محتوى القصة
هند: (دخلو كان المحال عااامر قشعهم وليد جا عندهم هز بنتو كيبوسها وباس مروان كتشوف فشنااايفو لونو عادي واش دابا هو مدمن ولا غير مرة مرة ولكن كيبقى كذب عليييها جات مع موت جدااها أقرب إنسانة لقلبها ردات فيه حر كولشي... حرك راسو بالسلام حيت سهاااات فيه) سلام
أمال: فين زهير
وليد: داك لبغل راه هنا
أمال: (باستغراب) زهير؟!
وليد: لا انوااار (شاف فامال حيت لاحظ شوفاتو شي مرات لامال) كيصدعك
أمال: (حشمت اخر واحد تبغي تفتح معاه موضوع الاكس ديالها هو وليد.. دورت عينها ) حم لا
وليد: كانت شي حاجة رواحي ݣوليهالي
هند: اه تيديرونجيها شي مراات (نغزاتها امال) علاش تتخبعي عليه براكة غير فشنو دارلك من شحال هادي والرعب للي كان معيشك فيه
زهير: (كان برا ودخل غير شافهم جا عندهم) رعب شكون دلكيدار للي خالع لية ݣليع كلوتي
أمال: (ضارت مخلوووعة وليد وهند تشاوفو)
وليد: غير لكلب دعلي
زهير: (هز ولدو) مالو؟!
وليد: غير شي حاجة ديال شحال دي تجبدت هضرة وصاافي هند خاصك شي حاجة
زهير: ياو مالكي مخلووعة
أمال: واالو.. والو غير بغيت شي فلوس
زهير: (تبسم حتى بانو سنانو) يااا حليلي بيييك... امحااايني ابنت عمي راني نجمع فالدرهم وتجي بنت عمك تفرتك والديييهم
وليد: من حقها
هند: وعطيني حتى انا (غجبتها هاد القضية طلب من رااجلها حيت من ديما لفلوس لي كتشري منهم داياولها وفوقما كيقولها واش خاصك شي حاجة كتقولو عندي)
وليد: نهار كبير هدا (جبد ضمسة دلفلوس) شحال خاصك ازين
زهير: ياو ورث باك راك تفرق فيه
وليد: ههه شحال خاصك اهنوودة؟!!
هند: معرفت كنا شرينا شي حاجة للدار شي ميعنات غزالين وبغينا رجعو لداك المحال مهم تغيير على حساب رمضان
أمال: (بلا مقدمات نطقت) 40 ألف ريال
زهير: كنتي حشوومية على مزينااتك.. 2000 درهم كتطلعي الضاالة السطح
أمال: ههه وراه واحد لماااعن كيحمقووو (للي كانت محرومة منو كتعوضو فزهير)
زهير: الدار غطيح بلماااعن
أمال: (لوات شنايفها) وشحال تعطيني
زهير: 70 درهم.. (خرجت عينها) يااا ر** راجلك بياع وشرااي كاين شي طبسيل فوݣ 70 درهم
أمال: وراه بغيت نشري سيري
زهير: سيري!! درك نݣولها ݣد رااسك
أمال: وهارا غير 500 درهم
زهير: شفتي عاد كنا ف40 (بقاو كيظحكو عليهم جبد عطاها فلووس) شري الكبيدة للي بغيتي لمعان وريني شكل انا نجيبهم ليك وتقدية راني صيفطتها مع خويا لكبير
أمال: (فرنست) اووكي
وليد: (عطا لهند 1000 درهم) شوية احبيبة
هند: الحمد لله...
وليد: غير ݣولي مالكي معايا
هند: مقلقة منك بزاااف أوليد
وليد: علاه؟!
هند: حتى لمن بعد ونهضروو... (خبرت امال) راه عطاني الف درهم
أمال: حم زوهيييير (كتحلون) زيدني غير 500
زهير: (بقا كيشوف فيها كان شحاال مدور معاها واليوم كان ميسر عندوو قوس عينو فيها.. جبد حسبهم وعطاهم ليها) شري شي حاجة لمّا
أمال: مضيعليش المفاجئة
زهير: ههه مفاجئة نيييت ههه ياله سيرو راه الخدمة مزيرة (عطاوهم ولادهم مشاو فرحانين ضار عند صاحبو) هااات نتا دوك لفلوووس
وليد: ههه سير ونعل الشيطان.....
هند: (شافت أمال مشات شرات ثوب كبييييير من كريب فلون لخزي باش تخيط ليها جلابة ديال صلاة وحتى الحاجة مع شال ولزهير فوقية هو ويوسف فنفس اللون..) وااااو فكرة زوييينة
أمال: (تبسمت) درتها حتى داك العام
هند: اه عقلت مزيااان والله حتى عجباتني الفكرة.. عرفتي تخيطيلي حتى انا
أمال: وااه خودي الثووب والله كتجي زيييينة منغليش عليك لخيااطة
هند: ياااك لمك
أمال: ههه غير كنظحك معاك.. (حتى هند خدات شافت أمال شرات 2 تسابح واحد لزهير واحد الحاجة وشراتلها شال كبير وهادي عادة زهير كل رمضان كيشري لمو شي حاجة..)
هند: حتى انا نشري تسبيح لوليد (خداتولو كانو اشكل زوينين خدات أمال مبخرة مستيلية فيهم عينين مقادين وخدات بخور خليجي دازو كلاو بيتزا وعاد ركبو فالطموبيل ماشيين للدار..)
باقي داك زمر كيمرضك
أمال: صراحة من نهار دار الكاغيط معاودت شتو
هند: تهنية
امال: اشمن تهنية اختي ها رمضان غندوزوه مجموعين كاملين
هند: معندك مناش تخافي وزايدون كيفرقو بيناتكم.. زعما يكون كيبغيييك أمال
أمال: تبغيه جنية واش بحال هداك كيبغي ييييخ ندمت ندمت على. نهار للي عرفتو فيه... (وصلو للدار شافت هند كتهضر فالتيليفون باينة مع خدمتها حيت أغلبية كلامها بلفروونسي.. خرجت هزت دوك ثواب طلعتهم لداارها حطاتهم فلبيت للي دايرة فيه الماكينة... ورجعت هبطت لقات هند واحلة مع بنتها ويوسف كيبكيو بجوج هزت ولدها) جاعو بزااف (طلعو لدار مطلعين داكشي معاهم هند دخلت مدات لحليب لبنتها حيت مبقاتش كترضع مبقاش فيها لحليب وأمال رضعت ولدها حدا الحاجة للي كتقيس الشال عاجبها وحتى التسبيح)
بصحتك امّا
الحاجة: ياااا لاالي ويا حليلي بنيتي مكتنسانيش (حنات باستها فجبهتها) الله يخلييييكم لية اوليدااتي
أمال: هه اميييين امّا... عرفتي شريت كيسان زوينين دلعصير غنبقاو نحطوهم فسحوور حيت لفطور تبارك الله ميݣدوووش
الحاجة: هههه راه يعاونوك ابنتي
أمال: (نافخة حنوكها) ميعاونونيش هوما يݣادو فطوورهم فدارهم وانا نݣاد هنا نقسمووو داكشي وكلها يݣاد حاجة ونتجمعو فلفطوور
الحاجة: ههه وراه داكشي للي ݣال عمك لكبير
أمال: حسن.. (عضها ولدها) اااااي مروااااان
الحاجة: ههه هو يعض وباه يعض
أمال: (خرجت عينها) نوضي امّا تصلي نووضي
هند: ههههه نااااااري والله نتوما خاص للي يكتب +18 عاد يجلس حدااكم...
علي: مروى مروى فينها مروى اما
فتيحة: (مفقوووسة وجالسة غير كتنݣر) خرجت
علي: فين مشات
فتيحة: معرفت... شم.. شم
علي: سمو نشم
فتيحة: شم ريحة الدار كولشي ها للي داير الشباكية ها للي داير بليغات ها الزميتة ومعاونين انا يانا ملݣيت الي يعاوني
علي: وااا نتي عارفة مروى مها نهار اللول ݣالت مكتعرف دير حاجة
فتيحة: تعلم ݣان الناس يتعلمووو مدرت بريوات مدرت ملاوي منقيت عدس منقيت حمص مطحنت مطيشة كل نهار نݣول دورك لبنت تفيق وتعيق واالو سنا مرت ادم صغر منها بقالها غير اتاي نعمرو وديرو فلفريݣو
علي: وديريه راااسك تسناي مروى للي ديرو وهي مزال عرووس
فتيحة: اوا الله يقلل حيااااك يا شماااتة للي تݣولي يانا نخدم على مرتك
علي: رجعنا شمااايت داابا
فتيحة: خرج علية ولا نوض نطحن والدين ياكما حسااابلك كبرت ودرت لكتااف (داخلة مروى لابسة سروال كوير مزير ديباردو وفيستا ربيعية وطالقة شعرها مع مكياج)
جات لعرووووسة
مروى: (شافتهم مغوبشين) شنو واقع عاود
فتيحة: للي واقع الآلة هو غدا رمضان ولا نسيتي؟!
مروى: ههه كوني هانية ازين منصوم حتى ندوش (غمزاتها)
فتيحة: الله يقلل حيااااك الحمارة
مروى: حمارة!!! اهيااااا جمعي ك** اااخر مرة تݣوليلي حمااارة مزيان تبارك الله بابا وماما عمرهم ݣالوها لية ونتي جاية باغا تبووردي علية وديري فيها عݣووووزة
علي: (غير كيشوووف شاف فمو مخرجة عينها زعما هضر)
مروى: بفففف مكتعرفو لا عواشر لا واالو غير صداع صداع
علي: حتارمي مااا
مروى: اسيدي ݣاالك احترم تحترم انا ماشي حمارة باش مك تݣولي حمااارة والا بغات الي يخدم عليها الخدمات عطا الله.. ولا نفكرك نهار جيتو تخطبو لقيتو خدامات لي كيسربيوكم ماشي انا ولا ماما (تمات ماشية لبيتها) يخخخ متخليو حتى واحد فݣاااانتو..
فتيحة: (دخلت لبستها وسدت عليها ضارت شافت فعلي) اش هاد المصيبة دخلتي علية للدار
علي: تكون غير كتوحم
فتيحة: (شافتو تبعها لبيت وبقات غير مبلقة عينها.. جلست عرفت هادي ماشي هي أمال ولا مريم ولا حتى شيماء للي كانت كتعتابرها لفعة.....)
غير جاو للدار وليد صونا على هند هبطت عندو من دار أمال للي كانت خدات عبار هند وبدات كتفصل بقالها غير عبار وليد...
زهير: مّا نعست
هند: اه قبيلة ضربت دوا وقالتلنا فيقوني فسحوور
زهير: (حرك راسو باه طله لداارو ساد لباب بالساااروت...)
هند: (وقفت حدا وليد) salut
وليد: (بجدية) مالكي اهند معايا
هند: واالو (جات طموبيلة ديال ولاد لكبير وقفو حداهم)
وليد: رواحي معايا (ركب فطموبيلة ديال زهير ركبت معاه وخرجو من تمااك) ݣولييلي
هند: متيعجبنيش تخبع علية شي حاجة
وليد: سمو خبعت
هند: شوف نتا ولا مزال باغي تكذب
وليد: هضري نكون شي حاجة مرااادش ليها لبال
هند: لي متتكونش راد ليها لبال مغتكونش هازها فجيبك ديما
وليد: (قرن حواجبو) بلا ألغاز اهند غير هاد ليااام وكنت غنهبل معاك دخلي نيشان فالموضوع
هند: تتكمي
وليد: (بقا ساااكت شحال وهي كتشوف فيه وقف بالطموبيل وصار شاف فيها) هادشي للي مقلقك
هند: اه... شنو فيها الا قلتيهالي
وليد: حيت مبغيتكش تشوفيني
هند: وهاني شفتك وتصدمت فيك
وليد: نتي عارفاني ماشي مبلي.. كنت تنكمي فواحد لوقيتة وقطعتها شحااال سينييين
هند: وشنو للي ردك حتى تزوجتني واش العيشة صعيبة معايا لهاد الدرجة
وليد: بلعكس نتي هي نقطة العسل للي فحياتي.. (زفر) كانو كتافي تقاالو والمشاكيل كترو علية
هند: ياك كنت تنواسيك انا وديما كنت تنبغي نظحكك ونشطك علاش نتا ختاريت الݣارو هو للي يواسيك؟!
وليد: متفهميهاش هااااك
هند: لواحد منين كيلتااجئ الݣلرو او لحشيش او شراب او الادمان كيفما بغا يكون كيلتاجئ حيت متيكون معاه حتى واحد مثلا انا كلتاجئ ليك نتا ماشي لشي حاجة اخرى
وليد: راه غير مع المشاكيل
هند: المشاكيل تسالاو الا كنتي تتهضر على مشاكيل شيمااء كانو تسلاو انا شفتك تتكمي فنهار للي (بحرا طلعت النفس) قبل متموت مي لالة ومكان عندنا حتى مشكل دووونك علاش كنتي تتكمي؟
وليد: (بقا ساااكت)
هند: متبقاش تقول انا ماشي مبلي ونتا باقي تتكمي وعفاك مكاينش علاش تكذب علية
وليد: مكنكذبش احبيبة هادي حاجة مكنتش باغيك تعرفيها
هند: راه الشرط الاول ديالك نهار اللول هو منخبيوش على بعضيااتنا
وليد: (زمتاااتو ملقى ميقول)
هند: ياله نمشيو خليت غيثة ناعسة
وليد: راها مع أمال
هند: (قلبت وجهها حتى شد يدها ضارت عندو ببرود)
وليد: (زفر) شنو الحاجة للي تخليك مرتاحة
هند: ترجع وليد لي كنت تنعرف
وليد: ونتي ترجعي هند للي نعرف
هند: انا هي هي والا حزنت وبعدت شوية عليك ماشي حيت كرهتك ولا متنبغيكش انا وحدة جاها فرااق قاااسح ومعرفتش نتعامل معاه
وليد: (باس يدها) شوية بشوية
هند: (بتنهيدة) ان شاء الله....
شيماء: (فرحانة قداات طويجين بالدجاج الحامض والزيتون صاوبات فلوو للسحور وديجا كانت أمال صيفطاتلها حقها من الشباكية والزميتة وشرات بريوات ديال اللوز.. كانت اول رمضان غدوزو مع اشرف راااجلها ماشي كولها فجيييه... دخلت مريم كتخربق ليها لبلاكار مخلياها على خاطرها حيت فيه غير شباكي ولبانيويات حتى كتكمل عاد كتجمع من مورااها.. دخل أشرف معطل)
أشرف جييييت
أشرف: (حط سوارت وتم داااخل عندهم للكوزينة) اش هاد روييينة اديك الطفلة راك تعيي فماماك
شيماء: (تبسمت) معليش خليها تلعب راه مكتخرج مواالو
أشرف: (حتى من مور لفطور باش يخرجها صعيب حيت فداك لوقيتة للي كتكون الخدمة) نخرجها قبل لفطوور تبقى تلعب
شيماء: وانا؟!
أشرف: درك ندير شي نهار نبقى نخرجك مهم حݣا راه عيطلي عمي غيجي غدا يفطر معانا
شيماء: حتى بناتو
أشرف: مجاتش نݣولو يجي وحدو عندو شي غراض وݣلتلو مرحباااا ݣالي غنجي يانا ولبنات ومرت عمي
شيماء: (بقات مصدومة ݣاع الفرحة تبخرت) بالصح!!!
أشرف: (شاف ردة الفعل ديالها) مرحبا بضياااف اشيموووم ولا لا
شيماء: (بصوت خاافت) مرحباااا (ضارت كتشوف الطجين واش جاب وكتحلف فلداخل ديالها الا دارو معاها هاك ولا هاك تجبدلهم غير كيلو من شيماء لقديمة تكرههم فالجلسة.. تبسمت بشر)
أشرف: اسبحان الله
شيماء: (جمعت الابتسامة) مرحبا بيهم
أشرف: ههه حتى دورتيها فدمااغك مهم دوزاااني سدي عليه فلماااريو
شيماء: واه كولشي كنت جمعتو..
~~~~~~~~~~~
تحط سحووور والحاجة شدات وليد وعند غيدوزو رمضان معاهم كااامل وفالليل يمشييو لداارهم واافق وليد وهند كانت طااالبة عليها جالسين كيسحرووو وكولها فاش كيهضر
الحاجة: غدا نعرضوو نسااابك اولدي
أمال: (زطمت على الحاجة وهي كتغزف علييييها)
أنوار: دارهم هادي واش عاد يحتاجو لعراضة
زهير: حݣا واش درتي فالسكنة
أنوار: ههه عمتي ݣالتي نسكن لتحت (شافت أمال بحال ظحكت باستهزاء) على منشوف شي تخربحة نتا عارف بّا
زهير: صراحة كان خااص ناخدو حتى الارض للي حدانا باش نتوسعوو
وليد: بحال معاجبكش يانا
زهير: هههه
وليد: عطيه شي 100 ميترو من داك جنان يسكن فيه
زهير: هااا حنا تختاسرووو
أنوار: نتا عطيني سطح نبنيييه (هزت أمال رااسها كيلعب على تفكيرها) باش نبقى قريييىب ليكم
زهير: سكن فدار لتحت وبلع... غير راه خاصك دور بيها
أنوار: ضروووري (كملو ناضو رجال خرجو وأمال ضارت عند الحاجة)
أمال: مّا نهار اللول ونعرضوو
الحاجة: ابنتي جماعة زيييينة
أمال: (مالقات متقوول) وخليوه يمشي يسكن فشي بلاصة بعيدة
هند: وحنا مالنا أمال (خرجت عينها فيها باس تسكت)
أمال: ما مالناش غير هاضرة وصافي...
أصبحنا وأصبح الملك لله...
أمال: (ضربتها لفيقة بكري كانت عوالة تنعس حتى ل11 ضارت لقات مروان ناعس اما زهير باينة خرج واخا قالها رمضان كنحلو حتى العصر.. ناضت حيت اليوم دورها فلحريرة نيشان مشات للكوزينة لقات الكوكوط كدوور والدنيا مجموعة عرفتها ليلى تمشات لبيت الحاجة مع دخلت لقات زهير وانوار معاها بقات كضور عينها وزهير كيدير إشارة باش تمشي حيت كان شعرها مطلووق ولابسة بيجامة ساتان فلݣرونة خرجت دغياااا كتنݣر هي للي كانت عارفة أنوار رجع كينعس فدارهم حيت هند كاينة معاهم.. واش مفيقو على هاد صباااح دخلت لبيت وسدت لباب مكرهة..
شي 10 دقايق جا عندها زهير)
زهير... راه محسابليش غيكون فالدار
زهير: عارف
أمال: راه مبقيتش كناخد راااحتي مكنعرف واش لبس علية ولا لا
زهير: (اصلا حاس بيها مكترتاحش قوجودو.. جلس حداها ودار يدو فوق ركبتها) حبيبة الدار لكبيرة هي هادي كل نهار وشكون فيها الا بغيتي رجعو نعسو فداارنا ومن بعد نجيو هنا
أمال: ومّا تبقى وحدها
زهير: غير فنعاس
أمال: راه منين كنبغي نخدم شغل مكيعجبنيش ندير الدرة ولبس طويل
زهير: واش نديرو
أمال: والووو.. علاش فقت بكري ياك مخدامش
زهير: مشيت معاه شفنا واحد المحال بغا يشريه
أمال: اممم وترجع تنعس
زهير: لا غنمشي نقرا شوية القران ونبقى حدا مّا
أمال: صافي انا نمشي لداري بديت كنخيط فشي حاجة غير يفيق مروان ݣولهالي
زهير: سيري.. (لبست بينوار ولوات شال هزت تيليفونها وسوارتها خرجت لدارها كملت تفصال عاد بدات كتخيط... غير فاق جات لعندو رضعاتو بدلاتلو دخل زهير يدوش دخلاتو ليه) يا جدك سيري هاد صباااح واش مݣطووع من لݣااارو وتزيديني نتي
أمال: ههه (دوشات لولدها لواتو فبينوار تمات خارجة كظحك لقات أنوار متكي شاد تيليفونو هبطو وبقا كيشوف فيها) تشوف لعمى
أنوار: (هز حواجبو بجوج واش هاد الكره كااامل فيها ولا كارهااه حيت تحركت فيها شي حاجة عليه...)
اصلا مرانيش نشووف
أمال: (بقات كتمتم دخلت لبيت زادحااه حتى كيبانلو زهير خارج من الدوش مفهم والو رمضان هدا اش كانو كيديرو بجوج)
زهير: هانتا مكسل
أنوار: مكان ميدااار
زهير: نوض سير کاد دااارك راه مرت عمك تحشم تبقى خيطي بيطي ونتا هنا (أنوار فهم راه تشكاتلو) وتݣععععد
أنوار: (تبسم) هاااا هو
زهير: تبان قبل لفطور هنا نلوح والديك من سطح
أنوار: ههه رواح تشوف معايا واش ناقص لتحت
زهير: لبس ونجي... وييياله (لبس أنوار صندالتو وخرج دخل عند امال كانت كتلعب مع ولدها وكتلبسو لبس حوايجو وبدا تأثير الݣارو مهضرش حيت ماشي فمجاااجو) خاصك شي حاجة امل
امال: لا كولشي كاين (خرج هبط لتحت كيشوفو الدار كانت فيها 2 بيوت صالون ووسط الدار كوزينة وطواليط ودووش كانت صغيرة حيت مخرجين منها ݣرااج كبير للي كتكون فيه الزيت القمح بحال بيت لخزين ديال ديور بجوج حيت دار زهير مكيطيبش فدارو... تفاهمو باش يديرلها لݣبص ويعاود صبااغة اما صليح كانت هي هاديك من غير الدوش للي غيهاود يقادو)
أنوار: مداخلاليش هاد بنت عمتي لراسي
زهير: نتا مريض ولا كفاه؟!
انوار: ماشي مزويناش غير العائلة كتجي فشكل ماااعرفت
زهير: درك راها مرتك يعني على رݣبتك
أنوار: واااا يييه حتى يانا غنعاملها مزيان وميخصها خير غير فاش كيكون شوي دالبغيان كتكون القضية زيينة
زهير: اوا بغيها واش راك تسنى
أنوار: ههه لبغيان كيجي وحدو
زهير: اوا سير عندو نتا... اشريف راه مزوووّج بيها دابا بدا تولفها ودخلها لراااسك هضر معاها فالتيليفون منين تجي جبدها وحدها وهضر معاها هاكا باش تولفها وتولفك اطووونسيو تشكى منك والله يا ولدي حتى تلݣاها معايا
أنوار: ههه وااخا راه منك نتعلموو
زهير: واش عاد فيها... انا راه متزوجت بمرتي حتى عوجااتني
أنوار: علاه مكانتش باغية
زهير: داكشي بيني وبينها (خرج خلا لاخر غير كيشوف شي حاجة ديال أمال كيبغي يعرفها ومكرهش يبقاو غير يعاودو عليها..... )
قرب المغرب دار لكبير كانو عريساااتو وجدوو ملاوي معمرين بالكفتة والشحمة وبغرير.. وأمال وليلى دارو بطبووط وكرواصة ماالحة حرييرة وأمال دارت حتى بسبوسة بحجم لاطة كبيرة وهند دارت بسيطلات صغااار بكمية كبيرة حيت كل واحد ديالو
هند: (عياات ولكن حست براسها بداااتو تبرى من فرااق حداها للي عمرها تنساااها وغيبقى داك الوجع محفووور فيها) الله يااا ربي عقوووووووبة وكان شريتهم طالعين حسن (حسبت دارت 50 حبة) اوييييلي وكان فتحت تريتوور حسن بعدا نتخلص
ليلى: هههه مموالفاش بالكثرة
هند: حتى نكون موالفة بتمارة ههه كولشي كنت تنشريه وااجد
ليلى: معليييش هانتي لهيتي رااسك
هند: اااح ظرني عنقي وظهري
أمال: (ولفت بالكثرة) موحال يݣدنا الصالة لعيالات
ليلى: لا لا يݣد حيت صغار غنحطلهم بوحدهم فوسط الدار
أمال: احااااي غيرونو الدنيا
ليلى: انا نݣااابلهم.. (شهقت) نييييت لبيض جري هبطي جيبي جوج بلاطويات من لݣرااج
أمال: (هبطت أمال جابتهم وجات سلقووهم وهي دخل عيشة متبسمة بنات السلام عليكم وبدات تسلم عليهم مدت أمال حنكها كتسنى شي كريتيك منها ساعة كانت ظاااحكة جات لعروسة سلمت عليهم وختها ومشااو كانو جايبين معاهم بريوات مالحين جوج طباسل كباار)
ياكما عيشة كتمووت شتها مݣالتلي واالو
ليلى: ههه صافي جوجت بنتها والدار غتسكن فيها بنتها
أمال: هااااااه وانا نݣوول تفووو كنت حاطة عيني على الدار التحتانية
هند: ههه تسمعك تحسابها بالصح
أمال: اوا التهمة فينا فينا اللهم نمرضو الواحد (بدات كتحط طباسل الزميتة وتمر والشباكية بريوات اللوز.. صواني اتاي كيسان العصير زلايف مشات للصالون ستفت كولشي فجوج طوابل تما غيكونو رجال والصالة ستفت جوج طبالي وعاد لبز حطاتلهم بقات 10 دقايق بداو يحطوو ويفرقو جاو لوخرين جابو حقهم من للي طيبو ودخلو جلسو جات مينة وبناتها اذن المغرب مشروب صياام دازت 10 دقايق وصوت رجال كيتسمع دخلو الصالون وهضرتهم كتسمع ليلى مقابلة لبز وكتفطر هنا وهنا أمال مقابلة للي خاصو شي حاجة كملو داك لفطور كولشي ناض كيدير يدو من دوك صغار وحلفو ليلى متعاون.. خرجو رجال يصليو ترااوح مشاو كيجمعو طباليهم وتكركبو لماااعن هند وأمال بقات كيتشاوفو حيت قبل لفطور غسلو بزاااف...خرجت أمال شافت فليلى باغية تبكي)
ليلى: (شافت فجيهان ونزهة للي شادين تيليفوناتهم حتى الطبلة مجمعوهاش) لبنات واش تخليو معاكم يتشركو مع لعشا
جيهان: اشمن ماعن
ليلى: ديال لفطوور الا مݣديتوش نوض انا نغسلهم
جيهان: (تكرهوو تشاوفو بيناتهم وناضو للكوزينة لقاو أمال وهند ردو الزميتة الشباكية للي متكلش تجمع فلكونجيلاتور) دايرة محامي عليك
أمال: لاا مدايرة حد وحتى وكان منغزتكمش ليلى كنت نجي نݣولها لكم بفمي.. ياله اهند راه كولشي تݣاد لكم (خرجت وتبعاتها هند مشاو جلسو وكولها فين كيهضر ولكن الموضووع الشااااغر هو عرس أمال وانوار...)
مرت عم أشرف: (كتشوف فداك لفطوور كانت صايبات داكشي رومي بقات غير كدور فعينها لا بطبوط لا ملاوي لا بغرير لا خبز لا طاجين غير باݣيط مقطع وداكشي الموالح وحتى لحلو... شافت بناتها وراجلها وبيناتها لاشرف للي كيعرض وهي بناتها هازين يديهم من غير عمو للي كياكل) لا غير بالصحة اوليدي هادشي كيوجعني فمعدتي
شيماء: نوض نوجد ليكم شي حاجة حيت بانلي حتى بناتك كتوجعهم المعدة ومكيقدوش على هاد الماكلة
وحدة فيهم: لا لا ما فينا معدة (زفرت) اوا معليييش
شيماء: (تشاوفو هي وأشرف) ها لماكلة قدااامكم الا بغيتو نوض نحرحر ليكم بيضات نووض
للي كانت غتزوجو: انا نوووض نديرهم لماما
شيماء: لا غير جلسي بلا متعذبي
...: ويلي على نعذب راه دارنا هادي (ناضت شيماء مشات للكوزينة مفقوسة على هاد لبلان جبدت بيض قلاتو ليهم حطاتو حدااهم وبقاو كيااكلو.. رجال مشاو للجامع يصليو بدأت شيماء كتجمع عاد شافتهم كيهزو من البريوات ولوخرا كتاكل من الكفتة ومطيشة )
شيماء: اوا هانتوما كتاكلو
مرت عمو: الا بغيتي هم مياكلوش يهزو يدهم
شيماء: لا بالصحة (خلات داكشي مجمعاتوش هزت تيليفونها وكتوكل بنتها صورت ليهم فيديو وخلاتو وفتيليفونها.. كملو رجعو اللور وناضت كتجمع وتغسل لمااعن كانت موجدة طجين شعلات عليه ونقصاات ومشات كتجمع الدار غير كتوصل حداهم كيسكتو...)
~~~~~~~~~
أمال: (كانت عياااانة) كنت ناوية نكمل لخياطة سااعة مبقيتش قادة نهز يدي
هند: تماارة اختي انا غنكمل رمضان فدااري
أمال: ههه هراابة تخليني بووحدي.. ݣوليلي تصالحتو نتي ووليد
هند: ماشي شي مصاالحة حيت مسمعتش منو مغتبقاش نكمي
أمال: اصافي نعلي الشيطان اصاحبتي واش ه.. (سكتو منين شافو مرت أنوار جرت كرسي وجلس حدااهم.. تبسمت معاها)
أمال2: غنولي ساكنة تحتك
أمال: (تبسمت معاها حيت من نهار جات وهوما ميحتارموها) مرحبا بيييك
أمال2: راني خايفة
هند: معندك مناش تخاافي كولشي ان شاء الله يدووز بيخير
أمال2: (فرنست) أنوار دار معايا يجي من الجامع ونهضرو بجوج
هند: مزيان باش تفاهمو وتواالفو
أمال2: كنحشم منو بزاااااف عمري يحسابلي غنتزوجو
هند: اوا سعداااتو بيك (أمال غير كتشوف معندهاش مع الهضرة المزوقة... بقات كتهضر معاهم باغية دير بلاصتها حيت غتولي وحدة منهم... حتى صونا تيليفونها بدات كترجف شافت فمها للي عطاتها الإذن عاد هبطت عندو)
شحال فعمرها
أمال: سمعت مها كتݣول عاد قفلت 18 عام
هند: اممم مزالة صغيرة هاد أنوار عندو زهر
أمال: عفاك متجبديهليش...
أنوار: (كان فالدار كيدووور وتفكيرو رجع عامر لامال أمال أمال وياريت وكانت كانت هاد سمية ديال مرتو لا أمال للي رجعت مرت عمو.. سمع دقان دار كانت مرتو مرتو للي مكتجمعو معاها حتى شوية ديال المشاعير تفكر أمال بغاها ظن انها كتلعب بيه لاحها خطب أمال وكان معجب بيها نوعا ماااا تزوج دعاء وبغاها فالتالي اما هادي بحالها بحال الباب للي دخلت منو ولكن من تجربتو باينة طاااايحة فيه.. نفض افكارو السوداااء وتبسم معاها مد يدو شااافها حشمت تسلم عليه)
هادشي باغي نسلم غير باليد
أمال: (دارت يديها بجوج على وجهها حشمااانة)
أنوار: ههه (بقا كيشوف فيها عارف بنات عائلتو حشوميات داخلين سوق راسهم.. ولكن ماشي بهاد الدرجة) اماااال (مجرد نطق رجع بذكرياتو اللور كأنه كيعاود نفس الحوار ولكن مع وجه اخر) متحشميييش مني (شد يديها هبطهم)
حنا مدوينا فوااالو تبغي نهضروو
أمال: (تبسمت) واااخا (كانت الدار مفرشة بفراش عادي جلست فوق سداري وهو جر كرسي ديال لميكة جلس عليه)
كيف بقات ليلى
أنوار: الحمد لله.. سميتها لولا ولا ليلا
أمال: ااااه وااخا
أنوار: نتي مزال صغيرة باش تربي بنت اخرى
أمال: لا معليش
أنوار: راه دوام هدا والتربية ماحدها كتكبر وهي كتولي واعرة
أمال: لهلا يحاشمنا
أنوار: (تبسم وشاف فوجهها بتمعن حتى وترها وحنات عينها ماشي خااايبة بلعكس مييلحة طبيبيزة شوية حنيكات عويناتها كووحل وابتسااامة كتجذبك تشوفي فيها)
زييينة مع رااسك
أمال: هههه (عاود دارت يدها على وجهها حشمانة)
أنوار: ههه... بون أمال العيشة غتكون مقسمة بين هنا وفرنسا حيت شريت دار تماك معرفت رزق ليلا يمكن تبغي تكمل قرايتها تماك يقدر...
أمال: فرنسا!!! (تخلعت) خالي ݣالنا غنعيشو هنا
أنوار: نتي غتزوجي بخالك ولا بيا!!! (حنات راسها) حنا نݣادو الدار هنا غنشووف صواالحي ونعرف واش ندير فالتجارة ومن بعد الواحد كيبغي يزيد يكبر راسو
أمال: نشالله...
أنوار: الدار غنبدى صليح ديالها من دابا شي يوماين باقي باغيين ديبو عرس
أمال: علاه نتا مبغيتش
أنوار: أمال انا ݣلت لراجل عمي ولعمتي مباغيش العرس ولكن مغنحرمكش نتي منو (حك على لحيتو) منين تكملي عرسك نروحك عندي هنا
أمال: متحضرش الع..
أنوار: (سمع ختها كتعيط عليها...) ختك كتعيط لك
أمال: (بتعلثم حيت بدات معاه الموضوع) ها اه واه واخا
أنوار: صافي حتى لمن بعد ونهضرو للي أساسي راه هضرنا فيييه (جبد جوا وعطاه ليها من توصيات باه) الا خصاتك شي حاجة ݣوليهالي... عندك تيليفون؟!!
أمال: واه هداك للي جبتلي فالخطبة
أنوار: (معارف والو شنو جابولها) عطيني نمرتك
أمال: محافضاهاش (جبدت التيليفون مداتولو قيد نمرتو صونا)
أنوار: علاه دايرة الصوولد ونتي مكتهضريش معايا
أمال: (بقات غير كترمش عينها)
أنوار: (بقا كيخرب فالتيليفون لقا عندها فايسبوك ديزانسطالاه خلا واتس واحد اللعبة) بلاتي نهضر معاك
أمال: (وجهها رجع حمر) واخ (شدات تيليفونها وقفت وخرجت بقا جاالس ساااهي حتى وقف وخرج لقاهم هبطو باش يمشيو جات عندو عمتو للي غير تعنق وتبوس فيه من ديما كان عزيز عندها بزااف... عاودلها الاصلاح للي غيدير فالدار وهي خبراتو بالي العرس تاني عيد الفطر.....)
زهير: (كانت 1 دخل من التجمع وليد مشا لدارو حيت هند كانت عيات ووصلها.. لقا أمال ناااعسة كتجخر بدل حوايجو وتكا حداها بدا كيفيق فيها وكيبوس ذراااعها حيت لابسة غير تيشورت وطلع ليها مع نعاس كيعضها عضيضات خفاف حتى فيها او بالأحرى صدعها) اموووووول
أمال: زوهيييير
زهير: تݣعدي بغيييتك
أمال: (مقدرتش تحل عينها) اممممم
زهير؛ درك نخوي على مك سطل دلما
أمال: (حلت عين وخلات عين مغووبشة) شنو ازهير
زهير: نوضي بغيتك
أمال: حشوومة عليك (بقات كتبكي بلا مقدمات) ݣدامي وجعوني نهار كامل وانا نخبط فالكوزينة قبل لفطور ومورااه والله مرتاحيت ولا صليت صلاتي
زهير: شششت ياو مالك هجمتي علية نتي وخنونتك
أمال: نتا للي هجمت علية وحيدتلي سروالي وانا عيااانة (كتمسح دموعها)
زهير: (بقا غير كيشوف فيها) رݣدي
أمال: (شخرت بمناخرها) بالصح!!
زهير: رݣدي بلاتي نجيبك متاكلي
أمال: والله ولدي وخليتو مسكين بالجووع ولعشا لدابا مصليتها (رجعت نعست بقا غير كيشوف فيها.. عرا رجيلاتها شاف ݣدامها قاسحين.. بقا كيماصيييهم غطاهم ومشا خرج من لبيت طافي الضو عليها... مشا لدارهم كانت مو ناااعسة طل عليها ورجع جلس فالصالة بوحدووو جبد تسبيح للي شراتلو بقا كيسبح حتى دخلت ليلى..)
ليلى: أمال ناعسة
زهير: واه راه فدارها عياات
ليلى: مسكينة شقا ورضاعة قااسحة
زهير: واه هي كترضع وشقا بزااف (شاف ليلى مشات للكوزينة كتوجد سحوور طل عليها) ختي ليلى کادي لامال شوي فطبسيل
ليلى: واه (ݣداتلها حقها وحطات فلو فصينية دخل لكبير وانوار فيقو الحاجة تسحروو)
زهير: خويا راه حنا كلکاو وقت نصليو على خاطرها ونستغفرو مولانا اوا وهادو راه بزاااف صلا ملحݣوهاش رمضان راه ديال العبااادة صلة الرحم مزيااانة ولكن ماشي يكون الدرك عليهم هوما وحنا نعبدوو على خاطرها ولݣاو كولشي واااجد
لكبير: (بقا غير كيشوف) اوا!!!
زهير: نتجمعو مرة فالسيمانة
لكبير: للي بانلكم انا ݣلت نبقاو مجموعين حيت أنا خاص نبقى مع ولادي وبغيتكم حتى نتوما
زهير: مرة عندهم مرة عندنا ومرة نتجمعو كاملين ولا امّا؟!!!
الحاجة: للي بانلكم اوليدااتي (لكبير بقا فيه الحال حيت هو فكر غير يجمع العائلة كاملة)
زهير: خويا حنا الحمد لله ديما مجموعين ولكن راه تابعهم حتى هوما يصليو شوي وسحور ديما هنا وانا ݣلت مرة نتجمعو ونتا مرة لهيه مرة هنا
لكبير: للي بانلكم
زهير: (وقف مابغاش يشوف نظرات خوه كيتحسر حيت فهم بالصح راه لوخرين للي واكلين الدم هو داك لبلاطو وخرج من حداااهم مشا عند امال لقاها جاااخرة وولدها كيرضع عرف راه وصلات ليها لعظم منين كترضع وهي ناعسة.. ولدو غير شافو طلق من رضاعة وكيمد يدو لباه.. ظحك معاه هزو من حداها وحطو بلاصتو داير ليه اللهاية.. فيقها بشوية بصعوبة باش بغات تنوض كلات.وهي شبه ناااعسة كان هو هاز ولدو كيلعب شافها بغات تمشي تنعس)
أمال.. روحي توضااي باش تكملي صلاتك
أمال: والله مݣدييت
زهير: بعدا الماكلة مخليتي وااالو (غوبشت حيت غيعطيها درس مشات دخلت الحمام توضات صحصحات خرجت لبست لباس ديال صلا فرشت صلايتها الغوز وبقات كتصلي وهي كتفوه... كملت لعشا وشافت فيه) نعس
زهير: بقات 5 دقايق على لفجر شربي لما ونصليو بجوج ونعسي
أمال: (جلست حداه كتنقب من داكشي للي بقا شربت لتر ما واخا عيا يفهمها للي شرباتو دابا غادي تبولو قبل حتى ميصبح صباح) لا راه كنعطش بزااف
زهير: على أساس نتي جمل كتخبي داك لما
أمال: (سمعت الله أكبر خطف ليها القرعة) غير جغمة
زهير: (حرك راسو بلا حولة حط القرعة بقا كيقرا الدعاء كمل الاذان ناضو صلاة بجوج مخليين ولدهم فبلاصتو كيشوف بلهاايتوو حتى نعس.. غير كملت صلا زولت العباية حطاها فوق كرسي ودخلت كتجري لطواليط )
والله ياو مك حتى تبقاي هاك حتى يصبح الحال (دخلت تنعس ودخل حداها....)
أشرف: (مغوبش) شيما غدا ديري خرينݣو ملاوي شي خبز مديريش داكشي ديالي انا ويااااك
شيماء: شفت عمك كلا ولكن واخا ندير للي بغيت
أشرف: مرت عمي وبناتو راه مكلاو والو واش مشفتيش نضتي تݣاديلهم لبيض (هي غير كتشوف) مرت عمي من نهار ماتت مّا وهي مهلية فية أول مرة يجيو عندي يبقاي بالجوع ميعجبنيش الحااال
شيماء: (حركت رأسها باه كتهدأ راسها)
أشرف: انا عارفااك نهار كامل ونتي تݣادي وتوجدي راه شفت كولشي ولكن عفااك ديري واش ݣلت ليك الا لݣيتي ديري شي ماكلة تقييلة
شيماء: واخا الا كانو ياكلووه نديرو
أشرف: (مكيلقاش معاها المشكل) غير على كيمشيو ورتاحي انا واش ما طيبتيلي
شيماء: (تبسمت) واخا راجلي لعزيز
أشرف: هه معجبنيش الحال مياكلو واالو مكنعرفش عليهم هكاك
شيماء: لا راه كلاو (شاف فيها مشات جابت تيليفونها وحطات قدامو لفيديو كيشوف مرت عمو وبناتها كياكلو ويخشيو فوجههم)
أشرف: فوكاش دشي؟!
شيماء: من مور ممشيت للجامع نتا وعمك
أشرف: (هز حاجبو يعني شيماء بالصح تغداو عليها فدار عمو ودابا كيتنفخو عليها فالدار حتى هضرت)
شيماء: غلطت وحاسبتني نتا وحاسبتني بابا وماما وخوتي وكولشي صافي حتى عيييت (تبسمت) وهزيت الراية.... ولكن حتى هادوو (بتنهيدة بقات كتشوف فلماااريو خلاتو غير كيدور عييينو وباينة معجبووش الحال)
كولشي يهوون ويفوت على قبلك نتا أشرف
أشرف: (شاف فيها)
شيماء: غير مصاب يدخلو سوق رااسهم انا مفهمتش الواحد علاش كيدخل بين جوج تشريلي خاتم زواج ولا متشريهليش ماشي شغلهم
أشرف: ياااااك!!!
شيماء: كيدخلو فشي حوايج لا حولة ولا قوه الا بالله العلي العظيم الله يهدي ما خلق.. حبيبة رتاح شوية...
اممم غدا ݣلتيلي ندير شي حاجة تقيلة ندير لحم بالبرقوق
أشرف: (بقا غير كيشوف واش هادي شيماء الأنانية!!) تكاي نتي احبيبة
شيماء: واجي تكى حدايا (تكا طفات الضو وتكات حداه غمضت عينها ناعسة بسلاااااام.... مخلية راسو كيدووور بحال شي صفارة ديال الكوكوووت....)
دازت أيام هند ووليد بقاو مع دار الحاجة مرة العراضة تكون بدار لكبير مع فدار عيشة ولا مينة مرة عند الحاجة أنوار رجع كيبغي يعمر وقتو بالمشرووع ديالو ومرة مرة كيهضر مع مريم كيبغي يعمر راسو بيها ويبغيها واخا زينها عااجبووو وعاد كتزيد تصيفطلو تصاور مرة مرة بشعرها عريااان ولابسة بيجامة مستورة...
أنوار: (كان داير معاها ابيل فيديو وحداه لولا بنتو للي مكيبغيش يفرضها عليها حيت ممجبوراش تربيها مكتافي براسو وبليلى والا غيبززها عليها بنتو للي غتاكلها وغتلقى معاملة خايبة فغيااابو....) فين عمتي
أمال: (دارت شعرها من مور ودنيها) راها لتحت مع حنان فالكوزينة
أنوار: غدا رواحي تفطري معانا غير نتي
أمال: ها!!!
أنوار: درك نݣولها لعمتي صباااح وتباتي
أمال: نبات؟! لا واااقلة ميبغييوش
أنوار: تباتي مع مّا مهم انا غدا نهضر مع عمتي...
(كملو هضرتهم حتى بدات ختها كتعيط ليها قطع معاها وهز بنتو للي كتلعب حداه وخرج مشاو لجنان لقا أمال جالسة حانية على البصلة الورقية كتزولها)
ليلا ياله نمشيو احبيبة حتى لمن بعد ورجعووو
أمال: (ضارت لقااتو تكرهت بقات كدور عينها)
أنوار: مكنتش عارفك هنا
أمال: عرفتني دابا ياله سير فحاالك
أنوار: (عض على شنافتوو) واخا أمال
أمال: مرت عمي.. (هز حواجبو بجوج) مرت عمي حسن باش تعرف انا وياك شنو جااامعنا
أنوار: (حرك راسو باه) واخا مرت عمي (تبسم بمراااارة ) صغيرة على هاد الكلمة
أمال: (ضارت بغات تكمل شغلها ولكن مكتيقش فيه وقفت دايرة يدها على خصرها بحال غداااابز واليد التانية فيها مووس)
أنوار: (هز يدو بجوووج بحال مستسلم) انا ماشي
أمال: (مشا عاد رتاحت ضارت كتشوف واش شي واحد شاافهم ولكن ويلا شاافهم شنو دارت ݣاع وعلاش هاد الخوف... رجعت كتكمل شغلها دازت خدات ربيع ومشات لدار الحاجة حطات داكشي وهزت ولدها ترضعو عاد تنوض تكمل شغلها....)
~~~~~~~~~~~~~
فتيحة: (هبلاتها مرت علي ومشدات منها لا حق لا باطل حتى بقات كطيب فطورها راااسها ولوخرا مقابلة التيليفون والمكياج ولخروووج... جا ولدها تشكاات خرجت ليها مروى كتغوت وتهلل عليها وتشرمل)
لا بقاااالك غير ضربيني
مروى: الا مقلتينيش عليييك نديييرها
فتيحة: الا سمييييتك مرا ديريها
علي: هنيييونا مااااا بعدي منها
فتيحة: انا للي نبعد راك توݣف مع سلݣووطة وتخلي مك
مروى: (معصبة حيت مقطووعة من لݣاروو لقات مووووس كانت فتيحة كتفصل دجاج هزااتو بقات تهد بيه على فتيحة علي دخل الوسط وبجهد مروى حسات بالموس تغرس فكرش علي... بصدمة كبييييرة شافت فيه وشاف هو فيها.. طلقت يدها من الموس للي بقا مخشي فيييه شهقت ودارت يدها كتندب حنوووكها) اويييييييييييللي
فتيحة: (مستوعلتش حتى ضارت وشافت ولدها وااقف ودمايات بدات كتشرشر من كرشووو وطيح فالارض للي كان زليج بيض) ولدي (بحرا كتنفس وكتجمع النفس وطلقت غوتة كبيرة) ولديييييييييييييييييييييي
مروى: (شافت داك الديكور ملقات غير شدااتها جرية وحدة هااااااربة مخلية فتيحة طاح ولدها وطاااحت تندب وتنتف شعرها وتغوت على الله يجي للي يعتق.....)
فتيحة: (كتغوت ربي للي خلقها وتندب وعلي دموعو هبطو من عيينو واش هادي هي النهاااااية تفكر شحال من حاجة داااارها خااااايبة تفكر بااااه للي كرهو من نهار...)
ولدي ااااادم عقت ولدييييييييي
ادم: (مصدوووم) عاد تبعو نبيل ونعيمة واحمد)
سمووووو طاااااري
نعيمة: (شهقت دارت يدها على فمها كيشوفو علي فالارض موس مغروووس فيييه ويدو على لموووس) متقيييش لموووس اولدي متحايدوووووش... (ظربت فظهر ادم للي مصدوووم) عيط على لومبيلونص تجي تحركووووو متبقاااوش وااقفين
احمد: (مصدوووم حتى رجليه بدااو يترعدووو ميمكنش خوووه مشا وحتى ولدو!!!!!)
فتيحة: (كتمرغ فالارض وخايفة يمووووت) عتقولي ولدييييييييييي واااااا عباد الله عت.... عتقووولي ولل ولدي...... (حتى سخفت مشات نعيمة كتفيق فيييها)
علي: (كح ولموووووت كيشووفها بين عينييييه) ممممم... مّا
احمد: (حنا عندو) متهضرش فولدي ها خووتك يجيو يديوك لصبيطار سمووو طراااا وشكون ضربك
علي: (عينييييه كيتشقلبو مباغيش يغمضهم خااااايف.... مرتاااعب يسدهم وتكووون اخر مرة يشوووف ضو سيدي ربي ااااخر مرة يشوف فيها ويحلهم فترااااب خااااايق يقاااابل مولاه وهو من غاااااااارق ذنوووووب... جا حنينووو للي فالطبقة التالتة هو ومرتو كولشي تخلع مفاهمين وااالو فتيحة مجبدة حداااه سخفااااانة وكانت ماشي سخفة عاادية... جا ادم ونبيل كيجريو موراهم جوج دراري هازين بياااص ولابسين لباس الوقايه المدنيه حطو لبياص هزوو علي وهو شاد فداك المووس... هبطوه بربعة دخلوه لومبيلونص عاد بدات الاسعافات الاوليه كيحاولو يوقفو النزيف دارولو الاكسيجين وزادت الاومبيلونص بطلب من ادم للي ركب معاهم لمصحة خاااصة ماشي مستشفى عموومي... دخلوه ليرجوونص وبقا كولشي برا للي لحقوق بطموبيل اما فتيحة داوها بالطموبيل حتى هي دخلووها...)
نعيمة: لا حولة ولا قوه الا بالله العلي العظيم يا ربي كوووون معانا فهاد نهار المبارك
احمد: (مصدوووم) اميييين
نعيمة: مرتو مبانتليش
احمد: (شكون سوق ليها فديك اللحظة حتى جاتو فكرة) ياكما ضربها وضرب راسو ياكما بقات فالدار
نعيمة: (صونات على مرت ولدها سناء للي بقات تماك مع ولدها) بنتي عفاك هبطي قلبي دار عمك شوفي مروى واش كاينة
سناء: واخا (هبطت مخلية الاتصال مزال قلبت الدار كووولها) لا خالتي مكيناش
نعيمة: صافي ابنتي تكون فاطرة اليوم مع دارهم .. طلعي للدار وسدي عليك نتي ومصطفى لباب غير ياذن فطري ابنتي
سناء: منين يدوز اخالتي
نعيمة: يدوز ابنتي يدوووز... ياله بسلامة (قطعت شافت راجلها عيط على محمد قالهاااالو) درك يتخلع فطريق وكان ݣلتلو اجي بغيتك ولا يجي كيطير وطريق
احمد: تلفت وهاكا باش يجي
نعيمة: مسيكين يجي مخلوووع يا ربي لهلا تقدرها علينا....
محمد: (تلف كان خدااام غير جاه كان جاه التيليفون خرج بلا عقل ركب فطموبيلتو صونا على مريم باش يقولهالها ومبغاش يديييها معاه واخا اصرت وألحت عليه متخليهش بوووحدو... صونا على زهير قالهاالو)
زهير: انا نمشي معاك جيب مرتك لدار ختك وانا نمشي معاك
محمد: لا خويا غير خليك
زهير: صافي ابن عمي هضرنا جيب مرتك هنا وانا نكون نساااينك (قطع كان كيلبس باش يمشي لخدمتو صونا على وليد للي كان ياله باه قطع معاه قالهااالو مقدرش يمشي حيت هند ماشي فحاالة للي يخليها ويمشي خصوصا رجعت عاطياها لبكا والشهية دلماكلة مكيناااش... )
انا نمشي معاه نتا حضي واش يخص مالين الدار شي حاجة
وليد: انا نجيب هند حدااهم ولكن من هنا داك ولد خوك ميبقاش داخل خارج عليييهم
زهير: صافي اصاحبي واش انا درك فأنوار... (قطع كيشوف كيدير يقولها لامال لقاها فالكوزينة) امووووول رواحي معايا
أمال: دابا؟!!
زهير: نݣولك شي حاجة
(حطت شنو كان فيها غسلت يدها مسحاتها فوطة وتبعاااتو لبيت نعاس سد لباب وهي مستغربة)
غنݣولك شي حاجة ولكن
أمال: احاااااي (مخلوعة) شنو واقع
زهير: خوك
أمال: (بانفعال) محمد؟؟! ماااات؟!
زهير: استغفر الله العظيم لا خوك علي لقاوه فالدار مضروب بموس فكرشو
أمال: اااااه (ببرود) ومات؟!
زهير: (بقا كيشوف فيها هو وكانت عندو ردة فعل) واخا يكون بنادم غاالط فحقنا منتمناوش ليه الموت
أمال: متمنيت ليه والو اصلا دايرااه بحال مكاااينش واش مات؟!! وشكون ضربو
زهير: معرفتش انا غنمشي ونشووف
أمال: زهير انا هداك خويا ولكن راه شفت معاه الموت كل نهار حاجة للي نݣول الا مات الله يرحمو ويغفر ليه ويسامحو والا مريض الله يشافيه ولكن باش نسمح ونسى لا براكة غير كندعي بالخير
زهير: (حرك راسو باه) مهم انا غنمشي
أمال: علاش نتا غتمشي
زهير: غنمشي مع خوك محمد للي غيصوݣ بلا عقل
أمال: مسكين محمد غير مجروور معاهم
زهير: واخا هكاك احبيبة كما ݣلتي دعي بالخير وصافي
أمال: (حركت راسها احساسها بخوها علي جاااامد مكاينش احساس كتعتتبرو بحالو بحال حجرة...) ياك غير توصلو وتجي
زهير: خايفة عليك
أمال: بزاااف راك نتا هو كولشي
زهير: (تبسم معندكش شعرها) الألووو بيناتنا انا مشيت (جات عنقااتو عاد طلقت منو خرجو بجووج مشا عند الحاجة قالهالها باس راسها باس ولدو وخرج) تبغي تخرجي عند محمد
أمال: (شافت فيه كترمش عينها)
زهير: صافي غير بقااااي راه مرتو غتجي هي وولادهاوباش ميتكرفسووش عرضييلها فدروووج لبسي عاد هودي
أمال: واااخ... (مشا لبست لبينوار لوات شال هبطت كتسنى حتى بانتلها مريم هازة لولد وبنت كتمشى ومعذبة بالصاك لكبير مشات سلمت عليها بحراااارة مهضرووش حتى فموضوع علي طلعات وجات الحاجة متجر فرجليها كتوااسيهم دخلتها أمال تنعس حيت دايخة بدوا دخلو للكوزينة...)
مروى: (كانت كترجف وتبكي دمووو مزال يابس فيدها عاودت لباااها شنو وقع) غيمووووت وغندخل الحبس
اب مروى: (ببرود) واش كنتي باغية تقتليه
مروى: لا بابا والله مكانت نيتي نقتلو كنت غير بغيت نهد عليهم باش مو تسكت من نݣير
اب مروى: اوا صافي لله مخلووعة ياك ربي عارف نيتك
مروى: بابا راه غيكون مات
اب مروى: للي علية نديرو عزااا مداايرش... راه نسيبي
مروى: (كتبكي) وانا ندخل الحبس
اب مروى: الحبس!!! (كيعمر فصودوكو) نساااي هاد الكلمة سيري دوشي
مروى: واش غتعتقني ابابا... مبغيتوش يمووت
اب مروى؛ نشوفو ضربة بنتي كداايرة (بهدووووء واعصاب فالثلاجة مشا لبس حوايجو لقاها مزالة كترعد وهو يغوت بحدة) طلعي دوشييي
مروى: (زادت خاااافت طلعت كتجري... دخلت دوش وهي كتبكي والمنظر كيتعاود فخياالها ممتيقاش انها رجعت قتااالة....)
~~~~~~~~~~~~
وليد: (خرج هو وهند للي حتى هوما كان خبر عادي تمتاز الشفاء ولكن بحال كيتمنااوه لشخص مكيعرفووهش.... خداها لدار الحاجة)
هانتي هنا انا غنمشي للخدمة
هند: اوكي
وليد: نتي خاصني نحمل مك باش تلهاااي شوية
هند: ههه سير سير فحاالك حتى تكون نتا للي تتحمل وتتولد
وليد: وراه حتى انا كنحمل غير نتي من كرشك وانا من
هند: شووشوووشووت عفاك سييير
وليد: ههههه مݣلت واالو... ياله سيري طلعي (طلعت ياله ماشي كيبانلو أنوار جاي قاصد الدار جمع الابتساامة)
ݣالك زهير راه ساافر
أنوار: واه كيف بقا ولد عمك
وليد: اهم حاجة ݣالك معندك لاش طلع راه غير نسا للي مجموعين لفوݣ
أنوار: اممم اما كنت باغي نمشي غير للدار... داري حيت كنصلحها
وليد: (ببرود) انا هاضر على دار الحاجة للي فيها مرت عمك ونسا
أنوار: (حك راسو حانيه) لا متخااافش مغنمشيش لتم
وليد: مخااايفش للي خاصو يخاااف هو للي كيدير علاش.... (مشا وخلاه خلا أنوار كيدورها فرااسو هو بلاش كاااره راسو على تصرفااتو مع أمال... رجع لدارهم كيعرج وبقا تماك حيت خوتو كولشي خارج ومكانش للي يوصلو للمدينة .. تفكر طموبيلتو للي خلاها عند صاااحبو كفاش نسا قضيتها عام باش رجع كفاش نسا راه عندو طمووبيل خاصو يعرف كفاش يبقى يصوووݣ حيت مختصوش يبقى على هاد الحاالة....)
شيماء: (فاقت نشيطة مخلية أشرف فحيرة كيشوفهم كيتعاملو معاها غير حبيبتي حبيبتي ولكن داكشي دلبارح متنساااش ومهضرتش من فراغ كان دليل قدااامو.. هز عمو باش ميخليهش فالدار قنطان داه معاه للخدمة بقاو هوما فالدار اول حاجة دارت شيماء مشات لبيتها طرقاتو بالساروت)
مرت العم؛ خايفانا نشفروووك
شيماء: مݣلت والو (شافت لبنات عاد ناضو... مشات للكوزينة ردت لحريرة عجنت بطبوط وملاوي ودارت بغرير صايبات بسيطلات دجاج باللوز وكولشي من يوتيوب هوما غير كيشمشمو ويتشهااو عيااات بزاااف قرب المغرب حطات فوق الطبلة مستفة كولشي دخلو رجال حتى صلاو المغرب... أشرف شاف الطبلة عجبو الحال منوعة جلسو كياكلو والهضرة هنا وهنا ونفس الديكور دلبارح)
أشرف: لبارح معجبكمش داكشي البلدي ولكن هادشي كنعرفكم كتاكلوووه ياك امرت عمي
مرت العم: (ظحكت) يييه اوليدي زيدو ابناتي كولو هي راك عارفهم مربيات حتى نزيدهم عاد ياكلو
شيماء: ههه مالهم نعاج.. الماكلة متحطت حتى كولشي يدير يدو (اشرف هز حواجبو بجوج بإشارة سكتي.. تبسمت) مرحبا بيكم (حطات لاشرف البسطيلة وحطات لبنتها كتنقب وتلعب وهي كتاكل)
عارفاكم معندكمش مع هاد تخربيق (كتشوفهم بنص عين كيضؤبو لملاوي وهي واخا مقدرتش كلات دوك لبسيطلات كاملين مخلية فتات دجاج والوز والورقة فالطبسيل...)
~~~~~~~~~~~~~~~
محمد: (وصلو وهو على أعصابو مو كان عارفها ممريضاش بالسكر كفاش داابا لقاوها دخلت بنوبة سكر وغير عتقووها.. وصلو المصحة دخل محمد كيجري زهير حتى باركا الطموبيل عاد دخل كيقلب حتى شاف العائلة مجموعة مشا سلم على ادم وعلى باه وعلى نعيمة هادو للي كيعرف علي خبر موتو مكيناش اذا راه حي.. شاف واحد داخل طول وعرض.. مشا قصد محمد)
اب مروى: كيف راه علي
محمد: عاد وصلت حتى يانا
احمد: فين بنتك ݣلبنا عليها مالݣيناها
اب مروى: كانت فاطرة عندي سمعت حتى هي غير من لبراني وسخفت... منستاهلوش نعرفو حالة نسيبنا اسي احمد
زهير: (معارفوش بزناااس غير كيشوف)
احمد: تهولنا من داك المنظر وحتى مرت خويا طاحت كوما سكر
اب مروى: الله يشفيها ويشافي حتى نسيبنا
محمد: (واقف على أعصابو ممسوقش لهاد الحوار ولا هاد بنادم للي كيهضر مشا عند طبيب للبيرو ديالو شرحلو حالة مو للي خااايبة وتصدمت صدمة للي ممكن يوقعلها شي حاجة خايبة.... زاد تأزم كتر جاو البوليس باغيين يعرفو شنو واقع حيت الهضرة تسمعت ووصلت ليهم والهم رجال الاسعاف... خداو الاقوال ديال للي شافو فالاول وبلغ الوقاية المدنية...)
احمد: (خدا مرتو للي حس بيها سخفت وللاذان ديال المغرب أذن عيا فزهير للي مجاتش يمشي ويخليهم.. نعيمة صيفطات مع ادم فطور خفيف ليهم... كملت العملية وطبيل خبرهم قطعولو من المصران لي مضرووب ونزف بزااف والحالة حتى تفوق 24 ساعة عاد يعرفو واش اعضاء الجسم غيخدمو طبيعي ولا لا....)
زهير: (فهم من هضرتهم للي كان لايح سطولاتو كيسمعهم شنو كيقولو عرف باين لبنت بزناااس وهوما كيقولو شافو لبنت وسمعت غواتها قبل ميتضرب ادم بدا كيحلل ويناققش غير بووحدو حتى عيطلو محمد باش يمشيو للدار يرتاحو حيت علي كومة ومغيفيقش... ) واااخ (صونا على أمال مجاوباتش صونا على مو) امّا
الحاجة: أمدرا اوليدي كيف بقا داك الولد
زهير: موحال واش يعيش (ضار محمد عندو) هادشي للي ݣال طبيب
محمد: ههه خليني غير نبعد (ضار مأزم خوه غيبقى خووه واخا يطرا للي يطرا...)
زهير: (عض على لسانو) فين ديك الطفلة؟؟!
الحاجة: راهم يجمعو.. فوكاش تجي اولدي
زهير: غير شوية ونجي
الحاجة: ولدي تجي صايݣ فالليل خلي بعدا حتى لصباح
زهير: لا.. نبات فداري (كمل جموع معاها رجعو للدار... مبغاش يدخل لدار فتيحة طلعو لفوق لدار وليد.. وحطات ليه نعييمة يعتقو زهير محسش كلا حتى شبع.. محمد مكلاش خوت وليد حتى هوما اما باهم لداخل متكي مقادش يستوعب...
وقف زهير)
محمد: فين؟!
زهير: روح للدار اخويا تابعنا صوااالح غدا بكري وغير تكون شي حاجة عيطوولي
محمد: رتاح غير لصباح
زهير: معليش روووح
نعيمة؛ ولدي يعطيك ستر جلس غير غدا صباح وسير
زهير: معليش اخالتي نمشي (كيلبس سبردتيلتو وقفو دراري خرجو معه من غير نبيل للي كيكرهووو) السلام عليكم ... (خرج تبعو محمد وادم ركب داوه تاكسيات وجدة كانو بلايص ركب ومشا..)
ادم: متكونش مرتو للي ضربااتو راه من نهار اللول بانتلي فشكل
محمد: (زفر) بحال واالو
ادم: اوا
محمد: اوا باها راك عاارفو وهوما نهار اللول عرفو معامن تناسبو وحطو ليد
ادم: ݣلتها فاللول اخويا وداك خوك مكان يسمع من حد..
محمد: سلااااااااك... (مشاو للدار عقلو مع مو للي بقات فصبيطار مقدرش يبقى جالس.. هز طموبيلتو ورجع مو مزال هي هي خوه حتى هو كوما..
بقا جاالس هضر مع مريم شاف ولادو ظحك شوية... حتى كتبانلو مروى جاية هي وبااها وشي واحد معاهم داير بحال شي حيط... وقفو عليه)
مروى: كيف بقا علي؟!!
محمد: فين كنتي امروى؟! نورمال راجلك فلموت وباك سمع سمو وقع ونتي عاد جاية (شاف داك للي بحال لحيط بغا يجي ووقفو اب مروى بإشارة)
ݣاردكور!!!! جايين تهجمو على للي بقا من نهار اد الفاميلة
اب مروى: ماشي هضرة هادي اسيمحمد
مروى: (كتبكي) دابا ݣولي غير كيف بقا علي
محمد: غير سيري راه مزال ممات نهار تسمعي خبرووو رواحي تعزي
مروى: ماشي انا امحمد للي ضربتو انا اصلا مكنتش فالدار
اب مروى: محمد عارفينك منيرڤي دابا ولكن باش تاهم بنتي باطل عييب....
محمد: عييب!!! (جلس كيشوف قدامو داير رجل على رجل ودماغو خدام واش خاصو يأثر لخووه واش غيدير عادة الدم بالدم!!!
ووولادو ومريم؟!!! لمن غيبقاو وشكون يكون بيهم؟!! لوخرين كيهضرو وهو غير سااااهي كيقرر مصييرو واش يتبع العادات والتقاليد ولا يطنش ويعيش حيااتو طبيعي ويعيش لولادو...
بضجر...)
وي!!!!
اب مروى: (جلس حداه) خوك دابا يكون بخييير
محمد: وللي ضربو؟!
مروى: (خااافت) راه غير بالغلط (بقات كتبكي) مكنتش عوالة نضربو
اب مروى: مروى!!! بنتي سيري للطموبيل حماد سير معاها
محمد: حماد يمشي معاها!! راه مرت الراجل واخا مزال ممات راها مزال فعنݣو
مروى: (بقات كتشوف فيه هاد الخصلة مكيناش فعلي هاد الرجل الغيور الحمش)
انا غنبقى هنا ابابا....
اب مروى: (وقف) 2 الناس كانو تم مك وبنتي فاريوها بيناتكم وخلي صداااعكم عندكم سمعتي منبغيهاش تقااااس والا تقااااست منبغيش نوري الوجه لاخر (مشا تبعو الݣاردكور...)
مروى: والله مكانت فنيتي نق(دار إشارة بيدو باش تسكت مكيشوفش فيها) محمد
محمد: عارف باك واصل
مروى: اه ومناويش على خير نتا عارف ميخلينيش ندخل الحبس والبوليس ضروري غيبغيو يلسقوها فشي حد
محمد: حد للي هو مي
مروى: اه
محمد: شغلهم هوما للي ختارووك
مروى: (بقا فيها الحال) علاش كتعامل خايب معايا واش نتا عارفني كيف دايرة انا
محمد: مباغيش نعرف
مروى: (بقات كتشوف فيه زويين الطولة التجريدة ملامحو لكوحل الحرشين هيبتتو منين كيكون...) ليام للي غتوريك شكون انا.. حم كيف بقات ماما فتيحة
محمد: (ساكت مكيهضرش حيت ديما كيسمع مو وهي كيتغاوتو وشي مرات كيخسرو الهضرة يعني لا هي لا مو ساهلين.. مو باغياها على حساب فلوسها وهي مفهمش لاش تزوجت بيهم.. ناض مشا لمكتب طبيب دخلت معاه سول على الحالة ديال خوه ومو خرج بغا يمشي فحالو شافها بحال ظلها تابعااه ضار عندها) سيري لداركم
مروى: غنمشي نبات فداري
محمد: وسيري لدااركم واش غتبات معايا وحدي
مروى: حنا عائلة
محمد: سير ت(شد لسانو مشا وقف تاكسي حل لباب) زيدي تركبي
مروى: (تبسمت) واخا غدا نتشاوفو هنا (ركبت مشا هو لطموبيلتو ركب ومشا للدار...)
أصبحنا وأصبح الملك لله...
أمال: (فاقت من نعاسها كان زهير مزال ناعس وحتى ولدها مشات لبيت للي كتخيط فيه فينات العباياات وخصوصا عباية زهير للي قداتلهالوو جات جابتهالو بقات كتفيقو.. بابتسامة عريضة)
شوووف شنو ݣادييتلك
زهير: (داااااايخ بنعاس كيشوف منها جوج) زيييين
امال: غير زوين صافي
زهير: يا ر** مفيقاني من نعاس باش نبدا نشعر عليك
أمال: (كمشت ديك العباية كتشوف فيه مقلقة) صافي غير نعس
زهير: طفي الضو (رجع نعس... طفات الضو كتنݣر هزت شنو خيطات كولشي ومشات لدار الحاجة لقات مريم فاقت وراتها شنو صيبات واخا زهير قمعها عطات للحاجة ديالها جاتها قيااس جمعت ديال هند ووليد للي حدداتهم حطات ديال زهير فالصالون وبقات هي ومريم كيجمعو الدنيا وكيجمعو... حتى دخلو للكوزينة يقادو الفطور دخلت الحاجة عندهم)
الحاجة: بنتي امال..
أمال: نعام امّا
الحاجة: مرت أنوار جايبها تفطر
أمال: مزيان فدارهم؟!!!
الحاجة: ݣالي انا بغيتها تجي عندكم نتوما زعما حنا
امال: (الدرس للي عطاتها هند ميتنساش) واه مرحبا بيهم... (بقات كدور عينها والغل فصدرها..)
~~~~~~~~~~~~~
هند: وليد بغيت نمشي لفاس
وليد: خلي احبيبتي حتى لربعين
هند: توحشت مي لالة بغيت نمشي لقبرها عفاك غير يوماين
وليد: (بقا كيشوف فيها) واخا حبيبتي شي يوماين ونمشيو
هند: الا كانو هادوك تماك منمشيوش
وليد: راه دارك هاديك
هند: وليد شنو بانلك نسكنو فيها
وليد: (تبسم) لا
هند: علاش لا
وليد: داري وخدمتي هنا
هند: مستقبلا
وليد: لا اهند
هند: اصلا مزال منهضرو فهادشي
وليد: وعمرنا نهضرو فيها تبغي دوزي فاكونص تماك مرحبا السكنة عندنا هنا....
بنات كما عرفتو عندي مناسبة عائلية وانا تنعاون فيها فوقما لقيت وقت غنكتب ليكم على منمشي لداري ونحط الاجزاء النهائية
أمال: (صايبات فطور زوين جات ليلى ضورات لحريرة عاد لحقت هند جايبة معاها ميني بيتزات وعصير الحامض وتحلية المهلبية فكويسات صغار...) مالكي؟!
هند: واالو غير مع وليد
أمال: مبغاكش تمشي لفاس
هند: قلتلو نسكنو فاس ومبغاش (شافت فيها) اصلا منوياش نسكن تماك ولكن غير يقولي اه عارف نفسيتي مزبلة
أمال: اوااه اهند والله مسكين الا راه دايرلك تاامسومانتك
هند: شهاد تاموناسمت
أمال: (بجقت فيها) ݣاورية نتي زعما
هند: ههه والله ما فهمت
أمال: دايرلك فوق جهدو
هند: (تنهدت) حيت ماشي فار للي ماتلي راه مي لالة هاديك اختي أمال حتى انا وكان الله يستر يوقعلو شنو وقعلي ندير كتر من كتر من جهدي... (بداو كيحطو الطابلة ويقادوها وكانت طبلة وحدة مجموعين فيها... جا زهير للدار باينة مبوق بنعاس ومقطووووع بغات تنفخ عليه أمال لقاتو هكاك طمرت حتى يكمي الݣارو اللول..)
الحاجة: بنتي هضرتي مع خوك تسولي فيهم
أمال: لا
الحاجة: اوا خضري ابنيتي واخا يكون هوما شينين معاك نتي كوني بعقلك
أمال: حم وااااه..
زهير: مّا خليها دير واش بغات ربي كما آمرنا بصلة الرحم متقطعش نهانا حتى على النفاق
الحاجة: اسكت كتزيد تكحل ليها ݣلبها عليهم
زهير: ݣلبها ماشي كحل هوما للي ݣلبهم كحل عليها والا نتوما نسيتو واش دوزو عليها انا منساااش..
درت الواجب الله يجعل البراكة ولكن باش تݣولها تصوني لا
الحاجة: بقا فيها الحال وحتى أمال شافتو بااالغ فردة الفعل ديالو حيت عمرو شافتو تغاوت مع مو
زهير: (خرج ورجع شاف فامال محمر عينو) عمرك تسولي فداك علي
أمال: ماااا.. اصلا مكنتش نسول فيه انا (شافت أنوار دخل)
زهير: نعرفك سولتي فيه غنتفاعم مع *** ونخرج فيك
الحاجة: (طرطقت عينها) استغفر الله خرج خرج
زهير: وهاني هضرت (داز فأنوار للي واقف وهبط.. مكرهتش يكمي ينسي دماااغو غير فشنو سمع ومتأكد انه مسمعش بزاااااف.....)
أمال: (مرضاااتش بغات تموووت وأكترية قدام أنوار لبكية وحلات ليها فحلقها وعينيها تضببو مشات للكوزينة وتبعاتها هند) شتي شتي (كتبكي) شتي كشوهني
هند: متديش عليه راه حتى الحاجة ضار فيها
أمال: (وقفت غسلت وجهها مشات تشوف الحاجة لقات أنوار كيظحكها رجعت للكوزينة كتجمع لمعان وتخبط فيهم هند خرجت حدا الحاجة)
أنوار: انا نمشي نجييب أمال امّا باش منعطلوش عليكم (دخل وليد جايب معاه مروان وغيثة) خاي وليد كيف بقا ولد عمك
وليد: لباس (معطاهش وقت ومشا جلس حداهم خرج أنوار تمشى على رجلو حيت الدار مبعيداش بزااف) هند غيثة بغات ترضع
هند: (هزاتها هند ودخلت البيت أمال بلفقسة هبطت على كاس دلما شرباتو عاد عااقت راه مزال مأذن المغرب.. ندبت ونقزت وجلست تبكي على نهارها للي ضيعااتو فااخر نص ساعة....)
محمد: (بقا غير وااقف كيشوف خوه دخل كومة ومو مصدووومة غير حالة عينها مكترمشش خصوصا منين لبوليس داخلين خارجين عليها وفعموهم انها هي المتهم الرئيسي...
شاف فمروى) كولشي من بااك
مروى: وتبغيني ندخل الحبس
محمد: ودخل مي؟!
مروى: هي فاش فاقت صباح ݣالتلهم انا علاش متݣولش شي حد دخل يشفر
محمد: الكاميرا شاداااك
مروى: (تبسمت) الكاميرا للي خسرت.. بابا ميفرطش فية
محمد: (ساهلة يشدها يقتلها عصى ولكن ولادو بين عينووو ورابطين ليه يديه.. جا بغا يخرج شداتلوو ذراعو طلع معاها بتصرفيقة حتى ضارت شدت فحنكها ووقفت تشد لبوديݣارد للي خلا باها يحميها حيت عارف غتكون شي ردة فعل)
مروى: صافي (بأمر) سيييير
محمد: سكتااااتك ارويييجل رواااح والله يااا مك حتى نعصرك
مروى: سييييييير (شافت يدها لقات الدم باينة رعفها من نيفها) دقتك قاااسحة اصاااحبي
محمد: (بقا كيشوف فوقاااحتها دخل لشومبر عند مو للي خاف عليها من الموت وخصوصا حالتها لا تبشر بالخير... دخلت مروى)
مروى: خالتي علاش دابا بغيتو تكبرو الموضـــ...(دفعها بكل جهدو وسد لباب سمعها غوتات حل لباب لقاها شادة فكرشها جات عندها فرملية وهو غير كيشوووف مع وقفتها بالسيف شاف شي بقع ديال الدم فسروالها لبيج من اللور.. طرطق عينو داوها من تماك من بعد مسخفت دخل حدا مو للي متحركتش وغير كتشوف)
محمد: شتي روينة للي دخلتو عندنا واحد بغات تصيفطو لقبر ونتي بغات تصيفطك الحبس... طمع كيقضي عليه غير الكذاااب... (جر كرسي صونات عليه مريم للي هزت ولادها وجات فكورسة ميمكنش تخليه فهاد الظروووف خرج متقل هز طموبيلتو وهو يسمع الاذان جاب مرتو داها للدار)
مريم: (حطو لوليدلات للي نعسو ومشات عنقااتو) كيف بقات خالتي
محمد: مشاااكيل امريم (هبطت نعيمة عندهم)
نعيمة: ولدي شحال قلبنا عليك مريم (سلمت عليها) طلعو تفطرووو
محمد؛ مافياااش امرت عمي
نعيمة: دخلنا عليك بالله اولدي الا متنوض نتا ومرتك تفطروو واش بغيتو تقتلو راااسكم.. فتيحة راه جات ختها داتلها لفطور زيد اولدي بنتي زيدي نتي شادة طريق صايمة ومزال ترضعي (مشات هزات لبنت مريم هزات لولد كيجرو محمد طلعو جلسو مع العائلة والإنتباه على محمد باش يوكلوه صحة....)
أمال: (مكتشوفش فوجه زهير للي باغي ياكل يكسر صيام ويمشي يشعل ݣارو..) مّا كولي مكليتي واالو
زهير: (هز راسو فامال للي شقلبت عينها وضورااتهم شاف فمو للي حتى هي قلبت وجهها) غير طرحو عينكم علية
وليد: سمو طاري؟!
زهير: منين ميتجمعو عليك لعيالات غير هز الراااية
هند: وباااز نتا للي دايرها قد رااسك
زهير: ياك اشنييولة كتعجبيني بعدا ديما داخلة بخيط خضر
هند: هههه
أنوار: ههه واش صاري؟!
زهير: والو والو.. مرحبا بلالة أمال
أمال: هههه شكرا اخاالي
زهير: مهلي فيك أنوار شوي
أمال: (شافت فيه والقلوبة خارجين من عينيها وبصوت خافت وحشمانة) مهلي
أنوار: علاش أمال عندي رخييسة (وليد وهند تشاوفو اما أمال دارت راسها مسمعات واالو كتمد الحاجة باش تاكل... ناض زهير طلع لسطح)
أمال: (تبعاتو حتى مشا بقا فيها الحال مجاش حتى رغبها... كملو الماكلة ناضت أمال كتجمع الطبلة عاوناتها أمال عيات تمنعها متغسلش لماعن ولكن اصرات هند هزت بنتها وولد أمال دخلاهم لبيت توكلهم... جات أمال هازة باي باي باش تشطب الزربية وليد خرج وانوار مزال مجمع تماك مقدرتش تحني دوز على الزربية...) مّا تنوضي تصلي (شاف فيه كان جالس على راااحتو مباعد رجليه ونفس الشوفة ديال نهار فاش عرفاااتو) حم مّا
الحاجة: (هي كان رجع زهير رغبها وعتاذر باش متقلقش منو..) مدي يدك ابنتي نوض (ناضت) نتا تمشي للجامع
أنوار: غنصلي فالدار امّا
الحاجة: واخ اوليييدي اااح اركااابي (مشاات بشوية أمال بقات واقفة وانوار محايدش عينو)
أمال: بغيت نشطب
أنوار: مكنتش عارفك حادݣة هاكا ضعت فيك...
أمال: (دارت راسها مسمعات واالو)
أنوار: نتي خاص تعيشي أميرة
أمال: وهاد اميرة كنت غنعيشها مع واحد بحالك ههه نوض تݣعد من تم نكمل شغلي
أنوار: (تبسم كتعجبو عصبيتها عليه.. وقف بحال جاي قاصدها مخرجة عينها جر بانطوفتو حدا رجليها بعد اللور لبسها وهو كيشوف فيها...)
وياااا جدك شحال زيانيييتي....
أمال: (غير قال هكاك دخلت للكوزينة خايفة غير يجي شي واحد ويسمعهم لقات أمال لوخرا كتغسل لماعن وكدندن حتى دخل هو نيت متبسم خرجت مشات كتشطب الزربية وقلبها وااجعها على زهير وخايفة من تهور أنوار... كتشطب حتى وقفو عليها رجلين هزت عينها بشوية)
ممشيتش تصلي
زهير: رواحي نهضر معاك
أمال: (حنات راسها كتشطب) لا
زهير: (قرد عندها) مال جدك على هاد لا... (كيشوف فيها) فين يوسف
أمال: معرفت
زهير: وصاااافي الا غوت عليك غوت على صوااالحك
أمال: اشمن صواالح علاه مالي أنا شنو درت اصلا نتا عارفني مكنهصر لا معاه هو لا مع ماما
زهير: مك هضري معاها سولي فيها داك بنادم منحملكش شي نهار تذكرييييه
أمال: (حنات راسها بقا فيها الحال) بعدني
زهير: واش نبعد يااا جدك ربطتيني ربطة شييينة (ميقت فيه) نوضي نهضرو لفوݣ
أمال: (وقفت) متهضر معايا منهضر معاك
زهير: ياااك.. ياله نخرجك تشري حوايج العيد نتي ومروان (سكتت كيجيها فنقطة ضعفها) لبسي وياله نمشيو
أمال: واخا نخرج معاك راه منسيتش شنو درتي معايا
زهير: للي يغضب يغضب حتى على شراوط
أمال: صافي بناقص
زهير: ههه زيدي وكاان (جارها لبيت وهي كتعكسلو حتى هزها وهي كتحيح دخلو لبيت وسد لباب كان انوار كيطل من لكوزينة...)
أنوار: (مع يدو لباب غوووبش تكره ومعرفش علاش تكره.. عرف ولكن مابغاش يعتاارف.. لوخرا كملت وجمعت الدنيا مزيااان وجففت الكوزينة) مشينا
أمال2: فين؟!
أنوار: نوصلك لداركم
أمال2: بالصح؟! زعمااا
أنوار: مزال باغية تجلسي هنا
أمال2: حم راه مبقى والو لعرسنا
أنوار: أمال مبغيت ندير والو حتى نديرو العرس هدا شرط مك وباااك
أمال2: (حشمت) لا لا ماشي هكاك اوييييلي
أنوار: متݣوليش اويلي ݣولي احااي
أمال2: هههه (حشمت حانية راسها) واش كملتي الدار
أنوار: واه غدا يجي الفراش
امال2؛ كنت باغية نختار معاك
انوار؛ انا درتو ليك مفاجئة
امال2: اممم...🥰 وووو واش درتي فخدمتك
أنوار: مزال مبااان (مكيشاركش معاها كولشي..) نمشيو باش ميمشيش الحال
أمال2: واخا نسلم عليهم ونمشيو
أنوار: راه مرت زهير فبيتها والحاجة تلݣااايها فالصالون.. (مشات للصالون سلمات على الحاجة هي اللولة لقات هند خارجة من حرب حيت مكيلغيوش ياكلو ليها بسهولة عاد مشات لبيت أمال بقات كدق لا رد) دقي مزيان
أمال٢: (حشمت) يمكن ناعسة
هند: غتكون ناااعسة حيت فيها ياات دابا نقولها قلبتي عليها
أنوار: اممم صافي ياله درك تولي ترجعي....
شيماء: (دازو احسن اياااامهم ولكن لدابا مسمعتش كلمة كنبغيك ولا داك لكلام زوين من غير فاش كيكونو ناعسين للي كتحس بحبو كبير... اليوم ليلة 27) أشرف واخا تخرجنا
أشرف: علاش؟!
شيماء: منين بدا رمضان مخرجنا
أشرف: واش ݣلتلك نهار اللول خروج مكانش ياك انا من الخدمة للدار حتى لقهاوي انيليتهم
شيماء: حنا مزال صغار شباب مافيها باس نخرجو ولا مزال كنحشم بيك
أشرف: واش هاد الهضرا دلخرااا
شيماء: مفهمتش نتا ماشي شي واحد للي متزمت علاش قاطع علية لخرووج واش متايقش فية
أشرف: دابا علاش راك تݣلبي؟!
شيماء: بغيت نفهم وصافي
أشرف: سيري لبسي حوايجك نتي ومريم وبلا كترة تفلسيف
شيماء: منخرجش بناقص
أشرف: حسن (هز سوارت وخرج زادح لباب بقات غير كتشوف مفاهمة والو واش باغيها ولا شنو؟! حتى حل لباب شافتو حل لباب) نوضي لبسي حوايجك
شيماء: مخارجااش
أشرف: لبسي بنتي نخرجها (ناضت لبسااتها حيت لسقاات حتى هي فيه لبساتها هزها وخرجنا مخليها مفقووسة كانت كتسنى هاد الليلة تخرج دير لبنتها تخليلة (عادة من عادات مغربية كدار بين 25 حتى 28 من شهر رمضان كل ليلة كتلبسي الولد او البنت(صغار) لباس تقليدي وتصوريه تبقى ذكرى باش كترسخ ليهم أن هاد الليالي مبااركة وكتكون مميزة)
ناضت للكوزينة صاوبات فلو جمعت الدنيا جففت الدار معاجبهاش الحال وجلست قدام التلفازة حتى دخل شافت بنتها هازها وهو هاز ساشي حققت فبنتها كانت دايرة عكر ومحمرة حنوكها)
شيماء: مال لبنت
أشرف: دزنا حدا المصور للي لتحت لݣيتهم كيلبسو لبنات صغار ويݣادوولهم ودرت لمريامة عجبها الحال
شيماء: (تعصبت حتى وقفت) مرييييض نتا والله حتى مريض شحال وانا باغية ندير لبنتي التخليلة وتجي نتا تديها وديرها بوووحدك تفووووو على طبع فيك الا كتحشم من خروجي معاك انا محاملاكش نتا كوولك وندمت على نهار للي بغيت نكمل معاك (كتغوت) دابا نمشي فحاااالي حسااابلك غتدي علية بنتي والله متديييهااا..
أشرف: (بقا غير كيشوف من هاد الهجوم وباينة معصبة مشنشنة حتى شافها مشات لبيت زدحت لباب.. شاف فبنتو للي كتشوف) مال دي!!!!
~~~~~~~~~~~~~~
محمد: (فاش مشاو يشوفو فتيحة دخل عندهم باين مروى معصب) ابنااااادم ياااك لباااس
اب مروى: بنتي كانت معااااك
محمد: وشنو الجديد بنتك فينما كان شي راجل لاسݣة فيه (مريم غير كتشوف ونغزاتها مها)
اب مروى: (هز صبعو بتهديد) طرا لبنتي شي حاجة موس واحد يذبحكم
محمد: عنداك متمضيهش مزيان
اب مروى: قويييسح مع رااسك انا نوريك هاد صلابة ديااالك
محمد: سير حضي بنتك وهاد الهضرة كوولها...
اب مروى: راه بنتي طيحت
محمد: اوا وجاي تݣلب على باه ولا اصلا معارفينوش حمدو الله لا بنتك تصلاح ام لا نتا تصلاح جد
اب مروى: (جات الفرملية عيطاتلو ) انا راجع....
يتبع...
التعليقات
لا توجد تعليقات بعد، كن أول من يعلق.