محتوى القصة
نعيمة: (صونات عليها شيماء) مالكي ابنتي مبقيتي تجاوبيي ولا تصوني؟!!
شيماء: غير مع لخفاضة ݣوليلي اماما وليد مݣالك واالو
نعيمة: فاش؟!
شيماء: غير خرج هو وهند معرفتهم واش بايتين برا ولا يرجعو
نعيمة: وعلاش راكي تسولي.. سدي عليك لباب وحفظي حفاظتك ياك الامتحانات بقاتلهم 10 أيام
شيماء: (عوجت فمها) واه واه داكشي نيت للي راني ندير
نعيمة: بنتي ياكما نتي وراااجلك!!!
شيماء: ياك رااجلي ندير معاه للي بغيت نعس ولا منعسش شغلنا هداك
نعيمة: الله يقلل حيااك الحماارة.
شيماء: (ندمت) راه غي(سمعت طيك طيط.. عرفتها قطعت) اوووووف با ربي وقف معااايا (ناضت من تمااك مشات لمراايا كانت لابسة بيجامة تيشورت وسروال هزت على كرشها كتشووفها) مكبراااتش!!! كفاش كنت حاملة ومكنت لا نرد لا نتشهى (باستغراب) حتى ليغيݣل كانت كتجيني (ضورت عينها) ياكما مكنتش حااملة وضحكو علية.. فاش هند مصلحة هند ظحك علية!!
لا لا حتى هي داك نهار تصدمت بحالي!!
ياكما ديك بنت **** الزهرة تفلات علية وداتلي فلوسي ورزقي لا لا ميمكنش وداكشي باش كنت نحس ودمايات والدوووخة وعاد لوجع للي كان عندي لتحت!! (بقات كتحاجي وتخيط صونا عليها حسن للي وصل للدار بقا مجمع معاها ومشا نعس حيت خدام بكري غير قطع صونات بريفي.. جاوبت ولكن مهضرتش)
أشرف: الوو
شيماء: (طرطقت عينيها وقلبها زدح) اشرف؟!!
أشرف: وخدك؟!
شيماء: واه (طارت للسرجم كتقلب واش كاين لتحت)
أشرف: (محاملش حتى يسمع صووتها) سمعي انا عاد سمعت لداكشي للي كنتي مصيفطالي خوك بغاك طلݣي
شيماء: (بحزن) مابغاش يظحك على حسن
أشرف: مفهمتش لاش بوحدك للي خارجة ق**** من ديك لفااميلة خووك وليت نمرݣ نشووفو ولكن انا للي درتها بيدي
شيماء: (بقات كتبكي) مبقى حد يحملني
أشرف: عطيني واشتا فيك يتبغى!!! مهم (سكت شحااااااال) ان
شيماء: انا نبغيتش نطلق
أشرف: علاش ݣلتيلو واشتا تسوااي؟!! طلݣي من السيد راه باينة فيه ولد الناس خلي غير الز**** للي بحالي يهز الليلة
شيماء: انا كنت حاملة وطيحتو وغنتجوج بحسن هو خييير منكم كااااملين
أشرف: (عض على شناافتو) درتي كورطاج؟!!! (وقف بالأعصاب) فوݣ ما نتي ق**** وعطايا زايدااها بلقتييلة؟!!! انا دابا نجي عندو عدو ر** وفينما بغاات توصل...
شيماء: الوو الوو (خافت يجيها يضربها) وييييلي اشداني نݣووولها (بغات تصووني لقات معندهاش الصووولد)
أشرف: (مع ركب فطموبيلتو جا يديماري وهو بقا جااامد مغوووبش فبالو كيهضر)
المرة اللولة زربت وشنو كانت النتيييجة !! شكون ݣال مراهيش تكذب؟!!!
لوكان كانت حاملة مكانتش تلسݣ فالراااجل؟!!!
(خرج من الطموبيل)
هي موالفة لكذووب وتملاغ الخااوي واش عاود نعاود نتييق فيييها؟!! (بقا وااقف تماااك هاد الاحساس مرضووو فرااسو عمر بزز راسوو على شي وحدة ونهار دارها فرݣع وحدة ق*** خرجت مع صاحبو للي شبع منها ولاحها وعاد لحرييرة خت واحد كيعرف عليه غير لمزيااان.. بغا يصلح ولكن ملݣى ميصلح معاها..)
شيماء: الا جا غنبقى نغوت ولكن الا تجمع كولشي غنتشوه.. واش زعما يكون بغا يتجوجني (تبسمت) اصلا الا طلݣني حسن بعدا كاين للي يتجوجني ووليد معندو منااش يحشم (قلبها ضرب حتى بقات كتبكي) وليت بحال شي هبيييلة يااا ربي (طرطقت كتبكي بشهيييق) عيييت عييت منفكر ونخطط ونرسم بغيييت غير رتااااح من هادشي...
~~~~~~~~~~~
زهير: (كان خدا موعد باش يدخل هو وأعمال الجاكوزي مدة ساعة ونص وليد طلع هو وهند وهو بقا هو وأمال حتى جات للي غتوصلهم لتحت فين كاينين مفرقييين.. أمال غير كتشووف للي عارفة هازة حوايجها حيت غيدخلو يدوشووو دخلو وهي تفهى كان بحال بيسين صغيير ولكن شموووع والورد والريحة خرجووولها لعقل سمعاتو سد لباب قرسها فذقنها)
عجبك؟!!
أمال: زوييييين بزاااف
زهير: نتي للي زينة
أمال: هه واش هنا غنعوومو
زهير: غنعوومو ونديرو سانديكة متحركة
أمال: ههه (حكت شعرها) وراه فية
زهير: وريني؟!!
أمال: أحاااااااي!!!!
زهير: الدنيا زاااهية هنا (مشا من موراها شاد فكتافها كيدورها) ماشي جو ديال تحمييييلة زينة
أمال: هههه
زهير: لاه لكذوووب ابنت عمي لاه؟!!! واش ميعجبكش أمل تنعسي معايا؟!!!
أمال: (معرفت متجاااوب وهو بقا غير كيشوف فيها)
زهير: بدلي حوايجك انا جاي
(خرج براا كان باغي يكمي ديك اللحظة كما ݣاروه على خاطرو دار فمو حبة كتبدل ريحة ديال لفم ودخل لقاها فوسط داك لما للي كيفور بووحدو باين غير الراااس وشعرها مطلووق بقا كيشوف فعينيها وهو كيحايد التيشوورت ومن موراه الشوورط بقا غير بالملابس الداخليه.. قرب ليها حتى كتبااانلو ملابسة واالو هز حاجبو وهي كضور فعينيها)
ياو داكشي للي راني نشوووفوه حقيقي؟!!
أمال: ههه زوووهيييبير
زهير: (دار رجل فوق الحيط وحط كوعو فوق ركبتو ويدو على ذقنو بتسائل) ساحراالي يا جدك؟!!!
أمال: هههه انا؟!!
زهير: سبحااان الله غير نشووفك عريااانة ݣاع كنحس بروووحي طيراالي بلعكس ݣلبي يتفااجا
أمال: ههههه
زهير: ابردي على ظحيييكة... واه جااات معاك ابنت مّا نوكل ربي على للي مخليني دااير دلحااالة...
هند: (مع دخلت لشومبرة تبعها وليد دافعها مع الحيط مقرب ليها بزااف.. تبسمت) اممم
وليد: (داير يدو فجنابها كيقيس فيها) هاد نهار ما فيها هروووب
هند: (دارت يدها فوق كتافو شابكة يديها فقرفاادتو) ياك قلنا حتى نوجدو ليها ويكون راسنا خاااااااوي
وليد: (زاد قرب ليها وباسها فحنكها) راسي عامر غير بيك
هند: بالصح أوليد؟!
وليد: (رجع باسها فالحنك لاخر وشاف فعينيها بعينين غارقين فيها)
عاد فيها الشك اهنوودة ديالي... كتيقي فية؟!!! (حركت راسها باه)
معاك كنسى العاااالم كااامل
هند: (تبسمت) حتى انا
وليد: عااارف
هند: اممم الثقة بالنفس
وليد: التقة فييييك نتي (هبط لشناايفها ولكن كيبوس غير بشوية وحتى هي ماشي معاه عااجبهم الحااال كانت قبلة طوييييلة مع انفاااس متضاااربة دار ركبتو بين فخاااضها ويدو تحت ظهرها جارها لعندووو كتر... مخلا ليها فين تحرك)
هند: (نزل لعنقها كيشم ريحتها)
ولييد حم وليييد
وليد: (مشا لودنها كيهضر بهمس) اممم
هند: (بورشها حتى لحمها شوك غمضت عينها كتحاول تعرف شنو تݣوول) يااك قلنا ماشي اليوم؟!!!!
وليد: (هز راسو شااف فيها) سمو؟!!
هند: (بلعت ريقها) ماشي اليوم؟!
وليد: انا عاجباني احبيبة هاكا (قاس فشعرها) اصلا من ديما نشووفك بااااهية (تبسم) وسكسي
هند: ههه مكذبتييش ومغرية
وليد: مغرية غير لية ابنتي
هند: وعلاش كاين شي واحد فهاد الدنيا يوقف قباالتك .. غير هو انا غيݣلي
وليد: (جمع التبسيمة) لغيݣل؟!!!
هند: (شافتو غوبش وهي تسقل قاد الوقفة وهي تحايد يدها جراتهم لعندها) هدا هو وقتها
وليد: (بقا غير كيشوف) لاݣوليهاش اهند
هند: مااااااا ماشي بيدي أوليد
وليد: (دار يدو على حنكها بلطف) مطاالعة غير لزوهير هاد الليلة
هند: هههه معرفت منقوولك
وليد: اححح غنكمدها فݣلبي ونسكت
هند: (تبسمت عاجبها الحال تشوفو ملهوف عليها هااكا) شنو دابا؟!!
وليد: نخرجو؟!! نحوسو هنا نتعشاااو براا عمرك جيتي هنا
هند: جيت ولكن كنت صغييرة معقلتش بزااااف
وليد: دابا غتعقلي عليها وفكري غير نهار جيت بغيت نتقب حطيت 4000 درهم وانا ظاحك لودني وفالتالي مدرت واالو
هند: (باستو فشفاايفو) ههه لسق فيك زوهير ڤيس ديال لحساااب
وليد: ههه غير ظاحك احبيبة كولشي ديااالك... (خرجووو من تماك مشاو كيتسرااو فالحسييمة ناسيين العالم وعاطيينها للنشاااط)
~~~~~~~~
أمال: (عجبها الحال حدهم كانو مداعباات ظحك قريسو للي ولفااتو وعاد الجاكوزي كيرخييي يعني ماشي كتوقعاات ينعس معاها... تكا طاالق رجليه وجابها تكاااها فووقو وهوما مستمتعيين)
شحال زويييينة هنا
زهير؛ الحاجة دفابوور ديما زييينة دابا عاد حسيت باش راكي تحسي معايا
أمال: (ضارت خنزرت فيه) ياااك
زهير: ههه كولشي ديالك العمر (بغات تنوض زعما وشدها من كرشها مزيرها لعندو) مزال مهداك الله نعمرووها؟!!
أمال: (تبسمت ساااكتة راخية راسها فوق صدرووو)
زهير: (حتى هو كان مرتاااااح لاح عينو على يدها للي كانت كتحك شعرها) نغسل ليك شعرك
أمال: (مرخية) حتى لبلاتي
زهير: نحك ليك ظهرك؟؟
أمال: (استغربت) شنو؟!!
زهير: وهادشي للي شفنا منك غير ظهر وشعرو. ياو دووري عندي خلاااص
أمال: ها ها ها الا درت غديرلي
زهير: هههه (كظحكو بهضوراتها كيعجبو الحال تهضر معاه فهادشي.. صونا تيليفونو موضعا بشوية)
تسناي احبيبة
(ناض كيقطر هز التيليفون للي حطو فصاكها جاوب كان وليد جاوب وقطع ضار شاف فأمال للي كيعجبو يشد فيها)
اهياااا مالك اديك الطفلة كتعصري؟!!!
أمال: (وساعو عينيها) انا؟!!!!!
من بعد ما دوزو العشاق ديالنا ليلة رومانسية فصباح تلقااو مع 7 دصباااح فطرووو وخرجو شدو طريق نيشان لوجدة...
هند: امول امتى الامتحانات؟؟؟
أمال: الامتحانات بقاتلهم 10 أيام احاااااي خاص دابا نبدا الحفااضة منوݣفش
زهير: (ضار عندها حيت وليد للي كان صايݣ) بشوية عليك
أمال: راه تابعني بزااف منحفظ
زهير: بشوية رخااها الله حفظي علاش ݣديتي
وليد: متسمعيلوش اختي ديري جهدك كاامل متهاونيش فلقراايا أكترية راكي مدخلة سوميستر اللولة كاملة راه الا خليتي شي ماتيير غتبقا كتسناااك
زهير: ياو ديييها في روووحك تحفظ ولا ݣاااع لا واشتاا يصراااا ݣااااع!!!!
(ضار عندها)
نتي كل عام دخلي ماتيير ميهضر معاك حداا
أمال: ههه أحاااي!!!
هند: هههه نيشان
وليد: خاصك تشجعها على لقرايا هاكا راك تعݣز فييها
زهير: ديييها فسووݣااانك نتا
(بقاو كيهضرحو عليهم حيت قالوها نݣييير وجبدو لخصايل للي وقعت بيهم فاش كانو عايشين فبلجيكا... بعد 4 سوايع... وصلو لوجدة)
لوحني يانا فالمحال ونتا وصل أمل لداارها
هند: خليها نبقى معايا
زهير: غير خليها تمشي مّا بقات وحدها ومن..
أمال: واه واه نمشي ياله نتي اهند معايا
وليد: حتى نجيبها لعشية دابا نوصلها للدار
زهير: (فهم على حساب ختو) أموول خاصك شي حاجة؟!!!
أمال: (تبسمت) لا
زهير: بيناتنا الألووو ابنت مّا (خرج وهي متبعااه حتى زاد وليد للي هند نقزت ركبت حداه.. بقات مدورة وجهها كتشوفو كفاش دخل للمحال كل نهار كتحس براسها كتزيد تبغيييه)
أمال: خويا وليد دوزني لفااك نجيب واحد التلخيص
وليد: مرحبااااا (مشا وصلها لتماك ودخلت دار يدو ففخض هند) اوا الحووب
هند: (تفوهت) فية نعااس
وليد: نوصلك للدار ورتاحي نمشي ندوز للمحال عند محمد وغرجع.. خااص نشووف سمو ندير مع حسن ديك لكلبة ميتعولش عليها
هند: ووو الا هو بغاها زعما تقبلها
وليد: كفاش تقبلها الا انا خوها ومتقبلتهاااش واش عارفة اهند سمو داارت زناااات ماشي شي واحد جا وشدها بالسيف عليها وتكرفس لا مشات برجليها
هند: هي عقلها طاااايش بزااف وبنادم كيغلط
وليد: للي كيغلط الهند ميكيصلحش غلط بغلط ماااا كبر سمو هي زعما ماشية دير ترقيع هاكا زوااجها غيكون مقبوول
هند: واش الجلدة هي للي كتحكم؟!!!
وليد: لا ولكن علاش غتخسرها من الأصل شنو هاد الحاجة للي تخليها تخسرها؟!!
هند: نقولو غلطااات راه ماشي شركات بالله
وليد: انا معرفت باه راكي دافعي عليها ولكن نفهمك شيماء من صغرها للي طلبتها وللي حلت فمها عليها تحضر لقرايا قرات بغات تمشي لوجدة مشاات وحنا بعينينا مغمضين حيت تايقين فيها بغات داك لكلب تخطبات حيت كانت احتمالية انها كتعرفو مجاش خطب غير هكاك ولكن باش ديرنا هاااكا لا علاش متحافظش على راااسها؟!! ها هو ربي عطاها رااجل بمعنى الكلمة وفالتالي نظحكو عليه اهند؟!! نعطييوه وحدة حنا ومنتيقوش فيها.. بلاااك كفاش غتكوون ردة فعل نعيمة؟!!
هند: انا مقلتش نكذبو على راجلها قلت زعما راه غلطااات ول
وليد: صافي غلطت ديري نقطة ورجعي سطر انا وياها عمرنا نعاودو نوليييو كيف كنا وطلاق خاص طلق
هند: والا عاودات ليها وتقبلها
وليد: ديك الساع منو ليها ولكن اهند الا ڤري تبغييني بعدي من هاد لحريرة
هند: اوكي... (جات أمال جايبة معاها تلخيصات فرحانة حيت كتعامل هي وشي بنات عطاتهم تلخيصات كانت دارتهم وعطاوها باقي التلخيصات.. دابا معلييها غير تحفظ وصلوها حتى للدار دخلو طلو على الحاجة ودازو لدااارهم لي قربات تكمل دارو ابيل فيديو مع نعيمة كيوريها وهوما فرحانين خلات وليد كيهضر مع مو وهي دارت ابيل فيديو مع جداااتها كتوريها الدار.. طل وليد سلم على الجدة وسول فيها.. قطعو ونيشان مشاو تغداو برااا عاد مشاو للدار.. دخلو لقاوها هازة شي وراااق كتقراااا)
سلااااام!!
شيماء: (وقفت) سلام ختي هند لباس؟!!
هند: الحمد لله ونتي!!!
وليد: (تم داخل) هضرتي مع السيد؟!
شيماء: (بخوف) دابا نهضر اخويا
وليد: (شاف فهند)
نوصل ونعيط عليك واخا!!!
(خرج مكره شوفتو فشيماء غير كتستااافزو ماشي ساهلة عليه يصييفطها حدا مها ولكن هاارب من الاستفسارات وخصوووصا من مو للي مغتفووتش عليها.. اللهم تجي من شيماااء وتفرتك هاد زواج... مشا عند محمد للي كان خدااام هو ودراري خدم معاه شوية ومشا عند زهير للي كانت الخدمة كتيييرة شحال كيرتاح فهاد الخدمة... وزوهير كيعتاامد عليه بزاااف)
شيماء: هند شنو كيݣول وليد؟!!
هند: (كتسبغ ظفار رجليها) قالك طلقي (شافت فيها) هو غيطبفك منو غيطلقك اللهم طلقي نتي وخلي خوووك مبعد على المشاكل ومنها مضيعش صوورتو مع صاحبو حسن
شيماء: ولكن راه صافي درت بكاارة
هند: (شقلبت عينها) درتي للي فرااسك علاش متحطي للسي (سكتت وهي كتفكر فكلام وليد منين قالها مدخليش فهاد الموضووع)
ختي نتي تعرفي
شيماء: اووووف غير مرة غيير مرة يخليوني بووحدي
هند: يا ختي بااااز مفهمتش هاد الوقاحة ديالك فين غتحد عند بالك منين كديري هاكا راه شخصيتك للي قوية!! راكي غاالطة اااالأخت هادي راه غير وقااحة حيت حشمت نقول قلة تراابي وانا عاارفة ماماك كداايرة
شيماء: عرفتي انا غنخلي حسن ينعس معايا وغنبين ليه هو للي تقبني وديك الساعة وليد ممنحقو يدير واالو
هند: علاش تتقولي لي انا هاد لخرا دياالك
شيماء: غير ݣ لا وصافي
هند: متقووليش!! بففف نسولك؟! واش محمد هو للي تقبك؟!
شيماء: منهم!!
هند: (خرجت عينها) منهم!! (وقفت هازة صبااغتها رجعت ضارت عندها) عنداك دخلي حتى زهير فهادشي عارفاااك تتغيري من أمال.. الحمد الله للي وليد خوك اما وكان راك قلبتي كفاش دوزي ليه (دخلت لبيتها مكرهة.. اما لوخرا مسوقتش كملات التحراااز للي كتنقل باش تدييه معاها)
~~~~~~~~~~
أمال: (من بعد مقادات السيكووك للي كتبغي الحاجة وحتى زهير جلست حداها) مّا علاش عمي لكبير كيبني ديك الدار؟!
الحاجة: بغا يتجوج هه
أمال: أحاااااي!!! حسن عوان هادي للي تجي ضرة على الكاملة
الحاجة: هو للي ݣلب على صداع الراس ابنتي
أمال: (بقات كظحك هزات دوك لبوليكووبات كتحاول تفهم حتى صونا فيكس ديال الدار ناضت تجاوب مخلية الحاجة كتسبح وتذكر الله...) الو السلام عليكم؟!!
أنوار: لالة أمااال!!!
زهير: وليد الله يحفظك سير عند اشرف جيبلي واحد الأمانة
وليد: يجي هو
زهير: راه لتحت معاه شي وحدين مابغاش يخلييهم فالطموبيل
وليد: واااه.. (بقا زهير كيحسب حيت لبارح دخلت سلعة واليوم خرجت سلعة حمااق بلحسااب... خرج عندو كان برا معاه شي دراري خرج من الطموبيل هو على ود وليد مبغاش يدخل حتى صدق خارج ليه)
أشرف صاڨا؟!!!
أشرف: الحمد لله اخاي وليد نتا مليح؟!!!! ( مكيشوفش فعينيه)
وليد: الحمد لله هاد الساعة
أشرف: (جبد جوا) عندي بروبليييم فلباانكا وکلت نجيب فلوس زهير نعطيهم ليه
وليد: (شدهم) درك نعطيهملو هو راه مبربز مع الخدمة
أشرف: واه واه راني عارف ݣولو غدوااا ونرووح لعندو
وليد: ان شاء الله (وقف حداهم حسن) حسن؟!!
حسن: (شاف فأشرف ورجع شاف فوليد) كنت دايز من هنا وکلت ندووز نشووفك
أشرف: نخليكم الله يعاون
حسن: بلاتي كنعرفك؟!!!
أشرف: (قلب شنايفو) نتا تعرف الخااوااا
حسن: بحالا شااايفك فشي قنت
وليد: ههه داكشي ديال السربييس مشاالك بالدم السيد راه بحال واحد من لفااميلة فينما كنا مجموعين كيكوون
أشرف: (زاااد غرق منين سمع وليد قال هاكا) الله يحفظك اخويا وليد
وليد: هدا راااجل ختي
أشرف: متشرفين
حسن: (تعمد غير باش يجي النبض) مشرفين (مشا أشرف للي حس بحسن مجاش وهضر معاه هكاك..) وليد كنت جاي على حساب العرس
وليد: اشمن عرس؟!
حسن: دختك؟!!
وليد: واااه!!!! ياك ݣلتو مزاال
حسن: اوا الامتحانات مبقالها والو وانا راني نوجد فالدار
وليد: ااممم
حسن: ونيت نجيب شيمااا تجي تختار بيت نعاس من هنا (تبسم) عجبها الاثااااث للي عندكم
وليد: (حرك راسو كيتحلف) وااااه مرحبااااا
حسن: مهم هانتا هضر مع الدار باش نرسي راسي حتى يانا
وليد واه واه دخل
حسن: لا لا راك عارفني نعاس بكري غدا فائق مع 5 حيت غنمشي لفݣيݣ
وليد: اوا الله يعاون (دخل دااايخ طلع عند زهير عطاه لفلووس وتقلبلو الراس عاود...)
~~~~~~~~
أنوار: (كان دااااير احتمال تجاوب أمال) تسرط ليك لسااان عاود
أمال: شكوون؟!!
أنوار: ههه للي **** داك نهار للي **** اللول عقلتي عليه
أمال: استغفر الله العلي العظيم واش متحشموووش تبقاو تفلاو على عيالات رجالا اشمااايت واش للي دار شي روشااارج يجي يبقى يتفلى بيها سير الله يعطي لمك الغرااق نتا ويااااها
أنوار: ههه تحل ليك الفم
أمال: وسير تمشي قبل ميجي للي يحل ليك تر*** تفوووو متخليو حتى واحد فالتيقااار
الحاجة: أماااال أمااال شكون ابنتي
أمال: هدا شي حمار ممربيييش جاي يتفلى على عياالات سيااااكو الله يعبر ليكم شقق مووصييبة الله بعطيييكم محنة تݣلب ليكم حياااتكم تدهااو فيها وتنسااو عليكم سيااادكم هاااكا غتبقااو نحسو بالنقص وعمركم تهزو الراااس قدااامهم
(جات الحاجة متجري منين سمعت أمال كتغوت)
أنوار: (غير كيسمع)
الحاجة: مالكي ابنتي شكون دا؟!!
أمال: معرفت اما شي حمار راهو يتفلى علييينا (هبطت لابارااي معصبة) حتى يجي زوهير ويشوووف
الحاجة: متعصبييش ابنتي راه هاكا يظلو يتفلاو ݣاع متبقاي تجاوبيهم للي عرفتيه جاوبي للي معرفتيهش ݣطعي...
أصبحنا وأصبح الملك لله دازت يوماين وحتى جديد مكاااين
وليد: (كان فاق لبس حوايجو خرج لقا هند هابطة لابسة البسة كلاص شوميز طويلة فوق الركبة ولكن مستيلية مع سروال لاسق وصبااك ساامل.. شاف فوجهها كان مكياج عادي ولكن هو جاياه مديراش مكيااج ولكن طاالقة شعرها)
"سيري ديري شي شال اهند"
هند: وليييييييييد!!
وليد: صباح الله اهند سيري ديري شي شال ولا زيف
هند: (جبدت مقيبط جمعش شعرها شوية) هاكا مزيان
وليد: الله يهديك ابنت الناس شعرك راه (سكت) هادشي مراهش يعجبني باش ديريها فراااسك
هند: وصافي أوليد مشتيش شنو لبست قلت زعما غيعجبك (هبطت حداه باستو فحنكوو) وصااافي احبيبي ݣاع نقلتيلي صباح لخير
وليد: (بقا كيشوف فيها وهي كتبسم وتسبل عينيها طلقت ظحكة وهو يتبسم شوية)
سيمانة وغديري الزيف
(جمعت الظحكة هو خرج وتبعااتو وقفو برا) ركبي فطموبيلة ديالك نتبعك بلموطوور
هند: منفطروش بجوج؟!!!
وليد: ݣلت يمشي عليك الحال
هند: لا لا مزال (مشا خرج لموطور ديالو ركبات معاه وعنقاتو من ظهروو) ياي شحال كنت نتسنى هاد الركبة
وليد: (تبسم واخا فرحان معاها الا معندو خاااطر حيت راسو عيا بالتفكييييير.. مشاو لمحلبة فطرو عاد ردها ركبت طموبيلتها وتبعها بلموطوور وقفو فرومبوااان حتى سمعها)
هند: بس بس بسبس (غنزاااتو) تبووݣيصة منشوفوووكش
وليد: (حايد الكاسك وهو كيظحك بحال بغا يضربها بيه) شي نهار نعطي لمك بيييه نردلك الذاااكرة راه نتي لي بنت وانا للي رااجل
هند: (بدلع)
اوا ضسر علية
(بقا كيظحك حتى هي ظحكاات شعل الضو الأخضر زادو وصلو لا كلينيك هبطت هازة الطابلية فيد وصاكها فاليد التانية)
وليد: غير طبيبة وصااافي
هند: هههه فرملية الله يخليك... كولها وبلاصتها
وليد: بحال بحال
هند: ههه مثلا
وليد: الله يوفقك منبغييكش تعصبي احبيبة نتي جاية غير باش دوزي وقيتة هنا معجبكش الحال نشوفو مصحة اخرى
هند: هههه دغيا حكمتي علية ميعجبنيش الحال
وليد: هه وݣلنا وصااافي مهم خاصك شي حاجة
هند: شي بوسة
وليد: (هز حاجبو) مكتستلايش
هند: واايلي على متنتسالاش حنا ياله
بدينا
وليد: ردي بالك اهنووودة نهار نطيحو فلفرااش تݣوليلي لواه لااااااا حنا متفقناااش بالركبة غير زيدي شعليني
هند: ههههههه (هنا حشمت) صافي صافي سير فحاالك
وليد: غير عولي (حنات راسها كظحك وحتى هو شاف فيها بحب) عينيك بقاي حنياااهم تشوفي فشي حد نتقب لمك عينيييك
هند: فينها تنبغيييك
وليد: نبغيييك ونموت علييك ولكن ها ولا هااااه عينيك نݣلعهم ليك
هند: (بابتسامة صفرا) حتى انا تنبغيييك
وليد: ههه (دار لكااسك وديمارا موتورو دار عليها وهي تبعاتو بعينيها عاااجبها بالجهد.. زاد مبعد ياله غتقلب عينيها حتى كتسمع روايض تحكو فالارض شافت وهي تسمع ""بااااااااااااااااق"" ولموطوووور بمولاااه طارو فسماااا...)
دعاء: معرفت اماما مال أنوار غير ساااهي وباينة معصب واخا متيبغيش يبين ولكن باينة فيه
ام دعاء: الساعة الله ابنتي يمكن غير مع الخدمة ولا موحش دارهم
دعاء: عاد كنا عندهم
أم دعاء: واخا هكاك كاين احبيبة شي واحد كيسخى بعائلتو نتي تقدري تبعدي علية وتسكني فبلاصة اخرى
دعاء: لا ولكن هو راجل
ام دعاء: واخا راجل راه بحالنا بحالهم غير حنا تنهضرو وهوما تيخبيو فلداخل ديالهم
دعاء: معرفتش ولكن متيعجبنيش الحال نشوفو هكا
ام دعاء: خليه شوية على خاطرو ابنتي حتى هو غيبغي شي مرات يبقى بوحدو
دعاء: بففف جا مع عيد ميلاد ياسمييينة خاص نمشيو وحنا ظاحكين سييينو غيقولو مفرحانش معاها وانا مبغيت حتى وحدة تهضر علية
ام دعاء: صافي يجي بلاتي وهضري معاه
دعاء: وميتقلقش مني؟!!
أم دعاء: لا لا هو تيبغيك ميتقلقش منك...
أنوار: (كان كيتصنت عليهم ككل مرة.. خرج كيتسلت باش ميعيقوش عليه جات فبالو وكان كان مزوج أمال وكان هو لي يتحسبلو ألف حساب ويعيش مرتاااح والكلمة كلمتووو وخاص غير كفاش يرضى عليييهم اما دابا العكس هو للي كيقلب ينااال رضاااهم... خرج مكره الجردة كلام أمال طير نعاس من عينيييه ممتيقش واش هادي أمال للي هضرااات وعايرات بالفن بغا يعاود يصووني ولكن حتى يعرف شنو يݣول حيت اخر مرة سكتاتو معرف شنو يقووول وفنفس الوقت مكرهش يهضر معاها ولكن فااااااااااص...)
~~~~~~~~~~~~~
زهير: (يوماين وهو عاس حدا التيليفون مولات حتى بريڤي مصونات (رقم مجهول) خرجت أمال من الكوزينة هازة طبسيل ديال لبطبووط وتابعاها الحاجة هازة صينية فيها طويجنات صغار فيهم زيت، زيتون، فرماج، عسل، زبدة، شكلاط.. حطو داكشي وبقا هو كيكب اتاي)
للي عاود صونا ولݣيتوه متعرفش بلعو عليه متشدوش لغا معااااه
الحاجة: واه اوليدي
زهير: الهضرة عليك حتى نتي
أمال: واخا غير باش تعرف هنا راه كيبقاو يضسرووو
زهير: هو معارفكش باش راه يضسر عليك (نغزتها الحاجة باش تسكت حيت عاد غوت على هاد الكلمة)
الله يرضي عليك ابنتي راه مكاينش للي يضسر عليك فهمييها
أمال: (حركت رأسها باه هي بغات توصلو الفكرة وصااافي.. بقاو كيفطرووو وهضىو كنجيب هضرة وأمال واحلة غير فشعرها للي كتحك فيه وهادشي لاحظووه بزااف بقا كيشوف فيها زهير.. زاد قربلها كيشوف من اللور حتى قشع حشرة كتسارا فشعرها للي كان فازݣ حيت على صباح غسلات طمر وسكت مبعد)
زهير خاصني شي وراااق فاش تكون جاي جيبهملي معاك عفااك
زهير: واه مرحبااا وريلي واشتا نجيب ونجيبو
أمال: هند اليوم تكون تبدا الخدمة (تبسمت) تديني نشوفها غدا
زهير: ان شاء الله...
هند: (رمشت تلاتة دلمرااات عينيها واش حواالتوولا رجعو فلووو الصورة مضببة الناس بدات كتجمع تحركت وزربت بخطوااتها حتى بقات كتجري قطعات الشارع حتى بلا متشوف واش جاية شي طموبيل قلبها كيضرب وكتعاود جملة)
"يا ربي ميكونش هو"
" يا ربي ميكونش هو"
"يا ربي ميكونش وليد" (كتزيد تقرب بانتلها رجلو قلبها غيسكت بالخلعة زادت لقات مطوروو وصل للنافوورة وهو مليوووح بلا حراااك والكاسك مزال فراااسو زادت مقربة عينيها خارجيييين.. وفمها نشف بلا متحس غوتت)
"وليييييييييد" (لاحت شنو فيها ومشات حنات على ركبتها) وليييييييد لا يا ربي لاااااا غير هو للي عندي (كتبكي وتغوت اول حاااااجة دارتها هي حنات راسها على صدرووو عنقااااتو وبكل حرقة) "ولييييييييييييييد" "ولييييييييد" (هزت راسها بالزربة بغات تحاايدلو لكاااسك تشوفو غير واش حي هزت وجهو باينين عينيه مغمضين ولكن دمااياااات خلاها تجمد.. وصحتها بدات ترجف) لا متموووووتش وليييييييييد (دارت يدها فعنقها تحسس نبض قلبووو والو يديييها كيرجفووو بقااا كتغوت بلبكى وكلماااتها متقطعة)
عيطوووو لومبيلووونص علاش تتفرجوووو "وليييييييييد" (ومع زهرها كانو الناس ديجا عيطووو جات لومبيلونص ديال لا كلينيك) صافي هزووووه باش نعتقووووه
....: خاص يجيو لبوليس باش يݣادو شغلهم
هند: بوليس؟!!! (بحرا كتقدر تنفس) واش حتى يموووت (خرجت متجري من حدا الناس للي تجمعو مشاات لبوليسي للي فالرومبوااان) عفاااااك اجي راه ضربوو راجلي
. .: دابا تجي الدورية ابنتي
هند: (كتبكي) عفاك اجي نتا كتب باش يديوه يعتقوووه
....: راه ضرووري ابنتي يجيووو
هند: (الدنيا كتزيد ضيييق عليها وتكحاال مشات رجعااات حداااه كيصور.. عاد سمعو لبوليس جايين هزوووه دخلووووه وهي غير لاسقة فيه طلعت حتى جات واحد لمرااا حطاتلها صاكها وطابليتها سدو لباب وهي لاسقة شادة فيدووو كتشوف لفرملي للي تماااك كيقيس النبض ديااالو)
حي حي ياااك حي اخويا ياااااك
...: واااه مزال حي (حيدلو لكاااسك بشوية وهي تشوف وجهو كولو دماياااات زادت كتبكي بحرقة دارو غير الرومبوان ودخلو لاكلينيييييك تفتح لباب هبطت وهي كترجف هازة لكاااسك ديالو خرجوووه بلبايااااص ودخلوووه من المستعجلات تبعااااهم كتجري وحوايجها مقيوسين بدمووو مصدووومة لداابا مزال مستوعبااات شنو وقع ولكن الا مات!!!!!!!)
...: هند هند شنو وااقع
هند: (كتبكي) راااجلي ضربوه شي واحد وهرب (كتبكي لدرجة مقدرااااش تنطق بشي حرف)
....: الله يسمعك خبار الخير احبيبة انا ندخل عندهم نشووف متخافيش ان شاء الله مايكون والو
هند: (حركت رأسها باه وهي كتبكي غتهبل غتمووووت حتى وقفت عليها وحدة)
أحلام: اممم شنو واقع؟!!!
هند: (هزت راسها فيها كانت هادي المحامية عاقلة عليها مزيااان ولكن معندها لا طاقة لا ݣانة... تفكرت صاااكها ياله كضور لقاتو فوق الكرسي هو وطابليتها فتحاتو ويديها ممساعفينهااااش وكترجف جبدت تيليفونها كتحاول تجبد نمرة ديال زهير للي كتحسبووو خوووها.. صونا ودغيا جااوب)
الو زهير!!!!
(طرطقت كتبكي لدرجة كلمة مخرجتش من فمها مقاادة)
زهير: وااااش بيك اختي؟!!! لااله راكي تبكييي؟!!!!
هند: (كتشهق حرف واحد مقدرش يخرج.. سكتت راسها بالسيف) زوهير وليد دار كسيدة خاااايبة....
زهير: (جمد فبلاصتوووو مصدوووم وتسمع طنين فوذنووو) واااشتا؟!!!!!!!
زهير: (قطع عارف فين كاينين عفط عفطة وحدة وزااااد لاكلينيييييك صونا على أمال) أمال وليد دار كسيدة؟
أمال: ها!!!!! كفاش وكيف بقا وفين رااااه
زهير: (مخلوع عليه) هاني ماشي لعندووو (صطوبلت حمقوووه وكيحس بالوقت كيدووووز بالزربة محس حتى خرج راسو مضااارب مع داسيا قداااامو بقا كيخسر الهضرة...) الو نوصل ونعيط ليك
أمال: نج..... (قطع.. بقات مصدوومة صونات على هند للي كانت كتحاول تصوني عليها جاوباتها وهي كتبكي حتى هي بقات كتبكي) غير ݣوليلي كبقى
هند: (بصوت مخنوووق) معرفتش معرفتش دخلووه مزال مخرج (جلست جامعة رجليها وكتبكي) غنمووووت أمال الا وقعاااتلو شي حاااااجة والله حتى نمووت فيها
أمال: لا ختي ميوقعلوو والو انا بغيت نجي عندك
هند: اه عفاااك اجي
أمال: واه درك نجي
هند: صوني على خالتي نعيمة قوليهالها منقدرش نقولها لها انا (قطعت وهي كتمسح دموعها غير كتفكر توقعلو شي حاجة كتولي تبكي وتشهق... ربع ساااعة دخل زهير دااايخ لقااها فالأرض كتبكي غير شافتو وقفت محست غير عنقااااتو كتبكي)
زهير وليد تيموووووت
زهير: (بقا جااامد مكملش التعنيييقة ولكن بقات فيه وبقا فيه خوووه حيت كيحسووو خوووووه)
غيولي لبااااس اختي فين هو وواشتا وقعلوووو؟؟؟؟
هند: (بعدت راسها)
كان ماشي للمحال حتى تنسمع شي واحد ضربوو
(مكتجي تكمل الجملة حتى كيتخلط ليها لبكى ومكتبقى حتى من هضرتها ما مفهوومة... دار يدو على كتفها كنوع من المواساااااة) هرب للي ضربو معرفت واش طموبيل ولا صطافيط مسكين خلااااه مليووووح فدماياااااتو
زهير: (هز راسو متأزم) مݣاالو والو؟!! (شافو فرملية متوجهة لعندهم)
.....: نوع الفاصلة ديال الدم ديالو مكيناااش شنو الفاصلة ديالك؟!!
هند: انا A+
...: لا ميمكنش تعطيييه هو O
زهير: انا O
...واش O سالب؟؟
زهير: لا +
هند: واش وليد O- (بقات كتبكي حيت هاد الفصيييلة قلييييييلة)
....: اه هو O- خاص لقاو للي يعطيه الدم حيت محتاجين الدم دااابا
زهير: واش كلينيك ݣد لخصااارة ما فيهش الدم
المحامية: (كانت مراقبة كولشي) حم سمحووولي اما راه O -
...: اه زيدي اختي معايا ياك باغية تبرعي
هند: شكراا بزاااف
زهير: شكرا اختي (مشات المحامية مع لفرملية هند زوهير بقاو على أعصااابهم...) متخااافيش غيفييييق (هو براسو غيحماااااااااق)
هند: مصاااب مصاااب (بقات كتبكي دازت شي سااعة وهوما على أعصااابهم حتى شافو أمال داخلة)
زهير: شكون جابك؟!!!
زهير: شكون جاابك؟!
أمال: خرجت وشديت تااكسي
زهير: (حرك راسو باه شافها مشات ديركت عند صاحبتها كيتعانقو ويتباكاااو.. معندوش مشكل تجي غير مزال كيخاف عليها بقا بوووحدو مرفوووع جا محمد كيجري كيستفسر ومريم حتى هي 2 دقايق جا أشرف حتى هو حيت وصلاتهاالو المحامية... 5 دقايق لحقات شيماء وحسن كولشي تجمع)
شيماء: هند كيف بقا خوووويا
هند: (حركت رأسها باه هي مآمنة بقضاء الله ولكن كتحمل جزء اشيماء للي خلاتو بلا عقل)
شيماء: الله يا ربي خووويا غيضييييع مني مسكييين ومزاال صغير
(صونا تيليفون ها كانت نعيمة للي جاية فطريق وكتبكي)
امااماااا... معرفت مزال مخرجووه مسكيييين.... واه راه كولشي هنا (دورت عينها وهي تجي عينها فأشرف للي مخنزر فيها) ياله بسلامة أماما (قطعت وبقات ساااهية حتى فحزنها حتى واحد مبقااات فيه وهادشي زاد اثر عليها بعكس كفاش ضايرين بهند للي عاد ولات مرتو... بقات مركنة بوحدها حتى جاتها المحامية)
احلام: سلام نتي اخت وليد؟!
شيماء: واه
أحلام: انا صديقة ديالو
شيماء: (باستغراب) ديال خويا؟!!
أحلام: اه
شيماء: (فنفسها.. حلال عليكم وحرام علينا..) مشرفين اختي (مشات عند حين حيت بقات بووحدها) حسن اجي (دازت من قدام أشرف عيطت لراجلها للي جاها كيجري ورجعت من نفس طريق ماشية للقنت) علاش حتى واحد مكيݣولنا شنو واقع واش خويا مات ولا شنو؟!!
حسن: اش هاد الهضرة اشيماء ان شاء الله مايكون وااالو (كيصونيو عليه من الخدمة) كيصونيو علية احبيبة
شيماء: غتخليني بوحدي؟!
حسن: راه وليد بحال خويا حتى انا مݣاادش نمشي ولكن راه السربييييس هو ه...
شيماء: صافي صافي غير سير
حسن: (بحزم) شيماااء مخارجينش كنتسراااو باش تݣوليلي سير براسي مباغيش نمشي ولكن عارف السربيس كداااير انا نمشي نطل دغيا نسني على شي وراااق ورجع (خرج وخلاها كدور عينها رجعت للقنت وهادشي تحت انظار اشرف.. بقات كتفكر ذكريااتها مع خوووها وهي تبدا تبكي مبغيااااش شي حاجة توقعلووو واخا يوقع شنو بغا يوقع بيناتهم.. خرجو من القاعة فين كان وليد مشاو كاملين وخاااصة هند للي ساابقة)
هند: شنووو!!! (تالفة) كبقى رااااجلي؟!!!
طبيب: (ديجا كيعرفها) للأسف دخل كوما كانت ضربة قاااسحة شوية والحمدلله كان داير لكاسك اما كنا لقاو نتيجة خاايبة وعندو كسووور على مستوى اليد وتشققات فعظم رجلو ليسرية نتمناو يفيق من أمومة من هنا 73 ساعة
هند: (بقات كتبكي تجمعو عليها لبنات ودراري كولها صقر فقنت.. خرجووه من تمااااك باش يطلعوه لغرفة العناية المشددة.. داز من حداااهم خلا هند كتحير بلبكى اما زهير كان موقف صعييييب اصعب شوفة شاف صاااحبو فيها ومن قلبو كيدعي باش يفيق دااابا...)
نعيمة: (داخلة نعيمة كتجري بجلابتها وكتبكي لقات محمد لتحت تعرض ليها) ولدي فيننن ولدي امحمد
محمد: (متأثر وبوجه حزين) طلعوه للعنااية لفوووݣ
نعيمة: (خبطت على كتبكي لحݣ باااهوالي وجهو صفر وعينيه خارجين عاد بانت فتيحة وادم) ولدييييييييييي (زادت خطوة حتى جات مزدوووحة سخااانة هزوووها دغيا جاو فرمليات عاونووها دخلوووها اما احمد طلع كيعتر فرجليييه مشادينو غير محمد وادم وصلو للعناية فين كولشي مجموووع وحالة خاااايبة كولشي كيبكي حطوووه قدام لباب كيشوف فولدو قوة سلووكة ضايرين بيه عمرووو فكر يجي نهار ويشوف ولدو بعاد الحالة وليد للي ديما ظاحك للي كان بحال البلسم فينما كانت شي مشكلة كيحاها وحتى الا محلهااش كيدخل فقلوووبهم الإيجابية.. للي وقف مع لكبير وصغييير للي عمرو رفض ليهم شي طلب ولا أمر بقا بااااه كيبكي بحال شي ولد صغييير للي زاد كمل على لبقية وبقاو كيبكيييو...)
شيماء: (كتبكي حتى هي مشهد كان يبكي الحجر.. هبطت تقلب على مها هي للي مزالة ممكن تعطيها حضن وتحس بيها.. لقاتها سخفااانة ودايرين ليها السيروووم بقات غير كتشوووف وفكرت الا مشات ليها مها شكون يبقاالها فهاد الدنيا!! بقات غير كتشووف جلست فالأرض والندم كيااااكل فيها)
الا ماااات وهو كارهني عمرني نسمح لراااااسي
(دارت يدها فوق راسها وبقات كتبكي.. شوية دخل محمد يطمأن على مرت عمو هزت راسها فيه وقفت وهي كتبكي من ديما هو حنييين فيها واخا مكيبنش ولكن حنااانو فشكل وعاد للي ولات كتشووف ترمات عنقاااتو)
حتى واحد مبقى حاملني امحمد وليد دار كسيدة وهو غضبااان مني ماما شوووف كراااااها
محمد: (بعدها من عليه ولكن معطل تحت انظااار أشرف للي خرج حيت أثر فيه داك الجو بزااااف شاف حسن جااااي من قلبو بغا يشوف ديكور شيماااء..) مك غتولي مزيان ووليد حتى هو ان شاء الله يفيق ولكن حتى نتي فييقي اشيماء
شيماء: فقت والله حتى فقت وندمت على شنو ضيعت من يدي
محمد: (معرف ميقوول) انا نطلع
شيماء: محمد (دخل حسن مغووبش مكانش عارفها اصلا تماك غير صوتها للي مخلط بلبكى للي تار انتباااهو بعدت من محمد خطوة) حسن!!
محمد: (خرج معلابااالوش حتى بحاجة دابا من غير وليد يفييييق)
حسن: (باغي يستفسر ولكن ماشي وقتو شاف فمها للي سخفانة) مالها مك؟!!!
شيماء: (كتبكي) سخفااات حيت وليد دخل كووومة
حسن: الله اكبر
شيماء: بابا كيبكي وكولشي كيبكي لفووق وماما مسكينة مليوووحة هنا
حسن: ان شاء الله يكون خييير (شافها جرات كرسي ومشات حدا مها.. طلع لفوق لقا فرملي كيهضر معاهم بلطف باش يخرجو حيت كانو بيهم بزااااف... واحد مبغااااش بتزعزع هو زهير اما حتى هند هبط وها بالسيف حيت بقات كترخى خرجوو كولهم لبراااا كولشي كيبكي وكولشي مصدوووم بللي وقع...)
أحلام: (كانت مشات فحااالها مبعدة من لاكلينيك وهي قلبها ضااارها مقاالتش ݣاع غيدخل كووومة حتى سمعت سميتها ضارت)
أشرف!!
أشرف: واشتا ديري هنا؟!!!.
أحلام: غير صدفة
أشرف: (تيقها) مصيييبة وصاافي
أحلام: (بتنهيدة) مصيييبة وسكتي مقدتش نشوفو فديك الحالة والله
أشرف: ݣاع هكاك ولكن السيد راه تجوج
أحلام: وهااا هو دابا كيمووت لا انا لا هي
أشرف: واخا هكاااك.. عندك شي واحد تماك؟!!
أحلام: لا كنت كندير غير كونترول وصاافي
أشرف: اممم ياله الله يعاون (ركب فطموبيلتو وزاااد... اما هي بقات واقفة شحال عاد شدات تاكسي ومشات لبيرو دياااالها حيت تابعها التزامات مع الناس)
~~~~~~~~~~~
أمال: (بقات غير كتشوووف فزهير من لبعد كان جاالس برا فوق طروطوار وكيكمي شافت فصااحبتها للي من صباح وهي كتبكي دابا عاد سكتات وسهاات مبغااااتش تكون فموقفها واخا عندها وليد حسن من خوووتها.. تمشات حدا زوهير وجلست شاف فيها كان مغوووبش ولكن للي ركز فعينيه غيلقى حزن كبيييييير مدت يدها ليدو شداات فيها)
فيبرى ان شاء الله
زهير: (لاح لݣارو وعفط عليه برجلو طافيييه.. زفر وحرك راسو باه)
نشااااااالله
أمال: بقاات فية هند بزااااف مسكينة وخالتي نعيمة وعمي احمد
زهير: (حرك راسو باه حطت راسها ميلة على ذرااعو)
نديك للدار ترتاحي شوي
أمال: (حكت شعرها وشافت فيه) الااااا عفااك خليني
زهير: غير ݣلت تكوني عياانة اما بقاي مع صاحبتك
أمال: معرفووش شكون للي ضربوو؟!
زهير: مزال
أمال: معرفتش كيف ندير نخليك مزيان!!
زهير: (شاف فيها متبسم شوية) مديرييش في روووحك احبيبة (بقاو ساكتين....
وفقنت اخر كاينة فتيحة ومريم جالسين وحداهم محمد)
فتيحة: (كتاكل سندويتش وكتدوز بعصيري) وشكون دا للي ضربو
محمد: (حتى هو وااكلها فنفسيتو) مزال معرفناش
فتيحة: دخلت عليك ديك الشاايطة بݣصتها شييييينة
محمد: (كيشوووف ساااهي كيتفكر كل وقت دوزووه هو ووليد.. حتى بقات كتعيطلو مو) اممم
فتيحة: مراكش تسمع؟!!
محمد: سمو امّا
فتيحة: نوض اولدي ديني نرتاح راه رجلي عطاتني بلحرييييق (حرك راسو باه.. شافت فمريم) زيدي نتي
مريم: انا نبقى هنا
فتيحة: (خرجت عينها) زيدي سموو تبقااي حدا لمعزر وراااجلك مكااينش
مريم: محمد انا نبقى مع أمال وهند
محمد: سيري (قبل متهضر فتيحة مشات مريم جات تهضر مع محمد لقاتو مشا للطموبيل.. ضربت الطم وصلها غير حلها لباب دخل توضى وهي مشات نيشان لبيت نعاس تبدل خرج صلا وخرج راجع لصبيطار....)
هند: (وصلات 11 دالليل كولشي كاين برا الا هي للي مرا مرا كطلع تشوفو جات عندها شيماء) شنو؟!!
شيماء: كبقى خويا؟!!!
هند: مزال مفاق
شيماء: يمكن حتى لغدا عاد يفيق
هند: بغيتي تمشي سيري
شيماء: عييت
هند: وانا مالي لاش جاية تقوليهالي بغيتي تمشي راه طريق حتى واحد هنا موااااقف عليك
شيماء: يا اهند!!!
هند: خووك دمررتيه هاد ليااام باينة مسكين كان تيصووݣ
(تغرغرو عينيها)
وعقلو غير فلوسخ ديااالك (جات نعيمة عندهم حيت باينة كانو كيتخاصموو)
خليتيييه بلا عقل
نعيمة: (مسخسخااااااااا) ماالكم ابنااتي؟؟
هند: واالو ا التي غير هي بغات تمشي تنعس
نعيمة: تنعسي؟!!!
شيماء: عييت اماما راه من صباح وانا هنا غير نتكى شوية وناكل ورجع
نعيمة: واه ابنتي سيري
شيماء: شوية ويجي حسن (سكتو هند جرت نعيمة تمشي تجلس فكرسي)
هند: خالتي نمشي نجيبلك شي حاجة تاكلييها (ياله لوخرا بغات ترفض) خاالتي غتاااكلي هي غتاااكلي شوفي عمي مسكين منين مكلاش سخف (نعيمة حركت راسها دايرة ليها الخاطر زادت هند باغيا تمشي لشي بلاصة)
زهير: هند (ضارت وتم جاي عندها) وين رايحة؟!!!
هند: خالتي نعيمة سخفت بالجوع وبغيت نجيبلها شي حاجة
زهير: جلسي انا نمشي ومرة أخرى للي خصااتك ݣوليها ماشي منك راسك تخرجي وفهاد الوقت (مشا لطموبيلتو وهي تنهدت رجعت حدا أمال أول مرة يتجمعو وميهضرووش غير صاقريين ساعة لاروب جا زهير هاز ساشي فيدوو داز على أمال عطاها سندويتش وعصير عطا لهند محمد ادم نعيمة.. حتى واحد مقااد يااكل ولكن بلماكلة باش يقدوو يوقفو على رجلييهم..)
حسن: (دخلت شيماء كضور عينيها فدارو مزال مجاب الاثاث) دخلي تدوشي
شيماء: مجبتش حوايج معايا
حسن: لبسي شي حاجة ديالي
شيماء: (حركت رأسها باه مشا كيزرب وجد ليها الدوش وقلبو واش فيه شي حاجة من ديالو حط البنوار.. دخلت هي للدوش دوشت وهو بقا براا فلكوزينة كيسخن طاكوس للي دازو جابووه.. خرجت طل عليها كانت لابسة بينواارو للي جاها وااسع)
حم فين نلبس
حسن: سيري لبيت نعاس راني حاطلك حوايجك (حركت رأسها باه كانت هازة حوايجها ردات لتاحتانيين ولبست تيشوورت كان حاطوولها وشووورط خلات شعرها مطلووق وخرجت عندو) بالصحة
شيماء: الله يعطيك الصحة
حسن: فين تبغي تاكلي
شيماء: هنا فية لعيا بزاااف
حسن: واخا حبيبة سيري انا جاي (رجعت لبيت نعاس طلعت فوق الناموسية للي كانت ديال واحد ولكن عريضة شوية اما هو صونا على ادم يطمئن ولكن مزال مفاق هز بلاطو ومشا لبيت نعاس حطو فوق لكوافوووز هزت كتاكل وهو كيشوف فيها)
شيماء: مغتاكلش؟!!
شيماء: مغتاكلش احسن؟!!
حسن: (هز حتى كيااكل) كارثة طاحت فوݣ راسنا
شيماء: (بتنهيدة) الله يشفيه يا رب
حسن: اميين (بقاو ساكتين كياكلو هي كملاتو كامل ودازت حتى للنص للي عطاها حيت شافها جيعانة شربت مونادة.. اما هو كان غير كيشوف فيها فعنقها شعرها للي مزال فازݣ حوايجو لي لابسة) بالصحة حبيبة
شيماء: الله يعطيك الصحة
حسن: بغيتي شي حاجة اخرى!! ديسير نݣادلك شوية ديال الديسير
شيماء: لا لا انا نغسل يدي (ناضت تغسل يدها وهو بقا كيجمع من مورااها رجعت لبيت نعاس وحتى هو رجع لقاها هازة التيليفون.. دخل وسد لباب) مسكييين الله يشافيه... انا نعس شوية ونجي.. واخا ماما.. بسلامة (قطعت متنهدة) مزال مفاق
حسن: ان شاء الله يفيييق
شيماء: ان شاء الله (تكاات من بعد مجمعت شعرها سفنجة طفا الضو ومشا نعس حداها) ناموسية صغييرة
حسن: غير شوية ونمشيو نشريو وحدة أخرى (كيشم فريحتها)
شيماء: انا نعس تصبح على خير (عطاتو بظهر وهنا جبدها لعندو معنقها كتحس ب🍌 فظهرها غمضت عينها خاصها اليوم باش متزيدش تعطل الوقت ومنها نيت خوها مزال مفاااق باش تنقد ما يتنقد...)
حسن: (اما هو مينكرش انه تحركووو احاسيس ولكن محسش برااسو فمووودو شحال وهو يتسنى ويكون الظروف هاكا بقا غير معنقها ومع لا حركة ولا رد منها ظنها ناااعسة.. وحتى هو هكاك حتى نعس.... مخليها مفااااهمة وااالو)
~~~~~~~~~~~~~
5 دصباح مزال مكاين حتى جديييد داز عندهم زهير كيقنعهم يمشي يرتاحو وحتى واحد مبغا يمشي.. سمع غوااات وسااعو عينيه وكولشي وقف وقلبهم على فمهم خااارجة هند كتغوت ولكن للي بدلهم هو الظحكة والفرحة على وجهها
هند: فااااق فااااق فااااق
زهير: ينعل شرك طيرتيها مني (بقات غير كتعنق فنعيمة وأمال كولشي دخل بغاو يطلعو ولكن مخلاوهمش)
هند: انا شفتو انا شفتو حرك صبعووو راه معاه طبييب
زهير: الحمد لله يا ربي
نعيمة: (كتبكي) الحمد لله الحمد لله (جات هند كتعنقها وتبكي وحتى اما فرحاانة وعينيها دامعين ولكن راسها غير كتحك شافها زهير جرها لعندووو)
زهير: روااااحي عندي المݣملة دياالي (معنقها ولكن ماشي عنااق حميمي غير ديال الفرحة حاط راسها على صدرووو ومدور يد عليها ويد فوق راااسها...)
طلعت هند كتجري فدرووج لقاتو مزال فالعنااية
هند: ياك فاق علاش مزال هنا؟!!
....: ضرووري يبقى حتى لصباااح معرفناش شنو التطورات للي ممكن تكون
هند: ياك صافي فااق دابا خاصو غير بحل عينيه
....: متخافي من واالو هادو إحترازات ضرووري منهم
هند: واخا ولكن عفاك خليهم يشوفووه راه كل واحد حاالتو لتحت
....: اش نݣولك اهند يطلعو غير جوج جوج ولكن 5 دقااايق
هند: (بابتسامة) الععععز الصحبة (مشات لتحت اول مطلع نعيمة وادم شافووه وطبيبة طمنااتهم ورفعت معنويااتهم شوية عاد محمد زوهير وأمال هبطوو كاملين وبقاو براا)
زهير: محمد سير هضر مع مرت عمك تمشي ترتاح غير جوج سواايع (مشا محمد كيقنعها كولشي ضار كيقنعها حتى بغات مشات هي وادم) أمال حتى نتي وهند سيرو ترتاحو
هند: لا لا لا انا منمشيييش
أمال: حتى انا
زهير: انا راني هنا نتوما سيرووو وغير تكون شي حاجة وروااحو نعسو غير ساااعة كسرووو لعيااا ورواااحو
هند: لا عفااك ازهير غير خليني اصلا انا معياانااش
زهير: سمعي كلامي ابنتي سيرو ترتاحو ياك الدار مبعيدااش من هنا غير رتاااحو شوية ورواااحو صباح قرب يطلع غير فطروو وروااحو باش غتبقااو وااقفين.. هند سمعي اختي مني انا هنا بحال نتي معندك مناااش تخاااافي
هند: عفاااك ازهير غير خليييني
زهير: واشتا تݣلسوو ديرو فالزنقة خاص ترتاحو غير باش نعاودي توݣفي على رجليييك
هند: (مبااغاش تمشي عارفة اصلا مغتنعسش مشات هزات طموبيلتها ومشات هي وأمال وصلو للدار وهي معجابهاش الحال تجي) أمال غير سيري نتي اختي والله منقدر
أمال: نرجع معااك
هند: لا زهير مغيعجبووش الحال غير سيري عفاااك اختي ديريلي خااطري شي جوج سواايع ونرجع عندك (طلعات أمال ومنها تشوف مرت عمها وعمها كيف بقااو.. اما هند رجعت المصحة شافها زهير حرك راسو بلا حولة بحال كان عاارفها غدييرها خرجت ودخلت نيشان حيت عندها ݣاع الصلاحيات دخل وتخرج تمااك.. لقاتهم كيوجدوووه بااش يدييوه للشومبر فرحاات بزااف يعني كاين معطيات للي خلاوهم يديره فغرفة عاادية... هبطت عاود متجري وقالتها لزهير ومحمد للي كانو كيكميييو.. )
زهير: متمشييش ترتااحي
هند: انا مرتاحة وانا هاكا ومغرتااح حتى نشوفو حل عوينااتو
محمد: (بقا غير كيشووف واش هادي للي فاللول حتى واحد محملها وكولشي تاهمها خاارجة طريق وممزيااانااش!!!!....)
كانت 8 ديال صباح كولشي فرحان حدا صبيطاار كولشي من غير شيماء للي مكيناااش
زهير: (مشا حدا هند للي الفرحة بانت عليها) وكان مفاقش فهاد اليوماين
هند: كان غيدخل كومة ولا وووو مبغيش حتى نفكر جاب الله الماسك طاكا عليه بزااف
زهير: الحمد لله... مزال مفاق
هند: مزال (بوفرة شافت فيه ولعيا باين فعينيها)
يا ربي غير ميكونش شي مضاعفات اخرين
زهير: لا لا ان شاء الله يكون مزيااااان... مزال متمشي ترتاحي
هند: هههه لا غير خليني (شافت المحامية) هادي تبرعات ليه بالدم
زهير: واه كنت
هند: غنمشي عندها نقولها شكرا (مشات عندها) سلام انا هند مرت وليد
أحلام: (بابتسامة) مشرفين انا احلام
هند: وي عرفتك نتي للي كنتي شادة مع زهير كان قالهالي وليد
أحلام: وي.. كيف بقا سمعت فاق
هند: منين سمعتها؟!
أحلام: سولت فالريييبشن بقا بالي معاه لبارح واخا خدمنا فوقت قليل الا عرفتو انسان معقوول
هند: اه اوكي شكرا حيت جيتي وحيت تبرعتي بالدم دياالك (شافت فيها باستغراب)
كان عندك شي مريض هنا؟!!
أحلام: كنت كندير بيلون جينيغاال كيف موالفة كل عام
هند: ااااه اوكي مشرفين احلام بسلامة
أحلام: بسلامة (غير مشات هند جمعت الابتساامة وزفرت تمت داخلة المصحة باش تكمل التحاليل ديالها...)
~~~~~~~~~~~~
شيماء: (فيقها حسن للي كان لابس تريي ديالوو) اممم
حسن: شيموووم حبيبة نووضي راه خووك فاق
شيماء: (تهزت بلاصتها مفافية) فاااق صافي برااا؟!!
حسن: غيبرا مع الوقت المهم والحمد لله فاق نوضي نوصلك قبل منمشي للقشلة ونيت نشوفهم راه حشووومة بقينا حتى لهاد الوقت
شيماء: ولكن!! (تلفت) منين فاق الحمد لله علاش منبقاوش انا وياااك هاد نهار هنا فالدار
حسن: (باستغراب.. واش هادي للي مكانتش مخلياني حتى نبوووسها) وخوك متمشيش تشوفيييه؟!
شيماء: غير ساعة ونمشيو
حسن: كفاش ساعة اشيما؟!!!!
شيماء: (بقات كتلون وتفتف) صراااحة حم صراحة حشمت نمشي غيݣولو درنا شي حااجة
حسن: وساعة علاه؟!!!
شيماء: ههه معرفتش غير ݣلت متديييش علية والله معرفت منݣولةالللله وليد فاااق مسكييين عرفتي شحال حلمت بييه
حسن: (فنفسو واش هادي فري كانت باغية ندخل عليها) الحمد لله
شيماء: (جاتو عندو وعنقاااتو) فرحت بزااف (تعلات باستو فحنكو) كنبغيك بزااااااف (تلفاااتو طلقت منو) ياله خرج نبدل حوايجي
حسن: ياك كنتي باغيااني سااعة
شيماء: ههه (حنات راسها)
حسن: عارف ماشي وقتو اما لبارح منزݣلكش (تبسمت مكرهة.. خرج من تماك بدلت حوايجها وهي كتنݣر خاصها تزرب علييه قبل ميوقف وليد على رجلو.. خرجت عندو ومشاو نيشان لصبيطار وقبل يمشي مد ليها 200 درهم الا بغات شي حاجة... مشات عند مها كتعنقها)
شيماء: الحمد للله اماما على سلامة خوويا شحال فرحت منين ݣالهاالي حسن....
داز نهار كامل مزال وليد محل عينيه وصل الليل للي كيمشي فحاالو يرتاااح باش يجيو بكري بقات هند بحرا كتقدر توقف وأمال معاها
نعيمة: غيجي راجلك يهزك عاود
شيماء: (باينة معاجبهمش الحال لمشياان) واااه
نعيمة: بانلي ابنتي بلا منديرو شي عرس صدااقة كاافية
شيماء: حم لا نديروووه
نعيمة: (عيات صاابرة ولكن مقدرتش) شيمااا واش خوك كيمووت ابنتي ونتي كتمشي مع راجلك ماشي منعتك عليه ولكن الظرووووف
شيماء: وشنو ندير تماما نݣولو لا ياك نهار اللول نتوما بززتوه هو هاكا دااايرة
نعيمة: نتي ابنتي يبزز عليك شي حد شي حاجة!!!!
شيماء: هاني بقيت باش غنفعو براكة غير هند للي عاجباااكم
نعيمة: وباااااز ابنتي هاد لقسووحية للي ولات فيك مفحد
شيماء: (لارد بقات كتسنى جبدت تيليفونها صونات على حسن.. بعدات) وي حسن
حسن: حبيبة
شيماء: واش مزال مغتجي؟!
حسن: لا حبيبة ليوم بيرماموونص
شيماء: هاااا!!! (خرجت عينها) متجييش؟!!
حسن: (تبسم) توحشتيني
شيماء: امممم
حسن: سعدااتنا تطور ملحوظ ݣوليلي كيف بقى وليد بغيت نجي ولكن مصلاحش
شيماء: لباس لباس
حسن: فاق؟!!!
شيماء: لا مزال (طلعلها الدم) ياله باي باي ماما كتعيطلي
حسن: بسلامة حبيبة (تسعقااات خاافت يزيد يتعطل وليد يفرش كولشي... خاصها شي حل باش تفري هاد المنامة)
زهير: هند روووحي تنعسي شوي
هند: غنمشي غير لطموبيلتي نرتاح شوية عفاك فيقني الا كانت شي حاجة
زهير: (مداها سوارت طموبيلتو) روحي لديالي ديك لبزقولة مع تجبدي رجليك تخرجيهم براا
هند: ايييه (لوحات شنايفها) متنمرش على طموبيلتي حبيبتي
أمال: هههه (كتحك فشعرها) والله الا
هند: يااااك دابا مبقاتش عاجبك
أمال: لا لا زوييينة زووهير بعد من طموبيلتنا انا وهند (مشات هند تنعس شوية وأمال بقات حدا زهير كتحك فراسها للي كلاها)
معرفت مالي
زهير: شوفي واش مربية عندك فداك شعوور
أمال: ها!!
زهير: شوية لݣمل يهز داك لفولار ويهرب بيه يخليك كضوري عينيك
أمال: ݣمل (غوبشت) اشمن ݣمل انا مافيا واااالو
زهير: واخا حتى نمشيو للدار نطلعو للسطح ونفلي بنتي
أمال: (مرضاااتش) زوووووهير
زهير: نعام المݣيييملة ديالي
أمال: (محست حتى بكاات مرضاااتش بالجهد) ما فياااااش الکمل انا كل نهار كنغسل شعري
زهير: ابردي على لݣمل ولخناااين (مسحت بيدها) ههه عادي احبيبي غيكون لسق فيك من شي قنت
أمال: ديني للدار
زهير: كلاك بزاااف (طرطقت عينها) هههه غير ظاحكين اصااحبي
أمال: مظحكش معايا انا ما فية واالو (خلااتو ومشات لقنت اخر بقا كيظحك هز تيليفونو صونا على الخدامة للي عندو باش غدا يفتحو المحال حيت صدعوووه الناس للي مخلصين وخاص سلعتهم توصل.. بغا يمشي عند أمال وهو يوقف عليه محمد)
زهير: فين ابن عمي
محمد: هاحنا معرفت هاد المصاايب منين
زهير: المؤمن مصاااب امحمد والحمد لله للي راه مزال عايش برووحو
محمد: (زفر) الحمد لله
زهير: مراكش على برجك؟!
محمد: نݣولو الحمد لله وصاافي (شاف ختو جالسة بعيدة وحانية راسها) نمشي عند أمال (مشا عندها وبقى متبعو زهير حيت هاد الجوج قلييل لغا بيناتهم..) مالكي؟!!
أمال: (هزت راسها) ها!! لا والو علاه؟!
محمد: (جلس حداها) ومالكي ݣالسة هنا وحدك؟!
أمال: غير هند مشات تنعس شوية فطموبيلة ديال زهير وانا بقيت هنا
محمد: نتي متنعسيش
أمال: حتى لبلاتي
محمد: كراكي دايرة؟!
أمال: امم لباس الحمد لله ونتا؟!
محمد: نݣولو صاڤا مك هبلاتني
أمال: هي مك نتا هه
محمد: هه مك حتى نتي غير الله يهديها على راسها
أمال: (مقالتش حتى أمين بقات غير صااقرة) كدايرة مريم معاها؟!!
محمد: بحال ككانت معاك
أمال: (شافت فيه) ونتا مخليها تعدا عليها وتكرفس عليها؟!
محمد: (بقا كيشووف فيها بحال كانت كتقولو كما خليتها تكرفس علية وحتى نتا كنتي كتر) معرفت هي مي منݣدش نݣولها شي حاجة خايبة ومريم مرتي بنت الناس ومكنبغيش ديرلها هكاك.. (حركت رأسها باه)
انا مكنت عايش ديما هي كانت كنحس كتحرشني عليك
أمال: واجي سولني حتى انا ونݣولك شنو كانت دوز علية ونتا حتى بلا متحرشك كنتي معيشني فالجحيم والرعب الخوف للي فيا نتوما للي ركبتووه فية (زهير غير حاضي من لبعييد مبغاش يدخل غير الا وقع شي حاجة)
محمد: عارف والله حتى عارف وناادم ولكن مكنتش نشعر حتى نضربك
أمال: اوا نهار تخطبت شيماء حتى هي للي حرشااتك
محمد: لا انا للي كنت حمار ديك الساااع
أمال: ونهار حبستوني باش مرجعش هنا والضرب حتى هي حرشااتك ياك هي للي عطاتني لفلوس باش منبقاش حداااهااا
محمد: (سكت حيت معرف باش يجاوب هو بغا يبينلها ندمان ومعرفش وهي قلبها مغلغل وطااااايب من جيهتهم) الله يسااامح
أمال: (غوبشت وشافت قدامها وهي ساهية كتفكر شنو داز عليها) الله يسامح....
زهير: (شاف محمد ناض من حدا ختو ومشا بعد جبد کارو كيكمييه بقا غير حاضيها.. حتى خرجت لفرملية) هانا اختي هند مشات ترتاح شوية
....: راه المريض فاق وحل عينيه
زهير: وكولشي مزيان؟!
....: من غير الهرس للي فرجلو وضرابي لي فيه راه مزيان
زهير: (بفرحة) الحمدلله واخا نطلع نشوفو
...: اه سير عندو
زهير: (جات أمال حداه للي حتى هي سمعات)
هانتي احبيبة هنا نشوفو ورجع
(مشا بالزربة يشوفو وأمال مشات تفيق هند.. دخل عندو كان القائمة على راسو حدا عينيه زرق لابس الكسوة الزرقة ديال المستشفى ومغطي بليزاار ورجل مهزوزة شوية على حساب الهرس... تبسم) افين ابيبي خلعتينا عليك
وليد: (بحرا كيقد يتبسم حتى من عينيه مكيقدرش يحلهم مزيان)
زهير: (زفر براحة دخل حداه) الدغدغتي ابن عمي مبقى فيك ما يتجمع
(لاخر غير كيتبسم)
اجي وطواليط واش دير فيه!!
وليد: (بحرا قدر يهضر) خخخخخخرج
زهير: ههه صافي طلعت ليك فالرااس ولا باغي تكحل عينيك بلمدااام (تحل لباب بالجهد كانت هند) ها ماݣال طبيب
هند: حشومة عليك ازهير مقلتيلي واالو (قربات لوليد وهي ضارها قلبها على حاالتو) حبيبي واش صاڤا؟!! باش تتحس؟؟ واش نتا مزيان؟!!!
وليد: (غير كيشووف فيها)
هند: جاوبني أوليد هانتا غير تصحا انا للي غنديرلك التروييض
زهير: هانتا اسيدي جوج فخيييط
هند: (شافتو. كيشوف فيها ديك الشوفة بحال مستغرب) اويلي أوليد علاش تتشوف فية هاكا!!!! واش معقلتينيش؟!!!
زهير: الا يعقلك راه عرفني اما
هند: (مخلوعة ومخرجة عينها) متقولهاش أوليد انا راه مرتك (خرج زهير يعيط لطبيب.. اما وليد غير كيبغي يهضر كيشدو حريق وهي مكتسكتش) اوييييلي واش بالصح؟! واش بنيتك؟!!!! (دخل طبيب وفرملية طلبو منهم يخرجوو) انا راه هند هند (خرجات كان محمد وأمال برا كيتسناو نوبتهم شافوها هكاك تخلعوو)
محمد: ياك فاق مزيااان
زهير: لعجب هند راه عقلني انا
هند: نتا راه صاحبو سنين ونتوما متعارفو اما انا راه ياله عام (مشات بعيييد كنمشي وتجي ورداتها بكى) اويييلي الا معقلنييش؟!!!!
أمال: دابا يتفكرك
هند: والله يا مو ومتفكرني حتى نضربو لداك الراس نسييييه كوولشي
أمال: ههه
هند: كظحكي يااا وشكرا أمال
أمال: (جمعات الظحكة) اختي راه يكون عاارفك كما ݣال زهير غير مݣاادش يهضر
هند: انا للي شفت كفاش كان تيشوف فية بحال عمرو عرفني...
نعيمة: (كولشي كان فرحان حيت فاق على خير كولشي كيظحك الا هند للي غير ياهية ومغوووبشة.. وهمها واش صافي نساااها تفكرت شحال دوزت باش يبغيييها ودابا تنسى بحال عمرووو شااافها.. مشا حداها كتبسم) ابنتي يهديك الله
هند: (تنهدت) لا إله إلا الله
نعيمة: ونݣولو نساااك ابنتي راه غير يعااود يشوووفك يولي يبغييييك ويبغيك ݣاع بلا ديك غيثة
(شافت فيها هند ممتيقاش حتى هي عارفة ليسطوار بقات كظحك نعيمة)
شتي لوكان ختاريتلو يانا منجييش ليه بنت غزييولة وحنين وبنت الناس بحااالك
هند: (تبسمت وعنقتها) راه بالصح الا نساني غندير فيه شي حاجة
نعيمة: هه خليهلي غير بروووحو وديري فيه للي عجبك
هند: هه (جات أمال حداها طالع ليها الدم من ظحك زهير) هند اجي معايا
نعيمة: سيري ابنتي لدارك رتاحي شوية بدلي حويجااتك راه غير نشوف هاد دمايات فيهم يوجعني ݣلبي
هند: نشوف غير طبيب منين يخرج شنو يقول
نعيمة: انا نعيط ليك فالتيليفون
هند: واخا خالتي (مشات عند أمال للي غير حابسة لبكية هبطو ساكتين كولها وهمها) مالكي نتي
أمال: فضييحة فية لݣمل
هند: هه (متيقاتش) واش بالصح؟؟ (شافت ردة فعل ديالها) ههههههه علاه باقي الناس تيجيييهم لقمل؟؟؟
أمال: سيري تخراي نتي عااود (مشات غضباانة للطموبيل لحقت عليها هند دخلو اللور شعلت لبيل وأمال زولت فولار ديالها بقات كتقلب ليها فشعرها) كااين كاااااين؟!!!!!
هند: (عافتو) كااااااين
أمال: (بقات كتبكي) أحااااي تشوهت تشوهت
هند: علاش تشوهتي راه كاين بومادات تيداارو
أمال: يحساابلو زوهير غير انا مووسخة
هند: لا لا راه لقمل ماشي تيجي من لوسخ يمكن تعديتي
أمال: من عند من؟!!!!!!
زهير: (طل عليهم من السرجم) مال البكاية ديالي
هند: ههه والو
زهير: واش هبيلة نتي علاش راكي تبكي في روووحك
أمال: (لوات شالها مراضيااش) واالو
زهير: ههه ياله نوصلكم للدار ولا تمشيو لهيه اصلا كاين ولد عمك فالدار
هند: بعيد بزاااف اخويا زهير
زهير: راه غير يفيق نجي عندكم طااااير...
هند: واخا
زهير: (ركب لقداام) أمال رواحي حدايا (خرجت وطلعت حداااه مراضيااااش) غتبقاي هاك؟!!!
أمال: مدرت والو
زهير: (حرك راسو بلا حولة وزاد عيا يهضرها واالو يظحكها والو غير صااااقرة تفكيرها غير كفاش تحايد عليها هاد المصيييبة للي فراسها.. وصلو للدار منزلش هو شدها من ذرااعها) يهديك الله اديك الطفلة واش دايرة فروحك هاك غي حيت فشعرك جوج ݣملات
أمال: مفياااااااش
زهير: اوا منين مفييكش باه دايرة هاد لمنااااحة
أمال: والو
زهير: سيري دخلي دوشي بدلي حوايجك ونعسي شوية
أمال: ندوش! حيت فية لݣمل يااك!!
زهير: لاااااا حولة كدرت معاك وحلة هودي ولا نجي نلوووح مك....
هند: (دخلت للدار كتحاول نبين لامال انه عادي وسااااهل باش يتحااايد طلعو لبيت نعاس هند كانت كتقلب فتيليفونها على كفاش يتحااايد) أمال كاين الخل لبيض؟!!
أمال: كولشي عند مٌا
هند: ياك عندك الساروت؟!
أمال: واه نمشي نجيبو؟؟!
هند: اه سيري جيبيه
أمال: واخا هزي من ماريو شي بيجامة ودخلي دوشي (مشات هي لعند الحاجة للي كانت نعسات على حساب دوا للي كتشرب هزت قرعة ديال الخل ورجعت لقات الكاملة كطل من سرجمها قلبت عينها)
الكاملة: والله ݣلبي فعينيك البوووية الله يااخد فيك الحق يا ربي يجعلك عمرك تفرحي بلولاد
أمال: على زين لولاد للي عندك الا كانو بحالهم اميييييين مبغييتهمش (فتحت بابها وزدحاااتو خلات لوخرا كتغلي... اما هي طلعت لبيت نعاس لقات هند خرجو) دوشتي بالزربة
هند: غير حايدت علية لعرق (زفرت) فية نعااس بغيت غير نسا هادشي نفيق لقا وليد مزيااان عااقل علية ونكمل حيااتي
أمال: ان شاء الله كولشي يرجع كيف كان (خوات ليها هند ديك القرعة فشعرها ودخلت أمال للدوش كتمشط بمشطة رقييقة وكتبكي على لݣمل للي كيهبط.. كملت من لمشييط حست بالراحة شوية مبقاتش كتحك غسلت شعرها شي 6 دلمراااات لبست بينوار ها خرجت لقات هند نعست فلفوتووي مبغااتش تنوضها غطاااتها هي لبست بيجامة خفيفة سدت سرااجم حيت بدا يبرد الحال والوقت كانت 2 تحشات فبلاصتها حتى داها نعااس...)
~~~~~~~~~~~~
أصبحنا وأصبح الملك لله (ناضت هند مخلوعة شافت فلوقت لقاتها 9 نص نوضت أمال للي لبسو ونيشان خرجو برا يقلبو على تاكسي لقاو واحد ركبو ومشاو المصحة.. لقاو كولشي تما)
هند: واش فاق؟!!!
زهير: واه من ݣبيل منين دخلو عندو
هند: وعلاش مفيقتيناش (خرجت فرملية) واش فاق اكريمة؟!!
....: اه وراه مزيااان
هند: ندخل عندو؟!!
...: هو بغا يشوف زهير
زهير: هداك راه بيبي هدااك حايدي ابنتي حاايدي
هند: امم بغا غير يوصيك علية وصااافي (بقات مغددة وهي كتبها وكولشي كيظحك بالفرخة حيتاش فاق وحيت لقا واحدة تبغيه بحال هند.. اما هي مكرهتش تشبكها معاهم كامليييين...)
هند: (مربعة يدها ومغوبشة كولشي طلبو الا هي بقات غير كتصوووط... مشات حدا زهير)
زهير واش هاد زمر نساني ولا شنو؟!!؟
زهير: مجبدكش ݣاااع
هند: والله حتى ندخل نكمل علييه (بقات غير مخرجة عينها) لا لا ميمكنش
زهير: اواااا ضربي لفݣد وروووندي علييه
هند: (شافت باه وخوه خرجوو دخلت مخلية زهير كيظحك عليها فتحت لباب بالجهد كانت فرملية كتعبر ليه طونسيووو) خرجي عفااك
...: شكون نتي
هند: (محيحة) مرتوووو (شافت فيه لقاتو كيشوف فيها) ولا يمكن أرملتووو
...: الآلة راه خاصني نعبر ليه الطونسيوو
هند: انا نعبرولو ونجي نقولك (لوخرا اصلا كانت كملت خرجت كتبعصص.. شافت فيه) معقلتييش علية
وليد: (لا رد)
هند: يا ربي شنو غندير مع هدا!! (كتهضر بالحركات) خانات انا وياااك كتر من 8 شهوور وحنا تنهضرووو
وليد: غيثة!!!
هند: غيثة!! عاقل على غيثة وانا معااقلش علية
وليد: (تبسم مد يدو بشوية) رواحي عندي
هند: عاقل!!
وليد: واش انا نسااك نتي رواحي احبيبة كان خوفي غير منعاودش نشوف هاد لوجيه
هند: فاك يو
وليد: (خرج عينو) اهياااااااا
هند: خليتني لبارح بلا نعااس
وليد: ورواااحي راني توحشتك وتوحشت ريييحتك...
~~~~~~~~~~~~~~
زهير: (كان بعيد كيكمي حتى كتبانلو شيمااء كتسلت بحاال هااربة بقا متبعها لقاها وقفات كتقلب فطريييق طريقتها كفاش كتقلب دخلاتلو تناااوي.. ناض بالزربة وهو متبعها مدور وجهو حاضيييها ركب فطموبيلتو خلا أمال كتعيطلو ولكن بغا يعرف هاد لبرهووشة للي خلات وليد بلا عقل وحتى طبيب أكد أن الاعصاب ديالو مخربقة (معرفتش كندير ندخل هادي فهادشي ولكن تنشوف فالافلام كيقولو صدمة عصبية ولا معرفت لها..) دغيا دار بالطمووبيل بقا فراس المشاريع شافها ركبت فتاكسي حمر صغير وزادت بقا متبعها هو عارف فين كيسكن حسن حيت محمد كان قالهاالو.. ولكن طريق مكانتش لتمااك.. كانت لوسط لمدينة شافها وقفت حدا قيسارية باركا حتى هو الطموبيل ومشات.. تبعها نفس طريق أشرف ولكن مشكش ݣاع فيه... حتى وقفت قدام محااالو لقا بعيد حدا واحد كيبيع بوشيطات ديال التيليفوون شاف ردة فعل أشرف كيغوت حط داكشي للي فيدو ومشا حداااهم)
وشتاااااا صاااير هنا!!!!!!!
هند: (لاوية شنايفها) الليل كامل منعستش غير خفتك تكون نسيتني واش وقت الظحك هادا!!
وليد: واش سمعتي مني كلمة معرفتكش!!
هند: ولكن شوفاااتك فية بحال عمرك عرفتيني ولا شفتيني
وليد: انا كنت نشوف فالدم للي كان فحواايجك؟؟ كنت بغيت نهضر غير نعرف ماالك!!!
هند: كان الدم ديالك
وليد: صافي مطراا بااس ياك نتي بيخير؟؟
هند: حتى تكون نتا بيخير عاد نولي مزيانة
وليد: الحمد لله اختي على كل حااال
هند: (تنهدت) الحمد لله
وليد: كنت خايف منوليش نشووفك
هند: نعل ديلمك الحمار (خرج عيني مصدووم براسها معرفت كفاش خرجت ليها من فمها) مكتحس بواالو داابا
وليد: (بقا مخرج عينو فيها) ماشي مشلوول راه مزال هوݣف ونوري لمك لحمار كدااير
هند؛ شكون قالك حمار؟! نتا راجلي حبيبي وسيد رجاال.. حم غير زلة لسان وصااافي
وليد: (قلب عينو كيبغي يحرك راسو ومكيقدش مع لبراي ديال العنق.. رجع شاف فيها وتبسمت) خاااايبة نموووت ومزال حتى مدخلت عليك
هند: هههه ياك بعدا هو متقاااسش
وليد: ههه (بحرا كيظحك حتى ضرو صدروو) اجي قلبييه
هند: هااء
وليد: عارف نحدهم لوالديك غير صبري (تبسمت قالبة وجهها) هند عارفك مكنتيش فرااسك واش شيما مزال مع راجلها
هند: صرااحة اه ومشات باتت معاه لول لبارح..
(شاف فسقف وهو مغوبش)
مبغيتش نخبع عليك شي حاجة
(حرك راسو باه)
خليها ضبر راسها أوليد واش اتبقى حياتك كاملة وااقفة عليها ختك راها مريييضة فك.. حم فراسها
وليد: هند
هند: وليد انا بغيت نعيش معاك حيااتي نديرو مستقبل نولدو وليدات ربيوهم بجو يليق بيهم نتا غتبقى معصب معاها وهي طاااايشة مك حتى هي مسلمتش منها شيماء هزيتي وحدة وحطيتي وحدة بزاااااف الطيش واش مزال فالموووت وهي ماشية تنعس عند راجلها ماشي تبرهيييش زهير لدااابا متزعزعش منهنا حدو يمشي طواليط ويصلي ويرجع خوك ادم حتى هو مقابل هنا ومقابل باك للي مرض مك حتى هي مسكينة محمد مخلي مرتو ومتزعزعش كوولشي الا هي للي كتجي غير طل عليك.. انا ماشي كنعمرك على ختك ولكن هي سبب من الأسباب للي وصلك هنا واش عارف كانت بينك وبين الموت شعرة شنو كنت ندير انا ولا مك ولا باك ولا زهير؟!!! كما تتفكر فيها فكر فينا حتى حنا
وليد: انا بغيت حسن يطلݣها وترجع لدارهم
هند: صافي برا قولها لحسن نيشان ماشي بالضرورة تعطيه الاسباب اما الا جيتي عليها.. حبيبي عفاك سمع مني فكر دابا غير فصختك راه اي اجهاد نفسي غيأثر عليك
وليد: (بقا غير سااكت حتى قلبت الموضووع وكتحلون عاد بقا كيجاوبها....)
زهير: واشتا صااير هنا!!!
شيماء: (تصدمت كانت جاية باغا تهضر معاه وتعصبو وتفقسووو) حم كنت جيت بغيت نشري تيليفون
زهير:. لحوانت كاملين بانلك غير دا؟!!!
شيماء: ماامممم
أشرف: (غير مخنزر وكون صاب يقتلها.. شاف فيه زهير) بحالي بششحالك
شيماء: (خرجت عينها فيه دغيا نكرها) حتى انا شنو كنتسنى
زهير: نهار اللول شفتك حسيت براسي باغي نضربك وخا ݣلت منضربش فنسا ولكن نتي (شاف فأشرف بحقد) بنات الدنيا كاملين مباانت ليك غير دي؟؟؟
أشرف: (حنا عينيييه هاد الموقف للي مكانش بغا يوصلوووو)
شيماء: انا راه بالصح جيت بغيت غير نصاوب تيليفوووني ونتا دغيا ردييييتها معرفت شنو كندير متنسااش انا راه مرت الراااجل انا غنمشي داابا عند وليد نݣولهاالو
زهير: (شدها من فمها مزير عليها) بعدي وليد علييييييك
أشرف: (خرج من المحال من بعد مشاف الناس كتفرج.. حط يدو على كتفو ) زهير تكاالما
زهير: (دفعو) هدا هو للي حملك
أشرف: اشمن حمل؟؟ (خرج عينو) كنتي حااااملة؟!!!
زهير: (طلق منها وشاف فيه)
نتا هو مولاها؟؟؟
(قبل ميهضر دخل فيه زهيرذ بريووسية حتى طوش الدم من نيييفو رجع شدو من لكوووول)
يا ال**** درت فيك الثقة وعرفتك على بنااااادم ݣلت راه فيك الخير ݣااديتلك صواااالحك
(عاودلو الضربة بريووسية ورجع جاارو من كتاافو)
بغيتو ظحكتووو على رجااالة ياا شمااايت
(عطااه بونية فكرشوو حتى طااح بقا يركل فيه دخلو الناس يفااكو بحرااا بعدوووه.. اما هي كانت هربااااات.. بقا زهير غير كيخصر فالهضرة ويربب عليييه دفع للي كانو شادينوو)
مزال لحساااب بيناتنا اشماااتة صدقتي بحالك بحال صاااحبك غير تغضرووو وضربو فظهر
(مشا كاااعي من تماااك اخر واحد فكر فيه هو أشرف كان متأكد انه أنوار ولكن كفاش وهاد جوج صحااااب مبغاش دخلو ان هاد الولد ظريييف كان كينعس مع وحدة قبل وبعد زواااج وز حملها... عاد ومحمد للي كانت بغات تلسقهاالو راااسو سخن عليه وكان لقاها حدااااه يسلخها ولا يقتلها اما أشرف مزاااال فيه حلفة كبيييييرة....)
شيماء: (كتجري وتقول مجرااات صونا تيليفونها كان حسن وقفت تحت شجرة كترد النفس ديالها وعاد جاوبتو) وي حسن
حسن: فينك احبيبة جيت لصبيطار ملݣيتكش سولت مك ݣالتلي مشات تسخر
شيماء: واه (بحر كتنفس) مشيت نتسخر وتبعني واحد لحمار سخفني
حسن: كفاش تبعك فين نتي داابا!!!!
شيماء: معرفت بففف انا نشد تاكسي نجي تسناااني واخا (قبل ميهضر شافت فجنابها ووقفت فالحافة ديال طروطوار شدات تاكسي عطاتو لادرييس وبقات غير كترد نفسها وقلبها غيسكت بالخلعة... ميمكنش زهير غيفضحها اصلا كان كيقلب عليها.. وصلت لقات حسن فلباب لكبير كيتسناها هبطت خلصو وبقات حدااااه وجهها مخطوووف والسخفة فيها)
بففف عييت
حسن: شكون دا للي تبعك
شيماء: معرفت واش هبيل ولا شنو جريت باش تفكيت منو
حسن: وعلاه خارجة ݣاع؟!!
شيماء: سخراتني ماما للفرماسياان بغات شي حاجة ديااالها (بركت على كلمة دياالها)
حسن: اممم دخلي ترتاحي
شيماء: مكرهتش نمشي للدار من لبارح مرتاحين بقيت مقابلاهم فالليل حتى لصباح للي خصاتو شي حاجة كنتسخر
حسن: واه وجبتي السخرة لمك؟!
شيماء: ملحݣتش (مشاو دخلوو لقات مها حدا لبنات جالسين مجمعين) ماما انا غنمشي مع حسن طلبني باش نمشي نتغدا معاه
نعيمة؛ كترتي ابنتي حشومة ݣدام باك وخووتك
شيماء: ماما راه حسن راجلي
نعيمة: مزال مدرتو العرس باش تبقاي داخلة خارجة معاه راه شرط ديالك ولا نسيتي من اللول ديرو عرسكم وعومي بحرك معاه
شيماء: من التالي حسن اصلا داخل بية (كولشي خرج عينو) غير نتغداااو ورجعووو
هند: واش نتي متتحشميييش؟!!
شيماء: ماشي شغلك اهند نتي راك غير مرت خويا ماشي ماما باش تبقاي دخلي فية (زادت خرجت وكان قالتهالها ومها مكيناش تنتفها مزياااان)
هند: متديش عليها اخاالتي بحال والو تكون حاااملة وكتوحم علينا (ضارت شيماء مخنزرة ورجعت مشااات)
ادم: شيمااا شيمااااا فين ماشية
شيماء: غير يوصلني حسن للدار نبدل حوايجي ونرجع
ادم: اممم راه كترتي من هاد لمشياان
شيماء: واش حسن اخويا غرييب علينا ياك راجلي دابا ورجع من لفااميلة
ادم: واخا هكاك ولا عرفتي انا نهضر معاه يمشي لخدمتو وانا نوصلك
شيماء: عفاك اخويا راه غيتقلق مسكين مكينوي فيها واالو نتا عارف حسن شحال دروييش وولد الناس
ادم: متعطليييش وكااان
شيماء: لا لا نص ساعة ݣاع ونجيييو (خرجت زااافرة من هاد لونكييييط وكل خوفها غير زهير يوصل هنا لقات حسن فالطموبيل ركبت وزااادت مع الخرجة كيتلقااو بزهير جاي داااخل وقف حين وخرج راسو من السرجم)
شيماء: ياله نمشييو علاه وقفتي
حسن: فين اخويا زهير بيخير؟!!
زهير: (طايرااالو) الحمد الله خلييك معانا
حسن: نمشي نبدل حوايجي ونجيو
زهير: اممم واااه الله يعاون أخاي حسن (زاد كاره حتى الشوفة فيه)
شيماء: هدا راه متكبر وحااسب فرااسو
حسن: لا راجل معقوول ومزيااان علاه راكي نݣولي عليه هااااك
شيماء: بعدا مرتو مكتخلي متݣول عليه
حسن: لا حشووومة مخاصش تهضر على راجلها انا ومن. نسمع تݣالت فية شي حاجة منشدش راسي عليييها
شيماء: (ضربت الطم خايفة خايفة خايفة بزااااااااااااف.....)
يتبع...
التعليقات
لا توجد تعليقات بعد، كن أول من يعلق.