مجمعين داز طبيب سمحلهم باش يشووفووه ولكن غير من لبعد ميتعبووهش.. زهير شاف حزن كبيير فعينين خوووه تمحات ابتسامتو فبالو لهاد الدرجة!!! حنا راسو وخرج بقا معاه عبد الوافي وسميرة....)
زهير: (حايد التيليفون من ودنو مصدووم بقا غير كيدور فعينيه عاود رجعو لودنو) واخا هكاك دير شي تعهد باش متݣربش ليها... الله يحفظك اخويا حميد.. سمحلنا.. (زفر) اممم الله يحفظك (قطع وبداو لقرووود كيلعبولو فرااسو خرج برا مفكرو غير باكية ديال لݣاارو كيكمييه بانلو عبد الله داااخل وكيدور راسو وتم داخل بحال داخل تخبية كيشفر...لاح لݣارو وتبعو قانص عليه بعينيه حتى شافو دخل لشوومبر تبعو طل من الزاجة ديال لباب قشعها الكاااملة فهم لبلان دخل زادح لباب)
زهير: العصابة تجمعت هنا
عبد الله: مرتك تنازلت باش تعرفها كتكذب
الكاملة: (مقادااش تحط عينها فزوهير للي هو كيشوف غير فيها)
زهير: ومن بعد
عبد الله: وحنا مغانتنازلوش على حق منا
زهير: (شاف فيه ديك الشوفة ديال بنيتك) حق مك ولا حق مر للي حرݣتك بيه
الكاملة: (شافت فزهير) وعلاه حرݣتيه
زهير: (شاف فاكاملة مخسر كمااارتو) جيتيني مرا مكلخة ݣاااطعة يدها من يد الرحماان أما بربي يا الكاملة وسميتك للي مداات فيك حتى ݣراام لا راااطيييتك
عبد الله: اييه اييه عرف واشتا راك صاير تلغي
زهير: (بنظرات نارية) مكنعهضرش مع ر** نتا يا ال***** كنهضر مع هاد لبهييمة للي راها طردݣ عينها فية
الكاملة: (ضربت الطم وحنات عينها)
زهير: ݣداام كولشي غطلبي سماااحة منها وتݣوليها ونتي حانية الراااس وتكون دايزة من حدااك غتوݣفي حتى دوز هي جناان نلݣاااك فيه والله يا ر*** حتى ندفنك فلبير ماشي غير لووحك ونزيييد (مصدوومة ممتيقاش الكلام موجه ليها) نشوووفك ضرتي بيها نسااا راك مرا وااخا مرا غير مطلوووݣة علييك (شاف فولدها) شمااااتة شي حد يݣول لمّا هادشي ݣدامي وانا نشوف عظامو يلݣاوها فوهراان (طلعو وهبط) ولكن الرجلة راك غير سااامع بيها (خرج من تماك معصب مكيضويييييش طلع لفوݣ كان محمد خرج مشا عند وليد وهو بقا تمااك حتى جاتو النوبة ودخل عند لكبير للي غير كيشوف بعويناتو وسميرة كتمسح ريوݣ للي كتخرج من فم باه) خرجي اسميرة
سميرة: نبقى مع با اعمي
زهير: سيري شوفي حتى مك للي راها معطوبة لتحت
سميرة: (باش متزيديش على باها خرجت غير وصلت لحدا لباب بقات كتدعي عليه وتسب)
زهير: (زفر مشا لبلاصتها هز لموشوار ومسحلو) شوية اخويا
لكبير: (رمش عينو بتقااالة مقادرش يهضر)
زهير: غتولي مزيان انشاءالله مع الوقت ومزال تفرح بولادك اخويا بولاد ولادهم
لكبير: (دار تنهيدة كبيرة وغصة وااحلالو فحلقو)
زهير: خويا غير ݣول واشتا نديرو و ونديرووه غير متبقاش هكااك
لكبير: (تبسم معاه بعينيه ولكن ماشي تبسيمة ديال الخاطر... بقا زهير كيهضر ولكبير غير كيرمش عينو حتى شافو عيااان باسلو جبهتو ونيت طبيب جا خرج وبقا غير فلكولوار ساااهي وغير كيشووف....)
زهير: (عرفو نعس بقا تماك صونا تيليفونو كان وليد ومحمد هبط عندهم) لخوووت
وليد: بايت هه؟؟
زهير: واه غنبات مع خويا
وليد: (حسابلو غير كيظحك ساعة ملامح وجهو كانو مبين العكس) ڤري
زهير: واه
محمد: وااه متخليهش وحدو
زهير: سمحنا اخاي محمد
محمد: متݣوولش هكاك اصاحبي خوك هو اللول انا نمشي نشوف مرت عمي ولبنات
زهير: (حرك راسو باه) مزيان ياله منشدكمش سيرو باش تعشااو وݣولو لمّا خويا راه مزيااان
وليد: (حس بصااحبو ماشي هو هدااك عاد يخلي أمال بلا ميشووفها جاااتو فشكل.. زاد محمد ورجع عندو وليد) سمو وااقع؟!!
زهير: والو
وليد: لا شي لعبة
زهير: (حك لحيتوو معصب) معصب مݣااادش نمشي للدار
وليد: علاه؟!
زهير: بنت عمك غطرطݣلي لعرق للي بقاالي
وليد: علاه سمو واااقع
زهير: سييير دابا مع ولد عمك (ضار ماااشي داير يديه فجياابو ضرب حجرة جات فطريقو وطلع المصحة...)
~~~~~~~~~~~
الحاجة: (عاد رجعت فيها الرووح منين برا ولدها واخا مخلاوهاش تمشي تشوفو... كان كولشي مجموعين حتى دخلت الكاملة لاوية فاصمة على راسها وفاصمة كبيرة فحنكها غير شافتها الحاجة) خرجي علية من دااار
الكاملة: ياااك الحاااجة
الحاجة: کلتلللللللك خرجيييي عطيني التيقااار يا القتاالة
سميرة: وكان كانت قتالة مرت ولدك متنااازلش
عيشة: عندها الحق امي علاه تنازل
الحاجة: بنتي تنااازلت حيت مبغاااتش شمل يتفرتك
عيشة: مّااا حشووومة طردي الكاااملة مشتييش حالتها هادي لاحتها ولوووخرا شوفي كراادتلها كمااارتها
مينة: خلينا نسمعو واش بالصح لحتيها
الكاملة: (كتبكي) واش انا لووحها راه زلݣت
الحاجة: ومنين عرفتيها زلݣت لاه مݣلتيهااش لاه جيتي تݣلبي معايا
الكاملة: الله يهديك الحاااجة واش دزونا قليل باش راك تاهمووني هاكا ياك الجدارمية وعرفو شكااااين
عيشة: جلسي جلسي الكاااملة
الحاجة: (خرجت من تماااك مباغاش تشووفها)
عيشة: جلسي راه هادي كما دار ما دارنا حنا هههه والله عبرتي على لبرهووشة
الكاملة: ههه شت ناسها باقيين
عيشة: جمعتهم اللفعة وداااتهم لدارها بزقوولة حتى هي ولا عندها دارها وتفرعن بيها
مينة: عييييييشا راه ݣلتلك بنات ݣدها
عيشة: خلينا من هضرتك الباسلة ݣوولس الكاملة بالحݣ علاه لحتييها ومخفتيش تقتلي رووح
الكاملة: قيليني عليك اعييشة ياله ابنتي نمشيييو
سميرة: (خرجو من تماك) ماما هادشي للي درتي معاجبنيش ديك لبنت بعدي منها
الكاملة: سكتي من صبيطار ونتي تابخالي راسي بيها
سميرة: مهم انا هضرت راه الرووح هادي فاللول متقتش ولكن داابا والله منزييد فهادشي اماما...
وليد: (دخل هو ومحمد لدار أمال جلسو فالصالة فين كانو جالسين) هند فوكاش تمشي لفاس؟؟
هند: بعد غدا
أمال: (بخوف) علاش؟؟؟
هند: ههه مي لالة غتجي نسيتي ولا شنو؟؟
أمال: عفاك متمشيش
محمد: علاه سمو خالعك هنا؟؟
أمال: والو غير بغيتها تبقى
نعيمة: اوا ضرووري ابنتي تمشي باش تشوف حناها
وليد: وحنا نيت نمشيو
هند: (غمزاتو فالخف) مرحبااا
وليد: (كتفرفرووو كتخليه غير حاضيييها بحركااتها للي كيعجبووه وكولشي رجع كيلاحظها)
أمال: (سكتت مكرهتش تبقى معاها ولكن.. فنفس الوقت قلبها واكلها على زهير للي مجاااش وكيف غدير هاد الليلة تنعس وهي ميتة بالخوف فنهار الݣهااار وفوسط لبشاار دقت الحاجة ناضت مريم حلات ليها لباب دخلت معصبة ولكن مكتبغيش تبين)
الحاجة: السلام عليكم (كولشي رد السلام) مجاش اوليداتي زهير؟؟
وليد: بقى مع عمي لكبير هو للي غيبات معاه
الحاجة: وكبقى لكبير اوليدي
وليد: الحمدلله فاق وغدا صباح ندييك تشوفيه ان شاء الله
الحاجة: ان شاء الله ياله نوضو تعشاااو راه وجد بنتي رواحي عندي
أمال: خليني امّا ها هند تبقى معايا
الحاجة: لا واالو تعشااي وروحي (ناضت بلا خااطر ما فيها للي يسمع ولا تشووفهم كيديرو فيها ديك الشوفة مشات وهاد المرة الحاجة كانت حلفات ليهم يبعدو أمال تعشااو عادي الحاجة مخلاتش أمال تمشي تنعس بووحدها نعسات فبيت زهير لقديم هند ونعيمة وشيماء نعسو فلبيت للي كتنعس فيه هند)
هند: شوفي اخالتي واش محمد قد يصبر هههه
نعيمة: ههه شكون ݣال يولي يبغي مريم ݣد هاك
شيماء: (عاطية وجهها الحيط وكتبكي من سكات منظرو وهو داي مريم مع 11 دالليل يمشيو لوطيل فقصها وأكترية دابا منين سرها بقا معاه وعارفها ماشي بنت من لفوق...)
~~~~~~~~~~~~~
أنوار: (دخل معطل من بعد مشلل فمو بمعطر كيحايد ريحة ديال شرااب للي رجع كيشربو هاز بوكي ديال ورد حمر وبواطة ديال شكلاط مشا لدار مها فين لقاها مزال فايقة) سلام
ام دعاء: أنوار اجي بغيت نهضر معاك
أنوار: (بهدوء حط داكشي للي هاز فوق طبلة وجلس) وي
ام دعاء: دعاء بنتي منين خرجتي منا من هاد لباب وهي تتبكي وهادشي معجبنييش
أنوار: عادي بين الراجل ومرتو كيكونو خصومات
ام دعاء: وي عادي وعادي بزاف ولكن معاديش بالنسبة لوحدة حاملة
أنوار: وعادي لواحد باه كومة وهو بعيد عليه
ام دعاء: (سكتت شحال)
أنوار: الغلط ديالنا بجوج من الأحسن يبقى ديالنا بجوج
أم دعاء: كتنبغيش نشوف بنتي هاكا انا نهار اللول وافقت على زواجكم حيت شفت هي متعلقة بيك
أنوار: وحتى انا وبدليب سمحت فكولشي فالمغرب وجيت تابعها هنا حيت هي مابغاتش تبقى معايا تماااك
أم دعاء: وحتى هي مخلاتش من جهدها باش نتا تبقى ديما مرتاح
أنوار: داكشي للي راني نديرو حتى يااانا (وقف هاز شنو جااب) تصبحين
على خير (مشا وخلاه متبعاااه هاد النقطة للي فيه هي للي كتخليها تأكد أن بنتها فيد راااجل....)
أصبحنا وأصبح الملك لله
الحاجة: (جات طلات على أمال لقاتها ناعسة عرفاتها عاد نعسات حيت لبارح باتت كتخلع فالليل دخلت دوزت الريدو مظلمة وخرجت بلا حس طلعت لسطح كتعجن بالعجاانة وتفكيرها مع ولادها وأمال.. طلعت عندها عيشة) سمعي ابنتي داكشي دخووك ومرتو عطيييه بالتييقار
عيشة: مرانيش صغييرة باش ديريلي هاااك امّا وهدااك خويا صغير ندخل فيه كبغييت
الحاجة: هاااني علمتك
عيشة: زدتي فيه اما واش لمݣنوي بغا يصيفط مرت خوه للي كيف مو الحبس وخوه لقبر ونتي مزال تخاافي منو
الحاجة: (بعصبية) هااااا لعاار الا مفريقيني راه انا للي قربتو تصيفطوني لقبر
عيشة: هضرتي مبقات تعجب حد (هبطت كتصوووط مكرهتش تهبط تفيق غير أمال تنوضها من نعاس نعاس ولكن مقدتش شافت مينة طلعت مسوقتش حيت مينة مزال فريها ان أمال على حق محدتها حتى لعند الكاملة للي جايبين مول الزاج كيااخد لعبااار باش يجي يقادلهم سرااجم من جديد اما الدار خملووها نقااوها من الزااج)
الكاملة: (جالسة فطبلة لفطور كوكب أتاي لعيشة) اوا شتي اعييشة تمارة للي دار خووك
عيشة: لا اله الا الله مع داك لمݣنوي هكا حتى حنا كينوضنا الا جبدنا حس الدااار بغا ما تموت ويخليها لكلبة دمرتو
الكاملة: اييييييه على ديك مرتووو تݣوولي بنسبه رواااح ولكن حطاتني بنت لحراام بوجهي ݣداامكم كاملين
عيشة: متديهااش فيها
الكاملة: لمااالي اعيشة ماشي تسميت قتاالة
عيشة: ياك ݣلتو تدعيوها
الكاملة: اش ندعي اعيشة اش ندعي هي لداابا مزال الا بغات تصيفطني تصيييفط
عيشة: ياااااااك
الكاملة: اايييه (هزت تيليفونها كيصوني) الوووو
عبد الوافي: مّا فلعشية غنجيبو با
الكاملة: برا اوليدي؟؟
عبد الوافي: اممم (قطع وبقا وااقف برا وزهير جالس فقنت اخر وباينة طايراالو بقا كيشووف مرتو للي متضررة وتلاحت فبير سمحاات على ود باه وعلى العائلة ومو مزال هاازة شووكتها وعاد مجاتش حتى طل على راجلها للي وصل للموت.. خرج طبيب وبجوج تقدمو يدخلوو)
عبد الوافي: دخل نتا ازهير
زهير: ندخلو بجوج (دخلو كان لكبير ناعس عادي بلا سلووكة للي كانو ضايرين بيه وحتى من فموو مبقاش عوج بزاف بحال لباارح ولكن مزال مكيقدرش يهضر.. جلسو حداااه شوية وهبطوه لتحت كيقادو شي تحاليل باش يخرج)
عبد الوافي: روح رتاح نتا انا نجيبو ونجي
زهير: لا... مزيان
عبد الوافي: شكرا على التنازل
زهير: (بقا كيشوف فالنقطة فين كان كيشوف مجاوبوووش.. داز عندو محمد وتماك خرجوولهم لكبير فكرسي متحرك دااوه ومشاو للدار)
نعيمة: (كتسمع لنبيل للي كيهضر معاها) ولاه ݣالتهالي مو.. صافي اوليدي شي يوماين ونجيو (قطعت وشافت فشيماء) ورااقك راه تݣادو وهو دخلو شي حد والموافقة خرجت دغيا
شيماء: راه ميدخلش بية دابا حتى للعرس
نعيمة: اويلي وشكون هضر على شي دخلة داابا يا بنتي موليتيش تحشمي
شيماء: اوا الا سخن عليه رااسو (سكتو منين جا الزاايد اما هند مع أمال كتهدنها)
أمال: نهضرو مع زهير هو ݣالي نساافرو ونمشيو معاك
هند: ههه حمقة والله راه غير شي 10 ايام ونجي
أمال: بففف يجي زهير نݣولو نمشي معاك هو راه يبغي يااك
هند: زهير يفرقك ههه وكان كنتي حاملة نقول كتوحمي علية
أمال: كنتخنق هنا منين مكتكونيش
هند: كما قلتلك زمان الحشمة دفنييه للي بغا بتهز عليك خرجي عينك فيه (سمعو لغااا كاين حتى خرجو كان لكبير طلعو الوافي زوهير بطلب من زهير ولكبير واافق باش يبقى فداار مو.. أمال شافت زهير تبسمت ولكن هو قلب وجهو ظناتو مشافهااش كولشي تعلم الا الكاملة وعبد الله للي مكاينيينش خااافو على رووحهم من جنوون زهير... )
أمال: (تقدمت حتى هي تسلم عليه هزت يدو باستها) على سلامتك اعمي لكبييير والله يشافيك
لكبير: (الوحيدة من مور مو للي بين الابتسامة فوجهها هز يدو التانية بالسيف حطها فوق راسها حرك راسو غيهضر ولكن الهضرة تخرج معكلة داكشي باش فضل يسكت...)
أمال: (وقفت حانية راسها ومشات حدا زهير) سلااام
زهير: كبقيتي شوية؟!!
أمال: الحمد لله ونت؟؟؟
زهير: (زفر) الحمد الله (حنا عندها) هبطي انا جاي (حركت رأسها باه وزاادت... وصى مو على خووه باش ميديرونجااااش وبقا وسط عائلتو اما هو هبط لقااها واقفة حدا لباب ساااهية) رواحي (تبعااتو كانو خطوااتو عرااض وصل للدار فتح لباب ودخل وتبعااتو كتزرب مع سدو سدو بزديح حتى تنفضت.. شافت فيه بحال مصدومة ولكن لقات نظراااتو شاعلين) الواحد منين يبغي يدير شي حاااجة مينووضش ر*و يديرها منو لراسو خااصو يسول يستااشر عاد يدييير...
أمال: (كضور عينيها) ياك عجبك الحال؟؟!!
زهير: (خرج عينو مغزف) فوكاش سمعتيها مني لاااااه لاااه تناازلتي واش انا جدك ݣالس نكره فية لعبااااد ونتي تناازلتي واش ر** فاهمة واشتا يقتلوووك واش نتي جرااااانة باش صافي تنازلي
أمال: (خلعها بقات غير كضور عينها كانت كتسنى ردة فعل اخرى.. صوتها بقا كيرجف) انا درت هكاك حيت فاش كنتي نتا وعم..
زهير: بلعي (جات تهضر ضرب باب الدار بيدو حتى قفزت) بلعييييييي
أمال: (جاتها لبكية) والله مدرت شي حاجة خاايبة
زهير: طلعي لبييتك
أمال: زهير دابا غير سم
زهير: (ضور وجهو مكره) روووحي لبييتك أمال
أمال: راه خفت على عمي لكبير
زهير: (زاد مطرطق عينيها) هدااااك خويا ݣبل حتى متعرفيييه واش راكي تخاافي على خويا كتر مني
أمال: (صوتها كيرجف) راه بحال بابا
زهير: ويكون بحال جدك واشتا جااب شي لشي
أمال: (كتحاول تشد لبكية) وراه بسبااابي
زهير: (عصبااتو.. بلغوات) روووحي لبيييتك
أمال: غير سمعني
زهير: (شاف فيها شووفة كتخلع)
أمال: انا درتها على قبل عمي لكبير خفتو بموت بسبااابي (بقات كتبكي) كولشي غيكرهني فالعائلة
زهير: يااااو للي بغا يكره يكره يااك يانا بغييييك ومداابز مع قبيلة علييك لاااش تمشي منك راسك تنااازلي (زاد من نبرة صووتو) وزااايداها هاودة البوليسي وحدك تهضري معاااااامن تشاااورتي وكان ماشي أمل عااااهدتك ݣدااام الله منقيسكش بربي حتى نحر جدك هاد الليلة بموووس حاافي نخلي والديك كتخرخري
أمال: (كتخيل داكشي للي كيهددها بيه) ذبحني؟!!!
زهير: (عصبااتو.. ضار حل لباب خرج زااادح لباب مخليها مزعزعة حس براسو تعصب بزااف حتى راسو بدا يزدح.. بقا واقف شحال جبد ݣارو كيكمي مشا لواحد لقنت مخبع بقا محني وكيكمي... حتى قشع الكاملة غانسة ايزاار خارجة من دارها ماشية لدار مو تابعها حتى وصلت حيت عيطت ليها علاماتها زهير مكاينش.. كمل ݣاروه على خاطرو كيحاول يكالمي بيه رااسو ناض جبد ساروت حل لباب لقا أمال فين خلاها ولكن كتبكي) مسحي علية خنااينك
أمال: (ياله بغات تخنت عليه كمواالفة وتستعطف حناانو باش يفهمها)
زهير: زيدي ݣدامي (خرج.. مسحت عينيها ونيفها وتبعااتو لقاتو مزال حدا لباب قبل متهضر زاد تبعااتو والخوف متملكها قبل ميطلعو ضار عندها) متبكيش ݣدام لعبااد وݣفي وهزي راااسك منين نسولك جااوبي بلا زياااادة
أمال: (رمشت عينها زاد وتبعااتو دخل شاف رجال فالصالون مشا للصالون فين كاينين رجاال وقف شافتو لكاملة كحلت بلعمى)
زهير: رواحي أمول
أمال: (شافت زعما هاد كنتي تغوت علية ودابا كتهضر هاك.. شافت لكاملة وهي تقرن حواجبها)
زهير: ياله الكاملة
الكاملة: (كضور عينها)
عيشة: اويلي على ياله الكاملة كطرد مرت خووك من دارها
زهير: (شاف فختو) بنتلك كلب باش نطرد (جات تهضر) نكمل معاها وݣولي ديك الساع سمو عجبك.. (شاف فزهير) ياله راه رووح للي كنتي دايرة تقتلي
أمال: (كتخنزر فالكاملة)
الكاملة: (كضور فعينها شنافتها كلاتها بالاعصاب)
زهير: طلݣينا راه تابعنا شغاال ماشي راحنا نطلبووك راه مرتي نجااتك من الحبس للي كنتي دوزييه على ݣلبك وعاد غنمشي تسني التزااام
الحاجة: اوا الكاملة
الكاملة: (صااطت) الله يسااامح
زهير: ههه ياكما تجي تبووسلك الرجلين هي
عيشة: اوا بزاف ها
زهير: (بعصبية) بلعيييي اعييشة وحدة من بناتك تلووحها وحدة معند مها إحساااس يعجبك الحال ولا تناااغقي كرااكي ديري دااابا اما الا كنتي باغيااااها فمرتي حاااجة وحدة أخرى
عيشة: (سكتت ولقات مها كتخنزر)
الكاملة: (ندمت علاش ݣاااع جات حسابلها غير هيت عليها فصبيطااار ماشي غيديرها بالصح.. بقات كضور عينيها وكتشابك فصباااع يدييها بالاحراج للي كتحس بيه) الله يسامح ابنتي الشيطان يحضر
زهير: ݣولي نتي نوضتي الشيطان
الكاملة: (سكتت حانية راسها كتدعي الأرض تشق ومتبقاش هنا)
زهير: غدا غتسني التعهد سمعي الكاملة مرتي تكون جاية ݣلبي طريݣ جنااني متولييش دخلي لييييه
الكاملة: وااخا
زهير: السلام هي التالية مابيناتكمش متعرفيها متعرفك
أمال: هي دفعتني حيت کالت نتا مديتيش ولدها لصبيطار
زهير: ولدك موالدوش باش نبقى نراري بيه فصبيطارااات مراهش يصرف علية ولا يدخلي الݣفة لداري باش نعنى بيه.. نتي وولادك شدو تيقاااركم متخليييوش الدم يولي ما.. (بنظرة كأنها مقززة قدامو) شربي أتااايك داابا راكي فالدار لكبيييرة نقبلو على للي كان.. رواحي أموول (خرج تبعاتو مريم مخلي شيااااط من مورااه وهضرتو وصلات حتى لحدا رجال مخلا لمحمد ميݣووول بلعكس كما ديما محسسو بالنقص دياالو شافو خرج وتابعااه ختو للي باينة كتبسم وكتحاول تخبعها شحال فرحت وصلو لحدا داار وضار عندها مخنزر) دخلي
أمال: ول
زهير: (فتح لباب دفعو) دخلي (حنات راسها دخلات من سكات سمع صوت هند)
هند: با زهير متسدش ندخل نسلم على أمولة باش نمشي
زهير: تمشي درك؟؟
هند: ااااه
زهير: اوا الله يديك على خير
هند: متخليش امول تمشي معايا زعما
أمال: وااه عفااك
زهير: (ببرود شاف فيها) سييري
أمال: بالصح؟؟
هند: الا غير تنظحك
زهير: لا تمشي معاك سيري جيبي حوااايجك
هند: حم خويا زهير راه غير تنطوب معاك
أمال: صافي انا نطلع نجيب حوايجي (مشات خلاها ضاارت وهو يجر لباب ميشدو بسوااارت)
زهير: (شاف فهند للي كظحك) ياااو ضسرت هاد الطفلة
هند: هههه والله ازهير مكاينش بحال قلب أمال
زهير: ݣلبها هو للي معذبني اختي اوديييي خلي جمل راااݣد لاااه ماشية تنااازل براسي كنت باغي نسمح فالعالم على ودها راه كنتي معايا منين لݣيناااها
هند: واااا حقيقة غا..
زهير: اوا هااا واشتا ݣلنا راه يانا للي عقلي بغا يفرفر.. دخلي؟!
هند: اه نمشي نشووفها ضرووووري باش نشد طريق
زهير: طريݣ تشديها فالليل
هند: نمشي فلوتورووت 3 سوايع ونص نكووون فاس
زهير: الليل عليك ابنتي ريضي حتى لغدا روحي فالضوو
هند: والله معرفت حتى وليد مخلانيش ولكن بغيت نمشي
زهير: صافي درك نهضر معاه (ياله بغات تشكرو) واش هبيل يصييفطك فالليل
هند: (بقات غير كتشوف.. حلها لباب دخلت وهو يسد لباب ولكن بلا ساروت هاد لمرة.. طلعت نيشان لبيت أمال لقاتها كتمشط شعرها الفازݣ باينة عاد مدوشة ) بصحتوووو
أمال: شتي كراااه يدير معايا
هند: راه معصب براسي عصبتيني ولكن معليش ديري عين ميكة راه فكل الاحوال عندو الحق
~~~~~~~~~~~
شيماء: (غير كتخبر مها باش ينووضو يمشيييو فحاالهم حتى قنعااتهم منين تعشاااو نااضو واخا رغبت وطلبت الحاجة يبقاااو وااالو مبغااوش بحجة شيماء غدير لاكط فهاد الايااااام بقاو كيتساالمو شيماء شافت فالصالون فين كاين لكبير كان كيشوف نيييت حنات عينها مشيفااش شكون كان جالس اخر فداك المجمع.. حاسة بتانيب الضمييير هبطت كتجري كان محمد واݣف بوحدو حيت زهير مشا يعيط لأمال)
محمد: (شاف فيها وقلب وجهوو)
شيماء: قلبك قساااح امحمد
محمد: ݣلبي ميمييلش لوسخ ونتي طلعتي لسمااااااا ورجعتي لتختي رااسك حتى ضيعتي رااسك وباغية ضيعي عاىلة على ݣدها
شيماء: (جاتها لبكية ورجعت طلبو عافطة على كرامتها) سترني نتا قبل متوقع شي شووهة تجوجني وطلݣني فنهاااري غير متخليش حسن يتجوجني....
~~~~~~~~~~
أشرف: (كان هابط فدروج ياله وصل لتحت سمعها هاد الكلمة التالية داز من حداااها قال تكون تردعاات سااعة واالو مشا لطموبيلتو باش يمشي فحااالو وبقا كيشوف فشيماء حتى سكتت منين جات أمال وزاادت كيشوفها كتبكي دازت من حدا طموبيلتو كتمسح دموووعها وخووفو غير تكوون حاملة)
الكاملة: (مكلات مشربت بقات غير صاقرة مسعوووقة على اخر يااامها تشوهت اكبر تشويييهة فحيااتها)
عيشة: الكاملة مكليتي وااالو
الكاملة: دابا غير طلݣووني نمشي لديوااني
عيشة: وااها تمشي خلييك ݣالسة رااه حتى هنا ديواانك
الكاملة: (ناضت مشات لحدا لكبير للي غير كتجي كيضور عينو مكره منها بقات حتى هي حداه سااهية وساااكتة صونا تيليفون ها للي كان فجيب الطابلية) الووو
أنوار: كبقى الواليد
الكاملة: (شافت فلكبير) نݣولو الحمد الله اوليييدي
أنوار: مراهش يهضر
الكاملة: لا يا وليدي
أنوار: (وشحال خايبة عاارف راسو بسبابو طاااح) شوية ونصوني عليك (حط التيليفون وبقا ساااهي عينييبه مضببين حيت عاارف شحال كان بااااه مفششو وللي حل عليه يلݣااه شاف خوتو تماارة للي كانو كيضربو وهو كيجي يلقااها بااااردة واخا كان كيتشكى من النظام للي داير لكبير فالدار الا كان كيدير للي بغاا عاد كان عندو صاااحبو أشرف لمن كان يشكي ويحكي دااابا كاين صحاااب ولكن مبوووزقين والنفخة يعني ميمكنش يشكي خاصو ديما يبين عايش مرتاح وهاني دعاء مكتفهمش شي حاجة سميتها المشاااكل وحدة عايشة حياتها طوول وعرض قبل مطلب الحاجة كتوصلها ودلوووعة كتر لقياس ماشي مرا ديال زمان للي تحني عليها الرااس... بقا غير بوووحدو وهاد الاحساااس ولا مخليه منيييرڤي وغير محسوووس زائد مكيحس بطعم حتى حاجة واخا هادشي للي كان باغي يوصلووو.. تحطت يد على فخضو ضار كانت دعااء تبسم بلا خاطر وبلا نفس) حبيبة
دعاء: ماالك احبيبي؟!!!
أنوار: واالو احححم (كيسرح صوتو) واالو علاه راكي تسولي
دعاء: حيت كولشي كيسولني مال راجلك مالو مبقاش تيجمع معانا ويظحك
أنوار: الساعة الله ادعااء
دعاء: قولي انا مرتك
أنوار: الا ݣلت ليك تفهميني ادعاء؟؟ ولا غتمشي تجري عن(سكت لسااانو قبل ميقول كلام يخرج عليه وهو حاس بمستقبلو بين يدين مها)
دعاء: كمل
أنوار: واالو احبيبة وااالو (حط يدو فوق كرشها للي ممسوقلهاااش) لبيبي مزيااان
دعاء: (تبسمت) كنحس بيه تيقولي je t'aime
أنوار: (جاتو بايخة) بيان سييغ احبيبة براكة غير نتي مامااه
دعاء: نتا باغي ولد ياااك
أنوار: لا للي جابو الله
دعاء: نوووو باااغي ولد
أنوار: (موضوع تااافه غتغضب فيه) بلعكس عرفتي كنتمنى تكون بنووتة تكون تشبه لماماها زويييينة بحالها اما الا كان ولد غيكون خاااايب بحالي
دعاء: هههه لا لا غيكون زوين نتا اصلا غزااال
أنوار: (باسها فشنافتها وسكت شدت فذرااعو وتكات فوق كتفوو.. هو غصة وااحلة فحلقوو مكرهش ينفااجر ولكن كيفكر بعقلووو اللهم ياااكلها لداااخل ولا يبين ويصدق فشي حاجة للي يندم علييييها.....)
وليد: (كان محمد ركب معاه غير مريم، وادم هز الطموبيل لي كان جايب وليد معاه خدا شيماء ومو.. كان جالس هو ووليد فسطح ديال دار زهير كيهضرو حتى طلعت هند..) هودي
هند: وغير سمعني
وليد: أوالله لاااا شديتي شي طرييبݣ دااابا
هند: وراه مي لالة غدا غتجي
وليد: ياك حتى لغدا وتوصل سمووو حارݣݣ تمشي دابا
هند: (فهمت قصدو على ولد خالتها سعد) زهير خويا هضر معاه
زهير: معندها فين تروح اخااي فدلوقت
هند: ياااااك زهير
زهير: واشتاا اختي نصيفطوك فالليل تشدي طريݣ؟؟ انا للي راجل ومحملش سوݣاان الليل سيري روحي و غدا شدي طريݣ
وليد: (غير كيشووف شحال مجلسو بوووحدهم وعاد كل نهار كتزيد تغلغ فاعمااقو قد مكيكره عنااادها قد مكيعجبوو شافتو كيدير فيها هاد الشوفة للي حافضااها بقات كتشوف فيه)
زهير: انا نهود (هبط ووليد جالس فكرسي مفرق رجليه وكيشوف فيها)
هند: عقل فيها أوليد
وليد: واش بعقلك اهند
هند: راه خاص نشوف واش كولشي هو كدااك مي لالة تتبغي كولشي متول ومقاااد
وليد: اممم
هند: (مشات جلست حدااه متبعها ومع جلست بانو لفخيضات واضحيت وحتى تيشورت للي لابسة طلع ممنتابهاش لييه عكسو هو للي كيلاحظ تفاصيل ديال تفاصيييلها او بالأحرى كيݣلب بعينيييه على اي حاجة.. شافتو فين كيشووف هبطت التيشورت على فخاضها هزت عينيها فيه) فاش تتشوف
وليد: (بعينيه النايمين) فلهوى مشاالك شي حااجة
هند: هه والله حتى مسطي وانا دايرة عقلي فييك
وليد: بانلك كنݣطع فحوايجي
هند: (عيات تبعد عينها وممشات غير لتم شافها فاش شافت وشاف فحجرو قلبت عينها باخراااج بالزربة)
وليد: سمووو!!
هند: هااء واالو
وليد: (كان على سبة ولكن مباينش محاس بيه غير هو) سيري هودي تنعسي نمشي ياانا
هند: جلس تباات هنا
وليد: فين معاك؟!!!!
هند: وليييييد
وليد: سمو وليد هنيينا لبلاصة للي فيها نتي كنشد راسي غير بالزز عاد نبات قريب
هند: ههههه
وليد: جا معاك الظحك ابنتي نتي
هند: خود طموبيلتي
وليد: لا غيديني زهير
هند: غدا نشوفك قبل منمشي؟؟
وليد: وعاد راكي تسولي؟؟
هند: غنمشي بكري
وليد: 9 دوزي عندي المحال غنفطروو عاد غتشدي طريݣ (جات تهضر وقف) نوضي اهند هودي ماشي وقت ولا بلاصة الهضرة (بقات كتشوف فيها) واش تهودي ولا بالصح نݣطع حوايجي نوريك لهبيل بشحال طااالع
هند: (نااضت كظحك هبطت وصلت لباب درووج) جوتيييم بيبي
وليد: (حرك راسو) سيييير على الله...
زهير: (دخل لبيتو مكيهضرش مع أمال وهي غير متبعااه كانت جالسة متبعة مسلسل تركي مجات فعينو غير فالبطل عريااان من صدروو ضار خنزر فيها)
أمال: ولد لحرااام راه غير داابا تعراااا
زهير: (بعصبية) طفي علية لخصااارة
أمال: (طفااتها وبقات غير كتشووف لقاتو دخل للدوش شافت راسها كانت لابسة بيجامة خفيفة بساتان شورط حمر قصير بديباردوور وطالقة شعرها ودايرة بوندوو فلحمر تابع لبيجامة.. هادشي مخصووص ليه ولكن مكملش حتى الشوفة فيها.. رجع خرج مبدل حواايجو وتم خارج) زوووهيير
زهير: (ببرود ضار عندها) وي
امال: وعفاااك
زهير: (بغا يخرج وقفت وعاودت عيطاتلو ضار عندها واخا مبينلها داك لبروووك ولكن العمق ديال الاعماق باينة عاجبااه) وااشتاا!!!!
أمال: متخلينيش وحدي والله كنخااف
زهير: سيري نعسي حدا الكاملة
أمال: واش مابغيتش تفهمني
زهير: (دغيا كنتعصب) واش نتي للي مبغيتيش تفهمي وكان متي ولا وقعت ليك شي حاجة (شاف فرجليها فين كانت مجرووحة حيت تنجرت فاش هبطت وركابيها بجوج مجروحين) شووفي كولييتي وباغياااني نبقا عااادي
أمال: الله يسااامح
زهير: (بقا كيشوف فيها معصب) وكان كنتي حاملة؟!!
أمال: (فرحت باش تبرر ليه) لا اصلا راني نشرب فلكينة
زهير: اشمن كينة
أمال: ديال لهلال
زهير: واشتاااا؟؟ (كيقرب ليها شوية بشوية مخنزر)
أمال: حم ديااال هداك لحمل
زهير: باش متحمليش؟؟؟؟
أمال: (عرفت عاود ق****) همم اممم
زهير: (زاد مطرطق عيييينو وهو كيقرب ليها وهي بلعت ريقها) راكي تهضري بالصح؟!!!
أمال: (بقات ترغب) والله يحساابني رااك عاارف راني ݣلتهااالك والله حتى ݣلتهاالك داك نهااار... واش معقلتيش ازهير؟؟؟
زهير: (وصل حداها كتشوف صدروو تنفخ وعينيه مطرطقين فيها عااارفة هاد الشووفة مكيدييرها حتى كيتݣنوااا مزيان)
أمال: (بغات تطلقها على سرواالها) ياك نهار فاش دخلتي علية سولتيني وݣلتلك واه
زهير: يانا؟!!!
أمال: واه والله نتا والله غير تفكر...
أنوار: (باس يد دعاء) وصااالح احبيبة؟؟ على صحتك وصحة لبيبي
دعاء: غدا نمشي لطبيب ديالي ونسولو
أنوار: (جارها كيبووسها فرحااان بشنووو قاالت...)
~~~~~~~~~~
أمال: وااه والله نتا والله غير تفكر (بقات ترجع بااللور حتى تعكلت فالزربية باغية طييح شدها من يدها مفلفضها من تمااك) اااااح
زهير: ݣولي راكي غير تزروطي؟!!
أمال: (بقات كتبكي حيت بالصح بانت فيه معصب وبزاااايد) انا نحيدها اليووم
زهير: (حس براسو غيدير فيها شي حاجة خاايبة نفسو مبقاااش قاد يطلعها) نهار ݣلتيلي راك تشربيها ݣلتلك ݣطعيييها ولا لا
أمال: (حركت رأسها بلا) لا
زهير: لا!!!
أمال: لا زعما ݣلتيها ولكن حسابلي ماشي داابا حتى ل.. (عرفت راسها غير كتخربق وكتزيد تعصبوو حتى الشوفة مقدااتش تكملها فيه)
زهير: (كيغزز سناانو) داابا نبغي نفرݣع لمك ديك الوااالدة نفرݣعها ولكن نهار اللول كنت رااجل معااك داابا غبري من وجهي (طاارت من حداه دخلت للدوش هز التيليكوموند خبطها مع الحيييط حتى تفرشخت وخرج راادخ لباب مخليها كتويل على شنو داارت... غير خرج خرجت هي ياله مشات كتقلب على تيليفونها تصوني على هند شافتو داااخل)
زهير: حطي علية داك لق****
أمال: (حطاتو)
زهير: دوزي ترݣدي (تخشات فبلاصتها خرج غير كيغوت ويحيح مقدتش تعاود تنووض بقات غير كتويل وتندم فرااسها دازت شي ساااعة وهي هكاااك كتقلب غير كدير تصاالحو مكتبغييهش يتقلق منها حتى بان زادح لباب عاود سدو بزديييح دخل للدوش خرج لابس شورط وتيشوورت دخل لبلاصتو جار ليزار علييه وعاطيها بظهر صااااعر وخاصوو غير معامن.. ضربت الطم حتى) طفي علية ولا نوض لووح مها من شرجم
أمال: راك هرستي التيليكوموند
زهير: (ضار خنزر فيها هي بغات توقف وقف بدود جنون جر لبرييز حتى كانت غتنتر التلفاازة طفا الضو ورجع لبلاصتو مركب فيها الرعب ولكن الأهم كاين معاها حيت مكتقدش تبااات بووحدها...)
~~~~~~~~~~
أصبحنا وأصبح الملك لله
ام دعاء: منين مكاينش خطر عليك ابنتي مزيااان حتى انا فكرت فهادشي وقلت خاص نوقفو معاه
دعاء: عرفتي فرح بزااااف اماما
أم دعاء: مزيان باش حتى هو يبقى ديما مهلي فيك ويديرك فعينيييه..
دعاء: معرفت كفاش نتصرف غنعجب عائلتوو
أم دعاء: بيان سييغ بنتي دعاء كاااملة ومتعجبش ولكن قبل خودي معاك دي كادووو
دعاء: ويي غير يجي نمشيو
أم دعاء: ولكن ديما تبقاي شاعلة تيليفوونك وغير توصلي اول حاجة ديريها سيري عند شي طبيبة او طبيب وشوفي صحتك وصحة لبيبي
دعاء: اه اه ضرووري اماما....
هند: (فاقت بكري لقات الحاجة فاايقة تصدمت ب3 سطولة ديال الكعك مقادين باينة دوموندات عليهم عند شي وحدة باش تديهم هند معاها عنقاااتها فرحااانة تساالمو على موعد يجيبهم زهير باش يحضروو لدخلة ديال جدااتها من الحج مشات لدار صااحبتها كان لباب مسدود شافت طموبيلة ديال زهير كاينة مزعمش تصدعهم وهي عارفة بيناتهم توتر ركبت فطموبيلتها وزااادت نيشان لدارها كانت ديجا جمعات حوايج وفاش كانت كتخرج بوحدها شرات شحال من حاااجة كولشي كان مجموع ضربت 8 ديال صبااح صونات على وليد واالو مجاوبش سدت باب الدار هبطت لتحت وبقات كدق كدق حتى حل ليها لباب عينيه بحرا كيحلهم وشعروو معنكش شافها وحل عينيييه) وسيييينو على بيبي كيكوون كيوووت فالصوبوحات
هند: سمو راكي ديري هنا؟؟؟
هند: (دخلت) وراه خاص نمشي احبيبي ولا نسيييت وزايدون صونيت علييك ونتا (جارها مخرجها) شنو تدير
وليد: فين مدرمة داااخلة؟؟
هند: وليييييييد
وليد: ياك ݣلتلك 9 عاد اجي
هند: بففف بحال 9 بحال 8
وليد: (حك جبهتو وبيدو طلع حط شعرو) داابا سمووو اهند؟!!!!
هند: (فرنست) طلع هز ليڤاليييز ديالولي هبطهملي (شاف فيها شوفة ديال نشدك نقتلك) ويااااله باش نمشيو نفطرووو (دخل بغات تدخل وهو يهز صوتو كيحنحن خرجت كظحك طلعت لدارها ربع ساااعة سمعات دقاان فتحت دخل كان مبدل لابس تيشورت كحل مع سروال كيطمة فلكحل وسبرديلة بقا كيهز الشانطات هبطهم لتحت سدات هي لباب وهبطت عندو)
وليد: راااحلة
هند: وصافي غنبقى دابا فااس قراايتي ساليتنا
وليد: اممم مزياان
هند: ياك مزياان؟!! باغي تسووسني اوالله لا تفكيت معاك اولد نعيييمة
وليد: ههه لا حولة ولا قوة الا بالله العلي العظيم كتحجي وتفكي غاا وحدك
هند: المهم باش تعرفها يا تكون لية يا تكون لية نتا عندك الحرية تختاار (ركبت وركب حتى هو ديمارا نيشان لقهوة دخلو طلبو فطوور كومبلي)
وليد: غير باش تكوني على باااال لقصير ولمزير نسااااايه
هند: وراه مبقيتش كلبس داكشي من شحال هادي
وليد: الله يهديك اهند ها الصيييف جا وعراااك
هند: اويلي على عرااك ؟؟
وليد: ها يديك مزال عرياانين
هند: كلبس تيشورتاات
وليد: اااه سمحيلي مقاريش فالدين بزااف
هند: هههه الدرة غنديرها غير صبر علية
وليد: اممم
هند: شنو اخر ابيبي
وليد: فوكما صونيت اهند جاولي مكيناش القضية ديال كنت مشغولة تكوني فطواليط جااوبي ولاد خالتك عمتك طاسييلتك معندك لغااا معاهم
هند: (كتاكل) امم كمل
وليد: وجدي لوراق باش نديرو لاكط
هند: (شافت فيه) نديرو خطووبة بعدا اوليد
وليد: ياك خاطبك من عند حناك
هند: هانتا سمعني خطوبة من بعد بشي سيمانة نديرو لاكط
وليد: وااخا
هند: (تبسمت) يخليك ليلي
وليد: فطري فطري (حنا كياكل وهضرة فهضرة حتى نااضو وصلاتو للدار عيا معاها تشد شي فلوووس مبغات تشدهم حتى عصبااتو ... توادعو وشدت طريق وهو هز موطوورو ومشا حل المحال...)
زهير: (كان متكي على لوساادة كيشوف فسقف حتى حسها كتحرك باش تفيق شاف فيها ورجع شاف فسقف عليها كان يطيح الرووح ودابا وغير داك نهار فاش شافها مليوخة فبير كان عقلو غيخرج لدرجة مو طااحت سخفاانة وهو لحق بأمال عرف راه كيموووت عليها وفنفس الوقت حاس براسو معصب منها بزاااااااااااف جوج مواضيع حساسين اول متشاورااتش معاه فحاجة للي كبييرة واخا عارف علاش موقفها ولكن جااه سبب تاافه قداام حياتها وتااتي موضوع لولاد من ديما كيقولها باغي لولاد على الاقل يولدو واحد ويصبر حتى تبغي هي ونهار اللول قالها تقطعها.. شافها كتنوض ببرود زول عليه ليزار وناض من حداها كان لابس حوايجو حيت منعسش مزياان بكترة مكانت كتنفض وتخلع فالليل ونيت صلا لفجر بقا لابس حوايجو وغير متكي)
أمال: زهيير
زهير: (مجاوبهااش دخل للحمام كيعاود يغسل وجهو وهي على صباااح بقات كتبكي خرج سمعها كتبكي شاف فيها زفر)
أمال: والله حتى ݣلتها ليك داك نهار
زهير: لا
أمال: والله حتى ݣلتها ليك
زهير: (شاف فيها شحال) لوكان كنتي تبغيني كنعشقك ياانا ابنت الناس كنتي تبغي تجيبي ولاد مني ماشي تشربيها
أمال: (ناضت وقفت جات حداه) والله كنبغيك بزاااف
زهير: مبانليش
أمال: (حنات راسها كتبكي)
زهير: ياك ݣلتلك نهار نكونو نهضرو فيه متبكيييش
أمال: (هزت عينها فيه) مكنبغيكش تغضب مني
زهير: كفرتيني أمل كفرتيني
أمال: والله منعااود
زهير: شغلك هداااك حتى انا مبقيت باغي واالو
أمال: (قلبها زدح) لا باااغي باغييني يانا
زهير: (قلب وجهو مخليها على اعصاابها حتى شدت فيدوو)
أمال: هانتا راك غير معصب وصاافي شوية تبرد وترجع تبغيني ياااك
زهير: (شاف فيها ببرود وكيحس بيديها كيرجفو)
أمال: علاش مكتجاااوبنيش
زهير: (جر يدو بشوية) سيري لبسي حوايجك ياله نديك حدا مّا (خرج من لبيت وهي بقات متبعاه بعويناتها ممتيقاش راه كعا عليها ورجع بااارد معاها لهاد الدرجة وحتى من دموعها مشفعوش ليها عندو... بقات وااقفة شحاال محساات حتى مشاات لسرااجم دوزات الريدويات ومشات لبلاصتها جارة لغطا عليها ناعسة وعطيااها لبكى... تحل لباب عليها لقاها ظلمات الدنيا كيسمعها كتبكي غوووبش)
زهير: مالكي دايرة في روووحك هااك؟!!!! (لا رد.. زاد حتى لحداها شعل الضو كتبان ليه مكمشة) غتݣعدي ولا غتزيدي تشعليني عليك
أمال: (بصوت باكي) نتا مبقيتش تبغيني
زهير: واااه دبا غير تݣعدي
أمال: لا
زهير: (بقا غير كيشوف فيها شحال هي كتغمض عينيها تبكي شوية كتحلهم كتلقاه باقي وترجع تبكي حتى ضار وخرج... بقات كتنخصص ضااارها قلبها حتى سمعت الحس خشات راسها بين لوسااايد حتى سمعاتوو)
زهير: نجي لݣاه مزاال نحش لمك ركااابي (مع خرج طلت بعويناتها لقات فوق الطبلة بلاطو مغطي بسربيتة...)
فتيحة: مال بنتك مناااضتش تهز
كريمة: يا ختي حااولي على لبنت مزال حتى مضورت العام وبديتي تنݣري.. فتيحة باغيا ديري شغل لعݣوزات مع بنتي ويااا حسرة بنتك حتى نتي
فتيحة: اوا راها بنتي ونهار اللول ݣلتلك بنتي ولكن واااه سنااا حملات بنت لالة فطيم حملت كولشي للي تجوج ݣدها حمل وهي كل شهر نݣولو هاد شهر
كريمة: اوا ربي مزال مكتب
فتيحة: انا راني غير خااايفة ومجربة حر الضرة
كريمة: لواااه لواااه ولدك وعمرو ݣالها بغيت ولاد غير نتي يا ختي للي حامية فيك البيضة
فتيحة: اوا انا للي راني والدااه ماشي هو هاااا ودني راه جنس بااااه
كريمة: (بقات صاااقرة مقرووصة كأي أم بنتها مزال محملات وخايفااها طلق.. هزت يدها كتكب أتاي وحطاتو حدا ختها) رفدي
فتيحة: (هزت جغمت) سمعي بنتك راها هي بنتي ونتي عارفة معزة مريم ݣداااش عندي واخا ولات هي وديك الباااخصة الراس على الراس
كريمة: اوا ولدك للي جابها يعيشها معااكم
فتيحة: وااخا جااابها عارفاني منحملها منشمها وتبقى غير تيو تيو معاها علامن يهضرو غيكونو غير علية ويااا حسرة انا للي خالتها وعݣووزتها
كريمة: درك نهضر معاها
فتيحة: ديري لبنتك لعقل راه مكاينش للي يبغيلها الخير ݣدي تبقى متبعا ديك الكلبة حتى تخرج عليها وراك شفتي انا نعيمة ككانت حاطة لعين علييه....
~~~~~~~~
شيماء: (كانت كتغسل لمااعن وسااهية وتفكيرها وكان مااات وكان تشلل وبقا معذب بسبااابها فين فكرت منين دارتها هي عجبها كيف شاف انوار وتصدم ولكن لكبير معمرو اذاااها تهزت من صوت مها)
نعيمة: شيماء سيري هزي وسط الدار مرت خووك متݣدش تهزوو
شيماء: (بهدوء سدت الروبيني مسحت يدها بلفوااطة ومشات كتنفض وتهز وعقلها خدااام الحل للي عندها هو هند هي للي عارفة فهاد المجال وغتفكها... طلع نبيل خوها هاز شي وراااق)
نبيل: هلا ورااقك تجلبيهم نذبحك
شيماء: (مجاوبااتش حدها بقات كتدعي فيه فخاطرها)
نبيل: بلݣي فية عينيييك (حنات عينيها كتقاااد لوسااايد شافت ليلى داخلة متنكرش كتخاافها تفرشها مناش عرفت منعرف ولكن حتى هي فرشت راسها)
ليلى: تهضري دابا
شيماء: معندي منݣوول اليلى راه غير نتي للي معرفت شنو عندك فراسك سييري بعديني راه عندك بنااتك ودابا يكبروو....
أنوار: (غير كيشوف فيها وهي كتهضر)
دعاء: انا حاسة بيك شهرين باش جيتي هنا وقنطتي وبغيتي تشوف باباك حيت مرض.. (تبسمت فرحانة) داكشي باش فكرت نمشيو للمغرب ومنها نيت نتعرف على عائلتك (حطت يدها فوق كرشها) ويفرحو معانا بولدنا ولا بنتنا للي غيتزاادو
أنوار: لا مصاالحش
دعاء: والله من قلبي
أنوار: احبيبة (سكت مدة كيشوف فعينيها وهو كيفكر غير فشنو يقول) فرحت بزاااف منين فكرتيلي هاااكا
دعاء: حيت تنبغيك
أنوار: حتى انا نبغيك ونمووت عليك ولكن الحمل فاللول ديالو منݣدش نغامر لا بيك لا لبيبي
دعاء: ولكن نتا ماشي هو هداك
أنوار: الساعة الله احبيبة غير تكوني مزيانة نهبطو بجوووج
دعاء: (فرحت) كتفكر فية بزااف
أنوار: بزززاااااف (عنقها وكيفكر مكرهش يمشي ولكن كاينة خطوووورة كبيييرة واولهم زهير غيقتلو الا شدو وأكترية مزاااال داكشي جديييد مدازت حتى عاام من جييهة باااه كيف غيدييير وهو سبااب حاالتو وعرف غير هرب سخط عليه اما دااابا شنو؟؟؟ ومن جهة أخرى أمال كفاش غيتقبلها انها مرت عمو)
دعاء: ولكن ماشي حشووومة متشوفش باباك وهو مرييض؟؟!
أنوار: مرتي هي اللولة
دعاء: (تبسمت) يااا ربي يخليك ليا
أنوار: ياله حبيبتي متعييش راااسك سيري ترتاااحي شوية انا نرجع للخدمة وااخا فالليل نخرجو نتعشاااو على برا
دعاء: (باستو) باي بيبي...
أنوار: (ركب فالطموبيل وزااد داااايخ وكبتمنى نسييبتو ذكية تقتااانع ومتشكش انه عندو شي مشكل فالمغرب حيت الا مشا حتى وصل ودعاء عرفت هادشي مها غتحكم فيها وتخليها ترجع وهو يبقى تماااك ويبقى لا ديدي لا حب لملووك صونا على مو للي عاودااتلو زهير شنو دااار زاااد تأكد الا وطااا تمااك زهير غيكوون على القرص.. حدو رغبها حتى دات التيليفوون لباااه)
الكاملة: لكبييير ها ولدك أنوار بغا يهضر معاااك
لكبير: (حدو خنزر فيها فهمت جمعت يديها وهبطت كتهضر مع ولدها برا حيت الدار عمرااات والعرس قرب..)
الحاجة: ولدي مالك مع ولدك
لكبير: (مكيهضرش)
الحاجة: الله يحنن قلبك علييه غلط واااه ولكن ماشي ݣاااع تسخط عليه مشا بحالو بحال ݣرااانو يݣلب على دراااهم ويدييير علاااه يرجع
لكبير: (والو مكيهضرش حدو فهم خووه علاش مبقاش سول فأنوار فديك الليلة وغبر وللي كمل عليه مجاش ݣالهاالو وعلم الله شحال دااالو.. ندم علاش داافع حتى على لكاملة وخووه صغير ريتو خاارجة مرتو كانت غتمووت وهو مزاال مآمن ان مرتو ميمكنش تقتل....)
الحاجة: الكبييييير
لكبير: (حرك راسو باه ولكن باين ماشي هو هاااك..)
~~~~~~~~~
زهير: (دخل للمحال ووليد مشا للمحال للي غيفتح هو ومحمد باش غيحلوه هاد ليامااات وولي لقاو ݣراااج حدا زهير بينهم غير محااال كان ݣراج طوييل فيه غير الالكترونياتان.. بقا بالو غير مع أمال والوقت كامل كيحاااول يلقاالها شي عذر ليييها وميعمرش رااسو انها مبغاااتش لولااد منو... هز تيليفونو لقاها مصيفطة ميساج كيقراااه) **اجي عندي ازهير** (بقا كيشوف فداك لميساااج قوس عييينو) امحاااااينك نهار جا لميساج جا وانا مكشكش....
زهير: (غير رجع عندو وليد) صافي نضيتي صواالحك؟!!
وليد: وااه شي سيمانة ونحلووه
زهير: مربوووحة
وليد: تمشي
زهير: وااه روح داابا لغدا درك نجيبو معايا
وليد: مشاااات (هز تيليفونو شاف ميساج جاه من نمرة غريبة) مزال مسالينا أمور (هز حاجبو ردو لجييبو شاف فزهير كيشوف فتيليفونو) سمو تما
زهير: هاد بنت عمك شي نهار طيحني
وليد: ههه وراه طيحااتك
زهير: لا دابا بلفقاايس
وليد: هههه هادي للي منتييقش
زهير: ݣاااع لا اصلا كولكم سلعة وحدة غير للي يشعل فجدكم وقييدة يحرݣ لخرا كاامل
وليد: ههه برد كولشي يتحل بالتفااهم
زهير: (هز سوارتو ومسائيلو وتم هابط داز عند دروݣري خدا شي حاجة ونيشان لدارهم فين لقاها عمرات عااود.. مشا نيشان لدارو حل لقا أمال كتجفف وطالقة السيمو العيساوي هز حاجبو حسابلو غتكون كتبكي ولا مقلقة) حممم
أمال: (وقفت كتشوف فيه) جيتي؟؟
زهير: (مهضرهااش طلع لبيت نعاس وبقات متبعااه تنهدت كملت تجفيفة اصلا الدار كانت نقية غير مبقات مدير أما هو طلع بدل حوايجو لبس حوايج تكرفيييس قلب على لبلاطو مكاينش حيت الدنيا مجمووعة هبط مبانتلووش دخل للكوزينة كيقلب لقاها جالسة دار راسو بغا يشرب لما هز كاس شرب وخرج وهي غير متبعااه معرفااتش كيدير تهضروو تبعااتو حتى سد لباب وقفت غسلت داك الكااس حتى بانلها فجنان شوية وغبر طلعات لبيتها كتجري لبست جلابة خفييفة لوات شال على راسها وتمات هابطة مع خرجت تصاادفت مع الكاملة كتهضر ابيل فيديو مع انوار)
الكاملة: هااا لمتعووسة (قلبتلو الكاميرا.. أمال مفهمت والو شافت مبانلهاش شكون بالظبط اما هو بقا كيشووف فيها قلبت مو لكاميرا) راها تساارا كبغات
انور: ردي الواليدة التيليفون نشووف
الكاملة: (ردااتها متبعاها حتى ضاارت كتزرب فلمشية عاد دورات التيليفون وكتوريه ححنكها للي مزالة دايرة فيها الفاصمة وحتى ودنها) شتي يا وليدي
أنوار: بسلامة من بعد ونصووني (قبل متهضر قطع وبقا غير كيفكر وتفكيييرو هاد الأيام غير فيييها..)
أمال: (لقات زهير كيخلط السيمة حدا لبير مشات حداه حتى وقفت علييه) بغيتي نعاونك
زهير: (شاف فيها شحال) غير للي يعاود يلووح مك هنا
أمال: (فرنست) وتسخاا بية
زهير: (شاف فيها ورجع غووبش وحنا راسو كيكمل شغلو)
أمال: متݣدش تسخاا بية
زهير: رييتي وقربت ناكلها بسبااابك ياا جدك وتݣووولي نسخااا (شاف فيها) ݣطعي علية زبل نهار اللول ݣلتها
أمال: واخا حبيبي
زهير: (شاف فيها وتبسمت) يااا جدك
أمال: ههه شنو كديري
زهير: (زفر) كنسد لبيير باش لمرا جاية يلوحو مك نيشان فشي خلا
أمال: والله ميݣدو
زهير: اممم
أمال: والله حتى نوري هدا للي يبغي يدير شي حاجة مرانيش سااهلة
زهير: جيبي ديك لباالة (نقزت تجيبها جاتها تقييلة)
زهير: نتي غير بكييلهم وهوما يبعدووو
أمال: ههه (شدها من عندها) انا معايا سيييد رجال ݣاع منخااف...
أمال: (بقات كتهضر وهو خداام مسكتاتش بالفرحة حيت تصاالح معاها هو كيسمع ليها حتى طلع داك لبير متر وحط فوقو حديييدة... كان زهير عمر بالسيمة) خاصك دوش
زهير: متعاوديش تݣربي من هنا
أمال: (حركت رأسها بلا) وحتى هاديك متهاودش دخل هنا
زهير: راه سمعتي سمو ݣلت لبارح.. ياله زيدي
أمال: واش غيبداو العرس؟؟
زهير: اممم
أمال: علاش راك مزال تهضر معايا هاااد
زهير: زيدي للدار وتماك نهضرووو (تبعااتو كانت دار الحاجة بداات تعمر زربت حدا زهير حل لباب ودخل نيشان للحمام لتحت) جيبي لبس شي حاجة (مشات طلعات جابت ليه تيشورت بشورط ديالو بيل صماطي وهي بقات بلبيجامة وزولت الشال وهبطت كتسنااه يخرج من الدوش..) أمل
أمال: هاني ازهير جبت ليك لحوايج
زهير: دخلي مديهملي
أمال: (طرطقت عينها هادي مكانتش على لبال) حم (حلت لباب مابغاتش يزيد يكعى كان الدوش مسخنو مزيان حيت كانت ضباابة لقاتو واااقف ملابس واالو وبالصدمة عينها كتمشي نيشان ل🍌 والمشكل كان وااقف رجعت شافت فيه زعما مشفت واالو) فوطة؟!!
زهير: رواحي
أمال: غيعمرو لحوايج بلما ويفزݣو
زهير: خليهم يفزݣو كيعجبوني فازݣين (مد يدو بغات تمد ليه لحوايج لاحهم وشد فيدها جارها لصدروو مخلياها مكالية بيدها) ياااو منااش خايفة ياااجدك مانييش مافياااا راه رااجلك
أمال: هااا لا غير هو...
زهير: شتتت بلعي شوية هاد لفم (سكتت كتشوف فعينيه كما هو) ݣطعتي لكينة
أمال: امم (حركت راسها باه) والله
زهير: بغيتي تساافري
أمال: واااه (حست بلبكية) تخنقت ازهير والله حتى تخنقت
زهير: (رجعت شوفتو للحنية) وعلاه متجينيش وتݣووليها
أمال: كنتي خدام وعارفة وليد مكاينش داكشي علاه
زهير: واشتا ݣلتيها وانا ݣلت لا!! لتعاودييش تفكري منك رااسك حتى منعرف شنو يركب فجدك بغيتي تحوسي رواحي لعندي وݣووليها
أمال: (حطت راسها على صدروو للي كان سخوون ومزال فاازݣ ولكن بغات تعنيقة ولقاااتو واجد....)
هند: (وصلت مسخسخة نيشان مشات الفيلا للي كانت سبقات ليها خاالتلها دخلات) saluuuuuuuuut
الخالة: لالة لعروووسة عاااد
هند: وي (تسالمو بليبيز ولكن حنك مقاايس حنك لوخراا) نتي بزااف هنا
الخالة: اممم جيت باش نتول هاد لبلاصة ونخايد لغبااابر
هند: امم مزيان انا نمشي لبيتي نتكى شوية
الخالة: ويلي استغفر الله العظيم على تكاااي لا جيتي تعاوني
هند: انا مجييتش نعااون والا بغيت نخمل غنجيب شي وحدة تشقلب الفيلا تردها تتشعل ونخلصها تمشي
الخالة: اوا وشكون يتقدى معايا
هند: خااالتووو فيا نعاس من بعد ونجي نهضر معاك (جرت باليزتها ودخلت صونات على وليد) بيبي توحشتك
وليد: مبقى واالو نخلي حبيبتي ݣاااطعة داك الوحش
هند: هههه (سكتت كتفرنس) وكان شفتي انا
وليد: ههه ياله رتاحي شوية شي جوج سواايع ونصوني علييك
هند: اوكي بيبي
وليد: اجي ياكما كاين داك خينا
هند: لا والله مكاين
وليد: اممم
هند: والله مكاين وحتى الا كان انا ماشي ساااهلة لييه
وليد: خليني من هاد الهضرة كانت شي حاجة ݣوليلهالي يااانا (كمل معاها الهضرة وقطع.. بقا جااالس حيت هاد لوقيتة دالقايلة قليل فين كيجي شي كلياان حتى دق احمد معاه وحدة.. شافها وليد عرفها) دخلي (دخلات ليلى المحامية.. كانت لابسة كلاص سروال توب جاي سليم مع شوميز فلبيض ولڤيست إيڤازي مع سنسلة طويلة وشعر كوب شوفال سبقاتها باغفاان ديالها جلست فكرسي كتشوف فيه وهو مقوس عينيه فيها...)
~~~~~~~~~~~~
زهير: (كيشوف فأمال وحط يدو على كرشها) خاص ضرووري احبيبي نمشيو لشي طبيبة
أمال: (كانت تقسحاات بزاااف حتى بقات كتبكي.. حركت راسها باه) ولكن نتا ݣاع نوݣف منين كنݣولهالك
زهير: مكنسمعكش
أمال: (غوبشت) كذاب
زهير: ههه واش ظني احبيبة توݣف وانا مكنبقى حتى عااقل واشتا كنت ندير (قرس جنبها) ياااجدك مكنشبعش منك
أمال: (عطااتو بظهر وهو يلسق عليها خااشيها فيه معنقها كيبوس فعنقها ومرة مرة كيشدها حريق خفيف وبكترة مكيلمس فيها محست غير عينيها كيتغمضووو وحتى هو جر لفرااش عليهم وبقا على حاالتو حتى نعسووو...)
~~~~~~~~
حسن: غدا ان شاء الله غنديرو لاكط
شيماء: ان شاء الله
حسن: مݣلتيليش شرووطك
شيماء: (بقات غير دايرة التيليفوون فوق ودنها ودماغها سااارح) معنديش
حسن: (عجبو الحال) كولشي ديالك ابنت النااااس
شيماء: (تنهدت) واخا نجي لوجدة احسن غنبقاو نتلقااو نخرجو ولكن شي حاجة اخرى حم.. حتى العرس
حسن: (فهمها) يكون خير
شيماء: لا واعدني
حسن: صافي يكون خير.. ياله واحد شوي ونصوني علييك...
شيماء: (قطعت وبقات شحاال جاالسة قلبها غيسكت بالخلعة كل نهار كيزيد التوتر الظغط الخلعة إحساااس خاايب كتعييشو شنو دير وكيف تصرف... دخلت مها عندها للي عجبها الهدوء ديال بنتها وفهمت انها بقات كدير عقلها وهادشي من نهار الخطبة جابت ليها الجلابة من عند الخياااطة لليدارتها باش تعقد بيها....)
يتبع...
التعليقات
لا توجد تعليقات بعد، كن أول من يعلق.